ವೇದಪಾರಾಯಣ ಆರಂಭ ಮಂತ್ರಾಣಿ
ಗ॒ಣಾನಾಂ॑ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಂ . ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿಃ॑ ಸೀದ॒ ಸಾದ॑ನಂ ..
ಬೃಹ॑ಸ್ಪತೇ ಪ್ರಥ॒ಮಂ ವಾ॒ಚೋ ಅಗ್ರಂ॒ ಯತ್ಪ್ರೈರ॑ತ ನಾಮ॒ಧೇಯಂ॒ ದಧಾ॑ನಾಃ . ಯದೇ॑ಷಾಂ॒ ಶ್ರೇಷ್ಠಂ॒ ಯದ॑ರಿ॒ಪ್ರಮಾಸೀ॑ತ್ಪ್ರೇ॒ಣಾ ತದೇ॑ಷಾಂ॒ ನಿಹಿ॑ತಂ॒ ಗುಹಾ॒ವಿಃ ..
ನಿ ಷು ಸೀ॑ದ ಗಣಪತೇ ಗ॒ಣೇಷು॒ ತ್ವಾಮಾ॑ಹು॒ರ್ವಿಪ್ರ॑ತಮಂ ಕವೀ॒ನಾಂ . ನ ಋ॒ತೇ ತ್ವತ್ಕ್ರಿ॑ಯತೇ॒ ಕಿಂ ಚ॒ನಾರೇ ಮ॒ಹಾಮ॒ರ್ಕಂ ಮ॑ಘವಂಚಿ॒ತ್ರಮ॑ರ್ಚ ..
ಪ್ರ ಣೋ॑ ದೇ॒ವೀ ಸರ॑ಸ್ವತೀ॒ ವಾಜೇ॑ಭಿರ್ವಾ॒ಜಿನೀ॑ವತೀ . ಧೀ॒ನಾಮ॑ವಿ॒ತ್ರ್ಯ॑ವತು ..
ಆ ನೋ॑ ದಿ॒ವೋ ಬೃ॑ಹ॒ತಃ ಪರ್ವ॑ತಾ॒ದಾ ಸರ॑ಸ್ವತೀ ಯಜ॒ತಾ ಗಂ॑ತು ಯ॒ಜ್ಞಂ . ಹವಂ॑ ದೇ॒ವೀ ಜು॑ಜುಷಾ॒ಣಾ ಘೃ॒ತಾಚೀ॑ ಶ॒ಗ್ಮಾಂ ನೋ॒ ವಾಚ॑ಮುಶ॒ತೀ ಶೃ॑ಣೋತು ..
ವೇದ॒ ವಾತ॑ಸ್ಯ ವರ್ತ॒ನಿಮು॒ರೋರ್ಋ॒ಷ್ವಸ್ಯ॑ ಬೃಹ॒ತಃ . ವೇದಾ॒ ಯೇ ಅ॒ಧ್ಯಾಸ॑ತೇ ..
ಶ॒ತಧಾ॑ರ॒ಮುತ್ಸ॒ಮಕ್ಷೀ॑ಯಮಾಣಂ ವಿಪ॒ಶ್ಚಿತಂ॑ ಪಿ॒ತರಂ॒ ವಕ್ತ್ವಾ॑ನಾಂ . ಮೇ॒ಳಿಂ ಮದಂ॑ತಂ ಪಿ॒ತ್ರೋರು॒ಪಸ್ಥೇ॒ ತಂ ರೋ॑ದಸೀ ಪಿಪೃತಂ ಸತ್ಯ॒ವಾಚಂ॑ ..
ಋ॒ಚೋ ಅ॒ಕ್ಷರೇ॑ ಪರ॒ಮೇ ವ್ಯೋ॑ಮ॒ನ್ಯಸ್ಮಿಂ॑ದೇ॒ವಾ ಅಧಿ॒ ವಿಶ್ವೇ॑ ನಿಷೇ॒ದುಃ . ಯಸ್ತನ್ನ ವೇದ॒ ಕಿಮೃ॒ಚಾ ಕ॑ರಿಷ್ಯತಿ॒ ಯ ಇತ್ತದ್ವಿ॒ದುಸ್ತ ಇ॒ಮೇ ಸಮಾ॑ಸತೇ ..
ಸಾಕ್ಷಾನ್ಮೂಲ ಪ್ರಮಾಣಾಯ ವಿಷ್ಣೋರಮಿತ ತೇಜಸೇ . ಆದ್ಯಾಯ ಸರ್ವ ವೇದಾನಾಂ ಋಗ್ವೇದಾಯ ನಮೋನಮಃ ..
ಋಗ್ವೇದಃ ಶ್ವೇತವರ್ಣಶ್ಚ ದ್ವಿಭುಜೋ ರಾಸಭಾನನಃ. ಅಕ್ಷಮಾಲಾಂಬುಪಾತ್ರಂ ಚ ಬಿಭ್ರನ್ ಸ್ವಾಧ್ಯಯನೇ ರತಃ..
ಆತೂನಇತಿ ನವರ್ಚಸ್ಯ ಸೂಕ್ತಸ್ಯ ಕಾಣ್ವಃ ಕುಸೀದೀಂದ್ರೋ ಗಾಯತ್ರೀ .
ಆ ತೂ ನ॑ ಇಂದ್ರ ಕ್ಷು॒ಮಂತಂ॑ ಚಿ॒ತ್ರಂ ಗ್ರಾ॒ಭಂ ಸಂ ಗೃ॑ಭಾಯ . ಮ॒ಹಾ॒ಹ॒ಸ್ತೀ ದಕ್ಷಿ॑ಣೇನ ..
ವಿ॒ದ್ಮಾ ಹಿ ತ್ವಾ॑ ತುವಿಕೂ॒ರ್ಮಿಂ ತು॒ವಿದೇ॑ಷ್ಣಂ ತು॒ವೀಮ॑ಘಂ . ತು॒ವಿ॒ಮಾ॒ತ್ರಮವೋ॑ಭಿಃ ..
ನ॒ಹಿ ತ್ವಾ॑ ಶೂರ ದೇ॒ವಾ ನ ಮರ್ತಾ॑ಸೋ॒ ದಿತ್ಸಂ॑ತಂ . ಭೀ॒ಮಂ ನ ಗಾಂ ವಾ॒ರಯಂ॑ತೇ ..
ಏತೋ॒ ನ್ವಿಂದ್ರಂ॒ ಸ್ತವಾ॒ಮೇಶಾ॑ನಂ॒ ವಸ್ವಃ॑ ಸ್ವ॒ರಾಜಂ॑ . ನ ರಾಧ॑ಸಾ ಮರ್ಧಿಷನ್ನಃ ..
ಪ್ರ ಸ್ತೋ॑ಷ॒ದುಪ॑ ಗಾಸಿಷ॒ಚ್ಛ್ರವ॒ತ್ಸಾಮ॑ ಗೀ॒ಯಮಾ॑ನಂ . ಅ॒ಭಿ ರಾಧ॑ಸಾ ಜುಗುರತ್ ..
ಆ ನೋ॑ ಭರ॒ ದಕ್ಷಿ॑ಣೇನಾ॒ಭಿ ಸ॒ವ್ಯೇನ॒ ಪ್ರ ಮೃ॑ಶ . ಇಂದ್ರ॒ ಮಾ ನೋ॒ ವಸೋ॒ರ್ನಿರ್ಭಾ॑ಕ್ ..
ಉಪ॑ ಕ್ರಮ॒ಸ್ವಾ ಭ॑ರ ಧೃಷ॒ತಾ ಧೃ॑ಷ್ಣೋ॒ ಜನಾ॑ನಾಂ . ಅದಾ॑ಶೂಷ್ಟರಸ್ಯ॒ ವೇದಃ॑ ..
ಇಂದ್ರ॒ ಯ ಉ॒ ನು ತೇ॒ ಅಸ್ತಿ॒ ವಾಜೋ॒ ವಿಪ್ರೇ॑ಭಿಃ॒ ಸನಿ॑ತ್ವಃ . ಅ॒ಸ್ಮಾಭಿಃ॒ ಸು ತಂ ಸ॑ನುಹಿ ..
ಸ॒ದ್ಯೋ॒ಜುವ॑ಸ್ತೇ॒ ವಾಜಾ॑ ಅ॒ಸ್ಮಭ್ಯಂ॑ ವಿ॒ಶ್ವಶ್ಚಂ॑ದ್ರಾಃ . ವಶೈ॑ಶ್ಚ ಮ॒ಕ್ಷೂ ಜ॑ರಂತೇ ..
ಗ॒ಣಾನಾಂ॑ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಂ . ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿಃ॑ ಸೀದ॒ ಸಾದ॑ನಂ ..
ನಿ ಷು ಸೀ॑ದ ಗಣಪತೇ ಗ॒ಣೇಷು॒ ತ್ವಾಮಾ॑ಹು॒ರ್ವಿಪ್ರ॑ತಮಂ ಕವೀ॒ನಾಂ . ನ ಋ॒ತೇ ತ್ವತ್ಕ್ರಿ॑ಯತೇ॒ ಕಿಂ ಚ॒ನಾರೇ ಮ॒ಹಾಮ॒ರ್ಕಂ ಮ॑ಘವಂಚಿ॒ತ್ರಮ॑ರ್ಚ ..
ಅ॒ಭಿ॒ಖ್ಯಾ ನೋ॑ ಮಘವ॒ನ್ನಾಧ॑ಮಾನಾಂ॒ತ್ಸಖೇ॑ ಬೋ॒ಧಿ ವ॑ಸುಪತೇ॒ ಸಖೀ॑ನಾಂ . ರಣಂ॑ ಕೃಧಿ ರಣಕೃತ್ಸತ್ಯಶು॒ಷ್ಮಾಭ॑ಕ್ತೇ ಚಿ॒ದಾ ಭ॑ಜಾ ರಾ॒ಯೇ ಅ॒ಸ್ಮಾನ್ ..
ಸಹಸ್ರಶೀರ್ಷೇತಿ ಷೋಳಶರ್ಚಸ್ಯ ಸೂಕ್ತಸ್ಯ ನಾರಾಯಣಃ ಪುರುಷೋನುಷ್ಟುಬಂತ್ಯಾತ್ರಿಷ್ಟುಪ್ .
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ಸಹಸ್ರಾ॒ಕ್ಷಃ ಸ॒ಹಸ್ರ॑ಪಾತ್ . ಸ ಭೂಮಿಂ॑ ವಿ॒ಶ್ವತೋ॑ ವೃ॒ತ್ವಾತ್ಯ॑ತಿಷ್ಠದ್ದಶಾಂಗು॒ಲಂ ..
ಪುರು॑ಷ ಏ॒ವೇದಂ ಸರ್ವಂ॒ ಯದ್ಭೂ॒ತಂ ಯಚ್ಚ॒ ಭವ್ಯಂ॑ . ಉ॒ತಾಮೃ॑ತ॒ತ್ವಸ್ಯೇಶಾ॑ನೋ॒ ಯದನ್ನೇ॑ನಾತಿ॒ರೋಹ॑ತಿ ..
ಏ॒ತಾವಾ॑ನಸ್ಯ ಮಹಿ॒ಮಾತೋ॒ ಜ್ಯಾಯಾಁ॑ಶ್ಚ॒ ಪೂರು॑ಷಃ . ಪಾದೋ॑ಽಸ್ಯ॒ ವಿಶ್ವಾ॑ ಭೂ॒ತಾನಿ॑ ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ ..
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ॒ ಪಾದೋ॑ಽಸ್ಯೇ॒ಹಾಭ॑ವ॒ತ್ಪುನಃ॑ . ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ಸಾಶನಾನಶ॒ನೇ ಅ॒ಭಿ ..
ತಸ್ಮಾ॑ದ್ವಿ॒ರಾಳ॑ಜಾಯತ ವಿ॒ರಾಜೋ॒ ಅಧಿ॒ ಪೂರು॑ಷಃ . ಸ ಜಾ॒ತೋ ಅತ್ಯ॑ರಿಚ್ಯತ ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ..
ಯತ್ಪುರು॑ಷೇಣ ಹ॒ವಿಷಾ॑ ದೇ॒ವಾ ಯ॒ಜ್ಞಮತ॑ನ್ವತ . ವ॒ಸಂ॒ತೋ ಅ॑ಸ್ಯಾಸೀ॒ದಾಜ್ಯಂ॑ ಗ್ರೀ॒ಷ್ಮ ಇ॒ಧ್ಮಃ ಶ॒ರದ್ಧ॒ವಿಃ ..
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷ॒ನ್ಪುರು॑ಷಂ ಜಾ॒ತಮ॑ಗ್ರ॒ತಃ . ತೇನ॑ ದೇ॒ವಾ ಅ॑ಯಜಂತ ಸಾ॒ಧ್ಯಾ ಋಷ॑ಯಶ್ಚ॒ ಯೇ ..
ತಸ್ಮಾ॑ದ್ಯ॒ಜ್ಞಾತ್ಸ॑ರ್ವ॒ಹುತಃ॒ ಸಂಭೃ॑ತಂ ಪೃಷದಾ॒ಜ್ಯಂ . ಪ॒ಶೂಂತಾಁಶ್ಚ॑ಕ್ರೇ ವಾಯ॒ವ್ಯಾ॑ನಾರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ ..
ತಸ್ಮಾ॑ದ್ಯ॒ಜ್ಞಾತ್ಸ॑ರ್ವ॒ಹುತ॒ ಋಚಃ॒ ಸಾಮಾ॑ನಿ ಜಜ್ಞಿರೇ . ಛಂದಾಂ॑ಸಿ ಜಜ್ಞಿರೇ॒ ತಸ್ಮಾ॒ದ್ಯಜು॒ಸ್ತಸ್ಮಾ॑ದಜಾಯತ ..
ತಸ್ಮಾ॒ದಶ್ವಾ॑ ಅಜಾಯಂತ॒ ಯೇ ಕೇ ಚೋ॑ಭ॒ಯಾದ॑ತಃ . ಗಾವೋ॑ ಹ ಜಜ್ಞಿರೇ॒ ತಸ್ಮಾ॒ತ್ತಸ್ಮಾ॑ಜ್ಜಾ॒ತಾ ಅ॑ಜಾ॒ವಯಃ॑ ..
ಯತ್ಪುರು॑ಷಂ॒ ವ್ಯದ॑ಧುಃ ಕತಿ॒ಧಾ ವ್ಯ॑ಕಲ್ಪಯನ್ . ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ ಕಾ ಊ॒ರೂ ಪಾದಾ॑ ಉಚ್ಯೇತೇ ..
ಬ್ರಾ॒ಹ್ಮ॒ಣೋ॑ಽಸ್ಯ॒ ಮುಖ॑ಮಾಸೀದ್ಬಾ॒ಹೂ ರಾ॑ಜ॒ನ್ಯಃ॑ ಕೃ॒ತಃ . ಊ॒ರೂ ತದ॑ಸ್ಯ॒ ಯದ್ವೈಶ್ಯಃ॑ ಪ॒ದ್ಭ್ಯಾಂ ಶೂ॒ದ್ರೋ ಅ॑ಜಾಯತ ..
ಚಂ॒ದ್ರಮಾ॒ ಮನ॑ಸೋ ಜಾ॒ತಶ್ಚಕ್ಷೋಃ॒ ಸೂರ್ಯೋ॑ ಅಜಾಯತ . ಮುಖಾ॒ದಿಂದ್ರ॑ಶ್ಚಾ॒ಗ್ನಿಶ್ಚ॑ ಪ್ರಾ॒ಣಾದ್ವಾ॒ಯುರ॑ಜಾಯತ ..
ನಾಭ್ಯಾ॑ ಆಸೀದಂ॒ತರಿ॑ಕ್ಷಂ ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ . ಪ॒ದ್ಭ್ಯಾಂ ಭೂಮಿ॒ರ್ದಿಶಃ॒ ಶ್ರೋತ್ರಾ॒ತ್ತಥಾ॑ ಲೋ॒ಕಾಁ ಅ॑ಕಲ್ಪಯನ್ ..
ಸ॒ಪ್ತಾಸ್ಯಾ॑ಸನ್ಪರಿ॒ಧಯ॒ಸ್ತ್ರಿಃ ಸ॒ಪ್ತ ಸ॒ಮಿಧಃ॑ ಕೃ॒ತಾಃ . ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾ ಅಬ॑ಧ್ನ॒ನ್ಪುರು॑ಷಂ ಪ॒ಶುಂ ..
ಯ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಸ್ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ . ತೇ ಹ॒ ನಾಕಂ॑ ಮಹಿ॒ಮಾನಃ॑ ಸಚಂತ॒ ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸಂತಿ॑ ದೇ॒ವಾಃ ..
ಅತೋ॑ ದೇ॒ವಾ ಅ॑ವಂತು ನೋ॒ ಯತೋ॒ ವಿಷ್ಣು॑ರ್ವಿಚಕ್ರ॒ಮೇ . ಪೃ॒ಥಿ॒ವ್ಯಾಃ ಸ॒ಪ್ತ ಧಾಮ॑ಭಿಃ ..
ಇ॒ದಂ ವಿಷ್ಣು॒ರ್ವಿ ಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಂ . ಸಮೂ॑ಳ್ಹಮಸ್ಯ ಪಾಂಸು॒ರೇ ..
ತ್ರೀಣಿ॑ ಪ॒ದಾ ವಿ ಚ॑ಕ್ರಮೇ॒ ವಿಷ್ಣು॑ರ್ಗೋ॒ಪಾ ಅದಾ॑ಭ್ಯಃ . ಅತೋ॒ ಧರ್ಮಾ॑ಣಿ ಧಾ॒ರಯ॑ನ್ ..
ವಿಷ್ಣೋಃ॒ ಕರ್ಮಾ॑ಣಿ ಪಶ್ಯತ॒ ಯತೋ॑ ವ್ರ॒ತಾನಿ॑ ಪಸ್ಪ॒ಶೇ . ಇಂದ್ರ॑ಸ್ಯ॒ ಯುಜ್ಯಃ॒ ಸಖಾ॑ ..
ತದ್ವಿಷ್ಣೋಃ॑ ಪರ॒ಮಂ ಪ॒ದಂ ಸದಾ॑ ಪಶ್ಯಂತಿ ಸೂ॒ರಯಃ॑ . ದಿ॒ವೀ॑ವ॒ ಚಕ್ಷು॒ರಾತ॑ತಂ ..
ತದ್ವಿಪ್ರಾ॑ಸೋ ವಿಪ॒ನ್ಯವೋ॑ ಜಾಗೃ॒ವಾಂಸಃ॒ ಸಮಿಂ॑ಧತೇ . ವಿಷ್ಣೋ॒ರ್ಯತ್ಪ॑ರ॒ಮಂ ಪ॒ದಂ ..
ವಿಷ್ಣೋರ್ನುಕಮಿತಿ ಷಡೃಚಸ್ಯ ಸೂಕ್ತಸ್ಯೌಚಧ್ಯೋದೀರ್ಘತಮಾ ವಿಷ್ಣುಸ್ತ್ರಿಷ್ಟುಪ್ .
ವಿಷ್ಣೋ॒ರ್ನು ಕಂ॑ ವೀ॒ರ್ಯಾ॑ಣಿ॒ ಪ್ರ ವೋ॑ಚಂ॒ ಯಃ ಪಾರ್ಥಿ॑ವಾನಿ ವಿಮ॒ಮೇ ರಜಾಂ॑ಸಿ . ಯೋ ಅಸ್ಕ॑ಭಾಯ॒ದುತ್ತ॑ರಂ ಸ॒ಧಸ್ಥಂ॑ ವಿಚಕ್ರಮಾ॒ಣಸ್ತ್ರೇ॒ಧೋರು॑ಗಾ॒ಯಃ ..
ಪ್ರ ತದ್ವಿಷ್ಣುಃ॑ ಸ್ತವತೇ ವೀ॒ರ್ಯೇ॑ಣ ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ . ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷ್ವಧಿಕ್ಷಿ॒ಯಂತಿ॒ ಭುವ॑ನಾನಿ॒ ವಿಶ್ವಾ॑ ..
ಪ್ರ ವಿಷ್ಣ॑ವೇ ಶೂ॒ಷಮೇ॑ತು॒ ಮನ್ಮ॑ ಗಿರಿ॒ಕ್ಷಿತ॑ ಉರುಗಾ॒ಯಾಯ॒ ವೃಷ್ಣೇ॑ . ಯ ಇ॒ದಂ ದೀ॒ರ್ಘಂ ಪ್ರಯ॑ತಂ ಸ॒ಧಸ್ಥ॒ಮೇಕೋ॑ ವಿಮ॒ಮೇ ತ್ರಿ॒ಭಿರಿತ್ಪ॒ದೇಭಿಃ॑ ..
ಯಸ್ಯ॒ ತ್ರೀ ಪೂ॒ರ್ಣಾ ಮಧು॑ನಾ ಪ॒ದಾನ್ಯಕ್ಷೀ॑ಯಮಾಣಾ ಸ್ವ॒ಧಯಾ॒ ಮದಂ॑ತಿ . ಯ ಉ॑ ತ್ರಿ॒ಧಾತು॑ ಪೃಥಿ॒ವೀಮು॒ತ ದ್ಯಾಮೇಕೋ॑ ದಾ॒ಧಾರ॒ ಭುವ॑ನಾನಿ॒ ವಿಶ್ವಾ॑ ..
ತದ॑ಸ್ಯ ಪ್ರಿ॒ಯಮ॒ಭಿ ಪಾಥೋ॑ ಅಶ್ಯಾಂ॒ ನರೋ॒ ಯತ್ರ॑ ದೇವ॒ಯವೋ॒ ಮದಂ॑ತಿ . ಉ॒ರು॒ಕ್ರ॒ಮಸ್ಯ॒ ಸ ಹಿ ಬಂಧು॑ರಿ॒ತ್ಥಾ ವಿಷ್ಣೋಃ॑ ಪ॒ದೇ ಪ॑ರ॒ಮೇ ಮಧ್ವ॒ ಉತ್ಸಃ॑ ..
ತಾ ವಾಂ॒ ವಾಸ್ತೂ॑ನ್ಯುಶ್ಮಸಿ॒ ಗಮ॑ಧ್ಯೈ॒ ಯತ್ರ॒ ಗಾವೋ॒ ಭೂರಿ॑ಶೃಂಗಾ ಅ॒ಯಾಸಃ॑ . ಅತ್ರಾಹ॒ ತದು॑ರುಗಾ॒ಯಸ್ಯ॒ ವೃಷ್ಣಃ॑ ಪರ॒ಮಂ ಪ॒ದಮವ॑ ಭಾತಿ॒ ಭೂರಿ॑ ..
ಪ್ರವಃಪಾಂತಮಿತಿ ಷಡೃಚಸ್ಯ ಸೂಕ್ತಸ್ಯೌಚಥ್ಯೋದೀರ್ಘತಮಾ ಆದ್ಯಾನಾಂತಿಸೃಣಾಮಿಂದ್ರಾವಿಷ್ಣೂ ತತಸ್ತಿಸೃಣಾಂವಿಷ್ಣುರ್ಜಗತೀ .
ಪ್ರ ವಃ॒ ಪಾಂತ॒ಮಂಧ॑ಸೋ ಧಿಯಾಯ॒ತೇ ಮ॒ಹೇ ಶೂರಾ॑ಯ॒ ವಿಷ್ಣ॑ವೇ ಚಾರ್ಚತ . ಯಾ ಸಾನು॑ನಿ॒ ಪರ್ವ॑ತಾನಾ॒ಮದಾ॑ಭ್ಯಾ ಮ॒ಹಸ್ತ॒ಸ್ಥತು॒ರರ್ವ॑ತೇವ ಸಾ॒ಧುನಾ॑ ..
ತ್ವೇ॒ಷಮಿ॒ತ್ಥಾ ಸ॒ಮರ॑ಣಂ॒ ಶಿಮೀ॑ವತೋ॒ರಿಂದ್ರಾ॑ವಿಷ್ಣೂ ಸುತ॒ಪಾ ವಾ॑ಮುರುಷ್ಯತಿ . ಯಾ ಮರ್ತ್ಯಾ॑ಯ ಪ್ರತಿಧೀ॒ಯಮಾ॑ನ॒ಮಿತ್ಕೃ॒ಶಾನೋ॒ರಸ್ತು॑ರಸ॒ನಾಮು॑ರು॒ಷ್ಯಥಃ॑ ..
ತಾ ಈಂ॑ ವರ್ಧಂತಿ॒ ಮಹ್ಯ॑ಸ್ಯ॒ ಪೌಂಸ್ಯಂ॒ ನಿ ಮಾ॒ತರಾ॑ ನಯತಿ॒ ರೇತ॑ಸೇ ಭು॒ಜೇ . ದಧಾ॑ತಿ ಪು॒ತ್ರೋಽವ॑ರಂ॒ ಪರಂ॑ ಪಿ॒ತುರ್ನಾಮ॑ ತೃ॒ತೀಯ॒ಮಧಿ॑ ರೋಚ॒ನೇ ದಿ॒ವಃ ..
ತತ್ತ॒ದಿದ॑ಸ್ಯ॒ ಪೌಂಸ್ಯಂ॑ ಗೃಣೀಮಸೀ॒ನಸ್ಯ॑ ತ್ರಾ॒ತುರ॑ವೃ॒ಕಸ್ಯ॑ ಮೀ॒ಳ್ಹುಷಃ॑ . ಯಃ ಪಾರ್ಥಿ॑ವಾನಿ ತ್ರಿ॒ಭಿರಿದ್ವಿಗಾ॑ಮಭಿರು॒ರು ಕ್ರಮಿ॑ಷ್ಟೋರುಗಾ॒ಯಾಯ॑ ಜೀ॒ವಸೇ॑ ..
ದ್ವೇ ಇದ॑ಸ್ಯ॒ ಕ್ರಮ॑ಣೇ ಸ್ವ॒ರ್ದೃಶೋ॑ಽಭಿ॒ಖ್ಯಾಯ॒ ಮರ್ತ್ಯೋ॑ ಭುರಣ್ಯತಿ . ತೃ॒ತೀಯ॑ಮಸ್ಯ॒ ನಕಿ॒ರಾ ದ॑ಧರ್ಷತಿ॒ ವಯ॑ಶ್ಚ॒ನ ಪ॒ತಯಂ॑ತಃ ಪತ॒ತ್ರಿಣಃ॑ ..
ಚ॒ತುರ್ಭಿಃ॑ ಸಾ॒ಕಂ ನ॑ವ॒ತಿಂ ಚ॒ ನಾಮ॑ಭಿಶ್ಚ॒ಕ್ರಂ ನ ವೃ॒ತ್ತಂ ವ್ಯತೀಁ॑ರವೀವಿಪತ್ . ಬೃ॒ಹಚ್ಛ॑ರೀರೋ ವಿ॒ಮಿಮಾ॑ನ॒ ಋಕ್ವ॑ಭಿ॒ರ್ಯುವಾಕು॑ಮಾರಃ॒ ಪ್ರತ್ಯೇ॑ತ್ಯಾಹ॒ವಂ ..
ಭವಾಮಿತ್ರಇತಿ ಪಂಚರ್ಚಸ್ಯ ಸೂಕ್ತಸ್ಯೌಚಥ್ಯೋದೀರ್ಘತಮಾವಿಷ್ಣುರ್ಜಗತೀ .
ಭವಾ॑ ಮಿ॒ತ್ರೋ ನ ಶೇವ್ಯೋ॑ ಘೃ॒ತಾಸು॑ತಿ॒ರ್ವಿಭೂ॑ತದ್ಯುಮ್ನ ಏವ॒ಯಾ ಉ॑ ಸ॒ಪ್ರಥಾಃ॑ . ಅಧಾ॑ ತೇ ವಿಷ್ಣೋ ವಿ॒ದುಷಾ॑ ಚಿ॒ದರ್ಧ್ಯಃ॒ ಸ್ತೋಮೋ॑ ಯ॒ಜ್ಞಶ್ಚ॒ ರಾಧ್ಯೋ॑ ಹ॒ವಿಷ್ಮ॑ತಾ ..
ಯಃ ಪೂ॒ರ್ವ್ಯಾಯ॑ ವೇ॒ಧಸೇ॒ ನವೀ॑ಯಸೇ ಸು॒ಮಜ್ಜಾ॑ನಯೇ॒ ವಿಷ್ಣ॑ವೇ॒ ದದಾ॑ಶತಿ . ಯೋ ಜಾ॒ತಮ॑ಸ್ಯ ಮಹ॒ತೋ ಮಹಿ॒ ಬ್ರವ॒ತ್ಸೇದು॒ ಶ್ರವೋ॑ಭಿ॒ರ್ಯುಜ್ಯಂ॑ ಚಿದ॒ಭ್ಯ॑ಸತ್ ..
ತಮು॑ ಸ್ತೋತಾರಃ ಪೂ॒ರ್ವ್ಯಂ ಯಥಾ॑ ವಿ॒ದ ಋ॒ತಸ್ಯ॒ ಗರ್ಭಂ॑ ಜ॒ನುಷಾ॑ ಪಿಪರ್ತನ . ಆಸ್ಯ॑ ಜಾ॒ನಂತೋ॒ ನಾಮ॑ ಚಿದ್ವಿವಕ್ತನ ಮ॒ಹಸ್ತೇ॑ ವಿಷ್ಣೋ ಸುಮ॒ತಿಂ ಭ॑ಜಾಮಹೇ ..
ತಮ॑ಸ್ಯ॒ ರಾಜಾ॒ ವರು॑ಣ॒ಸ್ತಮ॒ಶ್ವಿನಾ॒ ಕ್ರತುಂ॑ ಸಚಂತ॒ ಮಾರು॑ತಸ್ಯ ವೇ॒ಧಸಃ॑ . ದಾ॒ಧಾರ॒ ದಕ್ಷ॑ಮುತ್ತ॒ಮಮ॑ಹ॒ರ್ವಿದಂ॑ ವ್ರ॒ಜಂ ಚ॒ ವಿಷ್ಣುಃ॒ ಸಖಿ॑ವಾಁ ಅಪೋರ್ಣು॒ತೇ ..
ಆ ಯೋ ವಿ॒ವಾಯ॑ ಸ॒ಚಥಾ॑ಯ॒ ದೈವ್ಯ॒ ಇಂದ್ರಾ॑ಯ॒ ವಿಷ್ಣುಃ॑ ಸು॒ಕೃತೇ॑ ಸು॒ಕೃತ್ತ॑ರಃ . ವೇ॒ಧಾ ಅ॑ಜಿನ್ವತ್ತ್ರಿಷಧ॒ಸ್ಥ ಆರ್ಯ॑ಮೃ॒ತಸ್ಯ॑ ಭಾ॒ಗೇ ಯಜ॑ಮಾನ॒ಮಾಭ॑ಜತ್ ..
ಸಂವಾಮಿತ್ಯಷ್ಟರ್ಚಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋಭರದ್ವಾಜಇಂದ್ರಾವಿಷ್ಣೂತ್ರಿಷ್ಟುಪ್ .
ಸಂ ವಾಂ॒ ಕರ್ಮ॑ಣಾ॒ ಸಮಿ॒ಷಾ ಹಿ॑ನೋ॒ಮೀಂದ್ರಾ॑ವಿಷ್ಣೂ॒ ಅಪ॑ಸಸ್ಪಾ॒ರೇ ಅ॒ಸ್ಯ . ಜು॒ಷೇಥಾಂ॑ ಯ॒ಜ್ಞಂ ದ್ರವಿ॑ಣಂ ಚ ಧತ್ತ॒ಮರಿ॑ಷ್ಟೈರ್ನಃ ಪ॒ಥಿಭಿಃ॑ ಪಾ॒ರಯಂ॑ತಾ ..
ಯಾ ವಿಶ್ವಾ॑ಸಾಂ ಜನಿ॒ತಾರಾ॑ ಮತೀ॒ನಾಮಿಂದ್ರಾ॒ವಿಷ್ಣೂ॑ ಕ॒ಲಶಾ॑ ಸೋಮ॒ಧಾನಾ॑ . ಪ್ರ ವಾಂ॒ ಗಿರಃ॑ ಶ॒ಸ್ಯಮಾ॑ನಾ ಅವಂತು॒ ಪ್ರ ಸ್ತೋಮಾ॑ಸೋ ಗೀ॒ಯಮಾ॑ನಾಸೋ ಅ॒ರ್ಕೈಃ ..
ಇಂದ್ರಾ॑ವಿಷ್ಣೂ ಮದಪತೀ ಮದಾನಾ॒ಮಾ ಸೋಮಂ॑ ಯಾತಂ॒ ದ್ರವಿ॑ಣೋ॒ ದಧಾ॑ನಾ . ಸಂ ವಾ॑ಮಂಜಂತ್ವ॒ಕ್ತುಭಿ॑ರ್ಮತೀ॒ನಾಂ ಸಂ ಸ್ತೋಮಾ॑ಸಃ ಶ॒ಸ್ಯಮಾ॑ನಾಸ ಉ॒ಕ್ಥೈಃ ..
ಆ ವಾ॒ಮಶ್ವಾ॑ಸೋ ಅಭಿಮಾತಿ॒ಷಾಹ॒ ಇಂದ್ರಾ॑ವಿಷ್ಣೂ ಸಧ॒ಮಾದೋ॑ ವಹಂತು . ಜು॒ಷೇಥಾಂ॒ ವಿಶ್ವಾ॒ ಹವ॑ನಾ ಮತೀ॒ನಾಮುಪ॒ ಬ್ರಹ್ಮಾ॑ಣಿ ಶೃಣುತಂ॒ ಗಿರೋ॑ ಮೇ ..
ಇಂದ್ರಾ॑ವಿಷ್ಣೂ॒ ತತ್ಪ॑ನ॒ಯಾಯ್ಯಂ॑ ವಾಂ॒ ಸೋಮ॑ಸ್ಯ॒ ಮದ॑ ಉ॒ರು ಚ॑ಕ್ರಮಾಥೇ . ಅಕೃ॑ಣುತಮಂ॒ತರಿ॑ಕ್ಷಂ॒ ವರೀ॒ಯೋಽಪ್ರ॑ಥತಂ ಜೀ॒ವಸೇ॑ ನೋ॒ ರಜಾಂ॑ಸಿ ..
ಇಂದ್ರಾ॑ವಿಷ್ಣೂ ಹ॒ವಿಷಾ॑ ವಾವೃಧಾ॒ನಾಗ್ರಾ॑ದ್ವಾನಾ॒ ನಮ॑ಸಾ ರಾತಹವ್ಯಾ . ಘೃತಾ॑ಸುತೀ॒ ದ್ರವಿ॑ಣಂ ಧತ್ತಮ॒ಸ್ಮೇ ಸ॑ಮು॒ದ್ರಃ ಸ್ಥಃ॑ ಕ॒ಲಶಃ॑ ಸೋಮ॒ಧಾನಃ॑ ..
ಇಂದ್ರಾ॑ವಿಷ್ಣೂ॒ ಪಿಬ॑ತಂ॒ ಮಧ್ವೋ॑ ಅ॒ಸ್ಯ ಸೋಮ॑ಸ್ಯ ದಸ್ರಾ ಜ॒ಠರಂ॑ ಪೃಣೇಥಾಂ . ಆ ವಾ॒ಮಂಧಾಂ॑ಸಿ ಮದಿ॒ರಾಣ್ಯ॑ಗ್ಮ॒ನ್ನುಪ॒ ಬ್ರಹ್ಮಾ॑ಣಿ ಶೃಣುತಂ॒ ಹವಂ॑ ಮೇ ..
ಉ॒ಭಾ ಜಿ॑ಗ್ಯಥು॒ರ್ನ ಪರಾ॑ ಜಯೇಥೇ॒ ನ ಪರಾ॑ ಜಿಗ್ಯೇ ಕತ॒ರಶ್ಚ॒ನೈನೋಃ॑ . ಇಂದ್ರ॑ಶ್ಚ ವಿಷ್ಣೋ॒ ಯದಪ॑ಸ್ಪೃಧೇಥಾಂ ತ್ರೇ॒ಧಾ ಸ॒ಹಸ್ರಂ॒ ವಿ ತದೈ॑ರಯೇಥಾಂ ..
ಪರೋಮಾತ್ರಯೇತಿ ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಟೋವಿಷ್ಣುಃ ಉರುಂಯಜ್ಞಾಯೇತಿತಿಸೃಣಾಮಿಂದ್ರಾವಿಷ್ಣೂತ್ರಿಷ್ಟುಪ್ .
ಪ॒ರೋ ಮಾತ್ರ॑ಯಾ ತ॒ನ್ವಾ॑ ವೃಧಾನ॒ ನ ತೇ॑ ಮಹಿ॒ತ್ವಮನ್ವ॑ಶ್ನುವಂತಿ . ಉ॒ಭೇ ತೇ॑ ವಿದ್ಮ॒ ರಜ॑ಸೀ ಪೃಥಿ॒ವ್ಯಾ ವಿಷ್ಣೋ॑ ದೇವ॒ ತ್ವಂ ಪ॑ರ॒ಮಸ್ಯ॑ ವಿತ್ಸೇ ..
ನ ತೇ॑ ವಿಷ್ಣೋ॒ ಜಾಯ॑ಮಾನೋ॒ ನ ಜಾ॒ತೋ ದೇವ॑ ಮಹಿ॒ಮ್ನಃ ಪರ॒ಮಂತ॑ಮಾಪ . ಉದ॑ಸ್ತಭ್ನಾ॒ ನಾಕ॑ಮೃ॒ಷ್ವಂ ಬೃ॒ಹಂತಂ॑ ದಾ॒ಧರ್ಥ॒ ಪ್ರಾಚೀಂ॑ ಕ॒ಕುಭಂ॑ ಪೃಥಿ॒ವ್ಯಾಃ ..
ಇರಾ॑ವತೀ ಧೇನು॒ಮತೀ॒ ಹಿ ಭೂ॒ತಂ ಸೂ॑ಯವ॒ಸಿನೀ॒ ಮನು॑ಷೇ ದಶ॒ಸ್ಯಾ . ವ್ಯ॑ಸ್ತಭ್ನಾ॒ ರೋದ॑ಸೀ ವಿಷ್ಣವೇ॒ತೇ ದಾ॒ಧರ್ಥ॑ ಪೃಥಿ॒ವೀಮ॒ಭಿತೋ॑ ಮ॒ಯೂಖೈಃ॑ ..
ಉ॒ರುಂ ಯ॒ಜ್ಞಾಯ॑ ಚಕ್ರಥುರು ಲೋ॒ಕಂ ಜ॒ನಯಂ॑ತಾ॒ ಸೂರ್ಯ॑ಮು॒ಷಾಸ॑ಮ॒ಗ್ನಿಂ . ದಾಸ॑ಸ್ಯ ಚಿದ್ವೃಷಶಿ॒ಪ್ರಸ್ಯ॑ ಮಾ॒ಯಾ ಜ॒ಘ್ನಥು॑ರ್ನರಾ ಪೃತ॒ನಾಜ್ಯೇ॑ಷು ..
ಇಂದ್ರಾ॑ವಿಷ್ಣೂ ದೃಂಹಿ॒ತಾಃ ಶಂಬ॑ರಸ್ಯ॒ ನವ॒ ಪುರೋ॑ ನವ॒ತಿಂ ಚ॑ ಶ್ನಥಿಷ್ಟಂ . ಶ॒ತಂ ವ॒ರ್ಚಿನಃ॑ ಸ॒ಹಸ್ರಂ॑ ಚ ಸಾ॒ಕಂ ಹ॒ಥೋ ಅ॑ಪ್ರ॒ತ್ಯಸು॑ರಸ್ಯ ವೀ॒ರಾನ್ ..
ಇ॒ಯಂ ಮ॑ನೀ॒ಷಾ ಬೃ॑ಹ॒ತೀ ಬೃ॒ಹಂತೋ॑ರುಕ್ರ॒ಮಾ ತ॒ವಸಾ॑ ವ॒ರ್ಧಯಂ॑ತೀ . ರ॒ರೇ ವಾಂ॒ ಸ್ತೋಮಂ॑ ವಿ॒ದಥೇ॑ಷು ವಿಷ್ಣೋ॒ ಪಿನ್ವ॑ತ॒ಮಿಷೋ॑ ವೃ॒ಜನೇ॑ಷ್ವಿಂದ್ರ ..
ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ॑ ಜುಷಸ್ವ ಶಿಪಿವಿಷ್ಟ ಹ॒ವ್ಯಂ . ವರ್ಧಂ॑ತು ತ್ವಾ ಸುಷ್ಟು॒ತಯೋ॒ ಗಿರೋ॑ ಮೇ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ನೂಮರ್ತಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವಿಷ್ಣುಸ್ತ್ರಿಷ್ಟುಪ್ .
ನೂ ಮರ್ತೋ॑ ದಯತೇ ಸನಿ॒ಷ್ಯನ್ಯೋ ವಿಷ್ಣ॑ವ ಉರುಗಾ॒ಯಾಯ॒ ದಾಶ॑ತ್ . ಪ್ರ ಯಃ ಸ॒ತ್ರಾಚಾ॒ ಮನ॑ಸಾ॒ ಯಜಾ॑ತ ಏ॒ತಾವಂ॑ತಂ॒ ನರ್ಯ॑ಮಾ॒ವಿವಾ॑ಸಾತ್ ..
ತ್ವಂ ವಿ॑ಷ್ಣೋ ಸುಮ॒ತಿಂ ವಿ॒ಶ್ವಜ॑ನ್ಯಾ॒ಮಪ್ರ॑ಯುತಾಮೇವಯಾವೋ ಮ॒ತಿಂ ದಾಃ॑ . ಪರ್ಚೋ॒ ಯಥಾ॑ ನಃ ಸುವಿ॒ತಸ್ಯ॒ ಭೂರೇ॒ರಶ್ವಾ॑ವತಃ ಪುರುಶ್ಚಂ॒ದ್ರಸ್ಯ॑ ರಾ॒ಯಃ ..
ತ್ರಿರ್ದೇ॒ವಃ ಪೃ॑ಥಿ॒ವೀಮೇ॒ಷ ಏ॒ತಾಂ ವಿ ಚ॑ಕ್ರಮೇ ಶ॒ತರ್ಚ॑ಸಂ ಮಹಿ॒ತ್ವಾ . ಪ್ರ ವಿಷ್ಣು॑ರಸ್ತು ತ॒ವಸ॒ಸ್ತವೀ॑ಯಾಂತ್ವೇ॒ಷಂ ಹ್ಯ॑ಸ್ಯ॒ ಸ್ಥವಿ॑ರಸ್ಯ॒ ನಾಮ॑ ..
ವಿ ಚ॑ಕ್ರಮೇ ಪೃಥಿ॒ವೀಮೇ॒ಷ ಏ॒ತಾಂ ಕ್ಷೇತ್ರಾ॑ಯ॒ ವಿಷ್ಣು॒ರ್ಮನು॑ಷೇ ದಶ॒ಸ್ಯನ್ . ಧ್ರು॒ವಾಸೋ॑ ಅಸ್ಯ ಕೀ॒ರಯೋ॒ ಜನಾ॑ಸ ಉರುಕ್ಷಿ॒ತಿಂ ಸು॒ಜನಿ॑ಮಾ ಚಕಾರ ..
ಪ್ರ ತತ್ತೇ॑ ಅ॒ದ್ಯ ಶಿ॑ಪಿವಿಷ್ಟ॒ ನಾಮಾ॒ರ್ಯಃ ಶಂ॑ಸಾಮಿ ವ॒ಯುನಾ॑ನಿ ವಿ॒ದ್ವಾನ್ . ತಂ ತ್ವಾ॑ ಗೃಣಾಮಿ ತ॒ವಸ॒ಮತ॑ವ್ಯಾ॒ನ್ಕ್ಷಯಂ॑ತಮ॒ಸ್ಯ ರಜ॑ಸಃ ಪರಾ॒ಕೇ ..
ಕಿಮಿತ್ತೇ॑ ವಿಷ್ಣೋ ಪರಿ॒ಚಕ್ಷ್ಯಂ॑ ಭೂ॒ತ್ಪ್ರ ಯದ್ವ॑ವ॒ಕ್ಷೇ ಶಿ॑ಪಿವಿ॒ಷ್ಟೋ ಅ॑ಸ್ಮಿ . ಮಾ ವರ್ಪೋ॑ ಅ॒ಸ್ಮದಪ॑ ಗೂಹ ಏ॒ತದ್ಯದ॒ನ್ಯರೂ॑ಪಃ ಸಮಿ॒ಥೇ ಬ॒ಭೂಥ॑ ..
ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ॑ ಜುಷಸ್ವ ಶಿಪಿವಿಷ್ಟ ಹ॒ವ್ಯಂ . ವರ್ಧಂ॑ತು ತ್ವಾ ಸುಷ್ಟು॒ತಯೋ॒ ಗಿರೋ॑ ಮೇ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಕದ್ರುದ್ರಾಯೇತಿನವರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವೋರುದ್ರಸ್ತೃತೀಯಾಯಾಮಿತ್ರಾವರುಣೌಚಸಪ್ತಮ್ಯಾದಿತೃಚಸ್ಯ ಸೋಮೋ ಗಾಯತ್ರ್ಯಂತ್ಯಾನುಷ್ಟುಪ್ .
ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ . ವೋ॒ಚೇಮ॒ ಶಂತ॑ಮಂ ಹೃ॒ದೇ ..
ಯಥಾ॑ ನೋ॒ ಅದಿ॑ತಿಃ॒ ಕರ॒ತ್ಪಶ್ವೇ॒ ನೃಭ್ಯೋ॒ ಯಥಾ॒ ಗವೇ॑ . ಯಥಾ॑ ತೋ॒ಕಾಯ॑ ರು॒ದ್ರಿಯಂ॑ ..
ಯಥಾ॑ ನೋ ಮಿ॒ತ್ರೋ ವರು॑ಣೋ॒ ಯಥಾ॑ ರು॒ದ್ರಶ್ಚಿಕೇ॑ತತಿ . ಯಥಾ॒ ವಿಶ್ವೇ॑ ಸ॒ಜೋಷ॑ಸಃ ..
ಗಾ॒ಥಪ॑ತಿಂ ಮೇ॒ಧಪ॑ತಿಂ ರು॒ದ್ರಂ ಜಲಾ॑ಷಭೇಷಜಂ . ತಚ್ಛಂ॒ಯೋಃ ಸು॒ಮ್ನಮೀ॑ಮಹೇ ..
ಯಃ ಶು॒ಕ್ರ ಇ॑ವ॒ ಸೂರ್ಯೋ॒ ಹಿರ॑ಣ್ಯಮಿವ॒ ರೋಚ॑ತೇ . ಶ್ರೇಷ್ಠೋ॑ ದೇ॒ವಾನಾಂ॒ ವಸುಃ॑ ..
ಶಂ ನಃ॑ ಕರ॒ತ್ಯರ್ವ॑ತೇ ಸು॒ಗಂ ಮೇ॒ಷಾಯ॑ ಮೇ॒ಷ್ಯೇ॑ . ನೃಭ್ಯೋ॒ ನಾರಿ॑ಭ್ಯೋ॒ ಗವೇ॑ ..
ಅ॒ಸ್ಮೇ ಸೋ॑ಮ॒ ಶ್ರಿಯ॒ಮಧಿ॒ ನಿ ಧೇ॑ಹಿ ಶ॒ತಸ್ಯ॑ ನೃ॒ಣಾಂ . ಮಹಿ॒ ಶ್ರವ॑ಸ್ತುವಿನೃ॒ಮ್ಣಂ ..
ಮಾ ನಃ॑ ಸೋಮಪರಿ॒ಬಾಧೋ॒ ಮಾರಾ॑ತಯೋ ಜುಹುರಂತ . ಆ ನ॑ ಇಂದೋ॒ ವಾಜೇ॑ ಭಜ ..
ಯಾಸ್ತೇ॑ ಪ್ರ॒ಜಾ ಅ॒ಮೃತ॑ಸ್ಯ॒ ಪರ॑ಸ್ಮಿಂ॒ಧಾಮ॑ನ್ನೃ॒ತಸ್ಯ॑ . ಮೂ॒ರ್ಧಾ ನಾಭಾ॑ ಸೋಮ ವೇನ ಆ॒ಭೂಷಂ॑ತೀಃ ಸೋಮ ವೇದಃ ..
ಇಮಾರುದ್ರಾಯೇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಕುತ್ಸೋರುದ್ರೋಜಗತೀಅಂತ್ಯೇದ್ವೇತ್ರಿಷ್ಟುಭೌ .
ಇ॒ಮಾ ರು॒ದ್ರಾಯ॑ ತ॒ವಸೇ॑ ಕಪ॒ರ್ದಿನೇ॑ ಕ್ಷ॒ಯದ್ವೀ॑ರಾಯ॒ ಪ್ರ ಭ॑ರಾಮಹೇ ಮ॒ತೀಃ . ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ॑ ಪು॒ಷ್ಟಂ ಗ್ರಾಮೇ॑ ಅ॒ಸ್ಮಿನ್ನ॑ನಾತು॒ರಂ ..
ಮೃ॒ಳಾ ನೋ॑ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ॑ರಾಯ॒ ನಮ॑ಸಾ ವಿಧೇಮ ತೇ . ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ॑ತಿಷು ..
ಅ॒ಶ್ಯಾಮ॑ ತೇ ಸುಮ॒ತಿಂ ದೇ॑ವಯ॒ಜ್ಯಯಾ॑ ಕ್ಷ॒ಯದ್ವೀ॑ರಸ್ಯ॒ ತವ॑ ರುದ್ರ ಮೀಢ್ವಃ . ಸು॒ಮ್ನಾ॒ಯನ್ನಿದ್ವಿಶೋ॑ ಅ॒ಸ್ಮಾಕ॒ಮಾ ಚ॒ರಾರಿ॑ಷ್ಟವೀರಾ ಜುಹವಾಮ ತೇ ಹ॒ವಿಃ ..
ತ್ವೇ॒ಷಂ ವ॒ಯಂ ರು॒ದ್ರಂ ಯ॑ಜ್ಞ॒ಸಾಧಂ॑ ವಂ॒ಕುಂ ಕ॒ವಿಮವ॑ಸೇ॒ ನಿ ಹ್ವ॑ಯಾಮಹೇ . ಆ॒ರೇ ಅ॒ಸ್ಮದ್ದೈವ್ಯಂ॒ ಹೇಳೋ॑ ಅಸ್ಯತು ಸುಮ॒ತಿಮಿದ್ವ॒ಯಮ॒ಸ್ಯಾ ವೃ॑ಣೀಮಹೇ ..
ದಿ॒ವೋ ವ॑ರಾ॒ಹಮ॑ರು॒ಷಂ ಕ॑ಪ॒ರ್ದಿನಂ॑ ತ್ವೇ॒ಷಂ ರೂ॒ಪಂ ನಮ॑ಸಾ॒ ನಿ ಹ್ವ॑ಯಾಮಹೇ . ಹಸ್ತೇ॒ ಬಿಭ್ರ॑ದ್ಭೇಷ॒ಜಾ ವಾರ್ಯಾ॑ಣಿ॒ ಶರ್ಮ॒ ವರ್ಮ॑ ಚ್ಛ॒ರ್ದಿರ॒ಸ್ಮಭ್ಯಂ॑ ಯಂಸತ್ ..
ಇ॒ದಂ ಪಿ॒ತ್ರೇ ಮ॒ರುತಾ॑ಮುಚ್ಯತೇ॒ ವಚಃ॑ ಸ್ವಾ॒ದೋಃ ಸ್ವಾದೀ॑ಯೋ ರು॒ದ್ರಾಯ॒ ವರ್ಧ॑ನಂ . ರಾಸ್ವಾ॑ ಚ ನೋ ಅಮೃತ ಮರ್ತ॒ಭೋಜ॑ನಂ॒ ತ್ಮನೇ॑ ತೋ॒ಕಾಯ॒ ತನ॑ಯಾಯ ಮೃಳ ..
ಮಾ ನೋ॑ ಮ॒ಹಾಂತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷಂ॑ತಮು॒ತ ಮಾ ನ॑ ಉಕ್ಷಿ॒ತಂ . ಮಾ ನೋ॑ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನಃ॑ ಪ್ರಿ॒ಯಾಸ್ತ॒ನ್ವೋ॑ ರುದ್ರ ರೀರಿಷಃ ..
ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॑ ಆ॒ಯೌ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ . ವೀ॒ರಾನ್ಮಾ ನೋ॑ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮಂ॑ತಃ॒ ಸದ॒ಮಿತ್ತ್ವಾ॑ ಹವಾಮಹೇ ..
ಉಪ॑ ತೇ॒ ಸ್ತೋಮಾ॑ನ್ಪಶು॒ಪಾ ಇ॒ವಾಕ॑ರಂ॒ ರಾಸ್ವಾ॑ ಪಿತರ್ಮರುತಾಂ ಸು॒ಮ್ನಮ॒ಸ್ಮೇ . ಭ॒ದ್ರಾ ಹಿ ತೇ॑ ಸುಮ॒ತಿರ್ಮೃ॑ಳ॒ಯತ್ತ॒ಮಾಥಾ॑ ವ॒ಯಮವ॒ ಇತ್ತೇ॑ ವೃಣೀಮಹೇ ..
ಆ॒ರೇ ತೇ॑ ಗೋ॒ಘ್ನಮು॒ತ ಪೂ॑ರುಷ॒ಘ್ನಂ ಕ್ಷಯ॑ದ್ವೀರ ಸು॒ಮ್ನಮ॒ಸ್ಮೇ ತೇ॑ ಅಸ್ತು . ಮೃ॒ಳಾ ಚ॑ ನೋ॒ ಅಧಿ॑ ಚ ಬ್ರೂಹಿ ದೇ॒ವಾಧಾ॑ ಚ ನಃ॒ ಶರ್ಮ॑ ಯಚ್ಛ ದ್ವಿ॒ಬರ್ಹಾಃ॑ ..
ಅವೋ॑ಚಾಮ॒ ನಮೋ॑ ಅಸ್ಮಾ ಅವ॒ಸ್ಯವಃ॑ ಶೃ॒ಣೋತು॑ ನೋ॒ ಹವಂ॑ ರು॒ದ್ರೋ ಮ॒ರುತ್ವಾ॑ನ್ . ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ..
ಆತೇಪಿತರಿತಿ ಪಂಚದಶರ್ಚಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದೋರುದ್ರೋಜಗತ್ಯಂತ್ಯಾತ್ರಿಷ್ಟುಪ್ .
ಆ ತೇ॑ ಪಿತರ್ಮರುತಾಂ ಸು॒ಮ್ನಮೇ॑ತು॒ ಮಾ ನಃ॒ ಸೂರ್ಯ॑ಸ್ಯ ಸಂ॒ದೃಶೋ॑ ಯುಯೋಥಾಃ . ಅ॒ಭಿ ನೋ॑ ವೀ॒ರೋ ಅರ್ವ॑ತಿ ಕ್ಷಮೇತ॒ ಪ್ರ ಜಾ॑ಯೇಮಹಿ ರುದ್ರ ಪ್ರ॒ಜಾಭಿಃ॑ ..
ತ್ವಾದ॑ತ್ತೇಭೀ ರುದ್ರ॒ ಶಂತ॑ಮೇಭಿಃ ಶ॒ತಂ ಹಿಮಾ॑ ಅಶೀಯ ಭೇಷ॒ಜೇಭಿಃ॑ . ವ್ಯ೧॒॑ಸ್ಮದ್ದ್ವೇಷೋ॑ ವಿತ॒ರಂ ವ್ಯಂಹೋ॒ ವ್ಯಮೀ॑ವಾಶ್ಚಾತಯಸ್ವಾ॒ ವಿಷೂ॑ಚೀಃ ..
ಶ್ರೇಷ್ಠೋ॑ ಜಾ॒ತಸ್ಯ॑ ರುದ್ರ ಶ್ರಿ॒ಯಾಸಿ॑ ತ॒ವಸ್ತ॑ಮಸ್ತ॒ವಸಾಂ॑ ವಜ್ರಬಾಹೋ . ಪರ್ಷಿ॑ ಣಃ ಪಾ॒ರಮಂಹ॑ಸಃ ಸ್ವ॒ಸ್ತಿ ವಿಶ್ವಾ॑ ಅ॒ಭೀ॑ತೀ॒ ರಪ॑ಸೋ ಯುಯೋಧಿ ..
ಮಾ ತ್ವಾ॑ ರುದ್ರ ಚುಕ್ರುಧಾಮಾ॒ ನಮೋ॑ಭಿ॒ರ್ಮಾ ದುಷ್ಟು॑ತೀ ವೃಷಭ॒ ಮಾ ಸಹೂ॑ತೀ . ಉನ್ನೋ॑ ವೀ॒ರಾಁ ಅ॑ರ್ಪಯ ಭೇಷ॒ಜೇಭಿ॑ರ್ಭಿ॒ಷಕ್ತ॑ಮಂ ತ್ವಾ ಭಿ॒ಷಜಾಂ॑ ಶೃಣೋಮಿ ..
ಹವೀ॑ಮಭಿ॒ರ್ಹವ॑ತೇ॒ ಯೋ ಹ॒ವಿರ್ಭಿ॒ರವ॒ ಸ್ತೋಮೇ॑ಭೀ ರು॒ದ್ರಂ ದಿ॑ಷೀಯ . ಋ॒ದೂ॒ದರಃ॑ ಸು॒ಹವೋ॒ ಮಾ ನೋ॑ ಅ॒ಸ್ಯೈ ಬ॒ಭ್ರುಃ ಸು॒ಶಿಪ್ರೋ॑ ರೀರಧನ್ಮ॒ನಾಯೈ॑ ..
ಉನ್ಮಾ॑ ಮಮಂದ ವೃಷ॒ಭೋ ಮ॒ರುತ್ವಾಂ॒ತ್ವಕ್ಷೀ॑ಯಸಾ॒ ವಯ॑ಸಾ॒ ನಾಧ॑ಮಾನಂ . ಘೃಣೀ॑ವ ಚ್ಛಾ॒ಯಾಮ॑ರ॒ಪಾ ಅ॑ಶೀ॒ಯಾ ವಿ॑ವಾಸೇಯಂ ರು॒ದ್ರಸ್ಯ॑ ಸು॒ಮ್ನಂ ..
ಕ್ವ೧॒॑ ಸ್ಯ ತೇ॑ ರುದ್ರ ಮೃಳ॒ಯಾಕು॒ರ್ಹಸ್ತೋ॒ ಯೋ ಅಸ್ತಿ॑ ಭೇಷ॒ಜೋ ಜಲಾ॑ಷಃ . ಅ॒ಪ॒ಭ॒ರ್ತಾ ರಪ॑ಸೋ॒ ದೈವ್ಯ॑ಸ್ಯಾ॒ಭೀ ನು ಮಾ॑ ವೃಷಭ ಚಕ್ಷಮೀಥಾಃ ..
ಪ್ರ ಬ॒ಭ್ರವೇ॑ ವೃಷ॒ಭಾಯ॑ ಶ್ವಿತೀ॒ಚೇ ಮ॒ಹೋ ಮ॒ಹೀಂ ಸು॑ಷ್ಟು॒ತಿಮೀ॑ರಯಾಮಿ . ನ॒ಮ॒ಸ್ಯಾ ಕ॑ಲ್ಮಲೀ॒ಕಿನಂ॒ ನಮೋ॑ಭಿರ್ಗೃಣೀ॒ಮಸಿ॑ ತ್ವೇ॒ಷಂ ರು॒ದ್ರಸ್ಯ॒ ನಾಮ॑ ..
ಸ್ಥಿ॒ರೇಭಿ॒ರಂಗೈಃ॑ ಪುರು॒ರೂಪ॑ ಉ॒ಗ್ರೋ ಬ॒ಭ್ರುಃ ಶು॒ಕ್ರೇಭಿಃ॑ ಪಿಪಿಶೇ॒ ಹಿರ॑ಣ್ಯೈಃ . ಈಶಾ॑ನಾದ॒ಸ್ಯ ಭುವ॑ನಸ್ಯ॒ ಭೂರೇ॒ರ್ನ ವಾ ಉ॑ ಯೋಷದ್ರು॒ದ್ರಾದ॑ಸು॒ರ್ಯಂ॑ ..
ಅರ್ಹ॑ನ್ಬಿಭರ್ಷಿ॒ ಸಾಯ॑ಕಾನಿ॒ ಧನ್ವಾರ್ಹ॑ನ್ನಿ॒ಷ್ಕಂ ಯ॑ಜ॒ತಂ ವಿ॒ಶ್ವರೂ॑ಪಂ . ಅರ್ಹ॑ನ್ನಿ॒ದಂ ದ॑ಯಸೇ॒ ವಿಶ್ವ॒ಮಭ್ವಂ॒ ನ ವಾ ಓಜೀ॑ಯೋ ರುದ್ರ॒ ತ್ವದ॑ಸ್ತಿ ..
ಸ್ತು॒ಹಿ ಶ್ರು॒ತಂ ಗ॑ರ್ತ॒ಸದಂ॒ ಯುವಾ॑ನಂ ಮೃ॒ಗಂ ನ ಭೀ॒ಮಮು॑ಪಹ॒ತ್ನುಮು॒ಗ್ರಂ . ಮೃ॒ಳಾ ಜ॑ರಿ॒ತ್ರೇ ರು॑ದ್ರ॒ ಸ್ತವಾ॑ನೋ॒ಽನ್ಯಂ ತೇ॑ ಅ॒ಸ್ಮನ್ನಿ ವ॑ಪಂತು॒ ಸೇನಾಃ॑ ..
ಕು॒ಮಾ॒ರಶ್ಚಿ॑ತ್ಪಿ॒ತರಂ॒ ವಂದ॑ಮಾನಂ॒ ಪ್ರತಿ॑ ನಾನಾಮ ರುದ್ರೋಪ॒ಯಂತಂ॑ . ಭೂರೇ॑ರ್ದಾ॒ತಾರಂ॒ ಸತ್ಪ॑ತಿಂ ಗೃಣೀಷೇ ಸ್ತು॒ತಸ್ತ್ವಂ ಭೇ॑ಷ॒ಜಾ ರಾ॑ಸ್ಯ॒ಸ್ಮೇ ..
ಯಾ ವೋ॑ ಭೇಷ॒ಜಾ ಮ॑ರುತಃ॒ ಶುಚೀ॑ನಿ॒ ಯಾ ಶಂತ॑ಮಾ ವೃಷಣೋ॒ ಯಾ ಮ॑ಯೋ॒ಭು . ಯಾನಿ॒ ಮನು॒ರವೃ॑ಣೀತಾ ಪಿ॒ತಾ ನ॒ಸ್ತಾ ಶಂ ಚ॒ ಯೋಶ್ಚ॑ ರು॒ದ್ರಸ್ಯ॑ ವಶ್ಮಿ ..
ಪರಿ॑ ಣೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ್ಮ॒ಹೀ ಗಾ॑ತ್ . ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಳ ..
ಏ॒ವಾ ಬ॑ಭ್ರೋ ವೃಷಭ ಚೇಕಿತಾನ॒ ಯಥಾ॑ ದೇವ॒ ನ ಹೃ॑ಣೀ॒ಷೇ ನ ಹಂಸಿ॑ . ಹ॒ವ॒ನ॒ಶ್ರುನ್ನೋ॑ ರುದ್ರೇ॒ಹ ಬೋ॑ಧಿ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಸೋಮಾರುದ್ರೇತಿ ಚತುರೃಚಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋಭರದ್ವಾಜಃ ಸೋಮಾರುದ್ರೌತ್ರಿಷ್ಟುಪ್ .
ಸೋಮಾ॑ರುದ್ರಾ ಧಾ॒ರಯೇ॑ಥಾಮಸು॒ರ್ಯಂ೧॒॑ ಪ್ರ ವಾ॑ಮಿ॒ಷ್ಟಯೋಽರ॑ಮಶ್ನುವಂತು . ದಮೇ॑ದಮೇ ಸ॒ಪ್ತ ರತ್ನಾ॒ ದಧಾ॑ನಾ॒ ಶಂ ನೋ॑ ಭೂತಂ ದ್ವಿ॒ಪದೇ॒ ಶಂ ಚತು॑ಷ್ಪದೇ ..
ಸೋಮಾ॑ರುದ್ರಾ॒ ವಿ ವೃ॑ಹತಂ॒ ವಿಷೂ॑ಚೀ॒ಮಮೀ॑ವಾ॒ ಯಾ ನೋ॒ ಗಯ॑ಮಾವಿ॒ವೇಶ॑ . ಆ॒ರೇ ಬಾ॑ಧೇಥಾಂ॒ ನಿರ್ಋ॑ತಿಂ ಪರಾ॒ಚೈರ॒ಸ್ಮೇ ಭ॒ದ್ರಾ ಸೌ॑ಶ್ರವ॒ಸಾನಿ॑ ಸಂತು ..
ಸೋಮಾ॑ರುದ್ರಾ ಯು॒ವಮೇ॒ತಾನ್ಯ॒ಸ್ಮೇ ವಿಶ್ವಾ॑ ತ॒ನೂಷು॑ ಭೇಷ॒ಜಾನಿ॑ ಧತ್ತಂ . ಅವ॑ ಸ್ಯತಂ ಮುಂ॒ಚತಂ॒ ಯನ್ನೋ॒ ಅಸ್ತಿ॑ ತ॒ನೂಷು॑ ಬ॒ದ್ಧಂ ಕೃ॒ತಮೇನೋ॑ ಅ॒ಸ್ಮತ್ ..
ತಿ॒ಗ್ಮಾಯು॑ಧೌ ತಿ॒ಗ್ಮಹೇ॑ತೀ ಸು॒ಶೇವೌ॒ ಸೋಮಾ॑ರುದ್ರಾವಿ॒ಹ ಸು ಮೃ॑ಳತಂ ನಃ . ಪ್ರ ನೋ॑ ಮುಂಚತಂ॒ ವರು॑ಣಸ್ಯ॒ ಪಾಶಾ॑ದ್ಗೋಪಾ॒ಯತಂ॑ ನಃ ಸುಮನ॒ಸ್ಯಮಾ॑ನಾ ..
ಇಮಾರುದ್ರಾಯೇತಿ ಚತುರೃಚಸ್ಯಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋ ರುದ್ರೋಜಗತ್ಯಂತ್ಯಾತ್ರಿಷ್ಟುಪ್ .
ಇ॒ಮಾ ರು॒ದ್ರಾಯ॑ ಸ್ಥಿ॒ರಧ॑ನ್ವನೇ॒ ಗಿರಃ॑ ಕ್ಷಿ॒ಪ್ರೇಷ॑ವೇ ದೇ॒ವಾಯ॑ ಸ್ವ॒ಧಾವ್ನೇ॑ . ಅಷಾ॑ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ॑ ತಿ॒ಗ್ಮಾಯು॑ಧಾಯ ಭರತಾ ಶೃ॒ಣೋತು॑ ನಃ ..
ಸ ಹಿ ಕ್ಷಯೇ॑ಣ॒ ಕ್ಷಮ್ಯ॑ಸ್ಯ॒ ಜನ್ಮ॑ನಃ॒ ಸಾಮ್ರಾ॑ಜ್ಯೇನ ದಿ॒ವ್ಯಸ್ಯ॒ ಚೇತ॑ತಿ . ಅವ॒ನ್ನವಂ॑ತೀ॒ರುಪ॑ ನೋ॒ ದುರ॑ಶ್ಚರಾನಮೀ॒ವೋ ರು॑ದ್ರ॒ ಜಾಸು॑ ನೋ ಭವ ..
ಯಾ ತೇ॑ ದಿ॒ದ್ಯುದವ॑ಸೃಷ್ಟಾ ದಿ॒ವಸ್ಪರಿ॑ ಕ್ಷ್ಮ॒ಯಾ ಚರ॑ತಿ॒ ಪರಿ॒ ಸಾ ವೃ॑ಣಕ್ತು ನಃ . ಸ॒ಹಸ್ರಂ॑ ತೇ ಸ್ವಪಿವಾತ ಭೇಷ॒ಜಾ ಮಾ ನ॑ಸ್ತೋ॒ಕೇಷು॒ ತನ॑ಯೇಷು ರೀರಿಷಃ ..
ಮಾ ನೋ॑ ವಧೀ ರುದ್ರ॒ ಮಾ ಪರಾ॑ ದಾ॒ ಮಾ ತೇ॑ ಭೂಮ॒ ಪ್ರಸಿ॑ತೌ ಹೀಳಿ॒ತಸ್ಯ॑ . ಆ ನೋ॑ ಭಜ ಬ॒ರ್ಹಿಷಿ॑ ಜೀವಶಂ॒ಸೇ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ . ತ್ವಂ ವಾತೈ॑ರರು॒ಣೈರ್ಯಾ॑ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ॑ ..
ಆ ವೋ॒ ರಾಜಾ॑ನಮಧ್ವ॒ರಸ್ಯ॑ ರು॒ದ್ರಂ ಹೋತಾ॑ರಂ ಸತ್ಯ॒ಯಜಂ॒ ರೋದ॑ಸ್ಯೋಃ . ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ॑ಣ್ಯರೂಪ॒ಮವ॑ಸೇ ಕೃಣುಧ್ವಂ ..
ತವ॑ ಶ್ರಿ॒ಯೇ ಮ॒ರುತೋ॑ ಮರ್ಜಯಂತ॒ ರುದ್ರ॒ ಯತ್ತೇ॒ ಜನಿ॑ಮ॒ ಚಾರು॑ ಚಿ॒ತ್ರಂ . ಪ॒ದಂ ಯದ್ವಿಷ್ಣೋ॑ರುಪ॒ಮಂ ನಿ॒ಧಾಯಿ॒ ತೇನ॑ ಪಾಸಿ॒ ಗುಹ್ಯಂ॒ ನಾಮ॒ ಗೋನಾಂ॑ ..
ತಮು॑ ಷ್ಟುಹಿ॒ ಯಃ ಸ್ವಿ॒ಷುಃ ಸು॒ಧನ್ವಾ॒ ಯೋ ವಿಶ್ವ॑ಸ್ಯ॒ ಕ್ಷಯ॑ತಿ ಭೇಷ॒ಜಸ್ಯ॑ . ಯಕ್ಷ್ವಾ॑ ಮ॒ಹೇ ಸೌ॑ಮನ॒ಸಾಯ॑ ರು॒ದ್ರಂ ನಮೋ॑ಭಿರ್ದೇ॒ವಮಸು॑ರಂ ದುವಸ್ಯ ..
ಭುವ॑ನಸ್ಯ ಪಿ॒ತರಂ॑ ಗೀ॒ರ್ಭಿರಾ॒ಭೀ ರು॒ದ್ರಂ ದಿವಾ॑ ವ॒ರ್ಧಯಾ॑ ರು॒ದ್ರಮ॒ಕ್ತೌ . ಬೃ॒ಹಂತ॑ಮೃ॒ಷ್ವಮ॒ಜರಂ॑ ಸುಷು॒ಮ್ನಮೃಧ॑ಗ್ಘುವೇಮ ಕ॒ವಿನೇ॑ಷಿ॒ತಾಸಃ॑ ..
ಅ॒ಯಂ ಮೇ॒ ಹಸ್ತೋ॒ ಭಗ॑ವಾನ॒ಯಂ ಮೇ॒ ಭಗ॑ವತ್ತರಃ . ಅ॒ಯಂ ಮೇ॑ ವಿ॒ಶ್ವಭೇ॑ಷಜೋ॒ಽಯಂ ಶಿ॒ವಾಭಿ॑ಮರ್ಶನಃ ..
ತ್ರ್ಯಂ॑ಬಕಂ ಯಜಾಮಹೇ ಸು॒ಗಂಧಿಂ॑ ಪುಷ್ಟಿ॒ವರ್ಧ॑ನಂ . ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಮೃತಾ॑ತ್ ..
ನಮೋ॑ ಮ॒ಹದ್ಭ್ಯೋ॒ ನಮೋ॑ ಅರ್ಭ॒ಕೇಭ್ಯೋ॒ ನಮೋ॒ ಯುವ॑ಭ್ಯೋ॒ ನಮ॑ ಆಶಿ॒ನೇಭ್ಯಃ॑ . ಯಜಾ॑ಮ ದೇ॒ವಾನ್ಯದಿ॑ ಶ॒ಕ್ನವಾ॑ಮ॒ ಮಾ ಜ್ಯಾಯ॑ಸಃ॒ ಶಂಸ॒ಮಾ ವೃ॑ಕ್ಷಿ ದೇವಾಃ ..
[ಆನಂದ ಕರ್ದಮ ಚಿಕ್ಲೀತಾಃ ಶ್ರೀಪುತ್ರಾಃ ಶ್ರೀರಗ್ನಿಶ್ಚ ಆದ್ಯಾಃ ತಿಸ್ರೋ, ಅನುಷ್ಟುಭಃ, ಚತುರ್ಥೀ ಬೃಹತೀ, ಪಂಚಮೀ ಷಷ್ಥ್ಯೌ ತ್ರಿಷ್ಟುಭೌ, ತತೋ, ಅಷ್ಟೌ ಅನುಷ್ಟುಭಃ, ಅಂತ್ಯಾ, ಆಸ್ತಾರಪಂಕ್ತಿಃ] [ಋಗ್ವೇದ ಮಂಡಲ ೫.೦೮೭ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೪.೦೪.೩೪ ವರ್ಗಾನಂತರಂ]
ಹಿರ॑ಣ್ಯವರ್ಣಾಂ॒ ಹರಿ॑ಣೀಂ ಸು॒ವರ್ಣ॑ರಜ॒ತಸ್ರ॑ಜಾಂ . ಚಂ॒ದ್ರಾಂ ಹಿ॒ರಣ್ಮ॑ಯೀಂ ಲ॒ಕ್ಷ್ಮೀಂ ಜಾತ॑ವೇದೋ ಮ॒ ಆವ॑ಹ ..
ತಾಂ ಮ॒ ಆ ವ॑ಹ॒ ಜಾತವೇದೋ ಲ॒ಕ್ಷ್ಮೀಮನ॑ಪಗಾ॒ಮಿನೀಂ॑ . ಯಸ್ಯಾಂ॒ ಹಿರ॑ಣ್ಯಂ ವಿಂ॒ದೇಯಂ॒ ಗಾಮಶ್ವಂ॒ ಪುರು॑ಷಾನ॒ಹಂ ..
ಅ॒ಶ್ವ॒ಪೂ॒ರ್ವಾಂ ರ॑ಥಮ॒ಧ್ಯಾಂ ಹ॒ಸ್ತಿನಾ॑ದ ಪ್ರ॒ಬೋಧಿ॑ನೀಂ . ಶ್ರಿಯಂ॑ ದೇ॒ವೀಮುಪ॑ ಹ್ವಯೇ॒ ಶ್ರೀರ್ಮಾ॑ ದೇ॒ವೀ ಜು॑ಷತಾಂ ..
ಕಾಂ॒ ಸೋ॒ಸ್ಮಿ॒ತಾಂ ಹಿರ॑ಣ್ಯಪ್ರಾ॒ಕಾರಾ॑ ಮಾ॒ರ್ದ್ರಾಂ ಜ್ವಲಂ॑ತೀಂ ತೃ॒ಪ್ತಾಂ ತ॒ರ್ಪಯಂ॑ತೀಂ . ಪ॒ದ್ಮೇ॒ ಸ್ಥಿ॒ತಾಂ ಪ॒ದ್ಮವ॑ರ್ಣಾಂ॒ ತಾಮಿ॒ಹೋಪ॑ ಹ್ವಯೇ॒ ಶ್ರಿಯಂ॑ ..
ಚಂ॒ದ್ರಾಂ ಪ್ರ॑ಭಾ॒ಸಾಂ ಯ॒ಶಸಾ॒ ಜ್ವಲಂ॑ತೀಂ॒ ಶ್ರಿಯಂ॑ ಲೋ॒ಕೇ ದೇ॒ವಜು॑ಷ್ಟಾಮುದಾ॒ರಾಂ . ತಾಂ ಪ॒ದ್ಮಿನೀ॑ಮೀಂ॒ ಶರ॑ಣಮ॒ಹಂ ಪ್ರ ಪ॑ದ್ಯೇಽಲ॒ಕ್ಷ್ಮೀರ್ಮೇ॑ ನಶ್ಯತಾಂ॒ ತ್ವಾಂ ವೃ॑ಣೇ ..
ಆ॒ದಿ॒ತ್ಯವ॑ರ್ಣೇ॒ ತಪ॒ಸೋಽಧಿ॑ ಜಾ॒ತೋ ವನ॒ಸ್ಪತಿ॒ಸ್ತವ॑ ವೃ॒ಕ್ಷೋಽಥ ಬಿ॒ಲ್ವಃ . ತಸ್ಯ॒ ಫಲಾ॑ನಿ॒ ತಪ॒ಸಾ ನು॑ದಂತು ಮಾ॒ಯಾ ನ್ತ॑ರಾ॒ ಯಾಶ್ಚ॑ ಬಾ॒ಹ್ಯಾ, ಅ॑ಲ॒ಕ್ಷ್ಮೀಃ ..
ಉಪೈ॑ತು॒ ಮಾಂ ದೇ॑ವಸ॒ಖಃ ಕೀ॒ರ್ತಿಶ್ಚ॒ ಮಣಿ॑ನಾ ಸ॒ಹ . ಪ್ರಾ॒ದು॒ರ್ಭೂ॒ತೋಽಸ್ಮಿ॑ ರಾಷ್ಟ್ರೇ॒ಽಸ್ಮಿನ್ ಕೀ॒ರ್ತಿಮೃ॑ದ್ಧಿಂ ದ॒ದಾತು॑ ಮೇ ..
ಕ್ಷುತ್ಪಿ॑ಪಾ॒ಸಾಮ॑ಲಾಂ ಜ್ಯೇ॒ಷ್ಠಾಮ॑ಲ॒ಕ್ಷ್ಮೀಂ ನಾ॑ಶಯಾ॒ಮ್ಯಹಂ॑ . ಅಭೂ॑ತಿ॒ಮಸ॑ಮೃದ್ಧಿಂ॒ ಚ ಸರ್ವಾಂ॒ ನಿರ್ಣು॑ದ ಮೇ॒ ಗೃಹಾ॑ತ್ ..
ಗಂಧ॑ದ್ವಾ॒ರಾಂ ದು॑ರಾಧ॒ರ್ಷಾಂ ನಿ॒ತ್ಯಪು॑ಷ್ಟಾಂ ಕರೀ॒ಷಿಣೀಂ॑ . ಈ॒ಶ್ವರೀಂ॑ ಸರ್ವ॑ಭೂತಾ॒ನಾಂ ತಾಮಿ॒ಹೋಪ॑ ಹ್ವಯೇ॒ ಶ್ರಿಯಂ॑ ..
ಮನ॑ಸಃ॒ ಕಾಮ॒ಮಾಕೂ॑ತಿಂ ವಾ॒ಚಃ ಸ॒ತ್ಯಮ॑ಶೀಮಹಿ . ಪ॒ಶೂ॒ನಾಂ ರೂಪ॑ಮನ್ನ॒ಸ್ಯ ಮಯಿ॒ ಶ್ರೀಃ ಶ್ರ॑ಯತಾಂ॒ ಯಶಃ॑ ..
ಕರ್ದ॑ಮೇ॒ನ ಪ್ರ॑ಜಾ ಭೂ॒ತಾ ಮ॒ಯಿ ಸಂ॑ಭವ॒ ಕರ್ದ॑ಮ . ಶ್ರಿಯಂ॑ ವಾ॒ಸಯ॑ ಮೇ ಕು॒ಲೇ ಮಾ॒ತರಂ॑ ಪದ್ಮ॒ಮಾಲಿ॑ನೀಂ ..
ಆಪಃ॒ ಸೃಜಂ॑ತು॒ ಸ್ನಿಗ್ಧಾ॑ನಿ॒ ಚಿಕ್ಲೀ॑ತ॒ ವಸ॑ ಮೇ ಗೃ॒ಹೇ . ನಿ ಚ॑ ದೇ॒ವೀಂ ಮಾ॒ತರಂ॒ ಶ್ರಿಯಂ॑ ವಾ॒ಸಯ॑ ಮೇ ಕು॒ಲೇ ..
ಆ॒ರ್ದ್ರಾಂ ಪು॒ಷ್ಕರಿ॑ಣೀಂ ಪು॒ಷ್ಟಿಂ ಸು॒ವರ್ಣಾ॑ ಹೇಮ॒ಮಾಲಿ॑ನೀಂ . ಸೂ॒ರ್ಯಾಂ ಹಿ॒ರಣ್ಮ॑ಯೀಂ ಲಕ್ಷ್ಮೀಂ॒ ಜಾತ॑ವೇದೋ ಮ॒ ಆವಹ ..
ಆ॒ರ್ದ್ರಾಂ ಯಃ॒ ಕರಿ॑ಣೀಂ ಯ॒ಷ್ಟಿಂ ಪಿಂ॒ಗಲಾಂ॑ ಪದ್ಮ॒ಮಾಲಿ॑ನೀಂ . ಚಂ॒ದ್ರಾಂ ಹಿ॒ರಣ್ಮ॑ಯೀಂ ಲ॒ಕ್ಷ್ಮೀಂ ಜಾತ॑ವೇದೋ ಮ॒ ಆವ॑ಹ ..
ತಾಂ ಮ॒ ಆವ॑ಹ ಜಾತವೇದೋ ಲ॒ಕ್ಷ್ಮೀಮನ॑ಪಗಾ॒ಮಿನೀಂ॑ . ಯಸ್ಯಾಂ॒ ಹಿರ॑ಣ್ಯಂ॒ ಪ್ರಭೂ॑ತಂ॒ ಗಾವೋ॑ ದಾ॒ಸ್ಯೋಽಶ್ವಾ॑ನ್ ವಿಂ॒ದೇಯಂ॒ ಪುರು॑ಷಾನ॒ಹಂ ..
ಯಃ ಶುಚಿಃ॒ ಪ್ರಯ॑ತೋ ಭೂ॒ತ್ವಾ ಜು॒ಹುಯಾ॑ದಾಜ್ಯ॒ ಮನ್ವ॑ಹಂ . ಶ್ರಿಯಃ॑ ಪಂ॒ಚದ॑ಶರ್ಚಂ॒ ಚ ಶ್ರೀ॒ಕಾಮಃ॑ ಸತ॒ತಂ ಜ॑ಪೇತ್ ..
ಪದ್ಮಾ॑ನ॒ನೇ ಪ॑ದ್ಮ॒ವಿಪ॑ದ್ಮಪ॒ತ್ರೇ ಪದ್ಮ॑ಪ್ರಿಯೇ॒ ಪದ್ಮ॒ದಲಾ॑ಯತಾ॒ಕ್ಷಿ . ವಿಶ್ವ॑ಪ್ರಿಯೇ॒ ವಿಷ್ಣುಮನೋ॑ನುಕೂ॒ಲೇ ತ್ವತ್ಪಾ॑ದಪ॒ದ್ಮಂ ಮಯಿ॒ಸಂ ನಿ॑ ಧತ್ಸ್ವ ..
ಪ॒ದ್ಮಾ॒ನ॒ನೇ ಪ॑ದ್ಮ ಊ॒ರೂ ಪ॒ದ್ಮಾಕ್ಷೀ॑ ಪದ್ಮ॒ಸಂಭ॑ವೇ . ತನ್ಮೇ॑ ಭ॒ಜಸಿ॑ ಪದ್ಮಾ॒ಕ್ಷೀ॒ ಯೇ॒ನ ಸೌ॑ಖ್ಯಂ ಲ॒ಭಾಮ್ಯ॑ಹಂ ..
ಅಶ್ವ॑ದಾ॒ಯೀ ಗೋ॑ದಾ॒ಯೀ ಧ॒ನದಾ॑ಯೀ ಮ॒ಹಾಧ॑ನೇ . ಧನಂ॑ ಮೇ॒ ಜುಷ॑ತಾಂ ದೇ॒ವಿ ಸ॒ರ್ವಕಾ॑ಮಾಂಶ್ಚ॒ ದೇಹಿ॑ ಮೇ ..
ಪುತ್ರಪೌ॒ತ್ರ ಧ॑ನಂ ಧಾ॒ನ್ಯಂ ಹ॒ಸ್ತ್ಯಶ್ವಾ॑ದಿಗ॒ವೇ ರ॑ಥಂ . ಪ್ರ॒ಜಾ॒ನಾಂ ಭ॑ವಸಿ ಮಾ॒ತಾ॒, ಆ॒ಯುಷ್ಮಂ॑ತಂ ಕ॒ರೋತು॑ ಮೇ ..
ಧನ॑ಮ॒ಗ್ನಿರ್ಧ॑ನಂ ವಾ॒ಯುರ್ಧನಂ॒ ಸೂರ್ಯೋ॑ ಧನಂ॒ ವಸುಃ॑ . ಧನ॒ಮಿಂದ್ರೋ॒ ಬೃಹ॒ಸ್ಪತಿ॒ರ್ವರು॑ಣಂ॒ ಧನ॒ಮಸ್ತು॑ ತೇ ..
ವೈನ॑ತೇಯ॒ ಸೋಮಂ॑ ಪಿಬ॒ ಸೋಮಂ॑ ಪಿಬತು ವೃತ್ರ॒ಹಾ . ಸೋಮಂ॒ ಧನ॑ಸ್ಯ ಸೋ॒ಮಿನೋ॒ ಮಹ್ಯಂ॒ ದದಾ॑ತು ಸೋ॒ಮಿನಃ॑ ..
ನ ಕ್ರೋಧೋ ನ ಚ॑ ಮಾತ್ಸ॒ರ್ಯಂ॒ ನ॒ ಲೋಭೋ॑ ನಾಶು॒ಭಾ ಮ॑ತಿಃ . ಭವಂ॑ತಿ॒ ಕೃತ॑ಪುಣ್ಯಾ॒ನಾಂ ಭ॒ಕ್ತ್ಯಾ ಶ್ರೀಸೂ॑ಕ್ತ॒ ಜಾಪಿ॑ನಾಂ ..
ಸರಸಿಜನಿಲಯೇ ಸರೋ॑ಜಹ॒ಸ್ತೇ ಧವಲತರಾಂಶುಕ ಗಂ॒ಧಮಾ॑ಲ್ಯಶೋ॒ಭೇ . ಭಗವತಿ ಹರಿವ॒ಲ್ಲಭೇ॑ ಮನೋ॒ಜ್ಞೇ ತ್ರಿಭುವನಭೂತಿಕರಿ ಪ್ರ॑ ಸೀದ ಮ॒ಹ್ಯಂ ..
ವಿಷ್ಣು॑ಪ॒ತ್ನೀಂ ಕ್ಷ॑ಮಾಂ ದೇ॒ವೀಂ ಮಾ॒ಧವೀಂ॑ ಮಾಧ॒ವಪ್ರಿ॑ಯಾಂ . ಲಕ್ಷ್ಮೀಂ॑ ಪ್ರಿ॒ಯಸ॑ಖೀಂ ದೇ॒ವೀಂ ನ॒ಮಾಮ್ಯ॑ಚ್ಯುತ॒ವಲ್ಲ॑ಭಾಂ ..
ಮ॒ಹಾ॒ಲ॒ಕ್ಷ್ಮ್ಯೈ ಚ॑ ವಿ॒ದ್ಮಹೇ॑ ವಿಷ್ಣುಪ॒ತ್ನೀ ಚ॑ ಧೀಮಹಿ . ತನ್ನೋ॑ ಲಕ್ಷ್ಮೀಃ ಪ್ರಚೋ॒ದಯಾ॑ತ್ ..
ಶ್ರೀ॒ವರ್ಚ॑ಸ್ವ॒ಮಾಯು॑ಷ್ಯ॒ಮಾರೋ॑ಗ್ಯ॒ಮಾವಿ॑ಧಾ॒ಚ್ಚೋಭ॑ಮಾನಂ ಮಹೀ॒ಯತೇ॑ . ಧ॒ನಂ ಧಾ॒ನ್ಯಂ ಪ॒ಶುಂ ಬ॒ಹುಪು॑ತ್ರಲಾ॒ಭಂ ಶ॒ತಸಂ॑ವತ್ಸ॒ರಂ ದೀ॒ರ್ಘಮಾಯುಃ॑ ..
ಅಹಂರುದ್ರೇಭಿರಿತ್ಯಷ್ಟರ್ಚಸ್ಯ ಸೂಕ್ತಸ್ಯಾಂಭೃಣಿರ್ವಾಗಾಂಭೃಣಿರ್ವಾಕ್ತ್ರಿಷ್ಟುಪ್ದ್ವಿತೀಯಾಜಗತೀ .
ಅ॒ಹಂ ರು॒ದ್ರೇಭಿ॒ರ್ವಸು॑ಭಿಶ್ಚರಾಮ್ಯ॒ಹಮಾ॑ದಿ॒ತ್ಯೈರು॒ತ ವಿ॒ಶ್ವದೇ॑ವೈಃ . ಅ॒ಹಂ ಮಿ॒ತ್ರಾವರು॑ಣೋ॒ಭಾ ಬಿ॑ಭರ್ಮ್ಯ॒ಹಮಿಂ॑ದ್ರಾ॒ಗ್ನೀ ಅ॒ಹಮ॒ಶ್ವಿನೋ॒ಭಾ ..
ಅ॒ಹಂ ಸೋಮ॑ಮಾಹ॒ನಸಂ॑ ಬಿಭರ್ಮ್ಯ॒ಹಂ ತ್ವಷ್ಟಾ॑ರಮು॒ತ ಪೂ॒ಷಣಂ॒ ಭಗಂ॑ . ಅ॒ಹಂ ದ॑ಧಾಮಿ॒ ದ್ರವಿ॑ಣಂ ಹ॒ವಿಷ್ಮ॑ತೇ ಸುಪ್ರಾ॒ವ್ಯೇ॒೩॒॑ ಯಜ॑ಮಾನಾಯ ಸುನ್ವ॒ತೇ ..
ಅ॒ಹಂ ರಾಷ್ಟ್ರೀ॑ ಸಂ॒ಗಮ॑ನೀ॒ ವಸೂ॑ನಾಂ ಚಿಕಿ॒ತುಷೀ॑ ಪ್ರಥ॒ಮಾ ಯ॒ಜ್ಞಿಯಾ॑ನಾಂ . ತಾಂ ಮಾ॑ ದೇ॒ವಾ ವ್ಯ॑ದಧುಃ ಪುರು॒ತ್ರಾ ಭೂರಿ॑ಸ್ಥಾತ್ರಾಂ॒ ಭೂರ್ಯಾ॑ವೇ॒ಶಯಂ॑ತೀಂ ..
ಮಯಾ॒ ಸೋ ಅನ್ನ॑ಮತ್ತಿ॒ ಯೋ ವಿ॒ಪಶ್ಯ॑ತಿ॒ ಯಃ ಪ್ರಾಣಿ॑ತಿ॒ ಯ ಈಂ॑ ಶೃ॒ಣೋತ್ಯು॒ಕ್ತಂ . ಅ॒ಮಂ॒ತವೋ॒ ಮಾಂ ತ ಉಪ॑ ಕ್ಷಿಯಂತಿ ಶ್ರು॒ಧಿ ಶ್ರು॑ತ ಶ್ರದ್ಧಿ॒ವಂ ತೇ॑ ವದಾಮಿ ..
ಅ॒ಹಮೇ॒ವ ಸ್ವ॒ಯಮಿ॒ದಂ ವ॑ದಾಮಿ॒ ಜುಷ್ಟಂ॑ ದೇ॒ವೇಭಿ॑ರು॒ತ ಮಾನು॑ಷೇಭಿಃ . ಯಂ ಕಾ॒ಮಯೇ॒ ತಂತ॑ಮು॒ಗ್ರಂ ಕೃ॑ಣೋಮಿ॒ ತಂ ಬ್ರ॒ಹ್ಮಾಣಂ॒ ತಮೃಷಿಂ॒ ತಂ ಸು॑ಮೇ॒ಧಾಂ ..
ಅ॒ಹಂ ರು॒ದ್ರಾಯ॒ ಧನು॒ರಾ ತ॑ನೋಮಿ ಬ್ರಹ್ಮ॒ದ್ವಿಷೇ॒ ಶರ॑ವೇ॒ ಹಂತ॒ವಾ ಉ॑ . ಅ॒ಹಂ ಜನಾ॑ಯ ಸ॒ಮದಂ॑ ಕೃಣೋಮ್ಯ॒ಹಂ ದ್ಯಾವಾ॑ಪೃಥಿ॒ವೀ ಆ ವಿ॑ವೇಶ ..
ಅ॒ಹಂ ಸು॑ವೇ ಪಿ॒ತರ॑ಮಸ್ಯ ಮೂ॒ರ್ಧನ್ಮಮ॒ ಯೋನಿ॑ರ॒ಪ್ಸ್ವ೧॒॑ನ್ತಃ ಸ॑ಮು॒ದ್ರೇ . ತತೋ॒ ವಿ ತಿ॑ಷ್ಠೇ॒ ಭುವ॒ನಾನು॒ ವಿಶ್ವೋ॒ತಾಮೂಂ ದ್ಯಾಂ ವ॒ರ್ಷ್ಮಣೋಪ॑ ಸ್ಪೃಶಾಮಿ ..
ಅ॒ಹಮೇ॒ವ ವಾತ॑ ಇವ॒ ಪ್ರ ವಾ॑ಮ್ಯಾ॒ರಭ॑ಮಾಣಾ॒ ಭುವ॑ನಾನಿ॒ ವಿಶ್ವಾ॑ . ಪ॒ರೋ ದಿ॒ವಾ ಪ॒ರ ಏ॒ನಾ ಪೃ॑ಥಿ॒ವ್ಯೈತಾವ॑ತೀ ಮಹಿ॒ನಾ ಸಂ ಬ॑ಭೂವ ..
ಇಯಮದದಾದಿತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋಭರದ್ವಾಜಃ ಸರಸ್ವತೀಗಾಯತ್ರೀ ಆದ್ಯಾಸ್ತಿಸ್ರತ್ರಯೋದಶೀಚಜಗತ್ಯೋಂತ್ಯಾತ್ರಿಷ್ಟುಪ್ .
ಇ॒ಯಮ॑ದದಾದ್ರಭ॒ಸಮೃ॑ಣ॒ಚ್ಯುತಂ॒ ದಿವೋ॑ದಾಸಂ ವಧ್ರ್ಯ॒ಶ್ವಾಯ॑ ದಾ॒ಶುಷೇ॑ . ಯಾ ಶಶ್ವಂ॑ತಮಾಚ॒ಖಾದಾ॑ವ॒ಸಂ ಪ॒ಣಿಂ ತಾ ತೇ॑ ದಾ॒ತ್ರಾಣಿ॑ ತವಿ॒ಷಾ ಸ॑ರಸ್ವತಿ ..
ಇ॒ಯಂ ಶುಷ್ಮೇ॑ಭಿರ್ಬಿಸ॒ಖಾ ಇ॑ವಾರುಜ॒ತ್ಸಾನು॑ ಗಿರೀ॒ಣಾಂ ತ॑ವಿ॒ಷೇಭಿ॑ರೂ॒ರ್ಮಿಭಿಃ॑ . ಪಾ॒ರಾ॒ವ॒ತ॒ಘ್ನೀಮವ॑ಸೇ ಸುವೃ॒ಕ್ತಿಭಿಃ॒ ಸರ॑ಸ್ವತೀ॒ಮಾ ವಿ॑ವಾಸೇಮ ಧೀ॒ತಿಭಿಃ॑ ..
ಸರ॑ಸ್ವತಿ ದೇವ॒ನಿದೋ॒ ನಿ ಬ॑ರ್ಹಯ ಪ್ರ॒ಜಾಂ ವಿಶ್ವ॑ಸ್ಯ॒ ಬೃಸ॑ಯಸ್ಯ ಮಾ॒ಯಿನಃ॑ . ಉ॒ತ ಕ್ಷಿ॒ತಿಭ್ಯೋ॒ಽವನೀ॑ರವಿಂದೋ ವಿ॒ಷಮೇ॑ಭ್ಯೋ ಅಸ್ರವೋ ವಾಜಿನೀವತಿ ..
ಪ್ರ ಣೋ॑ ದೇ॒ವೀ ಸರ॑ಸ್ವತೀ॒ ವಾಜೇ॑ಭಿರ್ವಾ॒ಜಿನೀ॑ವತೀ . ಧೀ॒ನಾಮ॑ವಿ॒ತ್ರ್ಯ॑ವತು ..
ಯಸ್ತ್ವಾ॑ ದೇವಿ ಸರಸ್ವತ್ಯುಪಬ್ರೂ॒ತೇ ಧನೇ॑ ಹಿ॒ತೇ . ಇಂದ್ರಂ॒ ನ ವೃ॑ತ್ರ॒ತೂರ್ಯೇ॑ ..
ತ್ವಂ ದೇ॑ವಿ ಸರಸ್ವ॒ತ್ಯವಾ॒ ವಾಜೇ॑ಷು ವಾಜಿನಿ . ರದಾ॑ ಪೂ॒ಷೇವ॑ ನಃ ಸ॒ನಿಂ ..
ಉ॒ತ ಸ್ಯಾ ನಃ॒ ಸರ॑ಸ್ವತೀ ಘೋ॒ರಾ ಹಿರ॑ಣ್ಯವರ್ತನಿಃ . ವೃ॒ತ್ರ॒ಘ್ನೀ ವ॑ಷ್ಟಿ ಸುಷ್ಟು॒ತಿಂ ..
ಯಸ್ಯಾ॑ ಅನಂ॒ತೋ ಅಹ್ರು॑ತಸ್ತ್ವೇ॒ಷಶ್ಚ॑ರಿ॒ಷ್ಣುರ॑ರ್ಣ॒ವಃ . ಅಮ॒ಶ್ಚರ॑ತಿ॒ ರೋರು॑ವತ್ ..
ಸಾ ನೋ॒ ವಿಶ್ವಾ॒ ಅತಿ॒ ದ್ವಿಷಃ॒ ಸ್ವಸೄ॑ರ॒ನ್ಯಾ ಋ॒ತಾವ॑ರೀ . ಅತ॒ನ್ನಹೇ॑ವ॒ ಸೂರ್ಯಃ॑ ..
ಉ॒ತ ನಃ॑ ಪ್ರಿ॒ಯಾ ಪ್ರಿ॒ಯಾಸು॑ ಸ॒ಪ್ತಸ್ವ॑ಸಾ॒ ಸುಜು॑ಷ್ಟಾ . ಸರ॑ಸ್ವತೀ॒ ಸ್ತೋಮ್ಯಾ॑ ಭೂತ್ ..
ಆ॒ಪ॒ಪ್ರುಷೀ॒ ಪಾರ್ಥಿ॑ವಾನ್ಯು॒ರು ರಜೋ॑ ಅಂ॒ತರಿ॑ಕ್ಷಂ . ಸರ॑ಸ್ವತೀ ನಿ॒ದಸ್ಪಾ॑ತು ..
ತ್ರಿ॒ಷ॒ಧಸ್ಥಾ॑ ಸ॒ಪ್ತಧಾ॑ತುಃ॒ ಪಂಚ॑ ಜಾ॒ತಾ ವ॒ರ್ಧಯಂ॑ತೀ . ವಾಜೇ॑ವಾಜೇ॒ ಹವ್ಯಾ॑ ಭೂತ್ ..
ಪ್ರ ಯಾ ಮ॑ಹಿ॒ಮ್ನಾ ಮ॒ಹಿನಾ॑ಸು॒ ಚೇಕಿ॑ತೇ ದ್ಯು॒ಮ್ನೇಭಿ॑ರ॒ನ್ಯಾ ಅ॒ಪಸಾ॑ಮ॒ಪಸ್ತ॑ಮಾ . ರಥ॑ ಇವ ಬೃಹ॒ತೀ ವಿ॒ಭ್ವನೇ॑ ಕೃ॒ತೋಪ॒ಸ್ತುತ್ಯಾ॑ ಚಿಕಿ॒ತುಷಾ॒ ಸರ॑ಸ್ವತೀ ..
ಸರ॑ಸ್ವತ್ಯ॒ಭಿ ನೋ॑ ನೇಷಿ॒ ವಸ್ಯೋ॒ ಮಾಪ॑ ಸ್ಫರೀಃ॒ ಪಯ॑ಸಾ॒ ಮಾ ನ॒ ಆ ಧ॑ಕ್ . ಜು॒ಷಸ್ವ॑ ನಃ ಸ॒ಖ್ಯಾ ವೇ॒ಶ್ಯಾ॑ ಚ॒ ಮಾ ತ್ವತ್ಕ್ಷೇತ್ರಾ॒ಣ್ಯರ॑ಣಾನಿ ಗನ್ಮ ..
ಪ್ರಕ್ಷೋದಸೇತಿ ಷಡೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ ಸರಸ್ವತೀತೃತೀಯಾಯಾಃ ಸರಸ್ವಾಂಸ್ತ್ರಿಷ್ಟುಪ್ .
ಪ್ರ ಕ್ಷೋದ॑ಸಾ॒ ಧಾಯ॑ಸಾ ಸಸ್ರ ಏ॒ಷಾ ಸರ॑ಸ್ವತೀ ಧ॒ರುಣ॒ಮಾಯ॑ಸೀ॒ ಪೂಃ . ಪ್ರ॒ಬಾಬ॑ಧಾನಾ ರ॒ಥ್ಯೇ॑ವ ಯಾತಿ॒ ವಿಶ್ವಾ॑ ಅ॒ಪೋ ಮ॑ಹಿ॒ನಾ ಸಿಂಧು॑ರ॒ನ್ಯಾಃ ..
ಏಕಾ॑ಚೇತ॒ತ್ಸರ॑ಸ್ವತೀ ನ॒ದೀನಾಂ॒ ಶುಚಿ॑ರ್ಯ॒ತೀ ಗಿ॒ರಿಭ್ಯ॒ ಆ ಸ॑ಮು॒ದ್ರಾತ್ . ರಾ॒ಯಶ್ಚೇತಂ॑ತೀ॒ ಭುವ॑ನಸ್ಯ॒ ಭೂರೇ॑ರ್ಘೃ॒ತಂ ಪಯೋ॑ ದುದುಹೇ॒ ನಾಹು॑ಷಾಯ ..
ಸ ವಾ॑ವೃಧೇ॒ ನರ್ಯೋ॒ ಯೋಷ॑ಣಾಸು॒ ವೃಷಾ॒ ಶಿಶು॑ರ್ವೃಷ॒ಭೋ ಯ॒ಜ್ಞಿಯಾ॑ಸು . ಸ ವಾ॒ಜಿನಂ॑ ಮ॒ಘವ॑ದ್ಭ್ಯೋ ದಧಾತಿ॒ ವಿ ಸಾ॒ತಯೇ॑ ತ॒ನ್ವಂ॑ ಮಾಮೃಜೀತ ..
ಉ॒ತ ಸ್ಯಾ ನಃ॒ ಸರ॑ಸ್ವತೀ ಜುಷಾ॒ಣೋಪ॑ ಶ್ರವತ್ಸು॒ಭಗಾ॑ ಯ॒ಜ್ಞೇ ಅ॒ಸ್ಮಿನ್ . ಮಿ॒ತಜ್ಞು॑ಭಿರ್ನಮ॒ಸ್ಯೈ॑ರಿಯಾ॒ನಾ ರಾ॒ಯಾ ಯು॒ಜಾ ಚಿ॒ದುತ್ತ॑ರಾ॒ ಸಖಿ॑ಭ್ಯಃ ..
ಇ॒ಮಾ ಜುಹ್ವಾ॑ನಾ ಯು॒ಷ್ಮದಾ ನಮೋ॑ಭಿಃ॒ ಪ್ರತಿ॒ ಸ್ತೋಮಂ॑ ಸರಸ್ವತಿ ಜುಷಸ್ವ . ತವ॒ ಶರ್ಮ॑ನ್ಪ್ರಿ॒ಯತ॑ಮೇ॒ ದಧಾ॑ನಾ॒ ಉಪ॑ ಸ್ಥೇಯಾಮ ಶರ॒ಣಂ ನ ವೃ॒ಕ್ಷಂ ..
ಅ॒ಯಮು॑ ತೇ ಸರಸ್ವತಿ॒ ವಸಿ॑ಷ್ಠೋ॒ ದ್ವಾರಾ॑ವೃ॒ತಸ್ಯ॑ ಸುಭಗೇ॒ ವ್ಯಾ॑ವಃ . ವರ್ಧ॑ ಶುಭ್ರೇ ಸ್ತುವ॒ತೇ ರಾ॑ಸಿ॒ ವಾಜಾ॑ನ್ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಬೃಹದುಗಾಯಿಷಇತಿ ಷಡೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ ಸರಸ್ವತೀ ಅಂತ್ಯಾನಾಂತಿಸೃಣಾಂಸರಸ್ವಾನ್ ಆದ್ಯಾಬೃಹತೀ ದ್ವಿತೀಯಾಸತೋ ಬೃಹತೀ ತೃತೀಯಾಪ್ರಸ್ತಾರಪಂಕ್ತಿಃ ಅಂತ್ಯಾಸ್ತಿಸ್ರೋಗಾಯತ್ರ್ಯಃ .
ಬೃ॒ಹದು॑ ಗಾಯಿಷೇ॒ ವಚೋ॑ಽಸು॒ರ್ಯಾ॑ ನ॒ದೀನಾಂ॑ . ಸರ॑ಸ್ವತೀ॒ಮಿನ್ಮ॑ಹಯಾ ಸುವೃ॒ಕ್ತಿಭಿಃ॒ ಸ್ತೋಮೈ॑ರ್ವಸಿಷ್ಠ॒ ರೋದ॑ಸೀ ..
ಉ॒ಭೇ ಯತ್ತೇ॑ ಮಹಿ॒ನಾ ಶು॑ಭ್ರೇ॒ ಅಂಧ॑ಸೀ ಅಧಿಕ್ಷಿ॒ಯಂತಿ॑ ಪೂ॒ರವಃ॑ . ಸಾ ನೋ॑ ಬೋಧ್ಯವಿ॒ತ್ರೀ ಮ॒ರುತ್ಸ॑ಖಾ॒ ಚೋದ॒ ರಾಧೋ॑ ಮ॒ಘೋನಾಂ॑ ..
ಭ॒ದ್ರಮಿದ್ಭ॒ದ್ರಾ ಕೃ॑ಣವ॒ತ್ಸರ॑ಸ್ವ॒ತ್ಯಕ॑ವಾರೀ ಚೇತತಿ ವಾ॒ಜಿನೀ॑ವತೀ . ಗೃ॒ಣಾ॒ನಾ ಜ॑ಮದಗ್ನಿ॒ವತ್ಸ್ತು॑ವಾ॒ನಾ ಚ॑ ವಸಿಷ್ಠ॒ವತ್ ..
ಜ॒ನೀ॒ಯಂತೋ॒ ನ್ವಗ್ರ॑ವಃ ಪುತ್ರೀ॒ಯಂತಃ॑ ಸು॒ದಾನ॑ವಃ . ಸರ॑ಸ್ವಂತಂ ಹವಾಮಹೇ ..
ಯೇ ತೇ॑ ಸರಸ್ವ ಊ॒ರ್ಮಯೋ॒ ಮಧು॑ಮಂತೋ ಘೃತ॒ಶ್ಚುತಃ॑ . ತೇಭಿ॑ರ್ನೋಽವಿ॒ತಾ ಭ॑ವ ..
ಪೀ॒ಪಿ॒ವಾಂಸಂ॒ ಸರ॑ಸ್ವತಃ॒ ಸ್ತನಂ॒ ಯೋ ವಿ॒ಶ್ವದ॑ರ್ಶತಃ . ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷಂ॑ ..
ಅಂಬಿ॑ತಮೇ॒ ನದೀ॑ತಮೇ॒ ದೇವಿ॑ತಮೇ॒ ಸರ॑ಸ್ವತಿ . ಅ॒ಪ್ರ॒ಶ॒ಸ್ತಾ ಇ॑ವ ಸ್ಮಸಿ॒ ಪ್ರಶ॑ಸ್ತಿಮಂಬ ನಸ್ಕೃಧಿ ..
ತ್ವೇ ವಿಶ್ವಾ॑ ಸರಸ್ವತಿ ಶ್ರಿ॒ತಾಯೂಂ॑ಷಿ ದೇ॒ವ್ಯಾಂ . ಶು॒ನಹೋ॑ತ್ರೇಷು ಮತ್ಸ್ವ ಪ್ರ॒ಜಾಂ ದೇ॑ವಿ ದಿದಿಡ್ಢಿ ನಃ ..
ಇ॒ಮಾ ಬ್ರಹ್ಮ॑ ಸರಸ್ವತಿ ಜು॒ಷಸ್ವ॑ ವಾಜಿನೀವತಿ . ಯಾ ತೇ॒ ಮನ್ಮ॑ ಗೃತ್ಸಮ॒ದಾ ಋ॑ತಾವರಿ ಪ್ರಿ॒ಯಾ ದೇ॒ವೇಷು॒ ಜುಹ್ವ॑ತಿ ..
ಪಾ॒ವ॒ಕಾ ನಃ॒ ಸರ॑ಸ್ವತೀ॒ ವಾಜೇ॑ಭಿರ್ವಾ॒ಜಿನೀ॑ವತೀ . ಯ॒ಜ್ಞಂ ವ॑ಷ್ಟು ಧಿ॒ಯಾವ॑ಸುಃ ..
ಚೋ॒ದ॒ಯಿ॒ತ್ರೀ ಸೂ॒ನೃತಾ॑ನಾಂ॒ ಚೇತಂ॑ತೀ ಸುಮತೀ॒ನಾಂ . ಯ॒ಜ್ಞಂ ದ॑ಧೇ॒ ಸರ॑ಸ್ವತೀ ..
ಮ॒ಹೋ ಅರ್ಣಃ॒ ಸರ॑ಸ್ವತೀ॒ ಪ್ರ ಚೇ॑ತಯತಿ ಕೇ॒ತುನಾ॑ . ಧಿಯೋ॒ ವಿಶ್ವಾ॒ ವಿ ರಾ॑ಜತಿ ..
ಸರ॑ಸ್ವತೀಂ ದೇವ॒ಯಂತೋ॑ ಹವಂತೇ॒ ಸರ॑ಸ್ವತೀಮಧ್ವ॒ರೇ ತಾ॒ಯಮಾ॑ನೇ . ಸರ॑ಸ್ವತೀಂ ಸು॒ಕೃತೋ॑ ಅಹ್ವಯಂತ॒ ಸರ॑ಸ್ವತೀ ದಾ॒ಶುಷೇ॒ ವಾರ್ಯಂ॑ ದಾತ್ ..
ಸರ॑ಸ್ವತಿ॒ ಯಾ ಸ॒ರಥಂ॑ ಯ॒ಯಾಥ॑ ಸ್ವ॒ಧಾಭಿ॑ರ್ದೇವಿ ಪಿ॒ತೃಭಿ॒ರ್ಮದಂ॑ತೀ . ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಸ್ವಾನಮೀ॒ವಾ ಇಷ॒ ಆ ಧೇ॑ಹ್ಯ॒ಸ್ಮೇ ..
ಸರ॑ಸ್ವತೀಂ॒ ಯಾಂ ಪಿ॒ತರೋ॒ ಹವಂ॑ತೇ ದಕ್ಷಿ॒ಣಾ ಯ॒ಜ್ಞಮ॑ಭಿ॒ನಕ್ಷ॑ಮಾಣಾಃ . ಸ॒ಹ॒ಸ್ರಾ॒ರ್ಘಮಿ॒ಳೋ ಅತ್ರ॑ ಭಾ॒ಗಂ ರಾ॒ಯಸ್ಪೋಷಂ॒ ಯಜ॑ಮಾನೇಷು ಧೇಹಿ ..
ಆ ನೋ॑ ದಿ॒ವೋ ಬೃ॑ಹ॒ತಃ ಪರ್ವ॑ತಾ॒ದಾ ಸರ॑ಸ್ವತೀ ಯಜ॒ತಾ ಗಂ॑ತು ಯ॒ಜ್ಞಂ . ಹವಂ॑ ದೇ॒ವೀ ಜು॑ಜುಷಾ॒ಣಾ ಘೃ॒ತಾಚೀ॑ ಶ॒ಗ್ಮಾಂ ನೋ॒ ವಾಚ॑ಮುಶ॒ತೀ ಶೃ॑ಣೋತು ..
ರಾ॒ಕಾಮ॒ಹಂ ಸು॒ಹವಾಂ॑ ಸುಷ್ಟು॒ತೀ ಹು॑ವೇ ಶೃ॒ಣೋತು॑ ನಃ ಸು॒ಭಗಾ॒ ಬೋಧ॑ತು॒ ತ್ಮನಾ॑ . ಸೀವ್ಯ॒ತ್ವಪಃ॑ ಸೂ॒ಚ್ಯಾಚ್ಛಿ॑ದ್ಯಮಾನಯಾ॒ ದದಾ॑ತು ವೀ॒ರಂ ಶ॒ತದಾ॑ಯಮು॒ಕ್ಥ್ಯಂ॑ ..
ಯಾಸ್ತೇ॑ ರಾಕೇ ಸುಮ॒ತಯಃ॑ ಸು॒ಪೇಶ॑ಸೋ॒ ಯಾಭಿ॒ರ್ದದಾ॑ಸಿ ದಾ॒ಶುಷೇ॒ ವಸೂ॑ನಿ . ತಾಭಿ॑ರ್ನೋ ಅ॒ದ್ಯ ಸು॒ಮನಾ॑ ಉ॒ಪಾಗ॑ಹಿ ಸಹಸ್ರಪೋ॒ಷಂ ಸು॑ಭಗೇ॒ ರರಾ॑ಣಾ ..
ಅಸ್ತಿ॒ ಹಿ ವಃ॑ ಸಜಾ॒ತ್ಯಂ॑ ರಿಶಾದಸೋ॒ ದೇವಾ॑ಸೋ॒ ಅಸ್ತ್ಯಾಪ್ಯಂ॑ . ಪ್ರ ಣಃ॒ ಪೂರ್ವ॑ಸ್ಮೈ ಸುವಿ॒ತಾಯ॑ ವೋಚತ ಮ॒ಕ್ಷೂ ಸು॒ಮ್ನಾಯ॒ ನವ್ಯ॑ಸೇ ..
ಸಿನೀ॑ವಾಲಿ॒ ಪೃಥು॑ಷ್ಟುಕೇ॒ ಯಾ ದೇ॒ವಾನಾ॒ಮಸಿ॒ ಸ್ವಸಾ॑ . ಜು॒ಷಸ್ವ॑ ಹ॒ವ್ಯಮಾಹು॑ತಂ ಪ್ರ॒ಜಾಂ ದೇ॑ವಿ ದಿದಿಡ್ಢಿ ನಃ ..
ಯಾ ಸು॑ಬಾ॒ಹುಃ ಸ್ವಂ॑ಗು॒ರಿಃ ಸು॒ಷೂಮಾ॑ ಬಹು॒ಸೂವ॑ರೀ . ತಸ್ಯೈ॑ ವಿ॒ಶ್ಪತ್ನ್ಯೈ॑ ಹ॒ವಿಃ ಸಿ॑ನೀವಾ॒ಲ್ಯೈ ಜು॑ಹೋತನ ..
ಯಾ ಗುಂ॒ಗೂರ್ಯಾ ಸಿ॑ನೀವಾ॒ಲೀ ಯಾ ರಾ॒ಕಾ ಯಾ ಸರ॑ಸ್ವತೀ . ಇಂ॒ದ್ರಾ॒ಣೀಮ॑ಹ್ವ ಊ॒ತಯೇ॑ ವರುಣಾ॒ನೀಂ ಸ್ವ॒ಸ್ತಯೇ॑ ..
ಯಸ್ತೇ॒ ಸ್ತನಃ॑ ಶಶ॒ಯೋ ಯೋ ಮ॑ಯೋ॒ಭೂರ್ಯೇನ॒ ವಿಶ್ವಾ॒ ಪುಷ್ಯ॑ಸಿ॒ ವಾರ್ಯಾ॑ಣಿ . ಯೋ ರ॑ತ್ನ॒ಧಾ ವ॑ಸು॒ವಿದ್ಯಃ ಸು॒ದತ್ರಃ॒ ಸರ॑ಸ್ವತಿ॒ ತಮಿ॒ಹ ಧಾತ॑ವೇ ಕಃ ..
ಮೇ॒ಧಾಂ ಮಹ್ಯ॒ಮಂಗಿ॑ರಸೋ ಮೇ॒ಧಾಂ ಸ॒ಪ್ತ ಋಷ॑ಯೋ ದದುಃ . ಮೇ॒ಧಾಮಿಂದ್ರ॑ಶ್ಚಾ॒ಗ್ನಿಶ್ಚ॑ ಮೇ॒ಧಾಂ ಧಾ॒ತಾ ದ॑ದಾತು ತೇ ..೧..
ಮೇ॒ಧಾಂ ತೇ॒ ವರು॑ಣೋ ರಾ॒ಜಾ ಮೇ॒ಧಾಂ ದೇ॒ವೀ ಸರ॑ಸ್ವತೀ . ಮೇ॒ಧಾಂ ತೇ॑, ಅ॒ಶ್ವಿನೌ॑ ದೇ॒ವಾವಾ ಧ॑ತ್ತಾಂ॒ ಪುಷ್ಕ॑ರಸ್ರಜಾ ..೨..
ಯಾ ಮೇ॒ಧಾ, ಅ॑ಪ್ಸ॒ರಸ್ಸು॑ ಗಂಧ॒ರ್ವೇಷು॑ ಚ॒ ಯನ್ಮನಃ॑ . ದೈವೀ॒ ಯಾ ಮಾನು॑ಷೀ ಮೇ॒ಧಾ ಸಾ ಮಾ॒ಮಾ ವಿ॑ಶತಾದಿ॒ಮಾಂ ..೩..
ಯನ್ಮೇ॒ ನೋಕ್ತಂ॒ ತದ್ರ॑ಮತಾಂ॒ ಶಕೇ॑ಯಂ॒ ಯದ॑ನು॒ಬ್ರುವೇ॑ . ನಿಶಾ॑ಮತಂ॒ ನಿ ಶಾ॑ಮಹೈ॒ ಮಯಿ॑ ವ್ರ॒ತಂ ಸ॒ಹ ವ್ರ॒ತೇಷು ಭೂಯಾಸಂ॒ ಬ್ರಹ್ಮ॑ಣಾ॒ ಸಂ ಗ॑ಮೇಮಹಿ ..೪..
ಶರೀ॑ರಂ ಮೇ॒ ವಿಚ॑ಕ್ಷಣಂ॒ ವಾಙ್ ಮೇ॒ ಮಧು॑ಮ॒ದ್ ದುಹಾಂ॑ . ಆವೃ॑ದ್ಧಮ॒ಹಮ॒ಸೌ ಸೂರ್ಯೋ॒ ಬ್ರಹ್ಮ॑ಣಾ॒ನಿ ಸ್ಥಃ॑ ಶ್ರು॒ತಂ ಮೇ॒ ಮಾ ಪ್ರ ಹಾ॑ಸೀಃ ..೫..[ವ:೧]
ಮೇ॒ಧಾಂ ದೇ॒ವೀಂ ಮನ॑ಸಾ॒ ರೇಜ॑ಮಾನಾಂ ಗಂಧ॒ರ್ವಜು॑ಷ್ಟಾಂ॒ ಪ್ರತಿ॑ ನೋ ಜುಷಸ್ವ . ಮಹ್ಯಂ॒ ಮೇಧಾಂ॑ ವದ॒ ಮಹ್ಯಂ॒ ಶ್ರಿಯಂ॑ ವದ ಮೇಧಾ॒ವೀ ಭೂ॑ಯಾಸಮ॒ಜರಾ॑ಜರಿ॒ಷ್ಣು ..೬..
ಸದ॑ಸ॒ಸ್ಪತಿ॒ಮದ್ಭು॑ತಂ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ್ಯಂ॑ . ಸ॒ನಿಂ ಮೇ॒ಧಾಮ॑ಯಾಸಿಷಂ ..೭..
ಯಾಂ ಮೇ॒ಧಾಂ ದೇ॒ವಗ॑ಣಾಃ ಪಿ॒ತರ॑ಶ್ಚೋ॒ಪಾಸ॑ತೇ . ತಯಾ॒ ಮಾಮದ್ಯಮೇ॒ಧಯಾ॑ಽಗ್ನೇ ಮೇಧಾ॒ವಿನಂ॑ ಕುರು ..೮..
ಮೇಧಾ॒ವ್ಯ೧॑(ಅ॒)ಹಂ ಸು॒ಮನಾಃ॑ ಸು॒ಪ್ರತೀ॑ಕಃ ಶ್ರ॒ದ್ಧಾಮ॑ನಾಃ ಸ॒ತ್ಯಮ॑ತಿಃ ಸು॒ಶೇವಃ॑ . ಮ॒ಹಾ॒ಯ॒ಶಾ ಧಾ॒ರಯಿಷ್ಣುಃ॑ ಪ್ರವ॒ಕ್ತಾ ಭೂ॒ಯಾಸ॑ಮಸ್ಮೈ ಶ॒ರಯಾ॑ ಪ್ರಯೋ॒ಗೇ ..೯..
ನಾ॒ಶಾ॒ಯಿ॒ತ್ರೀ ಪ॑ಲಾಶ॒ಸ್ಯಾರುಷ॑ಸೌ ಪಥಿ॒ಕಾಮ॑ಸು . ಅಥೋ॑ ತ॒ತಸ್ಯ॒ ಯಕ್ಷ್ಮಾ॑ಣ॒ಮಪಾಪಾ॑ ರೋಗ॒ನಾಶಿ॑ನೀ ..೧೦..
ಬ್ರ॒ಹ್ಮ॒ವೃ॒ಕ್ಷ ಪ॑ಲಾಶ॒ ತ್ವಂ ಶ್ರ॒ದ್ಧಾಂ ಮೇ॑ಧಾಂ ಚ॒ ದೇಹಿ॑ ಮೇ . ವೃ॒ಕ್ಷಾ॒ಧಿ॒ಪ ನ॑ಮಸ್ತೇ॒ಽಸ್ತು ಅ॒ತ್ರ ತ್ವಂ॑ ಸನ್ನಿ॒ಧೌ ಭ॒ವ ..೧೧..[ವ:೨]
ಉದುತ್ಯಮಿತಿ ತ್ರಯೋದಶರ್ಚಸ್ಯ ಸೂಕ್ತಸ್ಯ ಕಾಣ್ವಃಪ್ರಸ್ಕಣ್ವಃ ಸೂರ್ಯೋ ಗಾಯತ್ರೀ ಅಂತ್ಯಾಶ್ಚತಸ್ರೋನುಷ್ಟುಭಃ (ಅಂತ್ಯಸ್ತೃಚೋರೋಗಘ್ನಉಪನಿಷದಂತ್ಯೋರ್ಥರ್ಚೋದ್ವಿಷನ್ನ ಇತಿಗುಣಃ) .
ಉದು॒ ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹಂತಿ ಕೇ॒ತವಃ॑ . ದೃ॒ಶೇ ವಿಶ್ವಾ॑ಯ॒ ಸೂರ್ಯಂ॑ ..
ಅಪ॒ ತ್ಯೇ ತಾ॒ಯವೋ॑ ಯಥಾ॒ ನಕ್ಷ॑ತ್ರಾ ಯಂತ್ಯ॒ಕ್ತುಭಿಃ॑ . ಸೂರಾ॑ಯ ವಿ॒ಶ್ವಚ॑ಕ್ಷಸೇ ..
ಅದೃ॑ಶ್ರಮಸ್ಯ ಕೇ॒ತವೋ॒ ವಿ ರ॒ಶ್ಮಯೋ॒ ಜನಾಁ॒ ಅನು॑ . ಭ್ರಾಜಂ॑ತೋ ಅ॒ಗ್ನಯೋ॑ ಯಥಾ ..
ತ॒ರಣಿ॑ರ್ವಿ॒ಶ್ವದ॑ರ್ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ . ವಿಶ್ವ॒ಮಾ ಭಾ॑ಸಿ ರೋಚ॒ನಂ ..
ಪ್ರ॒ತ್ಯಙ್ದೇ॒ವಾನಾಂ॒ ವಿಶಃ॑ ಪ್ರ॒ತ್ಯಙ್ಙುದೇ॑ಷಿ॒ ಮಾನು॑ಷಾನ್ . ಪ್ರ॒ತ್ಯಙ್ವಿಶ್ವಂ॒ ಸ್ವ॑ರ್ದೃ॒ಶೇ ..
ಯೇನಾ॑ ಪಾವಕ॒ ಚಕ್ಷ॑ಸಾ ಭುರ॒ಣ್ಯಂತಂ॒ ಜನಾಁ॒ ಅನು॑ . ತ್ವಂ ವ॑ರುಣ॒ ಪಶ್ಯ॑ಸಿ ..
ವಿ ದ್ಯಾಮೇ॑ಷಿ॒ ರಜ॑ಸ್ಪೃ॒ಥ್ವಹಾ॒ ಮಿಮಾ॑ನೋ ಅ॒ಕ್ತುಭಿಃ॑ . ಪಶ್ಯಂ॒ಜನ್ಮಾ॑ನಿ ಸೂರ್ಯ ..
ಸ॒ಪ್ತ ತ್ವಾ॑ ಹ॒ರಿತೋ॒ ರಥೇ॒ ವಹಂ॑ತಿ ದೇವ ಸೂರ್ಯ . ಶೋ॒ಚಿಷ್ಕೇ॑ಶಂ ವಿಚಕ್ಷಣ ..
ಅಯು॑ಕ್ತ ಸ॒ಪ್ತ ಶುಂ॒ಧ್ಯುವಃ॒ ಸೂರೋ॒ ರಥ॑ಸ್ಯ ನ॒ಪ್ತ್ಯಃ॑ . ತಾಭಿ॑ರ್ಯಾತಿ॒ ಸ್ವಯು॑ಕ್ತಿಭಿಃ ..
ಉದ್ವ॒ಯಂ ತಮ॑ಸ॒ಸ್ಪರಿ॒ ಜ್ಯೋತಿ॒ಷ್ಪಶ್ಯಂ॑ತ॒ ಉತ್ತ॑ರಂ . ದೇ॒ವಂ ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಂ ..
ಉ॒ದ್ಯನ್ನ॒ದ್ಯ ಮಿ॑ತ್ರಮಹ ಆ॒ರೋಹ॒ನ್ನುತ್ತ॑ರಾಂ॒ ದಿವಂ॑ . ಹೃ॒ದ್ರೋ॒ಗಂ ಮಮ॑ ಸೂರ್ಯ ಹರಿ॒ಮಾಣಂ॑ ಚ ನಾಶಯ ..
ಶುಕೇ॑ಷು ಮೇ ಹರಿ॒ಮಾಣಂ॑ ರೋಪ॒ಣಾಕಾ॑ಸು ದಧ್ಮಸಿ . ಅಥೋ॑ ಹಾರಿದ್ರ॒ವೇಷು॑ ಮೇ ಹರಿ॒ಮಾಣಂ॒ ನಿ ದ॑ಧ್ಮಸಿ ..
ಉದ॑ಗಾದ॒ಯಮಾ॑ದಿ॒ತ್ಯೋ ವಿಶ್ವೇ॑ನ॒ ಸಹ॑ಸಾ ಸ॒ಹ . ದ್ವಿ॒ಷಂತಂ॒ ಮಹ್ಯಂ॑ ರಂ॒ಧಯ॒ನ್ಮೋ ಅ॒ಹಂ ದ್ವಿ॑ಷ॒ತೇ ರ॑ಧಂ ..
ಚಿತ್ರಂದೇವಾನಾಮಿತಿಷಡೃಚಸ್ಯ ಸೂಕ್ತಸ್ಯ ಕುತ್ಸಃ ಸೂರ್ಯಸ್ತ್ರಿಷ್ಟುಪ್ .
ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ॑ಕಂ॒ ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ . ಆಪ್ರಾ॒ ದ್ಯಾವಾ॑ಪೃಥಿ॒ವೀ ಅಂ॒ತರಿ॑ಕ್ಷಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ..
ಸೂರ್ಯೋ॑ ದೇ॒ವೀಮು॒ಷಸಂ॒ ರೋಚ॑ಮಾನಾಂ॒ ಮರ್ಯೋ॒ ನ ಯೋಷಾ॑ಮ॒ಭ್ಯೇ॑ತಿ ಪ॒ಶ್ಚಾತ್ . ಯತ್ರಾ॒ ನರೋ॑ ದೇವ॒ಯಂತೋ॑ ಯು॒ಗಾನಿ॑ ವಿತನ್ವ॒ತೇ ಪ್ರತಿ॑ ಭ॒ದ್ರಾಯ॑ ಭ॒ದ್ರಂ ..
ಭ॒ದ್ರಾ ಅಶ್ವಾ॑ ಹ॒ರಿತಃ॒ ಸೂರ್ಯ॑ಸ್ಯ ಚಿ॒ತ್ರಾ ಏತ॑ಗ್ವಾ ಅನು॒ಮಾದ್ಯಾ॑ಸಃ . ನ॒ಮ॒ಸ್ಯಂತೋ॑ ದಿ॒ವ ಆ ಪೃ॒ಷ್ಠಮ॑ಸ್ಥುಃ॒ ಪರಿ॒ ದ್ಯಾವಾ॑ಪೃಥಿ॒ವೀ ಯಂ॑ತಿ ಸ॒ದ್ಯಃ ..
ತತ್ಸೂರ್ಯ॑ಸ್ಯ ದೇವ॒ತ್ವಂ ತನ್ಮ॑ಹಿ॒ತ್ವಂ ಮ॒ಧ್ಯಾ ಕರ್ತೋ॒ರ್ವಿತ॑ತಂ॒ ಸಂ ಜ॑ಭಾರ . ಯ॒ದೇದಯು॑ಕ್ತ ಹ॒ರಿತಃ॑ ಸ॒ಧಸ್ಥಾ॒ದಾದ್ರಾತ್ರೀ॒ ವಾಸ॑ಸ್ತನುತೇ ಸಿ॒ಮಸ್ಮೈ॑ ..
ತನ್ಮಿ॒ತ್ರಸ್ಯ॒ ವರು॑ಣಸ್ಯಾಭಿ॒ಚಕ್ಷೇ॒ ಸೂರ್ಯೋ॑ ರೂ॒ಪಂ ಕೃ॑ಣುತೇ॒ ದ್ಯೋರು॒ಪಸ್ಥೇ॑ . ಅ॒ನಂ॒ತಮ॒ನ್ಯದ್ರುಶ॑ದಸ್ಯ॒ ಪಾಜಃ॑ ಕೃ॒ಷ್ಣಮ॒ನ್ಯದ್ಧ॒ರಿತಃ॒ ಸಂ ಭ॑ರಂತಿ ..
ಅ॒ದ್ಯಾ ದೇ॑ವಾ॒ ಉದಿ॑ತಾ॒ ಸೂರ್ಯ॑ಸ್ಯ॒ ನಿರಂಹ॑ಸಃ ಪಿಪೃ॒ತಾ ನಿರ॑ವ॒ದ್ಯಾತ್ . ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ..
ಇಂದ್ರಂ॑ ಮಿ॒ತ್ರಂ ವರು॑ಣಮ॒ಗ್ನಿಮಾ॑ಹು॒ರಥೋ॑ ದಿ॒ವ್ಯಃ ಸ ಸು॑ಪ॒ರ್ಣೋ ಗ॒ರುತ್ಮಾ॑ನ್ . ಏಕಂ॒ ಸದ್ವಿಪ್ರಾ॑ ಬಹು॒ಧಾ ವ॑ದಂತ್ಯ॒ಗ್ನಿಂ ಯ॒ಮಂ ಮಾ॑ತ॒ರಿಶ್ವಾ॑ನಮಾಹುಃ ..
ಕೃ॒ಷ್ಣಂ ನಿ॒ಯಾನಂ॒ ಹರ॑ಯಃ ಸುಪ॒ರ್ಣಾ ಅ॒ಪೋ ವಸಾ॑ನಾ॒ ದಿವ॒ಮುತ್ಪ॑ತಂತಿ . ತ ಆವ॑ವೃತ್ರಂ॒ತ್ಸದ॑ನಾದೃ॒ತಸ್ಯಾದಿದ್ಘೃ॒ತೇನ॑ ಪೃಥಿ॒ವೀ ವ್ಯು॑ದ್ಯತೇ ..
ಹಂ॒ಸಃ ಶು॑ಚಿ॒ಷದ್ವಸು॑ರಂತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ . ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ..
ಯತ್ತ್ವಾ॑ ಸೂರ್ಯ॒ ಸ್ವ॑ರ್ಭಾನು॒ಸ್ತಮ॒ಸಾವಿ॑ಧ್ಯದಾಸು॒ರಃ . ಅಕ್ಷೇ॑ತ್ರವಿ॒ದ್ಯಥಾ॑ ಮು॒ಗ್ಧೋ ಭುವ॑ನಾನ್ಯದೀಧಯುಃ ..
ಯದ॒ದ್ಯ ಸೂ॑ರ್ಯ॒ ಬ್ರವೋಽನಾ॑ಗಾ ಉ॒ದ್ಯನ್ಮಿ॒ತ್ರಾಯ॒ ವರು॑ಣಾಯ ಸ॒ತ್ಯಂ . ವ॒ಯಂ ದೇ॑ವ॒ತ್ರಾದಿ॑ತೇ ಸ್ಯಾಮ॒ ತವ॑ ಪ್ರಿ॒ಯಾಸೋ॑ ಅರ್ಯಮನ್ಗೃ॒ಣಂತಃ॑ ..
ಉತ್ಸೂರ್ಯೋ॑ ಬೃ॒ಹದ॒ರ್ಚೀಂಷ್ಯ॑ಶ್ರೇತ್ಪು॒ರು ವಿಶ್ವಾ॒ ಜನಿ॑ಮ॒ ಮಾನು॑ಷಾಣಾಂ . ಸ॒ಮೋ ದಿ॒ವಾ ದ॑ದೃಶೇ॒ ರೋಚ॑ಮಾನಃ॒ ಕ್ರತ್ವಾ॑ ಕೃ॒ತಃ ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ ..
ಸ ಸೂ॑ರ್ಯ॒ ಪ್ರತಿ॑ ಪು॒ರೋ ನ॒ ಉದ್ಗಾ॑ ಏ॒ಭಿಃ ಸ್ತೋಮೇ॑ಭಿರೇತ॒ಶೇಭಿ॒ರೇವೈಃ॑ . ಪ್ರ ನೋ॑ ಮಿ॒ತ್ರಾಯ॒ ವರು॑ಣಾಯ ವೋ॒ಚೋಽನಾ॑ಗಸೋ ಅರ್ಯ॒ಮ್ಣೇ ಅ॒ಗ್ನಯೇ॑ ಚ ..
ವಿ ನಃ॑ ಸ॒ಹಸ್ರಂ॑ ಶು॒ರುಧೋ॑ ರದಂತ್ವೃ॒ತಾವಾ॑ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ . ಯಚ್ಛಂ॑ತು ಚಂ॒ದ್ರಾ ಉ॑ಪ॒ಮಂ ನೋ॑ ಅ॒ರ್ಕಮಾ ನಃ॒ ಕಾಮಂ॑ ಪೂಪುರಂತು॒ ಸ್ತವಾ॑ನಾಃ ..
ಉದ್ವೇತೀತಿ ಷಡೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ ಆದ್ಯಾನಾಂಸಾರ್ಧಂಚತಸೃಣಾಂ ಸೂರ್ಯಸ್ತತೋಮಿತ್ರಾವರುಣೌತ್ರಿಷ್ಟುಪ್ .
ಉದ್ವೇ॑ತಿ ಸು॒ಭಗೋ॑ ವಿ॒ಶ್ವಚ॑ಕ್ಷಾಃ॒ ಸಾಧಾ॑ರಣಃ॒ ಸೂರ್ಯೋ॒ ಮಾನು॑ಷಾಣಾಂ . ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯ ದೇ॒ವಶ್ಚರ್ಮೇ॑ವ॒ ಯಃ ಸ॒ಮವಿ॑ವ್ಯ॒ಕ್ತಮಾಂ॑ಸಿ ..
ಉದ್ವೇ॑ತಿ ಪ್ರಸವೀ॒ತಾ ಜನಾ॑ನಾಂ ಮ॒ಹಾನ್ಕೇ॒ತುರ॑ರ್ಣ॒ವಃ ಸೂರ್ಯ॑ಸ್ಯ . ಸ॒ಮಾ॒ನಂ ಚ॒ಕ್ರಂ ಪ॑ರ್ಯಾ॒ವಿವೃ॑ತ್ಸ॒ನ್ಯದೇ॑ತ॒ಶೋ ವಹ॑ತಿ ಧೂ॒ರ್ಷು ಯು॒ಕ್ತಃ ..
ವಿ॒ಭ್ರಾಜ॑ಮಾನ ಉ॒ಷಸಾ॑ಮು॒ಪಸ್ಥಾ॑ದ್ರೇ॒ಭೈರುದೇ॑ತ್ಯನುಮ॒ದ್ಯಮಾ॑ನಃ . ಏ॒ಷ ಮೇ॑ ದೇ॒ವಃ ಸ॑ವಿ॒ತಾ ಚ॑ಚ್ಛಂದ॒ ಯಃ ಸ॑ಮಾ॒ನಂ ನ ಪ್ರ॑ಮಿ॒ನಾತಿ॒ ಧಾಮ॑ ..
ದಿ॒ವೋ ರು॒ಕ್ಮ ಉ॑ರು॒ಚಕ್ಷಾ॒ ಉದೇ॑ತಿ ದೂ॒ರೇಅ॑ರ್ಥಸ್ತ॒ರಣಿ॒ರ್ಭ್ರಾಜ॑ಮಾನಃ . ನೂ॒ನಂ ಜನಾಃ॒ ಸೂರ್ಯೇ॑ಣ॒ ಪ್ರಸೂ॑ತಾ॒ ಅಯ॒ನ್ನರ್ಥಾ॑ನಿ ಕೃ॒ಣವ॒ನ್ನಪಾಂ॑ಸಿ ..
ಯತ್ರಾ॑ ಚ॒ಕ್ರುರ॒ಮೃತಾ॑ ಗಾ॒ತುಮ॑ಸ್ಮೈ ಶ್ಯೇ॒ನೋ ನ ದೀಯ॒ನ್ನನ್ವೇ॑ತಿ॒ ಪಾಥಃ॑ . ಪ್ರತಿ॑ ವಾಂ॒ ಸೂರ॒ ಉದಿ॑ತೇ ವಿಧೇಮ॒ ನಮೋ॑ಭಿರ್ಮಿತ್ರಾವರುಣೋ॒ತ ಹ॒ವ್ಯೈಃ ..
ನೂ ಮಿ॒ತ್ರೋ ವರು॑ಣೋ ಅರ್ಯ॒ಮಾ ನ॒ಸ್ತ್ಮನೇ॑ ತೋ॒ಕಾಯ॒ ವರಿ॑ವೋ ದಧಂತು . ಸು॒ಗಾ ನೋ॒ ವಿಶ್ವಾ॑ ಸು॒ಪಥಾ॑ನಿ ಸಂತು ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಉದು॒ ತ್ಯದ್ದ॑ರ್ಶ॒ತಂ ವಪು॑ರ್ದಿ॒ವ ಏ॑ತಿ ಪ್ರತಿಹ್ವ॒ರೇ . ಯದೀ॑ಮಾ॒ಶುರ್ವಹ॑ತಿ ದೇ॒ವ ಏತ॑ಶೋ॒ ವಿಶ್ವ॑ಸ್ಮೈ॒ ಚಕ್ಷ॑ಸೇ॒ ಅರಂ॑ ..
ಶೀ॒ರ್ಷ್ಣಃಶೀ॑ರ್ಷ್ಣೋ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಸ॒ಮಯಾ॒ ವಿಶ್ವ॒ಮಾ ರಜಃ॑ . ಸ॒ಪ್ತ ಸ್ವಸಾ॑ರಃ ಸುವಿ॒ತಾಯ॒ ಸೂರ್ಯಂ॒ ವಹಂ॑ತಿ ಹ॒ರಿತೋ॒ ರಥೇ॑ ..
ತಚ್ಚಕ್ಷು॑ರ್ದೇ॒ವಹಿ॑ತಂ ಶು॒ಕ್ರಮು॒ಚ್ಚರ॑ತ್ . ಪಶ್ಯೇ॑ಮ ಶ॒ರದಃ॑ ಶ॒ತಂ ಜೀವೇ॑ಮ ಶ॒ರದಃ॑ ಶ॒ತಂ ..
ಬಣ್ಮ॒ಹಾಁ ಅ॑ಸಿ ಸೂರ್ಯ॒ ಬಳಾ॑ದಿತ್ಯ ಮ॒ಹಾಁ ಅ॑ಸಿ . ಮ॒ಹಸ್ತೇ॑ ಸ॒ತೋ ಮ॑ಹಿ॒ಮಾ ಪ॑ನಸ್ಯತೇ॒ಽದ್ಧಾ ದೇ॑ವ ಮ॒ಹಾಁ ಅ॑ಸಿ ..
ಬಟ್ ಸೂ॑ರ್ಯ॒ ಶ್ರವ॑ಸಾ ಮ॒ಹಾಁ ಅ॑ಸಿ ಸ॒ತ್ರಾ ದೇ॑ವ ಮ॒ಹಾಁ ಅ॑ಸಿ . ಮ॒ಹ್ನಾ ದೇ॒ವಾನಾ॑ಮಸು॒ರ್ಯಃ॑ ಪು॒ರೋಹಿ॑ತೋ ವಿ॒ಭು ಜ್ಯೋತಿ॒ರದಾ॑ಭ್ಯಂ ..
ನಮೋಮಿತ್ರಸ್ಯೇತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಸೌರ್ಯೋಭಿತಪಾಃ ಸೂರ್ಯೋಜಗತೀ ದಶಮೀ ತ್ರಿಷ್ಟುಪ್ .
ನಮೋ॑ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಕ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತಂ ಸ॑ಪರ್ಯತ . ದೂ॒ರೇ॒ದೃಶೇ॑ ದೇ॒ವಜಾ॑ತಾಯ ಕೇ॒ತವೇ॑ ದಿ॒ವಸ್ಪು॒ತ್ರಾಯ॒ ಸೂರ್ಯಾ॑ಯ ಶಂಸತ ..
ಸಾ ಮಾ॑ ಸ॒ತ್ಯೋಕ್ತಿಃ॒ ಪರಿ॑ ಪಾತು ವಿ॒ಶ್ವತೋ॒ ದ್ಯಾವಾ॑ ಚ॒ ಯತ್ರ॑ ತ॒ತನ॒ನ್ನಹಾ॑ನಿ ಚ . ವಿಶ್ವ॑ಮ॒ನ್ಯನ್ನಿ ವಿ॑ಶತೇ॒ ಯದೇಜ॑ತಿ ವಿ॒ಶ್ವಾಹಾಪೋ॑ ವಿ॒ಶ್ವಾಹೋದೇ॑ತಿ॒ ಸೂರ್ಯಃ॑ ..
ನ ತೇ॒ ಅದೇ॑ವಃ ಪ್ರ॒ದಿವೋ॒ ನಿ ವಾ॑ಸತೇ॒ ಯದೇ॑ತ॒ಶೇಭಿಃ॑ ಪತ॒ರೈ ರ॑ಥ॒ರ್ಯಸಿ॑ . ಪ್ರಾ॒ಚೀನ॑ಮ॒ನ್ಯದನು॑ ವರ್ತತೇ॒ ರಜ॒ ಉದ॒ನ್ಯೇನ॒ ಜ್ಯೋತಿ॑ಷಾ ಯಾಸಿ ಸೂರ್ಯ ..
ಯೇನ॑ ಸೂರ್ಯ॒ ಜ್ಯೋತಿ॑ಷಾ॒ ಬಾಧ॑ಸೇ॒ ತಮೋ॒ ಜಗ॑ಚ್ಚ॒ ವಿಶ್ವ॑ಮುದಿ॒ಯರ್ಷಿ॑ ಭಾ॒ನುನಾ॑ . ತೇನಾ॒ಸ್ಮದ್ವಿಶ್ವಾ॒ಮನಿ॑ರಾ॒ಮನಾ॑ಹುತಿ॒ಮಪಾಮೀ॑ವಾ॒ಮಪ॑ ದು॒ಷ್ಷ್ವಪ್ನ್ಯಂ॑ ಸುವ ..
ವಿಶ್ವ॑ಸ್ಯ॒ ಹಿ ಪ್ರೇಷಿ॑ತೋ॒ ರಕ್ಷ॑ಸಿ ವ್ರ॒ತಮಹೇ॑ಳಯನ್ನು॒ಚ್ಚರ॑ಸಿ ಸ್ವ॒ಧಾ ಅನು॑ . ಯದ॒ದ್ಯ ತ್ವಾ॑ ಸೂರ್ಯೋಪ॒ಬ್ರವಾ॑ಮಹೈ॒ ತಂ ನೋ॑ ದೇ॒ವಾ ಅನು॑ ಮಂಸೀರತ॒ ಕ್ರತುಂ॑ ..
ತಂ ನೋ॒ ದ್ಯಾವಾ॑ಪೃಥಿ॒ವೀ ತನ್ನ॒ ಆಪ॒ ಇಂದ್ರಃ॑ ಶೃಣ್ವಂತು ಮ॒ರುತೋ॒ ಹವಂ॒ ವಚಃ॑ . ಮಾ ಶೂನೇ॑ ಭೂಮ॒ ಸೂರ್ಯ॑ಸ್ಯ ಸಂ॒ದೃಶಿ॑ ಭ॒ದ್ರಂ ಜೀವಂ॑ತೋ ಜರ॒ಣಾಮ॑ಶೀಮಹಿ ..
ವಿ॒ಶ್ವಾಹಾ॑ ತ್ವಾ ಸು॒ಮನ॑ಸಃ ಸು॒ಚಕ್ಷ॑ಸಃ ಪ್ರ॒ಜಾವಂ॑ತೋ ಅನಮೀ॒ವಾ ಅನಾ॑ಗಸಃ . ಉ॒ದ್ಯಂತಂ॑ ತ್ವಾ ಮಿತ್ರಮಹೋ ದಿ॒ವೇದಿ॑ವೇ॒ ಜ್ಯೋಗ್ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ ..
ಮಹಿ॒ ಜ್ಯೋತಿ॒ರ್ಬಿಭ್ರ॑ತಂ ತ್ವಾ ವಿಚಕ್ಷಣ॒ ಭಾಸ್ವಂ॑ತಂ॒ ಚಕ್ಷು॑ಷೇಚಕ್ಷುಷೇ॒ ಮಯಃ॑ . ಆ॒ರೋಹಂ॑ತಂ ಬೃಹ॒ತಃ ಪಾಜ॑ಸ॒ಸ್ಪರಿ॑ ವ॒ಯಂ ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ ..
ಯಸ್ಯ॑ ತೇ॒ ವಿಶ್ವಾ॒ ಭುವ॑ನಾನಿ ಕೇ॒ತುನಾ॒ ಪ್ರ ಚೇರ॑ತೇ॒ ನಿ ಚ॑ ವಿ॒ಶಂತೇ॑ ಅ॒ಕ್ತುಭಿಃ॑ . ಅ॒ನಾ॒ಗಾ॒ಸ್ತ್ವೇನ॑ ಹರಿಕೇಶ ಸೂ॒ರ್ಯಾಹ್ನಾ॑ಹ್ನಾ ನೋ॒ ವಸ್ಯ॑ಸಾವಸ್ಯ॒ಸೋದಿ॑ಹಿ ..
ಶಂ ನೋ॑ ಭವ॒ ಚಕ್ಷ॑ಸಾ॒ ಶಂ ನೋ॒ ಅಹ್ನಾ॒ ಶಂ ಭಾ॒ನುನಾ॒ ಶಂ ಹಿ॒ಮಾ ಶಂ ಘೃ॒ಣೇನ॑ . ಯಥಾ॒ ಶಮಧ್ವಂ॒ಛಮಸ॑ದ್ದುರೋ॒ಣೇ ತತ್ಸೂ॑ರ್ಯ॒ ದ್ರವಿ॑ಣಂ ಧೇಹಿ ಚಿ॒ತ್ರಂ ..
ಅ॒ಸ್ಮಾಕಂ॑ ದೇವಾ ಉ॒ಭಯಾ॑ಯ॒ ಜನ್ಮ॑ನೇ॒ ಶರ್ಮ॑ ಯಚ್ಛತ ದ್ವಿ॒ಪದೇ॒ ಚತು॑ಷ್ಪದೇ . ಅ॒ದತ್ಪಿಬ॑ದೂ॒ರ್ಜಯ॑ಮಾನ॒ಮಾಶಿ॑ತಂ॒ ತದ॒ಸ್ಮೇ ಶಂ ಯೋರ॑ರ॒ಪೋ ದ॑ಧಾತನ ..
ಯದ್ವೋ॑ ದೇವಾಶ್ಚಕೃ॒ಮ ಜಿ॒ಹ್ವಯಾ॑ ಗು॒ರು ಮನ॑ಸೋ ವಾ॒ ಪ್ರಯು॑ತೀ ದೇವ॒ಹೇಳ॑ನಂ . ಅರಾ॑ವಾ॒ ಯೋ ನೋ॑ ಅ॒ಭಿ ದು॑ಚ್ಛುನಾ॒ಯತೇ॒ ತಸ್ಮಿಂ॒ತದೇನೋ॑ ವಸವೋ॒ ನಿ ಧೇ॑ತನ ..
ಸೂರ್ಯೋನ ಇತಿ ಪಂಚರ್ಚಸ್ಯ ಸೂಕ್ತಸ್ಯ ಸೌರ್ಯಶ್ಚಕ್ಷುರ್ಮಾನವಃ ಸೂರ್ಯೋ ಗಾಯತ್ರೀ .
ಸೂರ್ಯೋ॑ ನೋ ದಿ॒ವಸ್ಪಾ॑ತು॒ ವಾತೋ॑ ಅಂ॒ತರಿ॑ಕ್ಷಾತ್ . ಅ॒ಗ್ನಿರ್ನಃ॒ ಪಾರ್ಥಿ॑ವೇಭ್ಯಃ ..
ಜೋಷಾ॑ ಸವಿತ॒ರ್ಯಸ್ಯ॑ ತೇ॒ ಹರಃ॑ ಶ॒ತಂ ಸ॒ವಾಁ ಅರ್ಹ॑ತಿ . ಪಾ॒ಹಿ ನೋ॑ ದಿ॒ದ್ಯುತಃ॒ ಪತಂ॑ತ್ಯಾಃ ..
ಚಕ್ಷು॑ರ್ನೋ ದೇ॒ವಃ ಸ॑ವಿ॒ತಾ ಚಕ್ಷು॑ರ್ನ ಉ॒ತ ಪರ್ವ॑ತಃ . ಚಕ್ಷು॑ರ್ಧಾ॒ತಾ ದ॑ಧಾತು ನಃ ..
ಚಕ್ಷು॑ರ್ನೋ ಧೇಹಿ॒ ಚಕ್ಷು॑ಷೇ॒ ಚಕ್ಷು॑ರ್ವಿ॒ಖ್ಯೈ ತ॒ನೂಭ್ಯಃ॑ . ಸಂ ಚೇ॒ದಂ ವಿ ಚ॑ ಪಶ್ಯೇಮ ..
ಸು॒ಸಂ॒ದೃಶಂ॑ ತ್ವಾ ವ॒ಯಂ ಪ್ರತಿ॑ ಪಶ್ಯೇಮ ಸೂರ್ಯ . ವಿ ಪ॑ಶ್ಯೇಮ ನೃ॒ಚಕ್ಷ॑ಸಃ ..
ವಿಭ್ರಾಡಿತಿ ಚತುರೃಚಸ್ಯ ಸೂಕ್ತಸ್ಯ ಸೌರ್ಯೋ ವಿಭ್ರಾಟ್ ಸೂರ್ಯೋಜಗತ್ಯಂಯಾಸ್ತಾರಪಂಕ್ತಿಃ .
ವಿ॒ಭ್ರಾಡ್ಬೃ॒ಹತ್ಪಿ॑ಬತು ಸೋ॒ಮ್ಯಂ ಮಧ್ವಾಯು॒ರ್ದಧ॑ದ್ಯ॒ಜ್ಞಪ॑ತಾ॒ವವಿ॑ಹ್ರುತಂ . ವಾತ॑ಜೂತೋ॒ ಯೋ ಅ॑ಭಿ॒ರಕ್ಷ॑ತಿ॒ ತ್ಮನಾ॑ ಪ್ರ॒ಜಾಃ ಪು॑ಪೋಷ ಪುರು॒ಧಾ ವಿ ರಾ॑ಜತಿ ..
ವಿ॒ಭ್ರಾಡ್ಬೃ॒ಹತ್ಸುಭೃ॑ತಂ ವಾಜ॒ಸಾತ॑ಮಂ॒ ಧರ್ಮಂ॑ದಿ॒ವೋ ಧ॒ರುಣೇ॑ ಸ॒ತ್ಯಮರ್ಪಿ॑ತಂ . ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹಂತ॑ಮಂ॒ ಜ್ಯೋತಿ॑ರ್ಜಜ್ಞೇ ಅಸುರ॒ಹಾ ಸ॑ಪತ್ನ॒ಹಾ ..
