বেদপারায়ণ আরম্ভ মন্ত্রাণি

গ॒ণানাং॑ ত্বা গ॒ণপ॑তিং হবামহে ক॒বিং ক॑বী॒নামু॑প॒মশ্র॑বস্তমম্ । জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভিঃ॑ সীদ॒ সাদ॑নম্ ॥ ২।০২৩।০১, ২।৬।০২৯।০১ {শৌনকো গৃৎসমদঃ । ব্রহ্মণস্পতিঃ । জগতী}

বৃহ॑স্পতে প্রথ॒মং বা॒চো অগ্রং॒ যৎপ্রৈর॑ত নাম॒ধেয়ং॒ দধা॑নাঃ । যদে॑ষাং॒ শ্রেষ্ঠং॒ যদ॑রি॒প্রমাসী॑ৎপ্রে॒ণা তদে॑ষাং॒ নিহি॑তং॒ গুহা॒বিঃ ॥ ১০।০৭১।০১, ৮।২।০২৩।০১ {বৃহস্পতিঃ । জ্ঞানং । ত্রিষ্টুপ্}

নি ষু সী॑দ গণপতে গ॒ণেষু॒ ত্বামা॑হু॒র্বিপ্র॑তমং কবী॒নাম্ । ন ঋ॒তে ত্বৎক্রি॑য়তে॒ কিং চ॒নারে ম॒হাম॒র্কং ম॑ঘবঞ্চি॒ত্রম॑র্চ ॥ ১০।১১২।০৯, ৮।৬।০১৩।০৪ {বৈরূপো নভ প্রভেদনঃ । ইন্দ্রঃ । ত্রিষ্টুপ্}

প্র ণো॑ দে॒বী সর॑স্বতী॒ বাজে॑ভির্বা॒জিনী॑বতী । ধী॒নাম॑বি॒ত্র্য॑বতু ॥ ৬।০৬১।০৪, ৪।৮।০৩০।০৪ {বার্হস্পত্যো ভরদ্বাজঃ । সরস্বতী । গায়ত্রী}

আ নো॑ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ॑ন্তু য॒জ্ঞম্ । হবং॑ দে॒বী জু॑জুষা॒ণা ঘৃ॒তাচী॑ শ॒গ্মাং নো॒ বাচ॑মুশ॒তী শৃ॑ণোতু ॥ ৫।০৪৩।১১, ৪।২।০২২।০১ {ভৌমোত্রিঃ । বিশ্বদেবাঃ । ত্রিষ্টুপ্}

বেদ॒ বাত॑স্য বর্ত॒নিমু॒রোর্ঋ॒ষ্বস্য॑ বৃহ॒তঃ । বেদা॒ যে অ॒ধ্যাস॑তে ॥ ১।০২৫।০৯, ১।২।০১৭।০৪ {আজীগর্তিঃ শুনঃশেপঃ । বরুণঃ । গায়ত্রী}

শ॒তধা॑র॒মুৎস॒মক্ষী॑য়মাণং বিপ॒শ্চিতং॑ পি॒তরং॒ বক্ত্বা॑নাম্ । মে॒ল়িং মদ॑ন্তং পি॒ত্রোরু॒পস্থে॒ তং রো॑দসী পিপৃতং সত্য॒বাচ॑ম্ ॥ ৩।০২৬।০৯, ৩।১।০২৭।০৪ {গাথিনো বিশ্বামিত্রঃ । উপাধ্যায়ঃ । ত্রিষ্টুপ্}

ঋ॒চো অ॒ক্ষরে॑ পর॒মে ব্যো॑ম॒ন্যস্মি॑ন্দে॒বা অধি॒ বিশ্বে॑ নিষে॒দুঃ । যস্তন্ন বেদ॒ কিমৃ॒চা ক॑রিষ্যতি॒ য ইত্তদ্বি॒দুস্ত ই॒মে সমা॑সতে ॥ ১।১৬৪।৩৯, ২।৩।০২১।০৪ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

সাক্ষান্মূল প্রমাণায় বিষ্ণোরমিত তেজসে । আদ্যায় সর্ব বেদানাং ঋগ্বেদায় নমোনমঃ ॥

ঋগ্বেদঃ শ্বেতবর্ণশ্চ দ্বিভুজো রাসভাননঃ। অক্ষমালাম্বুপাত্রং চ বিভ্রন্ স্বাধ্যযনে রতঃ॥

১। গণেশ সূক্তং

আতূনইতি নবর্চস্য সূক্তস্য কাণ্বঃ কুসীদীন্দ্রো গায়ত্রী ।

আ তূ ন॑ ইন্দ্র ক্ষু॒মন্তং॑ চি॒ত্রং গ্রা॒ভং সং গৃ॑ভায় । ম॒হা॒হ॒স্তী দক্ষি॑ণেন ॥ ৮।০৮১।০১, ৬।৫।০৩৭।০১

বি॒দ্মা হি ত্বা॑ তুবিকূ॒র্মিং তু॒বিদে॑ষ্ণং তু॒বীম॑ঘম্ । তু॒বি॒মা॒ত্রমবো॑ভিঃ ॥ ৮।০৮১।০২, ৬।৫।০৩৭।০২

ন॒হি ত্বা॑ শূর দে॒বা ন মর্তা॑সো॒ দিৎস॑ন্তম্ । ভী॒মং ন গাং বা॒রয়॑ন্তে ॥ ৮।০৮১।০৩, ৬।৫।০৩৭।০৩

এতো॒ ন্বিন্দ্রং॒ স্তবা॒মেশা॑নং॒ বস্বঃ॑ স্ব॒রাজ॑ম্ । ন রাধ॑সা মর্ধিষন্নঃ ॥ ৮।০৮১।০৪, ৬।৫।০৩৭।০৪

প্র স্তো॑ষ॒দুপ॑ গাসিষ॒চ্ছ্রব॒ৎসাম॑ গী॒য়মা॑নম্ । অ॒ভি রাধ॑সা জুগুরৎ ॥ ৮।০৮১।০৫, ৬।৫।০৩৭।০৫

আ নো॑ ভর॒ দক্ষি॑ণেনা॒ভি স॒ব্যেন॒ প্র মৃ॑শ । ইন্দ্র॒ মা নো॒ বসো॒র্নির্ভা॑ক্ ॥ ৮।০৮১।০৬, ৬।৫।০৩৮।০১

উপ॑ ক্রম॒স্বা ভ॑র ধৃষ॒তা ধৃ॑ষ্ণো॒ জনা॑নাম্ । অদা॑শূষ্টরস্য॒ বেদঃ॑ ॥ ৮।০৮১।০৭, ৬।৫।০৩৮।০২

ইন্দ্র॒ য উ॒ নু তে॒ অস্তি॒ বাজো॒ বিপ্রে॑ভিঃ॒ সনি॑ত্বঃ । অ॒স্মাভিঃ॒ সু তং স॑নুহি ॥ ৮।০৮১।০৮, ৬।৫।০৩৮।০৩

স॒দ্যো॒জুব॑স্তে॒ বাজা॑ অ॒স্মভ্যং॑ বি॒শ্বশ্চ॑ন্দ্রাঃ । বশৈ॑শ্চ ম॒ক্ষূ জ॑রন্তে ॥ ৮।০৮১।০৯, ৬।৫।০৩৮।০৪

গ॒ণানাং॑ ত্বা গ॒ণপ॑তিং হবামহে ক॒বিং ক॑বী॒নামু॑প॒মশ্র॑বস্তমম্ । জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভিঃ॑ সীদ॒ সাদ॑নম্ ॥ ২।০২৩।০১, ২।৬।০২৯।০১ {শৌনকো গৃৎসমদঃ । ব্রহ্মণস্পতিঃ । জগতী}

নি ষু সী॑দ গণপতে গ॒ণেষু॒ ত্বামা॑হু॒র্বিপ্র॑তমং কবী॒নাম্ । ন ঋ॒তে ত্বৎক্রি॑য়তে॒ কিং চ॒নারে ম॒হাম॒র্কং ম॑ঘবঞ্চি॒ত্রম॑র্চ ॥ ১০।১১২।০৯, ৮।৬।০১৩।০৪ {বৈরূপো নভ প্রভেদনঃ । ইন্দ্রঃ । ত্রিষ্টুপ্}

অ॒ভি॒খ্যা নো॑ মঘব॒ন্নাধ॑মানা॒ন্ত্সখে॑ বো॒ধি ব॑সুপতে॒ সখী॑নাম্ । রণং॑ কৃধি রণকৃৎসত্যশু॒ষ্মাভ॑ক্তে চি॒দা ভ॑জা রা॒য়ে অ॒স্মান্ ॥ ১০।১১২।১০, ৮।৬।০১৩।০৫ {বৈরূপো নভ প্রভেদনঃ । ইন্দ্রঃ । ত্রিষ্টুপ্}

২। পুরুষ সূক্তং

সহস্রশীর্ষেতি ষোল়শর্চস্য সূক্তস্য নারায়ণঃ পুরুষোনুষ্টুবন্ত্যাত্রিষ্টুপ্ ।

স॒হস্র॑শীর্ষা॒ পুরু॑ষঃ সহস্রা॒ক্ষঃ স॒হস্র॑পাৎ । স ভূমিং॑ বি॒শ্বতো॑ বৃ॒ত্বাত্য॑তিষ্ঠদ্দশাঙ্গু॒লম্ ॥ ১০।০৯০।০১, ৮।৪।০১৭।০১

পুরু॑ষ এ॒বেদং সর্বং॒ যদ্ভূ॒তং যচ্চ॒ ভব্য॑ম্ । উ॒তামৃ॑ত॒ত্বস্যেশা॑নো॒ যদন্নে॑নাতি॒রোহ॑তি ॥ ১০।০৯০।০২, ৮।৪।০১৭।০২

এ॒তাবা॑নস্য মহি॒মাতো॒ জ্যায়াঁ॑শ্চ॒ পূরু॑ষঃ । পাদো॑ঽস্য॒ বিশ্বা॑ ভূ॒তানি॑ ত্রি॒পাদ॑স্যা॒মৃতং॑ দি॒বি ॥ ১০।০৯০।০৩, ৮।৪।০১৭।০৩

ত্রি॒পাদূ॒র্ধ্ব উদৈ॒ৎপুরু॑ষঃ॒ পাদো॑ঽস্যে॒হাভ॑ব॒ৎপুনঃ॑ । ততো॒ বিষ্ব॒ঙ্ব্য॑ক্রামৎসাশনানশ॒নে অ॒ভি ॥ ১০।০৯০।০৪, ৮।৪।০১৭।০৪

তস্মা॑দ্বি॒রাল়॑জায়ত বি॒রাজো॒ অধি॒ পূরু॑ষঃ । স জা॒তো অত্য॑রিচ্যত প॒শ্চাদ্ভূমি॒মথো॑ পু॒রঃ ॥ ১০।০৯০।০৫, ৮।৪।০১৭।০৫

যৎপুরু॑ষেণ হ॒বিষা॑ দে॒বা য॒জ্ঞমত॑ন্বত । ব॒স॒ন্তো অ॑স্যাসী॒দাজ্যং॑ গ্রী॒ষ্ম ই॒ধ্মঃ শ॒রদ্ধ॒বিঃ ॥ ১০।০৯০।০৬, ৮।৪।০১৮।০১

তং য॒জ্ঞং ব॒র্হিষি॒ প্রৌক্ষ॒ন্পুরু॑ষং জা॒তম॑গ্র॒তঃ । তেন॑ দে॒বা অ॑য়জন্ত সা॒ধ্যা ঋষ॑য়শ্চ॒ যে ॥ ১০।০৯০।০৭, ৮।৪।০১৮।০২

তস্মা॑দ্য॒জ্ঞাৎস॑র্ব॒হুতঃ॒ সম্ভৃ॑তং পৃষদা॒জ্যম্ । প॒শূন্তাঁশ্চ॑ক্রে বায়॒ব্যা॑নার॒ণ্যান্গ্রা॒ম্যাশ্চ॒ যে ॥ ১০।০৯০।০৮, ৮।৪।০১৮।০৩

তস্মা॑দ্য॒জ্ঞাৎস॑র্ব॒হুত॒ ঋচঃ॒ সামা॑নি জজ্ঞিরে । ছন্দাং॑সি জজ্ঞিরে॒ তস্মা॒দ্যজু॒স্তস্মা॑দজায়ত ॥ ১০।০৯০।০৯, ৮।৪।০১৮।০৪

তস্মা॒দশ্বা॑ অজায়ন্ত॒ যে কে চো॑ভ॒য়াদ॑তঃ । গাবো॑ হ জজ্ঞিরে॒ তস্মা॒ত্তস্মা॑জ্জা॒তা অ॑জা॒বয়ঃ॑ ॥ ১০।০৯০।১০, ৮।৪।০১৮।০৫

যৎপুরু॑ষং॒ ব্যদ॑ধুঃ কতি॒ধা ব্য॑কল্পয়ন্ । মুখং॒ কিম॑স্য॒ কৌ বা॒হূ কা ঊ॒রূ পাদা॑ উচ্যেতে ॥ ১০।০৯০।১১, ৮।৪।০১৯।০১

ব্রা॒হ্ম॒ণো॑ঽস্য॒ মুখ॑মাসীদ্বা॒হূ রা॑জ॒ন্যঃ॑ কৃ॒তঃ । ঊ॒রূ তদ॑স্য॒ যদ্বৈশ্যঃ॑ প॒দ্ভ্যাং শূ॒দ্রো অ॑জায়ত ॥ ১০।০৯০।১২, ৮।৪।০১৯।০২

চ॒ন্দ্রমা॒ মন॑সো জা॒তশ্চক্ষোঃ॒ সূর্যো॑ অজায়ত । মুখা॒দিন্দ্র॑শ্চা॒গ্নিশ্চ॑ প্রা॒ণাদ্বা॒য়ুর॑জায়ত ॥ ১০।০৯০।১৩, ৮।৪।০১৯।০৩

নাভ্যা॑ আসীদ॒ন্তরি॑ক্ষং শী॒র্ষ্ণো দ্যৌঃ সম॑বর্তত । প॒দ্ভ্যাং ভূমি॒র্দিশঃ॒ শ্রোত্রা॒ত্তথা॑ লো॒কাঁ অ॑কল্পয়ন্ ॥ ১০।০৯০।১৪, ৮।৪।০১৯।০৪

স॒প্তাস্যা॑সন্পরি॒ধয়॒স্ত্রিঃ স॒প্ত স॒মিধঃ॑ কৃ॒তাঃ । দে॒বা যদ্য॒জ্ঞং ত॑ন্বা॒না অব॑ধ্ন॒ন্পুরু॑ষং প॒শুম্ ॥ ১০।০৯০।১৫, ৮।৪।০১৯।০৫

য॒জ্ঞেন॑ য॒জ্ঞম॑য়জন্ত দে॒বাস্তানি॒ ধর্মা॑ণি প্রথ॒মান্যা॑সন্ । তে হ॒ নাকং॑ মহি॒মানঃ॑ সচন্ত॒ যত্র॒ পূর্বে॑ সা॒ধ্যাঃ সন্তি॑ দে॒বাঃ ॥ ১০।০৯০।১৬, ৮।৪।০১৯।০৬

৩। বিষ্ণু সূক্তং

অতো॑ দে॒বা অ॑বন্তু নো॒ যতো॒ বিষ্ণু॑র্বিচক্র॒মে । পৃ॒থি॒ব্যাঃ স॒প্ত ধাম॑ভিঃ ॥ ১।০২২।১৬, ১।২।৭।১ {কাণ্বো মেধাতিথি । বিষ্ণুর্দেবো বা । গায়ত্রী}

ই॒দং বিষ্ণু॒র্বি চ॑ক্রমে ত্রে॒ধা নি দ॑ধে প॒দম্ । সমূ॑ল়্হমস্য পাংসু॒রে ॥ ১।০২২।১৭, ১।২।৭।২ {কাণ্বো মেধাতিথি । বিষ্ণুঃ । গায়ত্রী}

ত্রীণি॑ প॒দা বি চ॑ক্রমে॒ বিষ্ণু॑র্গো॒পা অদা॑ভ্যঃ । অতো॒ ধর্মা॑ণি ধা॒রয়॑ন্ ॥ ১।০২২।১৮, ১।২।৭।৩ {কাণ্বো মেধাতিথি । বিষ্ণুঃ । গায়ত্রী}

বিষ্ণোঃ॒ কর্মা॑ণি পশ্যত॒ যতো॑ ব্র॒তানি॑ পস্প॒শে । ইন্দ্র॑স্য॒ যুজ্যঃ॒ সখা॑ ॥ ১।০২২।১৯, ১।২।৭।৪ {কাণ্বো মেধাতিথি । বিষ্ণুঃ । গায়ত্রী}

তদ্বিষ্ণোঃ॑ পর॒মং প॒দং সদা॑ পশ্যন্তি সূ॒রয়ঃ॑ । দি॒বী॑ব॒ চক্ষু॒রাত॑তম্ ॥ ১।০২২।২০, ১।২।৭।৫ {কাণ্বো মেধাতিথি । বিষ্ণুঃ । গায়ত্রী}

তদ্বিপ্রা॑সো বিপ॒ন্যবো॑ জাগৃ॒বাংসঃ॒ সমি॑ন্ধতে । বিষ্ণো॒র্যৎপ॑র॒মং প॒দম্ ॥ ১।০২২।২১, ১।২।৭।৬ {কাণ্বো মেধাতিথি । বিষ্ণুঃ । গায়ত্রী}

বিষ্ণোর্নুকমিতি ষডৃচস্য সূক্তস্যৌচধ্যোদীর্ঘতমা বিষ্ণুস্ত্রিষ্টুপ্ ।

বিষ্ণো॒র্নু কং॑ বী॒র্যা॑ণি॒ প্র বো॑চং॒ যঃ পার্থি॑বানি বিম॒মে রজাং॑সি । যো অস্ক॑ভায়॒দুত্ত॑রং স॒ধস্থং॑ বিচক্রমা॒ণস্ত্রে॒ধোরু॑গা॒য়ঃ ॥ ১।১৫৪।০১, ২।২।০২৪।০১

প্র তদ্বিষ্ণুঃ॑ স্তবতে বী॒র্যে॑ণ মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্যো॒রুষু॑ ত্রি॒ষু বি॒ক্রম॑ণেষ্বধিক্ষি॒য়ন্তি॒ ভুব॑নানি॒ বিশ্বা॑ ॥ ১।১৫৪।০২, ২।২।০২৪।০২

প্র বিষ্ণ॑বে শূ॒ষমে॑তু॒ মন্ম॑ গিরি॒ক্ষিত॑ উরুগা॒য়ায়॒ বৃষ্ণে॑ । য ই॒দং দী॒র্ঘং প্রয়॑তং স॒ধস্থ॒মেকো॑ বিম॒মে ত্রি॒ভিরিৎপ॒দেভিঃ॑ ॥ ১।১৫৪।০৩, ২।২।০২৪।০৩

যস্য॒ ত্রী পূ॒র্ণা মধু॑না প॒দান্যক্ষী॑য়মাণা স্ব॒ধয়া॒ মদ॑ন্তি । য উ॑ ত্রি॒ধাতু॑ পৃথি॒বীমু॒ত দ্যামেকো॑ দা॒ধার॒ ভুব॑নানি॒ বিশ্বা॑ ॥ ১।১৫৪।০৪, ২।২।০২৪।০৪

তদ॑স্য প্রি॒য়ম॒ভি পাথো॑ অশ্যাং॒ নরো॒ যত্র॑ দেব॒য়বো॒ মদ॑ন্তি । উ॒রু॒ক্র॒মস্য॒ স হি বন্ধু॑রি॒ত্থা বিষ্ণোঃ॑ প॒দে প॑র॒মে মধ্ব॒ উৎসঃ॑ ॥ ১।১৫৪।০৫, ২।২।০২৪।০৫

তা বাং॒ বাস্তূ॑ন্যুশ্মসি॒ গম॑ধ্যৈ॒ যত্র॒ গাবো॒ ভূরি॑শৃঙ্গা অ॒য়াসঃ॑ । অত্রাহ॒ তদু॑রুগা॒য়স্য॒ বৃষ্ণঃ॑ পর॒মং প॒দমব॑ ভাতি॒ ভূরি॑ ॥ ১।১৫৪।০৬, ২।২।০২৪।০৬

প্রবঃপান্তমিতি ষডৃচস্য সূক্তস্যৌচথ্যোদীর্ঘতমা আদ্যানান্তিসৃণামিন্দ্রাবিষ্ণূ ততস্তিসৃণাংবিষ্ণুর্জগতী ।

প্র বঃ॒ পান্ত॒মন্ধ॑সো ধিয়ায়॒তে ম॒হে শূরা॑য়॒ বিষ্ণ॑বে চার্চত । যা সানু॑নি॒ পর্ব॑তানা॒মদা॑ভ্যা ম॒হস্ত॒স্থতু॒রর্ব॑তেব সা॒ধুনা॑ ॥ ১।১৫৫।০১, ২।২।০২৫।০১

ত্বে॒ষমি॒ত্থা স॒মর॑ণং॒ শিমী॑বতো॒রিন্দ্রা॑বিষ্ণূ সুত॒পা বা॑মুরুষ্যতি । যা মর্ত্যা॑য় প্রতিধী॒য়মা॑ন॒মিৎকৃ॒শানো॒রস্তু॑রস॒নামু॑রু॒ষ্যথঃ॑ ॥ ১।১৫৫।০২, ২।২।০২৫।০২

তা ঈং॑ বর্ধন্তি॒ মহ্য॑স্য॒ পৌংস্যং॒ নি মা॒তরা॑ নয়তি॒ রেত॑সে ভু॒জে । দধা॑তি পু॒ত্রোঽব॑রং॒ পরং॑ পি॒তুর্নাম॑ তৃ॒তীয়॒মধি॑ রোচ॒নে দি॒বঃ ॥ ১।১৫৫।০৩, ২।২।০২৫।০৩

তত্ত॒দিদ॑স্য॒ পৌংস্যং॑ গৃণীমসী॒নস্য॑ ত্রা॒তুর॑বৃ॒কস্য॑ মী॒ল়্হুষঃ॑ । যঃ পার্থি॑বানি ত্রি॒ভিরিদ্বিগা॑মভিরু॒রু ক্রমি॑ষ্টোরুগা॒য়ায়॑ জী॒বসে॑ ॥ ১।১৫৫।০৪, ২।২।০২৫।০৪

দ্বে ইদ॑স্য॒ ক্রম॑ণে স্ব॒র্দৃশো॑ঽভি॒খ্যায়॒ মর্ত্যো॑ ভুরণ্যতি । তৃ॒তীয়॑মস্য॒ নকি॒রা দ॑ধর্ষতি॒ বয়॑শ্চ॒ন প॒তয়॑ন্তঃ পত॒ত্রিণঃ॑ ॥ ১।১৫৫।০৫, ২।২।০২৫।০৫

চ॒তুর্ভিঃ॑ সা॒কং ন॑ব॒তিং চ॒ নাম॑ভিশ্চ॒ক্রং ন বৃ॒ত্তং ব্যতীঁ॑রবীবিপৎ । বৃ॒হচ্ছ॑রীরো বি॒মিমা॑ন॒ ঋক্ব॑ভি॒র্যুবাকু॑মারঃ॒ প্রত্যে॑ত্যাহ॒বম্ ॥ ১।১৫৫।০৬, ২।২।০২৫।০৬

ভবামিত্রইতি পঞ্চর্চস্য সূক্তস্যৌচথ্যোদীর্ঘতমাবিষ্ণুর্জগতী ।

ভবা॑ মি॒ত্রো ন শেব্যো॑ ঘৃ॒তাসু॑তি॒র্বিভূ॑তদ্যুম্ন এব॒য়া উ॑ স॒প্রথাঃ॑ । অধা॑ তে বিষ্ণো বি॒দুষা॑ চি॒দর্ধ্যঃ॒ স্তোমো॑ য॒জ্ঞশ্চ॒ রাধ্যো॑ হ॒বিষ্ম॑তা ॥ ১।১৫৬।০১, ২।২।০২৬।০১

যঃ পূ॒র্ব্যায়॑ বে॒ধসে॒ নবী॑য়সে সু॒মজ্জা॑নয়ে॒ বিষ্ণ॑বে॒ দদা॑শতি । যো জা॒তম॑স্য মহ॒তো মহি॒ ব্রব॒ৎসেদু॒ শ্রবো॑ভি॒র্যুজ্যং॑ চিদ॒ভ্য॑সৎ ॥ ১।১৫৬।০২, ২।২।০২৬।০২

তমু॑ স্তোতারঃ পূ॒র্ব্যং যথা॑ বি॒দ ঋ॒তস্য॒ গর্ভং॑ জ॒নুষা॑ পিপর্তন । আস্য॑ জা॒নন্তো॒ নাম॑ চিদ্বিবক্তন ম॒হস্তে॑ বিষ্ণো সুম॒তিং ভ॑জামহে ॥ ১।১৫৬।০৩, ২।২।০২৬।০৩

তম॑স্য॒ রাজা॒ বরু॑ণ॒স্তম॒শ্বিনা॒ ক্রতুং॑ সচন্ত॒ মারু॑তস্য বে॒ধসঃ॑ । দা॒ধার॒ দক্ষ॑মুত্ত॒মম॑হ॒র্বিদং॑ ব্র॒জং চ॒ বিষ্ণুঃ॒ সখি॑বাঁ অপোর্ণু॒তে ॥ ১।১৫৬।০৪, ২।২।০২৬।০৪

আ যো বি॒বায়॑ স॒চথা॑য়॒ দৈব্য॒ ইন্দ্রা॑য়॒ বিষ্ণুঃ॑ সু॒কৃতে॑ সু॒কৃত্ত॑রঃ । বে॒ধা অ॑জিন্বত্ত্রিষধ॒স্থ আর্য॑মৃ॒তস্য॑ ভা॒গে যজ॑মান॒মাভ॑জৎ ॥ ১।১৫৬।০৫, ২।২।০২৬।০৫

সংবামিত্যষ্টর্চস্য সূক্তস্য বার্হস্পত্যোভরদ্বাজইন্দ্রাবিষ্ণূত্রিষ্টুপ্ ।

সং বাং॒ কর্ম॑ণা॒ সমি॒ষা হি॑নো॒মীন্দ্রা॑বিষ্ণূ॒ অপ॑সস্পা॒রে অ॒স্য । জু॒ষেথাং॑ য॒জ্ঞং দ্রবি॑ণং চ ধত্ত॒মরি॑ষ্টৈর্নঃ প॒থিভিঃ॑ পা॒রয়॑ন্তা ॥ ৬।০৬৯।০১, ৫।১।০১৩।০১

যা বিশ্বা॑সাং জনি॒তারা॑ মতী॒নামিন্দ্রা॒বিষ্ণূ॑ ক॒লশা॑ সোম॒ধানা॑ । প্র বাং॒ গিরঃ॑ শ॒স্যমা॑না অবন্তু॒ প্র স্তোমা॑সো গী॒য়মা॑নাসো অ॒র্কৈঃ ॥ ৬।০৬৯।০২, ৫।১।০১৩।০২

ইন্দ্রা॑বিষ্ণূ মদপতী মদানা॒মা সোমং॑ যাতং॒ দ্রবি॑ণো॒ দধা॑না । সং বা॑মঞ্জন্ত্ব॒ক্তুভি॑র্মতী॒নাং সং স্তোমা॑সঃ শ॒স্যমা॑নাস উ॒ক্থৈঃ ॥ ৬।০৬৯।০৩, ৫।১।০১৩।০৩

আ বা॒মশ্বা॑সো অভিমাতি॒ষাহ॒ ইন্দ্রা॑বিষ্ণূ সধ॒মাদো॑ বহন্তু । জু॒ষেথাং॒ বিশ্বা॒ হব॑না মতী॒নামুপ॒ ব্রহ্মা॑ণি শৃণুতং॒ গিরো॑ মে ॥ ৬।০৬৯।০৪, ৫।১।০১৩।০৪

ইন্দ্রা॑বিষ্ণূ॒ তৎপ॑ন॒য়ায়্যং॑ বাং॒ সোম॑স্য॒ মদ॑ উ॒রু চ॑ক্রমাথে । অকৃ॑ণুতম॒ন্তরি॑ক্ষং॒ বরী॒য়োঽপ্র॑থতং জী॒বসে॑ নো॒ রজাং॑সি ॥ ৬।০৬৯।০৫, ৫।১।০১৩।০৫

ইন্দ্রা॑বিষ্ণূ হ॒বিষা॑ বাবৃধা॒নাগ্রা॑দ্বানা॒ নম॑সা রাতহব্যা । ঘৃতা॑সুতী॒ দ্রবি॑ণং ধত্তম॒স্মে স॑মু॒দ্রঃ স্থঃ॑ ক॒লশঃ॑ সোম॒ধানঃ॑ ॥ ৬।০৬৯।০৬, ৫।১।০১৩।০৬

ইন্দ্রা॑বিষ্ণূ॒ পিব॑তং॒ মধ্বো॑ অ॒স্য সোম॑স্য দস্রা জ॒ঠরং॑ পৃণেথাম্ । আ বা॒মন্ধাং॑সি মদি॒রাণ্য॑গ্ম॒ন্নুপ॒ ব্রহ্মা॑ণি শৃণুতং॒ হবং॑ মে ॥ ৬।০৬৯।০৭, ৫।১।০১৩।০৭

উ॒ভা জি॑গ্যথু॒র্ন পরা॑ জয়েথে॒ ন পরা॑ জিগ্যে কত॒রশ্চ॒নৈনোঃ॑ । ইন্দ্র॑শ্চ বিষ্ণো॒ যদপ॑স্পৃধেথাং ত্রে॒ধা স॒হস্রং॒ বি তদৈ॑রয়েথাম্ ॥ ৬।০৬৯।০৮, ৫।১।০১৩।০৮

পরোমাত্রয়েতি সপ্তর্চস্য সূক্তস্য মৈত্রাবরুণির্বসিষ্টোবিষ্ণুঃ উরুংয়জ্ঞায়েতিতিসৃণামিন্দ্রাবিষ্ণূত্রিষ্টুপ্ ।

প॒রো মাত্র॑য়া ত॒ন্বা॑ বৃধান॒ ন তে॑ মহি॒ত্বমন্ব॑শ্নুবন্তি । উ॒ভে তে॑ বিদ্ম॒ রজ॑সী পৃথি॒ব্যা বিষ্ণো॑ দেব॒ ত্বং প॑র॒মস্য॑ বিৎসে ॥ ৭।০৯৯।০১, ৫।৬।০২৪।০১

ন তে॑ বিষ্ণো॒ জায়॑মানো॒ ন জা॒তো দেব॑ মহি॒ম্নঃ পর॒মন্ত॑মাপ । উদ॑স্তভ্না॒ নাক॑মৃ॒ষ্বং বৃ॒হন্তং॑ দা॒ধর্থ॒ প্রাচীং॑ ক॒কুভং॑ পৃথি॒ব্যাঃ ॥ ৭।০৯৯।০২, ৫।৬।০২৪।০২

ইরা॑বতী ধেনু॒মতী॒ হি ভূ॒তং সূ॑য়ব॒সিনী॒ মনু॑ষে দশ॒স্যা । ব্য॑স্তভ্না॒ রোদ॑সী বিষ্ণবে॒তে দা॒ধর্থ॑ পৃথি॒বীম॒ভিতো॑ ম॒য়ূখৈঃ॑ ॥ ৭।০৯৯।০৩, ৫।৬।০২৪।০৩

উ॒রুং য॒জ্ঞায়॑ চক্রথুরু লো॒কং জ॒নয়॑ন্তা॒ সূর্য॑মু॒ষাস॑ম॒গ্নিম্ । দাস॑স্য চিদ্বৃষশি॒প্রস্য॑ মা॒য়া জ॒ঘ্নথু॑র্নরা পৃত॒নাজ্যে॑ষু ॥ ৭।০৯৯।০৪, ৫।৬।০২৪।০৪

ইন্দ্রা॑বিষ্ণূ দৃংহি॒তাঃ শম্ব॑রস্য॒ নব॒ পুরো॑ নব॒তিং চ॑ শ্নথিষ্টম্ । শ॒তং ব॒র্চিনঃ॑ স॒হস্রং॑ চ সা॒কং হ॒থো অ॑প্র॒ত্যসু॑রস্য বী॒রান্ ॥ ৭।০৯৯।০৫, ৫।৬।০২৪।০৫

ই॒য়ং ম॑নী॒ষা বৃ॑হ॒তী বৃ॒হন্তো॑রুক্র॒মা ত॒বসা॑ ব॒র্ধয়॑ন্তী । র॒রে বাং॒ স্তোমং॑ বি॒দথে॑ষু বিষ্ণো॒ পিন্ব॑ত॒মিষো॑ বৃ॒জনে॑ষ্বিন্দ্র ॥ ৭।০৯৯।০৬, ৫।৬।০২৪।০৬

বষ॑ট্ তে বিষ্ণবা॒স আ কৃ॑ণোমি॒ তন্মে॑ জুষস্ব শিপিবিষ্ট হ॒ব্যম্ । বর্ধ॑ন্তু ত্বা সুষ্টু॒তয়ো॒ গিরো॑ মে যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৯৯।০৭, ৫।৬।০২৪।০৭

নূমর্তইতি সপ্তর্চস্য সূক্তস্য মৈত্রাবরুণির্বসিষ্ঠোবিষ্ণুস্ত্রিষ্টুপ্ ।

নূ মর্তো॑ দয়তে সনি॒ষ্যন্যো বিষ্ণ॑ব উরুগা॒য়ায়॒ দাশ॑ৎ । প্র যঃ স॒ত্রাচা॒ মন॑সা॒ যজা॑ত এ॒তাব॑ন্তং॒ নর্য॑মা॒বিবা॑সাৎ ॥ ৭।১০০।০১, ৫।৬।০২৫।০১

ত্বং বি॑ষ্ণো সুম॒তিং বি॒শ্বজ॑ন্যা॒মপ্র॑য়ুতামেবয়াবো ম॒তিং দাঃ॑ । পর্চো॒ যথা॑ নঃ সুবি॒তস্য॒ ভূরে॒রশ্বা॑বতঃ পুরুশ্চ॒ন্দ্রস্য॑ রা॒য়ঃ ॥ ৭।১০০।০২, ৫।৬।০২৫।০২

ত্রির্দে॒বঃ পৃ॑থি॒বীমে॒ষ এ॒তাং বি চ॑ক্রমে শ॒তর্চ॑সং মহি॒ত্বা । প্র বিষ্ণু॑রস্তু ত॒বস॒স্তবী॑য়ান্ত্বে॒ষং হ্য॑স্য॒ স্থবি॑রস্য॒ নাম॑ ॥ ৭।১০০।০৩, ৫।৬।০২৫।০৩

বি চ॑ক্রমে পৃথি॒বীমে॒ষ এ॒তাং ক্ষেত্রা॑য়॒ বিষ্ণু॒র্মনু॑ষে দশ॒স্যন্ । ধ্রু॒বাসো॑ অস্য কী॒রয়ো॒ জনা॑স উরুক্ষি॒তিং সু॒জনি॑মা চকার ॥ ৭।১০০।০৪, ৫।৬।০২৫।০৪

প্র তত্তে॑ অ॒দ্য শি॑পিবিষ্ট॒ নামা॒র্যঃ শং॑সামি ব॒য়ুনা॑নি বি॒দ্বান্ । তং ত্বা॑ গৃণামি ত॒বস॒মত॑ব্যা॒ন্ক্ষয়॑ন্তম॒স্য রজ॑সঃ পরা॒কে ॥ ৭।১০০।০৫, ৫।৬।০২৫।০৫

কিমিত্তে॑ বিষ্ণো পরি॒চক্ষ্যং॑ ভূ॒ৎপ্র যদ্ব॑ব॒ক্ষে শি॑পিবি॒ষ্টো অ॑স্মি । মা বর্পো॑ অ॒স্মদপ॑ গূহ এ॒তদ্যদ॒ন্যরূ॑পঃ সমি॒থে ব॒ভূথ॑ ॥ ৭।১০০।০৬, ৫।৬।০২৫।০৬

বষ॑ট্ তে বিষ্ণবা॒স আ কৃ॑ণোমি॒ তন্মে॑ জুষস্ব শিপিবিষ্ট হ॒ব্যম্ । বর্ধ॑ন্তু ত্বা সুষ্টু॒তয়ো॒ গিরো॑ মে যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।১০০।০৭, ৫।৬।০২৫।০৭

৪। পঞ্চরুদ্র সূক্তং

কদ্রুদ্রায়েতিনবর্চস্য সূক্তস্য ঘৌরঃ কণ্বোরুদ্রস্তৃতীয়ায়ামিত্রাবরুণৌচসপ্তম্যাদিতৃচস্য সোমো গায়ত্র্যন্ত্যানুষ্টুপ্ ।

কদ্রু॒দ্রায়॒ প্রচে॑তসে মী॒ল়্হুষ্ট॑মায়॒ তব্য॑সে । বো॒চেম॒ শন্ত॑মং হৃ॒দে ॥ ১।০৪৩।০১, ১।৩।০২৬।০১

যথা॑ নো॒ অদি॑তিঃ॒ কর॒ৎপশ্বে॒ নৃভ্যো॒ যথা॒ গবে॑ । যথা॑ তো॒কায়॑ রু॒দ্রিয়॑ম্ ॥ ১।০৪৩।০২, ১।৩।০২৬।০২

যথা॑ নো মি॒ত্রো বরু॑ণো॒ যথা॑ রু॒দ্রশ্চিকে॑ততি । যথা॒ বিশ্বে॑ স॒জোষ॑সঃ ॥ ১।০৪৩।০৩, ১।৩।০২৬।০৩

গা॒থপ॑তিং মে॒ধপ॑তিং রু॒দ্রং জলা॑ষভেষজম্ । তচ্ছং॒য়োঃ সু॒ম্নমী॑মহে ॥ ১।০৪৩।০৪, ১।৩।০২৬।০৪

যঃ শু॒ক্র ই॑ব॒ সূর্যো॒ হির॑ণ্যমিব॒ রোচ॑তে । শ্রেষ্ঠো॑ দে॒বানাং॒ বসুঃ॑ ॥ ১।০৪৩।০৫, ১।৩।০২৬।০৫

শং নঃ॑ কর॒ত্যর্ব॑তে সু॒গং মে॒ষায়॑ মে॒ষ্যে॑ । নৃভ্যো॒ নারি॑ভ্যো॒ গবে॑ ॥ ১।০৪৩।০৬, ১।৩।০২৭।০১

অ॒স্মে সো॑ম॒ শ্রিয়॒মধি॒ নি ধে॑হি শ॒তস্য॑ নৃ॒ণাম্ । মহি॒ শ্রব॑স্তুবিনৃ॒ম্ণম্ ॥ ১।০৪৩।০৭, ১।৩।০২৭।০২

মা নঃ॑ সোমপরি॒বাধো॒ মারা॑তয়ো জুহুরন্ত । আ ন॑ ইন্দো॒ বাজে॑ ভজ ॥ ১।০৪৩।০৮, ১।৩।০২৭।০৩

যাস্তে॑ প্র॒জা অ॒মৃত॑স্য॒ পর॑স্মি॒ন্ধাম॑ন্নৃ॒তস্য॑ । মূ॒র্ধা নাভা॑ সোম বেন আ॒ভূষ॑ন্তীঃ সোম বেদঃ ॥ ১।০৪৩।০৯, ১।৩।০২৭।০৪

ইমারুদ্রায়েত্যেকাদশর্চস্য সূক্তস্য কুৎসোরুদ্রোজগতীঅন্ত্যেদ্বেত্রিষ্টুভৌ ।

ই॒মা রু॒দ্রায়॑ ত॒বসে॑ কপ॒র্দিনে॑ ক্ষ॒য়দ্বী॑রায়॒ প্র ভ॑রামহে ম॒তীঃ । যথা॒ শমস॑দ্দ্বি॒পদে॒ চতু॑ষ্পদে॒ বিশ্বং॑ পু॒ষ্টং গ্রামে॑ অ॒স্মিন্ন॑নাতু॒রম্ ॥ ১।১১৪।০১, ১।৮।৫।১

মৃ॒ল়া নো॑ রুদ্রো॒ত নো॒ ময়॑স্কৃধি ক্ষ॒য়দ্বী॑রায়॒ নম॑সা বিধেম তে । যচ্ছং চ॒ যোশ্চ॒ মনু॑রায়ে॒জে পি॒তা তদ॑শ্যাম॒ তব॑ রুদ্র॒ প্রণী॑তিষু ॥ ১।১১৪।০২, ১।৮।৫।২

অ॒শ্যাম॑ তে সুম॒তিং দে॑বয়॒জ্যযা॑ ক্ষ॒য়দ্বী॑রস্য॒ তব॑ রুদ্র মীঢ্বঃ । সু॒ম্না॒য়ন্নিদ্বিশো॑ অ॒স্মাক॒মা চ॒রারি॑ষ্টবীরা জুহবাম তে হ॒বিঃ ॥ ১।১১৪।০৩, ১।৮।৫।৩

ত্বে॒ষং ব॒য়ং রু॒দ্রং য॑জ্ঞ॒সাধং॑ ব॒ঙ্কুং ক॒বিমব॑সে॒ নি হ্ব॑য়ামহে । আ॒রে অ॒স্মদ্দৈব্যং॒ হেল়ো॑ অস্যতু সুম॒তিমিদ্ব॒য়ম॒স্যা বৃ॑ণীমহে ॥ ১।১১৪।০৪, ১।৮।৫।৪

দি॒বো ব॑রা॒হম॑রু॒ষং ক॑প॒র্দিনং॑ ত্বে॒ষং রূ॒পং নম॑সা॒ নি হ্ব॑য়ামহে । হস্তে॒ বিভ্র॑দ্ভেষ॒জা বার্যা॑ণি॒ শর্ম॒ বর্ম॑ চ্ছ॒র্দির॒স্মভ্যং॑ যংসৎ ॥ ১।১১৪।০৫, ১।৮।৫।৫

ই॒দং পি॒ত্রে ম॒রুতা॑মুচ্যতে॒ বচঃ॑ স্বা॒দোঃ স্বাদী॑য়ো রু॒দ্রায়॒ বর্ধ॑নম্ । রাস্বা॑ চ নো অমৃত মর্ত॒ভোজ॑নং॒ ত্মনে॑ তো॒কায়॒ তন॑য়ায় মৃল় ॥ ১।১১৪।০৬, ১।৮।৬।১

মা নো॑ ম॒হান্ত॑মু॒ত মা নো॑ অর্ভ॒কং মা ন॒ উক্ষ॑ন্তমু॒ত মা ন॑ উক্ষি॒তম্ । মা নো॑ বধীঃ পি॒তরং॒ মোত মা॒তরং॒ মা নঃ॑ প্রি॒য়াস্ত॒ন্বো॑ রুদ্র রীরিষঃ ॥ ১।১১৪।০৭, ১।৮।৬।২

মা ন॑স্তো॒কে তন॑য়ে॒ মা ন॑ আ॒য়ৌ মা নো॒ গোষু॒ মা নো॒ অশ্বে॑ষু রীরিষঃ । বী॒রান্মা নো॑ রুদ্র ভামি॒তো ব॑ধীর্হ॒বিষ্ম॑ন্তঃ॒ সদ॒মিত্ত্বা॑ হবামহে ॥ ১।১১৪।০৮, ১।৮।৬।৩

উপ॑ তে॒ স্তোমা॑ন্পশু॒পা ই॒বাক॑রং॒ রাস্বা॑ পিতর্মরুতাং সু॒ম্নম॒স্মে । ভ॒দ্রা হি তে॑ সুম॒তির্মৃ॑ল়॒য়ত্ত॒মাথা॑ ব॒য়মব॒ ইত্তে॑ বৃণীমহে ॥ ১।১১৪।০৯, ১।৮।৬।৪

আ॒রে তে॑ গো॒ঘ্নমু॒ত পূ॑রুষ॒ঘ্নং ক্ষয়॑দ্বীর সু॒ম্নম॒স্মে তে॑ অস্তু । মৃ॒ল়া চ॑ নো॒ অধি॑ চ ব্রূহি দে॒বাধা॑ চ নঃ॒ শর্ম॑ যচ্ছ দ্বি॒বর্হাঃ॑ ॥ ১।১১৪।১০, ১।৮।৬।৫

অবো॑চাম॒ নমো॑ অস্মা অব॒স্যবঃ॑ শৃ॒ণোতু॑ নো॒ হবং॑ রু॒দ্রো ম॒রুত্বা॑ন্ । তন্নো॑ মি॒ত্রো বরু॑ণো মামহন্তা॒মদি॑তিঃ॒ সিন্ধুঃ॑ পৃথি॒বী উ॒ত দ্যৌঃ ॥ ১।১১৪।১১, ১।৮।৬।৬

আতেপিতরিতি পঞ্চদশর্চস্য সূক্তস্য শৌনকো গৃৎসমদোরুদ্রোজগত্যন্ত্যাত্রিষ্টুপ্ ।

আ তে॑ পিতর্মরুতাং সু॒ম্নমে॑তু॒ মা নঃ॒ সূর্য॑স্য সন্॒দৃশো॑ যুয়োথাঃ । অ॒ভি নো॑ বী॒রো অর্ব॑তি ক্ষমেত॒ প্র জা॑য়েমহি রুদ্র প্র॒জাভিঃ॑ ॥ ২।০৩৩।০১, ২।৭।০১৬।০১

ত্বাদ॑ত্তেভী রুদ্র॒ শন্ত॑মেভিঃ শ॒তং হিমা॑ অশীয় ভেষ॒জেভিঃ॑ । ব্য১॒॑স্মদ্দ্বেষো॑ বিত॒রং ব্যংহো॒ ব্যমী॑বাশ্চাতয়স্বা॒ বিষূ॑চীঃ ॥ ২।০৩৩।০২, ২।৭।০১৬।০২

শ্রেষ্ঠো॑ জা॒তস্য॑ রুদ্র শ্রি॒য়াসি॑ ত॒বস্ত॑মস্ত॒বসাং॑ বজ্রবাহো । পর্ষি॑ ণঃ পা॒রমংহ॑সঃ স্ব॒স্তি বিশ্বা॑ অ॒ভী॑তী॒ রপ॑সো যুয়োধি ॥ ২।০৩৩।০৩, ২।৭।০১৬।০৩

মা ত্বা॑ রুদ্র চুক্রুধামা॒ নমো॑ভি॒র্মা দুষ্টু॑তী বৃষভ॒ মা সহূ॑তী । উন্নো॑ বী॒রাঁ অ॑র্পয় ভেষ॒জেভি॑র্ভি॒ষক্ত॑মং ত্বা ভি॒ষজাং॑ শৃণোমি ॥ ২।০৩৩।০৪, ২।৭।০১৬।০৪

হবী॑মভি॒র্হব॑তে॒ যো হ॒বির্ভি॒রব॒ স্তোমে॑ভী রু॒দ্রং দি॑ষীয় । ঋ॒দূ॒দরঃ॑ সু॒হবো॒ মা নো॑ অ॒স্যৈ ব॒ভ্রুঃ সু॒শিপ্রো॑ রীরধন্ম॒নায়ৈ॑ ॥ ২।০৩৩।০৫, ২।৭।০১৬।০৫

উন্মা॑ মমন্দ বৃষ॒ভো ম॒রুত্বা॒ন্ত্বক্ষী॑য়সা॒ বয়॑সা॒ নাধ॑মানম্ । ঘৃণী॑ব চ্ছা॒য়াম॑র॒পা অ॑শী॒য়া বি॑বাসেয়ং রু॒দ্রস্য॑ সু॒ম্নম্ ॥ ২।০৩৩।০৬, ২।৭।০১৭।০১

ক্ব১॒॑ স্য তে॑ রুদ্র মৃল়॒য়াকু॒র্হস্তো॒ যো অস্তি॑ ভেষ॒জো জলা॑ষঃ । অ॒প॒ভ॒র্তা রপ॑সো॒ দৈব্য॑স্যা॒ভী নু মা॑ বৃষভ চক্ষমীথাঃ ॥ ২।০৩৩।০৭, ২।৭।০১৭।০২

প্র ব॒ভ্রবে॑ বৃষ॒ভায়॑ শ্বিতী॒চে ম॒হো ম॒হীং সু॑ষ্টু॒তিমী॑রয়ামি । ন॒ম॒স্যা ক॑ল্মলী॒কিনং॒ নমো॑ভির্গৃণী॒মসি॑ ত্বে॒ষং রু॒দ্রস্য॒ নাম॑ ॥ ২।০৩৩।০৮, ২।৭।০১৭।০৩

স্থি॒রেভি॒রঙ্গৈঃ॑ পুরু॒রূপ॑ উ॒গ্রো ব॒ভ্রুঃ শু॒ক্রেভিঃ॑ পিপিশে॒ হির॑ণ্যৈঃ । ঈশা॑নাদ॒স্য ভুব॑নস্য॒ ভূরে॒র্ন বা উ॑ যোষদ্রু॒দ্রাদ॑সু॒র্য॑ম্ ॥ ২।০৩৩।০৯, ২।৭।০১৭।০৪

অর্হ॑ন্বিভর্ষি॒ সায়॑কানি॒ ধন্বার্হ॑ন্নি॒ষ্কং য॑জ॒তং বি॒শ্বরূ॑পম্ । অর্হ॑ন্নি॒দং দ॑য়সে॒ বিশ্ব॒মভ্বং॒ ন বা ওজী॑য়ো রুদ্র॒ ত্বদ॑স্তি ॥ ২।০৩৩।১০, ২।৭।০১৭।০৫

স্তু॒হি শ্রু॒তং গ॑র্ত॒সদং॒ যুবা॑নং মৃ॒গং ন ভী॒মমু॑পহ॒ত্নুমু॒গ্রম্ । মৃ॒ল়া জ॑রি॒ত্রে রু॑দ্র॒ স্তবা॑নো॒ঽন্যং তে॑ অ॒স্মন্নি ব॑পন্তু॒ সেনাঃ॑ ॥ ২।০৩৩।১১, ২।৭।০১৮।০১

কু॒মা॒রশ্চি॑ৎপি॒তরং॒ বন্দ॑মানং॒ প্রতি॑ নানাম রুদ্রোপ॒য়ন্ত॑ম্ । ভূরে॑র্দা॒তারং॒ সৎপ॑তিং গৃণীষে স্তু॒তস্ত্বং ভে॑ষ॒জা রা॑স্য॒স্মে ॥ ২।০৩৩।১২, ২।৭।০১৮।০২

যা বো॑ ভেষ॒জা ম॑রুতঃ॒ শুচী॑নি॒ যা শন্ত॑মা বৃষণো॒ যা ম॑য়ো॒ভু । যানি॒ মনু॒রবৃ॑ণীতা পি॒তা ন॒স্তা শং চ॒ যোশ্চ॑ রু॒দ্রস্য॑ বশ্মি ॥ ২।০৩৩।১৩, ২।৭।০১৮।০৩

পরি॑ ণো হে॒তী রু॒দ্রস্য॑ বৃজ্যাঃ॒ পরি॑ ত্বে॒ষস্য॑ দুর্ম॒তির্ম॒হী গা॑ৎ । অব॑ স্থি॒রা ম॒ঘব॑দ্ভ্যস্তনুষ্ব॒ মীঢ্ব॑স্তো॒কায়॒ তন॑য়ায় মৃল় ॥ ২।০৩৩।১৪, ২।৭।০১৮।০৪

এ॒বা ব॑ভ্রো বৃষভ চেকিতান॒ যথা॑ দেব॒ ন হৃ॑ণী॒ষে ন হংসি॑ । হ॒ব॒ন॒শ্রুন্নো॑ রুদ্রে॒হ বো॑ধি বৃ॒হদ্ব॑দেম বি॒দথে॑ সু॒বীরাঃ॑ ॥ ২।০৩৩।১৫, ২।৭।০১৮।০৫

সোমারুদ্রেতি চতুরৃচস্য সূক্তস্য বার্হস্পত্যোভরদ্বাজঃ সোমারুদ্রৌত্রিষ্টুপ্ ।

সোমা॑রুদ্রা ধা॒রয়ে॑থামসু॒র্যং১॒॑ প্র বা॑মি॒ষ্টয়োঽর॑মশ্নুবন্তু । দমে॑দমে স॒প্ত রত্না॒ দধা॑না॒ শং নো॑ ভূতং দ্বি॒পদে॒ শং চতু॑ষ্পদে ॥ ৬।০৭৪।০১, ৫।১।০১৮।০১

সোমা॑রুদ্রা॒ বি বৃ॑হতং॒ বিষূ॑চী॒মমী॑বা॒ যা নো॒ গয়॑মাবি॒বেশ॑ । আ॒রে বা॑ধেথাং॒ নির্ঋ॑তিং পরা॒চৈর॒স্মে ভ॒দ্রা সৌ॑শ্রব॒সানি॑ সন্তু ॥ ৬।০৭৪।০২, ৫।১।০১৮।০২

সোমা॑রুদ্রা যু॒বমে॒তান্য॒স্মে বিশ্বা॑ ত॒নূষু॑ ভেষ॒জানি॑ ধত্তম্ । অব॑ স্যতং মু॒ঞ্চতং॒ যন্নো॒ অস্তি॑ ত॒নূষু॑ ব॒দ্ধং কৃ॒তমেনো॑ অ॒স্মৎ ॥ ৬।০৭৪।০৩, ৫।১।০১৮।০৩

তি॒গ্মায়ু॑ধৌ তি॒গ্মহে॑তী সু॒শেবৌ॒ সোমা॑রুদ্রাবি॒হ সু মৃ॑ল়তং নঃ । প্র নো॑ মুঞ্চতং॒ বরু॑ণস্য॒ পাশা॑দ্গোপা॒য়তং॑ নঃ সুমন॒স্যমা॑না ॥ ৬।০৭৪।০৪, ৫।১।০১৮।০৪

ইমারুদ্রায়েতি চতুরৃচস্যসূক্তস্য মৈত্রাবরুণির্বসিষ্ঠো রুদ্রোজগত্যন্ত্যাত্রিষ্টুপ্ ।

ই॒মা রু॒দ্রায়॑ স্থি॒রধ॑ন্বনে॒ গিরঃ॑ ক্ষি॒প্রেষ॑বে দে॒বায়॑ স্ব॒ধাব্নে॑ । অষা॑ল়্হায়॒ সহ॑মানায় বে॒ধসে॑ তি॒গ্মায়ু॑ধায় ভরতা শৃ॒ণোতু॑ নঃ ॥ ৭।০৪৬।০১, ৫।৪।০১৩।০১

স হি ক্ষয়ে॑ণ॒ ক্ষম্য॑স্য॒ জন্ম॑নঃ॒ সাম্রা॑জ্যেন দি॒ব্যস্য॒ চেত॑তি । অব॒ন্নব॑ন্তী॒রুপ॑ নো॒ দুর॑শ্চরানমী॒বো রু॑দ্র॒ জাসু॑ নো ভব ॥ ৭।০৪৬।০২, ৫।৪।০১৩।০২

যা তে॑ দি॒দ্যুদব॑সৃষ্টা দি॒বস্পরি॑ ক্ষ্ম॒য়া চর॑তি॒ পরি॒ সা বৃ॑ণক্তু নঃ । স॒হস্রং॑ তে স্বপিবাত ভেষ॒জা মা ন॑স্তো॒কেষু॒ তন॑য়েষু রীরিষঃ ॥ ৭।০৪৬।০৩, ৫।৪।০১৩।০৩

মা নো॑ বধী রুদ্র॒ মা পরা॑ দা॒ মা তে॑ ভূম॒ প্রসি॑তৌ হীল়ি॒তস্য॑ । আ নো॑ ভজ ব॒র্হিষি॑ জীবশং॒সে যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৪৬।০৪, ৫।৪।০১৩।০৪

ত্বম॑গ্নে রু॒দ্রো অসু॑রো ম॒হো দি॒বস্ত্বং শর্ধো॒ মারু॑তং পৃ॒ক্ষ ঈ॑শিষে । ত্বং বাতৈ॑ররু॒ণৈর্যা॑সি শঙ্গ॒য়স্ত্বং পূ॒ষা বি॑ধ॒তঃ পা॑সি॒ নু ত্মনা॑ ॥ ২।০০১।০৬, ২।৫।০১৮।০১ {শৌনকো গৃৎসমদঃ । অগ্নিঃ । জগতী}

আ বো॒ রাজা॑নমধ্ব॒রস্য॑ রু॒দ্রং হোতা॑রং সত্য॒যজং॒ রোদ॑স্যোঃ । অ॒গ্নিং পু॒রা ত॑নয়ি॒ত্নোর॒চিত্তা॒দ্ধির॑ণ্যরূপ॒মব॑সে কৃণুধ্বম্ ॥ ৪।০০৩।০১, ৩।৪।০২০।০১ {গৌতমো বামদেবঃ । রুদ্রঃ, অগ্নিঃ । ত্রিষ্টুপ্}

তব॑ শ্রি॒য়ে ম॒রুতো॑ মর্জয়ন্ত॒ রুদ্র॒ যত্তে॒ জনি॑ম॒ চারু॑ চি॒ত্রম্ । প॒দং যদ্বিষ্ণো॑রুপ॒মং নি॒ধায়ি॒ তেন॑ পাসি॒ গুহ্যং॒ নাম॒ গোনা॑ম্ ॥ ৫।০০৩।০৩, ৩।৮।০১৬।০৩ {আত্রেয়ো বসুশ্রুতঃ । মরুদ্রুদ্রবিষ্ণবঃ । ত্রিষ্টুপ্}

তমু॑ ষ্টুহি॒ যঃ স্বি॒ষুঃ সু॒ধন্বা॒ যো বিশ্ব॑স্য॒ ক্ষয়॑তি ভেষ॒জস্য॑ । যক্ষ্বা॑ ম॒হে সৌ॑মন॒সায়॑ রু॒দ্রং নমো॑ভির্দে॒বমসু॑রং দুবস্য ॥ ৫।০৪২।১১, ৪।২।০১৯।০১ {ভৌমোত্রিঃ । রুদ্রঃ । ত্রিষ্টুপ্}

ভুব॑নস্য পি॒তরং॑ গী॒র্ভিরা॒ভী রু॒দ্রং দিবা॑ ব॒র্ধয়া॑ রু॒দ্রম॒ক্তৌ । বৃ॒হন্ত॑মৃ॒ষ্বম॒জরং॑ সুষু॒ম্নমৃধ॑গ্ঘুবেম ক॒বিনে॑ষি॒তাসঃ॑ ॥ ৬।০৪৯।১০, ৪।৮।৬।৫ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

অ॒য়ং মে॒ হস্তো॒ ভগ॑বান॒য়ং মে॒ ভগ॑বত্তরঃ । অ॒য়ং মে॑ বি॒শ্বভে॑ষজো॒ঽয়ং শি॒বাভি॑মর্শনঃ ॥ ১০।০৬০।১২, ৮।১।০২৫।০৬ {গৌপায়না বন্ধ্বাদয়ঃ । হস্তঃ । অনুষ্টুপ্}

ত্র্য॑ম্বকং যজামহে সু॒গন্ধিং॑ পুষ্টি॒বর্ধ॑নম্ । উ॒র্বা॒রু॒কমি॑ব॒ বন্ধ॑নান্মৃ॒ত্যোর্মু॑ক্ষীয়॒ মামৃতা॑ৎ ॥ ৭।০৫৯।১২, ৫।৪।০৩০।০৬ {মৈত্রাবরুণির্বসিষ্ঠঃ । রুদ্রঃ । অনুষ্টুপ্}

নমো॑ ম॒হদ্ভ্যো॒ নমো॑ অর্ভ॒কেভ্যো॒ নমো॒ যুব॑ভ্যো॒ নম॑ আশি॒নেভ্যঃ॑ । যজা॑ম দে॒বান্যদি॑ শ॒ক্নবা॑ম॒ মা জ্যায়॑সঃ॒ শংস॒মা বৃ॑ক্ষি দেবাঃ ॥ ১।০২৭।১৩, ১।২।০২৪।০৩ {আজীগর্তিঃ শুনঃশেপঃ । বিশ্বদেবাঃ । ত্রিষ্টুপ্}

৫। শ্রী সূক্তং (পরিশিষ্টম্)

[আনন্দ কর্দম চিক্লীতাঃ শ্রীপুত্রাঃ শ্রীরগ্নিশ্চ আদ্যাঃ তিস্রো, অনুষ্টুভঃ, চতুর্থী বৃহতী, পঞ্চমী ষষ্থ্যৌ ত্রিষ্টুভৌ, ততো, অষ্টৌ অনুষ্টুভঃ, অন্ত্যা, আস্তারপঙ্ক্তিঃ] [ঋগ্বেদ মণ্ডল ৫।০৮৭ সূক্তস্যানন্তরং][ঋগ্বেদ অষ্টক ৪।০৪।৩৪ বর্গানন্তরং]

হির॑ণ্যবর্ণাং॒ হরি॑ণীং সু॒বর্ণ॑রজ॒তস্র॑জাং । চন্॒দ্রাং হি॒রণ্ম॑য়ীং ল॒ক্ষ্মীং জাত॑বেদো ম॒ আব॑হ ॥

তাং ম॒ আ ব॑হ॒ জাতবেদো ল॒ক্ষ্মীমন॑পগা॒মিনীং॑ । যস্যাং॒ হির॑ণ্যং বিন্॒দেয়ং॒ গামশ্বং॒ পুরু॑ষান॒হং ॥

অ॒শ্ব॒পূ॒র্বাং র॑থম॒ধ্যাং হ॒স্তিনা॑দ প্র॒বোধি॑নীং । শ্রিয়ং॑ দে॒বীমুপ॑ হ্বয়ে॒ শ্রীর্মা॑ দে॒বী জু॑ষতাং ॥

কাং॒ সো॒স্মি॒তাং হির॑ণ্যপ্রা॒কারা॑ মা॒র্দ্রাং জ্বলন্॑তীং তৃ॒প্তাং ত॒র্পয়ন্॑তীং । প॒দ্মে॒ স্থি॒তাং প॒দ্মব॑র্ণাং॒ তামি॒হোপ॑ হ্বয়ে॒ শ্রিয়ং॑ ॥

চন্॒দ্রাং প্র॑ভা॒সাং য॒শসা॒ জ্বলন্॑তীং॒ শ্রিয়ং॑ লো॒কে দে॒বজু॑ষ্টামুদা॒রাং । তাং প॒দ্মিনী॑মীং॒ শর॑ণম॒হং প্র প॑দ্যেঽল॒ক্ষ্মীর্মে॑ নশ্যতাং॒ ত্বাং বৃ॑ণে ॥

আ॒দি॒ত্যব॑র্ণে॒ তপ॒সোঽধি॑ জা॒তো বন॒স্পতি॒স্তব॑ বৃ॒ক্ষোঽথ বি॒ল্বঃ । তস্য॒ ফলা॑নি॒ তপ॒সা নু॑দন্তু মা॒য়া ন্ত॑রা॒ যাশ্চ॑ বা॒হ্যা, অ॑ল॒ক্ষ্মীঃ ॥

উপৈ॑তু॒ মাং দে॑বস॒খঃ কী॒র্তিশ্চ॒ মণি॑না স॒হ । প্রা॒দু॒র্ভূ॒তোঽস্মি॑ রাষ্ট্রে॒ঽস্মিন্ কী॒র্তিমৃ॑দ্ধিং দ॒দাতু॑ মে ॥

ক্ষুৎপি॑পা॒সাম॑লাং জ্যে॒ষ্ঠাম॑ল॒ক্ষ্মীং না॑শয়া॒ম্যহং॑ । অভূ॑তি॒মস॑মৃদ্ধিং॒ চ সর্বাং॒ নির্ণু॑দ মে॒ গৃহা॑ৎ ॥

গন্ধ॑দ্বা॒রাং দু॑রাধ॒র্ষাং নি॒ত্যপু॑ষ্টাং করী॒ষিণীং॑ । ঈ॒শ্বরীং॑ সর্ব॑ভূতা॒নাং তামি॒হোপ॑ হ্বয়ে॒ শ্রিয়ং॑ ॥

মন॑সঃ॒ কাম॒মাকূ॑তিং বা॒চঃ স॒ত্যম॑শীমহি । প॒শূ॒নাং রূপ॑মন্ন॒স্য ময়ি॒ শ্রীঃ শ্র॑য়তাং॒ যশঃ॑ ॥

কর্দ॑মে॒ন প্র॑জা ভূ॒তা ম॒য়ি সম্॑ভব॒ কর্দ॑ম । শ্রিয়ং॑ বা॒সয়॑ মে কু॒লে মা॒তরং॑ পদ্ম॒মালি॑নীং ॥

আপঃ॒ সৃজন্॑তু॒ স্নিগ্ধা॑নি॒ চিক্লী॑ত॒ বস॑ মে গৃ॒হে । নি চ॑ দে॒বীং মা॒তরং॒ শ্রিয়ং॑ বা॒সয়॑ মে কু॒লে ॥

আ॒র্দ্রাং পু॒ষ্করি॑ণীং পু॒ষ্টিং সু॒বর্ণা॑ হেম॒মালি॑নীং । সূ॒র্যাং হি॒রণ্ম॑য়ীং লক্ষ্মীং॒ জাত॑বেদো ম॒ আবহ ॥

আ॒র্দ্রাং যঃ॒ করি॑ণীং য॒ষ্টিং পিঙ্॒গলাং॑ পদ্ম॒মালি॑নীং । চন্॒দ্রাং হি॒রণ্ম॑য়ীং ল॒ক্ষ্মীং জাত॑বেদো ম॒ আব॑হ ॥

তাং ম॒ আব॑হ জাতবেদো ল॒ক্ষ্মীমন॑পগা॒মিনীং॑ । যস্যাং॒ হির॑ণ্যং॒ প্রভূ॑তং॒ গাবো॑ দা॒স্যোঽশ্বা॑ন্ বিন্॒দেয়ং॒ পুরু॑ষান॒হং ॥

যঃ শুচিঃ॒ প্রয়॑তো ভূ॒ত্বা জু॒হুয়া॑দাজ্য॒ মন্ব॑হং । শ্রিয়ঃ॑ পঞ্॒চদ॑শর্চং॒ চ শ্রী॒কামঃ॑ সত॒তং জ॑পেৎ ॥

পদ্মা॑ন॒নে প॑দ্ম॒বিপ॑দ্মপ॒ত্রে পদ্ম॑প্রিয়ে॒ পদ্ম॒দলা॑য়তা॒ক্ষি । বিশ্ব॑প্রিয়ে॒ বিষ্ণুমনো॑নুকূ॒লে ত্বৎপা॑দপ॒দ্মং ময়ি॒সং নি॑ ধৎস্ব ॥

প॒দ্মা॒ন॒নে প॑দ্ম ঊ॒রূ প॒দ্মাক্ষী॑ পদ্ম॒সম্ভ॑বে । তন্মে॑ ভ॒জসি॑ পদ্মা॒ক্ষী॒ যে॒ন সৌ॑খ্যং ল॒ভাম্য॑হং ॥

অশ্ব॑দা॒য়ী গো॑দা॒য়ী ধ॒নদা॑য়ী ম॒হাধ॑নে । ধনং॑ মে॒ জুষ॑তাং দে॒বি স॒র্বকা॑মাংশ্চ॒ দেহি॑ মে ॥

পুত্রপৌ॒ত্র ধ॑নং ধা॒ন্যং হ॒স্ত্যশ্বা॑দিগ॒বে র॑থং । প্র॒জা॒নাং ভ॑বসি মা॒তা॒, আ॒য়ুষ্মন্॑তং ক॒রোতু॑ মে ॥

ধন॑ম॒গ্নির্ধ॑নং বা॒য়ুর্ধনং॒ সূর্যো॑ ধনং॒ বসুঃ॑ । ধন॒মিন্দ্রো॒ বৃহ॒স্পতি॒র্বরু॑ণং॒ ধন॒মস্তু॑ তে ॥

বৈন॑তেয়॒ সোমং॑ পিব॒ সোমং॑ পিবতু বৃত্র॒হা । সোমং॒ ধন॑স্য সো॒মিনো॒ মহ্যং॒ দদা॑তু সো॒মিনঃ॑ ॥

ন ক্রোধো ন চ॑ মাৎস॒র্যং॒ ন॒ লোভো॑ নাশু॒ভা ম॑তিঃ । ভবন্॑তি॒ কৃত॑পুণ্যা॒নাং ভ॒ক্ত্যা শ্রীসূ॑ক্ত॒ জাপি॑নাং ॥

সরসিজনিলয়ে সরো॑জহ॒স্তে ধবলতরাংশুক গন্॒ধমা॑ল্যশো॒ভে । ভগবতি হরিব॒ল্লভে॑ মনো॒জ্ঞে ত্রিভুবনভূতিকরি প্র॑ সীদ ম॒হ্যং ॥

বিষ্ণু॑প॒ত্নীং ক্ষ॑মাং দে॒বীং মা॒ধবীং॑ মাধ॒বপ্রি॑য়াং । লক্ষ্মীং॑ প্রি॒য়স॑খীং দে॒বীং ন॒মাম্য॑চ্যুত॒বল্ল॑ভাং ॥

ম॒হা॒ল॒ক্ষ্ম্যৈ চ॑ বি॒দ্মহে॑ বিষ্ণুপ॒ত্নী চ॑ ধীমহি । তন্নো॑ লক্ষ্মীঃ প্রচো॒দয়া॑ৎ ॥

শ্রী॒বর্চ॑স্ব॒মায়ু॑ষ্য॒মারো॑গ্য॒মাবি॑ধা॒চ্চোভ॑মানং মহী॒য়তে॑ । ধ॒নং ধা॒ন্যং প॒শুং ব॒হুপু॑ত্রলা॒ভং শ॒তসং॑বৎস॒রং দী॒র্ঘমায়ুঃ॑ ॥

৬। দেবী সূক্তং

অহংরুদ্রেভিরিত্যষ্টর্চস্য সূক্তস্যাম্ভৃণির্বাগাম্ভৃণির্বাক্ত্রিষ্টুপ্দ্বিতীয়াজগতী ।

অ॒হং রু॒দ্রেভি॒র্বসু॑ভিশ্চরাম্য॒হমা॑দি॒ত্যৈরু॒ত বি॒শ্বদে॑বৈঃ । অ॒হং মি॒ত্রাবরু॑ণো॒ভা বি॑ভর্ম্য॒হমি॑ন্দ্রা॒গ্নী অ॒হম॒শ্বিনো॒ভা ॥ ১০।১২৫।০১, ৮।৭।০১১।০১

অ॒হং সোম॑মাহ॒নসং॑ বিভর্ম্য॒হং ত্বষ্টা॑রমু॒ত পূ॒ষণং॒ ভগ॑ম্ । অ॒হং দ॑ধামি॒ দ্রবি॑ণং হ॒বিষ্ম॑তে সুপ্রা॒ব্যে॒৩॒॑ যজ॑মানায় সুন্ব॒তে ॥ ১০।১২৫।০২, ৮।৭।০১১।০২

অ॒হং রাষ্ট্রী॑ সঙ্॒গম॑নী॒ বসূ॑নাং চিকি॒তুষী॑ প্রথ॒মা য॒জ্ঞিয়া॑নাম্ । তাং মা॑ দে॒বা ব্য॑দধুঃ পুরু॒ত্রা ভূরি॑স্থাত্রাং॒ ভূর্যা॑বে॒শয়॑ন্তীম্ ॥ ১০।১২৫।০৩, ৮।৭।০১১।০৩

ময়া॒ সো অন্ন॑মত্তি॒ যো বি॒পশ্য॑তি॒ যঃ প্রাণি॑তি॒ য ঈং॑ শৃ॒ণোত্যু॒ক্তম্ । অ॒ম॒ন্তবো॒ মাং ত উপ॑ ক্ষিয়ন্তি শ্রু॒ধি শ্রু॑ত শ্রদ্ধি॒বং তে॑ বদামি ॥ ১০।১২৫।০৪, ৮।৭।০১১।০৪

অ॒হমে॒ব স্ব॒য়মি॒দং ব॑দামি॒ জুষ্টং॑ দে॒বেভি॑রু॒ত মানু॑ষেভিঃ । যং কা॒ময়ে॒ তন্ত॑মু॒গ্রং কৃ॑ণোমি॒ তং ব্র॒হ্মাণং॒ তমৃষিং॒ তং সু॑মে॒ধাম্ ॥ ১০।১২৫।০৫, ৮।৭।০১১।০৫

অ॒হং রু॒দ্রায়॒ ধনু॒রা ত॑নোমি ব্রহ্ম॒দ্বিষে॒ শর॑বে॒ হন্ত॒বা উ॑ । অ॒হং জনা॑য় স॒মদং॑ কৃণোম্য॒হং দ্যাবা॑পৃথি॒বী আ বি॑বেশ ॥ ১০।১২৫।০৬, ৮।৭।০১২।০১

অ॒হং সু॑বে পি॒তর॑মস্য মূ॒র্ধন্মম॒ যোনি॑র॒প্স্ব১॒॑ন্তঃ স॑মু॒দ্রে । ততো॒ বি তি॑ষ্ঠে॒ ভুব॒নানু॒ বিশ্বো॒তামূং দ্যাং ব॒র্ষ্মণোপ॑ স্পৃশামি ॥ ১০।১২৫।০৭, ৮।৭।০১২।০২

অ॒হমে॒ব বাত॑ ইব॒ প্র বা॑ম্যা॒রভ॑মাণা॒ ভুব॑নানি॒ বিশ্বা॑ । প॒রো দি॒বা প॒র এ॒না পৃ॑থি॒ব্যৈতাব॑তী মহি॒না সং ব॑ভূব ॥ ১০।১২৫।০৮, ৮।৭।০১২।০৩

৭। সরস্বতি সূক্তং

ইয়মদদাদিতি চতুর্দশর্চস্য সূক্তস্য বার্হস্পত্যোভরদ্বাজঃ সরস্বতীগায়ত্রী আদ্যাস্তিস্রত্রয়োদশীচজগত্যোন্ত্যাত্রিষ্টুপ্ ।

ই॒য়ম॑দদাদ্রভ॒সমৃ॑ণ॒চ্যুতং॒ দিবো॑দাসং বধ্র্য॒শ্বায়॑ দা॒শুষে॑ । যা শশ্ব॑ন্তমাচ॒খাদা॑ব॒সং প॒ণিং তা তে॑ দা॒ত্রাণি॑ তবি॒ষা স॑রস্বতি ॥ ৬।০৬১।০১, ৪।৮।০৩০।০১

ই॒য়ং শুষ্মে॑ভির্বিস॒খা ই॑বারুজ॒ৎসানু॑ গিরী॒ণাং ত॑বি॒ষেভি॑রূ॒র্মিভিঃ॑ । পা॒রা॒ব॒ত॒ঘ্নীমব॑সে সুবৃ॒ক্তিভিঃ॒ সর॑স্বতী॒মা বি॑বাসেম ধী॒তিভিঃ॑ ॥ ৬।০৬১।০২, ৪।৮।০৩০।০২

সর॑স্বতি দেব॒নিদো॒ নি ব॑র্হয় প্র॒জাং বিশ্ব॑স্য॒ বৃস॑য়স্য মা॒য়িনঃ॑ । উ॒ত ক্ষি॒তিভ্যো॒ঽবনী॑রবিন্দো বি॒ষমে॑ভ্যো অস্রবো বাজিনীবতি ॥ ৬।০৬১।০৩, ৪।৮।০৩০।০৩

প্র ণো॑ দে॒বী সর॑স্বতী॒ বাজে॑ভির্বা॒জিনী॑বতী । ধী॒নাম॑বি॒ত্র্য॑বতু ॥ ৬।০৬১।০৪, ৪।৮।০৩০।০৪

যস্ত্বা॑ দেবি সরস্বত্যুপব্রূ॒তে ধনে॑ হি॒তে । ইন্দ্রং॒ ন বৃ॑ত্র॒তূর্যে॑ ॥ ৬।০৬১।০৫, ৪।৮।০৩০।০৫

ত্বং দে॑বি সরস্ব॒ত্যবা॒ বাজে॑ষু বাজিনি । রদা॑ পূ॒ষেব॑ নঃ স॒নিম্ ॥ ৬।০৬১।০৬, ৪।৮।০৩১।০১

উ॒ত স্যা নঃ॒ সর॑স্বতী ঘো॒রা হির॑ণ্যবর্তনিঃ । বৃ॒ত্র॒ঘ্নী ব॑ষ্টি সুষ্টু॒তিম্ ॥ ৬।০৬১।০৭, ৪।৮।০৩১।০২

যস্যা॑ অন॒ন্তো অহ্রু॑তস্ত্বে॒ষশ্চ॑রি॒ষ্ণুর॑র্ণ॒বঃ । অম॒শ্চর॑তি॒ রোরু॑বৎ ॥ ৬।০৬১।০৮, ৪।৮।০৩১।০৩

সা নো॒ বিশ্বা॒ অতি॒ দ্বিষঃ॒ স্বসৄ॑র॒ন্যা ঋ॒তাব॑রী । অত॒ন্নহে॑ব॒ সূর্যঃ॑ ॥ ৬।০৬১।০৯, ৪।৮।০৩১।০৪

উ॒ত নঃ॑ প্রি॒য়া প্রি॒য়াসু॑ স॒প্তস্ব॑সা॒ সুজু॑ষ্টা । সর॑স্বতী॒ স্তোম্যা॑ ভূৎ ॥ ৬।০৬১।১০, ৪।৮।০৩১।০৫

আ॒প॒প্রুষী॒ পার্থি॑বান্যু॒রু রজো॑ অ॒ন্তরি॑ক্ষম্ । সর॑স্বতী নি॒দস্পা॑তু ॥ ৬।০৬১।১১, ৪।৮।০৩২।০১

ত্রি॒ষ॒ধস্থা॑ স॒প্তধা॑তুঃ॒ পঞ্চ॑ জা॒তা ব॒র্ধয়॑ন্তী । বাজে॑বাজে॒ হব্যা॑ ভূৎ ॥ ৬।০৬১।১২, ৪।৮।০৩২।০২

প্র যা ম॑হি॒ম্না ম॒হিনা॑সু॒ চেকি॑তে দ্যু॒ম্নেভি॑র॒ন্যা অ॒পসা॑ম॒পস্ত॑মা । রথ॑ ইব বৃহ॒তী বি॒ভ্বনে॑ কৃ॒তোপ॒স্তুত্যা॑ চিকি॒তুষা॒ সর॑স্বতী ॥ ৬।০৬১।১৩, ৪।৮।০৩২।০৩

সর॑স্বত্য॒ভি নো॑ নেষি॒ বস্যো॒ মাপ॑ স্ফরীঃ॒ পয়॑সা॒ মা ন॒ আ ধ॑ক্ । জু॒ষস্ব॑ নঃ স॒খ্যা বে॒শ্যা॑ চ॒ মা ত্বৎক্ষেত্রা॒ণ্যর॑ণানি গন্ম ॥ ৬।০৬১।১৪, ৪।৮।০৩২।০৪

প্রক্ষোদসেতি ষডৃচস্য সূক্তস্য মৈত্রাবরুণির্বসিষ্ঠঃ সরস্বতীতৃতীয়ায়াঃ সরস্বাংস্ত্রিষ্টুপ্ ।

প্র ক্ষোদ॑সা॒ ধায়॑সা সস্র এ॒ষা সর॑স্বতী ধ॒রুণ॒মায়॑সী॒ পূঃ । প্র॒বাব॑ধানা র॒থ্যে॑ব যাতি॒ বিশ্বা॑ অ॒পো ম॑হি॒না সিন্ধু॑র॒ন্যাঃ ॥ ৭।০৯৫।০১, ৫।৬।০১৯।০১ {মৈত্রাবরুণির্বসিষ্ঠঃ । সরস্বতী । ত্রিষ্টুপ্}

একা॑চেত॒ৎসর॑স্বতী ন॒দীনাং॒ শুচি॑র্য॒তী গি॒রিভ্য॒ আ স॑মু॒দ্রাৎ । রা॒য়শ্চেত॑ন্তী॒ ভুব॑নস্য॒ ভূরে॑র্ঘৃ॒তং পয়ো॑ দুদুহে॒ নাহু॑ষায় ॥ ৭।০৯৫।০২, ৫।৬।০১৯।০২ {মৈত্রাবরুণির্বসিষ্ঠঃ । সরস্বতী । ত্রিষ্টুপ্}

স বা॑বৃধে॒ নর্যো॒ যোষ॑ণাসু॒ বৃষা॒ শিশু॑র্বৃষ॒ভো য॒জ্ঞিয়া॑সু । স বা॒জিনং॑ ম॒ঘব॑দ্ভ্যো দধাতি॒ বি সা॒তয়ে॑ ত॒ন্বং॑ মামৃজীত ॥ ৭।০৯৫।০৩, ৫।৬।০১৯।০৩ {মৈত্রাবরুণির্বসিষ্ঠঃ । সরস্বান্ । ত্রিষ্টুপ্}

উ॒ত স্যা নঃ॒ সর॑স্বতী জুষা॒ণোপ॑ শ্রবৎসু॒ভগা॑ য॒জ্ঞে অ॒স্মিন্ । মি॒তজ্ঞু॑ভির্নম॒স্যৈ॑রিয়া॒না রা॒য়া যু॒জা চি॒দুত্ত॑রা॒ সখি॑ভ্যঃ ॥ ৭।০৯৫।০৪, ৫।৬।০১৯।০৪ {মৈত্রাবরুণির্বসিষ্ঠঃ । সরস্বতী । ত্রিষ্টুপ্}

ই॒মা জুহ্বা॑না যু॒ষ্মদা নমো॑ভিঃ॒ প্রতি॒ স্তোমং॑ সরস্বতি জুষস্ব । তব॒ শর্ম॑ন্প্রি॒য়ত॑মে॒ দধা॑না॒ উপ॑ স্থেয়াম শর॒ণং ন বৃ॒ক্ষম্ ॥ ৭।০৯৫।০৫, ৫।৬।০১৯।০৫ {মৈত্রাবরুণির্বসিষ্ঠঃ । সরস্বতী । ত্রিষ্টুপ্}

অ॒য়মু॑ তে সরস্বতি॒ বসি॑ষ্ঠো॒ দ্বারা॑বৃ॒তস্য॑ সুভগে॒ ব্যা॑বঃ । বর্ধ॑ শুভ্রে স্তুব॒তে রা॑সি॒ বাজা॑ন্যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৯৫।০৬, ৫।৬।০১৯।০৬ {মৈত্রাবরুণির্বসিষ্ঠঃ । সরস্বতী । ত্রিষ্টুপ্}

বৃহদুগায়িষইতি ষডৃচস্য সূক্তস্য মৈত্রাবরুণির্বসিষ্ঠঃ সরস্বতী অন্ত্যানান্তিসৃণাংসরস্বান্ আদ্যাবৃহতী দ্বিতীয়াসতো বৃহতী তৃতীয়াপ্রস্তারপঙ্ক্তিঃ অন্ত্যাস্তিস্রোগায়ত্র্যঃ ।

বৃ॒হদু॑ গায়িষে॒ বচো॑ঽসু॒র্যা॑ ন॒দীনা॑ম্ । সর॑স্বতী॒মিন্ম॑হয়া সুবৃ॒ক্তিভিঃ॒ স্তোমৈ॑র্বসিষ্ঠ॒ রোদ॑সী ॥ ৭।০৯৬।০১, ৫।৬।০২০।০১

উ॒ভে যত্তে॑ মহি॒না শু॑ভ্রে॒ অন্ধ॑সী অধিক্ষি॒য়ন্তি॑ পূ॒রবঃ॑ । সা নো॑ বোধ্যবি॒ত্রী ম॒রুৎস॑খা॒ চোদ॒ রাধো॑ ম॒ঘোনা॑ম্ ॥ ৭।০৯৬।০২, ৫।৬।০২০।০২

ভ॒দ্রমিদ্ভ॒দ্রা কৃ॑ণব॒ৎসর॑স্ব॒ত্যক॑বারী চেততি বা॒জিনী॑বতী । গৃ॒ণা॒না জ॑মদগ্নি॒বৎস্তু॑বা॒না চ॑ বসিষ্ঠ॒বৎ ॥ ৭।০৯৬।০৩, ৫।৬।০২০।০৩

জ॒নী॒য়ন্তো॒ ন্বগ্র॑বঃ পুত্রী॒য়ন্তঃ॑ সু॒দান॑বঃ । সর॑স্বন্তং হবামহে ॥ ৭।০৯৬।০৪, ৫।৬।০২০।০৪

যে তে॑ সরস্ব ঊ॒র্ময়ো॒ মধু॑মন্তো ঘৃত॒শ্চুতঃ॑ । তেভি॑র্নোঽবি॒তা ভ॑ব ॥ ৭।০৯৬।০৫, ৫।৬।০২০।০৫

পী॒পি॒বাংসং॒ সর॑স্বতঃ॒ স্তনং॒ যো বি॒শ্বদ॑র্শতঃ । ভ॒ক্ষী॒মহি॑ প্র॒জামিষ॑ম্ ॥ ৭।০৯৬।০৬, ৫।৬।০২০।০৬

অম্বি॑তমে॒ নদী॑তমে॒ দেবি॑তমে॒ সর॑স্বতি । অ॒প্র॒শ॒স্তা ই॑ব স্মসি॒ প্রশ॑স্তিমম্ব নস্কৃধি ॥ ২।০৪১।১৬, ২।৮।০১০।০১ {শৌনকো গৃৎসমদঃ । সরস্বতী । অনুষ্টুপ্}

ত্বে বিশ্বা॑ সরস্বতি শ্রি॒তায়ূং॑ষি দে॒ব্যাম্ । শু॒নহো॑ত্রেষু মৎস্ব প্র॒জাং দে॑বি দিদিড্ঢি নঃ ॥ ২।০৪১।১৭, ২।৮।০১০।০২ {শৌনকো গৃৎসমদঃ । সরস্বতী । অনুষ্টুপ্}

ই॒মা ব্রহ্ম॑ সরস্বতি জু॒ষস্ব॑ বাজিনীবতি । যা তে॒ মন্ম॑ গৃৎসম॒দা ঋ॑তাবরি প্রি॒য়া দে॒বেষু॒ জুহ্ব॑তি ॥ ২।০৪১।১৮, ২।৮।০১০।০৩ {শৌনকো গৃৎসমদঃ । সরস্বতী । বৃহতী}

পা॒ব॒কা নঃ॒ সর॑স্বতী॒ বাজে॑ভির্বা॒জিনী॑বতী । য॒জ্ঞং ব॑ষ্টু ধি॒য়াব॑সুঃ ॥ ১।০০৩।১০, ১।১।৬।৪ {বৈশ্বামিত্রো মধুচ্ছন্দাঃ । সরস্বতী । গায়ত্রী}

চো॒দ॒য়ি॒ত্রী সূ॒নৃতা॑নাং॒ চেত॑ন্তী সুমতী॒নাম্ । য॒জ্ঞং দ॑ধে॒ সর॑স্বতী ॥ ১।০০৩।১১, ১।১।৬।৫ {বৈশ্বামিত্রো মধুচ্ছন্দাঃ । সরস্বতী । গায়ত্রী}

ম॒হো অর্ণঃ॒ সর॑স্বতী॒ প্র চে॑তয়তি কে॒তুনা॑ । ধিয়ো॒ বিশ্বা॒ বি রা॑জতি ॥ ১।০০৩।১২, ১।১।৬।৬ {বৈশ্বামিত্রো মধুচ্ছন্দাঃ । সরস্বতী । গায়ত্রী}

সর॑স্বতীং দেব॒য়ন্তো॑ হবন্তে॒ সর॑স্বতীমধ্ব॒রে তা॒য়মা॑নে । সর॑স্বতীং সু॒কৃতো॑ অহ্বয়ন্ত॒ সর॑স্বতী দা॒শুষে॒ বার্যং॑ দাৎ ॥ ১০।০১৭।০৭, ৭।৬।০২৪।০২ {যামায়নো বেদশ্রবাঃ । সরস্বতী । ত্রিষ্টুপ্}

সর॑স্বতি॒ যা স॒রথং॑ য॒য়াথ॑ স্ব॒ধাভি॑র্দেবি পি॒তৃভি॒র্মদ॑ন্তী । আ॒সদ্যা॒স্মিন্ব॒র্হিষি॑ মাদয়স্বানমী॒বা ইষ॒ আ ধে॑হ্য॒স্মে ॥ ১০।০১৭।০৮, ৭।৬।০২৪।০৩ {যামায়নো বেদশ্রবাঃ । সরস্বতী । ত্রিষ্টুপ্}

সর॑স্বতীং॒ যাং পি॒তরো॒ হব॑ন্তে দক্ষি॒ণা য॒জ্ঞম॑ভি॒নক্ষ॑মাণাঃ । স॒হ॒স্রা॒র্ঘমি॒ল়ো অত্র॑ ভা॒গং রা॒য়স্পোষং॒ যজ॑মানেষু ধেহি ॥ ১০।০১৭।০৯, ৭।৬।০২৪।০৪ {যামায়নো বেদশ্রবাঃ । সরস্বতী । ত্রিষ্টুপ্}

আ নো॑ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ॑ন্তু য॒জ্ঞম্ । হবং॑ দে॒বী জু॑জুষা॒ণা ঘৃ॒তাচী॑ শ॒গ্মাং নো॒ বাচ॑মুশ॒তী শৃ॑ণোতু ॥ ৫।০৪৩।১১, ৪।২।০২২।০১ {ভৌমোত্রিঃ । বিশ্বদেবাঃ । ত্রিষ্টুপ্}

রা॒কাম॒হং সু॒হবাং॑ সুষ্টু॒তী হু॑বে শৃ॒ণোতু॑ নঃ সু॒ভগা॒ বোধ॑তু॒ ত্মনা॑ । সীব্য॒ত্বপঃ॑ সূ॒চ্যাচ্ছি॑দ্যমানয়া॒ দদা॑তু বী॒রং শ॒তদা॑য়মু॒ক্থ্য॑ম্ ॥ ২।০৩২।০৪, ২।৭।০১৫।০৪ {শৌনকো গৃৎসমদঃ । রাকা । জগতী}

যাস্তে॑ রাকে সুম॒তয়ঃ॑ সু॒পেশ॑সো॒ যাভি॒র্দদা॑সি দা॒শুষে॒ বসূ॑নি । তাভি॑র্নো অ॒দ্য সু॒মনা॑ উ॒পাগ॑হি সহস্রপো॒ষং সু॑ভগে॒ ররা॑ণা ॥ ২।০৩২।০৫, ২।৭।০১৫।০৫ {শৌনকো গৃৎসমদঃ । রাকা । জগতী}

অস্তি॒ হি বঃ॑ সজা॒ত্যং॑ রিশাদসো॒ দেবা॑সো॒ অস্ত্যাপ্য॑ম্ । প্র ণঃ॒ পূর্ব॑স্মৈ সুবি॒তায়॑ বোচত ম॒ক্ষূ সু॒ম্নায়॒ নব্য॑সে ॥ ৮।০২৭।১০, ৬।২।০৩২।০৫ {বৈবস্বতোমনুঃ । বিশ্বদেবাঃ । সতোবৃহতী}

সিনী॑বালি॒ পৃথু॑ষ্টুকে॒ যা দে॒বানা॒মসি॒ স্বসা॑ । জু॒ষস্ব॑ হ॒ব্যমাহু॑তং প্র॒জাং দে॑বি দিদিড্ঢি নঃ ॥ ২।০৩২।০৬, ২।৭।০১৫।০৬ {শৌনকো গৃৎসমদঃ । সিনীবালী । অনুষ্টুপ্}

যা সু॑বা॒হুঃ স্ব॑ঙ্গু॒রিঃ সু॒ষূমা॑ বহু॒সূব॑রী । তস্যৈ॑ বি॒শ্পত্ন্যৈ॑ হ॒বিঃ সি॑নীবা॒ল্যৈ জু॑হোতন ॥ ২।০৩২।০৭, ২।৭।০১৫।০৭ {শৌনকো গৃৎসমদঃ । সিনীবালী । অনুষ্টুপ্}

যা গু॒ঙ্গূর্যা সি॑নীবা॒লী যা রা॒কা যা সর॑স্বতী । ই॒ন্দ্রা॒ণীম॑হ্ব ঊ॒তয়ে॑ বরুণা॒নীং স্ব॒স্তয়ে॑ ॥ ২।০৩২।০৮, ২।৭।০১৫।০৮ {শৌনকো গৃৎসমদঃ । লিঙ্গোক্তাঃ । অনুষ্টুপ্}

যস্তে॒ স্তনঃ॑ শশ॒য়ো যো ম॑য়ো॒ভূর্যেন॒ বিশ্বা॒ পুষ্য॑সি॒ বার্যা॑ণি । যো র॑ত্ন॒ধা ব॑সু॒বিদ্যঃ সু॒দত্রঃ॒ সর॑স্বতি॒ তমি॒হ ধাত॑বে কঃ ॥ ১।১৬৪।৪৯, ২।৩।০২৩।০৩ {ঔচথ্যো দীর্ঘতমাঃ । সরস্বতী । ত্রিষ্টুপ্}

৮। মেধা সূক্তং (পরিশিষ্টম্)

মে॒ধাং মহ্য॒মঙ্গি॑রসো মে॒ধাং স॒প্ত ঋষ॑য়ো দদুঃ । মে॒ধামিন্দ্র॑শ্চা॒গ্নিশ্চ॑ মে॒ধাং ধা॒তা দ॑দাতু তে ॥১॥

মে॒ধাং তে॒ বরু॑ণো রা॒জা মে॒ধাং দে॒বী সর॑স্বতী । মে॒ধাং তে॑, অ॒শ্বিনৌ॑ দে॒বাবা ধ॑ত্তাং॒ পুষ্ক॑রস্রজা ॥২॥

যা মে॒ধা, অ॑প্স॒রস্সু॑ গন্ধ॒র্বেষু॑ চ॒ যন্মনঃ॑ । দৈবী॒ যা মানু॑ষী মে॒ধা সা মা॒মা বি॑শতাদি॒মাং ॥৩॥

যন্মে॒ নোক্তং॒ তদ্র॑মতাং॒ শকে॑য়ং॒ যদ॑নু॒ব্রুবে॑ । নিশা॑মতং॒ নি শা॑মহৈ॒ ময়ি॑ ব্র॒তং স॒হ ব্র॒তেষু ভূয়াসং॒ ব্রহ্ম॑ণা॒ সং গ॑মেমহি ॥৪॥

শরী॑রং মে॒ বিচ॑ক্ষণং॒ বাঙ্ মে॒ মধু॑ম॒দ্ দুহাং॑ । আবৃ॑দ্ধম॒হম॒সৌ সূর্যো॒ ব্রহ্ম॑ণা॒নি স্থঃ॑ শ্রু॒তং মে॒ মা প্র হা॑সীঃ ॥৫॥[ব:১]

মে॒ধাং দে॒বীং মন॑সা॒ রেজ॑মানাং গন্ধ॒র্বজু॑ষ্টাং॒ প্রতি॑ নো জুষস্ব । মহ্যং॒ মেধাং॑ বদ॒ মহ্যং॒ শ্রিয়ং॑ বদ মেধা॒বী ভূ॑য়াসম॒জরা॑জরি॒ষ্ণু ॥৬॥

সদ॑স॒স্পতি॒মদ্ভু॑তং প্রি॒য়মিন্দ্র॑স্য॒ কাম্যং॑ । স॒নিং মে॒ধাম॑য়াসিষং ॥৭॥

যাং মে॒ধাং দে॒বগ॑ণাঃ পি॒তর॑শ্চো॒পাস॑তে । তয়া॒ মামদ্যমে॒ধয়া॑ঽগ্নে মেধা॒বিনং॑ কুরু ॥৮॥

মেধা॒ব্য১॑(অ॒)হং সু॒মনাঃ॑ সু॒প্রতী॑কঃ শ্র॒দ্ধাম॑নাঃ স॒ত্যম॑তিঃ সু॒শেবঃ॑ । ম॒হা॒য়॒শা ধা॒রয়িষ্ণুঃ॑ প্রব॒ক্তা ভূ॒য়াস॑মস্মৈ শ॒রয়া॑ প্রয়ো॒গে ॥৯॥

না॒শা॒য়ি॒ত্রী প॑লাশ॒স্যারুষ॑সৌ পথি॒কাম॑সু । অথো॑ ত॒তস্য॒ যক্ষ্মা॑ণ॒মপাপা॑ রোগ॒নাশি॑নী ॥১০॥

ব্র॒হ্ম॒বৃ॒ক্ষ প॑লাশ॒ ত্বং শ্র॒দ্ধাং মে॑ধাং চ॒ দেহি॑ মে । বৃ॒ক্ষা॒ধি॒প ন॑মস্তে॒ঽস্তু অ॒ত্র ত্বং॑ সন্নি॒ধৌ ভ॒ব ॥১১॥[ব:২]

৯। সূর্য সূক্তং

উদুত্যমিতি ত্রয়োদশর্চস্য সূক্তস্য কাণ্বঃপ্রস্কণ্বঃ সূর্যো গায়ত্রী অন্ত্যাশ্চতস্রোনুষ্টুভঃ (অন্ত্যস্তৃচোরোগঘ্নউপনিষদন্ত্যোর্থর্চোদ্বিষন্ন ইতিগুণঃ) ।

উদু॒ ত্যং জা॒তবে॑দসং দে॒বং ব॑হন্তি কে॒তবঃ॑ । দৃ॒শে বিশ্বা॑য়॒ সূর্য॑ম্ ॥ ১।০৫০।০১, ১।৪।৭।১

অপ॒ ত্যে তা॒য়বো॑ যথা॒ নক্ষ॑ত্রা যন্ত্য॒ক্তুভিঃ॑ । সূরা॑য় বি॒শ্বচ॑ক্ষসে ॥ ১।০৫০।০২, ১।৪।৭।২

অদৃ॑শ্রমস্য কে॒তবো॒ বি র॒শ্ময়ো॒ জনাঁ॒ অনু॑ । ভ্রাজ॑ন্তো অ॒গ্নয়ো॑ যথা ॥ ১।০৫০।০৩, ১।৪।৭।৩

ত॒রণি॑র্বি॒শ্বদ॑র্শতো জ্যোতি॒ষ্কৃদ॑সি সূর্য । বিশ্ব॒মা ভা॑সি রোচ॒নম্ ॥ ১।০৫০।০৪, ১।৪।৭।৪

প্র॒ত্যঙ্দে॒বানাং॒ বিশঃ॑ প্র॒ত্যঙ্ঙুদে॑ষি॒ মানু॑ষান্ । প্র॒ত্যঙ্বিশ্বং॒ স্ব॑র্দৃ॒শে ॥ ১।০৫০।০৫, ১।৪।৭।৫

যেনা॑ পাবক॒ চক্ষ॑সা ভুর॒ণ্যন্তং॒ জনাঁ॒ অনু॑ । ত্বং ব॑রুণ॒ পশ্য॑সি ॥ ১।০৫০।০৬, ১।৪।৮।১

বি দ্যামে॑ষি॒ রজ॑স্পৃ॒থ্বহা॒ মিমা॑নো অ॒ক্তুভিঃ॑ । পশ্য॒ঞ্জন্মা॑নি সূর্য ॥ ১।০৫০।০৭, ১।৪।৮।২

স॒প্ত ত্বা॑ হ॒রিতো॒ রথে॒ বহ॑ন্তি দেব সূর্য । শো॒চিষ্কে॑শং বিচক্ষণ ॥ ১।০৫০।০৮, ১।৪।৮।৩

অয়ু॑ক্ত স॒প্ত শু॒ন্ধ্যুবঃ॒ সূরো॒ রথ॑স্য ন॒প্ত্যঃ॑ । তাভি॑র্যাতি॒ স্বয়ু॑ক্তিভিঃ ॥ ১।০৫০।০৯, ১।৪।৮।৪

উদ্ব॒য়ং তম॑স॒স্পরি॒ জ্যোতি॒ষ্পশ্য॑ন্ত॒ উত্ত॑রম্ । দে॒বং দে॑ব॒ত্রা সূর্য॒মগ॑ন্ম॒ জ্যোতি॑রুত্ত॒মম্ ॥ ১।০৫০।১০, ১।৪।৮।৫

উ॒দ্যন্ন॒দ্য মি॑ত্রমহ আ॒রোহ॒ন্নুত্ত॑রাং॒ দিব॑ম্ । হৃ॒দ্রো॒গং মম॑ সূর্য হরি॒মাণং॑ চ নাশয় ॥ ১।০৫০।১১, ১।৪।৮।৬

শুকে॑ষু মে হরি॒মাণং॑ রোপ॒ণাকা॑সু দধ্মসি । অথো॑ হারিদ্র॒বেষু॑ মে হরি॒মাণং॒ নি দ॑ধ্মসি ॥ ১।০৫০।১২, ১।৪।৮।৭

উদ॑গাদ॒য়মা॑দি॒ত্যো বিশ্বে॑ন॒ সহ॑সা স॒হ । দ্বি॒ষন্তং॒ মহ্যং॑ র॒ন্ধয়॒ন্মো অ॒হং দ্বি॑ষ॒তে র॑ধম্ ॥ ১।০৫০।১৩, ১।৪।৮।৮

চিত্রন্দেবানামিতিষডৃচস্য সূক্তস্য কুৎসঃ সূর্যস্ত্রিষ্টুপ্ ।

চি॒ত্রং দে॒বানা॒মুদ॑গা॒দনী॑কং॒ চক্ষু॑র্মি॒ত্রস্য॒ বরু॑ণস্যা॒গ্নেঃ । আপ্রা॒ দ্যাবা॑পৃথি॒বী অ॒ন্তরি॑ক্ষং॒ সূর্য॑ আ॒ত্মা জগ॑তস্ত॒স্থুষ॑শ্চ ॥ ১।১১৫।০১, ১।৮।৭।১

সূর্যো॑ দে॒বীমু॒ষসং॒ রোচ॑মানাং॒ মর্যো॒ ন যোষা॑ম॒ভ্যে॑তি প॒শ্চাৎ । যত্রা॒ নরো॑ দেব॒য়ন্তো॑ যু॒গানি॑ বিতন্ব॒তে প্রতি॑ ভ॒দ্রায়॑ ভ॒দ্রম্ ॥ ১।১১৫।০২, ১।৮।৭।২

ভ॒দ্রা অশ্বা॑ হ॒রিতঃ॒ সূর্য॑স্য চি॒ত্রা এত॑গ্বা অনু॒মাদ্যা॑সঃ । ন॒ম॒স্যন্তো॑ দি॒ব আ পৃ॒ষ্ঠম॑স্থুঃ॒ পরি॒ দ্যাবা॑পৃথি॒বী য॑ন্তি স॒দ্যঃ ॥ ১।১১৫।০৩, ১।৮।৭।৩

তৎসূর্য॑স্য দেব॒ত্বং তন্ম॑হি॒ত্বং ম॒ধ্যা কর্তো॒র্বিত॑তং॒ সং জ॑ভার । য॒দেদয়ু॑ক্ত হ॒রিতঃ॑ স॒ধস্থা॒দাদ্রাত্রী॒ বাস॑স্তনুতে সি॒মস্মৈ॑ ॥ ১।১১৫।০৪, ১।৮।৭।৪

তন্মি॒ত্রস্য॒ বরু॑ণস্যাভি॒চক্ষে॒ সূর্যো॑ রূ॒পং কৃ॑ণুতে॒ দ্যোরু॒পস্থে॑ । অ॒ন॒ন্তম॒ন্যদ্রুশ॑দস্য॒ পাজঃ॑ কৃ॒ষ্ণম॒ন্যদ্ধ॒রিতঃ॒ সং ভ॑রন্তি ॥ ১।১১৫।০৫, ১।৮।৭।৫

অ॒দ্যা দে॑বা॒ উদি॑তা॒ সূর্য॑স্য॒ নিরংহ॑সঃ পিপৃ॒তা নির॑ব॒দ্যাৎ । তন্নো॑ মি॒ত্রো বরু॑ণো মামহন্তা॒মদি॑তিঃ॒ সিন্ধুঃ॑ পৃথি॒বী উ॒ত দ্যৌঃ ॥ ১।১১৫।০৬, ১।৮।৭।৬

ইন্দ্রং॑ মি॒ত্রং বরু॑ণম॒গ্নিমা॑হু॒রথো॑ দি॒ব্যঃ স সু॑প॒র্ণো গ॒রুত্মা॑ন্ । একং॒ সদ্বিপ্রা॑ বহু॒ধা ব॑দন্ত্য॒গ্নিং য॒মং মা॑ত॒রিশ্বা॑নমাহুঃ ॥ ১।১৬৪।৪৬, ২।৩।০২২।০৬ {ঔচথ্যো দীর্ঘতমাঃ । সূর্যঃ । ত্রিষ্টুপ্}

কৃ॒ষ্ণং নি॒য়ানং॒ হর॑য়ঃ সুপ॒র্ণা অ॒পো বসা॑না॒ দিব॒মুৎপ॑তন্তি । ত আব॑বৃত্র॒ন্ত্সদ॑নাদৃ॒তস্যাদিদ্ঘৃ॒তেন॑ পৃথি॒বী ব্যু॑দ্যতে ॥ ১।১৬৪।৪৭, ২।৩।০২৩।০১ {ঔচথ্যো দীর্ঘতমাঃ । সূর্যঃ । ত্রিষ্টুপ্}

হং॒সঃ শু॑চি॒ষদ্বসু॑রন্তরিক্ষ॒সদ্ধোতা॑ বেদি॒ষদতি॑থির্দুরোণ॒সৎ । নৃ॒ষদ্ব॑র॒সদৃ॑ত॒সদ্ব্যো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তম্ ॥ ৪।০৪০।০৫, ৩।৭।০১৪।০৫ {গৌতমো বামদেবঃ । সূর্যঃ । জগতী}

যত্ত্বা॑ সূর্য॒ স্ব॑র্ভানু॒স্তম॒সাবি॑ধ্যদাসু॒রঃ । অক্ষে॑ত্রবি॒দ্যথা॑ মু॒গ্ধো ভুব॑নান্যদীধয়ুঃ ॥ ৫।০৪০।০৫, ৪।২।০১১।০৫ {ভৌমোত্রিঃ । সূর্যঃ । অনুষ্টুপ্}

যদ॒দ্য সূ॑র্য॒ ব্রবোঽনা॑গা উ॒দ্যন্মি॒ত্রায়॒ বরু॑ণায় স॒ত্যম্ । ব॒য়ং দে॑ব॒ত্রাদি॑তে স্যাম॒ তব॑ প্রি॒য়াসো॑ অর্যমন্গৃ॒ণন্তঃ॑ ॥ ৭।০৬০।০১, ৫।৫।১।১ {মৈত্রাবরুণির্বসিষ্ঠঃ । সূর্যঃ । ত্রিষ্টুপ্}

উৎসূর্যো॑ বৃ॒হদ॒র্চীংষ্য॑শ্রেৎপু॒রু বিশ্বা॒ জনি॑ম॒ মানু॑ষাণাম্ । স॒মো দি॒বা দ॑দৃশে॒ রোচ॑মানঃ॒ ক্রত্বা॑ কৃ॒তঃ সুকৃ॑তঃ ক॒র্তৃভি॑র্ভূৎ ॥ ৭।০৬২।০১, ৫।৫।৪।১ {মৈত্রাবরুণির্বসিষ্ঠঃ । সূর্যঃ । ত্রিষ্টুপ্}

স সূ॑র্য॒ প্রতি॑ পু॒রো ন॒ উদ্গা॑ এ॒ভিঃ স্তোমে॑ভিরেত॒শেভি॒রেবৈঃ॑ । প্র নো॑ মি॒ত্রায়॒ বরু॑ণায় বো॒চোঽনা॑গসো অর্য॒ম্ণে অ॒গ্নয়ে॑ চ ॥ ৭।০৬২।০২, ৫।৫।৪।২ {মৈত্রাবরুণির্বসিষ্ঠঃ । সূর্যঃ । ত্রিষ্টুপ্}

বি নঃ॑ স॒হস্রং॑ শু॒রুধো॑ রদন্ত্বৃ॒তাবা॑নো॒ বরু॑ণো মি॒ত্রো অ॒গ্নিঃ । যচ্ছ॑ন্তু চ॒ন্দ্রা উ॑প॒মং নো॑ অ॒র্কমা নঃ॒ কামং॑ পূপুরন্তু॒ স্তবা॑নাঃ ॥ ৭।০৬২।০৩, ৫।৫।৪।৩ {মৈত্রাবরুণির্বসিষ্ঠঃ । সূর্যঃ । ত্রিষ্টুপ্}

উদ্বেতীতি ষডৃচস্য সূক্তস্য মৈত্রাবরুণির্বসিষ্ঠঃ আদ্যানাংসার্ধঞ্চতসৃণাং সূর্যস্ততোমিত্রাবরুণৌত্রিষ্টুপ্ ।

উদ্বে॑তি সু॒ভগো॑ বি॒শ্বচ॑ক্ষাঃ॒ সাধা॑রণঃ॒ সূর্যো॒ মানু॑ষাণাম্ । চক্ষু॑র্মি॒ত্রস্য॒ বরু॑ণস্য দে॒বশ্চর্মে॑ব॒ যঃ স॒মবি॑ব্য॒ক্তমাং॑সি ॥ ৭।০৬৩।০১, ৫।৫।৫।১

উদ্বে॑তি প্রসবী॒তা জনা॑নাং ম॒হান্কে॒তুর॑র্ণ॒বঃ সূর্য॑স্য । স॒মা॒নং চ॒ক্রং প॑র্যা॒বিবৃ॑ৎস॒ন্যদে॑ত॒শো বহ॑তি ধূ॒র্ষু যু॒ক্তঃ ॥ ৭।০৬৩।০২, ৫।৫।৫।২

বি॒ভ্রাজ॑মান উ॒ষসা॑মু॒পস্থা॑দ্রে॒ভৈরুদে॑ত্যনুম॒দ্যমা॑নঃ । এ॒ষ মে॑ দে॒বঃ স॑বি॒তা চ॑চ্ছন্দ॒ যঃ স॑মা॒নং ন প্র॑মি॒নাতি॒ ধাম॑ ॥ ৭।০৬৩।০৩, ৫।৫।৫।৩

দি॒বো রু॒ক্ম উ॑রু॒চক্ষা॒ উদে॑তি দূ॒রেঅ॑র্থস্ত॒রণি॒র্ভ্রাজ॑মানঃ । নূ॒নং জনাঃ॒ সূর্যে॑ণ॒ প্রসূ॑তা॒ অয়॒ন্নর্থা॑নি কৃ॒ণব॒ন্নপাং॑সি ॥ ৭।০৬৩।০৪, ৫।৫।৫।৪

যত্রা॑ চ॒ক্রুর॒মৃতা॑ গা॒তুম॑স্মৈ শ্যে॒নো ন দীয়॒ন্নন্বে॑তি॒ পাথঃ॑ । প্রতি॑ বাং॒ সূর॒ উদি॑তে বিধেম॒ নমো॑ভির্মিত্রাবরুণো॒ত হ॒ব্যৈঃ ॥ ৭।০৬৩।০৫, ৫।৫।৫।৫

নূ মি॒ত্রো বরু॑ণো অর্য॒মা ন॒স্ত্মনে॑ তো॒কায়॒ বরি॑বো দধন্তু । সু॒গা নো॒ বিশ্বা॑ সু॒পথা॑নি সন্তু যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৬৩।০৬, ৫।৫।৫।৬

উদু॒ ত্যদ্দ॑র্শ॒তং বপু॑র্দি॒ব এ॑তি প্রতিহ্ব॒রে । যদী॑মা॒শুর্বহ॑তি দে॒ব এত॑শো॒ বিশ্ব॑স্মৈ॒ চক্ষ॑সে॒ অর॑ম্ ॥ ৭।০৬৬।১৪, ৫।৫।০১০।০৪ {মৈত্রাবরুণির্বসিষ্ঠঃ । সূর্যঃ । বৃহতি}

শী॒র্ষ্ণঃশী॑র্ষ্ণো॒ জগ॑তস্ত॒স্থুষ॒স্পতিং॑ স॒ময়া॒ বিশ্ব॒মা রজঃ॑ । স॒প্ত স্বসা॑রঃ সুবি॒তায়॒ সূর্যং॒ বহ॑ন্তি হ॒রিতো॒ রথে॑ ॥ ৭।০৬৬।১৫, ৫।৫।০১০।০৫ {মৈত্রাবরুণির্বসিষ্ঠঃ । সূর্যঃ । সতো বৃহতি}

তচ্চক্ষু॑র্দে॒বহি॑তং শু॒ক্রমু॒চ্চর॑ৎ । পশ্যে॑ম শ॒রদঃ॑ শ॒তং জীবে॑ম শ॒রদঃ॑ শ॒তম্ ॥ ৭।০৬৬।১৬, ৫।৫।০১১।০১ {মৈত্রাবরুণির্বসিষ্ঠঃ । সূর্যঃ । পুর উষ্ণিক্}

বণ্ম॒হাঁ অ॑সি সূর্য॒ বল়া॑দিত্য ম॒হাঁ অ॑সি । ম॒হস্তে॑ স॒তো ম॑হি॒মা প॑নস্যতে॒ঽদ্ধা দে॑ব ম॒হাঁ অ॑সি ॥ ৮।১০১।১১, ৬।৭।৮।১ {ভার্গবো জমদগ্নিঃ । সূর্যঃ । বৃহতী}

বট্ সূ॑র্য॒ শ্রব॑সা ম॒হাঁ অ॑সি স॒ত্রা দে॑ব ম॒হাঁ অ॑সি । ম॒হ্না দে॒বানা॑মসু॒র্যঃ॑ পু॒রোহি॑তো বি॒ভু জ্যোতি॒রদা॑ভ্যম্ ॥ ৮।১০১।১২, ৬।৭।৮।২ {ভার্গবো জমদগ্নিঃ । সূর্যঃ । সতোবৃহতী}

নমোমিত্রস্যেতি দ্বাদশর্চস্য সূক্তস্য সৌর্যোভিতপাঃ সূর্যোজগতী দশমী ত্রিষ্টুপ্ ।

নমো॑ মি॒ত্রস্য॒ বরু॑ণস্য॒ চক্ষ॑সে ম॒হো দে॒বায়॒ তদৃ॒তং স॑পর্যত । দূ॒রে॒দৃশে॑ দে॒বজা॑তায় কে॒তবে॑ দি॒বস্পু॒ত্রায়॒ সূর্যা॑য় শংসত ॥ ১০।০৩৭।০১, ৭।৮।০১২।০১

সা মা॑ স॒ত্যোক্তিঃ॒ পরি॑ পাতু বি॒শ্বতো॒ দ্যাবা॑ চ॒ যত্র॑ ত॒তন॒ন্নহা॑নি চ । বিশ্ব॑ম॒ন্যন্নি বি॑শতে॒ যদেজ॑তি বি॒শ্বাহাপো॑ বি॒শ্বাহোদে॑তি॒ সূর্যঃ॑ ॥ ১০।০৩৭।০২, ৭।৮।০১২।০২

ন তে॒ অদে॑বঃ প্র॒দিবো॒ নি বা॑সতে॒ যদে॑ত॒শেভিঃ॑ পত॒রৈ র॑থ॒র্যসি॑ । প্রা॒চীন॑ম॒ন্যদনু॑ বর্ততে॒ রজ॒ উদ॒ন্যেন॒ জ্যোতি॑ষা যাসি সূর্য ॥ ১০।০৩৭।০৩, ৭।৮।০১২।০৩

যেন॑ সূর্য॒ জ্যোতি॑ষা॒ বাধ॑সে॒ তমো॒ জগ॑চ্চ॒ বিশ্ব॑মুদি॒য়র্ষি॑ ভা॒নুনা॑ । তেনা॒স্মদ্বিশ্বা॒মনি॑রা॒মনা॑হুতি॒মপামী॑বা॒মপ॑ দু॒ষ্ষ্বপ্ন্যং॑ সুব ॥ ১০।০৩৭।০৪, ৭।৮।০১২।০৪

বিশ্ব॑স্য॒ হি প্রেষি॑তো॒ রক্ষ॑সি ব্র॒তমহে॑ল়য়ন্নু॒চ্চর॑সি স্ব॒ধা অনু॑ । যদ॒দ্য ত্বা॑ সূর্যোপ॒ব্রবা॑মহৈ॒ তং নো॑ দে॒বা অনু॑ মংসীরত॒ ক্রতু॑ম্ ॥ ১০।০৩৭।০৫, ৭।৮।০১২।০৫

তং নো॒ দ্যাবা॑পৃথি॒বী তন্ন॒ আপ॒ ইন্দ্রঃ॑ শৃণ্বন্তু ম॒রুতো॒ হবং॒ বচঃ॑ । মা শূনে॑ ভূম॒ সূর্য॑স্য সন্॒দৃশি॑ ভ॒দ্রং জীব॑ন্তো জর॒ণাম॑শীমহি ॥ ১০।০৩৭।০৬, ৭।৮।০১২।০৬

বি॒শ্বাহা॑ ত্বা সু॒মন॑সঃ সু॒চক্ষ॑সঃ প্র॒জাব॑ন্তো অনমী॒বা অনা॑গসঃ । উ॒দ্যন্তং॑ ত্বা মিত্রমহো দি॒বেদি॑বে॒ জ্যোগ্জী॒বাঃ প্রতি॑ পশ্যেম সূর্য ॥ ১০।০৩৭।০৭, ৭।৮।০১৩।০১

মহি॒ জ্যোতি॒র্বিভ্র॑তং ত্বা বিচক্ষণ॒ ভাস্ব॑ন্তং॒ চক্ষু॑ষেচক্ষুষে॒ ময়ঃ॑ । আ॒রোহ॑ন্তং বৃহ॒তঃ পাজ॑স॒স্পরি॑ ব॒য়ং জী॒বাঃ প্রতি॑ পশ্যেম সূর্য ॥ ১০।০৩৭।০৮, ৭।৮।০১৩।০২

যস্য॑ তে॒ বিশ্বা॒ ভুব॑নানি কে॒তুনা॒ প্র চের॑তে॒ নি চ॑ বি॒শন্তে॑ অ॒ক্তুভিঃ॑ । অ॒না॒গা॒স্ত্বেন॑ হরিকেশ সূ॒র্যাহ্না॑হ্না নো॒ বস্য॑সাবস্য॒সোদি॑হি ॥ ১০।০৩৭।০৯, ৭।৮।০১৩।০৩

শং নো॑ ভব॒ চক্ষ॑সা॒ শং নো॒ অহ্না॒ শং ভা॒নুনা॒ শং হি॒মা শং ঘৃ॒ণেন॑ । যথা॒ শমধ্ব॒ঞ্ছমস॑দ্দুরো॒ণে তৎসূ॑র্য॒ দ্রবি॑ণং ধেহি চি॒ত্রম্ ॥ ১০।০৩৭।১০, ৭।৮।০১৩।০৪

অ॒স্মাকং॑ দেবা উ॒ভয়া॑য়॒ জন্ম॑নে॒ শর্ম॑ যচ্ছত দ্বি॒পদে॒ চতু॑ষ্পদে । অ॒দৎপিব॑দূ॒র্জয়॑মান॒মাশি॑তং॒ তদ॒স্মে শং যোর॑র॒পো দ॑ধাতন ॥ ১০।০৩৭।১১, ৭।৮।০১৩।০৫

যদ্বো॑ দেবাশ্চকৃ॒ম জি॒হ্বয়া॑ গু॒রু মন॑সো বা॒ প্রয়ু॑তী দেব॒হেল়॑নম্ । অরা॑বা॒ যো নো॑ অ॒ভি দু॑চ্ছুনা॒য়তে॒ তস্মি॒ন্তদেনো॑ বসবো॒ নি ধে॑তন ॥ ১০।০৩৭।১২, ৭।৮।০১৩।০৬

সূর্যোন ইতি পঞ্চর্চস্য সূক্তস্য সৌর্যশ্চক্ষুর্মানবঃ সূর্যো গায়ত্রী ।

সূর্যো॑ নো দি॒বস্পা॑তু॒ বাতো॑ অ॒ন্তরি॑ক্ষাৎ । অ॒গ্নির্নঃ॒ পার্থি॑বেভ্যঃ ॥ ১০।১৫৮।০১, ৮।৮।০১৬।০১

জোষা॑ সবিত॒র্যস্য॑ তে॒ হরঃ॑ শ॒তং স॒বাঁ অর্হ॑তি । পা॒হি নো॑ দি॒দ্যুতঃ॒ পত॑ন্ত্যাঃ ॥ ১০।১৫৮।০২, ৮।৮।০১৬।০২

চক্ষু॑র্নো দে॒বঃ স॑বি॒তা চক্ষু॑র্ন উ॒ত পর্ব॑তঃ । চক্ষু॑র্ধা॒তা দ॑ধাতু নঃ ॥ ১০।১৫৮।০৩, ৮।৮।০১৬।০৩

চক্ষু॑র্নো ধেহি॒ চক্ষু॑ষে॒ চক্ষু॑র্বি॒খ্যৈ ত॒নূভ্যঃ॑ । সং চে॒দং বি চ॑ পশ্যেম ॥ ১০।১৫৮।০৪, ৮।৮।০১৬।০৪

সু॒সন্॒দৃশং॑ ত্বা ব॒য়ং প্রতি॑ পশ্যেম সূর্য । বি প॑শ্যেম নৃ॒চক্ষ॑সঃ ॥ ১০।১৫৮।০৫, ৮।৮।০১৬।০৫

বিভ্রাডিতি চতুরৃচস্য সূক্তস্য সৌর্যো বিভ্রাট্ সূর্যোজগত্যংয়াস্তারপঙ্ক্তিঃ ।

বি॒ভ্রাড্বৃ॒হৎপি॑বতু সো॒ম্যং মধ্বায়ু॒র্দধ॑দ্য॒জ্ঞপ॑তা॒ববি॑হ্রুতম্ । বাত॑জূতো॒ যো অ॑ভি॒রক্ষ॑তি॒ ত্মনা॑ প্র॒জাঃ পু॑পোষ পুরু॒ধা বি রা॑জতি ॥ ১০।১৭০।০১, ৮।৮।০২৮।০১

বি॒ভ্রাড্বৃ॒হৎসুভৃ॑তং বাজ॒সাত॑মং॒ ধর্ম॑ন্দি॒বো ধ॒রুণে॑ স॒ত্যমর্পি॑তম্ । অ॒মি॒ত্র॒হা বৃ॑ত্র॒হা দ॑স্যু॒হন্ত॑মং॒ জ্যোতি॑র্জজ্ঞে অসুর॒হা স॑পত্ন॒হা ॥ ১০।১৭০।০২, ৮।৮।০২৮।০২

ই॒দং শ্রেষ্ঠং॒ জ্যোতি॑ষাং॒ জ্যোতি॑রুত্ত॒মং বি॑শ্ব॒জিদ্ধ॑ন॒জিদু॑চ্যতে বৃ॒হৎ । বি॒শ্ব॒ভ্রাড্ভ্রা॒জো মহি॒ সূর্যো॑ দৃ॒শ উ॒রু প॑প্রথে॒ সহ॒ ওজো॒ অচ্যু॑তম্ ॥ ১০।১৭০।০৩, ৮।৮।০২৮।০৩

বি॒ভ্রাজ॒ঞ্জ্যোতি॑ষা॒ স্ব১॒॑রগ॑চ্ছো রোচ॒নং দি॒বঃ । যেনে॒মা বিশ্বা॒ ভুব॑না॒ন্যাভৃ॑তা বি॒শ্বক॑র্মণা বি॒শ্বদে॑ব্যাবতা ॥ ১০।১৭০।০৪, ৮।৮।০২৮।০৪

আয়ঙ্গৌরিতি তৃচস্য সূক্তস্য সার্পরাজ্ঞী সূর্যগায়ত্রী । (অত্রয়দ্যপি সার্পরাজ্ঞ্যাত্মদৈবতমিত্যনেনপ্রকৃতাসার্পরাজ্ঞীদেবতাপ্রাপ্নোতি তথাপি প্রয়োক্তৃভিঃ সূর্যস্যগ্রহণাৎপাক্ষিকোপিসূর্যোস্মাভি রুপাক্তঃ

আয়ং গৌঃ পৃশ্নি॑রক্রমী॒দস॑দন্মা॒তরং॑ পু॒রঃ । পি॒তরং॑ চ প্র॒য়ন্ত্স্বঃ॑ ॥ ১০।১৮৯।০১, ৮।৮।০৪৭।০১

অ॒ন্তশ্চ॑রতি রোচ॒নাস্য প্রা॒ণাদ॑পান॒তী । ব্য॑খ্যন্মহি॒ষো দিব॑ম্ ॥ ১০।১৮৯।০২, ৮।৮।০৪৭।০২

ত্রিং॒শদ্ধাম॒ বি রা॑জতি॒ বাক্প॑তঙ্॒গায়॑ ধীয়তে । প্রতি॒ বস্তো॒রহ॒ দ্যুভিঃ॑ ॥ ১০।১৮৯।০৩, ৮।৮।০৪৭।০৩

ঋতঞ্চেতি তৃচস্য সূক্তস্য মাধুচ্ছন্দসোঘমর্ষণোভাববৃত্তিরনুষ্টুপ্ ।

ঋ॒তং চ॑ স॒ত্যং চা॒ভী॑দ্ধা॒ত্তপ॒সোঽধ্য॑জায়ত । ততো॒ রাত্র্য॑জায়ত॒ ততঃ॑ সমু॒দ্রো অ॑র্ণ॒বঃ ॥ ১০।১৯০।০১, ৮।৮।০৪৮।০১

স॒মু॒দ্রাদ॑র্ণ॒বাদধি॑ সংবৎস॒রো অ॑জায়ত । অ॒হো॒রা॒ত্রাণি॑ বি॒দধ॒দ্বিশ্ব॑স্য মিষ॒তো ব॒শী ॥ ১০।১৯০।০২, ৮।৮।০৪৮।০২

সূ॒র্যা॒চ॒ন্দ্র॒মসৌ॑ ধা॒তা য॑থাপূ॒র্বম॑কল্পয়ৎ । দিবং॑ চ পৃথি॒বীং চা॒ন্তরি॑ক্ষ॒মথো॒ স্বঃ॑ ॥ ১০।১৯০।০৩, ৮।৮।০৪৮।০৩

১০। শ্রদ্ধা সূক্তং

শ্রদ্ধয়েতি পঞ্চর্চস্য সূক্তস্য শ্রদ্ধাকামায়নীশ্রদ্ধানুষ্টুপ্ ।

শ্র॒দ্ধয়া॒গ্নিঃ সমি॑ধ্যতে শ্র॒দ্ধয়া॑ হূয়তে হ॒বিঃ । শ্র॒দ্ধাং ভগ॑স্য মূ॒র্ধনি॒ বচ॒সা বে॑দয়ামসি ॥ ১০।১৫১।০১, ৮।৮।৯।১

প্রি॒য়ং শ্র॑দ্ধে॒ দদ॑তঃ প্রি॒য়ং শ্র॑দ্ধে॒ দিদা॑সতঃ । প্রি॒য়ং ভো॒জেষু॒ যজ্ব॑স্বি॒দং ম॑ উদি॒তং কৃ॑ধি ॥ ১০।১৫১।০২, ৮।৮।৯।২

যথা॑ দে॒বা অসু॑রেষু শ্র॒দ্ধামু॒গ্রেষু॑ চক্রি॒রে । এ॒বং ভো॒জেষু॒ যজ্ব॑স্ব॒স্মাক॑মুদি॒তং কৃ॑ধি ॥ ১০।১৫১।০৩, ৮।৮।৯।৩

শ্র॒দ্ধাং দে॒বা যজ॑মানা বা॒য়ুগো॑পা॒ উপা॑সতে । শ্র॒দ্ধাং হৃ॑দ॒য়্য১॒॑যাকূ॑ত্যা শ্র॒দ্ধয়া॑ বিন্দতে॒ বসু॑ ॥ ১০।১৫১।০৪, ৮।৮।৯।৪

শ্র॒দ্ধাং প্রা॒তর্হ॑বামহে শ্র॒দ্ধাং ম॒ধ্যন্দি॑নং॒ পরি॑ । শ্র॒দ্ধাং সূর্য॑স্য নি॒ম্রুচি॒ শ্রদ্ধে॒ শ্রদ্ধা॑পয়ে॒হ নঃ॑ ॥ ১০।১৫১।০৫, ৮।৮।৯।৫

১১। ব্রহ্মণস্পতি সূক্তং

সো॒মানং॒ স্বর॑ণং কৃণু॒হি ব্র॑হ্মণস্পতে । ক॒ক্ষীব॑ন্তং॒ য ঔ॑শি॒জঃ ॥ ১।০১৮।০১, ১।১।০৩৪।০১ {কাণ্বো মেধাতিথি । ব্রহ্মণস্পতিঃ । গায়ত্রী}

যো রে॒বান্যো অ॑মীব॒হা ব॑সু॒বিৎপু॑ষ্টি॒বর্ধ॑নঃ । স নঃ॑ সিষক্তু॒ যস্তু॒রঃ ॥ ১।০১৮।০২, ১।১।০৩৪।০২ {কাণ্বো মেধাতিথি । ব্রহ্মণস্পতিঃ । গায়ত্রী}

মা নঃ॒ শংসো॒ অর॑রুষো ধূ॒র্তিঃ প্রণ॒ঙ্মর্ত্য॑স্য । রক্ষা॑ ণো ব্রহ্মণস্পতে ॥ ১।০১৮।০৩, ১।১।০৩৪।০৩ {কাণ্বো মেধাতিথি । ব্রহ্মণস্পতিঃ । গায়ত্রী}

স ঘা॑ বী॒রো ন রি॑ষ্যতি॒ যমিন্দ্রো॒ ব্রহ্ম॑ণ॒স্পতিঃ॑ । সোমো॑ হি॒নোতি॒ মর্ত্য॑ম্ ॥ ১।০১৮।০৪, ১।১।০৩৪।০৪ {কাণ্বো মেধাতিথি । ইন্দ্র সোম ব্রহ্মণস্পতিঃ । গায়ত্রী}

ত্বং তং ব্র॑হ্মণস্পতে॒ সোম॒ ইন্দ্র॑শ্চ॒ মর্ত্য॑ম্ । দক্ষি॑ণা পা॒ত্বংহ॑সঃ ॥ ১।০১৮।০৫, ১।১।০৩৪।০৫ {কাণ্বো মেধাতিথি । ইন্দ্র সোম ব্রহ্মণস্পতয়ো দক্ষিণা । গায়ত্রী}

উত্তিষ্ঠেত্যষ্টর্চস্য সূক্তস্য ঘৌরঃ কণ্বোব্রহ্মণস্পতিঃ প্রগাথঃ (অয়ুজোবৃহত্যঃ যুজঃ সতোবৃহত্যঃ) ।

উত্তি॑ষ্ঠ ব্রহ্মণস্পতে দেব॒য়ন্ত॑স্ত্বেমহে । উপ॒ প্র য॑ন্তু ম॒রুতঃ॑ সু॒দান॑ব॒ ইন্দ্র॑ প্রা॒শূর্ভ॑বা॒ সচা॑ ॥ ১।০৪০।০১, ১।৩।০২০।০১

ত্বামিদ্ধি স॑হসস্পুত্র॒ মর্ত্য॑ উপব্রূ॒তে ধনে॑ হি॒তে । সু॒বীর্যং॑ মরুত॒ আ স্বশ্ব্যং॒ দধী॑ত॒ যো ব॑ আচ॒কে ॥ ১।০৪০।০২, ১।৩।০২০।০২

প্রৈতু॒ ব্রহ্ম॑ণ॒স্পতিঃ॒ প্র দে॒ব্যে॑তু সূ॒নৃতা॑ । অচ্ছা॑ বী॒রং নর্যং॑ প॒ঙ্ক্তিরা॑ধসং দে॒বা য॒জ্ঞং ন॑য়ন্তু নঃ ॥ ১।০৪০।০৩, ১।৩।০২০।০৩

যো বা॒ঘতে॒ দদা॑তি সূ॒নরং॒ বসু॒ স ধ॑ত্তে॒ অক্ষি॑তি॒ শ্রবঃ॑ । তস্মা॒ ইল়াং॑ সু॒বীরা॒মা য॑জামহে সু॒প্রতূ॑র্তিমনে॒হস॑ম্ ॥ ১।০৪০।০৪, ১।৩।০২০।০৪

প্র নূ॒নং ব্রহ্ম॑ণ॒স্পতি॒র্মন্ত্রং॑ বদত্যু॒ক্থ্য॑ম্ । যস্মি॒ন্নিন্দ্রো॒ বরু॑ণো মি॒ত্রো অ॑র্য॒মা দে॒বা ওকাং॑সি চক্রি॒রে ॥ ১।০৪০।০৫, ১।৩।০২০।০৫

তমিদ্বো॑চেমা বি॒দথে॑ষু শ॒ম্ভুবং॒ মন্ত্রং॑ দেবা অনে॒হস॑ম্ । ই॒মাং চ॒ বাচং॑ প্রতি॒হর্য॑থা নরো॒ বিশ্বেদ্বা॒মা বো॑ অশ্নবৎ ॥ ১।০৪০।০৬, ১।৩।০২১।০১

কো দে॑ব॒য়ন্ত॑মশ্নব॒জ্জনং॒ কো বৃ॒ক্তব॑র্হিষম্ । প্রপ্র॑ দা॒শ্বান্প॒স্ত্যা॑ভিরস্থিতান্ত॒র্বাব॒ৎক্ষয়ং॑ দধে ॥ ১।০৪০।০৭, ১।৩।০২১।০২

উপ॑ ক্ষ॒ত্রং পৃ॑ঞ্চী॒ত হন্তি॒ রাজ॑ভির্ভ॒য়ে চি॑ৎসুক্ষি॒তিং দ॑ধে । নাস্য॑ ব॒র্তা ন ত॑রু॒তা ম॑হাধ॒নে নার্ভে॑ অস্তি ব॒জ্রিণঃ॑ ॥ ১।০৪০।০৮, ১।৩।০২১।০৩

গণানামিত্যেকোন বিংশত্যৃচস্য সূক্তস্য শৌনকোগৃৎসমদঃ আদ্যাপঞ্চমীনবম্যেকাদশীসপ্তদশ্যন্ত্যানাং ব্রহ্মণস্পতিঃ শিষ্টানাং বৃহস্পতির্জগতী পঞ্চদশ্যন্ত্যেত্রিষ্টুভৌ ।

গ॒ণানাং॑ ত্বা গ॒ণপ॑তিং হবামহে ক॒বিং ক॑বী॒নামু॑প॒মশ্র॑বস্তমম্ । জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভিঃ॑ সীদ॒ সাদ॑নম্ ॥ ২।০২৩।০১, ২।৬।০২৯।০১

দে॒বাশ্চি॑ত্তে অসুর্য॒ প্রচে॑তসো॒ বৃহ॑স্পতে য॒জ্ঞিয়ং॑ ভা॒গমা॑নশুঃ । উ॒স্রা ই॑ব॒ সূর্যো॒ জ্যোতি॑ষা ম॒হো বিশ্বে॑ষা॒মিজ্জ॑নি॒তা ব্রহ্ম॑ণামসি ॥ ২।০২৩।০২, ২।৬।০২৯।০২

আ বি॒বাধ্যা॑ পরি॒রাপ॒স্তমাং॑সি চ॒ জ্যোতি॑ষ্মন্তং॒ রথ॑মৃ॒তস্য॑ তিষ্ঠসি । বৃহ॑স্পতে ভী॒মম॑মিত্র॒দম্ভ॑নং রক্ষো॒হণং॑ গোত্র॒ভিদং॑ স্ব॒র্বিদ॑ম্ ॥ ২।০২৩।০৩, ২।৬।০২৯।০৩

সু॒নী॒তিভি॑র্নয়সি॒ ত্রায়॑সে॒ জনং॒ যস্তুভ্যং॒ দাশা॒ন্ন তমংহো॑ অশ্নবৎ । ব্র॒হ্ম॒দ্বিষ॒স্তপ॑নো মন্যু॒মীর॑সি॒ বৃহ॑স্পতে॒ মহি॒ তত্তে॑ মহিত্ব॒নম্ ॥ ২।০২৩।০৪, ২।৬।০২৯।০৪

ন তমংহো॒ ন দু॑রি॒তং কুত॑শ্চ॒ন নারা॑তয়স্তিতিরু॒র্ন দ্ব॑য়া॒বিনঃ॑ । বিশ্বা॒ ইদ॑স্মাদ্ধ্ব॒রসো॒ বি বা॑ধসে॒ যং সু॑গো॒পা রক্ষ॑সি ব্রহ্মণস্পতে ॥ ২।০২৩।০৫, ২।৬।০২৯।০৫

ত্বং নো॑ গো॒পাঃ প॑থি॒কৃদ্বি॑চক্ষ॒ণস্তব॑ ব্র॒তায়॑ ম॒তিভি॑র্জরামহে । বৃহ॑স্পতে॒ যো নো॑ অ॒ভি হ্বরো॑ দ॒ধে স্বা তং ম॑র্মর্তু দু॒চ্ছুনা॒ হর॑স্বতী ॥ ২।০২৩।০৬, ২।৬।০৩০।০১

উ॒ত বা॒ যো নো॑ ম॒র্চয়া॒দনা॑গসোঽরাতী॒বা মর্তঃ॑ সানু॒কো বৃকঃ॑ । বৃহ॑স্পতে॒ অপ॒ তং ব॑র্তয়া প॒থঃ সু॒গং নো॑ অ॒স্যৈ দে॒ববী॑তয়ে কৃধি ॥ ২।০২৩।০৭, ২।৬।০৩০।০২

ত্রা॒তারং॑ ত্বা ত॒নূনাং॑ হবাম॒হেঽব॑স্পর্তরধিব॒ক্তার॑মস্ম॒য়ুম্ । বৃহ॑স্পতে দেব॒নিদো॒ নি ব॑র্হয়॒ মা দু॒রেবা॒ উত্ত॑রং সু॒ম্নমুন্ন॑শন্ ॥ ২।০২৩।০৮, ২।৬।০৩০।০৩

ত্বয়া॑ ব॒য়ং সু॒বৃধা॑ ব্রহ্মণস্পতে স্পা॒র্হা বসু॑ মনু॒ষ্যা দ॑দীমহি । যা নো॑ দূ॒রে ত॒ল়িতো॒ যা অরা॑তয়ো॒ঽভি সন্তি॑ জ॒ম্ভয়া॒ তা অ॑ন॒প্নসঃ॑ ॥ ২।০২৩।০৯, ২।৬।০৩০।০৪

ত্বয়া॑ ব॒য়মু॑ত্ত॒মং ধী॑মহে॒ বয়ো॒ বৃহ॑স্পতে॒ পপ্রি॑ণা॒ সস্নি॑না যু॒জা । মা নো॑ দুঃ॒শংসো॑ অভিদি॒প্সুরী॑শত॒ প্র সু॒শংসা॑ ম॒তিভি॑স্তারিষীমহি ॥ ২।০২৩।১০, ২।৬।০৩০।০৫

অ॒না॒নু॒দো বৃ॑ষ॒ভো জগ্মি॑রাহ॒বং নিষ্ট॑প্তা॒ শত্রুং॒ পৃত॑নাসু সাস॒হিঃ । অসি॑ স॒ত্য ঋ॑ণ॒য়া ব্র॑হ্মণস্পত উ॒গ্রস্য॑ চিদ্দমি॒তা বী॑ল়ুহ॒র্ষিণঃ॑ ॥ ২।০২৩।১১, ২।৬।০৩১।০১

অদে॑বেন॒ মন॑সা॒ যো রি॑ষ॒ণ্যতি॑ শা॒সামু॒গ্রো মন্য॑মানো॒ জিঘাং॑সতি । বৃহ॑স্পতে॒ মা প্রণ॒ক্তস্য॑ নো ব॒ধো নি ক॑র্ম ম॒ন্যুং দু॒রেব॑স্য॒ শর্ধ॑তঃ ॥ ২।০২৩।১২, ২।৬।০৩১।০২

ভরে॑ষু॒ হব্যো॒ নম॑সোপ॒সদ্যো॒ গন্তা॒ বাজে॑ষু॒ সনি॑তা॒ ধনন্॑ধনম্ । বিশ্বা॒ ইদ॒র্যো অ॑ভিদি॒প্স্বো॒৩॒॑ মৃধো॒ বৃহ॒স্পতি॒র্বি ব॑বর্হা॒ রথাঁ॑ ইব ॥ ২।০২৩।১৩, ২।৬।০৩১।০৩

