|| ऋग्वेद संहिता (मंडल: 01) ||
[1] अग्निमीळ इति नवर्चस्य सूक्तस्य वैश्वामित्रोमधुच्छंदाअग्निर्गायत्री |
अ॒ग्निमी᳚ळे पु॒रोहि॑तं य॒ज्ञस्य॑ दे॒वमृ॒त्विजं᳚ | होता᳚रं रत्न॒धात॑म॒म्(स्वाहा᳚) || 1.1.1, 1.1.1.1 {वैश्वामित्रो मधुच्छंदाः | अग्निः | गायत्री}
अ॒ग्निः पूर्वे᳚भि॒रृषि॑भि॒रीड्यो॒ नूत॑नैरु॒त | स दे॒वाँ, एह व॑क्षति॒(स्वाहा᳚) || 1.1.2, 1.1.1.2 {वैश्वामित्रो मधुच्छंदाः | अग्निः | गायत्री}
अ॒ग्निना᳚ र॒यिम॑श्नव॒त् पोष॑मे॒व दि॒वेदि॑वे | य॒शसं᳚ वी॒रव॑त्तम॒म्(स्वाहा᳚) || 1.1.3, 1.1.1.3 {वैश्वामित्रो मधुच्छंदाः | अग्निः | गायत्री}
अग्ने॒ यं य॒ज्ञम॑ध्व॒रं वि॒श्वतः॑ परि॒भूरसि॑ | स इद् दे॒वेषु॑ गच्छति॒(स्वाहा᳚) || 1.1.4, 1.1.1.4 {वैश्वामित्रो मधुच्छंदाः | अग्निः | गायत्री}
अ॒ग्निर्होता᳚ क॒विक्र॑तुः स॒त्यश्चि॒त्रश्र॑वस्तमः | दे॒वो दे॒वेभि॒रा ग॑म॒त्(स्वाहा᳚) || 1.1.5, 1.1.1.5 {वैश्वामित्रो मधुच्छंदाः | अग्निः | गायत्री}
यदं॒ग दा॒शुषे॒ त्वमग्ने᳚ भ॒द्रं क॑रि॒ष्यसि॑ | तवेत् तत् स॒त्यमं᳚गिरः॒(स्वाहा᳚) || 1.1.6, 1.1.2.1 {वैश्वामित्रो मधुच्छंदाः | अग्निः | गायत्री}
उप॑ त्वाग्ने दि॒वेदि॑वे॒ दोषा᳚वस्तर्धि॒या व॒यं | नमो॒ भरं᳚त॒ एम॑सि॒(स्वाहा᳚) || 1.1.7, 1.1.2.2 {वैश्वामित्रो मधुच्छंदाः | अग्निः | गायत्री}
राजं᳚तमध्व॒राणां᳚ गो॒पामृ॒तस्य॒ दीदि॑विं | वर्ध॑मानं॒ स्वे दमे॒(स्वाहा᳚) || 1.1.8, 1.1.2.3 {वैश्वामित्रो मधुच्छंदाः | अग्निः | गायत्री}
स नः॑ पि॒तेव॑ सू॒नवेऽग्ने᳚ सूपाय॒नो भ॑व | सच॑स्वा नः स्व॒स्तये॒(स्वाहा᳚) || 1.1.9, 1.1.2.4 {वैश्वामित्रो मधुच्छंदाः | अग्निः | गायत्री}
[2] वायवायाहीति नवर्चस्य सूक्तस्य वैश्वामित्रोमधुच्छंदाः आद्यतृचस्यवायुः द्वितीयतृचस्येंद्रवायू तृतीयतृचस्यमित्रावरुणौगायत्री |
वाय॒वा या᳚हि दर्शते॒मे सोमा॒, अरं᳚कृताः | तेषां᳚ पाहि श्रु॒धी हव॒म्(स्वाहा᳚) || 1.2.1, 1.1.3.1 {वैश्वामित्रो मधुच्छंदाः | वायुः | गायत्री}
वाय॑ उ॒क्थेभि॑र्जरंते॒ त्वामच्छा᳚ जरि॒तारः॑ | सु॒तसो᳚मा, अह॒र्विदः॒(स्वाहा᳚) || 1.2.2, 1.1.3.2 {वैश्वामित्रो मधुच्छंदाः | वायुः | गायत्री}
वायो॒ तव॑ प्रपृंच॒ती धेना᳚ जिगाति दा॒शुषे᳚ | उ॒रू॒ची सोम॑पीतये॒(स्वाहा᳚) || 1.2.3, 1.1.3.3 {वैश्वामित्रो मधुच्छंदाः | वायुः | गायत्री}
इंद्र॑वायू, इ॒मे सु॒ता, उप॒ प्रयो᳚भि॒रा ग॑तं | इंद॑वो वामु॒शंति॒ हि(स्वाहा᳚) || 1.2.4, 1.1.3.4 {वैश्वामित्रो मधुच्छंदाः | इंद्रवायू | गायत्री}
वाय॒विंद्र॑श्च चेतथः सु॒तानां᳚ वाजिनीवसू | तावा या᳚त॒मुप॑ द्र॒वत्(स्वाहा᳚) || 1.2.5, 1.1.3.5 {वैश्वामित्रो मधुच्छंदाः | इंद्रवायू | गायत्री}
वाय॒विंद्र॑श्च सुन्व॒त आ या᳚त॒मुप॑ निष्कृ॒तं | म॒क्ष्वि1॑(इ॒)त्था धि॒या न॑रा॒(स्वाहा᳚) || 1.2.6, 1.1.4.1 {वैश्वामित्रो मधुच्छंदाः | इंद्रवायू | गायत्री}
मि॒त्रं हु॑वे पू॒तद॑क्षं॒ वरु॑णं च रि॒शाद॑सं | धियं᳚ घृ॒ताचीं॒ साधं᳚ता॒(स्वाहा᳚) || 1.2.7, 1.1.4.2 {वैश्वामित्रो मधुच्छंदाः | मित्रावरुणौ | गायत्री}
ऋ॒तेन॑ मित्रावरुणावृतावृधावृतस्पृशा | क्रतुं᳚ बृ॒हंत॑माशाथे॒(स्वाहा᳚) || 1.2.8, 1.1.4.3 {वैश्वामित्रो मधुच्छंदाः | मित्रावरुणौ | गायत्री}
क॒वी नो᳚ मि॒त्रावरु॑णा तुविजा॒ता, उ॑रु॒क्षया᳚ | दक्षं᳚ दधाते, अ॒पस॒म्(स्वाहा᳚) || 1.2.9, 1.1.4.4 {वैश्वामित्रो मधुच्छंदाः | मित्रावरुणौ | गायत्री}
[3] अश्विनायज्वरीरिति द्वादशर्चस्य सूक्तस्य वैश्वामित्रोमधुच्छंदाः आद्यतृचस्याश्विनौ द्वितीयतृचस्येंद्रः तृतीयतृचस्यविश्वेदेवाः चतुर्थतृचस्यसरस्वतीगायत्री |
अश्वि॑ना॒ यज्व॑री॒रिषो॒ द्रव॑त्पाणी॒ शुभ॑स्पती | पुरु॑भुजा चन॒स्यत॒म्(स्वाहा᳚) || 1.3.1, 1.1.5.1 {वैश्वामित्रो मधुच्छंदाः | अश्विनौ | गायत्री}
अश्वि॑ना॒ पुरु॑दंससा॒ नरा॒ शवी᳚रया धि॒या | धिष्ण्या॒ वन॑तं॒ गिरः॒(स्वाहा᳚) || 1.3.2, 1.1.5.2 {वैश्वामित्रो मधुच्छंदाः | अश्विनौ | गायत्री}
दस्रा᳚ यु॒वाक॑वः सु॒ता नास॑त्या वृ॒क्तब᳚र्हिषः | आ या᳚तं रुद्रवर्तनी॒(स्वाहा᳚) || 1.3.3, 1.1.5.3 {वैश्वामित्रो मधुच्छंदाः | अश्विनौ | गायत्री}
इंद्रा या᳚हि चित्रभानो सु॒ता, इ॒मे त्वा॒यवः॑ | अण्वी᳚भि॒स्तना᳚ पू॒तासः॒(स्वाहा᳚) || 1.3.4, 1.1.5.4 {वैश्वामित्रो मधुच्छंदाः | इंद्रः | गायत्री}
इंद्रा या᳚हि धि॒येषि॒तो विप्र॑जूतः सु॒ताव॑तः | उप॒ ब्रह्मा᳚णि वा॒घतः॒(स्वाहा᳚) || 1.3.5, 1.1.5.5 {वैश्वामित्रो मधुच्छंदाः | इंद्रः | गायत्री}
इंद्रा या᳚हि॒ तूतु॑जान॒ उप॒ ब्रह्मा᳚णि हरिवः | सु॒ते द॑धिष्व न॒श्चनः॒(स्वाहा᳚) || 1.3.6, 1.1.5.6 {वैश्वामित्रो मधुच्छंदाः | इंद्रः | गायत्री}
ओमा᳚सश्चर्षणीधृतो॒ विश्वे᳚ देवास॒ आ ग॑त | दा॒श्वांसो᳚ दा॒शुषः॑ सु॒तं(स्वाहा᳚) || 1.3.7, 1.1.6.1 {वैश्वामित्रो मधुच्छंदाः | विश्वदेवाः | गायत्री}
विश्वे᳚ दे॒वासो᳚ अ॒प्तुरः॑ सु॒तमा गं᳚त॒ तूर्ण॑यः | उ॒स्रा, इ॑व॒ स्वस॑राणि॒(स्वाहा᳚) || 1.3.8, 1.1.6.2 {वैश्वामित्रो मधुच्छंदाः | विश्वदेवाः | गायत्री}
विश्वे᳚ दे॒वासो᳚ अ॒स्रिध॒ एहि॑मायासो, अ॒द्रुहः॑ | मेधं᳚ जुषंत॒ वह्न॑यः॒(स्वाहा᳚) || 1.3.9, 1.1.6.3 {वैश्वामित्रो मधुच्छंदाः | विश्वदेवाः | गायत्री}
पा॒व॒का नः॒ सर॑स्वती॒ वाजे᳚भिर्वा॒जिनी᳚वती | य॒ज्ञं व॑ष्टु धि॒याव॑सुः॒(स्वाहा᳚) || 1.3.10, 1.1.6.4 {वैश्वामित्रो मधुच्छंदाः | सरस्वती | गायत्री}
चो॒द॒यि॒त्री सू॒नृता᳚नां॒ चेतं᳚ती सुमती॒नां | य॒ज्ञं द॑धे॒ सर॑स्वती॒(स्वाहा᳚) || 1.3.11, 1.1.6.5 {वैश्वामित्रो मधुच्छंदाः | सरस्वती | गायत्री}
म॒हो, अर्णः॒ सर॑स्वती॒ प्र चे᳚तयति के॒तुना᳚ | धियो॒ विश्वा॒ वि रा᳚जति॒(स्वाहा᳚) || 1.3.12, 1.1.6.6 {वैश्वामित्रो मधुच्छंदाः | सरस्वती | गायत्री}
[4] सुरूपकृत्नुमिति दशर्चस्य सूक्तस्य वैश्वामित्रोमधुच्छंदाइंद्रोगायत्री |
सु॒रू॒प॒कृ॒त्नुमू॒तये᳚ सु॒दुघा᳚मिव गो॒दुहे᳚ | जु॒हू॒मसि॒ द्यवि॑द्यवि॒(स्वाहा᳚) || 1.4.1, 1.1.7.1 {वैश्वामित्रो मधुच्छंदाः | इंद्रः | गायत्री}
उप॑ नः॒ सव॒ना ग॑हि॒ सोम॑स्य सोमपाः पिब | गो॒दा, इद् रे॒वतो॒ मदः॒(स्वाहा᳚) || 1.4.2, 1.1.7.2 {वैश्वामित्रो मधुच्छंदाः | इंद्रः | गायत्री}
अथा᳚ ते॒, अंत॑मानां वि॒द्याम॑ सुमती॒नां | मा नो॒, अति॑ ख्य॒ आ ग॑हि॒(स्वाहा᳚) || 1.4.3, 1.1.7.3 {वैश्वामित्रो मधुच्छंदाः | इंद्रः | गायत्री}
परे᳚हि॒ विग्र॒मस्तृ॑त॒मिंद्रं᳚ पृच्छा विप॒श्चितं᳚ | यस्ते॒ सखि॑भ्य॒ आ वर॒म्(स्वाहा᳚) || 1.4.4, 1.1.7.4 {वैश्वामित्रो मधुच्छंदाः | इंद्रः | गायत्री}
उ॒त ब्रु॑वंतु नो॒ निदो॒ निर॒न्यत॑श्चिदारत | दधा᳚ना॒, इंद्र॒ इद्दुवः॒(स्वाहा᳚) || 1.4.5, 1.1.7.5 {वैश्वामित्रो मधुच्छंदाः | इंद्रः | गायत्री}
उ॒त नः॑ सु॒भगाँ᳚, अ॒रिर्वो॒चेयु॑र्दस्म कृ॒ष्टयः॑ | स्यामेदिंद्र॑स्य॒ शर्म॑णि॒(स्वाहा᳚) || 1.4.6, 1.1.8.1 {वैश्वामित्रो मधुच्छंदाः | इंद्रः | गायत्री}
एमा॒शुमा॒शवे᳚ भर यज्ञ॒श्रियं᳚ नृ॒माद॑नं | प॒त॒यन् मं᳚द॒यत्स॑ख॒म्(स्वाहा᳚) || 1.4.7, 1.1.8.2 {वैश्वामित्रो मधुच्छंदाः | इंद्रः | गायत्री}
अ॒स्य पी॒त्वा श॑तक्रतो घ॒नो वृ॒त्राणा᳚मभवः | प्रावो॒ वाजे᳚षु वा॒जिन॒म्(स्वाहा᳚) || 1.4.8, 1.1.8.3 {वैश्वामित्रो मधुच्छंदाः | इंद्रः | गायत्री}
तं त्वा॒ वाजे᳚षु वा॒जिनं᳚ वा॒जया᳚मः शतक्रतो | धना᳚नामिंद्र सा॒तये॒(स्वाहा᳚) || 1.4.9, 1.1.8.4 {वैश्वामित्रो मधुच्छंदाः | इंद्रः | गायत्री}
यो रा॒यो॒3॑(ओ॒)वनि᳚र्म॒हांत्सु॑पा॒रः सु᳚न्व॒तः सखा᳚ | तस्मा॒, इंद्रा᳚य गायत॒(स्वाहा᳚) || 1.4.10, 1.1.8.5 {वैश्वामित्रो मधुच्छंदाः | इंद्रः | गायत्री}
[5] आत्वेतेति दशर्चस्य सूक्तस्य वैश्वामित्रोमधुच्छंदाइंद्रोगायत्री |
आ त्वेता॒ नि षी᳚द॒तेंद्र॑म॒भि प्र गा᳚यत | सखा᳚यः॒ स्तोम॑वाहसः॒(स्वाहा᳚) || 1.5.1, 1.1.9.1 {वैश्वामित्रो मधुच्छंदाः | इंद्रः | गायत्री}
पु॒रू॒तमं᳚ पुरू॒णामीशा᳚नं॒ वार्या᳚णां | इंद्रं॒ सोमे॒ सचा᳚ सु॒ते(स्वाहा᳚) || 1.5.2, 1.1.9.2 {वैश्वामित्रो मधुच्छंदाः | इंद्रः | गायत्री}
स घा᳚ नो॒ योग॒ आ भु॑व॒त्स रा॒ये स पुरं᳚ध्यां | गम॒द्वाजे᳚भि॒रा स नः॒(स्वाहा᳚) || 1.5.3, 1.1.9.3 {वैश्वामित्रो मधुच्छंदाः | इंद्रः | गायत्री}
यस्य॑ सं॒स्थे न वृ॒ण्वते॒ हरी᳚ स॒मत्सु॒ शत्र॑वः | तस्मा॒, इंद्रा᳚य गायत॒(स्वाहा᳚) || 1.5.4, 1.1.9.4 {वैश्वामित्रो मधुच्छंदाः | इंद्रः | गायत्री}
सु॒त॒पाव्ने᳚ सु॒ता, इ॒मे शुच॑यो यंति वी॒तये᳚ | सोमा᳚सो॒ दध्या᳚शिरः॒(स्वाहा᳚) || 1.5.5, 1.1.9.5 {वैश्वामित्रो मधुच्छंदाः | इंद्रः | गायत्री}
त्वं सु॒तस्य॑ पी॒तये᳚ स॒द्यो वृ॒द्धो, अ॑जायथाः | इंद्र॒ ज्यैष्ठ्या᳚य सुक्रतो॒(स्वाहा᳚) || 1.5.6, 1.1.10.1 {वैश्वामित्रो मधुच्छंदाः | इंद्रः | गायत्री}
आ त्वा᳚ विशंत्वा॒शवः॒ सोमा᳚स इंद्र गिर्वणः | शं ते᳚ संतु॒ प्रचे᳚तसे॒(स्वाहा᳚) || 1.5.7, 1.1.10.2 {वैश्वामित्रो मधुच्छंदाः | इंद्रः | गायत्री}
त्वां स्तोमा᳚ अवीवृध॒न् त्वामु॒क्था श॑तक्रतो | त्वां व॑र्धंतु नो॒ गिरः॒(स्वाहा᳚) || 1.5.8, 1.1.10.3 {वैश्वामित्रो मधुच्छंदाः | इंद्रः | गायत्री}
अक्षि॑तोतिः सनेदि॒मं वाज॒मिंद्रः॑ सह॒स्रिणं᳚ | यस्मि॒न् विश्वा᳚नि॒ पौंस्या॒(स्वाहा᳚) || 1.5.9, 1.1.10.4 {वैश्वामित्रो मधुच्छंदाः | इंद्रः | गायत्री}
मा नो॒ मर्ता᳚ अ॒भि द्रु॑हन् त॒नूना᳚मिंद्र गिर्वणः | ईशा᳚नो यवया व॒धं(स्वाहा᳚) || 1.5.10, 1.1.10.5 {वैश्वामित्रो मधुच्छंदाः | इंद्रः | गायत्री}
[6] युंजतीति दशर्चस्य सूक्तस्य वैश्वामित्रोमधुच्छंदाः आद्यानांतिसृणामिंद्रः ततःषण्णांमरुतः (वीळुचिदिंद्रेणेतिद्वयोरिंद्रश्चवा) दशम्याइंद्रोगायत्री |
युं॒जंति॑ ब्र॒ध्नम॑रु॒षं चरं᳚तं॒ परि॑ त॒स्थुषः॑ | रोचं᳚ते रोच॒ना दि॒वि(स्वाहा᳚) || 1.6.1, 1.1.11.1 {वैश्वामित्रो मधुच्छंदाः | इंद्रः | गायत्री}
युं॒जंत्य॑स्य॒ काम्या॒ हरी॒ विप॑क्षसा॒ रथे᳚ | शोणा᳚ धृ॒ष्णू नृ॒वाह॑सा॒(स्वाहा᳚) || 1.6.2, 1.1.11.2 {वैश्वामित्रो मधुच्छंदाः | इंद्रः | गायत्री}
के॒तुं कृ॒ण्वन्न॑के॒तवे॒ पेशो᳚ मर्या, अपे॒शसे᳚ | गायत्री}समु॒षद्भि॑रजायथाः॒(स्वाहा᳚) || 1.6.3, 1.1.11.3 {वैश्वामित्रो मधुच्छंदाः | इंद्रः | गायत्री}
आदह॑ स्व॒धामनु॒ पुन॑र्गर्भ॒त्वमे᳚रि॒रे | दधा᳚ना॒ नाम॑ य॒ज्ञिय॒म्(स्वाहा᳚) || 1.6.4, 1.1.11.4 {वैश्वामित्रो मधुच्छंदाः | मरुतः | गायत्री}
वी॒ळु चि॑दारुज॒त्नुभि॒र्गुहा᳚ चिदिंद्र॒ वह्नि॑भिः | अविं᳚द उ॒स्रिया॒, अनु॒(स्वाहा᳚) || 1.6.5, 1.1.11.5 {वैश्वामित्रो मधुच्छंदाः | मरुत इंद्रश्च | गायत्री}
दे॒व॒यंतो॒ यथा᳚ म॒तिमच्छा᳚ वि॒दद्व॑सुं॒ गिरः॑ | म॒हाम॑नूषत श्रु॒तं(स्वाहा᳚) || 1.6.6, 1.1.12.1 {वैश्वामित्रो मधुच्छंदाः | मरुतः | गायत्री}
इंद्रे᳚ण॒ सं हि दृक्ष॑से संजग्मा॒नो, अबि॑भ्युषा | मं॒दू स॑मा॒नव॑र्चसा॒(स्वाहा᳚) || 1.6.7, 1.1.12.2 {वैश्वामित्रो मधुच्छंदाः | मरुत इंद्रश्च | गायत्री}
अ॒न॒व॒द्यैर॒भिद्यु॑भिर्म॒खः सह॑स्वदर्चति | ग॒णैरिंद्र॑स्य॒ काम्यैः᳚(स्वाहा᳚) || 1.6.8, 1.1.12.3 {वैश्वामित्रो मधुच्छंदाः | मरुतः | गायत्री}
अतः॑ परिज्म॒न्ना ग॑हिदि॒वो वा᳚ रोच॒नादधि॑ | सम॑स्मिन्नृंजते॒ गिरः॒(स्वाहा᳚) || 1.6.9, 1.1.12.4 {वैश्वामित्रो मधुच्छंदाः | मरुतः | गायत्री}
इ॒तो वा᳚ सा॒तिमीम॑हे दि॒वो वा॒ पार्थि॑वा॒दधि॑ | इंद्रं᳚ म॒हो वा॒ रज॑सः॒(स्वाहा᳚) || 1.6.10, 1.1.12.5 {वैश्वामित्रो मधुच्छंदाः | इंद्रः | गायत्री}
[7] इंद्रमिदिति दशर्चस्य सूक्तस्य वैश्वामित्रोमधुच्छंदाइंद्रोगायत्री |
इंद्र॒मिद्गा॒थिनो᳚ बृ॒हदिंद्र॑म॒र्केभि॑र॒र्किणः॑ | इंद्रं॒ वाणी᳚रनूषत॒(स्वाहा᳚) || 1.7.1, 1.1.13.1 {वैश्वामित्रो मधुच्छंदाः | इंद्रः | गायत्री}
इंद्र॒ इद्धर्योः॒ सचा॒ सम्मि॑श्ल॒ आ व॑चो॒युजा᳚ | इंद्रो᳚ व॒ज्री हि॑र॒ण्ययः॒(स्वाहा᳚) || 1.7.2, 1.1.13.2 {वैश्वामित्रो मधुच्छंदाः | इंद्रः | गायत्री}
इंद्रो᳚ दी॒र्घाय॒ चक्ष॑स॒ आ सूर्यं᳚ रोहयद्दि॒वि | वि गोभि॒रद्रि॑मैरय॒त्(स्वाहा᳚) || 1.7.3, 1.1.13.3 {वैश्वामित्रो मधुच्छंदाः | इंद्रः | गायत्री}
इंद्र॒ वाजे᳚षु नोव स॒हस्र॑प्रधनेषु च | उ॒ग्र उ॒ग्राभि॑रू॒तिभिः॒(स्वाहा᳚) || 1.7.4, 1.1.13.4 {वैश्वामित्रो मधुच्छंदाः | इंद्रः | गायत्री}
इंद्रं᳚ व॒यं म॑हाध॒न इंद्र॒मर्भे᳚ हवामहे | युजं᳚ वृ॒त्रेषु॑ व॒ज्रिण॒म्(स्वाहा᳚) || 1.7.5, 1.1.13.5 {वैश्वामित्रो मधुच्छंदाः | इंद्रः | गायत्री}
स नो᳚ वृषन्न॒मुं च॒रुं सत्रा᳚दाव॒न्नपा᳚ वृधि | गायत्री}अ॒स्मभ्य॒मप्र॑तिष्कुतः॒(स्वाहा᳚) || 1.7.6, 1.1.14.1 {वैश्वामित्रो मधुच्छंदाः | इंद्रः | गायत्री}
तुं॒जेतुं᳚जे॒ य उत्त॑रे॒ स्तोमा॒, इंद्र॑स्य व॒ज्रिणः॑ | न विं᳚धे, अस्य सुष्टु॒तिं(स्वाहा᳚) || 1.7.7, 1.1.14.2 {वैश्वामित्रो मधुच्छंदाः | इंद्रः | गायत्री}
वृषा᳚ यू॒थेव॒ वंस॑गः कृ॒ष्टीरि॑य॒र्त्योज॑सा | ईशा᳚नो॒, अप्र॑तिष्कुतः॒(स्वाहा᳚) || 1.7.8, 1.1.14.3 {वैश्वामित्रो मधुच्छंदाः | इंद्रः | गायत्री}
य एक॑श्चर्षणी॒नां वसू᳚नामिर॒ज्यति॑ | इंद्रः॒ पंच॑ क्षिती॒नां(स्वाहा᳚) || 1.7.9, 1.1.14.4 {वैश्वामित्रो मधुच्छंदाः | इंद्रः | गायत्री}
इंद्रं᳚ वो वि॒श्वत॒स्परि॒ हवा᳚महे॒ जने᳚भ्यः | अ॒स्माक॑मस्तु॒ केव॑लः॒(स्वाहा᳚) || 1.7.10, 1.1.14.5 {वैश्वामित्रो मधुच्छंदाः | इंद्रः | गायत्री}
[8] एंद्रेति दशर्चस्य सूक्तस्य वैश्वामित्रोमधुच्छंदाइंद्रोगायत्री |
एंद्र॑ सान॒सिं र॒यिं स॒जित्वा᳚नं सदा॒सहं᳚ | वर्षि॑ष्ठमू॒तये᳚ भर॒(स्वाहा᳚) || 1.8.1, 1.1.15.1 {वैश्वामित्रो मधुच्छंदाः | इंद्रः | गायत्री}
नि येन॑ मुष्टिह॒त्यया॒ नि वृ॒त्रा रु॒णधा᳚महै | त्वोता᳚सो॒ न्यर्व॑ता॒(स्वाहा᳚) || 1.8.2, 1.1.15.2 {वैश्वामित्रो मधुच्छंदाः | इंद्रः | गायत्री}
इंद्र॒ त्वोता᳚स॒ आ व॒यं वज्रं᳚ घ॒ना द॑दीमहि | जये᳚म॒ सं यु॒धि स्पृधः॒(स्वाहा᳚) || 1.8.3, 1.1.15.3 {वैश्वामित्रो मधुच्छंदाः | इंद्रः | गायत्री}
व॒यं शूरे᳚भि॒रस्तृ॑भि॒रिंद्र॒ त्वया᳚ यु॒जा व॒यं | सा॒स॒ह्याम॑ पृतन्य॒तः(स्वाहा᳚) || 1.8.4, 1.1.15.4 {वैश्वामित्रो मधुच्छंदाः | इंद्रः | गायत्री}
म॒हाँ, इंद्रः॑ प॒रश्च॒ नु म॑हि॒त्वम॑स्तु व॒ज्रिणे᳚ | द्यौर्न प्र॑थि॒ना शवः॒(स्वाहा᳚) || 1.8.5, 1.1.15.5 {वैश्वामित्रो मधुच्छंदाः | इंद्रः | गायत्री}
स॒मो॒हे वा॒ य आश॑त॒ नर॑स्तो॒कस्य॒ सनि॑तौ | विप्रा᳚सो वा धिया॒यवः॒(स्वाहा᳚) || 1.8.6, 1.1.16.1 {वैश्वामित्रो मधुच्छंदाः | इंद्रः | गायत्री}
यः कु॒क्षिः सो᳚म॒पात॑मः समु॒द्र इ॑व॒ पिन्व॑ते | उ॒र्वीरापो॒ न का॒कुदः॒(स्वाहा᳚) || 1.8.7, 1.1.16.2 {वैश्वामित्रो मधुच्छंदाः | इंद्रः | गायत्री}
ए॒वा ह्य॑स्य सू॒नृता᳚ विर॒प्शी गोम॑ती म॒ही | प॒क्वा शाखा॒ न दा॒शुषे॒(स्वाहा᳚) || 1.8.8, 1.1.16.3 {वैश्वामित्रो मधुच्छंदाः | इंद्रः | गायत्री}
ए॒वा हि ते॒ विभू᳚तय ऊ॒तय॑ इंद्र॒ माव॑ते | स॒द्यश्चि॒त् संति॑ दा॒शुषे॒(स्वाहा᳚) || 1.8.9, 1.1.16.4 {वैश्वामित्रो मधुच्छंदाः | इंद्रः | गायत्री}
ए॒वा ह्य॑स्य॒ काम्या॒ स्तोम॑ उ॒क्थं च॒ शंस्या᳚ | इंद्रा᳚य॒ सोम॑पीतये॒(स्वाहा᳚) || 1.8.10, 1.1.16.5 {वैश्वामित्रो मधुच्छंदाः | इंद्रः | वर्धमाना गायत्री}
[9] इंद्रेहीति दशर्चस्य सूक्तस्य वैश्वामित्रोमधुच्छंदाइंद्रोगायत्री |
इंद्रेहि॒ मत्स्यंध॑सो॒ विश्वे᳚भिः सोम॒पर्व॑भिः | म॒हाँ, अ॑भि॒ष्टिरोज॑सा॒(स्वाहा᳚) || 1.9.1, 1.1.17.1 {वैश्वामित्रो मधुच्छंदाः | इंद्रः | गायत्री}
एमे᳚नं सृजता सु॒ते मं॒दिमिंद्रा᳚य मं॒दिने᳚ | चक्रिं॒ विश्वा᳚नि॒ चक्र॑ये॒(स्वाहा᳚) || 1.9.2, 1.1.17.2 {वैश्वामित्रो मधुच्छंदाः | इंद्रः | गायत्री}
मत्स्वा᳚ सुशिप्र मं॒दिभिः॒ स्तोमे᳚भिर्विश्वचर्षणे | सचै॒षु सव॑ने॒ष्वा(स्वाहा᳚) || 1.9.3, 1.1.17.3 {वैश्वामित्रो मधुच्छंदाः | इंद्रः | गायत्री}
असृ॑ग्रमिंद्र ते॒ गिरः॒ प्रति॒ त्वामुद॑हासत | अजो᳚षा वृष॒भं पति॒म्(स्वाहा᳚) || 1.9.4, 1.1.17.4 {वैश्वामित्रो मधुच्छंदाः | इंद्रः | गायत्री}
सं चो᳚दय चि॒त्रम॒र्वाग्राध॑ इंद्र॒ वरे᳚ण्यं | अस॒दित्ते᳚ वि॒भु प्र॒भु(स्वाहा᳚) || 1.9.5, 1.1.17.5 {वैश्वामित्रो मधुच्छंदाः | इंद्रः | गायत्री}
अ॒स्मान् त्सु तत्र॑ चोद॒येंद्र॑ रा॒ये रभ॑स्वतः | तुवि॑द्युम्न॒ यश॑स्वतः॒(स्वाहा᳚) || 1.9.6, 1.1.18.1 {वैश्वामित्रो मधुच्छंदाः | इंद्रः | गायत्री}
सं गोम॑दिंद्र॒ वाज॑वद॒स्मे पृ॒थु श्रवो᳚ बृ॒हत् | गायत्री}वि॒श्वायु॑र्धे॒ह्यक्षि॑त॒म्(स्वाहा᳚) || 1.9.7, 1.1.18.2 {वैश्वामित्रो मधुच्छंदाः | इंद्रः | गायत्री}
अ॒स्मे धे᳚हि॒ श्रवो᳚ बृ॒हद्द्यु॒म्नं स॑हस्र॒सात॑मं | इंद्र॒ ता र॒थिनी॒रिषः॒(स्वाहा᳚) || 1.9.8, 1.1.18.3 {वैश्वामित्रो मधुच्छंदाः | इंद्रः | गायत्री}
वसो॒रिंद्रं॒ वसु॑पतिं गी॒र्भिर्गृ॒णंत॑ ऋ॒ग्मियं᳚ | होम॒ गंता᳚रमू॒तये॒(स्वाहा᳚) || 1.9.9, 1.1.18.4 {वैश्वामित्रो मधुच्छंदाः | इंद्रः | गायत्री}
सु॒तेसु॑ते॒ न्यो᳚कसे बृ॒हद् बृ॑ह॒त एद॒रिः | इंद्रा᳚य शू॒षम॑र्चति॒(स्वाहा᳚) || 1.9.10, 1.1.18.5 {वैश्वामित्रो मधुच्छंदाः | इंद्रः | गायत्री}
[10] गायंतीति द्वादशर्चस्य सूक्तस्य वैश्वामित्रोमधुच्छंदाइंद्रोनुष्टुप् |
गायं᳚ति त्वा गाय॒त्रिणोऽर्चं᳚त्य॒र्कम॒र्किणः॑ | ब्र॒ह्माण॑स्त्वा शतक्रत॒ उद् वं॒शमि॑व येमिरे॒(स्वाहा᳚) || 1.10.1, 1.1.19.1 {वैश्वामित्रो मधुच्छंदाः | इंद्रः | अनुष्टुप्}
यत्सानोः॒ सानु॒मारु॑ह॒द्भूर्यस्प॑ष्ट॒ कर्त्वं᳚ | तदिंद्रो॒, अर्थं᳚ चेतति यू॒थेन॑ वृ॒ष्णिरे᳚जति॒(स्वाहा᳚) || 1.10.2, 1.1.19.2 {वैश्वामित्रो मधुच्छंदाः | इंद्रः | अनुष्टुप्}
यु॒क्ष्वा हि के॒शिना॒ हरी॒ वृष॑णा कक्ष्य॒प्रा | अथा᳚ न इंद्र सोमपा गि॒रामुप॑श्रुतिं चर॒(स्वाहा᳚) || 1.10.3, 1.1.19.3 {वैश्वामित्रो मधुच्छंदाः | इंद्रः | अनुष्टुप्}
एहि॒ स्तोमाँ᳚, अ॒भि स्व॑रा॒भि गृ॑णी॒ह्या रु॑व | ब्रह्म॑ च नो वसो॒ सचेंद्र॑ य॒ज्ञं च॑ वर्धय॒(स्वाहा᳚) || 1.10.4, 1.1.19.4 {वैश्वामित्रो मधुच्छंदाः | इंद्रः | अनुष्टुप्}
उ॒क्थमिंद्रा᳚य॒ शंस्यं॒ वर्ध॑नं पुरुनि॒ष्षिधे᳚ | श॒क्रो यथा᳚ सु॒तेषु॑ णो रा॒रण॑त् स॒ख्येषु॑ च॒(स्वाहा᳚) || 1.10.5, 1.1.19.5 {वैश्वामित्रो मधुच्छंदाः | इंद्रः | अनुष्टुप्}
तमित् स॑खि॒त्व ई᳚महे॒ तं रा॒ये तं सु॒वीर्ये᳚ | स श॒क्र उ॒त नः॑ शक॒दिंद्रो॒ वसु॒ दय॑मानः॒(स्वाहा᳚) || 1.10.6, 1.1.19.6 {वैश्वामित्रो मधुच्छंदाः | इंद्रः | अनुष्टुप्}
सु॒वि॒वृतं᳚ सुनि॒रज॒मिंद्र॒ त्वादा᳚त॒मिद्यशः॑ | गवा॒मप᳚ व्र॒जं वृ॑धि कृणु॒ष्व राधो᳚ अद्रिवः॒(स्वाहा᳚) || 1.10.7, 1.1.20.1 {वैश्वामित्रो मधुच्छंदाः | इंद्रः | अनुष्टुप्}
न॒हि त्वा॒ रोद॑सी, उ॒भे, ऋ॑घा॒यमा᳚ण॒मिन्व॑तः | जेषः॒ स्व᳚र्वतीर॒पः सं गा, अ॒स्मभ्यं᳚ धूनुहि॒(स्वाहा᳚) || 1.10.8, 1.1.20.2 {वैश्वामित्रो मधुच्छंदाः | इंद्रः | अनुष्टुप्}
आश्रु॑त्कर्ण श्रु॒धी हवं॒ नू चि॑द्दधिष्व मे॒ गिरः॑ | इंद्र॒ स्तोम॑मि॒मं मम॑कृ॒ष्वा यु॒जश्चि॒दंत॑र॒म्(स्वाहा᳚) || 1.10.9, 1.1.20.3 {वैश्वामित्रो मधुच्छंदाः | इंद्रः | अनुष्टुप्}
वि॒द्मा हि त्वा॒ वृषं᳚तमं॒ वाजे᳚षु हवन॒श्रुतं᳚ | वृषं᳚तमस्य हूमह ऊ॒तिं स॑हस्र॒सात॑मा॒म्(स्वाहा᳚) || 1.10.10, 1.1.20.4 {वैश्वामित्रो मधुच्छंदाः | इंद्रः | अनुष्टुप्}
आ तू न॑ इंद्र कौशिक मंदसा॒नः सु॒तं पि॑ब | नव्य॒मायुः॒ प्र सू ति॑रकृ॒धी स॑हस्र॒सामृषि॒म्(स्वाहा᳚) || 1.10.11, 1.1.20.5 {वैश्वामित्रो मधुच्छंदाः | इंद्रः | अनुष्टुप्}
परि॑ त्वा गिर्वणो॒ गिर॑इ॒मा भ॑वंतु वि॒श्वतः॑ | वृ॒द्धायु॒मनु॒ वृद्ध॑यो॒ जुष्टा᳚ भवंतु॒ जुष्ट॑यः॒(स्वाहा᳚) || 1.10.12, 1.1.20.6 {वैश्वामित्रो मधुच्छंदाः | इंद्रः | अनुष्टुप्}
[11] इंद्रंविश्वाइत्यष्टर्चस्य सूक्तस्य जेतामाधुच्छंदसइंद्रोनुष्टुप् |
इंद्रं॒ विश्वा᳚ अवीवृधंत् समु॒द्रव्य॑चसं॒ गिरः॑ | र॒थीत॑मं र॒थीनां॒ वाजा᳚नां॒ सत्प॑तिं॒ पति॒म्(स्वाहा᳚) || 1.11.1, 1.1.21.1 {जेता माधुच्छंदसः | इंद्रः | अनुष्टुप्}
स॒ख्ये त॑ इंद्र वा॒जिनो॒ मा भे᳚म शवसस्पते | त्वाम॒भि प्र णो᳚नुमो॒ जेता᳚र॒मप॑राजित॒म्(स्वाहा᳚) || 1.11.2, 1.1.21.2 {जेता माधुच्छंदसः | इंद्रः | अनुष्टुप्}
पू॒र्वीरिंद्र॑स्य रा॒तयो॒ न वि द॑स्यन् त्यू॒तयः॑ | यदी॒ वाज॑स्य॒ गोम॑तः स्तो॒तृभ्यो॒ मंह॑ते म॒घं(स्वाहा᳚) || 1.11.3, 1.1.21.3 {जेता माधुच्छंदसः | इंद्रः | अनुष्टुप्}
पु॒रां भिं॒दुर्युवा᳚ क॒विरमि॑तौजा, अजायत | इंद्रो॒ विश्व॑स्य॒ कर्म॑णो ध॒र्ता व॒ज्री पु॑रुष्टु॒तः(स्वाहा᳚) || 1.11.4, 1.1.21.4 {जेता माधुच्छंदसः | इंद्रः | अनुष्टुप्}
त्वं व॒लस्य॒ गोम॒तो ऽपा᳚वरद्रिवो॒ बिलं᳚ | त्वां दे॒वा, अबि॑भ्युषस् तु॒ज्यमा᳚नास आविषुः॒(स्वाहा᳚) || 1.11.5, 1.1.21.5 {जेता माधुच्छंदसः | इंद्रः | अनुष्टुप्}
तवा॒हं शू᳚र रा॒तिभिः॒ प्रत्या᳚यं॒ सिंधु॑मा॒वद॑न् | उपा᳚तिष्ठंत गिर्वणो वि॒दुष्टे॒ तस्य॑ का॒रवः॒(स्वाहा᳚) || 1.11.6, 1.1.21.6 {जेता माधुच्छंदसः | इंद्रः | अनुष्टुप्}
मा॒याभि॑रिंद्र मा॒यिनं॒ त्वं शुष्ण॒मवा᳚तिरः | वि॒दुष्टे॒ तस्य॒ मेधि॑रा॒स् तेषां॒ श्रवां॒स्युत्ति॑र॒(स्वाहा᳚) || 1.11.7, 1.1.21.7 {जेता माधुच्छंदसः | इंद्रः | अनुष्टुप्}
इंद्र॒मीशा᳚न॒मोज॑सा॒भि स्तोमा᳚ अनूषत | स॒हस्रं॒ यस्य॑ रा॒तय॑ उ॒त वा॒ संति॒ भूय॑सीः॒(स्वाहा᳚) || 1.11.8, 1.1.21.8 {जेता माधुच्छंदसः | इंद्रः | अनुष्टुप्}
[12] अग्निंदूतमिति द्वादशर्चस्य सूक्तस्य काण्वोमेधातिथिरग्निर्गायत्री अग्निनाग्निरित्यस्य निर्मथ्याहवनीयावनीदेवते |
अ॒ग्निं दू॒तं वृ॑णीमहे॒ होता᳚रं वि॒श्ववे᳚दसं | अ॒स्य य॒ज्ञस्य॑ सु॒क्रतु॒म्(स्वाहा᳚) || 1.12.1, 1.1.22.1 {काण्वो मेधातिथि | अग्निः | गायत्री}
अ॒ग्निम॑ग्निं॒ हवी᳚मभिः॒ सदा᳚ हवंत वि॒श्पतिं᳚ | ह॒व्य॒वाहं᳚ पुरुप्रि॒यं(स्वाहा᳚) || 1.12.2, 1.1.22.2 {काण्वो मेधातिथि | अग्निः | गायत्री}
अग्ने᳚ दे॒वाँ, इ॒हा व॑ह जज्ञा॒नो वृ॒क्तब᳚र्हिषे | असि॒ होता᳚ न॒ ईड्यः॒(स्वाहा᳚) || 1.12.3, 1.1.22.3 {काण्वो मेधातिथि | अग्निः | गायत्री}
ताँ, उ॑श॒तो वि बो᳚धय॒ यद॑ग्ने॒ यासि॑ दू॒त्यं᳚ | दे॒वैरा स॑त्सि ब॒र्हिषि॒(स्वाहा᳚) || 1.12.4, 1.1.22.4 {काण्वो मेधातिथि | अग्निः | गायत्री}
घृता᳚हवन दीदिवः॒ प्रति॑ ष्म॒ रिष॑तो दह | अग्ने॒ त्वं र॑क्ष॒स्विनः॒(स्वाहा᳚) || 1.12.5, 1.1.22.5 {काण्वो मेधातिथि | अग्निः | गायत्री}
अ॒ग्निना॒ग्निः समि॑ध्यते क॒विर्गृ॒हप॑ति॒र्युवा᳚ | ह॒व्य॒वाड् जु॒ह्वा᳚स्यः॒(स्वाहा᳚) || 1.12.6, 1.1.22.6 {काण्वो मेधातिथि | 1/2: निर्मथ्याहवनीयावग्नी 2/2: अग्निः | गायत्री}
क॒विम॒ग्निमुप॑ स्तुहि स॒त्यध᳚र्माणमध्व॒रे | गायत्री}दे॒वम॑मीव॒चात॑न॒म्(स्वाहा᳚) || 1.12.7, 1.1.23.1 {काण्वो मेधातिथि | अग्निः | गायत्री}
यस्त्वाम॑ग्ने ह॒विष्प॑तिर्दू॒तं दे᳚व सप॒र्यति॑ | तस्य॑ स्म प्रावि॒ता भ॑व॒(स्वाहा᳚) || 1.12.8, 1.1.23.2 {काण्वो मेधातिथि | अग्निः | गायत्री}
यो, अ॒ग्निं दे॒ववी᳚तये ह॒विष्माँ᳚, आ॒विवा᳚सति | तस्मै᳚ पावक मृळय॒(स्वाहा᳚) || 1.12.9, 1.1.23.3 {काण्वो मेधातिथि | अग्निः | गायत्री}
स नः॑ पावक दीदि॒वोऽग्ने᳚ दे॒वाँ, इ॒हा व॑ह | उप॑ य॒ज्ञं ह॒विश्च॑ नः॒(स्वाहा᳚) || 1.12.10, 1.1.23.4 {काण्वो मेधातिथि | अग्निः | गायत्री}
स नः॒ स्तवा᳚न॒ आ भ॑र गाय॒त्रेण॒ नवी᳚यसा | र॒यिं वी॒रव॑ती॒मिष॒म्(स्वाहा᳚) || 1.12.11, 1.1.23.5 {काण्वो मेधातिथि | अग्निः | गायत्री}
अग्ने᳚ शु॒क्रेण॑ शो॒चिषा॒ विश्वा᳚भिर्दे॒वहू᳚तिभिः | इ॒मं स्तोमं᳚ जुषस्व नः॒(स्वाहा᳚) || 1.12.12, 1.1.23.6 {काण्वो मेधातिथि | अग्निः | गायत्री}
[13] सुसमिद्धइति द्वादशर्चस्य सूक्तस्य काण्वोमेधातिथिः प्रथमायाइध्मः (समिद्धोग्निर्वा) द्वितीयायास्तनूनपात् तृतीयायानराशंसः चतुर्थ्याइळः पंचम्याबर्हिः षष्ट्यादेव्योद्वारः सप्तम्याउषासानक्ता अष्टम्यादैव्यौहोतारौ (प्रचेतसावितिगुणः) नवम्याःसरस्वतीळाभारत्यः दशम्यास्त्वष्टा एकादश्यावनस्पतिः द्वादश्याःस्वाहाकृतयोदेवताः गायत्री छंदः (एतदाप्रीसूक्तं) |
सुस॑मिद्धो न॒ आ व॑ह दे॒वाँ, अ॑ग्ने ह॒विष्म॑ते | होतः॑ पावक॒ यक्षि॑ च॒(स्वाहा᳚) || 1.13.1, 1.1.24.1 {काण्वो मेधातिथि | इध्मः समिद्धोऽग्निर्वा | गायत्री}
मधु॑मंतं तनूनपाद् य॒ज्ञं दे॒वेषु॑ नः कवे | अ॒द्या कृ॑णुहि वी॒तये॒(स्वाहा᳚) || 1.13.2, 1.1.24.2 {काण्वो मेधातिथि | तनूनपात् | गायत्री}
नरा॒शंस॑मि॒ह प्रि॒यम॒स्मिन् य॒ज्ञ उप॑ ह्वये | मधु॑जिह्वं हवि॒ष्कृत॒म्(स्वाहा᳚) || 1.13.3, 1.1.24.3 {काण्वो मेधातिथि | नराशंसः | गायत्री}
अग्ने᳚ सु॒खत॑मे॒ रथे᳚ दे॒वाँ, ई᳚ळि॒त आ व॑ह | असि॒ होता॒ मनु᳚र्हितः॒(स्वाहा᳚) || 1.13.4, 1.1.24.4 {काण्वो मेधातिथि | इळः | गायत्री}
स्तृ॒णी॒त ब॒र्हिरा᳚नु॒षग् घृ॒तपृ॑ष्ठं मनीषिणः | यत्रा॒मृत॑स्य॒ चक्ष॑ण॒म्(स्वाहा᳚) || 1.13.5, 1.1.24.5 {काण्वो मेधातिथि | बर्हिः | गायत्री}
वि श्र॑यंतामृता॒वृधो॒ द्वारो᳚ दे॒वीर॑स॒श्चतः॑ | अ॒द्या नू॒नं च॒ यष्ट॑वे॒(स्वाहा᳚) || 1.13.6, 1.1.24.6 {काण्वो मेधातिथि | देवीर्द्वारः (प्रचेतसावितिगुणः) | गायत्री}
नक्तो॒षासा᳚ सु॒पेश॑सा॒ऽस्मिन् य॒ज्ञ उप॑ ह्वये | इ॒दं नो᳚ ब॒र्हिरा॒सदे॒(स्वाहा᳚) || 1.13.7, 1.1.25.1 {काण्वो मेधातिथि | उषासानक्ता | गायत्री}
ता सु॑जि॒ह्वा, उप॑ ह्वये॒ होता᳚रा॒ दैव्या᳚ क॒वी | य॒ज्ञं नो᳚ यक्षतामि॒मं(स्वाहा᳚) || 1.13.8, 1.1.25.2 {काण्वो मेधातिथि | दैव्यौ होतारौ प्रचेतसौ | गायत्री}
इळा॒ सर॑स्वती म॒ही ति॒स्रो दे॒वीर्म॑यो॒भुवः॑ | ब॒र्हिः सी᳚दंत्व॒स्रिधः॒(स्वाहा᳚) || 1.13.9, 1.1.25.3 {काण्वो मेधातिथि | सरस्वतीळाभारत्यः | गायत्री}
इ॒ह त्वष्टा᳚रमग्रि॒यं वि॒श्वरू᳚प॒मुप॑ ह्वये | अ॒स्माक॑मस्तु॒ केव॑लः॒(स्वाहा᳚) || 1.13.10, 1.1.25.4 {काण्वो मेधातिथि | त्वष्टा | गायत्री}
अव॑ सृजा वनस्पते॒ देव॑ दे॒वेभ्यो᳚ ह॒विः | प्र दा॒तुर॑स्तु॒ चेत॑न॒म्(स्वाहा᳚) || 1.13.11, 1.1.25.5 {काण्वो मेधातिथि | वनस्पतिः | गायत्री}
स्वाहा᳚ य॒ज्ञं कृ॑णोत॒नेंद्रा᳚य॒ यज्व॑नो गृ॒हे | तत्र॑ दे॒वाँ, उप॑ ह्वये॒(स्वाहा᳚) || 1.13.12, 1.1.25.6 {काण्वो मेधातिथि | स्वाहाकृतयः | गायत्री}
[14] ऐभिरग्नइति द्वादशर्चस्य सूक्तस्य काण्वोमेधातिथिर्विश्वेदेवागायत्री | (वैश्वदेवत्वंसूक्तभेदप्रयोगेयल्लिंगंसादेवतेतिपक्षेआद्ययोर्द्वयोरग्निः तृतीयायाविश्वेदेवाः ततोनवानामग्निः एवंद्वादशर्च) |
ऐभि॑रग्ने॒ दुवो॒ गिरो॒ विश्वे᳚भिः॒ सोम॑पीतये | दे॒वेभि᳚र्याहि॒ यक्षि॑ च॒(स्वाहा᳚) || 1.14.1, 1.1.26.1 {काण्वो मेधातिथि | विश्वदेवाः | गायत्री}
आ त्वा॒ कण्वा᳚ अहूषत गृ॒णंति॑ विप्र ते॒ धियः॑ | दे॒वेभि॑रग्न॒ आ ग॑हि॒(स्वाहा᳚) || 1.14.2, 1.1.26.2 {काण्वो मेधातिथि | विश्वदेवाः | गायत्री}
इं॒द्र॒वा॒यू बृह॒स्पतिं᳚ मि॒त्राग्निं पू॒षणं॒ भगं᳚ | आ॒दि॒त्यान् मारु॑तं ग॒णं(स्वाहा᳚) || 1.14.3, 1.1.26.3 {काण्वो मेधातिथि | विश्वदेवाः | गायत्री}
प्र वो᳚ भ्रियंत॒ इंद॑वो मत्स॒रा मा᳚दयि॒ष्णवः॑ | द्र॒प्सा मध्व॑श्चमू॒षदः॒(स्वाहा᳚) || 1.14.4, 1.1.26.4 {काण्वो मेधातिथि | विश्वदेवाः | गायत्री}
ईळ॑ते॒ त्वाम॑व॒स्यवः॒ कण्वा᳚सो वृ॒क्तब᳚र्हिषः | ह॒विष्मं᳚तो, अरं॒कृतः॒(स्वाहा᳚) || 1.14.5, 1.1.26.5 {काण्वो मेधातिथि | विश्वदेवाः | गायत्री}
घृ॒तपृ॑ष्ठा मनो॒युजो॒ ये त्वा॒ वहं᳚ति॒ वह्न॑यः | आ दे॒वान् त्सोम॑पीतये॒(स्वाहा᳚) || 1.14.6, 1.1.26.6 {काण्वो मेधातिथि | विश्वदेवाः | गायत्री}
तान् यज॑त्राँ ऋता॒वृधो ऽग्ने॒ पत्नी᳚वतस्कृधि | मध्वः॑ सुजिह्व पायय॒(स्वाहा᳚) || 1.14.7, 1.1.27.1 {काण्वो मेधातिथि | विश्वदेवाः | गायत्री}
ये यज॑त्रा॒ य ईड्या॒स् ते ते᳚ पिबंतु जि॒ह्वया᳚ | मधो᳚रग्ने॒ वष॑ट्कृति॒(स्वाहा᳚) || 1.14.8, 1.1.27.2 {काण्वो मेधातिथि | विश्वदेवाः | गायत्री}
आकीं॒ सूर्य॑स्य रोच॒नाद् विश्वां᳚दे॒वाँ, उ॑ष॒र्बुधः॑ | विप्रो॒ होते॒ह व॑क्षति॒(स्वाहा᳚) || 1.14.9, 1.1.27.3 {काण्वो मेधातिथि | विश्वदेवाः | गायत्री}
विश्वे᳚भिः सो॒म्यं मध्वग्न॒ इंद्रे᳚ण वा॒युना᳚ | पिबा᳚ मि॒त्रस्य॒ धाम॑भिः॒(स्वाहा᳚) || 1.14.10, 1.1.27.4 {काण्वो मेधातिथि | विश्वदेवाः | गायत्री}
त्वं होता॒ मनु᳚र्हि॒तोऽग्ने᳚ य॒ज्ञेषु॑ सीदसि | सेमं नो᳚ अध्व॒रं य॑ज॒(स्वाहा᳚) || 1.14.11, 1.1.27.5 {काण्वो मेधातिथि | विश्वदेवाः | गायत्री}
यु॒क्ष्वा ह्यरु॑षी॒ रथे᳚ ह॒रितो᳚ देव रो॒हितः॑ | ताभि॑र्दे॒वाँ, इ॒हा व॑ह॒(स्वाहा᳚) || 1.14.12, 1.1.27.6 {काण्वो मेधातिथि | विश्वदेवाः | गायत्री}
[15] इंद्रसोममिति द्वादशर्चस्य सूक्तस्य काण्वोमेधातिथिः आद्यानांषण्णांइंद्रोमरुतस्त्वष्टाग्निरिंद्रोमित्रावरुणौ ततश्चतसृणां द्रविणोदा अग्निः एकादश्याअश्विनौद्वादश्याअग्निर्गायत्री (ऋतुदेवताएताः) |
इंद्र॒ सोमं॒ पिब॑ ऋ॒तुना ऽऽ त्वा᳚ विशं॒त्विंद॑वः | गायत्री}म॒त्स॒रास॒स्तदो᳚कसः॒(स्वाहा᳚) || 1.15.1, 1.1.28.1 {काण्वो मेधातिथि | इंद्रः | गायत्री}
मरु॑तः॒ पिब॑त ऋ॒तुना᳚ पो॒त्राद् य॒ज्ञं पु॑नीतन | यू॒यं हि ष्ठा सु॑दानवः॒(स्वाहा᳚) || 1.15.2, 1.1.28.2 {काण्वो मेधातिथि | मरुतः | गायत्री}
अ॒भि य॒ज्ञं गृ॑णीहिनो॒ ग्नावो॒ नेष्टः॒ पिब॑ ऋ॒तुना᳚ | त्वं हि र॑त्न॒धा, असि॒(स्वाहा᳚) || 1.15.3, 1.1.28.3 {काण्वो मेधातिथि | त्वष्टा | गायत्री}
अग्ने᳚ दे॒वाँ, इ॒हा व॑ह सा॒दया॒ योनि॑षु त्रि॒षु | परि॑ भूष॒ पिब॑ ऋ॒तुना॒(स्वाहा᳚) || 1.15.4, 1.1.28.4 {काण्वो मेधातिथि | अग्निः | गायत्री}
ब्राह्म॑णादिंद्र॒ राध॑सः॒ पिबा॒ सोम॑मृ॒तूँरनु॑ | तवेद्धि स॒ख्यमस्तृ॑त॒म्(स्वाहा᳚) || 1.15.5, 1.1.28.5 {काण्वो मेधातिथि | इंद्रः | गायत्री}
यु॒वं दक्षं᳚ धृतव्रत॒ मित्रा᳚वरुण दू॒ळभं᳚ | ऋ॒तुना᳚ य॒ज्ञमा᳚शाथे॒(स्वाहा᳚) || 1.15.6, 1.1.28.6 {काण्वो मेधातिथि | मित्रावरुणौ | गायत्री}
द्र॒वि॒णो॒दा द्रवि॑णसो॒ ग्राव॑हस्तासो, अध्व॒रे | य॒ज्ञेषु॑ दे॒वमी᳚ळते॒(स्वाहा᳚) || 1.15.7, 1.1.29.1 {काण्वो मेधातिथि | द्रविणोदाः | गायत्री}
द्र॒वि॒णो॒दा द॑दातु नो॒ वसू᳚नि॒ यानि॑ शृण्वि॒रे | दे॒वेषु॒ ता व॑नामहे॒(स्वाहा᳚) || 1.15.8, 1.1.29.2 {काण्वो मेधातिथि | द्रविणोदाः | गायत्री}
द्र॒वि॒णो॒दाः पि॑पीषति जु॒होत॒ प्र च॑ तिष्ठत | गायत्री}ने॒ष्ट्रादृ॒तुभि॑रिष्यत॒(स्वाहा᳚) || 1.15.9, 1.1.29.3 {काण्वो मेधातिथि | द्रविणोदाः | गायत्री}
यत् त्वा᳚ तु॒रीय॑मृ॒तुभि॒र्द्रवि॑णोदो॒ यजा᳚महे | अध॑ स्मा नो द॒दिर्भ॑व॒(स्वाहा᳚) || 1.15.10, 1.1.29.4 {काण्वो मेधातिथि | द्रविणोदाः | गायत्री}
अश्वि॑ना॒ पिब॑तं॒ मधु॒ दीद्य॑ग्नी शुचिव्रता | ऋ॒तुना᳚ यज्ञवाहसा॒(स्वाहा᳚) || 1.15.11, 1.1.29.5 {काण्वो मेधातिथि | अश्विनौ | गायत्री}
गार्ह॑पत्येन संत्य ऋ॒तुना᳚ यज्ञ॒नीर॑सि | दे॒वान् दे᳚वय॒ते य॑ज॒(स्वाहा᳚) || 1.15.12, 1.1.29.6 {काण्वो मेधातिथि | अग्निः | गायत्री}
[16] आत्वावहंत्विति नवर्चस्य सूक्तस्य काण्वोमेधातिथिरिंद्रोगायत्री |
आ त्वा᳚ वहंतु॒ हर॑यो॒ वृष॑णं॒ सोम॑पीतये | इंद्र॑ त्वा॒ सूर॑चक्षसः॒(स्वाहा᳚) || 1.16.1, 1.1.30.1 {काण्वो मेधातिथि | इंद्रः | गायत्री}
इ॒मा धा॒ना घृ॑त॒स्नुवो॒ हरी᳚ इ॒होप॑ वक्षतः | इंद्रं᳚ सु॒खत॑मे॒ रथे॒(स्वाहा᳚) || 1.16.2, 1.1.30.2 {काण्वो मेधातिथि | इंद्रः | गायत्री}
इंद्रं᳚ प्रा॒तर्ह॑वामह॒ इंद्रं᳚ प्रय॒त्य॑ध्व॒रे | इंद्रं॒ सोम॑स्य पी॒तये॒(स्वाहा᳚) || 1.16.3, 1.1.30.3 {काण्वो मेधातिथि | इंद्रः | गायत्री}
उप॑ नः सु॒तमा ग॑हि॒ हरि॑भिरिंद्र के॒शिभिः॑ | सु॒ते हि त्वा॒ हवा᳚महे॒(स्वाहा᳚) || 1.16.4, 1.1.30.4 {काण्वो मेधातिथि | इंद्रः | गायत्री}
सेमं नः॒ स्तोम॒मा ग॒ह्युपे॒दं सव॑नं सु॒तं | गौ॒रो न तृ॑षि॒तः पि॑ब॒(स्वाहा᳚) || 1.16.5, 1.1.30.5 {काण्वो मेधातिथि | इंद्रः | गायत्री}
इ॒मे सोमा᳚स॒ इंद॑वः सु॒तासो॒, अधि॑ ब॒र्हिषि॑ | ताँ, इं᳚द्र॒ सह॑से पिब॒(स्वाहा᳚) || 1.16.6, 1.1.31.1 {काण्वो मेधातिथि | इंद्रः | गायत्री}
अ॒यं ते॒ स्तोमो᳚ अग्रि॒यो हृ॑दि॒स्पृग॑स्तु॒ शंत॑मः | अथा॒ सोमं᳚ सु॒तं पि॑ब॒(स्वाहा᳚) || 1.16.7, 1.1.31.2 {काण्वो मेधातिथि | इंद्रः | गायत्री}
विश्व॒मित्सव॑नं सु॒तमिंद्रो॒ मदा᳚य गच्छति | वृ॒त्र॒हा सोम॑पीतये॒(स्वाहा᳚) || 1.16.8, 1.1.31.3 {काण्वो मेधातिथि | इंद्रः | गायत्री}
सेमं नः॒ काम॒मा पृ॑ण॒ गोभि॒रश्वैः᳚ शतक्रतो | स्तवा᳚म त्वा स्वा॒ध्य॑1(अः॒)(स्वाहा᳚) || 1.16.9, 1.1.31.4 {काण्वो मेधातिथि | इंद्रः | गायत्री}
[17] इंद्रावरुणयोरिति नवर्चस्य सूक्तस्य काण्वोमेधातिथिरिंद्रावरुणौगायत्री | युवाकुहिद्वृचौपादनिचूतौ (इंद्रः सहस्रेतिह्रसीयसी वा}
इंद्रा॒वरु॑णयोर॒हं स॒म्राजो॒रव॒ आ वृ॑णे | ता नो᳚ मृळात ई॒दृशे॒(स्वाहा᳚) || 1.17.1, 1.1.32.1 {काण्वो मेधातिथि | इंद्रावरुणौ | गायत्री}
गंता᳚रा॒ हि स्थोव॑से॒ हवं॒ विप्र॑स्य॒ माव॑तः | ध॒र्तारा᳚ चर्षणी॒नां(स्वाहा᳚) || 1.17.2, 1.1.32.2 {काण्वो मेधातिथि | इंद्रावरुणौ | गायत्री}
अ॒नु॒का॒मं त॑र्पयेथा॒मिंद्रा᳚वरुण रा॒य आ | ता वां॒ नेदि॑ष्ठमीमहे॒(स्वाहा᳚) || 1.17.3, 1.1.32.3 {काण्वो मेधातिथि | इंद्रावरुणौ | गायत्री}
यु॒वाकु॒ हि शची᳚नां यु॒वाकु॑ सुमती॒नां | भू॒याम॑ वाज॒दाव्ना॒म्(स्वाहा᳚) || 1.17.4, 1.1.32.4 {काण्वो मेधातिथि | इंद्रावरुणौ | पादानिचृत्गायत्री}
इंद्रः॑ सहस्र॒दाव्नां॒ वरु॑णः॒ शंस्या᳚नां | पादानिचृत्गायत्री}क्रतु॑र्भवत्यु॒क्थ्य॑1(अः॒)(स्वाहा᳚) || 1.17.5, 1.1.32.5 {काण्वो मेधातिथि | इंद्रावरुणौ | पादानिचृत्गायत्री}
तयो॒रिदव॑सा व॒यं स॒नेम॒ नि च॑ धीमहि | स्यादु॒त प्र॒रेच॑न॒म्(स्वाहा᳚) || 1.17.6, 1.1.33.1 {काण्वो मेधातिथि | इंद्रावरुणौ | गायत्री}
इंद्रा᳚वरुण वाम॒हं हु॒वे चि॒त्राय॒ राध॑से | अ॒स्मान् त्सु जि॒ग्युष॑स्कृत॒म्(स्वाहा᳚) || 1.17.7, 1.1.33.2 {काण्वो मेधातिथि | इंद्रावरुणौ | गायत्री}
इंद्रा᳚वरुण॒ नू नु वां॒ सिषा᳚संतीषु धी॒ष्वा | अ॒स्मभ्यं॒ शर्म॑ यच्छत॒म्(स्वाहा᳚) || 1.17.8, 1.1.33.3 {काण्वो मेधातिथि | इंद्रावरुणौ | गायत्री}
प्र वा᳚मश्नोतु सुष्टु॒तिरिंद्रा᳚वरुण॒ यां हु॒वे | यामृ॒धाथे᳚ स॒धस्तु॑ति॒म्(स्वाहा᳚) || 1.17.9, 1.1.33.4 {काण्वो मेधातिथि | इंद्रावरुणौ | गायत्री}
[18] सोमानमिति नवर्चस्य सूक्तस्य काण्वो मेधातिथिः आद्यानांतिसृणांब्रह्मणस्पतिः चतुर्थ्याइंद्रसोमब्रह्मणस्पतयः पंचम्याइंद्र सोम ब्रह्मणस्पतयोदक्षिणाच ततश्चतसृणांसदसस्पतिः (अंत्यायानराशंसोवा) गायत्री |
सो॒मानं॒ स्वर॑णं कृणु॒हि ब्र᳚ह्मणस्पते | क॒क्षीवं᳚तं॒ य औ᳚शि॒जः(स्वाहा᳚) || 1.18.1, 1.1.34.1 {काण्वो मेधातिथि | ब्रह्मणस्पतिः | गायत्री}
यो रे॒वान्यो, अ॑मीव॒हा व॑सु॒वित् पु॑ष्टि॒वर्ध॑नः | स नः॑ सिषक्तु॒ यस्तु॒रः(स्वाहा᳚) || 1.18.2, 1.1.34.2 {काण्वो मेधातिथि | ब्रह्मणस्पतिः | गायत्री}
मा नः॒ शंसो॒, अर॑रुषो धू॒र्तिः प्रण॒ङ् मर्त्य॑स्य | रक्षा᳚ णो ब्रह्मणस्पते॒(स्वाहा᳚) || 1.18.3, 1.1.34.3 {काण्वो मेधातिथि | ब्रह्मणस्पतिः | गायत्री}
स घा᳚ वी॒रो न रि॑ष्यति॒ यमिंद्रो॒ ब्रह्म॑ण॒स्पतिः॑ | सोमो᳚ हि॒नोति॒ मर्त्य॒म्(स्वाहा᳚) || 1.18.4, 1.1.34.4 {काण्वो मेधातिथि | इंद्र सोम ब्रह्मणस्पतिः | गायत्री}
त्वं तं ब्र᳚ह्मणस्पते॒ सोम॒ इंद्र॑श्च॒ मर्त्यं᳚ | दक्षि॑णा पा॒त्वंह॑सः॒(स्वाहा᳚) || 1.18.5, 1.1.34.5 {काण्वो मेधातिथि | इंद्र सोम ब्रह्मणस्पतयो दक्षिणा | गायत्री}
सद॑स॒स्पति॒मद्भु॑तं प्रि॒यमिंद्र॑स्य॒ काम्यं᳚ | स॒निं मे॒धाम॑यासिष॒म्(स्वाहा᳚) || 1.18.6, 1.1.35.1 {काण्वो मेधातिथि | सदसस्पतिः | गायत्री}
यस्मा᳚दृ॒ते न सिध्य॑ति य॒ज्ञो वि॑प॒श्चित॑श्च॒न | स धी॒नां योग॑मिन्वति॒(स्वाहा᳚) || 1.18.7, 1.1.35.2 {काण्वो मेधातिथि | सदसस्पतिः | गायत्री}
आदृ॑ध्नोति ह॒विष्कृ॑तिं॒ प्रांचं᳚ कृणोत्यध्व॒रं | होत्रा᳚ दे॒वेषु॑ गच्छति॒(स्वाहा᳚) || 1.18.8, 1.1.35.3 {काण्वो मेधातिथि | सदसस्पतिः | गायत्री}
नरा॒शंसं᳚ सु॒धृष्ट॑म॒मप॑श्यं स॒प्रथ॑स्तमं | दि॒वो न सद्म॑मखस॒म्(स्वाहा᳚) || 1.18.9, 1.1.35.4 {काण्वो मेधातिथि | नराशंसः | गायत्री}
[19] प्रतित्यमिति नवर्चस्य सूक्तस्य काण्वोमेधातिथिरग्नामरुतोगायत्री |
प्रति॒ त्यं चारु॑मध्व॒रं गो᳚पी॒थाय॒ प्र हू᳚यसे | म॒रुद्भि॑रग्न॒ आ ग॑हि॒(स्वाहा᳚) || 1.19.1, 1.1.36.1 {काण्वो मेधातिथि | अग्निर्मरुतश्च | गायत्री}
न॒हि दे॒वो न मर्त्यो᳚ म॒हस्तव॒ क्रतुं᳚ प॒रः | म॒रुद्भि॑रग्न॒ आ ग॑हि॒(स्वाहा᳚) || 1.19.2, 1.1.36.2 {काण्वो मेधातिथि | अग्निर्मरुतश्च | गायत्री}
ये म॒हो रज॑सो वि॒दुर्विश्वे᳚ दे॒वासो᳚ अ॒द्रुहः॑ | म॒रुद्भि॑रग्न॒ आ ग॑हि॒(स्वाहा᳚) || 1.19.3, 1.1.36.3 {काण्वो मेधातिथि | अग्निर्मरुतश्च | गायत्री}
य उ॒ग्रा, अ॒र्कमा᳚नृ॒चुरना᳚धृष्टास॒ ओज॑सा | म॒रुद्भि॑रग्न॒ आ ग॑हि॒(स्वाहा᳚) || 1.19.4, 1.1.36.4 {काण्वो मेधातिथि | अग्निर्मरुतश्च | गायत्री}
ये शु॒भ्रा घो॒रव॑र्पसः सुक्ष॒त्रासो᳚ रि॒शाद॑सः | म॒रुद्भि॑रग्न॒ आ ग॑हि॒(स्वाहा᳚) || 1.19.5, 1.1.36.5 {काण्वो मेधातिथि | अग्निर्मरुतश्च | गायत्री}
ये नाक॒स्याधि॑ रोच॒ने दि॒वि दे॒वास॒ आस॑ते | म॒रुद्भि॑रग्न॒ आ ग॑हि॒(स्वाहा᳚) || 1.19.6, 1.1.37.1 {काण्वो मेधातिथि | अग्निर्मरुतश्च | गायत्री}
य ईं॒खयं᳚ति॒ पर्व॑तान् ति॒रः स॑मु॒द्रम᳚र्ण॒वं | म॒रुद्भि॑रग्न॒ आ ग॑हि॒(स्वाहा᳚) || 1.19.7, 1.1.37.2 {काण्वो मेधातिथि | अग्निर्मरुतश्च | गायत्री}
आ ये त॒न्वंति॑ र॒श्मिभि॑स् ति॒रः स॑मु॒द्रमोज॑सा | म॒रुद्भि॑रग्न॒ आ ग॑हि॒(स्वाहा᳚) || 1.19.8, 1.1.37.3 {काण्वो मेधातिथि | अग्निर्मरुतश्च | गायत्री}
अ॒भि त्वा᳚ पू॒र्वपी᳚तये सृ॒जामि॑ सो॒म्यं मधु॑ | म॒रुद्भि॑रग्न॒ आ ग॑हि॒(स्वाहा᳚) || 1.19.9, 1.1.37.4 {काण्वो मेधातिथि | अग्निर्मरुतश्च | गायत्री}
[20] अयंदेवायेत्यष्टर्चस्य सूक्तस्य काण्वो मेधातिथिरृभवो गायत्री |
अ॒यं दे॒वाय॒ जन्म॑ने॒ स्तोमो॒ विप्रे᳚भिरास॒या | अका᳚रि रत्न॒धात॑मः॒(स्वाहा᳚) || 1.20.1, 1.2.1.1 {काण्वो मेधातिथि | ऋभवः | गायत्री}
य इंद्रा᳚य वचो॒युजा᳚ तत॒क्षुर्मन॑सा॒ हरी᳚ | गायत्री}शमी᳚भिर्य॒ज्ञमा᳚शत॒(स्वाहा᳚) || 1.20.2, 1.2.1.2 {काण्वो मेधातिथि | ऋभवः | गायत्री}
तक्ष॒न्नास॑त्याभ्यां॒ परि॑ज्मानं सु॒खं रथं᳚ | तक्ष᳚न् धे॒नुं स॑ब॒र्दुघा॒म्(स्वाहा᳚) || 1.20.3, 1.2.1.3 {काण्वो मेधातिथि | ऋभवः | गायत्री}
युवा᳚ना पि॒तरा॒ पुनः॑ स॒त्यमं᳚त्रा, ऋजू॒यवः॑ | ऋ॒भवो᳚ वि॒ष्ट्य॑क्रत॒(स्वाहा᳚) || 1.20.4, 1.2.1.4 {काण्वो मेधातिथि | ऋभवः | गायत्री}
सं वो॒ मदा᳚सो, अग्म॒तेंद्रे᳚ण च म॒रुत्व॑ता | आ॒दि॒त्येभि॑श्च॒ राज॑भिः॒(स्वाहा᳚) || 1.20.5, 1.2.1.5 {काण्वो मेधातिथि | ऋभवः | गायत्री}
उ॒त त्यं च॑म॒सं नवं॒ त्वष्टु॑र्दे॒वस्य॒ निष्कृ॑तं | अक॑र्त च॒तुरः॒ पुनः॒(स्वाहा᳚) || 1.20.6, 1.2.2.1 {काण्वो मेधातिथि | ऋभवः | गायत्री}
ते नो॒ रत्ना᳚नि धत्तन॒ त्रिरा साप्ता᳚नि सुन्व॒ते | एक॑मेकं सुश॒स्तिभिः॒(स्वाहा᳚) || 1.20.7, 1.2.2.2 {काण्वो मेधातिथि | ऋभवः | गायत्री}
अधा᳚रयंत॒ वह्न॒यो ऽभ॑जंत सुकृ॒त्यया᳚ | भा॒गं दे॒वेषु॑ य॒ज्ञिय॒म्(स्वाहा᳚) || 1.20.8, 1.2.2.3 {काण्वो मेधातिथि | ऋभवः | गायत्री}
[21] इहेंद्राग्नीइति षळर्चस्य सूक्तस्य काण्वोमेधातिथिरिंद्राग्नीगायत्री |
इ॒हेंद्रा॒ग्नी, उप॑ ह्वये॒ तयो॒रित् स्तोम॑मुश्मसि | ता सोमं᳚ सोम॒पात॑मा॒(स्वाहा᳚) || 1.21.1, 1.2.3.1 {काण्वो मेधातिथि | इंद्राग्नी | गायत्री}
ता य॒ज्ञेषु॒ प्र शं᳚सतेंद्रा॒ग्नी शुं᳚भता नरः | ता गा᳚य॒त्रेषु॑ गायत॒(स्वाहा᳚) || 1.21.2, 1.2.3.2 {काण्वो मेधातिथि | इंद्राग्नी | गायत्री}
ता मि॒त्रस्य॒ प्रश॑स्तय इंद्रा॒ग्नी ता ह॑वामहे | सो॒म॒पा सोम॑पीतये॒(स्वाहा᳚) || 1.21.3, 1.2.3.3 {काण्वो मेधातिथि | इंद्राग्नी | गायत्री}
उ॒ग्रा संता᳚ हवामह॒ उपे॒दं सव॑नं सु॒तं | इं॒द्रा॒ग्नी, एह ग॑च्छता॒म्(स्वाहा᳚) || 1.21.4, 1.2.3.4 {काण्वो मेधातिथि | इंद्राग्नी | गायत्री}
ता म॒हांता॒ सद॒स्पती॒, इंद्रा᳚ग्नी॒ रक्ष॑ उब्जतं | अप्र॑जाः संत्व॒त्रिणः॒(स्वाहा᳚) || 1.21.5, 1.2.3.5 {काण्वो मेधातिथि | इंद्राग्नी | गायत्री}
तेन॑ स॒त्येन॑ जागृत॒मधि॑ प्रचे॒तुने᳚ प॒दे | इंद्रा᳚ग्नी॒ शर्म॑ यच्छत॒म्(स्वाहा᳚) || 1.21.6, 1.2.3.6 {काण्वो मेधातिथि | इंद्राग्नी | गायत्री}
[22] प्रातर्युजेत्येकविंशत्यृचस्य सूक्तस्य काण्वोमेधातिथिः आद्यानां चतसृणामश्विनौ ततश्चतसृणांसविता ततोद्वयोरग्निः ततएकस्यादेव्यः ततएकस्याइंद्राणी वरुणान्यग्नाय्यः ततोद्वयोर्द्यावापृथिव्यौ ततएकस्याःपृथिवी ततःषण्णां विष्णुः (अतोदेवाइत्यस्यादेवावा ) गायत्री |
प्रा॒त॒र्युजा॒ वि बो᳚धया॒श्विना॒वेह ग॑च्छतां | अ॒स्य सोम॑स्य पी॒तये॒(स्वाहा᳚) || 1.22.1, 1.2.4.1 {काण्वो मेधातिथि | अश्विनौ | गायत्री}
या सु॒रथा᳚ र॒थीत॑मो॒भा दे॒वा दि॑वि॒स्पृशा᳚ | अ॒श्विना॒ ता ह॑वामहे॒(स्वाहा᳚) || 1.22.2, 1.2.4.2 {काण्वो मेधातिथि | अश्विनौ | गायत्री}
या वां॒ कशा॒ मधु॑म॒त्यश्वि॑ना सू॒नृता᳚वती | तया᳚ य॒ज्ञं मि॑मिक्षत॒म्(स्वाहा᳚) || 1.22.3, 1.2.4.3 {काण्वो मेधातिथि | अश्विनौ | गायत्री}
न॒हि वा॒मस्ति॑ दूर॒के यत्रा॒ रथे᳚न॒ गच्छ॑थः | अश्वि॑ना सो॒मिनो᳚ गृ॒हं(स्वाहा᳚) || 1.22.4, 1.2.4.4 {काण्वो मेधातिथि | अश्विनौ | गायत्री}
हिर᳚ण्यपाणिमू॒तये᳚ सवि॒तार॒मुप॑ ह्वये | स चेत्ता᳚ दे॒वता᳚ प॒दं(स्वाहा᳚) || 1.22.5, 1.2.4.5 {काण्वो मेधातिथि | सविता | गायत्री}
अ॒पां नपा᳚त॒मव॑से सवि॒तार॒मुप॑ स्तुहि | तस्य᳚ व्र॒तान्यु॑श्मसि॒(स्वाहा᳚) || 1.22.6, 1.2.5.1 {काण्वो मेधातिथि | सविता | गायत्री}
वि॒भ॒क्तारं᳚ हवामहे॒ वसो᳚श्चि॒त्रस्य॒ राध॑सः | स॒वि॒तारं᳚ नृ॒चक्ष॑स॒म्(स्वाहा᳚) || 1.22.7, 1.2.5.2 {काण्वो मेधातिथि | सविता | गायत्री}
सखा᳚य॒ आ नि षी᳚दत सवि॒ता स्तोम्यो॒ नु नः॑ | दाता॒ राधां᳚सि शुंभति॒(स्वाहा᳚) || 1.22.8, 1.2.5.3 {काण्वो मेधातिथि | सविता | गायत्री}
अग्ने॒ पत्नी᳚रि॒हा व॑ह दे॒वाना᳚मुश॒तीरुप॑ | त्वष्टा᳚रं॒ सोम॑पीतये॒(स्वाहा᳚) || 1.22.9, 1.2.5.4 {काण्वो मेधातिथि | अग्निः | गायत्री}
आ ग्ना, अ॑ग्न इ॒हाव॑से॒ होत्रां᳚ यविष्ठ॒ भार॑तीं | वरू᳚त्रीं धि॒षणां᳚ वह॒(स्वाहा᳚) || 1.22.10, 1.2.5.5 {काण्वो मेधातिथि | अग्निः | गायत्री}
अ॒भि नो᳚ दे॒वीरव॑सा म॒हः शर्म॑णा नृ॒पत्नीः᳚ | अच्छि᳚न्नपत्राः सचंता॒म्(स्वाहा᳚) || 1.22.11, 1.2.6.1 {काण्वो मेधातिथि | देव्यः | गायत्री}
इ॒हेंद्रा॒णीमुप॑ ह्वये वरुणा॒नीं स्व॒स्तये᳚ | अ॒ग्नायीं॒ सोम॑पीतये॒(स्वाहा᳚) || 1.22.12, 1.2.6.2 {काण्वो मेधातिथि | इंद्राणीवरुणान्यग्नाय्यः | गायत्री}
म॒ही द्यौः पृ॑थि॒वी च॑ न इ॒मं य॒ज्ञं मि॑मिक्षतां | पि॒पृ॒तां नो॒ भरी᳚मभिः॒(स्वाहा᳚) || 1.22.13, 1.2.6.3 {काण्वो मेधातिथि | द्यावापृथिव्यौ | गायत्री}
तयो॒रिद् घृ॒तव॒त् पयो॒ विप्रा᳚ रिहंति धी॒तिभिः॑ | गं॒ध॒र्वस्य॑ ध्रु॒वे प॒दे(स्वाहा᳚) || 1.22.14, 1.2.6.4 {काण्वो मेधातिथि | द्यावापृथिव्यौ | गायत्री}
स्यो॒ना पृ॑थिवि भवानृक्ष॒रा नि॒वेश॑नी | यच्छा᳚ नः॒ शर्म॑ स॒प्रथः॒(स्वाहा᳚) || 1.22.15, 1.2.6.5 {काण्वो मेधातिथि | पृथिवी | गायत्री}
अतो᳚ दे॒वा, अ॑वंतु नो॒ यतो॒ विष्णु᳚र्विचक्र॒मे | पृ॒थि॒व्याः स॒प्त धाम॑भिः॒(स्वाहा᳚) || 1.22.16, 1.2.7.1 {काण्वो मेधातिथि | विष्णुर्देवो वा | गायत्री}
इ॒दं विष्णु॒र्वि च॑क्रमे त्रे॒धा नि द॑धे प॒दं | समू᳚ळ्हमस्य पांसु॒रे(स्वाहा᳚) || 1.22.17, 1.2.7.2 {काण्वो मेधातिथि | विष्णुः | गायत्री}
त्रीणि॑ प॒दा वि च॑क्रमे॒ विष्णु॑र्गो॒पा, अदा᳚भ्यः | अतो॒ धर्मा᳚णि धा॒रयं॒त्(स्वाहा᳚) || 1.22.18, 1.2.7.3 {काण्वो मेधातिथि | विष्णुः | गायत्री}
विष्णोः॒ कर्मा᳚णि पश्यत॒ यतो᳚ व्र॒तानि॑ पस्प॒शे | इंद्र॑स्य॒ युज्यः॒ सखा॒(स्वाहा᳚) || 1.22.19, 1.2.7.4 {काण्वो मेधातिथि | विष्णुः | गायत्री}
तद्विष्णोः᳚ पर॒मं प॒दं सदा᳚ पश्यंति सू॒रयः॑ | दि॒वी᳚व॒ चक्षु॒रात॑त॒म्(स्वाहा᳚) || 1.22.20, 1.2.7.5 {काण्वो मेधातिथि | विष्णुः | गायत्री}
तद्विप्रा᳚सो विप॒न्यवो᳚ जागृ॒वांसः॒ समिं᳚धते | विष्णो॒र्यत् प॑र॒मं प॒दं(स्वाहा᳚) || 1.22.21, 1.2.7.6 {काण्वो मेधातिथि | विष्णुः | गायत्री}
[23] तीव्राःसोमासैति चतुर्विंशत्यृचस्य सूक्तस्य काण्वोमेधातिथिः आद्यायावायुः ततोद्वयोरिंद्रवायू ततस्तिसृणां मित्रावरुणौ ततस्तिसृणां मरुतः (मरुत्वानिंद्रइति केचित्) ततस्तिसृणां विश्वेदेवाः ततस्तिसृणां पूषाततः सप्तानामापः ततएकस्याअग्न्यापः ततएकस्या अग्निः अप्स्वंतरितिपुरउष्णिक् अप्सुमइत्यनुष्टुप्इदमापइत्याद्यास्तिस्रोनुष्टुभः आपःपृणीतेतिप्रतिष्ठा शेषागायत्र्यः. (अग्न्यापइत्यत्राप्शब्दस्यपूर्वनिपातेप्राप्तेद्वंद्वेधिइति सूत्रादग्निशब्दस्यपूर्वनिपातः कृतः ) |
ती॒व्राः सोमा᳚स॒ आ ग॑ह्या॒शीर्वं᳚तः सु॒ता, इ॒मे | वायो॒ तान् प्रस्थि॑तान् पिब॒(स्वाहा᳚) || 1.23.1, 1.2.8.1 {काण्वो मेधातिथि | वायुः | गायत्री}
उ॒भा दे॒वा दि॑वि॒स्पृशें᳚द्रवा॒यू ह॑वामहे | अ॒स्य सोम॑स्य पी॒तये॒(स्वाहा᳚) || 1.23.2, 1.2.8.2 {काण्वो मेधातिथि | इंद्रवायू | गायत्री}
इं॒द्र॒वा॒यू म॑नो॒जुवा॒ विप्रा᳚ हवंत ऊ॒तये᳚ | स॒ह॒स्रा॒क्षा धि॒यस्पती॒(स्वाहा᳚) || 1.23.3, 1.2.8.3 {काण्वो मेधातिथि | इंद्रवायू | गायत्री}
मि॒त्रं व॒यं ह॑वामहे॒ वरु॑णं॒ सोम॑पीतये | ज॒ज्ञा॒ना पू॒तद॑क्षसा॒(स्वाहा᳚) || 1.23.4, 1.2.8.4 {काण्वो मेधातिथि | मित्रावरुणौ | गायत्री}
ऋ॒तेन॒ यावृ॑ता॒वृधा᳚वृ॒तस्य॒ ज्योति॑ष॒स्पती᳚ | ता मि॒त्रावरु॑णा हुवे॒(स्वाहा᳚) || 1.23.5, 1.2.8.5 {काण्वो मेधातिथि | मित्रावरुणौ | गायत्री}
वरु॑णः प्रावि॒ता भु॑वन् मि॒त्रो विश्वा᳚भिरू॒तिभिः॑ | कर॑तां नः सु॒राध॑सः॒(स्वाहा᳚) || 1.23.6, 1.2.9.1 {काण्वो मेधातिथि | मित्रावरुणौ | गायत्री}
म॒रुत्वं᳚तं हवामह॒ इंद्र॒मा सोम॑पीतये | स॒जूर्ग॒णेन॑ तृंपतु॒(स्वाहा᳚) || 1.23.7, 1.2.9.2 {काण्वो मेधातिथि | इंद्रोमरुत्वान् | गायत्री}
इंद्र॑ज्येष्ठा॒ मरु॑द्गणा॒ देवा᳚सः॒ पूष॑रातयः | विश्वे॒ मम॑ श्रुता॒ हव॒म्(स्वाहा᳚) || 1.23.8, 1.2.9.3 {काण्वो मेधातिथि | इंद्रोमरुत्वान् | गायत्री}
ह॒त वृ॒त्रं सु॑दानव॒ इंद्रे᳚ण॒ सह॑सा यु॒जा | मा नो᳚ दुः॒शंस॑ ईशत॒(स्वाहा᳚) || 1.23.9, 1.2.9.4 {काण्वो मेधातिथि | इंद्रोमरुत्वान् | गायत्री}
विश्वा᳚न् दे॒वान् ह॑वामहे म॒रुतः॒ सोम॑पीतये | उ॒ग्रा हि पृश्नि॑मातरः॒(स्वाहा᳚) || 1.23.10, 1.2.9.5 {काण्वो मेधातिथि | विश्वदेवाः | गायत्री}
जय॑तामिव तन्य॒तुर्म॒रुता᳚मेति धृष्णु॒या | यच्छुभं᳚ या॒थना᳚ नरः॒(स्वाहा᳚) || 1.23.11, 1.2.10.1 {काण्वो मेधातिथि | विश्वदेवाः | गायत्री}
ह॒स्का॒राद् वि॒द्युत॒स्पर्यतो᳚ जा॒ता, अ॑वंतु नः | म॒रुतो᳚ मृळयंतु नः॒(स्वाहा᳚) || 1.23.12, 1.2.10.2 {काण्वो मेधातिथि | विश्वदेवाः | गायत्री}
आ पू᳚षंचि॒त्रब᳚र्हिष॒माघृ॑णे ध॒रुणं᳚ दि॒वः | आजा᳚ न॒ष्टं यथा᳚ प॒शुं(स्वाहा᳚) || 1.23.13, 1.2.10.3 {काण्वो मेधातिथि | पूषा | गायत्री}
पू॒षा राजा᳚न॒माघृ॑णि॒रप॑गूळ्हं॒ गुहा᳚ हि॒तं | गायत्री}अविं᳚दच्चि॒त्रब᳚र्हिष॒म्(स्वाहा᳚) || 1.23.14, 1.2.10.4 {काण्वो मेधातिथि | पूषा | गायत्री}
उ॒तो स मह्य॒मिंदु॑भिः॒ षड्यु॒क्ताँ, अ॑नु॒सेषि॑धत् | गोभि॒र्यवं॒ न च॑र्कृष॒त्(स्वाहा᳚) || 1.23.15, 1.2.10.5 {काण्वो मेधातिथि | पूषा | गायत्री}
अं॒बयो᳚ यं॒त्यध्व॑भिर्जा॒मयो᳚ अध्वरीय॒तां | पृं॒च॒तीर्मधु॑ना॒ पयः॒(स्वाहा᳚) || 1.23.16, 1.2.11.1 {काण्वो मेधातिथि | आपः | गायत्री}
अ॒मूर्या, उप॒ सूर्ये॒ याभि᳚र्वा॒ सूर्यः॑ स॒ह | ता नो᳚ हिन्वंत्वध्व॒रं(स्वाहा᳚) || 1.23.17, 1.2.11.2 {काण्वो मेधातिथि | आपः | गायत्री}
अ॒पो दे॒वीरुप॑ ह्वये॒ यत्र॒ गावः॒ पिबं᳚ति नः | सिंधु॑भ्यः॒ कर्त्वं᳚ ह॒विः(स्वाहा᳚) || 1.23.18, 1.2.11.3 {काण्वो मेधातिथि | आपः | गायत्री}
अ॒प्स्व1॑(अ॒)न्तर॒मृत॑म॒प्सु भे᳚ष॒जम॒पामु॒त प्रश॑स्तये | देवा॒ भव॑त वा॒जिनः॒(स्वाहा᳚) || 1.23.19, 1.2.11.4 {काण्वो मेधातिथि | आपः | पुर उष्णिक्}
अ॒प्सु मे॒ सोमो᳚ अब्रवीदं॒तर्विश्वा᳚नि भेष॒जा | अ॒ग्निं च॑ वि॒श्वशं᳚भुव॒माप॑श्च वि॒श्वभे᳚षजीः॒(स्वाहा᳚) || 1.23.20, 1.2.11.5 {काण्वो मेधातिथि | आपः | अनुष्टुप्}
आपः॑ पृणी॒त भे᳚ष॒जं वरू᳚थं त॒न्वे॒3॑(ए॒) मम॑ | ज्योक् च॒ सूर्यं᳚ दृ॒शे(स्वाहा᳚) || 1.23.21, 1.2.12.1 {काण्वो मेधातिथि | आपः | प्रतिष्ठागायत्री}
इ॒दमा᳚पः॒ प्र व॑हत॒ यत् किं च॑ दुरि॒तं मयि॑ | यद् वा॒हम॑भिदु॒द्रोह॒ यद् वा᳚ शे॒प उ॒तानृ॑त॒म्(स्वाहा᳚) || 1.23.22, 1.2.12.2 {काण्वो मेधातिथि | आपः | अनुष्टुप्}
आपो᳚ अ॒द्यान्व॑चारिषं॒ रसे᳚न॒ सम॑गस्महि | पय॑स्वानग्न॒ आ ग॑हि॒ तं मा॒ सं सृ॑ज॒ वर्च॑सा॒(स्वाहा᳚) || 1.23.23, 1.2.12.3 {काण्वो मेधातिथि | 1/2: आपः 2/2: अग्निः | अनुष्टुप्}
सं मा᳚ग्ने॒ वर्च॑सा सृज॒ सं प्र॒जया॒ समायु॑षा | वि॒द्युर्मे᳚ अस्य दे॒वा, इंद्रो᳚ विद्यात् स॒ह ऋषि॑भिः॒(स्वाहा᳚) || 1.23.24, 1.2.12.4 {काण्वो मेधातिथि | अग्निः | अनुष्टुप्}
[24] कस्यनूनमितिपंचदशर्चस्य सूक्तस्याजीर्गर्तिःशुनःशेपः सकृत्रिमोवैश्वामित्रोदेवरातः आद्यायाः कः द्वितीयायाअग्निस्ततस्तिसृणांसविता ( भगभक्तस्येत्यस्याभगोवा ) नहितेक्षत्रमित्याद्यानांवरुणस्त्रिष्टुप् अभित्वेत्यादितिस्रोगायत्र्यः |
कस्य॑ नू॒नं क॑त॒मस्या॒मृता᳚नां॒ मना᳚महे॒ चारु॑ दे॒वस्य॒ नाम॑ | को नो᳚ म॒ह्या, अदि॑तये॒ पुन॑र्दात् पि॒तरं᳚ च दृ॒शेयं᳚ मा॒तरं᳚ च॒(स्वाहा᳚) || 1.24.1, 1.2.13.1 {आजीगर्तिः शुनःशेपः स कृत्रिमो वैश्वामित्रो देवरातः | कः (प्रजापतिः) | त्रिष्टुप्}
अ॒ग्नेर्व॒यं प्र॑थ॒मस्या॒मृता᳚नां॒ मना᳚महे॒ चारु॑ दे॒वस्य॒ नाम॑ | स नो᳚ म॒ह्या, अदि॑तये॒ पुन॑र्दात् पि॒तरं᳚ च दृ॒शेयं᳚ मा॒तरं᳚ च॒(स्वाहा᳚) || 1.24.2, 1.2.13.2 {आजीगर्तिः शुनःशेपः स कृत्रिमो वैश्वामित्रो देवरातः | अग्निः | त्रिष्टुप्}
अ॒भि त्वा᳚ देव सवित॒रीशा᳚नं॒ वार्या᳚णां | सदा᳚वन् भा॒गमी᳚महे॒(स्वाहा᳚) || 1.24.3, 1.2.13.3 {आजीगर्तिः शुनःशेपः स कृत्रिमो वैश्वामित्रो देवरातः | सविता | गायत्री}
यश्चि॒द्धि त॑ इ॒त्था भगः॑ शशमा॒नः पु॒रा नि॒दः | अ॒द्वे॒षो हस्त॑योर्द॒धे(स्वाहा᳚) || 1.24.4, 1.2.13.4 {आजीगर्तिः शुनःशेपः स कृत्रिमो वैश्वामित्रो देवरातः | सविता | गायत्री}
भग॑भक्तस्य ते व॒यमुद॑शेम॒ तवाव॑सा | मू॒र्धानं᳚ रा॒य आ॒रभे॒(स्वाहा᳚) || 1.24.5, 1.2.13.5 {आजीगर्तिः शुनःशेपः स कृत्रिमो वैश्वामित्रो देवरातः | सविता भगो वा | गायत्री}
न॒हि ते᳚ क्ष॒त्रं न सहो॒ न म॒न्युं वय॑श्च॒नामी प॒तयं᳚त आ॒पुः | नेमा, आपो᳚ अनिमि॒षं चरं᳚ती॒र्न ये वात॑स्य प्रमि॒नंत्यभ्व॒म्(स्वाहा᳚) || 1.24.6, 1.2.14.1 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
अ॒बु॒ध्ने राजा॒ वरु॑णो॒ वन॑स्यो॒र्ध्वं स्तूपं᳚ ददते पू॒तद॑क्षः | नी॒चीनाः᳚ स्थुरु॒परि॑ बु॒ध्न ए᳚षाम॒स्मे, अं॒तर्निहि॑ताः के॒तवः॑ स्युः॒(स्वाहा᳚) || 1.24.7, 1.2.14.2 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
उ॒रुं हि राजा॒ वरु॑णश्च॒कार॒ सूर्या᳚य॒ पंथा॒मन्वे᳚त॒वा, उ॑ | अ॒पदे॒ पादा॒ प्रति॑धातवेऽकरु॒ताप॑व॒क्ता हृ॑दया॒विध॑श्चि॒त्(स्वाहा᳚) || 1.24.8, 1.2.14.3 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
श॒तं ते᳚ राजन् भि॒षजः॑ स॒हस्र॑मु॒र्वी ग॑भी॒रा सु॑म॒तिष्टे᳚ अस्तु | बाध॑स्व दू॒रे निरृ॑तिं परा॒चैः कृ॒तं चि॒देनः॒ प्र मु॑मुग्ध्य॒स्मत्(स्वाहा᳚) || 1.24.9, 1.2.14.4 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
अ॒मी य ऋक्षा॒ निहि॑तास उ॒च्चा नक्तं॒ ददृ॑श्रे॒ कुह॑ चि॒द्दिवे᳚युः | अद॑ब्धानि॒ वरु॑णस्य व्र॒तानि॑ वि॒चाक॑शच्चं॒द्रमा॒ नक्त॑मेति॒(स्वाहा᳚) || 1.24.10, 1.2.14.5 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
तत् त्वा᳚ यामि॒ ब्रह्म॑णा॒ वंद॑मान॒स् तदा शा᳚स्ते॒ यज॑मानो ह॒विर्भिः॑ | अहे᳚ळमानो वरुणे॒ह बो॒ध्युरु॑शंस॒ मा न॒ आयुः॒ प्र मो᳚षीः॒(स्वाहा᳚) || 1.24.11, 1.2.15.1 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
तदिन्नक्तं॒ तद्दिवा॒ मह्य॑माहु॒स् तद॒यं केतो᳚ हृ॒द आ वि च॑ष्टे | शुनः॒शेपो॒ यमह्व॑द् गृभी॒तः सो, अ॒स्मान् राजा॒ वरु॑णो मुमोक्तु॒(स्वाहा᳚) || 1.24.12, 1.2.15.2 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
शुनः॒शेपो॒ ह्यह्व॑द् गृभी॒तस् त्रि॒ष्वा᳚दि॒त्यं द्रु॑प॒देषु॑ ब॒द्धः | अवै᳚नं॒ राजा॒ वरु॑णः ससृज्याद् वि॒द्वाँ, अद॑ब्धो॒ वि मु॑मोक्तु॒ पाशां॒त्(स्वाहा᳚) || 1.24.13, 1.2.15.3 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
अव॑ ते॒ हेळो᳚ वरुण॒ नमो᳚भि॒रव॑ य॒ज्ञेभि॑रीमहे ह॒विर्भिः॑ | क्षय᳚न्न॒स्मभ्य॑मसुर प्रचेता॒ राज॒न्नेनां᳚सि शिश्रथः कृ॒तानि॒(स्वाहा᳚) || 1.24.14, 1.2.15.4 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
उदु॑त्त॒मं व॑रुण॒ पाश॑म॒स्मदवा᳚ध॒मं वि म॑ध्य॒मं श्र॑थाय | अथा᳚ व॒यमा᳚दित्य व्र॒ते तवाना᳚गसो॒, अदि॑तये स्याम॒(स्वाहा᳚) || 1.24.15, 1.2.15.5 {आजीगर्तिः शुनःशेपः स कृत्रिमो वैश्वामित्रो देवरातः | वरुणः | त्रिष्टुप्}
[25] यच्चिद्धितइत्येकविंशत्यृचस्य सूक्तस्याजीर्गर्तिःशुनःशेपोवरुणोगायत्री |
यच्चि॒द्धि ते॒ विशो᳚ यथा॒ प्र दे᳚व वरुण व्र॒तं | मि॒नी॒मसि॒ द्यवि॑द्यवि॒(स्वाहा᳚) || 1.25.1, 1.2.16.1 {आजीगर्तिः शुनःशेपः | वरुणः | गायत्री}
मा नो᳚ व॒धाय॑ ह॒त्नवे᳚ जिहीळा॒नस्य॑ रीरधः | मा हृ॑णा॒नस्य॑ म॒न्यवे॒(स्वाहा᳚) || 1.25.2, 1.2.16.2 {आजीगर्तिः शुनःशेपः | वरुणः | गायत्री}
वि मृ॑ळी॒काय॑ ते॒ मनो᳚ र॒थीरश्वं॒ न संदि॑तं | गी॒र्भिर्व॑रुण सीमहि॒(स्वाहा᳚) || 1.25.3, 1.2.16.3 {आजीगर्तिः शुनःशेपः | वरुणः | गायत्री}
परा॒ हि मे॒ विम᳚न्यवः॒ पतं᳚ति॒ वस्य॑इष्टये | वयो॒ न व॑स॒तीरुप॒(स्वाहा᳚) || 1.25.4, 1.2.16.4 {आजीगर्तिः शुनःशेपः | वरुणः | गायत्री}
क॒दा क्ष॑त्र॒श्रियं॒ नर॒मा वरु॑णं करामहे | गायत्री}मृ॒ळी॒कायो᳚रु॒चक्ष॑स॒म्(स्वाहा᳚) || 1.25.5, 1.2.16.5 {आजीगर्तिः शुनःशेपः | वरुणः | गायत्री}
तदित् स॑मा॒नमा᳚शाते॒ वेनं᳚ता॒ न प्र यु॑च्छतः | धृ॒तव्र॑ताय दा॒शुषे॒(स्वाहा᳚) || 1.25.6, 1.2.17.1 {आजीगर्तिः शुनःशेपः | वरुणः | गायत्री}
वेदा॒ यो वी॒नां प॒दमं॒तरि॑क्षेण॒ पत॑तां | वेद॑ ना॒वः स॑मु॒द्रियः॒(स्वाहा᳚) || 1.25.7, 1.2.17.2 {आजीगर्तिः शुनःशेपः | वरुणः | गायत्री}
वेद॑ मा॒सो धृ॒तव्र॑तो॒ द्वाद॑श प्र॒जाव॑तः | वेदा॒ य उ॑प॒जाय॑ते॒(स्वाहा᳚) || 1.25.8, 1.2.17.3 {आजीगर्तिः शुनःशेपः | वरुणः | गायत्री}
वेद॒ वात॑स्य वर्त॒निमु॒रोरृ॒ष्वस्य॑ बृह॒तः | वेदा॒ ये, अ॒ध्यास॑ते॒(स्वाहा᳚) || 1.25.9, 1.2.17.4 {आजीगर्तिः शुनःशेपः | वरुणः | गायत्री}
नि ष॑साद धृ॒तव्र॑तो॒ वरु॑णः प॒स्त्या॒3॑(आ॒)स्वा | साम्रा᳚ज्याय सु॒क्रतुः॒(स्वाहा᳚) || 1.25.10, 1.2.17.5 {आजीगर्तिः शुनःशेपः | वरुणः | गायत्री}
अतो॒ विश्वा॒न्यद्भु॑ता चिकि॒त्वाँ, अ॒भि प॑श्यति | कृ॒तानि॒ या च॒ कर्त्वा॒(स्वाहा᳚) || 1.25.11, 1.2.18.1 {आजीगर्तिः शुनःशेपः | वरुणः | गायत्री}
स नो᳚ वि॒श्वाहा᳚ सु॒क्रतु॑रादि॒त्यः सु॒पथा᳚ करत् | प्र ण॒ आयूं᳚षि तारिष॒त्(स्वाहा᳚) || 1.25.12, 1.2.18.2 {आजीगर्तिः शुनःशेपः | वरुणः | गायत्री}
बिभ्र॑द्द्रा॒पिं हि॑र॒ण्ययं॒ वरु॑णो वस्त नि॒र्णिजं᳚ | परि॒ स्पशो॒ नि षे᳚दिरे॒(स्वाहा᳚) || 1.25.13, 1.2.18.3 {आजीगर्तिः शुनःशेपः | वरुणः | गायत्री}
न यं दिप्सं᳚ति दि॒प्सवो॒ न द्रुह्वा᳚णो॒ जना᳚नां | न दे॒वम॒भिमा᳚तयः॒(स्वाहा᳚) || 1.25.14, 1.2.18.4 {आजीगर्तिः शुनःशेपः | वरुणः | गायत्री}
उ॒त यो मानु॑षे॒ष्वा यश॑श्च॒क्रे, असा॒म्या | गायत्री}अ॒स्माक॑मु॒दरे॒ष्वा(स्वाहा᳚) || 1.25.15, 1.2.18.5 {आजीगर्तिः शुनःशेपः | वरुणः | गायत्री}
परा᳚ मे यंति धी॒तयो॒ गावो॒ न गव्यू᳚ती॒रनु॑ | गायत्री}इ॒च्छंती᳚रुरु॒चक्ष॑स॒म्(स्वाहा᳚) || 1.25.16, 1.2.19.1 {आजीगर्तिः शुनःशेपः | वरुणः | गायत्री}
सं नु वो᳚चावहै॒ पुन॒र्यतो᳚ मे॒ मध्वाभृ॑तं | होते᳚व॒ क्षद॑से प्रि॒यं(स्वाहा᳚) || 1.25.17, 1.2.19.2 {आजीगर्तिः शुनःशेपः | वरुणः | गायत्री}
दर्शं॒ नु वि॒श्वद॑र्शतं॒ दर्शं॒ रथ॒मधि॒ क्षमि॑ | ए॒ता जु॑षत मे॒ गिरः॒(स्वाहा᳚) || 1.25.18, 1.2.19.3 {आजीगर्तिः शुनःशेपः | वरुणः | गायत्री}
इ॒मं मे᳚ वरुण श्रुधी॒ हव॑म॒द्या च॑ मृळय | त्वाम॑व॒स्युरा च॑के॒(स्वाहा᳚) || 1.25.19, 1.2.19.4 {आजीगर्तिः शुनःशेपः | वरुणः | गायत्री}
त्वं विश्व॑स्य मेधिर दि॒वश्च॒ ग्मश्च॑ राजसि | स याम॑नि॒ प्रति॑ श्रुधि॒(स्वाहा᳚) || 1.25.20, 1.2.19.5 {आजीगर्तिः शुनःशेपः | वरुणः | गायत्री}
उदु॑त्त॒मं मु॑मुग्धि नो॒ वि पाशं᳚ मध्य॒मं चृ॑त | अवा᳚ध॒मानि॑ जी॒वसे॒(स्वाहा᳚) || 1.25.21, 1.2.19.6 {आजीगर्तिः शुनःशेपः | वरुणः | गायत्री}
[26] वसिष्वेतिदशर्चस्य सूक्तस्याजीगर्तिःशुनःशेपोग्निर्गायत्री |
वसि॑ष्वा॒ हि मि॑येध्य॒ वस्त्रा᳚ण्यूर्जां पते | सेमं नो᳚ अध्व॒रं य॑ज॒(स्वाहा᳚) || 1.26.1, 1.2.20.1 {आजीगर्तिः शुनःशेपः | अग्निः | गायत्री}
नि नो॒ होता॒ वरे᳚ण्यः॒ सदा᳚ यविष्ठ॒ मन्म॑भिः | अग्ने᳚ दि॒वित्म॑ता॒ वचः॒(स्वाहा᳚) || 1.26.2, 1.2.20.2 {आजीगर्तिः शुनःशेपः | अग्निः | गायत्री}
आ हि ष्मा᳚ सू॒नवे᳚ पि॒तापिर्यज॑त्या॒पये᳚ | सखा॒ सख्ये॒ वरे᳚ण्यः॒(स्वाहा᳚) || 1.26.3, 1.2.20.3 {आजीगर्तिः शुनःशेपः | अग्निः | गायत्री}
आ नो᳚ ब॒र्ही रि॒शाद॑सो॒ वरु॑णो मि॒त्रो, अ᳚र्य॒मा | सीदं᳚तु॒ मनु॑षो यथा॒(स्वाहा᳚) || 1.26.4, 1.2.20.4 {आजीगर्तिः शुनःशेपः | अग्निः | गायत्री}
पूर्व्य॑ होतर॒स्य नो॒ मंद॑स्व स॒ख्यस्य॑ च | इ॒मा, उ॒ षु श्रु॑धी॒ गिरः॒(स्वाहा᳚) || 1.26.5, 1.2.20.5 {आजीगर्तिः शुनःशेपः | अग्निः | गायत्री}
यच्चि॒द्धि शश्व॑ता॒ तना᳚ दे॒वंदे᳚वं॒ यजा᳚महे | त्वे, इद्धू᳚यते ह॒विः(स्वाहा᳚) || 1.26.6, 1.2.21.1 {आजीगर्तिः शुनःशेपः | अग्निः | गायत्री}
प्रि॒यो नो᳚ अस्तु वि॒श्पति॒र्होता᳚ मं॒द्रो वरे᳚ण्यः | प्रि॒याः स्व॒ग्नयो᳚ व॒यं(स्वाहा᳚) || 1.26.7, 1.2.21.2 {आजीगर्तिः शुनःशेपः | अग्निः | गायत्री}
स्व॒ग्नयो॒ हि वार्यं᳚ दे॒वासो᳚ दधि॒रे च॑ नः | स्व॒ग्नयो᳚ मनामहे॒(स्वाहा᳚) || 1.26.8, 1.2.21.3 {आजीगर्तिः शुनःशेपः | अग्निः | गायत्री}
अथा᳚ न उ॒भये᳚षा॒ममृ॑त॒ मर्त्या᳚नां | मि॒थः सं᳚तु॒ प्रश॑स्तयः॒(स्वाहा᳚) || 1.26.9, 1.2.21.4 {आजीगर्तिः शुनःशेपः | अग्निः | गायत्री}
विश्वे᳚भिरग्ने, अ॒ग्निभि॑रि॒मं य॒ज्ञमि॒दं वचः॑ | चनो᳚ धाः सहसो यहो॒(स्वाहा᳚) || 1.26.10, 1.2.21.5 {आजीगर्तिः शुनःशेपः | अग्निः | गायत्री}
[27] अश्वंनत्वेतित्रयोदशर्चस्यसूक्तस्याजीगर्तिःशुनःशेपोऽग्निर्गायत्री | नमोमहद्भ्यइत्यस्यादेवास्त्रिष्टुप् |
अश्वं॒ न त्वा॒ वार॑वंतं वं॒दध्या᳚ अ॒ग्निं नमो᳚भिः | गायत्री}स॒म्राजं᳚तमध्व॒राणा॒म्(स्वाहा᳚) || 1.27.1, 1.2.22.1 {आजीगर्तिः शुनःशेपः | अग्निः | गायत्री}
स घा᳚ नः सू॒नुः शव॑सा पृ॒थुप्र॑गामा सु॒शेवः॑ | मी॒ढ्वाँ, अ॒स्माकं᳚ बभूया॒त्(स्वाहा᳚) || 1.27.2, 1.2.22.2 {आजीगर्तिः शुनःशेपः | अग्निः | गायत्री}
स नो᳚ दू॒राच्चा॒साच्च॒ नि मर्त्या᳚दघा॒योः | पा॒हि सद॒मिद् वि॒श्वायुः॒(स्वाहा᳚) || 1.27.3, 1.2.22.3 {आजीगर्तिः शुनःशेपः | अग्निः | गायत्री}
इ॒ममू॒ षु त्वम॒स्माकं᳚ स॒निं गा᳚य॒त्रं नव्यां᳚सं | अग्ने᳚ दे॒वेषु॒ प्र वो᳚चः॒(स्वाहा᳚) || 1.27.4, 1.2.22.4 {आजीगर्तिः शुनःशेपः | अग्निः | गायत्री}
आ नो᳚ भज पर॒मेष्वा वाजे᳚षु मध्य॒मेषु॑ | शिक्षा॒ वस्वो॒, अंत॑मस्य॒(स्वाहा᳚) || 1.27.5, 1.2.22.5 {आजीगर्तिः शुनःशेपः | अग्निः | गायत्री}
वि॒भ॒क्तासि॑ चित्रभानो॒ सिंधो᳚रू॒र्मा, उ॑पा॒क आ | स॒द्यो दा॒शुषे᳚ क्षरसि॒(स्वाहा᳚) || 1.27.6, 1.2.23.1 {आजीगर्तिः शुनःशेपः | अग्निः | गायत्री}