ಇ॒ದಂ ಶ್ರೇಷ್ಠಂ॒ ಜ್ಯೋತಿ॑ಷಾಂ॒ ಜ್ಯೋತಿ॑ರುತ್ತ॒ಮಂ ವಿ॑ಶ್ವ॒ಜಿದ್ಧ॑ನ॒ಜಿದು॑ಚ್ಯತೇ ಬೃ॒ಹತ್ . ವಿ॒ಶ್ವ॒ಭ್ರಾಡ್ಭ್ರಾ॒ಜೋ ಮಹಿ॒ ಸೂರ್ಯೋ॑ ದೃ॒ಶ ಉ॒ರು ಪ॑ಪ್ರಥೇ॒ ಸಹ॒ ಓಜೋ॒ ಅಚ್ಯು॑ತಂ ..
ವಿ॒ಭ್ರಾಜಂ॒ಜ್ಯೋತಿ॑ಷಾ॒ ಸ್ವ೧॒॑ರಗ॑ಚ್ಛೋ ರೋಚ॒ನಂ ದಿ॒ವಃ . ಯೇನೇ॒ಮಾ ವಿಶ್ವಾ॒ ಭುವ॑ನಾ॒ನ್ಯಾಭೃ॑ತಾ ವಿ॒ಶ್ವಕ॑ರ್ಮಣಾ ವಿ॒ಶ್ವದೇ॑ವ್ಯಾವತಾ ..
ಆಯಂಗೌರಿತಿ ತೃಚಸ್ಯ ಸೂಕ್ತಸ್ಯ ಸಾರ್ಪರಾಜ್ಞೀ ಸೂರ್ಯಗಾಯತ್ರೀ . (ಅತ್ರಯದ್ಯಪಿ ಸಾರ್ಪರಾಜ್ಞ್ಯಾತ್ಮದೈವತಮಿತ್ಯನೇನಪ್ರಕೃತಾಸಾರ್ಪರಾಜ್ಞೀದೇವತಾಪ್ರಾಪ್ನೋತಿ ತಥಾಪಿ ಪ್ರಯೋಕ್ತೃಭಿಃ ಸೂರ್ಯಸ್ಯಗ್ರಹಣಾತ್ಪಾಕ್ಷಿಕೋಪಿಸೂರ್ಯೋಸ್ಮಾಭಿ ರುಪಾಕ್ತಃ
ಆಯಂ ಗೌಃ ಪೃಶ್ನಿ॑ರಕ್ರಮೀ॒ದಸ॑ದನ್ಮಾ॒ತರಂ॑ ಪು॒ರಃ . ಪಿ॒ತರಂ॑ ಚ ಪ್ರ॒ಯಂತ್ಸ್ವಃ॑ ..
ಅಂ॒ತಶ್ಚ॑ರತಿ ರೋಚ॒ನಾಸ್ಯ ಪ್ರಾ॒ಣಾದ॑ಪಾನ॒ತೀ . ವ್ಯ॑ಖ್ಯನ್ಮಹಿ॒ಷೋ ದಿವಂ॑ ..
ತ್ರಿಂ॒ಶದ್ಧಾಮ॒ ವಿ ರಾ॑ಜತಿ॒ ವಾಕ್ಪ॑ತಂ॒ಗಾಯ॑ ಧೀಯತೇ . ಪ್ರತಿ॒ ವಸ್ತೋ॒ರಹ॒ ದ್ಯುಭಿಃ॑ ..
ಋತಂಚೇತಿ ತೃಚಸ್ಯ ಸೂಕ್ತಸ್ಯ ಮಾಧುಚ್ಛಂದಸೋಘಮರ್ಷಣೋಭಾವವೃತ್ತಿರನುಷ್ಟುಪ್ .
ಋ॒ತಂ ಚ॑ ಸ॒ತ್ಯಂ ಚಾ॒ಭೀ॑ದ್ಧಾ॒ತ್ತಪ॒ಸೋಽಧ್ಯ॑ಜಾಯತ . ತತೋ॒ ರಾತ್ರ್ಯ॑ಜಾಯತ॒ ತತಃ॑ ಸಮು॒ದ್ರೋ ಅ॑ರ್ಣ॒ವಃ ..
ಸ॒ಮು॒ದ್ರಾದ॑ರ್ಣ॒ವಾದಧಿ॑ ಸಂವತ್ಸ॒ರೋ ಅ॑ಜಾಯತ . ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ ..
ಸೂ॒ರ್ಯಾ॒ಚಂ॒ದ್ರ॒ಮಸೌ॑ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ . ದಿವಂ॑ ಚ ಪೃಥಿ॒ವೀಂ ಚಾಂ॒ತರಿ॑ಕ್ಷ॒ಮಥೋ॒ ಸ್ವಃ॑ ..
ಶ್ರದ್ಧಯೇತಿ ಪಂಚರ್ಚಸ್ಯ ಸೂಕ್ತಸ್ಯ ಶ್ರದ್ಧಾಕಾಮಾಯನೀಶ್ರದ್ಧಾನುಷ್ಟುಪ್ .
ಶ್ರ॒ದ್ಧಯಾ॒ಗ್ನಿಃ ಸಮಿ॑ಧ್ಯತೇ ಶ್ರ॒ದ್ಧಯಾ॑ ಹೂಯತೇ ಹ॒ವಿಃ . ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॒ ವಚ॒ಸಾ ವೇ॑ದಯಾಮಸಿ ..
ಪ್ರಿ॒ಯಂ ಶ್ರ॑ದ್ಧೇ॒ ದದ॑ತಃ ಪ್ರಿ॒ಯಂ ಶ್ರ॑ದ್ಧೇ॒ ದಿದಾ॑ಸತಃ . ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸ್ವಿ॒ದಂ ಮ॑ ಉದಿ॒ತಂ ಕೃ॑ಧಿ ..
ಯಥಾ॑ ದೇ॒ವಾ ಅಸು॑ರೇಷು ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ . ಏ॒ವಂ ಭೋ॒ಜೇಷು॒ ಯಜ್ವ॑ಸ್ವ॒ಸ್ಮಾಕ॑ಮುದಿ॒ತಂ ಕೃ॑ಧಿ ..
ಶ್ರ॒ದ್ಧಾಂ ದೇ॒ವಾ ಯಜ॑ಮಾನಾ ವಾ॒ಯುಗೋ॑ಪಾ॒ ಉಪಾ॑ಸತೇ . ಶ್ರ॒ದ್ಧಾಂ ಹೃ॑ದ॒ಯ್ಯ೧॒॑ಯಾಕೂ॑ತ್ಯಾ ಶ್ರ॒ದ್ಧಯಾ॑ ವಿಂದತೇ॒ ವಸು॑ ..
ಶ್ರ॒ದ್ಧಾಂ ಪ್ರಾ॒ತರ್ಹ॑ವಾಮಹೇ ಶ್ರ॒ದ್ಧಾಂ ಮ॒ಧ್ಯಂದಿ॑ನಂ॒ ಪರಿ॑ . ಶ್ರ॒ದ್ಧಾಂ ಸೂರ್ಯ॑ಸ್ಯ ನಿ॒ಮ್ರುಚಿ॒ ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ನಃ॑ ..
ಸೋ॒ಮಾನಂ॒ ಸ್ವರ॑ಣಂ ಕೃಣು॒ಹಿ ಬ್ರ॑ಹ್ಮಣಸ್ಪತೇ . ಕ॒ಕ್ಷೀವಂ॑ತಂ॒ ಯ ಔ॑ಶಿ॒ಜಃ ..
ಯೋ ರೇ॒ವಾನ್ಯೋ ಅ॑ಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ಧ॑ನಃ . ಸ ನಃ॑ ಸಿಷಕ್ತು॒ ಯಸ್ತು॒ರಃ ..
ಮಾ ನಃ॒ ಶಂಸೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ್ಮರ್ತ್ಯ॑ಸ್ಯ . ರಕ್ಷಾ॑ ಣೋ ಬ್ರಹ್ಮಣಸ್ಪತೇ ..
ಸ ಘಾ॑ ವೀ॒ರೋ ನ ರಿ॑ಷ್ಯತಿ॒ ಯಮಿಂದ್ರೋ॒ ಬ್ರಹ್ಮ॑ಣ॒ಸ್ಪತಿಃ॑ . ಸೋಮೋ॑ ಹಿ॒ನೋತಿ॒ ಮರ್ತ್ಯಂ॑ ..
ತ್ವಂ ತಂ ಬ್ರ॑ಹ್ಮಣಸ್ಪತೇ॒ ಸೋಮ॒ ಇಂದ್ರ॑ಶ್ಚ॒ ಮರ್ತ್ಯಂ॑ . ದಕ್ಷಿ॑ಣಾ ಪಾ॒ತ್ವಂಹ॑ಸಃ ..
ಉತ್ತಿಷ್ಠೇತ್ಯಷ್ಟರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವೋಬ್ರಹ್ಮಣಸ್ಪತಿಃ ಪ್ರಗಾಥಃ (ಅಯುಜೋಬೃಹತ್ಯಃ ಯುಜಃ ಸತೋಬೃಹತ್ಯಃ) .
ಉತ್ತಿ॑ಷ್ಠ ಬ್ರಹ್ಮಣಸ್ಪತೇ ದೇವ॒ಯಂತ॑ಸ್ತ್ವೇಮಹೇ . ಉಪ॒ ಪ್ರ ಯಂ॑ತು ಮ॒ರುತಃ॑ ಸು॒ದಾನ॑ವ॒ ಇಂದ್ರ॑ ಪ್ರಾ॒ಶೂರ್ಭ॑ವಾ॒ ಸಚಾ॑ ..
ತ್ವಾಮಿದ್ಧಿ ಸ॑ಹಸಸ್ಪುತ್ರ॒ ಮರ್ತ್ಯ॑ ಉಪಬ್ರೂ॒ತೇ ಧನೇ॑ ಹಿ॒ತೇ . ಸು॒ವೀರ್ಯಂ॑ ಮರುತ॒ ಆ ಸ್ವಶ್ವ್ಯಂ॒ ದಧೀ॑ತ॒ ಯೋ ವ॑ ಆಚ॒ಕೇ ..
ಪ್ರೈತು॒ ಬ್ರಹ್ಮ॑ಣ॒ಸ್ಪತಿಃ॒ ಪ್ರ ದೇ॒ವ್ಯೇ॑ತು ಸೂ॒ನೃತಾ॑ . ಅಚ್ಛಾ॑ ವೀ॒ರಂ ನರ್ಯಂ॑ ಪಂ॒ಕ್ತಿರಾ॑ಧಸಂ ದೇ॒ವಾ ಯ॒ಜ್ಞಂ ನ॑ಯಂತು ನಃ ..
ಯೋ ವಾ॒ಘತೇ॒ ದದಾ॑ತಿ ಸೂ॒ನರಂ॒ ವಸು॒ ಸ ಧ॑ತ್ತೇ॒ ಅಕ್ಷಿ॑ತಿ॒ ಶ್ರವಃ॑ . ತಸ್ಮಾ॒ ಇಳಾಂ॑ ಸು॒ವೀರಾ॒ಮಾ ಯ॑ಜಾಮಹೇ ಸು॒ಪ್ರತೂ॑ರ್ತಿಮನೇ॒ಹಸಂ॑ ..
ಪ್ರ ನೂ॒ನಂ ಬ್ರಹ್ಮ॑ಣ॒ಸ್ಪತಿ॒ರ್ಮಂತ್ರಂ॑ ವದತ್ಯು॒ಕ್ಥ್ಯಂ॑ . ಯಸ್ಮಿ॒ನ್ನಿಂದ್ರೋ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ ದೇ॒ವಾ ಓಕಾಂ॑ಸಿ ಚಕ್ರಿ॒ರೇ ..
ತಮಿದ್ವೋ॑ಚೇಮಾ ವಿ॒ದಥೇ॑ಷು ಶಂ॒ಭುವಂ॒ ಮಂತ್ರಂ॑ ದೇವಾ ಅನೇ॒ಹಸಂ॑ . ಇ॒ಮಾಂ ಚ॒ ವಾಚಂ॑ ಪ್ರತಿ॒ಹರ್ಯ॑ಥಾ ನರೋ॒ ವಿಶ್ವೇದ್ವಾ॒ಮಾ ವೋ॑ ಅಶ್ನವತ್ ..
ಕೋ ದೇ॑ವ॒ಯಂತ॑ಮಶ್ನವ॒ಜ್ಜನಂ॒ ಕೋ ವೃ॒ಕ್ತಬ॑ರ್ಹಿಷಂ . ಪ್ರಪ್ರ॑ ದಾ॒ಶ್ವಾನ್ಪ॒ಸ್ತ್ಯಾ॑ಭಿರಸ್ಥಿತಾಂತ॒ರ್ವಾವ॒ತ್ಕ್ಷಯಂ॑ ದಧೇ ..
ಉಪ॑ ಕ್ಷ॒ತ್ರಂ ಪೃಂ॑ಚೀ॒ತ ಹಂತಿ॒ ರಾಜ॑ಭಿರ್ಭ॒ಯೇ ಚಿ॑ತ್ಸುಕ್ಷಿ॒ತಿಂ ದ॑ಧೇ . ನಾಸ್ಯ॑ ವ॒ರ್ತಾ ನ ತ॑ರು॒ತಾ ಮ॑ಹಾಧ॒ನೇ ನಾರ್ಭೇ॑ ಅಸ್ತಿ ವ॒ಜ್ರಿಣಃ॑ ..
ಗಣಾನಾಮಿತ್ಯೇಕೋನ ವಿಂಶತ್ಯೃಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದಃ ಆದ್ಯಾಪಂಚಮೀನವಮ್ಯೇಕಾದಶೀಸಪ್ತದಶ್ಯಂತ್ಯಾನಾಂ ಬ್ರಹ್ಮಣಸ್ಪತಿಃ ಶಿಷ್ಟಾನಾಂ ಬೃಹಸ್ಪತಿರ್ಜಗತೀ ಪಂಚದಶ್ಯಂತ್ಯೇತ್ರಿಷ್ಟುಭೌ .
ಗ॒ಣಾನಾಂ॑ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಂ . ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿಃ॑ ಸೀದ॒ ಸಾದ॑ನಂ ..
ದೇ॒ವಾಶ್ಚಿ॑ತ್ತೇ ಅಸುರ್ಯ॒ ಪ್ರಚೇ॑ತಸೋ॒ ಬೃಹ॑ಸ್ಪತೇ ಯ॒ಜ್ಞಿಯಂ॑ ಭಾ॒ಗಮಾ॑ನಶುಃ . ಉ॒ಸ್ರಾ ಇ॑ವ॒ ಸೂರ್ಯೋ॒ ಜ್ಯೋತಿ॑ಷಾ ಮ॒ಹೋ ವಿಶ್ವೇ॑ಷಾ॒ಮಿಜ್ಜ॑ನಿ॒ತಾ ಬ್ರಹ್ಮ॑ಣಾಮಸಿ ..
ಆ ವಿ॒ಬಾಧ್ಯಾ॑ ಪರಿ॒ರಾಪ॒ಸ್ತಮಾಂ॑ಸಿ ಚ॒ ಜ್ಯೋತಿ॑ಷ್ಮಂತಂ॒ ರಥ॑ಮೃ॒ತಸ್ಯ॑ ತಿಷ್ಠಸಿ . ಬೃಹ॑ಸ್ಪತೇ ಭೀ॒ಮಮ॑ಮಿತ್ರ॒ದಂಭ॑ನಂ ರಕ್ಷೋ॒ಹಣಂ॑ ಗೋತ್ರ॒ಭಿದಂ॑ ಸ್ವ॒ರ್ವಿದಂ॑ ..
ಸು॒ನೀ॒ತಿಭಿ॑ರ್ನಯಸಿ॒ ತ್ರಾಯ॑ಸೇ॒ ಜನಂ॒ ಯಸ್ತುಭ್ಯಂ॒ ದಾಶಾ॒ನ್ನ ತಮಂಹೋ॑ ಅಶ್ನವತ್ . ಬ್ರ॒ಹ್ಮ॒ದ್ವಿಷ॒ಸ್ತಪ॑ನೋ ಮನ್ಯು॒ಮೀರ॑ಸಿ॒ ಬೃಹ॑ಸ್ಪತೇ॒ ಮಹಿ॒ ತತ್ತೇ॑ ಮಹಿತ್ವ॒ನಂ ..
ನ ತಮಂಹೋ॒ ನ ದು॑ರಿ॒ತಂ ಕುತ॑ಶ್ಚ॒ನ ನಾರಾ॑ತಯಸ್ತಿತಿರು॒ರ್ನ ದ್ವ॑ಯಾ॒ವಿನಃ॑ . ವಿಶ್ವಾ॒ ಇದ॑ಸ್ಮಾದ್ಧ್ವ॒ರಸೋ॒ ವಿ ಬಾ॑ಧಸೇ॒ ಯಂ ಸು॑ಗೋ॒ಪಾ ರಕ್ಷ॑ಸಿ ಬ್ರಹ್ಮಣಸ್ಪತೇ ..
ತ್ವಂ ನೋ॑ ಗೋ॒ಪಾಃ ಪ॑ಥಿ॒ಕೃದ್ವಿ॑ಚಕ್ಷ॒ಣಸ್ತವ॑ ವ್ರ॒ತಾಯ॑ ಮ॒ತಿಭಿ॑ರ್ಜರಾಮಹೇ . ಬೃಹ॑ಸ್ಪತೇ॒ ಯೋ ನೋ॑ ಅ॒ಭಿ ಹ್ವರೋ॑ ದ॒ಧೇ ಸ್ವಾ ತಂ ಮ॑ರ್ಮರ್ತು ದು॒ಚ್ಛುನಾ॒ ಹರ॑ಸ್ವತೀ ..
ಉ॒ತ ವಾ॒ ಯೋ ನೋ॑ ಮ॒ರ್ಚಯಾ॒ದನಾ॑ಗಸೋಽರಾತೀ॒ವಾ ಮರ್ತಃ॑ ಸಾನು॒ಕೋ ವೃಕಃ॑ . ಬೃಹ॑ಸ್ಪತೇ॒ ಅಪ॒ ತಂ ವ॑ರ್ತಯಾ ಪ॒ಥಃ ಸು॒ಗಂ ನೋ॑ ಅ॒ಸ್ಯೈ ದೇ॒ವವೀ॑ತಯೇ ಕೃಧಿ ..
ತ್ರಾ॒ತಾರಂ॑ ತ್ವಾ ತ॒ನೂನಾಂ॑ ಹವಾಮ॒ಹೇಽವ॑ಸ್ಪರ್ತರಧಿವ॒ಕ್ತಾರ॑ಮಸ್ಮ॒ಯುಂ . ಬೃಹ॑ಸ್ಪತೇ ದೇವ॒ನಿದೋ॒ ನಿ ಬ॑ರ್ಹಯ॒ ಮಾ ದು॒ರೇವಾ॒ ಉತ್ತ॑ರಂ ಸು॒ಮ್ನಮುನ್ನ॑ಶನ್ ..
ತ್ವಯಾ॑ ವ॒ಯಂ ಸು॒ವೃಧಾ॑ ಬ್ರಹ್ಮಣಸ್ಪತೇ ಸ್ಪಾ॒ರ್ಹಾ ವಸು॑ ಮನು॒ಷ್ಯಾ ದ॑ದೀಮಹಿ . ಯಾ ನೋ॑ ದೂ॒ರೇ ತ॒ಳಿತೋ॒ ಯಾ ಅರಾ॑ತಯೋ॒ಽಭಿ ಸಂತಿ॑ ಜಂ॒ಭಯಾ॒ ತಾ ಅ॑ನ॒ಪ್ನಸಃ॑ ..
ತ್ವಯಾ॑ ವ॒ಯಮು॑ತ್ತ॒ಮಂ ಧೀ॑ಮಹೇ॒ ವಯೋ॒ ಬೃಹ॑ಸ್ಪತೇ॒ ಪಪ್ರಿ॑ಣಾ॒ ಸಸ್ನಿ॑ನಾ ಯು॒ಜಾ . ಮಾ ನೋ॑ ದುಃ॒ಶಂಸೋ॑ ಅಭಿದಿ॒ಪ್ಸುರೀ॑ಶತ॒ ಪ್ರ ಸು॒ಶಂಸಾ॑ ಮ॒ತಿಭಿ॑ಸ್ತಾರಿಷೀಮಹಿ ..
ಅ॒ನಾ॒ನು॒ದೋ ವೃ॑ಷ॒ಭೋ ಜಗ್ಮಿ॑ರಾಹ॒ವಂ ನಿಷ್ಟ॑ಪ್ತಾ॒ ಶತ್ರುಂ॒ ಪೃತ॑ನಾಸು ಸಾಸ॒ಹಿಃ . ಅಸಿ॑ ಸ॒ತ್ಯ ಋ॑ಣ॒ಯಾ ಬ್ರ॑ಹ್ಮಣಸ್ಪತ ಉ॒ಗ್ರಸ್ಯ॑ ಚಿದ್ದಮಿ॒ತಾ ವೀ॑ಳುಹ॒ರ್ಷಿಣಃ॑ ..
ಅದೇ॑ವೇನ॒ ಮನ॑ಸಾ॒ ಯೋ ರಿ॑ಷ॒ಣ್ಯತಿ॑ ಶಾ॒ಸಾಮು॒ಗ್ರೋ ಮನ್ಯ॑ಮಾನೋ॒ ಜಿಘಾಂ॑ಸತಿ . ಬೃಹ॑ಸ್ಪತೇ॒ ಮಾ ಪ್ರಣ॒ಕ್ತಸ್ಯ॑ ನೋ ವ॒ಧೋ ನಿ ಕ॑ರ್ಮ ಮ॒ನ್ಯುಂ ದು॒ರೇವ॑ಸ್ಯ॒ ಶರ್ಧ॑ತಃ ..
ಭರೇ॑ಷು॒ ಹವ್ಯೋ॒ ನಮ॑ಸೋಪ॒ಸದ್ಯೋ॒ ಗಂತಾ॒ ವಾಜೇ॑ಷು॒ ಸನಿ॑ತಾ॒ ಧನಂ॑ಧನಂ . ವಿಶ್ವಾ॒ ಇದ॒ರ್ಯೋ ಅ॑ಭಿದಿ॒ಪ್ಸ್ವೋ॒೩॒॑ ಮೃಧೋ॒ ಬೃಹ॒ಸ್ಪತಿ॒ರ್ವಿ ವ॑ವರ್ಹಾ॒ ರಥಾಁ॑ ಇವ ..
ತೇಜಿ॑ಷ್ಠಯಾ ತಪ॒ನೀ ರ॒ಕ್ಷಸ॑ಸ್ತಪ॒ ಯೇ ತ್ವಾ॑ ನಿ॒ದೇ ದ॑ಧಿ॒ರೇ ದೃ॒ಷ್ಟವೀ॑ರ್ಯಂ . ಆ॒ವಿಸ್ತತ್ಕೃ॑ಷ್ವ॒ ಯದಸ॑ತ್ತ ಉ॒ಕ್ಥ್ಯಂ೧॒॑ ಬೃಹ॑ಸ್ಪತೇ॒ ವಿ ಪ॑ರಿ॒ರಾಪೋ॑ ಅರ್ದಯ ..
ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ॑ದ್ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು . ಯದ್ದೀ॒ದಯ॒ಚ್ಛವ॑ಸ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಂ ..
ಮಾ ನಃ॑ ಸ್ತೇ॒ನೇಭ್ಯೋ॒ ಯೇ ಅ॒ಭಿ ದ್ರು॒ಹಸ್ಪ॒ದೇ ನಿ॑ರಾ॒ಮಿಣೋ॑ ರಿ॒ಪವೋಽನ್ನೇ॑ಷು ಜಾಗೃ॒ಧುಃ . ಆ ದೇ॒ವಾನಾ॒ಮೋಹ॑ತೇ॒ ವಿ ವ್ರಯೋ॑ ಹೃ॒ದಿ ಬೃಹ॑ಸ್ಪತೇ॒ ನ ಪ॒ರಃ ಸಾಮ್ನೋ॑ ವಿದುಃ ..
ವಿಶ್ವೇ॑ಭ್ಯೋ॒ ಹಿ ತ್ವಾ॒ ಭುವ॑ನೇಭ್ಯ॒ಸ್ಪರಿ॒ ತ್ವಷ್ಟಾಜ॑ನ॒ತ್ಸಾಮ್ನಃ॑ಸಾಮ್ನಃ ಕ॒ವಿಃ . ಸ ಋ॑ಣ॒ಚಿದೃ॑ಣ॒ಯಾ ಬ್ರಹ್ಮ॑ಣ॒ಸ್ಪತಿ॑ರ್ದ್ರು॒ಹೋ ಹಂ॒ತಾ ಮ॒ಹ ಋ॒ತಸ್ಯ॑ ಧ॒ರ್ತರಿ॑ ..
ತವ॑ ಶ್ರಿ॒ಯೇ ವ್ಯ॑ಜಿಹೀತ॒ ಪರ್ವ॑ತೋ॒ ಗವಾಂ॑ ಗೋ॒ತ್ರಮು॒ದಸೃ॑ಜೋ॒ ಯದಂ॑ಗಿರಃ . ಇಂದ್ರೇ॑ಣ ಯು॒ಜಾ ತಮ॑ಸಾ॒ ಪರೀ॑ವೃತಂ॒ ಬೃಹ॑ಸ್ಪತೇ॒ ನಿರ॒ಪಾಮೌ॑ಬ್ಜೋ ಅರ್ಣ॒ವಂ ..
ಬ್ರಹ್ಮ॑ಣಸ್ಪತೇ॒ ತ್ವಮ॒ಸ್ಯ ಯಂ॒ತಾ ಸೂ॒ಕ್ತಸ್ಯ॑ ಬೋಧಿ॒ ತನ॑ಯಂ ಚ ಜಿನ್ವ . ವಿಶ್ವಂ॒ ತದ್ಭ॒ದ್ರಂ ಯದವಂ॑ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಸೇಮಾಮಿತಿ ಷೋಳಶರ್ಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದೋಬ್ರಹ್ಮಣಸ್ಪತಿಃ ಪ್ರಥಮಾದಶಮ್ಯೋಬೃಹಸ್ಪತಿರ್ದ್ವಾದಶ್ಯೈಂದ್ರಾಬ್ರಹ್ಮಣಸ್ಪತೀ ಜಗತೀದ್ವಾದಶ್ಯಂತ್ಯೇತ್ರಿಷ್ಟುಭೌ .
ಸೇಮಾಮ॑ವಿಡ್ಢಿ॒ ಪ್ರಭೃ॑ತಿಂ॒ ಯ ಈಶಿ॑ಷೇ॒ಽಯಾ ವಿ॑ಧೇಮ॒ ನವ॑ಯಾ ಮ॒ಹಾ ಗಿ॒ರಾ . ಯಥಾ॑ ನೋ ಮೀ॒ಢ್ವಾಂತ್ಸ್ತವ॑ತೇ॒ ಸಖಾ॒ ತವ॒ ಬೃಹ॑ಸ್ಪತೇ॒ ಸೀಷ॑ಧಃ॒ ಸೋತ ನೋ॑ ಮ॒ತಿಂ ..
ಯೋ ನಂತ್ವಾ॒ನ್ಯನ॑ಮ॒ನ್ನ್ಯೋಜ॑ಸೋ॒ತಾದ॑ರ್ದರ್ಮ॒ನ್ಯುನಾ॒ ಶಂಬ॑ರಾಣಿ॒ ವಿ . ಪ್ರಾಚ್ಯಾ॑ವಯ॒ದಚ್ಯು॑ತಾ॒ ಬ್ರಹ್ಮ॑ಣ॒ಸ್ಪತಿ॒ರಾ ಚಾವಿ॑ಶ॒ದ್ವಸು॑ಮಂತಂ॒ ವಿ ಪರ್ವ॑ತಂ ..
ತದ್ದೇ॒ವಾನಾಂ॑ ದೇ॒ವತ॑ಮಾಯ॒ ಕರ್ತ್ವ॒ಮಶ್ರ॑ಥ್ನಂದೃ॒ಳ್ಹಾವ್ರ॑ದಂತ ವೀಳಿ॒ತಾ . ಉದ್ಗಾ ಆ॑ಜ॒ದಭಿ॑ನ॒ದ್ಬ್ರಹ್ಮ॑ಣಾ ವ॒ಲಮಗೂ॑ಹ॒ತ್ತಮೋ॒ ವ್ಯ॑ಚಕ್ಷಯ॒ತ್ಸ್ವಃ॑ ..
ಅಶ್ಮಾ॑ಸ್ಯಮವ॒ತಂ ಬ್ರಹ್ಮ॑ಣ॒ಸ್ಪತಿ॒ರ್ಮಧು॑ಧಾರಮ॒ಭಿ ಯಮೋಜ॒ಸಾತೃ॑ಣತ್ . ತಮೇ॒ವ ವಿಶ್ವೇ॑ ಪಪಿರೇ ಸ್ವ॒ರ್ದೃಶೋ॑ ಬ॒ಹು ಸಾ॒ಕಂ ಸಿ॑ಸಿಚು॒ರುತ್ಸ॑ಮು॒ದ್ರಿಣಂ॑ ..
ಸನಾ॒ ತಾ ಕಾ ಚಿ॒ದ್ಭುವ॑ನಾ॒ ಭವೀ॑ತ್ವಾ ಮಾ॒ದ್ಭಿಃ ಶ॒ರದ್ಭಿ॒ರ್ದುರೋ॑ ವರಂತ ವಃ . ಅಯ॑ತಂತಾ ಚರತೋ ಅ॒ನ್ಯದ॑ನ್ಯ॒ದಿದ್ಯಾ ಚ॒ಕಾರ॑ ವ॒ಯುನಾ॒ ಬ್ರಹ್ಮ॑ಣ॒ಸ್ಪತಿಃ॑ ..
ಅ॒ಭಿ॒ನಕ್ಷಂ॑ತೋ ಅ॒ಭಿ ಯೇ ತಮಾ॑ನ॒ಶುರ್ನಿ॒ಧಿಂ ಪ॑ಣೀ॒ನಾಂ ಪ॑ರ॒ಮಂ ಗುಹಾ॑ ಹಿ॒ತಂ . ತೇ ವಿ॒ದ್ವಾಂಸಃ॑ ಪ್ರತಿ॒ಚಕ್ಷ್ಯಾನೃ॑ತಾ॒ ಪುನ॒ರ್ಯತ॑ ಉ॒ ಆಯಂ॒ತದುದೀ॑ಯುರಾ॒ವಿಶಂ॑ ..
ಋ॒ತಾವಾ॑ನಃ ಪ್ರತಿ॒ಚಕ್ಷ್ಯಾನೃ॑ತಾ॒ ಪುನ॒ರಾತ॒ ಆ ತ॑ಸ್ಥುಃ ಕ॒ವಯೋ॑ ಮ॒ಹಸ್ಪ॒ಥಃ . ತೇ ಬಾ॒ಹುಭ್ಯಾಂ॑ ಧಮಿ॒ತಮ॒ಗ್ನಿಮಶ್ಮ॑ನಿ॒ ನಕಿಃ॒ ಷೋ ಅ॒ಸ್ತ್ಯರ॑ಣೋ ಜ॒ಹುರ್ಹಿ ತಂ ..
ಋ॒ತಜ್ಯೇ॑ನ ಕ್ಷಿ॒ಪ್ರೇಣ॒ ಬ್ರಹ್ಮ॑ಣ॒ಸ್ಪತಿ॒ರ್ಯತ್ರ॒ ವಷ್ಟಿ॒ ಪ್ರ ತದ॑ಶ್ನೋತಿ॒ ಧನ್ವ॑ನಾ . ತಸ್ಯ॑ ಸಾ॒ಧ್ವೀರಿಷ॑ವೋ॒ ಯಾಭಿ॒ರಸ್ಯ॑ತಿ ನೃ॒ಚಕ್ಷ॑ಸೋ ದೃ॒ಶಯೇ॒ ಕರ್ಣ॑ಯೋನಯಃ ..
ಸ ಸಂ॑ನ॒ಯಃ ಸ ವಿ॑ನ॒ಯಃ ಪು॒ರೋಹಿ॑ತಃ॒ ಸ ಸುಷ್ಟು॑ತಃ॒ ಸ ಯು॒ಧಿ ಬ್ರಹ್ಮ॑ಣ॒ಸ್ಪತಿಃ॑ . ಚಾ॒ಕ್ಷ್ಮೋ ಯದ್ವಾಜಂ॒ ಭರ॑ತೇ ಮ॒ತೀ ಧನಾದಿತ್ಸೂರ್ಯ॑ಸ್ತಪತಿ ತಪ್ಯ॒ತುರ್ವೃಥಾ॑ ..
ವಿ॒ಭು ಪ್ರ॒ಭು ಪ್ರ॑ಥ॒ಮಂ ಮೇ॒ಹನಾ॑ವತೋ॒ ಬೃಹ॒ಸ್ಪತೇಃ॑ ಸುವಿ॒ದತ್ರಾ॑ಣಿ॒ ರಾಧ್ಯಾ॑ . ಇ॒ಮಾ ಸಾ॒ತಾನಿ॑ ವೇ॒ನ್ಯಸ್ಯ॑ ವಾ॒ಜಿನೋ॒ ಯೇನ॒ ಜನಾ॑ ಉ॒ಭಯೇ॑ ಭುಂಜ॒ತೇ ವಿಶಃ॑ ..
ಯೋಽವ॑ರೇ ವೃ॒ಜನೇ॑ ವಿ॒ಶ್ವಥಾ॑ ವಿ॒ಭುರ್ಮ॒ಹಾಮು॑ ರ॒ಣ್ವಃ ಶವ॑ಸಾ ವ॒ವಕ್ಷಿ॑ಥ . ಸ ದೇ॒ವೋ ದೇ॒ವಾನ್ಪ್ರತಿ॑ ಪಪ್ರಥೇ ಪೃ॒ಥು ವಿಶ್ವೇದು॒ ತಾ ಪ॑ರಿ॒ಭೂರ್ಬ್ರಹ್ಮ॑ಣ॒ಸ್ಪತಿಃ॑ ..
ವಿಶ್ವಂ॑ ಸ॒ತ್ಯಂ ಮ॑ಘವಾನಾ ಯು॒ವೋರಿದಾಪ॑ಶ್ಚ॒ನ ಪ್ರ ಮಿ॑ನಂತಿ ವ್ರ॒ತಂ ವಾಂ॑ . ಅಚ್ಛೇಂ॑ದ್ರಾಬ್ರಹ್ಮಣಸ್ಪತೀ ಹ॒ವಿರ್ನೋಽನ್ನಂ॒ ಯುಜೇ॑ವ ವಾ॒ಜಿನಾ॑ ಜಿಗಾತಂ ..
ಉ॒ತಾಶಿ॑ಷ್ಠಾ॒ ಅನು॑ ಶೃಣ್ವಂತಿ॒ ವಹ್ನ॑ಯಃ ಸ॒ಭೇಯೋ॒ ವಿಪ್ರೋ॑ ಭರತೇ ಮ॒ತೀ ಧನಾ॑ . ವೀ॒ಳು॒ದ್ವೇಷಾ॒ ಅನು॒ ವಶ॑ ಋ॒ಣಮಾ॑ದ॒ದಿಃ ಸ ಹ॑ ವಾ॒ಜೀ ಸ॑ಮಿ॒ಥೇ ಬ್ರಹ್ಮ॑ಣ॒ಸ್ಪತಿಃ॑ ..
ಬ್ರಹ್ಮ॑ಣ॒ಸ್ಪತೇ॑ರಭವದ್ಯಥಾವ॒ಶಂ ಸ॒ತ್ಯೋ ಮ॒ನ್ಯುರ್ಮಹಿ॒ ಕರ್ಮಾ॑ ಕರಿಷ್ಯ॒ತಃ . ಯೋ ಗಾ ಉ॒ದಾಜ॒ತ್ಸ ದಿ॒ವೇ ವಿ ಚಾ॑ಭಜನ್ಮ॒ಹೀವ॑ ರೀ॒ತಿಃ ಶವ॑ಸಾಸರ॒ತ್ಪೃಥ॑ಕ್ ..
ಬ್ರಹ್ಮ॑ಣಸ್ಪತೇ ಸು॒ಯಮ॑ಸ್ಯ ವಿ॒ಶ್ವಹಾ॑ ರಾ॒ಯಃ ಸ್ಯಾ॑ಮ ರ॒ಥ್ಯೋ॒೩॒॑ ವಯ॑ಸ್ವತಃ . ವೀ॒ರೇಷು॑ ವೀ॒ರಾಁ ಉಪ॑ ಪೃಙ್ಧಿ ನ॒ಸ್ತ್ವಂ ಯದೀಶಾ॑ನೋ॒ ಬ್ರಹ್ಮ॑ಣಾ॒ ವೇಷಿ॑ ಮೇ॒ ಹವಂ॑ ..
ಬ್ರಹ್ಮ॑ಣಸ್ಪತೇ॒ ತ್ವಮ॒ಸ್ಯ ಯಂ॒ತಾ ಸೂ॒ಕ್ತಸ್ಯ॑ ಬೋಧಿ॒ ತನ॑ಯಂ ಚ ಜಿನ್ವ . ವಿಶ್ವಂ॒ ತದ್ಭ॒ದ್ರಂ ಯದವಂ॑ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಇಂಧಾನಇತಿ ಪಂಚರ್ಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದೋಬ್ರಹ್ಮಣಸ್ಪತಿರ್ಜಗತೀ .
ಇಂಧಾ॑ನೋ ಅ॒ಗ್ನಿಂ ವ॑ನವದ್ವನುಷ್ಯ॒ತಃ ಕೃ॒ತಬ್ರ॑ಹ್ಮಾ ಶೂಶುವದ್ರಾ॒ತಹ॑ವ್ಯ॒ ಇತ್ . ಜಾ॒ತೇನ॑ ಜಾ॒ತಮತಿ॒ ಸ ಪ್ರ ಸ॑ರ್ಸೃತೇ॒ ಯಂಯಂ॒ ಯುಜಂ॑ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ ..
ವೀ॒ರೇಭಿ॑ರ್ವೀ॒ರಾನ್ವ॑ನವದ್ವನುಷ್ಯ॒ತೋ ಗೋಭೀ॑ ರ॒ಯಿಂ ಪ॑ಪ್ರಥ॒ದ್ಬೋಧ॑ತಿ॒ ತ್ಮನಾ॑ . ತೋ॒ಕಂ ಚ॒ ತಸ್ಯ॒ ತನ॑ಯಂ ಚ ವರ್ಧತೇ॒ ಯಂಯಂ॒ ಯುಜಂ॑ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ ..
ಸಿಂಧು॒ರ್ನ ಕ್ಷೋದಃ॒ ಶಿಮೀ॑ವಾಁ ಋಘಾಯ॒ತೋ ವೃಷೇ॑ವ॒ ವಧ್ರೀಁ॑ರ॒ಭಿ ವ॒ಷ್ಟ್ಯೋಜ॑ಸಾ . ಅ॒ಗ್ನೇರಿ॑ವ॒ ಪ್ರಸಿ॑ತಿ॒ರ್ನಾಹ॒ ವರ್ತ॑ವೇ॒ ಯಂಯಂ॒ ಯುಜಂ॑ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ ..
ತಸ್ಮಾ॑ ಅರ್ಷಂತಿ ದಿ॒ವ್ಯಾ ಅ॑ಸ॒ಶ್ಚತಃ॒ ಸ ಸತ್ವ॑ಭಿಃ ಪ್ರಥ॒ಮೋ ಗೋಷು॑ ಗಚ್ಛತಿ . ಅನಿ॑ಭೃಷ್ಟತವಿಷಿರ್ಹಂ॒ತ್ಯೋಜ॑ಸಾ॒ ಯಂಯಂ॒ ಯುಜಂ॑ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ ..
ತಸ್ಮಾ॒ ಇದ್ವಿಶ್ವೇ॑ ಧುನಯಂತ॒ ಸಿಂಧ॒ವೋಽಚ್ಛಿ॑ದ್ರಾ॒ ಶರ್ಮ॑ ದಧಿರೇ ಪು॒ರೂಣಿ॑ . ದೇ॒ವಾನಾಂ॑ ಸು॒ಮ್ನೇ ಸು॒ಭಗಃ॒ ಸ ಏ॑ಧತೇ॒ ಯಂಯಂ॒ ಯುಜಂ॑ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ ..
ಋಜುರಿದಿತಿ ಚತುರೃಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದೋಬ್ರಹ್ಮಣಸ್ಪತಿರ್ಜಗತೀ .
ಋ॒ಜುರಿಚ್ಛಂಸೋ॑ ವನವದ್ವನುಷ್ಯ॒ತೋ ದೇ॑ವ॒ಯನ್ನಿದದೇ॑ವಯಂತಮ॒ಭ್ಯ॑ಸತ್ . ಸು॒ಪ್ರಾ॒ವೀರಿದ್ವ॑ನವತ್ಪೃ॒ತ್ಸು ದು॒ಷ್ಟರಂ॒ ಯಜ್ವೇದಯ॑ಜ್ಯೋ॒ರ್ವಿ ಭ॑ಜಾತಿ॒ ಭೋಜ॑ನಂ ..
ಯಜ॑ಸ್ವ ವೀರ॒ ಪ್ರ ವಿ॑ಹಿ ಮನಾಯ॒ತೋ ಭ॒ದ್ರಂ ಮನಃ॑ ಕೃಣುಷ್ವ ವೃತ್ರ॒ತೂರ್ಯೇ॑ . ಹ॒ವಿಷ್ಕೃ॑ಣುಷ್ವ ಸು॒ಭಗೋ॒ ಯಥಾಸ॑ಸಿ॒ ಬ್ರಹ್ಮ॑ಣ॒ಸ್ಪತೇ॒ರವ॒ ಆ ವೃ॑ಣೀಮಹೇ ..
ಸ ಇಜ್ಜನೇ॑ನ॒ ಸ ವಿ॒ಶಾ ಸ ಜನ್ಮ॑ನಾ॒ ಸ ಪು॒ತ್ರೈರ್ವಾಜಂ॑ ಭರತೇ॒ ಧನಾ॒ ನೃಭಿಃ॑ . ದೇ॒ವಾನಾಂ॒ ಯಃ ಪಿ॒ತರ॑ಮಾ॒ವಿವಾ॑ಸತಿ ಶ್ರ॒ದ್ಧಾಮ॑ನಾ ಹ॒ವಿಷಾ॒ ಬ್ರಹ್ಮ॑ಣ॒ಸ್ಪತಿಂ॑ ..
ಯೋ ಅ॑ಸ್ಮೈ ಹ॒ವ್ಯೈರ್ಘೃ॒ತವ॑ದ್ಭಿ॒ರವಿ॑ಧ॒ತ್ಪ್ರ ತಂ ಪ್ರಾ॒ಚಾ ನ॑ಯತಿ॒ ಬ್ರಹ್ಮ॑ಣ॒ಸ್ಪತಿಃ॑ . ಉ॒ರು॒ಷ್ಯತೀ॒ಮಂಹ॑ಸೋ॒ ರಕ್ಷ॑ತೀ ರಿ॒ಷೋಂ॒೩॒॑ಽಹೋಶ್ಚಿ॑ದಸ್ಮಾ ಉರು॒ಚಕ್ರಿ॒ರದ್ಭು॑ತಃ ..
ಚ॒ತ್ತೋ ಇ॒ತಶ್ಚ॒ತ್ತಾಮುತಃ॒ ಸರ್ವಾ॑ ಭ್ರೂ॒ಣಾನ್ಯಾ॒ರುಷೀ॑ . ಅ॒ರಾ॒ಯ್ಯಂ॑ ಬ್ರಹ್ಮಣಸ್ಪತೇ॒ ತೀಕ್ಷ್ಣ॑ಶೃಂಗೋದೃ॒ಷನ್ನಿ॑ಹಿ ..
ಅ॒ದೋ ಯದ್ದಾರು॒ ಪ್ಲವ॑ತೇ॒ ಸಿಂಧೋಃ॑ ಪಾ॒ರೇ ಅ॑ಪೂರು॒ಷಂ . ತದಾ ರ॑ಭಸ್ವ ದುರ್ಹಣೋ॒ ತೇನ॑ ಗಚ್ಛ ಪರಸ್ತ॒ರಂ ..
ಅಚ್ಛಾ॑ ವದಾ॒ ತನಾ॑ ಗಿ॒ರಾ ಜ॒ರಾಯೈ॒ ಬ್ರಹ್ಮ॑ಣ॒ಸ್ಪತಿಂ॑ . ಅ॒ಗ್ನಿಂ ಮಿ॒ತ್ರಂ ನ ದ॑ರ್ಶ॒ತಂ ..
ತ್ವಮ॑ಗ್ನ॒ ಇಂದ್ರೋ॑ ವೃಷ॒ಭಃ ಸ॒ತಾಮ॑ಸಿ॒ ತ್ವಂ ವಿಷ್ಣು॑ರುರುಗಾ॒ಯೋ ನ॑ಮ॒ಸ್ಯಃ॑ . ತ್ವಂ ಬ್ರ॒ಹ್ಮಾ ರ॑ಯಿ॒ವಿದ್ಬ್ರ॑ಹ್ಮಣಸ್ಪತೇ॒ ತ್ವಂ ವಿ॑ಧರ್ತಃ ಸಚಸೇ॒ ಪುರಂ॑ಧ್ಯಾ ..
ಇಂ॒ದ್ರಾ॒ಗ್ನೀ ಮಿ॒ತ್ರಾವರು॒ಣಾದಿ॑ತಿಂ॒ ಸ್ವಃ॑ ಪೃಥಿ॒ವೀಂ ದ್ಯಾಂ ಮ॒ರುತಃ॒ ಪರ್ವ॑ತಾಁ ಅ॒ಪಃ . ಹು॒ವೇ ವಿಷ್ಣುಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॒ ಭಗಂ॒ ನು ಶಂಸಂ॑ ಸವಿ॒ತಾರ॑ಮೂ॒ತಯೇ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦.೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ಪ್ರಿ॒ಯಂ ಮಾ॑ ಕುರು ದೇ॒ವೇಷು॑ ಪ್ರಿ॒ಯಂ ರಾಜ॑ಸು ಮಾ ಕುರು . ಪ್ರಿ॒ಯಂ ವಿಶ್ವೇ॑ಷು ಗೋ॒ಪ್ತ್ರೇಷು॒ ಮಯಿ॑ ಧೇಹಿ ರು॒ಚಾ ರುಚಂ॑ .. ೧೧..
ಅ॒ಗ್ನಿರ್ಯೇನ॑ ವಿ॒ರಾಜ॑ತಿ॒ ಸೂರ್ಯೋ॒ ಯೇನ॑ ವಿ॒ರಾಜ॑ತಿ ..೧೨..
ವಿ॒ರಾಡ್ಯೇನ॒ ವಿರಾ॑ಜತಿ॒ ತೇನಾ॒ಸ್ಮಾನ್ ಬ್ರ॑ಹ್ಮಣಸ್ಪತೇ॒ ವಿರಾ॑ಜ ಸ॒ಮಿಧಂ॑ ಕುರು ..
ಯತ್ರ॑ ಬಾ॒ಣಾಃ ಸಂ॒ಪತಂ॑ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ . ತತ್ರಾ॑ ನೋ॒ ಬ್ರಹ್ಮ॑ಣ॒ಸ್ಪತಿ॒ರದಿ॑ತಿಃ॒ ಶರ್ಮ॑ ಯಚ್ಛತು ವಿ॒ಶ್ವಾಹಾ॒ ಶರ್ಮ॑ ಯಚ್ಛತು ..
ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರಂ॑ ಹವಾಮಹೇ ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ॑ . ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॑ ಪ್ರಾ॒ತಃ ಸೋಮ॑ಮು॒ತ ರು॒ದ್ರಂ ಹು॑ವೇಮ ..
ದ॒ಧಿ॒ಕ್ರಾಂ ವಃ॑ ಪ್ರಥ॒ಮಮ॒ಶ್ವಿನೋ॒ಷಸ॑ಮ॒ಗ್ನಿಂ ಸಮಿ॑ದ್ಧಂ॒ ಭಗ॑ಮೂ॒ತಯೇ॑ ಹುವೇ . ಇಂದ್ರಂ॒ ವಿಷ್ಣುಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿ॑ಮಾದಿ॒ತ್ಯಾಂದ್ಯಾವಾ॑ಪೃಥಿ॒ವೀ ಅ॒ಪಃ ಸ್ವಃ॑ ..
ತಮು॒ ಜ್ಯೇಷ್ಠಂ॒ ನಮ॑ಸಾ ಹ॒ವಿರ್ಭಿಃ॑ ಸು॒ಶೇವಂ॒ ಬ್ರಹ್ಮ॑ಣ॒ಸ್ಪತಿಂ॑ ಗೃಣೀಷೇ . ಇಂದ್ರಂ॒ ಶ್ಲೋಕೋ॒ ಮಹಿ॒ ದೈವ್ಯಃ॑ ಸಿಷಕ್ತು॒ ಯೋ ಬ್ರಹ್ಮ॑ಣೋ ದೇ॒ವಕೃ॑ತಸ್ಯ॒ ರಾಜಾ॑ ..
ಇ॒ಯಂ ವಾಂ॑ ಬ್ರಹ್ಮಣಸ್ಪತೇ ಸುವೃ॒ಕ್ತಿರ್ಬ್ರಹ್ಮೇಂದ್ರಾ॑ಯ ವ॒ಜ್ರಿಣೇ॑ ಅಕಾರಿ . ಅ॒ವಿ॒ಷ್ಟಂ ಧಿಯೋ॑ ಜಿಗೃ॒ತಂ ಪುರಂ॑ಧೀರ್ಜಜ॒ಸ್ತಮ॒ರ್ಯೋ ವ॒ನುಷಾ॒ಮರಾ॑ತೀಃ ..
ಅ॒ಗ್ನಿರು॒ಕ್ಥೇ ಪು॒ರೋಹಿ॑ತೋ॒ ಗ್ರಾವಾ॑ಣೋ ಬ॒ರ್ಹಿರ॑ಧ್ವ॒ರೇ . ಋ॒ಚಾ ಯಾ॑ಮಿ ಮ॒ರುತೋ॒ ಬ್ರಹ್ಮ॑ಣ॒ಸ್ಪತಿಂ॑ ದೇ॒ವಾಁ ಅವೋ॒ ವರೇ॑ಣ್ಯಂ ..
ಪ॒ವಿತ್ರಂ॑ ತೇ॒ ವಿತ॑ತಂ ಬ್ರಹ್ಮಣಸ್ಪತೇ ಪ್ರ॒ಭುರ್ಗಾತ್ರಾ॑ಣಿ॒ ಪರ್ಯೇ॑ಷಿ ವಿ॒ಶ್ವತಃ॑ . ಅತ॑ಪ್ತತನೂ॒ರ್ನ ತದಾ॒ಮೋ ಅ॑ಶ್ನುತೇ ಶೃ॒ತಾಸ॒ ಇದ್ವಹಂ॑ತ॒ಸ್ತತ್ಸಮಾ॑ಶತ ..
ತ್ವಷ್ಟಾ॑ ಮಾ॒ಯಾ ವೇ॑ದ॒ಪಸಾ॑ಮ॒ಪಸ್ತ॑ಮೋ॒ ಬಿಭ್ರ॒ತ್ಪಾತ್ರಾ॑ ದೇವ॒ಪಾನಾ॑ನಿ॒ ಶಂತ॑ಮಾ . ಶಿಶೀ॑ತೇ ನೂ॒ನಂ ಪ॑ರ॒ಶುಂ ಸ್ವಾ॑ಯ॒ಸಂ ಯೇನ॑ ವೃ॒ಶ್ಚಾದೇತ॑ಶೋ॒ ಬ್ರಹ್ಮ॑ಣ॒ಸ್ಪತಿಃ॑ ..
ಅ॒ಗ್ನಿರಿಂದ್ರೋ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ ವಾ॒ಯುಃ ಪೂ॒ಷಾ ಸರ॑ಸ್ವತೀ ಸ॒ಜೋಷ॑ಸಃ . ಆ॒ದಿ॒ತ್ಯಾ ವಿಷ್ಣು॑ರ್ಮ॒ರುತಃ॒ ಸ್ವ॑ರ್ಬೃ॒ಹತ್ಸೋಮೋ॑ ರು॒ದ್ರೋ ಅದಿ॑ತಿ॒ರ್ಬ್ರಹ್ಮ॑ಣ॒ಸ್ಪತಿಃ॑ ..
ಸ ಈಂ॑ ಸ॒ತ್ಯೇಭಿಃ॒ ಸಖಿ॑ಭಿಃ ಶು॒ಚದ್ಭಿ॒ರ್ಗೋಧಾ॑ಯಸಂ॒ ವಿ ಧ॑ನ॒ಸೈರ॑ದರ್ದಃ . ಬ್ರಹ್ಮ॑ಣ॒ಸ್ಪತಿ॒ರ್ವೃಷ॑ಭಿರ್ವ॒ರಾಹೈ॑ರ್ಘ॒ರ್ಮಸ್ವೇ॑ದೇಭಿ॒ರ್ದ್ರವಿ॑ಣಂ॒ ವ್ಯಾ॑ನಟ್ ..
ಬ್ರಹ್ಮ॑ಣ॒ಸ್ಪತಿ॑ರೇ॒ತಾ ಸಂ ಕ॒ರ್ಮಾರ॑ ಇವಾಧಮತ್ . ದೇ॒ವಾನಾಂ॑ ಪೂ॒ರ್ವ್ಯೇ ಯು॒ಗೇಽಸ॑ತಃ॒ ಸದ॑ಜಾಯತ ..
ಯದಿಂ॑ದ್ರ ಬ್ರಹ್ಮಣಸ್ಪತೇಽಭಿದ್ರೋ॒ಹಂ ಚರಾ॑ಮಸಿ . ಪ್ರಚೇ॑ತಾ ನ ಆಂಗಿರ॒ಸೋ ದ್ವಿ॑ಷ॒ತಾಂ ಪಾ॒ತ್ವಂಹ॑ಸಃ ..
ಇ॒ಮಮಿಂದ್ರೋ॑ ಅದೀಧರದ್ಧ್ರು॒ವಂ ಧ್ರು॒ವೇಣ॑ ಹ॒ವಿಷಾ॑ . ತಸ್ಮೈ॒ ಸೋಮೋ॒ ಅಧಿ॑ ಬ್ರವ॒ತ್ತಸ್ಮಾ॑ ಉ॒ ಬ್ರಹ್ಮ॑ಣ॒ಸ್ಪತಿಃ॑ ..
ಅ॒ಭೀ॒ವ॒ರ್ತೇನ॑ ಹ॒ವಿಷಾ॒ ಯೇನೇಂದ್ರೋ॑ ಅಭಿವಾವೃ॒ತೇ . ತೇನಾ॒ಸ್ಮಾನ್ಬ್ರ॑ಹ್ಮಣಸ್ಪತೇ॒ಽಭಿ ರಾ॒ಷ್ಟ್ರಾಯ॑ ವರ್ತಯ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ಅ॒ಗ್ನಿರ್ಯೇನ॑ ವಿ॒ರಾಜ॑ತಿ॒ ಸೂರ್ಯೋ॒ ಯೇನ॑ ವಿ॒ರಾಜ॑ತಿ ..೧೨..
ವಿ॒ರಾಡ್ಯೇನ॒ ವಿರಾ॑ಜತಿ॒ ತೇನಾ॒ಸ್ಮಾನ್ ಬ್ರ॑ಹ್ಮಣಸ್ಪತೇ॒ ವಿರಾ॑ಜ ಸ॒ಮಿಧಂ॑ ಕುರು ..
ನಿ ಷು ಸೀ॑ದ ಗಣಪತೇ ಗ॒ಣೇಷು॒ ತ್ವಾಮಾ॑ಹು॒ರ್ವಿಪ್ರ॑ತಮಂ ಕವೀ॒ನಾಂ . ನ ಋ॒ತೇ ತ್ವತ್ಕ್ರಿ॑ಯತೇ॒ ಕಿಂ ಚ॒ನಾರೇ ಮ॒ಹಾಮ॒ರ್ಕಂ ಮ॑ಘವಂಚಿ॒ತ್ರಮ॑ರ್ಚ ..
ಅ॒ಯಂ ಮೇ॒ ಹಸ್ತೋ॒ ಭಗ॑ವಾನ॒ಯಂ ಮೇ॒ ಭಗ॑ವತ್ತರಃ . ಅ॒ಯಂ ಮೇ॑ ವಿ॒ಶ್ವಭೇ॑ಷಜೋ॒ಽಯಂ ಶಿ॒ವಾಭಿ॑ಮರ್ಶನಃ ..
ಆಗಾವಇತ್ಯಷ್ಟರ್ಚಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋಭರದ್ವಾಜೋಗೌಸ್ತ್ರಿಷ್ಟುಪ್ (ದ್ವಿತೀಯಾಯಾ ಇಂದ್ರಶ್ಚಾಂತ್ಯಪಾದಸ್ಯಚ) ದ್ವಿತೀಯಾಧ್ಯಾಸ್ತಿಸ್ರೋಜಗತ್ಯೋಂತ್ಯಾನುಷ್ಟುಪ್ .
ಆ ಗಾವೋ॑ ಅಗ್ಮನ್ನು॒ತ ಭ॒ದ್ರಮ॑ಕ್ರಂ॒ತ್ಸೀದಂ॑ತು ಗೋ॒ಷ್ಠೇ ರ॒ಣಯಂ॑ತ್ವ॒ಸ್ಮೇ . ಪ್ರ॒ಜಾವ॑ತೀಃ ಪುರು॒ರೂಪಾ॑ ಇ॒ಹ ಸ್ಯು॒ರಿಂದ್ರಾ॑ಯ ಪೂ॒ರ್ವೀರು॒ಷಸೋ॒ ದುಹಾ॑ನಾಃ ..
ಇಂದ್ರೋ॒ ಯಜ್ವ॑ನೇ ಪೃಣ॒ತೇ ಚ॑ ಶಿಕ್ಷ॒ತ್ಯುಪೇದ್ದ॑ದಾತಿ॒ ನ ಸ್ವಂ ಮು॑ಷಾಯತಿ . ಭೂಯೋ॑ಭೂಯೋ ರ॒ಯಿಮಿದ॑ಸ್ಯ ವ॒ರ್ಧಯ॒ನ್ನಭಿ॑ನ್ನೇ ಖಿ॒ಲ್ಯೇ ನಿ ದ॑ಧಾತಿ ದೇವ॒ಯುಂ ..
ನ ತಾ ನ॑ಶಂತಿ॒ ನ ದ॑ಭಾತಿ॒ ತಸ್ಕ॑ರೋ॒ ನಾಸಾ॑ಮಾಮಿ॒ತ್ರೋ ವ್ಯಥಿ॒ರಾ ದ॑ಧರ್ಷತಿ . ದೇ॒ವಾಁಶ್ಚ॒ ಯಾಭಿ॒ರ್ಯಜ॑ತೇ॒ ದದಾ॑ತಿ ಚ॒ ಜ್ಯೋಗಿತ್ತಾಭಿಃ॑ ಸಚತೇ॒ ಗೋಪ॑ತಿಃ ಸ॒ಹ ..
ನ ತಾ ಅರ್ವಾ॑ ರೇ॒ಣುಕ॑ಕಾಟೋ ಅಶ್ನುತೇ॒ ನ ಸಂ॑ಸ್ಕೃತ॒ತ್ರಮುಪ॑ ಯಂತಿ॒ ತಾ ಅ॒ಭಿ . ಉ॒ರು॒ಗಾ॒ಯಮಭ॑ಯಂ॒ ತಸ್ಯ॒ ತಾ ಅನು॒ ಗಾವೋ॒ ಮರ್ತ॑ಸ್ಯ॒ ವಿ ಚ॑ರಂತಿ॒ ಯಜ್ವ॑ನಃ ..
ಗಾವೋ॒ ಭಗೋ॒ ಗಾವ॒ ಇಂದ್ರೋ॑ ಮೇ ಅಚ್ಛಾ॒ನ್ಗಾವಃ॒ ಸೋಮ॑ಸ್ಯ ಪ್ರಥ॒ಮಸ್ಯ॑ ಭ॒ಕ್ಷಃ . ಇ॒ಮಾ ಯಾ ಗಾವಃ॒ ಸ ಜ॑ನಾಸ॒ ಇಂದ್ರ॑ ಇ॒ಚ್ಛಾಮೀದ್ಧೃ॒ದಾ ಮನ॑ಸಾ ಚಿ॒ದಿಂದ್ರಂ॑ ..
ಯೂ॒ಯಂ ಗಾ॑ವೋ ಮೇದಯಥಾ ಕೃ॒ಶಂ ಚಿ॑ದಶ್ರೀ॒ರಂ ಚಿ॑ತ್ಕೃಣುಥಾ ಸು॒ಪ್ರತೀ॑ಕಂ . ಭ॒ದ್ರಂ ಗೃ॒ಹಂ ಕೃ॑ಣುಥ ಭದ್ರವಾಚೋ ಬೃ॒ಹದ್ವೋ॒ ವಯ॑ ಉಚ್ಯತೇ ಸ॒ಭಾಸು॑ ..
ಪ್ರ॒ಜಾವ॑ತೀಃ ಸೂ॒ಯವ॑ಸಂ ರಿ॒ಶಂತೀಃ॑ ಶು॒ದ್ಧಾ ಅ॒ಪಃ ಸು॑ಪ್ರಪಾ॒ಣೇ ಪಿಬಂ॑ತೀಃ . ಮಾ ವಃ॑ ಸ್ತೇ॒ನ ಈ॑ಶತ॒ ಮಾಘಶಂ॑ಸಃ॒ ಪರಿ॑ ವೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ ..
ಉಪೇ॒ದಮು॑ಪ॒ಪರ್ಚ॑ನಮಾ॒ಸು ಗೋಷೂಪ॑ ಪೃಚ್ಯತಾಂ . ಉಪ॑ ಋಷ॒ಭಸ್ಯ॒ ರೇತ॒ಸ್ಯುಪೇಂ॑ದ್ರ॒ ತವ॑ ವೀ॒ರ್ಯೇ॑ ..
ಮಾ॒ತಾ ರು॒ದ್ರಾಣಾಂ॑ ದುಹಿ॒ತಾ ವಸೂ॑ನಾಂ॒ ಸ್ವಸಾ॑ದಿ॒ತ್ಯಾನಾ॑ಮ॒ಮೃತ॑ಸ್ಯ॒ ನಾಭಿಃ॑ . ಪ್ರ ನು ವೋ॑ಚಂ ಚಿಕಿ॒ತುಷೇ॒ ಜನಾ॑ಯ॒ ಮಾ ಗಾಮನಾ॑ಗಾ॒ಮದಿ॑ತಿಂ ವಧಿಷ್ಟ ..
ವ॒ಚೋ॒ವಿದಂ॒ ವಾಚ॑ಮುದೀ॒ರಯಂ॑ತೀಂ॒ ವಿಶ್ವಾ॑ಭಿರ್ಧೀ॒ಭಿರು॑ಪ॒ತಿಷ್ಠ॑ಮಾನಾಂ . ದೇ॒ವೀಂ ದೇ॒ವೇಭ್ಯಃ॒ ಪರ್ಯೇ॒ಯುಷೀಂ॒ ಗಾಮಾ ಮಾ॑ವೃಕ್ತ॒ ಮರ್ತ್ಯೋ॑ ದ॒ಭ್ರಚೇ॑ತಾಃ ..
ಮಯೋಭೂರಿತಿ ಚತುರೃಚಸ್ಯ ಸೂಕ್ತಸ್ಯ ಕಾಕ್ಷೀವತಃ ಶಂಬರೋಗಾವಸ್ತ್ರಿಷ್ಟುಪ್ .
ಮ॒ಯೋ॒ಭೂರ್ವಾತೋ॑ ಅ॒ಭಿ ವಾ॑ತೂ॒ಸ್ರಾ ಊರ್ಜ॑ಸ್ವತೀ॒ರೋಷ॑ಧೀ॒ರಾ ರಿ॑ಶಂತಾಂ . ಪೀವ॑ಸ್ವತೀರ್ಜೀ॒ವಧ॑ನ್ಯಾಃ ಪಿಬಂತ್ವವ॒ಸಾಯ॑ ಪ॒ದ್ವತೇ॑ ರುದ್ರ ಮೃಳ ..
ಯಾಃ ಸರೂ॑ಪಾ॒ ವಿರೂ॑ಪಾ॒ ಏಕ॑ರೂಪಾ॒ ಯಾಸಾ॑ಮ॒ಗ್ನಿರಿಷ್ಟ್ಯಾ॒ ನಾಮಾ॑ನಿ॒ ವೇದ॑ . ಯಾ ಅಂಗಿ॑ರಸ॒ಸ್ತಪ॑ಸೇ॒ಹ ಚ॒ಕ್ರುಸ್ತಾಭ್ಯಃ॑ ಪರ್ಜನ್ಯ॒ ಮಹಿ॒ ಶರ್ಮ॑ ಯಚ್ಛ ..
ಯಾ ದೇ॒ವೇಷು॑ ತ॒ನ್ವ೧॒॑ಮೈರ॑ಯಂತ॒ ಯಾಸಾಂ॒ ಸೋಮೋ॒ ವಿಶ್ವಾ॑ ರೂ॒ಪಾಣಿ॒ ವೇದ॑ . ತಾ ಅ॒ಸ್ಮಭ್ಯಂ॒ ಪಯ॑ಸಾ॒ ಪಿನ್ವ॑ಮಾನಾಃ ಪ್ರ॒ಜಾವ॑ತೀರಿಂದ್ರ ಗೋ॒ಷ್ಠೇ ರಿ॑ರೀಹಿ ..
ಪ್ರ॒ಜಾಪ॑ತಿ॒ರ್ಮಹ್ಯ॑ಮೇ॒ತಾ ರರಾ॑ಣೋ॒ ವಿಶ್ವೈ॑ರ್ದೇ॒ವೈಃ ಪಿ॒ತೃಭಿಃ॑ ಸಂವಿದಾ॒ನಃ . ಶಿ॒ವಾಃ ಸ॒ತೀರುಪ॑ ನೋ ಗೋ॒ಷ್ಠಮಾಕ॒ಸ್ತಾಸಾಂ॑ ವ॒ಯಂ ಪ್ರ॒ಜಯಾ॒ ಸಂ ಸ॑ದೇಮ ..
ಸಂಸಮಿತಿ ಚತುರೃಚಸ್ಯ ಸೂಕ್ತಸ್ಯಾಂಗಿರಸಃ ಸಂವನನಃ ಆದ್ಯಾಯಾ ಅಗ್ನಿಸ್ತತಸ್ತಿಸೃಣಾಂ ಸಂಜ್ಞಾನಮನುಷ್ಟುಪ್ ತೃತೀಯಾತ್ರಿಷ್ಟುಪ್ .
ಸಂಸ॒ಮಿದ್ಯು॑ವಸೇ ವೃಷ॒ನ್ನಗ್ನೇ॒ ವಿಶ್ವಾ॑ನ್ಯ॒ರ್ಯ ಆ . ಇ॒ಳಸ್ಪ॒ದೇ ಸಮಿ॑ಧ್ಯಸೇ॒ ಸ ನೋ॒ ವಸೂ॒ನ್ಯಾ ಭ॑ರ ..
ಸಂ ಗ॑ಚ್ಛಧ್ವಂ॒ ಸಂ ವ॑ದಧ್ವಂ॒ ಸಂ ವೋ॒ ಮನಾಂ॑ಸಿ ಜಾನತಾಂ . ದೇ॒ವಾ ಭಾ॒ಗಂ ಯಥಾ॒ ಪೂರ್ವೇ॑ ಸಂಜಾನಾ॒ನಾ ಉ॒ಪಾಸ॑ತೇ ..
ಸ॒ಮಾ॒ನೋ ಮಂತ್ರಃ॒ ಸಮಿ॑ತಿಃ ಸಮಾ॒ನೀ ಸ॑ಮಾ॒ನಂ ಮನಃ॑ ಸ॒ಹ ಚಿ॒ತ್ತಮೇ॑ಷಾಂ . ಸ॒ಮಾ॒ನಂ ಮಂತ್ರ॑ಮ॒ಭಿ ಮಂ॑ತ್ರಯೇ ವಃ ಸಮಾ॒ನೇನ॑ ವೋ ಹ॒ವಿಷಾ॑ ಜುಹೋಮಿ ..
ಸ॒ಮಾ॒ನೀ ವ॒ ಆಕೂ॑ತಿಃ ಸಮಾ॒ನಾ ಹೃದ॑ಯಾನಿ ವಃ . ಸ॒ಮಾ॒ನಮ॑ಸ್ತು ವೋ॒ ಮನೋ॒ ಯಥಾ॑ ವಃ॒ ಸುಸ॒ಹಾಸ॑ತಿ ..
ಅಗ್ನಿಮೀಳ ಇತಿ ನವರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋಮಧುಚ್ಛಂದಾಅಗ್ನಿರ್ಗಾಯತ್ರೀ .
ಅ॒ಗ್ನಿಮೀ॑ಳೇ ಪು॒ರೋಹಿ॑ತಂ ಯ॒ಜ್ಞಸ್ಯ॑ ದೇ॒ವಮೃ॒ತ್ವಿಜಂ॑ . ಹೋತಾ॑ರಂ ರತ್ನ॒ಧಾತ॑ಮಂ ..
ಅ॒ಗ್ನಿಃ ಪೂರ್ವೇ॑ಭಿ॒ರ್ಋಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ . ಸ ದೇ॒ವಾಁ ಏಹ ವ॑ಕ್ಷತಿ ..
ಅ॒ಗ್ನಿನಾ॑ ರ॒ಯಿಮ॑ಶ್ನವ॒ತ್ಪೋಷ॑ಮೇ॒ವ ದಿ॒ವೇದಿ॑ವೇ . ಯ॒ಶಸಂ॑ ವೀ॒ರವ॑ತ್ತಮಂ ..
ಅಗ್ನೇ॒ ಯಂ ಯ॒ಜ್ಞಮ॑ಧ್ವ॒ರಂ ವಿ॒ಶ್ವತಃ॑ ಪರಿ॒ಭೂರಸಿ॑ . ಸ ಇದ್ದೇ॒ವೇಷು॑ ಗಚ್ಛತಿ ..
ಅ॒ಗ್ನಿರ್ಹೋತಾ॑ ಕ॒ವಿಕ್ರ॑ತುಃ ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ . ದೇ॒ವೋ ದೇ॒ವೇಭಿ॒ರಾ ಗ॑ಮತ್ ..
ಯದಂ॒ಗ ದಾ॒ಶುಷೇ॒ ತ್ವಮಗ್ನೇ॑ ಭ॒ದ್ರಂ ಕ॑ರಿ॒ಷ್ಯಸಿ॑ . ತವೇತ್ತತ್ಸ॒ತ್ಯಮಂ॑ಗಿರಃ ..
ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ॑ವಸ್ತರ್ಧಿ॒ಯಾ ವ॒ಯಂ . ನಮೋ॒ ಭರಂ॑ತ॒ ಏಮ॑ಸಿ ..
ರಾಜಂ॑ತಮಧ್ವ॒ರಾಣಾಂ॑ ಗೋ॒ಪಾಮೃ॒ತಸ್ಯ॒ ದೀದಿ॑ವಿಂ . ವರ್ಧ॑ಮಾನಂ॒ ಸ್ವೇ ದಮೇ॑ ..
ಸ ನಃ॑ ಪಿ॒ತೇವ॑ ಸೂ॒ನವೇಽಗ್ನೇ॑ ಸೂಪಾಯ॒ನೋ ಭ॑ವ . ಸಚ॑ಸ್ವಾ ನಃ ಸ್ವ॒ಸ್ತಯೇ॑ ..
ಆನೋಭದ್ರಾಇತಿ ದಶರ್ಚಸ್ಯ ಸೂಕ್ತಸ್ಯ ರಾಹೂಗಣೋಗೋತಮೋ ವಿಶ್ವೇದೇವಾಸ್ತ್ರಿಷ್ಟುಪ್ ಆದ್ಯಾಃ ಪಂಚಸಪ್ತಮೀಚ ಜಗತ್ಯಃ ಷಷ್ಠೀವಿರಾಟ್ಸ್ಥಾನಾ (ಸೂಕ್ತಭೇದಪ್ರಯೋಗಪಕ್ಷೇತುಆದ್ಯಾನಾಂಚತಸೃಣಾಂ ವಿಶ್ವೇದೇವಾಃ ತತಏಕಸ್ಯಾಇಂದ್ರಾಪೂಷಣೌತತಶ್ಚತಸೃಣಾಂ ವಿಶ್ವೇದೇವಾಃತತಏಕಸ್ಯಾಅದಿತಿಃ ಏವಂದಶ) .
ಆ ನೋ॑ ಭ॒ದ್ರಾಃ ಕ್ರತ॑ವೋ ಯಂತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದಃ॑ . ದೇ॒ವಾ ನೋ॒ ಯಥಾ॒ ಸದ॒ಮಿದ್ವೃ॒ಧೇ ಅಸ॒ನ್ನಪ್ರಾ॑ಯುವೋ ರಕ್ಷಿ॒ತಾರೋ॑ ದಿ॒ವೇದಿ॑ವೇ ..
ದೇ॒ವಾನಾಂ॑ ಭ॒ದ್ರಾ ಸು॑ಮ॒ತಿರ್ಋ॑ಜೂಯ॒ತಾಂ ದೇ॒ವಾನಾಂ॑ ರಾ॒ತಿರ॒ಭಿ ನೋ॒ ನಿ ವ॑ರ್ತತಾಂ . ದೇ॒ವಾನಾಂ॑ ಸ॒ಖ್ಯಮುಪ॑ ಸೇದಿಮಾ ವ॒ಯಂ ದೇ॒ವಾ ನ॒ ಆಯುಃ॒ ಪ್ರ ತಿ॑ರಂತು ಜೀ॒ವಸೇ॑ ..
ತಾನ್ಪೂರ್ವ॑ಯಾ ನಿ॒ವಿದಾ॑ ಹೂಮಹೇ ವ॒ಯಂ ಭಗಂ॑ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧಂ॑ . ಅ॒ರ್ಯ॒ಮಣಂ॒ ವರು॑ಣಂ॒ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ ..
ತನ್ನೋ॒ ವಾತೋ॑ ಮಯೋ॒ಭು ವಾ॑ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌಃ . ತದ್ಗ್ರಾವಾ॑ಣಃ ಸೋಮ॒ಸುತೋ॑ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವಂ ..
ತಮೀಶಾ॑ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಂ . ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ॑ ..
ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ . ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ..
ಪೃಷ॑ದಶ್ವಾ ಮ॒ರುತಃ॒ ಪೃಶ್ನಿ॑ಮಾತರಃ ಶುಭಂ॒ಯಾವಾ॑ನೋ ವಿ॒ದಥೇ॑ಷು॒ ಜಗ್ಮ॑ಯಃ . ಅ॒ಗ್ನಿ॒ಜಿ॒ಹ್ವಾ ಮನ॑ವಃ॒ ಸೂರ॑ಚಕ್ಷಸೋ॒ ವಿಶ್ವೇ॑ ನೋ ದೇ॒ವಾ ಅವ॒ಸಾ ಗ॑ಮನ್ನಿ॒ಹ ..
ಭ॒ದ್ರಂ ಕರ್ಣೇ॑ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॑ರ್ಯಜತ್ರಾಃ . ಸ್ಥಿ॒ರೈರಂಗೈ॑ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ ..
ಶ॒ತಮಿನ್ನು ಶ॒ರದೋ॒ ಅಂತಿ॑ ದೇವಾ॒ ಯತ್ರಾ॑ ನಶ್ಚ॒ಕ್ರಾ ಜ॒ರಸಂ॑ ತ॒ನೂನಾಂ॑ . ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವಂ॑ತಿ॒ ಮಾ ನೋ॑ ಮ॒ಧ್ಯಾ ರೀ॑ರಿಷ॒ತಾಯು॒ರ್ಗಂತೋಃ॑ ..
ಅದಿ॑ತಿ॒ರ್ದ್ಯೌರದಿ॑ತಿರಂ॒ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ . ವಿಶ್ವೇ॑ ದೇ॒ವಾ ಅದಿ॑ತಿಃ॒ ಪಂಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಂ ..
ಯಾಓಷಧೀರಿತಿ ತ್ರಯೋವಿಂಶತ್ಯೃಚಸ್ಯ ಸೂಕ್ತಸ್ಯಾಥರ್ವಣೋಭಿಷಗೋಷಧಯೋನುಷ್ಟುಪ್ .
ಯಾ ಓಷ॑ಧೀಃ॒ ಪೂರ್ವಾ॑ ಜಾ॒ತಾ ದೇ॒ವೇಭ್ಯ॑ಸ್ತ್ರಿಯು॒ಗಂ ಪು॒ರಾ . ಮನೈ॒ ನು ಬ॒ಭ್ರೂಣಾ॑ಮ॒ಹಂ ಶ॒ತಂ ಧಾಮಾ॑ನಿ ಸ॒ಪ್ತ ಚ॑ ..
ಶ॒ತಂ ವೋ॑ ಅಂಬ॒ ಧಾಮಾ॑ನಿ ಸ॒ಹಸ್ರ॑ಮು॒ತ ವೋ॒ ರುಹಃ॑ . ಅಧಾ॑ ಶತಕ್ರತ್ವೋ ಯೂ॒ಯಮಿ॒ಮಂ ಮೇ॑ ಅಗ॒ದಂ ಕೃ॑ತ ..
ಓಷ॑ಧೀಃ॒ ಪ್ರತಿ॑ ಮೋದಧ್ವಂ॒ ಪುಷ್ಪ॑ವತೀಃ ಪ್ರ॒ಸೂವ॑ರೀಃ . ಅಶ್ವಾ॑ ಇವ ಸ॒ಜಿತ್ವ॑ರೀರ್ವೀ॒ರುಧಃ॑ ಪಾರಯಿ॒ಷ್ಣ್ವಃ॑ ..
ಓಷ॑ಧೀ॒ರಿತಿ॑ ಮಾತರ॒ಸ್ತದ್ವೋ॑ ದೇವೀ॒ರುಪ॑ ಬ್ರುವೇ . ಸ॒ನೇಯ॒ಮಶ್ವಂ॒ ಗಾಂ ವಾಸ॑ ಆ॒ತ್ಮಾನಂ॒ ತವ॑ ಪೂರುಷ ..
ಅ॒ಶ್ವ॒ತ್ಥೇ ವೋ॑ ನಿ॒ಷದ॑ನಂ ಪ॒ರ್ಣೇ ವೋ॑ ವಸ॒ತಿಷ್ಕೃ॒ತಾ . ಗೋ॒ಭಾಜ॒ ಇತ್ಕಿಲಾ॑ಸಥ॒ ಯತ್ಸ॒ನವ॑ಥ॒ ಪೂರು॑ಷಂ ..
ಯತ್ರೌಷ॑ಧೀಃ ಸ॒ಮಗ್ಮ॑ತ॒ ರಾಜಾ॑ನಃ॒ ಸಮಿ॑ತಾವಿವ . ವಿಪ್ರಃ॒ ಸ ಉ॑ಚ್ಯತೇ ಭಿ॒ಷಗ್ರ॑ಕ್ಷೋ॒ಹಾಮೀ॑ವ॒ಚಾತ॑ನಃ ..
ಅ॒ಶ್ವಾ॒ವ॒ತೀಂ ಸೋ॑ಮಾವ॒ತೀಮೂ॒ರ್ಜಯಂ॑ತೀ॒ಮುದೋ॑ಜಸಂ . ಆವಿ॑ತ್ಸಿ॒ ಸರ್ವಾ॒ ಓಷ॑ಧೀರ॒ಸ್ಮಾ ಅ॑ರಿ॒ಷ್ಟತಾ॑ತಯೇ ..
ಉಚ್ಛುಷ್ಮಾ॒ ಓಷ॑ಧೀನಾಂ॒ ಗಾವೋ॑ ಗೋ॒ಷ್ಠಾದಿ॑ವೇರತೇ . ಧನಂ॑ ಸನಿ॒ಷ್ಯಂತೀ॑ನಾಮಾ॒ತ್ಮಾನಂ॒ ತವ॑ ಪೂರುಷ ..
ಇಷ್ಕೃ॑ತಿ॒ರ್ನಾಮ॑ ವೋ ಮಾ॒ತಾಥೋ॑ ಯೂ॒ಯಂ ಸ್ಥ॒ ನಿಷ್ಕೃ॑ತೀಃ . ಸೀ॒ರಾಃ ಪ॑ತ॒ತ್ರಿಣೀಃ॑ ಸ್ಥನ॒ ಯದಾ॒ಮಯ॑ತಿ॒ ನಿಷ್ಕೃ॑ಥ ..
ಅತಿ॒ ವಿಶ್ವಾಃ॑ ಪರಿ॒ಷ್ಠಾಃ ಸ್ತೇ॒ನ ಇ॑ವ ವ್ರ॒ಜಮ॑ಕ್ರಮುಃ . ಓಷ॑ಧೀಃ॒ ಪ್ರಾಚು॑ಚ್ಯವು॒ರ್ಯತ್ಕಿಂ ಚ॑ ತ॒ನ್ವೋ॒೩॒॑ ರಪಃ॑ ..
ಯದಿ॒ಮಾ ವಾ॒ಜಯ॑ನ್ನ॒ಹಮೋಷ॑ಧೀ॒ರ್ಹಸ್ತ॑ ಆದ॒ಧೇ . ಆ॒ತ್ಮಾ ಯಕ್ಷ್ಮ॑ಸ್ಯ ನಶ್ಯತಿ ಪು॒ರಾ ಜೀ॑ವ॒ಗೃಭೋ॑ ಯಥಾ ..
ಯಸ್ಯೌ॑ಷಧೀಃ ಪ್ರ॒ಸರ್ಪ॒ಥಾಂಗ॑ಮಂಗಂ॒ ಪರು॑ಷ್ಪರುಃ . ತತೋ॒ ಯಕ್ಷ್ಮಂ॒ ವಿ ಬಾ॑ಧಧ್ವ ಉ॒ಗ್ರೋ ಮ॑ಧ್ಯಮ॒ಶೀರಿ॑ವ ..
ಸಾ॒ಕಂ ಯ॑ಕ್ಷ್ಮ॒ ಪ್ರ ಪ॑ತ॒ ಚಾಷೇ॑ಣ ಕಿಕಿದೀ॒ವಿನಾ॑ . ಸಾ॒ಕಂ ವಾತ॑ಸ್ಯ॒ ಧ್ರಾಜ್ಯಾ॑ ಸಾ॒ಕಂ ನ॑ಶ್ಯ ನಿ॒ಹಾಕ॑ಯಾ ..
ಅ॒ನ್ಯಾ ವೋ॑ ಅ॒ನ್ಯಾಮ॑ವತ್ವ॒ನ್ಯಾನ್ಯಸ್ಯಾ॒ ಉಪಾ॑ವತ . ತಾಃ ಸರ್ವಾಃ॑ ಸಂವಿದಾ॒ನಾ ಇ॒ದಂ ಮೇ॒ ಪ್ರಾವ॑ತಾ॒ ವಚಃ॑ ..
ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾ ಯಾಶ್ಚ॑ ಪು॒ಷ್ಪಿಣೀಃ॑ . ಬೃಹ॒ಸ್ಪತಿ॑ಪ್ರಸೂತಾ॒ಸ್ತಾ ನೋ॑ ಮುಂಚಂ॒ತ್ವಂಹ॑ಸಃ ..
ಮುಂ॒ಚಂತು॑ ಮಾ ಶಪ॒ಥ್ಯಾ॒೩॒॑ದಥೋ॑ ವರು॒ಣ್ಯಾ॑ದು॒ತ . ಅಥೋ॑ ಯ॒ಮಸ್ಯ॒ ಪಡ್ಬೀ॑ಶಾ॒ತ್ಸರ್ವ॑ಸ್ಮಾದ್ದೇವಕಿಲ್ಬಿ॒ಷಾತ್ ..
ಅ॒ವ॒ಪತಂ॑ತೀರವದಂದಿ॒ವ ಓಷ॑ಧಯ॒ಸ್ಪರಿ॑ . ಯಂ ಜೀ॒ವಮ॒ಶ್ನವಾ॑ಮಹೈ॒ ನ ಸ ರಿ॑ಷ್ಯಾತಿ॒ ಪೂರು॑ಷಃ ..
ಯಾ ಓಷ॑ಧೀಃ॒ ಸೋಮ॑ರಾಜ್ಞೀರ್ಬ॒ಹ್ವೀಃ ಶ॒ತವಿ॑ಚಕ್ಷಣಾಃ . ತಾಸಾಂ॒ ತ್ವಮ॑ಸ್ಯುತ್ತ॒ಮಾರಂ॒ ಕಾಮಾ॑ಯ॒ ಶಂ ಹೃ॒ದೇ ..
ಯಾ ಓಷ॑ಧೀಃ॒ ಸೋಮ॑ರಾಜ್ಞೀ॒ರ್ವಿಷ್ಠಿ॑ತಾಃ ಪೃಥಿ॒ವೀಮನು॑ . ಬೃಹ॒ಸ್ಪತಿ॑ಪ್ರಸೂತಾ ಅ॒ಸ್ಯೈ ಸಂ ದ॑ತ್ತ ವೀ॒ರ್ಯಂ॑ ..
ಮಾ ವೋ॑ ರಿಷತ್ಖನಿ॒ತಾ ಯಸ್ಮೈ॑ ಚಾ॒ಹಂ ಖನಾ॑ಮಿ ವಃ . ದ್ವಿ॒ಪಚ್ಚತು॑ಷ್ಪದ॒ಸ್ಮಾಕಂ॒ ಸರ್ವ॑ಮಸ್ತ್ವನಾತು॒ರಂ ..
ಯಾಶ್ಚೇ॒ದಮು॑ಪಶೃ॒ಣ್ವಂತಿ॒ ಯಾಶ್ಚ॑ ದೂ॒ರಂ ಪರಾ॑ಗತಾಃ . ಸರ್ವಾಃ॑ ಸಂ॒ಗತ್ಯ॑ ವೀರುಧೋ॒ಽಸ್ಯೈ ಸಂ ದ॑ತ್ತ ವೀ॒ರ್ಯಂ॑ ..
ಓಷ॑ಧಯಃ॒ ಸಂ ವ॑ದಂತೇ॒ ಸೋಮೇ॑ನ ಸ॒ಹ ರಾಜ್ಞಾ॑ . ಯಸ್ಮೈ॑ ಕೃ॒ಣೋತಿ॑ ಬ್ರಾಹ್ಮ॒ಣಸ್ತಂ ರಾ॑ಜನ್ಪಾರಯಾಮಸಿ ..
ತ್ವಮು॑ತ್ತ॒ಮಾಸ್ಯೋ॑ಷಧೇ॒ ತವ॑ ವೃ॒ಕ್ಷಾ ಉಪ॑ಸ್ತಯಃ . ಉಪ॑ಸ್ತಿರಸ್ತು॒ ಸೋ॒೩॒॑ಽಸ್ಮಾಕಂ॒ ಯೋ ಅ॒ಸ್ಮಾಁ ಅ॑ಭಿ॒ದಾಸ॑ತಿ ..
ಅಗ್ನಿಹೋತೇತಿ ದಶರ್ಚಸ್ಯ ಸೂಕ್ತಸ್ಯ ಗೌತಮೋವಾಮದೇವೋಗ್ನಿಃ ಸಪ್ತಮ್ಯಷ್ಟಮ್ಯೋಃಸಾಹದೇವ್ಯಃಸೋಮಕಃ ಅಂತ್ಯಯೋರಶ್ವಿನೌಗಾಯತ್ರೀ .
ಅ॒ಗ್ನಿರ್ಹೋತಾ॑ ನೋ ಅಧ್ವ॒ರೇ ವಾ॒ಜೀ ಸನ್ಪರಿ॑ ಣೀಯತೇ . ದೇ॒ವೋ ದೇ॒ವೇಷು॑ ಯ॒ಜ್ಞಿಯಃ॑ ..
ಪರಿ॑ ತ್ರಿವಿ॒ಷ್ಟ್ಯ॑ಧ್ವ॒ರಂ ಯಾತ್ಯ॒ಗ್ನೀ ರ॒ಥೀರಿ॑ವ . ಆ ದೇ॒ವೇಷು॒ ಪ್ರಯೋ॒ ದಧ॑ತ್ ..
ಪರಿ॒ ವಾಜ॑ಪತಿಃ ಕ॒ವಿರ॒ಗ್ನಿರ್ಹ॒ವ್ಯಾನ್ಯ॑ಕ್ರಮೀತ್ . ದಧ॒ದ್ರತ್ನಾ॑ನಿ ದಾ॒ಶುಷೇ॑ ..
ಅ॒ಯಂ ಯಃ ಸೃಂಜ॑ಯೇ ಪು॒ರೋ ದೈ॑ವವಾ॒ತೇ ಸ॑ಮಿ॒ಧ್ಯತೇ॑ . ದ್ಯು॒ಮಾಁ ಅ॑ಮಿತ್ರ॒ದಂಭ॑ನಃ ..
ಅಸ್ಯ॑ ಘಾ ವೀ॒ರ ಈವ॑ತೋ॒ಽಗ್ನೇರೀ॑ಶೀತ॒ ಮರ್ತ್ಯಃ॑ . ತಿ॒ಗ್ಮಜಂ॑ಭಸ್ಯ ಮೀ॒ಳ್ಹುಷಃ॑ ..
ತಮರ್ವಂ॑ತಂ॒ ನ ಸಾ॑ನ॒ಸಿಮ॑ರು॒ಷಂ ನ ದಿ॒ವಃ ಶಿಶುಂ॑ . ಮ॒ರ್ಮೃ॒ಜ್ಯಂತೇ॑ ದಿ॒ವೇದಿ॑ವೇ ..
ಬೋಧ॒ದ್ಯನ್ಮಾ॒ ಹರಿ॑ಭ್ಯಾಂ ಕುಮಾ॒ರಃ ಸಾ॑ಹದೇ॒ವ್ಯಃ . ಅಚ್ಛಾ॒ ನ ಹೂ॒ತ ಉದ॑ರಂ ..
ಉ॒ತ ತ್ಯಾ ಯ॑ಜ॒ತಾ ಹರೀ॑ ಕುಮಾ॒ರಾತ್ಸಾ॑ಹದೇ॒ವ್ಯಾತ್ . ಪ್ರಯ॑ತಾ ಸ॒ದ್ಯ ಆ ದ॑ದೇ ..
ಏ॒ಷ ವಾಂ॑ ದೇವಾವಶ್ವಿನಾ ಕುಮಾ॒ರಃ ಸಾ॑ಹದೇ॒ವ್ಯಃ . ದೀ॒ರ್ಘಾಯು॑ರಸ್ತು॒ ಸೋಮ॑ಕಃ ..
ತಂ ಯು॒ವಂ ದೇ॑ವಾವಶ್ವಿನಾ ಕುಮಾ॒ರಂ ಸಾ॑ಹದೇ॒ವ್ಯಂ . ದೀ॒ರ್ಘಾಯು॑ಷಂ ಕೃಣೋತನ ..
ಕುಮಾರಮಿತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಆತ್ರೇಯಃಕುಮಾರಃ ಕಮೇತಂವಿಜ್ಯೋತಿಷೇತ್ಯನಯೋರ್ಜಾನೋವೃಶೋಗ್ನಿಸ್ತ್ರಿಷ್ಟುಪ್ ಅಂತ್ಯಾಶಕ್ವರೀ ( ಪಾಕ್ಷಿಕೋಜರೋವೃಶಃ ಸರ್ವಸೂಕ್ತೇಪಿ . ಅತ್ರಸರ್ವಾನುಕ್ರಮಭಾಷ್ಯೇಜನನಾಮ್ನಋಷೇಃ ಪುತ್ರೋಜಾನಇತ್ಯೇವನಿರ್ಣೀತಂ . ಜರನಾಗ್ನಋಷೇಃ ಪುತ್ರೋಜಾರೋವೃಶಇತಿತುಸಾಯನಭಾಷ್ಯಂ . )
ಕು॒ಮಾ॒ರಂ ಮಾ॒ತಾ ಯು॑ವ॒ತಿಃ ಸಮು॑ಬ್ಧಂ॒ ಗುಹಾ॑ ಬಿಭರ್ತಿ॒ ನ ದ॑ದಾತಿ ಪಿ॒ತ್ರೇ . ಅನೀ॑ಕಮಸ್ಯ॒ ನ ಮಿ॒ನಜ್ಜನಾ॑ಸಃ ಪು॒ರಃ ಪ॑ಶ್ಯಂತಿ॒ ನಿಹಿ॑ತಮರ॒ತೌ ..
ಕಮೇ॒ತಂ ತ್ವಂ ಯು॑ವತೇ ಕುಮಾ॒ರಂ ಪೇಷೀ॑ ಬಿಭರ್ಷಿ॒ ಮಹಿ॑ಷೀ ಜಜಾನ . ಪೂ॒ರ್ವೀರ್ಹಿ ಗರ್ಭಃ॑ ಶ॒ರದೋ॑ ವ॒ವರ್ಧಾಪ॑ಶ್ಯಂ ಜಾ॒ತಂ ಯದಸೂ॑ತ ಮಾ॒ತಾ ..
ಹಿರ॑ಣ್ಯದಂತಂ॒ ಶುಚಿ॑ವರ್ಣಮಾ॒ರಾತ್ಕ್ಷೇತ್ರಾ॑ದಪಶ್ಯ॒ಮಾಯು॑ಧಾ॒ ಮಿಮಾ॑ನಂ . ದ॒ದಾ॒ನೋ ಅ॑ಸ್ಮಾ ಅ॒ಮೃತಂ॑ ವಿ॒ಪೃಕ್ವ॒ತ್ಕಿಂ ಮಾಮ॑ನಿಂ॒ದ್ರಾಃ ಕೃ॑ಣವನ್ನನು॒ಕ್ಥಾಃ ..
ಕ್ಷೇತ್ರಾ॑ದಪಶ್ಯಂ ಸನು॒ತಶ್ಚರಂ॑ತಂ ಸು॒ಮದ್ಯೂ॒ಥಂ ನ ಪು॒ರು ಶೋಭ॑ಮಾನಂ . ನ ತಾ ಅ॑ಗೃಭ್ರ॒ನ್ನಜ॑ನಿಷ್ಟ॒ ಹಿ ಷಃ ಪಲಿ॑ಕ್ನೀ॒ರಿದ್ಯು॑ವ॒ತಯೋ॑ ಭವಂತಿ ..
ಕೇ ಮೇ॑ ಮರ್ಯ॒ಕಂ ವಿ ಯ॑ವಂತ॒ ಗೋಭಿ॒ರ್ನ ಯೇಷಾಂ॑ ಗೋ॒ಪಾ ಅರ॑ಣಶ್ಚಿ॒ದಾಸ॑ . ಯ ಈಂ॑ ಜಗೃ॒ಭುರವ॒ ತೇ ಸೃ॑ಜಂ॒ತ್ವಾಜಾ॑ತಿ ಪ॒ಶ್ವ ಉಪ॑ ನಶ್ಚಿಕಿ॒ತ್ವಾನ್ ..
ವ॒ಸಾಂ ರಾಜಾ॑ನಂ ವಸ॒ತಿಂ ಜನಾ॑ನಾ॒ಮರಾ॑ತಯೋ॒ ನಿ ದ॑ಧು॒ರ್ಮರ್ತ್ಯೇ॑ಷು . ಬ್ರಹ್ಮಾ॒ಣ್ಯತ್ರೇ॒ರವ॒ ತಂ ಸೃ॑ಜಂತು ನಿಂದಿ॒ತಾರೋ॒ ನಿಂದ್ಯಾ॑ಸೋ ಭವಂತು ..
ಶುನ॑ಶ್ಚಿ॒ಚ್ಛೇಪಂ॒ ನಿದಿ॑ತಂ ಸ॒ಹಸ್ರಾ॒ದ್ಯೂಪಾ॑ದಮುಂಚೋ॒ ಅಶ॑ಮಿಷ್ಟ॒ ಹಿ ಷಃ . ಏ॒ವಾಸ್ಮದ॑ಗ್ನೇ॒ ವಿ ಮು॑ಮುಗ್ಧಿ॒ ಪಾಶಾ॒ನ್ಹೋತ॑ಶ್ಚಿಕಿತ್ವ ಇ॒ಹ ತೂ ನಿ॒ಷದ್ಯ॑ ..
ಹೃ॒ಣೀ॒ಯಮಾ॑ನೋ॒ ಅಪ॒ ಹಿ ಮದೈಯೇಃ॒ ಪ್ರ ಮೇ॑ ದೇ॒ವಾನಾಂ॑ ವ್ರತ॒ಪಾ ಉ॑ವಾಚ . ಇಂದ್ರೋ॑ ವಿ॒ದ್ವಾಁ ಅನು॒ ಹಿ ತ್ವಾ॑ ಚ॒ಚಕ್ಷ॒ ತೇನಾ॒ಹಮ॑ಗ್ನೇ॒ ಅನು॑ಶಿಷ್ಟ॒ ಆಗಾಂ॑ ..
ವಿ ಜ್ಯೋತಿ॑ಷಾ ಬೃಹ॒ತಾ ಭಾ॑ತ್ಯ॒ಗ್ನಿರಾ॒ವಿರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ . ಪ್ರಾದೇ॑ವೀರ್ಮಾ॒ಯಾಃ ಸ॑ಹತೇ ದು॒ರೇವಾಃ॒ ಶಿಶೀ॑ತೇ॒ ಶೃಂಗೇ॒ ರಕ್ಷ॑ಸೇ ವಿ॒ನಿಕ್ಷೇ॑ ..
ಉ॒ತ ಸ್ವಾ॒ನಾಸೋ॑ ದಿ॒ವಿ ಷಂ॑ತ್ವ॒ಗ್ನೇಸ್ತಿ॒ಗ್ಮಾಯು॑ಧಾ॒ ರಕ್ಷ॑ಸೇ॒ ಹಂತ॒ವಾ ಉ॑ . ಮದೇ॑ ಚಿದಸ್ಯ॒ ಪ್ರ ರು॑ಜಂತಿ॒ ಭಾಮಾ॒ ನ ವ॑ರಂತೇ ಪರಿ॒ಬಾಧೋ॒ ಅದೇ॑ವೀಃ ..
ಏ॒ತಂ ತೇ॒ ಸ್ತೋಮಂ॑ ತುವಿಜಾತ॒ ವಿಪ್ರೋ॒ ರಥಂ॒ ನ ಧೀರಃ॒ ಸ್ವಪಾ॑ ಅತಕ್ಷಂ . ಯದೀದ॑ಗ್ನೇ॒ ಪ್ರತಿ॒ ತ್ವಂ ದೇ॑ವ॒ ಹರ್ಯಾಃ॒ ಸ್ವ॑ರ್ವತೀರ॒ಪ ಏ॑ನಾ ಜಯೇಮ ..
ತು॒ವಿ॒ಗ್ರೀವೋ॑ ವೃಷ॒ಭೋ ವಾ॑ವೃಧಾ॒ನೋ॑ಽಶ॒ತ್ರ್ವ೧॒॑ರ್ಯಃ ಸಮ॑ಜಾತಿ॒ ವೇದಃ॑ . ಇತೀ॒ಮಮ॒ಗ್ನಿಮ॒ಮೃತಾ॑ ಅವೋಚನ್ಬ॒ರ್ಹಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸದ್ಧ॒ವಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸತ್ ..
ಯಂ ಕು॑ಮಾರ॒ ನವಂ॒ ರಥ॑ಮಚ॒ಕ್ರಂ ಮನ॒ಸಾಕೃ॑ಣೋಃ . ಏಕೇ॑ಷಂ ವಿ॒ಶ್ವತಃ॒ ಪ್ರಾಂಚ॒ಮಪ॑ಶ್ಯ॒ನ್ನಧಿ॑ ತಿಷ್ಠಸಿ ..
ಯಂ ಕು॑ಮಾರ॒ ಪ್ರಾವ॑ರ್ತಯೋ॒ ರಥಂ॒ ವಿಪ್ರೇ॑ಭ್ಯ॒ಸ್ಪರಿ॑ . ತಂ ಸಾಮಾನು॒ ಪ್ರಾವ॑ರ್ತತ॒ ಸಮಿ॒ತೋ ನಾ॒ವ್ಯಾಹಿ॑ತಂ ..
ಕಃ ಕು॑ಮಾ॒ರಮ॑ಜನಯ॒ದ್ರಥಂ॒ ಕೋ ನಿರ॑ವರ್ತಯತ್ . ಕಃ ಸ್ವಿ॒ತ್ತದ॒ದ್ಯ ನೋ॑ ಬ್ರೂಯಾದನು॒ದೇಯೀ॒ ಯಥಾಭ॑ವತ್ ..
ಯೇಯಜ್ಞೇನೇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಮಾನವೋನಾಭಾನೇದಿಷ್ಠೋ ವಿಶ್ವೇದೇವಾಃ ಪ್ರನೂನಮಿತ್ಯಾದಿಚತಸೃಣಾಂ ಸಾವರ್ಣಿರ್ಜಗತೀ ಪಂಚಮ್ಯಷ್ಟಮೀನವಮ್ಯೋನುಷ್ಟುಭಃ ಷಷ್ಟೀ ಬೃಹತೀ ಸಪ್ತಮೀಸತೋಬೃಹತೀ ದಶಮೀಗಾಯತ್ರೀ ಅಂತ್ಯಾತ್ರಿಷ್ಟುಪ್ (ಭೇದಪಕ್ಷೇ - ಅಂಗಿರಸಃ ೬ ವಿಶ್ವೇದೇವಾಃ ೧ ಸಾವರ್ಣಿಃ ೪ ಏವಂ ೧೧ . ಅಂಗಿರಸೋನುಕ್ರಮಣ್ಯಾಂಪಾಕ್ಷಿಕಾಉಕ್ತಾಃ) . ಯೇಯಜ್ಞೇನೇತಿಚತಸೃಣಾಂ ತ್ರಿಷ್ಟುಪ್ ಛಂದಸ್ತ್ವಂ ಕಶ್ಚಿದ್ಭೂತೇತದ್ಬಹುವಿರುದ್ಧಂ . ವಿರೋಧಾಸ್ತು - ಷಳಂಗಿರಸಾಂ ಸ್ತುತಿರ್ವಾಂತ್ಯಾತ್ರಿಷ್ಟುಬಿತ್ಯನುಕ್ರಮಾಚ್ಛೇಷ ಜಗತ್ಯಇತಿ ಪರಿಭಾಷಾವ್ಯಾಘಾತ ಏಕಃ . ತಾಸಾಂ ತ್ರಿಷ್ಟುಪ್ ಛಂದಸ್ತ್ವೇನಾದೇಶಪರಿಭಾಷಯಾತಾಸಾಮಂತ್ಯಾಯಾಶ್ಚತ್ರಿಷ್ಟುಬ್ವೇ ಸಿದ್ಧೇತ್ಯಾತ್ರಿಷ್ಟುಬಿತಿ ಸಿದ್ಧಾನುವಾದಲಕ್ಷಣದೋಷಾ ವಿಷ್ಕರಣದ್ವಿತೀಯಃ . ದಶಮೀತ್ವಸ್ಯ ಗಾಯತ್ರೀ ಜಗತ್ಯನ್ಯಾವಿನೋತ್ತಮಾಮಿತಿ ಶೌನಕವಚನಾಜ್ಞಾನೇನಸ್ವೇಚ್ಛಯಾವ್ಯಾಖ್ಯಾನಮಿತಿ ತೃತೀಯಶ್ಚೇತಿ) .
ಯೇ ಯ॒ಜ್ಞೇನ॒ ದಕ್ಷಿ॑ಣಯಾ॒ ಸಮ॑ಕ್ತಾ॒ ಇಂದ್ರ॑ಸ್ಯ ಸ॒ಖ್ಯಮ॑ಮೃತ॒ತ್ವಮಾ॑ನ॒ಶ . ತೇಭ್ಯೋ॑ ಭ॒ದ್ರಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಯ ಉ॒ದಾಜ॑ನ್ಪಿ॒ತರೋ॑ ಗೋ॒ಮಯಂ॒ ವಸ್ವೃ॒ತೇನಾಭಿಂ॑ದನ್ಪರಿವತ್ಸ॒ರೇ ವ॒ಲಂ . ದೀ॒ರ್ಘಾ॒ಯು॒ತ್ವಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಯ ಋ॒ತೇನ॒ ಸೂರ್ಯ॒ಮಾರೋ॑ಹಯಂದಿ॒ವ್ಯಪ್ರ॑ಥಯನ್ಪೃಥಿ॒ವೀಂ ಮಾ॒ತರಂ॒ ವಿ . ಸು॒ಪ್ರ॒ಜಾ॒ಸ್ತ್ವಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಅ॒ಯಂ ನಾಭಾ॑ ವದತಿ ವ॒ಲ್ಗು ವೋ॑ ಗೃ॒ಹೇ ದೇವ॑ಪುತ್ರಾ ಋಷಯ॒ಸ್ತಚ್ಛೃ॑ಣೋತನ . ಸು॒ಬ್ರ॒ಹ್ಮ॒ಣ್ಯಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ವಿರೂ॑ಪಾಸ॒ ಇದೃಷ॑ಯ॒ಸ್ತ ಇದ್ಗಂ॑ಭೀ॒ರವೇ॑ಪಸಃ . ತೇ ಅಂಗಿ॑ರಸಃ ಸೂ॒ನವ॒ಸ್ತೇ ಅ॒ಗ್ನೇಃ ಪರಿ॑ ಜಜ್ಞಿರೇ ..
ಯೇ ಅ॒ಗ್ನೇಃ ಪರಿ॑ ಜಜ್ಞಿ॒ರೇ ವಿರೂ॑ಪಾಸೋ ದಿ॒ವಸ್ಪರಿ॑ . ನವ॑ಗ್ವೋ॒ ನು ದಶ॑ಗ್ವೋ॒ ಅಂಗಿ॑ರಸ್ತಮಃ॒ ಸಚಾ॑ ದೇ॒ವೇಷು॑ ಮಂಹತೇ ..
ಇಂದ್ರೇ॑ಣ ಯು॒ಜಾ ನಿಃ ಸೃ॑ಜಂತ ವಾ॒ಘತೋ॑ ವ್ರ॒ಜಂ ಗೋಮಂ॑ತಮ॒ಶ್ವಿನಂ॑ . ಸ॒ಹಸ್ರಂ॑ ಮೇ॒ ದದ॑ತೋ ಅಷ್ಟಕ॒ರ್ಣ್ಯ೧॒॑ಃ ಶ್ರವೋ॑ ದೇ॒ವೇಷ್ವ॑ಕ್ರತ ..
ಪ್ರ ನೂ॒ನಂ ಜಾ॑ಯತಾಮ॒ಯಂ ಮನು॒ಸ್ತೋಕ್ಮೇ॑ವ ರೋಹತು . ಯಃ ಸ॒ಹಸ್ರಂ॑ ಶ॒ತಾಶ್ವಂ॑ ಸ॒ದ್ಯೋ ದಾ॒ನಾಯ॒ ಮಂಹ॑ತೇ ..
ನ ತಮ॑ಶ್ನೋತಿ॒ ಕಶ್ಚ॒ನ ದಿ॒ವ ಇ॑ವ॒ ಸಾನ್ವಾ॒ರಭಂ॑ . ಸಾ॒ವ॒ರ್ಣ್ಯಸ್ಯ॒ ದಕ್ಷಿ॑ಣಾ॒ ವಿ ಸಿಂಧು॑ರಿವ ಪಪ್ರಥೇ ..
ಉ॒ತ ದಾ॒ಸಾ ಪ॑ರಿ॒ವಿಷೇ॒ ಸ್ಮದ್ದಿ॑ಷ್ಟೀ॒ ಗೋಪ॑ರೀಣಸಾ . ಯದು॑ಸ್ತು॒ರ್ವಶ್ಚ॑ ಮಾಮಹೇ ..
ಸ॒ಹ॒ಸ್ರ॒ದಾ ಗ್ರಾ॑ಮ॒ಣೀರ್ಮಾ ರಿ॑ಷ॒ನ್ಮನುಃ॒ ಸೂರ್ಯೇ॑ಣಾಸ್ಯ॒ ಯತ॑ಮಾನೈತು॒ ದಕ್ಷಿ॑ಣಾ . ಸಾವ॑ರ್ಣೇರ್ದೇ॒ವಾಃ ಪ್ರ ತಿ॑ರಂ॒ತ್ವಾಯು॒ರ್ಯಸ್ಮಿ॒ನ್ನಶ್ರಾಂ॑ತಾ॒ ಅಸ॑ನಾಮ॒ ವಾಜಂ॑ ..
ಪ್ರಾತರಗ್ನಿಮಿತಿ ಸಪ್ತರ್ಚಸ್ಯ ಸೂಕಸ್ಯ ಮೈತ್ರಾವರುಣಿರ್ವಸಿಷ್ಠೋಭಗಃ ಆದ್ಯಾಯಾಅಗ್ನೀಂದ್ರ ಮಿತ್ರಾವರುಣಾಶ್ವಿಭಗಪೂಷಬ್ರಹ್ಮಣಸ್ಪತಿಸೋಮರುದ್ರಾದೇವತಾಃ ಅಂತ್ಯಾಯಾಉಷಾ ಆದ್ಯಾಜಗತೀ ಶೇಷಾಸ್ತ್ರಿಷ್ಟುಭಃ .
ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರಂ॑ ಹವಾಮಹೇ ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ॑ . ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॑ ಪ್ರಾ॒ತಃ ಸೋಮ॑ಮು॒ತ ರು॒ದ್ರಂ ಹು॑ವೇಮ ..
ಪ್ರಾ॒ತ॒ರ್ಜಿತಂ॒ ಭಗ॑ಮು॒ಗ್ರಂ ಹು॑ವೇಮ ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ . ಆ॒ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ॑ ಚಿ॒ದ್ಯಂ ಭಗಂ॑ ಭ॒ಕ್ಷೀತ್ಯಾಹ॑ ..
ಭಗ॒ ಪ್ರಣೇ॑ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವಾ॒ ದದ॑ನ್ನಃ . ಭಗ॒ ಪ್ರ ಣೋ॑ ಜನಯ॒ ಗೋಭಿ॒ರಶ್ವೈ॒ರ್ಭಗ॒ ಪ್ರ ನೃಭಿ॑ರ್ನೃ॒ವಂತಃ॑ ಸ್ಯಾಮ ..
ಉ॒ತೇದಾನೀಂ॒ ಭಗ॑ವಂತಃ ಸ್ಯಾಮೋ॒ತ ಪ್ರ॑ಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾಂ॑ . ಉ॒ತೋದಿ॑ತಾ ಮಘವಂ॒ತ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾಂ॑ ಸುಮ॒ತೌ ಸ್ಯಾ॑ಮ ..
ಭಗ॑ ಏ॒ವ ಭಗ॑ವಾಁ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವಂತಃ ಸ್ಯಾಮ . ತಂ ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀತಿ॒ ಸ ನೋ॑ ಭಗ ಪುರಏ॒ತಾ ಭ॑ವೇ॒ಹ ..
ಸಮ॑ಧ್ವ॒ರಾಯೋ॒ಷಸೋ॑ ನಮಂತ ದಧಿ॒ಕ್ರಾವೇ॑ವ॒ ಶುಚ॑ಯೇ ಪ॒ದಾಯ॑ . ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗಂ॑ ನೋ॒ ರಥ॑ಮಿ॒ವಾಶ್ವಾ॑ ವಾ॒ಜಿನ॒ ಆ ವ॑ಹಂತು ..
ಅಶ್ವಾ॑ವತೀ॒ರ್ಗೋಮ॑ತೀರ್ನ ಉ॒ಷಾಸೋ॑ ವೀ॒ರವ॑ತೀಃ॒ ಸದ॑ಮುಚ್ಛಂತು ಭ॒ದ್ರಾಃ . ಘೃ॒ತಂ ದುಹಾ॑ನಾ ವಿ॒ಶ್ವತಃ॒ ಪ್ರಪೀ॑ತಾ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಯಸ್ತೇಮನ್ಯವಿತಿ ಸಪ್ತರ್ಚಸ್ಯ ಸೂಕ್ತಸ್ಯ ತಾಪಸೋ ಮನ್ಯುರ್ಮನ್ಯುಸ್ತ್ರಿಷ್ಟುಬಾದ್ಯಾಜಗತೀ .
ಯಸ್ತೇ॑ ಮ॒ನ್ಯೋಽವಿ॑ಧದ್ವಜ್ರ ಸಾಯಕ॒ ಸಹ॒ ಓಜಃ॑ ಪುಷ್ಯತಿ॒ ವಿಶ್ವ॑ಮಾನು॒ಷಕ್ . ಸಾ॒ಹ್ಯಾಮ॒ ದಾಸ॒ಮಾರ್ಯಂ॒ ತ್ವಯಾ॑ ಯು॒ಜಾ ಸಹ॑ಸ್ಕೃತೇನ॒ ಸಹ॑ಸಾ॒ ಸಹ॑ಸ್ವತಾ ..
ಮ॒ನ್ಯುರಿಂದ್ರೋ॑ ಮ॒ನ್ಯುರೇ॒ವಾಸ॑ ದೇ॒ವೋ ಮ॒ನ್ಯುರ್ಹೋತಾ॒ ವರು॑ಣೋ ಜಾ॒ತವೇ॑ದಾಃ . ಮ॒ನ್ಯುಂ ವಿಶ॑ ಈಳತೇ॒ ಮಾನು॑ಷೀ॒ರ್ಯಾಃ ಪಾ॒ಹಿ ನೋ॑ ಮನ್ಯೋ॒ ತಪ॑ಸಾ ಸ॒ಜೋಷಾಃ॑ ..
ಅ॒ಭೀ॑ಹಿ ಮನ್ಯೋ ತ॒ವಸ॒ಸ್ತವೀ॑ಯಾಂ॒ತಪ॑ಸಾ ಯು॒ಜಾ ವಿ ಜ॑ಹಿ॒ ಶತ್ರೂ॑ನ್ . ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹಾ ಚ॒ ವಿಶ್ವಾ॒ ವಸೂ॒ನ್ಯಾ ಭ॑ರಾ॒ ತ್ವಂ ನಃ॑ ..
ತ್ವಂ ಹಿ ಮ॑ನ್ಯೋ ಅ॒ಭಿಭೂ॑ತ್ಯೋಜಾಃ ಸ್ವಯಂ॒ಭೂರ್ಭಾಮೋ॑ ಅಭಿಮಾತಿಷಾ॒ಹಃ . ವಿ॒ಶ್ವಚ॑ರ್ಷಣಿಃ॒ ಸಹು॑ರಿಃ॒ ಸಹಾ॑ವಾನ॒ಸ್ಮಾಸ್ವೋಜಃ॒ ಪೃತ॑ನಾಸು ಧೇಹಿ ..
ಅ॒ಭಾ॒ಗಃ ಸನ್ನಪ॒ ಪರೇ॑ತೋ ಅಸ್ಮಿ॒ ತವ॒ ಕ್ರತ್ವಾ॑ ತವಿ॒ಷಸ್ಯ॑ ಪ್ರಚೇತಃ . ತಂ ತ್ವಾ॑ ಮನ್ಯೋ ಅಕ್ರ॒ತುರ್ಜಿ॑ಹೀಳಾ॒ಹಂ ಸ್ವಾ ತ॒ನೂರ್ಬ॑ಲ॒ದೇಯಾ॑ಯ॒ ಮೇಹಿ॑ ..
ಅ॒ಯಂ ತೇ॑ ಅ॒ಸ್ಮ್ಯುಪ॒ ಮೇಹ್ಯ॒ರ್ವಾಙ್ಪ್ರ॑ತೀಚೀ॒ನಃ ಸ॑ಹುರೇ ವಿಶ್ವಧಾಯಃ . ಮನ್ಯೋ॑ ವಜ್ರಿನ್ನ॒ಭಿ ಮಾಮಾ ವ॑ವೃತ್ಸ್ವ॒ ಹನಾ॑ವ॒ ದಸ್ಯೂಁ॑ರು॒ತ ಬೋ॑ಧ್ಯಾ॒ಪೇಃ ..
ಅ॒ಭಿ ಪ್ರೇಹಿ॑ ದಕ್ಷಿಣ॒ತೋ ಭ॑ವಾ॒ ಮೇಽಧಾ॑ ವೃ॒ತ್ರಾಣಿ॑ ಜಂಘನಾವ॒ ಭೂರಿ॑ . ಜು॒ಹೋಮಿ॑ ತೇ ಧ॒ರುಣಂ॒ ಮಧ್ವೋ॒ ಅಗ್ರ॑ಮು॒ಭಾ ಉ॑ಪಾಂ॒ಶು ಪ್ರ॑ಥ॒ಮಾ ಪಿ॑ಬಾವ ..
ತ್ವಯಾಮನ್ಯವಿತಿ ಸಪ್ತರ್ಚಸ್ಯ ಸೂಕ್ತಸ್ಯ ತಾಪಸೋ ಮನ್ಯುರ್ಮನ್ಯುರ್ಜಗತೀ ಆದ್ಯಾಸ್ತಿಸ್ರಸ್ತ್ರಿಷ್ಟುಭಃ .
ತ್ವಯಾ॑ ಮನ್ಯೋ ಸ॒ರಥ॑ಮಾರು॒ಜಂತೋ॒ ಹರ್ಷ॑ಮಾಣಾಸೋ ಧೃಷಿ॒ತಾ ಮ॑ರುತ್ವಃ . ತಿ॒ಗ್ಮೇಷ॑ವ॒ ಆಯು॑ಧಾ ಸಂ॒ಶಿಶಾ॑ನಾ ಅ॒ಭಿ ಪ್ರ ಯಂ॑ತು॒ ನರೋ॑ ಅ॒ಗ್ನಿರೂ॑ಪಾಃ ..
ಅ॒ಗ್ನಿರಿ॑ವ ಮನ್ಯೋ ತ್ವಿಷಿ॒ತಃ ಸ॑ಹಸ್ವ ಸೇನಾ॒ನೀರ್ನಃ॑ ಸಹುರೇ ಹೂ॒ತ ಏ॑ಧಿ . ಹ॒ತ್ವಾಯ॒ ಶತ್ರೂ॒ನ್ವಿ ಭ॑ಜಸ್ವ॒ ವೇದ॒ ಓಜೋ॒ ಮಿಮಾ॑ನೋ॒ ವಿ ಮೃಧೋ॑ ನುದಸ್ವ ..
ಸಹ॑ಸ್ವ ಮನ್ಯೋ ಅ॒ಭಿಮಾ॑ತಿಮ॒ಸ್ಮೇ ರು॒ಜನ್ಮೃ॒ಣನ್ಪ್ರ॑ಮೃ॒ಣನ್ಪ್ರೇಹಿ॒ ಶತ್ರೂ॑ನ್ . ಉ॒ಗ್ರಂ ತೇ॒ ಪಾಜೋ॑ ನ॒ನ್ವಾ ರು॑ರುಧ್ರೇ ವ॒ಶೀ ವಶಂ॑ ನಯಸ ಏಕಜ॒ ತ್ವಂ ..
ಏಕೋ॑ ಬಹೂ॒ನಾಮ॑ಸಿ ಮನ್ಯವೀಳಿ॒ತೋ ವಿಶಂ॑ವಿಶಂ ಯು॒ಧಯೇ॒ ಸಂ ಶಿ॑ಶಾಧಿ . ಅಕೃ॑ತ್ತರು॒ಕ್ತ್ವಯಾ॑ ಯು॒ಜಾ ವ॒ಯಂ ದ್ಯು॒ಮಂತಂ॒ ಘೋಷಂ॑ ವಿಜ॒ಯಾಯ॑ ಕೃಣ್ಮಹೇ ..
ವಿ॒ಜೇ॒ಷ॒ಕೃದಿಂದ್ರ॑ ಇವಾನವಬ್ರ॒ವೋ॒೩॒॑ಽಸ್ಮಾಕಂ॑ ಮನ್ಯೋ ಅಧಿ॒ಪಾ ಭ॑ವೇ॒ಹ . ಪ್ರಿ॒ಯಂ ತೇ॒ ನಾಮ॑ ಸಹುರೇ ಗೃಣೀಮಸಿ ವಿ॒ದ್ಮಾ ತಮುತ್ಸಂ॒ ಯತ॑ ಆಬ॒ಭೂಥ॑ ..
ಆಭೂ॑ತ್ಯಾ ಸಹ॒ಜಾ ವ॑ಜ್ರ ಸಾಯಕ॒ ಸಹೋ॑ ಬಿಭರ್ಷ್ಯಭಿಭೂತ॒ ಉತ್ತ॑ರಂ . ಕ್ರತ್ವಾ॑ ನೋ ಮನ್ಯೋ ಸ॒ಹ ಮೇ॒ದ್ಯೇ॑ಧಿ ಮಹಾಧ॒ನಸ್ಯ॑ ಪುರುಹೂತ ಸಂ॒ಸೃಜಿ॑ ..
ಸಂಸೃ॑ಷ್ಟಂ॒ ಧನ॑ಮು॒ಭಯಂ॑ ಸ॒ಮಾಕೃ॑ತಮ॒ಸ್ಮಭ್ಯಂ॑ ದತ್ತಾಂ॒ ವರು॑ಣಶ್ಚ ಮ॒ನ್ಯುಃ . ಭಿಯಂ॒ ದಧಾ॑ನಾ॒ ಹೃದ॑ಯೇಷು॒ ಶತ್ರ॑ವಃ॒ ಪರಾ॑ಜಿತಾಸೋ॒ ಅಪ॒ ನಿ ಲ॑ಯಂತಾಂ ..
ಕೃಣುಷ್ವೇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಗೌತಮೋವಾಮದೇವೋರಕ್ಷೋಹಾಗ್ನಿಸ್ತ್ರಿಷ್ಟುಪ್ .
ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿಂ॒ ನ ಪೃ॒ಥ್ವೀಂ ಯಾ॒ಹಿ ರಾಜೇ॒ವಾಮ॑ವಾಁ॒ ಇಭೇ॑ನ . ತೃ॒ಷ್ವೀಮನು॒ ಪ್ರಸಿ॑ತಿಂ ದ್ರೂಣಾ॒ನೋಽಸ್ತಾ॑ಸಿ॒ ವಿಧ್ಯ॑ ರ॒ಕ್ಷಸ॒ಸ್ತಪಿ॑ಷ್ಠೈಃ ..
ತವ॑ ಭ್ರ॒ಮಾಸ॑ ಆಶು॒ಯಾ ಪ॑ತಂ॒ತ್ಯನು॑ ಸ್ಪೃಶ ಧೃಷ॒ತಾ ಶೋಶು॑ಚಾನಃ . ತಪೂಂ॑ಷ್ಯಗ್ನೇ ಜು॒ಹ್ವಾ॑ ಪತಂ॒ಗಾನಸಂ॑ದಿತೋ॒ ವಿ ಸೃ॑ಜ॒ ವಿಷ್ವ॑ಗು॒ಲ್ಕಾಃ ..
ಪ್ರತಿ॒ ಸ್ಪಶೋ॒ ವಿ ಸೃ॑ಜ॒ ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ . ಯೋ ನೋ॑ ದೂ॒ರೇ ಅ॒ಘಶಂ॑ಸೋ॒ ಯೋ ಅಂತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್ಷೀತ್ ..
ಉದ॑ಗ್ನೇ ತಿಷ್ಠ॒ ಪ್ರತ್ಯಾ ತ॑ನುಷ್ವ॒ ನ್ಯ೧॒॑ಮಿತ್ರಾಁ॑ ಓಷತಾತ್ತಿಗ್ಮಹೇತೇ . ಯೋ ನೋ॒ ಅರಾ॑ತಿಂ ಸಮಿಧಾನ ಚ॒ಕ್ರೇ ನೀ॒ಚಾ ತಂ ಧ॑ಕ್ಷ್ಯತ॒ಸಂ ನ ಶುಷ್ಕಂ॑ ..
ಊ॒ರ್ಧ್ವೋ ಭ॑ವ॒ ಪ್ರತಿ॑ ವಿ॒ಧ್ಯಾಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ॑ನ್ಯಗ್ನೇ . ಅವ॑ ಸ್ಥಿ॒ರಾ ತ॑ನುಹಿ ಯಾತು॒ಜೂನಾಂ॑ ಜಾ॒ಮಿಮಜಾ॑ಮಿಂ॒ ಪ್ರ ಮೃ॑ಣೀಹಿ॒ ಶತ್ರೂ॑ನ್ ..
ಸ ತೇ॑ ಜಾನಾತಿ ಸುಮ॒ತಿಂ ಯ॑ವಿಷ್ಠ॒ ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ . ವಿಶ್ವಾ॑ನ್ಯಸ್ಮೈ ಸು॒ದಿನಾ॑ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿ ದುರೋ॑ ಅ॒ಭಿ ದ್ಯೌ॑ತ್ ..
ಸೇದ॑ಗ್ನೇ ಅಸ್ತು ಸು॒ಭಗಃ॑ ಸು॒ದಾನು॒ರ್ಯಸ್ತ್ವಾ॒ ನಿತ್ಯೇ॑ನ ಹ॒ವಿಷಾ॒ ಯ ಉ॒ಕ್ಥೈಃ . ಪಿಪ್ರೀ॑ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒ ಸಾಸ॑ದಿ॒ಷ್ಟಿಃ ..
ಅರ್ಚಾ॑ಮಿ ತೇ ಸುಮ॒ತಿಂ ಘೋಷ್ಯ॒ರ್ವಾಕ್ಸಂ ತೇ॑ ವಾ॒ವಾತಾ॑ ಜರತಾಮಿ॒ಯಂ ಗೀಃ . ಸ್ವಶ್ವಾ॑ಸ್ತ್ವಾ ಸು॒ರಥಾ॑ ಮರ್ಜಯೇಮಾ॒ಸ್ಮೇ ಕ್ಷ॒ತ್ರಾಣಿ॑ ಧಾರಯೇ॒ರನು॒ ದ್ಯೂನ್ ..
ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ದುಪ॒ ತ್ಮಂದೋಷಾ॑ವಸ್ತರ್ದೀದಿ॒ವಾಂಸ॒ಮನು॒ ದ್ಯೂನ್ . ಕ್ರೀಳಂ॑ತಸ್ತ್ವಾ ಸು॒ಮನ॑ಸಃ ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾಂಸೋ॒ ಜನಾ॑ನಾಂ ..
ಯಸ್ತ್ವಾ॒ ಸ್ವಶ್ವಃ॑ ಸುಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ॑ನ . ತಸ್ಯ॑ ತ್ರಾ॒ತಾ ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯಮಾ॑ನು॒ಷಗ್ಜುಜೋ॑ಷತ್ ..
ಮ॒ಹೋ ರು॑ಜಾಮಿ ಬಂ॒ಧುತಾ॒ ವಚೋ॑ಭಿ॒ಸ್ತನ್ಮಾ॑ ಪಿ॒ತುರ್ಗೋತ॑ಮಾ॒ದನ್ವಿ॑ಯಾಯ . ತ್ವಂ ನೋ॑ ಅ॒ಸ್ಯ ವಚ॑ಸಶ್ಚಿಕಿದ್ಧಿ॒ ಹೋತ॑ರ್ಯವಿಷ್ಠ ಸುಕ್ರತೋ॒ ದಮೂ॑ನಾಃ ..
ಅಸ್ವ॑ಪ್ನಜಸ್ತ॒ರಣ॑ಯಃ ಸು॒ಶೇವಾ॒ ಅತಂ॑ದ್ರಾಸೋಽವೃ॒ಕಾ ಅಶ್ರ॑ಮಿಷ್ಠಾಃ . ತೇ ಪಾ॒ಯವಃ॑ ಸ॒ಧ್ರ್ಯಂ॑ಚೋ ನಿ॒ಷದ್ಯಾಗ್ನೇ॒ ತವ॑ ನಃ ಪಾಂತ್ವಮೂರ ..
ಯೇ ಪಾ॒ಯವೋ॑ ಮಾಮತೇ॒ಯಂ ತೇ॑ ಅಗ್ನೇ॒ ಪಶ್ಯಂ॑ತೋ ಅಂ॒ಧಂ ದು॑ರಿ॒ತಾದರ॑ಕ್ಷನ್ . ರ॒ರಕ್ಷ॒ ತಾಂತ್ಸು॒ಕೃತೋ॑ ವಿ॒ಶ್ವವೇ॑ದಾ॒ ದಿಪ್ಸಂ॑ತ॒ ಇದ್ರಿ॒ಪವೋ॒ ನಾಹ॑ ದೇಭುಃ ..
ತ್ವಯಾ॑ ವ॒ಯಂ ಸ॑ಧ॒ನ್ಯ೧॒॑ಸ್ತ್ವೋತಾ॒ಸ್ತವ॒ ಪ್ರಣೀ॑ತ್ಯಶ್ಯಾಮ॒ ವಾಜಾ॑ನ್ . ಉ॒ಭಾ ಶಂಸಾ॑ ಸೂದಯ ಸತ್ಯತಾತೇಽನುಷ್ಠು॒ಯಾ ಕೃ॑ಣುಹ್ಯಹ್ರಯಾಣ ..
ಅ॒ಯಾ ತೇ॑ ಅಗ್ನೇ ಸ॒ಮಿಧಾ॑ ವಿಧೇಮ॒ ಪ್ರತಿ॒ ಸ್ತೋಮಂ॑ ಶ॒ಸ್ಯಮಾ॑ನಂ ಗೃಭಾಯ . ದಹಾ॒ಶಸೋ॑ ರ॒ಕ್ಷಸಃ॑ ಪಾ॒ಹ್ಯ೧॒॑ಸ್ಮಾಂದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ ..
ಇಂದ್ರಾಸೋಮೇತಿ ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಇಂದ್ರಾಸೋಮೌ ಅಷ್ಟಮೀಷೋಡಶ್ಯೇಕೋನವಿಂಶೀ ವಿಂಶ್ಯೇಕವಿಂಶೀ ದ್ವಾವಿಂಶೀ ಚತುರ್ವಿಂಶೀನಾಮಿಂದ್ರಃ ನವಮೀ ದ್ವಾದಶೀ ತ್ರಯೋದಶೀನಾಂಸೋಮಃ ದಶಮೀಚತುರ್ದಶ್ಯೋರಗ್ನಿಃ ಏಕಾದಶ್ಯಾ ವಿಶ್ವೇದೇವಾಃ ಸಪ್ತದಶ್ಯಾಗ್ರಾವಾಣಃ ಅಷ್ಟಾದಶ್ಯಾಮರುತಃ ತ್ರಯೋವಿಂಶ್ಯಾವಸಿಷ್ಠಾಶೀಃ ಪೃಥಿವ್ಯಂತರಿಕ್ಷಾಣಿ ಆದ್ಯಾಃ ಷಡಷ್ಟಾದಶೀ ದ್ವಾವಿಂಶೀ ತ್ರಯೋವಿಂಶ್ಯೋಜಗತ್ಯೋಂತ್ಯಾನುಷ್ಟುಪ್ ಶಿಷ್ಟಾಸ್ತ್ರಿಷ್ಟುಭಃ. (ಅಸ್ಮಿನ್ಸೂಕ್ತೇ ರಕ್ಷೋಘ್ನತ್ವಂಗುಣಃ ಸರ್ವಾಸಾಂದೇವತಾನಾಂವಕ್ತವ್ಯಃ) .
ಇಂದ್ರಾ॑ಸೋಮಾ॒ ತಪ॑ತಂ॒ ರಕ್ಷ॑ ಉ॒ಬ್ಜತಂ॒ ನ್ಯ॑ರ್ಪಯತಂ ವೃಷಣಾ ತಮೋ॒ವೃಧಃ॑ . ಪರಾ॑ ಶೃಣೀತಮ॒ಚಿತೋ॒ ನ್ಯೋ॑ಷತಂ ಹ॒ತಂ ನು॒ದೇಥಾಂ॒ ನಿ ಶಿ॑ಶೀತಮ॒ತ್ರಿಣಃ॑ ..
ಇಂದ್ರಾ॑ಸೋಮಾ॒ ಸಮ॒ಘಶಂ॑ಸಮ॒ಭ್ಯ೧॒॑ಘಂ ತಪು॑ರ್ಯಯಸ್ತು ಚ॒ರುರ॑ಗ್ನಿ॒ವಾಁ ಇ॑ವ . ಬ್ರ॒ಹ್ಮ॒ದ್ವಿಷೇ॑ ಕ್ರ॒ವ್ಯಾದೇ॑ ಘೋ॒ರಚ॑ಕ್ಷಸೇ॒ ದ್ವೇಷೋ॑ ಧತ್ತಮನವಾ॒ಯಂ ಕಿ॑ಮೀ॒ದಿನೇ॑ ..
ಇಂದ್ರಾ॑ಸೋಮಾ ದು॒ಷ್ಕೃತೋ॑ ವ॒ವ್ರೇ ಅಂ॒ತರ॑ನಾರಂಭ॒ಣೇ ತಮ॑ಸಿ॒ ಪ್ರ ವಿ॑ಧ್ಯತಂ . ಯಥಾ॒ ನಾತಃ॒ ಪುನ॒ರೇಕ॑ಶ್ಚ॒ನೋದಯ॒ತ್ತದ್ವಾ॑ಮಸ್ತು॒ ಸಹ॑ಸೇ ಮನ್ಯು॒ಮಚ್ಛವಃ॑ ..
ಇಂದ್ರಾ॑ಸೋಮಾ ವ॒ರ್ತಯ॑ತಂ ದಿ॒ವೋ ವ॒ಧಂ ಸಂ ಪೃ॑ಥಿ॒ವ್ಯಾ ಅ॒ಘಶಂ॑ಸಾಯ॒ ತರ್ಹ॑ಣಂ . ಉತ್ತ॑ಕ್ಷತಂ ಸ್ವ॒ರ್ಯಂ೧॒॑ ಪರ್ವ॑ತೇಭ್ಯೋ॒ ಯೇನ॒ ರಕ್ಷೋ॑ ವಾವೃಧಾ॒ನಂ ನಿ॒ಜೂರ್ವ॑ಥಃ ..
ಇಂದ್ರಾ॑ಸೋಮಾ ವ॒ರ್ತಯ॑ತಂ ದಿ॒ವಸ್ಪರ್ಯ॑ಗ್ನಿತ॒ಪ್ತೇಭಿ॑ರ್ಯು॒ವಮಶ್ಮ॑ಹನ್ಮಭಿಃ . ತಪು॑ರ್ವಧೇಭಿರ॒ಜರೇ॑ಭಿರ॒ತ್ರಿಣೋ॒ ನಿ ಪರ್ಶಾ॑ನೇ ವಿಧ್ಯತಂ॒ ಯಂತು॑ ನಿಸ್ವ॒ರಂ ..
ಇಂದ್ರಾ॑ಸೋಮಾ॒ ಪರಿ॑ ವಾಂ ಭೂತು ವಿ॒ಶ್ವತ॑ ಇ॒ಯಂ ಮ॒ತಿಃ ಕ॒ಕ್ಷ್ಯಾಶ್ವೇ॑ವ ವಾ॒ಜಿನಾ॑ . ಯಾಂ ವಾಂ॒ ಹೋತ್ರಾಂ॑ ಪರಿಹಿ॒ನೋಮಿ॑ ಮೇ॒ಧಯೇ॒ಮಾ ಬ್ರಹ್ಮಾ॑ಣಿ ನೃ॒ಪತೀ॑ವ ಜಿನ್ವತಂ ..
ಪ್ರತಿ॑ ಸ್ಮರೇಥಾಂ ತು॒ಜಯ॑ದ್ಭಿ॒ರೇವೈ॑ರ್ಹ॒ತಂ ದ್ರು॒ಹೋ ರ॒ಕ್ಷಸೋ॑ ಭಂಗು॒ರಾವ॑ತಃ . ಇಂದ್ರಾ॑ಸೋಮಾ ದು॒ಷ್ಕೃತೇ॒ ಮಾ ಸು॒ಗಂ ಭೂ॒ದ್ಯೋ ನಃ॑ ಕ॒ದಾ ಚಿ॑ದಭಿ॒ದಾಸ॑ತಿ ದ್ರು॒ಹಾ ..
ಯೋ ಮಾ॒ ಪಾಕೇ॑ನ॒ ಮನ॑ಸಾ॒ ಚರಂ॑ತಮಭಿ॒ಚಷ್ಟೇ॒ ಅನೃ॑ತೇಭಿ॒ರ್ವಚೋ॑ಭಿಃ . ಆಪ॑ ಇವ ಕಾ॒ಶಿನಾ॒ ಸಂಗೃ॑ಭೀತಾ॒ ಅಸ॑ನ್ನ॒ಸ್ತ್ವಾಸ॑ತ ಇಂದ್ರ ವ॒ಕ್ತಾ ..
ಯೇ ಪಾ॑ಕಶಂ॒ಸಂ ವಿ॒ಹರಂ॑ತ॒ ಏವೈ॒ರ್ಯೇ ವಾ॑ ಭ॒ದ್ರಂ ದೂ॒ಷಯಂ॑ತಿ ಸ್ವ॒ಧಾಭಿಃ॑ . ಅಹ॑ಯೇ ವಾ॒ ತಾನ್ಪ್ರ॒ದದಾ॑ತು॒ ಸೋಮ॒ ಆ ವಾ॑ ದಧಾತು॒ ನಿರ್ಋ॑ತೇರು॒ಪಸ್ಥೇ॑ ..
ಯೋ ನೋ॒ ರಸಂ॒ ದಿಪ್ಸ॑ತಿ ಪಿ॒ತ್ವೋ ಅ॑ಗ್ನೇ॒ ಯೋ ಅಶ್ವಾ॑ನಾಂ॒ ಯೋ ಗವಾಂ॒ ಯಸ್ತ॒ನೂನಾಂ॑ . ರಿ॒ಪುಃ ಸ್ತೇ॒ನಃ ಸ್ತೇ॑ಯ॒ಕೃದ್ದ॒ಭ್ರಮೇ॑ತು॒ ನಿ ಷ ಹೀ॑ಯತಾಂ ತ॒ನ್ವಾ॒೩॒॑ ತನಾ॑ ಚ ..
ಪ॒ರಃ ಸೋ ಅ॑ಸ್ತು ತ॒ನ್ವಾ॒೩॒॑ ತನಾ॑ ಚ ತಿ॒ಸ್ರಃ ಪೃ॑ಥಿ॒ವೀರ॒ಧೋ ಅ॑ಸ್ತು॒ ವಿಶ್ವಾಃ॑ . ಪ್ರತಿ॑ ಶುಷ್ಯತು॒ ಯಶೋ॑ ಅಸ್ಯ ದೇವಾ॒ ಯೋ ನೋ॒ ದಿವಾ॒ ದಿಪ್ಸ॑ತಿ॒ ಯಶ್ಚ॒ ನಕ್ತಂ॑ ..
ಸು॒ವಿ॒ಜ್ಞಾ॒ನಂ ಚಿ॑ಕಿ॒ತುಷೇ॒ ಜನಾ॑ಯ॒ ಸಚ್ಚಾಸ॑ಚ್ಚ॒ ವಚ॑ಸೀ ಪಸ್ಪೃಧಾತೇ . ತಯೋ॒ರ್ಯತ್ಸ॒ತ್ಯಂ ಯ॑ತ॒ರದೃಜೀ॑ಯ॒ಸ್ತದಿತ್ಸೋಮೋ॑ಽವತಿ॒ ಹಂತ್ಯಾಸ॑ತ್ ..
ನ ವಾ ಉ॒ ಸೋಮೋ॑ ವೃಜಿ॒ನಂ ಹಿ॑ನೋತಿ॒ ನ ಕ್ಷ॒ತ್ರಿಯಂ॑ ಮಿಥು॒ಯಾ ಧಾ॒ರಯಂ॑ತಂ . ಹಂತಿ॒ ರಕ್ಷೋ॒ ಹಂತ್ಯಾಸ॒ದ್ವದಂ॑ತಮು॒ಭಾವಿಂದ್ರ॑ಸ್ಯ॒ ಪ್ರಸಿ॑ತೌ ಶಯಾತೇ ..
ಯದಿ॑ ವಾ॒ಹಮನೃ॑ತದೇವ॒ ಆಸ॒ ಮೋಘಂ॑ ವಾ ದೇ॒ವಾಁ ಅ॑ಪ್ಯೂ॒ಹೇ ಅ॑ಗ್ನೇ . ಕಿಮ॒ಸ್ಮಭ್ಯಂ॑ ಜಾತವೇದೋ ಹೃಣೀಷೇ ದ್ರೋಘ॒ವಾಚ॑ಸ್ತೇ ನಿರ್ಋ॒ಥಂ ಸ॑ಚಂತಾಂ ..
ಅ॒ದ್ಯಾ ಮು॑ರೀಯ॒ ಯದಿ॑ ಯಾತು॒ಧಾನೋ॒ ಅಸ್ಮಿ॒ ಯದಿ॒ ವಾಯು॑ಸ್ತ॒ತಪ॒ ಪೂರು॑ಷಸ್ಯ . ಅಧಾ॒ ಸ ವೀ॒ರೈರ್ದ॒ಶಭಿ॒ರ್ವಿ ಯೂ॑ಯಾ॒ ಯೋ ಮಾ॒ ಮೋಘಂ॒ ಯಾತು॑ಧಾ॒ನೇತ್ಯಾಹ॑ ..
ಯೋ ಮಾಯಾ॑ತುಂ॒ ಯಾತು॑ಧಾ॒ನೇತ್ಯಾಹ॒ ಯೋ ವಾ॑ ರ॒ಕ್ಷಾಃ ಶುಚಿ॑ರ॒ಸ್ಮೀತ್ಯಾಹ॑ . ಇಂದ್ರ॒ಸ್ತಂ ಹಂ॑ತು ಮಹ॒ತಾ ವ॒ಧೇನ॒ ವಿಶ್ವ॑ಸ್ಯ ಜಂ॒ತೋರ॑ಧ॒ಮಸ್ಪ॑ದೀಷ್ಟ ..
ಪ್ರ ಯಾ ಜಿಗಾ॑ತಿ ಖ॒ರ್ಗಲೇ॑ವ॒ ನಕ್ತ॒ಮಪ॑ ದ್ರು॒ಹಾ ತ॒ನ್ವಂ೧॒॑ ಗೂಹ॑ಮಾನಾ . ವ॒ವ್ರಾಁ ಅ॑ನಂ॒ತಾಁ ಅವ॒ ಸಾ ಪ॑ದೀಷ್ಟ॒ ಗ್ರಾವಾ॑ಣೋ ಘ್ನಂತು ರ॒ಕ್ಷಸ॑ ಉಪ॒ಬ್ದೈಃ ..
ವಿ ತಿ॑ಷ್ಠಧ್ವಂ ಮರುತೋ ವಿ॒ಕ್ಷ್ವಿ೧॒॑ಚ್ಛತ॑ ಗೃಭಾ॒ಯತ॑ ರ॒ಕ್ಷಸಃ॒ ಸಂ ಪಿ॑ನಷ್ಟನ . ವಯೋ॒ ಯೇ ಭೂ॒ತ್ವೀ ಪ॒ತಯಂ॑ತಿ ನ॒ಕ್ತಭಿ॒ರ್ಯೇ ವಾ॒ ರಿಪೋ॑ ದಧಿ॒ರೇ ದೇ॒ವೇ ಅ॑ಧ್ವ॒ರೇ ..
ಪ್ರ ವ॑ರ್ತಯ ದಿ॒ವೋ ಅಶ್ಮಾ॑ನಮಿಂದ್ರ॒ ಸೋಮ॑ಶಿತಂ ಮಘವಂ॒ತ್ಸಂ ಶಿ॑ಶಾಧಿ . ಪ್ರಾಕ್ತಾ॒ದಪಾ॑ಕ್ತಾದಧ॒ರಾದುದ॑ಕ್ತಾದ॒ಭಿ ಜ॑ಹಿ ರ॒ಕ್ಷಸಃ॒ ಪರ್ವ॑ತೇನ ..
ಏ॒ತ ಉ॒ ತ್ಯೇ ಪ॑ತಯಂತಿ॒ ಶ್ವಯಾ॑ತವ॒ ಇಂದ್ರಂ॑ ದಿಪ್ಸಂತಿ ದಿ॒ಪ್ಸವೋಽದಾ॑ಭ್ಯಂ . ಶಿಶೀ॑ತೇ ಶ॒ಕ್ರಃ ಪಿಶು॑ನೇಭ್ಯೋ ವ॒ಧಂ ನೂ॒ನಂ ಸೃ॑ಜದ॒ಶನಿಂ॑ ಯಾತು॒ಮದ್ಭ್ಯಃ॑ ..
ಇಂದ್ರೋ॑ ಯಾತೂ॒ನಾಮ॑ಭವತ್ಪರಾಶ॒ರೋ ಹ॑ವಿ॒ರ್ಮಥೀ॑ನಾಮ॒ಭ್ಯಾ॒೩॒॑ವಿವಾ॑ಸತಾಂ . ಅ॒ಭೀದು॑ ಶ॒ಕ್ರಃ ಪ॑ರ॒ಶುರ್ಯಥಾ॒ ವನಂ॒ ಪಾತ್ರೇ॑ವ ಭಿಂ॒ದಂತ್ಸ॒ತ ಏ॑ತಿ ರ॒ಕ್ಷಸಃ॑ ..
ಉಲೂ॑ಕಯಾತುಂ ಶುಶು॒ಲೂಕ॑ಯಾತುಂ ಜ॒ಹಿ ಶ್ವಯಾ॑ತುಮು॒ತ ಕೋಕ॑ಯಾತುಂ . ಸು॒ಪ॒ರ್ಣಯಾ॑ತುಮು॒ತ ಗೃಧ್ರ॑ಯಾತುಂ ದೃ॒ಷದೇ॑ವ॒ ಪ್ರ ಮೃ॑ಣ॒ ರಕ್ಷ॑ ಇಂದ್ರ ..
ಮಾ ನೋ॒ ರಕ್ಷೋ॑ ಅ॒ಭಿ ನ॑ಡ್ಯಾತು॒ಮಾವ॑ತಾ॒ಮಪೋ॑ಚ್ಛತು ಮಿಥು॒ನಾ ಯಾ ಕಿ॑ಮೀ॒ದಿನಾ॑ . ಪೃ॒ಥಿ॒ವೀ ನಃ॒ ಪಾರ್ಥಿ॑ವಾತ್ಪಾ॒ತ್ವಂಹ॑ಸೋ॒ಽನ್ತರಿ॑ಕ್ಷಂ ದಿ॒ವ್ಯಾತ್ಪಾ॑ತ್ವ॒ಸ್ಮಾನ್ ..
ಇಂದ್ರ॑ ಜ॒ಹಿ ಪುಮಾಂ॑ಸಂ ಯಾತು॒ಧಾನ॑ಮು॒ತ ಸ್ತ್ರಿಯಂ॑ ಮಾ॒ಯಯಾ॒ ಶಾಶ॑ದಾನಾಂ . ವಿಗ್ರೀ॑ವಾಸೋ॒ ಮೂರ॑ದೇವಾ ಋದಂತು॒ ಮಾ ತೇ ದೃ॑ಶಂ॒ತ್ಸೂರ್ಯ॑ಮು॒ಚ್ಚರಂ॑ತಂ ..
ಪ್ರತಿ॑ ಚಕ್ಷ್ವ॒ ವಿ ಚ॒ಕ್ಷ್ವೇಂದ್ರ॑ಶ್ಚ ಸೋಮ ಜಾಗೃತಂ . ರಕ್ಷೋ॑ಭ್ಯೋ ವ॒ಧಮ॑ಸ್ಯತಮ॒ಶನಿಂ॑ ಯಾತು॒ಮದ್ಭ್ಯಃ॑ ..
ರಕ್ಷೋಹಣಮಿತಿ ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಭಾರದ್ವಾಜಃಪಾಯೂರಕ್ಷೋಹಾಗ್ನಿಸ್ತ್ರಿಷ್ಟುಪ್ ಅಂತ್ಯಾಶ್ಚತಸ್ರೋನುಷ್ಟುಭಃ .
ರ॒ಕ್ಷೋ॒ಹಣಂ॑ ವಾ॒ಜಿನ॒ಮಾ ಜಿ॑ಘರ್ಮಿ ಮಿ॒ತ್ರಂ ಪ್ರಥಿ॑ಷ್ಠ॒ಮುಪ॑ ಯಾಮಿ॒ ಶರ್ಮ॑ . ಶಿಶಾ॑ನೋ ಅ॒ಗ್ನಿಃ ಕ್ರತು॑ಭಿಃ॒ ಸಮಿ॑ದ್ಧಃ॒ ಸ ನೋ॒ ದಿವಾ॒ ಸ ರಿ॒ಷಃ ಪಾ॑ತು॒ ನಕ್ತಂ॑ ..
ಅಯೋ॑ದಂಷ್ಟ್ರೋ ಅ॒ರ್ಚಿಷಾ॑ ಯಾತು॒ಧಾನಾ॒ನುಪ॑ ಸ್ಪೃಶ ಜಾತವೇದಃ॒ ಸಮಿ॑ದ್ಧಃ . ಆ ಜಿ॒ಹ್ವಯಾ॒ ಮೂರ॑ದೇವಾನ್ರಭಸ್ವ ಕ್ರ॒ವ್ಯಾದೋ॑ ವೃ॒ಕ್ತ್ವ್ಯಪಿ॑ ಧತ್ಸ್ವಾ॒ಸನ್ ..
ಉ॒ಭೋಭ॑ಯಾವಿ॒ನ್ನುಪ॑ ಧೇಹಿ॒ ದಂಷ್ಟ್ರಾ॑ ಹಿಂ॒ಸ್ರಃ ಶಿಶಾ॒ನೋಽವ॑ರಂ॒ ಪರಂ॑ ಚ . ಉ॒ತಾಂತರಿ॑ಕ್ಷೇ॒ ಪರಿ॑ ಯಾಹಿ ರಾಜಂ॒ಜಂಭೈಃ॒ ಸಂ ಧೇ॑ಹ್ಯ॒ಭಿ ಯಾ॑ತು॒ಧಾನಾ॑ನ್ ..
ಯ॒ಜ್ಞೈರಿಷೂಃ॑ ಸಂ॒ನಮ॑ಮಾನೋ ಅಗ್ನೇ ವಾ॒ಚಾ ಶ॒ಲ್ಯಾಁ ಅ॒ಶನಿ॑ಭಿರ್ದಿಹಾ॒ನಃ . ತಾಭಿ॑ರ್ವಿಧ್ಯ॒ ಹೃದ॑ಯೇ ಯಾತು॒ಧಾನಾ॑ನ್ಪ್ರತೀ॒ಚೋ ಬಾ॒ಹೂನ್ಪ್ರತಿ॑ ಭಙ್ಧ್ಯೇಷಾಂ ..
ಅಗ್ನೇ॒ ತ್ವಚಂ॑ ಯಾತು॒ಧಾನ॑ಸ್ಯ ಭಿಂಧಿ ಹಿಂ॒ಸ್ರಾಶನಿ॒ರ್ಹರ॑ಸಾ ಹಂತ್ವೇನಂ . ಪ್ರ ಪರ್ವಾ॑ಣಿ ಜಾತವೇದಃ ಶೃಣೀಹಿ ಕ್ರ॒ವ್ಯಾತ್ಕ್ರ॑ವಿ॒ಷ್ಣುರ್ವಿ ಚಿ॑ನೋತು ವೃ॒ಕ್ಣಂ ..
ಯತ್ರೇ॒ದಾನೀಂ॒ ಪಶ್ಯ॑ಸಿ ಜಾತವೇದ॒ಸ್ತಿಷ್ಠಂ॑ತಮಗ್ನ ಉ॒ತ ವಾ॒ ಚರಂ॑ತಂ . ಯದ್ವಾಂ॒ತರಿ॑ಕ್ಷೇ ಪ॒ಥಿಭಿಃ॒ ಪತಂ॑ತಂ॒ ತಮಸ್ತಾ॑ ವಿಧ್ಯ॒ ಶರ್ವಾ॒ ಶಿಶಾ॑ನಃ ..
ಉ॒ತಾಲ॑ಬ್ಧಂ ಸ್ಪೃಣುಹಿ ಜಾತವೇದ ಆಲೇಭಾ॒ನಾದೃ॒ಷ್ಟಿಭಿ॑ರ್ಯಾತು॒ಧಾನಾ॑ತ್ . ಅಗ್ನೇ॒ ಪೂರ್ವೋ॒ ನಿ ಜ॑ಹಿ॒ ಶೋಶು॑ಚಾನ ಆ॒ಮಾದಃ॒ ಕ್ಷ್ವಿಂಕಾ॒ಸ್ತಮ॑ದಂ॒ತ್ವೇನೀಃ॑ ..