তেজি॑ষ্ঠয়া তপ॒নী র॒ক্ষস॑স্তপ॒ যে ত্বা॑ নি॒দে দ॑ধি॒রে দৃ॒ষ্টবী॑র্যম্ । আ॒বিস্তৎকৃ॑ষ্ব॒ যদস॑ত্ত উ॒ক্থ্যং১॒॑ বৃহ॑স্পতে॒ বি প॑রি॒রাপো॑ অর্দয় ॥ ২।০২৩।১৪, ২।৬।০৩১।০৪

বৃহ॑স্পতে॒ অতি॒ যদ॒র্যো অর্হা॑দ্দ্যু॒মদ্বি॒ভাতি॒ ক্রতু॑ম॒জ্জনে॑ষু । যদ্দী॒দয়॒চ্ছব॑স ঋতপ্রজাত॒ তদ॒স্মাসু॒ দ্রবি॑ণং ধেহি চি॒ত্রম্ ॥ ২।০২৩।১৫, ২।৬।০৩১।০৫

মা নঃ॑ স্তে॒নেভ্যো॒ যে অ॒ভি দ্রু॒হস্প॒দে নি॑রা॒মিণো॑ রি॒পবোঽন্নে॑ষু জাগৃ॒ধুঃ । আ দে॒বানা॒মোহ॑তে॒ বি ব্রয়ো॑ হৃ॒দি বৃহ॑স্পতে॒ ন প॒রঃ সাম্নো॑ বিদুঃ ॥ ২।০২৩।১৬, ২।৬।০৩২।০১

বিশ্বে॑ভ্যো॒ হি ত্বা॒ ভুব॑নেভ্য॒স্পরি॒ ত্বষ্টাজ॑ন॒ৎসাম্নঃ॑সাম্নঃ ক॒বিঃ । স ঋ॑ণ॒চিদৃ॑ণ॒য়া ব্রহ্ম॑ণ॒স্পতি॑র্দ্রু॒হো হ॒ন্তা ম॒হ ঋ॒তস্য॑ ধ॒র্তরি॑ ॥ ২।০২৩।১৭, ২।৬।০৩২।০২

তব॑ শ্রি॒য়ে ব্য॑জিহীত॒ পর্ব॑তো॒ গবাং॑ গো॒ত্রমু॒দসৃ॑জো॒ যদ॑ঙ্গিরঃ । ইন্দ্রে॑ণ যু॒জা তম॑সা॒ পরী॑বৃতং॒ বৃহ॑স্পতে॒ নির॒পামৌ॑ব্জো অর্ণ॒বম্ ॥ ২।০২৩।১৮, ২।৬।০৩২।০৩

ব্রহ্ম॑ণস্পতে॒ ত্বম॒স্য য॒ন্তা সূ॒ক্তস্য॑ বোধি॒ তন॑য়ং চ জিন্ব । বিশ্বং॒ তদ্ভ॒দ্রং যদব॑ন্তি দে॒বা বৃ॒হদ্ব॑দেম বি॒দথে॑ সু॒বীরাঃ॑ ॥ ২।০২৩।১৯, ২।৬।০৩২।০৪

সেমামিতি ষোল়শর্চস্য সূক্তস্য শৌনকোগৃৎসমদোব্রহ্মণস্পতিঃ প্রথমাদশম্যোবৃহস্পতির্দ্বাদশ্যৈন্দ্রাব্রহ্মণস্পতী জগতীদ্বাদশ্যন্ত্যেত্রিষ্টুভৌ ।

সেমাম॑বিড্ঢি॒ প্রভৃ॑তিং॒ য ঈশি॑ষে॒ঽয়া বি॑ধেম॒ নব॑য়া ম॒হা গি॒রা । যথা॑ নো মী॒ঢ্বান্ত্স্তব॑তে॒ সখা॒ তব॒ বৃহ॑স্পতে॒ সীষ॑ধঃ॒ সোত নো॑ ম॒তিম্ ॥ ২।০২৪।০১, ২।৭।১।১

যো নন্ত্বা॒ন্যন॑ম॒ন্ন্যোজ॑সো॒তাদ॑র্দর্ম॒ন্যুনা॒ শম্ব॑রাণি॒ বি । প্রাচ্যা॑বয়॒দচ্যু॑তা॒ ব্রহ্ম॑ণ॒স্পতি॒রা চাবি॑শ॒দ্বসু॑মন্তং॒ বি পর্ব॑তম্ ॥ ২।০২৪।০২, ২।৭।১।২

তদ্দে॒বানাং॑ দে॒বত॑মায়॒ কর্ত্ব॒মশ্র॑থ্নন্দৃ॒ল়্হাব্র॑দন্ত বীল়ি॒তা । উদ্গা আ॑জ॒দভি॑ন॒দ্ব্রহ্ম॑ণা ব॒লমগূ॑হ॒ত্তমো॒ ব্য॑চক্ষয়॒ৎস্বঃ॑ ॥ ২।০২৪।০৩, ২।৭।১।৩

অশ্মা॑স্যমব॒তং ব্রহ্ম॑ণ॒স্পতি॒র্মধু॑ধারম॒ভি যমোজ॒সাতৃ॑ণৎ । তমে॒ব বিশ্বে॑ পপিরে স্ব॒র্দৃশো॑ ব॒হু সা॒কং সি॑সিচু॒রুৎস॑মু॒দ্রিণ॑ম্ ॥ ২।০২৪।০৪, ২।৭।১।৪

সনা॒ তা কা চি॒দ্ভুব॑না॒ ভবী॑ত্বা মা॒দ্ভিঃ শ॒রদ্ভি॒র্দুরো॑ বরন্ত বঃ । অয়॑তন্তা চরতো অ॒ন্যদ॑ন্য॒দিদ্যা চ॒কার॑ ব॒য়ুনা॒ ব্রহ্ম॑ণ॒স্পতিঃ॑ ॥ ২।০২৪।০৫, ২।৭।১।৫

অ॒ভি॒নক্ষ॑ন্তো অ॒ভি যে তমা॑ন॒শুর্নি॒ধিং প॑ণী॒নাং প॑র॒মং গুহা॑ হি॒তম্ । তে বি॒দ্বাংসঃ॑ প্রতি॒চক্ষ্যানৃ॑তা॒ পুন॒র্যত॑ উ॒ আয়॒ন্তদুদী॑য়ুরা॒বিশ॑ম্ ॥ ২।০২৪।০৬, ২।৭।২।১

ঋ॒তাবা॑নঃ প্রতি॒চক্ষ্যানৃ॑তা॒ পুন॒রাত॒ আ ত॑স্থুঃ ক॒বয়ো॑ ম॒হস্প॒থঃ । তে বা॒হুভ্যাং॑ ধমি॒তম॒গ্নিমশ্ম॑নি॒ নকিঃ॒ ষো অ॒স্ত্যর॑ণো জ॒হুর্হি তম্ ॥ ২।০২৪।০৭, ২।৭।২।২

ঋ॒তজ্যে॑ন ক্ষি॒প্রেণ॒ ব্রহ্ম॑ণ॒স্পতি॒র্যত্র॒ বষ্টি॒ প্র তদ॑শ্নোতি॒ ধন্ব॑না । তস্য॑ সা॒ধ্বীরিষ॑বো॒ যাভি॒রস্য॑তি নৃ॒চক্ষ॑সো দৃ॒শয়ে॒ কর্ণ॑য়োনয়ঃ ॥ ২।০২৪।০৮, ২।৭।২।৩

স সং॑ন॒য়ঃ স বি॑ন॒য়ঃ পু॒রোহি॑তঃ॒ স সুষ্টু॑তঃ॒ স যু॒ধি ব্রহ্ম॑ণ॒স্পতিঃ॑ । চা॒ক্ষ্মো যদ্বাজং॒ ভর॑তে ম॒তী ধনাদিৎসূর্য॑স্তপতি তপ্য॒তুর্বৃথা॑ ॥ ২।০২৪।০৯, ২।৭।২।৪

বি॒ভু প্র॒ভু প্র॑থ॒মং মে॒হনা॑বতো॒ বৃহ॒স্পতেঃ॑ সুবি॒দত্রা॑ণি॒ রাধ্যা॑ । ই॒মা সা॒তানি॑ বে॒ন্যস্য॑ বা॒জিনো॒ যেন॒ জনা॑ উ॒ভয়ে॑ ভুঞ্জ॒তে বিশঃ॑ ॥ ২।০২৪।১০, ২।৭।২।৫

যোঽব॑রে বৃ॒জনে॑ বি॒শ্বথা॑ বি॒ভুর্ম॒হামু॑ র॒ণ্বঃ শব॑সা ব॒বক্ষি॑থ । স দে॒বো দে॒বান্প্রতি॑ পপ্রথে পৃ॒থু বিশ্বেদু॒ তা প॑রি॒ভূর্ব্রহ্ম॑ণ॒স্পতিঃ॑ ॥ ২।০২৪।১১, ২।৭।৩।১

বিশ্বং॑ স॒ত্যং ম॑ঘবানা যু॒বোরিদাপ॑শ্চ॒ন প্র মি॑নন্তি ব্র॒তং বা॑ম্ । অচ্ছে॑ন্দ্রাব্রহ্মণস্পতী হ॒বির্নোঽন্নং॒ যুজে॑ব বা॒জিনা॑ জিগাতম্ ॥ ২।০২৪।১২, ২।৭।৩।২

উ॒তাশি॑ষ্ঠা॒ অনু॑ শৃণ্বন্তি॒ বহ্ন॑য়ঃ স॒ভেয়ো॒ বিপ্রো॑ ভরতে ম॒তী ধনা॑ । বী॒ল়ু॒দ্বেষা॒ অনু॒ বশ॑ ঋ॒ণমা॑দ॒দিঃ স হ॑ বা॒জী স॑মি॒থে ব্রহ্ম॑ণ॒স্পতিঃ॑ ॥ ২।০২৪।১৩, ২।৭।৩।৩

ব্রহ্ম॑ণ॒স্পতে॑রভবদ্যথাব॒শং স॒ত্যো ম॒ন্যুর্মহি॒ কর্মা॑ করিষ্য॒তঃ । যো গা উ॒দাজ॒ৎস দি॒বে বি চা॑ভজন্ম॒হীব॑ রী॒তিঃ শব॑সাসর॒ৎপৃথ॑ক্ ॥ ২।০২৪।১৪, ২।৭।৩।৪

ব্রহ্ম॑ণস্পতে সু॒য়ম॑স্য বি॒শ্বহা॑ রা॒য়ঃ স্যা॑ম র॒থ্যো॒৩॒॑ বয়॑স্বতঃ । বী॒রেষু॑ বী॒রাঁ উপ॑ পৃঙ্ধি ন॒স্ত্বং যদীশা॑নো॒ ব্রহ্ম॑ণা॒ বেষি॑ মে॒ হব॑ম্ ॥ ২।০২৪।১৫, ২।৭।৩।৫

ব্রহ্ম॑ণস্পতে॒ ত্বম॒স্য য॒ন্তা সূ॒ক্তস্য॑ বোধি॒ তন॑য়ং চ জিন্ব । বিশ্বং॒ তদ্ভ॒দ্রং যদব॑ন্তি দে॒বা বৃ॒হদ্ব॑দেম বি॒দথে॑ সু॒বীরাঃ॑ ॥ ২।০২৪।১৬, ২।৭।৩।৬

ইন্ধানইতি পঞ্চর্চস্য সূক্তস্য শৌনকোগৃৎসমদোব্রহ্মণস্পতির্জগতী ।

ইন্ধা॑নো অ॒গ্নিং ব॑নবদ্বনুষ্য॒তঃ কৃ॒তব্র॑হ্মা শূশুবদ্রা॒তহ॑ব্য॒ ইৎ । জা॒তেন॑ জা॒তমতি॒ স প্র স॑র্সৃতে॒ যংয়ং॒ যুজং॑ কৃণু॒তে ব্রহ্ম॑ণ॒স্পতিঃ॑ ॥ ২।০২৫।০১, ২।৭।৪।১

বী॒রেভি॑র্বী॒রান্ব॑নবদ্বনুষ্য॒তো গোভী॑ র॒য়িং প॑প্রথ॒দ্বোধ॑তি॒ ত্মনা॑ । তো॒কং চ॒ তস্য॒ তন॑য়ং চ বর্ধতে॒ যংয়ং॒ যুজং॑ কৃণু॒তে ব্রহ্ম॑ণ॒স্পতিঃ॑ ॥ ২।০২৫।০২, ২।৭।৪।২

সিন্ধু॒র্ন ক্ষোদঃ॒ শিমী॑বাঁ ঋঘায়॒তো বৃষে॑ব॒ বধ্রীঁ॑র॒ভি ব॒ষ্ট্যোজ॑সা । অ॒গ্নেরি॑ব॒ প্রসি॑তি॒র্নাহ॒ বর্ত॑বে॒ যংয়ং॒ যুজং॑ কৃণু॒তে ব্রহ্ম॑ণ॒স্পতিঃ॑ ॥ ২।০২৫।০৩, ২।৭।৪।৩

তস্মা॑ অর্ষন্তি দি॒ব্যা অ॑স॒শ্চতঃ॒ স সত্ব॑ভিঃ প্রথ॒মো গোষু॑ গচ্ছতি । অনি॑ভৃষ্টতবিষির্হ॒ন্ত্যোজ॑সা॒ যংয়ং॒ যুজং॑ কৃণু॒তে ব্রহ্ম॑ণ॒স্পতিঃ॑ ॥ ২।০২৫।০৪, ২।৭।৪।৪

তস্মা॒ ইদ্বিশ্বে॑ ধুনয়ন্ত॒ সিন্ধ॒বোঽচ্ছি॑দ্রা॒ শর্ম॑ দধিরে পু॒রূণি॑ । দে॒বানাং॑ সু॒ম্নে সু॒ভগঃ॒ স এ॑ধতে॒ যংয়ং॒ যুজং॑ কৃণু॒তে ব্রহ্ম॑ণ॒স্পতিঃ॑ ॥ ২।০২৫।০৫, ২।৭।৪।৫

ঋজুরিদিতি চতুরৃচস্য সূক্তস্য শৌনকোগৃৎসমদোব্রহ্মণস্পতির্জগতী ।

ঋ॒জুরিচ্ছংসো॑ বনবদ্বনুষ্য॒তো দে॑ব॒য়ন্নিদদে॑বয়ন্তম॒ভ্য॑সৎ । সু॒প্রা॒বীরিদ্ব॑নবৎপৃ॒ৎসু দু॒ষ্টরং॒ যজ্বেদয়॑জ্যো॒র্বি ভ॑জাতি॒ ভোজ॑নম্ ॥ ২।০২৬।০১, ২।৭।৫।১

যজ॑স্ব বীর॒ প্র বি॑হি মনায়॒তো ভ॒দ্রং মনঃ॑ কৃণুষ্ব বৃত্র॒তূর্যে॑ । হ॒বিষ্কৃ॑ণুষ্ব সু॒ভগো॒ যথাস॑সি॒ ব্রহ্ম॑ণ॒স্পতে॒রব॒ আ বৃ॑ণীমহে ॥ ২।০২৬।০২, ২।৭।৫।২

স ইজ্জনে॑ন॒ স বি॒শা স জন্ম॑না॒ স পু॒ত্রৈর্বাজং॑ ভরতে॒ ধনা॒ নৃভিঃ॑ । দে॒বানাং॒ যঃ পি॒তর॑মা॒বিবা॑সতি শ্র॒দ্ধাম॑না হ॒বিষা॒ ব্রহ্ম॑ণ॒স্পতি॑ম্ ॥ ২।০২৬।০৩, ২।৭।৫।৩

যো অ॑স্মৈ হ॒ব্যৈর্ঘৃ॒তব॑দ্ভি॒রবি॑ধ॒ৎপ্র তং প্রা॒চা ন॑য়তি॒ ব্রহ্ম॑ণ॒স্পতিঃ॑ । উ॒রু॒ষ্যতী॒মংহ॑সো॒ রক্ষ॑তী রি॒ষোং॒৩॒॑ঽহোশ্চি॑দস্মা উরু॒চক্রি॒রদ্ভু॑তঃ ॥ ২।০২৬।০৪, ২।৭।৫।৪

চ॒ত্তো ই॒তশ্চ॒ত্তামুতঃ॒ সর্বা॑ ভ্রূ॒ণান্যা॒রুষী॑ । অ॒রা॒য়্যং॑ ব্রহ্মণস্পতে॒ তীক্ষ্ণ॑শৃঙ্গোদৃ॒ষন্নি॑হি ॥ ১০।১৫৫।০২, ৮।৮।০১৩।০২ {ভারদ্বাজো শিরিম্বিঠঃ । ব্রহ্মণস্পতিঃ । অনুষ্টুপ্}

অ॒দো যদ্দারু॒ প্লব॑তে॒ সিন্ধোঃ॑ পা॒রে অ॑পূরু॒ষম্ । তদা র॑ভস্ব দুর্হণো॒ তেন॑ গচ্ছ পরস্ত॒রম্ ॥ ১০।১৫৫।০৩, ৮।৮।০১৩।০৩ {ভারদ্বাজো শিরিম্বিঠঃ । ব্রহ্মণস্পতিঃ । অনুষ্টুপ্}

অচ্ছা॑ বদা॒ তনা॑ গি॒রা জ॒রায়ৈ॒ ব্রহ্ম॑ণ॒স্পতি॑ম্ । অ॒গ্নিং মি॒ত্রং ন দ॑র্শ॒তম্ ॥ ১।০৩৮।১৩, ১।৩।০১৭।০৩ {ঘৌরঃ কণ্বঃ । মরুতঃ । গায়ত্রী}

ত্বম॑গ্ন॒ ইন্দ্রো॑ বৃষ॒ভঃ স॒তাম॑সি॒ ত্বং বিষ্ণু॑রুরুগা॒য়ো ন॑ম॒স্যঃ॑ । ত্বং ব্র॒হ্মা র॑য়ি॒বিদ্ব্র॑হ্মণস্পতে॒ ত্বং বি॑ধর্তঃ সচসে॒ পুরন্॑ধ্যা ॥ ২।০০১।০৩, ২।৫।০১৭।০৩ {শৌনকো গৃৎসমদঃ । অগ্নিঃ । জগতী}

ই॒ন্দ্রা॒গ্নী মি॒ত্রাবরু॒ণাদি॑তিং॒ স্বঃ॑ পৃথি॒বীং দ্যাং ম॒রুতঃ॒ পর্ব॑তাঁ অ॒পঃ । হু॒বে বিষ্ণুং॑ পূ॒ষণং॒ ব্রহ্ম॑ণ॒স্পতিং॒ ভগং॒ নু শংসং॑ সবি॒তার॑মূ॒তয়ে॑ ॥ ৫।০৪৬।০৩, ৪।২।০২৮।০৩ {আত্রেয়ঃ প্রতিক্ষত্রঃ । বিশ্বদেবাঃ । জগতী}

পরিশিষ্টম্ [ঋগ্বেদ মণ্ডল ১০।১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

প্রি॒য়ং মা॑ কুরু দে॒বেষু॑ প্রি॒য়ং রাজ॑সু মা কুরু । প্রি॒য়ং বিশ্বে॑ষু গো॒প্ত্রেষু॒ ময়ি॑ ধেহি রু॒চা রুচং॑ ॥ ১১॥

অ॒গ্নির্যেন॑ বি॒রাজ॑তি॒ সূর্যো॒ যেন॑ বি॒রাজ॑তি ॥১২॥

বি॒রাড্যেন॒ বিরা॑জতি॒ তেনা॒স্মান্ ব্র॑হ্মণস্পতে॒ বিরা॑জ স॒মিধং॑ কুরু ॥

যত্র॑ বা॒ণাঃ স॒ম্পত॑ন্তি কুমা॒রা বি॑শি॒খা ই॑ব । তত্রা॑ নো॒ ব্রহ্ম॑ণ॒স্পতি॒রদি॑তিঃ॒ শর্ম॑ যচ্ছতু বি॒শ্বাহা॒ শর্ম॑ যচ্ছতু ॥ ৬।০৭৫।১৭, ৫।১।০২২।০২ {ভারদ্বাজঃ পায়ুঃ । যুদ্ধভূমিকবচ ব্রহ্মণস্পত্যদিত্যঃ । পঙ্ক্তিঃ}

প্রা॒তর॒গ্নিং প্রা॒তরিন্দ্রং॑ হবামহে প্রা॒তর্মি॒ত্রাবরু॑ণা প্রা॒তর॒শ্বিনা॑ । প্রা॒তর্ভগং॑ পূ॒ষণং॒ ব্রহ্ম॑ণ॒স্পতিং॑ প্রা॒তঃ সোম॑মু॒ত রু॒দ্রং হু॑বেম ॥ ৭।০৪১।০১, ৫।৪।৮।১ {মৈত্রাবরুণির্বসিষ্ঠঃ । অগ্নীন্দ্র মিত্রাবরুণাশ্বিভগপূষত্রহ্মণস্পতিসোমরুদ্রাদেবতাঃ । জগতী}

দ॒ধি॒ক্রাং বঃ॑ প্রথ॒মম॒শ্বিনো॒ষস॑ম॒গ্নিং সমি॑দ্ধং॒ ভগ॑মূ॒তয়ে॑ হুবে । ইন্দ্রং॒ বিষ্ণুং॑ পূ॒ষণং॒ ব্রহ্ম॑ণ॒স্পতি॑মাদি॒ত্যান্দ্যাবা॑পৃথি॒বী অ॒পঃ স্বঃ॑ ॥ ৭।০৪৪।০১, ৫।৪।০১১।০১ {মৈত্রাবরুণির্বসিষ্ঠঃ । দধিক্রাব্যুষোগ্নিভগেন্দ্র বিষ্ণুপূষব্রহ্মণস্পত্যাদিত্যদ্যাবাপৃথিব্যাপ । জগতী}

তমু॒ জ্যেষ্ঠং॒ নম॑সা হ॒বির্ভিঃ॑ সু॒শেবং॒ ব্রহ্ম॑ণ॒স্পতিং॑ গৃণীষে । ইন্দ্রং॒ শ্লোকো॒ মহি॒ দৈব্যঃ॑ সিষক্তু॒ যো ব্রহ্ম॑ণো দে॒বকৃ॑তস্য॒ রাজা॑ ॥ ৭।০৯৭।০৩, ৫।৬।০২১।০৩ {মৈত্রাবরুণির্বসিষ্ঠঃ । ইন্দ্রাব্রহ্মণস্পতী । ত্রিষ্টুপ্}

ই॒য়ং বাং॑ ব্রহ্মণস্পতে সুবৃ॒ক্তির্ব্রহ্মেন্দ্রা॑য় ব॒জ্রিণে॑ অকারি । অ॒বি॒ষ্টং ধিয়ো॑ জিগৃ॒তং পুরন্॑ধীর্জজ॒স্তম॒র্যো ব॒নুষা॒মরা॑তীঃ ॥ ৭।০৯৭।০৯, ৫।৬।০২২।০৪ {মৈত্রাবরুণির্বসিষ্ঠঃ । ইন্দ্রাব্রহ্মণস্পতী । ত্রিষ্টুপ্}

অ॒গ্নিরু॒ক্থে পু॒রোহি॑তো॒ গ্রাবা॑ণো ব॒র্হির॑ধ্ব॒রে । ঋ॒চা যা॑মি ম॒রুতো॒ ব্রহ্ম॑ণ॒স্পতিং॑ দে॒বাঁ অবো॒ বরে॑ণ্যম্ ॥ ৮।০২৭।০১, ৬।২।০৩১।০১ {বৈবস্বতোমনুঃ । বিশ্বদেবাঃ । বৃহতী}

প॒বিত্রং॑ তে॒ বিত॑তং ব্রহ্মণস্পতে প্র॒ভুর্গাত্রা॑ণি॒ পর্যে॑ষি বি॒শ্বতঃ॑ । অত॑প্ততনূ॒র্ন তদা॒মো অ॑শ্নুতে শৃ॒তাস॒ ইদ্বহ॑ন্ত॒স্তৎসমা॑শত ॥ ৯।০৮৩।০১, ৭।৩।৮।১ {আঙ্গিরসঃ পবিত্রঃ । পবমানঃ সোমঃ । জগতী}

ত্বষ্টা॑ মা॒য়া বে॑দ॒পসা॑ম॒পস্ত॑মো॒ বিভ্র॒ৎপাত্রা॑ দেব॒পানা॑নি॒ শন্ত॑মা । শিশী॑তে নূ॒নং প॑র॒শুং স্বা॑য়॒সং যেন॑ বৃ॒শ্চাদেত॑শো॒ ব্রহ্ম॑ণ॒স্পতিঃ॑ ॥ ১০।০৫৩।০৯, ৮।১।০১৪।০৪ {দেবাঃ । অগ্নিঃ । জগতী}

অ॒গ্নিরিন্দ্রো॒ বরু॑ণো মি॒ত্রো অ॑র্য॒মা বা॒য়ুঃ পূ॒ষা সর॑স্বতী স॒জোষ॑সঃ । আ॒দি॒ত্যা বিষ্ণু॑র্ম॒রুতঃ॒ স্ব॑র্বৃ॒হৎসোমো॑ রু॒দ্রো অদি॑তি॒র্ব্রহ্ম॑ণ॒স্পতিঃ॑ ॥ ১০।০৬৫।০১, ৮।২।৯।১ {বসুকর্ণো বাসুক্রঃ । বিশ্বদেবাঃ । জগতী}

স ঈং॑ স॒ত্যেভিঃ॒ সখি॑ভিঃ শু॒চদ্ভি॒র্গোধা॑য়সং॒ বি ধ॑ন॒সৈর॑দর্দঃ । ব্রহ্ম॑ণ॒স্পতি॒র্বৃষ॑ভির্ব॒রাহৈ॑র্ঘ॒র্মস্বে॑দেভি॒র্দ্রবি॑ণং॒ ব্যা॑নট্ ॥ ১০।০৬৭।০৭, ৮।২।০১৬।০১ {আঙ্গিরসো যাস্যঃ । বৃহস্পতিঃ । ত্রিষ্টুপ্}

ব্রহ্ম॑ণ॒স্পতি॑রে॒তা সং ক॒র্মার॑ ইবাধমৎ । দে॒বানাং॑ পূ॒র্ব্যে যু॒গেঽস॑তঃ॒ সদ॑জায়ত ॥ ১০।০৭২।০২, ৮।৩।১।২ {লৌক্যো বৃহস্পতিঃ । দেবাঃ । অনুষ্টুপ্}

যদি॑ন্দ্র ব্রহ্মণস্পতেঽভিদ্রো॒হং চরা॑মসি । প্রচে॑তা ন আঙ্গির॒সো দ্বি॑ষ॒তাং পা॒ত্বংহ॑সঃ ॥ ১০।১৬৪।০৪, ৮।৮।০২২।০৪ {আঙ্গিরসঃ প্রচেতাদুঃ । দুঃস্বপ্ননাশনঃ । অনুষ্টুপ্}

ই॒মমিন্দ্রো॑ অদীধরদ্ধ্রু॒বং ধ্রু॒বেণ॑ হ॒বিষা॑ । তস্মৈ॒ সোমো॒ অধি॑ ব্রব॒ত্তস্মা॑ উ॒ ব্রহ্ম॑ণ॒স্পতিঃ॑ ॥ ১০।১৭৩।০৩, ৮।৮।০৩১।০৩ {আঙ্গিরসো ধ্রুবঃ । রাজাঃ । অনুষ্টুপ্}

অ॒ভী॒ব॒র্তেন॑ হ॒বিষা॒ যেনেন্দ্রো॑ অভিবাবৃ॒তে । তেনা॒স্মান্ব্র॑হ্মণস্পতে॒ঽভি রা॒ষ্ট্রায়॑ বর্তয় ॥ ১০।১৭৪।০১, ৮।৮।০৩২।০১ {আঙ্গিরসো ভীবর্তঃ । রাজাঃ । অনুষ্টুপ্}

পরিশিষ্টম্ [ঋগ্বেদ মণ্ডল ১০, ১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

অ॒গ্নির্যেন॑ বি॒রাজ॑তি॒ সূর্যো॒ যেন॑ বি॒রাজ॑তি ॥১২॥

বি॒রাড্যেন॒ বিরা॑জতি॒ তেনা॒স্মান্ ব্র॑হ্মণস্পতে॒ বিরা॑জ স॒মিধং॑ কুরু ॥

নি ষু সী॑দ গণপতে গ॒ণেষু॒ ত্বামা॑হু॒র্বিপ্র॑তমং কবী॒নাম্ । ন ঋ॒তে ত্বৎক্রি॑য়তে॒ কিং চ॒নারে ম॒হাম॒র্কং ম॑ঘবঞ্চি॒ত্রম॑র্চ ॥ ১০।১১২।০৯, ৮।৬।০১৩।০৪ {বৈরূপো নভ প্রভেদনঃ । ইন্দ্রঃ । ত্রিষ্টুপ্}

অ॒য়ং মে॒ হস্তো॒ ভগ॑বান॒য়ং মে॒ ভগ॑বত্তরঃ । অ॒য়ং মে॑ বি॒শ্বভে॑ষজো॒ঽয়ং শি॒বাভি॑মর্শনঃ ॥ ১০।০৬০।১২, ৮।১।০২৫।০৬ {গৌপায়না বন্ধ্বাদয়ঃ । হস্তঃ । অনুষ্টুপ্}

১২। গো সূক্তং

আগাবইত্যষ্টর্চস্য সূক্তস্য বার্হস্পত্যোভরদ্বাজোগৌস্ত্রিষ্টুপ্ (দ্বিতীয়ায়া ইন্দ্রশ্চান্ত্যপাদস্যচ) দ্বিতীয়াধ্যাস্তিস্রোজগত্যোন্ত্যানুষ্টুপ্ ।

আ গাবো॑ অগ্মন্নু॒ত ভ॒দ্রম॑ক্র॒ন্ত্সীদ॑ন্তু গো॒ষ্ঠে র॒ণয়॑ন্ত্ব॒স্মে । প্র॒জাব॑তীঃ পুরু॒রূপা॑ ই॒হ স্যু॒রিন্দ্রা॑য় পূ॒র্বীরু॒ষসো॒ দুহা॑নাঃ ॥ ৬।০২৮।০১, ৪।৬।০২৫।০১

ইন্দ্রো॒ যজ্ব॑নে পৃণ॒তে চ॑ শিক্ষ॒ত্যুপেদ্দ॑দাতি॒ ন স্বং মু॑ষায়তি । ভূয়ো॑ভূয়ো র॒য়িমিদ॑স্য ব॒র্ধয়॒ন্নভি॑ন্নে খি॒ল্যে নি দ॑ধাতি দেব॒য়ুম্ ॥ ৬।০২৮।০২, ৪।৬।০২৫।০২

ন তা ন॑শন্তি॒ ন দ॑ভাতি॒ তস্ক॑রো॒ নাসা॑মামি॒ত্রো ব্যথি॒রা দ॑ধর্ষতি । দে॒বাঁশ্চ॒ যাভি॒র্যজ॑তে॒ দদা॑তি চ॒ জ্যোগিত্তাভিঃ॑ সচতে॒ গোপ॑তিঃ স॒হ ॥ ৬।০২৮।০৩, ৪।৬।০২৫।০৩

ন তা অর্বা॑ রে॒ণুক॑কাটো অশ্নুতে॒ ন সং॑স্কৃত॒ত্রমুপ॑ যন্তি॒ তা অ॒ভি । উ॒রু॒গা॒য়মভ॑য়ং॒ তস্য॒ তা অনু॒ গাবো॒ মর্ত॑স্য॒ বি চ॑রন্তি॒ যজ্ব॑নঃ ॥ ৬।০২৮।০৪, ৪।৬।০২৫।০৪

গাবো॒ ভগো॒ গাব॒ ইন্দ্রো॑ মে অচ্ছা॒ন্গাবঃ॒ সোম॑স্য প্রথ॒মস্য॑ ভ॒ক্ষঃ । ই॒মা যা গাবঃ॒ স জ॑নাস॒ ইন্দ্র॑ ই॒চ্ছামীদ্ধৃ॒দা মন॑সা চি॒দিন্দ্র॑ম্ ॥ ৬।০২৮।০৫, ৪।৬।০২৫।০৫

যূ॒য়ং গা॑বো মেদয়থা কৃ॒শং চি॑দশ্রী॒রং চি॑ৎকৃণুথা সু॒প্রতী॑কম্ । ভ॒দ্রং গৃ॒হং কৃ॑ণুথ ভদ্রবাচো বৃ॒হদ্বো॒ বয়॑ উচ্যতে স॒ভাসু॑ ॥ ৬।০২৮।০৬, ৪।৬।০২৫।০৬

প্র॒জাব॑তীঃ সূ॒য়ব॑সং রি॒শন্তীঃ॑ শু॒দ্ধা অ॒পঃ সু॑প্রপা॒ণে পিব॑ন্তীঃ । মা বঃ॑ স্তে॒ন ঈ॑শত॒ মাঘশং॑সঃ॒ পরি॑ বো হে॒তী রু॒দ্রস্য॑ বৃজ্যাঃ ॥ ৬।০২৮।০৭, ৪।৬।০২৫।০৭

উপে॒দমু॑প॒পর্চ॑নমা॒সু গোষূপ॑ পৃচ্যতাম্ । উপ॑ ঋষ॒ভস্য॒ রেত॒স্যুপে॑ন্দ্র॒ তব॑ বী॒র্যে॑ ॥ ৬।০২৮।০৮, ৪।৬।০২৫।০৮

মা॒তা রু॒দ্রাণাং॑ দুহি॒তা বসূ॑নাং॒ স্বসা॑দি॒ত্যানা॑ম॒মৃত॑স্য॒ নাভিঃ॑ । প্র নু বো॑চং চিকি॒তুষে॒ জনা॑য়॒ মা গামনা॑গা॒মদি॑তিং বধিষ্ট ॥ ৮।১০১।১৫, ৬।৭।৮।৫ {ভার্গবো জমদগ্নিঃ । গৌঃ । ত্রিষ্টুপ্}

ব॒চো॒বিদং॒ বাচ॑মুদী॒রয়॑ন্তীং॒ বিশ্বা॑ভির্ধী॒ভিরু॑প॒তিষ্ঠ॑মানাম্ । দে॒বীং দে॒বেভ্যঃ॒ পর্যে॒য়ুষীং॒ গামা মা॑বৃক্ত॒ মর্ত্যো॑ দ॒ভ্রচে॑তাঃ ॥ ৮।১০১।১৬, ৬।৭।৮।৬ {ভার্গবো জমদগ্নিঃ । গৌঃ । ত্রিষ্টুপ্}

ময়োভূরিতি চতুরৃচস্য সূক্তস্য কাক্ষীবতঃ শম্বরোগাবস্ত্রিষ্টুপ্ ।

ম॒য়ো॒ভূর্বাতো॑ অ॒ভি বা॑তূ॒স্রা ঊর্জ॑স্বতী॒রোষ॑ধী॒রা রি॑শন্তাম্ । পীব॑স্বতীর্জী॒বধ॑ন্যাঃ পিবন্ত্বব॒সায়॑ প॒দ্বতে॑ রুদ্র মৃল় ॥ ১০।১৬৯।০১, ৮।৮।০২৭।০১

যাঃ সরূ॑পা॒ বিরূ॑পা॒ এক॑রূপা॒ যাসা॑ম॒গ্নিরিষ্ট্যা॒ নামা॑নি॒ বেদ॑ । যা অঙ্গি॑রস॒স্তপ॑সে॒হ চ॒ক্রুস্তাভ্যঃ॑ পর্জন্য॒ মহি॒ শর্ম॑ যচ্ছ ॥ ১০।১৬৯।০২, ৮।৮।০২৭।০২

যা দে॒বেষু॑ ত॒ন্ব১॒॑মৈর॑য়ন্ত॒ যাসাং॒ সোমো॒ বিশ্বা॑ রূ॒পাণি॒ বেদ॑ । তা অ॒স্মভ্যং॒ পয়॑সা॒ পিন্ব॑মানাঃ প্র॒জাব॑তীরিন্দ্র গো॒ষ্ঠে রি॑রীহি ॥ ১০।১৬৯।০৩, ৮।৮।০২৭।০৩

প্র॒জাপ॑তি॒র্মহ্য॑মে॒তা ররা॑ণো॒ বিশ্বৈ॑র্দে॒বৈঃ পি॒তৃভিঃ॑ সংবিদা॒নঃ । শি॒বাঃ স॒তীরুপ॑ নো গো॒ষ্ঠমাক॒স্তাসাং॑ ব॒য়ং প্র॒জয়া॒ সং স॑দেম ॥ ১০।১৬৯।০৪, ৮।৮।০২৭।০৪

১৩। ঐকমত্য সূক্তং

সংসমিতি চতুরৃচস্য সূক্তস্যাঙ্গিরসঃ সংবননঃ আদ্যায়া অগ্নিস্ততস্তিসৃণাং সঞ্জ্ঞানমনুষ্টুপ্ তৃতীয়াত্রিষ্টুপ্ ।

সংস॒মিদ্যু॑বসে বৃষ॒ন্নগ্নে॒ বিশ্বা॑ন্য॒র্য আ । ই॒ল়স্প॒দে সমি॑ধ্যসে॒ স নো॒ বসূ॒ন্যা ভ॑র ॥ ১০।১৯১।০১, ৮।৮।০৪৯।০১

সং গ॑চ্ছধ্বং॒ সং ব॑দধ্বং॒ সং বো॒ মনাং॑সি জানতাম্ । দে॒বা ভা॒গং যথা॒ পূর্বে॑ সঞ্জানা॒না উ॒পাস॑তে ॥ ১০।১৯১।০২, ৮।৮।০৪৯।০২

স॒মা॒নো মন্ত্রঃ॒ সমি॑তিঃ সমা॒নী স॑মা॒নং মনঃ॑ স॒হ চি॒ত্তমে॑ষাম্ । স॒মা॒নং মন্ত্র॑ম॒ভি ম॑ন্ত্রয়ে বঃ সমা॒নেন॑ বো হ॒বিষা॑ জুহোমি ॥ ১০।১৯১।০৩, ৮।৮।০৪৯।০৩

স॒মা॒নী ব॒ আকূ॑তিঃ সমা॒না হৃদ॑য়ানি বঃ । স॒মা॒নম॑স্তু বো॒ মনো॒ যথা॑ বঃ॒ সুস॒হাস॑তি ॥ ১০।১৯১।০৪, ৮।৮।০৪৯।০৪

১৪। অগ্নিসূক্তং (ঋগ্বেদ ১।১)

অগ্নিমীল় ইতি নবর্চস্য সূক্তস্য বৈশ্বামিত্রোমধুচ্ছন্দাঅগ্নির্গায়ত্রী ।

অ॒গ্নিমী॑ল়ে পু॒রোহি॑তং য॒জ্ঞস্য॑ দে॒বমৃ॒ত্বিজ॑ম্ । হোতা॑রং রত্ন॒ধাত॑মম্ ॥ ১।০০১।০১, ১।১।১।১

অ॒গ্নিঃ পূর্বে॑ভি॒র্ঋষি॑ভি॒রীড্যো॒ নূত॑নৈরু॒ত । স দে॒বাঁ এহ ব॑ক্ষতি ॥ ১।০০১।০২, ১।১।১।২

অ॒গ্নিনা॑ র॒য়িম॑শ্নব॒ৎপোষ॑মে॒ব দি॒বেদি॑বে । য॒শসং॑ বী॒রব॑ত্তমম্ ॥ ১।০০১।০৩, ১।১।১।৩

অগ্নে॒ যং য॒জ্ঞম॑ধ্ব॒রং বি॒শ্বতঃ॑ পরি॒ভূরসি॑ । স ইদ্দে॒বেষু॑ গচ্ছতি ॥ ১।০০১।০৪, ১।১।১।৪

অ॒গ্নির্হোতা॑ ক॒বিক্র॑তুঃ স॒ত্যশ্চি॒ত্রশ্র॑বস্তমঃ । দে॒বো দে॒বেভি॒রা গ॑মৎ ॥ ১।০০১।০৫, ১।১।১।৫

যদ॒ঙ্গ দা॒শুষে॒ ত্বমগ্নে॑ ভ॒দ্রং ক॑রি॒ষ্যসি॑ । তবেত্তৎস॒ত্যম॑ঙ্গিরঃ ॥ ১।০০১।০৬, ১।১।২।১

উপ॑ ত্বাগ্নে দি॒বেদি॑বে॒ দোষা॑বস্তর্ধি॒য়া ব॒য়ম্ । নমো॒ ভর॑ন্ত॒ এম॑সি ॥ ১।০০১।০৭, ১।১।২।২

রাজ॑ন্তমধ্ব॒রাণাং॑ গো॒পামৃ॒তস্য॒ দীদি॑বিম্ । বর্ধ॑মানং॒ স্বে দমে॑ ॥ ১।০০১।০৮, ১।১।২।৩

স নঃ॑ পি॒তেব॑ সূ॒নবেঽগ্নে॑ সূপায়॒নো ভ॑ব । সচ॑স্বা নঃ স্ব॒স্তয়ে॑ ॥ ১।০০১।০৯, ১।১।২।৪

১৫। আ নো ভদ্রাঃ সূক্তং

আনোভদ্রাইতি দশর্চস্য সূক্তস্য রাহূগণোগোতমো বিশ্বেদেবাস্ত্রিষ্টুপ্ আদ্যাঃ পঞ্চসপ্তমীচ জগত্যঃ ষষ্ঠীবিরাট্স্থানা (সূক্তভেদপ্রয়োগপক্ষেতুআদ্যানাঞ্চতসৃণাং বিশ্বেদেবাঃ ততএকস্যাইন্দ্রাপূষণৌততশ্চতসৃণাং বিশ্বেদেবাঃততএকস্যাঅদিতিঃ এবন্দশ) ।

আ নো॑ ভ॒দ্রাঃ ক্রত॑বো যন্তু বি॒শ্বতোঽদ॑ব্ধাসো॒ অপ॑রীতাস উ॒দ্ভিদঃ॑ । দে॒বা নো॒ যথা॒ সদ॒মিদ্বৃ॒ধে অস॒ন্নপ্রা॑য়ুবো রক্ষি॒তারো॑ দি॒বেদি॑বে ॥ ১।০৮৯।০১, ১।৬।০১৫।০১

দে॒বানাং॑ ভ॒দ্রা সু॑ম॒তির্ঋ॑জূয়॒তাং দে॒বানাং॑ রা॒তির॒ভি নো॒ নি ব॑র্ততাম্ । দে॒বানাং॑ স॒খ্যমুপ॑ সেদিমা ব॒য়ং দে॒বা ন॒ আয়ুঃ॒ প্র তি॑রন্তু জী॒বসে॑ ॥ ১।০৮৯।০২, ১।৬।০১৫।০২

তান্পূর্ব॑য়া নি॒বিদা॑ হূমহে ব॒য়ং ভগং॑ মি॒ত্রমদি॑তিং॒ দক্ষ॑ম॒স্রিধ॑ম্ । অ॒র্য॒মণং॒ বরু॑ণং॒ সোম॑ম॒শ্বিনা॒ সর॑স্বতী নঃ সু॒ভগা॒ ময়॑স্করৎ ॥ ১।০৮৯।০৩, ১।৬।০১৫।০৩

তন্নো॒ বাতো॑ ময়ো॒ভু বা॑তু ভেষ॒জং তন্মা॒তা পৃ॑থি॒বী তৎপি॒তা দ্যৌঃ । তদ্গ্রাবা॑ণঃ সোম॒সুতো॑ ময়ো॒ভুব॒স্তদ॑শ্বিনা শৃণুতং ধিষ্ণ্যা যু॒বম্ ॥ ১।০৮৯।০৪, ১।৬।০১৫।০৪

তমীশা॑নং॒ জগ॑তস্ত॒স্থুষ॒স্পতিং॑ ধিয়ঞ্জি॒ন্বমব॑সে হূমহে ব॒য়ম্ । পূ॒ষা নো॒ যথা॒ বেদ॑সা॒মস॑দ্বৃ॒ধে র॑ক্ষি॒তা পা॒য়ুরদ॑ব্ধঃ স্ব॒স্তয়ে॑ ॥ ১।০৮৯।০৫, ১।৬।০১৫।০৫

স্ব॒স্তি ন॒ ইন্দ্রো॑ বৃ॒দ্ধশ্র॑বাঃ স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্যো॒ অরি॑ষ্টনেমিঃ স্ব॒স্তি নো॒ বৃহ॒স্পতি॑র্দধাতু ॥ ১।০৮৯।০৬, ১।৬।০১৬।০১

পৃষ॑দশ্বা ম॒রুতঃ॒ পৃশ্নি॑মাতরঃ শুভং॒য়াবা॑নো বি॒দথে॑ষু॒ জগ্ম॑য়ঃ । অ॒গ্নি॒জি॒হ্বা মন॑বঃ॒ সূর॑চক্ষসো॒ বিশ্বে॑ নো দে॒বা অব॒সা গ॑মন্নি॒হ ॥ ১।০৮৯।০৭, ১।৬।০১৬।০২

ভ॒দ্রং কর্ণে॑ভিঃ শৃণুয়াম দেবা ভ॒দ্রং প॑শ্যেমা॒ক্ষভি॑র্যজত্রাঃ । স্থি॒রৈরঙ্গৈ॑স্তুষ্টু॒বাংস॑স্ত॒নূভি॒র্ব্য॑শেম দে॒বহি॑তং॒ যদায়ুঃ॑ ॥ ১।০৮৯।০৮, ১।৬।০১৬।০৩

শ॒তমিন্নু শ॒রদো॒ অন্তি॑ দেবা॒ যত্রা॑ নশ্চ॒ক্রা জ॒রসং॑ ত॒নূনা॑ম্ । পু॒ত্রাসো॒ যত্র॑ পি॒তরো॒ ভব॑ন্তি॒ মা নো॑ ম॒ধ্যা রী॑রিষ॒তায়ু॒র্গন্তোঃ॑ ॥ ১।০৮৯।০৯, ১।৬।০১৬।০৪

অদি॑তি॒র্দ্যৌরদি॑তির॒ন্তরি॑ক্ষ॒মদি॑তির্মা॒তা স পি॒তা স পু॒ত্রঃ । বিশ্বে॑ দে॒বা অদি॑তিঃ॒ পঞ্চ॒ জনা॒ অদি॑তির্জা॒তমদি॑তি॒র্জনি॑ত্বম্ ॥ ১।০৮৯।১০, ১।৬।০১৬।০৫

১৬। ওষধী সূক্তং

যাওষধীরিতি ত্রয়োবিংশত্যৃচস্য সূক্তস্যাথর্বণোভিষগোষধয়োনুষ্টুপ্ ।

যা ওষ॑ধীঃ॒ পূর্বা॑ জা॒তা দে॒বেভ্য॑স্ত্রিয়ু॒গং পু॒রা । মনৈ॒ নু ব॒ভ্রূণা॑ম॒হং শ॒তং ধামা॑নি স॒প্ত চ॑ ॥ ১০।০৯৭।০১, ৮।৫।৮।১

শ॒তং বো॑ অম্ব॒ ধামা॑নি স॒হস্র॑মু॒ত বো॒ রুহঃ॑ । অধা॑ শতক্রত্বো যূ॒য়মি॒মং মে॑ অগ॒দং কৃ॑ত ॥ ১০।০৯৭।০২, ৮।৫।৮।২

ওষ॑ধীঃ॒ প্রতি॑ মোদধ্বং॒ পুষ্প॑বতীঃ প্র॒সূব॑রীঃ । অশ্বা॑ ইব স॒জিত্ব॑রীর্বী॒রুধঃ॑ পারয়ি॒ষ্ণ্বঃ॑ ॥ ১০।০৯৭।০৩, ৮।৫।৮।৩

ওষ॑ধী॒রিতি॑ মাতর॒স্তদ্বো॑ দেবী॒রুপ॑ ব্রুবে । স॒নেয়॒মশ্বং॒ গাং বাস॑ আ॒ত্মানং॒ তব॑ পূরুষ ॥ ১০।০৯৭।০৪, ৮।৫।৮।৪

অ॒শ্ব॒ত্থে বো॑ নি॒ষদ॑নং প॒র্ণে বো॑ বস॒তিষ্কৃ॒তা । গো॒ভাজ॒ ইৎকিলা॑সথ॒ যৎস॒নব॑থ॒ পূরু॑ষম্ ॥ ১০।০৯৭।০৫, ৮।৫।৮।৫

যত্রৌষ॑ধীঃ স॒মগ্ম॑ত॒ রাজা॑নঃ॒ সমি॑তাবিব । বিপ্রঃ॒ স উ॑চ্যতে ভি॒ষগ্র॑ক্ষো॒হামী॑ব॒চাত॑নঃ ॥ ১০।০৯৭।০৬, ৮।৫।৯।১

অ॒শ্বা॒ব॒তীং সো॑মাব॒তীমূ॒র্জয়॑ন্তী॒মুদো॑জসম্ । আবি॑ৎসি॒ সর্বা॒ ওষ॑ধীর॒স্মা অ॑রি॒ষ্টতা॑তয়ে ॥ ১০।০৯৭।০৭, ৮।৫।৯।২

উচ্ছুষ্মা॒ ওষ॑ধীনাং॒ গাবো॑ গো॒ষ্ঠাদি॑বেরতে । ধনং॑ সনি॒ষ্যন্তী॑নামা॒ত্মানং॒ তব॑ পূরুষ ॥ ১০।০৯৭।০৮, ৮।৫।৯।৩

ইষ্কৃ॑তি॒র্নাম॑ বো মা॒তাথো॑ যূ॒য়ং স্থ॒ নিষ্কৃ॑তীঃ । সী॒রাঃ প॑ত॒ত্রিণীঃ॑ স্থন॒ যদা॒ময়॑তি॒ নিষ্কৃ॑থ ॥ ১০।০৯৭।০৯, ৮।৫।৯।৪

অতি॒ বিশ্বাঃ॑ পরি॒ষ্ঠাঃ স্তে॒ন ই॑ব ব্র॒জম॑ক্রমুঃ । ওষ॑ধীঃ॒ প্রাচু॑চ্যবু॒র্যৎকিং চ॑ ত॒ন্বো॒৩॒॑ রপঃ॑ ॥ ১০।০৯৭।১০, ৮।৫।৯।৫

যদি॒মা বা॒জয়॑ন্ন॒হমোষ॑ধী॒র্হস্ত॑ আদ॒ধে । আ॒ত্মা যক্ষ্ম॑স্য নশ্যতি পু॒রা জী॑ব॒গৃভো॑ যথা ॥ ১০।০৯৭।১১, ৮।৫।০১০।০১

যস্যৌ॑ষধীঃ প্র॒সর্প॒থাঙ্গ॑মঙ্গং॒ পরু॑ষ্পরুঃ । ততো॒ যক্ষ্মং॒ বি বা॑ধধ্ব উ॒গ্রো ম॑ধ্যম॒শীরি॑ব ॥ ১০।০৯৭।১২, ৮।৫।০১০।০২

সা॒কং য॑ক্ষ্ম॒ প্র প॑ত॒ চাষে॑ণ কিকিদী॒বিনা॑ । সা॒কং বাত॑স্য॒ ধ্রাজ্যা॑ সা॒কং ন॑শ্য নি॒হাক॑য়া ॥ ১০।০৯৭।১৩, ৮।৫।০১০।০৩

অ॒ন্যা বো॑ অ॒ন্যাম॑বত্ব॒ন্যান্যস্যা॒ উপা॑বত । তাঃ সর্বাঃ॑ সংবিদা॒না ই॒দং মে॒ প্রাব॑তা॒ বচঃ॑ ॥ ১০।০৯৭।১৪, ৮।৫।০১০।০৪

যাঃ ফ॒লিনী॒র্যা অ॑ফ॒লা অ॑পু॒ষ্পা যাশ্চ॑ পু॒ষ্পিণীঃ॑ । বৃহ॒স্পতি॑প্রসূতা॒স্তা নো॑ মুঞ্চ॒ন্ত্বংহ॑সঃ ॥ ১০।০৯৭।১৫, ৮।৫।০১০।০৫

মু॒ঞ্চন্তু॑ মা শপ॒থ্যা॒৩॒॑দথো॑ বরু॒ণ্যা॑দু॒ত । অথো॑ য॒মস্য॒ পড্বী॑শা॒ৎসর্ব॑স্মাদ্দেবকিল্বি॒ষাৎ ॥ ১০।০৯৭।১৬, ৮।৫।০১১।০১

অ॒ব॒পত॑ন্তীরবদন্দি॒ব ওষ॑ধয়॒স্পরি॑ । যং জী॒বম॒শ্নবা॑মহৈ॒ ন স রি॑ষ্যাতি॒ পূরু॑ষঃ ॥ ১০।০৯৭।১৭, ৮।৫।০১১।০২

যা ওষ॑ধীঃ॒ সোম॑রাজ্ঞীর্ব॒হ্বীঃ শ॒তবি॑চক্ষণাঃ । তাসাং॒ ত্বম॑স্যুত্ত॒মারং॒ কামা॑য়॒ শং হৃ॒দে ॥ ১০।০৯৭।১৮, ৮।৫।০১১।০৩

যা ওষ॑ধীঃ॒ সোম॑রাজ্ঞী॒র্বিষ্ঠি॑তাঃ পৃথি॒বীমনু॑ । বৃহ॒স্পতি॑প্রসূতা অ॒স্যৈ সং দ॑ত্ত বী॒র্য॑ম্ ॥ ১০।০৯৭।১৯, ৮।৫।০১১।০৪

মা বো॑ রিষৎখনি॒তা যস্মৈ॑ চা॒হং খনা॑মি বঃ । দ্বি॒পচ্চতু॑ষ্পদ॒স্মাকং॒ সর্ব॑মস্ত্বনাতু॒রম্ ॥ ১০।০৯৭।২০, ৮।৫।০১১।০৫

যাশ্চে॒দমু॑পশৃ॒ণ্বন্তি॒ যাশ্চ॑ দূ॒রং পরা॑গতাঃ । সর্বাঃ॑ সঙ্॒গত্য॑ বীরুধো॒ঽস্যৈ সং দ॑ত্ত বী॒র্য॑ম্ ॥ ১০।০৯৭।২১, ৮।৫।০১১।০৬

ওষ॑ধয়ঃ॒ সং ব॑দন্তে॒ সোমে॑ন স॒হ রাজ্ঞা॑ । যস্মৈ॑ কৃ॒ণোতি॑ ব্রাহ্ম॒ণস্তং রা॑জন্পারয়ামসি ॥ ১০।০৯৭।২২, ৮।৫।০১১।০৭

ত্বমু॑ত্ত॒মাস্যো॑ষধে॒ তব॑ বৃ॒ক্ষা উপ॑স্তয়ঃ । উপ॑স্তিরস্তু॒ সো॒৩॒॑ঽস্মাকং॒ যো অ॒স্মাঁ অ॑ভি॒দাস॑তি ॥ ১০।০৯৭।২৩, ৮।৫।০১১।০৮

১৭। কুমার সূক্তং

অগ্নিহোতেতি দশর্চস্য সূক্তস্য গৌতমোবামদেবোগ্নিঃ সপ্তম্যষ্টম্যোঃসাহদেব্যঃসোমকঃ অন্ত্যযোরশ্বিনৌগায়ত্রী ।

অ॒গ্নির্হোতা॑ নো অধ্ব॒রে বা॒জী সন্পরি॑ ণীয়তে । দে॒বো দে॒বেষু॑ য॒জ্ঞিয়ঃ॑ ॥ ৪।০১৫।০১, ৩।৫।০১৫।০১

পরি॑ ত্রিবি॒ষ্ট্য॑ধ্ব॒রং যাত্য॒গ্নী র॒থীরি॑ব । আ দে॒বেষু॒ প্রয়ো॒ দধ॑ৎ ॥ ৪।০১৫।০২, ৩।৫।০১৫।০২

পরি॒ বাজ॑পতিঃ ক॒বির॒গ্নির্হ॒ব্যান্য॑ক্রমীৎ । দধ॒দ্রত্না॑নি দা॒শুষে॑ ॥ ৪।০১৫।০৩, ৩।৫।০১৫।০৩

অ॒য়ং যঃ সৃঞ্জ॑য়ে পু॒রো দৈ॑ববা॒তে স॑মি॒ধ্যতে॑ । দ্যু॒মাঁ অ॑মিত্র॒দম্ভ॑নঃ ॥ ৪।০১৫।০৪, ৩।৫।০১৫।০৪

অস্য॑ ঘা বী॒র ঈব॑তো॒ঽগ্নেরী॑শীত॒ মর্ত্যঃ॑ । তি॒গ্মজ॑ম্ভস্য মী॒ল়্হুষঃ॑ ॥ ৪।০১৫।০৫, ৩।৫।০১৫।০৫

তমর্ব॑ন্তং॒ ন সা॑ন॒সিম॑রু॒ষং ন দি॒বঃ শিশু॑ম্ । ম॒র্মৃ॒জ্যন্তে॑ দি॒বেদি॑বে ॥ ৪।০১৫।০৬, ৩।৫।০১৬।০১

বোধ॒দ্যন্মা॒ হরি॑ভ্যাং কুমা॒রঃ সা॑হদে॒ব্যঃ । অচ্ছা॒ ন হূ॒ত উদ॑রম্ ॥ ৪।০১৫।০৭, ৩।৫।০১৬।০২

উ॒ত ত্যা য॑জ॒তা হরী॑ কুমা॒রাৎসা॑হদে॒ব্যাৎ । প্রয়॑তা স॒দ্য আ দ॑দে ॥ ৪।০১৫।০৮, ৩।৫।০১৬।০৩

এ॒ষ বাং॑ দেবাবশ্বিনা কুমা॒রঃ সা॑হদে॒ব্যঃ । দী॒র্ঘায়ু॑রস্তু॒ সোম॑কঃ ॥ ৪।০১৫।০৯, ৩।৫।০১৬।০৪

তং যু॒বং দে॑বাবশ্বিনা কুমা॒রং সা॑হদে॒ব্যম্ । দী॒র্ঘায়ু॑ষং কৃণোতন ॥ ৪।০১৫।১০, ৩।৫।০১৬।০৫

কুমারমিতি দ্বাদশর্চস্য সূক্তস্য আত্রেয়ঃকুমারঃ কমেতংবিজ্যোতিষেত্যনয়োর্জানোবৃশোগ্নিস্ত্রিষ্টুপ্ অন্ত্যাশক্বরী ( পাক্ষিকোজরোবৃশঃ সর্বসূক্তেপি । অত্রসর্বানুক্রমভাষ্যেজননাম্নঋষেঃ পুত্রোজানইত্যেবনির্ণীতং । জরনাগ্নঋষেঃ পুত্রোজারোবৃশইতিতুসায়নভাষ্যং । )

কু॒মা॒রং মা॒তা যু॑ব॒তিঃ সমু॑ব্ধং॒ গুহা॑ বিভর্তি॒ ন দ॑দাতি পি॒ত্রে । অনী॑কমস্য॒ ন মি॒নজ্জনা॑সঃ পু॒রঃ প॑শ্যন্তি॒ নিহি॑তমর॒তৌ ॥ ৫।০০২।০১, ৩।৮।০১৪।০১

কমে॒তং ত্বং যু॑বতে কুমা॒রং পেষী॑ বিভর্ষি॒ মহি॑ষী জজান । পূ॒র্বীর্হি গর্ভঃ॑ শ॒রদো॑ ব॒বর্ধাপ॑শ্যং জা॒তং যদসূ॑ত মা॒তা ॥ ৫।০০২।০২, ৩।৮।০১৪।০২

হির॑ণ্যদন্তং॒ শুচি॑বর্ণমা॒রাৎক্ষেত্রা॑দপশ্য॒মায়ু॑ধা॒ মিমা॑নম্ । দ॒দা॒নো অ॑স্মা অ॒মৃতং॑ বি॒পৃক্ব॒ৎকিং মাম॑নি॒ন্দ্রাঃ কৃ॑ণবন্ননু॒ক্থাঃ ॥ ৫।০০২।০৩, ৩।৮।০১৪।০৩

ক্ষেত্রা॑দপশ্যং সনু॒তশ্চর॑ন্তং সু॒মদ্যূ॒থং ন পু॒রু শোভ॑মানম্ । ন তা অ॑গৃভ্র॒ন্নজ॑নিষ্ট॒ হি ষঃ পলি॑ক্নী॒রিদ্যু॑ব॒তয়ো॑ ভবন্তি ॥ ৫।০০২।০৪, ৩।৮।০১৪।০৪

কে মে॑ মর্য॒কং বি য॑বন্ত॒ গোভি॒র্ন যেষাং॑ গো॒পা অর॑ণশ্চি॒দাস॑ । য ঈং॑ জগৃ॒ভুরব॒ তে সৃ॑জ॒ন্ত্বাজা॑তি প॒শ্ব উপ॑ নশ্চিকি॒ত্বান্ ॥ ৫।০০২।০৫, ৩।৮।০১৪।০৫

ব॒সাং রাজা॑নং বস॒তিং জনা॑না॒মরা॑তয়ো॒ নি দ॑ধু॒র্মর্ত্যে॑ষু । ব্রহ্মা॒ণ্যত্রে॒রব॒ তং সৃ॑জন্তু নিন্দি॒তারো॒ নিন্দ্যা॑সো ভবন্তু ॥ ৫।০০২।০৬, ৩।৮।০১৪।০৬

শুন॑শ্চি॒চ্ছেপং॒ নিদি॑তং স॒হস্রা॒দ্যূপা॑দমুঞ্চো॒ অশ॑মিষ্ট॒ হি ষঃ । এ॒বাস্মদ॑গ্নে॒ বি মু॑মুগ্ধি॒ পাশা॒ন্হোত॑শ্চিকিত্ব ই॒হ তূ নি॒ষদ্য॑ ॥ ৫।০০২।০৭, ৩।৮।০১৫।০১

হৃ॒ণী॒য়মা॑নো॒ অপ॒ হি মদৈয়েঃ॒ প্র মে॑ দে॒বানাং॑ ব্রত॒পা উ॑বাচ । ইন্দ্রো॑ বি॒দ্বাঁ অনু॒ হি ত্বা॑ চ॒চক্ষ॒ তেনা॒হম॑গ্নে॒ অনু॑শিষ্ট॒ আগা॑ম্ ॥ ৫।০০২।০৮, ৩।৮।০১৫।০২

বি জ্যোতি॑ষা বৃহ॒তা ভা॑ত্য॒গ্নিরা॒বির্বিশ্বা॑নি কৃণুতে মহি॒ত্বা । প্রাদে॑বীর্মা॒য়াঃ স॑হতে দু॒রেবাঃ॒ শিশী॑তে॒ শৃঙ্গে॒ রক্ষ॑সে বি॒নিক্ষে॑ ॥ ৫।০০২।০৯, ৩।৮।০১৫।০৩

উ॒ত স্বা॒নাসো॑ দি॒বি ষ॑ন্ত্ব॒গ্নেস্তি॒গ্মায়ু॑ধা॒ রক্ষ॑সে॒ হন্ত॒বা উ॑ । মদে॑ চিদস্য॒ প্র রু॑জন্তি॒ ভামা॒ ন ব॑রন্তে পরি॒বাধো॒ অদে॑বীঃ ॥ ৫।০০২।১০, ৩।৮।০১৫।০৪

এ॒তং তে॒ স্তোমং॑ তুবিজাত॒ বিপ্রো॒ রথং॒ ন ধীরঃ॒ স্বপা॑ অতক্ষম্ । যদীদ॑গ্নে॒ প্রতি॒ ত্বং দে॑ব॒ হর্যাঃ॒ স্ব॑র্বতীর॒প এ॑না জয়েম ॥ ৫।০০২।১১, ৩।৮।০১৫।০৫

তু॒বি॒গ্রীবো॑ বৃষ॒ভো বা॑বৃধা॒নো॑ঽশ॒ত্র্ব১॒॑র্যঃ সম॑জাতি॒ বেদঃ॑ । ইতী॒মম॒গ্নিম॒মৃতা॑ অবোচন্ব॒র্হিষ্ম॑তে॒ মন॑বে॒ শর্ম॑ যংসদ্ধ॒বিষ্ম॑তে॒ মন॑বে॒ শর্ম॑ যংসৎ ॥ ৫।০০২।১২, ৩।৮।০১৫।০৬

যং কু॑মার॒ নবং॒ রথ॑মচ॒ক্রং মন॒সাকৃ॑ণোঃ । একে॑ষং বি॒শ্বতঃ॒ প্রাঞ্চ॒মপ॑শ্য॒ন্নধি॑ তিষ্ঠসি ॥ ১০।১৩৫।০৩, ৮।৭।০২৩।০৩ {যামায়নঃ কুমারঃ । যমঃ । অনুষ্টুপ্}

যং কু॑মার॒ প্রাব॑র্তয়ো॒ রথং॒ বিপ্রে॑ভ্য॒স্পরি॑ । তং সামানু॒ প্রাব॑র্তত॒ সমি॒তো না॒ব্যাহি॑তম্ ॥ ১০।১৩৫।০৪, ৮।৭।০২৩।০৪ {যামায়নঃ কুমারঃ । যমঃ । অনুষ্টুপ্}

কঃ কু॑মা॒রম॑জনয়॒দ্রথং॒ কো নির॑বর্তয়ৎ । কঃ স্বি॒ত্তদ॒দ্য নো॑ ব্রূয়াদনু॒দেয়ী॒ যথাভ॑বৎ ॥ ১০।১৩৫।০৫, ৮।৭।০২৩।০৫ {যামায়নঃ কুমারঃ । যমঃ । অনুষ্টুপ্}

যেয়জ্ঞেনেত্যেকাদশর্চস্য সূক্তস্য মানবোনাভানেদিষ্ঠো বিশ্বেদেবাঃ প্রনূনমিত্যাদিচতসৃণাং সাবর্ণির্জগতী পঞ্চম্যষ্টমীনবম্যোনুষ্টুভঃ ষষ্টী বৃহতী সপ্তমীসতোবৃহতী দশমীগায়ত্রী অন্ত্যাত্রিষ্টুপ্ (ভেদপক্ষে - অঙ্গিরসঃ ৬ বিশ্বেদেবাঃ ১ সাবর্ণিঃ ৪ এবং ১১ । অঙ্গিরসোনুক্রমণ্যাম্পাক্ষিকাউক্তাঃ) । যেয়জ্ঞেনেতিচতসৃণাং ত্রিষ্টুপ্ ছন্দস্ত্বং কশ্চিদ্ভূতেতদ্বহুবিরুদ্ধং । বিরোধাস্তু - ষল়ঙ্গিরসাং স্তুতির্বান্ত্যাত্রিষ্টুবিত্যনুক্রমাচ্ছেষ জগত্যইতি পরিভাষাব্যাঘাত একঃ । তাসাং ত্রিষ্টুপ্ ছন্দস্ত্বেনাদেশপরিভাষয়াতাসামন্ত্যায়াশ্চত্রিষ্টুব্বে সিদ্ধেত্যাত্রিষ্টুবিতি সিদ্ধানুবাদলক্ষণদোষা বিষ্করণদ্বিতীয়ঃ । দশমীত্বস্য গায়ত্রী জগত্যন্যাবিনোত্তমামিতি শৌনকবচনাজ্ঞানেনস্বেচ্ছয়াব্যাখ্যানমিতি তৃতীয়শ্চেতি) ।

যে য॒জ্ঞেন॒ দক্ষি॑ণয়া॒ সম॑ক্তা॒ ইন্দ্র॑স্য স॒খ্যম॑মৃত॒ত্বমা॑ন॒শ । তেভ্যো॑ ভ॒দ্রম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০১, ৮।২।১।১

য উ॒দাজ॑ন্পি॒তরো॑ গো॒ময়ং॒ বস্বৃ॒তেনাভি॑ন্দন্পরিবৎস॒রে ব॒লম্ । দী॒র্ঘা॒য়ু॒ত্বম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০২, ৮।২।১।২

য ঋ॒তেন॒ সূর্য॒মারো॑হয়ন্দি॒ব্যপ্র॑থয়ন্পৃথি॒বীং মা॒তরং॒ বি । সু॒প্র॒জা॒স্ত্বম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০৩, ৮।২।১।৩

অ॒য়ং নাভা॑ বদতি ব॒ল্গু বো॑ গৃ॒হে দেব॑পুত্রা ঋষয়॒স্তচ্ছৃ॑ণোতন । সু॒ব্র॒হ্ম॒ণ্যম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০৪, ৮।২।১।৪

বিরূ॑পাস॒ ইদৃষ॑য়॒স্ত ইদ্গ॑ম্ভী॒রবে॑পসঃ । তে অঙ্গি॑রসঃ সূ॒নব॒স্তে অ॒গ্নেঃ পরি॑ জজ্ঞিরে ॥ ১০।০৬২।০৫, ৮।২।১।৫

যে অ॒গ্নেঃ পরি॑ জজ্ঞি॒রে বিরূ॑পাসো দি॒বস্পরি॑ । নব॑গ্বো॒ নু দশ॑গ্বো॒ অঙ্গি॑রস্তমঃ॒ সচা॑ দে॒বেষু॑ মংহতে ॥ ১০।০৬২।০৬, ৮।২।২।১

ইন্দ্রে॑ণ যু॒জা নিঃ সৃ॑জন্ত বা॒ঘতো॑ ব্র॒জং গোম॑ন্তম॒শ্বিন॑ম্ । স॒হস্রং॑ মে॒ দদ॑তো অষ্টক॒র্ণ্য১॒॑ঃ শ্রবো॑ দে॒বেষ্ব॑ক্রত ॥ ১০।০৬২।০৭, ৮।২।২।২

প্র নূ॒নং জা॑য়তাম॒য়ং মনু॒স্তোক্মে॑ব রোহতু । যঃ স॒হস্রং॑ শ॒তাশ্বং॑ স॒দ্যো দা॒নায়॒ মংহ॑তে ॥ ১০।০৬২।০৮, ৮।২।২।৩

ন তম॑শ্নোতি॒ কশ্চ॒ন দি॒ব ই॑ব॒ সান্বা॒রভ॑ম্ । সা॒ব॒র্ণ্যস্য॒ দক্ষি॑ণা॒ বি সিন্ধু॑রিব পপ্রথে ॥ ১০।০৬২।০৯, ৮।২।২।৪

উ॒ত দা॒সা প॑রি॒বিষে॒ স্মদ্দি॑ষ্টী॒ গোপ॑রীণসা । যদু॑স্তু॒র্বশ্চ॑ মামহে ॥ ১০।০৬২।১০, ৮।২।২।৫

স॒হ॒স্র॒দা গ্রা॑ম॒ণীর্মা রি॑ষ॒ন্মনুঃ॒ সূর্যে॑ণাস্য॒ যত॑মানৈতু॒ দক্ষি॑ণা । সাব॑র্ণের্দে॒বাঃ প্র তি॑র॒ন্ত্বায়ু॒র্যস্মি॒ন্নশ্রা॑ন্তা॒ অস॑নাম॒ বাজ॑ম্ ॥ ১০।০৬২।১১, ৮।২।২।৬

১৮। প্রাতঃ সূক্তং

প্রাতরগ্নিমিতি সপ্তর্চস্য সূকস্য মৈত্রাবরুণির্বসিষ্ঠোভগঃ আদ্যায়াঅগ্নীন্দ্র মিত্রাবরুণাশ্বিভগপূষব্রহ্মণস্পতিসোমরুদ্রাদেবতাঃ অন্ত্যায়াউষা আদ্যাজগতী শেষাস্ত্রিষ্টুভঃ ।

প্রা॒তর॒গ্নিং প্রা॒তরিন্দ্রং॑ হবামহে প্রা॒তর্মি॒ত্রাবরু॑ণা প্রা॒তর॒শ্বিনা॑ । প্রা॒তর্ভগং॑ পূ॒ষণং॒ ব্রহ্ম॑ণ॒স্পতিং॑ প্রা॒তঃ সোম॑মু॒ত রু॒দ্রং হু॑বেম ॥ ৭।০৪১।০১, ৫।৪।৮।১

প্রা॒ত॒র্জিতং॒ ভগ॑মু॒গ্রং হু॑বেম ব॒য়ং পু॒ত্রমদি॑তে॒র্যো বি॑ধ॒র্তা । আ॒ধ্রশ্চি॒দ্যং মন্য॑মানস্তু॒রশ্চি॒দ্রাজা॑ চি॒দ্যং ভগং॑ ভ॒ক্ষীত্যাহ॑ ॥ ৭।০৪১।০২, ৫।৪।৮।২

ভগ॒ প্রণে॑ত॒র্ভগ॒ সত্য॑রাধো॒ ভগে॒মাং ধিয়॒মুদ॑বা॒ দদ॑ন্নঃ । ভগ॒ প্র ণো॑ জনয়॒ গোভি॒রশ্বৈ॒র্ভগ॒ প্র নৃভি॑র্নৃ॒বন্তঃ॑ স্যাম ॥ ৭।০৪১।০৩, ৫।৪।৮।৩

উ॒তেদানীং॒ ভগ॑বন্তঃ স্যামো॒ত প্র॑পি॒ত্ব উ॒ত মধ্যে॒ অহ্না॑ম্ । উ॒তোদি॑তা মঘব॒ন্ত্সূর্য॑স্য ব॒য়ং দে॒বানাং॑ সুম॒তৌ স্যা॑ম ॥ ৭।০৪১।০৪, ৫।৪।৮।৪

ভগ॑ এ॒ব ভগ॑বাঁ অস্তু দেবা॒স্তেন॑ ব॒য়ং ভগ॑বন্তঃ স্যাম । তং ত্বা॑ ভগ॒ সর্ব॒ ইজ্জো॑হবীতি॒ স নো॑ ভগ পুরএ॒তা ভ॑বে॒হ ॥ ৭।০৪১।০৫, ৫।৪।৮।৫

সম॑ধ্ব॒রায়ো॒ষসো॑ নমন্ত দধি॒ক্রাবে॑ব॒ শুচ॑য়ে প॒দায়॑ । অ॒র্বা॒চী॒নং ব॑সু॒বিদং॒ ভগং॑ নো॒ রথ॑মি॒বাশ্বা॑ বা॒জিন॒ আ ব॑হন্তু ॥ ৭।০৪১।০৬, ৫।৪।৮।৬

অশ্বা॑বতী॒র্গোম॑তীর্ন উ॒ষাসো॑ বী॒রব॑তীঃ॒ সদ॑মুচ্ছন্তু ভ॒দ্রাঃ । ঘৃ॒তং দুহা॑না বি॒শ্বতঃ॒ প্রপী॑তা যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৪১।০৭, ৫।৪।৮।৭

১৯। মন্যু সূক্তং

যস্তেমন্যবিতি সপ্তর্চস্য সূক্তস্য তাপসো মন্যুর্মন্যুস্ত্রিষ্টুবাদ্যাজগতী ।

যস্তে॑ ম॒ন্যোঽবি॑ধদ্বজ্র সায়ক॒ সহ॒ ওজঃ॑ পুষ্যতি॒ বিশ্ব॑মানু॒ষক্ । সা॒হ্যাম॒ দাস॒মার্যং॒ ত্বয়া॑ যু॒জা সহ॑স্কৃতেন॒ সহ॑সা॒ সহ॑স্বতা ॥ ১০।০৮৩।০১, ৮।৩।০১৮।০১

ম॒ন্যুরিন্দ্রো॑ ম॒ন্যুরে॒বাস॑ দে॒বো ম॒ন্যুর্হোতা॒ বরু॑ণো জা॒তবে॑দাঃ । ম॒ন্যুং বিশ॑ ঈল়তে॒ মানু॑ষী॒র্যাঃ পা॒হি নো॑ মন্যো॒ তপ॑সা স॒জোষাঃ॑ ॥ ১০।০৮৩।০২, ৮।৩।০১৮।০২

অ॒ভী॑হি মন্যো ত॒বস॒স্তবী॑য়া॒ন্তপ॑সা যু॒জা বি জ॑হি॒ শত্রূ॑ন্ । অ॒মি॒ত্র॒হা বৃ॑ত্র॒হা দ॑স্যু॒হা চ॒ বিশ্বা॒ বসূ॒ন্যা ভ॑রা॒ ত্বং নঃ॑ ॥ ১০।০৮৩।০৩, ৮।৩।০১৮।০৩

ত্বং হি ম॑ন্যো অ॒ভিভূ॑ত্যোজাঃ স্বয়॒ম্ভূর্ভামো॑ অভিমাতিষা॒হঃ । বি॒শ্বচ॑র্ষণিঃ॒ সহু॑রিঃ॒ সহা॑বান॒স্মাস্বোজঃ॒ পৃত॑নাসু ধেহি ॥ ১০।০৮৩।০৪, ৮।৩।০১৮।০৪

অ॒ভা॒গঃ সন্নপ॒ পরে॑তো অস্মি॒ তব॒ ক্রত্বা॑ তবি॒ষস্য॑ প্রচেতঃ । তং ত্বা॑ মন্যো অক্র॒তুর্জি॑হীল়া॒হং স্বা ত॒নূর্ব॑ল॒দেয়া॑য়॒ মেহি॑ ॥ ১০।০৮৩।০৫, ৮।৩।০১৮।০৫

অ॒য়ং তে॑ অ॒স্ম্যুপ॒ মেহ্য॒র্বাঙ্প্র॑তীচী॒নঃ স॑হুরে বিশ্বধায়ঃ । মন্যো॑ বজ্রিন্ন॒ভি মামা ব॑বৃৎস্ব॒ হনা॑ব॒ দস্যূঁ॑রু॒ত বো॑ধ্যা॒পেঃ ॥ ১০।০৮৩।০৬, ৮।৩।০১৮।০৬

অ॒ভি প্রেহি॑ দক্ষিণ॒তো ভ॑বা॒ মেঽধা॑ বৃ॒ত্রাণি॑ জঙ্ঘনাব॒ ভূরি॑ । জু॒হোমি॑ তে ধ॒রুণং॒ মধ্বো॒ অগ্র॑মু॒ভা উ॑পাং॒শু প্র॑থ॒মা পি॑বাব ॥ ১০।০৮৩।০৭, ৮।৩।০১৮।০৭

ত্বয়ামন্যবিতি সপ্তর্চস্য সূক্তস্য তাপসো মন্যুর্মন্যুর্জগতী আদ্যাস্তিস্রস্ত্রিষ্টুভঃ ।

ত্বয়া॑ মন্যো স॒রথ॑মারু॒জন্তো॒ হর্ষ॑মাণাসো ধৃষি॒তা ম॑রুত্বঃ । তি॒গ্মেষ॑ব॒ আয়ু॑ধা সং॒শিশা॑না অ॒ভি প্র য॑ন্তু॒ নরো॑ অ॒গ্নিরূ॑পাঃ ॥ ১০।০৮৪।০১, ৮।৩।০১৯।০১

অ॒গ্নিরি॑ব মন্যো ত্বিষি॒তঃ স॑হস্ব সেনা॒নীর্নঃ॑ সহুরে হূ॒ত এ॑ধি । হ॒ত্বায়॒ শত্রূ॒ন্বি ভ॑জস্ব॒ বেদ॒ ওজো॒ মিমা॑নো॒ বি মৃধো॑ নুদস্ব ॥ ১০।০৮৪।০২, ৮।৩।০১৯।০২

সহ॑স্ব মন্যো অ॒ভিমা॑তিম॒স্মে রু॒জন্মৃ॒ণন্প্র॑মৃ॒ণন্প্রেহি॒ শত্রূ॑ন্ । উ॒গ্রং তে॒ পাজো॑ ন॒ন্বা রু॑রুধ্রে ব॒শী বশং॑ নয়স একজ॒ ত্বম্ ॥ ১০।০৮৪।০৩, ৮।৩।০১৯।০৩

একো॑ বহূ॒নাম॑সি মন্যবীল়ি॒তো বিশং॑বিশং যু॒ধয়ে॒ সং শি॑শাধি । অকৃ॑ত্তরু॒ক্ত্বয়া॑ যু॒জা ব॒য়ং দ্যু॒মন্তং॒ ঘোষং॑ বিজ॒য়ায়॑ কৃণ্মহে ॥ ১০।০৮৪।০৪, ৮।৩।০১৯।০৪

বি॒জে॒ষ॒কৃদিন্দ্র॑ ইবানবব্র॒বো॒৩॒॑ঽস্মাকং॑ মন্যো অধি॒পা ভ॑বে॒হ । প্রি॒য়ং তে॒ নাম॑ সহুরে গৃণীমসি বি॒দ্মা তমুৎসং॒ যত॑ আব॒ভূথ॑ ॥ ১০।০৮৪।০৫, ৮।৩।০১৯।০৫

আভূ॑ত্যা সহ॒জা ব॑জ্র সায়ক॒ সহো॑ বিভর্ষ্যভিভূত॒ উত্ত॑রম্ । ক্রত্বা॑ নো মন্যো স॒হ মে॒দ্যে॑ধি মহাধ॒নস্য॑ পুরুহূত সং॒সৃজি॑ ॥ ১০।০৮৪।০৬, ৮।৩।০১৯।০৬

সংসৃ॑ষ্টং॒ ধন॑মু॒ভয়ং॑ স॒মাকৃ॑তম॒স্মভ্যং॑ দত্তাং॒ বরু॑ণশ্চ ম॒ন্যুঃ । ভিয়ং॒ দধা॑না॒ হৃদ॑য়েষু॒ শত্র॑বঃ॒ পরা॑জিতাসো॒ অপ॒ নি ল॑য়ন্তাম্ ॥ ১০।০৮৪।০৭, ৮।৩।০১৯।০৭

২০। রক্ষোঘ্নসূক্তং

কৃণুষ্বেতি পঞ্চদশর্চস্য সূক্তস্য গৌতমোবামদেবোরক্ষোহাগ্নিস্ত্রিষ্টুপ্ ।

কৃ॒ণু॒ষ্ব পাজঃ॒ প্রসি॑তিং॒ ন পৃ॒থ্বীং যা॒হি রাজে॒বাম॑বাঁ॒ ইভে॑ন । তৃ॒ষ্বীমনু॒ প্রসি॑তিং দ্রূণা॒নোঽস্তা॑সি॒ বিধ্য॑ র॒ক্ষস॒স্তপি॑ষ্ঠৈঃ ॥ ৪।০০৪।০১, ৩।৪।০২৩।০১

তব॑ ভ্র॒মাস॑ আশু॒য়া প॑ত॒ন্ত্যনু॑ স্পৃশ ধৃষ॒তা শোশু॑চানঃ । তপূং॑ষ্যগ্নে জু॒হ্বা॑ পতঙ্॒গানসন্॑দিতো॒ বি সৃ॑জ॒ বিষ্ব॑গু॒ল্কাঃ ॥ ৪।০০৪।০২, ৩।৪।০২৩।০২

প্রতি॒ স্পশো॒ বি সৃ॑জ॒ তূর্ণি॑তমো॒ ভবা॑ পা॒য়ুর্বি॒শো অ॒স্যা অদ॑ব্ধঃ । যো নো॑ দূ॒রে অ॒ঘশং॑সো॒ যো অন্ত্যগ্নে॒ মাকি॑ষ্টে॒ ব্যথি॒রা দ॑ধর্ষীৎ ॥ ৪।০০৪।০৩, ৩।৪।০২৩।০৩

উদ॑গ্নে তিষ্ঠ॒ প্রত্যা ত॑নুষ্ব॒ ন্য১॒॑মিত্রাঁ॑ ওষতাত্তিগ্মহেতে । যো নো॒ অরা॑তিং সমিধান চ॒ক্রে নী॒চা তং ধ॑ক্ষ্যত॒সং ন শুষ্ক॑ম্ ॥ ৪।০০৪।০৪, ৩।৪।০২৩।০৪

ঊ॒র্ধ্বো ভ॑ব॒ প্রতি॑ বি॒ধ্যাধ্য॒স্মদা॒বিষ্কৃ॑ণুষ্ব॒ দৈব্যা॑ন্যগ্নে । অব॑ স্থি॒রা ত॑নুহি যাতু॒জূনাং॑ জা॒মিমজা॑মিং॒ প্র মৃ॑ণীহি॒ শত্রূ॑ন্ ॥ ৪।০০৪।০৫, ৩।৪।০২৩।০৫

স তে॑ জানাতি সুম॒তিং য॑বিষ্ঠ॒ য ঈব॑তে॒ ব্রহ্ম॑ণে গা॒তুমৈর॑ৎ । বিশ্বা॑ন্যস্মৈ সু॒দিনা॑নি রা॒য়ো দ্যু॒ম্নান্য॒র্যো বি দুরো॑ অ॒ভি দ্যৌ॑ৎ ॥ ৪।০০৪।০৬, ৩।৪।০২৪।০১

সেদ॑গ্নে অস্তু সু॒ভগঃ॑ সু॒দানু॒র্যস্ত্বা॒ নিত্যে॑ন হ॒বিষা॒ য উ॒ক্থৈঃ । পিপ্রী॑ষতি॒ স্ব আয়ু॑ষি দুরো॒ণে বিশ্বেদ॑স্মৈ সু॒দিনা॒ সাস॑দি॒ষ্টিঃ ॥ ৪।০০৪।০৭, ৩।৪।০২৪।০২

অর্চা॑মি তে সুম॒তিং ঘোষ্য॒র্বাক্সং তে॑ বা॒বাতা॑ জরতামি॒য়ং গীঃ । স্বশ্বা॑স্ত্বা সু॒রথা॑ মর্জয়েমা॒স্মে ক্ষ॒ত্রাণি॑ ধারয়ে॒রনু॒ দ্যূন্ ॥ ৪।০০৪।০৮, ৩।৪।০২৪।০৩

ই॒হ ত্বা॒ ভূর্যা চ॑রে॒দুপ॒ ত্মন্দোষা॑বস্তর্দীদি॒বাংস॒মনু॒ দ্যূন্ । ক্রীল়॑ন্তস্ত্বা সু॒মন॑সঃ সপেমা॒ভি দ্যু॒ম্না ত॑স্থি॒বাংসো॒ জনা॑নাম্ ॥ ৪।০০৪।০৯, ৩।৪।০২৪।০৪

যস্ত্বা॒ স্বশ্বঃ॑ সুহির॒ণ্যো অ॑গ্ন উপ॒য়াতি॒ বসু॑মতা॒ রথে॑ন । তস্য॑ ত্রা॒তা ভ॑বসি॒ তস্য॒ সখা॒ যস্ত॑ আতি॒থ্যমা॑নু॒ষগ্জুজো॑ষৎ ॥ ৪।০০৪।১০, ৩।৪।০২৪।০৫

ম॒হো রু॑জামি ব॒ন্ধুতা॒ বচো॑ভি॒স্তন্মা॑ পি॒তুর্গোত॑মা॒দন্বি॑য়ায় । ত্বং নো॑ অ॒স্য বচ॑সশ্চিকিদ্ধি॒ হোত॑র্যবিষ্ঠ সুক্রতো॒ দমূ॑নাঃ ॥ ৪।০০৪।১১, ৩।৪।০২৫।০১

অস্ব॑প্নজস্ত॒রণ॑য়ঃ সু॒শেবা॒ অত॑ন্দ্রাসোঽবৃ॒কা অশ্র॑মিষ্ঠাঃ । তে পা॒য়বঃ॑ স॒ধ্র্য॑ঞ্চো নি॒ষদ্যাগ্নে॒ তব॑ নঃ পান্ত্বমূর ॥ ৪।০০৪।১২, ৩।৪।০২৫।০২

যে পা॒য়বো॑ মামতে॒য়ং তে॑ অগ্নে॒ পশ্য॑ন্তো অ॒ন্ধং দু॑রি॒তাদর॑ক্ষন্ । র॒রক্ষ॒ তান্ত্সু॒কৃতো॑ বি॒শ্ববে॑দা॒ দিপ্স॑ন্ত॒ ইদ্রি॒পবো॒ নাহ॑ দেভুঃ ॥ ৪।০০৪।১৩, ৩।৪।০২৫।০৩

ত্বয়া॑ ব॒য়ং স॑ধ॒ন্য১॒॑স্ত্বোতা॒স্তব॒ প্রণী॑ত্যশ্যাম॒ বাজা॑ন্ । উ॒ভা শংসা॑ সূদয় সত্যতাতেঽনুষ্ঠু॒য়া কৃ॑ণুহ্যহ্রয়াণ ॥ ৪।০০৪।১৪, ৩।৪।০২৫।০৪

অ॒য়া তে॑ অগ্নে স॒মিধা॑ বিধেম॒ প্রতি॒ স্তোমং॑ শ॒স্যমা॑নং গৃভায় । দহা॒শসো॑ র॒ক্ষসঃ॑ পা॒হ্য১॒॑স্মান্দ্রু॒হো নি॒দো মি॑ত্রমহো অব॒দ্যাৎ ॥ ৪।০০৪।১৫, ৩।৪।০২৫।০৫

ইন্দ্রাসোমেতি পঞ্চবিংশত্যৃচস্য সূক্তস্য মৈত্রাবরুণির্বসিষ্ঠইন্দ্রাসোমৌ অষ্টমীষোডশ্যেকোনবিংশী বিংশ্যেকবিংশী দ্বাবিংশী চতুর্বিংশীনামিন্দ্রঃ নবমী দ্বাদশী ত্রয়োদশীনাংসোমঃ দশমীচতুর্দশ্যোরগ্নিঃ একাদশ্যা বিশ্বেদেবাঃ সপ্তদশ্যাগ্রাবাণঃ অষ্টাদশ্যামরুতঃ ত্রয়োবিংশ্যাবসিষ্ঠাশীঃ পৃথিব্যন্তরিক্ষাণি আদ্যাঃ ষডষ্টাদশী দ্বাবিংশী ত্রয়োবিংশ্যোজগত্যোন্ত্যানুষ্টুপ্ শিষ্টাস্ত্রিষ্টুভঃ। (অস্মিন্সূক্তে রক্ষোঘ্নত্বঙ্গুণঃ সর্বাসান্দেবতানাংবক্তব্যঃ) ।

ইন্দ্রা॑সোমা॒ তপ॑তং॒ রক্ষ॑ উ॒ব্জতং॒ ন্য॑র্পয়তং বৃষণা তমো॒বৃধঃ॑ । পরা॑ শৃণীতম॒চিতো॒ ন্যো॑ষতং হ॒তং নু॒দেথাং॒ নি শি॑শীতম॒ত্রিণঃ॑ ॥ ৭।১০৪।০১, ৫।৭।৫।১

ইন্দ্রা॑সোমা॒ সম॒ঘশং॑সম॒ভ্য১॒॑ঘং তপু॑র্যযস্তু চ॒রুর॑গ্নি॒বাঁ ই॑ব । ব্র॒হ্ম॒দ্বিষে॑ ক্র॒ব্যাদে॑ ঘো॒রচ॑ক্ষসে॒ দ্বেষো॑ ধত্তমনবা॒য়ং কি॑মী॒দিনে॑ ॥ ৭।১০৪।০২, ৫।৭।৫।২

ইন্দ্রা॑সোমা দু॒ষ্কৃতো॑ ব॒ব্রে অ॒ন্তর॑নারম্ভ॒ণে তম॑সি॒ প্র বি॑ধ্যতম্ । যথা॒ নাতঃ॒ পুন॒রেক॑শ্চ॒নোদয়॒ত্তদ্বা॑মস্তু॒ সহ॑সে মন্যু॒মচ্ছবঃ॑ ॥ ৭।১০৪।০৩, ৫।৭।৫।৩

ইন্দ্রা॑সোমা ব॒র্তয়॑তং দি॒বো ব॒ধং সং পৃ॑থি॒ব্যা অ॒ঘশং॑সায়॒ তর্হ॑ণম্ । উত্ত॑ক্ষতং স্ব॒র্যং১॒॑ পর্ব॑তেভ্যো॒ যেন॒ রক্ষো॑ বাবৃধা॒নং নি॒জূর্ব॑থঃ ॥ ৭।১০৪।০৪, ৫।৭।৫।৪

ইন্দ্রা॑সোমা ব॒র্তয়॑তং দি॒বস্পর্য॑গ্নিত॒প্তেভি॑র্যু॒বমশ্ম॑হন্মভিঃ । তপু॑র্বধেভির॒জরে॑ভির॒ত্রিণো॒ নি পর্শা॑নে বিধ্যতং॒ যন্তু॑ নিস্ব॒রম্ ॥ ৭।১০৪।০৫, ৫।৭।৫।৫

ইন্দ্রা॑সোমা॒ পরি॑ বাং ভূতু বি॒শ্বত॑ ই॒য়ং ম॒তিঃ ক॒ক্ষ্যাশ্বে॑ব বা॒জিনা॑ । যাং বাং॒ হোত্রাং॑ পরিহি॒নোমি॑ মে॒ধয়ে॒মা ব্রহ্মা॑ণি নৃ॒পতী॑ব জিন্বতম্ ॥ ৭।১০৪।০৬, ৫।৭।৬।১

প্রতি॑ স্মরেথাং তু॒জয়॑দ্ভি॒রেবৈ॑র্হ॒তং দ্রু॒হো র॒ক্ষসো॑ ভঙ্গু॒রাব॑তঃ । ইন্দ্রা॑সোমা দু॒ষ্কৃতে॒ মা সু॒গং ভূ॒দ্যো নঃ॑ ক॒দা চি॑দভি॒দাস॑তি দ্রু॒হা ॥ ৭।১০৪।০৭, ৫।৭।৬।২

যো মা॒ পাকে॑ন॒ মন॑সা॒ চর॑ন্তমভি॒চষ্টে॒ অনৃ॑তেভি॒র্বচো॑ভিঃ । আপ॑ ইব কা॒শিনা॒ সঙ্গৃ॑ভীতা॒ অস॑ন্ন॒স্ত্বাস॑ত ইন্দ্র ব॒ক্তা ॥ ৭।১০৪।০৮, ৫।৭।৬।৩

যে পা॑কশং॒সং বি॒হর॑ন্ত॒ এবৈ॒র্যে বা॑ ভ॒দ্রং দূ॒ষয়॑ন্তি স্ব॒ধাভিঃ॑ । অহ॑য়ে বা॒ তান্প্র॒দদা॑তু॒ সোম॒ আ বা॑ দধাতু॒ নির্ঋ॑তেরু॒পস্থে॑ ॥ ৭।১০৪।০৯, ৫।৭।৬।৪

যো নো॒ রসং॒ দিপ্স॑তি পি॒ত্বো অ॑গ্নে॒ যো অশ্বা॑নাং॒ যো গবাং॒ যস্ত॒নূনা॑ম্ । রি॒পুঃ স্তে॒নঃ স্তে॑য়॒কৃদ্দ॒ভ্রমে॑তু॒ নি ষ হী॑য়তাং ত॒ন্বা॒৩॒॑ তনা॑ চ ॥ ৭।১০৪।১০, ৫।৭।৬।৫

প॒রঃ সো অ॑স্তু ত॒ন্বা॒৩॒॑ তনা॑ চ তি॒স্রঃ পৃ॑থি॒বীর॒ধো অ॑স্তু॒ বিশ্বাঃ॑ । প্রতি॑ শুষ্যতু॒ যশো॑ অস্য দেবা॒ যো নো॒ দিবা॒ দিপ্স॑তি॒ যশ্চ॒ নক্ত॑ম্ ॥ ৭।১০৪।১১, ৫।৭।৭।১

সু॒বি॒জ্ঞা॒নং চি॑কি॒তুষে॒ জনা॑য়॒ সচ্চাস॑চ্চ॒ বচ॑সী পস্পৃধাতে । তয়ো॒র্যৎস॒ত্যং য॑ত॒রদৃজী॑য়॒স্তদিৎসোমো॑ঽবতি॒ হন্ত্যাস॑ৎ ॥ ৭।১০৪।১২, ৫।৭।৭।২

ন বা উ॒ সোমো॑ বৃজি॒নং হি॑নোতি॒ ন ক্ষ॒ত্রিয়ং॑ মিথু॒য়া ধা॒রয়॑ন্তম্ । হন্তি॒ রক্ষো॒ হন্ত্যাস॒দ্বদ॑ন্তমু॒ভাবিন্দ্র॑স্য॒ প্রসি॑তৌ শয়াতে ॥ ৭।১০৪।১৩, ৫।৭।৭।৩

যদি॑ বা॒হমনৃ॑তদেব॒ আস॒ মোঘং॑ বা দে॒বাঁ অ॑প্যূ॒হে অ॑গ্নে । কিম॒স্মভ্যং॑ জাতবেদো হৃণীষে দ্রোঘ॒বাচ॑স্তে নির্ঋ॒থং স॑চন্তাম্ ॥ ৭।১০৪।১৪, ৫।৭।৭।৪

অ॒দ্যা মু॑রীয়॒ যদি॑ যাতু॒ধানো॒ অস্মি॒ যদি॒ বায়ু॑স্ত॒তপ॒ পূরু॑ষস্য । অধা॒ স বী॒রৈর্দ॒শভি॒র্বি যূ॑য়া॒ যো মা॒ মোঘং॒ যাতু॑ধা॒নেত্যাহ॑ ॥ ৭।১০৪।১৫, ৫।৭।৭।৫

যো মায়া॑তুং॒ যাতু॑ধা॒নেত্যাহ॒ যো বা॑ র॒ক্ষাঃ শুচি॑র॒স্মীত্যাহ॑ । ইন্দ্র॒স্তং হ॑ন্তু মহ॒তা ব॒ধেন॒ বিশ্ব॑স্য জ॒ন্তোর॑ধ॒মস্প॑দীষ্ট ॥ ৭।১০৪।১৬, ৫।৭।৮।১

প্র যা জিগা॑তি খ॒র্গলে॑ব॒ নক্ত॒মপ॑ দ্রু॒হা ত॒ন্বং১॒॑ গূহ॑মানা । ব॒ব্রাঁ অ॑ন॒ন্তাঁ অব॒ সা প॑দীষ্ট॒ গ্রাবা॑ণো ঘ্নন্তু র॒ক্ষস॑ উপ॒ব্দৈঃ ॥ ৭।১০৪।১৭, ৫।৭।৮।২

বি তি॑ষ্ঠধ্বং মরুতো বি॒ক্ষ্বি১॒॑চ্ছত॑ গৃভা॒য়ত॑ র॒ক্ষসঃ॒ সং পি॑নষ্টন । বয়ো॒ যে ভূ॒ত্বী প॒তয়॑ন্তি ন॒ক্তভি॒র্যে বা॒ রিপো॑ দধি॒রে দে॒বে অ॑ধ্ব॒রে ॥ ৭।১০৪।১৮, ৫।৭।৮।৩

প্র ব॑র্তয় দি॒বো অশ্মা॑নমিন্দ্র॒ সোম॑শিতং মঘব॒ন্ত্সং শি॑শাধি । প্রাক্তা॒দপা॑ক্তাদধ॒রাদুদ॑ক্তাদ॒ভি জ॑হি র॒ক্ষসঃ॒ পর্ব॑তেন ॥ ৭।১০৪।১৯, ৫।৭।৮।৪

এ॒ত উ॒ ত্যে প॑তয়ন্তি॒ শ্বয়া॑তব॒ ইন্দ্রং॑ দিপ্সন্তি দি॒প্সবোঽদা॑ভ্যম্ । শিশী॑তে শ॒ক্রঃ পিশু॑নেভ্যো ব॒ধং নূ॒নং সৃ॑জদ॒শনিং॑ যাতু॒মদ্ভ্যঃ॑ ॥ ৭।১০৪।২০, ৫।৭।৮।৫

ইন্দ্রো॑ যাতূ॒নাম॑ভবৎপরাশ॒রো হ॑বি॒র্মথী॑নাম॒ভ্যা॒৩॒॑বিবা॑সতাম্ । অ॒ভীদু॑ শ॒ক্রঃ প॑র॒শুর্যথা॒ বনং॒ পাত্রে॑ব ভি॒ন্দন্ত্স॒ত এ॑তি র॒ক্ষসঃ॑ ॥ ৭।১০৪।২১, ৫।৭।৯।১

উলূ॑কয়াতুং শুশু॒লূক॑য়াতুং জ॒হি শ্বয়া॑তুমু॒ত কোক॑য়াতুম্ । সু॒প॒র্ণয়া॑তুমু॒ত গৃধ্র॑য়াতুং দৃ॒ষদে॑ব॒ প্র মৃ॑ণ॒ রক্ষ॑ ইন্দ্র ॥ ৭।১০৪।২২, ৫।৭।৯।২

মা নো॒ রক্ষো॑ অ॒ভি ন॑ড্যাতু॒মাব॑তা॒মপো॑চ্ছতু মিথু॒না যা কি॑মী॒দিনা॑ । পৃ॒থি॒বী নঃ॒ পার্থি॑বাৎপা॒ত্বংহ॑সো॒ঽন্তরি॑ক্ষং দি॒ব্যাৎপা॑ত্ব॒স্মান্ ॥ ৭।১০৪।২৩, ৫।৭।৯।৩

ইন্দ্র॑ জ॒হি পুমাং॑সং যাতু॒ধান॑মু॒ত স্ত্রিয়ং॑ মা॒য়যা॒ শাশ॑দানাম্ । বিগ্রী॑বাসো॒ মূর॑দেবা ঋদন্তু॒ মা তে দৃ॑শ॒ন্ত্সূর্য॑মু॒চ্চর॑ন্তম্ ॥ ৭।১০৪।২৪, ৫।৭।৯।৪

প্রতি॑ চক্ষ্ব॒ বি চ॒ক্ষ্বেন্দ্র॑শ্চ সোম জাগৃতম্ । রক্ষো॑ভ্যো ব॒ধম॑স্যতম॒শনিং॑ যাতু॒মদ্ভ্যঃ॑ ॥ ৭।১০৪।২৫, ৫।৭।৯।৫

রক্ষোহণমিতি পঞ্চবিংশত্যৃচস্য সূক্তস্য ভারদ্বাজঃপায়ূরক্ষোহাগ্নিস্ত্রিষ্টুপ্ অন্ত্যাশ্চতস্রোনুষ্টুভঃ ।

র॒ক্ষো॒হণং॑ বা॒জিন॒মা জি॑ঘর্মি মি॒ত্রং প্রথি॑ষ্ঠ॒মুপ॑ যামি॒ শর্ম॑ । শিশা॑নো অ॒গ্নিঃ ক্রতু॑ভিঃ॒ সমি॑দ্ধঃ॒ স নো॒ দিবা॒ স রি॒ষঃ পা॑তু॒ নক্ত॑ম্ ॥ ১০।০৮৭।০১, ৮।৪।৫।১

অয়ো॑দংষ্ট্রো অ॒র্চিষা॑ যাতু॒ধানা॒নুপ॑ স্পৃশ জাতবেদঃ॒ সমি॑দ্ধঃ । আ জি॒হ্বয়া॒ মূর॑দেবান্রভস্ব ক্র॒ব্যাদো॑ বৃ॒ক্ত্ব্যপি॑ ধৎস্বা॒সন্ ॥ ১০।০৮৭।০২, ৮।৪।৫।২

উ॒ভোভ॑য়াবি॒ন্নুপ॑ ধেহি॒ দংষ্ট্রা॑ হিং॒স্রঃ শিশা॒নোঽব॑রং॒ পরং॑ চ । উ॒তান্তরি॑ক্ষে॒ পরি॑ যাহি রাজ॒ঞ্জম্ভৈঃ॒ সং ধে॑হ্য॒ভি যা॑তু॒ধানা॑ন্ ॥ ১০।০৮৭।০৩, ৮।৪।৫।৩

য॒জ্ঞৈরিষূঃ॑ সং॒নম॑মানো অগ্নে বা॒চা শ॒ল্যাঁ অ॒শনি॑ভির্দিহা॒নঃ । তাভি॑র্বিধ্য॒ হৃদ॑য়ে যাতু॒ধানা॑ন্প্রতী॒চো বা॒হূন্প্রতি॑ ভঙ্ধ্যেষাম্ ॥ ১০।০৮৭।০৪, ৮।৪।৫।৪

অগ্নে॒ ত্বচং॑ যাতু॒ধান॑স্য ভিন্ধি হিং॒স্রাশনি॒র্হর॑সা হন্ত্বেনম্ । প্র পর্বা॑ণি জাতবেদঃ শৃণীহি ক্র॒ব্যাৎক্র॑বি॒ষ্ণুর্বি চি॑নোতু বৃ॒ক্ণম্ ॥ ১০।০৮৭।০৫, ৮।৪।৫।৫

যত্রে॒দানীং॒ পশ্য॑সি জাতবেদ॒স্তিষ্ঠ॑ন্তমগ্ন উ॒ত বা॒ চর॑ন্তম্ । যদ্বা॒ন্তরি॑ক্ষে প॒থিভিঃ॒ পত॑ন্তং॒ তমস্তা॑ বিধ্য॒ শর্বা॒ শিশা॑নঃ ॥ ১০।০৮৭।০৬, ৮।৪।৬।১

উ॒তাল॑ব্ধং স্পৃণুহি জাতবেদ আলেভা॒নাদৃ॒ষ্টিভি॑র্যাতু॒ধানা॑ৎ । অগ্নে॒ পূর্বো॒ নি জ॑হি॒ শোশু॑চান আ॒মাদঃ॒ ক্ষ্বিঙ্কা॒স্তম॑দ॒ন্ত্বেনীঃ॑ ॥ ১০।০৮৭।০৭, ৮।৪।৬।২

ই॒হ প্র ব্রূ॑হি যত॒মঃ সো অ॑গ্নে॒ যো যা॑তু॒ধানো॒ য ই॒দং কৃ॒ণোতি॑ । তমা র॑ভস্ব স॒মিধা॑ যবিষ্ঠ নৃ॒চক্ষ॑স॒শ্চক্ষু॑ষে রন্ধয়ৈনম্ ॥ ১০।০৮৭।০৮, ৮।৪।৬।৩

তী॒ক্ষ্ণেনা॑গ্নে॒ চক্ষু॑ষা রক্ষ য॒জ্ঞং প্রাঞ্চং॒ বসু॑ভ্যঃ॒ প্র ণ॑য় প্রচেতঃ । হিং॒স্রং রক্ষাং॑স্য॒ভি শোশু॑চানং॒ মা ত্বা॑ দভন্যাতু॒ধানা॑ নৃচক্ষঃ ॥ ১০।০৮৭।০৯, ৮।৪।৬।৪

নৃ॒চক্ষা॒ রক্ষঃ॒ পরি॑ পশ্য বি॒ক্ষু তস্য॒ ত্রীণি॒ প্রতি॑ শৃণী॒হ্যগ্রা॑ । তস্যা॑গ্নে পৃ॒ষ্টীর্হর॑সা শৃণীহি ত্রে॒ধা মূলং॑ যাতু॒ধান॑স্য বৃশ্চ ॥ ১০।০৮৭।১০, ৮।৪।৬।৫

ত্রির্যা॑তু॒ধানঃ॒ প্রসি॑তিং ত এত্বৃ॒তং যো অ॑গ্নে॒ অনৃ॑তেন॒ হন্তি॑ । তম॒র্চিষা॑ স্ফূ॒র্জয়॑ঞ্জাতবেদঃ সম॒ক্ষমে॑নং গৃণ॒তে নি বৃ॑ঙ্ধি ॥ ১০।০৮৭।১১, ৮।৪।৭।১

তদ॑গ্নে॒ চক্ষুঃ॒ প্রতি॑ ধেহি রে॒ভে শ॑ফা॒রুজং॒ যেন॒ পশ্য॑সি যাতু॒ধান॑ম্ । অ॒থ॒র্ব॒বজ্জ্যোতি॑ষা॒ দৈব্যে॑ন স॒ত্যং ধূর্ব॑ন্তম॒চিতং॒ ন্যো॑ষ ॥ ১০।০৮৭।১২, ৮।৪।৭।২

যদ॑গ্নে অ॒দ্য মি॑থু॒না শপা॑তো॒ যদ্বা॒চস্তৃ॒ষ্টং জ॒নয়॑ন্ত রে॒ভাঃ । ম॒ন্যোর্মন॑সঃ শর॒ব্যা॒৩॒॑ জায়॑তে॒ যা তয়া॑ বিধ্য॒ হৃদ॑য়ে যাতু॒ধানা॑ন্ ॥ ১০।০৮৭।১৩, ৮।৪।৭।৩

পরা॑ শৃণীহি॒ তপ॑সা যাতু॒ধানা॒ন্পরা॑গ্নে॒ রক্ষো॒ হর॑সা শৃণীহি । পরা॒র্চিষা॒ মূর॑দেবাঞ্ছৃণীহি॒ পরা॑সু॒তৃপো॑ অ॒ভি শোশু॑চানঃ ॥ ১০।০৮৭।১৪, ৮।৪।৭।৪

পরা॒দ্য দে॒বা বৃ॑জি॒নং শৃ॑ণন্তু প্র॒ত্যগে॑নং শ॒পথা॑ যন্তু তৃ॒ষ্টাঃ । বা॒চাস্তে॑নং॒ শর॑ব ঋচ্ছন্তু॒ মর্ম॒ন্বিশ্ব॑স্যৈতু॒ প্রসি॑তিং যাতু॒ধানঃ॑ ॥ ১০।০৮৭।১৫, ৮।৪।৭।৫

যঃ পৌরু॑ষেয়েণ ক্র॒বিষা॑ সম॒ঙ্ক্তে যো অশ্ব্যে॑ন প॒শুনা॑ যাতু॒ধানঃ॑ । যো অ॒ঘ্ন্যায়া॒ ভর॑তি ক্ষী॒রম॑গ্নে॒ তেষাং॑ শী॒র্ষাণি॒ হর॒সাপি॑ বৃশ্চ ॥ ১০।০৮৭।১৬, ৮।৪।৮।১

সং॒ব॒ৎস॒রীণং॒ পয়॑ উ॒স্রিয়া॑য়া॒স্তস্য॒ মাশী॑দ্যাতু॒ধানো॑ নৃচক্ষঃ । পী॒য়ূষ॑মগ্নে যত॒মস্তিতৃ॑প্সা॒ত্তং প্র॒ত্যঞ্চ॑ম॒র্চিষা॑ বিধ্য॒ মর্ম॑ন্ ॥ ১০।০৮৭।১৭, ৮।৪।৮।২

বি॒ষং গবাং॑ যাতু॒ধানাঃ॑ পিব॒ন্ত্বা বৃ॑শ্চ্যন্তা॒মদি॑তয়ে দু॒রেবাঃ॑ । পরৈ॑নান্দে॒বঃ স॑বি॒তা দ॑দাতু॒ পরা॑ ভা॒গমোষ॑ধীনাং জয়ন্তাম্ ॥ ১০।০৮৭।১৮, ৮।৪।৮।৩

স॒নাদ॑গ্নে মৃণসি যাতু॒ধানা॒ন্ন ত্বা॒ রক্ষাং॑সি॒ পৃত॑নাসু জিগ্যুঃ । অনু॑ দহ স॒হমূ॑রান্ক্র॒ব্যাদো॒ মা তে॑ হে॒ত্যা মু॑ক্ষত॒ দৈব্যা॑য়াঃ ॥ ১০।০৮৭।১৯, ৮।৪।৮।৪

ত্বং নো॑ অগ্নে অধ॒রাদুদ॑ক্তা॒ত্ত্বং প॒শ্চাদু॒ত র॑ক্ষা পু॒রস্তা॑ৎ । প্রতি॒ তে তে॑ অ॒জরা॑স॒স্তপি॑ষ্ঠা অ॒ঘশং॑সং॒ শোশু॑চতো দহন্তু ॥ ১০।০৮৭।২০, ৮।৪।৮।৫

প॒শ্চাৎপু॒রস্তা॑দধ॒রাদুদ॑ক্তাৎক॒বিঃ কাব্যে॑ন॒ পরি॑ পাহি রাজন্ । সখে॒ সখা॑য়ম॒জরো॑ জরি॒ম্ণেঽগ্নে॒ মর্তাঁ॒ অম॑র্ত্য॒স্ত্বং নঃ॑ ॥ ১০।০৮৭।২১, ৮।৪।৯।১

পরি॑ ত্বাগ্নে॒ পুরং॑ ব॒য়ং বিপ্রং॑ সহস্য ধীমহি । ধৃ॒ষদ্ব॑র্ণং দি॒বেদি॑বে হ॒ন্তারং॑ ভঙ্গু॒রাব॑তাম্ ॥ ১০।০৮৭।২২, ৮।৪।৯।২

বি॒ষেণ॑ ভঙ্গু॒রাব॑তঃ॒ প্রতি॑ ষ্ম র॒ক্ষসো॑ দহ । অগ্নে॑ তি॒গ্মেন॑ শো॒চিষা॒ তপু॑রগ্রাভির্ঋ॒ষ্টিভিঃ॑ ॥ ১০।০৮৭।২৩, ৮।৪।৯।৩

প্রত্য॑গ্নে মিথু॒না দ॑হ যাতু॒ধানা॑ কিমী॒দিনা॑ । সং ত্বা॑ শিশামি জাগৃ॒হ্যদ॑ব্ধং বিপ্র॒ মন্ম॑ভিঃ ॥ ১০।০৮৭।২৪, ৮।৪।৯।৪

প্রত্য॑গ্নে॒ হর॑সা॒ হরঃ॑ শৃণী॒হি বি॒শ্বতঃ॒ প্রতি॑ । যা॒তু॒ধান॑স্য র॒ক্ষসো॒ বলং॒ বি রু॑জ বী॒র্য॑ম্ ॥ ১০।০৮৭।২৫, ৮।৪।৯।৫

অগ্নেহংসীতি নবর্চস্য সূক্তস্যামহীয়ব উরুক্ষয়োরক্ষোহাগ্নির্গায়ত্রী ।

অগ্নে॒ হংসি॒ ন্য১॒॑ত্রিণং॒ দীদ্য॒ন্মর্ত্যে॒ষ্বা । স্বে ক্ষয়ে॑ শুচিব্রত ॥ ১০।১১৮।০১, ৮।৬।০২৪।০১

উত্তি॑ষ্ঠসি॒ স্বা॑হুতো ঘৃ॒তানি॒ প্রতি॑ মোদসে । যত্ত্বা॒ স্রুচঃ॑ স॒মস্থি॑রন্ ॥ ১০।১১৮।০২, ৮।৬।০২৪।০২

স আহু॑তো॒ বি রো॑চতে॒ঽগ্নিরী॒ল়েন্যো॑ গি॒রা । স্রু॒চা প্রতী॑কমজ্যতে ॥ ১০।১১৮।০৩, ৮।৬।০২৪।০৩

ঘৃ॒তেনা॒গ্নিঃ সম॑জ্যতে॒ মধু॑প্রতীক॒ আহু॑তঃ । রোচ॑মানো বি॒ভাব॑সুঃ ॥ ১০।১১৮।০৪, ৮।৬।০২৪।০৪

জর॑মাণঃ॒ সমি॑ধ্যসে দে॒বেভ্যো॑ হব্যবাহন । তং ত্বা॑ হবন্ত॒ মর্ত্যাঃ॑ ॥ ১০।১১৮।০৫, ৮।৬।০২৪।০৫

তং ম॑র্তা॒ অম॑র্ত্যং ঘৃ॒তেনা॒গ্নিং স॑পর্যত । অদা॑ভ্যং গৃ॒হপ॑তিম্ ॥ ১০।১১৮।০৬, ৮।৬।০২৫।০১

অদা॑ভ্যেন শো॒চিষাগ্নে॒ রক্ষ॒স্ত্বং দ॑হ । গো॒পা ঋ॒তস্য॑ দীদিহি ॥ ১০।১১৮।০৭, ৮।৬।০২৫।০২

স ত্বম॑গ্নে॒ প্রতী॑কেন॒ প্রত্যো॑ষ যাতুধা॒ন্যঃ॑ । উ॒রু॒ক্ষয়ে॑ষু॒ দীদ্য॑ৎ ॥ ১০।১১৮।০৮, ৮।৬।০২৫।০৩

তং ত্বা॑ গী॒র্ভিরু॑রু॒ক্ষয়া॑ হব্য॒বাহং॒ সমী॑ধিরে । যজি॑ষ্ঠং॒ মানু॑ষে॒ জনে॑ ॥ ১০।১১৮।০৯, ৮।৬।০২৫।০৪

ব্রহ্মণাগ্রিরিতি ষডৃচস্য সূক্তস্য ব্রাহ্মোরক্ষোহা প্রজাপতিরনুষ্টুপ্ । (অত্রসূক্তেঽনুক্রমণ্যবষ্টম্ভেনদেবতানির্ণয়োনভবতি । যতস্তত্র গর্ভস্রাবে প্রায়শ্চিত্তিরিত্যুক্তং তেনসূক্তস্য প্রভাবমাত্রন্দ্যোত্যতেনতুদেবতা । অতোত্রপ্রজাপতির্দেবতাগ্রাহ্যা । তথাচ শৌনকঃ 'মন্ত্রেষুহ্যনিরুক্তেষু দেবতাঙ্কর্মতোবদেৎ । মন্ত্রতঃ কর্মণাচৈব প্রজাপতিরসম্ভবে' ইতি । ভাষ্যকারৈরপিপ্রজাপতিরেবোক্তঃ । বৃহদ্দেবতায়ান্তু রাক্ষোঘ্নাগ্নেয়মিত্যুক্তং তত্রয়ুক্তায়ুক্তংসদ্ভির্বিচারণীয়ং ) ।

ব্রহ্ম॑ণা॒গ্নিঃ সং॑বিদা॒নো র॑ক্ষো॒হা বা॑ধতামি॒তঃ । অমী॑বা॒ যস্তে॒ গর্ভং॑ দু॒র্ণামা॒ যোনি॑মা॒শয়ে॑ ॥ ১০।১৬২।০১, ৮।৮।০২০।০১

যস্তে॒ গর্ভ॒মমী॑বা দু॒র্ণামা॒ যোনি॑মা॒শয়ে॑ । অ॒গ্নিষ্টং ব্রহ্ম॑ণা স॒হ নিষ্ক্র॒ব্যাদ॑মনীনশৎ ॥ ১০।১৬২।০২, ৮।৮।০২০।০২

যস্তে॒ হন্তি॑ প॒তয়॑ন্তং নিষ॒ৎস্নুং যঃ স॑রীসৃ॒পম্ । জা॒তং যস্তে॒ জিঘাং॑সতি॒ তমি॒তো না॑শয়ামসি ॥ ১০।১৬২।০৩, ৮।৮।০২০।০৩

যস্ত॑ ঊ॒রূ বি॒হর॑ত্যন্ত॒রা দম্প॑তী॒ শয়ে॑ । যোনিং॒ যো অ॒ন্তরা॒রেল়্হি॒ তমি॒তো না॑শয়ামসি ॥ ১০।১৬২।০৪, ৮।৮।০২০।০৪

যস্ত্বা॒ ভ্রাতা॒ পতি॑র্ভূ॒ত্বা জা॒রো ভূ॒ত্বা নি॒পদ্য॑তে । প্র॒জাং যস্তে॒ জিঘাং॑সতি॒ তমি॒তো না॑শয়ামসি ॥ ১০।১৬২।০৫, ৮।৮।০২০।০৫

যস্ত্বা॒ স্বপ্নে॑ন॒ তম॑সা মোহয়ি॒ত্বা নি॒পদ্য॑তে । প্র॒জাং যস্তে॒ জিঘাং॑সতি॒ তমি॒তো না॑শয়ামসি ॥ ১০।১৬২।০৬, ৮।৮।০২০।০৬

২১। রাত্রি সূক্তং

রাত্রীত্যষ্টর্চস্য সূক্তস্য সৌভরঃ কুশিকোরাত্রির্গায়ত্রী (অত্রভারদ্বাজীরাত্রিঋষিকাপাক্ষিকী) ।

রাত্রী॒ ব্য॑খ্যদায়॒তী পু॑রু॒ত্রা দে॒ব্য১॒॑ক্ষভিঃ॑ । বিশ্বা॒ অধি॒ শ্রিয়ো॑ঽধিত ॥ ১০।১২৭।০১, ৮।৭।০১৪।০১

ওর্ব॑প্রা॒ অম॑র্ত্যা নি॒বতো॑ দে॒ব্যু১॒॑দ্বতঃ॑ । জ্যোতি॑ষা বাধতে॒ তমঃ॑ ॥ ১০।১২৭।০২, ৮।৭।০১৪।০২

নিরু॒ স্বসা॑রমস্কৃতো॒ষসং॑ দে॒ব্যা॑য়॒তী । অপেদু॑ হাসতে॒ তমঃ॑ ॥ ১০।১২৭।০৩, ৮।৭।০১৪।০৩

সা নো॑ অ॒দ্য যস্যা॑ ব॒য়ং নি তে॒ যাম॒ন্নবি॑ক্ষ্মহি । বৃ॒ক্ষে ন ব॑স॒তিং বয়ঃ॑ ॥ ১০।১২৭।০৪, ৮।৭।০১৪।০৪

নি গ্রামা॑সো অবিক্ষত॒ নি প॒দ্বন্তো॒ নি প॒ক্ষিণঃ॑ । নি শ্যে॒নাস॑শ্চিদ॒র্থিনঃ॑ ॥ ১০।১২৭।০৫, ৮।৭।০১৪।০৫

যা॒বয়া॑ বৃ॒ক্যং১॒॑ বৃকং॑ য॒বয়॑ স্তে॒নমূ॑র্ম্যে । অথা॑ নঃ সু॒তরা॑ ভব ॥ ১০।১২৭।০৬, ৮।৭।০১৪।০৬

উপ॑ মা॒ পেপি॑শ॒ত্তমঃ॑ কৃ॒ষ্ণং ব্য॑ক্তমস্থিত । উষ॑ ঋ॒ণেব॑ যাতয় ॥ ১০।১২৭।০৭, ৮।৭।০১৪।০৭

উপ॑ তে॒ গা ই॒বাক॑রং বৃণী॒ষ্ব দু॑হিতর্দিবঃ । রাত্রি॒ স্তোমং॒ ন জি॒গ্যুষে॑ ॥ ১০।১২৭।০৮, ৮।৭।০১৪।০৮

পরিশিষ্টম্ [ঋগ্বেদ মণ্ডল ১০।১২৭ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৪ বর্গানন্তরং]

আ রা॑ত্রি॒ পার্থি॑বং॒ রজ॑:- পি॒তর॑: প্রায়ু॒ ধাম॑ভিঃ। দি॒ব। স্সদাং॑সি বৃহ॒তী বি তি॑ষ্ঠস॒- আ ত্বে॒ষং ব॑র্ততে॒ তমঃ॑॥

যে তে॑ রাত্রি নৃ॒চক্ষ॑সো- যু॒ক্তাসো॑ নব॒তি। র্নব॑। অ॒শীতি॑। স্স।ন্ব॒ষ্টা- উ॒তো~ তে॑ স॒প্ত স॑প্ত॒তীঃ॥

রাত্রীং॒ প্রপ॑দ্যে জ॒ন॒নীং॒- স॒র্বভূ॑তনি॒বেশ॑নীম্। ভ॒দ্রাং ভ॒গব॑তী।ঙ্কৃ॒ষ্ণাং॒- বি॒শ্বস্য॑ জগ॒তো নি॑শাম্॥

সং॒বে॒শি॒নীং সং॑য়মি॒নী॒।-ঙ্গ্র॒হন॑ক্ষত্র॒মালি॑নীম্। প্রপ॑ন্নো॒ঽহং শি॑বাং রা॒ত্রীং॒- ভ॒দ্রে পা॑র। ম॒শীম॑হি॥ [ভ॒দ্রে॒ পা॒র॒ ম॒শী॒ম॒।হ্যো।ন্নমঃ॑]

স্তো॒ষ্যা॒মি॒ প্র॒য়॒তো॒ দেবীং॑- শ॒রণ্যাং॑ বহ্বৃ॒চপ্রি॑য়াম্। স॒হ॒স্র॒সংমি॑তা। ন্দু॒র্গা॒।-ঞ্জা॒তবে॑দসে সুনবাম॒ সোম॑ম্॥

শা॒ন্ত্য॒র্থ॒। ন্ত॒দ্দ্বি॒জা॒তীনা॑।-মৃ॒ষিভি॑। স্সোম॒পাশ্রি॑তাম্। ঋগ্বে॑দে॒ ত্বং স॑মুৎপ॒ন্না॒-ঽরা॒তী॒য়॒তো নি দ॑হাতি॒ বেদঃ॑॥

যে ত্বা॑।ন্দেবি প্র॒পদ্য॑ন্তি- ব্রাহ্ম॒ণা হ॑ব্য॒বাহ॑নীম্। অ॒বি॒দ্যা॒ বহু॑বিদ্যা॒ বা॒- স নঃ॑ পর্ষ।॒ দতি॑ দু॒র্গাণি॒ বিশ্বা॑॥

যে অ॑গ্নিব॒র্ণাং শু॑ভাং সৌ॒ম্যা॒।-ঙ্কী॒র্তয়ি॑ষ্যন্তি॒ যে দ্বি॑জাঃ। তাং॒।স্তা॒র॒য়॒তি॒ দুর্গা॑ণি- না॒বেব॒ সিন্ধু॑। ন্দুরি॒তাঽত্য॒গ্নিঃ॥

দু॒র্গে॒ষু॒ বি॒ষ॒মে॒ ঘোরে॑- স॒ঙ্গ্রামে॑ রিপু॒সঙ্ক॑টে। অগ্নি॑চো॒রনি॑পাতে॒ষু॒- দু॒ষ্টগ্র॑হনি॒বারি॑ণি॥ (দু॒ষ্ট॒গ্র॒হ॒নি॒বা॒রি॒।ণ্যো।ন্নমঃ॑)।

দু॒র্গে॒ষু॒ বি॒ষ॒মে॒ষু ত্বং॑- স॒ঙ্গ্রামে॑ষু ব॒নেষু॑ চ। মো॒হ॒য়ি॒ত্বা প্র॑পদ্য॒ন্তে॒- তে॒ষাং মে॑ অভ॒য়।ঙ্কু॑রু॥ [তে॒ষাং॒ মে॒ অ॒ভ॒য়॒।ঙ্কু॒র্বো।ন্নমঃ॑]॥

কে॒শি॒নীং॒ সর্ব॑ভূতা॒নাং॒- প॒ঞ্চমী॑তি চ॒ নাম॑ চ। সা॒ মাং॒ স॒মা॒ নি॒শা॒ দেবী॑- স॒র্বত॑: পরি॒ রক্ষ॑তু॥ [স॒র্ব॒ত॒: প॒রি॒ র॒ক্ষ॒।ত্বো।ন্নমঃ॑]॥

তা। ম॒গ্নিব॑র্ণা॒। ন্তপ॑সা জ্বল॒ন্তীং- বৈ॑রোচ॒নী।ঙ্ক॑র্মফ॒লেষু॒ জুষ্টা॑ম্। দু॒র্গা। ন্দে॒বীং শর॑ণ। ম॒হং প্রপ॑দ্যে- সু॒তর॑সি তরসে॒ নম॑।-স্সু॒তর॑সি তরসে॒ নমঃ॑॥

দুর্গা॑ দু॒র্গেষু॑ স্থানে॒ষু॒- শ॒।ন্নো দে॑বী। র॒ভিষ্ট॑য়ে। য ই॒ম। ন্দু॒র্গাস্ত॑বং পু॒ণ্যং॒-রা॒ত্রৌরা॑ত্রৌ স॒দা প॑ঠেৎ॥

রাত্রি॒: কুশি॑ক। স্সৌভ॒রো- রাত্রি॒।র্বা ভা॑রদ্বা॒জী রাত্রি॒স্তব॑।ঙ্গায়॒ত্রম্॥ রাত্রী॑সূ॒ক্ত।ঞ্জ॑পে। ন্নি॒ত্য॒।-ন্ত॒ৎকাল॑। মুপ॒পদ্য॑তে। ন যোনিং॒ পুন॑ রায়া॒তি॒- স॒র্বপা॑পৈঃ প্র॒মুচ্য॑তে॥

ক্ষী॒রেণ॒ স্নাপি॑তা- দু॒র্গা চ॒ন্দনে॑ন বি॒লেপি॑তা। বিল্ব॑প॒ত্রকৃ॑তাঽঽপী॒ডা- ন॒মো দু॑র্গে ন॒মো ন॑মঃ॥

সর্ব॑ভূ॒তপি॑শাচে॒ভ্য॒।-স্স॒র্বস॑র্পস॒রীসৃ॑পৈঃ। দৈবে॑ভ্যো॒ মানু॑ষেভ্য॒শ্চ॒-উ॒ভয়ে॑ভ্যোঽভি॒রক্ষ॑ মাম্॥

যা ঋ॑গ্বে॒দে স্তু॑তা দে॒বী॒- কা॒শ্যপে॑ন উ॒দাহৃ॑তা। জা॒তবে॑দপ্র॑ভা গৌ॒রী॒- জা॒তবে॑দসে সুনবাম॒ সোম॑ম্॥

সুরা॑সু॒রৈ। র্দ্বি॑জব॒রৈ॒:- পি॒শাচো॑রগ॒রাক্ষ॑সৈঃ। অরা॑তি॒ভয়॑। উৎপ॒ন্নে॒- অ॒রা॒তী॒য়॒তো নি দ॑হাতি॒ বেদঃ॑॥

গজ॑দ্বা॒রেঽপ॑থে ঘো॒রে॒- স॒ঙ্গ্রামে॑ষু চ॒ গৌত॑মী। সর্বং॑ রক্ষতু দুরি॒তং- স ন॑:পর্ষ॒।দতি॑ দু॒র্গাণি॒ বিশ্বা॑॥

মহা॑ভ॒য়ে স॑মুৎপ॒ন্নে- স্মর॑ন্তি চ জ॒পন্তি॑ চ। সর্ব॑।ন্তা॒রয়॑তে দু॒র্গা॒- না॒বেব॒ সিন্ধু॑।ন্দুরি॒তাঽত্য॒গ্নিঃ॥

য ই॒ম। ন্দু॒র্গাস্ত॑বং পু॒ণ্যং॒- শৃ॒ণ্বন্তি॑ চ জ॒পন্তি॑ চ। ত্রিষু॑ লো॒কেষু॑ বিখ্যা॒ত॒।-ন্ত্রি॒ষু লো॑কেষু॒ পূজি॑তম্॥

অপু॑ত্রো॒ লভ॑তে পু॒ত্রা॒।-ন্ধ॒নহী॑নো ধ॒নং ল॑ভেৎ। অচ॑ক্ষু॒। র্লভ॑তে চ॒ক্ষু॒।- র্ব॒দ্ধো-মু॑চ্যেত॒ বন্ধ॑নাৎ॥

ব্যাধি॑তো॒ মুচ্য॑তে রো॒গা॒।-দ॒রোগী॑ শ্রিয়॒। মাপ্নু॑য়াৎ। দদা॑তি॒ কামি॑তং স॒র্ব॒।-ঙ্কাত্যা॑য়নি ন॒মোঽস্তু॑ তে॥

উলূ॑কয়াতুং শুশু॒লূক॑য়াতু।-ঞ্জ॒হি শ্বয়া॑তু। মু॒ত কোক॑য়াতুম্। সু॒প॒র্ণয়া॑তু। মু॒ত গৃধ্র॑য়াতু।-ন্দৃ॒ষদে॑ব॒ প্রমৃ॑ণ॒ রক্ষ॑ ইন্দ্র॥

পি॒শঙ্গ॑ভৃষ্টি। মম্ভৃ॒ণং- পি॒শাচি॑। মিন্দ্র॒ সং মৃ॑ণ। সর্বং॒ রক্ষো॒ নি ব॑র্হয়॥

পরিশিষ্টম্ [ঋগ্বেদ মণ্ডল ১০। ১৪২ সূক্তস্যানন্তরং][ঋগ্বেদ অষ্টক ৮, অধ্যায় ৭, ৩০ বর্গানন্তরং]

হি॒মস্য॑ ত্বা জ॒রায়ু॑ণা॒- শালে॒ পরি॑ ব্যযামসি। উ॒ত হ্র॒দো হি নো॒ ধিয়ো॒-ঽগ্নি। র্দ॑দাতু ভেষ॒জম্॥

শী॒ত॒হ্র॒দো হি নো॒ ধিয়ো॒-ঽগ্নি। র্দ॑দাতু ভেষ॒জম্। অন্তি॒কা। ম॒গ্নি। ম॒জন॑য়॒।-দূর্বা॑দ॒। শ্শশ॒হাঽগ॑মৎ॥

অ॒জা॒ত॒পু॒ত্র॒প॒ক্ষায়া॑ হৃ॒দয়ং॒ মম॑ দূয়তে। বিপু॑লঁ॒ বনং॑ ব॒হ্বাকা॑শ॒।-ঞ্চর॑ জাতবেদ॒: কামা॑য়॥

মা॒ঞ্চ॒ র॒ক্ষ॒ পুত্রাং॑।শ্চ॒- শর॑ণ। মভূ॒। ত্তব॑। পি॒ঙ্গা॒ক্ষ॒ লো॒হি॒তগ্রী॑ব- কৃ॒ষ্ণব॑র্ণ ন॒মোঽস্তু॑তে॥

অ॒স্মা।ন্নি॒ বর্হ॑স্যেনাং- সা॒গর॑স্যোর্ম॒য়ো য॑থা। ইন্দ্রঃ॑ ক্ষ॒ত্র।ন্দ॑দাতু॒- বরু॑ণ। ম॒ভি ষি॑ঞ্চতু॥

শ॒ত্র॒বো॒ নিধ॑নং যা॒ন্তু॒- জ॒য় ত্বং॑ ব্রহ্ম॒তেজ॑সা। ক॒পি॒ল॒জ॒টীং স॒র্বভ॑ক্ষ।ঞ্চা॒-ঽগ্নিং প্র॑ত্যক্ষ॒দৈব॑তম্। ব॒রু॒ণ॒ঞ্চ॒ ব॒শা॒।ম্যগ্রে॑- ম॒ম পু॑ত্রাংশ্চ॒ রক্ষ॑তু॥ (ম॒ম॒ পু॒ত্রাং॒শ্চ॒ র॒ক্ষ॒। ত্বো।ন্নমঃ॑)।

সাঽগ্রং॑ ব॒র্ষশ॒ত।ঞ্জী॑ব- পি॒ব খা॑দ চ॒ মোদ॑ চ। দু॒:খি॒তাং॒শ্চ দ্বি॑জাং।শ্চৈ॒ব॒- প্র॒জা।ঞ্চ॑ পশু॒ পাল॑য়॥

যাব॑।দাদি॒ত্য। স্ত॑পতি॒- যাব॑।দ্ভ্রাজতি॒ চ॒ন্দ্রমাঃ॑। যা॒ব॒।দ্বা॒য়ুঃ প্লবা॑য়তি॒-তাব॑।জ্জীব॒ জয়া॑ জয়॥

যেন॑ কে॒ন প্র॑কারে॒ণ॒- কো॒ হি না॑ম নু॒ জীব॑তি। পরে॑ষা॒। মুপ॑কারা॒র্থং॒- য॒জ্জীব॑তি স॒ জীব॑তি॥

এ॒তাঁ॒ বৈ॒শ্বা॒নরীং॑- স॒র্বদে॑বা।ন্ন॒মোঽস্তু॑ তে॥

ন চো॑র॒ভয়॒।ন্ন চ॑ সর্প॒ভয়।-॒ন্ন চ॑ ব্যাঘ্র॒ভয়॒।ন্ন চ॑ মৃত্যু॒ভয়॑ম্। য॒স্যা॒ঽপ॒মৃ॒ত্যু।র্ন॑ চ মৃ॒ত্যু॒।-স্সর্বং॑ লভতে॒ সর্ব॑।ঞ্জয়তে॥

২২। স্বস্তি সূক্তং

স্ব॒স্তি নো॑ মিমীতাম॒শ্বিনা॒ ভগঃ॑ স্ব॒স্তি দে॒ব্যদি॑তিরন॒র্বণঃ॑ । স্ব॒স্তি পূ॒ষা অসু॑রো দধাতু নঃ স্ব॒স্তি দ্যাবা॑পৃথি॒বী সু॑চে॒তুনা॑ ॥ ৫।০৫১।১১, ৪।৩।৭।১ {স্বস্ত্যাত্রেয়ঃ । বিশ্বদেবাঃ । জগতী ত্রিষ্টুভোবা}

স্ব॒স্তয়ে॑ বা॒য়ুমুপ॑ ব্রবামহৈ॒ সোমং॑ স্ব॒স্তি ভুব॑নস্য॒ যস্পতিঃ॑ । বৃহ॒স্পতিং॒ সর্ব॑গণং স্ব॒স্তয়ে॑ স্ব॒স্তয়॑ আদি॒ত্যাসো॑ ভবন্তু নঃ ॥ ৫।০৫১।১২, ৪।৩।৭।২ {স্বস্ত্যাত্রেয়ঃ । বিশ্বদেবাঃ । জগতী ত্রিষ্টুভোবা}

বিশ্বে॑ দে॒বা নো॑ অ॒দ্যা স্ব॒স্তয়ে॑ বৈশ্বান॒রো বসু॑র॒গ্নিঃ স্ব॒স্তয়ে॑ । দে॒বা অ॑বন্ত্বৃ॒ভবঃ॑ স্ব॒স্তয়ে॑ স্ব॒স্তি নো॑ রু॒দ্রঃ পা॒ত্বংহ॑সঃ ॥ ৫।০৫১।১৩, ৪।৩।৭।৩ {স্বস্ত্যাত্রেয়ঃ । বিশ্বদেবাঃ । জগতী ত্রিষ্টুভোবা}

স্ব॒স্তি মি॑ত্রাবরুণা স্ব॒স্তি প॑থ্যে রেবতি । স্ব॒স্তি ন॒ ইন্দ্র॑শ্চা॒গ্নিশ্চ॑ স্ব॒স্তি নো॑ অদিতে কৃধি ॥ ৫।০৫১।১৪, ৪।৩।৭।৪ {স্বস্ত্যাত্রেয়ঃ । বিশ্বদেবাঃ । অনুষ্টুপ্}

স্ব॒স্তি পন্থা॒মনু॑ চরেম সূর্যাচন্দ্র॒মসা॑বিব । পুন॒র্দদ॒তাঘ্ন॑তা জান॒তা সং গ॑মেমহি ॥ ৫।০৫১।১৫, ৪।৩।৭।৫ {স্বস্ত্যাত্রেয়ঃ । বিশ্বদেবাঃ । অনুষ্টুপ্}

পরিশিষ্টম্ [ঋগ্বেদ মণ্ডল ৫, ৫১ সূক্তস্যানন্তরং][ঋগ্বেদ অষ্টক ৪, অধ্যায় ৩, ৭ বর্গানন্তরং]

স্ব॒স্ত্যয॑নং॒ তার্ক্ষ্য॒মরি॑ষ্টনেমিং ম॒হদ্ভূ॑তং বায়॒সং দে॒বতা॑নাং । অ॒সু॒র॒ঘ্নমিন্দ্র॑সখং স॒মৎসু॑ বৃ॒হদ্যশো॒ নাব॑মি॒বা রু॑হেম ॥১॥

অং॒হো॒মুচ॑মাঙ্॒গির॑সং॒ গয়ং॑ চ স্ব॒স্ত্যা॑ত্রে॒য়ং মন॑সা চ॒ তার্ক্ষ্যং॑ । প্রয়॑তপাণিঃ শর॒ণং প্র প॑দ্যে স্ব॒স্তি সম্॑বা॒ধেষ্বভ॑য়ং নো, অস্তু ॥২॥

২৩। হিরণ্যগর্ভ সূক্তং

হিরণ্যগর্ভইতি দশর্চস্য সূক্তস্য প্রাজাপত্যোহিরণ্যগর্ভঃ প্রজাপতিস্ত্রিষ্টুপ্ ।

হি॒র॒ণ্য॒গ॒র্ভঃ সম॑বর্ত॒তাগ্রে॑ ভূ॒তস্য॑ জা॒তঃ পতি॒রেক॑ আসীৎ । স দা॑ধার পৃথি॒বীং দ্যামু॒তেমাং কস্মৈ॑ দে॒বায়॑ হ॒বিষা॑ বিধেম ॥ ১০।১২১।০১, ৮।৭।৩।১

য আ॑ত্ম॒দা ব॑ল॒দা যস্য॒ বিশ্ব॑ উ॒পাস॑তে প্র॒শিষং॒ যস্য॑ দে॒বাঃ । যস্য॑ ছা॒য়ামৃতং॒ যস্য॑ মৃ॒ত্যুঃ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০২, ৮।৭।৩।২

যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ । য ঈশে॑ অ॒স্য দ্বি॒পদ॒শ্চতু॑ষ্পদঃ॒ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৩, ৮।৭।৩।৩

যস্যে॒মে হি॒মব॑ন্তো মহি॒ত্বা যস্য॑ সমু॒দ্রং র॒সয়া॑ স॒হাহুঃ । যস্যে॒মাঃ প্র॒দিশো॒ যস্য॑ বা॒হূ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৪, ৮।৭।৩।৪

যেন॒ দ্যৌরু॒গ্রা পৃ॑থি॒বী চ॑ দৃ॒ল়্হা যেন॒ স্বঃ॑ স্তভি॒তং যেন॒ নাকঃ॑ । যো অ॒ন্তরি॑ক্ষে॒ রজ॑সো বি॒মানঃ॒ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৫, ৮।৭।৩।৫

যং ক্রন্দ॑সী॒ অব॑সা তস্তভা॒নে অ॒ভ্যৈক্ষে॑তাং॒ মন॑সা॒ রেজ॑মানে । যত্রাধি॒ সূর॒ উদি॑তো বি॒ভাতি॒ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৬, ৮।৭।৪।১

আপো॑ হ॒ যদ্বৃ॑হ॒তীর্বিশ্ব॒মায়॒ন্গর্ভং॒ দধা॑না জ॒নয়॑ন্তীর॒গ্নিম্ । ততো॑ দে॒বানাং॒ সম॑বর্ত॒তাসু॒রেকঃ॒ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৭, ৮।৭।৪।২

যশ্চি॒দাপো॑ মহি॒না প॒র্যপ॑শ্য॒দ্দক্ষং॒ দধা॑না জ॒নয়॑ন্তীর্য॒জ্ঞম্ । যো দে॒বেষ্বধি॑ দে॒ব এক॒ আসী॒ৎকস্মৈ॑ দে॒বায়॑ হ॒বিষা॑ বিধেম ॥ ১০।১২১।০৮, ৮।৭।৪।৩

মা নো॑ হিংসীজ্জনি॒তা যঃ পৃ॑থি॒ব্যা যো বা॒ দিবং॑ স॒ত্যধ॑র্মা জ॒জান॑ । যশ্চা॒পশ্চ॒ন্দ্রা বৃ॑হ॒তীর্জ॒জান॒ কস্মৈ॑ দে॒বায়॑ হ॒বিষা॑ বিধেম ॥ ১০।১২১।০৯, ৮।৭।৪।৪

প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒ তা ব॑ভূব । যৎকা॑মাস্তে জুহু॒মস্তন্নো॑ অস্তু ব॒য়ং স্যা॑ম॒ পত॑য়ো রয়ী॒ণাম্ ॥ ১০।১২১।১০, ৮।৭।৪।৫

২৪। সত্যেনোত্তভিতা সূক্তং

সত্যেনেতি সপ্তচত্বারিংশদৃচস্য সূক্তস্য সূর্যাসাবিত্রীঋষিকা পঞ্চানাংসোমোদেবতা ততএকাদশানাং সূর্যাবিবাহঃ সপ্তদশ্যাদেবাঃ অষ্টাদশ্যাঃ সোমার্কৌ একোনবিংশ্যাশ্চন্দ্রমাঃ ততোনবানাংনৃণাং বিবাহ মন্ত্রাআশীঃ প্রায়াঃ ততোদ্বয়োর্বধূর্বাসোদেবতা একত্রিংশ্যায়ক্ষ্মহা শিষ্টানামৃচসূর্যাংসাবিত্রী অনুষ্টুপ্চতুর্দশীএকোনবিংশ্যাদি তিস্রস্রয়োবিংশী চতুর্বিংশীষড্বিংশী ষট্ত্রিংশী সপ্তত্রিংশী চতুশ্চত্বারিংশ্যশ্চত্রিষ্টুভঃ অষ্টাদশী সপ্তবিংশীত্রিচত্বারিংশ্যশ্চ জগত্যঃ চতুস্ত্রিংশ্যুরোবৃহতী ।

স॒ত্যেনোত্ত॑ভিতা॒ ভূমিঃ॒ সূর্যে॒ণোত্ত॑ভিতা॒ দ্যৌঃ । ঋ॒তেনা॑দি॒ত্যাস্তি॑ষ্ঠন্তি দি॒বি সোমো॒ অধি॑ শ্রি॒তঃ ॥ ১০।০৮৫।০১, ৮।৩।০২০।০১

সোমে॑নাদি॒ত্যা ব॒লিনঃ॒ সোমে॑ন পৃথি॒বী ম॒হী । অথো॒ নক্ষ॑ত্রাণামে॒ষামু॒পস্থে॒ সোম॒ আহি॑তঃ ॥ ১০।০৮৫।০২, ৮।৩।০২০।০২

সোমং॑ মন্যতে পপি॒বান্যৎস॑ম্পিং॒ষন্ত্যোষ॑ধিম্ । সোমং॒ যং ব্র॒হ্মাণো॑ বি॒দুর্ন তস্যা॑শ্নাতি॒ কশ্চ॒ন ॥ ১০।০৮৫।০৩, ৮।৩।০২০।০৩

আ॒চ্ছদ্বি॑ধানৈর্গুপি॒তো বার্হ॑তৈঃ সোম রক্ষি॒তঃ । গ্রাব্ণা॒মিচ্ছৃ॒ণ্বন্তি॑ষ্ঠসি॒ ন তে॑ অশ্নাতি॒ পার্থি॑বঃ ॥ ১০।০৮৫।০৪, ৮।৩।০২০।০৪

যত্ত্বা॑ দেব প্র॒পিব॑ন্তি॒ তত॒ আ প্যা॑য়সে॒ পুনঃ॑ । বা॒য়ুঃ সোম॑স্য রক্ষি॒তা সমা॑নাং॒ মাস॒ আকৃ॑তিঃ ॥ ১০।০৮৫।০৫, ৮।৩।০২০।০৫

রৈভ্যা॑সীদনু॒দেয়ী॑ নারাশং॒সী ন্যোচ॑নী । সূ॒র্যায়া॑ ভ॒দ্রমিদ্বাসো॒ গাথ॑য়ৈতি॒ পরি॑ষ্কৃতম্ ॥ ১০।০৮৫।০৬, ৮।৩।০২১।০১

চিত্তি॑রা উপ॒বর্হ॑ণং॒ চক্ষু॑রা অ॒ভ্যঞ্জ॑নম্ । দ্যৌর্ভূমিঃ॒ কোশ॑ আসী॒দ্যদয়া॑ৎসূ॒র্যা পতি॑ম্ ॥ ১০।০৮৫।০৭, ৮।৩।০২১।০২

স্তোমা॑ আসন্প্রতি॒ধয়ঃ॑ কু॒রীরং॒ ছন্দ॑ ওপ॒শঃ । সূ॒র্যায়া॑ অ॒শ্বিনা॑ ব॒রাগ্নিরা॑সীৎপুরোগ॒বঃ ॥ ১০।০৮৫।০৮, ৮।৩।০২১।০৩

সোমো॑ বধূ॒য়ুর॑ভবদ॒শ্বিনা॑স্তামু॒ভা ব॒রা । সূ॒র্যাং যৎপত্যে॒ শংস॑ন্তীং॒ মন॑সা সবি॒তাদ॑দাৎ ॥ ১০।০৮৫।০৯, ৮।৩।০২১।০৪

মনো॑ অস্যা॒ অন॑ আসী॒দ্দ্যৌরা॑সীদু॒ত চ্ছ॒দিঃ । শু॒ক্রাব॑ন॒ড্বাহা॑বাস্তাং॒ যদয়া॑ৎসূ॒র্যা গৃ॒হম্ ॥ ১০।০৮৫।১০, ৮।৩।০২১।০৫

ঋ॒ক্সা॒মাভ্যা॑ম॒ভিহি॑তৌ॒ গাবৌ॑ তে সাম॒নাবি॑তঃ । শ্রোত্রং॑ তে চ॒ক্রে আ॑স্তাং দি॒বি পন্থা॑শ্চরাচা॒রঃ ॥ ১০।০৮৫।১১, ৮।৩।০২২।০১

শুচী॑ তে চ॒ক্রে যা॒ত্যা ব্যা॒নো অক্ষ॒ আহ॑তঃ । অনো॑ মন॒স্ময়ং॑ সূ॒র্যারো॑হৎপ্রয়॒তী পতি॑ম্ ॥ ১০।০৮৫।১২, ৮।৩।০২২।০২

সূ॒র্যায়া॑ বহ॒তুঃ প্রাগা॑ৎসবি॒তা যম॒বাসৃ॑জৎ । অ॒ঘাসু॑ হন্যন্তে॒ গাবোঽর্জু॑ন্যোঃ॒ পর্যু॑হ্যতে ॥ ১০।০৮৫।১৩, ৮।৩।০২২।০৩

যদ॑শ্বিনা পৃ॒চ্ছমা॑না॒বয়া॑তং ত্রিচ॒ক্রেণ॑ বহ॒তুং সূ॒র্যায়াঃ॑ । বিশ্বে॑ দে॒বা অনু॒ তদ্বা॑মজানন্পু॒ত্রঃ পি॒তরা॑ববৃণীত পূ॒ষা ॥ ১০।০৮৫।১৪, ৮।৩।০২২।০৪

যদয়া॑তং শুভস্পতী বরে॒য়ং সূ॒র্যামুপ॑ । ক্বৈকং॑ চ॒ক্রং বা॑মাসী॒ৎক্ব॑ দে॒ষ্ট্রায়॑ তস্থথুঃ ॥ ১০।০৮৫।১৫, ৮।৩।০২২।০৫

দ্বে তে॑ চ॒ক্রে সূ॑র্যে ব্র॒হ্মাণ॑ ঋতু॒থা বি॑দুঃ । অথৈকং॑ চ॒ক্রং যদ্গুহা॒ তদ॑দ্ধা॒তয়॒ ইদ্বি॑দুঃ ॥ ১০।০৮৫।১৬, ৮।৩।০২৩।০১

সূ॒র্যায়ৈ॑ দে॒বেভ্যো॑ মি॒ত্রায়॒ বরু॑ণায় চ । যে ভূ॒তস্য॒ প্রচে॑তস ই॒দং তেভ্যো॑ঽকরং॒ নমঃ॑ ॥ ১০।০৮৫।১৭, ৮।৩।০২৩।০২

পূ॒র্বা॒প॒রং চ॑রতো মা॒য়যৈ॒তৌ শিশূ॒ ক্রীল়॑ন্তৌ॒ পরি॑ যাতো অধ্ব॒রম্ । বিশ্বা॑ন্য॒ন্যো ভুব॑নাভি॒চষ্ট॑ ঋ॒তূঁর॒ন্যো বি॒দধ॑জ্জায়তে॒ পুনঃ॑ ॥ ১০।০৮৫।১৮, ৮।৩।০২৩।০৩

নবো॑নবো ভবতি॒ জায়॑মা॒নোঽহ্নাং॑ কে॒তুরু॒ষসা॑মে॒ত্যগ্র॑ম্ । ভা॒গং দে॒বেভ্যো॒ বি দ॑ধাত্যা॒য়ন্প্র চ॒ন্দ্রমা॑স্তিরতে দী॒র্ঘমায়ুঃ॑ ॥ ১০।০৮৫।১৯, ৮।৩।০২৩।০৪

সু॒কিং॒শু॒কং শ॑ল্ম॒লিং বি॒শ্বরূ॑পং॒ হির॑ণ্যবর্ণং সু॒বৃতং॑ সুচ॒ক্রম্ । আ রো॑হ সূর্যে অ॒মৃত॑স্য লো॒কং স্যো॒নং পত্যে॑ বহ॒তুং কৃ॑ণুষ্ব ॥ ১০।০৮৫।২০, ৮।৩।০২৩।০৫

উদী॒র্ষ্বাতঃ॒ পতি॑বতী॒ হ্যে॒৩॒॑ষা বি॒শ্বাব॑সুং॒ নম॑সা গী॒র্ভিরী॑ল়ে । অ॒ন্যামি॑চ্ছ পিতৃ॒ষদং॒ ব্য॑ক্তাং॒ স তে॑ ভা॒গো জ॒নুষা॒ তস্য॑ বিদ্ধি ॥ ১০।০৮৫।২১, ৮।৩।০২৪।০১

উদী॒র্ষ্বাতো॑ বিশ্বাবসো॒ নম॑সেল়া মহে ত্বা । অ॒ন্যামি॑চ্ছ প্রফ॒র্ব্যং১॒॑ সং জা॒য়াং পত্যা॑ সৃজ ॥ ১০।০৮৫।২২, ৮।৩।০২৪।০২

অ॒নৃ॒ক্ষ॒রা ঋ॒জবঃ॑ সন্তু॒ পন্থা॒ যেভিঃ॒ সখা॑য়ো॒ যন্তি॑ নো বরে॒য়ম্ । সম॑র্য॒মা সং ভগো॑ নো নিনীয়া॒ৎসং জা॑স্প॒ত্যং সু॒য়ম॑মস্তু দেবাঃ ॥ ১০।০৮৫।২৩, ৮।৩।০২৪।০৩

প্র ত্বা॑ মুঞ্চামি॒ বরু॑ণস্য॒ পাশা॒দ্যেন॒ ত্বাব॑ধ্নাৎসবি॒তা সু॒শেবঃ॑ । ঋ॒তস্য॒ যোনৌ॑ সুকৃ॒তস্য॑ লো॒কেঽরি॑ষ্টাং ত্বা স॒হ পত্যা॑ দধামি ॥ ১০।০৮৫।২৪, ৮।৩।০২৪।০৪

প্রেতো মু॒ঞ্চামি॒ নামুতঃ॑ সুব॒দ্ধাম॒মুত॑স্করম্ । যথে॒য়মি॑ন্দ্র মীঢ্বঃ সুপু॒ত্রা সু॒ভগাস॑তি ॥ ১০।০৮৫।২৫, ৮।৩।০২৪।০৫

পূ॒ষা ত্বে॒তো ন॑য়তু হস্ত॒গৃহ্যা॒শ্বিনা॑ ত্বা॒ প্র ব॑হতাং॒ রথে॑ন । গৃ॒হান্গ॑চ্ছ গৃ॒হপ॑ত্নী॒ যথাসো॑ ব॒শিনী॒ ত্বং বি॒দথ॒মা ব॑দাসি ॥ ১০।০৮৫।২৬, ৮।৩।০২৫।০১

ই॒হ প্রি॒য়ং প্র॒জয়া॑ তে॒ সমৃ॑ধ্যতাম॒স্মিন্গৃ॒হে গার্হ॑পত্যায় জাগৃহি । এ॒না পত্যা॑ ত॒ন্বং১॒॑ সং সৃ॑জ॒স্বাধা॒ জিব্রী॑ বি॒দথ॒মা ব॑দাথঃ ॥ ১০।০৮৫।২৭, ৮।৩।০২৫।০২

নী॒ল॒লো॒হি॒তং ভ॑বতি কৃ॒ত্যাস॒ক্তির্ব্য॑জ্যতে । এধ॑ন্তে অস্যা জ্ঞা॒তয়ঃ॒ পতি॑র্ব॒ন্ধেষু॑ বধ্যতে ॥ ১০।০৮৫।২৮, ৮।৩।০২৫।০৩

পরা॑ দেহি শামু॒ল্যং॑ ব্র॒হ্মভ্যো॒ বি ভ॑জা॒ বসু॑ । কৃ॒ত্যৈষা প॒দ্বতী॑ ভূ॒ত্ব্যা জা॒য়া বি॑শতে॒ পতি॑ম্ ॥ ১০।০৮৫।২৯, ৮।৩।০২৫।০৪

অ॒শ্রী॒রা ত॒নূর্ভ॑বতি॒ রুশ॑তী পা॒পয়া॑মু॒য়া । পতি॒র্যদ্ব॒ধ্বো॒৩॒॑ বাস॑সা॒ স্বমঙ্গ॑মভি॒ধিৎস॑তে ॥ ১০।০৮৫।৩০, ৮।৩।০২৫।০৫

যে ব॒ধ্ব॑শ্চ॒ন্দ্রং ব॑হ॒তুং যক্ষ্মা॒ যন্তি॒ জনা॒দনু॑ । পুন॒স্তান্য॒জ্ঞিয়া॑ দে॒বা নয়॑ন্তু॒ যত॒ আগ॑তাঃ ॥ ১০।০৮৫।৩১, ৮।৩।০২৬।০১

মা বি॑দন্পরিপ॒ন্থিনো॒ য আ॒সীদ॑ন্তি॒ দম্প॑তী । সু॒গেভি॑র্দু॒র্গমতী॑তা॒মপ॑ দ্রা॒ন্ত্বরা॑তয়ঃ ॥ ১০।০৮৫।৩২, ৮।৩।০২৬।০২

সু॒ম॒ঙ্গ॒লীরি॒য়ং ব॒ধূরি॒মাং স॒মেত॒ পশ্য॑ত । সৌভা॑গ্যমস্যৈ দ॒ত্ত্বায়াথাস্তং॒ বি পরে॑তন ॥ ১০।০৮৫।৩৩, ৮।৩।০২৬।০৩

তৃ॒ষ্টমে॒তৎকটু॑কমে॒তদ॑পা॒ষ্ঠব॑দ্বি॒ষব॒ন্নৈতদত্ত॑বে । সূ॒র্যাং যো ব্র॒হ্মা বি॒দ্যাৎস ইদ্বাধূ॑য়মর্হতি ॥ ১০।০৮৫।৩৪, ৮।৩।০২৬।০৪

আ॒শস॑নং বি॒শস॑ন॒মথো॑ অধিবি॒কর্ত॑নম্ । সূ॒র্যায়াঃ॑ পশ্য রূ॒পাণি॒ তানি॑ ব্র॒হ্মা তু শু॑ন্ধতি ॥ ১০।০৮৫।৩৫, ৮।৩।০২৬।০৫

গৃ॒ভ্ণামি॑ তে সৌভগ॒ত্বায়॒ হস্তং॒ ময়া॒ পত্যা॑ জ॒রদ॑ষ্টি॒র্যথাসঃ॑ । ভগো॑ অর্য॒মা স॑বি॒তা পুরন্॑ধি॒র্মহ্যং॑ ত্বাদু॒র্গার্হ॑পত্যায় দে॒বাঃ ॥ ১০।০৮৫।৩৬, ৮।৩।০২৭।০১

তাং পূ॑ষঞ্ছি॒বত॑মা॒মের॑য়স্ব॒ যস্যাং॒ বীজং॑ মনু॒ষ্যা॒৩॒॑ বপ॑ন্তি । যা ন॑ ঊ॒রূ উ॑শ॒তী বি॒শ্রয়া॑তে॒ যস্যা॑মু॒শন্তঃ॑ প্র॒হরা॑ম॒ শেপ॑ম্ ॥ ১০।০৮৫।৩৭, ৮।৩।০২৭।০২

তুভ্য॒মগ্রে॒ পর্য॑বহন্ত্সূ॒র্যাং ব॑হ॒তুনা॑ স॒হ । পুনঃ॒ পতি॑ভ্যো জা॒য়াং দা অ॑গ্নে প্র॒জয়া॑ স॒হ ॥ ১০।০৮৫।৩৮, ৮।৩।০২৭।০৩

পুনঃ॒ পত্নী॑ম॒গ্নির॑দা॒দায়ু॑ষা স॒হ বর্চ॑সা । দী॒র্ঘায়ু॑রস্যা॒ যঃ পতি॒র্জীবা॑তি শ॒রদঃ॑ শ॒তম্ ॥ ১০।০৮৫।৩৯, ৮।৩।০২৭।০৪

সোমঃ॑ প্রথ॒মো বি॑বিদে গন্ধ॒র্বো বি॑বিদ॒ উত্ত॑রঃ । তৃ॒তীয়ো॑ অ॒গ্নিষ্টে॒ পতি॑স্তু॒রীয়॑স্তে মনুষ্য॒জাঃ ॥ ১০।০৮৫।৪০, ৮।৩।০২৭।০৫

সোমো॑ দদদ্গন্ধ॒র্বায়॑ গন্ধ॒র্বো দ॑দদ॒গ্নয়ে॑ । র॒য়িং চ॑ পু॒ত্রাঁশ্চা॑দাদ॒গ্নির্মহ্য॒মথো॑ ই॒মাম্ ॥ ১০।০৮৫।৪১, ৮।৩।০২৮।০১

ই॒হৈব স্তং॒ মা বি যৌ॑ষ্টং॒ বিশ্ব॒মায়ু॒র্ব্য॑শ্নুতম্ । ক্রীল়॑ন্তৌ পু॒ত্রৈর্নপ্তৃ॑ভি॒র্মোদ॑মানৌ॒ স্বে গৃ॒হে ॥ ১০।০৮৫।৪২, ৮।৩।০২৮।০২

আ নঃ॑ প্র॒জাং জ॑নয়তু প্র॒জাপ॑তিরাজর॒সায়॒ সম॑নক্ত্বর্য॒মা । অদু॑র্মঙ্গলীঃ পতিলো॒কমা বি॑শ॒ শং নো॑ ভব দ্বি॒পদে॒ শং চতু॑ষ্পদে ॥ ১০।০৮৫।৪৩, ৮।৩।০২৮।০৩

অঘো॑রচক্ষু॒রপ॑তিঘ্ন্যেধি শি॒বা প॒শুভ্যঃ॑ সু॒মনাঃ॑ সু॒বর্চাঃ॑ । বী॒র॒সূর্দে॒বকা॑মা স্যো॒না শং নো॑ ভব দ্বি॒পদে॒ শং চতু॑ষ্পদে ॥ ১০।০৮৫।৪৪, ৮।৩।০২৮।০৪

ই॒মাং ত্বমি॑ন্দ্র মীঢ্বঃ সুপু॒ত্রাং সু॒ভগাং॑ কৃণু । দশা॑স্যাং পু॒ত্রানা ধে॑হি॒ পতি॑মেকাদ॒শং কৃ॑ধি ॥ ১০।০৮৫।৪৫, ৮।৩।০২৮।০৫

স॒ম্রাজ্ঞী॒ শ্বশু॑রে ভব স॒ম্রাজ্ঞী॑ শ্ব॒শ্র্বাং ভ॑ব । ননা॑ন্দরি স॒ম্রাজ্ঞী॑ ভব স॒ম্রাজ্ঞী॒ অধি॑ দে॒বৃষু॑ ॥ ১০।০৮৫।৪৬, ৮।৩।০২৮।০৬

সম॑ঞ্জন্তু॒ বিশ্বে॑ দে॒বাঃ সমাপো॒ হৃদ॑য়ানি নৌ । সং মা॑ত॒রিশ্বা॒ সং ধা॒তা সমু॒ দেষ্ট্রী॑ দধাতু নৌ ॥ ১০।০৮৫।৪৭, ৮।৩।০২৮।০৭

পরিশিষ্টম্ [ঋগ্বেদ মণ্ডল ১০।০৮৫ সূক্তস্যানন্তরং][ঋগ্বেদ অষ্টক ৮, অধ্যায় ৩, ২৮ বর্গানন্তরং]

অ॒বি॒ধ॒বা ভব॑ বর্ষা॒ণি॒- শ॒তং সা॑গ্র।ন্তু॒ সব্র॑তা। তে॒জ॒স্বী॒ চ য॑শস্বী॒ চ॒-ধ॒র্মপ॑ত্নী প॒তিব্র॑তা॥

জ॒ন॒য়॒। দ্বহু॑পুত্রা॒ণি॒- মা॒ চ দু॑:খং ল॒ভে। ৎক্ব॑চিৎ। ভ॒র্তা তে॒ সোম॑পা নি॒ত্যং॒-ভ॒বে। দ্ধ॑র্মপ॒রায়॑ণঃ॥

অ॒ষ্ট॒পু॒ত্রা ভ॑ব ত্ব॒।ঞ্চ॒- সু॒ভগা॑ চ প॒তিব্র॑তা। ভর্তু॑।শ্চৈ॒ব পি॑তু। র্ভ্রা॒তু॒।-র্হৃ॒দয়া॑ঽঽনন্দি॒নী স॑দা॥

ই॒ন্দ্র॒স্য॒ তু॒ য॒থে॒ন্দ্রাণী॑- শ্রী॒ধর॑স্য য॒থা শ্রি॑য়া। শ॒ঙ্ক॒র॒স্য॒ য॒থা॒ গৌরী॑- ত॒দ্ভর্তু॑। রপি॒ ভর্ত॑রি॥

অত্রে॑। র্য॒থাঽনু॑সূয়া॒ স্যা॒।-দ্ব॒সিষ্ঠ॑স্যাঽপ্য॒রুন্ধ॑তী। কৌ॒শি॒ক॒স্য॒ য॒থা॒ সতী॑- ত॒থা ত্ব॑।মপি॒ ভর্ত॑রি॥

ধ্রু॒বৈধি॒ পো॑ষ্যা॒ ময়ি॒- মহ্য॑। ন্ত্বাঽদা॒। দ্বৃহ॒স্পতিঃ॑। ময়া॒ পত্যা॑ প্র॒জাব॑তী॒-স।ঞ্জী॑ব শ॒রদ॑। শ্শ॒তম্॥

২৫। শকুন্তক সূক্তং

কনিক্রদদিতি তৃচস্য সূক্তস্য শৌনকোগৃৎসমদঃশকুন্তস্ত্রিষ্টুপ্ ।

কনি॑ক্রদজ্জ॒নুষং॑ প্রব্রুবা॒ণ ইয়॑র্তি॒ বাচ॑মরি॒তেব॒ নাব॑ম্ । সু॒ম॒ঙ্গল॑শ্চ শকুনে॒ ভবা॑সি॒ মা ত্বা॒ কা চি॑দভি॒ভা বিশ্ব্যা॑ বিদৎ ॥ ২।০৪২।০১, ২।৮।০১১।০১

মা ত্বা॑ শ্যে॒ন উদ্ব॑ধী॒ন্মা সু॑প॒র্ণো মা ত্বা॑ বিদ॒দিষু॑মান্বী॒রো অস্তা॑ । পিত্র্যা॒মনু॑ প্র॒দিশং॒ কনি॑ক্রদৎসুম॒ঙ্গলো॑ ভদ্রবা॒দী ব॑দে॒হ ॥ ২।০৪২।০২, ২।৮।০১১।০২

অব॑ ক্রন্দ দক্ষিণ॒তো গৃ॒হাণাং॑ সুম॒ঙ্গলো॑ ভদ্রবা॒দী শ॑কুন্তে । মা নঃ॑ স্তে॒ন ঈ॑শত॒ মাঘশং॑সো বৃ॒হদ্ব॑দেম বি॒দথে॑ সু॒বীরাঃ॑ ॥ ২।০৪২।০৩, ২।৮।০১১।০৩

প্রদক্ষিণিদিতি তৃচস্য সূক্তস্য শৌনকোগৃৎসমদঃ শকুন্তোজগতী দ্বিতীয়াতিশক্বরী অষ্টির্বা ।

প্র॒দ॒ক্ষি॒ণিদ॒ভি গৃ॑ণন্তি কা॒রবো॒ বয়ো॒ বদ॑ন্ত ঋতু॒থা শ॒কুন্ত॑য়ঃ । উ॒ভে বাচৌ॑ বদতি সাম॒গা ই॑ব গায়॒ত্রং চ॒ ত্রৈষ্টু॑ভং॒ চানু॑ রাজতি ॥ ২।০৪৩।০১, ২।৮।০১২।০১

উ॒দ্গা॒তেব॑ শকুনে॒ সাম॑ গায়সি ব্রহ্মপু॒ত্র ই॑ব॒ সব॑নেষু শংসসি । বৃষে॑ব বা॒জী শিশু॑মতীর॒পীত্যা॑ স॒র্বতো॑ নঃ শকুনে ভ॒দ্রমা ব॑দ বি॒শ্বতো॑ নঃ শকুনে॒ পুণ্য॒মা ব॑দ ॥ ২।০৪৩।০২, ২।৮।০১২।০২

আ॒বদং॒স্ত্বং শ॑কুনে ভ॒দ্রমা ব॑দ তূ॒ষ্ণীমাসী॑নঃ সুম॒তিং চি॑কিদ্ধি নঃ । যদু॒ৎপত॒ন্বদ॑সি কর্ক॒রির্য॑থা বৃ॒হদ্ব॑দেম বি॒দথে॑ সু॒বীরাঃ॑ ॥ ২।০৪৩।০৩, ২।৮।০১২।০৩

পরিশিষ্টম্ [ঋগ্বেদ মণ্ডল ২।০৪৩ সূক্তস্যানন্তরং][ঋগ্বেদ অষ্টক ২, অধ্যায় ৮, ১২ বর্গানন্তরং]

ভ॒দ্রং ব॑দ দক্ষিণ॒তো- ভ॒দ্র।মু॑ত্তর॒তো ব॑দ। ভ॒দ্রং পু॒রস্তা॑।ন্নো বদ- ভ॒দ্রং প॑শ্চা।ৎক॒পিঞ্জ॑ল॥

ভ॒দ্রং ব॑দ পু॒ত্রৈ।-র্ভ॒দ্রং ব॑দ গৃ॒হেষু॑ চ। ভ॒দ্র।ম॒স্মাক॑। ন্নো বদ- ভ॒দ্র।ন্নো॒ অভ॑য়।ঙ্কৃধি॥

ভ॒দ্র। ম॒ধস্তা॑। ন্নো বদ- ভ॒দ্র।মু॒পরি॑ষ্টা।ন্নো বদ। ভ॒দ্রম্ভ॑দ্র।ন্ন॒ আ ব॑দ- ভ॒দ্রন্ন॑। স্সর্ব॒তো ব॑দ॥

অ॒স॒প॒ত্নঃ পু॒রস্তা॑।ন্ন।-শ্শি॒ব।ন্দ॑ক্ষিণ॒ত।স্কৃ॑ধি। অভ॑য়ং॒ সত॑তং প॒শ্চা।-দ্ভ॒দ্র।মু॑ত্তর॒তো গৃ॒হে॥

যৌ॒বনা॑নি ম॒হয়॑সি- জি॒গ্যুষা॑।মিব॒ দুন্দু॑ভিঃ। শকু॑ন্ত॒ক প্র॑দক্ষি॒ণং-শ॒তপ॑ত্রা॒ঽভি নো॑ বদ॥

আ॒বদং॒।স্ত্বং শ॑কুনে ভ॒দ্র।মা ব॑দ- তূ॒ষ্ণী।মাসী॑ন।স্সুম॒তি।ঞ্চি॑কিদ্ধি নঃ। যদু॒ৎপত॒।ন্বদ॑সি কর্ক॒রি। র্য॑থা-বৃ॒হ। দ্ব॑দেম বি॒দথে॑ সু॒বীরাঃ॑॥

২৬। অস্য বামীয় সূক্তং

অস্যবামস্যেতি দ্বিপঞ্চাশদৃচস্য সূক্তস্য ঔচথ্যোদীর্ঘতমা আদ্যানামেকচত্বারিংশটৃচাং বিশ্বেদেবাস্তস্যাঃ সমুদ্রাইত্যস্যাবাক্সমুদ্রাক্ষরাপঃ শকময়মিত্যস্যাঃশকধূমসোমৌত্রয়ঃ কেশিনইত্যস্যাঅগ্নিসূর্যবায়বো (কেশিনইতিগুণঃ) চত্বারিবাগিত্যস্যাবাক্ইন্দ্রংমিত্রমিতিদ্বয়োঃ সূর্যোদ্বাদশপ্রধয়ইত্যস্যাঃ কালচক্রং (অত্রসংবৎসরসংস্থঙ্কালচক্রবর্ণনং) যস্তইত্যস্যাঃ সরস্বতীয়জ্ঞেনেত্যস্যাঃ সাধ্যাঃসমানমিত্যস্যাঃ সূর্যঃ (পর্জন্যাগ্নীবা) দিব্যংসুপর্ণমিত্যস্যাঃ সরস্বান্ (সূর্যোবা) ত্রিষ্টুপ্ দ্বাদশী পঞ্চদশী ত্রয়োবিংশী একোনত্রিংশী ষট্ত্রিংশ্যেকচত্বারিং- শীচজগত্যঃ দ্বিচত্বারিংশী প্রস্তারপঙ্ক্তিঃ একপঞ্চাশ্যনুষ্টুপ্ ।

অ॒স্য বা॒মস্য॑ পলি॒তস্য॒ হোতু॒স্তস্য॒ ভ্রাতা॑ মধ্য॒মো অ॒স্ত্যশ্নঃ॑ । তৃ॒তীয়ো॒ ভ্রাতা॑ ঘৃ॒তপৃ॑ষ্ঠো অ॒স্যাত্রা॑পশ্যং বি॒শ্পতিং॑ স॒প্তপু॑ত্রম্ ॥ ১।১৬৪।০১, ২।৩।০১৪।০১

স॒প্ত যু॑ঞ্জন্তি॒ রথ॒মেক॑চক্র॒মেকো॒ অশ্বো॑ বহতি স॒প্তনা॑মা । ত্রি॒নাভি॑ চ॒ক্রম॒জর॑মন॒র্বং যত্রে॒মা বিশ্বা॒ ভুব॒নাধি॑ ত॒স্থুঃ ॥ ১।১৬৪।০২, ২।৩।০১৪।০২

ই॒মং রথ॒মধি॒ যে স॒প্ত ত॒স্থুঃ স॒প্তচ॑ক্রং স॒প্ত ব॑হ॒ন্ত্যশ্বাঃ॑ । স॒প্ত স্বসা॑রো অ॒ভি সং ন॑বন্তে॒ যত্র॒ গবাং॒ নিহি॑তা স॒প্ত নাম॑ ॥ ১।১৬৪।০৩, ২।৩।০১৪।০৩

কো দ॑দর্শ প্রথ॒মং জায়॑মানমস্থ॒ন্বন্তং॒ যদ॑ন॒স্থা বিভ॑র্তি । ভূম্যা॒ অসু॒রসৃ॑গা॒ত্মা ক্ব॑ স্বি॒ৎকো বি॒দ্বাংস॒মুপ॑ গা॒ৎপ্রষ্টু॑মে॒তৎ ॥ ১।১৬৪।০৪, ২।৩।০১৪।০৪

পাকঃ॑ পৃচ্ছামি॒ মন॒সাবি॑জানন্দে॒বানা॑মে॒না নিহি॑তা প॒দানি॑ । ব॒ৎসে ব॒ষ্কয়েঽধি॑ স॒প্ত তন্তূ॒ন্বি ত॑ত্নিরে ক॒বয়॒ ওত॒বা উ॑ ॥ ১।১৬৪।০৫, ২।৩।০১৪।০৫

অচি॑কিত্বাঞ্চিকি॒তুষ॑শ্চি॒দত্র॑ ক॒বীন্পৃ॑চ্ছামি বি॒দ্মনে॒ ন বি॒দ্বান্ । বি যস্ত॒স্তম্ভ॒ ষল়ি॒মা রজাং॑স্য॒জস্য॑ রূ॒পে কিমপি॑ স্বি॒দেক॑ম্ ॥ ১।১৬৪।০৬, ২।৩।০১৫।০১

ই॒হ ব্র॑বীতু॒ য ঈ॑ম॒ঙ্গ বেদা॒স্য বা॒মস্য॒ নিহি॑তং প॒দং বেঃ । শী॒র্ষ্ণঃ ক্ষী॒রং দু॑হ্রতে॒ গাবো॑ অস্য ব॒ব্রিং বসা॑না উদ॒কং প॒দাপুঃ॑ ॥ ১।১৬৪।০৭, ২।৩।০১৫।০২

মা॒তা পি॒তর॑মৃ॒ত আ ব॑ভাজ ধী॒ত্যগ্রে॒ মন॑সা॒ সং হি জ॒গ্মে । সা বী॑ভ॒ৎসুর্গর্ভ॑রসা॒ নিবি॑দ্ধা॒ নম॑স্বন্ত॒ ইদু॑পবা॒কমী॑য়ুঃ ॥ ১।১৬৪।০৮, ২।৩।০১৫।০৩

যু॒ক্তা মা॒তাসী॑দ্ধু॒রি দক্ষি॑ণায়া॒ অতি॑ষ্ঠ॒দ্গর্ভো॑ বৃজ॒নীষ্ব॒ন্তঃ । অমী॑মেদ্ব॒ৎসো অনু॒ গাম॑পশ্যদ্বিশ্বরূ॒প্যং॑ ত্রি॒ষু যোজ॑নেষু ॥ ১।১৬৪।০৯, ২।৩।০১৫।০৪

তি॒স্রো মা॒তৄস্ত্রীন্পি॒তৄন্বিভ্র॒দেক॑ ঊ॒র্ধ্বস্ত॑স্থৌ॒ নেমব॑ গ্লাপয়ন্তি । ম॒ন্ত্রয়॑ন্তে দি॒বো অ॒মুষ্য॑ পৃ॒ষ্ঠে বি॑শ্ব॒বিদং॒ বাচ॒মবি॑শ্বমিন্বাম্ ॥ ১।১৬৪।১০, ২।৩।০১৫।০৫

দ্বাদ॑শারং ন॒হি তজ্জরা॑য়॒ বর্ব॑র্তি চ॒ক্রং পরি॒ দ্যামৃ॒তস্য॑ । আ পু॒ত্রা অ॑গ্নে মিথু॒নাসো॒ অত্র॑ স॒প্ত শ॒তানি॑ বিংশ॒তিশ্চ॑ তস্থুঃ ॥ ১।১৬৪।১১, ২।৩।০১৬।০১

পঞ্চ॑পাদং পি॒তরং॒ দ্বাদ॑শাকৃতিং দি॒ব আ॑হুঃ॒ পরে॒ অর্ধে॑ পুরী॒ষিণ॑ম্ । অথে॒মে অ॒ন্য উপ॑রে বিচক্ষ॒ণং স॒প্তচ॑ক্রে॒ ষল়॑র আহু॒রর্পি॑তম্ ॥ ১।১৬৪।১২, ২।৩।০১৬।০২

পঞ্চা॑রে চ॒ক্রে প॑রি॒বর্ত॑মানে॒ তস্মি॒ন্না ত॑স্থু॒র্ভুব॑নানি॒ বিশ্বা॑ । তস্য॒ নাক্ষ॑স্তপ্যতে॒ ভূরি॑ভারঃ স॒নাদে॒ব ন শী॑র্যতে॒ সনা॑ভিঃ ॥ ১।১৬৪।১৩, ২।৩।০১৬।০৩

সনে॑মি চ॒ক্রম॒জরং॒ বি বা॑বৃত উত্তা॒নায়াং॒ দশ॑ যু॒ক্তা ব॑হন্তি । সূর্য॑স্য॒ চক্ষূ॒ রজ॑সৈ॒ত্যাবৃ॑তং॒ তস্মি॒ন্নার্পি॑তা॒ ভুব॑নানি॒ বিশ্বা॑ ॥ ১।১৬৪।১৪, ২।৩।০১৬।০৪

সা॒কঞ্॒জানাং॑ স॒প্তথ॑মাহুরেক॒জং ষল়িদ্য॒মা ঋষ॑য়ো দেব॒জা ইতি॑ । তেষা॑মি॒ষ্টানি॒ বিহি॑তানি ধাম॒শঃ স্থা॒ত্রে রে॑জন্তে॒ বিকৃ॑তানি রূপ॒শঃ ॥ ১।১৬৪।১৫, ২।৩।০১৬।০৫

স্ত্রিয়ঃ॑ স॒তীস্তাঁ উ॑ মে পুং॒স আ॑হুঃ॒ পশ্য॑দক্ষ॒ণ্বান্ন বি চে॑তদ॒ন্ধঃ । ক॒বির্যঃ পু॒ত্রঃ স ঈ॒মা চি॑কেত॒ যস্তা বি॑জা॒নাৎস পি॒তুষ্পি॒তাস॑ৎ ॥ ১।১৬৪।১৬, ২।৩।০১৭।০১

অ॒বঃ পরে॑ণ প॒র এ॒নাব॑রেণ প॒দা ব॒ৎসং বিভ্র॑তী॒ গৌরুদ॑স্থাৎ । সা ক॒দ্রীচী॒ কং স্বি॒দর্ধং॒ পরা॑গা॒ৎক্ব॑ স্বিৎসূতে ন॒হি যূ॒থে অ॒ন্তঃ ॥ ১।১৬৪।১৭, ২।৩।০১৭।০২

অ॒বঃ পরে॑ণ পি॒তরং॒ যো অ॑স্যানু॒বেদ॑ প॒র এ॒নাব॑রেণ । ক॒বী॒য়মা॑নঃ॒ ক ই॒হ প্র বো॑চদ্দে॒বং মনঃ॒ কুতো॒ অধি॒ প্রজা॑তম্ ॥ ১।১৬৪।১৮, ২।৩।০১৭।০৩

যে অ॒র্বাঞ্চ॒স্তাঁ উ॒ পরা॑চ আহু॒র্যে পরা॑ঞ্চ॒স্তাঁ উ॑ অ॒র্বাচ॑ আহুঃ । ইন্দ্র॑শ্চ॒ যা চ॒ক্রথুঃ॑ সোম॒ তানি॑ ধু॒রা ন যু॒ক্তা রজ॑সো বহন্তি ॥ ১।১৬৪।১৯, ২।৩।০১৭।০৪

দ্বা সু॑প॒র্ণা স॒য়ুজা॒ সখা॑য়া সমা॒নং বৃ॒ক্ষং পরি॑ ষস্বজাতে । তয়ো॑র॒ন্যঃ পিপ্প॑লং স্বা॒দ্বত্ত্যন॑শ্নন্ন॒ন্যো অ॒ভি চা॑কশীতি ॥ ১।১৬৪।২০, ২।৩।০১৭।০৫

যত্রা॑ সুপ॒র্ণা অ॒মৃত॑স্য ভা॒গমনি॑মেষং বি॒দথা॑ভি॒স্বর॑ন্তি । ই॒নো বিশ্ব॑স্য॒ ভুব॑নস্য গো॒পাঃ স মা॒ ধীরঃ॒ পাক॒মত্রা বি॑বেশ ॥ ১।১৬৪।২১, ২।৩।০১৮।০১

যস্মি॑ন্বৃ॒ক্ষে ম॒ধ্বদঃ॑ সুপ॒র্ণা নি॑বি॒শন্তে॒ সুব॑তে॒ চাধি॒ বিশ্বে॑ । তস্যেদা॑হুঃ॒ পিপ্প॑লং স্বা॒দ্বগ্রে॒ তন্নোন্ন॑শ॒দ্যঃ পি॒তরং॒ ন বেদ॑ ॥ ১।১৬৪।২২, ২।৩।০১৮।০২

যদ্গা॑য়॒ত্রে অধি॑ গায়॒ত্রমাহি॑তং॒ ত্রৈষ্টু॑ভাদ্বা॒ ত্রৈষ্টু॑ভং নি॒রত॑ক্ষত । যদ্বা॒ জগ॒জ্জগ॒ত্যাহি॑তং প॒দং য ইত্তদ্বি॒দুস্তে অ॑মৃত॒ত্বমা॑নশুঃ ॥ ১।১৬৪।২৩, ২।৩।০১৮।০৩

গা॒য়॒ত্রেণ॒ প্রতি॑ মিমীতে অ॒র্কম॒র্কেণ॒ সাম॒ ত্রৈষ্টু॑ভেন বা॒কম্ । বা॒কেন॑ বা॒কং দ্বি॒পদা॒ চতু॑ষ্পদা॒ক্ষরে॑ণ মিমতে স॒প্ত বাণীঃ॑ ॥ ১।১৬৪।২৪, ২।৩।০১৮।০৪

জগ॑তা॒ সিন্ধুং॑ দি॒ব্য॑স্তভায়দ্রথন্ত॒রে সূর্যং॒ পর্য॑পশ্যৎ । গা॒য়॒ত্রস্য॑ স॒মিধ॑স্তি॒স্র আ॑হু॒স্ততো॑ ম॒হ্না প্র রি॑রিচে মহি॒ত্বা ॥ ১।১৬৪।২৫, ২।৩।০১৮।০৫

উপ॑ হ্বয়ে সু॒দুঘাং॑ ধে॒নুমে॒তাং সু॒হস্তো॑ গো॒ধুগু॒ত দো॑হদেনাম্ । শ্রেষ্ঠং॑ স॒বং স॑বি॒তা সা॑বিষন্নো॒ঽভী॑দ্ধো ঘ॒র্মস্তদু॒ ষু প্র বো॑চম্ ॥ ১।১৬৪।২৬, ২।৩।০১৯।০১

হি॒ঙ্কৃ॒ণ্ব॒তী ব॑সু॒পত্নী॒ বসূ॑নাং ব॒ৎসমি॒চ্ছন্তী॒ মন॑সা॒ভ্যাগা॑ৎ । দু॒হাম॒শ্বিভ্যাং॒ পয়ো॑ অ॒ঘ্ন্যেয়ং সা ব॑র্ধতাং মহ॒তে সৌভ॑গায় ॥ ১।১৬৪।২৭, ২।৩।০১৯।০২

গৌর॑মীমে॒দনু॑ ব॒ৎসং মি॒ষন্তং॑ মূ॒র্ধানং॒ হিঙ্ঙ॑কৃণো॒ন্মাত॒বা উ॑ । সৃক্বা॑ণং ঘ॒র্মম॒ভি বা॑বশা॒না মিমা॑তি মা॒য়ুং পয়॑তে॒ পয়ো॑ভিঃ ॥ ১।১৬৪।২৮, ২।৩।০১৯।০৩

অ॒য়ং স শি॑ঙ্ক্তে॒ যেন॒ গৌর॒ভীবৃ॑তা॒ মিমা॑তি মা॒য়ুং ধ্ব॒সনা॒বধি॑ শ্রি॒তা । সা চি॒ত্তিভি॒র্নি হি চ॒কার॒ মর্ত্যং॑ বি॒দ্যুদ্ভব॑ন্তী॒ প্রতি॑ ব॒ব্রিমৌ॑হত ॥ ১।১৬৪।২৯, ২।৩।০১৯।০৪

অ॒নচ্ছ॑য়ে তু॒রগা॑তু জী॒বমেজ॑দ্ধ্রু॒বং মধ্য॒ আ প॒স্ত্যা॑নাম্ । জী॒বো মৃ॒তস্য॑ চরতি স্ব॒ধাভি॒রম॑র্ত্যো॒ মর্ত্যে॑না॒ সয়ো॑নিঃ ॥ ১।১৬৪।৩০, ২।৩।০১৯।০৫

অপ॑শ্যং গো॒পামনি॑পদ্যমান॒মা চ॒ পরা॑ চ প॒থিভি॒শ্চর॑ন্তম্ । স স॒ধ্রীচীঃ॒ স বিষূ॑চী॒র্বসা॑ন॒ আ ব॑রীবর্তি॒ ভুব॑নেষ্ব॒ন্তঃ ॥ ১।১৬৪।৩১, ২।৩।০২০।০১

য ঈং॑ চ॒কার॒ ন সো অ॒স্য বে॑দ॒ য ঈং॑ দ॒দর্শ॒ হিরু॒গিন্নু তস্মা॑ৎ । স মা॒তুর্যোনা॒ পরি॑বীতো অ॒ন্তর্ব॑হুপ্র॒জা নির্ঋ॑তি॒মা বি॑বেশ ॥ ১।১৬৪।৩২, ২।৩।০২০।০২

দ্যৌর্মে॑ পি॒তা জ॑নি॒তা নাভি॒রত্র॒ বন্ধু॑র্মে মা॒তা পৃ॑থি॒বী ম॒হীয়ম্ । উ॒ত্তা॒নয়ো॑শ্চ॒ম্বো॒৩॒॑র্যোনি॑র॒ন্তরত্রা॑ পি॒তা দু॑হি॒তুর্গর্ভ॒মাধা॑ৎ ॥ ১।১৬৪।৩৩, ২।৩।০২০।০৩

পৃ॒চ্ছামি॑ ত্বা॒ পর॒মন্তং॑ পৃথি॒ব্যাঃ পৃ॒চ্ছামি॒ যত্র॒ ভুব॑নস্য॒ নাভিঃ॑ । পৃ॒চ্ছামি॑ ত্বা॒ বৃষ্ণো॒ অশ্ব॑স্য॒ রেতঃ॑ পৃ॒চ্ছামি॑ বা॒চঃ প॑র॒মং ব্যো॑ম ॥ ১।১৬৪।৩৪, ২।৩।০২০।০৪

ই॒য়ং বেদিঃ॒ পরো॒ অন্তঃ॑ পৃথি॒ব্যা অ॒য়ং য॒জ্ঞো ভুব॑নস্য॒ নাভিঃ॑ । অ॒য়ং সোমো॒ বৃষ্ণো॒ অশ্ব॑স্য॒ রেতো॑ ব্র॒হ্মায়ং বা॒চঃ প॑র॒মং ব্যো॑ম ॥ ১।১৬৪।৩৫, ২।৩।০২০।০৫

স॒প্তার্ধ॑গ॒র্ভা ভুব॑নস্য॒ রেতো॒ বিষ্ণো॑স্তিষ্ঠন্তি প্র॒দিশা॒ বিধ॑র্মণি । তে ধী॒তিভি॒র্মন॑সা॒ তে বি॑প॒শ্চিতঃ॑ পরি॒ভুবঃ॒ পরি॑ ভবন্তি বি॒শ্বতঃ॑ ॥ ১।১৬৪।৩৬, ২।৩।০২১।০১

ন বি জা॑নামি॒ যদি॑বে॒দমস্মি॑ নি॒ণ্যঃ সংন॑দ্ধো॒ মন॑সা চরামি । য॒দা মাগ॑ন্প্রথম॒জা ঋ॒তস্যাদিদ্বা॒চো অ॑শ্নুবে ভা॒গম॒স্যাঃ ॥ ১।১৬৪।৩৭, ২।৩।০২১।০২

অপা॒ঙ্প্রাঙে॑তি স্ব॒ধয়া॑ গৃভী॒তোঽম॑র্ত্যো॒ মর্ত্যে॑না॒ সয়ো॑নিঃ । তা শশ্ব॑ন্তা বিষূ॒চীনা॑ বি॒য়ন্তা॒ ন্য১॒॑ন্যং চি॒ক্যুর্ন নি চি॑ক্যুর॒ন্যম্ ॥ ১।১৬৪।৩৮, ২।৩।০২১।০৩

ঋ॒চো অ॒ক্ষরে॑ পর॒মে ব্যো॑ম॒ন্যস্মি॑ন্দে॒বা অধি॒ বিশ্বে॑ নিষে॒দুঃ । যস্তন্ন বেদ॒ কিমৃ॒চা ক॑রিষ্যতি॒ য ইত্তদ্বি॒দুস্ত ই॒মে সমা॑সতে ॥ ১।১৬৪।৩৯, ২।৩।০২১।০৪

সূ॒য়॒ব॒সাদ্ভগ॑বতী॒ হি ভূ॒য়া অথো॑ ব॒য়ং ভগ॑বন্তঃ স্যাম । অ॒দ্ধি তৃণ॑মঘ্ন্যে বিশ্ব॒দানীং॒ পিব॑ শু॒দ্ধমু॑দ॒কমা॒চর॑ন্তী ॥ ১।১৬৪।৪০, ২।৩।০২১।০৫

গৌ॒রীর্মি॑মায় সলি॒লানি॒ তক্ষ॒ত্যেক॑পদী দ্বি॒পদী॒ সা চতু॑ষ্পদী । অ॒ষ্টাপ॑দী॒ নব॑পদী বভূ॒বুষী॑ স॒হস্রা॑ক্ষরা পর॒মে ব্যো॑মন্ ॥ ১।১৬৪।৪১, ২।৩।০২২।০১

তস্যাঃ॑ সমু॒দ্রা অধি॒ বি ক্ষ॑রন্তি॒ তেন॑ জীবন্তি প্র॒দিশ॒শ্চত॑স্রঃ । ততঃ॑ ক্ষরত্য॒ক্ষরং॒ তদ্বিশ্ব॒মুপ॑ জীবতি ॥ ১।১৬৪।৪২, ২।৩।০২২।০২

শ॒ক॒ময়ং॑ ধূ॒মমা॒রাদ॑পশ্যং বিষূ॒বতা॑ প॒র এ॒নাব॑রেণ । উ॒ক্ষাণং॒ পৃশ্নি॑মপচন্ত বী॒রাস্তানি॒ ধর্মা॑ণি প্রথ॒মান্যা॑সন্ ॥ ১।১৬৪।৪৩, ২।৩।০২২।০৩

ত্রয়ঃ॑ কে॒শিন॑ ঋতু॒থা বি চ॑ক্ষতে সংবৎস॒রে ব॑পত॒ এক॑ এষাম্ । বিশ্ব॒মেকো॑ অ॒ভি চ॑ষ্টে॒ শচী॑ভি॒র্ধ্রাজি॒রেক॑স্য দদৃশে॒ ন রূ॒পম্ ॥ ১।১৬৪।৪৪, ২।৩।০২২।০৪

চ॒ত্বারি॒ বাক্পরি॑মিতা প॒দানি॒ তানি॑ বিদুর্ব্রাহ্ম॒ণা যে ম॑নী॒ষিণঃ॑ । গুহা॒ ত্রীণি॒ নিহি॑তা॒ নেঙ্গ॑য়ন্তি তু॒রীয়ং॑ বা॒চো ম॑নু॒ষ্যা॑ বদন্তি ॥ ১।১৬৪।৪৫, ২।৩।০২২।০৫

ইন্দ্রং॑ মি॒ত্রং বরু॑ণম॒গ্নিমা॑হু॒রথো॑ দি॒ব্যঃ স সু॑প॒র্ণো গ॒রুত্মা॑ন্ । একং॒ সদ্বিপ্রা॑ বহু॒ধা ব॑দন্ত্য॒গ্নিং য॒মং মা॑ত॒রিশ্বা॑নমাহুঃ ॥ ১।১৬৪।৪৬, ২।৩।০২২।০৬

কৃ॒ষ্ণং নি॒য়ানং॒ হর॑য়ঃ সুপ॒র্ণা অ॒পো বসা॑না॒ দিব॒মুৎপ॑তন্তি । ত আব॑বৃত্র॒ন্ত্সদ॑নাদৃ॒তস্যাদিদ্ঘৃ॒তেন॑ পৃথি॒বী ব্যু॑দ্যতে ॥ ১।১৬৪।৪৭, ২।৩।০২৩।০১

দ্বাদ॑শ প্র॒ধয়॑শ্চ॒ক্রমেকং॒ ত্রীণি॒ নভ্যা॑নি॒ ক উ॒ তচ্চি॑কেত । তস্মি॑ন্ত্সা॒কং ত্রি॑শ॒তা ন শ॒ঙ্কবো॑ঽর্পি॒তাঃ ষ॒ষ্টির্ন চ॑লাচ॒লাসঃ॑ ॥ ১।১৬৪।৪৮, ২।৩।০২৩।০২

যস্তে॒ স্তনঃ॑ শশ॒য়ো যো ম॑য়ো॒ভূর্যেন॒ বিশ্বা॒ পুষ্য॑সি॒ বার্যা॑ণি । যো র॑ত্ন॒ধা ব॑সু॒বিদ্যঃ সু॒দত্রঃ॒ সর॑স্বতি॒ তমি॒হ ধাত॑বে কঃ ॥ ১।১৬৪।৪৯, ২।৩।০২৩।০৩

য॒জ্ঞেন॑ য॒জ্ঞম॑য়জন্ত দে॒বাস্তানি॒ ধর্মা॑ণি প্রথ॒মান্যা॑সন্ । তে হ॒ নাকং॑ মহি॒মানঃ॑ সচন্ত॒ যত্র॒ পূর্বে॑ সা॒ধ্যাঃ সন্তি॑ দে॒বাঃ ॥ ১।১৬৪।৫০, ২।৩।০২৩।০৪

স॒মা॒নমে॒তদু॑দ॒কমুচ্চৈত্যব॒ চাহ॑ভিঃ । ভূমিং॑ প॒র্জন্যা॒ জিন্ব॑ন্তি॒ দিবং॑ জিন্বন্ত্য॒গ্নয়ঃ॑ ॥ ১।১৬৪।৫১, ২।৩।০২৩।০৫

দি॒ব্যং সু॑প॒র্ণং বা॑য়॒সং বৃ॒হন্ত॑ম॒পাং গর্ভং॑ দর্শ॒তমোষ॑ধীনাম্ । অ॒ভী॒প॒তো বৃ॒ষ্টিভি॑স্ত॒র্পয়॑ন্তং॒ সর॑স্বন্ত॒মব॑সে জোহবীমি ॥ ১।১৬৪।৫২, ২।৩।০২৩।০৬

২৭। পবমান সূক্তং

পবমান পারায়ণ প্রথমোধ্যায়ঃ

[১] স্বাদিষ্ঠয়েতি দশর্চস্য সূক্তস্য বৈশ্বামিত্রোমধুচ্ছন্দাঃ পবমানঃ সোমো গায়ত্রী ।

স্বাদি॑ষ্ঠয়া॒ মদি॑ষ্ঠয়া॒ পব॑স্ব সোম॒ ধার॑য়া । ইন্দ্রা॑য়॒ পাত॑বে সু॒তঃ ॥ ৯।০০১।০১, ৬।৭।০১৬।০১

র॒ক্ষো॒হা বি॒শ্বচ॑র্ষণির॒ভি যোনি॒ময়ো॑হতম্ । দ্রুণা॑ স॒ধস্থ॒মাস॑দৎ ॥ ৯।০০১।০২, ৬।৭।০১৬।০২

ব॒রি॒বো॒ধাত॑মো ভব॒ মংহি॑ষ্ঠো বৃত্র॒হন্ত॑মঃ । পর্ষি॒ রাধো॑ ম॒ঘোনা॑ম্ ॥ ৯।০০১।০৩, ৬।৭।০১৬।০৩

অ॒ভ্য॑র্ষ ম॒হানাং॑ দে॒বানাং॑ বী॒তিমন্ধ॑সা । অ॒ভি বাজ॑মু॒ত শ্রবঃ॑ ॥ ৯।০০১।০৪, ৬।৭।০১৬।০৪

ত্বামচ্ছা॑ চরামসি॒ তদিদর্থং॑ দি॒বেদি॑বে । ইন্দো॒ ত্বে ন॑ আ॒শসঃ॑ ॥ ৯।০০১।০৫, ৬।৭।০১৬।০৫

পু॒নাতি॑ তে পরি॒স্রুতং॒ সোমং॒ সূর্য॑স্য দুহি॒তা । বারে॑ণ॒ শশ্ব॑তা॒ তনা॑ ॥ ৯।০০১।০৬, ৬।৭।০১৭।০১

তমী॒মণ্বীঃ॑ সম॒র্য আ গৃ॒ভ্ণন্তি॒ যোষ॑ণো॒ দশ॑ । স্বসা॑রঃ॒ পার্যে॑ দি॒বি ॥ ৯।০০১।০৭, ৬।৭।০১৭।০২

তমীং॑ হিন্বন্ত্য॒গ্রুবো॒ ধম॑ন্তি বাকু॒রং দৃতি॑ম্ । ত্রি॒ধাতু॑ বার॒ণং মধু॑ ॥ ৯।০০১।০৮, ৬।৭।০১৭।০৩

অ॒ভী॒৩॒॑মমঘ্ন্যা॑ উ॒ত শ্রী॒ণন্তি॑ ধে॒নবঃ॒ শিশু॑ম্ । সোম॒মিন্দ্রা॑য়॒ পাত॑বে ॥ ৯।০০১।০৯, ৬।৭।০১৭।০৪

অ॒স্যেদিন্দ্রো॒ মদে॒ষ্বা বিশ্বা॑ বৃ॒ত্রাণি॑ জিঘ্নতে । শূরো॑ ম॒ঘা চ॑ মংহতে ॥ ৯।০০১।১০, ৬।৭।০১৭।০৫

[২] পবস্বেতি দশর্চস্য সূক্তস্য কাণ্বোমেধাতিথিঃ পবমানঃ সোমোগায়ত্রী ।

পব॑স্ব দেব॒বীরতি॑ প॒বিত্রং॑ সোম॒ রংহ্যা॑ । ইন্দ্র॑মিন্দো॒ বৃষা বি॑শ ॥ ৯।০০২।০১, ৬।৭।০১৮।০১

আ ব॑চ্যস্ব॒ মহি॒ প্সরো॒ বৃষে॑ন্দো দ্যু॒ম্নব॑ত্তমঃ । আ যোনিং॑ ধর্ণ॒সিঃ স॑দঃ ॥ ৯।০০২।০২, ৬।৭।০১৮।০২

অধু॑ক্ষত প্রি॒য়ং মধু॒ ধারা॑ সু॒তস্য॑ বে॒ধসঃ॑ । অ॒পো ব॑সিষ্ট সু॒ক্রতুঃ॑ ॥ ৯।০০২।০৩, ৬।৭।০১৮।০৩

ম॒হান্তং॑ ত্বা ম॒হীরন্বাপো॑ অর্ষন্তি॒ সিন্ধ॑বঃ । যদ্গোভি॑র্বাসয়ি॒ষ্যসে॑ ॥ ৯।০০২।০৪, ৬।৭।০১৮।০৪

স॒মু॒দ্রো অ॒প্সু মা॑মৃজে বিষ্ট॒ম্ভো ধ॒রুণো॑ দি॒বঃ । সোমঃ॑ প॒বিত্রে॑ অস্ম॒য়ুঃ ॥ ৯।০০২।০৫, ৬।৭।০১৮।০৫

অচি॑ক্রদ॒দ্বৃষা॒ হরি॑র্ম॒হান্মি॒ত্রো ন দ॑র্শ॒তঃ । সং সূর্যে॑ণ রোচতে ॥ ৯।০০২।০৬, ৬।৭।০১৯।০১

গির॑স্ত ইন্দ॒ ওজ॑সা মর্মৃ॒জ্যন্তে॑ অপ॒স্যুবঃ॑ । যাভি॒র্মদা॑য়॒ শুম্ভ॑সে ॥ ৯।০০২।০৭, ৬।৭।০১৯।০২

তং ত্বা॒ মদা॑য়॒ ঘৃষ্ব॑য় উ লোককৃ॒ত্নুমী॑মহে । তব॒ প্রশ॑স্তয়ো ম॒হীঃ ॥ ৯।০০২।০৮, ৬।৭।০১৯।০৩

অ॒স্মভ্য॑মিন্দবিন্দ্র॒য়ুর্মধ্বঃ॑ পবস্ব॒ ধার॑য়া । প॒র্জন্যো॑ বৃষ্টি॒মাঁ ই॑ব ॥ ৯।০০২।০৯, ৬।৭।০১৯।০৪

গো॒ষা ই॑ন্দো নৃ॒ষা অ॑স্যশ্ব॒সা বা॑জ॒সা উ॒ত । আ॒ত্মা য॒জ্ঞস্য॑ পূ॒র্ব্যঃ ॥ ৯।০০২।১০, ৬।৭।০১৯।০৫

[৩] এষদেব ইতি দশর্চস্য সূক্তস্যাজীগর্তিঃ শুনঃশেপঃ সকৃত্রিমোবৈশ্বামিত্রোদেবরাতঃ পবমানঃ সোমো গায়ত্রী।

এ॒ষ দে॒বো অম॑র্ত্যঃ পর্ণ॒বীরি॑ব দীয়তি । অ॒ভি দ্রোণা॑ন্যা॒সদ॑ম্ ॥ ৯।০০৩।০১, ৬।৭।০২০।০১

এ॒ষ দে॒বো বি॒পা কৃ॒তোঽতি॒ হ্বরাং॑সি ধাবতি । পব॑মানো॒ অদা॑ভ্যঃ ॥ ৯।০০৩।০২, ৬।৭।০২০।০২

এ॒ষ দে॒বো বি॑প॒ন্যুভিঃ॒ পব॑মান ঋতা॒য়ুভিঃ॑ । হরি॒র্বাজা॑য় মৃজ্যতে ॥ ৯।০০৩।০৩, ৬।৭।০২০।০৩

এ॒ষ বিশ্বা॑নি॒ বার্যা॒ শূরো॒ যন্নি॑ব॒ সত্ব॑ভিঃ । পব॑মানঃ সিষাসতি ॥ ৯।০০৩।০৪, ৬।৭।০২০।০৪

এ॒ষ দে॒বো র॑থর্যতি॒ পব॑মানো দশস্যতি । আ॒বিষ্কৃ॑ণোতি বগ্ব॒নুম্ ॥ ৯।০০৩।০৫, ৬।৭।০২০।০৫

এ॒ষ বিপ্রৈ॑র॒ভিষ্টু॑তো॒ঽপো দে॒বো বি গা॑হতে । দধ॒দ্রত্না॑নি দা॒শুষে॑ ॥ ৯।০০৩।০৬, ৬।৭।০২১।০১

এ॒ষ দিবং॒ বি ধা॑বতি তি॒রো রজাং॑সি॒ ধার॑য়া । পব॑মানঃ॒ কনি॑ক্রদৎ ॥ ৯।০০৩।০৭, ৬।৭।০২১।০২

এ॒ষ দিবং॒ ব্যাস॑রত্তি॒রো রজাং॒স্যস্পৃ॑তঃ । পব॑মানঃ স্বধ্ব॒রঃ ॥ ৯।০০৩।০৮, ৬।৭।০২১।০৩

এ॒ষ প্র॒ত্নেন॒ জন্ম॑না দে॒বো দে॒বেভ্যঃ॑ সু॒তঃ । হরিঃ॑ প॒বিত্রে॑ অর্ষতি ॥ ৯।০০৩।০৯, ৬।৭।০২১।০৪

এ॒ষ উ॒ স্য পু॑রুব্র॒তো জ॑জ্ঞা॒নো জ॒নয়॒ন্নিষঃ॑ । ধার॑য়া পবতে সু॒তঃ ॥ ৯।০০৩।১০, ৬।৭।০২১।০৫

[৪] সনাচেতি দশর্চস্য সূক্তস্যাঙ্গিরসো হিরণ্যস্তূপঃ পবমানঃ সোমো গায়ত্রী

সনা॑ চ সোম॒ জেষি॑ চ॒ পব॑মান॒ মহি॒ শ্রবঃ॑ । অথা॑ নো॒ বস্য॑সস্কৃধি ॥ ৯।০০৪।০১, ৬।৭।০২২।০১

সনা॒ জ্যোতিঃ॒ সনা॒ স্ব১॒॑র্বিশ্বা॑ চ সোম॒ সৌভ॑গা । অথা॑ নো॒ বস্য॑সস্কৃধি ॥ ৯।০০৪।০২, ৬।৭।০২২।০২

সনা॒ দক্ষ॑মু॒ত ক্রতু॒মপ॑ সোম॒ মৃধো॑ জহি । অথা॑ নো॒ বস্য॑সস্কৃধি ॥ ৯।০০৪।০৩, ৬।৭।০২২।০৩

পবী॑তারঃ পুনী॒তন॒ সোম॒মিন্দ্রা॑য়॒ পাত॑বে । অথা॑ নো॒ বস্য॑সস্কৃধি ॥ ৯।০০৪।০৪, ৬।৭।০২২।০৪

ত্বং সূর্যে॑ ন॒ আ ভ॑জ॒ তব॒ ক্রত্বা॒ তবো॒তিভিঃ॑ । অথা॑ নো॒ বস্য॑সস্কৃধি ॥ ৯।০০৪।০৫, ৬।৭।০২২।০৫

তব॒ ক্রত্বা॒ তবো॒তিভি॒র্জ্যোক্প॑শ্যেম॒ সূর্য॑ম্ । অথা॑ নো॒ বস্য॑সস্কৃধি ॥ ৯।০০৪।০৬, ৬।৭।০২৩।০১

অ॒ভ্য॑র্ষ স্বায়ুধ॒ সোম॑ দ্বি॒বর্হ॑সং র॒য়িম্ । অথা॑ নো॒ বস্য॑সস্কৃধি ॥ ৯।০০৪।০৭, ৬।৭।০২৩।০২

অ॒ভ্য১॒॑র্ষান॑পচ্যুতো র॒য়িং স॒মৎসু॑ সাস॒হিঃ । অথা॑ নো॒ বস্য॑সস্কৃধি ॥ ৯।০০৪।০৮, ৬।৭।০২৩।০৩

ত্বাং য॒জ্ঞৈর॑বীবৃধ॒ন্পব॑মান॒ বিধ॑র্মণি । অথা॑ নো॒ বস্য॑সস্কৃধি ॥ ৯।০০৪।০৯, ৬।৭।০২৩।০৪

র॒য়িং ন॑শ্চি॒ত্রম॒শ্বিন॒মিন্দো॑ বি॒শ্বায়ু॒মা ভ॑র । অথা॑ নো॒ বস্য॑সস্কৃধি ॥ ৯।০০৪।১০, ৬।৭।০২৩।০৫

[৫] সমিদ্ধইত্যেকাদশর্চস্য সূক্তস্য কাশ্যপোসিতঃ ক্রমেণেধ্মস্তনূনপাদিল়োবর্হির্দেবীর্দ্বার উষাসানক্তা দৈব্যৌহোতারৌ তিস্রোদেব্যঃ সরস্বতীল়াভারত্যস্ত্বষ্টা বনস্পতিঃ স্বাহাকৃতয়োগায়ত্রী অন্ত্যাশ্চতস্রোনুষ্টুভঃ । (ইতআরভ্যবিংশতিসূক্তেষুকাশ্যপোদেবলোঽসিতেন সহবিকল্পতে) ।

সমি॑দ্ধো বি॒শ্বত॒স্পতিঃ॒ পব॑মানো॒ বি রা॑জতি । প্রী॒ণন্বৃষা॒ কনি॑ক্রদৎ ॥ ৯।০০৫।০১, ৬।৭।০২৪।০১

তনূ॒নপা॒ৎপব॑মানঃ॒ শৃঙ্গে॒ শিশা॑নো অর্ষতি । অ॒ন্তরি॑ক্ষেণ॒ রার॑জৎ ॥ ৯।০০৫।০২, ৬।৭।০২৪।০২

ঈ॒ল়েন্যঃ॒ পব॑মানো র॒য়ির্বি রা॑জতি দ্যু॒মান্ । মধো॒র্ধারা॑ভি॒রোজ॑সা ॥ ৯।০০৫।০৩, ৬।৭।০২৪।০৩

ব॒র্হিঃ প্রা॒চীন॒মোজ॑সা॒ পব॑মানঃ স্তৃ॒ণন্হরিঃ॑ । দে॒বেষু॑ দে॒ব ঈ॑য়তে ॥ ৯।০০৫।০৪, ৬।৭।০২৪।০৪

উদাতৈ॑র্জিহতে বৃ॒হদ্দ্বারো॑ দে॒বীর্হি॑র॒ণ্যযীঃ॑ । পব॑মানেন॒ সুষ্টু॑তাঃ ॥ ৯।০০৫।০৫, ৬।৭।০২৪।০৫

সু॒শি॒ল্পে বৃ॑হ॒তী ম॒হী পব॑মানো বৃষণ্যতি । নক্তো॒ষাসা॒ ন দ॑র্শ॒তে ॥ ৯।০০৫।০৬, ৬।৭।০২৫।০১

উ॒ভা দে॒বা নৃ॒চক্ষ॑সা॒ হোতা॑রা॒ দৈব্যা॑ হুবে । পব॑মান॒ ইন্দ্রো॒ বৃষা॑ ॥ ৯।০০৫।০৭, ৬।৭।০২৫।০২

ভার॑তী॒ পব॑মানস্য॒ সর॑স্ব॒তীল়া॑ ম॒হী । ই॒মং নো॑ য॒জ্ঞমা গ॑মন্তি॒স্রো দে॒বীঃ সু॒পেশ॑সঃ ॥ ৯।০০৫।০৮, ৬।৭।০২৫।০৩

ত্বষ্টা॑রমগ্র॒জাং গো॒পাং পু॑রো॒য়াবা॑ন॒মা হু॑বে । ইন্দু॒রিন্দ্রো॒ বৃষা॒ হরিঃ॒ পব॑মানঃ প্র॒জাপ॑তিঃ ॥ ৯।০০৫।০৯, ৬।৭।০২৫।০৪

বন॒স্পতিং॑ পবমান॒ মধ্বা॒ সম॑ঙ্গ্ধি॒ ধার॑য়া । স॒হস্র॑বল্শং॒ হরি॑তং॒ ভ্রাজ॑মানং হির॒ণ্যয॑ম্ ॥ ৯।০০৫।১০, ৬।৭।০২৫।০৫

বিশ্বে॑ দেবাঃ॒ স্বাহা॑কৃতিং॒ পব॑মান॒স্যা গ॑ত । বা॒য়ুর্বৃহ॒স্পতিঃ॒ সূর্যো॒ঽগ্নিরিন্দ্রঃ॑ স॒জোষ॑সঃ ॥ ৯।০০৫।১১, ৬।৭।০২৫।০৬

[৬] মন্দ্রয়েতি নবর্চস্য সূক্তস্য কাশ্যপোসিতঃ পবমানঃ সোমো গায়ত্রী

ম॒ন্দ্রয়া॑ সোম॒ ধার॑য়া॒ বৃষা॑ পবস্ব দেব॒য়ুঃ । অব্যো॒ বারে॑ষ্বস্ম॒য়ুঃ ॥ ৯।০০৬।০১, ৬।৭।০২৬।০১

অ॒ভি ত্যং মদ্যং॒ মদ॒মিন্দ॒বিন্দ্র॒ ইতি॑ ক্ষর । অ॒ভি বা॒জিনো॒ অর্ব॑তঃ ॥ ৯।০০৬।০২, ৬।৭।০২৬।০২

অ॒ভি ত্যং পূ॒র্ব্যং মদং॑ সুবা॒নো অ॑র্ষ প॒বিত্র॒ আ । অ॒ভি বাজ॑মু॒ত শ্রবঃ॑ ॥ ৯।০০৬।০৩, ৬।৭।০২৬।০৩

অনু॑ দ্র॒প্সাস॒ ইন্দ॑ব॒ আপো॒ ন প্র॒বতা॑সরন্ । পু॒না॒না ইন্দ্র॑মাশত ॥ ৯।০০৬।০৪, ৬।৭।০২৬।০৪

যমত্য॑মিব বা॒জিনং॑ মৃ॒জন্তি॒ যোষ॑ণো॒ দশ॑ । বনে॒ ক্রীল়॑ন্ত॒মত্য॑বিম্ ॥ ৯।০০৬।০৫, ৬।৭।০২৬।০৫

তং গোভি॒র্বৃষ॑ণং॒ রসং॒ মদা॑য় দে॒ববী॑তয়ে । সু॒তং ভরা॑য়॒ সং সৃ॑জ ॥ ৯।০০৬।০৬, ৬।৭।০২৭।০১

দে॒বো দে॒বায়॒ ধার॒য়েন্দ্রা॑য় পবতে সু॒তঃ । পয়ো॒ যদ॑স্য পী॒পয়॑ৎ ॥ ৯।০০৬।০৭, ৬।৭।০২৭।০২

আ॒ত্মা য॒জ্ঞস্য॒ রংহ্যা॑ সুষ্বা॒ণঃ প॑বতে সু॒তঃ । প্র॒ত্নং নি পা॑তি॒ কাব্য॑ম্ ॥ ৯।০০৬।০৮, ৬।৭।০২৭।০৩

এ॒বা পু॑না॒ন ই॑ন্দ্র॒য়ুর্মদং॑ মদিষ্ঠ বী॒তয়ে॑ । গুহা॑ চিদ্দধিষে॒ গিরঃ॑ ॥ ৯।০০৬।০৯, ৬।৭।০২৭।০৪

[৭] অসৃগ্রমিতি নবর্চস্য সূক্তস্য কাশ্যপোঽসিতঃ পবমানঃ সোমো গায়ত্রী ।

অসৃ॑গ্র॒মিন্দ॑বঃ প॒থা ধর্ম॑ন্নৃ॒তস্য॑ সু॒শ্রিয়ঃ॑ । বি॒দা॒না অ॑স্য॒ যোজ॑নম্ ॥ ৯।০০৭।০১, ৬।৭।০২৮।০১

প্র ধারা॒ মধ্বো॑ অগ্রি॒য়ো ম॒হীর॒পো বি গা॑হতে । হ॒বির্হ॒বিষ্ষু॒ বন্দ্যঃ॑ ॥ ৯।০০৭।০২, ৬।৭।০২৮।০২

প্র যু॒জো বা॒চো অ॑গ্রি॒য়ো বৃষাব॑ চক্রদ॒দ্বনে॑ । সদ্মা॒ভি স॒ত্যো অ॑ধ্ব॒রঃ ॥ ৯।০০৭।০৩, ৬।৭।০২৮।০৩

পরি॒ যৎকাব্যা॑ ক॒বির্নৃ॒ম্ণা বসা॑নো॒ অর্ষ॑তি । স্ব॑র্বা॒জী সি॑ষাসতি ॥ ৯।০০৭।০৪, ৬।৭।০২৮।০৪

পব॑মানো অ॒ভি স্পৃধো॒ বিশো॒ রাজে॑ব সীদতি । যদী॑মৃ॒ণ্বন্তি॑ বে॒ধসঃ॑ ॥ ৯।০০৭।০৫, ৬।৭।০২৮।০৫

অব্যো॒ বারে॒ পরি॑ প্রি॒য়ো হরি॒র্বনে॑ষু সীদতি । রে॒ভো ব॑নুষ্যতে ম॒তী ॥ ৯।০০৭।০৬, ৬।৭।০২৯।০১

স বা॒য়ুমিন্দ্র॑ম॒শ্বিনা॑ সা॒কং মদে॑ন গচ্ছতি । রণা॒ যো অ॑স্য॒ ধর্ম॑ভিঃ ॥ ৯।০০৭।০৭, ৬।৭।০২৯।০২

আ মি॒ত্রাবরু॑ণা॒ ভগং॒ মধ্বঃ॑ পবন্ত ঊ॒র্ময়ঃ॑ । বি॒দা॒না অ॑স্য॒ শক্ম॑ভিঃ ॥ ৯।০০৭।০৮, ৬।৭।০২৯।০৩

অ॒স্মভ্যং॑ রোদসী র॒য়িং মধ্বো॒ বাজ॑স্য সা॒তয়ে॑ । শ্রবো॒ বসূ॑নি॒ সং জি॑তম্ ॥ ৯।০০৭।০৯, ৬।৭।০২৯।০৪

[৮] এতেসোমা ইতি নবর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

এ॒তে সোমা॑ অ॒ভি প্রি॒য়মিন্দ্র॑স্য॒ কাম॑মক্ষরন্ । বর্ধ॑ন্তো অস্য বী॒র্য॑ম্ ॥ ৯।০০৮।০১, ৬।৭।০৩০।০১

পু॒না॒নাস॑শ্চমূ॒ষদো॒ গচ্ছ॑ন্তো বা॒য়ুম॒শ্বিনা॑ । তে নো॑ ধান্তু সু॒বীর্য॑ম্ ॥ ৯।০০৮।০২, ৬।৭।০৩০।০২

ইন্দ্র॑স্য সোম॒ রাধ॑সে পুনা॒নো হার্দি॑ চোদয় । ঋ॒তস্য॒ যোনি॑মা॒সদ॑ম্ ॥ ৯।০০৮।০৩, ৬।৭।০৩০।০৩

মৃ॒জন্তি॑ ত্বা॒ দশ॒ ক্ষিপো॑ হি॒ন্বন্তি॑ স॒প্ত ধী॒তয়ঃ॑ । অনু॒ বিপ্রা॑ অমাদিষুঃ ॥ ৯।০০৮।০৪, ৬।৭।০৩০।০৪

দে॒বেভ্য॑স্ত্বা॒ মদা॑য়॒ কং সৃ॑জা॒নমতি॑ মে॒ষ্যঃ॑ । সং গোভি॑র্বাসয়ামসি ॥ ৯।০০৮।০৫, ৬।৭।০৩০।০৫

পু॒না॒নঃ ক॒লশে॒ষ্বা বস্ত্রা॑ণ্যরু॒ষো হরিঃ॑ । পরি॒ গব্যা॑ন্যব্যত ॥ ৯।০০৮।০৬, ৬।৭।০৩১।০১

ম॒ঘোন॒ আ প॑বস্ব নো জ॒হি বিশ্বা॒ অপ॒ দ্বিষঃ॑ । ইন্দো॒ সখা॑য়॒মা বি॑শ ॥ ৯।০০৮।০৭, ৬।৭।০৩১।০২

বৃ॒ষ্টিং দি॒বঃ পরি॑ স্রব দ্যু॒ম্নং পৃ॑থি॒ব্যা অধি॑ । সহো॑ নঃ সোম পৃ॒ৎসু ধাঃ॑ ॥ ৯।০০৮।০৮, ৬।৭।০৩১।০৩

নৃ॒চক্ষ॑সং ত্বা ব॒য়মিন্দ্র॑পীতং স্ব॒র্বিদ॑ম্ । ভ॒ক্ষী॒মহি॑ প্র॒জামিষ॑ম্ ॥ ৯।০০৮।০৯, ৬।৭।০৩১।০৪

[৯] পরিপ্রিয়েতি নবর্চস্য সূক্তস্য কাশ্যপোসিতঃ পবমানঃ সোমো গায়ত্রী

পরি॑ প্রি॒য়া দি॒বঃ ক॒বির্বয়াং॑সি ন॒প্ত্যো॑র্হি॒তঃ । সু॒বা॒নো যা॑তি ক॒বিক্র॑তুঃ ॥ ৯।০০৯।০১, ৬।৭।০৩২।০১

প্রপ্র॒ ক্ষয়া॑য়॒ পন্য॑সে॒ জনা॑য়॒ জুষ্টো॑ অ॒দ্রুহে॑ । বী॒ত্য॑র্ষ॒ চনি॑ষ্ঠয়া ॥ ৯।০০৯।০২, ৬।৭।০৩২।০২

স সূ॒নুর্মা॒তরা॒ শুচি॑র্জা॒তো জা॒তে অ॑রোচয়ৎ । ম॒হান্ম॒হী ঋ॑তা॒বৃধা॑ ॥ ৯।০০৯।০৩, ৬।৭।০৩২।০৩

স স॒প্ত ধী॒তিভি॑র্হি॒তো ন॒দ্যো॑ অজিন্বদ॒দ্রুহঃ॑ । যা এক॒মক্ষি॑ বাবৃ॒ধুঃ ॥ ৯।০০৯।০৪, ৬।৭।০৩২।০৪

তা অ॒ভি সন্ত॒মস্তৃ॑তং ম॒হে যুবা॑ন॒মা দ॑ধুঃ । ইন্দু॑মিন্দ্র॒ তব॑ ব্র॒তে ॥ ৯।০০৯।০৫, ৬।৭।০৩২।০৫

অ॒ভি বহ্নি॒রম॑র্ত্যঃ স॒প্ত প॑শ্যতি॒ বাব॑হিঃ । ক্রিবি॑র্দে॒বীর॑তর্পয়ৎ ॥ ৯।০০৯।০৬, ৬।৭।০৩৩।০১

অবা॒ কল্পে॑ষু নঃ পুম॒স্তমাং॑সি সোম॒ যোধ্যা॑ । তানি॑ পুনান জঙ্ঘনঃ ॥ ৯।০০৯।০৭, ৬।৭।০৩৩।০২

নূ নব্য॑সে॒ নবী॑য়সে সূ॒ক্তায়॑ সাধয়া প॒থঃ । প্র॒ত্ন॒বদ্রো॑চয়া॒ রুচঃ॑ ॥ ৯।০০৯।০৮, ৬।৭।০৩৩।০৩

পব॑মান॒ মহি॒ শ্রবো॒ গামশ্বং॑ রাসি বী॒রব॑ৎ । সনা॑ মে॒ধাং সনা॒ স্বঃ॑ ॥ ৯।০০৯।০৯, ৬।৭।০৩৩।০৪

[১০] প্রস্বানাস ইতি নবর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

প্র স্বা॒নাসো॒ রথা॑ ই॒বার্ব॑ন্তো॒ ন শ্র॑ব॒স্যবঃ॑ । সোমা॑সো রা॒য়ে অ॑ক্রমুঃ ॥ ৯।০১০।০১, ৬।৭।০৩৪।০১

হি॒ন্বা॒নাসো॒ রথা॑ ইব দধন্বি॒রে গভ॑স্ত্যোঃ । ভরা॑সঃ কা॒রিণা॑মিব ॥ ৯।০১০।০২, ৬।৭।০৩৪।০২

রাজা॑নো॒ ন প্রশ॑স্তিভিঃ॒ সোমা॑সো॒ গোভি॑রঞ্জতে । য॒জ্ঞো ন স॒প্ত ধা॒তৃভিঃ॑ ॥ ৯।০১০।০৩, ৬।৭।০৩৪।০৩

পরি॑ সুবা॒নাস॒ ইন্দ॑বো॒ মদা॑য় ব॒র্হণা॑ গি॒রা । সু॒তা অ॑র্ষন্তি॒ ধার॑য়া ॥ ৯।০১০।০৪, ৬।৭।০৩৪।০৪

আ॒পা॒নাসো॑ বি॒বস্ব॑তো॒ জন॑ন্ত উ॒ষসো॒ ভগ॑ম্ । সূরা॒ অণ্বং॒ বি ত॑ন্বতে ॥ ৯।০১০।০৫, ৬।৭।০৩৪।০৫

অপ॒ দ্বারা॑ মতী॒নাং প্র॒ত্না ঋ॑ণ্বন্তি কা॒রবঃ॑ । বৃষ্ণো॒ হর॑স আ॒য়বঃ॑ ॥ ৯।০১০।০৬, ৬।৭।০৩৫।০১

স॒মী॒চী॒নাস॑ আসতে॒ হোতা॑রঃ স॒প্তজা॑ময়ঃ । প॒দমেক॑স্য॒ পিপ্র॑তঃ ॥ ৯।০১০।০৭, ৬।৭।০৩৫।০২

নাভা॒ নাভিং॑ ন॒ আ দ॑দে॒ চক্ষু॑শ্চি॒ৎসূর্যে॒ সচা॑ । ক॒বেরপ॑ত্য॒মা দু॑হে ॥ ৯।০১০।০৮, ৬।৭।০৩৫।০৩

অ॒ভি প্রি॒য়া দি॒বস্প॒দম॑ধ্ব॒র্যুভি॒র্গুহা॑ হি॒তম্ । সূরঃ॑ পশ্যতি॒ চক্ষ॑সা ॥ ৯।০১০।০৯, ৬।৭।০৩৫।০৪

[১১] উপাস্মাইতি নবর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

উপা॑স্মৈ গায়তা নরঃ॒ পব॑মানা॒য়েন্দ॑বে । অ॒ভি দে॒বাঁ ইয়॑ক্ষতে ॥ ৯।০১১।০১, ৬।৭।০৩৬।০১

অ॒ভি তে॒ মধু॑না॒ পয়োঽথ॑র্বাণো অশিশ্রয়ুঃ । দে॒বং দে॒বায়॑ দেব॒য়ু ॥ ৯।০১১।০২, ৬।৭।০৩৬।০২

স নঃ॑ পবস্ব॒ শং গবে॒ শং জনা॑য়॒ শমর্ব॑তে । শং রা॑জ॒ন্নোষ॑ধীভ্যঃ ॥ ৯।০১১।০৩, ৬।৭।০৩৬।০৩

ব॒ভ্রবে॒ নু স্বত॑বসেঽরু॒ণায়॑ দিবি॒স্পৃশে॑ । সোমা॑য় গা॒থম॑র্চত ॥ ৯।০১১।০৪, ৬।৭।০৩৬।০৪

হস্ত॑চ্যুতেভি॒রদ্রি॑ভিঃ সু॒তং সোমং॑ পুনীতন । মধা॒বা ধা॑বতা॒ মধু॑ ॥ ৯।০১১।০৫, ৬।৭।০৩৬।০৫

নম॒সেদুপ॑ সীদত দ॒ধ্নেদ॒ভি শ্রী॑ণীতন । ইন্দু॒মিন্দ্রে॑ দধাতন ॥ ৯।০১১।০৬, ৬।৭।০৩৭।০১

অ॒মি॒ত্র॒হা বিচ॑র্ষণিঃ॒ পব॑স্ব সোম॒ শং গবে॑ । দে॒বেভ্যো॑ অনুকাম॒কৃৎ ॥ ৯।০১১।০৭, ৬।৭।০৩৭।০২

ইন্দ্রা॑য় সোম॒ পাত॑বে॒ মদা॑য়॒ পরি॑ ষিচ্যসে । ম॒ন॒শ্চিন্মন॑স॒স্পতিঃ॑ ॥ ৯।০১১।০৮, ৬।৭।০৩৭।০৩

পব॑মান সু॒বীর্যং॑ র॒য়িং সো॑ম রিরীহি নঃ । ইন্দ॒বিন্দ্রে॑ণ নো যু॒জা ॥ ৯।০১১।০৯, ৬।৭।০৩৭।০৪

[১২] সোমাঅসৃগ্রমিতি নবর্চস্য সূক্তস্য কাশ্যপোসিতঃপবমানঃ সোমো গায়ত্রী ।

সোমা॑ অসৃগ্র॒মিন্দ॑বঃ সু॒তা ঋ॒তস্য॒ সাদ॑নে । ইন্দ্রা॑য়॒ মধু॑মত্তমাঃ ॥ ৯।০১২।০১, ৬।৭।০৩৮।০১

অ॒ভি বিপ্রা॑ অনূষত॒ গাবো॑ ব॒ৎসং ন মা॒তরঃ॑ । ইন্দ্রং॒ সোম॑স্য পী॒তয়ে॑ ॥ ৯।০১২।০২, ৬।৭।০৩৮।০২

ম॒দ॒চ্যুৎক্ষে॑তি॒ সাদ॑নে॒ সিন্ধো॑রূ॒র্মা বি॑প॒শ্চিৎ । সোমো॑ গৌ॒রী অধি॑ শ্রি॒তঃ ॥ ৯।০১২।০৩, ৬।৭।০৩৮।০৩

দি॒বো নাভা॑ বিচক্ষ॒ণোঽব্যো॒ বারে॑ মহীয়তে । সোমো॒ যঃ সু॒ক্রতুঃ॑ ক॒বিঃ ॥ ৯।০১২।০৪, ৬।৭।০৩৮।০৪

যঃ সোমঃ॑ ক॒লশে॒ষ্বাঁ অ॒ন্তঃ প॒বিত্র॒ আহি॑তঃ । তমিন্দুঃ॒ পরি॑ ষস্বজে ॥ ৯।০১২।০৫, ৬।৭।০৩৮।০৫

প্র বাচ॒মিন্দু॑রিষ্যতি সমু॒দ্রস্যাধি॑ বি॒ষ্টপি॑ । জিন্ব॒ন্কোশং॑ মধু॒শ্চুত॑ম্ ॥ ৯।০১২।০৬, ৬।৭।০৩৯।০১

নিত্য॑স্তোত্রো॒ বন॒স্পতি॑র্ধী॒নাম॒ন্তঃ স॑ব॒র্দুঘঃ॑ । হি॒ন্বা॒নো মানু॑ষা যু॒গা ॥ ৯।০১২।০৭, ৬।৭।০৩৯।০২

অ॒ভি প্রি॒য়া দি॒বস্প॒দা সোমো॑ হিন্বা॒নো অ॑র্ষতি । বিপ্র॑স্য॒ ধার॑য়া ক॒বিঃ ॥ ৯।০১২।০৮, ৬।৭।০৩৯।০৩

আ প॑বমান ধারয় র॒য়িং স॒হস্র॑বর্চসম্ । অ॒স্মে ই॑ন্দো স্বা॒ভুব॑ম্ ॥ ৯।০১২।০৯, ৬।৭।০৩৯।০৪

পবমান পারায়ণ দ্বিতীয়োধ্যায়ঃ

[১৩] সোমঃ পুনানইতি নবর্চস্য সূক্তস্য কাশ্যপোঽসিতঃ পবমানঃ সোমো গায়ত্রী ।

সোমঃ॑ পুনা॒নো অ॑র্ষতি স॒হস্র॑ধারো॒ অত্য॑বিঃ । বা॒য়োরিন্দ্র॑স্য নিষ্কৃ॒তম্ ॥ ৯।০১৩।০১, ৬।৮।১।১

পব॑মানমবস্যবো॒ বিপ্র॑ম॒ভি প্র গা॑য়ত । সু॒ষ্বা॒ণং দে॒ববী॑তয়ে ॥ ৯।০১৩।০২, ৬।৮।১।২

পব॑ন্তে॒ বাজ॑সাতয়ে॒ সোমাঃ॑ স॒হস্র॑পাজসঃ । গৃ॒ণা॒না দে॒ববী॑তয়ে ॥ ৯।০১৩।০৩, ৬।৮।১।৩

উ॒ত নো॒ বাজ॑সাতয়ে॒ পব॑স্ব বৃহ॒তীরিষঃ॑ । দ্যু॒মদি॑ন্দো সু॒বীর্য॑ম্ ॥ ৯।০১৩।০৪, ৬।৮।১।৪

তে নঃ॑ সহ॒স্রিণং॑ র॒য়িং পব॑ন্তা॒মা সু॒বীর্য॑ম্ । সু॒বা॒না দে॒বাস॒ ইন্দ॑বঃ ॥ ৯।০১৩।০৫, ৬।৮।১।৫

অত্যা॑ হিয়া॒না ন হে॒তৃভি॒রসৃ॑গ্রং॒ বাজ॑সাতয়ে । বি বার॒মব্য॑মা॒শবঃ॑ ॥ ৯।০১৩।০৬, ৬।৮।২।১

বা॒শ্রা অ॑র্ষ॒ন্তীন্দ॑বো॒ঽভি ব॒ৎসং ন ধে॒নবঃ॑ । দ॒ধ॒ন্বি॒রে গভ॑স্ত্যোঃ ॥ ৯।০১৩।০৭, ৬।৮।২।২

জুষ্ট॒ ইন্দ্রা॑য় মৎস॒রঃ পব॑মান॒ কনি॑ক্রদৎ । বিশ্বা॒ অপ॒ দ্বিষো॑ জহি ॥ ৯।০১৩।০৮, ৬।৮।২।৩

অ॒প॒ঘ্নন্তো॒ অরা॑ব্ণঃ॒ পব॑মানাঃ স্ব॒র্দৃশঃ॑ । যোনা॑বৃ॒তস্য॑ সীদত ॥ ৯।০১৩।০৯, ৬।৮।২।৪

[১৪] পরিপ্রেত্যষ্টর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

পরি॒ প্রাসি॑ষ্যদৎক॒বিঃ সিন্ধো॑রূ॒র্মাবধি॑ শ্রি॒তঃ । কা॒রং বিভ্র॑ৎপুরু॒স্পৃহ॑ম্ ॥ ৯।০১৪।০১, ৬।৮।৩।১

গি॒রা যদী॒ সব॑ন্ধবঃ॒ পঞ্চ॒ ব্রাতা॑ অপ॒স্যবঃ॑ । প॒রি॒ষ্কৃ॒ণ্বন্তি॑ ধর্ণ॒সিম্ ॥ ৯।০১৪।০২, ৬।৮।৩।২

আদ॑স্য শু॒ষ্মিণো॒ রসে॒ বিশ্বে॑ দে॒বা অ॑মৎসত । যদী॒ গোভি॑র্বসা॒য়তে॑ ॥ ৯।০১৪।০৩, ৬।৮।৩।৩

নি॒রি॒ণা॒নো বি ধা॑বতি॒ জহ॒চ্ছর্যা॑ণি॒ তান্বা॑ । অত্রা॒ সং জি॑ঘ্নতে যু॒জা ॥ ৯।০১৪।০৪, ৬।৮।৩।৪

ন॒প্তীভি॒র্যো বি॒বস্ব॑তঃ শু॒ভ্রো ন মা॑মৃ॒জে যুবা॑ । গাঃ কৃ॑ণ্বা॒নো ন নি॒র্ণিজ॑ম্ ॥ ৯।০১৪।০৫, ৬।৮।৩।৫

অতি॑ শ্রি॒তী তি॑র॒শ্চতা॑ গ॒ব্যা জি॑গা॒ত্যণ্ব্যা॑ । ব॒গ্নুমি॑য়র্তি॒ যং বি॒দে ॥ ৯।০১৪।০৬, ৬।৮।৪।১

অ॒ভি ক্ষিপঃ॒ সম॑গ্মত ম॒র্জয়॑ন্তীরি॒ষস্পতি॑ম্ । পৃ॒ষ্ঠা গৃ॑ভ্ণত বা॒জিনঃ॑ ॥ ৯।০১৪।০৭, ৬।৮।৪।২

পরি॑ দি॒ব্যানি॒ মর্মৃ॑শ॒দ্বিশ্বা॑নি সোম॒ পার্থি॑বা । বসূ॑নি যাহ্যস্ম॒য়ুঃ ॥ ৯।০১৪।০৮, ৬।৮।৪।৩

[১৫] এষধিয়েত্যষ্টর্চস্য সূক্তস্য কাশ্যপোসিতঃ পবমানঃ সোমোগায়ত্রী ।

এ॒ষ ধি॒য়া যা॒ত্যণ্ব্যা॒ শূরো॒ রথে॑ভিরা॒শুভিঃ॑ । গচ্ছ॒ন্নিন্দ্র॑স্য নিষ্কৃ॒তম্ ॥ ৯।০১৫।০১, ৬।৮।৫।১

এ॒ষ পু॒রূ ধি॑য়ায়তে বৃহ॒তে দে॒বতা॑তয়ে । যত্রা॒মৃতা॑স॒ আস॑তে ॥ ৯।০১৫।০২, ৬।৮।৫।২

এ॒ষ হি॒তো বি নী॑য়তে॒ঽন্তঃ শু॒ভ্রাব॑তা প॒থা । যদী॑ তু॒ঞ্জন্তি॒ ভূর্ণ॑য়ঃ ॥ ৯।০১৫।০৩, ৬।৮।৫।৩

এ॒ষ শৃঙ্গা॑ণি॒ দোধু॑ব॒চ্ছিশী॑তে যূ॒থ্যো॒৩॒॑ বৃষা॑ । নৃ॒ম্ণা দধা॑ন॒ ওজ॑সা ॥ ৯।০১৫।০৪, ৬।৮।৫।৪

এ॒ষ রু॒ক্মিভি॑রীয়তে বা॒জী শু॒ভ্রেভি॑রং॒শুভিঃ॑ । পতিঃ॒ সিন্ধূ॑নাং॒ ভব॑ন্ ॥ ৯।০১৫।০৫, ৬।৮।৫।৫

এ॒ষ বসূ॑নি পিব্দ॒না পরু॑ষা যয়ি॒বাঁ অতি॑ । অব॒ শাদে॑ষু গচ্ছতি ॥ ৯।০১৫।০৬, ৬।৮।৫।৬

এ॒তং মৃ॑জন্তি॒ মর্জ্য॒মুপ॒ দ্রোণে॑ষ্বা॒য়বঃ॑ । প্র॒চ॒ক্রা॒ণং ম॒হীরিষঃ॑ ॥ ৯।০১৫।০৭, ৬।৮।৫।৭

এ॒তমু॒ ত্যং দশ॒ ক্ষিপো॑ মৃ॒জন্তি॑ স॒প্ত ধী॒তয়ঃ॑ । স্বা॒য়ু॒ধং ম॒দিন্ত॑মম্ ॥ ৯।০১৫।০৮, ৬।৮।৫।৮

[১৬] প্রতেসোতারইত্যষ্টর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

প্র তে॑ সো॒তার॑ ও॒ণ্যো॒৩॒॑ রসং॒ মদা॑য়॒ ঘৃষ্ব॑য়ে । সর্গো॒ ন ত॒ক্ত্যেত॑শঃ ॥ ৯।০১৬।০১, ৬।৮।৬।১

ক্রত্বা॒ দক্ষ॑স্য র॒থ্য॑ম॒পো বসা॑ন॒মন্ধ॑সা । গো॒ষামণ্বে॑ষু সশ্চিম ॥ ৯।০১৬।০২, ৬।৮।৬।২

অন॑প্তম॒প্সু দু॒ষ্টরং॒ সোমং॑ প॒বিত্র॒ আ সৃ॑জ । পু॒নী॒হীন্দ্রা॑য়॒ পাত॑বে ॥ ৯।০১৬।০৩, ৬।৮।৬।৩

প্র পু॑না॒নস্য॒ চেত॑সা॒ সোমঃ॑ প॒বিত্রে॑ অর্ষতি । ক্রত্বা॑ স॒ধস্থ॒মাস॑দৎ ॥ ৯।০১৬।০৪, ৬।৮।৬।৪

প্র ত্বা॒ নমো॑ভি॒রিন্দ॑ব॒ ইন্দ্র॒ সোমা॑ অসৃক্ষত । ম॒হে ভরা॑য় কা॒রিণঃ॑ ॥ ৯।০১৬।০৫, ৬।৮।৬।৫

পু॒না॒নো রূ॒পে অ॒ব্যযে॒ বিশ্বা॒ অর্ষ॑ন্ন॒ভি শ্রিয়ঃ॑ । শূরো॒ ন গোষু॑ তিষ্ঠতি ॥ ৯।০১৬।০৬, ৬।৮।৬।৬

দি॒বো ন সানু॑ পি॒প্যুষী॒ ধারা॑ সু॒তস্য॑ বে॒ধসঃ॑ । বৃথা॑ প॒বিত্রে॑ অর্ষতি ॥ ৯।০১৬।০৭, ৬।৮।৬।৭

ত্বং সো॑ম বিপ॒শ্চিতং॒ তনা॑ পুনা॒ন আ॒য়ুষু॑ । অব্যো॒ বারং॒ বি ধা॑বসি ॥ ৯।০১৬।০৮, ৬।৮।৬।৮

[১৭] প্রনিম্নেনেবেত্য ষ্টর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

প্র নি॒ম্নেনে॑ব॒ সিন্ধ॑বো॒ ঘ্নন্তো॑ বৃ॒ত্রাণি॒ ভূর্ণ॑য়ঃ । সোমা॑ অসৃগ্রমা॒শবঃ॑ ॥ ৯।০১৭।০১, ৬।৮।৭।১

অ॒ভি সু॑বা॒নাস॒ ইন্দ॑বো বৃ॒ষ্টয়ঃ॑ পৃথি॒বীমি॑ব । ইন্দ্রং॒ সোমা॑সো অক্ষরন্ ॥ ৯।০১৭।০২, ৬।৮।৭।২

অত্যূ॑র্মির্মৎস॒রো মদঃ॒ সোমঃ॑ প॒বিত্রে॑ অর্ষতি । বি॒ঘ্নন্রক্ষাং॑সি দেব॒য়ুঃ ॥ ৯।০১৭।০৩, ৬।৮।৭।৩

আ ক॒লশে॑ষু ধাবতি প॒বিত্রে॒ পরি॑ ষিচ্যতে । উ॒ক্থৈর্য॒জ্ঞেষু॑ বর্ধতে ॥ ৯।০১৭।০৪, ৬।৮।৭।৪

অতি॒ ত্রী সো॑ম রোচ॒না রোহ॒ন্ন ভ্রা॑জসে॒ দিব॑ম্ । ই॒ষ্ণন্ত্সূর্যং॒ ন চো॑দয়ঃ ॥ ৯।০১৭।০৫, ৬।৮।৭।৫

অ॒ভি বিপ্রা॑ অনূষত মূ॒র্ধন্য॒জ্ঞস্য॑ কা॒রবঃ॑ । দধা॑না॒শ্চক্ষ॑সি প্রি॒য়ম্ ॥ ৯।০১৭।০৬, ৬।৮।৭।৬

তমু॑ ত্বা বা॒জিনং॒ নরো॑ ধী॒ভির্বিপ্রা॑ অব॒স্যবঃ॑ । মৃ॒জন্তি॑ দে॒বতা॑তয়ে ॥ ৯।০১৭।০৭, ৬।৮।৭।৭

মধো॒র্ধারা॒মনু॑ ক্ষর তী॒ব্রঃ স॒ধস্থ॒মাস॑দঃ । চারু॑র্ঋ॒তায়॑ পী॒তয়ে॑ ॥ ৯।০১৭।০৮, ৬।৮।৭।৮

[১৮] পরিসুবানইতি সপ্তর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

পরি॑ সুবা॒নো গি॑রি॒ষ্ঠাঃ প॒বিত্রে॒ সোমো॑ অক্ষাঃ । মদে॑ষু সর্ব॒ধা অ॑সি ॥ ৯।০১৮।০১, ৬।৮।৮।১

ত্বং বিপ্র॒স্ত্বং ক॒বির্মধু॒ প্র জা॒তমন্ধ॑সঃ । মদে॑ষু সর্ব॒ধা অ॑সি ॥ ৯।০১৮।০২, ৬।৮।৮।২

তব॒ বিশ্বে॑ স॒জোষ॑সো দে॒বাসঃ॑ পী॒তিমা॑শত । মদে॑ষু সর্ব॒ধা অ॑সি ॥ ৯।০১৮।০৩, ৬।৮।৮।৩

আ যো বিশ্বা॑নি॒ বার্যা॒ বসূ॑নি॒ হস্ত॑য়োর্দ॒ধে । মদে॑ষু সর্ব॒ধা অ॑সি ॥ ৯।০১৮।০৪, ৬।৮।৮।৪

য ই॒মে রোদ॑সী ম॒হী সং মা॒তরে॑ব॒ দোহ॑তে । মদে॑ষু সর্ব॒ধা অ॑সি ॥ ৯।০১৮।০৫, ৬।৮।৮।৫

পরি॒ যো রোদ॑সী উ॒ভে স॒দ্যো বাজে॑ভি॒রর্ষ॑তি । মদে॑ষু সর্ব॒ধা অ॑সি ॥ ৯।০১৮।০৬, ৬।৮।৮।৬

স শু॒ষ্মী ক॒লশে॒ষ্বা পু॑না॒নো অ॑চিক্রদৎ । মদে॑ষু সর্ব॒ধা অ॑সি ॥ ৯।০১৮।০৭, ৬।৮।৮।৭

[১৯] যৎসোমেতি সপ্তর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

যৎসো॑ম চি॒ত্রমু॒ক্থ্যং॑ দি॒ব্যং পার্থি॑বং॒ বসু॑ । তন্নঃ॑ পুনা॒ন আ ভ॑র ॥ ৯।০১৯।০১, ৬।৮।৯।১

যু॒বং হি স্থঃ স্ব॑র্পতী॒ ইন্দ্র॑শ্চ সোম॒ গোপ॑তী । ঈ॒শা॒না পি॑প্যতং॒ ধিয়ঃ॑ ॥ ৯।০১৯।০২, ৬।৮।৯।২

বৃষা॑ পুনা॒ন আ॒য়ুষু॑ স্ত॒নয়॒ন্নধি॑ ব॒র্হিষি॑ । হরিঃ॒ সন্যোনি॒মাস॑দৎ ॥ ৯।০১৯।০৩, ৬।৮।৯।৩

অবা॑বশন্ত ধী॒তয়ো॑ বৃষ॒ভস্যাধি॒ রেত॑সি । সূ॒নোর্ব॒ৎসস্য॑ মা॒তরঃ॑ ॥ ৯।০১৯।০৪, ৬।৮।৯।৪

কু॒বিদ্বৃ॑ষ॒ণ্যন্তী॑ভ্যঃ পুনা॒নো গর্ভ॑মা॒দধ॑ৎ । যাঃ শু॒ক্রং দু॑হ॒তে পয়ঃ॑ ॥ ৯।০১৯।০৫, ৬।৮।৯।৫

উপ॑ শিক্ষাপত॒স্থুষো॑ ভি॒য়স॒মা ধে॑হি॒ শত্রু॑ষু । পব॑মান বি॒দা র॒য়িম্ ॥ ৯।০১৯।০৬, ৬।৮।৯।৬

নি শত্রোঃ॑ সোম॒ বৃষ্ণ্যং॒ নি শুষ্মং॒ নি বয়॑স্তির । দূ॒রে বা॑ স॒তো অন্তি॑ বা ॥ ৯।০১৯।০৭, ৬।৮।৯।৭

[২০] প্রকবিরিতি সপ্তর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

প্র ক॒বির্দে॒ববী॑ত॒য়েঽব্যো॒ বারে॑ভিরর্ষতি । সা॒হ্বান্বিশ্বা॑ অ॒ভি স্পৃধঃ॑ ॥ ৯।০২০।০১, ৬।৮।০১০।০১

স হি ষ্মা॑ জরি॒তৃভ্য॒ আ বাজং॒ গোম॑ন্ত॒মিন্ব॑তি । পব॑মানঃ সহ॒স্রিণ॑ম্ ॥ ৯।০২০।০২, ৬।৮।০১০।০২

পরি॒ বিশ্বা॑নি॒ চেত॑সা মৃ॒শসে॒ পব॑সে ম॒তী । স নঃ॑ সোম॒ শ্রবো॑ বিদঃ ॥ ৯।০২০।০৩, ৬।৮।০১০।০৩

অ॒ভ্য॑র্ষ বৃ॒হদ্যশো॑ ম॒ঘব॑দ্ভ্যো ধ্রু॒বং র॒য়িম্ । ইষং॑ স্তো॒তৃভ্য॒ আ ভ॑র ॥ ৯।০২০।০৪, ৬।৮।০১০।০৪

ত্বং রাজে॑ব সুব্র॒তো গিরঃ॑ সো॒মা বি॑বেশিথ । পু॒না॒নো ব॑হ্নে অদ্ভুত ॥ ৯।০২০।০৫, ৬।৮।০১০।০৫

স বহ্নি॑র॒প্সু দু॒ষ্টরো॑ মৃ॒জ্যমা॑নো॒ গভ॑স্ত্যোঃ । সোম॑শ্চ॒মূষু॑ সীদতি ॥ ৯।০২০।০৬, ৬।৮।০১০।০৬

ক্রী॒ল়ুর্ম॒খো ন মং॑হ॒য়ুঃ প॒বিত্রং॑ সোম গচ্ছসি । দধ॑ৎস্তো॒ত্রে সু॒বীর্য॑ম্ ॥ ৯।০২০।০৭, ৬।৮।০১০।০৭

[২১] এতেধাবন্তীতি সপ্তর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

এ॒তে ধা॑ব॒ন্তীন্দ॑বঃ॒ সোমা॒ ইন্দ্রা॑য়॒ ঘৃষ্ব॑য়ঃ । ম॒ৎস॒রাসঃ॑ স্ব॒র্বিদঃ॑ ॥ ৯।০২১।০১, ৬।৮।০১১।০১

প্র॒বৃ॒ণ্বন্তো॑ অভি॒য়ুজঃ॒ সুষ্ব॑য়ে বরিবো॒বিদঃ॑ । স্ব॒য়ং স্তো॒ত্রে ব॑য়॒স্কৃতঃ॑ ॥ ৯।০২১।০২, ৬।৮।০১১।০২

বৃথা॒ ক্রীল়॑ন্ত॒ ইন্দ॑বঃ স॒ধস্থ॑ম॒ভ্যেক॒মিৎ । সিন্ধো॑রূ॒র্মা ব্য॑ক্ষরন্ ॥ ৯।০২১।০৩, ৬।৮।০১১।০৩

এ॒তে বিশ্বা॑নি॒ বার্যা॒ পব॑মানাস আশত । হি॒তা ন সপ্ত॑য়ো॒ রথে॑ ॥ ৯।০২১।০৪, ৬।৮।০১১।০৪

আস্মি॑ন্পি॒শঙ্গ॑মিন্দবো॒ দধা॑তা বে॒নমা॒দিশে॑ । যো অ॒স্মভ্য॒মরা॑বা ॥ ৯।০২১।০৫, ৬।৮।০১১।০৫

ঋ॒ভুর্ন রথ্যং॒ নবং॒ দধা॑তা॒ কেত॑মা॒দিশে॑ । শু॒ক্রাঃ প॑বধ্ব॒মর্ণ॑সা ॥ ৯।০২১।০৬, ৬।৮।০১১।০৬

এ॒ত উ॒ ত্যে অ॑বীবশ॒ন্কাষ্ঠাং॑ বা॒জিনো॑ অক্রত । স॒তঃ প্রাসা॑বিষুর্ম॒তিম্ ॥ ৯।০২১।০৭, ৬।৮।০১১।০৭

[২২] এতেসোমাসইতি সপ্তর্চস্য সূক্তস্য কাশ্যপোসিতঃপবমানঃ সোমোগায়ত্রী ।

এ॒তে সোমা॑স আ॒শবো॒ রথা॑ ইব॒ প্র বা॒জিনঃ॑ । সর্গাঃ॑ সৃ॒ষ্টা অ॑হেষত ॥ ৯।০২২।০১, ৬।৮।০১২।০১

এ॒তে বাতা॑ ইবো॒রবঃ॑ প॒র্জন্য॑স্যেব বৃ॒ষ্টয়ঃ॑ । অ॒গ্নেরি॑ব ভ্র॒মা বৃথা॑ ॥ ৯।০২২।০২, ৬।৮।০১২।০২

এ॒তে পূ॒তা বি॑প॒শ্চিতঃ॒ সোমা॑সো॒ দধ্যা॑শিরঃ । বি॒পা ব্যা॑নশু॒র্ধিয়ঃ॑ ॥ ৯।০২২।০৩, ৬।৮।০১২।০৩

এ॒তে মৃ॒ষ্টা অম॑র্ত্যাঃ সসৃ॒বাংসো॒ ন শ॑শ্রমুঃ । ইয়॑ক্ষন্তঃ প॒থো রজঃ॑ ॥ ৯।০২২।০৪, ৬।৮।০১২।০৪

এ॒তে পৃ॒ষ্ঠানি॒ রোদ॑সোর্বিপ্র॒য়ন্তো॒ ব্যা॑নশুঃ । উ॒তেদমু॑ত্ত॒মং রজঃ॑ ॥ ৯।০২২।০৫, ৬।৮।০১২।০৫

তন্তুং॑ তন্বা॒নমু॑ত্ত॒মমনু॑ প্র॒বত॑ আশত । উ॒তেদমু॑ত্ত॒মায়্য॑ম্ ॥ ৯।০২২।০৬, ৬।৮।০১২।০৬

ত্বং সো॑ম প॒ণিভ্য॒ আ বসু॒ গব্যা॑নি ধারয়ঃ । ত॒তং তন্তু॑মচিক্রদঃ ॥ ৯।০২২।০৭, ৬।৮।০১২।০৭

[২৩] সোমা অসৃগ্রমিতি সপ্তর্চস্য সূক্তস্য কাশ্যপোসিতঃ পবমানঃ সোমোগায়ত্রী ।

সোমা॑ অসৃগ্রমা॒শবো॒ মধো॒র্মদ॑স্য॒ ধার॑য়া । অ॒ভি বিশ্বা॑নি॒ কাব্যা॑ ॥ ৯।০২৩।০১, ৬।৮।০১৩।০১

অনু॑ প্র॒ত্নাস॑ আ॒য়বঃ॑ প॒দং নবী॑য়ো অক্রমুঃ । রু॒চে জ॑নন্ত॒ সূর্য॑ম্ ॥ ৯।০২৩।০২, ৬।৮।০১৩।০২

আ প॑বমান নো ভরা॒র্যো অদা॑শুষো॒ গয়॑ম্ । কৃ॒ধি প্র॒জাব॑তী॒রিষঃ॑ ॥ ৯।০২৩।০৩, ৬।৮।০১৩।০৩

অ॒ভি সোমা॑স আ॒য়বঃ॒ পব॑ন্তে॒ মদ্যং॒ মদ॑ম্ । অ॒ভি কোশং॑ মধু॒শ্চুত॑ম্ ॥ ৯।০২৩।০৪, ৬।৮।০১৩।০৪

সোমো॑ অর্ষতি ধর্ণ॒সির্দধা॑ন ইন্দ্রি॒য়ং রস॑ম্ । সু॒বীরো॑ অভিশস্তি॒পাঃ ॥ ৯।০২৩।০৫, ৬।৮।০১৩।০৫

ইন্দ্রা॑য় সোম পবসে দে॒বেভ্যঃ॑ সধ॒মাদ্যঃ॑ । ইন্দো॒ বাজং॑ সিষাসসি ॥ ৯।০২৩।০৬, ৬।৮।০১৩।০৬

অ॒স্য পী॒ত্বা মদা॑না॒মিন্দ্রো॑ বৃ॒ত্রাণ্য॑প্র॒তি । জ॒ঘান॑ জ॒ঘন॑চ্চ॒ নু ॥ ৯।০২৩।০৭, ৬।৮।০১৩।০৭

[২৪] প্রসোমাসইতি সপ্তর্চস্য সূক্তস্য কাশ্যপোসিতঃ পবমানঃ সোমো গায়ত্রী ।

প্র সোমা॑সো অধন্বিষুঃ॒ পব॑মানাস॒ ইন্দ॑বঃ । শ্রী॒ণা॒না অ॒প্সু মৃ॑ঞ্জত ॥ ৯।০২৪।০১, ৬।৮।০১৪।০১

অ॒ভি গাবো॑ অধন্বিষু॒রাপো॒ ন প্র॒বতা॑ য॒তীঃ । পু॒না॒না ইন্দ্র॑মাশত ॥ ৯।০২৪।০২, ৬।৮।০১৪।০২

প্র প॑বমান ধন্বসি॒ সোমেন্দ্রা॑য়॒ পাত॑বে । নৃভি॑র্য॒তো বি নী॑য়সে ॥ ৯।০২৪।০৩, ৬।৮।০১৪।০৩

ত্বং সো॑ম নৃ॒মাদ॑নঃ॒ পব॑স্ব চর্ষণী॒সহে॑ । সস্নি॒র্যো অ॑নু॒মাদ্যঃ॑ ॥ ৯।০২৪।০৪, ৬।৮।০১৪।০৪

ইন্দো॒ যদদ্রি॑ভিঃ সু॒তঃ প॒বিত্রং॑ পরি॒ধাব॑সি । অর॒মিন্দ্র॑স্য॒ ধাম্নে॑ ॥ ৯।০২৪।০৫, ৬।৮।০১৪।০৫

পব॑স্ব বৃত্রহন্তমো॒ক্থেভি॑রনু॒মাদ্যঃ॑ । শুচিঃ॑ পাব॒কো অদ্ভু॑তঃ ॥ ৯।০২৪।০৬, ৬।৮।০১৪।০৬

শুচিঃ॑ পাব॒ক উ॑চ্যতে॒ সোমঃ॑ সু॒তস্য॒ মধ্বঃ॑ । দে॒বা॒বীর॑ঘশংস॒হা ॥ ৯।০২৪।০৭, ৬।৮।০১৪।০৭

[২৫] পবস্বেতি ষডৃচস্য সূক্তস্যাগস্ত্যোদৃল়্হচ্যুতঃ পবমানঃ সোমোগায়ত্রী ।

পব॑স্ব দক্ষ॒সাধ॑নো দে॒বেভ্যঃ॑ পী॒তয়ে॑ হরে । ম॒রুদ্ভ্যো॑ বা॒য়বে॒ মদঃ॑ ॥ ৯।০২৫।০১, ৬।৮।০১৫।০১

পব॑মান ধি॒য়া হি॒তো॒৩॒॑ঽভি যোনিং॒ কনি॑ক্রদৎ । ধর্ম॑ণা বা॒য়ুমা বি॑শ ॥ ৯।০২৫।০২, ৬।৮।০১৫।০২

সং দে॒বৈঃ শো॑ভতে॒ বৃষা॑ ক॒বির্যোনা॒বধি॑ প্রি॒য়ঃ । বৃ॒ত্র॒হা দে॑ব॒বীত॑মঃ ॥ ৯।০২৫।০৩, ৬।৮।০১৫।০৩

বিশ্বা॑ রূ॒পাণ্যা॑বি॒শন্পু॑না॒নো যা॑তি হর্য॒তঃ । যত্রা॒মৃতা॑স॒ আস॑তে ॥ ৯।০২৫।০৪, ৬।৮।০১৫।০৪

অ॒রু॒ষো জ॒নয়॒ন্গিরঃ॒ সোমঃ॑ পবত আয়ু॒ষক্ । ইন্দ্রং॒ গচ্ছ॑ন্ক॒বিক্র॑তুঃ ॥ ৯।০২৫।০৫, ৬।৮।০১৫।০৫

আ প॑বস্ব মদিন্তম প॒বিত্রং॒ ধার॑য়া কবে । অ॒র্কস্য॒ যোনি॑মা॒সদ॑ম্ ॥ ৯।০২৫।০৬, ৬।৮।০১৫।০৬

[২৬] তমমৃক্ষন্তেতি ষডৃচস্য সূক্তস্য দার্ডচ্যুতইধ্মবাহঃ পবমানঃ সোমোগায়ত্রী ।

তম॑মৃক্ষন্ত বা॒জিন॑মু॒পস্থে॒ অদি॑তে॒রধি॑ । বিপ্রা॑সো॒ অণ্ব্যা॑ ধি॒য়া ॥ ৯।০২৬।০১, ৬।৮।০১৬।০১

তং গাবো॑ অ॒ভ্য॑নূষত স॒হস্র॑ধার॒মক্ষি॑তম্ । ইন্দুং॑ ধ॒র্তার॒মা দি॒বঃ ॥ ৯।০২৬।০২, ৬।৮।০১৬।০২

তং বে॒ধাং মে॒ধয়া॑হ্য॒ন্পব॑মান॒মধি॒ দ্যবি॑ । ধ॒র্ণ॒সিং ভূরি॑ধায়সম্ ॥ ৯।০২৬।০৩, ৬।৮।০১৬।০৩

তম॑হ্যন্ভু॒রিজো॑র্ধি॒য়া সং॒বসা॑নং বি॒বস্ব॑তঃ । পতিং॑ বা॒চো অদা॑ভ্যম্ ॥ ৯।০২৬।০৪, ৬।৮।০১৬।০৪

তং সানা॒বধি॑ জা॒ময়ো॒ হরিং॑ হিন্ব॒ন্ত্যদ্রি॑ভিঃ । হ॒র্য॒তং ভূরি॑চক্ষসম্ ॥ ৯।০২৬।০৫, ৬।৮।০১৬।০৫

তং ত্বা॑ হিন্বন্তি বে॒ধসঃ॒ পব॑মান গিরা॒বৃধ॑ম্ । ইন্দ॒বিন্দ্রা॑য় মৎস॒রম্ ॥ ৯।০২৬।০৬, ৬।৮।০১৬।০৬

[২৭] এষকবিরিতি ষডৃচস্য সূক্তস্যাঙ্গিরসো নৃমেধঃ পবমানঃ সোমো গায়ত্রী ।

এ॒ষ ক॒বির॒ভিষ্টু॑তঃ প॒বিত্রে॒ অধি॑ তোশতে । পু॒না॒নো ঘ্নন্নপ॒ স্রিধঃ॑ ॥ ৯।০২৭।০১, ৬।৮।০১৭।০১

এ॒ষ ইন্দ্রা॑য় বা॒য়বে॑ স্ব॒র্জিৎপরি॑ ষিচ্যতে । প॒বিত্রে॑ দক্ষ॒সাধ॑নঃ ॥ ৯।০২৭।০২, ৬।৮।০১৭।০২

এ॒ষ নৃভি॒র্বি নী॑য়তে দি॒বো মূ॒র্ধা বৃষা॑ সু॒তঃ । সোমো॒ বনে॑ষু বিশ্ব॒বিৎ ॥ ৯।০২৭।০৩, ৬।৮।০১৭।০৩

এ॒ষ গ॒ব্যুর॑চিক্রদ॒ৎপব॑মানো হিরণ্য॒যুঃ । ইন্দুঃ॑ সত্রা॒জিদস্তৃ॑তঃ ॥ ৯।০২৭।০৪, ৬।৮।০১৭।০৪

এ॒ষ সূর্যে॑ণ হাসতে॒ পব॑মানো॒ অধি॒ দ্যবি॑ । প॒বিত্রে॑ মৎস॒রো মদঃ॑ ॥ ৯।০২৭।০৫, ৬।৮।০১৭।০৫

এ॒ষ শু॒ষ্ম্য॑সিষ্যদদ॒ন্তরি॑ক্ষে॒ বৃষা॒ হরিঃ॑ । পু॒না॒ন ইন্দু॒রিন্দ্র॒মা ॥ ৯।০২৭।০৬, ৬।৮।০১৭।০৬

[২৮] এষবাজীতি ষডৃচস্য সূক্তস্যাঙ্গিরসঃ প্রিয়মেধঃ পবমানঃ সোমো গায়ত্রী ।

এ॒ষ বা॒জী হি॒তো নৃভি॑র্বিশ্ব॒বিন্মন॑স॒স্পতিঃ॑ । অব্যো॒ বারং॒ বি ধা॑বতি ॥ ৯।০২৮।০১, ৬।৮।০১৮।০১

এ॒ষ প॒বিত্রে॑ অক্ষর॒ৎসোমো॑ দে॒বেভ্যঃ॑ সু॒তঃ । বিশ্বা॒ ধামা॑ন্যাবি॒শন্ ॥ ৯।০২৮।০২, ৬।৮।০১৮।০২

এ॒ষ দে॒বঃ শু॑ভায়॒তেঽধি॒ যোনা॒বম॑র্ত্যঃ । বৃ॒ত্র॒হা দে॑ব॒বীত॑মঃ ॥ ৯।০২৮।০৩, ৬।৮।০১৮।০৩

এ॒ষ বৃষা॒ কনি॑ক্রদদ্দ॒শভি॑র্জা॒মিভি॑র্য॒তঃ । অ॒ভি দ্রোণা॑নি ধাবতি ॥ ৯।০২৮।০৪, ৬।৮।০১৮।০৪

এ॒ষ সূর্য॑মরোচয়॒ৎপব॑মানো॒ বিচ॑র্ষণিঃ । বিশ্বা॒ ধামা॑নি বিশ্ব॒বিৎ ॥ ৯।০২৮।০৫, ৬।৮।০১৮।০৫

এ॒ষ শু॒ষ্ম্যদা॑ভ্যঃ॒ সোমঃ॑ পুনা॒নো অ॑র্ষতি । দে॒বা॒বীর॑ঘশংস॒হা ॥ ৯।০২৮।০৬, ৬।৮।০১৮।০৬

[২৯] প্রাস্যধারাইতি ষডৃচস্য সূক্তস্যাঙ্গিরসোনৃমেধঃ পবমানঃ সোমো গায়ত্রী

প্রাস্য॒ ধারা॑ অক্ষর॒ন্বৃষ্ণঃ॑ সু॒তস্যৌজ॑সা । দে॒বাঁ অনু॑ প্র॒ভূষ॑তঃ ॥ ৯।০২৯।০১, ৬।৮।০১৯।০১

সপ্তিং॑ মৃজন্তি বে॒ধসো॑ গৃ॒ণন্তঃ॑ কা॒রবো॑ গি॒রা । জ্যোতি॑র্জজ্ঞা॒নমু॒ক্থ্য॑ম্ ॥ ৯।০২৯।০২, ৬।৮।০১৯।০২

সু॒ষহা॑ সোম॒ তানি॑ তে পুনা॒নায়॑ প্রভূবসো । বর্ধা॑ সমু॒দ্রমু॒ক্থ্য॑ম্ ॥ ৯।০২৯।০৩, ৬।৮।০১৯।০৩

বিশ্বা॒ বসূ॑নি সঞ্॒জয়॒ন্পব॑স্ব সোম॒ ধার॑য়া । ই॒নু দ্বেষাং॑সি স॒ধ্র্য॑ক্ ॥ ৯।০২৯।০৪, ৬।৮।০১৯।০৪

রক্ষা॒ সু নো॒ অর॑রুষঃ স্ব॒নাৎস॑মস্য॒ কস্য॑ চিৎ । নি॒দো যত্র॑ মুমু॒চ্মহে॑ ॥ ৯।০২৯।০৫, ৬।৮।০১৯।০৫

এন্দো॒ পার্থি॑বং র॒য়িং দি॒ব্যং প॑বস্ব॒ ধার॑য়া । দ্যু॒মন্তং॒ শুষ্ম॒মা ভ॑র ॥ ৯।০২৯।০৬, ৬।৮।০১৯।০৬

[৩০] প্রধারাইতি ষডৃচস্য সূক্তস্যাঙ্গিরসো বিন্দুঃ পবমানঃ সোমোগায়ত্রী ।

প্র ধারা॑ অস্য শু॒ষ্মিণো॒ বৃথা॑ প॒বিত্রে॑ অক্ষরন্ । পু॒না॒নো বাচ॑মিষ্যতি ॥ ৯।০৩০।০১, ৬।৮।০২০।০১

ইন্দু॑র্হিয়া॒নঃ সো॒তৃভি॑র্মৃ॒জ্যমা॑নঃ॒ কনি॑ক্রদৎ । ইয়॑র্তি ব॒গ্নুমি॑ন্দ্রি॒য়ম্ ॥ ৯।০৩০।০২, ৬।৮।০২০।০২

আ নঃ॒ শুষ্মং॑ নৃ॒ষাহ্যং॑ বী॒রব॑ন্তং পুরু॒স্পৃহ॑ম্ । পব॑স্ব সোম॒ ধার॑য়া ॥ ৯।০৩০।০৩, ৬।৮।০২০।০৩

প্র সোমো॒ অতি॒ ধার॑য়া॒ পব॑মানো অসিষ্যদৎ । অ॒ভি দ্রোণা॑ন্যা॒সদ॑ম্ ॥ ৯।০৩০।০৪, ৬।৮।০২০।০৪

অ॒প্সু ত্বা॒ মধু॑মত্তমং॒ হরিং॑ হিন্ব॒ন্ত্যদ্রি॑ভিঃ । ইন্দ॒বিন্দ্রা॑য় পী॒তয়ে॑ ॥ ৯।০৩০।০৫, ৬।৮।০২০।০৫

সু॒নোতা॒ মধু॑মত্তমং॒ সোম॒মিন্দ্রা॑য় ব॒জ্রিণে॑ । চারুং॒ শর্ধা॑য় মৎস॒রম্ ॥ ৯।০৩০।০৬, ৬।৮।০২০।০৬

[৩১] প্রসোমাসইতি ষডৃচস্য সূক্তস্য রাহূগণোগোতমঃপবমানঃ সোমোগায়ত্রী ।

প্র সোমা॑সঃ স্বা॒ধ্য১॒॑ঃ পব॑মানাসো অক্রমুঃ । র॒য়িং কৃ॑ণ্বন্তি॒ চেত॑নম্ ॥ ৯।০৩১।০১, ৬।৮।০২১।০১

দি॒বস্পৃ॑থি॒ব্যা অধি॒ ভবে॑ন্দো দ্যুম্ন॒বর্ধ॑নঃ । ভবা॒ বাজা॑নাং॒ পতিঃ॑ ॥ ৯।০৩১।০২, ৬।৮।০২১।০২

তুভ্যং॒ বাতা॑ অভি॒প্রিয়॒স্তুভ্য॑মর্ষন্তি॒ সিন্ধ॑বঃ । সোম॒ বর্ধ॑ন্তি তে॒ মহঃ॑ ॥ ৯।০৩১।০৩, ৬।৮।০২১।০৩

আ প্যা॑য়স্ব॒ সমে॑তু তে বি॒শ্বতঃ॑ সোম॒ বৃষ্ণ্য॑ম্ । ভবা॒ বাজ॑স্য সঙ্গ॒থে ॥ ৯।০৩১।০৪, ৬।৮।০২১।০৪

তুভ্যং॒ গাবো॑ ঘৃ॒তং পয়ো॒ বভ্রো॑ দুদু॒হ্রে অক্ষি॑তম্ । বর্ষি॑ষ্ঠে॒ অধি॒ সান॑বি ॥ ৯।০৩১।০৫, ৬।৮।০২১।০৫

স্বা॒য়ু॒ধস্য॑ তে স॒তো ভুব॑নস্য পতে ব॒য়ম্ । ইন্দো॑ সখি॒ত্বমু॑শ্মসি ॥ ৯।০৩১।০৬, ৬।৮।০২১।০৬

[৩২] প্রসোমাসইতি ষডৃচস্য সূক্তস্যাত্রেয়ঃ শ্যাবাশ্বঃ পবমানঃ সোমো গায়ত্রী

প্র সোমা॑সো মদ॒চ্যুতঃ॒ শ্রব॑সে নো ম॒ঘোনঃ॑ । সু॒তা বি॒দথে॑ অক্রমুঃ ॥ ৯।০৩২।০১, ৬।৮।০২২।০১

আদীং॑ ত্রি॒তস্য॒ যোষ॑ণো॒ হরিং॑ হিন্ব॒ন্ত্যদ্রি॑ভিঃ । ইন্দু॒মিন্দ্রা॑য় পী॒তয়ে॑ ॥ ৯।০৩২।০২, ৬।৮।০২২।০২

আদীং॑ হং॒সো যথা॑ গ॒ণং বিশ্ব॑স্যাবীবশন্ম॒তিম্ । অত্যো॒ ন গোভি॑রজ্যতে ॥ ৯।০৩২।০৩, ৬।৮।০২২।০৩

উ॒ভে সো॑মাব॒চাক॑শন্মৃ॒গো ন ত॒ক্তো অ॑র্ষসি । সীদ॑ন্নৃ॒তস্য॒ যোনি॒মা ॥ ৯।০৩২।০৪, ৬।৮।০২২।০৪

অ॒ভি গাবো॑ অনূষত॒ যোষা॑ জা॒রমি॑ব প্রি॒য়ম্ । অগ॑ন্না॒জিং যথা॑ হি॒তম্ ॥ ৯।০৩২।০৫, ৬।৮।০২২।০৫

অ॒স্মে ধে॑হি দ্যু॒মদ্যশো॑ ম॒ঘব॑দ্ভ্যশ্চ॒ মহ্যং॑ চ । স॒নিং মে॒ধামু॒ত শ্রবঃ॑ ॥ ৯।০৩২।০৬, ৬।৮।০২২।০৬

[৩৩] প্রসোমাসইতি ষডৃচস্য সূক্তস্যাপ্ত্যস্ত্রিতঃ পবমানঃ সোমোগায়ত্রী ।

প্র সোমা॑সো বিপ॒শ্চিতো॒ঽপাং ন য॑ন্ত্যূ॒র্ময়ঃ॑ । বনা॑নি মহি॒ষা ই॑ব ॥ ৯।০৩৩।০১, ৬।৮।০২৩।০১

অ॒ভি দ্রোণা॑নি ব॒ভ্রবঃ॑ শু॒ক্রা ঋ॒তস্য॒ ধার॑য়া । বাজং॒ গোম॑ন্তমক্ষরন্ ॥ ৯।০৩৩।০২, ৬।৮।০২৩।০২

সু॒তা ইন্দ্রা॑য় বা॒য়বে॒ বরু॑ণায় ম॒রুদ্ভ্যঃ॑ । সোমা॑ অর্ষন্তি॒ বিষ্ণ॑বে ॥ ৯।০৩৩।০৩, ৬।৮।০২৩।০৩

তি॒স্রো বাচ॒ উদী॑রতে॒ গাবো॑ মিমন্তি ধে॒নবঃ॑ । হরি॑রেতি॒ কনি॑ক্রদৎ ॥ ৯।০৩৩।০৪, ৬।৮।০২৩।০৪

অ॒ভি ব্রহ্মী॑রনূষত য॒হ্বীর্ঋ॒তস্য॑ মা॒তরঃ॑ । ম॒র্মৃ॒জ্যন্তে॑ দি॒বঃ শিশু॑ম্ ॥ ৯।০৩৩।০৫, ৬।৮।০২৩।০৫

রা॒য়ঃ স॑মু॒দ্রাঁশ্চ॒তুরো॒ঽস্মভ্যং॑ সোম বি॒শ্বতঃ॑ । আ প॑বস্ব সহ॒স্রিণঃ॑ ॥ ৯।০৩৩।০৬, ৬।৮।০২৩।০৬

[৩৪] প্রসুবানইতি ষডৃচস্য সূক্তস্যাপ্ত্যস্ত্রিতঃ পবমানঃ সোমোগায়ত্রী ।

প্র সু॑বা॒নো ধার॑য়া॒ তনেন্দু॑র্হিন্বা॒নো অ॑র্ষতি । রু॒জদ্দৃ॒ল়্হা ব্যোজ॑সা ॥ ৯।০৩৪।০১, ৬।৮।০২৪।০১

সু॒ত ইন্দ্রা॑য় বা॒য়বে॒ বরু॑ণায় ম॒রুদ্ভ্যঃ॑ । সোমো॑ অর্ষতি॒ বিষ্ণ॑বে ॥ ৯।০৩৪।০২, ৬।৮।০২৪।০২

বৃষা॑ণং॒ বৃষ॑ভির্য॒তং সু॒ন্বন্তি॒ সোম॒মদ্রি॑ভিঃ । দু॒হন্তি॒ শক্ম॑না॒ পয়ঃ॑ ॥ ৯।০৩৪।০৩, ৬।৮।০২৪।০৩

ভুব॑ত্ত্রি॒তস্য॒ মর্জ্যো॒ ভুব॒দিন্দ্রা॑য় মৎস॒রঃ । সং রূ॒পৈর॑জ্যতে॒ হরিঃ॑ ॥ ৯।০৩৪।০৪, ৬।৮।০২৪।০৪

অ॒ভীমৃ॒তস্য॑ বি॒ষ্টপং॑ দুহ॒তে পৃশ্নি॑মাতরঃ । চারু॑ প্রি॒য়ত॑মং হ॒বিঃ ॥ ৯।০৩৪।০৫, ৬।৮।০২৪।০৫

সমে॑ন॒মহ্রু॑তা ই॒মা গিরো॑ অর্ষন্তি স॒স্রুতঃ॑ । ধে॒নূর্বা॒শ্রো অ॑বীবশৎ ॥ ৯।০৩৪।০৬, ৬।৮।০২৪।০৬

[৩৫] আনঃপবস্বেতি ষডৃচস্য সূক্তস্যাঙ্গিরসঃপ্রভূবসুঃ পবমানঃ সোমোগায়ত্রী ।

আ নঃ॑ পবস্ব॒ ধার॑য়া॒ পব॑মান র॒য়িং পৃ॒থুম্ । যয়া॒ জ্যোতি॑র্বি॒দাসি॑ নঃ ॥ ৯।০৩৫।০১, ৬।৮।০২৫।০১

ইন্দো॑ সমুদ্রমীঙ্খয়॒ পব॑স্ব বিশ্বমেজয় । রা॒য়ো ধ॒র্তা ন॒ ওজ॑সা ॥ ৯।০৩৫।০২, ৬।৮।০২৫।০২

ত্বয়া॑ বী॒রেণ॑ বীরবো॒ঽভি ষ্যা॑ম পৃতন্য॒তঃ । ক্ষরা॑ ণো অ॒ভি বার্য॑ম্ ॥ ৯।০৩৫।০৩, ৬।৮।০২৫।০৩

প্র বাজ॒মিন্দু॑রিষ্যতি॒ সিষা॑সন্বাজ॒সা ঋষিঃ॑ । ব্র॒তা বি॑দা॒ন আয়ু॑ধা ॥ ৯।০৩৫।০৪, ৬।৮।০২৫।০৪

তং গী॒র্ভির্বা॑চমীঙ্খ॒য়ং পু॑না॒নং বা॑সয়ামসি । সোমং॒ জন॑স্য॒ গোপ॑তিম্ ॥ ৯।০৩৫।০৫, ৬।৮।০২৫।০৫

বিশ্বো॒ যস্য॑ ব্র॒তে জনো॑ দা॒ধার॒ ধর্ম॑ণ॒স্পতেঃ॑ । পু॒না॒নস্য॑ প্র॒ভূব॑সোঃ ॥ ৯।০৩৫।০৬, ৬।৮।০২৫।০৬

[৩৬] অসর্জীতি ষডৃচস্য সূক্তস্যাঙ্গিরসঃ প্রভূবসুঃ পবমানঃ সোমোগায়ত্রী ।

অস॑র্জি॒ রথ্যো॑ যথা প॒বিত্রে॑ চ॒ম্বোঃ॑ সু॒তঃ । কার্ষ্ম॑ন্বা॒জী ন্য॑ক্রমীৎ ॥ ৯।০৩৬।০১, ৬।৮।০২৬।০১

স বহ্নিঃ॑ সোম॒ জাগৃ॑বিঃ॒ পব॑স্ব দেব॒বীরতি॑ । অ॒ভি কোশং॑ মধু॒শ্চুত॑ম্ ॥ ৯।০৩৬।০২, ৬।৮।০২৬।০২