यम॑ग्ने पृ॒त्सु मर्त्य॒मवा॒ वाजे᳚षु॒ यं जु॒नाः | स यंता॒ शश्व॑ती॒रिषः॒(स्वाहा᳚) || 1.27.7, 1.2.23.2 {आजीगर्तिः शुनःशेपः | अग्निः | गायत्री}
नकि॑रस्य सहंत्य पर्ये॒ता कय॑स्य चित् | वाजो᳚ अस्ति श्र॒वाय्यः॒(स्वाहा᳚) || 1.27.8, 1.2.23.3 {आजीगर्तिः शुनःशेपः | अग्निः | गायत्री}
स वाजं᳚ वि॒श्वच॑र्षणि॒रर्व॑द्भिरस्तु॒ तरु॑ता | विप्रे᳚भिरस्तु॒ सनि॑ता॒(स्वाहा᳚) || 1.27.9, 1.2.23.4 {आजीगर्तिः शुनःशेपः | अग्निः | गायत्री}
जरा᳚बोध॒ तद् वि॑विड्ढि वि॒शेवि॑शे य॒ज्ञिया᳚य | स्तोमं᳚ रु॒द्राय॒ दृशी᳚क॒म्(स्वाहा᳚) || 1.27.10, 1.2.23.5 {आजीगर्तिः शुनःशेपः | अग्निः | गायत्री}
स नो᳚ म॒हाँ, अ॑निमा॒नो धू॒मके᳚तुः पुरुश्चं॒द्रः | धि॒ये वाजा᳚य हिन्वतु॒(स्वाहा᳚) || 1.27.11, 1.2.24.1 {आजीगर्तिः शुनःशेपः | अग्निः | गायत्री}
स रे॒वाँ, इ॑व वि॒श्पति॒र्दैव्यः॑ के॒तुः शृ॑णोतु नः | गायत्री}उ॒क्थैर॒ग्निर्बृ॒हद्भा᳚नुः॒(स्वाहा᳚) || 1.27.12, 1.2.24.2 {आजीगर्तिः शुनःशेपः | अग्निः | गायत्री}
नमो᳚ म॒हद्भ्यो॒ नमो᳚ अर्भ॒केभ्यो॒ नमो॒ युव॑भ्यो॒ नम॑ आशि॒नेभ्यः॑ | यजा᳚म दे॒वान् यदि॑ श॒क्नवा᳚म॒ मा ज्याय॑सः॒ शंस॒मा वृ॑क्षि देवाः॒(स्वाहा᳚) || 1.27.13, 1.2.24.3 {आजीगर्तिः शुनःशेपः | विश्वदेवाः | त्रिष्टुप्}
[28] यत्रग्रावेतिनवर्चस्यसूक्तस्याजीगर्तिःशुनःशेपःआद्यानांचतसृणामिंद्रः ततो द्वयोरुलूखलं ततोद्वयोरुलूखलमुसले अंत्यायाः प्रजापतिर्हरिश्चंद्रः ( अधिषवणचर्मदेवतावा ) आद्याः षळनुष्टुभः अंत्यास्तिस्रोगायत्र्यः |
यत्र॒ ग्रावा᳚ पृ॒थुबु॑ध्न ऊ॒र्ध्वो भव॑ति॒ सोत॑वे | उ॒लूख॑लसुताना॒मवेद्विं᳚द्र जल्गुलः॒(स्वाहा᳚) || 1.28.1, 1.2.25.1 {आजीगर्तिः शुनःशेपः | इंद्रः | अनुष्टुप्}
यत्र॒ द्वावि॑व ज॒घना᳚धिषव॒ण्या᳚ कृ॒ता | उ॒लूख॑लसुताना॒मवेद्विं᳚द्र जल्गुलः॒(स्वाहा᳚) || 1.28.2, 1.2.25.2 {आजीगर्तिः शुनःशेपः | इंद्रः | अनुष्टुप्}
यत्र॒ नार्य॑पच्य॒वमु॑पच्य॒वं च॒ शिक्ष॑ते | उ॒लूख॑लसुताना॒मवेद्विं᳚द्र जल्गुलः॒(स्वाहा᳚) || 1.28.3, 1.2.25.3 {आजीगर्तिः शुनःशेपः | इंद्रः | अनुष्टुप्}
यत्र॒ मंथां᳚ विब॒ध्नते᳚ र॒श्मीन् यमि॑त॒वा, इ॑व | उ॒लूख॑लसुताना॒मवेद्विं᳚द्र जल्गुलः॒(स्वाहा᳚) || 1.28.4, 1.2.25.4 {आजीगर्तिः शुनःशेपः | इंद्रः | अनुष्टुप्}
यच्चि॒द्धि त्वं गृ॒हेगृ॑ह॒ उलू᳚खलक यु॒ज्यसे᳚ | इ॒ह द्यु॒मत्त॑मं वद॒ जय॑तामिव दुंदु॒भिः(स्वाहा᳚) || 1.28.5, 1.2.25.5 {आजीगर्तिः शुनःशेपः | उलूखलः | अनुष्टुप्}
उ॒त स्म॑ ते वनस्पते॒ वातो॒ वि वा॒त्यग्र॒मित् | अथो॒, इंद्रा᳚य॒ पात॑वे सु॒नु सोम॑मुलूखल॒(स्वाहा᳚) || 1.28.6, 1.2.26.1 {आजीगर्तिः शुनःशेपः | उलूखलः | अनुष्टुप्}
आ॒य॒जी वा᳚ज॒सात॑मा॒ ता ह्यु1॑(उ॒)च्चा वि॑जर्भृ॒तः | हरी᳚ इ॒वांधां᳚सि॒ बप्स॑ता॒(स्वाहा᳚) || 1.28.7, 1.2.26.2 {आजीगर्तिः शुनःशेपः | उलूखल मुसले | गायत्री}
ता नो᳚ अ॒द्य व॑नस्पती, ऋ॒ष्वावृ॒ष्वेभिः॑ सो॒तृभिः॑ | इंद्रा᳚य॒ मधु॑मत् सुत॒म्(स्वाहा᳚) || 1.28.8, 1.2.26.3 {आजीगर्तिः शुनःशेपः | उलूखल मुसले | गायत्री}
उच्छि॒ष्टं च॒म्वो᳚र्भर॒ सोमं᳚ प॒वित्र॒ आ सृ॑ज | नि धे᳚हि॒ गोरधि॑ त्व॒चि(स्वाहा᳚) || 1.28.9, 1.2.26.4 {आजीगर्तिः शुनःशेपः | प्रजापतिर्हरिश्चंद्रः (अधिषवणचर्म देवतावा) | गायत्री}
[29] यच्चिद्धिसत्येतिसप्तर्चस्यसूक्तस्याजीगर्तिःशुनःशेपइंद्रःपंक्तिः |
यच्चि॒द्धि स॑त्य सोमपा, अनाश॒स्ता, इ॑व॒ स्मसि॑ | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.1, 1.2.27.1 {आजीगर्तिः शुनःशेपः | इंद्रः | पंक्तिः}
शिप्रि᳚न् वाजानां पते॒ शची᳚व॒स्तव॑ दं॒सना᳚ | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.2, 1.2.27.2 {आजीगर्तिः शुनःशेपः | इंद्रः | पंक्तिः}
नि ष्वा᳚पया मिथू॒दृशा᳚ स॒स्तामबु॑ध्यमाने | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.3, 1.2.27.3 {आजीगर्तिः शुनःशेपः | इंद्रः | पंक्तिः}
स॒संतु॒ त्या, अरा᳚तयो॒ बोधं᳚तु शूर रा॒तयः॑ | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.4, 1.2.27.4 {आजीगर्तिः शुनःशेपः | इंद्रः | पंक्तिः}
समिं᳚द्र गर्द॒भं मृ॑ण नु॒वंतं᳚ पा॒पया᳚मु॒या | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.5, 1.2.27.5 {आजीगर्तिः शुनःशेपः | इंद्रः | पंक्तिः}
पता᳚ति कुंडृ॒णाच्या᳚ दू॒रं वातो॒ वना॒दधि॑ | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.6, 1.2.27.6 {आजीगर्तिः शुनःशेपः | इंद्रः | पंक्तिः}
सर्वं᳚ परिक्रो॒शं ज॑हि जं॒भया᳚ कृकदा॒श्वं᳚ | आ तू न॑ इंद्र शंसय॒ गोष्वश्वे᳚षु शु॒भ्रिषु॑ स॒हस्रे᳚षु तुवीमघ॒(स्वाहा᳚) || 1.29.7, 1.2.27.7 {आजीगर्तिः शुनःशेपः | इंद्रः | पंक्तिः}
[30] आवइंद्रमिति द्वाविंशत्यृचस्यसूक्तस्याजीगर्तिःशुनःशेपइंद्रः सप्तदश्यादितिसृणामश्विनौ ततस्तिसृणामुषागायत्री अस्माकमितिपादनिचृत् शश्वदिंद्रइतित्रिष्टुप् |
आ व॒ इंद्रं॒ क्रिविं᳚ यथा वाज॒यंतः॑ श॒तक्र॑तुं | मंहि॑ष्ठं सिंच॒ इंदु॑भिः॒(स्वाहा᳚) || 1.30.1, 1.2.28.1 {आजीगर्तिः शुनःशेपः | इंद्रः | गायत्री}
श॒तं वा॒ यः शुची᳚नां स॒हस्रं᳚ वा॒ समा᳚शिरां | एदु॑ नि॒म्नं न री᳚यते॒(स्वाहा᳚) || 1.30.2, 1.2.28.2 {आजीगर्तिः शुनःशेपः | इंद्रः | गायत्री}
सं यन्मदा᳚य शु॒ष्मिण॑ ए॒ना ह्य॑स्यो॒दरे᳚ | स॒मु॒द्रो न व्यचो᳚ द॒धे(स्वाहा᳚) || 1.30.3, 1.2.28.3 {आजीगर्तिः शुनःशेपः | इंद्रः | गायत्री}
अ॒यमु॑ ते॒ सम॑तसि क॒पोत॑ इव गर्भ॒धिं | वच॒स्तच्चि᳚न्न ओहसे॒(स्वाहा᳚) || 1.30.4, 1.2.28.4 {आजीगर्तिः शुनःशेपः | इंद्रः | गायत्री}
स्तो॒त्रं रा᳚धानां पते॒ गिर्वा᳚हो वीर॒ यस्य॑ ते | विभू᳚तिरस्तु सू॒नृता॒(स्वाहा᳚) || 1.30.5, 1.2.28.5 {आजीगर्तिः शुनःशेपः | इंद्रः | गायत्री}
ऊ॒र्ध्वस्ति॑ष्ठा न ऊ॒तये॒ऽस्मिन् वाजे᳚ शतक्रतो | सम॒न्येषु॑ ब्रवावहै॒(स्वाहा᳚) || 1.30.6, 1.2.29.1 {आजीगर्तिः शुनःशेपः | इंद्रः | गायत्री}
योगे᳚योगे त॒वस्त॑रं॒ वाजे᳚वाजे हवामहे | सखा᳚य॒ इंद्र॑मू॒तये॒(स्वाहा᳚) || 1.30.7, 1.2.29.2 {आजीगर्तिः शुनःशेपः | इंद्रः | गायत्री}
आ घा᳚ गम॒द्यदि॒ श्रव॑त्सह॒स्रिणी᳚भिरू॒तिभिः॑ | वाजे᳚भि॒रुप॑ नो॒ हव॒म्(स्वाहा᳚) || 1.30.8, 1.2.29.3 {आजीगर्तिः शुनःशेपः | इंद्रः | गायत्री}
अनु॑ प्र॒त्नस्यौक॑सो हु॒वे तु॑विप्र॒तिं नरं᳚ | यं ते॒ पूर्वं᳚ पि॒ता हु॒वे(स्वाहा᳚) || 1.30.9, 1.2.29.4 {आजीगर्तिः शुनःशेपः | इंद्रः | गायत्री}
तं त्वा᳚ व॒यं वि॑श्ववा॒रा शा᳚स्महे पुरुहूत | सखे᳚ वसो जरि॒तृभ्यः॒(स्वाहा᳚) || 1.30.10, 1.2.29.5 {आजीगर्तिः शुनःशेपः | इंद्रः | गायत्री}
अ॒स्माकं᳚ शि॒प्रिणी᳚नां॒ सोम॑पाः सोम॒पाव्नां᳚ | सखे᳚ वज्रि॒न् त्सखी᳚ना॒म्(स्वाहा᳚) || 1.30.11, 1.2.30.1 {आजीगर्तिः शुनःशेपः | इंद्रः | गायत्री}
तथा॒ तद॑स्तु सोमपाः॒ सखे᳚ वज्रि॒न् तथा᳚ कृणु | यथा᳚ त उ॒श्मसी॒ष्टये॒(स्वाहा᳚) || 1.30.12, 1.2.30.2 {आजीगर्तिः शुनःशेपः | इंद्रः | गायत्री}
रे॒वती᳚र्नः सध॒माद॒ इंद्रे᳚ संतु तु॒विवा᳚जाः | क्षु॒मंतो॒ याभि॒र्मदे᳚म॒(स्वाहा᳚) || 1.30.13, 1.2.30.3 {आजीगर्तिः शुनःशेपः | इंद्रः | गायत्री}
आ घ॒ त्वावा॒न् त्मना॒प्तः स्तो॒तृभ्यो᳚ धृष्णविया॒नः | ऋ॒णोरक्षं॒ न च॒क्र्यो॒3॑(ओः॒)(स्वाहा᳚) || 1.30.14, 1.2.30.4 {आजीगर्तिः शुनःशेपः | इंद्रः | गायत्री}
आ यद्दुवः॑ शतक्रत॒वा कामं᳚ जरितॄ॒णां | ऋ॒णोरक्षं॒ न शची᳚भिः॒(स्वाहा᳚) || 1.30.15, 1.2.30.5 {आजीगर्तिः शुनःशेपः | इंद्रः | गायत्री}
शश्व॒दिंद्रः॒ पोप्रु॑थद्भिर्जिगाय॒ नान॑दद्भिः॒ शाश्व॑सद्भि॒र्धना᳚नि | स नो᳚ हिरण्यर॒थं दं॒सना᳚वा॒न् त्सनः॑ सनि॒ता स॒नये॒ स नो᳚ऽदा॒त्(स्वाहा᳚) || 1.30.16, 1.2.31.1 {आजीगर्तिः शुनःशेपः | इंद्रः | त्रिष्टुप्}
आश्वि॑ना॒वश्वा᳚वत्ये॒षा या᳚तं॒ शवी᳚रया | गोम॑द्दस्रा॒ हिर᳚ण्यव॒त्(स्वाहा᳚) || 1.30.17, 1.2.31.2 {आजीगर्तिः शुनःशेपः | अश्विनौ | गायत्री}
स॒मा॒नयो᳚जनो॒ हि वां॒ रथो᳚ दस्रा॒वम॑र्त्यः | स॒मु॒द्रे, अ॑श्वि॒नेय॑ते॒(स्वाहा᳚) || 1.30.18, 1.2.31.3 {आजीगर्तिः शुनःशेपः | अश्विनौ | गायत्री}
न्य1॑(अ॒)घ्न्यस्य॑ मू॒र्धनि॑ च॒क्रं रथ॑स्य येमथुः | परि॒ द्याम॒न्यदी᳚यते॒(स्वाहा᳚) || 1.30.19, 1.2.31.4 {आजीगर्तिः शुनःशेपः | अश्विनौ | गायत्री}
कस्त॑ उषः कधप्रिये भु॒जे मर्तो᳚ अमर्त्ये | कं न॑क्षसे विभावरि॒(स्वाहा᳚) || 1.30.20, 1.2.31.5 {आजीगर्तिः शुनःशेपः | उषाः | गायत्री}
व॒यं हि ते॒, अम᳚न्म॒ह्याऽऽन्ता॒दा प॑रा॒कात् | अश्वे॒ न चि॑त्रे, अरुषि॒(स्वाहा᳚) || 1.30.21, 1.2.31.6 {आजीगर्तिः शुनःशेपः | उषाः | गायत्री}
त्वं त्येभि॒रा ग॑हि॒ वाजे᳚भिर्दुहितर्दिवः | अ॒स्मे र॒यिं नि धा᳚रय॒(स्वाहा᳚) || 1.30.22, 1.2.31.7 {आजीगर्तिः शुनःशेपः | उषाः | गायत्री}
[31] त्वमग्नइत्यष्टादशर्चस्य सूक्तस्यांगिरसोहिरण्यस्तूपोग्निर्जगती अष्टमी षोळश्यंत्यास्त्रिष्टुभः |
त्वम॑ग्ने प्रथ॒मो, अंगि॑रा॒, ऋषि॑र्दे॒वो दे॒वाना᳚मभवः शि॒वः सखा᳚ | तव᳚ व्र॒ते क॒वयो᳚ विद्म॒नाप॒सोऽजा᳚यंत म॒रुतो॒ भ्राज॑दृष्टयः॒(स्वाहा᳚) || 1.31.1, 1.2.32.1 {आंगिरसो हिरण्यस्तूपः | अग्निः | जगती}
त्वम॑ग्ने प्रथ॒मो, अंगि॑रस्तमः क॒विर्दे॒वानां॒ परि॑ भूषसि व्र॒तं | वि॒भुर्विश्व॑स्मै॒ भुव॑नाय॒ मेधि॑रो द्विमा॒ता श॒युः क॑ति॒धा चि॑दा॒यवे॒(स्वाहा᳚) || 1.31.2, 1.2.32.2 {आंगिरसो हिरण्यस्तूपः | अग्निः | जगती}
त्वम॑ग्ने प्रथ॒मो मा᳚त॒रिश्व॑न आ॒विर्भ॑व सुक्रतू॒या वि॒वस्व॑ते | अरे᳚जेतां॒ रोद॑सी होतृ॒वूर्येऽस॑घ्नोर्भा॒रमय॑जो म॒हो व॑सो॒(स्वाहा᳚) || 1.31.3, 1.2.32.3 {आंगिरसो हिरण्यस्तूपः | अग्निः | जगती}
त्वम॑ग्ने॒ मन॑वे॒ द्याम॑वाशयः पुरू॒रव॑से सु॒कृते᳚ सु॒कृत्त॑रः | श्वा॒त्रेण॒ यत् पि॒त्रोर्मुच्य॑से॒ पर्या त्वा॒ पूर्व॑मनय॒न्नाप॑रं॒ पुनः॒(स्वाहा᳚) || 1.31.4, 1.2.32.4 {आंगिरसो हिरण्यस्तूपः | अग्निः | जगती}
त्वम॑ग्ने वृष॒भः पु॑ष्टि॒वर्ध॑न॒ उद्य॑तस्रुचे भवसि श्र॒वाय्यः॑ | य आहु॑तिं॒ परि॒ वेदा॒ वष॑ट्कृति॒मेका᳚यु॒रग्रे॒ विश॑ आ॒विवा᳚ससि॒(स्वाहा᳚) || 1.31.5, 1.2.32.5 {आंगिरसो हिरण्यस्तूपः | अग्निः | जगती}
त्वम॑ग्ने वृजि॒नव॑र्तनिं॒ नरं॒ सक्म᳚न् पिपर्षि वि॒दथे᳚ विचर्षणे | यः शूर॑साता॒ परि॑तक्म्ये॒ धने᳚ द॒भ्रेभि॑श्चि॒त् समृ॑ता॒ हंसि॒ भूय॑सः॒(स्वाहा᳚) || 1.31.6, 1.2.33.1 {आंगिरसो हिरण्यस्तूपः | अग्निः | जगती}
त्वं तम॑ग्ने, अमृत॒त्व उ॑त्त॒मे मर्तं᳚ दधासि॒ श्रव॑से दि॒वेदि॑वे | यस्ता᳚तृषा॒ण उ॒भया᳚य॒ जन्म॑ने॒ मयः॑ कृ॒णोषि॒ प्रय॒ आ च॑ सू॒रये॒(स्वाहा᳚) || 1.31.7, 1.2.33.2 {आंगिरसो हिरण्यस्तूपः | अग्निः | जगती}
त्वं नो᳚ अग्ने स॒नये॒ धना᳚नां य॒शसं᳚ का॒रुं कृ॑णुहि॒ स्तवा᳚नः | ऋ॒ध्याम॒ कर्मा॒पसा॒ नवे᳚न दे॒वैर्द्या᳚वापृथिवी॒ प्राव॑तं नः॒(स्वाहा᳚) || 1.31.8, 1.2.33.3 {आंगिरसो हिरण्यस्तूपः | अग्निः | त्रिष्टुप्}
त्वं नो᳚ अग्ने पि॒त्रोरु॒पस्थ॒ आ दे॒वो दे॒वेष्व॑नवद्य॒ जागृ॑विः | त॒नू॒कृद् बो᳚धि॒ प्रम॑तिश्च का॒रवे॒ त्वं क᳚ल्याण॒ वसु॒ विश्व॒मोपि॑षे॒(स्वाहा᳚) || 1.31.9, 1.2.33.4 {आंगिरसो हिरण्यस्तूपः | अग्निः | जगती}
त्वम॑ग्ने॒ प्रम॑ति॒स्त्वं पि॒तासि॑ न॒स् त्वं व॑य॒स्कृत्तव॑ जा॒मयो᳚ व॒यं | सं त्वा॒ रायः॑ श॒तिनः॒ सं स॑ह॒स्रिणः॑ सु॒वीरं᳚ यंति व्रत॒पाम॑दाभ्य॒(स्वाहा᳚) || 1.31.10, 1.2.33.5 {आंगिरसो हिरण्यस्तूपः | अग्निः | जगती}
त्वाम॑ग्ने प्रथ॒ममा॒युमा॒यवे᳚ दे॒वा, अ॑कृण्व॒न् नहु॑षस्य वि॒श्पतिं᳚ | इळा᳚मकृण्व॒न् मनु॑षस्य॒ शास॑नीं पि॒तुर्यत् पु॒त्रो मम॑कस्य॒ जाय॑ते॒(स्वाहा᳚) || 1.31.11, 1.2.34.1 {आंगिरसो हिरण्यस्तूपः | अग्निः | जगती}
त्वं नो᳚ अग्ने॒ तव॑ देव पा॒युभि᳚र्म॒घोनो᳚ रक्ष त॒न्व॑श्च वंद्य | त्रा॒ता तो॒कस्य॒ तन॑ये॒ गवा᳚म॒स्यनि॑मेषं॒ रक्ष॑माण॒स्तव᳚ व्र॒ते(स्वाहा᳚) || 1.31.12, 1.2.34.2 {आंगिरसो हिरण्यस्तूपः | अग्निः | जगती}
त्वम॑ग्ने॒ यज्य॑वे पा॒युरंत॑रोऽनिषं॒गाय॑ चतुर॒क्ष इ॑ध्यसे | यो रा॒तह᳚व्योऽवृ॒काय॒ धाय॑से की॒रेश्चि॒न् मंत्रं॒ मन॑सा व॒नोषि॒ तं(स्वाहा᳚) || 1.31.13, 1.2.34.3 {आंगिरसो हिरण्यस्तूपः | अग्निः | जगती}
त्वम॑ग्न उरु॒शंसा᳚य वा॒घते᳚ स्पा॒र्हं यद्रेक्णः॑ पर॒मं व॒नोषि॒ तत् | आ॒ध्रस्य॑ चि॒त् प्रम॑तिरुच्यसे पि॒ता प्र पाकं॒ शास्सि॒ प्र दिशो᳚ वि॒दुष्ट॑रः॒(स्वाहा᳚) || 1.31.14, 1.2.34.4 {आंगिरसो हिरण्यस्तूपः | अग्निः | जगती}
त्वम॑ग्ने॒ प्रय॑तदक्षिणं॒ नरं॒ वर्मे᳚व स्यू॒तं परि॑ पासि वि॒श्वतः॑ | स्वा॒दु॒क्षद्मा॒ यो व॑स॒तौ स्यो᳚न॒कृज् जी᳚वया॒जं यज॑ते॒ सोप॒मा दि॒वः(स्वाहा᳚) || 1.31.15, 1.2.34.5 {आंगिरसो हिरण्यस्तूपः | अग्निः | जगती}
इ॒माम॑ग्ने श॒रणिं᳚ मीमृषो न इ॒ममध्वा᳚नं॒ यमगा᳚म दू॒रात् | आ॒पिः पि॒ता प्रम॑तिः सो॒म्यानां॒ भृमि॑रस्यृषि॒कृन् मर्त्या᳚ना॒म्(स्वाहा᳚) || 1.31.16, 1.2.35.1 {आंगिरसो हिरण्यस्तूपः | अग्निः | त्रिष्टुप्}
म॒नु॒ष्वद॑ग्ने, अंगिर॒स्वदं᳚गिरो ययाति॒वत् सद॑ने पूर्व॒वच्छु॑चे | अच्छ॑ या॒ह्या व॑हा॒ दैव्यं॒ जन॒मा सा᳚दय ब॒र्हिषि॒ यक्षि॑ च प्रि॒यं(स्वाहा᳚) || 1.31.17, 1.2.35.2 {आंगिरसो हिरण्यस्तूपः | अग्निः | जगती}
ए॒तेना᳚ग्ने॒ ब्रह्म॑णा वावृधस्व॒ शक्ती᳚ वा॒ यत्ते᳚ चकृ॒मा वि॒दा वा᳚ | उ॒त प्र णे᳚ष्य॒भि वस्यो᳚ अ॒स्मान् त्सं नः॑ सृज सुम॒त्या वाज॑वत्या॒(स्वाहा᳚) || 1.31.18, 1.2.35.3 {आंगिरसो हिरण्यस्तूपः | अग्निः | त्रिष्टुप्}
[32] इंद्रस्यन्विति पंचदशर्चस्यसूक्तस्यांगिरसोहिरण्यस्तूपइंद्रस्त्रिष्टुप् |
इंद्र॑स्य॒ नु वी॒र्या᳚णि॒ प्र वो᳚चं॒ यानि॑ च॒कार॑ प्रथ॒मानि॑ व॒ज्री | अह॒न्नहि॒मन्व॒पस्त॑तर्द॒ प्र व॒क्षणा᳚ अभिन॒त् पर्व॑ताना॒म्(स्वाहा᳚) || 1.32.1, 1.2.36.1 {आंगिरसो हिरण्यस्तूपः | इंद्रः | त्रिष्टुप्}
अह॒न्नहिं॒ पर्व॑ते शिश्रिया॒णं त्वष्टा᳚स्मै॒ वज्रं᳚ स्व॒र्यं᳚ ततक्ष | वा॒श्रा, इ॑व धे॒नवः॒ स्यंद॑माना॒, अंजः॑ समु॒द्रमव॑ जग्मु॒रापः॒(स्वाहा᳚) || 1.32.2, 1.2.36.2 {आंगिरसो हिरण्यस्तूपः | इंद्रः | त्रिष्टुप्}
वृ॒षा॒यमा᳚णोऽवृणीत॒ सोमं॒ त्रिक॑द्रुकेष्वपिबत् सु॒तस्य॑ | आ साय॑कं म॒घवा᳚दत्त॒ वज्र॒मह᳚न्नेनं प्रथम॒जामही᳚ना॒म्(स्वाहा᳚) || 1.32.3, 1.2.36.3 {आंगिरसो हिरण्यस्तूपः | इंद्रः | त्रिष्टुप्}
यदिं॒द्राह᳚न् प्रथम॒जामही᳚ना॒मान्मा॒यिना॒ममि॑नाः॒ प्रोत मा॒याः | आत् सूर्यं᳚ ज॒नय॒न् द्यामु॒षासं᳚ ता॒दीत्ना॒ शत्रुं॒ न किला᳚ विवित्से॒(स्वाहा᳚) || 1.32.4, 1.2.36.4 {आंगिरसो हिरण्यस्तूपः | इंद्रः | त्रिष्टुप्}
अह᳚न् वृ॒त्रं वृ॑त्र॒तरं॒ व्यं᳚स॒मिंद्रो॒ वज्रे᳚ण मह॒ता व॒धेन॑ | स्कंधां᳚सीव॒ कुलि॑शेना॒ विवृ॒क्णाहिः॑ शयत उप॒पृक् पृ॑थि॒व्याः(स्वाहा᳚) || 1.32.5, 1.2.36.5 {आंगिरसो हिरण्यस्तूपः | इंद्रः | त्रिष्टुप्}
अ॒यो॒द्धेव॑ दु॒र्मद॒ आ हि जु॒ह्वे म॑हावी॒रं तु॑विबा॒धमृ॑जी॒षं | नाता᳚रीदस्य॒ समृ॑तिं व॒धानां॒ सं रु॒जानाः᳚ पिपिष॒ इंद्र॑शत्रुः॒(स्वाहा᳚) || 1.32.6, 1.2.37.1 {आंगिरसो हिरण्यस्तूपः | इंद्रः | त्रिष्टुप्}
अ॒पाद॑ह॒स्तो, अ॑पृतन्य॒दिंद्र॒मास्य॒ वज्र॒मधि॒ सानौ᳚ जघान | वृष्णो॒ वध्रिः॑ प्रति॒मानं॒ बुभू᳚षन् पुरु॒त्रा वृ॒त्रो, अ॑शय॒द् व्य॑स्तः॒(स्वाहा᳚) || 1.32.7, 1.2.37.2 {आंगिरसो हिरण्यस्तूपः | इंद्रः | त्रिष्टुप्}
न॒दं न भि॒न्नम॑मु॒या शया᳚नं॒ मनो॒ रुहा᳚णा॒, अति॑ यं॒त्यापः॑ | याश्चि॑द् वृ॒त्रो म॑हि॒ना प॒र्यति॑ष्ठ॒त् तासा॒महिः॑ पत्सुतः॒शीर्ब॑भूव॒(स्वाहा᳚) || 1.32.8, 1.2.37.3 {आंगिरसो हिरण्यस्तूपः | इंद्रः | त्रिष्टुप्}
नी॒चाव॑या, अभवद् वृ॒त्रपु॒त्रेंद्रो᳚ अस्या॒, अव॒ वध॑र्जभार | उत्त॑रा॒ सूरध॑रः पु॒त्र आ᳚सी॒द् दानुः॑ शये स॒हव॑त्सा॒ न धे॒नुः(स्वाहा᳚) || 1.32.9, 1.2.37.4 {आंगिरसो हिरण्यस्तूपः | इंद्रः | त्रिष्टुप्}
अति॑ष्ठंतीनामनिवेश॒नानां॒ काष्ठा᳚नां॒ मध्ये॒ निहि॑तं॒ शरी᳚रं | वृ॒त्रस्य॑ नि॒ण्यं वि च॑रं॒त्यापो᳚ दी॒र्घं तम॒ आश॑य॒दिंद्र॑शत्रुः॒(स्वाहा᳚) || 1.32.10, 1.2.37.5 {आंगिरसो हिरण्यस्तूपः | इंद्रः | त्रिष्टुप्}
दा॒सप॑त्नी॒रहि॑गोपा, अतिष्ठ॒न् निरु॑द्धा॒, आपः॑ प॒णिने᳚व॒ गावः॑ | अ॒पां बिल॒मपि॑हितं॒ यदासी᳚द् वृ॒त्रं ज॑घ॒न्वाँ, अप॒ तद् व॑वार॒(स्वाहा᳚) || 1.32.11, 1.2.38.1 {आंगिरसो हिरण्यस्तूपः | इंद्रः | त्रिष्टुप्}
अश्व्यो॒ वारो᳚ अभव॒स्तदिं᳚द्र सृ॒के यत् त्वा᳚ प्र॒त्यह᳚न् दे॒व एकः॑ | अज॑यो॒ गा, अज॑यः शूर॒ सोम॒मवा᳚सृजः॒ सर्त॑वे स॒प्त सिंधूं॒त्(स्वाहा᳚) || 1.32.12, 1.2.38.2 {आंगिरसो हिरण्यस्तूपः | इंद्रः | त्रिष्टुप्}
नास्मै᳚ वि॒द्युन्न त᳚न्य॒तुः सि॑षेध॒ न यां मिह॒मकि॑रद् ध्रा॒दुनिं᳚ च | इंद्र॑श्च॒ यद् यु॑यु॒धाते॒, अहि॑श्चो॒ताप॒रीभ्यो᳚ म॒घवा॒ वि जि॑ग्ये॒(स्वाहा᳚) || 1.32.13, 1.2.38.3 {आंगिरसो हिरण्यस्तूपः | इंद्रः | त्रिष्टुप्}
अहे᳚र्या॒तारं॒ कम॑पश्य इंद्र हृ॒दि यत्ते᳚ ज॒घ्नुषो॒ भीरग॑च्छत् | नव॑ च॒ यन् न॑व॒तिं च॒ स्रवं᳚तीः श्ये॒नो न भी॒तो, अत॑रो॒ रजां᳚सि॒(स्वाहा᳚) || 1.32.14, 1.2.38.4 {आंगिरसो हिरण्यस्तूपः | इंद्रः | त्रिष्टुप्}
इंद्रो᳚ या॒तोऽव॑सितस्य॒ राजा॒ शम॑स्य च शृं॒गिणो॒ वज्र॑बाहुः | सेदु॒ राजा᳚ क्षयति चर्षणी॒नाम॒रान् न ने॒मिः परि॒ ता ब॑भूव॒(स्वाहा᳚) || 1.32.15, 1.2.38.5 {आंगिरसो हिरण्यस्तूपः | इंद्रः | त्रिष्टुप्}
[33] एतायामेतिपंचदशर्चस्यसूक्तस्यांगिरसोहिरण्यस्तूपइंद्रस्त्रिष्टुप् |
एताया॒मोप॑ ग॒व्यंत॒ इंद्र॑म॒स्माकं॒ सु प्रम॑तिं वावृधाति | अ॒ना॒मृ॒णः कु॒विदाद॒स्य रा॒यो गवां॒ केतं॒ पर॑मा॒वर्ज॑ते नः॒(स्वाहा᳚) || 1.33.1, 1.3.1.1 {आंगिरसो हिरण्यस्तूपः | इंद्रः | त्रिष्टुप्}
उपेद॒हं ध॑न॒दामप्र॑तीतं॒ जुष्टां॒ न श्ये॒नो व॑स॒तिं प॑तामि | इंद्रं᳚ नम॒स्यन्नु॑प॒मेभि॑र॒र्कैर्यः स्तो॒तृभ्यो॒ हव्यो॒, अस्ति॒ यामं॒त्(स्वाहा᳚) || 1.33.2, 1.3.1.2 {आंगिरसो हिरण्यस्तूपः | इंद्रः | त्रिष्टुप्}
नि सर्व॑सेन इषु॒धीँर॑सक्त॒ सम॒र्यो गा, अ॑जति॒ यस्य॒ वष्टि॑ | चो॒ष्कू॒यमा᳚ण इंद्र॒ भूरि॑ वा॒मं मा प॒णिर्भू᳚र॒स्मदधि॑ प्रवृद्ध॒(स्वाहा᳚) || 1.33.3, 1.3.1.3 {आंगिरसो हिरण्यस्तूपः | इंद्रः | त्रिष्टुप्}
वधी॒र्हि दस्युं᳚ ध॒निनं᳚ घ॒नेनँ॒, एक॒श्चर᳚न्नुपशा॒केभि॑रिंद्र | धनो॒रधि॑ विषु॒णक् ते व्या᳚य॒न्नय॑ज्वानः सन॒काः प्रेति॑मीयुः॒(स्वाहा᳚) || 1.33.4, 1.3.1.4 {आंगिरसो हिरण्यस्तूपः | इंद्रः | त्रिष्टुप्}
परा᳚ चिच्छी॒र्षा व॑वृजु॒स्त इं॒द्राय॑ज्वानो॒ यज्व॑भिः॒ स्पर्ध॑मानाः | प्र यद्दि॒वो ह॑रिवः स्थातरुग्र॒ निर᳚व्र॒ताँ, अ॑धमो॒ रोद॑स्योः॒(स्वाहा᳚) || 1.33.5, 1.3.1.5 {आंगिरसो हिरण्यस्तूपः | इंद्रः | त्रिष्टुप्}
अयु॑युत्सन्ननव॒द्यस्य॒ सेना॒मया᳚तयंत क्षि॒तयो॒ नव॑ग्वाः | वृ॒षा॒युधो॒ न वध्र॑यो॒ निर॑ष्टाः प्र॒वद्भि॒रिंद्रा᳚च्चि॒तयं᳚त आय॒न्(स्वाहा᳚) || 1.33.6, 1.3.2.1 {आंगिरसो हिरण्यस्तूपः | इंद्रः | त्रिष्टुप्}
त्वमे॒तान् रु॑द॒तो जक्ष॑त॒श्चायो᳚धयो॒ रज॑स इंद्र पा॒रे | अवा᳚दहो दि॒व आ दस्यु॑मु॒च्चा प्र सु᳚न्व॒तः स्तु॑व॒तः शंस॑मावः॒(स्वाहा᳚) || 1.33.7, 1.3.2.2 {आंगिरसो हिरण्यस्तूपः | इंद्रः | त्रिष्टुप्}
च॒क्रा॒णासः॑ परी॒णहं᳚ पृथि॒व्या हिर᳚ण्येन म॒णिना॒ शुंभ॑मानाः | न हि᳚न्वा॒नास॑स्तितिरु॒स्त इंद्रं॒ परि॒ स्पशो᳚ अदधा॒त् सूर्ये᳚ण॒(स्वाहा᳚) || 1.33.8, 1.3.2.3 {आंगिरसो हिरण्यस्तूपः | इंद्रः | त्रिष्टुप्}
परि॒ यदिं᳚द्र॒ रोद॑सी, उ॒भे, अबु॑भोजीर्महि॒ना वि॒श्वतः॑ सीं | अम᳚न्यमानाँ, अ॒भि मन्य॑मानै॒र्निर्ब्र॒ह्मभि॑रधमो॒ दस्यु॑मिंद्र॒(स्वाहा᳚) || 1.33.9, 1.3.2.4 {आंगिरसो हिरण्यस्तूपः | इंद्रः | त्रिष्टुप्}
न ये दि॒वः पृ॑थि॒व्या, अंत॑मा॒पुर्न मा॒याभि॑र्धन॒दां प॒र्यभू᳚वन् | युजं॒ वज्रं᳚ वृष॒भश्च॑क्र॒ इंद्रो॒ निर्ज्योति॑षा॒ तम॑सो॒ गा, अ॑दुक्ष॒त्(स्वाहा᳚) || 1.33.10, 1.3.2.5 {आंगिरसो हिरण्यस्तूपः | इंद्रः | त्रिष्टुप्}
अनु॑ स्व॒धाम॑क्षर॒न्नापो᳚ अ॒स्याव॑र्धत॒ मध्य॒ आ ना॒व्या᳚नां | स॒ध्री॒चीने᳚न॒ मन॑सा॒ तमिंद्र॒ ओजि॑ष्ठेन॒ हन्म॑नाहन्न॒भि द्यून्(स्वाहा᳚) || 1.33.11, 1.3.3.1 {आंगिरसो हिरण्यस्तूपः | इंद्रः | त्रिष्टुप्}
न्या᳚विध्यदिली॒बिश॑स्य दृ॒ळ्हा वि शृं॒गिण॑मभिन॒च्छुष्ण॒मिंद्रः॑ | याव॒त्तरो᳚ मघव॒न् याव॒दोजो॒ वज्रे᳚ण॒ शत्रु॑मवधीः पृत॒न्युं(स्वाहा᳚) || 1.33.12, 1.3.3.2 {आंगिरसो हिरण्यस्तूपः | इंद्रः | त्रिष्टुप्}
अ॒भि सि॒ध्मो, अ॑जिगादस्य॒ शत्रू॒न् वि ति॒ग्मेन॑ वृष॒भेणा॒ पुरो᳚ऽभेत् | सं वज्रे᳚णासृजद् वृ॒त्रमिंद्रः॒ प्र स्वां म॒तिम॑तिर॒च्छाश॑दानः॒(स्वाहा᳚) || 1.33.13, 1.3.3.3 {आंगिरसो हिरण्यस्तूपः | इंद्रः | त्रिष्टुप्}
आवः॒ कुत्स॑मिंद्र॒ यस्मिं᳚चा॒कन् प्रावो॒ युध्यं᳚तं वृष॒भं दश॑द्युं | श॒फच्यु॑तो रे॒णुर्न॑क्षत॒ द्यामुच्छ्वै᳚त्रे॒यो नृ॒षाह्या᳚य तस्थौ॒(स्वाहा᳚) || 1.33.14, 1.3.3.4 {आंगिरसो हिरण्यस्तूपः | इंद्रः | त्रिष्टुप्}
आवः॒ शमं᳚ वृष॒भं तुग्र्या᳚सु क्षेत्रजे॒षे म॑घवं॒छ्वित्र्यं॒ गां | ज्योक् चि॒दत्र॑ तस्थि॒वांसो᳚ अक्रंछत्रूय॒तामध॑रा॒ वेद॑नाकः॒(स्वाहा᳚) || 1.33.15, 1.3.3.5 {आंगिरसो हिरण्यस्तूपः | इंद्रः | त्रिष्टुप्}
[34] त्रिश्चिदितिद्वादशर्चस्यसूक्तस्यांगिरसोहिरण्यस्तूपोश्विनौजगती नवम्यंत्येत्रिष्टुभौ |
त्रिश्चि᳚न्नो, अ॒द्या भ॑वतं नवेदसा वि॒भुर्वां॒ याम॑ उ॒त रा॒तिर॑श्विना | यु॒वोर्हि यं॒त्रं हि॒म्येव॒ वास॑सो ऽभ्यायं॒सेन्या᳚ भवतं मनी॒षिभिः॒(स्वाहा᳚) || 1.34.1, 1.3.4.1 {आंगिरसो हिरण्यस्तूपः | अश्विनौ | जगती}
त्रयः॑ प॒वयो᳚ मधु॒वाह॑ने॒ रथे॒ सोम॑स्य वे॒नामनु॒ विश्व॒ इद् वि॑दुः | त्रयः॑ स्कं॒भासः॑ स्कभि॒तास॑ आ॒रभे॒ त्रिर्नक्तं᳚ या॒थस्त्रिर्व॑श्विना॒ दिवा॒(स्वाहा᳚) || 1.34.2, 1.3.4.2 {आंगिरसो हिरण्यस्तूपः | अश्विनौ | जगती}
स॒मा॒ने, अह॒न् त्रिर॑वद्यगोहना॒ त्रिर॒द्य य॒ज्ञं मधु॑ना मिमिक्षतं | त्रिर्वाज॑वती॒रिषो᳚ अश्विना यु॒वं दो॒षा, अ॒स्मभ्य॑मु॒षस॑श्च पिन्वत॒म्(स्वाहा᳚) || 1.34.3, 1.3.4.3 {आंगिरसो हिरण्यस्तूपः | अश्विनौ | जगती}
त्रिर्व॒र्तिर्या᳚तं॒ त्रिरनु᳚व्रते ज॒ने त्रिः सु॑प्रा॒व्ये᳚ त्रे॒धेव॑ शिक्षतं | त्रिर्नां॒द्यं᳚ वहतमश्विना यु॒वं त्रिः पृक्षो᳚ अ॒स्मे, अ॒क्षरे᳚व पिन्वत॒म्(स्वाहा᳚) || 1.34.4, 1.3.4.4 {आंगिरसो हिरण्यस्तूपः | अश्विनौ | जगती}
त्रिर्नो᳚ र॒यिं व॑हतमश्विना यु॒वं त्रिर्दे॒वता᳚ता॒ त्रिरु॒ताव॑तं॒ धियः॑ | त्रिः सौ᳚भग॒त्वं त्रिरु॒त श्रवां᳚सि नस् त्रि॒ष्ठं वां॒ सूरे᳚ दुहि॒ता रु॑ह॒द् रथ॒म्(स्वाहा᳚) || 1.34.5, 1.3.4.5 {आंगिरसो हिरण्यस्तूपः | अश्विनौ | जगती}
त्रिर्नो᳚ अश्विना दि॒व्यानि॑ भेष॒जा त्रिः पार्थि॑वानि॒ त्रिरु॑ दत्तम॒द्भ्यः | ओ॒मानं᳚ शं॒योर्मम॑काय सू॒नवे᳚ त्रि॒धातु॒ शर्म॑ वहतं शुभस्पती॒(स्वाहा᳚) || 1.34.6, 1.3.4.6 {आंगिरसो हिरण्यस्तूपः | अश्विनौ | जगती}
त्रिर्नो᳚ अश्विना यज॒ता दि॒वेदि॑वे॒ परि॑ त्रि॒धातु॑ पृथि॒वीम॑शायतं | ति॒स्रो ना᳚सत्या रथ्या परा॒वत॑ आ॒त्मेव॒ वातः॒ स्वस॑राणि गच्छत॒म्(स्वाहा᳚) || 1.34.7, 1.3.5.1 {आंगिरसो हिरण्यस्तूपः | अश्विनौ | जगती}
त्रिर॑श्विना॒ सिंधु॑भिः स॒प्तमा᳚तृभि॒स्त्रय॑ आहा॒वास्त्रे॒धा ह॒विष्कृ॒तं | ति॒स्रः पृ॑थि॒वीरु॒परि॑ प्र॒वा दि॒वो नाकं᳚ रक्षेथे॒ द्युभि॑र॒क्तुभि᳚र्हि॒तं(स्वाहा᳚) || 1.34.8, 1.3.5.2 {आंगिरसो हिरण्यस्तूपः | अश्विनौ | जगती}
क्व1॑(अ॒) त्री च॒क्रा त्रि॒वृतो॒ रथ॑स्य॒ क्व1॑(अ॒) त्रयो᳚ वं॒धुरो॒ ये सनी᳚ळाः | क॒दा योगो᳚ वा॒जिनो॒ रास॑भस्य॒ येन॑ य॒ज्ञं ना᳚सत्योपया॒थः(स्वाहा᳚) || 1.34.9, 1.3.5.3 {आंगिरसो हिरण्यस्तूपः | अश्विनौ | त्रिष्टुप्}
आ ना᳚सत्या॒ गच्छ॑तं हू॒यते᳚ ह॒विर्मध्वः॑ पिबतं मधु॒पेभि॑रा॒सभिः॑ | यु॒वोर्हि पूर्वं᳚ सवि॒तोषसो॒ रथ॑मृ॒ताय॑ चि॒त्रं घृ॒तवं᳚त॒मिष्य॑ति॒(स्वाहा᳚) || 1.34.10, 1.3.5.4 {आंगिरसो हिरण्यस्तूपः | अश्विनौ | जगती}
आ ना᳚सत्या त्रि॒भिरे᳚काद॒शैरि॒ह दे॒वेभि᳚र्यातं मधु॒पेय॑मश्विना | प्रायु॒स्तारि॑ष्टं॒ नी रपां᳚सि मृक्षतं॒ सेध॑तं॒ द्वेषो॒ भव॑तं सचा॒भुवा॒(स्वाहा᳚) || 1.34.11, 1.3.5.5 {आंगिरसो हिरण्यस्तूपः | अश्विनौ | जगती}
आ नो᳚ अश्विना त्रि॒वृता॒ रथे᳚ना॒र्वांचं᳚ र॒यिं व॑हतं सु॒वीरं᳚ | शृ॒ण्वंता᳚ वा॒मव॑से जोहवीमि वृ॒धे च॑ नो भवतं॒ वाज॑सातौ॒(स्वाहा᳚) || 1.34.12, 1.3.5.6 {आंगिरसो हिरण्यस्तूपः | अश्विनौ | त्रिष्टुप्}
[35] ह्वयामीत्येकादशर्चस्यसूक्तस्यांगिरसोहिरण्यस्तूपः सवितात्रिष्टुप् आद्यायाश्चतुर्षुपादेषुक्रमेणाग्निमित्रावरुणरात्रिसवितारोदेवताः आद्यानवम्यौ जगत्यौ |
ह्वया᳚म्य॒ग्निं प्र॑थ॒मं स्व॒स्तये॒ ह्वया᳚मि मि॒त्रावरु॑णावि॒हाव॑से | ह्वया᳚मि॒ रात्रीं॒ जग॑तो नि॒वेश॑नीं॒ ह्वया᳚मि दे॒वं स॑वि॒तार॑मू॒तये॒(स्वाहा᳚) || 1.35.1, 1.3.6.1 {आंगिरसो हिरण्यस्तूपः | अग्निर्मित्रावरुणौ रात्रिः सविता च | जगती}
आ कृ॒ष्णेन॒ रज॑सा॒ वर्त॑मानो निवे॒शय᳚न्न॒मृतं॒ मर्त्यं᳚ च | हि॒र॒ण्यये᳚न सवि॒ता रथे॒ना दे॒वो या᳚ति॒ भुव॑नानि॒ पश्यं॒त्(स्वाहा᳚) || 1.35.2, 1.3.6.2 {आंगिरसो हिरण्यस्तूपः | सविता | त्रिष्टुप्}
याति॑ दे॒वः प्र॒वता॒ यात्यु॒द्वता॒ याति॑ शु॒भ्राभ्यां᳚ यज॒तो हरि॑भ्यां | आ दे॒वो या᳚ति सवि॒ता प॑रा॒वतोऽप॒ विश्वा᳚ दुरि॒ता बाध॑मानः॒(स्वाहा᳚) || 1.35.3, 1.3.6.3 {आंगिरसो हिरण्यस्तूपः | सविता | त्रिष्टुप्}
अ॒भीवृ॑तं॒ कृश॑नैर्वि॒श्वरू᳚पं॒ हिर᳚ण्यशम्यं यज॒तो बृ॒हंतं᳚ | आस्था॒द् रथं᳚ सवि॒ता चि॒त्रभा᳚नुः कृ॒ष्णा रजां᳚सि॒ तवि॑षीं॒ दधा᳚नः॒(स्वाहा᳚) || 1.35.4, 1.3.6.4 {आंगिरसो हिरण्यस्तूपः | सविता | त्रिष्टुप्}
वि जनां᳚छ्या॒वाः शि॑ति॒पादो᳚ अख्य॒न् रथं॒ हिर᳚ण्यप्रौगं॒ वहं᳚तः | शश्व॒द् विशः॑ सवि॒तुर्दैव्य॑स्यो॒पस्थे॒ विश्वा॒ भुव॑नानि तस्थुः॒(स्वाहा᳚) || 1.35.5, 1.3.6.5 {आंगिरसो हिरण्यस्तूपः | सविता | त्रिष्टुप्}
ति॒स्रो द्यावः॑ सवि॒तुर्द्वा, उ॒पस्थाँ॒, एका᳚ य॒मस्य॒ भुव॑ने विरा॒षाट् | आ॒णिं न रथ्य॑म॒मृताधि॑ तस्थुरि॒ह ब्र॑वीतु॒ य उ॒ तच्चिके᳚त॒त्(स्वाहा᳚) || 1.35.6, 1.3.6.6 {आंगिरसो हिरण्यस्तूपः | सविता | त्रिष्टुप्}
वि सु॑प॒र्णो, अं॒तरि॑क्षाण्यख्यद् गभी॒रवे᳚पा॒, असु॑रः सुनी॒थः | क्वे॒3॑(ए॒)दानीं॒ सूर्यः॒ कश्चि॑केत कत॒मां द्यां र॒श्मिर॒स्या त॑तान॒(स्वाहा᳚) || 1.35.7, 1.3.7.1 {आंगिरसो हिरण्यस्तूपः | सविता | त्रिष्टुप्}
अ॒ष्टौ व्य॑ख्यत् क॒कुभः॑ पृथि॒व्यास् त्री धन्व॒ योज॑ना स॒प्त सिंधू॑न् | हि॒र॒ण्या॒क्षः स॑वि॒ता दे॒व आगा॒द् दध॒द्रत्ना᳚ दा॒शुषे॒ वार्या᳚णि॒(स्वाहा᳚) || 1.35.8, 1.3.7.2 {आंगिरसो हिरण्यस्तूपः | सविता | त्रिष्टुप्}
हिर᳚ण्यपाणिः सवि॒ता विच॑र्षणिरु॒भे द्यावा᳚पृथि॒वी, अं॒तरी᳚यते | अपामी᳚वां॒ बाध॑ते॒ वेति॒ सूर्य॑म॒भि कृ॒ष्णेन॒ रज॑सा॒ द्यामृ॑णोति॒(स्वाहा᳚) || 1.35.9, 1.3.7.3 {आंगिरसो हिरण्यस्तूपः | सविता | जगती}
हिर᳚ण्यहस्तो॒, असु॑रः सुनी॒थः सु॑मृळी॒कः स्ववाँ᳚ यात्व॒र्वाङ् | अ॒प॒सेध᳚न् र॒क्षसो᳚ यातु॒धाना॒नस्था᳚द्दे॒वः प्र॑तिदो॒षं गृ॑णा॒नः(स्वाहा᳚) || 1.35.10, 1.3.7.4 {आंगिरसो हिरण्यस्तूपः | सविता | त्रिष्टुप्}
ये ते॒ पंथाः᳚ सवितः पू॒र्व्यासो᳚ ऽरे॒णवः॒ सुकृ॑ता, अं॒तरि॑क्षे | तेभि᳚र्नो, अ॒द्य प॒थिभिः॑ सु॒गेभी॒ रक्षा᳚ च नो॒, अधि॑ च ब्रूहि देव॒(स्वाहा᳚) || 1.35.11, 1.3.7.5 {आंगिरसो हिरण्यस्तूपः | सविता | त्रिष्टुप्}
[36] प्रवोयह्वमितिविंशत्यचस्य सूक्तस्य घौरः कण्वोग्निः ऊर्ध्वऊषुणइतिद्वयोर्यूपः प्रगाथः (अयुजोबृहत्यः युजः सतोबृहत्यइत्यर्थः) |
प्र वो᳚ य॒ह्वं पु॑रू॒णां वि॒शां दे᳚वय॒तीनां᳚ | अ॒ग्निं सू॒क्तेभि॒र्वचो᳚भिरीमहे॒ यं सी॒मिद॒न्य ईळ॑ते॒(स्वाहा᳚) || 1.36.1, 1.3.8.1 {घौरः कण्वः | अग्निः | बृहती}
जना᳚सो, अ॒ग्निं द॑धिरे सहो॒वृधं᳚ ह॒विष्मं᳚तो विधेम ते | स त्वं नो᳚ अ॒द्य सु॒मना᳚ इ॒हावि॒ता भवा॒ वाजे᳚षु संत्य॒(स्वाहा᳚) || 1.36.2, 1.3.8.2 {घौरः कण्वः | अग्निः | सतोबृहती}
प्र त्वा᳚ दू॒तं वृ॑णीमहे॒ होता᳚रं वि॒श्ववे᳚दसं | म॒हस्ते᳚ स॒तो वि च॑रन् त्य॒र्चयो᳚ दि॒वि स्पृ॑शंति भा॒नवः॒(स्वाहा᳚) || 1.36.3, 1.3.8.3 {घौरः कण्वः | अग्निः | बृहती}
दे॒वास॑स्त्वा॒ वरु॑णो मि॒त्रो, अ᳚र्य॒मा सं दू॒तं प्र॒त्नमिं᳚धते | विश्वं॒ सो, अ॑ग्ने जयति॒ त्वया॒ धनं॒ यस्ते᳚ द॒दाश॒ मर्त्यः॒(स्वाहा᳚) || 1.36.4, 1.3.8.4 {घौरः कण्वः | अग्निः | सतोबृहती}
मं॒द्रो होता᳚ गृ॒हप॑ति॒रग्ने᳚ दू॒तो वि॒शाम॑सि | त्वे विश्वा॒ संग॑तानि व्र॒ता ध्रु॒वा यानि॑ दे॒वा, अकृ᳚ण्वत॒(स्वाहा᳚) || 1.36.5, 1.3.8.5 {घौरः कण्वः | अग्निः | बृहती}
त्वे, इद॑ग्ने सु॒भगे᳚ यविष्ठ्य॒ विश्व॒मा हू᳚यते ह॒विः | स त्वं नो᳚ अ॒द्य सु॒मना᳚ उ॒ताप॒रं यक्षि॑ दे॒वान् त्सु॒वीर्या॒(स्वाहा᳚) || 1.36.6, 1.3.9.1 {घौरः कण्वः | अग्निः | सतोबृहती}
तं घे᳚मि॒त्था न॑म॒स्विन॒ उप॑ स्व॒राज॑मासते | होत्रा᳚भिर॒ग्निं मनु॑षः॒ समिं᳚धते तिति॒र्वांसो॒, अति॒ स्रिधः॒(स्वाहा᳚) || 1.36.7, 1.3.9.2 {घौरः कण्वः | अग्निः | बृहती}
घ्नंतो᳚ वृ॒त्रम॑तर॒न् रोद॑सी, अ॒प उ॒रु क्षया᳚य चक्रिरे | भुव॒त् कण्वे॒ वृषा᳚ द्यु॒म्न्याहु॑तः॒ क्रंद॒दश्वो॒ गवि॑ष्टिषु॒(स्वाहा᳚) || 1.36.8, 1.3.9.3 {घौरः कण्वः | अग्निः | सतोबृहती}
सं सी᳚दस्व म॒हाँ, अ॑सि॒ शोच॑स्व देव॒वीत॑मः | वि धू॒मम॑ग्ने, अरु॒षं मि॑येध्य सृ॒ज प्र॑शस्त दर्श॒तं(स्वाहा᳚) || 1.36.9, 1.3.9.4 {घौरः कण्वः | अग्निः | बृहती}
यं त्वा᳚ दे॒वासो॒ मन॑वे द॒धुरि॒ह यजि॑ष्ठं हव्यवाहन | यं कण्वो॒ मेध्या᳚तिथिर्धन॒स्पृतं॒ यं वृषा॒ यमु॑पस्तु॒तः(स्वाहा᳚) || 1.36.10, 1.3.9.5 {घौरः कण्वः | अग्निः | सतोबृहती}
यम॒ग्निं मेध्या᳚तिथिः॒ कण्व॑ ई॒ध ऋ॒तादधि॑ | तस्य॒ प्रेषो᳚ दीदियु॒स्तमि॒मा, ऋच॒स् तम॒ग्निं व॑र्धयामसि॒(स्वाहा᳚) || 1.36.11, 1.3.10.1 {घौरः कण्वः | अग्निः | बृहती}
रा॒यस्पू᳚र्धि स्वधा॒वोऽस्ति॒ हि तेग्ने᳚ दे॒वेष्वाप्यं᳚ | त्वं वाज॑स्य॒ श्रुत्य॑स्य राजसि॒ स नो᳚ मृळ म॒हाँ, अ॑सि॒(स्वाहा᳚) || 1.36.12, 1.3.10.2 {घौरः कण्वः | अग्निः | सतोबृहती}
ऊ॒र्ध्व ऊ॒ षु ण॑ ऊ॒तये॒ तिष्ठा᳚ दे॒वो न स॑वि॒ता | ऊ॒र्ध्वो वाज॑स्य॒ सनि॑ता॒ यदं॒जिभि᳚र्वा॒घद्भि᳚र्वि॒ह्वया᳚महे॒(स्वाहा᳚) || 1.36.13, 1.3.10.3 {घौरः कण्वः | यूपो वा | बृहती}
ऊ॒र्ध्वो नः॑ पा॒ह्यंह॑सो॒ नि के॒तुना॒ विश्वं॒ सम॒त्रिणं᳚ दह | कृ॒धी न॑ ऊ॒र्ध्वांच॒रथा᳚य जी॒वसे᳚ वि॒दा दे॒वेषु॑ नो॒ दुवः॒(स्वाहा᳚) || 1.36.14, 1.3.10.4 {घौरः कण्वः | यूपो वा | सतोबृहती}
पा॒हि नो᳚ अग्ने र॒क्षसः॑ पा॒हि धू॒र्तेररा᳚व्णः | पा॒हि रीष॑त उ॒त वा॒ जिघां᳚सतो॒ बृह॑द्भानो॒ यवि॑ष्ठ्य॒(स्वाहा᳚) || 1.36.15, 1.3.10.5 {घौरः कण्वः | अग्निः | बृहती}
घ॒नेव॒ विष्व॒ग्वि ज॒ह्यरा᳚व्ण॒स् तपु॑र्जंभ॒ यो, अ॑स्म॒ध्रुक् | यो मर्त्यः॒ शिशी᳚ते॒, अत्य॒क्तुभि॒र्मा नः॒ स रि॒पुरी᳚शत॒(स्वाहा᳚) || 1.36.16, 1.3.11.1 {घौरः कण्वः | अग्निः | सतोबृहती}
अ॒ग्निर्व᳚व्ने सु॒वीर्य॑म॒ग्निः कण्वा᳚य॒ सौभ॑गं | अ॒ग्निः प्राव᳚न्मि॒त्रोत मेध्या᳚तिथिम॒ग्निः सा॒ता, उ॑पस्तु॒तं(स्वाहा᳚) || 1.36.17, 1.3.11.2 {घौरः कण्वः | अग्निः | बृहती}
अ॒ग्निना᳚ तु॒र्वशं॒ यदुं᳚ परा॒वत॑ उ॒ग्रादे᳚वं हवामहे | अ॒ग्निर्न॑य॒न्नव॑वास्त्वं बृ॒हद्र॑थं तु॒र्वीतिं॒ दस्य॑वे॒ सहः॒(स्वाहा᳚) || 1.36.18, 1.3.11.3 {घौरः कण्वः | अग्निः | सतोबृहती}
नि त्वाम॑ग्ने॒ मनु॑र्दधे॒ ज्योति॒र्जना᳚य॒ शश्व॑ते | दी॒देथ॒ कण्व॑ ऋ॒तजा᳚त उक्षि॒तो यं न॑म॒स्यंति॑ कृ॒ष्टयः॒(स्वाहा᳚) || 1.36.19, 1.3.11.4 {घौरः कण्वः | अग्निः | बृहती}
त्वे॒षासो᳚ अ॒ग्नेरम॑वंतो, अ॒र्चयो᳚ भी॒मासो॒ न प्रती᳚तये | र॒क्ष॒स्विनः॒ सद॒मिद् या᳚तु॒माव॑तो॒ विश्वं॒ सम॒त्रिणं᳚ दह॒(स्वाहा᳚) || 1.36.20, 1.3.11.5 {घौरः कण्वः | अग्निः | सतोबृहती}
[37] क्रीळंवइतिपंचदशर्चस्य सूक्तस्य घौरःकण्वोमरुतो गायत्री |
क्री॒ळं वः॒ शर्धो॒ मारु॑तमन॒र्वाणं᳚ रथे॒शुभं᳚ | कण्वा᳚ अ॒भि प्र गा᳚यत॒(स्वाहा᳚) || 1.37.1, 1.3.12.1 {घौरः कण्वः | मरुतः | गायत्री}
ये पृष॑तीभिरृ॒ष्टिभिः॑ सा॒कं वाशी᳚भिरं॒जिभिः॑ | अजा᳚यंत॒ स्वभा᳚नवः॒(स्वाहा᳚) || 1.37.2, 1.3.12.2 {घौरः कण्वः | मरुतः | गायत्री}
इ॒हेव॑ शृण्व एषां॒ कशा॒ हस्ते᳚षु॒ यद्वदा॑न् | नि यामं᳚चि॒त्रमृं᳚जते॒(स्वाहा᳚) || 1.37.3, 1.3.12.3 {घौरः कण्वः | मरुतः | गायत्री}
प्र वः॒ शर्धा᳚य॒ घृष्व॑ये त्वे॒षद्यु᳚म्नाय शु॒ष्मिणे᳚ | दे॒वत्तं॒ ब्रह्म॑ गायत॒(स्वाहा᳚) || 1.37.4, 1.3.12.4 {घौरः कण्वः | मरुतः | गायत्री}
प्र शं᳚सा॒ गोष्वघ्न्यं᳚ क्री॒ळं यच्छर्धो॒ मारु॑तं | जंभे॒ रस॑स्य वावृधे॒(स्वाहा᳚) || 1.37.5, 1.3.12.5 {घौरः कण्वः | मरुतः | गायत्री}
को वो॒ वर्षि॑ष्ठ॒ आ न॑रो दि॒वश्च॒ ग्मश्च॑ धूतयः | यत् सी॒मंतं॒ न धू᳚नु॒थ(स्वाहा᳚) || 1.37.6, 1.3.13.1 {घौरः कण्वः | मरुतः | गायत्री}
नि वो॒ यामा᳚य॒ मानु॑षो द॒ध्र उ॒ग्राय॑ म॒न्यवे᳚ | जिही᳚त॒ पर्व॑तो गि॒रिः(स्वाहा᳚) || 1.37.7, 1.3.13.2 {घौरः कण्वः | मरुतः | गायत्री}
येषा॒मज्मे᳚षु पृथि॒वी जु॑जु॒र्वाँ, इ॑व वि॒श्पतिः॑ | भि॒या यामे᳚षु॒ रेज॑ते॒(स्वाहा᳚) || 1.37.8, 1.3.13.3 {घौरः कण्वः | मरुतः | गायत्री}
स्थि॒रं हि जान॑मेषां॒ वयो᳚ मा॒तुर्निरे᳚तवे | यत् सी॒मनु॑ द्वि॒ता शवः॒(स्वाहा᳚) || 1.37.9, 1.3.13.4 {घौरः कण्वः | मरुतः | गायत्री}
उदु॒ त्ये सू॒नवो॒ गिरः॒ काष्ठा॒, अज्मे᳚ष्वत्नत | वा॒श्रा, अ॑भि॒ज्ञु यात॑वे॒(स्वाहा᳚) || 1.37.10, 1.3.13.5 {घौरः कण्वः | मरुतः | गायत्री}
त्यं चि॑द्घा दी॒र्घं पृ॒थुं मि॒हो नपा᳚त॒ममृ॑ध्रं | प्र च्या᳚वयंति॒ याम॑भिः॒(स्वाहा᳚) || 1.37.11, 1.3.14.1 {घौरः कण्वः | मरुतः | गायत्री}
मरु॑तो॒ यद्ध॑ वो॒ बलं॒ जनाँ᳚, अचुच्यवीतन | गायत्री}गि॒रीँर॑चुच्यवीतन॒(स्वाहा᳚) || 1.37.12, 1.3.14.2 {घौरः कण्वः | मरुतः | गायत्री}
यद्ध॒ यांति॑ म॒रुतः॒ सं ह॑ ब्रुव॒तेऽध्व॒न्ना | शृ॒णोति॒ कश्चि॑देषा॒म्(स्वाहा᳚) || 1.37.13, 1.3.14.3 {घौरः कण्वः | मरुतः | गायत्री}
प्र या᳚त॒ शीभ॑मा॒शुभिः॒ संति॒ कण्वे᳚षु वो॒ दुवः॑ | तत्रो॒ षु मा᳚दयाध्वै॒(स्वाहा᳚) || 1.37.14, 1.3.14.4 {घौरः कण्वः | मरुतः | गायत्री}
अस्ति॒ हि ष्मा॒ मदा᳚य वः॒ स्मसि॑ ष्मा व॒यमे᳚षां | विश्वं᳚ चि॒दायु॑र्जी॒वसे॒(स्वाहा᳚) || 1.37.15, 1.3.14.5 {घौरः कण्वः | मरुतः | गायत्री}
[38] कद्धनूनमिति पंचदशर्चस्य सूक्तस्य घौरः कण्वो मरुतो गायत्री |
कद्ध॑ नू॒नं क॑धप्रियः पि॒ता पु॒त्रं न हस्त॑योः | द॒धि॒ध्वे वृ॑क्तबर्हिषः॒(स्वाहा᳚) || 1.38.1, 1.3.15.1 {घौरः कण्वः | मरुतः | गायत्री}
क्व॑ नू॒नं कद् वो॒, अर्थं॒ गंता᳚ दि॒वो न पृ॑थि॒व्याः | क्व॑ वो॒ गावो॒ न र᳚ण्यंति॒(स्वाहा᳚) || 1.38.2, 1.3.15.2 {घौरः कण्वः | मरुतः | गायत्री}
क्व॑ वः सु॒म्ना नव्यां᳚सि॒ मरु॑तः॒ क्व॑ सुवि॒ता | क्वो॒3॑(ओ॒) विश्वा᳚नि॒ सौभ॑गा॒(स्वाहा᳚) || 1.38.3, 1.3.15.3 {घौरः कण्वः | मरुतः | गायत्री}
यद्यू॒यं पृ॑श्निमातरो॒ मर्ता᳚सः॒ स्यात॑न | स्तो॒ता वो᳚ अ॒मृतः॑ स्या॒त्(स्वाहा᳚) || 1.38.4, 1.3.15.4 {घौरः कण्वः | मरुतः | गायत्री}
मा वो᳚ मृ॒गो न यव॑से जरि॒ता भू॒दजो᳚ष्यः | प॒था य॒मस्य॑ गा॒दुप॒(स्वाहा᳚) || 1.38.5, 1.3.15.5 {घौरः कण्वः | मरुतः | गायत्री}
मो षु णः॒ परा᳚परा॒ निरृ॑तिर्दु॒र्हणा᳚ वधीत् | प॒दी॒ष्ट तृष्ण॑या स॒ह(स्वाहा᳚) || 1.38.6, 1.3.16.1 {घौरः कण्वः | मरुतः | गायत्री}
स॒त्यं त्वे॒षा, अम॑वंतो॒ धन्वं᳚चि॒दा रु॒द्रिया᳚सः | मिहं᳚ कृण्वंत्यवा॒तां(स्वाहा᳚) || 1.38.7, 1.3.16.2 {घौरः कण्वः | मरुतः | गायत्री}
वा॒श्रेव॑ वि॒द्युन्मि॑माति व॒त्सं न मा॒ता सि॑षक्ति | यदे᳚षां वृ॒ष्टिरस॑र्जि॒(स्वाहा᳚) || 1.38.8, 1.3.16.3 {घौरः कण्वः | मरुतः | गायत्री}
दिवा᳚ चि॒त्तमः॑ कृण्वंति प॒र्जन्ये᳚नोदवा॒हेन॑ | यत् पृ॑थि॒वीं व्युं॒दंति॒(स्वाहा᳚) || 1.38.9, 1.3.16.4 {घौरः कण्वः | मरुतः | गायत्री}
अध॑ स्व॒नान्म॒रुतां॒ विश्व॒मा सद्म॒ पार्थि॑वं | अरे᳚जंत॒ प्र मानु॑षाः॒(स्वाहा᳚) || 1.38.10, 1.3.16.5 {घौरः कण्वः | मरुतः | गायत्री}
मरु॑तो वीळुपा॒णिभि॑श् चि॒त्रा रोध॑स्वती॒रनु॑ | गायत्री}या॒तेमखि॑द्रयामभिः॒(स्वाहा᳚) || 1.38.11, 1.3.17.1 {घौरः कण्वः | मरुतः | गायत्री}
स्थि॒रा वः॑ संतु ने॒मयो॒ रथा॒, अश्वा᳚स एषां | सुसं᳚स्कृता, अ॒भीश॑वः॒(स्वाहा᳚) || 1.38.12, 1.3.17.2 {घौरः कण्वः | मरुतः | गायत्री}
अच्छा᳚ वदा॒ तना᳚ गि॒रा ज॒रायै॒ ब्रह्म॑ण॒स्पतिं᳚ | अ॒ग्निं मि॒त्रं न द॑र्श॒तं(स्वाहा᳚) || 1.38.13, 1.3.17.3 {घौरः कण्वः | मरुतः | गायत्री}
मि॒मी॒हि श्लोक॑मा॒स्ये᳚ प॒र्जन्य॑ इव ततनः | गाय॑ गाय॒त्रमु॒क्थ्य॑1(अं॒)(स्वाहा᳚) || 1.38.14, 1.3.17.4 {घौरः कण्वः | मरुतः | गायत्री}
वंद॑स्व॒ मारु॑तं ग॒णं त्वे॒षं प॑न॒स्युम॒र्किणं᳚ | अ॒स्मे वृ॒द्धा, अ॑सन्नि॒ह(स्वाहा᳚) || 1.38.15, 1.3.17.5 {घौरः कण्वः | मरुतः | गायत्री}
[39] प्रयदित्थेतिदशर्चस्य सूक्तस्य घौरः कण्वोमरुतो बार्हतप्रगाथः (अयुजो बृहत्यः युजः सतोबृहत्यः) |
प्र यदि॒त्था प॑रा॒वतः॑ शो॒चिर्न मान॒मस्य॑थ | कस्य॒ क्रत्वा᳚ मरुतः॒ कस्य॒ वर्प॑सा॒ कं या᳚थ॒ कं ह॑ धूतयः॒(स्वाहा᳚) || 1.39.1, 1.3.18.1 {घौरः कण्वः | मरुतः | बृहती}
स्थि॒रा वः॑ सं॒त्वायु॑धा परा॒णुदे᳚ वी॒ळू, उ॒त प्र॑ति॒ष्कभे᳚ | यु॒ष्माक॑मस्तु॒ तवि॑षी॒ पनी᳚यसी॒ मा मर्त्य॑स्य मा॒यिनः॒(स्वाहा᳚) || 1.39.2, 1.3.18.2 {घौरः कण्वः | मरुतः | सतोबृहती}
परा᳚ ह॒ यत् स्थि॒रं ह॒थ नरो᳚ व॒र्तय॑था गु॒रु | वि या᳚थन व॒निनः॑ पृथि॒व्या व्याशाः॒ पर्व॑ताना॒म्(स्वाहा᳚) || 1.39.3, 1.3.18.3 {घौरः कण्वः | मरुतः | बृहती}
न॒हि वः॒ शत्रु᳚र्विवि॒दे, अधि॒ द्यवि॒ न भूम्यां᳚ रिशादसः | यु॒ष्माक॑मस्तु॒ तवि॑षी॒ तना᳚ यु॒जा रुद्रा᳚सो॒ नू चि॑दा॒धृषे॒(स्वाहा᳚) || 1.39.4, 1.3.18.4 {घौरः कण्वः | मरुतः | सतोबृहती}
प्र वे᳚पयंति॒ पर्व॑ता॒न् वि विं᳚चंति॒ वन॒स्पती॑न् | प्रो, आ᳚रत मरुतो दु॒र्मदा᳚ इव॒ देवा᳚सः॒ सर्व॑या वि॒शा(स्वाहा᳚) || 1.39.5, 1.3.18.5 {घौरः कण्वः | मरुतः | बृहती}
उपो॒ रथे᳚षु॒ पृष॑तीरयुग्ध्वं॒ प्रष्टि᳚र्वहति॒ रोहि॑तः | आ वो॒ यामा᳚य पृथि॒वी चि॑दश्रो॒दबी᳚भयंत॒ मानु॑षाः॒(स्वाहा᳚) || 1.39.6, 1.3.19.1 {घौरः कण्वः | मरुतः | सतोबृहती}
आ वो᳚ म॒क्षू तना᳚य॒ कं रुद्रा॒, अवो᳚ वृणीमहे | गंता᳚ नू॒नं नोव॑सा॒ यथा᳚ पु॒रेत्था कण्वा᳚य बि॒भ्युषे॒(स्वाहा᳚) || 1.39.7, 1.3.19.2 {घौरः कण्वः | मरुतः | बृहती}
यु॒ष्मेषि॑तो मरुतो॒ मर्त्ये᳚षित॒ आ यो नो॒, अभ्व॒ ईष॑ते | वि तं यु॑योत॒ शव॑सा॒ व्योज॑सा॒ वि यु॒ष्माका᳚भिरू॒तिभिः॒(स्वाहा᳚) || 1.39.8, 1.3.19.3 {घौरः कण्वः | मरुतः | सतोबृहती}
असा᳚मि॒ हि प्र॑यज्यवः॒ कण्वं᳚ द॒द प्र॑चेतसः | असा᳚मिभिर्मरुत॒ आ न॑ ऊ॒तिभि॒र्गंता᳚ वृ॒ष्टिं न वि॒द्युतः॒(स्वाहा᳚) || 1.39.9, 1.3.19.4 {घौरः कण्वः | मरुतः | बृहती}
असा॒म्योजो᳚ बिभृथा सुदान॒वो ऽसा᳚मि धूतयः॒ शवः॑ | ऋ॒षि॒द्विषे᳚ मरुतः परिम॒न्यव॒ इषुं॒ न सृ॑जत॒ द्विष॒म्(स्वाहा᳚) || 1.39.10, 1.3.19.5 {घौरः कण्वः | मरुतः | सतोबृहती}
[40] उत्तिष्ठेत्यष्टर्चस्य सूक्तस्य घौरः कण्वोब्रह्मणस्पतिः प्रगाथः (अयुजोबृहत्यः युजः सतोबृहत्यः) |
उत्ति॑ष्ठ ब्रह्मणस्पते देव॒यंत॑स्त्वेमहे | उप॒ प्र यं᳚तु म॒रुतः॑ सु॒दान॑व॒ इंद्र॑ प्रा॒शूर्भ॑वा॒ सचा॒(स्वाहा᳚) || 1.40.1, 1.3.20.1 {घौरः कण्वः | ब्रह्मणस्पतिः | बृहती}
त्वामिद्धि स॑हसस्पुत्र॒ मर्त्य॑ उपब्रू॒ते धने᳚ हि॒ते | सु॒वीर्यं᳚ मरुत॒ आ स्वश्व्यं॒ दधी᳚त॒ यो व॑ आच॒के(स्वाहा᳚) || 1.40.2, 1.3.20.2 {घौरः कण्वः | ब्रह्मणस्पतिः | सतोबृहती}
प्रैतु॒ ब्रह्म॑ण॒स्पतिः॒ प्र दे॒व्ये᳚तु सू॒नृता᳚ | अच्छा᳚ वी॒रं नर्यं᳚ पं॒क्तिरा᳚धसं दे॒वा य॒ज्ञं न॑यंतु नः॒(स्वाहा᳚) || 1.40.3, 1.3.20.3 {घौरः कण्वः | ब्रह्मणस्पतिः | बृहती}
यो वा॒घते॒ ददा᳚ति सू॒नरं॒ वसु॒ स ध॑त्ते॒, अक्षि॑ति॒ श्रवः॑ | तस्मा॒, इळां᳚ सु॒वीरा॒मा य॑जामहे सु॒प्रतू᳚र्तिमने॒हस॒म्(स्वाहा᳚) || 1.40.4, 1.3.20.4 {घौरः कण्वः | ब्रह्मणस्पतिः | सतोबृहती}
प्र नू॒नं ब्रह्म॑ण॒स्पति॒र्मंत्रं᳚ वदत्यु॒क्थ्यं᳚ | यस्मि॒न्निंद्रो॒ वरु॑णो मि॒त्रो, अ᳚र्य॒मा दे॒वा, ओकां᳚सि चक्रि॒रे(स्वाहा᳚) || 1.40.5, 1.3.20.5 {घौरः कण्वः | ब्रह्मणस्पतिः | बृहती}
तमिद् वो᳚चेमा वि॒दथे᳚षु शं॒भुवं॒ मंत्रं᳚ देवा, अने॒हसं᳚ | इ॒मां च॒ वाचं᳚ प्रति॒हर्य॑था नरो॒ विश्वेद् वा॒मा वो᳚ अश्नव॒त्(स्वाहा᳚) || 1.40.6, 1.3.21.1 {घौरः कण्वः | ब्रह्मणस्पतिः | सतोबृहती}
को दे᳚व॒यंत॑मश्नव॒ज्जनं॒ को वृ॒क्तब᳚र्हिषं | प्रप्र॑ दा॒श्वान् प॒स्त्या᳚भिरस्थिताऽन्त॒र्वाव॒त् क्षयं᳚ दधे॒(स्वाहा᳚) || 1.40.7, 1.3.21.2 {घौरः कण्वः | ब्रह्मणस्पतिः | बृहती}
उप॑ क्ष॒त्रं पृं᳚ची॒त हंति॒ राज॑भिर्भ॒ये चि॑त् सुक्षि॒तिं द॑धे | नास्य॑ व॒र्ता न त॑रु॒ता म॑हाध॒ने नार्भे᳚ अस्ति व॒ज्रिणः॒(स्वाहा᳚) || 1.40.8, 1.3.21.3 {घौरः कण्वः | ब्रह्मणस्पतिः | सतोबृहती}
[41] यंरक्षंतीति नवर्चस्य सूक्तस्य घौरःकण्वः आद्यानांतिसृणामंत्यानांतिसृणांचवरुणमित्रार्यमणस्तृतीयादितिसृणामादित्यागायत्री |
यं रक्षं᳚ति॒ प्रचे᳚तसो॒ वरु॑णो मि॒त्रो, अ᳚र्य॒मा | नू चि॒त् स द॑भ्यते॒ जनः॒(स्वाहा᳚) || 1.41.1, 1.3.22.1 {घौरः कण्वः | वरुणमित्रार्यमणः | गायत्री}
यं बा॒हुते᳚व॒ पिप्र॑ति॒ पांति॒ मर्त्यं᳚ रि॒षः | अरि॑ष्टः॒ सर्व॑ एधते॒(स्वाहा᳚) || 1.41.2, 1.3.22.2 {घौरः कण्वः | वरुणमित्रार्यमणः | गायत्री}
वि दु॒र्गा वि द्विषः॑ पु॒रो घ्नंति॒ राजा᳚न एषां | नयं᳚ति दुरि॒ता ति॒रः(स्वाहा᳚) || 1.41.3, 1.3.22.3 {घौरः कण्वः | वरुणमित्रार्यमणः | गायत्री}
सु॒गः पंथा᳚ अनृक्ष॒र आदि॑त्यास ऋ॒तं य॒ते | नात्रा᳚वखा॒दो, अ॑स्ति वः॒(स्वाहा᳚) || 1.41.4, 1.3.22.4 {घौरः कण्वः | आदित्याः | गायत्री}
यं य॒ज्ञं नय॑था नर॒ आदि॑त्या, ऋ॒जुना᳚ प॒था | प्र वः॒ स धी॒तये᳚ नश॒त्(स्वाहा᳚) || 1.41.5, 1.3.22.5 {घौरः कण्वः | आदित्याः | गायत्री}
स रत्नं॒ मर्त्यो॒ वसु॒ विश्वं᳚ तो॒कमु॒त त्मना᳚ | अच्छा᳚ गच्छ॒त्यस्तृ॑तः॒(स्वाहा᳚) || 1.41.6, 1.3.23.1 {घौरः कण्वः | आदित्याः | गायत्री}
क॒था रा᳚धाम सखायः॒ स्तोमं᳚ मि॒त्रस्या᳚र्य॒म्णः | महि॒ प्सरो॒ वरु॑णस्य॒(स्वाहा᳚) || 1.41.7, 1.3.23.2 {घौरः कण्वः | वरुणमित्रार्यमणः | गायत्री}
मा वो॒ घ्नंतं॒ मा शपं᳚तं॒ प्रति॑ वोचे देव॒यंतं᳚ | सु॒म्नैरिद्व॒ आ वि॑वासे॒(स्वाहा᳚) || 1.41.8, 1.3.23.3 {घौरः कण्वः | वरुणमित्रार्यमणः | गायत्री}
च॒तुर॑श्चि॒द् दद॑मानाद् बिभी॒यादा निधा᳚तोः | न दु॑रु॒क्ताय॑ स्पृहये॒त्(स्वाहा᳚) || 1.41.9, 1.3.23.4 {घौरः कण्वः | वरुणमित्रार्यमणः | गायत्री}
[42] संपूषन्निति दशर्चस्य सूक्तस्य घौरः कण्वः पूषागायत्री |
सं पू᳚ष॒न्नध्व॑नस्तिर॒ व्यंहो᳚ विमुचो नपात् | सक्ष्वा᳚ देव॒ प्र ण॑स्पु॒रः(स्वाहा᳚) || 1.42.1, 1.3.24.1 {घौरः कण्वः | पूषा | गायत्री}
यो नः॑ पूषन्न॒घो वृको᳚ दुः॒शेव॑ आ॒दिदे᳚शति | अप॑ स्म॒ तं प॒थो ज॑हि॒(स्वाहा᳚) || 1.42.2, 1.3.24.2 {घौरः कण्वः | पूषा | गायत्री}
अप॒ त्यं प॑रिपं॒थिनं᳚ मुषी॒वाणं᳚ हुर॒श्चितं᳚ | दू॒रमधि॑ स्रु॒तेर॑ज॒(स्वाहा᳚) || 1.42.3, 1.3.24.3 {घौरः कण्वः | पूषा | गायत्री}
त्वं तस्य॑ द्वया॒विनो॒ ऽघशं᳚सस्य॒ कस्य॑ चित् | प॒दाभि ति॑ष्ठ॒ तपु॑षि॒म्(स्वाहा᳚) || 1.42.4, 1.3.24.4 {घौरः कण्वः | पूषा | गायत्री}
आ तत्ते᳚ दस्र मंतुमः॒ पूष॒न्नवो᳚ वृणीमहे | येन॑ पि॒तॄनचो᳚दयः॒(स्वाहा᳚) || 1.42.5, 1.3.24.5 {घौरः कण्वः | पूषा | गायत्री}
अधा᳚ नो विश्वसौभग॒ हिर᳚ण्यवाशीमत्तम | धना᳚नि सु॒षणा᳚ कृधि॒(स्वाहा᳚) || 1.42.6, 1.3.25.1 {घौरः कण्वः | पूषा | गायत्री}
अति॑ नः स॒श्चतो᳚ नय सु॒गा नः॑ सु॒पथा᳚ कृणु | पूष᳚न्नि॒ह क्रतुं᳚ विदः॒(स्वाहा᳚) || 1.42.7, 1.3.25.2 {घौरः कण्वः | पूषा | गायत्री}
अ॒भि सू॒यव॑सं नय॒ न न॑वज्वा॒रो, अध्व॑ने | पूष᳚न्नि॒ह क्रतुं᳚ विदः॒(स्वाहा᳚) || 1.42.8, 1.3.25.3 {घौरः कण्वः | पूषा | गायत्री}
श॒ग्धि पू॒र्धि प्र यं᳚सि च शिशी॒हि प्रास्यु॒दरं᳚ | पूष᳚न्नि॒ह क्रतुं᳚ विदः॒(स्वाहा᳚) || 1.42.9, 1.3.25.4 {घौरः कण्वः | पूषा | गायत्री}
न पू॒षणं᳚ मेथामसि सू॒क्तैर॒भि गृ॑णीमसि | वसू᳚नि द॒स्ममी᳚महे॒(स्वाहा᳚) || 1.42.10, 1.3.25.5 {घौरः कण्वः | पूषा | गायत्री}
[43] कद्रुद्रायेतिनवर्चस्य सूक्तस्य घौरः कण्वोरुद्रस्तृतीयायामित्रावरुणौचसप्तम्यादितृचस्य सोमो गायत्र्यंत्यानुष्टुप् |
कद्रु॒द्राय॒ प्रचे᳚तसे मी॒ळ्हुष्ट॑माय॒ तव्य॑से | वो॒चेम॒ शंत॑मं हृ॒दे(स्वाहा᳚) || 1.43.1, 1.3.26.1 {घौरः कण्वः | रुद्रः | गायत्री}
यथा᳚ नो॒, अदि॑तिः॒ कर॒त् पश्वे॒ नृभ्यो॒ यथा॒ गवे᳚ | यथा᳚ तो॒काय॑ रु॒द्रिय॒म्(स्वाहा᳚) || 1.43.2, 1.3.26.2 {घौरः कण्वः | रुद्रः | गायत्री}
यथा᳚ नो मि॒त्रो वरु॑णो॒ यथा᳚ रु॒द्रश्चिके᳚तति | यथा॒ विश्वे᳚ स॒जोष॑सः॒(स्वाहा᳚) || 1.43.3, 1.3.26.3 {घौरः कण्वः | रुद्रो मित्रावरुणौ | गायत्री}
गा॒थप॑तिं मे॒धप॑तिं रु॒द्रं जला᳚षभेषजं | तच्छं॒योः सु॒म्नमी᳚महे॒(स्वाहा᳚) || 1.43.4, 1.3.26.4 {घौरः कण्वः | रुद्रः | गायत्री}
यः शु॒क्र इ॑व॒ सूर्यो॒ हिर᳚ण्यमिव॒ रोच॑ते | श्रेष्ठो᳚ दे॒वानां॒ वसुः॒(स्वाहा᳚) || 1.43.5, 1.3.26.5 {घौरः कण्वः | रुद्रः | गायत्री}
शं नः॑ कर॒त्यर्व॑ते सु॒गं मे॒षाय॑ मे॒ष्ये᳚ | नृभ्यो॒ नारि॑भ्यो॒ गवे॒(स्वाहा᳚) || 1.43.6, 1.3.27.1 {घौरः कण्वः | रुद्रः | गायत्री}
अ॒स्मे सो᳚म॒ श्रिय॒मधि॒ नि धे᳚हि श॒तस्य॑ नृ॒णां | महि॒ श्रव॑स्तुविनृ॒म्णं(स्वाहा᳚) || 1.43.7, 1.3.27.2 {घौरः कण्वः | सोमः | गायत्री}
मा नः॑ सोमपरि॒बाधो॒ मारा᳚तयो जुहुरंत | आ न॑ इंदो॒ वाजे᳚ भज॒(स्वाहा᳚) || 1.43.8, 1.3.27.3 {घौरः कण्वः | सोमः | गायत्री}
यास्ते᳚ प्र॒जा, अ॒मृत॑स्य॒ पर॑स्मि॒न् धाम᳚न्नृ॒तस्य॑ | मू॒र्धा नाभा᳚ सोम वेन आ॒भूषं᳚तीः सोम वेदः॒(स्वाहा᳚) || 1.43.9, 1.3.27.4 {घौरः कण्वः | सोमः | अनुष्टुप्}
[44] अग्नेविवस्वदितिचतुर्दशर्चस्य सूक्तस्य काण्वः प्रस्कण्वोग्निराद्येअश्व्युषश्चप्रगाथः (अयुजोबृहत्यः युजःसतोबृहत्यः) |
अग्ने॒ विव॑स्वदु॒षस॑श् चि॒त्रं राधो᳚ अमर्त्य | आ दा॒शुषे᳚ जातवेदो वहा॒ त्वम॒द्या दे॒वाँ, उ॑ष॒र्बुधः॒(स्वाहा᳚) || 1.44.1, 1.3.28.1 {काण्वः प्रस्कण्वः | अग्न्यश्व्युषसः | बृहती}
जुष्टो॒ हि दू॒तो, असि॑ हव्य॒वाह॒नोऽग्ने᳚ र॒थीर॑ध्व॒राणां᳚ | स॒जूर॒श्विभ्या᳚मु॒षसा᳚ सु॒वीर्य॑म॒स्मे धे᳚हि॒ श्रवो᳚ बृ॒हत्(स्वाहा᳚) || 1.44.2, 1.3.28.2 {काण्वः प्रस्कण्वः | अग्निः | सतोबृहती}
अ॒द्या दू॒तं वृ॑णीमहे॒ वसु॑म॒ग्निं पु॑रुप्रि॒यं | धू॒मके᳚तुं॒ भाऋ॑जीकं॒ व्यु॑ष्टिषु य॒ज्ञाना᳚मध्वर॒श्रिय॒म्(स्वाहा᳚) || 1.44.3, 1.3.28.3 {काण्वः प्रस्कण्वः | अग्निः | बृहती}
श्रेष्ठं॒ यवि॑ष्ठ॒मति॑थिं॒ स्वा᳚हुतं॒ जुष्टं॒ जना᳚य दा॒शुषे᳚ | दे॒वाँ, अच्छा॒ यात॑वे जा॒तवे᳚दसम॒ग्निमी᳚ळे॒ व्यु॑ष्टिषु॒(स्वाहा᳚) || 1.44.4, 1.3.28.4 {काण्वः प्रस्कण्वः | अग्निः | सतोबृहती}
स्त॒वि॒ष्यामि॒ त्वाम॒हं विश्व॑स्यामृत भोजन | अग्ने᳚ त्रा॒तार॑म॒मृतं᳚ मियेध्य॒ यजि॑ष्ठं हव्यवाहन॒(स्वाहा᳚) || 1.44.5, 1.3.28.5 {काण्वः प्रस्कण्वः | अग्निः | बृहती}
सु॒शंसो᳚ बोधि गृण॒ते य॑विष्ठ्य॒ मधु॑जिह्वः॒ स्वा᳚हुतः | प्रस्क᳚ण्वस्य प्रति॒रन्नायु॑र्जी॒वसे᳚ नम॒स्या दैव्यं॒ जन॒म्(स्वाहा᳚) || 1.44.6, 1.3.29.1 {काण्वः प्रस्कण्वः | अग्निः | सतोबृहती}
होता᳚रं वि॒श्ववे᳚दसं॒ सं हि त्वा॒ विश॑ इं॒धते᳚ | स आ व॑ह पुरुहूत॒ प्रचे᳚त॒सोऽग्ने᳚ दे॒वाँ, इ॒ह द्र॒वत्(स्वाहा᳚) || 1.44.7, 1.3.29.2 {काण्वः प्रस्कण्वः | अग्निः | बृहती}
स॒वि॒तार॑मु॒षस॑म॒श्विना॒ भग॑म॒ग्निं व्यु॑ष्टिषु॒ क्षपः॑ | कण्वा᳚सस्त्वा सु॒तसो᳚मास इंधते हव्य॒वाहं᳚ स्वध्वर॒(स्वाहा᳚) || 1.44.8, 1.3.29.3 {काण्वः प्रस्कण्वः | अग्निः | सतोबृहती}
पति॒र्ह्य॑ध्व॒राणा॒मग्ने᳚ दू॒तो वि॒शामसि॑ | उ॒ष॒र्बुध॒ आ व॑ह॒ सोम॑पीतये दे॒वाँ, अ॒द्य स्व॒र्दृशः॒(स्वाहा᳚) || 1.44.9, 1.3.29.4 {काण्वः प्रस्कण्वः | अग्निः | बृहती}
अग्ने॒ पूर्वा॒, अनू॒षसो᳚ विभावसो दी॒देथ॑ वि॒श्वद॑र्शतः | असि॒ ग्रामे᳚ष्ववि॒ता पु॒रोहि॒तोऽसि॑ य॒ज्ञेषु॒ मानु॑षः॒(स्वाहा᳚) || 1.44.10, 1.3.29.5 {काण्वः प्रस्कण्वः | अग्निः | सतोबृहती}
नि त्वा᳚ य॒ज्ञस्य॒ साध॑न॒मग्ने॒ होता᳚रमृ॒त्विजं᳚ | म॒नु॒ष्वद्दे᳚व धीमहि॒ प्रचे᳚तसं जी॒रं दू॒तमम॑र्त्य॒म्(स्वाहा᳚) || 1.44.11, 1.3.30.1 {काण्वः प्रस्कण्वः | अग्निः | बृहती}
यद्दे॒वानां᳚ मित्रमहः पु॒रोहि॒तोऽन्त॑रो॒ यासि॑ दू॒त्यं᳚ | सिंधो᳚रिव॒ प्रस्व॑नितास ऊ॒र्मयो॒ऽग्नेर्भ्रा᳚जंते, अ॒र्चयः॒(स्वाहा᳚) || 1.44.12, 1.3.30.2 {काण्वः प्रस्कण्वः | अग्निः | सतोबृहती}
श्रु॒धि श्रु॑त्कर्ण॒ वह्नि॑भिर्दे॒वैर॑ग्ने स॒याव॑भिः | आ सी᳚दंतु ब॒र्हिषि॑ मि॒त्रो, अ᳚र्य॒मा प्रा᳚त॒र्यावा᳚णो, अध्व॒रं(स्वाहा᳚) || 1.44.13, 1.3.30.3 {काण्वः प्रस्कण्वः | अग्निः | बृहती}
शृ॒ण्वंतु॒ स्तोमं᳚ म॒रुतः॑ सु॒दान॑वोऽग्निजि॒ह्वा, ऋ॑ता॒वृधः॑ | पिब॑तु॒ सोमं॒ वरु॑णो धृ॒तव्र॑तो॒ऽश्विभ्या᳚मु॒षसा᳚ स॒जूः(स्वाहा᳚) || 1.44.14, 1.3.30.4 {काण्वः प्रस्कण्वः | अग्निः | सतोबृहती}
[45] त्वमग्नेवसूनितिदशर्चस्य सूक्तस्य काण्वः प्रस्कण्वोग्निरंत्यायादेवाश्चानुष्टुप् |
त्वम॑ग्ने॒ वसूँ᳚रि॒ह रु॒द्राँ, आ᳚दि॒त्याँ, उ॒त | यजा᳚ स्वध्व॒रं जनं॒ मनु॑जातं घृत॒प्रुष॒म्(स्वाहा᳚) || 1.45.1, 1.3.31.1 {काण्वः प्रस्कण्वः | अग्निः | अनुष्टुप्}
श्रु॒ष्टी॒वानो॒ हि दा॒शुषे᳚ दे॒वा, अ॑ग्ने॒ विचे᳚तसः | तान् रो᳚हिदश्व गिर्वण॒स् त्रय॑स्त्रिंशत॒मा व॑ह॒(स्वाहा᳚) || 1.45.2, 1.3.31.2 {काण्वः प्रस्कण्वः | अग्निः | अनुष्टुप्}
प्रि॒य॒मे॒ध॒वद॑त्रि॒वज् जात॑वेदो विरूप॒वत् | अं॒गि॒र॒स्वन्म॑हिव्रत॒ प्रस्क᳚ण्वस्य श्रुधी॒ हव॒म्(स्वाहा᳚) || 1.45.3, 1.3.31.3 {काण्वः प्रस्कण्वः | अग्निः | अनुष्टुप्}
महि॑केरव ऊ॒तये᳚ प्रि॒यमे᳚धा, अहूषत | राजं᳚तमध्व॒राणा᳚म॒ग्निं शु॒क्रेण॑ शो॒चिषा॒(स्वाहा᳚) || 1.45.4, 1.3.31.4 {काण्वः प्रस्कण्वः | अग्निः | अनुष्टुप्}
घृता᳚हवन संत्ये॒मा, उ॒ षु श्रु॑धी॒ गिरः॑ | याभिः॒ कण्व॑स्य सू॒नवो॒ हवं॒तेऽव॑से त्वा॒(स्वाहा᳚) || 1.45.5, 1.3.31.5 {काण्वः प्रस्कण्वः | अग्निः | अनुष्टुप्}
त्वां चि॑त्रश्रवस्तम॒ हवं᳚ते वि॒क्षु जं॒तवः॑ | शो॒चिष्के᳚शं पुरुप्रि॒याग्ने᳚ ह॒व्याय॒ वोळ्ह॑वे॒(स्वाहा᳚) || 1.45.6, 1.3.32.1 {काण्वः प्रस्कण्वः | अग्निः | अनुष्टुप्}
नि त्वा॒ होता᳚रमृ॒त्विजं᳚ दधि॒रे व॑सु॒वित्त॑मं | श्रुत्क᳚र्णं स॒प्रथ॑स्तमं॒ विप्रा᳚ अग्ने॒ दिवि॑ष्टिषु॒(स्वाहा᳚) || 1.45.7, 1.3.32.2 {काण्वः प्रस्कण्वः | अग्निः | अनुष्टुप्}
आ त्वा॒ विप्रा᳚ अचुच्यवुः सु॒तसो᳚मा, अ॒भि प्रयः॑ | बृ॒हद् भा बिभ्र॑तो ह॒विरग्ने॒ मर्ता᳚य दा॒शुषे॒(स्वाहा᳚) || 1.45.8, 1.3.32.3 {काण्वः प्रस्कण्वः | अग्निः | अनुष्टुप्}
प्रा॒त॒र्याव्णः॑ सहस्कृत सोम॒पेया᳚य संत्य | इ॒हाद्य दैव्यं॒ जनं᳚ ब॒र्हिरा सा᳚दया वसो॒(स्वाहा᳚) || 1.45.9, 1.3.32.4 {काण्वः प्रस्कण्वः | अग्निः | अनुष्टुप्}
अ॒र्वांचं॒ दैव्यं॒ जन॒मग्ने॒ यक्ष्व॒ सहू᳚तिभिः | अ॒यं सोमः॑ सुदानव॒स् तं पा᳚त ति॒रो, अ᳚ह्न्य॒म्(स्वाहा᳚) || 1.45.10, 1.3.32.5 {काण्वः प्रस्कण्वः | 1/2:अग्निः 2/2:देवाः | अनुष्टुप्}
[46] एषोउषाइति पंचदशर्चस्य सूक्तस्य काण्वः प्रस्कण्वोश्विनौगायत्री |
ए॒षो, उ॒षा, अपू᳚र्व्या॒ व्यु॑च्छति प्रि॒या दि॒वः | स्तु॒षे वा᳚मश्विना बृ॒हत्(स्वाहा᳚) || 1.46.1, 1.3.33.1 {काण्वः प्रस्कण्वः | अश्विनौ | गायत्री}
या द॒स्रा सिंधु॑मातरा मनो॒तरा᳚ रयी॒णां | धि॒या दे॒वा व॑सु॒विदा॒(स्वाहा᳚) || 1.46.2, 1.3.33.2 {काण्वः प्रस्कण्वः | अश्विनौ | गायत्री}
व॒च्यंते᳚ वां ककु॒हासो᳚ जू॒र्णाया॒मधि॑ वि॒ष्टपि॑ | यद्वां॒ रथो॒ विभि॒ष्पता॒त्(स्वाहा᳚) || 1.46.3, 1.3.33.3 {काण्वः प्रस्कण्वः | अश्विनौ | गायत्री}
ह॒विषा᳚ जा॒रो, अ॒पां पिप॑र्ति॒ पपु॑रिर्नरा | पि॒ता कुट॑स्य चर्ष॒णिः(स्वाहा᳚) || 1.46.4, 1.3.33.4 {काण्वः प्रस्कण्वः | अश्विनौ | गायत्री}
आ॒दा॒रो वां᳚ मती॒नां नास॑त्या मतवचसा | पा॒तं सोम॑स्य धृष्णु॒या(स्वाहा᳚) || 1.46.5, 1.3.33.5 {काण्वः प्रस्कण्वः | अश्विनौ | गायत्री}
या नः॒ पीप॑रदश्विना॒ ज्योति॑ष्मती॒ तम॑स्ति॒रः | ताम॒स्मे रा᳚साथा॒मिष॒म्(स्वाहा᳚) || 1.46.6, 1.3.34.1 {काण्वः प्रस्कण्वः | अश्विनौ | गायत्री}
आ नो᳚ ना॒वा म॑ती॒नां या॒तं पा॒राय॒ गंत॑वे | युं॒जाथा᳚मश्विना॒ रथ॒म्(स्वाहा᳚) || 1.46.7, 1.3.34.2 {काण्वः प्रस्कण्वः | अश्विनौ | गायत्री}
अ॒रित्रं᳚ वां दि॒वस्पृ॒थु ती॒र्थे सिंधू᳚नां॒ रथः॑ | धि॒या यु॑युज्र॒ इंद॑वः॒(स्वाहा᳚) || 1.46.8, 1.3.34.3 {काण्वः प्रस्कण्वः | अश्विनौ | गायत्री}
दि॒वस्क᳚ण्वास॒ इंद॑वो॒ वसु॒ सिंधू᳚नां प॒दे | स्वं व॒व्रिं कुह॑ धित्सथः॒(स्वाहा᳚) || 1.46.9, 1.3.34.4 {काण्वः प्रस्कण्वः | अश्विनौ | गायत्री}
अभू᳚दु॒ भा, उ॑ अं॒शवे॒ हिर᳚ण्यं॒ प्रति॒ सूर्यः॑ | गायत्री}व्य॑ख्यज्जि॒ह्वयासि॑तः॒(स्वाहा᳚) || 1.46.10, 1.3.34.5 {काण्वः प्रस्कण्वः | अश्विनौ | गायत्री}
अभू᳚दु पा॒रमेत॑वे॒ पंथा᳚ ऋ॒तस्य॑ साधु॒या | अद॑र्शि॒ वि स्रु॒तिर्दि॒वः(स्वाहा᳚) || 1.46.11, 1.3.35.1 {काण्वः प्रस्कण्वः | अश्विनौ | गायत्री}
तत्त॒दिद॒श्विनो॒रवो᳚ जरि॒ता प्रति॑ भूषति | मदे॒ सोम॑स्य॒ पिप्र॑तोः॒(स्वाहा᳚) || 1.46.12, 1.3.35.2 {काण्वः प्रस्कण्वः | अश्विनौ | गायत्री}
वा॒व॒सा॒ना वि॒वस्व॑ति॒ सोम॑स्य पी॒त्या गि॒रा | म॒नु॒ष्वच्छं᳚भू॒, आ ग॑त॒म्(स्वाहा᳚) || 1.46.13, 1.3.35.3 {काण्वः प्रस्कण्वः | अश्विनौ | गायत्री}
यु॒वोरु॒षा, अनु॒ श्रियं॒ परि॑ज्मनोरु॒पाच॑रत् | ऋ॒ता व॑नथो, अ॒क्तुभिः॒(स्वाहा᳚) || 1.46.14, 1.3.35.4 {काण्वः प्रस्कण्वः | अश्विनौ | गायत्री}
उ॒भा पि॑बतमश्विनो॒भा नः॒ शर्म॑ यच्छतं | गायत्री}अ॒वि॒द्रि॒याभि॑रू॒तिभिः॒(स्वाहा᳚) || 1.46.15, 1.3.35.5 {काण्वः प्रस्कण्वः | अश्विनौ | गायत्री}
[47] अयंवामिति दशर्चस्यसूक्तस्य काण्वः प्रस्कण्वोश्विनौ प्रगाथः (अयुजोबृहत्यो युजःसतोबृहत्यः ) |
अ॒यं वां॒ मधु॑मत्तमः सु॒तः सोम॑ ऋतावृधा | तम॑श्विना पिबतं ति॒रो,अ᳚ह्न्यं ध॒त्तं रत्ना᳚नि दा॒शुषे॒(स्वाहा᳚) || 1.47.1, 1.4.1.1 {काण्वः प्रस्कण्वः | अश्विनौ | बृहती}
त्रि॒वं॒धु॒रेण॑ त्रि॒वृता᳚ सु॒पेश॑सा॒ रथे॒ना या᳚तमश्विना | कण्वा᳚सो वां॒ ब्रह्म॑ कृण्वंत्यध्व॒रे तेषां॒ सु शृ॑णुतं॒ हव॒म्(स्वाहा᳚) || 1.47.2, 1.4.1.2 {काण्वः प्रस्कण्वः | अश्विनौ | सतोबृहती}
अश्वि॑ना॒ मधु॑मत्तमं पा॒तं सोम॑मृतावृधा | अथा॒द्य द॑स्रा॒ वसु॒ बिभ्र॑ता॒ रथे᳚ दा॒श्वांस॒मुप॑ गच्छत॒म्(स्वाहा᳚) || 1.47.3, 1.4.1.3 {काण्वः प्रस्कण्वः | अश्विनौ | बृहती}
त्रि॒ष॒ध॒स्थे ब॒र्हिषि॑ विश्ववेदसा॒ मध्वा᳚ य॒ज्ञं मि॑मिक्षतं | कण्वा᳚सो वां सु॒तसो᳚मा, अ॒भिद्य॑वो यु॒वां ह॑वंते, अश्विना॒(स्वाहा᳚) || 1.47.4, 1.4.1.4 {काण्वः प्रस्कण्वः | अश्विनौ | सतोबृहती}
याभिः॒ कण्व॑म॒भिष्टि॑भिः॒ प्राव॑तं यु॒वम॑श्विना | ताभिः॒ ष्व1॑(अ॒)स्माँ, अ॑वतं शुभस्पती पा॒तं सोम॑मृतावृधा॒(स्वाहा᳚) || 1.47.5, 1.4.1.5 {काण्वः प्रस्कण्वः | अश्विनौ | बृहती}
सु॒दासे᳚ दस्रा॒ वसु॒ बिभ्र॑ता॒ रथे॒ पृक्षो᳚ वहतमश्विना | र॒यिं स॑मु॒द्रादु॒त वा᳚ दि॒वस्पर्य॒स्मे ध॑त्तं पुरु॒स्पृह॒म्(स्वाहा᳚) || 1.47.6, 1.4.2.1 {काण्वः प्रस्कण्वः | अश्विनौ | सतोबृहती}
यन्ना᳚सत्या परा॒वति॒ यद् वा॒ स्थो, अधि॑ तु॒र्वशे᳚ | अतो॒ रथे᳚न सु॒वृता᳚ न॒ आ ग॑तं सा॒कं सूर्य॑स्य र॒श्मिभिः॒(स्वाहा᳚) || 1.47.7, 1.4.2.2 {काण्वः प्रस्कण्वः | अश्विनौ | बृहती}
अ॒र्वांचा᳚ वां॒ सप्त॑योऽध्वर॒श्रियो॒ वहं᳚तु॒ सव॒नेदुप॑ | इषं᳚ पृं॒चंता᳚ सु॒कृते᳚ सु॒दान॑व॒ आ ब॒र्हिः सी᳚दतं नरा॒(स्वाहा᳚) || 1.47.8, 1.4.2.3 {काण्वः प्रस्कण्वः | अश्विनौ | सतोबृहती}
तेन॑ नास॒त्या ग॑तं॒ रथे᳚न॒ सूर्य॑त्वचा | येन॒ शश्व॑दू॒हथु॑र्दा॒शुषे॒ वसु॒ मध्वः॒ सोम॑स्य पी॒तये॒(स्वाहा᳚) || 1.47.9, 1.4.2.4 {काण्वः प्रस्कण्वः | अश्विनौ | बृहती}
उ॒क्थेभि॑र॒र्वागव॑से पुरू॒वसू᳚ अ॒र्कैश्च॒ नि ह्व॑यामहे | शश्व॒त् कण्वा᳚नां॒ सद॑सि प्रि॒ये हि कं॒ सोमं᳚ प॒पथु॑रश्विना॒(स्वाहा᳚) || 1.47.10, 1.4.2.5 {काण्वः प्रस्कण्वः | अश्विनौ | सतोबृहती}
[48] सहवामेनेति षोळशर्चस्य सूक्तस्य काण्वः प्रस्कण्व उषाः प्रगाथः (अयुजोबृहत्यो युजःसतोबृहत्यः ) |
स॒ह वा॒मेन॑ न उषो॒ व्यु॑च्छा दुहितर्दिवः | स॒ह द्यु॒म्नेन॑ बृह॒ता वि॑भावरि रा॒या दे᳚वि॒ दास्व॑ती॒(स्वाहा᳚) || 1.48.1, 1.4.3.1 {काण्वः प्रस्कण्वः | उषाः | बृहती}
अश्वा᳚वती॒र्गोम॑तीर्विश्वसु॒विदो॒ भूरि॑ च्यवंत॒ वस्त॑वे | उदी᳚रय॒ प्रति॑ मा सू॒नृता᳚ उष॒श्चोद॒ राधो᳚ म॒घोना॒म्(स्वाहा᳚) || 1.48.2, 1.4.3.2 {काण्वः प्रस्कण्वः | उषाः | सतोबृहती}
उ॒वासो॒षा, उ॒च्छाच्च॒ नु दे॒वी जी॒रा रथा᳚नां | ये, अ॑स्या, आ॒चर॑णेषु दध्रि॒रे स॑मु॒द्रे न श्र॑व॒स्यवः॒(स्वाहा᳚) || 1.48.3, 1.4.3.3 {काण्वः प्रस्कण्वः | उषाः | बृहती}
उषो॒ ये ते॒ प्र यामे᳚षु युं॒जते॒ मनो᳚ दा॒नाय॑ सू॒रयः॑ | अत्राह॒ तत् कण्व॑ एषां॒ कण्व॑तमो॒ नाम॑ गृणाति नृ॒णां(स्वाहा᳚) || 1.48.4, 1.4.3.4 {काण्वः प्रस्कण्वः | उषाः | सतोबृहती}
आ घा॒ योषे᳚व सू॒नर्यु॒षा या᳚ति प्रभुंज॒ती | ज॒रयं᳚ती॒ वृज॑नं प॒द्वदी᳚यत॒ उत्पा᳚तयति प॒क्षिणः॒(स्वाहा᳚) || 1.48.5, 1.4.3.5 {काण्वः प्रस्कण्वः | उषाः | बृहती}
वि या सृ॒जति॒ सम॑नं॒ व्य1॑(अ॒)र्थिनः॑ प॒दं न वे॒त्योद॑ती | वयो॒ नकि॑ष्टे पप्ति॒वांस॑ आसते॒ व्यु॑ष्टौ वाजिनीवति॒(स्वाहा᳚) || 1.48.6, 1.4.4.1 {काण्वः प्रस्कण्वः | उषाः | सतोबृहती}
ए॒षायु॑क्त परा॒वतः॒ सूर्य॑स्यो॒दय॑ना॒दधि॑ | श॒तं रथे᳚भिः सु॒भगो॒षा, इ॒यं वि या᳚त्य॒भि मानु॑षा॒न्(स्वाहा᳚) || 1.48.7, 1.4.4.2 {काण्वः प्रस्कण्वः | उषाः | बृहती}
विश्व॑मस्या नानाम॒ चक्ष॑से॒ जग॒ज् ज्योति॑ष्कृणोति सू॒नरी᳚ | अप॒ द्वेषो᳚ म॒घोनी᳚ दुहि॒ता दि॒व उ॒षा, उ॑च्छ॒दप॒ स्रिधः॒(स्वाहा᳚) || 1.48.8, 1.4.4.3 {काण्वः प्रस्कण्वः | उषाः | सतोबृहती}
उष॒ आ भा᳚हि भा॒नुना᳚ चं॒द्रेण॑ दुहितर्दिवः | आ॒वहं᳚ती॒ भूर्य॒स्मभ्यं॒ सौभ॑गं व्यु॒च्छंती॒ दिवि॑ष्टिषु॒(स्वाहा᳚) || 1.48.9, 1.4.4.4 {काण्वः प्रस्कण्वः | उषाः | बृहती}
विश्व॑स्य॒ हि प्राण॑नं॒ जीव॑नं॒ त्वे वि यदु॒च्छसि॑ सूनरि | सा नो॒ रथे᳚न बृह॒ता वि॑भावरि श्रु॒धि चि॑त्रामघे॒ हव॒म्(स्वाहा᳚) || 1.48.10, 1.4.4.5 {काण्वः प्रस्कण्वः | उषाः | सतोबृहती}
उषो॒ वाजं॒ हि वंस्व॒ यश्चि॒त्रो मानु॑षे॒ जने᳚ | तेना व॑ह सु॒कृतो᳚ अध्व॒राँ, उप॒ ये त्वा᳚ गृ॒णंति॒ वह्न॑यः॒(स्वाहा᳚) || 1.48.11, 1.4.5.1 {काण्वः प्रस्कण्वः | उषाः | बृहती}
विश्वा᳚न् दे॒वाँ, आ व॑ह॒ सोम॑पीतये॒ऽन्तरि॑क्षादुष॒स्त्वं | सास्मासु॑ धा॒ गोम॒दश्वा᳚वदु॒क्थ्य1॑(अ॒)मुषो॒ वाजं᳚ सु॒वीर्य॒म्(स्वाहा᳚) || 1.48.12, 1.4.5.2 {काण्वः प्रस्कण्वः | उषाः | सतोबृहती}
यस्या॒ रुशं᳚तो, अ॒र्चयः॒ प्रति॑ भ॒द्रा, अदृ॑क्षत | सा नो᳚ र॒यिं वि॒श्ववा᳚रं सु॒पेश॑समु॒षा द॑दातु॒ सुग्म्य॒म्(स्वाहा᳚) || 1.48.13, 1.4.5.3 {काण्वः प्रस्कण्वः | उषाः | बृहती}
ये चि॒द्धि त्वामृष॑यः॒ पूर्व॑ ऊ॒तये᳚ जुहू॒रेव॑से महि | सा नः॒ स्तोमाँ᳚, अ॒भि गृ॑णीहि॒ राध॒सोषः॑ शु॒क्रेण॑ शो॒चिषा॒(स्वाहा᳚) || 1.48.14, 1.4.5.4 {काण्वः प्रस्कण्वः | उषाः | सतोबृहती}
उषो॒ यद॒द्य भा॒नुना॒ वि द्वारा᳚वृ॒णवो᳚ दि॒वः | प्र नो᳚ यच्छतादवृ॒कं पृ॒थु च्छ॒र्दिः प्र दे᳚वि॒ गोम॑ती॒रिषः॒(स्वाहा᳚) || 1.48.15, 1.4.5.5 {काण्वः प्रस्कण्वः | उषाः | बृहती}