ಇ॒ಹ ಪ್ರ ಬ್ರೂ॑ಹಿ ಯತ॒ಮಃ ಸೋ ಅ॑ಗ್ನೇ॒ ಯೋ ಯಾ॑ತು॒ಧಾನೋ॒ ಯ ಇ॒ದಂ ಕೃ॒ಣೋತಿ॑ . ತಮಾ ರ॑ಭಸ್ವ ಸ॒ಮಿಧಾ॑ ಯವಿಷ್ಠ ನೃ॒ಚಕ್ಷ॑ಸ॒ಶ್ಚಕ್ಷು॑ಷೇ ರಂಧಯೈನಂ ..
ತೀ॒ಕ್ಷ್ಣೇನಾ॑ಗ್ನೇ॒ ಚಕ್ಷು॑ಷಾ ರಕ್ಷ ಯ॒ಜ್ಞಂ ಪ್ರಾಂಚಂ॒ ವಸು॑ಭ್ಯಃ॒ ಪ್ರ ಣ॑ಯ ಪ್ರಚೇತಃ . ಹಿಂ॒ಸ್ರಂ ರಕ್ಷಾಂ॑ಸ್ಯ॒ಭಿ ಶೋಶು॑ಚಾನಂ॒ ಮಾ ತ್ವಾ॑ ದಭನ್ಯಾತು॒ಧಾನಾ॑ ನೃಚಕ್ಷಃ ..
ನೃ॒ಚಕ್ಷಾ॒ ರಕ್ಷಃ॒ ಪರಿ॑ ಪಶ್ಯ ವಿ॒ಕ್ಷು ತಸ್ಯ॒ ತ್ರೀಣಿ॒ ಪ್ರತಿ॑ ಶೃಣೀ॒ಹ್ಯಗ್ರಾ॑ . ತಸ್ಯಾ॑ಗ್ನೇ ಪೃ॒ಷ್ಟೀರ್ಹರ॑ಸಾ ಶೃಣೀಹಿ ತ್ರೇ॒ಧಾ ಮೂಲಂ॑ ಯಾತು॒ಧಾನ॑ಸ್ಯ ವೃಶ್ಚ ..
ತ್ರಿರ್ಯಾ॑ತು॒ಧಾನಃ॒ ಪ್ರಸಿ॑ತಿಂ ತ ಏತ್ವೃ॒ತಂ ಯೋ ಅ॑ಗ್ನೇ॒ ಅನೃ॑ತೇನ॒ ಹಂತಿ॑ . ತಮ॒ರ್ಚಿಷಾ॑ ಸ್ಫೂ॒ರ್ಜಯಂ॑ಜಾತವೇದಃ ಸಮ॒ಕ್ಷಮೇ॑ನಂ ಗೃಣ॒ತೇ ನಿ ವೃ॑ಙ್ಧಿ ..
ತದ॑ಗ್ನೇ॒ ಚಕ್ಷುಃ॒ ಪ್ರತಿ॑ ಧೇಹಿ ರೇ॒ಭೇ ಶ॑ಫಾ॒ರುಜಂ॒ ಯೇನ॒ ಪಶ್ಯ॑ಸಿ ಯಾತು॒ಧಾನಂ॑ . ಅ॒ಥ॒ರ್ವ॒ವಜ್ಜ್ಯೋತಿ॑ಷಾ॒ ದೈವ್ಯೇ॑ನ ಸ॒ತ್ಯಂ ಧೂರ್ವಂ॑ತಮ॒ಚಿತಂ॒ ನ್ಯೋ॑ಷ ..
ಯದ॑ಗ್ನೇ ಅ॒ದ್ಯ ಮಿ॑ಥು॒ನಾ ಶಪಾ॑ತೋ॒ ಯದ್ವಾ॒ಚಸ್ತೃ॒ಷ್ಟಂ ಜ॒ನಯಂ॑ತ ರೇ॒ಭಾಃ . ಮ॒ನ್ಯೋರ್ಮನ॑ಸಃ ಶರ॒ವ್ಯಾ॒೩॒॑ ಜಾಯ॑ತೇ॒ ಯಾ ತಯಾ॑ ವಿಧ್ಯ॒ ಹೃದ॑ಯೇ ಯಾತು॒ಧಾನಾ॑ನ್ ..
ಪರಾ॑ ಶೃಣೀಹಿ॒ ತಪ॑ಸಾ ಯಾತು॒ಧಾನಾ॒ನ್ಪರಾ॑ಗ್ನೇ॒ ರಕ್ಷೋ॒ ಹರ॑ಸಾ ಶೃಣೀಹಿ . ಪರಾ॒ರ್ಚಿಷಾ॒ ಮೂರ॑ದೇವಾಂಛೃಣೀಹಿ॒ ಪರಾ॑ಸು॒ತೃಪೋ॑ ಅ॒ಭಿ ಶೋಶು॑ಚಾನಃ ..
ಪರಾ॒ದ್ಯ ದೇ॒ವಾ ವೃ॑ಜಿ॒ನಂ ಶೃ॑ಣಂತು ಪ್ರ॒ತ್ಯಗೇ॑ನಂ ಶ॒ಪಥಾ॑ ಯಂತು ತೃ॒ಷ್ಟಾಃ . ವಾ॒ಚಾಸ್ತೇ॑ನಂ॒ ಶರ॑ವ ಋಚ್ಛಂತು॒ ಮರ್ಮ॒ನ್ವಿಶ್ವ॑ಸ್ಯೈತು॒ ಪ್ರಸಿ॑ತಿಂ ಯಾತು॒ಧಾನಃ॑ ..
ಯಃ ಪೌರು॑ಷೇಯೇಣ ಕ್ರ॒ವಿಷಾ॑ ಸಮಂ॒ಕ್ತೇ ಯೋ ಅಶ್ವ್ಯೇ॑ನ ಪ॒ಶುನಾ॑ ಯಾತು॒ಧಾನಃ॑ . ಯೋ ಅ॒ಘ್ನ್ಯಾಯಾ॒ ಭರ॑ತಿ ಕ್ಷೀ॒ರಮ॑ಗ್ನೇ॒ ತೇಷಾಂ॑ ಶೀ॒ರ್ಷಾಣಿ॒ ಹರ॒ಸಾಪಿ॑ ವೃಶ್ಚ ..
ಸಂ॒ವ॒ತ್ಸ॒ರೀಣಂ॒ ಪಯ॑ ಉ॒ಸ್ರಿಯಾ॑ಯಾ॒ಸ್ತಸ್ಯ॒ ಮಾಶೀ॑ದ್ಯಾತು॒ಧಾನೋ॑ ನೃಚಕ್ಷಃ . ಪೀ॒ಯೂಷ॑ಮಗ್ನೇ ಯತ॒ಮಸ್ತಿತೃ॑ಪ್ಸಾ॒ತ್ತಂ ಪ್ರ॒ತ್ಯಂಚ॑ಮ॒ರ್ಚಿಷಾ॑ ವಿಧ್ಯ॒ ಮರ್ಮ॑ನ್ ..
ವಿ॒ಷಂ ಗವಾಂ॑ ಯಾತು॒ಧಾನಾಃ॑ ಪಿಬಂ॒ತ್ವಾ ವೃ॑ಶ್ಚ್ಯಂತಾ॒ಮದಿ॑ತಯೇ ದು॒ರೇವಾಃ॑ . ಪರೈ॑ನಾಂದೇ॒ವಃ ಸ॑ವಿ॒ತಾ ದ॑ದಾತು॒ ಪರಾ॑ ಭಾ॒ಗಮೋಷ॑ಧೀನಾಂ ಜಯಂತಾಂ ..
ಸ॒ನಾದ॑ಗ್ನೇ ಮೃಣಸಿ ಯಾತು॒ಧಾನಾ॒ನ್ನ ತ್ವಾ॒ ರಕ್ಷಾಂ॑ಸಿ॒ ಪೃತ॑ನಾಸು ಜಿಗ್ಯುಃ . ಅನು॑ ದಹ ಸ॒ಹಮೂ॑ರಾನ್ಕ್ರ॒ವ್ಯಾದೋ॒ ಮಾ ತೇ॑ ಹೇ॒ತ್ಯಾ ಮು॑ಕ್ಷತ॒ ದೈವ್ಯಾ॑ಯಾಃ ..
ತ್ವಂ ನೋ॑ ಅಗ್ನೇ ಅಧ॒ರಾದುದ॑ಕ್ತಾ॒ತ್ತ್ವಂ ಪ॒ಶ್ಚಾದು॒ತ ರ॑ಕ್ಷಾ ಪು॒ರಸ್ತಾ॑ತ್ . ಪ್ರತಿ॒ ತೇ ತೇ॑ ಅ॒ಜರಾ॑ಸ॒ಸ್ತಪಿ॑ಷ್ಠಾ ಅ॒ಘಶಂ॑ಸಂ॒ ಶೋಶು॑ಚತೋ ದಹಂತು ..
ಪ॒ಶ್ಚಾತ್ಪು॒ರಸ್ತಾ॑ದಧ॒ರಾದುದ॑ಕ್ತಾತ್ಕ॒ವಿಃ ಕಾವ್ಯೇ॑ನ॒ ಪರಿ॑ ಪಾಹಿ ರಾಜನ್ . ಸಖೇ॒ ಸಖಾ॑ಯಮ॒ಜರೋ॑ ಜರಿ॒ಮ್ಣೇಽಗ್ನೇ॒ ಮರ್ತಾಁ॒ ಅಮ॑ರ್ತ್ಯ॒ಸ್ತ್ವಂ ನಃ॑ ..
ಪರಿ॑ ತ್ವಾಗ್ನೇ॒ ಪುರಂ॑ ವ॒ಯಂ ವಿಪ್ರಂ॑ ಸಹಸ್ಯ ಧೀಮಹಿ . ಧೃ॒ಷದ್ವ॑ರ್ಣಂ ದಿ॒ವೇದಿ॑ವೇ ಹಂ॒ತಾರಂ॑ ಭಂಗು॒ರಾವ॑ತಾಂ ..
ವಿ॒ಷೇಣ॑ ಭಂಗು॒ರಾವ॑ತಃ॒ ಪ್ರತಿ॑ ಷ್ಮ ರ॒ಕ್ಷಸೋ॑ ದಹ . ಅಗ್ನೇ॑ ತಿ॒ಗ್ಮೇನ॑ ಶೋ॒ಚಿಷಾ॒ ತಪು॑ರಗ್ರಾಭಿರ್ಋ॒ಷ್ಟಿಭಿಃ॑ ..
ಪ್ರತ್ಯ॑ಗ್ನೇ ಮಿಥು॒ನಾ ದ॑ಹ ಯಾತು॒ಧಾನಾ॑ ಕಿಮೀ॒ದಿನಾ॑ . ಸಂ ತ್ವಾ॑ ಶಿಶಾಮಿ ಜಾಗೃ॒ಹ್ಯದ॑ಬ್ಧಂ ವಿಪ್ರ॒ ಮನ್ಮ॑ಭಿಃ ..
ಪ್ರತ್ಯ॑ಗ್ನೇ॒ ಹರ॑ಸಾ॒ ಹರಃ॑ ಶೃಣೀ॒ಹಿ ವಿ॒ಶ್ವತಃ॒ ಪ್ರತಿ॑ . ಯಾ॒ತು॒ಧಾನ॑ಸ್ಯ ರ॒ಕ್ಷಸೋ॒ ಬಲಂ॒ ವಿ ರು॑ಜ ವೀ॒ರ್ಯಂ॑ ..
ಅಗ್ನೇಹಂಸೀತಿ ನವರ್ಚಸ್ಯ ಸೂಕ್ತಸ್ಯಾಮಹೀಯವ ಉರುಕ್ಷಯೋರಕ್ಷೋಹಾಗ್ನಿರ್ಗಾಯತ್ರೀ .
ಅಗ್ನೇ॒ ಹಂಸಿ॒ ನ್ಯ೧॒॑ತ್ರಿಣಂ॒ ದೀದ್ಯ॒ನ್ಮರ್ತ್ಯೇ॒ಷ್ವಾ . ಸ್ವೇ ಕ್ಷಯೇ॑ ಶುಚಿವ್ರತ ..
ಉತ್ತಿ॑ಷ್ಠಸಿ॒ ಸ್ವಾ॑ಹುತೋ ಘೃ॒ತಾನಿ॒ ಪ್ರತಿ॑ ಮೋದಸೇ . ಯತ್ತ್ವಾ॒ ಸ್ರುಚಃ॑ ಸ॒ಮಸ್ಥಿ॑ರನ್ ..
ಸ ಆಹು॑ತೋ॒ ವಿ ರೋ॑ಚತೇ॒ಽಗ್ನಿರೀ॒ಳೇನ್ಯೋ॑ ಗಿ॒ರಾ . ಸ್ರು॒ಚಾ ಪ್ರತೀ॑ಕಮಜ್ಯತೇ ..
ಘೃ॒ತೇನಾ॒ಗ್ನಿಃ ಸಮ॑ಜ್ಯತೇ॒ ಮಧು॑ಪ್ರತೀಕ॒ ಆಹು॑ತಃ . ರೋಚ॑ಮಾನೋ ವಿ॒ಭಾವ॑ಸುಃ ..
ಜರ॑ಮಾಣಃ॒ ಸಮಿ॑ಧ್ಯಸೇ ದೇ॒ವೇಭ್ಯೋ॑ ಹವ್ಯವಾಹನ . ತಂ ತ್ವಾ॑ ಹವಂತ॒ ಮರ್ತ್ಯಾಃ॑ ..
ತಂ ಮ॑ರ್ತಾ॒ ಅಮ॑ರ್ತ್ಯಂ ಘೃ॒ತೇನಾ॒ಗ್ನಿಂ ಸ॑ಪರ್ಯತ . ಅದಾ॑ಭ್ಯಂ ಗೃ॒ಹಪ॑ತಿಂ ..
ಅದಾ॑ಭ್ಯೇನ ಶೋ॒ಚಿಷಾಗ್ನೇ॒ ರಕ್ಷ॒ಸ್ತ್ವಂ ದ॑ಹ . ಗೋ॒ಪಾ ಋ॒ತಸ್ಯ॑ ದೀದಿಹಿ ..
ಸ ತ್ವಮ॑ಗ್ನೇ॒ ಪ್ರತೀ॑ಕೇನ॒ ಪ್ರತ್ಯೋ॑ಷ ಯಾತುಧಾ॒ನ್ಯಃ॑ . ಉ॒ರು॒ಕ್ಷಯೇ॑ಷು॒ ದೀದ್ಯ॑ತ್ ..
ತಂ ತ್ವಾ॑ ಗೀ॒ರ್ಭಿರು॑ರು॒ಕ್ಷಯಾ॑ ಹವ್ಯ॒ವಾಹಂ॒ ಸಮೀ॑ಧಿರೇ . ಯಜಿ॑ಷ್ಠಂ॒ ಮಾನು॑ಷೇ॒ ಜನೇ॑ ..
ಬ್ರಹ್ಮಣಾಗ್ರಿರಿತಿ ಷಡೃಚಸ್ಯ ಸೂಕ್ತಸ್ಯ ಬ್ರಾಹ್ಮೋರಕ್ಷೋಹಾ ಪ್ರಜಾಪತಿರನುಷ್ಟುಪ್ . (ಅತ್ರಸೂಕ್ತೇಽನುಕ್ರಮಣ್ಯವಷ್ಟಂಭೇನದೇವತಾನಿರ್ಣಯೋನಭವತಿ . ಯತಸ್ತತ್ರ ಗರ್ಭಸ್ರಾವೇ ಪ್ರಾಯಶ್ಚಿತ್ತಿರಿತ್ಯುಕ್ತಂ ತೇನಸೂಕ್ತಸ್ಯ ಪ್ರಭಾವಮಾತ್ರಂದ್ಯೋತ್ಯತೇನತುದೇವತಾ . ಅತೋತ್ರಪ್ರಜಾಪತಿರ್ದೇವತಾಗ್ರಾಹ್ಯಾ . ತಥಾಚ ಶೌನಕಃ 'ಮಂತ್ರೇಷುಹ್ಯನಿರುಕ್ತೇಷು ದೇವತಾಂಕರ್ಮತೋವದೇತ್ . ಮಂತ್ರತಃ ಕರ್ಮಣಾಚೈವ ಪ್ರಜಾಪತಿರಸಂಭವೇ' ಇತಿ . ಭಾಷ್ಯಕಾರೈರಪಿಪ್ರಜಾಪತಿರೇವೋಕ್ತಃ . ಬೃಹದ್ದೇವತಾಯಾಂತು ರಾಕ್ಷೋಘ್ನಾಗ್ನೇಯಮಿತ್ಯುಕ್ತಂ ತತ್ರಯುಕ್ತಾಯುಕ್ತಂಸದ್ಭಿರ್ವಿಚಾರಣೀಯಂ ) .
ಬ್ರಹ್ಮ॑ಣಾ॒ಗ್ನಿಃ ಸಂ॑ವಿದಾ॒ನೋ ರ॑ಕ್ಷೋ॒ಹಾ ಬಾ॑ಧತಾಮಿ॒ತಃ . ಅಮೀ॑ವಾ॒ ಯಸ್ತೇ॒ ಗರ್ಭಂ॑ ದು॒ರ್ಣಾಮಾ॒ ಯೋನಿ॑ಮಾ॒ಶಯೇ॑ ..
ಯಸ್ತೇ॒ ಗರ್ಭ॒ಮಮೀ॑ವಾ ದು॒ರ್ಣಾಮಾ॒ ಯೋನಿ॑ಮಾ॒ಶಯೇ॑ . ಅ॒ಗ್ನಿಷ್ಟಂ ಬ್ರಹ್ಮ॑ಣಾ ಸ॒ಹ ನಿಷ್ಕ್ರ॒ವ್ಯಾದ॑ಮನೀನಶತ್ ..
ಯಸ್ತೇ॒ ಹಂತಿ॑ ಪ॒ತಯಂ॑ತಂ ನಿಷ॒ತ್ಸ್ನುಂ ಯಃ ಸ॑ರೀಸೃ॒ಪಂ . ಜಾ॒ತಂ ಯಸ್ತೇ॒ ಜಿಘಾಂ॑ಸತಿ॒ ತಮಿ॒ತೋ ನಾ॑ಶಯಾಮಸಿ ..
ಯಸ್ತ॑ ಊ॒ರೂ ವಿ॒ಹರ॑ತ್ಯಂತ॒ರಾ ದಂಪ॑ತೀ॒ ಶಯೇ॑ . ಯೋನಿಂ॒ ಯೋ ಅಂ॒ತರಾ॒ರೇಳ್ಹಿ॒ ತಮಿ॒ತೋ ನಾ॑ಶಯಾಮಸಿ ..
ಯಸ್ತ್ವಾ॒ ಭ್ರಾತಾ॒ ಪತಿ॑ರ್ಭೂ॒ತ್ವಾ ಜಾ॒ರೋ ಭೂ॒ತ್ವಾ ನಿ॒ಪದ್ಯ॑ತೇ . ಪ್ರ॒ಜಾಂ ಯಸ್ತೇ॒ ಜಿಘಾಂ॑ಸತಿ॒ ತಮಿ॒ತೋ ನಾ॑ಶಯಾಮಸಿ ..
ಯಸ್ತ್ವಾ॒ ಸ್ವಪ್ನೇ॑ನ॒ ತಮ॑ಸಾ ಮೋಹಯಿ॒ತ್ವಾ ನಿ॒ಪದ್ಯ॑ತೇ . ಪ್ರ॒ಜಾಂ ಯಸ್ತೇ॒ ಜಿಘಾಂ॑ಸತಿ॒ ತಮಿ॒ತೋ ನಾ॑ಶಯಾಮಸಿ ..
ರಾತ್ರೀತ್ಯಷ್ಟರ್ಚಸ್ಯ ಸೂಕ್ತಸ್ಯ ಸೌಭರಃ ಕುಶಿಕೋರಾತ್ರಿರ್ಗಾಯತ್ರೀ (ಅತ್ರಭಾರದ್ವಾಜೀರಾತ್ರಿಋಷಿಕಾಪಾಕ್ಷಿಕೀ) .
ರಾತ್ರೀ॒ ವ್ಯ॑ಖ್ಯದಾಯ॒ತೀ ಪು॑ರು॒ತ್ರಾ ದೇ॒ವ್ಯ೧॒॑ಕ್ಷಭಿಃ॑ . ವಿಶ್ವಾ॒ ಅಧಿ॒ ಶ್ರಿಯೋ॑ಽಧಿತ ..
ಓರ್ವ॑ಪ್ರಾ॒ ಅಮ॑ರ್ತ್ಯಾ ನಿ॒ವತೋ॑ ದೇ॒ವ್ಯು೧॒॑ದ್ವತಃ॑ . ಜ್ಯೋತಿ॑ಷಾ ಬಾಧತೇ॒ ತಮಃ॑ ..
ನಿರು॒ ಸ್ವಸಾ॑ರಮಸ್ಕೃತೋ॒ಷಸಂ॑ ದೇ॒ವ್ಯಾ॑ಯ॒ತೀ . ಅಪೇದು॑ ಹಾಸತೇ॒ ತಮಃ॑ ..
ಸಾ ನೋ॑ ಅ॒ದ್ಯ ಯಸ್ಯಾ॑ ವ॒ಯಂ ನಿ ತೇ॒ ಯಾಮ॒ನ್ನವಿ॑ಕ್ಷ್ಮಹಿ . ವೃ॒ಕ್ಷೇ ನ ವ॑ಸ॒ತಿಂ ವಯಃ॑ ..
ನಿ ಗ್ರಾಮಾ॑ಸೋ ಅವಿಕ್ಷತ॒ ನಿ ಪ॒ದ್ವಂತೋ॒ ನಿ ಪ॒ಕ್ಷಿಣಃ॑ . ನಿ ಶ್ಯೇ॒ನಾಸ॑ಶ್ಚಿದ॒ರ್ಥಿನಃ॑ ..
ಯಾ॒ವಯಾ॑ ವೃ॒ಕ್ಯಂ೧॒॑ ವೃಕಂ॑ ಯ॒ವಯ॑ ಸ್ತೇ॒ನಮೂ॑ರ್ಮ್ಯೇ . ಅಥಾ॑ ನಃ ಸು॒ತರಾ॑ ಭವ ..
ಉಪ॑ ಮಾ॒ ಪೇಪಿ॑ಶ॒ತ್ತಮಃ॑ ಕೃ॒ಷ್ಣಂ ವ್ಯ॑ಕ್ತಮಸ್ಥಿತ . ಉಷ॑ ಋ॒ಣೇವ॑ ಯಾತಯ ..
ಉಪ॑ ತೇ॒ ಗಾ ಇ॒ವಾಕ॑ರಂ ವೃಣೀ॒ಷ್ವ ದು॑ಹಿತರ್ದಿವಃ . ರಾತ್ರಿ॒ ಸ್ತೋಮಂ॒ ನ ಜಿ॒ಗ್ಯುಷೇ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦.೧೨೭ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೪ ವರ್ಗಾನಂತರಂ]
ಆ ರಾ॑ತ್ರಿ॒ ಪಾರ್ಥಿ॑ವಂ॒ ರಜ॑:- ಪಿ॒ತರ॑: ಪ್ರಾಯು॒ ಧಾಮ॑ಭಿಃ. ದಿ॒ವ. ಸ್ಸದಾಂ॑ಸಿ ಬೃಹ॒ತೀ ವಿ ತಿ॑ಷ್ಠಸ॒- ಆ ತ್ವೇ॒ಷಂ ವ॑ರ್ತತೇ॒ ತಮಃ॑..
ಯೇ ತೇ॑ ರಾತ್ರಿ ನೃ॒ಚಕ್ಷ॑ಸೋ- ಯು॒ಕ್ತಾಸೋ॑ ನವ॒ತಿ. ರ್ನವ॑. ಅ॒ಶೀತಿ॑. ಸ್ಸ.ನ್ವ॒ಷ್ಟಾ- ಉ॒ತೋ~ ತೇ॑ ಸ॒ಪ್ತ ಸ॑ಪ್ತ॒ತೀಃ..
ರಾತ್ರೀಂ॒ ಪ್ರಪ॑ದ್ಯೇ ಜ॒ನ॒ನೀಂ॒- ಸ॒ರ್ವಭೂ॑ತನಿ॒ವೇಶ॑ನೀಂ. ಭ॒ದ್ರಾಂ ಭ॒ಗವ॑ತೀ.ಙ್ಕೃ॒ಷ್ಣಾಂ॒- ವಿ॒ಶ್ವಸ್ಯ॑ ಜಗ॒ತೋ ನಿ॑ಶಾಂ..
ಸಂ॒ವೇ॒ಶಿ॒ನೀಂ ಸಂ॑ಯಮಿ॒ನೀ॒.-ಙ್ಗ್ರ॒ಹನ॑ಕ್ಷತ್ರ॒ಮಾಲಿ॑ನೀಂ. ಪ್ರಪ॑ನ್ನೋ॒ಽಹಂ ಶಿ॑ವಾಂ ರಾ॒ತ್ರೀಂ॒- ಭ॒ದ್ರೇ ಪಾ॑ರ. ಮ॒ಶೀಮ॑ಹಿ.. [ಭ॒ದ್ರೇ॒ ಪಾ॒ರ॒ ಮ॒ಶೀ॒ಮ॒.ಹ್ಯೋ.ನ್ನಮಃ॑]
ಸ್ತೋ॒ಷ್ಯಾ॒ಮಿ॒ ಪ್ರ॒ಯ॒ತೋ॒ ದೇವೀಂ॑- ಶ॒ರಣ್ಯಾಂ॑ ಬಹ್ವೃ॒ಚಪ್ರಿ॑ಯಾಂ. ಸ॒ಹ॒ಸ್ರ॒ಸಂಮಿ॑ತಾ. ನ್ದು॒ರ್ಗಾ॒.-ಞ್ಜಾ॒ತವೇ॑ದಸೇ ಸುನವಾಮ॒ ಸೋಮಂ॑..
ಶಾಂ॒ತ್ಯ॒ರ್ಥ॒. ನ್ತ॒ದ್ದ್ವಿ॒ಜಾ॒ತೀನಾ॑.-ಮೃ॒ಷಿಭಿ॑. ಸ್ಸೋಮ॒ಪಾಶ್ರಿ॑ತಾಂ. ಋಗ್ವೇ॑ದೇ॒ ತ್ವಂ ಸ॑ಮುತ್ಪ॒ನ್ನಾ॒-ಽರಾ॒ತೀ॒ಯ॒ತೋ ನಿ ದ॑ಹಾತಿ॒ ವೇದಃ॑..
ಯೇ ತ್ವಾ॑.ನ್ದೇವಿ ಪ್ರ॒ಪದ್ಯಂ॑ತಿ- ಬ್ರಾಹ್ಮ॒ಣಾ ಹ॑ವ್ಯ॒ವಾಹ॑ನೀಂ. ಅ॒ವಿ॒ದ್ಯಾ॒ ಬಹು॑ವಿದ್ಯಾ॒ ವಾ॒- ಸ ನಃ॑ ಪರ್ಷ.॒ ದತಿ॑ ದು॒ರ್ಗಾಣಿ॒ ವಿಶ್ವಾ॑..
ಯೇ ಅ॑ಗ್ನಿವ॒ರ್ಣಾಂ ಶು॑ಭಾಂ ಸೌ॒ಮ್ಯಾ॒.-ಙ್ಕೀ॒ರ್ತಯಿ॑ಷ್ಯಂತಿ॒ ಯೇ ದ್ವಿ॑ಜಾಃ. ತಾಂ॒.ಸ್ತಾ॒ರ॒ಯ॒ತಿ॒ ದುರ್ಗಾ॑ಣಿ- ನಾ॒ವೇವ॒ ಸಿಂಧು॑. ನ್ದುರಿ॒ತಾಽತ್ಯ॒ಗ್ನಿಃ..
ದು॒ರ್ಗೇ॒ಷು॒ ವಿ॒ಷ॒ಮೇ॒ ಘೋರೇ॑- ಸಂ॒ಗ್ರಾಮೇ॑ ರಿಪು॒ಸಂಕ॑ಟೇ. ಅಗ್ನಿ॑ಚೋ॒ರನಿ॑ಪಾತೇ॒ಷು॒- ದು॒ಷ್ಟಗ್ರ॑ಹನಿ॒ವಾರಿ॑ಣಿ.. (ದು॒ಷ್ಟ॒ಗ್ರ॒ಹ॒ನಿ॒ವಾ॒ರಿ॒.ಣ್ಯೋ.ನ್ನಮಃ॑).
ದು॒ರ್ಗೇ॒ಷು॒ ವಿ॒ಷ॒ಮೇ॒ಷು ತ್ವಂ॑- ಸಂ॒ಗ್ರಾಮೇ॑ಷು ವ॒ನೇಷು॑ ಚ. ಮೋ॒ಹ॒ಯಿ॒ತ್ವಾ ಪ್ರ॑ಪದ್ಯಂ॒ತೇ॒- ತೇ॒ಷಾಂ ಮೇ॑ ಅಭ॒ಯ.ಙ್ಕು॑ರು.. [ತೇ॒ಷಾಂ॒ ಮೇ॒ ಅ॒ಭ॒ಯ॒.ಙ್ಕು॒ರ್ವೋ.ನ್ನಮಃ॑]..
ಕೇ॒ಶಿ॒ನೀಂ॒ ಸರ್ವ॑ಭೂತಾ॒ನಾಂ॒- ಪಂ॒ಚಮೀ॑ತಿ ಚ॒ ನಾಮ॑ ಚ. ಸಾ॒ ಮಾಂ॒ ಸ॒ಮಾ॒ ನಿ॒ಶಾ॒ ದೇವೀ॑- ಸ॒ರ್ವತ॑: ಪರಿ॒ ರಕ್ಷ॑ತು.. [ಸ॒ರ್ವ॒ತ॒: ಪ॒ರಿ॒ ರ॒ಕ್ಷ॒.ತ್ವೋ.ನ್ನಮಃ॑]..
ತಾ. ಮ॒ಗ್ನಿವ॑ರ್ಣಾ॒. ನ್ತಪ॑ಸಾ ಜ್ವಲಂ॒ತೀಂ- ವೈ॑ರೋಚ॒ನೀ.ಙ್ಕ॑ರ್ಮಫ॒ಲೇಷು॒ ಜುಷ್ಟಾಂ॑. ದು॒ರ್ಗಾ. ನ್ದೇ॒ವೀಂ ಶರ॑ಣ. ಮ॒ಹಂ ಪ್ರಪ॑ದ್ಯೇ- ಸು॒ತರ॑ಸಿ ತರಸೇ॒ ನಮ॑.-ಸ್ಸು॒ತರ॑ಸಿ ತರಸೇ॒ ನಮಃ॑..
ದುರ್ಗಾ॑ ದು॒ರ್ಗೇಷು॑ ಸ್ಥಾನೇ॒ಷು॒- ಶ॒.ನ್ನೋ ದೇ॑ವೀ. ರ॒ಭಿಷ್ಟ॑ಯೇ. ಯ ಇ॒ಮ. ನ್ದು॒ರ್ಗಾಸ್ತ॑ವಂ ಪು॒ಣ್ಯಂ॒-ರಾ॒ತ್ರೌರಾ॑ತ್ರೌ ಸ॒ದಾ ಪ॑ಠೇತ್..
ರಾತ್ರಿ॒: ಕುಶಿ॑ಕ. ಸ್ಸೌಭ॒ರೋ- ರಾತ್ರಿ॒.ರ್ವಾ ಭಾ॑ರದ್ವಾ॒ಜೀ ರಾತ್ರಿ॒ಸ್ತವ॑.ಙ್ಗಾಯ॒ತ್ರಂ.. ರಾತ್ರೀ॑ಸೂ॒ಕ್ತ.ಞ್ಜ॑ಪೇ. ನ್ನಿ॒ತ್ಯ॒.-ನ್ತ॒ತ್ಕಾಲ॑. ಮುಪ॒ಪದ್ಯ॑ತೇ. ನ ಯೋನಿಂ॒ ಪುನ॑ ರಾಯಾ॒ತಿ॒- ಸ॒ರ್ವಪಾ॑ಪೈಃ ಪ್ರ॒ಮುಚ್ಯ॑ತೇ..
ಕ್ಷೀ॒ರೇಣ॒ ಸ್ನಾಪಿ॑ತಾ- ದು॒ರ್ಗಾ ಚಂ॒ದನೇ॑ನ ವಿ॒ಲೇಪಿ॑ತಾ. ಬಿಲ್ವ॑ಪ॒ತ್ರಕೃ॑ತಾಽಽಪೀ॒ಡಾ- ನ॒ಮೋ ದು॑ರ್ಗೇ ನ॒ಮೋ ನ॑ಮಃ..
ಸರ್ವ॑ಭೂ॒ತಪಿ॑ಶಾಚೇ॒ಭ್ಯ॒.-ಸ್ಸ॒ರ್ವಸ॑ರ್ಪಸ॒ರೀಸೃ॑ಪೈಃ. ದೈವೇ॑ಭ್ಯೋ॒ ಮಾನು॑ಷೇಭ್ಯ॒ಶ್ಚ॒-ಉ॒ಭಯೇ॑ಭ್ಯೋಽಭಿ॒ರಕ್ಷ॑ ಮಾಂ..
ಯಾ ಋ॑ಗ್ವೇ॒ದೇ ಸ್ತು॑ತಾ ದೇ॒ವೀ॒- ಕಾ॒ಶ್ಯಪೇ॑ನ ಉ॒ದಾಹೃ॑ತಾ. ಜಾ॒ತವೇ॑ದಪ್ರ॑ಭಾ ಗೌ॒ರೀ॒- ಜಾ॒ತವೇ॑ದಸೇ ಸುನವಾಮ॒ ಸೋಮಂ॑..
ಸುರಾ॑ಸು॒ರೈ. ರ್ದ್ವಿ॑ಜವ॒ರೈ॒:- ಪಿ॒ಶಾಚೋ॑ರಗ॒ರಾಕ್ಷ॑ಸೈಃ. ಅರಾ॑ತಿ॒ಭಯ॑. ಉತ್ಪ॒ನ್ನೇ॒- ಅ॒ರಾ॒ತೀ॒ಯ॒ತೋ ನಿ ದ॑ಹಾತಿ॒ ವೇದಃ॑..
ಗಜ॑ದ್ವಾ॒ರೇಽಪ॑ಥೇ ಘೋ॒ರೇ॒- ಸಂ॒ಗ್ರಾಮೇ॑ಷು ಚ॒ ಗೌತ॑ಮೀ. ಸರ್ವಂ॑ ರಕ್ಷತು ದುರಿ॒ತಂ- ಸ ನ॑:ಪರ್ಷ॒.ದತಿ॑ ದು॒ರ್ಗಾಣಿ॒ ವಿಶ್ವಾ॑..
ಮಹಾ॑ಭ॒ಯೇ ಸ॑ಮುತ್ಪ॒ನ್ನೇ- ಸ್ಮರಂ॑ತಿ ಚ ಜ॒ಪಂತಿ॑ ಚ. ಸರ್ವ॑.ನ್ತಾ॒ರಯ॑ತೇ ದು॒ರ್ಗಾ॒- ನಾ॒ವೇವ॒ ಸಿಂಧು॑.ನ್ದುರಿ॒ತಾಽತ್ಯ॒ಗ್ನಿಃ..
ಯ ಇ॒ಮ. ನ್ದು॒ರ್ಗಾಸ್ತ॑ವಂ ಪು॒ಣ್ಯಂ॒- ಶೃ॒ಣ್ವಂತಿ॑ ಚ ಜ॒ಪಂತಿ॑ ಚ. ತ್ರಿಷು॑ ಲೋ॒ಕೇಷು॑ ವಿಖ್ಯಾ॒ತ॒.-ನ್ತ್ರಿ॒ಷು ಲೋ॑ಕೇಷು॒ ಪೂಜಿ॑ತಂ..
ಅಪು॑ತ್ರೋ॒ ಲಭ॑ತೇ ಪು॒ತ್ರಾ॒.-ನ್ಧ॒ನಹೀ॑ನೋ ಧ॒ನಂ ಲ॑ಭೇತ್. ಅಚ॑ಕ್ಷು॒. ರ್ಲಭ॑ತೇ ಚ॒ಕ್ಷು॒.- ರ್ಬ॒ದ್ಧೋ-ಮು॑ಚ್ಯೇತ॒ ಬಂಧ॑ನಾತ್..
ವ್ಯಾಧಿ॑ತೋ॒ ಮುಚ್ಯ॑ತೇ ರೋ॒ಗಾ॒.-ದ॒ರೋಗೀ॑ ಶ್ರಿಯ॒. ಮಾಪ್ನು॑ಯಾತ್. ದದಾ॑ತಿ॒ ಕಾಮಿ॑ತಂ ಸ॒ರ್ವ॒.-ಙ್ಕಾತ್ಯಾ॑ಯನಿ ನ॒ಮೋಽಸ್ತು॑ ತೇ..
ಉಲೂ॑ಕಯಾತುಂ ಶುಶು॒ಲೂಕ॑ಯಾತು.-ಞ್ಜ॒ಹಿ ಶ್ವಯಾ॑ತು. ಮು॒ತ ಕೋಕ॑ಯಾತುಂ. ಸು॒ಪ॒ರ್ಣಯಾ॑ತು. ಮು॒ತ ಗೃಧ್ರ॑ಯಾತು.-ನ್ದೃ॒ಷದೇ॑ವ॒ ಪ್ರಮೃ॑ಣ॒ ರಕ್ಷ॑ ಇಂದ್ರ..
ಪಿ॒ಶಂಗ॑ಭೃಷ್ಟಿ. ಮಂಭೃ॒ಣಂ- ಪಿ॒ಶಾಚಿ॑. ಮಿಂದ್ರ॒ ಸಂ ಮೃ॑ಣ. ಸರ್ವಂ॒ ರಕ್ಷೋ॒ ನಿ ಬ॑ರ್ಹಯ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦. ೧೪೨ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೩೦ ವರ್ಗಾನಂತರಂ]
ಹಿ॒ಮಸ್ಯ॑ ತ್ವಾ ಜ॒ರಾಯು॑ಣಾ॒- ಶಾಲೇ॒ ಪರಿ॑ ವ್ಯಯಾಮಸಿ. ಉ॒ತ ಹ್ರ॒ದೋ ಹಿ ನೋ॒ ಧಿಯೋ॒-ಽಗ್ನಿ. ರ್ದ॑ದಾತು ಭೇಷ॒ಜಂ..
ಶೀ॒ತ॒ಹ್ರ॒ದೋ ಹಿ ನೋ॒ ಧಿಯೋ॒-ಽಗ್ನಿ. ರ್ದ॑ದಾತು ಭೇಷ॒ಜಂ. ಅಂತಿ॒ಕಾ. ಮ॒ಗ್ನಿ. ಮ॒ಜನ॑ಯ॒.-ದೂರ್ವಾ॑ದ॒. ಶ್ಶಶ॒ಹಾಽಗ॑ಮತ್..
ಅ॒ಜಾ॒ತ॒ಪು॒ತ್ರ॒ಪ॒ಕ್ಷಾಯಾ॑ ಹೃ॒ದಯಂ॒ ಮಮ॑ ದೂಯತೇ. ವಿಪು॑ಲಁ॒ ವನಂ॑ ಬ॒ಹ್ವಾಕಾ॑ಶ॒.-ಞ್ಚರ॑ ಜಾತವೇದ॒: ಕಾಮಾ॑ಯ..
ಮಾಂ॒ಚ॒ ರ॒ಕ್ಷ॒ ಪುತ್ರಾಂ॑.ಶ್ಚ॒- ಶರ॑ಣ. ಮಭೂ॒. ತ್ತವ॑. ಪಿಂ॒ಗಾ॒ಕ್ಷ॒ ಲೋ॒ಹಿ॒ತಗ್ರೀ॑ವ- ಕೃ॒ಷ್ಣವ॑ರ್ಣ ನ॒ಮೋಽಸ್ತು॑ತೇ..
ಅ॒ಸ್ಮಾ.ನ್ನಿ॒ ಬರ್ಹ॑ಸ್ಯೇನಾಂ- ಸಾ॒ಗರ॑ಸ್ಯೋರ್ಮ॒ಯೋ ಯ॑ಥಾ. ಇಂದ್ರಃ॑ ಕ್ಷ॒ತ್ರ.ನ್ದ॑ದಾತು॒- ವರು॑ಣ. ಮ॒ಭಿ ಷಿಂ॑ಚತು..
ಶ॒ತ್ರ॒ವೋ॒ ನಿಧ॑ನಂ ಯಾಂ॒ತು॒- ಜ॒ಯ ತ್ವಂ॑ ಬ್ರಹ್ಮ॒ತೇಜ॑ಸಾ. ಕ॒ಪಿ॒ಲ॒ಜ॒ಟೀಂ ಸ॒ರ್ವಭ॑ಕ್ಷ.ಞ್ಚಾ॒-ಽಗ್ನಿಂ ಪ್ರ॑ತ್ಯಕ್ಷ॒ದೈವ॑ತಂ. ವ॒ರು॒ಣಂ॒ಚ॒ ವ॒ಶಾ॒.ಮ್ಯಗ್ರೇ॑- ಮ॒ಮ ಪು॑ತ್ರಾಂಶ್ಚ॒ ರಕ್ಷ॑ತು.. (ಮ॒ಮ॒ ಪು॒ತ್ರಾಂ॒ಶ್ಚ॒ ರ॒ಕ್ಷ॒. ತ್ವೋ.ನ್ನಮಃ॑).
ಸಾಽಗ್ರಂ॑ ವ॒ರ್ಷಶ॒ತ.ಞ್ಜೀ॑ವ- ಪಿ॒ಬ ಖಾ॑ದ ಚ॒ ಮೋದ॑ ಚ. ದು॒:ಖಿ॒ತಾಂ॒ಶ್ಚ ದ್ವಿ॑ಜಾಂ.ಶ್ಚೈ॒ವ॒- ಪ್ರ॒ಜಾ.ಞ್ಚ॑ ಪಶು॒ ಪಾಲ॑ಯ..
ಯಾವ॑.ದಾದಿ॒ತ್ಯ. ಸ್ತ॑ಪತಿ॒- ಯಾವ॑.ದ್ಭ್ರಾಜತಿ॒ ಚಂ॒ದ್ರಮಾಃ॑. ಯಾ॒ವ॒.ದ್ವಾ॒ಯುಃ ಪ್ಲವಾ॑ಯತಿ॒-ತಾವ॑.ಜ್ಜೀವ॒ ಜಯಾ॑ ಜಯ..
ಯೇನ॑ ಕೇ॒ನ ಪ್ರ॑ಕಾರೇ॒ಣ॒- ಕೋ॒ ಹಿ ನಾ॑ಮ ನು॒ ಜೀವ॑ತಿ. ಪರೇ॑ಷಾ॒. ಮುಪ॑ಕಾರಾ॒ರ್ಥಂ॒- ಯ॒ಜ್ಜೀವ॑ತಿ ಸ॒ ಜೀವ॑ತಿ..
ಏ॒ತಾಁ॒ ವೈ॒ಶ್ವಾ॒ನರೀಂ॑- ಸ॒ರ್ವದೇ॑ವಾ.ನ್ನ॒ಮೋಽಸ್ತು॑ ತೇ..
ನ ಚೋ॑ರ॒ಭಯ॒.ನ್ನ ಚ॑ ಸರ್ಪ॒ಭಯ.-॒ನ್ನ ಚ॑ ವ್ಯಾಘ್ರ॒ಭಯ॒.ನ್ನ ಚ॑ ಮೃತ್ಯು॒ಭಯಂ॑. ಯ॒ಸ್ಯಾ॒ಽಪ॒ಮೃ॒ತ್ಯು.ರ್ನ॑ ಚ ಮೃ॒ತ್ಯು॒.-ಸ್ಸರ್ವಂ॑ ಲಭತೇ॒ ಸರ್ವ॑.ಞ್ಜಯತೇ..
ಸ್ವ॒ಸ್ತಿ ನೋ॑ ಮಿಮೀತಾಮ॒ಶ್ವಿನಾ॒ ಭಗಃ॑ ಸ್ವ॒ಸ್ತಿ ದೇ॒ವ್ಯದಿ॑ತಿರನ॒ರ್ವಣಃ॑ . ಸ್ವ॒ಸ್ತಿ ಪೂ॒ಷಾ ಅಸು॑ರೋ ದಧಾತು ನಃ ಸ್ವ॒ಸ್ತಿ ದ್ಯಾವಾ॑ಪೃಥಿ॒ವೀ ಸು॑ಚೇ॒ತುನಾ॑ ..
ಸ್ವ॒ಸ್ತಯೇ॑ ವಾ॒ಯುಮುಪ॑ ಬ್ರವಾಮಹೈ॒ ಸೋಮಂ॑ ಸ್ವ॒ಸ್ತಿ ಭುವ॑ನಸ್ಯ॒ ಯಸ್ಪತಿಃ॑ . ಬೃಹ॒ಸ್ಪತಿಂ॒ ಸರ್ವ॑ಗಣಂ ಸ್ವ॒ಸ್ತಯೇ॑ ಸ್ವ॒ಸ್ತಯ॑ ಆದಿ॒ತ್ಯಾಸೋ॑ ಭವಂತು ನಃ ..
ವಿಶ್ವೇ॑ ದೇ॒ವಾ ನೋ॑ ಅ॒ದ್ಯಾ ಸ್ವ॒ಸ್ತಯೇ॑ ವೈಶ್ವಾನ॒ರೋ ವಸು॑ರ॒ಗ್ನಿಃ ಸ್ವ॒ಸ್ತಯೇ॑ . ದೇ॒ವಾ ಅ॑ವಂತ್ವೃ॒ಭವಃ॑ ಸ್ವ॒ಸ್ತಯೇ॑ ಸ್ವ॒ಸ್ತಿ ನೋ॑ ರು॒ದ್ರಃ ಪಾ॒ತ್ವಂಹ॑ಸಃ ..
ಸ್ವ॒ಸ್ತಿ ಮಿ॑ತ್ರಾವರುಣಾ ಸ್ವ॒ಸ್ತಿ ಪ॑ಥ್ಯೇ ರೇವತಿ . ಸ್ವ॒ಸ್ತಿ ನ॒ ಇಂದ್ರ॑ಶ್ಚಾ॒ಗ್ನಿಶ್ಚ॑ ಸ್ವ॒ಸ್ತಿ ನೋ॑ ಅದಿತೇ ಕೃಧಿ ..
ಸ್ವ॒ಸ್ತಿ ಪಂಥಾ॒ಮನು॑ ಚರೇಮ ಸೂರ್ಯಾಚಂದ್ರ॒ಮಸಾ॑ವಿವ . ಪುನ॒ರ್ದದ॒ತಾಘ್ನ॑ತಾ ಜಾನ॒ತಾ ಸಂ ಗ॑ಮೇಮಹಿ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೫, ೫೧ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೪, ಅಧ್ಯಾಯ ೩, ೭ ವರ್ಗಾನಂತರಂ]
ಸ್ವ॒ಸ್ತ್ಯಯ॑ನಂ॒ ತಾರ್ಕ್ಷ್ಯ॒ಮರಿ॑ಷ್ಟನೇಮಿಂ ಮ॒ಹದ್ಭೂ॑ತಂ ವಾಯ॒ಸಂ ದೇ॒ವತಾ॑ನಾಂ . ಅ॒ಸು॒ರ॒ಘ್ನಮಿಂದ್ರ॑ಸಖಂ ಸ॒ಮತ್ಸು॑ ಬೃ॒ಹದ್ಯಶೋ॒ ನಾವ॑ಮಿ॒ವಾ ರು॑ಹೇಮ ..೧..
ಅಂ॒ಹೋ॒ಮುಚ॑ಮಾಂ॒ಗಿರ॑ಸಂ॒ ಗಯಂ॑ ಚ ಸ್ವ॒ಸ್ತ್ಯಾ॑ತ್ರೇ॒ಯಂ ಮನ॑ಸಾ ಚ॒ ತಾರ್ಕ್ಷ್ಯಂ॑ . ಪ್ರಯ॑ತಪಾಣಿಃ ಶರ॒ಣಂ ಪ್ರ ಪ॑ದ್ಯೇ ಸ್ವ॒ಸ್ತಿ ಸಂ॑ಬಾ॒ಧೇಷ್ವಭ॑ಯಂ ನೋ, ಅಸ್ತು ..೨..
ಹಿರಣ್ಯಗರ್ಭಇತಿ ದಶರ್ಚಸ್ಯ ಸೂಕ್ತಸ್ಯ ಪ್ರಾಜಾಪತ್ಯೋಹಿರಣ್ಯಗರ್ಭಃ ಪ್ರಜಾಪತಿಸ್ತ್ರಿಷ್ಟುಪ್ .
ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ . ಸ ದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯ ಆ॑ತ್ಮ॒ದಾ ಬ॑ಲ॒ದಾ ಯಸ್ಯ॒ ವಿಶ್ವ॑ ಉ॒ಪಾಸ॑ತೇ ಪ್ರ॒ಶಿಷಂ॒ ಯಸ್ಯ॑ ದೇ॒ವಾಃ . ಯಸ್ಯ॑ ಛಾ॒ಯಾಮೃತಂ॒ ಯಸ್ಯ॑ ಮೃ॒ತ್ಯುಃ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ . ಯ ಈಶೇ॑ ಅ॒ಸ್ಯ ದ್ವಿ॒ಪದ॒ಶ್ಚತು॑ಷ್ಪದಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯಸ್ಯೇ॒ಮೇ ಹಿ॒ಮವಂ॑ತೋ ಮಹಿ॒ತ್ವಾ ಯಸ್ಯ॑ ಸಮು॒ದ್ರಂ ರ॒ಸಯಾ॑ ಸ॒ಹಾಹುಃ . ಯಸ್ಯೇ॒ಮಾಃ ಪ್ರ॒ದಿಶೋ॒ ಯಸ್ಯ॑ ಬಾ॒ಹೂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯೇನ॒ ದ್ಯೌರು॒ಗ್ರಾ ಪೃ॑ಥಿ॒ವೀ ಚ॑ ದೃ॒ಳ್ಹಾ ಯೇನ॒ ಸ್ವಃ॑ ಸ್ತಭಿ॒ತಂ ಯೇನ॒ ನಾಕಃ॑ . ಯೋ ಅಂ॒ತರಿ॑ಕ್ಷೇ॒ ರಜ॑ಸೋ ವಿ॒ಮಾನಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯಂ ಕ್ರಂದ॑ಸೀ॒ ಅವ॑ಸಾ ತಸ್ತಭಾ॒ನೇ ಅ॒ಭ್ಯೈಕ್ಷೇ॑ತಾಂ॒ ಮನ॑ಸಾ॒ ರೇಜ॑ಮಾನೇ . ಯತ್ರಾಧಿ॒ ಸೂರ॒ ಉದಿ॑ತೋ ವಿ॒ಭಾತಿ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಆಪೋ॑ ಹ॒ ಯದ್ಬೃ॑ಹ॒ತೀರ್ವಿಶ್ವ॒ಮಾಯ॒ನ್ಗರ್ಭಂ॒ ದಧಾ॑ನಾ ಜ॒ನಯಂ॑ತೀರ॒ಗ್ನಿಂ . ತತೋ॑ ದೇ॒ವಾನಾಂ॒ ಸಮ॑ವರ್ತ॒ತಾಸು॒ರೇಕಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಯಶ್ಚಿ॒ದಾಪೋ॑ ಮಹಿ॒ನಾ ಪ॒ರ್ಯಪ॑ಶ್ಯ॒ದ್ದಕ್ಷಂ॒ ದಧಾ॑ನಾ ಜ॒ನಯಂ॑ತೀರ್ಯ॒ಜ್ಞಂ . ಯೋ ದೇ॒ವೇಷ್ವಧಿ॑ ದೇ॒ವ ಏಕ॒ ಆಸೀ॒ತ್ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಮಾ ನೋ॑ ಹಿಂಸೀಜ್ಜನಿ॒ತಾ ಯಃ ಪೃ॑ಥಿ॒ವ್ಯಾ ಯೋ ವಾ॒ ದಿವಂ॑ ಸ॒ತ್ಯಧ॑ರ್ಮಾ ಜ॒ಜಾನ॑ . ಯಶ್ಚಾ॒ಪಶ್ಚಂ॒ದ್ರಾ ಬೃ॑ಹ॒ತೀರ್ಜ॒ಜಾನ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ..
ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ . ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ ..
ಸತ್ಯೇನೇತಿ ಸಪ್ತಚತ್ವಾರಿಂಶದೃಚಸ್ಯ ಸೂಕ್ತಸ್ಯ ಸೂರ್ಯಾಸಾವಿತ್ರೀಋಷಿಕಾ ಪಂಚಾನಾಂಸೋಮೋದೇವತಾ ತತಏಕಾದಶಾನಾಂ ಸೂರ್ಯಾವಿವಾಹಃ ಸಪ್ತದಶ್ಯಾದೇವಾಃ ಅಷ್ಟಾದಶ್ಯಾಃ ಸೋಮಾರ್ಕೌ ಏಕೋನವಿಂಶ್ಯಾಶ್ಚಂದ್ರಮಾಃ ತತೋನವಾನಾಂನೃಣಾಂ ವಿವಾಹ ಮಂತ್ರಾಆಶೀಃ ಪ್ರಾಯಾಃ ತತೋದ್ವಯೋರ್ವಧೂರ್ವಾಸೋದೇವತಾ ಏಕತ್ರಿಂಶ್ಯಾಯಕ್ಷ್ಮಹಾ ಶಿಷ್ಟಾನಾಮೃಚಸೂರ್ಯಾಂಸಾವಿತ್ರೀ ಅನುಷ್ಟುಪ್ಚತುರ್ದಶೀಏಕೋನವಿಂಶ್ಯಾದಿ ತಿಸ್ರಸ್ರಯೋವಿಂಶೀ ಚತುರ್ವಿಂಶೀಷಡ್ವಿಂಶೀ ಷಟ್ತ್ರಿಂಶೀ ಸಪ್ತತ್ರಿಂಶೀ ಚತುಶ್ಚತ್ವಾರಿಂಶ್ಯಶ್ಚತ್ರಿಷ್ಟುಭಃ ಅಷ್ಟಾದಶೀ ಸಪ್ತವಿಂಶೀತ್ರಿಚತ್ವಾರಿಂಶ್ಯಶ್ಚ ಜಗತ್ಯಃ ಚತುಸ್ತ್ರಿಂಶ್ಯುರೋಬೃಹತೀ .
ಸ॒ತ್ಯೇನೋತ್ತ॑ಭಿತಾ॒ ಭೂಮಿಃ॒ ಸೂರ್ಯೇ॒ಣೋತ್ತ॑ಭಿತಾ॒ ದ್ಯೌಃ . ಋ॒ತೇನಾ॑ದಿ॒ತ್ಯಾಸ್ತಿ॑ಷ್ಠಂತಿ ದಿ॒ವಿ ಸೋಮೋ॒ ಅಧಿ॑ ಶ್ರಿ॒ತಃ ..
ಸೋಮೇ॑ನಾದಿ॒ತ್ಯಾ ಬ॒ಲಿನಃ॒ ಸೋಮೇ॑ನ ಪೃಥಿ॒ವೀ ಮ॒ಹೀ . ಅಥೋ॒ ನಕ್ಷ॑ತ್ರಾಣಾಮೇ॒ಷಾಮು॒ಪಸ್ಥೇ॒ ಸೋಮ॒ ಆಹಿ॑ತಃ ..
ಸೋಮಂ॑ ಮನ್ಯತೇ ಪಪಿ॒ವಾನ್ಯತ್ಸಂ॑ಪಿಂ॒ಷಂತ್ಯೋಷ॑ಧಿಂ . ಸೋಮಂ॒ ಯಂ ಬ್ರ॒ಹ್ಮಾಣೋ॑ ವಿ॒ದುರ್ನ ತಸ್ಯಾ॑ಶ್ನಾತಿ॒ ಕಶ್ಚ॒ನ ..
ಆ॒ಚ್ಛದ್ವಿ॑ಧಾನೈರ್ಗುಪಿ॒ತೋ ಬಾರ್ಹ॑ತೈಃ ಸೋಮ ರಕ್ಷಿ॒ತಃ . ಗ್ರಾವ್ಣಾ॒ಮಿಚ್ಛೃ॒ಣ್ವಂತಿ॑ಷ್ಠಸಿ॒ ನ ತೇ॑ ಅಶ್ನಾತಿ॒ ಪಾರ್ಥಿ॑ವಃ ..
ಯತ್ತ್ವಾ॑ ದೇವ ಪ್ರ॒ಪಿಬಂ॑ತಿ॒ ತತ॒ ಆ ಪ್ಯಾ॑ಯಸೇ॒ ಪುನಃ॑ . ವಾ॒ಯುಃ ಸೋಮ॑ಸ್ಯ ರಕ್ಷಿ॒ತಾ ಸಮಾ॑ನಾಂ॒ ಮಾಸ॒ ಆಕೃ॑ತಿಃ ..
ರೈಭ್ಯಾ॑ಸೀದನು॒ದೇಯೀ॑ ನಾರಾಶಂ॒ಸೀ ನ್ಯೋಚ॑ನೀ . ಸೂ॒ರ್ಯಾಯಾ॑ ಭ॒ದ್ರಮಿದ್ವಾಸೋ॒ ಗಾಥ॑ಯೈತಿ॒ ಪರಿ॑ಷ್ಕೃತಂ ..
ಚಿತ್ತಿ॑ರಾ ಉಪ॒ಬರ್ಹ॑ಣಂ॒ ಚಕ್ಷು॑ರಾ ಅ॒ಭ್ಯಂಜ॑ನಂ . ದ್ಯೌರ್ಭೂಮಿಃ॒ ಕೋಶ॑ ಆಸೀ॒ದ್ಯದಯಾ॑ತ್ಸೂ॒ರ್ಯಾ ಪತಿಂ॑ ..
ಸ್ತೋಮಾ॑ ಆಸನ್ಪ್ರತಿ॒ಧಯಃ॑ ಕು॒ರೀರಂ॒ ಛಂದ॑ ಓಪ॒ಶಃ . ಸೂ॒ರ್ಯಾಯಾ॑ ಅ॒ಶ್ವಿನಾ॑ ವ॒ರಾಗ್ನಿರಾ॑ಸೀತ್ಪುರೋಗ॒ವಃ ..
ಸೋಮೋ॑ ವಧೂ॒ಯುರ॑ಭವದ॒ಶ್ವಿನಾ॑ಸ್ತಾಮು॒ಭಾ ವ॒ರಾ . ಸೂ॒ರ್ಯಾಂ ಯತ್ಪತ್ಯೇ॒ ಶಂಸಂ॑ತೀಂ॒ ಮನ॑ಸಾ ಸವಿ॒ತಾದ॑ದಾತ್ ..
ಮನೋ॑ ಅಸ್ಯಾ॒ ಅನ॑ ಆಸೀ॒ದ್ದ್ಯೌರಾ॑ಸೀದು॒ತ ಚ್ಛ॒ದಿಃ . ಶು॒ಕ್ರಾವ॑ನ॒ಡ್ವಾಹಾ॑ವಾಸ್ತಾಂ॒ ಯದಯಾ॑ತ್ಸೂ॒ರ್ಯಾ ಗೃ॒ಹಂ ..
ಋ॒ಕ್ಸಾ॒ಮಾಭ್ಯಾ॑ಮ॒ಭಿಹಿ॑ತೌ॒ ಗಾವೌ॑ ತೇ ಸಾಮ॒ನಾವಿ॑ತಃ . ಶ್ರೋತ್ರಂ॑ ತೇ ಚ॒ಕ್ರೇ ಆ॑ಸ್ತಾಂ ದಿ॒ವಿ ಪಂಥಾ॑ಶ್ಚರಾಚಾ॒ರಃ ..
ಶುಚೀ॑ ತೇ ಚ॒ಕ್ರೇ ಯಾ॒ತ್ಯಾ ವ್ಯಾ॒ನೋ ಅಕ್ಷ॒ ಆಹ॑ತಃ . ಅನೋ॑ ಮನ॒ಸ್ಮಯಂ॑ ಸೂ॒ರ್ಯಾರೋ॑ಹತ್ಪ್ರಯ॒ತೀ ಪತಿಂ॑ ..
ಸೂ॒ರ್ಯಾಯಾ॑ ವಹ॒ತುಃ ಪ್ರಾಗಾ॑ತ್ಸವಿ॒ತಾ ಯಮ॒ವಾಸೃ॑ಜತ್ . ಅ॒ಘಾಸು॑ ಹನ್ಯಂತೇ॒ ಗಾವೋಽರ್ಜು॑ನ್ಯೋಃ॒ ಪರ್ಯು॑ಹ್ಯತೇ ..
ಯದ॑ಶ್ವಿನಾ ಪೃ॒ಚ್ಛಮಾ॑ನಾ॒ವಯಾ॑ತಂ ತ್ರಿಚ॒ಕ್ರೇಣ॑ ವಹ॒ತುಂ ಸೂ॒ರ್ಯಾಯಾಃ॑ . ವಿಶ್ವೇ॑ ದೇ॒ವಾ ಅನು॒ ತದ್ವಾ॑ಮಜಾನನ್ಪು॒ತ್ರಃ ಪಿ॒ತರಾ॑ವವೃಣೀತ ಪೂ॒ಷಾ ..
ಯದಯಾ॑ತಂ ಶುಭಸ್ಪತೀ ವರೇ॒ಯಂ ಸೂ॒ರ್ಯಾಮುಪ॑ . ಕ್ವೈಕಂ॑ ಚ॒ಕ್ರಂ ವಾ॑ಮಾಸೀ॒ತ್ಕ್ವ॑ ದೇ॒ಷ್ಟ್ರಾಯ॑ ತಸ್ಥಥುಃ ..
ದ್ವೇ ತೇ॑ ಚ॒ಕ್ರೇ ಸೂ॑ರ್ಯೇ ಬ್ರ॒ಹ್ಮಾಣ॑ ಋತು॒ಥಾ ವಿ॑ದುಃ . ಅಥೈಕಂ॑ ಚ॒ಕ್ರಂ ಯದ್ಗುಹಾ॒ ತದ॑ದ್ಧಾ॒ತಯ॒ ಇದ್ವಿ॑ದುಃ ..
ಸೂ॒ರ್ಯಾಯೈ॑ ದೇ॒ವೇಭ್ಯೋ॑ ಮಿ॒ತ್ರಾಯ॒ ವರು॑ಣಾಯ ಚ . ಯೇ ಭೂ॒ತಸ್ಯ॒ ಪ್ರಚೇ॑ತಸ ಇ॒ದಂ ತೇಭ್ಯೋ॑ಽಕರಂ॒ ನಮಃ॑ ..
ಪೂ॒ರ್ವಾ॒ಪ॒ರಂ ಚ॑ರತೋ ಮಾ॒ಯಯೈ॒ತೌ ಶಿಶೂ॒ ಕ್ರೀಳಂ॑ತೌ॒ ಪರಿ॑ ಯಾತೋ ಅಧ್ವ॒ರಂ . ವಿಶ್ವಾ॑ನ್ಯ॒ನ್ಯೋ ಭುವ॑ನಾಭಿ॒ಚಷ್ಟ॑ ಋ॒ತೂಁರ॒ನ್ಯೋ ವಿ॒ದಧ॑ಜ್ಜಾಯತೇ॒ ಪುನಃ॑ ..
ನವೋ॑ನವೋ ಭವತಿ॒ ಜಾಯ॑ಮಾ॒ನೋಽಹ್ನಾಂ॑ ಕೇ॒ತುರು॒ಷಸಾ॑ಮೇ॒ತ್ಯಗ್ರಂ॑ . ಭಾ॒ಗಂ ದೇ॒ವೇಭ್ಯೋ॒ ವಿ ದ॑ಧಾತ್ಯಾ॒ಯನ್ಪ್ರ ಚಂ॒ದ್ರಮಾ॑ಸ್ತಿರತೇ ದೀ॒ರ್ಘಮಾಯುಃ॑ ..
ಸು॒ಕಿಂ॒ಶು॒ಕಂ ಶ॑ಲ್ಮ॒ಲಿಂ ವಿ॒ಶ್ವರೂ॑ಪಂ॒ ಹಿರ॑ಣ್ಯವರ್ಣಂ ಸು॒ವೃತಂ॑ ಸುಚ॒ಕ್ರಂ . ಆ ರೋ॑ಹ ಸೂರ್ಯೇ ಅ॒ಮೃತ॑ಸ್ಯ ಲೋ॒ಕಂ ಸ್ಯೋ॒ನಂ ಪತ್ಯೇ॑ ವಹ॒ತುಂ ಕೃ॑ಣುಷ್ವ ..
ಉದೀ॒ರ್ಷ್ವಾತಃ॒ ಪತಿ॑ವತೀ॒ ಹ್ಯೇ॒೩॒॑ಷಾ ವಿ॒ಶ್ವಾವ॑ಸುಂ॒ ನಮ॑ಸಾ ಗೀ॒ರ್ಭಿರೀ॑ಳೇ . ಅ॒ನ್ಯಾಮಿ॑ಚ್ಛ ಪಿತೃ॒ಷದಂ॒ ವ್ಯ॑ಕ್ತಾಂ॒ ಸ ತೇ॑ ಭಾ॒ಗೋ ಜ॒ನುಷಾ॒ ತಸ್ಯ॑ ವಿದ್ಧಿ ..
ಉದೀ॒ರ್ಷ್ವಾತೋ॑ ವಿಶ್ವಾವಸೋ॒ ನಮ॑ಸೇಳಾ ಮಹೇ ತ್ವಾ . ಅ॒ನ್ಯಾಮಿ॑ಚ್ಛ ಪ್ರಫ॒ರ್ವ್ಯಂ೧॒॑ ಸಂ ಜಾ॒ಯಾಂ ಪತ್ಯಾ॑ ಸೃಜ ..
ಅ॒ನೃ॒ಕ್ಷ॒ರಾ ಋ॒ಜವಃ॑ ಸಂತು॒ ಪಂಥಾ॒ ಯೇಭಿಃ॒ ಸಖಾ॑ಯೋ॒ ಯಂತಿ॑ ನೋ ವರೇ॒ಯಂ . ಸಮ॑ರ್ಯ॒ಮಾ ಸಂ ಭಗೋ॑ ನೋ ನಿನೀಯಾ॒ತ್ಸಂ ಜಾ॑ಸ್ಪ॒ತ್ಯಂ ಸು॒ಯಮ॑ಮಸ್ತು ದೇವಾಃ ..
ಪ್ರ ತ್ವಾ॑ ಮುಂಚಾಮಿ॒ ವರು॑ಣಸ್ಯ॒ ಪಾಶಾ॒ದ್ಯೇನ॒ ತ್ವಾಬ॑ಧ್ನಾತ್ಸವಿ॒ತಾ ಸು॒ಶೇವಃ॑ . ಋ॒ತಸ್ಯ॒ ಯೋನೌ॑ ಸುಕೃ॒ತಸ್ಯ॑ ಲೋ॒ಕೇಽರಿ॑ಷ್ಟಾಂ ತ್ವಾ ಸ॒ಹ ಪತ್ಯಾ॑ ದಧಾಮಿ ..
ಪ್ರೇತೋ ಮುಂ॒ಚಾಮಿ॒ ನಾಮುತಃ॑ ಸುಬ॒ದ್ಧಾಮ॒ಮುತ॑ಸ್ಕರಂ . ಯಥೇ॒ಯಮಿಂ॑ದ್ರ ಮೀಢ್ವಃ ಸುಪು॒ತ್ರಾ ಸು॒ಭಗಾಸ॑ತಿ ..
ಪೂ॒ಷಾ ತ್ವೇ॒ತೋ ನ॑ಯತು ಹಸ್ತ॒ಗೃಹ್ಯಾ॒ಶ್ವಿನಾ॑ ತ್ವಾ॒ ಪ್ರ ವ॑ಹತಾಂ॒ ರಥೇ॑ನ . ಗೃ॒ಹಾನ್ಗ॑ಚ್ಛ ಗೃ॒ಹಪ॑ತ್ನೀ॒ ಯಥಾಸೋ॑ ವ॒ಶಿನೀ॒ ತ್ವಂ ವಿ॒ದಥ॒ಮಾ ವ॑ದಾಸಿ ..
ಇ॒ಹ ಪ್ರಿ॒ಯಂ ಪ್ರ॒ಜಯಾ॑ ತೇ॒ ಸಮೃ॑ಧ್ಯತಾಮ॒ಸ್ಮಿನ್ಗೃ॒ಹೇ ಗಾರ್ಹ॑ಪತ್ಯಾಯ ಜಾಗೃಹಿ . ಏ॒ನಾ ಪತ್ಯಾ॑ ತ॒ನ್ವಂ೧॒॑ ಸಂ ಸೃ॑ಜ॒ಸ್ವಾಧಾ॒ ಜಿವ್ರೀ॑ ವಿ॒ದಥ॒ಮಾ ವ॑ದಾಥಃ ..
ನೀ॒ಲ॒ಲೋ॒ಹಿ॒ತಂ ಭ॑ವತಿ ಕೃ॒ತ್ಯಾಸ॒ಕ್ತಿರ್ವ್ಯ॑ಜ್ಯತೇ . ಏಧಂ॑ತೇ ಅಸ್ಯಾ ಜ್ಞಾ॒ತಯಃ॒ ಪತಿ॑ರ್ಬಂ॒ಧೇಷು॑ ಬಧ್ಯತೇ ..
ಪರಾ॑ ದೇಹಿ ಶಾಮು॒ಲ್ಯಂ॑ ಬ್ರ॒ಹ್ಮಭ್ಯೋ॒ ವಿ ಭ॑ಜಾ॒ ವಸು॑ . ಕೃ॒ತ್ಯೈಷಾ ಪ॒ದ್ವತೀ॑ ಭೂ॒ತ್ವ್ಯಾ ಜಾ॒ಯಾ ವಿ॑ಶತೇ॒ ಪತಿಂ॑ ..
ಅ॒ಶ್ರೀ॒ರಾ ತ॒ನೂರ್ಭ॑ವತಿ॒ ರುಶ॑ತೀ ಪಾ॒ಪಯಾ॑ಮು॒ಯಾ . ಪತಿ॒ರ್ಯದ್ವ॒ಧ್ವೋ॒೩॒॑ ವಾಸ॑ಸಾ॒ ಸ್ವಮಂಗ॑ಮಭಿ॒ಧಿತ್ಸ॑ತೇ ..
ಯೇ ವ॒ಧ್ವ॑ಶ್ಚಂ॒ದ್ರಂ ವ॑ಹ॒ತುಂ ಯಕ್ಷ್ಮಾ॒ ಯಂತಿ॒ ಜನಾ॒ದನು॑ . ಪುನ॒ಸ್ತಾನ್ಯ॒ಜ್ಞಿಯಾ॑ ದೇ॒ವಾ ನಯಂ॑ತು॒ ಯತ॒ ಆಗ॑ತಾಃ ..
ಮಾ ವಿ॑ದನ್ಪರಿಪಂ॒ಥಿನೋ॒ ಯ ಆ॒ಸೀದಂ॑ತಿ॒ ದಂಪ॑ತೀ . ಸು॒ಗೇಭಿ॑ರ್ದು॒ರ್ಗಮತೀ॑ತಾ॒ಮಪ॑ ದ್ರಾಂ॒ತ್ವರಾ॑ತಯಃ ..
ಸು॒ಮಂ॒ಗ॒ಲೀರಿ॒ಯಂ ವ॒ಧೂರಿ॒ಮಾಂ ಸ॒ಮೇತ॒ ಪಶ್ಯ॑ತ . ಸೌಭಾ॑ಗ್ಯಮಸ್ಯೈ ದ॒ತ್ತ್ವಾಯಾಥಾಸ್ತಂ॒ ವಿ ಪರೇ॑ತನ ..
ತೃ॒ಷ್ಟಮೇ॒ತತ್ಕಟು॑ಕಮೇ॒ತದ॑ಪಾ॒ಷ್ಠವ॑ದ್ವಿ॒ಷವ॒ನ್ನೈತದತ್ತ॑ವೇ . ಸೂ॒ರ್ಯಾಂ ಯೋ ಬ್ರ॒ಹ್ಮಾ ವಿ॒ದ್ಯಾತ್ಸ ಇದ್ವಾಧೂ॑ಯಮರ್ಹತಿ ..
ಆ॒ಶಸ॑ನಂ ವಿ॒ಶಸ॑ನ॒ಮಥೋ॑ ಅಧಿವಿ॒ಕರ್ತ॑ನಂ . ಸೂ॒ರ್ಯಾಯಾಃ॑ ಪಶ್ಯ ರೂ॒ಪಾಣಿ॒ ತಾನಿ॑ ಬ್ರ॒ಹ್ಮಾ ತು ಶುಂ॑ಧತಿ ..
ಗೃ॒ಭ್ಣಾಮಿ॑ ತೇ ಸೌಭಗ॒ತ್ವಾಯ॒ ಹಸ್ತಂ॒ ಮಯಾ॒ ಪತ್ಯಾ॑ ಜ॒ರದ॑ಷ್ಟಿ॒ರ್ಯಥಾಸಃ॑ . ಭಗೋ॑ ಅರ್ಯ॒ಮಾ ಸ॑ವಿ॒ತಾ ಪುರಂ॑ಧಿ॒ರ್ಮಹ್ಯಂ॑ ತ್ವಾದು॒ರ್ಗಾರ್ಹ॑ಪತ್ಯಾಯ ದೇ॒ವಾಃ ..
ತಾಂ ಪೂ॑ಷಂಛಿ॒ವತ॑ಮಾ॒ಮೇರ॑ಯಸ್ವ॒ ಯಸ್ಯಾಂ॒ ಬೀಜಂ॑ ಮನು॒ಷ್ಯಾ॒೩॒॑ ವಪಂ॑ತಿ . ಯಾ ನ॑ ಊ॒ರೂ ಉ॑ಶ॒ತೀ ವಿ॒ಶ್ರಯಾ॑ತೇ॒ ಯಸ್ಯಾ॑ಮು॒ಶಂತಃ॑ ಪ್ರ॒ಹರಾ॑ಮ॒ ಶೇಪಂ॑ ..
ತುಭ್ಯ॒ಮಗ್ರೇ॒ ಪರ್ಯ॑ವಹಂತ್ಸೂ॒ರ್ಯಾಂ ವ॑ಹ॒ತುನಾ॑ ಸ॒ಹ . ಪುನಃ॒ ಪತಿ॑ಭ್ಯೋ ಜಾ॒ಯಾಂ ದಾ ಅ॑ಗ್ನೇ ಪ್ರ॒ಜಯಾ॑ ಸ॒ಹ ..
ಪುನಃ॒ ಪತ್ನೀ॑ಮ॒ಗ್ನಿರ॑ದಾ॒ದಾಯು॑ಷಾ ಸ॒ಹ ವರ್ಚ॑ಸಾ . ದೀ॒ರ್ಘಾಯು॑ರಸ್ಯಾ॒ ಯಃ ಪತಿ॒ರ್ಜೀವಾ॑ತಿ ಶ॒ರದಃ॑ ಶ॒ತಂ ..
ಸೋಮಃ॑ ಪ್ರಥ॒ಮೋ ವಿ॑ವಿದೇ ಗಂಧ॒ರ್ವೋ ವಿ॑ವಿದ॒ ಉತ್ತ॑ರಃ . ತೃ॒ತೀಯೋ॑ ಅ॒ಗ್ನಿಷ್ಟೇ॒ ಪತಿ॑ಸ್ತು॒ರೀಯ॑ಸ್ತೇ ಮನುಷ್ಯ॒ಜಾಃ ..
ಸೋಮೋ॑ ದದದ್ಗಂಧ॒ರ್ವಾಯ॑ ಗಂಧ॒ರ್ವೋ ದ॑ದದ॒ಗ್ನಯೇ॑ . ರ॒ಯಿಂ ಚ॑ ಪು॒ತ್ರಾಁಶ್ಚಾ॑ದಾದ॒ಗ್ನಿರ್ಮಹ್ಯ॒ಮಥೋ॑ ಇ॒ಮಾಂ ..
ಇ॒ಹೈವ ಸ್ತಂ॒ ಮಾ ವಿ ಯೌ॑ಷ್ಟಂ॒ ವಿಶ್ವ॒ಮಾಯು॒ರ್ವ್ಯ॑ಶ್ನುತಂ . ಕ್ರೀಳಂ॑ತೌ ಪು॒ತ್ರೈರ್ನಪ್ತೃ॑ಭಿ॒ರ್ಮೋದ॑ಮಾನೌ॒ ಸ್ವೇ ಗೃ॒ಹೇ ..
ಆ ನಃ॑ ಪ್ರ॒ಜಾಂ ಜ॑ನಯತು ಪ್ರ॒ಜಾಪ॑ತಿರಾಜರ॒ಸಾಯ॒ ಸಮ॑ನಕ್ತ್ವರ್ಯ॒ಮಾ . ಅದು॑ರ್ಮಂಗಲೀಃ ಪತಿಲೋ॒ಕಮಾ ವಿ॑ಶ॒ ಶಂ ನೋ॑ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ ..
ಅಘೋ॑ರಚಕ್ಷು॒ರಪ॑ತಿಘ್ನ್ಯೇಧಿ ಶಿ॒ವಾ ಪ॒ಶುಭ್ಯಃ॑ ಸು॒ಮನಾಃ॑ ಸು॒ವರ್ಚಾಃ॑ . ವೀ॒ರ॒ಸೂರ್ದೇ॒ವಕಾ॑ಮಾ ಸ್ಯೋ॒ನಾ ಶಂ ನೋ॑ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ ..
ಇ॒ಮಾಂ ತ್ವಮಿಂ॑ದ್ರ ಮೀಢ್ವಃ ಸುಪು॒ತ್ರಾಂ ಸು॒ಭಗಾಂ॑ ಕೃಣು . ದಶಾ॑ಸ್ಯಾಂ ಪು॒ತ್ರಾನಾ ಧೇ॑ಹಿ॒ ಪತಿ॑ಮೇಕಾದ॒ಶಂ ಕೃ॑ಧಿ ..
ಸ॒ಮ್ರಾಜ್ಞೀ॒ ಶ್ವಶು॑ರೇ ಭವ ಸ॒ಮ್ರಾಜ್ಞೀ॑ ಶ್ವ॒ಶ್ರ್ವಾಂ ಭ॑ವ . ನನಾಂ॑ದರಿ ಸ॒ಮ್ರಾಜ್ಞೀ॑ ಭವ ಸ॒ಮ್ರಾಜ್ಞೀ॒ ಅಧಿ॑ ದೇ॒ವೃಷು॑ ..
ಸಮಂ॑ಜಂತು॒ ವಿಶ್ವೇ॑ ದೇ॒ವಾಃ ಸಮಾಪೋ॒ ಹೃದ॑ಯಾನಿ ನೌ . ಸಂ ಮಾ॑ತ॒ರಿಶ್ವಾ॒ ಸಂ ಧಾ॒ತಾ ಸಮು॒ ದೇಷ್ಟ್ರೀ॑ ದಧಾತು ನೌ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦.೦೮೫ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೩, ೨೮ ವರ್ಗಾನಂತರಂ]
ಅ॒ವಿ॒ಧ॒ವಾ ಭವ॑ ವರ್ಷಾ॒ಣಿ॒- ಶ॒ತಂ ಸಾ॑ಗ್ರ.ನ್ತು॒ ಸವ್ರ॑ತಾ. ತೇ॒ಜ॒ಸ್ವೀ॒ ಚ ಯ॑ಶಸ್ವೀ॒ ಚ॒-ಧ॒ರ್ಮಪ॑ತ್ನೀ ಪ॒ತಿವ್ರ॑ತಾ..
ಜ॒ನ॒ಯ॒. ದ್ಬಹು॑ಪುತ್ರಾ॒ಣಿ॒- ಮಾ॒ ಚ ದು॑:ಖಂ ಲ॒ಭೇ. ತ್ಕ್ವ॑ಚಿತ್. ಭ॒ರ್ತಾ ತೇ॒ ಸೋಮ॑ಪಾ ನಿ॒ತ್ಯಂ॒-ಭ॒ವೇ. ದ್ಧ॑ರ್ಮಪ॒ರಾಯ॑ಣಃ..
ಅ॒ಷ್ಟ॒ಪು॒ತ್ರಾ ಭ॑ವ ತ್ವ॒.ಞ್ಚ॒- ಸು॒ಭಗಾ॑ ಚ ಪ॒ತಿವ್ರ॑ತಾ. ಭರ್ತು॑.ಶ್ಚೈ॒ವ ಪಿ॑ತು. ರ್ಭ್ರಾ॒ತು॒.-ರ್ಹೃ॒ದಯಾ॑ಽಽನಂದಿ॒ನೀ ಸ॑ದಾ..
ಇಂ॒ದ್ರ॒ಸ್ಯ॒ ತು॒ ಯ॒ಥೇಂ॒ದ್ರಾಣೀ॑- ಶ್ರೀ॒ಧರ॑ಸ್ಯ ಯ॒ಥಾ ಶ್ರಿ॑ಯಾ. ಶಂ॒ಕ॒ರ॒ಸ್ಯ॒ ಯ॒ಥಾ॒ ಗೌರೀ॑- ತ॒ದ್ಭರ್ತು॑. ರಪಿ॒ ಭರ್ತ॑ರಿ..
ಅತ್ರೇ॑. ರ್ಯ॒ಥಾಽನು॑ಸೂಯಾ॒ ಸ್ಯಾ॒.-ದ್ವ॒ಸಿಷ್ಠ॑ಸ್ಯಾಽಪ್ಯ॒ರುಂಧ॑ತೀ. ಕೌ॒ಶಿ॒ಕ॒ಸ್ಯ॒ ಯ॒ಥಾ॒ ಸತೀ॑- ತ॒ಥಾ ತ್ವ॑.ಮಪಿ॒ ಭರ್ತ॑ರಿ..
ಧ್ರು॒ವೈಧಿ॒ ಪೋ॑ಷ್ಯಾ॒ ಮಯಿ॒- ಮಹ್ಯ॑. ನ್ತ್ವಾಽದಾ॒. ದ್ಬೃಹ॒ಸ್ಪತಿಃ॑. ಮಯಾ॒ ಪತ್ಯಾ॑ ಪ್ರ॒ಜಾವ॑ತೀ॒-ಸ.ಞ್ಜೀ॑ವ ಶ॒ರದ॑. ಶ್ಶ॒ತಂ..
ಕನಿಕ್ರದದಿತಿ ತೃಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದಃಶಕುಂತಸ್ತ್ರಿಷ್ಟುಪ್ .
ಕನಿ॑ಕ್ರದಜ್ಜ॒ನುಷಂ॑ ಪ್ರಬ್ರುವಾ॒ಣ ಇಯ॑ರ್ತಿ॒ ವಾಚ॑ಮರಿ॒ತೇವ॒ ನಾವಂ॑ . ಸು॒ಮಂ॒ಗಲ॑ಶ್ಚ ಶಕುನೇ॒ ಭವಾ॑ಸಿ॒ ಮಾ ತ್ವಾ॒ ಕಾ ಚಿ॑ದಭಿ॒ಭಾ ವಿಶ್ವ್ಯಾ॑ ವಿದತ್ ..
ಮಾ ತ್ವಾ॑ ಶ್ಯೇ॒ನ ಉದ್ವ॑ಧೀ॒ನ್ಮಾ ಸು॑ಪ॒ರ್ಣೋ ಮಾ ತ್ವಾ॑ ವಿದ॒ದಿಷು॑ಮಾನ್ವೀ॒ರೋ ಅಸ್ತಾ॑ . ಪಿತ್ರ್ಯಾ॒ಮನು॑ ಪ್ರ॒ದಿಶಂ॒ ಕನಿ॑ಕ್ರದತ್ಸುಮಂ॒ಗಲೋ॑ ಭದ್ರವಾ॒ದೀ ವ॑ದೇ॒ಹ ..
ಅವ॑ ಕ್ರಂದ ದಕ್ಷಿಣ॒ತೋ ಗೃ॒ಹಾಣಾಂ॑ ಸುಮಂ॒ಗಲೋ॑ ಭದ್ರವಾ॒ದೀ ಶ॑ಕುಂತೇ . ಮಾ ನಃ॑ ಸ್ತೇ॒ನ ಈ॑ಶತ॒ ಮಾಘಶಂ॑ಸೋ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಪ್ರದಕ್ಷಿಣಿದಿತಿ ತೃಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದಃ ಶಕುಂತೋಜಗತೀ ದ್ವಿತೀಯಾತಿಶಕ್ವರೀ ಅಷ್ಟಿರ್ವಾ .
ಪ್ರ॒ದ॒ಕ್ಷಿ॒ಣಿದ॒ಭಿ ಗೃ॑ಣಂತಿ ಕಾ॒ರವೋ॒ ವಯೋ॒ ವದಂ॑ತ ಋತು॒ಥಾ ಶ॒ಕುಂತ॑ಯಃ . ಉ॒ಭೇ ವಾಚೌ॑ ವದತಿ ಸಾಮ॒ಗಾ ಇ॑ವ ಗಾಯ॒ತ್ರಂ ಚ॒ ತ್ರೈಷ್ಟು॑ಭಂ॒ ಚಾನು॑ ರಾಜತಿ ..
ಉ॒ದ್ಗಾ॒ತೇವ॑ ಶಕುನೇ॒ ಸಾಮ॑ ಗಾಯಸಿ ಬ್ರಹ್ಮಪು॒ತ್ರ ಇ॑ವ॒ ಸವ॑ನೇಷು ಶಂಸಸಿ . ವೃಷೇ॑ವ ವಾ॒ಜೀ ಶಿಶು॑ಮತೀರ॒ಪೀತ್ಯಾ॑ ಸ॒ರ್ವತೋ॑ ನಃ ಶಕುನೇ ಭ॒ದ್ರಮಾ ವ॑ದ ವಿ॒ಶ್ವತೋ॑ ನಃ ಶಕುನೇ॒ ಪುಣ್ಯ॒ಮಾ ವ॑ದ ..
ಆ॒ವದಂ॒ಸ್ತ್ವಂ ಶ॑ಕುನೇ ಭ॒ದ್ರಮಾ ವ॑ದ ತೂ॒ಷ್ಣೀಮಾಸೀ॑ನಃ ಸುಮ॒ತಿಂ ಚಿ॑ಕಿದ್ಧಿ ನಃ . ಯದು॒ತ್ಪತ॒ನ್ವದ॑ಸಿ ಕರ್ಕ॒ರಿರ್ಯ॑ಥಾ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೨.೦೪೩ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೨, ಅಧ್ಯಾಯ ೮, ೧೨ ವರ್ಗಾನಂತರಂ]
ಭ॒ದ್ರಂ ವ॑ದ ದಕ್ಷಿಣ॒ತೋ- ಭ॒ದ್ರ.ಮು॑ತ್ತರ॒ತೋ ವ॑ದ. ಭ॒ದ್ರಂ ಪು॒ರಸ್ತಾ॑.ನ್ನೋ ವದ- ಭ॒ದ್ರಂ ಪ॑ಶ್ಚಾ.ತ್ಕ॒ಪಿಂಜ॑ಲ..
ಭ॒ದ್ರಂ ವ॑ದ ಪು॒ತ್ರೈ.-ರ್ಭ॒ದ್ರಂ ವ॑ದ ಗೃ॒ಹೇಷು॑ ಚ. ಭ॒ದ್ರ.ಮ॒ಸ್ಮಾಕ॑. ನ್ನೋ ವದ- ಭ॒ದ್ರ.ನ್ನೋ॒ ಅಭ॑ಯ.ಙ್ಕೃಧಿ..
ಭ॒ದ್ರ. ಮ॒ಧಸ್ತಾ॑. ನ್ನೋ ವದ- ಭ॒ದ್ರ.ಮು॒ಪರಿ॑ಷ್ಟಾ.ನ್ನೋ ವದ. ಭ॒ದ್ರಂಭ॑ದ್ರ.ನ್ನ॒ ಆ ವ॑ದ- ಭ॒ದ್ರನ್ನ॑. ಸ್ಸರ್ವ॒ತೋ ವ॑ದ..
ಅ॒ಸ॒ಪ॒ತ್ನಃ ಪು॒ರಸ್ತಾ॑.ನ್ನ.-ಶ್ಶಿ॒ವ.ನ್ದ॑ಕ್ಷಿಣ॒ತ.ಸ್ಕೃ॑ಧಿ. ಅಭ॑ಯಂ॒ ಸತ॑ತಂ ಪ॒ಶ್ಚಾ.-ದ್ಭ॒ದ್ರ.ಮು॑ತ್ತರ॒ತೋ ಗೃ॒ಹೇ..
ಯೌ॒ವನಾ॑ನಿ ಮ॒ಹಯ॑ಸಿ- ಜಿ॒ಗ್ಯುಷಾ॑.ಮಿವ॒ ದುಂದು॑ಭಿಃ. ಶಕುಂ॑ತ॒ಕ ಪ್ರ॑ದಕ್ಷಿ॒ಣಂ-ಶ॒ತಪ॑ತ್ರಾ॒ಽಭಿ ನೋ॑ ವದ..
ಆ॒ವದಂ॒.ಸ್ತ್ವಂ ಶ॑ಕುನೇ ಭ॒ದ್ರ.ಮಾ ವ॑ದ- ತೂ॒ಷ್ಣೀ.ಮಾಸೀ॑ನ.ಸ್ಸುಮ॒ತಿ.ಞ್ಚಿ॑ಕಿದ್ಧಿ ನಃ. ಯದು॒ತ್ಪತ॒.ನ್ವದ॑ಸಿ ಕರ್ಕ॒ರಿ. ರ್ಯ॑ಥಾ-ಬೃ॒ಹ. ದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑..
ಅಸ್ಯವಾಮಸ್ಯೇತಿ ದ್ವಿಪಂಚಾಶದೃಚಸ್ಯ ಸೂಕ್ತಸ್ಯ ಔಚಥ್ಯೋದೀರ್ಘತಮಾ ಆದ್ಯಾನಾಮೇಕಚತ್ವಾರಿಂಶಟೃಚಾಂ ವಿಶ್ವೇದೇವಾಸ್ತಸ್ಯಾಃ ಸಮುದ್ರಾಇತ್ಯಸ್ಯಾವಾಕ್ಸಮುದ್ರಾಕ್ಷರಾಪಃ ಶಕಮಯಮಿತ್ಯಸ್ಯಾಃಶಕಧೂಮಸೋಮೌತ್ರಯಃ ಕೇಶಿನಇತ್ಯಸ್ಯಾಅಗ್ನಿಸೂರ್ಯವಾಯವೋ (ಕೇಶಿನಇತಿಗುಣಃ) ಚತ್ವಾರಿವಾಗಿತ್ಯಸ್ಯಾವಾಕ್ಇಂದ್ರಂಮಿತ್ರಮಿತಿದ್ವಯೋಃ ಸೂರ್ಯೋದ್ವಾದಶಪ್ರಧಯಇತ್ಯಸ್ಯಾಃ ಕಾಲಚಕ್ರಂ (ಅತ್ರಸಂವತ್ಸರಸಂಸ್ಥಂಕಾಲಚಕ್ರವರ್ಣನಂ) ಯಸ್ತಇತ್ಯಸ್ಯಾಃ ಸರಸ್ವತೀಯಜ್ಞೇನೇತ್ಯಸ್ಯಾಃ ಸಾಧ್ಯಾಃಸಮಾನಮಿತ್ಯಸ್ಯಾಃ ಸೂರ್ಯಃ (ಪರ್ಜನ್ಯಾಗ್ನೀವಾ) ದಿವ್ಯಂಸುಪರ್ಣಮಿತ್ಯಸ್ಯಾಃ ಸರಸ್ವಾನ್ (ಸೂರ್ಯೋವಾ) ತ್ರಿಷ್ಟುಪ್ ದ್ವಾದಶೀ ಪಂಚದಶೀ ತ್ರಯೋವಿಂಶೀ ಏಕೋನತ್ರಿಂಶೀ ಷಟ್ತ್ರಿಂಶ್ಯೇಕಚತ್ವಾರಿಂ- ಶೀಚಜಗತ್ಯಃ ದ್ವಿಚತ್ವಾರಿಂಶೀ ಪ್ರಸ್ತಾರಪಂಕ್ತಿಃ ಏಕಪಂಚಾಶ್ಯನುಷ್ಟುಪ್ .
ಅ॒ಸ್ಯ ವಾ॒ಮಸ್ಯ॑ ಪಲಿ॒ತಸ್ಯ॒ ಹೋತು॒ಸ್ತಸ್ಯ॒ ಭ್ರಾತಾ॑ ಮಧ್ಯ॒ಮೋ ಅ॒ಸ್ತ್ಯಶ್ನಃ॑ . ತೃ॒ತೀಯೋ॒ ಭ್ರಾತಾ॑ ಘೃ॒ತಪೃ॑ಷ್ಠೋ ಅ॒ಸ್ಯಾತ್ರಾ॑ಪಶ್ಯಂ ವಿ॒ಶ್ಪತಿಂ॑ ಸ॒ಪ್ತಪು॑ತ್ರಂ ..
ಸ॒ಪ್ತ ಯುಂ॑ಜಂತಿ॒ ರಥ॒ಮೇಕ॑ಚಕ್ರ॒ಮೇಕೋ॒ ಅಶ್ವೋ॑ ವಹತಿ ಸ॒ಪ್ತನಾ॑ಮಾ . ತ್ರಿ॒ನಾಭಿ॑ ಚ॒ಕ್ರಮ॒ಜರ॑ಮನ॒ರ್ವಂ ಯತ್ರೇ॒ಮಾ ವಿಶ್ವಾ॒ ಭುವ॒ನಾಧಿ॑ ತ॒ಸ್ಥುಃ ..
ಇ॒ಮಂ ರಥ॒ಮಧಿ॒ ಯೇ ಸ॒ಪ್ತ ತ॒ಸ್ಥುಃ ಸ॒ಪ್ತಚ॑ಕ್ರಂ ಸ॒ಪ್ತ ವ॑ಹಂ॒ತ್ಯಶ್ವಾಃ॑ . ಸ॒ಪ್ತ ಸ್ವಸಾ॑ರೋ ಅ॒ಭಿ ಸಂ ನ॑ವಂತೇ॒ ಯತ್ರ॒ ಗವಾಂ॒ ನಿಹಿ॑ತಾ ಸ॒ಪ್ತ ನಾಮ॑ ..
ಕೋ ದ॑ದರ್ಶ ಪ್ರಥ॒ಮಂ ಜಾಯ॑ಮಾನಮಸ್ಥ॒ನ್ವಂತಂ॒ ಯದ॑ನ॒ಸ್ಥಾ ಬಿಭ॑ರ್ತಿ . ಭೂಮ್ಯಾ॒ ಅಸು॒ರಸೃ॑ಗಾ॒ತ್ಮಾ ಕ್ವ॑ ಸ್ವಿ॒ತ್ಕೋ ವಿ॒ದ್ವಾಂಸ॒ಮುಪ॑ ಗಾ॒ತ್ಪ್ರಷ್ಟು॑ಮೇ॒ತತ್ ..
ಪಾಕಃ॑ ಪೃಚ್ಛಾಮಿ॒ ಮನ॒ಸಾವಿ॑ಜಾನಂದೇ॒ವಾನಾ॑ಮೇ॒ನಾ ನಿಹಿ॑ತಾ ಪ॒ದಾನಿ॑ . ವ॒ತ್ಸೇ ಬ॒ಷ್ಕಯೇಽಧಿ॑ ಸ॒ಪ್ತ ತಂತೂ॒ನ್ವಿ ತ॑ತ್ನಿರೇ ಕ॒ವಯ॒ ಓತ॒ವಾ ಉ॑ ..
ಅಚಿ॑ಕಿತ್ವಾಂಚಿಕಿ॒ತುಷ॑ಶ್ಚಿ॒ದತ್ರ॑ ಕ॒ವೀನ್ಪೃ॑ಚ್ಛಾಮಿ ವಿ॒ದ್ಮನೇ॒ ನ ವಿ॒ದ್ವಾನ್ . ವಿ ಯಸ್ತ॒ಸ್ತಂಭ॒ ಷಳಿ॒ಮಾ ರಜಾಂ॑ಸ್ಯ॒ಜಸ್ಯ॑ ರೂ॒ಪೇ ಕಿಮಪಿ॑ ಸ್ವಿ॒ದೇಕಂ॑ ..
ಇ॒ಹ ಬ್ರ॑ವೀತು॒ ಯ ಈ॑ಮಂ॒ಗ ವೇದಾ॒ಸ್ಯ ವಾ॒ಮಸ್ಯ॒ ನಿಹಿ॑ತಂ ಪ॒ದಂ ವೇಃ . ಶೀ॒ರ್ಷ್ಣಃ ಕ್ಷೀ॒ರಂ ದು॑ಹ್ರತೇ॒ ಗಾವೋ॑ ಅಸ್ಯ ವ॒ವ್ರಿಂ ವಸಾ॑ನಾ ಉದ॒ಕಂ ಪ॒ದಾಪುಃ॑ ..
ಮಾ॒ತಾ ಪಿ॒ತರ॑ಮೃ॒ತ ಆ ಬ॑ಭಾಜ ಧೀ॒ತ್ಯಗ್ರೇ॒ ಮನ॑ಸಾ॒ ಸಂ ಹಿ ಜ॒ಗ್ಮೇ . ಸಾ ಬೀ॑ಭ॒ತ್ಸುರ್ಗರ್ಭ॑ರಸಾ॒ ನಿವಿ॑ದ್ಧಾ॒ ನಮ॑ಸ್ವಂತ॒ ಇದು॑ಪವಾ॒ಕಮೀ॑ಯುಃ ..
ಯು॒ಕ್ತಾ ಮಾ॒ತಾಸೀ॑ದ್ಧು॒ರಿ ದಕ್ಷಿ॑ಣಾಯಾ॒ ಅತಿ॑ಷ್ಠ॒ದ್ಗರ್ಭೋ॑ ವೃಜ॒ನೀಷ್ವಂ॒ತಃ . ಅಮೀ॑ಮೇದ್ವ॒ತ್ಸೋ ಅನು॒ ಗಾಮ॑ಪಶ್ಯದ್ವಿಶ್ವರೂ॒ಪ್ಯಂ॑ ತ್ರಿ॒ಷು ಯೋಜ॑ನೇಷು ..
ತಿ॒ಸ್ರೋ ಮಾ॒ತೄಸ್ತ್ರೀನ್ಪಿ॒ತೄನ್ಬಿಭ್ರ॒ದೇಕ॑ ಊ॒ರ್ಧ್ವಸ್ತ॑ಸ್ಥೌ॒ ನೇಮವ॑ ಗ್ಲಾಪಯಂತಿ . ಮಂ॒ತ್ರಯಂ॑ತೇ ದಿ॒ವೋ ಅ॒ಮುಷ್ಯ॑ ಪೃ॒ಷ್ಠೇ ವಿ॑ಶ್ವ॒ವಿದಂ॒ ವಾಚ॒ಮವಿ॑ಶ್ವಮಿನ್ವಾಂ ..
ದ್ವಾದ॑ಶಾರಂ ನ॒ಹಿ ತಜ್ಜರಾ॑ಯ॒ ವರ್ವ॑ರ್ತಿ ಚ॒ಕ್ರಂ ಪರಿ॒ ದ್ಯಾಮೃ॒ತಸ್ಯ॑ . ಆ ಪು॒ತ್ರಾ ಅ॑ಗ್ನೇ ಮಿಥು॒ನಾಸೋ॒ ಅತ್ರ॑ ಸ॒ಪ್ತ ಶ॒ತಾನಿ॑ ವಿಂಶ॒ತಿಶ್ಚ॑ ತಸ್ಥುಃ ..
ಪಂಚ॑ಪಾದಂ ಪಿ॒ತರಂ॒ ದ್ವಾದ॑ಶಾಕೃತಿಂ ದಿ॒ವ ಆ॑ಹುಃ॒ ಪರೇ॒ ಅರ್ಧೇ॑ ಪುರೀ॒ಷಿಣಂ॑ . ಅಥೇ॒ಮೇ ಅ॒ನ್ಯ ಉಪ॑ರೇ ವಿಚಕ್ಷ॒ಣಂ ಸ॒ಪ್ತಚ॑ಕ್ರೇ॒ ಷಳ॑ರ ಆಹು॒ರರ್ಪಿ॑ತಂ ..
ಪಂಚಾ॑ರೇ ಚ॒ಕ್ರೇ ಪ॑ರಿ॒ವರ್ತ॑ಮಾನೇ॒ ತಸ್ಮಿ॒ನ್ನಾ ತ॑ಸ್ಥು॒ರ್ಭುವ॑ನಾನಿ॒ ವಿಶ್ವಾ॑ . ತಸ್ಯ॒ ನಾಕ್ಷ॑ಸ್ತಪ್ಯತೇ॒ ಭೂರಿ॑ಭಾರಃ ಸ॒ನಾದೇ॒ವ ನ ಶೀ॑ರ್ಯತೇ॒ ಸನಾ॑ಭಿಃ ..
ಸನೇ॑ಮಿ ಚ॒ಕ್ರಮ॒ಜರಂ॒ ವಿ ವಾ॑ವೃತ ಉತ್ತಾ॒ನಾಯಾಂ॒ ದಶ॑ ಯು॒ಕ್ತಾ ವ॑ಹಂತಿ . ಸೂರ್ಯ॑ಸ್ಯ॒ ಚಕ್ಷೂ॒ ರಜ॑ಸೈ॒ತ್ಯಾವೃ॑ತಂ॒ ತಸ್ಮಿ॒ನ್ನಾರ್ಪಿ॑ತಾ॒ ಭುವ॑ನಾನಿ॒ ವಿಶ್ವಾ॑ ..
ಸಾ॒ಕಂ॒ಜಾನಾಂ॑ ಸ॒ಪ್ತಥ॑ಮಾಹುರೇಕ॒ಜಂ ಷಳಿದ್ಯ॒ಮಾ ಋಷ॑ಯೋ ದೇವ॒ಜಾ ಇತಿ॑ . ತೇಷಾ॑ಮಿ॒ಷ್ಟಾನಿ॒ ವಿಹಿ॑ತಾನಿ ಧಾಮ॒ಶಃ ಸ್ಥಾ॒ತ್ರೇ ರೇ॑ಜಂತೇ॒ ವಿಕೃ॑ತಾನಿ ರೂಪ॒ಶಃ ..
ಸ್ತ್ರಿಯಃ॑ ಸ॒ತೀಸ್ತಾಁ ಉ॑ ಮೇ ಪುಂ॒ಸ ಆ॑ಹುಃ॒ ಪಶ್ಯ॑ದಕ್ಷ॒ಣ್ವಾನ್ನ ವಿ ಚೇ॑ತದಂ॒ಧಃ . ಕ॒ವಿರ್ಯಃ ಪು॒ತ್ರಃ ಸ ಈ॒ಮಾ ಚಿ॑ಕೇತ॒ ಯಸ್ತಾ ವಿ॑ಜಾ॒ನಾತ್ಸ ಪಿ॒ತುಷ್ಪಿ॒ತಾಸ॑ತ್ ..
ಅ॒ವಃ ಪರೇ॑ಣ ಪ॒ರ ಏ॒ನಾವ॑ರೇಣ ಪ॒ದಾ ವ॒ತ್ಸಂ ಬಿಭ್ರ॑ತೀ॒ ಗೌರುದ॑ಸ್ಥಾತ್ . ಸಾ ಕ॒ದ್ರೀಚೀ॒ ಕಂ ಸ್ವಿ॒ದರ್ಧಂ॒ ಪರಾ॑ಗಾ॒ತ್ಕ್ವ॑ ಸ್ವಿತ್ಸೂತೇ ನ॒ಹಿ ಯೂ॒ಥೇ ಅಂ॒ತಃ ..
ಅ॒ವಃ ಪರೇ॑ಣ ಪಿ॒ತರಂ॒ ಯೋ ಅ॑ಸ್ಯಾನು॒ವೇದ॑ ಪ॒ರ ಏ॒ನಾವ॑ರೇಣ . ಕ॒ವೀ॒ಯಮಾ॑ನಃ॒ ಕ ಇ॒ಹ ಪ್ರ ವೋ॑ಚದ್ದೇ॒ವಂ ಮನಃ॒ ಕುತೋ॒ ಅಧಿ॒ ಪ್ರಜಾ॑ತಂ ..
ಯೇ ಅ॒ರ್ವಾಂಚ॒ಸ್ತಾಁ ಉ॒ ಪರಾ॑ಚ ಆಹು॒ರ್ಯೇ ಪರಾಂ॑ಚ॒ಸ್ತಾಁ ಉ॑ ಅ॒ರ್ವಾಚ॑ ಆಹುಃ . ಇಂದ್ರ॑ಶ್ಚ॒ ಯಾ ಚ॒ಕ್ರಥುಃ॑ ಸೋಮ॒ ತಾನಿ॑ ಧು॒ರಾ ನ ಯು॒ಕ್ತಾ ರಜ॑ಸೋ ವಹಂತಿ ..
ದ್ವಾ ಸು॑ಪ॒ರ್ಣಾ ಸ॒ಯುಜಾ॒ ಸಖಾ॑ಯಾ ಸಮಾ॒ನಂ ವೃ॒ಕ್ಷಂ ಪರಿ॑ ಷಸ್ವಜಾತೇ . ತಯೋ॑ರ॒ನ್ಯಃ ಪಿಪ್ಪ॑ಲಂ ಸ್ವಾ॒ದ್ವತ್ತ್ಯನ॑ಶ್ನನ್ನ॒ನ್ಯೋ ಅ॒ಭಿ ಚಾ॑ಕಶೀತಿ ..
ಯತ್ರಾ॑ ಸುಪ॒ರ್ಣಾ ಅ॒ಮೃತ॑ಸ್ಯ ಭಾ॒ಗಮನಿ॑ಮೇಷಂ ವಿ॒ದಥಾ॑ಭಿ॒ಸ್ವರಂ॑ತಿ . ಇ॒ನೋ ವಿಶ್ವ॑ಸ್ಯ॒ ಭುವ॑ನಸ್ಯ ಗೋ॒ಪಾಃ ಸ ಮಾ॒ ಧೀರಃ॒ ಪಾಕ॒ಮತ್ರಾ ವಿ॑ವೇಶ ..
ಯಸ್ಮಿ॑ನ್ವೃ॒ಕ್ಷೇ ಮ॒ಧ್ವದಃ॑ ಸುಪ॒ರ್ಣಾ ನಿ॑ವಿ॒ಶಂತೇ॒ ಸುವ॑ತೇ॒ ಚಾಧಿ॒ ವಿಶ್ವೇ॑ . ತಸ್ಯೇದಾ॑ಹುಃ॒ ಪಿಪ್ಪ॑ಲಂ ಸ್ವಾ॒ದ್ವಗ್ರೇ॒ ತನ್ನೋನ್ನ॑ಶ॒ದ್ಯಃ ಪಿ॒ತರಂ॒ ನ ವೇದ॑ ..
ಯದ್ಗಾ॑ಯ॒ತ್ರೇ ಅಧಿ॑ ಗಾಯ॒ತ್ರಮಾಹಿ॑ತಂ॒ ತ್ರೈಷ್ಟು॑ಭಾದ್ವಾ॒ ತ್ರೈಷ್ಟು॑ಭಂ ನಿ॒ರತ॑ಕ್ಷತ . ಯದ್ವಾ॒ ಜಗ॒ಜ್ಜಗ॒ತ್ಯಾಹಿ॑ತಂ ಪ॒ದಂ ಯ ಇತ್ತದ್ವಿ॒ದುಸ್ತೇ ಅ॑ಮೃತ॒ತ್ವಮಾ॑ನಶುಃ ..
ಗಾ॒ಯ॒ತ್ರೇಣ॒ ಪ್ರತಿ॑ ಮಿಮೀತೇ ಅ॒ರ್ಕಮ॒ರ್ಕೇಣ॒ ಸಾಮ॒ ತ್ರೈಷ್ಟು॑ಭೇನ ವಾ॒ಕಂ . ವಾ॒ಕೇನ॑ ವಾ॒ಕಂ ದ್ವಿ॒ಪದಾ॒ ಚತು॑ಷ್ಪದಾ॒ಕ್ಷರೇ॑ಣ ಮಿಮತೇ ಸ॒ಪ್ತ ವಾಣೀಃ॑ ..
ಜಗ॑ತಾ॒ ಸಿಂಧುಂ॑ ದಿ॒ವ್ಯ॑ಸ್ತಭಾಯದ್ರಥಂತ॒ರೇ ಸೂರ್ಯಂ॒ ಪರ್ಯ॑ಪಶ್ಯತ್ . ಗಾ॒ಯ॒ತ್ರಸ್ಯ॑ ಸ॒ಮಿಧ॑ಸ್ತಿ॒ಸ್ರ ಆ॑ಹು॒ಸ್ತತೋ॑ ಮ॒ಹ್ನಾ ಪ್ರ ರಿ॑ರಿಚೇ ಮಹಿ॒ತ್ವಾ ..
ಉಪ॑ ಹ್ವಯೇ ಸು॒ದುಘಾಂ॑ ಧೇ॒ನುಮೇ॒ತಾಂ ಸು॒ಹಸ್ತೋ॑ ಗೋ॒ಧುಗು॒ತ ದೋ॑ಹದೇನಾಂ . ಶ್ರೇಷ್ಠಂ॑ ಸ॒ವಂ ಸ॑ವಿ॒ತಾ ಸಾ॑ವಿಷನ್ನೋ॒ಽಭೀ॑ದ್ಧೋ ಘ॒ರ್ಮಸ್ತದು॒ ಷು ಪ್ರ ವೋ॑ಚಂ ..
ಹಿಂ॒ಕೃ॒ಣ್ವ॒ತೀ ವ॑ಸು॒ಪತ್ನೀ॒ ವಸೂ॑ನಾಂ ವ॒ತ್ಸಮಿ॒ಚ್ಛಂತೀ॒ ಮನ॑ಸಾ॒ಭ್ಯಾಗಾ॑ತ್ . ದು॒ಹಾಮ॒ಶ್ವಿಭ್ಯಾಂ॒ ಪಯೋ॑ ಅ॒ಘ್ನ್ಯೇಯಂ ಸಾ ವ॑ರ್ಧತಾಂ ಮಹ॒ತೇ ಸೌಭ॑ಗಾಯ ..
ಗೌರ॑ಮೀಮೇ॒ದನು॑ ವ॒ತ್ಸಂ ಮಿ॒ಷಂತಂ॑ ಮೂ॒ರ್ಧಾನಂ॒ ಹಿಙ್ಙ॑ಕೃಣೋ॒ನ್ಮಾತ॒ವಾ ಉ॑ . ಸೃಕ್ವಾ॑ಣಂ ಘ॒ರ್ಮಮ॒ಭಿ ವಾ॑ವಶಾ॒ನಾ ಮಿಮಾ॑ತಿ ಮಾ॒ಯುಂ ಪಯ॑ತೇ॒ ಪಯೋ॑ಭಿಃ ..
ಅ॒ಯಂ ಸ ಶಿಂ॑ಕ್ತೇ॒ ಯೇನ॒ ಗೌರ॒ಭೀವೃ॑ತಾ॒ ಮಿಮಾ॑ತಿ ಮಾ॒ಯುಂ ಧ್ವ॒ಸನಾ॒ವಧಿ॑ ಶ್ರಿ॒ತಾ . ಸಾ ಚಿ॒ತ್ತಿಭಿ॒ರ್ನಿ ಹಿ ಚ॒ಕಾರ॒ ಮರ್ತ್ಯಂ॑ ವಿ॒ದ್ಯುದ್ಭವಂ॑ತೀ॒ ಪ್ರತಿ॑ ವ॒ವ್ರಿಮೌ॑ಹತ ..
ಅ॒ನಚ್ಛ॑ಯೇ ತು॒ರಗಾ॑ತು ಜೀ॒ವಮೇಜ॑ದ್ಧ್ರು॒ವಂ ಮಧ್ಯ॒ ಆ ಪ॒ಸ್ತ್ಯಾ॑ನಾಂ . ಜೀ॒ವೋ ಮೃ॒ತಸ್ಯ॑ ಚರತಿ ಸ್ವ॒ಧಾಭಿ॒ರಮ॑ರ್ತ್ಯೋ॒ ಮರ್ತ್ಯೇ॑ನಾ॒ ಸಯೋ॑ನಿಃ ..
ಅಪ॑ಶ್ಯಂ ಗೋ॒ಪಾಮನಿ॑ಪದ್ಯಮಾನ॒ಮಾ ಚ॒ ಪರಾ॑ ಚ ಪ॒ಥಿಭಿ॒ಶ್ಚರಂ॑ತಂ . ಸ ಸ॒ಧ್ರೀಚೀಃ॒ ಸ ವಿಷೂ॑ಚೀ॒ರ್ವಸಾ॑ನ॒ ಆ ವ॑ರೀವರ್ತಿ॒ ಭುವ॑ನೇಷ್ವಂ॒ತಃ ..
ಯ ಈಂ॑ ಚ॒ಕಾರ॒ ನ ಸೋ ಅ॒ಸ್ಯ ವೇ॑ದ॒ ಯ ಈಂ॑ ದ॒ದರ್ಶ॒ ಹಿರು॒ಗಿನ್ನು ತಸ್ಮಾ॑ತ್ . ಸ ಮಾ॒ತುರ್ಯೋನಾ॒ ಪರಿ॑ವೀತೋ ಅಂ॒ತರ್ಬ॑ಹುಪ್ರ॒ಜಾ ನಿರ್ಋ॑ತಿ॒ಮಾ ವಿ॑ವೇಶ ..
ದ್ಯೌರ್ಮೇ॑ ಪಿ॒ತಾ ಜ॑ನಿ॒ತಾ ನಾಭಿ॒ರತ್ರ॒ ಬಂಧು॑ರ್ಮೇ ಮಾ॒ತಾ ಪೃ॑ಥಿ॒ವೀ ಮ॒ಹೀಯಂ . ಉ॒ತ್ತಾ॒ನಯೋ॑ಶ್ಚ॒ಮ್ವೋ॒೩॒॑ರ್ಯೋನಿ॑ರಂ॒ತರತ್ರಾ॑ ಪಿ॒ತಾ ದು॑ಹಿ॒ತುರ್ಗರ್ಭ॒ಮಾಧಾ॑ತ್ ..
ಪೃ॒ಚ್ಛಾಮಿ॑ ತ್ವಾ॒ ಪರ॒ಮಂತಂ॑ ಪೃಥಿ॒ವ್ಯಾಃ ಪೃ॒ಚ್ಛಾಮಿ॒ ಯತ್ರ॒ ಭುವ॑ನಸ್ಯ॒ ನಾಭಿಃ॑ . ಪೃ॒ಚ್ಛಾಮಿ॑ ತ್ವಾ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತಃ॑ ಪೃ॒ಚ್ಛಾಮಿ॑ ವಾ॒ಚಃ ಪ॑ರ॒ಮಂ ವ್ಯೋ॑ಮ ..
ಇ॒ಯಂ ವೇದಿಃ॒ ಪರೋ॒ ಅಂತಃ॑ ಪೃಥಿ॒ವ್ಯಾ ಅ॒ಯಂ ಯ॒ಜ್ಞೋ ಭುವ॑ನಸ್ಯ॒ ನಾಭಿಃ॑ . ಅ॒ಯಂ ಸೋಮೋ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತೋ॑ ಬ್ರ॒ಹ್ಮಾಯಂ ವಾ॒ಚಃ ಪ॑ರ॒ಮಂ ವ್ಯೋ॑ಮ ..
ಸ॒ಪ್ತಾರ್ಧ॑ಗ॒ರ್ಭಾ ಭುವ॑ನಸ್ಯ॒ ರೇತೋ॒ ವಿಷ್ಣೋ॑ಸ್ತಿಷ್ಠಂತಿ ಪ್ರ॒ದಿಶಾ॒ ವಿಧ॑ರ್ಮಣಿ . ತೇ ಧೀ॒ತಿಭಿ॒ರ್ಮನ॑ಸಾ॒ ತೇ ವಿ॑ಪ॒ಶ್ಚಿತಃ॑ ಪರಿ॒ಭುವಃ॒ ಪರಿ॑ ಭವಂತಿ ವಿ॒ಶ್ವತಃ॑ ..
ನ ವಿ ಜಾ॑ನಾಮಿ॒ ಯದಿ॑ವೇ॒ದಮಸ್ಮಿ॑ ನಿ॒ಣ್ಯಃ ಸಂನ॑ದ್ಧೋ॒ ಮನ॑ಸಾ ಚರಾಮಿ . ಯ॒ದಾ ಮಾಗ॑ನ್ಪ್ರಥಮ॒ಜಾ ಋ॒ತಸ್ಯಾದಿದ್ವಾ॒ಚೋ ಅ॑ಶ್ನುವೇ ಭಾ॒ಗಮ॒ಸ್ಯಾಃ ..
ಅಪಾ॒ಙ್ಪ್ರಾಙೇ॑ತಿ ಸ್ವ॒ಧಯಾ॑ ಗೃಭೀ॒ತೋಽಮ॑ರ್ತ್ಯೋ॒ ಮರ್ತ್ಯೇ॑ನಾ॒ ಸಯೋ॑ನಿಃ . ತಾ ಶಶ್ವಂ॑ತಾ ವಿಷೂ॒ಚೀನಾ॑ ವಿ॒ಯಂತಾ॒ ನ್ಯ೧॒॑ನ್ಯಂ ಚಿ॒ಕ್ಯುರ್ನ ನಿ ಚಿ॑ಕ್ಯುರ॒ನ್ಯಂ ..
ಋ॒ಚೋ ಅ॒ಕ್ಷರೇ॑ ಪರ॒ಮೇ ವ್ಯೋ॑ಮ॒ನ್ಯಸ್ಮಿಂ॑ದೇ॒ವಾ ಅಧಿ॒ ವಿಶ್ವೇ॑ ನಿಷೇ॒ದುಃ . ಯಸ್ತನ್ನ ವೇದ॒ ಕಿಮೃ॒ಚಾ ಕ॑ರಿಷ್ಯತಿ॒ ಯ ಇತ್ತದ್ವಿ॒ದುಸ್ತ ಇ॒ಮೇ ಸಮಾ॑ಸತೇ ..
ಸೂ॒ಯ॒ವ॒ಸಾದ್ಭಗ॑ವತೀ॒ ಹಿ ಭೂ॒ಯಾ ಅಥೋ॑ ವ॒ಯಂ ಭಗ॑ವಂತಃ ಸ್ಯಾಮ . ಅ॒ದ್ಧಿ ತೃಣ॑ಮಘ್ನ್ಯೇ ವಿಶ್ವ॒ದಾನೀಂ॒ ಪಿಬ॑ ಶು॒ದ್ಧಮು॑ದ॒ಕಮಾ॒ಚರಂ॑ತೀ ..
ಗೌ॒ರೀರ್ಮಿ॑ಮಾಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ . ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ॑ ಸ॒ಹಸ್ರಾ॑ಕ್ಷರಾ ಪರ॒ಮೇ ವ್ಯೋ॑ಮನ್ ..
ತಸ್ಯಾಃ॑ ಸಮು॒ದ್ರಾ ಅಧಿ॒ ವಿ ಕ್ಷ॑ರಂತಿ॒ ತೇನ॑ ಜೀವಂತಿ ಪ್ರ॒ದಿಶ॒ಶ್ಚತ॑ಸ್ರಃ . ತತಃ॑ ಕ್ಷರತ್ಯ॒ಕ್ಷರಂ॒ ತದ್ವಿಶ್ವ॒ಮುಪ॑ ಜೀವತಿ ..
ಶ॒ಕ॒ಮಯಂ॑ ಧೂ॒ಮಮಾ॒ರಾದ॑ಪಶ್ಯಂ ವಿಷೂ॒ವತಾ॑ ಪ॒ರ ಏ॒ನಾವ॑ರೇಣ . ಉ॒ಕ್ಷಾಣಂ॒ ಪೃಶ್ನಿ॑ಮಪಚಂತ ವೀ॒ರಾಸ್ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ ..
ತ್ರಯಃ॑ ಕೇ॒ಶಿನ॑ ಋತು॒ಥಾ ವಿ ಚ॑ಕ್ಷತೇ ಸಂವತ್ಸ॒ರೇ ವ॑ಪತ॒ ಏಕ॑ ಏಷಾಂ . ವಿಶ್ವ॒ಮೇಕೋ॑ ಅ॒ಭಿ ಚ॑ಷ್ಟೇ॒ ಶಚೀ॑ಭಿ॒ರ್ಧ್ರಾಜಿ॒ರೇಕ॑ಸ್ಯ ದದೃಶೇ॒ ನ ರೂ॒ಪಂ ..
ಚ॒ತ್ವಾರಿ॒ ವಾಕ್ಪರಿ॑ಮಿತಾ ಪ॒ದಾನಿ॒ ತಾನಿ॑ ವಿದುರ್ಬ್ರಾಹ್ಮ॒ಣಾ ಯೇ ಮ॑ನೀ॒ಷಿಣಃ॑ . ಗುಹಾ॒ ತ್ರೀಣಿ॒ ನಿಹಿ॑ತಾ॒ ನೇಂಗ॑ಯಂತಿ ತು॒ರೀಯಂ॑ ವಾ॒ಚೋ ಮ॑ನು॒ಷ್ಯಾ॑ ವದಂತಿ ..
ಇಂದ್ರಂ॑ ಮಿ॒ತ್ರಂ ವರು॑ಣಮ॒ಗ್ನಿಮಾ॑ಹು॒ರಥೋ॑ ದಿ॒ವ್ಯಃ ಸ ಸು॑ಪ॒ರ್ಣೋ ಗ॒ರುತ್ಮಾ॑ನ್ . ಏಕಂ॒ ಸದ್ವಿಪ್ರಾ॑ ಬಹು॒ಧಾ ವ॑ದಂತ್ಯ॒ಗ್ನಿಂ ಯ॒ಮಂ ಮಾ॑ತ॒ರಿಶ್ವಾ॑ನಮಾಹುಃ ..
ಕೃ॒ಷ್ಣಂ ನಿ॒ಯಾನಂ॒ ಹರ॑ಯಃ ಸುಪ॒ರ್ಣಾ ಅ॒ಪೋ ವಸಾ॑ನಾ॒ ದಿವ॒ಮುತ್ಪ॑ತಂತಿ . ತ ಆವ॑ವೃತ್ರಂ॒ತ್ಸದ॑ನಾದೃ॒ತಸ್ಯಾದಿದ್ಘೃ॒ತೇನ॑ ಪೃಥಿ॒ವೀ ವ್ಯು॑ದ್ಯತೇ ..
ದ್ವಾದ॑ಶ ಪ್ರ॒ಧಯ॑ಶ್ಚ॒ಕ್ರಮೇಕಂ॒ ತ್ರೀಣಿ॒ ನಭ್ಯಾ॑ನಿ॒ ಕ ಉ॒ ತಚ್ಚಿ॑ಕೇತ . ತಸ್ಮಿಂ॑ತ್ಸಾ॒ಕಂ ತ್ರಿ॑ಶ॒ತಾ ನ ಶಂ॒ಕವೋ॑ಽರ್ಪಿ॒ತಾಃ ಷ॒ಷ್ಟಿರ್ನ ಚ॑ಲಾಚ॒ಲಾಸಃ॑ ..
ಯಸ್ತೇ॒ ಸ್ತನಃ॑ ಶಶ॒ಯೋ ಯೋ ಮ॑ಯೋ॒ಭೂರ್ಯೇನ॒ ವಿಶ್ವಾ॒ ಪುಷ್ಯ॑ಸಿ॒ ವಾರ್ಯಾ॑ಣಿ . ಯೋ ರ॑ತ್ನ॒ಧಾ ವ॑ಸು॒ವಿದ್ಯಃ ಸು॒ದತ್ರಃ॒ ಸರ॑ಸ್ವತಿ॒ ತಮಿ॒ಹ ಧಾತ॑ವೇ ಕಃ ..
ಯ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಸ್ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ . ತೇ ಹ॒ ನಾಕಂ॑ ಮಹಿ॒ಮಾನಃ॑ ಸಚಂತ॒ ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸಂತಿ॑ ದೇ॒ವಾಃ ..
ಸ॒ಮಾ॒ನಮೇ॒ತದು॑ದ॒ಕಮುಚ್ಚೈತ್ಯವ॒ ಚಾಹ॑ಭಿಃ . ಭೂಮಿಂ॑ ಪ॒ರ್ಜನ್ಯಾ॒ ಜಿನ್ವಂ॑ತಿ॒ ದಿವಂ॑ ಜಿನ್ವಂತ್ಯ॒ಗ್ನಯಃ॑ ..
ದಿ॒ವ್ಯಂ ಸು॑ಪ॒ರ್ಣಂ ವಾ॑ಯ॒ಸಂ ಬೃ॒ಹಂತ॑ಮ॒ಪಾಂ ಗರ್ಭಂ॑ ದರ್ಶ॒ತಮೋಷ॑ಧೀನಾಂ . ಅ॒ಭೀ॒ಪ॒ತೋ ವೃ॒ಷ್ಟಿಭಿ॑ಸ್ತ॒ರ್ಪಯಂ॑ತಂ॒ ಸರ॑ಸ್ವಂತ॒ಮವ॑ಸೇ ಜೋಹವೀಮಿ ..
[೧] ಸ್ವಾದಿಷ್ಠಯೇತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋಮಧುಚ್ಛಂದಾಃ ಪವಮಾನಃ ಸೋಮೋ ಗಾಯತ್ರೀ .
ಸ್ವಾದಿ॑ಷ್ಠಯಾ॒ ಮದಿ॑ಷ್ಠಯಾ॒ ಪವ॑ಸ್ವ ಸೋಮ॒ ಧಾರ॑ಯಾ . ಇಂದ್ರಾ॑ಯ॒ ಪಾತ॑ವೇ ಸು॒ತಃ ..
ರ॒ಕ್ಷೋ॒ಹಾ ವಿ॒ಶ್ವಚ॑ರ್ಷಣಿರ॒ಭಿ ಯೋನಿ॒ಮಯೋ॑ಹತಂ . ದ್ರುಣಾ॑ ಸ॒ಧಸ್ಥ॒ಮಾಸ॑ದತ್ ..
ವ॒ರಿ॒ವೋ॒ಧಾತ॑ಮೋ ಭವ॒ ಮಂಹಿ॑ಷ್ಠೋ ವೃತ್ರ॒ಹಂತ॑ಮಃ . ಪರ್ಷಿ॒ ರಾಧೋ॑ ಮ॒ಘೋನಾಂ॑ ..
ಅ॒ಭ್ಯ॑ರ್ಷ ಮ॒ಹಾನಾಂ॑ ದೇ॒ವಾನಾಂ॑ ವೀ॒ತಿಮಂಧ॑ಸಾ . ಅ॒ಭಿ ವಾಜ॑ಮು॒ತ ಶ್ರವಃ॑ ..
ತ್ವಾಮಚ್ಛಾ॑ ಚರಾಮಸಿ॒ ತದಿದರ್ಥಂ॑ ದಿ॒ವೇದಿ॑ವೇ . ಇಂದೋ॒ ತ್ವೇ ನ॑ ಆ॒ಶಸಃ॑ ..
ಪು॒ನಾತಿ॑ ತೇ ಪರಿ॒ಸ್ರುತಂ॒ ಸೋಮಂ॒ ಸೂರ್ಯ॑ಸ್ಯ ದುಹಿ॒ತಾ . ವಾರೇ॑ಣ॒ ಶಶ್ವ॑ತಾ॒ ತನಾ॑ ..
ತಮೀ॒ಮಣ್ವೀಃ॑ ಸಮ॒ರ್ಯ ಆ ಗೃ॒ಭ್ಣಂತಿ॒ ಯೋಷ॑ಣೋ॒ ದಶ॑ . ಸ್ವಸಾ॑ರಃ॒ ಪಾರ್ಯೇ॑ ದಿ॒ವಿ ..
ತಮೀಂ॑ ಹಿನ್ವಂತ್ಯ॒ಗ್ರುವೋ॒ ಧಮಂ॑ತಿ ಬಾಕು॒ರಂ ದೃತಿಂ॑ . ತ್ರಿ॒ಧಾತು॑ ವಾರ॒ಣಂ ಮಧು॑ ..
ಅ॒ಭೀ॒೩॒॑ಮಮಘ್ನ್ಯಾ॑ ಉ॒ತ ಶ್ರೀ॒ಣಂತಿ॑ ಧೇ॒ನವಃ॒ ಶಿಶುಂ॑ . ಸೋಮ॒ಮಿಂದ್ರಾ॑ಯ॒ ಪಾತ॑ವೇ ..
ಅ॒ಸ್ಯೇದಿಂದ್ರೋ॒ ಮದೇ॒ಷ್ವಾ ವಿಶ್ವಾ॑ ವೃ॒ತ್ರಾಣಿ॑ ಜಿಘ್ನತೇ . ಶೂರೋ॑ ಮ॒ಘಾ ಚ॑ ಮಂಹತೇ ..
[೨] ಪವಸ್ವೇತಿ ದಶರ್ಚಸ್ಯ ಸೂಕ್ತಸ್ಯ ಕಾಣ್ವೋಮೇಧಾತಿಥಿಃ ಪವಮಾನಃ ಸೋಮೋಗಾಯತ್ರೀ .
ಪವ॑ಸ್ವ ದೇವ॒ವೀರತಿ॑ ಪ॒ವಿತ್ರಂ॑ ಸೋಮ॒ ರಂಹ್ಯಾ॑ . ಇಂದ್ರ॑ಮಿಂದೋ॒ ವೃಷಾ ವಿ॑ಶ ..
ಆ ವ॑ಚ್ಯಸ್ವ॒ ಮಹಿ॒ ಪ್ಸರೋ॒ ವೃಷೇಂ॑ದೋ ದ್ಯು॒ಮ್ನವ॑ತ್ತಮಃ . ಆ ಯೋನಿಂ॑ ಧರ್ಣ॒ಸಿಃ ಸ॑ದಃ ..
ಅಧು॑ಕ್ಷತ ಪ್ರಿ॒ಯಂ ಮಧು॒ ಧಾರಾ॑ ಸು॒ತಸ್ಯ॑ ವೇ॒ಧಸಃ॑ . ಅ॒ಪೋ ವ॑ಸಿಷ್ಟ ಸು॒ಕ್ರತುಃ॑ ..
ಮ॒ಹಾಂತಂ॑ ತ್ವಾ ಮ॒ಹೀರನ್ವಾಪೋ॑ ಅರ್ಷಂತಿ॒ ಸಿಂಧ॑ವಃ . ಯದ್ಗೋಭಿ॑ರ್ವಾಸಯಿ॒ಷ್ಯಸೇ॑ ..
ಸ॒ಮು॒ದ್ರೋ ಅ॒ಪ್ಸು ಮಾ॑ಮೃಜೇ ವಿಷ್ಟಂ॒ಭೋ ಧ॒ರುಣೋ॑ ದಿ॒ವಃ . ಸೋಮಃ॑ ಪ॒ವಿತ್ರೇ॑ ಅಸ್ಮ॒ಯುಃ ..
ಅಚಿ॑ಕ್ರದ॒ದ್ವೃಷಾ॒ ಹರಿ॑ರ್ಮ॒ಹಾನ್ಮಿ॒ತ್ರೋ ನ ದ॑ರ್ಶ॒ತಃ . ಸಂ ಸೂರ್ಯೇ॑ಣ ರೋಚತೇ ..
ಗಿರ॑ಸ್ತ ಇಂದ॒ ಓಜ॑ಸಾ ಮರ್ಮೃ॒ಜ್ಯಂತೇ॑ ಅಪ॒ಸ್ಯುವಃ॑ . ಯಾಭಿ॒ರ್ಮದಾ॑ಯ॒ ಶುಂಭ॑ಸೇ ..
ತಂ ತ್ವಾ॒ ಮದಾ॑ಯ॒ ಘೃಷ್ವ॑ಯ ಉ ಲೋಕಕೃ॒ತ್ನುಮೀ॑ಮಹೇ . ತವ॒ ಪ್ರಶ॑ಸ್ತಯೋ ಮ॒ಹೀಃ ..
ಅ॒ಸ್ಮಭ್ಯ॑ಮಿಂದವಿಂದ್ರ॒ಯುರ್ಮಧ್ವಃ॑ ಪವಸ್ವ॒ ಧಾರ॑ಯಾ . ಪ॒ರ್ಜನ್ಯೋ॑ ವೃಷ್ಟಿ॒ಮಾಁ ಇ॑ವ ..
ಗೋ॒ಷಾ ಇಂ॑ದೋ ನೃ॒ಷಾ ಅ॑ಸ್ಯಶ್ವ॒ಸಾ ವಾ॑ಜ॒ಸಾ ಉ॒ತ . ಆ॒ತ್ಮಾ ಯ॒ಜ್ಞಸ್ಯ॑ ಪೂ॒ರ್ವ್ಯಃ ..
[೩] ಏಷದೇವ ಇತಿ ದಶರ್ಚಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ ಸಕೃತ್ರಿಮೋವೈಶ್ವಾಮಿತ್ರೋದೇವರಾತಃ ಪವಮಾನಃ ಸೋಮೋ ಗಾಯತ್ರೀ.
ಏ॒ಷ ದೇ॒ವೋ ಅಮ॑ರ್ತ್ಯಃ ಪರ್ಣ॒ವೀರಿ॑ವ ದೀಯತಿ . ಅ॒ಭಿ ದ್ರೋಣಾ॑ನ್ಯಾ॒ಸದಂ॑ ..
ಏ॒ಷ ದೇ॒ವೋ ವಿ॒ಪಾ ಕೃ॒ತೋಽತಿ॒ ಹ್ವರಾಂ॑ಸಿ ಧಾವತಿ . ಪವ॑ಮಾನೋ॒ ಅದಾ॑ಭ್ಯಃ ..
ಏ॒ಷ ದೇ॒ವೋ ವಿ॑ಪ॒ನ್ಯುಭಿಃ॒ ಪವ॑ಮಾನ ಋತಾ॒ಯುಭಿಃ॑ . ಹರಿ॒ರ್ವಾಜಾ॑ಯ ಮೃಜ್ಯತೇ ..
ಏ॒ಷ ವಿಶ್ವಾ॑ನಿ॒ ವಾರ್ಯಾ॒ ಶೂರೋ॒ ಯನ್ನಿ॑ವ॒ ಸತ್ವ॑ಭಿಃ . ಪವ॑ಮಾನಃ ಸಿಷಾಸತಿ ..
ಏ॒ಷ ದೇ॒ವೋ ರ॑ಥರ್ಯತಿ॒ ಪವ॑ಮಾನೋ ದಶಸ್ಯತಿ . ಆ॒ವಿಷ್ಕೃ॑ಣೋತಿ ವಗ್ವ॒ನುಂ ..
ಏ॒ಷ ವಿಪ್ರೈ॑ರ॒ಭಿಷ್ಟು॑ತೋ॒ಽಪೋ ದೇ॒ವೋ ವಿ ಗಾ॑ಹತೇ . ದಧ॒ದ್ರತ್ನಾ॑ನಿ ದಾ॒ಶುಷೇ॑ ..
ಏ॒ಷ ದಿವಂ॒ ವಿ ಧಾ॑ವತಿ ತಿ॒ರೋ ರಜಾಂ॑ಸಿ॒ ಧಾರ॑ಯಾ . ಪವ॑ಮಾನಃ॒ ಕನಿ॑ಕ್ರದತ್ ..
ಏ॒ಷ ದಿವಂ॒ ವ್ಯಾಸ॑ರತ್ತಿ॒ರೋ ರಜಾಂ॒ಸ್ಯಸ್ಪೃ॑ತಃ . ಪವ॑ಮಾನಃ ಸ್ವಧ್ವ॒ರಃ ..
ಏ॒ಷ ಪ್ರ॒ತ್ನೇನ॒ ಜನ್ಮ॑ನಾ ದೇ॒ವೋ ದೇ॒ವೇಭ್ಯಃ॑ ಸು॒ತಃ . ಹರಿಃ॑ ಪ॒ವಿತ್ರೇ॑ ಅರ್ಷತಿ ..
ಏ॒ಷ ಉ॒ ಸ್ಯ ಪು॑ರುವ್ರ॒ತೋ ಜ॑ಜ್ಞಾ॒ನೋ ಜ॒ನಯ॒ನ್ನಿಷಃ॑ . ಧಾರ॑ಯಾ ಪವತೇ ಸು॒ತಃ ..
[೪] ಸನಾಚೇತಿ ದಶರ್ಚಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪಃ ಪವಮಾನಃ ಸೋಮೋ ಗಾಯತ್ರೀ
ಸನಾ॑ ಚ ಸೋಮ॒ ಜೇಷಿ॑ ಚ॒ ಪವ॑ಮಾನ॒ ಮಹಿ॒ ಶ್ರವಃ॑ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ಸನಾ॒ ಜ್ಯೋತಿಃ॒ ಸನಾ॒ ಸ್ವ೧॒॑ರ್ವಿಶ್ವಾ॑ ಚ ಸೋಮ॒ ಸೌಭ॑ಗಾ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ಸನಾ॒ ದಕ್ಷ॑ಮು॒ತ ಕ್ರತು॒ಮಪ॑ ಸೋಮ॒ ಮೃಧೋ॑ ಜಹಿ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ಪವೀ॑ತಾರಃ ಪುನೀ॒ತನ॒ ಸೋಮ॒ಮಿಂದ್ರಾ॑ಯ॒ ಪಾತ॑ವೇ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ತ್ವಂ ಸೂರ್ಯೇ॑ ನ॒ ಆ ಭ॑ಜ॒ ತವ॒ ಕ್ರತ್ವಾ॒ ತವೋ॒ತಿಭಿಃ॑ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ತವ॒ ಕ್ರತ್ವಾ॒ ತವೋ॒ತಿಭಿ॒ರ್ಜ್ಯೋಕ್ಪ॑ಶ್ಯೇಮ॒ ಸೂರ್ಯಂ॑ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ಅ॒ಭ್ಯ॑ರ್ಷ ಸ್ವಾಯುಧ॒ ಸೋಮ॑ ದ್ವಿ॒ಬರ್ಹ॑ಸಂ ರ॒ಯಿಂ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ಅ॒ಭ್ಯ೧॒॑ರ್ಷಾನ॑ಪಚ್ಯುತೋ ರ॒ಯಿಂ ಸ॒ಮತ್ಸು॑ ಸಾಸ॒ಹಿಃ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ತ್ವಾಂ ಯ॒ಜ್ಞೈರ॑ವೀವೃಧ॒ನ್ಪವ॑ಮಾನ॒ ವಿಧ॑ರ್ಮಣಿ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
ರ॒ಯಿಂ ನ॑ಶ್ಚಿ॒ತ್ರಮ॒ಶ್ವಿನ॒ಮಿಂದೋ॑ ವಿ॒ಶ್ವಾಯು॒ಮಾ ಭ॑ರ . ಅಥಾ॑ ನೋ॒ ವಸ್ಯ॑ಸಸ್ಕೃಧಿ ..
[೫] ಸಮಿದ್ಧಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಕ್ರಮೇಣೇಧ್ಮಸ್ತನೂನಪಾದಿಳೋಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾ ದೈವ್ಯೌಹೋತಾರೌ ತಿಸ್ರೋದೇವ್ಯಃ ಸರಸ್ವತೀಳಾಭಾರತ್ಯಸ್ತ್ವಷ್ಟಾ ವನಸ್ಪತಿಃ ಸ್ವಾಹಾಕೃತಯೋಗಾಯತ್ರೀ ಅಂತ್ಯಾಶ್ಚತಸ್ರೋನುಷ್ಟುಭಃ . (ಇತಆರಭ್ಯವಿಂಶತಿಸೂಕ್ತೇಷುಕಾಶ್ಯಪೋದೇವಲೋಽಸಿತೇನ ಸಹವಿಕಲ್ಪತೇ) .
ಸಮಿ॑ದ್ಧೋ ವಿ॒ಶ್ವತ॒ಸ್ಪತಿಃ॒ ಪವ॑ಮಾನೋ॒ ವಿ ರಾ॑ಜತಿ . ಪ್ರೀ॒ಣನ್ವೃಷಾ॒ ಕನಿ॑ಕ್ರದತ್ ..
ತನೂ॒ನಪಾ॒ತ್ಪವ॑ಮಾನಃ॒ ಶೃಂಗೇ॒ ಶಿಶಾ॑ನೋ ಅರ್ಷತಿ . ಅಂ॒ತರಿ॑ಕ್ಷೇಣ॒ ರಾರ॑ಜತ್ ..
ಈ॒ಳೇನ್ಯಃ॒ ಪವ॑ಮಾನೋ ರ॒ಯಿರ್ವಿ ರಾ॑ಜತಿ ದ್ಯು॒ಮಾನ್ . ಮಧೋ॒ರ್ಧಾರಾ॑ಭಿ॒ರೋಜ॑ಸಾ ..
ಬ॒ರ್ಹಿಃ ಪ್ರಾ॒ಚೀನ॒ಮೋಜ॑ಸಾ॒ ಪವ॑ಮಾನಃ ಸ್ತೃ॒ಣನ್ಹರಿಃ॑ . ದೇ॒ವೇಷು॑ ದೇ॒ವ ಈ॑ಯತೇ ..
ಉದಾತೈ॑ರ್ಜಿಹತೇ ಬೃ॒ಹದ್ದ್ವಾರೋ॑ ದೇ॒ವೀರ್ಹಿ॑ರ॒ಣ್ಯಯೀಃ॑ . ಪವ॑ಮಾನೇನ॒ ಸುಷ್ಟು॑ತಾಃ ..
ಸು॒ಶಿ॒ಲ್ಪೇ ಬೃ॑ಹ॒ತೀ ಮ॒ಹೀ ಪವ॑ಮಾನೋ ವೃಷಣ್ಯತಿ . ನಕ್ತೋ॒ಷಾಸಾ॒ ನ ದ॑ರ್ಶ॒ತೇ ..
ಉ॒ಭಾ ದೇ॒ವಾ ನೃ॒ಚಕ್ಷ॑ಸಾ॒ ಹೋತಾ॑ರಾ॒ ದೈವ್ಯಾ॑ ಹುವೇ . ಪವ॑ಮಾನ॒ ಇಂದ್ರೋ॒ ವೃಷಾ॑ ..
ಭಾರ॑ತೀ॒ ಪವ॑ಮಾನಸ್ಯ॒ ಸರ॑ಸ್ವ॒ತೀಳಾ॑ ಮ॒ಹೀ . ಇ॒ಮಂ ನೋ॑ ಯ॒ಜ್ಞಮಾ ಗ॑ಮಂತಿ॒ಸ್ರೋ ದೇ॒ವೀಃ ಸು॒ಪೇಶ॑ಸಃ ..
ತ್ವಷ್ಟಾ॑ರಮಗ್ರ॒ಜಾಂ ಗೋ॒ಪಾಂ ಪು॑ರೋ॒ಯಾವಾ॑ನ॒ಮಾ ಹು॑ವೇ . ಇಂದು॒ರಿಂದ್ರೋ॒ ವೃಷಾ॒ ಹರಿಃ॒ ಪವ॑ಮಾನಃ ಪ್ರ॒ಜಾಪ॑ತಿಃ ..
ವನ॒ಸ್ಪತಿಂ॑ ಪವಮಾನ॒ ಮಧ್ವಾ॒ ಸಮಂ॑ಗ್ಧಿ॒ ಧಾರ॑ಯಾ . ಸ॒ಹಸ್ರ॑ವಲ್ಶಂ॒ ಹರಿ॑ತಂ॒ ಭ್ರಾಜ॑ಮಾನಂ ಹಿರ॒ಣ್ಯಯಂ॑ ..
ವಿಶ್ವೇ॑ ದೇವಾಃ॒ ಸ್ವಾಹಾ॑ಕೃತಿಂ॒ ಪವ॑ಮಾನ॒ಸ್ಯಾ ಗ॑ತ . ವಾ॒ಯುರ್ಬೃಹ॒ಸ್ಪತಿಃ॒ ಸೂರ್ಯೋ॒ಽಗ್ನಿರಿಂದ್ರಃ॑ ಸ॒ಜೋಷ॑ಸಃ ..
[೬] ಮಂದ್ರಯೇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ
ಮಂ॒ದ್ರಯಾ॑ ಸೋಮ॒ ಧಾರ॑ಯಾ॒ ವೃಷಾ॑ ಪವಸ್ವ ದೇವ॒ಯುಃ . ಅವ್ಯೋ॒ ವಾರೇ॑ಷ್ವಸ್ಮ॒ಯುಃ ..
ಅ॒ಭಿ ತ್ಯಂ ಮದ್ಯಂ॒ ಮದ॒ಮಿಂದ॒ವಿಂದ್ರ॒ ಇತಿ॑ ಕ್ಷರ . ಅ॒ಭಿ ವಾ॒ಜಿನೋ॒ ಅರ್ವ॑ತಃ ..
ಅ॒ಭಿ ತ್ಯಂ ಪೂ॒ರ್ವ್ಯಂ ಮದಂ॑ ಸುವಾ॒ನೋ ಅ॑ರ್ಷ ಪ॒ವಿತ್ರ॒ ಆ . ಅ॒ಭಿ ವಾಜ॑ಮು॒ತ ಶ್ರವಃ॑ ..
ಅನು॑ ದ್ರ॒ಪ್ಸಾಸ॒ ಇಂದ॑ವ॒ ಆಪೋ॒ ನ ಪ್ರ॒ವತಾ॑ಸರನ್ . ಪು॒ನಾ॒ನಾ ಇಂದ್ರ॑ಮಾಶತ ..
ಯಮತ್ಯ॑ಮಿವ ವಾ॒ಜಿನಂ॑ ಮೃ॒ಜಂತಿ॒ ಯೋಷ॑ಣೋ॒ ದಶ॑ . ವನೇ॒ ಕ್ರೀಳಂ॑ತ॒ಮತ್ಯ॑ವಿಂ ..
ತಂ ಗೋಭಿ॒ರ್ವೃಷ॑ಣಂ॒ ರಸಂ॒ ಮದಾ॑ಯ ದೇ॒ವವೀ॑ತಯೇ . ಸು॒ತಂ ಭರಾ॑ಯ॒ ಸಂ ಸೃ॑ಜ ..
ದೇ॒ವೋ ದೇ॒ವಾಯ॒ ಧಾರ॒ಯೇಂದ್ರಾ॑ಯ ಪವತೇ ಸು॒ತಃ . ಪಯೋ॒ ಯದ॑ಸ್ಯ ಪೀ॒ಪಯ॑ತ್ ..
ಆ॒ತ್ಮಾ ಯ॒ಜ್ಞಸ್ಯ॒ ರಂಹ್ಯಾ॑ ಸುಷ್ವಾ॒ಣಃ ಪ॑ವತೇ ಸು॒ತಃ . ಪ್ರ॒ತ್ನಂ ನಿ ಪಾ॑ತಿ॒ ಕಾವ್ಯಂ॑ ..
ಏ॒ವಾ ಪು॑ನಾ॒ನ ಇಂ॑ದ್ರ॒ಯುರ್ಮದಂ॑ ಮದಿಷ್ಠ ವೀ॒ತಯೇ॑ . ಗುಹಾ॑ ಚಿದ್ದಧಿಷೇ॒ ಗಿರಃ॑ ..
[೭] ಅಸೃಗ್ರಮಿತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತಃ ಪವಮಾನಃ ಸೋಮೋ ಗಾಯತ್ರೀ .
ಅಸೃ॑ಗ್ರ॒ಮಿಂದ॑ವಃ ಪ॒ಥಾ ಧರ್ಮ॑ನ್ನೃ॒ತಸ್ಯ॑ ಸು॒ಶ್ರಿಯಃ॑ . ವಿ॒ದಾ॒ನಾ ಅ॑ಸ್ಯ॒ ಯೋಜ॑ನಂ ..
ಪ್ರ ಧಾರಾ॒ ಮಧ್ವೋ॑ ಅಗ್ರಿ॒ಯೋ ಮ॒ಹೀರ॒ಪೋ ವಿ ಗಾ॑ಹತೇ . ಹ॒ವಿರ್ಹ॒ವಿಷ್ಷು॒ ವಂದ್ಯಃ॑ ..
ಪ್ರ ಯು॒ಜೋ ವಾ॒ಚೋ ಅ॑ಗ್ರಿ॒ಯೋ ವೃಷಾವ॑ ಚಕ್ರದ॒ದ್ವನೇ॑ . ಸದ್ಮಾ॒ಭಿ ಸ॒ತ್ಯೋ ಅ॑ಧ್ವ॒ರಃ ..
ಪರಿ॒ ಯತ್ಕಾವ್ಯಾ॑ ಕ॒ವಿರ್ನೃ॒ಮ್ಣಾ ವಸಾ॑ನೋ॒ ಅರ್ಷ॑ತಿ . ಸ್ವ॑ರ್ವಾ॒ಜೀ ಸಿ॑ಷಾಸತಿ ..
ಪವ॑ಮಾನೋ ಅ॒ಭಿ ಸ್ಪೃಧೋ॒ ವಿಶೋ॒ ರಾಜೇ॑ವ ಸೀದತಿ . ಯದೀ॑ಮೃ॒ಣ್ವಂತಿ॑ ವೇ॒ಧಸಃ॑ ..
ಅವ್ಯೋ॒ ವಾರೇ॒ ಪರಿ॑ ಪ್ರಿ॒ಯೋ ಹರಿ॒ರ್ವನೇ॑ಷು ಸೀದತಿ . ರೇ॒ಭೋ ವ॑ನುಷ್ಯತೇ ಮ॒ತೀ ..
ಸ ವಾ॒ಯುಮಿಂದ್ರ॑ಮ॒ಶ್ವಿನಾ॑ ಸಾ॒ಕಂ ಮದೇ॑ನ ಗಚ್ಛತಿ . ರಣಾ॒ ಯೋ ಅ॑ಸ್ಯ॒ ಧರ್ಮ॑ಭಿಃ ..
ಆ ಮಿ॒ತ್ರಾವರು॑ಣಾ॒ ಭಗಂ॒ ಮಧ್ವಃ॑ ಪವಂತ ಊ॒ರ್ಮಯಃ॑ . ವಿ॒ದಾ॒ನಾ ಅ॑ಸ್ಯ॒ ಶಕ್ಮ॑ಭಿಃ ..
ಅ॒ಸ್ಮಭ್ಯಂ॑ ರೋದಸೀ ರ॒ಯಿಂ ಮಧ್ವೋ॒ ವಾಜ॑ಸ್ಯ ಸಾ॒ತಯೇ॑ . ಶ್ರವೋ॒ ವಸೂ॑ನಿ॒ ಸಂ ಜಿ॑ತಂ ..
[೮] ಏತೇಸೋಮಾ ಇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಏ॒ತೇ ಸೋಮಾ॑ ಅ॒ಭಿ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ॑ಮಕ್ಷರನ್ . ವರ್ಧಂ॑ತೋ ಅಸ್ಯ ವೀ॒ರ್ಯಂ॑ ..
ಪು॒ನಾ॒ನಾಸ॑ಶ್ಚಮೂ॒ಷದೋ॒ ಗಚ್ಛಂ॑ತೋ ವಾ॒ಯುಮ॒ಶ್ವಿನಾ॑ . ತೇ ನೋ॑ ಧಾಂತು ಸು॒ವೀರ್ಯಂ॑ ..
ಇಂದ್ರ॑ಸ್ಯ ಸೋಮ॒ ರಾಧ॑ಸೇ ಪುನಾ॒ನೋ ಹಾರ್ದಿ॑ ಚೋದಯ . ಋ॒ತಸ್ಯ॒ ಯೋನಿ॑ಮಾ॒ಸದಂ॑ ..
ಮೃ॒ಜಂತಿ॑ ತ್ವಾ॒ ದಶ॒ ಕ್ಷಿಪೋ॑ ಹಿ॒ನ್ವಂತಿ॑ ಸ॒ಪ್ತ ಧೀ॒ತಯಃ॑ . ಅನು॒ ವಿಪ್ರಾ॑ ಅಮಾದಿಷುಃ ..
ದೇ॒ವೇಭ್ಯ॑ಸ್ತ್ವಾ॒ ಮದಾ॑ಯ॒ ಕಂ ಸೃ॑ಜಾ॒ನಮತಿ॑ ಮೇ॒ಷ್ಯಃ॑ . ಸಂ ಗೋಭಿ॑ರ್ವಾಸಯಾಮಸಿ ..
ಪು॒ನಾ॒ನಃ ಕ॒ಲಶೇ॒ಷ್ವಾ ವಸ್ತ್ರಾ॑ಣ್ಯರು॒ಷೋ ಹರಿಃ॑ . ಪರಿ॒ ಗವ್ಯಾ॑ನ್ಯವ್ಯತ ..