স নো॒ জ্যোতীং॑ষি পূর্ব্য॒ পব॑মান॒ বি রো॑চয় । ক্রত্বে॒ দক্ষা॑য় নো হিনু ॥ ৯।০৩৬।০৩, ৬।৮।০২৬।০৩

শু॒ম্ভমা॑ন ঋতা॒য়ুভি॑র্মৃ॒জ্যমা॑নো॒ গভ॑স্ত্যোঃ । পব॑তে॒ বারে॑ অ॒ব্যযে॑ ॥ ৯।০৩৬।০৪, ৬।৮।০২৬।০৪

স বিশ্বা॑ দা॒শুষে॒ বসু॒ সোমো॑ দি॒ব্যানি॒ পার্থি॑বা । পব॑তা॒মান্তরি॑ক্ষ্যা ॥ ৯।০৩৬।০৫, ৬।৮।০২৬।০৫

আ দি॒বস্পৃ॒ষ্ঠম॑শ্ব॒য়ুর্গ॑ব্য॒যুঃ সো॑ম রোহসি । বী॒র॒য়ুঃ শ॑বসস্পতে ॥ ৯।০৩৬।০৬, ৬।৮।০২৬।০৬

[৩৭] সসুতইতি ষডৃচস্যসূক্তস্যাঙ্গিরসোরহূগণঃ পবমানঃ সোমো গায়ত্রী ।

স সু॒তঃ পী॒তয়ে॒ বৃষা॒ সোমঃ॑ প॒বিত্রে॑ অর্ষতি । বি॒ঘ্নন্রক্ষাং॑সি দেব॒য়ুঃ ॥ ৯।০৩৭।০১, ৬।৮।০২৭।০১

স প॒বিত্রে॑ বিচক্ষ॒ণো হরি॑রর্ষতি ধর্ণ॒সিঃ । অ॒ভি যোনিং॒ কনি॑ক্রদৎ ॥ ৯।০৩৭।০২, ৬।৮।০২৭।০২

স বা॒জী রো॑চ॒না দি॒বঃ পব॑মানো॒ বি ধা॑বতি । র॒ক্ষো॒হা বার॑ম॒ব্যয॑ম্ ॥ ৯।০৩৭।০৩, ৬।৮।০২৭।০৩

স ত্রি॒তস্যাধি॒ সান॑বি॒ পব॑মানো অরোচয়ৎ । জা॒মিভিঃ॒ সূর্যং॑ স॒হ ॥ ৯।০৩৭।০৪, ৬।৮।০২৭।০৪

স বৃ॑ত্র॒হা বৃষা॑ সু॒তো ব॑রিবো॒বিদদা॑ভ্যঃ । সোমো॒ বাজ॑মিবাসরৎ ॥ ৯।০৩৭।০৫, ৬।৮।০২৭।০৫

স দে॒বঃ ক॒বিনে॑ষি॒তো॒৩॒॑ঽভি দ্রোণা॑নি ধাবতি । ইন্দু॒রিন্দ্রা॑য় মং॒হনা॑ ॥ ৯।০৩৭।০৬, ৬।৮।০২৭।০৬

[৩৮] এষউস্যইতি ষডৃচস্য সূক্তস্যাঙ্গিরসোরহূগণঃ পবমানঃ সোমোগায়ত্রী ।

এ॒ষ উ॒ স্য বৃষা॒ রথোঽব্যো॒ বারে॑ভিরর্ষতি । গচ্ছ॒ন্বাজং॑ সহ॒স্রিণ॑ম্ ॥ ৯।০৩৮।০১, ৬।৮।০২৮।০১

এ॒তং ত্রি॒তস্য॒ যোষ॑ণো॒ হরিং॑ হিন্ব॒ন্ত্যদ্রি॑ভিঃ । ইন্দু॒মিন্দ্রা॑য় পী॒তয়ে॑ ॥ ৯।০৩৮।০২, ৬।৮।০২৮।০২

এ॒তং ত্যং হ॒রিতো॒ দশ॑ মর্মৃ॒জ্যন্তে॑ অপ॒স্যুবঃ॑ । যাভি॒র্মদা॑য়॒ শুম্ভ॑তে ॥ ৯।০৩৮।০৩, ৬।৮।০২৮।০৩

এ॒ষ স্য মানু॑ষী॒ষ্বা শ্যে॒নো ন বি॒ক্ষু সী॑দতি । গচ্ছ॑ঞ্জা॒রো ন যো॒ষিত॑ম্ ॥ ৯।০৩৮।০৪, ৬।৮।০২৮।০৪

এ॒ষ স্য মদ্যো॒ রসোঽব॑ চষ্টে দি॒বঃ শিশুঃ॑ । য ইন্দু॒র্বার॒মাবি॑শৎ ॥ ৯।০৩৮।০৫, ৬।৮।০২৮।০৫

এ॒ষ স্য পী॒তয়ে॑ সু॒তো হরি॑রর্ষতি ধর্ণ॒সিঃ । ক্রন্দ॒ন্যোনি॑ম॒ভি প্রি॒য়ম্ ॥ ৯।০৩৮।০৬, ৬।৮।০২৮।০৬

[৩৯] আশুরর্ষেতি ষডৃচস্য সূক্তস্যাঙ্গিরসো বৃহন্মতিঃ পবমানঃ সোমোগায়ত্রী ।

আ॒শুর॑র্ষ বৃহন্মতে॒ পরি॑ প্রি॒য়েণ॒ ধাম্না॑ । যত্র॑ দে॒বা ইতি॒ ব্রব॑ন্ ॥ ৯।০৩৯।০১, ৬।৮।০২৯।০১

প॒রি॒ষ্কৃ॒ণ্বন্ননি॑ষ্কৃতং॒ জনা॑য় যা॒তয়॒ন্নিষঃ॑ । বৃ॒ষ্টিং দি॒বঃ পরি॑ স্রব ॥ ৯।০৩৯।০২, ৬।৮।০২৯।০২

সু॒ত এ॑তি প॒বিত্র॒ আ ত্বিষিং॒ দধা॑ন॒ ওজ॑সা । বি॒চক্ষা॑ণো বিরো॒চয়॑ন্ ॥ ৯।০৩৯।০৩, ৬।৮।০২৯।০৩

অ॒য়ং স যো দি॒বস্পরি॑ রঘু॒য়ামা॑ প॒বিত্র॒ আ । সিন্ধো॑রূ॒র্মা ব্যক্ষ॑রৎ ॥ ৯।০৩৯।০৪, ৬।৮।০২৯।০৪

আ॒বিবা॑সন্পরা॒বতো॒ অথো॑ অর্বা॒বতঃ॑ সু॒তঃ । ইন্দ্রা॑য় সিচ্যতে॒ মধু॑ ॥ ৯।০৩৯।০৫, ৬।৮।০২৯।০৫

স॒মী॒চী॒না অ॑নূষত॒ হরিং॑ হিন্ব॒ন্ত্যদ্রি॑ভিঃ । যোনা॑বৃ॒তস্য॑ সীদত ॥ ৯।০৩৯।০৬, ৬।৮।০২৯।০৬

[৪০] পুনানইতি ষডৃচস্য সূক্তস্যাঙ্গিরসো বৃহন্মতিঃ পবমানঃ সোমোগায়ত্রী ।

পু॒না॒নো অ॑ক্রমীদ॒ভি বিশ্বা॒ মৃধো॒ বিচ॑র্ষণিঃ । শু॒ম্ভন্তি॒ বিপ্রং॑ ধী॒তিভিঃ॑ ॥ ৯।০৪০।০১, ৬।৮।০৩০।০১

আ যোনি॑মরু॒ণো রু॑হ॒দ্গম॒দিন্দ্রং॒ বৃষা॑ সু॒তঃ । ধ্রু॒বে সদ॑সি সীদতি ॥ ৯।০৪০।০২, ৬।৮।০৩০।০২

নূ নো॑ র॒য়িং ম॒হামি॑ন্দো॒ঽস্মভ্যং॑ সোম বি॒শ্বতঃ॑ । আ প॑বস্ব সহ॒স্রিণ॑ম্ ॥ ৯।০৪০।০৩, ৬।৮।০৩০।০৩

বিশ্বা॑ সোম পবমান দ্যু॒ম্নানী॑ন্দ॒বা ভ॑র । বি॒দাঃ স॑হ॒স্রিণী॒রিষঃ॑ ॥ ৯।০৪০।০৪, ৬।৮।০৩০।০৪

স নঃ॑ পুনা॒ন আ ভ॑র র॒য়িং স্তো॒ত্রে সু॒বীর্য॑ম্ । জ॒রি॒তুর্ব॑র্ধয়া॒ গিরঃ॑ ॥ ৯।০৪০।০৫, ৬।৮।০৩০।০৫

পু॒না॒ন ই॑ন্দ॒বা ভ॑র॒ সোম॑ দ্বি॒বর্হ॑সং র॒য়িম্ । বৃষ॑ন্নিন্দো ন উ॒ক্থ্য॑ম্ ॥ ৯।০৪০।০৬, ৬।৮।০৩০।০৬

[৪১] প্রয়েগাবইতিষডৃচস্য সূক্তস্যকাণ্বোমেধ্যাতিথিঃ পবমানঃ সোমো গায়ত্রী ।

প্র যে গাবো॒ ন ভূর্ণ॑য়স্ত্বে॒ষা অ॒য়াসো॒ অক্র॑মুঃ । ঘ্নন্তঃ॑ কৃ॒ষ্ণামপ॒ ত্বচ॑ম্ ॥ ৯।০৪১।০১, ৬।৮।০৩১।০১

সু॒বি॒তস্য॑ মনাম॒হেঽতি॒ সেতুং॑ দুরা॒ব্য॑ম্ । সা॒হ্বাংসো॒ দস্যু॑মব্র॒তম্ ॥ ৯।০৪১।০২, ৬।৮।০৩১।০২

শৃ॒ণ্বে বৃ॒ষ্টেরি॑ব স্ব॒নঃ পব॑মানস্য শু॒ষ্মিণঃ॑ । চর॑ন্তি বি॒দ্যুতো॑ দি॒বি ॥ ৯।০৪১।০৩, ৬।৮।০৩১।০৩

আ প॑বস্ব ম॒হীমিষং॒ গোম॑দিন্দো॒ হির॑ণ্যবৎ । অশ্বা॑ব॒দ্বাজ॑বৎসু॒তঃ ॥ ৯।০৪১।০৪, ৬।৮।০৩১।০৪

স প॑বস্ব বিচর্ষণ॒ আ ম॒হী রোদ॑সী পৃণ । উ॒ষাঃ সূর্যো॒ ন র॒শ্মিভিঃ॑ ॥ ৯।০৪১।০৫, ৬।৮।০৩১।০৫

পরি॑ ণঃ শর্ম॒য়ন্ত্যা॒ ধার॑য়া সোম বি॒শ্বতঃ॑ । সরা॑ র॒সেব॑ বি॒ষ্টপ॑ম্ ॥ ৯।০৪১।০৬, ৬।৮।০৩১।০৬

[৪২] জনয়ন্নিতিষডৃচস্য সূক্তস্যকাণ্বোমেধ্যাতিথিঃ পবমানঃ সোমো গায়ত্রী ।

জ॒নয়॑ন্রোচ॒না দি॒বো জ॒নয়॑ন্ন॒প্সু সূর্য॑ম্ । বসা॑নো॒ গা অ॒পো হরিঃ॑ ॥ ৯।০৪২।০১, ৬।৮।০৩২।০১

এ॒ষ প্র॒ত্নেন॒ মন্ম॑না দে॒বো দে॒বেভ্য॒স্পরি॑ । ধার॑য়া পবতে সু॒তঃ ॥ ৯।০৪২।০২, ৬।৮।০৩২।০২

বা॒বৃ॒ধা॒নায়॒ তূর্ব॑য়ে॒ পব॑ন্তে॒ বাজ॑সাতয়ে । সোমাঃ॑ স॒হস্র॑পাজসঃ ॥ ৯।০৪২।০৩, ৬।৮।০৩২।০৩

দু॒হা॒নঃ প্র॒ত্নমিৎপয়ঃ॑ প॒বিত্রে॒ পরি॑ ষিচ্যতে । ক্রন্দ॑ন্দে॒বাঁ অ॑জীজনৎ ॥ ৯।০৪২।০৪, ৬।৮।০৩২।০৪

অ॒ভি বিশ্বা॑নি॒ বার্যা॒ভি দে॒বাঁ ঋ॑তা॒বৃধঃ॑ । সোমঃ॑ পুনা॒নো অ॑র্ষতি ॥ ৯।০৪২।০৫, ৬।৮।০৩২।০৫

গোম॑ন্নঃ সোম বী॒রব॒দশ্বা॑ব॒দ্বাজ॑বৎসু॒তঃ । পব॑স্ব বৃহ॒তীরিষঃ॑ ॥ ৯।০৪২।০৬, ৬।৮।০৩২।০৬

[৪৩] যোঅত্যইবেতিষডৃচস্য সূক্তস্যকাণ্বোমেধ্যাতিথিঃ পবমানঃ সোমো গায়ত্রী ।

যো অত্য॑ ইব মৃ॒জ্যতে॒ গোভি॒র্মদা॑য় হর্য॒তঃ । তং গী॒র্ভির্বা॑সয়ামসি ॥ ৯।০৪৩।০১, ৬।৮।০৩৩।০১

তং নো॒ বিশ্বা॑ অব॒স্যুবো॒ গিরঃ॑ শুম্ভন্তি পূ॒র্বথা॑ । ইন্দু॒মিন্দ্রা॑য় পী॒তয়ে॑ ॥ ৯।০৪৩।০২, ৬।৮।০৩৩।০২

পু॒না॒নো যা॑তি হর্য॒তঃ সোমো॑ গী॒র্ভিঃ পরি॑ষ্কৃতঃ । বিপ্র॑স্য॒ মেধ্যা॑তিথেঃ ॥ ৯।০৪৩।০৩, ৬।৮।০৩৩।০৩

পব॑মান বি॒দা র॒য়িম॒স্মভ্যং॑ সোম সু॒শ্রিয়॑ম্ । ইন্দো॑ স॒হস্র॑বর্চসম্ ॥ ৯।০৪৩।০৪, ৬।৮।০৩৩।০৪

ইন্দু॒রত্যো॒ ন বা॑জ॒সৃৎকনি॑ক্রন্তি প॒বিত্র॒ আ । যদক্ষা॒রতি॑ দেব॒য়ুঃ ॥ ৯।০৪৩।০৫, ৬।৮।০৩৩।০৫

পব॑স্ব॒ বাজ॑সাতয়ে॒ বিপ্র॑স্য গৃণ॒তো বৃ॒ধে । সোম॒ রাস্ব॑ সু॒বীর্য॑ম্ ॥ ৯।০৪৩।০৬, ৬।৮।০৩৩।০৬

পবমান পারায়ণ তৃতীয়োধ্যায়ঃ

[৪৪] প্রণইন্দবিতি ষডৃচস্য সূক্তস্যাঙ্গিরসোয়াস্যঃ পবমানঃ সোমো গায়ত্রী ।

প্র ণ॑ ইন্দো ম॒হে তন॑ ঊ॒র্মিং ন বিভ্র॑দর্ষসি । অ॒ভি দে॒বাঁ অ॒য়াস্যঃ॑ ॥ ৯।০৪৪।০১, ৭।১।১।১

ম॒তী জু॒ষ্টো ধি॒য়া হি॒তঃ সোমো॑ হিন্বে পরা॒বতি॑ । বিপ্র॑স্য॒ ধার॑য়া ক॒বিঃ ॥ ৯।০৪৪।০২, ৭।১।১।২

অ॒য়ং দে॒বেষু॒ জাগৃ॑বিঃ সু॒ত এ॑তি প॒বিত্র॒ আ । সোমো॑ যাতি॒ বিচ॑র্ষণিঃ ॥ ৯।০৪৪।০৩, ৭।১।১।৩

স নঃ॑ পবস্ব বাজ॒য়ুশ্চ॑ক্রা॒ণশ্চারু॑মধ্ব॒রম্ । ব॒র্হিষ্মাঁ॒ আ বি॑বাসতি ॥ ৯।০৪৪।০৪, ৭।১।১।৪

স নো॒ ভগা॑য় বা॒য়বে॒ বিপ্র॑বীরঃ স॒দাবৃ॑ধঃ । সোমো॑ দে॒বেষ্বা য॑মৎ ॥ ৯।০৪৪।০৫, ৭।১।১।৫

স নো॑ অ॒দ্য বসু॑ত্তয়ে ক্রতু॒বিদ্গা॑তু॒বিত্ত॑মঃ । বাজং॑ জেষি॒ শ্রবো॑ বৃ॒হৎ ॥ ৯।০৪৪।০৬, ৭।১।১।৬

[৪৫] স পবস্বেতি ষডৃচস্য সূক্তস্যাঙ্গিরসোয়াস্যঃ পবমানঃ সোমো গায়ত্রী ।

স প॑বস্ব॒ মদা॑য়॒ কং নৃ॒চক্ষা॑ দে॒ববী॑তয়ে । ইন্দ॒বিন্দ্রা॑য় পী॒তয়ে॑ ॥ ৯।০৪৫।০১, ৭।১।২।১

স নো॑ অর্ষা॒ভি দূ॒ত্যং১॒॑ ত্বমিন্দ্রা॑য় তোশসে । দে॒বান্ত্সখি॑ভ্য॒ আ বর॑ম্ ॥ ৯।০৪৫।০২, ৭।১।২।২

উ॒ত ত্বাম॑রু॒ণং ব॒য়ং গোভি॑রঞ্জ্মো॒ মদা॑য়॒ কম্ । বি নো॑ রা॒য়ে দুরো॑ বৃধি ॥ ৯।০৪৫।০৩, ৭।১।২।৩

অত্যূ॑ প॒বিত্র॑মক্রমীদ্বা॒জী ধুরং॒ ন যাম॑নি । ইন্দু॑র্দে॒বেষু॑ পত্যতে ॥ ৯।০৪৫।০৪, ৭।১।২।৪

সমী॒ সখা॑য়ো অস্বর॒ন্বনে॒ ক্রীল়॑ন্ত॒মত্য॑বিম্ । ইন্দুং॑ না॒বা অ॑নূষত ॥ ৯।০৪৫।০৫, ৭।১।২।৫

তয়া॑ পবস্ব॒ ধার॑য়া॒ যয়া॑ পী॒তো বি॒চক্ষ॑সে । ইন্দো॑ স্তো॒ত্রে সু॒বীর্য॑ম্ ॥ ৯।০৪৫।০৬, ৭।১।২।৬

[৪৬] অসৃগ্রনিতি ষডৃচস্য সূক্তস্যাঙ্গিরসোয়াস্যঃ পবমানঃ সোমো গায়ত্রী ।

অসৃ॑গ্রন্দে॒ববী॑ত॒য়েঽত্যা॑সঃ॒ কৃত্ব্যা॑ ইব । ক্ষর॑ন্তঃ পর্বতা॒বৃধঃ॑ ॥ ৯।০৪৬।০১, ৭।১।৩।১

পরি॑ষ্কৃতাস॒ ইন্দ॑বো॒ যোষে॑ব॒ পিত্র্যা॑বতী । বা॒য়ুং সোমা॑ অসৃক্ষত ॥ ৯।০৪৬।০২, ৭।১।৩।২

এ॒তে সোমা॑স॒ ইন্দ॑বঃ॒ প্রয়॑স্বন্তশ্চ॒মূ সু॒তাঃ । ইন্দ্রং॑ বর্ধন্তি॒ কর্ম॑ভিঃ ॥ ৯।০৪৬।০৩, ৭।১।৩।৩

আ ধা॑বতা সুহস্ত্যঃ শু॒ক্রা গৃ॑ভ্ণীত ম॒ন্থিনা॑ । গোভিঃ॑ শ্রীণীত মৎস॒রম্ ॥ ৯।০৪৬।০৪, ৭।১।৩।৪

স প॑বস্ব ধনঞ্জয় প্রয়॒ন্তা রাধ॑সো ম॒হঃ । অ॒স্মভ্যং॑ সোম গাতু॒বিৎ ॥ ৯।০৪৬।০৫, ৭।১।৩।৫

এ॒তং মৃ॑জন্তি॒ মর্জ্যং॒ পব॑মানং॒ দশ॒ ক্ষিপঃ॑ । ইন্দ্রা॑য় মৎস॒রং মদ॑ম্ ॥ ৯।০৪৬।০৬, ৭।১।৩।৬

[৪৭] অয়াসোমইতি পঞ্চর্চস্য সূক্তস্য ভার্গবঃকবিঃ পবমানঃ সোমো গায়ত্রী

অ॒য়া সোমঃ॑ সুকৃ॒ত্যযা॑ ম॒হশ্চি॑দ॒ভ্য॑বর্ধত । ম॒ন্দা॒ন উদ্বৃ॑ষায়তে ॥ ৯।০৪৭।০১, ৭।১।৪।১

কৃ॒তানীদ॑স্য॒ কর্ত্বা॒ চেত॑ন্তে দস্যু॒তর্হ॑ণা । ঋ॒ণা চ॑ ধৃ॒ষ্ণুশ্চ॑য়তে ॥ ৯।০৪৭।০২, ৭।১।৪।২

আৎসোম॑ ইন্দ্রি॒য়ো রসো॒ বজ্রঃ॑ সহস্র॒সা ভু॑বৎ । উ॒ক্থং যদ॑স্য॒ জায়॑তে ॥ ৯।০৪৭।০৩, ৭।১।৪।৩

স্ব॒য়ং ক॒বির্বি॑ধ॒র্তরি॒ বিপ্রা॑য়॒ রত্ন॑মিচ্ছতি । যদী॑ মর্মৃ॒জ্যতে॒ ধিয়ঃ॑ ॥ ৯।০৪৭।০৪, ৭।১।৪।৪

সি॒ষা॒সতূ॑ রয়ী॒ণাং বাজে॒ষ্বর্ব॑তামিব । ভরে॑ষু জি॒গ্যুষা॑মসি ॥ ৯।০৪৭।০৫, ৭।১।৪।৫

[৪৮] তন্ত্বেতি পঞ্চর্চস্য সূক্তস্য ভার্গবঃকবিঃ পবমানঃ সোমো গায়ত্রী ।

তং ত্বা॑ নৃ॒ম্ণানি॒ বিভ্র॑তং স॒ধস্থে॑ষু ম॒হো দি॒বঃ । চারুং॑ সুকৃ॒ত্যযে॑মহে ॥ ৯।০৪৮।০১, ৭।১।৫।১

সংবৃ॑ক্তধৃষ্ণুমু॒ক্থ্যং॑ ম॒হাম॑হিব্রতং॒ মদ॑ম্ । শ॒তং পুরো॑ রুরু॒ক্ষণি॑ম্ ॥ ৯।০৪৮।০২, ৭।১।৫।২

অত॑স্ত্বা র॒য়িম॒ভি রাজা॑নং সুক্রতো দি॒বঃ । সু॒প॒র্ণো অ॑ব্য॒থির্ভ॑রৎ ॥ ৯।০৪৮।০৩, ৭।১।৫।৩

বিশ্ব॑স্মা॒ ইৎস্ব॑র্দৃ॒শে সাধা॑রণং রজ॒স্তুর॑ম্ । গো॒পামৃ॒তস্য॒ বির্ভ॑রৎ ॥ ৯।০৪৮।০৪, ৭।১।৫।৪

অধা॑ হিন্বা॒ন ই॑ন্দ্রি॒য়ং জ্যায়ো॑ মহি॒ত্বমা॑নশে । অ॒ভি॒ষ্টি॒কৃদ্বিচ॑র্ষণিঃ ॥ ৯।০৪৮।০৫, ৭।১।৫।৫

[৪৯] পবস্বেতি পঞ্চর্চস্য সূক্তস্য ভার্গবঃকবিঃ পবমানঃ সোমো গায়ত্রী ।

পব॑স্ব বৃ॒ষ্টিমা সু নো॒ঽপামূ॒র্মিং দি॒বস্পরি॑ । অ॒য়॒ক্ষ্মা বৃ॑হ॒তীরিষঃ॑ ॥ ৯।০৪৯।০১, ৭।১।৬।১

তয়া॑ পবস্ব॒ ধার॑য়া॒ যয়া॒ গাব॑ ই॒হাগম॑ন্ । জন্যা॑স॒ উপ॑ নো গৃ॒হম্ ॥ ৯।০৪৯।০২, ৭।১।৬।২

ঘৃ॒তং প॑বস্ব॒ ধার॑য়া য॒জ্ঞেষু॑ দেব॒বীত॑মঃ । অ॒স্মভ্যং॑ বৃ॒ষ্টিমা প॑ব ॥ ৯।০৪৯।০৩, ৭।১।৬।৩

স ন॑ ঊ॒র্জে ব্য১॒॑ব্যযং॑ প॒বিত্রং॑ ধাব॒ ধার॑য়া । দে॒বাসঃ॑ শৃ॒ণব॒ন্হি ক॑ম্ ॥ ৯।০৪৯।০৪, ৭।১।৬।৪

পব॑মানো অসিষ্যদ॒দ্রক্ষাং॑স্যপ॒জঙ্ঘ॑নৎ । প্র॒ত্ন॒বদ্রো॒চয়॒ন্রুচঃ॑ ॥ ৯।০৪৯।০৫, ৭।১।৬।৫

[৫০] উত্তেশুষ্মাসইতি পঞ্চর্চস্য সূক্তস্যাঙ্গিরস উচথ্যঃ পবমানঃ সোমোগায়ত্রী ।

উত্তে॒ শুষ্মা॑স ঈরতে॒ সিন্ধো॑রূ॒র্মেরি॑ব স্ব॒নঃ । বা॒ণস্য॑ চোদয়া প॒বিম্ ॥ ৯।০৫০।০১, ৭।১।৭।১

প্র॒স॒বে ত॒ উদী॑রতে তি॒স্রো বাচো॑ মখ॒স্যুবঃ॑ । যদব্য॒ এষি॒ সান॑বি ॥ ৯।০৫০।০২, ৭।১।৭।২

অব্যো॒ বারে॒ পরি॑ প্রি॒য়ং হরিং॑ হিন্ব॒ন্ত্যদ্রি॑ভিঃ । পব॑মানং মধু॒শ্চুত॑ম্ ॥ ৯।০৫০।০৩, ৭।১।৭।৩

আ প॑বস্ব মদিন্তম প॒বিত্রং॒ ধার॑য়া কবে । অ॒র্কস্য॒ যোনি॑মা॒সদ॑ম্ ॥ ৯।০৫০।০৪, ৭।১।৭।৪

স প॑বস্ব মদিন্তম॒ গোভি॑রঞ্জা॒নো অ॒ক্তুভিঃ॑ । ইন্দ॒বিন্দ্রা॑য় পী॒তয়ে॑ ॥ ৯।০৫০।০৫, ৭।১।৭।৫

[৫১] অধ্বর্যবিতি পঞ্চর্চস্য সূক্তস্যাঙ্গিরস উচথ্যঃ পবমানঃ সোমোগায়ত্রী ।

অধ্ব॑র্যো॒ অদ্রি॑ভিঃ সু॒তং সোমং॑ প॒বিত্র॒ আ সৃ॑জ । পু॒নী॒হীন্দ্রা॑য়॒ পাত॑বে ॥ ৯।০৫১।০১, ৭।১।৮।১

দি॒বঃ পী॒য়ূষ॑মুত্ত॒মং সোম॒মিন্দ্রা॑য় ব॒জ্রিণে॑ । সু॒নোতা॒ মধু॑মত্তমম্ ॥ ৯।০৫১।০২, ৭।১।৮।২

তব॒ ত্য ই॑ন্দো॒ অন্ধ॑সো দে॒বা মধো॒র্ব্য॑শ্নতে । পব॑মানস্য ম॒রুতঃ॑ ॥ ৯।০৫১।০৩, ৭।১।৮।৩

ত্বং হি সো॑ম ব॒র্ধয়॑ন্ত্সু॒তো মদা॑য়॒ ভূর্ণ॑য়ে । বৃষ॑ন্ত্স্তো॒তার॑মূ॒তয়ে॑ ॥ ৯।০৫১।০৪, ৭।১।৮।৪

অ॒ভ্য॑র্ষ বিচক্ষণ প॒বিত্রং॒ ধার॑য়া সু॒তঃ । অ॒ভি বাজ॑মু॒ত শ্রবঃ॑ ॥ ৯।০৫১।০৫, ৭।১।৮।৫

[৫২] পরিদ্যুক্ষইতি পঞ্চর্চস্য সূক্তস্যাঙ্গিরস উচথ্যঃ পবমানঃ সোমোগায়ত্রী ।

পরি॑ দ্যু॒ক্ষঃ স॒নদ্র॑য়ি॒র্ভর॒দ্বাজং॑ নো॒ অন্ধ॑সা । সু॒বা॒নো অ॑র্ষ প॒বিত্র॒ আ ॥ ৯।০৫২।০১, ৭।১।৯।১

তব॑ প্র॒ত্নেভি॒রধ্ব॑ভি॒রব্যো॒ বারে॒ পরি॑ প্রি॒য়ঃ । স॒হস্র॑ধারো যা॒ত্তনা॑ ॥ ৯।০৫২।০২, ৭।১।৯।২

চ॒রুর্ন যস্তমী॑ঙ্খ॒য়েন্দো॒ ন দান॑মীঙ্খয় । ব॒ধৈর্ব॑ধস্নবীঙ্খয় ॥ ৯।০৫২।০৩, ৭।১।৯।৩

নি শুষ্ম॑মিন্দবেষাং॒ পুরু॑হূত॒ জনা॑নাম্ । যো অ॒স্মাঁ আ॒দিদে॑শতি ॥ ৯।০৫২।০৪, ৭।১।৯।৪

শ॒তং ন॑ ইন্দ ঊ॒তিভিঃ॑ স॒হস্রং॑ বা॒ শুচী॑নাম্ । পব॑স্ব মংহ॒য়দ্র॑য়িঃ ॥ ৯।০৫২।০৫, ৭।১।৯।৫

[৫৩] উত্তেশুষ্মাসইতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

উত্তে॒ শুষ্মা॑সো অস্থূ॒ রক্ষো॑ ভি॒ন্দন্তো॑ অদ্রিবঃ । নু॒দস্ব॒ যাঃ প॑রি॒স্পৃধঃ॑ ॥ ৯।০৫৩।০১, ৭।১।০১০।০১

অ॒য়া নি॑জ॒ঘ্নিরোজ॑সা রথসঙ্॒গে ধনে॑ হি॒তে । স্তবা॒ অবি॑ভ্যুষা হৃ॒দা ॥ ৯।০৫৩।০২, ৭।১।০১০।০২

অস্য॑ ব্র॒তানি॒ নাধৃষে॒ পব॑মানস্য দূ॒ঢ্যা॑ । রু॒জ যস্ত্বা॑ পৃত॒ন্যতি॑ ॥ ৯।০৫৩।০৩, ৭।১।০১০।০৩

তং হি॑ন্বন্তি মদ॒চ্যুতং॒ হরিং॑ ন॒দীষু॑ বা॒জিন॑ম্ । ইন্দু॒মিন্দ্রা॑য় মৎস॒রম্ ॥ ৯।০৫৩।০৪, ৭।১।০১০।০৪

[৫৪] অস্যপ্রত্নামিতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

অ॒স্য প্র॒ত্নামনু॒ দ্যুতং॑ শু॒ক্রং দু॑দুহ্রে॒ অহ্র॑য়ঃ । পয়ঃ॑ সহস্র॒সামৃষি॑ম্ ॥ ৯।০৫৪।০১, ৭।১।০১১।০১

অ॒য়ং সূর্য॑ ইবোপ॒দৃগ॒য়ং সরাং॑সি ধাবতি । স॒প্ত প্র॒বত॒ আ দিব॑ম্ ॥ ৯।০৫৪।০২, ৭।১।০১১।০২

অ॒য়ং বিশ্বা॑নি তিষ্ঠতি পুনা॒নো ভুব॑নো॒পরি॑ । সোমো॑ দে॒বো ন সূর্যঃ॑ ॥ ৯।০৫৪।০৩, ৭।১।০১১।০৩

পরি॑ ণো দে॒ববী॑তয়ে॒ বাজাঁ॑ অর্ষসি॒ গোম॑তঃ । পু॒না॒ন ই॑ন্দবিন্দ্র॒য়ুঃ ॥ ৯।০৫৪।০৪, ৭।১।০১১।০৪

[৫৫] যবংয়বমিতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

যবং॑য়বং নো॒ অন্ধ॑সা পু॒ষ্টম্পু॑ষ্টং॒ পরি॑ স্রব । সোম॒ বিশ্বা॑ চ॒ সৌভ॑গা ॥ ৯।০৫৫।০১, ৭।১।০১২।০১

ইন্দো॒ যথা॒ তব॒ স্তবো॒ যথা॑ তে জা॒তমন্ধ॑সঃ । নি ব॒র্হিষি॑ প্রি॒য়ে স॑দঃ ॥ ৯।০৫৫।০২, ৭।১।০১২।০২

উ॒ত নো॑ গো॒বিদ॑শ্ব॒বিৎপব॑স্ব সো॒মান্ধ॑সা । ম॒ক্ষূত॑মেভি॒রহ॑ভিঃ ॥ ৯।০৫৫।০৩, ৭।১।০১২।০৩

যো জি॒নাতি॒ ন জীয়॑তে॒ হন্তি॒ শত্রু॑ম॒ভীত্য॑ । স প॑বস্ব সহস্রজিৎ ॥ ৯।০৫৫।০৪, ৭।১।০১২।০৪

[৫৬] পরিসোমইতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

পরি॒ সোম॑ ঋ॒তং বৃ॒হদা॒শুঃ প॒বিত্রে॑ অর্ষতি । বি॒ঘ্নন্রক্ষাং॑সি দেব॒য়ুঃ ॥ ৯।০৫৬।০১, ৭।১।০১৩।০১

যৎসোমো॒ বাজ॒মর্ষ॑তি শ॒তং ধারা॑ অপ॒স্যুবঃ॑ । ইন্দ্র॑স্য স॒খ্যমা॑বি॒শন্ ॥ ৯।০৫৬।০২, ৭।১।০১৩।০২

অ॒ভি ত্বা॒ যোষ॑ণো॒ দশ॑ জা॒রং ন ক॒ন্যা॑নূষত । মৃ॒জ্যসে॑ সোম সা॒তয়ে॑ ॥ ৯।০৫৬।০৩, ৭।১।০১৩।০৩

ত্বমিন্দ্রা॑য়॒ বিষ্ণ॑বে স্বা॒দুরি॑ন্দো॒ পরি॑ স্রব । নৄন্ত্স্তো॒তৄন্পা॒হ্যংহ॑সঃ ॥ ৯।০৫৬।০৪, ৭।১।০১৩।০৪

[৫৭] প্রতেধারাইতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

প্র তে॒ ধারা॑ অস॒শ্চতো॑ দি॒বো ন য॑ন্তি বৃ॒ষ্টয়ঃ॑ । অচ্ছা॒ বাজং॑ সহ॒স্রিণ॑ম্ ॥ ৯।০৫৭।০১, ৭।১।০১৪।০১

অ॒ভি প্রি॒য়াণি॒ কাব্যা॒ বিশ্বা॒ চক্ষা॑ণো অর্ষতি । হরি॑স্তুঞ্জা॒ন আয়ু॑ধা ॥ ৯।০৫৭।০২, ৭।১।০১৪।০২

স ম॑র্মৃজা॒ন আ॒য়ুভি॒রিভো॒ রাজে॑ব সুব্র॒তঃ । শ্যে॒নো ন বংসু॑ ষীদতি ॥ ৯।০৫৭।০৩, ৭।১।০১৪।০৩

স নো॒ বিশ্বা॑ দি॒বো বসূ॒তো পৃ॑থি॒ব্যা অধি॑ । পু॒না॒ন ই॑ন্দ॒বা ভ॑র ॥ ৯।০৫৭।০৪, ৭।১।০১৪।০৪

[৫৮] তরৎসমন্দীতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

তর॒ৎস ম॒ন্দী ধা॑বতি॒ ধারা॑ সু॒তস্যান্ধ॑সঃ । তর॒ৎস ম॒ন্দী ধা॑বতি ॥ ৯।০৫৮।০১, ৭।১।০১৫।০১

উ॒স্রা বে॑দ॒ বসূ॑নাং॒ মর্ত॑স্য দে॒ব্যব॑সঃ । তর॒ৎস ম॒ন্দী ধা॑বতি ॥ ৯।০৫৮।০২, ৭।১।০১৫।০২

ধ্ব॒স্রয়োঃ॑ পুরু॒ষন্ত্যো॒রা স॒হস্রা॑ণি দদ্মহে । তর॒ৎস ম॒ন্দী ধা॑বতি ॥ ৯।০৫৮।০৩, ৭।১।০১৫।০৩

আ যয়ো॑স্ত্রিং॒শতং॒ তনা॑ স॒হস্রা॑ণি চ॒ দদ্ম॑হে । তর॒ৎস ম॒ন্দী ধা॑বতি ॥ ৯।০৫৮।০৪, ৭।১।০১৫।০৪

[৫৯] পবস্বেতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী ।

পব॑স্ব গো॒জিদ॑শ্ব॒জিদ্বি॑শ্ব॒জিৎসো॑ম রণ্য॒জিৎ । প্র॒জাব॒দ্রত্ন॒মা ভ॑র ॥ ৯।০৫৯।০১, ৭।১।০১৬।০১

পব॑স্বা॒দ্ভ্যো অদা॑ভ্যঃ॒ পব॒স্বৌষ॑ধীভ্যঃ । পব॑স্ব ধি॒ষণা॑ভ্যঃ ॥ ৯।০৫৯।০২, ৭।১।০১৬।০২

ত্বং সো॑ম॒ পব॑মানো॒ বিশ্বা॑নি দুরি॒তা ত॑র । ক॒বিঃ সী॑দ॒ নি ব॒র্হিষি॑ ॥ ৯।০৫৯।০৩, ৭।১।০১৬।০৩

পব॑মান॒ স্ব॑র্বিদো॒ জায়॑মানোঽভবো ম॒হান্ । ইন্দো॒ বিশ্বাঁ॑ অ॒ভীদ॑সি ॥ ৯।০৫৯।০৪, ৭।১।০১৬।০৪

[৬০] প্রগায়ত্রেণেতি চতুরৃচস্য সূক্তস্য কাশ্যপোবৎসারঃ পবমানঃ সোমোগায়ত্রী তৃতীয়াপুরউষ্ণিক্

প্র গা॑য়॒ত্রেণ॑ গায়ত॒ পব॑মানং॒ বিচ॑র্ষণিম্ । ইন্দুং॑ স॒হস্র॑চক্ষসম্ ॥ ৯।০৬০।০১, ৭।১।০১৭।০১

তং ত্বা॑ স॒হস্র॑চক্ষস॒মথো॑ স॒হস্র॑ভর্ণসম্ । অতি॒ বার॑মপাবিষুঃ ॥ ৯।০৬০।০২, ৭।১।০১৭।০২

অতি॒ বারা॒ন্পব॑মানো অসিষ্যদৎক॒লশাঁ॑ অ॒ভি ধা॑বতি । ইন্দ্র॑স্য॒ হার্দ্যা॑বি॒শন্ ॥ ৯।০৬০।০৩, ৭।১।০১৭।০৩

ইন্দ্র॑স্য সোম॒ রাধ॑সে॒ শং প॑বস্ব বিচর্ষণে । প্র॒জাব॒দ্রেত॒ আ ভ॑র ॥ ৯।০৬০।০৪, ৭।১।০১৭।০৪

[৬১] অয়াবীতীতি ত্রিংশদৃচস্য সূক্তস্যাঙ্গিরসোঽমহীয়ুঃ পবমানঃ সোমো গায়ত্রী ।

অ॒য়া বী॒তী পরি॑ স্রব॒ যস্ত॑ ইন্দো॒ মদে॒ষ্বা । অ॒বাহ॑ন্নব॒তীর্নব॑ ॥ ৯।০৬১।০১, ৭।১।০১৮।০১

পুরঃ॑ স॒দ্য ই॒ত্থাধি॑য়ে॒ দিবো॑দাসায়॒ শম্ব॑রম্ । অধ॒ ত্যং তু॒র্বশং॒ যদু॑ম্ ॥ ৯।০৬১।০২, ৭।১।০১৮।০২

পরি॑ ণো॒ অশ্ব॑মশ্ব॒বিদ্গোম॑দিন্দো॒ হির॑ণ্যবৎ । ক্ষরা॑ সহ॒স্রিণী॒রিষঃ॑ ॥ ৯।০৬১।০৩, ৭।১।০১৮।০৩

পব॑মানস্য তে ব॒য়ং প॒বিত্র॑মভ্যুন্দ॒তঃ । স॒খি॒ত্বমা বৃ॑ণীমহে ॥ ৯।০৬১।০৪, ৭।১।০১৮।০৪

যে তে॑ প॒বিত্র॑মূ॒র্ময়ো॑ঽভি॒ক্ষর॑ন্তি॒ ধার॑য়া । তেভি॑র্নঃ সোম মৃল়য় ॥ ৯।০৬১।০৫, ৭।১।০১৮।০৫

স নঃ॑ পুনা॒ন আ ভ॑র র॒য়িং বী॒রব॑তী॒মিষ॑ম্ । ঈশা॑নঃ সোম বি॒শ্বতঃ॑ ॥ ৯।০৬১।০৬, ৭।১।০১৯।০১

এ॒তমু॒ ত্যং দশ॒ ক্ষিপো॑ মৃ॒জন্তি॒ সিন্ধু॑মাতরম্ । সমা॑দি॒ত্যেভি॑রখ্যত ॥ ৯।০৬১।০৭, ৭।১।০১৯।০২

সমিন্দ্রে॑ণো॒ত বা॒য়ুনা॑ সু॒ত এ॑তি প॒বিত্র॒ আ । সং সূর্য॑স্য র॒শ্মিভিঃ॑ ॥ ৯।০৬১।০৮, ৭।১।০১৯।০৩

স নো॒ ভগা॑য় বা॒য়বে॑ পূ॒ষ্ণে প॑বস্ব॒ মধু॑মান্ । চারু॑র্মি॒ত্রে বরু॑ণে চ ॥ ৯।০৬১।০৯, ৭।১।০১৯।০৪

উ॒চ্চা তে॑ জা॒তমন্ধ॑সো দি॒বি ষদ্ভূম্যা দ॑দে । উ॒গ্রং শর্ম॒ মহি॒ শ্রবঃ॑ ॥ ৯।০৬১।১০, ৭।১।০১৯।০৫

এ॒না বিশ্বা॑ন্য॒র্য আ দ্যু॒ম্নানি॒ মানু॑ষাণাম্ । সিষা॑সন্তো বনামহে ॥ ৯।০৬১।১১, ৭।১।০২০।০১

স ন॒ ইন্দ্রা॑য়॒ যজ্য॑বে॒ বরু॑ণায় ম॒রুদ্ভ্যঃ॑ । ব॒রি॒বো॒বিৎপরি॑ স্রব ॥ ৯।০৬১।১২, ৭।১।০২০।০২

উপো॒ ষু জা॒তম॒প্তুরং॒ গোভি॑র্ভ॒ঙ্গং পরি॑ষ্কৃতম্ । ইন্দুং॑ দে॒বা অ॑য়াসিষুঃ ॥ ৯।০৬১।১৩, ৭।১।০২০।০৩

তমিদ্ব॑র্ধন্তু নো॒ গিরো॑ ব॒ৎসং সং॒শিশ্ব॑রীরিব । য ইন্দ্র॑স্য হৃদং॒সনিঃ॑ ॥ ৯।০৬১।১৪, ৭।১।০২০।০৪

অর্ষা॑ ণঃ সোম॒ শং গবে॑ ধু॒ক্ষস্ব॑ পি॒প্যুষী॒মিষ॑ম্ । বর্ধা॑ সমু॒দ্রমু॒ক্থ্য॑ম্ ॥ ৯।০৬১।১৫, ৭।১।০২০।০৫

পব॑মানো অজীজনদ্দি॒বশ্চি॒ত্রং ন ত॑ন্য॒তুম্ । জ্যোতি॑র্বৈশ্বান॒রং বৃ॒হৎ ॥ ৯।০৬১।১৬, ৭।১।০২১।০১

পব॑মানস্য তে॒ রসো॒ মদো॑ রাজন্নদুচ্ছু॒নঃ । বি বার॒মব্য॑মর্ষতি ॥ ৯।০৬১।১৭, ৭।১।০২১।০২

পব॑মান॒ রস॒স্তব॒ দক্ষো॒ বি রা॑জতি দ্যু॒মান্ । জ্যোতি॒র্বিশ্বং॒ স্ব॑র্দৃ॒শে ॥ ৯।০৬১।১৮, ৭।১।০২১।০৩

যস্তে॒ মদো॒ বরে॑ণ্য॒স্তেনা॑ পব॒স্বান্ধ॑সা । দে॒বা॒বীর॑ঘশংস॒হা ॥ ৯।০৬১।১৯, ৭।১।০২১।০৪

জঘ্নি॑র্বৃ॒ত্রম॑মি॒ত্রিয়ং॒ সস্নি॒র্বাজং॑ দি॒বেদি॑বে । গো॒ষা উ॑ অশ্ব॒সা অ॑সি ॥ ৯।০৬১।২০, ৭।১।০২১।০৫

সম্মি॑শ্লো অরু॒ষো ভ॑ব সূপ॒স্থাভি॒র্ন ধে॒নুভিঃ॑ । সীদ॑ঞ্ছ্যে॒নো ন যোনি॒মা ॥ ৯।০৬১।২১, ৭।১।০২২।০১

স প॑বস্ব॒ য আবি॒থেন্দ্রং॑ বৃ॒ত্রায়॒ হন্ত॑বে । ব॒ব্রি॒বাংসং॑ ম॒হীর॒পঃ ॥ ৯।০৬১।২২, ৭।১।০২২।০২

সু॒বীরা॑সো ব॒য়ং ধনা॒ জয়ে॑ম সোম মীঢ্বঃ । পু॒না॒নো ব॑র্ধ নো॒ গিরঃ॑ ॥ ৯।০৬১।২৩, ৭।১।০২২।০৩

ত্বোতা॑স॒স্তবাব॑সা॒ স্যাম॑ ব॒ন্বন্ত॑ আ॒মুরঃ॑ । সোম॑ ব্র॒তেষু॑ জাগৃহি ॥ ৯।০৬১।২৪, ৭।১।০২২।০৪

অ॒প॒ঘ্নন্প॑বতে॒ মৃধোঽপ॒ সোমো॒ অরা॑ব্ণঃ । গচ্ছ॒ন্নিন্দ্র॑স্য নিষ্কৃ॒তম্ ॥ ৯।০৬১।২৫, ৭।১।০২২।০৫

ম॒হো নো॑ রা॒য় আ ভ॑র॒ পব॑মান জ॒হী মৃধঃ॑ । রাস্বে॑ন্দো বী॒রব॒দ্যশঃ॑ ॥ ৯।০৬১।২৬, ৭।১।০২৩।০১

ন ত্বা॑ শ॒তং চ॒ন হ্রুতো॒ রাধো॒ দিৎস॑ন্ত॒মা মি॑নন্ । যৎপু॑না॒নো ম॑খ॒স্যসে॑ ॥ ৯।০৬১।২৭, ৭।১।০২৩।০২

পব॑স্বেন্দো॒ বৃষা॑ সু॒তঃ কৃ॒ধী নো॑ য॒শসো॒ জনে॑ । বিশ্বা॒ অপ॒ দ্বিষো॑ জহি ॥ ৯।০৬১।২৮, ৭।১।০২৩।০৩

অস্য॑ তে স॒খ্যে ব॒য়ং তবে॑ন্দো দ্যু॒ম্ন উ॑ত্ত॒মে । সা॒স॒হ্যাম॑ পৃতন্য॒তঃ ॥ ৯।০৬১।২৯, ৭।১।০২৩।০৪

যা তে॑ ভী॒মান্যায়ু॑ধা তি॒গ্মানি॒ সন্তি॒ ধূর্ব॑ণে । রক্ষা॑ সমস্য নো নি॒দঃ ॥ ৯।০৬১।৩০, ৭।১।০২৩।০৫

[৬২] এতেঅসৃগ্রমিতি ত্রিংশদৃচস্য সূক্তস্য ভার্গবোজমদগ্নিঃ পবমানঃ সোমো গায়ত্রী ।

এ॒তে অ॑সৃগ্র॒মিন্দ॑বস্তি॒রঃ প॒বিত্র॑মা॒শবঃ॑ । বিশ্বা॑ন্য॒ভি সৌভ॑গা ॥ ৯।০৬২।০১, ৭।১।০২৪।০১

বি॒ঘ্নন্তো॑ দুরি॒তা পু॒রু সু॒গা তো॒কায়॑ বা॒জিনঃ॑ । তনা॑ কৃ॒ণ্বন্তো॒ অর্ব॑তে ॥ ৯।০৬২।০২, ৭।১।০২৪।০২

কৃ॒ণ্বন্তো॒ বরি॑বো॒ গবে॒ঽভ্য॑র্ষন্তি সুষ্টু॒তিম্ । ইল়া॑ম॒স্মভ্যং॑ সং॒য়ত॑ম্ ॥ ৯।০৬২।০৩, ৭।১।০২৪।০৩

অসা॑ব্যং॒শুর্মদা॑য়া॒প্সু দক্ষো॑ গিরি॒ষ্ঠাঃ । শ্যে॒নো ন যোনি॒মাস॑দৎ ॥ ৯।০৬২।০৪, ৭।১।০২৪।০৪

শু॒ভ্রমন্ধো॑ দে॒ববা॑তম॒প্সু ধূ॒তো নৃভিঃ॑ সু॒তঃ । স্বদ॑ন্তি॒ গাবঃ॒ পয়ো॑ভিঃ ॥ ৯।০৬২।০৫, ৭।১।০২৪।০৫

আদী॒মশ্বং॒ ন হেতা॒রোঽশূ॑শুভন্ন॒মৃতা॑য় । মধ্বো॒ রসং॑ সধ॒মাদে॑ ॥ ৯।০৬২।০৬, ৭।১।০২৫।০১

যাস্তে॒ ধারা॑ মধু॒শ্চুতোঽসৃ॑গ্রমিন্দ ঊ॒তয়ে॑ । তাভিঃ॑ প॒বিত্র॒মাস॑দঃ ॥ ৯।০৬২।০৭, ৭।১।০২৫।০২

সো অ॒র্ষেন্দ্রা॑য় পী॒তয়ে॑ তি॒রো রোমা॑ণ্য॒ব্যযা॑ । সীদ॒ন্যোনা॒ বনে॒ষ্বা ॥ ৯।০৬২।০৮, ৭।১।০২৫।০৩

ত্বমি॑ন্দো॒ পরি॑ স্রব॒ স্বাদি॑ষ্ঠো॒ অঙ্গি॑রোভ্যঃ । ব॒রি॒বো॒বিদ্ঘৃ॒তং পয়ঃ॑ ॥ ৯।০৬২।০৯, ৭।১।০২৫।০৪

অ॒য়ং বিচ॑র্ষণির্হি॒তঃ পব॑মানঃ॒ স চে॑ততি । হি॒ন্বা॒ন আপ্যং॑ বৃ॒হৎ ॥ ৯।০৬২।১০, ৭।১।০২৫।০৫

এ॒ষ বৃষা॒ বৃষ॑ব্রতঃ॒ পব॑মানো অশস্তি॒হা । কর॒দ্বসূ॑নি দা॒শুষে॑ ॥ ৯।০৬২।১১, ৭।১।০২৬।০১

আ প॑বস্ব সহ॒স্রিণং॑ র॒য়িং গোম॑ন্তম॒শ্বিন॑ম্ । পু॒রু॒শ্চ॒ন্দ্রং পু॑রু॒স্পৃহ॑ম্ ॥ ৯।০৬২।১২, ৭।১।০২৬।০২

এ॒ষ স্য পরি॑ ষিচ্যতে মর্মৃ॒জ্যমা॑ন আ॒য়ুভিঃ॑ । উ॒রু॒গা॒য়ঃ ক॒বিক্র॑তুঃ ॥ ৯।০৬২।১৩, ৭।১।০২৬।০৩

স॒হস্রো॑তিঃ শ॒তাম॑ঘো বি॒মানো॒ রজ॑সঃ ক॒বিঃ । ইন্দ্রা॑য় পবতে॒ মদঃ॑ ॥ ৯।০৬২।১৪, ৭।১।০২৬।০৪

গি॒রা জা॒ত ই॒হ স্তু॒ত ইন্দু॒রিন্দ্রা॑য় ধীয়তে । বির্যোনা॑ বস॒তাবি॑ব ॥ ৯।০৬২।১৫, ৭।১।০২৬।০৫

পব॑মানঃ সু॒তো নৃভিঃ॒ সোমো॒ বাজ॑মিবাসরৎ । চ॒মূষু॒ শক্ম॑না॒সদ॑ম্ ॥ ৯।০৬২।১৬, ৭।১।০২৭।০১

তং ত্রি॑পৃ॒ষ্ঠে ত্রি॑বন্ধু॒রে রথে॑ যুঞ্জন্তি॒ যাত॑বে । ঋষী॑ণাং স॒প্ত ধী॒তিভিঃ॑ ॥ ৯।০৬২।১৭, ৭।১।০২৭।০২

তং সো॑তারো ধন॒স্পৃত॑মা॒শুং বাজা॑য়॒ যাত॑বে । হরিং॑ হিনোত বা॒জিন॑ম্ ॥ ৯।০৬২।১৮, ৭।১।০২৭।০৩

আ॒বি॒শন্ক॒লশং॑ সু॒তো বিশ্বা॒ অর্ষ॑ন্ন॒ভি শ্রিয়ঃ॑ । শূরো॒ ন গোষু॑ তিষ্ঠতি ॥ ৯।০৬২।১৯, ৭।১।০২৭।০৪

আ ত॑ ইন্দো॒ মদা॑য়॒ কং পয়ো॑ দুহন্ত্যা॒য়বঃ॑ । দে॒বা দে॒বেভ্যো॒ মধু॑ ॥ ৯।০৬২।২০, ৭।১।০২৭।০৫

আ নঃ॒ সোমং॑ প॒বিত্র॒ আ সৃ॒জতা॒ মধু॑মত্তমম্ । দে॒বেভ্যো॑ দেব॒শ্রুত্ত॑মম্ ॥ ৯।০৬২।২১, ৭।১।০২৮।০১

এ॒তে সোমা॑ অসৃক্ষত গৃণা॒নাঃ শ্রব॑সে ম॒হে । ম॒দিন্ত॑মস্য॒ ধার॑য়া ॥ ৯।০৬২।২২, ৭।১।০২৮।০২

অ॒ভি গব্যা॑নি বী॒তয়ে॑ নৃ॒ম্ণা পু॑না॒নো অ॑র্ষসি । স॒নদ্বা॑জঃ॒ পরি॑ স্রব ॥ ৯।০৬২।২৩, ৭।১।০২৮।০৩

উ॒ত নো॒ গোম॑তী॒রিষো॒ বিশ্বা॑ অর্ষ পরি॒ষ্টুভঃ॑ । গৃ॒ণা॒নো জ॒মদ॑গ্নিনা ॥ ৯।০৬২।২৪, ৭।১।০২৮।০৪

পব॑স্ব বা॒চো অ॑গ্রি॒য়ঃ সোম॑ চি॒ত্রাভি॑রূ॒তিভিঃ॑ । অ॒ভি বিশ্বা॑নি॒ কাব্যা॑ ॥ ৯।০৬২।২৫, ৭।১।০২৮।০৫

ত্বং স॑মু॒দ্রিয়া॑ অ॒পো॑ঽগ্রি॒য়ো বাচ॑ ঈ॒রয়॑ন্ । পব॑স্ব বিশ্বমেজয় ॥ ৯।০৬২।২৬, ৭।১।০২৯।০১

তুভ্যে॒মা ভুব॑না কবে মহি॒ম্নে সো॑ম তস্থিরে । তুভ্য॑মর্ষন্তি॒ সিন্ধ॑বঃ ॥ ৯।০৬২।২৭, ৭।১।০২৯।০২

প্র তে॑ দি॒বো ন বৃ॒ষ্টয়ো॒ ধারা॑ যন্ত্যস॒শ্চতঃ॑ । অ॒ভি শু॒ক্রামু॑প॒স্তির॑ম্ ॥ ৯।০৬২।২৮, ৭।১।০২৯।০৩

ইন্দ্রা॒য়েন্দুং॑ পুনীতনো॒গ্রং দক্ষা॑য়॒ সাধ॑নম্ । ঈ॒শা॒নং বী॒তিরা॑ধসম্ ॥ ৯।০৬২।২৯, ৭।১।০২৯।০৪

পব॑মান ঋ॒তঃ ক॒বিঃ সোমঃ॑ প॒বিত্র॒মাস॑দৎ । দধ॑ৎস্তো॒ত্রে সু॒বীর্য॑ম্ ॥ ৯।০৬২।৩০, ৭।১।০২৯।০৫

[৬৩] আপবস্বেতি ত্রিংশদৃচস্য সূক্তস্য কাশ্যপোনিধ্রুবিঃ পবমানঃ সোমো গায়ত্রী ।

আ প॑বস্ব সহ॒স্রিণং॑ র॒য়িং সো॑ম সু॒বীর্য॑ম্ । অ॒স্মে শ্রবাং॑সি ধারয় ॥ ৯।০৬৩।০১, ৭।১।০৩০।০১

ইষ॒মূর্জং॑ চ পিন্বস॒ ইন্দ্রা॑য় মৎস॒রিন্ত॑মঃ । চ॒মূষ্বা নি ষী॑দসি ॥ ৯।০৬৩।০২, ৭।১।০৩০।০২

সু॒ত ইন্দ্রা॑য়॒ বিষ্ণ॑বে॒ সোমঃ॑ ক॒লশে॑ অক্ষরৎ । মধু॑মাঁ অস্তু বা॒য়বে॑ ॥ ৯।০৬৩।০৩, ৭।১।০৩০।০৩

এ॒তে অ॑সৃগ্রমা॒শবোঽতি॒ হ্বরাং॑সি ব॒ভ্রবঃ॑ । সোমা॑ ঋ॒তস্য॒ ধার॑য়া ॥ ৯।০৬৩।০৪, ৭।১।০৩০।০৪

ইন্দ্রং॒ বর্ধ॑ন্তো অ॒প্তুরঃ॑ কৃ॒ণ্বন্তো॒ বিশ্ব॒মার্য॑ম্ । অ॒প॒ঘ্নন্তো॒ অরা॑ব্ণঃ ॥ ৯।০৬৩।০৫, ৭।১।০৩০।০৫

সু॒তা অনু॒ স্বমা রজো॒ঽভ্য॑র্ষন্তি ব॒ভ্রবঃ॑ । ইন্দ্রং॒ গচ্ছ॑ন্ত॒ ইন্দ॑বঃ ॥ ৯।০৬৩।০৬, ৭।১।০৩১।০১

অ॒য়া প॑বস্ব॒ ধার॑য়া॒ যয়া॒ সূর্য॒মরো॑চয়ঃ । হি॒ন্বা॒নো মানু॑ষীর॒পঃ ॥ ৯।০৬৩।০৭, ৭।১।০৩১।০২

অয়ু॑ক্ত॒ সূর॒ এত॑শং॒ পব॑মানো ম॒নাবধি॑ । অ॒ন্তরি॑ক্ষেণ॒ যাত॑বে ॥ ৯।০৬৩।০৮, ৭।১।০৩১।০৩

উ॒ত ত্যা হ॒রিতো॒ দশ॒ সূরো॑ অয়ুক্ত॒ যাত॑বে । ইন্দু॒রিন্দ্র॒ ইতি॑ ব্রু॒বন্ ॥ ৯।০৬৩।০৯, ৭।১।০৩১।০৪

পরী॒তো বা॒য়বে॑ সু॒তং গির॒ ইন্দ্রা॑য় মৎস॒রম্ । অব্যো॒ বারে॑ষু সিঞ্চত ॥ ৯।০৬৩।১০, ৭।১।০৩১।০৫

পব॑মান বি॒দা র॒য়িম॒স্মভ্যং॑ সোম দু॒ষ্টর॑ম্ । যো দূ॒ণাশো॑ বনুষ্য॒তা ॥ ৯।০৬৩।১১, ৭।১।০৩২।০১

অ॒ভ্য॑র্ষ সহ॒স্রিণং॑ র॒য়িং গোম॑ন্তম॒শ্বিন॑ম্ । অ॒ভি বাজ॑মু॒ত শ্রবঃ॑ ॥ ৯।০৬৩।১২, ৭।১।০৩২।০২

সোমো॑ দে॒বো ন সূর্যোঽদ্রি॑ভিঃ পবতে সু॒তঃ । দধা॑নঃ ক॒লশে॒ রস॑ম্ ॥ ৯।০৬৩।১৩, ৭।১।০৩২।০৩

এ॒তে ধামা॒ন্যার্যা॑ শু॒ক্রা ঋ॒তস্য॒ ধার॑য়া । বাজং॒ গোম॑ন্তমক্ষরন্ ॥ ৯।০৬৩।১৪, ৭।১।০৩২।০৪

সু॒তা ইন্দ্রা॑য় ব॒জ্রিণে॒ সোমা॑সো॒ দধ্যা॑শিরঃ । প॒বিত্র॒মত্য॑ক্ষরন্ ॥ ৯।০৬৩।১৫, ৭।১।০৩২।০৫

প্র সো॑ম॒ মধু॑মত্তমো রা॒য়ে অ॑র্ষ প॒বিত্র॒ আ । মদো॒ যো দে॑ব॒বীত॑মঃ ॥ ৯।০৬৩।১৬, ৭।১।০৩৩।০১

তমী॑ মৃজন্ত্যা॒য়বো॒ হরিং॑ ন॒দীষু॑ বা॒জিন॑ম্ । ইন্দু॒মিন্দ্রা॑য় মৎস॒রম্ ॥ ৯।০৬৩।১৭, ৭।১।০৩৩।০২

আ প॑বস্ব॒ হির॑ণ্যব॒দশ্বা॑বৎসোম বী॒রব॑ৎ । বাজং॒ গোম॑ন্ত॒মা ভ॑র ॥ ৯।০৬৩।১৮, ৭।১।০৩৩।০৩

পরি॒ বাজে॒ ন বা॑জ॒য়ুমব্যো॒ বারে॑ষু সিঞ্চত । ইন্দ্রা॑য়॒ মধু॑মত্তমম্ ॥ ৯।০৬৩।১৯, ৭।১।০৩৩।০৪

ক॒বিং মৃ॑জন্তি॒ মর্জ্যং॑ ধী॒ভির্বিপ্রা॑ অব॒স্যবঃ॑ । বৃষা॒ কনি॑ক্রদর্ষতি ॥ ৯।০৬৩।২০, ৭।১।০৩৩।০৫

বৃষ॑ণং ধী॒ভির॒প্তুরং॒ সোম॑মৃ॒তস্য॒ ধার॑য়া । ম॒তী বিপ্রাঃ॒ সম॑স্বরন্ ॥ ৯।০৬৩।২১, ৭।১।০৩৪।০১

পব॑স্ব দেবায়ু॒ষগিন্দ্রং॑ গচ্ছতু তে॒ মদঃ॑ । বা॒য়ুমা রো॑হ॒ ধর্ম॑ণা ॥ ৯।০৬৩।২২, ৭।১।০৩৪।০২

পব॑মান॒ নি তো॑শসে র॒য়িং সো॑ম শ্র॒বায়্য॑ম্ । প্রি॒য়ঃ স॑মু॒দ্রমা বি॑শ ॥ ৯।০৬৩।২৩, ৭।১।০৩৪।০৩

অ॒প॒ঘ্নন্প॑বসে॒ মৃধঃ॑ ক্রতু॒বিৎসো॑ম মৎস॒রঃ । নু॒দস্বাদে॑বয়ুং॒ জন॑ম্ ॥ ৯।০৬৩।২৪, ৭।১।০৩৪।০৪

পব॑মানা অসৃক্ষত॒ সোমাঃ॑ শু॒ক্রাস॒ ইন্দ॑বঃ । অ॒ভি বিশ্বা॑নি॒ কাব্যা॑ ॥ ৯।০৬৩।২৫, ৭।১।০৩৪।০৫

পব॑মানাস আ॒শবঃ॑ শু॒ভ্রা অ॑সৃগ্র॒মিন্দ॑বঃ । ঘ্নন্তো॒ বিশ্বা॒ অপ॒ দ্বিষঃ॑ ॥ ৯।০৬৩।২৬, ৭।১।০৩৫।০১

পব॑মানা দি॒বস্পর্য॒ন্তরি॑ক্ষাদসৃক্ষত । পৃ॒থি॒ব্যা অধি॒ সান॑বি ॥ ৯।০৬৩।২৭, ৭।১।০৩৫।০২

পু॒না॒নঃ সো॑ম॒ ধার॒য়েন্দো॒ বিশ্বা॒ অপ॒ স্রিধঃ॑ । জ॒হি রক্ষাং॑সি সুক্রতো ॥ ৯।০৬৩।২৮, ৭।১।০৩৫।০৩

অ॒প॒ঘ্নন্ত্সো॑ম র॒ক্ষসো॒ঽভ্য॑র্ষ॒ কনি॑ক্রদৎ । দ্যু॒মন্তং॒ শুষ্ম॑মুত্ত॒মম্ ॥ ৯।০৬৩।২৯, ৭।১।০৩৫।০৪

অ॒স্মে বসূ॑নি ধারয়॒ সোম॑ দি॒ব্যানি॒ পার্থি॑বা । ইন্দো॒ বিশ্বা॑নি॒ বার্যা॑ ॥ ৯।০৬৩।৩০, ৭।১।০৩৫।০৫

[৬৪] বৃষাসোমেতি ত্রিংশদৃচস্যসূক্তস্য মারীচঃ কশ্যপঃ পবমানঃ সোমোগায়ত্রী ।

বৃষা॑ সোম দ্যু॒মাঁ অ॑সি॒ বৃষা॑ দেব॒ বৃষ॑ব্রতঃ । বৃষা॒ ধর্মা॑ণি দধিষে ॥ ৯।০৬৪।০১, ৭।১।০৩৬।০১

বৃষ্ণ॑স্তে॒ বৃষ্ণ্যং॒ শবো॒ বৃষা॒ বনং॒ বৃষা॒ মদঃ॑ । স॒ত্যং বৃ॑ষ॒ন্বৃষেদ॑সি ॥ ৯।০৬৪।০২, ৭।১।০৩৬।০২

অশ্বো॒ ন চ॑ক্রদো॒ বৃষা॒ সং গা ই॑ন্দো॒ সমর্ব॑তঃ । বি নো॑ রা॒য়ে দুরো॑ বৃধি ॥ ৯।০৬৪।০৩, ৭।১।০৩৬।০৩

অসৃ॑ক্ষত॒ প্র বা॒জিনো॑ গ॒ব্যা সোমা॑সো অশ্ব॒য়া । শু॒ক্রাসো॑ বীর॒য়াশবঃ॑ ॥ ৯।০৬৪।০৪, ৭।১।০৩৬।০৪

শু॒ম্ভমা॑না ঋতা॒য়ুভি॑র্মৃ॒জ্যমা॑না॒ গভ॑স্ত্যোঃ । পব॑ন্তে॒ বারে॑ অ॒ব্যযে॑ ॥ ৯।০৬৪।০৫, ৭।১।০৩৬।০৫

তে বিশ্বা॑ দা॒শুষে॒ বসু॒ সোমা॑ দি॒ব্যানি॒ পার্থি॑বা । পব॑ন্তা॒মান্তরি॑ক্ষ্যা ॥ ৯।০৬৪।০৬, ৭।১।০৩৭।০১

পব॑মানস্য বিশ্ববি॒ৎপ্র তে॒ সর্গা॑ অসৃক্ষত । সূর্য॑স্যেব॒ ন র॒শ্ময়ঃ॑ ॥ ৯।০৬৪।০৭, ৭।১।০৩৭।০২

কে॒তুং কৃ॒ণ্বন্দি॒বস্পরি॒ বিশ্বা॑ রূ॒পাভ্য॑র্ষসি । স॒মু॒দ্রঃ সো॑ম পিন্বসে ॥ ৯।০৬৪।০৮, ৭।১।০৩৭।০৩

হি॒ন্বা॒নো বাচ॑মিষ্যসি॒ পব॑মান॒ বিধ॑র্মণি । অক্রা॑ন্দে॒বো ন সূর্যঃ॑ ॥ ৯।০৬৪।০৯, ৭।১।০৩৭।০৪

ইন্দুঃ॑ পবিষ্ট॒ চেত॑নঃ প্রি॒য়ঃ ক॑বী॒নাং ম॒তী । সৃ॒জদশ্বং॑ র॒থীরি॑ব ॥ ৯।০৬৪।১০, ৭।১।০৩৭।০৫

ঊ॒র্মির্যস্তে॑ প॒বিত্র॒ আ দে॑বা॒বীঃ প॒র্যক্ষ॑রৎ । সীদ॑ন্নৃ॒তস্য॒ যোনি॒মা ॥ ৯।০৬৪।১১, ৭।১।০৩৮।০১

স নো॑ অর্ষ প॒বিত্র॒ আ মদো॒ যো দে॑ব॒বীত॑মঃ । ইন্দ॒বিন্দ্রা॑য় পী॒তয়ে॑ ॥ ৯।০৬৪।১২, ৭।১।০৩৮।০২

ই॒ষে প॑বস্ব॒ ধার॑য়া মৃ॒জ্যমা॑নো মনী॒ষিভিঃ॑ । ইন্দো॑ রু॒চাভি গা ই॑হি ॥ ৯।০৬৪।১৩, ৭।১।০৩৮।০৩

পু॒না॒নো বরি॑বস্কৃ॒ধ্যূর্জং॒ জনা॑য় গির্বণঃ । হরে॑ সৃজা॒ন আ॒শির॑ম্ ॥ ৯।০৬৪।১৪, ৭।১।০৩৮।০৪

পু॒না॒নো দে॒ববী॑তয়॒ ইন্দ্র॑স্য যাহি নিষ্কৃ॒তম্ । দ্যু॒তা॒নো বা॒জিভি॑র্য॒তঃ ॥ ৯।০৬৪।১৫, ৭।১।০৩৮।০৫

প্র হি॑ন্বা॒নাস॒ ইন্দ॒বোঽচ্ছা॑ সমু॒দ্রমা॒শবঃ॑ । ধি॒য়া জূ॒তা অ॑সৃক্ষত ॥ ৯।০৬৪।১৬, ৭।১।০৩৯।০১

ম॒র্মৃ॒জা॒নাস॑ আ॒য়বো॒ বৃথা॑ সমু॒দ্রমিন্দ॑বঃ । অগ্ম॑ন্নৃ॒তস্য॒ যোনি॒মা ॥ ৯।০৬৪।১৭, ৭।১।০৩৯।০২

পরি॑ ণো যাহ্যস্ম॒য়ুর্বিশ্বা॒ বসূ॒ন্যোজ॑সা । পা॒হি নঃ॒ শর্ম॑ বী॒রব॑ৎ ॥ ৯।০৬৪।১৮, ৭।১।০৩৯।০৩

মিমা॑তি॒ বহ্নি॒রেত॑শঃ প॒দং যু॑জা॒ন ঋক্ব॑ভিঃ । প্র যৎস॑মু॒দ্র আহি॑তঃ ॥ ৯।০৬৪।১৯, ৭।১।০৩৯।০৪

আ যদ্যোনিং॑ হির॒ণ্যয॑মা॒শুর্ঋ॒তস্য॒ সীদ॑তি । জহা॒ত্যপ্র॑চেতসঃ ॥ ৯।০৬৪।২০, ৭।১।০৩৯।০৫

অ॒ভি বে॒না অ॑নূষ॒তেয়॑ক্ষন্তি॒ প্রচে॑তসঃ । মজ্জ॒ন্ত্যবি॑চেতসঃ ॥ ৯।০৬৪।২১, ৭।১।০৪০।০১

ইন্দ্রা॑য়েন্দো ম॒রুত্ব॑তে॒ পব॑স্ব॒ মধু॑মত্তমঃ । ঋ॒তস্য॒ যোনি॑মা॒সদ॑ম্ ॥ ৯।০৬৪।২২, ৭।১।০৪০।০২

তং ত্বা॒ বিপ্রা॑ বচো॒বিদঃ॒ পরি॑ ষ্কৃণ্বন্তি বে॒ধসঃ॑ । সং ত্বা॑ মৃজন্ত্যা॒য়বঃ॑ ॥ ৯।০৬৪।২৩, ৭।১।০৪০।০৩

রসং॑ তে মি॒ত্রো অ॑র্য॒মা পিব॑ন্তি॒ বরু॑ণঃ কবে । পব॑মানস্য ম॒রুতঃ॑ ॥ ৯।০৬৪।২৪, ৭।১।০৪০।০৪

ত্বং সো॑ম বিপ॒শ্চিতং॑ পুনা॒নো বাচ॑মিষ্যসি । ইন্দো॑ স॒হস্র॑ভর্ণসম্ ॥ ৯।০৬৪।২৫, ৭।১।০৪০।০৫

উ॒তো স॒হস্র॑ভর্ণসং॒ বাচং॑ সোম মখ॒স্যুব॑ম্ । পু॒না॒ন ই॑ন্দ॒বা ভ॑র ॥ ৯।০৬৪।২৬, ৭।১।০৪১।০১

পু॒না॒ন ই॑ন্দবেষাং॒ পুরু॑হূত॒ জনা॑নাম্ । প্রি॒য়ঃ স॑মু॒দ্রমা বি॑শ ॥ ৯।০৬৪।২৭, ৭।১।০৪১।০২

দবি॑দ্যুতত্যা রু॒চা প॑রি॒ষ্টোভ॑ন্ত্যা কৃ॒পা । সোমাঃ॑ শু॒ক্রা গবা॑শিরঃ ॥ ৯।০৬৪।২৮, ৭।১।০৪১।০৩

হি॒ন্বা॒নো হে॒তৃভি॑র্য॒ত আ বাজং॑ বা॒জ্য॑ক্রমীৎ । সীদ॑ন্তো ব॒নুষো॑ যথা ॥ ৯।০৬৪।২৯, ৭।১।০৪১।০৪

ঋ॒ধক্সো॑ম স্ব॒স্তয়ে॑ সঞ্জগ্মা॒নো দি॒বঃ ক॒বিঃ । পব॑স্ব॒ সূর্যো॑ দৃ॒শে ॥ ৯।০৬৪।৩০, ৭।১।০৪১।০৫

পবমান পারায়ণ চতুর্থোধ্যায়ঃ

[৬৫] হিন্বন্তীতি ত্রিংশদৃচস্য সূক্তস্য বারুণির্ভৃগুঃ পবমানঃ সোমোগায়ত্রী । (অত্রভার্গবোজমদগ্নিঃ পাক্ষিকঃ)

হি॒ন্বন্তি॒ সূর॒মুস্র॑য়ঃ॒ স্বসা॑রো জা॒ময়॒স্পতি॑ম্ । ম॒হামিন্দুং॑ মহী॒য়ুবঃ॑ ॥ ৯।০৬৫।০১, ৭।২।১।১

পব॑মান রু॒চারু॑চা দে॒বো দে॒বেভ্য॒স্পরি॑ । বিশ্বা॒ বসূ॒ন্যা বি॑শ ॥ ৯।০৬৫।০২, ৭।২।১।২

আ প॑বমান সুষ্টু॒তিং বৃ॒ষ্টিং দে॒বেভ্যো॒ দুবঃ॑ । ই॒ষে প॑বস্ব সং॒য়ত॑ম্ ॥ ৯।০৬৫।০৩, ৭।২।১।৩

বৃষা॒ হ্যসি॑ ভা॒নুনা॑ দ্যু॒মন্তং॑ ত্বা হবামহে । পব॑মান স্বা॒ধ্যঃ॑ ॥ ৯।০৬৫।০৪, ৭।২।১।৪

আ প॑বস্ব সু॒বীর্যং॒ মন্দ॑মানঃ স্বায়ুধ । ই॒হো ষ্বি॑ন্দ॒বা গ॑হি ॥ ৯।০৬৫।০৫, ৭।২।১।৫

যদ॒দ্ভিঃ প॑রিষি॒চ্যসে॑ মৃ॒জ্যমা॑নো॒ গভ॑স্ত্যোঃ । দ্রুণা॑ স॒ধস্থ॑মশ্নুষে ॥ ৯।০৬৫।০৬, ৭।২।২।১

প্র সোমা॑য় ব্যশ্ব॒বৎপব॑মানায় গায়ত । ম॒হে স॒হস্র॑চক্ষসে ॥ ৯।০৬৫।০৭, ৭।২।২।২

যস্য॒ বর্ণং॑ মধু॒শ্চুতং॒ হরিং॑ হি॒ন্বন্ত্যদ্রি॑ভিঃ । ইন্দু॒মিন্দ্রা॑য় পী॒তয়ে॑ ॥ ৯।০৬৫।০৮, ৭।২।২।৩

তস্য॑ তে বা॒জিনো॑ ব॒য়ং বিশ্বা॒ ধনা॑নি জি॒গ্যুষঃ॑ । স॒খি॒ত্বমা বৃ॑ণীমহে ॥ ৯।০৬৫।০৯, ৭।২।২।৪

বৃষা॑ পবস্ব॒ ধার॑য়া ম॒রুত্ব॑তে চ মৎস॒রঃ । বিশ্বা॒ দধা॑ন॒ ওজ॑সা ॥ ৯।০৬৫।১০, ৭।২।২।৫

তং ত্বা॑ ধ॒র্তার॑মো॒ণ্যো॒৩॒॑ঃ পব॑মান স্ব॒র্দৃশ॑ম্ । হি॒ন্বে বাজে॑ষু বা॒জিন॑ম্ ॥ ৯।০৬৫।১১, ৭।২।৩।১

অ॒য়া চি॒ত্তো বি॒পানয়া॒ হরিঃ॑ পবস্ব॒ ধার॑য়া । যুজং॒ বাজে॑ষু চোদয় ॥ ৯।০৬৫।১২, ৭।২।৩।২

আ ন॑ ইন্দো ম॒হীমিষং॒ পব॑স্ব বি॒শ্বদ॑র্শতঃ । অ॒স্মভ্যং॑ সোম গাতু॒বিৎ ॥ ৯।০৬৫।১৩, ৭।২।৩।৩

আ ক॒লশা॑ অনূষ॒তেন্দো॒ ধারা॑ভি॒রোজ॑সা । এন্দ্র॑স্য পী॒তয়ে॑ বিশ ॥ ৯।০৬৫।১৪, ৭।২।৩।৪

যস্য॑ তে॒ মদ্যং॒ রসং॑ তী॒ব্রং দু॒হন্ত্যদ্রি॑ভিঃ । স প॑বস্বাভিমাতি॒হা ॥ ৯।০৬৫।১৫, ৭।২।৩।৫

রাজা॑ মে॒ধাভি॑রীয়তে॒ পব॑মানো ম॒নাবধি॑ । অ॒ন্তরি॑ক্ষেণ॒ যাত॑বে ॥ ৯।০৬৫।১৬, ৭।২।৪।১

আ ন॑ ইন্দো শত॒গ্বিনং॒ গবাং॒ পোষং॒ স্বশ্ব্য॑ম্ । বহা॒ ভগ॑ত্তিমূ॒তয়ে॑ ॥ ৯।০৬৫।১৭, ৭।২।৪।২

আ নঃ॑ সোম॒ সহো॒ জুবো॑ রূ॒পং ন বর্চ॑সে ভর । সু॒ষ্বা॒ণো দে॒ববী॑তয়ে ॥ ৯।০৬৫।১৮, ৭।২।৪।৩

অর্ষা॑ সোম দ্যু॒মত্ত॑মো॒ঽভি দ্রোণা॑নি॒ রোরু॑বৎ । সীদ॑ঞ্ছ্যে॒নো ন যোনি॒মা ॥ ৯।০৬৫।১৯, ৭।২।৪।৪

অ॒প্সা ইন্দ্রা॑য় বা॒য়বে॒ বরু॑ণায় ম॒রুদ্ভ্যঃ॑ । সোমো॑ অর্ষতি॒ বিষ্ণ॑বে ॥ ৯।০৬৫।২০, ৭।২।৪।৫

ইষং॑ তো॒কায়॑ নো॒ দধ॑দ॒স্মভ্যং॑ সোম বি॒শ্বতঃ॑ । আ প॑বস্ব সহ॒স্রিণ॑ম্ ॥ ৯।০৬৫।২১, ৭।২।৫।১

যে সোমা॑সঃ পরা॒বতি॒ যে অ॑র্বা॒বতি॑ সুন্বি॒রে । যে বা॒দঃ শ॑র্য॒ণাব॑তি ॥ ৯।০৬৫।২২, ৭।২।৫।২

য আ॑র্জী॒কেষু॒ কৃত্ব॑সু॒ যে মধ্যে॑ প॒স্ত্যা॑নাম্ । যে বা॒ জনে॑ষু প॒ঞ্চসু॑ ॥ ৯।০৬৫।২৩, ৭।২।৫।৩

তে নো॑ বৃ॒ষ্টিং দি॒বস্পরি॒ পব॑ন্তা॒মা সু॒বীর্য॑ম্ । সু॒বা॒না দে॒বাস॒ ইন্দ॑বঃ ॥ ৯।০৬৫।২৪, ৭।২।৫।৪

পব॑তে হর্য॒তো হরি॑র্গৃণা॒নো জ॒মদ॑গ্নিনা । হি॒ন্বা॒নো গোরধি॑ ত্ব॒চি ॥ ৯।০৬৫।২৫, ৭।২।৫।৫

প্র শু॒ক্রাসো॑ বয়ো॒জুবো॑ হিন্বা॒নাসো॒ ন সপ্ত॑য়ঃ । শ্রী॒ণা॒না অ॒প্সু মৃ॑ঞ্জত ॥ ৯।০৬৫।২৬, ৭।২।৬।১

তং ত্বা॑ সু॒তেষ্বা॒ভুবো॑ হিন্বি॒রে দে॒বতা॑তয়ে । স প॑বস্বা॒নয়া॑ রু॒চা ॥ ৯।০৬৫।২৭, ৭।২।৬।২

আ তে॒ দক্ষং॑ ময়ো॒ভুবং॒ বহ্নি॑ম॒দ্যা বৃ॑ণীমহে । পান্ত॒মা পু॑রু॒স্পৃহ॑ম্ ॥ ৯।০৬৫।২৮, ৭।২।৬।৩

আ ম॒ন্দ্রমা বরে॑ণ্য॒মা বিপ্র॒মা ম॑নী॒ষিণ॑ম্ । পান্ত॒মা পু॑রু॒স্পৃহ॑ম্ ॥ ৯।০৬৫।২৯, ৭।২।৬।৪

আ র॒য়িমা সু॑চে॒তুন॒মা সু॑ক্রতো ত॒নূষ্বা । পান্ত॒মা পু॑রু॒স্পৃহ॑ম্ ॥ ৯।০৬৫।৩০, ৭।২।৬।৫

[৬৬] পবস্বেতি ত্রিংশদৃচস্য সূক্তস্য শতংবৈখানসাঃ পবমানসোম একোনবিংশ্যাদিতিসৃণামগ্নিঃ পবমানোগায়ত্র্যষ্টাদশ্যনুষ্টুপ্ (শতং বৈখানসাএতেস্বায়ম্ভুবাঃ অতএষাঙ্গোত্রংনাস্তিএবমগ্রেপিনারায়ণাদয়ঊহ্যাঃ) ।

পব॑স্ব বিশ্বচর্ষণে॒ঽভি বিশ্বা॑নি॒ কাব্যা॑ । সখা॒ সখি॑ভ্য॒ ঈড্যঃ॑ ॥ ৯।০৬৬।০১, ৭।২।৭।১

তাভ্যাং॒ বিশ্ব॑স্য রাজসি॒ যে প॑বমান॒ ধাম॑নী । প্র॒তী॒চী সো॑ম ত॒স্থতুঃ॑ ॥ ৯।০৬৬।০২, ৭।২।৭।২

পরি॒ ধামা॑নি॒ যানি॑ তে॒ ত্বং সো॑মাসি বি॒শ্বতঃ॑ । পব॑মান ঋ॒তুভিঃ॑ কবে ॥ ৯।০৬৬।০৩, ৭।২।৭।৩

পব॑স্ব জ॒নয়॒ন্নিষো॒ঽভি বিশ্বা॑নি॒ বার্যা॑ । সখা॒ সখি॑ভ্য ঊ॒তয়ে॑ ॥ ৯।০৬৬।০৪, ৭।২।৭।৪

তব॑ শু॒ক্রাসো॑ অ॒র্চয়ো॑ দি॒বস্পৃ॒ষ্ঠে বি ত॑ন্বতে । প॒বিত্রং॑ সোম॒ ধাম॑ভিঃ ॥ ৯।০৬৬।০৫, ৭।২।৭।৫

তবে॒মে স॒প্ত সিন্ধ॑বঃ প্র॒শিষং॑ সোম সিস্রতে । তুভ্যং॑ ধাবন্তি ধে॒নবঃ॑ ॥ ৯।০৬৬।০৬, ৭।২।৮।১

প্র সো॑ম যাহি॒ ধার॑য়া সু॒ত ইন্দ্রা॑য় মৎস॒রঃ । দধা॑নো॒ অক্ষি॑তি॒ শ্রবঃ॑ ॥ ৯।০৬৬।০৭, ৭।২।৮।২

সমু॑ ত্বা ধী॒ভির॑স্বরন্হিন্ব॒তীঃ স॒প্ত জা॒ময়ঃ॑ । বিপ্র॑মা॒জা বি॒বস্ব॑তঃ ॥ ৯।০৬৬।০৮, ৭।২।৮।৩

মৃ॒জন্তি॑ ত্বা॒ সম॒গ্রুবোঽব্যে॑ জী॒রাবধি॒ ষ্বণি॑ । রে॒ভো যদ॒জ্যসে॒ বনে॑ ॥ ৯।০৬৬।০৯, ৭।২।৮।৪

পব॑মানস্য তে কবে॒ বাজি॒ন্ত্সর্গা॑ অসৃক্ষত । অর্ব॑ন্তো॒ ন শ্র॑ব॒স্যবঃ॑ ॥ ৯।০৬৬।১০, ৭।২।৮।৫

অচ্ছা॒ কোশং॑ মধু॒শ্চুত॒মসৃ॑গ্রং॒ বারে॑ অ॒ব্যযে॑ । অবা॑বশন্ত ধী॒তয়ঃ॑ ॥ ৯।০৬৬।১১, ৭।২।৯।১

অচ্ছা॑ সমু॒দ্রমিন্দ॒বোঽস্তং॒ গাবো॒ ন ধে॒নবঃ॑ । অগ্ম॑ন্নৃ॒তস্য॒ যোনি॒মা ॥ ৯।০৬৬।১২, ৭।২।৯।২

প্র ণ॑ ইন্দো ম॒হে রণ॒ আপো॑ অর্ষন্তি॒ সিন্ধ॑বঃ । যদ্গোভি॑র্বাসয়ি॒ষ্যসে॑ ॥ ৯।০৬৬।১৩, ৭।২।৯।৩

অস্য॑ তে স॒খ্যে ব॒য়মিয়॑ক্ষন্ত॒স্ত্বোত॑য়ঃ । ইন্দো॑ সখি॒ত্বমু॑শ্মসি ॥ ৯।০৬৬।১৪, ৭।২।৯।৪

আ প॑বস্ব॒ গবি॑ষ্টয়ে ম॒হে সো॑ম নৃ॒চক্ষ॑সে । এন্দ্র॑স্য জ॒ঠরে॑ বিশ ॥ ৯।০৬৬।১৫, ৭।২।৯।৫

ম॒হাঁ অ॑সি সোম॒ জ্যেষ্ঠ॑ উ॒গ্রাণা॑মিন্দ॒ ওজি॑ষ্ঠঃ । যুধ্বা॒ সঞ্ছশ্ব॑জ্জিগেথ ॥ ৯।০৬৬।১৬, ৭।২।০১০।০১

য উ॒গ্রেভ্য॑শ্চি॒দোজী॑য়া॒ঞ্ছূরে॑ভ্যশ্চি॒চ্ছূর॑তরঃ । ভূ॒রি॒দাভ্য॑শ্চি॒ন্মংহী॑য়ান্ ॥ ৯।০৬৬।১৭, ৭।২।০১০।০২

ত্বং সো॑ম॒ সূর॒ এষ॑স্তো॒কস্য॑ সা॒তা ত॒নূনা॑ম্ । বৃ॒ণী॒মহে॑ স॒খ্যায়॑ বৃণী॒মহে॒ যুজ্যা॑য় ॥ ৯।০৬৬।১৮, ৭।২।০১০।০৩

অগ্ন॒ আয়ূং॑ষি পবস॒ আ সু॒বোর্জ॒মিষং॑ চ নঃ । আ॒রে বা॑ধস্ব দু॒চ্ছুনা॑ম্ ॥ ৯।০৬৬।১৯, ৭।২।০১০।০৪

অ॒গ্নির্ঋষিঃ॒ পব॑মানঃ॒ পাঞ্চ॑জন্যঃ পু॒রোহি॑তঃ । তমী॑মহে মহাগ॒য়ম্ ॥ ৯।০৬৬।২০, ৭।২।০১০।০৫

অগ্নে॒ পব॑স্ব॒ স্বপা॑ অ॒স্মে বর্চঃ॑ সু॒বীর্য॑ম্ । দধ॑দ্র॒য়িং ময়ি॒ পোষ॑ম্ ॥ ৯।০৬৬।২১, ৭।২।০১১।০১

পব॑মানো॒ অতি॒ স্রিধো॒ঽভ্য॑র্ষতি সুষ্টু॒তিম্ । সূরো॒ ন বি॒শ্বদ॑র্শতঃ ॥ ৯।০৬৬।২২, ৭।২।০১১।০২

স ম॑র্মৃজা॒ন আ॒য়ুভিঃ॒ প্রয়॑স্বা॒ন্প্রয়॑সে হি॒তঃ । ইন্দু॒রত্যো॑ বিচক্ষ॒ণঃ ॥ ৯।০৬৬।২৩, ৭।২।০১১।০৩

পব॑মান ঋ॒তং বৃ॒হচ্ছু॒ক্রং জ্যোতি॑রজীজনৎ । কৃ॒ষ্ণা তমাং॑সি॒ জঙ্ঘ॑নৎ ॥ ৯।০৬৬।২৪, ৭।২।০১১।০৪

পব॑মানস্য॒ জঙ্ঘ্ন॑তো॒ হরে॑শ্চ॒ন্দ্রা অ॑সৃক্ষত । জী॒রা অ॑জি॒রশো॑চিষঃ ॥ ৯।০৬৬।২৫, ৭।২।০১১।০৫

পব॑মানো র॒থীত॑মঃ শু॒ভ্রেভিঃ॑ শু॒ভ্রশ॑স্তমঃ । হরি॑শ্চন্দ্রো ম॒রুদ্গ॑ণঃ ॥ ৯।০৬৬।২৬, ৭।২।০১২।০১

পব॑মানো॒ ব্য॑শ্নবদ্র॒শ্মিভি॑র্বাজ॒সাত॑মঃ । দধ॑ৎস্তো॒ত্রে সু॒বীর্য॑ম্ ॥ ৯।০৬৬।২৭, ৭।২।০১২।০২

প্র সু॑বা॒ন ইন্দু॑রক্ষাঃ প॒বিত্র॒মত্য॒ব্যয॑ম্ । পু॒না॒ন ইন্দু॒রিন্দ্র॒মা ॥ ৯।০৬৬।২৮, ৭।২।০১২।০৩

এ॒ষ সোমো॒ অধি॑ ত্ব॒চি গবাং॑ ক্রীল়॒ত্যদ্রি॑ভিঃ । ইন্দ্রং॒ মদা॑য়॒ জোহু॑বৎ ॥ ৯।০৬৬।২৯, ৭।২।০১২।০৪

যস্য॑ তে দ্যু॒ম্নব॒ৎপয়ঃ॒ পব॑মা॒নাভৃ॑তং দি॒বঃ । তেন॑ নো মৃল় জী॒বসে॑ ॥ ৯।০৬৬।৩০, ৭।২।০১২।০৫

[৬৭] ত্বংসোমাসীতি দ্বাত্রিংশদৃচস্য সূক্তস্য আদ্যানাংসপ্তানান্তৃচানাম্ভরদ্বাজকশ্যপগোতমাত্রিবিশ্বামিত্র জমদগ্নিবসিষ্ঠা ঋষয়ঃ শিষ্টানামাঙ্গিরসঃ পবিত্রঋষিঃ (অত্রবসিষ্ঠোবাপবিত্রবসিষ্ঠৌবেতিবিপক্ষৌ) পবমানঃ সোমোদেবতা দশম্যাদিতিসৃণাম্পূষাবা যত্তেপবিত্রমিত্যাদিপঞ্চানামগ্নিঃ অন্ত্যযোর্দ্বয়োঃ পাবমান্যধেতাগায়ত্রী ষোডশ্যাদ্যাস্তিস্রোদ্বিপদাগায়ত্র্যঃ ত্রিংশীপুরউষ্ণিক্ সপ্তবিংশ্যেকত্রিংশীদ্বাত্রিংশ্যোনুষ্টুভঃ ।(পঞ্চবিংশ্যাদিতিসৃণাঙ্ক্রমাৎসবিতাগ্নিসবিতারৌবিশ্বেদেবাইতিদেবতাঅগ্নিনাসহ বিকল্পন্তে) ।

ত্বং সো॑মাসি ধার॒য়ুর্ম॒ন্দ্র ওজি॑ষ্ঠো অধ্ব॒রে । পব॑স্ব মংহ॒য়দ্র॑য়িঃ ॥ ৯।০৬৭।০১, ৭।২।০১৩।০১

ত্বং সু॒তো নৃ॒মাদ॑নো দধ॒ন্বান্ম॑ৎস॒রিন্ত॑মঃ । ইন্দ্রা॑য় সূ॒রিরন্ধ॑সা ॥ ৯।০৬৭।০২, ৭।২।০১৩।০২

ত্বং সু॑ষ্বা॒ণো অদ্রি॑ভির॒ভ্য॑র্ষ॒ কনি॑ক্রদৎ । দ্যু॒মন্তং॒ শুষ্ম॑মুত্ত॒মম্ ॥ ৯।০৬৭।০৩, ৭।২।০১৩।০৩

ইন্দু॑র্হিন্বা॒নো অ॑র্ষতি তি॒রো বারা॑ণ্য॒ব্যযা॑ । হরি॒র্বাজ॑মচিক্রদৎ ॥ ৯।০৬৭।০৪, ৭।২।০১৩।০৪

ইন্দো॒ ব্যব্য॑মর্ষসি॒ বি শ্রবাং॑সি॒ বি সৌভ॑গা । বি বাজা॑ন্ত্সোম॒ গোম॑তঃ ॥ ৯।০৬৭।০৫, ৭।২।০১৩।০৫

আ ন॑ ইন্দো শত॒গ্বিনং॑ র॒য়িং গোম॑ন্তম॒শ্বিন॑ম্ । ভরা॑ সোম সহ॒স্রিণ॑ম্ ॥ ৯।০৬৭।০৬, ৭।২।০১৪।০১

পব॑মানাস॒ ইন্দ॑বস্তি॒রঃ প॒বিত্র॑মা॒শবঃ॑ । ইন্দ্রং॒ যামে॑ভিরাশত ॥ ৯।০৬৭।০৭, ৭।২।০১৪।০২

ক॒কু॒হঃ সো॒ম্যো রস॒ ইন্দু॒রিন্দ্রা॑য় পূ॒র্ব্যঃ । আ॒য়ুঃ প॑বত আ॒য়বে॑ ॥ ৯।০৬৭।০৮, ৭।২।০১৪।০৩

হি॒ন্বন্তি॒ সূর॒মুস্র॑য়ঃ॒ পব॑মানং মধু॒শ্চুত॑ম্ । অ॒ভি গি॒রা সম॑স্বরন্ ॥ ৯।০৬৭।০৯, ৭।২।০১৪।০৪

অ॒বি॒তা নো॑ অ॒জাশ্বঃ॑ পূ॒ষা যাম॑নিয়ামনি । আ ভ॑ক্ষৎক॒ন্যা॑সু নঃ ॥ ৯।০৬৭।১০, ৭।২।০১৪।০৫

অ॒য়ং সোমঃ॑ কপ॒র্দিনে॑ ঘৃ॒তং ন প॑বতে॒ মধু॑ । আ ভ॑ক্ষৎক॒ন্যা॑সু নঃ ॥ ৯।০৬৭।১১, ৭।২।০১৫।০১

অ॒য়ং ত॑ আঘৃণে সু॒তো ঘৃ॒তং ন প॑বতে॒ শুচি॑ । আ ভ॑ক্ষৎক॒ন্যা॑সু নঃ ॥ ৯।০৬৭।১২, ৭।২।০১৫।০২

বা॒চো জ॒ন্তুঃ ক॑বী॒নাং পব॑স্ব সোম॒ ধার॑য়া । দে॒বেষু॑ রত্ন॒ধা অ॑সি ॥ ৯।০৬৭।১৩, ৭।২।০১৫।০৩

আ ক॒লশে॑ষু ধাবতি শ্যে॒নো বর্ম॒ বি গা॑হতে । অ॒ভি দ্রোণা॒ কনি॑ক্রদৎ ॥ ৯।০৬৭।১৪, ৭।২।০১৫।০৪

পরি॒ প্র সো॑ম তে॒ রসোঽস॑র্জি ক॒লশে॑ সু॒তঃ । শ্যে॒নো ন ত॒ক্তো অ॑র্ষতি ॥ ৯।০৬৭।১৫, ৭।২।০১৫।০৫

পব॑স্ব সোম ম॒ন্দয়॒ন্নিন্দ্রা॑য়॒ মধু॑মত্তমঃ ॥ ৯।০৬৭।১৬, ৭।২।০১৬।০১

অসৃ॑গ্রন্দে॒ববী॑তয়ে বাজ॒য়ন্তো॒ রথা॑ ইব ॥ ৯।০৬৭।১৭, ৭।২।০১৬।০২

তে সু॒তাসো॑ ম॒দিন্ত॑মাঃ শু॒ক্রা বা॒য়ুম॑সৃক্ষত ॥ ৯।০৬৭।১৮, ৭।২।০১৬।০৩

গ্রাব্ণা॑ তু॒ন্নো অ॒ভিষ্টু॑তঃ প॒বিত্রং॑ সোম গচ্ছসি । দধ॑ৎস্তো॒ত্রে সু॒বীর্য॑ম্ ॥ ৯।০৬৭।১৯, ৭।২।০১৬।০৪

এ॒ষ তু॒ন্নো অ॒ভিষ্টু॑তঃ প॒বিত্র॒মতি॑ গাহতে । র॒ক্ষো॒হা বার॑ম॒ব্যয॑ম্ ॥ ৯।০৬৭।২০, ৭।২।০১৬।০৫

যদন্তি॒ যচ্চ॑ দূর॒কে ভ॒য়ং বি॒ন্দতি॒ মামি॒হ । পব॑মান॒ বি তজ্জ॑হি ॥ ৯।০৬৭।২১, ৭।২।০১৭।০১

পব॑মানঃ॒ সো অ॒দ্য নঃ॑ প॒বিত্রে॑ণ॒ বিচ॑র্ষণিঃ । যঃ পো॒তা স পু॑নাতু নঃ ॥ ৯।০৬৭।২২, ৭।২।০১৭।০২

যত্তে॑ প॒বিত্র॑ম॒র্চিষ্যগ্নে॒ বিত॑তম॒ন্তরা । ব্রহ্ম॒ তেন॑ পুনীহি নঃ ॥ ৯।০৬৭।২৩, ৭।২।০১৭।০৩

যত্তে॑ প॒বিত্র॑মর্চি॒বদগ্নে॒ তেন॑ পুনীহি নঃ । ব্র॒হ্ম॒স॒বৈঃ পু॑নীহি নঃ ॥ ৯।০৬৭।২৪, ৭।২।০১৭।০৪

উ॒ভাভ্যাং॑ দেব সবিতঃ প॒বিত্রে॑ণ স॒বেন॑ চ । মাং পু॑নীহি বি॒শ্বতঃ॑ ॥ ৯।০৬৭।২৫, ৭।২।০১৭।০৫

ত্রি॒ভিষ্ট্বং দে॑ব সবিত॒র্বর্ষি॑ষ্ঠৈঃ সোম॒ ধাম॑ভিঃ । অগ্নে॒ দক্ষৈঃ॑ পুনীহি নঃ ॥ ৯।০৬৭।২৬, ৭।২।০১৮।০১

পু॒নন্তু॒ মাং দে॑বজ॒নাঃ পু॒নন্তু॒ বস॑বো ধি॒য়া । বিশ্বে॑ দেবাঃ পুনী॒ত মা॒ জাত॑বেদঃ পুনী॒হি মা॑ ॥ ৯।০৬৭।২৭, ৭।২।০১৮।০২

প্র প্যা॑য়স্ব॒ প্র স্য॑ন্দস্ব॒ সোম॒ বিশ্বে॑ভিরং॒শুভিঃ॑ । দে॒বেভ্য॑ উত্ত॒মং হ॒বিঃ ॥ ৯।০৬৭।২৮, ৭।২।০১৮।০৩

উপ॑ প্রি॒য়ং পনি॑প্নতং॒ যুবা॑নমাহুতী॒বৃধ॑ম্ । অগ॑ন্ম॒ বিভ্র॑তো॒ নমঃ॑ ॥ ৯।০৬৭।২৯, ৭।২।০১৮।০৪

অ॒লায়্য॑স্য পর॒শুর্ন॑নাশ॒ তমা প॑বস্ব দেব সোম । আ॒খুং চি॑দে॒ব দে॑ব সোম ॥ ৯।০৬৭।৩০, ৭।২।০১৮।০৫

যঃ পা॑বমা॒নীর॒ধ্যেত্যৃষি॑ভিঃ॒ সম্ভৃ॑তং॒ রস॑ম্ । সর্বং॒ স পূ॒তম॑শ্নাতি স্বদি॒তং মা॑ত॒রিশ্ব॑না ॥ ৯।০৬৭।৩১, ৭।২।০১৮।০৬

পা॒ব॒মা॒নীর্যো অ॒ধ্যেত্যৃষি॑ভিঃ॒ সম্ভৃ॑তং॒ রস॑ম্ । তস্মৈ॒ সর॑স্বতী দুহে ক্ষী॒রং স॒র্পির্মধূ॑দ॒কম্ ॥ ৯।০৬৭।৩২, ৭।২।০১৮।০৭

পরিশিষ্টম্ [ঋগ্বেদ মণ্ডল ৯, ৬৭ সূক্তস্যানন্তরং][ঋগ্বেদ অষ্টক ৭, অধ্যায় ২, ১৮ বর্গানন্তরং]পাবমানীঃ

পা॒ব॒মা॒নী। স্স্ব॒স্ত্যয॑নী।-স্সু॒দুঘা॒ হি ঘৃ॑ত॒শ্চুতঃ॑। ঋষি॑ভি॒। স্সম্ভৃ॑তো॒ রসো॑- ব্রাহ্ম॒ণে।ষ্ব॒মৃতং॑ হি॒তম্॥

পা॒ব॒মা॒নী। র্দি॑শন্তু ন ই॒মং লো॒ক। মথো॑, অ॒মুম্। কামা॒। ন্ত্সম॑র্ধয়ন্তু নো-দে॒বী। র্দে॒বৈ। স্স॒মাহি॑তাঃ॥

যেন॑ দে॒বাঃ প॒বিত্রে॑ণা॒-ঽঽত্মানং॑ পু॒নতে॒ সদা॑। তেন॑ স॒হস্র॑ধারেণ- পাবমা॒ন্যঃ পু॑নন্তু মাম্॥

প্রা॒জা॒প॒ত্যং প॒বিত্রং॑- শ॒তোদ্যা॑মং হির॒ণ্ময়॑ম্। তেন॑ ব্রহ্ম॒বিদো॑ ব॒য়ং- পূ॒তং ব্রহ্ম॑ পুনীমহে॥

ইন্দ্র॑। স্সুনী॒তী স॒হ মা॑ পুনাতু॒- সোম॑। স্স্ব॒স্ত্যা বরু॑ণ। স্স॒মীচ্যা॑। য॒মো রাজা॑ প্রমৃ॒ণাভি॑: পুনাতু মা- জা॒তবে॑দা মূ॒র্জয়॑ন্ত্যা পুনাতু॥

ঋ॒ষ॒য়॒।স্তু ত॑প।স্তে॒পু॒।-স্স॒র্বে স্ব॑র্গজি॒গীষ॑বঃ। ত॒প॒স॒।স্ত॒প॒সো॒ঽগ্রিয়॑।ন্তু-পা॒বমা॑নীর্ ঋ॒চোঽব্রু॑বন্ন্॥

য।ন্মে॒ গর্ভে॒ বস॑তঃ পা॒প। মু॒গ্রং- য।জ্জা॑য়মা॒নস্য॑ চ॒ কিঞ্চি॑।দন্যৎ। জা॒তস্য॑ চ॒ য।চ্চা॑ঽপি চ॒ বর্ধ॑তো মে॒- তৎপা॑বমা॒নীভি॑। র॒হং পু॑নামি॥

মা॒তা॒পি॒ত্রো।র্য॒।ন্ন কৃ॑তং॒ বচো॑ মে॒- য।ৎস্থা॑ব॒র।ঞ্জ॒ঙ্গম॑। মাব॒ভূব॑। বিশ্ব॑স্য॒ তৎপ্র॑হৃষি॒তং বচো॑ মে॒- তৎপা॑বমা॒নীভি॑। র॒হং পু॑নামি॥

গোঘ্না॒। ত্তস্ক॑রত্বা॒-ৎস্ত্রীব॑ধা॒। দ্যচ্চ॒ কিল্বি॑ষম্। পা॒প॒কঞ্চ॒ চর॑ণেভ্য॒।- স্তৎপা॑বমা॒নীভি॑। র॒হং পু॑নামি॥

ব্রহ্ম॑বধা॒। ৎসুরা॑পানা॒।ৎস্ব॑র্ণস্তেয়া॒-দ্বৃষ॑লি গমন মৈথুন সঙ্গ॒মাৎ। গু॒রো॒।র্দা॒রাঽধি॒গম॑না।চ্চ॒- তৎপা॑বমা॒নীভি॑। র॒হং পু॑নামি॥

বাল॑ঘ্না॒। ন্মাতৃ॑পিতৃবধা॒। দ্ভূমি॑তস্করা॒-ৎসর্ব॑বর্ণ গমনমৈথুন সঙ্গ॒মাৎ। পা॒পেভ্য॑শ্চ প্র॒তিগ্র॑হা॒।-ৎসদ্য॑: প্রহরতি॒ সর্ব॑দুষ্কৃত॒-ন্তৎপা॑বমা॒নীভি॑। র॒হং পু॑নামি॥

ক্রয়॑বিক্রয়া॒। দ্যোনি॑দোষা॒।-দ্ভক্ষা॒। দ্ভোজ্যা॑। ৎপ্র॒তিগ্র॑হাৎ। অ॒সম্॒ভো॒জ॒না।চ্চা॑ঽপি নৃ॒শংস॒।-ন্তৎপা॑বমা॒নীভি॑। র॒হং পু॑নামি॥

দুর্য॑ষ্ট॒। ন্দুর॑ধীতং॒ পাপং॒- যচ্চা॑জ্ঞান॒তোঽকৃ॑তম্। অ॒য়া॒জি॒তাশ্চা॒ঽসংয়া॑জ্যা॒।-স্তৎপা॑বমা॒নীভি॑। র॒হং পু॑নামি॥

অ॒ম॒ন্ত্র॒।মন্নং॑ যৎকি॒ঞ্চি॒।-দ্ধূ॒য়তে॑ চ হু॒তাশ॑নে। সং॒ব॒ৎস॒রকৃ॑তং পাপ॒-।ন্তৎপা॑বমা॒নীভি॑। র॒হং পু॑নামি॥

ঋ॒তস্য॒ যোন॑য়োঽমৃ॒তস্য॒ ধাম॒- বিশ্বা॑ দে॒বেভ্য॒: পুণ্য॑গন্ধাঃ। তা॒ ন॒ আপ॒: প্র বহ॑ন্তু পা॒পং॒- শু॒দ্ধা গ॑চ্ছামি সু॒কৃতা॑।মু লো॒ক- ন্তৎপা॑বমা॒নীভি॑। র॒হং পু॑নামি॥

পা॒ব॒মা॒নী। স্স্ব॒স্ত্যয॑নী॒।-র্যাভি॑। র্গচ্ছতি নান্দ॒নম্। পুণ্যাং॑শ্চ ভ॒ক্ষা। ন্ভ॑ক্ষয়-ত্যমৃত॒ত্ব।ঞ্চ॑ গচ্ছতি॥

পা॒ব॒মা॒নীঃ পি॒তৄ।ন্দে॒বা।-ন্ধ্যা॒য়ে। দ্য॑শ্চ স॒রস্ব॑তীম্। পিতৄং॑।স্ত॒স্যোপ॑ বর্তে॒ত॒- ক্ষী॒রং স॒র্পি। র্মধূ॑দ॒কম্॥

পা॒ব॒মা॒নং প॑রং ব্র॒হ্ম॒- শু॒ক্র।ঞ্জ্যো॑তি। স্স॒নাত॑নম্। ঋষীং॑।স্ত॒স্যোপ॑ তিষ্ঠে॒ত॒- ক্ষী॒রং স॒র্পি। র্ম।ধূ॑দ॒কম্॥

পা॒ব॒মা॒নং প॑রং ব্র॒হ্ম॒- যে॒ পঠ॑ন্তি ম॒নীষি॑ণঃ। সপ্ত॑জ॒ন্ম ভ॑বে।দ্বি॒প্রো॒- ধ॒নাঢ্যো॑ বেদ॒পার॑গঃ॥

দশো॑ত্ত॒রা।ণ্যৃ॑চাং।শ্চৈ॒ব॒- পা॒বমা॑নী। শ্শ॒তানি॑ ষট্। এ॒ত॒জ্জু॒হ্ব॒।ন্জ॒পে॒। ন্মন্ত্র॑-ঙ্ঘো॒রমৃ॑ত্যুভ॒য়ং হ॑রেৎ॥

এ॒ত।ৎপু॒ণ্যং পা॑পহ॒রং- রো॒গ।মৃ॑ত্যু।ভ॒য়াপ॑হম্। পঠ॑তাং॒। শৃণ্ব॑তা।ঞ্চৈ॒ব॒- দ॒দাতি॑ পর॒মা।ঙ্গ॑তিম্॥

২৮। মমাজ্ঞে ইতি সূক্তং

মমাগ্নইতি নবর্চস্য সূক্তস্যাঙ্গিরসোবিহব্যো বিশ্বেদেবাস্ত্রিষ্টুবন্ত্যাজগতী ।

মমা॑গ্নে॒ বর্চো॑ বিহ॒বেষ্ব॑স্তু ব॒য়ং ত্বেন্ধা॑নাস্ত॒ন্বং॑ পুষেম । মহ্যং॑ নমন্তাং প্র॒দিশ॒শ্চত॑স্র॒স্ত্বয়াধ্য॑ক্ষেণ॒ পৃত॑না জয়েম ॥ ১০।১২৮।০১, ৮।৭।০১৫।০১

মম॑ দে॒বা বি॑হ॒বে স॑ন্তু॒ সর্ব॒ ইন্দ্র॑বন্তো ম॒রুতো॒ বিষ্ণু॑র॒গ্নিঃ । মমা॒ন্তরি॑ক্ষমু॒রুলো॑কমস্তু॒ মহ্যং॒ বাতঃ॑ পবতাং॒ কামে॑ অ॒স্মিন্ ॥ ১০।১২৮।০২, ৮।৭।০১৫।০২

ময়ি॑ দে॒বা দ্রবি॑ণ॒মা য॑জন্তাং॒ ময়্যা॒শীর॑স্তু॒ ময়ি॑ দে॒বহূ॑তিঃ । দৈব্যা॒ হোতা॑রো বনুষন্ত॒ পূর্বেঽরি॑ষ্টাঃ স্যাম ত॒ন্বা॑ সু॒বীরাঃ॑ ॥ ১০।১২৮।০৩, ৮।৭।০১৫।০৩

মহ্যং॑ যজন্তু॒ মম॒ যানি॑ হ॒ব্যাকূ॑তিঃ স॒ত্যা মন॑সো মে অস্তু । এনো॒ মা নি গাং॑ কত॒মচ্চ॒নাহং বিশ্বে॑ দেবাসো॒ অধি॑ বোচতা নঃ ॥ ১০।১২৮।০৪, ৮।৭।০১৫।০৪

দেবীঃ॑ ষল়ুর্বীরু॒রু নঃ॑ কৃণোত॒ বিশ্বে॑ দেবাস ই॒হ বী॑রয়ধ্বম্ । মা হা॑স্মহি প্র॒জয়া॒ মা ত॒নূভি॒র্মা র॑ধাম দ্বিষ॒তে সো॑ম রাজন্ ॥ ১০।১২৮।০৫, ৮।৭।০১৫।০৫

অগ্নে॑ ম॒ন্যুং প্র॑তিনু॒দন্পরে॑ষা॒মদ॑ব্ধো গো॒পাঃ পরি॑ পাহি ন॒স্ত্বম্ । প্র॒ত্যঞ্চো॑ যন্তু নি॒গুতঃ॒ পুন॒স্তে॒৩॒॑ঽমৈষাং॑ চি॒ত্তং প্র॒বুধাং॒ বি নে॑শৎ ॥ ১০।১২৮।০৬, ৮।৭।০১৬।০১

ধা॒তা ধা॑তৄ॒ণাং ভুব॑নস্য॒ যস্পতি॑র্দে॒বং ত্রা॒তার॑মভিমাতিষা॒হম্ । ই॒মং য॒জ্ঞম॒শ্বিনো॒ভা বৃহ॒স্পতি॑র্দে॒বাঃ পা॑ন্তু॒ যজ॑মানং ন্য॒র্থাৎ ॥ ১০।১২৮।০৭, ৮।৭।০১৬।০২

উ॒রু॒ব্যচা॑ নো মহি॒ষঃ শর্ম॑ যংসদ॒স্মিন্হবে॑ পুরুহূ॒তঃ পু॑রু॒ক্ষুঃ । স নঃ॑ প্র॒জায়ৈ॑ হর্যশ্ব মৃল়॒য়েন্দ্র॒ মা নো॑ রীরিষো॒ মা পরা॑ দাঃ ॥ ১০।১২৮।০৮, ৮।৭।০১৬।০৩

যে নঃ॑ স॒পত্না॒ অপ॒ তে ভ॑বন্ত্বিন্দ্রা॒গ্নিভ্যা॒মব॑ বাধামহে॒ তান্ । বস॑বো রু॒দ্রা আ॑দি॒ত্যা উ॑পরি॒স্পৃশং॑ মো॒গ্রং চেত্তা॑রমধিরা॒জম॑ক্রন্ ॥ ১০।১২৮।০৯, ৮।৭।০১৬।০৪

পরিশিষ্টম্ [ঋগ্বেদ মণ্ডল ১০।১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

অ॒র্বাঞ্চ॒। মিন্দ্র॑। ম॒মুতো॑ হবামহে॒- যো গো॒জি। দ্ধ॑ন॒জি। দ॑শ্ব॒জি।দ্যঃ। ই॒ম।ন্নো॑ হ॒ব্যং বি॑হ॒বে জু॑ষস্বা॒-ঽস্য কু॑ল্মো হরিবো মে॒দিন॑।ন্ত্বা॥

২৯। পূর্ণাহুতি মন্ত্রাণি

সমুদ্রাদূর্মিরিত্যেকাদশর্চস্য সূক্তস্য গৌতমোবামদেবোগ্নিস্ত্রিষ্টুবন্ত্যাজগতী । (সূর্যোবাপোবাগাবোবাঘৃতস্তুতির্বাদেবতা) ।

স॒মু॒দ্রাদূ॒র্মির্মধু॑মাঁ॒ উদা॑র॒দুপাং॒শুনা॒ সম॑মৃত॒ত্বমা॑নট্ । ঘৃ॒তস্য॒ নাম॒ গুহ্যং॒ যদস্তি॑ জি॒হ্বা দে॒বানা॑ম॒মৃত॑স্য॒ নাভিঃ॑ ॥ ৪।০৫৮।০১, ৩।৮।০১০।০১

ব॒য়ং নাম॒ প্র ব্র॑বামা ঘৃ॒তস্যা॒স্মিন্য॒জ্ঞে ধা॑রয়ামা॒ নমো॑ভিঃ । উপ॑ ব্র॒হ্মা শৃ॑ণবচ্ছ॒স্যমা॑নং॒ চতুঃ॑শৃঙ্গোঽবমীদ্গৌ॒র এ॒তৎ ॥ ৪।০৫৮।০২, ৩।৮।০১০।০২

চ॒ত্বারি॒ শৃঙ্গা॒ ত্রয়ো॑ অস্য॒ পাদা॒ দ্বে শী॒র্ষে স॒প্ত হস্তা॑সো অস্য । ত্রিধা॑ ব॒দ্ধো বৃ॑ষ॒ভো রো॑রবীতি ম॒হো দে॒বো মর্ত্যাঁ॒ আ বি॑বেশ ॥ ৪।০৫৮।০৩, ৩।৮।০১০।০৩

ত্রিধা॑ হি॒তং প॒ণিভি॑র্গু॒হ্যমা॑নং॒ গবি॑ দে॒বাসো॑ ঘৃ॒তমন্ব॑বিন্দন্ । ইন্দ্র॒ একং॒ সূর্য॒ একং॑ জজান বে॒নাদেকং॑ স্ব॒ধয়া॒ নিষ্ট॑তক্ষুঃ ॥ ৪।০৫৮।০৪, ৩।৮।০১০।০৪

এ॒তা অ॑র্ষন্তি॒ হৃদ্যা॑ৎসমু॒দ্রাচ্ছ॒তব্র॑জা রি॒পুণা॒ নাব॒চক্ষে॑ । ঘৃ॒তস্য॒ ধারা॑ অ॒ভি চা॑কশীমি হির॒ণ্যযো॑ বেত॒সো মধ্য॑ আসাম্ ॥ ৪।০৫৮।০৫, ৩।৮।০১০।০৫

স॒ম্যক্স্র॑বন্তি স॒রিতো॒ ন ধেনা॑ অ॒ন্তর্হৃ॒দা মন॑সা পূ॒য়মা॑নাঃ । এ॒তে অ॑র্ষন্ত্যূ॒র্ময়ো॑ ঘৃ॒তস্য॑ মৃ॒গা ই॑ব ক্ষিপ॒ণোরীষ॑মাণাঃ ॥ ৪।০৫৮।০৬, ৩।৮।০১১।০১

সিন্ধো॑রিব প্রাধ্ব॒নে শূ॑ঘ॒নাসো॒ বাত॑প্রমিয়ঃ পতয়ন্তি য॒হ্বাঃ । ঘৃ॒তস্য॒ ধারা॑ অরু॒ষো ন বা॒জী কাষ্ঠা॑ ভি॒ন্দন্নূ॒র্মিভিঃ॒ পিন্ব॑মানঃ ॥ ৪।০৫৮।০৭, ৩।৮।০১১।০২

অ॒ভি প্র॑বন্ত॒ সম॑নেব॒ যোষাঃ॑ কল্যা॒ণ্য১॒॑ঃ স্ময়॑মানাসো অ॒গ্নিম্ । ঘৃ॒তস্য॒ ধারাঃ॑ স॒মিধো॑ নসন্ত॒ তা জু॑ষা॒ণো হ॑র্যতি জা॒তবে॑দাঃ ॥ ৪।০৫৮।০৮, ৩।৮।০১১।০৩

ক॒ন্যা॑ ইব বহ॒তুমেত॒বা উ॑ অ॒ঞ্জ্য॑ঞ্জা॒না অ॒ভি চা॑কশীমি । যত্র॒ সোমঃ॑ সূ॒য়তে॒ যত্র॑ য॒জ্ঞো ঘৃ॒তস্য॒ ধারা॑ অ॒ভি তৎপ॑বন্তে ॥ ৪।০৫৮।০৯, ৩।৮।০১১।০৪

অ॒ভ্য॑র্ষত সুষ্টু॒তিং গব্য॑মা॒জিম॒স্মাসু॑ ভ॒দ্রা দ্রবি॑ণানি ধত্ত । ই॒মং য॒জ্ঞং ন॑য়ত দে॒বতা॑ নো ঘৃ॒তস্য॒ ধারা॒ মধু॑মৎপবন্তে ॥ ৪।০৫৮।১০, ৩।৮।০১১।০৫

ধাম॑ন্তে॒ বিশ্বং॒ ভুব॑ন॒মধি॑ শ্রি॒তম॒ন্তঃ স॑মু॒দ্রে হৃ॒দ্য১॒॑ন্তরায়ু॑ষি । অ॒পামনী॑কে সমি॒থে য আভৃ॑ত॒স্তম॑শ্যাম॒ মধু॑মন্তং ত ঊ॒র্মিম্ ॥ ৪।০৫৮।১১, ৩।৮।০১১।০৬

৩০। ন তমংহো ইতি সূক্তং

নতমিত্যষ্টর্চস্য সূক্তস্য শৈলূষিঃ কুল্মলবর্হিষো বিশ্বেদেবাউপরিষ্টাদ্বৃহত্যন্ত্যাত্রিষ্টুপ্ । (অত্রবামদেব্যহোমুক্পাক্ষিকঋষিঃ । কুল্মলবর্হিষইত্যদন্তং প্রাতিপদিকং) ।

ন তমংহো॒ ন দু॑রি॒তং দেবা॑সো অষ্ট॒ মর্ত্য॑ম্ । স॒জোষ॑সো॒ যম॑র্য॒মা মি॒ত্রো নয়॑ন্তি॒ বরু॑ণো॒ অতি॒ দ্বিষঃ॑ ॥ ১০।১২৬।০১, ৮।৭।০১৩।০১

তদ্ধি ব॒য়ং বৃ॑ণী॒মহে॒ বরু॑ণ॒ মিত্রার্য॑মন্ । যেনা॒ নিরংহ॑সো যূ॒য়ং পা॒থ নে॒থা চ॒ মর্ত্য॒মতি॒ দ্বিষঃ॑ ॥ ১০।১২৬।০২, ৮।৭।০১৩।০২

তে নূ॒নং নো॒ঽয়মূ॒তয়ে॒ বরু॑ণো মি॒ত্রো অ॑র্য॒মা । নয়ি॑ষ্ঠা উ নো নে॒ষণি॒ পর্ষি॑ষ্ঠা উ নঃ প॒র্ষণ্যতি॒ দ্বিষঃ॑ ॥ ১০।১২৬।০৩, ৮।৭।০১৩।০৩

যূ॒য়ং বিশ্বং॒ পরি॑ পাথ॒ বরু॑ণো মি॒ত্রো অ॑র্য॒মা । যু॒ষ্মাকং॒ শর্ম॑ণি প্রি॒য়ে স্যাম॑ সুপ্রণীত॒য়োঽতি॒ দ্বিষঃ॑ ॥ ১০।১২৬।০৪, ৮।৭।০১৩।০৪

আ॒দি॒ত্যাসো॒ অতি॒ স্রিধো॒ বরু॑ণো মি॒ত্রো অ॑র্য॒মা । উ॒গ্রং ম॒রুদ্ভী॑ রু॒দ্রং হু॑বে॒মেন্দ্র॑ম॒গ্নিং স্ব॒স্তয়েঽতি॒ দ্বিষঃ॑ ॥ ১০।১২৬।০৫, ৮।৭।০১৩।০৫

নেতা॑র ঊ॒ ষু ণ॑স্তি॒রো বরু॑ণো মি॒ত্রো অ॑র্য॒মা । অতি॒ বিশ্বা॑নি দুরি॒তা রাজা॑নশ্চর্ষণী॒নামতি॒ দ্বিষঃ॑ ॥ ১০।১২৬।০৬, ৮।৭।০১৩।০৬

শু॒নম॒স্মভ্য॑মূ॒তয়ে॒ বরু॑ণো মি॒ত্রো অ॑র্য॒মা । শর্ম॑ যচ্ছন্তু স॒প্রথ॑ আদি॒ত্যাসো॒ যদীম॑হে॒ অতি॒ দ্বিষঃ॑ ॥ ১০।১২৬।০৭, ৮।৭।০১৩।০৭

যথা॑ হ॒ ত্যদ্ব॑সবো গৌ॒র্যং॑ চিৎপ॒দি ষি॒তামমু॑ঞ্চতা যজত্রাঃ । এ॒বো ষ্ব১॒॑স্মন্মু॑ঞ্চতা॒ ব্যংহঃ॒ প্র তা॑র্যগ্নে প্রত॒রং ন॒ আয়ুঃ॑ ॥ ১০।১২৬।০৮, ৮।৭।০১৩।০৮

৩১। তে বদন্ ইতি সূক্তং

তেবদন্নিতি সপ্তর্চস্য সূক্তস্য ব্রহ্মজায়াজুহূর্বিশ্বেদেবাস্ত্রিষ্টুবন্ত্যেদ্বেঅনুষ্টুভৌ । (ব্রাহ্মোবোর্ধ্বনাভঋষিঃ) ।

তে॑ঽবদন্প্রথ॒মা ব্র॑হ্মকিল্বি॒ষেঽকূ॑পারঃ সলি॒লো মা॑ত॒রিশ্বা॑ । বী॒ল়ুহ॑রা॒স্তপ॑ উ॒গ্রো ম॑য়ো॒ভূরাপো॑ দে॒বীঃ প্র॑থম॒জা ঋ॒তেন॑ ॥ ১০।১০৯।০১, ৮।৬।৭।১

সোমো॒ রাজা॑ প্রথ॒মো ব্র॑হ্মজা॒য়াং পুনঃ॒ প্রায়॑চ্ছ॒দহৃ॑ণীয়মানঃ । অ॒ন্ব॒র্তি॒তা বরু॑ণো মি॒ত্র আ॑সীদ॒গ্নির্হোতা॑ হস্ত॒গৃহ্যা নি॑নায় ॥ ১০।১০৯।০২, ৮।৬।৭।২

হস্তে॑নৈ॒ব গ্রা॒হ্য॑ আ॒ধির॑স্যা ব্রহ্মজা॒য়েয়মিতি॒ চেদবো॑চন্ । ন দূ॒তায়॑ প্র॒হ্যে॑ তস্থ এ॒ষা তথা॑ রা॒ষ্ট্রং গু॑পি॒তং ক্ষ॒ত্রিয়॑স্য ॥ ১০।১০৯।০৩, ৮।৬।৭।৩

দে॒বা এ॒তস্যা॑মবদন্ত॒ পূর্বে॑ সপ্তঋ॒ষয়॒স্তপ॑সে॒ যে নি॑ষে॒দুঃ । ভী॒মা জা॒য়া ব্রা॑হ্ম॒ণস্যোপ॑নীতা দু॒র্ধাং দ॑ধাতি পর॒মে ব্যো॑মন্ ॥ ১০।১০৯।০৪, ৮।৬।৭।৪

ব্র॒হ্ম॒চা॒রী চ॑রতি॒ বেবি॑ষ॒দ্বিষঃ॒ স দে॒বানাং॑ ভব॒ত্যেক॒মঙ্গ॑ম্ । তেন॑ জা॒য়ামন্ব॑বিন্দ॒দ্বৃহ॒স্পতিঃ॒ সোমে॑ন নী॒তাং জু॒হ্বং১॒॑ ন দে॑বাঃ ॥ ১০।১০৯।০৫, ৮।৬।৭।৫

পুন॒র্বৈ দে॒বা অ॑দদুঃ॒ পুন॑র্মনু॒ষ্যা॑ উ॒ত । রাজা॑নঃ স॒ত্যং কৃ॑ণ্বা॒না ব্র॑হ্মজা॒য়াং পুন॑র্দদুঃ ॥ ১০।১০৯।০৬, ৮।৬।৭।৬

পু॒ন॒র্দায়॑ ব্রহ্মজা॒য়াং কৃ॒ত্বী দে॒বৈর্নি॑কিল্বি॒ষম্ । ঊর্জং॑ পৃথি॒ব্যা ভ॒ক্ত্বায়ো॑রুগা॒য়মুপা॑সতে ॥ ১০।১০৯।০৭, ৮।৬।৭।৭

৩২। শংবতী সূক্তং

শংনইন্দ্রাগ্নীইতি পঞ্চদশর্চস্য সূক্তস্য মৈত্রাবরুণির্বসিষ্ঠোবিশ্বেদেবাস্ত্রিষ্টুপ্ । (অত্রসূক্তেসর্বেপিবিশ্বেদেবাঃ)।

শং ন॑ ইন্দ্রা॒গ্নী ভ॑বতা॒মবো॑ভিঃ॒ শং ন॒ ইন্দ্রা॒বরু॑ণা রা॒তহ॑ব্যা । শমিন্দ্রা॒সোমা॑ সুবি॒তায়॒ শং যোঃ শং ন॒ ইন্দ্রা॑পূ॒ষণা॒ বাজ॑সাতৌ ॥ ৭।০৩৫।০১, ৫।৩।০২৮।০১

শং নো॒ ভগঃ॒ শমু॑ নঃ॒ শংসো॑ অস্তু॒ শং নঃ॒ পুরন্॑ধিঃ॒ শমু॑ সন্তু॒ রায়ঃ॑ । শং নঃ॑ স॒ত্যস্য॑ সু॒য়ম॑স্য॒ শংসঃ॒ শং নো॑ অর্য॒মা পু॑রুজা॒তো অ॑স্তু ॥ ৭।০৩৫।০২, ৫।৩।০২৮।০২

শং নো॑ ধা॒তা শমু॑ ধ॒র্তা নো॑ অস্তু॒ শং ন॑ উরূ॒চী ভ॑বতু স্ব॒ধাভিঃ॑ । শং রোদ॑সী বৃহ॒তী শং নো॒ অদ্রিঃ॒ শং নো॑ দে॒বানাং॑ সু॒হবা॑নি সন্তু ॥ ৭।০৩৫।০৩, ৫।৩।০২৮।০৩

শং নো॑ অ॒গ্নির্জ্যোতি॑রনীকো অস্তু॒ শং নো॑ মি॒ত্রাবরু॑ণাব॒শ্বিনা॒ শম্ । শং নঃ॑ সু॒কৃতাং॑ সুকৃ॒তানি॑ সন্তু॒ শং ন॑ ইষি॒রো অ॒ভি বা॑তু॒ বাতঃ॑ ॥ ৭।০৩৫।০৪, ৫।৩।০২৮।০৪

শং নো॒ দ্যাবা॑পৃথি॒বী পূ॒র্বহূ॑তৌ॒ শম॒ন্তরি॑ক্ষং দৃ॒শয়ে॑ নো অস্তু । শং ন॒ ওষ॑ধীর্ব॒নিনো॑ ভবন্তু॒ শং নো॒ রজ॑স॒স্পতি॑রস্তু জি॒ষ্ণুঃ ॥ ৭।০৩৫।০৫, ৫।৩।০২৮।০৫

শং ন॒ ইন্দ্রো॒ বসু॑ভির্দে॒বো অ॑স্তু॒ শমা॑দি॒ত্যেভি॒র্বরু॑ণঃ সু॒শংসঃ॑ । শং নো॑ রু॒দ্রো রু॒দ্রেভি॒র্জলা॑ষঃ॒ শং ন॒স্ত্বষ্টা॒ গ্নাভি॑রি॒হ শৃ॑ণোতু ॥ ৭।০৩৫।০৬, ৫।৩।০২৯।০১

শং নঃ॒ সোমো॑ ভবতু॒ ব্রহ্ম॒ শং নঃ॒ শং নো॒ গ্রাবা॑ণঃ॒ শমু॑ সন্তু য॒জ্ঞাঃ । শং নঃ॒ স্বরূ॑ণাং মি॒তয়ো॑ ভবন্তু॒ শং নঃ॑ প্র॒স্ব১॒॑ঃ শম্ব॑স্তু॒ বেদিঃ॑ ॥ ৭।০৩৫।০৭, ৫।৩।০২৯।০২

শং নঃ॒ সূর্য॑ উরু॒চক্ষা॒ উদে॑তু॒ শং ন॒শ্চত॑স্রঃ প্র॒দিশো॑ ভবন্তু । শং নঃ॒ পর্ব॑তা ধ্রু॒বয়ো॑ ভবন্তু॒ শং নঃ॒ সিন্ধ॑বঃ॒ শমু॑ স॒ন্ত্বাপঃ॑ ॥ ৭।০৩৫।০৮, ৫।৩।০২৯।০৩

শং নো॒ অদি॑তির্ভবতু ব্র॒তেভিঃ॒ শং নো॑ ভবন্তু ম॒রুতঃ॑ স্ব॒র্কাঃ । শং নো॒ বিষ্ণুঃ॒ শমু॑ পূ॒ষা নো॑ অস্তু॒ শং নো॑ ভ॒বিত্রং॒ শম্ব॑স্তু বা॒য়ুঃ ॥ ৭।০৩৫।০৯, ৫।৩।০২৯।০৪

শং নো॑ দে॒বঃ স॑বি॒তা ত্রায়॑মাণঃ॒ শং নো॑ ভবন্তূ॒ষসো॑ বিভা॒তীঃ । শং নঃ॑ প॒র্জন্যো॑ ভবতু প্র॒জাভ্যঃ॒ শং নঃ॒ ক্ষেত্র॑স্য॒ পতি॑রস্তু শ॒ম্ভুঃ ॥ ৭।০৩৫।১০, ৫।৩।০২৯।০৫

শং নো॑ দে॒বা বি॒শ্বদে॑বা ভবন্তু॒ শং সর॑স্বতী স॒হ ধী॒ভির॑স্তু । শম॑ভি॒ষাচঃ॒ শমু॑ রাতি॒ষাচঃ॒ শং নো॑ দি॒ব্যাঃ পার্থি॑বাঃ॒ শং নো॒ অপ্যাঃ॑ ॥ ৭।০৩৫।১১, ৫।৩।০৩০।০১

শং নঃ॑ স॒ত্যস্য॒ পত॑য়ো ভবন্তু॒ শং নো॒ অর্ব॑ন্তঃ॒ শমু॑ সন্তু॒ গাবঃ॑ । শং ন॑ ঋ॒ভবঃ॑ সু॒কৃতঃ॑ সু॒হস্তাঃ॒ শং নো॑ ভবন্তু পি॒তরো॒ হবে॑ষু ॥ ৭।০৩৫।১২, ৫।৩।০৩০।০২

শং নো॑ অ॒জ এক॑পাদ্দে॒বো অ॑স্তু॒ শং নোঽহি॑র্বু॒ধ্ন্য১॒॑ঃ শং স॑মু॒দ্রঃ । শং নো॑ অ॒পাং নপা॑ৎপে॒রুর॑স্তু॒ শং নঃ॒ পৃশ্নি॑র্ভবতু দে॒বগো॑পা ॥ ৭।০৩৫।১৩, ৫।৩।০৩০।০৩

আ॒দি॒ত্যা রু॒দ্রা বস॑বো জুষন্তে॒দং ব্রহ্ম॑ ক্রি॒য়মা॑ণং॒ নবী॑য়ঃ । শৃ॒ণ্বন্তু॑ নো দি॒ব্যাঃ পার্থি॑বাসো॒ গোজা॑তা উ॒ত যে য॒জ্ঞিয়া॑সঃ ॥ ৭।০৩৫।১৪, ৫।৩।০৩০।০৪

যে দে॒বানাং॑ য॒জ্ঞিয়া॑ য॒জ্ঞিয়া॑নাং॒ মনো॒র্যজ॑ত্রা অ॒মৃতা॑ ঋত॒জ্ঞাঃ । তে নো॑ রাসন্তামুরুগা॒য়ম॒দ্য যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৩৫।১৫, ৫।৩।০৩০।০৫

পরিশিষ্টম্ [ঋগ্বেদ মণ্ডল ৭।০৩৫ সূক্তস্যানন্তরং][ঋগ্বেদ অষ্টক ৫, অধ্যায় ৩, ৩০ বর্গানন্তরং]

শংব॑তী॒: পার॑য়। ন্ত্যে॒তে- তং পৃ॑চ্ছন্তি॒ বচো॒ যুজা॑। অ॒।ভ্যার॒ন্তং য॒মাকে॑তুং য এ॒বেদ। মিতি॒ ব্রব॑ন্ন্॥

ভা॒সাকে॑তুং পরি॒স্রুতং॒- ভার॑তী। র্ব্রহ্ম॒বর্ধ॑নীঃ। স॒ঞ্জা॒না॒না ম॒হী মা॒তা- য এ॒বেদ। মিতি॒ ব্রব॑ৎ॥

ইন্দ্র॒।স্ত।ঙ্কিং বি॒ভুং প্র॒ভুং- ভা॒নুনে॒য়ং সর॑স্বতীম্। যেন॑ সূর্য॒। মরো॑চয়॒।-দ্যেনে॒মে রোদ॑সী~ উ॒ভে~॥

জু॒ষস্বা॑ঽগ্নে অঙ্গিরঃ- কা॒ণ্বং মেধ্যা॑তিথিম্। মা ত্বা॒ সোম॑স্য॒ বর্বৃ॑হ।-ৎসু॒তস্য॒ মধু॑মত্তমঃ॥

ত্ব।ম॑গ্নে॒ অঙ্গি॑র॒।-শ্শোচ॑স্ব দেব॒বীত॑মঃ। আ শ॑ন্তম॒ শন্ত॑মাভি। র॒ভিষ্টি॑ভি।- শ্শা॒ন্তি। স্স্ব॒স্তি।ম॑কুর্বত॥

শ।ন্ন॒: কনি॑ক্রদ। দ্দে॒বঃ- প॒র্জন্যো॑ অ॒ভি ব॑র্ষতু। শ।ন্নো॒ দ্যাবা॑পৃথি॒বী~ শং প্র॒জাভ্য॒।- শ্শ।ন্ন॑ এধি দ্বি॒পদে॒ শ।ঞ্চতু॑ষ্পদে॥

৩৩। অগ্নিসূক্তং (ঋগ্বেদ ১০।৮০)

অগ্নিঃসপ্তিমিতি সপ্তর্চস্য সূক্তস্য সৌচীকোগ্নিরগ্নিত্রিষ্টুপ্ (বৈশ্বানরোগ্নির্বাজম্ভরঃ সপ্তিরিতীমাবৃষীপাক্ষিকৌ) ।

অ॒গ্নিঃ সপ্তিং॑ বাজম্ভ॒রং দ॑দাত্য॒গ্নির্বী॒রং শ্রুত্যং॑ কর্মনিঃ॒ষ্ঠাম্ । অ॒গ্নী রোদ॑সী॒ বি চ॑রৎসম॒ঞ্জন্ন॒গ্নির্নারীং॑ বী॒রকু॑ক্ষিং॒ পুরন্॑ধিম্ ॥ ১০।০৮০।০১, ৮।৩।০১৫।০১

অ॒গ্নেরপ্ন॑সঃ স॒মিদ॑স্তু ভ॒দ্রাগ্নির্ম॒হী রোদ॑সী॒ আ বি॑বেশ । অ॒গ্নিরেকং॑ চোদয়ৎস॒মৎস্ব॒গ্নির্বৃ॒ত্রাণি॑ দয়তে পু॒রূণি॑ ॥ ১০।০৮০।০২, ৮।৩।০১৫।০২

অ॒গ্নির্হ॒ ত্যং জর॑তঃ॒ কর্ণ॑মাবা॒গ্নির॒দ্ভ্যো নির॑দহ॒জ্জরূ॑থম্ । অ॒গ্নিরত্রিং॑ ঘ॒র্ম উ॑রুষ্যদ॒ন্তর॒গ্নির্নৃ॒মেধং॑ প্র॒জয়া॑সৃজ॒ৎসম্ ॥ ১০।০৮০।০৩, ৮।৩।০১৫।০৩

অ॒গ্নির্দা॒দ্দ্রবি॑ণং বী॒রপে॑শা অ॒গ্নির্ঋষিং॒ যঃ স॒হস্রা॑ স॒নোতি॑ । অ॒গ্নির্দি॒বি হ॒ব্যমা ত॑তানা॒গ্নের্ধামা॑নি॒ বিভৃ॑তা পুরু॒ত্রা ॥ ১০।০৮০।০৪, ৮।৩।০১৫।০৪