सं नो᳚ रा॒या बृ॑ह॒ता वि॒श्वपे᳚शसा मिमि॒क्ष्वा समिळा᳚भि॒रा | सं द्यु॒म्नेन॑ विश्व॒तुरो᳚षो महि॒ सं वाजै᳚र्वाजिनीवति॒(स्वाहा᳚) || 1.48.16, 1.4.5.6 {काण्वः प्रस्कण्वः | उषाः | सतोबृहती}
[49] उषोभत्रेभिरिति चतुरृचस्व सूक्तस्य काण्वः प्रस्कण्वउषाअनुष्टुप् |
उषो᳚ भ॒द्रेभि॒रा ग॑हि दि॒वश्चि॑द् रोच॒नादधि॑ | वहं᳚त्वरु॒णप्स॑व॒ उप॑ त्वा सो॒मिनो᳚ गृ॒हं(स्वाहा᳚) || 1.49.1, 1.4.6.1 {काण्वः प्रस्कण्वः | उषाः | अनुष्टुप्}
सु॒पेश॑सं सु॒खं रथं॒ यम॒ध्यस्था᳚ उष॒स्त्वं | तेना᳚ सु॒श्रव॑सं॒ जनं॒ प्रावा॒द्य दु॑हितर्दिवः॒(स्वाहा᳚) || 1.49.2, 1.4.6.2 {काण्वः प्रस्कण्वः | उषाः | अनुष्टुप्}
वय॑श्चित्ते पत॒त्रिणो᳚ द्वि॒पच्चतु॑ष्पदर्जुनि | उषः॒ प्रार᳚न्नृ॒तूँरनु॑ दि॒वो, अंते᳚भ्य॒स्परि॒(स्वाहा᳚) || 1.49.3, 1.4.6.3 {काण्वः प्रस्कण्वः | उषाः | अनुष्टुप्}
व्यु॒च्छंती॒ हि र॒श्मिभि॒र्विश्व॑मा॒भासि॑ रोच॒नं | तां त्वामु॑षर्वसू॒यवो᳚ गी॒र्भिः कण्वा᳚ अहूषत॒(स्वाहा᳚) || 1.49.4, 1.4.6.4 {काण्वः प्रस्कण्वः | उषाः | अनुष्टुप्}
[50] उदुत्यमिति त्रयोदशर्चस्य सूक्तस्य काण्वःप्रस्कण्वः सूर्यो गायत्री अंत्याश्चतस्रोनुष्टुभः (अंत्यस्तृचोरोगघ्नउपनिषदंत्योर्थर्चोद्विषन्न इतिगुणः) |
उदु॒ त्यं जा॒तवे᳚दसं दे॒वं व॑हंति के॒तवः॑ | दृ॒शे विश्वा᳚य॒ सूर्य॒म्(स्वाहा᳚) || 1.50.1, 1.4.7.1 {काण्वः प्रस्कण्वः | सूर्यः | गायत्री}
अप॒ त्ये ता॒यवो᳚ यथा॒ नक्ष॑त्रा यंत्य॒क्तुभिः॑ | सूरा᳚य वि॒श्वच॑क्षसे॒(स्वाहा᳚) || 1.50.2, 1.4.7.2 {काण्वः प्रस्कण्वः | सूर्यः | गायत्री}
अदृ॑श्रमस्य के॒तवो॒ वि र॒श्मयो॒ जनाँ॒, अनु॑ | भ्राजं᳚तो, अ॒ग्नयो᳚ यथा॒(स्वाहा᳚) || 1.50.3, 1.4.7.3 {काण्वः प्रस्कण्वः | सूर्यः | गायत्री}
त॒रणि᳚र्वि॒श्वद॑र्शतो ज्योति॒ष्कृद॑सि सूर्य | विश्व॒मा भा᳚सि रोच॒नं(स्वाहा᳚) || 1.50.4, 1.4.7.4 {काण्वः प्रस्कण्वः | सूर्यः | गायत्री}
प्र॒त्यङ् दे॒वानां॒ विशः॑ प्र॒त्यङ्ङुदे᳚षि॒ मानु॑षान् | प्र॒त्यङ् विश्वं॒ स्व॑र्दृ॒शे(स्वाहा᳚) || 1.50.5, 1.4.7.5 {काण्वः प्रस्कण्वः | सूर्यः | गायत्री}
येना᳚ पावक॒ चक्ष॑सा भुर॒ण्यंतं॒ जनाँ॒, अनु॑ | त्वं व॑रुण॒ पश्य॑सि॒(स्वाहा᳚) || 1.50.6, 1.4.8.1 {काण्वः प्रस्कण्वः | सूर्यः | गायत्री}
वि द्यामे᳚षि॒ रज॑स्पृ॒थ्वहा॒ मिमा᳚नो, अ॒क्तुभिः॑ | पश्यं॒जन्मा᳚नि सूर्य॒(स्वाहा᳚) || 1.50.7, 1.4.8.2 {काण्वः प्रस्कण्वः | सूर्यः | गायत्री}
स॒प्त त्वा᳚ ह॒रितो॒ रथे॒ वहं᳚ति देव सूर्य | शो॒चिष्के᳚शं विचक्षण॒(स्वाहा᳚) || 1.50.8, 1.4.8.3 {काण्वः प्रस्कण्वः | सूर्यः | गायत्री}
अयु॑क्त स॒प्त शुं॒ध्युवः॒ सूरो॒ रथ॑स्य न॒प्त्यः॑ | ताभि᳚र्याति॒ स्वयु॑क्तिभिः॒(स्वाहा᳚) || 1.50.9, 1.4.8.4 {काण्वः प्रस्कण्वः | सूर्यः | गायत्री}
उद्व॒यं तम॑स॒स्परि॒ ज्योति॒ष्पश्यं᳚त॒ उत्त॑रं | दे॒वं दे᳚व॒त्रा सूर्य॒मग᳚न्म॒ ज्योति॑रुत्त॒मं(स्वाहा᳚) || 1.50.10, 1.4.8.5 {काण्वः प्रस्कण्वः | सूर्यः | अनुष्टुप्}
उ॒द्यन्न॒द्य मि॑त्रमह आ॒रोह॒न्नुत्त॑रां॒ दिवं᳚ | हृ॒द्रो॒गं मम॑ सूर्य हरि॒माणं᳚ च नाशय॒(स्वाहा᳚) || 1.50.11, 1.4.8.6 {काण्वः प्रस्कण्वः | सूर्यः | अनुष्टुप्}
शुके᳚षु मे हरि॒माणं᳚ रोप॒णाका᳚सु दध्मसि | अथो᳚ हारिद्र॒वेषु॑ मे हरि॒माणं॒ नि द॑ध्मसि॒(स्वाहा᳚) || 1.50.12, 1.4.8.7 {काण्वः प्रस्कण्वः | सूर्यः | अनुष्टुप्}
उद॑गाद॒यमा᳚दि॒त्यो विश्वे᳚न॒ सह॑सा स॒ह | द्वि॒षंतं॒ मह्यं᳚ रं॒धय॒न् मो, अ॒हं द्वि॑ष॒ते र॑ध॒म्(स्वाहा᳚) || 1.50.13, 1.4.8.8 {काण्वः प्रस्कण्वः | सूर्यः | अनुष्टुप्}
[51] अभित्यमिति पंचदशर्चस्य सूक्तस्य आंगिरसः सव्यइंद्रोजगतीअंत्येद्वेत्रिष्टुभौ |
अ॒भि त्यं मे॒षं पु॑रुहू॒तमृ॒ग्मिय॒मिंद्रं᳚ गी॒र्भिर्म॑दता॒ वस्वो᳚ अर्ण॒वं | यस्य॒ द्यावो॒ न वि॒चरं᳚ति॒ मानु॑षा भु॒जे मंहि॑ष्ठम॒भि विप्र॑मर्चत॒(स्वाहा᳚) || 1.51.1, 1.4.9.1 {आंगिरस सव्यः | इंद्रः | जगती}
अ॒भीम॑वन्वन् त्स्वभि॒ष्टिमू॒तयो᳚ऽन्तरिक्ष॒प्रां तवि॑षीभि॒रावृ॑तं | इंद्रं॒ दक्षा᳚स ऋ॒भवो᳚ मद॒च्युतं᳚ श॒तक्र॑तुं॒ जव॑नी सू॒नृतारु॑ह॒त्(स्वाहा᳚) || 1.51.2, 1.4.9.2 {आंगिरस सव्यः | इंद्रः | जगती}
त्वं गो॒त्रमंगि॑रोभ्योऽवृणो॒रपो॒तात्र॑ये श॒तदु॑रेषु गातु॒वित् | स॒सेन॑ चिद् विम॒दाया᳚वहो॒ वस्वा॒जावद्रिं᳚ वावसा॒नस्य॑ न॒र्तयं॒त्(स्वाहा᳚) || 1.51.3, 1.4.9.3 {आंगिरस सव्यः | इंद्रः | जगती}
त्वम॒पाम॑पि॒धाना᳚वृणो॒रपाधा᳚रयः॒ पर्व॑ते॒ दानु॑म॒द् वसु॑ | वृ॒त्रं यदिं᳚द्र॒ शव॒साव॑धी॒रहि॒मादित् सूर्यं᳚ दि॒व्यारो᳚हयो दृ॒शे(स्वाहा᳚) || 1.51.4, 1.4.9.4 {आंगिरस सव्यः | इंद्रः | जगती}
त्वं मा॒याभि॒रप॑ मा॒यिनो᳚ऽधमः स्व॒धाभि॒र्ये, अधि॒ शुप्ता॒वजु॑ह्वत | त्वं पिप्रो᳚र्नृमणः॒ प्रारु॑जः॒ पुरः॒ प्र ऋ॒जिश्वा᳚नं दस्यु॒हत्ये᳚ष्वाविथ॒(स्वाहा᳚) || 1.51.5, 1.4.9.5 {आंगिरस सव्यः | इंद्रः | जगती}
त्वं कुत्सं᳚ शुष्ण॒हत्ये᳚ष्वावि॒थारं᳚धयोऽतिथि॒ग्वाय॒ शंब॑रं | म॒हांतं᳚ चिदर्बु॒दं नि क्र॑मीः प॒दा स॒नादे॒व द॑स्यु॒हत्या᳚य जज्ञिषे॒(स्वाहा᳚) || 1.51.6, 1.4.10.1 {आंगिरस सव्यः | इंद्रः | जगती}
त्वे विश्वा॒ तवि॑षी स॒ध्र्य॑ग्घि॒ता तव॒ राधः॑ सोमपी॒थाय॑ हर्षते | तव॒ वज्र॑श्चिकिते बा॒ह्वोर्हि॒तो वृ॒श्चा शत्रो॒रव॒ विश्वा᳚नि॒ वृष्ण्या॒(स्वाहा᳚) || 1.51.7, 1.4.10.2 {आंगिरस सव्यः | इंद्रः | जगती}
वि जा᳚नी॒ह्यार्या॒न्ये च॒ दस्य॑वो ब॒र्हिष्म॑ते रंधया॒ शास॑दव्र॒तान् | शाकी᳚ भव॒ यज॑मानस्य चोदि॒ता विश्वेत्ता ते᳚ सध॒मादे᳚षु चाकन॒(स्वाहा᳚) || 1.51.8, 1.4.10.3 {आंगिरस सव्यः | इंद्रः | जगती}
अनु᳚व्रताय रं॒धय॒न्नप᳚व्रताना॒भूभि॒रिंद्रः॑ श्न॒थय॒न्नना᳚भुवः | वृ॒द्धस्य॑ चि॒द् वर्ध॑तो॒ द्यामिन॑क्षतः॒ स्तवा᳚नो व॒म्रो वि ज॑घान सं॒दिहः॒(स्वाहा᳚) || 1.51.9, 1.4.10.4 {आंगिरस सव्यः | इंद्रः | जगती}
तक्ष॒द् यत्त॑ उ॒शना॒ सह॑सा॒ सहो॒ वि रोद॑सी म॒ज्मना᳚ बाधते॒ शवः॑ | आ त्वा॒ वात॑स्य नृमणो मनो॒युज॒ आ पूर्य॑माणमवहन्न॒भि श्रवः॒(स्वाहा᳚) || 1.51.10, 1.4.10.5 {आंगिरस सव्यः | इंद्रः | जगती}
मंदि॑ष्ट॒ यदु॒शने᳚ का॒व्ये सचाँ॒, इंद्रो᳚ वं॒कू वं᳚कु॒तराधि॑ तिष्ठति | उ॒ग्रो य॒यिं निर॒पः स्रोत॑सासृज॒द् वि शुष्ण॑स्य दृंहि॒ता, ऐ᳚रय॒त् पुरः॒(स्वाहा᳚) || 1.51.11, 1.4.11.1 {आंगिरस सव्यः | इंद्रः | जगती}
आ स्मा॒ रथं᳚ वृष॒पाणे᳚षु तिष्ठसि शार्या॒तस्य॒ प्रभृ॑ता॒ येषु॒ मंद॑से | इंद्र॒ यथा᳚ सु॒तसो᳚मेषु चा॒कनो᳚ऽन॒र्वाणं॒ श्लोक॒मा रो᳚हसे दि॒वि(स्वाहा᳚) || 1.51.12, 1.4.11.2 {आंगिरस सव्यः | इंद्रः | जगती}
अद॑दा॒, अर्भां᳚ मह॒ते व॑च॒स्यवे᳚ क॒क्षीव॑ते वृच॒यामिं᳚द्र सुन्व॒ते | मेना᳚भवो वृषण॒श्वस्य॑ सुक्रतो॒ विश्वेत्ता ते॒ सव॑नेषु प्र॒वाच्या॒(स्वाहा᳚) || 1.51.13, 1.4.11.3 {आंगिरस सव्यः | इंद्रः | जगती}
इंद्रो᳚ अश्रायि सु॒ध्यो᳚ निरे॒के प॒ज्रेषु॒ स्तोमो॒ दुर्यो॒ न यूपः॑ | अ॒श्व॒युर्ग॒व्यू र॑थ॒युर्व॑सू॒युरिंद्र॒ इद्रा॒यः, क्ष॑यति प्रयं॒ता(स्वाहा᳚) || 1.51.14, 1.4.11.4 {आंगिरस सव्यः | इंद्रः | त्रिष्टुप्}
इ॒दं नमो᳚ वृष॒भाय॑ स्व॒राजे᳚ स॒त्यशु॑ष्माय त॒वसे᳚ऽवाचि | अ॒स्मिन्निं᳚द्र वृ॒जने॒ सर्व॑वीराः॒ स्मत् सू॒रिभि॒स्तव॒ शर्म᳚न् त्स्याम॒(स्वाहा᳚) || 1.51.15, 1.4.11.5 {आंगिरस सव्यः | इंद्रः | त्रिष्टुप्}
[52] त्यंसुमेषमिति पंचदशर्चस्य सूक्तस्यांगिरसःसव्यइंद्रोजगती त्रयोदश्यंत्येत्रिष्टुभौ |
त्यं सु मे॒षं म॑हया स्व॒र्विदं᳚ श॒तं यस्य॑ सु॒भ्वः॑ सा॒कमीर॑ते | अत्यं॒ न वाजं᳚ हवन॒स्यदं॒ रथ॒मेंद्रं᳚ ववृत्या॒मव॑से सुवृ॒क्तिभिः॒(स्वाहा᳚) || 1.52.1, 1.4.12.1 {आंगिरस सव्यः | इंद्रः | जगती}
स पर्व॑तो॒ न ध॒रुणे॒ष्वच्यु॑तः स॒हस्र॑मूति॒स्तवि॑षीषु वावृधे | इंद्रो॒ यद् वृ॒त्रमव॑धीन्नदी॒वृत॑मु॒ब्जन्नर्णां᳚सि॒ जर्हृ॑षाणो॒, अंध॑सा॒(स्वाहा᳚) || 1.52.2, 1.4.12.2 {आंगिरस सव्यः | इंद्रः | जगती}
स हि द्व॒रो द्व॒रिषु॑ व॒व्र ऊध॑नि चं॒द्रबु॑ध्नो॒ मद॑वृद्धो मनी॒षिभिः॑ | इंद्रं॒ तम॑ह्वे स्वप॒स्यया᳚ धि॒या मंहि॑ष्ठरातिं॒ स हि पप्रि॒रंध॑सः॒(स्वाहा᳚) || 1.52.3, 1.4.12.3 {आंगिरस सव्यः | इंद्रः | जगती}
आ यं पृ॒णंति॑ दि॒वि सद्म॑बर्हिषः समु॒द्रं न सु॒भ्व1॑(अः॒) स्वा, अ॒भिष्ट॑यः | तं वृ॑त्र॒हत्ये॒, अनु॑ तस्थुरू॒तयः॒ शुष्मा॒, इंद्र॑मवा॒ता, अह्रु॑तप्सवः॒(स्वाहा᳚) || 1.52.4, 1.4.12.4 {आंगिरस सव्यः | इंद्रः | जगती}
अ॒भि स्ववृ॑ष्टिं॒ मदे᳚ अस्य॒ युध्य॑तो र॒घ्वीरि॑व प्रव॒णे स॑स्रुरू॒तयः॑ | इंद्रो॒ यद् व॒ज्री धृ॒षमा᳚णो॒, अंध॑सा भि॒नद् व॒लस्य॑ परि॒धीँरि॑व त्रि॒तः(स्वाहा᳚) || 1.52.5, 1.4.12.5 {आंगिरस सव्यः | इंद्रः | जगती}
परीं᳚ घृ॒णा च॑रति तित्वि॒षे शवो॒ऽपो वृ॒त्वी रज॑सो बु॒ध्नमाश॑यत् | वृ॒त्रस्य॒ यत् प्र॑व॒णे दु॒र्गृभि॑श्वनो निज॒घंथ॒ हन्वो᳚रिंद्र तन्य॒तुं(स्वाहा᳚) || 1.52.6, 1.4.13.1 {आंगिरस सव्यः | इंद्रः | जगती}
ह्र॒दं न हि त्वा᳚ न्यृ॒षंत्यू॒र्मयो॒ ब्रह्मा᳚णींद्र॒ तव॒ यानि॒ वर्ध॑ना | त्वष्टा᳚ चित्ते॒ युज्यं᳚ वावृधे॒ शव॑स्त॒तक्ष॒ वज्र॑म॒भिभू᳚त्योजस॒म्(स्वाहा᳚) || 1.52.7, 1.4.13.2 {आंगिरस सव्यः | इंद्रः | जगती}
ज॒घ॒न्वाँ, उ॒ हरि॑भिः संभृतक्रत॒विंद्र॑ वृ॒त्रं मनु॑षे गातु॒यन्न॒पः | अय॑च्छथा बा॒ह्वोर्वज्र॑माय॒समधा᳚रयो दि॒व्या सूर्यं᳚ दृ॒शे(स्वाहा᳚) || 1.52.8, 1.4.13.3 {आंगिरस सव्यः | इंद्रः | जगती}
बृ॒हत् स्वश्चं᳚द्र॒मम॑व॒द् यदु॒क्थ्य1॑(अ॒)मकृ᳚ण्वत भि॒यसा॒ रोह॑णं दि॒वः | यन्मानु॑षप्रधना॒, इंद्र॑मू॒तयः॒ स्व᳚र्नृ॒षाचो᳚ म॒रुतोम॑द॒न्ननु॒(स्वाहा᳚) || 1.52.9, 1.4.13.4 {आंगिरस सव्यः | इंद्रः | जगती}
द्यौश्चि॑द॒स्याम॑वाँ॒, अहेः᳚ स्व॒नादयो᳚यवीद् भि॒यसा॒ वज्र॑ इंद्र ते | वृ॒त्रस्य॒ यद् ब॑द्बधा॒नस्य॑ रोदसी॒ मदे᳚ सु॒तस्य॒ शव॒साभि॑न॒च्छिरः॒(स्वाहा᳚) || 1.52.10, 1.4.13.5 {आंगिरस सव्यः | इंद्रः | जगती}
यदिन्न्विं᳚द्र पृथि॒वी दश॑भुजि॒रहा᳚नि॒ विश्वा᳚ त॒तनं᳚त कृ॒ष्टयः॑ | अत्राह॑ ते मघव॒न् विश्रु॑तं॒ सहो॒ द्यामनु॒ शव॑सा ब॒र्हणा᳚ भुव॒त्(स्वाहा᳚) || 1.52.11, 1.4.14.1 {आंगिरस सव्यः | इंद्रः | जगती}
त्वम॒स्य पा॒रे रज॑सो॒ व्यो᳚मनः॒ स्वभू᳚त्योजा॒, अव॑से धृषन्मनः | च॒कृ॒षे भूमिं᳚ प्रति॒मान॒मोज॑सो॒पः स्वः॑ परि॒भूरे॒ष्या दिव॒म्(स्वाहा᳚) || 1.52.12, 1.4.14.2 {आंगिरस सव्यः | इंद्रः | जगती}
त्वं भु॑वः प्रति॒मानं᳚ पृथि॒व्या, ऋ॒ष्ववी᳚रस्य बृह॒तः पति॑र्भूः | विश्व॒माप्रा᳚ अं॒तरि॑क्षं महि॒त्वा स॒त्यम॒द्धा नकि॑र॒न्यस्त्वावां॒त्(स्वाहा᳚) || 1.52.13, 1.4.14.3 {आंगिरस सव्यः | इंद्रः | त्रिष्टुप्}
न यस्य॒ द्यावा᳚पृथि॒वी, अनु॒ व्यचो॒ न सिंध॑वो॒ रज॑सो॒, अंत॑मान॒शुः | नोत स्ववृ॑ष्टिं॒ मदे᳚ अस्य॒ युध्य॑त॒ एको᳚ अ॒न्यच्च॑कृषे॒ विश्व॑मानु॒षक्(स्वाहा᳚) || 1.52.14, 1.4.14.4 {आंगिरस सव्यः | इंद्रः | जगती}
आर्च॒न्नत्र॑ म॒रुतः॒ सस्मि᳚न्ना॒जौ विश्वे᳚ दे॒वासो᳚ अमद॒न्ननु॑ त्वा | वृ॒त्रस्य॒ यद् भृ॑ष्टि॒मता᳚ व॒धेन॒ नि त्वमिं᳚द्र॒ प्रत्या॒नं ज॒घंथ॒(स्वाहा᳚) || 1.52.15, 1.4.14.5 {आंगिरस सव्यः | इंद्रः | त्रिष्टुप्}
[53] न्यूषुवाचमित्येकादशर्चस्य सूक्तस्यांगिरसःसव्यइंद्रोजगतीअंत्येद्वेत्रिष्टुभौ |
न्यू॒3॑(ऊ॒) षु वाचं॒ प्र म॒हे भ॑रामहे॒ गिर॒ इंद्रा᳚य॒ सद॑ने वि॒वस्व॑तः | नू चि॒द्धि रत्नं᳚ सस॒तामि॒वावि॑द॒न्न दु॑ष्टु॒तिर्द्र॑विणो॒देषु॑ शस्यते॒(स्वाहा᳚) || 1.53.1, 1.4.15.1 {आंगिरस सव्यः | इंद्रः | जगती}
दु॒रो, अश्व॑स्य दु॒र इं᳚द्र॒ गोर॑सि दु॒रो यव॑स्य॒ वसु॑न इ॒नस्पतिः॑ | शि॒क्षा॒न॒रः प्र॒दिवो॒, अका᳚मकर्शनः॒ सखा॒ सखि॑भ्य॒स्तमि॒दं गृ॑णीमसि॒(स्वाहा᳚) || 1.53.2, 1.4.15.2 {आंगिरस सव्यः | इंद्रः | जगती}
शची᳚व इंद्र पुरुकृद्द्युमत्तम॒ तवेदि॒दम॒भित॑श्चेकिते॒ वसु॑ | अतः॑ सं॒गृभ्या᳚भिभूत॒ आ भ॑र॒ मा त्वा᳚य॒तो ज॑रि॒तुः काम॑मूनयीः॒(स्वाहा᳚) || 1.53.3, 1.4.15.3 {आंगिरस सव्यः | इंद्रः | जगती}
ए॒भिर्द्युभिः॑ सु॒मना᳚ ए॒भिरिंदु॑भिर्निरुंधा॒नो, अम॑तिं॒ गोभि॑र॒श्विना᳚ | इंद्रे᳚ण॒ दस्युं᳚ द॒रयं᳚त॒ इंदु॑भिर्यु॒तद्वे᳚षसः॒ समि॒षा र॑भेमहि॒(स्वाहा᳚) || 1.53.4, 1.4.15.4 {आंगिरस सव्यः | इंद्रः | जगती}
समिं᳚द्र रा॒या समि॒षा र॑भेमहि॒ सं वाजे᳚भिः पुरुश्चं॒द्रैर॒भिद्यु॑भिः | सं दे॒व्या प्रम॑त्या वी॒रशु॑ष्मया॒ गो,अ॑ग्र॒याश्वा᳚वत्या रभेमहि॒(स्वाहा᳚) || 1.53.5, 1.4.15.5 {आंगिरस सव्यः | इंद्रः | जगती}
ते त्वा॒ मदा᳚ अमद॒न् तानि॒ वृष्ण्या॒ ते सोमा᳚सो वृत्र॒हत्ये᳚षु सत्पते | यत् का॒रवे॒ दश॑ वृ॒त्राण्य॑प्र॒ति ब॒र्हिष्म॑ते॒ नि स॒हस्रा᳚णि ब॒र्हयः॒(स्वाहा᳚) || 1.53.6, 1.4.16.1 {आंगिरस सव्यः | इंद्रः | जगती}
यु॒धा युध॒मुप॒ घेदे᳚षि धृष्णु॒या पु॒रा पुरं॒ समि॒दं हं॒स्योज॑सा | नम्या॒ यदिं᳚द्र॒ सख्या᳚ परा॒वति॑ निब॒र्हयो॒ नमु॑चिं॒ नाम॑ मा॒यिन॒म्(स्वाहा᳚) || 1.53.7, 1.4.16.2 {आंगिरस सव्यः | इंद्रः | जगती}
त्वं करं᳚जमु॒त प॒र्णयं᳚ वधी॒स्तेजि॑ष्ठयातिथि॒ग्वस्य॑ वर्त॒नी | त्वं श॒ता वंगृ॑दस्याभिन॒त् पुरो᳚ऽनानु॒दः परि॑षूता, ऋ॒जिश्व॑ना॒(स्वाहा᳚) || 1.53.8, 1.4.16.3 {आंगिरस सव्यः | इंद्रः | जगती}
त्वमे॒तांज॑न॒राज्ञो॒ द्विर्दशा᳚बं॒धुना᳚ सु॒श्रव॑सोपज॒ग्मुषः॑ | ष॒ष्टिं स॒हस्रा᳚ नव॒तिं नव॑ श्रु॒तो नि च॒क्रेण॒ रथ्या᳚ दु॒ष्पदा᳚वृणक्॒(स्वाहा᳚) || 1.53.9, 1.4.16.4 {आंगिरस सव्यः | इंद्रः | जगती}
त्वमा᳚विथ सु॒श्रव॑सं॒ तवो॒तिभि॒स्तव॒ त्राम॑भिरिंद्र॒ तूर्व॑याणं | त्वम॑स्मै॒ कुत्स॑मतिथि॒ग्वमा॒युं म॒हे राज्ञे॒ यूने᳚ अरंधनायः॒(स्वाहा᳚) || 1.53.10, 1.4.16.5 {आंगिरस सव्यः | इंद्रः | त्रिष्टुप्}
य उ॒दृचीं᳚द्र दे॒वगो᳚पाः॒ सखा᳚यस्ते शि॒वत॑मा॒, असा᳚म | त्वां स्तो᳚षाम॒ त्वया᳚ सु॒वीरा॒ द्राघी᳚य॒ आयुः॑ प्रत॒रं दधा᳚नाः॒(स्वाहा᳚) || 1.53.11, 1.4.16.6 {आंगिरस सव्यः | इंद्रः | त्रिष्टुप्}
[54] मानोअस्मिन्नित्येकादशर्चस्यसूक्तस्यांगिरसः सव्यइंद्रोजगती षष्ट्यष्टमीनवम्येकादश्यस्त्रिष्टुभः |
मा नो᳚ अ॒स्मिन् म॑घवन् पृ॒त्स्वंह॑सि न॒हि ते॒, अंतः॒ शव॑सः परी॒णशे᳚ | अक्रं᳚दयो न॒द्यो॒3॑(ओ॒) रोरु॑व॒द् वना᳚ क॒था न क्षो॒णीर्भि॒यसा॒ समा᳚रत॒(स्वाहा᳚) || 1.54.1, 1.4.17.1 {आंगिरस सव्यः | इंद्रः | जगती}
अर्चा᳚ श॒क्राय॑ शा॒किने॒ शची᳚वते शृ॒ण्वंत॒मिंद्रं᳚ म॒हय᳚न्न॒भि ष्टु॑हि | यो धृ॒ष्णुना॒ शव॑सा॒ रोद॑सी, उ॒भे वृषा᳚ वृष॒त्वा वृ॑ष॒भो न्यृं॒जते॒(स्वाहा᳚) || 1.54.2, 1.4.17.2 {आंगिरस सव्यः | इंद्रः | जगती}
अर्चा᳚ दि॒वे बृ॑ह॒ते शू॒ष्य1॑(अं॒) वचः॒ स्वक्ष॑त्रं॒ यस्य॑ धृष॒तो धृ॒षन्मनः॑ | बृ॒हच्छ्र॑वा॒, असु॑रो ब॒र्हणा᳚ कृ॒तः पु॒रो हरि॑भ्यां वृष॒भो रथो॒ हि षः(स्वाहा᳚) || 1.54.3, 1.4.17.3 {आंगिरस सव्यः | इंद्रः | जगती}
त्वं दि॒वो बृ॑ह॒तः सानु॑ कोप॒योऽव॒ त्मना᳚ धृष॒ता शंब॑रं भिनत् | यन्मा॒यिनो᳚ व्रं॒दिनो᳚ मं॒दिना᳚ धृ॒षच्छि॒तां गभ॑स्तिम॒शनिं᳚ पृत॒न्यसि॒(स्वाहा᳚) || 1.54.4, 1.4.17.4 {आंगिरस सव्यः | इंद्रः | जगती}
नि यद् वृ॒णक्षि॑ श्वस॒नस्य॑ मू॒र्धनि॒ शुष्ण॑स्य चिद् व्रं॒दिनो॒ रोरु॑व॒द् वना᳚ | प्रा॒चीने᳚न॒ मन॑सा ब॒र्हणा᳚वता॒ यद॒द्या चि॑त् कृ॒णवः॒ कस्त्वा॒ परि॒(स्वाहा᳚) || 1.54.5, 1.4.17.5 {आंगिरस सव्यः | इंद्रः | जगती}
त्वमा᳚विथ॒ नर्यं᳚ तु॒र्वशं॒ यदुं॒ त्वं तु॒र्वीतिं᳚ व॒य्यं᳚ शतक्रतो | त्वं रथ॒मेत॑शं॒ कृत्व्ये॒ धने॒ त्वं पुरो᳚ नव॒तिं दं᳚भयो॒ नव॒(स्वाहा᳚) || 1.54.6, 1.4.18.1 {आंगिरस सव्यः | इंद्रः | त्रिष्टुप्}
स घा॒ राजा॒ सत्प॑तिः शूशुव॒ज्जनो᳚ रा॒तह᳚व्यः॒ प्रति॒ यः शास॒मिन्व॑ति | उ॒क्था वा॒ यो, अ॑भिगृ॒णाति॒ राध॑सा॒ दानु॑रस्मा॒, उप॑रा पिन्वते दि॒वः(स्वाहा᳚) || 1.54.7, 1.4.18.2 {आंगिरस सव्यः | इंद्रः | जगती}
अस॑मं क्ष॒त्रमस॑मा मनी॒षा प्र सो᳚म॒पा, अप॑सा संतु॒ नेमे᳚ | ये त॑ इंद्र द॒दुषो᳚ व॒र्धयं᳚ति॒ महि॑ क्ष॒त्रं स्थवि॑रं॒ वृष्ण्यं᳚ च॒(स्वाहा᳚) || 1.54.8, 1.4.18.3 {आंगिरस सव्यः | इंद्रः | त्रिष्टुप्}
तुभ्येदे॒ते ब॑हु॒ला, अद्रि॑दुग्धाश्चमू॒षद॑श्चम॒सा, इं᳚द्र॒पानाः᳚ | व्य॑श्नुहि त॒र्पया॒ काम॑मेषा॒मथा॒ मनो᳚ वसु॒देया᳚य कृष्व॒(स्वाहा᳚) || 1.54.9, 1.4.18.4 {आंगिरस सव्यः | इंद्रः | त्रिष्टुप्}
अ॒पाम॑तिष्ठद् ध॒रुण॑ह्वरं॒ तमो॒ऽन्तर्वृ॒त्रस्य॑ ज॒ठरे᳚षु॒ पर्व॑तः | अ॒भीमिंद्रो᳚ न॒द्यो᳚ व॒व्रिणा᳚ हि॒ता विश्वा᳚ अनु॒ष्ठाः प्र॑व॒णेषु॑ जिघ्नते॒(स्वाहा᳚) || 1.54.10, 1.4.18.5 {आंगिरस सव्यः | इंद्रः | जगती}
स शेवृ॑ध॒मधि॑ धा द्यु॒म्नम॒स्मे महि॑ क्ष॒त्रं ज॑ना॒षाळिं᳚द्र॒ तव्यं᳚ | रक्षा᳚ च नो म॒घोनः॑ पा॒हि सू॒रीन् रा॒ये च॑ नः स्वप॒त्या, इ॒षे धाः᳚(स्वाहा᳚) || 1.54.11, 1.4.18.6 {आंगिरस सव्यः | इंद्रः | त्रिष्टुप्}
[55] दिवश्चिदित्यष्टर्चस्य सूक्तस्यांगिरसः सव्य इंद्रोजगती |
दि॒वश्चि॑दस्य वरि॒मा वि प॑प्रथ॒ इंद्रं॒ न म॒ह्ना पृ॑थि॒वी च॒न प्रति॑ | भी॒मस्तुवि॑ष्मांचर्ष॒णिभ्य॑ आत॒पः शिशी᳚ते॒ वज्रं॒ तेज॑से॒ न वंस॑गः॒(स्वाहा᳚) || 1.55.1, 1.4.19.1 {आंगिरस सव्यः | इंद्रः | जगती}
सो, अ᳚र्ण॒वो न न॒द्यः॑ समु॒द्रियः॒ प्रति॑ गृभ्णाति॒ विश्रि॑ता॒ वरी᳚मभिः | इंद्रः॒ सोम॑स्य पी॒तये᳚ वृषायते स॒नात् स यु॒ध्म ओज॑सा पनस्यते॒(स्वाहा᳚) || 1.55.2, 1.4.19.2 {आंगिरस सव्यः | इंद्रः | जगती}
त्वं तमिं᳚द्र॒ पर्व॑तं॒ न भोज॑से म॒हो नृ॒म्णस्य॒ धर्म॑णामिरज्यसि | प्र वी॒र्ये᳚ण दे॒वताति॑ चेकिते॒ विश्व॑स्मा, उ॒ग्रः कर्म॑णे पु॒रोहि॑तः॒(स्वाहा᳚) || 1.55.3, 1.4.19.3 {आंगिरस सव्यः | इंद्रः | जगती}
स इद् वने᳚ नम॒स्युभि᳚र्वचस्यते॒ चारु॒ जने᳚षु प्रब्रुवा॒ण इं᳚द्रि॒यं | वृषा॒ छंदु॑र्भवति हर्य॒तो वृषा॒ क्षेमे᳚ण॒ धेनां᳚ म॒घवा॒ यदिन्व॑ति॒(स्वाहा᳚) || 1.55.4, 1.4.19.4 {आंगिरस सव्यः | इंद्रः | जगती}
स इन्म॒हानि॑ समि॒थानि॑ म॒ज्मना᳚ कृ॒णोति॑ यु॒ध्म ओज॑सा॒ जने᳚भ्यः | अधा᳚ च॒न श्रद्द॑धति॒ त्विषी᳚मत॒ इंद्रा᳚य॒ वज्रं᳚ नि॒घनि॑घ्नते व॒धं(स्वाहा᳚) || 1.55.5, 1.4.19.5 {आंगिरस सव्यः | इंद्रः | जगती}
स हि श्र॑व॒स्युः सद॑नानि कृ॒त्रिमा᳚ क्ष्म॒या वृ॑धा॒न ओज॑सा विना॒शय॑न् | ज्योतीं᳚षि कृ॒ण्वन्न॑वृ॒काणि॒ यज्य॒वेऽव॑ सु॒क्रतुः॒ सर्त॒वा, अ॒पः सृ॑ज॒त्(स्वाहा᳚) || 1.55.6, 1.4.20.1 {आंगिरस सव्यः | इंद्रः | जगती}
दा॒नाय॒ मनः॑ सोमपावन्नस्तु ते॒ऽर्वांचा॒ हरी᳚ वंदनश्रु॒दा कृ॑धि | यमि॑ष्ठासः॒ सार॑थयो॒ य इं᳚द्र ते॒ न त्वा॒ केता॒, आ द॑भ्नुवंति॒ भूर्ण॑यः॒(स्वाहा᳚) || 1.55.7, 1.4.20.2 {आंगिरस सव्यः | इंद्रः | जगती}
अप्र॑क्षितं॒ वसु॑ बिभर्षि॒ हस्त॑यो॒रषा᳚ळ्हं॒ सह॑स्त॒न्वि॑ श्रु॒तो द॑धे | आवृ॑तासोऽव॒तासो॒ न क॒र्तृभि॑स्त॒नूषु॑ ते॒ क्रत॑व इंद्र॒ भूर॑यः॒(स्वाहा᳚) || 1.55.8, 1.4.20.3 {आंगिरस सव्यः | इंद्रः | जगती}
[56] एषप्रपूर्वीरिति षळर्चस्य सूक्तस्यांगिरसःसव्यइंद्रोजगती |
ए॒ष प्र पू॒र्वीरव॒ तस्य॑ च॒म्रिषोऽत्यो॒ न योषा॒मुद॑यंस्त भु॒र्वणिः॑ | दक्षं᳚ म॒हे पा᳚ययते हिर॒ण्ययं॒ रथ॑मा॒वृत्या॒ हरि॑योग॒मृभ्व॑स॒म्(स्वाहा᳚) || 1.56.1, 1.4.21.1 {आंगिरस सव्यः | इंद्रः | जगती}
तं गू॒र्तयो᳚ नेम॒न्निषः॒ परी᳚णसः समु॒द्रं न सं॒चर॑णे सनि॒ष्यवः॑ | पतिं॒ दक्ष॑स्य वि॒दथ॑स्य॒ नू सहो᳚ गि॒रिं न वे॒ना, अधि॑ रोह॒ तेज॑सा॒(स्वाहा᳚) || 1.56.2, 1.4.21.2 {आंगिरस सव्यः | इंद्रः | जगती}
स तु॒र्वणि᳚र्म॒हाँ, अ॑रे॒णु पौंस्ये᳚ गि॒रेर्भृ॒ष्टिर्न भ्रा᳚जते तु॒जा शवः॑ | येन॒ शुष्णं᳚ मा॒यिन॑माय॒सो मदे᳚ दु॒ध्र आ॒भूषु॑ रा॒मय॒न्नि दाम॑नि॒(स्वाहा᳚) || 1.56.3, 1.4.21.3 {आंगिरस सव्यः | इंद्रः | जगती}
दे॒वी यदि॒ तवि॑षी॒ त्वावृ॑धो॒तय॒ इंद्रं॒ सिष॑क्त्यु॒षसं॒ न सूर्यः॑ | यो धृ॒ष्णुना॒ शव॑सा॒ बाध॑ते॒ तम॒ इय॑र्ति रे॒णुं बृ॒हद᳚र्हरि॒ष्वणिः॒(स्वाहा᳚) || 1.56.4, 1.4.21.4 {आंगिरस सव्यः | इंद्रः | जगती}
वि यत्ति॒रो ध॒रुण॒मच्यु॑तं॒ रजोऽति॑ष्ठिपो दि॒व आता᳚सु ब॒र्हणा᳚ | स्व᳚र्मीळ्हे॒ यन्मद॑ इंद्र॒ हर्ष्याह᳚न् वृ॒त्रं निर॒पामौ᳚ब्जो, अर्ण॒वं(स्वाहा᳚) || 1.56.5, 1.4.21.5 {आंगिरस सव्यः | इंद्रः | जगती}
त्वं दि॒वो ध॒रुणं᳚ धिष॒ ओज॑सा पृथि॒व्या, इं᳚द्र॒ सद॑नेषु॒ माहि॑नः | त्वं सु॒तस्य॒ मदे᳚ अरिणा, अ॒पो वि वृ॒त्रस्य॑ स॒मया᳚ पा॒ष्या᳚रुजः॒(स्वाहा᳚) || 1.56.6, 1.4.21.6 {आंगिरस सव्यः | इंद्रः | जगती}
[57] प्रमंहिष्ठायेति षळर्चस्यसूक्तस्यांगिरसः सव्यइंद्रोजगती |
प्र मंहि॑ष्ठाय बृह॒ते बृ॒हद्र॑ये स॒त्यशु॑ष्माय त॒वसे᳚ म॒तिं भ॑रे | अ॒पामि॑व प्रव॒णे यस्य॑ दु॒र्धरं॒ राधो᳚ वि॒श्वायु॒ शव॑से॒, अपा᳚वृत॒म्(स्वाहा᳚) || 1.57.1, 1.4.22.1 {आंगिरस सव्यः | इंद्रः | जगती}
अध॑ ते॒ विश्व॒मनु॑ हासदि॒ष्टय॒ आपो᳚ नि॒म्नेव॒ सव॑ना ह॒विष्म॑तः | यत् पर्व॑ते॒ न स॒मशी᳚त हर्य॒त इंद्र॑स्य॒ वज्रः॒ श्नथि॑ता हिर॒ण्ययः॒(स्वाहा᳚) || 1.57.2, 1.4.22.2 {आंगिरस सव्यः | इंद्रः | जगती}
अ॒स्मै भी॒माय॒ नम॑सा॒ सम॑ध्व॒र उषो॒ न शु॑भ्र॒ आ भ॑रा॒ पनी᳚यसे | यस्य॒ धाम॒ श्रव॑से॒ नामें᳚द्रि॒यं ज्योति॒रका᳚रि ह॒रितो॒ नाय॑से॒(स्वाहा᳚) || 1.57.3, 1.4.22.3 {आंगिरस सव्यः | इंद्रः | जगती}
इ॒मे त॑ इंद्र॒ ते व॒यं पु॑रुष्टुत॒ ये त्वा॒रभ्य॒ चरा᳚मसि प्रभूवसो | न॒हि त्वद॒न्यो गि᳚र्वणो॒ गिरः॒ सघ॑त् क्षो॒णीरि॑व॒ प्रति॑ नो हर्य॒ तद् वचः॒(स्वाहा᳚) || 1.57.4, 1.4.22.4 {आंगिरस सव्यः | इंद्रः | जगती}
भूरि॑ त इंद्र वी॒र्य1॑(अं॒) तव॑ स्मस्य॒स्य स्तो॒तुर्म॑घव॒न् काम॒मा पृ॑ण | अनु॑ ते॒ द्यौर्बृ॑ह॒ती वी॒र्यं᳚ मम इ॒यं च॑ ते पृथि॒वी ने᳚म॒ ओज॑से॒(स्वाहा᳚) || 1.57.5, 1.4.22.5 {आंगिरस सव्यः | इंद्रः | जगती}
त्वं तमिं᳚द्र॒ पर्व॑तं म॒हामु॒रुं वज्रे᳚ण वज्रिन् पर्व॒शश्च॑कर्तिथ | अवा᳚सृजो॒ निवृ॑ताः॒ सर्त॒वा, अ॒पः स॒त्रा विश्वं᳚ दधिषे॒ केव॑लं॒ सहः॒(स्वाहा᳚) || 1.57.6, 1.4.22.6 {आंगिरस सव्यः | इंद्रः | जगती}
[58] नूचिदितिनवर्चस्य सूक्तस्य गौतमोनोधाअग्निर्जगती अंत्याश्चतस्रस्त्रिष्टुभः |
नू चि॑त् सहो॒जा, अ॒मृतो॒ नि तुं᳚दते॒ होता॒ यद्दू॒तो, अभ॑वद् वि॒वस्व॑तः | वि साधि॑ष्ठेभिः प॒थिभी॒ रजो᳚ मम॒ आ दे॒वता᳚ता ह॒विषा᳚ विवासति॒(स्वाहा᳚) || 1.58.1, 1.4.23.1 {गौतमो नोधाः | अग्निः | जगती}
आ स्वमद्म॑ यु॒वमा᳚नो, अ॒जर॑स्तृ॒ष्व॑वि॒ष्यन्न॑त॒सेषु॑ तिष्ठति | अत्यो॒ न पृ॒ष्ठं प्रु॑षि॒तस्य॑ रोचते दि॒वो न सानु॑ स्त॒नय᳚न्नचिक्रद॒त्(स्वाहा᳚) || 1.58.2, 1.4.23.2 {गौतमो नोधाः | अग्निः | जगती}
क्रा॒णा रु॒द्रेभि॒र्वसु॑भिः पु॒रोहि॑तो॒ होता॒ निष॑त्तो रयि॒षाळम॑र्त्यः | रथो॒ न वि॒क्ष्वृं᳚जसा॒न आ॒युषु॒ व्या᳚नु॒षग्वार्या᳚ दे॒व ऋ᳚ण्वति॒(स्वाहा᳚) || 1.58.3, 1.4.23.3 {गौतमो नोधाः | अग्निः | जगती}
वि वात॑जूतो, अत॒सेषु॑ तिष्ठते॒ वृथा᳚ जु॒हूभिः॒ सृण्या᳚ तुवि॒ष्वणिः॑ | तृ॒षु यद॑ग्ने व॒निनो᳚ वृषा॒यसे᳚ कृ॒ष्णं त॒ एम॒ रुश॑दूर्मे, अजर॒(स्वाहा᳚) || 1.58.4, 1.4.23.4 {गौतमो नोधाः | अग्निः | जगती}
तपु॑र्जंभो॒ वन॒ आ वात॑चोदितो यू॒थे न सा॒ह्वाँ, अव॑ वाति॒ वंस॑गः | अ॒भि॒व्रज॒न्नक्षि॑तं॒ पाज॑सा॒ रजः॑ स्था॒तुश्च॒रथं᳚ भयते पत॒त्रिणः॒(स्वाहा᳚) || 1.58.5, 1.4.23.5 {गौतमो नोधाः | अग्निः | जगती}
द॒धुष्ट्वा॒ भृग॑वो॒ मानु॑षे॒ष्वा र॒यिं न चारुं᳚ सु॒हवं॒ जने᳚भ्यः | होता᳚रमग्ने॒, अति॑थिं॒ वरे᳚ण्यं मि॒त्रं न शेवं᳚ दि॒व्याय॒ जन्म॑ने॒(स्वाहा᳚) || 1.58.6, 1.4.24.1 {गौतमो नोधाः | अग्निः | त्रिष्टुप्}
होता᳚रं स॒प्त जु॒ह्वो॒3॑(ओ॒) यजि॑ष्ठं॒ यं वा॒घतो᳚ वृ॒णते᳚ अध्व॒रेषु॑ | अ॒ग्निं विश्वे᳚षामर॒तिं वसू᳚नां सप॒र्यामि॒ प्रय॑सा॒ यामि॒ रत्न॒म्(स्वाहा᳚) || 1.58.7, 1.4.24.2 {गौतमो नोधाः | अग्निः | त्रिष्टुप्}
अच्छि॑द्रा सूनो सहसो नो, अ॒द्य स्तो॒तृभ्यो᳚ मित्रमहः॒ शर्म॑ यच्छ | अग्ने᳚ गृ॒णंत॒मंह॑स उरु॒ष्योर्जो᳚ नपात् पू॒र्भिराय॑सीभिः॒(स्वाहा᳚) || 1.58.8, 1.4.24.3 {गौतमो नोधाः | अग्निः | त्रिष्टुप्}
भवा॒ वरू᳚थं गृण॒ते वि॑भावो॒ भवा᳚ मघवन् म॒घव॑द्भ्यः॒ शर्म॑ | उ॒रु॒ष्याग्ने॒, अंह॑सो गृ॒णंतं᳚ प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.58.9, 1.4.24.4 {गौतमो नोधाः | अग्निः | त्रिष्टुप्}
[59] वयाइदितिसप्तर्चस्य सूक्तस्य गौतमोनोधावैश्वानरोग्निस्त्रिष्टुप् |
व॒या, इद॑ग्ने, अ॒ग्नय॑स्ते, अ॒न्ये त्वे विश्वे᳚ अ॒मृता᳚ मादयंते | वैश्वा᳚नर॒ नाभि॑रसि क्षिती॒नां स्थूणे᳚व॒ जनाँ᳚, उप॒मिद् य॑यंथ॒(स्वाहा᳚) || 1.59.1, 1.4.25.1 {गौतमो नोधाः | अग्निर्वैश्वानरः | त्रिष्टुप्}
मू॒र्धा दि॒वो नाभि॑र॒ग्निः पृ॑थि॒व्या, अथा᳚भवदर॒ती रोद॑स्योः | तं त्वा᳚ दे॒वासो᳚ऽजनयंत दे॒वं वैश्वा᳚नर॒ ज्योति॒रिदार्या᳚य॒(स्वाहा᳚) || 1.59.2, 1.4.25.2 {गौतमो नोधाः | अग्निर्वैश्वानरः | त्रिष्टुप्}
आ सूर्ये॒ न र॒श्मयो᳚ ध्रु॒वासो᳚ वैश्वान॒रे द॑धिरे॒ऽग्ना वसू᳚नि | या पर्व॑ते॒ष्वोष॑धीष्व॒प्सु या मानु॑षे॒ष्वसि॒ तस्य॒ राजा॒(स्वाहा᳚) || 1.59.3, 1.4.25.3 {गौतमो नोधाः | अग्निर्वैश्वानरः | त्रिष्टुप्}
बृ॒ह॒ती, इ॑व सू॒नवे॒ रोद॑सी॒ गिरो॒ होता᳚ मनु॒ष्यो॒3॑(ओ॒) न दक्षः॑ | स्व᳚र्वते स॒त्यशु॑ष्माय पू॒र्वीर्वै᳚श्वान॒राय॒ नृत॑माय य॒ह्वीः(स्वाहा᳚) || 1.59.4, 1.4.25.4 {गौतमो नोधाः | अग्निर्वैश्वानरः | त्रिष्टुप्}
दि॒वश्चि॑त्ते बृह॒तो जा᳚तवेदो॒ वैश्वा᳚नर॒ प्र रि॑रिचे महि॒त्वं | राजा᳚ कृष्टी॒नाम॑सि॒ मानु॑षीणां यु॒धा दे॒वेभ्यो॒ वरि॑वश्चकर्थ॒(स्वाहा᳚) || 1.59.5, 1.4.25.5 {गौतमो नोधाः | अग्निर्वैश्वानरः | त्रिष्टुप्}
प्र नू म॑हि॒त्वं वृ॑ष॒भस्य॑ वोचं॒ यं पू॒रवो᳚ वृत्र॒हणं॒ सचं᳚ते | वै॒श्वा॒न॒रो दस्यु॑म॒ग्निर्ज॑घ॒न्वाँ, अधू᳚नो॒त् काष्ठा॒, अव॒ शंब॑रं भे॒त्(स्वाहा᳚) || 1.59.6, 1.4.25.6 {गौतमो नोधाः | अग्निर्वैश्वानरः | त्रिष्टुप्}
वै॒श्वा॒न॒रो म॑हि॒म्ना वि॒श्वकृ॑ष्टिर्भ॒रद्वा᳚जेषु यज॒तो वि॒भावा᳚ | शा॒त॒व॒ने॒ये श॒तिनी᳚भिर॒ग्निः पु॑रुणी॒थे ज॑रते सू॒नृता᳚वा॒न्(स्वाहा᳚) || 1.59.7, 1.4.25.7 {गौतमो नोधाः | अग्निर्वैश्वानरः | त्रिष्टुप्}
[60] वह्निंयशसमिति पंचर्चस्य सूक्तस्य गौतमोनोधाअग्नित्रिष्टुप् |
वह्निं᳚ य॒शसं᳚ वि॒दथ॑स्य के॒तुं सु॑प्रा॒व्यं᳚ दू॒तं स॒द्यो,अ॑र्थं | द्वि॒जन्मा᳚नं र॒यिमि॑व प्रश॒स्तं रा॒तिं भ॑र॒द् भृग॑वे मात॒रिश्वा॒(स्वाहा᳚) || 1.60.1, 1.4.26.1 {गौतमो नोधाः | अग्निः | त्रिष्टुप्}
अ॒स्य शासु॑रु॒भया᳚सः सचंते ह॒विष्मं᳚त उ॒शिजो॒ ये च॒ मर्ताः᳚ | दि॒वश्चि॒त् पूर्वो॒ न्य॑सादि॒ होता॒पृच्छ्यो᳚ वि॒श्पति᳚र्वि॒क्षु वे॒धाः(स्वाहा᳚) || 1.60.2, 1.4.26.2 {गौतमो नोधाः | अग्निः | त्रिष्टुप्}
तं नव्य॑सी हृ॒द आ जाय॑मानम॒स्मत् सु॑की॒र्तिर्मधु॑जिह्वमश्याः | यमृ॒त्विजो᳚ वृ॒जने॒ मानु॑षासः॒ प्रय॑स्वंत आ॒यवो॒ जीज॑नंत॒(स्वाहा᳚) || 1.60.3, 1.4.26.3 {गौतमो नोधाः | अग्निः | त्रिष्टुप्}
उ॒शिक् पा᳚व॒को वसु॒र्मानु॑षेषु॒ वरे᳚ण्यो॒ होता᳚धायि वि॒क्षु | दमू᳚ना गृ॒हप॑ति॒र्दम॒ आँ, अ॒ग्निर्भु॑वद् रयि॒पती᳚ रयी॒णां(स्वाहा᳚) || 1.60.4, 1.4.26.4 {गौतमो नोधाः | अग्निः | त्रिष्टुप्}
तं त्वा᳚ व॒यं पति॑मग्ने रयी॒णां प्र शं᳚सामो म॒तिभि॒र्गोत॑मासः | आ॒शुं न वा᳚जंभ॒रं म॒र्जयं᳚तः प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.60.5, 1.4.26.5 {गौतमो नोधाः | अग्निः | त्रिष्टुप्}
[61] अस्माइद्विति षोळशर्चस्य सूक्तस्य गौतमोनोधाइंद्रस्त्रिष्टुप् |
अ॒स्मा, इदु॒ प्र त॒वसे᳚ तु॒राय॒ प्रयो॒ न ह᳚र्मि॒ स्तोमं॒ माहि॑नाय | ऋची᳚षमा॒याध्रि॑गव॒ ओह॒मिंद्रा᳚य॒ ब्रह्मा᳚णि रा॒तत॑मा॒(स्वाहा᳚) || 1.61.1, 1.4.27.1 {गौतमो नोधाः | इंद्रः | त्रिष्टुप्}
अ॒स्मा, इदु॒ प्रय॑ इव॒ प्र यं᳚सि॒ भरा᳚म्यांगू॒षं बाधे᳚ सुवृ॒क्ति | इंद्रा᳚य हृ॒दा मन॑सा मनी॒षा प्र॒त्नाय॒ पत्ये॒ धियो᳚ मर्जयंत॒(स्वाहा᳚) || 1.61.2, 1.4.27.2 {गौतमो नोधाः | इंद्रः | त्रिष्टुप्}
अ॒स्मा, इदु॒ त्यमु॑प॒मं स्व॒र्षां भरा᳚म्यांगू॒षमा॒स्ये᳚न | मंहि॑ष्ठ॒मच्छो᳚क्तिभिर्मती॒नां सु॑वृ॒क्तिभिः॑ सू॒रिं वा᳚वृ॒धध्यै॒(स्वाहा᳚) || 1.61.3, 1.4.27.3 {गौतमो नोधाः | इंद्रः | त्रिष्टुप्}
अ॒स्मा, इदु॒ स्तोमं॒ सं हि॑नोमि॒ रथं॒ न तष्टे᳚व॒ तत्सि॑नाय | गिर॑श्च॒ गिर्वा᳚हसे सुवृ॒क्तींद्रा᳚य विश्वमि॒न्वं मेधि॑राय॒(स्वाहा᳚) || 1.61.4, 1.4.27.4 {गौतमो नोधाः | इंद्रः | त्रिष्टुप्}
अ॒स्मा, इदु॒ सप्ति॑मिव श्रव॒स्येंद्रा᳚या॒र्कं जु॒ह्वा॒3॑(आ॒) समं᳚जे | वी॒रं दा॒नौक॑सं वं॒दध्यै᳚ पु॒रां गू॒र्तश्र॑वसं द॒र्माण॒म्(स्वाहा᳚) || 1.61.5, 1.4.27.5 {गौतमो नोधाः | इंद्रः | त्रिष्टुप्}
अ॒स्मा, इदु॒ त्वष्टा᳚ तक्ष॒द्वज्रं॒ स्वप॑स्तमं स्व॒र्य1॑(अं॒) रणा᳚य | वृ॒त्रस्य॑ चिद्वि॒दद् येन॒ मर्म॑ तु॒जन्नीशा᳚नस्तुज॒ता कि॑ये॒धाः(स्वाहा᳚) || 1.61.6, 1.4.28.1 {गौतमो नोधाः | इंद्रः | त्रिष्टुप्}
अ॒स्येदु॑ मा॒तुः सव॑नेषु स॒द्यो म॒हः पि॒तुं प॑पि॒वांचार्वन्ना᳚ | मु॒षा॒यद् विष्णुः॑ पच॒तं सही᳚या॒न् विध्य॑द्वरा॒हं ति॒रो, अद्रि॒मस्ता॒(स्वाहा᳚) || 1.61.7, 1.4.28.2 {गौतमो नोधाः | इंद्रः | त्रिष्टुप्}
अ॒स्मा, इदु॒ ग्नाश्चि॑द्दे॒वप॑त्नी॒रिंद्रा᳚या॒र्कम॑हि॒हत्य॑ ऊवुः | परि॒ द्यावा᳚पृथि॒वी ज॑भ्र उ॒र्वी नास्य॒ ते म॑हि॒मानं॒ परि॑ ष्टः॒(स्वाहा᳚) || 1.61.8, 1.4.28.3 {गौतमो नोधाः | इंद्रः | त्रिष्टुप्}
अ॒स्येदे॒व प्र रि॑रिचे महि॒त्वं दि॒वस्पृ॑थि॒व्याः पर्यं॒तरि॑क्षात् | स्व॒राळिंद्रो॒ दम॒ आ वि॒श्वगू᳚र्तः स्व॒रिरम॑त्रो ववक्षे॒ रणा᳚य॒(स्वाहा᳚) || 1.61.9, 1.4.28.4 {गौतमो नोधाः | इंद्रः | त्रिष्टुप्}
अ॒स्येदे॒व शव॑सा शु॒षंतं॒ वि वृ॑श्च॒द् वज्रे᳚ण वृ॒त्रमिंद्रः॑ | गा न व्रा॒णा, अ॒वनी᳚रमुंचद॒भि श्रवो᳚ दा॒वने॒ सचे᳚ताः॒(स्वाहा᳚) || 1.61.10, 1.4.28.5 {गौतमो नोधाः | इंद्रः | त्रिष्टुप्}
अ॒स्येदु॑ त्वे॒षसा᳚ रंत॒ सिंध॑वः॒ परि॒ यद् वज्रे᳚ण सी॒मय॑च्छत् | ई॒शा॒न॒कृद्दा॒शुषे᳚ दश॒स्यन् तु॒र्वीत॑ये गा॒धं तु॒र्वणिः॑ कः॒(स्वाहा᳚) || 1.61.11, 1.4.29.1 {गौतमो नोधाः | इंद्रः | त्रिष्टुप्}
अ॒स्मा, इदु॒ प्र भ॑रा॒ तूतु॑जानो वृ॒त्राय॒ वज्र॒मीशा᳚नः किये॒धाः | गोर्न पर्व॒ वि र॑दा तिर॒श्चेष्य॒न्नर्णां᳚स्य॒पां च॒रध्यै॒(स्वाहा᳚) || 1.61.12, 1.4.29.2 {गौतमो नोधाः | इंद्रः | त्रिष्टुप्}
अ॒स्येदु॒ प्र ब्रू᳚हि पू॒र्व्याणि॑ तु॒रस्य॒ कर्मा᳚णि॒ नव्य॑ उ॒क्थैः | यु॒धे यदि॑ष्णा॒न आयु॑धान्यृघा॒यमा᳚णो निरि॒णाति॒ शत्रूं॒त्(स्वाहा᳚) || 1.61.13, 1.4.29.3 {गौतमो नोधाः | इंद्रः | त्रिष्टुप्}
अ॒स्येदु॑ भि॒या गि॒रय॑श्च दृ॒ळ्हा द्यावा᳚ च॒ भूमा᳚ ज॒नुष॑स्तुजेते | उपो᳚ वे॒नस्य॒ जोगु॑वान ओ॒णिं स॒द्यो भु॑वद् वी॒र्या᳚य नो॒धाः(स्वाहा᳚) || 1.61.14, 1.4.29.4 {गौतमो नोधाः | इंद्रः | त्रिष्टुप्}
अ॒स्मा, इदु॒ त्यदनु॑ दाय्येषा॒मेको॒ यद् व॒व्ने भूरे॒रीशा᳚नः | प्रैत॑शं॒ सूर्ये᳚ पस्पृधा॒नं सौव॑श्व्ये॒ सुष्वि॑माव॒दिंद्रः॒(स्वाहा᳚) || 1.61.15, 1.4.29.5 {गौतमो नोधाः | इंद्रः | त्रिष्टुप्}
ए॒वा ते᳚ हारियोजना सुवृ॒क्तींद्र॒ ब्रह्मा᳚णि॒ गोत॑मासो, अक्रन् | ऐषु॑ वि॒श्वपे᳚शसं॒ धियं᳚ धाः प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.61.16, 1.4.29.6 {गौतमो नोधाः | इंद्रः | त्रिष्टुप्}
[62] प्रमन्मह इतित्रयोदशर्चस्य सूक्तस्य गौतमोनोधाइंद्रस्त्रिष्टुप् |
प्र म᳚न्महे शवसा॒नाय॑ शू॒षमां᳚गू॒षं गिर्व॑णसे, अंगिर॒स्वत् | सु॒वृ॒क्तिभिः॑ स्तुव॒त ऋ॑ग्मि॒यायाऽर्चा᳚मा॒र्कं नरे॒ विश्रु॑ताय॒(स्वाहा᳚) || 1.62.1, 1.5.1.1 {गौतमो नोधाः | इंद्रः | त्रिष्टुप्}
प्र वो᳚ म॒हे महि॒ नमो᳚ भरध्वमांगू॒ष्यं᳚ शवसा॒नाय॒ साम॑ | येना᳚ नः॒ पूर्वे᳚ पि॒तरः॑ पद॒ज्ञा, अर्चं᳚तो॒, अंगि॑रसो॒ गा, अविं᳚द॒न्(स्वाहा᳚) || 1.62.2, 1.5.1.2 {गौतमो नोधाः | इंद्रः | त्रिष्टुप्}
इंद्र॒स्यांगि॑रसां चे॒ष्टौ वि॒दत् स॒रमा॒ तन॑याय धा॒सिं | बृह॒स्पति॑र्भि॒नदद्रिं᳚ वि॒दद् गाः समु॒स्रिया᳚भिर्वावशंत॒ नरः॒(स्वाहा᳚) || 1.62.3, 1.5.1.3 {गौतमो नोधाः | इंद्रः | त्रिष्टुप्}
स सु॒ष्टुभा॒ स स्तु॒भा स॒प्त विप्रैः᳚ स्व॒रेणाद्रिं᳚ स्व॒र्यो॒3॑(ओ॒) नव॑ग्वैः | स॒र॒ण्युभिः॑ फलि॒गमिं᳚द्र शक्र व॒लं रवे᳚ण दरयो॒ दश॑ग्वैः॒(स्वाहा᳚) || 1.62.4, 1.5.1.4 {गौतमो नोधाः | इंद्रः | त्रिष्टुप्}
गृ॒णा॒नो, अंगि॑रोभिर्दस्म॒ वि व॑रु॒षसा॒ सूर्ये᳚ण॒ गोभि॒रंधः॑ | वि भूम्या᳚ अप्रथय इंद्र॒ सानु॑ दि॒वो रज॒ उप॑रमस्तभायः॒(स्वाहा᳚) || 1.62.5, 1.5.1.5 {गौतमो नोधाः | इंद्रः | त्रिष्टुप्}
तदु॒ प्रय॑क्षतममस्य॒ कर्म॑ द॒स्मस्य॒ चारु॑तममस्ति॒ दंसः॑ | उ॒प॒ह्व॒रे यदुप॑रा॒, अपि᳚न्व॒न् मध्व᳚र्णसो न॒द्य1॑(अ॒)श्चत॑स्रः॒(स्वाहा᳚) || 1.62.6, 1.5.2.1 {गौतमो नोधाः | इंद्रः | त्रिष्टुप्}
द्वि॒ता वि व᳚व्रे स॒नजा॒ सनी᳚ळे, अ॒यास्यः॒ स्तव॑मानेभिर॒र्कैः | भगो॒ न मेने᳚ पर॒मे व्यो᳚म॒न्नधा᳚रय॒द् रोद॑सी सु॒दंसाः᳚(स्वाहा᳚) || 1.62.7, 1.5.2.2 {गौतमो नोधाः | इंद्रः | त्रिष्टुप्}
स॒नाद्दिवं॒ परि॒ भूमा॒ विरू᳚पे पुन॒र्भुवा᳚ युव॒ती स्वेभि॒रेवैः᳚ | कृ॒ष्णेभि॑र॒क्तोषा रुश॑द्भि॒र्वपु॑र्भि॒रा च॑रतो, अ॒न्यान्या॒(स्वाहा᳚) || 1.62.8, 1.5.2.3 {गौतमो नोधाः | इंद्रः | त्रिष्टुप्}
सने᳚मि स॒ख्यं स्व॑प॒स्यमा᳚नः सू॒नुर्दा᳚धार॒ शव॑सा सु॒दंसाः᳚ | आ॒मासु॑ चिद्दधिषे प॒क्वमं॒तः पयः॑ कृ॒ष्णासु॒ रुश॒द् रोहि॑णीषु॒(स्वाहा᳚) || 1.62.9, 1.5.2.4 {गौतमो नोधाः | इंद्रः | त्रिष्टुप्}
स॒नात् सनी᳚ळा, अ॒वनी᳚रवा॒ता व्र॒ता र॑क्षंते, अ॒मृताः॒ सहो᳚भिः | पु॒रू स॒हस्रा॒ जन॑यो॒ न पत्नी᳚र्दुव॒स्यंति॒ स्वसा᳚रो॒, अह्र॑याण॒म्(स्वाहा᳚) || 1.62.10, 1.5.2.5 {गौतमो नोधाः | इंद्रः | त्रिष्टुप्}
स॒ना॒युवो॒ नम॑सा॒ नव्यो᳚ अ॒र्कैर्व॑सू॒यवो᳚ म॒तयो᳚ दस्म दद्रुः | पतिं॒ न पत्नी᳚रुश॒तीरु॒शंतं᳚ स्पृ॒शंति॑ त्वा शवसावन् मनी॒षाः(स्वाहा᳚) || 1.62.11, 1.5.2.6 {गौतमो नोधाः | इंद्रः | त्रिष्टुप्}
स॒नादे॒व तव॒ रायो॒ गभ॑स्तौ॒ न क्षीयं᳚ते॒ नोप॑ दस्यंति दस्म | द्यु॒माँ, अ॑सि॒ क्रतु॑माँ, इंद्र॒ धीरः॒ शिक्षा᳚ शचीव॒स्तव॑ नः॒ शची᳚भिः॒(स्वाहा᳚) || 1.62.12, 1.5.3.1 {गौतमो नोधाः | इंद्रः | त्रिष्टुप्}
स॒ना॒य॒ते गोत॑म इंद्र॒ नव्य॒मत॑क्ष॒द् ब्रह्म॑ हरि॒योज॑नाय | सु॒नी॒थाय॑ नः शवसान नो॒धाः प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.62.13, 1.5.3.2 {गौतमो नोधाः | इंद्रः | त्रिष्टुप्}
[63] त्वंमहानिति नवर्चस्य सूक्तस्य गौतमोनोधाइंद्रस्त्रिष्टुप् |
त्वं म॒हाँ, इं᳚द्र॒ यो ह॒ शुष्मै॒र्द्यावा᳚ जज्ञा॒नः पृ॑थि॒वी, अमे᳚ धाः | यद्ध॑ ते॒ विश्वा᳚ गि॒रय॑श्चि॒दभ्वा᳚ भि॒या दृ॒ळ्हासः॑ कि॒रणा॒ नैजं॒त्(स्वाहा᳚) || 1.63.1, 1.5.4.1 {गौतमो नोधाः | इंद्रः | त्रिष्टुप्}
आ यद्धरी᳚ इंद्र॒ विव्र॑ता॒ वेरा ते॒ वज्रं᳚ जरि॒ता बा॒ह्वोर्धा᳚त् | येना᳚विहर्यतक्रतो, अ॒मित्रा॒न् पुर॑ इ॒ष्णासि॑ पुरुहूत पू॒र्वीः(स्वाहा᳚) || 1.63.2, 1.5.4.2 {गौतमो नोधाः | इंद्रः | त्रिष्टुप्}
त्वं स॒त्य इं᳚द्र धृ॒ष्णुरे॒तान् त्वमृ॑भु॒क्षा नर्य॒स्त्वं षाट् | त्वं शुष्णं᳚ वृ॒जने᳚ पृ॒क्ष आ॒णौ यूने॒ कुत्सा᳚य द्यु॒मते॒ सचा᳚ह॒न्(स्वाहा᳚) || 1.63.3, 1.5.4.3 {गौतमो नोधाः | इंद्रः | त्रिष्टुप्}
त्वं ह॒ त्यदिं᳚द्र चोदीः॒ सखा᳚ वृ॒त्रं यद् व॑ज्रिन् वृषकर्मन्नु॒भ्नाः | यद्ध॑ शूर वृषमणः परा॒चैर्वि दस्यूँ॒र्योना॒वकृ॑तो वृथा॒षाट्(स्वाहा᳚) || 1.63.4, 1.5.4.4 {गौतमो नोधाः | इंद्रः | त्रिष्टुप्}
त्वं ह॒ त्यदिं॒द्रारि॑षण्यन् दृ॒ळ्हस्य॑ चि॒न्मर्ता᳚ना॒मजु॑ष्टौ | व्य1॑(अ॒)स्मदा काष्ठा॒, अर्व॑ते वर्घ॒नेव॑ वज्रिंछ्नथिह्य॒मित्रां॒त्(स्वाहा᳚) || 1.63.5, 1.5.4.5 {गौतमो नोधाः | इंद्रः | त्रिष्टुप्}
त्वां ह॒ त्यदिं॒द्रार्ण॑सातौ॒ स्व᳚र्मीळ्हे॒ नर॑ आ॒जा ह॑वंते | तव॑ स्वधाव इ॒यमा स॑म॒र्य ऊ॒तिर्वाजे᳚ष्वत॒साय्या᳚ भू॒त्(स्वाहा᳚) || 1.63.6, 1.5.5.1 {गौतमो नोधाः | इंद्रः | त्रिष्टुप्}
त्वं ह॒ त्यदिं᳚द्र स॒प्त युध्य॒न् पुरो᳚ वज्रिन् पुरु॒कुत्सा᳚य दर्दः | ब॒र्हिर्न यत् सु॒दासे॒ वृथा॒ वर्गं॒हो रा᳚ज॒न् वरि॑वः पू॒रवे᳚ कः॒(स्वाहा᳚) || 1.63.7, 1.5.5.2 {गौतमो नोधाः | इंद्रः | त्रिष्टुप्}
त्वं त्यां न॑ इंद्र देव चि॒त्रामिष॒मापो॒ न पी᳚पयः॒ परि॑ज्मन् | यया᳚ शूर॒ प्रत्य॒स्मभ्यं॒ यंसि॒ त्मन॒मूर्जं॒ न वि॒श्वध॒ क्षर॑ध्यै॒(स्वाहा᳚) || 1.63.8, 1.5.5.3 {गौतमो नोधाः | इंद्रः | त्रिष्टुप्}
अका᳚रि त इंद्र॒ गोत॑मेभि॒र्ब्रह्मा॒ण्योक्ता॒ नम॑सा॒ हरि॑भ्यां | सु॒पेश॑सं॒ वाज॒मा भ॑रा नः प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.63.9, 1.5.5.4 {गौतमो नोधाः | इंद्रः | त्रिष्टुप्}
[64] वृष्णेशर्धायेति पंचदशर्चस्य सूक्तस्य गौतमोनोधामरुतोजगती अंत्यात्रिष्टुप् |
वृष्णे॒ शर्धा᳚य॒ सुम॑खाय वे॒धसे॒ नोधः॑ सुवृ॒क्तिं प्र भ॑रा म॒रुद्भ्यः॑ | अ॒पो न धीरो॒ मन॑सा सु॒हस्त्यो॒ गिरः॒ समं᳚जे वि॒दथे᳚ष्वा॒भुवः॒(स्वाहा᳚) || 1.64.1, 1.5.6.1 {गौतमो नोधाः | मरुतः | जगती}
ते ज॑ज्ञिरे दि॒व ऋ॒ष्वास॑ उ॒क्षणो᳚ रु॒द्रस्य॒ मर्या॒, असु॑रा, अरे॒पसः॑ | पा॒व॒कासः॒ शुच॑यः॒ सूर्या᳚ इव॒ सत्वा᳚नो॒ न द्र॒प्सिनो᳚ घो॒रव॑र्पसः॒(स्वाहा᳚) || 1.64.2, 1.5.6.2 {गौतमो नोधाः | मरुतः | जगती}
युवा᳚नो रु॒द्रा, अ॒जरा᳚ अभो॒ग्घनो᳚ वव॒क्षुरध्रि॑गावः॒ पर्व॑ता, इव | दृ॒ळ्हा चि॒द् विश्वा॒ भुव॑नानि॒ पार्थि॑वा॒ प्र च्या᳚वयंति दि॒व्यानि॑ म॒ज्मना॒(स्वाहा᳚) || 1.64.3, 1.5.6.3 {गौतमो नोधाः | मरुतः | जगती}
चि॒त्रैरं॒जिभि॒र्वपु॑षे॒ व्यं᳚जते॒ वक्ष॑स्सु रु॒क्माँ, अधि॑ येतिरे शु॒भे | अंसे᳚ष्वेषां॒ नि मि॑मृक्षुरृ॒ष्टयः॑ सा॒कं ज॑ज्ञिरे स्व॒धया᳚ दि॒वो नरः॒(स्वाहा᳚) || 1.64.4, 1.5.6.4 {गौतमो नोधाः | मरुतः | जगती}
ई॒शा॒न॒कृतो॒ धुन॑यो रि॒शाद॑सो॒ वाता᳚न् वि॒द्युत॒स्तवि॑षीभिरक्रत | दु॒हंत्यूध॑र्दि॒व्यानि॒ धूत॑यो॒ भूमिं᳚ पिन्वंति॒ पय॑सा॒ परि॑ज्रयः॒(स्वाहा᳚) || 1.64.5, 1.5.6.5 {गौतमो नोधाः | मरुतः | जगती}
पिन्वं᳚त्य॒पो म॒रुतः॑ सु॒दान॑वः॒ पयो᳚ घृ॒तव॑द् वि॒दथे᳚ष्वा॒भुवः॑ | अत्यं॒ न मि॒हे वि न॑यंति वा॒जिन॒मुत्सं᳚ दुहंति स्त॒नयं᳚त॒मक्षि॑त॒म्(स्वाहा᳚) || 1.64.6, 1.5.7.1 {गौतमो नोधाः | मरुतः | जगती}
म॒हि॒षासो᳚ मा॒यिन॑श्चि॒त्रभा᳚नवो गि॒रयो॒ न स्वत॑वसो रघु॒ष्यदः॑ | मृ॒गा, इ॑व ह॒स्तिनः॑ खादथा॒ वना॒ यदारु॑णीषु॒ तवि॑षी॒रयु॑ग्ध्व॒म्(स्वाहा᳚) || 1.64.7, 1.5.7.2 {गौतमो नोधाः | मरुतः | जगती}
सिं॒हा, इ॑व नानदति॒ प्रचे᳚तसः पि॒शा, इ॑व सु॒पिशो᳚ वि॒श्ववे᳚दसः | क्षपो॒ जिन्वं᳚तः॒ पृष॑तीभिरृ॒ष्टिभिः॒ समित् स॒बाधः॒ शव॒साहि॑मन्यवः॒(स्वाहा᳚) || 1.64.8, 1.5.7.3 {गौतमो नोधाः | मरुतः | जगती}
रोद॑सी॒, आ व॑दता गणश्रियो॒ नृषा᳚चः शूराः॒ शव॒साहि॑मन्यवः | आ वं॒धुरे᳚ष्व॒मति॒र्न द॑र्श॒ता वि॒द्युन्न त॑स्थौ मरुतो॒ रथे᳚षु वः॒(स्वाहा᳚) || 1.64.9, 1.5.7.4 {गौतमो नोधाः | मरुतः | जगती}
वि॒श्ववे᳚दसो र॒यिभिः॒ समो᳚कसः॒ सम्मि॑श्लास॒स्तवि॑षीभिर्विर॒प्शिनः॑ | अस्ता᳚र॒ इषुं᳚ दधिरे॒ गभ॑स्त्योरनं॒तशु॑ष्मा॒ वृष॑खादयो॒ नरः॒(स्वाहा᳚) || 1.64.10, 1.5.7.5 {गौतमो नोधाः | मरुतः | जगती}
हि॒र॒ण्यये᳚भिः प॒विभिः॑ पयो॒वृध॒ उज्जि॑घ्नंत आप॒थ्यो॒3॑(ओ॒) न पर्व॑तान् | म॒खा, अ॒यासः॑ स्व॒सृतो᳚ ध्रुव॒च्युतो᳚ दुध्र॒कृतो᳚ म॒रुतो॒ भ्राज॑दृष्टयः॒(स्वाहा᳚) || 1.64.11, 1.5.8.1 {गौतमो नोधाः | मरुतः | जगती}
घृषुं᳚ पाव॒कं व॒निनं॒ विच॑र्षणिं रु॒द्रस्य॑ सू॒नुं ह॒वसा᳚ गृणीमसि | र॒ज॒स्तुरं᳚ त॒वसं॒ मारु॑तं ग॒णमृ॑जी॒षिणं॒ वृष॑णं सश्चत श्रि॒ये(स्वाहा᳚) || 1.64.12, 1.5.8.2 {गौतमो नोधाः | मरुतः | जगती}
प्र नू स मर्तः॒ शव॑सा॒ जनाँ॒, अति॑ त॒स्थौ व॑ ऊ॒ती म॑रुतो॒ यमाव॑त | अर्व॑द्भि॒र्वाजं᳚ भरते॒ धना॒ नृभि॑रा॒पृच्छ्यं॒ क्रतु॒मा क्षे᳚ति॒ पुष्य॑ति॒(स्वाहा᳚) || 1.64.13, 1.5.8.3 {गौतमो नोधाः | मरुतः | जगती}
च॒र्कृत्यं᳚ मरुतः पृ॒त्सु दु॒ष्टरं᳚ द्यु॒मंतं॒ शुष्मं᳚ म॒घव॑त्सु धत्तन | ध॒न॒स्पृत॑मु॒क्थ्यं᳚ वि॒श्वच॑र्षणिं तो॒कं पु॑ष्येम॒ तन॑यं श॒तं हिमाः᳚(स्वाहा᳚) || 1.64.14, 1.5.8.4 {गौतमो नोधाः | मरुतः | जगती}
नू ष्ठि॒रं म॑रुतो वी॒रवं᳚तमृती॒षाहं᳚ र॒यिम॒स्मासु॑ धत्त | स॒ह॒स्रिणं᳚ श॒तिनं᳚ शूशु॒वांसं᳚ प्रा॒तर्म॒क्षू धि॒याव॑सुर्जगम्या॒त्(स्वाहा᳚) || 1.64.15, 1.5.8.5 {गौतमो नोधाः | मरुतः | त्रिष्टुप्}
[65] पश्वानेति दशर्चस्य सूक्तस्य शाक्त्यः पराशरोग्निर्द्विपदाविराट् |
प॒श्वा न ता॒युं गुहा॒ चतं᳚तं॒ नमो᳚ युजा॒नं नमो॒ वहं᳚त॒म्(स्वाहा᳚) || 1.65.1, 1.5.9.1 {शाक्त्यः पराशरः | अग्निः | द्विपदाविराट्}
स॒जोषा॒ धीराः᳚ प॒दैरनु॑ ग्म॒न्नुप॑ त्वा सीद॒न् विश्वे॒ यज॑त्राः॒(स्वाहा᳚) || 1.65.2, 1.5.9.2 {शाक्त्यः पराशरः | अग्निः | द्विपदाविराट्}
ऋ॒तस्य॑ दे॒वा, अनु᳚ व्र॒ता गु॒र्भुव॒त् परि॑ष्टि॒र्द्यौर्न भूम॒(स्वाहा᳚) || 1.65.3, 1.5.9.3 {शाक्त्यः पराशरः | अग्निः | द्विपदाविराट्}
वर्धं᳚ती॒मापः॑ प॒न्वा सुशि॑श्विमृ॒तस्य॒ योना॒ गर्भे॒ सुजा᳚त॒म्(स्वाहा᳚) || 1.65.4, 1.5.9.4 {शाक्त्यः पराशरः | अग्निः | द्विपदाविराट्}
पु॒ष्टिर्न र॒ण्वा क्षि॒तिर्न पृ॒थ्वी गि॒रिर्न भुज्म॒ क्षोदो॒ न शं॒भु(स्वाहा᳚) || 1.65.5, 1.5.9.5 {शाक्त्यः पराशरः | अग्निः | द्विपदाविराट्}
अत्यो॒ नाज्म॒न् त्सर्ग॑प्रतक्तः॒ सिंधु॒र्न क्षोदः॒ क ईं᳚ वराते॒(स्वाहा᳚) || 1.65.6, 1.5.9.6 {शाक्त्यः पराशरः | अग्निः | द्विपदाविराट्}
जा॒मिः सिंधू᳚नां॒ भ्राते᳚व॒ स्वस्रा॒मिभ्या॒न्न राजा॒ वना᳚न्यत्ति॒(स्वाहा᳚) || 1.65.7, 1.5.9.7 {शाक्त्यः पराशरः | अग्निः | द्विपदाविराट्}
यद् वात॑जूतो॒ वना॒ व्यस्था᳚द॒ग्निर्ह॑ दाति॒ रोमा᳚ पृथि॒व्याः(स्वाहा᳚) || 1.65.8, 1.5.9.8 {शाक्त्यः पराशरः | अग्निः | द्विपदाविराट्}
श्वसि॑त्य॒प्सु हं॒सो न सीद॒न् क्रत्वा॒ चेति॑ष्ठो वि॒शामु॑ष॒र्भुत्(स्वाहा᳚) || 1.65.9, 1.5.9.9 {शाक्त्यः पराशरः | अग्निः | द्विपदाविराट्}
सोमो॒ न वे॒धा, ऋ॒तप्र॑जातः प॒शुर्न शिश्वा᳚ वि॒भुर्दू॒रेभाः᳚(स्वाहा᳚) || 1.65.10, 1.5.9.10 {शाक्त्यः पराशरः | अग्निः | द्विपदाविराट्}
[66] रयिर्नेति दशर्चस्य सूक्तस्य शाक्त्यः पराशरोग्निर्द्विपदाविराट् |
र॒यिर्न चि॒त्रा सूरो॒ न सं॒दृगायु॒र्न प्रा॒णो नित्यो॒ न सू॒नुः(स्वाहा᳚) || 1.66.1, 1.5.10.1 {शाक्त्यः पराशरः | अग्निः | द्विपदाविराट्}
तक्वा॒ न भूर्णि॒र्वना᳚ सिषक्ति॒ पयो॒ न धे॒नुः शुचि᳚र्वि॒भावा॒(स्वाहा᳚) || 1.66.2, 1.5.10.2 {शाक्त्यः पराशरः | अग्निः | द्विपदाविराट्}
दा॒धार॒ क्षेम॒मोको॒ न र॒ण्वो यवो॒ न प॒क्वो जेता॒ जना᳚ना॒म्(स्वाहा᳚) || 1.66.3, 1.5.10.3 {शाक्त्यः पराशरः | अग्निः | द्विपदाविराट्}
ऋषि॒र्न स्तुभ्वा᳚ वि॒क्षु प्र॑श॒स्तो वा॒जी न प्री॒तो वयो᳚ दधाति॒(स्वाहा᳚) || 1.66.4, 1.5.10.4 {शाक्त्यः पराशरः | अग्निः | द्विपदाविराट्}
दु॒रोक॑शोचिः॒ क्रतु॒र्न नित्यो᳚ जा॒येव॒ योना॒वरं॒ विश्व॑स्मै॒(स्वाहा᳚) || 1.66.5, 1.5.10.5 {शाक्त्यः पराशरः | अग्निः | द्विपदाविराट्}
चि॒त्रो यदभ्रा᳚ट् छ्वे॒तो न वि॒क्षु रथो॒ न रु॒क्मी त्वे॒षः स॒मत्सु॒(स्वाहा᳚) || 1.66.6, 1.5.10.6 {शाक्त्यः पराशरः | अग्निः | द्विपदाविराट्}
सेने᳚व सृ॒ष्टामं᳚ दधा॒त्यस्तु॒र्न दि॒द्युत् त्वे॒षप्र॑तीका॒(स्वाहा᳚) || 1.66.7, 1.5.10.7 {शाक्त्यः पराशरः | अग्निः | द्विपदाविराट्}
य॒मो ह॑ जा॒तो य॒मो जनि॑त्वं जा॒रः क॒नीनां॒ पति॒र्जनी᳚ना॒म्(स्वाहा᳚) || 1.66.8, 1.5.10.8 {शाक्त्यः पराशरः | अग्निः | द्विपदाविराट्}
तं व॑श्च॒राथा᳚ व॒यं व॑स॒त्याऽस्तं॒ न गावो॒ नक्षं᳚त इ॒द्धं(स्वाहा᳚) || 1.66.9, 1.5.10.9 {शाक्त्यः पराशरः | अग्निः | द्विपदाविराट्}
सिंधु॒र्न क्षोदः॒ प्र नीची᳚रैनो॒न्नवं᳚त॒ गावः॒ स्व1॑(अ॒)र्दृशी᳚के॒(स्वाहा᳚) || 1.66.10, 1.5.10.10 {शाक्त्यः पराशरः | अग्निः | द्विपदाविराट्}
[67] वनेष्वितिदशर्चस्य सूक्तस्य शाक्त्यः पराशरोग्निर्द्विपदाविराट् |
वने᳚षु जा॒युर्मर्ते᳚षु मि॒त्रो वृ॑णी॒ते श्रु॒ष्टिं राजे᳚वाजु॒र्यं(स्वाहा᳚) || 1.67.1, 1.5.11.1 {शाक्त्यः पराशरः | अग्निः | द्विपदाविराट्}
क्षेमो॒ न सा॒धुः क्रतु॒र्न भ॒द्रो भुव॑त् स्वा॒धी र्होता᳚ हव्य॒वाट्(स्वाहा᳚) || 1.67.2, 1.5.11.2 {शाक्त्यः पराशरः | अग्निः | द्विपदाविराट्}
हस्ते॒ दधा᳚नो नृ॒म्णा विश्वा॒न्यमे᳚ दे॒वान् धा॒द् गुहा᳚ नि॒षीदं॒त्(स्वाहा᳚) || 1.67.3, 1.5.11.3 {शाक्त्यः पराशरः | अग्निः | द्विपदाविराट्}
वि॒दंती॒मत्र॒ नरो᳚ धियं॒धा हृ॒दा यत्त॒ष्टान् मंत्राँ॒, अशं᳚स॒न्(स्वाहा᳚) || 1.67.4, 1.5.11.4 {शाक्त्यः पराशरः | अग्निः | द्विपदाविराट्}
अ॒जो न क्षां दा॒धार॑ पृथि॒वीं त॒स्तंभ॒ द्यां मंत्रे᳚भिः स॒त्यैः(स्वाहा᳚) || 1.67.5, 1.5.11.5 {शाक्त्यः पराशरः | अग्निः | द्विपदाविराट्}
प्रि॒या प॒दानि॑ प॒श्वो नि पा᳚हि वि॒श्वायु॑रग्ने गु॒हा गुहं᳚ गाः॒(स्वाहा᳚) || 1.67.6, 1.5.11.6 {शाक्त्यः पराशरः | अग्निः | द्विपदाविराट्}
य ईं᳚ चि॒केत॒ गुहा॒ भवं᳚त॒मा यः स॒साद॒ धारा᳚मृ॒तस्य॒(स्वाहा᳚) || 1.67.7, 1.5.11.7 {शाक्त्यः पराशरः | अग्निः | द्विपदाविराट्}
वि ये चृ॒तंत्यृ॒ता सपं᳚त॒ आदिद् वसू᳚नि॒ प्र व॑वाचास्मै॒(स्वाहा᳚) || 1.67.8, 1.5.11.8 {शाक्त्यः पराशरः | अग्निः | द्विपदाविराट्}
वि यो वी॒रुत्सु॒ रोध᳚न्महि॒त्वोत प्र॒जा, उ॒त प्र॒सूष्वं॒तः(स्वाहा᳚) || 1.67.9, 1.5.11.9 {शाक्त्यः पराशरः | अग्निः | द्विपदाविराट्}
चित्ति॑र॒पां दमे᳚ वि॒श्वायुः॒ सद्मे᳚व॒ धीराः᳚ स॒म्माय॑ चक्रुः॒(स्वाहा᳚) || 1.67.10, 1.5.11.10 {शाक्त्यः पराशरः | अग्निः | द्विपदाविराट्}
[68] श्रीणन्निति दशर्चस्य सुक्तस्य शाक्त्यः पराशरोग्निर्द्विपदाविराट् |
श्री॒णन्नुप॑ स्था॒द् दिवं᳚ भुर॒ण्युः स्था॒तुश्च॒रथ॑म॒क्तून् व्यू᳚र्णो॒त्(स्वाहा᳚) || 1.68.1, 1.5.12.1 {शाक्त्यः पराशरः | अग्निः | द्विपदाविराट्}
परि॒ यदे᳚षा॒मेको॒ विश्वे᳚षां॒ भुव॑द्दे॒वो दे॒वानां᳚ महि॒त्वा(स्वाहा᳚) || 1.68.2, 1.5.12.2 {शाक्त्यः पराशरः | अग्निः | द्विपदाविराट्}
आदित्ते॒ विश्वे॒ क्रतुं᳚ जुषंत॒ शुष्का॒द् यद्दे᳚व जी॒वो जनि॑ष्ठाः॒(स्वाहा᳚) || 1.68.3, 1.5.12.3 {शाक्त्यः पराशरः | अग्निः | द्विपदाविराट्}
भजं᳚त॒ विश्वे᳚ देव॒त्वं नाम॑ ऋ॒तं सपं᳚तो, अ॒मृत॒मेवैः᳚(स्वाहा᳚) || 1.68.4, 1.5.12.4 {शाक्त्यः पराशरः | अग्निः | द्विपदाविराट्}
ऋ॒तस्य॒ प्रेषा᳚ ऋ॒तस्य॑ धी॒तिर्वि॒श्वायु॒र्विश्वे॒, अपां᳚सि चक्रुः॒(स्वाहा᳚) || 1.68.5, 1.5.12.5 {शाक्त्यः पराशरः | अग्निः | द्विपदाविराट्}
यस्तुभ्यं॒ दाशा॒द् यो वा᳚ ते॒ शिक्षा॒त् तस्मै᳚ चिकि॒त्वान् र॒यिं द॑यस्व॒(स्वाहा᳚) || 1.68.6, 1.5.12.6 {शाक्त्यः पराशरः | अग्निः | द्विपदाविराट्}
होता॒ निष॑त्तो॒ मनो॒रप॑त्ये॒ स चि॒न्न्वा᳚सां॒ पती᳚ रयी॒णां(स्वाहा᳚) || 1.68.7, 1.5.12.7 {शाक्त्यः पराशरः | अग्निः | द्विपदाविराट्}
इ॒च्छंत॒ रेतो᳚ मि॒थस्त॒नूषु॒ सं जा᳚नत॒ स्वैर्दक्षै॒रमू᳚राः॒(स्वाहा᳚) || 1.68.8, 1.5.12.8 {शाक्त्यः पराशरः | अग्निः | द्विपदाविराट्}
पि॒तुर्न पु॒त्राः क्रतुं᳚ जुषंत॒ श्रोष॒न् ये, अ॑स्य॒ शासं᳚ तु॒रासः॒(स्वाहा᳚) || 1.68.9, 1.5.12.9 {शाक्त्यः पराशरः | अग्निः | द्विपदाविराट्}
वि राय॑ और्णो॒द् दुरः॑ पुरु॒क्षुः पि॒पेश॒ नाकं॒ स्तृभि॒र्दमू᳚नाः॒(स्वाहा᳚) || 1.68.10, 1.5.12.10 {शाक्त्यः पराशरः | अग्निः | द्विपदाविराट्}
[69] शुक्रइति दशर्चस्य सूक्तस्य शाक्त्यः पराशरोग्निर्द्विपदाविराट् |
शु॒क्रः शु॑शु॒क्वाँ, उ॒षो न जा॒रः प॒प्रा स॑मी॒ची दि॒वो न ज्योतिः॒(स्वाहा᳚) || 1.69.1, 1.5.13.1 {पराशरः शक्तिपुत्रः | अग्निः | द्विपदाविराट्}
परि॒ प्रजा᳚तः॒ क्रत्वा᳚ बभूथ॒ भुवो᳚ दे॒वानां᳚ पि॒ता पु॒त्रः सन्(स्वाहा᳚) || 1.69.2, 1.5.13.2 {पराशरः शक्तिपुत्रः | अग्निः | द्विपदाविराट्}
वे॒धा, अदृ॑प्तो, अ॒ग्निर्वि॑जा॒नन्नूध॒र्न गोनां॒ स्वाद्मा᳚ पितू॒नां(स्वाहा᳚) || 1.69.3, 1.5.13.3 {पराशरः शक्तिपुत्रः | अग्निः | द्विपदाविराट्}
जने॒ न शेव॑ आ॒हूर्यः॒ सन् मध्ये॒ निष॑त्तो र॒ण्वो दु॑रो॒णे(स्वाहा᳚) || 1.69.4, 1.5.13.4 {पराशरः शक्तिपुत्रः | अग्निः | द्विपदाविराट्}
पु॒त्रो न जा॒तो र॒ण्वो दु॑रो॒णे वा॒जी न प्री॒तो विशो॒ वि ता᳚री॒त्(स्वाहा᳚) || 1.69.5, 1.5.13.5 {पराशरः शक्तिपुत्रः | अग्निः | द्विपदाविराट्}
विशो॒ यदह्वे॒ नृभिः॒ सनी᳚ळा, अ॒ग्निर्दे᳚व॒त्वा विश्वा᳚न्यश्याः॒(स्वाहा᳚) || 1.69.6, 1.5.13.6 {पराशरः शक्तिपुत्रः | अग्निः | द्विपदाविराट्}
नकि॑ष्ट ए॒ता व्र॒ता मि॑नंति॒ नृभ्यो॒ यदे॒भ्यः श्रु॒ष्टिं च॒कर्थ॒(स्वाहा᳚) || 1.69.7, 1.5.13.7 {पराशरः शक्तिपुत्रः | अग्निः | द्विपदाविराट्}
तत्तु ते॒ दंसो॒ यदह᳚न् त्समा॒नैर्नृभि॒र्यद् यु॒क्तो वि॒वे रपां᳚सि॒(स्वाहा᳚) || 1.69.8, 1.5.13.8 {पराशरः शक्तिपुत्रः | अग्निः | द्विपदाविराट्}
उ॒षो न जा॒रो वि॒भावो॒स्रः संज्ञा᳚तरूप॒श्चिके᳚तदस्मै॒(स्वाहा᳚) || 1.69.9, 1.5.13.9 {पराशरः शक्तिपुत्रः | अग्निः | द्विपदाविराट्}
त्मना॒ वहं᳚तो॒ दुरो॒ व्यृ᳚ण्व॒न् नवं᳚त॒ विश्वे॒ स्व1॑(अ॒)र्दृशी᳚के॒(स्वाहा᳚) || 1.69.10, 1.5.13.10 {पराशरः शक्तिपुत्रः | अग्निः | द्विपदाविराट्}
[70] वनेमेत्येकादशर्चस्य सूक्तस्य शाक्त्यः पराशरोग्निर्द्विपदाविराट् |
व॒नेम॑ पू॒र्वीर॒र्यो म॑नी॒षा, अ॒ग्निः सु॒शोको॒ विश्वा᳚न्यश्याः॒(स्वाहा᳚) || 1.70.1, 1.5.14.1 {शाक्त्यः पराशरः | अग्निः | द्विपदाविराट्}
आ दैव्या᳚नि व्र॒ता चि॑कि॒त्वाना मानु॑षस्य॒ जन॑स्य॒ जन्म॒(स्वाहा᳚) || 1.70.2, 1.5.14.2 {शाक्त्यः पराशरः | अग्निः | द्विपदाविराट्}
गर्भो॒ यो, अ॒पां गर्भो॒ वना᳚नां॒ गर्भ॑श्च स्था॒तां गर्भ॑श्च॒रथा॒म्(स्वाहा᳚) || 1.70.3, 1.5.14.3 {शाक्त्यः पराशरः | अग्निः | द्विपदाविराट्}
अद्रौ᳚ चिदस्मा, अं॒तर्दु॑रो॒णे वि॒शां न विश्वो᳚ अ॒मृतः॑ स्वा॒धीः(स्वाहा᳚) || 1.70.4, 1.5.14.4 {शाक्त्यः पराशरः | अग्निः | द्विपदाविराट्}
स हि क्ष॒पावाँ᳚, अ॒ग्नी र॑यी॒णां दाश॒द् यो, अ॑स्मा॒, अरं᳚ सू॒क्तैः(स्वाहा᳚) || 1.70.5, 1.5.14.5 {शाक्त्यः पराशरः | अग्निः | द्विपदाविराट्}
ए॒ता चि॑कित्वो॒ भूमा॒ नि पा᳚हि दे॒वानां॒ जन्म॒ मर्ताँ᳚श्च वि॒द्वान्(स्वाहा᳚) || 1.70.6, 1.5.14.6 {शाक्त्यः पराशरः | अग्निः | द्विपदाविराट्}
वर्धा॒न्यं पू॒र्वीः, क्ष॒पो विरू᳚पाः स्था॒तुश्च॒ रथ॑मृ॒तप्र॑वीत॒म्(स्वाहा᳚) || 1.70.7, 1.5.14.7 {शाक्त्यः पराशरः | अग्निः | द्विपदाविराट्}
अरा᳚धि॒ होता॒ स्व1॑(अ॒)र्निष॑त्तः कृ॒ण्वन् विश्वा॒न्यपां᳚सि स॒त्या(स्वाहा᳚) || 1.70.8, 1.5.14.8 {शाक्त्यः पराशरः | अग्निः | द्विपदाविराट्}
गोषु॒ प्रश॑स्तिं॒ वने᳚षु धिषे॒ भरं᳚त॒ विश्वे᳚ ब॒लिं स्व᳚र्णः॒(स्वाहा᳚) || 1.70.9, 1.5.14.9 {शाक्त्यः पराशरः | अग्निः | द्विपदाविराट्}
वि त्वा॒ नरः॑ पुरु॒त्रा स॑पर्यन् पि॒तुर्न जिव्रे॒र्वि वेदो᳚ भरंत॒(स्वाहा᳚) || 1.70.10, 1.5.14.10 {शाक्त्यः पराशरः | अग्निः | द्विपदाविराट्}
सा॒धुर्न गृ॒ध्नुरस्ते᳚व॒ शूरो॒ याते᳚व भी॒मस्त्वे॒षः स॒मत्सु॒(स्वाहा᳚) || 1.70.11, 1.5.14.11 {शाक्त्यः पराशरः | अग्निः | द्विपदाविराट्}
[71] उपप्रजिन्वन्निति दशर्चस्य सूक्तस्य शाक्त्यः पराशरोग्निस्त्रिष्टुप्
उप॒ प्र जि᳚न्वन्नुश॒तीरु॒शंतं॒ पतिं॒ न नित्यं॒ जन॑यः॒ सनी᳚ळाः | स्वसा᳚रः॒ श्यावी॒मरु॑षीमजुष्रंचि॒त्रमु॒च्छंती᳚मु॒षसं॒ न गावः॒(स्वाहा᳚) || 1.71.1, 1.5.15.1 {शाक्त्यः पराशरः | अग्निः | त्रिष्टुप्}
वी॒ळु चि॑द्दृ॒ळ्हा पि॒तरो᳚ न उ॒क्थैरद्रिं᳚ रुज॒न्नंगि॑रसो॒ रवे᳚ण | च॒क्रुर्दि॒वो बृ॑ह॒तो गा॒तुम॒स्मे, अहः॒ स्व᳚र्विविदुः के॒तुमु॒स्राः(स्वाहा᳚) || 1.71.2, 1.5.15.2 {शाक्त्यः पराशरः | अग्निः | त्रिष्टुप्}
दध᳚न्नृ॒तं ध॒नय᳚न्नस्य धी॒तिमादिद॒र्यो दि॑धि॒ष्वो॒3॑(ओ॒) विभृ॑त्राः | अतृ॑ष्यंतीर॒पसो᳚ यं॒त्यच्छा᳚ दे॒वांजन्म॒ प्रय॑सा व॒र्धयं᳚तीः॒(स्वाहा᳚) || 1.71.3, 1.5.15.3 {शाक्त्यः पराशरः | अग्निः | त्रिष्टुप्}
मथी॒द् यदीं॒ विभृ॑तो मात॒रिश्वा᳚ गृ॒हेगृ॑हे श्ये॒तो जेन्यो॒ भूत् | आदीं॒ राज्ञे॒ न सही᳚यसे॒ सचा॒ सन्ना दू॒त्य1॑(अं॒) भृग॑वाणो विवाय॒(स्वाहा᳚) || 1.71.4, 1.5.15.4 {शाक्त्यः पराशरः | अग्निः | त्रिष्टुप्}
म॒हे यत् पि॒त्र ईं॒ रसं᳚ दि॒वे करव॑ त्सरत् पृश॒न्य॑श्चिकि॒त्वान् | सृ॒जदस्ता᳚ धृष॒ता दि॒द्युम॑स्मै॒ स्वायां᳚ दे॒वो दु॑हि॒तरि॒ त्विषिं᳚ धा॒त्(स्वाहा᳚) || 1.71.5, 1.5.15.5 {शाक्त्यः पराशरः | अग्निः | त्रिष्टुप्}
स्व आ यस्तुभ्यं॒ दम॒ आ वि॒भाति॒ नमो᳚ वा॒दाशा᳚दुश॒तो, अनु॒ द्यून् | वर्धो᳚ अग्ने॒ वयो᳚ अस्य द्वि॒बर्हा॒ यास॑द् रा॒या स॒रथं॒ यं जु॒नासि॒(स्वाहा᳚) || 1.71.6, 1.5.16.1 {शाक्त्यः पराशरः | अग्निः | त्रिष्टुप्}
अ॒ग्निं विश्वा᳚ अ॒भि पृक्षः॑ सचंते समु॒द्रं न स्र॒वतः॑ स॒प्त य॒ह्वीः | न जा॒मिभि॒र्वि चि॑किते॒ वयो᳚ नो वि॒दा दे॒वेषु॒ प्रम॑तिं चिकि॒त्वान्(स्वाहा᳚) || 1.71.7, 1.5.16.2 {शाक्त्यः पराशरः | अग्निः | त्रिष्टुप्}
आ यदि॒षे नृ॒पतिं॒ तेज॒ आन॒ट् छुचि॒ रेतो॒ निषि॑क्तं॒ द्यौर॒भीके᳚ | अ॒ग्निः शर्ध॑मनव॒द्यं युवा᳚नं स्वा॒ध्यं᳚ जनयत् सू॒दय॑च्च॒(स्वाहा᳚) || 1.71.8, 1.5.16.3 {शाक्त्यः पराशरः | अग्निः | त्रिष्टुप्}
मनो॒ न योऽध्व॑नः स॒द्य एत्येकः॑ स॒त्रा सूरो॒ वस्व॑ ईशे | राजा᳚ना मि॒त्रावरु॑णा सुपा॒णी गोषु॑ प्रि॒यम॒मृतं॒ रक्ष॑माणा॒(स्वाहा᳚) || 1.71.9, 1.5.16.4 {शाक्त्यः पराशरः | अग्निः | त्रिष्टुप्}
मा नो᳚ अग्ने स॒ख्या पित्र्या᳚णि॒ प्र म॑र्षिष्ठा, अ॒भि वि॒दुष्क॒विः सन् | नभो॒ न रू॒पं ज॑रि॒मा मि॑नाति पु॒रा तस्या᳚ अ॒भिश॑स्ते॒रधी᳚हि॒(स्वाहा᳚) || 1.71.10, 1.5.16.5 {शाक्त्यः पराशरः | अग्निः | त्रिष्टुप्}
[72] निकाव्येति दशर्चस्य सूक्तस्य शाक्त्यः पराशरोग्निस्त्रिष्टुप् |
नि काव्या᳚ वे॒धसः॒ शश्व॑तस्क॒र्हस्ते॒ दधा᳚नो॒ नर्या᳚ पु॒रूणि॑ | अ॒ग्निर्भु॑वद् रयि॒पती᳚ रयी॒णां स॒त्रा च॑क्रा॒णो, अ॒मृता᳚नि॒ विश्वा॒(स्वाहा᳚) || 1.72.1, 1.5.17.1 {शाक्त्यः पराशरः | अग्निः | त्रिष्टुप्}
अ॒स्मे व॒त्सं परि॒ षंतं॒ न विं᳚दन्नि॒च्छंतो॒ विश्वे᳚ अ॒मृता॒, अमू᳚राः | श्र॒म॒युवः॑ पद॒व्यो᳚ धियं॒धास्त॒स्थुः प॒दे प॑र॒मे चार्व॒ग्नेः(स्वाहा᳚) || 1.72.2, 1.5.17.2 {शाक्त्यः पराशरः | अग्निः | त्रिष्टुप्}
ति॒स्रो यद॑ग्ने श॒रद॒स्त्वामिच्छुचिं᳚ घृ॒तेन॒ शुच॑यः सप॒र्यान् | नामा᳚नि चिद्दधिरे य॒ज्ञिया॒न्यसू᳚दयंत त॒न्व1॑(अः॒) सुजा᳚ताः॒(स्वाहा᳚) || 1.72.3, 1.5.17.3 {शाक्त्यः पराशरः | अग्निः | त्रिष्टुप्}
आ रोद॑सी बृह॒ती वेवि॑दानाः॒ प्र रु॒द्रिया᳚ जभ्रिरे य॒ज्ञिया᳚सः | वि॒दन्मर्तो᳚ ने॒मधि॑ता चिकि॒त्वान॒ग्निं प॒दे प॑र॒मे त॑स्थि॒वांस॒म्(स्वाहा᳚) || 1.72.4, 1.5.17.4 {शाक्त्यः पराशरः | अग्निः | त्रिष्टुप्}
सं॒जा॒ना॒ना, उप॑ सीदन्नभि॒ज्ञु पत्नी᳚वंतो नम॒स्यं᳚ नमस्यन् | रि॒रि॒क्वांस॑स्त॒न्वः॑ कृण्वत॒ स्वाः सखा॒ सख्यु᳚र्नि॒मिषि॒ रक्ष॑माणाः॒(स्वाहा᳚) || 1.72.5, 1.5.17.5 {शाक्त्यः पराशरः | अग्निः | त्रिष्टुप्}
त्रिः स॒प्त यद् गुह्या᳚नि॒ त्वे, इत् प॒दावि॑द॒न्निहि॑ता य॒ज्ञिया᳚सः | तेभी᳚ रक्षंते, अ॒मृतं᳚ स॒जोषाः᳚ प॒शूंच॑ स्था॒तॄंच॒रथं᳚ च पाहि॒(स्वाहा᳚) || 1.72.6, 1.5.18.1 {शाक्त्यः पराशरः | अग्निः | त्रिष्टुप्}
वि॒द्वाँ, अ॑ग्ने व॒युना᳚नि क्षिती॒नां व्या᳚नु॒षक् छु॒रुधो᳚ जी॒वसे᳚ धाः | अं॒त॒र्वि॒द्वाँ, अध्व॑नो देव॒याना॒नतं᳚द्रो दू॒तो, अ॑भवो हवि॒र्वाट्(स्वाहा᳚) || 1.72.7, 1.5.18.2 {शाक्त्यः पराशरः | अग्निः | त्रिष्टुप्}
स्वा॒ध्यो᳚ दि॒व आ स॒प्त य॒ह्वी रा॒यो दुरो॒ व्यृ॑त॒ज्ञा, अ॑जानन् | वि॒दद् गव्यं᳚ स॒रमा᳚ दृ॒ळ्हमू॒र्वं येना॒ नु कं॒ मानु॑षी॒ भोज॑ते॒ विट्(स्वाहा᳚) || 1.72.8, 1.5.18.3 {शाक्त्यः पराशरः | अग्निः | त्रिष्टुप्}
आ ये विश्वा᳚ स्वप॒त्यानि॑ त॒स्थुः कृ᳚ण्वा॒नासो᳚ अमृत॒त्वाय॑ गा॒तुं | म॒ह्ना म॒हद्भिः॑ पृथि॒वी वि त॑स्थे मा॒ता पु॒त्रैरदि॑ति॒र्धाय॑से॒ वेः(स्वाहा᳚) || 1.72.9, 1.5.18.4 {शाक्त्यः पराशरः | अग्निः | त्रिष्टुप्}
अधि॒ श्रियं॒ नि द॑धु॒श्चारु॑मस्मिन् दि॒वो यद॒क्षी, अ॒मृता॒, अकृ᳚ण्वन् | अध॑ क्षरंति॒ सिंध॑वो॒ न सृ॒ष्टाः प्र नीची᳚रग्ने॒, अरु॑षीरजान॒न्(स्वाहा᳚) || 1.72.10, 1.5.18.5 {शाक्त्यः पराशरः | अग्निः | त्रिष्टुप्}
[73] रयिर्नेति दशर्चस्य सूक्तस्य शाक्त्यः पराशरोग्निस्त्रिष्टुप् |
र॒यिर्न यः पि॑तृवि॒त्तो व॑यो॒धाः सु॒प्रणी᳚तिश्चिकि॒तुषो॒ न शासुः॑ | स्यो॒न॒शीरति॑थि॒र्न प्री᳚णा॒नो होते᳚व॒ सद्म॑ विध॒तो वि ता᳚री॒त्(स्वाहा᳚) || 1.73.1, 1.5.19.1 {शाक्त्यः पराशरः | अग्निः | त्रिष्टुप्}
दे॒वो न यः स॑वि॒ता स॒त्यम᳚न्मा॒ क्रत्वा᳚ नि॒पाति॑ वृ॒जना᳚नि॒ विश्वा᳚ | पु॒रु॒प्र॒श॒स्तो, अ॒मति॒र्न स॒त्य आ॒त्मेव॒ शेवो᳚ दिधि॒षाय्यो᳚ भू॒त्(स्वाहा᳚) || 1.73.2, 1.5.19.2 {शाक्त्यः पराशरः | अग्निः | त्रिष्टुप्}
दे॒वो न यः पृ॑थि॒वीं वि॒श्वधा᳚या, उप॒क्षेति॑ हि॒तमि॑त्रो॒ न राजा᳚ | पु॒रः॒सदः॑ शर्म॒सदो॒ न वी॒रा, अ॑नव॒द्या पति॑जुष्टेव॒ नारी॒(स्वाहा᳚) || 1.73.3, 1.5.19.3 {शाक्त्यः पराशरः | अग्निः | त्रिष्टुप्}
तं त्वा॒ नरो॒ दम॒ आ नित्य॑मि॒द्धमग्ने॒ सचं᳚त क्षि॒तिषु॑ ध्रु॒वासु॑ | अधि॑ द्यु॒म्नं नि द॑धु॒र्भूर्य॑स्मि॒न् भवा᳚ वि॒श्वायु॑र्ध॒रुणो᳚ रयी॒णां(स्वाहा᳚) || 1.73.4, 1.5.19.4 {शाक्त्यः पराशरः | अग्निः | त्रिष्टुप्}
वि पृक्षो᳚ अग्ने म॒घवा᳚नो, अश्यु॒र्वि सू॒रयो॒ दद॑तो॒ विश्व॒मायुः॑ | स॒नेम॒ वाजं᳚ समि॒थेष्व॒र्यो भा॒गं दे॒वेषु॒ श्रव॑से॒ दधा᳚नाः॒(स्वाहा᳚) || 1.73.5, 1.5.19.5 {शाक्त्यः पराशरः | अग्निः | त्रिष्टुप्}
ऋ॒तस्य॒ हि धे॒नवो᳚ वावशा॒नाः स्मदू᳚ध्नीः पी॒पयं᳚त॒ द्युभ॑क्ताः | प॒रा॒वतः॑ सुम॒तिं भिक्ष॑माणा॒ वि सिंध॑वः स॒मया᳚ सस्रु॒रद्रि॒म्(स्वाहा᳚) || 1.73.6, 1.5.20.1 {शाक्त्यः पराशरः | अग्निः | त्रिष्टुप्}
त्वे, अ॑ग्ने सुम॒तिं भिक्ष॑माणा दि॒वि श्रवो᳚ दधिरे य॒ज्ञिया᳚सः | नक्ता᳚ च च॒क्रुरु॒षसा॒ विरू᳚पे कृ॒ष्णं च॒ वर्ण॑मरु॒णं च॒ सं धुः॒(स्वाहा᳚) || 1.73.7, 1.5.20.2 {शाक्त्यः पराशरः | अग्निः | त्रिष्टुप्}
यान् रा॒ये मर्ता॒न् त्सुषू᳚दो, अग्ने॒ ते स्या᳚म म॒घवा᳚नो व॒यं च॑ | छा॒येव॒ विश्वं॒ भुव॑नं सिसक्ष्यापप्रि॒वान् रोद॑सी, अं॒तरि॑क्ष॒म्(स्वाहा᳚) || 1.73.8, 1.5.20.3 {शाक्त्यः पराशरः | अग्निः | त्रिष्टुप्}
अर्व॑द्भिरग्ने॒, अर्व॑तो॒ नृभि॒र्नॄन् वी॒रैर्वी॒रान् व॑नुयामा॒ त्वोताः᳚ | ई॒शा॒नासः॑ पितृवि॒त्तस्य॑ रा॒यो वि सू॒रयः॑ श॒तहि॑मा नो, अश्युः॒(स्वाहा᳚) || 1.73.9, 1.5.20.4 {शाक्त्यः पराशरः | अग्निः | त्रिष्टुप्}
ए॒ता ते᳚ अग्न उ॒चथा᳚नि वेधो॒ जुष्टा᳚नि संतु॒ मन॑से हृ॒दे च॑ | श॒केम॑ रा॒यः सु॒धुरो॒ यमं॒ तेऽधि॒ श्रवो᳚ दे॒वभ॑क्तं॒ दधा᳚नाः॒(स्वाहा᳚) || 1.73.10, 1.5.20.5 {शाक्त्यः पराशरः | अग्निः | त्रिष्टुप्}
[74] उपप्रयंतइति नवर्चस्य सूक्तस्य राहूगणोगोतमोग्निर्गायत्री |
उ॒प॒प्र॒यंतो᳚ अध्व॒रं मंत्रं᳚ वोचेमा॒ग्नये᳚ | आ॒रे, अ॒स्मे च॑ शृण्व॒ते(स्वाहा᳚) || 1.74.1, 1.5.21.1 {रहूगणो गोतमः | अग्निः | गायत्री}
यः स्नीहि॑तीषु पू॒र्व्यः सं᳚जग्मा॒नासु॑ कृ॒ष्टिषु॑ | अर॑क्षद्दा॒शुषे॒ गय॒म्(स्वाहा᳚) || 1.74.2, 1.5.21.2 {रहूगणो गोतमः | अग्निः | गायत्री}
उ॒त ब्रु॑वंतु जं॒तव॒ उद॒ग्निर्वृ॑त्र॒हाज॑नि | ध॒नं॒ज॒यो रणे᳚रणे॒(स्वाहा᳚) || 1.74.3, 1.5.21.3 {रहूगणो गोतमः | अग्निः | गायत्री}
यस्य॑ दू॒तो, असि॒ क्षये॒ वेषि॑ ह॒व्यानि॑ वी॒तये᳚ | द॒स्मत् कृ॒णोष्य॑ध्व॒रं(स्वाहा᳚) || 1.74.4, 1.5.21.4 {रहूगणो गोतमः | अग्निः | गायत्री}
तमित् सु॑ह॒व्यमं᳚गिरः सुदे॒वं स॑हसो यहो | जना᳚ आहुः सुब॒र्हिष॒म्(स्वाहा᳚) || 1.74.5, 1.5.21.5 {रहूगणो गोतमः | अग्निः | गायत्री}
आ च॒ वहा᳚सि॒ ताँ, इ॒ह दे॒वाँ, उप॒ प्रश॑स्तये | ह॒व्या सु॑श्चंद्र वी॒तये॒(स्वाहा᳚) || 1.74.6, 1.5.22.1 {रहूगणो गोतमः | अग्निः | गायत्री}