ಮ॒ಘೋನ॒ ಆ ಪ॑ವಸ್ವ ನೋ ಜ॒ಹಿ ವಿಶ್ವಾ॒ ಅಪ॒ ದ್ವಿಷಃ॑ . ಇಂದೋ॒ ಸಖಾ॑ಯ॒ಮಾ ವಿ॑ಶ ..
ವೃ॒ಷ್ಟಿಂ ದಿ॒ವಃ ಪರಿ॑ ಸ್ರವ ದ್ಯು॒ಮ್ನಂ ಪೃ॑ಥಿ॒ವ್ಯಾ ಅಧಿ॑ . ಸಹೋ॑ ನಃ ಸೋಮ ಪೃ॒ತ್ಸು ಧಾಃ॑ ..
ನೃ॒ಚಕ್ಷ॑ಸಂ ತ್ವಾ ವ॒ಯಮಿಂದ್ರ॑ಪೀತಂ ಸ್ವ॒ರ್ವಿದಂ॑ . ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷಂ॑ ..
[೯] ಪರಿಪ್ರಿಯೇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ
ಪರಿ॑ ಪ್ರಿ॒ಯಾ ದಿ॒ವಃ ಕ॒ವಿರ್ವಯಾಂ॑ಸಿ ನ॒ಪ್ತ್ಯೋ॑ರ್ಹಿ॒ತಃ . ಸು॒ವಾ॒ನೋ ಯಾ॑ತಿ ಕ॒ವಿಕ್ರ॑ತುಃ ..
ಪ್ರಪ್ರ॒ ಕ್ಷಯಾ॑ಯ॒ ಪನ್ಯ॑ಸೇ॒ ಜನಾ॑ಯ॒ ಜುಷ್ಟೋ॑ ಅ॒ದ್ರುಹೇ॑ . ವೀ॒ತ್ಯ॑ರ್ಷ॒ ಚನಿ॑ಷ್ಠಯಾ ..
ಸ ಸೂ॒ನುರ್ಮಾ॒ತರಾ॒ ಶುಚಿ॑ರ್ಜಾ॒ತೋ ಜಾ॒ತೇ ಅ॑ರೋಚಯತ್ . ಮ॒ಹಾನ್ಮ॒ಹೀ ಋ॑ತಾ॒ವೃಧಾ॑ ..
ಸ ಸ॒ಪ್ತ ಧೀ॒ತಿಭಿ॑ರ್ಹಿ॒ತೋ ನ॒ದ್ಯೋ॑ ಅಜಿನ್ವದ॒ದ್ರುಹಃ॑ . ಯಾ ಏಕ॒ಮಕ್ಷಿ॑ ವಾವೃ॒ಧುಃ ..
ತಾ ಅ॒ಭಿ ಸಂತ॒ಮಸ್ತೃ॑ತಂ ಮ॒ಹೇ ಯುವಾ॑ನ॒ಮಾ ದ॑ಧುಃ . ಇಂದು॑ಮಿಂದ್ರ॒ ತವ॑ ವ್ರ॒ತೇ ..
ಅ॒ಭಿ ವಹ್ನಿ॒ರಮ॑ರ್ತ್ಯಃ ಸ॒ಪ್ತ ಪ॑ಶ್ಯತಿ॒ ವಾವ॑ಹಿಃ . ಕ್ರಿವಿ॑ರ್ದೇ॒ವೀರ॑ತರ್ಪಯತ್ ..
ಅವಾ॒ ಕಲ್ಪೇ॑ಷು ನಃ ಪುಮ॒ಸ್ತಮಾಂ॑ಸಿ ಸೋಮ॒ ಯೋಧ್ಯಾ॑ . ತಾನಿ॑ ಪುನಾನ ಜಂಘನಃ ..
ನೂ ನವ್ಯ॑ಸೇ॒ ನವೀ॑ಯಸೇ ಸೂ॒ಕ್ತಾಯ॑ ಸಾಧಯಾ ಪ॒ಥಃ . ಪ್ರ॒ತ್ನ॒ವದ್ರೋ॑ಚಯಾ॒ ರುಚಃ॑ ..
ಪವ॑ಮಾನ॒ ಮಹಿ॒ ಶ್ರವೋ॒ ಗಾಮಶ್ವಂ॑ ರಾಸಿ ವೀ॒ರವ॑ತ್ . ಸನಾ॑ ಮೇ॒ಧಾಂ ಸನಾ॒ ಸ್ವಃ॑ ..
[೧೦] ಪ್ರಸ್ವಾನಾಸ ಇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ಸ್ವಾ॒ನಾಸೋ॒ ರಥಾ॑ ಇ॒ವಾರ್ವಂ॑ತೋ॒ ನ ಶ್ರ॑ವ॒ಸ್ಯವಃ॑ . ಸೋಮಾ॑ಸೋ ರಾ॒ಯೇ ಅ॑ಕ್ರಮುಃ ..
ಹಿ॒ನ್ವಾ॒ನಾಸೋ॒ ರಥಾ॑ ಇವ ದಧನ್ವಿ॒ರೇ ಗಭ॑ಸ್ತ್ಯೋಃ . ಭರಾ॑ಸಃ ಕಾ॒ರಿಣಾ॑ಮಿವ ..
ರಾಜಾ॑ನೋ॒ ನ ಪ್ರಶ॑ಸ್ತಿಭಿಃ॒ ಸೋಮಾ॑ಸೋ॒ ಗೋಭಿ॑ರಂಜತೇ . ಯ॒ಜ್ಞೋ ನ ಸ॒ಪ್ತ ಧಾ॒ತೃಭಿಃ॑ ..
ಪರಿ॑ ಸುವಾ॒ನಾಸ॒ ಇಂದ॑ವೋ॒ ಮದಾ॑ಯ ಬ॒ರ್ಹಣಾ॑ ಗಿ॒ರಾ . ಸು॒ತಾ ಅ॑ರ್ಷಂತಿ॒ ಧಾರ॑ಯಾ ..
ಆ॒ಪಾ॒ನಾಸೋ॑ ವಿ॒ವಸ್ವ॑ತೋ॒ ಜನಂ॑ತ ಉ॒ಷಸೋ॒ ಭಗಂ॑ . ಸೂರಾ॒ ಅಣ್ವಂ॒ ವಿ ತ॑ನ್ವತೇ ..
ಅಪ॒ ದ್ವಾರಾ॑ ಮತೀ॒ನಾಂ ಪ್ರ॒ತ್ನಾ ಋ॑ಣ್ವಂತಿ ಕಾ॒ರವಃ॑ . ವೃಷ್ಣೋ॒ ಹರ॑ಸ ಆ॒ಯವಃ॑ ..
ಸ॒ಮೀ॒ಚೀ॒ನಾಸ॑ ಆಸತೇ॒ ಹೋತಾ॑ರಃ ಸ॒ಪ್ತಜಾ॑ಮಯಃ . ಪ॒ದಮೇಕ॑ಸ್ಯ॒ ಪಿಪ್ರ॑ತಃ ..
ನಾಭಾ॒ ನಾಭಿಂ॑ ನ॒ ಆ ದ॑ದೇ॒ ಚಕ್ಷು॑ಶ್ಚಿ॒ತ್ಸೂರ್ಯೇ॒ ಸಚಾ॑ . ಕ॒ವೇರಪ॑ತ್ಯ॒ಮಾ ದು॑ಹೇ ..
ಅ॒ಭಿ ಪ್ರಿ॒ಯಾ ದಿ॒ವಸ್ಪ॒ದಮ॑ಧ್ವ॒ರ್ಯುಭಿ॒ರ್ಗುಹಾ॑ ಹಿ॒ತಂ . ಸೂರಃ॑ ಪಶ್ಯತಿ॒ ಚಕ್ಷ॑ಸಾ ..
[೧೧] ಉಪಾಸ್ಮಾಇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಉಪಾ॑ಸ್ಮೈ ಗಾಯತಾ ನರಃ॒ ಪವ॑ಮಾನಾ॒ಯೇಂದ॑ವೇ . ಅ॒ಭಿ ದೇ॒ವಾಁ ಇಯ॑ಕ್ಷತೇ ..
ಅ॒ಭಿ ತೇ॒ ಮಧು॑ನಾ॒ ಪಯೋಽಥ॑ರ್ವಾಣೋ ಅಶಿಶ್ರಯುಃ . ದೇ॒ವಂ ದೇ॒ವಾಯ॑ ದೇವ॒ಯು ..
ಸ ನಃ॑ ಪವಸ್ವ॒ ಶಂ ಗವೇ॒ ಶಂ ಜನಾ॑ಯ॒ ಶಮರ್ವ॑ತೇ . ಶಂ ರಾ॑ಜ॒ನ್ನೋಷ॑ಧೀಭ್ಯಃ ..
ಬ॒ಭ್ರವೇ॒ ನು ಸ್ವತ॑ವಸೇಽರು॒ಣಾಯ॑ ದಿವಿ॒ಸ್ಪೃಶೇ॑ . ಸೋಮಾ॑ಯ ಗಾ॒ಥಮ॑ರ್ಚತ ..
ಹಸ್ತ॑ಚ್ಯುತೇಭಿ॒ರದ್ರಿ॑ಭಿಃ ಸು॒ತಂ ಸೋಮಂ॑ ಪುನೀತನ . ಮಧಾ॒ವಾ ಧಾ॑ವತಾ॒ ಮಧು॑ ..
ನಮ॒ಸೇದುಪ॑ ಸೀದತ ದ॒ಧ್ನೇದ॒ಭಿ ಶ್ರೀ॑ಣೀತನ . ಇಂದು॒ಮಿಂದ್ರೇ॑ ದಧಾತನ ..
ಅ॒ಮಿ॒ತ್ರ॒ಹಾ ವಿಚ॑ರ್ಷಣಿಃ॒ ಪವ॑ಸ್ವ ಸೋಮ॒ ಶಂ ಗವೇ॑ . ದೇ॒ವೇಭ್ಯೋ॑ ಅನುಕಾಮ॒ಕೃತ್ ..
ಇಂದ್ರಾ॑ಯ ಸೋಮ॒ ಪಾತ॑ವೇ॒ ಮದಾ॑ಯ॒ ಪರಿ॑ ಷಿಚ್ಯಸೇ . ಮ॒ನ॒ಶ್ಚಿನ್ಮನ॑ಸ॒ಸ್ಪತಿಃ॑ ..
ಪವ॑ಮಾನ ಸು॒ವೀರ್ಯಂ॑ ರ॒ಯಿಂ ಸೋ॑ಮ ರಿರೀಹಿ ನಃ . ಇಂದ॒ವಿಂದ್ರೇ॑ಣ ನೋ ಯು॒ಜಾ ..
[೧೨] ಸೋಮಾಅಸೃಗ್ರಮಿತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃಪವಮಾನಃ ಸೋಮೋ ಗಾಯತ್ರೀ .
ಸೋಮಾ॑ ಅಸೃಗ್ರ॒ಮಿಂದ॑ವಃ ಸು॒ತಾ ಋ॒ತಸ್ಯ॒ ಸಾದ॑ನೇ . ಇಂದ್ರಾ॑ಯ॒ ಮಧು॑ಮತ್ತಮಾಃ ..
ಅ॒ಭಿ ವಿಪ್ರಾ॑ ಅನೂಷತ॒ ಗಾವೋ॑ ವ॒ತ್ಸಂ ನ ಮಾ॒ತರಃ॑ . ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ॑ ..
ಮ॒ದ॒ಚ್ಯುತ್ಕ್ಷೇ॑ತಿ॒ ಸಾದ॑ನೇ॒ ಸಿಂಧೋ॑ರೂ॒ರ್ಮಾ ವಿ॑ಪ॒ಶ್ಚಿತ್ . ಸೋಮೋ॑ ಗೌ॒ರೀ ಅಧಿ॑ ಶ್ರಿ॒ತಃ ..
ದಿ॒ವೋ ನಾಭಾ॑ ವಿಚಕ್ಷ॒ಣೋಽವ್ಯೋ॒ ವಾರೇ॑ ಮಹೀಯತೇ . ಸೋಮೋ॒ ಯಃ ಸು॒ಕ್ರತುಃ॑ ಕ॒ವಿಃ ..
ಯಃ ಸೋಮಃ॑ ಕ॒ಲಶೇ॒ಷ್ವಾಁ ಅಂ॒ತಃ ಪ॒ವಿತ್ರ॒ ಆಹಿ॑ತಃ . ತಮಿಂದುಃ॒ ಪರಿ॑ ಷಸ್ವಜೇ ..
ಪ್ರ ವಾಚ॒ಮಿಂದು॑ರಿಷ್ಯತಿ ಸಮು॒ದ್ರಸ್ಯಾಧಿ॑ ವಿ॒ಷ್ಟಪಿ॑ . ಜಿನ್ವ॒ನ್ಕೋಶಂ॑ ಮಧು॒ಶ್ಚುತಂ॑ ..
ನಿತ್ಯ॑ಸ್ತೋತ್ರೋ॒ ವನ॒ಸ್ಪತಿ॑ರ್ಧೀ॒ನಾಮಂ॒ತಃ ಸ॑ಬ॒ರ್ದುಘಃ॑ . ಹಿ॒ನ್ವಾ॒ನೋ ಮಾನು॑ಷಾ ಯು॒ಗಾ ..
ಅ॒ಭಿ ಪ್ರಿ॒ಯಾ ದಿ॒ವಸ್ಪ॒ದಾ ಸೋಮೋ॑ ಹಿನ್ವಾ॒ನೋ ಅ॑ರ್ಷತಿ . ವಿಪ್ರ॑ಸ್ಯ॒ ಧಾರ॑ಯಾ ಕ॒ವಿಃ ..
ಆ ಪ॑ವಮಾನ ಧಾರಯ ರ॒ಯಿಂ ಸ॒ಹಸ್ರ॑ವರ್ಚಸಂ . ಅ॒ಸ್ಮೇ ಇಂ॑ದೋ ಸ್ವಾ॒ಭುವಂ॑ ..
[೧೩] ಸೋಮಃ ಪುನಾನಇತಿ ನವರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತಃ ಪವಮಾನಃ ಸೋಮೋ ಗಾಯತ್ರೀ .
ಸೋಮಃ॑ ಪುನಾ॒ನೋ ಅ॑ರ್ಷತಿ ಸ॒ಹಸ್ರ॑ಧಾರೋ॒ ಅತ್ಯ॑ವಿಃ . ವಾ॒ಯೋರಿಂದ್ರ॑ಸ್ಯ ನಿಷ್ಕೃ॒ತಂ ..
ಪವ॑ಮಾನಮವಸ್ಯವೋ॒ ವಿಪ್ರ॑ಮ॒ಭಿ ಪ್ರ ಗಾ॑ಯತ . ಸು॒ಷ್ವಾ॒ಣಂ ದೇ॒ವವೀ॑ತಯೇ ..
ಪವಂ॑ತೇ॒ ವಾಜ॑ಸಾತಯೇ॒ ಸೋಮಾಃ॑ ಸ॒ಹಸ್ರ॑ಪಾಜಸಃ . ಗೃ॒ಣಾ॒ನಾ ದೇ॒ವವೀ॑ತಯೇ ..
ಉ॒ತ ನೋ॒ ವಾಜ॑ಸಾತಯೇ॒ ಪವ॑ಸ್ವ ಬೃಹ॒ತೀರಿಷಃ॑ . ದ್ಯು॒ಮದಿಂ॑ದೋ ಸು॒ವೀರ್ಯಂ॑ ..
ತೇ ನಃ॑ ಸಹ॒ಸ್ರಿಣಂ॑ ರ॒ಯಿಂ ಪವಂ॑ತಾ॒ಮಾ ಸು॒ವೀರ್ಯಂ॑ . ಸು॒ವಾ॒ನಾ ದೇ॒ವಾಸ॒ ಇಂದ॑ವಃ ..
ಅತ್ಯಾ॑ ಹಿಯಾ॒ನಾ ನ ಹೇ॒ತೃಭಿ॒ರಸೃ॑ಗ್ರಂ॒ ವಾಜ॑ಸಾತಯೇ . ವಿ ವಾರ॒ಮವ್ಯ॑ಮಾ॒ಶವಃ॑ ..
ವಾ॒ಶ್ರಾ ಅ॑ರ್ಷಂ॒ತೀಂದ॑ವೋ॒ಽಭಿ ವ॒ತ್ಸಂ ನ ಧೇ॒ನವಃ॑ . ದ॒ಧ॒ನ್ವಿ॒ರೇ ಗಭ॑ಸ್ತ್ಯೋಃ ..
ಜುಷ್ಟ॒ ಇಂದ್ರಾ॑ಯ ಮತ್ಸ॒ರಃ ಪವ॑ಮಾನ॒ ಕನಿ॑ಕ್ರದತ್ . ವಿಶ್ವಾ॒ ಅಪ॒ ದ್ವಿಷೋ॑ ಜಹಿ ..
ಅ॒ಪ॒ಘ್ನಂತೋ॒ ಅರಾ॑ವ್ಣಃ॒ ಪವ॑ಮಾನಾಃ ಸ್ವ॒ರ್ದೃಶಃ॑ . ಯೋನಾ॑ವೃ॒ತಸ್ಯ॑ ಸೀದತ ..
[೧೪] ಪರಿಪ್ರೇತ್ಯಷ್ಟರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪರಿ॒ ಪ್ರಾಸಿ॑ಷ್ಯದತ್ಕ॒ವಿಃ ಸಿಂಧೋ॑ರೂ॒ರ್ಮಾವಧಿ॑ ಶ್ರಿ॒ತಃ . ಕಾ॒ರಂ ಬಿಭ್ರ॑ತ್ಪುರು॒ಸ್ಪೃಹಂ॑ ..
ಗಿ॒ರಾ ಯದೀ॒ ಸಬಂ॑ಧವಃ॒ ಪಂಚ॒ ವ್ರಾತಾ॑ ಅಪ॒ಸ್ಯವಃ॑ . ಪ॒ರಿ॒ಷ್ಕೃ॒ಣ್ವಂತಿ॑ ಧರ್ಣ॒ಸಿಂ ..
ಆದ॑ಸ್ಯ ಶು॒ಷ್ಮಿಣೋ॒ ರಸೇ॒ ವಿಶ್ವೇ॑ ದೇ॒ವಾ ಅ॑ಮತ್ಸತ . ಯದೀ॒ ಗೋಭಿ॑ರ್ವಸಾ॒ಯತೇ॑ ..
ನಿ॒ರಿ॒ಣಾ॒ನೋ ವಿ ಧಾ॑ವತಿ॒ ಜಹ॒ಚ್ಛರ್ಯಾ॑ಣಿ॒ ತಾನ್ವಾ॑ . ಅತ್ರಾ॒ ಸಂ ಜಿ॑ಘ್ನತೇ ಯು॒ಜಾ ..
ನ॒ಪ್ತೀಭಿ॒ರ್ಯೋ ವಿ॒ವಸ್ವ॑ತಃ ಶು॒ಭ್ರೋ ನ ಮಾ॑ಮೃ॒ಜೇ ಯುವಾ॑ . ಗಾಃ ಕೃ॑ಣ್ವಾ॒ನೋ ನ ನಿ॒ರ್ಣಿಜಂ॑ ..
ಅತಿ॑ ಶ್ರಿ॒ತೀ ತಿ॑ರ॒ಶ್ಚತಾ॑ ಗ॒ವ್ಯಾ ಜಿ॑ಗಾ॒ತ್ಯಣ್ವ್ಯಾ॑ . ವ॒ಗ್ನುಮಿ॑ಯರ್ತಿ॒ ಯಂ ವಿ॒ದೇ ..
ಅ॒ಭಿ ಕ್ಷಿಪಃ॒ ಸಮ॑ಗ್ಮತ ಮ॒ರ್ಜಯಂ॑ತೀರಿ॒ಷಸ್ಪತಿಂ॑ . ಪೃ॒ಷ್ಠಾ ಗೃ॑ಭ್ಣತ ವಾ॒ಜಿನಃ॑ ..
ಪರಿ॑ ದಿ॒ವ್ಯಾನಿ॒ ಮರ್ಮೃ॑ಶ॒ದ್ವಿಶ್ವಾ॑ನಿ ಸೋಮ॒ ಪಾರ್ಥಿ॑ವಾ . ವಸೂ॑ನಿ ಯಾಹ್ಯಸ್ಮ॒ಯುಃ ..
[೧೫] ಏಷಧಿಯೇತ್ಯಷ್ಟರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋಗಾಯತ್ರೀ .
ಏ॒ಷ ಧಿ॒ಯಾ ಯಾ॒ತ್ಯಣ್ವ್ಯಾ॒ ಶೂರೋ॒ ರಥೇ॑ಭಿರಾ॒ಶುಭಿಃ॑ . ಗಚ್ಛ॒ನ್ನಿಂದ್ರ॑ಸ್ಯ ನಿಷ್ಕೃ॒ತಂ ..
ಏ॒ಷ ಪು॒ರೂ ಧಿ॑ಯಾಯತೇ ಬೃಹ॒ತೇ ದೇ॒ವತಾ॑ತಯೇ . ಯತ್ರಾ॒ಮೃತಾ॑ಸ॒ ಆಸ॑ತೇ ..
ಏ॒ಷ ಹಿ॒ತೋ ವಿ ನೀ॑ಯತೇ॒ಽನ್ತಃ ಶು॒ಭ್ರಾವ॑ತಾ ಪ॒ಥಾ . ಯದೀ॑ ತುಂ॒ಜಂತಿ॒ ಭೂರ್ಣ॑ಯಃ ..
ಏ॒ಷ ಶೃಂಗಾ॑ಣಿ॒ ದೋಧು॑ವ॒ಚ್ಛಿಶೀ॑ತೇ ಯೂ॒ಥ್ಯೋ॒೩॒॑ ವೃಷಾ॑ . ನೃ॒ಮ್ಣಾ ದಧಾ॑ನ॒ ಓಜ॑ಸಾ ..
ಏ॒ಷ ರು॒ಕ್ಮಿಭಿ॑ರೀಯತೇ ವಾ॒ಜೀ ಶು॒ಭ್ರೇಭಿ॑ರಂ॒ಶುಭಿಃ॑ . ಪತಿಃ॒ ಸಿಂಧೂ॑ನಾಂ॒ ಭವ॑ನ್ ..
ಏ॒ಷ ವಸೂ॑ನಿ ಪಿಬ್ದ॒ನಾ ಪರು॑ಷಾ ಯಯಿ॒ವಾಁ ಅತಿ॑ . ಅವ॒ ಶಾದೇ॑ಷು ಗಚ್ಛತಿ ..
ಏ॒ತಂ ಮೃ॑ಜಂತಿ॒ ಮರ್ಜ್ಯ॒ಮುಪ॒ ದ್ರೋಣೇ॑ಷ್ವಾ॒ಯವಃ॑ . ಪ್ರ॒ಚ॒ಕ್ರಾ॒ಣಂ ಮ॒ಹೀರಿಷಃ॑ ..
ಏ॒ತಮು॒ ತ್ಯಂ ದಶ॒ ಕ್ಷಿಪೋ॑ ಮೃ॒ಜಂತಿ॑ ಸ॒ಪ್ತ ಧೀ॒ತಯಃ॑ . ಸ್ವಾ॒ಯು॒ಧಂ ಮ॒ದಿಂತ॑ಮಂ ..
[೧೬] ಪ್ರತೇಸೋತಾರಇತ್ಯಷ್ಟರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ತೇ॑ ಸೋ॒ತಾರ॑ ಓ॒ಣ್ಯೋ॒೩॒॑ ರಸಂ॒ ಮದಾ॑ಯ॒ ಘೃಷ್ವ॑ಯೇ . ಸರ್ಗೋ॒ ನ ತ॒ಕ್ತ್ಯೇತ॑ಶಃ ..
ಕ್ರತ್ವಾ॒ ದಕ್ಷ॑ಸ್ಯ ರ॒ಥ್ಯ॑ಮ॒ಪೋ ವಸಾ॑ನ॒ಮಂಧ॑ಸಾ . ಗೋ॒ಷಾಮಣ್ವೇ॑ಷು ಸಶ್ಚಿಮ ..
ಅನ॑ಪ್ತಮ॒ಪ್ಸು ದು॒ಷ್ಟರಂ॒ ಸೋಮಂ॑ ಪ॒ವಿತ್ರ॒ ಆ ಸೃ॑ಜ . ಪು॒ನೀ॒ಹೀಂದ್ರಾ॑ಯ॒ ಪಾತ॑ವೇ ..
ಪ್ರ ಪು॑ನಾ॒ನಸ್ಯ॒ ಚೇತ॑ಸಾ॒ ಸೋಮಃ॑ ಪ॒ವಿತ್ರೇ॑ ಅರ್ಷತಿ . ಕ್ರತ್ವಾ॑ ಸ॒ಧಸ್ಥ॒ಮಾಸ॑ದತ್ ..
ಪ್ರ ತ್ವಾ॒ ನಮೋ॑ಭಿ॒ರಿಂದ॑ವ॒ ಇಂದ್ರ॒ ಸೋಮಾ॑ ಅಸೃಕ್ಷತ . ಮ॒ಹೇ ಭರಾ॑ಯ ಕಾ॒ರಿಣಃ॑ ..
ಪು॒ನಾ॒ನೋ ರೂ॒ಪೇ ಅ॒ವ್ಯಯೇ॒ ವಿಶ್ವಾ॒ ಅರ್ಷ॑ನ್ನ॒ಭಿ ಶ್ರಿಯಃ॑ . ಶೂರೋ॒ ನ ಗೋಷು॑ ತಿಷ್ಠತಿ ..
ದಿ॒ವೋ ನ ಸಾನು॑ ಪಿ॒ಪ್ಯುಷೀ॒ ಧಾರಾ॑ ಸು॒ತಸ್ಯ॑ ವೇ॒ಧಸಃ॑ . ವೃಥಾ॑ ಪ॒ವಿತ್ರೇ॑ ಅರ್ಷತಿ ..
ತ್ವಂ ಸೋ॑ಮ ವಿಪ॒ಶ್ಚಿತಂ॒ ತನಾ॑ ಪುನಾ॒ನ ಆ॒ಯುಷು॑ . ಅವ್ಯೋ॒ ವಾರಂ॒ ವಿ ಧಾ॑ವಸಿ ..
[೧೭] ಪ್ರನಿಮ್ನೇನೇವೇತ್ಯ ಷ್ಟರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ನಿ॒ಮ್ನೇನೇ॑ವ॒ ಸಿಂಧ॑ವೋ॒ ಘ್ನಂತೋ॑ ವೃ॒ತ್ರಾಣಿ॒ ಭೂರ್ಣ॑ಯಃ . ಸೋಮಾ॑ ಅಸೃಗ್ರಮಾ॒ಶವಃ॑ ..
ಅ॒ಭಿ ಸು॑ವಾ॒ನಾಸ॒ ಇಂದ॑ವೋ ವೃ॒ಷ್ಟಯಃ॑ ಪೃಥಿ॒ವೀಮಿ॑ವ . ಇಂದ್ರಂ॒ ಸೋಮಾ॑ಸೋ ಅಕ್ಷರನ್ ..
ಅತ್ಯೂ॑ರ್ಮಿರ್ಮತ್ಸ॒ರೋ ಮದಃ॒ ಸೋಮಃ॑ ಪ॒ವಿತ್ರೇ॑ ಅರ್ಷತಿ . ವಿ॒ಘ್ನನ್ರಕ್ಷಾಂ॑ಸಿ ದೇವ॒ಯುಃ ..
ಆ ಕ॒ಲಶೇ॑ಷು ಧಾವತಿ ಪ॒ವಿತ್ರೇ॒ ಪರಿ॑ ಷಿಚ್ಯತೇ . ಉ॒ಕ್ಥೈರ್ಯ॒ಜ್ಞೇಷು॑ ವರ್ಧತೇ ..
ಅತಿ॒ ತ್ರೀ ಸೋ॑ಮ ರೋಚ॒ನಾ ರೋಹ॒ನ್ನ ಭ್ರಾ॑ಜಸೇ॒ ದಿವಂ॑ . ಇ॒ಷ್ಣಂತ್ಸೂರ್ಯಂ॒ ನ ಚೋ॑ದಯಃ ..
ಅ॒ಭಿ ವಿಪ್ರಾ॑ ಅನೂಷತ ಮೂ॒ರ್ಧನ್ಯ॒ಜ್ಞಸ್ಯ॑ ಕಾ॒ರವಃ॑ . ದಧಾ॑ನಾ॒ಶ್ಚಕ್ಷ॑ಸಿ ಪ್ರಿ॒ಯಂ ..
ತಮು॑ ತ್ವಾ ವಾ॒ಜಿನಂ॒ ನರೋ॑ ಧೀ॒ಭಿರ್ವಿಪ್ರಾ॑ ಅವ॒ಸ್ಯವಃ॑ . ಮೃ॒ಜಂತಿ॑ ದೇ॒ವತಾ॑ತಯೇ ..
ಮಧೋ॒ರ್ಧಾರಾ॒ಮನು॑ ಕ್ಷರ ತೀ॒ವ್ರಃ ಸ॒ಧಸ್ಥ॒ಮಾಸ॑ದಃ . ಚಾರು॑ರ್ಋ॒ತಾಯ॑ ಪೀ॒ತಯೇ॑ ..
[೧೮] ಪರಿಸುವಾನಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪರಿ॑ ಸುವಾ॒ನೋ ಗಿ॑ರಿ॒ಷ್ಠಾಃ ಪ॒ವಿತ್ರೇ॒ ಸೋಮೋ॑ ಅಕ್ಷಾಃ . ಮದೇ॑ಷು ಸರ್ವ॒ಧಾ ಅ॑ಸಿ ..
ತ್ವಂ ವಿಪ್ರ॒ಸ್ತ್ವಂ ಕ॒ವಿರ್ಮಧು॒ ಪ್ರ ಜಾ॒ತಮಂಧ॑ಸಃ . ಮದೇ॑ಷು ಸರ್ವ॒ಧಾ ಅ॑ಸಿ ..
ತವ॒ ವಿಶ್ವೇ॑ ಸ॒ಜೋಷ॑ಸೋ ದೇ॒ವಾಸಃ॑ ಪೀ॒ತಿಮಾ॑ಶತ . ಮದೇ॑ಷು ಸರ್ವ॒ಧಾ ಅ॑ಸಿ ..
ಆ ಯೋ ವಿಶ್ವಾ॑ನಿ॒ ವಾರ್ಯಾ॒ ವಸೂ॑ನಿ॒ ಹಸ್ತ॑ಯೋರ್ದ॒ಧೇ . ಮದೇ॑ಷು ಸರ್ವ॒ಧಾ ಅ॑ಸಿ ..
ಯ ಇ॒ಮೇ ರೋದ॑ಸೀ ಮ॒ಹೀ ಸಂ ಮಾ॒ತರೇ॑ವ॒ ದೋಹ॑ತೇ . ಮದೇ॑ಷು ಸರ್ವ॒ಧಾ ಅ॑ಸಿ ..
ಪರಿ॒ ಯೋ ರೋದ॑ಸೀ ಉ॒ಭೇ ಸ॒ದ್ಯೋ ವಾಜೇ॑ಭಿ॒ರರ್ಷ॑ತಿ . ಮದೇ॑ಷು ಸರ್ವ॒ಧಾ ಅ॑ಸಿ ..
ಸ ಶು॒ಷ್ಮೀ ಕ॒ಲಶೇ॒ಷ್ವಾ ಪು॑ನಾ॒ನೋ ಅ॑ಚಿಕ್ರದತ್ . ಮದೇ॑ಷು ಸರ್ವ॒ಧಾ ಅ॑ಸಿ ..
[೧೯] ಯತ್ಸೋಮೇತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಯತ್ಸೋ॑ಮ ಚಿ॒ತ್ರಮು॒ಕ್ಥ್ಯಂ॑ ದಿ॒ವ್ಯಂ ಪಾರ್ಥಿ॑ವಂ॒ ವಸು॑ . ತನ್ನಃ॑ ಪುನಾ॒ನ ಆ ಭ॑ರ ..
ಯು॒ವಂ ಹಿ ಸ್ಥಃ ಸ್ವ॑ರ್ಪತೀ॒ ಇಂದ್ರ॑ಶ್ಚ ಸೋಮ॒ ಗೋಪ॑ತೀ . ಈ॒ಶಾ॒ನಾ ಪಿ॑ಪ್ಯತಂ॒ ಧಿಯಃ॑ ..
ವೃಷಾ॑ ಪುನಾ॒ನ ಆ॒ಯುಷು॑ ಸ್ತ॒ನಯ॒ನ್ನಧಿ॑ ಬ॒ರ್ಹಿಷಿ॑ . ಹರಿಃ॒ ಸನ್ಯೋನಿ॒ಮಾಸ॑ದತ್ ..
ಅವಾ॑ವಶಂತ ಧೀ॒ತಯೋ॑ ವೃಷ॒ಭಸ್ಯಾಧಿ॒ ರೇತ॑ಸಿ . ಸೂ॒ನೋರ್ವ॒ತ್ಸಸ್ಯ॑ ಮಾ॒ತರಃ॑ ..
ಕು॒ವಿದ್ವೃ॑ಷ॒ಣ್ಯಂತೀ॑ಭ್ಯಃ ಪುನಾ॒ನೋ ಗರ್ಭ॑ಮಾ॒ದಧ॑ತ್ . ಯಾಃ ಶು॒ಕ್ರಂ ದು॑ಹ॒ತೇ ಪಯಃ॑ ..
ಉಪ॑ ಶಿಕ್ಷಾಪತ॒ಸ್ಥುಷೋ॑ ಭಿ॒ಯಸ॒ಮಾ ಧೇ॑ಹಿ॒ ಶತ್ರು॑ಷು . ಪವ॑ಮಾನ ವಿ॒ದಾ ರ॒ಯಿಂ ..
ನಿ ಶತ್ರೋಃ॑ ಸೋಮ॒ ವೃಷ್ಣ್ಯಂ॒ ನಿ ಶುಷ್ಮಂ॒ ನಿ ವಯ॑ಸ್ತಿರ . ದೂ॒ರೇ ವಾ॑ ಸ॒ತೋ ಅಂತಿ॑ ವಾ ..
[೨೦] ಪ್ರಕವಿರಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ಕ॒ವಿರ್ದೇ॒ವವೀ॑ತ॒ಯೇಽವ್ಯೋ॒ ವಾರೇ॑ಭಿರರ್ಷತಿ . ಸಾ॒ಹ್ವಾನ್ವಿಶ್ವಾ॑ ಅ॒ಭಿ ಸ್ಪೃಧಃ॑ ..
ಸ ಹಿ ಷ್ಮಾ॑ ಜರಿ॒ತೃಭ್ಯ॒ ಆ ವಾಜಂ॒ ಗೋಮಂ॑ತ॒ಮಿನ್ವ॑ತಿ . ಪವ॑ಮಾನಃ ಸಹ॒ಸ್ರಿಣಂ॑ ..
ಪರಿ॒ ವಿಶ್ವಾ॑ನಿ॒ ಚೇತ॑ಸಾ ಮೃ॒ಶಸೇ॒ ಪವ॑ಸೇ ಮ॒ತೀ . ಸ ನಃ॑ ಸೋಮ॒ ಶ್ರವೋ॑ ವಿದಃ ..
ಅ॒ಭ್ಯ॑ರ್ಷ ಬೃ॒ಹದ್ಯಶೋ॑ ಮ॒ಘವ॑ದ್ಭ್ಯೋ ಧ್ರು॒ವಂ ರ॒ಯಿಂ . ಇಷಂ॑ ಸ್ತೋ॒ತೃಭ್ಯ॒ ಆ ಭ॑ರ ..
ತ್ವಂ ರಾಜೇ॑ವ ಸುವ್ರ॒ತೋ ಗಿರಃ॑ ಸೋ॒ಮಾ ವಿ॑ವೇಶಿಥ . ಪು॒ನಾ॒ನೋ ವ॑ಹ್ನೇ ಅದ್ಭುತ ..
ಸ ವಹ್ನಿ॑ರ॒ಪ್ಸು ದು॒ಷ್ಟರೋ॑ ಮೃ॒ಜ್ಯಮಾ॑ನೋ॒ ಗಭ॑ಸ್ತ್ಯೋಃ . ಸೋಮ॑ಶ್ಚ॒ಮೂಷು॑ ಸೀದತಿ ..
ಕ್ರೀ॒ಳುರ್ಮ॒ಖೋ ನ ಮಂ॑ಹ॒ಯುಃ ಪ॒ವಿತ್ರಂ॑ ಸೋಮ ಗಚ್ಛಸಿ . ದಧ॑ತ್ಸ್ತೋ॒ತ್ರೇ ಸು॒ವೀರ್ಯಂ॑ ..
[೨೧] ಏತೇಧಾವಂತೀತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಏ॒ತೇ ಧಾ॑ವಂ॒ತೀಂದ॑ವಃ॒ ಸೋಮಾ॒ ಇಂದ್ರಾ॑ಯ॒ ಘೃಷ್ವ॑ಯಃ . ಮ॒ತ್ಸ॒ರಾಸಃ॑ ಸ್ವ॒ರ್ವಿದಃ॑ ..
ಪ್ರ॒ವೃ॒ಣ್ವಂತೋ॑ ಅಭಿ॒ಯುಜಃ॒ ಸುಷ್ವ॑ಯೇ ವರಿವೋ॒ವಿದಃ॑ . ಸ್ವ॒ಯಂ ಸ್ತೋ॒ತ್ರೇ ವ॑ಯ॒ಸ್ಕೃತಃ॑ ..
ವೃಥಾ॒ ಕ್ರೀಳಂ॑ತ॒ ಇಂದ॑ವಃ ಸ॒ಧಸ್ಥ॑ಮ॒ಭ್ಯೇಕ॒ಮಿತ್ . ಸಿಂಧೋ॑ರೂ॒ರ್ಮಾ ವ್ಯ॑ಕ್ಷರನ್ ..
ಏ॒ತೇ ವಿಶ್ವಾ॑ನಿ॒ ವಾರ್ಯಾ॒ ಪವ॑ಮಾನಾಸ ಆಶತ . ಹಿ॒ತಾ ನ ಸಪ್ತ॑ಯೋ॒ ರಥೇ॑ ..
ಆಸ್ಮಿ॑ನ್ಪಿ॒ಶಂಗ॑ಮಿಂದವೋ॒ ದಧಾ॑ತಾ ವೇ॒ನಮಾ॒ದಿಶೇ॑ . ಯೋ ಅ॒ಸ್ಮಭ್ಯ॒ಮರಾ॑ವಾ ..
ಋ॒ಭುರ್ನ ರಥ್ಯಂ॒ ನವಂ॒ ದಧಾ॑ತಾ॒ ಕೇತ॑ಮಾ॒ದಿಶೇ॑ . ಶು॒ಕ್ರಾಃ ಪ॑ವಧ್ವ॒ಮರ್ಣ॑ಸಾ ..
ಏ॒ತ ಉ॒ ತ್ಯೇ ಅ॑ವೀವಶ॒ನ್ಕಾಷ್ಠಾಂ॑ ವಾ॒ಜಿನೋ॑ ಅಕ್ರತ . ಸ॒ತಃ ಪ್ರಾಸಾ॑ವಿಷುರ್ಮ॒ತಿಂ ..
[೨೨] ಏತೇಸೋಮಾಸಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃಪವಮಾನಃ ಸೋಮೋಗಾಯತ್ರೀ .
ಏ॒ತೇ ಸೋಮಾ॑ಸ ಆ॒ಶವೋ॒ ರಥಾ॑ ಇವ॒ ಪ್ರ ವಾ॒ಜಿನಃ॑ . ಸರ್ಗಾಃ॑ ಸೃ॒ಷ್ಟಾ ಅ॑ಹೇಷತ ..
ಏ॒ತೇ ವಾತಾ॑ ಇವೋ॒ರವಃ॑ ಪ॒ರ್ಜನ್ಯ॑ಸ್ಯೇವ ವೃ॒ಷ್ಟಯಃ॑ . ಅ॒ಗ್ನೇರಿ॑ವ ಭ್ರ॒ಮಾ ವೃಥಾ॑ ..
ಏ॒ತೇ ಪೂ॒ತಾ ವಿ॑ಪ॒ಶ್ಚಿತಃ॒ ಸೋಮಾ॑ಸೋ॒ ದಧ್ಯಾ॑ಶಿರಃ . ವಿ॒ಪಾ ವ್ಯಾ॑ನಶು॒ರ್ಧಿಯಃ॑ ..
ಏ॒ತೇ ಮೃ॒ಷ್ಟಾ ಅಮ॑ರ್ತ್ಯಾಃ ಸಸೃ॒ವಾಂಸೋ॒ ನ ಶ॑ಶ್ರಮುಃ . ಇಯ॑ಕ್ಷಂತಃ ಪ॒ಥೋ ರಜಃ॑ ..
ಏ॒ತೇ ಪೃ॒ಷ್ಠಾನಿ॒ ರೋದ॑ಸೋರ್ವಿಪ್ರ॒ಯಂತೋ॒ ವ್ಯಾ॑ನಶುಃ . ಉ॒ತೇದಮು॑ತ್ತ॒ಮಂ ರಜಃ॑ ..
ತಂತುಂ॑ ತನ್ವಾ॒ನಮು॑ತ್ತ॒ಮಮನು॑ ಪ್ರ॒ವತ॑ ಆಶತ . ಉ॒ತೇದಮು॑ತ್ತ॒ಮಾಯ್ಯಂ॑ ..
ತ್ವಂ ಸೋ॑ಮ ಪ॒ಣಿಭ್ಯ॒ ಆ ವಸು॒ ಗವ್ಯಾ॑ನಿ ಧಾರಯಃ . ತ॒ತಂ ತಂತು॑ಮಚಿಕ್ರದಃ ..
[೨೩] ಸೋಮಾ ಅಸೃಗ್ರಮಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋಗಾಯತ್ರೀ .
ಸೋಮಾ॑ ಅಸೃಗ್ರಮಾ॒ಶವೋ॒ ಮಧೋ॒ರ್ಮದ॑ಸ್ಯ॒ ಧಾರ॑ಯಾ . ಅ॒ಭಿ ವಿಶ್ವಾ॑ನಿ॒ ಕಾವ್ಯಾ॑ ..
ಅನು॑ ಪ್ರ॒ತ್ನಾಸ॑ ಆ॒ಯವಃ॑ ಪ॒ದಂ ನವೀ॑ಯೋ ಅಕ್ರಮುಃ . ರು॒ಚೇ ಜ॑ನಂತ॒ ಸೂರ್ಯಂ॑ ..
ಆ ಪ॑ವಮಾನ ನೋ ಭರಾ॒ರ್ಯೋ ಅದಾ॑ಶುಷೋ॒ ಗಯಂ॑ . ಕೃ॒ಧಿ ಪ್ರ॒ಜಾವ॑ತೀ॒ರಿಷಃ॑ ..
ಅ॒ಭಿ ಸೋಮಾ॑ಸ ಆ॒ಯವಃ॒ ಪವಂ॑ತೇ॒ ಮದ್ಯಂ॒ ಮದಂ॑ . ಅ॒ಭಿ ಕೋಶಂ॑ ಮಧು॒ಶ್ಚುತಂ॑ ..
ಸೋಮೋ॑ ಅರ್ಷತಿ ಧರ್ಣ॒ಸಿರ್ದಧಾ॑ನ ಇಂದ್ರಿ॒ಯಂ ರಸಂ॑ . ಸು॒ವೀರೋ॑ ಅಭಿಶಸ್ತಿ॒ಪಾಃ ..
ಇಂದ್ರಾ॑ಯ ಸೋಮ ಪವಸೇ ದೇ॒ವೇಭ್ಯಃ॑ ಸಧ॒ಮಾದ್ಯಃ॑ . ಇಂದೋ॒ ವಾಜಂ॑ ಸಿಷಾಸಸಿ ..
ಅ॒ಸ್ಯ ಪೀ॒ತ್ವಾ ಮದಾ॑ನಾ॒ಮಿಂದ್ರೋ॑ ವೃ॒ತ್ರಾಣ್ಯ॑ಪ್ರ॒ತಿ . ಜ॒ಘಾನ॑ ಜ॒ಘನ॑ಚ್ಚ॒ ನು ..
[೨೪] ಪ್ರಸೋಮಾಸಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ಸೋಮಾ॑ಸೋ ಅಧನ್ವಿಷುಃ॒ ಪವ॑ಮಾನಾಸ॒ ಇಂದ॑ವಃ . ಶ್ರೀ॒ಣಾ॒ನಾ ಅ॒ಪ್ಸು ಮೃಂ॑ಜತ ..
ಅ॒ಭಿ ಗಾವೋ॑ ಅಧನ್ವಿಷು॒ರಾಪೋ॒ ನ ಪ್ರ॒ವತಾ॑ ಯ॒ತೀಃ . ಪು॒ನಾ॒ನಾ ಇಂದ್ರ॑ಮಾಶತ ..
ಪ್ರ ಪ॑ವಮಾನ ಧನ್ವಸಿ॒ ಸೋಮೇಂದ್ರಾ॑ಯ॒ ಪಾತ॑ವೇ . ನೃಭಿ॑ರ್ಯ॒ತೋ ವಿ ನೀ॑ಯಸೇ ..
ತ್ವಂ ಸೋ॑ಮ ನೃ॒ಮಾದ॑ನಃ॒ ಪವ॑ಸ್ವ ಚರ್ಷಣೀ॒ಸಹೇ॑ . ಸಸ್ನಿ॒ರ್ಯೋ ಅ॑ನು॒ಮಾದ್ಯಃ॑ ..
ಇಂದೋ॒ ಯದದ್ರಿ॑ಭಿಃ ಸು॒ತಃ ಪ॒ವಿತ್ರಂ॑ ಪರಿ॒ಧಾವ॑ಸಿ . ಅರ॒ಮಿಂದ್ರ॑ಸ್ಯ॒ ಧಾಮ್ನೇ॑ ..
ಪವ॑ಸ್ವ ವೃತ್ರಹಂತಮೋ॒ಕ್ಥೇಭಿ॑ರನು॒ಮಾದ್ಯಃ॑ . ಶುಚಿಃ॑ ಪಾವ॒ಕೋ ಅದ್ಭು॑ತಃ ..
ಶುಚಿಃ॑ ಪಾವ॒ಕ ಉ॑ಚ್ಯತೇ॒ ಸೋಮಃ॑ ಸು॒ತಸ್ಯ॒ ಮಧ್ವಃ॑ . ದೇ॒ವಾ॒ವೀರ॑ಘಶಂಸ॒ಹಾ ..
[೨೫] ಪವಸ್ವೇತಿ ಷಡೃಚಸ್ಯ ಸೂಕ್ತಸ್ಯಾಗಸ್ತ್ಯೋದೃಳ್ಹಚ್ಯುತಃ ಪವಮಾನಃ ಸೋಮೋಗಾಯತ್ರೀ .
ಪವ॑ಸ್ವ ದಕ್ಷ॒ಸಾಧ॑ನೋ ದೇ॒ವೇಭ್ಯಃ॑ ಪೀ॒ತಯೇ॑ ಹರೇ . ಮ॒ರುದ್ಭ್ಯೋ॑ ವಾ॒ಯವೇ॒ ಮದಃ॑ ..
ಪವ॑ಮಾನ ಧಿ॒ಯಾ ಹಿ॒ತೋ॒೩॒॑ಽಭಿ ಯೋನಿಂ॒ ಕನಿ॑ಕ್ರದತ್ . ಧರ್ಮ॑ಣಾ ವಾ॒ಯುಮಾ ವಿ॑ಶ ..
ಸಂ ದೇ॒ವೈಃ ಶೋ॑ಭತೇ॒ ವೃಷಾ॑ ಕ॒ವಿರ್ಯೋನಾ॒ವಧಿ॑ ಪ್ರಿ॒ಯಃ . ವೃ॒ತ್ರ॒ಹಾ ದೇ॑ವ॒ವೀತ॑ಮಃ ..
ವಿಶ್ವಾ॑ ರೂ॒ಪಾಣ್ಯಾ॑ವಿ॒ಶನ್ಪು॑ನಾ॒ನೋ ಯಾ॑ತಿ ಹರ್ಯ॒ತಃ . ಯತ್ರಾ॒ಮೃತಾ॑ಸ॒ ಆಸ॑ತೇ ..
ಅ॒ರು॒ಷೋ ಜ॒ನಯ॒ನ್ಗಿರಃ॒ ಸೋಮಃ॑ ಪವತ ಆಯು॒ಷಕ್ . ಇಂದ್ರಂ॒ ಗಚ್ಛ॑ನ್ಕ॒ವಿಕ್ರ॑ತುಃ ..
ಆ ಪ॑ವಸ್ವ ಮದಿಂತಮ ಪ॒ವಿತ್ರಂ॒ ಧಾರ॑ಯಾ ಕವೇ . ಅ॒ರ್ಕಸ್ಯ॒ ಯೋನಿ॑ಮಾ॒ಸದಂ॑ ..
[೨೬] ತಮಮೃಕ್ಷಂತೇತಿ ಷಡೃಚಸ್ಯ ಸೂಕ್ತಸ್ಯ ದಾರ್ಡಚ್ಯುತಇಧ್ಮವಾಹಃ ಪವಮಾನಃ ಸೋಮೋಗಾಯತ್ರೀ .
ತಮ॑ಮೃಕ್ಷಂತ ವಾ॒ಜಿನ॑ಮು॒ಪಸ್ಥೇ॒ ಅದಿ॑ತೇ॒ರಧಿ॑ . ವಿಪ್ರಾ॑ಸೋ॒ ಅಣ್ವ್ಯಾ॑ ಧಿ॒ಯಾ ..
ತಂ ಗಾವೋ॑ ಅ॒ಭ್ಯ॑ನೂಷತ ಸ॒ಹಸ್ರ॑ಧಾರ॒ಮಕ್ಷಿ॑ತಂ . ಇಂದುಂ॑ ಧ॒ರ್ತಾರ॒ಮಾ ದಿ॒ವಃ ..
ತಂ ವೇ॒ಧಾಂ ಮೇ॒ಧಯಾ॑ಹ್ಯ॒ನ್ಪವ॑ಮಾನ॒ಮಧಿ॒ ದ್ಯವಿ॑ . ಧ॒ರ್ಣ॒ಸಿಂ ಭೂರಿ॑ಧಾಯಸಂ ..
ತಮ॑ಹ್ಯನ್ಭು॒ರಿಜೋ॑ರ್ಧಿ॒ಯಾ ಸಂ॒ವಸಾ॑ನಂ ವಿ॒ವಸ್ವ॑ತಃ . ಪತಿಂ॑ ವಾ॒ಚೋ ಅದಾ॑ಭ್ಯಂ ..
ತಂ ಸಾನಾ॒ವಧಿ॑ ಜಾ॒ಮಯೋ॒ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಹ॒ರ್ಯ॒ತಂ ಭೂರಿ॑ಚಕ್ಷಸಂ ..
ತಂ ತ್ವಾ॑ ಹಿನ್ವಂತಿ ವೇ॒ಧಸಃ॒ ಪವ॑ಮಾನ ಗಿರಾ॒ವೃಧಂ॑ . ಇಂದ॒ವಿಂದ್ರಾ॑ಯ ಮತ್ಸ॒ರಂ ..
[೨೭] ಏಷಕವಿರಿತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋ ನೃಮೇಧಃ ಪವಮಾನಃ ಸೋಮೋ ಗಾಯತ್ರೀ .
ಏ॒ಷ ಕ॒ವಿರ॒ಭಿಷ್ಟು॑ತಃ ಪ॒ವಿತ್ರೇ॒ ಅಧಿ॑ ತೋಶತೇ . ಪು॒ನಾ॒ನೋ ಘ್ನನ್ನಪ॒ ಸ್ರಿಧಃ॑ ..
ಏ॒ಷ ಇಂದ್ರಾ॑ಯ ವಾ॒ಯವೇ॑ ಸ್ವ॒ರ್ಜಿತ್ಪರಿ॑ ಷಿಚ್ಯತೇ . ಪ॒ವಿತ್ರೇ॑ ದಕ್ಷ॒ಸಾಧ॑ನಃ ..
ಏ॒ಷ ನೃಭಿ॒ರ್ವಿ ನೀ॑ಯತೇ ದಿ॒ವೋ ಮೂ॒ರ್ಧಾ ವೃಷಾ॑ ಸು॒ತಃ . ಸೋಮೋ॒ ವನೇ॑ಷು ವಿಶ್ವ॒ವಿತ್ ..
ಏ॒ಷ ಗ॒ವ್ಯುರ॑ಚಿಕ್ರದ॒ತ್ಪವ॑ಮಾನೋ ಹಿರಣ್ಯ॒ಯುಃ . ಇಂದುಃ॑ ಸತ್ರಾ॒ಜಿದಸ್ತೃ॑ತಃ ..
ಏ॒ಷ ಸೂರ್ಯೇ॑ಣ ಹಾಸತೇ॒ ಪವ॑ಮಾನೋ॒ ಅಧಿ॒ ದ್ಯವಿ॑ . ಪ॒ವಿತ್ರೇ॑ ಮತ್ಸ॒ರೋ ಮದಃ॑ ..
ಏ॒ಷ ಶು॒ಷ್ಮ್ಯ॑ಸಿಷ್ಯದದಂ॒ತರಿ॑ಕ್ಷೇ॒ ವೃಷಾ॒ ಹರಿಃ॑ . ಪು॒ನಾ॒ನ ಇಂದು॒ರಿಂದ್ರ॒ಮಾ ..
[೨೮] ಏಷವಾಜೀತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸಃ ಪ್ರಿಯಮೇಧಃ ಪವಮಾನಃ ಸೋಮೋ ಗಾಯತ್ರೀ .
ಏ॒ಷ ವಾ॒ಜೀ ಹಿ॒ತೋ ನೃಭಿ॑ರ್ವಿಶ್ವ॒ವಿನ್ಮನ॑ಸ॒ಸ್ಪತಿಃ॑ . ಅವ್ಯೋ॒ ವಾರಂ॒ ವಿ ಧಾ॑ವತಿ ..
ಏ॒ಷ ಪ॒ವಿತ್ರೇ॑ ಅಕ್ಷರ॒ತ್ಸೋಮೋ॑ ದೇ॒ವೇಭ್ಯಃ॑ ಸು॒ತಃ . ವಿಶ್ವಾ॒ ಧಾಮಾ॑ನ್ಯಾವಿ॒ಶನ್ ..
ಏ॒ಷ ದೇ॒ವಃ ಶು॑ಭಾಯ॒ತೇಽಧಿ॒ ಯೋನಾ॒ವಮ॑ರ್ತ್ಯಃ . ವೃ॒ತ್ರ॒ಹಾ ದೇ॑ವ॒ವೀತ॑ಮಃ ..
ಏ॒ಷ ವೃಷಾ॒ ಕನಿ॑ಕ್ರದದ್ದ॒ಶಭಿ॑ರ್ಜಾ॒ಮಿಭಿ॑ರ್ಯ॒ತಃ . ಅ॒ಭಿ ದ್ರೋಣಾ॑ನಿ ಧಾವತಿ ..
ಏ॒ಷ ಸೂರ್ಯ॑ಮರೋಚಯ॒ತ್ಪವ॑ಮಾನೋ॒ ವಿಚ॑ರ್ಷಣಿಃ . ವಿಶ್ವಾ॒ ಧಾಮಾ॑ನಿ ವಿಶ್ವ॒ವಿತ್ ..
ಏ॒ಷ ಶು॒ಷ್ಮ್ಯದಾ॑ಭ್ಯಃ॒ ಸೋಮಃ॑ ಪುನಾ॒ನೋ ಅ॑ರ್ಷತಿ . ದೇ॒ವಾ॒ವೀರ॑ಘಶಂಸ॒ಹಾ ..
[೨೯] ಪ್ರಾಸ್ಯಧಾರಾಇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋನೃಮೇಧಃ ಪವಮಾನಃ ಸೋಮೋ ಗಾಯತ್ರೀ
ಪ್ರಾಸ್ಯ॒ ಧಾರಾ॑ ಅಕ್ಷರ॒ನ್ವೃಷ್ಣಃ॑ ಸು॒ತಸ್ಯೌಜ॑ಸಾ . ದೇ॒ವಾಁ ಅನು॑ ಪ್ರ॒ಭೂಷ॑ತಃ ..
ಸಪ್ತಿಂ॑ ಮೃಜಂತಿ ವೇ॒ಧಸೋ॑ ಗೃ॒ಣಂತಃ॑ ಕಾ॒ರವೋ॑ ಗಿ॒ರಾ . ಜ್ಯೋತಿ॑ರ್ಜಜ್ಞಾ॒ನಮು॒ಕ್ಥ್ಯಂ॑ ..
ಸು॒ಷಹಾ॑ ಸೋಮ॒ ತಾನಿ॑ ತೇ ಪುನಾ॒ನಾಯ॑ ಪ್ರಭೂವಸೋ . ವರ್ಧಾ॑ ಸಮು॒ದ್ರಮು॒ಕ್ಥ್ಯಂ॑ ..
ವಿಶ್ವಾ॒ ವಸೂ॑ನಿ ಸಂ॒ಜಯ॒ನ್ಪವ॑ಸ್ವ ಸೋಮ॒ ಧಾರ॑ಯಾ . ಇ॒ನು ದ್ವೇಷಾಂ॑ಸಿ ಸ॒ಧ್ರ್ಯ॑ಕ್ ..
ರಕ್ಷಾ॒ ಸು ನೋ॒ ಅರ॑ರುಷಃ ಸ್ವ॒ನಾತ್ಸ॑ಮಸ್ಯ॒ ಕಸ್ಯ॑ ಚಿತ್ . ನಿ॒ದೋ ಯತ್ರ॑ ಮುಮು॒ಚ್ಮಹೇ॑ ..
ಏಂದೋ॒ ಪಾರ್ಥಿ॑ವಂ ರ॒ಯಿಂ ದಿ॒ವ್ಯಂ ಪ॑ವಸ್ವ॒ ಧಾರ॑ಯಾ . ದ್ಯು॒ಮಂತಂ॒ ಶುಷ್ಮ॒ಮಾ ಭ॑ರ ..
[೩೦] ಪ್ರಧಾರಾಇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋ ಬಿಂದುಃ ಪವಮಾನಃ ಸೋಮೋಗಾಯತ್ರೀ .
ಪ್ರ ಧಾರಾ॑ ಅಸ್ಯ ಶು॒ಷ್ಮಿಣೋ॒ ವೃಥಾ॑ ಪ॒ವಿತ್ರೇ॑ ಅಕ್ಷರನ್ . ಪು॒ನಾ॒ನೋ ವಾಚ॑ಮಿಷ್ಯತಿ ..
ಇಂದು॑ರ್ಹಿಯಾ॒ನಃ ಸೋ॒ತೃಭಿ॑ರ್ಮೃ॒ಜ್ಯಮಾ॑ನಃ॒ ಕನಿ॑ಕ್ರದತ್ . ಇಯ॑ರ್ತಿ ವ॒ಗ್ನುಮಿಂ॑ದ್ರಿ॒ಯಂ ..
ಆ ನಃ॒ ಶುಷ್ಮಂ॑ ನೃ॒ಷಾಹ್ಯಂ॑ ವೀ॒ರವಂ॑ತಂ ಪುರು॒ಸ್ಪೃಹಂ॑ . ಪವ॑ಸ್ವ ಸೋಮ॒ ಧಾರ॑ಯಾ ..
ಪ್ರ ಸೋಮೋ॒ ಅತಿ॒ ಧಾರ॑ಯಾ॒ ಪವ॑ಮಾನೋ ಅಸಿಷ್ಯದತ್ . ಅ॒ಭಿ ದ್ರೋಣಾ॑ನ್ಯಾ॒ಸದಂ॑ ..
ಅ॒ಪ್ಸು ತ್ವಾ॒ ಮಧು॑ಮತ್ತಮಂ॒ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಇಂದ॒ವಿಂದ್ರಾ॑ಯ ಪೀ॒ತಯೇ॑ ..
ಸು॒ನೋತಾ॒ ಮಧು॑ಮತ್ತಮಂ॒ ಸೋಮ॒ಮಿಂದ್ರಾ॑ಯ ವ॒ಜ್ರಿಣೇ॑ . ಚಾರುಂ॒ ಶರ್ಧಾ॑ಯ ಮತ್ಸ॒ರಂ ..
[೩೧] ಪ್ರಸೋಮಾಸಇತಿ ಷಡೃಚಸ್ಯ ಸೂಕ್ತಸ್ಯ ರಾಹೂಗಣೋಗೋತಮಃಪವಮಾನಃ ಸೋಮೋಗಾಯತ್ರೀ .
ಪ್ರ ಸೋಮಾ॑ಸಃ ಸ್ವಾ॒ಧ್ಯ೧॒॑ಃ ಪವ॑ಮಾನಾಸೋ ಅಕ್ರಮುಃ . ರ॒ಯಿಂ ಕೃ॑ಣ್ವಂತಿ॒ ಚೇತ॑ನಂ ..
ದಿ॒ವಸ್ಪೃ॑ಥಿ॒ವ್ಯಾ ಅಧಿ॒ ಭವೇಂ॑ದೋ ದ್ಯುಮ್ನ॒ವರ್ಧ॑ನಃ . ಭವಾ॒ ವಾಜಾ॑ನಾಂ॒ ಪತಿಃ॑ ..
ತುಭ್ಯಂ॒ ವಾತಾ॑ ಅಭಿ॒ಪ್ರಿಯ॒ಸ್ತುಭ್ಯ॑ಮರ್ಷಂತಿ॒ ಸಿಂಧ॑ವಃ . ಸೋಮ॒ ವರ್ಧಂ॑ತಿ ತೇ॒ ಮಹಃ॑ ..
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯಂ॑ . ಭವಾ॒ ವಾಜ॑ಸ್ಯ ಸಂಗ॒ಥೇ ..
ತುಭ್ಯಂ॒ ಗಾವೋ॑ ಘೃ॒ತಂ ಪಯೋ॒ ಬಭ್ರೋ॑ ದುದು॒ಹ್ರೇ ಅಕ್ಷಿ॑ತಂ . ವರ್ಷಿ॑ಷ್ಠೇ॒ ಅಧಿ॒ ಸಾನ॑ವಿ ..
ಸ್ವಾ॒ಯು॒ಧಸ್ಯ॑ ತೇ ಸ॒ತೋ ಭುವ॑ನಸ್ಯ ಪತೇ ವ॒ಯಂ . ಇಂದೋ॑ ಸಖಿ॒ತ್ವಮು॑ಶ್ಮಸಿ ..
[೩೨] ಪ್ರಸೋಮಾಸಇತಿ ಷಡೃಚಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವಃ ಪವಮಾನಃ ಸೋಮೋ ಗಾಯತ್ರೀ
ಪ್ರ ಸೋಮಾ॑ಸೋ ಮದ॒ಚ್ಯುತಃ॒ ಶ್ರವ॑ಸೇ ನೋ ಮ॒ಘೋನಃ॑ . ಸು॒ತಾ ವಿ॒ದಥೇ॑ ಅಕ್ರಮುಃ ..
ಆದೀಂ॑ ತ್ರಿ॒ತಸ್ಯ॒ ಯೋಷ॑ಣೋ॒ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಇಂದು॒ಮಿಂದ್ರಾ॑ಯ ಪೀ॒ತಯೇ॑ ..
ಆದೀಂ॑ ಹಂ॒ಸೋ ಯಥಾ॑ ಗ॒ಣಂ ವಿಶ್ವ॑ಸ್ಯಾವೀವಶನ್ಮ॒ತಿಂ . ಅತ್ಯೋ॒ ನ ಗೋಭಿ॑ರಜ್ಯತೇ ..
ಉ॒ಭೇ ಸೋ॑ಮಾವ॒ಚಾಕ॑ಶನ್ಮೃ॒ಗೋ ನ ತ॒ಕ್ತೋ ಅ॑ರ್ಷಸಿ . ಸೀದ॑ನ್ನೃ॒ತಸ್ಯ॒ ಯೋನಿ॒ಮಾ ..
ಅ॒ಭಿ ಗಾವೋ॑ ಅನೂಷತ॒ ಯೋಷಾ॑ ಜಾ॒ರಮಿ॑ವ ಪ್ರಿ॒ಯಂ . ಅಗ॑ನ್ನಾ॒ಜಿಂ ಯಥಾ॑ ಹಿ॒ತಂ ..
ಅ॒ಸ್ಮೇ ಧೇ॑ಹಿ ದ್ಯು॒ಮದ್ಯಶೋ॑ ಮ॒ಘವ॑ದ್ಭ್ಯಶ್ಚ॒ ಮಹ್ಯಂ॑ ಚ . ಸ॒ನಿಂ ಮೇ॒ಧಾಮು॒ತ ಶ್ರವಃ॑ ..
[೩೩] ಪ್ರಸೋಮಾಸಇತಿ ಷಡೃಚಸ್ಯ ಸೂಕ್ತಸ್ಯಾಪ್ತ್ಯಸ್ತ್ರಿತಃ ಪವಮಾನಃ ಸೋಮೋಗಾಯತ್ರೀ .
ಪ್ರ ಸೋಮಾ॑ಸೋ ವಿಪ॒ಶ್ಚಿತೋ॒ಽಪಾಂ ನ ಯಂ॑ತ್ಯೂ॒ರ್ಮಯಃ॑ . ವನಾ॑ನಿ ಮಹಿ॒ಷಾ ಇ॑ವ ..
ಅ॒ಭಿ ದ್ರೋಣಾ॑ನಿ ಬ॒ಭ್ರವಃ॑ ಶು॒ಕ್ರಾ ಋ॒ತಸ್ಯ॒ ಧಾರ॑ಯಾ . ವಾಜಂ॒ ಗೋಮಂ॑ತಮಕ್ಷರನ್ ..
ಸು॒ತಾ ಇಂದ್ರಾ॑ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ . ಸೋಮಾ॑ ಅರ್ಷಂತಿ॒ ವಿಷ್ಣ॑ವೇ ..
ತಿ॒ಸ್ರೋ ವಾಚ॒ ಉದೀ॑ರತೇ॒ ಗಾವೋ॑ ಮಿಮಂತಿ ಧೇ॒ನವಃ॑ . ಹರಿ॑ರೇತಿ॒ ಕನಿ॑ಕ್ರದತ್ ..
ಅ॒ಭಿ ಬ್ರಹ್ಮೀ॑ರನೂಷತ ಯ॒ಹ್ವೀರ್ಋ॒ತಸ್ಯ॑ ಮಾ॒ತರಃ॑ . ಮ॒ರ್ಮೃ॒ಜ್ಯಂತೇ॑ ದಿ॒ವಃ ಶಿಶುಂ॑ ..
ರಾ॒ಯಃ ಸ॑ಮು॒ದ್ರಾಁಶ್ಚ॒ತುರೋ॒ಽಸ್ಮಭ್ಯಂ॑ ಸೋಮ ವಿ॒ಶ್ವತಃ॑ . ಆ ಪ॑ವಸ್ವ ಸಹ॒ಸ್ರಿಣಃ॑ ..
[೩೪] ಪ್ರಸುವಾನಇತಿ ಷಡೃಚಸ್ಯ ಸೂಕ್ತಸ್ಯಾಪ್ತ್ಯಸ್ತ್ರಿತಃ ಪವಮಾನಃ ಸೋಮೋಗಾಯತ್ರೀ .
ಪ್ರ ಸು॑ವಾ॒ನೋ ಧಾರ॑ಯಾ॒ ತನೇಂದು॑ರ್ಹಿನ್ವಾ॒ನೋ ಅ॑ರ್ಷತಿ . ರು॒ಜದ್ದೃ॒ಳ್ಹಾ ವ್ಯೋಜ॑ಸಾ ..
ಸು॒ತ ಇಂದ್ರಾ॑ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ . ಸೋಮೋ॑ ಅರ್ಷತಿ॒ ವಿಷ್ಣ॑ವೇ ..
ವೃಷಾ॑ಣಂ॒ ವೃಷ॑ಭಿರ್ಯ॒ತಂ ಸು॒ನ್ವಂತಿ॒ ಸೋಮ॒ಮದ್ರಿ॑ಭಿಃ . ದು॒ಹಂತಿ॒ ಶಕ್ಮ॑ನಾ॒ ಪಯಃ॑ ..
ಭುವ॑ತ್ತ್ರಿ॒ತಸ್ಯ॒ ಮರ್ಜ್ಯೋ॒ ಭುವ॒ದಿಂದ್ರಾ॑ಯ ಮತ್ಸ॒ರಃ . ಸಂ ರೂ॒ಪೈರ॑ಜ್ಯತೇ॒ ಹರಿಃ॑ ..
ಅ॒ಭೀಮೃ॒ತಸ್ಯ॑ ವಿ॒ಷ್ಟಪಂ॑ ದುಹ॒ತೇ ಪೃಶ್ನಿ॑ಮಾತರಃ . ಚಾರು॑ ಪ್ರಿ॒ಯತ॑ಮಂ ಹ॒ವಿಃ ..
ಸಮೇ॑ನ॒ಮಹ್ರು॑ತಾ ಇ॒ಮಾ ಗಿರೋ॑ ಅರ್ಷಂತಿ ಸ॒ಸ್ರುತಃ॑ . ಧೇ॒ನೂರ್ವಾ॒ಶ್ರೋ ಅ॑ವೀವಶತ್ ..
[೩೫] ಆನಃಪವಸ್ವೇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸಃಪ್ರಭೂವಸುಃ ಪವಮಾನಃ ಸೋಮೋಗಾಯತ್ರೀ .
ಆ ನಃ॑ ಪವಸ್ವ॒ ಧಾರ॑ಯಾ॒ ಪವ॑ಮಾನ ರ॒ಯಿಂ ಪೃ॒ಥುಂ . ಯಯಾ॒ ಜ್ಯೋತಿ॑ರ್ವಿ॒ದಾಸಿ॑ ನಃ ..
ಇಂದೋ॑ ಸಮುದ್ರಮೀಂಖಯ॒ ಪವ॑ಸ್ವ ವಿಶ್ವಮೇಜಯ . ರಾ॒ಯೋ ಧ॒ರ್ತಾ ನ॒ ಓಜ॑ಸಾ ..
ತ್ವಯಾ॑ ವೀ॒ರೇಣ॑ ವೀರವೋ॒ಽಭಿ ಷ್ಯಾ॑ಮ ಪೃತನ್ಯ॒ತಃ . ಕ್ಷರಾ॑ ಣೋ ಅ॒ಭಿ ವಾರ್ಯಂ॑ ..
ಪ್ರ ವಾಜ॒ಮಿಂದು॑ರಿಷ್ಯತಿ॒ ಸಿಷಾ॑ಸನ್ವಾಜ॒ಸಾ ಋಷಿಃ॑ . ವ್ರ॒ತಾ ವಿ॑ದಾ॒ನ ಆಯು॑ಧಾ ..
ತಂ ಗೀ॒ರ್ಭಿರ್ವಾ॑ಚಮೀಂಖ॒ಯಂ ಪು॑ನಾ॒ನಂ ವಾ॑ಸಯಾಮಸಿ . ಸೋಮಂ॒ ಜನ॑ಸ್ಯ॒ ಗೋಪ॑ತಿಂ ..
ವಿಶ್ವೋ॒ ಯಸ್ಯ॑ ವ್ರ॒ತೇ ಜನೋ॑ ದಾ॒ಧಾರ॒ ಧರ್ಮ॑ಣ॒ಸ್ಪತೇಃ॑ . ಪು॒ನಾ॒ನಸ್ಯ॑ ಪ್ರ॒ಭೂವ॑ಸೋಃ ..
[೩೬] ಅಸರ್ಜೀತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸಃ ಪ್ರಭೂವಸುಃ ಪವಮಾನಃ ಸೋಮೋಗಾಯತ್ರೀ .
ಅಸ॑ರ್ಜಿ॒ ರಥ್ಯೋ॑ ಯಥಾ ಪ॒ವಿತ್ರೇ॑ ಚ॒ಮ್ವೋಃ॑ ಸು॒ತಃ . ಕಾರ್ಷ್ಮ॑ನ್ವಾ॒ಜೀ ನ್ಯ॑ಕ್ರಮೀತ್ ..
ಸ ವಹ್ನಿಃ॑ ಸೋಮ॒ ಜಾಗೃ॑ವಿಃ॒ ಪವ॑ಸ್ವ ದೇವ॒ವೀರತಿ॑ . ಅ॒ಭಿ ಕೋಶಂ॑ ಮಧು॒ಶ್ಚುತಂ॑ ..
ಸ ನೋ॒ ಜ್ಯೋತೀಂ॑ಷಿ ಪೂರ್ವ್ಯ॒ ಪವ॑ಮಾನ॒ ವಿ ರೋ॑ಚಯ . ಕ್ರತ್ವೇ॒ ದಕ್ಷಾ॑ಯ ನೋ ಹಿನು ..
ಶುಂ॒ಭಮಾ॑ನ ಋತಾ॒ಯುಭಿ॑ರ್ಮೃ॒ಜ್ಯಮಾ॑ನೋ॒ ಗಭ॑ಸ್ತ್ಯೋಃ . ಪವ॑ತೇ॒ ವಾರೇ॑ ಅ॒ವ್ಯಯೇ॑ ..
ಸ ವಿಶ್ವಾ॑ ದಾ॒ಶುಷೇ॒ ವಸು॒ ಸೋಮೋ॑ ದಿ॒ವ್ಯಾನಿ॒ ಪಾರ್ಥಿ॑ವಾ . ಪವ॑ತಾ॒ಮಾಂತರಿ॑ಕ್ಷ್ಯಾ ..
ಆ ದಿ॒ವಸ್ಪೃ॒ಷ್ಠಮ॑ಶ್ವ॒ಯುರ್ಗ॑ವ್ಯ॒ಯುಃ ಸೋ॑ಮ ರೋಹಸಿ . ವೀ॒ರ॒ಯುಃ ಶ॑ವಸಸ್ಪತೇ ..
[೩೭] ಸಸುತಇತಿ ಷಡೃಚಸ್ಯಸೂಕ್ತಸ್ಯಾಂಗಿರಸೋರಹೂಗಣಃ ಪವಮಾನಃ ಸೋಮೋ ಗಾಯತ್ರೀ .
ಸ ಸು॒ತಃ ಪೀ॒ತಯೇ॒ ವೃಷಾ॒ ಸೋಮಃ॑ ಪ॒ವಿತ್ರೇ॑ ಅರ್ಷತಿ . ವಿ॒ಘ್ನನ್ರಕ್ಷಾಂ॑ಸಿ ದೇವ॒ಯುಃ ..
ಸ ಪ॒ವಿತ್ರೇ॑ ವಿಚಕ್ಷ॒ಣೋ ಹರಿ॑ರರ್ಷತಿ ಧರ್ಣ॒ಸಿಃ . ಅ॒ಭಿ ಯೋನಿಂ॒ ಕನಿ॑ಕ್ರದತ್ ..
ಸ ವಾ॒ಜೀ ರೋ॑ಚ॒ನಾ ದಿ॒ವಃ ಪವ॑ಮಾನೋ॒ ವಿ ಧಾ॑ವತಿ . ರ॒ಕ್ಷೋ॒ಹಾ ವಾರ॑ಮ॒ವ್ಯಯಂ॑ ..
ಸ ತ್ರಿ॒ತಸ್ಯಾಧಿ॒ ಸಾನ॑ವಿ॒ ಪವ॑ಮಾನೋ ಅರೋಚಯತ್ . ಜಾ॒ಮಿಭಿಃ॒ ಸೂರ್ಯಂ॑ ಸ॒ಹ ..
ಸ ವೃ॑ತ್ರ॒ಹಾ ವೃಷಾ॑ ಸು॒ತೋ ವ॑ರಿವೋ॒ವಿದದಾ॑ಭ್ಯಃ . ಸೋಮೋ॒ ವಾಜ॑ಮಿವಾಸರತ್ ..
ಸ ದೇ॒ವಃ ಕ॒ವಿನೇ॑ಷಿ॒ತೋ॒೩॒॑ಽಭಿ ದ್ರೋಣಾ॑ನಿ ಧಾವತಿ . ಇಂದು॒ರಿಂದ್ರಾ॑ಯ ಮಂ॒ಹನಾ॑ ..
[೩೮] ಏಷಉಸ್ಯಇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋರಹೂಗಣಃ ಪವಮಾನಃ ಸೋಮೋಗಾಯತ್ರೀ .
ಏ॒ಷ ಉ॒ ಸ್ಯ ವೃಷಾ॒ ರಥೋಽವ್ಯೋ॒ ವಾರೇ॑ಭಿರರ್ಷತಿ . ಗಚ್ಛ॒ನ್ವಾಜಂ॑ ಸಹ॒ಸ್ರಿಣಂ॑ ..
ಏ॒ತಂ ತ್ರಿ॒ತಸ್ಯ॒ ಯೋಷ॑ಣೋ॒ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಇಂದು॒ಮಿಂದ್ರಾ॑ಯ ಪೀ॒ತಯೇ॑ ..
ಏ॒ತಂ ತ್ಯಂ ಹ॒ರಿತೋ॒ ದಶ॑ ಮರ್ಮೃ॒ಜ್ಯಂತೇ॑ ಅಪ॒ಸ್ಯುವಃ॑ . ಯಾಭಿ॒ರ್ಮದಾ॑ಯ॒ ಶುಂಭ॑ತೇ ..
ಏ॒ಷ ಸ್ಯ ಮಾನು॑ಷೀ॒ಷ್ವಾ ಶ್ಯೇ॒ನೋ ನ ವಿ॒ಕ್ಷು ಸೀ॑ದತಿ . ಗಚ್ಛಂ॑ಜಾ॒ರೋ ನ ಯೋ॒ಷಿತಂ॑ ..
ಏ॒ಷ ಸ್ಯ ಮದ್ಯೋ॒ ರಸೋಽವ॑ ಚಷ್ಟೇ ದಿ॒ವಃ ಶಿಶುಃ॑ . ಯ ಇಂದು॒ರ್ವಾರ॒ಮಾವಿ॑ಶತ್ ..
ಏ॒ಷ ಸ್ಯ ಪೀ॒ತಯೇ॑ ಸು॒ತೋ ಹರಿ॑ರರ್ಷತಿ ಧರ್ಣ॒ಸಿಃ . ಕ್ರಂದ॒ನ್ಯೋನಿ॑ಮ॒ಭಿ ಪ್ರಿ॒ಯಂ ..
[೩೯] ಆಶುರರ್ಷೇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋ ಬೃಹನ್ಮತಿಃ ಪವಮಾನಃ ಸೋಮೋಗಾಯತ್ರೀ .
ಆ॒ಶುರ॑ರ್ಷ ಬೃಹನ್ಮತೇ॒ ಪರಿ॑ ಪ್ರಿ॒ಯೇಣ॒ ಧಾಮ್ನಾ॑ . ಯತ್ರ॑ ದೇ॒ವಾ ಇತಿ॒ ಬ್ರವ॑ನ್ ..
ಪ॒ರಿ॒ಷ್ಕೃ॒ಣ್ವನ್ನನಿ॑ಷ್ಕೃತಂ॒ ಜನಾ॑ಯ ಯಾ॒ತಯ॒ನ್ನಿಷಃ॑ . ವೃ॒ಷ್ಟಿಂ ದಿ॒ವಃ ಪರಿ॑ ಸ್ರವ ..
ಸು॒ತ ಏ॑ತಿ ಪ॒ವಿತ್ರ॒ ಆ ತ್ವಿಷಿಂ॒ ದಧಾ॑ನ॒ ಓಜ॑ಸಾ . ವಿ॒ಚಕ್ಷಾ॑ಣೋ ವಿರೋ॒ಚಯ॑ನ್ ..
ಅ॒ಯಂ ಸ ಯೋ ದಿ॒ವಸ್ಪರಿ॑ ರಘು॒ಯಾಮಾ॑ ಪ॒ವಿತ್ರ॒ ಆ . ಸಿಂಧೋ॑ರೂ॒ರ್ಮಾ ವ್ಯಕ್ಷ॑ರತ್ ..
ಆ॒ವಿವಾ॑ಸನ್ಪರಾ॒ವತೋ॒ ಅಥೋ॑ ಅರ್ವಾ॒ವತಃ॑ ಸು॒ತಃ . ಇಂದ್ರಾ॑ಯ ಸಿಚ್ಯತೇ॒ ಮಧು॑ ..
ಸ॒ಮೀ॒ಚೀ॒ನಾ ಅ॑ನೂಷತ॒ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಯೋನಾ॑ವೃ॒ತಸ್ಯ॑ ಸೀದತ ..
[೪೦] ಪುನಾನಇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋ ಬೃಹನ್ಮತಿಃ ಪವಮಾನಃ ಸೋಮೋಗಾಯತ್ರೀ .
ಪು॒ನಾ॒ನೋ ಅ॑ಕ್ರಮೀದ॒ಭಿ ವಿಶ್ವಾ॒ ಮೃಧೋ॒ ವಿಚ॑ರ್ಷಣಿಃ . ಶುಂ॒ಭಂತಿ॒ ವಿಪ್ರಂ॑ ಧೀ॒ತಿಭಿಃ॑ ..
ಆ ಯೋನಿ॑ಮರು॒ಣೋ ರು॑ಹ॒ದ್ಗಮ॒ದಿಂದ್ರಂ॒ ವೃಷಾ॑ ಸು॒ತಃ . ಧ್ರು॒ವೇ ಸದ॑ಸಿ ಸೀದತಿ ..
ನೂ ನೋ॑ ರ॒ಯಿಂ ಮ॒ಹಾಮಿಂ॑ದೋ॒ಽಸ್ಮಭ್ಯಂ॑ ಸೋಮ ವಿ॒ಶ್ವತಃ॑ . ಆ ಪ॑ವಸ್ವ ಸಹ॒ಸ್ರಿಣಂ॑ ..
ವಿಶ್ವಾ॑ ಸೋಮ ಪವಮಾನ ದ್ಯು॒ಮ್ನಾನೀಂ॑ದ॒ವಾ ಭ॑ರ . ವಿ॒ದಾಃ ಸ॑ಹ॒ಸ್ರಿಣೀ॒ರಿಷಃ॑ ..
ಸ ನಃ॑ ಪುನಾ॒ನ ಆ ಭ॑ರ ರ॒ಯಿಂ ಸ್ತೋ॒ತ್ರೇ ಸು॒ವೀರ್ಯಂ॑ . ಜ॒ರಿ॒ತುರ್ವ॑ರ್ಧಯಾ॒ ಗಿರಃ॑ ..
ಪು॒ನಾ॒ನ ಇಂ॑ದ॒ವಾ ಭ॑ರ॒ ಸೋಮ॑ ದ್ವಿ॒ಬರ್ಹ॑ಸಂ ರ॒ಯಿಂ . ವೃಷ॑ನ್ನಿಂದೋ ನ ಉ॒ಕ್ಥ್ಯಂ॑ ..
[೪೧] ಪ್ರಯೇಗಾವಇತಿಷಡೃಚಸ್ಯ ಸೂಕ್ತಸ್ಯಕಾಣ್ವೋಮೇಧ್ಯಾತಿಥಿಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ಯೇ ಗಾವೋ॒ ನ ಭೂರ್ಣ॑ಯಸ್ತ್ವೇ॒ಷಾ ಅ॒ಯಾಸೋ॒ ಅಕ್ರ॑ಮುಃ . ಘ್ನಂತಃ॑ ಕೃ॒ಷ್ಣಾಮಪ॒ ತ್ವಚಂ॑ ..
ಸು॒ವಿ॒ತಸ್ಯ॑ ಮನಾಮ॒ಹೇಽತಿ॒ ಸೇತುಂ॑ ದುರಾ॒ವ್ಯಂ॑ . ಸಾ॒ಹ್ವಾಂಸೋ॒ ದಸ್ಯು॑ಮವ್ರ॒ತಂ ..
ಶೃ॒ಣ್ವೇ ವೃ॒ಷ್ಟೇರಿ॑ವ ಸ್ವ॒ನಃ ಪವ॑ಮಾನಸ್ಯ ಶು॒ಷ್ಮಿಣಃ॑ . ಚರಂ॑ತಿ ವಿ॒ದ್ಯುತೋ॑ ದಿ॒ವಿ ..
ಆ ಪ॑ವಸ್ವ ಮ॒ಹೀಮಿಷಂ॒ ಗೋಮ॑ದಿಂದೋ॒ ಹಿರ॑ಣ್ಯವತ್ . ಅಶ್ವಾ॑ವ॒ದ್ವಾಜ॑ವತ್ಸು॒ತಃ ..
ಸ ಪ॑ವಸ್ವ ವಿಚರ್ಷಣ॒ ಆ ಮ॒ಹೀ ರೋದ॑ಸೀ ಪೃಣ . ಉ॒ಷಾಃ ಸೂರ್ಯೋ॒ ನ ರ॒ಶ್ಮಿಭಿಃ॑ ..
ಪರಿ॑ ಣಃ ಶರ್ಮ॒ಯಂತ್ಯಾ॒ ಧಾರ॑ಯಾ ಸೋಮ ವಿ॒ಶ್ವತಃ॑ . ಸರಾ॑ ರ॒ಸೇವ॑ ವಿ॒ಷ್ಟಪಂ॑ ..
[೪೨] ಜನಯನ್ನಿತಿಷಡೃಚಸ್ಯ ಸೂಕ್ತಸ್ಯಕಾಣ್ವೋಮೇಧ್ಯಾತಿಥಿಃ ಪವಮಾನಃ ಸೋಮೋ ಗಾಯತ್ರೀ .
ಜ॒ನಯ॑ನ್ರೋಚ॒ನಾ ದಿ॒ವೋ ಜ॒ನಯ॑ನ್ನ॒ಪ್ಸು ಸೂರ್ಯಂ॑ . ವಸಾ॑ನೋ॒ ಗಾ ಅ॒ಪೋ ಹರಿಃ॑ ..
ಏ॒ಷ ಪ್ರ॒ತ್ನೇನ॒ ಮನ್ಮ॑ನಾ ದೇ॒ವೋ ದೇ॒ವೇಭ್ಯ॒ಸ್ಪರಿ॑ . ಧಾರ॑ಯಾ ಪವತೇ ಸು॒ತಃ ..
ವಾ॒ವೃ॒ಧಾ॒ನಾಯ॒ ತೂರ್ವ॑ಯೇ॒ ಪವಂ॑ತೇ॒ ವಾಜ॑ಸಾತಯೇ . ಸೋಮಾಃ॑ ಸ॒ಹಸ್ರ॑ಪಾಜಸಃ ..
ದು॒ಹಾ॒ನಃ ಪ್ರ॒ತ್ನಮಿತ್ಪಯಃ॑ ಪ॒ವಿತ್ರೇ॒ ಪರಿ॑ ಷಿಚ್ಯತೇ . ಕ್ರಂದಂ॑ದೇ॒ವಾಁ ಅ॑ಜೀಜನತ್ ..
ಅ॒ಭಿ ವಿಶ್ವಾ॑ನಿ॒ ವಾರ್ಯಾ॒ಭಿ ದೇ॒ವಾಁ ಋ॑ತಾ॒ವೃಧಃ॑ . ಸೋಮಃ॑ ಪುನಾ॒ನೋ ಅ॑ರ್ಷತಿ ..
ಗೋಮ॑ನ್ನಃ ಸೋಮ ವೀ॒ರವ॒ದಶ್ವಾ॑ವ॒ದ್ವಾಜ॑ವತ್ಸು॒ತಃ . ಪವ॑ಸ್ವ ಬೃಹ॒ತೀರಿಷಃ॑ ..
[೪೩] ಯೋಅತ್ಯಇವೇತಿಷಡೃಚಸ್ಯ ಸೂಕ್ತಸ್ಯಕಾಣ್ವೋಮೇಧ್ಯಾತಿಥಿಃ ಪವಮಾನಃ ಸೋಮೋ ಗಾಯತ್ರೀ .
ಯೋ ಅತ್ಯ॑ ಇವ ಮೃ॒ಜ್ಯತೇ॒ ಗೋಭಿ॒ರ್ಮದಾ॑ಯ ಹರ್ಯ॒ತಃ . ತಂ ಗೀ॒ರ್ಭಿರ್ವಾ॑ಸಯಾಮಸಿ ..
ತಂ ನೋ॒ ವಿಶ್ವಾ॑ ಅವ॒ಸ್ಯುವೋ॒ ಗಿರಃ॑ ಶುಂಭಂತಿ ಪೂ॒ರ್ವಥಾ॑ . ಇಂದು॒ಮಿಂದ್ರಾ॑ಯ ಪೀ॒ತಯೇ॑ ..
ಪು॒ನಾ॒ನೋ ಯಾ॑ತಿ ಹರ್ಯ॒ತಃ ಸೋಮೋ॑ ಗೀ॒ರ್ಭಿಃ ಪರಿ॑ಷ್ಕೃತಃ . ವಿಪ್ರ॑ಸ್ಯ॒ ಮೇಧ್ಯಾ॑ತಿಥೇಃ ..
ಪವ॑ಮಾನ ವಿ॒ದಾ ರ॒ಯಿಮ॒ಸ್ಮಭ್ಯಂ॑ ಸೋಮ ಸು॒ಶ್ರಿಯಂ॑ . ಇಂದೋ॑ ಸ॒ಹಸ್ರ॑ವರ್ಚಸಂ ..
ಇಂದು॒ರತ್ಯೋ॒ ನ ವಾ॑ಜ॒ಸೃತ್ಕನಿ॑ಕ್ರಂತಿ ಪ॒ವಿತ್ರ॒ ಆ . ಯದಕ್ಷಾ॒ರತಿ॑ ದೇವ॒ಯುಃ ..
ಪವ॑ಸ್ವ॒ ವಾಜ॑ಸಾತಯೇ॒ ವಿಪ್ರ॑ಸ್ಯ ಗೃಣ॒ತೋ ವೃ॒ಧೇ . ಸೋಮ॒ ರಾಸ್ವ॑ ಸು॒ವೀರ್ಯಂ॑ ..
[೪೪] ಪ್ರಣಇಂದವಿತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋಯಾಸ್ಯಃ ಪವಮಾನಃ ಸೋಮೋ ಗಾಯತ್ರೀ .
ಪ್ರ ಣ॑ ಇಂದೋ ಮ॒ಹೇ ತನ॑ ಊ॒ರ್ಮಿಂ ನ ಬಿಭ್ರ॑ದರ್ಷಸಿ . ಅ॒ಭಿ ದೇ॒ವಾಁ ಅ॒ಯಾಸ್ಯಃ॑ ..
ಮ॒ತೀ ಜು॒ಷ್ಟೋ ಧಿ॒ಯಾ ಹಿ॒ತಃ ಸೋಮೋ॑ ಹಿನ್ವೇ ಪರಾ॒ವತಿ॑ . ವಿಪ್ರ॑ಸ್ಯ॒ ಧಾರ॑ಯಾ ಕ॒ವಿಃ ..
ಅ॒ಯಂ ದೇ॒ವೇಷು॒ ಜಾಗೃ॑ವಿಃ ಸು॒ತ ಏ॑ತಿ ಪ॒ವಿತ್ರ॒ ಆ . ಸೋಮೋ॑ ಯಾತಿ॒ ವಿಚ॑ರ್ಷಣಿಃ ..
ಸ ನಃ॑ ಪವಸ್ವ ವಾಜ॒ಯುಶ್ಚ॑ಕ್ರಾ॒ಣಶ್ಚಾರು॑ಮಧ್ವ॒ರಂ . ಬ॒ರ್ಹಿಷ್ಮಾಁ॒ ಆ ವಿ॑ವಾಸತಿ ..
ಸ ನೋ॒ ಭಗಾ॑ಯ ವಾ॒ಯವೇ॒ ವಿಪ್ರ॑ವೀರಃ ಸ॒ದಾವೃ॑ಧಃ . ಸೋಮೋ॑ ದೇ॒ವೇಷ್ವಾ ಯ॑ಮತ್ ..
ಸ ನೋ॑ ಅ॒ದ್ಯ ವಸು॑ತ್ತಯೇ ಕ್ರತು॒ವಿದ್ಗಾ॑ತು॒ವಿತ್ತ॑ಮಃ . ವಾಜಂ॑ ಜೇಷಿ॒ ಶ್ರವೋ॑ ಬೃ॒ಹತ್ ..
[೪೫] ಸ ಪವಸ್ವೇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋಯಾಸ್ಯಃ ಪವಮಾನಃ ಸೋಮೋ ಗಾಯತ್ರೀ .
ಸ ಪ॑ವಸ್ವ॒ ಮದಾ॑ಯ॒ ಕಂ ನೃ॒ಚಕ್ಷಾ॑ ದೇ॒ವವೀ॑ತಯೇ . ಇಂದ॒ವಿಂದ್ರಾ॑ಯ ಪೀ॒ತಯೇ॑ ..
ಸ ನೋ॑ ಅರ್ಷಾ॒ಭಿ ದೂ॒ತ್ಯಂ೧॒॑ ತ್ವಮಿಂದ್ರಾ॑ಯ ತೋಶಸೇ . ದೇ॒ವಾಂತ್ಸಖಿ॑ಭ್ಯ॒ ಆ ವರಂ॑ ..
ಉ॒ತ ತ್ವಾಮ॑ರು॒ಣಂ ವ॒ಯಂ ಗೋಭಿ॑ರಂಜ್ಮೋ॒ ಮದಾ॑ಯ॒ ಕಂ . ವಿ ನೋ॑ ರಾ॒ಯೇ ದುರೋ॑ ವೃಧಿ ..
ಅತ್ಯೂ॑ ಪ॒ವಿತ್ರ॑ಮಕ್ರಮೀದ್ವಾ॒ಜೀ ಧುರಂ॒ ನ ಯಾಮ॑ನಿ . ಇಂದು॑ರ್ದೇ॒ವೇಷು॑ ಪತ್ಯತೇ ..
ಸಮೀ॒ ಸಖಾ॑ಯೋ ಅಸ್ವರ॒ನ್ವನೇ॒ ಕ್ರೀಳಂ॑ತ॒ಮತ್ಯ॑ವಿಂ . ಇಂದುಂ॑ ನಾ॒ವಾ ಅ॑ನೂಷತ ..
ತಯಾ॑ ಪವಸ್ವ॒ ಧಾರ॑ಯಾ॒ ಯಯಾ॑ ಪೀ॒ತೋ ವಿ॒ಚಕ್ಷ॑ಸೇ . ಇಂದೋ॑ ಸ್ತೋ॒ತ್ರೇ ಸು॒ವೀರ್ಯಂ॑ ..
[೪೬] ಅಸೃಗ್ರನಿತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋಯಾಸ್ಯಃ ಪವಮಾನಃ ಸೋಮೋ ಗಾಯತ್ರೀ .
ಅಸೃ॑ಗ್ರಂದೇ॒ವವೀ॑ತ॒ಯೇಽತ್ಯಾ॑ಸಃ॒ ಕೃತ್ವ್ಯಾ॑ ಇವ . ಕ್ಷರಂ॑ತಃ ಪರ್ವತಾ॒ವೃಧಃ॑ ..
ಪರಿ॑ಷ್ಕೃತಾಸ॒ ಇಂದ॑ವೋ॒ ಯೋಷೇ॑ವ॒ ಪಿತ್ರ್ಯಾ॑ವತೀ . ವಾ॒ಯುಂ ಸೋಮಾ॑ ಅಸೃಕ್ಷತ ..
ಏ॒ತೇ ಸೋಮಾ॑ಸ॒ ಇಂದ॑ವಃ॒ ಪ್ರಯ॑ಸ್ವಂತಶ್ಚ॒ಮೂ ಸು॒ತಾಃ . ಇಂದ್ರಂ॑ ವರ್ಧಂತಿ॒ ಕರ್ಮ॑ಭಿಃ ..
ಆ ಧಾ॑ವತಾ ಸುಹಸ್ತ್ಯಃ ಶು॒ಕ್ರಾ ಗೃ॑ಭ್ಣೀತ ಮಂ॒ಥಿನಾ॑ . ಗೋಭಿಃ॑ ಶ್ರೀಣೀತ ಮತ್ಸ॒ರಂ ..
ಸ ಪ॑ವಸ್ವ ಧನಂಜಯ ಪ್ರಯಂ॒ತಾ ರಾಧ॑ಸೋ ಮ॒ಹಃ . ಅ॒ಸ್ಮಭ್ಯಂ॑ ಸೋಮ ಗಾತು॒ವಿತ್ ..
ಏ॒ತಂ ಮೃ॑ಜಂತಿ॒ ಮರ್ಜ್ಯಂ॒ ಪವ॑ಮಾನಂ॒ ದಶ॒ ಕ್ಷಿಪಃ॑ . ಇಂದ್ರಾ॑ಯ ಮತ್ಸ॒ರಂ ಮದಂ॑ ..
[೪೭] ಅಯಾಸೋಮಇತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರ್ಗವಃಕವಿಃ ಪವಮಾನಃ ಸೋಮೋ ಗಾಯತ್ರೀ
ಅ॒ಯಾ ಸೋಮಃ॑ ಸುಕೃ॒ತ್ಯಯಾ॑ ಮ॒ಹಶ್ಚಿ॑ದ॒ಭ್ಯ॑ವರ್ಧತ . ಮಂ॒ದಾ॒ನ ಉದ್ವೃ॑ಷಾಯತೇ ..
ಕೃ॒ತಾನೀದ॑ಸ್ಯ॒ ಕರ್ತ್ವಾ॒ ಚೇತಂ॑ತೇ ದಸ್ಯು॒ತರ್ಹ॑ಣಾ . ಋ॒ಣಾ ಚ॑ ಧೃ॒ಷ್ಣುಶ್ಚ॑ಯತೇ ..
ಆತ್ಸೋಮ॑ ಇಂದ್ರಿ॒ಯೋ ರಸೋ॒ ವಜ್ರಃ॑ ಸಹಸ್ರ॒ಸಾ ಭು॑ವತ್ . ಉ॒ಕ್ಥಂ ಯದ॑ಸ್ಯ॒ ಜಾಯ॑ತೇ ..
ಸ್ವ॒ಯಂ ಕ॒ವಿರ್ವಿ॑ಧ॒ರ್ತರಿ॒ ವಿಪ್ರಾ॑ಯ॒ ರತ್ನ॑ಮಿಚ್ಛತಿ . ಯದೀ॑ ಮರ್ಮೃ॒ಜ್ಯತೇ॒ ಧಿಯಃ॑ ..
ಸಿ॒ಷಾ॒ಸತೂ॑ ರಯೀ॒ಣಾಂ ವಾಜೇ॒ಷ್ವರ್ವ॑ತಾಮಿವ . ಭರೇ॑ಷು ಜಿ॒ಗ್ಯುಷಾ॑ಮಸಿ ..
[೪೮] ತಂತ್ವೇತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರ್ಗವಃಕವಿಃ ಪವಮಾನಃ ಸೋಮೋ ಗಾಯತ್ರೀ .
ತಂ ತ್ವಾ॑ ನೃ॒ಮ್ಣಾನಿ॒ ಬಿಭ್ರ॑ತಂ ಸ॒ಧಸ್ಥೇ॑ಷು ಮ॒ಹೋ ದಿ॒ವಃ . ಚಾರುಂ॑ ಸುಕೃ॒ತ್ಯಯೇ॑ಮಹೇ ..
ಸಂವೃ॑ಕ್ತಧೃಷ್ಣುಮು॒ಕ್ಥ್ಯಂ॑ ಮ॒ಹಾಮ॑ಹಿವ್ರತಂ॒ ಮದಂ॑ . ಶ॒ತಂ ಪುರೋ॑ ರುರು॒ಕ್ಷಣಿಂ॑ ..
ಅತ॑ಸ್ತ್ವಾ ರ॒ಯಿಮ॒ಭಿ ರಾಜಾ॑ನಂ ಸುಕ್ರತೋ ದಿ॒ವಃ . ಸು॒ಪ॒ರ್ಣೋ ಅ॑ವ್ಯ॒ಥಿರ್ಭ॑ರತ್ ..
ವಿಶ್ವ॑ಸ್ಮಾ॒ ಇತ್ಸ್ವ॑ರ್ದೃ॒ಶೇ ಸಾಧಾ॑ರಣಂ ರಜ॒ಸ್ತುರಂ॑ . ಗೋ॒ಪಾಮೃ॒ತಸ್ಯ॒ ವಿರ್ಭ॑ರತ್ ..
ಅಧಾ॑ ಹಿನ್ವಾ॒ನ ಇಂ॑ದ್ರಿ॒ಯಂ ಜ್ಯಾಯೋ॑ ಮಹಿ॒ತ್ವಮಾ॑ನಶೇ . ಅ॒ಭಿ॒ಷ್ಟಿ॒ಕೃದ್ವಿಚ॑ರ್ಷಣಿಃ ..
[೪೯] ಪವಸ್ವೇತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರ್ಗವಃಕವಿಃ ಪವಮಾನಃ ಸೋಮೋ ಗಾಯತ್ರೀ .
ಪವ॑ಸ್ವ ವೃ॒ಷ್ಟಿಮಾ ಸು ನೋ॒ಽಪಾಮೂ॒ರ್ಮಿಂ ದಿ॒ವಸ್ಪರಿ॑ . ಅ॒ಯ॒ಕ್ಷ್ಮಾ ಬೃ॑ಹ॒ತೀರಿಷಃ॑ ..
ತಯಾ॑ ಪವಸ್ವ॒ ಧಾರ॑ಯಾ॒ ಯಯಾ॒ ಗಾವ॑ ಇ॒ಹಾಗಮ॑ನ್ . ಜನ್ಯಾ॑ಸ॒ ಉಪ॑ ನೋ ಗೃ॒ಹಂ ..
ಘೃ॒ತಂ ಪ॑ವಸ್ವ॒ ಧಾರ॑ಯಾ ಯ॒ಜ್ಞೇಷು॑ ದೇವ॒ವೀತ॑ಮಃ . ಅ॒ಸ್ಮಭ್ಯಂ॑ ವೃ॒ಷ್ಟಿಮಾ ಪ॑ವ ..
ಸ ನ॑ ಊ॒ರ್ಜೇ ವ್ಯ೧॒॑ವ್ಯಯಂ॑ ಪ॒ವಿತ್ರಂ॑ ಧಾವ॒ ಧಾರ॑ಯಾ . ದೇ॒ವಾಸಃ॑ ಶೃ॒ಣವ॒ನ್ಹಿ ಕಂ॑ ..
ಪವ॑ಮಾನೋ ಅಸಿಷ್ಯದ॒ದ್ರಕ್ಷಾಂ॑ಸ್ಯಪ॒ಜಂಘ॑ನತ್ . ಪ್ರ॒ತ್ನ॒ವದ್ರೋ॒ಚಯ॒ನ್ರುಚಃ॑ ..
[೫೦] ಉತ್ತೇಶುಷ್ಮಾಸಇತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯಃ ಪವಮಾನಃ ಸೋಮೋಗಾಯತ್ರೀ .
ಉತ್ತೇ॒ ಶುಷ್ಮಾ॑ಸ ಈರತೇ॒ ಸಿಂಧೋ॑ರೂ॒ರ್ಮೇರಿ॑ವ ಸ್ವ॒ನಃ . ವಾ॒ಣಸ್ಯ॑ ಚೋದಯಾ ಪ॒ವಿಂ ..
ಪ್ರ॒ಸ॒ವೇ ತ॒ ಉದೀ॑ರತೇ ತಿ॒ಸ್ರೋ ವಾಚೋ॑ ಮಖ॒ಸ್ಯುವಃ॑ . ಯದವ್ಯ॒ ಏಷಿ॒ ಸಾನ॑ವಿ ..
ಅವ್ಯೋ॒ ವಾರೇ॒ ಪರಿ॑ ಪ್ರಿ॒ಯಂ ಹರಿಂ॑ ಹಿನ್ವಂ॒ತ್ಯದ್ರಿ॑ಭಿಃ . ಪವ॑ಮಾನಂ ಮಧು॒ಶ್ಚುತಂ॑ ..
ಆ ಪ॑ವಸ್ವ ಮದಿಂತಮ ಪ॒ವಿತ್ರಂ॒ ಧಾರ॑ಯಾ ಕವೇ . ಅ॒ರ್ಕಸ್ಯ॒ ಯೋನಿ॑ಮಾ॒ಸದಂ॑ ..
ಸ ಪ॑ವಸ್ವ ಮದಿಂತಮ॒ ಗೋಭಿ॑ರಂಜಾ॒ನೋ ಅ॒ಕ್ತುಭಿಃ॑ . ಇಂದ॒ವಿಂದ್ರಾ॑ಯ ಪೀ॒ತಯೇ॑ ..
[೫೧] ಅಧ್ವರ್ಯವಿತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯಃ ಪವಮಾನಃ ಸೋಮೋಗಾಯತ್ರೀ .
ಅಧ್ವ॑ರ್ಯೋ॒ ಅದ್ರಿ॑ಭಿಃ ಸು॒ತಂ ಸೋಮಂ॑ ಪ॒ವಿತ್ರ॒ ಆ ಸೃ॑ಜ . ಪು॒ನೀ॒ಹೀಂದ್ರಾ॑ಯ॒ ಪಾತ॑ವೇ ..
ದಿ॒ವಃ ಪೀ॒ಯೂಷ॑ಮುತ್ತ॒ಮಂ ಸೋಮ॒ಮಿಂದ್ರಾ॑ಯ ವ॒ಜ್ರಿಣೇ॑ . ಸು॒ನೋತಾ॒ ಮಧು॑ಮತ್ತಮಂ ..
ತವ॒ ತ್ಯ ಇಂ॑ದೋ॒ ಅಂಧ॑ಸೋ ದೇ॒ವಾ ಮಧೋ॒ರ್ವ್ಯ॑ಶ್ನತೇ . ಪವ॑ಮಾನಸ್ಯ ಮ॒ರುತಃ॑ ..
ತ್ವಂ ಹಿ ಸೋ॑ಮ ವ॒ರ್ಧಯಂ॑ತ್ಸು॒ತೋ ಮದಾ॑ಯ॒ ಭೂರ್ಣ॑ಯೇ . ವೃಷಂ॑ತ್ಸ್ತೋ॒ತಾರ॑ಮೂ॒ತಯೇ॑ ..
ಅ॒ಭ್ಯ॑ರ್ಷ ವಿಚಕ್ಷಣ ಪ॒ವಿತ್ರಂ॒ ಧಾರ॑ಯಾ ಸು॒ತಃ . ಅ॒ಭಿ ವಾಜ॑ಮು॒ತ ಶ್ರವಃ॑ ..
[೫೨] ಪರಿದ್ಯುಕ್ಷಇತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯಃ ಪವಮಾನಃ ಸೋಮೋಗಾಯತ್ರೀ .
ಪರಿ॑ ದ್ಯು॒ಕ್ಷಃ ಸ॒ನದ್ರ॑ಯಿ॒ರ್ಭರ॒ದ್ವಾಜಂ॑ ನೋ॒ ಅಂಧ॑ಸಾ . ಸು॒ವಾ॒ನೋ ಅ॑ರ್ಷ ಪ॒ವಿತ್ರ॒ ಆ ..
ತವ॑ ಪ್ರ॒ತ್ನೇಭಿ॒ರಧ್ವ॑ಭಿ॒ರವ್ಯೋ॒ ವಾರೇ॒ ಪರಿ॑ ಪ್ರಿ॒ಯಃ . ಸ॒ಹಸ್ರ॑ಧಾರೋ ಯಾ॒ತ್ತನಾ॑ ..
ಚ॒ರುರ್ನ ಯಸ್ತಮೀಂ॑ಖ॒ಯೇಂದೋ॒ ನ ದಾನ॑ಮೀಂಖಯ . ವ॒ಧೈರ್ವ॑ಧಸ್ನವೀಂಖಯ ..
ನಿ ಶುಷ್ಮ॑ಮಿಂದವೇಷಾಂ॒ ಪುರು॑ಹೂತ॒ ಜನಾ॑ನಾಂ . ಯೋ ಅ॒ಸ್ಮಾಁ ಆ॒ದಿದೇ॑ಶತಿ ..
ಶ॒ತಂ ನ॑ ಇಂದ ಊ॒ತಿಭಿಃ॑ ಸ॒ಹಸ್ರಂ॑ ವಾ॒ ಶುಚೀ॑ನಾಂ . ಪವ॑ಸ್ವ ಮಂಹ॒ಯದ್ರ॑ಯಿಃ ..
[೫೩] ಉತ್ತೇಶುಷ್ಮಾಸಇತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಉತ್ತೇ॒ ಶುಷ್ಮಾ॑ಸೋ ಅಸ್ಥೂ॒ ರಕ್ಷೋ॑ ಭಿಂ॒ದಂತೋ॑ ಅದ್ರಿವಃ . ನು॒ದಸ್ವ॒ ಯಾಃ ಪ॑ರಿ॒ಸ್ಪೃಧಃ॑ ..
ಅ॒ಯಾ ನಿ॑ಜ॒ಘ್ನಿರೋಜ॑ಸಾ ರಥಸಂ॒ಗೇ ಧನೇ॑ ಹಿ॒ತೇ . ಸ್ತವಾ॒ ಅಬಿ॑ಭ್ಯುಷಾ ಹೃ॒ದಾ ..
ಅಸ್ಯ॑ ವ್ರ॒ತಾನಿ॒ ನಾಧೃಷೇ॒ ಪವ॑ಮಾನಸ್ಯ ದೂ॒ಢ್ಯಾ॑ . ರು॒ಜ ಯಸ್ತ್ವಾ॑ ಪೃತ॒ನ್ಯತಿ॑ ..
ತಂ ಹಿ॑ನ್ವಂತಿ ಮದ॒ಚ್ಯುತಂ॒ ಹರಿಂ॑ ನ॒ದೀಷು॑ ವಾ॒ಜಿನಂ॑ . ಇಂದು॒ಮಿಂದ್ರಾ॑ಯ ಮತ್ಸ॒ರಂ ..
[೫೪] ಅಸ್ಯಪ್ರತ್ನಾಮಿತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಅ॒ಸ್ಯ ಪ್ರ॒ತ್ನಾಮನು॒ ದ್ಯುತಂ॑ ಶು॒ಕ್ರಂ ದು॑ದುಹ್ರೇ॒ ಅಹ್ರ॑ಯಃ . ಪಯಃ॑ ಸಹಸ್ರ॒ಸಾಮೃಷಿಂ॑ ..
ಅ॒ಯಂ ಸೂರ್ಯ॑ ಇವೋಪ॒ದೃಗ॒ಯಂ ಸರಾಂ॑ಸಿ ಧಾವತಿ . ಸ॒ಪ್ತ ಪ್ರ॒ವತ॒ ಆ ದಿವಂ॑ ..
ಅ॒ಯಂ ವಿಶ್ವಾ॑ನಿ ತಿಷ್ಠತಿ ಪುನಾ॒ನೋ ಭುವ॑ನೋ॒ಪರಿ॑ . ಸೋಮೋ॑ ದೇ॒ವೋ ನ ಸೂರ್ಯಃ॑ ..
ಪರಿ॑ ಣೋ ದೇ॒ವವೀ॑ತಯೇ॒ ವಾಜಾಁ॑ ಅರ್ಷಸಿ॒ ಗೋಮ॑ತಃ . ಪು॒ನಾ॒ನ ಇಂ॑ದವಿಂದ್ರ॒ಯುಃ ..
[೫೫] ಯವಂಯವಮಿತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಯವಂ॑ಯವಂ ನೋ॒ ಅಂಧ॑ಸಾ ಪು॒ಷ್ಟಂಪು॑ಷ್ಟಂ॒ ಪರಿ॑ ಸ್ರವ . ಸೋಮ॒ ವಿಶ್ವಾ॑ ಚ॒ ಸೌಭ॑ಗಾ ..
ಇಂದೋ॒ ಯಥಾ॒ ತವ॒ ಸ್ತವೋ॒ ಯಥಾ॑ ತೇ ಜಾ॒ತಮಂಧ॑ಸಃ . ನಿ ಬ॒ರ್ಹಿಷಿ॑ ಪ್ರಿ॒ಯೇ ಸ॑ದಃ ..
ಉ॒ತ ನೋ॑ ಗೋ॒ವಿದ॑ಶ್ವ॒ವಿತ್ಪವ॑ಸ್ವ ಸೋ॒ಮಾಂಧ॑ಸಾ . ಮ॒ಕ್ಷೂತ॑ಮೇಭಿ॒ರಹ॑ಭಿಃ ..
ಯೋ ಜಿ॒ನಾತಿ॒ ನ ಜೀಯ॑ತೇ॒ ಹಂತಿ॒ ಶತ್ರು॑ಮ॒ಭೀತ್ಯ॑ . ಸ ಪ॑ವಸ್ವ ಸಹಸ್ರಜಿತ್ ..
[೫೬] ಪರಿಸೋಮಇತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಪರಿ॒ ಸೋಮ॑ ಋ॒ತಂ ಬೃ॒ಹದಾ॒ಶುಃ ಪ॒ವಿತ್ರೇ॑ ಅರ್ಷತಿ . ವಿ॒ಘ್ನನ್ರಕ್ಷಾಂ॑ಸಿ ದೇವ॒ಯುಃ ..
ಯತ್ಸೋಮೋ॒ ವಾಜ॒ಮರ್ಷ॑ತಿ ಶ॒ತಂ ಧಾರಾ॑ ಅಪ॒ಸ್ಯುವಃ॑ . ಇಂದ್ರ॑ಸ್ಯ ಸ॒ಖ್ಯಮಾ॑ವಿ॒ಶನ್ ..
ಅ॒ಭಿ ತ್ವಾ॒ ಯೋಷ॑ಣೋ॒ ದಶ॑ ಜಾ॒ರಂ ನ ಕ॒ನ್ಯಾ॑ನೂಷತ . ಮೃ॒ಜ್ಯಸೇ॑ ಸೋಮ ಸಾ॒ತಯೇ॑ ..
ತ್ವಮಿಂದ್ರಾ॑ಯ॒ ವಿಷ್ಣ॑ವೇ ಸ್ವಾ॒ದುರಿಂ॑ದೋ॒ ಪರಿ॑ ಸ್ರವ . ನೄಂತ್ಸ್ತೋ॒ತೄನ್ಪಾ॒ಹ್ಯಂಹ॑ಸಃ ..
[೫೭] ಪ್ರತೇಧಾರಾಇತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಪ್ರ ತೇ॒ ಧಾರಾ॑ ಅಸ॒ಶ್ಚತೋ॑ ದಿ॒ವೋ ನ ಯಂ॑ತಿ ವೃ॒ಷ್ಟಯಃ॑ . ಅಚ್ಛಾ॒ ವಾಜಂ॑ ಸಹ॒ಸ್ರಿಣಂ॑ ..
ಅ॒ಭಿ ಪ್ರಿ॒ಯಾಣಿ॒ ಕಾವ್ಯಾ॒ ವಿಶ್ವಾ॒ ಚಕ್ಷಾ॑ಣೋ ಅರ್ಷತಿ . ಹರಿ॑ಸ್ತುಂಜಾ॒ನ ಆಯು॑ಧಾ ..
ಸ ಮ॑ರ್ಮೃಜಾ॒ನ ಆ॒ಯುಭಿ॒ರಿಭೋ॒ ರಾಜೇ॑ವ ಸುವ್ರ॒ತಃ . ಶ್ಯೇ॒ನೋ ನ ವಂಸು॑ ಷೀದತಿ ..
ಸ ನೋ॒ ವಿಶ್ವಾ॑ ದಿ॒ವೋ ವಸೂ॒ತೋ ಪೃ॑ಥಿ॒ವ್ಯಾ ಅಧಿ॑ . ಪು॒ನಾ॒ನ ಇಂ॑ದ॒ವಾ ಭ॑ರ ..
[೫೮] ತರತ್ಸಮಂದೀತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ತರ॒ತ್ಸ ಮಂ॒ದೀ ಧಾ॑ವತಿ॒ ಧಾರಾ॑ ಸು॒ತಸ್ಯಾಂಧ॑ಸಃ . ತರ॒ತ್ಸ ಮಂ॒ದೀ ಧಾ॑ವತಿ ..
ಉ॒ಸ್ರಾ ವೇ॑ದ॒ ವಸೂ॑ನಾಂ॒ ಮರ್ತ॑ಸ್ಯ ದೇ॒ವ್ಯವ॑ಸಃ . ತರ॒ತ್ಸ ಮಂ॒ದೀ ಧಾ॑ವತಿ ..
ಧ್ವ॒ಸ್ರಯೋಃ॑ ಪುರು॒ಷಂತ್ಯೋ॒ರಾ ಸ॒ಹಸ್ರಾ॑ಣಿ ದದ್ಮಹೇ . ತರ॒ತ್ಸ ಮಂ॒ದೀ ಧಾ॑ವತಿ ..
ಆ ಯಯೋ॑ಸ್ತ್ರಿಂ॒ಶತಂ॒ ತನಾ॑ ಸ॒ಹಸ್ರಾ॑ಣಿ ಚ॒ ದದ್ಮ॑ಹೇ . ತರ॒ತ್ಸ ಮಂ॒ದೀ ಧಾ॑ವತಿ ..
[೫೯] ಪವಸ್ವೇತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ .
ಪವ॑ಸ್ವ ಗೋ॒ಜಿದ॑ಶ್ವ॒ಜಿದ್ವಿ॑ಶ್ವ॒ಜಿತ್ಸೋ॑ಮ ರಣ್ಯ॒ಜಿತ್ . ಪ್ರ॒ಜಾವ॒ದ್ರತ್ನ॒ಮಾ ಭ॑ರ ..
ಪವ॑ಸ್ವಾ॒ದ್ಭ್ಯೋ ಅದಾ॑ಭ್ಯಃ॒ ಪವ॒ಸ್ವೌಷ॑ಧೀಭ್ಯಃ . ಪವ॑ಸ್ವ ಧಿ॒ಷಣಾ॑ಭ್ಯಃ ..
ತ್ವಂ ಸೋ॑ಮ॒ ಪವ॑ಮಾನೋ॒ ವಿಶ್ವಾ॑ನಿ ದುರಿ॒ತಾ ತ॑ರ . ಕ॒ವಿಃ ಸೀ॑ದ॒ ನಿ ಬ॒ರ್ಹಿಷಿ॑ ..
ಪವ॑ಮಾನ॒ ಸ್ವ॑ರ್ವಿದೋ॒ ಜಾಯ॑ಮಾನೋಽಭವೋ ಮ॒ಹಾನ್ . ಇಂದೋ॒ ವಿಶ್ವಾಁ॑ ಅ॒ಭೀದ॑ಸಿ ..
[೬೦] ಪ್ರಗಾಯತ್ರೇಣೇತಿ ಚತುರೃಚಸ್ಯ ಸೂಕ್ತಸ್ಯ ಕಾಶ್ಯಪೋವತ್ಸಾರಃ ಪವಮಾನಃ ಸೋಮೋಗಾಯತ್ರೀ ತೃತೀಯಾಪುರಉಷ್ಣಿಕ್
ಪ್ರ ಗಾ॑ಯ॒ತ್ರೇಣ॑ ಗಾಯತ॒ ಪವ॑ಮಾನಂ॒ ವಿಚ॑ರ್ಷಣಿಂ . ಇಂದುಂ॑ ಸ॒ಹಸ್ರ॑ಚಕ್ಷಸಂ ..
ತಂ ತ್ವಾ॑ ಸ॒ಹಸ್ರ॑ಚಕ್ಷಸ॒ಮಥೋ॑ ಸ॒ಹಸ್ರ॑ಭರ್ಣಸಂ . ಅತಿ॒ ವಾರ॑ಮಪಾವಿಷುಃ ..
ಅತಿ॒ ವಾರಾ॒ನ್ಪವ॑ಮಾನೋ ಅಸಿಷ್ಯದತ್ಕ॒ಲಶಾಁ॑ ಅ॒ಭಿ ಧಾ॑ವತಿ . ಇಂದ್ರ॑ಸ್ಯ॒ ಹಾರ್ದ್ಯಾ॑ವಿ॒ಶನ್ ..
ಇಂದ್ರ॑ಸ್ಯ ಸೋಮ॒ ರಾಧ॑ಸೇ॒ ಶಂ ಪ॑ವಸ್ವ ವಿಚರ್ಷಣೇ . ಪ್ರ॒ಜಾವ॒ದ್ರೇತ॒ ಆ ಭ॑ರ ..
[೬೧] ಅಯಾವೀತೀತಿ ತ್ರಿಂಶದೃಚಸ್ಯ ಸೂಕ್ತಸ್ಯಾಂಗಿರಸೋಽಮಹೀಯುಃ ಪವಮಾನಃ ಸೋಮೋ ಗಾಯತ್ರೀ .
ಅ॒ಯಾ ವೀ॒ತೀ ಪರಿ॑ ಸ್ರವ॒ ಯಸ್ತ॑ ಇಂದೋ॒ ಮದೇ॒ಷ್ವಾ . ಅ॒ವಾಹ॑ನ್ನವ॒ತೀರ್ನವ॑ ..
ಪುರಃ॑ ಸ॒ದ್ಯ ಇ॒ತ್ಥಾಧಿ॑ಯೇ॒ ದಿವೋ॑ದಾಸಾಯ॒ ಶಂಬ॑ರಂ . ಅಧ॒ ತ್ಯಂ ತು॒ರ್ವಶಂ॒ ಯದುಂ॑ ..
ಪರಿ॑ ಣೋ॒ ಅಶ್ವ॑ಮಶ್ವ॒ವಿದ್ಗೋಮ॑ದಿಂದೋ॒ ಹಿರ॑ಣ್ಯವತ್ . ಕ್ಷರಾ॑ ಸಹ॒ಸ್ರಿಣೀ॒ರಿಷಃ॑ ..
ಪವ॑ಮಾನಸ್ಯ ತೇ ವ॒ಯಂ ಪ॒ವಿತ್ರ॑ಮಭ್ಯುಂದ॒ತಃ . ಸ॒ಖಿ॒ತ್ವಮಾ ವೃ॑ಣೀಮಹೇ ..
ಯೇ ತೇ॑ ಪ॒ವಿತ್ರ॑ಮೂ॒ರ್ಮಯೋ॑ಽಭಿ॒ಕ್ಷರಂ॑ತಿ॒ ಧಾರ॑ಯಾ . ತೇಭಿ॑ರ್ನಃ ಸೋಮ ಮೃಳಯ ..
ಸ ನಃ॑ ಪುನಾ॒ನ ಆ ಭ॑ರ ರ॒ಯಿಂ ವೀ॒ರವ॑ತೀ॒ಮಿಷಂ॑ . ಈಶಾ॑ನಃ ಸೋಮ ವಿ॒ಶ್ವತಃ॑ ..
ಏ॒ತಮು॒ ತ್ಯಂ ದಶ॒ ಕ್ಷಿಪೋ॑ ಮೃ॒ಜಂತಿ॒ ಸಿಂಧು॑ಮಾತರಂ . ಸಮಾ॑ದಿ॒ತ್ಯೇಭಿ॑ರಖ್ಯತ ..
ಸಮಿಂದ್ರೇ॑ಣೋ॒ತ ವಾ॒ಯುನಾ॑ ಸು॒ತ ಏ॑ತಿ ಪ॒ವಿತ್ರ॒ ಆ . ಸಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ ..
ಸ ನೋ॒ ಭಗಾ॑ಯ ವಾ॒ಯವೇ॑ ಪೂ॒ಷ್ಣೇ ಪ॑ವಸ್ವ॒ ಮಧು॑ಮಾನ್ . ಚಾರು॑ರ್ಮಿ॒ತ್ರೇ ವರು॑ಣೇ ಚ ..
ಉ॒ಚ್ಚಾ ತೇ॑ ಜಾ॒ತಮಂಧ॑ಸೋ ದಿ॒ವಿ ಷದ್ಭೂಮ್ಯಾ ದ॑ದೇ . ಉ॒ಗ್ರಂ ಶರ್ಮ॒ ಮಹಿ॒ ಶ್ರವಃ॑ ..
ಏ॒ನಾ ವಿಶ್ವಾ॑ನ್ಯ॒ರ್ಯ ಆ ದ್ಯು॒ಮ್ನಾನಿ॒ ಮಾನು॑ಷಾಣಾಂ . ಸಿಷಾ॑ಸಂತೋ ವನಾಮಹೇ ..
ಸ ನ॒ ಇಂದ್ರಾ॑ಯ॒ ಯಜ್ಯ॑ವೇ॒ ವರು॑ಣಾಯ ಮ॒ರುದ್ಭ್ಯಃ॑ . ವ॒ರಿ॒ವೋ॒ವಿತ್ಪರಿ॑ ಸ್ರವ ..
ಉಪೋ॒ ಷು ಜಾ॒ತಮ॒ಪ್ತುರಂ॒ ಗೋಭಿ॑ರ್ಭಂ॒ಗಂ ಪರಿ॑ಷ್ಕೃತಂ . ಇಂದುಂ॑ ದೇ॒ವಾ ಅ॑ಯಾಸಿಷುಃ ..
ತಮಿದ್ವ॑ರ್ಧಂತು ನೋ॒ ಗಿರೋ॑ ವ॒ತ್ಸಂ ಸಂ॒ಶಿಶ್ವ॑ರೀರಿವ . ಯ ಇಂದ್ರ॑ಸ್ಯ ಹೃದಂ॒ಸನಿಃ॑ ..
ಅರ್ಷಾ॑ ಣಃ ಸೋಮ॒ ಶಂ ಗವೇ॑ ಧು॒ಕ್ಷಸ್ವ॑ ಪಿ॒ಪ್ಯುಷೀ॒ಮಿಷಂ॑ . ವರ್ಧಾ॑ ಸಮು॒ದ್ರಮು॒ಕ್ಥ್ಯಂ॑ ..
ಪವ॑ಮಾನೋ ಅಜೀಜನದ್ದಿ॒ವಶ್ಚಿ॒ತ್ರಂ ನ ತ॑ನ್ಯ॒ತುಂ . ಜ್ಯೋತಿ॑ರ್ವೈಶ್ವಾನ॒ರಂ ಬೃ॒ಹತ್ ..
ಪವ॑ಮಾನಸ್ಯ ತೇ॒ ರಸೋ॒ ಮದೋ॑ ರಾಜನ್ನದುಚ್ಛು॒ನಃ . ವಿ ವಾರ॒ಮವ್ಯ॑ಮರ್ಷತಿ ..
ಪವ॑ಮಾನ॒ ರಸ॒ಸ್ತವ॒ ದಕ್ಷೋ॒ ವಿ ರಾ॑ಜತಿ ದ್ಯು॒ಮಾನ್ . ಜ್ಯೋತಿ॒ರ್ವಿಶ್ವಂ॒ ಸ್ವ॑ರ್ದೃ॒ಶೇ ..
ಯಸ್ತೇ॒ ಮದೋ॒ ವರೇ॑ಣ್ಯ॒ಸ್ತೇನಾ॑ ಪವ॒ಸ್ವಾಂಧ॑ಸಾ . ದೇ॒ವಾ॒ವೀರ॑ಘಶಂಸ॒ಹಾ ..
ಜಘ್ನಿ॑ರ್ವೃ॒ತ್ರಮ॑ಮಿ॒ತ್ರಿಯಂ॒ ಸಸ್ನಿ॒ರ್ವಾಜಂ॑ ದಿ॒ವೇದಿ॑ವೇ . ಗೋ॒ಷಾ ಉ॑ ಅಶ್ವ॒ಸಾ ಅ॑ಸಿ ..
ಸಮ್ಮಿ॑ಶ್ಲೋ ಅರು॒ಷೋ ಭ॑ವ ಸೂಪ॒ಸ್ಥಾಭಿ॒ರ್ನ ಧೇ॒ನುಭಿಃ॑ . ಸೀದಂ॑ಛ್ಯೇ॒ನೋ ನ ಯೋನಿ॒ಮಾ ..
ಸ ಪ॑ವಸ್ವ॒ ಯ ಆವಿ॒ಥೇಂದ್ರಂ॑ ವೃ॒ತ್ರಾಯ॒ ಹಂತ॑ವೇ . ವ॒ವ್ರಿ॒ವಾಂಸಂ॑ ಮ॒ಹೀರ॒ಪಃ ..
ಸು॒ವೀರಾ॑ಸೋ ವ॒ಯಂ ಧನಾ॒ ಜಯೇ॑ಮ ಸೋಮ ಮೀಢ್ವಃ . ಪು॒ನಾ॒ನೋ ವ॑ರ್ಧ ನೋ॒ ಗಿರಃ॑ ..
ತ್ವೋತಾ॑ಸ॒ಸ್ತವಾವ॑ಸಾ॒ ಸ್ಯಾಮ॑ ವ॒ನ್ವಂತ॑ ಆ॒ಮುರಃ॑ . ಸೋಮ॑ ವ್ರ॒ತೇಷು॑ ಜಾಗೃಹಿ ..
ಅ॒ಪ॒ಘ್ನನ್ಪ॑ವತೇ॒ ಮೃಧೋಽಪ॒ ಸೋಮೋ॒ ಅರಾ॑ವ್ಣಃ . ಗಚ್ಛ॒ನ್ನಿಂದ್ರ॑ಸ್ಯ ನಿಷ್ಕೃ॒ತಂ ..
ಮ॒ಹೋ ನೋ॑ ರಾ॒ಯ ಆ ಭ॑ರ॒ ಪವ॑ಮಾನ ಜ॒ಹೀ ಮೃಧಃ॑ . ರಾಸ್ವೇಂ॑ದೋ ವೀ॒ರವ॒ದ್ಯಶಃ॑ ..
ನ ತ್ವಾ॑ ಶ॒ತಂ ಚ॒ನ ಹ್ರುತೋ॒ ರಾಧೋ॒ ದಿತ್ಸಂ॑ತ॒ಮಾ ಮಿ॑ನನ್ . ಯತ್ಪು॑ನಾ॒ನೋ ಮ॑ಖ॒ಸ್ಯಸೇ॑ ..
ಪವ॑ಸ್ವೇಂದೋ॒ ವೃಷಾ॑ ಸು॒ತಃ ಕೃ॒ಧೀ ನೋ॑ ಯ॒ಶಸೋ॒ ಜನೇ॑ . ವಿಶ್ವಾ॒ ಅಪ॒ ದ್ವಿಷೋ॑ ಜಹಿ ..
ಅಸ್ಯ॑ ತೇ ಸ॒ಖ್ಯೇ ವ॒ಯಂ ತವೇಂ॑ದೋ ದ್ಯು॒ಮ್ನ ಉ॑ತ್ತ॒ಮೇ . ಸಾ॒ಸ॒ಹ್ಯಾಮ॑ ಪೃತನ್ಯ॒ತಃ ..
ಯಾ ತೇ॑ ಭೀ॒ಮಾನ್ಯಾಯು॑ಧಾ ತಿ॒ಗ್ಮಾನಿ॒ ಸಂತಿ॒ ಧೂರ್ವ॑ಣೇ . ರಕ್ಷಾ॑ ಸಮಸ್ಯ ನೋ ನಿ॒ದಃ ..
[೬೨] ಏತೇಅಸೃಗ್ರಮಿತಿ ತ್ರಿಂಶದೃಚಸ್ಯ ಸೂಕ್ತಸ್ಯ ಭಾರ್ಗವೋಜಮದಗ್ನಿಃ ಪವಮಾನಃ ಸೋಮೋ ಗಾಯತ್ರೀ .
ಏ॒ತೇ ಅ॑ಸೃಗ್ರ॒ಮಿಂದ॑ವಸ್ತಿ॒ರಃ ಪ॒ವಿತ್ರ॑ಮಾ॒ಶವಃ॑ . ವಿಶ್ವಾ॑ನ್ಯ॒ಭಿ ಸೌಭ॑ಗಾ ..
ವಿ॒ಘ್ನಂತೋ॑ ದುರಿ॒ತಾ ಪು॒ರು ಸು॒ಗಾ ತೋ॒ಕಾಯ॑ ವಾ॒ಜಿನಃ॑ . ತನಾ॑ ಕೃ॒ಣ್ವಂತೋ॒ ಅರ್ವ॑ತೇ ..
ಕೃ॒ಣ್ವಂತೋ॒ ವರಿ॑ವೋ॒ ಗವೇ॒ಽಭ್ಯ॑ರ್ಷಂತಿ ಸುಷ್ಟು॒ತಿಂ . ಇಳಾ॑ಮ॒ಸ್ಮಭ್ಯಂ॑ ಸಂ॒ಯತಂ॑ ..
ಅಸಾ॑ವ್ಯಂ॒ಶುರ್ಮದಾ॑ಯಾ॒ಪ್ಸು ದಕ್ಷೋ॑ ಗಿರಿ॒ಷ್ಠಾಃ . ಶ್ಯೇ॒ನೋ ನ ಯೋನಿ॒ಮಾಸ॑ದತ್ ..
ಶು॒ಭ್ರಮಂಧೋ॑ ದೇ॒ವವಾ॑ತಮ॒ಪ್ಸು ಧೂ॒ತೋ ನೃಭಿಃ॑ ಸು॒ತಃ . ಸ್ವದಂ॑ತಿ॒ ಗಾವಃ॒ ಪಯೋ॑ಭಿಃ ..
ಆದೀ॒ಮಶ್ವಂ॒ ನ ಹೇತಾ॒ರೋಽಶೂ॑ಶುಭನ್ನ॒ಮೃತಾ॑ಯ . ಮಧ್ವೋ॒ ರಸಂ॑ ಸಧ॒ಮಾದೇ॑ ..
ಯಾಸ್ತೇ॒ ಧಾರಾ॑ ಮಧು॒ಶ್ಚುತೋಽಸೃ॑ಗ್ರಮಿಂದ ಊ॒ತಯೇ॑ . ತಾಭಿಃ॑ ಪ॒ವಿತ್ರ॒ಮಾಸ॑ದಃ ..
ಸೋ ಅ॒ರ್ಷೇಂದ್ರಾ॑ಯ ಪೀ॒ತಯೇ॑ ತಿ॒ರೋ ರೋಮಾ॑ಣ್ಯ॒ವ್ಯಯಾ॑ . ಸೀದ॒ನ್ಯೋನಾ॒ ವನೇ॒ಷ್ವಾ ..
ತ್ವಮಿಂ॑ದೋ॒ ಪರಿ॑ ಸ್ರವ॒ ಸ್ವಾದಿ॑ಷ್ಠೋ॒ ಅಂಗಿ॑ರೋಭ್ಯಃ . ವ॒ರಿ॒ವೋ॒ವಿದ್ಘೃ॒ತಂ ಪಯಃ॑ ..
ಅ॒ಯಂ ವಿಚ॑ರ್ಷಣಿರ್ಹಿ॒ತಃ ಪವ॑ಮಾನಃ॒ ಸ ಚೇ॑ತತಿ . ಹಿ॒ನ್ವಾ॒ನ ಆಪ್ಯಂ॑ ಬೃ॒ಹತ್ ..
ಏ॒ಷ ವೃಷಾ॒ ವೃಷ॑ವ್ರತಃ॒ ಪವ॑ಮಾನೋ ಅಶಸ್ತಿ॒ಹಾ . ಕರ॒ದ್ವಸೂ॑ನಿ ದಾ॒ಶುಷೇ॑ ..
ಆ ಪ॑ವಸ್ವ ಸಹ॒ಸ್ರಿಣಂ॑ ರ॒ಯಿಂ ಗೋಮಂ॑ತಮ॒ಶ್ವಿನಂ॑ . ಪು॒ರು॒ಶ್ಚಂ॒ದ್ರಂ ಪು॑ರು॒ಸ್ಪೃಹಂ॑ ..
ಏ॒ಷ ಸ್ಯ ಪರಿ॑ ಷಿಚ್ಯತೇ ಮರ್ಮೃ॒ಜ್ಯಮಾ॑ನ ಆ॒ಯುಭಿಃ॑ . ಉ॒ರು॒ಗಾ॒ಯಃ ಕ॒ವಿಕ್ರ॑ತುಃ ..
ಸ॒ಹಸ್ರೋ॑ತಿಃ ಶ॒ತಾಮ॑ಘೋ ವಿ॒ಮಾನೋ॒ ರಜ॑ಸಃ ಕ॒ವಿಃ . ಇಂದ್ರಾ॑ಯ ಪವತೇ॒ ಮದಃ॑ ..
ಗಿ॒ರಾ ಜಾ॒ತ ಇ॒ಹ ಸ್ತು॒ತ ಇಂದು॒ರಿಂದ್ರಾ॑ಯ ಧೀಯತೇ . ವಿರ್ಯೋನಾ॑ ವಸ॒ತಾವಿ॑ವ ..
ಪವ॑ಮಾನಃ ಸು॒ತೋ ನೃಭಿಃ॒ ಸೋಮೋ॒ ವಾಜ॑ಮಿವಾಸರತ್ . ಚ॒ಮೂಷು॒ ಶಕ್ಮ॑ನಾ॒ಸದಂ॑ ..
ತಂ ತ್ರಿ॑ಪೃ॒ಷ್ಠೇ ತ್ರಿ॑ವಂಧು॒ರೇ ರಥೇ॑ ಯುಂಜಂತಿ॒ ಯಾತ॑ವೇ . ಋಷೀ॑ಣಾಂ ಸ॒ಪ್ತ ಧೀ॒ತಿಭಿಃ॑ ..
ತಂ ಸೋ॑ತಾರೋ ಧನ॒ಸ್ಪೃತ॑ಮಾ॒ಶುಂ ವಾಜಾ॑ಯ॒ ಯಾತ॑ವೇ . ಹರಿಂ॑ ಹಿನೋತ ವಾ॒ಜಿನಂ॑ ..
ಆ॒ವಿ॒ಶನ್ಕ॒ಲಶಂ॑ ಸು॒ತೋ ವಿಶ್ವಾ॒ ಅರ್ಷ॑ನ್ನ॒ಭಿ ಶ್ರಿಯಃ॑ . ಶೂರೋ॒ ನ ಗೋಷು॑ ತಿಷ್ಠತಿ ..
ಆ ತ॑ ಇಂದೋ॒ ಮದಾ॑ಯ॒ ಕಂ ಪಯೋ॑ ದುಹಂತ್ಯಾ॒ಯವಃ॑ . ದೇ॒ವಾ ದೇ॒ವೇಭ್ಯೋ॒ ಮಧು॑ ..
ಆ ನಃ॒ ಸೋಮಂ॑ ಪ॒ವಿತ್ರ॒ ಆ ಸೃ॒ಜತಾ॒ ಮಧು॑ಮತ್ತಮಂ . ದೇ॒ವೇಭ್ಯೋ॑ ದೇವ॒ಶ್ರುತ್ತ॑ಮಂ ..
ಏ॒ತೇ ಸೋಮಾ॑ ಅಸೃಕ್ಷತ ಗೃಣಾ॒ನಾಃ ಶ್ರವ॑ಸೇ ಮ॒ಹೇ . ಮ॒ದಿಂತ॑ಮಸ್ಯ॒ ಧಾರ॑ಯಾ ..
ಅ॒ಭಿ ಗವ್ಯಾ॑ನಿ ವೀ॒ತಯೇ॑ ನೃ॒ಮ್ಣಾ ಪು॑ನಾ॒ನೋ ಅ॑ರ್ಷಸಿ . ಸ॒ನದ್ವಾ॑ಜಃ॒ ಪರಿ॑ ಸ್ರವ ..
ಉ॒ತ ನೋ॒ ಗೋಮ॑ತೀ॒ರಿಷೋ॒ ವಿಶ್ವಾ॑ ಅರ್ಷ ಪರಿ॒ಷ್ಟುಭಃ॑ . ಗೃ॒ಣಾ॒ನೋ ಜ॒ಮದ॑ಗ್ನಿನಾ ..
ಪವ॑ಸ್ವ ವಾ॒ಚೋ ಅ॑ಗ್ರಿ॒ಯಃ ಸೋಮ॑ ಚಿ॒ತ್ರಾಭಿ॑ರೂ॒ತಿಭಿಃ॑ . ಅ॒ಭಿ ವಿಶ್ವಾ॑ನಿ॒ ಕಾವ್ಯಾ॑ ..
ತ್ವಂ ಸ॑ಮು॒ದ್ರಿಯಾ॑ ಅ॒ಪೋ॑ಽಗ್ರಿ॒ಯೋ ವಾಚ॑ ಈ॒ರಯ॑ನ್ . ಪವ॑ಸ್ವ ವಿಶ್ವಮೇಜಯ ..
ತುಭ್ಯೇ॒ಮಾ ಭುವ॑ನಾ ಕವೇ ಮಹಿ॒ಮ್ನೇ ಸೋ॑ಮ ತಸ್ಥಿರೇ . ತುಭ್ಯ॑ಮರ್ಷಂತಿ॒ ಸಿಂಧ॑ವಃ ..
ಪ್ರ ತೇ॑ ದಿ॒ವೋ ನ ವೃ॒ಷ್ಟಯೋ॒ ಧಾರಾ॑ ಯಂತ್ಯಸ॒ಶ್ಚತಃ॑ . ಅ॒ಭಿ ಶು॒ಕ್ರಾಮು॑ಪ॒ಸ್ತಿರಂ॑ ..
ಇಂದ್ರಾ॒ಯೇಂದುಂ॑ ಪುನೀತನೋ॒ಗ್ರಂ ದಕ್ಷಾ॑ಯ॒ ಸಾಧ॑ನಂ . ಈ॒ಶಾ॒ನಂ ವೀ॒ತಿರಾ॑ಧಸಂ ..
ಪವ॑ಮಾನ ಋ॒ತಃ ಕ॒ವಿಃ ಸೋಮಃ॑ ಪ॒ವಿತ್ರ॒ಮಾಸ॑ದತ್ . ದಧ॑ತ್ಸ್ತೋ॒ತ್ರೇ ಸು॒ವೀರ್ಯಂ॑ ..
[೬೩] ಆಪವಸ್ವೇತಿ ತ್ರಿಂಶದೃಚಸ್ಯ ಸೂಕ್ತಸ್ಯ ಕಾಶ್ಯಪೋನಿಧ್ರುವಿಃ ಪವಮಾನಃ ಸೋಮೋ ಗಾಯತ್ರೀ .
ಆ ಪ॑ವಸ್ವ ಸಹ॒ಸ್ರಿಣಂ॑ ರ॒ಯಿಂ ಸೋ॑ಮ ಸು॒ವೀರ್ಯಂ॑ . ಅ॒ಸ್ಮೇ ಶ್ರವಾಂ॑ಸಿ ಧಾರಯ ..
ಇಷ॒ಮೂರ್ಜಂ॑ ಚ ಪಿನ್ವಸ॒ ಇಂದ್ರಾ॑ಯ ಮತ್ಸ॒ರಿಂತ॑ಮಃ . ಚ॒ಮೂಷ್ವಾ ನಿ ಷೀ॑ದಸಿ ..
ಸು॒ತ ಇಂದ್ರಾ॑ಯ॒ ವಿಷ್ಣ॑ವೇ॒ ಸೋಮಃ॑ ಕ॒ಲಶೇ॑ ಅಕ್ಷರತ್ . ಮಧು॑ಮಾಁ ಅಸ್ತು ವಾ॒ಯವೇ॑ ..
ಏ॒ತೇ ಅ॑ಸೃಗ್ರಮಾ॒ಶವೋಽತಿ॒ ಹ್ವರಾಂ॑ಸಿ ಬ॒ಭ್ರವಃ॑ . ಸೋಮಾ॑ ಋ॒ತಸ್ಯ॒ ಧಾರ॑ಯಾ ..
ಇಂದ್ರಂ॒ ವರ್ಧಂ॑ತೋ ಅ॒ಪ್ತುರಃ॑ ಕೃ॒ಣ್ವಂತೋ॒ ವಿಶ್ವ॒ಮಾರ್ಯಂ॑ . ಅ॒ಪ॒ಘ್ನಂತೋ॒ ಅರಾ॑ವ್ಣಃ ..
ಸು॒ತಾ ಅನು॒ ಸ್ವಮಾ ರಜೋ॒ಽಭ್ಯ॑ರ್ಷಂತಿ ಬ॒ಭ್ರವಃ॑ . ಇಂದ್ರಂ॒ ಗಚ್ಛಂ॑ತ॒ ಇಂದ॑ವಃ ..
ಅ॒ಯಾ ಪ॑ವಸ್ವ॒ ಧಾರ॑ಯಾ॒ ಯಯಾ॒ ಸೂರ್ಯ॒ಮರೋ॑ಚಯಃ . ಹಿ॒ನ್ವಾ॒ನೋ ಮಾನು॑ಷೀರ॒ಪಃ ..
ಅಯು॑ಕ್ತ॒ ಸೂರ॒ ಏತ॑ಶಂ॒ ಪವ॑ಮಾನೋ ಮ॒ನಾವಧಿ॑ . ಅಂ॒ತರಿ॑ಕ್ಷೇಣ॒ ಯಾತ॑ವೇ ..
ಉ॒ತ ತ್ಯಾ ಹ॒ರಿತೋ॒ ದಶ॒ ಸೂರೋ॑ ಅಯುಕ್ತ॒ ಯಾತ॑ವೇ . ಇಂದು॒ರಿಂದ್ರ॒ ಇತಿ॑ ಬ್ರು॒ವನ್ ..
ಪರೀ॒ತೋ ವಾ॒ಯವೇ॑ ಸು॒ತಂ ಗಿರ॒ ಇಂದ್ರಾ॑ಯ ಮತ್ಸ॒ರಂ . ಅವ್ಯೋ॒ ವಾರೇ॑ಷು ಸಿಂಚತ ..
ಪವ॑ಮಾನ ವಿ॒ದಾ ರ॒ಯಿಮ॒ಸ್ಮಭ್ಯಂ॑ ಸೋಮ ದು॒ಷ್ಟರಂ॑ . ಯೋ ದೂ॒ಣಾಶೋ॑ ವನುಷ್ಯ॒ತಾ ..
ಅ॒ಭ್ಯ॑ರ್ಷ ಸಹ॒ಸ್ರಿಣಂ॑ ರ॒ಯಿಂ ಗೋಮಂ॑ತಮ॒ಶ್ವಿನಂ॑ . ಅ॒ಭಿ ವಾಜ॑ಮು॒ತ ಶ್ರವಃ॑ ..
ಸೋಮೋ॑ ದೇ॒ವೋ ನ ಸೂರ್ಯೋಽದ್ರಿ॑ಭಿಃ ಪವತೇ ಸು॒ತಃ . ದಧಾ॑ನಃ ಕ॒ಲಶೇ॒ ರಸಂ॑ ..
ಏ॒ತೇ ಧಾಮಾ॒ನ್ಯಾರ್ಯಾ॑ ಶು॒ಕ್ರಾ ಋ॒ತಸ್ಯ॒ ಧಾರ॑ಯಾ . ವಾಜಂ॒ ಗೋಮಂ॑ತಮಕ್ಷರನ್ ..
ಸು॒ತಾ ಇಂದ್ರಾ॑ಯ ವ॒ಜ್ರಿಣೇ॒ ಸೋಮಾ॑ಸೋ॒ ದಧ್ಯಾ॑ಶಿರಃ . ಪ॒ವಿತ್ರ॒ಮತ್ಯ॑ಕ್ಷರನ್ ..
ಪ್ರ ಸೋ॑ಮ॒ ಮಧು॑ಮತ್ತಮೋ ರಾ॒ಯೇ ಅ॑ರ್ಷ ಪ॒ವಿತ್ರ॒ ಆ . ಮದೋ॒ ಯೋ ದೇ॑ವ॒ವೀತ॑ಮಃ ..
ತಮೀ॑ ಮೃಜಂತ್ಯಾ॒ಯವೋ॒ ಹರಿಂ॑ ನ॒ದೀಷು॑ ವಾ॒ಜಿನಂ॑ . ಇಂದು॒ಮಿಂದ್ರಾ॑ಯ ಮತ್ಸ॒ರಂ ..
ಆ ಪ॑ವಸ್ವ॒ ಹಿರ॑ಣ್ಯವ॒ದಶ್ವಾ॑ವತ್ಸೋಮ ವೀ॒ರವ॑ತ್ . ವಾಜಂ॒ ಗೋಮಂ॑ತ॒ಮಾ ಭ॑ರ ..
ಪರಿ॒ ವಾಜೇ॒ ನ ವಾ॑ಜ॒ಯುಮವ್ಯೋ॒ ವಾರೇ॑ಷು ಸಿಂಚತ . ಇಂದ್ರಾ॑ಯ॒ ಮಧು॑ಮತ್ತಮಂ ..
ಕ॒ವಿಂ ಮೃ॑ಜಂತಿ॒ ಮರ್ಜ್ಯಂ॑ ಧೀ॒ಭಿರ್ವಿಪ್ರಾ॑ ಅವ॒ಸ್ಯವಃ॑ . ವೃಷಾ॒ ಕನಿ॑ಕ್ರದರ್ಷತಿ ..
ವೃಷ॑ಣಂ ಧೀ॒ಭಿರ॒ಪ್ತುರಂ॒ ಸೋಮ॑ಮೃ॒ತಸ್ಯ॒ ಧಾರ॑ಯಾ . ಮ॒ತೀ ವಿಪ್ರಾಃ॒ ಸಮ॑ಸ್ವರನ್ ..
ಪವ॑ಸ್ವ ದೇವಾಯು॒ಷಗಿಂದ್ರಂ॑ ಗಚ್ಛತು ತೇ॒ ಮದಃ॑ . ವಾ॒ಯುಮಾ ರೋ॑ಹ॒ ಧರ್ಮ॑ಣಾ ..
ಪವ॑ಮಾನ॒ ನಿ ತೋ॑ಶಸೇ ರ॒ಯಿಂ ಸೋ॑ಮ ಶ್ರ॒ವಾಯ್ಯಂ॑ . ಪ್ರಿ॒ಯಃ ಸ॑ಮು॒ದ್ರಮಾ ವಿ॑ಶ ..
ಅ॒ಪ॒ಘ್ನನ್ಪ॑ವಸೇ॒ ಮೃಧಃ॑ ಕ್ರತು॒ವಿತ್ಸೋ॑ಮ ಮತ್ಸ॒ರಃ . ನು॒ದಸ್ವಾದೇ॑ವಯುಂ॒ ಜನಂ॑ ..
ಪವ॑ಮಾನಾ ಅಸೃಕ್ಷತ॒ ಸೋಮಾಃ॑ ಶು॒ಕ್ರಾಸ॒ ಇಂದ॑ವಃ . ಅ॒ಭಿ ವಿಶ್ವಾ॑ನಿ॒ ಕಾವ್ಯಾ॑ ..
ಪವ॑ಮಾನಾಸ ಆ॒ಶವಃ॑ ಶು॒ಭ್ರಾ ಅ॑ಸೃಗ್ರ॒ಮಿಂದ॑ವಃ . ಘ್ನಂತೋ॒ ವಿಶ್ವಾ॒ ಅಪ॒ ದ್ವಿಷಃ॑ ..
ಪವ॑ಮಾನಾ ದಿ॒ವಸ್ಪರ್ಯಂ॒ತರಿ॑ಕ್ಷಾದಸೃಕ್ಷತ . ಪೃ॒ಥಿ॒ವ್ಯಾ ಅಧಿ॒ ಸಾನ॑ವಿ ..
ಪು॒ನಾ॒ನಃ ಸೋ॑ಮ॒ ಧಾರ॒ಯೇಂದೋ॒ ವಿಶ್ವಾ॒ ಅಪ॒ ಸ್ರಿಧಃ॑ . ಜ॒ಹಿ ರಕ್ಷಾಂ॑ಸಿ ಸುಕ್ರತೋ ..
ಅ॒ಪ॒ಘ್ನಂತ್ಸೋ॑ಮ ರ॒ಕ್ಷಸೋ॒ಽಭ್ಯ॑ರ್ಷ॒ ಕನಿ॑ಕ್ರದತ್ . ದ್ಯು॒ಮಂತಂ॒ ಶುಷ್ಮ॑ಮುತ್ತ॒ಮಂ ..
ಅ॒ಸ್ಮೇ ವಸೂ॑ನಿ ಧಾರಯ॒ ಸೋಮ॑ ದಿ॒ವ್ಯಾನಿ॒ ಪಾರ್ಥಿ॑ವಾ . ಇಂದೋ॒ ವಿಶ್ವಾ॑ನಿ॒ ವಾರ್ಯಾ॑ ..
[೬೪] ವೃಷಾಸೋಮೇತಿ ತ್ರಿಂಶದೃಚಸ್ಯಸೂಕ್ತಸ್ಯ ಮಾರೀಚಃ ಕಶ್ಯಪಃ ಪವಮಾನಃ ಸೋಮೋಗಾಯತ್ರೀ .