অ॒গ্নিমু॒ক্থৈর্ঋষ॑য়ো॒ বি হ্ব॑য়ন্তে॒ঽগ্নিং নরো॒ যাম॑নি বাধি॒তাসঃ॑ । অ॒গ্নিং বয়ো॑ অ॒ন্তরি॑ক্ষে॒ পত॑ন্তো॒ঽগ্নিঃ স॒হস্রা॒ পরি॑ যাতি॒ গোনা॑ম্ ॥ ১০।০৮০।০৫, ৮।৩।০১৫।০৫

অ॒গ্নিং বিশ॑ ঈল়তে॒ মানু॑ষী॒র্যা অ॒গ্নিং মনু॑ষো॒ নহু॑ষো॒ বি জা॒তাঃ । অ॒গ্নির্গান্ধ॑র্বীং প॒থ্যা॑মৃ॒তস্যা॒গ্নের্গব্যূ॑তির্ঘৃ॒ত আ নিষ॑ত্তা ॥ ১০।০৮০।০৬, ৮।৩।০১৫।০৬

অ॒গ্নয়ে॒ ব্রহ্ম॑ ঋ॒ভব॑স্ততক্ষুর॒গ্নিং ম॒হাম॑বোচামা সুবৃ॒ক্তিম্ । অগ্নে॒ প্রাব॑ জরি॒তারং॑ যবি॒ষ্ঠাগ্নে॒ মহি॒ দ্রবি॑ণ॒মা য॑জস্ব ॥ ১০।০৮০।০৭, ৮।৩।০১৫।০৭

৩৪। বল়িত্থা সূক্তং

বল়ি॒ত্থা তদ্বপু॑ষে ধায়ি দর্শ॒তং দে॒বস্য॒ ভর্গঃ॒ সহ॑সো॒ যতো॒ জনি॑ । যদী॒মুপ॒ হ্বর॑তে॒ সাধ॑তে ম॒তির্ঋ॒তস্য॒ ধেনা॑ অনয়ন্ত স॒স্রুতঃ॑ ॥ ১।১৪১।০১, ২।২।৮।১ {ঔচথ্যো দীর্ঘতমাঃ । অগ্নিঃ । জগতী}

পৃ॒ক্ষো বপুঃ॑ পিতু॒মান্নিত্য॒ আ শ॑য়ে দ্বি॒তীয়॒মা স॒প্তশি॑বাসু মা॒তৃষু॑ । তৃ॒তীয়॑মস্য বৃষ॒ভস্য॑ দো॒হসে॒ দশ॑প্রমতিং জনয়ন্ত॒ যোষ॑ণঃ ॥ ১।১৪১।০২, ২।২।৮।২ {ঔচথ্যো দীর্ঘতমাঃ । অগ্নিঃ । জগতী}

নির্যদীং॑ বু॒ধ্নান্ম॑হি॒ষস্য॒ বর্প॑স ঈশা॒নাসঃ॒ শব॑সা॒ ক্রন্ত॑ সূ॒রয়ঃ॑ । যদী॒মনু॑ প্র॒দিবো॒ মধ্ব॑ আধ॒বে গুহা॒ সন্তং॑ মাত॒রিশ্বা॑ মথা॒য়তি॑ ॥ ১।১৪১।০৩, ২।২।৮।৩ {ঔচথ্যো দীর্ঘতমাঃ । অগ্নিঃ । জগতী}

প্র যৎপি॒তুঃ প॑র॒মান্নী॒য়তে॒ পর্যা পৃ॒ক্ষুধো॑ বী॒রুধো॒ দংসু॑ রোহতি । উ॒ভা যদ॑স্য জ॒নুষং॒ যদিন্ব॑ত॒ আদিদ্যবি॑ষ্ঠো অভবদ্ঘৃ॒ণা শুচিঃ॑ ॥ ১।১৪১।০৪, ২।২।৮।৪ {ঔচথ্যো দীর্ঘতমাঃ । অগ্নিঃ । জগতী}

আদিন্মা॒তৄরাবি॑শ॒দ্যাস্বা শুচি॒রহিং॑স্যমান উর্বি॒য়া বি বা॑বৃধে । অনু॒ যৎপূর্বা॒ অরু॑হৎসনা॒জুবো॒ নি নব্য॑সী॒ষ্বব॑রাসু ধাবতে ॥ ১।১৪১।০৫, ২।২।৮।৫ {ঔচথ্যো দীর্ঘতমাঃ । অগ্নিঃ । জগতী}

৩৫। নবগ্রহ মন্ত্রাণি

॥ ১। আদিত্যঃ ॥

আ কৃ॒ষ্ণেন॒ রজ॑সা॒ বর্ত॑মানো নিবে॒শয়॑ন্ন॒মৃতং॒ মর্ত্যং॑ চ । হি॒র॒ণ্যযে॑ন সবি॒তা রথে॒না দে॒বো যা॑তি॒ ভুব॑নানি॒ পশ্য॑ন্ ॥ ১।০৩৫।০২, ১।৩।৬।২ {আঙ্গিরসো হিরণ্যস্তূপঃ । সবিতা । ত্রিষ্টুপ্}

অ॒গ্নিং দূ॒তং বৃ॑ণীমহে॒ হোতা॑রং বি॒শ্ববে॑দসম্ । অ॒স্য য॒জ্ঞস্য॑ সু॒ক্রতু॑ম্ ॥ ১।০১২।০১, ১।১।০২২।০১ {কাণ্বো মেধাতিথি । অগ্নিঃ । গায়ত্রী}

কদ্রু॒দ্রায়॒ প্রচে॑তসে মী॒ল়্হুষ্ট॑মায়॒ তব্য॑সে । বো॒চেম॒ শন্ত॑মং হৃ॒দে ॥ ১।০৪৩।০১, ১।৩।০২৬।০১ {ঘৌরঃ কণ্বঃ । রুদ্রঃ । গায়ত্রী}

॥ ২। সোমঃ ॥

আ প্যা॑য়স্ব॒ সমে॑তু তে বি॒শ্বতঃ॑ সোম॒ বৃষ্ণ্য॑ম্ । ভবা॒ বাজ॑স্য সঙ্গ॒থে ॥ ১।০৯১।১৬, ১।৬।০২২।০১ {রহূগণো গোতমঃ । সোমঃ । গায়ত্রী}

অ॒প্সু মে॒ সোমো॑ অব্রবীদ॒ন্তর্বিশ্বা॑নি ভেষ॒জা । অ॒গ্নিং চ॑ বি॒শ্বশ॑ম্ভুবম্ ॥ ১০।০০৯।০৬, ৭।৬।৫।৬ {আম্বরীষঃ সিন্ধুদ্বীপঃ । আপঃ । গায়ত্রী}

গৌ॒রীর্মি॑মায় সলি॒লানি॒ তক্ষ॒ত্যেক॑পদী দ্বি॒পদী॒ সা চতু॑ষ্পদী । অ॒ষ্টাপ॑দী॒ নব॑পদী বভূ॒বুষী॑ স॒হস্রা॑ক্ষরা পর॒মে ব্যো॑মন্ ॥ ১।১৬৪।৪১, ২।৩।০২২।০১ {ঔচথ্যো দীর্ঘতমাঃ । বিশ্বদেবাঃ । জগতী}

॥ ৩। অঙ্গারকঃ ॥

অ॒গ্নির্মূ॒র্ধা দি॒বঃ ক॒কুৎপতিঃ॑ পৃথি॒ব্যা অ॒য়ম্ । অ॒পাং রেতাং॑সি জিন্বতি ॥ ৮।০৪৪।১৬, ৬।৩।০৩৯।০১ {আঙ্গিরসো বিরূপঃ । অগ্নিঃ । গায়ত্রী}

স্যো॒না পৃ॑থিবি ভবানৃক্ষ॒রা নি॒বেশ॑নী । যচ্ছা॑ নঃ॒ শর্ম॑ স॒প্রথঃ॑ ॥ ১।০২২।১৫, ১।২।৬।৫ {কাণ্বো মেধাতিথি । পৃথিবী । গায়ত্রী}

কু॒মা॒রং মা॒তা যু॑ব॒তিঃ সমু॑ব্ধং॒ গুহা॑ বিভর্তি॒ ন দ॑দাতি পি॒ত্রে । অনী॑কমস্য॒ ন মি॒নজ্জনা॑সঃ পু॒রঃ প॑শ্যন্তি॒ নিহি॑তমর॒তৌ ॥ ৫।০০২।০১, ৩।৮।০১৪।০১ {আত্রেয়ঃকুমারঃ । অগ্নিঃ । ত্রিষ্টুপ্}

॥ ৪। বুধঃ ॥

উদ্বু॑ধ্যধ্বং॒ সম॑নসঃ সখায়ঃ॒ সম॒গ্নিমি॑ন্ধ্বং ব॒হবঃ॒ সনী॑ল়াঃ । দ॒ধি॒ক্রাম॒গ্নিমু॒ষসং॑ চ দে॒বীমিন্দ্রা॑ব॒তোঽব॑সে॒ নি হ্ব॑য়ে বঃ ॥ ১০।১০১।০১, ৮।৫।০১৮।০১ {সৌম্যো বুধঃ । বিশ্বেদেবা ঋত্বিজো বা । ত্রিষ্টুপ্}

ই॒দং বিষ্ণু॒র্বি চ॑ক্রমে ত্রে॒ধা নি দ॑ধে প॒দম্ । সমূ॑ল়্হমস্য পাংসু॒রে ॥ ১।০২২।১৭, ১।২।৭।২ {কাণ্বো মেধাতিথি । বিষ্ণুঃ । গায়ত্রী}

স॒হস্র॑শীর্ষা॒ পুরু॑ষঃ সহস্রা॒ক্ষঃ স॒হস্র॑পাৎ । স ভূমিং॑ বি॒শ্বতো॑ বৃ॒ত্বাত্য॑তিষ্ঠদ্দশাঙ্গু॒লম্ ॥ ১০।০৯০।০১, ৮।৪।০১৭।০১ {নারায়ণঃ । পুরুষঃ । অনুষ্টুপ্}

॥ ৫। গুরুঃ ॥

বৃহ॑স্পতে॒ অতি॒ যদ॒র্যো অর্হা॑দ্দ্যু॒মদ্বি॒ভাতি॒ ক্রতু॑ম॒জ্জনে॑ষু । যদ্দী॒দয়॒চ্ছব॑স ঋতপ্রজাত॒ তদ॒স্মাসু॒ দ্রবি॑ণং ধেহি চি॒ত্রম্ ॥ ২।০২৩।১৫, ২।৬।০৩১।০৫ {শৌনকো গৃৎসমদঃ । বৃহস্পতিঃ । ত্রিষ্টুপ্}

ইন্দ্র॒ শ্রেষ্ঠা॑নি॒ দ্রবি॑ণানি ধেহি॒ চিত্তিং॒ দক্ষ॑স্য সুভগ॒ত্বম॒স্মে । পোষং॑ রয়ী॒ণামরি॑ষ্টিং ত॒নূনাং॑ স্বা॒দ্মানং॑ বা॒চঃ সু॑দিন॒ত্বমহ্না॑ম্ ॥ ২।০২১।০৬, ২।৬।০২৭।০৬ {শৌনকো গৃৎসমদঃ । ইন্দ্রঃ । ত্রিষ্টুপ্}

ব্রহ্ম॑ণা তে ব্রহ্ম॒য়ুজা॑ যুনজ্মি॒ হরী॒ সখা॑য়া সধ॒মাদ॑ আ॒শূ । স্থি॒রং রথং॑ সু॒খমি॑ন্দ্রাধি॒তিষ্ঠ॑ন্প্রজা॒নন্বি॒দ্বাঁ উপ॑ যাহি॒ সোম॑ম্ ॥ ৩।০৩৫।০৪, ৩।২।০১৭।০৪ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

॥ ৬। শুক্রঃ ॥

শু॒ক্রং তে॑ অ॒ন্যদ্য॑জ॒তং তে॑ অ॒ন্যদ্বিষু॑রূপে॒ অহ॑নী॒ দ্যৌরি॑বাসি । বিশ্বা॒ হি মা॒য়া অব॑সি স্বধাবো ভ॒দ্রা তে॑ পূষন্নি॒হ রা॒তির॑স্তু ॥ ৬।০৫৮।০১, ৪।৮।০২৪।০১ {বার্হস্পত্যো ভরদ্বাজঃ । পূষা । ত্রিষ্টুপ্}

ই॒ন্দ্রা॒ণীমা॒সু নারি॑ষু সু॒ভগা॑ম॒হম॑শ্রবম্ । ন॒হ্য॑স্যা অপ॒রং চ॒ন জ॒রসা॒ মর॑তে॒ পতি॒র্বিশ্ব॑স্মা॒দিন্দ্র॒ উত্ত॑রঃ ॥ ১০।০৮৬।১১, ৮।৪।৩।১ {এন্দ্রঃ । বরুণঃ । পঙ্ক্তিঃ}

ইন্দ্রং॑ বো বি॒শ্বত॒স্পরি॒ হবা॑মহে॒ জনে॑ভ্যঃ । অ॒স্মাক॑মস্তু॒ কেব॑লঃ ॥ ১।০০৭।১০, ১।১।০১৪।০৫ {বৈশ্বামিত্রো মধুচ্ছন্দাঃ । ইন্দ্রঃ । গায়ত্রী}

॥ ৭। শনিঃ ॥

শম॒গ্নির॒গ্নিভিঃ॑ কর॒চ্ছং ন॑স্তপতু॒ সূর্যঃ॑ । শং বাতো॑ বাত্বর॒পা অপ॒ স্রিধঃ॑ ॥ ৮।০১৮।০৯, ৬।১।০২৬।০৪ {কাণ্বঃ ইরিম্বিঠিঃ । অগ্নিসূর্যানিলাঃ । উষ্ণিক্}

প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒ তা ব॑ভূব । যৎকা॑মাস্তে জুহু॒মস্তন্নো॑ অস্তু ব॒য়ং স্যা॑ম॒ পত॑য়ো রয়ী॒ণাম্ ॥ ১০।১২১।১০, ৮।৭।৪।৫ {প্রাজাপত্যো হিরণ্যগর্ভঃ । প্রজাপতি । ত্রিষ্টুপ্}

য॒মায়॒ সোমং॑ সুনুত য॒মায়॑ জুহুতা হ॒বিঃ । য॒মং হ॑ য॒জ্ঞো গ॑চ্ছত্য॒গ্নিদূ॑তো॒ অরঙ্॑কৃতঃ ॥ ১০।০১৪।১৩, ৭।৬।০১৬।০৩ {বৈবস্বতো যমঃ । যমঃ । অনুষ্টুপ্}

॥ ৮। রাহুঃ ॥

কয়া॑ নশ্চি॒ত্র আ ভু॑বদূ॒তী স॒দাবৃ॑ধঃ॒ সখা॑ । কয়া॒ শচি॑ষ্ঠয়া বৃ॒তা ॥ ৪।০৩১।০১, ৩।৬।০২৪।০১ {গৌতমো বামদেবঃ । ইন্দ্রঃ । গায়ত্রী}

আয়ং গৌঃ পৃশ্নি॑রক্রমী॒দস॑দন্মা॒তরং॑ পু॒রঃ । পি॒তরং॑ চ প্র॒য়ন্ত্স্বঃ॑ ॥ ১০।১৮৯।০১, ৮।৮।০৪৭।০১ {সার্পরাজ্ঞী । সার্পরাজ্ঞী সূর্যো বা । গায়ত্রী}

পরং॑ মৃত্যো॒ অনু॒ পরে॑হি॒ পন্থাং॒ যস্তে॒ স্ব ইত॑রো দেব॒য়ানা॑ৎ । চক্ষু॑ষ্মতে শৃণ্ব॒তে তে॑ ব্রবীমি॒ মা নঃ॑ প্র॒জাং রী॑রিষো॒ মোত বী॒রান্ ॥ ১০।০১৮।০১, ৭।৬।০২৬।০১ {যামায়নঃ সঙ্কুসুকঃ । মৃত্যুঃ । ত্রিষ্টুপ্}

॥ ৯। কেতুঃ ॥

কে॒তুং কৃ॒ণ্বন্ন॑কে॒তবে॒ পেশো॑ মর্যা অপে॒শসে॑ । সমু॒ষদ্ভি॑রজায়থাঃ ॥ ১।০০৬।০৩, ১।১।০১১।০৩ {বৈশ্বামিত্রো মধুচ্ছন্দাঃ । ইন্দ্রঃ । গায়ত্রী}

ব্রহ্ম॑ জজ্ঞা॒নং প্র॑থ॒মং পু॒রস্তা॒দ্বি সী॑ম॒তঃ সু॒রুচো॑ বে॒ন আ॑বঃ । স বু॒ধ্নিয়া॑ উপ॒মা অ॑স্য বি॒ষ্ঠাঃ স॒তশ্চ॒ যোনি॒মস॑তশ্চ॒ বিবঃ॑ ॥ (আশ্বলায়ন শ্রৌতসূত্র ৪।৬।২)

স চি॑ত্র চি॒ত্রং চি॒তয়॑ন্তম॒স্মে চিত্র॑ক্ষত্র চি॒ত্রত॑মং বয়ো॒ধাম্ । চ॒ন্দ্রং র॒য়িং পু॑রু॒বীরং॑ বৃ॒হন্তং॒ চন্দ্র॑ চ॒ন্দ্রাভি॑র্গৃণ॒তে যু॑বস্ব ॥ ৬।০০৬।০৭, ৪।৫।৮।৭ {বার্হস্পত্যো ভরদ্বাজঃ । অগ্নিঃ । ত্রিষ্টুপ্}

৩৬। অলক্ষ্মীনাশন সূক্তং

অরায়ীতি পঞ্চর্চস্য সূক্তস্য ভারদ্বাজঃ শিরিম্বিঠোঽলক্ষ্মীনাশনো দ্বিতীয়াতৃতীয়যোর্ব্রহ্মণস্পতিরন্ত্যায়া বিশ্বেদেবাঅনুষ্টুপ্ ।

অরা॑য়ি॒ কাণে॒ বিক॑টে গি॒রিং গ॑চ্ছ সদান্বে । শি॒রিম্বি॑ঠস্য॒ সত্ব॑ভি॒স্তেভি॑ষ্ট্বা চাতয়ামসি ॥ ১০।১৫৫।০১, ৮।৮।০১৩।০১

চ॒ত্তো ই॒তশ্চ॒ত্তামুতঃ॒ সর্বা॑ ভ্রূ॒ণান্যা॒রুষী॑ । অ॒রা॒য়্যং॑ ব্রহ্মণস্পতে॒ তীক্ষ্ণ॑শৃঙ্গোদৃ॒ষন্নি॑হি ॥ ১০।১৫৫।০২, ৮।৮।০১৩।০২

অ॒দো যদ্দারু॒ প্লব॑তে॒ সিন্ধোঃ॑ পা॒রে অ॑পূরু॒ষম্ । তদা র॑ভস্ব দুর্হণো॒ তেন॑ গচ্ছ পরস্ত॒রম্ ॥ ১০।১৫৫।০৩, ৮।৮।০১৩।০৩

যদ্ধ॒ প্রাচী॒রজ॑গ॒ন্তোরো॑ মণ্ডূরধাণিকীঃ । হ॒তা ইন্দ্র॑স্য॒ শত্র॑বঃ॒ সর্বে॑ বুদ্বু॒দয়া॑শবঃ ॥ ১০।১৫৫।০৪, ৮।৮।০১৩।০৪

পরী॒মে গাম॑নেষত॒ পর্য॒গ্নিম॑হৃষত । দে॒বেষ্ব॑ক্রত॒ শ্রবঃ॒ ক ই॒মাঁ আ দ॑ধর্ষতি ॥ ১০।১৫৫।০৫, ৮।৮।০১৩।০৫

৩৭। আয়ুষ্য সূক্তং

ইমংস্তোমমিতি ষোডশর্চস্য সূক্তস্য কুৎসোগ্নিঃ পূর্বোদেবাইত্যস্যাদেবাঅগ্নিশ্চ তন্নোমিত্র ইত্যন্ত্যার্ধর্চস্যমিত্রবরুণাদিতি সিন্ধুপৃথিবীদ্যাবোজগতী অন্ত্যেত্রিষ্টুভৌ । (যদ্দৈবত্যংবা সূক্তমিতিপক্ষেঽগ্নিরেবদেবতা) ।

ই॒মং স্তোম॒মর্হ॑তে জা॒তবে॑দসে॒ রথ॑মিব॒ সং ম॑হেমা মনী॒ষয়া॑ । ভ॒দ্রা হি নঃ॒ প্রম॑তিরস্য সং॒সদ্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০১, ১।৬।০৩০।০১

যস্মৈ॒ ত্বমা॒য়জ॑সে॒ স সা॑ধত্যন॒র্বা ক্ষে॑তি॒ দধ॑তে সু॒বীর্য॑ম্ । স তূ॑তাব॒ নৈন॑মশ্নোত্যংহ॒তিরগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০২, ১।৬।০৩০।০২

শ॒কেম॑ ত্বা স॒মিধং॑ সা॒ধয়া॒ ধিয়॒স্ত্বে দে॒বা হ॒বির॑দ॒ন্ত্যাহু॑তম্ । ত্বমা॑দি॒ত্যাঁ আ ব॑হ॒ তান্হ্যু১॒॑শ্মস্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৩, ১।৬।০৩০।০৩

ভরা॑মে॒ধ্মং কৃ॒ণবা॑মা হ॒বীংষি॑ তে চি॒তয়॑ন্তঃ॒ পর্ব॑ণাপর্বণা ব॒য়ম্ । জী॒বাত॑বে প্রত॒রং সা॑ধয়া॒ ধিয়োঽগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৪, ১।৬।০৩০।০৪

বি॒শাং গো॒পা অ॑স্য চরন্তি জ॒ন্তবো॑ দ্বি॒পচ্চ॒ যদু॒ত চতু॑ষ্পদ॒ক্তুভিঃ॑ । চি॒ত্রঃ প্র॑কে॒ত উ॒ষসো॑ ম॒হাঁ অ॒স্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৫, ১।৬।০৩০।০৫

ত্বম॑ধ্ব॒র্যুরু॒ত হোতা॑সি পূ॒র্ব্যঃ প্র॑শা॒স্তা পোতা॑ জ॒নুষা॑ পু॒রোহি॑তঃ । বিশ্বা॑ বি॒দ্বাঁ আর্ত্বি॑জ্যা ধীর পুষ্য॒স্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৬, ১।৬।০৩১।০১

যো বি॒শ্বতঃ॑ সু॒প্রতী॑কঃ স॒দৃঙ্ঙসি॑ দূ॒রে চি॒ৎসন্ত॒ল়িদি॒বাতি॑ রোচসে । রাত্র্যা॑শ্চি॒দন্ধো॒ অতি॑ দেব পশ্য॒স্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৭, ১।৬।০৩১।০২

পূর্বো॑ দেবা ভবতু সুন্ব॒তো রথো॒ঽস্মাকং॒ শংসো॑ অ॒ভ্য॑স্তু দূ॒ঢ্যঃ॑ । তদা জা॑নীতো॒ত পু॑ষ্যতা॒ বচোঽগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৮, ১।৬।০৩১।০৩

ব॒ধৈর্দুঃ॒শংসাঁ॒ অপ॑ দূ॒ঢ্যো॑ জহি দূ॒রে বা॒ যে অন্তি॑ বা॒ কে চি॑দ॒ত্রিণঃ॑ । অথা॑ য॒জ্ঞায়॑ গৃণ॒তে সু॒গং কৃ॒ধ্যগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।০৯, ১।৬।০৩১।০৪

যদয়ু॑ক্থা অরু॒ষা রোহি॑তা॒ রথে॒ বাত॑জূতা বৃষ॒ভস্যে॑ব তে॒ রবঃ॑ । আদি॑ন্বসি ব॒নিনো॑ ধূ॒মকে॑তু॒নাগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।১০, ১।৬।০৩১।০৫

অধ॑ স্ব॒নাদু॒ত বি॑ভ্যুঃ পত॒ত্রিণো॑ দ্র॒প্সা যত্তে॑ যব॒সাদো॒ ব্যস্থি॑রন্ । সু॒গং তত্তে॑ তাব॒কেভ্যো॒ রথে॒ভ্যোঽগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।১১, ১।৬।০৩২।০১

অ॒য়ং মি॒ত্রস্য॒ বরু॑ণস্য॒ ধায়॑সেঽবয়া॒তাং ম॒রুতাং॒ হেল়ো॒ অদ্ভু॑তঃ । মৃ॒ল়া সু নো॒ ভূত্বে॑ষাং॒ মনঃ॒ পুন॒রগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।১২, ১।৬।০৩২।০২

দে॒বো দে॒বানা॑মসি মি॒ত্রো অদ্ভু॑তো॒ বসু॒র্বসূ॑নামসি॒ চারু॑রধ্ব॒রে । শর্ম॑ন্ত্স্যাম॒ তব॑ স॒প্রথ॑স্ত॒মেঽগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।১৩, ১।৬।০৩২।০৩

তত্তে॑ ভ॒দ্রং যৎসমি॑দ্ধঃ॒ স্বে দমে॒ সোমা॑হুতো॒ জর॑সে মৃল়॒য়ত্ত॑মঃ । দধা॑সি॒ রত্নং॒ দ্রবি॑ণং চ দা॒শুষেঽগ্নে॑ স॒খ্যে মা রি॑ষামা ব॒য়ং তব॑ ॥ ১।০৯৪।১৪, ১।৬।০৩২।০৪

যস্মৈ॒ ত্বং সু॑দ্রবিণো॒ দদা॑শোঽনাগা॒স্ত্বম॑দিতে স॒র্বতা॑তা । যং ভ॒দ্রেণ॒ শব॑সা চো॒দয়া॑সি প্র॒জাব॑তা॒ রাধ॑সা॒ তে স্যা॑ম ॥ ১।০৯৪।১৫, ১।৬।০৩২।০৫

স ত্বম॑গ্নে সৌভগ॒ত্বস্য॑ বি॒দ্বান॒স্মাক॒মায়ুঃ॒ প্র তি॑রে॒হ দে॑ব । তন্নো॑ মি॒ত্রো বরু॑ণো মামহন্তা॒মদি॑তিঃ॒ সিন্ধুঃ॑ পৃথি॒বী উ॒ত দ্যৌঃ ॥ ১।০৯৪।১৬, ১।৬।০৩২।০৬

৩৮। বরুণ সূক্তং

ন॒হি তে॑ ক্ষ॒ত্রং ন সহো॒ ন ম॒ন্যুং বয়॑শ্চ॒নামী প॒তয়॑ন্ত আ॒পুঃ । নেমা আপো॑ অনিমি॒ষং চর॑ন্তী॒র্ন যে বাত॑স্য প্রমি॒নন্ত্যভ্ব॑ম্ ॥ ১।০২৪।০৬, ১।২।০১৪।০১ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

অ॒বু॒ধ্নে রাজা॒ বরু॑ণো॒ বন॑স্যো॒র্ধ্বং স্তূপং॑ দদতে পূ॒তদ॑ক্ষঃ । নী॒চীনাঃ॑ স্থুরু॒পরি॑ বু॒ধ্ন এ॑ষাম॒স্মে অ॒ন্তর্নিহি॑তাঃ কে॒তবঃ॑ স্যুঃ ॥ ১।০২৪।০৭, ১।২।০১৪।০২ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

উ॒রুং হি রাজা॒ বরু॑ণশ্চ॒কার॒ সূর্যা॑য়॒ পন্থা॒মন্বে॑ত॒বা উ॑ । অ॒পদে॒ পাদা॒ প্রতি॑ধাতবেঽকরু॒তাপ॑ব॒ক্তা হৃ॑দয়া॒বিধ॑শ্চিৎ ॥ ১।০২৪।০৮, ১।২।০১৪।০৩ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

শ॒তং তে॑ রাজন্ভি॒ষজঃ॑ স॒হস্র॑মু॒র্বী গ॑ভী॒রা সু॑ম॒তিষ্টে॑ অস্তু । বাধ॑স্ব দূ॒রে নির্ঋ॑তিং পরা॒চৈঃ কৃ॒তং চি॒দেনঃ॒ প্র মু॑মুগ্ধ্য॒স্মৎ ॥ ১।০২৪।০৯, ১।২।০১৪।০৪ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

অ॒মী য ঋক্ষা॒ নিহি॑তাস উ॒চ্চা নক্তং॒ দদৃ॑শ্রে॒ কুহ॑ চি॒দ্দিবে॑য়ুঃ । অদ॑ব্ধানি॒ বরু॑ণস্য ব্র॒তানি॑ বি॒চাক॑শচ্চ॒ন্দ্রমা॒ নক্ত॑মেতি ॥ ১।০২৪।১০, ১।২।০১৪।০৫ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

তত্ত্বা॑ যামি॒ ব্রহ্ম॑ণা॒ বন্দ॑মান॒স্তদা শা॑স্তে॒ যজ॑মানো হ॒বির্ভিঃ॑ । অহে॑ল়মানো বরুণে॒হ বো॒ধ্যুরু॑শংস॒ মা ন॒ আয়ুঃ॒ প্র মো॑ষীঃ ॥ ১।০২৪।১১, ১।২।০১৫।০১ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

তদিন্নক্তং॒ তদ্দিবা॒ মহ্য॑মাহু॒স্তদ॒য়ং কেতো॑ হৃ॒দ আ বি চ॑ষ্টে । শুনঃ॒শেপো॒ যমহ্ব॑দ্গৃভী॒তঃ সো অ॒স্মান্রাজা॒ বরু॑ণো মুমোক্তু ॥ ১।০২৪।১২, ১।২।০১৫।০২ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

শুনঃ॒শেপো॒ হ্যহ্ব॑দ্গৃভী॒তস্ত্রি॒ষ্বা॑দি॒ত্যং দ্রু॑প॒দেষু॑ ব॒দ্ধঃ । অবৈ॑নং॒ রাজা॒ বরু॑ণঃ সসৃজ্যাদ্বি॒দ্বাঁ অদ॑ব্ধো॒ বি মু॑মোক্তু॒ পাশা॑ন্ ॥ ১।০২৪।১৩, ১।২।০১৫।০৩ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

অব॑ তে॒ হেল়ো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয়॑ন্ন॒স্মভ্য॑মসুর প্রচেতা॒ রাজ॒ন্নেনাং॑সি শিশ্রথঃ কৃ॒তানি॑ ॥ ১।০২৪।১৪, ১।২।০১৫।০৪ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

উদু॑ত্ত॒মং ব॑রুণ॒ পাশ॑ম॒স্মদবা॑ধ॒মং বি ম॑ধ্য॒মং শ্র॑থায় । অথা॑ ব॒য়মা॑দিত্য ব্র॒তে তবানা॑গসো॒ অদি॑তয়ে স্যাম ॥ ১।০২৪।১৫, ১।২।০১৫।০৫ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

নক্তো॒ষাসা॑ সু॒পেশ॑সা॒স্মিন্য॒জ্ঞ উপ॑ হ্বয়ে । ই॒দং নো॑ ব॒র্হিরা॒সদে॑ ॥ ১।০১৩।০৭, ১।১।০২৫।০১ {কাণ্বো মেধাতিথি । উষাসানক্তা । গায়ত্রী}

যচ্চিদ্ধিতইত্যেকবিংশত্যৃচস্য সূক্তস্যাজীর্গর্তিঃশুনঃশেপোবরুণোগায়ত্রী ।

যচ্চি॒দ্ধি তে॒ বিশো॑ যথা॒ প্র দে॑ব বরুণ ব্র॒তম্ । মি॒নী॒মসি॒ দ্যবি॑দ্যবি ॥ ১।০২৫।০১, ১।২।০১৬।০১

মা নো॑ ব॒ধায়॑ হ॒ত্নবে॑ জিহীল়া॒নস্য॑ রীরধঃ । মা হৃ॑ণা॒নস্য॑ ম॒ন্যবে॑ ॥ ১।০২৫।০২, ১।২।০১৬।০২

বি মৃ॑ল়ী॒কায়॑ তে॒ মনো॑ র॒থীরশ্বং॒ ন সন্দি॑তম্ । গী॒র্ভির্ব॑রুণ সীমহি ॥ ১।০২৫।০৩, ১।২।০১৬।০৩

পরা॒ হি মে॒ বিম॑ন্যবঃ॒ পত॑ন্তি॒ বস্য॑ইষ্টয়ে । বয়ো॒ ন ব॑স॒তীরুপ॑ ॥ ১।০২৫।০৪, ১।২।০১৬।০৪

ক॒দা ক্ষ॑ত্র॒শ্রিয়ং॒ নর॒মা বরু॑ণং করামহে । মৃ॒ল়ী॒কায়ো॑রু॒চক্ষ॑সম্ ॥ ১।০২৫।০৫, ১।২।০১৬।০৫

তদিৎস॑মা॒নমা॑শাতে॒ বেন॑ন্তা॒ ন প্র যু॑চ্ছতঃ । ধৃ॒তব্র॑তায় দা॒শুষে॑ ॥ ১।০২৫।০৬, ১।২।০১৭।০১

বেদা॒ যো বী॒নাং প॒দম॒ন্তরি॑ক্ষেণ॒ পত॑তাম্ । বেদ॑ না॒বঃ স॑মু॒দ্রিয়ঃ॑ ॥ ১।০২৫।০৭, ১।২।০১৭।০২

বেদ॑ মা॒সো ধৃ॒তব্র॑তো॒ দ্বাদ॑শ প্র॒জাব॑তঃ । বেদা॒ য উ॑প॒জায়॑তে ॥ ১।০২৫।০৮, ১।২।০১৭।০৩

বেদ॒ বাত॑স্য বর্ত॒নিমু॒রোর্ঋ॒ষ্বস্য॑ বৃহ॒তঃ । বেদা॒ যে অ॒ধ্যাস॑তে ॥ ১।০২৫।০৯, ১।২।০১৭।০৪

নি ষ॑সাদ ধৃ॒তব্র॑তো॒ বরু॑ণঃ প॒স্ত্যা॒৩॒॑স্বা । সাম্রা॑জ্যায় সু॒ক্রতুঃ॑ ॥ ১।০২৫।১০, ১।২।০১৭।০৫

অতো॒ বিশ্বা॒ন্যদ্ভু॑তা চিকি॒ত্বাঁ অ॒ভি প॑শ্যতি । কৃ॒তানি॒ যা চ॒ কর্ত্বা॑ ॥ ১।০২৫।১১, ১।২।০১৮।০১

স নো॑ বি॒শ্বাহা॑ সু॒ক্রতু॑রাদি॒ত্যঃ সু॒পথা॑ করৎ । প্র ণ॒ আয়ূং॑ষি তারিষৎ ॥ ১।০২৫।১২, ১।২।০১৮।০২

বিভ্র॑দ্দ্রা॒পিং হি॑র॒ণ্যযং॒ বরু॑ণো বস্ত নি॒র্ণিজ॑ম্ । পরি॒ স্পশো॒ নি ষে॑দিরে ॥ ১।০২৫।১৩, ১।২।০১৮।০৩

ন যং দিপ্স॑ন্তি দি॒প্সবো॒ ন দ্রুহ্বা॑ণো॒ জনা॑নাম্ । ন দে॒বম॒ভিমা॑তয়ঃ ॥ ১।০২৫।১৪, ১।২।০১৮।০৪

উ॒ত যো মানু॑ষে॒ষ্বা যশ॑শ্চ॒ক্রে অসা॒ম্যা । অ॒স্মাক॑মু॒দরে॒ষ্বা ॥ ১।০২৫।১৫, ১।২।০১৮।০৫

পরা॑ মে যন্তি ধী॒তয়ো॒ গাবো॒ ন গব্যূ॑তী॒রনু॑ । ই॒চ্ছন্তী॑রুরু॒চক্ষ॑সম্ ॥ ১।০২৫।১৬, ১।২।০১৯।০১

সং নু বো॑চাবহৈ॒ পুন॒র্যতো॑ মে॒ মধ্বাভৃ॑তম্ । হোতে॑ব॒ ক্ষদ॑সে প্রি॒য়ম্ ॥ ১।০২৫।১৭, ১।২।০১৯।০২

দর্শং॒ নু বি॒শ্বদ॑র্শতং॒ দর্শং॒ রথ॒মধি॒ ক্ষমি॑ । এ॒তা জু॑ষত মে॒ গিরঃ॑ ॥ ১।০২৫।১৮, ১।২।০১৯।০৩

ই॒মং মে॑ বরুণ শ্রুধী॒ হব॑ম॒দ্যা চ॑ মৃল়য় । ত্বাম॑ব॒স্যুরা চ॑কে ॥ ১।০২৫।১৯, ১।২।০১৯।০৪

ত্বং বিশ্ব॑স্য মেধির দি॒বশ্চ॒ গ্মশ্চ॑ রাজসি । স যাম॑নি॒ প্রতি॑ শ্রুধি ॥ ১।০২৫।২০, ১।২।০১৯।০৫

উদু॑ত্ত॒মং মু॑মুগ্ধি নো॒ বি পাশং॑ মধ্য॒মং চৃ॑ত । অবা॑ধ॒মানি॑ জী॒বসে॑ ॥ ১।০২৫।২১, ১।২।০১৯।০৬

প্রসম্রাজইত্যষ্টর্চস্য সূক্তস্য ভৌমোত্রির্বরুণত্রিষ্টুপ্ ।

প্র স॒ম্রাজে॑ বৃ॒হদ॑র্চা গভী॒রং ব্রহ্ম॑ প্রি॒য়ং বরু॑ণায় শ্রু॒তায়॑ । বি যো জ॒ঘান॑ শমি॒তেব॒ চর্মো॑প॒স্তিরে॑ পৃথি॒বীং সূর্যা॑য় ॥ ৫।০৮৫।০১, ৪।৪।০৩০।০১

বনে॑ষু॒ ব্য১॒॑ন্তরি॑ক্ষং ততান॒ বাজ॒মর্ব॑ৎসু॒ পয়॑ উ॒স্রিয়া॑সু । হৃ॒ৎসু ক্রতুং॒ বরু॑ণো অ॒প্স্ব১॒॑গ্নিং দি॒বি সূর্য॑মদধা॒ৎসোম॒মদ্রৌ॑ ॥ ৫।০৮৫।০২, ৪।৪।০৩০।০২

নী॒চীন॑বারং॒ বরু॑ণঃ॒ কব॑ন্ধং॒ প্র স॑সর্জ॒ রোদ॑সী অ॒ন্তরি॑ক্ষম্ । তেন॒ বিশ্ব॑স্য॒ ভুব॑নস্য॒ রাজা॒ যবং॒ ন বৃ॒ষ্টির্ব্যু॑নত্তি॒ ভূম॑ ॥ ৫।০৮৫।০৩, ৪।৪।০৩০।০৩

উ॒নত্তি॒ ভূমিং॑ পৃথি॒বীমু॒ত দ্যাং য॒দা দু॒গ্ধং বরু॑ণো॒ বষ্ট্যাদিৎ । সম॒ভ্রেণ॑ বসত॒ পর্ব॑তাসস্তবিষী॒য়ন্তঃ॑ শ্রথয়ন্ত বী॒রাঃ ॥ ৫।০৮৫।০৪, ৪।৪।০৩০।০৪

ই॒মামূ॒ ষ্বা॑সু॒রস্য॑ শ্রু॒তস্য॑ ম॒হীং মা॒য়াং বরু॑ণস্য॒ প্র বো॑চম্ । মানে॑নেব তস্থি॒বাঁ অ॒ন্তরি॑ক্ষে॒ বি যো ম॒মে পৃ॑থি॒বীং সূর্যে॑ণ ॥ ৫।০৮৫।০৫, ৪।৪।০৩০।০৫

ই॒মামূ॒ নু ক॒বিত॑মস্য মা॒য়াং ম॒হীং দে॒বস্য॒ নকি॒রা দ॑ধর্ষ । একং॒ যদু॒দ্না ন পৃ॒ণন্ত্যেনী॑রাসি॒ঞ্চন্তী॑র॒বন॑য়ঃ সমু॒দ্রম্ ॥ ৫।০৮৫।০৬, ৪।৪।০৩১।০১

অ॒র্য॒ম্যং॑ বরুণ মি॒ত্র্যং॑ বা॒ সখা॑য়ং বা॒ সদ॒মিদ্ভ্রাত॑রং বা । বে॒শং বা॒ নিত্যং॑ বরু॒ণার॑ণং বা॒ যৎসী॒মাগ॑শ্চকৃ॒মা শি॒শ্রথ॒স্তৎ ॥ ৫।০৮৫।০৭, ৪।৪।০৩১।০২

কি॒ত॒বাসো॒ যদ্রি॑রি॒পুর্ন দী॒বি যদ্বা॑ ঘা স॒ত্যমু॒ত যন্ন বি॒দ্ম । সর্বা॒ তা বি ষ্য॑ শিথি॒রেব॑ দে॒বাধা॑ তে স্যাম বরুণ প্রি॒য়াসঃ॑ ॥ ৫।০৮৫।০৮, ৪।৪।০৩১।০৩

ধীরাত্বিত্যষ্টর্চস্য সূক্তস্য মৈত্রাবরুণির্বসিষ্ঠোবরুণস্ত্রিষ্টুপ্ ।

ধীরা॒ ত্ব॑স্য মহি॒না জ॒নূংষি॒ বি যস্ত॒স্তম্ভ॒ রোদ॑সী চিদু॒র্বী । প্র নাক॑মৃ॒ষ্বং নু॑নুদে বৃ॒হন্তং॑ দ্বি॒তা নক্ষ॑ত্রং প॒প্রথ॑চ্চ॒ ভূম॑ ॥ ৭।০৮৬।০১, ৫।৬।৮।১

উ॒ত স্বয়া॑ ত॒ন্বা॒৩॒॑ সং ব॑দে॒ তৎক॒দা ন্ব১॒॑ন্তর্বরু॑ণে ভুবানি । কিং মে॑ হ॒ব্যমহৃ॑ণানো জুষেত ক॒দা মৃ॑ল়ী॒কং সু॒মনা॑ অ॒ভি খ্য॑ম্ ॥ ৭।০৮৬।০২, ৫।৬।৮।২

পৃ॒চ্ছে তদেনো॑ বরুণ দি॒দৃক্ষূপো॑ এমি চিকি॒তুষো॑ বি॒পৃচ্ছ॑ম্ । স॒মা॒নমিন্মে॑ ক॒বয়॑শ্চিদাহুর॒য়ং হ॒ তুভ্যং॒ বরু॑ণো হৃণীতে ॥ ৭।০৮৬।০৩, ৫।৬।৮।৩

কিমাগ॑ আস বরুণ॒ জ্যেষ্ঠং॒ যৎস্তো॒তারং॒ জিঘাং॑সসি॒ সখা॑য়ম্ । প্র তন্মে॑ বোচো দূল়ভ স্বধা॒বোঽব॑ ত্বানে॒না নম॑সা তু॒র ই॑য়াম্ ॥ ৭।০৮৬।০৪, ৫।৬।৮।৪

অব॑ দ্রু॒গ্ধানি॒ পিত্র্যা॑ সৃজা॒ নোঽব॒ যা ব॒য়ং চ॑কৃ॒মা ত॒নূভিঃ॑ । অব॑ রাজন্পশু॒তৃপং॒ ন তা॒য়ুং সৃ॒জা ব॒ৎসং ন দাম্নো॒ বসি॑ষ্ঠম্ ॥ ৭।০৮৬।০৫, ৫।৬।৮।৫

ন স স্বো দক্ষো॑ বরুণ॒ ধ্রুতিঃ॒ সা সুরা॑ ম॒ন্যুর্বি॒ভীদ॑কো॒ অচি॑ত্তিঃ । অস্তি॒ জ্যায়া॒ন্কনী॑য়স উপা॒রে স্বপ্ন॑শ্চ॒নেদনৃ॑তস্য প্রয়ো॒তা ॥ ৭।০৮৬।০৬, ৫।৬।৮।৬

অরং॑ দা॒সো ন মী॒ল়্হুষে॑ করাণ্য॒হং দে॒বায়॒ ভূর্ণ॒য়েঽনা॑গাঃ । অচে॑তয়দ॒চিতো॑ দে॒বো অ॒র্যো গৃৎসং॑ রা॒য়ে ক॒বিত॑রো জুনাতি ॥ ৭।০৮৬।০৭, ৫।৬।৮।৭

অ॒য়ং সু তুভ্যং॑ বরুণ স্বধাবো হৃ॒দি স্তোম॒ উপ॑শ্রিতশ্চিদস্তু । শং নঃ॒ ক্ষেমে॒ শমু॒ যোগে॑ নো অস্তু যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৮৬।০৮, ৫।৬।৮।৮

রদৎপথইতি সপ্তর্চস্য সূক্তস্য মৈত্রাবরুণির্বসিষ্ঠোবরুণস্ত্রিষ্টুপ্ ।

রদ॑ৎপ॒থো বরু॑ণঃ॒ সূর্যা॑য়॒ প্রার্ণাং॑সি সমু॒দ্রিয়া॑ ন॒দীনা॑ম্ । সর্গো॒ ন সৃ॒ষ্টো অর্ব॑তীর্ঋতা॒য়ঞ্চ॒কার॑ ম॒হীর॒বনী॒রহ॑ভ্যঃ ॥ ৭।০৮৭।০১, ৫।৬।৯।১

আ॒ত্মা তে॒ বাতো॒ রজ॒ আ ন॑বীনোৎপ॒শুর্ন ভূর্ণি॒র্যব॑সে সস॒বান্ । অ॒ন্তর্ম॒হী বৃ॑হ॒তী রোদ॑সী॒মে বিশ্বা॑ তে॒ ধাম॑ বরুণ প্রি॒য়াণি॑ ॥ ৭।০৮৭।০২, ৫।৬।৯।২

পরি॒ স্পশো॒ বরু॑ণস্য॒ স্মদি॑ষ্টা উ॒ভে প॑শ্যন্তি॒ রোদ॑সী সু॒মেকে॑ । ঋ॒তাবা॑নঃ ক॒বয়ো॑ য॒জ্ঞধী॑রাঃ॒ প্রচে॑তসো॒ য ই॒ষয়॑ন্ত॒ মন্ম॑ ॥ ৭।০৮৭।০৩, ৫।৬।৯।৩

উ॒বাচ॑ মে॒ বরু॑ণো॒ মেধি॑রায়॒ ত্রিঃ স॒প্ত নামাঘ্ন্যা॑ বিভর্তি । বি॒দ্বান্প॒দস্য॒ গুহ্যা॒ ন বো॑চদ্যু॒গায়॒ বিপ্র॒ উপ॑রায়॒ শিক্ষ॑ন্ ॥ ৭।০৮৭।০৪, ৫।৬।৯।৪

তি॒স্রো দ্যাবো॒ নিহি॑তা অ॒ন্তর॑স্মিন্তি॒স্রো ভূমী॒রুপ॑রাঃ॒ ষড্বি॑ধানাঃ । গৃৎসো॒ রাজা॒ বরু॑ণশ্চক্র এ॒তং দি॒বি প্রে॒ঙ্খং হি॑র॒ণ্যযং॑ শু॒ভে কম্ ॥ ৭।০৮৭।০৫, ৫।৬।৯।৫

অব॒ সিন্ধুং॒ বরু॑ণো॒ দ্যৌরি॑ব স্থাদ্দ্র॒প্সো ন শ্বে॒তো মৃ॒গস্তুবি॑ষ্মান্ । গ॒ম্ভী॒রশং॑সো॒ রজ॑সো বি॒মানঃ॑ সুপা॒রক্ষ॑ত্রঃ স॒তো অ॒স্য রাজা॑ ॥ ৭।০৮৭।০৬, ৫।৬।৯।৬

যো মৃ॒ল়য়া॑তি চ॒ক্রুষে॑ চি॒দাগো॑ ব॒য়ং স্যা॑ম॒ বরু॑ণে॒ অনা॑গাঃ । অনু॑ ব্র॒তান্যদি॑তের্ঋ॒ধন্তো॑ যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৮৭।০৭, ৫।৬।৯।৭

প্রশুন্ধ্যুবমিতি সপ্তর্চস্য সূক্তস্য মৈত্রাবরুণির্বসিষ্ঠোবরুণস্ত্রিষ্টুবন্ত্যাজগতী । (অন্ত্যাপাশবিমোচনীতিগুণঃ) ।

প্র শু॒ন্ধ্যুবং॒ বরু॑ণায়॒ প্রেষ্ঠাং॑ ম॒তিং ব॑সিষ্ঠ মী॒ল়্হুষে॑ ভরস্ব । য ঈ॑ম॒র্বাঞ্চং॒ কর॑তে॒ যজ॑ত্রং স॒হস্রা॑মঘং॒ বৃষ॑ণং বৃ॒হন্ত॑ম্ ॥ ৭।০৮৮।০১, ৫।৬।০১০।০১

অধা॒ ন্ব॑স্য সন্॒দৃশং॑ জগ॒ন্বান॒গ্নেরনী॑কং॒ বরু॑ণস্য মংসি । স্ব১॒॑র্যদশ্ম॑ন্নধি॒পা উ॒ অন্ধো॒ঽভি মা॒ বপু॑র্দৃ॒শয়ে॑ নিনীয়াৎ ॥ ৭।০৮৮।০২, ৫।৬।০১০।০২

আ যদ্রু॒হাব॒ বরু॑ণশ্চ॒ নাবং॒ প্র যৎস॑মু॒দ্রমী॒রয়া॑ব॒ মধ্য॑ম্ । অধি॒ যদ॒পাং স্নুভি॒শ্চরা॑ব॒ প্র প্রে॒ঙ্খ ঈ॑ঙ্খয়াবহৈ শু॒ভে কম্ ॥ ৭।০৮৮।০৩, ৫।৬।০১০।০৩

বসি॑ষ্ঠং হ॒ বরু॑ণো না॒ব্যাধা॒দৃষিং॑ চকার॒ স্বপা॒ মহো॑ভিঃ । স্তো॒তারং॒ বিপ্রঃ॑ সুদিন॒ত্বে অহ্নাং॒ যান্নু দ্যাব॑স্ত॒তন॒ন্যাদু॒ষাসঃ॑ ॥ ৭।০৮৮।০৪, ৫।৬।০১০।০৪

ক্ব১॒॑ ত্যানি॑ নৌ স॒খ্যা ব॑ভূবুঃ॒ সচা॑বহে॒ যদ॑বৃ॒কং পু॒রা চি॑ৎ । বৃ॒হন্তং॒ মানং॑ বরুণ স্বধাবঃ স॒হস্র॑দ্বারং জগমা গৃ॒হং তে॑ ॥ ৭।০৮৮।০৫, ৫।৬।০১০।০৫

য আ॒পির্নিত্যো॑ বরুণ প্রি॒য়ঃ সন্ত্বামাগাং॑সি কৃ॒ণব॒ৎসখা॑ তে । মা ত॒ এন॑স্বন্তো যক্ষিন্ভুজেম য॒ন্ধি ষ্মা॒ বিপ্রঃ॑ স্তুব॒তে বরূ॑থম্ ॥ ৭।০৮৮।০৬, ৫।৬।০১০।০৬

ধ্রু॒বাসু॑ ত্বা॒সু ক্ষি॒তিষু॑ ক্ষি॒য়ন্তো॒ ব্য১॒॑স্মৎপাশং॒ বরু॑ণো মুমোচৎ । অবো॑ বন্বা॒না অদি॑তেরু॒পস্থা॑দ্যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৮৮।০৭, ৫।৬।০১০।০৭

মোষুবরুণেতি পঞ্চর্চস্য সূক্তস্য মৈত্রাবরুণির্বসিষ্ঠোবরুণোগায়ত্র্যন্ত্যাজগতী ।

মো ষু ব॑রুণ মৃ॒ন্ময়ং॑ গৃ॒হং রা॑জন্ন॒হং গ॑মম্ । মৃ॒ল়া সু॑ক্ষত্র মৃ॒ল়য়॑ ॥ ৭।০৮৯।০১, ৫।৬।০১১।০১

যদেমি॑ প্রস্ফু॒রন্নি॑ব॒ দৃতি॒র্ন ধ্মা॒তো অ॑দ্রিবঃ । মৃ॒ল়া সু॑ক্ষত্র মৃ॒ল়য়॑ ॥ ৭।০৮৯।০২, ৫।৬।০১১।০২

ক্রত্বঃ॑ সমহ দী॒নতা॑ প্রতী॒পং জ॑গমা শুচে । মৃ॒ল়া সু॑ক্ষত্র মৃ॒ল়য়॑ ॥ ৭।০৮৯।০৩, ৫।৬।০১১।০৩

অ॒পাং মধ্যে॑ তস্থি॒বাংসং॒ তৃষ্ণা॑বিদজ্জরি॒তার॑ম্ । মৃ॒ল়া সু॑ক্ষত্র মৃ॒ল়য়॑ ॥ ৭।০৮৯।০৪, ৫।৬।০১১।০৪

যৎকিং চে॒দং ব॑রুণ॒ দৈব্যে॒ জনে॑ঽভিদ্রো॒হং ম॑নু॒ষ্যা॒৩॒॑শ্চরা॑মসি । অচি॑ত্তী॒ যত্তব॒ ধর্মা॑ যুয়োপি॒ম মা ন॒স্তস্মা॒দেন॑সো দেব রীরিষঃ ॥ ৭।০৮৯।০৫, ৫।৬।০১১।০৫

অস্মাঊষ্বিতি দশর্চস্য সূক্তস্য কাণ্বোনাভাকোবরুণোমহাপঙ্ক্তিঃ ।

অ॒ অ॒স্মা ঊ॒ ষু প্রভূ॑তয়ে॒ বরু॑ণায় ম॒রুদ্ভ্যোঽর্চা॑ বি॒দুষ্ট॑রেভ্যঃ । যো ধী॒তা মানু॑ষাণাং প॒শ্বো গা ই॑ব॒ রক্ষ॑তি॒ নভ॑ন্তামন্য॒কে স॑মে ॥ ৮।০৪১।০১, ৬।৩।০২৬।০১

তমূ॒ ষু স॑ম॒না গি॒রা পি॑তৄ॒ণাং চ॒ মন্ম॑ভিঃ । না॒ভা॒কস্য॒ প্রশ॑স্তিভি॒র্যঃ সিন্ধূ॑না॒মুপো॑দ॒য়ে স॒প্তস্ব॑সা॒ স ম॑ধ্য॒মো নভ॑ন্তামন্য॒কে স॑মে ॥ ৮।০৪১।০২, ৬।৩।০২৬।০২

স ক্ষপঃ॒ পরি॑ ষস্বজে॒ ন্যু১॒॑স্রো মা॒য়যা॑ দধে॒ স বিশ্বং॒ পরি॑ দর্শ॒তঃ । তস্য॒ বেনী॒রনু॑ ব্র॒তমু॒ষস্তি॒স্রো অ॑বর্ধয়॒ন্নভ॑ন্তামন্য॒কে স॑মে ॥ ৮।০৪১।০৩, ৬।৩।০২৬।০৩

যঃ ক॒কুভো॑ নিধার॒য়ঃ পৃ॑থি॒ব্যামধি॑ দর্শ॒তঃ । স মাতা॑ পূ॒র্ব্যং প॒দং তদ্বরু॑ণস্য॒ সপ্ত্যং॒ স হি গো॒পা ই॒বের্যো॒ নভ॑ন্তামন্য॒কে স॑মে ॥ ৮।০৪১।০৪, ৬।৩।০২৬।০৪

যো ধ॒র্তা ভুব॑নানাং॒ য উ॒স্রাণা॑মপী॒চ্যা॒৩॒॑ বেদ॒ নামা॑নি॒ গুহ্যা॑ । স ক॒বিঃ কাব্যা॑ পু॒রু রূ॒পং দ্যৌরি॑ব পুষ্যতি॒ নভ॑ন্তামন্য॒কে স॑মে ॥ ৮।০৪১।০৫, ৬।৩।০২৬।০৫

যস্মি॒ন্বিশ্বা॑নি॒ কাব্যা॑ চ॒ক্রে নাভি॑রিব শ্রি॒তা । ত্রি॒তং জূ॒তী স॑পর্যত ব্র॒জে গাবো॒ ন সং॒য়ুজে॑ যু॒জে অশ্বাঁ॑ অয়ুক্ষত॒ নভ॑ন্তামন্য॒কে স॑মে ॥ ৮।০৪১।০৬, ৬।৩।০২৭।০১

য আ॒স্বৎক॑ আ॒শয়ে॒ বিশ্বা॑ জা॒তান্যে॑ষাম্ । পরি॒ ধামা॑নি॒ মর্মৃ॑শ॒দ্বরু॑ণস্য পু॒রো গয়ে॒ বিশ্বে॑ দে॒বা অনু॑ ব্র॒তং নভ॑ন্তামন্য॒কে স॑মে ॥ ৮।০৪১।০৭, ৬।৩।০২৭।০২

স স॑মু॒দ্রো অ॑পী॒চ্য॑স্তু॒রো দ্যামি॑ব রোহতি॒ নি যদা॑সু॒ যজু॑র্দ॒ধে । স মা॒য়া অ॒র্চিনা॑ প॒দাস্তৃ॑ণা॒ন্নাক॒মারু॑হ॒ন্নভ॑ন্তামন্য॒কে স॑মে ॥ ৮।০৪১।০৮, ৬।৩।০২৭।০৩

যস্য॑ শ্বে॒তা বি॑চক্ষ॒ণা তি॒স্রো ভূমী॑রধিক্ষি॒তঃ । ত্রিরুত্ত॑রাণি প॒প্রতু॒র্বরু॑ণস্য ধ্রু॒বং সদঃ॒ স স॑প্তা॒নামি॑রজ্যতি॒ নভ॑ন্তামন্য॒কে স॑মে ॥ ৮।০৪১।০৯, ৬।৩।০২৭।০৪

যঃ শ্বে॒তাঁ অধি॑নির্ণিজশ্চ॒ক্রে কৃ॒ষ্ণাঁ অনু॑ ব্র॒তা । স ধাম॑ পূ॒র্ব্যং ম॑মে॒ যঃ স্ক॒ম্ভেন॒ বি রোদ॑সী অ॒জো ন দ্যামধা॑রয়॒ন্নভ॑ন্তামন্য॒কে স॑মে ॥ ৮।০৪১।১০, ৬।৩।০২৭।০৫

অস্ত॑ভ্না॒দ্দ্যামসু॑রো বি॒শ্ববে॑দা॒ অমি॑মীত বরি॒মাণং॑ পৃথি॒ব্যাঃ । আসী॑দ॒দ্বিশ্বা॒ ভুব॑নানি স॒ম্রাড্বিশ্বেত্তানি॒ বরু॑ণস্য ব্র॒তানি॑ ॥ ৮।০৪২।০১, ৬।৩।০২৮।০১ {কাণ্বো নাভাকঃ । বরুণঃ । ত্রিষ্টুপ্}

এ॒বা ব॑ন্দস্ব॒ বরু॑ণং বৃ॒হন্তং॑ নম॒স্যা ধীর॑ম॒মৃত॑স্য গো॒পাম্ । স নঃ॒ শর্ম॑ ত্রি॒বরূ॑থং॒ বি যং॑সৎপা॒তং নো॑ দ্যাবাপৃথিবী উ॒পস্থে॑ ॥ ৮।০৪২।০২, ৬।৩।০২৮।০২ {কাণ্বো নাভাকঃ । বরুণঃ । ত্রিষ্টুপ্}

ই॒মাং ধিয়ং॒ শিক্ষ॑মাণস্য দেব॒ ক্রতুং॒ দক্ষং॑ বরুণ॒ সং শি॑শাধি । যয়াতি॒ বিশ্বা॑ দুরি॒তা তরে॑ম সু॒তর্মা॑ণ॒মধি॒ নাবং॑ রুহেম ॥ ৮।০৪২।০৩, ৬।৩।০২৮।০৩ {কাণ্বো নাভাকঃ । বরুণঃ । ত্রিষ্টুপ্}

সু॒দে॒বো অ॑সি বরুণ॒ যস্য॑ তে স॒প্ত সিন্ধ॑বঃ । অ॒নু॒ক্ষর॑ন্তি কা॒কুদং॑ সূ॒র্ম্যং॑ সুষি॒রামি॑ব ॥ ৮।০৬৯।১২, ৬।৫।৭।২ {আঙ্গিরসঃ প্রিয়মেধঃ । বরুণঃ । অনুষ্টুপ্}

৩৯। শিব সঙ্কল্প হৃদয়ং

পরিশিষ্টম্ [ঋগ্বেদ মণ্ডল ১০, ১৬৬ সূক্তস্যানন্তরং][ঋগ্বেদ অষ্টক ৮, অধ্যায় ৮, ২৪ বর্গানন্তরং]

যেনে॒দং ভূ॒তং ভুব॑নং ভবি॒ষ্যৎ পরি॑ গৃহীতম॒মৃতে॑ন॒ সর্বং॑ । যেন॑ য॒জ্ঞস্তা॒য়তে স॒প্তহো॑তা॒ তন্মে॒ মনঃ॑ শি॒বসঙ্॑ক॒ল্পম॑স্তু ॥১॥

যেন॒ কর্মা॑ণ্য॒পসো॑ মনী॒ষিণো॑ য॒জ্ঞে কৃ॒ণ্বন্তি॑ বি॒দথে॑ষু॒ ধীরাঃ॑ । যদ॑পূ॒র্বং য॒ক্ষমন্॒তঃ প্র॒জানাং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥২॥

যজ্জাগ্র॑তো দূ॒রমু॒দৈতি॒ দৈবং॒ তদু॑ সু॒প্তস্য॒ তথৈ॒বেতি॑ । দূ॒রঙ্॒গ॒মং জ্যোতি॑ষাং॒ জ্যোতি॒রেকং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥৩॥

যৎ প্র॒জ্ঞান॑মু॒ত চেতো॒ ধৃতি॑শ্চ॒ যজ্জ্যোতি॑রন্॒তর॒মৃতং॑ প্র॒জাসু॑ । যস্মা॒ন্ন ঋ॒তে কিঞ্চ॒ন কর্ম॑ ক্রি॒য়তে॒ তন্মে॒ মনঃ॑ শি॒বসঙ্॑ক॒ল্পম॑স্তু ॥৪॥

যস্মি॒ন্নৃচঃ॒ সাম॒ যজূং॑ষি॒ যস্মি॒ন্ প্রতি॑ষ্ঠিতা রথ॒নাভাবি॑বা॒রাঃ । যস্মিং॑শ্চি॒ত্তং সর্ব॒মোতং॑ প্র॒জানাং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥৫॥

সু॒ষা॒র॒থিরশ্বা॑নিব॒ যন্ম॑নু॒ষ্যা॑ন্ নেনী॒য়তে॒ঽভিশু॑ভির্বা॒জিন॑ ইব । হৃৎপ্রতি॑ষ্ঠং॒ যদ॑জি॒রং যবি॑ষ্ঠং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥৬॥[ব:১]

যে পঞ্চ॑ পঞ্চা॒শতঃ॑ শ॒তং চ॑ স॒হস্রং॑ চ নি॒য়ুতং॑ চার্বু॒দং চ॑ । তে য॑জ্ঞচি॒ত্তেষ্ট॒কাটং॒ শরী॑রং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥৭॥

বেদা॒হমে॒তং পুরু॑ষং ম॒হান্ত॑ মাদি॒ত্যব॑র্ণং॒ তম॑সঃ॒ পর॑স্তাৎ । তস্য॒ যোনিং॒ পরি॑পশ্যন্তি॒ ধীরা॒স্তন্মে॒ মনঃ॑ শি॒বসঙ্॑ক॒ল্পম॑স্তু ॥৮॥

যেন॒ কর্মা॑ণি॒ প্রচ॑রন্তি॒ ধীরা॒ বিপ্রা॑ বা॒চা মন॑সা॒ কর্ম॑ণা বা । যৎ স্বাং॒ দিশ॑মনু॒ সংয়ন্॑তি প্রা॒ণিন॒স্তন্মে॒ মনঃ॑ শি॒বসঙ্॑ক॒ল্পম॑স্তু ॥৯॥

যে মে॒ মনো॒ হৃদ॑য়ং॒ যে চ॑ দে॒বা যে, অন্॒তরি॑ক্ষং বহু॒ধা ক॒ল্পয়ন্॑তি । যে শ্রোত্রং॑ চ চ॒ক্ষুষী॒ সঞ্চ॑রন্তি॒ তন্মে॒ মনঃ॑ শি॒বসঙ্॑ক॒ল্পম॑স্তু ॥১০॥

যস্যে॒দং ধীরাঃ॑ পু॒নন্তি॑ ক॒বয়ো॑ ব্র॒হ্মাণ॑মে॒তং ব্যাবৃ॑ণুত॒ ইন্দুং॑ । স্থাব॒রং জঙ্গ॑মং চ॒ দ্যৌরা॑কা॒শং তন্মে॒ মনঃ॑ শি॒বসঙ্॑ক॒ল্পম॑স্তু ॥১১॥[ব:২]

যেন॒ দ্যৌরু॒গ্রা পৃ॑থি॒বী চান্॒তরি॑ক্ষং॒ যেন॒ পর্ব॑তাঃ প্র॒দিশো॒ দিশ॑শ্চ । যেনে॒দং সর্বং॑ জগ॒দ্ব্যাপ্তং॑ প্র॒জান॒ৎ তন্মে॒ মনঃ॑ শি॒বসঙ্॑ক॒ল্পম॑স্তু ॥১২॥

অব্য॑ক্তং॒ চাপ্র॑মেয়ং॒ চ ব্য॒ক্তাব্য॑ক্তপ॒রং শি॑বং । সূক্ষ্মা॑ৎ সূ॒ক্ষ্মত॑রং জ্ঞে॒য়ং তন্মে॒ মনঃ॑ শি॒বসঙ্॑ক॒ল্পম॑স্তু ॥১৩॥

কৈ॒লাস॒শিখ॑রে র॒ম্যে শঙ্॒কর॑স্য গৃ॒হাল॑য়ং । দে॒বতা॒স্তৎ প্র॑মোদন্॒তে তন্মে॒ মনঃ॑ শি॒বসঙ্॑ক॒ল্পম॑স্তু ॥১৪॥

আ॒দি॒ত্যব॑র্ণং॒ তপ॑সা জ্বলন্॒তং যৎ পশ্য॑সি॒ গুহা॑সু॒ জায়॑মানঃ । শি॒বরূ॒পং শি॒বমু॒দিতং শি॒বাল॑য়ং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥১৫॥

যেনে॒দং সর্বং॒ জগ॑তো ব॒ভূব॒ যদ্দে॒বা, অপি॑ মহ॒তো জা॒তবে॑দাঃ । যদে॒বাগ্র্যং॒ তপ॑সো॒ জ্যোতি॒রেকং॒ তন্মে॒ মনঃ॑ শি॒বসঙ্॑ক॒ল্পম॑স্তু ॥১৬॥[ব:৩]

গোভি॑র্জু॒ষ্টো ধ॑নেন হ্যা॒য়ুষা॑ চ ব॒লেন॑ চ । প্র॒জয়া॑ প॒শুভিঃ॑ পুষ্করা॒র্ধং তন্মে॒ মনঃ॑ শি॒বসঙ্॑ক॒ল্পম॑স্তু ॥১৭॥

যোঽসৌ॑ স॒র্বেষু॑ বেদে॒ষু প॒ঠ্যতে॑ঽনদ॒ ঈশ্ব॑রঃ । অকা॑র্যো॒ নির্ব্র॑ণো হ্যা॒ত্মা তন্মে॒ মনঃ॑ শি॒বসঙ্॑ক॒ল্পম॑স্তু ॥১৮॥

যো বেদা॑দিষু॒ গায়॒ত্রী স॒র্বব্যা॑পী ম॒হেশ্ব॑রঃ । তদু॑ক্তং॒ চ য॑দা জ্ঞে॒য়ং তন্মে॒ মনঃ॑ শি॒বসঙ্॑ক॒ল্পম॑স্তু ॥১৯॥

প্রয়ত॒প্রাণ॑ ওঙ্কা॒রং প্র॒ণবং॑ চ ম॒হেশ্ব॑রং । যঃ সর্বং॒ যস্য॑ চিৎ স॒র্বং তন্মে॒ মনঃ॑ শি॒বসঙ্॑ক॒ল্পম॑স্তু ॥২০॥

যো বৈ॑ বে॒দ ম॑হাদে॒বং প্র॒ণবং॑ পুরু॒ষোত্ত॑মং । ওঙ্॒কারং॒ পর॑মাত্মা॒নং তন্মে॒ মনঃ॑ শি॒বসঙ্॑ক॒ল্পম॑স্তু ॥২১॥[ব:৪]

ওঙ্॒কারং॒ চ॑তুর্ভু॒জং লো॒কনা॑থং নারায়ণং । সর্ব॑স্থি॒তং স॑র্বগ॒তং সর্ব॑ব্যা॒প্তং তন্মে॒ মনঃ॑ শি॒বসঙ্॑ক॒ল্পম॑স্তু ॥২২॥

ত॒ৎ পরা॑ৎ পর॒তো ব্র॒হ্মা ত॒ৎ পরা॑ৎ পর॒তো হরিঃ॑ । পরা॑ৎ প॒রত॑রং জ্ঞা॒নং তন্মে॒ মনঃ॑ শি॒বসঙ্॑ক॒ল্পম॑স্তু ॥২৩॥

য ই॒দং শিব॑সঙ্ক॒ল্পং স॒দাধী॑য়ন্তি॒ ব্রাহ্ম॑ণাঃ । তে পরং॒ মোক্ষ॑মাপ্স্যন্॒তি তন্মে॒ মনঃ॑ শি॒বসঙ্॑ক॒ল্পম॑স্তু ॥২৪॥

অস্তি॒ নাস্তি॑ শয়ি॒ত্বা সর্ব॑মি॒দং নাস্তি॒ পুন॒স্তথৈ॑ব দৃ॒ষ্টং ধ্রু॒বং । অস্তি॒ নাস্তি॑ হি॒তং ম॑ধ্য॒মং প॒দং তন্মে॒ মনঃ॑

শি॒বসঙ্॑ক॒ল্পম॑স্তু ॥২৫॥

অস্তি॒ নাস্তি॑ বিপ॒রীতো॑ প্র॒বাদো॑ ঽস্তি॒ নাস্তি॒ গুহ্যং॒ ব ই॒দং সর্বং॑ । অস্তি॒ নাস্তি॑ পরা॒ৎ পরো॑ যৎ পরং॒ তন্মে॒ মনঃ॑

শি॒বসঙ্॑ক॒ল্পম॑স্তু ॥২৬॥[ব:৫]

৪০। জ্ঞান সূক্তং

বৃহস্পতইত্যেকাদশর্চস্য সূক্তস্যাঙ্গিরসো বৃহস্পতির্জ্ঞানন্ত্রিষ্টুপ্ নবমী জগতী ।

বৃহ॑স্পতে প্রথ॒মং বা॒চো অগ্রং॒ যৎপ্রৈর॑ত নাম॒ধেয়ং॒ দধা॑নাঃ । যদে॑ষাং॒ শ্রেষ্ঠং॒ যদ॑রি॒প্রমাসী॑ৎপ্রে॒ণা তদে॑ষাং॒ নিহি॑তং॒ গুহা॒বিঃ ॥ ১০।০৭১।০১, ৮।২।০২৩।০১

সক্তু॑মিব॒ তিত॑উনা পু॒নন্তো॒ যত্র॒ ধীরা॒ মন॑সা॒ বাচ॒মক্র॑ত । অত্রা॒ সখা॑য়ঃ স॒খ্যানি॑ জানতে ভ॒দ্রৈষাং॑ ল॒ক্ষ্মীর্নিহি॒তাধি॑ বা॒চি ॥ ১০।০৭১।০২, ৮।২।০২৩।০২

য॒জ্ঞেন॑ বা॒চঃ প॑দ॒বীয়॑মায়॒ন্তামন্ব॑বিন্দ॒ন্নৃষি॑ষু॒ প্রবি॑ষ্টাম্ । তামা॒ভৃত্যা॒ ব্য॑দধুঃ পুরু॒ত্রা তাং স॒প্ত রে॒ভা অ॒ভি সং ন॑বন্তে ॥ ১০।০৭১।০৩, ৮।২।০২৩।০৩

উ॒ত ত্বঃ॒ পশ্য॒ন্ন দ॑দর্শ॒ বাচ॑মু॒ত ত্বঃ॑ শৃ॒ণ্বন্ন শৃ॑ণোত্যেনাম্ । উ॒তো ত্ব॑স্মৈ ত॒ন্বং১॒॑ বি স॑স্রে জা॒য়েব॒ পত্য॑ উশ॒তী সু॒বাসাঃ॑ ॥ ১০।০৭১।০৪, ৮।২।০২৩।০৪

উ॒ত ত্বং॑ স॒খ্যে স্থি॒রপী॑তমাহু॒র্নৈনং॑ হিন্ব॒ন্ত্যপি॒ বাজি॑নেষু । অধে॑ন্বা চরতি মা॒য়যৈ॒ষ বাচং॑ শুশ্রু॒বাঁ অ॑ফ॒লাম॑পু॒ষ্পাম্ ॥ ১০।০৭১।০৫, ৮।২।০২৩।০৫

যস্তি॒ত্যাজ॑ সচি॒বিদং॒ সখা॑য়ং॒ ন তস্য॑ বা॒চ্যপি॑ ভা॒গো অ॑স্তি । যদীং॑ শৃ॒ণোত্যল॑কং শৃণোতি ন॒হি প্র॒বেদ॑ সুকৃ॒তস্য॒ পন্থা॑ম্ ॥ ১০।০৭১।০৬, ৮।২।০২৪।০১

অ॒ক্ষ॒ণ্বন্তঃ॒ কর্ণ॑বন্তঃ॒ সখা॑য়ো মনোজ॒বেষ্বস॑মা বভূবুঃ । আ॒দ॒ঘ্নাস॑ উপক॒ক্ষাস॑ উ ত্বে হ্র॒দা ই॑ব॒ স্নাত্বা॑ উ ত্বে দদৃশ্রে ॥ ১০।০৭১।০৭, ৮।২।০২৪।০২

হৃ॒দা ত॒ষ্টেষু॒ মন॑সো জ॒বেষু॒ যদ্ব্রা॑হ্ম॒ণাঃ সং॒য়জ॑ন্তে॒ সখা॑য়ঃ । অত্রাহ॑ ত্বং॒ বি জ॑হুর্বে॒দ্যাভি॒রোহ॑ব্রহ্মাণো॒ বি চ॑রন্ত্যু ত্বে ॥ ১০।০৭১।০৮, ৮।২।০২৪।০৩

ই॒মে যে নার্বাঙ্ন প॒রশ্চর॑ন্তি॒ ন ব্রা॑হ্ম॒ণাসো॒ ন সু॒তেক॑রাসঃ । ত এ॒তে বাচ॑মভি॒পদ্য॑ পা॒পয়া॑ সি॒রীস্তন্ত্রং॑ তন্বতে॒ অপ্র॑জজ্ঞয়ঃ ॥ ১০।০৭১।০৯, ৮।২।০২৪।০৪

সর্বে॑ নন্দন্তি য॒শসাগ॑তেন সভাসা॒হেন॒ সখ্যা॒ সখা॑য়ঃ । কি॒ল্বি॒ষ॒স্পৃৎপি॑তু॒ষণি॒র্হ্যে॑ষা॒মরং॑ হি॒তো ভব॑তি॒ বাজি॑নায় ॥ ১০।০৭১।১০, ৮।২।০২৪।০৫

ঋ॒চাং ত্বঃ॒ পোষ॑মাস্তে পুপু॒ষ্বান্গা॑য়॒ত্রং ত্বো॑ গায়তি॒ শক্ব॑রীষু । ব্র॒হ্মা ত্বো॒ বদ॑তি জাতবি॒দ্যাং য॒জ্ঞস্য॒ মাত্রাং॒ বি মি॑মীত উ ত্বঃ ॥ ১০।০৭১।১১, ৮।২।০২৪।০৬

৪১। দুঃস্বপ্ন হরণ সূক্তং

অপেহীতি পঞ্চর্চস্য সূক্তস্যাঙ্গিরসঃ প্রচেতা দুঃস্বপ্ননাশনোনুষ্টুপ্ তৃতীয়া ত্রিষ্টুপ্ অন্ত্যাপঙ্ক্তিঃ ।

অপে॑হি মনসস্প॒তেঽপ॑ ক্রাম প॒রশ্চ॑র । প॒রো নির্ঋ॑ত্যা॒ আ চ॑ক্ষ্ব বহু॒ধা জীব॑তো॒ মনঃ॑ ॥ ১০।১৬৪।০১, ৮।৮।০২২।০১

ভ॒দ্রং বৈ বরং॑ বৃণতে ভ॒দ্রং যু॑ঞ্জন্তি॒ দক্ষি॑ণম্ । ভ॒দ্রং বৈ॑বস্ব॒তে চক্ষু॑র্বহু॒ত্রা জীব॑তো॒ মনঃ॑ ॥ ১০।১৬৪।০২, ৮।৮।০২২।০২

যদা॒শসা॑ নিঃ॒শসা॑ভি॒শসো॑পারি॒ম জাগ্র॑তো॒ যৎস্ব॒পন্তঃ॑ । অ॒গ্নির্বিশ্বা॒ন্যপ॑ দুষ্কৃ॒তান্যজু॑ষ্টান্যা॒রে অ॒স্মদ্দ॑ধাতু ॥ ১০।১৬৪।০৩, ৮।৮।০২২।০৩

যদি॑ন্দ্র ব্রহ্মণস্পতেঽভিদ্রো॒হং চরা॑মসি । প্রচে॑তা ন আঙ্গির॒সো দ্বি॑ষ॒তাং পা॒ত্বংহ॑সঃ ॥ ১০।১৬৪।০৪, ৮।৮।০২২।০৪

অজৈ॑ষ্মা॒দ্যাস॑নাম॒ চাভূ॒মানা॑গসো ব॒য়ম্ । জা॒গ্র॒ৎস্ব॒প্নঃ সঙ্॑ক॒ল্পঃ পা॒পো যং দ্বি॒ষ্মস্তং স ঋ॑চ্ছতু॒ যো নো॒ দ্বেষ্টি॒ তমৃ॑চ্ছতু ॥ ১০।১৬৪।০৫, ৮।৮।০২২।০৫

যো মে॑ রাজ॒ন্যুজ্যো॑ বা॒ সখা॑ বা॒ স্বপ্নে॑ ভ॒য়ং ভী॒রবে॒ মহ্য॒মাহ॑ । স্তে॒নো বা॒ যো দিপ্স॑তি নো॒ বৃকো॑ বা॒ ত্বং তস্মা॑দ্বরুণ পাহ্য॒স্মান্ ॥ ২।০২৮।১০, ২।৭।০১০।০৫ {গার্ত্সমদঃ কূর্মঃ । বরুণঃ । ত্রিষ্টুপ্}

অধ॒ স্বপ্ন॑স্য॒ নির্বি॒দেঽভু॑ঞ্জতশ্চ রে॒বতঃ॑ । উ॒ভা তা বস্রি॑ নশ্যতঃ ॥ ১।১২০।১২, ১।৮।০২৩।০৭ {দৈর্ঘতমসঃ কক্ষীবান্ । অশ্বিনৌ । গায়ত্রী}

যচ্চ॒ গোষু॑ দু॒ষ্ষ্বপ্ন্যং॒ যচ্চা॒স্মে দু॑হিতর্দিবঃ । ত্রি॒তায়॒ তদ্বি॑ভাবর্যা॒প্ত্যায়॒ পরা॑ বহানে॒হসো॑ ব ঊ॒তয়ঃ॑ সুঊ॒তয়ো॑ ব ঊ॒তয়ঃ॑ ॥ ৮।০৪৭।১৪, ৬।৪।৯।৪ {অপ্ত্যস্ত্রিতঃ । আদিত্যা উষাশ্চ । মহাপঙ্ক্তিঃ}

নি॒ষ্কং বা॑ ঘা কৃ॒ণব॑তে॒ স্রজং॑ বা দুহিতর্দিবঃ । ত্রি॒তে দু॒ষ্ষ্বপ্ন্যং॒ সর্ব॑মা॒প্ত্যে পরি॑ দদ্মস্যনে॒হসো॑ ব ঊ॒তয়ঃ॑ সুঊ॒তয়ো॑ ব ঊ॒তয়ঃ॑ ॥ ৮।০৪৭।১৫, ৬।৪।৯।৫ {অপ্ত্যস্ত্রিতঃ । আদিত্যা উষাশ্চ । মহাপঙ্ক্তিঃ}

তদ॑ন্নায়॒ তদ॑পসে॒ তং ভা॒গমু॑পসে॒দুষে॑ । ত্রি॒তায়॑ চ দ্বি॒তায়॒ চোষো॑ দু॒ষ্ষ্বপ্ন্যং॑ বহানে॒হসো॑ ব ঊ॒তয়ঃ॑ সুঊ॒তয়ো॑ ব ঊ॒তয়ঃ॑ ॥ ৮।০৪৭।১৬, ৬।৪।০১০।০১ {অপ্ত্যস্ত্রিতঃ । আদিত্যা উষাশ্চ । মহাপঙ্ক্তিঃ}

যথা॑ ক॒লাং যথা॑ শ॒ফং যথ॑ ঋ॒ণং সং॒নয়া॑মসি । এ॒বা দু॒ষ্ষ্বপ্ন্যং॒ সর্ব॑মা॒প্ত্যে সং ন॑য়ামস্যনে॒হসো॑ ব ঊ॒তয়ঃ॑ সুঊ॒তয়ো॑ ব ঊ॒তয়ঃ॑ ॥ ৮।০৪৭।১৭, ৬।৪।০১০।০২ {অপ্ত্যস্ত্রিতঃ । আদিত্যা উষাশ্চ । মহাপঙ্ক্তিঃ}

অজৈ॑ষ্মা॒দ্যাস॑নাম॒ চাভূ॒মানা॑গসো ব॒য়ম্ । উষো॒ যস্মা॑দ্দু॒ষ্ষ্বপ্ন্যা॒দভৈ॒ষ্মাপ॒ তদু॑চ্ছত্বনে॒হসো॑ ব ঊ॒তয়ঃ॑ সুঊ॒তয়ো॑ ব ঊ॒তয়ঃ॑ ॥ ৮।০৪৭।১৮, ৬।৪।০১০।০৩ {অপ্ত্যস্ত্রিতঃ । আদিত্যা উষাশ্চ । মহাপঙ্ক্তিঃ}

৪২। গর্ভস্রাবিণী উপনিষৎ

প্রমন্দিনইত্যেকাদশর্চস্য সূক্তস্য কুৎস ইন্দ্রোজগতীঅন্ত্যাশ্চতস্রত্রিষ্টুভঃ । (আদ্যাগর্ভস্রাবিণীতিগুণঃ) ।

প্র ম॒ন্দিনে॑ পিতু॒মদ॑র্চতা॒ বচো॒ যঃ কৃ॒ষ্ণগ॑র্ভা নি॒রহ॑ন্নৃ॒জিশ্ব॑না । অ॒ব॒স্যবো॒ বৃষ॑ণং॒ বজ্র॑দক্ষিণং ম॒রুত্ব॑ন্তং স॒খ্যায়॑ হবামহে ॥ ১।১০১।০১, ১।৭।০১২।০১

যো ব্যং॑সং জাহৃষা॒ণেন॑ ম॒ন্যুনা॒ যঃ শম্ব॑রং॒ যো অহ॒ন্পিপ্রু॑মব্র॒তম্ । ইন্দ্রো॒ যঃ শুষ্ণ॑ম॒শুষং॒ ন্যাবৃ॑ণঙ্ম॒রুত্ব॑ন্তং স॒খ্যায়॑ হবামহে ॥ ১।১০১।০২, ১।৭।০১২।০২

যস্য॒ দ্যাবা॑পৃথি॒বী পৌংস্যং॑ ম॒হদ্যস্য॑ ব্র॒তে বরু॑ণো॒ যস্য॒ সূর্যঃ॑ । যস্যেন্দ্র॑স্য॒ সিন্ধ॑বঃ॒ সশ্চ॑তি ব্র॒তং ম॒রুত্ব॑ন্তং স॒খ্যায়॑ হবামহে ॥ ১।১০১।০৩, ১।৭।০১২।০৩

যো অশ্বা॑নাং॒ যো গবাং॒ গোপ॑তির্ব॒শী য আ॑রি॒তঃ কর্ম॑ণিকর্মণি স্থি॒রঃ । বী॒ল়োশ্চি॒দিন্দ্রো॒ যো অসু॑ন্বতো ব॒ধো ম॒রুত্ব॑ন্তং স॒খ্যায়॑ হবামহে ॥ ১।১০১।০৪, ১।৭।০১২।০৪

যো বিশ্ব॑স্য॒ জগ॑তঃ প্রাণ॒তস্পতি॒র্যো ব্র॒হ্মণে॑ প্রথ॒মো গা অবি॑ন্দৎ । ইন্দ্রো॒ যো দস্যূঁ॒রধ॑রাঁ অ॒বাতি॑রন্ম॒রুত্ব॑ন্তং স॒খ্যায়॑ হবামহে ॥ ১।১০১।০৫, ১।৭।০১২।০৫

যঃ শূরে॑ভি॒র্হব্যো॒ যশ্চ॑ ভী॒রুভি॒র্যো ধাব॑দ্ভির্হূ॒য়তে॒ যশ্চ॑ জি॒গ্যুভিঃ॑ । ইন্দ্রং॒ যং বিশ্বা॒ ভুব॑না॒ভি সন্॑দ॒ধুর্ম॒রুত্ব॑ন্তং স॒খ্যায়॑ হবামহে ॥ ১।১০১।০৬, ১।৭।০১২।০৬

রু॒দ্রাণা॑মেতি প্র॒দিশা॑ বিচক্ষ॒ণো রু॒দ্রেভি॒র্যোষা॑ তনুতে পৃ॒থু জ্রয়ঃ॑ । ইন্দ্রং॑ মনী॒ষা অ॒ভ্য॑র্চতি শ্রু॒তং ম॒রুত্ব॑ন্তং স॒খ্যায়॑ হবামহে ॥ ১।১০১।০৭, ১।৭।০১৩।০১

যদ্বা॑ মরুত্বঃ পর॒মে স॒ধস্থে॒ যদ্বা॑ব॒মে বৃ॒জনে॑ মা॒দয়া॑সে । অত॒ আ যা॑হ্যধ্ব॒রং নো॒ অচ্ছা॑ ত্বা॒য়া হ॒বিশ্চ॑কৃমা সত্যরাধঃ ॥ ১।১০১।০৮, ১।৭।০১৩।০২

ত্বা॒য়েন্দ্র॒ সোমং॑ সুষুমা সুদক্ষ ত্বা॒য়া হ॒বিশ্চ॑কৃমা ব্রহ্মবাহঃ । অধা॑ নিয়ুত্বঃ॒ সগ॑ণো ম॒রুদ্ভি॑র॒স্মিন্য॒জ্ঞে ব॒র্হিষি॑ মাদয়স্ব ॥ ১।১০১।০৯, ১।৭।০১৩।০৩

মা॒দয়॑স্ব॒ হরি॑ভি॒র্যে ত॑ ইন্দ্র॒ বি ষ্য॑স্ব॒ শিপ্রে॒ বি সৃ॑জস্ব॒ ধেনে॑ । আ ত্বা॑ সুশিপ্র॒ হর॑য়ো বহন্তূ॒শন্হ॒ব্যানি॒ প্রতি॑ নো জুষস্ব ॥ ১।১০১।১০, ১।৭।০১৩।০৪

ম॒রুৎস্তো॑ত্রস্য বৃ॒জন॑স্য গো॒পা ব॒য়মিন্দ্রে॑ণ সনুয়াম॒ বাজ॑ম্ । তন্নো॑ মি॒ত্রো বরু॑ণো মামহন্তা॒মদি॑তিঃ॒ সিন্ধুঃ॑ পৃথি॒বী উ॒ত দ্যৌঃ ॥ ১।১০১।১১, ১।৭।০১৩।০৫

৪৩। বিষঘ্নসূক্তং

কঙ্কতইতি ষোল়শর্চস্য সূক্তস্য মৈত্রাবরুণিরগস্ত্যোপ্তৃণসূর্যাঅনুষ্টুপ্ দশম্যাদ্যাস্তিস্রো মহাপঙ্ক্তয়স্ত্রয়োদশী মহাবৃহতী । (বিষন্নসূক্তং) ।

কঙ্ক॑তো॒ ন কঙ্ক॒তোঽথো॑ সতী॒নক॑ঙ্কতঃ । দ্বাবিতি॒ প্লুষী॒ ইতি॒ ন্য১॒॑দৃষ্টা॑ অলিপ্সত ॥ ১।১৯১।০১, ২।৫।০১৪।০১

অ॒দৃষ্টা॑ন্হন্ত্যায়॒ত্যথো॑ হন্তি পরায়॒তী । অথো॑ অবঘ্ন॒তী হ॒ন্ত্যথো॑ পিনষ্টি পিংষ॒তী ॥ ১।১৯১।০২, ২।৫।০১৪।০২

শ॒রাসঃ॒ কুশ॑রাসো দ॒র্ভাসঃ॑ সৈ॒র্যা উ॒ত । মৌ॒ঞ্জা অ॒দৃষ্টা॑ বৈরি॒ণাঃ সর্বে॑ সা॒কং ন্য॑লিপ্সত ॥ ১।১৯১।০৩, ২।৫।০১৪।০৩

নি গাবো॑ গো॒ষ্ঠে অ॑সদ॒ন্নি মৃ॒গাসো॑ অবিক্ষত । নি কে॒তবো॒ জনা॑নাং॒ ন্য১॒॑দৃষ্টা॑ অলিপ্সত ॥ ১।১৯১।০৪, ২।৫।০১৪।০৪

এ॒ত উ॒ ত্যে প্রত্য॑দৃশ্রন্প্রদো॒ষং তস্ক॑রা ইব । অদৃ॑ষ্টা॒ বিশ্ব॑দৃষ্টাঃ॒ প্রতি॑বুদ্ধা অভূতন ॥ ১।১৯১।০৫, ২।৫।০১৪।০৫

দ্যৌর্বঃ॑ পি॒তা পৃ॑থি॒বী মা॒তা সোমো॒ ভ্রাতাদি॑তিঃ॒ স্বসা॑ । অদৃ॑ষ্টা॒ বিশ্ব॑দৃষ্টা॒স্তিষ্ঠ॑তে॒লয়॑তা॒ সু ক॑ম্ ॥ ১।১৯১।০৬, ২।৫।০১৫।০১

যে অংস্যা॒ যে অঙ্গ্যাঃ॑ সূ॒চীকা॒ যে প্র॑কঙ্ক॒তাঃ । অদৃ॑ষ্টাঃ॒ কিং চ॒নেহ বঃ॒ সর্বে॑ সা॒কং নি জ॑স্যত ॥ ১।১৯১।০৭, ২।৫।০১৫।০২

উৎপু॒রস্তা॒ৎসূর্য॑ এতি বি॒শ্বদৃ॑ষ্টো অদৃষ্ট॒হা । অ॒দৃষ্টা॒ন্ত্সর্বা॑ঞ্জ॒ম্ভয়॒ন্ত্সর্বা॑শ্চ যাতুধা॒ন্যঃ॑ ॥ ১।১৯১।০৮, ২।৫।০১৫।০৩

উদ॑পপ্তদ॒সৌ সূর্যঃ॑ পু॒রু বিশ্বা॑নি॒ জূর্ব॑ন্ । আ॒দি॒ত্যঃ পর্ব॑তেভ্যো বি॒শ্বদৃ॑ষ্টো অদৃষ্ট॒হা ॥ ১।১৯১।০৯, ২।৫।০১৫।০৪

সূর্যে॑ বি॒ষমা স॑জামি॒ দৃতিং॒ সুরা॑বতো গৃ॒হে । সো চি॒ন্নু ন ম॑রাতি॒ নো ব॒য়ং ম॑রামা॒রে অ॑স্য॒ যোজ॑নং হরি॒ষ্ঠা মধু॑ ত্বা মধু॒লা চ॑কার ॥ ১।১৯১।১০, ২।৫।০১৫।০৫

ই॒য়॒ত্তি॒কা শ॑কুন্তি॒কা স॒কা জ॑ঘাস তে বি॒ষম্ । সো চি॒ন্নু ন ম॑রাতি॒ নো ব॒য়ং ম॑রামা॒রে অ॑স্য॒ যোজ॑নং হরি॒ষ্ঠা মধু॑ ত্বা মধু॒লা চ॑কার ॥ ১।১৯১।১১, ২।৫।০১৬।০১

ত্রিঃ স॒প্ত বি॑ষ্পুলিঙ্গ॒কা বি॒ষস্য॒ পুষ্য॑মক্ষন্ । তাশ্চি॒ন্নু ন ম॑রন্তি॒ নো ব॒য়ং ম॑রামা॒রে অ॑স্য॒ যোজ॑নং হরি॒ষ্ঠা মধু॑ ত্বা মধু॒লা চ॑কার ॥ ১।১৯১।১২, ২।৫।০১৬।০২

ন॒বা॒নাং ন॑বতী॒নাং বি॒ষস্য॒ রোপু॑ষীণাম্ । সর্বা॑সামগ্রভং॒ নামা॒রে অ॑স্য॒ যোজ॑নং হরি॒ষ্ঠা মধু॑ ত্বা মধু॒লা চ॑কার ॥ ১।১৯১।১৩, ২।৫।০১৬।০৩

ত্রিঃ স॒প্ত ম॑য়ূ॒র্যঃ॑ স॒প্ত স্বসা॑রো অ॒গ্রুবঃ॑ । তাস্তে॑ বি॒ষং বি জ॑ভ্রির উদ॒কং কু॒ম্ভিনী॑রিব ॥ ১।১৯১।১৪, ২।৫।০১৬।০৪

ই॒য়॒ত্ত॒কঃ কু॑ষুম্ভ॒কস্ত॒কং ভি॑ন॒দ্ম্যশ্ম॑না । ততো॑ বি॒ষং প্র বা॑বৃতে॒ পরা॑চী॒রনু॑ সং॒বতঃ॑ ॥ ১।১৯১।১৫, ২।৫।০১৬।০৫

কু॒ষু॒ম্ভ॒কস্তদ॑ব্রবীদ্গি॒রেঃ প্র॑বর্তমান॒কঃ । বৃশ্চি॑কস্যার॒সং বি॒ষম॑র॒সং বৃ॑শ্চিক তে বি॒ষম্ ॥ ১।১৯১।১৬, ২।৫।০১৬।০৬

পরিশিষ্টম্ [ঋগ্বেদ মণ্ডল ১।১৯১ সূক্তস্যানন্তরং][ঋগ্বেদ অষ্টক ২, অধ্যায় ৫, ১৬ বর্গানন্তরং]

মা বি॑ভে॒র্ন ম॑রিষ্যসি॒ পরি॑ ত্বা পামি স॒র্বতঃ॑ । ঘ॒নেন॒ হন্মি॒ বৃশ্চি॑ক॒মহিং॑ দণ্॒ডেনাগ॑তং ॥১॥

আ॒দি॒ত্যরথ॒বেগে॑ন বি॒ষ্ণুবা॑হুব॒লেন॑ চ । গ॒রুড॑প॒ক্ষনি॑পাতে॒ন ভূ॒মিং গ॑চ্ছ ম॒হায়॑শাঃ ॥২॥

গ॒রুড॑স্য॒ পাত॑মাত্রে॒ণ ত্র॒য়ো লো॑কাঃ প্র॒কম্পি॑তাঃ । প্র॒কম্পি॒তা ম॒হী সর্বা॑ স॒শৈল॑বন॒কান॑না ॥৩॥

গ॒গনং॒ নষ্ট॑চন্দ্রা॒র্কং জ্যো॒তিষং॑ ন প্র॒কাশ॑তে । দে॒বতা॒ ভয়॑ভীতা॒শ্চ মা॒রুতো॑ ন প্ল॒বায়॑তি । মা॒রুতো॑ ন প্ল॒বায়॒ত্যোং নমঃ॑ ॥৪॥

ভো স॒র্পভ॑দ্র ভ॒দ্রং তে॑ দূ॒রং গ॑চ্ছ ম॒হাবিষ । জ॒ন্মে॑জ॒য়স্য॑ যজ্ঞান্॒তে, আ॒স্তীক॑বচ॒নং স্ম॑র ॥৫॥

আ॒স্তীক॒বচ॑নং॒ শ্রুত্বা॑ যঃ॒ সর্পো॑ ন নি॒বর্ত॑তে । শত॑ধা॒ ভিদ্য॑তে মূ॒র্ধ্নি শিং॒শবৃ॑ক্ষফ॒লং য॑থা ॥৬॥

ন॒র্মদা॒য়ৈ ন॑মঃ প্রা॒তর্ন॒র্মদা॑য়ৈ ন॒মো নি॑শি । নমো॑ঽস্তু॒ নর্ম॑দে তু॒ভ্যং ত্রা॒হি মাং॑ বিষ॒সর্প॑তঃ ॥৭॥

যো জ॑র॒ৎকারু॑ণা জা॒তো জ॒রৎকা॑র্বাং ম॒হায়॑শাঃ । তস্য॑ স্ম॒রাভি॑ ভদ্রং॒ তে দূ॒রং গ॑চ্ছ ম॒হাবিষ ॥৮॥

অসি॑তিং॒ চার্থ॑সিদ্ধিং॒ চ সুনীতিং॑ চাপি॑ যঃ স্ম॑রেৎ । দি॒বা বা॒ যদি॑ বা রা॒ত্রৌ না॒স্তি সর্প॑ভয়ং॒ ভবেৎ ॥৯॥

অগ॑স্তি॒র্মাধ॑বশ্চৈ॒ব মু॒চুকুন্॑দো ম॒হামু॑নিঃ । কপি॑লো॒ মুনি॑রাস্তী॒কঃ পঞ্॒চৈতে॑ সুখ॒শায়ি॑নঃ ॥১০॥

৪৪। অন্নসূক্তং

মূ॒র্ধানং॑ দি॒বো অ॑র॒তিং পৃ॑থি॒ব্যা বৈ॑শ্বান॒রমৃ॒ত আ জা॒তম॒গ্নিম্ । ক॒বিং স॒ম্রাজ॒মতি॑থিং॒ জনা॑নামা॒সন্না পাত্রং॑ জনয়ন্ত দে॒বাঃ ॥ ৬।০০৭।০১, ৪।৫।৯।১ {বার্হস্পত্যো ভরদ্বাজঃ । বৈশ্বানরোগ্নিঃ । ত্রিষ্টুপ্}

আ॒মাসু॑ প॒ক্বমৈর॑য়॒ আ সূর্যং॑ রোহয়ো দি॒বি । ঘ॒র্মং ন সাম॑ন্তপতা সুবৃ॒ক্তিভি॒র্জুষ্টং॒ গির্ব॑ণসে বৃ॒হৎ ॥ ৮।০৮৯।০৭, ৬।৬।০১২।০৭ {আঙ্গিরসৌ নৃমধপুরুমেধঃ । ইন্দ্রঃ । বৃহতী}

উপ॑ হ্বয়ে সু॒দুঘাং॑ ধে॒নুমে॒তাং সু॒হস্তো॑ গো॒ধুগু॒ত দো॑হদেনাম্ । শ্রেষ্ঠং॑ স॒বং স॑বি॒তা সা॑বিষন্নো॒ঽভী॑দ্ধো ঘ॒র্মস্তদু॒ ষু প্র বো॑চম্ ॥ ১।১৬৪।২৬, ২।৩।০১৯।০১ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

হি॒ঙ্কৃ॒ণ্ব॒তী ব॑সু॒পত্নী॒ বসূ॑নাং ব॒ৎসমি॒চ্ছন্তী॒ মন॑সা॒ভ্যাগা॑ৎ । দু॒হাম॒শ্বিভ্যাং॒ পয়ো॑ অ॒ঘ্ন্যেয়ং সা ব॑র্ধতাং মহ॒তে সৌভ॑গায় ॥ ১।১৬৪।২৭, ২।৩।০১৯।০২ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

ইন্দ্র॒ দৃহ্য॑ যামকো॒শা অ॑ভূবন্য॒জ্ঞায়॑ শিক্ষ গৃণ॒তে সখি॑ভ্যঃ । দু॒র্মা॒য়বো॑ দু॒রেবা॒ মর্ত্যা॑সো নিষ॒ঙ্গিণো॑ রি॒পবো॒ হন্ত্বা॑সঃ ॥ ৩।০৩০।১৫, ৩।২।৩।৫ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

বাশী॑মন্ত ঋষ্টি॒মন্তো॑ মনী॒ষিণঃ॑ সু॒ধন্বা॑ন॒ ইষু॑মন্তো নিষ॒ঙ্গিণঃ॑ । স্বশ্বাঃ॑ স্থ সু॒রথাঃ॑ পৃশ্নিমাতরঃ স্বায়ু॒ধা ম॑রুতো যাথনা॒ শুভ॑ম্ ॥ ৫।০৫৭।০২, ৪।৩।০২১।০২ {আত্রেয়ঃ শ্যাবাশ্বঃ । মরুতঃ । জগতী}

চতু॑ষ্কপর্দা যুব॒তিঃ সু॒পেশা॑ ঘৃ॒তপ্র॑তীকা ব॒য়ুনা॑নি বস্তে । তস্যাং॑ সুপ॒র্ণা বৃষ॑ণা॒ নি ষে॑দতু॒র্যত্র॑ দে॒বা দ॑ধি॒রে ভা॑গ॒ধেয়॑ম্ ॥ ১০।১১৪।০৩, ৮।৬।০১৬।০৩ {বৈরূপঃ সঘ্নিঃ । বিশ্বদেবাঃ । ত্রিষ্টুপ্}

একঃ॑ সুপ॒র্ণঃ স স॑মু॒দ্রমা বি॑বেশ॒ স ই॒দং বিশ্বং॒ ভুব॑নং॒ বি চ॑ষ্টে । তং পাকে॑ন॒ মন॑সাপশ্য॒মন্তি॑ত॒স্তং মা॒তা রে॑ল়্হি॒ স উ॑ রেল়্হি মা॒তর॑ম্ ॥ ১০।১১৪।০৪, ৮।৬।০১৬।০৪ {বৈরূপঃ সঘ্নিঃ । বিশ্বদেবাঃ । জগতী}

সু॒প॒র্ণং বিপ্রাঃ॑ ক॒বয়ো॒ বচো॑ভি॒রেকং॒ সন্তং॑ বহু॒ধা ক॑ল্পয়ন্তি । ছন্দাং॑সি চ॒ দধ॑তো অধ্ব॒রেষু॒ গ্রহা॒ন্ত্সোম॑স্য মিমতে॒ দ্বাদ॑শ ॥ ১০।১১৪।০৫, ৮।৬।০১৬।০৫ {বৈরূপঃ সঘ্নিঃ । বিশ্বদেবাঃ । ত্রিষ্টুপ্}

পিতুংন্বিত্যেকাদশর্চস্য সূক্তস্য মৈত্রাবরুণিরগস্ত্যোন্নং গায়ত্রী আদ্যানুষ্টুগর্ভা তৃতীয়াপঞ্চম্যাদ্যাশ্চতস্রোনুষ্টুভোন্ত্যাবৃহতীবা ।

পি॒তুং নু স্তো॑ষং ম॒হো ধ॒র্মাণং॒ তবি॑ষীম্ । যস্য॑ ত্রি॒তো ব্যোজ॑সা বৃ॒ত্রং বিপ॑র্বম॒র্দয়॑ৎ ॥ ১।১৮৭।০১, ২।৫।৬।১

স্বাদো॑ পিতো॒ মধো॑ পিতো ব॒য়ং ত্বা॑ ববৃমহে । অ॒স্মাক॑মবি॒তা ভ॑ব ॥ ১।১৮৭।০২, ২।৫।৬।২

উপ॑ নঃ পিত॒বা চ॑র শি॒বঃ শি॒বাভি॑রূ॒তিভিঃ॑ । ম॒য়ো॒ভুর॑দ্বিষে॒ণ্যঃ সখা॑ সু॒শেবো॒ অদ্ব॑য়াঃ ॥ ১।১৮৭।০৩, ২।৫।৬।৩

তব॒ ত্যে পি॑তো॒ রসা॒ রজাং॒স্যনু॒ বিষ্ঠি॑তাঃ । দি॒বি বাতা॑ ইব শ্রি॒তাঃ ॥ ১।১৮৭।০৪, ২।৫।৬।৪

তব॒ ত্যে পি॑তো॒ দদ॑ত॒স্তব॑ স্বাদিষ্ঠ॒ তে পি॑তো । প্র স্বা॒দ্মানো॒ রসা॑নাং তুবি॒গ্রীবা॑ ইবেরতে ॥ ১।১৮৭।০৫, ২।৫।৬।৫

ত্বে পি॑তো ম॒হানাং॑ দে॒বানাং॒ মনো॑ হি॒তম্ । অকা॑রি॒ চারু॑ কে॒তুনা॒ তবাহি॒মব॑সাবধীৎ ॥ ১।১৮৭।০৬, ২।৫।৭।১

যদ॒দো পি॑তো॒ অজ॑গন্বি॒বস্ব॒ পর্ব॑তানাম্ । অত্রা॑ চিন্নো মধো পি॒তোঽরং॑ ভ॒ক্ষায়॑ গম্যাঃ ॥ ১।১৮৭।০৭, ২।৫।৭।২

যদ॒পামোষ॑ধীনাং পরিং॒শমা॑রি॒শাম॑হে । বাতা॑পে॒ পীব॒ ইদ্ভ॑ব ॥ ১।১৮৭।০৮, ২।৫।৭।৩

যত্তে॑ সোম॒ গবা॑শিরো॒ যবা॑শিরো॒ ভজা॑মহে । বাতা॑পে॒ পীব॒ ইদ্ভ॑ব ॥ ১।১৮৭।০৯, ২।৫।৭।৪

ক॒র॒ম্ভ ও॑ষধে ভব॒ পীবো॑ বৃ॒ক্ক উ॑দার॒থিঃ । বাতা॑পে॒ পীব॒ ইদ্ভ॑ব ॥ ১।১৮৭।১০, ২।৫।৭।৫

তং ত্বা॑ ব॒য়ং পি॑তো॒ বচো॑ভি॒র্গাবো॒ ন হ॒ব্যা সু॑ষূদিম । দে॒বেভ্য॑স্ত্বা সধ॒মাদ॑ম॒স্মভ্যং॑ ত্বা সধ॒মাদ॑ম্ ॥ ১।১৮৭।১১, ২।৫।৭।৬

কয়া॑ নশ্চি॒ত্র আ ভু॑বদূ॒তী স॒দাবৃ॑ধঃ॒ সখা॑ । কয়া॒ শচি॑ষ্ঠয়া বৃ॒তা ॥ ৪।০৩১।০১, ৩।৬।০২৪।০১ {গৌতমো বামদেবঃ । ইন্দ্রঃ । গায়ত্রী}

কস্ত্বা॑ স॒ত্যো মদা॑নাং॒ মংহি॑ষ্ঠো মৎস॒দন্ধ॑সঃ । দৃ॒ল়্হা চি॑দা॒রুজে॒ বসু॑ ॥ ৪।০৩১।০২, ৩।৬।০২৪।০২ {গৌতমো বামদেবঃ । ইন্দ্রঃ । গায়ত্রী}

অ॒ভী ষু ণঃ॒ সখী॑নামবি॒তা জ॑রিতৄ॒ণাম্ । শ॒তং ভ॑বাস্যূ॒তিভিঃ॑ ॥ ৪।০৩১।০৩, ৩।৬।০২৪।০৩ {গৌতমো বামদেবঃ । ইন্দ্রঃ । গায়ত্রী}

স্বাদোরিতি পঞ্চদশর্চস্য সূক্তস্য কাণ্বঃ প্রগাথঃ সোমস্ত্রিষ্টুপ্ পঞ্চমী জগতী ।

স্বা॒দোর॑ভক্ষি॒ বয়॑সঃ সুমে॒ধাঃ স্বা॒ধ্যো॑ বরিবো॒বিত্ত॑রস্য । বিশ্বে॒ যং দে॒বা উ॒ত মর্ত্যা॑সো॒ মধু॑ ব্রু॒বন্তো॑ অ॒ভি সঞ্॒চর॑ন্তি ॥ ৮।০৪৮।০১, ৬।৪।০১১।০১

অ॒ন্তশ্চ॒ প্রাগা॒ অদি॑তির্ভবাস্যবয়া॒তা হর॑সো॒ দৈব্য॑স্য । ইন্দ॒বিন্দ্র॑স্য স॒খ্যং জু॑ষা॒ণঃ শ্রৌষ্টী॑ব॒ ধুর॒মনু॑ রা॒য় ঋ॑ধ্যাঃ ॥ ৮।০৪৮।০২, ৬।৪।০১১।০২

অপা॑ম॒ সোম॑ম॒মৃতা॑ অভূ॒মাগ॑ন্ম॒ জ্যোতি॒রবি॑দাম দে॒বান্ । কিং নূ॒নম॒স্মান্কৃ॑ণব॒দরা॑তিঃ॒ কিমু॑ ধূ॒র্তির॑মৃত॒ মর্ত্য॑স্য ॥ ৮।০৪৮।০৩, ৬।৪।০১১।০৩

শং নো॑ ভব হৃ॒দ আ পী॒ত ই॑ন্দো পি॒তেব॑ সোম সূ॒নবে॑ সু॒শেবঃ॑ । সখে॑ব॒ সখ্য॑ উরুশংস॒ ধীরঃ॒ প্র ণ॒ আয়ু॑র্জী॒বসে॑ সোম তারীঃ ॥ ৮।০৪৮।০৪, ৬।৪।০১১।০৪

ই॒মে মা॑ পী॒তা য॒শস॑ উরু॒ষ্যবো॒ রথং॒ ন গাবঃ॒ সম॑নাহ॒ পর্ব॑সু । তে মা॑ রক্ষন্তু বি॒স্রস॑শ্চ॒রিত্রা॑দু॒ত মা॒ স্রামা॑দ্যবয়॒ন্ত্বিন্দ॑বঃ ॥ ৮।০৪৮।০৫, ৬।৪।০১১।০৫

অ॒গ্নিং ন মা॑ মথি॒তং সং দি॑দীপঃ॒ প্র চ॑ক্ষয় কৃণু॒হি বস্য॑সো নঃ । অথা॒ হি তে॒ মদ॒ আ সো॑ম॒ মন্যে॑ রে॒বাঁ ই॑ব॒ প্র চ॑রা পু॒ষ্টিমচ্ছ॑ ॥ ৮।০৪৮।০৬, ৬।৪।০১২।০১

ই॒ষি॒রেণ॑ তে॒ মন॑সা সু॒তস্য॑ ভক্ষী॒মহি॒ পিত্র্য॑স্যেব রা॒য়ঃ । সোম॑ রাজ॒ন্প্র ণ॒ আয়ূং॑ষি তারী॒রহা॑নীব॒ সূর্যো॑ বাস॒রাণি॑ ॥ ৮।০৪৮।০৭, ৬।৪।০১২।০২

সোম॑ রাজন্মৃ॒ল়য়া॑ নঃ স্ব॒স্তি তব॑ স্মসি ব্র॒ত্যা॒৩॒॑স্তস্য॑ বিদ্ধি । অল॑র্তি॒ দক্ষ॑ উ॒ত ম॒ন্যুরি॑ন্দো॒ মা নো॑ অ॒র্যো অ॑নুকা॒মং পরা॑ দাঃ ॥ ৮।০৪৮।০৮, ৬।৪।০১২।০৩

ত্বং হি ন॑স্ত॒ন্বঃ॑ সোম গো॒পা গাত্রে॑গাত্রে নিষ॒সত্থা॑ নৃ॒চক্ষাঃ॑ । যত্তে॑ ব॒য়ং প্র॑মি॒নাম॑ ব্র॒তানি॒ স নো॑ মৃল় সুষ॒খা দে॑ব॒ বস্যঃ॑ ॥ ৮।০৪৮।০৯, ৬।৪।০১২।০৪

ঋ॒দূ॒দরে॑ণ॒ সখ্যা॑ সচেয়॒ যো মা॒ ন রিষ্যে॑দ্ধর্যশ্ব পী॒তঃ । অ॒য়ং যঃ সোমো॒ ন্যধা॑য়্য॒স্মে তস্মা॒ ইন্দ্রং॑ প্র॒তির॑মে॒ম্যায়ুঃ॑ ॥ ৮।০৪৮।১০, ৬।৪।০১২।০৫

অপ॒ ত্যা অ॑স্থু॒রনি॑রা॒ অমী॑বা॒ নির॑ত্রস॒ন্তমি॑ষীচী॒রভৈ॑ষুঃ । আ সোমো॑ অ॒স্মাঁ অ॑রুহ॒দ্বিহা॑য়া॒ অগ॑ন্ম॒ যত্র॑ প্রতি॒রন্ত॒ আয়ুঃ॑ ॥ ৮।০৪৮।১১, ৬।৪।০১৩।০১

যো ন॒ ইন্দুঃ॑ পিতরো হৃ॒ৎসু পী॒তোঽম॑র্ত্যো॒ মর্ত্যাঁ॑ আবি॒বেশ॑ । তস্মৈ॒ সোমা॑য় হ॒বিষা॑ বিধেম মৃল়ী॒কে অ॑স্য সুম॒তৌ স্যা॑ম ॥ ৮।০৪৮।১২, ৬।৪।০১৩।০২

ত্বং সো॑ম পি॒তৃভিঃ॑ সংবিদা॒নোঽনু॒ দ্যাবা॑পৃথি॒বী আ ত॑তন্থ । তস্মৈ॑ ত ইন্দো হ॒বিষা॑ বিধেম ব॒য়ং স্যা॑ম॒ পত॑য়ো রয়ী॒ণাম্ ॥ ৮।০৪৮।১৩, ৬।৪।০১৩।০৩

ত্রাতা॑রো দেবা॒ অধি॑ বোচতা নো॒ মা নো॑ নি॒দ্রা ঈ॑শত॒ মোত জল্পিঃ॑ । ব॒য়ং সোম॑স্য বি॒শ্বহ॑ প্রি॒য়াসঃ॑ সু॒বীরা॑সো বি॒দথ॒মা ব॑দেম ॥ ৮।০৪৮।১৪, ৬।৪।০১৩।০৪

ত্বং নঃ॑ সোম বি॒শ্বতো॑ বয়ো॒ধাস্ত্বং স্ব॒র্বিদা বি॑শা নৃ॒চক্ষাঃ॑ । ত্বং ন॑ ইন্দ ঊ॒তিভিঃ॑ স॒জোষাঃ॑ পা॒হি প॒শ্চাতা॑দু॒ত বা॑ পু॒রস্তা॑ৎ ॥ ৮।০৪৮।১৫, ৬।৪।০১৩।০৫

নবাইতি নবর্চস্য সূক্তস্যাঙ্গিরসো ভিক্ষুর্ধনান্নদানন্ত্রিষ্টুবাদ্যেজগত্যৌ ।

ন বা উ॑ দে॒বাঃ ক্ষুধ॒মিদ্ব॒ধং দ॑দুরু॒তাশি॑ত॒মুপ॑ গচ্ছন্তি মৃ॒ত্যবঃ॑ । উ॒তো র॒য়িঃ পৃ॑ণ॒তো নোপ॑ দস্যত্যু॒তাপৃ॑ণন্মর্ডি॒তারং॒ ন বি॑ন্দতে ॥ ১০।১১৭।০১, ৮।৬।০২২।০১

য আ॒ধ্রায়॑ চকমা॒নায়॑ পি॒ত্বোঽন্ন॑বা॒ন্ত্সন্র॑ফি॒তায়ো॑পজ॒গ্মুষে॑ । স্থি॒রং মনঃ॑ কৃণু॒তে সেব॑তে পু॒রোতো চি॒ৎস ম॑র্ডি॒তারং॒ ন বি॑ন্দতে ॥ ১০।১১৭।০২, ৮।৬।০২২।০২

স ইদ্ভো॒জো যো গৃ॒হবে॒ দদা॒ত্যন্ন॑কামায়॒ চর॑তে কৃ॒শায়॑ । অর॑মস্মৈ ভবতি॒ যাম॑হূতা উ॒তাপ॒রীষু॑ কৃণুতে॒ সখা॑য়ম্ ॥ ১০।১১৭।০৩, ৮।৬।০২২।০৩

ন স সখা॒ যো ন দদা॑তি॒ সখ্যে॑ সচা॒ভুবে॒ সচ॑মানায় পি॒ত্বঃ । অপা॑স্মা॒ৎপ্রেয়া॒ন্ন তদোকো॑ অস্তি পৃ॒ণন্ত॑ম॒ন্যমর॑ণং চিদিচ্ছেৎ ॥ ১০।১১৭।০৪, ৮।৬।০২২।০৪

পৃ॒ণী॒য়াদিন্নাধ॑মানায়॒ তব্যা॒ন্দ্রাঘী॑য়াংস॒মনু॑ পশ্যেত॒ পন্থা॑ম্ । ও হি বর্ত॑ন্তে॒ রথ্যে॑ব চ॒ক্রান্যম॑ন্য॒মুপ॑ তিষ্ঠন্ত॒ রায়ঃ॑ ॥ ১০।১১৭।০৫, ৮।৬।০২২।০৫

মোঘ॒মন্নং॑ বিন্দতে॒ অপ্র॑চেতাঃ স॒ত্যং ব্র॑বীমি ব॒ধ ইৎস তস্য॑ । নার্য॒মণং॒ পুষ্য॑তি॒ নো সখা॑য়ং॒ কেব॑লাঘো ভবতি কেবলা॒দী ॥ ১০।১১৭।০৬, ৮।৬।০২৩।০১

কৃ॒ষন্নিৎফাল॒ আশি॑তং কৃণোতি॒ যন্নধ্বা॑ন॒মপ॑ বৃঙ্ক্তে চ॒রিত্রৈঃ॑ । বদ॑ন্ব্র॒হ্মাব॑দতো॒ বনী॑য়ান্পৃ॒ণন্না॒পিরপৃ॑ণন্তম॒ভি ষ্যা॑ৎ ॥ ১০।১১৭।০৭, ৮।৬।০২৩।০২

এক॑পা॒দ্ভূয়ো॑ দ্বি॒পদো॒ বি চ॑ক্রমে দ্বি॒পাত্ত্রি॒পাদ॑ম॒ভ্যে॑তি প॒শ্চাৎ । চতু॑ষ্পাদেতি দ্বি॒পদা॑মভিস্ব॒রে স॒ম্পশ্য॑ন্প॒ঙ্ক্তীরু॑প॒তিষ্ঠ॑মানঃ ॥ ১০।১১৭।০৮, ৮।৬।০২৩।০৩

স॒মৌ চি॒দ্ধস্তৌ॒ ন স॒মং বি॑বিষ্টঃ সম্মা॒তরা॑ চি॒ন্ন স॒মং দু॑হাতে । য॒ময়ো॑শ্চি॒ন্ন স॒মা বী॒র্যা॑ণি জ্ঞা॒তী চি॒ৎসন্তৌ॒ ন স॒মং পৃ॑ণীতঃ ॥ ১০।১১৭।০৯, ৮।৬।০২৩।০৪

শ্রদ্ধয়েতি পঞ্চর্চস্য সূক্তস্য শ্রদ্ধাকামায়নীশ্রদ্ধানুষ্টুপ্ ।

শ্র॒দ্ধয়া॒গ্নিঃ সমি॑ধ্যতে শ্র॒দ্ধয়া॑ হূয়তে হ॒বিঃ । শ্র॒দ্ধাং ভগ॑স্য মূ॒র্ধনি॒ বচ॒সা বে॑দয়ামসি ॥ ১০।১৫১।০১, ৮।৮।৯।১

প্রি॒য়ং শ্র॑দ্ধে॒ দদ॑তঃ প্রি॒য়ং শ্র॑দ্ধে॒ দিদা॑সতঃ । প্রি॒য়ং ভো॒জেষু॒ যজ্ব॑স্বি॒দং ম॑ উদি॒তং কৃ॑ধি ॥ ১০।১৫১।০২, ৮।৮।৯।২

যথা॑ দে॒বা অসু॑রেষু শ্র॒দ্ধামু॒গ্রেষু॑ চক্রি॒রে । এ॒বং ভো॒জেষু॒ যজ্ব॑স্ব॒স্মাক॑মুদি॒তং কৃ॑ধি ॥ ১০।১৫১।০৩, ৮।৮।৯।৩

শ্র॒দ্ধাং দে॒বা যজ॑মানা বা॒য়ুগো॑পা॒ উপা॑সতে । শ্র॒দ্ধাং হৃ॑দ॒য়্য১॒॑যাকূ॑ত্যা শ্র॒দ্ধয়া॑ বিন্দতে॒ বসু॑ ॥ ১০।১৫১।০৪, ৮।৮।৯।৪

শ্র॒দ্ধাং প্রা॒তর্হ॑বামহে শ্র॒দ্ধাং ম॒ধ্যন্দি॑নং॒ পরি॑ । শ্র॒দ্ধাং সূর্য॑স্য নি॒ম্রুচি॒ শ্রদ্ধে॒ শ্রদ্ধা॑পয়ে॒হ নঃ॑ ॥ ১০।১৫১।০৫, ৮।৮।৯।৫

৪৫। কিতব(দ্যূত) সূক্তং

প্রাবেপাইতি চতুর্দশর্চস্য সূক্তস্য মৌজবানক্ষ ঋষিঃ আদ্যা সপ্তমী নবমীদ্বাদশীনামক্ষাদেবতাঃ ত্রয়োদশ্যাঃ কৃষিঃ শিষ্টানামক্ষনিন্দা দেবতা ত্রিষ্টুপ্ সপ্তমী জগতী ।

প্রা॒বে॒পা মা॑ বৃহ॒তো মা॑দয়ন্তি প্রবাতে॒জা ইরি॑ণে॒ বর্বৃ॑তানাঃ । সোম॑স্যেব মৌজব॒তস্য॑ ভ॒ক্ষো বি॒ভীদ॑কো॒ জাগৃ॑বি॒র্মহ্য॑মচ্ছান্ ॥ ১০।০৩৪।০১, ৭।৮।৩।১

ন মা॑ মিমেথ॒ ন জি॑হীল় এ॒ষা শি॒বা সখি॑ভ্য উ॒ত মহ্য॑মাসীৎ । অ॒ক্ষস্যা॒হমে॑কপ॒রস্য॑ হে॒তোরনু॑ব্রতা॒মপ॑ জা॒য়াম॑রোধম্ ॥ ১০।০৩৪।০২, ৭।৮।৩।২

দ্বেষ্টি॑ শ্ব॒শ্রূরপ॑ জা॒য়া রু॑ণদ্ধি॒ ন না॑থি॒তো বি॑ন্দতে মর্ডি॒তার॑ম্ । অশ্ব॑স্যেব॒ জর॑তো॒ বস্ন্য॑স্য॒ নাহং বি॑ন্দামি কিত॒বস্য॒ ভোগ॑ম্ ॥ ১০।০৩৪।০৩, ৭।৮।৩।৩

অ॒ন্যে জা॒য়াং পরি॑ মৃশন্ত্যস্য॒ যস্যাগৃ॑ধ॒দ্বেদ॑নে বা॒জ্য১॒॑ক্ষঃ । পি॒তা মা॒তা ভ্রাত॑র এনমাহু॒র্ন জা॑নীমো॒ নয়॑তা ব॒দ্ধমে॒তম্ ॥ ১০।০৩৪।০৪, ৭।৮।৩।৪

যদা॒দীধ্যে॒ ন দ॑বিষাণ্যেভিঃ পরা॒য়দ্ভ্যোঽব॑ হীয়ে॒ সখি॑ভ্যঃ । ন্যু॑প্তাশ্চ ব॒ভ্রবো॒ বাচ॒মক্র॑তঁ॒ এমীদে॑ষাং নিষ্কৃ॒তং জা॒রিণী॑ব ॥ ১০।০৩৪।০৫, ৭।৮।৩।৫

স॒ভামে॑তি কিত॒বঃ পৃ॒চ্ছমা॑নো জে॒ষ্যামীতি॑ ত॒ন্বা॒৩॒॑ শূশু॑জানঃ । অ॒ক্ষাসো॑ অস্য॒ বি তি॑রন্তি॒ কামং॑ প্রতি॒দীব্নে॒ দধ॑ত॒ আ কৃ॒তানি॑ ॥ ১০।০৩৪।০৬, ৭।৮।৪।১

অ॒ক্ষাস॒ ইদ॑ঙ্কু॒শিনো॑ নিতো॒দিনো॑ নি॒কৃত্বা॑ন॒স্তপ॑নাস্তাপয়ি॒ষ্ণবঃ॑ । কু॒মা॒রদে॑ষ্ণা॒ জয়॑তঃ পুন॒র্হণো॒ মধ্বা॒ সম্পৃ॑ক্তাঃ কিত॒বস্য॑ ব॒র্হণা॑ ॥ ১০।০৩৪।০৭, ৭।৮।৪।২

ত্রি॒প॒ঞ্চা॒শঃ ক্রী॑ল়তি॒ ব্রাত॑ এষাং দে॒ব ই॑ব সবি॒তা স॒ত্যধ॑র্মা । উ॒গ্রস্য॑ চিন্ম॒ন্যবে॒ না ন॑মন্তে॒ রাজা॑ চিদেভ্যো॒ নম॒ ইৎকৃ॑ণোতি ॥ ১০।০৩৪।০৮, ৭।৮।৪।৩

নী॒চা ব॑র্তন্ত উ॒পরি॑ স্ফুরন্ত্যহ॒স্তাসো॒ হস্ত॑বন্তং সহন্তে । দি॒ব্যা অঙ্গা॑রা॒ ইরি॑ণে॒ ন্যু॑প্তাঃ শী॒তাঃ সন্তো॒ হৃদ॑য়ং॒ নির্দ॑হন্তি ॥ ১০।০৩৪।০৯, ৭।৮।৪।৪

জা॒য়া ত॑প্যতে কিত॒বস্য॑ হী॒না মা॒তা পু॒ত্রস্য॒ চর॑তঃ॒ ক্ব॑ স্বিৎ । ঋ॒ণা॒বা বিভ্য॒দ্ধন॑মি॒চ্ছমা॑নো॒ঽন্যেষা॒মস্ত॒মুপ॒ নক্ত॑মেতি ॥ ১০।০৩৪।১০, ৭।৮।৪।৫

স্ত্রিয়ং॑ দৃ॒ষ্ট্বায়॑ কিত॒বং ত॑তাপা॒ন্যেষাং॑ জা॒য়াং সুকৃ॑তং চ॒ যোনি॑ম্ । পূ॒র্বা॒হ্ণে অশ্বা॑ন্যুয়ু॒জে হি ব॒ভ্রূন্ত্সো অ॒গ্নেরন্তে॑ বৃষ॒লঃ প॑পাদ ॥ ১০।০৩৪।১১, ৭।৮।৫।১

যো বঃ॑ সেনা॒নীর্ম॑হ॒তো গ॒ণস্য॒ রাজা॒ ব্রাত॑স্য প্রথ॒মো ব॒ভূব॑ । তস্মৈ॑ কৃণোমি॒ ন ধনা॑ রুণধ্মি॒ দশা॒হং প্রাচী॒স্তদৃ॒তং ব॑দামি ॥ ১০।০৩৪।১২, ৭।৮।৫।২

অ॒ক্ষৈর্মা দী॑ব্যঃ কৃ॒ষিমিৎকৃ॑ষস্ব বি॒ত্তে র॑মস্ব ব॒হু মন্য॑মানঃ । তত্র॒ গাবঃ॑ কিতব॒ তত্র॑ জা॒য়া তন্মে॒ বি চ॑ষ্টে সবি॒তায়ম॒র্যঃ ॥ ১০।০৩৪।১৩, ৭।৮।৫।৩

মি॒ত্রং কৃ॑ণুধ্বং॒ খলু॑ মৃ॒ল়তা॑ নো॒ মা নো॑ ঘো॒রেণ॑ চরতা॒ভি ধৃ॒ষ্ণু । নি বো॒ নু ম॒ন্যুর্বি॑শতা॒মরা॑তির॒ন্যো ব॑ভ্রূ॒ণাং প্রসি॑তৌ॒ ন্ব॑স্তু ॥ ১০।০৩৪।১৪, ৭।৮।৫।৪

৪৬। আপ্রী সূক্তং

সমিদ্ধোঅগ্নইতি ত্রয়োদশর্চস্য সূক্তস্যৌচথ্যোদীর্ঘতমাঋষিঃ ইধ্মস্তনূনপান্নরাশংসইল়ো বর্হির্দেবীর্দ্বার উষাসানক্তা দেব্যৌহোতারৌ সরস্বতীল়াভারত্যস্ত্বষ্টাবনস্পতিঃ স্বাহাকৃতয়ইতিক্রমেণদেবতাঃ অন্ত্যায়া ইন্দ্রোনুষ্টুপ্ ।

সমি॑দ্ধো অগ্ন॒ আ ব॑হ দে॒বাঁ অ॒দ্য য॒তস্রু॑চে । তন্তুং॑ তনুষ্ব পূ॒র্ব্যং সু॒তসো॑মায় দা॒শুষে॑ ॥ ১।১৪২।০১, ২।২।০১০।০১

ঘৃ॒তব॑ন্ত॒মুপ॑ মাসি॒ মধু॑মন্তং তনূনপাৎ । য॒জ্ঞং বিপ্র॑স্য॒ মাব॑তঃ শশমা॒নস্য॑ দা॒শুষঃ॑ ॥ ১।১৪২।০২, ২।২।০১০।০২

শুচিঃ॑ পাব॒কো অদ্ভু॑তো॒ মধ্বা॑ য॒জ্ঞং মি॑মিক্ষতি । নরা॒শংস॒স্ত্রিরা দি॒বো দে॒বো দে॒বেষু॑ য॒জ্ঞিয়ঃ॑ ॥ ১।১৪২।০৩, ২।২।০১০।০৩

ঈ॒ল়ি॒তো অ॑গ্ন॒ আ ব॒হেন্দ্রং॑ চি॒ত্রমি॒হ প্রি॒য়ম্ । ই॒য়ং হি ত্বা॑ ম॒তির্মমাচ্ছা॑ সুজিহ্ব ব॒চ্যতে॑ ॥ ১।১৪২।০৪, ২।২।০১০।০৪

স্তৃ॒ণা॒নাসো॑ য॒তস্রু॑চো ব॒র্হির্য॒জ্ঞে স্ব॑ধ্ব॒রে । বৃ॒ঞ্জে দে॒বব্য॑চস্তম॒মিন্দ্রা॑য়॒ শর্ম॑ স॒প্রথঃ॑ ॥ ১।১৪২।০৫, ২।২।০১০।০৫

বি শ্র॑য়ন্তামৃতা॒বৃধঃ॑ প্র॒য়ৈ দে॒বেভ্যো॑ ম॒হীঃ । পা॒ব॒কাসঃ॑ পুরু॒স্পৃহো॒ দ্বারো॑ দে॒বীর॑স॒শ্চতঃ॑ ॥ ১।১৪২।০৬, ২।২।০১০।০৬

আ ভন্দ॑মানে॒ উপা॑কে॒ নক্তো॒ষাসা॑ সু॒পেশ॑সা । য॒হ্বী ঋ॒তস্য॑ মা॒তরা॒ সীদ॑তাং ব॒র্হিরা সু॒মৎ ॥ ১।১৪২।০৭, ২।২।০১১।০১

ম॒ন্দ্রজি॑হ্বা জুগু॒র্বণী॒ হোতা॑রা॒ দৈব্যা॑ ক॒বী । য॒জ্ঞং নো॑ যক্ষতামি॒মং সি॒ধ্রম॒দ্য দি॑বি॒স্পৃশ॑ম্ ॥ ১।১৪২।০৮, ২।২।০১১।০২

শুচি॑র্দে॒বেষ্বর্পি॑তা॒ হোত্রা॑ ম॒রুৎসু॒ ভার॑তী । ইল়া॒ সর॑স্বতী ম॒হী ব॒র্হিঃ সী॑দন্তু য॒জ্ঞিয়াঃ॑ ॥ ১।১৪২।০৯, ২।২।০১১।০৩

তন্ন॑স্তু॒রীপ॒মদ্ভু॑তং পু॒রু বারং॑ পু॒রু ত্মনা॑ । ত্বষ্টা॒ পোষা॑য়॒ বি ষ্য॑তু রা॒য়ে নাভা॑ নো অস্ম॒য়ুঃ ॥ ১।১৪২।১০, ২।২।০১১।০৪

অ॒ব॒সৃ॒জন্নুপ॒ ত্মনা॑ দে॒বান্য॑ক্ষি বনস্পতে । অ॒গ্নির্হ॒ব্যা সু॑ষূদতি দে॒বো দে॒বেষু॒ মেধি॑রঃ ॥ ১।১৪২।১১, ২।২।০১১।০৫

পূ॒ষ॒ণ্বতে॑ ম॒রুত্ব॑তে বি॒শ্বদে॑বায় বা॒য়বে॑ । স্বাহা॑ গায়॒ত্রবে॑পসে হ॒ব্যমিন্দ্রা॑য় কর্তন ॥ ১।১৪২।১২, ২।২।০১১।০৬

স্বাহা॑কৃতা॒ন্যা গ॒হ্যুপ॑ হ॒ব্যানি॑ বী॒তয়ে॑ । ইন্দ্রা গ॑হি শ্রু॒ধী হবং॒ ত্বাং হ॑বন্তে অধ্ব॒রে ॥ ১।১৪২।১৩, ২।২।০১১।০৭

সমিদ্ধইত্যেকাদশর্চস্য সূক্তস্য মৈত্রাবরুণিরগস্ত্য ইধ্মস্তনূনপাদিল়োবর্হির্দেবীর্দ্বার উষাসানক্তাদৈব্যৌহোতারৌ সরস্বতীল়া ভারত্যস্ত্বষ্টা বনস্পতি স্বাহাকৃতয়ইতিক্রমেণদেবতাঃ গায়ত্রীচ্ছন্দঃ ।

সমি॑দ্ধো অ॒দ্য রা॑জসি দে॒বো দে॒বৈঃ স॑হস্রজিৎ । দূ॒তো হ॒ব্যা ক॒বির্ব॑হ ॥ ১।১৮৮।০১, ২।৫।৮।১

তনূ॑নপাদৃ॒তং য॒তে মধ্বা॑ য॒জ্ঞঃ সম॑জ্যতে । দধ॑ৎসহ॒স্রিণী॒রিষঃ॑ ॥ ১।১৮৮।০২, ২।৫।৮।২

আ॒জুহ্বা॑নো ন॒ ঈড্যো॑ দে॒বাঁ আ ব॑ক্ষি য॒জ্ঞিয়া॑ন্ । অগ্নে॑ সহস্র॒সা অ॑সি ॥ ১।১৮৮।০৩, ২।৫।৮।৩

প্রা॒চীনং॑ ব॒র্হিরোজ॑সা স॒হস্র॑বীরমস্তৃণন্ । যত্রা॑দিত্যা বি॒রাজ॑থ ॥ ১।১৮৮।০৪, ২।৫।৮।৪

বি॒রাট্ স॒ম্রাড্বি॒ভ্বীঃ প্র॒ভ্বীর্ব॒হ্বীশ্চ॒ ভূয়॑সীশ্চ॒ যাঃ । দুরো॑ ঘৃ॒তান্য॑ক্ষরন্ ॥ ১।১৮৮।০৫, ২।৫।৮।৫

সু॒রু॒ক্মে হি সু॒পেশ॒সাধি॑ শ্রি॒য়া বি॒রাজ॑তঃ । উ॒ষাসা॒বেহ সী॑দতাম্ ॥ ১।১৮৮।০৬, ২।৫।৯।১

প্র॒থ॒মা হি সু॒বাচ॑সা॒ হোতা॑রা॒ দৈব্যা॑ ক॒বী । য॒জ্ঞং নো॑ যক্ষতামি॒মম্ ॥ ১।১৮৮।০৭, ২।৫।৯।২

ভার॒তীল়ে॒ সর॑স্বতি॒ যা বঃ॒ সর্বা॑ উপব্রু॒বে । তা ন॑শ্চোদয়ত শ্রি॒য়ে ॥ ১।১৮৮।০৮, ২।৫।৯।৩

ত্বষ্টা॑ রূ॒পাণি॒ হি প্র॒ভুঃ প॒শূন্বিশ্বা॑ন্ত্সমান॒জে । তেষাং॑ নঃ স্ফা॒তিমা য॑জ ॥ ১।১৮৮।০৯, ২।৫।৯।৪

উপ॒ ত্মন্যা॑ বনস্পতে॒ পাথো॑ দে॒বেভ্যঃ॑ সৃজ । অ॒গ্নির্হ॒ব্যানি॑ সিষ্বদৎ ॥ ১।১৮৮।১০, ২।৫।৯।৫

পু॒রো॒গা অ॒গ্নির্দে॒বানাং॑ গায়॒ত্রেণ॒ সম॑জ্যতে । স্বাহা॑কৃতীষু রোচতে ॥ ১।১৮৮।১১, ২।৫।৯।৬

সমিদ্ধোঅগ্নিরিত্যেকাদশর্চস্য সূক্তস্য শৌনকো গৃৎসমদইধ্মো নরাশংসইল়ো বর্হির্দেবীর্দ্বারউষাসানক্তা দৈব্যৌহোতারৌ সরস্বতীল়াভারত্যস্ত্বষ্টা বনস্পতিস্বাহাকৃতয়ইতিক্রমেণদেবতাস্ত্রিষ্টুপ্ সপ্তম্যৌজগত্যৌ ।

সমি॑দ্ধো অ॒গ্নির্নিহি॑তঃ পৃথি॒ব্যাং প্র॒ত্যঙ্বিশ্বা॑নি॒ ভুব॑নান্যস্থাৎ । হোতা॑ পাব॒কঃ প্র॒দিবঃ॑ সুমে॒ধা দে॒বো দে॒বান্য॑জত্ব॒গ্নিরর্হ॑ন্ ॥ ২।০০৩।০১, ২।৫।০২২।০১

নরা॒শংসঃ॒ প্রতি॒ ধামা॑ন্য॒ঞ্জন্তি॒স্রো দিবঃ॒ প্রতি॑ ম॒হ্না স্ব॒র্চিঃ । ঘৃ॒ত॒প্রুষা॒ মন॑সা হ॒ব্যমু॒ন্দন্মূ॒র্ধন্য॒জ্ঞস্য॒ সম॑নক্তু দে॒বান্ ॥ ২।০০৩।০২, ২।৫।০২২।০২

ঈ॒ল়ি॒তো অ॑গ্নে॒ মন॑সা নো॒ অর্হ॑ন্দে॒বান্য॑ক্ষি॒ মানু॑ষা॒ৎপূর্বো॑ অ॒দ্য । স আ ব॑হ ম॒রুতাং॒ শর্ধো॒ অচ্যু॑ত॒মিন্দ্রং॑ নরো বর্হি॒ষদং॑ যজধ্বম্ ॥ ২।০০৩।০৩, ২।৫।০২২।০৩

দেব॑ বর্হি॒র্বর্ধ॑মানং সু॒বীরং॑ স্তী॒র্ণং রা॒য়ে সু॒ভরং॒ বেদ্য॒স্যাম্ । ঘৃ॒তেনা॒ক্তং ব॑সবঃ সীদতে॒দং বিশ্বে॑ দেবা আদিত্যা য॒জ্ঞিয়া॑সঃ ॥ ২।০০৩।০৪, ২।৫।০২২।০৪

বি শ্র॑য়ন্তামুর্বি॒য়া হূ॒য়মা॑না॒ দ্বারো॑ দে॒বীঃ সু॑প্রায়॒ণা নমো॑ভিঃ । ব্যচ॑স্বতী॒র্বি প্র॑থন্তামজু॒র্যা বর্ণং॑ পুনা॒না য॒শসং॑ সু॒বীর॑ম্ ॥ ২।০০৩।০৫, ২।৫।০২২।০৫

সা॒ধ্বপাং॑সি স॒নতা॑ ন উক্ষি॒তে উ॒ষাসা॒নক্তা॑ ব॒য়্যে॑ব রণ্বি॒তে । তন্তুং॑ ত॒তং সং॒বয়॑ন্তী সমী॒চী য॒জ্ঞস্য॒ পেশঃ॑ সু॒দুঘে॒ পয়॑স্বতী ॥ ২।০০৩।০৬, ২।৫।০২৩।০১