न योरु॑प॒ब्दिरश्व्यः॑ शृ॒ण्वे रथ॑स्य॒ कच्च॒न | यद॑ग्ने॒ यासि॑ दू॒त्य॑1(अं॒)(स्वाहा᳚) || 1.74.7, 1.5.22.2 {रहूगणो गोतमः | अग्निः | गायत्री}
त्वोतो᳚ वा॒ज्यह्र॑यो॒ऽभि पूर्व॑स्मा॒दप॑रः | प्र दा॒श्वाँ, अ॑ग्ने, अस्था॒त्(स्वाहा᳚) || 1.74.8, 1.5.22.3 {रहूगणो गोतमः | अग्निः | गायत्री}
उ॒त द्यु॒मत् सु॒वीर्यं᳚ बृ॒हद॑ग्ने विवाससि | दे॒वेभ्यो᳚ देव दा॒शुषे॒(स्वाहा᳚) || 1.74.9, 1.5.22.4 {रहूगणो गोतमः | अग्निः | गायत्री}
[75] जुषस्वेति पंचर्चस्य सूक्तस्य राहूगणोगोतमोग्निर्गायत्री |
जु॒षस्व॑ स॒प्रथ॑स्तमं॒ वचो᳚ दे॒वप्स॑रस्तमं | ह॒व्या जुह्वा᳚न आ॒सनि॒(स्वाहा᳚) || 1.75.1, 1.5.23.1 {रहूगणो गोतमः | अग्निः | गायत्री}
अथा᳚ ते, अंगिरस्त॒माग्ने᳚ वेधस्तम प्रि॒यं | वो॒चेम॒ ब्रह्म॑ सान॒सि(स्वाहा᳚) || 1.75.2, 1.5.23.2 {रहूगणो गोतमः | अग्निः | गायत्री}
कस्ते᳚ जा॒मिर्जना᳚ना॒मग्ने॒ को दा॒श्व॑ध्वरः | को ह॒ कस्मि᳚न्नसि श्रि॒तः(स्वाहा᳚) || 1.75.3, 1.5.23.3 {रहूगणो गोतमः | अग्निः | गायत्री}
त्वं जा॒मिर्जना᳚ना॒मग्ने᳚ मि॒त्रो, अ॑सि प्रि॒यः | सखा॒ सखि॑भ्य॒ ईड्यः॒(स्वाहा᳚) || 1.75.4, 1.5.23.4 {रहूगणो गोतमः | अग्निः | गायत्री}
यजा᳚ नो मि॒त्रावरु॑णा॒ यजा᳚ दे॒वाँ ऋ॒तं बृ॒हत् | अग्ने॒ यक्षि॒ स्वं दम॒म्(स्वाहा᳚) || 1.75.5, 1.5.23.5 {रहूगणो गोतमः | अग्निः | गायत्री}
[76] कातइति पंचचस्य सूक्तस्य राहूगणोगोतमोग्निस्त्रिष्टुप् |
का त॒ उपे᳚ति॒र्मन॑सो॒ वरा᳚य॒ भुव॑दग्ने॒ शंत॑मा॒ का म॑नी॒षा | को वा᳚ य॒ज्ञैः परि॒ दक्षं᳚ त आप॒ केन॑ वा ते॒ मन॑सा दाशेम॒(स्वाहा᳚) || 1.76.1, 1.5.24.1 {रहूगणो गोतमः | अग्निः | त्रिष्टुप्}
एह्य॑ग्न इ॒ह होता॒ नि षी॒दाद॑ब्धः॒ सु पु॑रए॒ता भ॑वा नः | अव॑तां त्वा॒ रोद॑सी विश्वमि॒न्वे यजा᳚ म॒हे सौ᳚मन॒साय॑ दे॒वान्(स्वाहा᳚) || 1.76.2, 1.5.24.2 {रहूगणो गोतमः | अग्निः | त्रिष्टुप्}
प्र सु विश्वा᳚न् र॒क्षसो॒ धक्ष्य॑ग्ने॒ भवा᳚ य॒ज्ञाना᳚मभिशस्ति॒पावा᳚ | अथा व॑ह॒ सोम॑पतिं॒ हरि॑भ्यामाति॒थ्यम॑स्मै चकृमा सु॒दाव्ने॒(स्वाहा᳚) || 1.76.3, 1.5.24.3 {रहूगणो गोतमः | अग्निः | त्रिष्टुप्}
प्र॒जाव॑ता॒ वच॑सा॒ वह्नि॑रा॒सा च॑ हु॒वे नि च॑ सत्सी॒ह दे॒वैः | वेषि॑ हो॒त्रमु॒त पो॒त्रं य॑जत्र बो॒धि प्र॑यंतर्जनित॒र्वसू᳚ना॒म्(स्वाहा᳚) || 1.76.4, 1.5.24.4 {रहूगणो गोतमः | अग्निः | त्रिष्टुप्}
यथा॒ विप्र॑स्य॒ मनु॑षो ह॒विर्भि॑र्दे॒वाँ, अय॑जः क॒विभिः॑ क॒विः सन् | ए॒वा हो᳚तः सत्यतर॒ त्वम॒द्याग्ने᳚ मं॒द्रया᳚ जु॒ह्वा᳚ यजस्व॒(स्वाहा᳚) || 1.76.5, 1.5.24.5 {रहूगणो गोतमः | अग्निः | त्रिष्टुप्}
[77] कथादाशेमेति पंचर्चस्य सूक्तस्य राहूगणोगोतमोग्निस्त्रिष्टुप्
क॒था दा᳚शेमा॒ग्नये॒ कास्मै᳚ दे॒वजु॑ष्टोच्यते भा॒मिने॒ गीः | यो मर्त्ये᳚ष्व॒मृत॑ ऋ॒तावा॒ होता॒ यजि॑ष्ठ॒ इत् कृ॒णोति॑ दे॒वान्(स्वाहा᳚) || 1.77.1, 1.5.25.1 {रहूगणो गोतमः | अग्निः | त्रिष्टुप्}
यो, अ॑ध्व॒रेषु॒ शंत॑म ऋ॒तावा॒ होता॒ तमू॒ नमो᳚भि॒रा कृ॑णुध्वं | अ॒ग्निर्यद् वेर्मर्ता᳚य दे॒वान् त्स चा॒ बोधा᳚ति॒ मन॑सा यजाति॒(स्वाहा᳚) || 1.77.2, 1.5.25.2 {रहूगणो गोतमः | अग्निः | त्रिष्टुप्}
स हि क्रतुः॒ स मर्यः॒ स सा॒धुर्मि॒त्रो न भू॒दद्भु॑तस्य र॒थीः | तं मेधे᳚षु प्रथ॒मं दे᳚व॒यंती॒र्विश॒ उप॑ ब्रुवते द॒स्ममारीः᳚(स्वाहा᳚) || 1.77.3, 1.5.25.3 {रहूगणो गोतमः | अग्निः | त्रिष्टुप्}
स नो᳚ नृ॒णां नृत॑मो रि॒शादा᳚ अ॒ग्निर्गिरोऽव॑सा वेतु धी॒तिं | तना᳚ च॒ ये म॒घवा᳚नः॒ शवि॑ष्ठा॒ वाज॑प्रसूता, इ॒षयं᳚त॒ मन्म॒(स्वाहा᳚) || 1.77.4, 1.5.25.4 {रहूगणो गोतमः | अग्निः | त्रिष्टुप्}
ए॒वाग्निर्गोत॑मेभिरृ॒तावा॒ विप्रे᳚भिरस्तोष्ट जा॒तवे᳚दाः | स ए᳚षु द्यु॒म्नं पी᳚पय॒त् स वाजं॒ स पु॒ष्टिं या᳚ति॒ जोष॒मा चि॑कि॒त्वान्(स्वाहा᳚) || 1.77.5, 1.5.25.5 {रहूगणो गोतमः | अग्निः | त्रिष्टुप्}
[78] अभित्वेति पंचर्चस्य सूक्तस्य राहूगणोगोतमोग्निर्गायत्री |
अ॒भि त्वा॒ गोत॑मा गि॒रा जात॑वेदो॒ विच॑र्षणे | द्यु॒म्नैर॒भि प्र णो᳚नुमः॒(स्वाहा᳚) || 1.78.1, 1.5.26.1 {रहूगणो गोतमः | अग्निः | गायत्री}
तमु॑ त्वा॒ गोत॑मो गि॒रा रा॒यस्का᳚मो दुवस्यति | द्यु॒म्नैर॒भि प्र णो᳚नुमः॒(स्वाहा᳚) || 1.78.2, 1.5.26.2 {रहूगणो गोतमः | अग्निः | गायत्री}
तमु॑ त्वा वाज॒सात॑ममंगिर॒स्वद्ध॑वामहे | द्यु॒म्नैर॒भि प्र णो᳚नुमः॒(स्वाहा᳚) || 1.78.3, 1.5.26.3 {रहूगणो गोतमः | अग्निः | गायत्री}
तमु॑ त्वा वृत्र॒हंत॑मं॒ यो दस्यूँ᳚रवधूनु॒षे | द्यु॒म्नैर॒भि प्र णो᳚नुमः॒(स्वाहा᳚) || 1.78.4, 1.5.26.4 {रहूगणो गोतमः | अग्निः | गायत्री}
अवो᳚चाम॒ रहू᳚गणा, अ॒ग्नये॒ मधु॑म॒द् वचः॑ | द्यु॒म्नैर॒भि प्र णो᳚नुमः॒(स्वाहा᳚) || 1.78.5, 1.5.26.5 {रहूगणो गोतमः | अग्निः | गायत्री}
[79] हिरण्यकेशइति द्वादशर्चस्य सूक्तस्य राहूगणो गोतमोग्निर्गायत्री आद्यास्तिस्रोस्त्रिष्टुभः ततस्तिस्रउष्णिह: (आद्यानांतिसृणांमध्यमोग्निः पार्थिवोवा) |
हिर᳚ण्यकेशो॒ रज॑सो विसा॒रेऽहि॒र्धुनि॒र्वात॑ इव॒ ध्रजी᳚मान् | शुचि॑भ्राजा, उ॒षसो॒ नवे᳚दा॒ यश॑स्वतीरप॒स्युवो॒ न स॒त्याः(स्वाहा᳚) || 1.79.1, 1.5.27.1 {रहूगणो गोतमः | अग्निरग्निमध्यमो वा | त्रिष्टुप्}
आ ते᳚ सुप॒र्णा, अ॑मिनंतँ॒, एवैः᳚ कृ॒ष्णो नो᳚नाव वृष॒भो यदी॒दं | शि॒वाभि॒र्न स्मय॑मानाभि॒रागा॒त् पतं᳚ति॒ मिहः॑ स्त॒नयं᳚त्य॒भ्रा(स्वाहा᳚) || 1.79.2, 1.5.27.2 {रहूगणो गोतमः | अग्निरग्निमध्यमो वा | त्रिष्टुप्}
यदी᳚मृ॒तस्य॒ पय॑सा॒ पिया᳚नो॒ नय᳚न्नृ॒तस्य॑ प॒थिभी॒ रजि॑ष्ठैः | अ॒र्य॒मा मि॒त्रो वरु॑णः॒ परि॑ज्मा॒ त्वचं᳚ पृंचं॒त्युप॑रस्य॒ योनौ॒(स्वाहा᳚) || 1.79.3, 1.5.27.3 {रहूगणो गोतमः | अग्निरग्निमध्यमो वा | त्रिष्टुप्}
अग्ने॒ वाज॑स्य॒ गोम॑त॒ ईशा᳚नः सहसो यहो | अ॒स्मे धे᳚हि जातवेदो॒ महि॒ श्रवः॒(स्वाहा᳚) || 1.79.4, 1.5.27.4 {रहूगणो गोतमः | अग्निः | उष्णिक्}
स इ॑धा॒नो वसु॑ष्क॒विर॒ग्निरी॒ळेन्यो᳚ गि॒रा | रे॒वद॒स्मभ्यं᳚ पुर्वणीक दीदिहि॒(स्वाहा᳚) || 1.79.5, 1.5.27.5 {रहूगणो गोतमः | अग्निः | उष्णिक्}
क्ष॒पो रा᳚जन्नु॒त त्मनाग्ने॒ वस्तो᳚रु॒तोषसः॑ | स ति॑ग्मजंभ र॒क्षसो᳚ दह॒ प्रति॒(स्वाहा᳚) || 1.79.6, 1.5.27.6 {रहूगणो गोतमः | अग्निः | उष्णिक्}
अवा᳚ नो, अग्न ऊ॒तिभि॑र्गाय॒त्रस्य॒ प्रभ᳚र्मणि | विश्वा᳚सु धी॒षु वं᳚द्य॒(स्वाहा᳚) || 1.79.7, 1.5.28.1 {रहूगणो गोतमः | अग्निः | गायत्री}
आ नो᳚ अग्ने र॒यिं भ॑र सत्रा॒साहं॒ वरे᳚ण्यं | विश्वा᳚सु पृ॒त्सु दु॒ष्टर॒म्(स्वाहा᳚) || 1.79.8, 1.5.28.2 {रहूगणो गोतमः | अग्निः | गायत्री}
आ नो᳚ अग्ने सुचे॒तुना᳚ र॒यिं वि॒श्वायु॑पोषसं | मा॒र्डी॒कं धे᳚हि जी॒वसे॒(स्वाहा᳚) || 1.79.9, 1.5.28.3 {रहूगणो गोतमः | अग्निः | गायत्री}
प्र पू॒तास्ति॒ग्मशो᳚चिषे॒ वाचो᳚ गोतमा॒ग्नये᳚ | भर॑स्व सुम्न॒युर्गिरः॒(स्वाहा᳚) || 1.79.10, 1.5.28.4 {रहूगणो गोतमः | अग्निः | गायत्री}
यो नो᳚ अग्नेऽभि॒दास॒त्यंति॑ दू॒रे प॑दी॒ष्ट सः | अ॒स्माक॒मिद् वृ॒धे भ॑व॒(स्वाहा᳚) || 1.79.11, 1.5.28.5 {रहूगणो गोतमः | अग्निः | गायत्री}
स॒ह॒स्रा॒क्षो विच॑र्षणिर॒ग्नी रक्षां᳚सि सेधति | होता᳚ गृणीत उ॒क्थ्य॑1(अः॒)(स्वाहा᳚) || 1.79.12, 1.5.28.6 {रहूगणो गोतमः | अग्निः | गायत्री}
[80] इत्थाहीति षोडशर्चस्य सूक्तस्य राहूगणोगोतमइंद्रोंत्यायादद्ध्यङ्मनुरथर्वाचपंक्तिः |
इ॒त्था हि सोम॒ इन्मदे᳚ ब्र॒ह्मा च॒कार॒ वर्ध॑नं | शवि॑ष्ठ वज्रि॒न्नोज॑सा पृथि॒व्यानिः श॑शा॒, अहि॒मर्च॒न्ननु॑ स्व॒राज्य॒म्(स्वाहा᳚) || 1.80.1, 1.5.29.1 {रहूगणो गोतमः | इंद्रः | पंक्तिः}
स त्वा᳚मद॒द् वृषा॒ मदः॒ सोमः॑ श्ये॒नाभृ॑तः सु॒तः | येना᳚ वृ॒त्रं निर॒द्भ्यो ज॒घंथ॑ वज्रि॒न्नोज॒सार्च॒न्ननु॑ स्व॒राज्य॒म्(स्वाहा᳚) || 1.80.2, 1.5.29.2 {रहूगणो गोतमः | इंद्रः | पंक्तिः}
प्रेह्य॒भी᳚हि धृष्णु॒हि न ते॒ वज्रो॒ नि यं᳚सते | इंद्र॑ नृ॒म्णं हि ते॒ शवो॒ हनो᳚ वृ॒त्रं जया᳚ अ॒पोऽर्च॒न्ननु॑ स्व॒राज्य॒म्(स्वाहा᳚) || 1.80.3, 1.5.29.3 {रहूगणो गोतमः | इंद्रः | पंक्तिः}
निरिं᳚द्र॒ भूम्या॒, अधि॑ वृ॒त्रं ज॑घंथ॒ निर्दि॒वः | सृ॒जा म॒रुत्व॑ती॒रव॑ जी॒वध᳚न्या, इ॒मा, अ॒पोऽर्च॒न्ननु॑ स्व॒राज्य॒म्(स्वाहा᳚) || 1.80.4, 1.5.29.4 {रहूगणो गोतमः | इंद्रः | पंक्तिः}
इंद्रो᳚ वृ॒त्रस्य॒ दोध॑तः॒ सानुं॒ वज्रे᳚ण हीळि॒तः | अ॒भि॒क्रम्याव॑ जिघ्नते॒ऽपः सर्मा᳚य चो॒दय॒न्नर्च॒न्ननु॑ स्व॒राज्य॒म्(स्वाहा᳚) || 1.80.5, 1.5.29.5 {रहूगणो गोतमः | इंद्रः | पंक्तिः}
अधि॒ सानौ॒ नि जि॑घ्नते॒ वज्रे᳚ण श॒तप᳚र्वणा | मं॒दा॒न इंद्रो॒, अंध॑सः॒ सखि॑भ्यो गा॒तुमि॑च्छ॒त्यर्च॒न्ननु॑ स्व॒राज्य॒म्(स्वाहा᳚) || 1.80.6, 1.5.30.1 {रहूगणो गोतमः | इंद्रः | पंक्तिः}
इंद्र॒ तुभ्य॒मिद॑द्रि॒वोऽनु॑त्तं वज्रिन् वी॒र्यं᳚ | यद्ध॒ त्यं मा॒यिनं᳚ मृ॒गं तमु॒ त्वं मा॒यया᳚वधी॒रर्च॒न्ननु॑ स्व॒राज्य॒म्(स्वाहा᳚) || 1.80.7, 1.5.30.2 {रहूगणो गोतमः | इंद्रः | पंक्तिः}
वि ते॒ वज्रा᳚सो, अस्थिरन्नव॒तिं ना॒व्या॒3॑(आ॒) अनु॑ | म॒हत्त॑ इंद्र वी॒र्यं᳚ बा॒ह्वोस्ते॒ बलं᳚ हि॒तमर्च॒न्ननु॑ स्व॒राज्य॒म्(स्वाहा᳚) || 1.80.8, 1.5.30.3 {रहूगणो गोतमः | इंद्रः | पंक्तिः}
स॒हस्रं᳚ सा॒कम॑र्चत॒ परि॑ ष्टोभत विंश॒तिः | श॒तैन॒मन्व॑नोनवु॒रिंद्रा᳚य॒ ब्रह्मोद्य॑त॒मर्च॒न्ननु॑ स्व॒राज्य॒म्(स्वाहा᳚) || 1.80.9, 1.5.30.4 {रहूगणो गोतमः | इंद्रः | पंक्तिः}
इंद्रो᳚ वृ॒त्रस्य॒ तवि॑षीं॒ निर॑ह॒न् त्सह॑सा॒ सहः॑ | म॒हत्तद॑स्य॒ पौंस्यं᳚ वृ॒त्रं ज॑घ॒न्वाँ, अ॑सृज॒दर्च॒न्ननु॑ स्व॒राज्य॒म्(स्वाहा᳚) || 1.80.10, 1.5.30.5 {रहूगणो गोतमः | इंद्रः | पंक्तिः}
इ॒मे चि॒त्तव॑ म॒न्यवे॒ वेपे᳚ते भि॒यसा᳚ म॒ही | यदिं᳚द्र वज्रि॒न्नोज॑सा वृ॒त्रं म॒रुत्वाँ॒, अव॑धी॒रर्च॒न्ननु॑ स्व॒राज्य॒म्(स्वाहा᳚) || 1.80.11, 1.5.31.1 {रहूगणो गोतमः | इंद्रः | पंक्तिःंक्ति}
न वेप॑सा॒ न त᳚न्य॒तेंद्रं᳚ वृ॒त्रो वि बी᳚भयत् | अ॒भ्ये᳚नं॒ वज्र॑ आय॒सः स॒हस्र॑भृष्टिराय॒तार्च॒न्ननु॑ स्व॒राज्य॒म्(स्वाहा᳚) || 1.80.12, 1.5.31.2 {रहूगणो गोतमः | इंद्रः | पंक्तिः}
यद् वृ॒त्रं तव॑ चा॒शनिं॒ वज्रे᳚ण स॒मयो᳚धयः | अहि॑मिंद्र॒ जिघां᳚सतो दि॒वि ते᳚ बद्बधे॒ शवोऽर्च॒न्ननु॑ स्व॒राज्य॒म्(स्वाहा᳚) || 1.80.13, 1.5.31.3 {रहूगणो गोतमः | इंद्रः | पंक्तिः}
अ॒भि॒ष्ट॒ने ते᳚ अद्रिवो॒ यत् स्था जग॑च्च रेजते | त्वष्टा᳚ चि॒त्तव॑ म॒न्यव॒ इंद्र॑ वेवि॒ज्यते᳚ भि॒यार्च॒न्ननु॑ स्व॒राज्य॒म्(स्वाहा᳚) || 1.80.14, 1.5.31.4 {रहूगणो गोतमः | इंद्रः | पंक्तिः}
न॒हि नु याद॑धी॒मसींद्रं॒ को वी॒र्या᳚ प॒रः | तस्मि᳚न् नृ॒म्णमु॒त क्रतुं᳚ दे॒वा, ओजां᳚सि॒ सं द॑धु॒रर्च॒न्ननु॑ स्व॒राज्य॒म्(स्वाहा᳚) || 1.80.15, 1.5.31.5 {रहूगणो गोतमः | इंद्रः | पंक्तिः}
यामथ᳚र्वा॒ मनु॑ष्पि॒ता द॒ध्यङ् धिय॒मत्न॑त | तस्मि॒न् ब्रह्मा᳚णि पू॒र्वथेंद्र॑ उ॒क्था सम॑ग्म॒तार्च॒न्ननु॑ स्व॒राज्य॒म्(स्वाहा᳚) || 1.80.16, 1.5.31.6 {रहूगणो गोतमः | इंद्रः, दद्ध्यङ्मनुरथर्वा च | पंक्तिः}
[81] इंद्रोमदायेति नवर्चस्य सूक्तस्य राहूगणोगोतमइंद्रःपंक्तिः
इंद्रो॒ मदा᳚य वावृधे॒ शव॑से वृत्र॒हा नृभिः॑ | तमिन्म॒हत्स्वा॒जिषू॒तेमर्भे᳚ हवामहे॒ स वाजे᳚षु॒ प्र नो᳚ऽविष॒त्(स्वाहा᳚) || 1.81.1, 1.6.1.1 {रहूगणो गोतमः | इंद्रः | पंक्तिः}
असि॒ हि वी᳚र॒ सेन्योऽसि॒ भूरि॑ पराद॒दिः | असि॑ द॒भ्रस्य॑ चिद् वृ॒धो यज॑मानाय शिक्षसि सुन्व॒ते भूरि॑ ते॒ वसु॒(स्वाहा᳚) || 1.81.2, 1.6.1.2 {रहूगणो गोतमः | इंद्रः | पंक्तिः}
यदु॒दीर॑त आ॒जयो᳚ धृ॒ष्णवे᳚ धीयते॒ धना᳚ | यु॒क्ष्वा म॑द॒च्युता॒ हरी॒ कं हनः॒ कं वसौ᳚ दधो॒ऽस्माँ, इं᳚द्र॒ वसौ᳚ दधः॒(स्वाहा᳚) || 1.81.3, 1.6.1.3 {रहूगणो गोतमः | इंद्रः | पंक्तिः}
क्रत्वा᳚ म॒हाँ, अ॑नुष्व॒धं भी॒म आ वा᳚वृधे॒ शवः॑ | श्रि॒य ऋ॒ष्व उ॑पा॒कयो॒र्नि शि॒प्री हरि॑वान् दधे॒ हस्त॑यो॒र्वज्र॑माय॒सं(स्वाहा᳚) || 1.81.4, 1.6.1.4 {रहूगणो गोतमः | इंद्रः | पंक्तिः}
आ प॑प्रौ॒ पार्थि॑वं॒ रजो᳚ बद्ब॒धे रो᳚च॒ना दि॒वि | न त्वावाँ᳚, इंद्र॒ कश्च॒न न जा॒तो न ज॑निष्य॒तेऽति॒ विश्वं᳚ ववक्षिथ॒(स्वाहा᳚) || 1.81.5, 1.6.1.5 {रहूगणो गोतमः | इंद्रः | पंक्तिः}
यो, अ॒र्यो म॑र्त॒भोज॑नं परा॒ददा᳚ति दा॒शुषे᳚ | इंद्रो᳚ अ॒स्मभ्यं᳚ शिक्षतु॒ वि भ॑जा॒ भूरि॑ ते॒ वसु॑ भक्षी॒य तव॒ राध॑सः॒(स्वाहा᳚) || 1.81.6, 1.6.2.1 {रहूगणो गोतमः | इंद्रः | पंक्तिः}
मदे᳚मदे॒ हि नो᳚ द॒दिर्यू॒था गवा᳚मृजु॒क्रतुः॑ | सं गृ॑भाय पु॒रू श॒तोभ॑याह॒स्त्या वसु॑ शिशी॒हि रा॒य आ भ॑र॒(स्वाहा᳚) || 1.81.7, 1.6.2.2 {रहूगणो गोतमः | इंद्रः | पंक्तिः}
मा॒दय॑स्व सु॒ते सचा॒ शव॑से शूर॒ राध॑से | वि॒द्मा हि त्वा᳚ पुरू॒वसु॒मुप॒ कामा᳚न् त्ससृ॒ज्महेथा᳚ नोऽवि॒ता भ॑व॒(स्वाहा᳚) || 1.81.8, 1.6.2.3 {रहूगणो गोतमः | इंद्रः | पंक्तिः}
ए॒ते त॑ इंद्र जं॒तवो॒ विश्वं᳚ पुष्यंति॒ वार्यं᳚ | अं॒तर्हि ख्यो जना᳚नाम॒र्यो वेदो॒, अदा᳚शुषां॒ तेषां᳚ नो॒ वेद॒ आ भ॑र॒(स्वाहा᳚) || 1.81.9, 1.6.2.4 {रहूगणो गोतमः | इंद्रः | पंक्तिः}
[82] उपोष्विति षळर्चस्य सूक्तस्य राहूगणोगोतमइंद्रःपंक्तिरंत्याजगती
उपो॒ षु शृ॑णु॒ही गिरो॒ मघ॑व॒न् मात॑था, इव | य॒दा नः॑ सू॒नृता᳚वतः॒ कर॒ आद॒र्थया᳚स॒ इद् योजा॒ न्विं᳚द्र ते॒ हरी॒(स्वाहा᳚) || 1.82.1, 1.6.3.1 {रहूगणो गोतमः | इंद्रः | पंक्तिः}
अक्ष॒न्नमी᳚मदंत॒ ह्यव॑ प्रि॒या, अ॑धूषत | अस्तो᳚षत॒ स्वभा᳚नवो॒ विप्रा॒ नवि॑ष्ठया म॒ती योजा॒ न्विं᳚द्र ते॒ हरी॒(स्वाहा᳚) || 1.82.2, 1.6.3.2 {रहूगणो गोतमः | इंद्रः | पंक्तिः}
सु॒सं॒दृशं᳚ त्वा व॒यं मघ॑वन् वंदिषी॒महि॑ | प्र नू॒नं पू॒र्णवं᳚धुरः स्तु॒तो या᳚हि॒ वशाँ॒, अनु॒ योजा॒ न्विं᳚द्र ते॒ हरी॒(स्वाहा᳚) || 1.82.3, 1.6.3.3 {रहूगणो गोतमः | इंद्रः | पंक्तिः}
स घा॒ तं वृष॑णं॒ रथ॒मधि॑ तिष्ठाति गो॒विदं᳚ | यः पात्रं᳚ हारियोज॒नं पू॒र्णमिं᳚द्र॒ चिके᳚तति॒ योजा॒ न्विं᳚द्र ते॒ हरी॒(स्वाहा᳚) || 1.82.4, 1.6.3.4 {रहूगणो गोतमः | इंद्रः | पंक्तिः}
यु॒क्तस्ते᳚ अस्तु॒ दक्षि॑ण उ॒त स॒व्यः श॑तक्रतो | तेन॑ जा॒यामुप॑ प्रि॒यां मं᳚दा॒नो या॒ह्यंध॑सो॒ योजा॒ न्विं᳚द्र ते॒ हरी॒(स्वाहा᳚) || 1.82.5, 1.6.3.5 {रहूगणो गोतमः | इंद्रः | पंक्तिः}
यु॒नज्मि॑ ते॒ ब्रह्म॑णा के॒शिना॒ हरी॒, उप॒ प्र या᳚हि दधि॒षे गभ॑स्त्योः | उत् त्वा᳚ सु॒तासो᳚ रभ॒सा, अ॑मंदिषुः पूष॒ण्वान् व॑ज्रि॒न् त्समु॒ पत्न्या᳚मदः॒(स्वाहा᳚) || 1.82.6, 1.6.3.6 {रहूगणो गोतमः | इंद्रः | जगती}
[83] अश्वावतीतिषडृचस्य सूक्तस्य राहूगणोगोतमइंद्रोजगती
अश्वा᳚वति प्रथ॒मो गोषु॑ गच्छति सुप्रा॒वीरिं᳚द्र॒ मर्त्य॒स्तवो॒तिभिः॑ | तमित् पृ॑णक्षि॒ वसु॑ना॒ भवी᳚यसा॒ सिंधु॒मापो॒ यथा॒भितो॒ विचे᳚तसः॒(स्वाहा᳚) || 1.83.1, 1.6.4.1 {रहूगणो गोतमः | इंद्रः | जगती}
आपो॒ न दे॒वीरुप॑ यंति हो॒त्रिय॑म॒वः प॑श्यंति॒ वित॑तं॒ यथा॒ रजः॑ | प्रा॒चैर्दे॒वासः॒ प्र ण॑यंति देव॒युं ब्र᳚ह्म॒प्रियं᳚ जोषयंते व॒रा, इ॑व॒(स्वाहा᳚) || 1.83.2, 1.6.4.2 {रहूगणो गोतमः | इंद्रः | जगती}
अधि॒द्वयो᳚रदधा, उ॒क्थ्य1॑(अं॒) वचो᳚ य॒तस्रु॑चा मिथु॒ना या स॑प॒र्यतः॑ | असं᳚यत्तो व्र॒ते ते᳚ क्षेति॒ पुष्य॑ति भ॒द्रा श॒क्तिर्यज॑मानाय सुन्व॒ते(स्वाहा᳚) || 1.83.3, 1.6.4.3 {रहूगणो गोतमः | इंद्रः | जगती}
आदंगि॑राः प्रथ॒मं द॑धिरे॒ वय॑ इ॒द्धाग्न॑यः॒ शम्या॒ ये सु॑कृ॒त्यया᳚ | सर्वं᳚ प॒णेः सम॑विंदंत॒ भोज॑न॒मश्वा᳚वंतं॒ गोमं᳚त॒मा प॒शुं नरः॒(स्वाहा᳚) || 1.83.4, 1.6.4.4 {रहूगणो गोतमः | इंद्रः | जगती}
य॒ज्ञैरथ᳚र्वा प्रथ॒मः प॒थस्त॑ते॒ ततः॒ सूर्यो᳚ व्रत॒पा वे॒न आज॑नि | आ गा, आ᳚जदु॒शना᳚ का॒व्यः सचा᳚ य॒मस्य॑ जा॒तम॒मृतं᳚ यजामहे॒(स्वाहा᳚) || 1.83.5, 1.6.4.5 {रहूगणो गोतमः | इंद्रः | जगती}
ब॒र्हिर्वा॒ यत् स्व॑प॒त्याय॑ वृ॒ज्यते॒र्को वा॒ श्लोक॑मा॒घोष॑ते दि॒वि | ग्रावा॒ यत्र॒ वद॑ति का॒रुरु॒क्थ्य1॑(अ॒)स्तस्येदिंद्रो᳚ अभिपि॒त्वेषु॑ रण्यति॒(स्वाहा᳚) || 1.83.6, 1.6.4.6 {रहूगणो गोतमः | इंद्रः | जगती}
[84] असावीति विंशत्यृचस्य सूक्तस्य राहूगणोगोतमइंद्रआद्याः षळनुष्टुभः सप्तम्याद्यास्तिस्रउष्णिहः दशम्याद्यास्तिस्रःपंक्त्यः त्रयोदशाद्यास्तिस्रो गायत्र्यः षोळश्याद्यास्तिस्रस्त्रिष्टुभः अंत्येद्वेबृहतीसतोबृहत्यौ
असा᳚वि॒ सोम॑ इंद्र ते॒ शवि॑ष्ठ धृष्ण॒वा ग॑हि | आ त्वा᳚ पृणक्त्विंद्रि॒यं रजः॒ सूर्यो॒ न र॒श्मिभिः॒(स्वाहा᳚) || 1.84.1, 1.6.5.1 {रहूगणो गोतमः | इंद्रः | अनुष्टुप्}
इंद्र॒मिद्धरी᳚ वह॒तोऽप्र॑तिधृष्टशवसं | ऋषी᳚णां च स्तु॒तीरुप॑ य॒ज्ञं च॒ मानु॑षाणा॒म्(स्वाहा᳚) || 1.84.2, 1.6.5.2 {रहूगणो गोतमः | इंद्रः | अनुष्टुप्}
आ ति॑ष्ठ वृत्रह॒न् रथं᳚ यु॒क्ता ते॒ ब्रह्म॑णा॒ हरी᳚ | अ॒र्वा॒चीनं॒ सु ते॒ मनो॒ ग्रावा᳚ कृणोतु व॒ग्नुना॒(स्वाहा᳚) || 1.84.3, 1.6.5.3 {रहूगणो गोतमः | इंद्रः | अनुष्टुप्}
इ॒ममिं᳚द्र सु॒तं पि॑ब॒ ज्येष्ठ॒मम॑र्त्यं॒ मदं᳚ | शु॒क्रस्य॑ त्वा॒भ्य॑क्षर॒न् धारा᳚ ऋ॒तस्य॒ साद॑ने॒(स्वाहा᳚) || 1.84.4, 1.6.5.4 {रहूगणो गोतमः | इंद्रः | अनुष्टुप्}
इंद्रा᳚य नू॒नम॑र्चतो॒क्थानि॑ च ब्रवीतन | सु॒ता, अ॑मत्सु॒रिंद॑वो॒ ज्येष्ठं᳚ नमस्यता॒ सहः॒(स्वाहा᳚) || 1.84.5, 1.6.5.5 {रहूगणो गोतमः | इंद्रः | अनुष्टुप्}
नकि॒ष्ट्वद् र॒थीत॑रो॒ हरी॒ यदिं᳚द्र॒ यच्छ॑से | नकि॒ष्ट्वानु॑ म॒ज्मना॒ नकिः॒ स्वश्व॑ आनशे॒(स्वाहा᳚) || 1.84.6, 1.6.6.1 {रहूगणो गोतमः | इंद्रः | अनुष्टुप्}
य एक॒ इद् वि॒दय॑ते॒ वसु॒ मर्ता᳚य दा॒शुषे᳚ | ईशा᳚नो॒, अप्र॑तिष्कुत॒ इंद्रो᳚ अं॒ग॒(स्वाहा᳚) || 1.84.7, 1.6.6.2 {रहूगणो गोतमः | इंद्रः | उष्णिक्}
क॒दा मर्त॑मरा॒धसं᳚ प॒दा क्षुंप॑मिव स्फुरत् | क॒दा नः॑ शुश्रव॒द् गिर॒ इंद्रो᳚ अं॒ग॒(स्वाहा᳚) || 1.84.8, 1.6.6.3 {रहूगणो गोतमः | इंद्रः | उष्णिक्}
यश्चि॒द्धि त्वा᳚ ब॒हुभ्य॒ आ सु॒तावाँ᳚, आ॒विवा᳚सति | उ॒ग्रं तत् प॑त्यते॒ शव॒ इंद्रो᳚ अं॒ग॒(स्वाहा᳚) || 1.84.9, 1.6.6.4 {रहूगणो गोतमः | इंद्रः | उष्णिक्}
स्वा॒दोरि॒त्था वि॑षू॒वतो॒ मध्वः॑ पिबंति गौ॒र्यः॑ | या, इंद्रे᳚ण स॒याव॑री॒र्वृष्णा॒ मदं᳚ति शो॒भसे॒ वस्वी॒रनु॑ स्व॒राज्य॒म्(स्वाहा᳚) || 1.84.10, 1.6.6.5 {रहूगणो गोतमः | इंद्रः | पंक्तिः}
ता, अ॑स्य पृशना॒युवः॒ सोमं᳚ श्रीणंति॒ पृश्न॑यः | प्रि॒या, इंद्र॑स्य धे॒नवो॒ वज्रं᳚ हिन्वंति॒ साय॑कं॒ वस्वी॒रनु॑ स्व॒राज्य॒म्(स्वाहा᳚) || 1.84.11, 1.6.7.1 {रहूगणो गोतमः | इंद्रः | पंक्तिः}
ता, अ॑स्य॒ नम॑सा॒ सहः॑ सप॒र्यंति॒ प्रचे᳚तसः | व्र॒तान्य॑स्य सश्चिरे पु॒रूणि॑ पू॒र्वचि॑त्तये॒ वस्वी॒रनु॑ स्व॒राज्य॒म्(स्वाहा᳚) || 1.84.12, 1.6.7.2 {रहूगणो गोतमः | इंद्रः | पंक्तिः}
इंद्रो᳚ दधी॒चो, अ॒स्थभि᳚र्वृ॒त्राण्यप्र॑तिष्कुतः | ज॒घान॑ नव॒तीर्नव॒(स्वाहा᳚) || 1.84.13, 1.6.7.3 {रहूगणो गोतमः | इंद्रः | गायत्री}
इ॒च्छन्नश्व॑स्य॒ यच्छिरः॒ पर्व॑ते॒ष्वप॑श्रितं | तद् वि॑दच्छर्य॒णाव॑ति॒(स्वाहा᳚) || 1.84.14, 1.6.7.4 {रहूगणो गोतमः | इंद्रः | गायत्री}
अत्राह॒ गोर॑मन्वत॒ नाम॒ त्वष्टु॑रपी॒च्यं᳚ | इ॒त्था चं॒द्रम॑सो गृ॒हे(स्वाहा᳚) || 1.84.15, 1.6.7.5 {रहूगणो गोतमः | इंद्रः | गायत्री}
को, अ॒द्य युं᳚क्ते धु॒रि गा, ऋ॒तस्य॒ शिमी᳚वतो भा॒मिनो᳚ दुर्हृणा॒यून् | आ॒सन्नि॑षून् हृ॒त्स्वसो᳚ मयो॒भून् य ए᳚षां भृ॒त्यामृ॒णध॒त् स जी᳚वा॒त्(स्वाहा᳚) || 1.84.16, 1.6.8.1 {रहूगणो गोतमः | इंद्रः | त्रिष्टुप्}
क ई᳚षते तु॒ज्यते॒ को बि॑भाय॒ को मं᳚सते॒ संत॒मिंद्रं॒ को, अंति॑ | कस्तो॒काय॒ क इभा᳚यो॒त रा॒येऽधि॑ ब्रवत्त॒न्वे॒3॑(ए॒) को जना᳚य॒(स्वाहा᳚) || 1.84.17, 1.6.8.2 {रहूगणो गोतमः | इंद्रः | त्रिष्टुप्}
को, अ॒ग्निमी᳚ट्टे ह॒विषा᳚ घृ॒तेन॑ स्रु॒चा य॑जाता, ऋ॒तुभि॑र्ध्रु॒वेभिः॑ | कस्मै᳚ दे॒वा, आ व॑हाना॒शु होम॒ को मं᳚सते वी॒तिहो᳚त्रः सुदे॒वः(स्वाहा᳚) || 1.84.18, 1.6.8.3 {रहूगणो गोतमः | इंद्रः | त्रिष्टुप्}
त्वमं॒ग प्र शं᳚सिषो दे॒वः श॑विष्ठ॒ मर्त्यं᳚ | न त्वद॒न्यो म॑घवन्नस्ति मर्डि॒तेंद्र॒ ब्रवी᳚मि ते॒ वचः॒(स्वाहा᳚) || 1.84.19, 1.6.8.4 {रहूगणो गोतमः | इंद्रः | बृहती}
मा ते॒ राधां᳚सि॒ मा त॑ ऊ॒तयो᳚ वसो॒ऽस्मान् कदा᳚ च॒ना द॑भन् | विश्वा᳚ च न उपमिमी॒हि मा᳚नुष॒ वसू᳚नि चर्ष॒णिभ्य॒ आ(स्वाहा᳚) || 1.84.20, 1.6.8.5 {रहूगणो गोतमः | इंद्रः | सतोबृहती}
[85] प्रयेशुंभंतइति द्वादशर्चस्य सूक्तस्य राहूगणोगोतमो मरुतो जगतीपंचम्यंत्येत्रिष्टुभौ |
प्र ये शुंभं᳚ते॒ जन॑यो॒ न सप्त॑यो॒ याम᳚न् रु॒द्रस्य॑ सू॒नवः॑ सु॒दंस॑सः | रोद॑सी॒ हि म॒रुत॑श्चक्रि॒रे वृ॒धे मदं᳚ति वी॒रा वि॒दथे᳚षु॒ घृष्व॑यः॒(स्वाहा᳚) || 1.85.1, 1.6.9.1 {रहूगणो गोतमः | मरुतः | जगती}
त उ॑क्षि॒तासो᳚ महि॒मान॑माशत दि॒वि रु॒द्रासो॒, अधि॑ चक्रिरे॒ सदः॑ | अर्चं᳚तो, अ॒र्कं ज॒नयं᳚त इंद्रि॒यमधि॒ श्रियो᳚ दधिरे॒ पृश्नि॑मातरः॒(स्वाहा᳚) || 1.85.2, 1.6.9.2 {रहूगणो गोतमः | मरुतः | जगती}
गोमा᳚तरो॒ यच्छु॒भयं᳚ते, अं॒जिभि॑स्त॒नूषु॑ शु॒भ्रा द॑धिरे वि॒रुक्म॑तः | बाधं᳚ते॒ विश्व॑मभिमा॒तिन॒मप॒ वर्त्मा᳚न्येषा॒मनु॑ रीयते घृ॒तं(स्वाहा᳚) || 1.85.3, 1.6.9.3 {रहूगणो गोतमः | मरुतः | जगती}
वि ये भ्राजं᳚ते॒ सुम॑खास ऋ॒ष्टिभिः॑ प्रच्या॒वयं᳚तो॒, अच्यु॑ता चि॒दोज॑सा | म॒नो॒जुवो॒ यन्म॑रुतो॒ रथे॒ष्वा वृष᳚ व्रातासः॒ पृष॑ती॒रयु॑ग्ध्व॒म्(स्वाहा᳚) || 1.85.4, 1.6.9.4 {रहूगणो गोतमः | मरुतः | जगती}
प्र यद् रथे᳚षु॒ पृष॑ती॒रयु॑ग्ध्वं॒ वाजे॒, अद्रिं᳚ मरुतो रं॒हयं᳚तः | उ॒तारु॒षस्य॒ वि ष्यं᳚ति॒ धारा॒श्चर्मे᳚वो॒दभि॒र्व्युं᳚दंति॒ भूम॒(स्वाहा᳚) || 1.85.5, 1.6.9.5 {रहूगणो गोतमः | मरुतः | त्रिष्टुप्}
आ वो᳚ वहंतु॒ सप्त॑यो रघु॒ष्यदो᳚ रघु॒पत्वा᳚नः॒ प्र जि॑गात बा॒हुभिः॑ | सीद॒ता ब॒र्हिरु॒रु वः॒ सद॑स्कृ॒तं मा॒दय॑ध्वं मरुतो॒ मध्वो॒, अंध॑सः॒(स्वाहा᳚) || 1.85.6, 1.6.9.6 {रहूगणो गोतमः | मरुतः | जगती}
ते᳚ऽवर्धंत॒ स्वत॑वसो महित्व॒ना नाकं᳚ त॒स्थुरु॒रु च॑क्रिरे॒ सदः॑ | विष्णु॒र्यद्धाव॒द् वृष॑णं मद॒च्युतं॒ वयो॒ न सी᳚द॒न्नधि॑ ब॒र्हिषि॑ प्रि॒ये(स्वाहा᳚) || 1.85.7, 1.6.10.1 {रहूगणो गोतमः | मरुतः | जगती}
शूरा᳚ इ॒वेद् युयु॑धयो॒ न जग्म॑यः श्रव॒स्यवो॒ न पृत॑नासु येतिरे | भयं᳚ते॒ विश्वा॒ भुव॑ना म॒रुद्भ्यो॒ राजा᳚न इव त्वे॒षसं᳚दृशो॒ नरः॒(स्वाहा᳚) || 1.85.8, 1.6.10.2 {रहूगणो गोतमः | मरुतः | जगती}
त्वष्टा॒ यद् वज्रं॒ सुकृ॑तं हिर॒ण्ययं᳚ स॒हस्र॑भृष्टिं॒ स्वपा॒, अव॑र्तयत् | ध॒त्त इंद्रो॒ नर्यपां᳚सि॒ कर्त॒वेऽह᳚न् वृ॒त्रं निर॒पामौ᳚ब्जदर्ण॒वं(स्वाहा᳚) || 1.85.9, 1.6.10.3 {रहूगणो गोतमः | मरुतः | जगती}
ऊ॒र्ध्वं नु॑नुद्रेऽव॒तं त ओज॑सा दादृहा॒णं चि॑द् बिभिदु॒र्वि पर्व॑तं | धमं᳚तो वा॒णं म॒रुतः॑ सु॒दान॑वो॒ मदे॒ सोम॑स्य॒ रण्या᳚नि चक्रिरे॒(स्वाहा᳚) || 1.85.10, 1.6.10.4 {रहूगणो गोतमः | मरुतः | जगती}
जि॒ह्मं नु॑नुद्रेऽव॒तं तया᳚ दि॒शासिं᳚च॒न्नुत्सं॒ गोत॑माय तृ॒ष्णजे᳚ | आ ग॑च्छंती॒मव॑सा चि॒त्रभा᳚नवः॒ कामं॒ विप्र॑स्य तर्पयंत॒ धाम॑भिः॒(स्वाहा᳚) || 1.85.11, 1.6.10.5 {रहूगणो गोतमः | मरुतः | जगती}
या वः॒ शर्म॑ शशमा॒नाय॒ संति॑ त्रि॒धातू᳚नि दा॒शुषे᳚ यच्छ॒ताधि॑ | अ॒स्मभ्यं॒ तानि॑ मरुतो॒ वि यं᳚त र॒यिं नो᳚ धत्त वृषणः सु॒वीर॒म्(स्वाहा᳚) || 1.85.12, 1.6.10.6 {रहूगणो गोतमः | मरुतः | त्रिष्टुप्}
[86] मरुतोयस्येति दशर्चस्य सूक्तस्य राहूगणोगोतमो मरुतो गायत्री
मरु॑तो॒ यस्य॒ हि क्षये᳚ पा॒था दि॒वो वि॑महसः | स सु॑गो॒पात॑मो॒ जनः॒(स्वाहा᳚) || 1.86.1, 1.6.11.1 {रहूगणो गोतमः | मरुतः | गायत्री}
य॒ज्ञैर्वा᳚ यज्ञवाहसो॒ विप्र॑स्य वा मती॒नां | मरु॑तः शृणु॒ता हव॒म्(स्वाहा᳚) || 1.86.2, 1.6.11.2 {रहूगणो गोतमः | मरुतः | गायत्री}
उ॒त वा॒ यस्य॑ वा॒जिनो ऽनु॒ विप्र॒मत॑क्षत | स गंता॒ गोम॑ति व्र॒जे(स्वाहा᳚) || 1.86.3, 1.6.11.3 {रहूगणो गोतमः | मरुतः | गायत्री}
अ॒स्य वी॒रस्य॑ ब॒र्हिषि॑ सु॒तः सोमो॒ दिवि॑ष्टिषु | उ॒क्थं मद॑श्च शस्यते॒(स्वाहा᳚) || 1.86.4, 1.6.11.4 {रहूगणो गोतमः | मरुतः | गायत्री}
अ॒स्य श्रो᳚षं॒त्वा भुवो॒ विश्वा॒ यश्च॑र्ष॒णीर॒भि | सूरं᳚ चित् स॒स्रुषी॒रिषः॒(स्वाहा᳚) || 1.86.5, 1.6.11.5 {रहूगणो गोतमः | मरुतः | गायत्री}
पू॒र्वीभि॒र्हि द॑दाशि॒म श॒रद्भि᳚र्मरुतो व॒यं | गायत्री}अवो᳚भिश्चर्षणी॒नां(स्वाहा᳚) || 1.86.6, 1.6.12.1 {रहूगणो गोतमः | मरुतः | गायत्री}
सु॒भगः॒ स प्र॑यज्यवो॒ मरु॑तो, अस्तु॒ मर्त्यः॑ | यस्य॒ प्रयां᳚सि॒ पर्ष॑थ॒(स्वाहा᳚) || 1.86.7, 1.6.12.2 {रहूगणो गोतमः | मरुतः | गायत्री}
श॒श॒मा॒नस्य॑ वा नरः॒ स्वेद॑स्य सत्यशवसः | वि॒दा काम॑स्य॒ वेन॑तः॒(स्वाहा᳚) || 1.86.8, 1.6.12.3 {रहूगणो गोतमः | मरुतः | गायत्री}
यू॒यं तत् स॑त्यशवस आ॒विष्क॑र्त महित्व॒ना | विध्य॑ता वि॒द्युता॒ रक्षः॒(स्वाहा᳚) || 1.86.9, 1.6.12.4 {रहूगणो गोतमः | मरुतः | गायत्री}
गूह॑ता॒ गुह्यं॒ तमो॒ वि या᳚त॒ विश्व॑म॒त्रिणं᳚ | ज्योति॑ष्कर्ता॒ यदु॒श्मसि॒(स्वाहा᳚) || 1.86.10, 1.6.12.5 {रहूगणो गोतमः | मरुतः | गायत्री}
[87] प्रत्वक्षसइति षडृचस्य सूक्तस्य राहूगणोगोतमो मरुतोजगती
प्रत्व॑क्षसः॒ प्रत॑वसो विर॒प्शिनोऽना᳚नता॒, अवि॑थुरा, ऋजी॒षिणः॑ | जुष्ट॑तमासो॒ नृत॑मासो, अं॒जिभि॒र्व्या᳚नज्रे॒ के चि॑दु॒स्रा, इ॑व॒ स्तृभिः॒(स्वाहा᳚) || 1.87.1, 1.6.13.1 {रहूगणो गोतमः | मरुतः | जगती}
उ॒प॒ह्व॒रेषु॒ यदचि॑ध्वं य॒यिं वय॑ इव मरुतः॒ केन॑ चित् प॒था | श्चोतं᳚ति॒ कोशा॒, उप॑ वो॒ रथे॒ष्वा घृ॒तमु॑क्षता॒ मधु॑वर्ण॒मर्च॑ते॒(स्वाहा᳚) || 1.87.2, 1.6.13.2 {रहूगणो गोतमः | मरुतः | जगती}
प्रैषा॒मज्मे᳚षु विथु॒रेव॑ रेजते॒ भूमि॒र्यामे᳚षु॒ यद्ध॑ युं॒जते᳚ शु॒भे | ते क्री॒ळयो॒ धुन॑यो॒ भ्राज॑दृष्टयः स्व॒यं म॑हि॒त्वं प॑नयंत॒ धूत॑यः॒(स्वाहा᳚) || 1.87.3, 1.6.13.3 {रहूगणो गोतमः | मरुतः | जगती}
स हि स्व॒सृत् पृष॑दश्वो॒ युवा᳚ ग॒णो॒3॑(ओ॒)ऽया, ई᳚शा॒नस्तवि॑षीभि॒रावृ॑तः | असि॑ स॒त्य ऋ॑ण॒यावाने᳚द्यो॒ऽस्या धि॒यः प्रा᳚वि॒ताथा॒ वृषा᳚ ग॒णः(स्वाहा᳚) || 1.87.4, 1.6.13.4 {रहूगणो गोतमः | मरुतः | जगती}
पि॒तुः प्र॒त्नस्य॒ जन्म॑ना वदामसि॒ सोम॑स्य जि॒ह्वा प्र जि॑गाति॒ चक्ष॑सा | यदी॒मिंद्रं॒ शम्यृक्वा᳚ण॒ आश॒ताऽदिन्नामा᳚नि य॒ज्ञिया᳚नि दधिरे॒(स्वाहा᳚) || 1.87.5, 1.6.13.5 {रहूगणो गोतमः | मरुतः | जगती}
श्रि॒यसे॒ कं भा॒नुभिः॒ सं मि॑मिक्षिरे॒ ते र॒श्मिभि॒स्त ऋक्व॑भिः सुखा॒दयः॑ | ते वाशी᳚मंत इ॒ष्मिणो॒, अभी᳚रवो वि॒द्रे प्रि॒यस्य॒ मारु॑तस्य॒ धाम्नः॒(स्वाहा᳚) || 1.87.6, 1.6.13.6 {रहूगणो गोतमः | मरुतः | जगती}
[88] आविद्युन्मद्भिरिति षडृचस्य सूक्तस्य राहूगणोगोतमोमरुतस्त्रिष्टुप् आद्यांत्ये प्रस्तारपंक्तीपंचमीविराड्रूपा
आ वि॒द्युन्म॑द्भिर्मरुतः स्व॒र्कै रथे᳚भिर्यात ऋष्टि॒मद्भि॒रश्व॑पर्णैः | आ वर्षि॑ष्ठया न इ॒षा वयो॒ न प॑प्तता सुमायाः॒(स्वाहा᳚) || 1.88.1, 1.6.14.1 {रहूगणो गोतमः | मरुतः | प्रस्तारपंक्तिः}
ते᳚ऽरु॒णेभि॒र्वर॒मा पि॒शंगैः᳚ शु॒भे कं यां᳚ति रथ॒तूर्भि॒रश्वैः᳚ | रु॒क्मो न चि॒त्रः स्वधि॑तीवान् प॒व्या रथ॑स्य जंघनंत॒ भूम॒(स्वाहा᳚) || 1.88.2, 1.6.14.2 {रहूगणो गोतमः | मरुतः | त्रिष्टुप्}
श्रि॒ये कं वो॒, अधि॑ त॒नूषु॒ वाशी᳚र्मे॒धा वना॒ न कृ॑णवंत ऊ॒र्ध्वा | यु॒ष्मभ्यं॒ कं म॑रुतः सुजातास्तुविद्यु॒म्नासो᳚ धनयंते॒, अद्रि॒म्(स्वाहा᳚) || 1.88.3, 1.6.14.3 {रहूगणो गोतमः | मरुतः | त्रिष्टुप्}
अहा᳚नि॒ गृध्राः॒ पर्या व॒ आगु॑रि॒मां धियं᳚ वार्का॒र्यां च॑ दे॒वीं | ब्रह्म॑ कृ॒ण्वंतो॒ गोत॑मासो, अ॒र्कैरू॒र्ध्वं नु॑नुद्र उत्स॒धिं पिब॑ध्यै॒(स्वाहा᳚) || 1.88.4, 1.6.14.4 {रहूगणो गोतमः | मरुतः | त्रिष्टुप्}
ए॒तत् त्यन्न योज॑नमचेति स॒स्वर्ह॒ यन्म॑रुतो॒ गोत॑मो वः | पश्य॒न् हिर᳚ण्यचक्रा॒नयो᳚दंष्ट्रान् वि॒धाव॑तो व॒राहूं॒त्(स्वाहा᳚) || 1.88.5, 1.6.14.5 {रहूगणो गोतमः | मरुतः | विराड्रूप}
ए॒षा स्या वो᳚ मरुतोऽनुभ॒र्त्री प्रति॑ ष्टोभति वा॒घतो॒ न वाणी᳚ | अस्तो᳚भय॒द् वृथा᳚सा॒मनु॑ स्व॒धां गभ॑स्त्योः॒(स्वाहा᳚) || 1.88.6, 1.6.14.6 {रहूगणो गोतमः | मरुतः | प्रस्तारपंक्तिः}
[89] आनोभद्राइति दशर्चस्य सूक्तस्य राहूगणोगोतमो विश्वेदेवास्त्रिष्टुप् आद्याः पंचसप्तमीच जगत्यः षष्ठीविराट्स्थाना (सूक्तभेदप्रयोगपक्षेतुआद्यानांचतसृणां विश्वेदेवाः ततएकस्याइंद्रापूषणौततश्चतसृणां विश्वेदेवाःततएकस्याअदितिः एवंदश) |
आ नो᳚ भ॒द्राः क्रत॑वो यंतु वि॒श्वतोऽद॑ब्धासो॒, अप॑रीतास उ॒द्भिदः॑ | दे॒वा नो॒ यथा॒ सद॒मिद् वृ॒धे, अस॒न्नप्रा᳚युवो रक्षि॒तारो᳚ दि॒वेदि॑वे॒(स्वाहा᳚) || 1.89.1, 1.6.15.1 {रहूगणो गोतमः | विश्वदेवाः | जगती}
दे॒वानां᳚ भ॒द्रा सु॑म॒तिरृ॑जूय॒तां दे॒वानां᳚ रा॒तिर॒भि नो॒ नि व॑र्ततां | दे॒वानां᳚ स॒ख्यमुप॑ सेदिमा व॒यं दे॒वा न॒ आयुः॒ प्र ति॑रंतु जी॒वसे॒(स्वाहा᳚) || 1.89.2, 1.6.15.2 {रहूगणो गोतमः | विश्वदेवाः | जगती}
तान् पूर्व॑या नि॒विदा᳚ हूमहे व॒यं भगं᳚ मि॒त्रमदि॑तिं॒ दक्ष॑म॒स्रिधं᳚ | अ॒र्य॒मणं॒ वरु॑णं॒ सोम॑म॒श्विना॒ सर॑स्वती नः सु॒भगा॒ मय॑स्कर॒त्(स्वाहा᳚) || 1.89.3, 1.6.15.3 {रहूगणो गोतमः | विश्वदेवाः | जगती}
तन्नो॒ वातो᳚ मयो॒भु वा᳚तु भेष॒जं तन्मा॒ता पृ॑थि॒वी तत् पि॒ता द्यौः | तद् ग्रावा᳚णः सोम॒सुतो᳚ मयो॒भुव॒स्तद॑श्विना शृणुतं धिष्ण्या यु॒वं(स्वाहा᳚) || 1.89.4, 1.6.15.4 {रहूगणो गोतमः | विश्वदेवाः | जगती}
तमीशा᳚नं॒ जग॑तस्त॒स्थुष॒स्पतिं᳚ धियंजि॒न्वमव॑से हूमहे व॒यं | पू॒षा नो॒ यथा॒ वेद॑सा॒मस॑द् वृ॒धे र॑क्षि॒ता पा॒युरद॑ब्धः स्व॒स्तये॒(स्वाहा᳚) || 1.89.5, 1.6.15.5 {रहूगणो गोतमः | विश्वदेवाः | जगती}
स्व॒स्ति न॒ इंद्रो᳚ वृ॒द्धश्र॑वाः स्व॒स्ति नः॑ पू॒षा वि॒श्ववे᳚दाः | स्व॒स्ति न॒स्तार्क्ष्यो॒, अरि॑ष्टनेमिः स्व॒स्ति नो॒ बृह॒स्पति॑र्दधातु॒(स्वाहा᳚) || 1.89.6, 1.6.16.1 {रहूगणो गोतमः | विश्वदेवाः | विराट्स्थाना}
पृष॑दश्वा म॒रुतः॒ पृश्नि॑मातरः शुभं॒यावा᳚नो वि॒दथे᳚षु॒ जग्म॑यः | अ॒ग्नि॒जि॒ह्वा मन॑वः॒ सूर॑चक्षसो॒ विश्वे᳚ नो दे॒वा, अव॒सा ग॑मन्नि॒ह(स्वाहा᳚) || 1.89.7, 1.6.16.2 {रहूगणो गोतमः | विश्वदेवाः | जगती}
भ॒द्रं कर्णे᳚भिः शृणुयाम देवा भ॒द्रं प॑श्येमा॒क्षभि᳚र्यजत्राः | स्थि॒रैरंगै᳚स्तुष्टु॒वांस॑स्त॒नूभि॒र्व्य॑शेम दे॒वहि॑तं॒ यदायुः॒(स्वाहा᳚) || 1.89.8, 1.6.16.3 {रहूगणो गोतमः | विश्वदेवाः | त्रिष्टुप्}
श॒तमिन्नु श॒रदो॒, अंति॑ देवा॒ यत्रा᳚ नश्च॒क्रा ज॒रसं᳚ त॒नूनां᳚ | पु॒त्रासो॒ यत्र॑ पि॒तरो॒ भवं᳚ति॒ मा नो᳚ म॒ध्या री᳚रिष॒तायु॒र्गंतोः᳚(स्वाहा᳚) || 1.89.9, 1.6.16.4 {रहूगणो गोतमः | विश्वदेवाः | त्रिष्टुप्}
अदि॑ति॒र्द्यौरदि॑तिरं॒तरि॑क्ष॒मदि॑तिर्मा॒ता स पि॒ता स पु॒त्रः | विश्वे᳚ दे॒वा, अदि॑तिः॒ पंच॒ जना॒, अदि॑तिर्जा॒तमदि॑ति॒र्जनि॑त्व॒म्(स्वाहा᳚) || 1.89.10, 1.6.16.5 {रहूगणो गोतमः | विश्वदेवाः | त्रिष्टुप्}
[90] ऋजुनीतीनइतिनवर्चस्य सूक्तस्य राहूगणोगोतमो विश्वेदेवागायत्री अंत्यानुष्टुप् (वैश्वदेवसूक्तेप्यस्मिन्भेदप्रयोगकरणाशक्यत्वान्नवानामपिविश्वेदेवाएव) |
ऋ॒जु॒नी॒ती नो॒ वरु॑णो मि॒त्रो न॑यतु वि॒द्वान् | अ॒र्य॒मा दे॒वैः स॒जोषाः᳚(स्वाहा᳚) || 1.90.1, 1.6.17.1 {रहूगणो गोतमः | विश्वदेवाः | गायत्री}
ते हि वस्वो॒ वस॑वाना॒स्ते, अप्र॑मूरा॒ महो᳚भिः | व्र॒ता र॑क्षंते वि॒श्वाहा॒(स्वाहा᳚) || 1.90.2, 1.6.17.2 {रहूगणो गोतमः | विश्वदेवाः | गायत्री}
ते, अ॒स्मभ्यं॒ शर्म॑ यंसन्न॒मृता॒ मर्त्ये᳚भ्यः | बाध॑माना॒, अप॒ द्विषः॒(स्वाहा᳚) || 1.90.3, 1.6.17.3 {रहूगणो गोतमः | विश्वदेवाः | गायत्री}
वि नः॑ प॒थः सु॑वि॒ताय॑ चि॒यंत्विंद्रो᳚ म॒रुतः॑ | पू॒षा भगो॒ वंद्या᳚सः॒(स्वाहा᳚) || 1.90.4, 1.6.17.4 {रहूगणो गोतमः | विश्वदेवाः | गायत्री}
उ॒त नो॒ धियो॒ गो,अ॑ग्राः॒ पूष॒न् विष्ण॒वेव॑यावः | कर्ता᳚ नः स्वस्ति॒मतः॒(स्वाहा᳚) || 1.90.5, 1.6.17.5 {रहूगणो गोतमः | विश्वदेवाः | गायत्री}
मधु॒ वाता᳚ ऋताय॒ते मधु॑ क्षरंति॒ सिंध॑वः | माध्वी᳚र्नः सं॒त्वोष॑धीः॒(स्वाहा᳚) || 1.90.6, 1.6.18.1 {रहूगणो गोतमः | विश्वदेवाः | गायत्री}
मधु॒ नक्त॑मु॒तोषसो॒ मधु॑म॒त् पार्थि॑वं॒ रजः॑ | मधु॒ द्यौर॑स्तु नः पि॒ता(स्वाहा᳚) || 1.90.7, 1.6.18.2 {रहूगणो गोतमः | विश्वदेवाः | गायत्री}
मधु॑मान्नो॒ वन॒स्पति॒र्मधु॑माँ, अस्तु॒ सूर्यः॑ | माध्वी॒र्गावो᳚ भवंतु नः॒(स्वाहा᳚) || 1.90.8, 1.6.18.3 {रहूगणो गोतमः | विश्वदेवाः | गायत्री}
शं नो᳚ मि॒त्रः शं वरु॑णः॒ शं नो᳚ भवत्वर्य॒मा | शं न॒ इंद्रो॒ बृह॒स्पतिः॒ शं नो॒ विष्णु॑रुरुक्र॒मः(स्वाहा᳚) || 1.90.9, 1.6.18.4 {रहूगणो गोतमः | विश्वदेवाः | अनुष्टुप्}
[91] त्वंसोमइति त्रयोविंशत्यृचस्य सूक्तस्य राहूगणोगोतमःसोमस्त्रिष्टुप् पंचम्यादिद्वादशगायत्र्यः सप्तदश्युष्णिक् |
त्वं सो᳚म॒ प्र चि॑कितो मनी॒षा त्वं रजि॑ष्ठ॒मनु॑ नेषि॒ पंथां᳚ | तव॒ प्रणी᳚ती पि॒तरो᳚ न इंदो दे॒वेषु॒ रत्न॑मभजंत॒ धीराः᳚(स्वाहा᳚) || 1.91.1, 1.6.19.1 {रहूगणो गोतमः | सोमः | त्रिष्टुप्}
त्वं सो᳚म॒ क्रतु॑भिः सु॒क्रतु॑र्भू॒स्त्वं दक्षैः᳚ सु॒दक्षो᳚ वि॒श्ववे᳚दाः | त्वं वृषा᳚ वृष॒त्वेभि᳚र्महि॒त्वा द्यु॒म्नेभि॑र्द्युं॒ न्य॑भवो नृ॒चक्षाः᳚(स्वाहा᳚) || 1.91.2, 1.6.19.2 {रहूगणो गोतमः | सोमः | त्रिष्टुप्}
राज्ञो॒ नु ते॒ वरु॑णस्य व्र॒तानि॑ बृ॒हद् ग॑भी॒रं तव॑ सोम॒ धाम॑ | शुचि॒ष्ट्वम॑सि प्रि॒यो न मि॒त्रो द॒क्षाय्यो᳚ अर्य॒मेवा᳚सि सोम॒(स्वाहा᳚) || 1.91.3, 1.6.19.3 {रहूगणो गोतमः | सोमः | त्रिष्टुप्}
या ते॒ धामा᳚नि दि॒वि या पृ॑थि॒व्यां या पर्व॑ते॒ष्वोष॑धीष्व॒प्सु | तेभि᳚र्नो॒ विश्वैः᳚ सु॒मना॒, अहे᳚ळ॒न् राजं᳚त्सोम॒ प्रति॑ ह॒व्या गृ॑भाय॒(स्वाहा᳚) || 1.91.4, 1.6.19.4 {रहूगणो गोतमः | सोमः | त्रिष्टुप्}
त्वं सो᳚मासि॒ सत्प॑ति॒स्त्वं राजो॒त वृ॑त्र॒हा | त्वं भ॒द्रो, अ॑सि॒ क्रतुः॒(स्वाहा᳚) || 1.91.5, 1.6.19.5 {रहूगणो गोतमः | सोमः | गायत्री}
त्वं च॑ सोम नो॒ वशो᳚ जी॒वातुं॒ न म॑रामहे | प्रि॒यस्तो᳚त्रो॒ वन॒स्पतिः॒(स्वाहा᳚) || 1.91.6, 1.6.20.1 {रहूगणो गोतमः | सोमः | गायत्री}
त्वं सो᳚म म॒हे भगं॒ त्वं यून॑ ऋताय॒ते | दक्षं᳚ दधासि जी॒वसे॒(स्वाहा᳚) || 1.91.7, 1.6.20.2 {रहूगणो गोतमः | सोमः | गायत्री}
त्वं नः॑ सोम वि॒श्वतो॒ रक्षा᳚ राजन्नघाय॒तः | न रि॑ष्ये॒त् त्वाव॑तः॒ सखा॒(स्वाहा᳚) || 1.91.8, 1.6.20.3 {रहूगणो गोतमः | सोमः | गायत्री}
सोम॒ यास्ते᳚ मयो॒भुव॑ ऊ॒तयः॒ संति॑ दा॒शुषे᳚ | ताभि᳚र्नोऽवि॒ता भ॑व॒(स्वाहा᳚) || 1.91.9, 1.6.20.4 {रहूगणो गोतमः | सोमः | गायत्री}
इ॒मं य॒ज्ञमि॒दं वचो᳚ जुजुषा॒ण उ॒पाग॑हि | सोम॒ त्वं नो᳚ वृ॒धे भ॑व॒(स्वाहा᳚) || 1.91.10, 1.6.20.5 {रहूगणो गोतमः | सोमः | गायत्री}
सोम॑ गी॒र्भिष्ट्वा᳚ व॒यं व॒र्धया᳚मो वचो॒विदः॑ | सु॒मृ॒ळी॒को न॒ आ वि॑श॒(स्वाहा᳚) || 1.91.11, 1.6.21.1 {रहूगणो गोतमः | सोमः | गायत्री}
ग॒य॒स्फानो᳚ अमीव॒हा व॑सु॒वित् पु॑ष्टि॒वर्ध॑नः | सु॒मि॒त्रः सो᳚म नो भव॒(स्वाहा᳚) || 1.91.12, 1.6.21.2 {रहूगणो गोतमः | सोमः | गायत्री}
सोम॑ रारं॒धि नो᳚ हृ॒दि गावो॒ न यव॑से॒ष्वा | मर्य॑ इव॒ स्व ओ॒क्ये॒3॑(ए॒)(स्वाहा᳚) || 1.91.13, 1.6.21.3 {रहूगणो गोतमः | सोमः | गायत्री}
यः सो᳚म स॒ख्ये तव॑ रा॒रण॑द्देव॒ मर्त्यः॑ | तं दक्षः॑ सचते क॒विः(स्वाहा᳚) || 1.91.14, 1.6.21.4 {रहूगणो गोतमः | सोमः | गायत्री}
उ॒रु॒ष्या णो᳚ अ॒भिश॑स्तेः॒ सोम॒ नि पा॒ह्यंह॑सः | सखा᳚ सु॒शेव॑ एधि नः॒(स्वाहा᳚) || 1.91.15, 1.6.21.5 {रहूगणो गोतमः | सोमः | गायत्री}
आ प्या᳚यस्व॒ समे᳚तु ते वि॒श्वतः॑ सोम॒ वृष्ण्यं᳚ | भवा॒ वाज॑स्य संग॒थे(स्वाहा᳚) || 1.91.16, 1.6.22.1 {रहूगणो गोतमः | सोमः | गायत्री}
आ प्या᳚यस्व मदिंतम॒ सोम॒ विश्वे᳚भिरं॒शुभिः॑ | भवा᳚ नः सु॒श्रव॑स्तमः॒ सखा᳚ वृ॒धे(स्वाहा᳚) || 1.91.17, 1.6.22.2 {रहूगणो गोतमः | सोमः | उष्णिक्}
सं ते॒ पयां᳚सि॒ समु॑ यंतु॒ वाजाः॒ सं वृष्ण्या᳚न्यभिमाति॒षाहः॑ | आ॒प्याय॑मानो, अ॒मृता᳚य सोम दि॒वि श्रवां᳚स्युत्त॒मानि॑ धिष्व॒(स्वाहा᳚) || 1.91.18, 1.6.22.3 {रहूगणो गोतमः | सोमः | त्रिष्टुप्}
या ते॒ धामा᳚नि ह॒विषा॒ यजं᳚ति॒ ता ते॒ विश्वा᳚ परि॒भूर॑स्तु य॒ज्ञं | ग॒य॒स्फानः॑ प्र॒तर॑णः सु॒वीरोऽवी᳚रहा॒ प्र च॑रा सोम॒ दुर्यां॒त्(स्वाहा᳚) || 1.91.19, 1.6.22.4 {रहूगणो गोतमः | सोमः | त्रिष्टुप्}
सोमो᳚ धे॒नुं सोमो॒, अर्वं᳚तमा॒शुं सोमो᳚ वी॒रं क᳚र्म॒ण्यं᳚ ददाति | सा॒द॒न्यं᳚ विद॒थ्यं᳚ स॒भेयं᳚ पितृ॒श्रव॑णं॒ यो ददा᳚शदस्मै॒(स्वाहा᳚) || 1.91.20, 1.6.22.5 {रहूगणो गोतमः | सोमः | त्रिष्टुप्}
अषा᳚ळ्हं यु॒त्सु पृत॑नासु॒ पप्रिं᳚ स्व॒र्षाम॒प्सां वृ॒जन॑स्य गो॒पां | भ॒रे॒षु॒जां सु॑क्षि॒तिं सु॒श्रव॑सं॒ जयं᳚तं॒ त्वामनु॑ मदेम सोम॒(स्वाहा᳚) || 1.91.21, 1.6.23.1 {रहूगणो गोतमः | सोमः | त्रिष्टुप्}
त्वमि॒मा, ओष॑धीः सोम॒ विश्वा॒स्त्वम॒पो, अ॑जनय॒स्त्वं गाः | त्वमा त॑तंथो॒र्व1॑(अ॒)न्तरि॑क्षं॒ त्वं ज्योति॑षा॒ वि तमो᳚ ववर्थ॒(स्वाहा᳚) || 1.91.22, 1.6.23.2 {रहूगणो गोतमः | सोमः | त्रिष्टुप्}
दे॒वेन॑ नो॒ मन॑सा देव सोम रा॒यो भा॒गं स॑हसावन्न॒भि यु॑ध्य | मा त्वा त॑न॒दीशि॑षे वी॒र्य॑स्यो॒भये᳚भ्यः॒ प्र चि॑कित्सा॒ गवि॑ष्टौ॒(स्वाहा᳚) || 1.91.23, 1.6.23.3 {रहूगणो गोतमः | सोमः | त्रिष्टुप्}
[92] एताउत्याइत्यष्टादशर्चस्य सूक्तस्य राहूगणोगोतम उषाः अंत्यानां तिसृणामश्विनौ आद्याश्चतस्रोजगत्यः ततोष्टौत्रिष्टुभः अंत्याः षळुष्णिहः |
ए॒ता, उ॒ त्या, उ॒षसः॑ के॒तुम॑क्रत॒ पूर्वे॒, अर्धे॒ रज॑सो भा॒नुमं᳚जते | नि॒ष्कृ॒ण्वा॒ना, आयु॑धानीव धृ॒ष्णवः॒ प्रति॒ गावोऽरु॑षीर्यंति मा॒तरः॒(स्वाहा᳚) || 1.92.1, 1.6.24.1 {रहूगणो गोतमः | उषाः | जगती}
उद॑पप्तन्नरु॒णा भा॒नवो॒ वृथा᳚ स्वा॒युजो॒, अरु॑षी॒र्गा, अ॑युक्षत | अक्र᳚न्नु॒षासो᳚ व॒युना᳚नि पू॒र्वथा॒ रुशं᳚तं भा॒नुमरु॑षीरशिश्रयुः॒(स्वाहा᳚) || 1.92.2, 1.6.24.2 {रहूगणो गोतमः | उषाः | जगती}
अर्चं᳚ति॒ नारी᳚र॒पसो॒ न वि॒ष्टिभिः॑ समा॒नेन॒ योज॑ने॒ना प॑रा॒वतः॑ | इषं॒ वहं᳚तीः सु॒कृते᳚ सु॒दान॑वे॒ विश्वेदह॒ यज॑मानाय सुन्व॒ते(स्वाहा᳚) || 1.92.3, 1.6.24.3 {रहूगणो गोतमः | उषाः | जगती}
अधि॒ पेशां᳚सि वपते नृ॒तूरि॒वापो᳚र्णुते॒ वक्ष॑ उ॒स्रेव॒ बर्ज॑हं | ज्योति॒र्विश्व॑स्मै॒ भुव॑नाय कृण्व॒ती गावो॒ न व्र॒जं व्यु1॑(उ॒)षा, आ᳚व॒र्तमः॒(स्वाहा᳚) || 1.92.4, 1.6.24.4 {रहूगणो गोतमः | उषाः | जगती}
प्रत्य॒र्ची रुश॑दस्या, अदर्शि॒ वि ति॑ष्ठते॒ बाध॑ते कृ॒ष्णमभ्वं᳚ | स्वरुं॒ न पेशो᳚ वि॒दथे᳚ष्वं॒जंचि॒त्रं दि॒वो दु॑हि॒ता भा॒नुम॑श्रे॒त्(स्वाहा᳚) || 1.92.5, 1.6.24.5 {रहूगणो गोतमः | उषाः | त्रिष्टुप्}
अता᳚रिष्म॒ तम॑सस्पा॒रम॒स्योषा, उ॒च्छंती᳚ व॒युना᳚ कृणोति | श्रि॒ये छंदो॒ न स्म॑यते विभा॒ती सु॒प्रती᳚का सौमन॒साया᳚जीगः॒(स्वाहा᳚) || 1.92.6, 1.6.25.1 {रहूगणो गोतमः | उषाः | त्रिष्टुप्}
भास्व॑ती ने॒त्री सू॒नृता᳚नां दि॒वः स्त॑वे दुहि॒ता गोत॑मेभिः | प्र॒जाव॑तो नृ॒वतो॒, अश्व॑बुध्या॒नुषो॒ गो,अ॑ग्राँ॒, उप॑ मासि॒ वाजां॒त्(स्वाहा᳚) || 1.92.7, 1.6.25.2 {रहूगणो गोतमः | उषाः | त्रिष्टुप्}
उष॒स्तम॑श्यां य॒शसं᳚ सु॒वीरं᳚ दा॒सप्र॑वर्गं र॒यिमश्व॑बुध्यं | सु॒दंस॑सा॒ श्रव॑सा॒ या वि॒भासि॒ वाज॑प्रसूता सुभगे बृ॒हंत॒म्(स्वाहा᳚) || 1.92.8, 1.6.25.3 {रहूगणो गोतमः | उषाः | त्रिष्टुप्}
विश्वा᳚नि दे॒वी भुव॑नाभि॒चक्ष्या᳚ प्रती॒ची चक्षु॑रुर्वि॒या वि भा᳚ति | विश्वं᳚ जी॒वं च॒रसे᳚ बो॒धयं᳚ती॒ विश्व॑स्य॒ वाच॑मविदन्मना॒योः(स्वाहा᳚) || 1.92.9, 1.6.25.4 {रहूगणो गोतमः | उषाः | त्रिष्टुप्}
पुनः॑पुन॒र्जाय॑माना पुरा॒णी स॑मा॒नं वर्ण॑म॒भि शुंभ॑माना | श्व॒घ्नीव॑ कृ॒त्नुर्विज॑ आमिना॒ना मर्त॑स्य दे॒वी ज॒रयं॒त्यायुः॒(स्वाहा᳚) || 1.92.10, 1.6.25.5 {रहूगणो गोतमः | उषाः | त्रिष्टुप्}
व्यू॒र्ण्व॒ती दि॒वो, अंताँ᳚, अबो॒ध्यप॒ स्वसा᳚रं सनु॒तर्यु॑योति | प्र॒मि॒न॒ती म॑नु॒ष्या᳚ यु॒गानि॒ योषा᳚ जा॒रस्य॒ चक्ष॑सा॒ वि भा᳚ति॒(स्वाहा᳚) || 1.92.11, 1.6.26.1 {रहूगणो गोतमः | उषाः | त्रिष्टुप्}
प॒शून्न चि॒त्रा सु॒भगा᳚ प्रथा॒ना सिंधु॒र्न क्षोद॑ उर्वि॒या व्य॑श्वैत् | अमि॑नती॒ दैव्या᳚नि व्र॒तानि॒ सूर्य॑स्य चेति र॒श्मिभि॑र्दृशा॒ना(स्वाहा᳚) || 1.92.12, 1.6.26.2 {रहूगणो गोतमः | उषाः | त्रिष्टुप्}
उष॒स्तच्चि॒त्रमा भ॑रा॒स्मभ्यं᳚ वाजिनीवति | येन॑ तो॒कं च॒ तन॑यं च॒ धाम॑हे॒(स्वाहा᳚) || 1.92.13, 1.6.26.3 {रहूगणो गोतमः | उषाः | उष्णिक्}
उषो᳚ अ॒द्येह गो᳚म॒त्यश्वा᳚वति विभावरि | रे॒वद॒स्मे व्यु॑च्छ सूनृतावति॒(स्वाहा᳚) || 1.92.14, 1.6.26.4 {रहूगणो गोतमः | उषाः | उष्णिक्}
यु॒क्ष्वा हि वा᳚जिनीव॒त्यश्वाँ᳚, अ॒द्यारु॒णाँ, उ॑षः | अथा᳚ नो॒ विश्वा॒ सौभ॑गा॒न्या व॑ह॒(स्वाहा᳚) || 1.92.15, 1.6.26.5 {रहूगणो गोतमः | उषाः | उष्णिक्}
अश्वि॑ना व॒र्तिर॒स्मदा गोम॑द्दस्रा॒ हिर᳚ण्यवत् | अ॒र्वाग्रथं॒ सम॑नसा॒ नि य॑च्छत॒म्(स्वाहा᳚) || 1.92.16, 1.6.27.1 {रहूगणो गोतमः | अश्विनौ | उष्णिक्}
यावि॒त्था श्लोक॒मा दि॒वो ज्योति॒र्जना᳚य च॒क्रथुः॑ | आ न॒ ऊर्जं᳚ वहतमश्विना यु॒वं(स्वाहा᳚) || 1.92.17, 1.6.27.2 {रहूगणो गोतमः | अश्विनौ | उष्णिक्}
एह दे॒वा म॑यो॒भुवा᳚ द॒स्रा हिर᳚ण्यवर्तनी | उ॒ष॒र्बुधो᳚ वहंतु॒ सोम॑पीतये॒(स्वाहा᳚) || 1.92.18, 1.6.27.3 {रहूगणो गोतमः | अश्विनौ | उष्णिक्}
[93] अग्नीषोमाविति द्वादशर्चस्य सूक्तस्य राहूगणोगोतमोग्नीषोमौत्रिष्टुप् आद्यास्तिस्रोनुष्टुभोष्टमीजगतीवा नवम्यादितिस्रोगायत्र्यः |
अग्नी᳚षोमावि॒मं सु मे᳚ शृणु॒तं वृ॑षणा॒ हवं᳚ | प्रति॑ सू॒क्तानि॑ हर्यतं॒ भव॑तं दा॒शुषे॒ मयः॒(स्वाहा᳚) || 1.93.1, 1.6.28.1 {रहूगणो गोतमः | अग्नीषोमौ | अनुष्टुप्}
अग्नी᳚षोमा॒ यो, अ॒द्य वा᳚मि॒दं वचः॑ सप॒र्यति॑ | तस्मै᳚ धत्तं सु॒वीर्यं॒ गवां॒ पोषं॒ स्वश्व्य॒म्(स्वाहा᳚) || 1.93.2, 1.6.28.2 {रहूगणो गोतमः | अग्नीषोमौ | अनुष्टुप्}
अग्नी᳚षोमा॒ य आहु॑तिं॒ यो वां॒ दाशा᳚द्ध॒विष्कृ॑तिं | स प्र॒जया᳚ सु॒वीर्यं॒ विश्व॒मायु॒र्व्य॑श्नव॒त्(स्वाहा᳚) || 1.93.3, 1.6.28.3 {रहूगणो गोतमः | अग्नीषोमौ | अनुष्टुप्}
अग्नी᳚षोमा॒ चेति॒ तद् वी॒र्यं᳚ वां॒ यदमु॑ष्णीतमव॒सं प॒णिं गाः | अवा᳚तिरतं॒ बृस॑यस्य॒ शेषोऽविं᳚दतं॒ ज्योति॒रेकं᳚ ब॒हुभ्यः॒(स्वाहा᳚) || 1.93.4, 1.6.28.4 {रहूगणो गोतमः | अग्नीषोमौ | त्रिष्टुप्}
यु॒वमे॒तानि॑ दि॒वि रो᳚च॒नान्य॒ग्निश्च॑ सोम॒ सक्र॑तू, अधत्तं | यु॒वं सिंधूँ᳚र॒भिश॑स्तेरव॒द्यादग्नी᳚षोमा॒वमुं᳚चतं गृभी॒तान्(स्वाहा᳚) || 1.93.5, 1.6.28.5 {रहूगणो गोतमः | अग्नीषोमौ | त्रिष्टुप्}
आन्यं दि॒वो मा᳚त॒रिश्वा᳚ जभा॒राम॑थ्नाद॒न्यं परि॑ श्ये॒नो, अद्रेः᳚ | अग्नी᳚षोमा॒ ब्रह्म॑णा वावृधा॒नोरुं य॒ज्ञाय॑ चक्रथुरु लो॒कं(स्वाहा᳚) || 1.93.6, 1.6.28.6 {रहूगणो गोतमः | अग्नीषोमौ | त्रिष्टुप्}
अग्नी᳚षोमा ह॒विषः॒ प्रस्थि॑तस्य वी॒तं हर्य॑तं वृषणा जु॒षेथां᳚ | सु॒शर्मा᳚णा॒ स्वव॑सा॒ हि भू॒तमथा᳚ धत्तं॒ यज॑मानाय॒ शं योः(स्वाहा᳚) || 1.93.7, 1.6.29.1 {रहूगणो गोतमः | अग्नीषोमौ | त्रिष्टुप्}
यो, अ॒ग्नीषोमा᳚ ह॒विषा᳚ सप॒र्याद् दे᳚व॒द्रीचा॒ मन॑सा॒ यो घृ॒तेन॑ | तस्य᳚ व्र॒तं र॑क्षतं पा॒तमंह॑सो वि॒शे जना᳚य॒ महि॒ शर्म॑ यच्छत॒म्(स्वाहा᳚) || 1.93.8, 1.6.29.2 {रहूगणो गोतमः | अग्नीषोमौ | जगती}
अग्नी᳚षोमा॒ सवे᳚दसा॒ सहू᳚ती वनतं॒ गिरः॑ | सं दे᳚व॒त्रा ब॑भूवथुः॒(स्वाहा᳚) || 1.93.9, 1.6.29.3 {रहूगणो गोतमः | अग्नीषोमौ | गायत्री}
अग्नी᳚षोमाव॒नेन॑ वां॒ यो वां᳚ घृ॒तेन॒ दाश॑ति | तस्मै᳚ दीदयतं बृ॒हत्(स्वाहा᳚) || 1.93.10, 1.6.29.4 {रहूगणो गोतमः | अग्नीषोमौ | गायत्री}
अग्नी᳚षोमावि॒मानि॑ नो यु॒वं ह॒व्या जु॑जोषतं | आ या᳚त॒मुप॑ नः॒ सचा॒(स्वाहा᳚) || 1.93.11, 1.6.29.5 {रहूगणो गोतमः | अग्नीषोमौ | गायत्री}
अग्नी᳚षोमा पिपृ॒तमर्व॑तो न॒ आ प्या᳚ यंतामु॒स्रिया᳚ हव्य॒सूदः॑ | अ॒स्मे बला᳚नि म॒घव॑त्सु धत्तं कृणु॒तं नो᳚ अध्व॒रं श्रु॑ष्टि॒मंत॒म्(स्वाहा᳚) || 1.93.12, 1.6.29.6 {रहूगणो गोतमः | अग्नीषोमौ | त्रिष्टुप्}
[94] इमंस्तोममिति षोडशर्चस्य सूक्तस्य कुत्सोग्निः पूर्वोदेवाइत्यस्यादेवाअग्निश्च तन्नोमित्र इत्यंत्यार्धर्चस्यमित्रवरुणादिति सिंधुपृथिवीद्यावोजगती अंत्येत्रिष्टुभौ | (यद्दैवत्यंवा सूक्तमितिपक्षेऽग्निरेवदेवता) |
इ॒मं स्तोम॒मर्ह॑ते जा॒तवे᳚दसे॒ रथ॑मिव॒ सं म॑हेमा मनी॒षया᳚ | भ॒द्रा हि नः॒ प्रम॑तिरस्य सं॒सद्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.1, 1.6.30.1 {कुत्सः | अग्निः | जगती}
यस्मै॒ त्वमा॒यज॑से॒ स सा᳚धत्यन॒र्वा क्षे᳚ति॒ दध॑ते सु॒वीर्यं᳚ | स तू᳚ताव॒ नैन॑मश्नोत्यंह॒तिरग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.2, 1.6.30.2 {कुत्सः | अग्निः | जगती}
श॒केम॑ त्वा स॒मिधं᳚ सा॒धया॒ धिय॒स्त्वे दे॒वा ह॒विर॑द॒न् त्याहु॑तं | त्वमा᳚दि॒त्याँ, आ व॑ह॒ तान् ह्यु1॑(उ॒)श्मस्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.3, 1.6.30.3 {कुत्सः | अग्निः | जगती}
भरा᳚मे॒ध्मं कृ॒णवा᳚मा ह॒वींषि॑ ते चि॒तयं᳚तः॒ पर्व॑णापर्वणा व॒यं | जी॒वात॑वे प्रत॒रं सा᳚धया॒ धियोऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.4, 1.6.30.4 {कुत्सः | अग्निः | जगती}
वि॒शां गो॒पा, अ॑स्य चरंति जं॒तवो᳚ द्वि॒पच्च॒ यदु॒त चतु॑ष्पद॒क्तुभिः॑ | चि॒त्रः प्र॑के॒त उ॒षसो᳚ म॒हाँ, अ॒स्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.5, 1.6.30.5 {कुत्सः | अग्निः | जगती}
त्वम॑ध्व॒र्युरु॒त होता᳚सि पू॒र्व्यः प्र॑शा॒स्ता पोता᳚ ज॒नुषा᳚ पु॒रोहि॑तः | विश्वा᳚ वि॒द्वाँ, आर्त्वि॑ज्या धीर पुष्य॒स्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.6, 1.6.31.1 {कुत्सः | अग्निः | जगती}
यो वि॒श्वतः॑ सु॒प्रती᳚कः स॒दृङ्ङसि॑ दू॒रे चि॒त्संत॒ळिदि॒वाति॑ रोचसे | रात्र्या᳚श्चि॒दंधो॒, अति॑ देव पश्य॒स्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.7, 1.6.31.2 {कुत्सः | अग्निः | जगती}
पूर्वो᳚ देवा भवतु सुन्व॒तो रथो॒ऽस्माकं॒ शंसो᳚ अ॒भ्य॑स्तु दू॒ढ्यः॑ | तदा जा᳚नीतो॒त पु॑ष्यता॒ वचोऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.8, 1.6.31.3 {कुत्सः | 1/4/, 2/4, 3/4:देवाः 4/4: अग्निः | जगती}
व॒धैर्दुः॒शंसाँ॒, अप॑ दू॒ढ्यो᳚ जहि दू॒रे वा॒ ये, अंति॑ वा॒ के चि॑द॒त्रिणः॑ | अथा᳚ य॒ज्ञाय॑ गृण॒ते सु॒गं कृ॒ध्यग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.9, 1.6.31.4 {कुत्सः | अग्निः | जगती}
यदयु॑क्था, अरु॒षा रोहि॑ता॒ रथे॒ वात॑जूता वृष॒भस्ये᳚व ते॒ रवः॑ | आदि᳚न्वसि व॒निनो᳚ धू॒मके᳚तु॒नाऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.10, 1.6.31.5 {कुत्सः | अग्निः | जगती}
अध॑ स्व॒नादु॒त बि॑भ्युः पत॒त्रिणो᳚ द्र॒प्सा यत्ते᳚ यव॒सादो॒ व्यस्थि॑रन् | सु॒गं तत्ते᳚ ताव॒केभ्यो॒ रथे॒भ्योऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.11, 1.6.32.1 {कुत्सः | अग्निः | जगती}
अ॒यं मि॒त्रस्य॒ वरु॑णस्य॒ धाय॑से वया॒तां म॒रुतां॒ हेळो॒, अद्भु॑तः | मृ॒ळा सु नो॒ भूत्वे᳚षां॒ मनः॒ पुन॒रग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.12, 1.6.32.2 {कुत्सः | अग्निः | जगती}
दे॒वो दे॒वाना᳚मसि मि॒त्रो, अद्भु॑तो॒ वसु॒र्वसू᳚नामसि॒ चारु॑रध्व॒रे | शर्म᳚न् त्स्याम॒ तव॑ स॒प्रथ॑स्त॒मेऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.13, 1.6.32.3 {कुत्सः | अग्निः | जगती}
तत्ते᳚ भ॒द्रं यत्समि॑द्धः॒ स्वे दमे॒ सोमा᳚हुतो॒ जर॑से मृळ॒यत्त॑मः | दधा᳚सि॒ रत्नं॒ द्रवि॑णं च दा॒शुषेऽग्ने᳚ स॒ख्ये मा रि॑षामा व॒यं तव॒(स्वाहा᳚) || 1.94.14, 1.6.32.4 {कुत्सः | अग्निः | जगती}
यस्मै॒ त्वं सु॑द्रविणो॒ ददा᳚शोऽनागा॒स्त्वम॑दिते स॒र्वता᳚ता | यं भ॒द्रेण॒ शव॑सा चो॒दया᳚सि प्र॒जाव॑ता॒ राध॑सा॒ ते स्या᳚म॒(स्वाहा᳚) || 1.94.15, 1.6.32.5 {कुत्सः | अग्निः | त्रिष्टुप्}
स त्वम॑ग्ने सौभग॒त्वस्य॑ वि॒द्वान॒स्माक॒मायुः॒ प्र ति॑रे॒ह दे᳚व | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.94.16, 1.6.32.6 {कुत्सः | 1/2: अग्निः, 2/2: मित्रवरुणादितिसिंधुप्रथवीद्यावो | त्रिष्टुप्}
[95] द्वेविरूपेइत्येकादशर्चस्य सूक्तस्य कुत्स उषोग्निस्त्रिष्टुप् | (इतआरभ्यजातवेदसइत्यंतं शुद्धोग्निर्वा) |
द्वे विरू᳚पे चरतः॒ स्वर्थे᳚ अ॒न्यान्या᳚ व॒त्समुप॑ धापयेते | हरि॑र॒न्यस्यां॒ भव॑ति स्व॒धावा᳚ञ् छु॒क्रो, अ॒न्यस्यां᳚ ददृशे सु॒वर्चाः᳚(स्वाहा᳚) || 1.95.1, 1.7.1.1 {कुत्सः | उषोग्नि | त्रिष्टुप्}
दशे॒मं त्वष्टु॑र्जनयंत॒ गर्भ॒मतं᳚द्रासो युव॒तयो॒ विभृ॑त्रं | ति॒ग्मानी᳚कं॒ स्वय॑शसं॒ जने᳚षु वि॒रोच॑मानं॒ परि॑ षीं नयंति॒(स्वाहा᳚) || 1.95.2, 1.7.1.2 {कुत्सः | उषोग्नि | त्रिष्टुप्}
त्रीणि॒ जाना॒ परि॑ भूषंत्यस्य समु॒द्र एकं᳚ दि॒व्येक॑म॒प्सु | पूर्वा॒मनु॒ प्र दिशं॒ पार्थि॑वानामृ॒तून् प्र॒शास॒द् वि द॑धावनु॒ष्ठु(स्वाहा᳚) || 1.95.3, 1.7.1.3 {कुत्सः | उषोग्नि | त्रिष्टुप्}
क इ॒मं वो᳚ नि॒ण्यमा चि॑केत व॒त्सो मा॒तॄर्ज॑नयत स्व॒धाभिः॑ | ब॒ह्वी॒नां गर्भो᳚ अ॒पसा᳚मु॒पस्था᳚न्म॒हान् क॒विर्निश्च॑रति स्व॒धावां॒त्(स्वाहा᳚) || 1.95.4, 1.7.1.4 {कुत्सः | उषोग्नि | त्रिष्टुप्}
आ॒विष्ट्यो᳚ वर्धते॒ चारु॑रासु जि॒ह्माना᳚मू॒र्ध्वः स्वय॑शा, उ॒पस्थे᳚ | उ॒भे त्वष्टु॑र्बिभ्यतु॒र्जाय॑मानात् प्रती॒ची सिं॒हं प्रति॑ जोषयेते॒(स्वाहा᳚) || 1.95.5, 1.7.1.5 {कुत्सः | उषोग्नि | त्रिष्टुप्}
उ॒भे भ॒द्रे जो᳚षयेते॒ न मेने॒ गावो॒ न वा॒श्रा, उप॑ तस्थु॒रेवैः᳚ | स दक्षा᳚णां॒ दक्ष॑पतिर्बभूवां॒जंति॒ यं द॑क्षिण॒तो ह॒विर्भिः॒(स्वाहा᳚) || 1.95.6, 1.7.2.1 {कुत्सः | उषोग्नि | त्रिष्टुप्}
उद् यं᳚यमीति सवि॒तेव॑ बा॒हू, उ॒भे सिचौ᳚ यतते भी॒म ऋं॒जन् | उच्छु॒क्रमत्क॑मजते सि॒मस्मा॒न्नवा᳚ मा॒तृभ्यो॒ वस॑ना जहाति॒(स्वाहा᳚) || 1.95.7, 1.7.2.2 {कुत्सः | उषोग्नि | त्रिष्टुप्}
त्वे॒षं रू॒पं कृ॑णुत॒ उत्त॑रं॒ यत् सं᳚पृंचा॒नः सद॑ने॒ गोभि॑र॒द्भिः | क॒विर्बु॒ध्नं परि॑ मर्मृज्यते॒ धीः सा दे॒वता᳚ता॒ समि॑तिर्बभूव॒(स्वाहा᳚) || 1.95.8, 1.7.2.3 {कुत्सः | उषोग्नि | त्रिष्टुप्}
उ॒रु ते॒ ज्रयः॒ पर्ये᳚ति बु॒ध्नं वि॒रोच॑मानं महि॒षस्य॒ धाम॑ | विश्वे᳚भिरग्ने॒ स्वय॑शोभिरि॒द्धो ऽद॑ब्धेभिः पा॒युभिः॑ पाह्य॒स्मान्(स्वाहा᳚) || 1.95.9, 1.7.2.4 {कुत्सः | उषोग्नि | त्रिष्टुप्}
धन्व॒न् त्स्रोतः॑ कृणुते गा॒तुमू॒र्मिं शु॒क्रैरू॒र्मिभि॑र॒भि न॑क्षति॒ क्षां | विश्वा॒ सना᳚नि ज॒ठरे᳚षु धत्ते॒ऽन्तर्नवा᳚सु चरति प्र॒सूषु॒(स्वाहा᳚) || 1.95.10, 1.7.2.5 {कुत्सः | उषोग्नि | त्रिष्टुप्}
ए॒वा नो᳚ अग्ने स॒मिधा᳚ वृधा॒नो रे॒वत् पा᳚वक॒ श्रव॑से॒ वि भा᳚हि | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.95.11, 1.7.2.6 {कुत्सः | उषोग्नि | त्रिष्टुप्}
[96] सप्रत्नथेति नवर्चस्य सूक्तस्य कुत्सोद्रविणोदाअग्निस्त्रिष्टुप् |
स प्र॒त्नथा॒ सह॑सा॒ जाय॑मानः स॒द्यः काव्या᳚नि॒ बळ॑धत्त॒ विश्वा᳚ | आप॑श्च मि॒त्रं धि॒षणा᳚ च साधन् दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.1, 1.7.3.1 {कुत्सः | द्रविणोदा अग्निर्वा | त्रिष्टुप्}
स पूर्व॑या नि॒विदा᳚ क॒व्यता॒योरि॒माः प्र॒जा, अ॑जनय॒न्मनू᳚नां | वि॒वस्व॑ता॒ चक्ष॑सा॒ द्याम॒पश्च॑ दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.2, 1.7.3.2 {कुत्सः | द्रविणोदा अग्निर्वा | त्रिष्टुप्}
तमी᳚ळत प्रथ॒मं य॑ज्ञ॒साधं॒ विश॒ आरी॒राहु॑तमृंजसा॒नं | ऊ॒र्जः पु॒त्रं भ॑र॒तं सृ॒प्रदा᳚नुं दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.3, 1.7.3.3 {कुत्सः | द्रविणोदा अग्निर्वा | त्रिष्टुप्}
स मा᳚त॒रिश्वा᳚ पुरु॒वार॑पुष्टिर्वि॒दद् गा॒तुं तन॑याय स्व॒र्वित् | वि॒शां गो॒पा ज॑नि॒ता रोद॑स्योर्दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.4, 1.7.3.4 {कुत्सः | द्रविणोदा अग्निर्वा | त्रिष्टुप्}
नक्तो॒षासा॒ वर्ण॑मा॒मेम्या᳚ने धा॒पये᳚ते॒ शिशु॒मेकं᳚ समी॒ची | द्यावा॒क्षामा᳚ रु॒क्मो, अं॒तर्वि भा᳚ति दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.5, 1.7.3.5 {कुत्सः | द्रविणोदा अग्निर्वा | त्रिष्टुप्}
रा॒यो बु॒ध्नः सं॒गम॑नो॒ वसू᳚नां य॒ज्ञस्य॑ के॒तुर्म᳚न्म॒साध॑नो॒ वेः | अ॒मृ॒त॒त्वं रक्ष॑माणास एनं दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.6, 1.7.4.1 {कुत्सः | द्रविणोदा अग्निर्वा | त्रिष्टुप्}
नू च॑ पु॒रा च॒ सद॑नं रयी॒णां जा॒तस्य॑ च॒ जाय॑मानस्य च॒ क्षां | स॒तश्च॑ गो॒पां भव॑तश्च॒ भूरे᳚र्दे॒वा, अ॒ग्निं धा᳚रयन् द्रविणो॒दां(स्वाहा᳚) || 1.96.7, 1.7.4.2 {कुत्सः | द्रविणोदा अग्निर्वा | त्रिष्टुप्}
द्र॒वि॒णो॒दा द्रवि॑णसस्तु॒रस्य॑ द्रविणो॒दाः सन॑रस्य॒ प्र यं᳚सत् | द्र॒वि॒णो॒दा वी॒रव॑ती॒मिषं᳚ नो द्रविणो॒दा रा᳚सते दी॒र्घमायुः॒(स्वाहा᳚) || 1.96.8, 1.7.4.3 {कुत्सः | द्रविणोदा अग्निर्वा | त्रिष्टुप्}
ए॒वा नो᳚ अग्ने स॒मिधा᳚ वृधा॒नो रे॒वत् पा᳚वक॒ श्रव॑से॒ वि भा᳚हि | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.96.9, 1.7.4.4 {कुत्सः | द्रविणोदा अग्निर्वा | त्रिष्टुप्}
[97] अपनइत्यष्टर्चस्य सूक्तस्यकुत्सःशुचिरग्निर्गायत्री |
अप॑ नः॒ शोशु॑चद॒घमग्ने᳚ शुशु॒ग्ध्या र॒यिं | अप॑ नः॒ शोशु॑चद॒घं(स्वाहा᳚) || 1.97.1, 1.7.5.1 {कुत्सः | शुचिरग्निर्वा | गायत्री}
सु॒क्षे॒त्रि॒या सु॑गातु॒या व॑सू॒या च॑ यजामहे | अप॑ नः॒ शोशु॑चद॒घं(स्वाहा᳚) || 1.97.2, 1.7.5.2 {कुत्सः | शुचिरग्निर्वा | गायत्री}
प्र यद् भंदि॑ष्ठ एषां॒ प्रास्माका᳚सश्च सू॒रयः॑ | अप॑ नः॒ शोशु॑चद॒घं(स्वाहा᳚) || 1.97.3, 1.7.5.3 {कुत्सः | शुचिरग्निर्वा | गायत्री}
प्र यत्ते᳚ अग्ने सू॒रयो॒ जाये᳚महि॒ प्र ते᳚ व॒यं | अप॑ नः॒ शोशु॑चद॒घं(स्वाहा᳚) || 1.97.4, 1.7.5.4 {कुत्सः | शुचिरग्निर्वा | गायत्री}
प्र यद॒ग्नेः सह॑स्वतो वि॒श्वतो॒ यंति॑ भा॒नवः॑ | अप॑ नः॒ शोशु॑चद॒घं(स्वाहा᳚) || 1.97.5, 1.7.5.5 {कुत्सः | शुचिरग्निर्वा | गायत्री}
त्वं हि वि॑श्वतोमुख वि॒श्वतः॑ परि॒भूरसि॑ | अप॑ नः॒ शोशु॑चद॒घं(स्वाहा᳚) || 1.97.6, 1.7.5.6 {कुत्सः | शुचिरग्निर्वा | गायत्री}
द्विषो᳚ नो विश्वतोमु॒खाति॑ ना॒वेव॑ पारय | अप॑ नः॒ शोशु॑चद॒घं(स्वाहा᳚) || 1.97.7, 1.7.5.7 {कुत्सः | शुचिरग्निर्वा | गायत्री}
स नः॒ सिंधु॑मिव ना॒वयाति॑ पर्षा स्व॒स्तये᳚ | अप॑ नः॒ शोशु॑चद॒घं(स्वाहा᳚) || 1.97.8, 1.7.5.8 {कुत्सः | शुचिरग्निर्वा | गायत्री}
[98] वैश्वानरस्येतितृचस्य सूक्तस्य कुत्सोवैश्वानरोग्निस्त्रिष्टुप् |
वै॒श्वा॒न॒रस्य॑ सुम॒तौ स्या᳚म॒ राजा॒ हि कं॒ भुव॑नानामभि॒श्रीः | इ॒तो जा॒तो विश्व॑मि॒दं वि च॑ष्टे वैश्वान॒रो य॑तते॒ सूर्ये᳚ण॒(स्वाहा᳚) || 1.98.1, 1.7.6.1 {कुत्सः | वैश्वानरोऽग्निर्वा | त्रिष्टुप्}
पृ॒ष्टो दि॒वि पृ॒ष्टो, अ॒ग्निः पृ॑थि॒व्यां पृ॒ष्टो विश्वा॒, ओष॑धी॒रा वि॑वेश | वै॒श्वा॒न॒रः सह॑सा पृ॒ष्टो, अ॒ग्निः स नो॒ दिवा॒ स रि॒षः पा᳚तु॒ नक्त॒म्(स्वाहा᳚) || 1.98.2, 1.7.6.2 {कुत्सः | वैश्वानरोऽग्निर्वा | त्रिष्टुप्}
वैश्वा᳚नर॒ तव॒ तत् स॒त्यम॑स्त्व॒स्मान् रायो᳚ म॒घवा᳚नः सचंतां | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.98.3, 1.7.6.3 {कुत्सः | वैश्वानरोऽग्निर्वा | त्रिष्टुप्}
[99] जातवेदसइत्येकर्चस्य सूक्तस्य मारीचः कश्यपोजातवेदा अग्निस्त्रिष्टुप् |
जा॒तवे᳚दसे सुनवाम॒ सोम॑मरातीय॒तो नि द॑हाति॒ वेदः॑ | स नः॑ पर्ष॒दति॑ दु॒र्गाणि॒ विश्वा᳚ ना॒वेव॒ सिंधुं᳚ दुरि॒तात्य॒ग्निः(स्वाहा᳚) || 1.99.1, 1.7.7.1 {मारीचः कश्यपः | जातवेदाग्निर्वा | त्रिष्टुप्}
[100] सयोवृषेत्येकोनविंशतृचस्य सूक्तस्य वार्षागिराऋज्राश्वांबरीष सहदेव भयमानसुराधसइंद्रस्त्रिष्टुप् (इतआरभ्य मरुत्वानिंद्रैतिकश्चित् | तन्न | सर्वानुक्रमादिभिरनादृतत्वात्)
स यो वृषा॒ वृष्ण्ये᳚भिः॒ समो᳚का म॒हो दि॒वः पृ॑थि॒व्याश्च॑ स॒म्राट् | स॒ती॒नस॑त्वा॒ हव्यो॒ भरे᳚षु म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.1, 1.7.8.1 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
यस्याना᳚प्तः॒ सूर्य॑स्येव॒ यामो॒ भरे᳚भरे वृत्र॒हा शुष्मो॒, अस्ति॑ | वृषं᳚तमः॒ सखि॑भिः॒ स्वेभि॒रेवै᳚र्म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.2, 1.7.8.2 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
दि॒वो न यस्य॒ रेत॑सो॒ दुघा᳚नाः॒ पंथा᳚सो॒ यंति॒ शव॒साप॑रीताः | त॒रद्द्वे᳚षाः सास॒हिः पौंस्ये᳚भिर्म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.3, 1.7.8.3 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
सो, अंगि॑रोभि॒रंगि॑रस्तमो भू॒द् वृषा॒ वृष॑भिः॒ सखि॑भिः॒ सखा॒ सन् | ऋ॒ग्मिभि᳚रृ॒ग्मी गा॒तुभि॒र्ज्येष्ठो᳚ म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.4, 1.7.8.4 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स सू॒नुभि॒र्न रु॒द्रेभि॒रृभ्वा᳚ नृ॒षाह्ये᳚ सास॒ह्वाँ, अ॒मित्रा॑न् | सनी᳚ळेभिः श्रव॒स्या᳚नि॒ तूर्व᳚न् म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.5, 1.7.8.5 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स म᳚न्यु॒मीः स॒मद॑नस्य क॒र्तास्माके᳚भि॒र्नृभिः॒ सूर्यं᳚ सनत् | अ॒स्मिन्नह॒न् त्सत्प॑तिः पुरुहू॒तो म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.6, 1.7.9.1 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
तमू॒तयो᳚ रणयं॒छूर॑सातौ॒ तं क्षेम॑स्य क्षि॒तयः॑ कृण्वत॒ त्रां | स विश्व॑स्य क॒रुण॑स्येश॒ एको᳚ म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.7, 1.7.9.2 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
तम॑प्संत॒ शव॑स उत्स॒वेषु॒ नरो॒ नर॒मव॑से॒ तं धना᳚य | सो, अं॒धे चि॒त्तम॑सि॒ ज्योति᳚र्विदन् म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.8, 1.7.9.3 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स स॒व्येन॑ यमति॒ व्राध॑तश्चि॒त् स द॑क्षि॒णे संगृ॑भीता कृ॒तानि॑ | स की॒रिणा᳚ चि॒त् सनि॑ता॒ धना᳚नि म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.9, 1.7.9.4 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स ग्रामे᳚भिः॒ सनि॑ता॒ स रथे᳚भिर्वि॒दे विश्वा᳚भिः कृ॒ष्टिभि॒र्न्व1॑(अ॒)द्य | स पौंस्ये᳚भिरभि॒भूरश॑स्तीर्म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.10, 1.7.9.5 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स जा॒मिभि॒र्यत् स॒मजा᳚ति मी॒ळ्हे ऽजा᳚मिभिर्वा पुरुहू॒त एवैः᳚ | अ॒पां तो॒कस्य॒ तन॑यस्य जे॒षे म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.11, 1.7.10.1 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
स व॑ज्र॒भृद् द॑स्यु॒हा भी॒म उ॒ग्रः स॒हस्र॑चेताः श॒तनी᳚थ॒ ऋभ्वा᳚ | च॒म्री॒षो न शव॑सा॒ पांच॑जन्यो म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.12, 1.7.10.2 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
तस्य॒ वज्रः॑ क्रंदति॒ स्मत् स्व॒र्षा दि॒वो न त्वे॒षो र॒वथः॒ शिमी᳚वान् | तं स॑चंते स॒नय॒स्तं धना᳚नि म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.13, 1.7.10.3 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
यस्याज॑स्रं॒ शव॑सा॒ मान॑मु॒क्थं प॑रिभु॒जद् रोद॑सी वि॒श्वतः॑ सीं | स पा᳚रिष॒त् क्रतु॑भिर्मंदसा॒नो म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.14, 1.7.10.4 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