ವೃಷಾ॑ ಸೋಮ ದ್ಯು॒ಮಾಁ ಅ॑ಸಿ॒ ವೃಷಾ॑ ದೇವ॒ ವೃಷ॑ವ್ರತಃ . ವೃಷಾ॒ ಧರ್ಮಾ॑ಣಿ ದಧಿಷೇ ..
ವೃಷ್ಣ॑ಸ್ತೇ॒ ವೃಷ್ಣ್ಯಂ॒ ಶವೋ॒ ವೃಷಾ॒ ವನಂ॒ ವೃಷಾ॒ ಮದಃ॑ . ಸ॒ತ್ಯಂ ವೃ॑ಷ॒ನ್ವೃಷೇದ॑ಸಿ ..
ಅಶ್ವೋ॒ ನ ಚ॑ಕ್ರದೋ॒ ವೃಷಾ॒ ಸಂ ಗಾ ಇಂ॑ದೋ॒ ಸಮರ್ವ॑ತಃ . ವಿ ನೋ॑ ರಾ॒ಯೇ ದುರೋ॑ ವೃಧಿ ..
ಅಸೃ॑ಕ್ಷತ॒ ಪ್ರ ವಾ॒ಜಿನೋ॑ ಗ॒ವ್ಯಾ ಸೋಮಾ॑ಸೋ ಅಶ್ವ॒ಯಾ . ಶು॒ಕ್ರಾಸೋ॑ ವೀರ॒ಯಾಶವಃ॑ ..
ಶುಂ॒ಭಮಾ॑ನಾ ಋತಾ॒ಯುಭಿ॑ರ್ಮೃ॒ಜ್ಯಮಾ॑ನಾ॒ ಗಭ॑ಸ್ತ್ಯೋಃ . ಪವಂ॑ತೇ॒ ವಾರೇ॑ ಅ॒ವ್ಯಯೇ॑ ..
ತೇ ವಿಶ್ವಾ॑ ದಾ॒ಶುಷೇ॒ ವಸು॒ ಸೋಮಾ॑ ದಿ॒ವ್ಯಾನಿ॒ ಪಾರ್ಥಿ॑ವಾ . ಪವಂ॑ತಾ॒ಮಾಂತರಿ॑ಕ್ಷ್ಯಾ ..
ಪವ॑ಮಾನಸ್ಯ ವಿಶ್ವವಿ॒ತ್ಪ್ರ ತೇ॒ ಸರ್ಗಾ॑ ಅಸೃಕ್ಷತ . ಸೂರ್ಯ॑ಸ್ಯೇವ॒ ನ ರ॒ಶ್ಮಯಃ॑ ..
ಕೇ॒ತುಂ ಕೃ॒ಣ್ವಂದಿ॒ವಸ್ಪರಿ॒ ವಿಶ್ವಾ॑ ರೂ॒ಪಾಭ್ಯ॑ರ್ಷಸಿ . ಸ॒ಮು॒ದ್ರಃ ಸೋ॑ಮ ಪಿನ್ವಸೇ ..
ಹಿ॒ನ್ವಾ॒ನೋ ವಾಚ॑ಮಿಷ್ಯಸಿ॒ ಪವ॑ಮಾನ॒ ವಿಧ॑ರ್ಮಣಿ . ಅಕ್ರಾಂ॑ದೇ॒ವೋ ನ ಸೂರ್ಯಃ॑ ..
ಇಂದುಃ॑ ಪವಿಷ್ಟ॒ ಚೇತ॑ನಃ ಪ್ರಿ॒ಯಃ ಕ॑ವೀ॒ನಾಂ ಮ॒ತೀ . ಸೃ॒ಜದಶ್ವಂ॑ ರ॒ಥೀರಿ॑ವ ..
ಊ॒ರ್ಮಿರ್ಯಸ್ತೇ॑ ಪ॒ವಿತ್ರ॒ ಆ ದೇ॑ವಾ॒ವೀಃ ಪ॒ರ್ಯಕ್ಷ॑ರತ್ . ಸೀದ॑ನ್ನೃ॒ತಸ್ಯ॒ ಯೋನಿ॒ಮಾ ..
ಸ ನೋ॑ ಅರ್ಷ ಪ॒ವಿತ್ರ॒ ಆ ಮದೋ॒ ಯೋ ದೇ॑ವ॒ವೀತ॑ಮಃ . ಇಂದ॒ವಿಂದ್ರಾ॑ಯ ಪೀ॒ತಯೇ॑ ..
ಇ॒ಷೇ ಪ॑ವಸ್ವ॒ ಧಾರ॑ಯಾ ಮೃ॒ಜ್ಯಮಾ॑ನೋ ಮನೀ॒ಷಿಭಿಃ॑ . ಇಂದೋ॑ ರು॒ಚಾಭಿ ಗಾ ಇ॑ಹಿ ..
ಪು॒ನಾ॒ನೋ ವರಿ॑ವಸ್ಕೃ॒ಧ್ಯೂರ್ಜಂ॒ ಜನಾ॑ಯ ಗಿರ್ವಣಃ . ಹರೇ॑ ಸೃಜಾ॒ನ ಆ॒ಶಿರಂ॑ ..
ಪು॒ನಾ॒ನೋ ದೇ॒ವವೀ॑ತಯ॒ ಇಂದ್ರ॑ಸ್ಯ ಯಾಹಿ ನಿಷ್ಕೃ॒ತಂ . ದ್ಯು॒ತಾ॒ನೋ ವಾ॒ಜಿಭಿ॑ರ್ಯ॒ತಃ ..
ಪ್ರ ಹಿ॑ನ್ವಾ॒ನಾಸ॒ ಇಂದ॒ವೋಽಚ್ಛಾ॑ ಸಮು॒ದ್ರಮಾ॒ಶವಃ॑ . ಧಿ॒ಯಾ ಜೂ॒ತಾ ಅ॑ಸೃಕ್ಷತ ..
ಮ॒ರ್ಮೃ॒ಜಾ॒ನಾಸ॑ ಆ॒ಯವೋ॒ ವೃಥಾ॑ ಸಮು॒ದ್ರಮಿಂದ॑ವಃ . ಅಗ್ಮ॑ನ್ನೃ॒ತಸ್ಯ॒ ಯೋನಿ॒ಮಾ ..
ಪರಿ॑ ಣೋ ಯಾಹ್ಯಸ್ಮ॒ಯುರ್ವಿಶ್ವಾ॒ ವಸೂ॒ನ್ಯೋಜ॑ಸಾ . ಪಾ॒ಹಿ ನಃ॒ ಶರ್ಮ॑ ವೀ॒ರವ॑ತ್ ..
ಮಿಮಾ॑ತಿ॒ ವಹ್ನಿ॒ರೇತ॑ಶಃ ಪ॒ದಂ ಯು॑ಜಾ॒ನ ಋಕ್ವ॑ಭಿಃ . ಪ್ರ ಯತ್ಸ॑ಮು॒ದ್ರ ಆಹಿ॑ತಃ ..
ಆ ಯದ್ಯೋನಿಂ॑ ಹಿರ॒ಣ್ಯಯ॑ಮಾ॒ಶುರ್ಋ॒ತಸ್ಯ॒ ಸೀದ॑ತಿ . ಜಹಾ॒ತ್ಯಪ್ರ॑ಚೇತಸಃ ..
ಅ॒ಭಿ ವೇ॒ನಾ ಅ॑ನೂಷ॒ತೇಯ॑ಕ್ಷಂತಿ॒ ಪ್ರಚೇ॑ತಸಃ . ಮಜ್ಜಂ॒ತ್ಯವಿ॑ಚೇತಸಃ ..
ಇಂದ್ರಾ॑ಯೇಂದೋ ಮ॒ರುತ್ವ॑ತೇ॒ ಪವ॑ಸ್ವ॒ ಮಧು॑ಮತ್ತಮಃ . ಋ॒ತಸ್ಯ॒ ಯೋನಿ॑ಮಾ॒ಸದಂ॑ ..
ತಂ ತ್ವಾ॒ ವಿಪ್ರಾ॑ ವಚೋ॒ವಿದಃ॒ ಪರಿ॑ ಷ್ಕೃಣ್ವಂತಿ ವೇ॒ಧಸಃ॑ . ಸಂ ತ್ವಾ॑ ಮೃಜಂತ್ಯಾ॒ಯವಃ॑ ..
ರಸಂ॑ ತೇ ಮಿ॒ತ್ರೋ ಅ॑ರ್ಯ॒ಮಾ ಪಿಬಂ॑ತಿ॒ ವರು॑ಣಃ ಕವೇ . ಪವ॑ಮಾನಸ್ಯ ಮ॒ರುತಃ॑ ..
ತ್ವಂ ಸೋ॑ಮ ವಿಪ॒ಶ್ಚಿತಂ॑ ಪುನಾ॒ನೋ ವಾಚ॑ಮಿಷ್ಯಸಿ . ಇಂದೋ॑ ಸ॒ಹಸ್ರ॑ಭರ್ಣಸಂ ..
ಉ॒ತೋ ಸ॒ಹಸ್ರ॑ಭರ್ಣಸಂ॒ ವಾಚಂ॑ ಸೋಮ ಮಖ॒ಸ್ಯುವಂ॑ . ಪು॒ನಾ॒ನ ಇಂ॑ದ॒ವಾ ಭ॑ರ ..
ಪು॒ನಾ॒ನ ಇಂ॑ದವೇಷಾಂ॒ ಪುರು॑ಹೂತ॒ ಜನಾ॑ನಾಂ . ಪ್ರಿ॒ಯಃ ಸ॑ಮು॒ದ್ರಮಾ ವಿ॑ಶ ..
ದವಿ॑ದ್ಯುತತ್ಯಾ ರು॒ಚಾ ಪ॑ರಿ॒ಷ್ಟೋಭಂ॑ತ್ಯಾ ಕೃ॒ಪಾ . ಸೋಮಾಃ॑ ಶು॒ಕ್ರಾ ಗವಾ॑ಶಿರಃ ..
ಹಿ॒ನ್ವಾ॒ನೋ ಹೇ॒ತೃಭಿ॑ರ್ಯ॒ತ ಆ ವಾಜಂ॑ ವಾ॒ಜ್ಯ॑ಕ್ರಮೀತ್ . ಸೀದಂ॑ತೋ ವ॒ನುಷೋ॑ ಯಥಾ ..
ಋ॒ಧಕ್ಸೋ॑ಮ ಸ್ವ॒ಸ್ತಯೇ॑ ಸಂಜಗ್ಮಾ॒ನೋ ದಿ॒ವಃ ಕ॒ವಿಃ . ಪವ॑ಸ್ವ॒ ಸೂರ್ಯೋ॑ ದೃ॒ಶೇ ..
[೬೫] ಹಿನ್ವಂತೀತಿ ತ್ರಿಂಶದೃಚಸ್ಯ ಸೂಕ್ತಸ್ಯ ವಾರುಣಿರ್ಭೃಗುಃ ಪವಮಾನಃ ಸೋಮೋಗಾಯತ್ರೀ . (ಅತ್ರಭಾರ್ಗವೋಜಮದಗ್ನಿಃ ಪಾಕ್ಷಿಕಃ)
ಹಿ॒ನ್ವಂತಿ॒ ಸೂರ॒ಮುಸ್ರ॑ಯಃ॒ ಸ್ವಸಾ॑ರೋ ಜಾ॒ಮಯ॒ಸ್ಪತಿಂ॑ . ಮ॒ಹಾಮಿಂದುಂ॑ ಮಹೀ॒ಯುವಃ॑ ..
ಪವ॑ಮಾನ ರು॒ಚಾರು॑ಚಾ ದೇ॒ವೋ ದೇ॒ವೇಭ್ಯ॒ಸ್ಪರಿ॑ . ವಿಶ್ವಾ॒ ವಸೂ॒ನ್ಯಾ ವಿ॑ಶ ..
ಆ ಪ॑ವಮಾನ ಸುಷ್ಟು॒ತಿಂ ವೃ॒ಷ್ಟಿಂ ದೇ॒ವೇಭ್ಯೋ॒ ದುವಃ॑ . ಇ॒ಷೇ ಪ॑ವಸ್ವ ಸಂ॒ಯತಂ॑ ..
ವೃಷಾ॒ ಹ್ಯಸಿ॑ ಭಾ॒ನುನಾ॑ ದ್ಯು॒ಮಂತಂ॑ ತ್ವಾ ಹವಾಮಹೇ . ಪವ॑ಮಾನ ಸ್ವಾ॒ಧ್ಯಃ॑ ..
ಆ ಪ॑ವಸ್ವ ಸು॒ವೀರ್ಯಂ॒ ಮಂದ॑ಮಾನಃ ಸ್ವಾಯುಧ . ಇ॒ಹೋ ಷ್ವಿಂ॑ದ॒ವಾ ಗ॑ಹಿ ..
ಯದ॒ದ್ಭಿಃ ಪ॑ರಿಷಿ॒ಚ್ಯಸೇ॑ ಮೃ॒ಜ್ಯಮಾ॑ನೋ॒ ಗಭ॑ಸ್ತ್ಯೋಃ . ದ್ರುಣಾ॑ ಸ॒ಧಸ್ಥ॑ಮಶ್ನುಷೇ ..
ಪ್ರ ಸೋಮಾ॑ಯ ವ್ಯಶ್ವ॒ವತ್ಪವ॑ಮಾನಾಯ ಗಾಯತ . ಮ॒ಹೇ ಸ॒ಹಸ್ರ॑ಚಕ್ಷಸೇ ..
ಯಸ್ಯ॒ ವರ್ಣಂ॑ ಮಧು॒ಶ್ಚುತಂ॒ ಹರಿಂ॑ ಹಿ॒ನ್ವಂತ್ಯದ್ರಿ॑ಭಿಃ . ಇಂದು॒ಮಿಂದ್ರಾ॑ಯ ಪೀ॒ತಯೇ॑ ..
ತಸ್ಯ॑ ತೇ ವಾ॒ಜಿನೋ॑ ವ॒ಯಂ ವಿಶ್ವಾ॒ ಧನಾ॑ನಿ ಜಿ॒ಗ್ಯುಷಃ॑ . ಸ॒ಖಿ॒ತ್ವಮಾ ವೃ॑ಣೀಮಹೇ ..
ವೃಷಾ॑ ಪವಸ್ವ॒ ಧಾರ॑ಯಾ ಮ॒ರುತ್ವ॑ತೇ ಚ ಮತ್ಸ॒ರಃ . ವಿಶ್ವಾ॒ ದಧಾ॑ನ॒ ಓಜ॑ಸಾ ..
ತಂ ತ್ವಾ॑ ಧ॒ರ್ತಾರ॑ಮೋ॒ಣ್ಯೋ॒೩॒॑ಃ ಪವ॑ಮಾನ ಸ್ವ॒ರ್ದೃಶಂ॑ . ಹಿ॒ನ್ವೇ ವಾಜೇ॑ಷು ವಾ॒ಜಿನಂ॑ ..
ಅ॒ಯಾ ಚಿ॒ತ್ತೋ ವಿ॒ಪಾನಯಾ॒ ಹರಿಃ॑ ಪವಸ್ವ॒ ಧಾರ॑ಯಾ . ಯುಜಂ॒ ವಾಜೇ॑ಷು ಚೋದಯ ..
ಆ ನ॑ ಇಂದೋ ಮ॒ಹೀಮಿಷಂ॒ ಪವ॑ಸ್ವ ವಿ॒ಶ್ವದ॑ರ್ಶತಃ . ಅ॒ಸ್ಮಭ್ಯಂ॑ ಸೋಮ ಗಾತು॒ವಿತ್ ..
ಆ ಕ॒ಲಶಾ॑ ಅನೂಷ॒ತೇಂದೋ॒ ಧಾರಾ॑ಭಿ॒ರೋಜ॑ಸಾ . ಏಂದ್ರ॑ಸ್ಯ ಪೀ॒ತಯೇ॑ ವಿಶ ..
ಯಸ್ಯ॑ ತೇ॒ ಮದ್ಯಂ॒ ರಸಂ॑ ತೀ॒ವ್ರಂ ದು॒ಹಂತ್ಯದ್ರಿ॑ಭಿಃ . ಸ ಪ॑ವಸ್ವಾಭಿಮಾತಿ॒ಹಾ ..
ರಾಜಾ॑ ಮೇ॒ಧಾಭಿ॑ರೀಯತೇ॒ ಪವ॑ಮಾನೋ ಮ॒ನಾವಧಿ॑ . ಅಂ॒ತರಿ॑ಕ್ಷೇಣ॒ ಯಾತ॑ವೇ ..
ಆ ನ॑ ಇಂದೋ ಶತ॒ಗ್ವಿನಂ॒ ಗವಾಂ॒ ಪೋಷಂ॒ ಸ್ವಶ್ವ್ಯಂ॑ . ವಹಾ॒ ಭಗ॑ತ್ತಿಮೂ॒ತಯೇ॑ ..
ಆ ನಃ॑ ಸೋಮ॒ ಸಹೋ॒ ಜುವೋ॑ ರೂ॒ಪಂ ನ ವರ್ಚ॑ಸೇ ಭರ . ಸು॒ಷ್ವಾ॒ಣೋ ದೇ॒ವವೀ॑ತಯೇ ..
ಅರ್ಷಾ॑ ಸೋಮ ದ್ಯು॒ಮತ್ತ॑ಮೋ॒ಽಭಿ ದ್ರೋಣಾ॑ನಿ॒ ರೋರು॑ವತ್ . ಸೀದಂ॑ಛ್ಯೇ॒ನೋ ನ ಯೋನಿ॒ಮಾ ..
ಅ॒ಪ್ಸಾ ಇಂದ್ರಾ॑ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ . ಸೋಮೋ॑ ಅರ್ಷತಿ॒ ವಿಷ್ಣ॑ವೇ ..
ಇಷಂ॑ ತೋ॒ಕಾಯ॑ ನೋ॒ ದಧ॑ದ॒ಸ್ಮಭ್ಯಂ॑ ಸೋಮ ವಿ॒ಶ್ವತಃ॑ . ಆ ಪ॑ವಸ್ವ ಸಹ॒ಸ್ರಿಣಂ॑ ..
ಯೇ ಸೋಮಾ॑ಸಃ ಪರಾ॒ವತಿ॒ ಯೇ ಅ॑ರ್ವಾ॒ವತಿ॑ ಸುನ್ವಿ॒ರೇ . ಯೇ ವಾ॒ದಃ ಶ॑ರ್ಯ॒ಣಾವ॑ತಿ ..
ಯ ಆ॑ರ್ಜೀ॒ಕೇಷು॒ ಕೃತ್ವ॑ಸು॒ ಯೇ ಮಧ್ಯೇ॑ ಪ॒ಸ್ತ್ಯಾ॑ನಾಂ . ಯೇ ವಾ॒ ಜನೇ॑ಷು ಪಂ॒ಚಸು॑ ..
ತೇ ನೋ॑ ವೃ॒ಷ್ಟಿಂ ದಿ॒ವಸ್ಪರಿ॒ ಪವಂ॑ತಾ॒ಮಾ ಸು॒ವೀರ್ಯಂ॑ . ಸು॒ವಾ॒ನಾ ದೇ॒ವಾಸ॒ ಇಂದ॑ವಃ ..
ಪವ॑ತೇ ಹರ್ಯ॒ತೋ ಹರಿ॑ರ್ಗೃಣಾ॒ನೋ ಜ॒ಮದ॑ಗ್ನಿನಾ . ಹಿ॒ನ್ವಾ॒ನೋ ಗೋರಧಿ॑ ತ್ವ॒ಚಿ ..
ಪ್ರ ಶು॒ಕ್ರಾಸೋ॑ ವಯೋ॒ಜುವೋ॑ ಹಿನ್ವಾ॒ನಾಸೋ॒ ನ ಸಪ್ತ॑ಯಃ . ಶ್ರೀ॒ಣಾ॒ನಾ ಅ॒ಪ್ಸು ಮೃಂ॑ಜತ ..
ತಂ ತ್ವಾ॑ ಸು॒ತೇಷ್ವಾ॒ಭುವೋ॑ ಹಿನ್ವಿ॒ರೇ ದೇ॒ವತಾ॑ತಯೇ . ಸ ಪ॑ವಸ್ವಾ॒ನಯಾ॑ ರು॒ಚಾ ..
ಆ ತೇ॒ ದಕ್ಷಂ॑ ಮಯೋ॒ಭುವಂ॒ ವಹ್ನಿ॑ಮ॒ದ್ಯಾ ವೃ॑ಣೀಮಹೇ . ಪಾಂತ॒ಮಾ ಪು॑ರು॒ಸ್ಪೃಹಂ॑ ..
ಆ ಮಂ॒ದ್ರಮಾ ವರೇ॑ಣ್ಯ॒ಮಾ ವಿಪ್ರ॒ಮಾ ಮ॑ನೀ॒ಷಿಣಂ॑ . ಪಾಂತ॒ಮಾ ಪು॑ರು॒ಸ್ಪೃಹಂ॑ ..
ಆ ರ॒ಯಿಮಾ ಸು॑ಚೇ॒ತುನ॒ಮಾ ಸು॑ಕ್ರತೋ ತ॒ನೂಷ್ವಾ . ಪಾಂತ॒ಮಾ ಪು॑ರು॒ಸ್ಪೃಹಂ॑ ..
[೬೬] ಪವಸ್ವೇತಿ ತ್ರಿಂಶದೃಚಸ್ಯ ಸೂಕ್ತಸ್ಯ ಶತಂವೈಖಾನಸಾಃ ಪವಮಾನಸೋಮ ಏಕೋನವಿಂಶ್ಯಾದಿತಿಸೃಣಾಮಗ್ನಿಃ ಪವಮಾನೋಗಾಯತ್ರ್ಯಷ್ಟಾದಶ್ಯನುಷ್ಟುಪ್ (ಶತಂ ವೈಖಾನಸಾಏತೇಸ್ವಾಯಂಭುವಾಃ ಅತಏಷಾಂಗೋತ್ರಂನಾಸ್ತಿಏವಮಗ್ರೇಪಿನಾರಾಯಣಾದಯಊಹ್ಯಾಃ) .
ಪವ॑ಸ್ವ ವಿಶ್ವಚರ್ಷಣೇ॒ಽಭಿ ವಿಶ್ವಾ॑ನಿ॒ ಕಾವ್ಯಾ॑ . ಸಖಾ॒ ಸಖಿ॑ಭ್ಯ॒ ಈಡ್ಯಃ॑ ..
ತಾಭ್ಯಾಂ॒ ವಿಶ್ವ॑ಸ್ಯ ರಾಜಸಿ॒ ಯೇ ಪ॑ವಮಾನ॒ ಧಾಮ॑ನೀ . ಪ್ರ॒ತೀ॒ಚೀ ಸೋ॑ಮ ತ॒ಸ್ಥತುಃ॑ ..
ಪರಿ॒ ಧಾಮಾ॑ನಿ॒ ಯಾನಿ॑ ತೇ॒ ತ್ವಂ ಸೋ॑ಮಾಸಿ ವಿ॒ಶ್ವತಃ॑ . ಪವ॑ಮಾನ ಋ॒ತುಭಿಃ॑ ಕವೇ ..
ಪವ॑ಸ್ವ ಜ॒ನಯ॒ನ್ನಿಷೋ॒ಽಭಿ ವಿಶ್ವಾ॑ನಿ॒ ವಾರ್ಯಾ॑ . ಸಖಾ॒ ಸಖಿ॑ಭ್ಯ ಊ॒ತಯೇ॑ ..
ತವ॑ ಶು॒ಕ್ರಾಸೋ॑ ಅ॒ರ್ಚಯೋ॑ ದಿ॒ವಸ್ಪೃ॒ಷ್ಠೇ ವಿ ತ॑ನ್ವತೇ . ಪ॒ವಿತ್ರಂ॑ ಸೋಮ॒ ಧಾಮ॑ಭಿಃ ..
ತವೇ॒ಮೇ ಸ॒ಪ್ತ ಸಿಂಧ॑ವಃ ಪ್ರ॒ಶಿಷಂ॑ ಸೋಮ ಸಿಸ್ರತೇ . ತುಭ್ಯಂ॑ ಧಾವಂತಿ ಧೇ॒ನವಃ॑ ..
ಪ್ರ ಸೋ॑ಮ ಯಾಹಿ॒ ಧಾರ॑ಯಾ ಸು॒ತ ಇಂದ್ರಾ॑ಯ ಮತ್ಸ॒ರಃ . ದಧಾ॑ನೋ॒ ಅಕ್ಷಿ॑ತಿ॒ ಶ್ರವಃ॑ ..
ಸಮು॑ ತ್ವಾ ಧೀ॒ಭಿರ॑ಸ್ವರನ್ಹಿನ್ವ॒ತೀಃ ಸ॒ಪ್ತ ಜಾ॒ಮಯಃ॑ . ವಿಪ್ರ॑ಮಾ॒ಜಾ ವಿ॒ವಸ್ವ॑ತಃ ..
ಮೃ॒ಜಂತಿ॑ ತ್ವಾ॒ ಸಮ॒ಗ್ರುವೋಽವ್ಯೇ॑ ಜೀ॒ರಾವಧಿ॒ ಷ್ವಣಿ॑ . ರೇ॒ಭೋ ಯದ॒ಜ್ಯಸೇ॒ ವನೇ॑ ..
ಪವ॑ಮಾನಸ್ಯ ತೇ ಕವೇ॒ ವಾಜಿಂ॒ತ್ಸರ್ಗಾ॑ ಅಸೃಕ್ಷತ . ಅರ್ವಂ॑ತೋ॒ ನ ಶ್ರ॑ವ॒ಸ್ಯವಃ॑ ..
ಅಚ್ಛಾ॒ ಕೋಶಂ॑ ಮಧು॒ಶ್ಚುತ॒ಮಸೃ॑ಗ್ರಂ॒ ವಾರೇ॑ ಅ॒ವ್ಯಯೇ॑ . ಅವಾ॑ವಶಂತ ಧೀ॒ತಯಃ॑ ..
ಅಚ್ಛಾ॑ ಸಮು॒ದ್ರಮಿಂದ॒ವೋಽಸ್ತಂ॒ ಗಾವೋ॒ ನ ಧೇ॒ನವಃ॑ . ಅಗ್ಮ॑ನ್ನೃ॒ತಸ್ಯ॒ ಯೋನಿ॒ಮಾ ..
ಪ್ರ ಣ॑ ಇಂದೋ ಮ॒ಹೇ ರಣ॒ ಆಪೋ॑ ಅರ್ಷಂತಿ॒ ಸಿಂಧ॑ವಃ . ಯದ್ಗೋಭಿ॑ರ್ವಾಸಯಿ॒ಷ್ಯಸೇ॑ ..
ಅಸ್ಯ॑ ತೇ ಸ॒ಖ್ಯೇ ವ॒ಯಮಿಯ॑ಕ್ಷಂತ॒ಸ್ತ್ವೋತ॑ಯಃ . ಇಂದೋ॑ ಸಖಿ॒ತ್ವಮು॑ಶ್ಮಸಿ ..
ಆ ಪ॑ವಸ್ವ॒ ಗವಿ॑ಷ್ಟಯೇ ಮ॒ಹೇ ಸೋ॑ಮ ನೃ॒ಚಕ್ಷ॑ಸೇ . ಏಂದ್ರ॑ಸ್ಯ ಜ॒ಠರೇ॑ ವಿಶ ..
ಮ॒ಹಾಁ ಅ॑ಸಿ ಸೋಮ॒ ಜ್ಯೇಷ್ಠ॑ ಉ॒ಗ್ರಾಣಾ॑ಮಿಂದ॒ ಓಜಿ॑ಷ್ಠಃ . ಯುಧ್ವಾ॒ ಸಂಛಶ್ವ॑ಜ್ಜಿಗೇಥ ..
ಯ ಉ॒ಗ್ರೇಭ್ಯ॑ಶ್ಚಿ॒ದೋಜೀ॑ಯಾಂ॒ಛೂರೇ॑ಭ್ಯಶ್ಚಿ॒ಚ್ಛೂರ॑ತರಃ . ಭೂ॒ರಿ॒ದಾಭ್ಯ॑ಶ್ಚಿ॒ನ್ಮಂಹೀ॑ಯಾನ್ ..
ತ್ವಂ ಸೋ॑ಮ॒ ಸೂರ॒ ಏಷ॑ಸ್ತೋ॒ಕಸ್ಯ॑ ಸಾ॒ತಾ ತ॒ನೂನಾಂ॑ . ವೃ॒ಣೀ॒ಮಹೇ॑ ಸ॒ಖ್ಯಾಯ॑ ವೃಣೀ॒ಮಹೇ॒ ಯುಜ್ಯಾ॑ಯ ..
ಅಗ್ನ॒ ಆಯೂಂ॑ಷಿ ಪವಸ॒ ಆ ಸು॒ವೋರ್ಜ॒ಮಿಷಂ॑ ಚ ನಃ . ಆ॒ರೇ ಬಾ॑ಧಸ್ವ ದು॒ಚ್ಛುನಾಂ॑ ..
ಅ॒ಗ್ನಿರ್ಋಷಿಃ॒ ಪವ॑ಮಾನಃ॒ ಪಾಂಚ॑ಜನ್ಯಃ ಪು॒ರೋಹಿ॑ತಃ . ತಮೀ॑ಮಹೇ ಮಹಾಗ॒ಯಂ ..
ಅಗ್ನೇ॒ ಪವ॑ಸ್ವ॒ ಸ್ವಪಾ॑ ಅ॒ಸ್ಮೇ ವರ್ಚಃ॑ ಸು॒ವೀರ್ಯಂ॑ . ದಧ॑ದ್ರ॒ಯಿಂ ಮಯಿ॒ ಪೋಷಂ॑ ..
ಪವ॑ಮಾನೋ॒ ಅತಿ॒ ಸ್ರಿಧೋ॒ಽಭ್ಯ॑ರ್ಷತಿ ಸುಷ್ಟು॒ತಿಂ . ಸೂರೋ॒ ನ ವಿ॒ಶ್ವದ॑ರ್ಶತಃ ..
ಸ ಮ॑ರ್ಮೃಜಾ॒ನ ಆ॒ಯುಭಿಃ॒ ಪ್ರಯ॑ಸ್ವಾ॒ನ್ಪ್ರಯ॑ಸೇ ಹಿ॒ತಃ . ಇಂದು॒ರತ್ಯೋ॑ ವಿಚಕ್ಷ॒ಣಃ ..
ಪವ॑ಮಾನ ಋ॒ತಂ ಬೃ॒ಹಚ್ಛು॒ಕ್ರಂ ಜ್ಯೋತಿ॑ರಜೀಜನತ್ . ಕೃ॒ಷ್ಣಾ ತಮಾಂ॑ಸಿ॒ ಜಂಘ॑ನತ್ ..
ಪವ॑ಮಾನಸ್ಯ॒ ಜಂಘ್ನ॑ತೋ॒ ಹರೇ॑ಶ್ಚಂ॒ದ್ರಾ ಅ॑ಸೃಕ್ಷತ . ಜೀ॒ರಾ ಅ॑ಜಿ॒ರಶೋ॑ಚಿಷಃ ..
ಪವ॑ಮಾನೋ ರ॒ಥೀತ॑ಮಃ ಶು॒ಭ್ರೇಭಿಃ॑ ಶು॒ಭ್ರಶ॑ಸ್ತಮಃ . ಹರಿ॑ಶ್ಚಂದ್ರೋ ಮ॒ರುದ್ಗ॑ಣಃ ..
ಪವ॑ಮಾನೋ॒ ವ್ಯ॑ಶ್ನವದ್ರ॒ಶ್ಮಿಭಿ॑ರ್ವಾಜ॒ಸಾತ॑ಮಃ . ದಧ॑ತ್ಸ್ತೋ॒ತ್ರೇ ಸು॒ವೀರ್ಯಂ॑ ..
ಪ್ರ ಸು॑ವಾ॒ನ ಇಂದು॑ರಕ್ಷಾಃ ಪ॒ವಿತ್ರ॒ಮತ್ಯ॒ವ್ಯಯಂ॑ . ಪು॒ನಾ॒ನ ಇಂದು॒ರಿಂದ್ರ॒ಮಾ ..
ಏ॒ಷ ಸೋಮೋ॒ ಅಧಿ॑ ತ್ವ॒ಚಿ ಗವಾಂ॑ ಕ್ರೀಳ॒ತ್ಯದ್ರಿ॑ಭಿಃ . ಇಂದ್ರಂ॒ ಮದಾ॑ಯ॒ ಜೋಹು॑ವತ್ ..
ಯಸ್ಯ॑ ತೇ ದ್ಯು॒ಮ್ನವ॒ತ್ಪಯಃ॒ ಪವ॑ಮಾ॒ನಾಭೃ॑ತಂ ದಿ॒ವಃ . ತೇನ॑ ನೋ ಮೃಳ ಜೀ॒ವಸೇ॑ ..
[೬೭] ತ್ವಂಸೋಮಾಸೀತಿ ದ್ವಾತ್ರಿಂಶದೃಚಸ್ಯ ಸೂಕ್ತಸ್ಯ ಆದ್ಯಾನಾಂಸಪ್ತಾನಾಂತೃಚಾನಾಂಭರದ್ವಾಜಕಶ್ಯಪಗೋತಮಾತ್ರಿವಿಶ್ವಾಮಿತ್ರ ಜಮದಗ್ನಿವಸಿಷ್ಠಾ ಋಷಯಃ ಶಿಷ್ಟಾನಾಮಾಂಗಿರಸಃ ಪವಿತ್ರಋಷಿಃ (ಅತ್ರವಸಿಷ್ಠೋವಾಪವಿತ್ರವಸಿಷ್ಠೌವೇತಿವಿಪಕ್ಷೌ) ಪವಮಾನಃ ಸೋಮೋದೇವತಾ ದಶಮ್ಯಾದಿತಿಸೃಣಾಂಪೂಷಾವಾ ಯತ್ತೇಪವಿತ್ರಮಿತ್ಯಾದಿಪಂಚಾನಾಮಗ್ನಿಃ ಅಂತ್ಯಯೋರ್ದ್ವಯೋಃ ಪಾವಮಾನ್ಯಧೇತಾಗಾಯತ್ರೀ ಷೋಡಶ್ಯಾದ್ಯಾಸ್ತಿಸ್ರೋದ್ವಿಪದಾಗಾಯತ್ರ್ಯಃ ತ್ರಿಂಶೀಪುರಉಷ್ಣಿಕ್ ಸಪ್ತವಿಂಶ್ಯೇಕತ್ರಿಂಶೀದ್ವಾತ್ರಿಂಶ್ಯೋನುಷ್ಟುಭಃ .(ಪಂಚವಿಂಶ್ಯಾದಿತಿಸೃಣಾಂಕ್ರಮಾತ್ಸವಿತಾಗ್ನಿಸವಿತಾರೌವಿಶ್ವೇದೇವಾಇತಿದೇವತಾಅಗ್ನಿನಾಸಹ ವಿಕಲ್ಪಂತೇ) .
ತ್ವಂ ಸೋ॑ಮಾಸಿ ಧಾರ॒ಯುರ್ಮಂ॒ದ್ರ ಓಜಿ॑ಷ್ಠೋ ಅಧ್ವ॒ರೇ . ಪವ॑ಸ್ವ ಮಂಹ॒ಯದ್ರ॑ಯಿಃ ..
ತ್ವಂ ಸು॒ತೋ ನೃ॒ಮಾದ॑ನೋ ದಧ॒ನ್ವಾನ್ಮ॑ತ್ಸ॒ರಿಂತ॑ಮಃ . ಇಂದ್ರಾ॑ಯ ಸೂ॒ರಿರಂಧ॑ಸಾ ..
ತ್ವಂ ಸು॑ಷ್ವಾ॒ಣೋ ಅದ್ರಿ॑ಭಿರ॒ಭ್ಯ॑ರ್ಷ॒ ಕನಿ॑ಕ್ರದತ್ . ದ್ಯು॒ಮಂತಂ॒ ಶುಷ್ಮ॑ಮುತ್ತ॒ಮಂ ..
ಇಂದು॑ರ್ಹಿನ್ವಾ॒ನೋ ಅ॑ರ್ಷತಿ ತಿ॒ರೋ ವಾರಾ॑ಣ್ಯ॒ವ್ಯಯಾ॑ . ಹರಿ॒ರ್ವಾಜ॑ಮಚಿಕ್ರದತ್ ..
ಇಂದೋ॒ ವ್ಯವ್ಯ॑ಮರ್ಷಸಿ॒ ವಿ ಶ್ರವಾಂ॑ಸಿ॒ ವಿ ಸೌಭ॑ಗಾ . ವಿ ವಾಜಾಂ॑ತ್ಸೋಮ॒ ಗೋಮ॑ತಃ ..
ಆ ನ॑ ಇಂದೋ ಶತ॒ಗ್ವಿನಂ॑ ರ॒ಯಿಂ ಗೋಮಂ॑ತಮ॒ಶ್ವಿನಂ॑ . ಭರಾ॑ ಸೋಮ ಸಹ॒ಸ್ರಿಣಂ॑ ..
ಪವ॑ಮಾನಾಸ॒ ಇಂದ॑ವಸ್ತಿ॒ರಃ ಪ॒ವಿತ್ರ॑ಮಾ॒ಶವಃ॑ . ಇಂದ್ರಂ॒ ಯಾಮೇ॑ಭಿರಾಶತ ..
ಕ॒ಕು॒ಹಃ ಸೋ॒ಮ್ಯೋ ರಸ॒ ಇಂದು॒ರಿಂದ್ರಾ॑ಯ ಪೂ॒ರ್ವ್ಯಃ . ಆ॒ಯುಃ ಪ॑ವತ ಆ॒ಯವೇ॑ ..
ಹಿ॒ನ್ವಂತಿ॒ ಸೂರ॒ಮುಸ್ರ॑ಯಃ॒ ಪವ॑ಮಾನಂ ಮಧು॒ಶ್ಚುತಂ॑ . ಅ॒ಭಿ ಗಿ॒ರಾ ಸಮ॑ಸ್ವರನ್ ..
ಅ॒ವಿ॒ತಾ ನೋ॑ ಅ॒ಜಾಶ್ವಃ॑ ಪೂ॒ಷಾ ಯಾಮ॑ನಿಯಾಮನಿ . ಆ ಭ॑ಕ್ಷತ್ಕ॒ನ್ಯಾ॑ಸು ನಃ ..
ಅ॒ಯಂ ಸೋಮಃ॑ ಕಪ॒ರ್ದಿನೇ॑ ಘೃ॒ತಂ ನ ಪ॑ವತೇ॒ ಮಧು॑ . ಆ ಭ॑ಕ್ಷತ್ಕ॒ನ್ಯಾ॑ಸು ನಃ ..
ಅ॒ಯಂ ತ॑ ಆಘೃಣೇ ಸು॒ತೋ ಘೃ॒ತಂ ನ ಪ॑ವತೇ॒ ಶುಚಿ॑ . ಆ ಭ॑ಕ್ಷತ್ಕ॒ನ್ಯಾ॑ಸು ನಃ ..
ವಾ॒ಚೋ ಜಂ॒ತುಃ ಕ॑ವೀ॒ನಾಂ ಪವ॑ಸ್ವ ಸೋಮ॒ ಧಾರ॑ಯಾ . ದೇ॒ವೇಷು॑ ರತ್ನ॒ಧಾ ಅ॑ಸಿ ..
ಆ ಕ॒ಲಶೇ॑ಷು ಧಾವತಿ ಶ್ಯೇ॒ನೋ ವರ್ಮ॒ ವಿ ಗಾ॑ಹತೇ . ಅ॒ಭಿ ದ್ರೋಣಾ॒ ಕನಿ॑ಕ್ರದತ್ ..
ಪರಿ॒ ಪ್ರ ಸೋ॑ಮ ತೇ॒ ರಸೋಽಸ॑ರ್ಜಿ ಕ॒ಲಶೇ॑ ಸು॒ತಃ . ಶ್ಯೇ॒ನೋ ನ ತ॒ಕ್ತೋ ಅ॑ರ್ಷತಿ ..
ಪವ॑ಸ್ವ ಸೋಮ ಮಂ॒ದಯ॒ನ್ನಿಂದ್ರಾ॑ಯ॒ ಮಧು॑ಮತ್ತಮಃ ..
ಅಸೃ॑ಗ್ರಂದೇ॒ವವೀ॑ತಯೇ ವಾಜ॒ಯಂತೋ॒ ರಥಾ॑ ಇವ ..
ತೇ ಸು॒ತಾಸೋ॑ ಮ॒ದಿಂತ॑ಮಾಃ ಶು॒ಕ್ರಾ ವಾ॒ಯುಮ॑ಸೃಕ್ಷತ ..
ಗ್ರಾವ್ಣಾ॑ ತು॒ನ್ನೋ ಅ॒ಭಿಷ್ಟು॑ತಃ ಪ॒ವಿತ್ರಂ॑ ಸೋಮ ಗಚ್ಛಸಿ . ದಧ॑ತ್ಸ್ತೋ॒ತ್ರೇ ಸು॒ವೀರ್ಯಂ॑ ..
ಏ॒ಷ ತು॒ನ್ನೋ ಅ॒ಭಿಷ್ಟು॑ತಃ ಪ॒ವಿತ್ರ॒ಮತಿ॑ ಗಾಹತೇ . ರ॒ಕ್ಷೋ॒ಹಾ ವಾರ॑ಮ॒ವ್ಯಯಂ॑ ..
ಯದಂತಿ॒ ಯಚ್ಚ॑ ದೂರ॒ಕೇ ಭ॒ಯಂ ವಿಂ॒ದತಿ॒ ಮಾಮಿ॒ಹ . ಪವ॑ಮಾನ॒ ವಿ ತಜ್ಜ॑ಹಿ ..
ಪವ॑ಮಾನಃ॒ ಸೋ ಅ॒ದ್ಯ ನಃ॑ ಪ॒ವಿತ್ರೇ॑ಣ॒ ವಿಚ॑ರ್ಷಣಿಃ . ಯಃ ಪೋ॒ತಾ ಸ ಪು॑ನಾತು ನಃ ..
ಯತ್ತೇ॑ ಪ॒ವಿತ್ರ॑ಮ॒ರ್ಚಿಷ್ಯಗ್ನೇ॒ ವಿತ॑ತಮಂ॒ತರಾ . ಬ್ರಹ್ಮ॒ ತೇನ॑ ಪುನೀಹಿ ನಃ ..
ಯತ್ತೇ॑ ಪ॒ವಿತ್ರ॑ಮರ್ಚಿ॒ವದಗ್ನೇ॒ ತೇನ॑ ಪುನೀಹಿ ನಃ . ಬ್ರ॒ಹ್ಮ॒ಸ॒ವೈಃ ಪು॑ನೀಹಿ ನಃ ..
ಉ॒ಭಾಭ್ಯಾಂ॑ ದೇವ ಸವಿತಃ ಪ॒ವಿತ್ರೇ॑ಣ ಸ॒ವೇನ॑ ಚ . ಮಾಂ ಪು॑ನೀಹಿ ವಿ॒ಶ್ವತಃ॑ ..
ತ್ರಿ॒ಭಿಷ್ಟ್ವಂ ದೇ॑ವ ಸವಿತ॒ರ್ವರ್ಷಿ॑ಷ್ಠೈಃ ಸೋಮ॒ ಧಾಮ॑ಭಿಃ . ಅಗ್ನೇ॒ ದಕ್ಷೈಃ॑ ಪುನೀಹಿ ನಃ ..
ಪು॒ನಂತು॒ ಮಾಂ ದೇ॑ವಜ॒ನಾಃ ಪು॒ನಂತು॒ ವಸ॑ವೋ ಧಿ॒ಯಾ . ವಿಶ್ವೇ॑ ದೇವಾಃ ಪುನೀ॒ತ ಮಾ॒ ಜಾತ॑ವೇದಃ ಪುನೀ॒ಹಿ ಮಾ॑ ..
ಪ್ರ ಪ್ಯಾ॑ಯಸ್ವ॒ ಪ್ರ ಸ್ಯಂ॑ದಸ್ವ॒ ಸೋಮ॒ ವಿಶ್ವೇ॑ಭಿರಂ॒ಶುಭಿಃ॑ . ದೇ॒ವೇಭ್ಯ॑ ಉತ್ತ॒ಮಂ ಹ॒ವಿಃ ..
ಉಪ॑ ಪ್ರಿ॒ಯಂ ಪನಿ॑ಪ್ನತಂ॒ ಯುವಾ॑ನಮಾಹುತೀ॒ವೃಧಂ॑ . ಅಗ॑ನ್ಮ॒ ಬಿಭ್ರ॑ತೋ॒ ನಮಃ॑ ..
ಅ॒ಲಾಯ್ಯ॑ಸ್ಯ ಪರ॒ಶುರ್ನ॑ನಾಶ॒ ತಮಾ ಪ॑ವಸ್ವ ದೇವ ಸೋಮ . ಆ॒ಖುಂ ಚಿ॑ದೇ॒ವ ದೇ॑ವ ಸೋಮ ..
ಯಃ ಪಾ॑ವಮಾ॒ನೀರ॒ಧ್ಯೇತ್ಯೃಷಿ॑ಭಿಃ॒ ಸಂಭೃ॑ತಂ॒ ರಸಂ॑ . ಸರ್ವಂ॒ ಸ ಪೂ॒ತಮ॑ಶ್ನಾತಿ ಸ್ವದಿ॒ತಂ ಮಾ॑ತ॒ರಿಶ್ವ॑ನಾ ..
ಪಾ॒ವ॒ಮಾ॒ನೀರ್ಯೋ ಅ॒ಧ್ಯೇತ್ಯೃಷಿ॑ಭಿಃ॒ ಸಂಭೃ॑ತಂ॒ ರಸಂ॑ . ತಸ್ಮೈ॒ ಸರ॑ಸ್ವತೀ ದುಹೇ ಕ್ಷೀ॒ರಂ ಸ॒ರ್ಪಿರ್ಮಧೂ॑ದ॒ಕಂ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೯, ೬೭ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೭, ಅಧ್ಯಾಯ ೨, ೧೮ ವರ್ಗಾನಂತರಂ]ಪಾವಮಾನೀಃ
ಪಾ॒ವ॒ಮಾ॒ನೀ. ಸ್ಸ್ವ॒ಸ್ತ್ಯಯ॑ನೀ.-ಸ್ಸು॒ದುಘಾ॒ ಹಿ ಘೃ॑ತ॒ಶ್ಚುತಃ॑. ಋಷಿ॑ಭಿ॒. ಸ್ಸಂಭೃ॑ತೋ॒ ರಸೋ॑- ಬ್ರಾಹ್ಮ॒ಣೇ.ಷ್ವ॒ಮೃತಂ॑ ಹಿ॒ತಂ..
ಪಾ॒ವ॒ಮಾ॒ನೀ. ರ್ದಿ॑ಶಂತು ನ ಇ॒ಮಂ ಲೋ॒ಕ. ಮಥೋ॑, ಅ॒ಮುಂ. ಕಾಮಾ॒. ನ್ತ್ಸಮ॑ರ್ಧಯಂತು ನೋ-ದೇ॒ವೀ. ರ್ದೇ॒ವೈ. ಸ್ಸ॒ಮಾಹಿ॑ತಾಃ..
ಯೇನ॑ ದೇ॒ವಾಃ ಪ॒ವಿತ್ರೇ॑ಣಾ॒-ಽಽತ್ಮಾನಂ॑ ಪು॒ನತೇ॒ ಸದಾ॑. ತೇನ॑ ಸ॒ಹಸ್ರ॑ಧಾರೇಣ- ಪಾವಮಾ॒ನ್ಯಃ ಪು॑ನಂತು ಮಾಂ..
ಪ್ರಾ॒ಜಾ॒ಪ॒ತ್ಯಂ ಪ॒ವಿತ್ರಂ॑- ಶ॒ತೋದ್ಯಾ॑ಮಂ ಹಿರ॒ಣ್ಮಯಂ॑. ತೇನ॑ ಬ್ರಹ್ಮ॒ವಿದೋ॑ ವ॒ಯಂ- ಪೂ॒ತಂ ಬ್ರಹ್ಮ॑ ಪುನೀಮಹೇ..
ಇಂದ್ರ॑. ಸ್ಸುನೀ॒ತೀ ಸ॒ಹ ಮಾ॑ ಪುನಾತು॒- ಸೋಮ॑. ಸ್ಸ್ವ॒ಸ್ತ್ಯಾ ವರು॑ಣ. ಸ್ಸ॒ಮೀಚ್ಯಾ॑. ಯ॒ಮೋ ರಾಜಾ॑ ಪ್ರಮೃ॒ಣಾಭಿ॑: ಪುನಾತು ಮಾ- ಜಾ॒ತವೇ॑ದಾ ಮೂ॒ರ್ಜಯಂ॑ತ್ಯಾ ಪುನಾತು..
ಋ॒ಷ॒ಯ॒.ಸ್ತು ತ॑ಪ.ಸ್ತೇ॒ಪು॒.-ಸ್ಸ॒ರ್ವೇ ಸ್ವ॑ರ್ಗಜಿ॒ಗೀಷ॑ವಃ. ತ॒ಪ॒ಸ॒.ಸ್ತ॒ಪ॒ಸೋ॒ಽಗ್ರಿಯ॑.ನ್ತು-ಪಾ॒ವಮಾ॑ನೀರ್ ಋ॒ಚೋಽಬ್ರು॑ವನ್ನ್..
ಯ.ನ್ಮೇ॒ ಗರ್ಭೇ॒ ವಸ॑ತಃ ಪಾ॒ಪ. ಮು॒ಗ್ರಂ- ಯ.ಜ್ಜಾ॑ಯಮಾ॒ನಸ್ಯ॑ ಚ॒ ಕಿಂಚಿ॑.ದನ್ಯತ್. ಜಾ॒ತಸ್ಯ॑ ಚ॒ ಯ.ಚ್ಚಾ॑ಽಪಿ ಚ॒ ವರ್ಧ॑ತೋ ಮೇ॒- ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಮಾ॒ತಾ॒ಪಿ॒ತ್ರೋ.ರ್ಯ॒.ನ್ನ ಕೃ॑ತಂ॒ ವಚೋ॑ ಮೇ॒- ಯ.ತ್ಸ್ಥಾ॑ವ॒ರ.ಞ್ಜಂ॒ಗಮ॑. ಮಾಬ॒ಭೂವ॑. ವಿಶ್ವ॑ಸ್ಯ॒ ತತ್ಪ್ರ॑ಹೃಷಿ॒ತಂ ವಚೋ॑ ಮೇ॒- ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಗೋಘ್ನಾ॒. ತ್ತಸ್ಕ॑ರತ್ವಾ॒-ತ್ಸ್ತ್ರೀವ॑ಧಾ॒. ದ್ಯಚ್ಚ॒ ಕಿಲ್ಬಿ॑ಷಂ. ಪಾ॒ಪ॒ಕಂಚ॒ ಚರ॑ಣೇಭ್ಯ॒.- ಸ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಬ್ರಹ್ಮ॑ವಧಾ॒. ತ್ಸುರಾ॑ಪಾನಾ॒.ತ್ಸ್ವ॑ರ್ಣಸ್ತೇಯಾ॒-ದ್ವೃಷ॑ಲಿ ಗಮನ ಮೈಥುನ ಸಂಗ॒ಮಾತ್. ಗು॒ರೋ॒.ರ್ದಾ॒ರಾಽಧಿ॒ಗಮ॑ನಾ.ಚ್ಚ॒- ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಬಾಲ॑ಘ್ನಾ॒. ನ್ಮಾತೃ॑ಪಿತೃವಧಾ॒. ದ್ಭೂಮಿ॑ತಸ್ಕರಾ॒-ತ್ಸರ್ವ॑ವರ್ಣ ಗಮನಮೈಥುನ ಸಂಗ॒ಮಾತ್. ಪಾ॒ಪೇಭ್ಯ॑ಶ್ಚ ಪ್ರ॒ತಿಗ್ರ॑ಹಾ॒.-ತ್ಸದ್ಯ॑: ಪ್ರಹರತಿ॒ ಸರ್ವ॑ದುಷ್ಕೃತ॒-ನ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಕ್ರಯ॑ವಿಕ್ರಯಾ॒. ದ್ಯೋನಿ॑ದೋಷಾ॒.-ದ್ಭಕ್ಷಾ॒. ದ್ಭೋಜ್ಯಾ॑. ತ್ಪ್ರ॒ತಿಗ್ರ॑ಹಾತ್. ಅ॒ಸಂ॒ಭೋ॒ಜ॒ನಾ.ಚ್ಚಾ॑ಽಪಿ ನೃ॒ಶಂಸ॒.-ನ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ದುರ್ಯ॑ಷ್ಟ॒. ನ್ದುರ॑ಧೀತಂ॒ ಪಾಪಂ॒- ಯಚ್ಚಾ॑ಜ್ಞಾನ॒ತೋಽಕೃ॑ತಂ. ಅ॒ಯಾ॒ಜಿ॒ತಾಶ್ಚಾ॒ಽಸಂಯಾ॑ಜ್ಯಾ॒.-ಸ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಅ॒ಮಂ॒ತ್ರ॒.ಮನ್ನಂ॑ ಯತ್ಕಿಂ॒ಚಿ॒.-ದ್ಧೂ॒ಯತೇ॑ ಚ ಹು॒ತಾಶ॑ನೇ. ಸಂ॒ವ॒ತ್ಸ॒ರಕೃ॑ತಂ ಪಾಪ॒-.ನ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಋ॒ತಸ್ಯ॒ ಯೋನ॑ಯೋಽಮೃ॒ತಸ್ಯ॒ ಧಾಮ॒- ವಿಶ್ವಾ॑ ದೇ॒ವೇಭ್ಯ॒: ಪುಣ್ಯ॑ಗಂಧಾಃ. ತಾ॒ ನ॒ ಆಪ॒: ಪ್ರ ವಹಂ॑ತು ಪಾ॒ಪಂ॒- ಶು॒ದ್ಧಾ ಗ॑ಚ್ಛಾಮಿ ಸು॒ಕೃತಾ॑.ಮು ಲೋ॒ಕ- ನ್ತತ್ಪಾ॑ವಮಾ॒ನೀಭಿ॑. ರ॒ಹಂ ಪು॑ನಾಮಿ..
ಪಾ॒ವ॒ಮಾ॒ನೀ. ಸ್ಸ್ವ॒ಸ್ತ್ಯಯ॑ನೀ॒.-ರ್ಯಾಭಿ॑. ರ್ಗಚ್ಛತಿ ನಾಂದ॒ನಂ. ಪುಣ್ಯಾಂ॑ಶ್ಚ ಭ॒ಕ್ಷಾ. ನ್ಭ॑ಕ್ಷಯ-ತ್ಯಮೃತ॒ತ್ವ.ಞ್ಚ॑ ಗಚ್ಛತಿ..
ಪಾ॒ವ॒ಮಾ॒ನೀಃ ಪಿ॒ತೄ.ನ್ದೇ॒ವಾ.-ನ್ಧ್ಯಾ॒ಯೇ. ದ್ಯ॑ಶ್ಚ ಸ॒ರಸ್ವ॑ತೀಂ. ಪಿತೄಂ॑.ಸ್ತ॒ಸ್ಯೋಪ॑ ವರ್ತೇ॒ತ॒- ಕ್ಷೀ॒ರಂ ಸ॒ರ್ಪಿ. ರ್ಮಧೂ॑ದ॒ಕಂ..
ಪಾ॒ವ॒ಮಾ॒ನಂ ಪ॑ರಂ ಬ್ರ॒ಹ್ಮ॒- ಶು॒ಕ್ರ.ಞ್ಜ್ಯೋ॑ತಿ. ಸ್ಸ॒ನಾತ॑ನಂ. ಋಷೀಂ॑.ಸ್ತ॒ಸ್ಯೋಪ॑ ತಿಷ್ಠೇ॒ತ॒- ಕ್ಷೀ॒ರಂ ಸ॒ರ್ಪಿ. ರ್ಮ.ಧೂ॑ದ॒ಕಂ..
ಪಾ॒ವ॒ಮಾ॒ನಂ ಪ॑ರಂ ಬ್ರ॒ಹ್ಮ॒- ಯೇ॒ ಪಠಂ॑ತಿ ಮ॒ನೀಷಿ॑ಣಃ. ಸಪ್ತ॑ಜ॒ನ್ಮ ಭ॑ವೇ.ದ್ವಿ॒ಪ್ರೋ॒- ಧ॒ನಾಢ್ಯೋ॑ ವೇದ॒ಪಾರ॑ಗಃ..
ದಶೋ॑ತ್ತ॒ರಾ.ಣ್ಯೃ॑ಚಾಂ.ಶ್ಚೈ॒ವ॒- ಪಾ॒ವಮಾ॑ನೀ. ಶ್ಶ॒ತಾನಿ॑ ಷಟ್. ಏ॒ತ॒ಜ್ಜು॒ಹ್ವ॒.ನ್ಜ॒ಪೇ॒. ನ್ಮಂತ್ರ॑-ಙ್ಘೋ॒ರಮೃ॑ತ್ಯುಭ॒ಯಂ ಹ॑ರೇತ್..
ಏ॒ತ.ತ್ಪು॒ಣ್ಯಂ ಪಾ॑ಪಹ॒ರಂ- ರೋ॒ಗ.ಮೃ॑ತ್ಯು.ಭ॒ಯಾಪ॑ಹಂ. ಪಠ॑ತಾಂ॒. ಶೃಣ್ವ॑ತಾ.ಞ್ಚೈ॒ವ॒- ದ॒ದಾತಿ॑ ಪರ॒ಮಾ.ಙ್ಗ॑ತಿಂ..
ಮಮಾಗ್ನಇತಿ ನವರ್ಚಸ್ಯ ಸೂಕ್ತಸ್ಯಾಂಗಿರಸೋವಿಹವ್ಯೋ ವಿಶ್ವೇದೇವಾಸ್ತ್ರಿಷ್ಟುಬಂತ್ಯಾಜಗತೀ .
ಮಮಾ॑ಗ್ನೇ॒ ವರ್ಚೋ॑ ವಿಹ॒ವೇಷ್ವ॑ಸ್ತು ವ॒ಯಂ ತ್ವೇಂಧಾ॑ನಾಸ್ತ॒ನ್ವಂ॑ ಪುಷೇಮ . ಮಹ್ಯಂ॑ ನಮಂತಾಂ ಪ್ರ॒ದಿಶ॒ಶ್ಚತ॑ಸ್ರ॒ಸ್ತ್ವಯಾಧ್ಯ॑ಕ್ಷೇಣ॒ ಪೃತ॑ನಾ ಜಯೇಮ ..
ಮಮ॑ ದೇ॒ವಾ ವಿ॑ಹ॒ವೇ ಸಂ॑ತು॒ ಸರ್ವ॒ ಇಂದ್ರ॑ವಂತೋ ಮ॒ರುತೋ॒ ವಿಷ್ಣು॑ರ॒ಗ್ನಿಃ . ಮಮಾಂ॒ತರಿ॑ಕ್ಷಮು॒ರುಲೋ॑ಕಮಸ್ತು॒ ಮಹ್ಯಂ॒ ವಾತಃ॑ ಪವತಾಂ॒ ಕಾಮೇ॑ ಅ॒ಸ್ಮಿನ್ ..
ಮಯಿ॑ ದೇ॒ವಾ ದ್ರವಿ॑ಣ॒ಮಾ ಯ॑ಜಂತಾಂ॒ ಮಯ್ಯಾ॒ಶೀರ॑ಸ್ತು॒ ಮಯಿ॑ ದೇ॒ವಹೂ॑ತಿಃ . ದೈವ್ಯಾ॒ ಹೋತಾ॑ರೋ ವನುಷಂತ॒ ಪೂರ್ವೇಽರಿ॑ಷ್ಟಾಃ ಸ್ಯಾಮ ತ॒ನ್ವಾ॑ ಸು॒ವೀರಾಃ॑ ..
ಮಹ್ಯಂ॑ ಯಜಂತು॒ ಮಮ॒ ಯಾನಿ॑ ಹ॒ವ್ಯಾಕೂ॑ತಿಃ ಸ॒ತ್ಯಾ ಮನ॑ಸೋ ಮೇ ಅಸ್ತು . ಏನೋ॒ ಮಾ ನಿ ಗಾಂ॑ ಕತ॒ಮಚ್ಚ॒ನಾಹಂ ವಿಶ್ವೇ॑ ದೇವಾಸೋ॒ ಅಧಿ॑ ವೋಚತಾ ನಃ ..
ದೇವೀಃ॑ ಷಳುರ್ವೀರು॒ರು ನಃ॑ ಕೃಣೋತ॒ ವಿಶ್ವೇ॑ ದೇವಾಸ ಇ॒ಹ ವೀ॑ರಯಧ್ವಂ . ಮಾ ಹಾ॑ಸ್ಮಹಿ ಪ್ರ॒ಜಯಾ॒ ಮಾ ತ॒ನೂಭಿ॒ರ್ಮಾ ರ॑ಧಾಮ ದ್ವಿಷ॒ತೇ ಸೋ॑ಮ ರಾಜನ್ ..
ಅಗ್ನೇ॑ ಮ॒ನ್ಯುಂ ಪ್ರ॑ತಿನು॒ದನ್ಪರೇ॑ಷಾ॒ಮದ॑ಬ್ಧೋ ಗೋ॒ಪಾಃ ಪರಿ॑ ಪಾಹಿ ನ॒ಸ್ತ್ವಂ . ಪ್ರ॒ತ್ಯಂಚೋ॑ ಯಂತು ನಿ॒ಗುತಃ॒ ಪುನ॒ಸ್ತೇ॒೩॒॑ಽಮೈಷಾಂ॑ ಚಿ॒ತ್ತಂ ಪ್ರ॒ಬುಧಾಂ॒ ವಿ ನೇ॑ಶತ್ ..
ಧಾ॒ತಾ ಧಾ॑ತೄ॒ಣಾಂ ಭುವ॑ನಸ್ಯ॒ ಯಸ್ಪತಿ॑ರ್ದೇ॒ವಂ ತ್ರಾ॒ತಾರ॑ಮಭಿಮಾತಿಷಾ॒ಹಂ . ಇ॒ಮಂ ಯ॒ಜ್ಞಮ॒ಶ್ವಿನೋ॒ಭಾ ಬೃಹ॒ಸ್ಪತಿ॑ರ್ದೇ॒ವಾಃ ಪಾಂ॑ತು॒ ಯಜ॑ಮಾನಂ ನ್ಯ॒ರ್ಥಾತ್ ..
ಉ॒ರು॒ವ್ಯಚಾ॑ ನೋ ಮಹಿ॒ಷಃ ಶರ್ಮ॑ ಯಂಸದ॒ಸ್ಮಿನ್ಹವೇ॑ ಪುರುಹೂ॒ತಃ ಪು॑ರು॒ಕ್ಷುಃ . ಸ ನಃ॑ ಪ್ರ॒ಜಾಯೈ॑ ಹರ್ಯಶ್ವ ಮೃಳ॒ಯೇಂದ್ರ॒ ಮಾ ನೋ॑ ರೀರಿಷೋ॒ ಮಾ ಪರಾ॑ ದಾಃ ..
ಯೇ ನಃ॑ ಸ॒ಪತ್ನಾ॒ ಅಪ॒ ತೇ ಭ॑ವಂತ್ವಿಂದ್ರಾ॒ಗ್ನಿಭ್ಯಾ॒ಮವ॑ ಬಾಧಾಮಹೇ॒ ತಾನ್ . ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಉ॑ಪರಿ॒ಸ್ಪೃಶಂ॑ ಮೋ॒ಗ್ರಂ ಚೇತ್ತಾ॑ರಮಧಿರಾ॒ಜಮ॑ಕ್ರನ್ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦.೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ಅ॒ರ್ವಾಂಚ॒. ಮಿಂದ್ರ॑. ಮ॒ಮುತೋ॑ ಹವಾಮಹೇ॒- ಯೋ ಗೋ॒ಜಿ. ದ್ಧ॑ನ॒ಜಿ. ದ॑ಶ್ವ॒ಜಿ.ದ್ಯಃ. ಇ॒ಮ.ನ್ನೋ॑ ಹ॒ವ್ಯಂ ವಿ॑ಹ॒ವೇ ಜು॑ಷಸ್ವಾ॒-ಽಸ್ಯ ಕು॑ಲ್ಮೋ ಹರಿವೋ ಮೇ॒ದಿನ॑.ನ್ತ್ವಾ..
ಸಮುದ್ರಾದೂರ್ಮಿರಿತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಗೌತಮೋವಾಮದೇವೋಗ್ನಿಸ್ತ್ರಿಷ್ಟುಬಂತ್ಯಾಜಗತೀ . (ಸೂರ್ಯೋವಾಪೋವಾಗಾವೋವಾಘೃತಸ್ತುತಿರ್ವಾದೇವತಾ) .
ಸ॒ಮು॒ದ್ರಾದೂ॒ರ್ಮಿರ್ಮಧು॑ಮಾಁ॒ ಉದಾ॑ರ॒ದುಪಾಂ॒ಶುನಾ॒ ಸಮ॑ಮೃತ॒ತ್ವಮಾ॑ನಟ್ . ಘೃ॒ತಸ್ಯ॒ ನಾಮ॒ ಗುಹ್ಯಂ॒ ಯದಸ್ತಿ॑ ಜಿ॒ಹ್ವಾ ದೇ॒ವಾನಾ॑ಮ॒ಮೃತ॑ಸ್ಯ॒ ನಾಭಿಃ॑ ..
ವ॒ಯಂ ನಾಮ॒ ಪ್ರ ಬ್ರ॑ವಾಮಾ ಘೃ॒ತಸ್ಯಾ॒ಸ್ಮಿನ್ಯ॒ಜ್ಞೇ ಧಾ॑ರಯಾಮಾ॒ ನಮೋ॑ಭಿಃ . ಉಪ॑ ಬ್ರ॒ಹ್ಮಾ ಶೃ॑ಣವಚ್ಛ॒ಸ್ಯಮಾ॑ನಂ॒ ಚತುಃ॑ಶೃಂಗೋಽವಮೀದ್ಗೌ॒ರ ಏ॒ತತ್ ..
ಚ॒ತ್ವಾರಿ॒ ಶೃಂಗಾ॒ ತ್ರಯೋ॑ ಅಸ್ಯ॒ ಪಾದಾ॒ ದ್ವೇ ಶೀ॒ರ್ಷೇ ಸ॒ಪ್ತ ಹಸ್ತಾ॑ಸೋ ಅಸ್ಯ . ತ್ರಿಧಾ॑ ಬ॒ದ್ಧೋ ವೃ॑ಷ॒ಭೋ ರೋ॑ರವೀತಿ ಮ॒ಹೋ ದೇ॒ವೋ ಮರ್ತ್ಯಾಁ॒ ಆ ವಿ॑ವೇಶ ..
ತ್ರಿಧಾ॑ ಹಿ॒ತಂ ಪ॒ಣಿಭಿ॑ರ್ಗು॒ಹ್ಯಮಾ॑ನಂ॒ ಗವಿ॑ ದೇ॒ವಾಸೋ॑ ಘೃ॒ತಮನ್ವ॑ವಿಂದನ್ . ಇಂದ್ರ॒ ಏಕಂ॒ ಸೂರ್ಯ॒ ಏಕಂ॑ ಜಜಾನ ವೇ॒ನಾದೇಕಂ॑ ಸ್ವ॒ಧಯಾ॒ ನಿಷ್ಟ॑ತಕ್ಷುಃ ..
ಏ॒ತಾ ಅ॑ರ್ಷಂತಿ॒ ಹೃದ್ಯಾ॑ತ್ಸಮು॒ದ್ರಾಚ್ಛ॒ತವ್ರ॑ಜಾ ರಿ॒ಪುಣಾ॒ ನಾವ॒ಚಕ್ಷೇ॑ . ಘೃ॒ತಸ್ಯ॒ ಧಾರಾ॑ ಅ॒ಭಿ ಚಾ॑ಕಶೀಮಿ ಹಿರ॒ಣ್ಯಯೋ॑ ವೇತ॒ಸೋ ಮಧ್ಯ॑ ಆಸಾಂ ..
ಸ॒ಮ್ಯಕ್ಸ್ರ॑ವಂತಿ ಸ॒ರಿತೋ॒ ನ ಧೇನಾ॑ ಅಂ॒ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ . ಏ॒ತೇ ಅ॑ರ್ಷಂತ್ಯೂ॒ರ್ಮಯೋ॑ ಘೃ॒ತಸ್ಯ॑ ಮೃ॒ಗಾ ಇ॑ವ ಕ್ಷಿಪ॒ಣೋರೀಷ॑ಮಾಣಾಃ ..
ಸಿಂಧೋ॑ರಿವ ಪ್ರಾಧ್ವ॒ನೇ ಶೂ॑ಘ॒ನಾಸೋ॒ ವಾತ॑ಪ್ರಮಿಯಃ ಪತಯಂತಿ ಯ॒ಹ್ವಾಃ . ಘೃ॒ತಸ್ಯ॒ ಧಾರಾ॑ ಅರು॒ಷೋ ನ ವಾ॒ಜೀ ಕಾಷ್ಠಾ॑ ಭಿಂ॒ದನ್ನೂ॒ರ್ಮಿಭಿಃ॒ ಪಿನ್ವ॑ಮಾನಃ ..
ಅ॒ಭಿ ಪ್ರ॑ವಂತ॒ ಸಮ॑ನೇವ॒ ಯೋಷಾಃ॑ ಕಲ್ಯಾ॒ಣ್ಯ೧॒॑ಃ ಸ್ಮಯ॑ಮಾನಾಸೋ ಅ॒ಗ್ನಿಂ . ಘೃ॒ತಸ್ಯ॒ ಧಾರಾಃ॑ ಸ॒ಮಿಧೋ॑ ನಸಂತ॒ ತಾ ಜು॑ಷಾ॒ಣೋ ಹ॑ರ್ಯತಿ ಜಾ॒ತವೇ॑ದಾಃ ..
ಕ॒ನ್ಯಾ॑ ಇವ ವಹ॒ತುಮೇತ॒ವಾ ಉ॑ ಅಂ॒ಜ್ಯಂ॑ಜಾ॒ನಾ ಅ॒ಭಿ ಚಾ॑ಕಶೀಮಿ . ಯತ್ರ॒ ಸೋಮಃ॑ ಸೂ॒ಯತೇ॒ ಯತ್ರ॑ ಯ॒ಜ್ಞೋ ಘೃ॒ತಸ್ಯ॒ ಧಾರಾ॑ ಅ॒ಭಿ ತತ್ಪ॑ವಂತೇ ..
ಅ॒ಭ್ಯ॑ರ್ಷತ ಸುಷ್ಟು॒ತಿಂ ಗವ್ಯ॑ಮಾ॒ಜಿಮ॒ಸ್ಮಾಸು॑ ಭ॒ದ್ರಾ ದ್ರವಿ॑ಣಾನಿ ಧತ್ತ . ಇ॒ಮಂ ಯ॒ಜ್ಞಂ ನ॑ಯತ ದೇ॒ವತಾ॑ ನೋ ಘೃ॒ತಸ್ಯ॒ ಧಾರಾ॒ ಮಧು॑ಮತ್ಪವಂತೇ ..
ಧಾಮಂ॑ತೇ॒ ವಿಶ್ವಂ॒ ಭುವ॑ನ॒ಮಧಿ॑ ಶ್ರಿ॒ತಮಂ॒ತಃ ಸ॑ಮು॒ದ್ರೇ ಹೃ॒ದ್ಯ೧॒॑ನ್ತರಾಯು॑ಷಿ . ಅ॒ಪಾಮನೀ॑ಕೇ ಸಮಿ॒ಥೇ ಯ ಆಭೃ॑ತ॒ಸ್ತಮ॑ಶ್ಯಾಮ॒ ಮಧು॑ಮಂತಂ ತ ಊ॒ರ್ಮಿಂ ..
ನತಮಿತ್ಯಷ್ಟರ್ಚಸ್ಯ ಸೂಕ್ತಸ್ಯ ಶೈಲೂಷಿಃ ಕುಲ್ಮಲಬರ್ಹಿಷೋ ವಿಶ್ವೇದೇವಾಉಪರಿಷ್ಟಾದ್ಬೃಹತ್ಯಂತ್ಯಾತ್ರಿಷ್ಟುಪ್ . (ಅತ್ರವಾಮದೇವ್ಯಹೋಮುಕ್ಪಾಕ್ಷಿಕಋಷಿಃ . ಕುಲ್ಮಲಬರ್ಹಿಷಇತ್ಯದಂತಂ ಪ್ರಾತಿಪದಿಕಂ) .
ನ ತಮಂಹೋ॒ ನ ದು॑ರಿ॒ತಂ ದೇವಾ॑ಸೋ ಅಷ್ಟ॒ ಮರ್ತ್ಯಂ॑ . ಸ॒ಜೋಷ॑ಸೋ॒ ಯಮ॑ರ್ಯ॒ಮಾ ಮಿ॒ತ್ರೋ ನಯಂ॑ತಿ॒ ವರು॑ಣೋ॒ ಅತಿ॒ ದ್ವಿಷಃ॑ ..
ತದ್ಧಿ ವ॒ಯಂ ವೃ॑ಣೀ॒ಮಹೇ॒ ವರು॑ಣ॒ ಮಿತ್ರಾರ್ಯ॑ಮನ್ . ಯೇನಾ॒ ನಿರಂಹ॑ಸೋ ಯೂ॒ಯಂ ಪಾ॒ಥ ನೇ॒ಥಾ ಚ॒ ಮರ್ತ್ಯ॒ಮತಿ॒ ದ್ವಿಷಃ॑ ..
ತೇ ನೂ॒ನಂ ನೋ॒ಽಯಮೂ॒ತಯೇ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ . ನಯಿ॑ಷ್ಠಾ ಉ ನೋ ನೇ॒ಷಣಿ॒ ಪರ್ಷಿ॑ಷ್ಠಾ ಉ ನಃ ಪ॒ರ್ಷಣ್ಯತಿ॒ ದ್ವಿಷಃ॑ ..
ಯೂ॒ಯಂ ವಿಶ್ವಂ॒ ಪರಿ॑ ಪಾಥ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ . ಯು॒ಷ್ಮಾಕಂ॒ ಶರ್ಮ॑ಣಿ ಪ್ರಿ॒ಯೇ ಸ್ಯಾಮ॑ ಸುಪ್ರಣೀತ॒ಯೋಽತಿ॒ ದ್ವಿಷಃ॑ ..
ಆ॒ದಿ॒ತ್ಯಾಸೋ॒ ಅತಿ॒ ಸ್ರಿಧೋ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ . ಉ॒ಗ್ರಂ ಮ॒ರುದ್ಭೀ॑ ರು॒ದ್ರಂ ಹು॑ವೇ॒ಮೇಂದ್ರ॑ಮ॒ಗ್ನಿಂ ಸ್ವ॒ಸ್ತಯೇಽತಿ॒ ದ್ವಿಷಃ॑ ..
ನೇತಾ॑ರ ಊ॒ ಷು ಣ॑ಸ್ತಿ॒ರೋ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ . ಅತಿ॒ ವಿಶ್ವಾ॑ನಿ ದುರಿ॒ತಾ ರಾಜಾ॑ನಶ್ಚರ್ಷಣೀ॒ನಾಮತಿ॒ ದ್ವಿಷಃ॑ ..
ಶು॒ನಮ॒ಸ್ಮಭ್ಯ॑ಮೂ॒ತಯೇ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ . ಶರ್ಮ॑ ಯಚ್ಛಂತು ಸ॒ಪ್ರಥ॑ ಆದಿ॒ತ್ಯಾಸೋ॒ ಯದೀಮ॑ಹೇ॒ ಅತಿ॒ ದ್ವಿಷಃ॑ ..
ಯಥಾ॑ ಹ॒ ತ್ಯದ್ವ॑ಸವೋ ಗೌ॒ರ್ಯಂ॑ ಚಿತ್ಪ॒ದಿ ಷಿ॒ತಾಮಮುಂ॑ಚತಾ ಯಜತ್ರಾಃ . ಏ॒ವೋ ಷ್ವ೧॒॑ಸ್ಮನ್ಮುಂ॑ಚತಾ॒ ವ್ಯಂಹಃ॒ ಪ್ರ ತಾ॑ರ್ಯಗ್ನೇ ಪ್ರತ॒ರಂ ನ॒ ಆಯುಃ॑ ..
ತೇವದನ್ನಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಬ್ರಹ್ಮಜಾಯಾಜುಹೂರ್ವಿಶ್ವೇದೇವಾಸ್ತ್ರಿಷ್ಟುಬಂತ್ಯೇದ್ವೇಅನುಷ್ಟುಭೌ . (ಬ್ರಾಹ್ಮೋವೋರ್ಧ್ವನಾಭಋಷಿಃ) .
ತೇ॑ಽವದನ್ಪ್ರಥ॒ಮಾ ಬ್ರ॑ಹ್ಮಕಿಲ್ಬಿ॒ಷೇಽಕೂ॑ಪಾರಃ ಸಲಿ॒ಲೋ ಮಾ॑ತ॒ರಿಶ್ವಾ॑ . ವೀ॒ಳುಹ॑ರಾ॒ಸ್ತಪ॑ ಉ॒ಗ್ರೋ ಮ॑ಯೋ॒ಭೂರಾಪೋ॑ ದೇ॒ವೀಃ ಪ್ರ॑ಥಮ॒ಜಾ ಋ॒ತೇನ॑ ..
ಸೋಮೋ॒ ರಾಜಾ॑ ಪ್ರಥ॒ಮೋ ಬ್ರ॑ಹ್ಮಜಾ॒ಯಾಂ ಪುನಃ॒ ಪ್ರಾಯ॑ಚ್ಛ॒ದಹೃ॑ಣೀಯಮಾನಃ . ಅ॒ನ್ವ॒ರ್ತಿ॒ತಾ ವರು॑ಣೋ ಮಿ॒ತ್ರ ಆ॑ಸೀದ॒ಗ್ನಿರ್ಹೋತಾ॑ ಹಸ್ತ॒ಗೃಹ್ಯಾ ನಿ॑ನಾಯ ..
ಹಸ್ತೇ॑ನೈ॒ವ ಗ್ರಾ॒ಹ್ಯ॑ ಆ॒ಧಿರ॑ಸ್ಯಾ ಬ್ರಹ್ಮಜಾ॒ಯೇಯಮಿತಿ॒ ಚೇದವೋ॑ಚನ್ . ನ ದೂ॒ತಾಯ॑ ಪ್ರ॒ಹ್ಯೇ॑ ತಸ್ಥ ಏ॒ಷಾ ತಥಾ॑ ರಾ॒ಷ್ಟ್ರಂ ಗು॑ಪಿ॒ತಂ ಕ್ಷ॒ತ್ರಿಯ॑ಸ್ಯ ..
ದೇ॒ವಾ ಏ॒ತಸ್ಯಾ॑ಮವದಂತ॒ ಪೂರ್ವೇ॑ ಸಪ್ತಋ॒ಷಯ॒ಸ್ತಪ॑ಸೇ॒ ಯೇ ನಿ॑ಷೇ॒ದುಃ . ಭೀ॒ಮಾ ಜಾ॒ಯಾ ಬ್ರಾ॑ಹ್ಮ॒ಣಸ್ಯೋಪ॑ನೀತಾ ದು॒ರ್ಧಾಂ ದ॑ಧಾತಿ ಪರ॒ಮೇ ವ್ಯೋ॑ಮನ್ ..
ಬ್ರ॒ಹ್ಮ॒ಚಾ॒ರೀ ಚ॑ರತಿ॒ ವೇವಿ॑ಷ॒ದ್ವಿಷಃ॒ ಸ ದೇ॒ವಾನಾಂ॑ ಭವ॒ತ್ಯೇಕ॒ಮಂಗಂ॑ . ತೇನ॑ ಜಾ॒ಯಾಮನ್ವ॑ವಿಂದ॒ದ್ಬೃಹ॒ಸ್ಪತಿಃ॒ ಸೋಮೇ॑ನ ನೀ॒ತಾಂ ಜು॒ಹ್ವಂ೧॒॑ ನ ದೇ॑ವಾಃ ..
ಪುನ॒ರ್ವೈ ದೇ॒ವಾ ಅ॑ದದುಃ॒ ಪುನ॑ರ್ಮನು॒ಷ್ಯಾ॑ ಉ॒ತ . ರಾಜಾ॑ನಃ ಸ॒ತ್ಯಂ ಕೃ॑ಣ್ವಾ॒ನಾ ಬ್ರ॑ಹ್ಮಜಾ॒ಯಾಂ ಪುನ॑ರ್ದದುಃ ..
ಪು॒ನ॒ರ್ದಾಯ॑ ಬ್ರಹ್ಮಜಾ॒ಯಾಂ ಕೃ॒ತ್ವೀ ದೇ॒ವೈರ್ನಿ॑ಕಿಲ್ಬಿ॒ಷಂ . ಊರ್ಜಂ॑ ಪೃಥಿ॒ವ್ಯಾ ಭ॒ಕ್ತ್ವಾಯೋ॑ರುಗಾ॒ಯಮುಪಾ॑ಸತೇ ..
ಶಂನಇಂದ್ರಾಗ್ನೀಇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವಿಶ್ವೇದೇವಾಸ್ತ್ರಿಷ್ಟುಪ್ . (ಅತ್ರಸೂಕ್ತೇಸರ್ವೇಪಿವಿಶ್ವೇದೇವಾಃ).
ಶಂ ನ॑ ಇಂದ್ರಾ॒ಗ್ನೀ ಭ॑ವತಾ॒ಮವೋ॑ಭಿಃ॒ ಶಂ ನ॒ ಇಂದ್ರಾ॒ವರು॑ಣಾ ರಾ॒ತಹ॑ವ್ಯಾ . ಶಮಿಂದ್ರಾ॒ಸೋಮಾ॑ ಸುವಿ॒ತಾಯ॒ ಶಂ ಯೋಃ ಶಂ ನ॒ ಇಂದ್ರಾ॑ಪೂ॒ಷಣಾ॒ ವಾಜ॑ಸಾತೌ ..
ಶಂ ನೋ॒ ಭಗಃ॒ ಶಮು॑ ನಃ॒ ಶಂಸೋ॑ ಅಸ್ತು॒ ಶಂ ನಃ॒ ಪುರಂ॑ಧಿಃ॒ ಶಮು॑ ಸಂತು॒ ರಾಯಃ॑ . ಶಂ ನಃ॑ ಸ॒ತ್ಯಸ್ಯ॑ ಸು॒ಯಮ॑ಸ್ಯ॒ ಶಂಸಃ॒ ಶಂ ನೋ॑ ಅರ್ಯ॒ಮಾ ಪು॑ರುಜಾ॒ತೋ ಅ॑ಸ್ತು ..
ಶಂ ನೋ॑ ಧಾ॒ತಾ ಶಮು॑ ಧ॒ರ್ತಾ ನೋ॑ ಅಸ್ತು॒ ಶಂ ನ॑ ಉರೂ॒ಚೀ ಭ॑ವತು ಸ್ವ॒ಧಾಭಿಃ॑ . ಶಂ ರೋದ॑ಸೀ ಬೃಹ॒ತೀ ಶಂ ನೋ॒ ಅದ್ರಿಃ॒ ಶಂ ನೋ॑ ದೇ॒ವಾನಾಂ॑ ಸು॒ಹವಾ॑ನಿ ಸಂತು ..
ಶಂ ನೋ॑ ಅ॒ಗ್ನಿರ್ಜ್ಯೋತಿ॑ರನೀಕೋ ಅಸ್ತು॒ ಶಂ ನೋ॑ ಮಿ॒ತ್ರಾವರು॑ಣಾವ॒ಶ್ವಿನಾ॒ ಶಂ . ಶಂ ನಃ॑ ಸು॒ಕೃತಾಂ॑ ಸುಕೃ॒ತಾನಿ॑ ಸಂತು॒ ಶಂ ನ॑ ಇಷಿ॒ರೋ ಅ॒ಭಿ ವಾ॑ತು॒ ವಾತಃ॑ ..
ಶಂ ನೋ॒ ದ್ಯಾವಾ॑ಪೃಥಿ॒ವೀ ಪೂ॒ರ್ವಹೂ॑ತೌ॒ ಶಮಂ॒ತರಿ॑ಕ್ಷಂ ದೃ॒ಶಯೇ॑ ನೋ ಅಸ್ತು . ಶಂ ನ॒ ಓಷ॑ಧೀರ್ವ॒ನಿನೋ॑ ಭವಂತು॒ ಶಂ ನೋ॒ ರಜ॑ಸ॒ಸ್ಪತಿ॑ರಸ್ತು ಜಿ॒ಷ್ಣುಃ ..
ಶಂ ನ॒ ಇಂದ್ರೋ॒ ವಸು॑ಭಿರ್ದೇ॒ವೋ ಅ॑ಸ್ತು॒ ಶಮಾ॑ದಿ॒ತ್ಯೇಭಿ॒ರ್ವರು॑ಣಃ ಸು॒ಶಂಸಃ॑ . ಶಂ ನೋ॑ ರು॒ದ್ರೋ ರು॒ದ್ರೇಭಿ॒ರ್ಜಲಾ॑ಷಃ॒ ಶಂ ನ॒ಸ್ತ್ವಷ್ಟಾ॒ ಗ್ನಾಭಿ॑ರಿ॒ಹ ಶೃ॑ಣೋತು ..
ಶಂ ನಃ॒ ಸೋಮೋ॑ ಭವತು॒ ಬ್ರಹ್ಮ॒ ಶಂ ನಃ॒ ಶಂ ನೋ॒ ಗ್ರಾವಾ॑ಣಃ॒ ಶಮು॑ ಸಂತು ಯ॒ಜ್ಞಾಃ . ಶಂ ನಃ॒ ಸ್ವರೂ॑ಣಾಂ ಮಿ॒ತಯೋ॑ ಭವಂತು॒ ಶಂ ನಃ॑ ಪ್ರ॒ಸ್ವ೧॒॑ಃ ಶಮ್ವ॑ಸ್ತು॒ ವೇದಿಃ॑ ..
ಶಂ ನಃ॒ ಸೂರ್ಯ॑ ಉರು॒ಚಕ್ಷಾ॒ ಉದೇ॑ತು॒ ಶಂ ನ॒ಶ್ಚತ॑ಸ್ರಃ ಪ್ರ॒ದಿಶೋ॑ ಭವಂತು . ಶಂ ನಃ॒ ಪರ್ವ॑ತಾ ಧ್ರು॒ವಯೋ॑ ಭವಂತು॒ ಶಂ ನಃ॒ ಸಿಂಧ॑ವಃ॒ ಶಮು॑ ಸಂ॒ತ್ವಾಪಃ॑ ..
ಶಂ ನೋ॒ ಅದಿ॑ತಿರ್ಭವತು ವ್ರ॒ತೇಭಿಃ॒ ಶಂ ನೋ॑ ಭವಂತು ಮ॒ರುತಃ॑ ಸ್ವ॒ರ್ಕಾಃ . ಶಂ ನೋ॒ ವಿಷ್ಣುಃ॒ ಶಮು॑ ಪೂ॒ಷಾ ನೋ॑ ಅಸ್ತು॒ ಶಂ ನೋ॑ ಭ॒ವಿತ್ರಂ॒ ಶಮ್ವ॑ಸ್ತು ವಾ॒ಯುಃ ..
ಶಂ ನೋ॑ ದೇ॒ವಃ ಸ॑ವಿ॒ತಾ ತ್ರಾಯ॑ಮಾಣಃ॒ ಶಂ ನೋ॑ ಭವಂತೂ॒ಷಸೋ॑ ವಿಭಾ॒ತೀಃ . ಶಂ ನಃ॑ ಪ॒ರ್ಜನ್ಯೋ॑ ಭವತು ಪ್ರ॒ಜಾಭ್ಯಃ॒ ಶಂ ನಃ॒ ಕ್ಷೇತ್ರ॑ಸ್ಯ॒ ಪತಿ॑ರಸ್ತು ಶಂ॒ಭುಃ ..
ಶಂ ನೋ॑ ದೇ॒ವಾ ವಿ॒ಶ್ವದೇ॑ವಾ ಭವಂತು॒ ಶಂ ಸರ॑ಸ್ವತೀ ಸ॒ಹ ಧೀ॒ಭಿರ॑ಸ್ತು . ಶಮ॑ಭಿ॒ಷಾಚಃ॒ ಶಮು॑ ರಾತಿ॒ಷಾಚಃ॒ ಶಂ ನೋ॑ ದಿ॒ವ್ಯಾಃ ಪಾರ್ಥಿ॑ವಾಃ॒ ಶಂ ನೋ॒ ಅಪ್ಯಾಃ॑ ..
ಶಂ ನಃ॑ ಸ॒ತ್ಯಸ್ಯ॒ ಪತ॑ಯೋ ಭವಂತು॒ ಶಂ ನೋ॒ ಅರ್ವಂ॑ತಃ॒ ಶಮು॑ ಸಂತು॒ ಗಾವಃ॑ . ಶಂ ನ॑ ಋ॒ಭವಃ॑ ಸು॒ಕೃತಃ॑ ಸು॒ಹಸ್ತಾಃ॒ ಶಂ ನೋ॑ ಭವಂತು ಪಿ॒ತರೋ॒ ಹವೇ॑ಷು ..
ಶಂ ನೋ॑ ಅ॒ಜ ಏಕ॑ಪಾದ್ದೇ॒ವೋ ಅ॑ಸ್ತು॒ ಶಂ ನೋಽಹಿ॑ರ್ಬು॒ಧ್ನ್ಯ೧॒॑ಃ ಶಂ ಸ॑ಮು॒ದ್ರಃ . ಶಂ ನೋ॑ ಅ॒ಪಾಂ ನಪಾ॑ತ್ಪೇ॒ರುರ॑ಸ್ತು॒ ಶಂ ನಃ॒ ಪೃಶ್ನಿ॑ರ್ಭವತು ದೇ॒ವಗೋ॑ಪಾ ..
ಆ॒ದಿ॒ತ್ಯಾ ರು॒ದ್ರಾ ವಸ॑ವೋ ಜುಷಂತೇ॒ದಂ ಬ್ರಹ್ಮ॑ ಕ್ರಿ॒ಯಮಾ॑ಣಂ॒ ನವೀ॑ಯಃ . ಶೃ॒ಣ್ವಂತು॑ ನೋ ದಿ॒ವ್ಯಾಃ ಪಾರ್ಥಿ॑ವಾಸೋ॒ ಗೋಜಾ॑ತಾ ಉ॒ತ ಯೇ ಯ॒ಜ್ಞಿಯಾ॑ಸಃ ..
ಯೇ ದೇ॒ವಾನಾಂ॑ ಯ॒ಜ್ಞಿಯಾ॑ ಯ॒ಜ್ಞಿಯಾ॑ನಾಂ॒ ಮನೋ॒ರ್ಯಜ॑ತ್ರಾ ಅ॒ಮೃತಾ॑ ಋತ॒ಜ್ಞಾಃ . ತೇ ನೋ॑ ರಾಸಂತಾಮುರುಗಾ॒ಯಮ॒ದ್ಯ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೭.೦೩೫ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೫, ಅಧ್ಯಾಯ ೩, ೩೦ ವರ್ಗಾನಂತರಂ]
ಶಂವ॑ತೀ॒: ಪಾರ॑ಯ. ನ್ತ್ಯೇ॒ತೇ- ತಂ ಪೃ॑ಚ್ಛಂತಿ॒ ವಚೋ॒ ಯುಜಾ॑. ಅ॒.ಭ್ಯಾರಂ॒ತಂ ಯ॒ಮಾಕೇ॑ತುಂ ಯ ಏ॒ವೇದ. ಮಿತಿ॒ ಬ್ರವ॑ನ್ನ್..
ಭಾ॒ಸಾಕೇ॑ತುಂ ಪರಿ॒ಸ್ರುತಂ॒- ಭಾರ॑ತೀ. ರ್ಬ್ರಹ್ಮ॒ವರ್ಧ॑ನೀಃ. ಸಂ॒ಜಾ॒ನಾ॒ನಾ ಮ॒ಹೀ ಮಾ॒ತಾ- ಯ ಏ॒ವೇದ. ಮಿತಿ॒ ಬ್ರವ॑ತ್..
ಇಂದ್ರ॒.ಸ್ತ.ಙ್ಕಿಂ ವಿ॒ಭುಂ ಪ್ರ॒ಭುಂ- ಭಾ॒ನುನೇ॒ಯಂ ಸರ॑ಸ್ವತೀಂ. ಯೇನ॑ ಸೂರ್ಯ॒. ಮರೋ॑ಚಯ॒.-ದ್ಯೇನೇ॒ಮೇ ರೋದ॑ಸೀ~ ಉ॒ಭೇ~..
ಜು॒ಷಸ್ವಾ॑ಽಗ್ನೇ ಅಂಗಿರಃ- ಕಾ॒ಣ್ವಂ ಮೇಧ್ಯಾ॑ತಿಥಿಂ. ಮಾ ತ್ವಾ॒ ಸೋಮ॑ಸ್ಯ॒ ಬರ್ಬೃ॑ಹ.-ತ್ಸು॒ತಸ್ಯ॒ ಮಧು॑ಮತ್ತಮಃ..
ತ್ವ.ಮ॑ಗ್ನೇ॒ ಅಂಗಿ॑ರ॒.-ಶ್ಶೋಚ॑ಸ್ವ ದೇವ॒ವೀತ॑ಮಃ. ಆ ಶಂ॑ತಮ॒ ಶಂತ॑ಮಾಭಿ. ರ॒ಭಿಷ್ಟಿ॑ಭಿ.- ಶ್ಶಾಂ॒ತಿ. ಸ್ಸ್ವ॒ಸ್ತಿ.ಮ॑ಕುರ್ವತ..
ಶ.ನ್ನ॒: ಕನಿ॑ಕ್ರದ. ದ್ದೇ॒ವಃ- ಪ॒ರ್ಜನ್ಯೋ॑ ಅ॒ಭಿ ವ॑ರ್ಷತು. ಶ.ನ್ನೋ॒ ದ್ಯಾವಾ॑ಪೃಥಿ॒ವೀ~ ಶಂ ಪ್ರ॒ಜಾಭ್ಯ॒.- ಶ್ಶ.ನ್ನ॑ ಏಧಿ ದ್ವಿ॒ಪದೇ॒ ಶ.ಞ್ಚತು॑ಷ್ಪದೇ..
ಅಗ್ನಿಃಸಪ್ತಿಮಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಸೌಚೀಕೋಗ್ನಿರಗ್ನಿತ್ರಿಷ್ಟುಪ್ (ವೈಶ್ವಾನರೋಗ್ನಿರ್ವಾಜಂಭರಃ ಸಪ್ತಿರಿತೀಮಾವೃಷೀಪಾಕ್ಷಿಕೌ) .
ಅ॒ಗ್ನಿಃ ಸಪ್ತಿಂ॑ ವಾಜಂಭ॒ರಂ ದ॑ದಾತ್ಯ॒ಗ್ನಿರ್ವೀ॒ರಂ ಶ್ರುತ್ಯಂ॑ ಕರ್ಮನಿಃ॒ಷ್ಠಾಂ . ಅ॒ಗ್ನೀ ರೋದ॑ಸೀ॒ ವಿ ಚ॑ರತ್ಸಮಂ॒ಜನ್ನ॒ಗ್ನಿರ್ನಾರೀಂ॑ ವೀ॒ರಕು॑ಕ್ಷಿಂ॒ ಪುರಂ॑ಧಿಂ ..
ಅ॒ಗ್ನೇರಪ್ನ॑ಸಃ ಸ॒ಮಿದ॑ಸ್ತು ಭ॒ದ್ರಾಗ್ನಿರ್ಮ॒ಹೀ ರೋದ॑ಸೀ॒ ಆ ವಿ॑ವೇಶ . ಅ॒ಗ್ನಿರೇಕಂ॑ ಚೋದಯತ್ಸ॒ಮತ್ಸ್ವ॒ಗ್ನಿರ್ವೃ॒ತ್ರಾಣಿ॑ ದಯತೇ ಪು॒ರೂಣಿ॑ ..
ಅ॒ಗ್ನಿರ್ಹ॒ ತ್ಯಂ ಜರ॑ತಃ॒ ಕರ್ಣ॑ಮಾವಾ॒ಗ್ನಿರ॒ದ್ಭ್ಯೋ ನಿರ॑ದಹ॒ಜ್ಜರೂ॑ಥಂ . ಅ॒ಗ್ನಿರತ್ರಿಂ॑ ಘ॒ರ್ಮ ಉ॑ರುಷ್ಯದಂ॒ತರ॒ಗ್ನಿರ್ನೃ॒ಮೇಧಂ॑ ಪ್ರ॒ಜಯಾ॑ಸೃಜ॒ತ್ಸಂ ..
ಅ॒ಗ್ನಿರ್ದಾ॒ದ್ದ್ರವಿ॑ಣಂ ವೀ॒ರಪೇ॑ಶಾ ಅ॒ಗ್ನಿರ್ಋಷಿಂ॒ ಯಃ ಸ॒ಹಸ್ರಾ॑ ಸ॒ನೋತಿ॑ . ಅ॒ಗ್ನಿರ್ದಿ॒ವಿ ಹ॒ವ್ಯಮಾ ತ॑ತಾನಾ॒ಗ್ನೇರ್ಧಾಮಾ॑ನಿ॒ ವಿಭೃ॑ತಾ ಪುರು॒ತ್ರಾ ..
ಅ॒ಗ್ನಿಮು॒ಕ್ಥೈರ್ಋಷ॑ಯೋ॒ ವಿ ಹ್ವ॑ಯಂತೇ॒ಽಗ್ನಿಂ ನರೋ॒ ಯಾಮ॑ನಿ ಬಾಧಿ॒ತಾಸಃ॑ . ಅ॒ಗ್ನಿಂ ವಯೋ॑ ಅಂ॒ತರಿ॑ಕ್ಷೇ॒ ಪತಂ॑ತೋ॒ಽಗ್ನಿಃ ಸ॒ಹಸ್ರಾ॒ ಪರಿ॑ ಯಾತಿ॒ ಗೋನಾಂ॑ ..
ಅ॒ಗ್ನಿಂ ವಿಶ॑ ಈಳತೇ॒ ಮಾನು॑ಷೀ॒ರ್ಯಾ ಅ॒ಗ್ನಿಂ ಮನು॑ಷೋ॒ ನಹು॑ಷೋ॒ ವಿ ಜಾ॒ತಾಃ . ಅ॒ಗ್ನಿರ್ಗಾಂಧ॑ರ್ವೀಂ ಪ॒ಥ್ಯಾ॑ಮೃ॒ತಸ್ಯಾ॒ಗ್ನೇರ್ಗವ್ಯೂ॑ತಿರ್ಘೃ॒ತ ಆ ನಿಷ॑ತ್ತಾ ..
ಅ॒ಗ್ನಯೇ॒ ಬ್ರಹ್ಮ॑ ಋ॒ಭವ॑ಸ್ತತಕ್ಷುರ॒ಗ್ನಿಂ ಮ॒ಹಾಮ॑ವೋಚಾಮಾ ಸುವೃ॒ಕ್ತಿಂ . ಅಗ್ನೇ॒ ಪ್ರಾವ॑ ಜರಿ॒ತಾರಂ॑ ಯವಿ॒ಷ್ಠಾಗ್ನೇ॒ ಮಹಿ॒ ದ್ರವಿ॑ಣ॒ಮಾ ಯ॑ಜಸ್ವ ..
ಬಳಿ॒ತ್ಥಾ ತದ್ವಪು॑ಷೇ ಧಾಯಿ ದರ್ಶ॒ತಂ ದೇ॒ವಸ್ಯ॒ ಭರ್ಗಃ॒ ಸಹ॑ಸೋ॒ ಯತೋ॒ ಜನಿ॑ . ಯದೀ॒ಮುಪ॒ ಹ್ವರ॑ತೇ॒ ಸಾಧ॑ತೇ ಮ॒ತಿರ್ಋ॒ತಸ್ಯ॒ ಧೇನಾ॑ ಅನಯಂತ ಸ॒ಸ್ರುತಃ॑ ..
ಪೃ॒ಕ್ಷೋ ವಪುಃ॑ ಪಿತು॒ಮಾನ್ನಿತ್ಯ॒ ಆ ಶ॑ಯೇ ದ್ವಿ॒ತೀಯ॒ಮಾ ಸ॒ಪ್ತಶಿ॑ವಾಸು ಮಾ॒ತೃಷು॑ . ತೃ॒ತೀಯ॑ಮಸ್ಯ ವೃಷ॒ಭಸ್ಯ॑ ದೋ॒ಹಸೇ॒ ದಶ॑ಪ್ರಮತಿಂ ಜನಯಂತ॒ ಯೋಷ॑ಣಃ ..
ನಿರ್ಯದೀಂ॑ ಬು॒ಧ್ನಾನ್ಮ॑ಹಿ॒ಷಸ್ಯ॒ ವರ್ಪ॑ಸ ಈಶಾ॒ನಾಸಃ॒ ಶವ॑ಸಾ॒ ಕ್ರಂತ॑ ಸೂ॒ರಯಃ॑ . ಯದೀ॒ಮನು॑ ಪ್ರ॒ದಿವೋ॒ ಮಧ್ವ॑ ಆಧ॒ವೇ ಗುಹಾ॒ ಸಂತಂ॑ ಮಾತ॒ರಿಶ್ವಾ॑ ಮಥಾ॒ಯತಿ॑ ..
ಪ್ರ ಯತ್ಪಿ॒ತುಃ ಪ॑ರ॒ಮಾನ್ನೀ॒ಯತೇ॒ ಪರ್ಯಾ ಪೃ॒ಕ್ಷುಧೋ॑ ವೀ॒ರುಧೋ॒ ದಂಸು॑ ರೋಹತಿ . ಉ॒ಭಾ ಯದ॑ಸ್ಯ ಜ॒ನುಷಂ॒ ಯದಿನ್ವ॑ತ॒ ಆದಿದ್ಯವಿ॑ಷ್ಠೋ ಅಭವದ್ಘೃ॒ಣಾ ಶುಚಿಃ॑ ..
ಆದಿನ್ಮಾ॒ತೄರಾವಿ॑ಶ॒ದ್ಯಾಸ್ವಾ ಶುಚಿ॒ರಹಿಂ॑ಸ್ಯಮಾನ ಉರ್ವಿ॒ಯಾ ವಿ ವಾ॑ವೃಧೇ . ಅನು॒ ಯತ್ಪೂರ್ವಾ॒ ಅರು॑ಹತ್ಸನಾ॒ಜುವೋ॒ ನಿ ನವ್ಯ॑ಸೀ॒ಷ್ವವ॑ರಾಸು ಧಾವತೇ ..
.. ೧. ಆದಿತ್ಯಃ ..
ಆ ಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ ಚ . ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾ ದೇ॒ವೋ ಯಾ॑ತಿ॒ ಭುವ॑ನಾನಿ॒ ಪಶ್ಯ॑ನ್ ..
ಅ॒ಗ್ನಿಂ ದೂ॒ತಂ ವೃ॑ಣೀಮಹೇ॒ ಹೋತಾ॑ರಂ ವಿ॒ಶ್ವವೇ॑ದಸಂ . ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತುಂ॑ ..
ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ . ವೋ॒ಚೇಮ॒ ಶಂತ॑ಮಂ ಹೃ॒ದೇ ..
.. ೨. ಸೋಮಃ ..
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯಂ॑ . ಭವಾ॒ ವಾಜ॑ಸ್ಯ ಸಂಗ॒ಥೇ ..
ಅ॒ಪ್ಸು ಮೇ॒ ಸೋಮೋ॑ ಅಬ್ರವೀದಂ॒ತರ್ವಿಶ್ವಾ॑ನಿ ಭೇಷ॒ಜಾ . ಅ॒ಗ್ನಿಂ ಚ॑ ವಿ॒ಶ್ವಶಂ॑ಭುವಂ ..
ಗೌ॒ರೀರ್ಮಿ॑ಮಾಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ . ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ॑ ಸ॒ಹಸ್ರಾ॑ಕ್ಷರಾ ಪರ॒ಮೇ ವ್ಯೋ॑ಮನ್ ..
.. ೩. ಅಂಗಾರಕಃ ..
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಂ . ಅ॒ಪಾಂ ರೇತಾಂ॑ಸಿ ಜಿನ್ವತಿ ..
ಸ್ಯೋ॒ನಾ ಪೃ॑ಥಿವಿ ಭವಾನೃಕ್ಷ॒ರಾ ನಿ॒ವೇಶ॑ನೀ . ಯಚ್ಛಾ॑ ನಃ॒ ಶರ್ಮ॑ ಸ॒ಪ್ರಥಃ॑ ..
ಕು॒ಮಾ॒ರಂ ಮಾ॒ತಾ ಯು॑ವ॒ತಿಃ ಸಮು॑ಬ್ಧಂ॒ ಗುಹಾ॑ ಬಿಭರ್ತಿ॒ ನ ದ॑ದಾತಿ ಪಿ॒ತ್ರೇ . ಅನೀ॑ಕಮಸ್ಯ॒ ನ ಮಿ॒ನಜ್ಜನಾ॑ಸಃ ಪು॒ರಃ ಪ॑ಶ್ಯಂತಿ॒ ನಿಹಿ॑ತಮರ॒ತೌ ..
.. ೪. ಬುಧಃ ..
ಉದ್ಬು॑ಧ್ಯಧ್ವಂ॒ ಸಮ॑ನಸಃ ಸಖಾಯಃ॒ ಸಮ॒ಗ್ನಿಮಿಂ॑ಧ್ವಂ ಬ॒ಹವಃ॒ ಸನೀ॑ಳಾಃ . ದ॒ಧಿ॒ಕ್ರಾಮ॒ಗ್ನಿಮು॒ಷಸಂ॑ ಚ ದೇ॒ವೀಮಿಂದ್ರಾ॑ವ॒ತೋಽವ॑ಸೇ॒ ನಿ ಹ್ವ॑ಯೇ ವಃ ..
ಇ॒ದಂ ವಿಷ್ಣು॒ರ್ವಿ ಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಂ . ಸಮೂ॑ಳ್ಹಮಸ್ಯ ಪಾಂಸು॒ರೇ ..
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ಸಹಸ್ರಾ॒ಕ್ಷಃ ಸ॒ಹಸ್ರ॑ಪಾತ್ . ಸ ಭೂಮಿಂ॑ ವಿ॒ಶ್ವತೋ॑ ವೃ॒ತ್ವಾತ್ಯ॑ತಿಷ್ಠದ್ದಶಾಂಗು॒ಲಂ ..
.. ೫. ಗುರುಃ ..
ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ॑ದ್ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು . ಯದ್ದೀ॒ದಯ॒ಚ್ಛವ॑ಸ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಂ ..
ಇಂದ್ರ॒ ಶ್ರೇಷ್ಠಾ॑ನಿ॒ ದ್ರವಿ॑ಣಾನಿ ಧೇಹಿ॒ ಚಿತ್ತಿಂ॒ ದಕ್ಷ॑ಸ್ಯ ಸುಭಗ॒ತ್ವಮ॒ಸ್ಮೇ . ಪೋಷಂ॑ ರಯೀ॒ಣಾಮರಿ॑ಷ್ಟಿಂ ತ॒ನೂನಾಂ॑ ಸ್ವಾ॒ದ್ಮಾನಂ॑ ವಾ॒ಚಃ ಸು॑ದಿನ॒ತ್ವಮಹ್ನಾಂ॑ ..
ಬ್ರಹ್ಮ॑ಣಾ ತೇ ಬ್ರಹ್ಮ॒ಯುಜಾ॑ ಯುನಜ್ಮಿ॒ ಹರೀ॒ ಸಖಾ॑ಯಾ ಸಧ॒ಮಾದ॑ ಆ॒ಶೂ . ಸ್ಥಿ॒ರಂ ರಥಂ॑ ಸು॒ಖಮಿಂ॑ದ್ರಾಧಿ॒ತಿಷ್ಠ॑ನ್ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮಂ॑ ..
.. ೬. ಶುಕ್ರಃ ..
ಶು॒ಕ್ರಂ ತೇ॑ ಅ॒ನ್ಯದ್ಯ॑ಜ॒ತಂ ತೇ॑ ಅ॒ನ್ಯದ್ವಿಷು॑ರೂಪೇ॒ ಅಹ॑ನೀ॒ ದ್ಯೌರಿ॑ವಾಸಿ . ವಿಶ್ವಾ॒ ಹಿ ಮಾ॒ಯಾ ಅವ॑ಸಿ ಸ್ವಧಾವೋ ಭ॒ದ್ರಾ ತೇ॑ ಪೂಷನ್ನಿ॒ಹ ರಾ॒ತಿರ॑ಸ್ತು ..
ಇಂ॒ದ್ರಾ॒ಣೀಮಾ॒ಸು ನಾರಿ॑ಷು ಸು॒ಭಗಾ॑ಮ॒ಹಮ॑ಶ್ರವಂ . ನ॒ಹ್ಯ॑ಸ್ಯಾ ಅಪ॒ರಂ ಚ॒ನ ಜ॒ರಸಾ॒ ಮರ॑ತೇ॒ ಪತಿ॒ರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ ..
ಇಂದ್ರಂ॑ ವೋ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ॑ಭ್ಯಃ . ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ..
.. ೭. ಶನಿಃ ..
ಶಮ॒ಗ್ನಿರ॒ಗ್ನಿಭಿಃ॑ ಕರ॒ಚ್ಛಂ ನ॑ಸ್ತಪತು॒ ಸೂರ್ಯಃ॑ . ಶಂ ವಾತೋ॑ ವಾತ್ವರ॒ಪಾ ಅಪ॒ ಸ್ರಿಧಃ॑ ..
ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ . ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ ..
ಯ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ . ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ..
.. ೮. ರಾಹುಃ ..
ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧಃ॒ ಸಖಾ॑ . ಕಯಾ॒ ಶಚಿ॑ಷ್ಠಯಾ ವೃ॒ತಾ ..
ಆಯಂ ಗೌಃ ಪೃಶ್ನಿ॑ರಕ್ರಮೀ॒ದಸ॑ದನ್ಮಾ॒ತರಂ॑ ಪು॒ರಃ . ಪಿ॒ತರಂ॑ ಚ ಪ್ರ॒ಯಂತ್ಸ್ವಃ॑ ..
ಪರಂ॑ ಮೃತ್ಯೋ॒ ಅನು॒ ಪರೇ॑ಹಿ॒ ಪಂಥಾಂ॒ ಯಸ್ತೇ॒ ಸ್ವ ಇತ॑ರೋ ದೇವ॒ಯಾನಾ॑ತ್ . ಚಕ್ಷು॑ಷ್ಮತೇ ಶೃಣ್ವ॒ತೇ ತೇ॑ ಬ್ರವೀಮಿ॒ ಮಾ ನಃ॑ ಪ್ರ॒ಜಾಂ ರೀ॑ರಿಷೋ॒ ಮೋತ ವೀ॒ರಾನ್ ..
.. ೯. ಕೇತುಃ ..
ಕೇ॒ತುಂ ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ॑ ಮರ್ಯಾ ಅಪೇ॒ಶಸೇ॑ . ಸಮು॒ಷದ್ಭಿ॑ರಜಾಯಥಾಃ ..
ಬ್ರಹ್ಮ॑ ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒ದ್ವಿ ಸೀ॑ಮ॒ತಃ ಸು॒ರುಚೋ॑ ವೇ॒ನ ಆ॑ವಃ . ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ॑ .. (ಆಶ್ವಲಾಯನ ಶ್ರೌತಸೂತ್ರ ೪.೬.೨)
ಸ ಚಿ॑ತ್ರ ಚಿ॒ತ್ರಂ ಚಿ॒ತಯಂ॑ತಮ॒ಸ್ಮೇ ಚಿತ್ರ॑ಕ್ಷತ್ರ ಚಿ॒ತ್ರತ॑ಮಂ ವಯೋ॒ಧಾಂ . ಚಂ॒ದ್ರಂ ರ॒ಯಿಂ ಪು॑ರು॒ವೀರಂ॑ ಬೃ॒ಹಂತಂ॒ ಚಂದ್ರ॑ ಚಂ॒ದ್ರಾಭಿ॑ರ್ಗೃಣ॒ತೇ ಯು॑ವಸ್ವ ..
ಅರಾಯೀತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರದ್ವಾಜಃ ಶಿರಿಂಬಿಠೋಽಲಕ್ಷ್ಮೀನಾಶನೋ ದ್ವಿತೀಯಾತೃತೀಯಯೋರ್ಬ್ರಹ್ಮಣಸ್ಪತಿರಂತ್ಯಾಯಾ ವಿಶ್ವೇದೇವಾಅನುಷ್ಟುಪ್ .
ಅರಾ॑ಯಿ॒ ಕಾಣೇ॒ ವಿಕ॑ಟೇ ಗಿ॒ರಿಂ ಗ॑ಚ್ಛ ಸದಾನ್ವೇ . ಶಿ॒ರಿಂಬಿ॑ಠಸ್ಯ॒ ಸತ್ವ॑ಭಿ॒ಸ್ತೇಭಿ॑ಷ್ಟ್ವಾ ಚಾತಯಾಮಸಿ ..
ಚ॒ತ್ತೋ ಇ॒ತಶ್ಚ॒ತ್ತಾಮುತಃ॒ ಸರ್ವಾ॑ ಭ್ರೂ॒ಣಾನ್ಯಾ॒ರುಷೀ॑ . ಅ॒ರಾ॒ಯ್ಯಂ॑ ಬ್ರಹ್ಮಣಸ್ಪತೇ॒ ತೀಕ್ಷ್ಣ॑ಶೃಂಗೋದೃ॒ಷನ್ನಿ॑ಹಿ ..
ಅ॒ದೋ ಯದ್ದಾರು॒ ಪ್ಲವ॑ತೇ॒ ಸಿಂಧೋಃ॑ ಪಾ॒ರೇ ಅ॑ಪೂರು॒ಷಂ . ತದಾ ರ॑ಭಸ್ವ ದುರ್ಹಣೋ॒ ತೇನ॑ ಗಚ್ಛ ಪರಸ್ತ॒ರಂ ..
ಯದ್ಧ॒ ಪ್ರಾಚೀ॒ರಜ॑ಗಂ॒ತೋರೋ॑ ಮಂಡೂರಧಾಣಿಕೀಃ . ಹ॒ತಾ ಇಂದ್ರ॑ಸ್ಯ॒ ಶತ್ರ॑ವಃ॒ ಸರ್ವೇ॑ ಬುದ್ಬು॒ದಯಾ॑ಶವಃ ..
ಪರೀ॒ಮೇ ಗಾಮ॑ನೇಷತ॒ ಪರ್ಯ॒ಗ್ನಿಮ॑ಹೃಷತ . ದೇ॒ವೇಷ್ವ॑ಕ್ರತ॒ ಶ್ರವಃ॒ ಕ ಇ॒ಮಾಁ ಆ ದ॑ಧರ್ಷತಿ ..
ಇಮಂಸ್ತೋಮಮಿತಿ ಷೋಡಶರ್ಚಸ್ಯ ಸೂಕ್ತಸ್ಯ ಕುತ್ಸೋಗ್ನಿಃ ಪೂರ್ವೋದೇವಾಇತ್ಯಸ್ಯಾದೇವಾಅಗ್ನಿಶ್ಚ ತನ್ನೋಮಿತ್ರ ಇತ್ಯಂತ್ಯಾರ್ಧರ್ಚಸ್ಯಮಿತ್ರವರುಣಾದಿತಿ ಸಿಂಧುಪೃಥಿವೀದ್ಯಾವೋಜಗತೀ ಅಂತ್ಯೇತ್ರಿಷ್ಟುಭೌ . (ಯದ್ದೈವತ್ಯಂವಾ ಸೂಕ್ತಮಿತಿಪಕ್ಷೇಽಗ್ನಿರೇವದೇವತಾ) .
ಇ॒ಮಂ ಸ್ತೋಮ॒ಮರ್ಹ॑ತೇ ಜಾ॒ತವೇ॑ದಸೇ॒ ರಥ॑ಮಿವ॒ ಸಂ ಮ॑ಹೇಮಾ ಮನೀ॒ಷಯಾ॑ . ಭ॒ದ್ರಾ ಹಿ ನಃ॒ ಪ್ರಮ॑ತಿರಸ್ಯ ಸಂ॒ಸದ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಯಸ್ಮೈ॒ ತ್ವಮಾ॒ಯಜ॑ಸೇ॒ ಸ ಸಾ॑ಧತ್ಯನ॒ರ್ವಾ ಕ್ಷೇ॑ತಿ॒ ದಧ॑ತೇ ಸು॒ವೀರ್ಯಂ॑ . ಸ ತೂ॑ತಾವ॒ ನೈನ॑ಮಶ್ನೋತ್ಯಂಹ॒ತಿರಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಶ॒ಕೇಮ॑ ತ್ವಾ ಸ॒ಮಿಧಂ॑ ಸಾ॒ಧಯಾ॒ ಧಿಯ॒ಸ್ತ್ವೇ ದೇ॒ವಾ ಹ॒ವಿರ॑ದಂ॒ತ್ಯಾಹು॑ತಂ . ತ್ವಮಾ॑ದಿ॒ತ್ಯಾಁ ಆ ವ॑ಹ॒ ತಾನ್ಹ್ಯು೧॒॑ಶ್ಮಸ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಭರಾ॑ಮೇ॒ಧ್ಮಂ ಕೃ॒ಣವಾ॑ಮಾ ಹ॒ವೀಂಷಿ॑ ತೇ ಚಿ॒ತಯಂ॑ತಃ॒ ಪರ್ವ॑ಣಾಪರ್ವಣಾ ವ॒ಯಂ . ಜೀ॒ವಾತ॑ವೇ ಪ್ರತ॒ರಂ ಸಾ॑ಧಯಾ॒ ಧಿಯೋಽಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ವಿ॒ಶಾಂ ಗೋ॒ಪಾ ಅ॑ಸ್ಯ ಚರಂತಿ ಜಂ॒ತವೋ॑ ದ್ವಿ॒ಪಚ್ಚ॒ ಯದು॒ತ ಚತು॑ಷ್ಪದ॒ಕ್ತುಭಿಃ॑ . ಚಿ॒ತ್ರಃ ಪ್ರ॑ಕೇ॒ತ ಉ॒ಷಸೋ॑ ಮ॒ಹಾಁ ಅ॒ಸ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ತ್ವಮ॑ಧ್ವ॒ರ್ಯುರು॒ತ ಹೋತಾ॑ಸಿ ಪೂ॒ರ್ವ್ಯಃ ಪ್ರ॑ಶಾ॒ಸ್ತಾ ಪೋತಾ॑ ಜ॒ನುಷಾ॑ ಪು॒ರೋಹಿ॑ತಃ . ವಿಶ್ವಾ॑ ವಿ॒ದ್ವಾಁ ಆರ್ತ್ವಿ॑ಜ್ಯಾ ಧೀರ ಪುಷ್ಯ॒ಸ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಯೋ ವಿ॒ಶ್ವತಃ॑ ಸು॒ಪ್ರತೀ॑ಕಃ ಸ॒ದೃಙ್ಙಸಿ॑ ದೂ॒ರೇ ಚಿ॒ತ್ಸಂತ॒ಳಿದಿ॒ವಾತಿ॑ ರೋಚಸೇ . ರಾತ್ರ್ಯಾ॑ಶ್ಚಿ॒ದಂಧೋ॒ ಅತಿ॑ ದೇವ ಪಶ್ಯ॒ಸ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಪೂರ್ವೋ॑ ದೇವಾ ಭವತು ಸುನ್ವ॒ತೋ ರಥೋ॒ಽಸ್ಮಾಕಂ॒ ಶಂಸೋ॑ ಅ॒ಭ್ಯ॑ಸ್ತು ದೂ॒ಢ್ಯಃ॑ . ತದಾ ಜಾ॑ನೀತೋ॒ತ ಪು॑ಷ್ಯತಾ॒ ವಚೋಽಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ವ॒ಧೈರ್ದುಃ॒ಶಂಸಾಁ॒ ಅಪ॑ ದೂ॒ಢ್ಯೋ॑ ಜಹಿ ದೂ॒ರೇ ವಾ॒ ಯೇ ಅಂತಿ॑ ವಾ॒ ಕೇ ಚಿ॑ದ॒ತ್ರಿಣಃ॑ . ಅಥಾ॑ ಯ॒ಜ್ಞಾಯ॑ ಗೃಣ॒ತೇ ಸು॒ಗಂ ಕೃ॒ಧ್ಯಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಯದಯು॑ಕ್ಥಾ ಅರು॒ಷಾ ರೋಹಿ॑ತಾ॒ ರಥೇ॒ ವಾತ॑ಜೂತಾ ವೃಷ॒ಭಸ್ಯೇ॑ವ ತೇ॒ ರವಃ॑ . ಆದಿ॑ನ್ವಸಿ ವ॒ನಿನೋ॑ ಧೂ॒ಮಕೇ॑ತು॒ನಾಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಅಧ॑ ಸ್ವ॒ನಾದು॒ತ ಬಿ॑ಭ್ಯುಃ ಪತ॒ತ್ರಿಣೋ॑ ದ್ರ॒ಪ್ಸಾ ಯತ್ತೇ॑ ಯವ॒ಸಾದೋ॒ ವ್ಯಸ್ಥಿ॑ರನ್ . ಸು॒ಗಂ ತತ್ತೇ॑ ತಾವ॒ಕೇಭ್ಯೋ॒ ರಥೇ॒ಭ್ಯೋಽಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಅ॒ಯಂ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಯ॑ಸೇಽವಯಾ॒ತಾಂ ಮ॒ರುತಾಂ॒ ಹೇಳೋ॒ ಅದ್ಭು॑ತಃ . ಮೃ॒ಳಾ ಸು ನೋ॒ ಭೂತ್ವೇ॑ಷಾಂ॒ ಮನಃ॒ ಪುನ॒ರಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ದೇ॒ವೋ ದೇ॒ವಾನಾ॑ಮಸಿ ಮಿ॒ತ್ರೋ ಅದ್ಭು॑ತೋ॒ ವಸು॒ರ್ವಸೂ॑ನಾಮಸಿ॒ ಚಾರು॑ರಧ್ವ॒ರೇ . ಶರ್ಮಂ॑ತ್ಸ್ಯಾಮ॒ ತವ॑ ಸ॒ಪ್ರಥ॑ಸ್ತ॒ಮೇಽಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ತತ್ತೇ॑ ಭ॒ದ್ರಂ ಯತ್ಸಮಿ॑ದ್ಧಃ॒ ಸ್ವೇ ದಮೇ॒ ಸೋಮಾ॑ಹುತೋ॒ ಜರ॑ಸೇ ಮೃಳ॒ಯತ್ತ॑ಮಃ . ದಧಾ॑ಸಿ॒ ರತ್ನಂ॒ ದ್ರವಿ॑ಣಂ ಚ ದಾ॒ಶುಷೇಽಗ್ನೇ॑ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ..
ಯಸ್ಮೈ॒ ತ್ವಂ ಸು॑ದ್ರವಿಣೋ॒ ದದಾ॑ಶೋಽನಾಗಾ॒ಸ್ತ್ವಮ॑ದಿತೇ ಸ॒ರ್ವತಾ॑ತಾ . ಯಂ ಭ॒ದ್ರೇಣ॒ ಶವ॑ಸಾ ಚೋ॒ದಯಾ॑ಸಿ ಪ್ರ॒ಜಾವ॑ತಾ॒ ರಾಧ॑ಸಾ॒ ತೇ ಸ್ಯಾ॑ಮ ..
ಸ ತ್ವಮ॑ಗ್ನೇ ಸೌಭಗ॒ತ್ವಸ್ಯ॑ ವಿ॒ದ್ವಾನ॒ಸ್ಮಾಕ॒ಮಾಯುಃ॒ ಪ್ರ ತಿ॑ರೇ॒ಹ ದೇ॑ವ . ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ..
ನ॒ಹಿ ತೇ॑ ಕ್ಷ॒ತ್ರಂ ನ ಸಹೋ॒ ನ ಮ॒ನ್ಯುಂ ವಯ॑ಶ್ಚ॒ನಾಮೀ ಪ॒ತಯಂ॑ತ ಆ॒ಪುಃ . ನೇಮಾ ಆಪೋ॑ ಅನಿಮಿ॒ಷಂ ಚರಂ॑ತೀ॒ರ್ನ ಯೇ ವಾತ॑ಸ್ಯ ಪ್ರಮಿ॒ನಂತ್ಯಭ್ವಂ॑ ..
ಅ॒ಬು॒ಧ್ನೇ ರಾಜಾ॒ ವರು॑ಣೋ॒ ವನ॑ಸ್ಯೋ॒ರ್ಧ್ವಂ ಸ್ತೂಪಂ॑ ದದತೇ ಪೂ॒ತದ॑ಕ್ಷಃ . ನೀ॒ಚೀನಾಃ॑ ಸ್ಥುರು॒ಪರಿ॑ ಬು॒ಧ್ನ ಏ॑ಷಾಮ॒ಸ್ಮೇ ಅಂ॒ತರ್ನಿಹಿ॑ತಾಃ ಕೇ॒ತವಃ॑ ಸ್ಯುಃ ..
ಉ॒ರುಂ ಹಿ ರಾಜಾ॒ ವರು॑ಣಶ್ಚ॒ಕಾರ॒ ಸೂರ್ಯಾ॑ಯ॒ ಪಂಥಾ॒ಮನ್ವೇ॑ತ॒ವಾ ಉ॑ . ಅ॒ಪದೇ॒ ಪಾದಾ॒ ಪ್ರತಿ॑ಧಾತವೇಽಕರು॒ತಾಪ॑ವ॒ಕ್ತಾ ಹೃ॑ದಯಾ॒ವಿಧ॑ಶ್ಚಿತ್ ..
ಶ॒ತಂ ತೇ॑ ರಾಜನ್ಭಿ॒ಷಜಃ॑ ಸ॒ಹಸ್ರ॑ಮು॒ರ್ವೀ ಗ॑ಭೀ॒ರಾ ಸು॑ಮ॒ತಿಷ್ಟೇ॑ ಅಸ್ತು . ಬಾಧ॑ಸ್ವ ದೂ॒ರೇ ನಿರ್ಋ॑ತಿಂ ಪರಾ॒ಚೈಃ ಕೃ॒ತಂ ಚಿ॒ದೇನಃ॒ ಪ್ರ ಮು॑ಮುಗ್ಧ್ಯ॒ಸ್ಮತ್ ..
ಅ॒ಮೀ ಯ ಋಕ್ಷಾ॒ ನಿಹಿ॑ತಾಸ ಉ॒ಚ್ಚಾ ನಕ್ತಂ॒ ದದೃ॑ಶ್ರೇ॒ ಕುಹ॑ ಚಿ॒ದ್ದಿವೇ॑ಯುಃ . ಅದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ ವಿ॒ಚಾಕ॑ಶಚ್ಚಂ॒ದ್ರಮಾ॒ ನಕ್ತ॑ಮೇತಿ ..
ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ॑ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ . ಅಹೇ॑ಳಮಾನೋ ವರುಣೇ॒ಹ ಬೋ॒ಧ್ಯುರು॑ಶಂಸ॒ ಮಾ ನ॒ ಆಯುಃ॒ ಪ್ರ ಮೋ॑ಷೀಃ ..
ತದಿನ್ನಕ್ತಂ॒ ತದ್ದಿವಾ॒ ಮಹ್ಯ॑ಮಾಹು॒ಸ್ತದ॒ಯಂ ಕೇತೋ॑ ಹೃ॒ದ ಆ ವಿ ಚ॑ಷ್ಟೇ . ಶುನಃ॒ಶೇಪೋ॒ ಯಮಹ್ವ॑ದ್ಗೃಭೀ॒ತಃ ಸೋ ಅ॒ಸ್ಮಾನ್ರಾಜಾ॒ ವರು॑ಣೋ ಮುಮೋಕ್ತು ..
ಶುನಃ॒ಶೇಪೋ॒ ಹ್ಯಹ್ವ॑ದ್ಗೃಭೀ॒ತಸ್ತ್ರಿ॒ಷ್ವಾ॑ದಿ॒ತ್ಯಂ ದ್ರು॑ಪ॒ದೇಷು॑ ಬ॒ದ್ಧಃ . ಅವೈ॑ನಂ॒ ರಾಜಾ॒ ವರು॑ಣಃ ಸಸೃಜ್ಯಾದ್ವಿ॒ದ್ವಾಁ ಅದ॑ಬ್ಧೋ॒ ವಿ ಮು॑ಮೋಕ್ತು॒ ಪಾಶಾ॑ನ್ ..
ಅವ॑ ತೇ॒ ಹೇಳೋ॑ ವರುಣ॒ ನಮೋ॑ಭಿ॒ರವ॑ ಯ॒ಜ್ಞೇಭಿ॑ರೀಮಹೇ ಹ॒ವಿರ್ಭಿಃ॑ . ಕ್ಷಯ॑ನ್ನ॒ಸ್ಮಭ್ಯ॑ಮಸುರ ಪ್ರಚೇತಾ॒ ರಾಜ॒ನ್ನೇನಾಂ॑ಸಿ ಶಿಶ್ರಥಃ ಕೃ॒ತಾನಿ॑ ..
ಉದು॑ತ್ತ॒ಮಂ ವ॑ರುಣ॒ ಪಾಶ॑ಮ॒ಸ್ಮದವಾ॑ಧ॒ಮಂ ವಿ ಮ॑ಧ್ಯ॒ಮಂ ಶ್ರ॑ಥಾಯ . ಅಥಾ॑ ವ॒ಯಮಾ॑ದಿತ್ಯ ವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ ..
ನಕ್ತೋ॒ಷಾಸಾ॑ ಸು॒ಪೇಶ॑ಸಾ॒ಸ್ಮಿನ್ಯ॒ಜ್ಞ ಉಪ॑ ಹ್ವಯೇ . ಇ॒ದಂ ನೋ॑ ಬ॒ರ್ಹಿರಾ॒ಸದೇ॑ ..
ಯಚ್ಚಿದ್ಧಿತಇತ್ಯೇಕವಿಂಶತ್ಯೃಚಸ್ಯ ಸೂಕ್ತಸ್ಯಾಜೀರ್ಗರ್ತಿಃಶುನಃಶೇಪೋವರುಣೋಗಾಯತ್ರೀ .
ಯಚ್ಚಿ॒ದ್ಧಿ ತೇ॒ ವಿಶೋ॑ ಯಥಾ॒ ಪ್ರ ದೇ॑ವ ವರುಣ ವ್ರ॒ತಂ . ಮಿ॒ನೀ॒ಮಸಿ॒ ದ್ಯವಿ॑ದ್ಯವಿ ..
ಮಾ ನೋ॑ ವ॒ಧಾಯ॑ ಹ॒ತ್ನವೇ॑ ಜಿಹೀಳಾ॒ನಸ್ಯ॑ ರೀರಧಃ . ಮಾ ಹೃ॑ಣಾ॒ನಸ್ಯ॑ ಮ॒ನ್ಯವೇ॑ ..
ವಿ ಮೃ॑ಳೀ॒ಕಾಯ॑ ತೇ॒ ಮನೋ॑ ರ॒ಥೀರಶ್ವಂ॒ ನ ಸಂದಿ॑ತಂ . ಗೀ॒ರ್ಭಿರ್ವ॑ರುಣ ಸೀಮಹಿ ..
ಪರಾ॒ ಹಿ ಮೇ॒ ವಿಮ॑ನ್ಯವಃ॒ ಪತಂ॑ತಿ॒ ವಸ್ಯ॑ಇಷ್ಟಯೇ . ವಯೋ॒ ನ ವ॑ಸ॒ತೀರುಪ॑ ..
ಕ॒ದಾ ಕ್ಷ॑ತ್ರ॒ಶ್ರಿಯಂ॒ ನರ॒ಮಾ ವರು॑ಣಂ ಕರಾಮಹೇ . ಮೃ॒ಳೀ॒ಕಾಯೋ॑ರು॒ಚಕ್ಷ॑ಸಂ ..
ತದಿತ್ಸ॑ಮಾ॒ನಮಾ॑ಶಾತೇ॒ ವೇನಂ॑ತಾ॒ ನ ಪ್ರ ಯು॑ಚ್ಛತಃ . ಧೃ॒ತವ್ರ॑ತಾಯ ದಾ॒ಶುಷೇ॑ ..
ವೇದಾ॒ ಯೋ ವೀ॒ನಾಂ ಪ॒ದಮಂ॒ತರಿ॑ಕ್ಷೇಣ॒ ಪತ॑ತಾಂ . ವೇದ॑ ನಾ॒ವಃ ಸ॑ಮು॒ದ್ರಿಯಃ॑ ..
ವೇದ॑ ಮಾ॒ಸೋ ಧೃ॒ತವ್ರ॑ತೋ॒ ದ್ವಾದ॑ಶ ಪ್ರ॒ಜಾವ॑ತಃ . ವೇದಾ॒ ಯ ಉ॑ಪ॒ಜಾಯ॑ತೇ ..
ವೇದ॒ ವಾತ॑ಸ್ಯ ವರ್ತ॒ನಿಮು॒ರೋರ್ಋ॒ಷ್ವಸ್ಯ॑ ಬೃಹ॒ತಃ . ವೇದಾ॒ ಯೇ ಅ॒ಧ್ಯಾಸ॑ತೇ ..
ನಿ ಷ॑ಸಾದ ಧೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾ॒೩॒॑ಸ್ವಾ . ಸಾಮ್ರಾ॑ಜ್ಯಾಯ ಸು॒ಕ್ರತುಃ॑ ..
ಅತೋ॒ ವಿಶ್ವಾ॒ನ್ಯದ್ಭು॑ತಾ ಚಿಕಿ॒ತ್ವಾಁ ಅ॒ಭಿ ಪ॑ಶ್ಯತಿ . ಕೃ॒ತಾನಿ॒ ಯಾ ಚ॒ ಕರ್ತ್ವಾ॑ ..
ಸ ನೋ॑ ವಿ॒ಶ್ವಾಹಾ॑ ಸು॒ಕ್ರತು॑ರಾದಿ॒ತ್ಯಃ ಸು॒ಪಥಾ॑ ಕರತ್ . ಪ್ರ ಣ॒ ಆಯೂಂ॑ಷಿ ತಾರಿಷತ್ ..
ಬಿಭ್ರ॑ದ್ದ್ರಾ॒ಪಿಂ ಹಿ॑ರ॒ಣ್ಯಯಂ॒ ವರು॑ಣೋ ವಸ್ತ ನಿ॒ರ್ಣಿಜಂ॑ . ಪರಿ॒ ಸ್ಪಶೋ॒ ನಿ ಷೇ॑ದಿರೇ ..
ನ ಯಂ ದಿಪ್ಸಂ॑ತಿ ದಿ॒ಪ್ಸವೋ॒ ನ ದ್ರುಹ್ವಾ॑ಣೋ॒ ಜನಾ॑ನಾಂ . ನ ದೇ॒ವಮ॒ಭಿಮಾ॑ತಯಃ ..
ಉ॒ತ ಯೋ ಮಾನು॑ಷೇ॒ಷ್ವಾ ಯಶ॑ಶ್ಚ॒ಕ್ರೇ ಅಸಾ॒ಮ್ಯಾ . ಅ॒ಸ್ಮಾಕ॑ಮು॒ದರೇ॒ಷ್ವಾ ..
ಪರಾ॑ ಮೇ ಯಂತಿ ಧೀ॒ತಯೋ॒ ಗಾವೋ॒ ನ ಗವ್ಯೂ॑ತೀ॒ರನು॑ . ಇ॒ಚ್ಛಂತೀ॑ರುರು॒ಚಕ್ಷ॑ಸಂ ..
ಸಂ ನು ವೋ॑ಚಾವಹೈ॒ ಪುನ॒ರ್ಯತೋ॑ ಮೇ॒ ಮಧ್ವಾಭೃ॑ತಂ . ಹೋತೇ॑ವ॒ ಕ್ಷದ॑ಸೇ ಪ್ರಿ॒ಯಂ ..
ದರ್ಶಂ॒ ನು ವಿ॒ಶ್ವದ॑ರ್ಶತಂ॒ ದರ್ಶಂ॒ ರಥ॒ಮಧಿ॒ ಕ್ಷಮಿ॑ . ಏ॒ತಾ ಜು॑ಷತ ಮೇ॒ ಗಿರಃ॑ ..
ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಳಯ . ತ್ವಾಮ॑ವ॒ಸ್ಯುರಾ ಚ॑ಕೇ ..
ತ್ವಂ ವಿಶ್ವ॑ಸ್ಯ ಮೇಧಿರ ದಿ॒ವಶ್ಚ॒ ಗ್ಮಶ್ಚ॑ ರಾಜಸಿ . ಸ ಯಾಮ॑ನಿ॒ ಪ್ರತಿ॑ ಶ್ರುಧಿ ..
ಉದು॑ತ್ತ॒ಮಂ ಮು॑ಮುಗ್ಧಿ ನೋ॒ ವಿ ಪಾಶಂ॑ ಮಧ್ಯ॒ಮಂ ಚೃ॑ತ . ಅವಾ॑ಧ॒ಮಾನಿ॑ ಜೀ॒ವಸೇ॑ ..
ಪ್ರಸಮ್ರಾಜಇತ್ಯಷ್ಟರ್ಚಸ್ಯ ಸೂಕ್ತಸ್ಯ ಭೌಮೋತ್ರಿರ್ವರುಣತ್ರಿಷ್ಟುಪ್ .
ಪ್ರ ಸ॒ಮ್ರಾಜೇ॑ ಬೃ॒ಹದ॑ರ್ಚಾ ಗಭೀ॒ರಂ ಬ್ರಹ್ಮ॑ ಪ್ರಿ॒ಯಂ ವರು॑ಣಾಯ ಶ್ರು॒ತಾಯ॑ . ವಿ ಯೋ ಜ॒ಘಾನ॑ ಶಮಿ॒ತೇವ॒ ಚರ್ಮೋ॑ಪ॒ಸ್ತಿರೇ॑ ಪೃಥಿ॒ವೀಂ ಸೂರ್ಯಾ॑ಯ ..
ವನೇ॑ಷು॒ ವ್ಯ೧॒॑ನ್ತರಿ॑ಕ್ಷಂ ತತಾನ॒ ವಾಜ॒ಮರ್ವ॑ತ್ಸು॒ ಪಯ॑ ಉ॒ಸ್ರಿಯಾ॑ಸು . ಹೃ॒ತ್ಸು ಕ್ರತುಂ॒ ವರು॑ಣೋ ಅ॒ಪ್ಸ್ವ೧॒॑ಗ್ನಿಂ ದಿ॒ವಿ ಸೂರ್ಯ॑ಮದಧಾ॒ತ್ಸೋಮ॒ಮದ್ರೌ॑ ..
ನೀ॒ಚೀನ॑ಬಾರಂ॒ ವರು॑ಣಃ॒ ಕವಂ॑ಧಂ॒ ಪ್ರ ಸ॑ಸರ್ಜ॒ ರೋದ॑ಸೀ ಅಂ॒ತರಿ॑ಕ್ಷಂ . ತೇನ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ॒ ಯವಂ॒ ನ ವೃ॒ಷ್ಟಿರ್ವ್ಯು॑ನತ್ತಿ॒ ಭೂಮ॑ ..
ಉ॒ನತ್ತಿ॒ ಭೂಮಿಂ॑ ಪೃಥಿ॒ವೀಮು॒ತ ದ್ಯಾಂ ಯ॒ದಾ ದು॒ಗ್ಧಂ ವರು॑ಣೋ॒ ವಷ್ಟ್ಯಾದಿತ್ . ಸಮ॒ಭ್ರೇಣ॑ ವಸತ॒ ಪರ್ವ॑ತಾಸಸ್ತವಿಷೀ॒ಯಂತಃ॑ ಶ್ರಥಯಂತ ವೀ॒ರಾಃ ..
ಇ॒ಮಾಮೂ॒ ಷ್ವಾ॑ಸು॒ರಸ್ಯ॑ ಶ್ರು॒ತಸ್ಯ॑ ಮ॒ಹೀಂ ಮಾ॒ಯಾಂ ವರು॑ಣಸ್ಯ॒ ಪ್ರ ವೋ॑ಚಂ . ಮಾನೇ॑ನೇವ ತಸ್ಥಿ॒ವಾಁ ಅಂ॒ತರಿ॑ಕ್ಷೇ॒ ವಿ ಯೋ ಮ॒ಮೇ ಪೃ॑ಥಿ॒ವೀಂ ಸೂರ್ಯೇ॑ಣ ..
ಇ॒ಮಾಮೂ॒ ನು ಕ॒ವಿತ॑ಮಸ್ಯ ಮಾ॒ಯಾಂ ಮ॒ಹೀಂ ದೇ॒ವಸ್ಯ॒ ನಕಿ॒ರಾ ದ॑ಧರ್ಷ . ಏಕಂ॒ ಯದು॒ದ್ನಾ ನ ಪೃ॒ಣಂತ್ಯೇನೀ॑ರಾಸಿಂ॒ಚಂತೀ॑ರ॒ವನ॑ಯಃ ಸಮು॒ದ್ರಂ ..
ಅ॒ರ್ಯ॒ಮ್ಯಂ॑ ವರುಣ ಮಿ॒ತ್ರ್ಯಂ॑ ವಾ॒ ಸಖಾ॑ಯಂ ವಾ॒ ಸದ॒ಮಿದ್ಭ್ರಾತ॑ರಂ ವಾ . ವೇ॒ಶಂ ವಾ॒ ನಿತ್ಯಂ॑ ವರು॒ಣಾರ॑ಣಂ ವಾ॒ ಯತ್ಸೀ॒ಮಾಗ॑ಶ್ಚಕೃ॒ಮಾ ಶಿ॒ಶ್ರಥ॒ಸ್ತತ್ ..
ಕಿ॒ತ॒ವಾಸೋ॒ ಯದ್ರಿ॑ರಿ॒ಪುರ್ನ ದೀ॒ವಿ ಯದ್ವಾ॑ ಘಾ ಸ॒ತ್ಯಮು॒ತ ಯನ್ನ ವಿ॒ದ್ಮ . ಸರ್ವಾ॒ ತಾ ವಿ ಷ್ಯ॑ ಶಿಥಿ॒ರೇವ॑ ದೇ॒ವಾಧಾ॑ ತೇ ಸ್ಯಾಮ ವರುಣ ಪ್ರಿ॒ಯಾಸಃ॑ ..
ಧೀರಾತ್ವಿತ್ಯಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವರುಣಸ್ತ್ರಿಷ್ಟುಪ್ .
ಧೀರಾ॒ ತ್ವ॑ಸ್ಯ ಮಹಿ॒ನಾ ಜ॒ನೂಂಷಿ॒ ವಿ ಯಸ್ತ॒ಸ್ತಂಭ॒ ರೋದ॑ಸೀ ಚಿದು॒ರ್ವೀ . ಪ್ರ ನಾಕ॑ಮೃ॒ಷ್ವಂ ನು॑ನುದೇ ಬೃ॒ಹಂತಂ॑ ದ್ವಿ॒ತಾ ನಕ್ಷ॑ತ್ರಂ ಪ॒ಪ್ರಥ॑ಚ್ಚ॒ ಭೂಮ॑ ..
ಉ॒ತ ಸ್ವಯಾ॑ ತ॒ನ್ವಾ॒೩॒॑ ಸಂ ವ॑ದೇ॒ ತತ್ಕ॒ದಾ ನ್ವ೧॒॑ನ್ತರ್ವರು॑ಣೇ ಭುವಾನಿ . ಕಿಂ ಮೇ॑ ಹ॒ವ್ಯಮಹೃ॑ಣಾನೋ ಜುಷೇತ ಕ॒ದಾ ಮೃ॑ಳೀ॒ಕಂ ಸು॒ಮನಾ॑ ಅ॒ಭಿ ಖ್ಯಂ॑ ..
ಪೃ॒ಚ್ಛೇ ತದೇನೋ॑ ವರುಣ ದಿ॒ದೃಕ್ಷೂಪೋ॑ ಏಮಿ ಚಿಕಿ॒ತುಷೋ॑ ವಿ॒ಪೃಚ್ಛಂ॑ . ಸ॒ಮಾ॒ನಮಿನ್ಮೇ॑ ಕ॒ವಯ॑ಶ್ಚಿದಾಹುರ॒ಯಂ ಹ॒ ತುಭ್ಯಂ॒ ವರು॑ಣೋ ಹೃಣೀತೇ ..
ಕಿಮಾಗ॑ ಆಸ ವರುಣ॒ ಜ್ಯೇಷ್ಠಂ॒ ಯತ್ಸ್ತೋ॒ತಾರಂ॒ ಜಿಘಾಂ॑ಸಸಿ॒ ಸಖಾ॑ಯಂ . ಪ್ರ ತನ್ಮೇ॑ ವೋಚೋ ದೂಳಭ ಸ್ವಧಾ॒ವೋಽವ॑ ತ್ವಾನೇ॒ನಾ ನಮ॑ಸಾ ತು॒ರ ಇ॑ಯಾಂ ..
ಅವ॑ ದ್ರು॒ಗ್ಧಾನಿ॒ ಪಿತ್ರ್ಯಾ॑ ಸೃಜಾ॒ ನೋಽವ॒ ಯಾ ವ॒ಯಂ ಚ॑ಕೃ॒ಮಾ ತ॒ನೂಭಿಃ॑ . ಅವ॑ ರಾಜನ್ಪಶು॒ತೃಪಂ॒ ನ ತಾ॒ಯುಂ ಸೃ॒ಜಾ ವ॒ತ್ಸಂ ನ ದಾಮ್ನೋ॒ ವಸಿ॑ಷ್ಠಂ ..
ನ ಸ ಸ್ವೋ ದಕ್ಷೋ॑ ವರುಣ॒ ಧ್ರುತಿಃ॒ ಸಾ ಸುರಾ॑ ಮ॒ನ್ಯುರ್ವಿ॒ಭೀದ॑ಕೋ॒ ಅಚಿ॑ತ್ತಿಃ . ಅಸ್ತಿ॒ ಜ್ಯಾಯಾ॒ನ್ಕನೀ॑ಯಸ ಉಪಾ॒ರೇ ಸ್ವಪ್ನ॑ಶ್ಚ॒ನೇದನೃ॑ತಸ್ಯ ಪ್ರಯೋ॒ತಾ ..
ಅರಂ॑ ದಾ॒ಸೋ ನ ಮೀ॒ಳ್ಹುಷೇ॑ ಕರಾಣ್ಯ॒ಹಂ ದೇ॒ವಾಯ॒ ಭೂರ್ಣ॒ಯೇಽನಾ॑ಗಾಃ . ಅಚೇ॑ತಯದ॒ಚಿತೋ॑ ದೇ॒ವೋ ಅ॒ರ್ಯೋ ಗೃತ್ಸಂ॑ ರಾ॒ಯೇ ಕ॒ವಿತ॑ರೋ ಜುನಾತಿ ..
ಅ॒ಯಂ ಸು ತುಭ್ಯಂ॑ ವರುಣ ಸ್ವಧಾವೋ ಹೃ॒ದಿ ಸ್ತೋಮ॒ ಉಪ॑ಶ್ರಿತಶ್ಚಿದಸ್ತು . ಶಂ ನಃ॒ ಕ್ಷೇಮೇ॒ ಶಮು॒ ಯೋಗೇ॑ ನೋ ಅಸ್ತು ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ರದತ್ಪಥಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವರುಣಸ್ತ್ರಿಷ್ಟುಪ್ .
ರದ॑ತ್ಪ॒ಥೋ ವರು॑ಣಃ॒ ಸೂರ್ಯಾ॑ಯ॒ ಪ್ರಾರ್ಣಾಂ॑ಸಿ ಸಮು॒ದ್ರಿಯಾ॑ ನ॒ದೀನಾಂ॑ . ಸರ್ಗೋ॒ ನ ಸೃ॒ಷ್ಟೋ ಅರ್ವ॑ತೀರ್ಋತಾ॒ಯಂಚ॒ಕಾರ॑ ಮ॒ಹೀರ॒ವನೀ॒ರಹ॑ಭ್ಯಃ ..
ಆ॒ತ್ಮಾ ತೇ॒ ವಾತೋ॒ ರಜ॒ ಆ ನ॑ವೀನೋತ್ಪ॒ಶುರ್ನ ಭೂರ್ಣಿ॒ರ್ಯವ॑ಸೇ ಸಸ॒ವಾನ್ . ಅಂ॒ತರ್ಮ॒ಹೀ ಬೃ॑ಹ॒ತೀ ರೋದ॑ಸೀ॒ಮೇ ವಿಶ್ವಾ॑ ತೇ॒ ಧಾಮ॑ ವರುಣ ಪ್ರಿ॒ಯಾಣಿ॑ ..
ಪರಿ॒ ಸ್ಪಶೋ॒ ವರು॑ಣಸ್ಯ॒ ಸ್ಮದಿ॑ಷ್ಟಾ ಉ॒ಭೇ ಪ॑ಶ್ಯಂತಿ॒ ರೋದ॑ಸೀ ಸು॒ಮೇಕೇ॑ . ಋ॒ತಾವಾ॑ನಃ ಕ॒ವಯೋ॑ ಯ॒ಜ್ಞಧೀ॑ರಾಃ॒ ಪ್ರಚೇ॑ತಸೋ॒ ಯ ಇ॒ಷಯಂ॑ತ॒ ಮನ್ಮ॑ ..
ಉ॒ವಾಚ॑ ಮೇ॒ ವರು॑ಣೋ॒ ಮೇಧಿ॑ರಾಯ॒ ತ್ರಿಃ ಸ॒ಪ್ತ ನಾಮಾಘ್ನ್ಯಾ॑ ಬಿಭರ್ತಿ . ವಿ॒ದ್ವಾನ್ಪ॒ದಸ್ಯ॒ ಗುಹ್ಯಾ॒ ನ ವೋ॑ಚದ್ಯು॒ಗಾಯ॒ ವಿಪ್ರ॒ ಉಪ॑ರಾಯ॒ ಶಿಕ್ಷ॑ನ್ ..
ತಿ॒ಸ್ರೋ ದ್ಯಾವೋ॒ ನಿಹಿ॑ತಾ ಅಂ॒ತರ॑ಸ್ಮಿಂತಿ॒ಸ್ರೋ ಭೂಮೀ॒ರುಪ॑ರಾಃ॒ ಷಡ್ವಿ॑ಧಾನಾಃ . ಗೃತ್ಸೋ॒ ರಾಜಾ॒ ವರು॑ಣಶ್ಚಕ್ರ ಏ॒ತಂ ದಿ॒ವಿ ಪ್ರೇಂ॒ಖಂ ಹಿ॑ರ॒ಣ್ಯಯಂ॑ ಶು॒ಭೇ ಕಂ ..
ಅವ॒ ಸಿಂಧುಂ॒ ವರು॑ಣೋ॒ ದ್ಯೌರಿ॑ವ ಸ್ಥಾದ್ದ್ರ॒ಪ್ಸೋ ನ ಶ್ವೇ॒ತೋ ಮೃ॒ಗಸ್ತುವಿ॑ಷ್ಮಾನ್ . ಗಂ॒ಭೀ॒ರಶಂ॑ಸೋ॒ ರಜ॑ಸೋ ವಿ॒ಮಾನಃ॑ ಸುಪಾ॒ರಕ್ಷ॑ತ್ರಃ ಸ॒ತೋ ಅ॒ಸ್ಯ ರಾಜಾ॑ ..
ಯೋ ಮೃ॒ಳಯಾ॑ತಿ ಚ॒ಕ್ರುಷೇ॑ ಚಿ॒ದಾಗೋ॑ ವ॒ಯಂ ಸ್ಯಾ॑ಮ॒ ವರು॑ಣೇ॒ ಅನಾ॑ಗಾಃ . ಅನು॑ ವ್ರ॒ತಾನ್ಯದಿ॑ತೇರ್ಋ॒ಧಂತೋ॑ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಪ್ರಶುಂಧ್ಯುವಮಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವರುಣಸ್ತ್ರಿಷ್ಟುಬಂತ್ಯಾಜಗತೀ . (ಅಂತ್ಯಾಪಾಶವಿಮೋಚನೀತಿಗುಣಃ) .
ಪ್ರ ಶುಂ॒ಧ್ಯುವಂ॒ ವರು॑ಣಾಯ॒ ಪ್ರೇಷ್ಠಾಂ॑ ಮ॒ತಿಂ ವ॑ಸಿಷ್ಠ ಮೀ॒ಳ್ಹುಷೇ॑ ಭರಸ್ವ . ಯ ಈ॑ಮ॒ರ್ವಾಂಚಂ॒ ಕರ॑ತೇ॒ ಯಜ॑ತ್ರಂ ಸ॒ಹಸ್ರಾ॑ಮಘಂ॒ ವೃಷ॑ಣಂ ಬೃ॒ಹಂತಂ॑ ..