দৈব্যা॒ হোতা॑রা প্রথ॒মা বি॒দুষ্ট॑র ঋ॒জু য॑ক্ষতঃ॒ সমৃ॒চা ব॒পুষ্ট॑রা । দে॒বান্যজ॑ন্তাবৃতু॒থা সম॑ঞ্জতো॒ নাভা॑ পৃথি॒ব্যা অধি॒ সানু॑ষু ত্রি॒ষু ॥ ২।০০৩।০৭, ২।৫।০২৩।০২

সর॑স্বতী সা॒ধয়॑ন্তী॒ ধিয়ং॑ ন॒ ইল়া॑ দে॒বী ভার॑তী বি॒শ্বতূ॑র্তিঃ । তি॒স্রো দে॒বীঃ স্ব॒ধয়া॑ ব॒র্হিরেদমচ্ছি॑দ্রং পান্তু শর॒ণং নি॒ষদ্য॑ ॥ ২।০০৩।০৮, ২।৫।০২৩।০৩

পি॒শঙ্গ॑রূপঃ সু॒ভরো॑ বয়ো॒ধাঃ শ্রু॒ষ্টী বী॒রো জা॑য়তে দে॒বকা॑মঃ । প্র॒জাং ত্বষ্টা॒ বি ষ্য॑তু॒ নাভি॑ম॒স্মে অথা॑ দে॒বানা॒মপ্যে॑তু॒ পাথঃ॑ ॥ ২।০০৩।০৯, ২।৫।০২৩।০৪

বন॒স্পতি॑রবসৃ॒জন্নুপ॑ স্থাদ॒গ্নির্হ॒বিঃ সূ॑দয়াতি॒ প্র ধী॒ভিঃ । ত্রিধা॒ সম॑ক্তং নয়তু প্রজা॒নন্দে॒বেভ্যো॒ দৈব্যঃ॑ শমি॒তোপ॑ হ॒ব্যম্ ॥ ২।০০৩।১০, ২।৫।০২৩।০৫

ঘৃ॒তং মি॑মিক্ষে ঘৃ॒তম॑স্য॒ যোনি॑র্ঘৃ॒তে শ্রি॒তো ঘৃ॒তম্ব॑স্য॒ ধাম॑ । অ॒নু॒ষ্ব॒ধমা ব॑হ মা॒দয়॑স্ব॒ স্বাহা॑কৃতং বৃষভ বক্ষি হ॒ব্যম্ ॥ ২।০০৩।১১, ২।৫।০২৩।০৬

সমিৎসমিদিত্যেকাদশর্চস্য সূক্তস্য গাথিনোবিশ্বামিত্রইধ্মস্তনূনপাদিল়োবর্হির্দেবীর্দ্বারউষাসানক্তাদৈব্যৌ হোতারৌ সরস্বতীল়াভারত্যস্ত্বষ্টাবনস্পতিস্বাহাকৃতয়ইতিক্রমেণদেবতাস্ত্রিষ্টুপ্ ।

স॒মিৎস॑মিৎসু॒মনা॑ বোধ্য॒স্মে শু॒চাশু॑চা সুম॒তিং রা॑সি॒ বস্বঃ॑ । আ দে॑ব দে॒বান্য॒জথা॑য় বক্ষি॒ সখা॒ সখী॑ন্ত্সু॒মনা॑ যক্ষ্যগ্নে ॥ ৩।০০৪।০১, ২।৮।০২২।০১

যং দে॒বাস॒স্ত্রিরহ॑ন্না॒য়জ॑ন্তে দি॒বেদি॑বে॒ বরু॑ণো মি॒ত্রো অ॒গ্নিঃ । সেমং য॒জ্ঞং মধু॑মন্তং কৃধী ন॒স্তনূ॑নপাদ্ঘৃ॒তয়ো॑নিং বি॒ধন্ত॑ম্ ॥ ৩।০০৪।০২, ২।৮।০২২।০২

প্র দীধি॑তির্বি॒শ্ববা॑রা জিগাতি॒ হোতা॑রমি॒ল়ঃ প্র॑থ॒মং যজ॑ধ্যৈ । অচ্ছা॒ নমো॑ভির্বৃষ॒ভং ব॒ন্দধ্যৈ॒ স দে॒বান্য॑ক্ষদিষি॒তো যজী॑য়ান্ ॥ ৩।০০৪।০৩, ২।৮।০২২।০৩

ঊ॒র্ধ্বো বাং॑ গা॒তুর॑ধ্ব॒রে অ॑কার্যূ॒র্ধ্বা শো॒চীংষি॒ প্রস্থি॑তা॒ রজাং॑সি । দি॒বো বা॒ নাভা॒ ন্য॑সাদি॒ হোতা॑ স্তৃণী॒মহি॑ দে॒বব্য॑চা॒ বি ব॒র্হিঃ ॥ ৩।০০৪।০৪, ২।৮।০২২।০৪

স॒প্ত হো॒ত্রাণি॒ মন॑সা বৃণা॒না ইন্ব॑ন্তো॒ বিশ্বং॒ প্রতি॑ যন্নৃ॒তেন॑ । নৃ॒পেশ॑সো বি॒দথে॑ষু॒ প্র জা॒তা অ॒ভী॒৩॒॑মং য॒জ্ঞং বি চ॑রন্ত পূ॒র্বীঃ ॥ ৩।০০৪।০৫, ২।৮।০২২।০৫

আ ভন্দ॑মানে উ॒ষসা॒ উপা॑কে উ॒ত স্ম॑য়েতে ত॒ন্বা॒৩॒॑ বিরূ॑পে । যথা॑ নো মি॒ত্রো বরু॑ণো॒ জুজো॑ষ॒দিন্দ্রো॑ ম॒রুত্বাঁ॑ উ॒ত বা॒ মহো॑ভিঃ ॥ ৩।০০৪।০৬, ২।৮।০২৩।০১

দৈব্যা॒ হোতা॑রা প্রথ॒মা ন্যৃ॑ঞ্জে স॒প্ত পৃ॒ক্ষাসঃ॑ স্ব॒ধয়া॑ মদন্তি । ঋ॒তং শংস॑ন্ত ঋ॒তমিত্ত আ॑হু॒রনু॑ ব্র॒তং ব্র॑ত॒পা দীধ্যা॑নাঃ ॥ ৩।০০৪।০৭, ২।৮।০২৩।০২

আ ভার॑তী॒ ভার॑তীভিঃ স॒জোষা॒ ইল়া॑ দে॒বৈর্ম॑নু॒ষ্যে॑ভির॒গ্নিঃ । সর॑স্বতী সারস্ব॒তেভি॑র॒র্বাক্তি॒স্রো দে॒বীর্ব॒র্হিরেদং স॑দন্তু ॥ ৩।০০৪।০৮, ২।৮।০২৩।০৩

তন্ন॑স্তু॒রীপ॒মধ॑ পোষয়ি॒ত্নু দেব॑ ত্বষ্ট॒র্বি র॑রা॒ণঃ স্য॑স্ব । যতো॑ বী॒রঃ ক॑র্ম॒ণ্যঃ॑ সু॒দক্ষো॑ যু॒ক্তগ্রা॑বা॒ জায়॑তে দে॒বকা॑মঃ ॥ ৩।০০৪।০৯, ২।৮।০২৩।০৪

বন॑স্প॒তেঽব॑ সৃ॒জোপ॑ দে॒বান॒গ্নির্হ॒বিঃ শ॑মি॒তা সূ॑দয়াতি । সেদু॒ হোতা॑ স॒ত্যত॑রো যজাতি॒ যথা॑ দে॒বানাং॒ জনি॑মানি॒ বেদ॑ ॥ ৩।০০৪।১০, ২।৮।০২৩।০৫

আ যা॑হ্যগ্নে সমিধা॒নো অ॒র্বাঙিন্দ্রে॑ণ দে॒বৈঃ স॒রথং॑ তু॒রেভিঃ॑ । ব॒র্হির্ন॑ আস্তা॒মদি॑তিঃ সুপু॒ত্রা স্বাহা॑ দে॒বা অ॒মৃতা॑ মাদয়ন্তাম্ ॥ ৩।০০৪।১১, ২।৮।০২৩।০৬

সুসমিদ্ধায়েত্যেকাদশর্চস্য সূক্তস্যাত্রেয়ো বসুশ্রুতঃ ইধ্মোনরাশংস ইল়োবর্হির্দেবীর্দ্বার উষাসানক্তাদৈব্যৌহোতারৌ সরস্বতীল়াভারত্যস্ত্বষ্টা বনস্পতি স্বাহাকৃতয়ো গায়ত্রী ।

সুস॑মিদ্ধায় শো॒চিষে॑ ঘৃ॒তং তী॒ব্রং জু॑হোতন । অ॒গ্নয়ে॑ জা॒তবে॑দসে ॥ ৫।০০৫।০১, ৩।৮।০২০।০১

নরা॒শংসঃ॑ সুষূদতী॒মং য॒জ্ঞমদা॑ভ্যঃ । ক॒বির্হি মধু॑হস্ত্যঃ ॥ ৫।০০৫।০২, ৩।৮।০২০।০২

ঈ॒ল়ি॒তো অ॑গ্ন॒ আ ব॒হেন্দ্রং॑ চি॒ত্রমি॒হ প্রি॒য়ম্ । সু॒খৈ রথে॑ভিরূ॒তয়ে॑ ॥ ৫।০০৫।০৩, ৩।৮।০২০।০৩

ঊর্ণ॑ম্রদা॒ বি প্র॑থস্বা॒ভ্য১॒॑র্কা অ॑নূষত । ভবা॑ নঃ শুভ্র সা॒তয়ে॑ ॥ ৫।০০৫।০৪, ৩।৮।০২০।০৪

দেবী॑র্দ্বারো॒ বি শ্র॑য়ধ্বং সুপ্রায়॒ণা ন॑ ঊ॒তয়ে॑ । প্রপ্র॑ য॒জ্ঞং পৃ॑ণীতন ॥ ৫।০০৫।০৫, ৩।৮।০২০।০৫

সু॒প্রতী॑কে বয়ো॒বৃধা॑ য॒হ্বী ঋ॒তস্য॑ মা॒তরা॑ । দো॒ষামু॒ষাস॑মীমহে ॥ ৫।০০৫।০৬, ৩।৮।০২১।০১

বাত॑স্য॒ পত্ম॑ন্নীল়ি॒তা দৈব্যা॒ হোতা॑রা॒ মনু॑ষঃ । ই॒মং নো॑ য॒জ্ঞমা গ॑তম্ ॥ ৫।০০৫।০৭, ৩।৮।০২১।০২

ইল়া॒ সর॑স্বতী ম॒হী তি॒স্রো দে॒বীর্ম॑য়ো॒ভুবঃ॑ । ব॒র্হিঃ সী॑দন্ত্ব॒স্রিধঃ॑ ॥ ৫।০০৫।০৮, ৩।৮।০২১।০৩

শি॒বস্ত্ব॑ষ্টরি॒হা গ॑হি বি॒ভুঃ পোষ॑ উ॒ত ত্মনা॑ । য॒জ্ঞেয়॑জ্ঞে ন॒ উদ॑ব ॥ ৫।০০৫।০৯, ৩।৮।০২১।০৪

যত্র॒ বেত্থ॑ বনস্পতে দে॒বানাং॒ গুহ্যা॒ নামা॑নি । তত্র॑ হ॒ব্যানি॑ গাময় ॥ ৫।০০৫।১০, ৩।৮।০২১।০৫

স্বাহা॒গ্নয়ে॒ বরু॑ণায়॒ স্বাহেন্দ্রা॑য় ম॒রুদ্ভ্যঃ॑ । স্বাহা॑ দে॒বেভ্যো॑ হ॒বিঃ ॥ ৫।০০৫।১১, ৩।৮।০২১।০৬

জুষস্বেত্যেকাদশর্চস্য সূক্তস্য মৈত্রাবরুণির্বসিষ্ঠঃ ইধ্মোনরাশংসইল়ো বর্হির্দেবীর্দ্বার উষাসানক্তা দৈব্যৌহোতারৌ সরস্বতীল়াভারত্য স্ত্বষ্টাবনস্পতিঃ স্বাহাকৃতয়স্ত্রিষ্টুপ্ ।

জু॒ষস্ব॑ নঃ স॒মিধ॑মগ্নে অ॒দ্য শোচা॑ বৃ॒হদ্য॑জ॒তং ধূ॒মমৃ॒ণ্বন্ । উপ॑ স্পৃশ দি॒ব্যং সানু॒ স্তূপৈঃ॒ সং র॒শ্মিভি॑স্ততনঃ॒ সূর্য॑স্য ॥ ৭।০০২।০১, ৫।২।১।১

নরা॒শংস॑স্য মহি॒মান॑মেষা॒মুপ॑ স্তোষাম যজ॒তস্য॑ য॒জ্ঞৈঃ । যে সু॒ক্রত॑বঃ॒ শুচ॑য়ো ধিয়ন্॒ধাঃ স্বদ॑ন্তি দে॒বা উ॒ভয়া॑নি হ॒ব্যা ॥ ৭।০০২।০২, ৫।২।১।২

ঈ॒ল়েন্যং॑ বো॒ অসু॑রং সু॒দক্ষ॑ম॒ন্তর্দূ॒তং রোদ॑সী সত্য॒বাচ॑ম্ । ম॒নু॒ষ্বদ॒গ্নিং মনু॑না॒ সমি॑দ্ধং॒ সম॑ধ্ব॒রায়॒ সদ॒মিন্ম॑হেম ॥ ৭।০০২।০৩, ৫।২।১।৩

স॒প॒র্যবো॒ ভর॑মাণা অভি॒জ্ঞু প্র বৃ॑ঞ্জতে॒ নম॑সা ব॒র্হির॒গ্নৌ । আ॒জুহ্বা॑না ঘৃ॒তপৃ॑ষ্ঠং॒ পৃষ॑দ্ব॒দধ্ব॑র্যবো হ॒বিষা॑ মর্জয়ধ্বম্ ॥ ৭।০০২।০৪, ৫।২।১।৪

স্বা॒ধ্যো॒৩॒॑ বি দুরো॑ দেব॒য়ন্তোঽশি॑শ্রয়ূ রথ॒য়ুর্দে॒বতা॑তা । পূ॒র্বী শিশুং॒ ন মা॒তরা॑ রিহা॒ণে সম॒গ্রুবো॒ ন সম॑নেষ্বঞ্জন্ ॥ ৭।০০২।০৫, ৫।২।১।৫

উ॒ত যোষ॑ণে দি॒ব্যে ম॒হী ন॑ উ॒ষাসা॒নক্তা॑ সু॒দুঘে॑ব ধে॒নুঃ । ব॒র্হি॒ষদা॑ পুরুহূ॒তে ম॒ঘোনী॒ আ য॒জ্ঞিয়ে॑ সুবি॒তায়॑ শ্রয়েতাম্ ॥ ৭।০০২।০৬, ৫।২।২।১

বিপ্রা॑ য॒জ্ঞেষু॒ মানু॑ষেষু কা॒রূ মন্যে॑ বাং জা॒তবে॑দসা॒ যজ॑ধ্যৈ । ঊ॒র্ধ্বং নো॑ অধ্ব॒রং কৃ॑তং॒ হবে॑ষু॒ তা দে॒বেষু॑ বনথো॒ বার্যা॑ণি ॥ ৭।০০২।০৭, ৫।২।২।২

আ ভার॑তী॒ ভার॑তীভিঃ স॒জোষা॒ ইল়া॑ দে॒বৈর্ম॑নু॒ষ্যে॑ভির॒গ্নিঃ । সর॑স্বতী সারস্ব॒তেভি॑র॒র্বাক্তি॒স্রো দে॒বীর্ব॒র্হিরেদং স॑দন্তু ॥ ৭।০০২।০৮, ৫।২।২।৩

তন্ন॑স্তু॒রীপ॒মধ॑ পোষয়ি॒ত্নু দেব॑ ত্বষ্ট॒র্বি র॑রা॒ণঃ স্য॑স্ব । যতো॑ বী॒রঃ ক॑র্ম॒ণ্যঃ॑ সু॒দক্ষো॑ যু॒ক্তগ্রা॑বা॒ জায়॑তে দে॒বকা॑মঃ ॥ ৭।০০২।০৯, ৫।২।২।৪

বন॑স্প॒তেঽব॑ সৃ॒জোপ॑ দে॒বান॒গ্নির্হ॒বিঃ শ॑মি॒তা সূ॑দয়াতি । সেদু॒ হোতা॑ স॒ত্যত॑রো যজাতি॒ যথা॑ দে॒বানাং॒ জনি॑মানি॒ বেদ॑ ॥ ৭।০০২।১০, ৫।২।২।৫

আ যা॑হ্যগ্নে সমিধা॒নো অ॒র্বাঙিন্দ্রে॑ণ দে॒বৈঃ স॒রথং॑ তু॒রেভিঃ॑ । ব॒র্হির্ন॑ আস্তা॒মদি॑তিঃ সুপু॒ত্রা স্বাহা॑ দে॒বা অ॒মৃতা॑ মাদয়ন্তাম্ ॥ ৭।০০২।১১, ৫।২।২।৬

সমিদ্ধইত্যেকাদশর্চস্য সূক্তস্য কাশ্যপোসিতঃ ক্রমেণেধ্মস্তনূনপাদিল়োবর্হির্দেবীর্দ্বার উষাসানক্তা দৈব্যৌহোতারৌ তিস্রোদেব্যঃ সরস্বতীল়াভারত্যস্ত্বষ্টা বনস্পতিঃ স্বাহাকৃতয়োগায়ত্রী অন্ত্যাশ্চতস্রোনুষ্টুভঃ । ( ইতআরভ্যবিংশতিসূক্তেষুকাশ্যপোদেবলোঽসিতেন সহবিকল্পতে ) ।

সমি॑দ্ধো বি॒শ্বত॒স্পতিঃ॒ পব॑মানো॒ বি রা॑জতি । প্রী॒ণন্বৃষা॒ কনি॑ক্রদৎ ॥ ৯।০০৫।০১, ৬।৭।০২৪।০১

তনূ॒নপা॒ৎপব॑মানঃ॒ শৃঙ্গে॒ শিশা॑নো অর্ষতি । অ॒ন্তরি॑ক্ষেণ॒ রার॑জৎ ॥ ৯।০০৫।০২, ৬।৭।০২৪।০২

ঈ॒ল়েন্যঃ॒ পব॑মানো র॒য়ির্বি রা॑জতি দ্যু॒মান্ । মধো॒র্ধারা॑ভি॒রোজ॑সা ॥ ৯।০০৫।০৩, ৬।৭।০২৪।০৩

ব॒র্হিঃ প্রা॒চীন॒মোজ॑সা॒ পব॑মানঃ স্তৃ॒ণন্হরিঃ॑ । দে॒বেষু॑ দে॒ব ঈ॑য়তে ॥ ৯।০০৫।০৪, ৬।৭।০২৪।০৪

উদাতৈ॑র্জিহতে বৃ॒হদ্দ্বারো॑ দে॒বীর্হি॑র॒ণ্যযীঃ॑ । পব॑মানেন॒ সুষ্টু॑তাঃ ॥ ৯।০০৫।০৫, ৬।৭।০২৪।০৫

সু॒শি॒ল্পে বৃ॑হ॒তী ম॒হী পব॑মানো বৃষণ্যতি । নক্তো॒ষাসা॒ ন দ॑র্শ॒তে ॥ ৯।০০৫।০৬, ৬।৭।০২৫।০১

উ॒ভা দে॒বা নৃ॒চক্ষ॑সা॒ হোতা॑রা॒ দৈব্যা॑ হুবে । পব॑মান॒ ইন্দ্রো॒ বৃষা॑ ॥ ৯।০০৫।০৭, ৬।৭।০২৫।০২

ভার॑তী॒ পব॑মানস্য॒ সর॑স্ব॒তীল়া॑ ম॒হী । ই॒মং নো॑ য॒জ্ঞমা গ॑মন্তি॒স্রো দে॒বীঃ সু॒পেশ॑সঃ ॥ ৯।০০৫।০৮, ৬।৭।০২৫।০৩

ত্বষ্টা॑রমগ্র॒জাং গো॒পাং পু॑রো॒য়াবা॑ন॒মা হু॑বে । ইন্দু॒রিন্দ্রো॒ বৃষা॒ হরিঃ॒ পব॑মানঃ প্র॒জাপ॑তিঃ ॥ ৯।০০৫।০৯, ৬।৭।০২৫।০৪

বন॒স্পতিং॑ পবমান॒ মধ্বা॒ সম॑ঙ্গ্ধি॒ ধার॑য়া । স॒হস্র॑বল্শং॒ হরি॑তং॒ ভ্রাজ॑মানং হির॒ণ্যয॑ম্ ॥ ৯।০০৫।১০, ৬।৭।০২৫।০৫

বিশ্বে॑ দেবাঃ॒ স্বাহা॑কৃতিং॒ পব॑মান॒স্যা গ॑ত । বা॒য়ুর্বৃহ॒স্পতিঃ॒ সূর্যো॒ঽগ্নিরিন্দ্রঃ॑ স॒জোষ॑সঃ ॥ ৯।০০৫।১১, ৬।৭।০২৫।০৬

ইমাংমইত্যেকাদশর্চস্য সূক্তস্য বাধ্র্যশ্বঃ সুমিত্রইধ্মোনরাশংস ইল়ো বর্হির্দেবীর্দ্বার উষাসানক্তা দৈব্যৌহোতারৌপ্রচেতসৌ সরস্বতীল়াভারত্যস্ত্বষ্টা বনস্পতিঃ স্বাহাকৃতয়স্ত্রিষ্টুপ্ ।

ই॒মাং মে॑ অগ্নে স॒মিধং॑ জুষস্বে॒ল়স্প॒দে প্রতি॑ হর্যা ঘৃ॒তাচী॑ম্ । বর্ষ্ম॑ন্পৃথি॒ব্যাঃ সু॑দিন॒ত্বে অহ্না॑মূ॒র্ধ্বো ভ॑ব সুক্রতো দেবয়॒জ্যা ॥ ১০।০৭০।০১, ৮।২।০২১।০১

আ দে॒বানা॑মগ্র॒য়াবে॒হ যা॑তু॒ নরা॒শংসো॑ বি॒শ্বরূ॑পেভি॒রশ্বৈঃ॑ । ঋ॒তস্য॑ প॒থা নম॑সা মি॒য়েধো॑ দে॒বেভ্যো॑ দে॒বত॑মঃ সুষূদৎ ॥ ১০।০৭০।০২, ৮।২।০২১।০২

শ॒শ্ব॒ত্ত॒মমী॑ল়তে দূ॒ত্যা॑য় হ॒বিষ্ম॑ন্তো মনু॒ষ্যা॑সো অ॒গ্নিম্ । বহি॑ষ্ঠৈ॒রশ্বৈঃ॑ সু॒বৃতা॒ রথে॒না দে॒বান্ব॑ক্ষি॒ নি ষ॑দে॒হ হোতা॑ ॥ ১০।০৭০।০৩, ৮।২।০২১।০৩

বি প্র॑থতাং দে॒বজু॑ষ্টং তির॒শ্চা দী॒র্ঘং দ্রা॒ঘ্মা সু॑র॒ভি ভূ॑ত্ব॒স্মে । অহে॑ল়তা॒ মন॑সা দেব বর্হি॒রিন্দ্র॑জ্যেষ্ঠাঁ উশ॒তো য॑ক্ষি দে॒বান্ ॥ ১০।০৭০।০৪, ৮।২।০২১।০৪

দি॒বো বা॒ সানু॑ স্পৃ॒শতা॒ বরী॑য়ঃ পৃথি॒ব্যা বা॒ মাত্র॑য়া॒ বি শ্র॑য়ধ্বম্ । উ॒শ॒তীর্দ্বা॑রো মহি॒না ম॒হদ্ভি॑র্দে॒বং রথং॑ রথ॒য়ুর্ধা॑রয়ধ্বম্ ॥ ১০।০৭০।০৫, ৮।২।০২১।০৫

দে॒বী দি॒বো দু॑হি॒তরা॑ সুশি॒ল্পে উ॒ষাসা॒নক্তা॑ সদতাং॒ নি যোনৌ॑ । আ বাং॑ দে॒বাস॑ উশতী উ॒শন্ত॑ উ॒রৌ সী॑দন্তু সুভগে উ॒পস্থে॑ ॥ ১০।০৭০।০৬, ৮।২।০২২।০১

ঊ॒র্ধ্বো গ্রাবা॑ বৃ॒হদ॒গ্নিঃ সমি॑দ্ধঃ প্রি॒য়া ধামা॒ন্যদি॑তেরু॒পস্থে॑ । পু॒রোহি॑তাবৃত্বিজা য॒জ্ঞে অ॒স্মিন্বি॒দুষ্ট॑রা॒ দ্রবি॑ণ॒মা য॑জেথাম্ ॥ ১০।০৭০।০৭, ৮।২।০২২।০২

তিস্রো॑ দেবীর্ব॒র্হিরি॒দং বরী॑য়॒ আ সী॑দত চকৃ॒মা বঃ॑ স্যো॒নম্ । ম॒নু॒ষ্বদ্য॒জ্ঞং সুধি॑তা হ॒বীংষীল়া॑ দে॒বী ঘৃ॒তপ॑দী জুষন্ত ॥ ১০।০৭০।০৮, ৮।২।০২২।০৩

দেব॑ ত্বষ্ট॒র্যদ্ধ॑ চারু॒ত্বমান॒ড্যদঙ্গি॑রসা॒মভ॑বঃ সচা॒ভূঃ । স দে॒বানাং॒ পাথ॒ উপ॒ প্র বি॒দ্বানু॒শন্য॑ক্ষি দ্রবিণোদঃ সু॒রত্নঃ॑ ॥ ১০।০৭০।০৯, ৮।২।০২২।০৪

বন॑স্পতে রশ॒নয়া॑ নি॒য়ূয়া॑ দে॒বানাং॒ পাথ॒ উপ॑ বক্ষি বি॒দ্বান্ । স্বদা॑তি দে॒বঃ কৃ॒ণব॑দ্ধ॒বীংষ্যব॑তাং॒ দ্যাবা॑পৃথি॒বী হবং॑ মে ॥ ১০।০৭০।১০, ৮।২।০২২।০৫

আগ্নে॑ বহ॒ বরু॑ণমি॒ষ্টয়ে॑ ন॒ ইন্দ্রং॑ দি॒বো ম॒রুতো॑ অ॒ন্তরি॑ক্ষাৎ । সীদ॑ন্তু ব॒র্হির্বিশ্ব॒ আ যজ॑ত্রাঃ॒ স্বাহা॑ দে॒বা অ॒মৃতা॑ মাদয়ন্তাম্ ॥ ১০।০৭০।১১, ৮।২।০২২।০৬

সমিদ্ধইত্যেকাদশর্চস্য সূক্তস্য ভার্গবো জমদগ্নিরিধ্ম স্তনূনপাদ্ ইল়ো বর্হির্দেবীর্দ্বারউষাসানক্তা দৈব্যৌহোতারৌসরস্বতীল়াভারত্যস্ত্বষ্টাবনস্পতি স্বাহাকৃতয়স্ত্রিষ্টুপ্ । (জামদগ্নি: পরশুরামোবা)।

সমি॑দ্ধো অ॒দ্য মনু॑ষো দুরো॒ণে দে॒বো দে॒বান্য॑জসি জাতবেদঃ । আ চ॒ বহ॑ মিত্রমহশ্চিকি॒ত্বান্ত্বং দূ॒তঃ ক॒বির॑সি॒ প্রচে॑তাঃ ॥ ১০।১১০।০১, ৮।৬।৮।১

তনূ॑নপাৎপ॒থ ঋ॒তস্য॒ যানা॒ন্মধ্বা॑ সম॒ঞ্জন্ত্স্ব॑দয়া সুজিহ্ব । মন্মা॑নি ধী॒ভিরু॒ত য॒জ্ঞমৃ॒ন্ধন্দে॑ব॒ত্রা চ॑ কৃণুহ্যধ্ব॒রং নঃ॑ ॥ ১০।১১০।০২, ৮।৬।৮।২

আ॒জুহ্বা॑ন॒ ঈড্যো॒ বন্দ্য॒শ্চা যা॑হ্যগ্নে॒ বসু॑ভিঃ স॒জোষাঃ॑ । ত্বং দে॒বানা॑মসি যহ্ব॒ হোতা॒ স এ॑নান্যক্ষীষি॒তো যজী॑য়ান্ ॥ ১০।১১০।০৩, ৮।৬।৮।৩

প্রা॒চীনং॑ ব॒র্হিঃ প্র॒দিশা॑ পৃথি॒ব্যা বস্তো॑র॒স্যা বৃ॑জ্যতে॒ অগ্রে॒ অহ্না॑ম্ । ব্যু॑ প্রথতে বিত॒রং বরী॑য়ো দে॒বেভ্যো॒ অদি॑তয়ে স্যো॒নম্ ॥ ১০।১১০।০৪, ৮।৬।৮।৪

ব্যচ॑স্বতীরুর্বি॒য়া বি শ্র॑য়ন্তাং॒ পতি॑ভ্যো॒ ন জন॑য়ঃ॒ শুম্ভ॑মানাঃ । দেবী॑র্দ্বারো বৃহতীর্বিশ্বমিন্বা দে॒বেভ্যো॑ ভবত সুপ্রায়॒ণাঃ ॥ ১০।১১০।০৫, ৮।৬।৮।৫

আ সু॒ষ্বয়॑ন্তী যজ॒তে উপা॑কে উ॒ষাসা॒নক্তা॑ সদতাং॒ নি যোনৌ॑ । দি॒ব্যে যোষ॑ণে বৃহ॒তী সু॑রু॒ক্মে অধি॒ শ্রিয়ং॑ শুক্র॒পিশং॒ দধা॑নে ॥ ১০।১১০।০৬, ৮।৬।৯।১

দৈব্যা॒ হোতা॑রা প্রথ॒মা সু॒বাচা॒ মিমা॑না য॒জ্ঞং মনু॑ষো॒ যজ॑ধ্যৈ । প্র॒চো॒দয়॑ন্তা বি॒দথে॑ষু কা॒রূ প্রা॒চীনং॒ জ্যোতিঃ॑ প্র॒দিশা॑ দি॒শন্তা॑ ॥ ১০।১১০।০৭, ৮।৬।৯।২

আ নো॑ য॒জ্ঞং ভার॑তী॒ তূয়॑মে॒ত্বিল়া॑ মনু॒ষ্বদি॒হ চে॒তয়॑ন্তী । তি॒স্রো দে॒বীর্ব॒র্হিরেদং স্যো॒নং সর॑স্বতী॒ স্বপ॑সঃ সদন্তু ॥ ১০।১১০।০৮, ৮।৬।৯।৩

য ই॒মে দ্যাবা॑পৃথি॒বী জনি॑ত্রী রূ॒পৈরপিং॑শ॒দ্ভুব॑নানি॒ বিশ্বা॑ । তম॒দ্য হো॑তরিষি॒তো যজী॑য়ান্দে॒বং ত্বষ্টা॑রমি॒হ য॑ক্ষি বি॒দ্বান্ ॥ ১০।১১০।০৯, ৮।৬।৯।৪

উ॒পাব॑সৃজ॒ ত্মন্যা॑ সম॒ঞ্জন্দে॒বানাং॒ পাথ॑ ঋতু॒থা হ॒বীংষি॑ । বন॒স্পতিঃ॑ শমি॒তা দে॒বো অ॒গ্নিঃ স্বদ॑ন্তু হ॒ব্যং মধু॑না ঘৃ॒তেন॑ ॥ ১০।১১০।১০, ৮।৬।৯।৫

স॒দ্যো জা॒তো ব্য॑মিমীত য॒জ্ঞম॒গ্নির্দে॒বানা॑মভবৎপুরো॒গাঃ । অ॒স্য হোতুঃ॑ প্র॒দিশ্যৃ॒তস্য॑ বা॒চি স্বাহা॑কৃতং হ॒বির॑দন্তু দে॒বাঃ ॥ ১০।১১০।১১, ৮।৬।৯।৬

৪৭। ইতি বা ইতি সূক্তং

ইতিবাইতি ত্রয়োদশর্চস্য সূক্তস্যৈন্দ্রো লবোগায়ত্রী ।

ইতি॒ বা ইতি॑ মে॒ মনো॒ গামশ্বং॑ সনুয়া॒মিতি॑ । কু॒বিৎসোম॒স্যাপা॒মিতি॑ ॥ ১০।১১৯।০১, ৮।৬।০২৬।০১

প্র বাতা॑ ইব॒ দোধ॑ত॒ উন্মা॑ পী॒তা অ॑য়ংসত । কু॒বিৎসোম॒স্যাপা॒মিতি॑ ॥ ১০।১১৯।০২, ৮।৬।০২৬।০২

উন্মা॑ পী॒তা অ॑য়ংসত॒ রথ॒মশ্বা॑ ইবা॒শবঃ॑ । কু॒বিৎসোম॒স্যাপা॒মিতি॑ ॥ ১০।১১৯।০৩, ৮।৬।০২৬।০৩

উপ॑ মা ম॒তির॑স্থিত বা॒শ্রা পু॒ত্রমি॑ব প্রি॒য়ম্ । কু॒বিৎসোম॒স্যাপা॒মিতি॑ ॥ ১০।১১৯।০৪, ৮।৬।০২৬।০৪

অ॒হং তষ্টে॑ব ব॒ন্ধুরং॒ পর্য॑চামি হৃ॒দা ম॒তিম্ । কু॒বিৎসোম॒স্যাপা॒মিতি॑ ॥ ১০।১১৯।০৫, ৮।৬।০২৬।০৫

ন॒হি মে॑ অক্ষি॒পচ্চ॒নাচ্ছা॑ন্ত্সুঃ॒ পঞ্চ॑ কৃ॒ষ্টয়ঃ॑ । কু॒বিৎসোম॒স্যাপা॒মিতি॑ ॥ ১০।১১৯।০৬, ৮।৬।০২৬।০৬

ন॒হি মে॒ রোদ॑সী উ॒ভে অ॒ন্যং প॒ক্ষং চ॒ন প্রতি॑ । কু॒বিৎসোম॒স্যাপা॒মিতি॑ ॥ ১০।১১৯।০৭, ৮।৬।০২৭।০১

অ॒ভি দ্যাং ম॑হি॒না ভু॑বম॒ভী॒৩॒॑মাং পৃ॑থি॒বীং ম॒হীম্ । কু॒বিৎসোম॒স্যাপা॒মিতি॑ ॥ ১০।১১৯।০৮, ৮।৬।০২৭।০২

হন্তা॒হং পৃ॑থি॒বীমি॒মাং নি দ॑ধানী॒হ বে॒হ বা॑ । কু॒বিৎসোম॒স্যাপা॒মিতি॑ ॥ ১০।১১৯।০৯, ৮।৬।০২৭।০৩

ও॒ষমিৎপৃ॑থি॒বীম॒হং জ॒ঙ্ঘনা॑নী॒হ বে॒হ বা॑ । কু॒বিৎসোম॒স্যাপা॒মিতি॑ ॥ ১০।১১৯।১০, ৮।৬।০২৭।০৪

দি॒বি মে॑ অ॒ন্যঃ প॒ক্ষো॒৩॒॑ঽধো অ॒ন্যম॑চীকৃষম্ । কু॒বিৎসোম॒স্যাপা॒মিতি॑ ॥ ১০।১১৯।১১, ৮।৬।০২৭।০৫

অ॒হম॑স্মি মহাম॒হো॑ঽভিন॒ভ্যমুদী॑ষিতঃ । কু॒বিৎসোম॒স্যাপা॒মিতি॑ ॥ ১০।১১৯।১২, ৮।৬।০২৭।০৬

গৃ॒হো যা॒ম্যরঙ্॑কৃতো দে॒বেভ্যো॑ হব্য॒বাহ॑নঃ । কু॒বিৎসোম॒স্যাপা॒মিতি॑ ॥ ১০।১১৯।১৩, ৮।৬।০২৭।০৭

৪৮। বাস্তু সূক্তং

বাস্তোষ্পতইতি তৃচস্য সূক্তস্য মৈত্রাবরুণির্বসিষ্ঠোবাস্তোষ্পতিস্ত্রিষ্টুপ্ ।

বাস্তো॑ষ্পতে॒ প্রতি॑ জানীহ্য॒স্মান্ত্স্বা॑বে॒শো অ॑নমী॒বো ভ॑বা নঃ । যত্ত্বেম॑হে॒ প্রতি॒ তন্নো॑ জুষস্ব॒ শং নো॑ ভব দ্বি॒পদে॒ শং চতু॑ষ্পদে ॥ ৭।০৫৪।০১, ৫।৪।০২১।০১

বাস্তো॑ষ্পতে প্র॒তর॑ণো ন এধি গয়॒স্ফানো॒ গোভি॒রশ্বে॑ভিরিন্দো । অ॒জরা॑সস্তে স॒খ্যে স্যা॑ম পি॒তেব॑ পু॒ত্রান্প্রতি॑ নো জুষস্ব ॥ ৭।০৫৪।০২, ৫।৪।০২১।০২

বাস্তো॑ষ্পতে শ॒গ্ময়া॑ সং॒সদা॑ তে সক্ষী॒মহি॑ র॒ণ্বয়া॑ গাতু॒মত্যা॑ । পা॒হি ক্ষেম॑ উ॒ত যোগে॒ বরং॑ নো যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৫৪।০৩, ৫।৪।০২১।০৩

অ॒মী॒ব॒হা বা॑স্তোষ্পতে॒ বিশ্বা॑ রূ॒পাণ্যা॑বি॒শন্ । সখা॑ সু॒শেব॑ এধি নঃ ॥ ৭।০৫৫।০১, ৫।৪।০২২।০১ {মৈত্রাবরুণির্বসিষ্ঠঃ । বাস্তোষ্পতিঃ । গায়ত্রী}

বাস্তো॑ষ্পতে ধ্রু॒বা স্থূণাংস॑ত্রং সো॒ম্যানা॑ম্ । দ্র॒প্সো ভে॒ত্তা পু॒রাং শশ্ব॑তীনা॒মিন্দ্রো॒ মুনী॑নাং॒ সখা॑ ॥ ৮।০১৭।১৪, ৬।১।০২৪।০৪ {কাণ্বঃ ইরিম্বিঠিঃ । বাস্তোষ্পতির্দেবতে । বৃহতি}

৪৯। অঘমর্ষন সূক্তং

আপোহিষ্ঠেতি নবর্চস্য সূক্তস্য আম্বরীষঃ সিন্ধুদ্বীপ আপো গায়ত্রী পঞ্চমীবর্ধমানা সপ্তমীপ্রতিষ্ঠান্ত্যেদ্বেঅনুষ্টুভৌ । আপোহিসিন্ধুদ্বীপোবাম্বরীষ ইত্যেবমনুক্রমণ্যাং সিন্ধুদ্বীপস্য পাক্ষিকত্ব স্বীকারে পূর্বোক্তস্ত্রিশিরাঃ প্রাপ্নোতিতথাপি প্রয়োক্তৃভিঃ সিন্ধুদ্বীপ এবাদ্রিয়তে ।

আপো॒ হি ষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ ১০।০০৯।০১, ৭।৬।৫।১

যো বঃ॑ শি॒বত॑মো॒ রস॒স্তস্য॑ ভাজয়তে॒হ নঃ॑ । উ॒শ॒তীরি॑ব মা॒তরঃ॑ ॥ ১০।০০৯।০২, ৭।৬।৫।২

তস্মা॒ অরং॑ গমাম বো॒ যস্য॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ ॥ ১০।০০৯।০৩, ৭।৬।৫।৩

শং নো॑ দে॒বীর॒ভিষ্ট॑য়॒ আপো॑ ভবন্তু পী॒তয়ে॑ । শং যোর॒ভি স্র॑বন্তু নঃ ॥ ১০।০০৯।০৪, ৭।৬।৫।৪

ঈশা॑না॒ বার্যা॑ণাং॒ ক্ষয়॑ন্তীশ্চর্ষণী॒নাম্ । অ॒পো যা॑চামি ভেষ॒জম্ ॥ ১০।০০৯।০৫, ৭।৬।৫।৫

অ॒প্সু মে॒ সোমো॑ অব্রবীদ॒ন্তর্বিশ্বা॑নি ভেষ॒জা । অ॒গ্নিং চ॑ বি॒শ্বশ॑ম্ভুবম্ ॥ ১০।০০৯।০৬, ৭।৬।৫।৬

আপঃ॑ পৃণী॒ত ভে॑ষ॒জং বরূ॑থং ত॒ন্বে॒৩॒॑ মম॑ । জ্যোক্চ॒ সূর্যং॑ দৃ॒শে ॥ ১০।০০৯।০৭, ৭।৬।৫।৭

ই॒দমা॑পঃ॒ প্র ব॑হত॒ যৎকিং চ॑ দুরি॒তং ময়ি॑ । যদ্বা॒হম॑ভিদু॒দ্রোহ॒ যদ্বা॑ শে॒প উ॒তানৃ॑তম্ ॥ ১০।০০৯।০৮, ৭।৬।৫।৮

আপো॑ অ॒দ্যান্ব॑চারিষং॒ রসে॑ন॒ সম॑গস্মহি । পয়॑স্বানগ্ন॒ আ গ॑হি॒ তং মা॒ সং সৃ॑জ॒ বর্চ॑সা ॥ ১০।০০৯।০৯, ৭।৬।৫।৯

পরিশিষ্টম্ [ঋগ্বেদ মণ্ডল ১০।০০৯ সূক্তস্যানন্তরং][ঋগ্বেদ অষ্টক ৭, অধ্যায় ৬, ৫ বর্গানন্তরং]

স॒স্রুষী॒।স্তদ॑পসো॒- দিবা॒ নক্ত॑।ঞ্চ স॒স্রুষীঃ॑। বরে॑ণ্যক্রতূ। রহ॒। মা দে॒বী।-রব॑সে হুবে॥

ঋতঞ্চেতি তৃচস্য সূক্তস্য মাধুচ্ছন্দসোঘমর্ষণোভাববৃত্তিরনুষ্টুপ্ ।

ঋ॒তং চ॑ স॒ত্যং চা॒ভী॑দ্ধা॒ত্তপ॒সোঽধ্য॑জায়ত । ততো॒ রাত্র্য॑জায়ত॒ ততঃ॑ সমু॒দ্রো অ॑র্ণ॒বঃ ॥ ১০।১৯০।০১, ৮।৮।০৪৮।০১

স॒মু॒দ্রাদ॑র্ণ॒বাদধি॑ সংবৎস॒রো অ॑জায়ত । অ॒হো॒রা॒ত্রাণি॑ বি॒দধ॒দ্বিশ্ব॑স্য মিষ॒তো ব॒শী ॥ ১০।১৯০।০২, ৮।৮।০৪৮।০২

সূ॒র্যা॒চ॒ন্দ্র॒মসৌ॑ ধা॒তা য॑থাপূ॒র্বম॑কল্পয়ৎ । দিবং॑ চ পৃথি॒বীং চা॒ন্তরি॑ক্ষ॒মথো॒ স্বঃ॑ ॥ ১০।১৯০।০৩, ৮।৮।০৪৮।০৩

৫০। হিরণ্য সূক্তং

পরিশিষ্টম্ [ঋগ্বেদ মণ্ডল ১০, ১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

আ॒য়ু॒ষ্যং॑ বর্চ॒স্যং॑- রা॒য়।স্পো॑ষ॒। মৌদ্ভি॑দম্। ই॒দং হির॑ণ্যং॒ বর্চ॑স্ব॒।-জ্জৈত্রা॒য়া ঽঽবি॑শতা। দি॒মাম্॥

উ॒চ্চৈ॒র্বা॒জি পৃ॑তনা॒ষা-ট্ত্স॑ভাসা॒হ। ন্ধ॑নঞ্জ॒য়ম্। সর্বা॒। স্সম॑গ্রা॒ ঋদ্ধ॑য়ো॒-হির॑ণ্যে॒ঽস্মি। ন্ত্স॒মাহি॑তাঃ॥

শু॒ন। ম॒হং হির॑ণ্যস্য- পি॒তু। র্মানে॑ব জ॒গ্রভ॑। তেন॒ মাং সূর্য॑ত্বচ॒।-মক॑রং পূ॒রুষু॑ প্রি॒য়ম্॥

স॒ম্রাজ॑।ঞ্চ বি॒রাজ॑।ঞ্চা-ঽভি॒ষ্টি। র্যা চ॑ মে ধ্রু॒বা। ল॒ক্ষ্মী রা॒ষ্ট্রস্য॒ যা মুখে॒- তয়া॒ মা।মি॑ন্দ্র॒ সং সৃ॑জ॥

অ॒গ্নেঃ প্রজা॑তং॒ পরি॒ য।দ্ধির॑ণ্য।-ম॒মৃতঁ॑ য॒জ্ঞে অধি॒ মর্ত্যে॑ষু। য এ॑ন॒। দ্বেদ॒ স ই।দে॑ন। মর্হতি- জরামৃ॒ত্যু। র্ভ॑বতি॒ যো বি॒ভর্তি॑॥

য।দ্বেদ॒ রাজা॒ বরু॑ণো॒- য।দু॑ দে॒বী সর॑স্বতী। ইন্দ্রো॒ য।দ্বৃ॑ত্র॒হা বে॑দ॒- ত।ন্মে॒ বর্চ॑স॒ আয়ু॑ষে॥

ন ত।দ্রক্ষাং॑সি॒ ন পি॑শা॒চা। শ্চ॑রন্তি- দে॒বানা॒। মোজ॑: প্রথম॒জং হ্যে॒৩(এ॒)তৎ। যো বি॒ভর্তি॑ দাক্ষায়॒ণা হির॑ণ্যং॒- স দে॒বেষু॑ কৃণুতে দী॒র্ঘ। মায়ু॒।-স্স ম॑নু॒ষ্যে॑ষু কৃণুতে দী॒র্ঘ। মায়ুঃ॑॥

য॒।দাব॑ধ্ন। ন্দাক্ষায়॒ণা হির॑ণ্যং- শ॒তানী॑কায় সুমন॒স্যমা॑না। ত।ন্ন॒ আ ব॑ধ্নামি শ॒তশা॑রদা॒য়া-ঽঽয়ু॑ষ্মা।ন্জ॒রদ॑ষ্টি॒। র্যথাঽস॑ৎ॥

ঘৃ॒তা।দুল্লু॑প্তং॒ মধু॑ম। ৎসু॒বর্ণ॑।-ন্ধনঞ্জ॒য়। ন্ধ॒রুণ॑। ন্ধারয়ি॒ষ্ণু। ঋ॒ণ।ক্স॒পত্না॒। দধ॑রাং।শ্চ কৃ॒ণ্ব।-দা রো॑হ মাং মহ॒তে সৌভ॑গায়॥

প্রি॒য়ং মা॑ কুরু দে॒বেষু॑- প্রি॒য়ং রাজ॑সু মা কুরু। প্রি॒য়ং বিশ্বে॑ষু গো॒ত্রেষু॒- ময়ি॑ ধেহি রু॒চা রুচ॑ম্॥

অ॒গ্নি। র্যেন॑ বি॒রাজ॑তি॒- সূর্যো॒ যেন॑ বি॒রাজ॑তি। বি॒রা।ড্যেন॒ বি রা॑জতি॒-তেনা॒ঽস্মা। ন্ব্র॑হ্মণ।স্পতে- বি॒রাজং॑ স॒মিধ॑।ঙ্কুরু॥

৫১। যম সূক্তং

পরেয়িবাংসমিতি ষোল়শর্চস্য সূক্তস্য বৈবস্বতোয়মঋষিঃ যমোদেবতা ষষ্ঠ্যাঙ্গিরঃপিত্রথর্বভৃগুসোমাঃ দশম্যাদিতিসৃণাংশ্বানৌ ত্রিষ্টুপ্ ত্রয়োদশীচতুর্দশীষোডশ্যোনুষ্টুভঃ পঞ্চদশীবৃহতী ( প্রেহিপ্রেহীত্যাদিতিসৃণাং পিতৃদেবতাবৈকল্পিকী ) ।

প॒রে॒য়ি॒বাংসং॑ প্র॒বতো॑ ম॒হীরনু॑ ব॒হুভ্যঃ॒ পন্থা॑মনুপস্পশা॒নম্ । বৈ॒ব॒স্ব॒তং সঙ্॒গম॑নং॒ জনা॑নাং য॒মং রাজা॑নং হ॒বিষা॑ দুবস্য ॥ ১০।০১৪।০১, ৭।৬।০১৪।০১

য॒মো নো॑ গা॒তুং প্র॑থ॒মো বি॑বেদ॒ নৈষা গব্যূ॑তি॒রপ॑ভর্ত॒বা উ॑ । যত্রা॑ নঃ॒ পূর্বে॑ পি॒তরঃ॑ পরে॒য়ুরে॒না জ॑জ্ঞা॒নাঃ প॒থ্যা॒৩॒॑ অনু॒ স্বাঃ ॥ ১০।০১৪।০২, ৭।৬।০১৪।০২

মাত॑লী ক॒ব্যৈর্য॒মো অঙ্গি॑রোভি॒র্বৃহ॒স্পতি॒র্ঋক্ব॑ভির্বাবৃধা॒নঃ । যাঁশ্চ॑ দে॒বা বা॑বৃ॒ধুর্যে চ॑ দে॒বান্ত্স্বাহা॒ন্যে স্ব॒ধয়া॒ন্যে ম॑দন্তি ॥ ১০।০১৪।০৩, ৭।৬।০১৪।০৩

ই॒মং য॑ম প্রস্ত॒রমা হি সীদাঙ্গি॑রোভিঃ পি॒তৃভিঃ॑ সংবিদা॒নঃ । আ ত্বা॒ মন্ত্রাঃ॑ কবিশ॒স্তা ব॑হন্ত্বে॒না রা॑জন্হ॒বিষা॑ মাদয়স্ব ॥ ১০।০১৪।০৪, ৭।৬।০১৪।০৪

অঙ্গি॑রোভি॒রা গ॑হি য॒জ্ঞিয়ে॑ভি॒র্যম॑ বৈরূ॒পৈরি॒হ মা॑দয়স্ব । বিব॑স্বন্তং হুবে॒ যঃ পি॒তা তে॒ঽস্মিন্য॒জ্ঞে ব॒র্হিষ্যা নি॒ষদ্য॑ ॥ ১০।০১৪।০৫, ৭।৬।০১৪।০৫

অঙ্গি॑রসো নঃ পি॒তরো॒ নব॑গ্বা॒ অথ॑র্বাণো॒ ভৃগ॑বঃ সো॒ম্যাসঃ॑ । তেষাং॑ ব॒য়ং সু॑ম॒তৌ য॒জ্ঞিয়া॑না॒মপি॑ ভ॒দ্রে সৌ॑মন॒সে স্যা॑ম ॥ ১০।০১৪।০৬, ৭।৬।০১৫।০১

প্রেহি॒ প্রেহি॑ প॒থিভিঃ॑ পূ॒র্ব্যেভি॒র্যত্রা॑ নঃ॒ পূর্বে॑ পি॒তরঃ॑ পরে॒য়ুঃ । উ॒ভা রাজা॑না স্ব॒ধয়া॒ মদ॑ন্তা য॒মং প॑শ্যাসি॒ বরু॑ণং চ দে॒বম্ ॥ ১০।০১৪।০৭, ৭।৬।০১৫।০২

সং গ॑চ্ছস্ব পি॒তৃভিঃ॒ সং য॒মেনে॑ষ্টাপূ॒র্তেন॑ পর॒মে ব্যো॑মন্ । হি॒ত্বায়া॑ব॒দ্যং পুন॒রস্ত॒মেহি॒ সং গ॑চ্ছস্ব ত॒ন্বা॑ সু॒বর্চাঃ॑ ॥ ১০।০১৪।০৮, ৭।৬।০১৫।০৩

অপে॑ত॒ বী॑ত॒ বি চ॑ সর্প॒তাতো॒ঽস্মা এ॒তং পি॒তরো॑ লো॒কম॑ক্রন্ । অহো॑ভির॒দ্ভির॒ক্তুভি॒র্ব্য॑ক্তং য॒মো দ॑দাত্যব॒সান॑মস্মৈ ॥ ১০।০১৪।০৯, ৭।৬।০১৫।০৪

অতি॑ দ্রব সারমে॒য়ৌ শ্বানৌ॑ চতুর॒ক্ষৌ শ॒বলৌ॑ সা॒ধুনা॑ প॒থা । অথা॑ পি॒তৄন্ত্সু॑বি॒দত্রাঁ॒ উপে॑হি য॒মেন॒ যে স॑ধ॒মাদং॒ মদ॑ন্তি ॥ ১০।০১৪।১০, ৭।৬।০১৫।০৫

যৌ তে॒ শ্বানৌ॑ যম রক্ষি॒তারৌ॑ চতুর॒ক্ষৌ প॑থি॒রক্ষী॑ নৃ॒চক্ষ॑সৌ । তাভ্যা॑মেনং॒ পরি॑ দেহি রাজন্ত্স্ব॒স্তি চা॑স্মা অনমী॒বং চ॑ ধেহি ॥ ১০।০১৪।১১, ৭।৬।০১৬।০১

উ॒রূ॒ণ॒সাব॑সু॒তৃপা॑ উদুম্ব॒লৌ য॒মস্য॑ দূ॒তৌ চ॑রতো॒ জনাঁ॒ অনু॑ । তাব॒স্মভ্যং॑ দৃ॒শয়ে॒ সূর্যা॑য়॒ পুন॑র্দাতা॒মসু॑ম॒দ্যেহ ভ॒দ্রম্ ॥ ১০।০১৪।১২, ৭।৬।০১৬।০২

য॒মায়॒ সোমং॑ সুনুত য॒মায়॑ জুহুতা হ॒বিঃ । য॒মং হ॑ য॒জ্ঞো গ॑চ্ছত্য॒গ্নিদূ॑তো॒ অরঙ্॑কৃতঃ ॥ ১০।০১৪।১৩, ৭।৬।০১৬।০৩

য॒মায়॑ ঘৃ॒তব॑দ্ধ॒বির্জু॒হোত॒ প্র চ॑ তিষ্ঠত । স নো॑ দে॒বেষ্বা য॑মদ্দী॒র্ঘমায়ুঃ॒ প্র জী॒বসে॑ ॥ ১০।০১৪।১৪, ৭।৬।০১৬।০৪

য॒মায়॒ মধু॑মত্তমং॒ রাজ্ঞে॑ হ॒ব্যং জু॑হোতন । ই॒দং নম॒ ঋষি॑ভ্যঃ পূর্ব॒জেভ্যঃ॒ পূর্বে॑ভ্যঃ পথি॒কৃদ্ভ্যঃ॑ ॥ ১০।০১৪।১৫, ৭।৬।০১৬।০৫

ত্রিক॑দ্রুকেভিঃ পততি॒ ষল়ু॒র্বীরেক॒মিদ্বৃ॒হৎ । ত্রি॒ষ্টুব্গা॑য়॒ত্রী ছন্দাং॑সি॒ সর্বা॒ তা য॒ম আহি॑তা ॥ ১০।০১৪।১৬, ৭।৬।০১৬।০৬

যস্মিন্নিতি সপ্তর্চস্য সূক্তস্য যামায়নঃ কুমারোয়মোনুষ্টুপ্ ।

যস্মি॑ন্বৃ॒ক্ষে সু॑পলা॒শে দে॒বৈঃ স॒ম্পিব॑তে য॒মঃ । অত্রা॑ নো বি॒শ্পতিঃ॑ পি॒তা পু॑রা॒ণাঁ অনু॑ বেনতি ॥ ১০।১৩৫।০১, ৮।৭।০২৩।০১

পু॒রা॒ণাঁ অ॑নু॒বেন॑ন্তং॒ চর॑ন্তং পা॒পয়া॑মু॒য়া । অ॒সূ॒য়ন্ন॒ভ্য॑চাকশং॒ তস্মা॑ অস্পৃহয়ং॒ পুনঃ॑ ॥ ১০।১৩৫।০২, ৮।৭।০২৩।০২

যং কু॑মার॒ নবং॒ রথ॑মচ॒ক্রং মন॒সাকৃ॑ণোঃ । একে॑ষং বি॒শ্বতঃ॒ প্রাঞ্চ॒মপ॑শ্য॒ন্নধি॑ তিষ্ঠসি ॥ ১০।১৩৫।০৩, ৮।৭।০২৩।০৩

যং কু॑মার॒ প্রাব॑র্তয়ো॒ রথং॒ বিপ্রে॑ভ্য॒স্পরি॑ । তং সামানু॒ প্রাব॑র্তত॒ সমি॒তো না॒ব্যাহি॑তম্ ॥ ১০।১৩৫।০৪, ৮।৭।০২৩।০৪

কঃ কু॑মা॒রম॑জনয়॒দ্রথং॒ কো নির॑বর্তয়ৎ । কঃ স্বি॒ত্তদ॒দ্য নো॑ ব্রূয়াদনু॒দেয়ী॒ যথাভ॑বৎ ॥ ১০।১৩৫।০৫, ৮।৭।০২৩।০৫

যথাভ॑বদনু॒দেয়ী॒ ততো॒ অগ্র॑মজায়ত । পু॒রস্তা॑দ্বু॒ধ্ন আত॑তঃ প॒শ্চান্নি॒রয়॑ণং কৃ॒তম্ ॥ ১০।১৩৫।০৬, ৮।৭।০২৩।০৬

ই॒দং য॒মস্য॒ সাদ॑নং দেবমা॒নং যদু॒চ্যতে॑ । ই॒য়ম॑স্য ধম্যতে না॒ল়ীর॒য়ং গী॒র্ভিঃ পরি॑ষ্কৃতঃ ॥ ১০।১৩৫।০৭, ৮।৭।০২৩।০৭

৫২। নাসদীয় সূক্তং

নাসদিতি সপ্তর্চস্য সূক্তস্য পরমেষ্ঠী প্রজাপতির্ভাববৃত্তিস্ত্রিষ্টুপ্ ।

নাস॑দাসী॒ন্নো সদা॑সীত্ত॒দানীং॒ নাসী॒দ্রজো॒ নো ব্যো॑মা প॒রো যৎ । কিমাব॑রীবঃ॒ কুহ॒ কস্য॒ শর্ম॒ন্নম্ভঃ॒ কিমা॑সী॒দ্গহ॑নং গভী॒রম্ ॥ ১০।১২৯।০১, ৮।৭।০১৭।০১

ন মৃ॒ত্যুরা॑সীদ॒মৃতং॒ ন তর্হি॒ ন রাত্র্যা॒ অহ্ন॑ আসীৎপ্রকে॒তঃ । আনী॑দবা॒তং স্ব॒ধয়া॒ তদেকং॒ তস্মা॑দ্ধা॒ন্যন্ন প॒রঃ কিং চ॒নাস॑ ॥ ১০।১২৯।০২, ৮।৭।০১৭।০২

তম॑ আসী॒ত্তম॑সা গূ॒ল়্হমগ্রে॑ঽপ্রকে॒তং স॑লি॒লং সর্ব॑মা ই॒দম্ । তু॒চ্ছ্যেনা॒ভ্বপি॑হিতং॒ যদাসী॒ত্তপ॑স॒স্তন্ম॑হি॒নাজা॑য়॒তৈক॑ম্ ॥ ১০।১২৯।০৩, ৮।৭।০১৭।০৩

কাম॒স্তদগ্রে॒ সম॑বর্ত॒তাধি॒ মন॑সো॒ রেতঃ॑ প্রথ॒মং যদাসী॑ৎ । স॒তো বন্ধু॒মস॑তি॒ নির॑বিন্দন্হৃ॒দি প্র॒তীষ্যা॑ ক॒বয়ো॑ মনী॒ষা ॥ ১০।১২৯।০৪, ৮।৭।০১৭।০৪

তি॒র॒শ্চীনো॒ বিত॑তো র॒শ্মিরে॑ষাম॒ধঃ স্বি॑দা॒সী৩দু॒পরি॑ স্বিদাসী৩ৎ । রে॒তো॒ধা আ॑সন্মহি॒মান॑ আসন্ত্স্ব॒ধা অ॒বস্তা॒ৎপ্রয়॑তিঃ প॒রস্তা॑ৎ ॥ ১০।১২৯।০৫, ৮।৭।০১৭।০৫

কো অ॒দ্ধা বে॑দ॒ ক ই॒হ প্র বো॑চ॒ৎকুত॒ আজা॑তা॒ কুত॑ ই॒য়ং বিসৃ॑ষ্টিঃ । অ॒র্বাগ্দে॒বা অ॒স্য বি॒সর্জ॑নে॒নাথা॒ কো বে॑দ॒ যত॑ আব॒ভূব॑ ॥ ১০।১২৯।০৬, ৮।৭।০১৭।০৬

ই॒য়ং বিসৃ॑ষ্টি॒র্যত॑ আব॒ভূব॒ যদি॑ বা দ॒ধে যদি॑ বা॒ ন । যো অ॒স্যাধ্য॑ক্ষঃ পর॒মে ব্যো॑ম॒ন্ত্সো অ॒ঙ্গ বে॑দ॒ যদি॑ বা॒ ন বেদ॑ ॥ ১০।১২৯।০৭, ৮।৭।০১৭।০৭

৫৩। অপ্রতিরথ সূক্তং

আশুঃশিশানইতি ত্রয়োদশর্চস্য সূক্তস্যৈন্দ্রো প্রতিরথইন্দ্রশ্চতুর্থ্যাং বৃহস্পতির্দ্বাদশ্যাঅপ্বাদেব্যন্ত্যায়ামরুতস্ত্রিষ্টুবন্ত্যানুষ্টুপ্ । (আশুঃ শিশানঃ সূক্তোপান্ত্যায়াআপ্বাদেবীত্যনুক্রমণ্যাং মপ্বাদেবীতিশৌনকীয়ে)

আ॒শুঃ শিশা॑নো বৃষ॒ভো ন ভী॒মো ঘ॑নাঘ॒নঃ ক্ষোভ॑ণশ্চর্ষণী॒নাম্ । সঙ্॒ক্রন্দ॑নোঽনিমি॒ষ এ॑কবী॒রঃ শ॒তং সেনা॑ অজয়ৎসা॒কমিন্দ্রঃ॑ ॥ ১০।১০৩।০১, ৮।৫।০২২।০১

সঙ্॒ক্রন্দ॑নেনানিমি॒ষেণ॑ জি॒ষ্ণুনা॑ যুৎকা॒রেণ॑ দুশ্চ্যব॒নেন॑ ধৃ॒ষ্ণুনা॑ । তদিন্দ্রে॑ণ জয়ত॒ তৎস॑হধ্বং॒ যুধো॑ নর॒ ইষু॑হস্তেন॒ বৃষ্ণা॑ ॥ ১০।১০৩।০২, ৮।৫।০২২।০২

স ইষু॑হস্তৈঃ॒ স নি॑ষ॒ঙ্গিভি॑র্ব॒শী সংস্র॑ষ্টা॒ স যুধ॒ ইন্দ্রো॑ গ॒ণেন॑ । সং॒সৃ॒ষ্ট॒জিৎসো॑ম॒পা বা॑হুশ॒র্ধ্যু১॒॑গ্রধ॑ন্বা॒ প্রতি॑হিতাভি॒রস্তা॑ ॥ ১০।১০৩।০৩, ৮।৫।০২২।০৩

বৃহ॑স্পতে॒ পরি॑ দীয়া॒ রথে॑ন রক্ষো॒হামিত্রাঁ॑ অপ॒বাধ॑মানঃ । প্র॒ভ॒ঞ্জন্ত্সেনাঃ॑ প্রমৃ॒ণো যু॒ধা জয়॑ন্ন॒স্মাক॑মেধ্যবি॒তা রথা॑নাম্ ॥ ১০।১০৩।০৪, ৮।৫।০২২।০৪

ব॒ল॒বি॒জ্ঞা॒য়ঃ স্থবি॑রঃ॒ প্রবী॑রঃ॒ সহ॑স্বান্বা॒জী সহ॑মান উ॒গ্রঃ । অ॒ভিবী॑রো অ॒ভিস॑ত্বা সহো॒জা জৈত্র॑মিন্দ্র॒ রথ॒মা তি॑ষ্ঠ গো॒বিৎ ॥ ১০।১০৩।০৫, ৮।৫।০২২।০৫

গো॒ত্র॒ভিদং॑ গো॒বিদং॒ বজ্র॑বাহুং॒ জয়॑ন্ত॒মজ্ম॑ প্রমৃ॒ণন্ত॒মোজ॑সা । ই॒মং স॑জাতা॒ অনু॑ বীরয়ধ্ব॒মিন্দ্রং॑ সখায়ো॒ অনু॒ সং র॑ভধ্বম্ ॥ ১০।১০৩।০৬, ৮।৫।০২২।০৬

অ॒ভি গো॒ত্রাণি॒ সহ॑সা॒ গাহ॑মানোঽদ॒য়ো বী॒রঃ শ॒তম॑ন্যু॒রিন্দ্রঃ॑ । দু॒শ্চ্য॒ব॒নঃ পৃ॑তনা॒ষাল়॑য়ু॒ধ্যো॒৩॒॑ঽস্মাকং॒ সেনা॑ অবতু॒ প্র যু॒ৎসু ॥ ১০।১০৩।০৭, ৮।৫।০২৩।০১

ইন্দ্র॑ আসাং নে॒তা বৃহ॒স্পতি॒র্দক্ষি॑ণা য॒জ্ঞঃ পু॒র এ॑তু॒ সোমঃ॑ । দে॒ব॒সে॒নানা॑মভিভঞ্জতী॒নাং জয়॑ন্তীনাং ম॒রুতো॑ য॒ন্ত্বগ্র॑ম্ ॥ ১০।১০৩।০৮, ৮।৫।০২৩।০২

ইন্দ্র॑স্য॒ বৃষ্ণো॒ বরু॑ণস্য॒ রাজ্ঞ॑ আদি॒ত্যানাং॑ ম॒রুতাং॒ শর্ধ॑ উ॒গ্রম্ । ম॒হাম॑নসাং ভুবনচ্য॒বানাং॒ ঘোষো॑ দে॒বানাং॒ জয়॑তা॒মুদ॑স্থাৎ ॥ ১০।১০৩।০৯, ৮।৫।০২৩।০৩

উদ্ধ॑র্ষয় মঘব॒ন্নায়ু॑ধা॒ন্যুৎসত্ব॑নাং মাম॒কানাং॒ মনাং॑সি । উদ্বৃ॑ত্রহন্বা॒জিনাং॒ বাজি॑না॒ন্যুদ্রথা॑নাং॒ জয়॑তাং যন্তু॒ ঘোষাঃ॑ ॥ ১০।১০৩।১০, ৮।৫।০২৩।০৪

অ॒স্মাক॒মিন্দ্রঃ॒ সমৃ॑তেষু ধ্ব॒জেষ্ব॒স্মাকং॒ যা ইষ॑ব॒স্তা জ॑য়ন্তু । অ॒স্মাকং॑ বী॒রা উত্ত॑রে ভবন্ত্ব॒স্মাঁ উ॑ দেবা অবতা॒ হবে॑ষু ॥ ১০।১০৩।১১, ৮।৫।০২৩।০৫

অ॒মীষাং॑ চি॒ত্তং প্র॑তিলো॒ভয়॑ন্তী গৃহা॒ণাঙ্গা॑ন্যপ্বে॒ পরে॑হি । অ॒ভি প্রেহি॒ নির্দ॑হ হৃ॒ৎসু শোকৈ॑র॒ন্ধেনা॒মিত্রা॒স্তম॑সা সচন্তাম্ ॥ ১০।১০৩।১২, ৮।৫।০২৩।০৬

প্রেতা॒ জয়॑তা নর॒ ইন্দ্রো॑ বঃ॒ শর্ম॑ যচ্ছতু । উ॒গ্রা বঃ॑ সন্তু বা॒হবো॑ঽনাধৃ॒ষ্যা যথাস॑থ ॥ ১০।১০৩।১৩, ৮।৫।০২৩।০৭

পরিশিষ্টম্ [ঋগ্বেদ মণ্ডল ১০, ১০৩ সূক্তস্যানন্তরং][ঋগ্বেদ অষ্টক ৮, অধ্যায় ৫, ২৩ বর্গানন্তরং]

অ॒সৌ যা সেনা॑ মরুত॒: পরে॑ষা।-ম॒ভ্যৈতি॑ ন॒ ওজ॑সা॒ স্পর্ধ॑মানা। তা।ঙ্গূ॑হত॒ তম॒সাঽপ॑ব্রতেন॒- যথা॒ঽমীষা॑। ম॒ন্যো অ॒ন্য।ন্ন জানা॑ৎ॥

অ॒ন্ধা অ॒মিত্রা॑ ভবতা-ঽশীর্ষা॒ণা অহ॑য়ইব। তেষাঁ॑ বো অ॒গ্নিদ॑গ্ধানা।-ম॒গ্নিমূ॑ল়্হানা॒। মিন্দ্রো॑ হন্তু॒ বরং॑বরম্॥

৫৪। সপত্নীনাশন সূক্তং

ইমামিতি ষডৃচস্য সূক্তস্যেন্দ্রাণীসপত্নীনাশনমনুষ্টুবন্ত্যাপঙ্ক্তিঃ ।

ই॒মাং খ॑না॒ম্যোষ॑ধিং বী॒রুধং॒ বল॑বত্তমাম্ । যয়া॑ স॒পত্নীং॒ বাধ॑তে॒ যয়া॑ সংবি॒ন্দতে॒ পতি॑ম্ ॥ ১০।১৪৫।০১, ৮।৮।৩।১

উত্তা॑নপর্ণে॒ সুভ॑গে॒ দেব॑জূতে॒ সহ॑স্বতি । স॒পত্নীং॑ মে॒ পরা॑ ধম॒ পতিং॑ মে॒ কেব॑লং কুরু ॥ ১০।১৪৫।০২, ৮।৮।৩।২

উত্ত॑রা॒হমু॑ত্তর॒ উত্ত॒রেদুত্ত॑রাভ্যঃ । অথা॑ স॒পত্নী॒ যা মমাধ॑রা॒ সাধ॑রাভ্যঃ ॥ ১০।১৪৫।০৩, ৮।৮।৩।৩

ন॒হ্য॑স্যা॒ নাম॑ গৃ॒ভ্ণামি॒ নো অ॒স্মিন্র॑মতে॒ জনে॑ । পরা॑মে॒ব প॑রা॒বতং॑ স॒পত্নীং॑ গময়ামসি ॥ ১০।১৪৫।০৪, ৮।৮।৩।৪

অ॒হম॑স্মি॒ সহ॑মা॒নাথ॒ ত্বম॑সি সাস॒হিঃ । উ॒ভে সহ॑স্বতী ভূ॒ত্বী স॒পত্নীং॑ মে সহাবহৈ ॥ ১০।১৪৫।০৫, ৮।৮।৩।৫

উপ॑ তেঽধাং॒ সহ॑মানাম॒ভি ত্বা॑ধাং॒ সহী॑য়সা । মামনু॒ প্র তে॒ মনো॑ ব॒ৎসং গৌরি॑ব ধাবতু প॒থা বারি॑ব ধাবতু ॥ ১০।১৪৫।০৬, ৮।৮।৩।৬

ঋষভমিতি পঞ্চর্চস্য সূক্তস্য বৈরাজঋষভঃ সপত্ননাশনোনুষ্ঠুবন্ত্যা মহাপঙ্ক্তিঃ । (শাক্বরোবাঋষিঃ)।

ঋ॒ষ॒ভং মা॑ সমা॒নানাং॑ স॒পত্না॑নাং বিষাস॒হিম্ । হ॒ন্তারং॒ শত্রূ॑ণাং কৃধি বি॒রাজং॒ গোপ॑তিং॒ গবা॑ম্ ॥ ১০।১৬৬।০১, ৮।৮।০২৪।০১

অ॒হম॑স্মি সপত্ন॒হেন্দ্র॑ ই॒বারি॑ষ্টো॒ অক্ষ॑তঃ । অ॒ধঃ স॒পত্না॑ মে প॒দোরি॒মে সর্বে॑ অ॒ভিষ্ঠি॑তাঃ ॥ ১০।১৬৬।০২, ৮।৮।০২৪।০২

অত্রৈ॒ব বোঽপি॑ নহ্যাম্যু॒ভে আর্ত্নী॑ ইব॒ জ্যযা॑ । বাচ॑স্পতে॒ নি ষে॑ধে॒মান্যথা॒ মদধ॑রং॒ বদা॑ন্ ॥ ১০।১৬৬।০৩, ৮।৮।০২৪।০৩

অ॒ভি॒ভূর॒হমাগ॑মং বি॒শ্বক॑র্মেণ॒ ধাম্না॑ । আ ব॑শ্চি॒ত্তমা বো॑ ব্র॒তমা বো॒ঽহং সমি॑তিং দদে ॥ ১০।১৬৬।০৪, ৮।৮।০২৪।০৪

যো॒গ॒ক্ষে॒মং ব॑ আ॒দায়া॒হং ভূ॑য়াসমুত্ত॒ম আ বো॑ মূ॒র্ধান॑মক্রমীম্ । অ॒ধ॒স্প॒দান্ম॒ উদ্ব॑দত ম॒ণ্ডূকা॑ ইবোদ॒কান্ম॒ণ্ডূকা॑ উদ॒কাদি॑ব ॥ ১০।১৬৬।০৫, ৮।৮।০২৪।০৫

৫৫। রাজয়ক্ষ্মনাশন সূক্তং

মুঞ্চামিত্বেতি পঞ্চর্চস্য সূক্তস্য প্রাজাপত্যো যক্ষ্মনাশন ইন্দ্রাগ্নীত্রিষ্টুবন্ত্যানুষ্টুপ্ । (মুঞ্চামীতি সূক্তে রাজ যক্ষ্মঘ্নমিত্যুক্তে রাজয়ক্ষ্মনাশনো দেবতেতিকেচিৎ অন্যেপ্রজাপতিমাহুঃ ইন্দ্রাগ্নীইতিতুয়াস্কঃ ইত্থংমতবৈবিধ্যেপি 'ষল়াহুতিশ্চরুর্মুঞ্চামিত্বাহবিষা জীবনায়কমিত্যেতেনেতি' গৃহ্যসূত্রানুসারিবৃত্তিকৃৎকারিকা কারাদিভিরস্য সূক্তস্যৈন্দ্রাগ্নি (দেবতাত্বনির্দেশত্তেএবস্মাভিরুক্তে)

মু॒ঞ্চামি॑ ত্বা হ॒বিষা॒ জীব॑নায়॒ কম॑জ্ঞাতয়॒ক্ষ্মাদু॒ত রা॑জয়॒ক্ষ্মাৎ । গ্রাহি॑র্জ॒গ্রাহ॒ যদি॑ বৈ॒তদে॑নং॒ তস্যা॑ ইন্দ্রাগ্নী॒ প্র মু॑মুক্তমেনম্ ॥ ১০।১৬১।০১, ৮।৮।০১৯।০১

যদি॑ ক্ষি॒তায়ু॒র্যদি॑ বা॒ পরে॑তো॒ যদি॑ মৃ॒ত্যোর॑ন্তি॒কং নী॑ত এ॒ব । তমা হ॑রামি॒ নির্ঋ॑তেরু॒পস্থা॒দস্পা॑র্ষমেনং শ॒তশা॑রদায় ॥ ১০।১৬১।০২, ৮।৮।০১৯।০২

স॒হ॒স্রা॒ক্ষেণ॑ শ॒তশা॑রদেন শ॒তায়ু॑ষা হ॒বিষাহা॑র্ষমেনম্ । শ॒তং যথে॒মং শ॒রদো॒ নয়া॒তীন্দ্রো॒ বিশ্ব॑স্য দুরি॒তস্য॑ পা॒রম্ ॥ ১০।১৬১।০৩, ৮।৮।০১৯।০৩

শ॒তং জী॑ব শ॒রদো॒ বর্ধ॑মানঃ শ॒তং হে॑ম॒ন্তাঞ্ছ॒তমু॑ বস॒ন্তান্ । শ॒তমি॑ন্দ্রা॒গ্নী স॑বি॒তা বৃহ॒স্পতিঃ॑ শ॒তায়ু॑ষা হ॒বিষে॒মং পুন॑র্দুঃ ॥ ১০।১৬১।০৪, ৮।৮।০১৯।০৪

আহা॑র্ষং॒ ত্বাবি॑দং ত্বা॒ পুন॒রাগাঃ॑ পুনর্নব । সর্বা॑ঙ্গ॒ সর্বং॑ তে॒ চক্ষুঃ॒ সর্ব॒মায়ু॑শ্চ তেঽবিদম্ ॥ ১০।১৬১।০৫, ৮।৮।০১৯।০৫

পরিশিষ্টম্ [ঋগ্বেদ মণ্ডল ১০, ১৬১ সূক্তস্যানন্তরং][ঋগ্বেদ অষ্টক ৮, অধ্যায় ৮, ১২ বর্গানন্তরং]

ঊ॒র্ধ্ব॒রে॒খা প্র॒ দহ॑ন্তে॒ বিষ্ণু॑।-রি॒ম। মি॑ন্দ্রা॒গ্নী অ॒মৃত॑।ঞ্জুষেথাম্। মহ্য॒। ন্দধা॑না॒ উপ॑ দী॒র্ঘ।মায়ু॑।-র॒স্মে~ ধ॑ত্তং॒ পুরু॑ভুজা॒ পুর॑ন্ধিঃ॥

অক্ষীভ্যামিতি ষডৃচস্য সূক্তস্য কাশ্যপোবিবৃহায়ক্ষ্মহানুষ্টুপ্ ।

অ॒ক্ষীভ্যাং॑ তে॒ নাসি॑কাভ্যাং॒ কর্ণা॑ভ্যাং॒ ছুবু॑কা॒দধি॑ । যক্ষ্মং॑ শীর্ষ॒ণ্যং॑ ম॒স্তিষ্কা॑জ্জি॒হ্বায়া॒ বি বৃ॑হামি তে ॥ ১০।১৬৩।০১, ৮।৮।০২১।০১

গ্রী॒বাভ্য॑স্ত উ॒ষ্ণিহা॑ভ্যঃ॒ কীক॑সাভ্যো অনূ॒ক্যা॑ৎ । যক্ষ্মং॑ দোষ॒ণ্য১॒॑মংসা॑ভ্যাং বা॒হুভ্যাং॒ বি বৃ॑হামি তে ॥ ১০।১৬৩।০২, ৮।৮।০২১।০২

আ॒ন্ত্রেভ্য॑স্তে॒ গুদা॑ভ্যো বনি॒ষ্ঠোর্হৃদ॑য়া॒দধি॑ । যক্ষ্মং॒ মত॑স্নাভ্যাং য॒ক্নঃ প্লা॒শিভ্যো॒ বি বৃ॑হামি তে ॥ ১০।১৬৩।০৩, ৮।৮।০২১।০৩

ঊ॒রুভ্যাং॑ তে অষ্ঠী॒বদ্ভ্যাং॒ পার্ষ্ণি॑ভ্যাং॒ প্রপ॑দাভ্যাম্ । যক্ষ্মং॒ শ্রোণি॑ভ্যাং॒ ভাস॑দা॒দ্ভংস॑সো॒ বি বৃ॑হামি তে ॥ ১০।১৬৩।০৪, ৮।৮।০২১।০৪

মেহ॑নাদ্বনঙ্॒কর॑ণা॒ল্লোম॑ভ্যস্তে ন॒খেভ্যঃ॑ । যক্ষ্মং॒ সর্ব॑স্মাদা॒ত্মন॒স্তমি॒দং বি বৃ॑হামি তে ॥ ১০।১৬৩।০৫, ৮।৮।০২১।০৫

অঙ্গা॑দঙ্গা॒ল্লোম্নো॑লোম্নো জা॒তং পর্ব॑ণিপর্বণি । যক্ষ্মং॒ সর্ব॑স্মাদা॒ত্মন॒স্তমি॒দং বি বৃ॑হামি তে ॥ ১০।১৬৩।০৬, ৮।৮।০২১।০৬

৫৬। উষস্সূক্তং

আয়াহীতি চতুরৃচস্য সূক্তস্যাঙ্গিরসঃ সংবর্ত উষাদ্বিপদাবিরাট্ ।

আ যা॑হি॒ বন॑সা স॒হ গাবঃ॑ সচন্ত বর্ত॒নিং যদূধ॑ভিঃ ॥ ১০।১৭২।০১, ৮।৮।৩০।১

আ যা॑হি॒ বস্ব্যা॑ ধি॒য়া মংহি॑ষ্ঠো জার॒য়ন্ম॑খঃ সু॒দানু॑ভিঃ ॥ ১০।১৭২।০২, ৮।৮।৩০।২

পি॒তু॒ভৃতো॒ ন তন্তু॒মিৎসু॒দান॑বঃ॒ প্রতি॑ দধ্মো॒ যজা॑মসি ॥ ১০।১৭২।০৩, ৮।৮।৩০।৩

উ॒ষা অপ॒ স্বসু॒স্তমঃ॒ সং ব॑র্তয়তি বর্ত॒নিং সু॑জা॒ততা॑ ॥ ১০।১৭২।০৪, ৮।৮।৩০।৪

৫৭। বৃহস্পতি সূক্তং

বৃহস্পতিরিতি তৃচস্য সূক্তস্য বার্হস্পত্যস্ত পুর্মূর্ধা বৃহস্পতিস্ত্রিষ্টুপ্ ।

বৃহ॒স্পতি॑র্নয়তু দু॒র্গহা॑ তি॒রঃ পুন॑র্নেষদ॒ঘশং॑সায়॒ মন্ম॑ । ক্ষি॒পদশ॑স্তি॒মপ॑ দুর্ম॒তিং হ॒ন্নথা॑ কর॒দ্যজ॑মানায়॒ শং যোঃ ॥ ১০।১৮২।০১, ৮।৮।০৪০।০১

নরা॒শংসো॑ নোঽবতু প্রয়া॒জে শং নো॑ অস্ত্বনুয়া॒জো হবে॑ষু । ক্ষি॒পদশ॑স্তি॒মপ॑ দুর্ম॒তিং হ॒ন্নথা॑ কর॒দ্যজ॑মানায়॒ শং যোঃ ॥ ১০।১৮২।০২, ৮।৮।০৪০।০২

তপু॑র্মূর্ধা তপতু র॒ক্ষসো॒ যে ব্র॑হ্ম॒দ্বিষঃ॒ শর॑বে॒ হন্ত॒বা উ॑ । ক্ষি॒পদশ॑স্তি॒মপ॑ দুর্ম॒তিং হ॒ন্নথা॑ কর॒দ্যজ॑মানায়॒ শং যোঃ ॥ ১০।১৮২।০৩, ৮।৮।০৪০।০৩

৫৮। ধ্রুব সূক্তং

অভীবর্তেনেতি পঞ্চর্চস্য সূক্তস্যাঙ্গিরসোভীবর্তো রাজানুষ্টুপ্ ।

অ॒ভী॒ব॒র্তেন॑ হ॒বিষা॒ যেনেন্দ্রো॑ অভিবাবৃ॒তে । তেনা॒স্মান্ব্র॑হ্মণস্পতে॒ঽভি রা॒ষ্ট্রায়॑ বর্তয় ॥ ১০।১৭৪।০১, ৮।৮।০৩২।০১

অ॒ভি॒বৃত্য॑ স॒পত্না॑ন॒ভি যা নো॒ অরা॑তয়ঃ । অ॒ভি পৃ॑ত॒ন্যন্তং॑ তিষ্ঠা॒ভি যো ন॑ ইর॒স্যতি॑ ॥ ১০।১৭৪।০২, ৮।৮।০৩২।০২

অ॒ভি ত্বা॑ দে॒বঃ স॑বি॒তাভি সোমো॑ অবীবৃতৎ । অ॒ভি ত্বা॒ বিশ্বা॑ ভূ॒তান্য॑ভীব॒র্তো যথাস॑সি ॥ ১০।১৭৪।০৩, ৮।৮।০৩২।০৩

যেনেন্দ্রো॑ হ॒বিষা॑ কৃ॒ত্ব্যভ॑বদ্দ্যু॒ম্ন্যু॑ত্ত॒মঃ । ই॒দং তদ॑ক্রি দেবা অসপ॒ত্নঃ কিলা॑ভুবম্ ॥ ১০।১৭৪।০৪, ৮।৮।০৩২।০৪

অ॒স॒প॒ত্নঃ স॑পত্ন॒হাভিরা॑ষ্ট্রো বিষাস॒হিঃ । যথা॒হমে॑ষাং ভূ॒তানাং॑ বি॒রাজা॑নি॒ জন॑স্য চ ॥ ১০।১৭৪।০৫, ৮।৮।০৩২।০৫

প্রবইতি চতুরৃচস্য সূক্তস্যোর্ধ্বগ্রাবার্বুদঃ সর্পঋষিপুত্রোগ্রাবাণোগায়ত্রী ।

প্র বো॑ গ্রাবাণঃ সবি॒তা দে॒বঃ সু॑বতু॒ ধর্ম॑ণা । ধূ॒র্ষু যু॑জ্যধ্বং সুনু॒ত ॥ ১০।১৭৫।০১, ৮।৮।০৩৩।০১

গ্রাবা॑ণো॒ অপ॑ দু॒চ্ছুনা॒মপ॑ সেধত দুর্ম॒তিম্ । উ॒স্রাঃ ক॑র্তন ভেষ॒জম্ ॥ ১০।১৭৫।০২, ৮।৮।০৩৩।০২

গ্রাবা॑ণ॒ উপ॑রে॒ষ্বা ম॑হী॒য়ন্তে॑ স॒জোষ॑সঃ । বৃষ্ণে॒ দধ॑তো॒ বৃষ্ণ্য॑ম্ ॥ ১০।১৭৫।০৩, ৮।৮।০৩৩।০৩

গ্রাবা॑ণঃ সবি॒তা নু বো॑ দে॒বঃ সু॑বতু॒ ধর্ম॑ণা । যজ॑মানায় সুন্ব॒তে ॥ ১০।১৭৫।০৪, ৮।৮।০৩৩।০৪

৫৯। বিশ্বকর্ম সূক্তং

যইমাবিশ্বেতি সপ্তর্চস্য সূক্তস্য ভৌবনোবিশ্বকর্মাবিশ্বকর্মাত্রিষ্টুপ্ দ্বিতীয়াবিরাড্রূপা ।

য ই॒মা বিশ্বা॒ ভুব॑নানি॒ জুহ্ব॒দৃষি॒র্হোতা॒ ন্যসী॑দৎপি॒তা নঃ॑ । স আ॒শিষা॒ দ্রবি॑ণমি॒চ্ছমা॑নঃ প্রথম॒চ্ছদব॑রাঁ॒ আ বি॑বেশ ॥ ১০।০৮১।০১, ৮।৩।০১৬।০১

কিং স্বি॑দাসীদধি॒ষ্ঠান॑মা॒রম্ভ॑ণং কত॒মৎস্বি॑ৎক॒থাসী॑ৎ । যতো॒ ভূমিং॑ জ॒নয়॑ন্বি॒শ্বক॑র্মা॒ বি দ্যামৌর্ণো॑ন্মহি॒না বি॒শ্বচ॑ক্ষাঃ ॥ ১০।০৮১।০২, ৮।৩।০১৬।০২

বি॒শ্বত॑শ্চক্ষুরু॒ত বি॒শ্বতো॑মুখো বি॒শ্বতো॑বাহুরু॒ত বি॒শ্বত॑স্পাৎ । সং বা॒হুভ্যাং॒ ধম॑তি॒ সং পত॑ত্রৈ॒র্দ্যাবা॒ভূমী॑ জ॒নয়॑ন্দে॒ব একঃ॑ ॥ ১০।০৮১।০৩, ৮।৩।০১৬।০৩

কিং স্বি॒দ্বনং॒ ক উ॒ স বৃ॒ক্ষ আ॑স॒ যতো॒ দ্যাবা॑পৃথি॒বী নি॑ষ্টত॒ক্ষুঃ । মনী॑ষিণো॒ মন॑সা পৃ॒চ্ছতেদু॒ তদ্যদ॒ধ্যতি॑ষ্ঠ॒দ্ভুব॑নানি ধা॒রয়॑ন্ ॥ ১০।০৮১।০৪, ৮।৩।০১৬।০৪

যা তে॒ ধামা॑নি পর॒মাণি॒ যাব॒মা যা ম॑ধ্য॒মা বি॑শ্বকর্মন্নু॒তেমা । শিক্ষা॒ সখি॑ভ্যো হ॒বিষি॑ স্বধাবঃ স্ব॒য়ং য॑জস্ব ত॒ন্বং॑ বৃধা॒নঃ ॥ ১০।০৮১।০৫, ৮।৩।০১৬।০৫

বিশ্ব॑কর্মন্হ॒বিষা॑ বাবৃধা॒নঃ স্ব॒য়ং য॑জস্ব পৃথি॒বীমু॒ত দ্যাম্ । মুহ্য॑ন্ত্ব॒ন্যে অ॒ভিতো॒ জনা॑স ই॒হাস্মাকং॑ ম॒ঘবা॑ সূ॒রির॑স্তু ॥ ১০।০৮১।০৬, ৮।৩।০১৬।০৬

বা॒চস্পতিং॑ বি॒শ্বক॑র্মাণমূ॒তয়ে॑ মনো॒জুবং॒ বাজে॑ অ॒দ্যা হু॑বেম । স নো॒ বিশ্বা॑নি॒ হব॑নানি জোষদ্বি॒শ্বশ॑ম্ভূ॒রব॑সে সা॒ধুক॑র্মা ॥ ১০।০৮১।০৭, ৮।৩।০১৬।০৭

চক্ষুষইতি সপ্তর্চস্য সূক্তস্য ভৌবনোবিশ্বকর্মাবিশ্বকর্মাত্রিষ্টুপ্ ।

চক্ষু॑ষঃ পি॒তা মন॑সা॒ হি ধীরো॑ ঘৃ॒তমে॑নে অজন॒ন্নন্ন॑মানে । য॒দেদন্তা॒ অদ॑দৃহন্ত॒ পূর্ব॒ আদিদ্দ্যাবা॑পৃথি॒বী অ॑প্রথেতাম্ ॥ ১০।০৮২।০১, ৮।৩।০১৭।০১

বি॒শ্বক॑র্মা॒ বিম॑না॒ আদ্বিহা॑য়া ধা॒তা বি॑ধা॒তা প॑র॒মোত সন্॒দৃক্ । তেষা॑মি॒ষ্টানি॒ সমি॒ষা ম॑দন্তি॒ যত্রা॑ সপ্তঋ॒ষীন্প॒র এক॑মা॒হুঃ ॥ ১০।০৮২।০২, ৮।৩।০১৭।০২

যো নঃ॑ পি॒তা জ॑নি॒তা যো বি॑ধা॒তা ধামা॑নি॒ বেদ॒ ভুব॑নানি॒ বিশ্বা॑ । যো দে॒বানাং॑ নাম॒ধা এক॑ এ॒ব তং স॑ম্প্র॒শ্নং ভুব॑না যন্ত্য॒ন্যা ॥ ১০।০৮২।০৩, ৮।৩।০১৭।০৩

ত আয়॑জন্ত॒ দ্রবি॑ণং॒ সম॑স্মা॒ ঋষ॑য়ঃ॒ পূর্বে॑ জরি॒তারো॒ ন ভূ॒না । অ॒সূর্তে॒ সূর্তে॒ রজ॑সি নিষ॒ত্তে যে ভূ॒তানি॑ স॒মকৃ॑ণ্বন্নি॒মানি॑ ॥ ১০।০৮২।০৪, ৮।৩।০১৭।০৪

প॒রো দি॒বা প॒র এ॒না পৃ॑থি॒ব্যা প॒রো দে॒বেভি॒রসু॑রৈ॒র্যদস্তি॑ । কং স্বি॒দ্গর্ভং॑ প্রথ॒মং দ॑ধ্র॒ আপো॒ যত্র॑ দে॒বাঃ স॒মপ॑শ্যন্ত॒ বিশ্বে॑ ॥ ১০।০৮২।০৫, ৮।৩।০১৭।০৫

তমিদ্গর্ভং॑ প্রথ॒মং দ॑ধ্র॒ আপো॒ যত্র॑ দে॒বাঃ স॒মগ॑চ্ছন্ত॒ বিশ্বে॑ । অ॒জস্য॒ নাভা॒বধ্যেক॒মর্পি॑তং॒ যস্মি॒ন্বিশ্বা॑নি॒ ভুব॑নানি ত॒স্থুঃ ॥ ১০।০৮২।০৬, ৮।৩।০১৭।০৬

ন তং বি॑দাথ॒ য ই॒মা জ॒জানা॒ন্যদ্যু॒ষ্মাক॒মন্ত॑রং বভূব । নী॒হা॒রেণ॒ প্রাবৃ॑তা॒ জল্প্যা॑ চাসু॒তৃপ॑ উক্থ॒শাস॑শ্চরন্তি ॥ ১০।০৮২।০৭, ৮।৩।০১৭।০৭

৬০। তার্ক্ষ্য সূক্তং

ত্যমূষ্বিতি তৃচস্য সূক্তস্য তার্ক্ষ্যোরিষ্টনেমিস্তার্ক্ষ্যস্ত্রিষ্টুপ্ ।

ত্যমূ॒ ষু বা॒জিনং॑ দে॒বজূ॑তং স॒হাবা॑নং তরু॒তারং॒ রথা॑নাম্ । অরি॑ষ্টনেমিং পৃত॒নাজ॑মা॒শুং স্ব॒স্তয়ে॒ তার্ক্ষ্য॑মি॒হা হু॑বেম ॥ ১০।১৭৮।০১, ৮।৮।০৩৬।০১

ইন্দ্র॑স্যেব রা॒তিমা॒জোহু॑বানাঃ স্ব॒স্তয়ে॒ নাব॑মি॒বা রু॑হেম । উর্বী॒ ন পৃথ্বী॒ বহু॑লে॒ গভী॑রে॒ মা বা॒মেতৌ॒ মা পরে॑তৌ রিষাম ॥ ১০।১৭৮।০২, ৮।৮।০৩৬।০২

স॒দ্যশ্চি॒দ্যঃ শব॑সা॒ পঞ্চ॑ কৃ॒ষ্টীঃ সূর্য॑ ইব॒ জ্যোতি॑ষা॒পস্ত॒তান॑ । স॒হ॒স্র॒সাঃ শ॑ত॒সা অ॑স্য॒ রংহি॒র্ন স্মা॑ বরন্তে যুব॒তিং ন শর্যা॑ম্ ॥ ১০।১৭৮।০৩, ৮।৮।০৩৬।০৩

৬১। বাক্ সূক্তং

গা॒য়॒ত্রেণ॒ প্রতি॑ মিমীতে অ॒র্কম॒র্কেণ॒ সাম॒ ত্রৈষ্টু॑ভেন বা॒কম্ । বা॒কেন॑ বা॒কং দ্বি॒পদা॒ চতু॑ষ্পদা॒ক্ষরে॑ণ মিমতে স॒প্ত বাণীঃ॑ ॥ ১।১৬৪।২৪, ২।৩।০১৮।০৪ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

তস্যাঃ॑ সমু॒দ্রা অধি॒ বি ক্ষ॑রন্তি॒ তেন॑ জীবন্তি প্র॒দিশ॒শ্চত॑স্রঃ । ততঃ॑ ক্ষরত্য॒ক্ষরং॒ তদ্বিশ্ব॒মুপ॑ জীবতি ॥ ১।১৬৪।৪২, ২।৩।০২২।০২ {ঔচথ্যো দীর্ঘতমাঃ । ১/২: বাক্ ২/২: চাপঃ । প্রস্তারপঙ্ক্তিঃ}

চ॒ত্বারি॒ বাক্পরি॑মিতা প॒দানি॒ তানি॑ বিদুর্ব্রাহ্ম॒ণা যে ম॑নী॒ষিণঃ॑ । গুহা॒ ত্রীণি॒ নিহি॑তা॒ নেঙ্গ॑য়ন্তি তু॒রীয়ং॑ বা॒চো ম॑নু॒ষ্যা॑ বদন্তি ॥ ১।১৬৪।৪৫, ২।৩।০২২।০৫ {ঔচথ্যো দীর্ঘতমাঃ । বাক্ । ত্রিষ্টুপ্}

স॒স॒র্প॒রীর॑ভর॒ত্তূয়॑মে॒ভ্যোঽধি॒ শ্রবঃ॒ পাঞ্চ॑জন্যাসু কৃ॒ষ্টিষু॑ । সা প॒ক্ষ্যা॒৩॒॑ নব্য॒মায়ু॒র্দধা॑না॒ যাং মে॑ পলস্তিজমদ॒গ্নয়ো॑ দ॒দুঃ ॥ ৩।০৫৩।১৬, ৩।৩।০২২।০১ {গাথিনো বিশ্বামিত্রঃ । সসর্পরী বাক্ । জগতী}

যদ্বাগ্বদ॑ন্ত্যবিচেত॒নানি॒ রাষ্ট্রী॑ দে॒বানাং॑ নিষ॒সাদ॑ ম॒ন্দ্রা । চত॑স্র॒ ঊর্জং॑ দুদুহে॒ পয়াং॑সি॒ ক্ব॑ স্বিদস্যাঃ পর॒মং জ॑গাম ॥ ৮।১০০।১০, ৬।৭।৫।৪ {ভার্গবো নেমঃ । বাক্ । ত্রিষ্টুপ্}

দে॒বীং বাচ॑মজনয়ন্ত দে॒বাস্তাং বি॒শ্বরূ॑পাঃ প॒শবো॑ বদন্তি । সা নো॑ ম॒ন্দ্রেষ॒মূর্জং॒ দুহা॑না ধে॒নুর্বাগ॒স্মানুপ॒ সুষ্টু॒তৈতু॑ ॥ ৮।১০০।১১, ৬।৭।৫।৫ {ভার্গবো নেমঃ । বাক্ । ত্রিষ্টুপ্}

সক্তু॑মিব॒ তিত॑উনা পু॒নন্তো॒ যত্র॒ ধীরা॒ মন॑সা॒ বাচ॒মক্র॑ত । অত্রা॒ সখা॑য়ঃ স॒খ্যানি॑ জানতে ভ॒দ্রৈষাং॑ ল॒ক্ষ্মীর্নিহি॒তাধি॑ বা॒চি ॥ ১০।০৭১।০২, ৮।২।০২৩।০২ {বৃহস্পতিঃ । জ্ঞানং । ত্রিষ্টুপ্}

৬২। শচী সূক্তং

উদসাবিতি ষঢচস্য সূক্তস্য পৌলোমী শচীশচ্যনুষ্টুপ্ ।

উদ॒সৌ সূর্যো॑ অগা॒দুদ॒য়ং মা॑ম॒কো ভগঃ॑ । অ॒হং তদ্বি॑দ্ব॒লা পতি॑ম॒ভ্য॑সাক্ষি বিষাস॒হিঃ ॥ ১০।১৫৯।০১, ৮।৮।০১৭।০১

অ॒হং কে॒তুর॒হং মূ॒র্ধাহমু॒গ্রা বি॒বাচ॑নী । মমেদনু॒ ক্রতুং॒ পতিঃ॑ সেহা॒নায়া॑ উ॒পাচ॑রেৎ ॥ ১০।১৫৯।০২, ৮।৮।০১৭।০২

মম॑ পু॒ত্রাঃ শ॑ত্রু॒হণোঽথো॑ মে দুহি॒তা বি॒রাট্ । উ॒তাহম॑স্মি সঞ্জ॒য়া পত্যৌ॑ মে॒ শ্লোক॑ উত্ত॒মঃ ॥ ১০।১৫৯।০৩, ৮।৮।০১৭।০৩

যেনেন্দ্রো॑ হ॒বিষা॑ কৃ॒ত্ব্যভ॑বদ্দ্যু॒ম্ন্যু॑ত্ত॒মঃ । ই॒দং তদ॑ক্রি দেবা অসপ॒ত্না কিলা॑ভুবম্ ॥ ১০।১৫৯।০৪, ৮।৮।০১৭।০৪

অ॒স॒প॒ত্না স॑পত্ন॒ঘ্নী জয়॑ন্ত্যভি॒ভূব॑রী । আবৃ॑ক্ষম॒ন্যাসাং॒ বর্চো॒ রাধো॒ অস্থে॑য়সামিব ॥ ১০।১৫৯।০৫, ৮।৮।০১৭।০৫

সম॑জৈষমি॒মা অ॒হং স॒পত্নী॑রভি॒ভূব॑রী । যথা॒হম॒স্য বী॒রস্য॑ বি॒রাজা॑নি॒ জন॑স্য চ ॥ ১০।১৫৯।০৬, ৮।৮।০১৭।০৬

৬৩। কেশী সূক্তং

কেশীতি সপ্তর্চস্য সূক্তস্য বাতরশনা জূতির্বাতজূতির্বিপ্র জূতির্বৃষাণকঃ করিক্রত এতশঋষ্যশৃঙ্গ ইতি ক্রমেণৈকর্চাঋষয়ঃ । কেশ্যগ্নিসূর্যবায়বোদেবতাঅনুষ্টুপ্ ।

কে॒শ্য১॒॑গ্নিং কে॒শী বি॒ষং কে॒শী বি॑ভর্তি॒ রোদ॑সী । কে॒শী বিশ্বং॒ স্ব॑র্দৃ॒শে কে॒শীদং জ্যোতি॑রুচ্যতে ॥ ১০।১৩৬।০১, ৮।৭।০২৪।০১

মুন॑য়ো॒ বাত॑রশনাঃ পি॒শঙ্গা॑ বসতে॒ মলা॑ । বাত॒স্যানু॒ ধ্রাজিং॑ যন্তি॒ যদ্দে॒বাসো॒ অবি॑ক্ষত ॥ ১০।১৩৬।০২, ৮।৭।০২৪।০২

উন্ম॑দিতা॒ মৌনে॑য়েন॒ বাতাঁ॒ আ ত॑স্থিমা ব॒য়ম্ । শরী॒রেদ॒স্মাকং॑ যূ॒য়ং মর্তা॑সো অ॒ভি প॑শ্যথ ॥ ১০।১৩৬।০৩, ৮।৭।০২৪।০৩

অ॒ন্তরি॑ক্ষেণ পততি॒ বিশ্বা॑ রূ॒পাব॒চাক॑শৎ । মুনি॑র্দে॒বস্য॑দেবস্য॒ সৌকৃ॑ত্যায়॒ সখা॑ হি॒তঃ ॥ ১০।১৩৬।০৪, ৮।৭।০২৪।০৪

বাত॒স্যাশ্বো॑ বা॒য়োঃ সখাথো॑ দে॒বেষি॑তো॒ মুনিঃ॑ । উ॒ভৌ স॑মু॒দ্রাবা ক্ষে॑তি॒ যশ্চ॒ পূর্ব॑ উ॒তাপ॑রঃ ॥ ১০।১৩৬।০৫, ৮।৭।০২৪।০৫

অ॒প্স॒রসাং॑ গন্ধ॒র্বাণাং॑ মৃ॒গাণাং॒ চর॑ণে॒ চর॑ন্ । কে॒শী কেত॑স্য বি॒দ্বান্ত্সখা॑ স্বা॒দুর্ম॒দিন্ত॑মঃ ॥ ১০।১৩৬।০৬, ৮।৭।০২৪।০৬

বা॒য়ুর॑স্মা॒ উপা॑মন্থৎপি॒নষ্টি॑ স্মা কুনন্ন॒মা । কে॒শী বি॒ষস্য॒ পাত্রে॑ণ॒ যদ্রু॒দ্রেণাপি॑বৎস॒হ ॥ ১০।১৩৬।০৭, ৮।৭।০২৪।০৭

৬৪। সর্পসূক্তং

পরিশিষ্টম্ [ঋগ্বেদ মণ্ডল ৭, ৫৫ সূক্তস্যানন্তরং][ঋগ্বেদ অষ্টক ৫, অধ্যায় ৪, ২২ বর্গানন্তরং]

স্ব॒প্ন স্ব॒প্নাধি॒কর॑ণে॒- সর্ব॒।ন্নিষ্বা॑পয়া॒ জন॑ম্। আ সূর্য॑ ম॒ন্যা।ন্ত্স্বা॒পয়া॒- ব্যু॑১(উ॒)ষ।ঞ্জা॑গ্রিয়া। ম॒হম্॥

অজ॑গরো নাম স॒র্প।-স্স॒র্পি। র॑বিষো ম॒হান্। তস্মি॒।ন্হি সর্প॒। স্সুধি॑ত॒।-স্তেন॑ ত্বা স্বাপয়ামসি॥

সর্প॒। স্সর্পো॑ অ॒জগ॑র।-স্স॒র্পি। র॑বিষো ম॒হান্। তস্য॒ সর্পা॑।ৎসিন্ধব॒।-স্তস্য॑ গা॒ধ। ম॑শীমহি॥

কা॒ল়ি॒কো না॑ম স॒র্পো॒- ন॒বনা॑গ। স॒হস্র॑বলঃ। য॒মু॒ন॒হ্র॒দে হ॑ সো জা॒তো॒৩(ও॒)- যো না॑রায়ণ॒বাহ॑নঃ॥

যদি॑ কা॒ল়িক॑দূত॒স্য॒- য॒দি কা॑: কাল়ি॒কা।দ্ভ॑য়াৎ। জন্ম॑ভূ॒মি। ম॑তিক্রা॒ন্তো॒- নি॒র্বিষো॑ যাতি॒ কাল়ি॑কঃ॥

আ যা॑হীন্দ্র প॒থিভি॑। রীল়ি॒তেভি॑।-র্য॒জ্ঞ মি॒ম।ন্নো॑ ভাগ॒ধেয়॑।ঞ্জুষস্ব। তৃ॒প্তা।ঞ্জ॑হু॒। র্মাতু॑লস্যেব॒ যোষা॑- ভা॒গ।স্তে পৈতৃ॑ষ্ব॒সেয়ী॑ ব॒পামি॑ব॥

য॒শস্ক॑রং॒ বল॑বন্তং প্র॒ভুত্ব॑।-ন্তমে॒ব রা॑জাঽধি॒পতি॑। র্বভূব। স॒ঙ্কী॒র্ণনা॑গাঽশ্ব॒পতি॑। র্নরা॒ণাং- সু॑ম॒ঙ্গল্যং॑ সতত। ন্দী॒র্ঘ।মায়ুঃ॑॥

ক॒র্কো॒ট॒কো না॑ম স॒র্পো- যো॒ দৃষ্টী॑বিষ॒ উচ্য॑তে। তস্য॑ স॒র্পস্য॑ সর্প॒ত্ব॒।-ন্ত॒স্মৈ স॑র্প ন॒মোঽস্তু॑তে॥

যে॒৩(অ)ঽদো রো॑চ॒নে দি॒বো- যে বা॒ সূর্য॑স্য র॒শ্মিষু॑। যেষা॑। ম॒প্সু সদ॑।স্কৃ॒ত।-ন্তেভ্য॑। স্স॒র্পেভ্যো॒ নমঃ॑॥

যা ইষ॑বো যাতু॒ধানা॑নাঁ॒- যে বা॒ বন॒স্পতী॒। ননু॑। যে বা॑ऽব॒টেষু॒ শের॑তে॒- তেভ্য॑। স্স॒র্পেভ্যো॒ নমঃ॑॥

নমো॑ অস্তু স॒র্পেভ্যো॒- যে কে চ॑ পৃথি॒বী। মনু॑। যে অ॒ন্তরি॑ক্ষে॒ যে দি॒বি- তেভ্য॑। স্স॒র্পেভ্যো॒ নমঃ॑॥

উ॒গ্রা॒ঽঽয়ু॒ধাঃ প্রম॑তিনঃ প্রবী॒রা মা॑য়া॒বিনো॑ ব॒লিনা॒।মিচ্ছ॑মানাঃ। যে দে॒বা। নসু॑রাঃ প॒রাঽভ॑ব॒।- ন্তাঁস্ত্বং বজ্রে॑ণ মঘব॒ ন্নিবা॑রয়॥

৬৫। ইন্দ্র সূক্তং

বিশ্বজিত ইতি ষডৃচস্য সূক্তস্যশৌনকোগৃৎসমদইন্দ্রোজগত্যন্ত্যাত্রিষ্টুপ্ ।

বি॒শ্ব॒জিতে॑ ধন॒জিতে॑ স্ব॒র্জিতে॑ সত্রা॒জিতে॑ নৃ॒জিত॑ উর্বরা॒জিতে॑ । অ॒শ্ব॒জিতে॑ গো॒জিতে॑ অ॒ব্জিতে॑ ভ॒রেন্দ্রা॑য়॒ সোমং॑ যজ॒তায়॑ হর্য॒তম্ ॥ ২।০২১।০১, ২।৬।০২৭।০১

অ॒ভি॒ভুবে॑ঽভিভ॒ঙ্গায়॑ বন্ব॒তেঽষা॑ল়্হায়॒ সহ॑মানায় বে॒ধসে॑ । তু॒বি॒গ্রয়ে॒ বহ্ন॑য়ে দু॒ষ্টরী॑তবে সত্রা॒সাহে॒ নম॒ ইন্দ্রা॑য় বোচত ॥ ২।০২১।০২, ২।৬।০২৭।০২

স॒ত্রা॒সা॒হো জ॑নভ॒ক্ষো জ॑নংস॒হশ্চ্যব॑নো যু॒ধ্মো অনু॒ জোষ॑মুক্ষি॒তঃ । বৃ॒তঞ্॒চ॒য়ঃ সহু॑রির্বি॒ক্ষ্বা॑রি॒ত ইন্দ্র॑স্য বোচং॒ প্র কৃ॒তানি॑ বী॒র্যা॑ ॥ ২।০২১।০৩, ২।৬।০২৭।০৩

অ॒না॒নু॒দো বৃ॑ষ॒ভো দোধ॑তো ব॒ধো গ॑ম্ভী॒র ঋ॒ষ্বো অস॑মষ্টকাব্যঃ । র॒ধ্র॒চো॒দঃ শ্নথ॑নো বীল়ি॒তস্পৃ॒থুরিন্দ্রঃ॑ সুয়॒জ্ঞ উ॒ষসঃ॒ স্ব॑র্জনৎ ॥ ২।০২১।০৪, ২।৬।০২৭।০৪

য॒জ্ঞেন॑ গা॒তুম॒প্তুরো॑ বিবিদ্রিরে॒ ধিয়ো॑ হিন্বা॒না উ॒শিজো॑ মনী॒ষিণঃ॑ । অ॒ভি॒স্বরা॑ নি॒ষদা॒ গা অ॑ব॒স্যব॒ ইন্দ্রে॑ হিন্বা॒না দ্রবি॑ণান্যাশত ॥ ২।০২১।০৫, ২।৬।০২৭।০৫

ইন্দ্র॒ শ্রেষ্ঠা॑নি॒ দ্রবি॑ণানি ধেহি॒ চিত্তিং॒ দক্ষ॑স্য সুভগ॒ত্বম॒স্মে । পোষং॑ রয়ী॒ণামরি॑ষ্টিং ত॒নূনাং॑ স্বা॒দ্মানং॑ বা॒চঃ সু॑দিন॒ত্বমহ্না॑ম্ ॥ ২।০২১।০৬, ২।৬।০২৭।০৬

শাসইতি পঞ্চর্চস্য সূক্তস্য ভারদ্বাজঃ শাসইন্দ্রোনুষ্টুপ্ ।

শা॒স ই॒ত্থা ম॒হাঁ অ॑স্যমিত্রখা॒দো অদ্ভু॑তঃ । ন যস্য॑ হ॒ন্যতে॒ সখা॒ ন জীয়॑তে॒ কদা॑ চ॒ন ॥ ১০।১৫২।০১, ৮।৮।০১০।০১

স্ব॒স্তি॒দা বি॒শস্পতি॑র্বৃত্র॒হা বি॑মৃ॒ধো ব॒শী । বৃষেন্দ্রঃ॑ পু॒র এ॑তু নঃ সোম॒পা অ॑ভয়ঙ্ক॒রঃ ॥ ১০।১৫২।০২, ৮।৮।০১০।০২

বি রক্ষো॒ বি মৃধো॑ জহি॒ বি বৃ॒ত্রস্য॒ হনূ॑ রুজ । বি ম॒ন্যুমি॑ন্দ্র বৃত্রহন্ন॒মিত্র॑স্যাভি॒দাস॑তঃ ॥ ১০।১৫২।০৩, ৮।৮।০১০।০৩

বি ন॑ ইন্দ্র॒ মৃধো॑ জহি নী॒চা য॑চ্ছ পৃতন্য॒তঃ । যো অ॒স্মাঁ অ॑ভি॒দাস॒ত্যধ॑রং গময়া॒ তমঃ॑ ॥ ১০।১৫২।০৪, ৮।৮।০১০।০৪

অপে॑ন্দ্র দ্বিষ॒তো মনোঽপ॒ জিজ্যা॑সতো ব॒ধম্ । বি ম॒ন্যোঃ শর্ম॑ যচ্ছ॒ বরী॑য়ো যবয়া ব॒ধম্ ॥ ১০।১৫২।০৫, ৮।৮।০১০।০৫

৬৬। অগ্নে নয়েতি সূক্তং (অগ্নিনমস্কারমন্ত্রাঃ)

অগ্নেনয়েত্যষ্টর্চস্য সূক্তস্য মৈত্রাবরুণিরগস্ত্যোগ্নিস্ত্রিষ্টুপ্ ।

অগ্নে॒ নয়॑ সু॒পথা॑ রা॒য়ে অ॒স্মান্বিশ্বা॑নি দেব ব॒য়ুনা॑নি বি॒দ্বান্ । যু॒য়ো॒ধ্য১॒॑স্মজ্জু॑হুরা॒ণমেনো॒ ভূয়ি॑ষ্ঠাং তে॒ নম॑উক্তিং বিধেম ॥ ১।১৮৯।০১, ২।৫।০১০।০১

অগ্নে॒ ত্বং পা॑রয়া॒ নব্যো॑ অ॒স্মান্ত্স্ব॒স্তিভি॒রতি॑ দু॒র্গাণি॒ বিশ্বা॑ । পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায়॒ তন॑য়ায়॒ শং যোঃ ॥ ১।১৮৯।০২, ২।৫।০১০।০২

অগ্নে॒ ত্বম॒স্মদ্যু॑য়ো॒ধ্যমী॑বা॒ অন॑গ্নিত্রা অ॒ভ্যম॑ন্ত কৃ॒ষ্টীঃ । পুন॑র॒স্মভ্যং॑ সুবি॒তায়॑ দেব॒ ক্ষাং বিশ্বে॑ভির॒মৃতে॑ভির্যজত্র ॥ ১।১৮৯।০৩, ২।৫।০১০।০৩

পা॒হি নো॑ অগ্নে পা॒য়ুভি॒রজ॑স্রৈরু॒ত প্রি॒য়ে সদ॑ন॒ আ শু॑শু॒ক্বান্ । মা তে॑ ভ॒য়ং জ॑রি॒তারং॑ যবিষ্ঠ নূ॒নং বি॑দ॒ন্মাপ॒রং স॑হস্বঃ ॥ ১।১৮৯।০৪, ২।৫।০১০।০৪

মা নো॑ অ॒গ্নেঽব॑ সৃজো অ॒ঘায়া॑বি॒ষ্যবে॑ রি॒পবে॑ দু॒চ্ছুনা॑য়ৈ । মা দ॒ত্বতে॒ দশ॑তে॒ মাদতে॑ নো॒ মা রীষ॑তে সহসাব॒ন্পরা॑ দাঃ ॥ ১।১৮৯।০৫, ২।৫।০১০।০৫

বি ঘ॒ ত্বাবাঁ॑ ঋতজাত যংসদ্গৃণা॒নো অ॑গ্নে ত॒ন্বে॒৩॒॑ বরূ॑থম্ । বিশ্বা॑দ্রিরি॒ক্ষোরু॒ত বা॑ নিনি॒ৎসোর॑ভি॒হ্রুতা॒মসি॒ হি দে॑ব বি॒ষ্পট্ ॥ ১।১৮৯।০৬, ২।৫।০১১।০১

ত্বং তাঁ অ॑গ্ন উ॒ভয়া॒ন্বি বি॒দ্বান্বেষি॑ প্রপি॒ত্বে মনু॑ষো যজত্র । অ॒ভি॒পি॒ত্বে মন॑বে॒ শাস্যো॑ ভূর্মর্মৃ॒জেন্য॑ উ॒শিগ্ভি॒র্নাক্রঃ ॥ ১।১৮৯।০৭, ২।৫।০১১।০২

অবো॑চাম নি॒বচ॑নান্যস্মি॒ন্মান॑স্য সূ॒নুঃ স॑হসা॒নে অ॒গ্নৌ । ব॒য়ং স॒হস্র॒মৃষি॑ভিঃ সনেম বি॒দ্যামে॒ষং বৃ॒জনং॑ জী॒রদা॑নুম্ ॥ ১।১৮৯।০৮, ২।৫।০১১।০৩

৬৭। অগ্ন্যুপস্থান সূক্তং

অগ্নেত্বংনইতি চতুরৃচস্য সূক্তস্য গৌপায়না লৌপায়নাবাবন্ধুঃ সুবন্ধুঃ শ্রুতবন্ধুর্বিপ্রবন্ধুশ্চক্রমেণর্ষয়োঽগ্নির্দ্বিপদা বিরাট্ ।

অগ্নে॒ ত্বং নো॒ অন্ত॑ম উ॒ত ত্রা॒তা শি॒বো ভ॑বা বরূ॒থ্যঃ॑ ॥ ৫।০২৪।০১, ৪।১।০১৬।০১

বসু॑র॒গ্নির্বসু॑শ্রবা॒ অচ্ছা॑ নক্ষি দ্যু॒মত্ত॑মং র॒য়িং দাঃ॑ ॥ ৫।০২৪।০২, ৪।১।০১৬।০২

স নো॑ বোধি শ্রু॒ধী হব॑মুরু॒ষ্যা ণো॑ অঘায়॒তঃ স॑মস্মাৎ ॥ ৫।০২৪।০৩, ৪।১।০১৬।০৩

তং ত্বা॑ শোচিষ্ঠ দীদিবঃ সু॒ম্নায়॑ নূ॒নমী॑মহে॒ সখি॑ভ্যঃ ॥ ৫।০২৪।০৪, ৪।১।০১৬।০৪

ব॒ধেন॒ দস্যুং॒ প্র হি চা॒তয়॑স্ব॒ বয়ঃ॑ কৃণ্বা॒নস্ত॒ন্বে॒৩॒॑ স্বায়ৈ॑ । পিপ॑র্ষি॒ যৎস॑হসস্পুত্র দে॒বান্ত্সো অ॑গ্নে পাহি নৃতম॒ বাজে॑ অ॒স্মান্ ॥ ৫।০০৪।০৬, ৩।৮।০১৯।০১ {আত্রেয়ো বসুশ্রুতঃ । অগ্নিঃ । ত্রিষ্টুপ্}

ব॒য়ং তে॑ অগ্ন উ॒ক্থৈর্বি॑ধেম ব॒য়ং হ॒ব্যৈঃ পা॑বক ভদ্রশোচে । অ॒স্মে র॒য়িং বি॒শ্ববা॑রং॒ সমি॑ন্বা॒স্মে বিশ্বা॑নি॒ দ্রবি॑ণানি ধেহি ॥ ৫।০০৪।০৭, ৩।৮।০১৯।০২ {আত্রেয়ো বসুশ্রুতঃ । অগ্নিঃ । ত্রিষ্টুপ্}

অ॒স্মাক॑মগ্নে অধ্ব॒রং জু॑ষস্ব॒ সহ॑সঃ সূনো ত্রিষধস্থ হ॒ব্যম্ । ব॒য়ং দে॒বেষু॑ সু॒কৃতঃ॑ স্যাম॒ শর্ম॑ণা নস্ত্রি॒বরূ॑থেন পাহি ॥ ৫।০০৪।০৮, ৩।৮।০১৯।০৩ {আত্রেয়ো বসুশ্রুতঃ । অগ্নিঃ । ত্রিষ্টুপ্}

বিশ্বা॑নি নো দু॒র্গহা॑ জাতবেদঃ॒ সিন্ধুং॒ ন না॒বা দু॑রি॒তাতি॑ পর্ষি । অগ্নে॑ অত্রি॒বন্নম॑সা গৃণা॒নো॒৩॒॑ঽস্মাকং॑ বোধ্যবি॒তা ত॒নূনা॑ম্ ॥ ৫।০০৪।০৯, ৩।৮।০১৯।০৪ {আত্রেয়ো বসুশ্রুতঃ । অগ্নিঃ । ত্রিষ্টুপ্}

যস্ত্বা॑ হৃ॒দা কী॒রিণা॒ মন্য॑মা॒নোঽম॑র্ত্যং॒ মর্ত্যো॒ জোহ॑বীমি । জাত॑বেদো॒ যশো॑ অ॒স্মাসু॑ ধেহি প্র॒জাভি॑রগ্নে অমৃত॒ত্বম॑শ্যাম্ ॥ ৫।০০৪।১০, ৩।৮।০১৯।০৫ {আত্রেয়ো বসুশ্রুতঃ । অগ্নিঃ । ত্রিষ্টুপ্}

যস্মৈ॒ ত্বং সু॒কৃতে॑ জাতবেদ উ লো॒কম॑গ্নে কৃ॒ণবঃ॑ স্যো॒নম্ । অ॒শ্বিনং॒ স পু॒ত্রিণং॑ বী॒রব॑ন্তং॒ গোম॑ন্তং র॒য়িং ন॑শতে স্ব॒স্তি ॥ ৫।০০৪।১১, ৩।৮।০১৯।০৬ {আত্রেয়ো বসুশ্রুতঃ । অগ্নিঃ । ত্রিষ্টুপ্}

৬৮। অস্তীদমধিমন্থনমিতি সূক্তং

অস্তীদমিতি ষোল়শর্চস্য সূক্তস্য গাথিনো বিশ্বামিত্রোগ্নিস্ত্রিষ্টুপ্ ( পঞ্চম্যাঋত্বিজোবা) আদ্য চতুর্থীদশমীদ্বাদশ্যোনুষ্টুভঃ ষষ্ঠ্যেকাদশী পঞ্চদশ্যোজগত্যঃ ।

অস্তী॒দম॑ধি॒মন্থ॑ন॒মস্তি॑ প্র॒জন॑নং কৃ॒তম্ । এ॒তাং বি॒শ্পত্নী॒মা ভ॑রা॒গ্নিং ম॑ন্থাম পূ॒র্বথা॑ ॥ ৩।০২৯।০১, ৩।১।০৩২।০১

অ॒রণ্যো॒র্নিহি॑তো জা॒তবে॑দা॒ গর্ভ॑ ইব॒ সুধি॑তো গ॒র্ভিণী॑ষু । দি॒বেদি॑ব॒ ঈড্যো॑ জাগৃ॒বদ্ভি॑র্হ॒বিষ্ম॑দ্ভির্মনু॒ষ্যে॑ভির॒গ্নিঃ ॥ ৩।০২৯।০২, ৩।১।০৩২।০২

উ॒ত্তা॒নায়া॒মব॑ ভরা চিকি॒ত্বান্ত্স॒দ্যঃ প্রবী॑তা॒ বৃষ॑ণং জজান । অ॒রু॒ষস্তূ॑পো॒ রুশ॑দস্য॒ পাজ॒ ইল়া॑য়াস্পু॒ত্রো ব॒য়ুনে॑ঽজনিষ্ট ॥ ৩।০২৯।০৩, ৩।১।০৩২।০৩

ইল়া॑য়াস্ত্বা প॒দে ব॒য়ং নাভা॑ পৃথি॒ব্যা অধি॑ । জাত॑বেদো॒ নি ধী॑ম॒হ্যগ্নে॑ হ॒ব্যায়॒ বোল়্হ॑বে ॥ ৩।০২৯।০৪, ৩।১।০৩২।০৪

মন্থ॑তা নরঃ ক॒বিমদ্ব॑য়ন্তং॒ প্রচে॑তসম॒মৃতং॑ সু॒প্রতী॑কম্ । য॒জ্ঞস্য॑ কে॒তুং প্র॑থ॒মং পু॒রস্তা॑দ॒গ্নিং ন॑রো জনয়তা সু॒শেব॑ম্ ॥ ৩।০২৯।০৫, ৩।১।০৩২।০৫

যদী॒ মন্থ॑ন্তি বা॒হুভি॒র্বি রো॑চ॒তেঽশ্বো॒ ন বা॒জ্য॑রু॒ষো বনে॒ষ্বা । চি॒ত্রো ন যাম॑ন্ন॒শ্বিনো॒রনি॑বৃতঃ॒ পরি॑ বৃণ॒ক্ত্যশ্ম॑ন॒স্তৃণা॒ দহ॑ন্ ॥ ৩।০২৯।০৬, ৩।১।০৩৩।০১

জা॒তো অ॒গ্নী রো॑চতে॒ চেকি॑তানো বা॒জী বিপ্রঃ॑ কবিশ॒স্তঃ সু॒দানুঃ॑ । যং দে॒বাস॒ ঈড্যং॑ বিশ্ব॒বিদং॑ হব্য॒বাহ॒মদ॑ধুরধ্ব॒রেষু॑ ॥ ৩।০২৯।০৭, ৩।১।০৩৩।০২

সীদ॑ হোতঃ॒ স্ব উ॑ লো॒কে চি॑কি॒ত্বান্ত্সা॒দয়া॑ য॒জ্ঞং সু॑কৃ॒তস্য॒ যোনৌ॑ । দে॒বা॒বীর্দে॒বান্হ॒বিষা॑ যজা॒স্যগ্নে॑ বৃ॒হদ্যজ॑মানে॒ বয়ো॑ ধাঃ ॥ ৩।০২৯।০৮, ৩।১।০৩৩।০৩

কৃ॒ণোত॑ ধূ॒মং বৃষ॑ণং সখা॒য়োঽস্রে॑ধন্ত ইতন॒ বাজ॒মচ্ছ॑ । অ॒য়ম॒গ্নিঃ পৃ॑তনা॒ষাট্ সু॒বীরো॒ যেন॑ দে॒বাসো॒ অস॑হন্ত॒ দস্যূ॑ন্ ॥ ৩।০২৯।০৯, ৩।১।০৩৩।০৪

অ॒য়ং তে॒ যোনি॑র্ঋ॒ত্বিয়ো॒ যতো॑ জা॒তো অরো॑চথাঃ । তং জা॒নন্ন॑গ্ন॒ আ সী॒দাথা॑ নো বর্ধয়া॒ গিরঃ॑ ॥ ৩।০২৯।১০, ৩।১।০৩৩।০৫

তনূ॒নপা॑দুচ্যতে॒ গর্ভ॑ আসু॒রো নরা॒শংসো॑ ভবতি॒ যদ্বি॒জায়॑তে । মা॒ত॒রিশ্বা॒ যদমি॑মীত মা॒তরি॒ বাত॑স্য॒ সর্গো॑ অভব॒ৎসরী॑মণি ॥ ৩।০২৯।১১, ৩।১।০৩৪।০১

সু॒নি॒র্মথা॒ নির্ম॑থিতঃ সুনি॒ধা নিহি॑তঃ ক॒বিঃ । অগ্নে॑ স্বধ্ব॒রা কৃ॑ণু দে॒বান্দে॑বয়॒তে য॑জ ॥ ৩।০২৯।১২, ৩।১।০৩৪।০২

অজী॑জনন্ন॒মৃতং॒ মর্ত্যা॑সোঽস্রে॒মাণং॑ ত॒রণিং॑ বী॒ল়ুজ॑ম্ভম্ । দশ॒ স্বসা॑রো অ॒গ্রুবঃ॑ সমী॒চীঃ পুমাং॑সং জা॒তম॒ভি সং র॑ভন্তে ॥ ৩।০২৯।১৩, ৩।১।০৩৪।০৩

প্র স॒প্তহো॑তা সন॒কাদ॑রোচত মা॒তুরু॒পস্থে॒ যদশো॑চ॒দূধ॑নি । ন নি মি॑ষতি সু॒রণো॑ দি॒বেদি॑বে॒ যদসু॑রস্য জ॒ঠরা॒দজা॑য়ত ॥ ৩।০২৯।১৪, ৩।১।০৩৪।০৪

অ॒মি॒ত্রা॒য়ুধো॑ ম॒রুতা॑মিব প্র॒য়াঃ প্র॑থম॒জা ব্রহ্ম॑ণো॒ বিশ্ব॒মিদ্বি॑দুঃ । দ্যু॒ম্নব॒দ্ব্রহ্ম॑ কুশি॒কাস॒ এরি॑র॒ এক॑একো॒ দমে॑ অ॒গ্নিং সমী॑ধিরে ॥ ৩।০২৯।১৫, ৩।১।০৩৪।০৫

যদ॒দ্য ত্বা॑ প্রয়॒তি য॒জ্ঞে অ॒স্মিন্হোত॑শ্চিকি॒ত্বোঽবৃ॑ণীমহী॒হ । ধ্রু॒বম॑য়া ধ্রু॒বমু॒তাশ॑মিষ্ঠাঃ প্রজা॒নন্বি॒দ্বাঁ উপ॑ যাহি॒ সোম॑ম্ ॥ ৩।০২৯।১৬, ৩।১।০৩৪।০৬

৬৯। ত্বমগ্নে প্রথম ইতি সূক্তং

ত্বমগ্নইত্যষ্টাদশর্চস্য সূক্তস্যাঙ্গিরসোহিরণ্যস্তূপোগ্নির্জগতী অষ্টমী ষোল়শ্যন্ত্যাস্ত্রিষ্টুভঃ ।

ত্বম॑গ্নে প্রথ॒মো অঙ্গি॑রা॒ ঋষি॑র্দে॒বো দে॒বানা॑মভবঃ শি॒বঃ সখা॑ । তব॑ ব্র॒তে ক॒বয়ো॑ বিদ্ম॒নাপ॒সোঽজা॑য়ন্ত ম॒রুতো॒ ভ্রাজ॑দৃষ্টয়ঃ ॥ ১।০৩১।০১, ১।২।০৩২।০১

ত্বম॑গ্নে প্রথ॒মো অঙ্গি॑রস্তমঃ ক॒বির্দে॒বানাং॒ পরি॑ ভূষসি ব্র॒তম্ । বি॒ভুর্বিশ্ব॑স্মৈ॒ ভুব॑নায়॒ মেধি॑রো দ্বিমা॒তা শ॒য়ুঃ ক॑তি॒ধা চি॑দা॒য়বে॑ ॥ ১।০৩১।০২, ১।২।০৩২।০২

ত্বম॑গ্নে প্রথ॒মো মা॑ত॒রিশ্ব॑ন আ॒বির্ভ॑ব সুক্রতূ॒য়া বি॒বস্ব॑তে । অরে॑জেতাং॒ রোদ॑সী হোতৃ॒বূর্যেঽস॑ঘ্নোর্ভা॒রময়॑জো ম॒হো ব॑সো ॥ ১।০৩১।০৩, ১।২।০৩২।০৩

ত্বম॑গ্নে॒ মন॑বে॒ দ্যাম॑বাশয়ঃ পুরূ॒রব॑সে সু॒কৃতে॑ সু॒কৃত্ত॑রঃ । শ্বা॒ত্রেণ॒ যৎপি॒ত্রোর্মুচ্য॑সে॒ পর্যা ত্বা॒ পূর্ব॑মনয়॒ন্নাপ॑রং॒ পুনঃ॑ ॥ ১।০৩১।০৪, ১।২।০৩২।০৪

ত্বম॑গ্নে বৃষ॒ভঃ পু॑ষ্টি॒বর্ধ॑ন॒ উদ্য॑তস্রুচে ভবসি শ্র॒বায়্যঃ॑ । য আহু॑তিং॒ পরি॒ বেদা॒ বষ॑ট্কৃতি॒মেকা॑য়ু॒রগ্রে॒ বিশ॑ আ॒বিবা॑সসি ॥ ১।০৩১।০৫, ১।২।০৩২।০৫

ত্বম॑গ্নে বৃজি॒নব॑র্তনিং॒ নরং॒ সক্ম॑ন্পিপর্ষি বি॒দথে॑ বিচর্ষণে । যঃ শূর॑সাতা॒ পরি॑তক্ম্যে॒ ধনে॑ দ॒ভ্রেভি॑শ্চি॒ৎসমৃ॑তা॒ হংসি॒ ভূয়॑সঃ ॥ ১।০৩১।০৬, ১।২।০৩৩।০১

ত্বং তম॑গ্নে অমৃত॒ত্ব উ॑ত্ত॒মে মর্তং॑ দধাসি॒ শ্রব॑সে দি॒বেদি॑বে । যস্তা॑তৃষা॒ণ উ॒ভয়া॑য়॒ জন্ম॑নে॒ ময়ঃ॑ কৃ॒ণোষি॒ প্রয়॒ আ চ॑ সূ॒রয়ে॑ ॥ ১।০৩১।০৭, ১।২।০৩৩।০২

ত্বং নো॑ অগ্নে স॒নয়ে॒ ধনা॑নাং য॒শসং॑ কা॒রুং কৃ॑ণুহি॒ স্তবা॑নঃ । ঋ॒ধ্যাম॒ কর্মা॒পসা॒ নবে॑ন দে॒বৈর্দ্যা॑বাপৃথিবী॒ প্রাব॑তং নঃ ॥ ১।০৩১।০৮, ১।২।০৩৩।০৩

ত্বং নো॑ অগ্নে পি॒ত্রোরু॒পস্থ॒ আ দে॒বো দে॒বেষ্ব॑নবদ্য॒ জাগৃ॑বিঃ । ত॒নূ॒কৃদ্বো॑ধি॒ প্রম॑তিশ্চ কা॒রবে॒ ত্বং ক॑ল্যাণ॒ বসু॒ বিশ্ব॒মোপি॑ষে ॥ ১।০৩১।০৯, ১।২।০৩৩।০৪

ত্বম॑গ্নে॒ প্রম॑তি॒স্ত্বং পি॒তাসি॑ ন॒স্ত্বং ব॑য়॒স্কৃত্তব॑ জা॒ময়ো॑ ব॒য়ম্ । সং ত্বা॒ রায়ঃ॑ শ॒তিনঃ॒ সং স॑হ॒স্রিণঃ॑ সু॒বীরং॑ যন্তি ব্রত॒পাম॑দাভ্য ॥ ১।০৩১।১০, ১।২।০৩৩।০৫

ত্বাম॑গ্নে প্রথ॒মমা॒য়ুমা॒য়বে॑ দে॒বা অ॑কৃণ্ব॒ন্নহু॑ষস্য বি॒শ্পতি॑ম্ । ইল়া॑মকৃণ্ব॒ন্মনু॑ষস্য॒ শাস॑নীং পি॒তুর্যৎপু॒ত্রো মম॑কস্য॒ জায়॑তে ॥ ১।০৩১।১১, ১।২।০৩৪।০১

ত্বং নো॑ অগ্নে॒ তব॑ দেব পা॒য়ুভি॑র্ম॒ঘোনো॑ রক্ষ ত॒ন্ব॑শ্চ বন্দ্য । ত্রা॒তা তো॒কস্য॒ তন॑য়ে॒ গবা॑ম॒স্যনি॑মেষং॒ রক্ষ॑মাণ॒স্তব॑ ব্র॒তে ॥ ১।০৩১।১২, ১।২।০৩৪।০২

ত্বম॑গ্নে॒ যজ্য॑বে পা॒য়ুরন্ত॑রোঽনিষ॒ঙ্গায়॑ চতুর॒ক্ষ ই॑ধ্যসে । যো রা॒তহ॑ব্যোঽবৃ॒কায়॒ ধায়॑সে কী॒রেশ্চি॒ন্মন্ত্রং॒ মন॑সা ব॒নোষি॒ তম্ ॥ ১।০৩১।১৩, ১।২।০৩৪।০৩

ত্বম॑গ্ন উরু॒শংসা॑য় বা॒ঘতে॑ স্পা॒র্হং যদ্রেক্ণঃ॑ পর॒মং ব॒নোষি॒ তৎ । আ॒ধ্রস্য॑ চি॒ৎপ্রম॑তিরুচ্যসে পি॒তা প্র পাকং॒ শাস্সি॒ প্র দিশো॑ বি॒দুষ্ট॑রঃ ॥ ১।০৩১।১৪, ১।২।০৩৪।০৪

ত্বম॑গ্নে॒ প্রয়॑তদক্ষিণং॒ নরং॒ বর্মে॑ব স্যূ॒তং পরি॑ পাসি বি॒শ্বতঃ॑ । স্বা॒দু॒ক্ষদ্মা॒ যো ব॑স॒তৌ স্যো॑ন॒কৃজ্জী॑বয়া॒জং যজ॑তে॒ সোপ॒মা দি॒বঃ ॥ ১।০৩১।১৫, ১।২।০৩৪।০৫

ই॒মাম॑গ্নে শ॒রণিং॑ মীমৃষো ন ই॒মমধ্বা॑নং॒ যমগা॑ম দূ॒রাৎ । আ॒পিঃ পি॒তা প্রম॑তিঃ সো॒ম্যানাং॒ ভৃমি॑রস্যৃষি॒কৃন্মর্ত্যা॑নাম্ ॥ ১।০৩১।১৬, ১।২।০৩৫।০১

ম॒নু॒ষ্বদ॑গ্নে অঙ্গির॒স্বদ॑ঙ্গিরো যয়াতি॒বৎসদ॑নে পূর্ব॒বচ্ছু॑চে । অচ্ছ॑ যা॒হ্যা ব॑হা॒ দৈব্যং॒ জন॒মা সা॑দয় ব॒র্হিষি॒ যক্ষি॑ চ প্রি॒য়ম্ ॥ ১।০৩১।১৭, ১।২।০৩৫।০২

এ॒তেনা॑গ্নে॒ ব্রহ্ম॑ণা বাবৃধস্ব॒ শক্তী॑ বা॒ যত্তে॑ চকৃ॒মা বি॒দা বা॑ । উ॒ত প্র ণে॑ষ্য॒ভি বস্যো॑ অ॒স্মান্ত্সং নঃ॑ সৃজ সুম॒ত্যা বাজ॑বত্যা ॥ ১।০৩১।১৮, ১।২।০৩৫।০৩

৭০। ত্বমগ্ন দ্যুভিরিতি সূক্তং

ত্বমগ্নইতিষোল়শর্চস্য সূক্তস্য শৌনকোগৃৎসমদোগ্নির্জগতী ।

ত্বম॑গ্নে॒ দ্যুভি॒স্ত্বমা॑শুশু॒ক্ষণি॒স্ত্বম॒দ্ভ্যস্ত্বমশ্ম॑ন॒স্পরি॑ । ত্বং বনে॑ভ্য॒স্ত্বমোষ॑ধীভ্য॒স্ত্বং নৃ॒ণাং নৃ॑পতে জায়সে॒ শুচিঃ॑ ॥ ২।০০১।০১, ২।৫।০১৭।০১

তবা॑গ্নে হো॒ত্রং তব॑ পো॒ত্রমৃ॒ত্বিয়ং॒ তব॑ নে॒ষ্ট্রং ত্বম॒গ্নিদৃ॑তায়॒তঃ । তব॑ প্রশা॒স্ত্রং ত্বম॑ধ্বরীয়সি ব্র॒হ্মা চাসি॑ গৃ॒হপ॑তিশ্চ নো॒ দমে॑ ॥ ২।০০১।০২, ২।৫।০১৭।০২

ত্বম॑গ্ন॒ ইন্দ্রো॑ বৃষ॒ভঃ স॒তাম॑সি॒ ত্বং বিষ্ণু॑রুরুগা॒য়ো ন॑ম॒স্যঃ॑ । ত্বং ব্র॒হ্মা র॑য়ি॒বিদ্ব্র॑হ্মণস্পতে॒ ত্বং বি॑ধর্তঃ সচসে॒ পুরন্॑ধ্যা ॥ ২।০০১।০৩, ২।৫।০১৭।০৩

ত্বম॑গ্নে॒ রাজা॒ বরু॑ণো ধৃ॒তব্র॑ত॒স্ত্বং মি॒ত্রো ভ॑বসি দ॒স্ম ঈড্যঃ॑ । ত্বম॑র্য॒মা সৎপ॑তি॒র্যস্য॑ স॒ম্ভুজং॒ ত্বমংশো॑ বি॒দথে॑ দেব ভাজ॒য়ুঃ ॥ ২।০০১।০৪, ২।৫।০১৭।০৪