न यस्य॑ दे॒वा दे॒वता॒ न मर्ता॒, आप॑श्च॒न शव॑सो॒, अंत॑मा॒पुः | स प्र॒रिक्वा॒ त्वक्ष॑सा॒ क्ष्मो दि॒वश्च॑ म॒रुत्वा᳚न्नो भव॒त्विंद्र॑ ऊ॒ती(स्वाहा᳚) || 1.100.15, 1.7.10.5 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
रो॒हिच्छ्या॒वा सु॒मदं᳚शुर्लला॒मीर्द्यु॒क्षा रा॒य ऋ॒ज्राश्व॑स्य | वृष᳚ण्वंतं॒ बिभ्र॑ती धू॒र्षु रथं᳚ मं॒द्रा चि॑केत॒ नाहु॑षीषु वि॒क्षु(स्वाहा᳚) || 1.100.16, 1.7.11.1 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
ए॒तत् त्यत्त॑ इंद्र॒ वृष्ण॑ उ॒क्थं वा᳚र्षागि॒रा, अ॒भि गृ॑णंति॒ राधः॑ | ऋ॒ज्राश्वः॒ प्रष्टि॑भिरंब॒रीषः॑ स॒हदे᳚वो॒ भय॑मानः सु॒राधाः᳚(स्वाहा᳚) || 1.100.17, 1.7.11.2 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
दस्यूं॒छिम्यूँ᳚श्च पुरुहू॒त एवै᳚र्ह॒त्वा पृ॑थि॒व्यां शर्वा॒ नि ब᳚र्हीत् | सन॒त् क्षेत्रं॒ सखि॑भिः श्वि॒त्न्येभिः॒ सन॒त् सूर्यं॒ सन॑द॒पः सु॒वज्रः॒(स्वाहा᳚) || 1.100.18, 1.7.11.3 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
वि॒श्वाहेंद्रो᳚ अधिव॒क्ता नो᳚ अ॒स्त्वप॑रिह्वृताः सनुयाम॒ वाजं᳚ | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.100.19, 1.7.11.4 {वार्षागिरा ऋज्राश्वांबरीष सहदेव भयमान सुराधसः | इंद्रः | त्रिष्टुप्}
[101] प्रमंदिनइत्येकादशर्चस्य सूक्तस्य कुत्स इंद्रोजगतीअंत्याश्चतस्रत्रिष्टुभः | (आद्यागर्भस्राविणीतिगुणः) |
प्र मं॒दिने᳚ पितु॒मद॑र्चता॒ वचो॒ यः कृ॒ष्णग॑र्भा नि॒रह᳚न्नृ॒जिश्व॑ना | अ॒व॒स्यवो॒ वृष॑णं॒ वज्र॑दक्षिणं म॒रुत्वं᳚तं स॒ख्याय॑ हवामहे॒(स्वाहा᳚) || 1.101.1, 1.7.12.1 {कुत्सः | इंद्रः | जगती}
यो व्यं᳚सं जाहृषा॒णेन॑ म॒न्युना॒ यः शंब॑रं॒ यो, अह॒न् पिप्रु॑मव्र॒तं | इंद्रो॒ यः शुष्ण॑म॒शुषं॒ न्यावृ॑णङ् म॒रुत्वं᳚तं स॒ख्याय॑ हवामहे॒(स्वाहा᳚) || 1.101.2, 1.7.12.2 {कुत्सः | इंद्रः | जगती}
यस्य॒ द्यावा᳚पृथि॒वी पौंस्यं᳚ म॒हद् यस्य᳚ व्र॒ते वरु॑णो॒ यस्य॒ सूर्यः॑ | यस्येंद्र॑स्य॒ सिंध॑वः॒ सश्च॑ति व्र॒तं म॒रुत्वं᳚तं स॒ख्याय॑ हवामहे॒(स्वाहा᳚) || 1.101.3, 1.7.12.3 {कुत्सः | इंद्रः | जगती}
यो, अश्वा᳚नां॒ यो गवां॒ गोप॑तिर्व॒शी य आ᳚रि॒तः कर्म॑णिकर्मणि स्थि॒रः | वी॒ळोश्चि॒दिंद्रो॒ यो, असु᳚न्वतो व॒धो म॒रुत्वं᳚तं स॒ख्याय॑ हवामहे॒(स्वाहा᳚) || 1.101.4, 1.7.12.4 {कुत्सः | इंद्रः | जगती}
यो विश्व॑स्य॒ जग॑तः प्राण॒तस्पति॒र्यो ब्र॒ह्मणे᳚ प्रथ॒मो गा, अविं᳚दत् | इंद्रो॒ यो दस्यूँ॒ रध॑राँ, अ॒वाति॑रन् म॒रुत्वं᳚तं स॒ख्याय॑ हवामहे॒(स्वाहा᳚) || 1.101.5, 1.7.12.5 {कुत्सः | इंद्रः | जगती}
यः शूरे᳚भि॒र्हव्यो॒ यश्च॑ भी॒रुभि॒र्यो धाव॑द्भिर्हू॒यते॒ यश्च॑ जि॒ग्युभिः॑ | इंद्रं॒ यं विश्वा॒ भुव॑ना॒भि सं᳚द॒धुर्म॒रुत्वं᳚तं स॒ख्याय॑ हवामहे॒(स्वाहा᳚) || 1.101.6, 1.7.12.6 {कुत्सः | इंद्रः | जगती}
रु॒द्राणा᳚मेति प्र॒दिशा᳚ विचक्ष॒णो रु॒द्रेभि॒र्योषा᳚ तनुते पृ॒थु ज्रयः॑ | इंद्रं᳚ मनी॒षा, अ॒भ्य॑र्चति श्रु॒तं म॒रुत्वं᳚तं स॒ख्याय॑ हवामहे॒(स्वाहा᳚) || 1.101.7, 1.7.13.1 {कुत्सः | इंद्रः | जगती}
यद्वा᳚ मरुत्वः पर॒मे स॒धस्थे॒ यद्वा᳚व॒मे वृ॒जने᳚ मा॒दया᳚से | अत॒ आ या᳚ह्यध्व॒रं नो॒, अच्छा᳚ त्वा॒या ह॒विश्च॑कृमा सत्यराधः॒(स्वाहा᳚) || 1.101.8, 1.7.13.2 {कुत्सः | इंद्रः | त्रिष्टुप्}
त्वा॒येंद्र॒ सोमं᳚ सुषुमा सुदक्ष त्वा॒या ह॒विश्च॑कृमा ब्रह्मवाहः | अधा᳚ नियुत्वः॒ सग॑णो म॒रुद्भि॑ र॒स्मिन् य॒ज्ञे ब॒र्हिषि॑ मादयस्व॒(स्वाहा᳚) || 1.101.9, 1.7.13.3 {कुत्सः | इंद्रः | त्रिष्टुप्}
मा॒दय॑स्व॒ हरि॑भि॒र्ये त॑ इंद्र॒ वि ष्य॑स्व॒ शिप्रे॒ वि सृ॑जस्व॒ धेने᳚ | आ त्वा᳚सुशिप्र॒ हर॑यो वहंतू॒शन् ह॒व्यानि॒ प्रति॑ नो जुषस्व॒(स्वाहा᳚) || 1.101.10, 1.7.13.4 {कुत्सः | इंद्रः | त्रिष्टुप्}
म॒रुत् स्तो᳚त्रस्य वृ॒जन॑स्य गो॒पा व॒यमिंद्रे᳚ण सनुयाम॒ वाजं᳚ | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.101.11, 1.7.13.5 {कुत्सः | इंद्रः | त्रिष्टुप्}
[102] इमांतइत्येकादशर्चस्य सूक्तस्य कुत्स इंद्रोजगतीअंत्यात्रिष्टुप् |
इ॒मां ते॒ धियं॒ प्र भ॑रे म॒हो म॒हीम॒स्य स्तो॒त्रे धि॒षणा॒ यत्त॑ आन॒जे | तमु॑त्स॒वे च॑ प्रस॒वे च॑ सास॒हिमिंद्रं᳚ दे॒वासः॒ शव॑सामद॒न्ननु॒(स्वाहा᳚) || 1.102.1, 1.7.14.1 {कुत्सः | इंद्रः | जगती}
अ॒स्य श्रवो᳚ न॒द्यः॑ स॒प्त बि॑भ्रति॒ द्यावा॒क्षामा᳚ पृथि॒वी द॑र्श॒तं वपुः॑ | अ॒स्मे सू᳚र्याचंद्र॒मसा᳚भि॒चक्षे᳚ श्र॒द्धे कमिं᳚द्र चरतो वितर्तु॒रं(स्वाहा᳚) || 1.102.2, 1.7.14.2 {कुत्सः | इंद्रः | जगती}
तं स्मा॒ रथं᳚ मघव॒न् प्राव॑ सा॒तये॒ जैत्रं॒ यं ते᳚ अनु॒मदा᳚ म संग॒मे | आ॒जा न॑ इंद्र॒ मन॑सा पुरुष्टुत त्वा॒यद्भ्यो᳚ मघव॒ञ् छर्म॑ यच्छ नः॒(स्वाहा᳚) || 1.102.3, 1.7.14.3 {कुत्सः | इंद्रः | जगती}
व॒यं ज॑येम॒ त्वया᳚ यु॒जा वृत॑म॒स्माक॒मंश॒मुद॑वा॒ भरे᳚भरे | अ॒स्मभ्य॑मिंद्र॒ वरि॑वः सु॒गं कृ॑धि॒ प्र शत्रू᳚णां मघव॒न् वृष्ण्या᳚ रुज॒(स्वाहा᳚) || 1.102.4, 1.7.14.4 {कुत्सः | इंद्रः | जगती}
नाना॒ हि त्वा॒ हव॑माना॒ जना᳚ इ॒मे धना᳚नां धर्त॒रव॑सा विप॒न्यवः॑ | अ॒स्माकं᳚ स्मा॒ रथ॒मा ति॑ष्ठ सा॒तये॒ जैत्रं॒ हीं᳚द्र॒ निभृ॑तं॒ मन॒स्तव॒(स्वाहा᳚) || 1.102.5, 1.7.14.5 {कुत्सः | इंद्रः | जगती}
गो॒जिता᳚ बा॒हू, अमि॑तक्रतुः सि॒मः कर्म᳚न् कर्मंछ॒तमू᳚तिः खजंक॒रः | अ॒क॒ल्प इंद्रः॑ प्रति॒मान॒मोज॒साथा॒ जना॒ वि ह्व॑यंते सिषा॒सवः॒(स्वाहा᳚) || 1.102.6, 1.7.15.1 {कुत्सः | इंद्रः | जगती}
उत्ते᳚ श॒तान्म॑घव॒न्नुच्च॒ भूय॑स॒ उत्स॒हस्रा᳚द् रिरिचे कृ॒ष्टिषु॒ श्रवः॑ | अ॒मा॒त्रं त्वा᳚ धि॒षणा᳚ तित्विषे म॒ह्यधा᳚ वृ॒त्राणि॑ जिघ्नसे पुरंदर॒(स्वाहा᳚) || 1.102.7, 1.7.15.2 {कुत्सः | इंद्रः | जगती}
त्रि॒वि॒ष्टि॒धातु॑ प्रति॒मान॒मोज॑सस्ति॒स्रो भूमी᳚र्नृपते॒ त्रीणि॑ रोच॒ना | अती॒दं विश्वं॒ भुव॑नं ववक्षिथाश॒त्रुरिं᳚द्र ज॒नुषा᳚ स॒नाद॑सि॒(स्वाहा᳚) || 1.102.8, 1.7.15.3 {कुत्सः | इंद्रः | जगती}
त्वां दे॒वेषु॑ प्रथ॒मं ह॑वामहे॒ त्वं ब॑भूथ॒ पृत॑नासु सास॒हिः | सेमं नः॑ का॒रुमु॑पम॒न्युमु॒द्भिद॒मिंद्रः॑ कृणोतु प्रस॒वे रथं᳚ पु॒रः(स्वाहा᳚) || 1.102.9, 1.7.15.4 {कुत्सः | इंद्रः | जगती}
त्वं जि॑गेथ॒ न धना᳚ रुरोधि॒थार्भे᳚ष्वा॒जा म॑घवन् म॒हत्सु॑ च | त्वामु॒ग्रमव॑से॒ सं शि॑शीम॒स्यथा᳚ न इंद्र॒ हव॑नेषु चोदय॒(स्वाहा᳚) || 1.102.10, 1.7.15.5 {कुत्सः | इंद्रः | जगती}
वि॒श्वाहेंद्रो᳚ अधिव॒क्ता नो᳚ अ॒स्त्वप॑रिह्वृताः सनुयाम॒ वाजं᳚ | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.102.11, 1.7.15.6 {कुत्सः | इंद्रः | त्रिष्टुप्}
[103] तत्तइत्यष्टर्चस्य सूक्तस्य कुत्स इंद्रस्त्रिष्टुप् |
तत्त॑ इंद्रि॒यं प॑र॒मं प॑रा॒चैरधा᳚रयंत क॒वयः॑ पु॒रेदं | क्ष॒मेदम॒न्यद्दि॒व्य1॑(अ॒)न्यद॑स्य॒ समी᳚ पृच्यते सम॒नेव॑ के॒तुः(स्वाहा᳚) || 1.103.1, 1.7.16.1 {कुत्सः | इंद्रः | त्रिष्टुप्}
स धा᳚रयत् पृथि॒वीं प॒प्रथ॑च्च॒ वज्रे᳚ण ह॒त्वा निर॒पः स॑सर्ज | अह॒न्नहि॒मभि॑नद्रौहि॒णं व्यह॒न् व्यं᳚सं म॒घवा॒ शची᳚भिः॒(स्वाहा᳚) || 1.103.2, 1.7.16.2 {कुत्सः | इंद्रः | त्रिष्टुप्}
स जा॒तूभ᳚र्मा श्र॒द्दधा᳚न॒ ओजः॒ पुरो᳚ विभिं॒दन्न॑चर॒द् वि दासीः᳚ | वि॒द्वान् व॑ज्रि॒न् दस्य॑वे हे॒तिम॒स्यार्यं॒ सहो᳚ वर्धया द्यु॒म्नमिं᳚द्र॒(स्वाहा᳚) || 1.103.3, 1.7.16.3 {कुत्सः | इंद्रः | त्रिष्टुप्}
तदू॒चुषे॒ मानु॑षे॒मा यु॒गानि॑ की॒र्तेन्यं᳚ म॒घवा॒ नाम॒ बिभ्र॑त् | उ॒प॒प्र॒यन् द॑स्यु॒हत्या᳚य व॒ज्री यद्ध॑ सू॒नुः श्रव॑से॒ नाम॑ द॒धे(स्वाहा᳚) || 1.103.4, 1.7.16.4 {कुत्सः | इंद्रः | त्रिष्टुप्}
तद॑स्ये॒दं प॑श्यता॒ भूरि॑ पु॒ष्टं श्रदिंद्र॑स्य धत्तन वी॒र्या᳚य | स गा, अ॑विंद॒त्सो, अ॑विंद॒दश्वा॒न् त्स ओष॑धीः॒ सो, अ॒पः स वना᳚नि॒(स्वाहा᳚) || 1.103.5, 1.7.16.5 {कुत्सः | इंद्रः | त्रिष्टुप्}
भूरि॑कर्मणे वृष॒भाय॒ वृष्णे᳚ स॒त्यशु॑ष्माय सुनवाम॒ सोमं᳚ | य आ॒दृत्या᳚ परिपं॒थीव॒ शूरोऽय॑ज्वनो वि॒भज॒न्नेति॒ वेदः॒(स्वाहा᳚) || 1.103.6, 1.7.17.1 {कुत्सः | इंद्रः | त्रिष्टुप्}
तदिं᳚द्र॒ प्रेव॑ वी॒र्यं᳚ चकर्थ॒ यत्स॒संतं॒ वज्रे॒णाबो᳚ध॒यो हिं᳚ | अनु॑ त्वा॒ पत्नी᳚र्हृषि॒तं वय॑श्च॒ विश्वे᳚ दे॒वासो᳚ अमद॒न्ननु॑ त्वा॒(स्वाहा᳚) || 1.103.7, 1.7.17.2 {कुत्सः | इंद्रः | त्रिष्टुप्}
शुष्णं॒ पिप्रुं॒ कुय॑वं वृ॒त्रमिं᳚द्र य॒दाव॑धी॒र्वि पुरः॒ शंब॑रस्य | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.103.8, 1.7.17.3 {कुत्सः | इंद्रः | त्रिष्टुप्}
[104] योनिष्टइति नवर्चस्य सूक्तस्य कुत्स इंद्रस्त्रिष्टुप् |
योनि॑ष्ट इंद्र नि॒षदे᳚ अकारि॒ तमा नि षी᳚द स्वा॒नो नार्वा᳚ | वि॒मुच्या॒ वयो᳚ऽव॒सायाश्वा᳚न् दो॒षा वस्तो॒र्वही᳚यसः प्रपि॒त्वे(स्वाहा᳚) || 1.104.1, 1.7.18.1 {कुत्सः | इंद्रः | त्रिष्टुप्}
ओ त्ये नर॒ इंद्र॑मू॒तये᳚ गु॒र्नू चि॒त्तान् त्स॒द्यो, अध्व॑नो जगम्यात् | दे॒वासो᳚ म॒न्युं दास॑स्य श्चम्न॒न् ते न॒ आ व॑क्षन् त्सुवि॒ताय॒ वर्ण॒म्(स्वाहा᳚) || 1.104.2, 1.7.18.2 {कुत्सः | इंद्रः | त्रिष्टुप्}
अव॒ त्मना᳚ भरते॒ केत॑वेदा॒, अव॒ त्मना᳚ भरते॒ फेन॑मु॒दन् | क्षी॒रेण॑ स्नातः॒ कुय॑वस्य॒ योषे᳚ ह॒ते ते स्या᳚तां प्रव॒णे शिफा᳚याः॒(स्वाहा᳚) || 1.104.3, 1.7.18.3 {कुत्सः | इंद्रः | त्रिष्टुप्}
यु॒योप॒ नाभि॒रुप॑रस्या॒योः प्र पूर्वा᳚भिस्तिरते॒ राष्टि॒ शूरः॑ | अं॒ज॒सी कु॑लि॒शी वी॒रप॑त्नी॒ पयो᳚ हिन्वा॒ना, उ॒दभि॑र्भरंते॒(स्वाहा᳚) || 1.104.4, 1.7.18.4 {कुत्सः | इंद्रः | त्रिष्टुप्}
प्रति॒ यत्स्या नीथाद॑र्शि॒ दस्यो॒रोको॒ नाच्छा॒ सद॑नं जान॒ती गा᳚त् | अध॑ स्मा नो मघवंचर्कृ॒तादिन्मा नो᳚ म॒घेव॑ निष्ष॒पी परा᳚ दाः॒(स्वाहा᳚) || 1.104.5, 1.7.18.5 {कुत्सः | इंद्रः | त्रिष्टुप्}
स त्वं न॑ इंद्र॒ सूर्ये॒ सो, अ॒प्स्व॑नागा॒स्त्व आ भ॑ज जीवशं॒से | मांत॑रां॒ भुज॒मा री᳚रिषो नः॒ श्रद्धि॑तं ते मह॒त इं᳚द्रि॒याय॒(स्वाहा᳚) || 1.104.6, 1.7.19.1 {कुत्सः | इंद्रः | त्रिष्टुप्}
अधा᳚ मन्ये॒ श्रत्ते᳚ अस्मा, अधायि॒ वृषा᳚ चोदस्व मह॒ते धना᳚य | मा नो॒, अकृ॑ते पुरुहूत॒ योना॒विंद्र॒ क्षुध्य॑द्भ्यो॒ वय॑ आसु॒तिं दाः᳚(स्वाहा᳚) || 1.104.7, 1.7.19.2 {कुत्सः | इंद्रः | त्रिष्टुप्}
मा नो᳚ वधीरिंद्र॒ मा परा᳚ दा॒ मा नः॑ प्रि॒या भोज॑नानि॒ प्र मो᳚षीः | आं॒डा मा नो᳚ मघवंछक्र॒ निर्भे॒न्मा नः॒ पात्रा᳚ भेत् स॒हजा᳚नुषाणि॒(स्वाहा᳚) || 1.104.8, 1.7.19.3 {कुत्सः | इंद्रः | त्रिष्टुप्}
अ॒र्वाङेहि॒ सोम॑कामं त्वाहुर॒यं सु॒तस्तस्य॑ पिबा॒ मदा᳚य | उ॒रु॒व्यचा᳚ ज॒ठर॒ आ वृ॑षस्व पि॒तेव॑ नः शृणुहि हू॒यमा᳚नः॒(स्वाहा᳚) || 1.104.9, 1.7.19.4 {कुत्सः | इंद्रः | त्रिष्टुप्}
[105] चंद्रमाइत्येकोनविंशत्यृचस्य सूक्तस्याप्त्यस्त्रितो विश्वेदेवाः पंक्तिः अंत्यात्रिष्टुप् अष्टमी महाबृहतीयवमध्या | (सूक्तभेदप्रयोगपक्षेतु आद्याया विश्वेदेवाः द्वितीयायारोदसी तृतीयाया विश्वेदेवाः चतुर्थ्याअग्निरोदस्यः ततस्तिसृणां विश्वेदेवाः अष्टम्याइंद्ररोदस्यः नवम्याः सूर्यरश्मिरोदस्यः दशम्या विश्वेदेवाः एकादश्याः सूर्यरश्मिरोदस्यः द्वादश्या विश्वेदेवाः ततोद्वयोरग्निरोदसी ततएकस्यावरुणरोदस्यः ततोद्वयोर्विश्वेदेवाः तत एकस्यारोदसी अंत्यायाविश्वेदेवाः, उत्तरसूक्तद्वयेविश्वेदेवाएव)|
चं॒द्रमा᳚ अ॒प्स्व1॑(अ॒)न्तरा सु॑प॒र्णो धा᳚वते दि॒वि | न वो᳚ हिरण्यनेमयः प॒दं विं᳚दंति विद्युतो वि॒त्तं मे᳚ अ॒स्य रो᳚दसी॒(स्वाहा᳚) || 1.105.1, 1.7.20.1 {आप्त्यस्त्रित | विश्वदेवाः | पंक्तिः}
अर्थ॒मिद्वा, उ॑ अ॒र्थिन॒ आ जा॒या यु॑वते॒ पतिं᳚ | तुं॒जाते॒ वृष्ण्यं॒ पयः॑ परि॒दाय॒ रसं᳚ दुहे वि॒त्तं मे᳚ अ॒स्य रो᳚दसी॒(स्वाहा᳚) || 1.105.2, 1.7.20.2 {आप्त्यस्त्रित | विश्वदेवाः | पंक्तिः}
मो षु दे᳚वा, अ॒दः स्व1॑(अ॒)रव॑ पादि दि॒वस्परि॑ | मा सो॒म्यस्य॑ शं॒भुवः॒ शूने᳚ भूम॒ कदा᳚ च॒न वि॒त्तं मे᳚ अ॒स्य रो᳚दसी॒(स्वाहा᳚) || 1.105.3, 1.7.20.3 {आप्त्यस्त्रित | विश्वदेवाः | पंक्तिः}
य॒ज्ञं पृ॑च्छाम्यव॒मं स तद्दू॒तो वि वो᳚चति | क्व॑ ऋ॒तं पू॒र्व्यं ग॒तं कस्तद् बि॑भर्ति॒ नूत॑नो वि॒त्तं मे᳚ अ॒स्य रो᳚दसी॒(स्वाहा᳚) || 1.105.4, 1.7.20.4 {आप्त्यस्त्रित | विश्वदेवाः | पंक्तिः}
अ॒मी ये दे᳚वाः॒ स्थन॑ त्रि॒ष्वा रो᳚च॒ने दि॒वः | कद्व॑ ऋ॒तं कदनृ॑तं॒ क्व॑ प्र॒त्ना व॒ आहु॑तिर्वि॒त्तं मे᳚ अ॒स्य रो᳚दसी॒(स्वाहा᳚) || 1.105.5, 1.7.20.5 {आप्त्यस्त्रित | विश्वदेवाः | पंक्तिः}
कद्व॑ ऋ॒तस्य॑ धर्ण॒सि कद्वरु॑णस्य॒ चक्ष॑णं | कद᳚र्य॒म्णो म॒हस्प॒थाति॑ क्रामेम दू॒ढ्यो᳚ वि॒त्तं मे᳚ अ॒स्य रो᳚दसी॒(स्वाहा᳚) || 1.105.6, 1.7.21.1 {आप्त्यस्त्रित | विश्वदेवाः | पंक्तिः}
अ॒हं सो, अ॑स्मि॒ यः पु॒रा सु॒ते वदा᳚मि॒ कानि॑ चित् | तं मा᳚ व्यंत्या॒ध्यो॒3॑(ओ॒) वृको॒ न तृ॒ष्णजं᳚ मृ॒गं वि॒त्तं मे᳚ अ॒स्य रो᳚दसी॒(स्वाहा᳚) || 1.105.7, 1.7.21.2 {आप्त्यस्त्रित | विश्वदेवाः | पंक्तिः}
सं मा᳚ तपंत्य॒भितः॑ स॒पत्नी᳚रिव॒ पर्श॑वः | मूषो॒ न शि॒श्ना व्य॑दंति मा॒ध्यः॑ स्तो॒तारं᳚ ते शतक्रतो वि॒त्तं मे᳚ अ॒स्य रो᳚दसी॒(स्वाहा᳚) || 1.105.8, 1.7.21.3 {आप्त्यस्त्रित | विश्वदेवाः | महाबृहती यवमध्या}
अ॒मी ये स॒प्त र॒श्मय॒स्तत्रा᳚ मे॒ नाभि॒रात॑ता | त्रि॒तस्तद् वे᳚दा॒प्त्यः स जा᳚मि॒त्वाय॑ रेभति वि॒त्तं मे᳚ अ॒स्य रो᳚दसी॒(स्वाहा᳚) || 1.105.9, 1.7.21.4 {आप्त्यस्त्रित | विश्वदेवाः | पंक्तिः}
अ॒मी ये पंचो॒क्षणो॒ मध्ये᳚ त॒स्थुर्म॒हो दि॒वः | दे॒व॒त्रा नु प्र॒वाच्यं᳚ सध्रीची॒ना नि वा᳚वृतुर्वि॒त्तं मे᳚ अ॒स्य रो᳚दसी॒(स्वाहा᳚) || 1.105.10, 1.7.21.5 {आप्त्यस्त्रित | विश्वदेवाः | पंक्तिः}
सु॒प॒र्णा, ए॒त आ᳚सते॒ मध्य॑ आ॒रोध॑ने दि॒वः | ते से᳚धंति प॒थो वृकं॒ तरं᳚तं य॒ह्वती᳚र॒पो वि॒त्तं मे᳚ अ॒स्य रो᳚दसी॒(स्वाहा᳚) || 1.105.11, 1.7.22.1 {आप्त्यस्त्रित | विश्वदेवाः | पंक्तिः}
नव्यं॒ तदु॒क्थ्यं᳚ हि॒तं देवा᳚सः सुप्रवाच॒नं | ऋ॒तम॑र्षंति॒ सिंध॑वः स॒त्यं ता᳚तान॒ सूर्यो᳚ वि॒त्तं मे᳚ अ॒स्य रो᳚दसी॒(स्वाहा᳚) || 1.105.12, 1.7.22.2 {आप्त्यस्त्रित | विश्वदेवाः | पंक्तिः}
अग्ने॒ तव॒ त्यदु॒क्थ्यं᳚ दे॒वेष्व॒स्त्याप्यं᳚ | स नः॑ स॒त्तो म॑नु॒ष्वदा दे॒वान् य॑क्षि वि॒दुष्ट॑रो वि॒त्तं मे᳚ अ॒स्य रो᳚दसी॒(स्वाहा᳚) || 1.105.13, 1.7.22.3 {आप्त्यस्त्रित | विश्वदेवाः | पंक्तिः}
स॒त्तो होता᳚ मनु॒ष्वदा दे॒वाँ, अच्छा᳚ वि॒दुष्ट॑रः | अ॒ग्निर्ह॒व्या सु॑षूदति दे॒वो दे॒वेषु॒ मेधि॑रो वि॒त्तं मे᳚ अ॒स्य रो᳚दसी॒(स्वाहा᳚) || 1.105.14, 1.7.22.4 {आप्त्यस्त्रित | विश्वदेवाः | पंक्तिः}
ब्रह्मा᳚ कृणोति॒ वरु॑णो गातु॒विदं॒ तमी᳚महे | व्यू᳚र्णोति हृ॒दा म॒तिं नव्यो᳚ जायतामृ॒तं वि॒त्तं मे᳚ अ॒स्य रो᳚दसी॒(स्वाहा᳚) || 1.105.15, 1.7.22.5 {आप्त्यस्त्रित | विश्वदेवाः | पंक्तिः}
अ॒सौ यः पंथा᳚ आदि॒त्यो दि॒वि प्र॒वाच्यं᳚ कृ॒तः | न स दे᳚वा, अति॒क्रमे॒ तं म॑र्तासो॒ न प॑श्यथ वि॒त्तं मे᳚ अ॒स्य रो᳚दसी॒(स्वाहा᳚) || 1.105.16, 1.7.23.1 {आप्त्यस्त्रित | विश्वदेवाः | पंक्तिः}
त्रि॒तः कूपेऽव॑हितो दे॒वान् ह॑वत ऊ॒तये᳚ | तच्छु॑श्राव॒ बृह॒स्पतिः॑ कृ॒ण्वन्नं᳚हूर॒णादु॒रु वि॒त्तं मे᳚ अ॒स्य रो᳚दसी॒(स्वाहा᳚) || 1.105.17, 1.7.23.2 {आप्त्यस्त्रित | विश्वदेवाः | पंक्तिः}
अ॒रु॒णो मा᳚ स॒कृद् वृकः॑ प॒था यंतं᳚ द॒दर्श॒ हि | उज्जि॑हीते नि॒चाय्या॒ तष्टे᳚व पृष्ट्याम॒यी वि॒त्तं मे᳚ अ॒स्य रो᳚दसी॒(स्वाहा᳚) || 1.105.18, 1.7.23.3 {आप्त्यस्त्रित | विश्वदेवाः | पंक्तिः}
ए॒नांगू॒षेण॑ व॒यमिंद्र॑वंतो॒ऽभि ष्या᳚म वृ॒जने॒ सर्व॑वीराः | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.105.19, 1.7.23.4 {आप्त्यस्त्रित | विश्वदेवाः | त्रिष्टुप्}
[106] इंद्रंमित्रमिति सप्तर्चस्य सूक्तस्य कुत्सो विश्वेदेवाजगतीअंत्यात्रिष्टुप् |
इंद्रं᳚ मि॒त्रं वरु॑णम॒ग्निमू॒तये॒ मारु॑तं॒ शर्धो॒, अदि॑तिं हवामहे | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.1, 1.7.24.1 {कुत्सः | विश्वदेवाः | जगती}
त आ᳚दित्या॒, आ ग॑ता स॒र्वता᳚तये भू॒त दे᳚वा वृत्र॒तूर्ये᳚षु शं॒भुवः॑ | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.2, 1.7.24.2 {कुत्सः | विश्वदेवाः | जगती}
अवं᳚तु नः पि॒तरः॑ सुप्रवाच॒ना, उ॒त दे॒वी दे॒वपु॑त्रे, ऋता॒वृधा᳚ | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.3, 1.7.24.3 {कुत्सः | विश्वदेवाः | जगती}
नरा॒शंसं᳚ वा॒जिनं᳚ वा॒जय᳚न्नि॒ह क्ष॒यद्वी᳚रं पू॒षणं᳚ सु॒म्नैरी᳚महे | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.4, 1.7.24.4 {कुत्सः | विश्वदेवाः | जगती}
बृह॑स्पते॒ सद॒मिन्नः॑ सु॒गं कृ॑धि॒ शं योर्यत्ते॒ मनु᳚र्हितं॒ तदी᳚महे | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.5, 1.7.24.5 {कुत्सः | विश्वदेवाः | जगती}
इंद्रं॒ कुत्सो᳚ वृत्र॒हणं॒ शची॒पतिं᳚ का॒टे निबा᳚ळ्ह॒ ऋषि॑रह्वदू॒तये᳚ | रथं॒ न दु॒र्गाद्व॑सवः सुदानवो॒ विश्व॑स्मान्नो॒, अंह॑सो॒ निष्पि॑पर्तन॒(स्वाहा᳚) || 1.106.6, 1.7.24.6 {कुत्सः | विश्वदेवाः | जगती}
दे॒वैर्नो᳚ दे॒व्यदि॑ति॒र्नि पा᳚तु दे॒वस्त्रा॒ता त्रा᳚यता॒मप्र॑युच्छन् | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.106.7, 1.7.24.7 {कुत्सः | विश्वदेवाः | त्रिष्टुप्}
[107] यज्ञोदेवानामिति तृचस्य सूक्तस्य कुत्सोविश्वेदेवास्त्रिष्टुप् |
य॒ज्ञो दे॒वानां॒ प्रत्ये᳚ति सु॒म्नमादि॑त्यासो॒ भव॑ता मृळ॒यंतः॑ | आ वो॒ऽर्वाची᳚ सुम॒तिर्व॑वृत्यादं॒होश्चि॒द्या व॑रिवो॒वित्त॒रास॒॑त्(स्वाहा᳚) || 1.107.1, 1.7.25.1 {कुत्सः | विश्वदेवाः | त्रिष्टुप्}
उप॑ नो दे॒वा, अव॒सा ग॑मं॒त्वंगि॑रसां॒ साम॑भिः स्तू॒यमा᳚नाः | इंद्र॑ इंद्रि॒यैर्म॒रुतो᳚ म॒रुद्भि॑रादि॒त्यैर्नो॒, अदि॑तिः॒ शर्म॑ यंस॒त्(स्वाहा᳚) || 1.107.2, 1.7.25.2 {कुत्सः | विश्वदेवाः | त्रिष्टुप्}
तन्न॒ इंद्र॒स्तद् वरु॑ण॒स्तद॒ग्निस्तद᳚र्य॒मा तत्स॑वि॒ता चनो᳚ धात् | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.107.3, 1.7.25.3 {कुत्सः | विश्वदेवाः | त्रिष्टुप्}
[108] यइंद्राग्नी इति त्रयोदशर्चस्य सूक्तस्य कुत्स इंद्राग्नीत्रिष्टुप् |
य इं᳚द्राग्नी चि॒त्रत॑मो॒ रथो᳚ वाम॒भि विश्वा᳚नि॒ भुव॑नानि॒ चष्टे᳚ | तेना या᳚तं स॒रथं᳚ तस्थि॒वांसाथा॒ सोम॑स्य पिबतं सु॒तस्य॒(स्वाहा᳚) || 1.108.1, 1.7.26.1 {कुत्सः | इंद्राग्नी | त्रिष्टुप्}
याव॑दि॒दं भुव॑नं॒ विश्व॒मस्त्यु॑रु॒व्यचा᳚ वरि॒मता᳚ गभी॒रं | तावाँ᳚, अ॒यं पात॑वे॒ सोमो᳚ अ॒स्त्वर॑मिंद्राग्नी॒ मन॑से यु॒वभ्या॒म्(स्वाहा᳚) || 1.108.2, 1.7.26.2 {कुत्सः | इंद्राग्नी | त्रिष्टुप्}
च॒क्राथे॒ हि स॒ध्र्य1॑(अ॒)ङ्नाम॑ भ॒द्रं स॑ध्रीची॒ना वृ॑त्रहणा, उ॒त स्थः॑ | ताविं᳚द्राग्नी स॒ध्र्यं᳚चा नि॒षद्या॒ वृष्णः॒ सोम॑स्य वृष॒णा वृ॑षेथा॒म्(स्वाहा᳚) || 1.108.3, 1.7.26.3 {कुत्सः | इंद्राग्नी | त्रिष्टुप्}
समि॑द्धेष्व॒ग्निष्वा᳚नजा॒ना य॒तस्रु॑चा ब॒र्हिरु॑ तिस्तिरा॒णा | ती॒व्रैः सोमैः॒ परि॑षिक्तेभिर॒र्वागेंद्रा᳚ग्नी सौमन॒साय॑ यात॒म्(स्वाहा᳚) || 1.108.4, 1.7.26.4 {कुत्सः | इंद्राग्नी | त्रिष्टुप्}
यानीं᳚द्राग्नी च॒क्रथु᳚र्वी॒र्या᳚णि॒ यानि॑ रू॒पाण्यु॒त वृष्ण्या᳚नि | या वां᳚ प्र॒त्नानि॑ स॒ख्या शि॒वानि॒ तेभिः॒ सोम॑स्य पिबतं सु॒तस्य॒(स्वाहा᳚) || 1.108.5, 1.7.26.5 {कुत्सः | इंद्राग्नी | त्रिष्टुप्}
यदब्र॑वं प्रथ॒मं वां᳚ वृणा॒नो॒3॑(ओ॒)ऽयं सोमो॒, असु॑रैर्नो वि॒हव्यः॑ | तां स॒त्यां श्र॒द्धाम॒भ्या हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.6, 1.7.27.1 {कुत्सः | इंद्राग्नी | त्रिष्टुप्}
यदिं᳚द्राग्नी॒ मद॑थः॒ स्वे दु॑रो॒णे यद् ब्र॒ह्मणि॒ राज॑नि वा यजत्रा | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.7, 1.7.27.2 {कुत्सः | इंद्राग्नी | त्रिष्टुप्}
यदिं᳚द्राग्नी॒ यदु॑षु तु॒र्वशे᳚षु॒ यद् द्रु॒ह्युष्वनु॑षु पू॒रुषु॒ स्थः | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.8, 1.7.27.3 {कुत्सः | इंद्राग्नी | त्रिष्टुप्}
यदिं᳚द्राग्नी, अव॒मस्यां᳚ पृथि॒व्यां म॑ध्य॒मस्यां᳚ पर॒मस्या᳚मु॒त स्थः | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.9, 1.7.27.4 {कुत्सः | इंद्राग्नी | त्रिष्टुप्}
यदिं᳚द्राग्नी पर॒मस्यां᳚ पृथि॒व्यां म॑ध्य॒मस्या᳚मव॒मस्या᳚मु॒त स्थः | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.10, 1.7.27.5 {कुत्सः | इंद्राग्नी | त्रिष्टुप्}
यदिं᳚द्राग्नी दि॒वि ष्ठो यत् पृ॑थि॒व्यां यत् पर्व॑ते॒ष्वोष॑धीष्व॒प्सु | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.11, 1.7.27.6 {कुत्सः | इंद्राग्नी | त्रिष्टुप्}
यदिं᳚द्राग्नी॒, उदि॑ता॒ सूर्य॑स्य॒ मध्ये᳚ दि॒वः स्व॒धया᳚ मा॒दये᳚थे | अतः॒ परि॑ वृषणा॒वा हि या॒तमथा॒ सोम॑स्य पिबतं सु॒तस्य॒(स्वाहा᳚) || 1.108.12, 1.7.27.7 {कुत्सः | इंद्राग्नी | त्रिष्टुप्}
ए॒वेंद्रा᳚ग्नी पपि॒वांसा᳚ सु॒तस्य॒ विश्वा॒स्मभ्यं॒ सं ज॑यतं॒ धना᳚नि | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.108.13, 1.7.27.8 {कुत्सः | इंद्राग्नी | त्रिष्टुप्}
[109] विह्यख्यमित्यष्टर्चस्य सूक्तस्य कुत्सइंद्राग्नीत्रिष्टुप् |
वि ह्यख्यं॒ मन॑सा॒ वस्य॑ इ॒च्छन्निंद्रा᳚ग्नी ज्ञा॒स उ॒त वा᳚ सजा॒तान् | नान्या यु॒वत् प्रम॑तिरस्ति॒ मह्यं॒ स वां॒ धियं᳚ वाज॒यंती᳚मतक्ष॒म्(स्वाहा᳚) || 1.109.1, 1.7.28.1 {कुत्सः | इंद्राग्नी | त्रिष्टुप्}
अश्र॑वं॒ हि भू᳚रि॒दाव॑त्तरा वां॒ विजा᳚मातुरु॒त वा᳚ घा स्या॒लात् | अथा॒ सोम॑स्य॒ प्रय॑ती यु॒वभ्या॒मिंद्रा᳚ग्नी॒ स्तोमं᳚ जनयामि॒ नव्य॒म्(स्वाहा᳚) || 1.109.2, 1.7.28.2 {कुत्सः | इंद्राग्नी | त्रिष्टुप्}
मा च्छे᳚द्म र॒श्मीँरिति॒ नाध॑मानाः पितॄ॒णां श॒क्तीर॑नु॒यच्छ॑मानाः | इं॒द्रा॒ग्निभ्यां॒ कं वृष॑णो मदंति॒ ता ह्यद्री᳚ धि॒षणा᳚या, उ॒पस्थे॒(स्वाहा᳚) || 1.109.3, 1.7.28.3 {कुत्सः | इंद्राग्नी | त्रिष्टुप्}
यु॒वाभ्यां᳚ दे॒वी धि॒षणा॒ मदा॒येंद्रा᳚ग्नी॒ सोम॑मुश॒ती सु॑नोति | ताव॑श्विना भद्रहस्ता सुपाणी॒, आ धा᳚वतं॒ मधु॑ना पृं॒क्तम॒प्सु(स्वाहा᳚) || 1.109.4, 1.7.28.4 {कुत्सः | इंद्राग्नी | त्रिष्टुप्}
यु॒वामिं᳚द्राग्नी॒ वसु॑नो विभा॒गे त॒वस्त॑मा शुश्रव वृत्र॒हत्ये᳚ | तावा॒सद्या᳚ ब॒र्हिषि॑ य॒ज्ञे, अ॒स्मिन् प्र च॑र्षणी मादयेथां सु॒तस्य॒(स्वाहा᳚) || 1.109.5, 1.7.28.5 {कुत्सः | इंद्राग्नी | त्रिष्टुप्}
प्र च॑र्ष॒णिभ्यः॑ पृतना॒हवे᳚षु॒ प्र पृ॑थि॒व्या रि॑रिचाथे दि॒वश्च॑ | प्र सिंधु॑भ्यः॒ प्र गि॒रिभ्यो᳚ महि॒त्वा प्रेंद्रा᳚ग्नी॒ विश्वा॒ भुव॒नात्य॒न्या(स्वाहा᳚) || 1.109.6, 1.7.29.1 {कुत्सः | इंद्राग्नी | त्रिष्टुप्}
आ भ॑रतं॒ शिक्ष॑तं वज्रबाहू, अ॒स्माँ, इं᳚द्राग्नी, अवतं॒ शची᳚भिः | इ॒मे नु ते र॒श्मयः॒ सूर्य॑स्य॒ येभिः॑ सपि॒त्वं पि॒तरो᳚ न॒ आसं॒त्(स्वाहा᳚) || 1.109.7, 1.7.29.2 {कुत्सः | इंद्राग्नी | त्रिष्टुप्}
पुरं᳚दरा॒ शिक्ष॑तं वज्रहस्ता॒स्माँ, इं᳚द्राग्नी, अवतं॒ भरे᳚षु | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.109.8, 1.7.29.3 {कुत्सः | इंद्राग्नी | त्रिष्टुप्}
[110] ततंमइति नवर्चस्य सूक्तस्य कुत्स ऋभवोजगतीपंचम्यंत्येत्रिष्टुभौ
त॒तं मे॒, अप॒स्तदु॑ तायते॒ पुनः॒ स्वादि॑ष्ठा धी॒तिरु॒चथा᳚य शस्यते | अ॒यं स॑मु॒द्र इ॒ह वि॒श्वदे᳚व्यः॒ स्वाहा᳚कृतस्य॒ समु॑ तृप्णुत ऋभवः॒(स्वाहा᳚) || 1.110.1, 1.7.30.1 {कुत्सः | ऋभवः | जगती}
आ॒भो॒गयं॒ प्र यदि॒च्छंत॒ ऐत॒नापा᳚काः॒ प्रांचो॒ मम॒ के चि॑दा॒पयः॑ | सौध᳚न्वनासश्चरि॒तस्य॑ भू॒मनाग॑च्छत सवि॒तुर्दा॒शुषो᳚ गृ॒हं(स्वाहा᳚) || 1.110.2, 1.7.30.2 {कुत्सः | ऋभवः | जगती}
तत् स॑वि॒ता वो᳚ऽमृत॒त्वमासु॑व॒दगो᳚ह्यं॒ यच्छ्र॒वयं᳚त॒ ऐत॑न | त्यं चि॑च्चम॒समसु॑रस्य॒ भक्ष॑ण॒मेकं॒ संत॑मकृणुता॒ चतु᳚र्वय॒म्(स्वाहा᳚) || 1.110.3, 1.7.30.3 {कुत्सः | ऋभवः | जगती}
वि॒ष्ट्वी शमी᳚ तरणि॒त्वेन॑ वा॒घतो॒ मर्ता᳚सः॒ संतो᳚ अमृत॒त्वमा᳚नशुः | सौ॒ध॒न्व॒ना, ऋ॒भवः॒ सूर॑चक्षसः संवत्स॒रे सम॑पृच्यंत धी॒तिभिः॒(स्वाहा᳚) || 1.110.4, 1.7.30.4 {कुत्सः | ऋभवः | जगती}
क्षेत्र॑मिव॒ वि म॑मु॒स्ते ज॑नेनँ॒, एकं॒ पात्र॑मृ॒भवो॒ जेह॑मानं | उप॑स्तुता, उप॒मं नाध॑माना॒, अम॑र्त्येषु॒ श्रव॑ इ॒च्छमा᳚नाः॒(स्वाहा᳚) || 1.110.5, 1.7.30.5 {कुत्सः | ऋभवः | त्रिष्टुप्}
आ म॑नी॒षामं॒तरि॑क्षस्य॒ नृभ्यः॑ स्रु॒चेव॑ घृ॒तं जु॑हवाम वि॒द्मना᳚ | त॒र॒णि॒त्वा ये पि॒तुर॑स्य सश्चि॒र ऋ॒भवो॒ वाज॑मरुहन् दि॒वो रजः॒(स्वाहा᳚) || 1.110.6, 1.7.31.1 {कुत्सः | ऋभवः | जगती}
ऋ॒भुर्न॒ इंद्रः॒ शव॑सा॒ नवी᳚यानृ॒भुर्वाजे᳚भि॒र्वसु॑भि॒र्वसु॑र्द॒दिः | यु॒ष्माकं᳚ देवा॒, अव॒साह॑नि प्रि॒ये॒3॑(ए॒)ऽभि ति॑ष्ठेम पृत्सु॒तीरसु᳚न्वता॒म्(स्वाहा᳚) || 1.110.7, 1.7.31.2 {कुत्सः | ऋभवः | जगती}
निश्चर्म॑ण ऋभवो॒ गाम॑पिंशत॒ सं व॒त्सेना᳚सृजता मा॒तरं॒ पुनः॑ | सौध᳚न्वनासः स्वप॒स्यया᳚ नरो॒ जिव्री॒ युवा᳚ना पि॒तरा᳚कृणोतन॒(स्वाहा᳚) || 1.110.8, 1.7.31.3 {कुत्सः | ऋभवः | जगती}
वाजे᳚भिर्नो॒ वाज॑सातावविड्ढ्यृभु॒माँ, इं᳚द्र चि॒त्रमा द॑र्षि॒ राधः॑ | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.110.9, 1.7.31.4 {कुत्सः | ऋभवः | त्रिष्टुप्}
[111] तक्षन्रथमिति पंचर्चस्य सूक्तस्य कुत्स ऋभवोजगतीअंत्यात्रिष्टुप् |
तक्ष॒न् रथं᳚ सु॒वृतं᳚ विद्म॒नाप॑स॒स्तक्ष॒न् हरी᳚ इंद्र॒वाहा॒ वृष᳚ण्वसू | तक्ष᳚न् पि॒तृभ्या᳚मृ॒भवो॒ युव॒द्वय॒स्तक्ष᳚न् व॒त्साय॑ मा॒तरं᳚ सचा॒भुव॒म्(स्वाहा᳚) || 1.111.1, 1.7.32.1 {कुत्सः | ऋभवः | जगती}
आ नो᳚ य॒ज्ञाय॑ तक्षत ऋभु॒मद्वयः॒ क्रत्वे॒ दक्षा᳚य सुप्र॒जाव॑ती॒मिषं᳚ | यथा॒ क्षया᳚म॒ सर्व॑वीरया वि॒शा तन्नः॒ शर्धा᳚य धासथा॒ स्विं᳚द्रि॒यं(स्वाहा᳚) || 1.111.2, 1.7.32.2 {कुत्सः | ऋभवः | जगती}
आ त॑क्षत सा॒तिम॒स्मभ्य॑मृभवः सा॒तिं रथा᳚य सा॒तिमर्व॑ते नरः | सा॒तिं नो॒ जैत्रीं॒ सं म॑हेत वि॒श्वहा᳚ जा॒मिमजा᳚मिं॒ पृत॑नासु स॒क्षणि॒म्(स्वाहा᳚) || 1.111.3, 1.7.32.3 {कुत्सः | ऋभवः | जगती}
ऋ॒भु॒क्षण॒मिंद्र॒मा हु॑व ऊ॒तय॑ ऋ॒भून्वाजा᳚न् म॒रुतः॒ सोम॑पीतये | उ॒भा मि॒त्रावरु॑णा नू॒नम॒श्विना॒ ते नो᳚ हिन्वंतु सा॒तये᳚ धि॒ये जि॒षे(स्वाहा᳚) || 1.111.4, 1.7.32.4 {कुत्सः | ऋभवः | जगती}
ऋ॒भुर्भरा᳚य॒ सं शि॑शातु सा॒तिं स॑मर्य॒जिद्वाजो᳚ अ॒स्माँ, अ॑विष्टु | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.111.5, 1.7.32.5 {कुत्सः | ऋभवः | त्रिष्टुप्}
[112] ईळेद्यावापृथिवीइति पंचविंशत्यृचस्य सूक्तस्य कुत्सः आद्यायाद्यावापृथिव्यग्न्यश्विनः शिष्टानामश्विनौ जगतीअंत्येद्वेत्रिष्टुभौ
ईळे॒ द्यावा᳚पृथि॒वी पू॒र्वचि॑त्तये॒ऽग्निं घ॒र्मं सु॒रुचं॒ याम᳚न्नि॒ष्टये᳚ | याभि॒र्भरे᳚ का॒रमंशा᳚य॒ जिन्व॑थ॒स्ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.1, 1.7.33.1 {कुत्सः | 1/4 द्यावापृथिव्यौ, 2/4 अग्निः, उत्तरार्धस्य अश्विनौ | जगती}
यु॒वोर्दा॒नाय॑ सु॒भरा᳚ अस॒श्चतो॒ रथ॒मा त॑स्थुर्वच॒सं न मंत॑वे | याभि॒र्धियोऽव॑थः॒ कर्म᳚न्नि॒ष्टये॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.2, 1.7.33.2 {कुत्सः | अश्विनौ | जगती}
यु॒वं तासां᳚ दि॒व्यस्य॑ प्र॒शास॑ने वि॒शां क्ष॑यथो, अ॒मृत॑स्य म॒ज्मना᳚ | याभि॑र्धे॒नुम॒स्व1॑(अं॒) पिन्व॑थो नरा॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.3, 1.7.33.3 {कुत्सः | अश्विनौ | जगती}
याभिः॒ परि॑ज्मा॒ तन॑यस्य म॒ज्मना᳚ द्विमा॒ता तू॒र्षु त॒रणि᳚र्वि॒भूष॑ति | याभि॑स्त्रि॒मंतु॒रभ॑वद् विचक्ष॒णस्ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.4, 1.7.33.4 {कुत्सः | अश्विनौ | जगती}
याभी᳚ रे॒भं निवृ॑तं सि॒तम॒द्भ्य उद् वंद॑न॒मैर॑यतं॒ स्व॑र्दृ॒शे | याभिः॒ कण्वं॒ प्र सिषा᳚संत॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.5, 1.7.33.5 {कुत्सः | अश्विनौ | जगती}
याभि॒रंत॑कं॒ जस॑मान॒मार॑णे भु॒ज्युं याभि॑रव्य॒थिभि॑र्जिजि॒न्वथुः॑ | याभिः॑ क॒र्कंधुं᳚ व॒य्यं᳚ च॒ जिन्व॑थ॒स्ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.6, 1.7.34.1 {कुत्सः | अश्विनौ | जगती}
याभिः॑ शुचं॒तिं ध॑न॒सां सु॑षं॒सदं᳚ त॒प्तं घ॒र्ममो॒म्यावं᳚त॒मत्र॑ये | याभिः॒ पृश्नि॑गुं पुरु॒कुत्स॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.7, 1.7.34.2 {कुत्सः | अश्विनौ | जगती}
याभिः॒ शची᳚भिर्वृषणा परा॒वृजं॒ प्रांधं श्रो॒णं चक्ष॑स॒ एत॑वे कृ॒थः | याभि॒र्वर्ति॑कां ग्रसि॒ताममुं᳚चतं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.8, 1.7.34.3 {कुत्सः | अश्विनौ | जगती}
याभिः॒ सिंधुं॒ मधु॑मंत॒मस॑श्चतं॒ वसि॑ष्ठं॒ याभि॑रजरा॒वजि᳚न्वतं | याभिः॒ कुत्सं᳚ श्रु॒तर्यं॒ नर्य॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.9, 1.7.34.4 {कुत्सः | अश्विनौ | जगती}
याभि᳚र्वि॒श्पलां᳚ धन॒साम॑थ॒र्व्यं᳚ स॒हस्र॑मीळ्ह आ॒जावजि᳚न्वतं | याभि॒र्वश॑म॒श्व्यं प्रे॒णिमाव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.10, 1.7.34.5 {कुत्सः | अश्विनौ | जगती}
याभिः॑ सुदानू, औशि॒जाय॑ व॒णिजे᳚ दी॒र्घश्र॑वसे॒ मधु॒ कोशो॒, अक्ष॑रत् | क॒क्षीवं᳚तं स्तो॒तारं॒ याभि॒राव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.11, 1.7.35.1 {कुत्सः | अश्विनौ | जगती}
याभी᳚ र॒सां क्षोद॑सो॒द्नः पि॑पि॒न्वथु॑रन॒श्वं याभी॒ रथ॒माव॑तं जि॒षे | याभि॑स्त्रि॒शोक॑ उ॒स्रिया᳚ उ॒दाज॑त॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.12, 1.7.35.2 {कुत्सः | अश्विनौ | जगती}
याभिः॒ सूर्यं᳚ परिया॒थः प॑रा॒वति॑ मंधा॒तारं॒ क्षैत्र॑पत्ये॒ष्वाव॑तं | याभि॒र्विप्रं॒ प्र भ॒रद्वा᳚ज॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.13, 1.7.35.3 {कुत्सः | अश्विनौ | जगती}
याभि᳚र्म॒हाम॑तिथि॒ग्वं क॑शो॒जुवं॒ दिवो᳚दासं शंबर॒हत्य॒ आव॑तं | याभिः॑ पू॒र्भिद्ये᳚ त्र॒सद॑स्यु॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.14, 1.7.35.4 {कुत्सः | अश्विनौ | जगती}
याभि᳚र्व॒म्रं वि॑पिपा॒नमु॑पस्तु॒तं क॒लिं याभि᳚र्वि॒त्तजा᳚निं दुव॒स्यथः॑ | याभि॒र्व्य॑श्वमु॒त पृथि॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.15, 1.7.35.5 {कुत्सः | अश्विनौ | जगती}
याभि᳚र्नरा श॒यवे॒ याभि॒रत्र॑ये॒ याभिः॑ पु॒रा मन॑वे गा॒तुमी॒षथुः॑ | याभिः॒ शारी॒राज॑तं॒ स्यूम॑रश्मये॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.16, 1.7.36.1 {कुत्सः | अश्विनौ | जगती}
याभिः॒ पठ᳚र्वा॒ जठ॑रस्य म॒ज्मना॒ऽग्निर्नादी᳚देच्चि॒त इ॒द्धो, अज्म॒न्ना | याभिः॒ शर्या᳚त॒मव॑थो महाध॒ने ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.17, 1.7.36.2 {कुत्सः | अश्विनौ | जगती}
याभि॑रंगिरो॒ मन॑सा निर॒ण्यथोऽग्रं॒ गच्छ॑थो विव॒रे गो,अ᳚र्णसः | याभि॒र्मनुं॒ शूर॑मि॒षा स॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.18, 1.7.36.3 {कुत्सः | अश्विनौ | जगती}
याभिः॒ पत्नी᳚र्विम॒दाय᳚ न्यू॒हथु॒रा घ॑ वा॒ याभि॑ररु॒णीरशि॑क्षतं | याभिः॑ सु॒दास॑ ऊ॒हथुः॑ सुदे॒व्य1॑(अं॒) ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.19, 1.7.36.4 {कुत्सः | अश्विनौ | जगती}
याभिः॒ शंता᳚ती॒ भव॑थो ददा॒शुषे᳚ भु॒ज्युं याभि॒रव॑थो॒ याभि॒रध्रि॑गुं | ओ॒म्याव॑तीं सु॒भरा᳚मृत॒स्तुभं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.20, 1.7.36.5 {कुत्सः | अश्विनौ | जगती}
याभिः॑ कृ॒शानु॒मस॑ने दुव॒स्यथो᳚ ज॒वे याभि॒र्यूनो॒, अर्वं᳚त॒माव॑तं | मधु॑ प्रि॒यं भ॑रथो॒ यत्स॒रड्भ्य॒स्ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.21, 1.7.37.1 {कुत्सः | अश्विनौ | जगती}
याभि॒र्नरं᳚ गोषु॒युधं᳚ नृ॒षाह्ये॒ क्षेत्र॑स्य सा॒ता तन॑यस्य॒ जिन्व॑थः | याभी॒ रथाँ॒, अव॑थो॒ याभि॒रर्व॑त॒स्ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.22, 1.7.37.2 {कुत्सः | अश्विनौ | जगती}
याभिः॒ कुत्स॑मार्जुने॒यं श॑तक्रतू॒ प्र तु॒र्वीतिं॒ प्र च॑ द॒भीति॒माव॑तं | याभि॑र्ध्व॒संतिं᳚ पुरु॒षंति॒माव॑तं॒ ताभि॑रू॒ षु ऊ॒तिभि॑रश्वि॒ना ग॑त॒म्(स्वाहा᳚) || 1.112.23, 1.7.37.3 {कुत्सः | अश्विनौ | जगती}
अप्न॑स्वतीमश्विना॒ वाच॑म॒स्मे कृ॒तं नो᳚ दस्रा वृषणा मनी॒षां | अ॒द्यू॒त्येऽव॑से॒ नि ह्व॑ये वां वृ॒धे च॑ नो भवतं॒ वाज॑सातौ॒(स्वाहा᳚) || 1.112.24, 1.7.37.4 {कुत्सः | अश्विनौ | त्रिष्टुप्}
द्युभि॑र॒क्तुभिः॒ परि॑ पातम॒स्मानरि॑ष्टेभिरश्विना॒ सौभ॑गेभिः | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.112.25, 1.7.37.5 {कुत्सः | अश्विनौ | त्रिष्टुप्}
[113] इदंश्रेष्ठमिति विंशत्यृचस्य सूक्तस्य कुत्स उषाद्वितीयायाअर्धर्चोरात्रिस्त्रिष्टुप् |
इ॒दं श्रेष्ठं॒ ज्योति॑षां॒ ज्योति॒रागा᳚च्चि॒त्रः प्र॑के॒तो, अ॑जनिष्ट॒ विभ्वा᳚ | यथा॒ प्रसू᳚ता सवि॒तुः स॒वायँ᳚, ए॒वा रात्र्यु॒षसे॒ योनि॑मारैक्॒(स्वाहा᳚) || 1.113.1, 1.8.1.1 {कुत्सः | 1/2:उषाः 2/2:रात्रिः | त्रिष्टुप्}
रुश॑द्वत्सा॒ रुश॑ती श्वे॒त्यागा॒दारै᳚गु कृ॒ष्णा सद॑नान्यस्याः | स॒मा॒नबं᳚धू, अ॒मृते᳚ अनू॒ची द्यावा॒ वर्णं᳚ चरत आमिना॒ने(स्वाहा᳚) || 1.113.2, 1.8.1.2 {कुत्सः | उषाः | त्रिष्टुप्}
स॒मा॒नो, अध्वा॒ स्वस्रो᳚रनं॒तस्तम॒न्यान्या᳚ चरतो दे॒वशि॑ष्टे | न मे᳚थेते॒ न त॑स्थतुः सु॒मेके॒ नक्तो॒षासा॒ सम॑नसा॒ विरू᳚पे॒(स्वाहा᳚) || 1.113.3, 1.8.1.3 {कुत्सः | उषाः | त्रिष्टुप्}
भास्व॑ती ने॒त्री सू॒नृता᳚ना॒मचे᳚ति चि॒त्रा वि दुरो᳚ न आवः | प्रार्प्या॒ जग॒द् व्यु॑ नो रा॒यो, अ॑ख्यदु॒षा, अ॑जीग॒र्भुव॑नानि॒ विश्वा॒(स्वाहा᳚) || 1.113.4, 1.8.1.4 {कुत्सः | उषाः | त्रिष्टुप्}
जि॒ह्म॒श्ये॒3॑(ए॒) चरि॑तवे म॒घोन्या᳚भो॒गय॑ इ॒ष्टये᳚ रा॒य उ॑ त्वं | द॒भ्रं पश्य॑द्भ्य उर्वि॒या वि॒चक्ष॑ उ॒षा, अ॑जीग॒र्भुव॑नानि॒ विश्वा॒(स्वाहा᳚) || 1.113.5, 1.8.1.5 {कुत्सः | उषाः | त्रिष्टुप्}
क्ष॒त्राय॑ त्वं॒ श्रव॑से त्वं मही॒या, इ॒ष्टये᳚ त्व॒मर्थ॑मिव त्वमि॒त्यै | विस॑दृशा जीवि॒ताभि॑प्र॒चक्ष॑ उ॒षा, अ॑जीग॒र्भुव॑नानि॒ विश्वा॒(स्वाहा᳚) || 1.113.6, 1.8.2.1 {कुत्सः | उषाः | त्रिष्टुप्}
ए॒षा दि॒वो दु॑हि॒ता प्रत्य॑दर्शि व्यु॒च्छंती᳚ युव॒तिः शु॒क्रवा᳚साः | विश्व॒स्येशा᳚ना॒ पार्थि॑वस्य॒ वस्व॒ उषो᳚ अ॒द्येह सु॑भगे॒ व्यु॑च्छ॒(स्वाहा᳚) || 1.113.7, 1.8.2.2 {कुत्सः | उषाः | त्रिष्टुप्}
प॒रा॒य॒ती॒नामन्वे᳚ति॒ पाथ॑ आयती॒नां प्र॑थ॒मा शश्व॑तीनां | व्यु॒च्छंती᳚ जी॒वमु॑दी॒रयं᳚त्यु॒षा मृ॒तं कं च॒न बो॒धयं᳚ती॒(स्वाहा᳚) || 1.113.8, 1.8.2.3 {कुत्सः | उषाः | त्रिष्टुप्}
उषो॒ यद॒ग्निं स॒मिधे᳚ च॒कर्थ॒ वि यदाव॒श्चक्ष॑सा॒ सूर्य॑स्य | यन्मानु॑षान् य॒क्ष्यमा᳚णाँ॒, अजी᳚ग॒स्तद् दे॒वेषु॑ चकृषे भ॒द्रमप्नः॒(स्वाहा᳚) || 1.113.9, 1.8.2.4 {कुत्सः | उषाः | त्रिष्टुप्}
किया॒त्या यत् स॒मया॒ भवा᳚ति॒ या व्यू॒षुर्याश्च॑ नू॒नं व्यु॒च्छान् | अनु॒ पूर्वाः᳚ कृपते वावशा॒ना प्र॒दीध्या᳚ना॒ जोष॑म॒न्याभि॑रेति॒(स्वाहा᳚) || 1.113.10, 1.8.2.5 {कुत्सः | उषाः | त्रिष्टुप्}
ई॒युष्टे ये पूर्व॑तरा॒मप॑श्यन् व्यु॒च्छंती᳚मु॒षसं॒ मर्त्या᳚सः | अ॒स्माभि॑रू॒ नु प्र॑ति॒चक्ष्या᳚भू॒दो ते यं᳚ति॒ ये, अ॑प॒रीषु॒ पश्यां॒त्(स्वाहा᳚) || 1.113.11, 1.8.3.1 {कुत्सः | उषाः | त्रिष्टुप्}
या॒व॒यद्द्वे᳚षा, ऋत॒पा, ऋ॑ते॒जाः सु᳚म्ना॒वरी᳚ सू॒नृता᳚ ई॒रयं᳚ती | सु॒मं॒ग॒लीर्बिभ्र॑ती दे॒ववी᳚तिमि॒हाद्योषः॒ श्रेष्ठ॑तमा॒ व्यु॑च्छ॒(स्वाहा᳚) || 1.113.12, 1.8.3.2 {कुत्सः | उषाः | त्रिष्टुप्}
शश्व॑त् पु॒रोषा व्यु॑वास दे॒व्यथो᳚ अ॒द्येदं व्या᳚वो म॒घोनी᳚ | अथो॒ व्यु॑च्छा॒दुत्त॑राँ॒, अनु॒ द्यून॒जरा॒मृता᳚ चरति स्व॒धाभिः॒(स्वाहा᳚) || 1.113.13, 1.8.3.3 {कुत्सः | उषाः | त्रिष्टुप्}
व्य1॑(अ॒)न्जिभि॑र्दि॒व आता᳚स्वद्यौ॒दप॑ कृ॒ष्णां नि॒र्णिजं᳚ दे॒व्या᳚वः | प्र॒बो॒धयं᳚त्यरु॒णेभि॒रश्वै॒रोषा या᳚ति सु॒युजा॒ रथे᳚न॒(स्वाहा᳚) || 1.113.14, 1.8.3.4 {कुत्सः | उषाः | त्रिष्टुप्}
आ॒वहं᳚ती॒ पोष्या॒ वार्या᳚णि चि॒त्रं के॒तुं कृ॑णुते॒ चेकि॑ताना | ई॒युषी᳚णामुप॒मा शश्व॑तीनां विभाती॒नां प्र॑थ॒मोषा व्य॑श्वै॒त्(स्वाहा᳚) || 1.113.15, 1.8.3.5 {कुत्सः | उषाः | त्रिष्टुप्}
उदी᳚र्ध्वं जी॒वो, असु᳚र्न॒ आगा॒दप॒ प्रागा॒त्तम॒ आ ज्योति॑रेति | आरै॒क् पंथां॒ यात॑वे॒ सूर्या॒याग᳚न्म॒ यत्र॑ प्रति॒रंत॒ आयुः॒(स्वाहा᳚) || 1.113.16, 1.8.4.1 {कुत्सः | उषाः | त्रिष्टुप्}
स्यूम॑ना वा॒च उदि॑यर्ति॒ वह्निः॒ स्तवा᳚नो रे॒भ उ॒षसो᳚ विभा॒तीः | अ॒द्या तदु॑च्छ गृण॒ते म॑घोन्य॒स्मे, आयु॒र्नि दि॑दीहि प्र॒जाव॒॑त्(स्वाहा᳚) || 1.113.17, 1.8.4.2 {कुत्सः | उषाः | त्रिष्टुप्}
या गोम॑तीरु॒षसः॒ सर्व॑वीरा व्यु॒च्छंति॑ दा॒शुषे॒ मर्त्या᳚य | वा॒योरि॑व सू॒नृता᳚नामुद॒र्के ता, अ॑श्व॒दा, अ॑श्नवत् सोम॒सुत्वा॒(स्वाहा᳚) || 1.113.18, 1.8.4.3 {कुत्सः | उषाः | त्रिष्टुप्}
मा॒ता दे॒वाना॒मदि॑ते॒रनी᳚कं य॒ज्ञस्य॑ के॒तुर्बृ॑ह॒ती वि भा᳚हि | प्र॒श॒स्ति॒कृद् ब्रह्म॑णे नो॒ व्यु1॑(उ॒)च्छा नो॒ जने᳚ जनय विश्ववारे॒(स्वाहा᳚) || 1.113.19, 1.8.4.4 {कुत्सः | उषाः | त्रिष्टुप्}
यच्चि॒त्रमप्न॑ उ॒षसो॒ वहं᳚तीजा॒नाय॑ शशमा॒नाय॑ भ॒द्रं | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.113.20, 1.8.4.5 {कुत्सः | उषाः | त्रिष्टुप्}
[114] इमारुद्रायेत्येकादशर्चस्य सूक्तस्य कुत्सोरुद्रोजगतीअंत्येद्वेत्रिष्टुभौ |
इ॒मा रु॒द्राय॑ त॒वसे᳚ कप॒र्दिने᳚ क्ष॒यद्वी᳚राय॒ प्र भ॑रामहे म॒तीः | यथा॒ शमस॑द् द्वि॒पदे॒ चतु॑ष्पदे॒ विश्वं᳚ पु॒ष्टं ग्रामे᳚ अ॒स्मिन्न॑नातु॒रं(स्वाहा᳚) || 1.114.1, 1.8.5.1 {कुत्सः | रुद्रः | जगती}
मृ॒ळा नो᳚ रुद्रो॒त नो॒ मय॑स्कृधि क्ष॒यद्वी᳚राय॒ नम॑सा विधेम ते | यच्छं च॒ योश्च॒ मनु॑राये॒जे पि॒ता तद॑श्याम॒ तव॑ रुद्र॒ प्रणी᳚तिषु॒(स्वाहा᳚) || 1.114.2, 1.8.5.2 {कुत्सः | रुद्रः | जगती}
अ॒श्याम॑ ते सुम॒तिं दे᳚वय॒ज्यया᳚ क्ष॒यद्वी᳚रस्य॒ तव॑ रुद्र मीढ्वः | सु॒म्ना॒यन्निद् विशो᳚ अ॒स्माक॒मा च॒रारि॑ष्टवीरा जुहवाम ते ह॒विः(स्वाहा᳚) || 1.114.3, 1.8.5.3 {कुत्सः | रुद्रः | जगती}
त्वे॒षं व॒यं रु॒द्रं य॑ज्ञ॒साधं᳚ वं॒कुं क॒विमव॑से॒ नि ह्व॑यामहे | आ॒रे, अ॒स्मद्दैव्यं॒ हेळो᳚ अस्यतु सुम॒तिमिद् व॒यम॒स्या वृ॑णीमहे॒(स्वाहा᳚) || 1.114.4, 1.8.5.4 {कुत्सः | रुद्रः | जगती}
दि॒वो व॑रा॒हम॑रु॒षं क॑प॒र्दिनं᳚ त्वे॒षं रू॒पं नम॑सा॒ नि ह्व॑यामहे | हस्ते॒ बिभ्र॑द् भेष॒जा वार्या᳚णि॒ शर्म॒ वर्म॑ च्छ॒र्दिर॒स्मभ्यं᳚ यंस॒त्(स्वाहा᳚) || 1.114.5, 1.8.5.5 {कुत्सः | रुद्रः | जगती}
इ॒दं पि॒त्रे म॒रुता᳚मुच्यते॒ वचः॑ स्वा॒दोः स्वादी᳚यो रु॒द्राय॒ वर्ध॑नं | रास्वा᳚ च नो, अमृत मर्त॒भोज॑नं॒ त्मने᳚ तो॒काय॒ तन॑याय मृळ॒(स्वाहा᳚) || 1.114.6, 1.8.6.1 {कुत्सः | रुद्रः | जगती}
मा नो᳚ म॒हांत॑मु॒त मा नो᳚ अर्भ॒कं मा न॒ उक्षं᳚तमु॒त मा न॑ उक्षि॒तं | मा नो᳚ वधीः पि॒तरं॒ मोत मा॒तरं॒ मा नः॑ प्रि॒यास्त॒न्वो᳚ रुद्र रीरिषः॒(स्वाहा᳚) || 1.114.7, 1.8.6.2 {कुत्सः | रुद्रः | जगती}
मा न॑स्तो॒के तन॑ये॒ मा न॑ आ॒यौ मा नो॒ गोषु॒ मा नो॒, अश्वे᳚षु रीरिषः | वी॒रान् मा नो᳚ रुद्र भामि॒तो व॑धीर्ह॒विष्मं᳚तः॒ सद॒मित् त्वा᳚ हवामहे॒(स्वाहा᳚) || 1.114.8, 1.8.6.3 {कुत्सः | रुद्रः | जगती}
उप॑ ते॒ स्तोमा᳚न् पशु॒पा, इ॒वाक॑रं॒ रास्वा᳚ पितर्मरुतां सु॒म्नम॒स्मे | भ॒द्रा हि ते᳚ सुम॒तिर्मृ॑ळ॒यत्त॒माथा᳚ व॒यमव॒ इत्ते᳚ वृणीमहे॒(स्वाहा᳚) || 1.114.9, 1.8.6.4 {कुत्सः | रुद्रः | जगती}
आ॒रे ते᳚ गो॒घ्नमु॒त पू᳚रुष॒घ्नं क्षय॑द्वीर सु॒म्नम॒स्मे ते᳚ अस्तु | मृ॒ळा च॑ नो॒, अधि॑ च ब्रूहि दे॒वाधा᳚ च नः॒ शर्म॑ यच्छ द्वि॒बर्हाः᳚(स्वाहा᳚) || 1.114.10, 1.8.6.5 {कुत्सः | रुद्रः | त्रिष्टुप्}
अवो᳚चाम॒ नमो᳚ अस्मा, अव॒स्यवः॑ शृ॒णोतु॑ नो॒ हवं᳚ रु॒द्रो म॒रुत्वा॑न् | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.114.11, 1.8.6.6 {कुत्सः | रुद्रः | त्रिष्टुप्}
[115] चित्रंदेवानामितिषडृचस्य सूक्तस्य कुत्सः सूर्यस्त्रिष्टुप् |
चि॒त्रं दे॒वाना॒मुद॑गा॒दनी᳚कं॒ चक्षु᳚र्मि॒त्रस्य॒ वरु॑णस्या॒ग्नेः | आप्रा॒ द्यावा᳚पृथि॒वी, अं॒तरि॑क्षं॒ सूर्य॑ आ॒त्मा जग॑तस्त॒स्थुष॑श्च॒(स्वाहा᳚) || 1.115.1, 1.8.7.1 {कुत्सः | सूर्यः | त्रिष्टुप्}
सूर्यो᳚ दे॒वीमु॒षसं॒ रोच॑मानां॒ मर्यो॒ न योषा᳚म॒भ्ये᳚ति प॒श्चात् | यत्रा॒ नरो᳚ देव॒यंतो᳚ यु॒गानि॑ वितन्व॒ते प्रति॑ भ॒द्राय॑ भ॒द्रं(स्वाहा᳚) || 1.115.2, 1.8.7.2 {कुत्सः | सूर्यः | त्रिष्टुप्}
भ॒द्रा, अश्वा᳚ ह॒रितः॒ सूर्य॑स्य चि॒त्रा, एत॑ग्वा, अनु॒माद्या᳚सः | न॒म॒स्यंतो᳚ दि॒व आ पृ॒ष्ठम॑स्थुः॒ परि॒ द्यावा᳚पृथि॒वी यं᳚ति स॒द्यः(स्वाहा᳚) || 1.115.3, 1.8.7.3 {कुत्सः | सूर्यः | त्रिष्टुप्}
तत् सूर्य॑स्य देव॒त्वं तन्म॑हि॒त्वं म॒ध्या कर्तो॒र्वित॑तं॒ सं ज॑भार | य॒देदयु॑क्त ह॒रितः॑ स॒धस्था॒दाद्रात्री॒ वास॑स्तनुते सि॒मस्मै॒(स्वाहा᳚) || 1.115.4, 1.8.7.4 {कुत्सः | सूर्यः | त्रिष्टुप्}
तन्मि॒त्रस्य॒ वरु॑णस्याभि॒चक्षे॒ सूर्यो᳚ रू॒पं कृ॑णुते॒ द्योरु॒पस्थे᳚ | अ॒नं॒तम॒न्यद् रुश॑दस्य॒ पाजः॑ कृ॒ष्णम॒न्यद्ध॒रितः॒ सं भ॑रंति॒(स्वाहा᳚) || 1.115.5, 1.8.7.5 {कुत्सः | सूर्यः | त्रिष्टुप्}
अ॒द्या दे᳚वा॒, उदि॑ता॒ सूर्य॑स्य॒ निरंह॑सः पिपृ॒ता निर॑व॒द्यात् | तन्नो᳚ मि॒त्रो वरु॑णो मामहंता॒मदि॑तिः॒ सिंधुः॑ पृथि॒वी, उ॒त द्यौः(स्वाहा᳚) || 1.115.6, 1.8.7.6 {कुत्सः | सूर्यः | त्रिष्टुप्}
[116] नासत्याभ्यामिति पंचविंशत्यृचस्य सूक्तस्य दैर्घतमसः कक्षीवानश्विनौत्रिष्टुप् |
नास॑त्याभ्यां ब॒र्हिरि॑व॒ प्र वृं᳚जे॒ स्तोमाँ᳚, इयर्म्य॒भ्रिये᳚व॒ वातः॑ | यावर्भ॑गाय विम॒दाय॑ जा॒यां से᳚ना॒जुवा᳚ न्यू॒हतू॒ रथे᳚न॒(स्वाहा᳚) || 1.116.1, 1.8.8.1 {दैर्घतमसः कक्षीवान् | अश्विनौ | त्रिष्टुप्}
वी॒ळु॒पत्म॑भिराशु॒हेम॑भिर्वा दे॒वानां᳚ वा जू॒तिभिः॒ शाश॑दाना | तद् रास॑भो नासत्या स॒हस्र॑मा॒जा य॒मस्य॑ प्र॒धने᳚ जिगाय॒(स्वाहा᳚) || 1.116.2, 1.8.8.2 {दैर्घतमसः कक्षीवान् | अश्विनौ | त्रिष्टुप्}
तुग्रो᳚ ह भु॒ज्युम॑श्विनोदमे॒घे र॒यिं न कश्चि᳚न् ममृ॒वाँ, अवा᳚हाः | त्रिष्टुप्}तमू᳚हथुर्नौ॒भिरा᳚त्म॒न्वती᳚भिरंतरिक्ष॒प्रुद्भि॒रपो᳚दकाभिः॒(स्वाहा᳚) || 1.116.3, 1.8.8.3 {दैर्घतमसः कक्षीवान् | अश्विनौ | त्रिष्टुप्}
ति॒स्रः, क्षप॒स्त्रिरहा᳚ति॒व्रज॑द्भि॒र्नास॑त्या भु॒ज्युमू᳚हथुः पतं॒गैः | स॒मु॒द्रस्य॒ धन्व᳚न्ना॒र्द्रस्य॑ पा॒रे त्रि॒भी रथैः᳚ श॒तप॑द्भिः॒ षळ॑श्वैः॒(स्वाहा᳚) || 1.116.4, 1.8.8.4 {दैर्घतमसः कक्षीवान् | अश्विनौ | त्रिष्टुप्}
अ॒ना॒रं॒भ॒णे तद॑वीरयेथामनास्था॒ने, अ॑ग्रभ॒णे स॑मु॒द्रे | यद॑श्विना, ऊ॒हथु॑र्भु॒ज्युमस्तं᳚ श॒तारि॑त्रां॒ नाव॑मातस्थि॒वांस॒म्(स्वाहा᳚) || 1.116.5, 1.8.8.5 {दैर्घतमसः कक्षीवान् | अश्विनौ | त्रिष्टुप्}
यम॑श्विना द॒दथुः॑ श्वे॒तमश्व॑म॒घाश्वा᳚य॒ शश्व॒दित् स्व॒स्ति | तद् वां᳚ दा॒त्रं महि॑ की॒र्तेन्यं᳚ भूत् पै॒द्वो वा॒जी सद॒मिद्धव्यो᳚ अ॒र्यः(स्वाहा᳚) || 1.116.6, 1.8.9.1 {दैर्घतमसः कक्षीवान् | अश्विनौ | त्रिष्टुप्}
यु॒वं न॑रा स्तुव॒ते प॑ज्रि॒याय॑ क॒क्षीव॑ते, अरदतं॒ पुरं᳚धिं | का॒रो॒त॒राच्छ॒फादश्व॑स्य॒ वृष्णः॑ श॒तं कुं॒भाँ, अ॑सिंचतं॒ सुरा᳚याः॒(स्वाहा᳚) || 1.116.7, 1.8.9.2 {दैर्घतमसः कक्षीवान् | अश्विनौ | त्रिष्टुप्}
हि॒मेना॒ग्निं घ्रं॒सम॑वारयेथां पितु॒मती॒मूर्ज॑मस्मा, अधत्तं | ऋ॒बीसे॒, अत्रि॑मश्वि॒नाव॑नीत॒मुन्नि᳚न्यथुः॒ सर्व॑गणं स्व॒स्ति(स्वाहा᳚) || 1.116.8, 1.8.9.3 {दैर्घतमसः कक्षीवान् | अश्विनौ | त्रिष्टुप्}
परा᳚व॒तं ना᳚सत्यानुदेथामु॒च्चाबु॑ध्नं चक्रथुर्जि॒ह्मबा᳚रं | क्षर॒न्नापो॒ न पा॒यना᳚य रा॒ये स॒हस्रा᳚य॒ तृष्य॑ते॒ गोत॑मस्य॒(स्वाहा᳚) || 1.116.9, 1.8.9.4 {दैर्घतमसः कक्षीवान् | अश्विनौ | त्रिष्टुप्}
जु॒जु॒रुषो᳚ नासत्यो॒त व॒व्रिं प्रामुं᳚चतं द्रा॒पिमि॑व॒ च्यवा᳚नात् | प्राति॑रतं जहि॒तस्यायु॑र्द॒स्रादित् पति॑मकृणुतं क॒नीना॒म्(स्वाहा᳚) || 1.116.10, 1.8.9.5 {दैर्घतमसः कक्षीवान् | अश्विनौ | त्रिष्टुप्}
तद् वां᳚ नरा॒ शंस्यं॒ राध्यं᳚ चाभिष्टि॒मन्ना᳚सत्या॒ वरू᳚थं | यद् वि॒द्वांसा᳚ नि॒धिमि॒वाप॑गूळ्ह॒मुद् द॑र्श॒तादू॒पथु॒र्वंद॑नाय॒(स्वाहा᳚) || 1.116.11, 1.8.10.1 {दैर्घतमसः कक्षीवान् | अश्विनौ | त्रिष्टुप्}
तद् वां᳚ नरा स॒नये॒ दंस॑ उ॒ग्रमा॒विष्कृ॑णोमि तन्य॒तुर्न वृ॒ष्टिं | द॒ध्यङ् ह॒ यन्मध्वा᳚थर्व॒णो वा॒मश्व॑स्य शी॒र्ष्णा प्र यदी᳚मु॒वाच॒(स्वाहा᳚) || 1.116.12, 1.8.10.2 {दैर्घतमसः कक्षीवान् | अश्विनौ | त्रिष्टुप्}
अजो᳚हवीन्नासत्या क॒रा वां᳚ म॒हे याम᳚न् पुरुभुजा॒ पुरं᳚धिः | श्रु॒तं तच्छासु॑रिव वध्रिम॒त्या हिर᳚ण्यहस्तमश्विनावदत्त॒म्(स्वाहा᳚) || 1.116.13, 1.8.10.3 {दैर्घतमसः कक्षीवान् | अश्विनौ | त्रिष्टुप्}
आ॒स्नो वृक॑स्य॒ वर्ति॑काम॒भीके᳚ यु॒वं न॑रा नासत्यामुमुक्तं | उ॒तो क॒विं पु॑रुभुजा यु॒वं ह॒ कृप॑माणमकृणुतं वि॒चक्षे॒(स्वाहा᳚) || 1.116.14, 1.8.10.4 {दैर्घतमसः कक्षीवान् | अश्विनौ | त्रिष्टुप्}
च॒रित्रं॒ हि वेरि॒वाच्छे᳚दि प॒र्णमा॒जा खे॒लस्य॒ परि॑तक्म्यायां | स॒द्यो जंघा॒माय॑सीं वि॒श्पला᳚यै॒ धने᳚ हि॒ते सर्त॑वे॒ प्रत्य॑धत्त॒म्(स्वाहा᳚) || 1.116.15, 1.8.10.5 {दैर्घतमसः कक्षीवान् | अश्विनौ | त्रिष्टुप्}
श॒तं मे॒षान् वृ॒क्ये᳚ चक्षदा॒नमृ॒ज्राश्वं॒ तं पि॒तांधं च॑कार | तस्मा᳚ अ॒क्षी ना᳚सत्या वि॒चक्ष॒ आध॑त्तं दस्रा भिषजावन॒र्वन्(स्वाहा᳚) || 1.116.16, 1.8.11.1 {दैर्घतमसः कक्षीवान् | अश्विनौ | त्रिष्टुप्}
आ वां॒ रथं᳚ दुहि॒ता सूर्य॑स्य॒ कार्ष्मे᳚वातिष्ठ॒दर्व॑ता॒ जयं᳚ती | विश्वे᳚ दे॒वा, अन्व॑मन्यंत हृ॒द्भिः समु॑ श्रि॒या ना᳚सत्या सचेथे॒(स्वाहा᳚) || 1.116.17, 1.8.11.2 {दैर्घतमसः कक्षीवान् | अश्विनौ | त्रिष्टुप्}
यदया᳚तं॒ दिवो᳚दासाय व॒र्तिर्भ॒रद्वा᳚जायाश्विना॒ हयं᳚ता | रे॒वदु॑वाह सच॒नो रथो᳚ वां वृष॒भश्च॑ शिंशु॒मार॑श्च यु॒क्ता(स्वाहा᳚) || 1.116.18, 1.8.11.3 {दैर्घतमसः कक्षीवान् | अश्विनौ | त्रिष्टुप्}
र॒यिं सु॑क्ष॒त्रं स्व॑प॒त्यमायुः॑ सु॒वीर्यं᳚ नासत्या॒ वहं᳚ता | आ ज॒ह्नावीं॒ सम॑न॒सोप॒ वाजै॒स्त्रिरह्नो᳚ भा॒गं दध॑तीमयात॒म्(स्वाहा᳚) || 1.116.19, 1.8.11.4 {दैर्घतमसः कक्षीवान् | अश्विनौ | त्रिष्टुप्}
परि॑विष्टं जाहु॒षं वि॒श्वतः॑ सीं सु॒गेभि॒र्नक्त॑मूहथू॒ रजो᳚भिः | वि॒भिं॒दुना᳚ नासत्या॒ रथे᳚न॒ वि पर्व॑ताँ, अजर॒यू, अ॑यात॒म्(स्वाहा᳚) || 1.116.20, 1.8.11.5 {दैर्घतमसः कक्षीवान् | अश्विनौ | त्रिष्टुप्}
एक॑स्या॒ वस्तो᳚रावतं॒ रणा᳚य॒ वश॑मश्विना स॒नये᳚ स॒हस्रा᳚ | निर॑हतं दु॒च्छुना॒, इंद्र॑वंता पृथु॒श्रव॑सो वृषणा॒वरा᳚तीः॒(स्वाहा᳚) || 1.116.21, 1.8.12.1 {दैर्घतमसः कक्षीवान् | अश्विनौ | त्रिष्टुप्}
श॒रस्य॑ चिदार्च॒त्कस्या᳚व॒तादा नी॒चादु॒च्चा च॑क्रथुः॒ पात॑वे॒ वाः | श॒यवे᳚ चिन्नासत्या॒ शची᳚भि॒र्जसु॑रये स्त॒र्यं᳚ पिप्यथु॒र्गां(स्वाहा᳚) || 1.116.22, 1.8.12.2 {दैर्घतमसः कक्षीवान् | अश्विनौ | त्रिष्टुप्}
अ॒व॒स्य॒ते स्तु॑व॒ते कृ॑ष्णि॒याय॑ ऋजूय॒ते ना᳚सत्या॒ शची᳚भिः | प॒शुं न न॒ष्टमि॑व॒ दर्श॑नाय विष्णा॒प्वं᳚ ददथु॒र्विश्व॑काय॒(स्वाहा᳚) || 1.116.23, 1.8.12.3 {दैर्घतमसः कक्षीवान् | अश्विनौ | त्रिष्टुप्}
दश॒ रात्री॒रशि॑वेना॒ नव॒ द्यूनव॑नद्धं श्नथि॒तम॒प्स्व1॑(अ॒)न्तः | विप्रु॑तं रे॒भमु॒दनि॒ प्रवृ॑क्त॒मुन्नि᳚न्यथुः॒ सोम॑मिव स्रु॒वेण॒(स्वाहा᳚) || 1.116.24, 1.8.12.4 {दैर्घतमसः कक्षीवान् | अश्विनौ | त्रिष्टुप्}
प्र वां॒ दंसां᳚स्यश्विनाववोचम॒स्य पतिः॑ स्यां सु॒गवः॑ सु॒वीरः॑ | उ॒त पश्य᳚न्नश्नु॒वन् दी॒र्घमायु॒रस्त॑मि॒वेज्ज॑रि॒माणं᳚ जगम्या॒म्(स्वाहा᳚) || 1.116.25, 1.8.12.5 {दैर्घतमसः कक्षीवान् | अश्विनौ | त्रिष्टुप्}
[117] मध्वःसोमस्येति पंचविंशत्यृचस्य सूक्तस्य दैर्घतमसः कक्षीवानश्विनौत्रिष्टुप् |
मध्वः॒ सोम॑स्याश्विना॒ मदा᳚य प्र॒त्नो होता वि॑वासते वां | ब॒र्हिष्म॑ती रा॒तिर्विश्रि॑ता॒ गीरि॒षा या᳚तं नास॒त्योप॒ वाजैः᳚(स्वाहा᳚) || 1.117.1, 1.8.13.1 {दैर्घतमसः कक्षीवान् | अश्विनौ | त्रिष्टुप्}
यो वा᳚मश्विना॒ मन॑सो॒ जवी᳚या॒न् रथः॒ स्वश्वो॒ विश॑ आ॒जिगा᳚ति | येन॒ गच्छ॑थः सु॒कृतो᳚ दुरो॒णं तेन॑ नरा व॒र्तिर॒स्मभ्यं᳚ यात॒म्(स्वाहा᳚) || 1.117.2, 1.8.13.2 {दैर्घतमसः कक्षीवान् | अश्विनौ | त्रिष्टुप्}
ऋषिं᳚ नरा॒वंह॑सः॒ पांच॑जन्यमृ॒बीसा॒दत्रिं᳚ मुंचथो ग॒णेन॑ | मि॒नंता॒ दस्यो॒रशि॑वस्य मा॒या, अ॑नुपू॒र्वं वृ॑षणा चो॒दयं᳚ता॒(स्वाहा᳚) || 1.117.3, 1.8.13.3 {दैर्घतमसः कक्षीवान् | अश्विनौ | त्रिष्टुप्}
अश्वं॒ न गू॒ळ्हम॑श्विना दु॒रेवै॒रृषिं᳚ नरा वृषणा रे॒भम॒प्सु | सं तं रि॑णीथो॒ विप्रु॑तं॒ दंसो᳚भि॒र्न वां᳚ जूर्यंति पू॒र्व्या कृ॒तानि॒(स्वाहा᳚) || 1.117.4, 1.8.13.4 {दैर्घतमसः कक्षीवान् | अश्विनौ | त्रिष्टुप्}
सु॒षु॒प्वांसं॒ न निरृ॑तेरु॒पस्थे॒ सूर्यं॒ न द॑स्रा॒ तम॑सि क्षि॒यंतं᳚ | शु॒भे रु॒क्मं न द॑र्श॒तं निखा᳚त॒मुदू᳚पथुरश्विना॒ वंद॑नाय॒(स्वाहा᳚) || 1.117.5, 1.8.13.5 {दैर्घतमसः कक्षीवान् | अश्विनौ | त्रिष्टुप्}
तद् वां᳚ नरा॒ शंस्यं᳚ पज्रि॒येण॑ क॒क्षीव॑ता नासत्या॒ परि॑ज्मन् | श॒फादश्व॑स्य वा॒जिनो॒ जना᳚य श॒तं कुं॒भाँ, अ॑सिंचतं॒ मधू᳚ना॒म्(स्वाहा᳚) || 1.117.6, 1.8.14.1 {दैर्घतमसः कक्षीवान् | अश्विनौ | त्रिष्टुप्}
यु॒वं न॑रा स्तुव॒ते कृ॑ष्णि॒याय॑ विष्णा॒प्वं᳚ ददथु॒र्विश्व॑काय | घोषा᳚यै चित् पितृ॒षदे᳚ दुरो॒णे पतिं॒ जूर्यं᳚त्या, अश्विनावदत्त॒म्(स्वाहा᳚) || 1.117.7, 1.8.14.2 {दैर्घतमसः कक्षीवान् | अश्विनौ | त्रिष्टुप्}
यु॒वं श्यावा᳚य॒ रुश॑तीमदत्तं म॒हः, क्षो॒णस्या᳚श्विना॒ कण्वा᳚य | प्र॒वाच्यं॒ तद् वृ॑षणा कृ॒तं वां॒ यन्ना᳚र्ष॒दाय॒ श्रवो᳚ अ॒ध्यध॑त्त॒म्(स्वाहा᳚) || 1.117.8, 1.8.14.3 {दैर्घतमसः कक्षीवान् | अश्विनौ | त्रिष्टुप्}
पु॒रू वर्पां᳚स्यश्विना॒ दधा᳚ना॒ नि पे॒दव॑ ऊहथुरा॒शुमश्वं᳚ | स॒ह॒स्र॒सां वा॒जिन॒मप्र॑तीतमहि॒हनं᳚ श्रव॒स्य1॑(अं॒) तरु॑त्र॒म्(स्वाहा᳚) || 1.117.9, 1.8.14.4 {दैर्घतमसः कक्षीवान् | अश्विनौ | त्रिष्टुप्}
ए॒तानि॑ वां श्रव॒स्या᳚ सुदानू॒ ब्रह्मां᳚गू॒षं सद॑नं॒ रोद॑स्योः | यद् वां᳚ प॒ज्रासो᳚ अश्विना॒ हवं᳚ते या॒तमि॒षा च॑ वि॒दुषे᳚ च॒ वाज॒म्(स्वाहा᳚) || 1.117.10, 1.8.14.5 {दैर्घतमसः कक्षीवान् | अश्विनौ | त्रिष्टुप्}
सू॒नोर्माने᳚नाश्विना गृणा॒ना वाजं॒ विप्रा᳚य भुरणा॒ रदं᳚ता | अ॒गस्त्ये॒ ब्रह्म॑णा वावृधा॒ना सं वि॒श्पलां᳚ नासत्यारिणीत॒म्(स्वाहा᳚) || 1.117.11, 1.8.15.1 {दैर्घतमसः कक्षीवान् | अश्विनौ | त्रिष्टुप्}
कुह॒ यांता᳚ सुष्टु॒तिं का॒व्यस्य॒ दिवो᳚ नपाता वृषणा शयु॒त्रा | हिर᳚ण्यस्येव क॒लशं॒ निखा᳚त॒मुदू᳚पथुर्दश॒मे, अ॑श्वि॒नाहं॒त्(स्वाहा᳚) || 1.117.12, 1.8.15.2 {दैर्घतमसः कक्षीवान् | अश्विनौ | त्रिष्टुप्}
यु॒वं च्यवा᳚नमश्विना॒ जरं᳚तं॒ पुन॒र्युवा᳚नं चक्रथुः॒ शची᳚भिः | यु॒वो रथं᳚ दुहि॒ता सूर्य॑स्य स॒ह श्रि॒या ना᳚सत्यावृणीत॒(स्वाहा᳚) || 1.117.13, 1.8.15.3 {दैर्घतमसः कक्षीवान् | अश्विनौ | त्रिष्टुप्}
यु॒वं तुग्रा᳚य पू॒र्व्येभि॒रेवैः᳚ पुनर्म॒न्याव॑भवतं युवाना | यु॒वं भु॒ज्युमर्ण॑सो॒ निः स॑मु॒द्राद् विभि॑रूहथुरृ॒ज्रेभि॒रश्वैः᳚(स्वाहा᳚) || 1.117.14, 1.8.15.4 {दैर्घतमसः कक्षीवान् | अश्विनौ | त्रिष्टुप्}
अजो᳚हवीदश्विना तौ॒ग्र्यो वां॒ प्रोळ्हः॑ समु॒द्रम᳚व्य॒थिर्ज॑ग॒न्वान् | निष्टमू᳚हथुः सु॒युजा॒ रथे᳚न॒ मनो᳚जवसा वृषणा स्व॒स्ति(स्वाहा᳚) || 1.117.15, 1.8.15.5 {दैर्घतमसः कक्षीवान् | अश्विनौ | त्रिष्टुप्}
अजो᳚हवीदश्विना॒ वर्ति॑का वामा॒स्नो यत् सी॒ममुं᳚चतं॒ वृक॑स्य | वि ज॒युषा᳚ ययथुः॒ सान्वद्रे᳚र्जा॒तं वि॒ष्वाचो᳚ अहतं वि॒षेण॒(स्वाहा᳚) || 1.117.16, 1.8.16.1 {दैर्घतमसः कक्षीवान् | अश्विनौ | त्रिष्टुप्}
श॒तं मे॒षान् वृ॒क्ये᳚ मामहा॒नं तमः॒ प्रणी᳚त॒मशि॑वेन पि॒त्रा | आक्षी, ऋ॒ज्राश्वे᳚ अश्विनावधत्तं॒ ज्योति॑रं॒धाय॑ चक्रथुर्वि॒चक्षे॒(स्वाहा᳚) || 1.117.17, 1.8.16.2 {दैर्घतमसः कक्षीवान् | अश्विनौ | त्रिष्टुप्}
शु॒नमं॒धाय॒ भर॑मह्वय॒त् सा वृ॒कीर॑श्विना वृषणा॒ नरेति॑ | जा॒रः क॒नीन॑ इव चक्षदा॒न ऋ॒ज्राश्वः॑ श॒तमेकं᳚ च मे॒षान्(स्वाहा᳚) || 1.117.18, 1.8.16.3 {दैर्घतमसः कक्षीवान् | अश्विनौ | त्रिष्टुप्}
म॒ही वा᳚मू॒तिर॑श्विना मयो॒भूरु॒त स्रा॒मं धि॑ष्ण्या॒ सं रि॑णीथः | अथा᳚ यु॒वामिद॑ह्वय॒त् पुरं᳚धि॒राग॑च्छतं सीं वृषणा॒ववो᳚भिः॒(स्वाहा᳚) || 1.117.19, 1.8.16.4 {दैर्घतमसः कक्षीवान् | अश्विनौ | त्रिष्टुप्}
अधे᳚नुं दस्रा स्त॒र्य1॑(अं॒) विष॑क्ता॒मपि᳚न्वतं श॒यवे᳚ अश्विना॒ गां | यु॒वं शची᳚भिर्विम॒दाय॑ जा॒यां न्यू᳚हथुः पुरुमि॒त्रस्य॒ योषा॒म्(स्वाहा᳚) || 1.117.20, 1.8.16.5 {दैर्घतमसः कक्षीवान् | अश्विनौ | त्रिष्टुप्}
यवं॒ वृके᳚णाश्विना॒ वपं॒तेषं᳚ दु॒हंता॒ मनु॑षाय दस्रा | अ॒भि दस्युं॒ बकु॑रेणा॒ धमं᳚तो॒रु ज्योति॑श्चक्रथु॒रार्या᳚य॒(स्वाहा᳚) || 1.117.21, 1.8.17.1 {दैर्घतमसः कक्षीवान् | अश्विनौ | त्रिष्टुप्}
आ॒थ॒र्व॒णाया᳚श्विना दधी॒चेऽश्व्यं॒ शिरः॒ प्रत्यै᳚रयतं | स वां॒ मधु॒ प्र वो᳚चदृता॒यन् त्वा॒ष्ट्रं यद्द॑स्रावपिक॒क्ष्यं᳚ वा॒म्(स्वाहा᳚) || 1.117.22, 1.8.17.2 {दैर्घतमसः कक्षीवान् | अश्विनौ | त्रिष्टुप्}
सदा᳚ कवी सुम॒तिमा च॑के वां॒ विश्वा॒ धियो᳚ अश्विना॒ प्राव॑तं मे | अ॒स्मे र॒यिं ना᳚सत्या बृ॒हंत॑मपत्य॒साचं॒ श्रुत्यं᳚ रराथा॒म्(स्वाहा᳚) || 1.117.23, 1.8.17.3 {दैर्घतमसः कक्षीवान् | अश्विनौ | त्रिष्टुप्}
हिर᳚ण्यहस्तमश्विना॒ ररा᳚णा पु॒त्रं न॑रा वध्रिम॒त्या, अ॑दत्तं | त्रिधा᳚ ह॒ श्याव॑मश्विना॒ विक॑स्त॒मुज्जी॒वस॑ ऐरयतं सुदानू॒(स्वाहा᳚) || 1.117.24, 1.8.17.4 {दैर्घतमसः कक्षीवान् | अश्विनौ | त्रिष्टुप्}
ए॒तानि॑ वामश्विना वी॒र्या᳚णि॒ प्र पू॒र्व्याण्या॒यवो᳚ऽवोचन् | ब्रह्म॑ कृ॒ण्वंतो᳚ वृषणा यु॒वभ्यां᳚ सु॒वीरा᳚सो वि॒दथ॒मा व॑देम॒(स्वाहा᳚) || 1.117.25, 1.8.17.5 {दैर्घतमसः कक्षीवान् | अश्विनौ | त्रिष्टुप्}
[118] आवांरथइत्येकादशर्चस्य सूक्तस्य दैर्घतमसः कक्षीवानश्विनौत्रिष्टुप् |
आ वां॒ रथो᳚ अश्विना श्ये॒नप॑त्वा सुमृळी॒कः स्ववाँ᳚ यात्व॒र्वाङ् | यो मर्त्य॑स्य॒ मन॑सो॒ जवी᳚यान् त्रिवंधु॒रो वृ॑षणा॒ वात॑रंहाः॒(स्वाहा᳚) || 1.118.1, 1.8.18.1 {दैर्घतमसः कक्षीवान् | अश्विनौ | त्रिष्टुप्}
त्रि॒वं॒धु॒रेण॑ त्रि॒वृता॒ रथे᳚न त्रिच॒क्रेण॑ सु॒वृता या᳚तम॒र्वाक् | पिन्व॑तं॒ गा जिन्व॑त॒मर्व॑तो नो व॒र्धय॑तमश्विना वी॒रम॒स्मे(स्वाहा᳚) || 1.118.2, 1.8.18.2 {दैर्घतमसः कक्षीवान् | अश्विनौ | त्रिष्टुप्}
प्र॒वद्या᳚मना सु॒वृता॒ रथे᳚न॒ दस्रा᳚वि॒मं शृ॑णुतं॒ श्लोक॒मद्रेः᳚ | किमं॒ग वां॒ प्रत्यव॑र्तिं॒ गमि॑ष्ठा॒हुर्विप्रा᳚सो, अश्विना पुरा॒जाः(स्वाहा᳚) || 1.118.3, 1.8.18.3 {दैर्घतमसः कक्षीवान् | अश्विनौ | त्रिष्टुप्}
आ वां᳚ श्ये॒नासो᳚ अश्विना वहंतु॒ रथे᳚ यु॒क्तास॑ आ॒शवः॑ पतं॒गाः | ये, अ॒प्तुरो᳚ दि॒व्यासो॒ न गृध्रा᳚ अ॒भि प्रयो᳚ नासत्या॒ वहं᳚ति॒(स्वाहा᳚) || 1.118.4, 1.8.18.4 {दैर्घतमसः कक्षीवान् | अश्विनौ | त्रिष्टुप्}
आ वां॒ रथं᳚ युव॒तिस्ति॑ष्ठ॒दत्र॑ जु॒ष्ट्वी न॑रा दुहि॒ता सूर्य॑स्य | परि॑ वा॒मश्वा॒ वपु॑षः पतं॒गा वयो᳚ वहंत्वरु॒षा, अ॒भीके॒(स्वाहा᳚) || 1.118.5, 1.8.18.5 {दैर्घतमसः कक्षीवान् | अश्विनौ | त्रिष्टुप्}
उद् वंद॑नमैरतं दं॒सना᳚भि॒रुद्रे॒भं द॑स्रा वृषणा॒ शची᳚भिः | निष्टौ॒ग्र्यं पा᳚रयथः समु॒द्रात् पुन॒श्च्यवा᳚नं चक्रथु॒र्युवा᳚न॒म्(स्वाहा᳚) || 1.118.6, 1.8.19.1 {दैर्घतमसः कक्षीवान् | अश्विनौ | त्रिष्टुप्}
यु॒वमत्र॒येऽव॑नीताय त॒प्तमूर्ज॑मो॒मान॑मश्विनावधत्तं | यु॒वं कण्वा॒यापि॑रिप्ताय॒ चक्षुः॒ प्रत्य॑धत्तं सुष्टु॒तिं जु॑जुषा॒णा(स्वाहा᳚) || 1.118.7, 1.8.19.2 {दैर्घतमसः कक्षीवान् | अश्विनौ | त्रिष्टुप्}
यु॒वं धे॒नुं श॒यवे᳚ नाधि॒तायापि᳚न्वतमश्विना पू॒र्व्याय॑ | अमुं᳚चतं॒ वर्ति॑का॒मंह॑सो॒ निः प्रति॒ जंघां᳚ वि॒श्पला᳚या, अधत्त॒म्(स्वाहा᳚) || 1.118.8, 1.8.19.3 {दैर्घतमसः कक्षीवान् | अश्विनौ | त्रिष्टुप्}
यु॒वं श्वे॒तं पे॒दव॒ इंद्र॑जूतमहि॒हन॑मश्विनादत्त॒मश्वं᳚ | जो॒हूत्र॑म॒र्यो, अ॒भिभू᳚तिमु॒ग्रं स॑हस्र॒सां वृष॑णं वी॒ड्वं᳚ग॒म्(स्वाहा᳚) || 1.118.9, 1.8.19.4 {दैर्घतमसः कक्षीवान् | अश्विनौ | त्रिष्टुप्}
ता वां᳚ नरा॒ स्वव॑से सुजा॒ता हवा᳚महे, अश्विना॒ नाध॑मानाः | आ न॒ उप॒ वसु॑मता॒ रथे᳚न॒ गिरो᳚ जुषा॒णा सु॑वि॒ताय॑ यात॒म्(स्वाहा᳚) || 1.118.10, 1.8.19.5 {दैर्घतमसः कक्षीवान् | अश्विनौ | त्रिष्टुप्}
आ श्ये॒नस्य॒ जव॑सा॒ नूत॑नेना॒स्मे या᳚तं नासत्या स॒जोषाः᳚ | हवे॒ हि वा᳚मश्विना रा॒तह᳚व्यः शश्वत्त॒माया᳚ उ॒षसो॒ व्यु॑ष्टौ॒(स्वाहा᳚) || 1.118.11, 1.8.19.6 {दैर्घतमसः कक्षीवान् | अश्विनौ | त्रिष्टुप्}
[119] आवांरथमिति दशर्चस्य सूक्तस्य दैर्घतमसः कक्षीवानश्विनौजगती |
आ वां॒ रथं᳚ पुरुमा॒यं म॑नो॒जुवं᳚ जी॒राश्वं᳚ य॒ज्ञियं᳚ जी॒वसे᳚ हुवे | स॒हस्र॑केतुं व॒निनं᳚ श॒तद्व॑सुं श्रुष्टी॒वानं᳚ वरिवो॒धाम॒भि प्रयः॒(स्वाहा᳚) || 1.119.1, 1.8.20.1 {दैर्घतमसः कक्षीवान् | अश्विनौ | जगती}
ऊ॒र्ध्वा धी॒तिः प्रत्य॑स्य॒ प्रया᳚म॒न्यधा᳚यि॒ शस्मं॒त्सम॑यंत॒ आ दिशः॑ | स्वदा᳚मि घ॒र्मं प्रति॑ यंत्यू॒तय॒ आ वा᳚मू॒र्जानी॒ रथ॑मश्विनारुह॒त्(स्वाहा᳚) || 1.119.2, 1.8.20.2 {दैर्घतमसः कक्षीवान् | अश्विनौ | जगती}
सं यन्मि॒थः प॑स्पृधा॒नासो॒, अग्म॑त शु॒भे म॒खा, अमि॑ता जा॒यवो॒ रणे᳚ | यु॒वोरह॑ प्रव॒णे चे᳚किते॒ रथो॒ यद॑श्विना॒ वह॑थः सू॒रिमा वर॒म्(स्वाहा᳚) || 1.119.3, 1.8.20.3 {दैर्घतमसः कक्षीवान् | अश्विनौ | जगती}
यु॒वं भु॒ज्युं भु॒रमा᳚णं॒ विभि॑र्ग॒तं स्वयु॑क्तिभिर्नि॒वहं᳚ता पि॒तृभ्य॒ आ | या॒सि॒ष्टं व॒र्तिर्वृ॑षणा विजे॒न्य1॑(अं॒) दिवो᳚दासाय॒ महि॑ चेति वा॒मवः॒(स्वाहा᳚) || 1.119.4, 1.8.20.4 {दैर्घतमसः कक्षीवान् | अश्विनौ | जगती}
यु॒वोर॑श्विना॒ वपु॑षे युवा॒युजं॒ रथं॒ वाणी᳚ येमतुरस्य॒ शर्ध्यं᳚ | आ वां᳚ पति॒त्वं स॒ख्याय॑ ज॒ग्मुषी॒ योषा᳚वृणीत॒ जेन्या᳚ यु॒वां पती॒(स्वाहा᳚) || 1.119.5, 1.8.20.5 {दैर्घतमसः कक्षीवान् | अश्विनौ | जगती}
यु॒वं रे॒भं परि॑षूतेरुरुष्यथो हि॒मेन॑ घ॒र्मं परि॑तप्त॒मत्र॑ये | यु॒वं श॒योर॑व॒सं पि॑प्यथु॒र्गवि॒ प्र दी॒र्घेण॒ वंद॑नस्ता॒र्यायु॑षा॒(स्वाहा᳚) || 1.119.6, 1.8.21.1 {दैर्घतमसः कक्षीवान् | अश्विनौ | जगती}
यु॒वं वंद॑नं॒ निरृ॑तं जर॒ण्यया॒ रथं॒ न द॑स्रा कर॒णा समि᳚न्वथः | क्षेत्रा॒दा विप्रं᳚ जनथो विप॒न्यया॒ प्र वा॒मत्र॑ विध॒ते दं॒सना᳚ भुव॒त्(स्वाहा᳚) || 1.119.7, 1.8.21.2 {दैर्घतमसः कक्षीवान् | अश्विनौ | जगती}
अग॑च्छतं॒ कृप॑माणं परा॒वति॑ पि॒तुः स्वस्य॒ त्यज॑सा॒ निबा᳚धितं | स्व᳚र्वतीरि॒त ऊ॒तीर्यु॒वोरह॑ चि॒त्रा, अ॒भीके᳚ अभवन्न॒भिष्ट॑यः॒(स्वाहा᳚) || 1.119.8, 1.8.21.3 {दैर्घतमसः कक्षीवान् | अश्विनौ | जगती}
उ॒त स्या वां॒ मधु॑म॒न्मक्षि॑कारप॒न्मदे॒ सोम॑स्यौशि॒जो हु॑वन्यति | यु॒वं द॑धी॒चो मन॒ आ वि॑वास॒थोऽथा॒ शिरः॒ प्रति॑ वा॒मश्व्यं᳚ वद॒त्(स्वाहा᳚) || 1.119.9, 1.8.21.4 {दैर्घतमसः कक्षीवान् | अश्विनौ | जगती}
यु॒वं पे॒दवे᳚ पुरु॒वार॑मश्विना स्पृ॒धां श्वे॒तं त॑रु॒तारं᳚ दुवस्यथः | शर्यै᳚र॒भिद्युं॒ पृत॑नासु दु॒ष्टरं᳚ च॒र्कृत्य॒मिंद्र॑मिव चर्षणी॒सह॒म्(स्वाहा᳚) || 1.119.10, 1.8.21.5 {दैर्घतमसः कक्षीवान् | अश्विनौ | जगती}