ಅಧಾ॒ ನ್ವ॑ಸ್ಯ ಸಂ॒ದೃಶಂ॑ ಜಗ॒ನ್ವಾನ॒ಗ್ನೇರನೀ॑ಕಂ॒ ವರು॑ಣಸ್ಯ ಮಂಸಿ . ಸ್ವ೧॒॑ರ್ಯದಶ್ಮ॑ನ್ನಧಿ॒ಪಾ ಉ॒ ಅಂಧೋ॒ಽಭಿ ಮಾ॒ ವಪು॑ರ್ದೃ॒ಶಯೇ॑ ನಿನೀಯಾತ್ ..
ಆ ಯದ್ರು॒ಹಾವ॒ ವರು॑ಣಶ್ಚ॒ ನಾವಂ॒ ಪ್ರ ಯತ್ಸ॑ಮು॒ದ್ರಮೀ॒ರಯಾ॑ವ॒ ಮಧ್ಯಂ॑ . ಅಧಿ॒ ಯದ॒ಪಾಂ ಸ್ನುಭಿ॒ಶ್ಚರಾ॑ವ॒ ಪ್ರ ಪ್ರೇಂ॒ಖ ಈಂ॑ಖಯಾವಹೈ ಶು॒ಭೇ ಕಂ ..
ವಸಿ॑ಷ್ಠಂ ಹ॒ ವರು॑ಣೋ ನಾ॒ವ್ಯಾಧಾ॒ದೃಷಿಂ॑ ಚಕಾರ॒ ಸ್ವಪಾ॒ ಮಹೋ॑ಭಿಃ . ಸ್ತೋ॒ತಾರಂ॒ ವಿಪ್ರಃ॑ ಸುದಿನ॒ತ್ವೇ ಅಹ್ನಾಂ॒ ಯಾನ್ನು ದ್ಯಾವ॑ಸ್ತ॒ತನ॒ನ್ಯಾದು॒ಷಾಸಃ॑ ..
ಕ್ವ೧॒॑ ತ್ಯಾನಿ॑ ನೌ ಸ॒ಖ್ಯಾ ಬ॑ಭೂವುಃ॒ ಸಚಾ॑ವಹೇ॒ ಯದ॑ವೃ॒ಕಂ ಪು॒ರಾ ಚಿ॑ತ್ . ಬೃ॒ಹಂತಂ॒ ಮಾನಂ॑ ವರುಣ ಸ್ವಧಾವಃ ಸ॒ಹಸ್ರ॑ದ್ವಾರಂ ಜಗಮಾ ಗೃ॒ಹಂ ತೇ॑ ..
ಯ ಆ॒ಪಿರ್ನಿತ್ಯೋ॑ ವರುಣ ಪ್ರಿ॒ಯಃ ಸಂತ್ವಾಮಾಗಾಂ॑ಸಿ ಕೃ॒ಣವ॒ತ್ಸಖಾ॑ ತೇ . ಮಾ ತ॒ ಏನ॑ಸ್ವಂತೋ ಯಕ್ಷಿನ್ಭುಜೇಮ ಯಂ॒ಧಿ ಷ್ಮಾ॒ ವಿಪ್ರಃ॑ ಸ್ತುವ॒ತೇ ವರೂ॑ಥಂ ..
ಧ್ರು॒ವಾಸು॑ ತ್ವಾ॒ಸು ಕ್ಷಿ॒ತಿಷು॑ ಕ್ಷಿ॒ಯಂತೋ॒ ವ್ಯ೧॒॑ಸ್ಮತ್ಪಾಶಂ॒ ವರು॑ಣೋ ಮುಮೋಚತ್ . ಅವೋ॑ ವನ್ವಾ॒ನಾ ಅದಿ॑ತೇರು॒ಪಸ್ಥಾ॑ದ್ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಮೋಷುವರುಣೇತಿ ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವರುಣೋಗಾಯತ್ರ್ಯಂತ್ಯಾಜಗತೀ .
ಮೋ ಷು ವ॑ರುಣ ಮೃ॒ನ್ಮಯಂ॑ ಗೃ॒ಹಂ ರಾ॑ಜನ್ನ॒ಹಂ ಗ॑ಮಂ . ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ..
ಯದೇಮಿ॑ ಪ್ರಸ್ಫು॒ರನ್ನಿ॑ವ॒ ದೃತಿ॒ರ್ನ ಧ್ಮಾ॒ತೋ ಅ॑ದ್ರಿವಃ . ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ..
ಕ್ರತ್ವಃ॑ ಸಮಹ ದೀ॒ನತಾ॑ ಪ್ರತೀ॒ಪಂ ಜ॑ಗಮಾ ಶುಚೇ . ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ..
ಅ॒ಪಾಂ ಮಧ್ಯೇ॑ ತಸ್ಥಿ॒ವಾಂಸಂ॒ ತೃಷ್ಣಾ॑ವಿದಜ್ಜರಿ॒ತಾರಂ॑ . ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ..
ಯತ್ಕಿಂ ಚೇ॒ದಂ ವ॑ರುಣ॒ ದೈವ್ಯೇ॒ ಜನೇ॑ಽಭಿದ್ರೋ॒ಹಂ ಮ॑ನು॒ಷ್ಯಾ॒೩॒॑ಶ್ಚರಾ॑ಮಸಿ . ಅಚಿ॑ತ್ತೀ॒ ಯತ್ತವ॒ ಧರ್ಮಾ॑ ಯುಯೋಪಿ॒ಮ ಮಾ ನ॒ಸ್ತಸ್ಮಾ॒ದೇನ॑ಸೋ ದೇವ ರೀರಿಷಃ ..
ಅಸ್ಮಾಊಷ್ವಿತಿ ದಶರ್ಚಸ್ಯ ಸೂಕ್ತಸ್ಯ ಕಾಣ್ವೋನಾಭಾಕೋವರುಣೋಮಹಾಪಂಕ್ತಿಃ .
ಅ॒ ಅ॒ಸ್ಮಾ ಊ॒ ಷು ಪ್ರಭೂ॑ತಯೇ॒ ವರು॑ಣಾಯ ಮ॒ರುದ್ಭ್ಯೋಽರ್ಚಾ॑ ವಿ॒ದುಷ್ಟ॑ರೇಭ್ಯಃ . ಯೋ ಧೀ॒ತಾ ಮಾನು॑ಷಾಣಾಂ ಪ॒ಶ್ವೋ ಗಾ ಇ॑ವ॒ ರಕ್ಷ॑ತಿ॒ ನಭಂ॑ತಾಮನ್ಯ॒ಕೇ ಸ॑ಮೇ ..
ತಮೂ॒ ಷು ಸ॑ಮ॒ನಾ ಗಿ॒ರಾ ಪಿ॑ತೄ॒ಣಾಂ ಚ॒ ಮನ್ಮ॑ಭಿಃ . ನಾ॒ಭಾ॒ಕಸ್ಯ॒ ಪ್ರಶ॑ಸ್ತಿಭಿ॒ರ್ಯಃ ಸಿಂಧೂ॑ನಾ॒ಮುಪೋ॑ದ॒ಯೇ ಸ॒ಪ್ತಸ್ವ॑ಸಾ॒ ಸ ಮ॑ಧ್ಯ॒ಮೋ ನಭಂ॑ತಾಮನ್ಯ॒ಕೇ ಸ॑ಮೇ ..
ಸ ಕ್ಷಪಃ॒ ಪರಿ॑ ಷಸ್ವಜೇ॒ ನ್ಯು೧॒॑ಸ್ರೋ ಮಾ॒ಯಯಾ॑ ದಧೇ॒ ಸ ವಿಶ್ವಂ॒ ಪರಿ॑ ದರ್ಶ॒ತಃ . ತಸ್ಯ॒ ವೇನೀ॒ರನು॑ ವ್ರ॒ತಮು॒ಷಸ್ತಿ॒ಸ್ರೋ ಅ॑ವರ್ಧಯ॒ನ್ನಭಂ॑ತಾಮನ್ಯ॒ಕೇ ಸ॑ಮೇ ..
ಯಃ ಕ॒ಕುಭೋ॑ ನಿಧಾರ॒ಯಃ ಪೃ॑ಥಿ॒ವ್ಯಾಮಧಿ॑ ದರ್ಶ॒ತಃ . ಸ ಮಾತಾ॑ ಪೂ॒ರ್ವ್ಯಂ ಪ॒ದಂ ತದ್ವರು॑ಣಸ್ಯ॒ ಸಪ್ತ್ಯಂ॒ ಸ ಹಿ ಗೋ॒ಪಾ ಇ॒ವೇರ್ಯೋ॒ ನಭಂ॑ತಾಮನ್ಯ॒ಕೇ ಸ॑ಮೇ ..
ಯೋ ಧ॒ರ್ತಾ ಭುವ॑ನಾನಾಂ॒ ಯ ಉ॒ಸ್ರಾಣಾ॑ಮಪೀ॒ಚ್ಯಾ॒೩॒॑ ವೇದ॒ ನಾಮಾ॑ನಿ॒ ಗುಹ್ಯಾ॑ . ಸ ಕ॒ವಿಃ ಕಾವ್ಯಾ॑ ಪು॒ರು ರೂ॒ಪಂ ದ್ಯೌರಿ॑ವ ಪುಷ್ಯತಿ॒ ನಭಂ॑ತಾಮನ್ಯ॒ಕೇ ಸ॑ಮೇ ..
ಯಸ್ಮಿ॒ನ್ವಿಶ್ವಾ॑ನಿ॒ ಕಾವ್ಯಾ॑ ಚ॒ಕ್ರೇ ನಾಭಿ॑ರಿವ ಶ್ರಿ॒ತಾ . ತ್ರಿ॒ತಂ ಜೂ॒ತೀ ಸ॑ಪರ್ಯತ ವ್ರ॒ಜೇ ಗಾವೋ॒ ನ ಸಂ॒ಯುಜೇ॑ ಯು॒ಜೇ ಅಶ್ವಾಁ॑ ಅಯುಕ್ಷತ॒ ನಭಂ॑ತಾಮನ್ಯ॒ಕೇ ಸ॑ಮೇ ..
ಯ ಆ॒ಸ್ವತ್ಕ॑ ಆ॒ಶಯೇ॒ ವಿಶ್ವಾ॑ ಜಾ॒ತಾನ್ಯೇ॑ಷಾಂ . ಪರಿ॒ ಧಾಮಾ॑ನಿ॒ ಮರ್ಮೃ॑ಶ॒ದ್ವರು॑ಣಸ್ಯ ಪು॒ರೋ ಗಯೇ॒ ವಿಶ್ವೇ॑ ದೇ॒ವಾ ಅನು॑ ವ್ರ॒ತಂ ನಭಂ॑ತಾಮನ್ಯ॒ಕೇ ಸ॑ಮೇ ..
ಸ ಸ॑ಮು॒ದ್ರೋ ಅ॑ಪೀ॒ಚ್ಯ॑ಸ್ತು॒ರೋ ದ್ಯಾಮಿ॑ವ ರೋಹತಿ॒ ನಿ ಯದಾ॑ಸು॒ ಯಜು॑ರ್ದ॒ಧೇ . ಸ ಮಾ॒ಯಾ ಅ॒ರ್ಚಿನಾ॑ ಪ॒ದಾಸ್ತೃ॑ಣಾ॒ನ್ನಾಕ॒ಮಾರು॑ಹ॒ನ್ನಭಂ॑ತಾಮನ್ಯ॒ಕೇ ಸ॑ಮೇ ..
ಯಸ್ಯ॑ ಶ್ವೇ॒ತಾ ವಿ॑ಚಕ್ಷ॒ಣಾ ತಿ॒ಸ್ರೋ ಭೂಮೀ॑ರಧಿಕ್ಷಿ॒ತಃ . ತ್ರಿರುತ್ತ॑ರಾಣಿ ಪ॒ಪ್ರತು॒ರ್ವರು॑ಣಸ್ಯ ಧ್ರು॒ವಂ ಸದಃ॒ ಸ ಸ॑ಪ್ತಾ॒ನಾಮಿ॑ರಜ್ಯತಿ॒ ನಭಂ॑ತಾಮನ್ಯ॒ಕೇ ಸ॑ಮೇ ..
ಯಃ ಶ್ವೇ॒ತಾಁ ಅಧಿ॑ನಿರ್ಣಿಜಶ್ಚ॒ಕ್ರೇ ಕೃ॒ಷ್ಣಾಁ ಅನು॑ ವ್ರ॒ತಾ . ಸ ಧಾಮ॑ ಪೂ॒ರ್ವ್ಯಂ ಮ॑ಮೇ॒ ಯಃ ಸ್ಕಂ॒ಭೇನ॒ ವಿ ರೋದ॑ಸೀ ಅ॒ಜೋ ನ ದ್ಯಾಮಧಾ॑ರಯ॒ನ್ನಭಂ॑ತಾಮನ್ಯ॒ಕೇ ಸ॑ಮೇ ..
ಅಸ್ತ॑ಭ್ನಾ॒ದ್ದ್ಯಾಮಸು॑ರೋ ವಿ॒ಶ್ವವೇ॑ದಾ॒ ಅಮಿ॑ಮೀತ ವರಿ॒ಮಾಣಂ॑ ಪೃಥಿ॒ವ್ಯಾಃ . ಆಸೀ॑ದ॒ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾಡ್ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॑ ..
ಏ॒ವಾ ವಂ॑ದಸ್ವ॒ ವರು॑ಣಂ ಬೃ॒ಹಂತಂ॑ ನಮ॒ಸ್ಯಾ ಧೀರ॑ಮ॒ಮೃತ॑ಸ್ಯ ಗೋ॒ಪಾಂ . ಸ ನಃ॒ ಶರ್ಮ॑ ತ್ರಿ॒ವರೂ॑ಥಂ॒ ವಿ ಯಂ॑ಸತ್ಪಾ॒ತಂ ನೋ॑ ದ್ಯಾವಾಪೃಥಿವೀ ಉ॒ಪಸ್ಥೇ॑ ..
ಇ॒ಮಾಂ ಧಿಯಂ॒ ಶಿಕ್ಷ॑ಮಾಣಸ್ಯ ದೇವ॒ ಕ್ರತುಂ॒ ದಕ್ಷಂ॑ ವರುಣ॒ ಸಂ ಶಿ॑ಶಾಧಿ . ಯಯಾತಿ॒ ವಿಶ್ವಾ॑ ದುರಿ॒ತಾ ತರೇ॑ಮ ಸು॒ತರ್ಮಾ॑ಣ॒ಮಧಿ॒ ನಾವಂ॑ ರುಹೇಮ ..
ಸು॒ದೇ॒ವೋ ಅ॑ಸಿ ವರುಣ॒ ಯಸ್ಯ॑ ತೇ ಸ॒ಪ್ತ ಸಿಂಧ॑ವಃ . ಅ॒ನು॒ಕ್ಷರಂ॑ತಿ ಕಾ॒ಕುದಂ॑ ಸೂ॒ರ್ಮ್ಯಂ॑ ಸುಷಿ॒ರಾಮಿ॑ವ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೬೬ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೮, ೨೪ ವರ್ಗಾನಂತರಂ]
ಯೇನೇ॒ದಂ ಭೂ॒ತಂ ಭುವ॑ನಂ ಭವಿ॒ಷ್ಯತ್ ಪರಿ॑ ಗೃಹೀತಮ॒ಮೃತೇ॑ನ॒ ಸರ್ವಂ॑ . ಯೇನ॑ ಯ॒ಜ್ಞಸ್ತಾ॒ಯತೇ ಸ॒ಪ್ತಹೋ॑ತಾ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧..
ಯೇನ॒ ಕರ್ಮಾ॑ಣ್ಯ॒ಪಸೋ॑ ಮನೀ॒ಷಿಣೋ॑ ಯ॒ಜ್ಞೇ ಕೃ॒ಣ್ವಂತಿ॑ ವಿ॒ದಥೇ॑ಷು॒ ಧೀರಾಃ॑ . ಯದ॑ಪೂ॒ರ್ವಂ ಯ॒ಕ್ಷಮಂ॒ತಃ ಪ್ರ॒ಜಾನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨..
ಯಜ್ಜಾಗ್ರ॑ತೋ ದೂ॒ರಮು॒ದೈತಿ॒ ದೈವಂ॒ ತದು॑ ಸು॒ಪ್ತಸ್ಯ॒ ತಥೈ॒ವೇತಿ॑ . ದೂ॒ರಂ॒ಗ॒ಮಂ ಜ್ಯೋತಿ॑ಷಾಂ॒ ಜ್ಯೋತಿ॒ರೇಕಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೩..
ಯತ್ ಪ್ರ॒ಜ್ಞಾನ॑ಮು॒ತ ಚೇತೋ॒ ಧೃತಿ॑ಶ್ಚ॒ ಯಜ್ಜ್ಯೋತಿ॑ರಂ॒ತರ॒ಮೃತಂ॑ ಪ್ರ॒ಜಾಸು॑ . ಯಸ್ಮಾ॒ನ್ನ ಋ॒ತೇ ಕಿಂಚ॒ನ ಕರ್ಮ॑ ಕ್ರಿ॒ಯತೇ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೪..
ಯಸ್ಮಿ॒ನ್ನೃಚಃ॒ ಸಾಮ॒ ಯಜೂಂ॑ಷಿ॒ ಯಸ್ಮಿ॒ನ್ ಪ್ರತಿ॑ಷ್ಠಿತಾ ರಥ॒ನಾಭಾವಿ॑ವಾ॒ರಾಃ . ಯಸ್ಮಿಂ॑ಶ್ಚಿ॒ತ್ತಂ ಸರ್ವ॒ಮೋತಂ॑ ಪ್ರ॒ಜಾನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೫..
ಸು॒ಷಾ॒ರ॒ಥಿರಶ್ವಾ॑ನಿವ॒ ಯನ್ಮ॑ನು॒ಷ್ಯಾ॑ನ್ ನೇನೀ॒ಯತೇ॒ಽಭಿಶು॑ಭಿರ್ವಾ॒ಜಿನ॑ ಇವ . ಹೃತ್ಪ್ರತಿ॑ಷ್ಠಂ॒ ಯದ॑ಜಿ॒ರಂ ಯವಿ॑ಷ್ಠಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೬..[ವ:೧]
ಯೇ ಪಂಚ॑ ಪಂಚಾ॒ಶತಃ॑ ಶ॒ತಂ ಚ॑ ಸ॒ಹಸ್ರಂ॑ ಚ ನಿ॒ಯುತಂ॑ ಚಾರ್ಬು॒ದಂ ಚ॑ . ತೇ ಯ॑ಜ್ಞಚಿ॒ತ್ತೇಷ್ಟ॒ಕಾಟಂ॒ ಶರೀ॑ರಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೭..
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತ॑ ಮಾದಿ॒ತ್ಯವ॑ರ್ಣಂ॒ ತಮ॑ಸಃ॒ ಪರ॑ಸ್ತಾತ್ . ತಸ್ಯ॒ ಯೋನಿಂ॒ ಪರಿ॑ಪಶ್ಯಂತಿ॒ ಧೀರಾ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೮..
ಯೇನ॒ ಕರ್ಮಾ॑ಣಿ॒ ಪ್ರಚ॑ರಂತಿ॒ ಧೀರಾ॒ ವಿಪ್ರಾ॑ ವಾ॒ಚಾ ಮನ॑ಸಾ॒ ಕರ್ಮ॑ಣಾ ವಾ . ಯತ್ ಸ್ವಾಂ॒ ದಿಶ॑ಮನು॒ ಸಂಯಂ॑ತಿ ಪ್ರಾ॒ಣಿನ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೯..
ಯೇ ಮೇ॒ ಮನೋ॒ ಹೃದ॑ಯಂ॒ ಯೇ ಚ॑ ದೇ॒ವಾ ಯೇ, ಅಂ॒ತರಿ॑ಕ್ಷಂ ಬಹು॒ಧಾ ಕ॒ಲ್ಪಯಂ॑ತಿ . ಯೇ ಶ್ರೋತ್ರಂ॑ ಚ ಚ॒ಕ್ಷುಷೀ॒ ಸಂಚ॑ರಂತಿ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೦..
ಯಸ್ಯೇ॒ದಂ ಧೀರಾಃ॑ ಪು॒ನಂತಿ॑ ಕ॒ವಯೋ॑ ಬ್ರ॒ಹ್ಮಾಣ॑ಮೇ॒ತಂ ವ್ಯಾವೃ॑ಣುತ॒ ಇಂದುಂ॑ . ಸ್ಥಾವ॒ರಂ ಜಂಗ॑ಮಂ ಚ॒ ದ್ಯೌರಾ॑ಕಾ॒ಶಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೧..[ವ:೨]
ಯೇನ॒ ದ್ಯೌರು॒ಗ್ರಾ ಪೃ॑ಥಿ॒ವೀ ಚಾಂ॒ತರಿ॑ಕ್ಷಂ॒ ಯೇನ॒ ಪರ್ವ॑ತಾಃ ಪ್ರ॒ದಿಶೋ॒ ದಿಶ॑ಶ್ಚ . ಯೇನೇ॒ದಂ ಸರ್ವಂ॑ ಜಗ॒ದ್ವ್ಯಾಪ್ತಂ॑ ಪ್ರ॒ಜಾನ॒ತ್ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೨..
ಅವ್ಯ॑ಕ್ತಂ॒ ಚಾಪ್ರ॑ಮೇಯಂ॒ ಚ ವ್ಯ॒ಕ್ತಾವ್ಯ॑ಕ್ತಪ॒ರಂ ಶಿ॑ವಂ . ಸೂಕ್ಷ್ಮಾ॑ತ್ ಸೂ॒ಕ್ಷ್ಮತ॑ರಂ ಜ್ಞೇ॒ಯಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೩..
ಕೈ॒ಲಾಸ॒ಶಿಖ॑ರೇ ರ॒ಮ್ಯೇ ಶಂ॒ಕರ॑ಸ್ಯ ಗೃ॒ಹಾಲ॑ಯಂ . ದೇ॒ವತಾ॒ಸ್ತತ್ ಪ್ರ॑ಮೋದಂ॒ತೇ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೪..
ಆ॒ದಿ॒ತ್ಯವ॑ರ್ಣಂ॒ ತಪ॑ಸಾ ಜ್ವಲಂ॒ತಂ ಯತ್ ಪಶ್ಯ॑ಸಿ॒ ಗುಹಾ॑ಸು॒ ಜಾಯ॑ಮಾನಃ . ಶಿ॒ವರೂ॒ಪಂ ಶಿ॒ವಮು॒ದಿತಂ ಶಿ॒ವಾಲ॑ಯಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೫..
ಯೇನೇ॒ದಂ ಸರ್ವಂ॒ ಜಗ॑ತೋ ಬ॒ಭೂವ॒ ಯದ್ದೇ॒ವಾ, ಅಪಿ॑ ಮಹ॒ತೋ ಜಾ॒ತವೇ॑ದಾಃ . ಯದೇ॒ವಾಗ್ರ್ಯಂ॒ ತಪ॑ಸೋ॒ ಜ್ಯೋತಿ॒ರೇಕಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೬..[ವ:೩]
ಗೋಭಿ॑ರ್ಜು॒ಷ್ಟೋ ಧ॑ನೇನ ಹ್ಯಾ॒ಯುಷಾ॑ ಚ ಬ॒ಲೇನ॑ ಚ . ಪ್ರ॒ಜಯಾ॑ ಪ॒ಶುಭಿಃ॑ ಪುಷ್ಕರಾ॒ರ್ಧಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೭..
ಯೋಽಸೌ॑ ಸ॒ರ್ವೇಷು॑ ವೇದೇ॒ಷು ಪ॒ಠ್ಯತೇ॑ಽನದ॒ ಈಶ್ವ॑ರಃ . ಅಕಾ॑ರ್ಯೋ॒ ನಿರ್ವ್ರ॑ಣೋ ಹ್ಯಾ॒ತ್ಮಾ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೮..
ಯೋ ವೇದಾ॑ದಿಷು॒ ಗಾಯ॒ತ್ರೀ ಸ॒ರ್ವವ್ಯಾ॑ಪೀ ಮ॒ಹೇಶ್ವ॑ರಃ . ತದು॑ಕ್ತಂ॒ ಚ ಯ॑ದಾ ಜ್ಞೇ॒ಯಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೧೯..
ಪ್ರಯತ॒ಪ್ರಾಣ॑ ಓಂಕಾ॒ರಂ ಪ್ರ॒ಣವಂ॑ ಚ ಮ॒ಹೇಶ್ವ॑ರಂ . ಯಃ ಸರ್ವಂ॒ ಯಸ್ಯ॑ ಚಿತ್ ಸ॒ರ್ವಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨೦..
ಯೋ ವೈ॑ ವೇ॒ದ ಮ॑ಹಾದೇ॒ವಂ ಪ್ರ॒ಣವಂ॑ ಪುರು॒ಷೋತ್ತ॑ಮಂ . ಓಂ॒ಕಾರಂ॒ ಪರ॑ಮಾತ್ಮಾ॒ನಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨೧..[ವ:೪]
ಓಂ॒ಕಾರಂ॒ ಚ॑ತುರ್ಭು॒ಜಂ ಲೋ॒ಕನಾ॑ಥಂ ನಾರಾಯಣಂ . ಸರ್ವ॑ಸ್ಥಿ॒ತಂ ಸ॑ರ್ವಗ॒ತಂ ಸರ್ವ॑ವ್ಯಾ॒ಪ್ತಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨೨..
ತ॒ತ್ ಪರಾ॑ತ್ ಪರ॒ತೋ ಬ್ರ॒ಹ್ಮಾ ತ॒ತ್ ಪರಾ॑ತ್ ಪರ॒ತೋ ಹರಿಃ॑ . ಪರಾ॑ತ್ ಪ॒ರತ॑ರಂ ಜ್ಞಾ॒ನಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨೩..
ಯ ಇ॒ದಂ ಶಿವ॑ಸಂಕ॒ಲ್ಪಂ ಸ॒ದಾಧೀ॑ಯಂತಿ॒ ಬ್ರಾಹ್ಮ॑ಣಾಃ . ತೇ ಪರಂ॒ ಮೋಕ್ಷ॑ಮಾಪ್ಸ್ಯಂ॒ತಿ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು ..೨೪..
ಅಸ್ತಿ॒ ನಾಸ್ತಿ॑ ಶಯಿ॒ತ್ವಾ ಸರ್ವ॑ಮಿ॒ದಂ ನಾಸ್ತಿ॒ ಪುನ॒ಸ್ತಥೈ॑ವ ದೃ॒ಷ್ಟಂ ಧ್ರು॒ವಂ . ಅಸ್ತಿ॒ ನಾಸ್ತಿ॑ ಹಿ॒ತಂ ಮ॑ಧ್ಯ॒ಮಂ ಪ॒ದಂ ತನ್ಮೇ॒ ಮನಃ॑
ಶಿ॒ವಸಂ॑ಕ॒ಲ್ಪಮ॑ಸ್ತು ..೨೫..
ಅಸ್ತಿ॒ ನಾಸ್ತಿ॑ ವಿಪ॒ರೀತೋ॑ ಪ್ರ॒ವಾದೋ॑ ಽಸ್ತಿ॒ ನಾಸ್ತಿ॒ ಗುಹ್ಯಂ॒ ವ ಇ॒ದಂ ಸರ್ವಂ॑ . ಅಸ್ತಿ॒ ನಾಸ್ತಿ॑ ಪರಾ॒ತ್ ಪರೋ॑ ಯತ್ ಪರಂ॒ ತನ್ಮೇ॒ ಮನಃ॑
ಶಿ॒ವಸಂ॑ಕ॒ಲ್ಪಮ॑ಸ್ತು ..೨೬..[ವ:೫]
ಬೃಹಸ್ಪತಇತ್ಯೇಕಾದಶರ್ಚಸ್ಯ ಸೂಕ್ತಸ್ಯಾಂಗಿರಸೋ ಬೃಹಸ್ಪತಿರ್ಜ್ಞಾನಂತ್ರಿಷ್ಟುಪ್ ನವಮೀ ಜಗತೀ .
ಬೃಹ॑ಸ್ಪತೇ ಪ್ರಥ॒ಮಂ ವಾ॒ಚೋ ಅಗ್ರಂ॒ ಯತ್ಪ್ರೈರ॑ತ ನಾಮ॒ಧೇಯಂ॒ ದಧಾ॑ನಾಃ . ಯದೇ॑ಷಾಂ॒ ಶ್ರೇಷ್ಠಂ॒ ಯದ॑ರಿ॒ಪ್ರಮಾಸೀ॑ತ್ಪ್ರೇ॒ಣಾ ತದೇ॑ಷಾಂ॒ ನಿಹಿ॑ತಂ॒ ಗುಹಾ॒ವಿಃ ..
ಸಕ್ತು॑ಮಿವ॒ ತಿತ॑ಉನಾ ಪು॒ನಂತೋ॒ ಯತ್ರ॒ ಧೀರಾ॒ ಮನ॑ಸಾ॒ ವಾಚ॒ಮಕ್ರ॑ತ . ಅತ್ರಾ॒ ಸಖಾ॑ಯಃ ಸ॒ಖ್ಯಾನಿ॑ ಜಾನತೇ ಭ॒ದ್ರೈಷಾಂ॑ ಲ॒ಕ್ಷ್ಮೀರ್ನಿಹಿ॒ತಾಧಿ॑ ವಾ॒ಚಿ ..
ಯ॒ಜ್ಞೇನ॑ ವಾ॒ಚಃ ಪ॑ದ॒ವೀಯ॑ಮಾಯಂ॒ತಾಮನ್ವ॑ವಿಂದ॒ನ್ನೃಷಿ॑ಷು॒ ಪ್ರವಿ॑ಷ್ಟಾಂ . ತಾಮಾ॒ಭೃತ್ಯಾ॒ ವ್ಯ॑ದಧುಃ ಪುರು॒ತ್ರಾ ತಾಂ ಸ॒ಪ್ತ ರೇ॒ಭಾ ಅ॒ಭಿ ಸಂ ನ॑ವಂತೇ ..
ಉ॒ತ ತ್ವಃ॒ ಪಶ್ಯ॒ನ್ನ ದ॑ದರ್ಶ॒ ವಾಚ॑ಮು॒ತ ತ್ವಃ॑ ಶೃ॒ಣ್ವನ್ನ ಶೃ॑ಣೋತ್ಯೇನಾಂ . ಉ॒ತೋ ತ್ವ॑ಸ್ಮೈ ತ॒ನ್ವಂ೧॒॑ ವಿ ಸ॑ಸ್ರೇ ಜಾ॒ಯೇವ॒ ಪತ್ಯ॑ ಉಶ॒ತೀ ಸು॒ವಾಸಾಃ॑ ..
ಉ॒ತ ತ್ವಂ॑ ಸ॒ಖ್ಯೇ ಸ್ಥಿ॒ರಪೀ॑ತಮಾಹು॒ರ್ನೈನಂ॑ ಹಿನ್ವಂ॒ತ್ಯಪಿ॒ ವಾಜಿ॑ನೇಷು . ಅಧೇ॑ನ್ವಾ ಚರತಿ ಮಾ॒ಯಯೈ॒ಷ ವಾಚಂ॑ ಶುಶ್ರು॒ವಾಁ ಅ॑ಫ॒ಲಾಮ॑ಪು॒ಷ್ಪಾಂ ..
ಯಸ್ತಿ॒ತ್ಯಾಜ॑ ಸಚಿ॒ವಿದಂ॒ ಸಖಾ॑ಯಂ॒ ನ ತಸ್ಯ॑ ವಾ॒ಚ್ಯಪಿ॑ ಭಾ॒ಗೋ ಅ॑ಸ್ತಿ . ಯದೀಂ॑ ಶೃ॒ಣೋತ್ಯಲ॑ಕಂ ಶೃಣೋತಿ ನ॒ಹಿ ಪ್ರ॒ವೇದ॑ ಸುಕೃ॒ತಸ್ಯ॒ ಪಂಥಾಂ॑ ..
ಅ॒ಕ್ಷ॒ಣ್ವಂತಃ॒ ಕರ್ಣ॑ವಂತಃ॒ ಸಖಾ॑ಯೋ ಮನೋಜ॒ವೇಷ್ವಸ॑ಮಾ ಬಭೂವುಃ . ಆ॒ದ॒ಘ್ನಾಸ॑ ಉಪಕ॒ಕ್ಷಾಸ॑ ಉ ತ್ವೇ ಹ್ರ॒ದಾ ಇ॑ವ॒ ಸ್ನಾತ್ವಾ॑ ಉ ತ್ವೇ ದದೃಶ್ರೇ ..
ಹೃ॒ದಾ ತ॒ಷ್ಟೇಷು॒ ಮನ॑ಸೋ ಜ॒ವೇಷು॒ ಯದ್ಬ್ರಾ॑ಹ್ಮ॒ಣಾಃ ಸಂ॒ಯಜಂ॑ತೇ॒ ಸಖಾ॑ಯಃ . ಅತ್ರಾಹ॑ ತ್ವಂ॒ ವಿ ಜ॑ಹುರ್ವೇ॒ದ್ಯಾಭಿ॒ರೋಹ॑ಬ್ರಹ್ಮಾಣೋ॒ ವಿ ಚ॑ರಂತ್ಯು ತ್ವೇ ..
ಇ॒ಮೇ ಯೇ ನಾರ್ವಾಙ್ನ ಪ॒ರಶ್ಚರಂ॑ತಿ॒ ನ ಬ್ರಾ॑ಹ್ಮ॒ಣಾಸೋ॒ ನ ಸು॒ತೇಕ॑ರಾಸಃ . ತ ಏ॒ತೇ ವಾಚ॑ಮಭಿ॒ಪದ್ಯ॑ ಪಾ॒ಪಯಾ॑ ಸಿ॒ರೀಸ್ತಂತ್ರಂ॑ ತನ್ವತೇ॒ ಅಪ್ರ॑ಜಜ್ಞಯಃ ..
ಸರ್ವೇ॑ ನಂದಂತಿ ಯ॒ಶಸಾಗ॑ತೇನ ಸಭಾಸಾ॒ಹೇನ॒ ಸಖ್ಯಾ॒ ಸಖಾ॑ಯಃ . ಕಿ॒ಲ್ಬಿ॒ಷ॒ಸ್ಪೃತ್ಪಿ॑ತು॒ಷಣಿ॒ರ್ಹ್ಯೇ॑ಷಾ॒ಮರಂ॑ ಹಿ॒ತೋ ಭವ॑ತಿ॒ ವಾಜಿ॑ನಾಯ ..
ಋ॒ಚಾಂ ತ್ವಃ॒ ಪೋಷ॑ಮಾಸ್ತೇ ಪುಪು॒ಷ್ವಾನ್ಗಾ॑ಯ॒ತ್ರಂ ತ್ವೋ॑ ಗಾಯತಿ॒ ಶಕ್ವ॑ರೀಷು . ಬ್ರ॒ಹ್ಮಾ ತ್ವೋ॒ ವದ॑ತಿ ಜಾತವಿ॒ದ್ಯಾಂ ಯ॒ಜ್ಞಸ್ಯ॒ ಮಾತ್ರಾಂ॒ ವಿ ಮಿ॑ಮೀತ ಉ ತ್ವಃ ..
ಅಪೇಹೀತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸಃ ಪ್ರಚೇತಾ ದುಃಸ್ವಪ್ನನಾಶನೋನುಷ್ಟುಪ್ ತೃತೀಯಾ ತ್ರಿಷ್ಟುಪ್ ಅಂತ್ಯಾಪಂಕ್ತಿಃ .
ಅಪೇ॑ಹಿ ಮನಸಸ್ಪ॒ತೇಽಪ॑ ಕ್ರಾಮ ಪ॒ರಶ್ಚ॑ರ . ಪ॒ರೋ ನಿರ್ಋ॑ತ್ಯಾ॒ ಆ ಚ॑ಕ್ಷ್ವ ಬಹು॒ಧಾ ಜೀವ॑ತೋ॒ ಮನಃ॑ ..
ಭ॒ದ್ರಂ ವೈ ವರಂ॑ ವೃಣತೇ ಭ॒ದ್ರಂ ಯುಂ॑ಜಂತಿ॒ ದಕ್ಷಿ॑ಣಂ . ಭ॒ದ್ರಂ ವೈ॑ವಸ್ವ॒ತೇ ಚಕ್ಷು॑ರ್ಬಹು॒ತ್ರಾ ಜೀವ॑ತೋ॒ ಮನಃ॑ ..
ಯದಾ॒ಶಸಾ॑ ನಿಃ॒ಶಸಾ॑ಭಿ॒ಶಸೋ॑ಪಾರಿ॒ಮ ಜಾಗ್ರ॑ತೋ॒ ಯತ್ಸ್ವ॒ಪಂತಃ॑ . ಅ॒ಗ್ನಿರ್ವಿಶ್ವಾ॒ನ್ಯಪ॑ ದುಷ್ಕೃ॒ತಾನ್ಯಜು॑ಷ್ಟಾನ್ಯಾ॒ರೇ ಅ॒ಸ್ಮದ್ದ॑ಧಾತು ..
ಯದಿಂ॑ದ್ರ ಬ್ರಹ್ಮಣಸ್ಪತೇಽಭಿದ್ರೋ॒ಹಂ ಚರಾ॑ಮಸಿ . ಪ್ರಚೇ॑ತಾ ನ ಆಂಗಿರ॒ಸೋ ದ್ವಿ॑ಷ॒ತಾಂ ಪಾ॒ತ್ವಂಹ॑ಸಃ ..
ಅಜೈ॑ಷ್ಮಾ॒ದ್ಯಾಸ॑ನಾಮ॒ ಚಾಭೂ॒ಮಾನಾ॑ಗಸೋ ವ॒ಯಂ . ಜಾ॒ಗ್ರ॒ತ್ಸ್ವ॒ಪ್ನಃ ಸಂ॑ಕ॒ಲ್ಪಃ ಪಾ॒ಪೋ ಯಂ ದ್ವಿ॒ಷ್ಮಸ್ತಂ ಸ ಋ॑ಚ್ಛತು॒ ಯೋ ನೋ॒ ದ್ವೇಷ್ಟಿ॒ ತಮೃ॑ಚ್ಛತು ..
ಯೋ ಮೇ॑ ರಾಜ॒ನ್ಯುಜ್ಯೋ॑ ವಾ॒ ಸಖಾ॑ ವಾ॒ ಸ್ವಪ್ನೇ॑ ಭ॒ಯಂ ಭೀ॒ರವೇ॒ ಮಹ್ಯ॒ಮಾಹ॑ . ಸ್ತೇ॒ನೋ ವಾ॒ ಯೋ ದಿಪ್ಸ॑ತಿ ನೋ॒ ವೃಕೋ॑ ವಾ॒ ತ್ವಂ ತಸ್ಮಾ॑ದ್ವರುಣ ಪಾಹ್ಯ॒ಸ್ಮಾನ್ ..
ಅಧ॒ ಸ್ವಪ್ನ॑ಸ್ಯ॒ ನಿರ್ವಿ॒ದೇಽಭುಂ॑ಜತಶ್ಚ ರೇ॒ವತಃ॑ . ಉ॒ಭಾ ತಾ ಬಸ್ರಿ॑ ನಶ್ಯತಃ ..
ಯಚ್ಚ॒ ಗೋಷು॑ ದು॒ಷ್ಷ್ವಪ್ನ್ಯಂ॒ ಯಚ್ಚಾ॒ಸ್ಮೇ ದು॑ಹಿತರ್ದಿವಃ . ತ್ರಿ॒ತಾಯ॒ ತದ್ವಿ॑ಭಾವರ್ಯಾ॒ಪ್ತ್ಯಾಯ॒ ಪರಾ॑ ವಹಾನೇ॒ಹಸೋ॑ ವ ಊ॒ತಯಃ॑ ಸುಊ॒ತಯೋ॑ ವ ಊ॒ತಯಃ॑ ..
ನಿ॒ಷ್ಕಂ ವಾ॑ ಘಾ ಕೃ॒ಣವ॑ತೇ॒ ಸ್ರಜಂ॑ ವಾ ದುಹಿತರ್ದಿವಃ . ತ್ರಿ॒ತೇ ದು॒ಷ್ಷ್ವಪ್ನ್ಯಂ॒ ಸರ್ವ॑ಮಾ॒ಪ್ತ್ಯೇ ಪರಿ॑ ದದ್ಮಸ್ಯನೇ॒ಹಸೋ॑ ವ ಊ॒ತಯಃ॑ ಸುಊ॒ತಯೋ॑ ವ ಊ॒ತಯಃ॑ ..
ತದ॑ನ್ನಾಯ॒ ತದ॑ಪಸೇ॒ ತಂ ಭಾ॒ಗಮು॑ಪಸೇ॒ದುಷೇ॑ . ತ್ರಿ॒ತಾಯ॑ ಚ ದ್ವಿ॒ತಾಯ॒ ಚೋಷೋ॑ ದು॒ಷ್ಷ್ವಪ್ನ್ಯಂ॑ ವಹಾನೇ॒ಹಸೋ॑ ವ ಊ॒ತಯಃ॑ ಸುಊ॒ತಯೋ॑ ವ ಊ॒ತಯಃ॑ ..
ಯಥಾ॑ ಕ॒ಲಾಂ ಯಥಾ॑ ಶ॒ಫಂ ಯಥ॑ ಋ॒ಣಂ ಸಂ॒ನಯಾ॑ಮಸಿ . ಏ॒ವಾ ದು॒ಷ್ಷ್ವಪ್ನ್ಯಂ॒ ಸರ್ವ॑ಮಾ॒ಪ್ತ್ಯೇ ಸಂ ನ॑ಯಾಮಸ್ಯನೇ॒ಹಸೋ॑ ವ ಊ॒ತಯಃ॑ ಸುಊ॒ತಯೋ॑ ವ ಊ॒ತಯಃ॑ ..
ಅಜೈ॑ಷ್ಮಾ॒ದ್ಯಾಸ॑ನಾಮ॒ ಚಾಭೂ॒ಮಾನಾ॑ಗಸೋ ವ॒ಯಂ . ಉಷೋ॒ ಯಸ್ಮಾ॑ದ್ದು॒ಷ್ಷ್ವಪ್ನ್ಯಾ॒ದಭೈ॒ಷ್ಮಾಪ॒ ತದು॑ಚ್ಛತ್ವನೇ॒ಹಸೋ॑ ವ ಊ॒ತಯಃ॑ ಸುಊ॒ತಯೋ॑ ವ ಊ॒ತಯಃ॑ ..
ಪ್ರಮಂದಿನಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಕುತ್ಸ ಇಂದ್ರೋಜಗತೀಅಂತ್ಯಾಶ್ಚತಸ್ರತ್ರಿಷ್ಟುಭಃ . (ಆದ್ಯಾಗರ್ಭಸ್ರಾವಿಣೀತಿಗುಣಃ) .
ಪ್ರ ಮಂ॒ದಿನೇ॑ ಪಿತು॒ಮದ॑ರ್ಚತಾ॒ ವಚೋ॒ ಯಃ ಕೃ॒ಷ್ಣಗ॑ರ್ಭಾ ನಿ॒ರಹ॑ನ್ನೃ॒ಜಿಶ್ವ॑ನಾ . ಅ॒ವ॒ಸ್ಯವೋ॒ ವೃಷ॑ಣಂ॒ ವಜ್ರ॑ದಕ್ಷಿಣಂ ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯೋ ವ್ಯಂ॑ಸಂ ಜಾಹೃಷಾ॒ಣೇನ॑ ಮ॒ನ್ಯುನಾ॒ ಯಃ ಶಂಬ॑ರಂ॒ ಯೋ ಅಹ॒ನ್ಪಿಪ್ರು॑ಮವ್ರ॒ತಂ . ಇಂದ್ರೋ॒ ಯಃ ಶುಷ್ಣ॑ಮ॒ಶುಷಂ॒ ನ್ಯಾವೃ॑ಣಙ್ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯಸ್ಯ॒ ದ್ಯಾವಾ॑ಪೃಥಿ॒ವೀ ಪೌಂಸ್ಯಂ॑ ಮ॒ಹದ್ಯಸ್ಯ॑ ವ್ರ॒ತೇ ವರು॑ಣೋ॒ ಯಸ್ಯ॒ ಸೂರ್ಯಃ॑ . ಯಸ್ಯೇಂದ್ರ॑ಸ್ಯ॒ ಸಿಂಧ॑ವಃ॒ ಸಶ್ಚ॑ತಿ ವ್ರ॒ತಂ ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯೋ ಅಶ್ವಾ॑ನಾಂ॒ ಯೋ ಗವಾಂ॒ ಗೋಪ॑ತಿರ್ವ॒ಶೀ ಯ ಆ॑ರಿ॒ತಃ ಕರ್ಮ॑ಣಿಕರ್ಮಣಿ ಸ್ಥಿ॒ರಃ . ವೀ॒ಳೋಶ್ಚಿ॒ದಿಂದ್ರೋ॒ ಯೋ ಅಸು॑ನ್ವತೋ ವ॒ಧೋ ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯೋ ವಿಶ್ವ॑ಸ್ಯ॒ ಜಗ॑ತಃ ಪ್ರಾಣ॒ತಸ್ಪತಿ॒ರ್ಯೋ ಬ್ರ॒ಹ್ಮಣೇ॑ ಪ್ರಥ॒ಮೋ ಗಾ ಅವಿಂ॑ದತ್ . ಇಂದ್ರೋ॒ ಯೋ ದಸ್ಯೂಁ॒ರಧ॑ರಾಁ ಅ॒ವಾತಿ॑ರನ್ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯಃ ಶೂರೇ॑ಭಿ॒ರ್ಹವ್ಯೋ॒ ಯಶ್ಚ॑ ಭೀ॒ರುಭಿ॒ರ್ಯೋ ಧಾವ॑ದ್ಭಿರ್ಹೂ॒ಯತೇ॒ ಯಶ್ಚ॑ ಜಿ॒ಗ್ಯುಭಿಃ॑ . ಇಂದ್ರಂ॒ ಯಂ ವಿಶ್ವಾ॒ ಭುವ॑ನಾ॒ಭಿ ಸಂ॑ದ॒ಧುರ್ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ರು॒ದ್ರಾಣಾ॑ಮೇತಿ ಪ್ರ॒ದಿಶಾ॑ ವಿಚಕ್ಷ॒ಣೋ ರು॒ದ್ರೇಭಿ॒ರ್ಯೋಷಾ॑ ತನುತೇ ಪೃ॒ಥು ಜ್ರಯಃ॑ . ಇಂದ್ರಂ॑ ಮನೀ॒ಷಾ ಅ॒ಭ್ಯ॑ರ್ಚತಿ ಶ್ರು॒ತಂ ಮ॒ರುತ್ವಂ॑ತಂ ಸ॒ಖ್ಯಾಯ॑ ಹವಾಮಹೇ ..
ಯದ್ವಾ॑ ಮರುತ್ವಃ ಪರ॒ಮೇ ಸ॒ಧಸ್ಥೇ॒ ಯದ್ವಾ॑ವ॒ಮೇ ವೃ॒ಜನೇ॑ ಮಾ॒ದಯಾ॑ಸೇ . ಅತ॒ ಆ ಯಾ॑ಹ್ಯಧ್ವ॒ರಂ ನೋ॒ ಅಚ್ಛಾ॑ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಸತ್ಯರಾಧಃ ..
ತ್ವಾ॒ಯೇಂದ್ರ॒ ಸೋಮಂ॑ ಸುಷುಮಾ ಸುದಕ್ಷ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಬ್ರಹ್ಮವಾಹಃ . ಅಧಾ॑ ನಿಯುತ್ವಃ॒ ಸಗ॑ಣೋ ಮ॒ರುದ್ಭಿ॑ರ॒ಸ್ಮಿನ್ಯ॒ಜ್ಞೇ ಬ॒ರ್ಹಿಷಿ॑ ಮಾದಯಸ್ವ ..
ಮಾ॒ದಯ॑ಸ್ವ॒ ಹರಿ॑ಭಿ॒ರ್ಯೇ ತ॑ ಇಂದ್ರ॒ ವಿ ಷ್ಯ॑ಸ್ವ॒ ಶಿಪ್ರೇ॒ ವಿ ಸೃ॑ಜಸ್ವ॒ ಧೇನೇ॑ . ಆ ತ್ವಾ॑ ಸುಶಿಪ್ರ॒ ಹರ॑ಯೋ ವಹಂತೂ॒ಶನ್ಹ॒ವ್ಯಾನಿ॒ ಪ್ರತಿ॑ ನೋ ಜುಷಸ್ವ ..
ಮ॒ರುತ್ಸ್ತೋ॑ತ್ರಸ್ಯ ವೃ॒ಜನ॑ಸ್ಯ ಗೋ॒ಪಾ ವ॒ಯಮಿಂದ್ರೇ॑ಣ ಸನುಯಾಮ॒ ವಾಜಂ॑ . ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ..
ಕಂಕತಇತಿ ಷೋಳಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯೋಪ್ತೃಣಸೂರ್ಯಾಅನುಷ್ಟುಪ್ ದಶಮ್ಯಾದ್ಯಾಸ್ತಿಸ್ರೋ ಮಹಾಪಂಕ್ತಯಸ್ತ್ರಯೋದಶೀ ಮಹಾಬೃಹತೀ . (ವಿಷನ್ನಸೂಕ್ತಂ) .
ಕಂಕ॑ತೋ॒ ನ ಕಂಕ॒ತೋಽಥೋ॑ ಸತೀ॒ನಕಂ॑ಕತಃ . ದ್ವಾವಿತಿ॒ ಪ್ಲುಷೀ॒ ಇತಿ॒ ನ್ಯ೧॒॑ದೃಷ್ಟಾ॑ ಅಲಿಪ್ಸತ ..
ಅ॒ದೃಷ್ಟಾ॑ನ್ಹಂತ್ಯಾಯ॒ತ್ಯಥೋ॑ ಹಂತಿ ಪರಾಯ॒ತೀ . ಅಥೋ॑ ಅವಘ್ನ॒ತೀ ಹಂ॒ತ್ಯಥೋ॑ ಪಿನಷ್ಟಿ ಪಿಂಷ॒ತೀ ..
ಶ॒ರಾಸಃ॒ ಕುಶ॑ರಾಸೋ ದ॒ರ್ಭಾಸಃ॑ ಸೈ॒ರ್ಯಾ ಉ॒ತ . ಮೌಂ॒ಜಾ ಅ॒ದೃಷ್ಟಾ॑ ವೈರಿ॒ಣಾಃ ಸರ್ವೇ॑ ಸಾ॒ಕಂ ನ್ಯ॑ಲಿಪ್ಸತ ..
ನಿ ಗಾವೋ॑ ಗೋ॒ಷ್ಠೇ ಅ॑ಸದ॒ನ್ನಿ ಮೃ॒ಗಾಸೋ॑ ಅವಿಕ್ಷತ . ನಿ ಕೇ॒ತವೋ॒ ಜನಾ॑ನಾಂ॒ ನ್ಯ೧॒॑ದೃಷ್ಟಾ॑ ಅಲಿಪ್ಸತ ..
ಏ॒ತ ಉ॒ ತ್ಯೇ ಪ್ರತ್ಯ॑ದೃಶ್ರನ್ಪ್ರದೋ॒ಷಂ ತಸ್ಕ॑ರಾ ಇವ . ಅದೃ॑ಷ್ಟಾ॒ ವಿಶ್ವ॑ದೃಷ್ಟಾಃ॒ ಪ್ರತಿ॑ಬುದ್ಧಾ ಅಭೂತನ ..
ದ್ಯೌರ್ವಃ॑ ಪಿ॒ತಾ ಪೃ॑ಥಿ॒ವೀ ಮಾ॒ತಾ ಸೋಮೋ॒ ಭ್ರಾತಾದಿ॑ತಿಃ॒ ಸ್ವಸಾ॑ . ಅದೃ॑ಷ್ಟಾ॒ ವಿಶ್ವ॑ದೃಷ್ಟಾ॒ಸ್ತಿಷ್ಠ॑ತೇ॒ಲಯ॑ತಾ॒ ಸು ಕಂ॑ ..
ಯೇ ಅಂಸ್ಯಾ॒ ಯೇ ಅಂಗ್ಯಾಃ॑ ಸೂ॒ಚೀಕಾ॒ ಯೇ ಪ್ರ॑ಕಂಕ॒ತಾಃ . ಅದೃ॑ಷ್ಟಾಃ॒ ಕಿಂ ಚ॒ನೇಹ ವಃ॒ ಸರ್ವೇ॑ ಸಾ॒ಕಂ ನಿ ಜ॑ಸ್ಯತ ..
ಉತ್ಪು॒ರಸ್ತಾ॒ತ್ಸೂರ್ಯ॑ ಏತಿ ವಿ॒ಶ್ವದೃ॑ಷ್ಟೋ ಅದೃಷ್ಟ॒ಹಾ . ಅ॒ದೃಷ್ಟಾಂ॒ತ್ಸರ್ವಾಂ॑ಜಂ॒ಭಯಂ॒ತ್ಸರ್ವಾ॑ಶ್ಚ ಯಾತುಧಾ॒ನ್ಯಃ॑ ..
ಉದ॑ಪಪ್ತದ॒ಸೌ ಸೂರ್ಯಃ॑ ಪು॒ರು ವಿಶ್ವಾ॑ನಿ॒ ಜೂರ್ವ॑ನ್ . ಆ॒ದಿ॒ತ್ಯಃ ಪರ್ವ॑ತೇಭ್ಯೋ ವಿ॒ಶ್ವದೃ॑ಷ್ಟೋ ಅದೃಷ್ಟ॒ಹಾ ..
ಸೂರ್ಯೇ॑ ವಿ॒ಷಮಾ ಸ॑ಜಾಮಿ॒ ದೃತಿಂ॒ ಸುರಾ॑ವತೋ ಗೃ॒ಹೇ . ಸೋ ಚಿ॒ನ್ನು ನ ಮ॑ರಾತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ ..
ಇ॒ಯ॒ತ್ತಿ॒ಕಾ ಶ॑ಕುಂತಿ॒ಕಾ ಸ॒ಕಾ ಜ॑ಘಾಸ ತೇ ವಿ॒ಷಂ . ಸೋ ಚಿ॒ನ್ನು ನ ಮ॑ರಾತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ ..
ತ್ರಿಃ ಸ॒ಪ್ತ ವಿ॑ಷ್ಪುಲಿಂಗ॒ಕಾ ವಿ॒ಷಸ್ಯ॒ ಪುಷ್ಯ॑ಮಕ್ಷನ್ . ತಾಶ್ಚಿ॒ನ್ನು ನ ಮ॑ರಂತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ ..
ನ॒ವಾ॒ನಾಂ ನ॑ವತೀ॒ನಾಂ ವಿ॒ಷಸ್ಯ॒ ರೋಪು॑ಷೀಣಾಂ . ಸರ್ವಾ॑ಸಾಮಗ್ರಭಂ॒ ನಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ ..
ತ್ರಿಃ ಸ॒ಪ್ತ ಮ॑ಯೂ॒ರ್ಯಃ॑ ಸ॒ಪ್ತ ಸ್ವಸಾ॑ರೋ ಅ॒ಗ್ರುವಃ॑ . ತಾಸ್ತೇ॑ ವಿ॒ಷಂ ವಿ ಜ॑ಭ್ರಿರ ಉದ॒ಕಂ ಕುಂ॒ಭಿನೀ॑ರಿವ ..
ಇ॒ಯ॒ತ್ತ॒ಕಃ ಕು॑ಷುಂಭ॒ಕಸ್ತ॒ಕಂ ಭಿ॑ನ॒ದ್ಮ್ಯಶ್ಮ॑ನಾ . ತತೋ॑ ವಿ॒ಷಂ ಪ್ರ ವಾ॑ವೃತೇ॒ ಪರಾ॑ಚೀ॒ರನು॑ ಸಂ॒ವತಃ॑ ..
ಕು॒ಷುಂ॒ಭ॒ಕಸ್ತದ॑ಬ್ರವೀದ್ಗಿ॒ರೇಃ ಪ್ರ॑ವರ್ತಮಾನ॒ಕಃ . ವೃಶ್ಚಿ॑ಕಸ್ಯಾರ॒ಸಂ ವಿ॒ಷಮ॑ರ॒ಸಂ ವೃ॑ಶ್ಚಿಕ ತೇ ವಿ॒ಷಂ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧.೧೯೧ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೨, ಅಧ್ಯಾಯ ೫, ೧೬ ವರ್ಗಾನಂತರಂ]
ಮಾ ಬಿ॑ಭೇ॒ರ್ನ ಮ॑ರಿಷ್ಯಸಿ॒ ಪರಿ॑ ತ್ವಾ ಪಾಮಿ ಸ॒ರ್ವತಃ॑ . ಘ॒ನೇನ॒ ಹನ್ಮಿ॒ ವೃಶ್ಚಿ॑ಕ॒ಮಹಿಂ॑ ದಂ॒ಡೇನಾಗ॑ತಂ ..೧..
ಆ॒ದಿ॒ತ್ಯರಥ॒ವೇಗೇ॑ನ ವಿ॒ಷ್ಣುಬಾ॑ಹುಬ॒ಲೇನ॑ ಚ . ಗ॒ರುಡ॑ಪ॒ಕ್ಷನಿ॑ಪಾತೇ॒ನ ಭೂ॒ಮಿಂ ಗ॑ಚ್ಛ ಮ॒ಹಾಯ॑ಶಾಃ ..೨..
ಗ॒ರುಡ॑ಸ್ಯ॒ ಪಾತ॑ಮಾತ್ರೇ॒ಣ ತ್ರ॒ಯೋ ಲೋ॑ಕಾಃ ಪ್ರ॒ಕಂಪಿ॑ತಾಃ . ಪ್ರ॒ಕಂಪಿ॒ತಾ ಮ॒ಹೀ ಸರ್ವಾ॑ ಸ॒ಶೈಲ॑ವನ॒ಕಾನ॑ನಾ ..೩..
ಗ॒ಗನಂ॒ ನಷ್ಟ॑ಚಂದ್ರಾ॒ರ್ಕಂ ಜ್ಯೋ॒ತಿಷಂ॑ ನ ಪ್ರ॒ಕಾಶ॑ತೇ . ದೇ॒ವತಾ॒ ಭಯ॑ಭೀತಾ॒ಶ್ಚ ಮಾ॒ರುತೋ॑ ನ ಪ್ಲ॒ವಾಯ॑ತಿ . ಮಾ॒ರುತೋ॑ ನ ಪ್ಲ॒ವಾಯ॒ತ್ಯೋಂ ನಮಃ॑ ..೪..
ಭೋ ಸ॒ರ್ಪಭ॑ದ್ರ ಭ॒ದ್ರಂ ತೇ॑ ದೂ॒ರಂ ಗ॑ಚ್ಛ ಮ॒ಹಾವಿಷ . ಜ॒ನ್ಮೇ॑ಜ॒ಯಸ್ಯ॑ ಯಜ್ಞಾಂ॒ತೇ, ಆ॒ಸ್ತೀಕ॑ವಚ॒ನಂ ಸ್ಮ॑ರ ..೫..
ಆ॒ಸ್ತೀಕ॒ವಚ॑ನಂ॒ ಶ್ರುತ್ವಾ॑ ಯಃ॒ ಸರ್ಪೋ॑ ನ ನಿ॒ವರ್ತ॑ತೇ . ಶತ॑ಧಾ॒ ಭಿದ್ಯ॑ತೇ ಮೂ॒ರ್ಧ್ನಿ ಶಿಂ॒ಶವೃ॑ಕ್ಷಫ॒ಲಂ ಯ॑ಥಾ ..೬..
ನ॒ರ್ಮದಾ॒ಯೈ ನ॑ಮಃ ಪ್ರಾ॒ತರ್ನ॒ರ್ಮದಾ॑ಯೈ ನ॒ಮೋ ನಿ॑ಶಿ . ನಮೋ॑ಽಸ್ತು॒ ನರ್ಮ॑ದೇ ತು॒ಭ್ಯಂ ತ್ರಾ॒ಹಿ ಮಾಂ॑ ವಿಷ॒ಸರ್ಪ॑ತಃ ..೭..
ಯೋ ಜ॑ರ॒ತ್ಕಾರು॑ಣಾ ಜಾ॒ತೋ ಜ॒ರತ್ಕಾ॑ರ್ವಾಂ ಮ॒ಹಾಯ॑ಶಾಃ . ತಸ್ಯ॑ ಸ್ಮ॒ರಾಭಿ॑ ಭದ್ರಂ॒ ತೇ ದೂ॒ರಂ ಗ॑ಚ್ಛ ಮ॒ಹಾವಿಷ ..೮..
ಅಸಿ॑ತಿಂ॒ ಚಾರ್ಥ॑ಸಿದ್ಧಿಂ॒ ಚ ಸುನೀತಿಂ॑ ಚಾಪಿ॑ ಯಃ ಸ್ಮ॑ರೇತ್ . ದಿ॒ವಾ ವಾ॒ ಯದಿ॑ ವಾ ರಾ॒ತ್ರೌ ನಾ॒ಸ್ತಿ ಸರ್ಪ॑ಭಯಂ॒ ಭವೇತ್ ..೯..
ಅಗ॑ಸ್ತಿ॒ರ್ಮಾಧ॑ವಶ್ಚೈ॒ವ ಮು॒ಚುಕುಂ॑ದೋ ಮ॒ಹಾಮು॑ನಿಃ . ಕಪಿ॑ಲೋ॒ ಮುನಿ॑ರಾಸ್ತೀ॒ಕಃ ಪಂ॒ಚೈತೇ॑ ಸುಖ॒ಶಾಯಿ॑ನಃ ..೧೦..
ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ॑ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿಂ . ಕ॒ವಿಂ ಸ॒ಮ್ರಾಜ॒ಮತಿ॑ಥಿಂ॒ ಜನಾ॑ನಾಮಾ॒ಸನ್ನಾ ಪಾತ್ರಂ॑ ಜನಯಂತ ದೇ॒ವಾಃ ..
ಆ॒ಮಾಸು॑ ಪ॒ಕ್ವಮೈರ॑ಯ॒ ಆ ಸೂರ್ಯಂ॑ ರೋಹಯೋ ದಿ॒ವಿ . ಘ॒ರ್ಮಂ ನ ಸಾಮಂ॑ತಪತಾ ಸುವೃ॒ಕ್ತಿಭಿ॒ರ್ಜುಷ್ಟಂ॒ ಗಿರ್ವ॑ಣಸೇ ಬೃ॒ಹತ್ ..
ಉಪ॑ ಹ್ವಯೇ ಸು॒ದುಘಾಂ॑ ಧೇ॒ನುಮೇ॒ತಾಂ ಸು॒ಹಸ್ತೋ॑ ಗೋ॒ಧುಗು॒ತ ದೋ॑ಹದೇನಾಂ . ಶ್ರೇಷ್ಠಂ॑ ಸ॒ವಂ ಸ॑ವಿ॒ತಾ ಸಾ॑ವಿಷನ್ನೋ॒ಽಭೀ॑ದ್ಧೋ ಘ॒ರ್ಮಸ್ತದು॒ ಷು ಪ್ರ ವೋ॑ಚಂ ..
ಹಿಂ॒ಕೃ॒ಣ್ವ॒ತೀ ವ॑ಸು॒ಪತ್ನೀ॒ ವಸೂ॑ನಾಂ ವ॒ತ್ಸಮಿ॒ಚ್ಛಂತೀ॒ ಮನ॑ಸಾ॒ಭ್ಯಾಗಾ॑ತ್ . ದು॒ಹಾಮ॒ಶ್ವಿಭ್ಯಾಂ॒ ಪಯೋ॑ ಅ॒ಘ್ನ್ಯೇಯಂ ಸಾ ವ॑ರ್ಧತಾಂ ಮಹ॒ತೇ ಸೌಭ॑ಗಾಯ ..
ಇಂದ್ರ॒ ದೃಹ್ಯ॑ ಯಾಮಕೋ॒ಶಾ ಅ॑ಭೂವನ್ಯ॒ಜ್ಞಾಯ॑ ಶಿಕ್ಷ ಗೃಣ॒ತೇ ಸಖಿ॑ಭ್ಯಃ . ದು॒ರ್ಮಾ॒ಯವೋ॑ ದು॒ರೇವಾ॒ ಮರ್ತ್ಯಾ॑ಸೋ ನಿಷಂ॒ಗಿಣೋ॑ ರಿ॒ಪವೋ॒ ಹಂತ್ವಾ॑ಸಃ ..
ವಾಶೀ॑ಮಂತ ಋಷ್ಟಿ॒ಮಂತೋ॑ ಮನೀ॒ಷಿಣಃ॑ ಸು॒ಧನ್ವಾ॑ನ॒ ಇಷು॑ಮಂತೋ ನಿಷಂ॒ಗಿಣಃ॑ . ಸ್ವಶ್ವಾಃ॑ ಸ್ಥ ಸು॒ರಥಾಃ॑ ಪೃಶ್ನಿಮಾತರಃ ಸ್ವಾಯು॒ಧಾ ಮ॑ರುತೋ ಯಾಥನಾ॒ ಶುಭಂ॑ ..
ಚತು॑ಷ್ಕಪರ್ದಾ ಯುವ॒ತಿಃ ಸು॒ಪೇಶಾ॑ ಘೃ॒ತಪ್ರ॑ತೀಕಾ ವ॒ಯುನಾ॑ನಿ ವಸ್ತೇ . ತಸ್ಯಾಂ॑ ಸುಪ॒ರ್ಣಾ ವೃಷ॑ಣಾ॒ ನಿ ಷೇ॑ದತು॒ರ್ಯತ್ರ॑ ದೇ॒ವಾ ದ॑ಧಿ॒ರೇ ಭಾ॑ಗ॒ಧೇಯಂ॑ ..
ಏಕಃ॑ ಸುಪ॒ರ್ಣಃ ಸ ಸ॑ಮು॒ದ್ರಮಾ ವಿ॑ವೇಶ॒ ಸ ಇ॒ದಂ ವಿಶ್ವಂ॒ ಭುವ॑ನಂ॒ ವಿ ಚ॑ಷ್ಟೇ . ತಂ ಪಾಕೇ॑ನ॒ ಮನ॑ಸಾಪಶ್ಯ॒ಮಂತಿ॑ತ॒ಸ್ತಂ ಮಾ॒ತಾ ರೇ॑ಳ್ಹಿ॒ ಸ ಉ॑ ರೇಳ್ಹಿ ಮಾ॒ತರಂ॑ ..
ಸು॒ಪ॒ರ್ಣಂ ವಿಪ್ರಾಃ॑ ಕ॒ವಯೋ॒ ವಚೋ॑ಭಿ॒ರೇಕಂ॒ ಸಂತಂ॑ ಬಹು॒ಧಾ ಕ॑ಲ್ಪಯಂತಿ . ಛಂದಾಂ॑ಸಿ ಚ॒ ದಧ॑ತೋ ಅಧ್ವ॒ರೇಷು॒ ಗ್ರಹಾಂ॒ತ್ಸೋಮ॑ಸ್ಯ ಮಿಮತೇ॒ ದ್ವಾದ॑ಶ ..
ಪಿತುಂನ್ವಿತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯೋನ್ನಂ ಗಾಯತ್ರೀ ಆದ್ಯಾನುಷ್ಟುಗರ್ಭಾ ತೃತೀಯಾಪಂಚಮ್ಯಾದ್ಯಾಶ್ಚತಸ್ರೋನುಷ್ಟುಭೋಂತ್ಯಾಬೃಹತೀವಾ .
ಪಿ॒ತುಂ ನು ಸ್ತೋ॑ಷಂ ಮ॒ಹೋ ಧ॒ರ್ಮಾಣಂ॒ ತವಿ॑ಷೀಂ . ಯಸ್ಯ॑ ತ್ರಿ॒ತೋ ವ್ಯೋಜ॑ಸಾ ವೃ॒ತ್ರಂ ವಿಪ॑ರ್ವಮ॒ರ್ದಯ॑ತ್ ..
ಸ್ವಾದೋ॑ ಪಿತೋ॒ ಮಧೋ॑ ಪಿತೋ ವ॒ಯಂ ತ್ವಾ॑ ವವೃಮಹೇ . ಅ॒ಸ್ಮಾಕ॑ಮವಿ॒ತಾ ಭ॑ವ ..
ಉಪ॑ ನಃ ಪಿತ॒ವಾ ಚ॑ರ ಶಿ॒ವಃ ಶಿ॒ವಾಭಿ॑ರೂ॒ತಿಭಿಃ॑ . ಮ॒ಯೋ॒ಭುರ॑ದ್ವಿಷೇ॒ಣ್ಯಃ ಸಖಾ॑ ಸು॒ಶೇವೋ॒ ಅದ್ವ॑ಯಾಃ ..
ತವ॒ ತ್ಯೇ ಪಿ॑ತೋ॒ ರಸಾ॒ ರಜಾಂ॒ಸ್ಯನು॒ ವಿಷ್ಠಿ॑ತಾಃ . ದಿ॒ವಿ ವಾತಾ॑ ಇವ ಶ್ರಿ॒ತಾಃ ..
ತವ॒ ತ್ಯೇ ಪಿ॑ತೋ॒ ದದ॑ತ॒ಸ್ತವ॑ ಸ್ವಾದಿಷ್ಠ॒ ತೇ ಪಿ॑ತೋ . ಪ್ರ ಸ್ವಾ॒ದ್ಮಾನೋ॒ ರಸಾ॑ನಾಂ ತುವಿ॒ಗ್ರೀವಾ॑ ಇವೇರತೇ ..
ತ್ವೇ ಪಿ॑ತೋ ಮ॒ಹಾನಾಂ॑ ದೇ॒ವಾನಾಂ॒ ಮನೋ॑ ಹಿ॒ತಂ . ಅಕಾ॑ರಿ॒ ಚಾರು॑ ಕೇ॒ತುನಾ॒ ತವಾಹಿ॒ಮವ॑ಸಾವಧೀತ್ ..
ಯದ॒ದೋ ಪಿ॑ತೋ॒ ಅಜ॑ಗನ್ವಿ॒ವಸ್ವ॒ ಪರ್ವ॑ತಾನಾಂ . ಅತ್ರಾ॑ ಚಿನ್ನೋ ಮಧೋ ಪಿ॒ತೋಽರಂ॑ ಭ॒ಕ್ಷಾಯ॑ ಗಮ್ಯಾಃ ..
ಯದ॒ಪಾಮೋಷ॑ಧೀನಾಂ ಪರಿಂ॒ಶಮಾ॑ರಿ॒ಶಾಮ॑ಹೇ . ವಾತಾ॑ಪೇ॒ ಪೀವ॒ ಇದ್ಭ॑ವ ..
ಯತ್ತೇ॑ ಸೋಮ॒ ಗವಾ॑ಶಿರೋ॒ ಯವಾ॑ಶಿರೋ॒ ಭಜಾ॑ಮಹೇ . ವಾತಾ॑ಪೇ॒ ಪೀವ॒ ಇದ್ಭ॑ವ ..
ಕ॒ರಂ॒ಭ ಓ॑ಷಧೇ ಭವ॒ ಪೀವೋ॑ ವೃ॒ಕ್ಕ ಉ॑ದಾರ॒ಥಿಃ . ವಾತಾ॑ಪೇ॒ ಪೀವ॒ ಇದ್ಭ॑ವ ..
ತಂ ತ್ವಾ॑ ವ॒ಯಂ ಪಿ॑ತೋ॒ ವಚೋ॑ಭಿ॒ರ್ಗಾವೋ॒ ನ ಹ॒ವ್ಯಾ ಸು॑ಷೂದಿಮ . ದೇ॒ವೇಭ್ಯ॑ಸ್ತ್ವಾ ಸಧ॒ಮಾದ॑ಮ॒ಸ್ಮಭ್ಯಂ॑ ತ್ವಾ ಸಧ॒ಮಾದಂ॑ ..
ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧಃ॒ ಸಖಾ॑ . ಕಯಾ॒ ಶಚಿ॑ಷ್ಠಯಾ ವೃ॒ತಾ ..
ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮಂಹಿ॑ಷ್ಠೋ ಮತ್ಸ॒ದಂಧ॑ಸಃ . ದೃ॒ಳ್ಹಾ ಚಿ॑ದಾ॒ರುಜೇ॒ ವಸು॑ ..
ಅ॒ಭೀ ಷು ಣಃ॒ ಸಖೀ॑ನಾಮವಿ॒ತಾ ಜ॑ರಿತೄ॒ಣಾಂ . ಶ॒ತಂ ಭ॑ವಾಸ್ಯೂ॒ತಿಭಿಃ॑ ..
ಸ್ವಾದೋರಿತಿ ಪಂಚದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಗಾಥಃ ಸೋಮಸ್ತ್ರಿಷ್ಟುಪ್ ಪಂಚಮೀ ಜಗತೀ .
ಸ್ವಾ॒ದೋರ॑ಭಕ್ಷಿ॒ ವಯ॑ಸಃ ಸುಮೇ॒ಧಾಃ ಸ್ವಾ॒ಧ್ಯೋ॑ ವರಿವೋ॒ವಿತ್ತ॑ರಸ್ಯ . ವಿಶ್ವೇ॒ ಯಂ ದೇ॒ವಾ ಉ॒ತ ಮರ್ತ್ಯಾ॑ಸೋ॒ ಮಧು॑ ಬ್ರು॒ವಂತೋ॑ ಅ॒ಭಿ ಸಂ॒ಚರಂ॑ತಿ ..
ಅಂ॒ತಶ್ಚ॒ ಪ್ರಾಗಾ॒ ಅದಿ॑ತಿರ್ಭವಾಸ್ಯವಯಾ॒ತಾ ಹರ॑ಸೋ॒ ದೈವ್ಯ॑ಸ್ಯ . ಇಂದ॒ವಿಂದ್ರ॑ಸ್ಯ ಸ॒ಖ್ಯಂ ಜು॑ಷಾ॒ಣಃ ಶ್ರೌಷ್ಟೀ॑ವ॒ ಧುರ॒ಮನು॑ ರಾ॒ಯ ಋ॑ಧ್ಯಾಃ ..
ಅಪಾ॑ಮ॒ ಸೋಮ॑ಮ॒ಮೃತಾ॑ ಅಭೂ॒ಮಾಗ॑ನ್ಮ॒ ಜ್ಯೋತಿ॒ರವಿ॑ದಾಮ ದೇ॒ವಾನ್ . ಕಿಂ ನೂ॒ನಮ॒ಸ್ಮಾನ್ಕೃ॑ಣವ॒ದರಾ॑ತಿಃ॒ ಕಿಮು॑ ಧೂ॒ರ್ತಿರ॑ಮೃತ॒ ಮರ್ತ್ಯ॑ಸ್ಯ ..
ಶಂ ನೋ॑ ಭವ ಹೃ॒ದ ಆ ಪೀ॒ತ ಇಂ॑ದೋ ಪಿ॒ತೇವ॑ ಸೋಮ ಸೂ॒ನವೇ॑ ಸು॒ಶೇವಃ॑ . ಸಖೇ॑ವ॒ ಸಖ್ಯ॑ ಉರುಶಂಸ॒ ಧೀರಃ॒ ಪ್ರ ಣ॒ ಆಯು॑ರ್ಜೀ॒ವಸೇ॑ ಸೋಮ ತಾರೀಃ ..
ಇ॒ಮೇ ಮಾ॑ ಪೀ॒ತಾ ಯ॒ಶಸ॑ ಉರು॒ಷ್ಯವೋ॒ ರಥಂ॒ ನ ಗಾವಃ॒ ಸಮ॑ನಾಹ॒ ಪರ್ವ॑ಸು . ತೇ ಮಾ॑ ರಕ್ಷಂತು ವಿ॒ಸ್ರಸ॑ಶ್ಚ॒ರಿತ್ರಾ॑ದು॒ತ ಮಾ॒ ಸ್ರಾಮಾ॑ದ್ಯವಯಂ॒ತ್ವಿಂದ॑ವಃ ..
ಅ॒ಗ್ನಿಂ ನ ಮಾ॑ ಮಥಿ॒ತಂ ಸಂ ದಿ॑ದೀಪಃ॒ ಪ್ರ ಚ॑ಕ್ಷಯ ಕೃಣು॒ಹಿ ವಸ್ಯ॑ಸೋ ನಃ . ಅಥಾ॒ ಹಿ ತೇ॒ ಮದ॒ ಆ ಸೋ॑ಮ॒ ಮನ್ಯೇ॑ ರೇ॒ವಾಁ ಇ॑ವ॒ ಪ್ರ ಚ॑ರಾ ಪು॒ಷ್ಟಿಮಚ್ಛ॑ ..
ಇ॒ಷಿ॒ರೇಣ॑ ತೇ॒ ಮನ॑ಸಾ ಸು॒ತಸ್ಯ॑ ಭಕ್ಷೀ॒ಮಹಿ॒ ಪಿತ್ರ್ಯ॑ಸ್ಯೇವ ರಾ॒ಯಃ . ಸೋಮ॑ ರಾಜ॒ನ್ಪ್ರ ಣ॒ ಆಯೂಂ॑ಷಿ ತಾರೀ॒ರಹಾ॑ನೀವ॒ ಸೂರ್ಯೋ॑ ವಾಸ॒ರಾಣಿ॑ ..
ಸೋಮ॑ ರಾಜನ್ಮೃ॒ಳಯಾ॑ ನಃ ಸ್ವ॒ಸ್ತಿ ತವ॑ ಸ್ಮಸಿ ವ್ರ॒ತ್ಯಾ॒೩॒॑ಸ್ತಸ್ಯ॑ ವಿದ್ಧಿ . ಅಲ॑ರ್ತಿ॒ ದಕ್ಷ॑ ಉ॒ತ ಮ॒ನ್ಯುರಿಂ॑ದೋ॒ ಮಾ ನೋ॑ ಅ॒ರ್ಯೋ ಅ॑ನುಕಾ॒ಮಂ ಪರಾ॑ ದಾಃ ..
ತ್ವಂ ಹಿ ನ॑ಸ್ತ॒ನ್ವಃ॑ ಸೋಮ ಗೋ॒ಪಾ ಗಾತ್ರೇ॑ಗಾತ್ರೇ ನಿಷ॒ಸತ್ಥಾ॑ ನೃ॒ಚಕ್ಷಾಃ॑ . ಯತ್ತೇ॑ ವ॒ಯಂ ಪ್ರ॑ಮಿ॒ನಾಮ॑ ವ್ರ॒ತಾನಿ॒ ಸ ನೋ॑ ಮೃಳ ಸುಷ॒ಖಾ ದೇ॑ವ॒ ವಸ್ಯಃ॑ ..
ಋ॒ದೂ॒ದರೇ॑ಣ॒ ಸಖ್ಯಾ॑ ಸಚೇಯ॒ ಯೋ ಮಾ॒ ನ ರಿಷ್ಯೇ॑ದ್ಧರ್ಯಶ್ವ ಪೀ॒ತಃ . ಅ॒ಯಂ ಯಃ ಸೋಮೋ॒ ನ್ಯಧಾ॑ಯ್ಯ॒ಸ್ಮೇ ತಸ್ಮಾ॒ ಇಂದ್ರಂ॑ ಪ್ರ॒ತಿರ॑ಮೇ॒ಮ್ಯಾಯುಃ॑ ..
ಅಪ॒ ತ್ಯಾ ಅ॑ಸ್ಥು॒ರನಿ॑ರಾ॒ ಅಮೀ॑ವಾ॒ ನಿರ॑ತ್ರಸಂ॒ತಮಿ॑ಷೀಚೀ॒ರಭೈ॑ಷುಃ . ಆ ಸೋಮೋ॑ ಅ॒ಸ್ಮಾಁ ಅ॑ರುಹ॒ದ್ವಿಹಾ॑ಯಾ॒ ಅಗ॑ನ್ಮ॒ ಯತ್ರ॑ ಪ್ರತಿ॒ರಂತ॒ ಆಯುಃ॑ ..
ಯೋ ನ॒ ಇಂದುಃ॑ ಪಿತರೋ ಹೃ॒ತ್ಸು ಪೀ॒ತೋಽಮ॑ರ್ತ್ಯೋ॒ ಮರ್ತ್ಯಾಁ॑ ಆವಿ॒ವೇಶ॑ . ತಸ್ಮೈ॒ ಸೋಮಾ॑ಯ ಹ॒ವಿಷಾ॑ ವಿಧೇಮ ಮೃಳೀ॒ಕೇ ಅ॑ಸ್ಯ ಸುಮ॒ತೌ ಸ್ಯಾ॑ಮ ..
ತ್ವಂ ಸೋ॑ಮ ಪಿ॒ತೃಭಿಃ॑ ಸಂವಿದಾ॒ನೋಽನು॒ ದ್ಯಾವಾ॑ಪೃಥಿ॒ವೀ ಆ ತ॑ತಂಥ . ತಸ್ಮೈ॑ ತ ಇಂದೋ ಹ॒ವಿಷಾ॑ ವಿಧೇಮ ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ ..
ತ್ರಾತಾ॑ರೋ ದೇವಾ॒ ಅಧಿ॑ ವೋಚತಾ ನೋ॒ ಮಾ ನೋ॑ ನಿ॒ದ್ರಾ ಈ॑ಶತ॒ ಮೋತ ಜಲ್ಪಿಃ॑ . ವ॒ಯಂ ಸೋಮ॑ಸ್ಯ ವಿ॒ಶ್ವಹ॑ ಪ್ರಿ॒ಯಾಸಃ॑ ಸು॒ವೀರಾ॑ಸೋ ವಿ॒ದಥ॒ಮಾ ವ॑ದೇಮ ..
ತ್ವಂ ನಃ॑ ಸೋಮ ವಿ॒ಶ್ವತೋ॑ ವಯೋ॒ಧಾಸ್ತ್ವಂ ಸ್ವ॒ರ್ವಿದಾ ವಿ॑ಶಾ ನೃ॒ಚಕ್ಷಾಃ॑ . ತ್ವಂ ನ॑ ಇಂದ ಊ॒ತಿಭಿಃ॑ ಸ॒ಜೋಷಾಃ॑ ಪಾ॒ಹಿ ಪ॒ಶ್ಚಾತಾ॑ದು॒ತ ವಾ॑ ಪು॒ರಸ್ತಾ॑ತ್ ..
ನವಾಇತಿ ನವರ್ಚಸ್ಯ ಸೂಕ್ತಸ್ಯಾಂಗಿರಸೋ ಭಿಕ್ಷುರ್ಧನಾನ್ನದಾನಂತ್ರಿಷ್ಟುಬಾದ್ಯೇಜಗತ್ಯೌ .
ನ ವಾ ಉ॑ ದೇ॒ವಾಃ ಕ್ಷುಧ॒ಮಿದ್ವ॒ಧಂ ದ॑ದುರು॒ತಾಶಿ॑ತ॒ಮುಪ॑ ಗಚ್ಛಂತಿ ಮೃ॒ತ್ಯವಃ॑ . ಉ॒ತೋ ರ॒ಯಿಃ ಪೃ॑ಣ॒ತೋ ನೋಪ॑ ದಸ್ಯತ್ಯು॒ತಾಪೃ॑ಣನ್ಮರ್ಡಿ॒ತಾರಂ॒ ನ ವಿಂ॑ದತೇ ..
ಯ ಆ॒ಧ್ರಾಯ॑ ಚಕಮಾ॒ನಾಯ॑ ಪಿ॒ತ್ವೋಽನ್ನ॑ವಾಂ॒ತ್ಸನ್ರ॑ಫಿ॒ತಾಯೋ॑ಪಜ॒ಗ್ಮುಷೇ॑ . ಸ್ಥಿ॒ರಂ ಮನಃ॑ ಕೃಣು॒ತೇ ಸೇವ॑ತೇ ಪು॒ರೋತೋ ಚಿ॒ತ್ಸ ಮ॑ರ್ಡಿ॒ತಾರಂ॒ ನ ವಿಂ॑ದತೇ ..
ಸ ಇದ್ಭೋ॒ಜೋ ಯೋ ಗೃ॒ಹವೇ॒ ದದಾ॒ತ್ಯನ್ನ॑ಕಾಮಾಯ॒ ಚರ॑ತೇ ಕೃ॒ಶಾಯ॑ . ಅರ॑ಮಸ್ಮೈ ಭವತಿ॒ ಯಾಮ॑ಹೂತಾ ಉ॒ತಾಪ॒ರೀಷು॑ ಕೃಣುತೇ॒ ಸಖಾ॑ಯಂ ..
ನ ಸ ಸಖಾ॒ ಯೋ ನ ದದಾ॑ತಿ॒ ಸಖ್ಯೇ॑ ಸಚಾ॒ಭುವೇ॒ ಸಚ॑ಮಾನಾಯ ಪಿ॒ತ್ವಃ . ಅಪಾ॑ಸ್ಮಾ॒ತ್ಪ್ರೇಯಾ॒ನ್ನ ತದೋಕೋ॑ ಅಸ್ತಿ ಪೃ॒ಣಂತ॑ಮ॒ನ್ಯಮರ॑ಣಂ ಚಿದಿಚ್ಛೇತ್ ..
ಪೃ॒ಣೀ॒ಯಾದಿನ್ನಾಧ॑ಮಾನಾಯ॒ ತವ್ಯಾಂ॒ದ್ರಾಘೀ॑ಯಾಂಸ॒ಮನು॑ ಪಶ್ಯೇತ॒ ಪಂಥಾಂ॑ . ಓ ಹಿ ವರ್ತಂ॑ತೇ॒ ರಥ್ಯೇ॑ವ ಚ॒ಕ್ರಾನ್ಯಮ॑ನ್ಯ॒ಮುಪ॑ ತಿಷ್ಠಂತ॒ ರಾಯಃ॑ ..
ಮೋಘ॒ಮನ್ನಂ॑ ವಿಂದತೇ॒ ಅಪ್ರ॑ಚೇತಾಃ ಸ॒ತ್ಯಂ ಬ್ರ॑ವೀಮಿ ವ॒ಧ ಇತ್ಸ ತಸ್ಯ॑ . ನಾರ್ಯ॒ಮಣಂ॒ ಪುಷ್ಯ॑ತಿ॒ ನೋ ಸಖಾ॑ಯಂ॒ ಕೇವ॑ಲಾಘೋ ಭವತಿ ಕೇವಲಾ॒ದೀ ..
ಕೃ॒ಷನ್ನಿತ್ಫಾಲ॒ ಆಶಿ॑ತಂ ಕೃಣೋತಿ॒ ಯನ್ನಧ್ವಾ॑ನ॒ಮಪ॑ ವೃಂಕ್ತೇ ಚ॒ರಿತ್ರೈಃ॑ . ವದ॑ನ್ಬ್ರ॒ಹ್ಮಾವ॑ದತೋ॒ ವನೀ॑ಯಾನ್ಪೃ॒ಣನ್ನಾ॒ಪಿರಪೃ॑ಣಂತಮ॒ಭಿ ಷ್ಯಾ॑ತ್ ..
ಏಕ॑ಪಾ॒ದ್ಭೂಯೋ॑ ದ್ವಿ॒ಪದೋ॒ ವಿ ಚ॑ಕ್ರಮೇ ದ್ವಿ॒ಪಾತ್ತ್ರಿ॒ಪಾದ॑ಮ॒ಭ್ಯೇ॑ತಿ ಪ॒ಶ್ಚಾತ್ . ಚತು॑ಷ್ಪಾದೇತಿ ದ್ವಿ॒ಪದಾ॑ಮಭಿಸ್ವ॒ರೇ ಸಂ॒ಪಶ್ಯ॑ನ್ಪಂ॒ಕ್ತೀರು॑ಪ॒ತಿಷ್ಠ॑ಮಾನಃ ..
ಸ॒ಮೌ ಚಿ॒ದ್ಧಸ್ತೌ॒ ನ ಸ॒ಮಂ ವಿ॑ವಿಷ್ಟಃ ಸಮ್ಮಾ॒ತರಾ॑ ಚಿ॒ನ್ನ ಸ॒ಮಂ ದು॑ಹಾತೇ . ಯ॒ಮಯೋ॑ಶ್ಚಿ॒ನ್ನ ಸ॒ಮಾ ವೀ॒ರ್ಯಾ॑ಣಿ ಜ್ಞಾ॒ತೀ ಚಿ॒ತ್ಸಂತೌ॒ ನ ಸ॒ಮಂ ಪೃ॑ಣೀತಃ ..
ಶ್ರದ್ಧಯೇತಿ ಪಂಚರ್ಚಸ್ಯ ಸೂಕ್ತಸ್ಯ ಶ್ರದ್ಧಾಕಾಮಾಯನೀಶ್ರದ್ಧಾನುಷ್ಟುಪ್ .
ಶ್ರ॒ದ್ಧಯಾ॒ಗ್ನಿಃ ಸಮಿ॑ಧ್ಯತೇ ಶ್ರ॒ದ್ಧಯಾ॑ ಹೂಯತೇ ಹ॒ವಿಃ . ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॒ ವಚ॒ಸಾ ವೇ॑ದಯಾಮಸಿ ..
ಪ್ರಿ॒ಯಂ ಶ್ರ॑ದ್ಧೇ॒ ದದ॑ತಃ ಪ್ರಿ॒ಯಂ ಶ್ರ॑ದ್ಧೇ॒ ದಿದಾ॑ಸತಃ . ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸ್ವಿ॒ದಂ ಮ॑ ಉದಿ॒ತಂ ಕೃ॑ಧಿ ..
ಯಥಾ॑ ದೇ॒ವಾ ಅಸು॑ರೇಷು ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ . ಏ॒ವಂ ಭೋ॒ಜೇಷು॒ ಯಜ್ವ॑ಸ್ವ॒ಸ್ಮಾಕ॑ಮುದಿ॒ತಂ ಕೃ॑ಧಿ ..
ಶ್ರ॒ದ್ಧಾಂ ದೇ॒ವಾ ಯಜ॑ಮಾನಾ ವಾ॒ಯುಗೋ॑ಪಾ॒ ಉಪಾ॑ಸತೇ . ಶ್ರ॒ದ್ಧಾಂ ಹೃ॑ದ॒ಯ್ಯ೧॒॑ಯಾಕೂ॑ತ್ಯಾ ಶ್ರ॒ದ್ಧಯಾ॑ ವಿಂದತೇ॒ ವಸು॑ ..
ಶ್ರ॒ದ್ಧಾಂ ಪ್ರಾ॒ತರ್ಹ॑ವಾಮಹೇ ಶ್ರ॒ದ್ಧಾಂ ಮ॒ಧ್ಯಂದಿ॑ನಂ॒ ಪರಿ॑ . ಶ್ರ॒ದ್ಧಾಂ ಸೂರ್ಯ॑ಸ್ಯ ನಿ॒ಮ್ರುಚಿ॒ ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ನಃ॑ ..
ಪ್ರಾವೇಪಾಇತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ಮೌಜವಾನಕ್ಷ ಋಷಿಃ ಆದ್ಯಾ ಸಪ್ತಮೀ ನವಮೀದ್ವಾದಶೀನಾಮಕ್ಷಾದೇವತಾಃ ತ್ರಯೋದಶ್ಯಾಃ ಕೃಷಿಃ ಶಿಷ್ಟಾನಾಮಕ್ಷನಿಂದಾ ದೇವತಾ ತ್ರಿಷ್ಟುಪ್ ಸಪ್ತಮೀ ಜಗತೀ .
ಪ್ರಾ॒ವೇ॒ಪಾ ಮಾ॑ ಬೃಹ॒ತೋ ಮಾ॑ದಯಂತಿ ಪ್ರವಾತೇ॒ಜಾ ಇರಿ॑ಣೇ॒ ವರ್ವೃ॑ತಾನಾಃ . ಸೋಮ॑ಸ್ಯೇವ ಮೌಜವ॒ತಸ್ಯ॑ ಭ॒ಕ್ಷೋ ವಿ॒ಭೀದ॑ಕೋ॒ ಜಾಗೃ॑ವಿ॒ರ್ಮಹ್ಯ॑ಮಚ್ಛಾನ್ ..
ನ ಮಾ॑ ಮಿಮೇಥ॒ ನ ಜಿ॑ಹೀಳ ಏ॒ಷಾ ಶಿ॒ವಾ ಸಖಿ॑ಭ್ಯ ಉ॒ತ ಮಹ್ಯ॑ಮಾಸೀತ್ . ಅ॒ಕ್ಷಸ್ಯಾ॒ಹಮೇ॑ಕಪ॒ರಸ್ಯ॑ ಹೇ॒ತೋರನು॑ವ್ರತಾ॒ಮಪ॑ ಜಾ॒ಯಾಮ॑ರೋಧಂ ..
ದ್ವೇಷ್ಟಿ॑ ಶ್ವ॒ಶ್ರೂರಪ॑ ಜಾ॒ಯಾ ರು॑ಣದ್ಧಿ॒ ನ ನಾ॑ಥಿ॒ತೋ ವಿಂ॑ದತೇ ಮರ್ಡಿ॒ತಾರಂ॑ . ಅಶ್ವ॑ಸ್ಯೇವ॒ ಜರ॑ತೋ॒ ವಸ್ನ್ಯ॑ಸ್ಯ॒ ನಾಹಂ ವಿಂ॑ದಾಮಿ ಕಿತ॒ವಸ್ಯ॒ ಭೋಗಂ॑ ..
ಅ॒ನ್ಯೇ ಜಾ॒ಯಾಂ ಪರಿ॑ ಮೃಶಂತ್ಯಸ್ಯ॒ ಯಸ್ಯಾಗೃ॑ಧ॒ದ್ವೇದ॑ನೇ ವಾ॒ಜ್ಯ೧॒॑ಕ್ಷಃ . ಪಿ॒ತಾ ಮಾ॒ತಾ ಭ್ರಾತ॑ರ ಏನಮಾಹು॒ರ್ನ ಜಾ॑ನೀಮೋ॒ ನಯ॑ತಾ ಬ॒ದ್ಧಮೇ॒ತಂ ..
ಯದಾ॒ದೀಧ್ಯೇ॒ ನ ದ॑ವಿಷಾಣ್ಯೇಭಿಃ ಪರಾ॒ಯದ್ಭ್ಯೋಽವ॑ ಹೀಯೇ॒ ಸಖಿ॑ಭ್ಯಃ . ನ್ಯು॑ಪ್ತಾಶ್ಚ ಬ॒ಭ್ರವೋ॒ ವಾಚ॒ಮಕ್ರ॑ತಁ॒ ಏಮೀದೇ॑ಷಾಂ ನಿಷ್ಕೃ॒ತಂ ಜಾ॒ರಿಣೀ॑ವ ..
ಸ॒ಭಾಮೇ॑ತಿ ಕಿತ॒ವಃ ಪೃ॒ಚ್ಛಮಾ॑ನೋ ಜೇ॒ಷ್ಯಾಮೀತಿ॑ ತ॒ನ್ವಾ॒೩॒॑ ಶೂಶು॑ಜಾನಃ . ಅ॒ಕ್ಷಾಸೋ॑ ಅಸ್ಯ॒ ವಿ ತಿ॑ರಂತಿ॒ ಕಾಮಂ॑ ಪ್ರತಿ॒ದೀವ್ನೇ॒ ದಧ॑ತ॒ ಆ ಕೃ॒ತಾನಿ॑ ..
ಅ॒ಕ್ಷಾಸ॒ ಇದಂ॑ಕು॒ಶಿನೋ॑ ನಿತೋ॒ದಿನೋ॑ ನಿ॒ಕೃತ್ವಾ॑ನ॒ಸ್ತಪ॑ನಾಸ್ತಾಪಯಿ॒ಷ್ಣವಃ॑ . ಕು॒ಮಾ॒ರದೇ॑ಷ್ಣಾ॒ ಜಯ॑ತಃ ಪುನ॒ರ್ಹಣೋ॒ ಮಧ್ವಾ॒ ಸಂಪೃ॑ಕ್ತಾಃ ಕಿತ॒ವಸ್ಯ॑ ಬ॒ರ್ಹಣಾ॑ ..
ತ್ರಿ॒ಪಂ॒ಚಾ॒ಶಃ ಕ್ರೀ॑ಳತಿ॒ ವ್ರಾತ॑ ಏಷಾಂ ದೇ॒ವ ಇ॑ವ ಸವಿ॒ತಾ ಸ॒ತ್ಯಧ॑ರ್ಮಾ . ಉ॒ಗ್ರಸ್ಯ॑ ಚಿನ್ಮ॒ನ್ಯವೇ॒ ನಾ ನ॑ಮಂತೇ॒ ರಾಜಾ॑ ಚಿದೇಭ್ಯೋ॒ ನಮ॒ ಇತ್ಕೃ॑ಣೋತಿ ..
ನೀ॒ಚಾ ವ॑ರ್ತಂತ ಉ॒ಪರಿ॑ ಸ್ಫುರಂತ್ಯಹ॒ಸ್ತಾಸೋ॒ ಹಸ್ತ॑ವಂತಂ ಸಹಂತೇ . ದಿ॒ವ್ಯಾ ಅಂಗಾ॑ರಾ॒ ಇರಿ॑ಣೇ॒ ನ್ಯು॑ಪ್ತಾಃ ಶೀ॒ತಾಃ ಸಂತೋ॒ ಹೃದ॑ಯಂ॒ ನಿರ್ದ॑ಹಂತಿ ..
ಜಾ॒ಯಾ ತ॑ಪ್ಯತೇ ಕಿತ॒ವಸ್ಯ॑ ಹೀ॒ನಾ ಮಾ॒ತಾ ಪು॒ತ್ರಸ್ಯ॒ ಚರ॑ತಃ॒ ಕ್ವ॑ ಸ್ವಿತ್ . ಋ॒ಣಾ॒ವಾ ಬಿಭ್ಯ॒ದ್ಧನ॑ಮಿ॒ಚ್ಛಮಾ॑ನೋ॒ಽನ್ಯೇಷಾ॒ಮಸ್ತ॒ಮುಪ॒ ನಕ್ತ॑ಮೇತಿ ..
ಸ್ತ್ರಿಯಂ॑ ದೃ॒ಷ್ಟ್ವಾಯ॑ ಕಿತ॒ವಂ ತ॑ತಾಪಾ॒ನ್ಯೇಷಾಂ॑ ಜಾ॒ಯಾಂ ಸುಕೃ॑ತಂ ಚ॒ ಯೋನಿಂ॑ . ಪೂ॒ರ್ವಾ॒ಹ್ಣೇ ಅಶ್ವಾ॑ನ್ಯುಯು॒ಜೇ ಹಿ ಬ॒ಭ್ರೂಂತ್ಸೋ ಅ॒ಗ್ನೇರಂತೇ॑ ವೃಷ॒ಲಃ ಪ॑ಪಾದ ..
ಯೋ ವಃ॑ ಸೇನಾ॒ನೀರ್ಮ॑ಹ॒ತೋ ಗ॒ಣಸ್ಯ॒ ರಾಜಾ॒ ವ್ರಾತ॑ಸ್ಯ ಪ್ರಥ॒ಮೋ ಬ॒ಭೂವ॑ . ತಸ್ಮೈ॑ ಕೃಣೋಮಿ॒ ನ ಧನಾ॑ ರುಣಧ್ಮಿ॒ ದಶಾ॒ಹಂ ಪ್ರಾಚೀ॒ಸ್ತದೃ॒ತಂ ವ॑ದಾಮಿ ..
ಅ॒ಕ್ಷೈರ್ಮಾ ದೀ॑ವ್ಯಃ ಕೃ॒ಷಿಮಿತ್ಕೃ॑ಷಸ್ವ ವಿ॒ತ್ತೇ ರ॑ಮಸ್ವ ಬ॒ಹು ಮನ್ಯ॑ಮಾನಃ . ತತ್ರ॒ ಗಾವಃ॑ ಕಿತವ॒ ತತ್ರ॑ ಜಾ॒ಯಾ ತನ್ಮೇ॒ ವಿ ಚ॑ಷ್ಟೇ ಸವಿ॒ತಾಯಮ॒ರ್ಯಃ ..
ಮಿ॒ತ್ರಂ ಕೃ॑ಣುಧ್ವಂ॒ ಖಲು॑ ಮೃ॒ಳತಾ॑ ನೋ॒ ಮಾ ನೋ॑ ಘೋ॒ರೇಣ॑ ಚರತಾ॒ಭಿ ಧೃ॒ಷ್ಣು . ನಿ ವೋ॒ ನು ಮ॒ನ್ಯುರ್ವಿ॑ಶತಾ॒ಮರಾ॑ತಿರ॒ನ್ಯೋ ಬ॑ಭ್ರೂ॒ಣಾಂ ಪ್ರಸಿ॑ತೌ॒ ನ್ವ॑ಸ್ತು ..
ಸಮಿದ್ಧೋಅಗ್ನಇತಿ ತ್ರಯೋದಶರ್ಚಸ್ಯ ಸೂಕ್ತಸ್ಯೌಚಥ್ಯೋದೀರ್ಘತಮಾಋಷಿಃ ಇಧ್ಮಸ್ತನೂನಪಾನ್ನರಾಶಂಸಇಳೋ ಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾ ದೇವ್ಯೌಹೋತಾರೌ ಸರಸ್ವತೀಳಾಭಾರತ್ಯಸ್ತ್ವಷ್ಟಾವನಸ್ಪತಿಃ ಸ್ವಾಹಾಕೃತಯಇತಿಕ್ರಮೇಣದೇವತಾಃ ಅಂತ್ಯಾಯಾ ಇಂದ್ರೋನುಷ್ಟುಪ್ .
ಸಮಿ॑ದ್ಧೋ ಅಗ್ನ॒ ಆ ವ॑ಹ ದೇ॒ವಾಁ ಅ॒ದ್ಯ ಯ॒ತಸ್ರು॑ಚೇ . ತಂತುಂ॑ ತನುಷ್ವ ಪೂ॒ರ್ವ್ಯಂ ಸು॒ತಸೋ॑ಮಾಯ ದಾ॒ಶುಷೇ॑ ..
ಘೃ॒ತವಂ॑ತ॒ಮುಪ॑ ಮಾಸಿ॒ ಮಧು॑ಮಂತಂ ತನೂನಪಾತ್ . ಯ॒ಜ್ಞಂ ವಿಪ್ರ॑ಸ್ಯ॒ ಮಾವ॑ತಃ ಶಶಮಾ॒ನಸ್ಯ॑ ದಾ॒ಶುಷಃ॑ ..
ಶುಚಿಃ॑ ಪಾವ॒ಕೋ ಅದ್ಭು॑ತೋ॒ ಮಧ್ವಾ॑ ಯ॒ಜ್ಞಂ ಮಿ॑ಮಿಕ್ಷತಿ . ನರಾ॒ಶಂಸ॒ಸ್ತ್ರಿರಾ ದಿ॒ವೋ ದೇ॒ವೋ ದೇ॒ವೇಷು॑ ಯ॒ಜ್ಞಿಯಃ॑ ..
ಈ॒ಳಿ॒ತೋ ಅ॑ಗ್ನ॒ ಆ ವ॒ಹೇಂದ್ರಂ॑ ಚಿ॒ತ್ರಮಿ॒ಹ ಪ್ರಿ॒ಯಂ . ಇ॒ಯಂ ಹಿ ತ್ವಾ॑ ಮ॒ತಿರ್ಮಮಾಚ್ಛಾ॑ ಸುಜಿಹ್ವ ವ॒ಚ್ಯತೇ॑ ..
ಸ್ತೃ॒ಣಾ॒ನಾಸೋ॑ ಯ॒ತಸ್ರು॑ಚೋ ಬ॒ರ್ಹಿರ್ಯ॒ಜ್ಞೇ ಸ್ವ॑ಧ್ವ॒ರೇ . ವೃಂ॒ಜೇ ದೇ॒ವವ್ಯ॑ಚಸ್ತಮ॒ಮಿಂದ್ರಾ॑ಯ॒ ಶರ್ಮ॑ ಸ॒ಪ್ರಥಃ॑ ..
ವಿ ಶ್ರ॑ಯಂತಾಮೃತಾ॒ವೃಧಃ॑ ಪ್ರ॒ಯೈ ದೇ॒ವೇಭ್ಯೋ॑ ಮ॒ಹೀಃ . ಪಾ॒ವ॒ಕಾಸಃ॑ ಪುರು॒ಸ್ಪೃಹೋ॒ ದ್ವಾರೋ॑ ದೇ॒ವೀರ॑ಸ॒ಶ್ಚತಃ॑ ..
ಆ ಭಂದ॑ಮಾನೇ॒ ಉಪಾ॑ಕೇ॒ ನಕ್ತೋ॒ಷಾಸಾ॑ ಸು॒ಪೇಶ॑ಸಾ . ಯ॒ಹ್ವೀ ಋ॒ತಸ್ಯ॑ ಮಾ॒ತರಾ॒ ಸೀದ॑ತಾಂ ಬ॒ರ್ಹಿರಾ ಸು॒ಮತ್ ..
ಮಂ॒ದ್ರಜಿ॑ಹ್ವಾ ಜುಗು॒ರ್ವಣೀ॒ ಹೋತಾ॑ರಾ॒ ದೈವ್ಯಾ॑ ಕ॒ವೀ . ಯ॒ಜ್ಞಂ ನೋ॑ ಯಕ್ಷತಾಮಿ॒ಮಂ ಸಿ॒ಧ್ರಮ॒ದ್ಯ ದಿ॑ವಿ॒ಸ್ಪೃಶಂ॑ ..
ಶುಚಿ॑ರ್ದೇ॒ವೇಷ್ವರ್ಪಿ॑ತಾ॒ ಹೋತ್ರಾ॑ ಮ॒ರುತ್ಸು॒ ಭಾರ॑ತೀ . ಇಳಾ॒ ಸರ॑ಸ್ವತೀ ಮ॒ಹೀ ಬ॒ರ್ಹಿಃ ಸೀ॑ದಂತು ಯ॒ಜ್ಞಿಯಾಃ॑ ..
ತನ್ನ॑ಸ್ತು॒ರೀಪ॒ಮದ್ಭು॑ತಂ ಪು॒ರು ವಾರಂ॑ ಪು॒ರು ತ್ಮನಾ॑ . ತ್ವಷ್ಟಾ॒ ಪೋಷಾ॑ಯ॒ ವಿ ಷ್ಯ॑ತು ರಾ॒ಯೇ ನಾಭಾ॑ ನೋ ಅಸ್ಮ॒ಯುಃ ..
ಅ॒ವ॒ಸೃ॒ಜನ್ನುಪ॒ ತ್ಮನಾ॑ ದೇ॒ವಾನ್ಯ॑ಕ್ಷಿ ವನಸ್ಪತೇ . ಅ॒ಗ್ನಿರ್ಹ॒ವ್ಯಾ ಸು॑ಷೂದತಿ ದೇ॒ವೋ ದೇ॒ವೇಷು॒ ಮೇಧಿ॑ರಃ ..
ಪೂ॒ಷ॒ಣ್ವತೇ॑ ಮ॒ರುತ್ವ॑ತೇ ವಿ॒ಶ್ವದೇ॑ವಾಯ ವಾ॒ಯವೇ॑ . ಸ್ವಾಹಾ॑ ಗಾಯ॒ತ್ರವೇ॑ಪಸೇ ಹ॒ವ್ಯಮಿಂದ್ರಾ॑ಯ ಕರ್ತನ ..
ಸ್ವಾಹಾ॑ಕೃತಾ॒ನ್ಯಾ ಗ॒ಹ್ಯುಪ॑ ಹ॒ವ್ಯಾನಿ॑ ವೀ॒ತಯೇ॑ . ಇಂದ್ರಾ ಗ॑ಹಿ ಶ್ರು॒ಧೀ ಹವಂ॒ ತ್ವಾಂ ಹ॑ವಂತೇ ಅಧ್ವ॒ರೇ ..
ಸಮಿದ್ಧಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಇಧ್ಮಸ್ತನೂನಪಾದಿಳೋಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾದೈವ್ಯೌಹೋತಾರೌ ಸರಸ್ವತೀಳಾ ಭಾರತ್ಯಸ್ತ್ವಷ್ಟಾ ವನಸ್ಪತಿ ಸ್ವಾಹಾಕೃತಯಇತಿಕ್ರಮೇಣದೇವತಾಃ ಗಾಯತ್ರೀಚ್ಛಂದಃ .
ಸಮಿ॑ದ್ಧೋ ಅ॒ದ್ಯ ರಾ॑ಜಸಿ ದೇ॒ವೋ ದೇ॒ವೈಃ ಸ॑ಹಸ್ರಜಿತ್ . ದೂ॒ತೋ ಹ॒ವ್ಯಾ ಕ॒ವಿರ್ವ॑ಹ ..
ತನೂ॑ನಪಾದೃ॒ತಂ ಯ॒ತೇ ಮಧ್ವಾ॑ ಯ॒ಜ್ಞಃ ಸಮ॑ಜ್ಯತೇ . ದಧ॑ತ್ಸಹ॒ಸ್ರಿಣೀ॒ರಿಷಃ॑ ..
ಆ॒ಜುಹ್ವಾ॑ನೋ ನ॒ ಈಡ್ಯೋ॑ ದೇ॒ವಾಁ ಆ ವ॑ಕ್ಷಿ ಯ॒ಜ್ಞಿಯಾ॑ನ್ . ಅಗ್ನೇ॑ ಸಹಸ್ರ॒ಸಾ ಅ॑ಸಿ ..
ಪ್ರಾ॒ಚೀನಂ॑ ಬ॒ರ್ಹಿರೋಜ॑ಸಾ ಸ॒ಹಸ್ರ॑ವೀರಮಸ್ತೃಣನ್ . ಯತ್ರಾ॑ದಿತ್ಯಾ ವಿ॒ರಾಜ॑ಥ ..
ವಿ॒ರಾಟ್ ಸ॒ಮ್ರಾಡ್ವಿ॒ಭ್ವೀಃ ಪ್ರ॒ಭ್ವೀರ್ಬ॒ಹ್ವೀಶ್ಚ॒ ಭೂಯ॑ಸೀಶ್ಚ॒ ಯಾಃ . ದುರೋ॑ ಘೃ॒ತಾನ್ಯ॑ಕ್ಷರನ್ ..
ಸು॒ರು॒ಕ್ಮೇ ಹಿ ಸು॒ಪೇಶ॒ಸಾಧಿ॑ ಶ್ರಿ॒ಯಾ ವಿ॒ರಾಜ॑ತಃ . ಉ॒ಷಾಸಾ॒ವೇಹ ಸೀ॑ದತಾಂ ..
ಪ್ರ॒ಥ॒ಮಾ ಹಿ ಸು॒ವಾಚ॑ಸಾ॒ ಹೋತಾ॑ರಾ॒ ದೈವ್ಯಾ॑ ಕ॒ವೀ . ಯ॒ಜ್ಞಂ ನೋ॑ ಯಕ್ಷತಾಮಿ॒ಮಂ ..
ಭಾರ॒ತೀಳೇ॒ ಸರ॑ಸ್ವತಿ॒ ಯಾ ವಃ॒ ಸರ್ವಾ॑ ಉಪಬ್ರು॒ವೇ . ತಾ ನ॑ಶ್ಚೋದಯತ ಶ್ರಿ॒ಯೇ ..
ತ್ವಷ್ಟಾ॑ ರೂ॒ಪಾಣಿ॒ ಹಿ ಪ್ರ॒ಭುಃ ಪ॒ಶೂನ್ವಿಶ್ವಾಂ॑ತ್ಸಮಾನ॒ಜೇ . ತೇಷಾಂ॑ ನಃ ಸ್ಫಾ॒ತಿಮಾ ಯ॑ಜ ..
ಉಪ॒ ತ್ಮನ್ಯಾ॑ ವನಸ್ಪತೇ॒ ಪಾಥೋ॑ ದೇ॒ವೇಭ್ಯಃ॑ ಸೃಜ . ಅ॒ಗ್ನಿರ್ಹ॒ವ್ಯಾನಿ॑ ಸಿಷ್ವದತ್ ..
ಪು॒ರೋ॒ಗಾ ಅ॒ಗ್ನಿರ್ದೇ॒ವಾನಾಂ॑ ಗಾಯ॒ತ್ರೇಣ॒ ಸಮ॑ಜ್ಯತೇ . ಸ್ವಾಹಾ॑ಕೃತೀಷು ರೋಚತೇ ..
ಸಮಿದ್ಧೋಅಗ್ನಿರಿತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದಇಧ್ಮೋ ನರಾಶಂಸಇಳೋ ಬರ್ಹಿರ್ದೇವೀರ್ದ್ವಾರಉಷಾಸಾನಕ್ತಾ ದೈವ್ಯೌಹೋತಾರೌ ಸರಸ್ವತೀಳಾಭಾರತ್ಯಸ್ತ್ವಷ್ಟಾ ವನಸ್ಪತಿಸ್ವಾಹಾಕೃತಯಇತಿಕ್ರಮೇಣದೇವತಾಸ್ತ್ರಿಷ್ಟುಪ್ ಸಪ್ತಮ್ಯೌಜಗತ್ಯೌ .
ಸಮಿ॑ದ್ಧೋ ಅ॒ಗ್ನಿರ್ನಿಹಿ॑ತಃ ಪೃಥಿ॒ವ್ಯಾಂ ಪ್ರ॒ತ್ಯಙ್ವಿಶ್ವಾ॑ನಿ॒ ಭುವ॑ನಾನ್ಯಸ್ಥಾತ್ . ಹೋತಾ॑ ಪಾವ॒ಕಃ ಪ್ರ॒ದಿವಃ॑ ಸುಮೇ॒ಧಾ ದೇ॒ವೋ ದೇ॒ವಾನ್ಯ॑ಜತ್ವ॒ಗ್ನಿರರ್ಹ॑ನ್ ..
ನರಾ॒ಶಂಸಃ॒ ಪ್ರತಿ॒ ಧಾಮಾ॑ನ್ಯಂ॒ಜಂತಿ॒ಸ್ರೋ ದಿವಃ॒ ಪ್ರತಿ॑ ಮ॒ಹ್ನಾ ಸ್ವ॒ರ್ಚಿಃ . ಘೃ॒ತ॒ಪ್ರುಷಾ॒ ಮನ॑ಸಾ ಹ॒ವ್ಯಮುಂ॒ದನ್ಮೂ॒ರ್ಧನ್ಯ॒ಜ್ಞಸ್ಯ॒ ಸಮ॑ನಕ್ತು ದೇ॒ವಾನ್ ..
ಈ॒ಳಿ॒ತೋ ಅ॑ಗ್ನೇ॒ ಮನ॑ಸಾ ನೋ॒ ಅರ್ಹಂ॑ದೇ॒ವಾನ್ಯ॑ಕ್ಷಿ॒ ಮಾನು॑ಷಾ॒ತ್ಪೂರ್ವೋ॑ ಅ॒ದ್ಯ . ಸ ಆ ವ॑ಹ ಮ॒ರುತಾಂ॒ ಶರ್ಧೋ॒ ಅಚ್ಯು॑ತ॒ಮಿಂದ್ರಂ॑ ನರೋ ಬರ್ಹಿ॒ಷದಂ॑ ಯಜಧ್ವಂ ..
ದೇವ॑ ಬರ್ಹಿ॒ರ್ವರ್ಧ॑ಮಾನಂ ಸು॒ವೀರಂ॑ ಸ್ತೀ॒ರ್ಣಂ ರಾ॒ಯೇ ಸು॒ಭರಂ॒ ವೇದ್ಯ॒ಸ್ಯಾಂ . ಘೃ॒ತೇನಾ॒ಕ್ತಂ ವ॑ಸವಃ ಸೀದತೇ॒ದಂ ವಿಶ್ವೇ॑ ದೇವಾ ಆದಿತ್ಯಾ ಯ॒ಜ್ಞಿಯಾ॑ಸಃ ..
ವಿ ಶ್ರ॑ಯಂತಾಮುರ್ವಿ॒ಯಾ ಹೂ॒ಯಮಾ॑ನಾ॒ ದ್ವಾರೋ॑ ದೇ॒ವೀಃ ಸು॑ಪ್ರಾಯ॒ಣಾ ನಮೋ॑ಭಿಃ . ವ್ಯಚ॑ಸ್ವತೀ॒ರ್ವಿ ಪ್ರ॑ಥಂತಾಮಜು॒ರ್ಯಾ ವರ್ಣಂ॑ ಪುನಾ॒ನಾ ಯ॒ಶಸಂ॑ ಸು॒ವೀರಂ॑ ..
ಸಾ॒ಧ್ವಪಾಂ॑ಸಿ ಸ॒ನತಾ॑ ನ ಉಕ್ಷಿ॒ತೇ ಉ॒ಷಾಸಾ॒ನಕ್ತಾ॑ ವ॒ಯ್ಯೇ॑ವ ರಣ್ವಿ॒ತೇ . ತಂತುಂ॑ ತ॒ತಂ ಸಂ॒ವಯಂ॑ತೀ ಸಮೀ॒ಚೀ ಯ॒ಜ್ಞಸ್ಯ॒ ಪೇಶಃ॑ ಸು॒ದುಘೇ॒ ಪಯ॑ಸ್ವತೀ ..
ದೈವ್ಯಾ॒ ಹೋತಾ॑ರಾ ಪ್ರಥ॒ಮಾ ವಿ॒ದುಷ್ಟ॑ರ ಋ॒ಜು ಯ॑ಕ್ಷತಃ॒ ಸಮೃ॒ಚಾ ವ॒ಪುಷ್ಟ॑ರಾ . ದೇ॒ವಾನ್ಯಜಂ॑ತಾವೃತು॒ಥಾ ಸಮಂ॑ಜತೋ॒ ನಾಭಾ॑ ಪೃಥಿ॒ವ್ಯಾ ಅಧಿ॒ ಸಾನು॑ಷು ತ್ರಿ॒ಷು ..
ಸರ॑ಸ್ವತೀ ಸಾ॒ಧಯಂ॑ತೀ॒ ಧಿಯಂ॑ ನ॒ ಇಳಾ॑ ದೇ॒ವೀ ಭಾರ॑ತೀ ವಿ॒ಶ್ವತೂ॑ರ್ತಿಃ . ತಿ॒ಸ್ರೋ ದೇ॒ವೀಃ ಸ್ವ॒ಧಯಾ॑ ಬ॒ರ್ಹಿರೇದಮಚ್ಛಿ॑ದ್ರಂ ಪಾಂತು ಶರ॒ಣಂ ನಿ॒ಷದ್ಯ॑ ..
ಪಿ॒ಶಂಗ॑ರೂಪಃ ಸು॒ಭರೋ॑ ವಯೋ॒ಧಾಃ ಶ್ರು॒ಷ್ಟೀ ವೀ॒ರೋ ಜಾ॑ಯತೇ ದೇ॒ವಕಾ॑ಮಃ . ಪ್ರ॒ಜಾಂ ತ್ವಷ್ಟಾ॒ ವಿ ಷ್ಯ॑ತು॒ ನಾಭಿ॑ಮ॒ಸ್ಮೇ ಅಥಾ॑ ದೇ॒ವಾನಾ॒ಮಪ್ಯೇ॑ತು॒ ಪಾಥಃ॑ ..
ವನ॒ಸ್ಪತಿ॑ರವಸೃ॒ಜನ್ನುಪ॑ ಸ್ಥಾದ॒ಗ್ನಿರ್ಹ॒ವಿಃ ಸೂ॑ದಯಾತಿ॒ ಪ್ರ ಧೀ॒ಭಿಃ . ತ್ರಿಧಾ॒ ಸಮ॑ಕ್ತಂ ನಯತು ಪ್ರಜಾ॒ನಂದೇ॒ವೇಭ್ಯೋ॒ ದೈವ್ಯಃ॑ ಶಮಿ॒ತೋಪ॑ ಹ॒ವ್ಯಂ ..
ಘೃ॒ತಂ ಮಿ॑ಮಿಕ್ಷೇ ಘೃ॒ತಮ॑ಸ್ಯ॒ ಯೋನಿ॑ರ್ಘೃ॒ತೇ ಶ್ರಿ॒ತೋ ಘೃ॒ತಮ್ವ॑ಸ್ಯ॒ ಧಾಮ॑ . ಅ॒ನು॒ಷ್ವ॒ಧಮಾ ವ॑ಹ ಮಾ॒ದಯ॑ಸ್ವ॒ ಸ್ವಾಹಾ॑ಕೃತಂ ವೃಷಭ ವಕ್ಷಿ ಹ॒ವ್ಯಂ ..
ಸಮಿತ್ಸಮಿದಿತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋವಿಶ್ವಾಮಿತ್ರಇಧ್ಮಸ್ತನೂನಪಾದಿಳೋಬರ್ಹಿರ್ದೇವೀರ್ದ್ವಾರಉಷಾಸಾನಕ್ತಾದೈವ್ಯೌ ಹೋತಾರೌ ಸರಸ್ವತೀಳಾಭಾರತ್ಯಸ್ತ್ವಷ್ಟಾವನಸ್ಪತಿಸ್ವಾಹಾಕೃತಯಇತಿಕ್ರಮೇಣದೇವತಾಸ್ತ್ರಿಷ್ಟುಪ್ .
ಸ॒ಮಿತ್ಸ॑ಮಿತ್ಸು॒ಮನಾ॑ ಬೋಧ್ಯ॒ಸ್ಮೇ ಶು॒ಚಾಶು॑ಚಾ ಸುಮ॒ತಿಂ ರಾ॑ಸಿ॒ ವಸ್ವಃ॑ . ಆ ದೇ॑ವ ದೇ॒ವಾನ್ಯ॒ಜಥಾ॑ಯ ವಕ್ಷಿ॒ ಸಖಾ॒ ಸಖೀಂ॑ತ್ಸು॒ಮನಾ॑ ಯಕ್ಷ್ಯಗ್ನೇ ..
ಯಂ ದೇ॒ವಾಸ॒ಸ್ತ್ರಿರಹ॑ನ್ನಾ॒ಯಜಂ॑ತೇ ದಿ॒ವೇದಿ॑ವೇ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ . ಸೇಮಂ ಯ॒ಜ್ಞಂ ಮಧು॑ಮಂತಂ ಕೃಧೀ ನ॒ಸ್ತನೂ॑ನಪಾದ್ಘೃ॒ತಯೋ॑ನಿಂ ವಿ॒ಧಂತಂ॑ ..
ಪ್ರ ದೀಧಿ॑ತಿರ್ವಿ॒ಶ್ವವಾ॑ರಾ ಜಿಗಾತಿ॒ ಹೋತಾ॑ರಮಿ॒ಳಃ ಪ್ರ॑ಥ॒ಮಂ ಯಜ॑ಧ್ಯೈ . ಅಚ್ಛಾ॒ ನಮೋ॑ಭಿರ್ವೃಷ॒ಭಂ ವಂ॒ದಧ್ಯೈ॒ ಸ ದೇ॒ವಾನ್ಯ॑ಕ್ಷದಿಷಿ॒ತೋ ಯಜೀ॑ಯಾನ್ ..
ಊ॒ರ್ಧ್ವೋ ವಾಂ॑ ಗಾ॒ತುರ॑ಧ್ವ॒ರೇ ಅ॑ಕಾರ್ಯೂ॒ರ್ಧ್ವಾ ಶೋ॒ಚೀಂಷಿ॒ ಪ್ರಸ್ಥಿ॑ತಾ॒ ರಜಾಂ॑ಸಿ . ದಿ॒ವೋ ವಾ॒ ನಾಭಾ॒ ನ್ಯ॑ಸಾದಿ॒ ಹೋತಾ॑ ಸ್ತೃಣೀ॒ಮಹಿ॑ ದೇ॒ವವ್ಯ॑ಚಾ॒ ವಿ ಬ॒ರ್ಹಿಃ ..
ಸ॒ಪ್ತ ಹೋ॒ತ್ರಾಣಿ॒ ಮನ॑ಸಾ ವೃಣಾ॒ನಾ ಇನ್ವಂ॑ತೋ॒ ವಿಶ್ವಂ॒ ಪ್ರತಿ॑ ಯನ್ನೃ॒ತೇನ॑ . ನೃ॒ಪೇಶ॑ಸೋ ವಿ॒ದಥೇ॑ಷು॒ ಪ್ರ ಜಾ॒ತಾ ಅ॒ಭೀ॒೩॒॑ಮಂ ಯ॒ಜ್ಞಂ ವಿ ಚ॑ರಂತ ಪೂ॒ರ್ವೀಃ ..
ಆ ಭಂದ॑ಮಾನೇ ಉ॒ಷಸಾ॒ ಉಪಾ॑ಕೇ ಉ॒ತ ಸ್ಮ॑ಯೇತೇ ತ॒ನ್ವಾ॒೩॒॑ ವಿರೂ॑ಪೇ . ಯಥಾ॑ ನೋ ಮಿ॒ತ್ರೋ ವರು॑ಣೋ॒ ಜುಜೋ॑ಷ॒ದಿಂದ್ರೋ॑ ಮ॒ರುತ್ವಾಁ॑ ಉ॒ತ ವಾ॒ ಮಹೋ॑ಭಿಃ ..
ದೈವ್ಯಾ॒ ಹೋತಾ॑ರಾ ಪ್ರಥ॒ಮಾ ನ್ಯೃಂ॑ಜೇ ಸ॒ಪ್ತ ಪೃ॒ಕ್ಷಾಸಃ॑ ಸ್ವ॒ಧಯಾ॑ ಮದಂತಿ . ಋ॒ತಂ ಶಂಸಂ॑ತ ಋ॒ತಮಿತ್ತ ಆ॑ಹು॒ರನು॑ ವ್ರ॒ತಂ ವ್ರ॑ತ॒ಪಾ ದೀಧ್ಯಾ॑ನಾಃ ..
ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ॑ ದೇ॒ವೈರ್ಮ॑ನು॒ಷ್ಯೇ॑ಭಿರ॒ಗ್ನಿಃ . ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದಂತು ..
ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ . ಯತೋ॑ ವೀ॒ರಃ ಕ॑ರ್ಮ॒ಣ್ಯಃ॑ ಸು॒ದಕ್ಷೋ॑ ಯು॒ಕ್ತಗ್ರಾ॑ವಾ॒ ಜಾಯ॑ತೇ ದೇ॒ವಕಾ॑ಮಃ ..
ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ॑ದಯಾತಿ . ಸೇದು॒ ಹೋತಾ॑ ಸ॒ತ್ಯತ॑ರೋ ಯಜಾತಿ॒ ಯಥಾ॑ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ ..
ಆ ಯಾ॑ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ॑ಣ ದೇ॒ವೈಃ ಸ॒ರಥಂ॑ ತು॒ರೇಭಿಃ॑ . ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ॑ ದೇ॒ವಾ ಅ॒ಮೃತಾ॑ ಮಾದಯಂತಾಂ ..
ಸುಸಮಿದ್ಧಾಯೇತ್ಯೇಕಾದಶರ್ಚಸ್ಯ ಸೂಕ್ತಸ್ಯಾತ್ರೇಯೋ ವಸುಶ್ರುತಃ ಇಧ್ಮೋನರಾಶಂಸ ಇಳೋಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾದೈವ್ಯೌಹೋತಾರೌ ಸರಸ್ವತೀಳಾಭಾರತ್ಯಸ್ತ್ವಷ್ಟಾ ವನಸ್ಪತಿ ಸ್ವಾಹಾಕೃತಯೋ ಗಾಯತ್ರೀ .
ಸುಸ॑ಮಿದ್ಧಾಯ ಶೋ॒ಚಿಷೇ॑ ಘೃ॒ತಂ ತೀ॒ವ್ರಂ ಜು॑ಹೋತನ . ಅ॒ಗ್ನಯೇ॑ ಜಾ॒ತವೇ॑ದಸೇ ..
ನರಾ॒ಶಂಸಃ॑ ಸುಷೂದತೀ॒ಮಂ ಯ॒ಜ್ಞಮದಾ॑ಭ್ಯಃ . ಕ॒ವಿರ್ಹಿ ಮಧು॑ಹಸ್ತ್ಯಃ ..
ಈ॒ಳಿ॒ತೋ ಅ॑ಗ್ನ॒ ಆ ವ॒ಹೇಂದ್ರಂ॑ ಚಿ॒ತ್ರಮಿ॒ಹ ಪ್ರಿ॒ಯಂ . ಸು॒ಖೈ ರಥೇ॑ಭಿರೂ॒ತಯೇ॑ ..
ಊರ್ಣ॑ಮ್ರದಾ॒ ವಿ ಪ್ರ॑ಥಸ್ವಾ॒ಭ್ಯ೧॒॑ರ್ಕಾ ಅ॑ನೂಷತ . ಭವಾ॑ ನಃ ಶುಭ್ರ ಸಾ॒ತಯೇ॑ ..
ದೇವೀ॑ರ್ದ್ವಾರೋ॒ ವಿ ಶ್ರ॑ಯಧ್ವಂ ಸುಪ್ರಾಯ॒ಣಾ ನ॑ ಊ॒ತಯೇ॑ . ಪ್ರಪ್ರ॑ ಯ॒ಜ್ಞಂ ಪೃ॑ಣೀತನ ..
ಸು॒ಪ್ರತೀ॑ಕೇ ವಯೋ॒ವೃಧಾ॑ ಯ॒ಹ್ವೀ ಋ॒ತಸ್ಯ॑ ಮಾ॒ತರಾ॑ . ದೋ॒ಷಾಮು॒ಷಾಸ॑ಮೀಮಹೇ ..
ವಾತ॑ಸ್ಯ॒ ಪತ್ಮ॑ನ್ನೀಳಿ॒ತಾ ದೈವ್ಯಾ॒ ಹೋತಾ॑ರಾ॒ ಮನು॑ಷಃ . ಇ॒ಮಂ ನೋ॑ ಯ॒ಜ್ಞಮಾ ಗ॑ತಂ ..
ಇಳಾ॒ ಸರ॑ಸ್ವತೀ ಮ॒ಹೀ ತಿ॒ಸ್ರೋ ದೇ॒ವೀರ್ಮ॑ಯೋ॒ಭುವಃ॑ . ಬ॒ರ್ಹಿಃ ಸೀ॑ದಂತ್ವ॒ಸ್ರಿಧಃ॑ ..
ಶಿ॒ವಸ್ತ್ವ॑ಷ್ಟರಿ॒ಹಾ ಗ॑ಹಿ ವಿ॒ಭುಃ ಪೋಷ॑ ಉ॒ತ ತ್ಮನಾ॑ . ಯ॒ಜ್ಞೇಯ॑ಜ್ಞೇ ನ॒ ಉದ॑ವ ..
ಯತ್ರ॒ ವೇತ್ಥ॑ ವನಸ್ಪತೇ ದೇ॒ವಾನಾಂ॒ ಗುಹ್ಯಾ॒ ನಾಮಾ॑ನಿ . ತತ್ರ॑ ಹ॒ವ್ಯಾನಿ॑ ಗಾಮಯ ..
ಸ್ವಾಹಾ॒ಗ್ನಯೇ॒ ವರು॑ಣಾಯ॒ ಸ್ವಾಹೇಂದ್ರಾ॑ಯ ಮ॒ರುದ್ಭ್ಯಃ॑ . ಸ್ವಾಹಾ॑ ದೇ॒ವೇಭ್ಯೋ॑ ಹ॒ವಿಃ ..
ಜುಷಸ್ವೇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ ಇಧ್ಮೋನರಾಶಂಸಇಳೋ ಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾ ದೈವ್ಯೌಹೋತಾರೌ ಸರಸ್ವತೀಳಾಭಾರತ್ಯ ಸ್ತ್ವಷ್ಟಾವನಸ್ಪತಿಃ ಸ್ವಾಹಾಕೃತಯಸ್ತ್ರಿಷ್ಟುಪ್ .
ಜು॒ಷಸ್ವ॑ ನಃ ಸ॒ಮಿಧ॑ಮಗ್ನೇ ಅ॒ದ್ಯ ಶೋಚಾ॑ ಬೃ॒ಹದ್ಯ॑ಜ॒ತಂ ಧೂ॒ಮಮೃ॒ಣ್ವನ್ . ಉಪ॑ ಸ್ಪೃಶ ದಿ॒ವ್ಯಂ ಸಾನು॒ ಸ್ತೂಪೈಃ॒ ಸಂ ರ॒ಶ್ಮಿಭಿ॑ಸ್ತತನಃ॒ ಸೂರ್ಯ॑ಸ್ಯ ..
ನರಾ॒ಶಂಸ॑ಸ್ಯ ಮಹಿ॒ಮಾನ॑ಮೇಷಾ॒ಮುಪ॑ ಸ್ತೋಷಾಮ ಯಜ॒ತಸ್ಯ॑ ಯ॒ಜ್ಞೈಃ . ಯೇ ಸು॒ಕ್ರತ॑ವಃ॒ ಶುಚ॑ಯೋ ಧಿಯಂ॒ಧಾಃ ಸ್ವದಂ॑ತಿ ದೇ॒ವಾ ಉ॒ಭಯಾ॑ನಿ ಹ॒ವ್ಯಾ ..
ಈ॒ಳೇನ್ಯಂ॑ ವೋ॒ ಅಸು॑ರಂ ಸು॒ದಕ್ಷ॑ಮಂ॒ತರ್ದೂ॒ತಂ ರೋದ॑ಸೀ ಸತ್ಯ॒ವಾಚಂ॑ . ಮ॒ನು॒ಷ್ವದ॒ಗ್ನಿಂ ಮನು॑ನಾ॒ ಸಮಿ॑ದ್ಧಂ॒ ಸಮ॑ಧ್ವ॒ರಾಯ॒ ಸದ॒ಮಿನ್ಮ॑ಹೇಮ ..
ಸ॒ಪ॒ರ್ಯವೋ॒ ಭರ॑ಮಾಣಾ ಅಭಿ॒ಜ್ಞು ಪ್ರ ವೃಂ॑ಜತೇ॒ ನಮ॑ಸಾ ಬ॒ರ್ಹಿರ॒ಗ್ನೌ . ಆ॒ಜುಹ್ವಾ॑ನಾ ಘೃ॒ತಪೃ॑ಷ್ಠಂ॒ ಪೃಷ॑ದ್ವ॒ದಧ್ವ॑ರ್ಯವೋ ಹ॒ವಿಷಾ॑ ಮರ್ಜಯಧ್ವಂ ..
ಸ್ವಾ॒ಧ್ಯೋ॒೩॒॑ ವಿ ದುರೋ॑ ದೇವ॒ಯಂತೋಽಶಿ॑ಶ್ರಯೂ ರಥ॒ಯುರ್ದೇ॒ವತಾ॑ತಾ . ಪೂ॒ರ್ವೀ ಶಿಶುಂ॒ ನ ಮಾ॒ತರಾ॑ ರಿಹಾ॒ಣೇ ಸಮ॒ಗ್ರುವೋ॒ ನ ಸಮ॑ನೇಷ್ವಂಜನ್ ..
ಉ॒ತ ಯೋಷ॑ಣೇ ದಿ॒ವ್ಯೇ ಮ॒ಹೀ ನ॑ ಉ॒ಷಾಸಾ॒ನಕ್ತಾ॑ ಸು॒ದುಘೇ॑ವ ಧೇ॒ನುಃ . ಬ॒ರ್ಹಿ॒ಷದಾ॑ ಪುರುಹೂ॒ತೇ ಮ॒ಘೋನೀ॒ ಆ ಯ॒ಜ್ಞಿಯೇ॑ ಸುವಿ॒ತಾಯ॑ ಶ್ರಯೇತಾಂ ..
ವಿಪ್ರಾ॑ ಯ॒ಜ್ಞೇಷು॒ ಮಾನು॑ಷೇಷು ಕಾ॒ರೂ ಮನ್ಯೇ॑ ವಾಂ ಜಾ॒ತವೇ॑ದಸಾ॒ ಯಜ॑ಧ್ಯೈ . ಊ॒ರ್ಧ್ವಂ ನೋ॑ ಅಧ್ವ॒ರಂ ಕೃ॑ತಂ॒ ಹವೇ॑ಷು॒ ತಾ ದೇ॒ವೇಷು॑ ವನಥೋ॒ ವಾರ್ಯಾ॑ಣಿ ..
ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ॑ ದೇ॒ವೈರ್ಮ॑ನು॒ಷ್ಯೇ॑ಭಿರ॒ಗ್ನಿಃ . ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದಂತು ..
ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ . ಯತೋ॑ ವೀ॒ರಃ ಕ॑ರ್ಮ॒ಣ್ಯಃ॑ ಸು॒ದಕ್ಷೋ॑ ಯು॒ಕ್ತಗ್ರಾ॑ವಾ॒ ಜಾಯ॑ತೇ ದೇ॒ವಕಾ॑ಮಃ ..
ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ॑ದಯಾತಿ . ಸೇದು॒ ಹೋತಾ॑ ಸ॒ತ್ಯತ॑ರೋ ಯಜಾತಿ॒ ಯಥಾ॑ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ ..
ಆ ಯಾ॑ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ॑ಣ ದೇ॒ವೈಃ ಸ॒ರಥಂ॑ ತು॒ರೇಭಿಃ॑ . ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ॑ ದೇ॒ವಾ ಅ॒ಮೃತಾ॑ ಮಾದಯಂತಾಂ ..
ಸಮಿದ್ಧಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಕಾಶ್ಯಪೋಸಿತಃ ಕ್ರಮೇಣೇಧ್ಮಸ್ತನೂನಪಾದಿಳೋಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾ ದೈವ್ಯೌಹೋತಾರೌ ತಿಸ್ರೋದೇವ್ಯಃ ಸರಸ್ವತೀಳಾಭಾರತ್ಯಸ್ತ್ವಷ್ಟಾ ವನಸ್ಪತಿಃ ಸ್ವಾಹಾಕೃತಯೋಗಾಯತ್ರೀ ಅಂತ್ಯಾಶ್ಚತಸ್ರೋನುಷ್ಟುಭಃ . ( ಇತಆರಭ್ಯವಿಂಶತಿಸೂಕ್ತೇಷುಕಾಶ್ಯಪೋದೇವಲೋಽಸಿತೇನ ಸಹವಿಕಲ್ಪತೇ ) .
ಸಮಿ॑ದ್ಧೋ ವಿ॒ಶ್ವತ॒ಸ್ಪತಿಃ॒ ಪವ॑ಮಾನೋ॒ ವಿ ರಾ॑ಜತಿ . ಪ್ರೀ॒ಣನ್ವೃಷಾ॒ ಕನಿ॑ಕ್ರದತ್ ..
ತನೂ॒ನಪಾ॒ತ್ಪವ॑ಮಾನಃ॒ ಶೃಂಗೇ॒ ಶಿಶಾ॑ನೋ ಅರ್ಷತಿ . ಅಂ॒ತರಿ॑ಕ್ಷೇಣ॒ ರಾರ॑ಜತ್ ..
ಈ॒ಳೇನ್ಯಃ॒ ಪವ॑ಮಾನೋ ರ॒ಯಿರ್ವಿ ರಾ॑ಜತಿ ದ್ಯು॒ಮಾನ್ . ಮಧೋ॒ರ್ಧಾರಾ॑ಭಿ॒ರೋಜ॑ಸಾ ..
ಬ॒ರ್ಹಿಃ ಪ್ರಾ॒ಚೀನ॒ಮೋಜ॑ಸಾ॒ ಪವ॑ಮಾನಃ ಸ್ತೃ॒ಣನ್ಹರಿಃ॑ . ದೇ॒ವೇಷು॑ ದೇ॒ವ ಈ॑ಯತೇ ..
ಉದಾತೈ॑ರ್ಜಿಹತೇ ಬೃ॒ಹದ್ದ್ವಾರೋ॑ ದೇ॒ವೀರ್ಹಿ॑ರ॒ಣ್ಯಯೀಃ॑ . ಪವ॑ಮಾನೇನ॒ ಸುಷ್ಟು॑ತಾಃ ..
ಸು॒ಶಿ॒ಲ್ಪೇ ಬೃ॑ಹ॒ತೀ ಮ॒ಹೀ ಪವ॑ಮಾನೋ ವೃಷಣ್ಯತಿ . ನಕ್ತೋ॒ಷಾಸಾ॒ ನ ದ॑ರ್ಶ॒ತೇ ..
ಉ॒ಭಾ ದೇ॒ವಾ ನೃ॒ಚಕ್ಷ॑ಸಾ॒ ಹೋತಾ॑ರಾ॒ ದೈವ್ಯಾ॑ ಹುವೇ . ಪವ॑ಮಾನ॒ ಇಂದ್ರೋ॒ ವೃಷಾ॑ ..
ಭಾರ॑ತೀ॒ ಪವ॑ಮಾನಸ್ಯ॒ ಸರ॑ಸ್ವ॒ತೀಳಾ॑ ಮ॒ಹೀ . ಇ॒ಮಂ ನೋ॑ ಯ॒ಜ್ಞಮಾ ಗ॑ಮಂತಿ॒ಸ್ರೋ ದೇ॒ವೀಃ ಸು॒ಪೇಶ॑ಸಃ ..
ತ್ವಷ್ಟಾ॑ರಮಗ್ರ॒ಜಾಂ ಗೋ॒ಪಾಂ ಪು॑ರೋ॒ಯಾವಾ॑ನ॒ಮಾ ಹು॑ವೇ . ಇಂದು॒ರಿಂದ್ರೋ॒ ವೃಷಾ॒ ಹರಿಃ॒ ಪವ॑ಮಾನಃ ಪ್ರ॒ಜಾಪ॑ತಿಃ ..
ವನ॒ಸ್ಪತಿಂ॑ ಪವಮಾನ॒ ಮಧ್ವಾ॒ ಸಮಂ॑ಗ್ಧಿ॒ ಧಾರ॑ಯಾ . ಸ॒ಹಸ್ರ॑ವಲ್ಶಂ॒ ಹರಿ॑ತಂ॒ ಭ್ರಾಜ॑ಮಾನಂ ಹಿರ॒ಣ್ಯಯಂ॑ ..
ವಿಶ್ವೇ॑ ದೇವಾಃ॒ ಸ್ವಾಹಾ॑ಕೃತಿಂ॒ ಪವ॑ಮಾನ॒ಸ್ಯಾ ಗ॑ತ . ವಾ॒ಯುರ್ಬೃಹ॒ಸ್ಪತಿಃ॒ ಸೂರ್ಯೋ॒ಽಗ್ನಿರಿಂದ್ರಃ॑ ಸ॒ಜೋಷ॑ಸಃ ..
ಇಮಾಂಮಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ವಾಧ್ರ್ಯಶ್ವಃ ಸುಮಿತ್ರಇಧ್ಮೋನರಾಶಂಸ ಇಳೋ ಬರ್ಹಿರ್ದೇವೀರ್ದ್ವಾರ ಉಷಾಸಾನಕ್ತಾ ದೈವ್ಯೌಹೋತಾರೌಪ್ರಚೇತಸೌ ಸರಸ್ವತೀಳಾಭಾರತ್ಯಸ್ತ್ವಷ್ಟಾ ವನಸ್ಪತಿಃ ಸ್ವಾಹಾಕೃತಯಸ್ತ್ರಿಷ್ಟುಪ್ .
ಇ॒ಮಾಂ ಮೇ॑ ಅಗ್ನೇ ಸ॒ಮಿಧಂ॑ ಜುಷಸ್ವೇ॒ಳಸ್ಪ॒ದೇ ಪ್ರತಿ॑ ಹರ್ಯಾ ಘೃ॒ತಾಚೀಂ॑ . ವರ್ಷ್ಮ॑ನ್ಪೃಥಿ॒ವ್ಯಾಃ ಸು॑ದಿನ॒ತ್ವೇ ಅಹ್ನಾ॑ಮೂ॒ರ್ಧ್ವೋ ಭ॑ವ ಸುಕ್ರತೋ ದೇವಯ॒ಜ್ಯಾ ..
ಆ ದೇ॒ವಾನಾ॑ಮಗ್ರ॒ಯಾವೇ॒ಹ ಯಾ॑ತು॒ ನರಾ॒ಶಂಸೋ॑ ವಿ॒ಶ್ವರೂ॑ಪೇಭಿ॒ರಶ್ವೈಃ॑ . ಋ॒ತಸ್ಯ॑ ಪ॒ಥಾ ನಮ॑ಸಾ ಮಿ॒ಯೇಧೋ॑ ದೇ॒ವೇಭ್ಯೋ॑ ದೇ॒ವತ॑ಮಃ ಸುಷೂದತ್ ..
ಶ॒ಶ್ವ॒ತ್ತ॒ಮಮೀ॑ಳತೇ ದೂ॒ತ್ಯಾ॑ಯ ಹ॒ವಿಷ್ಮಂ॑ತೋ ಮನು॒ಷ್ಯಾ॑ಸೋ ಅ॒ಗ್ನಿಂ . ವಹಿ॑ಷ್ಠೈ॒ರಶ್ವೈಃ॑ ಸು॒ವೃತಾ॒ ರಥೇ॒ನಾ ದೇ॒ವಾನ್ವ॑ಕ್ಷಿ॒ ನಿ ಷ॑ದೇ॒ಹ ಹೋತಾ॑ ..
ವಿ ಪ್ರ॑ಥತಾಂ ದೇ॒ವಜು॑ಷ್ಟಂ ತಿರ॒ಶ್ಚಾ ದೀ॒ರ್ಘಂ ದ್ರಾ॒ಘ್ಮಾ ಸು॑ರ॒ಭಿ ಭೂ॑ತ್ವ॒ಸ್ಮೇ . ಅಹೇ॑ಳತಾ॒ ಮನ॑ಸಾ ದೇವ ಬರ್ಹಿ॒ರಿಂದ್ರ॑ಜ್ಯೇಷ್ಠಾಁ ಉಶ॒ತೋ ಯ॑ಕ್ಷಿ ದೇ॒ವಾನ್ ..
ದಿ॒ವೋ ವಾ॒ ಸಾನು॑ ಸ್ಪೃ॒ಶತಾ॒ ವರೀ॑ಯಃ ಪೃಥಿ॒ವ್ಯಾ ವಾ॒ ಮಾತ್ರ॑ಯಾ॒ ವಿ ಶ್ರ॑ಯಧ್ವಂ . ಉ॒ಶ॒ತೀರ್ದ್ವಾ॑ರೋ ಮಹಿ॒ನಾ ಮ॒ಹದ್ಭಿ॑ರ್ದೇ॒ವಂ ರಥಂ॑ ರಥ॒ಯುರ್ಧಾ॑ರಯಧ್ವಂ ..
ದೇ॒ವೀ ದಿ॒ವೋ ದು॑ಹಿ॒ತರಾ॑ ಸುಶಿ॒ಲ್ಪೇ ಉ॒ಷಾಸಾ॒ನಕ್ತಾ॑ ಸದತಾಂ॒ ನಿ ಯೋನೌ॑ . ಆ ವಾಂ॑ ದೇ॒ವಾಸ॑ ಉಶತೀ ಉ॒ಶಂತ॑ ಉ॒ರೌ ಸೀ॑ದಂತು ಸುಭಗೇ ಉ॒ಪಸ್ಥೇ॑ ..
ಊ॒ರ್ಧ್ವೋ ಗ್ರಾವಾ॑ ಬೃ॒ಹದ॒ಗ್ನಿಃ ಸಮಿ॑ದ್ಧಃ ಪ್ರಿ॒ಯಾ ಧಾಮಾ॒ನ್ಯದಿ॑ತೇರು॒ಪಸ್ಥೇ॑ . ಪು॒ರೋಹಿ॑ತಾವೃತ್ವಿಜಾ ಯ॒ಜ್ಞೇ ಅ॒ಸ್ಮಿನ್ವಿ॒ದುಷ್ಟ॑ರಾ॒ ದ್ರವಿ॑ಣ॒ಮಾ ಯ॑ಜೇಥಾಂ ..
ತಿಸ್ರೋ॑ ದೇವೀರ್ಬ॒ರ್ಹಿರಿ॒ದಂ ವರೀ॑ಯ॒ ಆ ಸೀ॑ದತ ಚಕೃ॒ಮಾ ವಃ॑ ಸ್ಯೋ॒ನಂ . ಮ॒ನು॒ಷ್ವದ್ಯ॒ಜ್ಞಂ ಸುಧಿ॑ತಾ ಹ॒ವೀಂಷೀಳಾ॑ ದೇ॒ವೀ ಘೃ॒ತಪ॑ದೀ ಜುಷಂತ ..
ದೇವ॑ ತ್ವಷ್ಟ॒ರ್ಯದ್ಧ॑ ಚಾರು॒ತ್ವಮಾನ॒ಡ್ಯದಂಗಿ॑ರಸಾ॒ಮಭ॑ವಃ ಸಚಾ॒ಭೂಃ . ಸ ದೇ॒ವಾನಾಂ॒ ಪಾಥ॒ ಉಪ॒ ಪ್ರ ವಿ॒ದ್ವಾನು॒ಶನ್ಯ॑ಕ್ಷಿ ದ್ರವಿಣೋದಃ ಸು॒ರತ್ನಃ॑ ..
ವನ॑ಸ್ಪತೇ ರಶ॒ನಯಾ॑ ನಿ॒ಯೂಯಾ॑ ದೇ॒ವಾನಾಂ॒ ಪಾಥ॒ ಉಪ॑ ವಕ್ಷಿ ವಿ॒ದ್ವಾನ್ . ಸ್ವದಾ॑ತಿ ದೇ॒ವಃ ಕೃ॒ಣವ॑ದ್ಧ॒ವೀಂಷ್ಯವ॑ತಾಂ॒ ದ್ಯಾವಾ॑ಪೃಥಿ॒ವೀ ಹವಂ॑ ಮೇ ..
ಆಗ್ನೇ॑ ವಹ॒ ವರು॑ಣಮಿ॒ಷ್ಟಯೇ॑ ನ॒ ಇಂದ್ರಂ॑ ದಿ॒ವೋ ಮ॒ರುತೋ॑ ಅಂ॒ತರಿ॑ಕ್ಷಾತ್ . ಸೀದಂ॑ತು ಬ॒ರ್ಹಿರ್ವಿಶ್ವ॒ ಆ ಯಜ॑ತ್ರಾಃ॒ ಸ್ವಾಹಾ॑ ದೇ॒ವಾ ಅ॒ಮೃತಾ॑ ಮಾದಯಂತಾಂ ..
ಸಮಿದ್ಧಇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಭಾರ್ಗವೋ ಜಮದಗ್ನಿರಿಧ್ಮ ಸ್ತನೂನಪಾದ್ ಇಳೋ ಬರ್ಹಿರ್ದೇವೀರ್ದ್ವಾರಉಷಾಸಾನಕ್ತಾ ದೈವ್ಯೌಹೋತಾರೌಸರಸ್ವತೀಳಾಭಾರತ್ಯಸ್ತ್ವಷ್ಟಾವನಸ್ಪತಿ ಸ್ವಾಹಾಕೃತಯಸ್ತ್ರಿಷ್ಟುಪ್ . (ಜಾಮದಗ್ನಿ: ಪರಶುರಾಮೋವಾ).
ಸಮಿ॑ದ್ಧೋ ಅ॒ದ್ಯ ಮನು॑ಷೋ ದುರೋ॒ಣೇ ದೇ॒ವೋ ದೇ॒ವಾನ್ಯ॑ಜಸಿ ಜಾತವೇದಃ . ಆ ಚ॒ ವಹ॑ ಮಿತ್ರಮಹಶ್ಚಿಕಿ॒ತ್ವಾಂತ್ವಂ ದೂ॒ತಃ ಕ॒ವಿರ॑ಸಿ॒ ಪ್ರಚೇ॑ತಾಃ ..
ತನೂ॑ನಪಾತ್ಪ॒ಥ ಋ॒ತಸ್ಯ॒ ಯಾನಾ॒ನ್ಮಧ್ವಾ॑ ಸಮಂ॒ಜಂತ್ಸ್ವ॑ದಯಾ ಸುಜಿಹ್ವ . ಮನ್ಮಾ॑ನಿ ಧೀ॒ಭಿರು॒ತ ಯ॒ಜ್ಞಮೃಂ॒ಧಂದೇ॑ವ॒ತ್ರಾ ಚ॑ ಕೃಣುಹ್ಯಧ್ವ॒ರಂ ನಃ॑ ..
ಆ॒ಜುಹ್ವಾ॑ನ॒ ಈಡ್ಯೋ॒ ವಂದ್ಯ॒ಶ್ಚಾ ಯಾ॑ಹ್ಯಗ್ನೇ॒ ವಸು॑ಭಿಃ ಸ॒ಜೋಷಾಃ॑ . ತ್ವಂ ದೇ॒ವಾನಾ॑ಮಸಿ ಯಹ್ವ॒ ಹೋತಾ॒ ಸ ಏ॑ನಾನ್ಯಕ್ಷೀಷಿ॒ತೋ ಯಜೀ॑ಯಾನ್ ..
ಪ್ರಾ॒ಚೀನಂ॑ ಬ॒ರ್ಹಿಃ ಪ್ರ॒ದಿಶಾ॑ ಪೃಥಿ॒ವ್ಯಾ ವಸ್ತೋ॑ರ॒ಸ್ಯಾ ವೃ॑ಜ್ಯತೇ॒ ಅಗ್ರೇ॒ ಅಹ್ನಾಂ॑ . ವ್ಯು॑ ಪ್ರಥತೇ ವಿತ॒ರಂ ವರೀ॑ಯೋ ದೇ॒ವೇಭ್ಯೋ॒ ಅದಿ॑ತಯೇ ಸ್ಯೋ॒ನಂ ..