ত্বম॑গ্নে॒ ত্বষ্টা॑ বিধ॒তে সু॒বীর্যং॒ তব॒ গ্নাবো॑ মিত্রমহঃ সজা॒ত্য॑ম্ । ত্বমা॑শু॒হেমা॑ ররিষে॒ স্বশ্ব্যং॒ ত্বং ন॒রাং শর্ধো॑ অসি পুরূ॒বসুঃ॑ ॥ ২।০০১।০৫, ২।৫।০১৭।০৫

ত্বম॑গ্নে রু॒দ্রো অসু॑রো ম॒হো দি॒বস্ত্বং শর্ধো॒ মারু॑তং পৃ॒ক্ষ ঈ॑শিষে । ত্বং বাতৈ॑ররু॒ণৈর্যা॑সি শঙ্গ॒য়স্ত্বং পূ॒ষা বি॑ধ॒তঃ পা॑সি॒ নু ত্মনা॑ ॥ ২।০০১।০৬, ২।৫।০১৮।০১

ত্বম॑গ্নে দ্রবিণো॒দা অ॑রঙ্॒কৃতে॒ ত্বং দে॒বঃ স॑বি॒তা র॑ত্ন॒ধা অ॑সি । ত্বং ভগো॑ নৃপতে॒ বস্ব॑ ঈশিষে॒ ত্বং পা॒য়ুর্দমে॒ যস্তেঽবি॑ধৎ ॥ ২।০০১।০৭, ২।৫।০১৮।০২

ত্বাম॑গ্নে॒ দম॒ আ বি॒শ্পতিং॒ বিশ॒স্ত্বাং রাজা॑নং সুবি॒দত্র॑মৃঞ্জতে । ত্বং বিশ্বা॑নি স্বনীক পত্যসে॒ ত্বং স॒হস্রা॑ণি শ॒তা দশ॒ প্রতি॑ ॥ ২।০০১।০৮, ২।৫।০১৮।০৩

ত্বাম॑গ্নে পি॒তর॑মি॒ষ্টিভি॒র্নর॒স্ত্বাং ভ্রা॒ত্রায়॒ শম্যা॑ তনূ॒রুচ॑ম্ । ত্বং পু॒ত্রো ভ॑বসি॒ যস্তেঽবি॑ধ॒ত্ত্বং সখা॑ সু॒শেবঃ॑ পাস্যা॒ধৃষঃ॑ ॥ ২।০০১।০৯, ২।৫।০১৮।০৪

ত্বম॑গ্ন ঋ॒ভুরা॒কে ন॑ম॒স্য১॒॑স্ত্বং বাজ॑স্য ক্ষু॒মতো॑ রা॒য় ঈ॑শিষে । ত্বং বি ভা॒স্যনু॑ দক্ষি দা॒বনে॒ ত্বং বি॒শিক্ষু॑রসি য॒জ্ঞমা॒তনিঃ॑ ॥ ২।০০১।১০, ২।৫।০১৮।০৫

ত্বম॑গ্নে॒ অদি॑তির্দেব দা॒শুষে॒ ত্বং হোত্রা॒ ভার॑তী বর্ধসে গি॒রা । ত্বমিল়া॑ শ॒তহি॑মাসি॒ দক্ষ॑সে॒ ত্বং বৃ॑ত্র॒হা ব॑সুপতে॒ সর॑স্বতী ॥ ২।০০১।১১, ২।৫।০১৯।০১

ত্বম॑গ্নে॒ সুভৃ॑ত উত্ত॒মং বয়॒স্তব॑ স্পা॒র্হে বর্ণ॒ আ সন্॒দৃশি॒ শ্রিয়ঃ॑ । ত্বং বাজঃ॑ প্র॒তর॑ণো বৃ॒হন্ন॑সি॒ ত্বং র॒য়ির্ব॑হু॒লো বি॒শ্বত॑স্পৃ॒থুঃ ॥ ২।০০১।১২, ২।৫।০১৯।০২

ত্বাম॑গ্ন আদি॒ত্যাস॑ আ॒স্যং১॒॑ ত্বাং জি॒হ্বাং শুচ॑য়শ্চক্রিরে কবে । ত্বাং রা॑তি॒ষাচো॑ অধ্ব॒রেষু॑ সশ্চিরে॒ ত্বে দে॒বা হ॒বির॑দ॒ন্ত্যাহু॑তম্ ॥ ২।০০১।১৩, ২।৫।০১৯।০৩

ত্বে অ॑গ্নে॒ বিশ্বে॑ অ॒মৃতা॑সো অ॒দ্রুহ॑ আ॒সা দে॒বা হ॒বির॑দ॒ন্ত্যাহু॑তম্ । ত্বয়া॒ মর্তা॑সঃ স্বদন্ত আসু॒তিং ত্বং গর্ভো॑ বী॒রুধাং॑ জজ্ঞিষে॒ শুচিঃ॑ ॥ ২।০০১।১৪, ২।৫।০১৯।০৪

ত্বং তান্ত্সং চ॒ প্রতি॑ চাসি ম॒জ্মনাগ্নে॑ সুজাত॒ প্র চ॑ দেব রিচ্যসে । পৃ॒ক্ষো যদত্র॑ মহি॒না বি তে॒ ভুব॒দনু॒ দ্যাবা॑পৃথি॒বী রোদ॑সী উ॒ভে ॥ ২।০০১।১৫, ২।৫।০১৯।০৫

যে স্তো॒তৃভ্যো॒ গোঅ॑গ্রা॒মশ্ব॑পেশস॒মগ্নে॑ রা॒তিমু॑পসৃ॒জন্তি॑ সূ॒রয়ঃ॑ । অ॒স্মাঞ্চ॒ তাঁশ্চ॒ প্র হি নেষি॒ বস্য॒ আ বৃ॒হদ্ব॑দেম বি॒দথে॑ সু॒বীরাঃ॑ ॥ ২।০০১।১৬, ২।৫।০১৯।০৬

৭১। নির্ঋতি সূক্তং

প্রতার্যায়ুরিতি দশর্চস্য সূক্তস্য গৌপায়নাবন্ধ্বাদয় ঋষয়ঃ আদ্যানাঞ্চতসৃণাং নিরৃতির্দেবতা চতুর্থ্যানিরৃতিসোমৌ পঞ্চমীষষ্ঠয়োরসুনীতিদেবী সপ্তম্যাঃ পৃথিবীদ্যাবন্তরিক্ষসোমপূষপথ্যাস্বস্তয়োদেবতাঃ অন্ত্যানান্তিসৃণাং দ্যাবাপৃথিব্যৌত্রিষ্টুপ্ অন্ত্যার্ধর্চস্যেন্দ্রঃ অন্ত্যাস্তিস্রঃক্রমেণপঙ্ক্তিমহা পঙ্ক্তিপঙ্ক্ত্যুত্তরাঃ ।

প্র তা॒র্যায়ুঃ॑ প্রত॒রং নবী॑য়ঃ॒ স্থাতা॑রেব॒ ক্রতু॑মতা॒ রথ॑স্য । অধ॒ চ্যবা॑ন॒ উত্ত॑বী॒ত্যর্থং॑ পরাত॒রং সু নির্ঋ॑তির্জিহীতাম্ ॥ ১০।০৫৯।০১, ৮।১।০২২।০১

সাম॒ন্নু রা॒য়ে নি॑ধি॒মন্ন্বন্নং॒ করা॑মহে॒ সু পু॑রু॒ধ শ্রবাং॑সি । তা নো॒ বিশ্বা॑নি জরি॒তা ম॑মত্তু পরাত॒রং সু নির্ঋ॑তির্জিহীতাম্ ॥ ১০।০৫৯।০২, ৮।১।০২২।০২

অ॒ভী ষ্ব১॒॑র্যঃ পৌংস্যৈ॑র্ভবেম॒ দ্যৌর্ন ভূমিং॑ গি॒রয়ো॒ নাজ্রা॑ন্ । তা নো॒ বিশ্বা॑নি জরি॒তা চি॑কেত পরাত॒রং সু নির্ঋ॑তির্জিহীতাম্ ॥ ১০।০৫৯।০৩, ৮।১।০২২।০৩

মো ষু ণঃ॑ সোম মৃ॒ত্যবে॒ পরা॑ দাঃ॒ পশ্যে॑ম॒ নু সূর্য॑মু॒চ্চর॑ন্তম্ । দ্যুভি॑র্হি॒তো জ॑রি॒মা সূ নো॑ অস্তু পরাত॒রং সু নির্ঋ॑তির্জিহীতাম্ ॥ ১০।০৫৯।০৪, ৮।১।০২২।০৪

অসু॑নীতে॒ মনো॑ অ॒স্মাসু॑ ধারয় জী॒বাত॑বে॒ সু প্র তি॑রা ন॒ আয়ুঃ॑ । রা॒র॒ন্ধি নঃ॒ সূর্য॑স্য সন্॒দৃশি॑ ঘৃ॒তেন॒ ত্বং ত॒ন্বং॑ বর্ধয়স্ব ॥ ১০।০৫৯।০৫, ৮।১।০২২।০৫

অসু॑নীতে॒ পুন॑র॒স্মাসু॒ চক্ষুঃ॒ পুনঃ॑ প্রা॒ণমি॒হ নো॑ ধেহি॒ ভোগ॑ম্ । জ্যোক্প॑শ্যেম॒ সূর্য॑মু॒চ্চর॑ন্ত॒মনু॑মতে মৃ॒ল়য়া॑ নঃ স্ব॒স্তি ॥ ১০।০৫৯।০৬, ৮।১।০২৩।০১

পুন॑র্নো॒ অসুং॑ পৃথি॒বী দ॑দাতু॒ পুন॒র্দ্যৌর্দে॒বী পুন॑র॒ন্তরি॑ক্ষম্ । পুন॑র্নঃ॒ সোম॑স্ত॒ন্বং॑ দদাতু॒ পুনঃ॑ পূ॒ষা প॒থ্যাং॒৩॒॑ যা স্ব॒স্তিঃ ॥ ১০।০৫৯।০৭, ৮।১।০২৩।০২

শং রোদ॑সী সু॒বন্ধ॑বে য॒হ্বী ঋ॒তস্য॑ মা॒তরা॑ । ভর॑তা॒মপ॒ যদ্রপো॒ দ্যৌঃ পৃ॑থিবি ক্ষ॒মা রপো॒ মো ষু তে॒ কিং চ॒নাম॑মৎ ॥ ১০।০৫৯।০৮, ৮।১।০২৩।০৩

অব॑ দ্ব॒কে অব॑ ত্রি॒কা দি॒বশ্চ॑রন্তি ভেষ॒জা । ক্ষ॒মা চ॑রি॒ষ্ণ্বে॑ক॒কং ভর॑তা॒মপ॒ যদ্রপো॒ দ্যৌঃ পৃ॑থিবি ক্ষ॒মা রপো॒ মো ষু তে॒ কিং চ॒নাম॑মৎ ॥ ১০।০৫৯।০৯, ৮।১।০২৩।০৪

সমি॑ন্দ্রেরয়॒ গাম॑ন॒ড্বাহং॒ য আব॑হদুশী॒নরা॑ণ্যা॒ অনঃ॑ । ভর॑তা॒মপ॒ যদ্রপো॒ দ্যৌঃ পৃ॑থিবি ক্ষ॒মা রপো॒ মো ষু তে॒ কিং চ॒নাম॑মৎ ॥ ১০।০৫৯।১০, ৮।১।০২৩।০৫

৭২। বায়ু সূক্তং

বিহিহোত্রাইতি পঞ্চর্চস্য সূক্তস্য গৌতমোবামদেবোবায়ুরনুষ্টুপ্ ।

বি॒হি হোত্রা॒ অবী॑তা॒ বিপো॒ ন রায়ো॑ অ॒র্যঃ । বায়॒বা চ॒ন্দ্রেণ॒ রথে॑ন যা॒হি সু॒তস্য॑ পী॒তয়ে॑ ॥ ৪।০৪৮।০১, ৩।৭।০২৪।০১

নি॒র্যু॒বা॒ণো অশ॑স্তীর্নি॒য়ুত্বাঁ॒ ইন্দ্র॑সারথিঃ । বায়॒বা চ॒ন্দ্রেণ॒ রথে॑ন যা॒হি সু॒তস্য॑ পী॒তয়ে॑ ॥ ৪।০৪৮।০২, ৩।৭।০২৪।০২

অনু॑ কৃ॒ষ্ণে বসু॑ধিতী যে॒মাতে॑ বি॒শ্বপে॑শসা । বায়॒বা চ॒ন্দ্রেণ॒ রথে॑ন যা॒হি সু॒তস্য॑ পী॒তয়ে॑ ॥ ৪।০৪৮।০৩, ৩।৭।০২৪।০৩

বহ॑ন্তু ত্বা মনো॒য়ুজো॑ যু॒ক্তাসো॑ নব॒তির্নব॑ । বায়॒বা চ॒ন্দ্রেণ॒ রথে॑ন যা॒হি সু॒তস্য॑ পী॒তয়ে॑ ॥ ৪।০৪৮।০৪, ৩।৭।০২৪।০৪

বায়ো॑ শ॒তং হরী॑ণাং যু॒বস্ব॒ পোষ্যা॑ণাম্ । উ॒ত বা॑ তে সহ॒স্রিণো॒ রথ॒ আ যা॑তু॒ পাজ॑সা ॥ ৪।০৪৮।০৫, ৩।৭।০২৪।০৫

৭৩। সোম সূক্তং

ত্বংসোমইতি ত্রয়োবিংশত্যৃচস্য সূক্তস্য রাহূগণোগোতমঃসোমস্ত্রিষ্টুপ্ পঞ্চম্যাদিদ্বাদশগায়ত্র্যঃ সপ্তদশ্যুষ্ণিক্ ।

ত্বং সো॑ম॒ প্র চি॑কিতো মনী॒ষা ত্বং রজি॑ষ্ঠ॒মনু॑ নেষি॒ পন্থা॑ম্ । তব॒ প্রণী॑তী পি॒তরো॑ ন ইন্দো দে॒বেষু॒ রত্ন॑মভজন্ত॒ ধীরাঃ॑ ॥ ১।০৯১।০১, ১।৬।০১৯।০১

ত্বং সো॑ম॒ ক্রতু॑ভিঃ সু॒ক্রতু॑র্ভূ॒স্ত্বং দক্ষৈঃ॑ সু॒দক্ষো॑ বি॒শ্ববে॑দাঃ । ত্বং বৃষা॑ বৃষ॒ত্বেভি॑র্মহি॒ত্বা দ্যু॒ম্নেভি॑র্দ্যু॒ম্ন্য॑ভবো নৃ॒চক্ষাঃ॑ ॥ ১।০৯১।০২, ১।৬।০১৯।০২

রাজ্ঞো॒ নু তে॒ বরু॑ণস্য ব্র॒তানি॑ বৃ॒হদ্গ॑ভী॒রং তব॑ সোম॒ ধাম॑ । শুচি॒ষ্ট্বম॑সি প্রি॒য়ো ন মি॒ত্রো দ॒ক্ষায়্যো॑ অর্য॒মেবা॑সি সোম ॥ ১।০৯১।০৩, ১।৬।০১৯।০৩

যা তে॒ ধামা॑নি দি॒বি যা পৃ॑থি॒ব্যাং যা পর্ব॑তে॒ষ্বোষ॑ধীষ্ব॒প্সু । তেভি॑র্নো॒ বিশ্বৈঃ॑ সু॒মনা॒ অহে॑ল়॒ন্রাজ॑ন্ত্সোম॒ প্রতি॑ হ॒ব্যা গৃ॑ভায় ॥ ১।০৯১।০৪, ১।৬।০১৯।০৪

ত্বং সো॑মাসি॒ সৎপ॑তি॒স্ত্বং রাজো॒ত বৃ॑ত্র॒হা । ত্বং ভ॒দ্রো অ॑সি॒ ক্রতুঃ॑ ॥ ১।০৯১।০৫, ১।৬।০১৯।০৫

ত্বং চ॑ সোম নো॒ বশো॑ জী॒বাতুং॒ ন ম॑রামহে । প্রি॒য়স্তো॑ত্রো॒ বন॒স্পতিঃ॑ ॥ ১।০৯১।০৬, ১।৬।০২০।০১

ত্বং সো॑ম ম॒হে ভগং॒ ত্বং যূন॑ ঋতায়॒তে । দক্ষং॑ দধাসি জী॒বসে॑ ॥ ১।০৯১।০৭, ১।৬।০২০।০২

ত্বং নঃ॑ সোম বি॒শ্বতো॒ রক্ষা॑ রাজন্নঘায়॒তঃ । ন রি॑ষ্যে॒ত্ত্বাব॑তঃ॒ সখা॑ ॥ ১।০৯১।০৮, ১।৬।০২০।০৩

সোম॒ যাস্তে॑ ময়ো॒ভুব॑ ঊ॒তয়ঃ॒ সন্তি॑ দা॒শুষে॑ । তাভি॑র্নোঽবি॒তা ভ॑ব ॥ ১।০৯১।০৯, ১।৬।০২০।০৪

ই॒মং য॒জ্ঞমি॒দং বচো॑ জুজুষা॒ণ উ॒পাগ॑হি । সোম॒ ত্বং নো॑ বৃ॒ধে ভ॑ব ॥ ১।০৯১।১০, ১।৬।০২০।০৫

সোম॑ গী॒র্ভিষ্ট্বা॑ ব॒য়ং ব॒র্ধয়া॑মো বচো॒বিদঃ॑ । সু॒মৃ॒ল়ী॒কো ন॒ আ বি॑শ ॥ ১।০৯১।১১, ১।৬।০২১।০১

গ॒য়॒স্ফানো॑ অমীব॒হা ব॑সু॒বিৎপু॑ষ্টি॒বর্ধ॑নঃ । সু॒মি॒ত্রঃ সো॑ম নো ভব ॥ ১।০৯১।১২, ১।৬।০২১।০২

সোম॑ রার॒ন্ধি নো॑ হৃ॒দি গাবো॒ ন যব॑সে॒ষ্বা । মর্য॑ ইব॒ স্ব ও॒ক্যে॑ ॥ ১।০৯১।১৩, ১।৬।০২১।০৩

যঃ সো॑ম স॒খ্যে তব॑ রা॒রণ॑দ্দেব॒ মর্ত্যঃ॑ । তং দক্ষঃ॑ সচতে ক॒বিঃ ॥ ১।০৯১।১৪, ১।৬।০২১।০৪

উ॒রু॒ষ্যা ণো॑ অ॒ভিশ॑স্তেঃ॒ সোম॒ নি পা॒হ্যংহ॑সঃ । সখা॑ সু॒শেব॑ এধি নঃ ॥ ১।০৯১।১৫, ১।৬।০২১।০৫

আ প্যা॑য়স্ব॒ সমে॑তু তে বি॒শ্বতঃ॑ সোম॒ বৃষ্ণ্য॑ম্ । ভবা॒ বাজ॑স্য সঙ্গ॒থে ॥ ১।০৯১।১৬, ১।৬।০২২।০১

আ প্যা॑য়স্ব মদিন্তম॒ সোম॒ বিশ্বে॑ভিরং॒শুভিঃ॑ । ভবা॑ নঃ সু॒শ্রব॑স্তমঃ॒ সখা॑ বৃ॒ধে ॥ ১।০৯১।১৭, ১।৬।০২২।০২

সং তে॒ পয়াং॑সি॒ সমু॑ যন্তু॒ বাজাঃ॒ সং বৃষ্ণ্যা॑ন্যভিমাতি॒ষাহঃ॑ । আ॒প্যায়॑মানো অ॒মৃতা॑য় সোম দি॒বি শ্রবাং॑স্যুত্ত॒মানি॑ ধিষ্ব ॥ ১।০৯১।১৮, ১।৬।০২২।০৩

যা তে॒ ধামা॑নি হ॒বিষা॒ যজ॑ন্তি॒ তা তে॒ বিশ্বা॑ পরি॒ভূর॑স্তু য॒জ্ঞম্ । গ॒য়॒স্ফানঃ॑ প্র॒তর॑ণঃ সু॒বীরোঽবী॑রহা॒ প্র চ॑রা সোম॒ দুর্যা॑ন্ ॥ ১।০৯১।১৯, ১।৬।০২২।০৪

সোমো॑ ধে॒নুং সোমো॒ অর্ব॑ন্তমা॒শুং সোমো॑ বী॒রং ক॑র্ম॒ণ্যং॑ দদাতি । সা॒দ॒ন্যং॑ বিদ॒থ্যং॑ স॒ভেয়ং॑ পিতৃ॒শ্রব॑ণং॒ যো দদা॑শদস্মৈ ॥ ১।০৯১।২০, ১।৬।০২২।০৫

অষা॑ল়্হং যু॒ৎসু পৃত॑নাসু॒ পপ্রিং॑ স্ব॒র্ষাম॒প্সাং বৃ॒জন॑স্য গো॒পাম্ । ভ॒রে॒ষু॒জাং সু॑ক্ষি॒তিং সু॒শ্রব॑সং॒ জয়॑ন্তং॒ ত্বামনু॑ মদেম সোম ॥ ১।০৯১।২১, ১।৬।০২৩।০১

ত্বমি॒মা ওষ॑ধীঃ সোম॒ বিশ্বা॒স্ত্বম॒পো অ॑জনয়॒স্ত্বং গাঃ । ত্বমা ত॑তন্থো॒র্ব১॒॑ন্তরি॑ক্ষং॒ ত্বং জ্যোতি॑ষা॒ বি তমো॑ ববর্থ ॥ ১।০৯১।২২, ১।৬।০২৩।০২

দে॒বেন॑ নো॒ মন॑সা দেব সোম রা॒য়ো ভা॒গং স॑হসাবন্ন॒ভি যু॑ধ্য । মা ত্বা ত॑ন॒দীশি॑ষে বী॒র্য॑স্যো॒ভয়ে॑ভ্যঃ॒ প্র চি॑কিৎসা॒ গবি॑ষ্টৌ ॥ ১।০৯১।২৩, ১।৬।০২৩।০৩

৭৪। বাত সূক্তং

বাতইতি তৃচস্য সূকস্য বাতায়নউলোবায়ুর্গায়ত্রী ।

বাত॒ আ বা॑তু ভেষ॒জং শ॒ম্ভু ম॑য়ো॒ভু নো॑ হৃ॒দে । প্র ণ॒ আয়ূং॑ষি তারিষৎ ॥ ১০।১৮৬।০১, ৮।৮।০৪৪।০১

উ॒ত বা॑ত পি॒তাসি॑ ন উ॒ত ভ্রাতো॒ত নঃ॒ সখা॑ । স নো॑ জী॒বাত॑বে কৃধি ॥ ১০।১৮৬।০২, ৮।৮।০৪৪।০২

যদ॒দো বা॑ত তে গৃ॒হে॒৩॒॑ঽমৃত॑স্য নি॒ধির্হি॒তঃ । ততো॑ নো দেহি জী॒বসে॑ ॥ ১০।১৮৬।০৩, ৮।৮।০৪৪।০৩

৭৫। মরুৎসূক্তং

প্রশর্ধায়েতি পঞ্চদশর্চস্য সূক্তস্যাত্রেয়ঃ শ্যাবাশ্বোমরুতোজগতী চতুর্দশীত্রিষ্টুপ্ ।

প্র শর্ধা॑য়॒ মারু॑তায়॒ স্বভা॑নব ই॒মাং বাচ॑মনজা পর্বত॒চ্যুতে॑ । ঘ॒র্ম॒স্তুভে॑ দি॒ব আ পৃ॑ষ্ঠ॒য়জ্ব॑নে দ্যু॒ম্নশ্র॑বসে॒ মহি॑ নৃ॒ম্ণম॑র্চত ॥ ৫।০৫৪।০১, ৪।৩।০১৪।০১

প্র বো॑ মরুতস্তবি॒ষা উ॑দ॒ন্যবো॑ বয়ো॒বৃধো॑ অশ্ব॒য়ুজঃ॒ পরি॑জ্রয়ঃ । সং বি॒দ্যুতা॒ দধ॑তি॒ বাশ॑তি ত্রি॒তঃ স্বর॒ন্ত্যাপো॒ঽবনা॒ পরি॑জ্রয়ঃ ॥ ৫।০৫৪।০২, ৪।৩।০১৪।০২

বি॒দ্যুন্ম॑হসো॒ নরো॒ অশ্ম॑দিদ্যবো॒ বাত॑ত্বিষো ম॒রুতঃ॑ পর্বত॒চ্যুতঃ॑ । অ॒ব্দ॒য়া চি॒ন্মুহু॒রা হ্রা॑দুনী॒বৃতঃ॑ স্ত॒নয়॑দমা রভ॒সা উদো॑জসঃ ॥ ৫।০৫৪।০৩, ৪।৩।০১৪।০৩

ব্য১॒॑ক্তূন্রু॑দ্রা॒ ব্যহা॑নি শিক্বসো॒ ব্য১॒॑ন্তরি॑ক্ষং॒ বি রজাং॑সি ধূতয়ঃ । বি যদজ্রাঁ॒ অজ॑থ॒ নাব॑ ঈং যথা॒ বি দু॒র্গাণি॑ মরুতো॒ নাহ॑ রিষ্যথ ॥ ৫।০৫৪।০৪, ৪।৩।০১৪।০৪

তদ্বী॒র্যং॑ বো মরুতো মহিত্ব॒নং দী॒র্ঘং ত॑তান॒ সূর্যো॒ ন যোজ॑নম্ । এতা॒ ন যামে॒ অগৃ॑ভীতশোচি॒ষোঽন॑শ্বদাং॒ যন্ন্যযা॑তনা গি॒রিম্ ॥ ৫।০৫৪।০৫, ৪।৩।০১৪।০৫

অভ্রা॑জি॒ শর্ধো॑ মরুতো॒ যদ॑র্ণ॒সং মোষ॑থা বৃ॒ক্ষং ক॑প॒নেব॑ বেধসঃ । অধ॑ স্মা নো অ॒রম॑তিং সজোষস॒শ্চক্ষু॑রিব॒ যন্ত॒মনু॑ নেষথা সু॒গম্ ॥ ৫।০৫৪।০৬, ৪।৩।০১৫।০১

ন স জী॑য়তে মরুতো॒ ন হ॑ন্যতে॒ ন স্রে॑ধতি॒ ন ব্য॑থতে॒ ন রি॑ষ্যতি । নাস্য॒ রায়॒ উপ॑ দস্যন্তি॒ নোতয়॒ ঋষিং॑ বা॒ যং রাজা॑নং বা॒ সুষূ॑দথ ॥ ৫।০৫৪।০৭, ৪।৩।০১৫।০২

নি॒য়ুত্ব॑ন্তো গ্রাম॒জিতো॒ যথা॒ নরো॑ঽর্য॒মণো॒ ন ম॒রুতঃ॑ কব॒ন্ধিনঃ॑ । পিন্ব॒ন্ত্যুৎসং॒ যদি॒নাসো॒ অস্ব॑র॒ন্ব্যু॑ন্দন্তি পৃথি॒বীং মধ্বো॒ অন্ধ॑সা ॥ ৫।০৫৪।০৮, ৪।৩।০১৫।০৩

প্র॒বত্ব॑তী॒য়ং পৃ॑থি॒বী ম॒রুদ্ভ্যঃ॑ প্র॒বত্ব॑তী॒ দ্যৌর্ভ॑বতি প্র॒য়দ্ভ্যঃ॑ । প্র॒বত্ব॑তীঃ প॒থ্যা॑ অ॒ন্তরি॑ক্ষ্যাঃ প্র॒বত্ব॑ন্তঃ॒ পর্ব॑তা জী॒রদা॑নবঃ ॥ ৫।০৫৪।০৯, ৪।৩।০১৫।০৪

যন্ম॑রুতঃ সভরসঃ স্বর্ণরঃ॒ সূর্য॒ উদি॑তে॒ মদ॑থা দিবো নরঃ । ন বোঽশ্বাঃ॑ শ্রথয়॒ন্তাহ॒ সিস্র॑তঃ স॒দ্যো অ॒স্যাধ্ব॑নঃ পা॒রম॑শ্নুথ ॥ ৫।০৫৪।১০, ৪।৩।০১৫।০৫

অংসে॑ষু ব ঋ॒ষ্টয়ঃ॑ প॒ৎসু খা॒দয়ো॒ বক্ষঃ॑সু রু॒ক্মা ম॑রুতো॒ রথে॒ শুভঃ॑ । অ॒গ্নিভ্রা॑জসো বি॒দ্যুতো॒ গভ॑স্ত্যোঃ॒ শিপ্রাঃ॑ শী॒র্ষসু॒ বিত॑তা হির॒ণ্যযীঃ॑ ॥ ৫।০৫৪।১১, ৪।৩।০১৬।০১

তং নাক॑ম॒র্যো অগৃ॑ভীতশোচিষং॒ রুশ॒ৎপিপ্প॑লং মরুতো॒ বি ধূ॑নুথ । সম॑চ্যন্ত বৃ॒জনাতি॑ত্বিষন্ত॒ যৎস্বর॑ন্তি॒ ঘোষং॒ বিত॑তমৃতা॒য়বঃ॑ ॥ ৫।০৫৪।১২, ৪।৩।০১৬।০২

যু॒ষ্মাদ॑ত্তস্য মরুতো বিচেতসো রা॒য়ঃ স্যা॑ম র॒থ্যো॒৩॒॑ বয়॑স্বতঃ । ন যো যুচ্ছ॑তি তি॒ষ্যো॒৩॒॑ যথা॑ দি॒বো॒৩॒॑ঽস্মে রা॑রন্ত মরুতঃ সহ॒স্রিণ॑ম্ ॥ ৫।০৫৪।১৩, ৪।৩।০১৬।০৩

যূ॒য়ং র॒য়িং ম॑রুতঃ স্পা॒র্হবী॑রং যূ॒য়মৃষি॑মবথ॒ সাম॑বিপ্রম্ । যূ॒য়মর্ব॑ন্তং ভর॒তায়॒ বাজং॑ যূ॒য়ং ধ॑ত্থ॒ রাজা॑নং শ্রুষ্টি॒মন্ত॑ম্ ॥ ৫।০৫৪।১৪, ৪।৩।০১৬।০৪

তদ্বো॑ যামি॒ দ্রবি॑ণং সদ্যঊতয়ো॒ যেনা॒ স্ব১॒॑র্ণ ত॒তনা॑ম॒ নৄঁর॒ভি । ই॒দং সু মে॑ মরুতো হর্যতা॒ বচো॒ যস্য॒ তরে॑ম॒ তর॑সা শ॒তং হিমাঃ॑ ॥ ৫।০৫৪।১৫, ৪।৩।০১৬।০৫

৭৬। শুদ্ধিসূক্তং

এতো॒ ন্বিন্দ্রং॒ স্তবা॑ম শু॒দ্ধং শু॒দ্ধেন॒ সাম্না॑ । শু॒দ্ধৈরু॒ক্থৈর্বা॑বৃ॒ধ্বাংসং॑ শু॒দ্ধ আ॒শীর্বা॑ন্মমত্তু ॥ ৮।০৯৫।০৭, ৬।৬।০৩১।০২

ইন্দ্র॑ শু॒দ্ধো ন॒ আ গ॑হি শু॒দ্ধঃ শু॒দ্ধাভি॑রূ॒তিভিঃ॑ । শু॒দ্ধো র॒য়িং নি ধা॑রয় শু॒দ্ধো ম॑মদ্ধি সো॒ম্যঃ ॥ ৮।০৯৫।০৮, ৬।৬।০৩১।০৩

ইন্দ্র॑ শু॒দ্ধো হি নো॑ র॒য়িং শু॒দ্ধো রত্না॑নি দা॒শুষে॑ । শু॒দ্ধো বৃ॒ত্রাণি॑ জিঘ্নসে শু॒দ্ধো বাজং॑ সিষাসসি ॥ ৮।০৯৫।০৯, ৬।৬।০৩১।০৪

৭৭। অপ নঃ শোশুচদিতি সূক্তং

অপনইত্যষ্টর্চস্য সূক্তস্যকুৎসঃশুচিরগ্নির্গায়ত্রী ।

অপ॑ নঃ॒ শোশু॑চদ॒ঘমগ্নে॑ শুশু॒গ্ধ্যা র॒য়িম্ । অপ॑ নঃ॒ শোশু॑চদ॒ঘম্ ॥ ১।০৯৭।০১, ১।৭।৫।১

সু॒ক্ষে॒ত্রি॒য়া সু॑গাতু॒য়া ব॑সূ॒য়া চ॑ যজামহে । অপ॑ নঃ॒ শোশু॑চদ॒ঘম্ ॥ ১।০৯৭।০২, ১।৭।৫।২

প্র যদ্ভন্দি॑ষ্ঠ এষাং॒ প্রাস্মাকা॑সশ্চ সূ॒রয়ঃ॑ । অপ॑ নঃ॒ শোশু॑চদ॒ঘম্ ॥ ১।০৯৭।০৩, ১।৭।৫।৩

প্র যত্তে॑ অগ্নে সূ॒রয়ো॒ জায়ে॑মহি॒ প্র তে॑ ব॒য়ম্ । অপ॑ নঃ॒ শোশু॑চদ॒ঘম্ ॥ ১।০৯৭।০৪, ১।৭।৫।৪

প্র যদ॒গ্নেঃ সহ॑স্বতো বি॒শ্বতো॒ যন্তি॑ ভা॒নবঃ॑ । অপ॑ নঃ॒ শোশু॑চদ॒ঘম্ ॥ ১।০৯৭।০৫, ১।৭।৫।৫

ত্বং হি বি॑শ্বতোমুখ বি॒শ্বতঃ॑ পরি॒ভূরসি॑ । অপ॑ নঃ॒ শোশু॑চদ॒ঘম্ ॥ ১।০৯৭।০৬, ১।৭।৫।৬

দ্বিষো॑ নো বিশ্বতোমু॒খাতি॑ না॒বেব॑ পারয় । অপ॑ নঃ॒ শোশু॑চদ॒ঘম্ ॥ ১।০৯৭।০৭, ১।৭।৫।৭

স নঃ॒ সিন্ধু॑মিব না॒বয়াতি॑ পর্ষা স্ব॒স্তয়ে॑ । অপ॑ নঃ॒ শোশু॑চদ॒ঘম্ ॥ ১।০৯৭।০৮, ১।৭।৫।৮

৭৮। বারি সূক্তং (অব্লিগ্ঙ্গাঃ মন্ত্রাঃ)

আপোয়ংবইতি চতুরৃচস্য সূক্তস্য মৈত্রাবরুণির্বসিষ্ঠআপস্ত্রিষ্টুপ্ ।

আপো॒ যং বঃ॑ প্রথ॒মং দে॑ব॒য়ন্ত॑ ইন্দ্র॒পান॑মূ॒র্মিমকৃ॑ণ্বতে॒ল়ঃ । তং বো॑ ব॒য়ং শুচি॑মরি॒প্রম॒দ্য ঘৃ॑ত॒প্রুষং॒ মধু॑মন্তং বনেম ॥ ৭।০৪৭।০১, ৫।৪।০১৪।০১

তমূ॒র্মিমা॑পো॒ মধু॑মত্তমং বো॒ঽপাং নপা॑দবত্বাশু॒হেমা॑ । যস্মি॒ন্নিন্দ্রো॒ বসু॑ভির্মা॒দয়া॑তে॒ তম॑শ্যাম দেব॒য়ন্তো॑ বো অ॒দ্য ॥ ৭।০৪৭।০২, ৫।৪।০১৪।০২

শ॒তপ॑বিত্রাঃ স্ব॒ধয়া॒ মদ॑ন্তীর্দে॒বীর্দে॒বানা॒মপি॑ যন্তি॒ পাথঃ॑ । তা ইন্দ্র॑স্য॒ ন মি॑নন্তি ব্র॒তানি॒ সিন্ধু॑ভ্যো হ॒ব্যং ঘৃ॒তব॑জ্জুহোত ॥ ৭।০৪৭।০৩, ৫।৪।০১৪।০৩

যাঃ সূর্যো॑ র॒শ্মিভি॑রাত॒তান॒ যাভ্য॒ ইন্দ্রো॒ অর॑দদ্গা॒তুমূ॒র্মিম্ । তে সি॑ন্ধবো॒ বরি॑বো ধাতনা নো যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।০৪৭।০৪, ৫।৪।০১৪।০৪

সমুদ্রজ্যেষ্ঠ ইতি চতুরৃচস্য সূক্তস্য মৈত্রাবরুণির্বসিষ্ঠআপস্ত্রিষ্টুপ্ ।

স॒মু॒দ্রজ্যে॑ষ্ঠাঃ সলি॒লস্য॒ মধ্যা॑ৎপুনা॒না য॒ন্ত্যনি॑বিশমানাঃ । ইন্দ্রো॒ যা ব॒জ্রী বৃ॑ষ॒ভো র॒রাদ॒ তা আপো॑ দে॒বীরি॒হ মাম॑বন্তু ॥ ৭।০৪৯।০১, ৫।৪।০১৬।০১

যা আপো॑ দি॒ব্যা উ॒ত বা॒ স্রব॑ন্তি খ॒নিত্রি॑মা উ॒ত বা॒ যাঃ স্ব॑য়ঞ্॒জাঃ । স॒মু॒দ্রার্থা॒ যাঃ শুচ॑য়ঃ পাব॒কাস্তা আপো॑ দে॒বীরি॒হ মাম॑বন্তু ॥ ৭।০৪৯।০২, ৫।৪।০১৬।০২

যাসাং॒ রাজা॒ বরু॑ণো॒ যাতি॒ মধ্যে॑ সত্যানৃ॒তে অ॑ব॒পশ্য॒ঞ্জনা॑নাম্ । ম॒ধু॒শ্চুতঃ॒ শুচ॑য়ো॒ যাঃ পা॑ব॒কাস্তা আপো॑ দে॒বীরি॒হ মাম॑বন্তু ॥ ৭।০৪৯।০৩, ৫।৪।০১৬।০৩

যাসু॒ রাজা॒ বরু॑ণো॒ যাসু॒ সোমো॒ বিশ্বে॑ দে॒বা যাসূর্জং॒ মদ॑ন্তি । বৈ॒শ্বা॒ন॒রো যাস্ব॒গ্নিঃ প্রবি॑ষ্ট॒স্তা আপো॑ দে॒বীরি॒হ মাম॑বন্তু ॥ ৭।০৪৯।০৪, ৫।৪।০১৬।০৪

আমামিতি চতুরৃচস্য সূক্তস্য মৈত্রাবরুণির্বসিষ্ঠ মিত্রাবরুণাপগ্নির্বিশ্বেদেবানদ্যইতি ক্রমেণদেবতাজগত্যন্ত্যাতিজগতীশক্বরীবা ।

আ মাং মি॑ত্রাবরুণে॒হ র॑ক্ষতং কুলা॒য়য॑দ্বি॒শ্বয়॒ন্মা ন॒ আ গ॑ন্ । অ॒জ॒কা॒বং দু॒র্দৃশী॑কং তি॒রো দ॑ধে॒ মা মাং পদ্যে॑ন॒ রপ॑সা বিদ॒ত্ত্সরুঃ॑ ॥ আ মাং মি॑ত্রাবরুণে॒হ র॑ক্ষতং কুলা॒য়য॑দ্বি॒শ্বয়॒ন্মা ন॒ আ গ॑ন্ । অ॒জ॒কা॒বং দু॒র্দৃশী॑কং তি॒রো দ॑ধে॒ মা মাং পদ্যে॑ন॒ রপ॑সা বিদ॒ত্ত্সরুঃ॑ ॥ ৭।০৫০।০১, ৫।৪।০১৭।০১

যদ্বি॒জাম॒ন্পরু॑ষি॒ বন্দ॑নং॒ ভুব॑দষ্ঠী॒বন্তৌ॒ পরি॑ কু॒ল্ফৌ চ॒ দেহ॑ৎ । অ॒গ্নিষ্টচ্ছোচ॒ন্নপ॑ বাধতামি॒তো মা মাং পদ্যে॑ন॒ রপ॑সা বিদ॒ত্ত্সরুঃ॑ ॥ ৭।০৫০।০২, ৫।৪।০১৭।০২

যচ্ছ॑ল্ম॒লৌ ভব॑তি॒ যন্ন॒দীষু॒ যদোষ॑ধীভ্যঃ॒ পরি॒ জায়॑তে বি॒ষম্ । বিশ্বে॑ দে॒বা নিরি॒তস্তৎসু॑বন্তু॒ মা মাং পদ্যে॑ন॒ রপ॑সা বিদ॒ত্ত্সরুঃ॑ ॥ ৭।০৫০।০৩, ৫।৪।০১৭।০৩

যাঃ প্র॒বতো॑ নি॒বত॑ উ॒দ্বত॑ উদ॒ন্বতী॑রনুদ॒কাশ্চ॒ যাঃ । তা অ॒স্মভ্যং॒ পয়॑সা॒ পিন্ব॑মানাঃ শি॒বা দে॒বীর॑শিপ॒দা ভ॑বন্তু॒ সর্বা॑ ন॒দ্যো॑ অশিমি॒দা ভ॑বন্তু ॥ ৭।০৫০।০৪, ৫।৪।০১৭।০৪

আপোহিষ্ঠেতি নবর্চস্য সূক্তস্য আম্বরীষঃ সিন্ধুদ্বীপ আপো গায়ত্রী পঞ্চমীবর্ধমানা সপ্তমীপ্রতিষ্ঠান্ত্যেদ্বেঅনুষ্টুভৌ । আপোহিসিন্ধুদ্বীপোবাম্বরীষ ইত্যেবমনুক্রমণ্যাং সিন্ধুদ্বীপস্য পাক্ষিকত্ব স্বীকারে পূর্বোক্তস্ত্রিশিরাঃ প্রাপ্নোতিতথাপি প্রয়োক্তৃভিঃ সিন্ধুদ্বীপ এবাদ্রিয়তে ।

আপো॒ হি ষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ ১০।০০৯।০১, ৭।৬।৫।১

যো বঃ॑ শি॒বত॑মো॒ রস॒স্তস্য॑ ভাজয়তে॒হ নঃ॑ । উ॒শ॒তীরি॑ব মা॒তরঃ॑ ॥ ১০।০০৯।০২, ৭।৬।৫।২

তস্মা॒ অরং॑ গমাম বো॒ যস্য॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ ॥ ১০।০০৯।০৩, ৭।৬।৫।৩

শং নো॑ দে॒বীর॒ভিষ্ট॑য়॒ আপো॑ ভবন্তু পী॒তয়ে॑ । শং যোর॒ভি স্র॑বন্তু নঃ ॥ ১০।০০৯।০৪, ৭।৬।৫।৪

ঈশা॑না॒ বার্যা॑ণাং॒ ক্ষয়॑ন্তীশ্চর্ষণী॒নাম্ । অ॒পো যা॑চামি ভেষ॒জম্ ॥ ১০।০০৯।০৫, ৭।৬।৫।৫

অ॒প্সু মে॒ সোমো॑ অব্রবীদ॒ন্তর্বিশ্বা॑নি ভেষ॒জা । অ॒গ্নিং চ॑ বি॒শ্বশ॑ম্ভুবম্ ॥ ১০।০০৯।০৬, ৭।৬।৫।৬

আপঃ॑ পৃণী॒ত ভে॑ষ॒জং বরূ॑থং ত॒ন্বে॒৩॒॑ মম॑ । জ্যোক্চ॒ সূর্যং॑ দৃ॒শে ॥ ১০।০০৯।০৭, ৭।৬।৫।৭

ই॒দমা॑পঃ॒ প্র ব॑হত॒ যৎকিং চ॑ দুরি॒তং ময়ি॑ । যদ্বা॒হম॑ভিদু॒দ্রোহ॒ যদ্বা॑ শে॒প উ॒তানৃ॑তম্ ॥ ১০।০০৯।০৮, ৭।৬।৫।৮

আপো॑ অ॒দ্যান্ব॑চারিষং॒ রসে॑ন॒ সম॑গস্মহি । পয়॑স্বানগ্ন॒ আ গ॑হি॒ তং মা॒ সং সৃ॑জ॒ বর্চ॑সা ॥ ১০।০০৯।০৯, ৭।৬।৫।৯

পরিশিষ্টম্ [ঋগ্বেদ মণ্ডল ১০, ৯ সূক্তস্যানন্তরং][ঋগ্বেদ অষ্টক ৭, অধ্যায় ৬, ৫ বর্গানন্তরং]

স॒স্রুষী॒।স্তদ॑পসো॒- দিবা॒ নক্ত॑।ঞ্চ স॒স্রুষীঃ॑। বরে॑ণ্যক্রতূ। রহ॒। মা দে॒বী।-রব॑সে হুবে॥

৭৯। নদীস্তুতি সূক্তং

প্রসুবইতি নবর্চস্য সূক্তস্য প্রৈয়মেধঃ সিন্ধুক্ষিন্নদ্যোজগতী ।

প্র সু ব॑ আপো মহি॒মান॑মুত্ত॒মং কা॒রুর্বো॑চাতি॒ সদ॑নে বি॒বস্ব॑তঃ । প্র স॒প্তস॑প্ত ত্রে॒ধা হি চ॑ক্র॒মুঃ প্র সৃত্ব॑রীণা॒মতি॒ সিন্ধু॒রোজ॑সা ॥ ১০।০৭৫।০১, ৮।৩।৬।১

প্র তে॑ঽরদ॒দ্বরু॑ণো॒ যাত॑বে প॒থঃ সিন্ধো॒ যদ্বাজাঁ॑ অ॒ভ্যদ্র॑ব॒স্ত্বম্ । ভূম্যা॒ অধি॑ প্র॒বতা॑ যাসি॒ সানু॑না॒ যদে॑ষা॒মগ্রং॒ জগ॑তামির॒জ্যসি॑ ॥ ১০।০৭৫।০২, ৮।৩।৬।২

দি॒বি স্ব॒নো য॑ততে॒ ভূম্যো॒পর্য॑ন॒ন্তং শুষ্ম॒মুদি॑য়র্তি ভা॒নুনা॑ । অ॒ভ্রাদি॑ব॒ প্র স্ত॑নয়ন্তি বৃ॒ষ্টয়ঃ॒ সিন্ধু॒র্যদেতি॑ বৃষ॒ভো ন রোরু॑বৎ ॥ ১০।০৭৫।০৩, ৮।৩।৬।৩

অ॒ভি ত্বা॑ সিন্ধো॒ শিশু॒মিন্ন মা॒তরো॑ বা॒শ্রা অ॑র্ষন্তি॒ পয়॑সেব ধে॒নবঃ॑ । রাজে॑ব॒ যুধ্বা॑ নয়সি॒ ত্বমিৎসিচৌ॒ যদা॑সা॒মগ্রং॑ প্র॒বতা॒মিন॑ক্ষসি ॥ ১০।০৭৫।০৪, ৮।৩।৬।৪

ই॒মং মে॑ গঙ্গে যমুনে সরস্বতি॒ শুতু॑দ্রি॒ স্তোমং॑ সচতা॒ পরু॒ষ্ণ্যা । অ॒সি॒ক্ন্যা ম॑রুদ্বৃধে বি॒তস্ত॒য়ার্জী॑কীয়ে শৃণু॒হ্যা সু॒ষোম॑য়া ॥ ১০।০৭৫।০৫, ৮।৩।৬।৫

তৃ॒ষ্টাম॑য়া প্রথ॒মং যাত॑বে স॒জূঃ সু॒সর্ত্বা॑ র॒সয়া॑ শ্বে॒ত্যা ত্যা । ত্বং সি॑ন্ধো॒ কুভ॑য়া গোম॒তীং ক্রুমুং॑ মেহ॒ত্ন্বা স॒রথং॒ যাভি॒রীয়॑সে ॥ ১০।০৭৫।০৬, ৮।৩।৭।১

ঋজী॒ত্যেনী॒ রুশ॑তী মহি॒ত্বা পরি॒ জ্রয়াং॑সি ভরতে॒ রজাং॑সি । অদ॑ব্ধা॒ সিন্ধু॑র॒পসা॑ম॒পস্ত॒মাশ্বা॒ ন চি॒ত্রা বপু॑ষীব দর্শ॒তা ॥ ১০।০৭৫।০৭, ৮।৩।৭।২

স্বশ্বা॒ সিন্ধুঃ॑ সু॒রথা॑ সু॒বাসা॑ হির॒ণ্যযী॒ সুকৃ॑তা বা॒জিনী॑বতী । ঊর্ণা॑বতী যুব॒তিঃ সী॒লমা॑বত্যু॒তাধি॑ বস্তে সু॒ভগা॑ মধু॒বৃধ॑ম্ ॥ ১০।০৭৫।০৮, ৮।৩।৭।৩

সু॒খং রথং॑ যুয়ুজে॒ সিন্ধু॑র॒শ্বিনং॒ তেন॒ বাজং॑ সনিষদ॒স্মিন্না॒জৌ । ম॒হান্হ্য॑স্য মহি॒মা প॑ন॒স্যতেঽদ॑ব্ধস্য॒ স্বয়॑শসো বির॒প্শিনঃ॑ ॥ ১০।০৭৫।০৯, ৮।৩।৭।৪

৮০। পর্জন্য সূক্তং

অচ্ছাবদেতি দশর্চস্য সূক্তস্য ভৌমোত্রিঃ পর্জন্যস্ত্রিষ্টুপ্ দ্বিতীয়াদিতিস্রোজগত্যো নবম্যনুষ্টুপ্ ।

অচ্ছা॑ বদ ত॒বসং॑ গী॒র্ভিরা॒ভিঃ স্তু॒হি প॒র্জন্যং॒ নম॒সা বি॑বাস । কনি॑ক্রদদ্বৃষ॒ভো জী॒রদা॑নূ॒ রেতো॑ দধা॒ত্যোষ॑ধীষু॒ গর্ভ॑ম্ ॥ ৫।০৮৩।০১, ৪।৪।০২৭।০১

বি বৃ॒ক্ষান্হ॑ন্ত্যু॒ত হ॑ন্তি র॒ক্ষসো॒ বিশ্বং॑ বিভায়॒ ভুব॑নং ম॒হাব॑ধাৎ । উ॒তানা॑গা ঈষতে॒ বৃষ্ণ্যা॑বতো॒ যৎপ॒র্জন্যঃ॑ স্ত॒নয়॒ন্হন্তি॑ দু॒ষ্কৃতঃ॑ ॥ ৫।০৮৩।০২, ৪।৪।০২৭।০২

র॒থীব॒ কশ॒য়াশ্বাঁ॑ অভিক্ষি॒পন্না॒বির্দূ॒তান্কৃ॑ণুতে ব॒র্ষ্যাঁ॒৩॒॑ অহ॑ । দূ॒রাৎসিং॒হস্য॑ স্ত॒নথা॒ উদী॑রতে॒ যৎপ॒র্জন্যঃ॑ কৃণু॒তে ব॒র্ষ্যং১॒॑ নভঃ॑ ॥ ৫।০৮৩।০৩, ৪।৪।০২৭।০৩

প্র বাতা॒ বান্তি॑ প॒তয়॑ন্তি বি॒দ্যুত॒ উদোষ॑ধী॒র্জিহ॑তে॒ পিন্ব॑তে॒ স্বঃ॑ । ইরা॒ বিশ্ব॑স্মৈ॒ ভুব॑নায় জায়তে॒ যৎপ॒র্জন্যঃ॑ পৃথি॒বীং রেত॒সাব॑তি ॥ ৫।০৮৩।০৪, ৪।৪।০২৭।০৪

যস্য॑ ব্র॒তে পৃ॑থি॒বী নন্ন॑মীতি॒ যস্য॑ ব্র॒তে শ॒ফব॒জ্জর্ভু॑রীতি । যস্য॑ ব্র॒ত ওষ॑ধীর্বি॒শ্বরূ॑পাঃ॒ স নঃ॑ পর্জন্য॒ মহি॒ শর্ম॑ যচ্ছ ॥ ৫।০৮৩।০৫, ৪।৪।০২৭।০৫

দি॒বো নো॑ বৃ॒ষ্টিং ম॑রুতো ররীধ্বং॒ প্র পি॑ন্বত॒ বৃষ্ণো॒ অশ্ব॑স্য॒ ধারাঃ॑ । অ॒র্বাঙে॒তেন॑ স্তনয়ি॒ত্নুনেহ্য॒পো নি॑ষি॒ঞ্চন্নসু॑রঃ পি॒তা নঃ॑ ॥ ৫।০৮৩।০৬, ৪।৪।০২৮।০১

অ॒ভি ক্র॑ন্দ স্ত॒নয়॒ গর্ভ॒মা ধা॑ উদ॒ন্বতা॒ পরি॑ দীয়া॒ রথে॑ন । দৃতিং॒ সু ক॑র্ষ॒ বিষি॑তং॒ ন্য॑ঞ্চং স॒মা ভ॑বন্তূ॒দ্বতো॑ নিপা॒দাঃ ॥ ৫।০৮৩।০৭, ৪।৪।০২৮।০২

ম॒হান্তং॒ কোশ॒মুদ॑চা॒ নি ষি॑ঞ্চ॒ স্যন্দ॑ন্তাং কু॒ল্যা বিষি॑তাঃ পু॒রস্তা॑ৎ । ঘৃ॒তেন॒ দ্যাবা॑পৃথি॒বী ব্যু॑ন্ধি সুপ্রপা॒ণং ভ॑বত্ব॒ঘ্ন্যাভ্যঃ॑ ॥ ৫।০৮৩।০৮, ৪।৪।০২৮।০৩

যৎপ॑র্জন্য॒ কনি॑ক্রদৎস্ত॒নয়॒ন্হংসি॑ দু॒ষ্কৃতঃ॑ । প্রতী॒দং বিশ্বং॑ মোদতে॒ যৎকিং চ॑ পৃথি॒ব্যামধি॑ ॥ ৫।০৮৩।০৯, ৪।৪।০২৮।০৪

অব॑র্ষীর্ব॒র্ষমুদু॒ ষূ গৃ॑ভা॒য়াক॒র্ধন্বা॒ন্যত্যে॑ত॒বা উ॑ । অজী॑জন॒ ওষ॑ধী॒র্ভোজ॑নায়॒ কমু॒ত প্র॒জাভ্যো॑ঽবিদো মনী॒ষাম্ ॥ ৫।০৮৩।১০, ৪।৪।০২৮।০৫

তিস্রোবাচইতি ষডৃচস্য সূক্তস্যাগ্নেয়ঃ কুমারঃ পর্জন্যস্ত্রিষ্টুপ্ ।( তিস্রোবাচঃ পর্জন্যায়েতিসূক্তয়োর্বৃষ্টিকামোবসিষ্ঠঃ পাক্ষিকঃ) ।

তি॒স্রো বাচঃ॒ প্র ব॑দ॒ জ্যোতি॑রগ্রা॒ যা এ॒তদ্দু॒হ্রে ম॑ধুদো॒ঘমূধঃ॑ । স ব॒ৎসং কৃ॒ণ্বন্গর্ভ॒মোষ॑ধীনাং স॒দ্যো জা॒তো বৃ॑ষ॒ভো রো॑রবীতি ॥ ৭।১০১।০১, ৫।৭।১।১

যো বর্ধ॑ন॒ ওষ॑ধীনাং॒ যো অ॒পাং যো বিশ্ব॑স্য॒ জগ॑তো দে॒ব ঈশে॑ । স ত্রি॒ধাতু॑ শর॒ণং শর্ম॑ যংসত্ত্রি॒বর্তু॒ জ্যোতিঃ॑ স্বভি॒ষ্ট্য১॒॑স্মে ॥ ৭।১০১।০২, ৫।৭।১।২

স্ত॒রীরু॑ ত্ব॒দ্ভব॑তি॒ সূত॑ উ ত্বদ্যথাব॒শং ত॒ন্বং॑ চক্র এ॒ষঃ । পি॒তুঃ পয়ঃ॒ প্রতি॑ গৃভ্ণাতি মা॒তা তেন॑ পি॒তা ব॑র্ধতে॒ তেন॑ পু॒ত্রঃ ॥ ৭।১০১।০৩, ৫।৭।১।৩

যস্মি॒ন্বিশ্বা॑নি॒ ভুব॑নানি ত॒স্থুস্তি॒স্রো দ্যাব॑স্ত্রে॒ধা স॒স্রুরাপঃ॑ । ত্রয়ঃ॒ কোশা॑স উপ॒সেচ॑নাসো॒ মধ্বঃ॑ শ্চোতন্ত্য॒ভিতো॑ বির॒প্শম্ ॥ ৭।১০১।০৪, ৫।৭।১।৪

ই॒দং বচঃ॑ প॒র্জন্যা॑য় স্ব॒রাজে॑ হৃ॒দো অ॒স্ত্বন্ত॑রং॒ তজ্জু॑জোষৎ । ম॒য়ো॒ভুবো॑ বৃ॒ষ্টয়ঃ॑ সন্ত্ব॒স্মে সু॑পিপ্প॒লা ওষ॑ধীর্দে॒বগো॑পাঃ ॥ ৭।১০১।০৫, ৫।৭।১।৫

স রে॑তো॒ধা বৃ॑ষ॒ভঃ শশ্ব॑তীনাং॒ তস্মি॑ন্না॒ত্মা জগ॑তস্ত॒স্থুষ॑শ্চ । তন্ম॑ ঋ॒তং পা॑তু শ॒তশা॑রদায় যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।১০১।০৬, ৫।৭।১।৬

পর্জন্যায়েতি তৃচস্য সূক্তস্যাগ্নেয়ঃকুমারঃ পর্জন্যো গায়ত্রী ।

প॒র্জন্যা॑য়॒ প্র গা॑য়ত দি॒বস্পু॒ত্রায়॑ মী॒ল়্হুষে॑ । স নো॒ যব॑সমিচ্ছতু ॥ ৭।১০২।০১, ৫।৭।২।১

যো গর্ভ॒মোষ॑ধীনাং॒ গবাং॑ কৃ॒ণোত্যর্ব॑তাম্ । প॒র্জন্যঃ॑ পুরু॒ষীণা॑ম্ ॥ ৭।১০২।০২, ৫।৭।২।২

তস্মা॒ ইদা॒স্যে॑ হ॒বির্জু॒হোতা॒ মধু॑মত্তমম্ । ইল়াং॑ নঃ সং॒য়তং॑ করৎ ॥ ৭।১০২।০৩, ৫।৭।২।৩

সংবৎসরমিতি দশর্চস্য সূক্তস্য মৈত্রাবরুণির্বসিষ্ঠঃ পর্জন্যস্তুতিমণ্ডূকস্ত্রিষ্টুবাদ্যানুষ্টুপ্ ।

সং॒ব॒ৎস॒রং শ॑শয়া॒না ব্রা॑হ্ম॒ণা ব্র॑তচা॒রিণঃ॑ । বাচং॑ প॒র্জন্য॑জিন্বিতাং॒ প্র ম॒ণ্ডূকা॑ অবাদিষুঃ ॥ ৭।১০৩।০১, ৫।৭।৩।১

দি॒ব্যা আপো॑ অ॒ভি যদে॑ন॒মায়॒ন্দৃতিং॒ ন শুষ্কং॑ সর॒সী শয়া॑নম্ । গবা॒মহ॒ ন মা॒য়ুর্ব॒ৎসিনী॑নাং ম॒ণ্ডূকা॑নাং ব॒গ্নুরত্রা॒ সমে॑তি ॥ ৭।১০৩।০২, ৫।৭।৩।২

যদী॑মেনাঁ উশ॒তো অ॒ভ্যব॑র্ষীত্তৃ॒ষ্যাব॑তঃ প্রা॒বৃষ্যাগ॑তায়াম্ । অ॒খ্খ॒লী॒কৃত্যা॑ পি॒তরং॒ ন পু॒ত্রো অ॒ন্যো অ॒ন্যমুপ॒ বদ॑ন্তমেতি ॥ ৭।১০৩।০৩, ৫।৭।৩।৩

অ॒ন্যো অ॒ন্যমনু॑ গৃভ্ণাত্যেনোর॒পাং প্র॑স॒র্গে যদম॑ন্দিষাতাম্ । ম॒ণ্ডূকো॒ যদ॒ভিবৃ॑ষ্টঃ॒ কনি॑ষ্ক॒ন্পৃশ্নিঃ॑ সম্পৃ॒ঙ্ক্তে হরি॑তেন॒ বাচ॑ম্ ॥ ৭।১০৩।০৪, ৫।৭।৩।৪

যদে॑ষাম॒ন্যো অ॒ন্যস্য॒ বাচং॑ শা॒ক্তস্যে॑ব॒ বদ॑তি॒ শিক্ষ॑মাণঃ । সর্বং॒ তদে॑ষাং স॒মৃধে॑ব॒ পর্ব॒ যৎসু॒বাচো॒ বদ॑থ॒নাধ্য॒প্সু ॥ ৭।১০৩।০৫, ৫।৭।৩।৫

গোমা॑য়ু॒রেকো॑ অ॒জমা॑য়ু॒রেকঃ॒ পৃশ্নি॒রেকো॒ হরি॑ত॒ এক॑ এষাম্ । স॒মা॒নং নাম॒ বিভ্র॑তো॒ বিরূ॑পাঃ পুরু॒ত্রা বাচং॑ পিপিশু॒র্বদ॑ন্তঃ ॥ ৭।১০৩।০৬, ৫।৭।৪।১

ব্রা॒হ্ম॒ণাসো॑ অতিরা॒ত্রে ন সোমে॒ সরো॒ ন পূ॒র্ণম॒ভিতো॒ বদ॑ন্তঃ । সং॒ব॒ৎস॒রস্য॒ তদহঃ॒ পরি॑ ষ্ঠ॒ যন্ম॑ণ্ডূকাঃ প্রাবৃ॒ষীণং॑ ব॒ভূব॑ ॥ ৭।১০৩।০৭, ৫।৭।৪।২

ব্রা॒হ্ম॒ণাসঃ॑ সো॒মিনো॒ বাচ॑মক্রত॒ ব্রহ্ম॑ কৃ॒ণ্বন্তঃ॑ পরিবৎস॒রীণ॑ম্ । অ॒ধ্ব॒র্যবো॑ ঘ॒র্মিণঃ॑ সিষ্বিদা॒না আ॒বির্ভ॑বন্তি॒ গুহ্যা॒ ন কে চি॑ৎ ॥ ৭।১০৩।০৮, ৫।৭।৪।৩

দে॒বহি॑তিং জুগুপুর্দ্বাদ॒শস্য॑ ঋ॒তুং নরো॒ ন প্র মি॑নন্ত্যে॒তে । সং॒ব॒ৎস॒রে প্রা॒বৃষ্যাগ॑তায়াং ত॒প্তা ঘ॒র্মা অ॑শ্নুবতে বিস॒র্গম্ ॥ ৭।১০৩।০৯, ৫।৭।৪।৪

গোমা॑য়ুরদাদ॒জমা॑য়ুরদা॒ৎপৃশ্নি॑রদা॒দ্ধরি॑তো নো॒ বসূ॑নি । গবাং॑ ম॒ণ্ডূকা॒ দদ॑তঃ শ॒তানি॑ সহস্রসা॒বে প্র তি॑রন্ত॒ আয়ুঃ॑ ॥ ৭।১০৩।১০, ৫।৭।৪।৫

পরিশিষ্টম্ [ঋগ্বেদ মণ্ডল ৭, ১০৩ সূক্তস্যানন্তরং][ঋগ্বেদ অষ্টক ৭, অধ্যায় ৭, ৪ বর্গানন্তরং]

উ॒প॒প্লব॑ত মণ্ডূকি- ব॒র্ষ।মা ব॑দ। তাদুরি। মধ্যে॑ হ্র॒দস্য॑ প্ল॒বস্ব॑- নি॒গৃহ্য॑ চ॒তুর॑: প॒দঃ॥

প্রদেবত্রেতি পঞ্চদশর্চস্য সূক্তস্যৈলূষঃ কবষআপস্ত্রিষ্টুপ্ ।

প্র দে॑ব॒ত্রা ব্রহ্ম॑ণে গা॒তুরে॑ত্ব॒পো অচ্ছা॒ মন॑সো॒ ন প্রয়ু॑ক্তি । ম॒হীং মি॒ত্রস্য॒ বরু॑ণস্য ধা॒সিং পৃ॑থু॒জ্রয়॑সে রীরধা সুবৃ॒ক্তিম্ ॥ ১০।০৩০।০১, ৭।৭।০২৪।০১

অধ্ব॑র্যবো হ॒বিষ্ম॑ন্তো॒ হি ভূ॒তাচ্ছা॒প ই॑তোশ॒তীরু॑শন্তঃ । অব॒ যাশ্চষ্টে॑ অরু॒ণঃ সু॑প॒র্ণস্তমাস্য॑ধ্বমূ॒র্মিম॒দ্যা সু॑হস্তাঃ ॥ ১০।০৩০।০২, ৭।৭।০২৪।০২

অধ্ব॑র্যবো॒ঽপ ই॑তা সমু॒দ্রম॒পাং নপা॑তং হ॒বিষা॑ যজধ্বম্ । স বো॑ দদদূ॒র্মিম॒দ্যা সুপূ॑তং॒ তস্মৈ॒ সোমং॒ মধু॑মন্তং সুনোত ॥ ১০।০৩০।০৩, ৭।৭।০২৪।০৩

যো অ॑নি॒ধ্মো দীদ॑য়দ॒প্স্ব১॒॑ন্তর্যং বিপ্রা॑স॒ ঈল়॑তে অধ্ব॒রেষু॑ । অপাং॑ নপা॒ন্মধু॑মতীর॒পো দা॒ যাভি॒রিন্দ্রো॑ বাবৃ॒ধে বী॒র্যা॑য় ॥ ১০।০৩০।০৪, ৭।৭।০২৪।০৪

যাভিঃ॒ সোমো॒ মোদ॑তে॒ হর্ষ॑তে চ কল্যা॒ণীভি॑র্যুব॒তিভি॒র্ন মর্যঃ॑ । তা অ॑ধ্বর্যো অ॒পো অচ্ছা॒ পরে॑হি॒ যদা॑সি॒ঞ্চা ওষ॑ধীভিঃ পুনীতাৎ ॥ ১০।০৩০।০৫, ৭।৭।০২৪।০৫

এ॒বেদ্যূনে॑ যুব॒তয়ো॑ নমন্ত॒ যদী॑মু॒শন্নু॑শ॒তীরেত্যচ্ছ॑ । সং জা॑নতে॒ মন॑সা॒ সং চি॑কিত্রেঽধ্ব॒র্যবো॑ ধি॒ষণাপ॑শ্চ দে॒বীঃ ॥ ১০।০৩০।০৬, ৭।৭।০২৫।০১

যো বো॑ বৃ॒তাভ্যো॒ অকৃ॑ণোদু লো॒কং যো বো॑ ম॒হ্যা অ॒ভিশ॑স্তে॒রমু॑ঞ্চৎ । তস্মা॒ ইন্দ্রা॑য়॒ মধু॑মন্তমূ॒র্মিং দে॑ব॒মাদ॑নং॒ প্র হি॑ণোতনাপঃ ॥ ১০।০৩০।০৭, ৭।৭।০২৫।০২

প্রাস্মৈ॑ হিনোত॒ মধু॑মন্তমূ॒র্মিং গর্ভো॒ যো বঃ॑ সিন্ধবো॒ মধ্ব॒ উৎসঃ॑ । ঘৃ॒তপৃ॑ষ্ঠ॒মীড্য॑মধ্ব॒রেষ্বাপো॑ রেবতীঃ শৃণু॒তা হবং॑ মে ॥ ১০।০৩০।০৮, ৭।৭।০২৫।০৩

তং সি॑ন্ধবো মৎস॒রমি॑ন্দ্র॒পান॑মূ॒র্মিং প্র হে॑ত॒ য উ॒ভে ইয়॑র্তি । ম॒দ॒চ্যুত॑মৌশা॒নং ন॑ভো॒জাং পরি॑ ত্রি॒তন্তুং॑ বি॒চর॑ন্ত॒মুৎস॑ম্ ॥ ১০।০৩০।০৯, ৭।৭।০২৫।০৪

আ॒বর্বৃ॑ততী॒রধ॒ নু দ্বি॒ধারা॑ গোষু॒য়ুধো॒ ন নি॑য়॒বং চর॑ন্তীঃ । ঋষে॒ জনি॑ত্রী॒র্ভুব॑নস্য॒ পত্নী॑র॒পো ব॑ন্দস্ব স॒বৃধঃ॒ সয়ো॑নীঃ ॥ ১০।০৩০।১০, ৭।৭।০২৫।০৫

হি॒নোতা॑ নো অধ্ব॒রং দে॑বয়॒জ্যা হি॒নোত॒ ব্রহ্ম॑ স॒নয়ে॒ ধনা॑নাম্ । ঋ॒তস্য॒ যোগে॒ বি ষ্য॑ধ্ব॒মূধঃ॑ শ্রুষ্টী॒বরী॑র্ভূতনা॒স্মভ্য॑মাপঃ ॥ ১০।০৩০।১১, ৭।৭।০২৬।০১

আপো॑ রেবতীঃ॒ ক্ষয়॑থা॒ হি বস্বঃ॒ ক্রতুং॑ চ ভ॒দ্রং বি॑ভৃ॒থামৃতং॑ চ । রা॒য়শ্চ॒ স্থ স্ব॑প॒ত্যস্য॒ পত্নীঃ॒ সর॑স্বতী॒ তদ্গৃ॑ণ॒তে বয়ো॑ ধাৎ ॥ ১০।০৩০।১২, ৭।৭।০২৬।০২

প্রতি॒ যদাপো॒ অদৃ॑শ্রমায়॒তীর্ঘৃ॒তং পয়াং॑সি॒ বিভ্র॑তী॒র্মধূ॑নি । অ॒ধ্ব॒র্যুভি॒র্মন॑সা সংবিদা॒না ইন্দ্রা॑য়॒ সোমং॒ সুষু॑তং॒ ভর॑ন্তীঃ ॥ ১০।০৩০।১৩, ৭।৭।০২৬।০৩

এমা অ॑গ্মন্রে॒বতী॑র্জী॒বধ॑ন্যা॒ অধ্ব॑র্যবঃ সা॒দয়॑তা সখায়ঃ । নি ব॒র্হিষি॑ ধত্তন সোম্যাসো॒ঽপাং নপ্ত্রা॑ সংবিদা॒নাস॑ এনাঃ ॥ ১০।০৩০।১৪, ৭।৭।০২৬।০৪

আগ্ম॒ন্নাপ॑ উশ॒তীর্ব॒র্হিরেদং ন্য॑ধ্ব॒রে অ॑সদন্দেব॒য়ন্তীঃ॑ । অধ্ব॑র্যবঃ সুনু॒তেন্দ্রা॑য়॒ সোম॒মভূ॑দু বঃ সু॒শকা॑ দেবয়॒জ্যা ॥ ১০।০৩০।১৫, ৭।৭।০২৬।০৫

৮১। ঘর্ম সূক্তং

ঘর্মেতি দশর্চস্য সূক্তস্য বৈরূপঃ সঘ্নির্বিশ্বেদেবাস্ত্রিষ্টুষ্চতুর্থীজগতী । ( তাপসোঘর্মোবাঋষিঃ) ।

ঘ॒র্মা সম॑ন্তা ত্রি॒বৃতং॒ ব্যা॑পতু॒স্তয়ো॒র্জুষ্টিং॑ মাত॒রিশ্বা॑ জগাম । দি॒বস্পয়ো॒ দিধি॑ষাণা অবেষন্বি॒দুর্দে॒বাঃ স॒হসা॑মানম॒র্কম্ ॥ ১০।১১৪।০১, ৮।৬।০১৬।০১

তি॒স্রো দে॒ষ্ট্রায়॒ নির্ঋ॑তী॒রুপা॑সতে দীর্ঘ॒শ্রুতো॒ বি হি জা॒নন্তি॒ বহ্ন॑য়ঃ । তাসাং॒ নি চি॑ক্যুঃ ক॒বয়ো॑ নি॒দানং॒ পরে॑ষু॒ যা গুহ্যে॑ষু ব্র॒তেষু॑ ॥ ১০।১১৪।০২, ৮।৬।০১৬।০২

চতু॑ষ্কপর্দা যুব॒তিঃ সু॒পেশা॑ ঘৃ॒তপ্র॑তীকা ব॒য়ুনা॑নি বস্তে । তস্যাং॑ সুপ॒র্ণা বৃষ॑ণা॒ নি ষে॑দতু॒র্যত্র॑ দে॒বা দ॑ধি॒রে ভা॑গ॒ধেয়॑ম্ ॥ ১০।১১৪।০৩, ৮।৬।০১৬।০৩

একঃ॑ সুপ॒র্ণঃ স স॑মু॒দ্রমা বি॑বেশ॒ স ই॒দং বিশ্বং॒ ভুব॑নং॒ বি চ॑ষ্টে । তং পাকে॑ন॒ মন॑সাপশ্য॒মন্তি॑ত॒স্তং মা॒তা রে॑ল়্হি॒ স উ॑ রেল়্হি মা॒তর॑ম্ ॥ ১০।১১৪।০৪, ৮।৬।০১৬।০৪

সু॒প॒র্ণং বিপ্রাঃ॑ ক॒বয়ো॒ বচো॑ভি॒রেকং॒ সন্তং॑ বহু॒ধা ক॑ল্পয়ন্তি । ছন্দাং॑সি চ॒ দধ॑তো অধ্ব॒রেষু॒ গ্রহা॒ন্ত্সোম॑স্য মিমতে॒ দ্বাদ॑শ ॥ ১০।১১৪।০৫, ৮।৬।০১৬।০৫

ষ॒ট্ত্রিং॒শাঁশ্চ॑ চ॒তুরঃ॑ ক॒ল্পয়॑ন্ত॒শ্ছন্দাং॑সি চ॒ দধ॑ত আদ্বাদ॒শম্ । য॒জ্ঞং বি॒মায়॑ ক॒বয়ো॑ মনী॒ষ ঋ॑ক্সা॒মাভ্যাং॒ প্র রথং॑ বর্তয়ন্তি ॥ ১০।১১৪।০৬, ৮।৬।০১৭।০১

চতু॑র্দশা॒ন্যে ম॑হি॒মানো॑ অস্য॒ তং ধীরা॑ বা॒চা প্র ণ॑য়ন্তি স॒প্ত । আপ্না॑নং তী॒র্থং ক ই॒হ প্র বো॑চ॒দ্যেন॑ প॒থা প্র॒পিব॑ন্তে সু॒তস্য॑ ॥ ১০।১১৪।০৭, ৮।৬।০১৭।০২

স॒হ॒স্র॒ধা প॑ঞ্চদ॒শান্যু॒ক্থা যাব॒দ্দ্যাবা॑পৃথি॒বী তাব॒দিত্তৎ । স॒হ॒স্র॒ধা ম॑হি॒মানঃ॑ স॒হস্রং॒ যাব॒দ্ব্রহ্ম॒ বিষ্ঠি॑তং॒ তাব॑তী॒ বাক্ ॥ ১০।১১৪।০৮, ৮।৬।০১৭।০৩

কশ্ছন্দ॑সাং॒ যোগ॒মা বে॑দ॒ ধীরঃ॒ কো ধিষ্ণ্যাং॒ প্রতি॒ বাচং॑ পপাদ । কমৃ॒ত্বিজা॑মষ্ট॒মং শূর॑মাহু॒র্হরী॒ ইন্দ্র॑স্য॒ নি চি॑কায়॒ কঃ স্বি॑ৎ ॥ ১০।১১৪।০৯, ৮।৬।০১৭।০৪

ভূম্যা॒ অন্তং॒ পর্যেকে॑ চরন্তি॒ রথ॑স্য ধূ॒র্ষু যু॒ক্তাসো॑ অস্থুঃ । শ্রম॑স্য দা॒য়ং বি ভ॑জন্ত্যেভ্যো য॒দা য॒মো ভব॑তি হ॒র্ম্যে হি॒তঃ ॥ ১০।১১৪।১০, ৮।৬।০১৭।০৫

৮২। পৃথিবী সূক্তং

ম॒হী দ্যৌঃ পৃ॑থি॒বী চ॑ ন ই॒মং য॒জ্ঞং মি॑মিক্ষতাম্ । পি॒পৃ॒তাং নো॒ ভরী॑মভিঃ ॥ ১।০২২।১৩, ১।২।৬।৩ {কাণ্বো মেধাতিথি । দ্যাবাপৃথিব্যৌ । গায়ত্রী}

তয়ো॒রিদ্ঘৃ॒তব॒ৎপয়ো॒ বিপ্রা॑ রিহন্তি ধী॒তিভিঃ॑ । গ॒ন্ধ॒র্বস্য॑ ধ্রু॒বে প॒দে ॥ ১।০২২।১৪, ১।২।৬।৪ {কাণ্বো মেধাতিথি । দ্যাবাপৃথিব্যৌ । গায়ত্রী}

বল়িত্থেতি তৃচস্য সূক্তস্য ভৌমোত্রিঃপৃথিব্যনুষ্টুপ্ ।

বল়ি॒ত্থা পর্ব॑তানাং খি॒দ্রং বি॑ভর্ষি পৃথিবি । প্র যা ভূমিং॑ প্রবত্বতি ম॒হ্না জি॒নোষি॑ মহিনি ॥ ৫।০৮৪।০১, ৪।৪।০২৯।০১

স্তোমা॑সস্ত্বা বিচারিণি॒ প্রতি॑ ষ্টোভন্ত্য॒ক্তুভিঃ॑ । প্র যা বাজং॒ ন হেষ॑ন্তং পে॒রুমস্য॑স্যর্জুনি ॥ ৫।০৮৪।০২, ৪।৪।০২৯।০২

দৃ॒ল়্হা চি॒দ্যা বন॒স্পতী॑ন্ক্ষ্ম॒য়া দর্ধ॒র্ষ্যোজ॑সা । যত্তে॑ অ॒ভ্রস্য॑ বি॒দ্যুতো॑ দি॒বো বর্ষ॑ন্তি বৃ॒ষ্টয়ঃ॑ ॥ ৫।০৮৪।০৩, ৪।৪।০২৯।০৩

পরিশিষ্টম্ [ঋগ্বেদ মণ্ডল ৫, ৮৪ সূক্তস্যানন্তরং][ঋগ্বেদ অষ্টক ৪, অধ্যায় ৪, ২৯ বর্গানন্তরং]

বর্ষ॑ন্তু তে বিভাবরি- দি॒বো অ॒ভ্রস্য॑ বি॒দ্যুতঃ॑। রোহ॑ন্তু॒ সর্ব॑বীজা॒।-ন্যব॑ ব্রহ্ম॒দ্বিষো॑ জহি॥ ইতি পরিশিষ্টম্॥

৮৩। ক্ষেত্রপতি সূক্তং

ক্ষেত্রস্যেত্যষ্টর্চস্য সূক্তস্য গৌতমোবামদেব আদ্যানান্তিসৃণাং ক্ষেত্রপতির্দেবতা চতুর্থ্যাঃশুনঃ পঞ্চম্যষ্টম্যোঃ শুনাসীরৌ ষষ্ঠীসপ্তম্যোঃ সীতা আদ্যাচতুর্থীষষ্ঠীসপ্তম্যোনুষ্টুভঃ পঞ্চমীপুরউষ্ণিক্ শেষাস্ত্রিষ্টুভঃ (অত্রচতুর্থ্যাঃ শুনোঽদন্তঃ । তথাশুনাসীরাবিত্যত্র কেচিদ্বায়্বাদিত্যা বিত্যুঞ্চারয়ন্তিতন্নচতুরস্রং যতঃ বায়ুঃ শুনঃ সূর্য এবাত্রসীরঃ শুনাসীরৌবায়ুসূর্যোবদন্তি । শুনাসীরংয়াস্কইন্দ্রতুমেনে সূর্যেদ্রৌ তৌমন্যতেশাকপূর্ণি রিতিশুনাসীরস্বরূপেশৌনকেনাচার্যমতদর্শনব্যাজেনবৈবিধ্যম্প্রতিপাদিতং তস্মাৎপ্রকৃতিভূতশুনাসীরশব্দেনোচ্চারণংয়ুক্তং) ।

ক্ষেত্র॑স্য॒ পতি॑না ব॒য়ং হি॒তেনে॑ব জয়ামসি । গামশ্বং॑ পোষয়ি॒ত্ন্বা স নো॑ মৃল়াতী॒দৃশে॑ ॥ ৪।০৫৭।০১, ৩।৮।৯।১

ক্ষেত্র॑স্য পতে॒ মধু॑মন্তমূ॒র্মিং ধে॒নুরি॑ব॒ পয়ো॑ অ॒স্মাসু॑ ধুক্ষ্ব । ম॒ধু॒শ্চুতং॑ ঘৃ॒তমি॑ব॒ সুপূ॑তমৃ॒তস্য॑ নঃ॒ পত॑য়ো মৃল়য়ন্তু ॥ ৪।০৫৭।০২, ৩।৮।৯।২

মধু॑মতী॒রোষ॑ধী॒র্দ্যাব॒ আপো॒ মধু॑মন্নো ভবত্ব॒ন্তরি॑ক্ষম্ । ক্ষেত্র॑স্য॒ পতি॒র্মধু॑মান্নো অ॒স্ত্বরি॑ষ্যন্তো॒ অন্বে॑নং চরেম ॥ ৪।০৫৭।০৩, ৩।৮।৯।৩

শু॒নং বা॒হাঃ শু॒নং নরঃ॑ শু॒নং কৃ॑ষতু॒ লাঙ্গ॑লম্ । শু॒নং ব॑র॒ত্রা ব॑ধ্যন্তাং শু॒নমষ্ট্রা॒মুদি॑ঙ্গয় ॥ ৪।০৫৭।০৪, ৩।৮।৯।৪

শুনা॑সীরাবি॒মাং বাচং॑ জুষেথাং॒ যদ্দি॒বি চ॒ক্রথুঃ॒ পয়ঃ॑ । তেনে॒মামুপ॑ সিঞ্চতম্ ॥ ৪।০৫৭।০৫, ৩।৮।৯।৫

অ॒র্বাচী॑ সুভগে ভব॒ সীতে॒ বন্দা॑মহে ত্বা । যথা॑ নঃ সু॒ভগাস॑সি॒ যথা॑ নঃ সু॒ফলাস॑সি ॥ ৪।০৫৭।০৬, ৩।৮।৯।৬

ইন্দ্রঃ॒ সীতাং॒ নি গৃ॑হ্ণাতু॒ তাং পূ॒ষানু॑ যচ্ছতু । সা নঃ॒ পয়॑স্বতী দুহা॒মুত্ত॑রামুত্তরাং॒ সমা॑ম্ ॥ ৪।০৫৭।০৭, ৩।৮।৯।৭

শু॒নং নঃ॒ ফালা॒ বি কৃ॑ষন্তু॒ ভূমিং॑ শু॒নং কী॒নাশা॑ অ॒ভি য॑ন্তু বা॒হৈঃ । শু॒নং প॒র্জন্যো॒ মধু॑না॒ পয়ো॑ভিঃ॒ শুনা॑সীরা শু॒নম॒স্মাসু॑ ধত্তম্ ॥ ৪।০৫৭।০৮, ৩।৮।৯।৮

৮৪। যে যজ্ঞেনেতি সূক্তং

যেয়জ্ঞেনেত্যেকাদশর্চস্য সূক্তস্য মানবোনাভানেদিষ্ঠো বিশ্বেদেবাঃ প্রনূনমিত্যাদিচতসৃণাং সাবর্ণির্জগতী পঞ্চম্যষ্টমীনবম্যোনুষ্টুভঃ ষষ্টী বৃহতী সপ্তমীসতোবৃহতী দশমীগায়ত্রী অন্ত্যাত্রিষ্টুপ্ (ভেদপক্ষে - অঙ্গিরসঃ ৬ বিশ্বেদেবাঃ ১ সাবর্ণিঃ ৪ এবং ১১ । অঙ্গিরসোনুক্রমণ্যাম্পাক্ষিকাউক্তাঃ) । যেয়জ্ঞেনেতিচতসৃণাং ত্রিষ্টুপ্ ছন্দস্ত্বং কশ্চিদ্ভূতেতদ্বহুবিরুদ্ধং । বিরোধাস্তু - ষল়ঙ্গিরসাং স্তুতির্বান্ত্যাত্রিষ্টুবিত্যনুক্রমাচ্ছেষ জগত্যইতি পরিভাষাব্যাঘাত একঃ । তাসাং ত্রিষ্টুপ্ ছন্দস্ত্বেনাদেশপরিভাষয়াতাসামন্ত্যায়াশ্চত্রিষ্টুব্বে সিদ্ধেত্যাত্রিষ্টুবিতি সিদ্ধানুবাদলক্ষণদোষা বিষ্করণদ্বিতীয়ঃ । দশমীত্বস্য গায়ত্রী জগত্যন্যাবিনোত্তমামিতি শৌনকবচনাজ্ঞানেনস্বেচ্ছয়াব্যাখ্যানমিতি তৃতীয়শ্চেতি) ।

যে য॒জ্ঞেন॒ দক্ষি॑ণয়া॒ সম॑ক্তা॒ ইন্দ্র॑স্য স॒খ্যম॑মৃত॒ত্বমা॑ন॒শ । তেভ্যো॑ ভ॒দ্রম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০১, ৮।২।১।১

য উ॒দাজ॑ন্পি॒তরো॑ গো॒ময়ং॒ বস্বৃ॒তেনাভি॑ন্দন্পরিবৎস॒রে ব॒লম্ । দী॒র্ঘা॒য়ু॒ত্বম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০২, ৮।২।১।২

য ঋ॒তেন॒ সূর্য॒মারো॑হয়ন্দি॒ব্যপ্র॑থয়ন্পৃথি॒বীং মা॒তরং॒ বি । সু॒প্র॒জা॒স্ত্বম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০৩, ৮।২।১।৩

অ॒য়ং নাভা॑ বদতি ব॒ল্গু বো॑ গৃ॒হে দেব॑পুত্রা ঋষয়॒স্তচ্ছৃ॑ণোতন । সু॒ব্র॒হ্ম॒ণ্যম॑ঙ্গিরসো বো অস্তু॒ প্রতি॑ গৃভ্ণীত মান॒বং সু॑মেধসঃ ॥ ১০।০৬২।০৪, ৮।২।১।৪

বিরূ॑পাস॒ ইদৃষ॑য়॒স্ত ইদ্গ॑ম্ভী॒রবে॑পসঃ । তে অঙ্গি॑রসঃ সূ॒নব॒স্তে অ॒গ্নেঃ পরি॑ জজ্ঞিরে ॥ ১০।০৬২।০৫, ৮।২।১।৫

যে অ॒গ্নেঃ পরি॑ জজ্ঞি॒রে বিরূ॑পাসো দি॒বস্পরি॑ । নব॑গ্বো॒ নু দশ॑গ্বো॒ অঙ্গি॑রস্তমঃ॒ সচা॑ দে॒বেষু॑ মংহতে ॥ ১০।০৬২।০৬, ৮।২।২।১

ইন্দ্রে॑ণ যু॒জা নিঃ সৃ॑জন্ত বা॒ঘতো॑ ব্র॒জং গোম॑ন্তম॒শ্বিন॑ম্ । স॒হস্রং॑ মে॒ দদ॑তো অষ্টক॒র্ণ্য১॒॑ঃ শ্রবো॑ দে॒বেষ্ব॑ক্রত ॥ ১০।০৬২।০৭, ৮।২।২।২

প্র নূ॒নং জা॑য়তাম॒য়ং মনু॒স্তোক্মে॑ব রোহতু । যঃ স॒হস্রং॑ শ॒তাশ্বং॑ স॒দ্যো দা॒নায়॒ মংহ॑তে ॥ ১০।০৬২।০৮, ৮।২।২।৩

ন তম॑শ্নোতি॒ কশ্চ॒ন দি॒ব ই॑ব॒ সান্বা॒রভ॑ম্ । সা॒ব॒র্ণ্যস্য॒ দক্ষি॑ণা॒ বি সিন্ধু॑রিব পপ্রথে ॥ ১০।০৬২।০৯, ৮।২।২।৪

উ॒ত দা॒সা প॑রি॒বিষে॒ স্মদ্দি॑ষ্টী॒ গোপ॑রীণসা । যদু॑স্তু॒র্বশ্চ॑ মামহে ॥ ১০।০৬২।১০, ৮।২।২।৫

স॒হ॒স্র॒দা গ্রা॑ম॒ণীর্মা রি॑ষ॒ন্মনুঃ॒ সূর্যে॑ণাস্য॒ যত॑মানৈতু॒ দক্ষি॑ণা । সাব॑র্ণের্দে॒বাঃ প্র তি॑র॒ন্ত্বায়ু॒র্যস্মি॒ন্নশ্রা॑ন্তা॒ অস॑নাম॒ বাজ॑ম্ ॥ ১০।০৬২।১১, ৮।২।২।৬

৮৫। মৃত্যু সূক্তং

পরংমৃত্যোইতি চতুর্দশর্চস্য সূক্তস্য যামায়নঃ সঙ্কুসুকঃ আদ্যানাঞ্চতসৃণাংমৃত্যুঃ পঞ্চম্যাধাতা ষষ্ঠ্যাস্ত্বষ্টা শিষ্টানাং পিতৃমেধাস্ত্রিষ্টুপ্ একাদশীপ্রস্তারপঙ্ক্তিঃ ত্রয়োদশীজগত্যন্ত্যেনুষ্টুভৌ (অন্ত্যায়াঃ প্রজাপতির্বাদেবতা) ।

পরং॑ মৃত্যো॒ অনু॒ পরে॑হি॒ পন্থাং॒ যস্তে॒ স্ব ইত॑রো দেব॒য়ানা॑ৎ । চক্ষু॑ষ্মতে শৃণ্ব॒তে তে॑ ব্রবীমি॒ মা নঃ॑ প্র॒জাং রী॑রিষো॒ মোত বী॒রান্ ॥ ১০।০১৮।০১, ৭।৬।০২৬।০১

মৃ॒ত্যোঃ প॒দং যো॒পয়॑ন্তো॒ যদৈত॒ দ্রাঘী॑য়॒ আয়ুঃ॑ প্রত॒রং দধা॑নাঃ । আ॒প্যায়॑মানাঃ প্র॒জয়া॒ ধনে॑ন শু॒দ্ধাঃ পূ॒তা ভ॑বত যজ্ঞিয়াসঃ ॥ ১০।০১৮।০২, ৭।৬।০২৬।০২

ই॒মে জী॒বা বি মৃ॒তৈরাব॑বৃত্র॒ন্নভূ॑দ্ভ॒দ্রা দে॒বহূ॑তির্নো অ॒দ্য । প্রাঞ্চো॑ অগাম নৃ॒তয়ে॒ হসা॑য়॒ দ্রাঘী॑য়॒ আয়ুঃ॑ প্রত॒রং দধা॑নাঃ ॥ ১০।০১৮।০৩, ৭।৬।০২৬।০৩

ই॒মং জী॒বেভ্যঃ॑ পরি॒ধিং দ॑ধামি॒ মৈষাং॒ নু গা॒দপ॑রো॒ অর্থ॑মে॒তম্ । শ॒তং জী॑বন্তু শ॒রদঃ॑ পুরূ॒চীর॒ন্তর্মৃ॒ত্যুং দ॑ধতাং॒ পর্ব॑তেন ॥ ১০।০১৮।০৪, ৭।৬।০২৬।০৪

যথাহা॑ন্যনুপূ॒র্বং ভব॑ন্তি॒ যথ॑ ঋ॒তব॑ ঋ॒তুভি॒র্যন্তি॑ সা॒ধু । যথা॒ ন পূর্ব॒মপ॑রো॒ জহা॑ত্যে॒বা ধা॑ত॒রায়ূং॑ষি কল্পয়ৈষাম্ ॥ ১০।০১৮।০৫, ৭।৬।০২৬।০৫

আ রো॑হ॒তায়ু॑র্জ॒রসং॑ বৃণা॒না অ॑নুপূ॒র্বং যত॑মানা॒ যতি॒ ষ্ঠ । ই॒হ ত্বষ্টা॑ সু॒জনি॑মা স॒জোষা॑ দী॒র্ঘমায়ুঃ॑ করতি জী॒বসে॑ বঃ ॥ ১০।০১৮।০৬, ৭।৬।০২৭।০১

ই॒মা নারী॑রবিধ॒বাঃ সু॒পত্নী॒রাঞ্জ॑নেন স॒র্পিষা॒ সং বি॑শন্তু । অ॒ন॒শ্রবো॑ঽনমী॒বাঃ সু॒রত্না॒ আ রো॑হন্তু॒ জন॑য়ো॒ যোনি॒মগ্রে॑ ॥ ১০।০১৮।০৭, ৭।৬।০২৭।০২

উদী॑র্ষ্ব নার্য॒ভি জী॑বলো॒কং গ॒তাসু॑মে॒তমুপ॑ শেষ॒ এহি॑ । হ॒স্ত॒গ্রা॒ভস্য॑ দিধি॒ষোস্তবে॒দং পত্যু॑র্জনি॒ত্বম॒ভি সং ব॑ভূথ ॥ ১০।০১৮।০৮, ৭।৬।০২৭।০৩

ধনু॒র্হস্তা॑দা॒দদা॑নো মৃ॒তস্যা॒স্মে ক্ষ॒ত্রায়॒ বর্চ॑সে॒ বলা॑য় । অত্রৈ॒ব ত্বমি॒হ ব॒য়ং সু॒বীরা॒ বিশ্বাঃ॒ স্পৃধো॑ অ॒ভিমা॑তীর্জয়েম ॥ ১০।০১৮।০৯, ৭।৬।০২৭।০৪

উপ॑ সর্প মা॒তরং॒ ভূমি॑মে॒তামু॑রু॒ব্যচ॑সং পৃথি॒বীং সু॒শেবা॑ম্ । ঊর্ণ॑ম্রদা যুব॒তির্দক্ষি॑ণাবত এ॒ষা ত্বা॑ পাতু॒ নির্ঋ॑তেরু॒পস্থা॑ৎ ॥ ১০।০১৮।১০, ৭।৬।০২৭।০৫

উচ্ছ্ব॑ঞ্চস্ব পৃথিবি॒ মা নি বা॑ধথাঃ সূপায়॒নাস্মৈ॑ ভব সূপবঞ্চ॒না । মা॒তা পু॒ত্রং যথা॑ সি॒চাভ্যে॑নং ভূম ঊর্ণুহি ॥ ১০।০১৮।১১, ৭।৬।০২৮।০১

উ॒চ্ছ্বঞ্চ॑মানা পৃথি॒বী সু তি॑ষ্ঠতু স॒হস্রং॒ মিত॒ উপ॒ হি শ্রয়॑ন্তাম্ । তে গৃ॒হাসো॑ ঘৃত॒শ্চুতো॑ ভবন্তু বি॒শ্বাহা॑স্মৈ শর॒ণাঃ স॒ন্ত্বত্র॑ ॥ ১০।০১৮।১২, ৭।৬।০২৮।০২

উত্তে॑ স্তভ্নামি পৃথি॒বীং ত্বৎপরী॒মং লো॒গং নি॒দধ॒ন্মো অ॒হং রি॑ষম্ । এ॒তাং স্থূণাং॑ পি॒তরো॑ ধারয়ন্তু॒ তেঽত্রা॑ য॒মঃ সাদ॑না তে মিনোতু ॥ ১০।০১৮।১৩, ৭।৬।০২৮।০৩

প্র॒তী॒চীনে॒ মামহ॒নীষ্বাঃ॑ প॒র্ণমি॒বা দ॑ধুঃ । প্র॒তীচীং॑ জগ্রভা॒ বাচ॒মশ্বং॑ রশ॒নয়া॑ যথা ॥ ১০।০১৮।১৪, ৭।৬।০২৮।০৪

৮৬। পৈতৃকং সূক্তং

উদীরতামিতি চতুর্দশর্চস্য সূক্তস্য যামায়নঃ শঙ্খঃ পিতরস্ত্রিষ্টুপ্ একাদশীজগতী ।

উদী॑রতা॒মব॑র॒ উৎপরা॑স॒ উন্ম॑ধ্য॒মাঃ পি॒তরঃ॑ সো॒ম্যাসঃ॑ । অসুং॒ য ঈ॒য়ুর॑বৃ॒কা ঋ॑ত॒জ্ঞাস্তে নো॑ঽবন্তু পি॒তরো॒ হবে॑ষু ॥ ১০।০১৫।০১, ৭।৬।০১৭।০১

ই॒দং পি॒তৃভ্যো॒ নমো॑ অস্ত্ব॒দ্য যে পূর্বা॑সো॒ য উপ॑রাস ঈ॒য়ুঃ । যে পার্থি॑বে॒ রজ॒স্যা নিষ॑ত্তা॒ যে বা॑ নূ॒নং সু॑বৃ॒জনা॑সু বি॒ক্ষু ॥ ১০।০১৫।০২, ৭।৬।০১৭।০২

আহং পি॒তৄন্ত্সু॑বি॒দত্রাঁ॑ অবিৎসি॒ নপা॑তং চ বি॒ক্রম॑ণং চ॒ বিষ্ণোঃ॑ । ব॒র্হি॒ষদো॒ যে স্ব॒ধয়া॑ সু॒তস্য॒ ভজ॑ন্ত পি॒ত্বস্ত ই॒হাগ॑মিষ্ঠাঃ ॥ ১০।০১৫।০৩, ৭।৬।০১৭।০৩

বর্হি॑ষদঃ পিতর ঊ॒ত্য১॒॑র্বাগি॒মা বো॑ হ॒ব্যা চ॑কৃমা জু॒ষধ্ব॑ম্ । ত আ গ॒তাব॑সা॒ শন্ত॑মে॒নাথা॑ নঃ॒ শং যোর॑র॒পো দ॑ধাত ॥ ১০।০১৫।০৪, ৭।৬।০১৭।০৪

উপ॑হূতাঃ পি॒তরঃ॑ সো॒ম্যাসো॑ বর্হি॒ষ্যে॑ষু নি॒ধিষু॑ প্রি॒য়েষু॑ । ত আ গ॑মন্তু॒ ত ই॒হ শ্রু॑ব॒ন্ত্বধি॑ ব্রুবন্তু॒ তে॑ঽবন্ত্ব॒স্মান্ ॥ ১০।০১৫।০৫, ৭।৬।০১৭।০৫

আচ্যা॒ জানু॑ দক্ষিণ॒তো নি॒ষদ্যে॒মং য॒জ্ঞম॒ভি গৃ॑ণীত॒ বিশ্বে॑ । মা হিং॑সিষ্ট পিতরঃ॒ কেন॑ চিন্নো॒ যদ্ব॒ আগঃ॑ পুরু॒ষতা॒ করা॑ম ॥ ১০।০১৫।০৬, ৭।৬।০১৮।০১

আসী॑নাসো অরু॒ণীনা॑মু॒পস্থে॑ র॒য়িং ধ॑ত্ত দা॒শুষে॒ মর্ত্যা॑য় । পু॒ত্রেভ্যঃ॑ পিতর॒স্তস্য॒ বস্বঃ॒ প্র য॑চ্ছত॒ ত ই॒হোর্জং॑ দধাত ॥ ১০।০১৫।০৭, ৭।৬।০১৮।০২

যে নঃ॒ পূর্বে॑ পি॒তরঃ॑ সো॒ম্যাসো॑ঽনূহি॒রে সো॑মপী॒থং বসি॑ষ্ঠাঃ । তেভি॑র্য॒মঃ সং॑ররা॒ণো হ॒বীংষ্যু॒শন্নু॒শদ্ভিঃ॑ প্রতিকা॒মম॑ত্তু ॥ ১০।০১৫।০৮, ৭।৬।০১৮।০৩

যে তা॑তৃ॒ষুর্দে॑ব॒ত্রা জেহ॑মানা হোত্রা॒বিদঃ॒ স্তোম॑তষ্টাসো অ॒র্কৈঃ । আগ্নে॑ যাহি সুবি॒দত্রে॑ভির॒র্বাঙ্স॒ত্যৈঃ ক॒ব্যৈঃ পি॒তৃভি॑র্ঘর্ম॒সদ্ভিঃ॑ ॥ ১০।০১৫।০৯, ৭।৬।০১৮।০৪

যে স॒ত্যাসো॑ হবি॒রদো॑ হবি॒ষ্পা ইন্দ্রে॑ণ দে॒বৈঃ স॒রথং॒ দধা॑নাঃ । আগ্নে॑ যাহি স॒হস্রং॑ দেবব॒ন্দৈঃ পরৈঃ॒ পূর্বৈঃ॑ পি॒তৃভি॑র্ঘর্ম॒সদ্ভিঃ॑ ॥ ১০।০১৫।১০, ৭।৬।০১৮।০৫

অগ্নি॑ষ্বাত্তাঃ পিতর॒ এহ গ॑চ্ছত॒ সদঃ॑সদঃ সদত সুপ্রণীতয়ঃ । অ॒ত্তা হ॒বীংষি॒ প্রয়॑তানি ব॒র্হিষ্যথা॑ র॒য়িং সর্ব॑বীরং দধাতন ॥ ১০।০১৫।১১, ৭।৬।০১৯।০১

ত্বম॑গ্ন ঈল়ি॒তো জা॑তবে॒দোঽবা॑ড্ঢ॒ব্যানি॑ সুর॒ভীণি॑ কৃ॒ত্বী । প্রাদাঃ॑ পি॒তৃভ্যঃ॑ স্ব॒ধয়া॒ তে অ॑ক্ষন্ন॒দ্ধি ত্বং দে॑ব॒ প্রয়॑তা হ॒বীংষি॑ ॥ ১০।০১৫।১২, ৭।৬।০১৯।০২

যে চে॒হ পি॒তরো॒ যে চ॒ নেহ যাঁশ্চ॑ বি॒দ্ম যাঁ উ॑ চ॒ ন প্র॑বি॒দ্ম । ত্বং বে॑ত্থ॒ যতি॒ তে জা॑তবেদঃ স্ব॒ধাভি॑র্য॒জ্ঞং সুকৃ॑তং জুষস্ব ॥ ১০।০১৫।১৩, ৭।৬।০১৯।০৩

যে অ॑গ্নিদ॒গ্ধা যে অন॑গ্নিদগ্ধা॒ মধ্যে॑ দি॒বঃ স্ব॒ধয়া॑ মা॒দয়॑ন্তে । তেভিঃ॑ স্ব॒রাল়সু॑নীতিমে॒তাং য॑থাব॒শং ত॒ন্বং॑ কল্পয়স্ব ॥ ১০।০১৫।১৪, ৭।৬।০১৯।০৪

৮৭। অরণ্য সূক্তং

অরণ্যানীতি ষডৃচস্য সূক্তস্যৈরংমদোদেবমুনিররণ্যান্যনুষ্টুপ্ ।

অর॑ণ্যা॒ন্যর॑ণ্যান্য॒সৌ যা প্রেব॒ নশ্য॑সি । ক॒থা গ্রামং॒ ন পৃ॑চ্ছসি॒ ন ত্বা॒ ভীরি॑ব বিন্দতীঁ৩ ॥ ১০।১৪৬।০১, ৮।৮।৪।১

বৃ॒ষা॒র॒বায়॒ বদ॑তে॒ যদু॒পাব॑তি চিচ্চি॒কঃ । আ॒ঘা॒টিভি॑রিব ধা॒বয়॑ন্নরণ্যা॒নির্ম॑হীয়তে ॥ ১০।১৪৬।০২, ৮।৮।৪।২

উ॒ত গাব॑ ইবাদন্ত্যু॒ত বেশ্মে॑ব দৃশ্যতে । উ॒তো অ॑রণ্যা॒নিঃ সা॒য়ং শ॑ক॒টীরি॑ব সর্জতি ॥ ১০।১৪৬।০৩, ৮।৮।৪।৩

গাম॒ঙ্গৈষ আ হ্ব॑য়তি॒ দার্ব॒ঙ্গৈষো অপা॑বধীৎ । বস॑ন্নরণ্যা॒ন্যাং সা॒য়মক্রু॑ক্ষ॒দিতি॑ মন্যতে ॥ ১০।১৪৬।০৪, ৮।৮।৪।৪

ন বা অ॑রণ্যা॒নির্হ॑ন্ত্য॒ন্যশ্চেন্নাভি॒গচ্ছ॑তি । স্বা॒দোঃ ফল॑স্য জ॒গ্ধ্বায়॑ যথা॒কামং॒ নি প॑দ্যতে ॥ ১০।১৪৬।০৫, ৮।৮।৪।৫

আঞ্জ॑নগন্ধিং সুর॒ভিং ব॑হ্ব॒ন্নামকৃ॑ষীবলাম্ । প্রাহং মৃ॒গাণাং॑ মা॒তর॑মরণ্যা॒নিম॑শংসিষম্ ॥ ১০।১৪৬।০৬, ৮।৮।৪।৬

৮৮। মন আবর্তন সূক্তং

যত্তেয়মমিতি দ্বাদশর্চস্য সূক্তস্য গৌপায়নাবন্ধুঃ শ্রুতবন্ধুর্বিপ্রবন্ধুর্মনোনুষ্টুপ্ ।

যত্তে॑ য॒মং বৈ॑বস্ব॒তং মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০১, ৮।১।০২০।০১

যত্তে॒ দিবং॒ যৎপৃ॑থি॒বীং মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০২, ৮।১।০২০।০২

যত্তে॒ ভূমিং॒ চতু॑র্ভৃষ্টিং॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৩, ৮।১।০২০।০৩

যত্তে॒ চত॑স্রঃ প্র॒দিশো॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৪, ৮।১।০২০।০৪

যত্তে॑ সমু॒দ্রম॑র্ণ॒বং মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৫, ৮।১।০২০।০৫

যত্তে॒ মরী॑চীঃ প্র॒বতো॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৬, ৮।১।০২০।০৬

যত্তে॑ অ॒পো যদোষ॑ধী॒র্মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৭, ৮।১।০২১।০১

যত্তে॒ সূর্যং॒ যদু॒ষসং॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৮, ৮।১।০২১।০২

যত্তে॒ পর্ব॑তান্বৃহ॒তো মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।০৯, ৮।১।০২১।০৩

যত্তে॒ বিশ্ব॑মি॒দং জগ॒ন্মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।১০, ৮।১।০২১।০৪

যত্তে॒ পরাঃ॑ পরা॒বতো॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।১১, ৮।১।০২১।০৫

যত্তে॑ ভূ॒তং চ॒ ভব্যং॑ চ॒ মনো॑ জ॒গাম॑ দূর॒কম্ । তত্ত॒ আ ব॑র্তয়ামসী॒হ ক্ষয়া॑য় জী॒বসে॑ ॥ ১০।০৫৮।১২, ৮।১।০২১।০৬

৮৯। মায়া সূক্তং

পতঙ্গমিতি তৃচস্য সূক্তস্য প্রাজাপত্যঃ পতঙ্গোমায়াভেদস্ত্রিষ্টুপ্ আদ্যাজগতী ।

প॒তঙ্॒গম॒ক্তমসু॑রস্য মা॒য়যা॑ হৃ॒দা প॑শ্যন্তি॒ মন॑সা বিপ॒শ্চিতঃ॑ । স॒মু॒দ্রে অ॒ন্তঃ ক॒বয়ো॒ বি চ॑ক্ষতে॒ মরী॑চীনাং প॒দমি॑চ্ছন্তি বে॒ধসঃ॑ ॥ ১০।১৭৭।০১, ৮।৮।০৩৫।০১

প॒তঙ্॒গো বাচং॒ মন॑সা বিভর্তি॒ তাং গ॑ন্ধ॒র্বো॑ঽবদ॒দ্গর্ভে॑ অ॒ন্তঃ । তাং দ্যোত॑মানাং স্ব॒র্যং॑ মনী॒ষামৃ॒তস্য॑ প॒দে ক॒বয়ো॒ নি পা॑ন্তি ॥ ১০।১৭৭।০২, ৮।৮।০৩৫।০২

অপ॑শ্যং গো॒পামনি॑পদ্যমান॒মা চ॒ পরা॑ চ প॒থিভি॒শ্চর॑ন্তম্ । স স॒ধ্রীচীঃ॒ স বিষূ॑চী॒র্বসা॑ন॒ আ ব॑রীবর্তি॒ ভুব॑নেষ্ব॒ন্তঃ ॥ ১০।১৭৭।০৩, ৮।৮।০৩৫।০৩

৯০। দক্ষিণা সূক্তং

আবিরিত্যেকা দশর্চস্য সূক্তস্যাঙ্গিরসোদিব্যোদক্ষিণাত্রিষ্টুপ্ চতুর্থীজগতী । (প্রাজাপত্যাদক্ষিণানামগ্নিরৃষিকা বা দক্ষিণাদাতারোবা দেবতা) ।

আ॒বির॑ভূ॒ন্মহি॒ মাঘো॑নমেষাং॒ বিশ্বং॑ জী॒বং তম॑সো॒ নির॑মোচি । মহি॒ জ্যোতিঃ॑ পি॒তৃভি॑র্দ॒ত্তমাগা॑দু॒রুঃ পন্থা॒ দক্ষি॑ণায়া অদর্শি ॥ ১০।১০৭।০১, ৮।৬।৩।১

উ॒চ্চা দি॒বি দক্ষি॑ণাবন্তো অস্থু॒র্যে অ॑শ্ব॒দাঃ স॒হ তে সূর্যে॑ণ । হি॒র॒ণ্য॒দা অ॑মৃত॒ত্বং ভ॑জন্তে বাসো॒দাঃ সো॑ম॒ প্র তি॑রন্ত॒ আয়ুঃ॑ ॥ ১০।১০৭।০২, ৮।৬।৩।২

দৈবী॑ পূ॒র্তির্দক্ষি॑ণা দেবয়॒জ্যা ন ক॑বা॒রিভ্যো॑ ন॒হি তে পৃ॒ণন্তি॑ । অথা॒ নরঃ॒ প্রয়॑তদক্ষিণাসোঽবদ্যভি॒য়া ব॒হবঃ॑ পৃণন্তি ॥ ১০।১০৭।০৩, ৮।৬।৩।৩

শ॒তধা॑রং বা॒য়ুম॒র্কং স্ব॒র্বিদং॑ নৃ॒চক্ষ॑স॒স্তে অ॒ভি চ॑ক্ষতে হ॒বিঃ । যে পৃ॒ণন্তি॒ প্র চ॒ যচ্ছ॑ন্তি সঙ্গ॒মে তে দক্ষি॑ণাং দুহতে স॒প্তমা॑তরম্ ॥ ১০।১০৭।০৪, ৮।৬।৩।৪

দক্ষি॑ণাবান্প্রথ॒মো হূ॒ত এ॑তি॒ দক্ষি॑ণাবান্গ্রাম॒ণীরগ্র॑মেতি । তমে॒ব ম॑ন্যে নৃ॒পতিং॒ জনা॑নাং॒ যঃ প্র॑থ॒মো দক্ষি॑ণামাবি॒বায়॑ ॥ ১০।১০৭।০৫, ৮।৬।৩।৫

তমে॒ব ঋষিং॒ তমু॑ ব্র॒হ্মাণ॑মাহুর্যজ্ঞ॒ন্যং॑ সাম॒গামু॑ক্থ॒শাস॑ম্ । স শু॒ক্রস্য॑ ত॒ন্বো॑ বেদ তি॒স্রো যঃ প্র॑থ॒মো দক্ষি॑ণয়া র॒রাধ॑ ॥ ১০।১০৭।০৬, ৮।৬।৪।১

দক্ষি॒ণাশ্বং॒ দক্ষি॑ণা॒ গাং দ॑দাতি॒ দক্ষি॑ণা চ॒ন্দ্রমু॒ত যদ্ধির॑ণ্যম্ । দক্ষি॒ণান্নং॑ বনুতে॒ যো ন॑ আ॒ত্মা দক্ষি॑ণাং॒ বর্ম॑ কৃণুতে বিজা॒নন্ ॥ ১০।১০৭।০৭, ৮।৬।৪।২

ন ভো॒জা ম॑ম্রু॒র্ন ন্য॒র্থমী॑য়ু॒র্ন রি॑ষ্যন্তি॒ ন ব্য॑থন্তে হ ভো॒জাঃ । ই॒দং যদ্বিশ্বং॒ ভুব॑নং॒ স্ব॑শ্চৈ॒তৎসর্বং॒ দক্ষি॑ণৈভ্যো দদাতি ॥ ১০।১০৭।০৮, ৮।৬।৪।৩

ভো॒জা জি॑গ্যুঃ সুর॒ভিং যোনি॒মগ্রে॑ ভো॒জা জি॑গ্যুর্ব॒ধ্বং১॒॑ যা সু॒বাসাঃ॑ । ভো॒জা জি॑গ্যুরন্তঃ॒পেয়ং॒ সুরা॑য়া ভো॒জা জি॑গ্যু॒র্যে অহূ॑তাঃ প্র॒য়ন্তি॑ ॥ ১০।১০৭।০৯, ৮।৬।৪।৪

ভো॒জায়াশ্বং॒ সং মৃ॑জন্ত্যা॒শুং ভো॒জায়া॑স্তে ক॒ন্যা॒৩॒॑ শুম্ভ॑মানা । ভো॒জস্যে॒দং পু॑ষ্ক॒রিণী॑ব॒ বেশ্ম॒ পরি॑ষ্কৃতং দেবমা॒নেব॑ চি॒ত্রম্ ॥ ১০।১০৭।১০, ৮।৬।৪।৫

ভো॒জমশ্বাঃ॑ সুষ্ঠু॒বাহো॑ বহন্তি সু॒বৃদ্রথো॑ বর্ততে॒ দক্ষি॑ণায়াঃ । ভো॒জং দে॑বাসোঽবতা॒ ভরে॑ষু ভো॒জঃ শত্রূ॑ন্ত্সমনী॒কেষু॒ জেতা॑ ॥ ১০।১০৭।১১, ৮।৬।৪।৬

৯১। ইন্দ্রং মিত্রমিতি সূক্তং

ইন্দ্রংমিত্রমিতি সপ্তর্চস্য সূক্তস্য কুৎসো বিশ্বেদেবাজগতীঅন্ত্যাত্রিষ্টুপ্ ।

ইন্দ্রং॑ মি॒ত্রং বরু॑ণম॒গ্নিমূ॒তয়ে॒ মারু॑তং॒ শর্ধো॒ অদি॑তিং হবামহে । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০১, ১।৭।০২৪।০১

ত আ॑দিত্যা॒ আ গ॑তা স॒র্বতা॑তয়ে ভূ॒ত দে॑বা বৃত্র॒তূর্যে॑ষু শ॒ম্ভুবঃ॑ । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০২, ১।৭।০২৪।০২

অব॑ন্তু নঃ পি॒তরঃ॑ সুপ্রবাচ॒না উ॒ত দে॒বী দে॒বপু॑ত্রে ঋতা॒বৃধা॑ । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০৩, ১।৭।০২৪।০৩

নরা॒শংসং॑ বা॒জিনং॑ বা॒জয়॑ন্নি॒হ ক্ষ॒য়দ্বী॑রং পূ॒ষণং॑ সু॒ম্নৈরী॑মহে । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০৪, ১।৭।০২৪।০৪

বৃহ॑স্পতে॒ সদ॒মিন্নঃ॑ সু॒গং কৃ॑ধি॒ শং যোর্যত্তে॒ মনু॑র্হিতং॒ তদী॑মহে । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০৫, ১।৭।০২৪।০৫

ইন্দ্রং॒ কুৎসো॑ বৃত্র॒হণং॒ শচী॒পতিং॑ কা॒টে নিবা॑ল়্হ॒ ঋষি॑রহ্বদূ॒তয়ে॑ । রথং॒ ন দু॒র্গাদ্ব॑সবঃ সুদানবো॒ বিশ্ব॑স্মান্নো॒ অংহ॑সো॒ নিষ্পি॑পর্তন ॥ ১।১০৬।০৬, ১।৭।০২৪।০৬

দে॒বৈর্নো॑ দে॒ব্যদি॑তি॒র্নি পা॑তু দে॒বস্ত্রা॒তা ত্রা॑য়তা॒মপ্র॑য়ুচ্ছন্ । তন্নো॑ মি॒ত্রো বরু॑ণো মামহন্তা॒মদি॑তিঃ॒ সিন্ধুঃ॑ পৃথি॒বী উ॒ত দ্যৌঃ ॥ ১।১০৬।০৭, ১।৭।০২৪।০৭

৯২। বিজয়প্রদ সূক্তং

জীমূতস্যেবেত্যেকোনবিংশত্যৃচস্য সূক্তস্য ভারদ্বাজঃ পায়ুঃ আদ্যানাংনবানাঙ্ক্রমেণ বর্মধনুর্জ্যা ধনুষ্কোটীষুধিঃ সারথী রশ্ময়োঽশ্বারথোরথগোপাঃ দশম্যাব্রাহ্মণপিতৃসোমপৃথিবীপূষাণঃ একাদশ্যাদিদ্বয়োরিষবঃ ত্রয়োদশ্যাঃ প্রতোদঃ চতুর্দশ্যাহস্তত্রাণং পঞ্চদশীষোডশ্যোরিষবঃ সপ্তদশ্যায়ুদ্ধভূমিকবচ ব্রহ্মণস্পত্যদিত্যঃ অষ্টাদশ্যাবর্মসোমবরুণাঃ অন্ত্যায়াদেবব্রহ্মাণিত্রিষ্টুপ্ । ষষ্ঠীদশম্যৌজগত্যৌ দ্বাদশীত্রয়োদশীপঞ্চদশীষোল়শ্যন্ত্যানুষ্টুভঃ সপ্তদশীপঙ্ক্তিঃ ।(ত্রয়োদশ্যাঃ প্রতোদইত্যত্রাশ্বোদেবতেতিকেচিৎ । চতুর্দশ্যাহস্তঘ্নমিত্যত্রহস্তত্রাণং চতুর্দশ্যামিতিশৌনকোক্তের্হস্তত্রাণমেবয়ুক্তং । পরাঃ পঙ্ক্ত্যাদয়োলিঙ্গোক্তদেবতা ইত্যেবমনুক্রমণ্যাংসত্যামন্ত্যযোর্দ্বয়োর্বিশ্বেদেবা ইতি কেচিন্মন্যন্তেবহুদৈবতত্বাৎ । পঞ্চদশ্যাদিদ্বয়োর্বিষাক্তমুখবাণ ইতিশৌনকঃ)।

জী॒মূত॑স্যেব ভবতি॒ প্রতী॑কং॒ যদ্ব॒র্মী যাতি॑ স॒মদা॑মু॒পস্থে॑ । অনা॑বিদ্ধয়া ত॒ন্বা॑ জয়॒ ত্বং স ত্বা॒ বর্ম॑ণো মহি॒মা পি॑পর্তু ॥ ৬।০৭৫।০১, ৫।১।০১৯।০১

ধন্ব॑না॒ গা ধন্ব॑না॒জিং জ॑য়েম॒ ধন্ব॑না তী॒ব্রাঃ স॒মদো॑ জয়েম । ধনুঃ॒ শত্রো॑রপকা॒মং কৃ॑ণোতি॒ ধন্ব॑না॒ সর্বাঃ॑ প্র॒দিশো॑ জয়েম ॥ ৬।০৭৫।০২, ৫।১।০১৯।০২

ব॒ক্ষ্যন্তী॒বেদা গ॑নীগন্তি॒ কর্ণং॑ প্রি॒য়ং সখা॑য়ং পরিষস্বজা॒না । যোষে॑ব শিঙ্ক্তে॒ বিত॒তাধি॒ ধন্ব॒ঞ্জ্যা ই॒য়ং সম॑নে পা॒রয়॑ন্তী ॥ ৬।০৭৫।০৩, ৫।১।০১৯।০৩

তে আ॒চর॑ন্তী॒ সম॑নেব॒ যোষা॑ মা॒তেব॑ পু॒ত্রং বি॑ভৃতামু॒পস্থে॑ । অপ॒ শত্রূ॑ন্বিধ্যতাং সংবিদা॒নে আর্ত্নী॑ ই॒মে বি॑ষ্ফু॒রন্তী॑ অ॒মিত্রা॑ন্ ॥ ৬।০৭৫।০৪, ৫।১।০১৯।০৪

ব॒হ্বী॒নাং পি॒তা ব॒হুর॑স্য পু॒ত্রশ্চি॒শ্চা কৃ॑ণোতি॒ সম॑নাব॒গত্য॑ । ই॒ষু॒ধিঃ সঙ্কাঃ॒ পৃত॑নাশ্চ॒ সর্বাঃ॑ পৃ॒ষ্ঠে নিন॑দ্ধো জয়তি॒ প্রসূ॑তঃ ॥ ৬।০৭৫।০৫, ৫।১।০১৯।০৫

রথে॒ তিষ্ঠ॑ন্নয়তি বা॒জিনঃ॑ পু॒রো যত্র॑য়ত্র কা॒ময়॑তে সুষার॒থিঃ । অ॒ভীশূ॑নাং মহি॒মানং॑ পনায়ত॒ মনঃ॑ প॒শ্চাদনু॑ যচ্ছন্তি র॒শ্ময়ঃ॑ ॥ ৬।০৭৫।০৬, ৫।১।০২০।০১

তী॒ব্রান্ঘোষা॑ন্কৃণ্বতে॒ বৃষ॑পাণ॒য়োঽশ্বা॒ রথে॑ভিঃ স॒হ বা॒জয়॑ন্তঃ । অ॒ব॒ক্রাম॑ন্তঃ॒ প্রপ॑দৈর॒মিত্রা॑ন্ক্ষি॒ণন্তি॒ শত্রূঁ॒রন॑পব্যযন্তঃ ॥ ৬।০৭৫।০৭, ৫।১।০২০।০২

র॒থ॒বাহ॑নং হ॒বির॑স্য॒ নাম॒ যত্রায়ু॑ধং॒ নিহি॑তমস্য॒ বর্ম॑ । তত্রা॒ রথ॒মুপ॑ শ॒গ্মং স॑দেম বি॒শ্বাহা॑ ব॒য়ং সু॑মন॒স্যমা॑নাঃ ॥ ৬।০৭৫।০৮, ৫।১।০২০।০৩

স্বা॒দু॒ষং॒সদঃ॑ পি॒তরো॑ বয়ো॒ধাঃ কৃ॑চ্ছ্রে॒শ্রিতঃ॒ শক্তী॑বন্তো গভী॒রাঃ । চি॒ত্রসে॑না॒ ইষু॑বলা॒ অমৃ॑ধ্রাঃ স॒তোবী॑রা উ॒রবো॑ ব্রাতসা॒হাঃ ॥ ৬।০৭৫।০৯, ৫।১।০২০।০৪

ব্রাহ্ম॑ণাসঃ॒ পিত॑রঃ॒ সোম্যা॑সঃ শি॒বে নো॒ দ্যাবা॑পৃথি॒বী অ॑নে॒হসা॑ । পূ॒ষা নঃ॑ পাতু দুরি॒তাদৃ॑তাবৃধো॒ রক্ষা॒ মাকি॑র্নো অ॒ঘশং॑স ঈশত ॥ ৬।০৭৫।১০, ৫।১।০২০।০৫

সু॒প॒র্ণং ব॑স্তে মৃ॒গো অ॑স্যা॒ দন্তো॒ গোভিঃ॒ সংন॑দ্ধা পততি॒ প্রসূ॑তা । যত্রা॒ নরঃ॒ সং চ॒ বি চ॒ দ্রব॑ন্তি॒ তত্রা॒স্মভ্য॒মিষ॑বঃ॒ শর্ম॑ যংসন্ ॥ ৬।০৭৫।১১, ৫।১।০২১।০১

ঋজী॑তে॒ পরি॑ বৃঙ্ধি॒ নোঽশ্মা॑ ভবতু নস্ত॒নূঃ । সোমো॒ অধি॑ ব্রবীতু॒ নোঽদি॑তিঃ॒ শর্ম॑ যচ্ছতু ॥ ৬।০৭৫।১২, ৫।১।০২১।০২

আ জ॑ঙ্ঘন্তি॒ সান্বে॑ষাং জ॒ঘনাঁ॒ উপ॑ জিঘ্নতে । অশ্বা॑জনি॒ প্রচে॑ত॒সোঽশ্বা॑ন্ত্স॒মৎসু॑ চোদয় ॥ ৬।০৭৫।১৩, ৫।১।০২১।০৩

অহি॑রিব ভো॒গৈঃ পর্যে॑তি বা॒হুং জ্যায়া॑ হে॒তিং প॑রি॒বাধ॑মানঃ । হ॒স্ত॒ঘ্নো বিশ্বা॑ ব॒য়ুনা॑নি বি॒দ্বান্পুমা॒ন্পুমাং॑সং॒ পরি॑ পাতু বি॒শ্বতঃ॑ ॥ ৬।০৭৫।১৪, ৫।১।০২১।০৪

আলা॑ক্তা॒ যা রুরু॑শী॒র্ষ্ণ্যথো॒ যস্যা॒ অয়ো॒ মুখ॑ম্ । ই॒দং প॒র্জন্য॑রেতস॒ ইষ্বৈ॑ দে॒ব্যৈ বৃ॒হন্নমঃ॑ ॥ ৬।০৭৫।১৫, ৫।১।০২১।০৫

অব॑সৃষ্টা॒ পরা॑ পত॒ শর॑ব্যে॒ ব্রহ্ম॑সংশিতে । গচ্ছা॒মিত্রা॒ন্প্র প॑দ্যস্ব॒ মামীষাং॒ কং চ॒নোচ্ছি॑ষঃ ॥ ৬।০৭৫।১৬, ৫।১।০২২।০১

যত্র॑ বা॒ণাঃ স॒ম্পত॑ন্তি কুমা॒রা বি॑শি॒খা ই॑ব । তত্রা॑ নো॒ ব্রহ্ম॑ণ॒স্পতি॒রদি॑তিঃ॒ শর্ম॑ যচ্ছতু বি॒শ্বাহা॒ শর্ম॑ যচ্ছতু ॥ ৬।০৭৫।১৭, ৫।১।০২২।০২

মর্মা॑ণি তে॒ বর্ম॑ণা ছাদয়ামি॒ সোম॑স্ত্বা॒ রাজা॒মৃতে॒নানু॑ বস্তাম্ । উ॒রোর্বরী॑য়ো॒ বরু॑ণস্তে কৃণোতু॒ জয়॑ন্তং॒ ত্বানু॑ দে॒বা ম॑দন্তু ॥ ৬।০৭৫।১৮, ৫।১।০২২।০৩

যো নঃ॒ স্বো অর॑ণো॒ যশ্চ॒ নিষ্ট্যো॒ জিঘাং॑সতি । দে॒বাস্তং সর্বে॑ ধূর্বন্তু॒ ব্রহ্ম॒ বর্ম॒ মমান্ত॑রম্ ॥ ৬।০৭৫।১৯, ৫।১।০২২।০৪

৯৩। রাজ সূক্তং

আত্বেতি ষডৃচস্য সূক্তস্যাঙ্গিরসোধ্রুবোরাজানুষ্টুপ্ ।

আ ত্বা॑হার্ষম॒ন্তরে॑ধি ধ্রু॒বস্তি॒ষ্ঠাবি॑চাচলিঃ । বিশ॑স্ত্বা॒ সর্বা॑ বাঞ্ছন্তু॒ মা ত্বদ্রা॒ষ্ট্রমধি॑ ভ্রশৎ ॥ ১০।১৭৩।০১, ৮।৮।০৩১।০১

ই॒হৈবৈধি॒ মাপ॑ চ্যোষ্ঠাঃ॒ পর্ব॑ত ই॒বাবি॑চাচলিঃ । ইন্দ্র॑ ইবে॒হ ধ্রু॒বস্তি॑ষ্ঠে॒হ রা॒ষ্ট্রমু॑ ধারয় ॥ ১০।১৭৩।০২, ৮।৮।০৩১।০২

ই॒মমিন্দ্রো॑ অদীধরদ্ধ্রু॒বং ধ্রু॒বেণ॑ হ॒বিষা॑ । তস্মৈ॒ সোমো॒ অধি॑ ব্রব॒ত্তস্মা॑ উ॒ ব্রহ্ম॑ণ॒স্পতিঃ॑ ॥ ১০।১৭৩।০৩, ৮।৮।০৩১।০৩

ধ্রু॒বা দ্যৌর্ধ্রু॒বা পৃ॑থি॒বী ধ্রু॒বাসঃ॒ পর্ব॑তা ই॒মে । ধ্রু॒বং বিশ্ব॑মি॒দং জগ॑দ্ধ্রু॒বো রাজা॑ বি॒শাম॒য়ম্ ॥ ১০।১৭৩।০৪, ৮।৮।০৩১।০৪

ধ্রু॒বং তে॒ রাজা॒ বরু॑ণো ধ্রু॒বং দে॒বো বৃহ॒স্পতিঃ॑ । ধ্রু॒বং ত॒ ইন্দ্র॑শ্চা॒গ্নিশ্চ॑ রা॒ষ্ট্রং ধা॑রয়তাং ধ্রু॒বম্ ॥ ১০।১৭৩।০৫, ৮।৮।০৩১।০৫

ধ্রু॒বং ধ্রু॒বেণ॑ হ॒বিষা॒ভি সোমং॑ মৃশামসি । অথো॑ ত॒ ইন্দ্রঃ॒ কেব॑লী॒র্বিশো॑ বলি॒হৃত॑স্করৎ ॥ ১০।১৭৩।০৬, ৮।৮।০৩১।০৬

অভীবর্তেনেতি পঞ্চর্চস্য সূক্তস্যাঙ্গিরসোভীবর্তো রাজানুষ্টুপ্ ।

অ॒ভী॒ব॒র্তেন॑ হ॒বিষা॒ যেনেন্দ্রো॑ অভিবাবৃ॒তে । তেনা॒স্মান্ব্র॑হ্মণস্পতে॒ঽভি রা॒ষ্ট্রায়॑ বর্তয় ॥ ১০।১৭৪।০১, ৮।৮।০৩২।০১

অ॒ভি॒বৃত্য॑ স॒পত্না॑ন॒ভি যা নো॒ অরা॑তয়ঃ । অ॒ভি পৃ॑ত॒ন্যন্তং॑ তিষ্ঠা॒ভি যো ন॑ ইর॒স্যতি॑ ॥ ১০।১৭৪।০২, ৮।৮।০৩২।০২

অ॒ভি ত্বা॑ দে॒বঃ স॑বি॒তাভি সোমো॑ অবীবৃতৎ । অ॒ভি ত্বা॒ বিশ্বা॑ ভূ॒তান্য॑ভীব॒র্তো যথাস॑সি ॥ ১০।১৭৪।০৩, ৮।৮।০৩২।০৩

যেনেন্দ্রো॑ হ॒বিষা॑ কৃ॒ত্ব্যভ॑বদ্দ্যু॒ম্ন্যু॑ত্ত॒মঃ । ই॒দং তদ॑ক্রি দেবা অসপ॒ত্নঃ কিলা॑ভুবম্ ॥ ১০।১৭৪।০৪, ৮।৮।০৩২।০৪

অ॒স॒প॒ত্নঃ স॑পত্ন॒হাভিরা॑ষ্ট্রো বিষাস॒হিঃ । যথা॒হমে॑ষাং ভূ॒তানাং॑ বি॒রাজা॑নি॒ জন॑স্য চ ॥ ১০।১৭৪।০৫, ৮।৮।০৩২।০৫

৯৪। রতি সূক্তং

পূর্বীরমিতি ষডৃচস্য সূক্তস্য মৈত্রাবরুণিরগস্ত্যঃ আদ্যযোর্দ্বয়োর্লোপামুদ্রাঋষিকা অন্ত্যযোর্দ্বয়োরগস্ত্যান্তেবাসীব্রহ্মচারীঋষিঃ সর্বাসাংরতির্দেবতা ত্রিষ্টুপ্ পঞ্চমী বৃহতী ।

পূ॒র্বীর॒হং শ॒রদঃ॑ শশ্রমা॒ণা দো॒ষা বস্তো॑রু॒ষসো॑ জ॒রয়॑ন্তীঃ । মি॒নাতি॒ শ্রিয়ং॑ জরি॒মা ত॒নূনা॒মপ্যূ॒ নু পত্নী॒র্বৃষ॑ণো জগম্যুঃ ॥ ১।১৭৯।০১, ২।৪।০২২।০১

যে চি॒দ্ধি পূর্ব॑ ঋত॒সাপ॒ আস॑ন্ত্সা॒কং দে॒বেভি॒রব॑দন্নৃ॒তানি॑ । তে চি॒দবা॑সুর্ন॒হ্যন্ত॑মা॒পুঃ সমূ॒ নু পত্নী॒র্বৃষ॑ভির্জগম্যুঃ ॥ ১।১৭৯।০২, ২।৪।০২২।০২

ন মৃষা॑ শ্রা॒ন্তং যদব॑ন্তি দে॒বা বিশ্বা॒ ইৎস্পৃধো॑ অ॒ভ্য॑শ্নবাব । জয়া॒বেদত্র॑ শ॒তনী॑থমা॒জিং যৎস॒ম্যঞ্চা॑ মিথু॒নাব॒ভ্যজা॑ব ॥ ১।১৭৯।০৩, ২।৪।০২২।০৩

ন॒দস্য॑ মা রুধ॒তঃ কাম॒ আগ॑ন্নি॒ত আজা॑তো অ॒মুতঃ॒ কুত॑শ্চিৎ । লোপা॑মুদ্রা॒ বৃষ॑ণং॒ নী রি॑ণাতি॒ ধীর॒মধী॑রা ধয়তি শ্ব॒সন্ত॑ম্ ॥ ১।১৭৯।০৪, ২।৪।০২২।০৪

ই॒মং নু সোম॒মন্তি॑তো হৃ॒ৎসু পী॒তমুপ॑ ব্রুবে । যৎসী॒মাগ॑শ্চকৃ॒মা তৎসু মৃ॑ল়তু পুলু॒কামো॒ হি মর্ত্যঃ॑ ॥ ১।১৭৯।০৫, ২।৪।০২২।০৫

অ॒গস্ত্যঃ॒ খন॑মানঃ খ॒নিত্রৈঃ॑ প্র॒জামপ॑ত্যং॒ বল॑মি॒চ্ছমা॑নঃ । উ॒ভৌ বর্ণা॒বৃষি॑রু॒গ্রঃ পু॑পোষ স॒ত্যা দে॒বেষ্বা॒শিষো॑ জগাম ॥ ১।১৭৯।০৬, ২।৪।০২২।০৬

৯৫। যময়মী সূক্তং

ওচিদিতি চতুর্দশর্চস্য সূক্তস্য নবমী বর্জ্যানাময়ুজাং ষষ্ঠ্যাশ্চ বৈবস্বতীয়মী ঋষিকা যমোদেবতা ষষ্ঠীবর্জ্যানাংয়ুজাং নবম্যাশ্চ বৈবস্বতোয়মীত্রিষ্টুপ্ ।

ও চি॒ৎসখা॑য়ং স॒খ্যা ব॑বৃত্যাং তি॒রঃ পু॒রূ চি॑দর্ণ॒বং জ॑গ॒ন্বান্ । পি॒তুর্নপা॑ত॒মা দ॑ধীত বে॒ধা অধি॒ ক্ষমি॑ প্রত॒রং দীধ্যা॑নঃ ॥ ১০।০১০।০১, ৭।৬।৬।১

ন তে॒ সখা॑ স॒খ্যং ব॑ষ্ট্যে॒তৎসল॑ক্ষ্মা॒ যদ্বিষু॑রূপা॒ ভবা॑তি । ম॒হস্পু॒ত্রাসো॒ অসু॑রস্য বী॒রা দি॒বো ধ॒র্তার॑ উর্বি॒য়া পরি॑ খ্যন্ ॥ ১০।০১০।০২, ৭।৬।৬।২

উ॒শন্তি॑ ঘা॒ তে অ॒মৃতা॑স এ॒তদেক॑স্য চিত্ত্য॒জসং॒ মর্ত্য॑স্য । নি তে॒ মনো॒ মন॑সি ধায়্য॒স্মে জন্যুঃ॒ পতি॑স্ত॒ন্ব১॒॑মা বি॑বিশ্যাঃ ॥ ১০।০১০।০৩, ৭।৬।৬।৩

ন যৎপু॒রা চ॑কৃ॒মা কদ্ধ॑ নূ॒নমৃ॒তা বদ॑ন্তো॒ অনৃ॑তং রপেম । গ॒ন্ধ॒র্বো অ॒প্স্বপ্যা॑ চ॒ যোষা॒ সা নো॒ নাভিঃ॑ পর॒মং জা॒মি তন্নৌ॑ ॥ ১০।০১০।০৪, ৭।৬।৬।৪

গর্ভে॒ নু নৌ॑ জনি॒তা দম্প॑তী কর্দে॒বস্ত্বষ্টা॑ সবি॒তা বি॒শ্বরূ॑পঃ । নকি॑রস্য॒ প্র মি॑নন্তি ব্র॒তানি॒ বেদ॑ নাব॒স্য পৃ॑থি॒বী উ॒ত দ্যৌঃ ॥ ১০।০১০।০৫, ৭।৬।৬।৫

কো অ॒স্য বে॑দ প্রথ॒মস্যাহ্নঃ॒ ক ঈং॑ দদর্শ॒ ক ই॒হ প্র বো॑চৎ । বৃ॒হন্মি॒ত্রস্য॒ বরু॑ণস্য॒ ধাম॒ কদু॑ ব্রব আহনো॒ বীচ্যা॒ নৄন্ ॥ ১০।০১০।০৬, ৭।৬।৭।১

য॒মস্য॑ মা য॒ম্যং১॒॑ কাম॒ আগ॑ন্ত্সমা॒নে যোনৌ॑ সহ॒শেয়্যা॑য় । জা॒য়েব॒ পত্যে॑ ত॒ন্বং॑ রিরিচ্যাং॒ বি চি॑দ্বৃহেব॒ রথ্যে॑ব চ॒ক্রা ॥ ১০।০১০।০৭, ৭।৬।৭।২

ন তি॑ষ্ঠন্তি॒ ন নি মি॑ষন্ত্যে॒তে দে॒বানাং॒ স্পশ॑ ই॒হ যে চর॑ন্তি । অ॒ন্যেন॒ মদা॑হনো যাহি॒ তূয়ং॒ তেন॒ বি বৃ॑হ॒ রথ্যে॑ব চ॒ক্রা ॥ ১০।০১০।০৮, ৭।৬।৭।৩

রাত্রী॑ভিরস্মা॒ অহ॑ভির্দশস্যে॒ৎসূর্য॑স্য॒ চক্ষু॒র্মুহু॒রুন্মি॑মীয়াৎ । দি॒বা পৃ॑থি॒ব্যা মি॑থু॒না সব॑ন্ধূ য॒মীর্য॒মস্য॑ বিভৃয়া॒দজা॑মি ॥ ১০।০১০।০৯, ৭।৬।৭।৪

আ ঘা॒ তা গ॑চ্ছা॒নুত্ত॑রা যু॒গানি॒ যত্র॑ জা॒ময়ঃ॑ কৃ॒ণব॒ন্নজা॑মি । উপ॑ বর্বৃহি বৃষ॒ভায়॑ বা॒হুম॒ন্যমি॑চ্ছস্ব সুভগে॒ পতিং॒ মৎ ॥ ১০।০১০।১০, ৭।৬।৭।৫

কিং ভ্রাতা॑স॒দ্যদ॑না॒থং ভবা॑তি॒ কিমু॒ স্বসা॒ যন্নির্ঋ॑তির্নি॒গচ্ছা॑ৎ । কাম॑মূতা ব॒হ্বে॒৩॒॑তদ্র॑পামি ত॒ন্বা॑ মে ত॒ন্বং১॒॑ সং পি॑পৃগ্ধি ॥ ১০।০১০।১১, ৭।৬।৮।১

ন বা উ॑ তে ত॒ন্বা॑ ত॒ন্বং১॒॑ সং প॑পৃচ্যাং পা॒পমা॑হু॒র্যঃ স্বসা॑রং নি॒গচ্ছা॑ৎ । অ॒ন্যেন॒ মৎপ্র॒মুদঃ॑ কল্পয়স্ব॒ ন তে॒ ভ্রাতা॑ সুভগে বষ্ট্যে॒তৎ ॥ ১০।০১০।১২, ৭।৬।৮।২