[120] काराधदिति द्वादशर्चस्य सूक्तस्य दैर्घतमसः कक्षीवानश्विनौ आद्यागायत्री द्वितीयाककुप् तृतीयाकाविराट् चतुर्थीनष्टरूपी पंचमीतनुशिरा षष्ट्युष्णिक् सप्तमीविष्टारबृहत्यष्टमीकृतिर्नवमीविराट्अंत्यास्तिस्रोगायत्र्यः ( अंत्यादुःस्वप्ननाशिनी )
का रा᳚ध॒द्धोत्रा᳚श्विना वां॒ को वां॒ जोष॑ उ॒भयोः᳚ | क॒था वि॑धा॒त्यप्र॑चेताः॒(स्वाहा᳚) || 1.120.1, 1.8.22.1 {दैर्घतमसः कक्षीवान् | अश्विनौ | गायत्री}
वि॒द्वांसा॒विद्दुरः॑ पृच्छे॒दवि॑द्वानि॒त्थाप॑रो, अचे॒ताः | नू चि॒न्नु मर्ते॒, अक्रौ॒(स्वाहा᳚) || 1.120.2, 1.8.22.2 {दैर्घतमसः कक्षीवान् | अश्विनौ | ककुप्}
ता वि॒द्वांसा᳚ हवामहे वां॒ ता नो᳚ वि॒द्वांसा॒ मन्म॑ वोचेतम॒द्य | प्रार्च॒द्दय॑मानो यु॒वाकुः॒(स्वाहा᳚) || 1.120.3, 1.8.22.3 {दैर्घतमसः कक्षीवान् | अश्विनौ | काविराट्}
वि पृ॑च्छामि पा॒क्या॒3॑(आ॒) न दे॒वान् वष॑ट्कृतस्याद् भु॒तस्य॑ दस्रा | पा॒तं च॒ सह्य॑सो यु॒वं च॒ रभ्य॑सो नः॒(स्वाहा᳚) || 1.120.4, 1.8.22.4 {दैर्घतमसः कक्षीवान् | अश्विनौ | नष्टरूपी}
प्र या घोषे॒ भृग॑वाणे॒ न शोभे॒ यया᳚ वा॒चा यज॑ति पज्रि॒यो वां᳚ | प्रैष॒युर्न वि॒द्वान्(स्वाहा᳚) || 1.120.5, 1.8.22.5 {दैर्घतमसः कक्षीवान् | अश्विनौ | तनुशिरा}
श्रु॒तं गा᳚य॒त्रं तक॑वानस्या॒ऽहं चि॒द्धि रि॒रेभा᳚श्विना वां | आक्षी शु॑भस्पती॒ दन्(स्वाहा᳚) || 1.120.6, 1.8.23.1 {दैर्घतमसः कक्षीवान् | अश्विनौ | उष्णिक्}
यु॒वं ह्यास्तं᳚ म॒हो रन् यु॒वं वा॒ यन्नि॒रत॑तंसतं | ता नो᳚ वसू सुगो॒पा स्या᳚तं पा॒तं नो॒ वृका᳚दघा॒योः(स्वाहा᳚) || 1.120.7, 1.8.23.2 {दैर्घतमसः कक्षीवान् | अश्विनौ | विष्टारबृहती}
मा कस्मै᳚ धातम॒भ्य॑मि॒त्रिणे᳚ नो॒ माकुत्रा᳚ नो गृ॒हेभ्यो᳚ धे॒नवो᳚ गुः | स्त॒ना॒भुजो॒, अशि॑श्वीः॒(स्वाहा᳚) || 1.120.8, 1.8.23.3 {दैर्घतमसः कक्षीवान् | अश्विनौ | कृतिः}
दु॒ही॒यन् मि॒त्रधि॑तये यु॒वाकु॑ रा॒ये च॑ नो मिमी॒तं वाज॑वत्यै | इ॒षे च॑ नो मिमीतं धेनु॒मत्यै॒(स्वाहा᳚) || 1.120.9, 1.8.23.4 {दैर्घतमसः कक्षीवान् | अश्विनौ | विराट्}
अ॒श्विनो᳚रसनं॒ रथ॑मन॒श्वं वा॒जिनी᳚वतोः | तेना॒हं भूरि॑ चाकन॒(स्वाहा᳚) || 1.120.10, 1.8.23.5 {दैर्घतमसः कक्षीवान् | अश्विनौ | गायत्री}
अ॒यं स॑मह मा तनू॒ह्याते॒ जनाँ॒, अनु॑ | सो॒म॒पेयं᳚ सु॒खो रथः॒(स्वाहा᳚) || 1.120.11, 1.8.23.6 {दैर्घतमसः कक्षीवान् | अश्विनौ | गायत्री}
अध॒ स्वप्न॑स्य॒ निर्वि॒देऽभुं᳚जतश्च रे॒वतः॑ | उ॒भा ता बस्रि॑ नश्यतः॒(स्वाहा᳚) || 1.120.12, 1.8.23.7 {दैर्घतमसः कक्षीवान् | अश्विनौ | गायत्री}
[121] कदित्थेति पंचदशर्चस्य सूक्तस्य दैर्घतमसः कक्षीवानिंद्रस्त्रिष्टुप् (विश्वेदेवावा) |
कदि॒त्था नॄँः पात्रं᳚ देवय॒तां श्रव॒द्गिरो॒, अंगि॑रसां तुर॒ण्यन् | प्र यदान॒ड्विश॒ आ ह॒र्म्यस्यो॒रु क्रं᳚सते, अध्व॒रे यज॑त्रः॒(स्वाहा᳚) || 1.121.1, 1.8.24.1 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
स्तंभी᳚द्ध॒ द्यां स ध॒रुणं᳚ प्रुषायदृ॒भुर्वाजा᳚य॒ द्रवि॑णं॒ नरो॒ गोः | अनु॑ स्व॒जां म॑हि॒षस् च॑क्षत॒ व्रां मेना॒मश्व॑स्य॒ परि॑ मा॒तरं॒ गोः(स्वाहा᳚) || 1.121.2, 1.8.24.2 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
नक्ष॒द्धव॑मरु॒णीः पू॒र्व्यं राट् तु॒रो वि॒शामंगि॑रसा॒मनु॒ द्यून् | तक्ष॒द्वज्रं॒ नियु॑तं त॒स्तंभ॒द्द्यां चतु॑ष्पदे॒ नर्या᳚य द्वि॒पादे॒(स्वाहा᳚) || 1.121.3, 1.8.24.3 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
अ॒स्य मदे᳚ स्व॒र्यं᳚ दा, ऋ॒तायापी᳚वृतमु॒स्रिया᳚णा॒मनी᳚कं | यद्ध॑ प्र॒सर्गे᳚ त्रिक॒कुम्नि॒वर्त॒दप॒ द्रुहो॒ मानु॑षस्य॒ दुरो᳚ वः॒(स्वाहा᳚) || 1.121.4, 1.8.24.4 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
तुभ्यं॒ पयो॒ यत् पि॒तरा॒वनी᳚तां॒ राधः॑ सु॒रेत॑स्तु॒रणे᳚ भुर॒ण्यू | शुचि॒ यत्ते॒ रेक्ण॒ आय॑जंत सब॒र्दुघा᳚याः॒ पय॑ उ॒स्रिया᳚याः॒(स्वाहा᳚) || 1.121.5, 1.8.24.5 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
अध॒ प्र ज॑ज्ञे त॒रणि᳚र्ममत्तु॒ प्र रो᳚च्य॒स्या, उ॒षसो॒ न सूरः॑ | इंदु॒र्येभि॒राष्ट॒ स्वेदु॑हव्यैः स्रु॒वेण॑ सिं॒चंज॒रणा॒भि धाम॒(स्वाहा᳚) || 1.121.6, 1.8.25.1 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
स्वि॒ध्मा यद् व॒नधि॑तिरप॒स्यात् सूरो᳚ अध्व॒रे परि॒ रोध॑ना॒ गोः | यद्ध॑ प्र॒भासि॒ कृत्व्याँ॒, अनु॒ द्यूनन᳚र्विशे प॒श्विषे᳚ तु॒राय॒(स्वाहा᳚) || 1.121.7, 1.8.25.2 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
अ॒ष्टा म॒हो दि॒व आदो॒ हरी᳚ इ॒ह द्यु᳚म्ना॒साह॑म॒भि यो᳚धा॒न उत्सं᳚ | हरिं॒ यत्ते᳚ मं॒दिनं᳚ दु॒क्षन् वृ॒धे गोर॑भस॒मद्रि॑भिर्वा॒ताप्य॒म्(स्वाहा᳚) || 1.121.8, 1.8.25.3 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
त्वमा᳚य॒सं प्रति॑ वर्तयो॒ गोर्दि॒वो, अश्मा᳚न॒मुप॑नीत॒मृभ्वा᳚ | कुत्सा᳚य॒ यत्र॑ पुरुहूत व॒न्वंछुष्ण॑मनं॒तैः प॑रि॒यासि॑ व॒धैः(स्वाहा᳚) || 1.121.9, 1.8.25.4 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
पु॒रा यत् सूर॒स्तम॑सो॒, अपी᳚ते॒स्तम॑द्रिवः फलि॒गं हे॒तिम॑स्य | शुष्ण॑स्य चि॒त् परि॑हितं॒ यदोजो᳚ दि॒वस्परि॒ सुग्र॑थितं॒ तदादः॒(स्वाहा᳚) || 1.121.10, 1.8.25.5 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
अनु॑ त्वा म॒ही पाज॑सी, अच॒क्रे द्यावा॒क्षामा᳚ मदतामिंद्र॒ कर्म॑न् | त्वं वृ॒त्रमा॒शया᳚नं सि॒रासु॑ म॒हो वज्रे᳚ण सिष्वपो व॒राहु॒म्(स्वाहा᳚) || 1.121.11, 1.8.26.1 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
त्वमिं᳚द्र॒ नर्यो॒ याँ, अवो॒ नॄन् तिष्ठा॒ वात॑स्य सु॒युजो॒ वहि॑ष्ठान् | यं ते᳚ का॒व्य उ॒शना᳚ मं॒दिनं॒ दाद् वृ॑त्र॒हणं॒ पार्यं᳚ ततक्ष॒ वज्र॒म्(स्वाहा᳚) || 1.121.12, 1.8.26.2 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
त्वं सूरो᳚ ह॒रितो᳚ रामयो॒ नॄन् भर॑च्च॒क्रमेत॑शो॒ नायमिं᳚द्र | प्रास्य॑ पा॒रं न॑व॒तिं ना॒व्या᳚ना॒मपि॑ क॒र्तम॑वर्त॒योऽय॑ज्यू॒न्(स्वाहा᳚) || 1.121.13, 1.8.26.3 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
त्वं नो᳚ अ॒स्या, इं᳚द्र दु॒र्हणा᳚याः पा॒हि व॑ज्रिवो दुरि॒ताद॒भीके᳚ | प्र नो॒ वाजा᳚न् र॒थ्यो॒3॑(ओ॒) अश्व॑बुध्यानि॒षे यं᳚धि॒ श्रव॑से सू॒नृता᳚यै॒(स्वाहा᳚) || 1.121.14, 1.8.26.4 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
मा सा ते᳚ अ॒स्मत् सु॑म॒तिर्वि द॑स॒द् वाज॑प्रमहः॒ समिषो᳚ वरंत | आ नो᳚ भज मघव॒न् गोष्व॒र्यो मंहि॑ष्ठास्ते सध॒मादः॑ स्याम॒(स्वाहा᳚) || 1.121.15, 1.8.26.5 {दैर्घतमसः कक्षीवान् | इंद्रो विश्वेदेवा वा | त्रिष्टुप्}
[122] प्रवःपांतमिति पंचदशर्चस्य सूक्तस्य दैर्घतमसः कक्षीवान्विश्वेदेवास्त्रिष्टुप् पंचमीषष्ठ्यौ विराड्रूपे | (भेदप्रयोगपक्षेतुआद्यानांषण्णांक्रमेणरुद्रमरुतउषासानक्ता विश्वेदेवाअश्विनौविश्वेदेवामित्रावरुणसिंधवोदेवताः ततोद्वयोर्विश्वेदेवाः ततोद्वयोर्मित्रावरुणौ अंत्य पंचानांविश्वेदेवाः एवं 15) |
प्र वः॒ पांतं᳚ रघुमन्य॒वोऽन्धो᳚ य॒ज्ञं रु॒द्राय॑ मी॒ळ्हुषे᳚ भरध्वं | दि॒वो, अ॑स्तो॒ष्यसु॑रस्य वी॒रैरि॑षु॒ध्येव॑ म॒रुतो॒ रोद॑स्योः॒(स्वाहा᳚) || 1.122.1, 2.1.1.1 {दैर्घतमसः कक्षीवान् | विश्वदेवाः | त्रिष्टुप्}
पत्नी᳚व पू॒र्वहू᳚तिं वावृ॒धध्या᳚ उ॒षासा॒नक्ता᳚ पुरु॒धा विदा᳚ने | स्त॒रीर्नात्कं॒ व्यु॑तं॒ वसा᳚ना॒ सूर्य॑स्य श्रि॒या सु॒दृशी॒ हिर᳚ण्यैः॒(स्वाहा᳚) || 1.122.2, 2.1.1.2 {दैर्घतमसः कक्षीवान् | विश्वदेवाः | त्रिष्टुप्}
म॒मत्तु॑ नः॒ परि॑ज्मा वस॒र्हा म॒मत्तु॒ वातो᳚ अ॒पां वृष᳚ण्वान् | शि॒शी॒तमिं᳚द्रापर्वता यु॒वं न॒स्तन्नो॒ विश्वे᳚ वरिवस्यंतु दे॒वाः(स्वाहा᳚) || 1.122.3, 2.1.1.3 {दैर्घतमसः कक्षीवान् | विश्वदेवाः | त्रिष्टुप्}
उ॒त त्या मे᳚ य॒शसा᳚ श्वेत॒नायै॒ व्यंता॒ पांतौ᳚शि॒जो हु॒वध्यै᳚ | प्र वो॒ नपा᳚तम॒पां कृ॑णुध्वं॒ प्र मा॒तरा᳚ रास्पि॒नस्या॒योः(स्वाहा᳚) || 1.122.4, 2.1.1.4 {दैर्घतमसः कक्षीवान् | विश्वदेवाः | त्रिष्टुप्}
आ वो᳚ रुव॒ण्युमौ᳚शि॒जो हु॒वध्यै॒ घोषे᳚व॒ शंस॒मर्जु॑नस्य॒ नंशे᳚ | प्र वः॑ पू॒ष्णे दा॒वन॒ आँ, अच्छा᳚ वोचेय व॒सुता᳚तिम॒ग्नेः(स्वाहा᳚) || 1.122.5, 2.1.1.5 {दैर्घतमसः कक्षीवान् | विश्वदेवाः | विराड्रूपा}
श्रु॒तं मे᳚ मित्रावरुणा॒ हवे॒मोत श्रु॑तं॒ सद॑ने वि॒श्वतः॑ सीं | श्रोतु॑ नः॒ श्रोतु॑रातिः सु॒श्रोतुः॑ सु॒क्षेत्रा॒ सिंधु॑र॒द्भिः(स्वाहा᳚) || 1.122.6, 2.1.2.1 {दैर्घतमसः कक्षीवान् | विश्वदेवाः | विराड्रूपा}
स्तु॒षे सा वां᳚ वरुण मित्र रा॒तिर्गवां᳚ श॒ता पृ॒क्षया᳚मेषु प॒ज्रे | श्रु॒तर॑थे प्रि॒यर॑थे॒ दधा᳚नाः स॒द्यः पु॒ष्टिं नि॑रुंधा॒नासो᳚ अग्म॒न्(स्वाहा᳚) || 1.122.7, 2.1.2.2 {दैर्घतमसः कक्षीवान् | विश्वदेवाः | त्रिष्टुप्}
अ॒स्य स्तु॑षे॒ महि॑मघस्य॒ राधः॒सचा᳚ सनेम॒ नहु॑षः सु॒वीराः᳚ | जनो॒ यः प॒ज्रेभ्यो᳚ वा॒जिनी᳚वा॒नश्वा᳚वतो र॒थिनो॒ मह्यं᳚ सू॒रिः(स्वाहा᳚) || 1.122.8, 2.1.2.3 {दैर्घतमसः कक्षीवान् | विश्वदेवाः | त्रिष्टुप्}
जनो॒ यो मि॑त्रावरुणावभि॒ध्रुग॒पो न वां᳚ सु॒नोत्य॑क्ष्णया॒ध्रुक् | स्व॒यं स यक्ष्मं॒ हृद॑ये॒ नि ध॑त्त॒ आप॒ यदीं॒ होत्रा᳚भिरृ॒तावा॒(स्वाहा᳚) || 1.122.9, 2.1.2.4 {दैर्घतमसः कक्षीवान् | विश्वदेवाः | त्रिष्टुप्}
स व्राध॑तो॒ नहु॑षो॒ दंसु॑जूतः॒ शर्ध॑स्तरो न॒रां गू॒र्तश्र॑वाः | विसृ॑ष्टरातिर्याति बाळ्ह॒सृत्वा॒ विश्वा᳚सु पृ॒त्सु सद॒मिच्छूरः॒(स्वाहा᳚) || 1.122.10, 2.1.2.5 {दैर्घतमसः कक्षीवान् | विश्वदेवाः | त्रिष्टुप्}
अध॒ ग्मंता॒ नहु॑षो॒ हवं᳚ सू॒रेः श्रोता᳚ राजानो, अ॒मृत॑स्य मंद्राः | न॒भो॒जुवो॒ यन्नि॑र॒वस्य॒ राधः॒ प्रश॑स्तये महि॒ना रथ॑वते॒(स्वाहा᳚) || 1.122.11, 2.1.3.1 {दैर्घतमसः कक्षीवान् | विश्वदेवाः | त्रिष्टुप्}
ए॒तं शर्धं᳚ धाम॒ यस्य॑ सू॒रेरित्य॑वोचं॒दश॑तयस्य॒ नंशे᳚ | द्यु॒म्नानि॒ येषु॑ व॒सुता᳚ती रा॒रन् विश्वे᳚ सन्वंतु प्रभृ॒थेषु॒ वाज॒म्(स्वाहा᳚) || 1.122.12, 2.1.3.2 {दैर्घतमसः कक्षीवान् | विश्वदेवाः | त्रिष्टुप्}
मंदा᳚महे॒ दश॑तयस्य धा॒सेर्द्विर्यत् पंच॒ बिभ्र॑तो॒ यंत्यन्ना᳚ | किमि॒ष्टाश्व॑ इ॒ष्टर॑श्मिरे॒त ई᳚शा॒नास॒स्तरु॑ष ऋंजते॒ नॄ॒न्(स्वाहा᳚) || 1.122.13, 2.1.3.3 {दैर्घतमसः कक्षीवान् | विश्वदेवाः | त्रिष्टुप्}
हिर᳚ण्यकर्णं मणिग्रीव॒मर्ण॒स्तन्नो॒ विश्वे᳚ वरिवस्यंतु दे॒वाः | अ॒र्यो गिरः॑ स॒द्य आ ज॒ग्मुषी॒रोस्राश्चा᳚कंतू॒ भये᳚ष्व॒स्मे(स्वाहा᳚) || 1.122.14, 2.1.3.4 {दैर्घतमसः कक्षीवान् | विश्वदेवाः | त्रिष्टुप्}
च॒त्वारो᳚ मा मश॒र्शार॑स्य॒ शिश्व॒स्त्रयो॒ राज्ञ॒ आय॑वसस्य जि॒ष्णोः | रथो᳚ वां मित्रावरुणा दी॒र्घाप्साः॒ स्यूम॑गभस्तिः॒ सूरो॒ नाद्यौ॒त्(स्वाहा᳚) || 1.122.15, 2.1.3.5 {दैर्घतमसः कक्षीवान् | विश्वदेवाः | त्रिष्टुप्}
[123] पृथूरथइति त्रयोदशर्चस्य सूक्तस्य दैर्घतमसः कक्षीवानुषास्त्रिष्टुप् |
पृ॒थू रथो॒ दक्षि॑णाया, अयो॒ज्यैनं᳚ दे॒वासो᳚ अ॒मृता᳚सो, अस्थुः | कृ॒ष्णादुद॑स्थाद॒र्या॒3॑(आ॒) विहा᳚या॒श्चिकि॑त्संती॒ मानु॑षाय॒ क्षया᳚य॒(स्वाहा᳚) || 1.123.1, 2.1.4.1 {दैर्घतमसः कक्षीवान् | उषाः | त्रिष्टुप्}
पूर्वा॒ विश्व॑स्मा॒द् भुव॑नादबोधि॒ जयं᳚ती॒ वाजं᳚ बृह॒ती सनु॑त्री | उ॒च्चा व्य॑ख्यद् युव॒तिः पु॑न॒र्भूरोषा, अ॑गन् प्रथ॒मा पू॒र्वहू᳚तौ॒(स्वाहा᳚) || 1.123.2, 2.1.4.2 {दैर्घतमसः कक्षीवान् | उषाः | त्रिष्टुप्}
यद॒द्य भा॒गं वि॒भजा᳚सि॒ नृभ्य॒ उषो᳚ देवि मर्त्य॒त्रा सु॑जाते | दे॒वो नो॒, अत्र॑ सवि॒ता दमू᳚ना॒, अना᳚गसो वोचति॒ सूर्या᳚य॒(स्वाहा᳚) || 1.123.3, 2.1.4.3 {दैर्घतमसः कक्षीवान् | उषाः | त्रिष्टुप्}
गृ॒हंगृ॑हमह॒ना या॒त्यच्छा᳚ दि॒वेदि॑वे॒, अधि॒ नामा॒ दधा᳚ना | सिषा᳚संती द्योत॒ना शश्व॒दागा॒दग्र॑मग्र॒मिद् भ॑जते॒ वसू᳚ना॒म्(स्वाहा᳚) || 1.123.4, 2.1.4.4 {दैर्घतमसः कक्षीवान् | उषाः | त्रिष्टुप्}
भग॑स्य॒ स्वसा॒ वरु॑णस्य जा॒मिरुषः॑ सूनृते प्रथ॒मा ज॑रस्व | प॒श्चा स द॑घ्या॒ यो, अ॒घस्य॑ धा॒ता जये᳚म॒ तं दक्षि॑णया॒ रथे᳚न॒(स्वाहा᳚) || 1.123.5, 2.1.4.5 {दैर्घतमसः कक्षीवान् | उषाः | त्रिष्टुप्}
उदी᳚रतां सू॒नृता॒, उत् पुरं᳚धी॒रुद॒ग्नयः॑ शुशुचा॒नासो᳚ अस्थुः | स्पा॒र्हा वसू᳚नि॒ तम॒साप॑गूळ्हा॒विष्कृ᳚ण्वंत्यु॒षसो᳚ विभा॒तीः(स्वाहा᳚) || 1.123.6, 2.1.5.1 {दैर्घतमसः कक्षीवान् | उषाः | त्रिष्टुप्}
अपा॒न्यदेत्य॒भ्य1॑(अ॒)न्यदे᳚ति॒ विषु॑रूपे॒, अह॑नी॒ सं च॑रेते | प॒रि॒क्षितो॒स्तमो᳚ अ॒न्या गुहा᳚क॒रद्यौ᳚दु॒षाः शोशु॑चता॒ रथे᳚न॒(स्वाहा᳚) || 1.123.7, 2.1.5.2 {दैर्घतमसः कक्षीवान् | उषाः | त्रिष्टुप्}
स॒दृशी᳚र॒द्य स॒दृशी॒रिदु॒ श्वो दी॒र्घं स॑चंते॒ वरु॑णस्य॒ धाम॑ | अ॒न॒व॒द्यास्त्रिं॒शतं॒ योज॑ना॒न्येकै᳚का॒ क्रतुं॒ परि॑ यंति स॒द्यः(स्वाहा᳚) || 1.123.8, 2.1.5.3 {दैर्घतमसः कक्षीवान् | उषाः | त्रिष्टुप्}
जा॒न॒त्यह्नः॑ प्रथ॒मस्य॒ नाम॑ शु॒क्रा कृ॒ष्णाद॑जनिष्ट श्विती॒ची | ऋ॒तस्य॒ योषा॒ न मि॑नाति॒ धामाह॑रहर्निष्कृ॒तमा॒चरं᳚ती॒(स्वाहा᳚) || 1.123.9, 2.1.5.4 {दैर्घतमसः कक्षीवान् | उषाः | त्रिष्टुप्}
क॒न्ये᳚व त॒न्वा॒3॑(आ॒) शाश॑दानाँ॒, एषि॑ देवि दे॒वमिय॑क्षमाणं | सं॒स्मय॑माना युव॒तिः पु॒रस्ता᳚दा॒विर्वक्षां᳚सि कृणुषे विभा॒ती(स्वाहा᳚) || 1.123.10, 2.1.5.5 {दैर्घतमसः कक्षीवान् | उषाः | त्रिष्टुप्}
सु॒सं॒का॒शा मा॒तृमृ॑ष्टेव॒ योषा॒विस्त॒न्वं᳚ कृणुषे दृ॒शे कं | भ॒द्रा त्वमु॑षो वित॒रं व्यु॑च्छ॒ न तत्ते᳚ अ॒न्या, उ॒षसो᳚ नशंत॒(स्वाहा᳚) || 1.123.11, 2.1.6.1 {दैर्घतमसः कक्षीवान् | उषाः | त्रिष्टुप्}
अश्वा᳚वती॒र्गोम॑तीर्वि॒श्ववा᳚रा॒ यत॑माना र॒श्मिभिः॒ सूर्य॑स्य | परा᳚ च॒ यंति॒ पुन॒रा च॑ यंति भ॒द्रा नाम॒ वह॑माना, उ॒षासः॒(स्वाहा᳚) || 1.123.12, 2.1.6.2 {दैर्घतमसः कक्षीवान् | उषाः | त्रिष्टुप्}
ऋ॒तस्य॑ र॒श्मिम॑नु॒यच्छ॑माना भ॒द्रंभ॑द्रं॒ क्रतु॑म॒स्मासु॑ धेहि | उषो᳚ नो, अ॒द्य सु॒हवा॒ व्यु॑च्छा॒ऽस्मासु॒ रायो᳚ म॒घव॑त्सु च स्युः॒(स्वाहा᳚) || 1.123.13, 2.1.6.3 {दैर्घतमसः कक्षीवान् | उषाः | त्रिष्टुप्}
[124] उषा उच्छंतीति त्रयोदशर्चस्य सूक्तस्य दैर्घतमसः कक्षीवानुषास्त्रिष्टुप् |
उ॒षा, उ॒च्छंती᳚ समिधा॒ने, अ॒ग्ना, उ॒द्यंत्सूर्य॑ उर्वि॒या ज्योति॑रश्रेत् | दे॒वो नो॒, अत्र॑ सवि॒ता न्वर्थं॒ प्रासा᳚वीद् द्वि॒पत् प्र चतु॑ष्पदि॒त्यै(स्वाहा᳚) || 1.124.1, 2.1.7.1 {दैर्घतमसः कक्षीवान् | उषाः | त्रिष्टुप्}
अमि॑नती॒ दैव्या᳚नि व्र॒तानि॑ प्रमिन॒ती म॑नु॒ष्या᳚ यु॒गानि॑ | ई॒युषी᳚णामुप॒मा शश्व॑तीनामायती॒नां प्र॑थ॒मोषा व्य॑द्यौ॒त्(स्वाहा᳚) || 1.124.2, 2.1.7.2 {दैर्घतमसः कक्षीवान् | उषाः | त्रिष्टुप्}
ए॒षा दि॒वो दु॑हि॒ताऽ प्रत्य॑दर्शि॒ ज्योति॒र्वसा᳚ना सम॒ना पु॒रस्ता᳚त् | ऋ॒तस्य॒ पंथा॒मन्वे᳚ति सा॒धु प्र॑जान॒तीव॒ न दिशो᳚ मिनाति॒(स्वाहा᳚) || 1.124.3, 2.1.7.3 {दैर्घतमसः कक्षीवान् | उषाः | त्रिष्टुप्}
उपो᳚ अदर्शि शुं॒ध्युवो॒ न वक्षो᳚ नो॒धा, इ॑वा॒विर॑कृत प्रि॒याणि॑ | अ॒द्म॒सन्न स॑स॒तो बो॒धयं᳚ती शश्वत्त॒मागा॒त् पुन॑रे॒युषी᳚णा॒म्(स्वाहा᳚) || 1.124.4, 2.1.7.4 {दैर्घतमसः कक्षीवान् | उषाः | त्रिष्टुप्}
पूर्वे॒, अर्धे॒ रज॑सो, अ॒प्त्यस्य॒ गवां॒ जनि॑त्र्यकृत॒ प्र के॒तुं | व्यु॑ प्रथते वित॒रं वरी᳚य॒ ओभा पृ॒णंती᳚ पि॒त्रोरु॒पस्था॒(स्वाहा᳚) || 1.124.5, 2.1.7.5 {दैर्घतमसः कक्षीवान् | उषाः | त्रिष्टुप्}
ए॒वेदे॒षा पु॑रु॒तमा᳚ दृ॒शे कं नाजा᳚मिं॒ न परि॑ वृणक्ति जा॒मिं | अ॒रे॒पसा᳚ त॒न्वा॒3॑(आ॒) शाश॑दाना॒ नार्भा॒दीष॑ते॒ न म॒हो वि॑भा॒ती(स्वाहा᳚) || 1.124.6, 2.1.8.1 {दैर्घतमसः कक्षीवान् | उषाः | त्रिष्टुप्}
अ॒भ्रा॒तेव॑ पुं॒स ए᳚ति प्रती॒ची ग॑र्ता॒रुगि॑व स॒नये॒ धना᳚नां | जा॒येव॒ पत्य॑ उश॒ती सु॒वासा᳚ उ॒षा ह॒स्रेव॒ नि रि॑णीते॒, अप्सः॒(स्वाहा᳚) || 1.124.7, 2.1.8.2 {दैर्घतमसः कक्षीवान् | उषाः | त्रिष्टुप्}
स्वसा॒ स्वस्रे॒ ज्याय॑स्यै॒ योनि॑मारै॒गपै᳚त्यस्याः प्रति॒चक्ष्ये᳚व | व्यु॒च्छंती᳚ र॒श्मिभिः॒ सूर्य॑स्यां॒ज्यं᳚क्ते समन॒गा, इ॑व॒ व्राः(स्वाहा᳚) || 1.124.8, 2.1.8.3 {दैर्घतमसः कक्षीवान् | उषाः | त्रिष्टुप्}
आ॒सां पूर्वा᳚सा॒मह॑सु॒ स्वसॄ᳚णा॒मप॑रा॒ पूर्वा᳚म॒भ्ये᳚ति प॒श्चात् | ताः प्र॑त्न॒वन्नव्य॑सीर्नू॒नम॒स्मे रे॒वदु॑च्छंतु सु॒दिना᳚ उ॒षासः॒(स्वाहा᳚) || 1.124.9, 2.1.8.4 {दैर्घतमसः कक्षीवान् | उषाः | त्रिष्टुप्}
प्र बो᳚धयोषः पृण॒तो म॑घो॒न्यबु॑ध्यमानाः प॒णयः॑ ससंतु | रे॒वदु॑च्छ म॒घव॑द्भ्यो मघोनि रे॒वत् स्तो॒त्रे सू᳚नृते जा॒रयं᳚ती॒(स्वाहा᳚) || 1.124.10, 2.1.8.5 {दैर्घतमसः कक्षीवान् | उषाः | त्रिष्टुप्}
अवे॒यम॑श्वैद् युव॒तिः पु॒रस्ता᳚द् युं॒क्ते गवा᳚मरु॒णाना॒मनी᳚कं | वि नू॒नमु॑च्छा॒दस॑ति॒ प्र के॒तुर्गृ॒हंगृ॑ह॒मुप॑ तिष्ठाते, अ॒ग्निः(स्वाहा᳚) || 1.124.11, 2.1.9.1 {दैर्घतमसः कक्षीवान् | उषाः | त्रिष्टुप्}
उत् ते॒ वय॑श्चिद् वस॒तेर॑पप्त॒न् नर॑श्च॒ ये पि॑तु॒भाजो॒ व्यु॑ष्टौ | अ॒मा स॒ते व॑हसि॒ भूरि॑ वा॒ममुषो᳚ देवि दा॒शुषे॒ मर्त्या᳚य॒(स्वाहा᳚) || 1.124.12, 2.1.9.2 {दैर्घतमसः कक्षीवान् | उषाः | त्रिष्टुप्}
अस्तो᳚ढ्वं स्तोम्या॒ ब्रह्म॑णा॒ मेऽवी᳚वृधध्वमुश॒तीरु॑षासः | यु॒ष्माकं᳚ देवी॒रव॑सा सनेम सह॒स्रिणं᳚ च श॒तिनं᳚ च॒ वाज॒म्(स्वाहा᳚) || 1.124.13, 2.1.9.3 {दैर्घतमसः कक्षीवान् | उषाः | त्रिष्टुप्}
[125] प्रातारत्नमिति सप्तर्चस्य सूक्तस्य दैर्घतमसः कक्षीवांत्स्वनयस्यदानस्तुतिस्त्रिष्टुप् चतुर्थीपंचम्यौजगत्यौ | (स्वनयनाम्नोराज्ञोदानस्तुतिरतःस्वनयोदेवता) |
प्रा॒ता रत्नं᳚ प्रात॒रित्वा᳚ दधाति॒ तं चि॑कि॒त्वान् प्र॑ति॒गृह्या॒ नि ध॑त्ते | तेन॑ प्र॒जां व॒र्धय॑मान॒ आयू᳚ रा॒यस्पोषे᳚ण सचते सु॒वीरः॒(स्वाहा᳚) || 1.125.1, 2.1.10.1 {दैर्घतमसः कक्षीवान् | स्वनयस्यदानस्तुतिः | त्रिष्टुप्}
सु॒गुर॑सत् सुहिर॒ण्यः स्वश्वो᳚ बृ॒हद॑स्मै॒ वय॒ इंद्रो᳚ दधाति | यस्त्वा॒यंतं॒ वसु॑ना ऽ प्रातरित्वो मु॒क्षीज॑येव॒ पदि॑मुत्सि॒नाति॒(स्वाहा᳚) || 1.125.2, 2.1.10.2 {दैर्घतमसः कक्षीवान् | स्वनयस्यदानस्तुतिः | त्रिष्टुप्}
आय॑म॒द्य सु॒कृतं᳚ प्रा॒तरि॒च्छन्नि॒ष्टेः पु॒त्रं वसु॑मता॒ रथे᳚न | अं॒शोः सु॒तं पा᳚यय मत्स॒रस्य॑ क्ष॒यद्वी᳚रं वर्धय सू॒नृता᳚भिः॒(स्वाहा᳚) || 1.125.3, 2.1.10.3 {दैर्घतमसः कक्षीवान् | स्वनयस्यदानस्तुतिः | त्रिष्टुप्}
उप॑ क्षरंति॒ सिंध॑वो मयो॒भुव॑ ईजा॒नं च॑ य॒क्ष्यमा᳚णं च धे॒नवः॑ | पृ॒णंतं᳚ च॒ पपु॑रिं च श्रव॒स्यवो᳚ घृ॒तस्य॒ धारा॒, उप॑ यंति वि॒श्वतः॒(स्वाहा᳚) || 1.125.4, 2.1.10.4 {दैर्घतमसः कक्षीवान् | स्वनयस्यदानस्तुतिः | जगती}
नाक॑स्य पृ॒ष्ठे, अधि॑ तिष्ठति श्रि॒तो यः पृ॒णाति॒ स ह॑ दे॒वेषु॑ गच्छति | तस्मा॒, आपो᳚ घृ॒तम॑र्षंति॒ सिंध॑व॒स्तस्मा᳚ इ॒यं दक्षि॑णा पिन्वते॒ सदा॒(स्वाहा᳚) || 1.125.5, 2.1.10.5 {दैर्घतमसः कक्षीवान् | स्वनयस्यदानस्तुतिः | जगती}
दक्षि॑णावता॒मिदि॒मानि॑ चि॒त्रा दक्षि॑णावतां दि॒वि सूर्या᳚सः | दक्षि॑णावंतो, अ॒मृतं᳚ भजंते॒ दक्षि॑णावंतः॒ प्र ति॑रंत॒ आयुः॒(स्वाहा᳚) || 1.125.6, 2.1.10.6 {दैर्घतमसः कक्षीवान् | स्वनयस्यदानस्तुतिः | त्रिष्टुप्}
मा पृ॒णंतो॒ दुरि॑त॒मेन॒ आर॒न् मा जा᳚रिषुः सू॒रयः॑ सुव्र॒तासः॑ | अ॒न्यस्तेषां᳚ परि॒धिर॑स्तु॒ कश्चि॒दपृ॑णंतम॒भि सं यं᳚तु॒ शोकाः᳚(स्वाहा᳚) || 1.125.7, 2.1.10.7 {दैर्घतमसः कक्षीवान् | स्वनयस्यदानस्तुतिः | त्रिष्टुप्}
[126] अमंदानिति सप्तर्चस्य सूक्तस्य दैर्घतमसः कक्षीवानृषिः आगधितेत्यस्यभावयव्यऋषिः रोमशादेवता उपोपमइत्यस्यरोमशाऋषिकास्वनयोदेवतात्रिष्टुप् अंत्येद्वेअनुष्टुभौ | (स्वनयएवभावयव्यशब्देनोच्यते रोमशास्वनयभार्याअंत्येद्वेऋचौतयोः परस्परंसंवादः आद्याभिःपंचभिर्दानुतष्टः कक्षीवान्भावयव्यमस्तौत् ततश्चसएवदेवता) |
अमं᳚दा॒न् त्स्तोमा॒न् प्र भ॑रे मनी॒षा सिंधा॒वधि॑ क्षिय॒तो भा॒व्यस्य॑ | यो मे᳚ स॒हस्र॒ममि॑मीत स॒वान॒तूर्तो॒ राजा॒ श्रव॑ इ॒च्छमा᳚नः॒(स्वाहा᳚) || 1.126.1, 2.1.11.1 {दैर्घतमसः कक्षीवान् | भावयव्यः | त्रिष्टुप्}
श॒तं राज्ञो॒ नाध॑मानस्य नि॒ष्काञ् छ॒तमश्वा॒न् प्रय॑तान् त्स॒द्य आदं᳚ | श॒तं क॒क्षीवाँ॒, असु॑रस्य॒ गोनां᳚ दि॒वि श्रवो॒ऽजर॒मा त॑तान॒(स्वाहा᳚) || 1.126.2, 2.1.11.2 {दैर्घतमसः कक्षीवान् | भावयव्यः | त्रिष्टुप्}
उप॑ मा श्या॒वाः स्व॒नये᳚न द॒त्ता व॒धूमं᳚तो॒ दश॒ रथा᳚सो, अस्थुः | ष॒ष्टिः स॒हस्र॒मनु॒ गव्य॒मागा॒त् सन॑त् क॒क्षीवाँ᳚, अभिपि॒त्वे, अह्ना॒म्(स्वाहा᳚) || 1.126.3, 2.1.11.3 {दैर्घतमसः कक्षीवान् | भावयव्यः | त्रिष्टुप्}
च॒त्वा॒रिं॒शद् दश॑रथस्य॒ शोणाः᳚ स॒हस्र॒स्याग्रे॒ श्रेणिं᳚ नयंति | म॒द॒च्युतः॑ कृश॒नाव॑तो॒, अत्या᳚न् क॒क्षीवं᳚त॒ उद॑मृक्षंत प॒ज्राः(स्वाहा᳚) || 1.126.4, 2.1.11.4 {दैर्घतमसः कक्षीवान् | भावयव्यः | त्रिष्टुप्}
पूर्वा॒मनु॒ प्रय॑ति॒मा द॑दे व॒स्त्रीन् यु॒क्ताँ, अ॒ष्टाव॒रिधा᳚यसो॒ गाः | सु॒बंध॑वो॒ ये वि॒श्या᳚ इव॒ व्रा, अन॑स्वंतः॒ श्रव॒ ऐषं᳚त प॒ज्राः(स्वाहा᳚) || 1.126.5, 2.1.11.5 {दैर्घतमसः कक्षीवान् | भावयव्यः | त्रिष्टुप्}
आग॑धिता॒ परि॑गधिता॒ या क॑शी॒केव॒ जंग॑हे | ददा᳚ति॒ मह्यं॒ यादु॑री॒ याशू᳚नां भो॒ज्या᳚ श॒ता(स्वाहा᳚) || 1.126.6, 2.1.11.6 {भावयव्यः | रोमशा | अनुष्टुप्}
उपो᳚प मे॒ परा᳚ मृश॒ मा मे᳚ द॒भ्राणि॑ मन्यथाः | सर्वा॒हम॑स्मि रोम॒शा गं॒धारी᳚णामिवावि॒का(स्वाहा᳚) || 1.126.7, 2.1.11.7 {रोमशा | स्वनयो | अनुष्टुप्}
[127] अग्निहोतारमित्येकादशर्चस्य सूक्तस्य दैवोदासिःपरुच्छेपोऽग्निरत्यष्टिः षष्ट्यतिधृतिः |
अ॒ग्निं होता᳚रं मन्ये॒ दास्वं᳚तं॒ वसुं᳚ सू॒नुं सह॑सो जा॒तवे᳚दसं॒ विप्रं॒ न जा॒तवे᳚दसं | य ऊ॒र्ध्वया᳚ स्वध्व॒रो दे॒वो दे॒वाच्या᳚ कृ॒पा | घृ॒तस्य॒ विभ्रा᳚ष्टि॒मनु॑ वष्टि शो॒चिषा॒ऽऽ जुह्वा᳚नस्य स॒र्पिषः॒(स्वाहा᳚) || 1.127.1, 2.1.12.1 {दैवोदासिः परुच्छेपः | अग्निः | अत्यष्टिः}
यजि॑ष्ठं त्वा॒ यज॑माना हुवेम॒ ज्येष्ठ॒मंगि॑रसां विप्र॒ मन्म॑भि॒र्विप्रे᳚भिः शुक्र॒ मन्म॑भिः | परि॑ज्मानमिव॒ द्यां होता᳚रं चर्षणी॒नां | शो॒चिष्के᳚शं॒ वृष॑णं॒ यमि॒मा विशः॒ प्रावं᳚तु जू॒तये॒ विशः॒(स्वाहा᳚) || 1.127.2, 2.1.12.2 {दैवोदासिः परुच्छेपः | अग्निः | अत्यष्टिः}
स हि पु॒रू चि॒दोज॑सा वि॒रुक्म॑ता॒ दीद्या᳚नो॒ भव॑ति द्रुहंत॒रः प॑र॒शुर्न द्रु॑हंत॒रः | वी॒ळु चि॒द्यस्य॒ समृ॑तौ॒ श्रुव॒द् वने᳚व॒ यत् स्थि॒रं | निः॒षह॑माणो यमते॒ नाय॑ते धन्वा॒सहा॒ नाय॑ते॒(स्वाहा᳚) || 1.127.3, 2.1.12.3 {दैवोदासिः परुच्छेपः | अग्निः | अत्यष्टिः}
दृ॒ळ्हा चि॑दस्मा॒, अनु॑ दु॒र्यथा᳚ वि॒दे तेजि॑ष्ठाभिर॒रणि॑भिर्दा॒ष्ट्यव॑से॒ऽग्नये᳚ दा॒ष्ट्यव॑से | प्र यः पु॒रूणि॒ गाह॑ते॒ तक्ष॒द् वने᳚व शो॒चिषा᳚ | स्थि॒रा चि॒दन्ना॒ नि रि॑णा॒त्योज॑सा॒ नि स्थि॒राणि॑ चि॒दोज॑सा॒(स्वाहा᳚) || 1.127.4, 2.1.12.4 {दैवोदासिः परुच्छेपः | अग्निः | अत्यष्टिः}
तम॑स्य पृ॒क्षमुप॑रासु धीमहि॒ नक्तं॒ यः सु॒दर्श॑तरो॒ दिवा᳚तरा॒दप्रा᳚युषे॒ दिवा᳚तरात् | आद॒स्यायु॒र्ग्रभ॑णवद् वी॒ळु शर्म॒ न सू॒नवे᳚ | भ॒क्तमभ॑क्त॒मवो॒ व्यंतो᳚ अ॒जरा᳚ अ॒ग्नयो॒ व्यंतो᳚ अ॒जराः᳚(स्वाहा᳚) || 1.127.5, 2.1.12.5 {दैवोदासिः परुच्छेपः | अग्निः | अत्यष्टिः}
स हि शर्धो॒ न मारु॑तं तुवि॒ष्वणि॒रप्न॑स्वतीषू॒र्वरा᳚स्वि॒ष्टनि॒रार्त॑नास्वि॒ष्टनिः॑ | आद॑द्ध॒व्यान्या᳚द॒दिर्य॒ज्ञस्य॑ के॒तुर॒र्हणा᳚ | अध॑ स्मास्य॒ हर्ष॑तो॒ हृषी᳚वतो॒ विश्वे᳚ जुषंत॒ पंथां॒ नरः॑ शु॒भे न पंथा॒म्(स्वाहा᳚) || 1.127.6, 2.1.13.1 {दैवोदासिः परुच्छेपः | अग्निः | अतिधृतिः}
द्वि॒ता यदीं᳚ की॒स्तासो᳚ अ॒भिद्य॑वो नम॒स्यंत॑ उप॒वोचं᳚त॒ भृग॑वो म॒थ्नंतो᳚ दा॒शा भृग॑वः | अ॒ग्निरी᳚शे॒ वसू᳚नां॒ शुचि॒र्यो ध॒र्णिरे᳚षां | प्रि॒याँ, अ॑पि॒धीँर्व॑निषीष्ट॒ मेधि॑र॒ आ व॑निषीष्ट॒ मेधि॑रः॒(स्वाहा᳚) || 1.127.7, 2.1.13.2 {दैवोदासिः परुच्छेपः | अग्निः | अत्यष्टिः}
विश्वा᳚सां त्वा वि॒शां पतिं᳚ हवामहे॒ सर्वा᳚सां समा॒नं दंप॑तिं भु॒जे स॒त्यगि᳚र्वाहसं भु॒जे | अति॑थिं॒ मानु॑षाणां पि॒तुर्न यस्या᳚स॒या | अ॒मी च॒ विश्वे᳚ अ॒मृता᳚स॒ आ वयो᳚ ह॒व्या दे॒वेष्वा वयः॒(स्वाहा᳚) || 1.127.8, 2.1.13.3 {दैवोदासिः परुच्छेपः | अग्निः | अत्यष्टिः}
त्वम॑ग्ने॒ सह॑सा॒ सहं᳚तमः शु॒ष्मिंत॑मो जायसे दे॒वता᳚तये र॒यिर्न दे॒वता᳚तये | शु॒ष्मिंत॑मो॒ हि ते॒ मदो᳚ द्यु॒म्निंत॑म उ॒त क्रतुः॑ | अध॑ स्मा ते॒ परि॑ चरंत्यजर श्रुष्टी॒वानो॒ नाज॑र॒(स्वाहा᳚) || 1.127.9, 2.1.13.4 {दैवोदासिः परुच्छेपः | अग्निः | अत्यष्टिः}
प्र वो᳚ म॒हे सह॑सा॒ सह॑स्वत उष॒र्बुधे᳚ पशु॒षे नाग्नये॒ स्तोमो᳚ बभूत्व॒ग्नये᳚ | प्रति॒ यदीं᳚ ह॒विष्मा॒न् विश्वा᳚सु॒ क्षासु॒ जोगु॑वे | अग्रे᳚ रे॒भो न ज॑रत ऋषू॒णां जूर्णि॒र्होत॑ ऋषू॒णां(स्वाहा᳚) || 1.127.10, 2.1.13.5 {दैवोदासिः परुच्छेपः | अग्निः | अत्यष्टिः}
स नो॒ नेदि॑ष्ठं॒ ददृ॑शान॒ आ भ॒राग्ने᳚ दे॒वेभिः॒ सच॑नाः सुचे॒तुना᳚ म॒हो रा॒यः सु॑चे॒तुना᳚ | महि॑ शविष्ठ नस्कृधि सं॒चक्षे᳚ भु॒जे, अ॒स्यै | महि॑ स्तो॒तृभ्यो᳚ मघवन् त्सु॒वीर्यं॒ मथी᳚रु॒ग्रो न शव॑सा॒(स्वाहा᳚) || 1.127.11, 2.1.13.6 {दैवोदासिः परुच्छेपः | अग्निः | अत्यष्टिः}
[128] अयंजायतेत्यष्टर्चस्य सूक्तस्य दैवोदासिःपरुच्छेपोग्निरत्यष्टिः |
अ॒यं जा᳚यत॒ मनु॑षो॒ धरी᳚मणि॒ होता॒ यजि॑ष्ठ उ॒शिजा॒मनु᳚ व्र॒तम॒ग्निः स्वमनु᳚ व्र॒तं | वि॒श्वश्रु॑ष्टिः सखीय॒ते र॒यिरि॑व श्रवस्य॒ते | अद॑ब्धो॒ होता॒ नि ष॑ददि॒ळस्प॒दे परि॑वीत इ॒ळस्प॒दे(स्वाहा᳚) || 1.128.1, 2.1.14.1 {दैवोदासिः परुच्छेपः | अग्निः | अत्यष्टिः}
तं य॑ज्ञ॒साध॒मपि॑ वातयामस्यृ॒तस्य॑ प॒था नम॑सा ह॒विष्म॑ता दे॒वता᳚ता ह॒विष्म॑ता | स न॑ ऊ॒र्जामु॒पाभृ॑त्य॒या कृ॒पा न जू᳚र्यति | यं मा᳚त॒रिश्वा॒ मन॑वे परा॒वतो᳚ दे॒वं भाः प॑रा॒वतः॒(स्वाहा᳚) || 1.128.2, 2.1.14.2 {दैवोदासिः परुच्छेपः | अग्निः | अत्यष्टिः}
एवे᳚न स॒द्यः पर्ये᳚ति॒ पार्थि॑वं मुहु॒र्गी रेतो᳚ वृष॒भः कनि॑क्रद॒द् दध॒द्रेतः॒ कनि॑क्रदत् | श॒तं चक्षा᳚णो, अ॒क्षभि॑र्दे॒वो वने᳚षु तु॒र्वणिः॑ | सदो॒ दधा᳚न॒ उप॑रेषु॒ सानु॑ष्व॒ग्निः परे᳚षु॒ सानु॑षु॒(स्वाहा᳚) || 1.128.3, 2.1.14.3 {दैवोदासिः परुच्छेपः | अग्निः | अत्यष्टिः}
स सु॒क्रतुः॑ पु॒रोहि॑तो॒ दमे᳚दमे॒ऽग्निर्य॒ज्ञस्या᳚ध्व॒रस्य॑ चेतति॒ क्रत्वा᳚ य॒ज्ञस्य॑ चेतति | क्रत्वा᳚ वे॒धा, इ॑षूय॒ते विश्वा᳚ जा॒तानि॑ पस्पशे | यतो᳚ घृत॒श्रीरति॑थि॒रजा᳚यत॒ वह्नि᳚र्वे॒धा, अजा᳚यत॒(स्वाहा᳚) || 1.128.4, 2.1.14.4 {दैवोदासिः परुच्छेपः | अग्निः | अत्यष्टिः}
क्रत्वा॒ यद॑स्य॒ तवि॑षीषु पृं॒चते॒ऽग्नेरवे᳚ण म॒रुतां॒ न भो॒ज्ये᳚षि॒राय॒ न भो॒ज्या᳚ | स हि ष्मा॒ दान॒मिन्व॑ति॒ वसू᳚नां च म॒ज्मना᳚ | स न॑स्त्रासते दुरि॒ताद॑भि॒ह्रुतः॒ शंसा᳚द॒घाद॑भि॒ह्रुतः॒(स्वाहा᳚) || 1.128.5, 2.1.14.5 {दैवोदासिः परुच्छेपः | अग्निः | अत्यष्टिः}
विश्वो॒ विहा᳚या, अर॒तिर्वसु॑र्दधे॒ हस्ते॒ दक्षि॑णे त॒रणि॒र्न शि॑श्रथच्छ्रव॒स्यया॒ न शि॑श्रथत् | विश्व॑स्मा॒, इदि॑षुध्य॒ते दे᳚व॒त्रा ह॒व्यमोहि॑षे | विश्व॑स्मा॒, इत् सु॒कृते॒ वार॑मृण्वत्य॒ग्निर्द्वारा॒ व्यृ᳚ण्वति॒(स्वाहा᳚) || 1.128.6, 2.1.15.1 {दैवोदासिः परुच्छेपः | अग्निः | अत्यष्टिः}
स मानु॑षे वृ॒जने॒ शंत॑मो हि॒तो॒3॑(ओ॒)ऽग्निर्य॒ज्ञेषु॒ जेन्यो॒ न वि॒श्पतिः॑ प्रि॒यो य॒ज्ञेषु॑ वि॒श्पतिः॑ | स ह॒व्या मानु॑षाणामि॒ळा कृ॒तानि॑ पत्यते | स न॑स्त्रासते॒ वरु॑णस्य धू॒र्तेर्म॒हो दे॒वस्य॑ धू॒र्तेः(स्वाहा᳚) || 1.128.7, 2.1.15.2 {दैवोदासिः परुच्छेपः | अग्निः | अत्यष्टिः}
अ॒ग्निं होता᳚रमीळते॒ वसु॑धितिं प्रि॒यं चेति॑ष्ठमर॒तिं न्ये᳚रिरे हव्य॒वाहं॒ न्ये᳚रिरे | वि॒श्वायुं᳚ वि॒श्ववे᳚दसं॒ होता᳚रं यज॒तं क॒विं | दे॒वासो᳚ र॒ण्वमव॑से वसू॒यवो᳚ गी॒र्भी र॒ण्वं व॑सू॒यवः॒(स्वाहा᳚) || 1.128.8, 2.1.15.3 {दैवोदासिः परुच्छेपः | अग्निः | अत्यष्टिः}
[129] यंत्वंरथमित्येकादशर्चस्य सूक्तस्य दैवोदासिः परुच्छेपइंद्रः षष्ट्याइंदुरत्यष्टिः अष्टमीनवम्यावतिशक्वर्यावेकादश्यष्टिः |
यं त्वं रथ॑मिंद्र मे॒धसा᳚तयेऽपा॒का संत॑मिषिर प्र॒णय॑सि॒ प्रान॑वद्य॒ नय॑सि | स॒द्यश्चि॒त्तम॒भिष्ट॑ये॒ करो॒ वश॑श्च वा॒जिनं᳚ | सास्माक॑मनवद्य तूतुजान वे॒धसा᳚मि॒मां वाचं॒ न वे॒धसा॒म्(स्वाहा᳚) || 1.129.1, 2.1.16.1 {दैवोदासिः परुच्छेपः | इंद्रः | अत्यष्टिः}
स श्रु॑धि॒ यः स्मा॒ पृत॑नासु॒ कासु॑ चिद् द॒क्षाय्य॑ इंद्र॒ भर॑हूतये॒ नृभि॒रसि॒ प्रतू᳚र्तये॒ नृभिः॑ | यः शूरैः॒ स्व1॑(अः॒) सनि॑ता॒ यो विप्रै॒र्वाजं॒ तरु॑ता | तमी᳚शा॒नास॑ इरधंत वा॒जिनं᳚ पृ॒क्षमत्यं॒ न वा॒जिन॒म्(स्वाहा᳚) || 1.129.2, 2.1.16.2 {दैवोदासिः परुच्छेपः | इंद्रः | अत्यष्टिः}
द॒स्मो हि ष्मा॒ वृष॑णं॒ पिन्व॑सि॒ त्वचं॒ कं चि॑द्यावीर॒ररुं᳚ शूर॒ मर्त्यं᳚ परिवृ॒णक्षि॒ मर्त्यं᳚ | इंद्रो॒त तुभ्यं॒ तद्दि॒वे तद्रु॒द्राय॒ स्वय॑शसे | मि॒त्राय॑ वोचं॒ वरु॑णाय स॒प्रथः॑ सुमृळी॒काय॑ स॒प्रथः॒(स्वाहा᳚) || 1.129.3, 2.1.16.3 {दैवोदासिः परुच्छेपः | इंद्रः | अत्यष्टिः}
अ॒स्माकं᳚ व॒ इंद्र॑मुश्मसी॒ष्टये॒ सखा᳚यं वि॒श्वायुं᳚ प्रा॒सहं॒ युजं॒ वाजे᳚षु प्रा॒सहं॒ युजं᳚ | अ॒स्माकं॒ ब्रह्मो॒तयेऽवा᳚ पृ॒त्सुषु॒ कासु॑ चित् | न॒हि त्वा॒ शत्रुः॒ स्तर॑ते स्तृ॒णोषि॒ यं विश्वं॒ शत्रुं᳚ स्तृ॒णोषि॒ यं(स्वाहा᳚) || 1.129.4, 2.1.16.4 {दैवोदासिः परुच्छेपः | इंद्रः | अत्यष्टिः}
नि षू न॒माति॑मतिं॒ कय॑स्य चि॒त् तेजि॑ष्ठाभिर॒रणि॑भि॒र्नोतिभि॑रु॒ग्राभि॑रुग्रो॒तिभिः॑ | नेषि॑ णो॒ यथा᳚ पु॒राने॒नाः शू᳚र॒ मन्य॑से | विश्वा᳚नि पू॒रोरप॑ पर्षि॒ वह्नि॑रा॒सा वह्नि᳚र्नो॒, अच्छ॒(स्वाहा᳚) || 1.129.5, 2.1.16.5 {दैवोदासिः परुच्छेपः | इंद्रः | अत्यष्टिः}
प्र तद् वो᳚चेयं॒ भव्या॒येंद॑वे॒ हव्यो॒ न य इ॒षवा॒न् मन्म॒ रेज॑ति रक्षो॒हा मन्म॒ रेज॑ति | स्व॒यं सो, अ॒स्मदा नि॒दो व॒धैर॑जेत दुर्म॒तिं | अव॑ स्रवेद॒घशं᳚सोऽवत॒रमव॑ क्षु॒द्रमि॑व स्रवे॒त्(स्वाहा᳚) || 1.129.6, 2.1.17.1 {दैवोदासिः परुच्छेपः | इंदुः | अत्यष्टिः}
व॒नेम॒ तद्धोत्र॑या चि॒तंत्या᳚ व॒नेम॑ र॒यिं र॑यिवः सु॒वीर्यं᳚ र॒ण्वं संतं᳚ सु॒वीर्यं᳚ | दु॒र्मन्मा᳚नं सु॒मंतु॑भि॒रेमि॒षा पृ॑चीमहि | आ स॒त्याभि॒रिंद्रं᳚ द्यु॒म्नहू᳚तिभि॒र्यज॑त्रं द्यु॒म्नहू᳚तिभिः॒(स्वाहा᳚) || 1.129.7, 2.1.17.2 {दैवोदासिः परुच्छेपः | इंद्रः | अत्यष्टिः}
प्रप्रा᳚ वो, अ॒स्मे स्वय॑शोभिरू॒ती प॑रिव॒र्ग इंद्रो᳚ दुर्मती॒नां दरी᳚मन् दुर्मती॒नां | स्व॒यं सा रि॑ष॒यध्यै॒ या न॑ उपे॒षे, अ॒त्रैः | ह॒तेम॑स॒न्न व॑क्षति क्षि॒प्ता जू॒र्णिर्न व॑क्षति॒(स्वाहा᳚) || 1.129.8, 2.1.17.3 {दैवोदासिः परुच्छेपः | इंद्रः | अतिशक्वरी}
त्वं न॑ इंद्र रा॒या परी᳚णसा या॒हि प॒थाँ, अ॑ने॒हसा᳚ पु॒रो या᳚ह्यर॒क्षसा᳚ | सच॑स्व नः परा॒क आ सच॑स्वास्तमी॒क आ | पा॒हि नो᳚ दू॒रादा॒राद॒भिष्टि॑भिः॒ सदा᳚ पाह्य॒भिष्टि॑भिः॒(स्वाहा᳚) || 1.129.9, 2.1.17.4 {दैवोदासिः परुच्छेपः | इंद्रः | अतिशक्वरी}
त्वं न॑ इंद्र रा॒या तरू᳚षसो॒ऽग्रं चि॑त् त्वा महि॒मा स॑क्ष॒दव॑से म॒हे मि॒त्रं नाव॑से | ओजि॑ष्ठ॒ त्रात॒रवि॑ता॒ रथं॒ कं चि॑दमर्त्य | अ॒न्यम॒स्मद् रि॑रिषेः॒ कं चि॑दद्रिवो॒ रिरि॑क्षंतं चिदद्रिवः॒(स्वाहा᳚) || 1.129.10, 2.1.17.5 {दैवोदासिः परुच्छेपः | इंद्रः | अत्यष्टिः}
पा॒हि न॑ इंद्र सुष्टुत स्रि॒धो᳚ऽवया॒ता सद॒मिद्दु᳚र्मती॒नां दे॒वः सन् दु᳚र्मती॒नां | हं॒ता पा॒पस्य॑ र॒क्षस॑स्त्रा॒ता विप्र॑स्य॒ माव॑तः | अधा॒ हि त्वा᳚ जनि॒ता जीज॑नद् वसो रक्षो॒हणं᳚ त्वा॒ जीज॑नद् वसो॒(स्वाहा᳚) || 1.129.11, 2.1.17.6 {दैवोदासिः परुच्छेपः | इंद्रः | अष्टिः}
[130] एंद्रयाहीतिदशर्चस्य सूक्तस्य दैवोदासिः परुच्छेपइंद्रोत्यष्टिरंत्यात्रिष्टुप् | (अष्टिरित्येवप्रयोगः साधुः)|
एंद्र॑ या॒ह्युप॑ नः परा॒वतो॒ नायमच्छा᳚ वि॒दथा᳚नीव॒ सत्प॑ति॒रस्तं॒ राजे᳚व॒ सत्प॑तिः | हवा᳚महे त्वा व॒यं प्रय॑स्वंतः सु॒ते सचा᳚ | पु॒त्रासो॒ न पि॒तरं॒ वाज॑सातये॒ मंहि॑ष्ठं॒ वाज॑सातये॒(स्वाहा᳚) || 1.130.1, 2.1.18.1 {दैवोदासिः परुच्छेपः | इंद्रः | अत्यष्टिः}
पिबा॒ सोम॑मिंद्र सुवा॒नमद्रि॑भिः॒ कोशे᳚न सि॒क्तम॑व॒तं न वंस॑गस्तातृषा॒णो न वंस॑गः | मदा᳚य हर्य॒ताय॑ ते तु॒विष्ट॑माय॒ धाय॑से | आ त्वा᳚ यच्छंतु ह॒रितो॒ न सूर्य॒महा॒ विश्वे᳚व॒ सूर्य॒म्(स्वाहा᳚) || 1.130.2, 2.1.18.2 {दैवोदासिः परुच्छेपः | इंद्रः | अत्यष्टिः}
अविं᳚दद्दि॒वो निहि॑तं॒ गुहा᳚ नि॒धिं वेर्न गर्भं॒ परि॑वीत॒मश्म᳚न्यनं॒ते, अं॒तरश्म॑नि | व्र॒जं व॒ज्री गवा᳚मिव॒ सिषा᳚स॒न्नंगि॑रस्तमः | अपा᳚वृणो॒दिष॒ इंद्रः॒ परी᳚वृता॒ द्वार॒ इषः॒ परी᳚वृताः॒(स्वाहा᳚) || 1.130.3, 2.1.18.3 {दैवोदासिः परुच्छेपः | इंद्रः | अत्यष्टिः}
दा॒दृ॒हा॒णो वज्र॒मिंद्रो॒ गभ॑स्त्योः॒, क्षद्मे᳚व ति॒ग्ममस॑नाय॒ सं श्य॑दहि॒हत्या᳚य॒ सं श्य॑त् | सं॒वि॒व्या॒न ओज॑सा॒ शवो᳚भिरिंद्र म॒ज्मना᳚ | तष्टे᳚व वृ॒क्षं व॒निनो॒ नि वृ॑श्चसि पर॒श्वेव॒ नि वृ॑श्चसि॒(स्वाहा᳚) || 1.130.4, 2.1.18.4 {दैवोदासिः परुच्छेपः | इंद्रः | अत्यष्टिः}
त्वं वृथा᳚ न॒द्य॑ इंद्र॒ सर्त॒वेऽच्छा᳚ समु॒द्रम॑सृजो॒ रथाँ᳚, इव वाजय॒तो रथाँ᳚, इव | इ॒त ऊ॒तीर॑युंजत समा॒नमर्थ॒मक्षि॑तं | धे॒नूरि॑व॒ मन॑वे वि॒श्वदो᳚हसो॒ जना᳚य वि॒श्वदो᳚हसः॒(स्वाहा᳚) || 1.130.5, 2.1.18.5 {दैवोदासिः परुच्छेपः | इंद्रः | अत्यष्टिः}
इ॒मां ते॒ वाचं᳚ वसू॒यंत॑ आ॒यवो॒ रथं॒ न धीरः॒ स्वपा᳚ अतक्षिषुः सु॒म्नाय॒ त्वाम॑तक्षिषुः | शुं॒भंतो॒ जेन्यं᳚ यथा॒ वाजे᳚षु विप्र वा॒जिनं᳚ | अत्य॑मिव॒ शव॑से सा॒तये॒ धना॒ विश्वा॒ धना᳚नि सा॒तये॒(स्वाहा᳚) || 1.130.6, 2.1.19.1 {दैवोदासिः परुच्छेपः | इंद्रः | अत्यष्टिः}
भि॒नत् पुरो᳚ नव॒तिमिं᳚द्र पू॒रवे॒ दिवो᳚दासाय॒ महि॑ दा॒शुषे᳚ नृतो॒ वज्रे᳚ण दा॒शुषे᳚ नृतो | अ॒ति॒थि॒ग्वाय॒ शंब॑रं गि॒रेरु॒ग्रो, अवा᳚भरत् | म॒हो धना᳚नि॒ दय॑मान॒ ओज॑सा॒ विश्वा॒ धना॒न्योज॑सा॒(स्वाहा᳚) || 1.130.7, 2.1.19.2 {दैवोदासिः परुच्छेपः | इंद्रः | अत्यष्टिः}
इंद्रः॑ स॒मत्सु॒ यज॑मान॒मार्यं॒ प्राव॒द् विश्वे᳚षु श॒तमू᳚तिरा॒जिषु॒ स्व᳚र्मीळ्हेष्वा॒जिषु॑ | मन॑वे॒ शास॑दव्र॒तान् त्वचं᳚ कृ॒ष्णाम॑रंधयत् | दक्ष॒न्न विश्वं᳚ ततृषा॒णमो᳚षति॒ न्य॑र्शसा॒नमो᳚षति॒(स्वाहा᳚) || 1.130.8, 2.1.19.3 {दैवोदासिः परुच्छेपः | इंद्रः | अत्यष्टिः}
सूर॑श्च॒क्रं प्र वृ॑हज्जा॒त ओज॑सा ऽप्रपि॒त्वे वाच॑मरु॒णो मु॑षायतीशा॒न आ मु॑षायति | उ॒शना॒ यत् प॑रा॒वतोऽज॑गन्नू॒तये᳚ कवे | सु॒म्नानि॒ विश्वा॒ मनु॑षेव तु॒र्वणि॒रहा॒ विश्वे᳚व तु॒र्वणिः॒(स्वाहा᳚) || 1.130.9, 2.1.19.4 {दैवोदासिः परुच्छेपः | इंद्रः | अत्यष्टिः}
स नो॒ नव्ये᳚भिर्वृषकर्मन्नु॒क्थैः पुरां᳚ दर्तः पा॒युभिः॑ पाहि श॒ग्मैः | दि॒वो॒दा॒सेभि॑रिंद्र॒ स्तवा᳚नो वावृधी॒था, अहो᳚भिरिव॒ द्यौः(स्वाहा᳚) || 1.130.10, 2.1.19.5 {दैवोदासिः परुच्छेपः | इंद्रः | त्रिष्टुप्}
[131] इंद्रायहीति सप्तर्चस्य सूक्तस्य दैवोदासिः परुच्छेपइंद्रोत्यष्टिः |
इंद्रा᳚य॒ हि द्यौरसु॑रो॒, अन᳚म्न॒तेंद्रा᳚य म॒ही पृ॑थि॒वी वरी᳚मभिर्द्यु॒म्नसा᳚ता॒ वरी᳚मभिः | इंद्रं॒ विश्वे᳚ स॒जोष॑सो दे॒वासो᳚ दधिरे पु॒रः | इंद्रा᳚य॒ विश्वा॒ सव॑नानि॒ मानु॑षा रा॒तानि॑ संतु॒ मानु॑षा॒(स्वाहा᳚) || 1.131.1, 2.1.20.1 {दैवोदासिः परुच्छेपः | इंद्रः | अत्यष्टिः}
विश्वे᳚षु॒ हि त्वा॒ सव॑नेषु तुं॒जते᳚ समा॒नमेकं॒ वृष॑मण्यवः॒ पृथ॒क् स्वः॑ सनि॒ष्यवः॒ पृथ॑क् | तं त्वा॒ नावं॒ न प॒र्षणिं᳚ शू॒षस्य॑ धु॒रि धी᳚महि | इंद्रं॒ न य॒ज्ञैश्चि॒तयं᳚त आ॒यवः॒ स्तोमे᳚भि॒रिंद्र॑मा॒यवः॒(स्वाहा᳚) || 1.131.2, 2.1.20.2 {दैवोदासिः परुच्छेपः | इंद्रः | अत्यष्टिः}
वि त्वा᳚ ततस्रे मिथु॒ना, अ॑व॒स्यवो᳚ व्र॒जस्य॑ सा॒ता गव्य॑स्य निः॒सृजः॒ सक्षं᳚त इंद्र निः॒सृजः॑ | यद् ग॒व्यंता॒ द्वा जना॒ स्व1॑(अ॒)र्यंता᳚ स॒मूह॑सि | आ॒विष्करि॑क्र॒द् वृष॑णं सचा॒भुवं॒ वज्र॑मिंद्र सचा॒भुव॒म्(स्वाहा᳚) || 1.131.3, 2.1.20.3 {दैवोदासिः परुच्छेपः | इंद्रः | अत्यष्टिः}
वि॒दुष्टे᳚ अ॒स्य वी॒र्य॑स्य पू॒रवः॒ पुरो॒ यदिं᳚द्र॒ शार॑दीर॒वाति॑रः सासहा॒नो, अ॒वाति॑रः | शास॒स्तमिं᳚द्र॒ मर्त्य॒मय॑ज्युं शवसस्पते | म॒हीम॑मुष्णाः पृथि॒वीमि॒मा, अ॒पो मं᳚दसा॒न इ॒मा, अ॒पः(स्वाहा᳚) || 1.131.4, 2.1.20.4 {दैवोदासिः परुच्छेपः | इंद्रः | अत्यष्टिः}
आदित्ते᳚ अ॒स्य वी॒र्य॑स्य चर्किर॒न् मदे᳚षु वृषन्नु॒शिजो॒ यदावि॑थ सखीय॒तो यदावि॑थ | च॒कर्थ॑ का॒रमे᳚भ्यः॒ पृत॑नासु॒ प्रवं᳚तवे | ते, अ॒न्याम᳚न्यां न॒द्यं᳚ सनिष्णत श्रव॒स्यंतः॑ सनिष्णत॒(स्वाहा᳚) || 1.131.5, 2.1.20.5 {दैवोदासिः परुच्छेपः | इंद्रः | अत्यष्टिः}
उ॒तो नो᳚ अ॒स्या, उ॒षसो᳚ जु॒षेत॒ ह्य1॑(अ॒)र्कस्य॑ बोधि ह॒विषो॒ हवी᳚मभिः॒ स्व॑र्षाता॒ हवी᳚मभिः | यदिं᳚द्र॒ हंत॑वे॒ मृधो॒ वृषा᳚ वज्रिं॒चिके᳚तसि | आ मे᳚ अ॒स्य वे॒धसो॒ नवी᳚यसो॒ मन्म॑ श्रुधि॒ नवी᳚यसः॒(स्वाहा᳚) || 1.131.6, 2.1.20.6 {दैवोदासिः परुच्छेपः | इंद्रः | अत्यष्टिः}
त्वं तमिं᳚द्र वावृधा॒नो, अ॑स्म॒युर॑मित्र॒यंतं᳚ तुविजात॒ मर्त्यं॒ वज्रे᳚ण शूर॒ मर्त्यं᳚ | ज॒हि यो नो᳚ अघा॒यति॑ शृणु॒ष्व सु॒श्रव॑स्तमः | रि॒ष्टं न याम॒न्नप॑ भूतु दुर्म॒तिर्विश्वाप॑ भूतु दुर्म॒तिः(स्वाहा᳚) || 1.131.7, 2.1.20.7 {दैवोदासिः परुच्छेपः | इंद्रः | अत्यष्टिः}
[132] त्वयावयमिति षडृचस्य सूक्तस्य दैवोदासिः परुच्छेपइंद्रोयुवंतमिंद्रेत्यर्धचइंद्रापर्वतावत्यष्टिः
त्वया᳚ व॒यं म॑घव॒न् पूर्व्ये॒ धन॒ इंद्र॑त्वोताः सासह्याम पृतन्य॒तो व॑नु॒याम॑ वनुष्य॒तः | नेदि॑ष्ठे, अ॒स्मिन्नह॒न्यधि॑ वोचा॒ नु सु᳚न्व॒ते | अ॒स्मिन् य॒ज्ञे वि च॑येमा॒ भरे᳚ कृ॒तं वा᳚ज॒यंतो॒ भरे᳚ कृ॒तं(स्वाहा᳚) || 1.132.1, 2.1.21.1 {दैवोदासिः परुच्छेपः | इंद्रः | अत्यष्टिः}
स्व॒र्जे॒षे भर॑ आ॒प्रस्य॒ वक्म᳚न्युष॒र्बुधः॒ स्वस्मि॒न्नंज॑सि क्रा॒णस्य॒ स्वस्मि॒न्नंज॑सि | अह॒न्निंद्रो॒ यथा᳚ वि॒दे शी॒र्ष्णाशी᳚र्ष्णोप॒वाच्यः॑ | अ॒स्म॒त्रा ते᳚ स॒ध्र्य॑क् संतु रा॒तयो᳚ भ॒द्रा भ॒द्रस्य॑ रा॒तयः॒(स्वाहा᳚) || 1.132.2, 2.1.21.2 {दैवोदासिः परुच्छेपः | इंद्रः | अत्यष्टिः}
तत्तु प्रयः॑ प्र॒त्नथा᳚ ते शुशुक्व॒नं यस्मि᳚न् य॒ज्ञे वार॒मकृ᳚ण्वत॒ क्षय॑मृ॒तस्य॒ वार॑सि॒ क्षयं᳚ | वि तद्वो᳚चे॒रध॑ द्वि॒ताऽन्तः प॑श्यंति र॒श्मिभिः॑ | स घा᳚ विदे॒, अन्विंद्रो᳚ ग॒वेष॑णो बंधु॒क्षिद्भ्यो᳚ ग॒वेष॑णः॒(स्वाहा᳚) || 1.132.3, 2.1.21.3 {दैवोदासिः परुच्छेपः | इंद्रः | अत्यष्टिः}
नू, इ॒त्था ते᳚ पू॒र्वथा᳚ च प्र॒वाच्यं॒ यदंगि॑रो॒भ्योऽवृ॑णो॒रप᳚ व्र॒जमिंद्र॒ शिक्ष॒न्नप᳚ व्र॒जं | ऐभ्यः॑ समा॒न्या दि॒शाऽस्मभ्यं᳚ जेषि॒ योत्सि॑ च | सु॒न्वद्भ्यो᳚ रंधया॒ कं चि॑दव्र॒तं हृ॑णा॒यंतं᳚ चिदव्र॒तं(स्वाहा᳚) || 1.132.4, 2.1.21.4 {दैवोदासिः परुच्छेपः | इंद्रः | अत्यष्टिः}
सं यज्जना॒न् क्रतु॑भिः॒ शूर॑ ई॒क्षय॒द्धने᳚ हि॒ते त॑रुषंत श्रव॒स्यवः॒ प्र य॑क्षंत श्रव॒स्यवः॑ | तस्मा॒, आयुः॑ प्र॒जाव॒दिद् बाधे᳚ अर्चं॒त्योज॑सा | इंद्र॑ ओ॒क्यं᳚ दिधिषंत धी॒तयो᳚ दे॒वाँ, अच्छा॒ न धी॒तयः॒(स्वाहा᳚) || 1.132.5, 2.1.21.5 {दैवोदासिः परुच्छेपः | इंद्रः | अत्यष्टिः}
यु॒वं तमिं᳚द्रापर्वता पुरो॒युधा॒ यो नः॑ पृत॒न्यादप॒ तंत॒मिद्ध॑तं॒ वज्रे᳚ण॒ तंत॒मिद्ध॑तं | दू॒रे च॒त्ताय॑ च्छन् त्स॒द् गह॑नं॒ यदिन॑क्षत् | अ॒स्माकं॒ शत्रू॒न् परि॑ शूर वि॒श्वतो᳚ द॒र्मा द॑र्षीष्ट वि॒श्वतः॒(स्वाहा᳚) || 1.132.6, 2.1.21.6 {दैवोदासिः परुच्छेपः | 1/2:इंद्रापर्वतौ 2/2:इंद्रः | अत्यष्टिः}
[133] उभेपुनामीति सप्तर्चस्य सूक्तस्य दैवोदासिः परुच्छेपइंद्र आद्यात्रिष्टुप् द्वितीयादितिस्रोनुष्टुभः पंचमीगायत्री षष्ठीधृतिः सप्तम्यष्टिः |
उ॒भे पु॑नामि॒ रोद॑सी, ऋ॒तेन॒ द्रुहो᳚ दहामि॒ सं म॒हीर॑निं॒द्राः | अ॒भि॒व्लग्य॒ यत्र॑ ह॒ता, अ॒मित्रा᳚ वैलस्था॒नं परि॑ तृ॒ळ्हा, अशे᳚र॒न्(स्वाहा᳚) || 1.133.1, 2.1.22.1 {दैवोदासिः परुच्छेपः | इंद्रः | त्रिष्टुप्}
अ॒भि॒व्लग्या᳚ चिदद्रिवः शी॒र्षा या᳚तु॒मती᳚नां | छिं॒धि व॑टू॒रिणा᳚ प॒दा म॒हाव॑टूरिणा प॒दा(स्वाहा᳚) || 1.133.2, 2.1.22.2 {दैवोदासिः परुच्छेपः | इंद्रः | अनुष्टुप्}
अवा᳚सां मघवंजहि॒ शर्धो᳚ यातु॒मती᳚नां | वै॒ल॒स्था॒न॒के, अ᳚र्म॒के म॒हावै᳚लस्थे, अर्म॒के(स्वाहा᳚) || 1.133.3, 2.1.22.3 {दैवोदासिः परुच्छेपः | इंद्रः | अनुष्टुप्}
यासां᳚ ति॒स्रः पं᳚चा॒शतो᳚ऽभिव्लं॒गैर॒पाव॑पः | तत्सु ते᳚ मनायति त॒कत्सु ते᳚ मनायति॒(स्वाहा᳚) || 1.133.4, 2.1.22.4 {दैवोदासिः परुच्छेपः | इंद्रः | अनुष्टुप्}
पि॒शंग॑भृष्टिमंभृ॒णं पि॒शाचि॑मिंद्र॒ सं मृ॑ण | सर्वं॒ रक्षो॒ नि ब᳚र्हय॒(स्वाहा᳚) || 1.133.5, 2.1.22.5 {दैवोदासिः परुच्छेपः | इंद्रः | गायत्री}
अ॒वर्म॒ह इं᳚द्र दादृ॒हि श्रु॒धी नः॑ शु॒शोच॒ हि द्यौः, क्षा न भी॒षाँ, अ॑द्रिवो घृ॒णान्न भी॒षाँ, अ॑द्रिवः | शु॒ष्मिंत॑मो॒ हि शु॒ष्मिभि᳚र्व॒धैरु॒ग्रेभि॒रीय॑से | अपू᳚रुषघ्नो, अप्रतीत शूर॒ सत्व॑भिस्त्रिस॒प्तैः शू᳚र॒ सत्व॑भिः॒(स्वाहा᳚) || 1.133.6, 2.1.22.6 {दैवोदासिः परुच्छेपः | इंद्रः | धृतिः}
व॒नोति॒ हि सु॒न्वन् क्षयं॒ परी᳚णसः सुन्वा॒नो हि ष्मा॒ यज॒त्यव॒ द्विषो᳚ दे॒वाना॒मव॒ द्विषः॑ | सु॒न्वा॒न इत्सि॑षासति स॒हस्रा᳚ वा॒ज्यवृ॑तः | सु॒न्वा॒नायेंद्रो᳚ ददात्या॒भुवं᳚ र॒यिं द॑दात्या॒भुव॒म्(स्वाहा᳚) || 1.133.7, 2.1.22.7 {दैवोदासिः परुच्छेपः | इंद्रः | अष्टिः}
[134] आत्वाजुवइति षडृचस्य सूक्तस्य दैवोदासिः परुच्छेपोवायुरत्यष्टिरंत्याष्टिः |
आ त्वा॒ जुवो᳚ रारहा॒णा, अ॒भि प्रयो॒ वायो॒ वहं᳚त्वि॒ह पू॒र्वपी᳚तये॒ सोम॑स्य पू॒र्वपी᳚तये | ऊ॒र्ध्वा ते॒, अनु॑ सू॒नृता॒ मन॑स्तिष्ठतु जान॒ती | नि॒युत्व॑ता॒ रथे॒ना या᳚हि दा॒वने॒ वायो᳚ म॒खस्य॑ दा॒वने॒(स्वाहा᳚) || 1.134.1, 2.1.23.1 {दैवोदासिः परुच्छेपः | वायुः | अत्यष्टिः}
मंदं᳚तु त्वा मं॒दिनो᳚ वाय॒विंद॑वो॒ऽस्मत् क्रा॒णासः॒ सुकृ॑ता, अ॒भिद्य॑वो॒ गोभिः॑ क्रा॒णा, अ॒भिद्य॑वः | यद्ध॑ क्रा॒णा, इ॒रध्यै॒ दक्षं॒ सचं᳚त ऊ॒तयः॑ | स॒ध्री॒ची॒ना नि॒युतो᳚ दा॒वने॒ धिय॒ उप॑ ब्रुवत ईं॒ धियः॒(स्वाहा᳚) || 1.134.2, 2.1.23.2 {दैवोदासिः परुच्छेपः | वायुः | अत्यष्टिः}
वा॒युर्युं᳚क्ते॒ रोहि॑ता वा॒युर॑रु॒णा वा॒यू रथे᳚ अजि॒रा धु॒रि वोळ्ह॑वे॒ वहि॑ष्ठा धु॒रि वोळ्ह॑वे | प्र बो᳚धया॒ पुरं᳚धिं जा॒र आ स॑स॒तीमि॑व | प्र च॑क्षय॒ रोद॑सी वासयो॒षसः॒ श्रव॑से वासयो॒षसः॒(स्वाहा᳚) || 1.134.3, 2.1.23.3 {दैवोदासिः परुच्छेपः | वायुः | अत्यष्टिः}
तुभ्य॑मु॒षासः॒ शुच॑यः परा॒वति॑ भ॒द्रा वस्त्रा᳚ तन्वते॒ दंसु॑ र॒श्मिषु॑ चि॒त्रा नव्ये᳚षु र॒श्मिषु॑ | तुभ्यं᳚ धे॒नुः स॑ब॒र्दुघा॒ विश्वा॒ वसू᳚नि दोहते | अज॑नयो म॒रुतो᳚ व॒क्षणा᳚भ्यो दि॒व आ व॒क्षणा᳚भ्यः॒(स्वाहा᳚) || 1.134.4, 2.1.23.4 {दैवोदासिः परुच्छेपः | वायुः | अत्यष्टिः}
तुभ्यं᳚ शु॒क्रासः॒ शुच॑यस्तुर॒ण्यवो॒ मदे᳚षू॒ग्रा, इ॑षणंत भु॒र्वण्य॒पामि॑षंत भु॒र्वणि॑ | त्वां त्सा॒री दस॑मानो॒ भग॑मीट्टे तक्व॒वीये᳚ | त्वं विश्व॑स्मा॒द् भुव॑नात् पासि॒ धर्म॑णाऽसु॒र्या᳚त् पासि॒ धर्म॑णा॒(स्वाहा᳚) || 1.134.5, 2.1.23.5 {दैवोदासिः परुच्छेपः | वायुः | अत्यष्टिः}
त्वं नो᳚ वायवेषा॒मपू᳚र्व्यः॒ सोमा᳚नां प्रथ॒मः पी॒तिम᳚र्हसि सु॒तानां᳚ पी॒तिम᳚र्हसि | उ॒तो वि॒हुत्म॑तीनां वि॒शां व॑व॒र्जुषी᳚णां | विश्वा॒, इत्ते᳚ धे॒नवो᳚ दुह्र आ॒शिरं᳚ घृ॒तं दु॑ह्रत आ॒शिर॒म्(स्वाहा᳚) || 1.134.6, 2.1.23.6 {दैवोदासिः परुच्छेपः | वायुः | अष्टिः}
[135] स्तीर्णंबर्हिरिति नवर्चस्य सूक्तस्य दैवोदासिः परुच्छेपोवायुश्चतुर्थ्यादिपंचानामिंद्रोवाअत्यष्टिः सप्तम्यष्टम्यावष्टी |
स्ती॒र्णं ब॒र्हिरुप॑ नो याहि वी॒तये᳚ स॒हस्रे᳚ण नि॒युता᳚ नियुत्वते श॒तिनी᳚भिर्नियुत्वते | तुभ्यं॒ हि पू॒र्वपी᳚तये दे॒वा दे॒वाय॑ येमि॒रे | प्र ते᳚ सु॒तासो॒ मधु॑मंतो, अस्थिर॒न् मदा᳚य॒ क्रत्वे᳚ अस्थिर॒न्(स्वाहा᳚) || 1.135.1, 2.1.24.1 {दैवोदासिः परुच्छेपः | वायुः | अत्यष्टिः}
तुभ्या॒यं सोमः॒ परि॑पूतो॒, अद्रि॑भिः स्पा॒र्हा वसा᳚नः॒ परि॒ कोश॑मर्षति शु॒क्रा वसा᳚नो, अर्षति | तवा॒यं भा॒ग आ॒युषु॒ सोमो᳚ दे॒वेषु॑ हूयते | वह॑ वायो नि॒युतो᳚ याह्यस्म॒युर्जु॑षा॒णो या᳚ह्यस्म॒युः(स्वाहा᳚) || 1.135.2, 2.1.24.2 {दैवोदासिः परुच्छेपः | वायुः | अत्यष्टिः}
आ नो᳚ नि॒युद्भिः॑ श॒तिनी᳚भिरध्व॒रं स॑ह॒स्रिणी᳚भि॒रुप॑ याहि वी॒तये॒ वायो᳚ ह॒व्यानि॑ वी॒तये᳚ | तवा॒यं भा॒ग ऋ॒त्वियः॒ सर॑श्मिः॒ सूर्ये॒ सचा᳚ | अ॒ध्व॒र्युभि॒र्भर॑माणा, अयंसत॒ वायो᳚ शु॒क्रा, अ॑यंसत॒(स्वाहा᳚) || 1.135.3, 2.1.24.3 {दैवोदासिः परुच्छेपः | वायुः | अत्यष्टिः}
आ वां॒ रथो᳚ नि॒युत्वा᳚न् वक्ष॒दव॑से॒ऽभि प्रयां᳚सि॒ सुधि॑तानि वी॒तये॒ वायो᳚ ह॒व्यानि॑ वी॒तये᳚ | पिब॑तं॒ मध्वो॒, अंध॑सः पूर्व॒पेयं॒ हि वां᳚ हि॒तं | वाय॒वा चं॒द्रेण॒ राध॒सा ग॑त॒मिंद्र॑श्च॒ राध॒सा ग॑त॒म्(स्वाहा᳚) || 1.135.4, 2.1.24.4 {दैवोदासिः परुच्छेपः | इंद्रवायुः | अत्यष्टिः}
आ वां॒ धियो᳚ ववृत्युरध्व॒राँ, उपे॒ममिंदुं᳚ मर्मृजंत वा॒जिन॑मा॒शुमत्यं॒ न वा॒जिनं᳚ | तेषां᳚ पिबतमस्म॒यू, आ नो᳚ गंतमि॒होत्या | इंद्र॑वायू सु॒ताना॒मद्रि॑भिर्यु॒वं मदा᳚य वाजदा यु॒वं(स्वाहा᳚) || 1.135.5, 2.1.24.5 {दैवोदासिः परुच्छेपः | इंद्रवायुः | अत्यष्टिः}
इ॒मे वां॒ सोमा᳚ अ॒प्स्वा सु॒ता, इ॒हाध्व॒र्युभि॒र्भर॑माणा, अयंसत॒ वायो᳚ शु॒क्रा, अ॑यंसत | ए॒ते वा᳚म॒भ्य॑सृक्षत ति॒रः प॒वित्र॑मा॒शवः॑ | यु॒वा॒यवोऽति॒ रोमा᳚ण्य॒व्यया॒ सोमा᳚सो॒, अत्य॒व्यया॒(स्वाहा᳚) || 1.135.6, 2.1.25.1 {दैवोदासिः परुच्छेपः | इंद्रवायुः | अत्यष्टिः}
अति॑ वायो सस॒तो या᳚हि॒ शश्व॑तो॒ यत्र॒ ग्रावा॒ वद॑ति॒ तत्र॑ गच्छतं गृ॒हमिंद्र॑श्च गच्छतं | वि सू॒नृता॒ ददृ॑शे॒ रीय॑ते घृ॒तमा पू॒र्णया᳚ नि॒युता᳚ याथो, अध्व॒रमिंद्र॑श्च याथो, अध्व॒रं(स्वाहा᳚) || 1.135.7, 2.1.25.2 {दैवोदासिः परुच्छेपः | इंद्रवायुः | अष्टिः}
अत्राह॒ तद् व॑हेथे॒ मध्व॒ आहु॑तिं॒ यम॑श्व॒त्थमु॑प॒तिष्ठं᳚त जा॒यवो॒ऽस्मे ते सं᳚तु जा॒यवः॑ | सा॒कं गावः॒ सुव॑ते॒ पच्य॑ते॒ यवो॒ न ते᳚ वाय॒ उप॑ दस्यंति धे॒नवो॒ नाप॑ दस्यंति धे॒नवः॒(स्वाहा᳚) || 1.135.8, 2.1.25.3 {दैवोदासिः परुच्छेपः | इंद्रवायुः | अष्टिः}
इ॒मे ये ते॒ सु वा᳚यो बा॒ह्वो᳚जसो॒ऽन्तर्न॒दी ते᳚ प॒तयं᳚त्यु॒क्षणो॒ महि॒ व्राधं᳚त उ॒क्षणः॑ | धन्वं᳚चि॒द्ये, अ॑ना॒शवो᳚ जी॒राश्चि॒दगि॑रौकसः | सूर्य॑स्येव र॒श्मयो᳚ दुर्नि॒यंत॑वो॒ हस्त॑योर्दुर्नि॒यंत॑वः॒(स्वाहा᳚) || 1.135.9, 2.1.25.4 {दैवोदासिः परुच्छेपः | वायुः | अत्यष्टिः}
[136] प्रसुज्येष्ठमिति सप्तर्चस्य सूक्तस्य दैवोदासिः परुच्छेपोमित्रावरुणौ नमोदिवइत्यस्यारोदसी मित्रावरुणेंद्राग्न्यर्यमभगसोमा देवताः ऊतीदेवानामित्यस्यादेवमरुदग्निमित्रवरुणमघवंतोदेवता अत्यष्टिः अंत्यात्रिष्टुप् |
प्र सु ज्येष्ठं᳚ निचि॒राभ्यां᳚ बृ॒हन्नमो᳚ ह॒व्यं म॒तिं भ॑रता मृळ॒यद्भ्यां॒ स्वादि॑ष्ठं मृळ॒यद्भ्यां᳚ | ता स॒म्राजा᳚ घृ॒तासु॑ती य॒ज्ञेय॑ज्ञ॒ उप॑स्तुता | अथै᳚नोः, क्ष॒त्रं न कुत॑श्च॒नाधृषे᳚ देव॒त्वं नू चि॑दा॒धृषे॒(स्वाहा᳚) || 1.136.1, 2.1.26.1 {दैवोदासिः परुच्छेपः | मित्रावरुणौ | अत्यष्टिः}
अद॑र्शि गा॒तुरु॒रवे॒ वरी᳚यसी॒ पंथा᳚ ऋ॒तस्य॒ सम॑यंस्त र॒श्मिभि॒श्चक्षु॒र्भग॑स्य र॒श्मिभिः॑ | द्यु॒क्षं मि॒त्रस्य॒ साद॑नमर्य॒म्णो वरु॑णस्य च | अथा᳚ दधाते बृ॒हदु॒क्थ्य1॑(अं॒) वय॑ उप॒स्तुत्यं᳚ बृ॒हद्वयः॒(स्वाहा᳚) || 1.136.2, 2.1.26.2 {दैवोदासिः परुच्छेपः | मित्रावरुणौ | अत्यष्टिः}
ज्योति॑ष्मती॒मदि॑तिं धार॒यत् क्षि॑तिं॒ स्व᳚र्वती॒मा स॑चेते दि॒वेदि॑वे जागृ॒वांसा᳚ दि॒वेदि॑वे | ज्योति॑ष्मत् क्ष॒त्रमा᳚शाते, आदि॒त्या दानु॑न॒स्पती᳚ | मि॒त्रस्तयो॒र्वरु॑णो यात॒यज्ज॑नोऽर्य॒मा या᳚त॒यज्ज॑नः॒(स्वाहा᳚) || 1.136.3, 2.1.26.3 {दैवोदासिः परुच्छेपः | मित्रावरुणौ | अत्यष्टिः}
अ॒यं मि॒त्राय॒ वरु॑णाय॒ शंत॑मः॒ सोमो᳚ भूत्वव॒पाने॒ष्वाभ॑गो दे॒वो दे॒वेष्वाभ॑गः | तं दे॒वासो᳚ जुषेरत॒ विश्वे᳚ अ॒द्य स॒जोष॑सः | तथा᳚ राजाना करथो॒ यदीम॑ह॒ ऋता᳚वाना॒ यदीम॑हे॒(स्वाहा᳚) || 1.136.4, 2.1.26.4 {दैवोदासिः परुच्छेपः | मित्रावरुणौ | अत्यष्टिः}
यो मि॒त्राय॒ वरु॑णा॒यावि॑ध॒ज्जनो᳚ऽन॒र्वाणं॒ तं परि॑ पातो॒, अंह॑सो दा॒श्वांसं॒ मर्त॒मंह॑सः | तम᳚र्य॒माभि र॑क्षत्यृजू॒यंत॒मनु᳚ व्र॒तं | उ॒क्थैर्य ए᳚नोः परि॒भूष॑ति व्र॒तं स्तोमै᳚रा॒भूष॑ति व्र॒तं(स्वाहा᳚) || 1.136.5, 2.1.26.5 {दैवोदासिः परुच्छेपः | मित्रावरुणौ | अत्यष्टिः}
नमो᳚ दि॒वे बृ॑ह॒ते रोद॑सीभ्यां मि॒त्राय॑ वोचं॒ वरु॑णाय मी॒ळ्हुषे᳚ सुमृळी॒काय॑ मी॒ळ्हुषे᳚ | इंद्र॑म॒ग्निमुप॑ स्तुहि द्यु॒क्षम᳚र्य॒मणं॒ भगं᳚ | ज्योग्जीवं᳚तः प्र॒जया᳚ सचेमहि॒ सोम॑स्यो॒ती स॑चेमहि॒(स्वाहा᳚) || 1.136.6, 2.1.26.6 {दैवोदासिः परुच्छेपः | लिंगोक्ता | अत्यष्टिः}
ऊ॒ती दे॒वानां᳚ व॒यमिंद्र॑वंतो मंसी॒महि॒ स्वय॑शसो म॒रुद्भिः॑ | अ॒ग्निर्मि॒त्रो वरु॑णः॒ शर्म॑ यंस॒न् तद॑श्याम म॒घवा᳚नो व॒यं च॒(स्वाहा᳚) || 1.136.7, 2.1.26.7 {दैवोदासिः परुच्छेपः | लिंगोक्ता | त्रिष्टुप्}
[137] सुषुमेति तृचस्य सूक्तस्य दैवोदासिःपरुच्छेपोमित्रावरुणावतिशक्वरी |
सु॒षु॒मा या᳚त॒मद्रि॑भि॒र्गोश्री᳚ता मत्स॒रा, इ॒मे सोमा᳚सो मत्स॒रा, इ॒मे | आ रा᳚जाना दिविस्पृशाऽस्म॒त्रा गं᳚त॒मुप॑ नः | इ॒मे वां᳚ मित्रावरुणा॒ गवा᳚शिरः॒ सोमाः᳚ शु॒क्रा गवा᳚शिरः॒(स्वाहा᳚) || 1.137.1, 2.2.1.1 {दैवोदासिः परुच्छेपः | मित्रावरुणौ | अतिशक्वरी}
इ॒म आ या᳚त॒मिंद॑वः॒ सोमा᳚सो॒ दध्या᳚शिरः सु॒तासो॒ दध्या᳚शिरः | उ॒त वा᳚मु॒षसो᳚ बु॒धि सा॒कं सूर्य॑स्य र॒श्मिभिः॑ | सु॒तो मि॒त्राय॒ वरु॑णाय पी॒तये॒ चारु᳚रृ॒ताय॑ पी॒तये॒(स्वाहा᳚) || 1.137.2, 2.2.1.2 {दैवोदासिः परुच्छेपः | मित्रावरुणौ | अतिशक्वरी}
तां वां᳚ धे॒नुं न वा᳚स॒रीमं॒शुं दु॑हं॒त्यद्रि॑भिः॒ सोमं᳚ दुहं॒त्यद्रि॑भिः | अ॒स्म॒त्रा गं᳚त॒मुप॑ नो॒ऽर्वांचा॒ सोम॑पीतये | अ॒यं वां᳚ मित्रावरुणा॒ नृभिः॑ सु॒तः सोम॒ आ पी॒तये᳚ सु॒तः(स्वाहा᳚) || 1.137.3, 2.2.1.3 {दैवोदासिः परुच्छेपः | मित्रावरुणौ | अतिशक्वरी}
[138] प्रप्रपूष्णइति चतुरृचस्य सूक्तस्य दैवोदासिःपरुच्छेपःपूषात्यष्टिः |
प्रप्र॑ पू॒ष्णस्तु॑विजा॒तस्य॑ शस्यते महि॒त्वम॑स्य त॒वसो॒ न तं᳚दते स्तो॒त्रम॑स्य॒ न तं᳚दते | अर्चा᳚मि सुम्न॒यन्न॒हमंत्यू᳚तिं मयो॒भुवं᳚ | विश्व॑स्य॒ यो मन॑ आयुयु॒वे म॒खो दे॒व आ᳚युयु॒वे म॒खः(स्वाहा᳚) || 1.138.1, 2.2.2.1 {दैवोदासिः परुच्छेपः | पूषा | अत्यष्टि}
प्र हि त्वा᳚ पूषन्नजि॒रं न याम॑नि॒ स्तोमे᳚भिः कृ॒ण्व ऋ॒णवो॒ यथा॒ मृध॒ उष्ट्रो॒ न पी᳚परो॒ मृधः॑ | हु॒वे यत् त्वा᳚ मयो॒भुवं᳚ दे॒वं स॒ख्याय॒ मर्त्यः॑ | अ॒स्माक॑मांगू॒षान् द्यु॒म्निन॑स्कृधि॒ वाजे᳚षु द्यु॒म्निन॑स्कृधि॒(स्वाहा᳚) || 1.138.2, 2.2.2.2 {दैवोदासिः परुच्छेपः | पूषा | अत्यष्टि}
यस्य॑ ते पूषन् त्स॒ख्ये वि॑प॒न्यवः॒ क्रत्वा᳚ चि॒त् संतोऽव॑सा बुभुज्रि॒र इति॒ क्रत्वा᳚ बुभुज्रि॒रे | तामनु॑ त्वा॒ नवी᳚यसीं नि॒युतं᳚ रा॒य ई᳚महे | अहे᳚ळमान उरुशंस॒ सरी᳚ भव॒ वाजे᳚वाजे॒ सरी᳚ भव॒(स्वाहा᳚) || 1.138.3, 2.2.2.3 {दैवोदासिः परुच्छेपः | पूषा | अत्यष्टि}
अ॒स्या, ऊ॒ षु ण॒ उप॑ सा॒तये᳚ भु॒वोऽहे᳚ळमानो ररि॒वाँ, अ॑जाश्व श्रवस्य॒ताम॑जाश्व | ओ षु त्वा᳚ ववृतीमहि॒ स्तोमे᳚भिर्दस्म सा॒धुभिः॑ | न॒हि त्वा᳚ पूषन्नति॒मन्य॑ आघृणे॒ न ते᳚ स॒ख्यम॑पह्नु॒वे(स्वाहा᳚) || 1.138.4, 2.2.2.4 {दैवोदासिः परुच्छेपः | पूषा | अत्यष्टि}
[139] अस्तुश्रौषडित्येकादशर्चस्य सूक्तस्य दैवोदासिःपरुच्छेप आद्यायाविश्वेदेवाः द्वितीयायामित्रावरुणौ तृतीयादितिसृणामाश्विनौ षष्ठ्याइंद्रः सप्तम्याअग्निरष्टम्यामरुतो नवम्याइंद्राग्नी दशम्याबृहस्पतिरंत्यायाविश्वेदेवाअत्यष्टिः पंचमीबृहत्यंत्यात्रिष्टुप् | ( वैश्वदेवमेतत्सूक्तं | अत्रप्रत्येकं देवताविभागस्त्वाकरएवपठितः | अनयैवदिशासर्वत्रापिवैश्वदेवसूक्ते देवताविभागः कर्तव्यइतिहितदनुज्ञा | यथाह - एवमन्यासामपिसूक्तप्रयोगेवैश्वदेवत्वं सूक्तभेदप्रयोगेतुयल्लिंगंसादेवतेति) |
अस्तु॒ श्रौष॑ट् पु॒रो, अ॒ग्निं धि॒या द॑ध॒ आ नु तच्छर्धो᳚ दि॒व्यं वृ॑णीमह इंद्रवा॒यू वृ॑णीमहे | यद्ध॑ क्रा॒णा वि॒वस्व॑ति॒ नाभा᳚ सं॒दायि॒ नव्य॑सी | अध॒ प्र सू न॒ उप॑ यंतु धी॒तयो᳚ दे॒वाँ, अच्छा॒ न धी॒तयः॒(स्वाहा᳚) || 1.139.1, 2.2.3.1 {दैवोदासिः परुच्छेपः | विश्वदेवाः | अत्यष्टिः}
यद्ध॒ त्यन् मि॑त्रावरुणावृ॒तादध्या᳚द॒दाथे॒, अनृ॑तं॒ स्वेन॑ म॒न्युना॒ दक्ष॑स्य॒ स्वेन॑ म॒न्युना᳚ | यु॒वोरि॒त्थाधि॒ सद्म॒स्वप॑श्याम हिर॒ण्ययं᳚ | धी॒भिश्च॒न मन॑सा॒ स्वेभि॑र॒क्षभिः॒ सोम॑स्य॒ स्वेभि॑र॒क्षभिः॒(स्वाहा᳚) || 1.139.2, 2.2.3.2 {दैवोदासिः परुच्छेपः | मित्रावरुणौ | अत्यष्टिः}
यु॒वां स्तोमे᳚भिर्देव॒यंतो᳚ अश्विनाऽऽश्रा॒वयं᳚त इव॒ श्लोक॑मा॒यवो᳚ यु॒वां ह॒व्याभ्या॒3॑(आ॒)यवः॑ | यु॒वोर्विश्वा॒, अधि॒ श्रियः॒ पृक्ष॑श्च विश्ववेदसा | प्रु॒षा॒यंते᳚ वां प॒वयो᳚ हिर॒ण्यये॒ रथे᳚ दस्रा हिर॒ण्यये॒(स्वाहा᳚) || 1.139.3, 2.2.3.3 {दैवोदासिः परुच्छेपः | अश्विनौ | अत्यष्टिः}
अचे᳚ति दस्रा॒ व्यु1॑(उ॒) नाक॑मृण्वथो युं॒जते᳚ वां रथ॒युजो॒ दिवि॑ष्टिष्वध्व॒स्मानो॒ दिवि॑ष्टिषु | अधि॑ वां॒ स्थाम॑ वं॒धुरे॒ रथे᳚ दस्रा हिर॒ण्यये᳚ | प॒थेव॒ यंता᳚वनु॒शास॑ता॒ रजोऽञ्ज॑सा॒ शास॑ता॒ रजः॒(स्वाहा᳚) || 1.139.4, 2.2.3.4 {दैवोदासिः परुच्छेपः | अश्विनौ | अत्यष्टिः}
शची᳚भिर्नः शचीवसू॒ दिवा॒ नक्तं᳚ दशस्यतं | मा वां᳚ रा॒तिरुप॑ दस॒त्कदा᳚ च॒नाऽस्मद्रा॒तिः कदा᳚ च॒न(स्वाहा᳚) || 1.139.5, 2.2.3.5 {दैवोदासिः परुच्छेपः | अश्विनौ | बृहतिः}
वृष᳚न्निंद्र वृष॒पाणा᳚स॒ इंद॑व इ॒मे सु॒ता, अद्रि॑षुतास उ॒द्भिद॒स्तुभ्यं᳚ सु॒तास॑ उ॒द्भिदः॑ | ते त्वा᳚ मंदंतु दा॒वने᳚ म॒हे चि॒त्राय॒ राध॑से | गी॒र्भिर्गि᳚र्वाहः॒ स्तव॑मान॒ आ ग॑हि सुमृळी॒को न॒ आ ग॑हि॒(स्वाहा᳚) || 1.139.6, 2.2.4.1 {दैवोदासिः परुच्छेपः | इंद्रः | अत्यष्टिः}
ओ षू णो᳚ अग्ने शृणुहि॒ त्वमी᳚ळि॒तो दे॒वेभ्यो᳚ ब्रवसि य॒ज्ञिये᳚भ्यो॒ राज॑भ्यो य॒ज्ञिये᳚भ्यः | यद्ध॒ त्यामंगि॑रोभ्यो धे॒नुं दे᳚वा॒, अद॑त्तन | वि तां दु॑ह्रे, अर्य॒मा क॒र्तरी॒ सचाँ᳚, ए॒ष तां वे᳚द मे॒ सचा॒(स्वाहा᳚) || 1.139.7, 2.2.4.2 {दैवोदासिः परुच्छेपः | अग्निः | अत्यष्टिः}
मो षु वो᳚ अ॒स्मद॒भि तानि॒ पौंस्या॒ सना᳚ भूवन् द्यु॒म्नानि॒ मोत जा᳚रिषुर॒स्मत् पु॒रोत जा᳚रिषुः | यद्व॑श्चि॒त्रं यु॒गेयु॑गे॒ नव्यं॒ घोषा॒दम॑र्त्यं | अ॒स्मासु॒ तन्म॑रुतो॒ यच्च॑ दु॒ष्टरं᳚ दिधृ॒ता यच्च॑ दु॒ष्टर॒म्(स्वाहा᳚) || 1.139.8, 2.2.4.3 {दैवोदासिः परुच्छेपः | मरुतः | अत्यष्टिः}
द॒ध्यङ् ह॑ मे ज॒नुषं॒ पूर्वो॒, अंगि॑राः प्रि॒यमे᳚धः॒ कण्वो॒, अत्रि॒र्मनु᳚र्विदु॒स्ते मे॒ पूर्वे॒ मनु᳚र्विदुः | तेषां᳚ दे॒वेष्वाय॑तिर॒स्माकं॒ तेषु॒ नाभ॑यः | तेषां᳚ प॒देन॒ मह्या न॑मे गि॒रेंद्रा॒ग्नी, आ न॑मे गि॒रा(स्वाहा᳚) || 1.139.9, 2.2.4.4 {दैवोदासिः परुच्छेपः | इंद्राग्नी | अत्यष्टिः}
होता᳚ यक्षद् व॒निनो᳚ वंत॒ वार्यं॒ बृह॒स्पति᳚र्यजति वे॒न उ॒क्षभिः॑ पुरु॒वारे᳚भिरु॒क्षभिः॑ | ज॒गृ॒भ्मा दू॒रआ᳚दिशं॒ श्लोक॒मद्रे॒रध॒ त्मना᳚ | अधा᳚रयदर॒रिंदा᳚नि सु॒क्रतुः॑ पु॒रू सद्मा᳚नि सु॒क्रतुः॒(स्वाहा᳚) || 1.139.10, 2.2.4.5 {दैवोदासिः परुच्छेपः | बृहस्पतिः | अत्यष्टिः}
ये दे᳚वासो दि॒व्येका᳚दश॒ स्थ पृ॑थि॒व्यामध्येका᳚दश॒ स्थ | अ॒प्सु॒क्षितो᳚ महि॒नैका᳚दश॒ स्थ ते दे᳚वासो य॒ज्ञमि॒मं जु॑षध्व॒म्(स्वाहा᳚) || 1.139.11, 2.2.4.6 {दैवोदासिः परुच्छेपः | विश्वदेवाः | त्रिष्टुप्}
[140] वेदिषदइति त्रयोदशर्चस्य सूक्तस्यौचथ्योदीर्घतमाअग्निर्जगती अंत्येद्वेत्रिष्टुभौदशमीत्रिष्टुब्वा |
वे॒दि॒षदे᳚ प्रि॒यधा᳚माय सु॒द्युते᳚ धा॒सिमि॑व॒ प्र भ॑रा॒ योनि॑म॒ग्नये᳚ | वस्त्रे᳚णेव वासया॒ मन्म॑ना॒ शुचिं᳚ ज्यो॒तीर॑थं शु॒क्रव᳚र्णं तमो॒हन॒म्(स्वाहा᳚) || 1.140.1, 2.2.5.1 {औचथ्यो दीर्घतमाः | अग्निः | जगती}
अ॒भि द्वि॒जन्मा᳚ त्रि॒वृदन्न॑मृज्यते संवत्स॒रे वा᳚वृधे ज॒ग्धमी॒ पुनः॑ | अ॒न्यस्या॒सा जि॒ह्वया॒ जेन्यो॒ वृषा॒ न्य1॑(अ॒)न्येन॑ व॒निनो᳚ मृष्ट वार॒णः(स्वाहा᳚) || 1.140.2, 2.2.5.2 {औचथ्यो दीर्घतमाः | अग्निः | जगती}
कृ॒ष्ण॒प्रुतौ᳚ वेवि॒जे, अ॑स्य स॒क्षिता᳚ उ॒भा त॑रेते, अ॒भि मा॒तरा॒ शिशुं᳚ | प्रा॒चाजि॑ह्वं ध्व॒सयं᳚तं तृषु॒च्युत॒मा साच्यं॒ कुप॑यं॒ वर्ध॑नं पि॒तुः(स्वाहा᳚) || 1.140.3, 2.2.5.3 {औचथ्यो दीर्घतमाः | अग्निः | जगती}
मु॒मु॒क्ष्वो॒3॑(ओ॒) मन॑वे मानवस्य॒ते र॑घु॒द्रुवः॑ कृ॒ष्णसी᳚तास ऊ॒ जुवः॑ | अ॒स॒म॒ना, अ॑जि॒रासो᳚ रघु॒ष्यदो॒ वात॑जूता॒, उप॑ युज्यंत आ॒शवः॒(स्वाहा᳚) || 1.140.4, 2.2.5.4 {औचथ्यो दीर्घतमाः | अग्निः | जगती}
आद॑स्य॒ ते ध्व॒सयं᳚तो॒ वृथे᳚रते कृ॒ष्णमभ्वं॒ महि॒ वर्पः॒ करि॑क्रतः | यत् सीं᳚ म॒हीम॒वनिं॒ प्राभि मर्मृ॑शदभिश्व॒संत् स्त॒नय॒न्नेति॒ नान॑द॒त्(स्वाहा᳚) || 1.140.5, 2.2.5.5 {औचथ्यो दीर्घतमाः | अग्निः | जगती}
भूष॒न्न योधि॑ ब॒भ्रूषु॒ नम्न॑ते॒ वृषे᳚व॒ पत्नी᳚र॒भ्ये᳚ति॒ रोरु॑वत् | ओ॒जा॒यमा᳚नस्त॒न्व॑श्च शुंभते भी॒मो न शृंगा᳚ दविधाव दु॒र्गृभिः॒(स्वाहा᳚) || 1.140.6, 2.2.6.1 {औचथ्यो दीर्घतमाः | अग्निः | जगती}
स सं॒स्तिरो᳚ वि॒ष्टिरः॒ सं गृ॑भायति जा॒नन्ने॒व जा᳚न॒तीर्नित्य॒ आ श॑ये | पुन᳚र्वर्धंते॒, अपि॑ यंति दे॒व्य॑म॒न्यद्वर्पः॑ पि॒त्रोः कृ᳚ण्वते॒ सचा॒(स्वाहा᳚) || 1.140.7, 2.2.6.2 {औचथ्यो दीर्घतमाः | अग्निः | जगती}
तम॒ग्रुवः॑ के॒शिनीः॒ सं हि रे᳚भि॒र ऊ॒र्ध्वास्त॑स्थुर्म॒म्रुषीः॒ प्रायवे॒ पुनः॑ | तासां᳚ ज॒रां प्र॑मुं॒चन्ने᳚ति॒ नान॑द॒दसुं॒ परं᳚ ज॒नयं᳚जी॒वमस्तृ॑त॒म्(स्वाहा᳚) || 1.140.8, 2.2.6.3 {औचथ्यो दीर्घतमाः | अग्निः | जगती}
अ॒धी॒वा॒सं परि॑ मा॒तू रि॒हन्नह॑ तुवि॒ग्रेभिः॒ सत्व॑भिर्याति॒ वि ज्रयः॑ | वयो॒ दध॑त् प॒द्वते॒ रेरि॑ह॒त्सदाऽनु॒ श्येनी᳚ सचते वर्त॒नीरह॒(स्वाहा᳚) || 1.140.9, 2.2.6.4 {औचथ्यो दीर्घतमाः | अग्निः | जगती}
अ॒स्माक॑मग्ने म॒घव॑त्सु दीदि॒ह्यध॒ श्वसी᳚वान् वृष॒भो दमू᳚नाः | अ॒वास्या॒ शिशु॑मतीरदीदे॒र्वर्मे᳚व यु॒त्सु प॑रि॒जर्भु॑राणः॒(स्वाहा᳚) || 1.140.10, 2.2.6.5 {औचथ्यो दीर्घतमाः | अग्निः | त्रिष्टुब्वा}
इ॒दम॑ग्ने॒ सुधि॑तं॒ दुर्धि॑ता॒दधि॑ प्रि॒यादु॑ चि॒न्मन् म॑नः॒ प्रेयो᳚ अस्तु ते | यत्ते᳚ शु॒क्रं त॒न्वो॒3॑(ओ॒) रोच॑ते॒ शुचि॒ तेना॒स्मभ्यं᳚ वनसे॒ रत्न॒मा त्वं(स्वाहा᳚) || 1.140.11, 2.2.7.1 {औचथ्यो दीर्घतमाः | अग्निः | जगती}
रथा᳚य॒ नाव॑मु॒त नो᳚ गृ॒हाय॒ नित्या᳚रित्रां प॒द्वतीं᳚ रास्यग्ने | अ॒स्माकं᳚ वी॒राँ, उ॒त नो᳚ म॒घोनो॒ जनाँ᳚श्च॒ या पा॒रया॒च्छर्म॒ या च॒(स्वाहा᳚) || 1.140.12, 2.2.7.2 {औचथ्यो दीर्घतमाः | अग्निः | त्रिष्टुप्}
अ॒भी नो᳚ अग्न उ॒क्थमिज्जु॑गुर्या॒ द्यावा॒क्षामा॒ सिंध॑वश्च॒ स्वगू᳚र्ताः | गव्यं॒ यव्यं॒ यंतो᳚ दी॒र्घाहेषं॒ वर॑मरु॒ण्यो᳚ वरंत॒(स्वाहा᳚) || 1.140.13, 2.2.7.3 {औचथ्यो दीर्घतमाः | अग्निः | त्रिष्टुप्}
[141] बळित्थेति त्रयोदशर्चस्य सूक्तस्यौचथ्योदीर्घतमाअग्निर्जगती अंत्येद्वेत्रिष्टुभौ|
बळि॒त्था तद्वपु॑षे धायि दर्श॒तं दे॒वस्य॒ भर्गः॒ सह॑सो॒ यतो॒ जनि॑ | यदी॒मुप॒ ह्वर॑ते॒ साध॑ते म॒तिरृ॒तस्य॒ धेना᳚ अनयंत स॒स्रुतः॒(स्वाहा᳚) || 1.141.1, 2.2.8.1 {औचथ्यो दीर्घतमाः | अग्निः | जगती}
पृ॒क्षो वपुः॑ पितु॒मान्नित्य॒ आ श॑ये द्वि॒तीय॒मा स॒प्तशि॑वासु मा॒तृषु॑ | तृ॒तीय॑मस्य वृष॒भस्य॑ दो॒हसे॒ दश॑प्रमतिं जनयंत॒ योष॑णः॒(स्वाहा᳚) || 1.141.2, 2.2.8.2 {औचथ्यो दीर्घतमाः | अग्निः | जगती}
निर्यदीं᳚ बु॒ध्नान्म॑हि॒षस्य॒ वर्प॑स ईशा॒नासः॒ शव॑सा॒ क्रंत॑ सू॒रयः॑ | यदी॒मनु॑ प्र॒दिवो॒ मध्व॑ आध॒वे गुहा॒ संतं᳚ मात॒रिश्वा᳚ मथा॒यति॒(स्वाहा᳚) || 1.141.3, 2.2.8.3 {औचथ्यो दीर्घतमाः | अग्निः | जगती}