ವ್ಯಚ॑ಸ್ವತೀರುರ್ವಿ॒ಯಾ ವಿ ಶ್ರ॑ಯಂತಾಂ॒ ಪತಿ॑ಭ್ಯೋ॒ ನ ಜನ॑ಯಃ॒ ಶುಂಭ॑ಮಾನಾಃ . ದೇವೀ॑ರ್ದ್ವಾರೋ ಬೃಹತೀರ್ವಿಶ್ವಮಿನ್ವಾ ದೇ॒ವೇಭ್ಯೋ॑ ಭವತ ಸುಪ್ರಾಯ॒ಣಾಃ ..
ಆ ಸು॒ಷ್ವಯಂ॑ತೀ ಯಜ॒ತೇ ಉಪಾ॑ಕೇ ಉ॒ಷಾಸಾ॒ನಕ್ತಾ॑ ಸದತಾಂ॒ ನಿ ಯೋನೌ॑ . ದಿ॒ವ್ಯೇ ಯೋಷ॑ಣೇ ಬೃಹ॒ತೀ ಸು॑ರು॒ಕ್ಮೇ ಅಧಿ॒ ಶ್ರಿಯಂ॑ ಶುಕ್ರ॒ಪಿಶಂ॒ ದಧಾ॑ನೇ ..
ದೈವ್ಯಾ॒ ಹೋತಾ॑ರಾ ಪ್ರಥ॒ಮಾ ಸು॒ವಾಚಾ॒ ಮಿಮಾ॑ನಾ ಯ॒ಜ್ಞಂ ಮನು॑ಷೋ॒ ಯಜ॑ಧ್ಯೈ . ಪ್ರ॒ಚೋ॒ದಯಂ॑ತಾ ವಿ॒ದಥೇ॑ಷು ಕಾ॒ರೂ ಪ್ರಾ॒ಚೀನಂ॒ ಜ್ಯೋತಿಃ॑ ಪ್ರ॒ದಿಶಾ॑ ದಿ॒ಶಂತಾ॑ ..
ಆ ನೋ॑ ಯ॒ಜ್ಞಂ ಭಾರ॑ತೀ॒ ತೂಯ॑ಮೇ॒ತ್ವಿಳಾ॑ ಮನು॒ಷ್ವದಿ॒ಹ ಚೇ॒ತಯಂ॑ತೀ . ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ್ಯೋ॒ನಂ ಸರ॑ಸ್ವತೀ॒ ಸ್ವಪ॑ಸಃ ಸದಂತು ..
ಯ ಇ॒ಮೇ ದ್ಯಾವಾ॑ಪೃಥಿ॒ವೀ ಜನಿ॑ತ್ರೀ ರೂ॒ಪೈರಪಿಂ॑ಶ॒ದ್ಭುವ॑ನಾನಿ॒ ವಿಶ್ವಾ॑ . ತಮ॒ದ್ಯ ಹೋ॑ತರಿಷಿ॒ತೋ ಯಜೀ॑ಯಾಂದೇ॒ವಂ ತ್ವಷ್ಟಾ॑ರಮಿ॒ಹ ಯ॑ಕ್ಷಿ ವಿ॒ದ್ವಾನ್ ..
ಉ॒ಪಾವ॑ಸೃಜ॒ ತ್ಮನ್ಯಾ॑ ಸಮಂ॒ಜಂದೇ॒ವಾನಾಂ॒ ಪಾಥ॑ ಋತು॒ಥಾ ಹ॒ವೀಂಷಿ॑ . ವನ॒ಸ್ಪತಿಃ॑ ಶಮಿ॒ತಾ ದೇ॒ವೋ ಅ॒ಗ್ನಿಃ ಸ್ವದಂ॑ತು ಹ॒ವ್ಯಂ ಮಧು॑ನಾ ಘೃ॒ತೇನ॑ ..
ಸ॒ದ್ಯೋ ಜಾ॒ತೋ ವ್ಯ॑ಮಿಮೀತ ಯ॒ಜ್ಞಮ॒ಗ್ನಿರ್ದೇ॒ವಾನಾ॑ಮಭವತ್ಪುರೋ॒ಗಾಃ . ಅ॒ಸ್ಯ ಹೋತುಃ॑ ಪ್ರ॒ದಿಶ್ಯೃ॒ತಸ್ಯ॑ ವಾ॒ಚಿ ಸ್ವಾಹಾ॑ಕೃತಂ ಹ॒ವಿರ॑ದಂತು ದೇ॒ವಾಃ ..
ಇತಿವಾಇತಿ ತ್ರಯೋದಶರ್ಚಸ್ಯ ಸೂಕ್ತಸ್ಯೈಂದ್ರೋ ಲಬೋಗಾಯತ್ರೀ .
ಇತಿ॒ ವಾ ಇತಿ॑ ಮೇ॒ ಮನೋ॒ ಗಾಮಶ್ವಂ॑ ಸನುಯಾ॒ಮಿತಿ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಪ್ರ ವಾತಾ॑ ಇವ॒ ದೋಧ॑ತ॒ ಉನ್ಮಾ॑ ಪೀ॒ತಾ ಅ॑ಯಂಸತ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಉನ್ಮಾ॑ ಪೀ॒ತಾ ಅ॑ಯಂಸತ॒ ರಥ॒ಮಶ್ವಾ॑ ಇವಾ॒ಶವಃ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಉಪ॑ ಮಾ ಮ॒ತಿರ॑ಸ್ಥಿತ ವಾ॒ಶ್ರಾ ಪು॒ತ್ರಮಿ॑ವ ಪ್ರಿ॒ಯಂ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಅ॒ಹಂ ತಷ್ಟೇ॑ವ ವಂ॒ಧುರಂ॒ ಪರ್ಯ॑ಚಾಮಿ ಹೃ॒ದಾ ಮ॒ತಿಂ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ನ॒ಹಿ ಮೇ॑ ಅಕ್ಷಿ॒ಪಚ್ಚ॒ನಾಚ್ಛಾಂ॑ತ್ಸುಃ॒ ಪಂಚ॑ ಕೃ॒ಷ್ಟಯಃ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ನ॒ಹಿ ಮೇ॒ ರೋದ॑ಸೀ ಉ॒ಭೇ ಅ॒ನ್ಯಂ ಪ॒ಕ್ಷಂ ಚ॒ನ ಪ್ರತಿ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಅ॒ಭಿ ದ್ಯಾಂ ಮ॑ಹಿ॒ನಾ ಭು॑ವಮ॒ಭೀ॒೩॒॑ಮಾಂ ಪೃ॑ಥಿ॒ವೀಂ ಮ॒ಹೀಂ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಹಂತಾ॒ಹಂ ಪೃ॑ಥಿ॒ವೀಮಿ॒ಮಾಂ ನಿ ದ॑ಧಾನೀ॒ಹ ವೇ॒ಹ ವಾ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಓ॒ಷಮಿತ್ಪೃ॑ಥಿ॒ವೀಮ॒ಹಂ ಜಂ॒ಘನಾ॑ನೀ॒ಹ ವೇ॒ಹ ವಾ॑ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ದಿ॒ವಿ ಮೇ॑ ಅ॒ನ್ಯಃ ಪ॒ಕ್ಷೋ॒೩॒॑ಽಧೋ ಅ॒ನ್ಯಮ॑ಚೀಕೃಷಂ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಅ॒ಹಮ॑ಸ್ಮಿ ಮಹಾಮ॒ಹೋ॑ಽಭಿನ॒ಭ್ಯಮುದೀ॑ಷಿತಃ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ಗೃ॒ಹೋ ಯಾ॒ಮ್ಯರಂ॑ಕೃತೋ ದೇ॒ವೇಭ್ಯೋ॑ ಹವ್ಯ॒ವಾಹ॑ನಃ . ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ ..
ವಾಸ್ತೋಷ್ಪತಇತಿ ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠೋವಾಸ್ತೋಷ್ಪತಿಸ್ತ್ರಿಷ್ಟುಪ್ .
ವಾಸ್ತೋ॑ಷ್ಪತೇ॒ ಪ್ರತಿ॑ ಜಾನೀಹ್ಯ॒ಸ್ಮಾಂತ್ಸ್ವಾ॑ವೇ॒ಶೋ ಅ॑ನಮೀ॒ವೋ ಭ॑ವಾ ನಃ . ಯತ್ತ್ವೇಮ॑ಹೇ॒ ಪ್ರತಿ॒ ತನ್ನೋ॑ ಜುಷಸ್ವ॒ ಶಂ ನೋ॑ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ ..
ವಾಸ್ತೋ॑ಷ್ಪತೇ ಪ್ರ॒ತರ॑ಣೋ ನ ಏಧಿ ಗಯ॒ಸ್ಫಾನೋ॒ ಗೋಭಿ॒ರಶ್ವೇ॑ಭಿರಿಂದೋ . ಅ॒ಜರಾ॑ಸಸ್ತೇ ಸ॒ಖ್ಯೇ ಸ್ಯಾ॑ಮ ಪಿ॒ತೇವ॑ ಪು॒ತ್ರಾನ್ಪ್ರತಿ॑ ನೋ ಜುಷಸ್ವ ..
ವಾಸ್ತೋ॑ಷ್ಪತೇ ಶ॒ಗ್ಮಯಾ॑ ಸಂ॒ಸದಾ॑ ತೇ ಸಕ್ಷೀ॒ಮಹಿ॑ ರ॒ಣ್ವಯಾ॑ ಗಾತು॒ಮತ್ಯಾ॑ . ಪಾ॒ಹಿ ಕ್ಷೇಮ॑ ಉ॒ತ ಯೋಗೇ॒ ವರಂ॑ ನೋ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಅ॒ಮೀ॒ವ॒ಹಾ ವಾ॑ಸ್ತೋಷ್ಪತೇ॒ ವಿಶ್ವಾ॑ ರೂ॒ಪಾಣ್ಯಾ॑ವಿ॒ಶನ್ . ಸಖಾ॑ ಸು॒ಶೇವ॑ ಏಧಿ ನಃ ..
ವಾಸ್ತೋ॑ಷ್ಪತೇ ಧ್ರು॒ವಾ ಸ್ಥೂಣಾಂಸ॑ತ್ರಂ ಸೋ॒ಮ್ಯಾನಾಂ॑ . ದ್ರ॒ಪ್ಸೋ ಭೇ॒ತ್ತಾ ಪು॒ರಾಂ ಶಶ್ವ॑ತೀನಾ॒ಮಿಂದ್ರೋ॒ ಮುನೀ॑ನಾಂ॒ ಸಖಾ॑ ..
ಆಪೋಹಿಷ್ಠೇತಿ ನವರ್ಚಸ್ಯ ಸೂಕ್ತಸ್ಯ ಆಂಬರೀಷಃ ಸಿಂಧುದ್ವೀಪ ಆಪೋ ಗಾಯತ್ರೀ ಪಂಚಮೀವರ್ಧಮಾನಾ ಸಪ್ತಮೀಪ್ರತಿಷ್ಠಾಂತ್ಯೇದ್ವೇಅನುಷ್ಟುಭೌ . ಆಪೋಹಿಸಿಂಧುದ್ವೀಪೋವಾಂಬರೀಷ ಇತ್ಯೇವಮನುಕ್ರಮಣ್ಯಾಂ ಸಿಂಧುದ್ವೀಪಸ್ಯ ಪಾಕ್ಷಿಕತ್ವ ಸ್ವೀಕಾರೇ ಪೂರ್ವೋಕ್ತಸ್ತ್ರಿಶಿರಾಃ ಪ್ರಾಪ್ನೋತಿತಥಾಪಿ ಪ್ರಯೋಕ್ತೃಭಿಃ ಸಿಂಧುದ್ವೀಪ ಏವಾದ್ರಿಯತೇ .
ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ . ಮ॒ಹೇ ರಣಾ॑ಯ॒ ಚಕ್ಷ॑ಸೇ ..
ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ . ಉ॒ಶ॒ತೀರಿ॑ವ ಮಾ॒ತರಃ॑ ..
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ . ಆಪೋ॑ ಜ॒ನಯ॑ಥಾ ಚ ನಃ ..
ಶಂ ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ॑ . ಶಂ ಯೋರ॒ಭಿ ಸ್ರ॑ವಂತು ನಃ ..
ಈಶಾ॑ನಾ॒ ವಾರ್ಯಾ॑ಣಾಂ॒ ಕ್ಷಯಂ॑ತೀಶ್ಚರ್ಷಣೀ॒ನಾಂ . ಅ॒ಪೋ ಯಾ॑ಚಾಮಿ ಭೇಷ॒ಜಂ ..
ಅ॒ಪ್ಸು ಮೇ॒ ಸೋಮೋ॑ ಅಬ್ರವೀದಂ॒ತರ್ವಿಶ್ವಾ॑ನಿ ಭೇಷ॒ಜಾ . ಅ॒ಗ್ನಿಂ ಚ॑ ವಿ॒ಶ್ವಶಂ॑ಭುವಂ ..
ಆಪಃ॑ ಪೃಣೀ॒ತ ಭೇ॑ಷ॒ಜಂ ವರೂ॑ಥಂ ತ॒ನ್ವೇ॒೩॒॑ ಮಮ॑ . ಜ್ಯೋಕ್ಚ॒ ಸೂರ್ಯಂ॑ ದೃ॒ಶೇ ..
ಇ॒ದಮಾ॑ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ . ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ॑ ಶೇ॒ಪ ಉ॒ತಾನೃ॑ತಂ ..
ಆಪೋ॑ ಅ॒ದ್ಯಾನ್ವ॑ಚಾರಿಷಂ॒ ರಸೇ॑ನ॒ ಸಮ॑ಗಸ್ಮಹಿ . ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦.೦೦೯ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೭, ಅಧ್ಯಾಯ ೬, ೫ ವರ್ಗಾನಂತರಂ]
ಸ॒ಸ್ರುಷೀ॒.ಸ್ತದ॑ಪಸೋ॒- ದಿವಾ॒ ನಕ್ತ॑.ಞ್ಚ ಸ॒ಸ್ರುಷೀಃ॑. ವರೇ॑ಣ್ಯಕ್ರತೂ. ರಹ॒. ಮಾ ದೇ॒ವೀ.-ರವ॑ಸೇ ಹುವೇ..
ಋತಂಚೇತಿ ತೃಚಸ್ಯ ಸೂಕ್ತಸ್ಯ ಮಾಧುಚ್ಛಂದಸೋಘಮರ್ಷಣೋಭಾವವೃತ್ತಿರನುಷ್ಟುಪ್ .
ಋ॒ತಂ ಚ॑ ಸ॒ತ್ಯಂ ಚಾ॒ಭೀ॑ದ್ಧಾ॒ತ್ತಪ॒ಸೋಽಧ್ಯ॑ಜಾಯತ . ತತೋ॒ ರಾತ್ರ್ಯ॑ಜಾಯತ॒ ತತಃ॑ ಸಮು॒ದ್ರೋ ಅ॑ರ್ಣ॒ವಃ ..
ಸ॒ಮು॒ದ್ರಾದ॑ರ್ಣ॒ವಾದಧಿ॑ ಸಂವತ್ಸ॒ರೋ ಅ॑ಜಾಯತ . ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ ..
ಸೂ॒ರ್ಯಾ॒ಚಂ॒ದ್ರ॒ಮಸೌ॑ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ . ದಿವಂ॑ ಚ ಪೃಥಿ॒ವೀಂ ಚಾಂ॒ತರಿ॑ಕ್ಷ॒ಮಥೋ॒ ಸ್ವಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ಆ॒ಯು॒ಷ್ಯಂ॑ ವರ್ಚ॒ಸ್ಯಂ॑- ರಾ॒ಯ.ಸ್ಪೋ॑ಷ॒. ಮೌದ್ಭಿ॑ದಂ. ಇ॒ದಂ ಹಿರ॑ಣ್ಯಂ॒ ವರ್ಚ॑ಸ್ವ॒.-ಜ್ಜೈತ್ರಾ॒ಯಾ ಽಽವಿ॑ಶತಾ. ದಿ॒ಮಾಂ..
ಉ॒ಚ್ಚೈ॒ರ್ವಾ॒ಜಿ ಪೃ॑ತನಾ॒ಷಾ-ಟ್ತ್ಸ॑ಭಾಸಾ॒ಹ. ನ್ಧ॑ನಂಜ॒ಯಂ. ಸರ್ವಾ॒. ಸ್ಸಮ॑ಗ್ರಾ॒ ಋದ್ಧ॑ಯೋ॒-ಹಿರ॑ಣ್ಯೇ॒ಽಸ್ಮಿ. ನ್ತ್ಸ॒ಮಾಹಿ॑ತಾಃ..
ಶು॒ನ. ಮ॒ಹಂ ಹಿರ॑ಣ್ಯಸ್ಯ- ಪಿ॒ತು. ರ್ಮಾನೇ॑ವ ಜ॒ಗ್ರಭ॑. ತೇನ॒ ಮಾಂ ಸೂರ್ಯ॑ತ್ವಚ॒.-ಮಕ॑ರಂ ಪೂ॒ರುಷು॑ ಪ್ರಿ॒ಯಂ..
ಸ॒ಮ್ರಾಜ॑.ಞ್ಚ ವಿ॒ರಾಜ॑.ಞ್ಚಾ-ಽಭಿ॒ಷ್ಟಿ. ರ್ಯಾ ಚ॑ ಮೇ ಧ್ರು॒ವಾ. ಲ॒ಕ್ಷ್ಮೀ ರಾ॒ಷ್ಟ್ರಸ್ಯ॒ ಯಾ ಮುಖೇ॒- ತಯಾ॒ ಮಾ.ಮಿಂ॑ದ್ರ॒ ಸಂ ಸೃ॑ಜ..
ಅ॒ಗ್ನೇಃ ಪ್ರಜಾ॑ತಂ॒ ಪರಿ॒ ಯ.ದ್ಧಿರ॑ಣ್ಯ.-ಮ॒ಮೃತಁ॑ ಯ॒ಜ್ಞೇ ಅಧಿ॒ ಮರ್ತ್ಯೇ॑ಷು. ಯ ಏ॑ನ॒. ದ್ವೇದ॒ ಸ ಇ.ದೇ॑ನ. ಮರ್ಹತಿ- ಜರಾಮೃ॒ತ್ಯು. ರ್ಭ॑ವತಿ॒ ಯೋ ಬಿ॒ಭರ್ತಿ॑..
ಯ.ದ್ವೇದ॒ ರಾಜಾ॒ ವರು॑ಣೋ॒- ಯ.ದು॑ ದೇ॒ವೀ ಸರ॑ಸ್ವತೀ. ಇಂದ್ರೋ॒ ಯ.ದ್ವೃ॑ತ್ರ॒ಹಾ ವೇ॑ದ॒- ತ.ನ್ಮೇ॒ ವರ್ಚ॑ಸ॒ ಆಯು॑ಷೇ..
ನ ತ.ದ್ರಕ್ಷಾಂ॑ಸಿ॒ ನ ಪಿ॑ಶಾ॒ಚಾ. ಶ್ಚ॑ರಂತಿ- ದೇ॒ವಾನಾ॒. ಮೋಜ॑: ಪ್ರಥಮ॒ಜಂ ಹ್ಯೇ॒೩(ಏ॒)ತತ್. ಯೋ ಬಿ॒ಭರ್ತಿ॑ ದಾಕ್ಷಾಯ॒ಣಾ ಹಿರ॑ಣ್ಯಂ॒- ಸ ದೇ॒ವೇಷು॑ ಕೃಣುತೇ ದೀ॒ರ್ಘ. ಮಾಯು॒.-ಸ್ಸ ಮ॑ನು॒ಷ್ಯೇ॑ಷು ಕೃಣುತೇ ದೀ॒ರ್ಘ. ಮಾಯುಃ॑..
ಯ॒.ದಾಬ॑ಧ್ನ. ನ್ದಾಕ್ಷಾಯ॒ಣಾ ಹಿರ॑ಣ್ಯಂ- ಶ॒ತಾನೀ॑ಕಾಯ ಸುಮನ॒ಸ್ಯಮಾ॑ನಾ. ತ.ನ್ನ॒ ಆ ಬ॑ಧ್ನಾಮಿ ಶ॒ತಶಾ॑ರದಾ॒ಯಾ-ಽಽಯು॑ಷ್ಮಾ.ನ್ಜ॒ರದ॑ಷ್ಟಿ॒. ರ್ಯಥಾಽಸ॑ತ್..
ಘೃ॒ತಾ.ದುಲ್ಲು॑ಪ್ತಂ॒ ಮಧು॑ಮ. ತ್ಸು॒ವರ್ಣ॑.-ನ್ಧನಂಜ॒ಯ. ನ್ಧ॒ರುಣ॑. ನ್ಧಾರಯಿ॒ಷ್ಣು. ಋ॒ಣ.ಕ್ಸ॒ಪತ್ನಾ॒. ದಧ॑ರಾಂ.ಶ್ಚ ಕೃ॒ಣ್ವ.-ದಾ ರೋ॑ಹ ಮಾಂ ಮಹ॒ತೇ ಸೌಭ॑ಗಾಯ..
ಪ್ರಿ॒ಯಂ ಮಾ॑ ಕುರು ದೇ॒ವೇಷು॑- ಪ್ರಿ॒ಯಂ ರಾಜ॑ಸು ಮಾ ಕುರು. ಪ್ರಿ॒ಯಂ ವಿಶ್ವೇ॑ಷು ಗೋ॒ತ್ರೇಷು॒- ಮಯಿ॑ ಧೇಹಿ ರು॒ಚಾ ರುಚಂ॑..
ಅ॒ಗ್ನಿ. ರ್ಯೇನ॑ ವಿ॒ರಾಜ॑ತಿ॒- ಸೂರ್ಯೋ॒ ಯೇನ॑ ವಿ॒ರಾಜ॑ತಿ. ವಿ॒ರಾ.ಡ್ಯೇನ॒ ವಿ ರಾ॑ಜತಿ॒-ತೇನಾ॒ಽಸ್ಮಾ. ನ್ಬ್ರ॑ಹ್ಮಣ.ಸ್ಪತೇ- ವಿ॒ರಾಜಂ॑ ಸ॒ಮಿಧ॑.ಙ್ಕುರು..
ಪರೇಯಿವಾಂಸಮಿತಿ ಷೋಳಶರ್ಚಸ್ಯ ಸೂಕ್ತಸ್ಯ ವೈವಸ್ವತೋಯಮಋಷಿಃ ಯಮೋದೇವತಾ ಷಷ್ಠ್ಯಾಂಗಿರಃಪಿತ್ರಥರ್ವಭೃಗುಸೋಮಾಃ ದಶಮ್ಯಾದಿತಿಸೃಣಾಂಶ್ವಾನೌ ತ್ರಿಷ್ಟುಪ್ ತ್ರಯೋದಶೀಚತುರ್ದಶೀಷೋಡಶ್ಯೋನುಷ್ಟುಭಃ ಪಂಚದಶೀಬೃಹತೀ ( ಪ್ರೇಹಿಪ್ರೇಹೀತ್ಯಾದಿತಿಸೃಣಾಂ ಪಿತೃದೇವತಾವೈಕಲ್ಪಿಕೀ ) .
ಪ॒ರೇ॒ಯಿ॒ವಾಂಸಂ॑ ಪ್ರ॒ವತೋ॑ ಮ॒ಹೀರನು॑ ಬ॒ಹುಭ್ಯಃ॒ ಪಂಥಾ॑ಮನುಪಸ್ಪಶಾ॒ನಂ . ವೈ॒ವ॒ಸ್ವ॒ತಂ ಸಂ॒ಗಮ॑ನಂ॒ ಜನಾ॑ನಾಂ ಯ॒ಮಂ ರಾಜಾ॑ನಂ ಹ॒ವಿಷಾ॑ ದುವಸ್ಯ ..
ಯ॒ಮೋ ನೋ॑ ಗಾ॒ತುಂ ಪ್ರ॑ಥ॒ಮೋ ವಿ॑ವೇದ॒ ನೈಷಾ ಗವ್ಯೂ॑ತಿ॒ರಪ॑ಭರ್ತ॒ವಾ ಉ॑ . ಯತ್ರಾ॑ ನಃ॒ ಪೂರ್ವೇ॑ ಪಿ॒ತರಃ॑ ಪರೇ॒ಯುರೇ॒ನಾ ಜ॑ಜ್ಞಾ॒ನಾಃ ಪ॒ಥ್ಯಾ॒೩॒॑ ಅನು॒ ಸ್ವಾಃ ..
ಮಾತ॑ಲೀ ಕ॒ವ್ಯೈರ್ಯ॒ಮೋ ಅಂಗಿ॑ರೋಭಿ॒ರ್ಬೃಹ॒ಸ್ಪತಿ॒ರ್ಋಕ್ವ॑ಭಿರ್ವಾವೃಧಾ॒ನಃ . ಯಾಁಶ್ಚ॑ ದೇ॒ವಾ ವಾ॑ವೃ॒ಧುರ್ಯೇ ಚ॑ ದೇ॒ವಾಂತ್ಸ್ವಾಹಾ॒ನ್ಯೇ ಸ್ವ॒ಧಯಾ॒ನ್ಯೇ ಮ॑ದಂತಿ ..
ಇ॒ಮಂ ಯ॑ಮ ಪ್ರಸ್ತ॒ರಮಾ ಹಿ ಸೀದಾಂಗಿ॑ರೋಭಿಃ ಪಿ॒ತೃಭಿಃ॑ ಸಂವಿದಾ॒ನಃ . ಆ ತ್ವಾ॒ ಮಂತ್ರಾಃ॑ ಕವಿಶ॒ಸ್ತಾ ವ॑ಹಂತ್ವೇ॒ನಾ ರಾ॑ಜನ್ಹ॒ವಿಷಾ॑ ಮಾದಯಸ್ವ ..
ಅಂಗಿ॑ರೋಭಿ॒ರಾ ಗ॑ಹಿ ಯ॒ಜ್ಞಿಯೇ॑ಭಿ॒ರ್ಯಮ॑ ವೈರೂ॒ಪೈರಿ॒ಹ ಮಾ॑ದಯಸ್ವ . ವಿವ॑ಸ್ವಂತಂ ಹುವೇ॒ ಯಃ ಪಿ॒ತಾ ತೇ॒ಽಸ್ಮಿನ್ಯ॒ಜ್ಞೇ ಬ॒ರ್ಹಿಷ್ಯಾ ನಿ॒ಷದ್ಯ॑ ..
ಅಂಗಿ॑ರಸೋ ನಃ ಪಿ॒ತರೋ॒ ನವ॑ಗ್ವಾ॒ ಅಥ॑ರ್ವಾಣೋ॒ ಭೃಗ॑ವಃ ಸೋ॒ಮ್ಯಾಸಃ॑ . ತೇಷಾಂ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯಾ॑ನಾ॒ಮಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ ..
ಪ್ರೇಹಿ॒ ಪ್ರೇಹಿ॑ ಪ॒ಥಿಭಿಃ॑ ಪೂ॒ರ್ವ್ಯೇಭಿ॒ರ್ಯತ್ರಾ॑ ನಃ॒ ಪೂರ್ವೇ॑ ಪಿ॒ತರಃ॑ ಪರೇ॒ಯುಃ . ಉ॒ಭಾ ರಾಜಾ॑ನಾ ಸ್ವ॒ಧಯಾ॒ ಮದಂ॑ತಾ ಯ॒ಮಂ ಪ॑ಶ್ಯಾಸಿ॒ ವರು॑ಣಂ ಚ ದೇ॒ವಂ ..
ಸಂ ಗ॑ಚ್ಛಸ್ವ ಪಿ॒ತೃಭಿಃ॒ ಸಂ ಯ॒ಮೇನೇ॑ಷ್ಟಾಪೂ॒ರ್ತೇನ॑ ಪರ॒ಮೇ ವ್ಯೋ॑ಮನ್ . ಹಿ॒ತ್ವಾಯಾ॑ವ॒ದ್ಯಂ ಪುನ॒ರಸ್ತ॒ಮೇಹಿ॒ ಸಂ ಗ॑ಚ್ಛಸ್ವ ತ॒ನ್ವಾ॑ ಸು॒ವರ್ಚಾಃ॑ ..
ಅಪೇ॑ತ॒ ವೀ॑ತ॒ ವಿ ಚ॑ ಸರ್ಪ॒ತಾತೋ॒ಽಸ್ಮಾ ಏ॒ತಂ ಪಿ॒ತರೋ॑ ಲೋ॒ಕಮ॑ಕ್ರನ್ . ಅಹೋ॑ಭಿರ॒ದ್ಭಿರ॒ಕ್ತುಭಿ॒ರ್ವ್ಯ॑ಕ್ತಂ ಯ॒ಮೋ ದ॑ದಾತ್ಯವ॒ಸಾನ॑ಮಸ್ಮೈ ..
ಅತಿ॑ ದ್ರವ ಸಾರಮೇ॒ಯೌ ಶ್ವಾನೌ॑ ಚತುರ॒ಕ್ಷೌ ಶ॒ಬಲೌ॑ ಸಾ॒ಧುನಾ॑ ಪ॒ಥಾ . ಅಥಾ॑ ಪಿ॒ತೄಂತ್ಸು॑ವಿ॒ದತ್ರಾಁ॒ ಉಪೇ॑ಹಿ ಯ॒ಮೇನ॒ ಯೇ ಸ॑ಧ॒ಮಾದಂ॒ ಮದಂ॑ತಿ ..
ಯೌ ತೇ॒ ಶ್ವಾನೌ॑ ಯಮ ರಕ್ಷಿ॒ತಾರೌ॑ ಚತುರ॒ಕ್ಷೌ ಪ॑ಥಿ॒ರಕ್ಷೀ॑ ನೃ॒ಚಕ್ಷ॑ಸೌ . ತಾಭ್ಯಾ॑ಮೇನಂ॒ ಪರಿ॑ ದೇಹಿ ರಾಜಂತ್ಸ್ವ॒ಸ್ತಿ ಚಾ॑ಸ್ಮಾ ಅನಮೀ॒ವಂ ಚ॑ ಧೇಹಿ ..
ಉ॒ರೂ॒ಣ॒ಸಾವ॑ಸು॒ತೃಪಾ॑ ಉದುಂಬ॒ಲೌ ಯ॒ಮಸ್ಯ॑ ದೂ॒ತೌ ಚ॑ರತೋ॒ ಜನಾಁ॒ ಅನು॑ . ತಾವ॒ಸ್ಮಭ್ಯಂ॑ ದೃ॒ಶಯೇ॒ ಸೂರ್ಯಾ॑ಯ॒ ಪುನ॑ರ್ದಾತಾ॒ಮಸು॑ಮ॒ದ್ಯೇಹ ಭ॒ದ್ರಂ ..
ಯ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ . ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ..
ಯ॒ಮಾಯ॑ ಘೃ॒ತವ॑ದ್ಧ॒ವಿರ್ಜು॒ಹೋತ॒ ಪ್ರ ಚ॑ ತಿಷ್ಠತ . ಸ ನೋ॑ ದೇ॒ವೇಷ್ವಾ ಯ॑ಮದ್ದೀ॒ರ್ಘಮಾಯುಃ॒ ಪ್ರ ಜೀ॒ವಸೇ॑ ..
ಯ॒ಮಾಯ॒ ಮಧು॑ಮತ್ತಮಂ॒ ರಾಜ್ಞೇ॑ ಹ॒ವ್ಯಂ ಜು॑ಹೋತನ . ಇ॒ದಂ ನಮ॒ ಋಷಿ॑ಭ್ಯಃ ಪೂರ್ವ॒ಜೇಭ್ಯಃ॒ ಪೂರ್ವೇ॑ಭ್ಯಃ ಪಥಿ॒ಕೃದ್ಭ್ಯಃ॑ ..
ತ್ರಿಕ॑ದ್ರುಕೇಭಿಃ ಪತತಿ॒ ಷಳು॒ರ್ವೀರೇಕ॒ಮಿದ್ಬೃ॒ಹತ್ . ತ್ರಿ॒ಷ್ಟುಬ್ಗಾ॑ಯ॒ತ್ರೀ ಛಂದಾಂ॑ಸಿ॒ ಸರ್ವಾ॒ ತಾ ಯ॒ಮ ಆಹಿ॑ತಾ ..
ಯಸ್ಮಿನ್ನಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಯಾಮಾಯನಃ ಕುಮಾರೋಯಮೋನುಷ್ಟುಪ್ .
ಯಸ್ಮಿ॑ನ್ವೃ॒ಕ್ಷೇ ಸು॑ಪಲಾ॒ಶೇ ದೇ॒ವೈಃ ಸಂ॒ಪಿಬ॑ತೇ ಯ॒ಮಃ . ಅತ್ರಾ॑ ನೋ ವಿ॒ಶ್ಪತಿಃ॑ ಪಿ॒ತಾ ಪು॑ರಾ॒ಣಾಁ ಅನು॑ ವೇನತಿ ..
ಪು॒ರಾ॒ಣಾಁ ಅ॑ನು॒ವೇನಂ॑ತಂ॒ ಚರಂ॑ತಂ ಪಾ॒ಪಯಾ॑ಮು॒ಯಾ . ಅ॒ಸೂ॒ಯನ್ನ॒ಭ್ಯ॑ಚಾಕಶಂ॒ ತಸ್ಮಾ॑ ಅಸ್ಪೃಹಯಂ॒ ಪುನಃ॑ ..
ಯಂ ಕು॑ಮಾರ॒ ನವಂ॒ ರಥ॑ಮಚ॒ಕ್ರಂ ಮನ॒ಸಾಕೃ॑ಣೋಃ . ಏಕೇ॑ಷಂ ವಿ॒ಶ್ವತಃ॒ ಪ್ರಾಂಚ॒ಮಪ॑ಶ್ಯ॒ನ್ನಧಿ॑ ತಿಷ್ಠಸಿ ..
ಯಂ ಕು॑ಮಾರ॒ ಪ್ರಾವ॑ರ್ತಯೋ॒ ರಥಂ॒ ವಿಪ್ರೇ॑ಭ್ಯ॒ಸ್ಪರಿ॑ . ತಂ ಸಾಮಾನು॒ ಪ್ರಾವ॑ರ್ತತ॒ ಸಮಿ॒ತೋ ನಾ॒ವ್ಯಾಹಿ॑ತಂ ..
ಕಃ ಕು॑ಮಾ॒ರಮ॑ಜನಯ॒ದ್ರಥಂ॒ ಕೋ ನಿರ॑ವರ್ತಯತ್ . ಕಃ ಸ್ವಿ॒ತ್ತದ॒ದ್ಯ ನೋ॑ ಬ್ರೂಯಾದನು॒ದೇಯೀ॒ ಯಥಾಭ॑ವತ್ ..
ಯಥಾಭ॑ವದನು॒ದೇಯೀ॒ ತತೋ॒ ಅಗ್ರ॑ಮಜಾಯತ . ಪು॒ರಸ್ತಾ॑ದ್ಬು॒ಧ್ನ ಆತ॑ತಃ ಪ॒ಶ್ಚಾನ್ನಿ॒ರಯ॑ಣಂ ಕೃ॒ತಂ ..
ಇ॒ದಂ ಯ॒ಮಸ್ಯ॒ ಸಾದ॑ನಂ ದೇವಮಾ॒ನಂ ಯದು॒ಚ್ಯತೇ॑ . ಇ॒ಯಮ॑ಸ್ಯ ಧಮ್ಯತೇ ನಾ॒ಳೀರ॒ಯಂ ಗೀ॒ರ್ಭಿಃ ಪರಿ॑ಷ್ಕೃತಃ ..
ನಾಸದಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಪರಮೇಷ್ಠೀ ಪ್ರಜಾಪತಿರ್ಭಾವವೃತ್ತಿಸ್ತ್ರಿಷ್ಟುಪ್ .
ನಾಸ॑ದಾಸೀ॒ನ್ನೋ ಸದಾ॑ಸೀತ್ತ॒ದಾನೀಂ॒ ನಾಸೀ॒ದ್ರಜೋ॒ ನೋ ವ್ಯೋ॑ಮಾ ಪ॒ರೋ ಯತ್ . ಕಿಮಾವ॑ರೀವಃ॒ ಕುಹ॒ ಕಸ್ಯ॒ ಶರ್ಮ॒ನ್ನಂಭಃ॒ ಕಿಮಾ॑ಸೀ॒ದ್ಗಹ॑ನಂ ಗಭೀ॒ರಂ ..
ನ ಮೃ॒ತ್ಯುರಾ॑ಸೀದ॒ಮೃತಂ॒ ನ ತರ್ಹಿ॒ ನ ರಾತ್ರ್ಯಾ॒ ಅಹ್ನ॑ ಆಸೀತ್ಪ್ರಕೇ॒ತಃ . ಆನೀ॑ದವಾ॒ತಂ ಸ್ವ॒ಧಯಾ॒ ತದೇಕಂ॒ ತಸ್ಮಾ॑ದ್ಧಾ॒ನ್ಯನ್ನ ಪ॒ರಃ ಕಿಂ ಚ॒ನಾಸ॑ ..
ತಮ॑ ಆಸೀ॒ತ್ತಮ॑ಸಾ ಗೂ॒ಳ್ಹಮಗ್ರೇ॑ಽಪ್ರಕೇ॒ತಂ ಸ॑ಲಿ॒ಲಂ ಸರ್ವ॑ಮಾ ಇ॒ದಂ . ತು॒ಚ್ಛ್ಯೇನಾ॒ಭ್ವಪಿ॑ಹಿತಂ॒ ಯದಾಸೀ॒ತ್ತಪ॑ಸ॒ಸ್ತನ್ಮ॑ಹಿ॒ನಾಜಾ॑ಯ॒ತೈಕಂ॑ ..
ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॒ ಮನ॑ಸೋ॒ ರೇತಃ॑ ಪ್ರಥ॒ಮಂ ಯದಾಸೀ॑ತ್ . ಸ॒ತೋ ಬಂಧು॒ಮಸ॑ತಿ॒ ನಿರ॑ವಿಂದನ್ಹೃ॒ದಿ ಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷಾ ..
ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿರೇ॑ಷಾಮ॒ಧಃ ಸ್ವಿ॑ದಾ॒ಸೀ೩ದು॒ಪರಿ॑ ಸ್ವಿದಾಸೀ೩ತ್ . ರೇ॒ತೋ॒ಧಾ ಆ॑ಸನ್ಮಹಿ॒ಮಾನ॑ ಆಸಂತ್ಸ್ವ॒ಧಾ ಅ॒ವಸ್ತಾ॒ತ್ಪ್ರಯ॑ತಿಃ ಪ॒ರಸ್ತಾ॑ತ್ ..
ಕೋ ಅ॒ದ್ಧಾ ವೇ॑ದ॒ ಕ ಇ॒ಹ ಪ್ರ ವೋ॑ಚ॒ತ್ಕುತ॒ ಆಜಾ॑ತಾ॒ ಕುತ॑ ಇ॒ಯಂ ವಿಸೃ॑ಷ್ಟಿಃ . ಅ॒ರ್ವಾಗ್ದೇ॒ವಾ ಅ॒ಸ್ಯ ವಿ॒ಸರ್ಜ॑ನೇ॒ನಾಥಾ॒ ಕೋ ವೇ॑ದ॒ ಯತ॑ ಆಬ॒ಭೂವ॑ ..
ಇ॒ಯಂ ವಿಸೃ॑ಷ್ಟಿ॒ರ್ಯತ॑ ಆಬ॒ಭೂವ॒ ಯದಿ॑ ವಾ ದ॒ಧೇ ಯದಿ॑ ವಾ॒ ನ . ಯೋ ಅ॒ಸ್ಯಾಧ್ಯ॑ಕ್ಷಃ ಪರ॒ಮೇ ವ್ಯೋ॑ಮಂ॒ತ್ಸೋ ಅಂ॒ಗ ವೇ॑ದ॒ ಯದಿ॑ ವಾ॒ ನ ವೇದ॑ ..
ಆಶುಃಶಿಶಾನಇತಿ ತ್ರಯೋದಶರ್ಚಸ್ಯ ಸೂಕ್ತಸ್ಯೈಂದ್ರೋ ಪ್ರತಿರಥಇಂದ್ರಶ್ಚತುರ್ಥ್ಯಾಂ ಬೃಹಸ್ಪತಿರ್ದ್ವಾದಶ್ಯಾಅಪ್ವಾದೇವ್ಯಂತ್ಯಾಯಾಮರುತಸ್ತ್ರಿಷ್ಟುಬಂತ್ಯಾನುಷ್ಟುಪ್ . (ಆಶುಃ ಶಿಶಾನಃ ಸೂಕ್ತೋಪಾಂತ್ಯಾಯಾಆಪ್ವಾದೇವೀತ್ಯನುಕ್ರಮಣ್ಯಾಂ ಮಪ್ವಾದೇವೀತಿಶೌನಕೀಯೇ)
ಆ॒ಶುಃ ಶಿಶಾ॑ನೋ ವೃಷ॒ಭೋ ನ ಭೀ॒ಮೋ ಘ॑ನಾಘ॒ನಃ ಕ್ಷೋಭ॑ಣಶ್ಚರ್ಷಣೀ॒ನಾಂ . ಸಂ॒ಕ್ರಂದ॑ನೋಽನಿಮಿ॒ಷ ಏ॑ಕವೀ॒ರಃ ಶ॒ತಂ ಸೇನಾ॑ ಅಜಯತ್ಸಾ॒ಕಮಿಂದ್ರಃ॑ ..
ಸಂ॒ಕ್ರಂದ॑ನೇನಾನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ॑ . ತದಿಂದ್ರೇ॑ಣ ಜಯತ॒ ತತ್ಸ॑ಹಧ್ವಂ॒ ಯುಧೋ॑ ನರ॒ ಇಷು॑ಹಸ್ತೇನ॒ ವೃಷ್ಣಾ॑ ..
ಸ ಇಷು॑ಹಸ್ತೈಃ॒ ಸ ನಿ॑ಷಂ॒ಗಿಭಿ॑ರ್ವ॒ಶೀ ಸಂಸ್ರ॑ಷ್ಟಾ॒ ಸ ಯುಧ॒ ಇಂದ್ರೋ॑ ಗ॒ಣೇನ॑ . ಸಂ॒ಸೃ॒ಷ್ಟ॒ಜಿತ್ಸೋ॑ಮ॒ಪಾ ಬಾ॑ಹುಶ॒ರ್ಧ್ಯು೧॒॑ಗ್ರಧ॑ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ॑ ..
ಬೃಹ॑ಸ್ಪತೇ॒ ಪರಿ॑ ದೀಯಾ॒ ರಥೇ॑ನ ರಕ್ಷೋ॒ಹಾಮಿತ್ರಾಁ॑ ಅಪ॒ಬಾಧ॑ಮಾನಃ . ಪ್ರ॒ಭಂ॒ಜಂತ್ಸೇನಾಃ॑ ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑ಮೇಧ್ಯವಿ॒ತಾ ರಥಾ॑ನಾಂ ..
ಬ॒ಲ॒ವಿ॒ಜ್ಞಾ॒ಯಃ ಸ್ಥವಿ॑ರಃ॒ ಪ್ರವೀ॑ರಃ॒ ಸಹ॑ಸ್ವಾನ್ವಾ॒ಜೀ ಸಹ॑ಮಾನ ಉ॒ಗ್ರಃ . ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿಂದ್ರ॒ ರಥ॒ಮಾ ತಿ॑ಷ್ಠ ಗೋ॒ವಿತ್ ..
ಗೋ॒ತ್ರ॒ಭಿದಂ॑ ಗೋ॒ವಿದಂ॒ ವಜ್ರ॑ಬಾಹುಂ॒ ಜಯಂ॑ತ॒ಮಜ್ಮ॑ ಪ್ರಮೃ॒ಣಂತ॒ಮೋಜ॑ಸಾ . ಇ॒ಮಂ ಸ॑ಜಾತಾ॒ ಅನು॑ ವೀರಯಧ್ವ॒ಮಿಂದ್ರಂ॑ ಸಖಾಯೋ॒ ಅನು॒ ಸಂ ರ॑ಭಧ್ವಂ ..
ಅ॒ಭಿ ಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋಽದ॒ಯೋ ವೀ॒ರಃ ಶ॒ತಮ॑ನ್ಯು॒ರಿಂದ್ರಃ॑ . ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಳ॑ಯು॒ಧ್ಯೋ॒೩॒॑ಽಸ್ಮಾಕಂ॒ ಸೇನಾ॑ ಅವತು॒ ಪ್ರ ಯು॒ತ್ಸು ..
ಇಂದ್ರ॑ ಆಸಾಂ ನೇ॒ತಾ ಬೃಹ॒ಸ್ಪತಿ॒ರ್ದಕ್ಷಿ॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮಃ॑ . ದೇ॒ವ॒ಸೇ॒ನಾನಾ॑ಮಭಿಭಂಜತೀ॒ನಾಂ ಜಯಂ॑ತೀನಾಂ ಮ॒ರುತೋ॑ ಯಂ॒ತ್ವಗ್ರಂ॑ ..
ಇಂದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾಂ॑ ಮ॒ರುತಾಂ॒ ಶರ್ಧ॑ ಉ॒ಗ್ರಂ . ಮ॒ಹಾಮ॑ನಸಾಂ ಭುವನಚ್ಯ॒ವಾನಾಂ॒ ಘೋಷೋ॑ ದೇ॒ವಾನಾಂ॒ ಜಯ॑ತಾ॒ಮುದ॑ಸ್ಥಾತ್ ..
ಉದ್ಧ॑ರ್ಷಯ ಮಘವ॒ನ್ನಾಯು॑ಧಾ॒ನ್ಯುತ್ಸತ್ವ॑ನಾಂ ಮಾಮ॒ಕಾನಾಂ॒ ಮನಾಂ॑ಸಿ . ಉದ್ವೃ॑ತ್ರಹನ್ವಾ॒ಜಿನಾಂ॒ ವಾಜಿ॑ನಾ॒ನ್ಯುದ್ರಥಾ॑ನಾಂ॒ ಜಯ॑ತಾಂ ಯಂತು॒ ಘೋಷಾಃ॑ ..
ಅ॒ಸ್ಮಾಕ॒ಮಿಂದ್ರಃ॒ ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒ ಯಾ ಇಷ॑ವ॒ಸ್ತಾ ಜ॑ಯಂತು . ಅ॒ಸ್ಮಾಕಂ॑ ವೀ॒ರಾ ಉತ್ತ॑ರೇ ಭವಂತ್ವ॒ಸ್ಮಾಁ ಉ॑ ದೇವಾ ಅವತಾ॒ ಹವೇ॑ಷು ..
ಅ॒ಮೀಷಾಂ॑ ಚಿ॒ತ್ತಂ ಪ್ರ॑ತಿಲೋ॒ಭಯಂ॑ತೀ ಗೃಹಾ॒ಣಾಂಗಾ॑ನ್ಯಪ್ವೇ॒ ಪರೇ॑ಹಿ . ಅ॒ಭಿ ಪ್ರೇಹಿ॒ ನಿರ್ದ॑ಹ ಹೃ॒ತ್ಸು ಶೋಕೈ॑ರಂ॒ಧೇನಾ॒ಮಿತ್ರಾ॒ಸ್ತಮ॑ಸಾ ಸಚಂತಾಂ ..
ಪ್ರೇತಾ॒ ಜಯ॑ತಾ ನರ॒ ಇಂದ್ರೋ॑ ವಃ॒ ಶರ್ಮ॑ ಯಚ್ಛತು . ಉ॒ಗ್ರಾ ವಃ॑ ಸಂತು ಬಾ॒ಹವೋ॑ಽನಾಧೃ॒ಷ್ಯಾ ಯಥಾಸ॑ಥ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೦೩ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೫, ೨೩ ವರ್ಗಾನಂತರಂ]
ಅ॒ಸೌ ಯಾ ಸೇನಾ॑ ಮರುತ॒: ಪರೇ॑ಷಾ.-ಮ॒ಭ್ಯೈತಿ॑ ನ॒ ಓಜ॑ಸಾ॒ ಸ್ಪರ್ಧ॑ಮಾನಾ. ತಾ.ಙ್ಗೂ॑ಹತ॒ ತಮ॒ಸಾಽಪ॑ವ್ರತೇನ॒- ಯಥಾ॒ಽಮೀಷಾ॑. ಮ॒ನ್ಯೋ ಅ॒ನ್ಯ.ನ್ನ ಜಾನಾ॑ತ್..
ಅಂ॒ಧಾ ಅ॒ಮಿತ್ರಾ॑ ಭವತಾ-ಽಶೀರ್ಷಾ॒ಣಾ ಅಹ॑ಯಇವ. ತೇಷಾಁ॑ ವೋ ಅ॒ಗ್ನಿದ॑ಗ್ಧಾನಾ.-ಮ॒ಗ್ನಿಮೂ॑ಳ್ಹಾನಾ॒. ಮಿಂದ್ರೋ॑ ಹಂತು॒ ವರಂ॑ವರಂ..
ಇಮಾಮಿತಿ ಷಡೃಚಸ್ಯ ಸೂಕ್ತಸ್ಯೇಂದ್ರಾಣೀಸಪತ್ನೀನಾಶನಮನುಷ್ಟುಬಂತ್ಯಾಪಂಕ್ತಿಃ .
ಇ॒ಮಾಂ ಖ॑ನಾ॒ಮ್ಯೋಷ॑ಧಿಂ ವೀ॒ರುಧಂ॒ ಬಲ॑ವತ್ತಮಾಂ . ಯಯಾ॑ ಸ॒ಪತ್ನೀಂ॒ ಬಾಧ॑ತೇ॒ ಯಯಾ॑ ಸಂವಿಂ॒ದತೇ॒ ಪತಿಂ॑ ..
ಉತ್ತಾ॑ನಪರ್ಣೇ॒ ಸುಭ॑ಗೇ॒ ದೇವ॑ಜೂತೇ॒ ಸಹ॑ಸ್ವತಿ . ಸ॒ಪತ್ನೀಂ॑ ಮೇ॒ ಪರಾ॑ ಧಮ॒ ಪತಿಂ॑ ಮೇ॒ ಕೇವ॑ಲಂ ಕುರು ..
ಉತ್ತ॑ರಾ॒ಹಮು॑ತ್ತರ॒ ಉತ್ತ॒ರೇದುತ್ತ॑ರಾಭ್ಯಃ . ಅಥಾ॑ ಸ॒ಪತ್ನೀ॒ ಯಾ ಮಮಾಧ॑ರಾ॒ ಸಾಧ॑ರಾಭ್ಯಃ ..
ನ॒ಹ್ಯ॑ಸ್ಯಾ॒ ನಾಮ॑ ಗೃ॒ಭ್ಣಾಮಿ॒ ನೋ ಅ॒ಸ್ಮಿನ್ರ॑ಮತೇ॒ ಜನೇ॑ . ಪರಾ॑ಮೇ॒ವ ಪ॑ರಾ॒ವತಂ॑ ಸ॒ಪತ್ನೀಂ॑ ಗಮಯಾಮಸಿ ..
ಅ॒ಹಮ॑ಸ್ಮಿ॒ ಸಹ॑ಮಾ॒ನಾಥ॒ ತ್ವಮ॑ಸಿ ಸಾಸ॒ಹಿಃ . ಉ॒ಭೇ ಸಹ॑ಸ್ವತೀ ಭೂ॒ತ್ವೀ ಸ॒ಪತ್ನೀಂ॑ ಮೇ ಸಹಾವಹೈ ..
ಉಪ॑ ತೇಽಧಾಂ॒ ಸಹ॑ಮಾನಾಮ॒ಭಿ ತ್ವಾ॑ಧಾಂ॒ ಸಹೀ॑ಯಸಾ . ಮಾಮನು॒ ಪ್ರ ತೇ॒ ಮನೋ॑ ವ॒ತ್ಸಂ ಗೌರಿ॑ವ ಧಾವತು ಪ॒ಥಾ ವಾರಿ॑ವ ಧಾವತು ..
ಋಷಭಮಿತಿ ಪಂಚರ್ಚಸ್ಯ ಸೂಕ್ತಸ್ಯ ವೈರಾಜಋಷಭಃ ಸಪತ್ನನಾಶನೋನುಷ್ಠುಬಂತ್ಯಾ ಮಹಾಪಂಕ್ತಿಃ . (ಶಾಕ್ವರೋವಾಋಷಿಃ).
ಋ॒ಷ॒ಭಂ ಮಾ॑ ಸಮಾ॒ನಾನಾಂ॑ ಸ॒ಪತ್ನಾ॑ನಾಂ ವಿಷಾಸ॒ಹಿಂ . ಹಂ॒ತಾರಂ॒ ಶತ್ರೂ॑ಣಾಂ ಕೃಧಿ ವಿ॒ರಾಜಂ॒ ಗೋಪ॑ತಿಂ॒ ಗವಾಂ॑ ..
ಅ॒ಹಮ॑ಸ್ಮಿ ಸಪತ್ನ॒ಹೇಂದ್ರ॑ ಇ॒ವಾರಿ॑ಷ್ಟೋ॒ ಅಕ್ಷ॑ತಃ . ಅ॒ಧಃ ಸ॒ಪತ್ನಾ॑ ಮೇ ಪ॒ದೋರಿ॒ಮೇ ಸರ್ವೇ॑ ಅ॒ಭಿಷ್ಠಿ॑ತಾಃ ..
ಅತ್ರೈ॒ವ ವೋಽಪಿ॑ ನಹ್ಯಾಮ್ಯು॒ಭೇ ಆರ್ತ್ನೀ॑ ಇವ॒ ಜ್ಯಯಾ॑ . ವಾಚ॑ಸ್ಪತೇ॒ ನಿ ಷೇ॑ಧೇ॒ಮಾನ್ಯಥಾ॒ ಮದಧ॑ರಂ॒ ವದಾ॑ನ್ ..
ಅ॒ಭಿ॒ಭೂರ॒ಹಮಾಗ॑ಮಂ ವಿ॒ಶ್ವಕ॑ರ್ಮೇಣ॒ ಧಾಮ್ನಾ॑ . ಆ ವ॑ಶ್ಚಿ॒ತ್ತಮಾ ವೋ॑ ವ್ರ॒ತಮಾ ವೋ॒ಽಹಂ ಸಮಿ॑ತಿಂ ದದೇ ..
ಯೋ॒ಗ॒ಕ್ಷೇ॒ಮಂ ವ॑ ಆ॒ದಾಯಾ॒ಹಂ ಭೂ॑ಯಾಸಮುತ್ತ॒ಮ ಆ ವೋ॑ ಮೂ॒ರ್ಧಾನ॑ಮಕ್ರಮೀಂ . ಅ॒ಧ॒ಸ್ಪ॒ದಾನ್ಮ॒ ಉದ್ವ॑ದತ ಮಂ॒ಡೂಕಾ॑ ಇವೋದ॒ಕಾನ್ಮಂ॒ಡೂಕಾ॑ ಉದ॒ಕಾದಿ॑ವ ..
ಮುಂಚಾಮಿತ್ವೇತಿ ಪಂಚರ್ಚಸ್ಯ ಸೂಕ್ತಸ್ಯ ಪ್ರಾಜಾಪತ್ಯೋ ಯಕ್ಷ್ಮನಾಶನ ಇಂದ್ರಾಗ್ನೀತ್ರಿಷ್ಟುಬಂತ್ಯಾನುಷ್ಟುಪ್ . (ಮುಂಚಾಮೀತಿ ಸೂಕ್ತೇ ರಾಜ ಯಕ್ಷ್ಮಘ್ನಮಿತ್ಯುಕ್ತೇ ರಾಜಯಕ್ಷ್ಮನಾಶನೋ ದೇವತೇತಿಕೇಚಿತ್ ಅನ್ಯೇಪ್ರಜಾಪತಿಮಾಹುಃ ಇಂದ್ರಾಗ್ನೀಇತಿತುಯಾಸ್ಕಃ ಇತ್ಥಂಮತವೈವಿಧ್ಯೇಪಿ 'ಷಳಾಹುತಿಶ್ಚರುರ್ಮುಂಚಾಮಿತ್ವಾಹವಿಷಾ ಜೀವನಾಯಕಮಿತ್ಯೇತೇನೇತಿ' ಗೃಹ್ಯಸೂತ್ರಾನುಸಾರಿವೃತ್ತಿಕೃತ್ಕಾರಿಕಾ ಕಾರಾದಿಭಿರಸ್ಯ ಸೂಕ್ತಸ್ಯೈಂದ್ರಾಗ್ನಿ (ದೇವತಾತ್ವನಿರ್ದೇಶತ್ತೇಏವಸ್ಮಾಭಿರುಕ್ತೇ)
ಮುಂ॒ಚಾಮಿ॑ ತ್ವಾ ಹ॒ವಿಷಾ॒ ಜೀವ॑ನಾಯ॒ ಕಮ॑ಜ್ಞಾತಯ॒ಕ್ಷ್ಮಾದು॒ತ ರಾ॑ಜಯ॒ಕ್ಷ್ಮಾತ್ . ಗ್ರಾಹಿ॑ರ್ಜ॒ಗ್ರಾಹ॒ ಯದಿ॑ ವೈ॒ತದೇ॑ನಂ॒ ತಸ್ಯಾ॑ ಇಂದ್ರಾಗ್ನೀ॒ ಪ್ರ ಮು॑ಮುಕ್ತಮೇನಂ ..
ಯದಿ॑ ಕ್ಷಿ॒ತಾಯು॒ರ್ಯದಿ॑ ವಾ॒ ಪರೇ॑ತೋ॒ ಯದಿ॑ ಮೃ॒ತ್ಯೋರಂ॑ತಿ॒ಕಂ ನೀ॑ತ ಏ॒ವ . ತಮಾ ಹ॑ರಾಮಿ॒ ನಿರ್ಋ॑ತೇರು॒ಪಸ್ಥಾ॒ದಸ್ಪಾ॑ರ್ಷಮೇನಂ ಶ॒ತಶಾ॑ರದಾಯ ..
ಸ॒ಹ॒ಸ್ರಾ॒ಕ್ಷೇಣ॑ ಶ॒ತಶಾ॑ರದೇನ ಶ॒ತಾಯು॑ಷಾ ಹ॒ವಿಷಾಹಾ॑ರ್ಷಮೇನಂ . ಶ॒ತಂ ಯಥೇ॒ಮಂ ಶ॒ರದೋ॒ ನಯಾ॒ತೀಂದ್ರೋ॒ ವಿಶ್ವ॑ಸ್ಯ ದುರಿ॒ತಸ್ಯ॑ ಪಾ॒ರಂ ..
ಶ॒ತಂ ಜೀ॑ವ ಶ॒ರದೋ॒ ವರ್ಧ॑ಮಾನಃ ಶ॒ತಂ ಹೇ॑ಮಂ॒ತಾಂಛ॒ತಮು॑ ವಸಂ॒ತಾನ್ . ಶ॒ತಮಿಂ॑ದ್ರಾ॒ಗ್ನೀ ಸ॑ವಿ॒ತಾ ಬೃಹ॒ಸ್ಪತಿಃ॑ ಶ॒ತಾಯು॑ಷಾ ಹ॒ವಿಷೇ॒ಮಂ ಪುನ॑ರ್ದುಃ ..
ಆಹಾ॑ರ್ಷಂ॒ ತ್ವಾವಿ॑ದಂ ತ್ವಾ॒ ಪುನ॒ರಾಗಾಃ॑ ಪುನರ್ನವ . ಸರ್ವಾಂ॑ಗ॒ ಸರ್ವಂ॑ ತೇ॒ ಚಕ್ಷುಃ॒ ಸರ್ವ॒ಮಾಯು॑ಶ್ಚ ತೇಽವಿದಂ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೬೧ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೮, ೧೨ ವರ್ಗಾನಂತರಂ]
ಊ॒ರ್ಧ್ವ॒ರೇ॒ಖಾ ಪ್ರ॒ ದಹಂ॑ತೇ॒ ವಿಷ್ಣು॑.-ರಿ॒ಮ. ಮಿಂ॑ದ್ರಾ॒ಗ್ನೀ ಅ॒ಮೃತ॑.ಞ್ಜುಷೇಥಾಂ. ಮಹ್ಯ॒. ನ್ದಧಾ॑ನಾ॒ ಉಪ॑ ದೀ॒ರ್ಘ.ಮಾಯು॑.-ರ॒ಸ್ಮೇ~ ಧ॑ತ್ತಂ॒ ಪುರು॑ಭುಜಾ॒ ಪುರಂ॑ಧಿಃ..
ಅಕ್ಷೀಭ್ಯಾಮಿತಿ ಷಡೃಚಸ್ಯ ಸೂಕ್ತಸ್ಯ ಕಾಶ್ಯಪೋವಿವೃಹಾಯಕ್ಷ್ಮಹಾನುಷ್ಟುಪ್ .
ಅ॒ಕ್ಷೀಭ್ಯಾಂ॑ ತೇ॒ ನಾಸಿ॑ಕಾಭ್ಯಾಂ॒ ಕರ್ಣಾ॑ಭ್ಯಾಂ॒ ಛುಬು॑ಕಾ॒ದಧಿ॑ . ಯಕ್ಷ್ಮಂ॑ ಶೀರ್ಷ॒ಣ್ಯಂ॑ ಮ॒ಸ್ತಿಷ್ಕಾ॑ಜ್ಜಿ॒ಹ್ವಾಯಾ॒ ವಿ ವೃ॑ಹಾಮಿ ತೇ ..
ಗ್ರೀ॒ವಾಭ್ಯ॑ಸ್ತ ಉ॒ಷ್ಣಿಹಾ॑ಭ್ಯಃ॒ ಕೀಕ॑ಸಾಭ್ಯೋ ಅನೂ॒ಕ್ಯಾ॑ತ್ . ಯಕ್ಷ್ಮಂ॑ ದೋಷ॒ಣ್ಯ೧॒॑ಮಂಸಾ॑ಭ್ಯಾಂ ಬಾ॒ಹುಭ್ಯಾಂ॒ ವಿ ವೃ॑ಹಾಮಿ ತೇ ..
ಆಂ॒ತ್ರೇಭ್ಯ॑ಸ್ತೇ॒ ಗುದಾ॑ಭ್ಯೋ ವನಿ॒ಷ್ಠೋರ್ಹೃದ॑ಯಾ॒ದಧಿ॑ . ಯಕ್ಷ್ಮಂ॒ ಮತ॑ಸ್ನಾಭ್ಯಾಂ ಯ॒ಕ್ನಃ ಪ್ಲಾ॒ಶಿಭ್ಯೋ॒ ವಿ ವೃ॑ಹಾಮಿ ತೇ ..
ಊ॒ರುಭ್ಯಾಂ॑ ತೇ ಅಷ್ಠೀ॒ವದ್ಭ್ಯಾಂ॒ ಪಾರ್ಷ್ಣಿ॑ಭ್ಯಾಂ॒ ಪ್ರಪ॑ದಾಭ್ಯಾಂ . ಯಕ್ಷ್ಮಂ॒ ಶ್ರೋಣಿ॑ಭ್ಯಾಂ॒ ಭಾಸ॑ದಾ॒ದ್ಭಂಸ॑ಸೋ॒ ವಿ ವೃ॑ಹಾಮಿ ತೇ ..
ಮೇಹ॑ನಾದ್ವನಂ॒ಕರ॑ಣಾ॒ಲ್ಲೋಮ॑ಭ್ಯಸ್ತೇ ನ॒ಖೇಭ್ಯಃ॑ . ಯಕ್ಷ್ಮಂ॒ ಸರ್ವ॑ಸ್ಮಾದಾ॒ತ್ಮನ॒ಸ್ತಮಿ॒ದಂ ವಿ ವೃ॑ಹಾಮಿ ತೇ ..
ಅಂಗಾ॑ದಂಗಾ॒ಲ್ಲೋಮ್ನೋ॑ಲೋಮ್ನೋ ಜಾ॒ತಂ ಪರ್ವ॑ಣಿಪರ್ವಣಿ . ಯಕ್ಷ್ಮಂ॒ ಸರ್ವ॑ಸ್ಮಾದಾ॒ತ್ಮನ॒ಸ್ತಮಿ॒ದಂ ವಿ ವೃ॑ಹಾಮಿ ತೇ ..
ಆಯಾಹೀತಿ ಚತುರೃಚಸ್ಯ ಸೂಕ್ತಸ್ಯಾಂಗಿರಸಃ ಸಂವರ್ತ ಉಷಾದ್ವಿಪದಾವಿರಾಟ್ .
ಆ ಯಾ॑ಹಿ॒ ವನ॑ಸಾ ಸ॒ಹ ಗಾವಃ॑ ಸಚಂತ ವರ್ತ॒ನಿಂ ಯದೂಧ॑ಭಿಃ ..
ಆ ಯಾ॑ಹಿ॒ ವಸ್ವ್ಯಾ॑ ಧಿ॒ಯಾ ಮಂಹಿ॑ಷ್ಠೋ ಜಾರ॒ಯನ್ಮ॑ಖಃ ಸು॒ದಾನು॑ಭಿಃ ..
ಪಿ॒ತು॒ಭೃತೋ॒ ನ ತಂತು॒ಮಿತ್ಸು॒ದಾನ॑ವಃ॒ ಪ್ರತಿ॑ ದಧ್ಮೋ॒ ಯಜಾ॑ಮಸಿ ..
ಉ॒ಷಾ ಅಪ॒ ಸ್ವಸು॒ಸ್ತಮಃ॒ ಸಂ ವ॑ರ್ತಯತಿ ವರ್ತ॒ನಿಂ ಸು॑ಜಾ॒ತತಾ॑ ..
ಬೃಹಸ್ಪತಿರಿತಿ ತೃಚಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಸ್ತ ಪುರ್ಮೂರ್ಧಾ ಬೃಹಸ್ಪತಿಸ್ತ್ರಿಷ್ಟುಪ್ .
ಬೃಹ॒ಸ್ಪತಿ॑ರ್ನಯತು ದು॒ರ್ಗಹಾ॑ ತಿ॒ರಃ ಪುನ॑ರ್ನೇಷದ॒ಘಶಂ॑ಸಾಯ॒ ಮನ್ಮ॑ . ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ॑ ಕರ॒ದ್ಯಜ॑ಮಾನಾಯ॒ ಶಂ ಯೋಃ ..
ನರಾ॒ಶಂಸೋ॑ ನೋಽವತು ಪ್ರಯಾ॒ಜೇ ಶಂ ನೋ॑ ಅಸ್ತ್ವನುಯಾ॒ಜೋ ಹವೇ॑ಷು . ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ॑ ಕರ॒ದ್ಯಜ॑ಮಾನಾಯ॒ ಶಂ ಯೋಃ ..
ತಪು॑ರ್ಮೂರ್ಧಾ ತಪತು ರ॒ಕ್ಷಸೋ॒ ಯೇ ಬ್ರ॑ಹ್ಮ॒ದ್ವಿಷಃ॒ ಶರ॑ವೇ॒ ಹಂತ॒ವಾ ಉ॑ . ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ॑ ಕರ॒ದ್ಯಜ॑ಮಾನಾಯ॒ ಶಂ ಯೋಃ ..
ಅಭೀವರ್ತೇನೇತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸೋಭೀವರ್ತೋ ರಾಜಾನುಷ್ಟುಪ್ .
ಅ॒ಭೀ॒ವ॒ರ್ತೇನ॑ ಹ॒ವಿಷಾ॒ ಯೇನೇಂದ್ರೋ॑ ಅಭಿವಾವೃ॒ತೇ . ತೇನಾ॒ಸ್ಮಾನ್ಬ್ರ॑ಹ್ಮಣಸ್ಪತೇ॒ಽಭಿ ರಾ॒ಷ್ಟ್ರಾಯ॑ ವರ್ತಯ ..
ಅ॒ಭಿ॒ವೃತ್ಯ॑ ಸ॒ಪತ್ನಾ॑ನ॒ಭಿ ಯಾ ನೋ॒ ಅರಾ॑ತಯಃ . ಅ॒ಭಿ ಪೃ॑ತ॒ನ್ಯಂತಂ॑ ತಿಷ್ಠಾ॒ಭಿ ಯೋ ನ॑ ಇರ॒ಸ್ಯತಿ॑ ..
ಅ॒ಭಿ ತ್ವಾ॑ ದೇ॒ವಃ ಸ॑ವಿ॒ತಾಭಿ ಸೋಮೋ॑ ಅವೀವೃತತ್ . ಅ॒ಭಿ ತ್ವಾ॒ ವಿಶ್ವಾ॑ ಭೂ॒ತಾನ್ಯ॑ಭೀವ॒ರ್ತೋ ಯಥಾಸ॑ಸಿ ..
ಯೇನೇಂದ್ರೋ॑ ಹ॒ವಿಷಾ॑ ಕೃ॒ತ್ವ್ಯಭ॑ವದ್ದ್ಯು॒ಮ್ನ್ಯು॑ತ್ತ॒ಮಃ . ಇ॒ದಂ ತದ॑ಕ್ರಿ ದೇವಾ ಅಸಪ॒ತ್ನಃ ಕಿಲಾ॑ಭುವಂ ..
ಅ॒ಸ॒ಪ॒ತ್ನಃ ಸ॑ಪತ್ನ॒ಹಾಭಿರಾ॑ಷ್ಟ್ರೋ ವಿಷಾಸ॒ಹಿಃ . ಯಥಾ॒ಹಮೇ॑ಷಾಂ ಭೂ॒ತಾನಾಂ॑ ವಿ॒ರಾಜಾ॑ನಿ॒ ಜನ॑ಸ್ಯ ಚ ..
ಪ್ರವಇತಿ ಚತುರೃಚಸ್ಯ ಸೂಕ್ತಸ್ಯೋರ್ಧ್ವಗ್ರಾವಾರ್ಬುದಃ ಸರ್ಪಋಷಿಪುತ್ರೋಗ್ರಾವಾಣೋಗಾಯತ್ರೀ .
ಪ್ರ ವೋ॑ ಗ್ರಾವಾಣಃ ಸವಿ॒ತಾ ದೇ॒ವಃ ಸು॑ವತು॒ ಧರ್ಮ॑ಣಾ . ಧೂ॒ರ್ಷು ಯು॑ಜ್ಯಧ್ವಂ ಸುನು॒ತ ..
ಗ್ರಾವಾ॑ಣೋ॒ ಅಪ॑ ದು॒ಚ್ಛುನಾ॒ಮಪ॑ ಸೇಧತ ದುರ್ಮ॒ತಿಂ . ಉ॒ಸ್ರಾಃ ಕ॑ರ್ತನ ಭೇಷ॒ಜಂ ..
ಗ್ರಾವಾ॑ಣ॒ ಉಪ॑ರೇ॒ಷ್ವಾ ಮ॑ಹೀ॒ಯಂತೇ॑ ಸ॒ಜೋಷ॑ಸಃ . ವೃಷ್ಣೇ॒ ದಧ॑ತೋ॒ ವೃಷ್ಣ್ಯಂ॑ ..
ಗ್ರಾವಾ॑ಣಃ ಸವಿ॒ತಾ ನು ವೋ॑ ದೇ॒ವಃ ಸು॑ವತು॒ ಧರ್ಮ॑ಣಾ . ಯಜ॑ಮಾನಾಯ ಸುನ್ವ॒ತೇ ..
ಯಇಮಾವಿಶ್ವೇತಿ ಸಪ್ತರ್ಚಸ್ಯ ಸೂಕ್ತಸ್ಯ ಭೌವನೋವಿಶ್ವಕರ್ಮಾವಿಶ್ವಕರ್ಮಾತ್ರಿಷ್ಟುಪ್ ದ್ವಿತೀಯಾವಿರಾಡ್ರೂಪಾ .
ಯ ಇ॒ಮಾ ವಿಶ್ವಾ॒ ಭುವ॑ನಾನಿ॒ ಜುಹ್ವ॒ದೃಷಿ॒ರ್ಹೋತಾ॒ ನ್ಯಸೀ॑ದತ್ಪಿ॒ತಾ ನಃ॑ . ಸ ಆ॒ಶಿಷಾ॒ ದ್ರವಿ॑ಣಮಿ॒ಚ್ಛಮಾ॑ನಃ ಪ್ರಥಮ॒ಚ್ಛದವ॑ರಾಁ॒ ಆ ವಿ॑ವೇಶ ..
ಕಿಂ ಸ್ವಿ॑ದಾಸೀದಧಿ॒ಷ್ಠಾನ॑ಮಾ॒ರಂಭ॑ಣಂ ಕತ॒ಮತ್ಸ್ವಿ॑ತ್ಕ॒ಥಾಸೀ॑ತ್ . ಯತೋ॒ ಭೂಮಿಂ॑ ಜ॒ನಯ॑ನ್ವಿ॒ಶ್ವಕ॑ರ್ಮಾ॒ ವಿ ದ್ಯಾಮೌರ್ಣೋ॑ನ್ಮಹಿ॒ನಾ ವಿ॒ಶ್ವಚ॑ಕ್ಷಾಃ ..
ವಿ॒ಶ್ವತ॑ಶ್ಚಕ್ಷುರು॒ತ ವಿ॒ಶ್ವತೋ॑ಮುಖೋ ವಿ॒ಶ್ವತೋ॑ಬಾಹುರು॒ತ ವಿ॒ಶ್ವತ॑ಸ್ಪಾತ್ . ಸಂ ಬಾ॒ಹುಭ್ಯಾಂ॒ ಧಮ॑ತಿ॒ ಸಂ ಪತ॑ತ್ರೈ॒ರ್ದ್ಯಾವಾ॒ಭೂಮೀ॑ ಜ॒ನಯಂ॑ದೇ॒ವ ಏಕಃ॑ ..
ಕಿಂ ಸ್ವಿ॒ದ್ವನಂ॒ ಕ ಉ॒ ಸ ವೃ॒ಕ್ಷ ಆ॑ಸ॒ ಯತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಕ್ಷುಃ . ಮನೀ॑ಷಿಣೋ॒ ಮನ॑ಸಾ ಪೃ॒ಚ್ಛತೇದು॒ ತದ್ಯದ॒ಧ್ಯತಿ॑ಷ್ಠ॒ದ್ಭುವ॑ನಾನಿ ಧಾ॒ರಯ॑ನ್ ..
ಯಾ ತೇ॒ ಧಾಮಾ॑ನಿ ಪರ॒ಮಾಣಿ॒ ಯಾವ॒ಮಾ ಯಾ ಮ॑ಧ್ಯ॒ಮಾ ವಿ॑ಶ್ವಕರ್ಮನ್ನು॒ತೇಮಾ . ಶಿಕ್ಷಾ॒ ಸಖಿ॑ಭ್ಯೋ ಹ॒ವಿಷಿ॑ ಸ್ವಧಾವಃ ಸ್ವ॒ಯಂ ಯ॑ಜಸ್ವ ತ॒ನ್ವಂ॑ ವೃಧಾ॒ನಃ ..
ವಿಶ್ವ॑ಕರ್ಮನ್ಹ॒ವಿಷಾ॑ ವಾವೃಧಾ॒ನಃ ಸ್ವ॒ಯಂ ಯ॑ಜಸ್ವ ಪೃಥಿ॒ವೀಮು॒ತ ದ್ಯಾಂ . ಮುಹ್ಯಂ॑ತ್ವ॒ನ್ಯೇ ಅ॒ಭಿತೋ॒ ಜನಾ॑ಸ ಇ॒ಹಾಸ್ಮಾಕಂ॑ ಮ॒ಘವಾ॑ ಸೂ॒ರಿರ॑ಸ್ತು ..
ವಾ॒ಚಸ್ಪತಿಂ॑ ವಿ॒ಶ್ವಕ॑ರ್ಮಾಣಮೂ॒ತಯೇ॑ ಮನೋ॒ಜುವಂ॒ ವಾಜೇ॑ ಅ॒ದ್ಯಾ ಹು॑ವೇಮ . ಸ ನೋ॒ ವಿಶ್ವಾ॑ನಿ॒ ಹವ॑ನಾನಿ ಜೋಷದ್ವಿ॒ಶ್ವಶಂ॑ಭೂ॒ರವ॑ಸೇ ಸಾ॒ಧುಕ॑ರ್ಮಾ ..
ಚಕ್ಷುಷಇತಿ ಸಪ್ತರ್ಚಸ್ಯ ಸೂಕ್ತಸ್ಯ ಭೌವನೋವಿಶ್ವಕರ್ಮಾವಿಶ್ವಕರ್ಮಾತ್ರಿಷ್ಟುಪ್ .
ಚಕ್ಷು॑ಷಃ ಪಿ॒ತಾ ಮನ॑ಸಾ॒ ಹಿ ಧೀರೋ॑ ಘೃ॒ತಮೇ॑ನೇ ಅಜನ॒ನ್ನನ್ನ॑ಮಾನೇ . ಯ॒ದೇದಂತಾ॒ ಅದ॑ದೃಹಂತ॒ ಪೂರ್ವ॒ ಆದಿದ್ದ್ಯಾವಾ॑ಪೃಥಿ॒ವೀ ಅ॑ಪ್ರಥೇತಾಂ ..
ವಿ॒ಶ್ವಕ॑ರ್ಮಾ॒ ವಿಮ॑ನಾ॒ ಆದ್ವಿಹಾ॑ಯಾ ಧಾ॒ತಾ ವಿ॑ಧಾ॒ತಾ ಪ॑ರ॒ಮೋತ ಸಂ॒ದೃಕ್ . ತೇಷಾ॑ಮಿ॒ಷ್ಟಾನಿ॒ ಸಮಿ॒ಷಾ ಮ॑ದಂತಿ॒ ಯತ್ರಾ॑ ಸಪ್ತಋ॒ಷೀನ್ಪ॒ರ ಏಕ॑ಮಾ॒ಹುಃ ..
ಯೋ ನಃ॑ ಪಿ॒ತಾ ಜ॑ನಿ॒ತಾ ಯೋ ವಿ॑ಧಾ॒ತಾ ಧಾಮಾ॑ನಿ॒ ವೇದ॒ ಭುವ॑ನಾನಿ॒ ವಿಶ್ವಾ॑ . ಯೋ ದೇ॒ವಾನಾಂ॑ ನಾಮ॒ಧಾ ಏಕ॑ ಏ॒ವ ತಂ ಸಂ॑ಪ್ರ॒ಶ್ನಂ ಭುವ॑ನಾ ಯಂತ್ಯ॒ನ್ಯಾ ..
ತ ಆಯ॑ಜಂತ॒ ದ್ರವಿ॑ಣಂ॒ ಸಮ॑ಸ್ಮಾ॒ ಋಷ॑ಯಃ॒ ಪೂರ್ವೇ॑ ಜರಿ॒ತಾರೋ॒ ನ ಭೂ॒ನಾ . ಅ॒ಸೂರ್ತೇ॒ ಸೂರ್ತೇ॒ ರಜ॑ಸಿ ನಿಷ॒ತ್ತೇ ಯೇ ಭೂ॒ತಾನಿ॑ ಸ॒ಮಕೃ॑ಣ್ವನ್ನಿ॒ಮಾನಿ॑ ..
ಪ॒ರೋ ದಿ॒ವಾ ಪ॒ರ ಏ॒ನಾ ಪೃ॑ಥಿ॒ವ್ಯಾ ಪ॒ರೋ ದೇ॒ವೇಭಿ॒ರಸು॑ರೈ॒ರ್ಯದಸ್ತಿ॑ . ಕಂ ಸ್ವಿ॒ದ್ಗರ್ಭಂ॑ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಪ॑ಶ್ಯಂತ॒ ವಿಶ್ವೇ॑ ..
ತಮಿದ್ಗರ್ಭಂ॑ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಗ॑ಚ್ಛಂತ॒ ವಿಶ್ವೇ॑ . ಅ॒ಜಸ್ಯ॒ ನಾಭಾ॒ವಧ್ಯೇಕ॒ಮರ್ಪಿ॑ತಂ॒ ಯಸ್ಮಿ॒ನ್ವಿಶ್ವಾ॑ನಿ॒ ಭುವ॑ನಾನಿ ತ॒ಸ್ಥುಃ ..
ನ ತಂ ವಿ॑ದಾಥ॒ ಯ ಇ॒ಮಾ ಜ॒ಜಾನಾ॒ನ್ಯದ್ಯು॒ಷ್ಮಾಕ॒ಮಂತ॑ರಂ ಬಭೂವ . ನೀ॒ಹಾ॒ರೇಣ॒ ಪ್ರಾವೃ॑ತಾ॒ ಜಲ್ಪ್ಯಾ॑ ಚಾಸು॒ತೃಪ॑ ಉಕ್ಥ॒ಶಾಸ॑ಶ್ಚರಂತಿ ..
ತ್ಯಮೂಷ್ವಿತಿ ತೃಚಸ್ಯ ಸೂಕ್ತಸ್ಯ ತಾರ್ಕ್ಷ್ಯೋರಿಷ್ಟನೇಮಿಸ್ತಾರ್ಕ್ಷ್ಯಸ್ತ್ರಿಷ್ಟುಪ್ .
ತ್ಯಮೂ॒ ಷು ವಾ॒ಜಿನಂ॑ ದೇ॒ವಜೂ॑ತಂ ಸ॒ಹಾವಾ॑ನಂ ತರು॒ತಾರಂ॒ ರಥಾ॑ನಾಂ . ಅರಿ॑ಷ್ಟನೇಮಿಂ ಪೃತ॒ನಾಜ॑ಮಾ॒ಶುಂ ಸ್ವ॒ಸ್ತಯೇ॒ ತಾರ್ಕ್ಷ್ಯ॑ಮಿ॒ಹಾ ಹು॑ವೇಮ ..
ಇಂದ್ರ॑ಸ್ಯೇವ ರಾ॒ತಿಮಾ॒ಜೋಹು॑ವಾನಾಃ ಸ್ವ॒ಸ್ತಯೇ॒ ನಾವ॑ಮಿ॒ವಾ ರು॑ಹೇಮ . ಉರ್ವೀ॒ ನ ಪೃಥ್ವೀ॒ ಬಹು॑ಲೇ॒ ಗಭೀ॑ರೇ॒ ಮಾ ವಾ॒ಮೇತೌ॒ ಮಾ ಪರೇ॑ತೌ ರಿಷಾಮ ..
ಸ॒ದ್ಯಶ್ಚಿ॒ದ್ಯಃ ಶವ॑ಸಾ॒ ಪಂಚ॑ ಕೃ॒ಷ್ಟೀಃ ಸೂರ್ಯ॑ ಇವ॒ ಜ್ಯೋತಿ॑ಷಾ॒ಪಸ್ತ॒ತಾನ॑ . ಸ॒ಹ॒ಸ್ರ॒ಸಾಃ ಶ॑ತ॒ಸಾ ಅ॑ಸ್ಯ॒ ರಂಹಿ॒ರ್ನ ಸ್ಮಾ॑ ವರಂತೇ ಯುವ॒ತಿಂ ನ ಶರ್ಯಾಂ॑ ..
ಗಾ॒ಯ॒ತ್ರೇಣ॒ ಪ್ರತಿ॑ ಮಿಮೀತೇ ಅ॒ರ್ಕಮ॒ರ್ಕೇಣ॒ ಸಾಮ॒ ತ್ರೈಷ್ಟು॑ಭೇನ ವಾ॒ಕಂ . ವಾ॒ಕೇನ॑ ವಾ॒ಕಂ ದ್ವಿ॒ಪದಾ॒ ಚತು॑ಷ್ಪದಾ॒ಕ್ಷರೇ॑ಣ ಮಿಮತೇ ಸ॒ಪ್ತ ವಾಣೀಃ॑ ..
ತಸ್ಯಾಃ॑ ಸಮು॒ದ್ರಾ ಅಧಿ॒ ವಿ ಕ್ಷ॑ರಂತಿ॒ ತೇನ॑ ಜೀವಂತಿ ಪ್ರ॒ದಿಶ॒ಶ್ಚತ॑ಸ್ರಃ . ತತಃ॑ ಕ್ಷರತ್ಯ॒ಕ್ಷರಂ॒ ತದ್ವಿಶ್ವ॒ಮುಪ॑ ಜೀವತಿ ..
ಚ॒ತ್ವಾರಿ॒ ವಾಕ್ಪರಿ॑ಮಿತಾ ಪ॒ದಾನಿ॒ ತಾನಿ॑ ವಿದುರ್ಬ್ರಾಹ್ಮ॒ಣಾ ಯೇ ಮ॑ನೀ॒ಷಿಣಃ॑ . ಗುಹಾ॒ ತ್ರೀಣಿ॒ ನಿಹಿ॑ತಾ॒ ನೇಂಗ॑ಯಂತಿ ತು॒ರೀಯಂ॑ ವಾ॒ಚೋ ಮ॑ನು॒ಷ್ಯಾ॑ ವದಂತಿ ..
ಸ॒ಸ॒ರ್ಪ॒ರೀರ॑ಭರ॒ತ್ತೂಯ॑ಮೇ॒ಭ್ಯೋಽಧಿ॒ ಶ್ರವಃ॒ ಪಾಂಚ॑ಜನ್ಯಾಸು ಕೃ॒ಷ್ಟಿಷು॑ . ಸಾ ಪ॒ಕ್ಷ್ಯಾ॒೩॒॑ ನವ್ಯ॒ಮಾಯು॒ರ್ದಧಾ॑ನಾ॒ ಯಾಂ ಮೇ॑ ಪಲಸ್ತಿಜಮದ॒ಗ್ನಯೋ॑ ದ॒ದುಃ ..
ಯದ್ವಾಗ್ವದಂ॑ತ್ಯವಿಚೇತ॒ನಾನಿ॒ ರಾಷ್ಟ್ರೀ॑ ದೇ॒ವಾನಾಂ॑ ನಿಷ॒ಸಾದ॑ ಮಂ॒ದ್ರಾ . ಚತ॑ಸ್ರ॒ ಊರ್ಜಂ॑ ದುದುಹೇ॒ ಪಯಾಂ॑ಸಿ॒ ಕ್ವ॑ ಸ್ವಿದಸ್ಯಾಃ ಪರ॒ಮಂ ಜ॑ಗಾಮ ..
ದೇ॒ವೀಂ ವಾಚ॑ಮಜನಯಂತ ದೇ॒ವಾಸ್ತಾಂ ವಿ॒ಶ್ವರೂ॑ಪಾಃ ಪ॒ಶವೋ॑ ವದಂತಿ . ಸಾ ನೋ॑ ಮಂ॒ದ್ರೇಷ॒ಮೂರ್ಜಂ॒ ದುಹಾ॑ನಾ ಧೇ॒ನುರ್ವಾಗ॒ಸ್ಮಾನುಪ॒ ಸುಷ್ಟು॒ತೈತು॑ ..
ಸಕ್ತು॑ಮಿವ॒ ತಿತ॑ಉನಾ ಪು॒ನಂತೋ॒ ಯತ್ರ॒ ಧೀರಾ॒ ಮನ॑ಸಾ॒ ವಾಚ॒ಮಕ್ರ॑ತ . ಅತ್ರಾ॒ ಸಖಾ॑ಯಃ ಸ॒ಖ್ಯಾನಿ॑ ಜಾನತೇ ಭ॒ದ್ರೈಷಾಂ॑ ಲ॒ಕ್ಷ್ಮೀರ್ನಿಹಿ॒ತಾಧಿ॑ ವಾ॒ಚಿ ..
ಉದಸಾವಿತಿ ಷಢಚಸ್ಯ ಸೂಕ್ತಸ್ಯ ಪೌಲೋಮೀ ಶಚೀಶಚ್ಯನುಷ್ಟುಪ್ .
ಉದ॒ಸೌ ಸೂರ್ಯೋ॑ ಅಗಾ॒ದುದ॒ಯಂ ಮಾ॑ಮ॒ಕೋ ಭಗಃ॑ . ಅ॒ಹಂ ತದ್ವಿ॑ದ್ವ॒ಲಾ ಪತಿ॑ಮ॒ಭ್ಯ॑ಸಾಕ್ಷಿ ವಿಷಾಸ॒ಹಿಃ ..
ಅ॒ಹಂ ಕೇ॒ತುರ॒ಹಂ ಮೂ॒ರ್ಧಾಹಮು॒ಗ್ರಾ ವಿ॒ವಾಚ॑ನೀ . ಮಮೇದನು॒ ಕ್ರತುಂ॒ ಪತಿಃ॑ ಸೇಹಾ॒ನಾಯಾ॑ ಉ॒ಪಾಚ॑ರೇತ್ ..
ಮಮ॑ ಪು॒ತ್ರಾಃ ಶ॑ತ್ರು॒ಹಣೋಽಥೋ॑ ಮೇ ದುಹಿ॒ತಾ ವಿ॒ರಾಟ್ . ಉ॒ತಾಹಮ॑ಸ್ಮಿ ಸಂಜ॒ಯಾ ಪತ್ಯೌ॑ ಮೇ॒ ಶ್ಲೋಕ॑ ಉತ್ತ॒ಮಃ ..
ಯೇನೇಂದ್ರೋ॑ ಹ॒ವಿಷಾ॑ ಕೃ॒ತ್ವ್ಯಭ॑ವದ್ದ್ಯು॒ಮ್ನ್ಯು॑ತ್ತ॒ಮಃ . ಇ॒ದಂ ತದ॑ಕ್ರಿ ದೇವಾ ಅಸಪ॒ತ್ನಾ ಕಿಲಾ॑ಭುವಂ ..
ಅ॒ಸ॒ಪ॒ತ್ನಾ ಸ॑ಪತ್ನ॒ಘ್ನೀ ಜಯಂ॑ತ್ಯಭಿ॒ಭೂವ॑ರೀ . ಆವೃ॑ಕ್ಷಮ॒ನ್ಯಾಸಾಂ॒ ವರ್ಚೋ॒ ರಾಧೋ॒ ಅಸ್ಥೇ॑ಯಸಾಮಿವ ..
ಸಮ॑ಜೈಷಮಿ॒ಮಾ ಅ॒ಹಂ ಸ॒ಪತ್ನೀ॑ರಭಿ॒ಭೂವ॑ರೀ . ಯಥಾ॒ಹಮ॒ಸ್ಯ ವೀ॒ರಸ್ಯ॑ ವಿ॒ರಾಜಾ॑ನಿ॒ ಜನ॑ಸ್ಯ ಚ ..
ಕೇಶೀತಿ ಸಪ್ತರ್ಚಸ್ಯ ಸೂಕ್ತಸ್ಯ ವಾತರಶನಾ ಜೂತಿರ್ವಾತಜೂತಿರ್ವಿಪ್ರ ಜೂತಿರ್ವೃಷಾಣಕಃ ಕರಿಕ್ರತ ಏತಶಋಷ್ಯಶೃಂಗ ಇತಿ ಕ್ರಮೇಣೈಕರ್ಚಾಋಷಯಃ . ಕೇಶ್ಯಗ್ನಿಸೂರ್ಯವಾಯವೋದೇವತಾಅನುಷ್ಟುಪ್ .
ಕೇ॒ಶ್ಯ೧॒॑ಗ್ನಿಂ ಕೇ॒ಶೀ ವಿ॒ಷಂ ಕೇ॒ಶೀ ಬಿ॑ಭರ್ತಿ॒ ರೋದ॑ಸೀ . ಕೇ॒ಶೀ ವಿಶ್ವಂ॒ ಸ್ವ॑ರ್ದೃ॒ಶೇ ಕೇ॒ಶೀದಂ ಜ್ಯೋತಿ॑ರುಚ್ಯತೇ ..
ಮುನ॑ಯೋ॒ ವಾತ॑ರಶನಾಃ ಪಿ॒ಶಂಗಾ॑ ವಸತೇ॒ ಮಲಾ॑ . ವಾತ॒ಸ್ಯಾನು॒ ಧ್ರಾಜಿಂ॑ ಯಂತಿ॒ ಯದ್ದೇ॒ವಾಸೋ॒ ಅವಿ॑ಕ್ಷತ ..
ಉನ್ಮ॑ದಿತಾ॒ ಮೌನೇ॑ಯೇನ॒ ವಾತಾಁ॒ ಆ ತ॑ಸ್ಥಿಮಾ ವ॒ಯಂ . ಶರೀ॒ರೇದ॒ಸ್ಮಾಕಂ॑ ಯೂ॒ಯಂ ಮರ್ತಾ॑ಸೋ ಅ॒ಭಿ ಪ॑ಶ್ಯಥ ..
ಅಂ॒ತರಿ॑ಕ್ಷೇಣ ಪತತಿ॒ ವಿಶ್ವಾ॑ ರೂ॒ಪಾವ॒ಚಾಕ॑ಶತ್ . ಮುನಿ॑ರ್ದೇ॒ವಸ್ಯ॑ದೇವಸ್ಯ॒ ಸೌಕೃ॑ತ್ಯಾಯ॒ ಸಖಾ॑ ಹಿ॒ತಃ ..
ವಾತ॒ಸ್ಯಾಶ್ವೋ॑ ವಾ॒ಯೋಃ ಸಖಾಥೋ॑ ದೇ॒ವೇಷಿ॑ತೋ॒ ಮುನಿಃ॑ . ಉ॒ಭೌ ಸ॑ಮು॒ದ್ರಾವಾ ಕ್ಷೇ॑ತಿ॒ ಯಶ್ಚ॒ ಪೂರ್ವ॑ ಉ॒ತಾಪ॑ರಃ ..
ಅ॒ಪ್ಸ॒ರಸಾಂ॑ ಗಂಧ॒ರ್ವಾಣಾಂ॑ ಮೃ॒ಗಾಣಾಂ॒ ಚರ॑ಣೇ॒ ಚರ॑ನ್ . ಕೇ॒ಶೀ ಕೇತ॑ಸ್ಯ ವಿ॒ದ್ವಾಂತ್ಸಖಾ॑ ಸ್ವಾ॒ದುರ್ಮ॒ದಿಂತ॑ಮಃ ..
ವಾ॒ಯುರ॑ಸ್ಮಾ॒ ಉಪಾ॑ಮಂಥತ್ಪಿ॒ನಷ್ಟಿ॑ ಸ್ಮಾ ಕುನನ್ನ॒ಮಾ . ಕೇ॒ಶೀ ವಿ॒ಷಸ್ಯ॒ ಪಾತ್ರೇ॑ಣ॒ ಯದ್ರು॒ದ್ರೇಣಾಪಿ॑ಬತ್ಸ॒ಹ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೭, ೫೫ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೫, ಅಧ್ಯಾಯ ೪, ೨೨ ವರ್ಗಾನಂತರಂ]
ಸ್ವ॒ಪ್ನ ಸ್ವ॒ಪ್ನಾಧಿ॒ಕರ॑ಣೇ॒- ಸರ್ವ॒.ನ್ನಿಷ್ವಾ॑ಪಯಾ॒ ಜನಂ॑. ಆ ಸೂರ್ಯ॑ ಮ॒ನ್ಯಾ.ನ್ತ್ಸ್ವಾ॒ಪಯಾ॒- ವ್ಯು॑೧(ಉ॒)ಷ.ಞ್ಜಾ॑ಗ್ರಿಯಾ. ಮ॒ಹಂ..
ಅಜ॑ಗರೋ ನಾಮ ಸ॒ರ್ಪ.-ಸ್ಸ॒ರ್ಪಿ. ರ॑ವಿಷೋ ಮ॒ಹಾನ್. ತಸ್ಮಿ॒.ನ್ಹಿ ಸರ್ಪ॒. ಸ್ಸುಧಿ॑ತ॒.-ಸ್ತೇನ॑ ತ್ವಾ ಸ್ವಾಪಯಾಮಸಿ..
ಸರ್ಪ॒. ಸ್ಸರ್ಪೋ॑ ಅ॒ಜಗ॑ರ.-ಸ್ಸ॒ರ್ಪಿ. ರ॑ವಿಷೋ ಮ॒ಹಾನ್. ತಸ್ಯ॒ ಸರ್ಪಾ॑.ತ್ಸಿಂಧವ॒.-ಸ್ತಸ್ಯ॑ ಗಾ॒ಧ. ಮ॑ಶೀಮಹಿ..
ಕಾ॒ಳಿ॒ಕೋ ನಾ॑ಮ ಸ॒ರ್ಪೋ॒- ನ॒ವನಾ॑ಗ. ಸ॒ಹಸ್ರ॑ಬಲಃ. ಯ॒ಮು॒ನ॒ಹ್ರ॒ದೇ ಹ॑ ಸೋ ಜಾ॒ತೋ॒೩(ಓ॒)- ಯೋ ನಾ॑ರಾಯಣ॒ವಾಹ॑ನಃ..
ಯದಿ॑ ಕಾ॒ಳಿಕ॑ದೂತ॒ಸ್ಯ॒- ಯ॒ದಿ ಕಾ॑: ಕಾಳಿ॒ಕಾ.ದ್ಭ॑ಯಾತ್. ಜನ್ಮ॑ಭೂ॒ಮಿ. ಮ॑ತಿಕ್ರಾಂ॒ತೋ॒- ನಿ॒ರ್ವಿಷೋ॑ ಯಾತಿ॒ ಕಾಳಿ॑ಕಃ..
ಆ ಯಾ॑ಹೀಂದ್ರ ಪ॒ಥಿಭಿ॑. ರೀಳಿ॒ತೇಭಿ॑.-ರ್ಯ॒ಜ್ಞ ಮಿ॒ಮ.ನ್ನೋ॑ ಭಾಗ॒ಧೇಯ॑.ಞ್ಜುಷಸ್ವ. ತೃ॒ಪ್ತಾ.ಞ್ಜ॑ಹು॒. ರ್ಮಾತು॑ಲಸ್ಯೇವ॒ ಯೋಷಾ॑- ಭಾ॒ಗ.ಸ್ತೇ ಪೈತೃ॑ಷ್ವ॒ಸೇಯೀ॑ ವ॒ಪಾಮಿ॑ವ..
ಯ॒ಶಸ್ಕ॑ರಂ॒ ಬಲ॑ವಂತಂ ಪ್ರ॒ಭುತ್ವ॑.-ನ್ತಮೇ॒ವ ರಾ॑ಜಾಽಧಿ॒ಪತಿ॑. ರ್ಬಭೂವ. ಸಂ॒ಕೀ॒ರ್ಣನಾ॑ಗಾಽಶ್ವ॒ಪತಿ॑. ರ್ನರಾ॒ಣಾಂ- ಸು॑ಮಂ॒ಗಲ್ಯಂ॑ ಸತತ. ನ್ದೀ॒ರ್ಘ.ಮಾಯುಃ॑..
ಕ॒ರ್ಕೋ॒ಟ॒ಕೋ ನಾ॑ಮ ಸ॒ರ್ಪೋ- ಯೋ॒ ದೃಷ್ಟೀ॑ವಿಷ॒ ಉಚ್ಯ॑ತೇ. ತಸ್ಯ॑ ಸ॒ರ್ಪಸ್ಯ॑ ಸರ್ಪ॒ತ್ವ॒.-ನ್ತ॒ಸ್ಮೈ ಸ॑ರ್ಪ ನ॒ಮೋಽಸ್ತು॑ತೇ..
ಯೇ॒೩(ಅ)ಽದೋ ರೋ॑ಚ॒ನೇ ದಿ॒ವೋ- ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑. ಯೇಷಾ॑. ಮ॒ಪ್ಸು ಸದ॑.ಸ್ಕೃ॒ತ.-ನ್ತೇಭ್ಯ॑. ಸ್ಸ॒ರ್ಪೇಭ್ಯೋ॒ ನಮಃ॑..
ಯಾ ಇಷ॑ವೋ ಯಾತು॒ಧಾನಾ॑ನಾಁ॒- ಯೇ ವಾ॒ ವನ॒ಸ್ಪತೀ॒. ನನು॑. ಯೇ ವಾ॑ऽವ॒ಟೇಷು॒ ಶೇರ॑ತೇ॒- ತೇಭ್ಯ॑. ಸ್ಸ॒ರ್ಪೇಭ್ಯೋ॒ ನಮಃ॑..
ನಮೋ॑ ಅಸ್ತು ಸ॒ರ್ಪೇಭ್ಯೋ॒- ಯೇ ಕೇ ಚ॑ ಪೃಥಿ॒ವೀ. ಮನು॑. ಯೇ ಅಂ॒ತರಿ॑ಕ್ಷೇ॒ ಯೇ ದಿ॒ವಿ- ತೇಭ್ಯ॑. ಸ್ಸ॒ರ್ಪೇಭ್ಯೋ॒ ನಮಃ॑..
ಉ॒ಗ್ರಾ॒ಽಽಯು॒ಧಾಃ ಪ್ರಮ॑ತಿನಃ ಪ್ರವೀ॒ರಾ ಮಾ॑ಯಾ॒ವಿನೋ॑ ಬ॒ಲಿನಾ॒.ಮಿಚ್ಛ॑ಮಾನಾಃ. ಯೇ ದೇ॒ವಾ. ನಸು॑ರಾಃ ಪ॒ರಾಽಭ॑ವ॒.- ನ್ತಾಁಸ್ತ್ವಂ ವಜ್ರೇ॑ಣ ಮಘವ॒ ನ್ನಿವಾ॑ರಯ..
ವಿಶ್ವಜಿತ ಇತಿ ಷಡೃಚಸ್ಯ ಸೂಕ್ತಸ್ಯಶೌನಕೋಗೃತ್ಸಮದಇಂದ್ರೋಜಗತ್ಯಂತ್ಯಾತ್ರಿಷ್ಟುಪ್ .
ವಿ॒ಶ್ವ॒ಜಿತೇ॑ ಧನ॒ಜಿತೇ॑ ಸ್ವ॒ರ್ಜಿತೇ॑ ಸತ್ರಾ॒ಜಿತೇ॑ ನೃ॒ಜಿತ॑ ಉರ್ವರಾ॒ಜಿತೇ॑ . ಅ॒ಶ್ವ॒ಜಿತೇ॑ ಗೋ॒ಜಿತೇ॑ ಅ॒ಬ್ಜಿತೇ॑ ಭ॒ರೇಂದ್ರಾ॑ಯ॒ ಸೋಮಂ॑ ಯಜ॒ತಾಯ॑ ಹರ್ಯ॒ತಂ ..
ಅ॒ಭಿ॒ಭುವೇ॑ಽಭಿಭಂ॒ಗಾಯ॑ ವನ್ವ॒ತೇಽಷಾ॑ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ॑ . ತು॒ವಿ॒ಗ್ರಯೇ॒ ವಹ್ನ॑ಯೇ ದು॒ಷ್ಟರೀ॑ತವೇ ಸತ್ರಾ॒ಸಾಹೇ॒ ನಮ॒ ಇಂದ್ರಾ॑ಯ ವೋಚತ ..
ಸ॒ತ್ರಾ॒ಸಾ॒ಹೋ ಜ॑ನಭ॒ಕ್ಷೋ ಜ॑ನಂಸ॒ಹಶ್ಚ್ಯವ॑ನೋ ಯು॒ಧ್ಮೋ ಅನು॒ ಜೋಷ॑ಮುಕ್ಷಿ॒ತಃ . ವೃ॒ತಂ॒ಚ॒ಯಃ ಸಹು॑ರಿರ್ವಿ॒ಕ್ಷ್ವಾ॑ರಿ॒ತ ಇಂದ್ರ॑ಸ್ಯ ವೋಚಂ॒ ಪ್ರ ಕೃ॒ತಾನಿ॑ ವೀ॒ರ್ಯಾ॑ ..
ಅ॒ನಾ॒ನು॒ದೋ ವೃ॑ಷ॒ಭೋ ದೋಧ॑ತೋ ವ॒ಧೋ ಗಂ॑ಭೀ॒ರ ಋ॒ಷ್ವೋ ಅಸ॑ಮಷ್ಟಕಾವ್ಯಃ . ರ॒ಧ್ರ॒ಚೋ॒ದಃ ಶ್ನಥ॑ನೋ ವೀಳಿ॒ತಸ್ಪೃ॒ಥುರಿಂದ್ರಃ॑ ಸುಯ॒ಜ್ಞ ಉ॒ಷಸಃ॒ ಸ್ವ॑ರ್ಜನತ್ ..
ಯ॒ಜ್ಞೇನ॑ ಗಾ॒ತುಮ॒ಪ್ತುರೋ॑ ವಿವಿದ್ರಿರೇ॒ ಧಿಯೋ॑ ಹಿನ್ವಾ॒ನಾ ಉ॒ಶಿಜೋ॑ ಮನೀ॒ಷಿಣಃ॑ . ಅ॒ಭಿ॒ಸ್ವರಾ॑ ನಿ॒ಷದಾ॒ ಗಾ ಅ॑ವ॒ಸ್ಯವ॒ ಇಂದ್ರೇ॑ ಹಿನ್ವಾ॒ನಾ ದ್ರವಿ॑ಣಾನ್ಯಾಶತ ..
ಇಂದ್ರ॒ ಶ್ರೇಷ್ಠಾ॑ನಿ॒ ದ್ರವಿ॑ಣಾನಿ ಧೇಹಿ॒ ಚಿತ್ತಿಂ॒ ದಕ್ಷ॑ಸ್ಯ ಸುಭಗ॒ತ್ವಮ॒ಸ್ಮೇ . ಪೋಷಂ॑ ರಯೀ॒ಣಾಮರಿ॑ಷ್ಟಿಂ ತ॒ನೂನಾಂ॑ ಸ್ವಾ॒ದ್ಮಾನಂ॑ ವಾ॒ಚಃ ಸು॑ದಿನ॒ತ್ವಮಹ್ನಾಂ॑ ..
ಶಾಸಇತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರದ್ವಾಜಃ ಶಾಸಇಂದ್ರೋನುಷ್ಟುಪ್ .
ಶಾ॒ಸ ಇ॒ತ್ಥಾ ಮ॒ಹಾಁ ಅ॑ಸ್ಯಮಿತ್ರಖಾ॒ದೋ ಅದ್ಭು॑ತಃ . ನ ಯಸ್ಯ॑ ಹ॒ನ್ಯತೇ॒ ಸಖಾ॒ ನ ಜೀಯ॑ತೇ॒ ಕದಾ॑ ಚ॒ನ ..
ಸ್ವ॒ಸ್ತಿ॒ದಾ ವಿ॒ಶಸ್ಪತಿ॑ರ್ವೃತ್ರ॒ಹಾ ವಿ॑ಮೃ॒ಧೋ ವ॒ಶೀ . ವೃಷೇಂದ್ರಃ॑ ಪು॒ರ ಏ॑ತು ನಃ ಸೋಮ॒ಪಾ ಅ॑ಭಯಂಕ॒ರಃ ..
ವಿ ರಕ್ಷೋ॒ ವಿ ಮೃಧೋ॑ ಜಹಿ॒ ವಿ ವೃ॒ತ್ರಸ್ಯ॒ ಹನೂ॑ ರುಜ . ವಿ ಮ॒ನ್ಯುಮಿಂ॑ದ್ರ ವೃತ್ರಹನ್ನ॒ಮಿತ್ರ॑ಸ್ಯಾಭಿ॒ದಾಸ॑ತಃ ..
ವಿ ನ॑ ಇಂದ್ರ॒ ಮೃಧೋ॑ ಜಹಿ ನೀ॒ಚಾ ಯ॑ಚ್ಛ ಪೃತನ್ಯ॒ತಃ . ಯೋ ಅ॒ಸ್ಮಾಁ ಅ॑ಭಿ॒ದಾಸ॒ತ್ಯಧ॑ರಂ ಗಮಯಾ॒ ತಮಃ॑ ..
ಅಪೇಂ॑ದ್ರ ದ್ವಿಷ॒ತೋ ಮನೋಽಪ॒ ಜಿಜ್ಯಾ॑ಸತೋ ವ॒ಧಂ . ವಿ ಮ॒ನ್ಯೋಃ ಶರ್ಮ॑ ಯಚ್ಛ॒ ವರೀ॑ಯೋ ಯವಯಾ ವ॒ಧಂ ..
ಅಗ್ನೇನಯೇತ್ಯಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯೋಗ್ನಿಸ್ತ್ರಿಷ್ಟುಪ್ .
ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ . ಯು॒ಯೋ॒ಧ್ಯ೧॒॑ಸ್ಮಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾಂ ತೇ॒ ನಮ॑ಉಕ್ತಿಂ ವಿಧೇಮ ..
ಅಗ್ನೇ॒ ತ್ವಂ ಪಾ॑ರಯಾ॒ ನವ್ಯೋ॑ ಅ॒ಸ್ಮಾಂತ್ಸ್ವ॒ಸ್ತಿಭಿ॒ರತಿ॑ ದು॒ರ್ಗಾಣಿ॒ ವಿಶ್ವಾ॑ . ಪೂಶ್ಚ॑ ಪೃ॒ಥ್ವೀ ಬ॑ಹು॒ಲಾ ನ॑ ಉ॒ರ್ವೀ ಭವಾ॑ ತೋ॒ಕಾಯ॒ ತನ॑ಯಾಯ॒ ಶಂ ಯೋಃ ..
ಅಗ್ನೇ॒ ತ್ವಮ॒ಸ್ಮದ್ಯು॑ಯೋ॒ಧ್ಯಮೀ॑ವಾ॒ ಅನ॑ಗ್ನಿತ್ರಾ ಅ॒ಭ್ಯಮಂ॑ತ ಕೃ॒ಷ್ಟೀಃ . ಪುನ॑ರ॒ಸ್ಮಭ್ಯಂ॑ ಸುವಿ॒ತಾಯ॑ ದೇವ॒ ಕ್ಷಾಂ ವಿಶ್ವೇ॑ಭಿರ॒ಮೃತೇ॑ಭಿರ್ಯಜತ್ರ ..
ಪಾ॒ಹಿ ನೋ॑ ಅಗ್ನೇ ಪಾ॒ಯುಭಿ॒ರಜ॑ಸ್ರೈರು॒ತ ಪ್ರಿ॒ಯೇ ಸದ॑ನ॒ ಆ ಶು॑ಶು॒ಕ್ವಾನ್ . ಮಾ ತೇ॑ ಭ॒ಯಂ ಜ॑ರಿ॒ತಾರಂ॑ ಯವಿಷ್ಠ ನೂ॒ನಂ ವಿ॑ದ॒ನ್ಮಾಪ॒ರಂ ಸ॑ಹಸ್ವಃ ..
ಮಾ ನೋ॑ ಅ॒ಗ್ನೇಽವ॑ ಸೃಜೋ ಅ॒ಘಾಯಾ॑ವಿ॒ಷ್ಯವೇ॑ ರಿ॒ಪವೇ॑ ದು॒ಚ್ಛುನಾ॑ಯೈ . ಮಾ ದ॒ತ್ವತೇ॒ ದಶ॑ತೇ॒ ಮಾದತೇ॑ ನೋ॒ ಮಾ ರೀಷ॑ತೇ ಸಹಸಾವ॒ನ್ಪರಾ॑ ದಾಃ ..
ವಿ ಘ॒ ತ್ವಾವಾಁ॑ ಋತಜಾತ ಯಂಸದ್ಗೃಣಾ॒ನೋ ಅ॑ಗ್ನೇ ತ॒ನ್ವೇ॒೩॒॑ ವರೂ॑ಥಂ . ವಿಶ್ವಾ॑ದ್ರಿರಿ॒ಕ್ಷೋರು॒ತ ವಾ॑ ನಿನಿ॒ತ್ಸೋರ॑ಭಿ॒ಹ್ರುತಾ॒ಮಸಿ॒ ಹಿ ದೇ॑ವ ವಿ॒ಷ್ಪಟ್ ..
ತ್ವಂ ತಾಁ ಅ॑ಗ್ನ ಉ॒ಭಯಾ॒ನ್ವಿ ವಿ॒ದ್ವಾನ್ವೇಷಿ॑ ಪ್ರಪಿ॒ತ್ವೇ ಮನು॑ಷೋ ಯಜತ್ರ . ಅ॒ಭಿ॒ಪಿ॒ತ್ವೇ ಮನ॑ವೇ॒ ಶಾಸ್ಯೋ॑ ಭೂರ್ಮರ್ಮೃ॒ಜೇನ್ಯ॑ ಉ॒ಶಿಗ್ಭಿ॒ರ್ನಾಕ್ರಃ ..
ಅವೋ॑ಚಾಮ ನಿ॒ವಚ॑ನಾನ್ಯಸ್ಮಿ॒ನ್ಮಾನ॑ಸ್ಯ ಸೂ॒ನುಃ ಸ॑ಹಸಾ॒ನೇ ಅ॒ಗ್ನೌ . ವ॒ಯಂ ಸ॒ಹಸ್ರ॒ಮೃಷಿ॑ಭಿಃ ಸನೇಮ ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ..
ಅಗ್ನೇತ್ವಂನಇತಿ ಚತುರೃಚಸ್ಯ ಸೂಕ್ತಸ್ಯ ಗೌಪಾಯನಾ ಲೌಪಾಯನಾವಾಬಂಧುಃ ಸುಬಂಧುಃ ಶ್ರುತಬಂಧುರ್ವಿಪ್ರಬಂಧುಶ್ಚಕ್ರಮೇಣರ್ಷಯೋಽಗ್ನಿರ್ದ್ವಿಪದಾ ವಿರಾಟ್ .
ಅಗ್ನೇ॒ ತ್ವಂ ನೋ॒ ಅಂತ॑ಮ ಉ॒ತ ತ್ರಾ॒ತಾ ಶಿ॒ವೋ ಭ॑ವಾ ವರೂ॒ಥ್ಯಃ॑ ..
ವಸು॑ರ॒ಗ್ನಿರ್ವಸು॑ಶ್ರವಾ॒ ಅಚ್ಛಾ॑ ನಕ್ಷಿ ದ್ಯು॒ಮತ್ತ॑ಮಂ ರ॒ಯಿಂ ದಾಃ॑ ..
ಸ ನೋ॑ ಬೋಧಿ ಶ್ರು॒ಧೀ ಹವ॑ಮುರು॒ಷ್ಯಾ ಣೋ॑ ಅಘಾಯ॒ತಃ ಸ॑ಮಸ್ಮಾತ್ ..
ತಂ ತ್ವಾ॑ ಶೋಚಿಷ್ಠ ದೀದಿವಃ ಸು॒ಮ್ನಾಯ॑ ನೂ॒ನಮೀ॑ಮಹೇ॒ ಸಖಿ॑ಭ್ಯಃ ..
ವ॒ಧೇನ॒ ದಸ್ಯುಂ॒ ಪ್ರ ಹಿ ಚಾ॒ತಯ॑ಸ್ವ॒ ವಯಃ॑ ಕೃಣ್ವಾ॒ನಸ್ತ॒ನ್ವೇ॒೩॒॑ ಸ್ವಾಯೈ॑ . ಪಿಪ॑ರ್ಷಿ॒ ಯತ್ಸ॑ಹಸಸ್ಪುತ್ರ ದೇ॒ವಾಂತ್ಸೋ ಅ॑ಗ್ನೇ ಪಾಹಿ ನೃತಮ॒ ವಾಜೇ॑ ಅ॒ಸ್ಮಾನ್ ..
ವ॒ಯಂ ತೇ॑ ಅಗ್ನ ಉ॒ಕ್ಥೈರ್ವಿ॑ಧೇಮ ವ॒ಯಂ ಹ॒ವ್ಯೈಃ ಪಾ॑ವಕ ಭದ್ರಶೋಚೇ . ಅ॒ಸ್ಮೇ ರ॒ಯಿಂ ವಿ॒ಶ್ವವಾ॑ರಂ॒ ಸಮಿ॑ನ್ವಾ॒ಸ್ಮೇ ವಿಶ್ವಾ॑ನಿ॒ ದ್ರವಿ॑ಣಾನಿ ಧೇಹಿ ..
ಅ॒ಸ್ಮಾಕ॑ಮಗ್ನೇ ಅಧ್ವ॒ರಂ ಜು॑ಷಸ್ವ॒ ಸಹ॑ಸಃ ಸೂನೋ ತ್ರಿಷಧಸ್ಥ ಹ॒ವ್ಯಂ . ವ॒ಯಂ ದೇ॒ವೇಷು॑ ಸು॒ಕೃತಃ॑ ಸ್ಯಾಮ॒ ಶರ್ಮ॑ಣಾ ನಸ್ತ್ರಿ॒ವರೂ॑ಥೇನ ಪಾಹಿ ..
ವಿಶ್ವಾ॑ನಿ ನೋ ದು॒ರ್ಗಹಾ॑ ಜಾತವೇದಃ॒ ಸಿಂಧುಂ॒ ನ ನಾ॒ವಾ ದು॑ರಿ॒ತಾತಿ॑ ಪರ್ಷಿ . ಅಗ್ನೇ॑ ಅತ್ರಿ॒ವನ್ನಮ॑ಸಾ ಗೃಣಾ॒ನೋ॒೩॒॑ಽಸ್ಮಾಕಂ॑ ಬೋಧ್ಯವಿ॒ತಾ ತ॒ನೂನಾಂ॑ ..
ಯಸ್ತ್ವಾ॑ ಹೃ॒ದಾ ಕೀ॒ರಿಣಾ॒ ಮನ್ಯ॑ಮಾ॒ನೋಽಮ॑ರ್ತ್ಯಂ॒ ಮರ್ತ್ಯೋ॒ ಜೋಹ॑ವೀಮಿ . ಜಾತ॑ವೇದೋ॒ ಯಶೋ॑ ಅ॒ಸ್ಮಾಸು॑ ಧೇಹಿ ಪ್ರ॒ಜಾಭಿ॑ರಗ್ನೇ ಅಮೃತ॒ತ್ವಮ॑ಶ್ಯಾಂ ..
ಯಸ್ಮೈ॒ ತ್ವಂ ಸು॒ಕೃತೇ॑ ಜಾತವೇದ ಉ ಲೋ॒ಕಮ॑ಗ್ನೇ ಕೃ॒ಣವಃ॑ ಸ್ಯೋ॒ನಂ . ಅ॒ಶ್ವಿನಂ॒ ಸ ಪು॒ತ್ರಿಣಂ॑ ವೀ॒ರವಂ॑ತಂ॒ ಗೋಮಂ॑ತಂ ರ॒ಯಿಂ ನ॑ಶತೇ ಸ್ವ॒ಸ್ತಿ ..
ಅಸ್ತೀದಮಿತಿ ಷೋಳಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರೋಗ್ನಿಸ್ತ್ರಿಷ್ಟುಪ್ ( ಪಂಚಮ್ಯಾಋತ್ವಿಜೋವಾ) ಆದ್ಯ ಚತುರ್ಥೀದಶಮೀದ್ವಾದಶ್ಯೋನುಷ್ಟುಭಃ ಷಷ್ಠ್ಯೇಕಾದಶೀ ಪಂಚದಶ್ಯೋಜಗತ್ಯಃ .
ಅಸ್ತೀ॒ದಮ॑ಧಿ॒ಮಂಥ॑ನ॒ಮಸ್ತಿ॑ ಪ್ರ॒ಜನ॑ನಂ ಕೃ॒ತಂ . ಏ॒ತಾಂ ವಿ॒ಶ್ಪತ್ನೀ॒ಮಾ ಭ॑ರಾ॒ಗ್ನಿಂ ಮಂ॑ಥಾಮ ಪೂ॒ರ್ವಥಾ॑ ..
ಅ॒ರಣ್ಯೋ॒ರ್ನಿಹಿ॑ತೋ ಜಾ॒ತವೇ॑ದಾ॒ ಗರ್ಭ॑ ಇವ॒ ಸುಧಿ॑ತೋ ಗ॒ರ್ಭಿಣೀ॑ಷು . ದಿ॒ವೇದಿ॑ವ॒ ಈಡ್ಯೋ॑ ಜಾಗೃ॒ವದ್ಭಿ॑ರ್ಹ॒ವಿಷ್ಮ॑ದ್ಭಿರ್ಮನು॒ಷ್ಯೇ॑ಭಿರ॒ಗ್ನಿಃ ..
ಉ॒ತ್ತಾ॒ನಾಯಾ॒ಮವ॑ ಭರಾ ಚಿಕಿ॒ತ್ವಾಂತ್ಸ॒ದ್ಯಃ ಪ್ರವೀ॑ತಾ॒ ವೃಷ॑ಣಂ ಜಜಾನ . ಅ॒ರು॒ಷಸ್ತೂ॑ಪೋ॒ ರುಶ॑ದಸ್ಯ॒ ಪಾಜ॒ ಇಳಾ॑ಯಾಸ್ಪು॒ತ್ರೋ ವ॒ಯುನೇ॑ಽಜನಿಷ್ಟ ..
ಇಳಾ॑ಯಾಸ್ತ್ವಾ ಪ॒ದೇ ವ॒ಯಂ ನಾಭಾ॑ ಪೃಥಿ॒ವ್ಯಾ ಅಧಿ॑ . ಜಾತ॑ವೇದೋ॒ ನಿ ಧೀ॑ಮ॒ಹ್ಯಗ್ನೇ॑ ಹ॒ವ್ಯಾಯ॒ ವೋಳ್ಹ॑ವೇ ..
ಮಂಥ॑ತಾ ನರಃ ಕ॒ವಿಮದ್ವ॑ಯಂತಂ॒ ಪ್ರಚೇ॑ತಸಮ॒ಮೃತಂ॑ ಸು॒ಪ್ರತೀ॑ಕಂ . ಯ॒ಜ್ಞಸ್ಯ॑ ಕೇ॒ತುಂ ಪ್ರ॑ಥ॒ಮಂ ಪು॒ರಸ್ತಾ॑ದ॒ಗ್ನಿಂ ನ॑ರೋ ಜನಯತಾ ಸು॒ಶೇವಂ॑ ..
ಯದೀ॒ ಮಂಥಂ॑ತಿ ಬಾ॒ಹುಭಿ॒ರ್ವಿ ರೋ॑ಚ॒ತೇಽಶ್ವೋ॒ ನ ವಾ॒ಜ್ಯ॑ರು॒ಷೋ ವನೇ॒ಷ್ವಾ . ಚಿ॒ತ್ರೋ ನ ಯಾಮ॑ನ್ನ॒ಶ್ವಿನೋ॒ರನಿ॑ವೃತಃ॒ ಪರಿ॑ ವೃಣ॒ಕ್ತ್ಯಶ್ಮ॑ನ॒ಸ್ತೃಣಾ॒ ದಹ॑ನ್ ..
ಜಾ॒ತೋ ಅ॒ಗ್ನೀ ರೋ॑ಚತೇ॒ ಚೇಕಿ॑ತಾನೋ ವಾ॒ಜೀ ವಿಪ್ರಃ॑ ಕವಿಶ॒ಸ್ತಃ ಸು॒ದಾನುಃ॑ . ಯಂ ದೇ॒ವಾಸ॒ ಈಡ್ಯಂ॑ ವಿಶ್ವ॒ವಿದಂ॑ ಹವ್ಯ॒ವಾಹ॒ಮದ॑ಧುರಧ್ವ॒ರೇಷು॑ ..
ಸೀದ॑ ಹೋತಃ॒ ಸ್ವ ಉ॑ ಲೋ॒ಕೇ ಚಿ॑ಕಿ॒ತ್ವಾಂತ್ಸಾ॒ದಯಾ॑ ಯ॒ಜ್ಞಂ ಸು॑ಕೃ॒ತಸ್ಯ॒ ಯೋನೌ॑ . ದೇ॒ವಾ॒ವೀರ್ದೇ॒ವಾನ್ಹ॒ವಿಷಾ॑ ಯಜಾ॒ಸ್ಯಗ್ನೇ॑ ಬೃ॒ಹದ್ಯಜ॑ಮಾನೇ॒ ವಯೋ॑ ಧಾಃ ..
ಕೃ॒ಣೋತ॑ ಧೂ॒ಮಂ ವೃಷ॑ಣಂ ಸಖಾ॒ಯೋಽಸ್ರೇ॑ಧಂತ ಇತನ॒ ವಾಜ॒ಮಚ್ಛ॑ . ಅ॒ಯಮ॒ಗ್ನಿಃ ಪೃ॑ತನಾ॒ಷಾಟ್ ಸು॒ವೀರೋ॒ ಯೇನ॑ ದೇ॒ವಾಸೋ॒ ಅಸ॑ಹಂತ॒ ದಸ್ಯೂ॑ನ್ ..
ಅ॒ಯಂ ತೇ॒ ಯೋನಿ॑ರ್ಋ॒ತ್ವಿಯೋ॒ ಯತೋ॑ ಜಾ॒ತೋ ಅರೋ॑ಚಥಾಃ . ತಂ ಜಾ॒ನನ್ನ॑ಗ್ನ॒ ಆ ಸೀ॒ದಾಥಾ॑ ನೋ ವರ್ಧಯಾ॒ ಗಿರಃ॑ ..
ತನೂ॒ನಪಾ॑ದುಚ್ಯತೇ॒ ಗರ್ಭ॑ ಆಸು॒ರೋ ನರಾ॒ಶಂಸೋ॑ ಭವತಿ॒ ಯದ್ವಿ॒ಜಾಯ॑ತೇ . ಮಾ॒ತ॒ರಿಶ್ವಾ॒ ಯದಮಿ॑ಮೀತ ಮಾ॒ತರಿ॒ ವಾತ॑ಸ್ಯ॒ ಸರ್ಗೋ॑ ಅಭವ॒ತ್ಸರೀ॑ಮಣಿ ..
ಸು॒ನಿ॒ರ್ಮಥಾ॒ ನಿರ್ಮ॑ಥಿತಃ ಸುನಿ॒ಧಾ ನಿಹಿ॑ತಃ ಕ॒ವಿಃ . ಅಗ್ನೇ॑ ಸ್ವಧ್ವ॒ರಾ ಕೃ॑ಣು ದೇ॒ವಾಂದೇ॑ವಯ॒ತೇ ಯ॑ಜ ..
ಅಜೀ॑ಜನನ್ನ॒ಮೃತಂ॒ ಮರ್ತ್ಯಾ॑ಸೋಽಸ್ರೇ॒ಮಾಣಂ॑ ತ॒ರಣಿಂ॑ ವೀ॒ಳುಜಂ॑ಭಂ . ದಶ॒ ಸ್ವಸಾ॑ರೋ ಅ॒ಗ್ರುವಃ॑ ಸಮೀ॒ಚೀಃ ಪುಮಾಂ॑ಸಂ ಜಾ॒ತಮ॒ಭಿ ಸಂ ರ॑ಭಂತೇ ..
ಪ್ರ ಸ॒ಪ್ತಹೋ॑ತಾ ಸನ॒ಕಾದ॑ರೋಚತ ಮಾ॒ತುರು॒ಪಸ್ಥೇ॒ ಯದಶೋ॑ಚ॒ದೂಧ॑ನಿ . ನ ನಿ ಮಿ॑ಷತಿ ಸು॒ರಣೋ॑ ದಿ॒ವೇದಿ॑ವೇ॒ ಯದಸು॑ರಸ್ಯ ಜ॒ಠರಾ॒ದಜಾ॑ಯತ ..
ಅ॒ಮಿ॒ತ್ರಾ॒ಯುಧೋ॑ ಮ॒ರುತಾ॑ಮಿವ ಪ್ರ॒ಯಾಃ ಪ್ರ॑ಥಮ॒ಜಾ ಬ್ರಹ್ಮ॑ಣೋ॒ ವಿಶ್ವ॒ಮಿದ್ವಿ॑ದುಃ . ದ್ಯು॒ಮ್ನವ॒ದ್ಬ್ರಹ್ಮ॑ ಕುಶಿ॒ಕಾಸ॒ ಏರಿ॑ರ॒ ಏಕ॑ಏಕೋ॒ ದಮೇ॑ ಅ॒ಗ್ನಿಂ ಸಮೀ॑ಧಿರೇ ..
ಯದ॒ದ್ಯ ತ್ವಾ॑ ಪ್ರಯ॒ತಿ ಯ॒ಜ್ಞೇ ಅ॒ಸ್ಮಿನ್ಹೋತ॑ಶ್ಚಿಕಿ॒ತ್ವೋಽವೃ॑ಣೀಮಹೀ॒ಹ . ಧ್ರು॒ವಮ॑ಯಾ ಧ್ರು॒ವಮು॒ತಾಶ॑ಮಿಷ್ಠಾಃ ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮಂ॑ ..
ತ್ವಮಗ್ನಇತ್ಯಷ್ಟಾದಶರ್ಚಸ್ಯ ಸೂಕ್ತಸ್ಯಾಂಗಿರಸೋಹಿರಣ್ಯಸ್ತೂಪೋಗ್ನಿರ್ಜಗತೀ ಅಷ್ಟಮೀ ಷೋಳಶ್ಯಂತ್ಯಾಸ್ತ್ರಿಷ್ಟುಭಃ .
ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಾ॒ ಋಷಿ॑ರ್ದೇ॒ವೋ ದೇ॒ವಾನಾ॑ಮಭವಃ ಶಿ॒ವಃ ಸಖಾ॑ . ತವ॑ ವ್ರ॒ತೇ ಕ॒ವಯೋ॑ ವಿದ್ಮ॒ನಾಪ॒ಸೋಽಜಾ॑ಯಂತ ಮ॒ರುತೋ॒ ಭ್ರಾಜ॑ದೃಷ್ಟಯಃ ..
ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಸ್ತಮಃ ಕ॒ವಿರ್ದೇ॒ವಾನಾಂ॒ ಪರಿ॑ ಭೂಷಸಿ ವ್ರ॒ತಂ . ವಿ॒ಭುರ್ವಿಶ್ವ॑ಸ್ಮೈ॒ ಭುವ॑ನಾಯ॒ ಮೇಧಿ॑ರೋ ದ್ವಿಮಾ॒ತಾ ಶ॒ಯುಃ ಕ॑ತಿ॒ಧಾ ಚಿ॑ದಾ॒ಯವೇ॑ ..
ತ್ವಮ॑ಗ್ನೇ ಪ್ರಥ॒ಮೋ ಮಾ॑ತ॒ರಿಶ್ವ॑ನ ಆ॒ವಿರ್ಭ॑ವ ಸುಕ್ರತೂ॒ಯಾ ವಿ॒ವಸ್ವ॑ತೇ . ಅರೇ॑ಜೇತಾಂ॒ ರೋದ॑ಸೀ ಹೋತೃ॒ವೂರ್ಯೇಽಸ॑ಘ್ನೋರ್ಭಾ॒ರಮಯ॑ಜೋ ಮ॒ಹೋ ವ॑ಸೋ ..
ತ್ವಮ॑ಗ್ನೇ॒ ಮನ॑ವೇ॒ ದ್ಯಾಮ॑ವಾಶಯಃ ಪುರೂ॒ರವ॑ಸೇ ಸು॒ಕೃತೇ॑ ಸು॒ಕೃತ್ತ॑ರಃ . ಶ್ವಾ॒ತ್ರೇಣ॒ ಯತ್ಪಿ॒ತ್ರೋರ್ಮುಚ್ಯ॑ಸೇ॒ ಪರ್ಯಾ ತ್ವಾ॒ ಪೂರ್ವ॑ಮನಯ॒ನ್ನಾಪ॑ರಂ॒ ಪುನಃ॑ ..
ತ್ವಮ॑ಗ್ನೇ ವೃಷ॒ಭಃ ಪು॑ಷ್ಟಿ॒ವರ್ಧ॑ನ॒ ಉದ್ಯ॑ತಸ್ರುಚೇ ಭವಸಿ ಶ್ರ॒ವಾಯ್ಯಃ॑ . ಯ ಆಹು॑ತಿಂ॒ ಪರಿ॒ ವೇದಾ॒ ವಷ॑ಟ್ಕೃತಿ॒ಮೇಕಾ॑ಯು॒ರಗ್ರೇ॒ ವಿಶ॑ ಆ॒ವಿವಾ॑ಸಸಿ ..
ತ್ವಮ॑ಗ್ನೇ ವೃಜಿ॒ನವ॑ರ್ತನಿಂ॒ ನರಂ॒ ಸಕ್ಮ॑ನ್ಪಿಪರ್ಷಿ ವಿ॒ದಥೇ॑ ವಿಚರ್ಷಣೇ . ಯಃ ಶೂರ॑ಸಾತಾ॒ ಪರಿ॑ತಕ್ಮ್ಯೇ॒ ಧನೇ॑ ದ॒ಭ್ರೇಭಿ॑ಶ್ಚಿ॒ತ್ಸಮೃ॑ತಾ॒ ಹಂಸಿ॒ ಭೂಯ॑ಸಃ ..
ತ್ವಂ ತಮ॑ಗ್ನೇ ಅಮೃತ॒ತ್ವ ಉ॑ತ್ತ॒ಮೇ ಮರ್ತಂ॑ ದಧಾಸಿ॒ ಶ್ರವ॑ಸೇ ದಿ॒ವೇದಿ॑ವೇ . ಯಸ್ತಾ॑ತೃಷಾ॒ಣ ಉ॒ಭಯಾ॑ಯ॒ ಜನ್ಮ॑ನೇ॒ ಮಯಃ॑ ಕೃ॒ಣೋಷಿ॒ ಪ್ರಯ॒ ಆ ಚ॑ ಸೂ॒ರಯೇ॑ ..
ತ್ವಂ ನೋ॑ ಅಗ್ನೇ ಸ॒ನಯೇ॒ ಧನಾ॑ನಾಂ ಯ॒ಶಸಂ॑ ಕಾ॒ರುಂ ಕೃ॑ಣುಹಿ॒ ಸ್ತವಾ॑ನಃ . ಋ॒ಧ್ಯಾಮ॒ ಕರ್ಮಾ॒ಪಸಾ॒ ನವೇ॑ನ ದೇ॒ವೈರ್ದ್ಯಾ॑ವಾಪೃಥಿವೀ॒ ಪ್ರಾವ॑ತಂ ನಃ ..
ತ್ವಂ ನೋ॑ ಅಗ್ನೇ ಪಿ॒ತ್ರೋರು॒ಪಸ್ಥ॒ ಆ ದೇ॒ವೋ ದೇ॒ವೇಷ್ವ॑ನವದ್ಯ॒ ಜಾಗೃ॑ವಿಃ . ತ॒ನೂ॒ಕೃದ್ಬೋ॑ಧಿ॒ ಪ್ರಮ॑ತಿಶ್ಚ ಕಾ॒ರವೇ॒ ತ್ವಂ ಕ॑ಲ್ಯಾಣ॒ ವಸು॒ ವಿಶ್ವ॒ಮೋಪಿ॑ಷೇ ..
ತ್ವಮ॑ಗ್ನೇ॒ ಪ್ರಮ॑ತಿ॒ಸ್ತ್ವಂ ಪಿ॒ತಾಸಿ॑ ನ॒ಸ್ತ್ವಂ ವ॑ಯ॒ಸ್ಕೃತ್ತವ॑ ಜಾ॒ಮಯೋ॑ ವ॒ಯಂ . ಸಂ ತ್ವಾ॒ ರಾಯಃ॑ ಶ॒ತಿನಃ॒ ಸಂ ಸ॑ಹ॒ಸ್ರಿಣಃ॑ ಸು॒ವೀರಂ॑ ಯಂತಿ ವ್ರತ॒ಪಾಮ॑ದಾಭ್ಯ ..
ತ್ವಾಮ॑ಗ್ನೇ ಪ್ರಥ॒ಮಮಾ॒ಯುಮಾ॒ಯವೇ॑ ದೇ॒ವಾ ಅ॑ಕೃಣ್ವ॒ನ್ನಹು॑ಷಸ್ಯ ವಿ॒ಶ್ಪತಿಂ॑ . ಇಳಾ॑ಮಕೃಣ್ವ॒ನ್ಮನು॑ಷಸ್ಯ॒ ಶಾಸ॑ನೀಂ ಪಿ॒ತುರ್ಯತ್ಪು॒ತ್ರೋ ಮಮ॑ಕಸ್ಯ॒ ಜಾಯ॑ತೇ ..
ತ್ವಂ ನೋ॑ ಅಗ್ನೇ॒ ತವ॑ ದೇವ ಪಾ॒ಯುಭಿ॑ರ್ಮ॒ಘೋನೋ॑ ರಕ್ಷ ತ॒ನ್ವ॑ಶ್ಚ ವಂದ್ಯ . ತ್ರಾ॒ತಾ ತೋ॒ಕಸ್ಯ॒ ತನ॑ಯೇ॒ ಗವಾ॑ಮ॒ಸ್ಯನಿ॑ಮೇಷಂ॒ ರಕ್ಷ॑ಮಾಣ॒ಸ್ತವ॑ ವ್ರ॒ತೇ ..
ತ್ವಮ॑ಗ್ನೇ॒ ಯಜ್ಯ॑ವೇ ಪಾ॒ಯುರಂತ॑ರೋಽನಿಷಂ॒ಗಾಯ॑ ಚತುರ॒ಕ್ಷ ಇ॑ಧ್ಯಸೇ . ಯೋ ರಾ॒ತಹ॑ವ್ಯೋಽವೃ॒ಕಾಯ॒ ಧಾಯ॑ಸೇ ಕೀ॒ರೇಶ್ಚಿ॒ನ್ಮಂತ್ರಂ॒ ಮನ॑ಸಾ ವ॒ನೋಷಿ॒ ತಂ ..
ತ್ವಮ॑ಗ್ನ ಉರು॒ಶಂಸಾ॑ಯ ವಾ॒ಘತೇ॑ ಸ್ಪಾ॒ರ್ಹಂ ಯದ್ರೇಕ್ಣಃ॑ ಪರ॒ಮಂ ವ॒ನೋಷಿ॒ ತತ್ . ಆ॒ಧ್ರಸ್ಯ॑ ಚಿ॒ತ್ಪ್ರಮ॑ತಿರುಚ್ಯಸೇ ಪಿ॒ತಾ ಪ್ರ ಪಾಕಂ॒ ಶಾಸ್ಸಿ॒ ಪ್ರ ದಿಶೋ॑ ವಿ॒ದುಷ್ಟ॑ರಃ ..
ತ್ವಮ॑ಗ್ನೇ॒ ಪ್ರಯ॑ತದಕ್ಷಿಣಂ॒ ನರಂ॒ ವರ್ಮೇ॑ವ ಸ್ಯೂ॒ತಂ ಪರಿ॑ ಪಾಸಿ ವಿ॒ಶ್ವತಃ॑ . ಸ್ವಾ॒ದು॒ಕ್ಷದ್ಮಾ॒ ಯೋ ವ॑ಸ॒ತೌ ಸ್ಯೋ॑ನ॒ಕೃಜ್ಜೀ॑ವಯಾ॒ಜಂ ಯಜ॑ತೇ॒ ಸೋಪ॒ಮಾ ದಿ॒ವಃ ..
ಇ॒ಮಾಮ॑ಗ್ನೇ ಶ॒ರಣಿಂ॑ ಮೀಮೃಷೋ ನ ಇ॒ಮಮಧ್ವಾ॑ನಂ॒ ಯಮಗಾ॑ಮ ದೂ॒ರಾತ್ . ಆ॒ಪಿಃ ಪಿ॒ತಾ ಪ್ರಮ॑ತಿಃ ಸೋ॒ಮ್ಯಾನಾಂ॒ ಭೃಮಿ॑ರಸ್ಯೃಷಿ॒ಕೃನ್ಮರ್ತ್ಯಾ॑ನಾಂ ..
ಮ॒ನು॒ಷ್ವದ॑ಗ್ನೇ ಅಂಗಿರ॒ಸ್ವದಂ॑ಗಿರೋ ಯಯಾತಿ॒ವತ್ಸದ॑ನೇ ಪೂರ್ವ॒ವಚ್ಛು॑ಚೇ . ಅಚ್ಛ॑ ಯಾ॒ಹ್ಯಾ ವ॑ಹಾ॒ ದೈವ್ಯಂ॒ ಜನ॒ಮಾ ಸಾ॑ದಯ ಬ॒ರ್ಹಿಷಿ॒ ಯಕ್ಷಿ॑ ಚ ಪ್ರಿ॒ಯಂ ..
ಏ॒ತೇನಾ॑ಗ್ನೇ॒ ಬ್ರಹ್ಮ॑ಣಾ ವಾವೃಧಸ್ವ॒ ಶಕ್ತೀ॑ ವಾ॒ ಯತ್ತೇ॑ ಚಕೃ॒ಮಾ ವಿ॒ದಾ ವಾ॑ . ಉ॒ತ ಪ್ರ ಣೇ॑ಷ್ಯ॒ಭಿ ವಸ್ಯೋ॑ ಅ॒ಸ್ಮಾಂತ್ಸಂ ನಃ॑ ಸೃಜ ಸುಮ॒ತ್ಯಾ ವಾಜ॑ವತ್ಯಾ ..
ತ್ವಮಗ್ನಇತಿಷೋಳಶರ್ಚಸ್ಯ ಸೂಕ್ತಸ್ಯ ಶೌನಕೋಗೃತ್ಸಮದೋಗ್ನಿರ್ಜಗತೀ .
ತ್ವಮ॑ಗ್ನೇ॒ ದ್ಯುಭಿ॒ಸ್ತ್ವಮಾ॑ಶುಶು॒ಕ್ಷಣಿ॒ಸ್ತ್ವಮ॒ದ್ಭ್ಯಸ್ತ್ವಮಶ್ಮ॑ನ॒ಸ್ಪರಿ॑ . ತ್ವಂ ವನೇ॑ಭ್ಯ॒ಸ್ತ್ವಮೋಷ॑ಧೀಭ್ಯ॒ಸ್ತ್ವಂ ನೃ॒ಣಾಂ ನೃ॑ಪತೇ ಜಾಯಸೇ॒ ಶುಚಿಃ॑ ..
ತವಾ॑ಗ್ನೇ ಹೋ॒ತ್ರಂ ತವ॑ ಪೋ॒ತ್ರಮೃ॒ತ್ವಿಯಂ॒ ತವ॑ ನೇ॒ಷ್ಟ್ರಂ ತ್ವಮ॒ಗ್ನಿದೃ॑ತಾಯ॒ತಃ . ತವ॑ ಪ್ರಶಾ॒ಸ್ತ್ರಂ ತ್ವಮ॑ಧ್ವರೀಯಸಿ ಬ್ರ॒ಹ್ಮಾ ಚಾಸಿ॑ ಗೃ॒ಹಪ॑ತಿಶ್ಚ ನೋ॒ ದಮೇ॑ ..
ತ್ವಮ॑ಗ್ನ॒ ಇಂದ್ರೋ॑ ವೃಷ॒ಭಃ ಸ॒ತಾಮ॑ಸಿ॒ ತ್ವಂ ವಿಷ್ಣು॑ರುರುಗಾ॒ಯೋ ನ॑ಮ॒ಸ್ಯಃ॑ . ತ್ವಂ ಬ್ರ॒ಹ್ಮಾ ರ॑ಯಿ॒ವಿದ್ಬ್ರ॑ಹ್ಮಣಸ್ಪತೇ॒ ತ್ವಂ ವಿ॑ಧರ್ತಃ ಸಚಸೇ॒ ಪುರಂ॑ಧ್ಯಾ ..
ತ್ವಮ॑ಗ್ನೇ॒ ರಾಜಾ॒ ವರು॑ಣೋ ಧೃ॒ತವ್ರ॑ತ॒ಸ್ತ್ವಂ ಮಿ॒ತ್ರೋ ಭ॑ವಸಿ ದ॒ಸ್ಮ ಈಡ್ಯಃ॑ . ತ್ವಮ॑ರ್ಯ॒ಮಾ ಸತ್ಪ॑ತಿ॒ರ್ಯಸ್ಯ॑ ಸಂ॒ಭುಜಂ॒ ತ್ವಮಂಶೋ॑ ವಿ॒ದಥೇ॑ ದೇವ ಭಾಜ॒ಯುಃ ..
ತ್ವಮ॑ಗ್ನೇ॒ ತ್ವಷ್ಟಾ॑ ವಿಧ॒ತೇ ಸು॒ವೀರ್ಯಂ॒ ತವ॒ ಗ್ನಾವೋ॑ ಮಿತ್ರಮಹಃ ಸಜಾ॒ತ್ಯಂ॑ . ತ್ವಮಾ॑ಶು॒ಹೇಮಾ॑ ರರಿಷೇ॒ ಸ್ವಶ್ವ್ಯಂ॒ ತ್ವಂ ನ॒ರಾಂ ಶರ್ಧೋ॑ ಅಸಿ ಪುರೂ॒ವಸುಃ॑ ..
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ . ತ್ವಂ ವಾತೈ॑ರರು॒ಣೈರ್ಯಾ॑ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ॑ ..
ತ್ವಮ॑ಗ್ನೇ ದ್ರವಿಣೋ॒ದಾ ಅ॑ರಂ॒ಕೃತೇ॒ ತ್ವಂ ದೇ॒ವಃ ಸ॑ವಿ॒ತಾ ರ॑ತ್ನ॒ಧಾ ಅ॑ಸಿ . ತ್ವಂ ಭಗೋ॑ ನೃಪತೇ॒ ವಸ್ವ॑ ಈಶಿಷೇ॒ ತ್ವಂ ಪಾ॒ಯುರ್ದಮೇ॒ ಯಸ್ತೇಽವಿ॑ಧತ್ ..
ತ್ವಾಮ॑ಗ್ನೇ॒ ದಮ॒ ಆ ವಿ॒ಶ್ಪತಿಂ॒ ವಿಶ॒ಸ್ತ್ವಾಂ ರಾಜಾ॑ನಂ ಸುವಿ॒ದತ್ರ॑ಮೃಂಜತೇ . ತ್ವಂ ವಿಶ್ವಾ॑ನಿ ಸ್ವನೀಕ ಪತ್ಯಸೇ॒ ತ್ವಂ ಸ॒ಹಸ್ರಾ॑ಣಿ ಶ॒ತಾ ದಶ॒ ಪ್ರತಿ॑ ..
ತ್ವಾಮ॑ಗ್ನೇ ಪಿ॒ತರ॑ಮಿ॒ಷ್ಟಿಭಿ॒ರ್ನರ॒ಸ್ತ್ವಾಂ ಭ್ರಾ॒ತ್ರಾಯ॒ ಶಮ್ಯಾ॑ ತನೂ॒ರುಚಂ॑ . ತ್ವಂ ಪು॒ತ್ರೋ ಭ॑ವಸಿ॒ ಯಸ್ತೇಽವಿ॑ಧ॒ತ್ತ್ವಂ ಸಖಾ॑ ಸು॒ಶೇವಃ॑ ಪಾಸ್ಯಾ॒ಧೃಷಃ॑ ..
ತ್ವಮ॑ಗ್ನ ಋ॒ಭುರಾ॒ಕೇ ನ॑ಮ॒ಸ್ಯ೧॒॑ಸ್ತ್ವಂ ವಾಜ॑ಸ್ಯ ಕ್ಷು॒ಮತೋ॑ ರಾ॒ಯ ಈ॑ಶಿಷೇ . ತ್ವಂ ವಿ ಭಾ॒ಸ್ಯನು॑ ದಕ್ಷಿ ದಾ॒ವನೇ॒ ತ್ವಂ ವಿ॒ಶಿಕ್ಷು॑ರಸಿ ಯ॒ಜ್ಞಮಾ॒ತನಿಃ॑ ..
ತ್ವಮ॑ಗ್ನೇ॒ ಅದಿ॑ತಿರ್ದೇವ ದಾ॒ಶುಷೇ॒ ತ್ವಂ ಹೋತ್ರಾ॒ ಭಾರ॑ತೀ ವರ್ಧಸೇ ಗಿ॒ರಾ . ತ್ವಮಿಳಾ॑ ಶ॒ತಹಿ॑ಮಾಸಿ॒ ದಕ್ಷ॑ಸೇ॒ ತ್ವಂ ವೃ॑ತ್ರ॒ಹಾ ವ॑ಸುಪತೇ॒ ಸರ॑ಸ್ವತೀ ..
ತ್ವಮ॑ಗ್ನೇ॒ ಸುಭೃ॑ತ ಉತ್ತ॒ಮಂ ವಯ॒ಸ್ತವ॑ ಸ್ಪಾ॒ರ್ಹೇ ವರ್ಣ॒ ಆ ಸಂ॒ದೃಶಿ॒ ಶ್ರಿಯಃ॑ . ತ್ವಂ ವಾಜಃ॑ ಪ್ರ॒ತರ॑ಣೋ ಬೃ॒ಹನ್ನ॑ಸಿ॒ ತ್ವಂ ರ॒ಯಿರ್ಬ॑ಹು॒ಲೋ ವಿ॒ಶ್ವತ॑ಸ್ಪೃ॒ಥುಃ ..
ತ್ವಾಮ॑ಗ್ನ ಆದಿ॒ತ್ಯಾಸ॑ ಆ॒ಸ್ಯಂ೧॒॑ ತ್ವಾಂ ಜಿ॒ಹ್ವಾಂ ಶುಚ॑ಯಶ್ಚಕ್ರಿರೇ ಕವೇ . ತ್ವಾಂ ರಾ॑ತಿ॒ಷಾಚೋ॑ ಅಧ್ವ॒ರೇಷು॑ ಸಶ್ಚಿರೇ॒ ತ್ವೇ ದೇ॒ವಾ ಹ॒ವಿರ॑ದಂ॒ತ್ಯಾಹು॑ತಂ ..
ತ್ವೇ ಅ॑ಗ್ನೇ॒ ವಿಶ್ವೇ॑ ಅ॒ಮೃತಾ॑ಸೋ ಅ॒ದ್ರುಹ॑ ಆ॒ಸಾ ದೇ॒ವಾ ಹ॒ವಿರ॑ದಂ॒ತ್ಯಾಹು॑ತಂ . ತ್ವಯಾ॒ ಮರ್ತಾ॑ಸಃ ಸ್ವದಂತ ಆಸು॒ತಿಂ ತ್ವಂ ಗರ್ಭೋ॑ ವೀ॒ರುಧಾಂ॑ ಜಜ್ಞಿಷೇ॒ ಶುಚಿಃ॑ ..
ತ್ವಂ ತಾಂತ್ಸಂ ಚ॒ ಪ್ರತಿ॑ ಚಾಸಿ ಮ॒ಜ್ಮನಾಗ್ನೇ॑ ಸುಜಾತ॒ ಪ್ರ ಚ॑ ದೇವ ರಿಚ್ಯಸೇ . ಪೃ॒ಕ್ಷೋ ಯದತ್ರ॑ ಮಹಿ॒ನಾ ವಿ ತೇ॒ ಭುವ॒ದನು॒ ದ್ಯಾವಾ॑ಪೃಥಿ॒ವೀ ರೋದ॑ಸೀ ಉ॒ಭೇ ..
ಯೇ ಸ್ತೋ॒ತೃಭ್ಯೋ॒ ಗೋಅ॑ಗ್ರಾ॒ಮಶ್ವ॑ಪೇಶಸ॒ಮಗ್ನೇ॑ ರಾ॒ತಿಮು॑ಪಸೃ॒ಜಂತಿ॑ ಸೂ॒ರಯಃ॑ . ಅ॒ಸ್ಮಾಂಚ॒ ತಾಁಶ್ಚ॒ ಪ್ರ ಹಿ ನೇಷಿ॒ ವಸ್ಯ॒ ಆ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಪ್ರತಾರ್ಯಾಯುರಿತಿ ದಶರ್ಚಸ್ಯ ಸೂಕ್ತಸ್ಯ ಗೌಪಾಯನಾಬಂಧ್ವಾದಯ ಋಷಯಃ ಆದ್ಯಾನಾಂಚತಸೃಣಾಂ ನಿರೃತಿರ್ದೇವತಾ ಚತುರ್ಥ್ಯಾನಿರೃತಿಸೋಮೌ ಪಂಚಮೀಷಷ್ಠಯೋರಸುನೀತಿದೇವೀ ಸಪ್ತಮ್ಯಾಃ ಪೃಥಿವೀದ್ಯಾವಂತರಿಕ್ಷಸೋಮಪೂಷಪಥ್ಯಾಸ್ವಸ್ತಯೋದೇವತಾಃ ಅಂತ್ಯಾನಾಂತಿಸೃಣಾಂ ದ್ಯಾವಾಪೃಥಿವ್ಯೌತ್ರಿಷ್ಟುಪ್ ಅಂತ್ಯಾರ್ಧರ್ಚಸ್ಯೇಂದ್ರಃ ಅಂತ್ಯಾಸ್ತಿಸ್ರಃಕ್ರಮೇಣಪಂಕ್ತಿಮಹಾ ಪಂಕ್ತಿಪಂಕ್ತ್ಯುತ್ತರಾಃ .