ব॒তো ব॑তাসি যম॒ নৈব তে॒ মনো॒ হৃদ॑য়ং চাবিদাম । অ॒ন্যা কিল॒ ত্বাং ক॒ক্ষ্যে॑ব যু॒ক্তং পরি॑ ষ্বজাতে॒ লিবু॑জেব বৃ॒ক্ষম্ ॥ ১০।০১০।১৩, ৭।৬।৮।৩

অ॒ন্যমূ॒ ষু ত্বং য॑ম্য॒ন্য উ॒ ত্বাং পরি॑ ষ্বজাতে॒ লিবু॑জেব বৃ॒ক্ষম্ । তস্য॑ বা॒ ত্বং মন॑ ই॒চ্ছা স বা॒ তবাধা॑ কৃণুষ্ব সং॒বিদং॒ সুভ॑দ্রাম্ ॥ ১০।০১০।১৪, ৭।৬।৮।৪

৯৬। তন্তুবেষ্টন সূক্তং

পরি॑ ত্বা গির্বণো॒ গির॑ ই॒মা ভ॑বন্তু বি॒শ্বতঃ॑ । বৃ॒দ্ধায়ু॒মনু॒ বৃদ্ধ॑য়ো॒ জুষ্টা॑ ভবন্তু॒ জুষ্ট॑য়ঃ ॥ ১।০১০।১২, ১।১।০২০।০৬ {বৈশ্বামিত্রো মধুচ্ছন্দাঃ । ইন্দ্রঃ । অনুষ্টুপ্}

দশা॑বনিভ্যো॒ দশ॑কক্ষ্যেভ্যো॒ দশ॑য়োক্ত্রেভ্যো॒ দশ॑য়োজনেভ্যঃ । দশা॑ভীশুভ্যো অর্চতা॒জরে॑ভ্যো॒ দশ॒ ধুরো॒ দশ॑ যু॒ক্তা বহ॑দ্ভ্যঃ ॥ ১০।০৯৪।০৭, ৮।৪।০৩০।০২ {কাদ্রবেয়োর্বুদঃ সর্পঃ । গ্রাবাণঃ । ত্রিষ্টুপ্}

তে অদ্র॑য়ো॒ দশ॑য়ন্ত্রাস আ॒শব॒স্তেষা॑মা॒ধানং॒ পর্যে॑তি হর্য॒তম্ । ত ঊ॑ সু॒তস্য॑ সো॒ম্যস্যান্ধ॑সোং॒ঽশোঃ পী॒য়ূষং॑ প্রথ॒মস্য॑ ভেজিরে ॥ ১০।০৯৪।০৮, ৮।৪।০৩০।০৩ {কাদ্রবেয়োর্বুদঃ সর্পঃ । গ্রাবাণঃ । জগতী}

তে সো॒মাদো॒ হরী॒ ইন্দ্র॑স্য নিংসতেং॒ঽশুং দু॒হন্তো॒ অধ্যা॑সতে॒ গবি॑ । তেভি॑র্দু॒গ্ধং প॑পি॒বান্ত্সো॒ম্যং মধ্বিন্দ্রো॑ বর্ধতে॒ প্রথ॑তে বৃষা॒য়তে॑ ॥ ১০।০৯৪।০৯, ৮।৪।০৩০।০৪ {কাদ্রবেয়োর্বুদঃ সর্পঃ । গ্রাবাণঃ । জগতী}

বৃষা॑ বো অং॒শুর্ন কিলা॑ রিষাথ॒নেল়া॑বন্তঃ॒ সদ॒মিৎস্থ॒নাশি॑তাঃ । রৈ॒ব॒ত্যেব॒ মহ॑সা॒ চার॑বঃ স্থন॒ যস্য॑ গ্রাবাণো॒ অজু॑ষধ্বমধ্ব॒রম্ ॥ ১০।০৯৪।১০, ৮।৪।০৩০।০৫ {কাদ্রবেয়োর্বুদঃ সর্পঃ । গ্রাবাণঃ । জগতী}

সু॒তে অ॑ধ্ব॒রে অধি॒ বাচ॑মক্র॒তা ক্রী॒ল়য়ো॒ ন মা॒তরং॑ তু॒দন্তঃ॑ । বি ষূ মু॑ঞ্চা সুষু॒বুষো॑ মনী॒ষাং বি ব॑র্তন্তা॒মদ্র॑য়॒শ্চায়॑মানাঃ ॥ ১০।০৯৪।১৪, ৮।৪।০৩১।০৪ {কাদ্রবেয়োর্বুদঃ সর্পঃ । গ্রাবাণঃ । ত্রিষ্টুপ্}

৯৭। সূর্যবৈশ্বানর সূক্তং

হনিষ্পান্তমিত্যেকোন বিংশত্যৃচস্য সূক্তস্যাঙ্গিরসোমূর্ধন্বান্সূর্যবৈশ্বানরৌত্রিষ্টুপ্ । (মরীচিঃ - হবিষ্পান্তদ্বিদৈবত্যং সৌর্যবৈশ্বানরী যকমিতিদ্বেদেবতেঅত্র । তেনসূর্যবৈশ্বানরইত্যগ্নের্গুণইতিবদন্তঃ পরাস্তাঃ ) ।

হ॒বিষ্পান্ত॑ম॒জরং॑ স্ব॒র্বিদি॑ দিবি॒স্পৃশ্যাহু॑তং॒ জুষ্ট॑ম॒গ্নৌ । তস্য॒ ভর্ম॑ণে॒ ভুব॑নায় দে॒বা ধর্ম॑ণে॒ কং স্ব॒ধয়া॑ পপ্রথন্ত ॥ ১০।০৮৮।০১, ৮।৪।০১০।০১

গী॒র্ণং ভুব॑নং॒ তম॒সাপ॑গূল়্হমা॒বিঃ স্ব॑রভবজ্জা॒তে অ॒গ্নৌ । তস্য॑ দে॒বাঃ পৃ॑থি॒বী দ্যৌরু॒তাপোঽর॑ণয়॒ন্নোষ॑ধীঃ স॒খ্যে অ॑স্য ॥ ১০।০৮৮।০২, ৮।৪।০১০।০২

দে॒বেভি॒র্ন্বি॑ষি॒তো য॒জ্ঞিয়ে॑ভির॒গ্নিং স্তো॑ষাণ্য॒জরং॑ বৃ॒হন্ত॑ম্ । যো ভা॒নুনা॑ পৃথি॒বীং দ্যামু॒তেমামা॑ত॒তান॒ রোদ॑সী অ॒ন্তরি॑ক্ষম্ ॥ ১০।০৮৮।০৩, ৮।৪।০১০।০৩

যো হোতাসী॑ৎপ্রথ॒মো দে॒বজু॑ষ্টো॒ যং স॒মাঞ্জ॒ন্নাজ্যে॑না বৃণা॒নাঃ । স প॑ত॒ত্রী॑ত্ব॒রং স্থা জগ॒দ্যচ্ছ্বা॒ত্রম॒গ্নির॑কৃণোজ্জা॒তবে॑দাঃ ॥ ১০।০৮৮।০৪, ৮।৪।০১০।০৪

যজ্জা॑তবেদো॒ ভুব॑নস্য মূ॒র্ধন্নতি॑ষ্ঠো অগ্নে স॒হ রো॑চ॒নেন॑ । তং ত্বা॑হেম ম॒তিভি॑র্গী॒র্ভিরু॒ক্থৈঃ স য॒জ্ঞিয়ো॑ অভবো রোদসি॒প্রাঃ ॥ ১০।০৮৮।০৫, ৮।৪।০১০।০৫

মূ॒র্ধা ভু॒বো ভ॑বতি॒ নক্ত॑ম॒গ্নিস্ততঃ॒ সূর্যো॑ জায়তে প্রা॒তরু॒দ্যন্ । মা॒য়ামূ॒ তু য॒জ্ঞিয়া॑নামে॒তামপো॒ যত্তূর্ণি॒শ্চর॑তি প্রজা॒নন্ ॥ ১০।০৮৮।০৬, ৮।৪।০১১।০১

দৃ॒শেন্যো॒ যো ম॑হি॒না সমি॒দ্ধোঽরো॑চত দি॒বিয়ো॑নির্বি॒ভাবা॑ । তস্মি॑ন্ন॒গ্নৌ সূ॑ক্তবা॒কেন॑ দে॒বা হ॒বির্বিশ্ব॒ আজু॑হবুস্তনূ॒পাঃ ॥ ১০।০৮৮।০৭, ৮।৪।০১১।০২

সূ॒ক্ত॒বা॒কং প্র॑থ॒মমাদিদ॒গ্নিমাদিদ্ধ॒বির॑জনয়ন্ত দে॒বাঃ । স এ॑ষাং য॒জ্ঞো অ॑ভবত্তনূ॒পাস্তং দ্যৌর্বে॑দ॒ তং পৃ॑থি॒বী তমাপঃ॑ ॥ ১০।০৮৮।০৮, ৮।৪।০১১।০৩

যং দে॒বাসোঽজ॑নয়ন্তা॒গ্নিং যস্মি॒ন্নাজু॑হবু॒র্ভুব॑নানি॒ বিশ্বা॑ । সো অ॒র্চিষা॑ পৃথি॒বীং দ্যামু॒তেমামৃ॑জূ॒য়মা॑নো অতপন্মহি॒ত্বা ॥ ১০।০৮৮।০৯, ৮।৪।০১১।০৪

স্তোমে॑ন॒ হি দি॒বি দে॒বাসো॑ অ॒গ্নিমজী॑জন॒ঞ্ছক্তি॑ভী রোদসি॒প্রাম্ । তমূ॑ অকৃণ্বন্ত্রে॒ধা ভু॒বে কং স ওষ॑ধীঃ পচতি বি॒শ্বরূ॑পাঃ ॥ ১০।০৮৮।১০, ৮।৪।০১১।০৫

য॒দেদে॑ন॒মদ॑ধুর্য॒জ্ঞিয়া॑সো দি॒বি দে॒বাঃ সূর্য॑মাদিতে॒য়ম্ । য॒দা চ॑রি॒ষ্ণূ মি॑থু॒নাবভূ॑তা॒মাদিৎপ্রাপ॑শ্য॒ন্ভুব॑নানি॒ বিশ্বা॑ ॥ ১০।০৮৮।১১, ৮।৪।০১২।০১

বিশ্ব॑স্মা অ॒গ্নিং ভুব॑নায় দে॒বা বৈ॑শ্বান॒রং কে॒তুমহ্না॑মকৃণ্বন্ । আ যস্ত॒তানো॒ষসো॑ বিভা॒তীরপো॑ ঊর্ণোতি॒ তমো॑ অ॒র্চিষা॒ যন্ ॥ ১০।০৮৮।১২, ৮।৪।০১২।০২

বৈ॒শ্বা॒ন॒রং ক॒বয়ো॑ য॒জ্ঞিয়া॑সো॒ঽগ্নিং দে॒বা অ॑জনয়ন্নজু॒র্যম্ । নক্ষ॑ত্রং প্র॒ত্নমমি॑নচ্চরি॒ষ্ণু য॒ক্ষস্যাধ্য॑ক্ষং তবি॒ষং বৃ॒হন্ত॑ম্ ॥ ১০।০৮৮।১৩, ৮।৪।০১২।০৩

বৈ॒শ্বা॒ন॒রং বি॒শ্বহা॑ দীদি॒বাংসং॒ মন্ত্রৈ॑র॒গ্নিং ক॒বিমচ্ছা॑ বদামঃ । যো ম॑হি॒ম্না প॑রিব॒ভূবো॒র্বী উ॒তাবস্তা॑দু॒ত দে॒বঃ প॒রস্তা॑ৎ ॥ ১০।০৮৮।১৪, ৮।৪।০১২।০৪

দ্বে স্রু॒তী অ॑শৃণবং পিতৄ॒ণাম॒হং দে॒বানা॑মু॒ত মর্ত্যা॑নাম্ । তাভ্যা॑মি॒দং বিশ্ব॒মেজ॒ৎসমে॑তি॒ যদ॑ন্ত॒রা পি॒তরং॑ মা॒তরং॑ চ ॥ ১০।০৮৮।১৫, ৮।৪।০১২।০৫

দ্বে স॑মী॒চী বি॑ভৃত॒শ্চর॑ন্তং শীর্ষ॒তো জা॒তং মন॑সা॒ বিমৃ॑ষ্টম্ । স প্র॒ত্যঙ্বিশ্বা॒ ভুব॑নানি তস্থা॒বপ্র॑য়ুচ্ছন্ত॒রণি॒র্ভ্রাজ॑মানঃ ॥ ১০।০৮৮।১৬, ৮।৪।০১৩।০১

যত্রা॒ বদে॑তে॒ অব॑রঃ॒ পর॑শ্চ যজ্ঞ॒ন্যোঃ॑ কত॒রো নৌ॒ বি বে॑দ । আ শে॑কু॒রিৎস॑ধ॒মাদং॒ সখা॑য়ো॒ নক্ষ॑ন্ত য॒জ্ঞং ক ই॒দং বি বো॑চৎ ॥ ১০।০৮৮।১৭, ৮।৪।০১৩।০২

কত্য॒গ্নয়ঃ॒ কতি॒ সূর্যা॑সঃ॒ কত্যু॒ষাসঃ॒ কত্যু॑ স্বি॒দাপঃ॑ । নোপ॒স্পিজং॑ বঃ পিতরো বদামি পৃ॒চ্ছামি॑ বঃ কবয়ো বি॒দ্মনে॒ কম্ ॥ ১০।০৮৮।১৮, ৮।৪।০১৩।০৩

যা॒ব॒ন্মা॒ত্রমু॒ষসো॒ ন প্রতী॑কং সুপ॒র্ণ্যো॒৩॒॑ বস॑তে মাতরিশ্বঃ । তাব॑দ্দধা॒ত্যুপ॑ য॒জ্ঞমা॒য়ন্ব্রা॑হ্ম॒ণো হোতু॒রব॑রো নি॒ষীদ॑ন্ ॥ ১০।০৮৮।১৯, ৮।৪।০১৩।০৪

৯৮। বসূরুদ্রা পুরুমন্তূ ইতি সূক্তং

বসূরুদ্রাইতি ষডৃচস্য সূক্তস্যৌচথ্যোদীর্ঘতমাঅশ্বিনৌত্রিষ্টুবন্ত্যানুষ্টুপ্ ।

বসূ॑ রু॒দ্রা পু॑রু॒মন্তূ॑ বৃ॒ধন্তা॑ দশ॒স্যতং॑ নো বৃষণাব॒ভিষ্টৌ॑ । দস্রা॑ হ॒ যদ্রেক্ণ॑ ঔচ॒থ্যো বাং॒ প্র যৎস॒স্রাথে॒ অক॑বাভিরূ॒তী ॥ ১।১৫৮।০১, ২।৩।১।১

কো বাং॑ দাশৎসুম॒তয়ে॑ চিদ॒স্যৈ বসূ॒ যদ্ধেথে॒ নম॑সা প॒দে গোঃ । জি॒গৃ॒তম॒স্মে রে॒বতীঃ॒ পুরন্॑ধীঃ কাম॒প্রেণে॑ব॒ মন॑সা॒ চর॑ন্তা ॥ ১।১৫৮।০২, ২।৩।১।২

যু॒ক্তো হ॒ যদ্বাং॑ তৌ॒গ্র্যায়॑ পে॒রুর্বি মধ্যে॒ অর্ণ॑সো॒ ধায়ি॑ প॒জ্রঃ । উপ॑ বা॒মবঃ॑ শর॒ণং গ॑মেয়ং॒ শূরো॒ নাজ্ম॑ প॒তয়॑দ্ভি॒রেবৈঃ॑ ॥ ১।১৫৮।০৩, ২।৩।১।৩

উপ॑স্তুতিরৌচ॒থ্যমু॑রুষ্যে॒ন্মা মামি॒মে প॑ত॒ত্রিণী॒ বি দু॑গ্ধাম্ । মা মামেধো॒ দশ॑তয়শ্চি॒তো ধা॒ক্প্র যদ্বাং॑ ব॒দ্ধস্ত্মনি॒ খাদ॑তি॒ ক্ষাম্ ॥ ১।১৫৮।০৪, ২।৩।১।৪

ন মা॑ গরন্ন॒দ্যো॑ মা॒তৃত॑মা দা॒সা যদীং॒ সুস॑মুব্ধম॒বাধুঃ॑ । শিরো॒ যদ॑স্য ত্রৈত॒নো বি॒তক্ষ॑ৎস্ব॒য়ং দা॒স উরো॒ অংসা॒বপি॑ গ্ধ ॥ ১।১৫৮।০৫, ২।৩।১।৫

দী॒র্ঘত॑মা মামতে॒য়ো জু॑জু॒র্বান্দ॑শ॒মে যু॒গে । অ॒পামর্থং॑ য॒তীনাং॑ ব্র॒হ্মা ভ॑বতি॒ সার॑থিঃ ॥ ১।১৫৮।০৬, ২।৩।১।৬

৯৯। পবিত্রং তে ইতি সূক্তং

পবিত্রন্তইতি পঞ্চর্চস্য সূক্তস্যাঙ্গিরসঃ পবিত্রঃ পবমানঃ সোমোজগতী ।

প॒বিত্রং॑ তে॒ বিত॑তং ব্রহ্মণস্পতে প্র॒ভুর্গাত্রা॑ণি॒ পর্যে॑ষি বি॒শ্বতঃ॑ । অত॑প্ততনূ॒র্ন তদা॒মো অ॑শ্নুতে শৃ॒তাস॒ ইদ্বহ॑ন্ত॒স্তৎসমা॑শত ॥ ৯।০৮৩।০১, ৭।৩।৮।১

তপো॑ষ্প॒বিত্রং॒ বিত॑তং দি॒বস্প॒দে শোচ॑ন্তো অস্য॒ তন্ত॑বো॒ ব্য॑স্থিরন্ । অব॑ন্ত্যস্য পবী॒তার॑মা॒শবো॑ দি॒বস্পৃ॒ষ্ঠমধি॑ তিষ্ঠন্তি॒ চেত॑সা ॥ ৯।০৮৩।০২, ৭।৩।৮।২

অরূ॑রুচদু॒ষসঃ॒ পৃশ্নি॑রগ্রি॒য় উ॒ক্ষা বি॑ভর্তি॒ ভুব॑নানি বাজ॒য়ুঃ । মা॒য়া॒বিনো॑ মমিরে অস্য মা॒য়যা॑ নৃ॒চক্ষ॑সঃ পি॒তরো॒ গর্ভ॒মা দ॑ধুঃ ॥ ৯।০৮৩।০৩, ৭।৩।৮।৩

গ॒ন্ধ॒র্ব ই॒ত্থা প॒দম॑স্য রক্ষতি॒ পাতি॑ দে॒বানাং॒ জনি॑মা॒ন্যদ্ভু॑তঃ । গৃ॒ভ্ণাতি॑ রি॒পুং নি॒ধয়া॑ নি॒ধাপ॑তিঃ সু॒কৃত্ত॑মা॒ মধু॑নো ভ॒ক্ষমা॑শত ॥ ৯।০৮৩।০৪, ৭।৩।৮।৪

হ॒বির্হ॑বিষ্মো॒ মহি॒ সদ্ম॒ দৈব্যং॒ নভো॒ বসা॑নঃ॒ পরি॑ যাস্যধ্ব॒রম্ । রাজা॑ প॒বিত্র॑রথো॒ বাজ॒মারু॑হঃ স॒হস্র॑ভৃষ্টির্জয়সি॒ শ্রবো॑ বৃ॒হৎ ॥ ৯।০৮৩।০৫, ৭।৩।৮।৫

১০০। উতদেবা অবহিতমিতি সূক্তং

উতেতি সপ্তর্চস্য সূক্তস্য ভরদ্বাজঃ কশ্যপোগৌতমোত্রির্বিশ্বামিত্রোজমদগ্নির্বসিষ্ঠ ইতিক্রমেণৈকর্চাঋষয়ো বিশ্বেদেবা অনুষ্টুপ্ (ভেদপক্ষে-দেবাঃ ১ বাতঃ ৩ বিশ্বেদেবাঃ ১ আপঃ ২ এবং ৭) ।

উ॒ত দে॑বা॒ অব॑হিতং॒ দেবা॒ উন্ন॑য়থা॒ পুনঃ॑ । উ॒তাগ॑শ্চ॒ক্রুষং॑ দেবা॒ দেবা॑ জী॒বয়॑থা॒ পুনঃ॑ ॥ ১০।১৩৭।০১, ৮।৭।০২৫।০১

দ্বাবি॒মৌ বাতৌ॑ বাত॒ আ সিন্ধো॒রা প॑রা॒বতঃ॑ । দক্ষং॑ তে অ॒ন্য আ বা॑তু॒ পরা॒ন্যো বা॑তু॒ যদ্রপঃ॑ ॥ ১০।১৩৭।০২, ৮।৭।০২৫।০২

আ বা॑ত বাহি ভেষ॒জং বি বা॑ত বাহি॒ যদ্রপঃ॑ । ত্বং হি বি॒শ্বভে॑ষজো দে॒বানাং॑ দূ॒ত ঈয়॑সে ॥ ১০।১৩৭।০৩, ৮।৭।০২৫।০৩

আ ত্বা॑গমং॒ শন্তা॑তিভি॒রথো॑ অরি॒ষ্টতা॑তিভিঃ । দক্ষং॑ তে ভ॒দ্রমাভা॑র্ষং॒ পরা॒ যক্ষ্মং॑ সুবামি তে ॥ ১০।১৩৭।০৪, ৮।৭।০২৫।০৪

ত্রায়॑ন্তামি॒হ দে॒বাস্ত্রায়॑তাং ম॒রুতাং॑ গ॒ণঃ । ত্রায়॑ন্তাং॒ বিশ্বা॑ ভূ॒তানি॒ যথা॒য়ম॑র॒পা অস॑ৎ ॥ ১০।১৩৭।০৫, ৮।৭।০২৫।০৫

আপ॒ ইদ্বা উ॑ ভেষ॒জীরাপো॑ অমীব॒চাত॑নীঃ । আপঃ॒ সর্ব॑স্য ভেষ॒জীস্তাস্তে॑ কৃণ্বন্তু ভেষ॒জম্ ॥ ১০।১৩৭।০৬, ৮।৭।০২৫।০৬

হস্তা॑ভ্যাং॒ দশ॑শাখাভ্যাং জি॒হ্বা বা॒চঃ পু॑রোগ॒বী । অ॒না॒ম॒য়ি॒ত্নুভ্যাং॑ ত্বা॒ তাভ্যাং॒ ত্বোপ॑ স্পৃশামসি ॥ ১০।১৩৭।০৭, ৮।৭।০২৫।০৭

১০১। নক্ষত্র সূক্তং (নক্ষত্রদেবতামন্ত্রাঃ)

[১] অশ্বিনী

স॒ত্যমিদ্বা উ॑ অশ্বিনা যু॒বামা॑হুর্ময়ো॒ভুবা॑ । তা যাম॑ন্যাম॒হূত॑মা॒ যাম॒ন্না মৃ॑ল়॒য়ত্ত॑মা ॥ ৫।০৭৩।০৯, ৪।৪।০১২।০৪ {আত্রেয়ঃ পৌরঃ । অশ্বিনৌ । অনুষ্টুপ্}

ই॒মা ব্রহ্মা॑ণি॒ বর্ধ॑না॒শ্বিভ্যাং॑ সন্তু॒ শন্ত॑মা । যা তক্ষা॑ম॒ রথাঁ॑ ই॒বাবো॑চাম বৃ॒হন্নমঃ॑ ॥ ৫।০৭৩।১০, ৪।৪।০১২।০৫ {আত্রেয়ঃ পৌরঃ । অশ্বিনৌ । অনুষ্টুপ্}

অশ্বি॑না ব॒র্তির॒স্মদা গোম॑দ্দস্রা॒ হির॑ণ্যবৎ । অ॒র্বাগ্রথং॒ সম॑নসা॒ নি য॑চ্ছতম্ ॥ ১।০৯২।১৬, ১।৬।০২৭।০১ {রহূগণো গোতমঃ । অশ্বিনৌ । উষ্ণিক্}

[২] ভরণী

য॒মায়॑ ঘৃ॒তব॑দ্ধ॒বির্জু॒হোত॒ প্র চ॑ তিষ্ঠত । স নো॑ দে॒বেষ্বা য॑মদ্দী॒র্ঘমায়ুঃ॒ প্র জী॒বসে॑ ॥ ১০।০১৪।১৪, ৭।৬।০১৬।০৪ {বৈবস্বতো যমঃ । যমঃ । অনুষ্টুপ্}

য॒মায়॒ মধু॑মত্তমং॒ রাজ্ঞে॑ হ॒ব্যং জু॑হোতন । ই॒দং নম॒ ঋষি॑ভ্যঃ পূর্ব॒জেভ্যঃ॒ পূর্বে॑ভ্যঃ পথি॒কৃদ্ভ্যঃ॑ ॥ ১০।০১৪।১৫, ৭।৬।০১৬।০৫ {বৈবস্বতো যমঃ । যমঃ । বৃহতী}

য॒মায়॒ সোমং॑ সুনুত য॒মায়॑ জুহুতা হ॒বিঃ । য॒মং হ॑ য॒জ্ঞো গ॑চ্ছত্য॒গ্নিদূ॑তো॒ অরঙ্॑কৃতঃ ॥ ১০।০১৪।১৩, ৭।৬।০১৬।০৩ {বৈবস্বতো যমঃ । যমঃ । অনুষ্টুপ্}

[৩] কৃত্তিকা

উ॒ত নো॒ ব্রহ্ম॑ন্নবিষ উ॒ক্থেষু॑ দেব॒হূত॑মঃ । শং নঃ॑ শোচা ম॒রুদ্বৃ॒ধোঽগ্নে॑ সহস্র॒সাত॑মঃ ॥ ৩।০১৩।০৬, ৩।১।০১৩।০৬ {বৈশ্বামিত্র ঋষভঃ । অগ্নিঃ । অনুষ্টুপ্}

নূ নো॑ রাস্ব স॒হস্র॑বত্তো॒কব॑ৎপুষ্টি॒মদ্বসু॑ । দ্যু॒মদ॑গ্নে সু॒বীর্যং॒ বর্ষি॑ষ্ঠ॒মনু॑পক্ষিতম্ ॥ ৩।০১৩।০৭, ৩।১।০১৩।০৭ {বৈশ্বামিত্র ঋষভঃ । অগ্নিঃ । অনুষ্টুপ্}

অ॒গ্নিস্তু॒বিশ্র॑বস্তমং তু॒বিব্র॑হ্মাণমুত্ত॒মম্ । অ॒তূর্তং॑ শ্রাব॒য়ৎপ॑তিং পু॒ত্রং দ॑দাতি দা॒শুষে॑ ॥ ৫।০২৫।০৫, ৪।১।০১৭।০৫ {আত্রেয়ো বসূয়বঃ । অগ্নিঃ । অনুষ্টুপ্}

[৪] রোহিণী

স ইৎক্ষে॑তি॒ সুধি॑ত॒ ওক॑সি॒ স্বে তস্মা॒ ইল়া॑ পিন্বতে বিশ্ব॒দানী॑ম্ । তস্মৈ॒ বিশঃ॑ স্ব॒য়মে॒বা ন॑মন্তে॒ যস্মি॑ন্ব্র॒হ্মা রাজ॑নি॒ পূর্ব॒ এতি॑ ॥ ৪।০৫০।০৮, ৩।৭।০২৭।০৩ {গৌতমো বামদেবঃ । বৃহস্পতিঃ । ত্রিষ্টুপ্}

অপ্র॑তীতো জয়তি॒ সং ধনা॑নি॒ প্রতি॑জন্যান্যু॒ত যা সজ॑ন্যা । অ॒ব॒স্যবে॒ যো বরি॑বঃ কৃ॒ণোতি॑ ব্র॒হ্মণে॒ রাজা॒ তম॑বন্তি দে॒বাঃ ॥ ৪।০৫০।০৯, ৩।৭।০২৭।০৪ {গৌতমো বামদেবঃ । বৃহস্পতিঃ । ত্রিষ্টুপ্}

প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒ তা ব॑ভূব । যৎকা॑মাস্তে জুহু॒মস্তন্নো॑ অস্তু ব॒য়ং স্যা॑ম॒ পত॑য়ো রয়ী॒ণাম্ ॥ ১০।১২১।১০, ৮।৭।৪।৫ {প্রাজাপত্যো হিরণ্যগর্ভঃ । প্রজাপতি । ত্রিষ্টুপ্}

[৫] মৃগশির

যা তে॒ ধামা॑নি হ॒বিষা॒ যজ॑ন্তি॒ তা তে॒ বিশ্বা॑ পরি॒ভূর॑স্তু য॒জ্ঞম্ । গ॒য়॒স্ফানঃ॑ প্র॒তর॑ণঃ সু॒বীরোঽবী॑রহা॒ প্র চ॑রা সোম॒ দুর্যা॑ন্ ॥ ১।০৯১।১৯, ১।৬।০২২।০৪ {রহূগণো গোতমঃ । সোমঃ । ত্রিষ্টুপ্}

সোমো॑ ধে॒নুং সোমো॒ অর্ব॑ন্তমা॒শুং সোমো॑ বী॒রং ক॑র্ম॒ণ্যং॑ দদাতি । সা॒দ॒ন্যং॑ বিদ॒থ্যং॑ স॒ভেয়ং॑ পিতৃ॒শ্রব॑ণং॒ যো দদা॑শদস্মৈ ॥ ১।০৯১।২০, ১।৬।০২২।০৫ {রহূগণো গোতমঃ । সোমঃ । ত্রিষ্টুপ্}

[৬] আর্দ্রা

ই॒মা রু॒দ্রায়॑ ত॒বসে॑ কপ॒র্দিনে॑ ক্ষ॒য়দ্বী॑রায়॒ প্র ভ॑রামহে ম॒তীঃ । যথা॒ শমস॑দ্দ্বি॒পদে॒ চতু॑ষ্পদে॒ বিশ্বং॑ পু॒ষ্টং গ্রামে॑ অ॒স্মিন্ন॑নাতু॒রম্ ॥ ১।১১৪।০১, ১।৮।৫।১ {কুৎসঃ । রুদ্রঃ । জগতী}

মৃ॒ল়া নো॑ রুদ্রো॒ত নো॒ ময়॑স্কৃধি ক্ষ॒য়দ্বী॑রায়॒ নম॑সা বিধেম তে । যচ্ছং চ॒ যোশ্চ॒ মনু॑রায়ে॒জে পি॒তা তদ॑শ্যাম॒ তব॑ রুদ্র॒ প্রণী॑তিষু ॥ ১।১১৪।০২, ১।৮।৫।২ {কুৎসঃ । রুদ্রঃ । জগতী}

[৭] পুনর্বসূ

ভূর্জ॑জ্ঞ উত্তা॒নপ॑দো ভু॒ব আশা॑ অজায়ন্ত । অদি॑তে॒র্দক্ষো॑ অজায়ত॒ দক্ষা॒দ্বদি॑তিঃ॒ পরি॑ ॥ ১০।০৭২।০৪, ৮।৩।১।৪ {লৌক্যো বৃহস্পতিঃ । দেবাঃ । অনুষ্টুপ্}

অদি॑তি॒র্হ্যজ॑নিষ্ট॒ দক্ষ॒ যা দু॑হি॒তা তব॑ । তাং দে॒বা অন্ব॑জায়ন্ত ভ॒দ্রা অ॒মৃত॑বন্ধবঃ ॥ ১০।০৭২।০৫, ৮।৩।১।৫ {লৌক্যো বৃহস্পতিঃ । দেবাঃ । অনুষ্টুপ্}

অদি॑তির্নো॒ দিবা॑ প॒শুমদি॑তি॒র্নক্ত॒মদ্ব॑য়াঃ । অদি॑তিঃ পা॒ত্বংহ॑সঃ স॒দাবৃ॑ধা ॥ ৮।০১৮।০৬, ৬।১।০২৬।০১ {কাণ্বঃ ইরিম্বিঠিঃ । অদিতিঃ । উষ্ণিক্}

[৮] পুষ্যমি

এ॒বা পি॒ত্রে বি॒শ্বদে॑বায়॒ বৃষ্ণে॑ য॒জ্ঞৈর্বি॑ধেম॒ নম॑সা হ॒বির্ভিঃ॑ । বৃহ॑স্পতে সুপ্র॒জা বী॒রব॑ন্তো ব॒য়ং স্যা॑ম॒ পত॑য়ো রয়ী॒ণাম্ ॥ ৪।০৫০।০৬, ৩।৭।০২৭।০১ {গৌতমো বামদেবঃ । বৃহস্পতিঃ । ত্রিষ্টুপ্}

স ইদ্রাজা॒ প্রতি॑জন্যানি॒ বিশ্বা॒ শুষ্মে॑ণ তস্থাব॒ভি বী॒র্যে॑ণ । বৃহ॒স্পতিং॒ যঃ সুভৃ॑তং বি॒ভর্তি॑ বল্গূ॒য়তি॒ বন্দ॑তে পূর্ব॒ভাজ॑ম্ ॥ ৪।০৫০।০৭, ৩।৭।০২৭।০২ {গৌতমো বামদেবঃ । বৃহস্পতিঃ । ত্রিষ্টুপ্}

বৃহ॑স্পতে॒ অতি॒ যদ॒র্যো অর্হা॑দ্দ্যু॒মদ্বি॒ভাতি॒ ক্রতু॑ম॒জ্জনে॑ষু । যদ্দী॒দয়॒চ্ছব॑স ঋতপ্রজাত॒ তদ॒স্মাসু॒ দ্রবি॑ণং ধেহি চি॒ত্রম্ ॥ ২।০২৩।১৫, ২।৬।০৩১।০৫ {শৌনকো গৃৎসমদঃ । বৃহস্পতিঃ । ত্রিষ্টুপ্}

[৯] আশ্লেষা

স্ব॒প্ন স্ব॒প্নাধি॒কর॑ণে॒- সর্ব॒।ন্নিষ্বা॑পয়া॒ জন॑ম্। আ সূর্য॑ ম॒ন্যা।ন্ত্স্বা॒পয়া॒- ব্যু॑১(উ॒)ষ।ঞ্জা॑গ্রিয়া। ম॒হম্॥

কা॒ল়ি॒কো না॑ম স॒র্পো॒- ন॒বনা॑গ। স॒হস্র॑বলঃ। য॒মু॒ন॒হ্র॒দে হ॑ সো জা॒তো॒৩(ও॒)- যো না॑রায়ণ॒বাহ॑নঃ॥

নমো॑ অস্তু স॒র্পেভ্যো॒- যে কে চ॑ পৃথি॒বী। মনু॑। যে অ॒ন্তরি॑ক্ষে॒ যে দি॒বি- তেভ্য॑। স্স॒র্পেভ্যো॒ নমঃ॑॥

[১০] মঘা

ত্বম॑গ্ন ঈল়ি॒তো জা॑তবে॒দোঽবা॑ড্ঢ॒ব্যানি॑ সুর॒ভীণি॑ কৃ॒ত্বী । প্রাদাঃ॑ পি॒তৃভ্যঃ॑ স্ব॒ধয়া॒ তে অ॑ক্ষন্ন॒দ্ধি ত্বং দে॑ব॒ প্রয়॑তা হ॒বীংষি॑ ॥ ১০।০১৫।১২, ৭।৬।০১৯।০২ {যামায়নঃ শঙ্খঃ । পিতরঃ । ত্রিষ্টুপ্}

যে চে॒হ পি॒তরো॒ যে চ॒ নেহ যাঁশ্চ॑ বি॒দ্ম যাঁ উ॑ চ॒ ন প্র॑বি॒দ্ম । ত্বং বে॑ত্থ॒ যতি॒ তে জা॑তবেদঃ স্ব॒ধাভি॑র্য॒জ্ঞং সুকৃ॑তং জুষস্ব ॥ ১০।০১৫।১৩, ৭।৬।০১৯।০৩ {যামায়নঃ শঙ্খঃ । পিতরঃ । ত্রিষ্টুপ্}

আহং পি॒তৄন্ত্সু॑বি॒দত্রাঁ॑ অবিৎসি॒ নপা॑তং চ বি॒ক্রম॑ণং চ॒ বিষ্ণোঃ॑ । ব॒র্হি॒ষদো॒ যে স্ব॒ধয়া॑ সু॒তস্য॒ ভজ॑ন্ত পি॒ত্বস্ত ই॒হাগ॑মিষ্ঠাঃ ॥ ১০।০১৫।০৩, ৭।৬।০১৭।০৩ {যামায়নঃ শঙ্খঃ । পিতরঃ । ত্রিষ্টুপ্}

[১১] পূর্ব ফল্গুনী

উ॒তেদানীং॒ ভগ॑বন্তঃ স্যামো॒ত প্র॑পি॒ত্ব উ॒ত মধ্যে॒ অহ্না॑ম্ । উ॒তোদি॑তা মঘব॒ন্ত্সূর্য॑স্য ব॒য়ং দে॒বানাং॑ সুম॒তৌ স্যা॑ম ॥ ৭।০৪১।০৪, ৫।৪।৮।৪ {মৈত্রাবরুণির্বসিষ্ঠঃ । ভগঃ । ত্রিষ্টুপ্}

ভগ॑ এ॒ব ভগ॑বাঁ অস্তু দেবা॒স্তেন॑ ব॒য়ং ভগ॑বন্তঃ স্যাম । তং ত্বা॑ ভগ॒ সর্ব॒ ইজ্জো॑হবীতি॒ স নো॑ ভগ পুরএ॒তা ভ॑বে॒হ ॥ ৭।০৪১।০৫, ৫।৪।৮।৫ {মৈত্রাবরুণির্বসিষ্ঠঃ । ভগঃ । ত্রিষ্টুপ্}

অ॒র্য॒মা ণো॒ অদি॑তির্য॒জ্ঞিয়া॒সোঽদ॑ব্ধানি॒ বরু॑ণস্য ব্র॒তানি॑ । যু॒য়োত॑ নো অনপ॒ত্যানি॒ গন্তোঃ॑ প্র॒জাবা॑ন্নঃ পশু॒মাঁ অ॑স্তু গা॒তুঃ ॥ ৩।০৫৪।১৮, ৩।৩।০২৭।০৩ {বৈশ্বামিত্রো প্রজাপতিঃ । বিশ্বদেবাঃ । ত্রিষ্টুপ্}

[১২] উত্তরফল্গূনী

ত্বম॑গ্নে॒ বরু॑ণো॒ জায়॑সে॒ যত্ত্বং মি॒ত্রো ভ॑বসি॒ যৎসমি॑দ্ধঃ । ত্বে বিশ্বে॑ সহসস্পুত্র দে॒বাস্ত্বমিন্দ্রো॑ দা॒শুষে॒ মর্ত্যা॑য় ॥ ৫।০০৩।০১, ৩।৮।০১৬।০১ {আত্রেয়ো বসুশ্রুতঃ । অগ্নিঃ । বিরাট্}

ত্বম॑র্য॒মা ভ॑বসি॒ যৎক॒নীনাং॒ নাম॑ স্বধাব॒ন্গুহ্যং॑ বিভর্ষি । অ॒ঞ্জন্তি॑ মি॒ত্রং সুধি॑তং॒ ন গোভি॒র্যদ্দম্প॑তী॒ সম॑নসা কৃ॒ণোষি॑ ॥ ৫।০০৩।০২, ৩।৮।০১৬।০২ {আত্রেয়ো বসুশ্রুতঃ । অগ্নিঃ । ত্রিষ্টুপ্}

[১৩] হস্ত

শং নো॑ ভব॒ চক্ষ॑সা॒ শং নো॒ অহ্না॒ শং ভা॒নুনা॒ শং হি॒মা শং ঘৃ॒ণেন॑ । যথা॒ শমধ্ব॒ঞ্ছমস॑দ্দুরো॒ণে তৎসূ॑র্য॒ দ্রবি॑ণং ধেহি চি॒ত্রম্ ॥ ১০।০৩৭।১০, ৭।৮।০১৩।০৪ {সৌর্যোভিতপাঃ । সূর্যঃ । ত্রিষ্টুপ্}

অ॒স্মাকং॑ দেবা উ॒ভয়া॑য়॒ জন্ম॑নে॒ শর্ম॑ যচ্ছত দ্বি॒পদে॒ চতু॑ষ্পদে । অ॒দৎপিব॑দূ॒র্জয়॑মান॒মাশি॑তং॒ তদ॒স্মে শং যোর॑র॒পো দ॑ধাতন ॥ ১০।০৩৭।১১, ৭।৮।০১৩।০৫ {সৌর্যোভিতপাঃ । সূর্যঃ । জগতী}

উদু॒ ত্যং জা॒তবে॑দসং দে॒বং ব॑হন্তি কে॒তবঃ॑ । দৃ॒শে বিশ্বা॑য়॒ সূর্য॑ম্ ॥ ১।০৫০।০১, ১।৪।৭।১ {কাণ্বঃ প্রস্কণ্বঃ । সূর্যঃ । গায়ত্রী}

[১৪] চিত্ত

প্রতি॑ নঃ॒ স্তোমং॒ ত্বষ্টা॑ জুষেত॒ স্যাদ॒স্মে অ॒রম॑তির্বসূ॒য়ুঃ ॥ {মৈত্রাবরুণির্বসিষ্ঠঃ । বিশ্বদেবাঃ । দ্বিপদাবিরাট্} ৭।০৩৪।২১, ৫।৩।০২৭।০১

তা নো॑ রাসন্রাতি॒ষাচো॒ বসূ॒ন্যা রোদ॑সী বরুণা॒নী শৃ॑ণোতু । বরূ॑ত্রীভিঃ সুশর॒ণো নো॑ অস্তু॒ ত্বষ্টা॑ সু॒দত্রো॒ বি দ॑ধাতু॒ রায়ঃ॑ ॥ ৭।০৩৪।২২, ৫।৩।০২৭।০২ {মৈত্রাবরুণির্বসিষ্ঠঃ । বিশ্বদেবাঃ । ত্রিষ্টুপ্}

চি॒ত্রং দে॒বানা॒মুদ॑গা॒দনী॑কং॒ চক্ষু॑র্মি॒ত্রস্য॒ বরু॑ণস্যা॒গ্নেঃ । আপ্রা॒ দ্যাবা॑পৃথি॒বী অ॒ন্তরি॑ক্ষং॒ সূর্য॑ আ॒ত্মা জগ॑তস্ত॒স্থুষ॑শ্চ ॥ ১।১১৫।০১, ১।৮।৭।১ {কুৎসঃ । সূর্যঃ । ত্রিষ্টুপ্}

[১৫] স্বাতী

বায়ো॑ শু॒ক্রো অ॑য়ামি তে॒ মধ্বো॒ অগ্রং॒ দিবি॑ষ্টিষু । আ যা॑হি॒ সোম॑পীতয়ে স্পা॒র্হো দে॑ব নি॒য়ুত্ব॑তা ॥ ৪।০৪৭।০১, ৩।৭।০২৩।০১ {গৌতমো বামদেবঃ । বায়ুঃ । অনুষ্টুপ্}

ইন্দ্র॑শ্চ বায়বেষাং॒ সোমা॑নাং পী॒তিম॑র্হথঃ । যু॒বাং হি যন্তীন্দ॑বো নি॒ম্নমাপো॒ ন স॒ধ্র্য॑ক্ ॥ ৪।০৪৭।০২, ৩।৭।০২৩।০২ {গৌতমো বামদেবঃ । ইন্দ্রবায়ূ । অনুষ্টুপ্}

বায়॒বা যা॑হি দর্শতে॒মে সোমা॒ অরঙ্॑কৃতাঃ । তেষাং॑ পাহি শ্রু॒ধী হব॑ম্ ॥ ১।০০২।০১, ১।১।৩।১ {বৈশ্বামিত্রো মধুচ্ছন্দাঃ । বায়ুঃ । গায়ত্রী}

[১৬] বিশাখা

ইন্দ্রা॑গ্নী অ॒পাদি॒য়ং পূর্বাগা॑ৎপ॒দ্বতী॑ভ্যঃ । হি॒ত্বী শিরো॑ জি॒হ্বয়া॒ বাব॑দ॒চ্চর॑ত্ত্রিং॒শৎপ॒দা ন্য॑ক্রমীৎ ॥ ৬।০৫৯।০৬, ৪।৮।০২৬।০১ {বার্হস্পত্যো ভরদ্বাজঃ । ইন্দ্রাগ্নী । বৃহতী}

ইন্দ্রা॑গ্নী॒ আ হি ত॑ন্ব॒তে নরো॒ ধন্বা॑নি বা॒হ্বোঃ । মা নো॑ অ॒স্মিন্ম॑হাধ॒নে পরা॑ বর্ক্তং॒ গবি॑ষ্টিষু ॥ ৬।০৫৯।০৭, ৪।৮।০২৬।০২ {বার্হস্পত্যো ভরদ্বাজঃ । ইন্দ্রাগ্নী । অনুষ্টুপ্}

ইন্দ্রা॑গ্নী॒ আ গ॑তং সু॒তং গী॒র্ভির্নভো॒ বরে॑ণ্যম্ । অ॒স্য পা॑তং ধি॒য়েষি॒তা ॥ ৩।০১২।০১, ৩।১।০১১।০১ {গাথিনো বিশ্বামিত্রঃ । ইন্দ্রাগ্নী । গায়ত্রী}

[১৭] অনূরাধা

অ॒য়ং মি॒ত্রো ন॑ম॒স্যঃ॑ সু॒শেবো॒ রাজা॑ সুক্ষ॒ত্রো অ॑জনিষ্ট বে॒ধাঃ । তস্য॑ ব॒য়ং সু॑ম॒তৌ য॒জ্ঞিয়॒স্যাপি॑ ভ॒দ্রে সৌ॑মন॒সে স্যা॑ম ॥ ৩।০৫৯।০৪, ৩।৪।৫।৪ {গাথিনো বিশ্বামিত্রঃ । মিত্রঃ । ত্রিষ্টুপ্}

ম॒হাঁ আ॑দি॒ত্যো নম॑সোপ॒সদ্যো॑ যাত॒য়জ্জ॑নো গৃণ॒তে সু॒শেবঃ॑ । তস্মা॑ এ॒তৎপন্য॑তমায়॒ জুষ্ট॑ম॒গ্নৌ মি॒ত্রায়॑ হ॒বিরা জু॑হোত ॥ ৩।০৫৯।০৫, ৩।৪।৫।৫ {গাথিনো বিশ্বামিত্রঃ । মিত্রঃ । ত্রিষ্টুপ্}

মি॒ত্রো জনা॑ন্যাতয়তি ব্রুবা॒ণো মি॒ত্রো দা॑ধার পৃথি॒বীমু॒ত দ্যাম্ । মি॒ত্রঃ কৃ॒ষ্টীরনি॑মিষা॒ভি চ॑ষ্টে মি॒ত্রায়॑ হ॒ব্যং ঘৃ॒তব॑জ্জুহোত ॥ ৩।০৫৯।০১, ৩।৪।৫।১ {গাথিনো বিশ্বামিত্রঃ । মিত্রঃ । ত্রিষ্টুপ্}

[১৮] জ্যেষ্ঠা

পিবা॒ সোম॑ম॒ভি যমু॑গ্র॒ তর্দ॑ ঊ॒র্বং গব্যং॒ মহি॑ গৃণা॒ন ই॑ন্দ্র । বি যো ধৃ॑ষ্ণো॒ বধি॑ষো বজ্রহস্ত॒ বিশ্বা॑ বৃ॒ত্রম॑মি॒ত্রিয়া॒ শবো॑ভিঃ ॥ ৬।০১৭।০১, ৪।৬।১।১ {বার্হস্পত্যো ভরদ্বাজঃ । ইন্দ্রঃ । ত্রিষ্টুপ্}

স ঈং॑ পাহি॒ য ঋ॑জী॒ষী তরু॑ত্রো॒ যঃ শিপ্র॑বান্বৃষ॒ভো যো ম॑তী॒নাম্ । যো গো॑ত্র॒ভিদ্ব॑জ্র॒ভৃদ্যো হ॑রি॒ষ্ঠাঃ স ই॑ন্দ্র চি॒ত্রাঁ অ॒ভি তৃ॑ন্ধি॒ বাজা॑ন্ ॥ ৬।০১৭।০২, ৪।৬।১।২ {বার্হস্পত্যো ভরদ্বাজঃ । ইন্দ্রঃ । ত্রিষ্টুপ্}

ইন্দ্র॒ শ্রেষ্ঠা॑নি॒ দ্রবি॑ণানি ধেহি॒ চিত্তিং॒ দক্ষ॑স্য সুভগ॒ত্বম॒স্মে । পোষং॑ রয়ী॒ণামরি॑ষ্টিং ত॒নূনাং॑ স্বা॒দ্মানং॑ বা॒চঃ সু॑দিন॒ত্বমহ্না॑ম্ ॥ ২।০২১।০৬, ২।৬।০২৭।০৬ {শৌনকো গৃৎসমদঃ । ইন্দ্রঃ । ত্রিষ্টুপ্}

[১৯] মূল

প্র তা॒র্যায়ুঃ॑ প্রত॒রং নবী॑য়ঃ॒ স্থাতা॑রেব॒ ক্রতু॑মতা॒ রথ॑স্য । অধ॒ চ্যবা॑ন॒ উত্ত॑বী॒ত্যর্থং॑ পরাত॒রং সু নির্ঋ॑তির্জিহীতাম্ ॥ ১০।০৫৯।০১, ৮।১।০২২।০১ {গৌপায়না বন্ধ্বাদয়ঃ । নিরৃতিঃ । ত্রিষ্টুপ্}

সাম॒ন্নু রা॒য়ে নি॑ধি॒মন্ন্বন্নং॒ করা॑মহে॒ সু পু॑রু॒ধ শ্রবাং॑সি । তা নো॒ বিশ্বা॑নি জরি॒তা ম॑মত্তু পরাত॒রং সু নির্ঋ॑তির্জিহীতাম্ ॥ ১০।০৫৯।০২, ৮।১।০২২।০২ {গৌপায়না বন্ধ্বাদয়ঃ । নিরৃতিঃ । ত্রিষ্টুপ্}

মো ষু ণঃ॒ পরা॑পরা॒ নির্ঋ॑তির্দু॒র্হণা॑ বধীৎ । প॒দী॒ষ্ট তৃষ্ণ॑য়া স॒হ ॥ ১।০৩৮।০৬, ১।৩।০১৬।০১ {ঘৌরঃ কণ্বঃ । মরুতঃ । গায়ত্রী}

[২০] পূর্বাষাঢা

ই॒দমা॑পঃ॒ প্র ব॑হত॒ যৎকিং চ॑ দুরি॒তং ময়ি॑ । যদ্বা॒হম॑ভিদু॒দ্রোহ॒ যদ্বা॑ শে॒প উ॒তানৃ॑তম্ ॥ ১০।০০৯।০৮, ৭।৬।৫।৮ {আম্বরীষঃ সিন্ধুদ্বীপঃ । আপঃ । অনুষ্টুপ্}

আপো॑ অ॒দ্যান্ব॑চারিষং॒ রসে॑ন॒ সম॑গস্মহি । পয়॑স্বানগ্ন॒ আ গ॑হি॒ তং মা॒ সং সৃ॑জ॒ বর্চ॑সা ॥ ১০।০০৯।০৯, ৭।৬।৫।৯ {আম্বরীষঃ সিন্ধুদ্বীপঃ । আপঃ । অনুষ্টুপ্}

আপো॒ হি ষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ ১০।০০৯।০১, ৭।৬।৫।১ {আম্বরীষঃ সিন্ধুদ্বীপঃ । আপঃ । গায়ত্রী}

[২১] উত্তরাষাঢা

দে॒বং বো॑ অ॒দ্য স॑বি॒তার॒মেষে॒ ভগং॑ চ॒ রত্নং॑ বি॒ভজ॑ন্তমা॒য়োঃ । আ বাং॑ নরা পুরুভুজা ববৃত্যাং দি॒বেদি॑বে চিদশ্বিনা সখী॒য়ন্ ॥ ৫।০৪৯।০১, ৪।৩।৩।১ {আত্রেয়ঃ প্রতিপ্রভুঃ । বিশ্বদেবাঃ । ত্রিষ্টুপ্}

প্রতি॑ প্র॒য়াণ॒মসু॑রস্য বি॒দ্বান্ত্সূ॒ক্তৈর্দে॒বং স॑বি॒তারং॑ দুবস্য । উপ॑ ব্রুবীত॒ নম॑সা বিজা॒নঞ্জ্যেষ্ঠং॑ চ॒ রত্নং॑ বি॒ভজ॑ন্তমা॒য়োঃ ॥ ৫।০৪৯।০২, ৪।৩।৩।২ {আত্রেয়ঃ প্রতিপ্রভুঃ । বিশ্বদেবাঃ । ত্রিষ্টুপ্}

বিশ্বে॑ দেবাঃ শৃণু॒তেমং হবং॑ মে॒ যে অ॒ন্তরি॑ক্ষে॒ য উপ॒ দ্যবি॒ ষ্ঠ । যে অ॑গ্নিজি॒হ্বা উ॒ত বা॒ যজ॑ত্রা আ॒সদ্যা॒স্মিন্ব॒র্হিষি॑ মাদয়ধ্বম্ ॥ ৬।০৫২।১৩, ৪।৮।০১৬।০৩ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

[২২] শ্রবণা

প্র বিষ্ণ॑বে শূ॒ষমে॑তু॒ মন্ম॑ গিরি॒ক্ষিত॑ উরুগা॒য়ায়॒ বৃষ্ণে॑ । য ই॒দং দী॒র্ঘং প্রয়॑তং স॒ধস্থ॒মেকো॑ বিম॒মে ত্রি॒ভিরিৎপ॒দেভিঃ॑ ॥ ১।১৫৪।০৩, ২।২।০২৪।০৩ {ঔচথ্যো দীর্ঘতমাঃ । বিষ্ণুঃ । ত্রিষ্টুপ্}

যস্য॒ ত্রী পূ॒র্ণা মধু॑না প॒দান্যক্ষী॑য়মাণা স্ব॒ধয়া॒ মদ॑ন্তি । য উ॑ ত্রি॒ধাতু॑ পৃথি॒বীমু॒ত দ্যামেকো॑ দা॒ধার॒ ভুব॑নানি॒ বিশ্বা॑ ॥ ১।১৫৪।০৪, ২।২।০২৪।০৪ {ঔচথ্যো দীর্ঘতমাঃ । বিষ্ণুঃ । ত্রিষ্টুপ্}

বষ॑ট্ তে বিষ্ণবা॒স আ কৃ॑ণোমি॒ তন্মে॑ জুষস্ব শিপিবিষ্ট হ॒ব্যম্ । বর্ধ॑ন্তু ত্বা সুষ্টু॒তয়ো॒ গিরো॑ মে যূ॒য়ং পা॑ত স্ব॒স্তিভিঃ॒ সদা॑ নঃ ॥ ৭।১০০।০৭, ৫।৬।০২৫।০৭ {মৈত্রাবরুণির্বসিষ্ঠঃ । বিষ্ণুঃ । ত্রিষ্টুপ্}

[২৩] ধনিষ্ঠা

জনি॑ষ্ঠা উ॒গ্রঃ সহ॑সে তু॒রায়॑ ম॒ন্দ্র ওজি॑ষ্ঠো বহু॒লাভি॑মানঃ । অব॑র্ধ॒ন্নিন্দ্রং॑ ম॒রুত॑শ্চি॒দত্র॑ মা॒তা যদ্বী॒রং দ॒ধন॒দ্ধনি॑ষ্ঠা ॥ ১০।০৭৩।০১, ৮।৩।৩।১ {শাক্ত্যো গৌরিবীতিঃ । ইন্দ্রঃ । ত্রিষ্টুপ্}

দ্রু॒হো নিষ॑ত্তা পৃশ॒নী চি॒দেবৈঃ॑ পু॒রূ শংসে॑ন বাবৃধু॒ষ্ট ইন্দ্র॑ম্ । অ॒ভীবৃ॑তেব॒ তা ম॑হাপ॒দেন॑ ধ্বা॒ন্তাৎপ্র॑পি॒ত্বাদুদ॑রন্ত॒ গর্ভাঃ॑ ॥ ১০।০৭৩।০২, ৮।৩।৩।২ {শাক্ত্যো গৌরিবীতিঃ । ইন্দ্রঃ । ত্রিষ্টুপ্}

যথা॑ হ॒ ত্যদ্ব॑সবো গৌ॒র্যং॑ চিৎপ॒দি ষি॒তামমু॑ঞ্চতা যজত্রাঃ । এ॒বো ষ্ব১॒॑স্মন্মু॑ঞ্চতা॒ ব্যংহঃ॒ প্র তা॑র্যগ্নে প্রত॒রং ন॒ আয়ুঃ॑ ॥ ৪।০১২।০৬, ৩।৫।০১২।০৬ {গৌতমো বামদেবঃ । অগ্নিঃ । ত্রিষ্টুপ্}

ই॒মং মে॑ বরুণ শ্রুধী॒ হব॑ম॒দ্যা চ॑ মৃল়য় । ত্বাম॑ব॒স্যুরা চ॑কে ॥ ১।০২৫।১৯, ১।২।০১৯।০৪ {আজীগর্তিঃ শুনঃশেপঃ । বরুণঃ । গায়ত্রী}

[২৪] শতভিষং

অব॑ তে॒ হেল়ো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয়॑ন্ন॒স্মভ্য॑মসুর প্রচেতা॒ রাজ॒ন্নেনাং॑সি শিশ্রথঃ কৃ॒তানি॑ ॥ ১।০২৪।১৪, ১।২।০১৫।০৪ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

উদু॑ত্ত॒মং ব॑রুণ॒ পাশ॑ম॒স্মদবা॑ধ॒মং বি ম॑ধ্য॒মং শ্র॑থায় । অথা॑ ব॒য়মা॑দিত্য ব্র॒তে তবানা॑গসো॒ অদি॑তয়ে স্যাম ॥ ১।০২৪।১৫, ১।২।০১৫।০৫ {আজীগর্তিঃ শুনঃশেপঃ স কৃত্রিমো বৈশ্বামিত্রো দেবরাতঃ । বরুণঃ । ত্রিষ্টুপ্}

স॒মু॒দ্রঃ সিন্ধূ॒ রজো॑ অ॒ন্তরি॑ক্ষম॒জ এক॑পাত্তনয়ি॒ত্নুর॑র্ণ॒বঃ । অহি॑র্বু॒ধ্ন্যঃ॑ শৃণব॒দ্বচাং॑সি মে॒ বিশ্বে॑ দে॒বাস॑ উ॒ত সূ॒রয়ো॒ মম॑ ॥ ১০।০৬৬।১১, ৮।২।০১৪।০১ {বসুকর্ণো বাসুক্রঃ । বিশ্বদেবাঃ । জগতী}

[২৫] পূর্বাভাদ্রা

উ॒ত নোঽহি॑র্বু॒ধ্ন্যঃ॑ শৃণোত্ব॒জ এক॑পাৎপৃথি॒বী স॑মু॒দ্রঃ । বিশ্বে॑ দে॒বা ঋ॑তা॒বৃধো॑ হুবা॒নাঃ স্তু॒তা মন্ত্রাঃ॑ কবিশ॒স্তা অ॑বন্তু ॥ ৬।০৫০।১৪, ৪।৮।০১০।০৪ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

এ॒বা নপা॑তো॒ মম॒ তস্য॑ ধী॒ভির্ভ॒রদ্বা॑জা অ॒ভ্য॑র্চন্ত্য॒র্কৈঃ । গ্না হু॒তাসো॒ বস॒বোঽধৃ॑ষ্টা॒ বিশ্বে॑ স্তু॒তাসো॑ ভূতা যজত্রাঃ ॥ ৬।০৫০।১৫, ৪।৮।০১০।০৫ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

উ॒ত নো॒ নক্ত॑ম॒পাং বৃ॑ষণ্বসূ॒ সূর্যা॒মাসা॒ সদ॑নায় সধ॒ন্যা॑ । সচা॒ যৎসাদ্যে॑ষা॒মহি॑র্বু॒ধ্নেষু॑ বু॒ধ্ন্যঃ॑ ॥ ১০।০৯৩।০৫, ৮।৪।০২৬।০৫ {পার্থ্যস্তান্বঃ । বিশ্বদেবাঃ । প্রস্তার পঙ্ক্তি}

[২৬] উত্তরাভাদ্রা

স॒জূর্দে॒বেভি॑র॒পাং নপা॑তং॒ সখা॑য়ং কৃধ্বং শি॒বো নো॑ অস্তু ॥ {মৈত্রাবরুণির্বসিষ্ঠঃ । বিশ্বদেবাঃ । দ্বিপদাবিরাট্} ৭।০৩৪।১৫, ৫।৩।০২৬।০৫

অ॒ব্জামু॒ক্থৈরহিং॑ গৃণীষে বু॒ধ্নে ন॒দীনাং॒ রজঃ॑সু॒ ষীদ॑ন্ ॥ {মৈত্রাবরুণির্বসিষ্ঠঃ । অহ্নিঃ । দ্বিপদাবিরাট্} ৭।০৩৪।১৬, ৫।৩।০২৬।০৬

মা নোঽহি॑র্বু॒ধ্ন্যো॑ রি॒ষে ধা॒ন্মা য॒জ্ঞো অ॑স্য স্রিধদৃতা॒য়োঃ ॥ {মৈত্রাবরুণির্বসিষ্ঠঃ । অহির্বুধ্ন্যঃ । দ্বিপদাবিরাট্} ৭।০৩৪।১৭, ৫।৩।০২৬।০৭

পূ॒ষা গা অন্বে॑তু নঃ পূ॒ষা র॑ক্ষ॒ত্বর্ব॑তঃ । পূ॒ষা বাজং॑ সনোতু নঃ ॥ ৬।০৫৪।০৫, ৪।৮।০১৯।০৫ {বার্হস্পত্যো ভরদ্বাজঃ । পূষা । গায়ত্রী}

[২৭] রেবতী

যাস্তে॑ পূষ॒ন্নাবো॑ অ॒ন্তঃ স॑মু॒দ্রে হি॑র॒ণ্যযী॑র॒ন্তরি॑ক্ষে॒ চর॑ন্তি । তাভি॑র্যাসি দূ॒ত্যাং সূর্য॑স্য॒ কামে॑ন কৃত॒ শ্রব॑ ই॒চ্ছমা॑নঃ ॥ ৬।০৫৮।০৩, ৪।৮।০২৪।০৩ {বার্হস্পত্যো ভরদ্বাজঃ । পূষা । ত্রিষ্টুপ্}

পূ॒ষা সু॒বন্ধু॑র্দি॒ব আ পৃ॑থি॒ব্যা ই॒ল়স্পতি॑র্ম॒ঘবা॑ দ॒স্মব॑র্চাঃ । যং দে॒বাসো॒ অদ॑দুঃ সূ॒র্যায়ৈ॒ কামে॑ন কৃ॒তং ত॒বসং॒ স্বঞ্চ॑ম্ ॥ ৬।০৫৮।০৪, ৪।৮।০২৪।০৪ {বার্হস্পত্যো ভরদ্বাজঃ । পূষা । ত্রিষ্টুপ্}

রে॒বতী॑র্নঃ সধ॒মাদ॒ ইন্দ্রে॑ সন্তু তু॒বিবা॑জাঃ । ক্ষু॒মন্তো॒ যাভি॒র্মদে॑ম ॥ ১।০৩০।১৩, ১।২।০৩০।০৩ {আজীগর্তিঃ শুনঃশেপঃ । ইন্দ্রঃ । গায়ত্রী}

[২৮] অভিজিৎ

ব্রহ্ম॑ণা তে ব্রহ্ম॒য়ুজা॑ যুনজ্মি॒ হরী॒ সখা॑য়া সধ॒মাদ॑ আ॒শূ । স্থি॒রং রথং॑ সু॒খমি॑ন্দ্রাধি॒তিষ্ঠ॑ন্প্রজা॒নন্বি॒দ্বাঁ উপ॑ যাহি॒ সোম॑ম্ ॥ ৩।০৩৫।০৪, ৩।২।০১৭।০৪ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

১০২। মণ্ডলাদ্যন্তমন্ত্রাঃ

অ॒গ্নিমী॑ল়ে পু॒রোহি॑তং য॒জ্ঞস্য॑ দে॒বমৃ॒ত্বিজ॑ম্ । হোতা॑রং রত্ন॒ধাত॑মম্ ॥ ১।০০১।০১, ১।১।১।১ {বৈশ্বামিত্রো মধুচ্ছন্দাঃ । অগ্নিঃ । গায়ত্রী}

কু॒ষু॒ম্ভ॒কস্তদ॑ব্রবীদ্গি॒রেঃ প্র॑বর্তমান॒কঃ । বৃশ্চি॑কস্যার॒সং বি॒ষম॑র॒সং বৃ॑শ্চিক তে বি॒ষম্ ॥ ১।১৯১।১৬, ২।৫।০১৬।০৬ {মৈত্রাবরুণিরগস্ত্যঃ । অপ্তৃণসূর্যাঃ । অনুষ্টুপ্}

ত্বম॑গ্নে॒ দ্যুভি॒স্ত্বমা॑শুশু॒ক্ষণি॒স্ত্বম॒দ্ভ্যস্ত্বমশ্ম॑ন॒স্পরি॑ । ত্বং বনে॑ভ্য॒স্ত্বমোষ॑ধীভ্য॒স্ত্বং নৃ॒ণাং নৃ॑পতে জায়সে॒ শুচিঃ॑ ॥ ২।০০১।০১, ২।৫।০১৭।০১ {শৌনকো গৃৎসমদঃ । অগ্নিঃ । জগতী}

আ॒বদং॒স্ত্বং শ॑কুনে ভ॒দ্রমা ব॑দ তূ॒ষ্ণীমাসী॑নঃ সুম॒তিং চি॑কিদ্ধি নঃ । যদু॒ৎপত॒ন্বদ॑সি কর্ক॒রির্য॑থা বৃ॒হদ্ব॑দেম বি॒দথে॑ সু॒বীরাঃ॑ ॥ ২।০৪৩।০৩, ২।৮।০১২।০৩ {শৌনকো গৃৎসমদঃ । শকুন্তঃ (কপিঞ্জলরূপীন্দ্রঃ) । জগতী}

সোম॑স্য মা ত॒বসং॒ বক্ষ্য॑গ্নে॒ বহ্নিং॑ চকর্থ বি॒দথে॒ যজ॑ধ্যৈ । দে॒বাঁ অচ্ছা॒ দীদ্য॑দ্যু॒ঞ্জে অদ্রিং॑ শমা॒য়ে অ॑গ্নে ত॒ন্বং॑ জুষস্ব ॥ ৩।০০১।০১, ২।৮।০১৩।০১ {গাথিনো বিশ্বামিত্রঃ । অগ্নিঃ । ত্রিষ্টুপ্}

গৃ॒ণা॒না জ॒মদ॑গ্নিনা॒ যোনা॑বৃ॒তস্য॑ সীদতম্ । পা॒তং সোম॑মৃতাবৃধা ॥ ৩।০৬২।১৮, ৩।৪।০১১।০৮ {বিশ্বামিত্রো জমদগ্নির্বা । মিত্রাবরুণৌ । গায়ত্রী}

ত্বাং হ্য॑গ্নে॒ সদ॒মিৎস॑ম॒ন্যবো॑ দে॒বাসো॑ দে॒বম॑র॒তিং ন্যে॑রি॒র ইতি॒ ক্রত্বা॑ ন্যেরি॒রে । অম॑র্ত্যং যজত॒ মর্ত্যে॒ষ্বা দে॒বমাদে॑বং জনত॒ প্রচে॑তসং॒ বিশ্ব॒মাদে॑বং জনত॒ প্রচে॑তসম্ ॥ ৪।০০১।০১, ৩।৪।০১২।০১ {গৌতমো বামদেবঃ । অগ্নিঃ । অষ্টিঃ}

ধাম॑ন্তে॒ বিশ্বং॒ ভুব॑ন॒মধি॑ শ্রি॒তম॒ন্তঃ স॑মু॒দ্রে হৃ॒দ্য১॒॑ন্তরায়ু॑ষি । অ॒পামনী॑কে সমি॒থে য আভৃ॑ত॒স্তম॑শ্যাম॒ মধু॑মন্তং ত ঊ॒র্মিম্ ॥ ৪।০৫৮।১১, ৩।৮।০১১।০৬ {গৌতমো বামদেবঃ । সূর্যোবাপোবাগাবোবাঘৃতস্তুতির্বাদেবতা । জগতী}

অবো॑ধ্য॒গ্নিঃ স॒মিধা॒ জনা॑নাং॒ প্রতি॑ ধে॒নুমি॑বায়॒তীমু॒ষাস॑ম্ । য॒হ্বা ই॑ব॒ প্র ব॒য়ামু॒জ্জিহা॑নাঃ॒ প্র ভা॒নবঃ॑ সিস্রতে॒ নাক॒মচ্ছ॑ ॥ ৫।০০১।০১, ৩।৮।০১২।০১ {অত্রেয়ৌ বুধগবিষ্ঠিরা । অগ্নিঃ । ত্রিষ্টুপ্}

গন্তা॑ নো য॒জ্ঞং য॑জ্ঞিয়াঃ সু॒শমি॒ শ্রোতা॒ হব॑মর॒ক্ষ এ॑ব॒য়াম॑রুৎ । জ্যেষ্ঠা॑সো॒ ন পর্ব॑তাসো॒ ব্যো॑মনি যূ॒য়ং তস্য॑ প্রচেতসঃ॒ স্যাত॑ দু॒র্ধর্ত॑বো নি॒দঃ ॥ ৫।০৮৭।০৯, ৪।৪।০৩৪।০৪ {এবয়ামরুদাত্রেয়ঃ । মরুতঃ । অতিজগতী}

ত্বং হ্য॑গ্নে প্রথ॒মো ম॒নোতা॒স্যা ধি॒য়ো অভ॑বো দস্ম॒ হোতা॑ । ত্বং সীং॑ বৃষন্নকৃণোর্দু॒ষ্টরী॑তু॒ সহো॒ বিশ্ব॑স্মৈ॒ সহ॑সে॒ সহ॑ধ্যৈ ॥ ৬।০০১।০১, ৪।৪।০৩৫।০১ {বার্হস্পত্যো ভরদ্বাজঃ । অগ্নিঃ । ত্রিষ্টুপ্}

যো নঃ॒ স্বো অর॑ণো॒ যশ্চ॒ নিষ্ট্যো॒ জিঘাং॑সতি । দে॒বাস্তং সর্বে॑ ধূর্বন্তু॒ ব্রহ্ম॒ বর্ম॒ মমান্ত॑রম্ ॥ ৬।০৭৫।১৯, ৫।১।০২২।০৪ {ভারদ্বাজঃ পায়ুঃ । এবব্রহ্মাণি । অনুষ্টুপ্}

অ॒গ্নিং নরো॒ দীধি॑তিভির॒রণ্যো॒র্হস্ত॑চ্যুতী জনয়ন্ত প্রশ॒স্তম্ । দূ॒রে॒দৃশং॑ গৃ॒হপ॑তিমথ॒র্যুম্ ॥ ৭।০০১।০১, ৫।১।০২৩।০১ {মৈত্রাবরুণির্বসিষ্ঠঃ । অগ্নিঃ । বিরাট্}

প্রতি॑ চক্ষ্ব॒ বি চ॒ক্ষ্বেন্দ্র॑শ্চ সোম জাগৃতম্ । রক্ষো॑ভ্যো ব॒ধম॑স্যতম॒শনিং॑ যাতু॒মদ্ভ্যঃ॑ ॥ ৭।১০৪।২৫, ৫।৭।৯।৫ {মৈত্রাবরুণির্বসিষ্ঠঃ । ইন্দ্রাসোমৌ রক্ষোহণী । অনুষ্টুপ্}

মা চি॑দ॒ন্যদ্বি শং॑সত॒ সখা॑য়ো॒ মা রি॑ষণ্যত । ইন্দ্র॒মিৎস্তো॑তা॒ বৃষ॑ণং॒ সচা॑ সু॒তে মুহু॑রু॒ক্থা চ॑ শংসত ॥ ৮।০০১।০১, ৫।৭।০১০।০১ {প্রগাথো ঘৌরঃ কাণ্বো বা । ইন্দ্রঃ । বৃহতী}

আগ্নে॑ যাহি ম॒রুৎস॑খা রু॒দ্রেভিঃ॒ সোম॑পীতয়ে । সোভ॑র্যা॒ উপ॑ সুষ্টু॒তিং মা॒দয়॑স্ব॒ স্ব॑র্ণরে ॥ ৮।১০৩।১৪, ৬।৭।০১৫।০৪ {কাণ্বঃ সোভরিঃ । অগ্নামরুতঃ । অনুষ্টুপ্}

স্বাদি॑ষ্ঠয়া॒ মদি॑ষ্ঠয়া॒ পব॑স্ব সোম॒ ধার॑য়া । ইন্দ্রা॑য়॒ পাত॑বে সু॒তঃ ॥ ৯।০০১।০১, ৬।৭।০১৬।০১ {বৈশ্বামিত্রো মধুচ্ছন্দাঃ । পবমানঃ সোমঃ । গায়ত্রী}

যত্তে॑ রাজঞ্ছৃ॒তং হ॒বিস্তেন॑ সোমা॒ভি র॑ক্ষ নঃ । অ॒রা॒তী॒বা মা ন॑স্তারী॒ন্মো চ॑ নঃ॒ কিং চ॒নাম॑ম॒দিন্দ্রা॑য়েন্দো॒ পরি॑ স্রব ॥ ৯।১১৪।০৪, ৭।৫।০২৮।০৪ {মারীচঃ কশ্যপঃ । পবমানঃ সোমঃ । পঙ্ক্তিঃ}

অগ্রে॑ বৃ॒হন্নু॒ষসা॑মূ॒র্ধ্বো অ॑স্থান্নির্জগ॒ন্বান্তম॑সো॒ জ্যোতি॒ষাগা॑ৎ । অ॒গ্নির্ভা॒নুনা॒ রুশ॑তা॒ স্বঙ্গ॒ আ জা॒তো বিশ্বা॒ সদ্মা॑ন্যপ্রাঃ ॥ ১০।০০১।০১, ৭।৫।০২৯।০১ {অপ্ত্যস্ত্রিতঃ । অগ্নিঃ । ত্রিষ্টুপ্}

স॒মা॒নী ব॒ আকূ॑তিঃ সমা॒না হৃদ॑য়ানি বঃ । স॒মা॒নম॑স্তু বো॒ মনো॒ যথা॑ বঃ॒ সুস॒হাস॑তি ॥ ১০।১৯১।০৪, ৮।৮।০৪৯।০৪ {আঙ্গিরসঃ সংবননঃ । সঞ্জ্ঞানং । অনুষ্টুপ্}

১০৩। দেব ঋচঃ

নমো॑ ম॒হদ্ভ্যো॒ নমো॑ অর্ভ॒কেভ্যো॒ নমো॒ যুব॑ভ্যো॒ নম॑ আশি॒নেভ্যঃ॑ । যজা॑ম দে॒বান্যদি॑ শ॒ক্নবা॑ম॒ মা জ্যায়॑সঃ॒ শংস॒মা বৃ॑ক্ষি দেবাঃ ॥ ১।০২৭।১৩, ১।২।০২৪।০৩ {আজীগর্তিঃ শুনঃশেপঃ । বিশ্বদেবাঃ । ত্রিষ্টুপ্}

ম॒মত্তু॑ নঃ॒ পরি॑জ্মা বস॒র্হা ম॒মত্তু॒ বাতো॑ অ॒পাং বৃষ॑ণ্বান্ । শি॒শী॒তমি॑ন্দ্রাপর্বতা যু॒বং ন॒স্তন্নো॒ বিশ্বে॑ বরিবস্যন্তু দে॒বাঃ ॥ ১।১২২।০৩, ২।১।১।৩ {দৈর্ঘতমসঃ কক্ষীবান্ । বিশ্বদেবাঃ । ত্রিষ্টুপ্}

ক॒থা তে॑ অগ্নে শু॒চয়॑ন্ত আ॒য়োর্দ॑দা॒শুর্বাজে॑ভিরাশুষা॒ণাঃ । উ॒ভে যত্তো॒কে তন॑য়ে॒ দধা॑না ঋ॒তস্য॒ সাম॑ন্র॒ণয়॑ন্ত দে॒বাঃ ॥ ১।১৪৭।০১, ২।২।০১৬।০১ {ঔচথ্যো দীর্ঘতমাঃ । অগ্নিঃ । ত্রিষ্টুপ্}

য॒জ্ঞেন॑ য॒জ্ঞম॑য়জন্ত দে॒বাস্তানি॒ ধর্মা॑ণি প্রথ॒মান্যা॑সন্ । তে হ॒ নাকং॑ মহি॒মানঃ॑ সচন্ত॒ যত্র॒ পূর্বে॑ সা॒ধ্যাঃ সন্তি॑ দে॒বাঃ ॥ ১।১৬৪।৫০, ২।৩।০২৩।০৪ {ঔচথ্যো দীর্ঘতমাঃ । সাধ্যাঃ । ত্রিষ্টুপ্}

পরা॑ শু॒ভ্রা অ॒য়াসো॑ য॒ব্যা সা॑ধার॒ণ্যেব॑ ম॒রুতো॑ মিমিক্ষুঃ । ন রো॑দ॒সী অপ॑ নুদন্ত ঘো॒রা জু॒ষন্ত॒ বৃধং॑ স॒খ্যায়॑ দে॒বাঃ ॥ ১।১৬৭।০৪, ২।৪।৪।৪ {মৈত্রাবরুণিরগস্ত্যঃ । মরুতঃ । ত্রিষ্টুপ্}

ত্বে রায়॑ ইন্দ্র তো॒শত॑মাঃ প্রণে॒তারঃ॒ কস্য॑ চিদৃতা॒য়োঃ । তে ষু ণো॑ ম॒রুতো॑ মৃল়য়ন্তু॒ যে স্মা॑ পু॒রা গা॑তূ॒য়ন্তী॑ব দে॒বাঃ ॥ ১।১৬৯।০৫, ২।৪।৮।৫ {মৈত্রাবরুণিরগস্ত্যঃ । ইন্দ্রঃ । ত্রিষ্টুপ্}

উ॒ভা শংসা॒ নর্যা॒ মাম॑বিষ্টামু॒ভে মামূ॒তী অব॑সা সচেতাম্ । ভূরি॑ চিদ॒র্যঃ সু॒দাস্ত॑রায়ে॒ষা মদ॑ন্ত ইষয়েম দেবাঃ ॥ ১।১৮৫।০৯, ২।৫।৩।৪ {মৈত্রাবরুণিরগস্ত্যঃ । দ্যাবাপৃথিব্যৌ । ত্রিষ্টুপ্}

উ॒ত ন॑ ঈং ম॒রুতো॑ বৃ॒দ্ধসে॑নাঃ॒ স্মদ্রোদ॑সী॒ সম॑নসঃ সদন্তু । পৃষ॑দশ্বাসো॒ঽবন॑য়ো॒ ন রথা॑ রি॒শাদ॑সো মিত্র॒য়ুজো॒ ন দে॒বাঃ ॥ ১।১৮৬।০৮, ২।৫।৫।৩ {মৈত্রাবরুণিরগস্ত্যঃ । বিশ্বদেবাঃ । ত্রিষ্টুপ্}

তব॑ স্যাম পুরু॒বীর॑স্য॒ শর্ম॑ন্নুরু॒শংস॑স্য বরুণ প্রণেতঃ । যূ॒য়ং নঃ॑ পুত্রা অদিতেরদব্ধা অ॒ভি ক্ষ॑মধ্বং॒ যুজ্যা॑য় দেবাঃ ॥ ২।০২৮।০৩, ২।৭।৯।৩ {গার্ত্সমদঃ কূর্মঃ । বরুণঃ । ত্রিষ্টুপ্}

দি॒বশ্চি॒দা তে॑ রুচয়ন্ত রো॒কা উ॒ষো বি॑ভা॒তীরনু॑ ভাসি পূ॒র্বীঃ । অ॒পো যদ॑গ্ন উ॒শধ॒গ্বনে॑ষু॒ হোতু॑র্ম॒ন্দ্রস্য॑ প॒নয়॑ন্ত দে॒বাঃ ॥ ৩।০০৬।০৭, ২।৮।০২৭।০২ {গাথিনো বিশ্বামিত্রঃ । অগ্নিঃ । ত্রিষ্টুপ্}

শংসা॑ ম॒হামিন্দ্রং॒ যস্মি॒ন্বিশ্বা॒ আ কৃ॒ষ্টয়ঃ॑ সোম॒পাঃ কাম॒মব্য॑ন্ । যং সু॒ক্রতুং॑ ধি॒ষণে॑ বিভ্বত॒ষ্টং ঘ॒নং বৃ॒ত্রাণাং॑ জ॒নয়॑ন্ত দে॒বাঃ ॥ ৩।০৪৯।০১, ৩।৩।০১৩।০১ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

নাপা॑ভূত॒ ন বো॑ঽতীতৃষা॒মানিঃ॑শস্তা ঋভবো য॒জ্ঞে অ॒স্মিন্ । সমিন্দ্রে॑ণ॒ মদ॑থ॒ সং ম॒রুদ্ভিঃ॒ সং রাজ॑ভী রত্ন॒ধেয়া॑য় দেবাঃ ॥ ৪।০৩৪।১১, ৩।৭।৪।৬ {গৌতমো বামদেবঃ । ঋভবঃ । ত্রিষ্টুপ্}

অপ্র॑তীতো জয়তি॒ সং ধনা॑নি॒ প্রতি॑জন্যান্যু॒ত যা সজ॑ন্যা । অ॒ব॒স্যবে॒ যো বরি॑বঃ কৃ॒ণোতি॑ ব্র॒হ্মণে॒ রাজা॒ তম॑বন্তি দে॒বাঃ ॥ ৪।০৫০।০৯, ৩।৭।০২৭।০৪ {গৌতমো বামদেবঃ । বৃহস্পতিঃ । ত্রিষ্টুপ্}

কো ব॑স্ত্রা॒তা ব॑সবঃ॒ কো ব॑রূ॒তা দ্যাবা॑ভূমী অদিতে॒ ত্রাসী॑থাং নঃ । সহী॑য়সো বরুণ মিত্র॒ মর্তা॒ৎকো বো॑ঽধ্ব॒রে বরি॑বো ধাতি দেবাঃ ॥ ৪।০৫৫।০১, ৩।৮।৬।১ {গৌতমো বামদেবঃ । বিশ্বদেবাঃ । ত্রিষ্টুপ্}

ত্বম॒পো যদ॑বে তু॒র্বশা॒য়ার॑ময়ঃ সু॒দুঘাঃ॑ পা॒র ই॑ন্দ্র । উ॒গ্রম॑য়াত॒মব॑হো হ॒ কুৎসং॒ সং হ॒ যদ্বা॑মু॒শনার॑ন্ত দে॒বাঃ ॥ ৫।০৩১।০৮, ৪।১।০৩০।০৩ {আত্রেয়ো বস্যুঃ । ১/২:ইন্দ্রঃ, ২/২:ইন্দ্র কুৎসো বা, ইন্দ্র উশনা বা । ত্রিষ্টুপ্}

মূ॒র্ধানং॑ দি॒বো অ॑র॒তিং পৃ॑থি॒ব্যা বৈ॑শ্বান॒রমৃ॒ত আ জা॒তম॒গ্নিম্ । ক॒বিং স॒ম্রাজ॒মতি॑থিং॒ জনা॑নামা॒সন্না পাত্রং॑ জনয়ন্ত দে॒বাঃ ॥ ৬।০০৭।০১, ৪।৫।৯।১ {বার্হস্পত্যো ভরদ্বাজঃ । বৈশ্বানরোগ্নিঃ । ত্রিষ্টুপ্}

নাভিং॑ য॒জ্ঞানাং॒ সদ॑নং রয়ী॒ণাং ম॒হামা॑হা॒বম॒ভি সং ন॑বন্ত । বৈ॒শ্বা॒ন॒রং র॒থ্য॑মধ্ব॒রাণাং॑ য॒জ্ঞস্য॑ কে॒তুং জ॑নয়ন্ত দে॒বাঃ ॥ ৬।০০৭।০২, ৪।৫।৯।২ {বার্হস্পত্যো ভরদ্বাজঃ । বৈশ্বানরোগ্নিঃ । ত্রিষ্টুপ্}

তে নো॑ রা॒য়ো দ্যু॒মতো॒ বাজ॑বতো দা॒তারো॑ ভূত নৃ॒বতঃ॑ পুরু॒ক্ষোঃ । দ॒শ॒স্যন্তো॑ দি॒ব্যাঃ পার্থি॑বাসো॒ গোজা॑তা॒ অপ্যা॑ মৃ॒ল়তা॑ চ দেবাঃ ॥ ৬।০৫০।১১, ৪।৮।০১০।০১ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

যে কে চ॒ জ্মা ম॒হিনো॒ অহি॑মায়া দি॒বো জ॑জ্ঞি॒রে অ॒পাং স॒ধস্থে॑ । তে অ॒স্মভ্য॑মি॒ষয়ে॒ বিশ্ব॒মায়ুঃ॒ ক্ষপ॑ উ॒স্রা ব॑রিবস্যন্তু দে॒বাঃ ॥ ৬।০৫২।১৫, ৪।৮।০১৬।০৫ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

অ॒স্মে রু॒দ্রা মে॒হনা॒ পর্ব॑তাসো বৃত্র॒হত্যে॒ ভর॑হূতৌ স॒জোষাঃ॑ । যঃ শংস॑তে স্তুব॒তে ধায়ি॑ প॒জ্র ইন্দ্র॑জ্যেষ্ঠা অ॒স্মাঁ অ॑বন্তু দে॒বাঃ ॥ ৮।০৬৩।১২, ৬।৪।০৪৩।০৬ {কাণ্বঃ প্রগাথঃ । দেবাঃ । ত্রিষ্টুপ্} ॑

পরি॒ প্র ধ॒ন্বেন্দ্রা॑য় সোম স্বা॒দুর্মি॒ত্রায়॑ পূ॒ষ্ণে ভগা॑য় ॥ ৯।১০৯।১, ৭।৫।২০।১

{ঐশ্বরয়ো ধিষ্ণ্যাগ্নয়ঃ । পবমানঃ সোমঃ । দ্বিপদাবিরাট্}

ইন্দ্র॑স্তে সোম সু॒তস্য॑ পেয়াঃ॒ ক্রত্বে॒ দক্ষা॑য়॒ বিশ্বে॑ চ দে॒বাঃ ॥ ৯।১০৯।২, ৭।৫।২০।২ {ঐশ্বরয়ো ধিষ্ণ্যাগ্নয়ঃ । পবমানঃ সোমঃ । দ্বিপদাবিরাট্}

প্র॒য়া॒জান্মে॑ অনুয়া॒জাঁশ্চ॒ কেব॑লা॒নূর্জ॑স্বন্তং হ॒বিষো॑ দত্ত ভা॒গম্ । ঘৃ॒তং চা॒পাং পুরু॑ষং॒ চৌষ॑ধীনাম॒গ্নেশ্চ॑ দী॒র্ঘমায়ু॑রস্তু দেবাঃ ॥ ১০।০৫১।০৮, ৮।১।০১১।০৩ {সৌচীকোগ্নিঃ । দেবাঃ । ভুরিক্ত্রিষ্টুপ্}

ঐভি॑র্দদে॒ বৃষ্ণ্যা॒ পৌংস্যা॑নি॒ যেভি॒রৌক্ষ॑দ্বৃত্র॒হত্যা॑য় ব॒জ্রী । যে কর্ম॑ণঃ ক্রি॒য়মা॑ণস্য ম॒হ্ন ঋ॑তেক॒র্মমু॒দজা॑য়ন্ত দে॒বাঃ ॥ ১০।০৫৫।০৭, ৮।১।০১৭।০২ {বামদেব্যো বৃহদুক্থঃ । ইন্দ্রঃ । ত্রিষ্টুপ্}

অ॒নৃ॒ক্ষ॒রা ঋ॒জবঃ॑ সন্তু॒ পন্থা॒ যেভিঃ॒ সখা॑য়ো॒ যন্তি॑ নো বরে॒য়ম্ । সম॑র্য॒মা সং ভগো॑ নো নিনীয়া॒ৎসং জা॑স্প॒ত্যং সু॒য়ম॑মস্তু দেবাঃ ॥ ১০।০৮৫।২৩, ৮।৩।০২৪।০৩ {সূর্যা সাবিত্রী । নৃণাং বিবাহ মন্ত্রাআশীঃ প্রায়াঃ । ত্রিষ্টুপ্}

গৃ॒ভ্ণামি॑ তে সৌভগ॒ত্বায়॒ হস্তং॒ ময়া॒ পত্যা॑ জ॒রদ॑ষ্টি॒র্যথাসঃ॑ । ভগো॑ অর্য॒মা স॑বি॒তা পুরন্॑ধি॒র্মহ্যং॑ ত্বাদু॒র্গার্হ॑পত্যায় দে॒বাঃ ॥ ১০।০৮৫।৩৬, ৮।৩।০২৭।০১ {সূর্যা সাবিত্রী । সূর্যা । ত্রিষ্টুপ্}

সম॑স্মি॒ঞ্জায়॑মান আসত॒ গ্না উ॒তেম॑বর্ধন্ন॒দ্য১॒॑ঃ স্বগূ॑র্তাঃ । ম॒হে যত্ত্বা॑ পুরূরবো॒ রণা॒য়াব॑র্ধয়ন্দস্যু॒হত্যা॑য় দে॒বাঃ ॥ ১০।০৯৫।০৭, ৮।৫।২।২ {উর্বশী । পুরুরবা ঐল়ঃ । ত্রিষ্টুপ্}

ব্র॒হ্ম॒চা॒রী চ॑রতি॒ বেবি॑ষ॒দ্বিষঃ॒ স দে॒বানাং॑ ভব॒ত্যেক॒মঙ্গ॑ম্ । তেন॑ জা॒য়ামন্ব॑বিন্দ॒দ্বৃহ॒স্পতিঃ॒ সোমে॑ন নী॒তাং জু॒হ্বং১॒॑ ন দে॑বাঃ ॥ ১০।১০৯।০৫, ৮।৬।৭।৫ {ব্রহ্মজায়াজুহূ । বিশ্বদেবাঃ । ত্রিষ্টুপ্}

স॒দ্যো জা॒তো ব্য॑মিমীত য॒জ্ঞম॒গ্নির্দে॒বানা॑মভবৎপুরো॒গাঃ । অ॒স্য হোতুঃ॑ প্র॒দিশ্যৃ॒তস্য॑ বা॒চি স্বাহা॑কৃতং হ॒বির॑দন্তু দে॒বাঃ ॥ ১০।১১০।১১, ৮।৬।৯।৬ {ভার্গবো জমদগ্নিঃ । স্বাহাকৃতয়ঃ । ত্রিষ্টুপ্}

ই॒দং তে॒ পাত্রং॒ সন॑বিত্তমিন্দ্র॒ পিবা॒ সোম॑মে॒না শ॑তক্রতো । পূ॒র্ণ আ॑হা॒বো ম॑দি॒রস্য॒ মধ্বো॒ যং বিশ্ব॒ ইদ॑ভি॒হর্য॑ন্তি দে॒বাঃ ॥ ১০।১১২।০৬, ৮।৬।০১৩।০১ {বৈরূপো নভ প্রভেদনঃ । ইন্দ্রঃ । ত্রিষ্টুপ্}

নমো মহদ্ভ্যো মমত্তু নঃ কথাতে যজ্ঞেন যজ্ঞং পরাশুভ্রা ত্বে রায় ইন্দ্র উভা শংসা উতন ঈং তবস্যাম

দিবশ্চিদাতে শংসামহামিন্দ্রং ত্রিরুত্তমা নাপাভূ ত অপ্রতীতো কোবস্ত্রাতা ত্বমপো মূর্ধানং নাভিং যজ্ঞানাং

তেনো রায়ো যে কে চজ্মা অস্মে রুদ্রা পরি প্রধন্বা প্রয়জান্মে ঐভির্দধে অনৃক্ষরা গৃভ্ণামিতে সমস্মিন্ ব্রহ্মচারী সদ্যো জাত

ইদং তে পাত্রমিতি ত্রিংশদ্দেব ঋচঃ

১০৪। সৌভাগ্য ঋচঃ

হি॒ঙ্কৃ॒ণ্ব॒তী ব॑সু॒পত্নী॒ বসূ॑নাং ব॒ৎসমি॒চ্ছন্তী॒ মন॑সা॒ভ্যাগা॑ৎ । দু॒হাম॒শ্বিভ্যাং॒ পয়ো॑ অ॒ঘ্ন্যেয়ং সা ব॑র্ধতাং মহ॒তে সৌভ॑গায় ॥ ১।১৬৪।২৭, ২।৩।০১৯।০২ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

সমি॑দ্ধস্য॒ শ্রয়॑মাণঃ পু॒রস্তা॒দ্ব্রহ্ম॑ বন্বা॒নো অ॒জরং॑ সু॒বীর॑ম্ । আ॒রে অ॒স্মদম॑তিং॒ বাধ॑মান॒ উচ্ছ্র॑য়স্ব মহ॒তে সৌভ॑গায় ॥ ৩।০০৮।০২, ৩।১।৩।২ {গাথিনো বিশ্বামিত্রঃ । যূপঃ । ত্রিষ্টুপ্}

বন॑স্পতে শ॒তব॑ল্শো॒ বি রো॑হ স॒হস্র॑বল্শা॒ বি ব॒য়ং রু॑হেম । যং ত্বাম॒য়ং স্বধি॑তি॒স্তেজ॑মানঃ প্রণি॒নায়॑ মহ॒তে সৌভ॑গায় ॥ ৩।০০৮।১১, ৩।১।৪।৬ {গাথিনো বিশ্বামিত্রঃ । ব্রশ্চনঃ । ত্রিষ্টুপ্}

ইন্দু॑র্দে॒বানা॒মুপ॑ স॒খ্যমা॒য়ন্ত্স॒হস্র॑ধারঃ পবতে॒ মদা॑য় । নৃভিঃ॒ স্তবা॑নো॒ অনু॒ ধাম॒ পূর্ব॒মগ॒ন্নিন্দ্রং॑ মহ॒তে সৌভ॑গায় ॥ ৯।০৯৭।০৫, ৭।৪।০১১।০৫ {বাসিষ্ঠইন্দ্রপ্রমতিঃ । পবমানঃ সোমঃ । ত্রিষ্টুপ্}

অ॒স্য পি॑ব ক্ষু॒মতঃ॒ প্রস্থি॑ত॒স্যেন্দ্র॒ সোম॑স্য॒ বর॒মা সু॒তস্য॑ । স্ব॒স্তি॒দা মন॑সা মাদয়স্বার্বাচী॒নো রে॒বতে॒ সৌভ॑গায় ॥ ১০।১১৬।০২, ৮।৬।০২০।০২ {স্থৌরোগ্নিয়ুতোগ্নিয়ূপো বা । ইন্দ্রঃ । ত্রিষ্টুপ্}

পরিশিষ্টম্ [ঋগ্বেদ মণ্ডল ১০, ১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

ঘৃ॒তা।দুল্লু॑প্তং॒ মধু॑ম। ৎসু॒বর্ণ॑।-ন্ধনঞ্জ॒য়। ন্ধ॒রুণ॑। ন্ধারয়ি॒ষ্ণু। ঋ॒ণ।ক্স॒পত্না॒। দধ॑রাং।শ্চ কৃ॒ণ্ব।-দা রো॑হ মাং মহ॒তে সৌভ॑গায়॥

হিঙ্কৃণ্বতী সমিদ্ধস্য বনস্পতে ইন্দুর্দেবানাং অস্য পিব ঘৃতাদুর্লুপ্তমিতি ষট্ সৌভাগ্য ঋচঃ

১০৫। আয়ুর্ ঋচঃ

ভ॒দ্রং কর্ণে॑ভিঃ শৃণুয়াম দেবা ভ॒দ্রং প॑শ্যেমা॒ক্ষভি॑র্যজত্রাঃ । স্থি॒রৈরঙ্গৈ॑স্তুষ্টু॒বাংস॑স্ত॒নূভি॒র্ব্য॑শেম দে॒বহি॑তং॒ যদায়ুঃ॑ ॥ ১।০৮৯।০৮, ১।৬।০১৬।০৩ {রহূগণো গোতমঃ । বিশ্বদেবাঃ । ত্রিষ্টুপ্}

পুনঃ॑পুন॒র্জায়॑মানা পুরা॒ণী স॑মা॒নং বর্ণ॑ম॒ভি শুম্ভ॑মানা । শ্ব॒ঘ্নীব॑ কৃ॒ত্নুর্বিজ॑ আমিনা॒না মর্ত॑স্য দে॒বী জ॒রয়॒ন্ত্যায়ুঃ॑ ॥ ১।০৯২।১০, ১।৬।০২৫।০৫ {রহূগণো গোতমঃ । উষাঃ । ত্রিষ্টুপ্}

দ্র॒বি॒ণো॒দা দ্রবি॑ণসস্তু॒রস্য॑ দ্রবিণো॒দাঃ সন॑রস্য॒ প্র যং॑সৎ । দ্র॒বি॒ণো॒দা বী॒রব॑তী॒মিষং॑ নো দ্রবিণো॒দা রা॑সতে দী॒র্ঘমায়ুঃ॑ ॥ ১।০৯৬।০৮, ১।৭।৪।৩ {কুৎসঃ । দ্রবিণোদা অগ্নির্বা । ত্রিষ্টুপ্}

উদী॑র্ধ্বং জী॒বো অসু॑র্ন॒ আগা॒দপ॒ প্রাগা॒ত্তম॒ আ জ্যোতি॑রেতি । আরৈ॒ক্পন্থাং॒ যাত॑বে॒ সূর্যা॒য়াগ॑ন্ম॒ যত্র॑ প্রতি॒রন্ত॒ আয়ুঃ॑ ॥ ১।১১৩।১৬, ১।৮।৪।১ {কুৎসঃ । উষাঃ । ত্রিষ্টুপ্}

দক্ষি॑ণাবতা॒মিদি॒মানি॑ চি॒ত্রা দক্ষি॑ণাবতাং দি॒বি সূর্যা॑সঃ । দক্ষি॑ণাবন্তো অ॒মৃতং॑ ভজন্তে॒ দক্ষি॑ণাবন্তঃ॒ প্র তি॑রন্ত॒ আয়ুঃ॑ ॥ ১।১২৫।০৬, ২।১।০১০।০৬ {দৈর্ঘতমসঃ কক্ষীবান্ । স্বনয়স্যদানস্তুতিঃ । ত্রিষ্টুপ্}

ই॒মে ভো॒জা অঙ্গি॑রসো॒ বিরূ॑পা দি॒বস্পু॒ত্রাসো॒ অসু॑রস্য বী॒রাঃ । বি॒শ্বামি॑ত্রায়॒ দদ॑তো ম॒ঘানি॑ সহস্রসা॒বে প্র তি॑রন্ত॒ আয়ুঃ॑ ॥ ৩।০৫৩।০৭, ৩।৩।০২০।০২ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

যথা॑ হ॒ ত্যদ্ব॑সবো গৌ॒র্যং॑ চিৎপ॒দি ষি॒তামমু॑ঞ্চতা যজত্রাঃ । এ॒বো ষ্ব১॒॑স্মন্মু॑ঞ্চতা॒ ব্যংহঃ॒ প্র তা॑র্যগ্নে প্রত॒রং ন॒ আয়ুঃ॑ ॥ ৪।০১২।০৬, ৩।৫।০১২।০৬ {গৌতমো বামদেবঃ । অগ্নিঃ । ত্রিষ্টুপ্}

গোমা॑য়ুরদাদ॒জমা॑য়ুরদা॒ৎপৃশ্নি॑রদা॒দ্ধরি॑তো নো॒ বসূ॑নি । গবাং॑ ম॒ণ্ডূকা॒ দদ॑তঃ শ॒তানি॑ সহস্রসা॒বে প্র তি॑রন্ত॒ আয়ুঃ॑ ॥ ৭।১০৩।১০, ৫।৭।৪।৫ {মৈত্রাবরুণির্বসিষ্ঠঃ । মণ্ডূকাঃ । ত্রিষ্টুপ্}

ঋ॒দূ॒দরে॑ণ॒ সখ্যা॑ সচেয়॒ যো মা॒ ন রিষ্যে॑দ্ধর্যশ্ব পী॒তঃ । অ॒য়ং যঃ সোমো॒ ন্যধা॑য়্য॒স্মে তস্মা॒ ইন্দ্রং॑ প্র॒তির॑মে॒ম্যায়ুঃ॑ ॥ ৮।০৪৮।১০, ৬।৪।০১২।০৫ {কাণ্বঃ প্রগাথঃ । সোমঃ । ত্রিষ্টুপ্}

অপ॒ ত্যা অ॑স্থু॒রনি॑রা॒ অমী॑বা॒ নির॑ত্রস॒ন্তমি॑ষীচী॒রভৈ॑ষুঃ । আ সোমো॑ অ॒স্মাঁ অ॑রুহ॒দ্বিহা॑য়া॒ অগ॑ন্ম॒ যত্র॑ প্রতি॒রন্ত॒ আয়ুঃ॑ ॥ ৮।০৪৮।১১, ৬।৪।০১৩।০১ {কাণ্বঃ প্রগাথঃ । সোমঃ । ত্রিষ্টুপ্}

বৃ॒ষ্টিং দি॒বঃ শ॒তধা॑রঃ পবস্ব সহস্র॒সা বা॑জ॒য়ুর্দে॒ববী॑তৌ । সং সিন্ধু॑ভিঃ ক॒লশে॑ বাবশা॒নঃ সমু॒স্রিয়া॑ভিঃ প্রতি॒রন্ন॒ আয়ুঃ॑ ॥ ৯।০৯৬।১৪, ৭।৪।৮।৪ {দৈবোদাসিঃ প্রতর্দনঃ । পবমানঃ সোমঃ । ত্রিষ্টুপ্}

স॒বি॒তা প॒শ্চাতা॑ৎসবি॒তা পু॒রস্তা॑ৎসবি॒তোত্ত॒রাত্তা॑ৎসবি॒তাধ॒রাত্তা॑ৎ । স॒বি॒তা নঃ॑ সুবতু স॒র্বতা॑তিং সবি॒তা নো॑ রাসতাং দী॒র্ঘমায়ুঃ॑ ॥ ১০।০৩৬।১৪, ৭।৮।০১১।০৪ {ধানাকোলুশঃ । বিশ্বদেবাঃ । ত্রিষ্টুপ্}

নবো॑নবো ভবতি॒ জায়॑মা॒নোঽহ্নাং॑ কে॒তুরু॒ষসা॑মে॒ত্যগ্র॑ম্ । ভা॒গং দে॒বেভ্যো॒ বি দ॑ধাত্যা॒য়ন্প্র চ॒ন্দ্রমা॑স্তিরতে দী॒র্ঘমায়ুঃ॑ ॥ ১০।০৮৫।১৯, ৮।৩।০২৩।০৪ {সূর্যা সাবিত্রী । চন্দ্রমাঃ । ত্রিষ্টুপ্}

বি॒দ্যুন্ন যা পত॑ন্তী॒ দবি॑দ্যো॒দ্ভর॑ন্তী মে॒ অপ্যা॒ কাম্যা॑নি । জনি॑ষ্টো অ॒পো নর্যঃ॒ সুজা॑তঃ॒ প্রোর্বশী॑ তিরত দী॒র্ঘমায়ুঃ॑ ॥ ১০।০৯৫।১০, ৮।৫।২।৫ {ইল়ঃ পুরূরবাঃ । উর্বশী । ত্রিষ্টুপ্}

উ॒চ্চা দি॒বি দক্ষি॑ণাবন্তো অস্থু॒র্যে অ॑শ্ব॒দাঃ স॒হ তে সূর্যে॑ণ । হি॒র॒ণ্য॒দা অ॑মৃত॒ত্বং ভ॑জন্তে বাসো॒দাঃ সো॑ম॒ প্র তি॑রন্ত॒ আয়ুঃ॑ ॥ ১০।১০৭।০২, ৮।৬।৩।২ {আঙ্গিরসো দিব্যঃ । দক্ষিণাঃ । ত্রিষ্টুপ্}

পরিশিষ্টম্ [ঋগ্বেদ মণ্ডল ৭, ৫৫ সূক্তস্যানন্তরং][ঋগ্বেদ অষ্টক ৫, অধ্যায় ৪, ২২ বর্গানন্তরং]

য॒শস্ক॑রং॒ বল॑বন্তং প্র॒ভুত্ব॑।-ন্তমে॒ব রা॑জাঽধি॒পতি॑। র্বভূব। স॒ঙ্কী॒র্ণনা॑গাঽশ্ব॒পতি॑। র্নরা॒ণাং- সু॑ম॒ঙ্গল্যং॑ সতত। ন্দী॒র্ঘ।মায়ুঃ॑॥

ইন্দ্রা॑বরুণা সৌমন॒সমদৃ॑প্তং রা॒য়স্পোষং॒ যজ॑মানেষু ধত্তম্ । প্র॒জাং পু॒ষ্টিং ভূ॑তিম॒স্মাসু॑ ধত্তং দীর্ঘায়ু॒ত্বায়॒ প্র তি॑রতং ন॒ আয়ুঃ॑ ॥ ৮।০৫৯।০৭, ৬।৪।০৩১।০৩ {সুপর্ণঃ । ইন্দ্রাবরুণৌ । জগতী}

পরিশিষ্টম্ [ঋগ্বেদ মণ্ডল ১০, ১২৮ সূক্তস্যানন্তরং][ঋগ্বেদ অষ্টক ৮, অধ্যায় ৭, ১৬ বর্গানন্তরং]

ন ত।দ্রক্ষাং॑সি॒ ন পি॑শা॒চা। শ্চ॑রন্তি- দে॒বানা॒। মোজ॑: প্রথম॒জং হ্যে॒৩(এ॒)তৎ। যো বি॒ভর্তি॑ দাক্ষায়॒ণা হির॑ণ্যং॒- স দে॒বেষু॑ কৃণুতে দী॒র্ঘ। মায়ু॒।-স্স ম॑নু॒ষ্যে॑ষু কৃণুতে দী॒র্ঘ। মায়ুঃ॑॥

ভদ্রং কর্ণেভিঃ পুনঃ পুনর্ দ্রবিণোদা উদীর্ধ্বং দক্ষিণাবতাং ইমে ভোজা যথাহত্যদ্ গোমায়ুর্ ঋদূরেণ অপত্যা

অস্থুর বৃষ্টিং দিবঃ সবিতা পশ্চাতান্ নবোনবো বিদ্যুন্ন যোচ্চা দিবি ইন্দ্রাবরুণা যশস্করং নতদ্রক্ষাংসি ইতি অষ্টাদশ আয়ুরৃচঃ

১০৬। স্বস্তি ঋচঃ

হি॒মেনা॒গ্নিং ঘ্রং॒সম॑বারয়েথাং পিতু॒মতী॒মূর্জ॑মস্মা অধত্তম্ । ঋ॒বীসে॒ অত্রি॑মশ্বি॒নাব॑নীত॒মুন্নি॑ন্যথুঃ॒ সর্ব॑গণং স্ব॒স্তি ॥ ১।১১৬।০৮, ১।৮।৯।৩ {দৈর্ঘতমসঃ কক্ষীবান্ । অশ্বিনৌ । ত্রিষ্টুপ্}

অজো॑হবীদশ্বিনা তৌ॒গ্র্যো বাং॒ প্রোল়্হঃ॑ সমু॒দ্রম॑ব্য॒থির্জ॑গ॒ন্বান্ । নিষ্টমূ॑হথুঃ সু॒য়ুজা॒ রথে॑ন॒ মনো॑জবসা বৃষণা স্ব॒স্তি ॥ ১।১১৭।১৫, ১।৮।০১৫।০৫ {দৈর্ঘতমসঃ কক্ষীবান্ । অশ্বিনৌ । ত্রিষ্টুপ্}

ত্বং ধুনি॑রিন্দ্র॒ ধুনি॑মতীর্ঋ॒ণোর॒পঃ সী॒রা ন স্রব॑ন্তীঃ । প্র যৎস॑মু॒দ্রমতি॑ শূর॒ পর্ষি॑ পা॒রয়া॑ তু॒র্বশং॒ যদুং॑ স্ব॒স্তি ॥ ১।১৭৪।০৯, ২।৪।০১৭।০৪ {মৈত্রাবরুণিরগস্ত্যঃ । ইন্দ্রঃ । ত্রিষ্টুপ্}

আ॒রে অ॒স্মদম॑তিমা॒রে অংহ॑ আ॒রে বিশ্বাং॑ দুর্ম॒তিং যন্নি॒পাসি॑ । দো॒ষা শি॒বঃ স॑হসঃ সূনো অগ্নে॒ যং দে॒ব আ চি॒ৎসচ॑সে স্ব॒স্তি ॥ ৪।০১১।০৬, ৩।৫।০১১।০৬ {গৌতমো বামদেবঃ । অগ্নিঃ । ত্রিষ্টুপ্}

যস্মৈ॒ ত্বং সু॒কৃতে॑ জাতবেদ উ লো॒কম॑গ্নে কৃ॒ণবঃ॑ স্যো॒নম্ । অ॒শ্বিনং॒ স পু॒ত্রিণং॑ বী॒রব॑ন্তং॒ গোম॑ন্তং র॒য়িং ন॑শতে স্ব॒স্তি ॥ ৫।০০৪।১১, ৩।৮।০১৯।০৬ {আত্রেয়ো বসুশ্রুতঃ । অগ্নিঃ । ত্রিষ্টুপ্}

প্র শ্যে॒নো ন ম॑দি॒রমং॒শুম॑স্মৈ॒ শিরো॑ দা॒সস্য॒ নমু॑চের্মথা॒য়ন্ । প্রাব॒ন্নমীং॑ সা॒প্যং স॒সন্তং॑ পৃ॒ণগ্রা॒য়া সমি॒ষা সং স্ব॒স্তি ॥ ৬।০২০।০৬, ৪।৬।০১০।০১ {বার্হস্পত্যো ভরদ্বাজঃ । ইন্দ্রঃ । ত্রিষ্টুপ্}

অসু॑নীতে॒ পুন॑র॒স্মাসু॒ চক্ষুঃ॒ পুনঃ॑ প্রা॒ণমি॒হ নো॑ ধেহি॒ ভোগ॑ম্ । জ্যোক্প॑শ্যেম॒ সূর্য॑মু॒চ্চর॑ন্ত॒মনু॑মতে মৃ॒ল়য়া॑ নঃ স্ব॒স্তি ॥ ১০।০৫৯।০৬, ৮।১।০২৩।০১ {গৌপায়না বন্ধ্বাদয়ঃ । অসুনীতিঃ । ত্রিষ্টুপ্}

১০৭। ক্রতুসাদ্গুণ্য-ক্রতুসংরক্ষকদেবতা মন্ত্রাঃ

আ তূ ন॑ ইন্দ্র ক্ষু॒মন্তং॑ চি॒ত্রং গ্রা॒ভং সং গৃ॑ভায় । ম॒হা॒হ॒স্তী দক্ষি॑ণেন ॥ ৮।০৮১।০১, ৬।৫।০৩৭।০১ {কাণ্বঃ কুসীদীঃ । ইন্দ্রঃ । গায়ত্রী}

জা॒তবে॑দসে সুনবাম॒ সোম॑মরাতীয়॒তো নি দ॑হাতি॒ বেদঃ॑ । স নঃ॑ পর্ষ॒দতি॑ দু॒র্গাণি॒ বিশ্বা॑ না॒বেব॒ সিন্ধুং॑ দুরি॒তাত্য॒গ্নিঃ ॥ ১।০৯৯।০১, ১।৭।৭।১ {মারীচঃ কশ্যপঃ । জাতবেদাগ্নির্বা । ত্রিষ্টুপ্}

ক্ষেত্র॑স্য॒ পতি॑না ব॒য়ং হি॒তেনে॑ব জয়ামসি । গামশ্বং॑ পোষয়ি॒ত্ন্বা স নো॑ মৃল়াতী॒দৃশে॑ ॥ ৪।০৫৭।০১, ৩।৮।৯।১ {গৌতমো বামদেবঃ । ক্ষেত্রপতিঃ । অনুষ্টুপ্}

ক্রা॒ণা শিশু॑র্ম॒হীনাং॑ হি॒ন্বন্নৃ॒তস্য॒ দীধি॑তিম্ । বিশ্বা॒ পরি॑ প্রি॒য়া ভু॑ব॒দধ॑ দ্বি॒তা ॥ ৯।১০২।০১, ৭।৫।৪।১ {অপ্ত্যস্ত্রিতঃ । পবমানঃ সোমঃ । উষ্ণিক্}

আদিৎপ্র॒ত্নস্য॒ রেত॑সো॒ জ্যোতি॑ষ্পশ্যন্তি বাস॒রম্ । প॒রো যদি॒ধ্যতে॑ দি॒বা ॥ ৮।০০৬।৩০, ৫।৮।০১৪।০৫ {কাণ্বো বৎসঃ । ইন্দ্রঃ । গায়ত্রী}

অশ্বি॑না ব॒র্তির॒স্মদা গোম॑দ্দস্রা॒ হির॑ণ্যবৎ । অ॒র্বাগ্রথং॒ সম॑নসা॒ নি য॑চ্ছতম্ ॥ ১।০৯২।১৬, ১।৬।০২৭।০১ {রহূগণো গোতমঃ । অশ্বিনৌ । উষ্ণিক্}

ইন্দ্রং॑ বো বি॒শ্বত॒স্পরি॒ হবা॑মহে॒ জনে॑ভ্যঃ । অ॒স্মাক॑মস্তু॒ কেব॑লঃ ॥ ১।০০৭।১০, ১।১।০১৪।০৫ {বৈশ্বামিত্রো মধুচ্ছন্দাঃ । ইন্দ্রঃ । গায়ত্রী}

অ॒গ্নিং দূ॒তং বৃ॑ণীমহে॒ হোতা॑রং বি॒শ্ববে॑দসম্ । অ॒স্য য॒জ্ঞস্য॑ সু॒ক্রতু॑ম্ ॥ ১।০১২।০১, ১।১।০২২।০১ {কাণ্বো মেধাতিথি । অগ্নিঃ । গায়ত্রী}

য॒মায়॒ সোমং॑ সুনুত য॒মায়॑ জুহুতা হ॒বিঃ । য॒মং হ॑ য॒জ্ঞো গ॑চ্ছত্য॒গ্নিদূ॑তো॒ অরঙ্॑কৃতঃ ॥ ১০।০১৪।১৩, ৭।৬।০১৬।০৩ {বৈবস্বতো যমঃ । যমঃ । অনুষ্টুপ্}

মো ষু ণঃ॒ পরা॑পরা॒ নির্ঋ॑তির্দু॒র্হণা॑ বধীৎ । প॒দী॒ষ্ট তৃষ্ণ॑য়া স॒হ ॥ ১।০৩৮।০৬, ১।৩।০১৬।০১ {ঘৌরঃ কণ্বঃ । মরুতঃ । গায়ত্রী}

ই॒মং মে॑ বরুণ শ্রুধী॒ হব॑ম॒দ্যা চ॑ মৃল়য় । ত্বাম॑ব॒স্যুরা চ॑কে ॥ ১।০২৫।১৯, ১।২।০১৯।০৪ {আজীগর্তিঃ শুনঃশেপঃ । বরুণঃ । গায়ত্রী}

তব॑ বায়বৃতস্পতে॒ ত্বষ্টু॑র্জামাতরদ্ভুত । অবাং॒স্যা বৃ॑ণীমহে ॥ ৮।০২৬।২১, ৬।২।০৩০।০১ {আঙ্গিরসোব্যশ্বঃ । বায়ুঃ । গায়ত্রী}

সোমো॑ ধে॒নুং সোমো॒ অর্ব॑ন্তমা॒শুং সোমো॑ বী॒রং ক॑র্ম॒ণ্যং॑ দদাতি । সা॒দ॒ন্যং॑ বিদ॒থ্যং॑ স॒ভেয়ং॑ পিতৃ॒শ্রব॑ণং॒ যো দদা॑শদস্মৈ ॥ ১।০৯১।২০, ১।৬।০২২।০৫ {রহূগণো গোতমঃ । সোমঃ । ত্রিষ্টুপ্}

তমীশা॑নং॒ জগ॑তস্ত॒স্থুষ॒স্পতিং॑ ধিয়ঞ্জি॒ন্বমব॑সে হূমহে ব॒য়ম্ । পূ॒ষা নো॒ যথা॒ বেদ॑সা॒মস॑দ্বৃ॒ধে র॑ক্ষি॒তা পা॒য়ুরদ॑ব্ধঃ স্ব॒স্তয়ে॑ ॥ ১।০৮৯।০৫, ১।৬।০১৫।০৫ {রহূগণো গোতমঃ । বিশ্বদেবাঃ । জগতী}

১০৮। সপ্তঋষি মন্ত্রাঃ

ঋষে॑ মন্ত্র॒কৃতাং॒ স্তোমৈঃ॒ কশ্য॑পোদ্ব॒র্ধয়॒ন্গিরঃ॑ । সোমং॑ নমস্য॒ রাজা॑নং॒ যো জ॒জ্ঞে বী॒রুধাং॒ পতি॒রিন্দ্রা॑য়েন্দো॒ পরি॑ স্রব ॥ ৯।১১৪।০২, ৭।৫।০২৮।০২ {মারীচঃ কশ্যপঃ । পবমানঃ সোমঃ । পঙ্ক্তিঃ}

স্ব॑র্ভানো॒রধ॒ যদি॑ন্দ্র মা॒য়া অ॒বো দি॒বো বর্ত॑মানা অ॒বাহ॑ন্ । গূ॒ল়্হং সূর্যং॒ তম॒সাপ॑ব্রতেন তু॒রীয়ে॑ণ॒ ব্রহ্ম॑ণাবিন্দ॒দত্রিঃ॑ ॥ ৫।০৪০।০৬, ৪।২।০১২।০১ {ভৌমোত্রিঃ । অত্রিঃ । ত্রিষ্টুপ্}

অবি॑ন্দ॒ন্তে অতি॑হিতং॒ যদাসী॑দ্য॒জ্ঞস্য॒ ধাম॑ পর॒মং গুহা॒ যৎ । ধা॒তুর্দ্যুতা॑নাৎসবি॒তুশ্চ॒ বিষ্ণো॑র্ভ॒রদ্বা॑জো বৃ॒হদা চ॑ক্রে অ॒গ্নেঃ ॥ ১০।১৮১।০২, ৮।৮।০৩৯।০২ {সপ্রথো ভারদ্বাজঃ । বিশ্বদেবাঃ । ত্রিষ্টুপ্}

ই॒মে ভো॒জা অঙ্গি॑রসো॒ বিরূ॑পা দি॒বস্পু॒ত্রাসো॒ অসু॑রস্য বী॒রাঃ । বি॒শ্বামি॑ত্রায়॒ দদ॑তো ম॒ঘানি॑ সহস্রসা॒বে প্র তি॑রন্ত॒ আয়ুঃ॑ ॥ ৩।০৫৩।০৭, ৩।৩।০২০।০২ {গাথিনো বিশ্বামিত্রঃ । ইন্দ্রঃ । ত্রিষ্টুপ্}

অ॒ভি ত্বা॒ গোত॑মা গি॒রা জাত॑বেদো॒ বিচ॑র্ষণে । দ্যু॒ম্নৈর॒ভি প্র ণো॑নুমঃ ॥ ১।০৭৮।০১, ১।৫।০২৬।০১ {রহূগণো গোতমঃ । অগ্নিঃ । গায়ত্রী}

প্রসূ॑তো ভ॒ক্ষম॑করং চ॒রাবপি॒ স্তোমং॑ চে॒মং প্র॑থ॒মঃ সূ॒রিরুন্মৃ॑জে । সু॒তে সা॒তেন॒ যদ্যাগ॑মং বাং॒ প্রতি॑ বিশ্বামিত্রজমদগ্নী॒ দমে॑ ॥ ১০।১৬৭।০৪, ৮।৮।০২৫।০৪ {গাথিভার্গবৌ বিশ্বামিত্র জমদগ্নী । ইন্দ্রঃ । জগতী}

উ॒তাসি॑ মৈত্রাবরু॒ণো ব॑সিষ্ঠো॒র্বশ্যা॑ ব্রহ্ম॒ন্মন॒সোঽধি॑ জা॒তঃ । দ্র॒প্সং স্ক॒ন্নং ব্রহ্ম॑ণা॒ দৈব্যে॑ন॒ বিশ্বে॑ দে॒বাঃ পুষ্ক॑রে ত্বাদদন্ত ॥ ৭।০৩৩।১১, ৫।৩।০২৪।০১ {মৈত্রাবরুণির্বসিষ্ঠঃ । বসিষ্টোদেবতা । ত্রিষ্টুপ্}

(শ্বি॒ত্যঞ্চো॑ মা দক্ষিণ॒তস্ক॑পর্দা ধিয়ঞ্জি॒ন্বাসো॑ অ॒ভি হি প্র॑ম॒ন্দুঃ । উ॒ত্তিষ্ঠ॑ন্বোচে॒ পরি॑ ব॒র্হিষো॒ নৄন্ন মে॑ দূ॒রাদবি॑তবে॒ বসি॑ষ্ঠাঃ ॥ ৭।০৩৩।০১, ৫।৩।০২২।০১ {বসিষ্ঠপুত্রাঃ । ইন্দ্রঃ । ত্রিষ্টুপ্} )

দে॒বা এ॒তস্যা॑মবদন্ত॒ পূর্বে॑ সপ্তঋ॒ষয়॒স্তপ॑সে॒ যে নি॑ষে॒দুঃ । ভী॒মা জা॒য়া ব্রা॑হ্ম॒ণস্যোপ॑নীতা দু॒র্ধাং দ॑ধাতি পর॒মে ব্যো॑মন্ ॥ ১০।১০৯।০৪, ৮।৬।৭।৪ {ব্রহ্মজায়াজুহূ । বিশ্বদেবাঃ । ত্রিষ্টুপ্}

স॒হস্তো॑মাঃ স॒হছ॑ন্দস আ॒বৃতঃ॑ স॒হপ্র॑মা॒ ঋষ॑য়ঃ স॒প্ত দৈব্যাঃ॑ । পূর্বে॑ষাং॒ পন্থা॑মনু॒দৃশ্য॒ ধীরা॑ অ॒ন্বালে॑ভিরে র॒থ্যো॒৩॒॑ ন র॒শ্মীন্ ॥ ১০।১৩০।০৭, ৮।৭।০১৮।০৭ {প্রাজাপত্যো যজ্ঞঃ । ভাববৃত্তিঃ । ত্রিষ্টুপ্}

১০৯। শান্তি মন্ত্রাঃ

আনোভদ্র সূক্তং ॥ স্বস্তিসূক্তং ॥ শংবতীসূক্তং ॥

যত॑ ইন্দ্র॒ ভয়া॑মহে॒ ততো॑ নো॒ অভ॑য়ং কৃধি । মঘ॑বঞ্ছ॒গ্ধি তব॒ তন্ন॑ ঊ॒তিভি॒র্বি দ্বিষো॒ বি মৃধো॑ জহি ॥ ৮।০৬১।১৩, ৬।৪।০৩৮।০৩ {প্রাগাথো ভর্গঃ । ইন্দ্রঃ । বৃহতী}

ত্বং হি রা॑ধস্পতে॒ রাধ॑সো ম॒হঃ ক্ষয়॒স্যাসি॑ বিধ॒তঃ । তং ত্বা॑ ব॒য়ং ম॑ঘবন্নিন্দ্র গির্বণঃ সু॒তাব॑ন্তো হবামহে ॥ ৮।০৬১।১৪, ৬।৪।০৩৮।০৪ {প্রাগাথো ভর্গঃ । ইন্দ্রঃ । সতোবৃহতী}

ইন্দ্রঃ॒ স্পল়ু॒ত বৃ॑ত্র॒হা প॑র॒স্পা নো॒ বরে॑ণ্যঃ । স নো॑ রক্ষিষচ্চর॒মং স ম॑ধ্য॒মং স প॒শ্চাৎপা॑তু নঃ পু॒রঃ ॥ ৮।০৬১।১৫, ৬।৪।০৩৮।০৫ {প্রাগাথো ভর্গঃ । ইন্দ্রঃ । বৃহতী}

ত্বং নঃ॑ প॒শ্চাদ॑ধ॒রাদু॑ত্ত॒রাৎপু॒র ইন্দ্র॒ নি পা॑হি বি॒শ্বতঃ॑ । আ॒রে অ॒স্মৎকৃ॑ণুহি॒ দৈব্যং॑ ভ॒য়মা॒রে হে॒তীরদে॑বীঃ ॥ ৮।০৬১।১৬, ৬।৪।০৩৯।০১ {প্রাগাথো ভর্গঃ । ইন্দ্রঃ । সতোবৃহতী}

অ॒দ্যাদ্যা॒ শ্বঃশ্ব॒ ইন্দ্র॒ ত্রাস্ব॑ প॒রে চ॑ নঃ । বিশ্বা॑ চ নো জরি॒তৄন্ত্স॑ৎপতে॒ অহা॒ দিবা॒ নক্তং॑ চ রক্ষিষঃ ॥ ৮।০৬১।১৭, ৬।৪।০৩৯।০২ {প্রাগাথো ভর্গঃ । ইন্দ্রঃ । বৃহতী}

প্র॒ভ॒ঙ্গী শূরো॑ ম॒ঘবা॑ তু॒বীম॑ঘঃ॒ সম্মি॑শ্লো বি॒র্যা॑য়॒ কম্ । উ॒ভা তে॑ বা॒হূ বৃষ॑ণা শতক্রতো॒ নি যা বজ্রং॑ মিমি॒ক্ষতুঃ॑ ॥ ৮।০৬১।১৮, ৬।৪।০৩৯।০৩ {প্রাগাথো ভর্গঃ । ইন্দ্রঃ । সতোবৃহতী}

ভ॒দ্রং নো॒ অপি॑ বাতয়॒ মনঃ॑ ॥ {ঐন্দ্রো বিমদঃ । অগ্নিঃ । একপদা বিরাট্} ১০।০২০।০১, ৭।৭।২।১

অপ্রতিরথ সূক্তং ॥ মুঞ্চামিত্বা সূক্তং ॥ তার্ক্ষ্য সূক্তং ॥

মহীতি তৃচস্য সূক্তস্য বারুণিঃ সত্যধৃতিরাদিত্যা গায়ত্রী । (মহি সত্যধৃতির্বারুণিরাদিত্যং স্বস্ত্যযনমিত্যনুক্রমণ্যা অদিতির্দেবতায়স্যেত্যাদিত্যং আদিত্যোদেবতায়স্যেত্যাদিত্যমিতি দ্বৈবিধ্যেনপ্রাপ্তা বপ্যত্রাদিত্যানামেবদেবতাত্বংনাদিতেঃ 'মাহিত্রংয়ন্মহিত্রীণামাদিত্যানাংস্তুতির্বিদুঃ' ইতিশৌনকোক্তেঃ)।

মহি॑ ত্রী॒ণামবো॑ঽস্তু দ্যু॒ক্ষং মি॒ত্রস্যা॑র্য॒ম্ণঃ । দু॒রা॒ধর্ষং॒ বরু॑ণস্য ॥ ১০।১৮৫।০১, ৮।৮।০৪৩।০১

ন॒হি তেষা॑ম॒মা চ॒ন নাধ্ব॑সু বার॒ণেষু॑ । ঈশে॑ রি॒পুর॒ঘশং॑সঃ ॥ ১০।১৮৫।০২, ৮।৮।০৪৩।০২

যস্মৈ॑ পু॒ত্রাসো॒ অদি॑তেঃ॒ প্র জী॒বসে॒ মর্ত্যা॑য় । জ্যোতি॒র্যচ্ছ॒ন্ত্যজ॑স্রম্ ॥ ১০।১৮৫।০৩, ৮।৮।০৪৩।০৩

রাত্রীসূক্তং ॥ সর্প সূক্তং ॥

রক্ষা॑ ণো অগ্নে॒ তব॒ রক্ষ॑ণেভী রারক্ষা॒ণঃ সু॑মখ প্রীণা॒নঃ । প্রতি॑ ষ্ফুর॒ বি রু॑জ বী॒ড্বংহো॑ জ॒হি রক্ষো॒ মহি॑ চিদ্বাবৃধা॒নম্ ॥ ৪।০০৩।১৪, ৩।৪।০২২।০৪ {গৌতমো বামদেবঃ । অগ্নিঃ । ত্রিষ্টুপ্}

ব্রহ্ম॑ চ তে জাতবেদো॒ নম॑শ্চে॒য়ং চ॒ গীঃ সদ॒মিদ্বর্ধ॑নী ভূৎ । রক্ষা॑ ণো অগ্নে॒ তন॑য়ানি তো॒কা রক্ষো॒ত ন॑স্ত॒ন্বো॒৩॒॑ অপ্র॑য়ুচ্ছন্ ॥ ১০।০০৪।০৭, ৭।৫।০৩২।০৭ {অপ্ত্যস্ত্রিতঃ । অগ্নিঃ । ত্রিষ্টুপ্}

গ্রহদেবতামন্ত্রাঃ ॥ ক্রতু সদ্গুণ্য -ক্রতু সংরক্ষকদেবতা মন্ত্রাঃ ॥

(ওঁ ভূমিমুপস্পৃশেৎ। অগ্ন ইল়া নম ইল়া নম ঋষিভ্যো মন্ত্রকৃ দ্ভ্যো মন্ত্রপতিভ্যো নমো বো অস্তু দেবেভ্যঃ।

শি॒বানঃ॒ শন্ত॑মা ভব সুমৃল়ী॒কা সর॑স্ব তি । মাতে॒ ব্যো॑ম সন্॒দৃশি॑ ।

ভদ্রং কর্ণেভিঃ ---যদায়ুঃ ॥ শং ন ইং দ্রাগ্নী ----বাজসাতৌ ॥

স্তু॒ষে জনং॑ সুব্র॒তং নব্য॑সীভির্গী॒র্ভির্মি॒ত্রাবরু॑ণা সুম্ন॒য়ন্তা॑ । ত আ গ॑মন্তু॒ ত ই॒হ শ্রু॑বন্তু সুক্ষ॒ত্রাসো॒ বরু॑ণো মি॒ত্রো অ॒গ্নিঃ ॥ ৬।০৪৯।০১, ৪।৮।৫।১ {ভারদ্বাজ ঋজিশ্বা । বিশ্বদেবাঃ । ত্রিষ্টুপ্}

কয়া॑ নশ্চি॒ত্র আ ভু॑বদূ॒তী স॒দাবৃ॑ধঃ॒ সখা॑ । কয়া॒ শচি॑ষ্ঠয়া বৃ॒তা ॥ ৪।০৩১।০১, ৩।৬।০২৪।০১ {গৌতমো বামদেবঃ । ইন্দ্রঃ । গায়ত্রী}

কস্ত্বা॑ স॒ত্যো মদা॑নাং॒ মংহি॑ষ্ঠো মৎস॒দন্ধ॑সঃ । দৃ॒ল়্হা চি॑দা॒রুজে॒ বসু॑ ॥ ৪।০৩১।০২, ৩।৬।০২৪।০২ {গৌতমো বামদেবঃ । ইন্দ্রঃ । গায়ত্রী}

অ॒ভী ষু ণঃ॒ সখী॑নামবি॒তা জ॑রিতৄ॒ণাম্ । শ॒তং ভ॑বাস্যূ॒তিভিঃ॑ ॥ ৪।০৩১।০৩, ৩।৬।০২৪।০৩ {গৌতমো বামদেবঃ । ইন্দ্রঃ । গায়ত্রী}

ঋজুনীতীনইতিনবর্চস্য সূক্তস্য রাহূগণোগোতমো বিশ্বেদেবাগায়ত্রী অন্ত্যানুষ্টুপ্ (বৈশ্বদেবসূক্তেপ্যস্মিন্ভেদপ্রয়োগকরণাশক্যত্বান্নবানামপিবিশ্বেদেবাএব) ।

ঋ॒জু॒নী॒তী নো॒ বরু॑ণো মি॒ত্রো ন॑য়তু বি॒দ্বান্ । অ॒র্য॒মা দে॒বৈঃ স॒জোষাঃ॑ ॥ ১।০৯০।০১, ১।৬।০১৭।০১

তে হি বস্বো॒ বস॑বানা॒স্তে অপ্র॑মূরা॒ মহো॑ভিঃ । ব্র॒তা র॑ক্ষন্তে বি॒শ্বাহা॑ ॥ ১।০৯০।০২, ১।৬।০১৭।০২

তে অ॒স্মভ্যং॒ শর্ম॑ যংসন্ন॒মৃতা॒ মর্ত্যে॑ভ্যঃ । বাধ॑মানা॒ অপ॒ দ্বিষঃ॑ ॥ ১।০৯০।০৩, ১।৬।০১৭।০৩

বি নঃ॑ প॒থঃ সু॑বি॒তায়॑ চি॒য়ন্ত্বিন্দ্রো॑ ম॒রুতঃ॑ । পূ॒ষা ভগো॒ বন্দ্যা॑সঃ ॥ ১।০৯০।০৪, ১।৬।০১৭।০৪

উ॒ত নো॒ ধিয়ো॒ গোঅ॑গ্রাঃ॒ পূষ॒ন্বিষ্ণ॒বেব॑য়াবঃ । কর্তা॑ নঃ স্বস্তি॒মতঃ॑ ॥ ১।০৯০।০৫, ১।৬।০১৭।০৫

মধু॒ বাতা॑ ঋতায়॒তে মধু॑ ক্ষরন্তি॒ সিন্ধ॑বঃ । মাধ্বী॑র্নঃ স॒ন্ত্বোষ॑ধীঃ ॥ ১।০৯০।০৬, ১।৬।০১৮।০১

মধু॒ নক্ত॑মু॒তোষসো॒ মধু॑ম॒ৎপার্থি॑বং॒ রজঃ॑ । মধু॒ দ্যৌর॑স্তু নঃ পি॒তা ॥ ১।০৯০।০৭, ১।৬।০১৮।০২

মধু॑মান্নো॒ বন॒স্পতি॒র্মধু॑মাঁ অস্তু॒ সূর্যঃ॑ । মাধ্বী॒র্গাবো॑ ভবন্তু নঃ ॥ ১।০৯০।০৮, ১।৬।০১৮।০৩

শং নো॑ মি॒ত্রঃ শং বরু॑ণঃ॒ শং নো॑ ভবত্বর্য॒মা । শং ন॒ ইন্দ্রো॒ বৃহ॒স্পতিঃ॒ শং নো॒ বিষ্ণু॑রুরুক্র॒মঃ ॥ ১।০৯০।০৯, ১।৬।০১৮।০৪

ওষ্ঠা পিধানা নকুলী দন্তৈঃপরুব্রতা পবিঃ ।

উদি॑তশ্শু॒ক্রিয়ন্॑দধে। তম॒হমা॒ত্মনি॑ দধে। অনু॒ মামৈ॑ত্বিন্দ্রি॒য়ং । ময়ি॒ শ্রীর্ম যি॒ যশঃ॑ । সর্ব॑স্সপ্রা॒ণ স্স॑বলঃ ।

উত্তি॑ষ্ঠা॒ম্যনু॑ মা॒ শ্রীঃ ।

উত্তি॑ষ্ঠ॒ত্বনু॑ মা যং তু দে॒বতাঃ॑ । অদ॑ব্ধং চ॒ক্ষুরি॑ষি॒তং মনঃ॑ । সূর্যো॒ জ্যোতি॑ষাং॒ শ্রেষ্ঠো॒- দীক্ষে॒ মা মা॑ হিংসীঃ ॥

তচ্চক্ষু॑র্দে॒বহি॑তং - শু॒ক্র মু॒চ্চর॑ৎ। পশ্যে॑ ম শ॒রদ॑শ্শ॒ ত- ঞ্জীবে॑ম শ॒রদ॑ শ্শ॒ তং ॥

ত্বম॑গ্নে রু॒দ্রো অসু॑রো ম॒হো দি॒ব-স্ত্বং শর্ধো॒ মারু॑তং পৃ॒ক্ষ ঈ॑শিষে। ত্বং বাতৈ॑ ররু॒ণৈর্যা॑সি শঙ্গ॒য়-স্ত্বং পূ॒ষা বি॑ধ॒তঃ পা॑সি॒নু ত্মনা॑॥

ভ॒দ্রন্নো॒ অপি॑ বাতয়॒ মনঃ॑ ॥

ঋগ্বেদ ঐতরেয়োপনিষৎ।

ওঁ বাঙ্মে॒ মন॑সি॒ প্রতি॑ষ্ঠিতা॒ মনো॑ মে॒ বাচি॒প্রতি॑ষ্ঠিতমা॒বিরা॒বীর্ম॑ এধি বে॒দস্য ম॒ আণী॑স্থঃ শ্রু॒তং মে॒ মা প্রহা॑সীর॒নেনা॒ধীতে॑নাহোরা॒ত্রান্ সন্দ॑ধাম্যৃ॒তং ব॑দিষ্যামি স॒ত্যং ব॑দিষ্যামি॒ তন্মাম॑বতু॒ তদ্ব॒ক্তার॑মব॒ত্বব॑তু॒ মামব॑তু ব॒ক্তার॒মব॑তু ব॒ক্তারং॑

ওঁ শান্তিশ্শান্তিশ্শান্তিঃ ॥

মা ন॒ এক॑স্মি॒ন্নাগ॑সি॒ মা দ্বয়ো॑রু॒ত ত্রি॒ষু । বধী॒র্মা শূ॑র॒ ভূরি॑ষু ॥ ৮।০৪৫।৩৪, ৬।৩।০৪৮।০৪ {কাণ্বঃ ত্রিশোকঃ । ইন্দ্রঃ । গায়ত্রী}

বিশ্বা॑নি দেব সবিতর্দুরি॒তানি॒ পরা॑ সুব । যদ্ভ॒দ্রং তন্ন॒ আ সু॑ব ॥ ৫।০৮২।০৫, ৪।৪।০২৫।০৫ {আত্রেয়ঃ শ্যাবাশ্বঃ । সবিতা । গায়ত্রী}

শ॒তধা॑র॒মুৎস॒মক্ষী॑য়মাণং বিপ॒শ্চিতং॑ পি॒তরং॒ বক্ত্বা॑নাম্ । মে॒ল়িং মদ॑ন্তং পি॒ত্রোরু॒পস্থে॒ তং রো॑দসী পিপৃতং সত্য॒বাচ॑ম্ ॥ ৩।০২৬।০৯, ৩।১।০২৭।০৪ {গাথিনো বিশ্বামিত্রঃ । উপাধ্যায়ঃ । ত্রিষ্টুপ্}

ঋ॒চো অ॒ক্ষরে॑ পর॒মে ব্যো॑ম॒ন্যস্মি॑ন্দে॒বা অধি॒ বিশ্বে॑ নিষে॒দুঃ । যস্তন্ন বেদ॒ কিমৃ॒চা ক॑রিষ্যতি॒ য ইত্তদ্বি॒দুস্ত ই॒মে সমা॑সতে ॥ ১।১৬৪।৩৯, ২।৩।০২১।০৪ {ঔচথ্যো দীর্ঘতমাঃ । বিশ্বদেবাঃ । ত্রিষ্টুপ্}

তচ্ছং॒য়ো।রা বৃ॑ণীমহে- গা॒তুং য॒জ্ঞায়॑- গা॒তুং য॒জ্ঞপ॑তয়ে। দৈবী॑ স্ব॒স্তি। র॑স্তু ন।-স্স্ব॒স্তি। র্মানু॑ষেভ্যঃ। ঊ॒র্ধ্ব।ঞ্জি॑গাতু ভেষ॒জং- শন্নো॑ অস্তু দ্বি॒পদে॒ শ।ঞ্চতু॑ষ্পদে॥

শান্তা॑ পৃথি॒বী শি॒বমন্॒তরি॑ক্ষং॒ দ্যৌনৌ॑ দে॒ব্য ভ॑য়ং নো অস্তু ॥

নমো ব্রহ্মণে নমোঽস্ত্বগ্নয়ে নমঃ পৃথিব্যৈ নম ওষধীভ্যঃ । নমো বাচে নমো বাচস্পতয়ে নমো বিষ্ণবে মহতে করোমি ॥