प्र यत् पि॒तुः प॑र॒मान्नी॒यते॒ पर्या पृ॒क्षुधो᳚ वी॒रुधो॒ दंसु॑ रोहति | उ॒भा यद॑स्य ज॒नुषं॒ यदिन्व॑त॒ आदिद्यवि॑ष्ठो, अभवद् घृ॒णा शुचिः॒(स्वाहा᳚) || 1.141.4, 2.2.8.4 {औचथ्यो दीर्घतमाः | अग्निः | जगती}
आदिन्मा॒तॄरावि॑श॒द् यास्वा शुचि॒रहिं᳚स्यमान उर्वि॒या वि वा᳚वृधे | अनु॒ यत् पूर्वा॒, अरु॑हत् सना॒जुवो॒ नि नव्य॑सी॒ष्वव॑रासु धावते॒(स्वाहा᳚) || 1.141.5, 2.2.8.5 {औचथ्यो दीर्घतमाः | अग्निः | जगती}
आदिद्धोता᳚रं वृणते॒ दिवि॑ष्टिषु॒ भग॑मिव पपृचा॒नास॑ ऋंजते | दे॒वान्यत्क्रत्वा᳚ म॒ज्मना᳚ पुरुष्टु॒तो मर्तं॒ शंसं᳚ वि॒श्वधा॒ वेति॒ धाय॑से॒(स्वाहा᳚) || 1.141.6, 2.2.9.1 {औचथ्यो दीर्घतमाः | अग्निः | जगती}
वि यदस्था᳚द् यज॒तो वात॑चोदितो ह्वा॒रो न वक्वा᳚ ज॒रणा॒, अना᳚कृतः | तस्य॒ पत्म᳚न् द॒क्षुषः॑ कृ॒ष्णजं᳚हसः॒ शुचि॑जन्मनो॒ रज॒ आ व्य॑ध्वनः॒(स्वाहा᳚) || 1.141.7, 2.2.9.2 {औचथ्यो दीर्घतमाः | अग्निः | जगती}
रथो॒ न या॒तः शिक्व॑भिः कृ॒तो द्यामंगे᳚भिररु॒षेभि॑रीयते | आद॑स्य॒ ते कृ॒ष्णासो᳚ दक्षि सू॒रयः॒ शूर॑स्येव त्वे॒षथा᳚दीषते॒ वयः॒(स्वाहा᳚) || 1.141.8, 2.2.9.3 {औचथ्यो दीर्घतमाः | अग्निः | जगती}
त्वया॒ ह्य॑ग्ने॒ वरु॑णो धृ॒तव्र॑तो मि॒त्रः शा᳚श॒द्रे, अ᳚र्य॒मा सु॒दान॑वः | यत् सी॒मनु॒ क्रतु॑ना वि॒श्वथा᳚ वि॒भुर॒रान्न ने॒मिः प॑रि॒भूरजा᳚यथाः॒(स्वाहा᳚) || 1.141.9, 2.2.9.4 {औचथ्यो दीर्घतमाः | अग्निः | जगती}
त्वम॑ग्ने शशमा॒नाय॑ सुन्व॒ते रत्नं᳚ यविष्ठ दे॒वता᳚तिमिन्वसि | तं त्वा॒ नु नव्यं᳚ सहसो युवन् व॒यं भगं॒ न का॒रे म॑हिरत्न धीमहि॒(स्वाहा᳚) || 1.141.10, 2.2.9.5 {औचथ्यो दीर्घतमाः | अग्निः | जगती}
अ॒स्मे र॒यिं न स्वर्थं॒ दमू᳚नसं॒ भगं॒ दक्षं॒ न प॑पृचासि धर्ण॒सिं | र॒श्मीँऽ रि॑व॒ यो यम॑ति॒ जन्म॑नी, उ॒भे दे॒वानां॒ शंस॑मृ॒त आ च॑ सु॒क्रतुः॒(स्वाहा᳚) || 1.141.11, 2.2.9.6 {औचथ्यो दीर्घतमाः | अग्निः | जगती}
उ॒त नः॑ सु॒द्योत्मा᳚ जी॒राश्वो॒ होता᳚ मं॒द्रः शृ॑णवच्चं॒द्रर॑थः | स नो᳚ नेष॒न्नेष॑तमै॒रमू᳚रो॒ऽग्निर्वा॒मं सु॑वि॒तं वस्यो॒, अच्छ॒(स्वाहा᳚) || 1.141.12, 2.2.9.7 {औचथ्यो दीर्घतमाः | अग्निः | त्रिष्टुप्}
अस्ता᳚व्य॒ग्निः शिमी᳚वद्भिर॒र्कैः साम्रा᳚ज्याय प्रत॒रं दधा᳚नः | अ॒मी च॒ ये म॒घवा᳚नो व॒यं च॒ मिहं॒ न सूरो॒, अति॒ निष्ट॑तन्युः॒(स्वाहा᳚) || 1.141.13, 2.2.9.8 {औचथ्यो दीर्घतमाः | अग्निः | त्रिष्टुप्}
[142] समिद्धोअग्नइति त्रयोदशर्चस्य सूक्तस्यौचथ्योदीर्घतमाऋषिः इध्मस्तनूनपान्नराशंसइळो बर्हिर्देवीर्द्वार उषासानक्ता देव्यौहोतारौ सरस्वतीळाभारत्यस्त्वष्टावनस्पतिः स्वाहाकृतयइतिक्रमेणदेवताः अंत्याया इंद्रोनुष्टुप् |
समि॑द्धो, अग्न॒ आ व॑ह दे॒वाँ, अ॒द्य य॒तस्रु॑चे | तंतुं᳚ तनुष्व पू॒र्व्यं सु॒तसो᳚माय दा॒शुषे॒(स्वाहा᳚) || 1.142.1, 2.2.10.1 {औचथ्यो दीर्घतमाः | इध्मः समिद्धोऽग्निर्वा | अनुष्टुप्}
घृ॒तवं᳚त॒मुप॑ मासि॒ मधु॑मंतं तनूनपात् | य॒ज्ञं विप्र॑स्य॒ माव॑तः शशमा॒नस्य॑ दा॒शुषः॒(स्वाहा᳚) || 1.142.2, 2.2.10.2 {औचथ्यो दीर्घतमाः | तनूनपात् | अनुष्टुप्}
शुचिः॑ पाव॒को, अद्भु॑तो॒ मध्वा᳚ य॒ज्ञं मि॑मिक्षति | नरा॒शंस॒स्त्रिरा दि॒वो दे॒वो दे॒वेषु॑ य॒ज्ञियः॒(स्वाहा᳚) || 1.142.3, 2.2.10.3 {औचथ्यो दीर्घतमाः | नराशंसः | अनुष्टुप्}
ई॒ळि॒तो, अ॑ग्न॒ आ व॒हेंद्रं᳚ चि॒त्रमि॒ह प्रि॒यं | इ॒यं हि त्वा᳚ म॒तिर्ममाच्छा᳚ सुजिह्व व॒च्यते॒(स्वाहा᳚) || 1.142.4, 2.2.10.4 {औचथ्यो दीर्घतमाः | इळः | अनुष्टुप्}
स्तृ॒णा॒नासो᳚ य॒तस्रु॑चो ब॒र्हिर्य॒ज्ञे स्व॑ध्व॒रे | वृं॒जे दे॒वव्य॑चस्तम॒मिंद्रा᳚य॒ शर्म॑ स॒प्रथः॒(स्वाहा᳚) || 1.142.5, 2.2.10.5 {औचथ्यो दीर्घतमाः | बर्हिः | अनुष्टुप्}
वि श्र॑यंतामृता॒वृधः॑ प्र॒यै दे॒वेभ्यो᳚ म॒हीः | पा॒व॒कासः॑ पुरु॒स्पृहो॒ द्वारो᳚ दे॒वीर॑स॒श्चतः॒(स्वाहा᳚) || 1.142.6, 2.2.10.6 {औचथ्यो दीर्घतमाः | देवीर्द्वारः | अनुष्टुप्}
आ भंद॑माने॒, उपा᳚के॒ नक्तो॒षासा᳚ सु॒पेश॑सा | य॒ह्वी, ऋ॒तस्य॑ मा॒तरा॒ सीद॑तां ब॒र्हिरा सु॒मत्(स्वाहा᳚) || 1.142.7, 2.2.11.1 {औचथ्यो दीर्घतमाः | उषासानक्ता | अनुष्टुप्}
मं॒द्रजि॑ह्वा जुगु॒र्वणी॒ होता᳚रा॒ दैव्या᳚ क॒वी | य॒ज्ञं नो᳚ यक्षतामि॒मं सि॒ध्रम॒द्य दि॑वि॒स्पृश॒म्(स्वाहा᳚) || 1.142.8, 2.2.11.2 {औचथ्यो दीर्घतमाः | देव्यौहोतारौ | अनुष्टुप्}
शुचि॑र्दे॒वेष्वर्पि॑ता॒ होत्रा᳚ म॒रुत्सु॒ भार॑ती | इळा॒ सर॑स्वती म॒ही ब॒र्हिः सी᳚दंतु य॒ज्ञियाः᳚(स्वाहा᳚) || 1.142.9, 2.2.11.3 {औचथ्यो दीर्घतमाः | तिस्रो देव्यः सरस्वतीळाभारत्यः | अनुष्टुप्}
तन्न॑स्तु॒रीप॒मद्भु॑तं पु॒रु वारं᳚ पु॒रु त्मना᳚ | त्वष्टा॒ पोषा᳚य॒ वि ष्य॑तु रा॒ये नाभा᳚ नो, अस्म॒युः(स्वाहा᳚) || 1.142.10, 2.2.11.4 {औचथ्यो दीर्घतमाः | त्वष्टाः | अनुष्टुप्}
अ॒व॒सृ॒जन्नुप॒ त्मना᳚ दे॒वान् य॑क्षि वनस्पते | अ॒ग्निर्ह॒व्या सु॑षूदति दे॒वो दे॒वेषु॒ मेधि॑रः॒(स्वाहा᳚) || 1.142.11, 2.2.11.5 {औचथ्यो दीर्घतमाः | वनस्पतिः | अनुष्टुप्}
पू॒ष॒ण्वते᳚ म॒रुत्व॑ते वि॒श्वदे᳚वाय वा॒यवे᳚ | स्वाहा᳚ गाय॒त्रवे᳚पसे ह॒व्यमिंद्रा᳚य कर्तन॒(स्वाहा᳚) || 1.142.12, 2.2.11.6 {औचथ्यो दीर्घतमाः | स्वाहाकृतयः | अनुष्टुप्}
स्वाहा᳚कृता॒न्या ग॒ह्युप॑ ह॒व्यानि॑ वी॒तये᳚ | इंद्रा ग॑हि श्रु॒धी हवं॒ त्वां ह॑वंते, अध्व॒रे(स्वाहा᳚) || 1.142.13, 2.2.11.7 {औचथ्यो दीर्घतमाः | इंद्रः | अनुष्टुप्}
[143] प्रतव्यसीमित्यष्टर्चस्य सूक्तस्यौचथ्यो दीर्घतमाअग्निर्जगतीअंत्यात्रिष्टुप् |
प्र तव्य॑सीं॒ नव्य॑सीं धी॒तिम॒ग्नये᳚ वा॒चो म॒तिं सह॑सः सू॒नवे᳚ भरे | अ॒पां नपा॒द्यो वसु॑भिः स॒ह प्रि॒यो होता᳚ पृथि॒व्यां न्यसी᳚ददृ॒त्वियः॒(स्वाहा᳚) || 1.143.1, 2.2.12.1 {औचथ्यो दीर्घतमाः | अग्निः | जगती}
स जाय॑मानः पर॒मे व्यो᳚मन्या॒विर॒ग्निर॑भवन्मात॒रिश्व॑ने | अ॒स्य क्रत्वा᳚ समिधा॒नस्य॑ म॒ज्मना॒ प्र द्यावा᳚ शो॒चिः पृ॑थि॒वी, अ॑रोचय॒त्(स्वाहा᳚) || 1.143.2, 2.2.12.2 {औचथ्यो दीर्घतमाः | अग्निः | जगती}
अ॒स्य त्वे॒षा, अ॒जरा᳚ अ॒स्य भा॒नवः॑ सुसं॒दृशः॑ सु॒प्रती᳚कस्य सु॒द्युतः॑ | भात्व॑क्षसो॒, अत्य॒क्तुर्न सिंध॑वो॒ऽग्ने रे᳚जंते॒, अस॑संतो, अ॒जराः᳚(स्वाहा᳚) || 1.143.3, 2.2.12.3 {औचथ्यो दीर्घतमाः | अग्निः | जगती}
यमे᳚रि॒रे भृग॑वो वि॒श्ववे᳚दसं॒ नाभा᳚ पृथि॒व्या भुव॑नस्य म॒ज्मना᳚ | अ॒ग्निं तं गी॒र्भिर्हि॑नुहि॒ स्व आ दमे॒ य एको॒ वस्वो॒ वरु॑णो॒ न राज॑ति॒(स्वाहा᳚) || 1.143.4, 2.2.12.4 {औचथ्यो दीर्घतमाः | अग्निः | जगती}
न यो वरा᳚य म॒रुता᳚मिव स्व॒नः सेने᳚व सृ॒ष्टा दि॒व्या यथा॒शनिः॑ | अ॒ग्निर्जंभै᳚स्तिगि॒तैर॑त्ति॒ भर्व॑ति यो॒धो न शत्रू॒न् त्स वना॒ न्यृं᳚जते॒(स्वाहा᳚) || 1.143.5, 2.2.12.5 {औचथ्यो दीर्घतमाः | अग्निः | जगती}
कु॒विन्नो᳚ अ॒ग्निरु॒चथ॑स्य॒ वीरस॒द् वसु॑ष्कु॒विद् वसु॑भिः॒ काम॑मा॒वर॑त् | चो॒दः कु॒वित् तु॑तु॒ज्यात् सा॒तये॒ धियः॒ शुचि॑प्रतीकं॒ तम॒या धि॒या गृ॑णे॒(स्वाहा᳚) || 1.143.6, 2.2.12.6 {औचथ्यो दीर्घतमाः | अग्निः | जगती}
घृ॒तप्र॑तीकं व ऋ॒तस्य॑ धू॒र्षद॑म॒ग्निं मि॒त्रं न स॑मिधा॒न ऋं᳚जते | इंधा᳚नो, अ॒क्रो वि॒दथे᳚षु॒ दीद्य॑च्छु॒क्रव᳚र्णा॒मुदु॑ नो यंसते॒ धिय॒म्(स्वाहा᳚) || 1.143.7, 2.2.12.7 {औचथ्यो दीर्घतमाः | अग्निः | जगती}
अप्र॑युच्छ॒न्नप्र॑युच्छद्भिरग्ने शि॒वेभि᳚र्नः पा॒युभिः॑ पाहि श॒ग्मैः | अद॑ब्धेभि॒रदृ॑पितेभिरि॒ष्टेऽनि॑मिषद्भिः॒ परि॑ पाहि नो॒ जाः(स्वाहा᳚) || 1.143.8, 2.2.12.8 {औचथ्यो दीर्घतमाः | अग्निः | त्रिष्टुप्}
[144] एतीति सप्तर्चस्य सूक्तस्यौचथ्योदीर्घतमाग्निर्जगती |
एति॒ प्र होता᳚ व्र॒तम॑स्य मा॒ययो॒र्ध्वां दधा᳚नः॒ शुचि॑पेशसं॒ धियं᳚ | अ॒भि स्रुचः॑ क्रमते दक्षिणा॒वृतो॒ या, अ॑स्य॒ धाम॑ प्रथ॒मं ह॒ निंस॑ते॒(स्वाहा᳚) || 1.144.1, 2.2.13.1 {औचथ्यो दीर्घतमाः | अग्निः | जगती}
अ॒भीमृ॒तस्य॑ दो॒हना᳚ अनूषत॒ योनौ᳚ दे॒वस्य॒ सद॑ने॒ परी᳚वृताः | अ॒पामु॒पस्थे॒ विभृ॑तो॒ यदाव॑स॒दध॑ स्व॒धा, अ॑धय॒द् याभि॒रीय॑ते॒(स्वाहा᳚) || 1.144.2, 2.2.13.2 {औचथ्यो दीर्घतमाः | अग्निः | जगती}
युयू᳚षतः॒ सव॑यसा॒ तदिद् वपुः॑ समा॒नमर्थं᳚ वि॒तरि॑त्रता मि॒थः | आदीं॒ भगो॒ न हव्यः॒ सम॒स्मदा वोळ्हु॒र्न र॒श्मीन् त्सम॑यंस्त॒ सार॑थिः॒(स्वाहा᳚) || 1.144.3, 2.2.13.3 {औचथ्यो दीर्घतमाः | अग्निः | जगती}
यमीं॒ द्वा सव॑यसा सप॒र्यतः॑ समा॒ने योना᳚ मिथु॒ना समो᳚कसा | दिवा॒ न नक्तं᳚ पलि॒तो युवा᳚जनि पु॒रू चर᳚न् न॒जरो॒ मानु॑षा यु॒गा(स्वाहा᳚) || 1.144.4, 2.2.13.4 {औचथ्यो दीर्घतमाः | अग्निः | जगती}
तमीं᳚ हिन्वंति धी॒तयो॒ दश॒ व्रिशो᳚ दे॒वं मर्ता᳚स ऊ॒तये᳚ हवामहे | धनो॒रधि॑ प्र॒वत॒ आ स ऋ᳚ण्वत्यभि॒व्रज॑द्भिर्व॒युना॒ नवा᳚धित॒(स्वाहा᳚) || 1.144.5, 2.2.13.5 {औचथ्यो दीर्घतमाः | अग्निः | जगती}
त्वं ह्य॑ग्ने दि॒व्यस्य॒ राज॑सि॒ त्वं पार्थि॑वस्य पशु॒पा, इ॑व॒ त्मना᳚ | एनी᳚ त ए॒ते बृ॑ह॒ती, अ॑भि॒श्रिया᳚ हिर॒ण्ययी॒ वक्व॑री ब॒र्हिरा᳚शाते॒(स्वाहा᳚) || 1.144.6, 2.2.13.6 {औचथ्यो दीर्घतमाः | अग्निः | जगती}
अग्ने᳚ जु॒षस्व॒ प्रति॑ हर्य॒ तद्वचो॒ मंद्र॒ स्वधा᳚व॒ ऋत॑जात॒ सुक्र॑तो | यो वि॒श्वतः॑ प्र॒त्यङ्ङसि॑ दर्श॒तो र॒ण्वः संदृ॑ष्टौ पितु॒माँ, इ॑व॒ क्षयः॒(स्वाहा᳚) || 1.144.7, 2.2.13.7 {औचथ्यो दीर्घतमाः | अग्निः | जगती}
[145] तंपृच्छतेति पंचर्चस्य सूक्तस्यौचथ्योदीर्घतमाअग्निर्जगतीअंत्यात्रिष्टुप् |
तं पृ॑च्छता॒ स ज॑गामा॒ स वे᳚द॒ स चि॑कि॒त्वाँ, ई᳚यते॒ सा न्वी᳚यते | तस्मि᳚न् त्संति प्र॒शिष॒स्तस्मि᳚न्नि॒ष्टयः॒ स वाज॑स्य॒ शव॑सः शु॒ष्मिण॒स्पतिः॒(स्वाहा᳚) || 1.145.1, 2.2.14.1 {औचथ्यो दीर्घतमाः | अग्निः | जगती}
तमित् पृ॑च्छंति॒ न सि॒मो वि पृ॑च्छति॒ स्वेने᳚व॒ धीरो॒ मन॑सा॒ यदग्र॑भीत् | न मृ॑ष्यते प्रथ॒मं नाप॑रं॒ वचो॒ऽस्य क्रत्वा᳚ सचते॒, अप्र॑दृपितः॒(स्वाहा᳚) || 1.145.2, 2.2.14.2 {औचथ्यो दीर्घतमाः | अग्निः | जगती}
तमिद् ग॑च्छंति जु॒ह्व1॑(अ॒)स्तमर्व॑ती॒र्विश्वा॒न्येकः॑ शृणव॒द् वचां᳚सि मे | पु॒रु॒प्रै॒षस्ततु॑रिर्यज्ञ॒साध॒नोऽच्छि॑द्रोतिः॒ शिशु॒राद॑त्त॒ सं रभः॒(स्वाहा᳚) || 1.145.3, 2.2.14.3 {औचथ्यो दीर्घतमाः | अग्निः | जगती}
उ॒प॒स्थायं᳚ चरति॒ यत् स॒मार॑त स॒द्यो जा॒तस्त॑त्सार॒ युज्ये᳚भिः | अ॒भि श्वां॒तं मृ॑शते नां॒द्ये᳚ मु॒दे यदीं॒ गच्छ᳚न् त्युश॒तीर॑पिष्ठि॒तं(स्वाहा᳚) || 1.145.4, 2.2.14.4 {औचथ्यो दीर्घतमाः | अग्निः | जगती}
स ईं᳚ मृ॒गो, अप्यो᳚ वन॒र्गुरुप॑ त्व॒च्यु॑प॒मस्यां॒ नि धा᳚यि | व्य॑ब्रवीद् व॒युना॒ मर्त्ये᳚भ्यो॒ऽग्निर्वि॒द्वाँ ऋ॑त॒चिद्धि स॒त्यः(स्वाहा᳚) || 1.145.5, 2.2.14.5 {औचथ्यो दीर्घतमाः | अग्निः | त्रिष्टुप्}
[146] त्रिमूर्धानमिति पंचर्चस्य सूक्तस्यौचथ्यो दीर्घतमाअग्निस्त्रिष्टुप् |
त्रि॒मू॒र्धानं᳚ स॒प्तर॑श्मिं गृणी॒षेऽनू᳚नम॒ग्निं पि॒त्रोरु॒पस्थे᳚ | नि॒ष॒त्तम॑स्य॒ चर॑तो ध्रु॒वस्य॒ विश्वा᳚ दि॒वो रो᳚च॒नाप॑प्रि॒वांस॒म्(स्वाहा᳚) || 1.146.1, 2.2.15.1 {औचथ्यो दीर्घतमाः | अग्निः | त्रिष्टुप्}
उ॒क्षा म॒हाँ, अ॒भि व॑वक्ष एने, अ॒जर॑स्तस्थावि॒तऊ᳚तिरृ॒ष्वः | उ॒र्व्याः प॒दो नि द॑धाति॒ सानौ᳚ रि॒हंत्यूधो᳚ अरु॒षासो᳚ अस्य॒(स्वाहा᳚) || 1.146.2, 2.2.15.2 {औचथ्यो दीर्घतमाः | अग्निः | त्रिष्टुप्}
स॒मा॒नं व॒त्सम॒भि सं॒चरं᳚ती॒ विष्व॑ग्धे॒नू वि च॑रतः सु॒मेके᳚ | अ॒न॒प॒वृ॒ज्याँ, अध्व॑नो॒ मिमा᳚ने॒ विश्वा॒न् केताँ॒, अधि॑ म॒हो दधा᳚ने॒(स्वाहा᳚) || 1.146.3, 2.2.15.3 {औचथ्यो दीर्घतमाः | अग्निः | त्रिष्टुप्}
धीरा᳚सः प॒दं क॒वयो᳚ नयंति॒ नाना᳚ हृ॒दा रक्ष॑माणा, अजु॒र्यं | सिषा᳚संतः॒ पर्य॑पश्यंत॒ सिंधु॑मा॒विरे᳚भ्यो, अभव॒त् सूर्यो॒ नॄ॒न्(स्वाहा᳚) || 1.146.4, 2.2.15.4 {औचथ्यो दीर्घतमाः | अग्निः | त्रिष्टुप्}
दि॒दृ॒क्षेण्यः॒ परि॒ काष्ठा᳚सु॒ जेन्य॑ ई॒ळेन्यो᳚ म॒हो, अर्भा᳚य जी॒वसे᳚ | पु॒रु॒त्रा यदभ॑व॒त् सूरहै᳚भ्यो॒ गर्भे᳚भ्यो म॒घवा᳚ वि॒श्वद॑र्शतः॒(स्वाहा᳚) || 1.146.5, 2.2.15.5 {औचथ्यो दीर्घतमाः | अग्निः | त्रिष्टुप्}
[147] कथातइतिपंचर्चस्य सूक्तस्यौचथ्योदीर्घतमाअग्नित्रिष्टुप् |
क॒था ते᳚ अग्ने शु॒चयं᳚त आ॒योर्द॑दा॒शुर्वाजे᳚भिराशुषा॒णाः | उ॒भे यत्तो॒के तन॑ये॒ दधा᳚ना, ऋ॒तस्य॒ साम᳚न् र॒णयं᳚त दे॒वाः(स्वाहा᳚) || 1.147.1, 2.2.16.1 {औचथ्यो दीर्घतमाः | अग्निः | त्रिष्टुप्}
बोधा᳚ मे, अ॒स्य वच॑सो यविष्ठ॒ मंहि॑ष्ठस्य॒ प्रभृ॑तस्य स्वधावः | पीय॑ति त्वो॒, अनु॑ त्वो गृणाति वं॒दारु॑स्ते त॒न्वं᳚ वंदे, अग्ने॒(स्वाहा᳚) || 1.147.2, 2.2.16.2 {औचथ्यो दीर्घतमाः | अग्निः | त्रिष्टुप्}
ये पा॒यवो᳚ मामते॒यं ते᳚ अग्ने॒ पश्यं᳚तो, अं॒धं दु॑रि॒तादर॑क्षन् | र॒रक्ष॒ तान् त्सु॒कृतो᳚ वि॒श्ववे᳚दा॒ दिप्सं᳚त॒ इद् रि॒पवो॒ नाह॑ देभुः॒(स्वाहा᳚) || 1.147.3, 2.2.16.3 {औचथ्यो दीर्घतमाः | अग्निः | त्रिष्टुप्}
यो नो᳚ अग्ने॒, अर॑रिवाँ, अघा॒युर॑राती॒वा म॒र्चय॑ति द्व॒येन॑ | मंत्रो᳚ गु॒रुः पुन॑रस्तु॒ सो, अ॑स्मा॒, अनु॑ मृक्षीष्ट त॒न्वं᳚ दुरु॒क्तैः(स्वाहा᳚) || 1.147.4, 2.2.16.4 {औचथ्यो दीर्घतमाः | अग्निः | त्रिष्टुप्}
उ॒त वा॒ यः स॑हस्य प्रवि॒द्वान् मर्तो॒ मर्तं᳚ म॒र्चय॑ति द्व॒येन॑ | अतः॑ पाहि स्तवमान स्तु॒वंत॒मग्ने॒ माकि᳚र्नो दुरि॒ताय॑ धायीः॒(स्वाहा᳚) || 1.147.5, 2.2.16.5 {औचथ्यो दीर्घतमाः | अग्निः | त्रिष्टुप्}
[148] मथीद्यदीमिति पंचर्चस्य सूक्तस्यौचथ्योदीर्घतमाअग्निस्त्रिष्टुप् |
मथी॒द् यदीं᳚ वि॒ष्टो मा᳚त॒रिश्वा॒ होता᳚रं वि॒श्वाप्सुं᳚ वि॒श्वदे᳚व्यं | नि यं द॒धुर्म॑नु॒ष्या᳚सु वि॒क्षु स्व1॑(अ॒)र्ण चि॒त्रं वपु॑षे वि॒भाव॒म्(स्वाहा᳚) || 1.148.1, 2.2.17.1 {औचथ्यो दीर्घतमाः | अग्निः | त्रिष्टुप्}
द॒दा॒नमिन्न द॑दभंत॒ मन्मा॒ग्निर्वरू᳚थं॒ मम॒ तस्य॑ चाकन् | जु॒षंत॒ विश्वा᳚न्यस्य॒ कर्मोप॑स्तुतिं॒ भर॑माणस्य का॒रोः(स्वाहा᳚) || 1.148.2, 2.2.17.2 {औचथ्यो दीर्घतमाः | अग्निः | त्रिष्टुप्}
नित्ये᳚ चि॒न्नु यं सद॑ने जगृ॒भ्रे प्रश॑स्तिभिर्दधि॒रे य॒ज्ञिया᳚सः | प्र सू न॑यंत गृ॒भयं᳚त इ॒ष्टावश्वा᳚सो॒ न र॒थ्यो᳚ रारहा॒णाः(स्वाहा᳚) || 1.148.3, 2.2.17.3 {औचथ्यो दीर्घतमाः | अग्निः | त्रिष्टुप्}
पु॒रूणि॑ द॒स्मो नि रि॑णाति॒ जंभै॒राद् रो᳚चते॒ वन॒ आ वि॒भावा᳚ | आद॑स्य॒ वातो॒, अनु॑ वाति शो॒चिरस्तु॒र्न शर्या᳚मस॒नामनु॒ द्यून्(स्वाहा᳚) || 1.148.4, 2.2.17.4 {औचथ्यो दीर्घतमाः | अग्निः | त्रिष्टुप्}
न यं रि॒पवो॒ न रि॑ष॒ण्यवो॒ गर्भे॒ संतं᳚ रेष॒णा रे॒षयं᳚ति | अं॒धा, अ॑प॒श्या न द॑भन्नभि॒ख्या नित्या᳚स ईं प्रे॒तारो᳚ अरक्ष॒न्(स्वाहा᳚) || 1.148.5, 2.2.17.5 {औचथ्यो दीर्घतमाः | अग्निः | त्रिष्टुप्}
[149] महः सरायइति पंचर्चस्य सूक्तस्यौचथ्योदीर्घतमाअग्निर्विराट् |
म॒हः स रा॒य एष॑ते॒ पति॒र्दन्नि॒न इ॒नस्य॒ वसु॑नः प॒द आ | उप॒ ध्रजं᳚त॒मद्र॑यो वि॒धन्नित्(स्वाहा᳚) || 1.149.1, 2.2.18.1 {औचथ्यो दीर्घतमाः | अग्निः | विराट्}
स यो वृषा᳚ न॒रां न रोद॑स्योः॒ श्रवो᳚भि॒रस्ति॑ जी॒वपी᳚तसर्गः | प्र यः स॑स्रा॒णः शि॑श्री॒त योनौ॒(स्वाहा᳚) || 1.149.2, 2.2.18.2 {औचथ्यो दीर्घतमाः | अग्निः | विराट्}
आ यः पुरं॒ नार्मि॑णी॒मदी᳚दे॒दत्यः॑ क॒विर्न॑भ॒न्यो॒3॑(ओ॒) नार्वा᳚ | सूरो॒ न रु॑रु॒क्वांछ॒तात्मा॒(स्वाहा᳚) || 1.149.3, 2.2.18.3 {औचथ्यो दीर्घतमाः | अग्निः | विराट्}
अ॒भि द्वि॒जन्मा॒ त्री रो᳚च॒नानि॒ विश्वा॒ रजां᳚सि शुशुचा॒नो, अ॑स्थात् | होता॒ यजि॑ष्ठो, अ॒पां स॒धस्थे॒(स्वाहा᳚) || 1.149.4, 2.2.18.4 {औचथ्यो दीर्घतमाः | अग्निः | विराट्}
अ॒यं स होता॒ यो द्वि॒जन्मा॒ विश्वा᳚ द॒धे वार्या᳚णि श्रव॒स्या | मर्तो॒ यो, अ॑स्मै सु॒तुको᳚ द॒दाश॒(स्वाहा᳚) || 1.149.5, 2.2.18.5 {औचथ्यो दीर्घतमाः | अग्निः | विराट्}
[150] पुरुत्वेति तृचस्य सूक्तस्यौचथ्योदीर्घतमाअग्निरुष्णिक् |
पु॒रु त्वा᳚ दा॒श्वान् वो᳚चे॒ऽरिर॑ग्ने॒ तव॑ स्वि॒दा | तो॒दस्ये᳚व शर॒ण आ म॒हस्य॒(स्वाहा᳚) || 1.150.1, 2.2.19.1 {औचथ्यो दीर्घतमाः | अग्निः | उष्णिक्}
व्य॑नि॒नस्य॑ ध॒निनः॑ प्रहो॒षे चि॒दर॑रुषः | क॒दा च॒न प्र॒जिग॑तो॒, अदे᳚वयोः॒(स्वाहा᳚) || 1.150.2, 2.2.19.2 {औचथ्यो दीर्घतमाः | अग्निः | उष्णिक्}
स चं॒द्रो वि॑प्र॒ मर्त्यो᳚ म॒हो व्राधं᳚तमो दि॒वि | प्रप्रेत्ते᳚ अग्ने व॒नुषः॑ स्याम॒(स्वाहा᳚) || 1.150.3, 2.2.19.3 {औचथ्यो दीर्घतमाः | अग्निः | उष्णिक्}
[151] मित्रंनयमिति नवर्चस्य सूक्तस्यौचथ्योदीर्घतमामित्रावरुणावाद्यायामित्रोजगती |
मि॒त्रं न यं शिम्या॒ गोषु॑ ग॒व्यवः॑ स्वा॒ध्यो᳚ वि॒दथे᳚ अ॒प्सु जीज॑नन् | अरे᳚जेतां॒ रोद॑सी॒ पाज॑सा गि॒रा प्रति॑ प्रि॒यं य॑ज॒तं ज॒नुषा॒मवः॒(स्वाहा᳚) || 1.151.1, 2.2.20.1 {औचथ्यो दीर्घतमाः | मित्रः | जगती}
यद्ध॒ त्यद् वां᳚ पुरुमी॒ळ्हस्य॑ सो॒मिनः॒ प्र मि॒त्रासो॒ न द॑धि॒रे स्वा॒भुवः॑ | अध॒ क्रतुं᳚ विदतं गा॒तुमर्च॑त उ॒त श्रु॑तं वृषणा प॒स्त्या᳚वतः॒(स्वाहा᳚) || 1.151.2, 2.2.20.2 {औचथ्यो दीर्घतमाः | मित्रावरुणौ | जगती}
आ वां᳚ भूषन् क्षि॒तयो॒ जन्म॒ रोद॑स्योः प्र॒वाच्यं᳚ वृषणा॒ दक्ष॑से म॒हे | यदी᳚मृ॒ताय॒ भर॑थो॒ यदर्व॑ते॒ प्र होत्र॑या॒ शिम्या᳚ वीथो, अध्व॒रं(स्वाहा᳚) || 1.151.3, 2.2.20.3 {औचथ्यो दीर्घतमाः | मित्रावरुणौ | जगती}
प्र सा क्षि॒तिर॑सुर॒ या महि॑ प्रि॒य ऋता᳚वानावृ॒तमा घो᳚षथो बृ॒हत् | यु॒वं दि॒वो बृ॑ह॒तो दक्ष॑मा॒भुवं॒ गां न धु॒र्युप॑ युंजाथे, अ॒पः(स्वाहा᳚) || 1.151.4, 2.2.20.4 {औचथ्यो दीर्घतमाः | मित्रावरुणौ | जगती}
म॒ही, अत्र॑ महि॒ना वार॑मृण्वथोऽरे॒णव॒स्तुज॒ आ सद्म᳚न् धे॒नवः॑ | स्वरं᳚ति॒ ता, उ॑प॒रता᳚ति॒ सूर्य॒मा नि॒म्रुच॑ उ॒षस॑स्तक्व॒वीरि॑व॒(स्वाहा᳚) || 1.151.5, 2.2.20.5 {औचथ्यो दीर्घतमाः | मित्रावरुणौ | जगती}
आ वा᳚मृ॒ताय॑ के॒शिनी᳚रनूषत॒ मित्र॒ यत्र॒ वरु॑ण गा॒तुमर्च॑थः | अव॒ त्मना᳚ सृ॒जतं॒ पिन्व॑तं॒ धियो᳚ यु॒वं विप्र॑स्य॒ मन्म॑नामिरज्यथः॒(स्वाहा᳚) || 1.151.6, 2.2.21.1 {औचथ्यो दीर्घतमाः | मित्रावरुणौ | जगती}
यो वां᳚ य॒ज्ञैः श॑शमा॒नो ह॒ दाश॑ति क॒विर्होता॒ यज॑ति मन्म॒साध॑नः | उपाह॒ तं गच्छ॑थो वी॒थो, अ॑ध्व॒रमच्छा॒ गिरः॑ सुम॒तिं गं᳚तमस्म॒यू(स्वाहा᳚) || 1.151.7, 2.2.21.2 {औचथ्यो दीर्घतमाः | मित्रावरुणौ | जगती}
यु॒वां य॒ज्ञैः प्र॑थ॒मा गोभि॑रंजत॒ ऋता᳚वाना॒ मन॑सो॒ न प्रयु॑क्तिषु | भरं᳚ति वां॒ मन्म॑ना सं॒यता॒ गिरोऽदृ॑प्यता॒ मन॑सा रे॒वदा᳚शाथे॒(स्वाहा᳚) || 1.151.8, 2.2.21.3 {औचथ्यो दीर्घतमाः | मित्रावरुणौ | जगती}
रे॒वद् वयो᳚ दधाथे रे॒वदा᳚शाथे॒ नरा᳚ मा॒याभि॑रि॒तऊ᳚ति॒ माहि॑नं | न वां॒ द्यावोऽह॑भि॒र्नोत सिंध॑वो॒ न दे᳚व॒त्वं प॒णयो॒ नान॑शुर्म॒घं(स्वाहा᳚) || 1.151.9, 2.2.21.4 {औचथ्यो दीर्घतमाः | मित्रावरुणौ | जगती}
[152] युवंवस्त्राणीति सप्तर्चस्य सूक्तस्यौचथ्योदीर्घतमामित्रावरुणौत्रिष्टुप् |
यु॒वं वस्त्रा᳚णि पीव॒सा व॑साथे यु॒वोरच्छि॑द्रा॒ मंत॑वो ह॒ सर्गाः᳚ | अवा᳚तिरत॒मनृ॑तानि॒ विश्व॑ ऋ॒तेन॑ मित्रावरुणा सचेथे॒(स्वाहा᳚) || 1.152.1, 2.2.22.1 {औचथ्यो दीर्घतमाः | मित्रावरुणौ | त्रिष्टुप्}
ए॒तच्च॒न त्वो॒ वि चि॑केतदेषां स॒त्यो मंत्रः॑ कविश॒स्त ऋघा᳚वान् | त्रि॒रश्रिं᳚ हंति॒ चतु॑रश्रिरु॒ग्रो दे᳚व॒निदो᳚ ह प्र॑थ॒मा, अ॑जूर्य॒न्(स्वाहा᳚) || 1.152.2, 2.2.22.2 {औचथ्यो दीर्घतमाः | मित्रावरुणौ | त्रिष्टुप्}
अ॒पादे᳚ति प्रथ॒मा प॒द्वती᳚नां॒ कस्तद् वां᳚ मित्रावरु॒णा चि॑केत | गर्भो᳚ भा॒रं भ॑र॒त्या चि॑दस्य ऋ॒तं पिप॒र्त्यनृ॑तं॒ नि ता᳚री॒त्(स्वाहा᳚) || 1.152.3, 2.2.22.3 {औचथ्यो दीर्घतमाः | मित्रावरुणौ | त्रिष्टुप्}
प्र॒यंत॒मित् परि॑ जा॒रं क॒नीनां॒ पश्या᳚मसि॒ नोप॑नि॒पद्य॑मानं | अन॑वपृग्णा॒ वित॑ता॒ वसा᳚नं प्रि॒यं मि॒त्रस्य॒ वरु॑णस्य॒ धाम॒(स्वाहा᳚) || 1.152.4, 2.2.22.4 {औचथ्यो दीर्घतमाः | मित्रावरुणौ | त्रिष्टुप्}
अ॒न॒श्वो जा॒तो, अ॑नभी॒शुरर्वा॒ कनि॑क्रदत् पतयदू॒र्ध्वसा᳚नुः | अ॒चित्तं॒ ब्रह्म॑ जुजुषु॒र्युवा᳚नः॒ प्र मि॒त्रे धाम॒ वरु॑णे गृ॒णंतः॒(स्वाहा᳚) || 1.152.5, 2.2.22.5 {औचथ्यो दीर्घतमाः | मित्रावरुणौ | त्रिष्टुप्}
आ धे॒नवो᳚ मामते॒यमवं᳚तीर्ब्रह्म॒प्रियं᳚ पीपय॒न् त्सस्मि॒न्नूध॑न् | पि॒त्वो भि॑क्षेत व॒युना᳚नि वि॒द्वाना॒साविवा᳚स॒न्नदि॑तिमुरुष्ये॒त्(स्वाहा᳚) || 1.152.6, 2.2.22.6 {औचथ्यो दीर्घतमाः | मित्रावरुणौ | त्रिष्टुप्}
आवां᳚ मित्रावरुणा ह॒व्यजु॑ष्टिं॒ नम॑सा देवा॒वव॑सा ववृत्यां | अ॒स्माकं॒ ब्रह्म॒ पृत॑नासु सह्या, अ॒स्माकं᳚ वृ॒ष्टिर्दि॒व्या सु॑पा॒रा(स्वाहा᳚) || 1.152.7, 2.2.22.7 {औचथ्यो दीर्घतमाः | मित्रावरुणौ | त्रिष्टुप्}
[153] यजामहइति चतुरृचस्य सूक्तस्यौचथ्योदीर्घतमामित्रावरुणौत्रिष्टुप् |
यजा᳚महे वां म॒हः स॒जोषा᳚ ह॒व्येभि᳚र्मित्रावरुणा॒ नमो᳚भिः | घृ॒तैर्घृ॑तस्नू॒, अध॒ यद् वा᳚म॒स्मे, अ॑ध्व॒र्यवो॒ न धी॒तिभि॒र्भरं᳚ति॒(स्वाहा᳚) || 1.153.1, 2.2.23.1 {औचथ्यो दीर्घतमाः | मित्रावरुणौ | त्रिष्टुप्}
प्रस्तु॑तिर्वां॒ धाम॒ न प्रयु॑क्ति॒रया᳚मि मित्रावरुणा सुवृ॒क्तिः | अ॒नक्ति॒ यद् वां᳚ वि॒दथे᳚षु॒ होता᳚ सु॒म्नं वां᳚ सू॒रिर्वृ॑षणा॒विय॑क्ष॒न्(स्वाहा᳚) || 1.153.2, 2.2.23.2 {औचथ्यो दीर्घतमाः | मित्रावरुणौ | त्रिष्टुप्}
पी॒पाय॑ धे॒नुरदि॑तिरृ॒ताय॒ जना᳚य मित्रावरुणा हवि॒र्दे | हि॒नोति॒ यद् वां᳚ वि॒दथे᳚ सप॒र्यन् त्स रा॒तह᳚व्यो॒ मानु॑षो॒ न होता॒(स्वाहा᳚) || 1.153.3, 2.2.23.3 {औचथ्यो दीर्घतमाः | मित्रावरुणौ | त्रिष्टुप्}
उ॒त वां᳚ वि॒क्षु मद्या॒स्वंधो॒ गाव॒ आप॑श्च पीपयंत दे॒वीः | उ॒तो नो᳚ अ॒स्य पू॒र्व्यः पति॒र्दन् वी॒तं पा॒तं पय॑स उ॒स्रिया᳚याः॒(स्वाहा᳚) || 1.153.4, 2.2.23.4 {औचथ्यो दीर्घतमाः | मित्रावरुणौ | त्रिष्टुप्}
[154] विष्णोर्नुकमिति षडृचस्य सूक्तस्यौचध्योदीर्घतमा विष्णुस्त्रिष्टुप् |
विष्णो॒र्नु कं᳚ वी॒र्या᳚णि॒ प्र वो᳚चं॒ यः पार्थि॑वानि विम॒मे रजां᳚सि | यो, अस्क॑भाय॒दुत्त॑रं स॒धस्थं᳚ विचक्रमा॒णस्त्रे॒धोरु॑गा॒यः(स्वाहा᳚) || 1.154.1, 2.2.24.1 {औचथ्यो दीर्घतमाः | विष्णुः | त्रिष्टुप्}
प्र तद् विष्णुः॑ स्तवते वी॒र्ये᳚ण मृ॒गो न भी॒मः कु॑च॒रो गि॑रि॒ष्ठाः | यस्यो॒रुषु॑ त्रि॒षु वि॒क्रम॑णेष्वधिक्षि॒यंति॒ भुव॑नानि॒ विश्वा॒(स्वाहा᳚) || 1.154.2, 2.2.24.2 {औचथ्यो दीर्घतमाः | विष्णुः | त्रिष्टुप्}
प्र विष्ण॑वे शू॒षमे᳚तु॒ मन्म॑ गिरि॒क्षित॑ उरुगा॒याय॒ वृष्णे᳚ | य इ॒दं दी॒र्घं प्रय॑तं स॒धस्थ॒मेको᳚ विम॒मे त्रि॒भिरित् प॒देभिः॒(स्वाहा᳚) || 1.154.3, 2.2.24.3 {औचथ्यो दीर्घतमाः | विष्णुः | त्रिष्टुप्}
यस्य॒ त्री पू॒र्णा मधु॑ना प॒दान्यक्षी᳚यमाणा स्व॒धया॒ मदं᳚ति | य उ॑ त्रि॒धातु॑ पृथि॒वीमु॒त द्यामेको᳚ दा॒धार॒ भुव॑नानि॒ विश्वा॒(स्वाहा᳚) || 1.154.4, 2.2.24.4 {औचथ्यो दीर्घतमाः | विष्णुः | त्रिष्टुप्}
तद॑स्य प्रि॒यम॒भि पाथो᳚ अश्यां॒ नरो॒ यत्र॑ देव॒यवो॒ मदं᳚ति | उ॒रु॒क्र॒मस्य॒ स हि बंधु॑रि॒त्था विष्णोः᳚ प॒दे प॑र॒मे मध्व॒ उत्सः॒(स्वाहा᳚) || 1.154.5, 2.2.24.5 {औचथ्यो दीर्घतमाः | विष्णुः | त्रिष्टुप्}
ता वां॒ वास्तू᳚न्युश्मसि॒ गम॑ध्यै॒ यत्र॒ गावो॒ भूरि॑शृंगा, अ॒यासः॑ | अत्रा ह॒तदु॑रुगा॒यस्य॒ वृष्णः॑ पर॒मं प॒दमव॑ भाति॒ भूरि॒(स्वाहा᳚) || 1.154.6, 2.2.24.6 {औचथ्यो दीर्घतमाः | विष्णुः | त्रिष्टुप्}
[155] प्रवःपांतमिति षडृचस्य सूक्तस्यौचथ्योदीर्घतमा आद्यानांतिसृणामिंद्राविष्णू ततस्तिसृणांविष्णुर्जगती |
प्र वः॒ पांत॒मंध॑सो धियाय॒ते म॒हे शूरा᳚य॒ विष्ण॑वे चार्चत | या सानु॑नि॒ पर्व॑ताना॒मदा᳚भ्या म॒हस्त॒स्थतु॒रर्व॑तेव सा॒धुना॒(स्वाहा᳚) || 1.155.1, 2.2.25.1 {औचथ्यो दीर्घतमाः | इंद्राविष्णूः | जगती}
त्वे॒षमि॒त्था स॒मर॑णं॒ शिमी᳚वतो॒रिंद्रा᳚विष्णू सुत॒पा वा᳚मुरुष्यति | या मर्त्या᳚य प्रतिधी॒यमा᳚न॒मित् कृ॒शानो॒रस्तु॑रस॒नामु॑रु॒ष्यथः॒(स्वाहा᳚) || 1.155.2, 2.2.25.2 {औचथ्यो दीर्घतमाः | इंद्राविष्णूः | जगती}
ता, ईं᳚ वर्धंति॒ मह्य॑स्य॒ पौंस्यं॒ नि मा॒तरा᳚ नयति॒ रेत॑से भु॒जे | दधा᳚ति पु॒त्रोऽव॑रं॒ परं᳚ पि॒तुर्नाम॑ तृ॒तीय॒मधि॑ रोच॒ने दि॒वः(स्वाहा᳚) || 1.155.3, 2.2.25.3 {औचथ्यो दीर्घतमाः | इंद्राविष्णूः | जगती}
तत्त॒दिद॑स्य॒ पौंस्यं᳚ गृणीमसी॒नस्य॑ त्रा॒तुर॑वृ॒कस्य॑ मी॒ळ्हुषः॑ | यः पार्थि॑वानि त्रि॒भिरिद् विगा᳚मभिरु॒रु क्रमि॑ष्टोरुगा॒याय॑ जी॒वसे॒(स्वाहा᳚) || 1.155.4, 2.2.25.4 {औचथ्यो दीर्घतमाः | विष्णुः | जगती}
द्वे, इद॑स्य॒ क्रम॑णे स्व॒र्दृशो᳚ऽभि॒ख्याय॒ मर्त्यो᳚ भुरण्यति | तृ॒तीय॑मस्य॒ नकि॒रा द॑धर्षति॒ वय॑श्च॒न प॒तयं᳚तः पत॒त्रिणः॒(स्वाहा᳚) || 1.155.5, 2.2.25.5 {औचथ्यो दीर्घतमाः | विष्णुः | जगती}
च॒तुर्भिः॑ सा॒कं न॑व॒तिं च॒ नाम॑भिश्च॒क्रं न वृ॒त्तं व्यतीँ᳚रवीविपत् | बृ॒हच्छ॑रीरो वि॒मिमा᳚न॒ ऋक्व॑भिर्॒युवाकु॑मारः॒ प्रत्ये᳚त्याह॒वं(स्वाहा᳚) || 1.155.6, 2.2.25.6 {औचथ्यो दीर्घतमाः | विष्णुः | जगती}
[156] भवामित्रइति पंचर्चस्य सूक्तस्यौचथ्योदीर्घतमाविष्णुर्जगती |
भवा᳚ मि॒त्रो न शेव्यो᳚ घृ॒तासु॑तिर्॒विभू᳚तद्युम्न एव॒या, उ॑ स॒प्रथाः᳚ | अधा᳚ ते विष्णो वि॒दुषा᳚ चि॒दर्ध्यः॒ स्तोमो᳚ य॒ज्ञश्च॒ राध्यो᳚ ह॒विष्म॑ता॒(स्वाहा᳚) || 1.156.1, 2.2.26.1 {औचथ्यो दीर्घतमाः | विष्णुः | जगती}
यः पू॒र्व्याय॑ वे॒धसे॒ नवी᳚यसे सु॒मज्जा᳚नये॒ विष्ण॑वे॒ ददा᳚शति | यो जा॒तम॑स्य मह॒तो महि॒ ब्रव॒त् सेदु॒ श्रवो᳚भि॒र्युज्यं᳚ चिद॒भ्य॑स॒त्(स्वाहा᳚) || 1.156.2, 2.2.26.2 {औचथ्यो दीर्घतमाः | विष्णुः | जगती}
तमु॑ स्तोतारः पू॒र्व्यं यथा᳚ वि॒द ऋ॒तस्य॒ गर्भं᳚ ज॒नुषा᳚ पिपर्तन | आस्य॑ जा॒नंतो॒ नाम॑ चिद् विवक्तन म॒हस्ते᳚ विष्णो सुम॒तिं भ॑जामहे॒(स्वाहा᳚) || 1.156.3, 2.2.26.3 {औचथ्यो दीर्घतमाः | विष्णुः | जगती}
तम॑स्य॒ राजा॒ वरु॑ण॒स्तम॒श्विना॒ क्रतुं᳚ सचंत॒ मारु॑तस्य वे॒धसः॑ | दा॒धार॒ दक्ष॑मुत्त॒मम॑ह॒र्विदं᳚ व्र॒जं च॒ विष्णुः॒ सखि॑वाँ, अपोर्णु॒ते(स्वाहा᳚) || 1.156.4, 2.2.26.4 {औचथ्यो दीर्घतमाः | विष्णुः | जगती}
आ यो वि॒वाय॑ स॒चथा᳚य॒ दैव्य॒ इंद्रा᳚य॒ विष्णुः॑ सु॒कृते᳚ सु॒कृत्त॑रः | वे॒धा, अ॑जिन्वत् त्रिषध॒स्थ आर्य॑मृ॒तस्य॑ भा॒गे यज॑मान॒माभ॑ज॒त्(स्वाहा᳚) || 1.156.5, 2.2.26.5 {औचथ्यो दीर्घतमाः | विष्णुः | जगती}
[157] अबोध्यग्निरिति षडृचस्य सूक्तस्यौचथ्योदीर्घतमाअश्विनौ जगत्यंत्येद्वेत्रिष्टुभौ |
अबो᳚ध्य॒ग्निर्ज्म उदे᳚ति॒ सूर्यो॒ व्यु1॑(उ॒)षाश्चं॒द्रा म॒ह्या᳚वो, अ॒र्चिषा᳚ | आयु॑क्षाताम॒श्विना॒ यात॑वे॒ रथं॒ प्रासा᳚वीद्दे॒वः स॑वि॒ता जग॒त् पृथ॑क्॒(स्वाहा᳚) || 1.157.1, 2.2.27.1 {औचथ्यो दीर्घतमाः | अश्विनौ | जगती}
यद् युं॒जाथे॒ वृष॑णमश्विना॒ रथं᳚ घृ॒तेन॑ नो॒ मधु॑ना क्ष॒त्रमु॑क्षतं | अ॒स्माकं॒ ब्रह्म॒ पृत॑नासु जिन्वतं व॒यं धना॒ शूर॑साता भजेमहि॒(स्वाहा᳚) || 1.157.2, 2.2.27.2 {औचथ्यो दीर्घतमाः | अश्विनौ | जगती}
अ॒र्वाङ् त्रि॑च॒क्रो म॑धु॒वाह॑नो॒ रथो᳚ जी॒राश्वो᳚ अ॒श्विनो᳚र्यातु॒ सुष्टु॑तः | त्रि॒वं॒धु॒रो म॒घवा᳚ वि॒श्वसौ᳚भगः॒ शं न॒ आ व॑क्षद्द्वि॒पदे॒ चतु॑ष्पदे॒(स्वाहा᳚) || 1.157.3, 2.2.27.3 {औचथ्यो दीर्घतमाः | अश्विनौ | जगती}
आ न॒ ऊर्जं᳚ वहतमश्विना यु॒वं मधु॑मत्या नः॒ कश॑या मिमिक्षतं | प्रायु॒स्तारि॑ष्टं॒ नी रपां᳚सि मृक्षतं॒ सेध॑तं॒ द्वेषो॒ भव॑तं सचा॒भुवा॒(स्वाहा᳚) || 1.157.4, 2.2.27.4 {औचथ्यो दीर्घतमाः | अश्विनौ | जगती}
यु॒वं ह॒ गर्भं॒ जग॑तीषु धत्थो यु॒वं विश्वे᳚षु॒ भुव॑नेष्वं॒तः | यु॒वम॒ग्निं च॑ वृषणाव॒पश्च॒ वन॒स्पतीँ᳚रश्विना॒वैर॑येथा॒म्(स्वाहा᳚) || 1.157.5, 2.2.27.5 {औचथ्यो दीर्घतमाः | अश्विनौ | त्रिष्टुप्}
यु॒वं ह॑ स्थो भि॒षजा᳚ भेष॒जेभि॒रथो᳚ ह स्थो र॒थ्या॒3॑(आ॒) राथ्ये᳚भिः | अथो᳚ ह क्ष॒त्रमधि॑ धत्थ उग्रा॒ यो वां᳚ ह॒विष्मा॒न् मन॑सा द॒दाश॒(स्वाहा᳚) || 1.157.6, 2.2.27.6 {औचथ्यो दीर्घतमाः | अश्विनौ | त्रिष्टुप्}
[158] वसूरुद्राइति षडृचस्य सूक्तस्यौचथ्योदीर्घतमाअश्विनौत्रिष्टुबंत्यानुष्टुप् |
वसू᳚ रु॒द्रा पु॑रु॒मंतू᳚ वृ॒धंता᳚ दश॒स्यतं᳚ नो वृषणाव॒भिष्टौ᳚ | दस्रा᳚ ह॒ यद् रेक्ण॑ औच॒थ्यो वां॒ प्र यत् स॒स्राथे॒, अक॑वाभिरू॒ती(स्वाहा᳚) || 1.158.1, 2.3.1.1 {औचथ्यो दीर्घतमाः | अश्विनौ | त्रिष्टुप्}
को वां᳚ दाशत् सुम॒तये᳚ चिद॒स्यै वसू॒ यद् धेथे॒ नम॑सा प॒दे गोः | जि॒गृ॒तम॒स्मे रे॒वतीः॒ पुरं᳚धीः काम॒प्रेणे᳚व॒ मन॑सा॒ चरं᳚ता॒(स्वाहा᳚) || 1.158.2, 2.3.1.2 {औचथ्यो दीर्घतमाः | अश्विनौ | त्रिष्टुप्}
यु॒क्तो ह॒ यद् वां᳚ तौ॒ग्र्याय॑ पे॒रुर्वि मध्ये॒, अर्ण॑सो॒ धायि॑ प॒ज्रः | उप॑ वा॒मवः॑ शर॒णं ग॑मेयं॒ शूरो॒ नाज्म॑ प॒तय॑द्भि॒रेवैः᳚(स्वाहा᳚) || 1.158.3, 2.3.1.3 {औचथ्यो दीर्घतमाः | अश्विनौ | त्रिष्टुप्}
उप॑स्तुतिरौच॒थ्यमु॑रुष्ये॒न्मा मामि॒मे प॑त॒त्रिणी॒ वि दु॑ग्धां | मा मामेधो॒ दश॑तयश्चि॒तो धा॒क् प्र यद् वां᳚ ब॒द्धस्त्मनि॒ खाद॑ति॒ क्षां(स्वाहा᳚) || 1.158.4, 2.3.1.4 {औचथ्यो दीर्घतमाः | अश्विनौ | त्रिष्टुप्}
न मा᳚ गरन् न॒द्यो᳚ मा॒तृत॑मा दा॒सा यदीं॒ सुस॑मुब्धम॒वाधुः॑ | शिरो॒ यद॑स्य त्रैत॒नो वि॒तक्ष॑त् स्व॒यं दा॒स उरो॒, अंसा॒वपि॑ ग्ध॒(स्वाहा᳚) || 1.158.5, 2.3.1.5 {औचथ्यो दीर्घतमाः | अश्विनौ | त्रिष्टुप्}
दी॒र्घत॑मा मामते॒यो जु॑जु॒र्वान् द॑श॒मे यु॒गे | अ॒पामर्थं᳚ य॒तीनां᳚ ब्र॒ह्मा भ॑वति॒ सार॑थिः॒(स्वाहा᳚) || 1.158.6, 2.3.1.6 {औचथ्यो दीर्घतमाः | अश्विनौ | अनुष्टुप्}
[159] प्रद्यावायज्ञैरिति पंचर्चस्य सूक्तस्यौचथ्योदीर्घतमाद्यावापृथिव्यौजगती |
प्र द्यावा᳚ य॒ज्ञैः पृ॑थि॒वी, ऋ॑ता॒वृधा᳚ म॒ही स्तु॑षे वि॒दथे᳚षु॒ प्रचे᳚तसा | दे॒वेभि॒र्ये दे॒वपु॑त्रे सु॒दंस॑से॒त्था धि॒या वार्या᳚णि प्र॒भूष॑तः॒(स्वाहा᳚) || 1.159.1, 2.3.2.1 {औचथ्यो दीर्घतमाः | द्यावापृथिव्यौ | जगती}
उ॒त म᳚न्ये पि॒तुर॒द्रुहो॒ मनो᳚ मा॒तुर्महि॒ स्वत॑व॒स्तद्धवी᳚मभिः | सु॒रेत॑सा पि॒तरा॒ भूम॑ चक्रतुरु॒रु प्र॒जाया᳚ अ॒मृतं॒ वरी᳚मभिः॒(स्वाहा᳚) || 1.159.2, 2.3.2.2 {औचथ्यो दीर्घतमाः | द्यावापृथिव्यौ | जगती}
ते सू॒नवः॒ स्वप॑सः सु॒दंस॑सो म॒ही ज॑ज्ञुर्मा॒तरा᳚ पू॒र्वचि॑त्तये | स्था॒तुश्च॑ स॒त्यं जग॑तश्च॒ धर्म॑णि पु॒त्रस्य॑ पाथः प॒दमद्व॑याविनः॒(स्वाहा᳚) || 1.159.3, 2.3.2.3 {औचथ्यो दीर्घतमाः | द्यावापृथिव्यौ | जगती}
ते मा॒यिनो᳚ ममिरे सु॒प्रचे᳚तसो जा॒मी सयो᳚नी मिथु॒ना समो᳚कसा | नव्यं᳚नव्यं॒ तंतु॒मा त᳚न्वते दि॒वि स॑मु॒द्रे, अं॒तः क॒वयः॑ सुदी॒तयः॒(स्वाहा᳚) || 1.159.4, 2.3.2.4 {औचथ्यो दीर्घतमाः | द्यावापृथिव्यौ | जगती}
तद् राधो᳚ अ॒द्य स॑वि॒तुर्वरे᳚ण्यं व॒यं दे॒वस्य॑ प्रस॒वे म॑नामहे | अ॒स्मभ्यं᳚ द्यावापृथिवी सुचे॒तुना᳚ र॒यिं ध॑त्तं॒ वसु॑मंतं शत॒ग्विन॒म्(स्वाहा᳚) || 1.159.5, 2.3.2.5 {औचथ्यो दीर्घतमाः | द्यावापृथिव्यौ | जगती}
[160] तेहीति पंचर्चस्य सूक्तस्यौचथ्योदीर्घतमाद्यावापृथिव्यौजगती |
ते हि द्यावा᳚पृथि॒वी वि॒श्वशं᳚भुव ऋ॒ताव॑री॒ रज॑सो धार॒यत्क॑वी | सु॒जन्म॑नी धि॒षणे᳚ अं॒तरी᳚यते दे॒वो दे॒वी धर्म॑णा॒ सूर्यः॒ शुचिः॒(स्वाहा᳚) || 1.160.1, 2.3.3.1 {औचथ्यो दीर्घतमाः | द्यावापृथिव्यौ | जगती}
उ॒रु॒व्यच॑सा म॒हिनी᳚ अस॒श्चता᳚ पि॒ता मा॒ता च॒ भुव॑नानि रक्षतः | सु॒धृष्ट॑मे वपु॒ष्ये॒3॑(ए॒) न रोद॑सी पि॒ता यत् सी᳚म॒भि रू॒पैरवा᳚सय॒त्(स्वाहा᳚) || 1.160.2, 2.3.3.2 {औचथ्यो दीर्घतमाः | द्यावापृथिव्यौ | जगती}
स वह्निः॑ पु॒त्रः पि॒त्रोः प॒वित्र॑वान् पु॒नाति॒ धीरो॒ भुव॑नानि मा॒यया᳚ | धे॒नुं च॒ पृश्निं᳚ वृष॒भं सु॒रेत॑सं वि॒श्वाहा᳚ शु॒क्रं पयो᳚ अस्य दुक्षत॒(स्वाहा᳚) || 1.160.3, 2.3.3.3 {औचथ्यो दीर्घतमाः | द्यावापृथिव्यौ | जगती}
अ॒यं दे॒वाना᳚म॒पसा᳚म॒पस्त॑मो॒ यो ज॒जान॒ रोद॑सी वि॒श्वशं᳚भुवा | वि यो म॒मे रज॑सी सुक्रतू॒यया॒जरे᳚भिः॒ स्कंभ॑नेभिः॒ समा᳚नृचे॒(स्वाहा᳚) || 1.160.4, 2.3.3.4 {औचथ्यो दीर्घतमाः | द्यावापृथिव्यौ | जगती}
ते नो᳚ गृणा॒ने म॑हिनी॒ महि॒ श्रवः॑, क्ष॒त्रं द्या᳚वापृथिवी धासथो बृ॒हत् | येना॒भि कृ॒ष्टीस्त॒तना᳚म वि॒श्वहा᳚ प॒नाय्य॒मोजो᳚ अ॒स्मे समि᳚न्वत॒म्(स्वाहा᳚) || 1.160.5, 2.3.3.5 {औचथ्यो दीर्घतमाः | द्यावापृथिव्यौ | जगती}
[161] किमुश्रेष्ठइति चतुर्दशर्चस्य सूक्तस्यौचथ्योदीर्घतमाऋभवोजगत्यंत्या त्रिष्टुप् |
किमु॒ श्रेष्ठः॒ किं यवि॑ष्ठो न॒ आज॑ग॒न् किमी᳚यते दू॒त्य1॑(अं॒) कद्यदू᳚चि॒म | न निं᳚दिम चम॒सं यो म॑हाकु॒लोऽग्ने᳚ भ्रात॒र्द्रुण॒ इद् भू॒तिमू᳚दिम॒(स्वाहा᳚) || 1.161.1, 2.3.4.1 {औचथ्यो दीर्घतमाः | ऋभवः | जगती}
एकं᳚ चम॒सं च॒तुरः॑ कृणोतन॒ तद् वो᳚ दे॒वा, अ॑ब्रुव॒न् तद् व॒ आग॑मं | सौध᳚न्वना॒ यद्ये॒वा क॑रि॒ष्यथ॑ सा॒कं दे॒वैर्य॒ज्ञिया᳚सो भविष्यथ॒(स्वाहा᳚) || 1.161.2, 2.3.4.2 {औचथ्यो दीर्घतमाः | ऋभवः | जगती}
अ॒ग्निं दू॒तं प्रति॒ यदब्र॑वीत॒नाश्वः॒ कर्त्वो॒ रथ॑ उ॒तेह कर्त्वः॑ | धे॒नुः कर्त्वा᳚ युव॒शा कर्त्वा॒ द्वा तानि॑ भ्रात॒रनु॑ वः कृ॒त्व्येम॑सि॒(स्वाहा᳚) || 1.161.3, 2.3.4.3 {औचथ्यो दीर्घतमाः | ऋभवः | जगती}
च॒कृ॒वांस॑ ऋभव॒स्तद॑पृच्छत॒ क्वेद॑भू॒द्यः स्य दू॒तो न॒ आज॑गन् | य॒दावाख्य॑च्चम॒सांच॒तुरः॑ कृ॒तानादित् त्वष्टा॒ ग्नास्वं॒तर्न्या᳚नजे॒(स्वाहा᳚) || 1.161.4, 2.3.4.4 {औचथ्यो दीर्घतमाः | ऋभवः | जगती}
हना᳚मैनाँ॒, इति॒ त्वष्टा॒ यदब्र॑वीच्चम॒सं ये दे᳚व॒पान॒मनिं᳚दिषुः | अ॒न्या नामा᳚नि कृण्वते सु॒ते सचाँ᳚, अ॒न्यैरे᳚नान् क॒न्या॒3॑(आ॒) नाम॑भिः स्पर॒त्(स्वाहा᳚) || 1.161.5, 2.3.4.5 {औचथ्यो दीर्घतमाः | ऋभवः | जगती}
इंद्रो॒ हरी᳚ युयु॒जे, अ॒श्विना॒ रथं॒ बृह॒स्पति᳚र्वि॒श्वरू᳚पा॒मुपा᳚जत | ऋ॒भुर्विभ्वा॒ वाजो᳚ दे॒वाँ, अ॑गच्छत॒ स्वप॑सो य॒ज्ञियं᳚ भा॒गमै᳚तन॒(स्वाहा᳚) || 1.161.6, 2.3.5.1 {औचथ्यो दीर्घतमाः | ऋभवः | जगती}
निश्चर्म॑णो॒ गाम॑रिणीत धी॒तिभि॒र्या जरं᳚ता युव॒शा ताकृ॑णोतन | सौध᳚न्वना॒, अश्वा॒दश्व॑मतक्षत यु॒क्त्वा रथ॒मुप॑ दे॒वाँ, अ॑यातन॒(स्वाहा᳚) || 1.161.7, 2.3.5.2 {औचथ्यो दीर्घतमाः | ऋभवः | जगती}
इ॒दमु॑द॒कं पि॑ब॒तेत्य॑ब्रवीतने॒दं वा᳚ घा पिबता मुंज॒नेज॑नं | सौध᳚न्वना॒ यदि॒ तन्नेव॒ हर्य॑थ तृ॒तीये᳚ घा॒ सव॑ने मादयाध्वै॒(स्वाहा᳚) || 1.161.8, 2.3.5.3 {औचथ्यो दीर्घतमाः | ऋभवः | जगती}
आपो॒ भूयि॑ष्ठा॒, इत्येको᳚ अब्रवीद॒ग्निर्भूयि॑ष्ठ॒ इत्य॒न्यो, अ॑ब्रवीत् | व॒ध॒र्यंतीं᳚ ब॒हुभ्यः॒ प्रैको᳚ अब्रवीदृ॒ता वदं᳚तश्चम॒साँ, अ॑पिंशत॒(स्वाहा᳚) || 1.161.9, 2.3.5.4 {औचथ्यो दीर्घतमाः | ऋभवः | जगती}
श्रो॒णामेक॑ उद॒कं गामवा᳚जति मां॒समेकः॑ पिंशति सू॒नयाभृ॑तं | आ नि॒म्रुचः॒ शकृ॒देको॒, अपा᳚भर॒त् किं स्वि॑त् पु॒त्रेभ्यः॑ पि॒तरा॒, उपा᳚वतुः॒(स्वाहा᳚) || 1.161.10, 2.3.5.5 {औचथ्यो दीर्घतमाः | ऋभवः | जगती}
उ॒द्वत्स्व॑स्मा, अकृणोतना॒ तृणं᳚ नि॒वत्स्व॒पः स्व॑प॒स्यया᳚ नरः | अगो᳚ह्यस्य॒ यदस॑स्तना गृ॒हे तद॒द्येदमृ॑भवो॒ नानु॑ गच्छथ॒(स्वाहा᳚) || 1.161.11, 2.3.6.1 {औचथ्यो दीर्घतमाः | ऋभवः | जगती}
स॒म्मील्य॒ यद् भुव॑ना प॒र्यस॑र्पत॒ क्व॑ स्वित्ता॒त्या पि॒तरा᳚ व आसतुः | अश॑पत॒ यः क॒रस्नं᳚ व आद॒दे यः प्राब्र॑वी॒त् प्रो तस्मा᳚ अब्रवीतन॒(स्वाहा᳚) || 1.161.12, 2.3.6.2 {औचथ्यो दीर्घतमाः | ऋभवः | जगती}
सु॒षु॒प्वांस॑ ऋभव॒स्तद॑पृच्छ॒तागो᳚ह्य॒ क इ॒दं नो᳚ अबूबुधत् | श्वानं᳚ ब॒स्तो बो᳚धयि॒तार॑मब्रवीत् संवत्स॒र इ॒दम॒द्या व्य॑ख्यत॒(स्वाहा᳚) || 1.161.13, 2.3.6.3 {औचथ्यो दीर्घतमाः | ऋभवः | जगती}
दि॒वा यां᳚ति म॒रुतो॒ भूम्या॒ग्निर॒यं वातो᳚ अं॒तरि॑क्षेण याति | अ॒द्भिर्या᳚ति॒ वरु॑णः समु॒द्रैर्यु॒ष्माँ, इ॒च्छंतः॑ शवसो नपातः॒(स्वाहा᳚) || 1.161.14, 2.3.6.4 {औचथ्यो दीर्घतमाः | ऋभवः | त्रिष्टुप्}
[162] मानोमित्रइति द्वाविंशत्यृचस्य सूक्तस्य औचथ्योदीर्घतमाअश्वस्त्रिष्टुप् तृतीयाषष्ट्यौजगत्यौ | (अश्वस्तुत्याश्वोदेवता) |
मा नो᳚ मि॒त्रो वरु॑णो, अर्य॒मायुरिंद्र॑ ऋभु॒क्षा म॒रुतः॒ परि॑ ख्यन् | यद् वा॒जिनो᳚ दे॒वजा᳚तस्य॒ सप्तेः᳚ प्रव॒क्ष्यामो᳚ वि॒दथे᳚ वी॒र्या᳚णि॒(स्वाहा᳚) || 1.162.1, 2.3.7.1 {औचथ्यो दीर्घतमाः | अश्वः | त्रिष्टुप्}
यन्नि॒र्णिजा॒ रेक्ण॑सा॒ प्रावृ॑तस्य रा॒तिं गृ॑भी॒तां मु॑ख॒तो नयं᳚ति | सुप्रा᳚ङ॒जो मेम्य॑द् वि॒श्वरू᳚प इंद्रापू॒ष्णोः प्रि॒यमप्ये᳚ति॒ पाथः॒(स्वाहा᳚) || 1.162.2, 2.3.7.2 {औचथ्यो दीर्घतमाः | अश्वः | त्रिष्टुप्}
ए॒ष च्छागः॑ पु॒रो, अश्वे᳚न वा॒जिना᳚ पू॒ष्णो भा॒गो नी᳚यते वि॒श्वदे᳚व्यः | अ॒भि॒प्रियं॒ यत् पु॑रो॒ळाश॒मर्व॑ता॒ त्वष्टेदे᳚नं सौश्रव॒साय॑ जिन्वति॒(स्वाहा᳚) || 1.162.3, 2.3.7.3 {औचथ्यो दीर्घतमाः | अश्वः | जगती}
यद्ध॑वि॒ष्य॑मृतु॒शो दे᳚व॒यानं॒ त्रिर्मानु॑षाः॒ पर्यश्वं॒ नयं᳚ति | अत्रा᳚ पू॒ष्णः प्र॑थ॒मो भा॒ग ए᳚ति य॒ज्ञं दे॒वेभ्यः॑ प्रतिवे॒दय᳚न्न॒जः(स्वाहा᳚) || 1.162.4, 2.3.7.4 {औचथ्यो दीर्घतमाः | अश्वः | त्रिष्टुप्}
होता᳚ध्व॒र्युराव॑या, अग्निमिं॒धो ग्रा᳚वग्रा॒भ उ॒त शंस्ता॒ सुवि॑प्रः | तेन॑ य॒ज्ञेन॒ स्व॑रंकृतेन॒ स्वि॑ष्टेन व॒क्षणा॒, आ पृ॑णध्व॒म्(स्वाहा᳚) || 1.162.5, 2.3.7.5 {औचथ्यो दीर्घतमाः | अश्वः | त्रिष्टुप्}
यू॒प॒व्र॒स्का, उ॒त ये यू᳚पवा॒हाश्च॒षालं॒ ये, अ॑श्वयू॒पाय॒ तक्ष॑ति | ये चार्व॑ते॒ पच॑नं सं॒भरं᳚त्यु॒तो तेषा᳚म॒भिगू᳚र्तिर्न इन्वतु॒(स्वाहा᳚) || 1.162.6, 2.3.8.1 {औचथ्यो दीर्घतमाः | अश्वः | जगती}
उप॒ प्रागा᳚त् सु॒मन्मे᳚ऽधायि॒ मन्म॑ दे॒वाना॒माशा॒, उप॑ वी॒तपृ॑ष्ठः | अन्वे᳚नं॒ विप्रा॒, ऋष॑यो मदंति दे॒वानां᳚ पु॒ष्टे च॑कृमा सु॒बंधु॒म्(स्वाहा᳚) || 1.162.7, 2.3.8.2 {औचथ्यो दीर्घतमाः | अश्वः | त्रिष्टुप्}
यद् वा॒जिनो॒ दाम॑ सं॒दान॒मर्व॑तो॒ या शी᳚र्ष॒ण्या᳚ रश॒ना रज्जु॑रस्य | यद् वा᳚ घास्य॒ प्रभृ॑तमा॒स्ये॒3॑(ए॒) तृणं॒ सर्वा॒ ता ते॒, अपि॑ दे॒वेष्व॑स्तु॒(स्वाहा᳚) || 1.162.8, 2.3.8.3 {औचथ्यो दीर्घतमाः | अश्वः | त्रिष्टुप्}
यदश्व॑स्य क्र॒विषो॒ मक्षि॒काश॒ यद् वा॒ स्वरौ॒ स्वधि॑तौ रि॒प्तमस्ति॑ | यद्धस्त॑योः शमि॒तुर्यन्न॒खेषु॒ सर्वा॒ ता ते॒, अपि॑ दे॒वेष्व॑स्तु॒(स्वाहा᳚) || 1.162.9, 2.3.8.4 {औचथ्यो दीर्घतमाः | अश्वः | त्रिष्टुप्}
यदूव॑ध्यमु॒दर॑स्याप॒वाति॒ य आ॒मस्य॑ क्र॒विषो᳚ गं॒धो, अस्ति॑ | सु॒कृ॒ता तच्छ॑मि॒तारः॑ कृण्वंतू॒त मेधं᳚ शृत॒पाकं᳚ पचंतु॒(स्वाहा᳚) || 1.162.10, 2.3.8.5 {औचथ्यो दीर्घतमाः | अश्वः | त्रिष्टुप्}
यत्ते॒ गात्रा᳚द॒ग्निना᳚ प॒च्यमा᳚नाद॒भि शूलं॒ निह॑तस्याव॒धाव॑ति | मा तद् भूम्या॒मा श्रि॑ष॒न्मा तृणे᳚षु दे॒वेभ्य॒स्तदु॒शद्भ्यो᳚ रा॒तम॑स्तु॒(स्वाहा᳚) || 1.162.11, 2.3.9.1 {औचथ्यो दीर्घतमाः | अश्वः | त्रिष्टुप्}
ये वा॒जिनं᳚ परि॒पश्यं᳚ति प॒क्वं य ई᳚मा॒हुः सु॑र॒भिर्निर्ह॒रेति॑ | ये चार्व॑तो मांसभि॒क्षामु॒पास॑त उ॒तो तेषा᳚म॒भिगू᳚र्तिर्न इन्वतु॒(स्वाहा᳚) || 1.162.12, 2.3.9.2 {औचथ्यो दीर्घतमाः | अश्वः | त्रिष्टुप्}
यन्नीक्ष॑णं मां॒स्पच᳚न्या, उ॒खाया॒ या पात्रा᳚णि यू॒ष्ण आ॒सेच॑नानि | ऊ॒ष्म॒ण्या᳚पि॒धाना᳚ चरू॒णामं॒काः सू॒नाः परि॑ भूषं॒त्यश्व॒म्(स्वाहा᳚) || 1.162.13, 2.3.9.3 {औचथ्यो दीर्घतमाः | अश्वः | त्रिष्टुप्}
नि॒क्रम॑णं नि॒षद॑नं वि॒वर्त॑नं॒ यच्च॒ पड्बी᳚श॒मर्व॑तः | यच्च॑ प॒पौ यच्च॑ घा॒सिं ज॒घास॒ सर्वा॒ ता ते॒, अपि॑ दे॒वेष्व॑स्तु॒(स्वाहा᳚) || 1.162.14, 2.3.9.4 {औचथ्यो दीर्घतमाः | अश्वः | त्रिष्टुप्}
मा त्वा॒ग्निर्ध्व॑नयीद् धू॒मगं᳚धि॒र्मोखा भ्राजं᳚त्य॒भि वि॑क्त॒ जघ्रिः॑ | इ॒ष्टं वी॒तम॒भिगू᳚र्तं॒ वष॑ट्कृतं॒ तं दे॒वासः॒ प्रति॑ गृभ्णं॒त्यश्व॒म्(स्वाहा᳚) || 1.162.15, 2.3.9.5 {औचथ्यो दीर्घतमाः | अश्वः | त्रिष्टुप्}
यदश्वा᳚य॒ वास॑ उपस्तृ॒णंत्य॑धीवा॒सं या हिर᳚ण्यान्यस्मै | सं॒दान॒मर्वं᳚तं॒ पड्बी᳚शं प्रि॒या दे॒वेष्वा या᳚मयंति॒(स्वाहा᳚) || 1.162.16, 2.3.10.1 {औचथ्यो दीर्घतमाः | अश्वः | त्रिष्टुप्}
यत्ते᳚ सा॒दे मह॑सा॒ शूकृ॑तस्य॒ पार्ष्ण्या᳚ वा॒ कश॑या वा तु॒तोद॑ | स्रु॒चेव॒ ता ह॒विषो᳚ अध्व॒रेषु॒ सर्वा॒ ता ते॒ ब्रह्म॑णा सूदयामि॒(स्वाहा᳚) || 1.162.17, 2.3.10.2 {औचथ्यो दीर्घतमाः | अश्वः | त्रिष्टुप्}
चतु॑स्त्रिंशद् वा॒जिनो᳚ दे॒वबं᳚धोर्॒वंक्री॒रश्व॑स्य॒ स्वधि॑तिः॒ समे᳚ति | अच्छि॑द्रा॒ गात्रा᳚ व॒युना᳚ कृणोत॒ परु॑ष्परुरनु॒घुष्या॒ वि श॑स्त॒(स्वाहा᳚) || 1.162.18, 2.3.10.3 {औचथ्यो दीर्घतमाः | अश्वः | त्रिष्टुप्}
एक॒स्त्वष्टु॒रश्व॑स्या विश॒स्ता द्वा यं॒तारा᳚ भवत॒स्तथ॑ ऋ॒तुः | या ते॒ गात्रा᳚णामृतु॒था कृ॒णोमि॒ ताता॒ पिंडा᳚नां॒ प्र जु॑होम्य॒ग्नौ(स्वाहा᳚) || 1.162.19, 2.3.10.4 {औचथ्यो दीर्घतमाः | अश्वः | त्रिष्टुप्}
मा त्वा᳚ तपत् प्रि॒य आ॒त्मापि॒यंतं॒ मा स्वधि॑तिस्त॒न्व1॑(अ॒) आ ति॑ष्ठिपत्ते | मा ते᳚ गृ॒ध्नुर॑विश॒स्ताति॒हाय॑ छि॒द्रा गात्रा᳚ण्य॒सिना॒ मिथू᳚ कः॒(स्वाहा᳚) || 1.162.20, 2.3.10.5 {औचथ्यो दीर्घतमाः | अश्वः | त्रिष्टुप्}
न वा, उ॑ ए॒तन् म्रि॑यसे॒ न रि॑ष्यसि दे॒वाँ, इदे᳚षि प॒थिभिः॑ सु॒गेभिः॑ | हरी᳚ ते॒ युंजा॒ पृष॑ती, अभूता॒मुपा᳚स्थाद् वा॒जी धु॒रि रास॑भस्य॒(स्वाहा᳚) || 1.162.21, 2.3.10.6 {औचथ्यो दीर्घतमाः | अश्वः | त्रिष्टुप्}
सु॒गव्यं᳚ नो वा॒जी स्वश्व्यं᳚ पुं॒सः पु॒त्राँ, उ॒त वि॑श्वा॒पुषं᳚ र॒यिं | अ॒ना॒गा॒स्त्वं नो॒, अदि॑तिः कृणोतु क्ष॒त्रं नो॒, अश्वो᳚ वनतां ह॒विष्मां॒त्(स्वाहा᳚) || 1.162.22, 2.3.10.7 {औचथ्यो दीर्घतमाः | अश्वः | त्रिष्टुप्}
[163] यदक्रंदइति त्रयोदशर्चस्य सूक्तस्यौचथ्योदीर्घतमाअश्वस्त्रिष्टुप् |
यदक्रं᳚दः प्रथ॒मं जाय॑मान उ॒द्यन् त्स॑मु॒द्रादु॒त वा॒ पुरी᳚षात् | श्ये॒नस्य॑ प॒क्षा ह॑रि॒णस्य॑ बा॒हू, उ॑प॒स्तुत्यं॒ महि॑ जा॒तं ते᳚ अर्व॒न्(स्वाहा᳚) || 1.163.1, 2.3.11.1 {औचथ्यो दीर्घतमाः | अश्वः | त्रिष्टुप्}
य॒मेन॑ द॒त्तं त्रि॒त ए᳚नमायुन॒गिंद्र॑ एणं प्रथ॒मो, अध्य॑तिष्ठत् | गं॒ध॒र्वो, अ॑स्य रश॒नाम॑गृभ्णा॒त् सूरा॒दश्वं᳚ वसवो॒ निर॑तष्ट॒(स्वाहा᳚) || 1.163.2, 2.3.11.2 {औचथ्यो दीर्घतमाः | अश्वः | त्रिष्टुप्}
असि॑ य॒मो, अस्या᳚दि॒त्यो, अ᳚र्व॒न्नसि॑ त्रि॒तो गुह्ये᳚न व्र॒तेन॑ | असि॒ सोमे᳚न स॒मया॒ विपृ॑क्त आ॒हुस्ते॒ त्रीणि॑ दि॒वि बंध॑नानि॒(स्वाहा᳚) || 1.163.3, 2.3.11.3 {औचथ्यो दीर्घतमाः | अश्वः | त्रिष्टुप्}
त्रीणि॑ त आहुर्दि॒वि बंध॑नानि॒ त्रीण्य॒प्सु त्रीण्यं॒तः स॑मु॒द्रे | उ॒तेव॑ मे॒ वरु॑णश्छन् त्स्यर्व॒न् यत्रा᳚ त आ॒हुः प॑र॒मं ज॒नित्र॒म्(स्वाहा᳚) || 1.163.4, 2.3.11.4 {औचथ्यो दीर्घतमाः | अश्वः | त्रिष्टुप्}
इ॒मा ते᳚ वाजिन्नव॒मार्ज॑नानी॒मा श॒फानां᳚ सनि॒तुर्नि॒धाना᳚ | अत्रा᳚ ते भ॒द्रा र॑श॒ना, अ॑पश्यमृ॒तस्य॒ या, अ॑भि॒रक्षं᳚ति गो॒पाः(स्वाहा᳚) || 1.163.5, 2.3.11.5 {औचथ्यो दीर्घतमाः | अश्वः | त्रिष्टुप्}
आ॒त्मानं᳚ ते॒ मन॑सा॒राद॑जानाम॒वो दि॒वा प॒तयं᳚तं पतं॒गं | शिरो᳚ अपश्यं प॒थिभिः॑ सु॒गेभि॑ररे॒णुभि॒र्जेह॑मानं पत॒त्रि(स्वाहा᳚) || 1.163.6, 2.3.12.1 {औचथ्यो दीर्घतमाः | अश्वः | त्रिष्टुप्}
अत्रा᳚ ते रू॒पमु॑त्त॒मम॑पश्यं॒ जिगी᳚षमाणमि॒ष आ प॒दे गोः | य॒दा ते॒ मर्तो॒, अनु॒ भोग॒मान॒ळादिद् ग्रसि॑ष्ठ॒ ओष॑धीरजीगः॒(स्वाहा᳚) || 1.163.7, 2.3.12.2 {औचथ्यो दीर्घतमाः | अश्वः | त्रिष्टुप्}
अनु॑ त्वा॒ रथो॒, अनु॒ मर्यो᳚ अर्व॒न्ननु॒ गावोऽनु॒ भगः॑ क॒नीनां᳚ | अनु॒ व्राता᳚स॒स्तव॑ स॒ख्यमी᳚यु॒रनु॑ दे॒वा म॑मिरे वी॒र्यं᳚ ते॒(स्वाहा᳚) || 1.163.8, 2.3.12.3 {औचथ्यो दीर्घतमाः | अश्वः | त्रिष्टुप्}
हिर᳚ण्यशृं॒गोऽयो᳚ अस्य॒ पादा॒ मनो᳚जवा॒, अव॑र॒ इंद्र॑ आसीत् | दे॒वा, इद॑स्य हवि॒रद्य॑माय॒न् यो, अर्वं᳚तं प्रथ॒मो, अ॒ध्यति॑ष्ठ॒त्(स्वाहा᳚) || 1.163.9, 2.3.12.4 {औचथ्यो दीर्घतमाः | अश्वः | त्रिष्टुप्}
ई॒र्मांता᳚सः॒ सिलि॑कमध्यमासः॒ सं शूर॑णासो दि॒व्यासो॒, अत्याः᳚ | हं॒सा, इ॑व श्रेणि॒शो य॑तंते॒ यदाक्षि॑षुर्दि॒व्यमज्म॒मश्वाः᳚(स्वाहा᳚) || 1.163.10, 2.3.12.5 {औचथ्यो दीर्घतमाः | अश्वः | त्रिष्टुप्}
तव॒ शरी᳚रं पतयि॒ष्ण्व᳚र्व॒न् तव॑ चि॒त्तं वात॑ इव॒ ध्रजी᳚मान् | तव॒ शृंगा᳚णि॒ विष्ठि॑ता पुरु॒त्रार᳚ण्येषु॒ जर्भु॑राणा चरंति॒(स्वाहा᳚) || 1.163.11, 2.3.13.1 {औचथ्यो दीर्घतमाः | अश्वः | त्रिष्टुप्}
उप॒ प्रागा॒च्छस॑नं वा॒ज्यर्वा᳚ देव॒द्रीचा॒ मन॑सा॒ दीध्या᳚नः | अ॒जः पु॒रो नी᳚यते॒ नाभि॑र॒स्यानु॑ प॒श्चात् क॒वयो᳚ यंति रे॒भाः(स्वाहा᳚) || 1.163.12, 2.3.13.2 {औचथ्यो दीर्घतमाः | अश्वः | त्रिष्टुप्}
उप॒ प्रागा᳚त् पर॒मं यत् स॒धस्थ॒मर्वाँ॒, अच्छा᳚ पि॒तरं᳚ मा॒तरं᳚ च | अ॒द्या दे॒वांजुष्ट॑तमो॒ हि ग॒म्या, अथा शा᳚स्ते दा॒शुषे॒ वार्या᳚णि॒(स्वाहा᳚) || 1.163.13, 2.3.13.3 {औचथ्यो दीर्घतमाः | अश्वः | त्रिष्टुप्}
[164] अस्यवामस्येति द्विपंचाशदृचस्य सूक्तस्य औचथ्योदीर्घतमा आद्यानामेकचत्वारिंशटृचां विश्वेदेवास्तस्याः समुद्राइत्यस्यावाक्समुद्राक्षरापः शकमयमित्यस्याःशकधूमसोमौत्रयः केशिनइत्यस्याअग्निसूर्यवायवो (केशिनइतिगुणः) चत्वारिवागित्यस्यावाक्इंद्रंमित्रमितिद्वयोः सूर्योद्वादशप्रधयइत्यस्याः कालचक्रं (अत्रसंवत्सरसंस्थंकालचक्रवर्णनं) यस्तइत्यस्याः सरस्वतीयज्ञेनेत्यस्याः साध्याःसमानमित्यस्याः सूर्यः (पर्जन्याग्नीवा) दिव्यंसुपर्णमित्यस्याः सरस्वान् (सूर्योवा) त्रिष्टुप् द्वादशी पंचदशी त्रयोविंशी एकोनत्रिंशी षट्त्रिंश्येकचत्वारिं- शीचजगत्यः द्विचत्वारिंशी प्रस्तारपंक्तिः एकपंचाश्यनुष्टुप् |
अ॒स्य वा॒मस्य॑ पलि॒तस्य॒ होतु॒स्तस्य॒ भ्राता᳚ मध्य॒मो, अ॒स्त्यश्नः॑ | तृ॒तीयो॒ भ्राता᳚ घृ॒तपृ॑ष्ठो, अ॒स्यात्रा᳚पश्यं वि॒श्पतिं᳚ स॒प्तपु॑त्र॒म्(स्वाहा᳚) || 1.164.1, 2.3.14.1 {औचथ्यो दीर्घतमाः | विश्वदेवाः | त्रिष्टुप्}
स॒प्त युं᳚जंति॒ रथ॒मेक॑चक्र॒मेको॒, अश्वो᳚ वहति स॒प्तना᳚मा | त्रि॒नाभि॑ च॒क्रम॒जर॑मन॒र्वं यत्रे॒मा विश्वा॒ भुव॒नाधि॑ त॒स्थुः(स्वाहा᳚) || 1.164.2, 2.3.14.2 {औचथ्यो दीर्घतमाः | विश्वदेवाः | त्रिष्टुप्}
इ॒मं रथ॒मधि॒ ये स॒प्त त॒स्थुः स॒प्तच॑क्रं स॒प्त व॑हं॒त्यश्वाः᳚ | स॒प्त स्वसा᳚रो, अ॒भि सं न॑वंते॒ यत्र॒ गवां॒ निहि॑ता स॒प्त नाम॒(स्वाहा᳚) || 1.164.3, 2.3.14.3 {औचथ्यो दीर्घतमाः | विश्वदेवाः | त्रिष्टुप्}
को द॑दर्श प्रथ॒मं जाय॑मानमस्थ॒न्वंतं॒ यद॑न॒स्था बिभ॑र्ति | भूम्या॒, असु॒रसृ॑गा॒त्मा क्व॑ स्वि॒त् को वि॒द्वांस॒मुप॑ गा॒त् प्रष्टु॑मे॒तत्(स्वाहा᳚) || 1.164.4, 2.3.14.4 {औचथ्यो दीर्घतमाः | विश्वदेवाः | त्रिष्टुप्}
पाकः॑ पृच्छामि॒ मन॒सावि॑जानन् दे॒वाना᳚मे॒ना निहि॑ता प॒दानि॑ | व॒त्से ब॒ष्कयेऽधि॑ स॒प्त तंतू॒न् वि त॑त्निरे क॒वय॒ ओत॒वा, उ॒(स्वाहा᳚) || 1.164.5, 2.3.14.5 {औचथ्यो दीर्घतमाः | विश्वदेवाः | त्रिष्टुप्}
अचि॑कित्वांचिकि॒तुष॑श्चि॒दत्र॑ क॒वीन् पृ॑च्छामि वि॒द्मने॒ न वि॒द्वान् | वि यस्त॒स्तंभ॒ षळि॒मा रजां᳚स्य॒जस्य॑ रू॒पे किमपि॑ स्वि॒देक॒म्(स्वाहा᳚) || 1.164.6, 2.3.15.1 {औचथ्यो दीर्घतमाः | विश्वदेवाः | त्रिष्टुप्}
इ॒ह ब्र॑वीतु॒ य ई᳚मं॒ग वेदा॒स्य वा॒मस्य॒ निहि॑तं प॒दं वेः | शी॒र्ष्णः, क्षी॒रं दु॑ह्रते॒ गावो᳚ अस्य व॒व्रिं वसा᳚ना, उद॒कं प॒दापुः॒(स्वाहा᳚) || 1.164.7, 2.3.15.2 {औचथ्यो दीर्घतमाः | विश्वदेवाः | त्रिष्टुप्}
मा॒ता पि॒तर॑मृ॒त आ ब॑भाज धी॒त्यग्रे॒ मन॑सा॒ सं हि ज॒ग्मे | सा बी᳚भ॒त्सुर्गर्भ॑रसा॒ निवि॑द्धा॒ नम॑स्वंत॒ इदु॑पवा॒कमी᳚युः॒(स्वाहा᳚) || 1.164.8, 2.3.15.3 {औचथ्यो दीर्घतमाः | विश्वदेवाः | त्रिष्टुप्}
यु॒क्ता मा॒तासी᳚द् धु॒रि दक्षि॑णाया॒, अति॑ष्ठ॒द् गर्भो᳚ वृज॒नीष्वं॒तः | अमी᳚मेद् व॒त्सो, अनु॒ गाम॑पश्यद् विश्वरू॒प्यं᳚ त्रि॒षु योज॑नेषु॒(स्वाहा᳚) || 1.164.9, 2.3.15.4 {औचथ्यो दीर्घतमाः | विश्वदेवाः | त्रिष्टुप्}
ति॒स्रो मा॒तॄस्त्रीन् पि॒तॄन् बिभ्र॒देक॑ ऊ॒र्ध्वस्त॑स्थौ॒ नेमव॑ ग्लापयंति | मं॒त्रयं᳚ते दि॒वो, अ॒मुष्य॑ पृ॒ष्ठे वि॑श्व॒विदं॒ वाच॒मवि॑श्वमिन्वा॒म्(स्वाहा᳚) || 1.164.10, 2.3.15.5 {औचथ्यो दीर्घतमाः | विश्वदेवाः | त्रिष्टुप्}
द्वाद॑शारं न॒हि तज्जरा᳚य॒ वर्व॑र्ति च॒क्रं परि॒ द्यामृ॒तस्य॑ | आ पु॒त्रा, अ॑ग्ने मिथु॒नासो॒, अत्र॑ स॒प्त श॒तानि॑ विंश॒तिश्च॑ तस्थुः॒(स्वाहा᳚) || 1.164.11, 2.3.16.1 {औचथ्यो दीर्घतमाः | विश्वदेवाः | त्रिष्टुप्}
पंच॑पादं पि॒तरं॒ द्वाद॑शाकृतिं दि॒व आ᳚हुः॒ परे॒, अर्धे᳚ पुरी॒षिणं᳚ | अथे॒मे, अ॒न्य उप॑रे विचक्ष॒णं स॒प्तच॑क्रे॒ षळ॑र आहु॒रर्पि॑त॒म्(स्वाहा᳚) || 1.164.12, 2.3.16.2 {औचथ्यो दीर्घतमाः | विश्वदेवाः | जगती}
पंचा᳚रे च॒क्रे प॑रि॒वर्त॑माने॒ तस्मि॒न्ना त॑स्थु॒र्भुव॑नानि॒ विश्वा᳚ | तस्य॒ नाक्ष॑स्तप्यते॒ भूरि॑भारः स॒नादे॒व न शी᳚र्यते॒ सना᳚भिः॒(स्वाहा᳚) || 1.164.13, 2.3.16.3 {औचथ्यो दीर्घतमाः | विश्वदेवाः | त्रिष्टुप्}
सने᳚मि च॒क्रम॒जरं॒ वि वा᳚वृत उत्ता॒नायां॒ दश॑ यु॒क्ता व॑हंति | सूर्य॑स्य॒ चक्षू॒ रज॑सै॒त्यावृ॑तं॒ तस्मि॒न्नार्पि॑ता॒ भुव॑नानि॒ विश्वा॒(स्वाहा᳚) || 1.164.14, 2.3.16.4 {औचथ्यो दीर्घतमाः | विश्वदेवाः | त्रिष्टुप्}
सा॒कं॒जानां᳚ स॒प्तथ॑माहुरेक॒जं षळिद् य॒मा, ऋष॑यो देव॒जा, इति॑ | तेषा᳚मि॒ष्टानि॒ विहि॑तानि धाम॒शः स्था॒त्रे रे᳚जंते॒ विकृ॑तानि रूप॒शः(स्वाहा᳚) || 1.164.15, 2.3.16.5 {औचथ्यो दीर्घतमाः | विश्वदेवाः | जगती}
स्त्रियः॑ स॒तीस्ताँ, उ॑ मे पुं॒स आ᳚हुः॒ पश्य॑दक्ष॒ण्वान् न वि चे᳚तदं॒धः | क॒विर्यः पु॒त्रः स ई॒मा चि॑केत॒ यस्ता वि॑जा॒नात् स पि॒तुष्पि॒तास॒॑त्(स्वाहा᳚) || 1.164.16, 2.3.17.1 {औचथ्यो दीर्घतमाः | विश्वदेवाः | त्रिष्टुप्}
अ॒वः परे᳚ण प॒र ए॒नाव॑रेण प॒दा व॒त्सं बिभ्र॑ती॒ गौरुद॑स्थात् | सा क॒द्रीची॒ कं स्वि॒दर्धं॒ परा᳚गा॒त् क्व॑ स्वित् सूते न॒हि यू॒थे, अं॒तः(स्वाहा᳚) || 1.164.17, 2.3.17.2 {औचथ्यो दीर्घतमाः | विश्वदेवाः | त्रिष्टुप्}
अ॒वः परे᳚ण पि॒तरं॒ यो, अ॑स्यानु॒वेद॑ प॒र ए॒नाव॑रेण | क॒वी॒यमा᳚नः॒ क इ॒ह प्र वो᳚चद् दे॒वं मनः॒ कुतो॒, अधि॒ प्रजा᳚त॒म्(स्वाहा᳚) || 1.164.18, 2.3.17.3 {औचथ्यो दीर्घतमाः | विश्वदेवाः | त्रिष्टुप्}
ये, अ॒र्वांच॒स्ताँ, उ॒ परा᳚च आहु॒र्ये परां᳚च॒स्ताँ, उ॑ अ॒र्वाच॑ आहुः | इंद्र॑श्च॒ या च॒क्रथुः॑ सोम॒ तानि॑ धु॒रा न यु॒क्ता रज॑सो वहंति॒(स्वाहा᳚) || 1.164.19, 2.3.17.4 {औचथ्यो दीर्घतमाः | विश्वदेवाः | त्रिष्टुप्}
द्वा सु॑प॒र्णा स॒युजा॒ सखा᳚या समा॒नं वृ॒क्षं परि॑ षस्वजाते | तयो᳚र॒न्यः पिप्प॑लं स्वा॒द्वत् त्यन॑श्नन्न॒न्यो, अ॒भि चा᳚कशीति॒(स्वाहा᳚) || 1.164.20, 2.3.17.5 {औचथ्यो दीर्घतमाः | विश्वदेवाः | त्रिष्टुप्}
यत्रा᳚ सुप॒र्णा, अ॒मृत॑स्य भा॒गमनि॑मेषं वि॒दथा᳚भि॒स्वरं᳚ति | इ॒नो विश्व॑स्य॒ भुव॑नस्य गो॒पाः स मा॒ धीरः॒ पाक॒मत्रा वि॑वेश॒(स्वाहा᳚) || 1.164.21, 2.3.18.1 {औचथ्यो दीर्घतमाः | विश्वदेवाः | त्रिष्टुप्}
यस्मि᳚न् वृ॒क्षे म॒ध्वदः॑ सुप॒र्णा नि॑वि॒शंते॒ सुव॑ते॒ चाधि॒ विश्वे᳚ | तस्येदा᳚हुः॒ पिप्प॑लं स्वा॒द्वग्रे॒ तन्नोन्न॑श॒द्यः पि॒तरं॒ न वेद॒(स्वाहा᳚) || 1.164.22, 2.3.18.2 {औचथ्यो दीर्घतमाः | विश्वदेवाः | त्रिष्टुप्}
यद् गा᳚य॒त्रे, अधि॑ गाय॒त्रमाहि॑तं॒ त्रैष्टु॑भाद् वा॒ त्रैष्टु॑भं नि॒रत॑क्षत | यद् वा॒ जग॒ज्जग॒त्याहि॑तं प॒दं य इत्तद् वि॒दुस्ते, अ॑मृत॒त्वमा᳚नशुः॒(स्वाहा᳚) || 1.164.23, 2.3.18.3 {औचथ्यो दीर्घतमाः | विश्वदेवाः | जगती}
गा॒य॒त्रेण॒ प्रति॑ मिमीते, अ॒र्कम॒र्केण॒ साम॒ त्रैष्टु॑भेन वा॒कं | वा॒केन॑ वा॒कं द्वि॒पदा॒ चतु॑ष्पदा॒क्षरे᳚ण मिमते स॒प्त वाणीः᳚(स्वाहा᳚) || 1.164.24, 2.3.18.4 {औचथ्यो दीर्घतमाः | विश्वदेवाः | त्रिष्टुप्}
जग॑ता॒ सिंधुं᳚ दि॒व्य॑स्तभायद् रथंत॒रे सूर्यं॒ पर्य॑पश्यत् | गा॒य॒त्रस्य॑ स॒मिध॑स्ति॒स्र आ᳚हु॒स्ततो᳚ म॒ह्ना प्र रि॑रिचे महि॒त्वा(स्वाहा᳚) || 1.164.25, 2.3.18.5 {औचथ्यो दीर्घतमाः | विश्वदेवाः | त्रिष्टुप्}
उप॑ ह्वये सु॒दुघां᳚ धे॒नुमे॒तां सु॒हस्तो᳚ गो॒धुगु॒त दो᳚हदेनां | श्रेष्ठं᳚ स॒वं स॑वि॒ता सा᳚विषन्नो॒ऽभी᳚द्धो घ॒र्मस्तदु॒ षु प्र वो᳚च॒म्(स्वाहा᳚) || 1.164.26, 2.3.19.1 {औचथ्यो दीर्घतमाः | विश्वदेवाः | त्रिष्टुप्}
हिं॒कृ॒ण्व॒ती व॑सु॒पत्नी॒ वसू᳚नां व॒त्समि॒च्छंती॒ मन॑सा॒भ्यागा᳚त् | दु॒हाम॒श्विभ्यां॒ पयो᳚ अ॒घ्न्येयं सा व॑र्धतां मह॒ते सौभ॑गाय॒(स्वाहा᳚) || 1.164.27, 2.3.19.2 {औचथ्यो दीर्घतमाः | विश्वदेवाः | त्रिष्टुप्}
गौर॑मीमे॒दनु॑ व॒त्सं मि॒षंतं᳚ मू॒र्धानं॒ हिङ्ङ॑कृणो॒न्मात॒वा, उ॑ | सृक्वा᳚णं घ॒र्मम॒भि वा᳚वशा॒ना मिमा᳚ति मा॒युं पय॑ते॒ पयो᳚भिः॒(स्वाहा᳚) || 1.164.28, 2.3.19.3 {औचथ्यो दीर्घतमाः | विश्वदेवाः | त्रिष्टुप्}
अ॒यं स शिं᳚क्ते॒ येन॒ गौर॒भीवृ॑ता॒ मिमा᳚ति मा॒युं ध्व॒सना॒वधि॑ श्रि॒ता | सा चि॒त्तिभि॒र्नि हि च॒कार॒ मर्त्यं᳚ वि॒द्युद् भवं᳚ती॒ प्रति॑ व॒व्रिमौ᳚हत॒(स्वाहा᳚) || 1.164.29, 2.3.19.4 {औचथ्यो दीर्घतमाः | विश्वदेवाः | जगती}
अ॒नच्छ॑ये तु॒रगा᳚तु जी॒वमेज॑द् ध्रु॒वं मध्य॒ आ प॒स्त्या᳚नां | जी॒वो मृ॒तस्य॑ चरति स्व॒धाभि॒रम॑र्त्यो॒ मर्त्ये᳚ना॒ सयो᳚निः॒(स्वाहा᳚) || 1.164.30, 2.3.19.5 {औचथ्यो दीर्घतमाः | विश्वदेवाः | त्रिष्टुप्}
अप॑श्यं गो॒पामनि॑पद्यमान॒मा च॒ परा᳚ च प॒थिभि॒श्चरं᳚तं | स स॒ध्रीचीः॒ स विषू᳚ची॒र्वसा᳚न॒ आ व॑रीवर्ति॒ भुव॑नेष्वं॒तः(स्वाहा᳚) || 1.164.31, 2.3.20.1 {औचथ्यो दीर्घतमाः | विश्वदेवाः | त्रिष्टुप्}
य ईं᳚ च॒कार॒ न सो, अ॒स्य वे᳚द॒ य ईं᳚ द॒दर्श॒ हिरु॒गिन्नु तस्मा᳚त् | स मा॒तुर्योना॒ परि॑वीतो, अं॒तर्ब॑हुप्र॒जा निरृ॑ति॒मा वि॑वेश॒(स्वाहा᳚) || 1.164.32, 2.3.20.2 {औचथ्यो दीर्घतमाः | विश्वदेवाः | त्रिष्टुप्}
द्यौर्मे᳚ पि॒ता ज॑नि॒ता नाभि॒रत्र॒ बंधु᳚र्मे मा॒ता पृ॑थि॒वी म॒हीयं | उ॒त्ता॒नयो᳚श्च॒म्वो॒3॑(ओ॒)र्योनि॑रं॒तरत्रा᳚ पि॒ता दु॑हि॒तुर्गर्भ॒माधा॒त्(स्वाहा᳚) || 1.164.33, 2.3.20.3 {औचथ्यो दीर्घतमाः | विश्वदेवाः | त्रिष्टुप्}
पृ॒च्छामि॑ त्वा॒ पर॒मंतं᳚ पृथि॒व्याः पृ॒च्छामि॒ यत्र॒ भुव॑नस्य॒ नाभिः॑ | पृ॒च्छामि॑ त्वा॒ वृष्णो॒, अश्व॑स्य॒ रेतः॑ पृ॒च्छामि॑ वा॒चः प॑र॒मं व्यो᳚म॒(स्वाहा᳚) || 1.164.34, 2.3.20.4 {औचथ्यो दीर्घतमाः | विश्वदेवाः | त्रिष्टुप्}
इ॒यं वेदिः॒ परो॒, अंतः॑ पृथि॒व्या, अ॒यं य॒ज्ञो भुव॑नस्य॒ नाभिः॑ | अ॒यं सोमो॒ वृष्णो॒, अश्व॑स्य॒ रेतो᳚ ब्र॒ह्मायं वा॒चः प॑र॒मं व्यो᳚म॒(स्वाहा᳚) || 1.164.35, 2.3.20.5 {औचथ्यो दीर्घतमाः | विश्वदेवाः | त्रिष्टुप्}
स॒प्तार्ध॑ग॒र्भा भुव॑नस्य॒ रेतो॒ विष्णो᳚स्तिष्ठंति प्र॒दिशा॒ विध᳚र्मणि | ते धी॒तिभि॒र्मन॑सा॒ ते वि॑प॒श्चितः॑ परि॒भुवः॒ परि॑ भवंति वि॒श्वतः॒(स्वाहा᳚) || 1.164.36, 2.3.21.1 {औचथ्यो दीर्घतमाः | विश्वदेवाः | जगती}
न वि जा᳚नामि॒ यदि॑वे॒दमस्मि॑ नि॒ण्यः संन॑द्धो॒ मन॑सा चरामि | य॒दा माग᳚न् प्रथम॒जा, ऋ॒तस्यादिद् वा॒चो, अ॑श्नुवे भा॒गम॒स्याः(स्वाहा᳚) || 1.164.37, 2.3.21.2 {औचथ्यो दीर्घतमाः | विश्वदेवाः | त्रिष्टुप्}
अपा॒ङ् प्राङे᳚ति स्व॒धया᳚ गृभी॒तोऽम॑र्त्यो॒ मर्त्ये᳚ना॒ सयो᳚निः | ता शश्वं᳚ता विषू॒चीना᳚ वि॒यंता॒ न्य1॑(अ॒)न्यं चि॒क्युर्न नि चि॑क्युर॒न्यं(स्वाहा᳚) || 1.164.38, 2.3.21.3 {औचथ्यो दीर्घतमाः | विश्वदेवाः | त्रिष्टुप्}
ऋ॒चो, अ॒क्षरे᳚ पर॒मे व्यो᳚म॒न् यस्मि᳚न् दे॒वा, अधि॒ विश्वे᳚ निषे॒दुः | यस्तन्न वेद॒ किमृ॒चा क॑रिष्यति॒ य इत्तद्वि॒दुस्त इ॒मे समा᳚सते॒(स्वाहा᳚) || 1.164.39, 2.3.21.4 {औचथ्यो दीर्घतमाः | विश्वदेवाः | त्रिष्टुप्}
सू॒य॒व॒साद् भग॑वती॒ हि भू॒या, अथो᳚ व॒यं भग॑वंतः स्याम | अ॒द्धि तृण॑मघ्न्ये विश्व॒दानीं॒ पिब॑ शु॒द्धमु॑द॒कमा॒चरं᳚ती॒(स्वाहा᳚) || 1.164.40, 2.3.21.5 {औचथ्यो दीर्घतमाः | विश्वदेवाः | त्रिष्टुप्}
गौ॒रीर्मि॑माय सलि॒लानि॒ तक्ष॒त्येक॑पदी द्वि॒पदी॒ सा चतु॑ष्पदी | अ॒ष्टाप॑दी॒ नव॑पदी बभू॒वुषी᳚ स॒हस्रा᳚क्षरा पर॒मे व्यो᳚म॒न्(स्वाहा᳚) || 1.164.41, 2.3.22.1 {औचथ्यो दीर्घतमाः | विश्वदेवाः | जगती}
तस्याः᳚ समु॒द्रा, अधि॒ वि क्ष॑रंति॒ तेन॑ जीवंति प्र॒दिश॒श्चत॑स्रः | ततः॑, क्षरत्य॒क्षरं॒ तद् विश्व॒मुप॑ जीवति॒(स्वाहा᳚) || 1.164.42, 2.3.22.2 {औचथ्यो दीर्घतमाः | 1/2: वाक् 2/2: चापः | प्रस्तारपंक्तिः}
श॒क॒मयं᳚ धू॒ममा॒राद॑पश्यं विषू॒वता᳚ प॒र ए॒नाव॑रेण | उ॒क्षाणं॒ पृश्नि॑मपचंत वी॒रास्तानि॒ धर्मा᳚णि प्रथ॒मान्या᳚स॒न्(स्वाहा᳚) || 1.164.43, 2.3.22.3 {औचथ्यो दीर्घतमाः | 1/2:शकधूमः 2/2:सोमः | त्रिष्टुप्}
त्रयः॑ के॒शिन॑ ऋतु॒था वि च॑क्षते संवत्स॒रे व॑पत॒ एक॑ एषां | विश्व॒मेको᳚ अ॒भि च॑ष्टे॒ शची᳚भि॒र्ध्राजि॒रेक॑स्य ददृशे॒ न रू॒पं(स्वाहा᳚) || 1.164.44, 2.3.22.4 {औचथ्यो दीर्घतमाः | केशिनः (अग्निः सूर्यो वायुश्च) | त्रिष्टुप्}
च॒त्वारि॒ वाक् परि॑मिता प॒दानि॒ तानि॑ विदुर्ब्राह्म॒णा ये म॑नी॒षिणः॑ | गुहा॒ त्रीणि॒ निहि॑ता॒ नेंग॑यंति तु॒रीयं᳚ वा॒चो म॑नु॒ष्या᳚ वदंति॒(स्वाहा᳚) || 1.164.45, 2.3.22.5 {औचथ्यो दीर्घतमाः | वाक् | त्रिष्टुप्}
इंद्रं᳚ मि॒त्रं वरु॑णम॒ग्निमा᳚हु॒रथो᳚ दि॒व्यः स सु॑प॒र्णो ग॒रुत्मा॑न् | एकं॒ सद् विप्रा᳚ बहु॒धा व॑दंत्य॒ग्निं य॒मं मा᳚त॒रिश्वा᳚नमाहुः॒(स्वाहा᳚) || 1.164.46, 2.3.22.6 {औचथ्यो दीर्घतमाः | सूर्यः | त्रिष्टुप्}
कृ॒ष्णं नि॒यानं॒ हर॑यः सुप॒र्णा, अ॒पो वसा᳚ना॒ दिव॒मुत्प॑तंति | त आव॑वृत्र॒न् त्सद॑नादृ॒तस्यादिद् घृ॒तेन॑ पृथि॒वी व्यु॑द्यते॒(स्वाहा᳚) || 1.164.47, 2.3.23.1 {औचथ्यो दीर्घतमाः | सूर्यः | त्रिष्टुप्}
द्वाद॑श प्र॒धय॑श्च॒क्रमेकं॒ त्रीणि॒ नभ्या᳚नि॒ क उ॒ तच्चि॑केत | तस्मि᳚न् त्सा॒कं त्रि॑श॒ता न शं॒कवो᳚ऽर्पि॒ताः ष॒ष्टिर्न च॑लाच॒लासः॒(स्वाहा᳚) || 1.164.48, 2.3.23.2 {औचथ्यो दीर्घतमाः | संवत्सरात्मा कालः | त्रिष्टुप्}
यस्ते॒ स्तनः॑ शश॒यो यो म॑यो॒भूर्येन॒ विश्वा॒ पुष्य॑सि॒ वार्या᳚णि | यो र॑त्न॒धा व॑सु॒विद् यः सु॒दत्रः॒ सर॑स्वति॒ तमि॒ह धात॑वे कः॒(स्वाहा᳚) || 1.164.49, 2.3.23.3 {औचथ्यो दीर्घतमाः | सरस्वती | त्रिष्टुप्}
य॒ज्ञेन॑ य॒ज्ञम॑यजंत दे॒वास्तानि॒ धर्मा᳚णि प्रथ॒मान्या᳚सन् | ते ह॒ नाकं᳚ महि॒मानः॑ सचंत॒ यत्र॒ पूर्वे᳚ सा॒ध्याः संति॑ दे॒वाः(स्वाहा᳚) || 1.164.50, 2.3.23.4 {औचथ्यो दीर्घतमाः | साध्याः | त्रिष्टुप्}
स॒मा॒नमे॒तदु॑द॒कमुच्चैत्यव॒ चाह॑भिः | भूमिं᳚ प॒र्जन्या॒ जिन्वं᳚ति॒ दिवं᳚ जिन्वंत्य॒ग्नयः॒(स्वाहा᳚) || 1.164.51, 2.3.23.5 {औचथ्यो दीर्घतमाः | सूर्यः पर्जन्योऽग्नयो वा | अनुष्टुप्}
दि॒व्यं सु॑प॒र्णं वा᳚य॒सं बृ॒हंत॑म॒पां गर्भं᳚ दर्श॒तमोष॑धीनां | अ॒भी॒प॒तो वृ॒ष्टिभि॑स्त॒र्पयं᳚तं॒ सर॑स्वंत॒मव॑से जोहवीमि॒(स्वाहा᳚) || 1.164.52, 2.3.23.6 {औचथ्यो दीर्घतमाः | सरस्वान् सूर्यो वा | त्रिष्टुप्}
[165] कयाशुभेति पंचदशर्चस्य सूक्तस्य तृतीयाद्ययुगृचामेकादशीवर्ज्यानां मरुतः त्रयोदश्यादितिसृणामगस्त्यः शिष्टानामिंद्रऋषिः | सर्वसूक्तस्यमरुत्वानिंद्रोदेवतात्रिष्टुप्छंदः |
कया᳚ शु॒भा सव॑यसः॒ सनी᳚ळाः समा॒न्या म॒रुतः॒ सं मि॑मिक्षुः | कया᳚ म॒ती कुत॒ एता᳚स ए॒तेऽर्चं᳚ति॒ शुष्मं॒ वृष॑णो वसू॒या(स्वाहा᳚) || 1.165.1, 2.3.24.1 {इंद्रः | इंद्रः | त्रिष्टुप्}
कस्य॒ ब्रह्मा᳚णि जुजुषु॒र्युवा᳚नः॒ को, अ॑ध्व॒रे म॒रुत॒ आ व॑वर्त | श्ये॒नाँ, इ॑व॒ ध्रज॑तो, अं॒तरि॑क्षे॒ केन॑ म॒हा मन॑सा रीरमाम॒(स्वाहा᳚) || 1.165.2, 2.3.24.2 {इंद्रः | इंद्रः | त्रिष्टुप्}
कुत॒स्त्वमिं᳚द्र॒ माहि॑नः॒ सन्नेको᳚ यासि सत्पते॒ किं त॑ इ॒त्था | सं पृ॑च्छसे समरा॒णः शु॑भा॒नैर्वो॒चेस्तन्नो᳚ हरिवो॒ यत्ते᳚ अ॒स्मे(स्वाहा᳚) || 1.165.3, 2.3.24.3 {मरुतः | इंद्रः | त्रिष्टुप्}
ब्रह्मा᳚णि मे म॒तयः॒ शं सु॒तासः॒ शुष्म॑ इयर्ति॒ प्रभृ॑तो मे॒, अद्रिः॑ | आ शा᳚सते॒ प्रति॑ हर्यंत्यु॒क्थेमा हरी᳚ वहत॒स्ता नो॒, अच्छ॒(स्वाहा᳚) || 1.165.4, 2.3.24.4 {इंद्रः | इंद्रः | त्रिष्टुप्}
अतो᳚ व॒यमं᳚त॒मेभि᳚र्युजा॒नाः स्वक्ष॑त्रेभिस्त॒न्व1॑(अः॒) शुंभ॑मानाः | महो᳚भि॒रेताँ॒, उप॑ युज्महे॒न्विंद्र॑ स्व॒धामनु॒ हि नो᳚ ब॒भूथ॒(स्वाहा᳚) || 1.165.5, 2.3.24.5 {मरुतः | इंद्रः | त्रिष्टुप्}
क्व1॑(अ॒) स्या वो᳚ मरुतः स्व॒धासी॒द् यन्मामेकं᳚ स॒मध॑त्ताहि॒हत्ये᳚ | अ॒हं ह्यु1॑(उ॒)ग्रस्त॑वि॒षस्तुवि॑ष्मा॒न् विश्व॑स्य॒ शत्रो॒रन॑मं वध॒स्नैः(स्वाहा᳚) || 1.165.6, 2.3.25.1 {इंद्रः | इंद्रः | त्रिष्टुप्}
भूरि॑ चकर्थ॒ युज्ये᳚भिर॒स्मे स॑मा॒नेभि᳚र्वृषभ॒ पौंस्ये᳚भिः | भूरी᳚णि॒ हि कृ॒णवा᳚मा शवि॒ष्ठेंद्र॒ क्रत्वा᳚ मरुतो॒ यद् वशा᳚म॒(स्वाहा᳚) || 1.165.7, 2.3.25.2 {मरुतः | इंद्रः | त्रिष्टुप्}
वधीं᳚ वृ॒त्रं म॑रुत इंद्रि॒येण॒ स्वेन॒ भामे᳚न तवि॒षो ब॑भू॒वान् | अ॒हमे॒ता मन॑वे वि॒श्वश्चं᳚द्राः सु॒गा, अ॒पश्च॑कर॒ वज्र॑बाहुः॒(स्वाहा᳚) || 1.165.8, 2.3.25.3 {इंद्रः | इंद्रः | त्रिष्टुप्}
अनु॑त्त॒मा ते᳚ मघव॒न्नकि॒र्नु न त्वावाँ᳚, अस्ति दे॒वता॒ विदा᳚नः | न जाय॑मानो॒ नश॑ते॒ न जा॒तो यानि॑ करि॒ष्या कृ॑णु॒हि प्र॑वृद्ध॒(स्वाहा᳚) || 1.165.9, 2.3.25.4 {मरुतः | इंद्रः | त्रिष्टुप्}
एक॑स्य चिन्मे वि॒भ्व1॑(अ॒)स्त्वोजो॒ या नु द॑धृ॒ष्वान् कृ॒णवै᳚ मनी॒षा | अ॒हं ह्यु1॑(उ॒)ग्रो म॑रुतो॒ विदा᳚नो॒ यानि॒ च्यव॒मिंद्र॒ इदी᳚श एषा॒म्(स्वाहा᳚) || 1.165.10, 2.3.25.5 {इंद्रः | इंद्रः | त्रिष्टुप्}
अमं᳚दन्मा मरुतः॒ स्तोमो॒, अत्र॒ यन्मे᳚ नरः॒ श्रुत्यं॒ ब्रह्म॑ च॒क्र | इंद्रा᳚य॒ वृष्णे॒ सुम॑खाय॒ मह्यं॒ सख्ये॒ सखा᳚यस्त॒न्वे᳚ त॒नूभिः॒(स्वाहा᳚) || 1.165.11, 2.3.26.1 {इंद्रः | इंद्रः | त्रिष्टुप्}
ए॒वेदे॒ते प्रति॑ मा॒ रोच॑माना॒, अने᳚द्यः॒ श्रव॒ एषो॒ दधा᳚नाः | सं॒चक्ष्या᳚ मरुतश्चं॒द्रव᳚र्णा॒, अच्छां᳚त मे छ॒दया᳚था च नू॒नं(स्वाहा᳚) || 1.165.12, 2.3.26.2 {इंद्रः | इंद्रः | त्रिष्टुप्}
को न्वत्र॑ मरुतो मामहे वः॒ प्र या᳚तन॒ सखीँ॒रच्छा᳚ सखायः | मन्मा᳚नि चित्रा, अपिवा॒तयं᳚त ए॒षां भू᳚त॒ नवे᳚दा म ऋ॒ताना॒म्(स्वाहा᳚) || 1.165.13, 2.3.26.3 {मैत्रावरुणिरगस्त्यः | इंद्रः | त्रिष्टुप्}
आ यद् दु॑व॒स्याद् दु॒वसे॒ न का॒रुर॒स्मांच॒क्रे मा॒न्यस्य॑ मे॒धा | ओ षु व॑र्त्त मरुतो॒ विप्र॒मच्छे॒मा ब्रह्मा᳚णि जरि॒ता वो᳚ अर्च॒त्(स्वाहा᳚) || 1.165.14, 2.3.26.4 {मैत्रावरुणिरगस्त्यः | इंद्रः | त्रिष्टुप्}
ए॒ष वः॒ स्तोमो᳚ मरुत इ॒यं गीर्मां᳚दा॒र्यस्य॑ मा॒न्यस्य॑ का॒रोः | एषा या᳚सीष्ट त॒न्वे᳚ व॒यां वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.165.15, 2.3.26.5 {मैत्रावरुणिरगस्त्यः | इंद्रः | त्रिष्टुप्}
[166] तन्नुवोचामेति पंचदशर्चस्य सूक्तस्यमैत्रावरुणिरगस्त्योमरुतोजगत्यंत्येद्वेत्रिष्टुभौ |
तन्नु वो᳚चाम रभ॒साय॒ जन्म॑ने॒ पूर्वं᳚ महि॒त्वं वृ॑ष॒भस्य॑ के॒तवे᳚ | ऐ॒धेव॒ याम᳚न् मरुतस्तुविष्वणो यु॒धेव॑ शक्रास्तवि॒षाणि॑ कर्तन॒(स्वाहा᳚) || 1.166.1, 2.4.1.1 {मैत्रावरुणिरगस्त्यः | मरुतः | जगती}
नित्यं॒ न सू॒नुं मधु॒ बिभ्र॑त॒ उप॒ क्रीळं᳚ति क्री॒ळा वि॒दथे᳚षु॒ घृष्व॑यः | नक्षं᳚ति रु॒द्रा, अव॑सा नम॒स्विनं॒ न म॑र्धंति॒ स्वत॑वसो हवि॒ष्कृत॒म्(स्वाहा᳚) || 1.166.2, 2.4.1.2 {मैत्रावरुणिरगस्त्यः | मरुतः | जगती}
यस्मा॒, ऊमा᳚सो, अ॒मृता॒, अरा᳚सत रा॒यस्पोषं᳚ च ह॒विषा᳚ ददा॒शुषे᳚ | उ॒क्षंत्य॑स्मै म॒रुतो᳚ हि॒ता, इ॑व पु॒रू रजां᳚सि॒ पय॑सा मयो॒भुवः॒(स्वाहा᳚) || 1.166.3, 2.4.1.3 {मैत्रावरुणिरगस्त्यः | मरुतः | जगती}
आ ये रजां᳚सि॒ तवि॑षीभि॒रव्य॑त॒ प्र व॒ एवा᳚सः॒ स्वय॑तासो, अध्रजन् | भयं᳚ते॒ विश्वा॒ भुव॑नानि ह॒र्म्या चि॒त्रो वो॒ यामः॒ प्रय॑तास्वृ॒ष्टिषु॒(स्वाहा᳚) || 1.166.4, 2.4.1.4 {मैत्रावरुणिरगस्त्यः | मरुतः | जगती}
यत् त्वे॒षया᳚मा न॒दयं᳚त॒ पर्व॑तान् दि॒वो वा᳚ पृ॒ष्ठं नर्या॒, अचु॑च्यवुः | विश्वो᳚ वो॒, अज्म᳚न् भयते॒ वन॒स्पती᳚ रथी॒यंती᳚व॒ प्र जि॑हीत॒ ओष॑धिः॒(स्वाहा᳚) || 1.166.5, 2.4.1.5 {मैत्रावरुणिरगस्त्यः | मरुतः | जगती}
यू॒यं न॑ उग्रा मरुतः सुचे॒तुनारि॑ष्टग्रामाः सुम॒तिं पि॑पर्तन | यत्रा᳚ वो दि॒द्युद् रद॑ति॒ क्रिवि॑र्दती रि॒णाति॑ प॒श्वः सुधि॑तेव ब॒र्हणा॒(स्वाहा᳚) || 1.166.6, 2.4.2.1 {मैत्रावरुणिरगस्त्यः | मरुतः | जगती}
प्र स्कं॒भदे᳚ष्णा, अनव॒भ्ररा᳚धसोऽलातृ॒णासो᳚ वि॒दथे᳚षु॒ सुष्टु॑ताः | अर्चं᳚त्य॒र्कं म॑दि॒रस्य॑ पी॒तये᳚ वि॒दुर्वी॒रस्य॑ प्रथ॒मानि॒ पौंस्या॒(स्वाहा᳚) || 1.166.7, 2.4.2.2 {मैत्रावरुणिरगस्त्यः | मरुतः | जगती}
श॒तभु॑जिभि॒स्तम॒भिह्रु॑तेर॒घात् पू॒र्भी र॑क्षता मरुतो॒ यमाव॑त | जनं॒ यमु॑ग्रास्तवसो विरप्शिनः पा॒थना॒ शंसा॒त्तन॑यस्य पु॒ष्टिषु॒(स्वाहा᳚) || 1.166.8, 2.4.2.3 {मैत्रावरुणिरगस्त्यः | मरुतः | जगती}
विश्वा᳚नि भ॒द्रा म॑रुतो॒ रथे᳚षु वो मिथ॒स्पृध्ये᳚व तवि॒षाण्याहि॑ता | अंसे॒ष्वा वः॒ प्रप॑थेषु खा॒दयोऽक्षो᳚ वश्च॒क्रा स॒मया॒ वि वा᳚वृते॒(स्वाहा᳚) || 1.166.9, 2.4.2.4 {मैत्रावरुणिरगस्त्यः | मरुतः | जगती}
भूरी᳚णि भ॒द्रा नर्ये᳚षु बा॒हुषु॒ वक्ष॑स्सु रु॒क्मा र॑भ॒सासो᳚ अं॒जयः॑ | अंसे॒ष्वेताः᳚ प॒विषु॑ क्षु॒रा, अधि॒ वयो॒ न प॒क्षान् व्यनु॒ श्रियो᳚ धिरे॒(स्वाहा᳚) || 1.166.10, 2.4.2.5 {मैत्रावरुणिरगस्त्यः | मरुतः | जगती}
म॒हांतो᳚ म॒ह्ना वि॒भ्वो॒3॑(ओ॒) विभू᳚तयो दूरे॒दृशो॒ ये दि॒व्या, इ॑व॒ स्तृभिः॑ | मं॒द्राः सु॑जि॒ह्वाः स्वरि॑तार आ॒सभिः॒ सम्मि॑श्ला॒, इंद्रे᳚ म॒रुतः॑ परि॒ष्टुभः॒(स्वाहा᳚) || 1.166.11, 2.4.3.1 {मैत्रावरुणिरगस्त्यः | मरुतः | जगती}
तद् वः॑ सुजाता मरुतो महित्व॒नं दी॒र्घं वो᳚ दा॒त्रमदि॑तेरिव व्र॒तं | इंद्र॑श्च॒न त्यज॑सा॒ वि ह्रु॑णाति॒ तज्जना᳚य॒ यस्मै᳚ सु॒कृते॒, अरा᳚ध्व॒म्(स्वाहा᳚) || 1.166.12, 2.4.3.2 {मैत्रावरुणिरगस्त्यः | मरुतः | जगती}
तद् वो᳚ जामि॒त्वं म॑रुतः॒ परे᳚ यु॒गे पु॒रू यच्छंस॑ममृतास॒ आव॑त | अ॒या धि॒या मन॑वे श्रु॒ष्टिमाव्या᳚ सा॒कं नरो᳚ दं॒सनै॒रा चि॑कित्रिरे॒(स्वाहा᳚) || 1.166.13, 2.4.3.3 {मैत्रावरुणिरगस्त्यः | मरुतः | जगती}
येन॑ दी॒र्घं म॑रुतः शू॒शवा᳚म यु॒ष्माके᳚न॒ परी᳚णसा तुरासः | आ यत् त॒तन᳚न् वृ॒जने॒ जना᳚स ए॒भिर्य॒ज्ञेभि॒स्तद॒भीष्टि॑मश्या॒म्(स्वाहा᳚) || 1.166.14, 2.4.3.4 {मैत्रावरुणिरगस्त्यः | मरुतः | त्रिष्टुप्}
ए॒ष वः॒ स्तोमो᳚ मरुत इ॒यं गीर्मां᳚दा॒र्यस्य॑ मा॒न्यस्य॑ का॒रोः | एषा या᳚सीष्ट त॒न्वे᳚ व॒यां वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.166.15, 2.4.3.5 {मैत्रावरुणिरगस्त्यः | मरुतः | त्रिष्टुप्}
[167] सहस्रंतइत्येकादशर्चस्य सूक्तस्यमैत्रावरुणिरगस्त्यो मरुत आद्यायाइंद्रस्त्रिष्टुप् |
स॒हस्रं᳚ त इंद्रो॒तयो᳚ नः स॒हस्र॒मिषो᳚ हरिवो गू॒र्तत॑माः | स॒हस्रं॒ रायो᳚ माद॒यध्यै᳚ सह॒स्रिण॒ उप॑ नो यंतु॒ वाजाः᳚(स्वाहा᳚) || 1.167.1, 2.4.4.1 {मैत्रावरुणिरगस्त्यः | इंद्रः | त्रिष्टुप्}
आ नोऽवो᳚भिर्म॒रुतो᳚ यां॒त्वच्छा॒ ज्येष्ठे᳚भिर्वा बृ॒हद्दि॑वैः सुमा॒याः | अध॒ यदे᳚षां नि॒युतः॑ पर॒माः स॑मु॒द्रस्य॑ चिद् ध॒नयं᳚त पा॒रे(स्वाहा᳚) || 1.167.2, 2.4.4.2 {मैत्रावरुणिरगस्त्यः | मरुतः | त्रिष्टुप्}
मि॒म्यक्ष॒ येषु॒ सुधि॑ता घृ॒ताची॒ हिर᳚ण्यनिर्णि॒गुप॑रा॒ न ऋ॒ष्टिः | गुहा॒ चरं᳚ती॒ मनु॑षो॒ न योषा᳚ स॒भाव॑ती विद॒थ्ये᳚व॒ सं वाक्(स्वाहा᳚) || 1.167.3, 2.4.4.3 {मैत्रावरुणिरगस्त्यः | मरुतः | त्रिष्टुप्}
परा᳚ शु॒भ्रा, अ॒यासो᳚ य॒व्या सा᳚धार॒ण्येव॑ म॒रुतो᳚ मिमिक्षुः | न रो᳚द॒सी, अप॑ नुदंत घो॒रा जु॒षंत॒ वृधं᳚ स॒ख्याय॑ दे॒वाः(स्वाहा᳚) || 1.167.4, 2.4.4.4 {मैत्रावरुणिरगस्त्यः | मरुतः | त्रिष्टुप्}
जोष॒द् यदी᳚मसु॒र्या᳚ स॒चध्यै॒ विषि॑तस्तुका रोद॒सी नृ॒मणाः᳚ | आ सू॒र्येव॑ विध॒तो रथं᳚ गात् त्वे॒षप्र॑तीका॒ नभ॑सो॒ नेत्या(स्वाहा᳚) || 1.167.5, 2.4.4.5 {मैत्रावरुणिरगस्त्यः | मरुतः | त्रिष्टुप्}
आस्था᳚पयंत युव॒तिं युवा᳚नः शु॒भे निमि॑श्लां वि॒दथे᳚षु प॒ज्रां | अ॒र्को यद् वो᳚ मरुतो ह॒विष्मा॒न् गाय॑द् गा॒थं सु॒तसो᳚मो दुव॒स्यन्(स्वाहा᳚) || 1.167.6, 2.4.5.1 {मैत्रावरुणिरगस्त्यः | मरुतः | त्रिष्टुप्}
प्र तं वि॑वक्मि॒ वक्म्यो॒ य ए᳚षां म॒रुतां᳚ महि॒मा स॒त्यो, अस्ति॑ | सचा॒ यदीं॒ वृष॑मणा, अहं॒युः स्थि॒रा चि॒ज्जनी॒र्वह॑ते सुभा॒गाः(स्वाहा᳚) || 1.167.7, 2.4.5.2 {मैत्रावरुणिरगस्त्यः | मरुतः | त्रिष्टुप्}
पांति॑ मि॒त्रावरु॑णावव॒द्याच्चय॑त ईमर्य॒मो, अप्र॑शस्तान् | उ॒त च्य॑वंते॒, अच्यु॑ता ध्रु॒वाणि॑ वावृ॒ध ईं᳚ मरुतो॒ दाति॑वारः॒(स्वाहा᳚) || 1.167.8, 2.4.5.3 {मैत्रावरुणिरगस्त्यः | मरुतः | त्रिष्टुप्}
न॒ही नु वो᳚ मरुतो॒, अंत्य॒स्मे, आ॒रात्ता᳚च्चि॒च्छव॑सो॒, अंत॑मा॒पुः | ते धृ॒ष्णुना॒ शव॑सा शूशु॒वांसोऽर्णो॒ न द्वेषो᳚ धृष॒ता परि॑ ष्ठुः॒(स्वाहा᳚) || 1.167.9, 2.4.5.4 {मैत्रावरुणिरगस्त्यः | मरुतः | त्रिष्टुप्}
व॒यम॒द्येंद्र॑स्य॒ प्रेष्ठा᳚ व॒यं श्वो वो᳚चेमहि सम॒र्ये | व॒यं पु॒रा महि॑ च नो॒, अनु॒ द्यून् तन्न॑ ऋभु॒क्षा न॒रामनु॑ ष्या॒त्(स्वाहा᳚) || 1.167.10, 2.4.5.5 {मैत्रावरुणिरगस्त्यः | मरुतः | त्रिष्टुप्}
ए॒ष वः॒ स्तोमो᳚ मरुत इ॒यं गीर्मां᳚दा॒र्यस्य॑ मा॒न्यस्य॑ का॒रोः | एषा या᳚सीष्ट त॒न्वे᳚ व॒यां वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.167.11, 2.4.5.6 {मैत्रावरुणिरगस्त्यः | मरुतः | त्रिष्टुप्}
[168] यज्ञायज्ञेति दशर्चस्य सूक्तस्य मैत्रावरुणिरगस्त्यो मरुतोजगती अंत्यास्तिस्रस्त्रिष्टुभः |
य॒ज्ञाय॑ज्ञा वः सम॒ना तु॑तु॒र्वणि॒र्धियं᳚धियं वो देव॒या, उ॑ दधिध्वे | आ वो॒ऽर्वाचः॑ सुवि॒ताय॒ रोद॑स्योर्म॒हे व॑वृत्या॒मव॑से सुवृ॒क्तिभिः॒(स्वाहा᳚) || 1.168.1, 2.4.6.1 {मैत्रावरुणिरगस्त्यः | मरुतः | जगती}
व॒व्रासो॒ न ये स्व॒जाः स्वत॑वस॒ इषं॒ स्व॑रभि॒जायं᳚त॒ धूत॑यः | स॒ह॒स्रिया᳚सो, अ॒पां नोर्मय॑ आ॒सा गावो॒ वंद्या᳚सो॒ नोक्षणः॒(स्वाहा᳚) || 1.168.2, 2.4.6.2 {मैत्रावरुणिरगस्त्यः | मरुतः | जगती}
सोमा᳚सो॒ न ये सु॒तास्तृ॒प्तांश॑वो हृ॒त्सु पी॒तासो᳚ दु॒वसो॒ नास॑ते | ऐषा॒मंसे᳚षु रं॒भिणी᳚व रारभे॒ हस्ते᳚षु खा॒दिश्च॑ कृ॒तिश्च॒ सं द॑धे॒(स्वाहा᳚) || 1.168.3, 2.4.6.3 {मैत्रावरुणिरगस्त्यः | मरुतः | जगती}
अव॒ स्वयु॑क्ता दि॒व आ वृथा᳚ ययु॒रम॑र्त्याः॒ कश॑या चोदत॒ त्मना᳚ | अ॒रे॒णव॑स्तुविजा॒ता, अ॑चुच्यवुर्दृ॒ळ्हानि॑ चिन्म॒रुतो॒ भ्राज॑दृष्टयः॒(स्वाहा᳚) || 1.168.4, 2.4.6.4 {मैत्रावरुणिरगस्त्यः | मरुतः | जगती}
को वो॒ऽन्तर्म॑रुत ऋष्टिविद्युतो॒ रेज॑ति॒ त्मना॒ हन्वे᳚व जि॒ह्वया᳚ | ध॒न्व॒च्युत॑ इ॒षां न याम॑नि पुरु॒प्रैषा᳚ अह॒न्यो॒3॑(ओ॒) नैत॑शः॒(स्वाहा᳚) || 1.168.5, 2.4.6.5 {मैत्रावरुणिरगस्त्यः | मरुतः | जगती}
क्व॑ स्विद॒स्य रज॑सो म॒हस्परं॒ क्वाव॑रं मरुतो॒ यस्मि᳚न्नाय॒य | यच्च्या॒वय॑थ विथु॒रेव॒ संहि॑तं॒ व्यद्रि॑णा पतथ त्वे॒षम᳚र्ण॒वं(स्वाहा᳚) || 1.168.6, 2.4.7.1 {मैत्रावरुणिरगस्त्यः | मरुतः | जगती}
सा॒तिर्न वोऽम॑वती॒ स्व᳚र्वती त्वे॒षा विपा᳚का मरुतः॒ पिपि॑ष्वती | भ॒द्रा वो᳚ रा॒तिः पृ॑ण॒तो न दक्षि॑णा पृथु॒ज्रयी᳚ असु॒र्ये᳚व॒ जंज॑ती॒(स्वाहा᳚) || 1.168.7, 2.4.7.2 {मैत्रावरुणिरगस्त्यः | मरुतः | जगती}
प्रति॑ ष्टोभंति॒ सिंध॑वः प॒विभ्यो॒ यद॒भ्रियां॒ वाच॑मुदी॒रयं᳚ति | अव॑ स्मयंत वि॒द्युतः॑ पृथि॒व्यां यदी᳚ घृ॒तं म॒रुतः॑ प्रुष्णु॒वंति॒(स्वाहा᳚) || 1.168.8, 2.4.7.3 {मैत्रावरुणिरगस्त्यः | मरुतः | त्रिष्टुप्}
असू᳚त॒ पृश्नि᳚र्मह॒ते रणा᳚य त्वे॒षम॒यासां᳚ म॒रुता॒मनी᳚कं | ते स॑प्स॒रासो᳚ऽजनयं॒ताभ्व॒मादित् स्व॒धामि॑षि॒रां पर्य॑पश्य॒न्(स्वाहा᳚) || 1.168.9, 2.4.7.4 {मैत्रावरुणिरगस्त्यः | मरुतः | त्रिष्टुप्}
ए॒ष वः॒ स्तोमो᳚ मरुत इ॒यं गीर्मां᳚दा॒र्यस्य॑ मा॒न्यस्य॑ का॒रोः | एषा या᳚सीष्ट त॒न्वे᳚ व॒यां वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.168.10, 2.4.7.5 {मैत्रावरुणिरगस्त्यः | मरुतः | त्रिष्टुप्}
[169] महश्चिदित्यष्टर्चस्य सूक्तस्य मैत्रावरुणिरगस्त्यइंद्रस्त्रिष्टुप् द्वितीयाविराट् |
म॒हश्चि॒त् त्वमिं᳚द्र य॒त ए॒तान् म॒हश्चि॑दसि॒ त्यज॑सो वरू॒ता | स नो᳚ वेधो म॒रुतां᳚ चिकि॒त्वान् त्सु॒म्ना व॑नुष्व॒ तव॒ हि प्रेष्ठा॒(स्वाहा᳚) || 1.169.1, 2.4.8.1 {मैत्रावरुणिरगस्त्यः | इंद्रः | त्रिष्टुप्}
अयु॑ज्रं॒त इं᳚द्र वि॒श्वकृ॑ष्टीर्विदा॒नासो᳚ नि॒ष्षिधो᳚ मर्त्य॒त्रा | म॒रुतां᳚ पृत्सु॒तिर्हास॑माना॒ स्व᳚र्मीळ्हस्य प्र॒धन॑स्य सा॒तौ(स्वाहा᳚) || 1.169.2, 2.4.8.2 {मैत्रावरुणिरगस्त्यः | इंद्रः | विराट्}
अम्य॒क् सा त॑ इंद्र ऋ॒ष्टिर॒स्मे सने॒म्यभ्वं᳚ म॒रुतो᳚ जुनंति | अ॒ग्निश्चि॒द्धि ष्मा᳚त॒से शु॑शु॒क्वानापो॒ न द्वी॒पं दध॑ति॒ प्रयां᳚सि॒(स्वाहा᳚) || 1.169.3, 2.4.8.3 {मैत्रावरुणिरगस्त्यः | इंद्रः | त्रिष्टुप्}
त्वं तू न॑ इंद्र॒ तं र॒यिं दा॒, ओजि॑ष्ठया॒ दक्षि॑णयेव रा॒तिं | स्तुत॑श्च॒ यास्ते᳚ च॒कनं᳚त वा॒योः स्तनं॒ न मध्वः॑ पीपयंत॒ वाजैः᳚(स्वाहा᳚) || 1.169.4, 2.4.8.4 {मैत्रावरुणिरगस्त्यः | इंद्रः | त्रिष्टुप्}
त्वे राय॑ इंद्र तो॒शत॑माः प्रणे॒तारः॒ कस्य॑ चिदृता॒योः | ते षु णो᳚ म॒रुतो᳚ मृळयंतु॒ ये स्मा᳚ पु॒रा गा᳚तू॒यंती᳚व दे॒वाः(स्वाहा᳚) || 1.169.5, 2.4.8.5 {मैत्रावरुणिरगस्त्यः | इंद्रः | त्रिष्टुप्}
प्रति॒ प्र या᳚हींद्र मी॒ळ्हुषो॒ नॄन् म॒हः पार्थि॑वे॒ सद॑ने यतस्व | अध॒ यदे᳚षां पृथुबु॒ध्नास॒ एता᳚स्ती॒र्थे नार्यः पौंस्या᳚नि त॒स्थुः(स्वाहा᳚) || 1.169.6, 2.4.9.1 {मैत्रावरुणिरगस्त्यः | इंद्रः | त्रिष्टुप्}
प्रति॑ घो॒राणा॒मेता᳚नाम॒यासां᳚ म॒रुतां᳚ शृण्व आय॒तामु॑प॒ब्दिः | ये मर्त्यं᳚ पृतना॒यंत॒मूमै᳚रृणा॒वानं॒ न प॒तयं᳚त॒ सर्गैः᳚(स्वाहा᳚) || 1.169.7, 2.4.9.2 {मैत्रावरुणिरगस्त्यः | इंद्रः | त्रिष्टुप्}
त्वं माने᳚भ्य इंद्र वि॒श्वज᳚न्या॒ रदा᳚ म॒रुद्भिः॑ शु॒रुधो॒ गो,अ॑ग्राः | स्तवा᳚नेभिः स्तवसे देव दे॒वैर्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.169.8, 2.4.9.3 {मैत्रावरुणिरगस्त्यः | इंद्रः | त्रिष्टुप्}
[170] ननूनमिति पंचर्चस्य सूक्तस्यप्रथमतृतीयाचतुर्थीनामृचामिंद्रोगस्त्यो द्वितीयापंचम्योरगस्यऋषिरिंद्रोदेवता आद्याबृहती ततस्तिस्रोनुष्टुभोंत्यात्रिष्टुप् |
न नू॒नमस्ति॒ नो श्वः कस्तद् वे᳚द॒ यदद्भु॑तं | अ॒न्यस्य॑ चि॒त्तम॒भि सं᳚च॒रेण्य॑मु॒ताधी᳚तं॒ वि न॑श्यति॒(स्वाहा᳚) || 1.170.1, 2.4.10.1 {इंद्रोगस्त्यो | इंद्रः | बृहती}
किं न॑ इंद्र जिघांससि॒ भ्रात॑रो म॒रुत॒स्तव॑ | तेभिः॑ कल्पस्व साधु॒या मा नः॑ स॒मर॑णे वधीः॒(स्वाहा᳚) || 1.170.2, 2.4.10.2 {मैत्रावरुणिरगस्त्यः | इंद्रः | अनुष्टुप्}
किं नो᳚ भ्रातरगस्त्य॒ सखा॒ सन्नति॑ मन्यसे | वि॒द्मा हि ते॒ यथा॒ मनो॒ऽस्मभ्य॒मिन्न दि॑त्ससि॒(स्वाहा᳚) || 1.170.3, 2.4.10.3 {इंद्रोगस्त्यो | इंद्रः | अनुष्टुप्}
अरं᳚ कृण्वंतु॒ वेदिं॒ सम॒ग्निमिं᳚धतां पु॒रः | तत्रा॒मृत॑स्य॒ चेत॑नं य॒ज्ञं ते᳚ तनवावहै॒(स्वाहा᳚) || 1.170.4, 2.4.10.4 {इंद्रोगस्त्यो | इंद्रः | अनुष्टुप्}
त्वमी᳚शिषे वसुपते॒ वसू᳚नां॒ त्वं मि॒त्राणां᳚ मित्रपते॒ धेष्ठः॑ | इंद्र॒ त्वं म॒रुद्भिः॒ सं व॑द॒स्वाध॒ प्राशा᳚न ऋतु॒था ह॒वींषि॒(स्वाहा᳚) || 1.170.5, 2.4.10.5 {मैत्रावरुणिरगस्त्यः | इंद्रः | त्रिष्टुप्}
[171] प्रतिवइति षडृचस्य सूक्तस्यागस्त्योमरुतः अंत्यानांचतसृणांमरुत्वानिंद्रस्त्रिष्टुप् |
प्रति॑ व ए॒ना नम॑सा॒हमे᳚मि सू॒क्तेन॑ भिक्षे सुम॒तिं तु॒राणां᳚ | र॒रा॒णता᳚ मरुतो वे॒द्याभि॒र्नि हेळो᳚ ध॒त्त वि मु॑चध्व॒मश्वां॒त्(स्वाहा᳚) || 1.171.1, 2.4.11.1 {मैत्रावरुणिरगस्त्यः | मरुतः | त्रिष्टुप्}
ए॒ष वः॒ स्तोमो᳚ मरुतो॒ नम॑स्वान् हृ॒दा त॒ष्टो मन॑सा धायि देवाः | उपे॒मा या᳚त॒ मन॑सा जुषा॒णा यू॒यं हि ष्ठा नम॑स॒ इद् वृ॒धासः॒(स्वाहा᳚) || 1.171.2, 2.4.11.2 {मैत्रावरुणिरगस्त्यः | मरुतः | त्रिष्टुप्}
स्तु॒तासो᳚ नो म॒रुतो᳚ मृळयंतू॒त स्तु॒तो म॒घवा॒ शंभ॑विष्ठः | ऊ॒र्ध्वा नः॑ संतु को॒म्या वना॒न्यहा᳚नि॒ विश्वा᳚ मरुतो जिगी॒षा(स्वाहा᳚) || 1.171.3, 2.4.11.3 {मैत्रावरुणिरगस्त्यः | मरुत्वानिंद्रः | त्रिष्टुप्}
अ॒स्माद॒हं त॑वि॒षादीष॑माण॒ इंद्रा᳚द् भि॒या म॑रुतो॒ रेज॑मानः | यु॒ष्मभ्यं᳚ ह॒व्या निशि॑तान्यास॒न् तान्या॒रे च॑कृमा मृ॒ळता᳚ नः॒(स्वाहा᳚) || 1.171.4, 2.4.11.4 {मैत्रावरुणिरगस्त्यः | मरुत्वानिंद्रः | त्रिष्टुप्}
येन॒ माना᳚सश्चि॒तयं᳚त उ॒स्रा व्यु॑ष्टिषु॒ शव॑सा॒ शश्व॑तीनां | स नो᳚ म॒रुद्भि᳚र्वृषभ॒ श्रवो᳚ धा, उ॒ग्र उ॒ग्रेभिः॒ स्थवि॑रः सहो॒दाः(स्वाहा᳚) || 1.171.5, 2.4.11.5 {मैत्रावरुणिरगस्त्यः | मरुत्वानिंद्रः | त्रिष्टुप्}
त्वं पा᳚हींद्र॒ सही᳚यसो॒ नॄन् भवा᳚ म॒रुद्भि॒रव॑यातहेळाः | सु॒प्र॒के॒तेभिः॑ सास॒हिर्दधा᳚नो वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.171.6, 2.4.11.6 {मैत्रावरुणिरगस्त्यः | मरुत्वानिंद्रः | त्रिष्टुप्}
[172] चित्रोवइति तृचस्य सूक्तस्य मैत्रावरुणिरगस्त्यो मरुतो गायत्री |
चि॒त्रो वो᳚ऽस्तु॒ याम॑श्चि॒त्र ऊ॒ती सु॑दानवः | मरु॑तो॒, अहि॑भानवः॒(स्वाहा᳚) || 1.172.1, 2.4.12.1 {मैत्रावरुणिरगस्त्यः | मरुतः | गायत्री}
आ॒रे सा वः॑ सुदानवो॒ मरु॑त ऋंज॒ती शरुः॑ | आ॒रे, अश्मा॒ यमस्य॑थ॒(स्वाहा᳚) || 1.172.2, 2.4.12.2 {मैत्रावरुणिरगस्त्यः | मरुतः | गायत्री}
तृ॒ण॒स्कं॒दस्य॒ नु विशः॒ परि॑ वृंक्त सुदानवः | ऊ॒र्ध्वान् नः॑ कर्त जी॒वसे॒(स्वाहा᳚) || 1.172.3, 2.4.12.3 {मैत्रावरुणिरगस्त्यः | मरुतः | गायत्री}
[173] गायत्सामेति त्रयोदशर्चस्य सूक्तस्य मैत्रावरुणिरगस्त्यइंद्रस्त्रिष्टुप् |
गाय॒त् साम॑ नभ॒न्य1॑(अं॒) यथा॒ वेरर्चा᳚म॒ तद् वा᳚वृधा॒नं स्व᳚र्वत् | गावो᳚ धे॒नवो᳚ ब॒र्हिष्यद॑ब्धा॒, आ यत् स॒द्मानं᳚ दि॒व्यं विवा᳚सा॒न्(स्वाहा᳚) || 1.173.1, 2.4.13.1 {मैत्रावरुणिरगस्त्यः | इंद्रः | त्रिष्टुप्}
अर्च॒द् वृषा॒ वृष॑भिः॒ स्वेदु॑हव्यैर्मृ॒गो नाश्नो॒, अति॒ यज्जु॑गु॒र्यात् | प्र मं᳚द॒युर्म॒नां गू᳚र्त॒ होता॒ भर॑ते॒ मर्यो᳚ मिथु॒ना यज॑त्रः॒(स्वाहा᳚) || 1.173.2, 2.4.13.2 {मैत्रावरुणिरगस्त्यः | इंद्रः | त्रिष्टुप्}
नक्ष॒द्धोता॒ परि॒ सद्म॑ मि॒ता यन् भर॒द् गर्भ॒मा श॒रदः॑ पृथि॒व्याः | क्रंद॒दश्वो॒ नय॑मानो रु॒वद् गौरं॒तर्दू॒तो न रोद॑सी चर॒द् वाक्॒(स्वाहा᳚) || 1.173.3, 2.4.13.3 {मैत्रावरुणिरगस्त्यः | इंद्रः | त्रिष्टुप्}
ता क॒र्माष॑तरास्मै॒ प्र च्यौ॒त्नानि॑ देव॒यंतो᳚ भरंते | जुजो᳚ष॒दिंद्रो᳚ द॒स्मव॑र्चा॒ नास॑त्येव॒ सुग्म्यो᳚ रथे॒ष्ठाः(स्वाहा᳚) || 1.173.4, 2.4.13.4 {मैत्रावरुणिरगस्त्यः | इंद्रः | त्रिष्टुप्}
तमु॑ ष्टु॒हींद्रं॒ यो ह॒ सत्वा॒ यः शूरो᳚ म॒घवा॒ यो र॑थे॒ष्ठाः | प्र॒ती॒चश्चि॒द् योधी᳚या॒न् वृष᳚ण्वान् वव॒व्रुष॑श्चि॒त्तम॑सो विहं॒ता(स्वाहा᳚) || 1.173.5, 2.4.13.5 {मैत्रावरुणिरगस्त्यः | इंद्रः | त्रिष्टुप्}
प्र यदि॒त्था म॑हि॒ना नृभ्यो॒, अस्त्यरं॒ रोद॑सी क॒क्ष्ये॒3॑(ए॒) नास्मै᳚ | सं वि᳚व्य॒ इंद्रो᳚ वृ॒जनं॒ न भूमा॒ भर्ति॑ स्व॒धावाँ᳚, ओप॒शमि॑व॒ द्यां(स्वाहा᳚) || 1.173.6, 2.4.14.1 {मैत्रावरुणिरगस्त्यः | इंद्रः | त्रिष्टुप्}
स॒मत्सु॑ त्वा शूर स॒तामु॑रा॒णं प्र॑प॒थिंत॑मं परितंस॒यध्यै᳚ | स॒जोष॑स॒ इंद्रं॒ मदे᳚ क्षो॒णीः सू॒रिं चि॒द् ये, अ॑नु॒मदं᳚ति॒ वाजैः᳚(स्वाहा᳚) || 1.173.7, 2.4.14.2 {मैत्रावरुणिरगस्त्यः | इंद्रः | त्रिष्टुप्}
ए॒वा हि ते॒ शं सव॑ना समु॒द्र आपो॒ यत्त॑ आ॒सु मदं᳚ति दे॒वीः | विश्वा᳚ ते॒, अनु॒ जोष्या᳚ भू॒द्गौः सू॒रीँश्चि॒द् यदि॑ धि॒षा वेषि॒ जनां॒त्(स्वाहा᳚) || 1.173.8, 2.4.14.3 {मैत्रावरुणिरगस्त्यः | इंद्रः | त्रिष्टुप्}
असा᳚म॒ यथा᳚ सुष॒खाय॑ एन स्वभि॒ष्टयो᳚ न॒रां न शंसैः᳚ | अस॒द् यथा᳚ न॒ इंद्रो᳚ वंदने॒ष्ठास्तु॒रो न कर्म॒ नय॑मान उ॒क्था(स्वाहा᳚) || 1.173.9, 2.4.14.4 {मैत्रावरुणिरगस्त्यः | इंद्रः | त्रिष्टुप्}
विष्प॑र्धसो न॒रां न शंसै᳚र॒स्माका᳚स॒दिंद्रो॒ वज्र॑हस्तः | मि॒त्रा॒युवो॒ न पूर्प॑तिं॒ सुशि॑ष्टौ मध्या॒युव॒ उप॑ शिक्षंति य॒ज्ञैः॒(स्वाहा᳚) || 1.173.10, 2.4.14.5 {मैत्रावरुणिरगस्त्यः | इंद्रः | त्रिष्टुप्}
य॒ज्ञो हि ष्मेंद्रं॒ कश्चि॑दृं॒धंजु॑हुरा॒णश्चि॒न्मन॑सा परि॒यन् | ती॒र्थे नाच्छा᳚ तातृषा॒णमोको᳚ दी॒र्घो न सि॒ध्रमा कृ॑णो॒त्यध्वा॒(स्वाहा᳚) || 1.173.11, 2.4.15.1 {मैत्रावरुणिरगस्त्यः | इंद्रः | त्रिष्टुप्}
मो षू ण॑ इं॒द्रात्र॑ पृ॒त्सु दे॒वैरस्ति॒ हि ष्मा᳚ ते शुष्मिन्नव॒याः | म॒हश्चि॒द् यस्य॑ मी॒ळ्हुषो᳚ य॒व्या ह॒विष्म॑तो म॒रुतो॒ वंद॑ते॒ गीः(स्वाहा᳚) || 1.173.12, 2.4.15.2 {मैत्रावरुणिरगस्त्यः | इंद्रः | त्रिष्टुप्}
ए॒ष स्तोम॑ इंद्र॒ तुभ्य॑म॒स्मे, ए॒तेन॑ गा॒तुं ह॑रिवो विदो नः | आ नो᳚ ववृत्याः सुवि॒ताय॑ देव वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.173.13, 2.4.15.3 {मैत्रावरुणिरगस्त्यः | इंद्रः | त्रिष्टुप्}
[174] त्वंराजेति दशर्चस्य सूक्तस्य मैत्रावरुणिरगस्त्यइंद्रस्त्रिष्टुप् |
त्वं राजें᳚द्र॒ ये च॑ दे॒वा रक्षा॒ नॄन् पा॒ह्य॑सुर॒ त्वम॒स्मान् | त्वं सत्प॑तिर्म॒घवा᳚ न॒स्तरु॑त्र॒स्त्वं स॒त्यो वस॑वानः सहो॒दाः(स्वाहा᳚) || 1.174.1, 2.4.16.1 {मैत्रावरुणिरगस्त्यः | इंद्रः | त्रिष्टुप्}
दनो॒ विश॑ इंद्र मृ॒ध्रवा᳚चः स॒प्त यत् पुरः॒ शर्म॒ शार॑दी॒र्दर्त् | ऋ॒णोर॒पो, अ॑नव॒द्यार्णा॒ यूने᳚ वृ॒त्रं पु॑रु॒कुत्सा᳚य रंधीः॒(स्वाहा᳚) || 1.174.2, 2.4.16.2 {मैत्रावरुणिरगस्त्यः | इंद्रः | त्रिष्टुप्}
अजा॒ वृत॑ इंद्र॒ शूर॑पत्नी॒र्द्यां च॒ येभिः॑ पुरुहूत नू॒नं | रक्षो᳚ अ॒ग्निम॒शुषं॒ तूर्व॑याणं सिं॒हो न दमे॒, अपां᳚सि॒ वस्तोः᳚(स्वाहा᳚) || 1.174.3, 2.4.16.3 {मैत्रावरुणिरगस्त्यः | इंद्रः | त्रिष्टुप्}
शेष॒न् नु त इं᳚द्र॒ सस्मि॒न् योनौ॒ प्रश॑स्तये॒ पवी᳚रवस्य म॒ह्ना | सृ॒जदर्णां॒स्यव॒ यद् यु॒धा गास्तिष्ठ॒द्धरी᳚ धृष॒ता मृ॑ष्ट॒ वाजां॒त्(स्वाहा᳚) || 1.174.4, 2.4.16.4 {मैत्रावरुणिरगस्त्यः | इंद्रः | त्रिष्टुप्}
वह॒ कुत्स॑मिंद्र॒ यस्मिं᳚चा॒कन् त्स्यू᳚म॒न्यू, ऋ॒ज्रा वात॒स्याश्वा᳚ | प्र सूर॑श्च॒क्रं वृ॑हताद॒भीके॒ऽभि स्पृधो᳚ यासिष॒द् वज्र॑बाहुः॒(स्वाहा᳚) || 1.174.5, 2.4.16.5 {मैत्रावरुणिरगस्त्यः | इंद्रः | त्रिष्टुप्}
ज॒घ॒न्वाँ, इं᳚द्र मि॒त्रेरूं᳚चो॒दप्र॑वृद्धो हरिवो॒, अदा᳚शून् | प्र ये पश्य᳚न्नर्य॒मणं॒ सचा॒योस्त्वया᳚ शू॒र्ता वह॑माना॒, अप॑त्य॒म्(स्वाहा᳚) || 1.174.6, 2.4.17.1 {मैत्रावरुणिरगस्त्यः | इंद्रः | त्रिष्टुप्}
रप॑त् क॒विरिं᳚द्रा॒र्कसा᳚तौ॒ क्षां दा॒सायो᳚प॒बर्ह॑णीं कः | कर॑त्ति॒स्रो म॒घवा॒ दानु॑चित्रा॒ नि दु᳚र्यो॒णे कुय॑वाचं मृ॒धि श्रे॒त्(स्वाहा᳚) || 1.174.7, 2.4.17.2 {मैत्रावरुणिरगस्त्यः | इंद्रः | त्रिष्टुप्}
सना॒ ता त॑ इंद्र॒ नव्या॒, आगुः॒ सहो॒ नभोऽवि॑रणाय पू॒र्वीः | भि॒नत् पुरो॒ न भिदो॒, अदे᳚वीर्न॒नमो॒ वध॒रदे᳚वस्य पी॒योः(स्वाहा᳚) || 1.174.8, 2.4.17.3 {मैत्रावरुणिरगस्त्यः | इंद्रः | त्रिष्टुप्}
त्वं धुनि॑रिंद्र॒ धुनि॑मतीरृ॒णोर॒पः सी॒रा न स्रवं᳚तीः | प्र यत् स॑मु॒द्रमति॑ शूर॒ पर्षि॑ पा॒रया᳚ तु॒र्वशं॒ यदुं᳚ स्व॒स्ति(स्वाहा᳚) || 1.174.9, 2.4.17.4 {मैत्रावरुणिरगस्त्यः | इंद्रः | त्रिष्टुप्}
त्वम॒स्माक॑मिंद्र वि॒श्वध॑ स्या, अवृ॒कत॑मो न॒रां नृ॑पा॒ता | स नो॒ विश्वा᳚सां स्पृ॒धां स॑हो॒दा वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.174.10, 2.4.17.5 {मैत्रावरुणिरगस्त्यः | इंद्रः | त्रिष्टुप्}
[175] मत्स्यपायीति षडृचस्य सूक्तस्य मैत्रावरुणिरगस्त्य इंद्रोनुष्टुप् आद्यास्कंधोग्रीवी अंत्यात्रिष्टुप् |
मत्स्यपा᳚यि ते॒ महः॒ पात्र॑स्येव हरिवो मत्स॒रो मदः॑ | वृषा᳚ ते॒ वृष्ण॒ इंदु᳚र्वा॒जी स॑हस्र॒सात॑मः॒(स्वाहा᳚) || 1.175.1, 2.4.18.1 {मैत्रावरुणिरगस्त्यः | इंद्रः | स्कंधोग्रीवीबृहती}
आ न॑स्ते गंतु मत्स॒रो वृषा॒ मदो॒ वरे᳚ण्यः | स॒हावाँ᳚, इंद्र सान॒सिः पृ॑तना॒षाळम॑र्त्यः॒(स्वाहा᳚) || 1.175.2, 2.4.18.2 {मैत्रावरुणिरगस्त्यः | इंद्रः | अनुष्टुप्}
त्वं हि शूरः॒ सनि॑ता चो॒दयो॒ मनु॑षो॒ रथं᳚ | स॒हावा॒न् दस्यु॑मव्र॒तमोषः॒ पात्रं॒ न शो॒चिषा॒(स्वाहा᳚) || 1.175.3, 2.4.18.3 {मैत्रावरुणिरगस्त्यः | इंद्रः | अनुष्टुप्}
मु॒षा॒य सूर्यं᳚ कवे च॒क्रमीशा᳚न॒ ओज॑सा | वह॒ शुष्णा᳚य व॒धं कुत्सं॒ वात॒स्याश्वैः᳚(स्वाहा᳚) || 1.175.4, 2.4.18.4 {मैत्रावरुणिरगस्त्यः | इंद्रः | अनुष्टुप्}
शु॒ष्मिंत॑मो॒ हि ते॒ मदो᳚ द्यु॒म्निंत॑म उ॒त क्रतुः॑ | वृ॒त्र॒घ्ना व॑रिवो॒विदा᳚ मंसी॒ष्ठा, अ॑श्व॒सात॑मः॒(स्वाहा᳚) || 1.175.5, 2.4.18.5 {मैत्रावरुणिरगस्त्यः | इंद्रः | अनुष्टुप्}
यथा॒ पूर्वे᳚भ्यो जरि॒तृभ्य॑ इंद्र॒ मय॑ इ॒वापो॒ न तृष्य॑ते ब॒भूथ॑ | तामनु॑ त्वा नि॒विदं᳚ जोहवीमि वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.175.6, 2.4.18.6 {मैत्रावरुणिरगस्त्यः | इंद्रः | त्रिष्टुप्}
[176] मत्सिनइति षडृचस्य सूक्तस्य मैत्रावरुणिरगस्त्य इंद्रोनुष्टुबंत्या त्रिष्टुप् |
मत्सि॑ नो॒ वस्य॑ इष्टय॒ इंद्र॑मिंदो॒ वृषा वि॑श | ऋ॒घा॒यमा᳚ण इन्वसि॒ शत्रु॒मंति॒ न विं᳚दसि॒(स्वाहा᳚) || 1.176.1, 2.4.19.1 {मैत्रावरुणिरगस्त्यः | इंद्रः | अनुष्टुप्}
तस्मि॒न्ना वे᳚शया॒ गिरो॒ य एक॑श्चर्षणी॒नां | अनु॑ स्व॒धा यमु॒प्यते॒ यवं॒ न चर्कृ॑ष॒द् वृषा॒(स्वाहा᳚) || 1.176.2, 2.4.19.2 {मैत्रावरुणिरगस्त्यः | इंद्रः | अनुष्टुप्}
यस्य॒ विश्वा᳚नि॒ हस्त॑योः॒ पंच॑ क्षिती॒नां वसु॑ | स्पा॒शय॑स्व॒ यो, अ॑स्म॒ध्रुग्दि॒व्येवा॒शनि॑र्जहि॒(स्वाहा᳚) || 1.176.3, 2.4.19.3 {मैत्रावरुणिरगस्त्यः | इंद्रः | अनुष्टुप्}
असु᳚न्वंतं समं जहि दू॒णाशं॒ यो न ते॒ मयः॑ | अ॒स्मभ्य॑मस्य॒ वेद॑नं द॒द्धि सू॒रिश्चि॑दोहते॒(स्वाहा᳚) || 1.176.4, 2.4.19.4 {मैत्रावरुणिरगस्त्यः | इंद्रः | अनुष्टुप्}
आवो॒ यस्य॑ द्वि॒बर्ह॑सो॒ऽर्केषु॑ सानु॒षगस॑त् | आ॒जाविंद्र॑स्येंदो॒ प्रावो॒ वाजे᳚षु वा॒जिन॒म्(स्वाहा᳚) || 1.176.5, 2.4.19.5 {मैत्रावरुणिरगस्त्यः | इंद्रः | अनुष्टुप्}
यथा॒ पूर्वे᳚भ्यो जरि॒तृभ्य॑ इंद्र॒ मय॑ इ॒वापो॒ न तृष्य॑ते ब॒भूथ॑ | तामनु॑ त्वा नि॒विदं᳚ जोहवीमि वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.176.6, 2.4.19.6 {मैत्रावरुणिरगस्त्यः | इंद्रः | त्रिष्टुप्}
[177] आचर्षणिप्राइति पंचर्चस्य सूक्तस्य मैत्रावरुणिरगस्त्यइंद्रस्त्रिष्टुप् |
आ च॑र्षणि॒प्रा वृ॑ष॒भो जना᳚नां॒ राजा᳚ कृष्टी॒नां पु॑रुहू॒त इंद्रः॑ | स्तु॒तः श्र॑व॒स्यन्नव॒सोप॑ म॒द्रिग्यु॒क्त्वा हरी॒ वृष॒णा या᳚ह्य॒र्वाङ्॒(स्वाहा᳚) || 1.177.1, 2.4.20.1 {मैत्रावरुणिरगस्त्यः | इंद्रः | त्रिष्टुप्}
ये ते॒ वृष॑णो वृष॒भास॑ इंद्र ब्रह्म॒युजो॒ वृष॑रथासो॒, अत्याः᳚ | ताँ, आ ति॑ष्ठ॒ तेभि॒रा या᳚ह्य॒र्वाङ् हवा᳚महे त्वा सु॒त इं᳚द्र॒ सोमे॒(स्वाहा᳚) || 1.177.2, 2.4.20.2 {मैत्रावरुणिरगस्त्यः | इंद्रः | त्रिष्टुप्}
आ ति॑ष्ठ॒ रथं॒ वृष॑णं॒ वृषा᳚ ते सु॒तः सोमः॒ परि॑षिक्ता॒ मधू᳚नि | यु॒क्त्वा वृष॑भ्यां वृषभ क्षिती॒नां हरि॑भ्यां याहि प्र॒वतोप॑ म॒द्रिक्(स्वाहा᳚) || 1.177.3, 2.4.20.3 {मैत्रावरुणिरगस्त्यः | इंद्रः | त्रिष्टुप्}
अ॒यं य॒ज्ञो दे᳚व॒या, अ॒यं मि॒येध॑ इ॒मा ब्रह्मा᳚ण्य॒यमिं᳚द्र॒ सोमः॑ | स्ती॒र्णं ब॒र्हिरा तु श॑क्र॒ प्र या᳚हि॒ पिबा᳚ नि॒षद्य॒ वि मु॑चा॒ हरी᳚ इ॒ह(स्वाहा᳚) || 1.177.4, 2.4.20.4 {मैत्रावरुणिरगस्त्यः | इंद्रः | त्रिष्टुप्}
ओ सुष्टु॑त इंद्र याह्य॒र्वाङुप॒ ब्रह्मा᳚णि मा॒न्यस्य॑ का॒रोः | वि॒द्याम॒ वस्तो॒रव॑सा गृ॒णंतो᳚ वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.177.5, 2.4.20.5 {मैत्रावरुणिरगस्त्यः | इंद्रः | त्रिष्टुप्}
[178] यद्धस्यातइति पंचर्चस्य सूक्तस्य मैत्रावरुणिरगस्त्यइंद्रस्त्रिष्टुप् |
यद्ध॒ स्या त॑ इंद्र श्रु॒ष्टिरस्ति॒ यया᳚ ब॒भूथ॑ जरि॒तृभ्य॑ ऊ॒ती | मा नः॒ कामं᳚ म॒हयं᳚त॒मा ध॒ग्विश्वा᳚ ते, अश्यां॒ पर्याप॑ आ॒योः(स्वाहा᳚) || 1.178.1, 2.4.21.1 {मैत्रावरुणिरगस्त्यः | इंद्रः | त्रिष्टुप्}
न घा॒ राजेंद्र॒ आ द॑भन्नो॒ या नु स्वसा᳚रा कृ॒णवं᳚त॒ योनौ᳚ | आप॑श्चिदस्मै सु॒तुका᳚ अवेष॒न् गम᳚न्न॒ इंद्रः॑ स॒ख्या वय॑श्च॒(स्वाहा᳚) || 1.178.2, 2.4.21.2 {मैत्रावरुणिरगस्त्यः | इंद्रः | त्रिष्टुप्}
जेता॒ नृभि॒रिंद्रः॑ पृ॒त्सु शूरः॒ श्रोता॒ हवं॒ नाध॑मानस्य का॒रोः | प्रभ॑र्ता॒ रथं᳚ दा॒शुष॑ उपा॒क उद्यं᳚ता॒ गिरो॒ यदि॑ च॒ त्मना॒ भूत्(स्वाहा᳚) || 1.178.3, 2.4.21.3 {मैत्रावरुणिरगस्त्यः | इंद्रः | त्रिष्टुप्}
ए॒वा नृभि॒रिंद्रः॑ सुश्रव॒स्या प्र॑खा॒दः पृ॒क्षो, अ॒भि मि॒त्रिणो᳚ भूत् | स॒म॒र्य इ॒षः स्त॑वते॒ विवा᳚चि सत्राक॒रो यज॑मानस्य॒ शंसः॒(स्वाहा᳚) || 1.178.4, 2.4.21.4 {मैत्रावरुणिरगस्त्यः | इंद्रः | त्रिष्टुप्}
त्वया᳚ व॒यं म॑घवन्निंद्र॒ शत्रू᳚न॒भि ष्या᳚म मह॒तो मन्य॑मानान् | त्वं त्रा॒ता त्वमु॑ नो वृ॒धे भू᳚र्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.178.5, 2.4.21.5 {मैत्रावरुणिरगस्त्यः | इंद्रः | त्रिष्टुप्}
[179] पूर्वीरमिति षडृचस्य सूक्तस्य मैत्रावरुणिरगस्त्यः आद्ययोर्द्वयोर्लोपामुद्राऋषिका अंत्ययोर्द्वयोरगस्त्यांतेवासीब्रह्मचारीऋषिः सर्वासांरतिर्देवता त्रिष्टुप् पंचमी बृहती |
पू॒र्वीर॒हं श॒रदः॑ शश्रमा॒णा दो॒षा वस्तो᳚रु॒षसो᳚ ज॒रयं᳚तीः | मि॒नाति॒ श्रियं᳚ जरि॒मा त॒नूना॒मप्यू॒ नु पत्नी॒र्वृष॑णो जगम्युः॒(स्वाहा᳚) || 1.179.1, 2.4.22.1 {लोपामुद्रा ऋषिका | रतिः | त्रिष्टुप्}
ये चि॒द्धि पूर्व॑ ऋत॒साप॒ आस᳚न् त्सा॒कं दे॒वेभि॒रव॑दन्नृ॒तानि॑ | ते चि॒दवा᳚सुर्न॒ह्यंत॑मा॒पुः समू॒ नु पत्नी॒र्वृष॑भिर्जगम्युः॒(स्वाहा᳚) || 1.179.2, 2.4.22.2 {लोपामुद्रा ऋषिका | रतिः | त्रिष्टुप्}
न मृषा᳚ श्रां॒तं यदवं᳚ति दे॒वा विश्वा॒, इत् स्पृधो᳚ अ॒भ्य॑श्नवाव | जया॒वेदत्र॑ श॒तनी᳚थमा॒जिं यत् स॒म्यंचा᳚ मिथु॒नाव॒भ्यजा᳚व॒(स्वाहा᳚) || 1.179.3, 2.4.22.3 {मैत्रावरुणिरगस्त्यः | रतिः | त्रिष्टुप्}
न॒दस्य॑ मा रुध॒तः काम॒ आग᳚न्नि॒त आजा᳚तो, अ॒मुतः॒ कुत॑श्चित् | लोपा᳚मुद्रा॒ वृष॑णं॒ नी रि॑णाति॒ धीर॒मधी᳚रा धयति श्व॒संत॒म्(स्वाहा᳚) || 1.179.4, 2.4.22.4 {मैत्रावरुणिरगस्त्यः | रतिः | त्रिष्टुप्}
इ॒मं नु सोम॒मंति॑तो हृ॒त्सु पी॒तमुप॑ ब्रुवे | यत् सी॒माग॑श्चकृ॒मा तत् सु मृ॑ळतु पुलु॒कामो॒ हि मर्त्यः॒(स्वाहा᳚) || 1.179.5, 2.4.22.5 {अगस्त्यांतेवासी ब्रह्मचारी | रतिः | त्रिष्टुप्}
अ॒गस्त्यः॒ खन॑मानः ख॒नित्रैः᳚ प्र॒जामप॑त्यं॒ बल॑मि॒च्छमा᳚नः | उ॒भौ वर्णा॒वृषि॑रु॒ग्रः पु॑पोष स॒त्या दे॒वेष्वा॒शिषो᳚ जगाम॒(स्वाहा᳚) || 1.179.6, 2.4.22.6 {अगस्त्यांतेवासी ब्रह्मचारी | रतिः | त्रिष्टुप्}
[180] युवोरजांसीति दशर्चस्य सूक्तस्य मैत्रावरुणिरगस्त्योश्विनौत्रिष्टुप् |
यु॒वो रजां᳚सि सु॒यमा᳚सो॒, अश्वा॒ रथो॒ यद् वां॒ पर्यर्णां᳚सि॒ दीय॑त् | हि॒र॒ण्यया᳚ वां प॒वयः॑ प्रुषाय॒न् मध्वः॒ पिबं᳚ता, उ॒षसः॑ सचेथे॒(स्वाहा᳚) || 1.180.1, 2.4.23.1 {मैत्रावरुणिरगस्त्यः | अश्विनौ | त्रिष्टुप्}
यु॒वमत्य॒स्याव॑ नक्षथो॒ यद् विप॑त्मनो॒ नर्य॑स्य॒ प्रय॑ज्योः | स्वसा॒ यद् वां᳚ विश्वगूर्ती॒ भरा᳚ति॒ वाजा॒येट्टे᳚ मधुपावि॒षे च॒(स्वाहा᳚) || 1.180.2, 2.4.23.2 {मैत्रावरुणिरगस्त्यः | अश्विनौ | त्रिष्टुप्}
यु॒वं पय॑ उ॒स्रिया᳚यामधत्तं प॒क्वमा॒माया॒मव॒ पूर्व्यं॒ गोः | अं॒तर्यद् व॒निनो᳚ वामृतप्सू ह्वा॒रो न शुचि॒र्यज॑ते ह॒विष्मां॒त्(स्वाहा᳚) || 1.180.3, 2.4.23.3 {मैत्रावरुणिरगस्त्यः | अश्विनौ | त्रिष्टुप्}
यु॒वं ह॑ घ॒र्मं मधु॑मंत॒मत्र॑ये॒ऽपो न क्षोदो᳚ऽवृणीतमे॒षे | तद् वां᳚ नरावश्विना॒ पश्व॑इष्टी॒ रथ्ये᳚व च॒क्रा प्रति॑ यंति॒ मध्वः॒(स्वाहा᳚) || 1.180.4, 2.4.23.4 {मैत्रावरुणिरगस्त्यः | अश्विनौ | त्रिष्टुप्}
आ वां᳚ दा॒नाय॑ ववृतीय दस्रा॒ गोरोहे᳚ण तौ॒ग्र्यो न जिव्रिः॑ | अ॒पः, क्षो॒णी स॑चते॒ माहि॑ना वां जू॒र्णो वा॒मक्षु॒रंह॑सो यजत्रा॒(स्वाहा᳚) || 1.180.5, 2.4.23.5 {मैत्रावरुणिरगस्त्यः | अश्विनौ | त्रिष्टुप्}
नि यद् यु॒वेथे᳚ नि॒युतः॑ सुदानू॒, उप॑ स्व॒धाभिः॑ सृजथः॒ पुरं᳚धिं | प्रेष॒द् वेष॒द् वातो॒ न सू॒रिरा म॒हे द॑दे सुव्र॒तो न वाज॒म्(स्वाहा᳚) || 1.180.6, 2.4.24.1 {मैत्रावरुणिरगस्त्यः | अश्विनौ | त्रिष्टुप्}
व॒यं चि॒द्धि वां᳚ जरि॒तारः॑ स॒त्या वि॑प॒न्याम॑हे॒ वि प॒णिर्हि॒तावा॑न् | अधा᳚ चि॒द्धि ष्मा᳚श्विनावनिंद्या पा॒थो हि ष्मा᳚ वृषणा॒वंति॑देव॒म्(स्वाहा᳚) || 1.180.7, 2.4.24.2 {मैत्रावरुणिरगस्त्यः | अश्विनौ | त्रिष्टुप्}
यु॒वां चि॒द्धि ष्मा᳚श्विना॒वनु॒ द्यून् विरु॑द्रस्य प्र॒स्रव॑णस्य सा॒तौ | अ॒गस्त्यो᳚ न॒रां नृषु॒ प्रश॑स्तः॒ कारा᳚धुनीव चितयत् स॒हस्रैः᳚(स्वाहा᳚) || 1.180.8, 2.4.24.3 {मैत्रावरुणिरगस्त्यः | अश्विनौ | त्रिष्टुप्}
प्र यद् वहे᳚थे महि॒ना रथ॑स्य॒ प्र स्पं᳚द्रा याथो॒ मनु॑षो॒ न होता᳚ | ध॒त्तं सू॒रिभ्य॑ उ॒त वा॒ स्वश्व्यं॒ नास॑त्या रयि॒षाचः॑ स्याम॒(स्वाहा᳚) || 1.180.9, 2.4.24.4 {मैत्रावरुणिरगस्त्यः | अश्विनौ | त्रिष्टुप्}
तं वां॒ रथं᳚ व॒यम॒द्या हु॑वेम॒ स्तोमै᳚रश्विना सुवि॒ताय॒ नव्यं᳚ | अरि॑ष्टनेमिं॒ परि॒ द्यामि॑या॒नं वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.180.10, 2.4.24.5 {मैत्रावरुणिरगस्त्यः | अश्विनौ | त्रिष्टुप्}
[181] कदुप्रेष्ठाविति नवर्चस्य सूक्तस्य मैत्रावरुणिरगस्त्योश्विनौत्रिष्टुप् |
कदु॒ प्रेष्टा᳚वि॒षां र॑यी॒णाम॑ध्व॒र्यंता॒ यदु᳚न्निनी॒थो, अ॒पां | अ॒यं वां᳚ य॒ज्ञो, अ॑कृत॒ प्रश॑स्तिं॒ वसु॑धिती॒, अवि॑तारा जनाना॒म्(स्वाहा᳚) || 1.181.1, 2.4.25.1 {मैत्रावरुणिरगस्त्यः | अश्विनौ | त्रिष्टुप्}
आ वा॒मश्वा᳚सः॒ शुच॑यः पय॒स्पा वात॑रंहसो दि॒व्यासो॒, अत्याः᳚ | म॒नो॒जुवो॒ वृष॑णो वी॒तपृ॑ष्ठा॒, एह स्व॒राजो᳚ अ॒श्विना᳚ वहंतु॒(स्वाहा᳚) || 1.181.2, 2.4.25.2 {मैत्रावरुणिरगस्त्यः | अश्विनौ | त्रिष्टुप्}
आ वां॒ रथो॒ऽवनि॒र्न प्र॒वत्वा᳚न् त्सृ॒प्रवं᳚धुरः सुवि॒ताय॑ गम्याः | वृष्णः॑ स्थातारा॒ मन॑सो॒ जवी᳚यानहंपू॒र्वो य॑ज॒तो धि॑ष्ण्या॒ यः(स्वाहा᳚) || 1.181.3, 2.4.25.3 {मैत्रावरुणिरगस्त्यः | अश्विनौ | त्रिष्टुप्}
इ॒हेह॑ जा॒ता सम॑वावशीतामरे॒पसा᳚ त॒न्वा॒3॑(आ॒) नाम॑भिः॒ स्वैः | जि॒ष्णुर्वा᳚म॒न्यः सुम॑खस्य सू॒रिर्दि॒वो, अ॒न्यः सु॒भगः॑ पु॒त्र ऊ᳚हे॒(स्वाहा᳚) || 1.181.4, 2.4.25.4 {मैत्रावरुणिरगस्त्यः | अश्विनौ | त्रिष्टुप्}
प्र वां᳚ निचे॒रुः क॑कु॒हो वशाँ॒, अनु॑ पि॒शंग॑रूपः॒ सद॑नानि गम्याः | हरी᳚ अ॒न्यस्य॑ पी॒पयं᳚त॒ वाजै᳚र्म॒थ्रा रजां᳚स्यश्विना॒ वि घोषैः᳚(स्वाहा᳚) || 1.181.5, 2.4.25.5 {मैत्रावरुणिरगस्त्यः | अश्विनौ | त्रिष्टुप्}
प्र वां᳚ श॒रद्वा᳚न् वृष॒भो न नि॒ष्षाट् पू॒र्वीरिष॑श्चरति॒ मध्व॑ इ॒ष्णन् | एवै᳚र॒न्यस्य॑ पी॒पयं᳚त॒ वाजै॒र्वेषं᳚तीरू॒र्ध्वा न॒द्यो᳚ न॒ आगुः॒(स्वाहा᳚) || 1.181.6, 2.4.26.1 {मैत्रावरुणिरगस्त्यः | अश्विनौ | त्रिष्टुप्}
अस॑र्जि वां॒ स्थवि॑रा वेधसा॒ गीर्बा॒ळ्हे, अ॑श्विना त्रे॒धा क्षरं᳚ती | उप॑स्तुताववतं॒ नाध॑मानं॒ याम॒न्नया᳚मंछृणुतं॒ हवं᳚ मे॒(स्वाहा᳚) || 1.181.7, 2.4.26.2 {मैत्रावरुणिरगस्त्यः | अश्विनौ | त्रिष्टुप्}
उ॒त स्या वां॒ रुश॑तो॒ वप्स॑सो॒ गीस्त्रि॑ब॒र्हिषि॒ सद॑सि पिन्वते॒ नॄन् | वृषा᳚ वां मे॒घो वृ॑षणा पीपाय॒ गोर्न सेके॒ मनु॑षो दश॒स्यन्(स्वाहा᳚) || 1.181.8, 2.4.26.3 {मैत्रावरुणिरगस्त्यः | अश्विनौ | त्रिष्टुप्}
यु॒वां पू॒षेवा᳚श्विना॒ पुरं᳚धिर॒ग्निमु॒षां न ज॑रते ह॒विष्मा॑न् | हु॒वे यद् वां᳚ वरिव॒स्या गृ॑णा॒नो वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.181.9, 2.4.26.4 {मैत्रावरुणिरगस्त्यः | अश्विनौ | त्रिष्टुप्}
[182] अभूदिदमित्यष्टर्चस्य सूक्तस्य मैत्रावरुणिरगस्त्योश्विनौजगती षष्ठ्यंत्येत्रिष्टुभौ |
अभू᳚दि॒दं व॒युन॒मो षु भू᳚षता॒ रथो॒ वृष᳚ण्वा॒न् मद॑ता मनीषिणः | धि॒यं॒जि॒न्वा धिष्ण्या᳚ वि॒श्पला᳚वसू दि॒वो नपा᳚ता सु॒कृते॒ शुचि᳚व्रता॒(स्वाहा᳚) || 1.182.1, 2.4.27.1 {मैत्रावरुणिरगस्त्यः | अश्विनौ | जगती}
इंद्र॑तमा॒ हि धिष्ण्या᳚ म॒रुत्त॑मा द॒स्रा दंसि॑ष्ठा र॒थ्या᳚ र॒थीत॑मा | पू॒र्णं रथं᳚ वहेथे॒ मध्व॒ आचि॑तं॒ तेन॑ दा॒श्वांस॒मुप॑ याथो, अश्विना॒(स्वाहा᳚) || 1.182.2, 2.4.27.2 {मैत्रावरुणिरगस्त्यः | अश्विनौ | जगती}
किमत्र॑ दस्रा कृणुथः॒ किमा᳚साथे॒ जनो॒ यः कश्चि॒दह॑विर्मही॒यते᳚ | अति॑ क्रमिष्टं जु॒रतं᳚ प॒णेरसुं॒ ज्योति॒र्विप्रा᳚य कृणुतं वच॒स्यवे॒(स्वाहा᳚) || 1.182.3, 2.4.27.3 {मैत्रावरुणिरगस्त्यः | अश्विनौ | जगती}
जं॒भय॑तम॒भितो॒ राय॑तः॒ शुनो᳚ ह॒तं मृधो᳚ वि॒दथु॒स्तान्य॑श्विना | वाचं᳚वाचं जरि॒तू र॒त्निनीं᳚ कृतमु॒भा शंसं᳚ नासत्यावतं॒ मम॒(स्वाहा᳚) || 1.182.4, 2.4.27.4 {मैत्रावरुणिरगस्त्यः | अश्विनौ | जगती}
यु॒वमे॒तं च॑क्रथुः॒ सिंधु॑षु प्ल॒वमा᳚त्म॒न्वंतं᳚ प॒क्षिणं᳚ तौ॒ग्र्याय॒ कं | येन॑ देव॒त्रा मन॑सा निरू॒हथुः॑ सुपप्त॒नी पे᳚तथुः॒, क्षोद॑सो म॒हः(स्वाहा᳚) || 1.182.5, 2.4.27.5 {मैत्रावरुणिरगस्त्यः | अश्विनौ | जगती}
अव॑विद्धं तौ॒ग्र्यम॒प्स्व1॑(अ॒)न्तर॑नारंभ॒णे तम॑सि॒ प्रवि॑द्धं | चत॑स्रो॒ नावो॒ जठ॑लस्य॒ जुष्टा॒, उद॒श्विभ्या᳚मिषि॒ताः पा᳚रयंति॒(स्वाहा᳚) || 1.182.6, 2.4.28.1 {मैत्रावरुणिरगस्त्यः | अश्विनौ | त्रिष्टुप्}
कः स्वि॑द् वृ॒क्षो निष्ठि॑तो॒ मध्ये॒, अर्ण॑सो॒ यं तौ॒ग्र्यो ना᳚धि॒तः प॒र्यष॑स्वजत् | प॒र्णा मृ॒गस्य॑ प॒तरो᳚रिवा॒रभ॒ उद॑श्विना, ऊहथुः॒ श्रोम॑ताय॒ कं(स्वाहा᳚) || 1.182.7, 2.4.28.2 {मैत्रावरुणिरगस्त्यः | अश्विनौ | जगती}
तद् वां᳚ नरा नासत्या॒वनु॑ ष्या॒द् यद् वां॒ माना᳚स उ॒चथ॒मवो᳚चन् | अ॒स्माद॒द्य सद॑सः सो॒म्यादा वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.182.8, 2.4.28.3 {मैत्रावरुणिरगस्त्यः | अश्विनौ | त्रिष्टुप्}
[183] तंयुंजाथामिति षडृचस्य सूक्तस्य मैत्रावरुणिरगस्त्योश्विनौत्रिष्टुप् |
तं युं᳚जाथां॒ मन॑सो॒ यो जवी᳚यान् त्रिवंधु॒रो वृ॑षणा॒ यस्त्रि॑च॒क्रः | येनो᳚पया॒थः सु॒कृतो᳚ दुरो॒णं त्रि॒धातु॑ना पतथो॒ विर्न प॒र्णैः(स्वाहा᳚) || 1.183.1, 2.4.29.1 {मैत्रावरुणिरगस्त्यः | अश्विनौ | त्रिष्टुप्}
सु॒वृद् रथो᳚ वर्तते॒ यन्न॒भि क्षां यत्तिष्ठ॑थः॒ क्रतु॑मं॒तानु॑ पृ॒क्षे | वपु᳚र्वपु॒ष्या स॑चतामि॒यं गीर्दि॒वो दु॑हि॒त्रोषसा᳚ सचेथे॒(स्वाहा᳚) || 1.183.2, 2.4.29.2 {मैत्रावरुणिरगस्त्यः | अश्विनौ | त्रिष्टुप्}
आ ति॑ष्ठतं सु॒वृतं॒ यो रथो᳚ वा॒मनु᳚ व्र॒तानि॒ वर्त॑ते ह॒विष्मा॑न् | येन॑ नरा नासत्येष॒यध्यै᳚ व॒र्तिर्या॒थस्तन॑याय॒ त्मने᳚ च॒(स्वाहा᳚) || 1.183.3, 2.4.29.3 {मैत्रावरुणिरगस्त्यः | अश्विनौ | त्रिष्टुप्}
मा वां॒ वृको॒ मा वृ॒कीरा द॑धर्षी॒न्मा परि॑ वर्क्तमु॒त माति॑ धक्तं | अ॒यं वां᳚ भा॒गो निहि॑त इ॒यं गीर्दस्रा᳚वि॒मे वां᳚ नि॒धयो॒ मधू᳚ना॒म्(स्वाहा᳚) || 1.183.4, 2.4.29.4 {मैत्रावरुणिरगस्त्यः | अश्विनौ | त्रिष्टुप्}
यु॒वां गोत॑मः पुरुमी॒ळ्हो, अत्रि॒र्दस्रा॒ हव॒तेऽव॑से ह॒विष्मा॑न् | दिशं॒ न दि॒ष्टामृ॑जू॒येव॒ यंता मे॒ हवं᳚ नास॒त्योप॑ यात॒म्(स्वाहा᳚) || 1.183.5, 2.4.29.5 {मैत्रावरुणिरगस्त्यः | अश्विनौ | त्रिष्टुप्}
अता᳚रिष्म॒ तम॑सस्पा॒रम॒स्य प्रति॑ वां॒ स्तोमो᳚ अश्विनावधायि | एह या᳚तं प॒थिभि॑र्देव॒यानै᳚र्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.183.6, 2.4.29.6 {मैत्रावरुणिरगस्त्यः | अश्विनौ | त्रिष्टुप्}
[184] तावामिति षडृचस्य सूक्तस्य मैत्रावरुणिरगस्त्योश्विनौत्रिष्टुप् |
ता वा᳚म॒द्य ताव॑प॒रं हु॑वेमो॒च्छंत्या᳚मु॒षसि॒ वह्नि॑रु॒क्थैः | नास॑त्या॒ कुह॑ चि॒त् संता᳚व॒र्यो दि॒वो नपा᳚ता सु॒दास्त॑राय॒(स्वाहा᳚) || 1.184.1, 2.5.1.1 {मैत्रावरुणिरगस्त्यः | अश्विनौ | त्रिष्टुप्}
अ॒स्मे, ऊ॒ षु वृ॑षणा मादयेथा॒मुत् प॒णीँर्ह॑तमू॒र्म्या मदं᳚ता | श्रु॒तं मे॒, अच्छो᳚क्तिभिर्मती॒नामेष्टा᳚ नरा॒ निचे᳚तारा च॒ कर्णैः᳚(स्वाहा᳚) || 1.184.2, 2.5.1.2 {मैत्रावरुणिरगस्त्यः | अश्विनौ | त्रिष्टुप्}
श्रि॒ये पू᳚षन्निषु॒कृते᳚व दे॒वा नास॑त्या वह॒तुं सू॒र्यायाः᳚ | व॒च्यंते᳚ वां ककु॒हा, अ॒प्सु जा॒ता यु॒गा जू॒र्णेव॒ वरु॑णस्य॒ भूरेः᳚(स्वाहा᳚) || 1.184.3, 2.5.1.3 {मैत्रावरुणिरगस्त्यः | अश्विनौ | त्रिष्टुप्}
अ॒स्मे सा वां᳚ माध्वी रा॒तिर॑स्तु॒ स्तोमं᳚ हिनोतं मा॒न्यस्य॑ का॒रोः | अनु॒ यद् वां᳚ श्रव॒स्या᳚ सुदानू सु॒वीर्या᳚य चर्ष॒णयो॒ मदं᳚ति॒(स्वाहा᳚) || 1.184.4, 2.5.1.4 {मैत्रावरुणिरगस्त्यः | अश्विनौ | त्रिष्टुप्}
ए॒ष वां॒ स्तोमो᳚ अश्विनावकारि॒ माने᳚भिर्मघवाना सुवृ॒क्ति | या॒तं व॒र्तिस्तन॑याय॒ त्मने᳚ चा॒गस्त्ये᳚ नासत्या॒ मदं᳚ता॒(स्वाहा᳚) || 1.184.5, 2.5.1.5 {मैत्रावरुणिरगस्त्यः | अश्विनौ | त्रिष्टुप्}
अता᳚रिष्म॒ तम॑सस्पा॒रम॒स्य प्रति॑ वां॒ स्तोमो᳚ अश्विनावधायि | एह या᳚तं प॒थिभि॑र्देव॒यानै᳚र्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.184.6, 2.5.1.6 {मैत्रावरुणिरगस्त्यः | अश्विनौ | त्रिष्टुप्}
[185] कतरेत्येकादशर्चस्य सूक्तस्य मैत्रावरुणिरगस्त्योद्यावापृथिवीत्रिष्टुप् |
क॒त॒रा पूर्वा᳚ कत॒राप॑रा॒योः क॒था जा॒ते क॑वयः॒ को वि वे᳚द | विश्वं॒ त्मना᳚ बिभृतो॒ यद्ध॒ नाम॒ वि व॑र्तेते॒, अह॑नी च॒क्रिये᳚व॒(स्वाहा᳚) || 1.185.1, 2.5.2.1 {मैत्रावरुणिरगस्त्यः | द्यावापृथिव्यौ | त्रिष्टुप्}
भूरिं॒ द्वे, अच॑रंती॒ चरं᳚तं प॒द्वंतं॒ गर्भ॑म॒पदी᳚ दधाते | नित्यं॒ न सू॒नुं पि॒त्रोरु॒पस्थे॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.2, 2.5.2.2 {मैत्रावरुणिरगस्त्यः | द्यावापृथिव्यौ | त्रिष्टुप्}
अ॒ने॒हो दा॒त्रमदि॑तेरन॒र्वं हु॒वे स्व᳚र्वदव॒धं नम॑स्वत् | तद् रो᳚दसी जनयतं जरि॒त्रे द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.3, 2.5.2.3 {मैत्रावरुणिरगस्त्यः | द्यावापृथिव्यौ | त्रिष्टुप्}
अत॑प्यमाने॒, अव॒सावं᳚ती॒, अनु॑ ष्याम॒ रोद॑सी दे॒वपु॑त्रे | उ॒भे दे॒वाना᳚मु॒भये᳚भि॒रह्नां॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.4, 2.5.2.4 {मैत्रावरुणिरगस्त्यः | द्यावापृथिव्यौ | त्रिष्टुप्}
सं॒गच्छ॑माने युव॒ती समं᳚ते॒ स्वसा᳚रा जा॒मी पि॒त्रोरु॒पस्थे᳚ | अ॒भि॒जिघ्रं᳚ती॒ भुव॑नस्य॒ नाभिं॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.5, 2.5.2.5 {मैत्रावरुणिरगस्त्यः | द्यावापृथिव्यौ | त्रिष्टुप्}
उ॒र्वी सद्म॑नी बृह॒ती, ऋ॒तेन॑ हु॒वे दे॒वाना॒मव॑सा॒ जनि॑त्री | द॒धाते॒ ये, अ॒मृतं᳚ सु॒प्रती᳚के॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.6, 2.5.3.1 {मैत्रावरुणिरगस्त्यः | द्यावापृथिव्यौ | त्रिष्टुप्}
उ॒र्वी पृ॒थ्वी ब॑हु॒ले दू॒रे,अं᳚ते॒, उप॑ ब्रुवे॒ नम॑सा य॒ज्ञे, अ॒स्मिन् | द॒धाते॒ ये सु॒भगे᳚ सु॒प्रतू᳚र्ती॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.7, 2.5.3.2 {मैत्रावरुणिरगस्त्यः | द्यावापृथिव्यौ | त्रिष्टुप्}
दे॒वान् वा॒ यच्च॑कृ॒मा कच्चि॒दागः॒ सखा᳚यं वा॒ सद॒मिज्जास्प॑तिं वा | इ॒यं धीर्भू᳚या, अव॒यान॑मेषां॒ द्यावा॒ रक्ष॑तं पृथिवी नो॒, अभ्वा॒त्(स्वाहा᳚) || 1.185.8, 2.5.3.3 {मैत्रावरुणिरगस्त्यः | द्यावापृथिव्यौ | त्रिष्टुप्}
उ॒भा शंसा॒ नर्या॒ माम॑विष्टामु॒भे मामू॒ती, अव॑सा सचेतां | भूरि॑ चिद॒र्यः सु॒दास्त॑राये॒षा मदं᳚त इषयेम देवाः॒(स्वाहा᳚) || 1.185.9, 2.5.3.4 {मैत्रावरुणिरगस्त्यः | द्यावापृथिव्यौ | त्रिष्टुप्}
ऋ॒तं दि॒वे तद॑वोचं पृथि॒व्या, अ॑भिश्रा॒वाय॑ प्रथ॒मं सु॑मे॒धाः | पा॒ताम॑व॒द्याद् दु॑रि॒ताद॒भीके᳚ पि॒ता मा॒ता च॑ रक्षता॒मवो᳚भिः॒(स्वाहा᳚) || 1.185.10, 2.5.3.5 {मैत्रावरुणिरगस्त्यः | द्यावापृथिव्यौ | त्रिष्टुप्}
इ॒दं द्या᳚वापृथिवी स॒त्यम॑स्तु॒ पित॒र्मात॒र्यदि॒होप॑ब्रु॒वे वां᳚ | भू॒तं दे॒वाना᳚मव॒मे, अवो᳚भिर्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.185.11, 2.5.3.6 {मैत्रावरुणिरगस्त्यः | द्यावापृथिव्यौ | त्रिष्टुप्}
[186] आनइळाभिरित्येकादशर्चस्य सूक्तस्य मैत्रावरुणिरगस्त्योविश्वेदेवास्त्रिष्टुप् | (सूक्तभेदप्रयोगेतु-आद्यचतसृणां विश्वेदेवाः ततएकस्याअहिर्बुध्न्यः ततएकस्यास्त्वष्टा ततएकस्याइंद्रः ततोद्वयोर्मरुतः ततोद्वयोर्विश्वेदेवाः एवमेकादश) |
आ न॒ इळा᳚भिर्वि॒दथे᳚ सुश॒स्ति वि॒श्वान॑रः सवि॒ता दे॒व ए᳚तु | अपि॒ यथा᳚ युवानो॒ मत्स॑था नो॒ विश्वं॒ जग॑दभिपि॒त्वे म॑नी॒षा(स्वाहा᳚) || 1.186.1, 2.5.4.1 {मैत्रावरुणिरगस्त्यः | विश्वदेवाः | त्रिष्टुप्}
आ नो॒ विश्व॒ आस्क्रा᳚ गमंतु दे॒वा मि॒त्रो, अ᳚र्य॒मा वरु॑णः स॒जोषाः᳚ | भुव॒न् यथा᳚ नो॒ विश्वे᳚ वृ॒धासः॒ कर᳚न् त्सु॒षाहा᳚ विथु॒रं न शवः॒(स्वाहा᳚) || 1.186.2, 2.5.4.2 {मैत्रावरुणिरगस्त्यः | विश्वदेवाः | त्रिष्टुप्}
प्रेष्ठं᳚ वो॒, अति॑थिं गृणीषे॒ऽग्निं श॒स्तिभि॑स्तु॒र्वणिः॑ स॒जोषाः᳚ | अस॒द् यथा᳚ नो॒ वरु॑णः सुकी॒र्तिरिष॑श्च पर्षदरिगू॒र्तः सू॒रिः(स्वाहा᳚) || 1.186.3, 2.5.4.3 {मैत्रावरुणिरगस्त्यः | विश्वदेवाः | त्रिष्टुप्}
उप॑ व॒ एषे॒ नम॑सा जिगी॒षोषासा॒नक्ता᳚ सु॒दुघे᳚व धे॒नुः | स॒मा॒ने, अह᳚न् वि॒मिमा᳚नो, अ॒र्कं विषु॑रूपे॒ पय॑सि॒ सस्मि॒न्नूधं॒त्(स्वाहा᳚) || 1.186.4, 2.5.4.4 {मैत्रावरुणिरगस्त्यः | विश्वदेवाः | त्रिष्टुप्}
उ॒त नोऽहि॑र्बु॒ध्न्यो॒3॑(ओ॒) मय॑स्कः॒ शिशुं॒ न पि॒प्युषी᳚व वेति॒ सिंधुः॑ | येन॒ नपा᳚तम॒पां जु॒नाम॑ मनो॒जुवो॒ वृष॑णो॒ यं वहं᳚ति॒(स्वाहा᳚) || 1.186.5, 2.5.4.5 {मैत्रावरुणिरगस्त्यः | विश्वदेवाः | त्रिष्टुप्}
उ॒त न॑ ईं॒ त्वष्टा गं॒त्वच्छा॒ स्मत् सू॒रिभि॑रभिपि॒त्वे स॒जोषाः᳚ | आ वृ॑त्र॒हेंद्र॑श्चर्षणि॒प्रास्तु॒विष्ट॑मो न॒रां न॑ इ॒ह ग᳚म्याः॒(स्वाहा᳚) || 1.186.6, 2.5.5.1 {मैत्रावरुणिरगस्त्यः | विश्वदेवाः | त्रिष्टुप्}
उ॒त न॑ ईं म॒तयोऽश्व॑योगाः॒ शिशुं॒ न गाव॒स्तरु॑णं रिहंति | तमीं॒ गिरो॒ जन॑यो॒ न पत्नीः᳚ सुर॒भिष्ट॑मं न॒रां न॑संत॒(स्वाहा᳚) || 1.186.7, 2.5.5.2 {मैत्रावरुणिरगस्त्यः | विश्वदेवाः | त्रिष्टुप्}
उ॒त न॑ ईं म॒रुतो᳚ वृ॒द्धसे᳚नाः॒ स्मद् रोद॑सी॒ सम॑नसः सदंतु | पृष॑दश्वासो॒ऽवन॑यो॒ न रथा᳚ रि॒शाद॑सो मित्र॒युजो॒ न दे॒वाः(स्वाहा᳚) || 1.186.8, 2.5.5.3 {मैत्रावरुणिरगस्त्यः | विश्वदेवाः | त्रिष्टुप्}
प्र नु यदे᳚षां महि॒ना चि॑कि॒त्रे प्र युं᳚जते प्र॒युज॒स्ते सु॑वृ॒क्ति | अध॒ यदे᳚षां सु॒दिने॒ न शरु॒र्विश्व॒मेरि॑णं प्रुषा॒यंत॒ सेनाः᳚(स्वाहा᳚) || 1.186.9, 2.5.5.4 {मैत्रावरुणिरगस्त्यः | विश्वदेवाः | त्रिष्टुप्}
प्रो, अ॒श्विना॒वव॑से कृणुध्वं॒ प्र पू॒षणं॒ स्वत॑वसो॒ हि संति॑ | अ॒द्वे॒षो विष्णु॒र्वात॑ ऋभु॒क्षा, अच्छा᳚ सु॒म्नाय॑ ववृतीय दे॒वान्(स्वाहा᳚) || 1.186.10, 2.5.5.5 {मैत्रावरुणिरगस्त्यः | विश्वदेवाः | त्रिष्टुप्}
इ॒यं सा वो᳚ अ॒स्मे दीधि॑तिर्यजत्रा, अपि॒प्राणी᳚ च॒ सद॑नी च भूयाः | नि या दे॒वेषु॒ यत॑ते वसू॒युर्वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.186.11, 2.5.5.6 {मैत्रावरुणिरगस्त्यः | विश्वदेवाः | त्रिष्टुप्}
[187] पितुंन्वित्येकादशर्चस्य सूक्तस्य मैत्रावरुणिरगस्त्योन्नं गायत्री आद्यानुष्टुगर्भा तृतीयापंचम्याद्याश्चतस्रोनुष्टुभोंत्याबृहतीवा |
पि॒तुं नु स्तो᳚षं म॒हो ध॒र्माणं॒ तवि॑षीं | यस्य॑ त्रि॒तो व्योज॑सा वृ॒त्रं विप᳚र्वम॒र्दय॒॑त्(स्वाहा᳚) || 1.187.1, 2.5.6.1 {मैत्रावरुणिरगस्त्यः | अन्नं | अनुष्टुगर्भोष्णिक्}
स्वादो᳚ पितो॒ मधो᳚ पितो व॒यं त्वा᳚ ववृमहे | अ॒स्माक॑मवि॒ता भ॑व॒(स्वाहा᳚) || 1.187.2, 2.5.6.2 {मैत्रावरुणिरगस्त्यः | अन्नं | गायत्री}
उप॑ नः पित॒वा च॑र शि॒वः शि॒वाभि॑रू॒तिभिः॑ | म॒यो॒भुर॑द्विषे॒ण्यः सखा᳚ सु॒शेवो॒, अद्व॑याः॒(स्वाहा᳚) || 1.187.3, 2.5.6.3 {मैत्रावरुणिरगस्त्यः | अन्नं | अनुष्टुप्}
तव॒ त्ये पि॑तो॒ रसा॒ रजां॒स्यनु॒ विष्ठि॑ताः | दि॒वि वाता᳚ इव श्रि॒ताः(स्वाहा᳚) || 1.187.4, 2.5.6.4 {मैत्रावरुणिरगस्त्यः | अन्नं | गायत्री}
तव॒ त्ये पि॑तो॒ दद॑त॒स्तव॑ स्वादिष्ठ॒ ते पि॑तो | प्र स्वा॒द्मानो॒ रसा᳚नां तुवि॒ग्रीवा᳚ इवेरते॒(स्वाहा᳚) || 1.187.5, 2.5.6.5 {मैत्रावरुणिरगस्त्यः | अन्नं | अनुष्टुप्}
त्वे पि॑तो म॒हानां᳚ दे॒वानां॒ मनो᳚ हि॒तं | अका᳚रि॒ चारु॑ के॒तुना॒ तवाहि॒मव॑सावधी॒त्(स्वाहा᳚) || 1.187.6, 2.5.7.1 {मैत्रावरुणिरगस्त्यः | अन्नं | अनुष्टुप्}
यद॒दो पि॑तो॒, अज॑गन् वि॒वस्व॒ पर्व॑तानां | अत्रा᳚ चिन्नो मधो पि॒तोऽरं᳚ भ॒क्षाय॑ गम्याः॒(स्वाहा᳚) || 1.187.7, 2.5.7.2 {मैत्रावरुणिरगस्त्यः | अन्नं | अनुष्टुप्}
यद॒पामोष॑धीनां परिं॒शमा᳚रि॒शाम॑हे | वाता᳚पे॒ पीव॒ इद् भ॑व॒(स्वाहा᳚) || 1.187.8, 2.5.7.3 {मैत्रावरुणिरगस्त्यः | अन्नं | गायत्री}
यत्ते᳚ सोम॒ गवा᳚शिरो॒ यवा᳚शिरो॒ भजा᳚महे | वाता᳚पे॒ पीव॒ इद् भ॑व॒(स्वाहा᳚) || 1.187.9, 2.5.7.4 {मैत्रावरुणिरगस्त्यः | अन्नं | गायत्री}
क॒रं॒भ ओ᳚षधे भव॒ पीवो᳚ वृ॒क्क उ॑दार॒थिः | वाता᳚पे॒ पीव॒ इद् भ॑व॒(स्वाहा᳚) || 1.187.10, 2.5.7.5 {मैत्रावरुणिरगस्त्यः | अन्नं | गायत्री}
तं त्वा᳚ व॒यं पि॑तो॒ वचो᳚भि॒र्गावो॒ न ह॒व्या सु॑षूदिम | दे॒वेभ्य॑स्त्वा सध॒माद॑म॒स्मभ्यं᳚ त्वा सध॒माद॒म्(स्वाहा᳚) || 1.187.11, 2.5.7.6 {मैत्रावरुणिरगस्त्यः | अन्नं | बृहती}
[188] समिद्धइत्येकादशर्चस्य सूक्तस्य मैत्रावरुणिरगस्त्य इध्मस्तनूनपादिळोबर्हिर्देवीर्द्वार उषासानक्तादैव्यौहोतारौ सरस्वतीळा भारत्यस्त्वष्टा वनस्पति स्वाहाकृतयइतिक्रमेणदेवताः गायत्रीच्छंदः |
समि॑द्धो, अ॒द्य रा᳚जसि दे॒वो दे॒वैः स॑हस्रजित् | दू॒तो ह॒व्या क॒विर्व॑ह॒(स्वाहा᳚) || 1.188.1, 2.5.8.1 {मैत्रावरुणिरगस्त्यः | इध्मः समिद्धोऽग्निर्वा | गायत्री}
तनू᳚नपादृ॒तं य॒ते मध्वा᳚ य॒ज्ञः सम॑ज्यते | दध॑त् सह॒स्रिणी॒रिषः॒(स्वाहा᳚) || 1.188.2, 2.5.8.2 {मैत्रावरुणिरगस्त्यः | तनूनपात् | गायत्री}
आ॒जुह्वा᳚नो न॒ ईड्यो᳚ दे॒वाँ, आ व॑क्षि य॒ज्ञिया॑न् | अग्ने᳚ सहस्र॒सा, अ॑सि॒(स्वाहा᳚) || 1.188.3, 2.5.8.3 {मैत्रावरुणिरगस्त्यः | इळः | गायत्री}
प्रा॒चीनं᳚ ब॒र्हिरोज॑सा स॒हस्र॑वीरमस्तृणन् | यत्रा᳚दित्या वि॒राज॑थ॒(स्वाहा᳚) || 1.188.4, 2.5.8.4 {मैत्रावरुणिरगस्त्यः | बर्हिः | गायत्री}
वि॒राट् स॒म्राड्वि॒भ्वीः प्र॒भ्वीर्ब॒ह्वीश्च॒ भूय॑सीश्च॒ याः | दुरो᳚ घृ॒तान्य॑क्षर॒न्(स्वाहा᳚) || 1.188.5, 2.5.8.5 {मैत्रावरुणिरगस्त्यः | देवीर्द्वारः | गायत्री}
सु॒रु॒क्मे हि सु॒पेश॒साधि॑ श्रि॒या वि॒राज॑तः | उ॒षासा॒वेह सी᳚दता॒म्(स्वाहा᳚) || 1.188.6, 2.5.9.1 {मैत्रावरुणिरगस्त्यः | उषासानक्ता | गायत्री}
प्र॒थ॒मा हि सु॒वाच॑सा॒ होता᳚रा॒ दैव्या᳚ क॒वी | य॒ज्ञं नो᳚ यक्षतामि॒मं(स्वाहा᳚) || 1.188.7, 2.5.9.2 {मैत्रावरुणिरगस्त्यः | दैव्यौ होतारौ प्रचेतसौ | गायत्री}
भार॒तीळे॒ सर॑स्वति॒ या वः॒ सर्वा᳚ उपब्रु॒वे | ता न॑श्चोदयत श्रि॒ये(स्वाहा᳚) || 1.188.8, 2.5.9.3 {मैत्रावरुणिरगस्त्यः | तिस्रो देव्यः सरस्वतीळाभारत्यः | गायत्री}
त्वष्टा᳚ रू॒पाणि॒ हि प्र॒भुः प॒शून् विश्वा᳚न् त्समान॒जे | तेषां᳚ नः स्फा॒तिमा य॑ज॒(स्वाहा᳚) || 1.188.9, 2.5.9.4 {मैत्रावरुणिरगस्त्यः | त्वष्टा | गायत्री}
उप॒ त्मन्या᳚ वनस्पते॒ पाथो᳚ दे॒वेभ्यः॑ सृज | अ॒ग्निर्ह॒व्यानि॑ सिष्वद॒त्(स्वाहा᳚) || 1.188.10, 2.5.9.5 {मैत्रावरुणिरगस्त्यः | वनस्पतिः | गायत्री}
पु॒रो॒गा, अ॒ग्निर्दे॒वानां᳚ गाय॒त्रेण॒ सम॑ज्यते | स्वाहा᳚कृतीषु रोचते॒(स्वाहा᳚) || 1.188.11, 2.5.9.6 {मैत्रावरुणिरगस्त्यः | स्वाहाकृतयः | गायत्री}
[189] अग्नेनयेत्यष्टर्चस्य सूक्तस्य मैत्रावरुणिरगस्त्योग्निस्त्रिष्टुप् |
अग्ने॒ नय॑ सु॒पथा᳚ रा॒ये, अ॒स्मान् विश्वा᳚नि देव व॒युना᳚नि वि॒द्वान् | यु॒यो॒ध्य1॑(अ॒)स्मज्जु॑हुरा॒णमेनो॒ भूयि॑ष्ठां ते॒ नम॑उक्तिं विधेम॒(स्वाहा᳚) || 1.189.1, 2.5.10.1 {मैत्रावरुणिरगस्त्यः | अग्निः | त्रिष्टुप्}
अग्ने॒ त्वं पा᳚रया॒ नव्यो᳚ अ॒स्मान् त्स्व॒स्तिभि॒रति॑ दु॒र्गाणि॒ विश्वा᳚ | पूश्च॑ पृ॒थ्वी ब॑हु॒ला न॑ उ॒र्वी भवा᳚ तो॒काय॒ तन॑याय॒ शं योः(स्वाहा᳚) || 1.189.2, 2.5.10.2 {मैत्रावरुणिरगस्त्यः | अग्निः | त्रिष्टुप्}
अग्ने॒ त्वम॒स्मद् यु॑यो॒ध्यमी᳚वा॒, अन॑ग्नित्रा, अ॒भ्यमं᳚त कृ॒ष्टीः | पुन॑र॒स्मभ्यं᳚ सुवि॒ताय॑ देव॒ क्षां विश्वे᳚भिर॒मृते᳚भिर्यजत्र॒(स्वाहा᳚) || 1.189.3, 2.5.10.3 {मैत्रावरुणिरगस्त्यः | अग्निः | त्रिष्टुप्}
पा॒हि नो᳚ अग्ने पा॒युभि॒रज॑स्रैरु॒त प्रि॒ये सद॑न॒ आ शु॑शु॒क्वान् | मा ते᳚ भ॒यं ज॑रि॒तारं᳚ यविष्ठ नू॒नं वि॑द॒न्माप॒रं स॑हस्वः॒(स्वाहा᳚) || 1.189.4, 2.5.10.4 {मैत्रावरुणिरगस्त्यः | अग्निः | त्रिष्टुप्}
मा नो᳚ अ॒ग्नेऽव॑ सृजो, अ॒घाया᳚वि॒ष्यवे᳚ रि॒पवे᳚ दु॒च्छुना᳚यै | मा द॒त्वते॒ दश॑ते॒ मादते᳚ नो॒ मा रीष॑ते सहसाव॒न् परा᳚ दाः॒(स्वाहा᳚) || 1.189.5, 2.5.10.5 {मैत्रावरुणिरगस्त्यः | अग्निः | त्रिष्टुप्}
वि घ॒ त्वावाँ᳚ ऋतजात यंसद् गृणा॒नो, अ॑ग्ने त॒न्वे॒3॑(ए॒) वरू᳚थं | विश्वा᳚द् रिरि॒क्षोरु॒त वा᳚ निनि॒त्सोर॑भि॒ह्रुता॒मसि॒ हि दे᳚व वि॒ष्पट्(स्वाहा᳚) || 1.189.6, 2.5.11.1 {मैत्रावरुणिरगस्त्यः | अग्निः | त्रिष्टुप्}
त्वं ताँ, अ॑ग्न उ॒भया॒न् वि वि॒द्वान् वेषि॑ प्रपि॒त्वे मनु॑षो यजत्र | अ॒भि॒पि॒त्वे मन॑वे॒ शास्यो᳚ भूर्मर्मृ॒जेन्य॑ उ॒शिग्भि॒र्नाक्रः(स्वाहा᳚) || 1.189.7, 2.5.11.2 {मैत्रावरुणिरगस्त्यः | अग्निः | त्रिष्टुप्}
अवो᳚चाम नि॒वच॑नान्यस्मि॒न् मान॑स्य सू॒नुः स॑हसा॒ने, अ॒ग्नौ | व॒यं स॒हस्र॒मृषि॑भिः सनेम वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.189.8, 2.5.11.3 {मैत्रावरुणिरगस्त्यः | अग्निः | त्रिष्टुप्}
[190] अनर्वाणमित्यष्टर्चस्य सूक्तस्य मैत्रावरुणिरगस्त्यो बृहस्पतिस्त्रिष्टुप् |
अ॒न॒र्वाणं᳚ वृष॒भं मं॒द्रजि॑ह्वं॒ बृह॒स्पतिं᳚ वर्धया॒ नव्य॑म॒र्कैः | गा॒था॒न्यः॑ सु॒रुचो॒ यस्य॑ दे॒वा, आ᳚शृ॒ण्वंति॒ नव॑मानस्य॒ मर्ताः᳚(स्वाहा᳚) || 1.190.1, 2.5.12.1 {मैत्रावरुणिरगस्त्यः | बृहस्पतिः | त्रिष्टुप्}
तमृ॒त्विया॒, उप॒ वाचः॑ सचंते॒ सर्गो॒ न यो दे᳚वय॒तामस॑र्जि | बृह॒स्पतिः॒ स ह्यंजो॒ वरां᳚सि॒ विभ्वाभ॑व॒त् समृ॒ते मा᳚त॒रिश्वा॒(स्वाहा᳚) || 1.190.2, 2.5.12.2 {मैत्रावरुणिरगस्त्यः | बृहस्पतिः | त्रिष्टुप्}
उप॑स्तुतिं॒ नम॑स॒ उद्य॑तिं च॒ श्लोकं᳚ यंसत् सवि॒तेव॒ प्र बा॒हू | अ॒स्य क्रत्वा᳚ह॒न्यो॒3॑(ओ॒) यो, अस्ति॑ मृ॒गो न भी॒मो, अ॑र॒क्षस॒स्तुवि॑ष्मा॒न्(स्वाहा᳚) || 1.190.3, 2.5.12.3 {मैत्रावरुणिरगस्त्यः | बृहस्पतिः | त्रिष्टुप्}
अ॒स्य श्लोको᳚ दि॒वीय॑ते पृथि॒व्यामत्यो॒ न यं᳚सद् यक्ष॒भृद् विचे᳚ताः | मृ॒गाणां॒ न हे॒तयो॒ यंति॑ चे॒मा बृह॒स्पते॒रहि॑मायाँ, अ॒भि द्यून्(स्वाहा᳚) || 1.190.4, 2.5.12.4 {मैत्रावरुणिरगस्त्यः | बृहस्पतिः | त्रिष्टुप्}
ये त्वा᳚ देवोस्रि॒कं मन्य॑मानाः पा॒पा भ॒द्रमु॑प॒जीवं᳚ति प॒ज्राः | न दू॒ढ्ये॒3॑(ए॒) अनु॑ ददासि वा॒मं बृह॑स्पते॒ चय॑स॒ इत् पिया᳚रु॒म्(स्वाहा᳚) || 1.190.5, 2.5.12.5 {मैत्रावरुणिरगस्त्यः | बृहस्पतिः | त्रिष्टुप्}
सु॒प्रैतुः॑ सू॒यव॑सो॒ न पंथा᳚ दुर्नि॒यंतुः॒ परि॑प्रीतो॒ न मि॒त्रः | अ॒न॒र्वाणो᳚ अ॒भि ये चक्ष॑ते॒ नोऽपी᳚वृता, अपोर्णु॒वंतो᳚ अस्थुः॒(स्वाहा᳚) || 1.190.6, 2.5.13.1 {मैत्रावरुणिरगस्त्यः | बृहस्पतिः | त्रिष्टुप्}
सं यं स्तुभो॒ऽवन॑यो॒ न यंति॑ समु॒द्रं न स्र॒वतो॒ रोध॑चक्राः | स वि॒द्वाँ, उ॒भयं᳚ चष्टे, अं॒तर्बृह॒स्पति॒स्तर॒ आप॑श्च॒ गृध्रः॒(स्वाहा᳚) || 1.190.7, 2.5.13.2 {मैत्रावरुणिरगस्त्यः | बृहस्पतिः | त्रिष्टुप्}
ए॒वा म॒हस्तु॑विजा॒तस्तुवि॑ष्मा॒न् बृह॒स्पति᳚र्वृष॒भो धा᳚यि दे॒वः | स नः॑ स्तु॒तो वी॒रव॑द् धातु॒ गोम॑द् वि॒द्यामे॒षं वृ॒जनं᳚ जी॒रदा᳚नु॒म्(स्वाहा᳚) || 1.190.8, 2.5.13.3 {मैत्रावरुणिरगस्त्यः | बृहस्पतिः | त्रिष्टुप्}
[191] कंकतइति षोळशर्चस्य सूक्तस्य मैत्रावरुणिरगस्त्योप्तृणसूर्याअनुष्टुप् दशम्याद्यास्तिस्रो महापंक्तयस्त्रयोदशी महाबृहती | (विषन्नसूक्तं) |
कंक॑तो॒ न कंक॒तोऽथो᳚ सती॒नकं᳚कतः | द्वाविति॒ प्लुषी॒, इति॒ न्य1॑(अ॒)दृष्टा᳚ अलिप्सत॒(स्वाहा᳚) || 1.191.1, 2.5.14.1 {मैत्रावरुणिरगस्त्यः | अप्तृणसूर्याः | अनुष्टुप्}
अ॒दृष्टा᳚न् हंत्याय॒त्यथो᳚ हंति पराय॒ती | अथो᳚ अवघ्न॒ती हं॒त्यथो᳚ पिनष्टि पिंष॒ती(स्वाहा᳚) || 1.191.2, 2.5.14.2 {मैत्रावरुणिरगस्त्यः | अप्तृणसूर्याः | अनुष्टुप्}
श॒रासः॒ कुश॑रासो द॒र्भासः॑ सै॒र्या, उ॒त | मौं॒जा, अ॒दृष्टा᳚ वैरि॒णाः सर्वे᳚ सा॒कं न्य॑लिप्सत॒(स्वाहा᳚) || 1.191.3, 2.5.14.3 {मैत्रावरुणिरगस्त्यः | अप्तृणसूर्याः | अनुष्टुप्}
नि गावो᳚ गो॒ष्ठे, अ॑सद॒न् नि मृ॒गासो᳚ अविक्षत | नि के॒तवो॒ जना᳚नां॒ न्य1॑(अ॒)दृष्टा᳚ अलिप्सत॒(स्वाहा᳚) || 1.191.4, 2.5.14.4 {मैत्रावरुणिरगस्त्यः | अप्तृणसूर्याः | अनुष्टुप्}
ए॒त उ॒ त्ये प्रत्य॑दृश्रन् प्रदो॒षं तस्क॑रा, इव | अदृ॑ष्टा॒ विश्व॑दृष्टाः॒ प्रति॑बुद्धा, अभूतन॒(स्वाहा᳚) || 1.191.5, 2.5.14.5 {मैत्रावरुणिरगस्त्यः | अप्तृणसूर्याः | अनुष्टुप्}
द्यौर्वः॑ पि॒ता पृ॑थि॒वी मा॒ता सोमो॒ भ्रातादि॑तिः॒ स्वसा᳚ | अदृ॑ष्टा॒ विश्व॑दृष्टा॒स्तिष्ठ॑ते॒लय॑ता॒ सु क॒म्(स्वाहा᳚) || 1.191.6, 2.5.15.1 {मैत्रावरुणिरगस्त्यः | अप्तृणसूर्याः | अनुष्टुप्}
ये, अंस्या॒ ये, अंग्याः᳚ सू॒चीका॒ ये प्र॑कंक॒ताः | अदृ॑ष्टाः॒ किं च॒नेह वः॒ सर्वे᳚ सा॒कं नि ज॑स्यत॒(स्वाहा᳚) || 1.191.7, 2.5.15.2 {मैत्रावरुणिरगस्त्यः | अप्तृणसूर्याः | अनुष्टुप्}
उत् पु॒रस्ता॒त् सूर्य॑ एति वि॒श्वदृ॑ष्टो, अदृष्ट॒हा | अ॒दृष्टा॒न् त्सर्वां᳚जं॒भय॒न् त्सर्वा᳚श्च यातुधा॒न्य॑1(अः॒)(स्वाहा᳚) || 1.191.8, 2.5.15.3 {मैत्रावरुणिरगस्त्यः | अप्तृणसूर्याः | अनुष्टुप्}
उद॑पप्तद॒सौ सूर्यः॑ पु॒रु विश्वा᳚नि॒ जूर्व॑न् | आ॒दि॒त्यः पर्व॑तेभ्यो वि॒श्वदृ॑ष्टो, अदृष्ट॒हा(स्वाहा᳚) || 1.191.9, 2.5.15.4 {मैत्रावरुणिरगस्त्यः | अप्तृणसूर्याः | अनुष्टुप्}
सूर्ये᳚ वि॒षमा स॑जामि॒ दृतिं॒ सुरा᳚वतो गृ॒हे | सो चि॒न्नु न म॑राति॒ नो व॒यं म॑रामा॒रे, अ॑स्य॒ योज॑नं हरि॒ष्ठा मधु॑ त्वा मधु॒ला च॑कार॒(स्वाहा᳚) || 1.191.10, 2.5.15.5 {मैत्रावरुणिरगस्त्यः | अप्तृणसूर्याः | महापंक्तिः}
इ॒य॒त्ति॒का श॑कुंति॒का स॒का ज॑घास ते वि॒षं | सो चि॒न्नु न म॑राति॒ नो व॒यं म॑रामा॒रे, अ॑स्य॒ योज॑नं हरि॒ष्ठा मधु॑ त्वा मधु॒ला च॑कार॒(स्वाहा᳚) || 1.191.11, 2.5.16.1 {मैत्रावरुणिरगस्त्यः | अप्तृणसूर्याः | महापंक्तिः}
त्रिः स॒प्त वि॑ष्पुलिंग॒का वि॒षस्य॒ पुष्प॑मक्षन् | ताश्चि॒न्नु न म॑रंति॒ नो व॒यं म॑रामा॒रे, अ॑स्य॒ योज॑नं हरि॒ष्ठा मधु॑ त्वा मधु॒ला च॑कार॒(स्वाहा᳚) || 1.191.12, 2.5.16.2 {मैत्रावरुणिरगस्त्यः | अप्तृणसूर्याः | महापंक्तिः}
न॒वा॒नां न॑वती॒नां वि॒षस्य॒ रोपु॑षीणां | सर्वा᳚सामग्रभं॒ नामा॒रे, अ॑स्य॒ योज॑नं हरि॒ष्ठा मधु॑ त्वा मधु॒ला च॑कार॒(स्वाहा᳚) || 1.191.13, 2.5.16.3 {मैत्रावरुणिरगस्त्यः | अप्तृणसूर्याः | महाबृहती}
त्रिः स॒प्त म॑यू॒र्यः॑ स॒प्त स्वसा᳚रो, अ॒ग्रुवः॑ | तास्ते᳚ वि॒षं वि ज॑भ्रिर उद॒कं कुं॒भिनी᳚रिव॒(स्वाहा᳚) || 1.191.14, 2.5.16.4 {मैत्रावरुणिरगस्त्यः | अप्तृणसूर्याः | अनुष्टुप्}
इ॒य॒त्त॒कः कु॑षुंभ॒कस्त॒कं भि॑न॒द्म्यश्म॑ना | ततो᳚ वि॒षं प्र वा᳚वृते॒ परा᳚ची॒रनु॑ सं॒वतः॒(स्वाहा᳚) || 1.191.15, 2.5.16.5 {मैत्रावरुणिरगस्त्यः | अप्तृणसूर्याः | अनुष्टुप्}
कु॒षुं॒भ॒कस्तद॑ब्रवीद् गि॒रेः प्र॑वर्तमान॒कः | वृश्चि॑कस्यार॒सं वि॒षम॑र॒सं वृ॑श्चिक ते वि॒षं(स्वाहा᳚) || 1.191.16, 2.5.16.6 {मैत्रावरुणिरगस्त्यः | अप्तृणसूर्याः | अनुष्टुप्}