ಪ್ರ ತಾ॒ರ್ಯಾಯುಃ॑ ಪ್ರತ॒ರಂ ನವೀ॑ಯಃ॒ ಸ್ಥಾತಾ॑ರೇವ॒ ಕ್ರತು॑ಮತಾ॒ ರಥ॑ಸ್ಯ . ಅಧ॒ ಚ್ಯವಾ॑ನ॒ ಉತ್ತ॑ವೀ॒ತ್ಯರ್ಥಂ॑ ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಸಾಮ॒ನ್ನು ರಾ॒ಯೇ ನಿ॑ಧಿ॒ಮನ್ನ್ವನ್ನಂ॒ ಕರಾ॑ಮಹೇ॒ ಸು ಪು॑ರು॒ಧ ಶ್ರವಾಂ॑ಸಿ . ತಾ ನೋ॒ ವಿಶ್ವಾ॑ನಿ ಜರಿ॒ತಾ ಮ॑ಮತ್ತು ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಅ॒ಭೀ ಷ್ವ೧॒॑ರ್ಯಃ ಪೌಂಸ್ಯೈ॑ರ್ಭವೇಮ॒ ದ್ಯೌರ್ನ ಭೂಮಿಂ॑ ಗಿ॒ರಯೋ॒ ನಾಜ್ರಾ॑ನ್ . ತಾ ನೋ॒ ವಿಶ್ವಾ॑ನಿ ಜರಿ॒ತಾ ಚಿ॑ಕೇತ ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಮೋ ಷು ಣಃ॑ ಸೋಮ ಮೃ॒ತ್ಯವೇ॒ ಪರಾ॑ ದಾಃ॒ ಪಶ್ಯೇ॑ಮ॒ ನು ಸೂರ್ಯ॑ಮು॒ಚ್ಚರಂ॑ತಂ . ದ್ಯುಭಿ॑ರ್ಹಿ॒ತೋ ಜ॑ರಿ॒ಮಾ ಸೂ ನೋ॑ ಅಸ್ತು ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಅಸು॑ನೀತೇ॒ ಮನೋ॑ ಅ॒ಸ್ಮಾಸು॑ ಧಾರಯ ಜೀ॒ವಾತ॑ವೇ॒ ಸು ಪ್ರ ತಿ॑ರಾ ನ॒ ಆಯುಃ॑ . ರಾ॒ರಂ॒ಧಿ ನಃ॒ ಸೂರ್ಯ॑ಸ್ಯ ಸಂ॒ದೃಶಿ॑ ಘೃ॒ತೇನ॒ ತ್ವಂ ತ॒ನ್ವಂ॑ ವರ್ಧಯಸ್ವ ..
ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒ ಪುನಃ॑ ಪ್ರಾ॒ಣಮಿ॒ಹ ನೋ॑ ಧೇಹಿ॒ ಭೋಗಂ॑ . ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರಂ॑ತ॒ಮನು॑ಮತೇ ಮೃ॒ಳಯಾ॑ ನಃ ಸ್ವ॒ಸ್ತಿ ..
ಪುನ॑ರ್ನೋ॒ ಅಸುಂ॑ ಪೃಥಿ॒ವೀ ದ॑ದಾತು॒ ಪುನ॒ರ್ದ್ಯೌರ್ದೇ॒ವೀ ಪುನ॑ರಂ॒ತರಿ॑ಕ್ಷಂ . ಪುನ॑ರ್ನಃ॒ ಸೋಮ॑ಸ್ತ॒ನ್ವಂ॑ ದದಾತು॒ ಪುನಃ॑ ಪೂ॒ಷಾ ಪ॒ಥ್ಯಾಂ॒೩॒॑ ಯಾ ಸ್ವ॒ಸ್ತಿಃ ..
ಶಂ ರೋದ॑ಸೀ ಸು॒ಬಂಧ॑ವೇ ಯ॒ಹ್ವೀ ಋ॒ತಸ್ಯ॑ ಮಾ॒ತರಾ॑ . ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ ..
ಅವ॑ ದ್ವ॒ಕೇ ಅವ॑ ತ್ರಿ॒ಕಾ ದಿ॒ವಶ್ಚ॑ರಂತಿ ಭೇಷ॒ಜಾ . ಕ್ಷ॒ಮಾ ಚ॑ರಿ॒ಷ್ಣ್ವೇ॑ಕ॒ಕಂ ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ ..
ಸಮಿಂ॑ದ್ರೇರಯ॒ ಗಾಮ॑ನ॒ಡ್ವಾಹಂ॒ ಯ ಆವ॑ಹದುಶೀ॒ನರಾ॑ಣ್ಯಾ॒ ಅನಃ॑ . ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ ..
ವಿಹಿಹೋತ್ರಾಇತಿ ಪಂಚರ್ಚಸ್ಯ ಸೂಕ್ತಸ್ಯ ಗೌತಮೋವಾಮದೇವೋವಾಯುರನುಷ್ಟುಪ್ .
ವಿ॒ಹಿ ಹೋತ್ರಾ॒ ಅವೀ॑ತಾ॒ ವಿಪೋ॒ ನ ರಾಯೋ॑ ಅ॒ರ್ಯಃ . ವಾಯ॒ವಾ ಚಂ॒ದ್ರೇಣ॒ ರಥೇ॑ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ॑ ..
ನಿ॒ರ್ಯು॒ವಾ॒ಣೋ ಅಶ॑ಸ್ತೀರ್ನಿ॒ಯುತ್ವಾಁ॒ ಇಂದ್ರ॑ಸಾರಥಿಃ . ವಾಯ॒ವಾ ಚಂ॒ದ್ರೇಣ॒ ರಥೇ॑ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ॑ ..
ಅನು॑ ಕೃ॒ಷ್ಣೇ ವಸು॑ಧಿತೀ ಯೇ॒ಮಾತೇ॑ ವಿ॒ಶ್ವಪೇ॑ಶಸಾ . ವಾಯ॒ವಾ ಚಂ॒ದ್ರೇಣ॒ ರಥೇ॑ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ॑ ..
ವಹಂ॑ತು ತ್ವಾ ಮನೋ॒ಯುಜೋ॑ ಯು॒ಕ್ತಾಸೋ॑ ನವ॒ತಿರ್ನವ॑ . ವಾಯ॒ವಾ ಚಂ॒ದ್ರೇಣ॒ ರಥೇ॑ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ॑ ..
ವಾಯೋ॑ ಶ॒ತಂ ಹರೀ॑ಣಾಂ ಯು॒ವಸ್ವ॒ ಪೋಷ್ಯಾ॑ಣಾಂ . ಉ॒ತ ವಾ॑ ತೇ ಸಹ॒ಸ್ರಿಣೋ॒ ರಥ॒ ಆ ಯಾ॑ತು॒ ಪಾಜ॑ಸಾ ..
ತ್ವಂಸೋಮಇತಿ ತ್ರಯೋವಿಂಶತ್ಯೃಚಸ್ಯ ಸೂಕ್ತಸ್ಯ ರಾಹೂಗಣೋಗೋತಮಃಸೋಮಸ್ತ್ರಿಷ್ಟುಪ್ ಪಂಚಮ್ಯಾದಿದ್ವಾದಶಗಾಯತ್ರ್ಯಃ ಸಪ್ತದಶ್ಯುಷ್ಣಿಕ್ .
ತ್ವಂ ಸೋ॑ಮ॒ ಪ್ರ ಚಿ॑ಕಿತೋ ಮನೀ॒ಷಾ ತ್ವಂ ರಜಿ॑ಷ್ಠ॒ಮನು॑ ನೇಷಿ॒ ಪಂಥಾಂ॑ . ತವ॒ ಪ್ರಣೀ॑ತೀ ಪಿ॒ತರೋ॑ ನ ಇಂದೋ ದೇ॒ವೇಷು॒ ರತ್ನ॑ಮಭಜಂತ॒ ಧೀರಾಃ॑ ..
ತ್ವಂ ಸೋ॑ಮ॒ ಕ್ರತು॑ಭಿಃ ಸು॒ಕ್ರತು॑ರ್ಭೂ॒ಸ್ತ್ವಂ ದಕ್ಷೈಃ॑ ಸು॒ದಕ್ಷೋ॑ ವಿ॒ಶ್ವವೇ॑ದಾಃ . ತ್ವಂ ವೃಷಾ॑ ವೃಷ॒ತ್ವೇಭಿ॑ರ್ಮಹಿ॒ತ್ವಾ ದ್ಯು॒ಮ್ನೇಭಿ॑ರ್ದ್ಯು॒ಮ್ನ್ಯ॑ಭವೋ ನೃ॒ಚಕ್ಷಾಃ॑ ..
ರಾಜ್ಞೋ॒ ನು ತೇ॒ ವರು॑ಣಸ್ಯ ವ್ರ॒ತಾನಿ॑ ಬೃ॒ಹದ್ಗ॑ಭೀ॒ರಂ ತವ॑ ಸೋಮ॒ ಧಾಮ॑ . ಶುಚಿ॒ಷ್ಟ್ವಮ॑ಸಿ ಪ್ರಿ॒ಯೋ ನ ಮಿ॒ತ್ರೋ ದ॒ಕ್ಷಾಯ್ಯೋ॑ ಅರ್ಯ॒ಮೇವಾ॑ಸಿ ಸೋಮ ..
ಯಾ ತೇ॒ ಧಾಮಾ॑ನಿ ದಿ॒ವಿ ಯಾ ಪೃ॑ಥಿ॒ವ್ಯಾಂ ಯಾ ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು . ತೇಭಿ॑ರ್ನೋ॒ ವಿಶ್ವೈಃ॑ ಸು॒ಮನಾ॒ ಅಹೇ॑ಳ॒ನ್ರಾಜಂ॑ತ್ಸೋಮ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ ..
ತ್ವಂ ಸೋ॑ಮಾಸಿ॒ ಸತ್ಪ॑ತಿ॒ಸ್ತ್ವಂ ರಾಜೋ॒ತ ವೃ॑ತ್ರ॒ಹಾ . ತ್ವಂ ಭ॒ದ್ರೋ ಅ॑ಸಿ॒ ಕ್ರತುಃ॑ ..
ತ್ವಂ ಚ॑ ಸೋಮ ನೋ॒ ವಶೋ॑ ಜೀ॒ವಾತುಂ॒ ನ ಮ॑ರಾಮಹೇ . ಪ್ರಿ॒ಯಸ್ತೋ॑ತ್ರೋ॒ ವನ॒ಸ್ಪತಿಃ॑ ..
ತ್ವಂ ಸೋ॑ಮ ಮ॒ಹೇ ಭಗಂ॒ ತ್ವಂ ಯೂನ॑ ಋತಾಯ॒ತೇ . ದಕ್ಷಂ॑ ದಧಾಸಿ ಜೀ॒ವಸೇ॑ ..
ತ್ವಂ ನಃ॑ ಸೋಮ ವಿ॒ಶ್ವತೋ॒ ರಕ್ಷಾ॑ ರಾಜನ್ನಘಾಯ॒ತಃ . ನ ರಿ॑ಷ್ಯೇ॒ತ್ತ್ವಾವ॑ತಃ॒ ಸಖಾ॑ ..
ಸೋಮ॒ ಯಾಸ್ತೇ॑ ಮಯೋ॒ಭುವ॑ ಊ॒ತಯಃ॒ ಸಂತಿ॑ ದಾ॒ಶುಷೇ॑ . ತಾಭಿ॑ರ್ನೋಽವಿ॒ತಾ ಭ॑ವ ..
ಇ॒ಮಂ ಯ॒ಜ್ಞಮಿ॒ದಂ ವಚೋ॑ ಜುಜುಷಾ॒ಣ ಉ॒ಪಾಗ॑ಹಿ . ಸೋಮ॒ ತ್ವಂ ನೋ॑ ವೃ॒ಧೇ ಭ॑ವ ..
ಸೋಮ॑ ಗೀ॒ರ್ಭಿಷ್ಟ್ವಾ॑ ವ॒ಯಂ ವ॒ರ್ಧಯಾ॑ಮೋ ವಚೋ॒ವಿದಃ॑ . ಸು॒ಮೃ॒ಳೀ॒ಕೋ ನ॒ ಆ ವಿ॑ಶ ..
ಗ॒ಯ॒ಸ್ಫಾನೋ॑ ಅಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ಧ॑ನಃ . ಸು॒ಮಿ॒ತ್ರಃ ಸೋ॑ಮ ನೋ ಭವ ..
ಸೋಮ॑ ರಾರಂ॒ಧಿ ನೋ॑ ಹೃ॒ದಿ ಗಾವೋ॒ ನ ಯವ॑ಸೇ॒ಷ್ವಾ . ಮರ್ಯ॑ ಇವ॒ ಸ್ವ ಓ॒ಕ್ಯೇ॑ ..
ಯಃ ಸೋ॑ಮ ಸ॒ಖ್ಯೇ ತವ॑ ರಾ॒ರಣ॑ದ್ದೇವ॒ ಮರ್ತ್ಯಃ॑ . ತಂ ದಕ್ಷಃ॑ ಸಚತೇ ಕ॒ವಿಃ ..
ಉ॒ರು॒ಷ್ಯಾ ಣೋ॑ ಅ॒ಭಿಶ॑ಸ್ತೇಃ॒ ಸೋಮ॒ ನಿ ಪಾ॒ಹ್ಯಂಹ॑ಸಃ . ಸಖಾ॑ ಸು॒ಶೇವ॑ ಏಧಿ ನಃ ..
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯಂ॑ . ಭವಾ॒ ವಾಜ॑ಸ್ಯ ಸಂಗ॒ಥೇ ..
ಆ ಪ್ಯಾ॑ಯಸ್ವ ಮದಿಂತಮ॒ ಸೋಮ॒ ವಿಶ್ವೇ॑ಭಿರಂ॒ಶುಭಿಃ॑ . ಭವಾ॑ ನಃ ಸು॒ಶ್ರವ॑ಸ್ತಮಃ॒ ಸಖಾ॑ ವೃ॒ಧೇ ..
ಸಂ ತೇ॒ ಪಯಾಂ॑ಸಿ॒ ಸಮು॑ ಯಂತು॒ ವಾಜಾಃ॒ ಸಂ ವೃಷ್ಣ್ಯಾ॑ನ್ಯಭಿಮಾತಿ॒ಷಾಹಃ॑ . ಆ॒ಪ್ಯಾಯ॑ಮಾನೋ ಅ॒ಮೃತಾ॑ಯ ಸೋಮ ದಿ॒ವಿ ಶ್ರವಾಂ॑ಸ್ಯುತ್ತ॒ಮಾನಿ॑ ಧಿಷ್ವ ..
ಯಾ ತೇ॒ ಧಾಮಾ॑ನಿ ಹ॒ವಿಷಾ॒ ಯಜಂ॑ತಿ॒ ತಾ ತೇ॒ ವಿಶ್ವಾ॑ ಪರಿ॒ಭೂರ॑ಸ್ತು ಯ॒ಜ್ಞಂ . ಗ॒ಯ॒ಸ್ಫಾನಃ॑ ಪ್ರ॒ತರ॑ಣಃ ಸು॒ವೀರೋಽವೀ॑ರಹಾ॒ ಪ್ರ ಚ॑ರಾ ಸೋಮ॒ ದುರ್ಯಾ॑ನ್ ..
ಸೋಮೋ॑ ಧೇ॒ನುಂ ಸೋಮೋ॒ ಅರ್ವಂ॑ತಮಾ॒ಶುಂ ಸೋಮೋ॑ ವೀ॒ರಂ ಕ॑ರ್ಮ॒ಣ್ಯಂ॑ ದದಾತಿ . ಸಾ॒ದ॒ನ್ಯಂ॑ ವಿದ॒ಥ್ಯಂ॑ ಸ॒ಭೇಯಂ॑ ಪಿತೃ॒ಶ್ರವ॑ಣಂ॒ ಯೋ ದದಾ॑ಶದಸ್ಮೈ ..
ಅಷಾ॑ಳ್ಹಂ ಯು॒ತ್ಸು ಪೃತ॑ನಾಸು॒ ಪಪ್ರಿಂ॑ ಸ್ವ॒ರ್ಷಾಮ॒ಪ್ಸಾಂ ವೃ॒ಜನ॑ಸ್ಯ ಗೋ॒ಪಾಂ . ಭ॒ರೇ॒ಷು॒ಜಾಂ ಸು॑ಕ್ಷಿ॒ತಿಂ ಸು॒ಶ್ರವ॑ಸಂ॒ ಜಯಂ॑ತಂ॒ ತ್ವಾಮನು॑ ಮದೇಮ ಸೋಮ ..
ತ್ವಮಿ॒ಮಾ ಓಷ॑ಧೀಃ ಸೋಮ॒ ವಿಶ್ವಾ॒ಸ್ತ್ವಮ॒ಪೋ ಅ॑ಜನಯ॒ಸ್ತ್ವಂ ಗಾಃ . ತ್ವಮಾ ತ॑ತಂಥೋ॒ರ್ವ೧॒॑ನ್ತರಿ॑ಕ್ಷಂ॒ ತ್ವಂ ಜ್ಯೋತಿ॑ಷಾ॒ ವಿ ತಮೋ॑ ವವರ್ಥ ..
ದೇ॒ವೇನ॑ ನೋ॒ ಮನ॑ಸಾ ದೇವ ಸೋಮ ರಾ॒ಯೋ ಭಾ॒ಗಂ ಸ॑ಹಸಾವನ್ನ॒ಭಿ ಯು॑ಧ್ಯ . ಮಾ ತ್ವಾ ತ॑ನ॒ದೀಶಿ॑ಷೇ ವೀ॒ರ್ಯ॑ಸ್ಯೋ॒ಭಯೇ॑ಭ್ಯಃ॒ ಪ್ರ ಚಿ॑ಕಿತ್ಸಾ॒ ಗವಿ॑ಷ್ಟೌ ..
ವಾತಇತಿ ತೃಚಸ್ಯ ಸೂಕಸ್ಯ ವಾತಾಯನಉಲೋವಾಯುರ್ಗಾಯತ್ರೀ .
ವಾತ॒ ಆ ವಾ॑ತು ಭೇಷ॒ಜಂ ಶಂ॒ಭು ಮ॑ಯೋ॒ಭು ನೋ॑ ಹೃ॒ದೇ . ಪ್ರ ಣ॒ ಆಯೂಂ॑ಷಿ ತಾರಿಷತ್ ..
ಉ॒ತ ವಾ॑ತ ಪಿ॒ತಾಸಿ॑ ನ ಉ॒ತ ಭ್ರಾತೋ॒ತ ನಃ॒ ಸಖಾ॑ . ಸ ನೋ॑ ಜೀ॒ವಾತ॑ವೇ ಕೃಧಿ ..
ಯದ॒ದೋ ವಾ॑ತ ತೇ ಗೃ॒ಹೇ॒೩॒॑ಽಮೃತ॑ಸ್ಯ ನಿ॒ಧಿರ್ಹಿ॒ತಃ . ತತೋ॑ ನೋ ದೇಹಿ ಜೀ॒ವಸೇ॑ ..
ಪ್ರಶರ್ಧಾಯೇತಿ ಪಂಚದಶರ್ಚಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವೋಮರುತೋಜಗತೀ ಚತುರ್ದಶೀತ್ರಿಷ್ಟುಪ್ .
ಪ್ರ ಶರ್ಧಾ॑ಯ॒ ಮಾರು॑ತಾಯ॒ ಸ್ವಭಾ॑ನವ ಇ॒ಮಾಂ ವಾಚ॑ಮನಜಾ ಪರ್ವತ॒ಚ್ಯುತೇ॑ . ಘ॒ರ್ಮ॒ಸ್ತುಭೇ॑ ದಿ॒ವ ಆ ಪೃ॑ಷ್ಠ॒ಯಜ್ವ॑ನೇ ದ್ಯು॒ಮ್ನಶ್ರ॑ವಸೇ॒ ಮಹಿ॑ ನೃ॒ಮ್ಣಮ॑ರ್ಚತ ..
ಪ್ರ ವೋ॑ ಮರುತಸ್ತವಿ॒ಷಾ ಉ॑ದ॒ನ್ಯವೋ॑ ವಯೋ॒ವೃಧೋ॑ ಅಶ್ವ॒ಯುಜಃ॒ ಪರಿ॑ಜ್ರಯಃ . ಸಂ ವಿ॒ದ್ಯುತಾ॒ ದಧ॑ತಿ॒ ವಾಶ॑ತಿ ತ್ರಿ॒ತಃ ಸ್ವರಂ॒ತ್ಯಾಪೋ॒ಽವನಾ॒ ಪರಿ॑ಜ್ರಯಃ ..
ವಿ॒ದ್ಯುನ್ಮ॑ಹಸೋ॒ ನರೋ॒ ಅಶ್ಮ॑ದಿದ್ಯವೋ॒ ವಾತ॑ತ್ವಿಷೋ ಮ॒ರುತಃ॑ ಪರ್ವತ॒ಚ್ಯುತಃ॑ . ಅ॒ಬ್ದ॒ಯಾ ಚಿ॒ನ್ಮುಹು॒ರಾ ಹ್ರಾ॑ದುನೀ॒ವೃತಃ॑ ಸ್ತ॒ನಯ॑ದಮಾ ರಭ॒ಸಾ ಉದೋ॑ಜಸಃ ..
ವ್ಯ೧॒॑ಕ್ತೂನ್ರು॑ದ್ರಾ॒ ವ್ಯಹಾ॑ನಿ ಶಿಕ್ವಸೋ॒ ವ್ಯ೧॒॑ನ್ತರಿ॑ಕ್ಷಂ॒ ವಿ ರಜಾಂ॑ಸಿ ಧೂತಯಃ . ವಿ ಯದಜ್ರಾಁ॒ ಅಜ॑ಥ॒ ನಾವ॑ ಈಂ ಯಥಾ॒ ವಿ ದು॒ರ್ಗಾಣಿ॑ ಮರುತೋ॒ ನಾಹ॑ ರಿಷ್ಯಥ ..
ತದ್ವೀ॒ರ್ಯಂ॑ ವೋ ಮರುತೋ ಮಹಿತ್ವ॒ನಂ ದೀ॒ರ್ಘಂ ತ॑ತಾನ॒ ಸೂರ್ಯೋ॒ ನ ಯೋಜ॑ನಂ . ಏತಾ॒ ನ ಯಾಮೇ॒ ಅಗೃ॑ಭೀತಶೋಚಿ॒ಷೋಽನ॑ಶ್ವದಾಂ॒ ಯನ್ನ್ಯಯಾ॑ತನಾ ಗಿ॒ರಿಂ ..
ಅಭ್ರಾ॑ಜಿ॒ ಶರ್ಧೋ॑ ಮರುತೋ॒ ಯದ॑ರ್ಣ॒ಸಂ ಮೋಷ॑ಥಾ ವೃ॒ಕ್ಷಂ ಕ॑ಪ॒ನೇವ॑ ವೇಧಸಃ . ಅಧ॑ ಸ್ಮಾ ನೋ ಅ॒ರಮ॑ತಿಂ ಸಜೋಷಸ॒ಶ್ಚಕ್ಷು॑ರಿವ॒ ಯಂತ॒ಮನು॑ ನೇಷಥಾ ಸು॒ಗಂ ..
ನ ಸ ಜೀ॑ಯತೇ ಮರುತೋ॒ ನ ಹ॑ನ್ಯತೇ॒ ನ ಸ್ರೇ॑ಧತಿ॒ ನ ವ್ಯ॑ಥತೇ॒ ನ ರಿ॑ಷ್ಯತಿ . ನಾಸ್ಯ॒ ರಾಯ॒ ಉಪ॑ ದಸ್ಯಂತಿ॒ ನೋತಯ॒ ಋಷಿಂ॑ ವಾ॒ ಯಂ ರಾಜಾ॑ನಂ ವಾ॒ ಸುಷೂ॑ದಥ ..
ನಿ॒ಯುತ್ವಂ॑ತೋ ಗ್ರಾಮ॒ಜಿತೋ॒ ಯಥಾ॒ ನರೋ॑ಽರ್ಯ॒ಮಣೋ॒ ನ ಮ॒ರುತಃ॑ ಕಬಂ॒ಧಿನಃ॑ . ಪಿನ್ವಂ॒ತ್ಯುತ್ಸಂ॒ ಯದಿ॒ನಾಸೋ॒ ಅಸ್ವ॑ರ॒ನ್ವ್ಯುಂ॑ದಂತಿ ಪೃಥಿ॒ವೀಂ ಮಧ್ವೋ॒ ಅಂಧ॑ಸಾ ..
ಪ್ರ॒ವತ್ವ॑ತೀ॒ಯಂ ಪೃ॑ಥಿ॒ವೀ ಮ॒ರುದ್ಭ್ಯಃ॑ ಪ್ರ॒ವತ್ವ॑ತೀ॒ ದ್ಯೌರ್ಭ॑ವತಿ ಪ್ರ॒ಯದ್ಭ್ಯಃ॑ . ಪ್ರ॒ವತ್ವ॑ತೀಃ ಪ॒ಥ್ಯಾ॑ ಅಂ॒ತರಿ॑ಕ್ಷ್ಯಾಃ ಪ್ರ॒ವತ್ವಂ॑ತಃ॒ ಪರ್ವ॑ತಾ ಜೀ॒ರದಾ॑ನವಃ ..
ಯನ್ಮ॑ರುತಃ ಸಭರಸಃ ಸ್ವರ್ಣರಃ॒ ಸೂರ್ಯ॒ ಉದಿ॑ತೇ॒ ಮದ॑ಥಾ ದಿವೋ ನರಃ . ನ ವೋಽಶ್ವಾಃ॑ ಶ್ರಥಯಂ॒ತಾಹ॒ ಸಿಸ್ರ॑ತಃ ಸ॒ದ್ಯೋ ಅ॒ಸ್ಯಾಧ್ವ॑ನಃ ಪಾ॒ರಮ॑ಶ್ನುಥ ..
ಅಂಸೇ॑ಷು ವ ಋ॒ಷ್ಟಯಃ॑ ಪ॒ತ್ಸು ಖಾ॒ದಯೋ॒ ವಕ್ಷಃ॑ಸು ರು॒ಕ್ಮಾ ಮ॑ರುತೋ॒ ರಥೇ॒ ಶುಭಃ॑ . ಅ॒ಗ್ನಿಭ್ರಾ॑ಜಸೋ ವಿ॒ದ್ಯುತೋ॒ ಗಭ॑ಸ್ತ್ಯೋಃ॒ ಶಿಪ್ರಾಃ॑ ಶೀ॒ರ್ಷಸು॒ ವಿತ॑ತಾ ಹಿರ॒ಣ್ಯಯೀಃ॑ ..
ತಂ ನಾಕ॑ಮ॒ರ್ಯೋ ಅಗೃ॑ಭೀತಶೋಚಿಷಂ॒ ರುಶ॒ತ್ಪಿಪ್ಪ॑ಲಂ ಮರುತೋ॒ ವಿ ಧೂ॑ನುಥ . ಸಮ॑ಚ್ಯಂತ ವೃ॒ಜನಾತಿ॑ತ್ವಿಷಂತ॒ ಯತ್ಸ್ವರಂ॑ತಿ॒ ಘೋಷಂ॒ ವಿತ॑ತಮೃತಾ॒ಯವಃ॑ ..
ಯು॒ಷ್ಮಾದ॑ತ್ತಸ್ಯ ಮರುತೋ ವಿಚೇತಸೋ ರಾ॒ಯಃ ಸ್ಯಾ॑ಮ ರ॒ಥ್ಯೋ॒೩॒॑ ವಯ॑ಸ್ವತಃ . ನ ಯೋ ಯುಚ್ಛ॑ತಿ ತಿ॒ಷ್ಯೋ॒೩॒॑ ಯಥಾ॑ ದಿ॒ವೋ॒೩॒॑ಽಸ್ಮೇ ರಾ॑ರಂತ ಮರುತಃ ಸಹ॒ಸ್ರಿಣಂ॑ ..
ಯೂ॒ಯಂ ರ॒ಯಿಂ ಮ॑ರುತಃ ಸ್ಪಾ॒ರ್ಹವೀ॑ರಂ ಯೂ॒ಯಮೃಷಿ॑ಮವಥ॒ ಸಾಮ॑ವಿಪ್ರಂ . ಯೂ॒ಯಮರ್ವಂ॑ತಂ ಭರ॒ತಾಯ॒ ವಾಜಂ॑ ಯೂ॒ಯಂ ಧ॑ತ್ಥ॒ ರಾಜಾ॑ನಂ ಶ್ರುಷ್ಟಿ॒ಮಂತಂ॑ ..
ತದ್ವೋ॑ ಯಾಮಿ॒ ದ್ರವಿ॑ಣಂ ಸದ್ಯಊತಯೋ॒ ಯೇನಾ॒ ಸ್ವ೧॒॑ರ್ಣ ತ॒ತನಾ॑ಮ॒ ನೄಁರ॒ಭಿ . ಇ॒ದಂ ಸು ಮೇ॑ ಮರುತೋ ಹರ್ಯತಾ॒ ವಚೋ॒ ಯಸ್ಯ॒ ತರೇ॑ಮ॒ ತರ॑ಸಾ ಶ॒ತಂ ಹಿಮಾಃ॑ ..
ಏತೋ॒ ನ್ವಿಂದ್ರಂ॒ ಸ್ತವಾ॑ಮ ಶು॒ದ್ಧಂ ಶು॒ದ್ಧೇನ॒ ಸಾಮ್ನಾ॑ . ಶು॒ದ್ಧೈರು॒ಕ್ಥೈರ್ವಾ॑ವೃ॒ಧ್ವಾಂಸಂ॑ ಶು॒ದ್ಧ ಆ॒ಶೀರ್ವಾ॑ನ್ಮಮತ್ತು ..
ಇಂದ್ರ॑ ಶು॒ದ್ಧೋ ನ॒ ಆ ಗ॑ಹಿ ಶು॒ದ್ಧಃ ಶು॒ದ್ಧಾಭಿ॑ರೂ॒ತಿಭಿಃ॑ . ಶು॒ದ್ಧೋ ರ॒ಯಿಂ ನಿ ಧಾ॑ರಯ ಶು॒ದ್ಧೋ ಮ॑ಮದ್ಧಿ ಸೋ॒ಮ್ಯಃ ..
ಇಂದ್ರ॑ ಶು॒ದ್ಧೋ ಹಿ ನೋ॑ ರ॒ಯಿಂ ಶು॒ದ್ಧೋ ರತ್ನಾ॑ನಿ ದಾ॒ಶುಷೇ॑ . ಶು॒ದ್ಧೋ ವೃ॒ತ್ರಾಣಿ॑ ಜಿಘ್ನಸೇ ಶು॒ದ್ಧೋ ವಾಜಂ॑ ಸಿಷಾಸಸಿ ..
ಅಪನಇತ್ಯಷ್ಟರ್ಚಸ್ಯ ಸೂಕ್ತಸ್ಯಕುತ್ಸಃಶುಚಿರಗ್ನಿರ್ಗಾಯತ್ರೀ .
ಅಪ॑ ನಃ॒ ಶೋಶು॑ಚದ॒ಘಮಗ್ನೇ॑ ಶುಶು॒ಗ್ಧ್ಯಾ ರ॒ಯಿಂ . ಅಪ॑ ನಃ॒ ಶೋಶು॑ಚದ॒ಘಂ ..
ಸು॒ಕ್ಷೇ॒ತ್ರಿ॒ಯಾ ಸು॑ಗಾತು॒ಯಾ ವ॑ಸೂ॒ಯಾ ಚ॑ ಯಜಾಮಹೇ . ಅಪ॑ ನಃ॒ ಶೋಶು॑ಚದ॒ಘಂ ..
ಪ್ರ ಯದ್ಭಂದಿ॑ಷ್ಠ ಏಷಾಂ॒ ಪ್ರಾಸ್ಮಾಕಾ॑ಸಶ್ಚ ಸೂ॒ರಯಃ॑ . ಅಪ॑ ನಃ॒ ಶೋಶು॑ಚದ॒ಘಂ ..
ಪ್ರ ಯತ್ತೇ॑ ಅಗ್ನೇ ಸೂ॒ರಯೋ॒ ಜಾಯೇ॑ಮಹಿ॒ ಪ್ರ ತೇ॑ ವ॒ಯಂ . ಅಪ॑ ನಃ॒ ಶೋಶು॑ಚದ॒ಘಂ ..
ಪ್ರ ಯದ॒ಗ್ನೇಃ ಸಹ॑ಸ್ವತೋ ವಿ॒ಶ್ವತೋ॒ ಯಂತಿ॑ ಭಾ॒ನವಃ॑ . ಅಪ॑ ನಃ॒ ಶೋಶು॑ಚದ॒ಘಂ ..
ತ್ವಂ ಹಿ ವಿ॑ಶ್ವತೋಮುಖ ವಿ॒ಶ್ವತಃ॑ ಪರಿ॒ಭೂರಸಿ॑ . ಅಪ॑ ನಃ॒ ಶೋಶು॑ಚದ॒ಘಂ ..
ದ್ವಿಷೋ॑ ನೋ ವಿಶ್ವತೋಮು॒ಖಾತಿ॑ ನಾ॒ವೇವ॑ ಪಾರಯ . ಅಪ॑ ನಃ॒ ಶೋಶು॑ಚದ॒ಘಂ ..
ಸ ನಃ॒ ಸಿಂಧು॑ಮಿವ ನಾ॒ವಯಾತಿ॑ ಪರ್ಷಾ ಸ್ವ॒ಸ್ತಯೇ॑ . ಅಪ॑ ನಃ॒ ಶೋಶು॑ಚದ॒ಘಂ ..
ಆಪೋಯಂವಇತಿ ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಆಪಸ್ತ್ರಿಷ್ಟುಪ್ .
ಆಪೋ॒ ಯಂ ವಃ॑ ಪ್ರಥ॒ಮಂ ದೇ॑ವ॒ಯಂತ॑ ಇಂದ್ರ॒ಪಾನ॑ಮೂ॒ರ್ಮಿಮಕೃ॑ಣ್ವತೇ॒ಳಃ . ತಂ ವೋ॑ ವ॒ಯಂ ಶುಚಿ॑ಮರಿ॒ಪ್ರಮ॒ದ್ಯ ಘೃ॑ತ॒ಪ್ರುಷಂ॒ ಮಧು॑ಮಂತಂ ವನೇಮ ..
ತಮೂ॒ರ್ಮಿಮಾ॑ಪೋ॒ ಮಧು॑ಮತ್ತಮಂ ವೋ॒ಽಪಾಂ ನಪಾ॑ದವತ್ವಾಶು॒ಹೇಮಾ॑ . ಯಸ್ಮಿ॒ನ್ನಿಂದ್ರೋ॒ ವಸು॑ಭಿರ್ಮಾ॒ದಯಾ॑ತೇ॒ ತಮ॑ಶ್ಯಾಮ ದೇವ॒ಯಂತೋ॑ ವೋ ಅ॒ದ್ಯ ..
ಶ॒ತಪ॑ವಿತ್ರಾಃ ಸ್ವ॒ಧಯಾ॒ ಮದಂ॑ತೀರ್ದೇ॒ವೀರ್ದೇ॒ವಾನಾ॒ಮಪಿ॑ ಯಂತಿ॒ ಪಾಥಃ॑ . ತಾ ಇಂದ್ರ॑ಸ್ಯ॒ ನ ಮಿ॑ನಂತಿ ವ್ರ॒ತಾನಿ॒ ಸಿಂಧು॑ಭ್ಯೋ ಹ॒ವ್ಯಂ ಘೃ॒ತವ॑ಜ್ಜುಹೋತ ..
ಯಾಃ ಸೂರ್ಯೋ॑ ರ॒ಶ್ಮಿಭಿ॑ರಾತ॒ತಾನ॒ ಯಾಭ್ಯ॒ ಇಂದ್ರೋ॒ ಅರ॑ದದ್ಗಾ॒ತುಮೂ॒ರ್ಮಿಂ . ತೇ ಸಿಂ॑ಧವೋ॒ ವರಿ॑ವೋ ಧಾತನಾ ನೋ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಸಮುದ್ರಜ್ಯೇಷ್ಠ ಇತಿ ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಆಪಸ್ತ್ರಿಷ್ಟುಪ್ .
ಸ॒ಮು॒ದ್ರಜ್ಯೇ॑ಷ್ಠಾಃ ಸಲಿ॒ಲಸ್ಯ॒ ಮಧ್ಯಾ॑ತ್ಪುನಾ॒ನಾ ಯಂ॒ತ್ಯನಿ॑ವಿಶಮಾನಾಃ . ಇಂದ್ರೋ॒ ಯಾ ವ॒ಜ್ರೀ ವೃ॑ಷ॒ಭೋ ರ॒ರಾದ॒ ತಾ ಆಪೋ॑ ದೇ॒ವೀರಿ॒ಹ ಮಾಮ॑ವಂತು ..
ಯಾ ಆಪೋ॑ ದಿ॒ವ್ಯಾ ಉ॒ತ ವಾ॒ ಸ್ರವಂ॑ತಿ ಖ॒ನಿತ್ರಿ॑ಮಾ ಉ॒ತ ವಾ॒ ಯಾಃ ಸ್ವ॑ಯಂ॒ಜಾಃ . ಸ॒ಮು॒ದ್ರಾರ್ಥಾ॒ ಯಾಃ ಶುಚ॑ಯಃ ಪಾವ॒ಕಾಸ್ತಾ ಆಪೋ॑ ದೇ॒ವೀರಿ॒ಹ ಮಾಮ॑ವಂತು ..
ಯಾಸಾಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ಜನಾ॑ನಾಂ . ಮ॒ಧು॒ಶ್ಚುತಃ॒ ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ಆಪೋ॑ ದೇ॒ವೀರಿ॒ಹ ಮಾಮ॑ವಂತು ..
ಯಾಸು॒ ರಾಜಾ॒ ವರು॑ಣೋ॒ ಯಾಸು॒ ಸೋಮೋ॒ ವಿಶ್ವೇ॑ ದೇ॒ವಾ ಯಾಸೂರ್ಜಂ॒ ಮದಂ॑ತಿ . ವೈ॒ಶ್ವಾ॒ನ॒ರೋ ಯಾಸ್ವ॒ಗ್ನಿಃ ಪ್ರವಿ॑ಷ್ಟ॒ಸ್ತಾ ಆಪೋ॑ ದೇ॒ವೀರಿ॒ಹ ಮಾಮ॑ವಂತು ..
ಆಮಾಮಿತಿ ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಮಿತ್ರಾವರುಣಾಪಗ್ನಿರ್ವಿಶ್ವೇದೇವಾನದ್ಯಇತಿ ಕ್ರಮೇಣದೇವತಾಜಗತ್ಯಂತ್ಯಾತಿಜಗತೀಶಕ್ವರೀವಾ .
ಆ ಮಾಂ ಮಿ॑ತ್ರಾವರುಣೇ॒ಹ ರ॑ಕ್ಷತಂ ಕುಲಾ॒ಯಯ॑ದ್ವಿ॒ಶ್ವಯ॒ನ್ಮಾ ನ॒ ಆ ಗ॑ನ್ . ಅ॒ಜ॒ಕಾ॒ವಂ ದು॒ರ್ದೃಶೀ॑ಕಂ ತಿ॒ರೋ ದ॑ಧೇ॒ ಮಾ ಮಾಂ ಪದ್ಯೇ॑ನ॒ ರಪ॑ಸಾ ವಿದ॒ತ್ತ್ಸರುಃ॑ .. ಆ ಮಾಂ ಮಿ॑ತ್ರಾವರುಣೇ॒ಹ ರ॑ಕ್ಷತಂ ಕುಲಾ॒ಯಯ॑ದ್ವಿ॒ಶ್ವಯ॒ನ್ಮಾ ನ॒ ಆ ಗ॑ನ್ . ಅ॒ಜ॒ಕಾ॒ವಂ ದು॒ರ್ದೃಶೀ॑ಕಂ ತಿ॒ರೋ ದ॑ಧೇ॒ ಮಾ ಮಾಂ ಪದ್ಯೇ॑ನ॒ ರಪ॑ಸಾ ವಿದ॒ತ್ತ್ಸರುಃ॑ ..
ಯದ್ವಿ॒ಜಾಮ॒ನ್ಪರು॑ಷಿ॒ ವಂದ॑ನಂ॒ ಭುವ॑ದಷ್ಠೀ॒ವಂತೌ॒ ಪರಿ॑ ಕು॒ಲ್ಫೌ ಚ॒ ದೇಹ॑ತ್ . ಅ॒ಗ್ನಿಷ್ಟಚ್ಛೋಚ॒ನ್ನಪ॑ ಬಾಧತಾಮಿ॒ತೋ ಮಾ ಮಾಂ ಪದ್ಯೇ॑ನ॒ ರಪ॑ಸಾ ವಿದ॒ತ್ತ್ಸರುಃ॑ ..
ಯಚ್ಛ॑ಲ್ಮ॒ಲೌ ಭವ॑ತಿ॒ ಯನ್ನ॒ದೀಷು॒ ಯದೋಷ॑ಧೀಭ್ಯಃ॒ ಪರಿ॒ ಜಾಯ॑ತೇ ವಿ॒ಷಂ . ವಿಶ್ವೇ॑ ದೇ॒ವಾ ನಿರಿ॒ತಸ್ತತ್ಸು॑ವಂತು॒ ಮಾ ಮಾಂ ಪದ್ಯೇ॑ನ॒ ರಪ॑ಸಾ ವಿದ॒ತ್ತ್ಸರುಃ॑ ..
ಯಾಃ ಪ್ರ॒ವತೋ॑ ನಿ॒ವತ॑ ಉ॒ದ್ವತ॑ ಉದ॒ನ್ವತೀ॑ರನುದ॒ಕಾಶ್ಚ॒ ಯಾಃ . ತಾ ಅ॒ಸ್ಮಭ್ಯಂ॒ ಪಯ॑ಸಾ॒ ಪಿನ್ವ॑ಮಾನಾಃ ಶಿ॒ವಾ ದೇ॒ವೀರ॑ಶಿಪ॒ದಾ ಭ॑ವಂತು॒ ಸರ್ವಾ॑ ನ॒ದ್ಯೋ॑ ಅಶಿಮಿ॒ದಾ ಭ॑ವಂತು ..
ಆಪೋಹಿಷ್ಠೇತಿ ನವರ್ಚಸ್ಯ ಸೂಕ್ತಸ್ಯ ಆಂಬರೀಷಃ ಸಿಂಧುದ್ವೀಪ ಆಪೋ ಗಾಯತ್ರೀ ಪಂಚಮೀವರ್ಧಮಾನಾ ಸಪ್ತಮೀಪ್ರತಿಷ್ಠಾಂತ್ಯೇದ್ವೇಅನುಷ್ಟುಭೌ . ಆಪೋಹಿಸಿಂಧುದ್ವೀಪೋವಾಂಬರೀಷ ಇತ್ಯೇವಮನುಕ್ರಮಣ್ಯಾಂ ಸಿಂಧುದ್ವೀಪಸ್ಯ ಪಾಕ್ಷಿಕತ್ವ ಸ್ವೀಕಾರೇ ಪೂರ್ವೋಕ್ತಸ್ತ್ರಿಶಿರಾಃ ಪ್ರಾಪ್ನೋತಿತಥಾಪಿ ಪ್ರಯೋಕ್ತೃಭಿಃ ಸಿಂಧುದ್ವೀಪ ಏವಾದ್ರಿಯತೇ .
ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ . ಮ॒ಹೇ ರಣಾ॑ಯ॒ ಚಕ್ಷ॑ಸೇ ..
ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ . ಉ॒ಶ॒ತೀರಿ॑ವ ಮಾ॒ತರಃ॑ ..
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ . ಆಪೋ॑ ಜ॒ನಯ॑ಥಾ ಚ ನಃ ..
ಶಂ ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ॑ . ಶಂ ಯೋರ॒ಭಿ ಸ್ರ॑ವಂತು ನಃ ..
ಈಶಾ॑ನಾ॒ ವಾರ್ಯಾ॑ಣಾಂ॒ ಕ್ಷಯಂ॑ತೀಶ್ಚರ್ಷಣೀ॒ನಾಂ . ಅ॒ಪೋ ಯಾ॑ಚಾಮಿ ಭೇಷ॒ಜಂ ..
ಅ॒ಪ್ಸು ಮೇ॒ ಸೋಮೋ॑ ಅಬ್ರವೀದಂ॒ತರ್ವಿಶ್ವಾ॑ನಿ ಭೇಷ॒ಜಾ . ಅ॒ಗ್ನಿಂ ಚ॑ ವಿ॒ಶ್ವಶಂ॑ಭುವಂ ..
ಆಪಃ॑ ಪೃಣೀ॒ತ ಭೇ॑ಷ॒ಜಂ ವರೂ॑ಥಂ ತ॒ನ್ವೇ॒೩॒॑ ಮಮ॑ . ಜ್ಯೋಕ್ಚ॒ ಸೂರ್ಯಂ॑ ದೃ॒ಶೇ ..
ಇ॒ದಮಾ॑ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ . ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ॑ ಶೇ॒ಪ ಉ॒ತಾನೃ॑ತಂ ..
ಆಪೋ॑ ಅ॒ದ್ಯಾನ್ವ॑ಚಾರಿಷಂ॒ ರಸೇ॑ನ॒ ಸಮ॑ಗಸ್ಮಹಿ . ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೯ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೭, ಅಧ್ಯಾಯ ೬, ೫ ವರ್ಗಾನಂತರಂ]
ಸ॒ಸ್ರುಷೀ॒.ಸ್ತದ॑ಪಸೋ॒- ದಿವಾ॒ ನಕ್ತ॑.ಞ್ಚ ಸ॒ಸ್ರುಷೀಃ॑. ವರೇ॑ಣ್ಯಕ್ರತೂ. ರಹ॒. ಮಾ ದೇ॒ವೀ.-ರವ॑ಸೇ ಹುವೇ..
ಪ್ರಸುವಇತಿ ನವರ್ಚಸ್ಯ ಸೂಕ್ತಸ್ಯ ಪ್ರೈಯಮೇಧಃ ಸಿಂಧುಕ್ಷಿನ್ನದ್ಯೋಜಗತೀ .
ಪ್ರ ಸು ವ॑ ಆಪೋ ಮಹಿ॒ಮಾನ॑ಮುತ್ತ॒ಮಂ ಕಾ॒ರುರ್ವೋ॑ಚಾತಿ॒ ಸದ॑ನೇ ವಿ॒ವಸ್ವ॑ತಃ . ಪ್ರ ಸ॒ಪ್ತಸ॑ಪ್ತ ತ್ರೇ॒ಧಾ ಹಿ ಚ॑ಕ್ರ॒ಮುಃ ಪ್ರ ಸೃತ್ವ॑ರೀಣಾ॒ಮತಿ॒ ಸಿಂಧು॒ರೋಜ॑ಸಾ ..
ಪ್ರ ತೇ॑ಽರದ॒ದ್ವರು॑ಣೋ॒ ಯಾತ॑ವೇ ಪ॒ಥಃ ಸಿಂಧೋ॒ ಯದ್ವಾಜಾಁ॑ ಅ॒ಭ್ಯದ್ರ॑ವ॒ಸ್ತ್ವಂ . ಭೂಮ್ಯಾ॒ ಅಧಿ॑ ಪ್ರ॒ವತಾ॑ ಯಾಸಿ॒ ಸಾನು॑ನಾ॒ ಯದೇ॑ಷಾ॒ಮಗ್ರಂ॒ ಜಗ॑ತಾಮಿರ॒ಜ್ಯಸಿ॑ ..
ದಿ॒ವಿ ಸ್ವ॒ನೋ ಯ॑ತತೇ॒ ಭೂಮ್ಯೋ॒ಪರ್ಯ॑ನಂ॒ತಂ ಶುಷ್ಮ॒ಮುದಿ॑ಯರ್ತಿ ಭಾ॒ನುನಾ॑ . ಅ॒ಭ್ರಾದಿ॑ವ॒ ಪ್ರ ಸ್ತ॑ನಯಂತಿ ವೃ॒ಷ್ಟಯಃ॒ ಸಿಂಧು॒ರ್ಯದೇತಿ॑ ವೃಷ॒ಭೋ ನ ರೋರು॑ವತ್ ..
ಅ॒ಭಿ ತ್ವಾ॑ ಸಿಂಧೋ॒ ಶಿಶು॒ಮಿನ್ನ ಮಾ॒ತರೋ॑ ವಾ॒ಶ್ರಾ ಅ॑ರ್ಷಂತಿ॒ ಪಯ॑ಸೇವ ಧೇ॒ನವಃ॑ . ರಾಜೇ॑ವ॒ ಯುಧ್ವಾ॑ ನಯಸಿ॒ ತ್ವಮಿತ್ಸಿಚೌ॒ ಯದಾ॑ಸಾ॒ಮಗ್ರಂ॑ ಪ್ರ॒ವತಾ॒ಮಿನ॑ಕ್ಷಸಿ ..
ಇ॒ಮಂ ಮೇ॑ ಗಂಗೇ ಯಮುನೇ ಸರಸ್ವತಿ॒ ಶುತು॑ದ್ರಿ॒ ಸ್ತೋಮಂ॑ ಸಚತಾ॒ ಪರು॒ಷ್ಣ್ಯಾ . ಅ॒ಸಿ॒ಕ್ನ್ಯಾ ಮ॑ರುದ್ವೃಧೇ ವಿ॒ತಸ್ತ॒ಯಾರ್ಜೀ॑ಕೀಯೇ ಶೃಣು॒ಹ್ಯಾ ಸು॒ಷೋಮ॑ಯಾ ..
ತೃ॒ಷ್ಟಾಮ॑ಯಾ ಪ್ರಥ॒ಮಂ ಯಾತ॑ವೇ ಸ॒ಜೂಃ ಸು॒ಸರ್ತ್ವಾ॑ ರ॒ಸಯಾ॑ ಶ್ವೇ॒ತ್ಯಾ ತ್ಯಾ . ತ್ವಂ ಸಿಂ॑ಧೋ॒ ಕುಭ॑ಯಾ ಗೋಮ॒ತೀಂ ಕ್ರುಮುಂ॑ ಮೇಹ॒ತ್ನ್ವಾ ಸ॒ರಥಂ॒ ಯಾಭಿ॒ರೀಯ॑ಸೇ ..
ಋಜೀ॒ತ್ಯೇನೀ॒ ರುಶ॑ತೀ ಮಹಿ॒ತ್ವಾ ಪರಿ॒ ಜ್ರಯಾಂ॑ಸಿ ಭರತೇ॒ ರಜಾಂ॑ಸಿ . ಅದ॑ಬ್ಧಾ॒ ಸಿಂಧು॑ರ॒ಪಸಾ॑ಮ॒ಪಸ್ತ॒ಮಾಶ್ವಾ॒ ನ ಚಿ॒ತ್ರಾ ವಪು॑ಷೀವ ದರ್ಶ॒ತಾ ..
ಸ್ವಶ್ವಾ॒ ಸಿಂಧುಃ॑ ಸು॒ರಥಾ॑ ಸು॒ವಾಸಾ॑ ಹಿರ॒ಣ್ಯಯೀ॒ ಸುಕೃ॑ತಾ ವಾ॒ಜಿನೀ॑ವತೀ . ಊರ್ಣಾ॑ವತೀ ಯುವ॒ತಿಃ ಸೀ॒ಲಮಾ॑ವತ್ಯು॒ತಾಧಿ॑ ವಸ್ತೇ ಸು॒ಭಗಾ॑ ಮಧು॒ವೃಧಂ॑ ..
ಸು॒ಖಂ ರಥಂ॑ ಯುಯುಜೇ॒ ಸಿಂಧು॑ರ॒ಶ್ವಿನಂ॒ ತೇನ॒ ವಾಜಂ॑ ಸನಿಷದ॒ಸ್ಮಿನ್ನಾ॒ಜೌ . ಮ॒ಹಾನ್ಹ್ಯ॑ಸ್ಯ ಮಹಿ॒ಮಾ ಪ॑ನ॒ಸ್ಯತೇಽದ॑ಬ್ಧಸ್ಯ॒ ಸ್ವಯ॑ಶಸೋ ವಿರ॒ಪ್ಶಿನಃ॑ ..
ಅಚ್ಛಾವದೇತಿ ದಶರ್ಚಸ್ಯ ಸೂಕ್ತಸ್ಯ ಭೌಮೋತ್ರಿಃ ಪರ್ಜನ್ಯಸ್ತ್ರಿಷ್ಟುಪ್ ದ್ವಿತೀಯಾದಿತಿಸ್ರೋಜಗತ್ಯೋ ನವಮ್ಯನುಷ್ಟುಪ್ .
ಅಚ್ಛಾ॑ ವದ ತ॒ವಸಂ॑ ಗೀ॒ರ್ಭಿರಾ॒ಭಿಃ ಸ್ತು॒ಹಿ ಪ॒ರ್ಜನ್ಯಂ॒ ನಮ॒ಸಾ ವಿ॑ವಾಸ . ಕನಿ॑ಕ್ರದದ್ವೃಷ॒ಭೋ ಜೀ॒ರದಾ॑ನೂ॒ ರೇತೋ॑ ದಧಾ॒ತ್ಯೋಷ॑ಧೀಷು॒ ಗರ್ಭಂ॑ ..
ವಿ ವೃ॒ಕ್ಷಾನ್ಹಂ॑ತ್ಯು॒ತ ಹಂ॑ತಿ ರ॒ಕ್ಷಸೋ॒ ವಿಶ್ವಂ॑ ಬಿಭಾಯ॒ ಭುವ॑ನಂ ಮ॒ಹಾವ॑ಧಾತ್ . ಉ॒ತಾನಾ॑ಗಾ ಈಷತೇ॒ ವೃಷ್ಣ್ಯಾ॑ವತೋ॒ ಯತ್ಪ॒ರ್ಜನ್ಯಃ॑ ಸ್ತ॒ನಯ॒ನ್ಹಂತಿ॑ ದು॒ಷ್ಕೃತಃ॑ ..
ರ॒ಥೀವ॒ ಕಶ॒ಯಾಶ್ವಾಁ॑ ಅಭಿಕ್ಷಿ॒ಪನ್ನಾ॒ವಿರ್ದೂ॒ತಾನ್ಕೃ॑ಣುತೇ ವ॒ರ್ಷ್ಯಾಁ॒೩॒॑ ಅಹ॑ . ದೂ॒ರಾತ್ಸಿಂ॒ಹಸ್ಯ॑ ಸ್ತ॒ನಥಾ॒ ಉದೀ॑ರತೇ॒ ಯತ್ಪ॒ರ್ಜನ್ಯಃ॑ ಕೃಣು॒ತೇ ವ॒ರ್ಷ್ಯಂ೧॒॑ ನಭಃ॑ ..
ಪ್ರ ವಾತಾ॒ ವಾಂತಿ॑ ಪ॒ತಯಂ॑ತಿ ವಿ॒ದ್ಯುತ॒ ಉದೋಷ॑ಧೀ॒ರ್ಜಿಹ॑ತೇ॒ ಪಿನ್ವ॑ತೇ॒ ಸ್ವಃ॑ . ಇರಾ॒ ವಿಶ್ವ॑ಸ್ಮೈ॒ ಭುವ॑ನಾಯ ಜಾಯತೇ॒ ಯತ್ಪ॒ರ್ಜನ್ಯಃ॑ ಪೃಥಿ॒ವೀಂ ರೇತ॒ಸಾವ॑ತಿ ..
ಯಸ್ಯ॑ ವ್ರ॒ತೇ ಪೃ॑ಥಿ॒ವೀ ನನ್ನ॑ಮೀತಿ॒ ಯಸ್ಯ॑ ವ್ರ॒ತೇ ಶ॒ಫವ॒ಜ್ಜರ್ಭು॑ರೀತಿ . ಯಸ್ಯ॑ ವ್ರ॒ತ ಓಷ॑ಧೀರ್ವಿ॒ಶ್ವರೂ॑ಪಾಃ॒ ಸ ನಃ॑ ಪರ್ಜನ್ಯ॒ ಮಹಿ॒ ಶರ್ಮ॑ ಯಚ್ಛ ..
ದಿ॒ವೋ ನೋ॑ ವೃ॒ಷ್ಟಿಂ ಮ॑ರುತೋ ರರೀಧ್ವಂ॒ ಪ್ರ ಪಿ॑ನ್ವತ॒ ವೃಷ್ಣೋ॒ ಅಶ್ವ॑ಸ್ಯ॒ ಧಾರಾಃ॑ . ಅ॒ರ್ವಾಙೇ॒ತೇನ॑ ಸ್ತನಯಿ॒ತ್ನುನೇಹ್ಯ॒ಪೋ ನಿ॑ಷಿಂ॒ಚನ್ನಸು॑ರಃ ಪಿ॒ತಾ ನಃ॑ ..
ಅ॒ಭಿ ಕ್ರಂ॑ದ ಸ್ತ॒ನಯ॒ ಗರ್ಭ॒ಮಾ ಧಾ॑ ಉದ॒ನ್ವತಾ॒ ಪರಿ॑ ದೀಯಾ॒ ರಥೇ॑ನ . ದೃತಿಂ॒ ಸು ಕ॑ರ್ಷ॒ ವಿಷಿ॑ತಂ॒ ನ್ಯಂ॑ಚಂ ಸ॒ಮಾ ಭ॑ವಂತೂ॒ದ್ವತೋ॑ ನಿಪಾ॒ದಾಃ ..
ಮ॒ಹಾಂತಂ॒ ಕೋಶ॒ಮುದ॑ಚಾ॒ ನಿ ಷಿಂ॑ಚ॒ ಸ್ಯಂದಂ॑ತಾಂ ಕು॒ಲ್ಯಾ ವಿಷಿ॑ತಾಃ ಪು॒ರಸ್ತಾ॑ತ್ . ಘೃ॒ತೇನ॒ ದ್ಯಾವಾ॑ಪೃಥಿ॒ವೀ ವ್ಯುಂ॑ಧಿ ಸುಪ್ರಪಾ॒ಣಂ ಭ॑ವತ್ವ॒ಘ್ನ್ಯಾಭ್ಯಃ॑ ..
ಯತ್ಪ॑ರ್ಜನ್ಯ॒ ಕನಿ॑ಕ್ರದತ್ಸ್ತ॒ನಯ॒ನ್ಹಂಸಿ॑ ದು॒ಷ್ಕೃತಃ॑ . ಪ್ರತೀ॒ದಂ ವಿಶ್ವಂ॑ ಮೋದತೇ॒ ಯತ್ಕಿಂ ಚ॑ ಪೃಥಿ॒ವ್ಯಾಮಧಿ॑ ..
ಅವ॑ರ್ಷೀರ್ವ॒ರ್ಷಮುದು॒ ಷೂ ಗೃ॑ಭಾ॒ಯಾಕ॒ರ್ಧನ್ವಾ॒ನ್ಯತ್ಯೇ॑ತ॒ವಾ ಉ॑ . ಅಜೀ॑ಜನ॒ ಓಷ॑ಧೀ॒ರ್ಭೋಜ॑ನಾಯ॒ ಕಮು॒ತ ಪ್ರ॒ಜಾಭ್ಯೋ॑ಽವಿದೋ ಮನೀ॒ಷಾಂ ..
ತಿಸ್ರೋವಾಚಇತಿ ಷಡೃಚಸ್ಯ ಸೂಕ್ತಸ್ಯಾಗ್ನೇಯಃ ಕುಮಾರಃ ಪರ್ಜನ್ಯಸ್ತ್ರಿಷ್ಟುಪ್ .( ತಿಸ್ರೋವಾಚಃ ಪರ್ಜನ್ಯಾಯೇತಿಸೂಕ್ತಯೋರ್ವೃಷ್ಟಿಕಾಮೋವಸಿಷ್ಠಃ ಪಾಕ್ಷಿಕಃ) .
ತಿ॒ಸ್ರೋ ವಾಚಃ॒ ಪ್ರ ವ॑ದ॒ ಜ್ಯೋತಿ॑ರಗ್ರಾ॒ ಯಾ ಏ॒ತದ್ದು॒ಹ್ರೇ ಮ॑ಧುದೋ॒ಘಮೂಧಃ॑ . ಸ ವ॒ತ್ಸಂ ಕೃ॒ಣ್ವನ್ಗರ್ಭ॒ಮೋಷ॑ಧೀನಾಂ ಸ॒ದ್ಯೋ ಜಾ॒ತೋ ವೃ॑ಷ॒ಭೋ ರೋ॑ರವೀತಿ ..
ಯೋ ವರ್ಧ॑ನ॒ ಓಷ॑ಧೀನಾಂ॒ ಯೋ ಅ॒ಪಾಂ ಯೋ ವಿಶ್ವ॑ಸ್ಯ॒ ಜಗ॑ತೋ ದೇ॒ವ ಈಶೇ॑ . ಸ ತ್ರಿ॒ಧಾತು॑ ಶರ॒ಣಂ ಶರ್ಮ॑ ಯಂಸತ್ತ್ರಿ॒ವರ್ತು॒ ಜ್ಯೋತಿಃ॑ ಸ್ವಭಿ॒ಷ್ಟ್ಯ೧॒॑ಸ್ಮೇ ..
ಸ್ತ॒ರೀರು॑ ತ್ವ॒ದ್ಭವ॑ತಿ॒ ಸೂತ॑ ಉ ತ್ವದ್ಯಥಾವ॒ಶಂ ತ॒ನ್ವಂ॑ ಚಕ್ರ ಏ॒ಷಃ . ಪಿ॒ತುಃ ಪಯಃ॒ ಪ್ರತಿ॑ ಗೃಭ್ಣಾತಿ ಮಾ॒ತಾ ತೇನ॑ ಪಿ॒ತಾ ವ॑ರ್ಧತೇ॒ ತೇನ॑ ಪು॒ತ್ರಃ ..
ಯಸ್ಮಿ॒ನ್ವಿಶ್ವಾ॑ನಿ॒ ಭುವ॑ನಾನಿ ತ॒ಸ್ಥುಸ್ತಿ॒ಸ್ರೋ ದ್ಯಾವ॑ಸ್ತ್ರೇ॒ಧಾ ಸ॒ಸ್ರುರಾಪಃ॑ . ತ್ರಯಃ॒ ಕೋಶಾ॑ಸ ಉಪ॒ಸೇಚ॑ನಾಸೋ॒ ಮಧ್ವಃ॑ ಶ್ಚೋತಂತ್ಯ॒ಭಿತೋ॑ ವಿರ॒ಪ್ಶಂ ..
ಇ॒ದಂ ವಚಃ॑ ಪ॒ರ್ಜನ್ಯಾ॑ಯ ಸ್ವ॒ರಾಜೇ॑ ಹೃ॒ದೋ ಅ॒ಸ್ತ್ವಂತ॑ರಂ॒ ತಜ್ಜು॑ಜೋಷತ್ . ಮ॒ಯೋ॒ಭುವೋ॑ ವೃ॒ಷ್ಟಯಃ॑ ಸಂತ್ವ॒ಸ್ಮೇ ಸು॑ಪಿಪ್ಪ॒ಲಾ ಓಷ॑ಧೀರ್ದೇ॒ವಗೋ॑ಪಾಃ ..
ಸ ರೇ॑ತೋ॒ಧಾ ವೃ॑ಷ॒ಭಃ ಶಶ್ವ॑ತೀನಾಂ॒ ತಸ್ಮಿ॑ನ್ನಾ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ . ತನ್ಮ॑ ಋ॒ತಂ ಪಾ॑ತು ಶ॒ತಶಾ॑ರದಾಯ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
ಪರ್ಜನ್ಯಾಯೇತಿ ತೃಚಸ್ಯ ಸೂಕ್ತಸ್ಯಾಗ್ನೇಯಃಕುಮಾರಃ ಪರ್ಜನ್ಯೋ ಗಾಯತ್ರೀ .
ಪ॒ರ್ಜನ್ಯಾ॑ಯ॒ ಪ್ರ ಗಾ॑ಯತ ದಿ॒ವಸ್ಪು॒ತ್ರಾಯ॑ ಮೀ॒ಳ್ಹುಷೇ॑ . ಸ ನೋ॒ ಯವ॑ಸಮಿಚ್ಛತು ..
ಯೋ ಗರ್ಭ॒ಮೋಷ॑ಧೀನಾಂ॒ ಗವಾಂ॑ ಕೃ॒ಣೋತ್ಯರ್ವ॑ತಾಂ . ಪ॒ರ್ಜನ್ಯಃ॑ ಪುರು॒ಷೀಣಾಂ॑ ..
ತಸ್ಮಾ॒ ಇದಾ॒ಸ್ಯೇ॑ ಹ॒ವಿರ್ಜು॒ಹೋತಾ॒ ಮಧು॑ಮತ್ತಮಂ . ಇಳಾಂ॑ ನಃ ಸಂ॒ಯತಂ॑ ಕರತ್ ..
ಸಂವತ್ಸರಮಿತಿ ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ ಪರ್ಜನ್ಯಸ್ತುತಿಮಂಡೂಕಸ್ತ್ರಿಷ್ಟುಬಾದ್ಯಾನುಷ್ಟುಪ್ .
ಸಂ॒ವ॒ತ್ಸ॒ರಂ ಶ॑ಶಯಾ॒ನಾ ಬ್ರಾ॑ಹ್ಮ॒ಣಾ ವ್ರ॑ತಚಾ॒ರಿಣಃ॑ . ವಾಚಂ॑ ಪ॒ರ್ಜನ್ಯ॑ಜಿನ್ವಿತಾಂ॒ ಪ್ರ ಮಂ॒ಡೂಕಾ॑ ಅವಾದಿಷುಃ ..
ದಿ॒ವ್ಯಾ ಆಪೋ॑ ಅ॒ಭಿ ಯದೇ॑ನ॒ಮಾಯಂ॒ದೃತಿಂ॒ ನ ಶುಷ್ಕಂ॑ ಸರ॒ಸೀ ಶಯಾ॑ನಂ . ಗವಾ॒ಮಹ॒ ನ ಮಾ॒ಯುರ್ವ॒ತ್ಸಿನೀ॑ನಾಂ ಮಂ॒ಡೂಕಾ॑ನಾಂ ವ॒ಗ್ನುರತ್ರಾ॒ ಸಮೇ॑ತಿ ..
ಯದೀ॑ಮೇನಾಁ ಉಶ॒ತೋ ಅ॒ಭ್ಯವ॑ರ್ಷೀತ್ತೃ॒ಷ್ಯಾವ॑ತಃ ಪ್ರಾ॒ವೃಷ್ಯಾಗ॑ತಾಯಾಂ . ಅ॒ಖ್ಖ॒ಲೀ॒ಕೃತ್ಯಾ॑ ಪಿ॒ತರಂ॒ ನ ಪು॒ತ್ರೋ ಅ॒ನ್ಯೋ ಅ॒ನ್ಯಮುಪ॒ ವದಂ॑ತಮೇತಿ ..
ಅ॒ನ್ಯೋ ಅ॒ನ್ಯಮನು॑ ಗೃಭ್ಣಾತ್ಯೇನೋರ॒ಪಾಂ ಪ್ರ॑ಸ॒ರ್ಗೇ ಯದಮಂ॑ದಿಷಾತಾಂ . ಮಂ॒ಡೂಕೋ॒ ಯದ॒ಭಿವೃ॑ಷ್ಟಃ॒ ಕನಿ॑ಷ್ಕ॒ನ್ಪೃಶ್ನಿಃ॑ ಸಂಪೃಂ॒ಕ್ತೇ ಹರಿ॑ತೇನ॒ ವಾಚಂ॑ ..
ಯದೇ॑ಷಾಮ॒ನ್ಯೋ ಅ॒ನ್ಯಸ್ಯ॒ ವಾಚಂ॑ ಶಾ॒ಕ್ತಸ್ಯೇ॑ವ॒ ವದ॑ತಿ॒ ಶಿಕ್ಷ॑ಮಾಣಃ . ಸರ್ವಂ॒ ತದೇ॑ಷಾಂ ಸ॒ಮೃಧೇ॑ವ॒ ಪರ್ವ॒ ಯತ್ಸು॒ವಾಚೋ॒ ವದ॑ಥ॒ನಾಧ್ಯ॒ಪ್ಸು ..
ಗೋಮಾ॑ಯು॒ರೇಕೋ॑ ಅ॒ಜಮಾ॑ಯು॒ರೇಕಃ॒ ಪೃಶ್ನಿ॒ರೇಕೋ॒ ಹರಿ॑ತ॒ ಏಕ॑ ಏಷಾಂ . ಸ॒ಮಾ॒ನಂ ನಾಮ॒ ಬಿಭ್ರ॑ತೋ॒ ವಿರೂ॑ಪಾಃ ಪುರು॒ತ್ರಾ ವಾಚಂ॑ ಪಿಪಿಶು॒ರ್ವದಂ॑ತಃ ..
ಬ್ರಾ॒ಹ್ಮ॒ಣಾಸೋ॑ ಅತಿರಾ॒ತ್ರೇ ನ ಸೋಮೇ॒ ಸರೋ॒ ನ ಪೂ॒ರ್ಣಮ॒ಭಿತೋ॒ ವದಂ॑ತಃ . ಸಂ॒ವ॒ತ್ಸ॒ರಸ್ಯ॒ ತದಹಃ॒ ಪರಿ॑ ಷ್ಠ॒ ಯನ್ಮಂ॑ಡೂಕಾಃ ಪ್ರಾವೃ॒ಷೀಣಂ॑ ಬ॒ಭೂವ॑ ..
ಬ್ರಾ॒ಹ್ಮ॒ಣಾಸಃ॑ ಸೋ॒ಮಿನೋ॒ ವಾಚ॑ಮಕ್ರತ॒ ಬ್ರಹ್ಮ॑ ಕೃ॒ಣ್ವಂತಃ॑ ಪರಿವತ್ಸ॒ರೀಣಂ॑ . ಅ॒ಧ್ವ॒ರ್ಯವೋ॑ ಘ॒ರ್ಮಿಣಃ॑ ಸಿಷ್ವಿದಾ॒ನಾ ಆ॒ವಿರ್ಭ॑ವಂತಿ॒ ಗುಹ್ಯಾ॒ ನ ಕೇ ಚಿ॑ತ್ ..
ದೇ॒ವಹಿ॑ತಿಂ ಜುಗುಪುರ್ದ್ವಾದ॒ಶಸ್ಯ॑ ಋ॒ತುಂ ನರೋ॒ ನ ಪ್ರ ಮಿ॑ನಂತ್ಯೇ॒ತೇ . ಸಂ॒ವ॒ತ್ಸ॒ರೇ ಪ್ರಾ॒ವೃಷ್ಯಾಗ॑ತಾಯಾಂ ತ॒ಪ್ತಾ ಘ॒ರ್ಮಾ ಅ॑ಶ್ನುವತೇ ವಿಸ॒ರ್ಗಂ ..
ಗೋಮಾ॑ಯುರದಾದ॒ಜಮಾ॑ಯುರದಾ॒ತ್ಪೃಶ್ನಿ॑ರದಾ॒ದ್ಧರಿ॑ತೋ ನೋ॒ ವಸೂ॑ನಿ . ಗವಾಂ॑ ಮಂ॒ಡೂಕಾ॒ ದದ॑ತಃ ಶ॒ತಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೭, ೧೦೩ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೭, ಅಧ್ಯಾಯ ೭, ೪ ವರ್ಗಾನಂತರಂ]
ಉ॒ಪ॒ಪ್ಲವ॑ತ ಮಂಡೂಕಿ- ವ॒ರ್ಷ.ಮಾ ವ॑ದ. ತಾದುರಿ. ಮಧ್ಯೇ॑ ಹ್ರ॒ದಸ್ಯ॑ ಪ್ಲ॒ವಸ್ವ॑- ನಿ॒ಗೃಹ್ಯ॑ ಚ॒ತುರ॑: ಪ॒ದಃ..
ಪ್ರದೇವತ್ರೇತಿ ಪಂಚದಶರ್ಚಸ್ಯ ಸೂಕ್ತಸ್ಯೈಲೂಷಃ ಕವಷಆಪಸ್ತ್ರಿಷ್ಟುಪ್ .
ಪ್ರ ದೇ॑ವ॒ತ್ರಾ ಬ್ರಹ್ಮ॑ಣೇ ಗಾ॒ತುರೇ॑ತ್ವ॒ಪೋ ಅಚ್ಛಾ॒ ಮನ॑ಸೋ॒ ನ ಪ್ರಯು॑ಕ್ತಿ . ಮ॒ಹೀಂ ಮಿ॒ತ್ರಸ್ಯ॒ ವರು॑ಣಸ್ಯ ಧಾ॒ಸಿಂ ಪೃ॑ಥು॒ಜ್ರಯ॑ಸೇ ರೀರಧಾ ಸುವೃ॒ಕ್ತಿಂ ..
ಅಧ್ವ॑ರ್ಯವೋ ಹ॒ವಿಷ್ಮಂ॑ತೋ॒ ಹಿ ಭೂ॒ತಾಚ್ಛಾ॒ಪ ಇ॑ತೋಶ॒ತೀರು॑ಶಂತಃ . ಅವ॒ ಯಾಶ್ಚಷ್ಟೇ॑ ಅರು॒ಣಃ ಸು॑ಪ॒ರ್ಣಸ್ತಮಾಸ್ಯ॑ಧ್ವಮೂ॒ರ್ಮಿಮ॒ದ್ಯಾ ಸು॑ಹಸ್ತಾಃ ..
ಅಧ್ವ॑ರ್ಯವೋ॒ಽಪ ಇ॑ತಾ ಸಮು॒ದ್ರಮ॒ಪಾಂ ನಪಾ॑ತಂ ಹ॒ವಿಷಾ॑ ಯಜಧ್ವಂ . ಸ ವೋ॑ ದದದೂ॒ರ್ಮಿಮ॒ದ್ಯಾ ಸುಪೂ॑ತಂ॒ ತಸ್ಮೈ॒ ಸೋಮಂ॒ ಮಧು॑ಮಂತಂ ಸುನೋತ ..
ಯೋ ಅ॑ನಿ॒ಧ್ಮೋ ದೀದ॑ಯದ॒ಪ್ಸ್ವ೧॒॑ನ್ತರ್ಯಂ ವಿಪ್ರಾ॑ಸ॒ ಈಳ॑ತೇ ಅಧ್ವ॒ರೇಷು॑ . ಅಪಾಂ॑ ನಪಾ॒ನ್ಮಧು॑ಮತೀರ॒ಪೋ ದಾ॒ ಯಾಭಿ॒ರಿಂದ್ರೋ॑ ವಾವೃ॒ಧೇ ವೀ॒ರ್ಯಾ॑ಯ ..
ಯಾಭಿಃ॒ ಸೋಮೋ॒ ಮೋದ॑ತೇ॒ ಹರ್ಷ॑ತೇ ಚ ಕಲ್ಯಾ॒ಣೀಭಿ॑ರ್ಯುವ॒ತಿಭಿ॒ರ್ನ ಮರ್ಯಃ॑ . ತಾ ಅ॑ಧ್ವರ್ಯೋ ಅ॒ಪೋ ಅಚ್ಛಾ॒ ಪರೇ॑ಹಿ॒ ಯದಾ॑ಸಿಂ॒ಚಾ ಓಷ॑ಧೀಭಿಃ ಪುನೀತಾತ್ ..
ಏ॒ವೇದ್ಯೂನೇ॑ ಯುವ॒ತಯೋ॑ ನಮಂತ॒ ಯದೀ॑ಮು॒ಶನ್ನು॑ಶ॒ತೀರೇತ್ಯಚ್ಛ॑ . ಸಂ ಜಾ॑ನತೇ॒ ಮನ॑ಸಾ॒ ಸಂ ಚಿ॑ಕಿತ್ರೇಽಧ್ವ॒ರ್ಯವೋ॑ ಧಿ॒ಷಣಾಪ॑ಶ್ಚ ದೇ॒ವೀಃ ..
ಯೋ ವೋ॑ ವೃ॒ತಾಭ್ಯೋ॒ ಅಕೃ॑ಣೋದು ಲೋ॒ಕಂ ಯೋ ವೋ॑ ಮ॒ಹ್ಯಾ ಅ॒ಭಿಶ॑ಸ್ತೇ॒ರಮುಂ॑ಚತ್ . ತಸ್ಮಾ॒ ಇಂದ್ರಾ॑ಯ॒ ಮಧು॑ಮಂತಮೂ॒ರ್ಮಿಂ ದೇ॑ವ॒ಮಾದ॑ನಂ॒ ಪ್ರ ಹಿ॑ಣೋತನಾಪಃ ..
ಪ್ರಾಸ್ಮೈ॑ ಹಿನೋತ॒ ಮಧು॑ಮಂತಮೂ॒ರ್ಮಿಂ ಗರ್ಭೋ॒ ಯೋ ವಃ॑ ಸಿಂಧವೋ॒ ಮಧ್ವ॒ ಉತ್ಸಃ॑ . ಘೃ॒ತಪೃ॑ಷ್ಠ॒ಮೀಡ್ಯ॑ಮಧ್ವ॒ರೇಷ್ವಾಪೋ॑ ರೇವತೀಃ ಶೃಣು॒ತಾ ಹವಂ॑ ಮೇ ..
ತಂ ಸಿಂ॑ಧವೋ ಮತ್ಸ॒ರಮಿಂ॑ದ್ರ॒ಪಾನ॑ಮೂ॒ರ್ಮಿಂ ಪ್ರ ಹೇ॑ತ॒ ಯ ಉ॒ಭೇ ಇಯ॑ರ್ತಿ . ಮ॒ದ॒ಚ್ಯುತ॑ಮೌಶಾ॒ನಂ ನ॑ಭೋ॒ಜಾಂ ಪರಿ॑ ತ್ರಿ॒ತಂತುಂ॑ ವಿ॒ಚರಂ॑ತ॒ಮುತ್ಸಂ॑ ..
ಆ॒ವರ್ವೃ॑ತತೀ॒ರಧ॒ ನು ದ್ವಿ॒ಧಾರಾ॑ ಗೋಷು॒ಯುಧೋ॒ ನ ನಿ॑ಯ॒ವಂ ಚರಂ॑ತೀಃ . ಋಷೇ॒ ಜನಿ॑ತ್ರೀ॒ರ್ಭುವ॑ನಸ್ಯ॒ ಪತ್ನೀ॑ರ॒ಪೋ ವಂ॑ದಸ್ವ ಸ॒ವೃಧಃ॒ ಸಯೋ॑ನೀಃ ..
ಹಿ॒ನೋತಾ॑ ನೋ ಅಧ್ವ॒ರಂ ದೇ॑ವಯ॒ಜ್ಯಾ ಹಿ॒ನೋತ॒ ಬ್ರಹ್ಮ॑ ಸ॒ನಯೇ॒ ಧನಾ॑ನಾಂ . ಋ॒ತಸ್ಯ॒ ಯೋಗೇ॒ ವಿ ಷ್ಯ॑ಧ್ವ॒ಮೂಧಃ॑ ಶ್ರುಷ್ಟೀ॒ವರೀ॑ರ್ಭೂತನಾ॒ಸ್ಮಭ್ಯ॑ಮಾಪಃ ..
ಆಪೋ॑ ರೇವತೀಃ॒ ಕ್ಷಯ॑ಥಾ॒ ಹಿ ವಸ್ವಃ॒ ಕ್ರತುಂ॑ ಚ ಭ॒ದ್ರಂ ಬಿ॑ಭೃ॒ಥಾಮೃತಂ॑ ಚ . ರಾ॒ಯಶ್ಚ॒ ಸ್ಥ ಸ್ವ॑ಪ॒ತ್ಯಸ್ಯ॒ ಪತ್ನೀಃ॒ ಸರ॑ಸ್ವತೀ॒ ತದ್ಗೃ॑ಣ॒ತೇ ವಯೋ॑ ಧಾತ್ ..
ಪ್ರತಿ॒ ಯದಾಪೋ॒ ಅದೃ॑ಶ್ರಮಾಯ॒ತೀರ್ಘೃ॒ತಂ ಪಯಾಂ॑ಸಿ॒ ಬಿಭ್ರ॑ತೀ॒ರ್ಮಧೂ॑ನಿ . ಅ॒ಧ್ವ॒ರ್ಯುಭಿ॒ರ್ಮನ॑ಸಾ ಸಂವಿದಾ॒ನಾ ಇಂದ್ರಾ॑ಯ॒ ಸೋಮಂ॒ ಸುಷು॑ತಂ॒ ಭರಂ॑ತೀಃ ..
ಏಮಾ ಅ॑ಗ್ಮನ್ರೇ॒ವತೀ॑ರ್ಜೀ॒ವಧ॑ನ್ಯಾ॒ ಅಧ್ವ॑ರ್ಯವಃ ಸಾ॒ದಯ॑ತಾ ಸಖಾಯಃ . ನಿ ಬ॒ರ್ಹಿಷಿ॑ ಧತ್ತನ ಸೋಮ್ಯಾಸೋ॒ಽಪಾಂ ನಪ್ತ್ರಾ॑ ಸಂವಿದಾ॒ನಾಸ॑ ಏನಾಃ ..
ಆಗ್ಮ॒ನ್ನಾಪ॑ ಉಶ॒ತೀರ್ಬ॒ರ್ಹಿರೇದಂ ನ್ಯ॑ಧ್ವ॒ರೇ ಅ॑ಸದಂದೇವ॒ಯಂತೀಃ॑ . ಅಧ್ವ॑ರ್ಯವಃ ಸುನು॒ತೇಂದ್ರಾ॑ಯ॒ ಸೋಮ॒ಮಭೂ॑ದು ವಃ ಸು॒ಶಕಾ॑ ದೇವಯ॒ಜ್ಯಾ ..
ಘರ್ಮೇತಿ ದಶರ್ಚಸ್ಯ ಸೂಕ್ತಸ್ಯ ವೈರೂಪಃ ಸಘ್ನಿರ್ವಿಶ್ವೇದೇವಾಸ್ತ್ರಿಷ್ಟುಷ್ಚತುರ್ಥೀಜಗತೀ . ( ತಾಪಸೋಘರ್ಮೋವಾಋಷಿಃ) .
ಘ॒ರ್ಮಾ ಸಮಂ॑ತಾ ತ್ರಿ॒ವೃತಂ॒ ವ್ಯಾ॑ಪತು॒ಸ್ತಯೋ॒ರ್ಜುಷ್ಟಿಂ॑ ಮಾತ॒ರಿಶ್ವಾ॑ ಜಗಾಮ . ದಿ॒ವಸ್ಪಯೋ॒ ದಿಧಿ॑ಷಾಣಾ ಅವೇಷನ್ವಿ॒ದುರ್ದೇ॒ವಾಃ ಸ॒ಹಸಾ॑ಮಾನಮ॒ರ್ಕಂ ..
ತಿ॒ಸ್ರೋ ದೇ॒ಷ್ಟ್ರಾಯ॒ ನಿರ್ಋ॑ತೀ॒ರುಪಾ॑ಸತೇ ದೀರ್ಘ॒ಶ್ರುತೋ॒ ವಿ ಹಿ ಜಾ॒ನಂತಿ॒ ವಹ್ನ॑ಯಃ . ತಾಸಾಂ॒ ನಿ ಚಿ॑ಕ್ಯುಃ ಕ॒ವಯೋ॑ ನಿ॒ದಾನಂ॒ ಪರೇ॑ಷು॒ ಯಾ ಗುಹ್ಯೇ॑ಷು ವ್ರ॒ತೇಷು॑ ..
ಚತು॑ಷ್ಕಪರ್ದಾ ಯುವ॒ತಿಃ ಸು॒ಪೇಶಾ॑ ಘೃ॒ತಪ್ರ॑ತೀಕಾ ವ॒ಯುನಾ॑ನಿ ವಸ್ತೇ . ತಸ್ಯಾಂ॑ ಸುಪ॒ರ್ಣಾ ವೃಷ॑ಣಾ॒ ನಿ ಷೇ॑ದತು॒ರ್ಯತ್ರ॑ ದೇ॒ವಾ ದ॑ಧಿ॒ರೇ ಭಾ॑ಗ॒ಧೇಯಂ॑ ..
ಏಕಃ॑ ಸುಪ॒ರ್ಣಃ ಸ ಸ॑ಮು॒ದ್ರಮಾ ವಿ॑ವೇಶ॒ ಸ ಇ॒ದಂ ವಿಶ್ವಂ॒ ಭುವ॑ನಂ॒ ವಿ ಚ॑ಷ್ಟೇ . ತಂ ಪಾಕೇ॑ನ॒ ಮನ॑ಸಾಪಶ್ಯ॒ಮಂತಿ॑ತ॒ಸ್ತಂ ಮಾ॒ತಾ ರೇ॑ಳ್ಹಿ॒ ಸ ಉ॑ ರೇಳ್ಹಿ ಮಾ॒ತರಂ॑ ..
ಸು॒ಪ॒ರ್ಣಂ ವಿಪ್ರಾಃ॑ ಕ॒ವಯೋ॒ ವಚೋ॑ಭಿ॒ರೇಕಂ॒ ಸಂತಂ॑ ಬಹು॒ಧಾ ಕ॑ಲ್ಪಯಂತಿ . ಛಂದಾಂ॑ಸಿ ಚ॒ ದಧ॑ತೋ ಅಧ್ವ॒ರೇಷು॒ ಗ್ರಹಾಂ॒ತ್ಸೋಮ॑ಸ್ಯ ಮಿಮತೇ॒ ದ್ವಾದ॑ಶ ..
ಷ॒ಟ್ತ್ರಿಂ॒ಶಾಁಶ್ಚ॑ ಚ॒ತುರಃ॑ ಕ॒ಲ್ಪಯಂ॑ತ॒ಶ್ಛಂದಾಂ॑ಸಿ ಚ॒ ದಧ॑ತ ಆದ್ವಾದ॒ಶಂ . ಯ॒ಜ್ಞಂ ವಿ॒ಮಾಯ॑ ಕ॒ವಯೋ॑ ಮನೀ॒ಷ ಋ॑ಕ್ಸಾ॒ಮಾಭ್ಯಾಂ॒ ಪ್ರ ರಥಂ॑ ವರ್ತಯಂತಿ ..
ಚತು॑ರ್ದಶಾ॒ನ್ಯೇ ಮ॑ಹಿ॒ಮಾನೋ॑ ಅಸ್ಯ॒ ತಂ ಧೀರಾ॑ ವಾ॒ಚಾ ಪ್ರ ಣ॑ಯಂತಿ ಸ॒ಪ್ತ . ಆಪ್ನಾ॑ನಂ ತೀ॒ರ್ಥಂ ಕ ಇ॒ಹ ಪ್ರ ವೋ॑ಚ॒ದ್ಯೇನ॑ ಪ॒ಥಾ ಪ್ರ॒ಪಿಬಂ॑ತೇ ಸು॒ತಸ್ಯ॑ ..
ಸ॒ಹ॒ಸ್ರ॒ಧಾ ಪಂ॑ಚದ॒ಶಾನ್ಯು॒ಕ್ಥಾ ಯಾವ॒ದ್ದ್ಯಾವಾ॑ಪೃಥಿ॒ವೀ ತಾವ॒ದಿತ್ತತ್ . ಸ॒ಹ॒ಸ್ರ॒ಧಾ ಮ॑ಹಿ॒ಮಾನಃ॑ ಸ॒ಹಸ್ರಂ॒ ಯಾವ॒ದ್ಬ್ರಹ್ಮ॒ ವಿಷ್ಠಿ॑ತಂ॒ ತಾವ॑ತೀ॒ ವಾಕ್ ..
ಕಶ್ಛಂದ॑ಸಾಂ॒ ಯೋಗ॒ಮಾ ವೇ॑ದ॒ ಧೀರಃ॒ ಕೋ ಧಿಷ್ಣ್ಯಾಂ॒ ಪ್ರತಿ॒ ವಾಚಂ॑ ಪಪಾದ . ಕಮೃ॒ತ್ವಿಜಾ॑ಮಷ್ಟ॒ಮಂ ಶೂರ॑ಮಾಹು॒ರ್ಹರೀ॒ ಇಂದ್ರ॑ಸ್ಯ॒ ನಿ ಚಿ॑ಕಾಯ॒ ಕಃ ಸ್ವಿ॑ತ್ ..
ಭೂಮ್ಯಾ॒ ಅಂತಂ॒ ಪರ್ಯೇಕೇ॑ ಚರಂತಿ॒ ರಥ॑ಸ್ಯ ಧೂ॒ರ್ಷು ಯು॒ಕ್ತಾಸೋ॑ ಅಸ್ಥುಃ . ಶ್ರಮ॑ಸ್ಯ ದಾ॒ಯಂ ವಿ ಭ॑ಜಂತ್ಯೇಭ್ಯೋ ಯ॒ದಾ ಯ॒ಮೋ ಭವ॑ತಿ ಹ॒ರ್ಮ್ಯೇ ಹಿ॒ತಃ ..
ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ ಯ॒ಜ್ಞಂ ಮಿ॑ಮಿಕ್ಷತಾಂ . ಪಿ॒ಪೃ॒ತಾಂ ನೋ॒ ಭರೀ॑ಮಭಿಃ ..
ತಯೋ॒ರಿದ್ಘೃ॒ತವ॒ತ್ಪಯೋ॒ ವಿಪ್ರಾ॑ ರಿಹಂತಿ ಧೀ॒ತಿಭಿಃ॑ . ಗಂ॒ಧ॒ರ್ವಸ್ಯ॑ ಧ್ರು॒ವೇ ಪ॒ದೇ ..
ಬಳಿತ್ಥೇತಿ ತೃಚಸ್ಯ ಸೂಕ್ತಸ್ಯ ಭೌಮೋತ್ರಿಃಪೃಥಿವ್ಯನುಷ್ಟುಪ್ .
ಬಳಿ॒ತ್ಥಾ ಪರ್ವ॑ತಾನಾಂ ಖಿ॒ದ್ರಂ ಬಿ॑ಭರ್ಷಿ ಪೃಥಿವಿ . ಪ್ರ ಯಾ ಭೂಮಿಂ॑ ಪ್ರವತ್ವತಿ ಮ॒ಹ್ನಾ ಜಿ॒ನೋಷಿ॑ ಮಹಿನಿ ..
ಸ್ತೋಮಾ॑ಸಸ್ತ್ವಾ ವಿಚಾರಿಣಿ॒ ಪ್ರತಿ॑ ಷ್ಟೋಭಂತ್ಯ॒ಕ್ತುಭಿಃ॑ . ಪ್ರ ಯಾ ವಾಜಂ॒ ನ ಹೇಷಂ॑ತಂ ಪೇ॒ರುಮಸ್ಯ॑ಸ್ಯರ್ಜುನಿ ..
ದೃ॒ಳ್ಹಾ ಚಿ॒ದ್ಯಾ ವನ॒ಸ್ಪತೀ॑ನ್ಕ್ಷ್ಮ॒ಯಾ ದರ್ಧ॒ರ್ಷ್ಯೋಜ॑ಸಾ . ಯತ್ತೇ॑ ಅ॒ಭ್ರಸ್ಯ॑ ವಿ॒ದ್ಯುತೋ॑ ದಿ॒ವೋ ವರ್ಷಂ॑ತಿ ವೃ॒ಷ್ಟಯಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೫, ೮೪ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೪, ಅಧ್ಯಾಯ ೪, ೨೯ ವರ್ಗಾನಂತರಂ]
ವರ್ಷಂ॑ತು ತೇ ವಿಭಾವರಿ- ದಿ॒ವೋ ಅ॒ಭ್ರಸ್ಯ॑ ವಿ॒ದ್ಯುತಃ॑. ರೋಹಂ॑ತು॒ ಸರ್ವ॑ಬೀಜಾ॒.-ನ್ಯವ॑ ಬ್ರಹ್ಮ॒ದ್ವಿಷೋ॑ ಜಹಿ.. ಇತಿ ಪರಿಶಿಷ್ಟಂ..
ಕ್ಷೇತ್ರಸ್ಯೇತ್ಯಷ್ಟರ್ಚಸ್ಯ ಸೂಕ್ತಸ್ಯ ಗೌತಮೋವಾಮದೇವ ಆದ್ಯಾನಾಂತಿಸೃಣಾಂ ಕ್ಷೇತ್ರಪತಿರ್ದೇವತಾ ಚತುರ್ಥ್ಯಾಃಶುನಃ ಪಂಚಮ್ಯಷ್ಟಮ್ಯೋಃ ಶುನಾಸೀರೌ ಷಷ್ಠೀಸಪ್ತಮ್ಯೋಃ ಸೀತಾ ಆದ್ಯಾಚತುರ್ಥೀಷಷ್ಠೀಸಪ್ತಮ್ಯೋನುಷ್ಟುಭಃ ಪಂಚಮೀಪುರಉಷ್ಣಿಕ್ ಶೇಷಾಸ್ತ್ರಿಷ್ಟುಭಃ (ಅತ್ರಚತುರ್ಥ್ಯಾಃ ಶುನೋಽದಂತಃ . ತಥಾಶುನಾಸೀರಾವಿತ್ಯತ್ರ ಕೇಚಿದ್ವಾಯ್ವಾದಿತ್ಯಾ ವಿತ್ಯುಂಚಾರಯಂತಿತನ್ನಚತುರಸ್ರಂ ಯತಃ ವಾಯುಃ ಶುನಃ ಸೂರ್ಯ ಏವಾತ್ರಸೀರಃ ಶುನಾಸೀರೌವಾಯುಸೂರ್ಯೋವದಂತಿ . ಶುನಾಸೀರಂಯಾಸ್ಕಇಂದ್ರತುಮೇನೇ ಸೂರ್ಯೇದ್ರೌ ತೌಮನ್ಯತೇಶಾಕಪೂರ್ಣಿ ರಿತಿಶುನಾಸೀರಸ್ವರೂಪೇಶೌನಕೇನಾಚಾರ್ಯಮತದರ್ಶನವ್ಯಾಜೇನವೈವಿಧ್ಯಂಪ್ರತಿಪಾದಿತಂ ತಸ್ಮಾತ್ಪ್ರಕೃತಿಭೂತಶುನಾಸೀರಶಬ್ದೇನೋಚ್ಚಾರಣಂಯುಕ್ತಂ) .
ಕ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಂ ಹಿ॒ತೇನೇ॑ವ ಜಯಾಮಸಿ . ಗಾಮಶ್ವಂ॑ ಪೋಷಯಿ॒ತ್ನ್ವಾ ಸ ನೋ॑ ಮೃಳಾತೀ॒ದೃಶೇ॑ ..
ಕ್ಷೇತ್ರ॑ಸ್ಯ ಪತೇ॒ ಮಧು॑ಮಂತಮೂ॒ರ್ಮಿಂ ಧೇ॒ನುರಿ॑ವ॒ ಪಯೋ॑ ಅ॒ಸ್ಮಾಸು॑ ಧುಕ್ಷ್ವ . ಮ॒ಧು॒ಶ್ಚುತಂ॑ ಘೃ॒ತಮಿ॑ವ॒ ಸುಪೂ॑ತಮೃ॒ತಸ್ಯ॑ ನಃ॒ ಪತ॑ಯೋ ಮೃಳಯಂತು ..
ಮಧು॑ಮತೀ॒ರೋಷ॑ಧೀ॒ರ್ದ್ಯಾವ॒ ಆಪೋ॒ ಮಧು॑ಮನ್ನೋ ಭವತ್ವಂ॒ತರಿ॑ಕ್ಷಂ . ಕ್ಷೇತ್ರ॑ಸ್ಯ॒ ಪತಿ॒ರ್ಮಧು॑ಮಾನ್ನೋ ಅ॒ಸ್ತ್ವರಿ॑ಷ್ಯಂತೋ॒ ಅನ್ವೇ॑ನಂ ಚರೇಮ ..
ಶು॒ನಂ ವಾ॒ಹಾಃ ಶು॒ನಂ ನರಃ॑ ಶು॒ನಂ ಕೃ॑ಷತು॒ ಲಾಂಗ॑ಲಂ . ಶು॒ನಂ ವ॑ರ॒ತ್ರಾ ಬ॑ಧ್ಯಂತಾಂ ಶು॒ನಮಷ್ಟ್ರಾ॒ಮುದಿಂ॑ಗಯ ..
ಶುನಾ॑ಸೀರಾವಿ॒ಮಾಂ ವಾಚಂ॑ ಜುಷೇಥಾಂ॒ ಯದ್ದಿ॒ವಿ ಚ॒ಕ್ರಥುಃ॒ ಪಯಃ॑ . ತೇನೇ॒ಮಾಮುಪ॑ ಸಿಂಚತಂ ..
ಅ॒ರ್ವಾಚೀ॑ ಸುಭಗೇ ಭವ॒ ಸೀತೇ॒ ವಂದಾ॑ಮಹೇ ತ್ವಾ . ಯಥಾ॑ ನಃ ಸು॒ಭಗಾಸ॑ಸಿ॒ ಯಥಾ॑ ನಃ ಸು॒ಫಲಾಸ॑ಸಿ ..
ಇಂದ್ರಃ॒ ಸೀತಾಂ॒ ನಿ ಗೃ॑ಹ್ಣಾತು॒ ತಾಂ ಪೂ॒ಷಾನು॑ ಯಚ್ಛತು . ಸಾ ನಃ॒ ಪಯ॑ಸ್ವತೀ ದುಹಾ॒ಮುತ್ತ॑ರಾಮುತ್ತರಾಂ॒ ಸಮಾಂ॑ ..
ಶು॒ನಂ ನಃ॒ ಫಾಲಾ॒ ವಿ ಕೃ॑ಷಂತು॒ ಭೂಮಿಂ॑ ಶು॒ನಂ ಕೀ॒ನಾಶಾ॑ ಅ॒ಭಿ ಯಂ॑ತು ವಾ॒ಹೈಃ . ಶು॒ನಂ ಪ॒ರ್ಜನ್ಯೋ॒ ಮಧು॑ನಾ॒ ಪಯೋ॑ಭಿಃ॒ ಶುನಾ॑ಸೀರಾ ಶು॒ನಮ॒ಸ್ಮಾಸು॑ ಧತ್ತಂ ..
ಯೇಯಜ್ಞೇನೇತ್ಯೇಕಾದಶರ್ಚಸ್ಯ ಸೂಕ್ತಸ್ಯ ಮಾನವೋನಾಭಾನೇದಿಷ್ಠೋ ವಿಶ್ವೇದೇವಾಃ ಪ್ರನೂನಮಿತ್ಯಾದಿಚತಸೃಣಾಂ ಸಾವರ್ಣಿರ್ಜಗತೀ ಪಂಚಮ್ಯಷ್ಟಮೀನವಮ್ಯೋನುಷ್ಟುಭಃ ಷಷ್ಟೀ ಬೃಹತೀ ಸಪ್ತಮೀಸತೋಬೃಹತೀ ದಶಮೀಗಾಯತ್ರೀ ಅಂತ್ಯಾತ್ರಿಷ್ಟುಪ್ (ಭೇದಪಕ್ಷೇ - ಅಂಗಿರಸಃ ೬ ವಿಶ್ವೇದೇವಾಃ ೧ ಸಾವರ್ಣಿಃ ೪ ಏವಂ ೧೧ . ಅಂಗಿರಸೋನುಕ್ರಮಣ್ಯಾಂಪಾಕ್ಷಿಕಾಉಕ್ತಾಃ) . ಯೇಯಜ್ಞೇನೇತಿಚತಸೃಣಾಂ ತ್ರಿಷ್ಟುಪ್ ಛಂದಸ್ತ್ವಂ ಕಶ್ಚಿದ್ಭೂತೇತದ್ಬಹುವಿರುದ್ಧಂ . ವಿರೋಧಾಸ್ತು - ಷಳಂಗಿರಸಾಂ ಸ್ತುತಿರ್ವಾಂತ್ಯಾತ್ರಿಷ್ಟುಬಿತ್ಯನುಕ್ರಮಾಚ್ಛೇಷ ಜಗತ್ಯಇತಿ ಪರಿಭಾಷಾವ್ಯಾಘಾತ ಏಕಃ . ತಾಸಾಂ ತ್ರಿಷ್ಟುಪ್ ಛಂದಸ್ತ್ವೇನಾದೇಶಪರಿಭಾಷಯಾತಾಸಾಮಂತ್ಯಾಯಾಶ್ಚತ್ರಿಷ್ಟುಬ್ವೇ ಸಿದ್ಧೇತ್ಯಾತ್ರಿಷ್ಟುಬಿತಿ ಸಿದ್ಧಾನುವಾದಲಕ್ಷಣದೋಷಾ ವಿಷ್ಕರಣದ್ವಿತೀಯಃ . ದಶಮೀತ್ವಸ್ಯ ಗಾಯತ್ರೀ ಜಗತ್ಯನ್ಯಾವಿನೋತ್ತಮಾಮಿತಿ ಶೌನಕವಚನಾಜ್ಞಾನೇನಸ್ವೇಚ್ಛಯಾವ್ಯಾಖ್ಯಾನಮಿತಿ ತೃತೀಯಶ್ಚೇತಿ) .
ಯೇ ಯ॒ಜ್ಞೇನ॒ ದಕ್ಷಿ॑ಣಯಾ॒ ಸಮ॑ಕ್ತಾ॒ ಇಂದ್ರ॑ಸ್ಯ ಸ॒ಖ್ಯಮ॑ಮೃತ॒ತ್ವಮಾ॑ನ॒ಶ . ತೇಭ್ಯೋ॑ ಭ॒ದ್ರಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಯ ಉ॒ದಾಜ॑ನ್ಪಿ॒ತರೋ॑ ಗೋ॒ಮಯಂ॒ ವಸ್ವೃ॒ತೇನಾಭಿಂ॑ದನ್ಪರಿವತ್ಸ॒ರೇ ವ॒ಲಂ . ದೀ॒ರ್ಘಾ॒ಯು॒ತ್ವಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಯ ಋ॒ತೇನ॒ ಸೂರ್ಯ॒ಮಾರೋ॑ಹಯಂದಿ॒ವ್ಯಪ್ರ॑ಥಯನ್ಪೃಥಿ॒ವೀಂ ಮಾ॒ತರಂ॒ ವಿ . ಸು॒ಪ್ರ॒ಜಾ॒ಸ್ತ್ವಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ಅ॒ಯಂ ನಾಭಾ॑ ವದತಿ ವ॒ಲ್ಗು ವೋ॑ ಗೃ॒ಹೇ ದೇವ॑ಪುತ್ರಾ ಋಷಯ॒ಸ್ತಚ್ಛೃ॑ಣೋತನ . ಸು॒ಬ್ರ॒ಹ್ಮ॒ಣ್ಯಮಂ॑ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ ..
ವಿರೂ॑ಪಾಸ॒ ಇದೃಷ॑ಯ॒ಸ್ತ ಇದ್ಗಂ॑ಭೀ॒ರವೇ॑ಪಸಃ . ತೇ ಅಂಗಿ॑ರಸಃ ಸೂ॒ನವ॒ಸ್ತೇ ಅ॒ಗ್ನೇಃ ಪರಿ॑ ಜಜ್ಞಿರೇ ..
ಯೇ ಅ॒ಗ್ನೇಃ ಪರಿ॑ ಜಜ್ಞಿ॒ರೇ ವಿರೂ॑ಪಾಸೋ ದಿ॒ವಸ್ಪರಿ॑ . ನವ॑ಗ್ವೋ॒ ನು ದಶ॑ಗ್ವೋ॒ ಅಂಗಿ॑ರಸ್ತಮಃ॒ ಸಚಾ॑ ದೇ॒ವೇಷು॑ ಮಂಹತೇ ..
ಇಂದ್ರೇ॑ಣ ಯು॒ಜಾ ನಿಃ ಸೃ॑ಜಂತ ವಾ॒ಘತೋ॑ ವ್ರ॒ಜಂ ಗೋಮಂ॑ತಮ॒ಶ್ವಿನಂ॑ . ಸ॒ಹಸ್ರಂ॑ ಮೇ॒ ದದ॑ತೋ ಅಷ್ಟಕ॒ರ್ಣ್ಯ೧॒॑ಃ ಶ್ರವೋ॑ ದೇ॒ವೇಷ್ವ॑ಕ್ರತ ..
ಪ್ರ ನೂ॒ನಂ ಜಾ॑ಯತಾಮ॒ಯಂ ಮನು॒ಸ್ತೋಕ್ಮೇ॑ವ ರೋಹತು . ಯಃ ಸ॒ಹಸ್ರಂ॑ ಶ॒ತಾಶ್ವಂ॑ ಸ॒ದ್ಯೋ ದಾ॒ನಾಯ॒ ಮಂಹ॑ತೇ ..
ನ ತಮ॑ಶ್ನೋತಿ॒ ಕಶ್ಚ॒ನ ದಿ॒ವ ಇ॑ವ॒ ಸಾನ್ವಾ॒ರಭಂ॑ . ಸಾ॒ವ॒ರ್ಣ್ಯಸ್ಯ॒ ದಕ್ಷಿ॑ಣಾ॒ ವಿ ಸಿಂಧು॑ರಿವ ಪಪ್ರಥೇ ..
ಉ॒ತ ದಾ॒ಸಾ ಪ॑ರಿ॒ವಿಷೇ॒ ಸ್ಮದ್ದಿ॑ಷ್ಟೀ॒ ಗೋಪ॑ರೀಣಸಾ . ಯದು॑ಸ್ತು॒ರ್ವಶ್ಚ॑ ಮಾಮಹೇ ..
ಸ॒ಹ॒ಸ್ರ॒ದಾ ಗ್ರಾ॑ಮ॒ಣೀರ್ಮಾ ರಿ॑ಷ॒ನ್ಮನುಃ॒ ಸೂರ್ಯೇ॑ಣಾಸ್ಯ॒ ಯತ॑ಮಾನೈತು॒ ದಕ್ಷಿ॑ಣಾ . ಸಾವ॑ರ್ಣೇರ್ದೇ॒ವಾಃ ಪ್ರ ತಿ॑ರಂ॒ತ್ವಾಯು॒ರ್ಯಸ್ಮಿ॒ನ್ನಶ್ರಾಂ॑ತಾ॒ ಅಸ॑ನಾಮ॒ ವಾಜಂ॑ ..
ಪರಂಮೃತ್ಯೋಇತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ಯಾಮಾಯನಃ ಸಂಕುಸುಕಃ ಆದ್ಯಾನಾಂಚತಸೃಣಾಂಮೃತ್ಯುಃ ಪಂಚಮ್ಯಾಧಾತಾ ಷಷ್ಠ್ಯಾಸ್ತ್ವಷ್ಟಾ ಶಿಷ್ಟಾನಾಂ ಪಿತೃಮೇಧಾಸ್ತ್ರಿಷ್ಟುಪ್ ಏಕಾದಶೀಪ್ರಸ್ತಾರಪಂಕ್ತಿಃ ತ್ರಯೋದಶೀಜಗತ್ಯಂತ್ಯೇನುಷ್ಟುಭೌ (ಅಂತ್ಯಾಯಾಃ ಪ್ರಜಾಪತಿರ್ವಾದೇವತಾ) .
ಪರಂ॑ ಮೃತ್ಯೋ॒ ಅನು॒ ಪರೇ॑ಹಿ॒ ಪಂಥಾಂ॒ ಯಸ್ತೇ॒ ಸ್ವ ಇತ॑ರೋ ದೇವ॒ಯಾನಾ॑ತ್ . ಚಕ್ಷು॑ಷ್ಮತೇ ಶೃಣ್ವ॒ತೇ ತೇ॑ ಬ್ರವೀಮಿ॒ ಮಾ ನಃ॑ ಪ್ರ॒ಜಾಂ ರೀ॑ರಿಷೋ॒ ಮೋತ ವೀ॒ರಾನ್ ..
ಮೃ॒ತ್ಯೋಃ ಪ॒ದಂ ಯೋ॒ಪಯಂ॑ತೋ॒ ಯದೈತ॒ ದ್ರಾಘೀ॑ಯ॒ ಆಯುಃ॑ ಪ್ರತ॒ರಂ ದಧಾ॑ನಾಃ . ಆ॒ಪ್ಯಾಯ॑ಮಾನಾಃ ಪ್ರ॒ಜಯಾ॒ ಧನೇ॑ನ ಶು॒ದ್ಧಾಃ ಪೂ॒ತಾ ಭ॑ವತ ಯಜ್ಞಿಯಾಸಃ ..
ಇ॒ಮೇ ಜೀ॒ವಾ ವಿ ಮೃ॒ತೈರಾವ॑ವೃತ್ರ॒ನ್ನಭೂ॑ದ್ಭ॒ದ್ರಾ ದೇ॒ವಹೂ॑ತಿರ್ನೋ ಅ॒ದ್ಯ . ಪ್ರಾಂಚೋ॑ ಅಗಾಮ ನೃ॒ತಯೇ॒ ಹಸಾ॑ಯ॒ ದ್ರಾಘೀ॑ಯ॒ ಆಯುಃ॑ ಪ್ರತ॒ರಂ ದಧಾ॑ನಾಃ ..
ಇ॒ಮಂ ಜೀ॒ವೇಭ್ಯಃ॑ ಪರಿ॒ಧಿಂ ದ॑ಧಾಮಿ॒ ಮೈಷಾಂ॒ ನು ಗಾ॒ದಪ॑ರೋ॒ ಅರ್ಥ॑ಮೇ॒ತಂ . ಶ॒ತಂ ಜೀ॑ವಂತು ಶ॒ರದಃ॑ ಪುರೂ॒ಚೀರಂ॒ತರ್ಮೃ॒ತ್ಯುಂ ದ॑ಧತಾಂ॒ ಪರ್ವ॑ತೇನ ..
ಯಥಾಹಾ॑ನ್ಯನುಪೂ॒ರ್ವಂ ಭವಂ॑ತಿ॒ ಯಥ॑ ಋ॒ತವ॑ ಋ॒ತುಭಿ॒ರ್ಯಂತಿ॑ ಸಾ॒ಧು . ಯಥಾ॒ ನ ಪೂರ್ವ॒ಮಪ॑ರೋ॒ ಜಹಾ॑ತ್ಯೇ॒ವಾ ಧಾ॑ತ॒ರಾಯೂಂ॑ಷಿ ಕಲ್ಪಯೈಷಾಂ ..
ಆ ರೋ॑ಹ॒ತಾಯು॑ರ್ಜ॒ರಸಂ॑ ವೃಣಾ॒ನಾ ಅ॑ನುಪೂ॒ರ್ವಂ ಯತ॑ಮಾನಾ॒ ಯತಿ॒ ಷ್ಠ . ಇ॒ಹ ತ್ವಷ್ಟಾ॑ ಸು॒ಜನಿ॑ಮಾ ಸ॒ಜೋಷಾ॑ ದೀ॒ರ್ಘಮಾಯುಃ॑ ಕರತಿ ಜೀ॒ವಸೇ॑ ವಃ ..
ಇ॒ಮಾ ನಾರೀ॑ರವಿಧ॒ವಾಃ ಸು॒ಪತ್ನೀ॒ರಾಂಜ॑ನೇನ ಸ॒ರ್ಪಿಷಾ॒ ಸಂ ವಿ॑ಶಂತು . ಅ॒ನ॒ಶ್ರವೋ॑ಽನಮೀ॒ವಾಃ ಸು॒ರತ್ನಾ॒ ಆ ರೋ॑ಹಂತು॒ ಜನ॑ಯೋ॒ ಯೋನಿ॒ಮಗ್ರೇ॑ ..
ಉದೀ॑ರ್ಷ್ವ ನಾರ್ಯ॒ಭಿ ಜೀ॑ವಲೋ॒ಕಂ ಗ॒ತಾಸು॑ಮೇ॒ತಮುಪ॑ ಶೇಷ॒ ಏಹಿ॑ . ಹ॒ಸ್ತ॒ಗ್ರಾ॒ಭಸ್ಯ॑ ದಿಧಿ॒ಷೋಸ್ತವೇ॒ದಂ ಪತ್ಯು॑ರ್ಜನಿ॒ತ್ವಮ॒ಭಿ ಸಂ ಬ॑ಭೂಥ ..
ಧನು॒ರ್ಹಸ್ತಾ॑ದಾ॒ದದಾ॑ನೋ ಮೃ॒ತಸ್ಯಾ॒ಸ್ಮೇ ಕ್ಷ॒ತ್ರಾಯ॒ ವರ್ಚ॑ಸೇ॒ ಬಲಾ॑ಯ . ಅತ್ರೈ॒ವ ತ್ವಮಿ॒ಹ ವ॒ಯಂ ಸು॒ವೀರಾ॒ ವಿಶ್ವಾಃ॒ ಸ್ಪೃಧೋ॑ ಅ॒ಭಿಮಾ॑ತೀರ್ಜಯೇಮ ..
ಉಪ॑ ಸರ್ಪ ಮಾ॒ತರಂ॒ ಭೂಮಿ॑ಮೇ॒ತಾಮು॑ರು॒ವ್ಯಚ॑ಸಂ ಪೃಥಿ॒ವೀಂ ಸು॒ಶೇವಾಂ॑ . ಊರ್ಣ॑ಮ್ರದಾ ಯುವ॒ತಿರ್ದಕ್ಷಿ॑ಣಾವತ ಏ॒ಷಾ ತ್ವಾ॑ ಪಾತು॒ ನಿರ್ಋ॑ತೇರು॒ಪಸ್ಥಾ॑ತ್ ..
ಉಚ್ಛ್ವಂ॑ಚಸ್ವ ಪೃಥಿವಿ॒ ಮಾ ನಿ ಬಾ॑ಧಥಾಃ ಸೂಪಾಯ॒ನಾಸ್ಮೈ॑ ಭವ ಸೂಪವಂಚ॒ನಾ . ಮಾ॒ತಾ ಪು॒ತ್ರಂ ಯಥಾ॑ ಸಿ॒ಚಾಭ್ಯೇ॑ನಂ ಭೂಮ ಊರ್ಣುಹಿ ..
ಉ॒ಚ್ಛ್ವಂಚ॑ಮಾನಾ ಪೃಥಿ॒ವೀ ಸು ತಿ॑ಷ್ಠತು ಸ॒ಹಸ್ರಂ॒ ಮಿತ॒ ಉಪ॒ ಹಿ ಶ್ರಯಂ॑ತಾಂ . ತೇ ಗೃ॒ಹಾಸೋ॑ ಘೃತ॒ಶ್ಚುತೋ॑ ಭವಂತು ವಿ॒ಶ್ವಾಹಾ॑ಸ್ಮೈ ಶರ॒ಣಾಃ ಸಂ॒ತ್ವತ್ರ॑ ..
ಉತ್ತೇ॑ ಸ್ತಭ್ನಾಮಿ ಪೃಥಿ॒ವೀಂ ತ್ವತ್ಪರೀ॒ಮಂ ಲೋ॒ಗಂ ನಿ॒ದಧ॒ನ್ಮೋ ಅ॒ಹಂ ರಿ॑ಷಂ . ಏ॒ತಾಂ ಸ್ಥೂಣಾಂ॑ ಪಿ॒ತರೋ॑ ಧಾರಯಂತು॒ ತೇಽತ್ರಾ॑ ಯ॒ಮಃ ಸಾದ॑ನಾ ತೇ ಮಿನೋತು ..
ಪ್ರ॒ತೀ॒ಚೀನೇ॒ ಮಾಮಹ॒ನೀಷ್ವಾಃ॑ ಪ॒ರ್ಣಮಿ॒ವಾ ದ॑ಧುಃ . ಪ್ರ॒ತೀಚೀಂ॑ ಜಗ್ರಭಾ॒ ವಾಚ॒ಮಶ್ವಂ॑ ರಶ॒ನಯಾ॑ ಯಥಾ ..
ಉದೀರತಾಮಿತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ಯಾಮಾಯನಃ ಶಂಖಃ ಪಿತರಸ್ತ್ರಿಷ್ಟುಪ್ ಏಕಾದಶೀಜಗತೀ .
ಉದೀ॑ರತಾ॒ಮವ॑ರ॒ ಉತ್ಪರಾ॑ಸ॒ ಉನ್ಮ॑ಧ್ಯ॒ಮಾಃ ಪಿ॒ತರಃ॑ ಸೋ॒ಮ್ಯಾಸಃ॑ . ಅಸುಂ॒ ಯ ಈ॒ಯುರ॑ವೃ॒ಕಾ ಋ॑ತ॒ಜ್ಞಾಸ್ತೇ ನೋ॑ಽವಂತು ಪಿ॒ತರೋ॒ ಹವೇ॑ಷು ..
ಇ॒ದಂ ಪಿ॒ತೃಭ್ಯೋ॒ ನಮೋ॑ ಅಸ್ತ್ವ॒ದ್ಯ ಯೇ ಪೂರ್ವಾ॑ಸೋ॒ ಯ ಉಪ॑ರಾಸ ಈ॒ಯುಃ . ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ॑ ನೂ॒ನಂ ಸು॑ವೃ॒ಜನಾ॑ಸು ವಿ॒ಕ್ಷು ..
ಆಹಂ ಪಿ॒ತೄಂತ್ಸು॑ವಿ॒ದತ್ರಾಁ॑ ಅವಿತ್ಸಿ॒ ನಪಾ॑ತಂ ಚ ವಿ॒ಕ್ರಮ॑ಣಂ ಚ॒ ವಿಷ್ಣೋಃ॑ . ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜಂ॑ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ ..
ಬರ್ಹಿ॑ಷದಃ ಪಿತರ ಊ॒ತ್ಯ೧॒॑ರ್ವಾಗಿ॒ಮಾ ವೋ॑ ಹ॒ವ್ಯಾ ಚ॑ಕೃಮಾ ಜು॒ಷಧ್ವಂ॑ . ತ ಆ ಗ॒ತಾವ॑ಸಾ॒ ಶಂತ॑ಮೇ॒ನಾಥಾ॑ ನಃ॒ ಶಂ ಯೋರ॑ರ॒ಪೋ ದ॑ಧಾತ ..
ಉಪ॑ಹೂತಾಃ ಪಿ॒ತರಃ॑ ಸೋ॒ಮ್ಯಾಸೋ॑ ಬರ್ಹಿ॒ಷ್ಯೇ॑ಷು ನಿ॒ಧಿಷು॑ ಪ್ರಿ॒ಯೇಷು॑ . ತ ಆ ಗ॑ಮಂತು॒ ತ ಇ॒ಹ ಶ್ರು॑ವಂ॒ತ್ವಧಿ॑ ಬ್ರುವಂತು॒ ತೇ॑ಽವಂತ್ವ॒ಸ್ಮಾನ್ ..
ಆಚ್ಯಾ॒ ಜಾನು॑ ದಕ್ಷಿಣ॒ತೋ ನಿ॒ಷದ್ಯೇ॒ಮಂ ಯ॒ಜ್ಞಮ॒ಭಿ ಗೃ॑ಣೀತ॒ ವಿಶ್ವೇ॑ . ಮಾ ಹಿಂ॑ಸಿಷ್ಟ ಪಿತರಃ॒ ಕೇನ॑ ಚಿನ್ನೋ॒ ಯದ್ವ॒ ಆಗಃ॑ ಪುರು॒ಷತಾ॒ ಕರಾ॑ಮ ..
ಆಸೀ॑ನಾಸೋ ಅರು॒ಣೀನಾ॑ಮು॒ಪಸ್ಥೇ॑ ರ॒ಯಿಂ ಧ॑ತ್ತ ದಾ॒ಶುಷೇ॒ ಮರ್ತ್ಯಾ॑ಯ . ಪು॒ತ್ರೇಭ್ಯಃ॑ ಪಿತರ॒ಸ್ತಸ್ಯ॒ ವಸ್ವಃ॒ ಪ್ರ ಯ॑ಚ್ಛತ॒ ತ ಇ॒ಹೋರ್ಜಂ॑ ದಧಾತ ..
ಯೇ ನಃ॒ ಪೂರ್ವೇ॑ ಪಿ॒ತರಃ॑ ಸೋ॒ಮ್ಯಾಸೋ॑ಽನೂಹಿ॒ರೇ ಸೋ॑ಮಪೀ॒ಥಂ ವಸಿ॑ಷ್ಠಾಃ . ತೇಭಿ॑ರ್ಯ॒ಮಃ ಸಂ॑ರರಾ॒ಣೋ ಹ॒ವೀಂಷ್ಯು॒ಶನ್ನು॒ಶದ್ಭಿಃ॑ ಪ್ರತಿಕಾ॒ಮಮ॑ತ್ತು ..
ಯೇ ತಾ॑ತೃ॒ಷುರ್ದೇ॑ವ॒ತ್ರಾ ಜೇಹ॑ಮಾನಾ ಹೋತ್ರಾ॒ವಿದಃ॒ ಸ್ತೋಮ॑ತಷ್ಟಾಸೋ ಅ॒ರ್ಕೈಃ . ಆಗ್ನೇ॑ ಯಾಹಿ ಸುವಿ॒ದತ್ರೇ॑ಭಿರ॒ರ್ವಾಙ್ಸ॒ತ್ಯೈಃ ಕ॒ವ್ಯೈಃ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ ..
ಯೇ ಸ॒ತ್ಯಾಸೋ॑ ಹವಿ॒ರದೋ॑ ಹವಿ॒ಷ್ಪಾ ಇಂದ್ರೇ॑ಣ ದೇ॒ವೈಃ ಸ॒ರಥಂ॒ ದಧಾ॑ನಾಃ . ಆಗ್ನೇ॑ ಯಾಹಿ ಸ॒ಹಸ್ರಂ॑ ದೇವವಂ॒ದೈಃ ಪರೈಃ॒ ಪೂರ್ವೈಃ॑ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ ..
ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದಃ॑ಸದಃ ಸದತ ಸುಪ್ರಣೀತಯಃ . ಅ॒ತ್ತಾ ಹ॒ವೀಂಷಿ॒ ಪ್ರಯ॑ತಾನಿ ಬ॒ರ್ಹಿಷ್ಯಥಾ॑ ರ॒ಯಿಂ ಸರ್ವ॑ವೀರಂ ದಧಾತನ ..
ತ್ವಮ॑ಗ್ನ ಈಳಿ॒ತೋ ಜಾ॑ತವೇ॒ದೋಽವಾ॑ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ . ಪ್ರಾದಾಃ॑ ಪಿ॒ತೃಭ್ಯಃ॑ ಸ್ವ॒ಧಯಾ॒ ತೇ ಅ॑ಕ್ಷನ್ನ॒ದ್ಧಿ ತ್ವಂ ದೇ॑ವ॒ ಪ್ರಯ॑ತಾ ಹ॒ವೀಂಷಿ॑ ..
ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಁಶ್ಚ॑ ವಿ॒ದ್ಮ ಯಾಁ ಉ॑ ಚ॒ ನ ಪ್ರ॑ವಿ॒ದ್ಮ . ತ್ವಂ ವೇ॑ತ್ಥ॒ ಯತಿ॒ ತೇ ಜಾ॑ತವೇದಃ ಸ್ವ॒ಧಾಭಿ॑ರ್ಯ॒ಜ್ಞಂ ಸುಕೃ॑ತಂ ಜುಷಸ್ವ ..
ಯೇ ಅ॑ಗ್ನಿದ॒ಗ್ಧಾ ಯೇ ಅನ॑ಗ್ನಿದಗ್ಧಾ॒ ಮಧ್ಯೇ॑ ದಿ॒ವಃ ಸ್ವ॒ಧಯಾ॑ ಮಾ॒ದಯಂ॑ತೇ . ತೇಭಿಃ॑ ಸ್ವ॒ರಾಳಸು॑ನೀತಿಮೇ॒ತಾಂ ಯ॑ಥಾವ॒ಶಂ ತ॒ನ್ವಂ॑ ಕಲ್ಪಯಸ್ವ ..
ಅರಣ್ಯಾನೀತಿ ಷಡೃಚಸ್ಯ ಸೂಕ್ತಸ್ಯೈರಂಮದೋದೇವಮುನಿರರಣ್ಯಾನ್ಯನುಷ್ಟುಪ್ .
ಅರ॑ಣ್ಯಾ॒ನ್ಯರ॑ಣ್ಯಾನ್ಯ॒ಸೌ ಯಾ ಪ್ರೇವ॒ ನಶ್ಯ॑ಸಿ . ಕ॒ಥಾ ಗ್ರಾಮಂ॒ ನ ಪೃ॑ಚ್ಛಸಿ॒ ನ ತ್ವಾ॒ ಭೀರಿ॑ವ ವಿಂದತೀಁ೩ ..
ವೃ॒ಷಾ॒ರ॒ವಾಯ॒ ವದ॑ತೇ॒ ಯದು॒ಪಾವ॑ತಿ ಚಿಚ್ಚಿ॒ಕಃ . ಆ॒ಘಾ॒ಟಿಭಿ॑ರಿವ ಧಾ॒ವಯ॑ನ್ನರಣ್ಯಾ॒ನಿರ್ಮ॑ಹೀಯತೇ ..
ಉ॒ತ ಗಾವ॑ ಇವಾದಂತ್ಯು॒ತ ವೇಶ್ಮೇ॑ವ ದೃಶ್ಯತೇ . ಉ॒ತೋ ಅ॑ರಣ್ಯಾ॒ನಿಃ ಸಾ॒ಯಂ ಶ॑ಕ॒ಟೀರಿ॑ವ ಸರ್ಜತಿ ..
ಗಾಮಂ॒ಗೈಷ ಆ ಹ್ವ॑ಯತಿ॒ ದಾರ್ವಂ॒ಗೈಷೋ ಅಪಾ॑ವಧೀತ್ . ವಸ॑ನ್ನರಣ್ಯಾ॒ನ್ಯಾಂ ಸಾ॒ಯಮಕ್ರು॑ಕ್ಷ॒ದಿತಿ॑ ಮನ್ಯತೇ ..
ನ ವಾ ಅ॑ರಣ್ಯಾ॒ನಿರ್ಹಂ॑ತ್ಯ॒ನ್ಯಶ್ಚೇನ್ನಾಭಿ॒ಗಚ್ಛ॑ತಿ . ಸ್ವಾ॒ದೋಃ ಫಲ॑ಸ್ಯ ಜ॒ಗ್ಧ್ವಾಯ॑ ಯಥಾ॒ಕಾಮಂ॒ ನಿ ಪ॑ದ್ಯತೇ ..
ಆಂಜ॑ನಗಂಧಿಂ ಸುರ॒ಭಿಂ ಬ॑ಹ್ವ॒ನ್ನಾಮಕೃ॑ಷೀವಲಾಂ . ಪ್ರಾಹಂ ಮೃ॒ಗಾಣಾಂ॑ ಮಾ॒ತರ॑ಮರಣ್ಯಾ॒ನಿಮ॑ಶಂಸಿಷಂ ..
ಯತ್ತೇಯಮಮಿತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಗೌಪಾಯನಾಬಂಧುಃ ಶ್ರುತಬಂಧುರ್ವಿಪ್ರಬಂಧುರ್ಮನೋನುಷ್ಟುಪ್ .
ಯತ್ತೇ॑ ಯ॒ಮಂ ವೈ॑ವಸ್ವ॒ತಂ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ದಿವಂ॒ ಯತ್ಪೃ॑ಥಿ॒ವೀಂ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಭೂಮಿಂ॒ ಚತು॑ರ್ಭೃಷ್ಟಿಂ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಚತ॑ಸ್ರಃ ಪ್ರ॒ದಿಶೋ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॑ ಸಮು॒ದ್ರಮ॑ರ್ಣ॒ವಂ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಮರೀ॑ಚೀಃ ಪ್ರ॒ವತೋ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॑ ಅ॒ಪೋ ಯದೋಷ॑ಧೀ॒ರ್ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಸೂರ್ಯಂ॒ ಯದು॒ಷಸಂ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಪರ್ವ॑ತಾನ್ಬೃಹ॒ತೋ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ವಿಶ್ವ॑ಮಿ॒ದಂ ಜಗ॒ನ್ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॒ ಪರಾಃ॑ ಪರಾ॒ವತೋ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಯತ್ತೇ॑ ಭೂ॒ತಂ ಚ॒ ಭವ್ಯಂ॑ ಚ॒ ಮನೋ॑ ಜ॒ಗಾಮ॑ ದೂರ॒ಕಂ . ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ॑ಯ ಜೀ॒ವಸೇ॑ ..
ಪತಂಗಮಿತಿ ತೃಚಸ್ಯ ಸೂಕ್ತಸ್ಯ ಪ್ರಾಜಾಪತ್ಯಃ ಪತಂಗೋಮಾಯಾಭೇದಸ್ತ್ರಿಷ್ಟುಪ್ ಆದ್ಯಾಜಗತೀ .
ಪ॒ತಂ॒ಗಮ॒ಕ್ತಮಸು॑ರಸ್ಯ ಮಾ॒ಯಯಾ॑ ಹೃ॒ದಾ ಪ॑ಶ್ಯಂತಿ॒ ಮನ॑ಸಾ ವಿಪ॒ಶ್ಚಿತಃ॑ . ಸ॒ಮು॒ದ್ರೇ ಅಂ॒ತಃ ಕ॒ವಯೋ॒ ವಿ ಚ॑ಕ್ಷತೇ॒ ಮರೀ॑ಚೀನಾಂ ಪ॒ದಮಿ॑ಚ್ಛಂತಿ ವೇ॒ಧಸಃ॑ ..
ಪ॒ತಂ॒ಗೋ ವಾಚಂ॒ ಮನ॑ಸಾ ಬಿಭರ್ತಿ॒ ತಾಂ ಗಂ॑ಧ॒ರ್ವೋ॑ಽವದ॒ದ್ಗರ್ಭೇ॑ ಅಂ॒ತಃ . ತಾಂ ದ್ಯೋತ॑ಮಾನಾಂ ಸ್ವ॒ರ್ಯಂ॑ ಮನೀ॒ಷಾಮೃ॒ತಸ್ಯ॑ ಪ॒ದೇ ಕ॒ವಯೋ॒ ನಿ ಪಾಂ॑ತಿ ..
ಅಪ॑ಶ್ಯಂ ಗೋ॒ಪಾಮನಿ॑ಪದ್ಯಮಾನ॒ಮಾ ಚ॒ ಪರಾ॑ ಚ ಪ॒ಥಿಭಿ॒ಶ್ಚರಂ॑ತಂ . ಸ ಸ॒ಧ್ರೀಚೀಃ॒ ಸ ವಿಷೂ॑ಚೀ॒ರ್ವಸಾ॑ನ॒ ಆ ವ॑ರೀವರ್ತಿ॒ ಭುವ॑ನೇಷ್ವಂ॒ತಃ ..
ಆವಿರಿತ್ಯೇಕಾ ದಶರ್ಚಸ್ಯ ಸೂಕ್ತಸ್ಯಾಂಗಿರಸೋದಿವ್ಯೋದಕ್ಷಿಣಾತ್ರಿಷ್ಟುಪ್ ಚತುರ್ಥೀಜಗತೀ . (ಪ್ರಾಜಾಪತ್ಯಾದಕ್ಷಿಣಾನಾಮಗ್ನಿರೃಷಿಕಾ ವಾ ದಕ್ಷಿಣಾದಾತಾರೋವಾ ದೇವತಾ) .
ಆ॒ವಿರ॑ಭೂ॒ನ್ಮಹಿ॒ ಮಾಘೋ॑ನಮೇಷಾಂ॒ ವಿಶ್ವಂ॑ ಜೀ॒ವಂ ತಮ॑ಸೋ॒ ನಿರ॑ಮೋಚಿ . ಮಹಿ॒ ಜ್ಯೋತಿಃ॑ ಪಿ॒ತೃಭಿ॑ರ್ದ॒ತ್ತಮಾಗಾ॑ದು॒ರುಃ ಪಂಥಾ॒ ದಕ್ಷಿ॑ಣಾಯಾ ಅದರ್ಶಿ ..
ಉ॒ಚ್ಚಾ ದಿ॒ವಿ ದಕ್ಷಿ॑ಣಾವಂತೋ ಅಸ್ಥು॒ರ್ಯೇ ಅ॑ಶ್ವ॒ದಾಃ ಸ॒ಹ ತೇ ಸೂರ್ಯೇ॑ಣ . ಹಿ॒ರ॒ಣ್ಯ॒ದಾ ಅ॑ಮೃತ॒ತ್ವಂ ಭ॑ಜಂತೇ ವಾಸೋ॒ದಾಃ ಸೋ॑ಮ॒ ಪ್ರ ತಿ॑ರಂತ॒ ಆಯುಃ॑ ..
ದೈವೀ॑ ಪೂ॒ರ್ತಿರ್ದಕ್ಷಿ॑ಣಾ ದೇವಯ॒ಜ್ಯಾ ನ ಕ॑ವಾ॒ರಿಭ್ಯೋ॑ ನ॒ಹಿ ತೇ ಪೃ॒ಣಂತಿ॑ . ಅಥಾ॒ ನರಃ॒ ಪ್ರಯ॑ತದಕ್ಷಿಣಾಸೋಽವದ್ಯಭಿ॒ಯಾ ಬ॒ಹವಃ॑ ಪೃಣಂತಿ ..
ಶ॒ತಧಾ॑ರಂ ವಾ॒ಯುಮ॒ರ್ಕಂ ಸ್ವ॒ರ್ವಿದಂ॑ ನೃ॒ಚಕ್ಷ॑ಸ॒ಸ್ತೇ ಅ॒ಭಿ ಚ॑ಕ್ಷತೇ ಹ॒ವಿಃ . ಯೇ ಪೃ॒ಣಂತಿ॒ ಪ್ರ ಚ॒ ಯಚ್ಛಂ॑ತಿ ಸಂಗ॒ಮೇ ತೇ ದಕ್ಷಿ॑ಣಾಂ ದುಹತೇ ಸ॒ಪ್ತಮಾ॑ತರಂ ..
ದಕ್ಷಿ॑ಣಾವಾನ್ಪ್ರಥ॒ಮೋ ಹೂ॒ತ ಏ॑ತಿ॒ ದಕ್ಷಿ॑ಣಾವಾನ್ಗ್ರಾಮ॒ಣೀರಗ್ರ॑ಮೇತಿ . ತಮೇ॒ವ ಮ॑ನ್ಯೇ ನೃ॒ಪತಿಂ॒ ಜನಾ॑ನಾಂ॒ ಯಃ ಪ್ರ॑ಥ॒ಮೋ ದಕ್ಷಿ॑ಣಾಮಾವಿ॒ವಾಯ॑ ..
ತಮೇ॒ವ ಋಷಿಂ॒ ತಮು॑ ಬ್ರ॒ಹ್ಮಾಣ॑ಮಾಹುರ್ಯಜ್ಞ॒ನ್ಯಂ॑ ಸಾಮ॒ಗಾಮು॑ಕ್ಥ॒ಶಾಸಂ॑ . ಸ ಶು॒ಕ್ರಸ್ಯ॑ ತ॒ನ್ವೋ॑ ವೇದ ತಿ॒ಸ್ರೋ ಯಃ ಪ್ರ॑ಥ॒ಮೋ ದಕ್ಷಿ॑ಣಯಾ ರ॒ರಾಧ॑ ..
ದಕ್ಷಿ॒ಣಾಶ್ವಂ॒ ದಕ್ಷಿ॑ಣಾ॒ ಗಾಂ ದ॑ದಾತಿ॒ ದಕ್ಷಿ॑ಣಾ ಚಂ॒ದ್ರಮು॒ತ ಯದ್ಧಿರ॑ಣ್ಯಂ . ದಕ್ಷಿ॒ಣಾನ್ನಂ॑ ವನುತೇ॒ ಯೋ ನ॑ ಆ॒ತ್ಮಾ ದಕ್ಷಿ॑ಣಾಂ॒ ವರ್ಮ॑ ಕೃಣುತೇ ವಿಜಾ॒ನನ್ ..
ನ ಭೋ॒ಜಾ ಮ॑ಮ್ರು॒ರ್ನ ನ್ಯ॒ರ್ಥಮೀ॑ಯು॒ರ್ನ ರಿ॑ಷ್ಯಂತಿ॒ ನ ವ್ಯ॑ಥಂತೇ ಹ ಭೋ॒ಜಾಃ . ಇ॒ದಂ ಯದ್ವಿಶ್ವಂ॒ ಭುವ॑ನಂ॒ ಸ್ವ॑ಶ್ಚೈ॒ತತ್ಸರ್ವಂ॒ ದಕ್ಷಿ॑ಣೈಭ್ಯೋ ದದಾತಿ ..
ಭೋ॒ಜಾ ಜಿ॑ಗ್ಯುಃ ಸುರ॒ಭಿಂ ಯೋನಿ॒ಮಗ್ರೇ॑ ಭೋ॒ಜಾ ಜಿ॑ಗ್ಯುರ್ವ॒ಧ್ವಂ೧॒॑ ಯಾ ಸು॒ವಾಸಾಃ॑ . ಭೋ॒ಜಾ ಜಿ॑ಗ್ಯುರಂತಃ॒ಪೇಯಂ॒ ಸುರಾ॑ಯಾ ಭೋ॒ಜಾ ಜಿ॑ಗ್ಯು॒ರ್ಯೇ ಅಹೂ॑ತಾಃ ಪ್ರ॒ಯಂತಿ॑ ..
ಭೋ॒ಜಾಯಾಶ್ವಂ॒ ಸಂ ಮೃ॑ಜಂತ್ಯಾ॒ಶುಂ ಭೋ॒ಜಾಯಾ॑ಸ್ತೇ ಕ॒ನ್ಯಾ॒೩॒॑ ಶುಂಭ॑ಮಾನಾ . ಭೋ॒ಜಸ್ಯೇ॒ದಂ ಪು॑ಷ್ಕ॒ರಿಣೀ॑ವ॒ ವೇಶ್ಮ॒ ಪರಿ॑ಷ್ಕೃತಂ ದೇವಮಾ॒ನೇವ॑ ಚಿ॒ತ್ರಂ ..
ಭೋ॒ಜಮಶ್ವಾಃ॑ ಸುಷ್ಠು॒ವಾಹೋ॑ ವಹಂತಿ ಸು॒ವೃದ್ರಥೋ॑ ವರ್ತತೇ॒ ದಕ್ಷಿ॑ಣಾಯಾಃ . ಭೋ॒ಜಂ ದೇ॑ವಾಸೋಽವತಾ॒ ಭರೇ॑ಷು ಭೋ॒ಜಃ ಶತ್ರೂಂ॑ತ್ಸಮನೀ॒ಕೇಷು॒ ಜೇತಾ॑ ..
ಇಂದ್ರಂಮಿತ್ರಮಿತಿ ಸಪ್ತರ್ಚಸ್ಯ ಸೂಕ್ತಸ್ಯ ಕುತ್ಸೋ ವಿಶ್ವೇದೇವಾಜಗತೀಅಂತ್ಯಾತ್ರಿಷ್ಟುಪ್ .
ಇಂದ್ರಂ॑ ಮಿ॒ತ್ರಂ ವರು॑ಣಮ॒ಗ್ನಿಮೂ॒ತಯೇ॒ ಮಾರು॑ತಂ॒ ಶರ್ಧೋ॒ ಅದಿ॑ತಿಂ ಹವಾಮಹೇ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ತ ಆ॑ದಿತ್ಯಾ॒ ಆ ಗ॑ತಾ ಸ॒ರ್ವತಾ॑ತಯೇ ಭೂ॒ತ ದೇ॑ವಾ ವೃತ್ರ॒ತೂರ್ಯೇ॑ಷು ಶಂ॒ಭುವಃ॑ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ಅವಂ॑ತು ನಃ ಪಿ॒ತರಃ॑ ಸುಪ್ರವಾಚ॒ನಾ ಉ॒ತ ದೇ॒ವೀ ದೇ॒ವಪು॑ತ್ರೇ ಋತಾ॒ವೃಧಾ॑ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ನರಾ॒ಶಂಸಂ॑ ವಾ॒ಜಿನಂ॑ ವಾ॒ಜಯ॑ನ್ನಿ॒ಹ ಕ್ಷ॒ಯದ್ವೀ॑ರಂ ಪೂ॒ಷಣಂ॑ ಸು॒ಮ್ನೈರೀ॑ಮಹೇ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ಬೃಹ॑ಸ್ಪತೇ॒ ಸದ॒ಮಿನ್ನಃ॑ ಸು॒ಗಂ ಕೃ॑ಧಿ॒ ಶಂ ಯೋರ್ಯತ್ತೇ॒ ಮನು॑ರ್ಹಿತಂ॒ ತದೀ॑ಮಹೇ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ಇಂದ್ರಂ॒ ಕುತ್ಸೋ॑ ವೃತ್ರ॒ಹಣಂ॒ ಶಚೀ॒ಪತಿಂ॑ ಕಾ॒ಟೇ ನಿಬಾ॑ಳ್ಹ॒ ಋಷಿ॑ರಹ್ವದೂ॒ತಯೇ॑ . ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ..
ದೇ॒ವೈರ್ನೋ॑ ದೇ॒ವ್ಯದಿ॑ತಿ॒ರ್ನಿ ಪಾ॑ತು ದೇ॒ವಸ್ತ್ರಾ॒ತಾ ತ್ರಾ॑ಯತಾ॒ಮಪ್ರ॑ಯುಚ್ಛನ್ . ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ..
ಜೀಮೂತಸ್ಯೇವೇತ್ಯೇಕೋನವಿಂಶತ್ಯೃಚಸ್ಯ ಸೂಕ್ತಸ್ಯ ಭಾರದ್ವಾಜಃ ಪಾಯುಃ ಆದ್ಯಾನಾಂನವಾನಾಂಕ್ರಮೇಣ ವರ್ಮಧನುರ್ಜ್ಯಾ ಧನುಷ್ಕೋಟೀಷುಧಿಃ ಸಾರಥೀ ರಶ್ಮಯೋಽಶ್ವಾರಥೋರಥಗೋಪಾಃ ದಶಮ್ಯಾಬ್ರಾಹ್ಮಣಪಿತೃಸೋಮಪೃಥಿವೀಪೂಷಾಣಃ ಏಕಾದಶ್ಯಾದಿದ್ವಯೋರಿಷವಃ ತ್ರಯೋದಶ್ಯಾಃ ಪ್ರತೋದಃ ಚತುರ್ದಶ್ಯಾಹಸ್ತತ್ರಾಣಂ ಪಂಚದಶೀಷೋಡಶ್ಯೋರಿಷವಃ ಸಪ್ತದಶ್ಯಾಯುದ್ಧಭೂಮಿಕವಚ ಬ್ರಹ್ಮಣಸ್ಪತ್ಯದಿತ್ಯಃ ಅಷ್ಟಾದಶ್ಯಾವರ್ಮಸೋಮವರುಣಾಃ ಅಂತ್ಯಾಯಾದೇವಬ್ರಹ್ಮಾಣಿತ್ರಿಷ್ಟುಪ್ . ಷಷ್ಠೀದಶಮ್ಯೌಜಗತ್ಯೌ ದ್ವಾದಶೀತ್ರಯೋದಶೀಪಂಚದಶೀಷೋಳಶ್ಯಂತ್ಯಾನುಷ್ಟುಭಃ ಸಪ್ತದಶೀಪಂಕ್ತಿಃ .(ತ್ರಯೋದಶ್ಯಾಃ ಪ್ರತೋದಇತ್ಯತ್ರಾಶ್ವೋದೇವತೇತಿಕೇಚಿತ್ . ಚತುರ್ದಶ್ಯಾಹಸ್ತಘ್ನಮಿತ್ಯತ್ರಹಸ್ತತ್ರಾಣಂ ಚತುರ್ದಶ್ಯಾಮಿತಿಶೌನಕೋಕ್ತೇರ್ಹಸ್ತತ್ರಾಣಮೇವಯುಕ್ತಂ . ಪರಾಃ ಪಂಕ್ತ್ಯಾದಯೋಲಿಂಗೋಕ್ತದೇವತಾ ಇತ್ಯೇವಮನುಕ್ರಮಣ್ಯಾಂಸತ್ಯಾಮಂತ್ಯಯೋರ್ದ್ವಯೋರ್ವಿಶ್ವೇದೇವಾ ಇತಿ ಕೇಚಿನ್ಮನ್ಯಂತೇಬಹುದೈವತತ್ವಾತ್ . ಪಂಚದಶ್ಯಾದಿದ್ವಯೋರ್ವಿಷಾಕ್ತಮುಖಬಾಣ ಇತಿಶೌನಕಃ).
ಜೀ॒ಮೂತ॑ಸ್ಯೇವ ಭವತಿ॒ ಪ್ರತೀ॑ಕಂ॒ ಯದ್ವ॒ರ್ಮೀ ಯಾತಿ॑ ಸ॒ಮದಾ॑ಮು॒ಪಸ್ಥೇ॑ . ಅನಾ॑ವಿದ್ಧಯಾ ತ॒ನ್ವಾ॑ ಜಯ॒ ತ್ವಂ ಸ ತ್ವಾ॒ ವರ್ಮ॑ಣೋ ಮಹಿ॒ಮಾ ಪಿ॑ಪರ್ತು ..
ಧನ್ವ॑ನಾ॒ ಗಾ ಧನ್ವ॑ನಾ॒ಜಿಂ ಜ॑ಯೇಮ॒ ಧನ್ವ॑ನಾ ತೀ॒ವ್ರಾಃ ಸ॒ಮದೋ॑ ಜಯೇಮ . ಧನುಃ॒ ಶತ್ರೋ॑ರಪಕಾ॒ಮಂ ಕೃ॑ಣೋತಿ॒ ಧನ್ವ॑ನಾ॒ ಸರ್ವಾಃ॑ ಪ್ರ॒ದಿಶೋ॑ ಜಯೇಮ ..
ವ॒ಕ್ಷ್ಯಂತೀ॒ವೇದಾ ಗ॑ನೀಗಂತಿ॒ ಕರ್ಣಂ॑ ಪ್ರಿ॒ಯಂ ಸಖಾ॑ಯಂ ಪರಿಷಸ್ವಜಾ॒ನಾ . ಯೋಷೇ॑ವ ಶಿಂಕ್ತೇ॒ ವಿತ॒ತಾಧಿ॒ ಧನ್ವಂ॒ಜ್ಯಾ ಇ॒ಯಂ ಸಮ॑ನೇ ಪಾ॒ರಯಂ॑ತೀ ..
ತೇ ಆ॒ಚರಂ॑ತೀ॒ ಸಮ॑ನೇವ॒ ಯೋಷಾ॑ ಮಾ॒ತೇವ॑ ಪು॒ತ್ರಂ ಬಿ॑ಭೃತಾಮು॒ಪಸ್ಥೇ॑ . ಅಪ॒ ಶತ್ರೂ॑ನ್ವಿಧ್ಯತಾಂ ಸಂವಿದಾ॒ನೇ ಆರ್ತ್ನೀ॑ ಇ॒ಮೇ ವಿ॑ಷ್ಫು॒ರಂತೀ॑ ಅ॒ಮಿತ್ರಾ॑ನ್ ..
ಬ॒ಹ್ವೀ॒ನಾಂ ಪಿ॒ತಾ ಬ॒ಹುರ॑ಸ್ಯ ಪು॒ತ್ರಶ್ಚಿ॒ಶ್ಚಾ ಕೃ॑ಣೋತಿ॒ ಸಮ॑ನಾವ॒ಗತ್ಯ॑ . ಇ॒ಷು॒ಧಿಃ ಸಂಕಾಃ॒ ಪೃತ॑ನಾಶ್ಚ॒ ಸರ್ವಾಃ॑ ಪೃ॒ಷ್ಠೇ ನಿನ॑ದ್ಧೋ ಜಯತಿ॒ ಪ್ರಸೂ॑ತಃ ..
ರಥೇ॒ ತಿಷ್ಠ॑ನ್ನಯತಿ ವಾ॒ಜಿನಃ॑ ಪು॒ರೋ ಯತ್ರ॑ಯತ್ರ ಕಾ॒ಮಯ॑ತೇ ಸುಷಾರ॒ಥಿಃ . ಅ॒ಭೀಶೂ॑ನಾಂ ಮಹಿ॒ಮಾನಂ॑ ಪನಾಯತ॒ ಮನಃ॑ ಪ॒ಶ್ಚಾದನು॑ ಯಚ್ಛಂತಿ ರ॒ಶ್ಮಯಃ॑ ..
ತೀ॒ವ್ರಾನ್ಘೋಷಾ॑ನ್ಕೃಣ್ವತೇ॒ ವೃಷ॑ಪಾಣ॒ಯೋಽಶ್ವಾ॒ ರಥೇ॑ಭಿಃ ಸ॒ಹ ವಾ॒ಜಯಂ॑ತಃ . ಅ॒ವ॒ಕ್ರಾಮಂ॑ತಃ॒ ಪ್ರಪ॑ದೈರ॒ಮಿತ್ರಾ॑ನ್ಕ್ಷಿ॒ಣಂತಿ॒ ಶತ್ರೂಁ॒ರನ॑ಪವ್ಯಯಂತಃ ..
ರ॒ಥ॒ವಾಹ॑ನಂ ಹ॒ವಿರ॑ಸ್ಯ॒ ನಾಮ॒ ಯತ್ರಾಯು॑ಧಂ॒ ನಿಹಿ॑ತಮಸ್ಯ॒ ವರ್ಮ॑ . ತತ್ರಾ॒ ರಥ॒ಮುಪ॑ ಶ॒ಗ್ಮಂ ಸ॑ದೇಮ ವಿ॒ಶ್ವಾಹಾ॑ ವ॒ಯಂ ಸು॑ಮನ॒ಸ್ಯಮಾ॑ನಾಃ ..
ಸ್ವಾ॒ದು॒ಷಂ॒ಸದಃ॑ ಪಿ॒ತರೋ॑ ವಯೋ॒ಧಾಃ ಕೃ॑ಚ್ಛ್ರೇ॒ಶ್ರಿತಃ॒ ಶಕ್ತೀ॑ವಂತೋ ಗಭೀ॒ರಾಃ . ಚಿ॒ತ್ರಸೇ॑ನಾ॒ ಇಷು॑ಬಲಾ॒ ಅಮೃ॑ಧ್ರಾಃ ಸ॒ತೋವೀ॑ರಾ ಉ॒ರವೋ॑ ವ್ರಾತಸಾ॒ಹಾಃ ..
ಬ್ರಾಹ್ಮ॑ಣಾಸಃ॒ ಪಿತ॑ರಃ॒ ಸೋಮ್ಯಾ॑ಸಃ ಶಿ॒ವೇ ನೋ॒ ದ್ಯಾವಾ॑ಪೃಥಿ॒ವೀ ಅ॑ನೇ॒ಹಸಾ॑ . ಪೂ॒ಷಾ ನಃ॑ ಪಾತು ದುರಿ॒ತಾದೃ॑ತಾವೃಧೋ॒ ರಕ್ಷಾ॒ ಮಾಕಿ॑ರ್ನೋ ಅ॒ಘಶಂ॑ಸ ಈಶತ ..
ಸು॒ಪ॒ರ್ಣಂ ವ॑ಸ್ತೇ ಮೃ॒ಗೋ ಅ॑ಸ್ಯಾ॒ ದಂತೋ॒ ಗೋಭಿಃ॒ ಸಂನ॑ದ್ಧಾ ಪತತಿ॒ ಪ್ರಸೂ॑ತಾ . ಯತ್ರಾ॒ ನರಃ॒ ಸಂ ಚ॒ ವಿ ಚ॒ ದ್ರವಂ॑ತಿ॒ ತತ್ರಾ॒ಸ್ಮಭ್ಯ॒ಮಿಷ॑ವಃ॒ ಶರ್ಮ॑ ಯಂಸನ್ ..
ಋಜೀ॑ತೇ॒ ಪರಿ॑ ವೃಙ್ಧಿ॒ ನೋಽಶ್ಮಾ॑ ಭವತು ನಸ್ತ॒ನೂಃ . ಸೋಮೋ॒ ಅಧಿ॑ ಬ್ರವೀತು॒ ನೋಽದಿ॑ತಿಃ॒ ಶರ್ಮ॑ ಯಚ್ಛತು ..
ಆ ಜಂ॑ಘಂತಿ॒ ಸಾನ್ವೇ॑ಷಾಂ ಜ॒ಘನಾಁ॒ ಉಪ॑ ಜಿಘ್ನತೇ . ಅಶ್ವಾ॑ಜನಿ॒ ಪ್ರಚೇ॑ತ॒ಸೋಽಶ್ವಾಂ॑ತ್ಸ॒ಮತ್ಸು॑ ಚೋದಯ ..
ಅಹಿ॑ರಿವ ಭೋ॒ಗೈಃ ಪರ್ಯೇ॑ತಿ ಬಾ॒ಹುಂ ಜ್ಯಾಯಾ॑ ಹೇ॒ತಿಂ ಪ॑ರಿ॒ಬಾಧ॑ಮಾನಃ . ಹ॒ಸ್ತ॒ಘ್ನೋ ವಿಶ್ವಾ॑ ವ॒ಯುನಾ॑ನಿ ವಿ॒ದ್ವಾನ್ಪುಮಾ॒ನ್ಪುಮಾಂ॑ಸಂ॒ ಪರಿ॑ ಪಾತು ವಿ॒ಶ್ವತಃ॑ ..
ಆಲಾ॑ಕ್ತಾ॒ ಯಾ ರುರು॑ಶೀ॒ರ್ಷ್ಣ್ಯಥೋ॒ ಯಸ್ಯಾ॒ ಅಯೋ॒ ಮುಖಂ॑ . ಇ॒ದಂ ಪ॒ರ್ಜನ್ಯ॑ರೇತಸ॒ ಇಷ್ವೈ॑ ದೇ॒ವ್ಯೈ ಬೃ॒ಹನ್ನಮಃ॑ ..
ಅವ॑ಸೃಷ್ಟಾ॒ ಪರಾ॑ ಪತ॒ ಶರ॑ವ್ಯೇ॒ ಬ್ರಹ್ಮ॑ಸಂಶಿತೇ . ಗಚ್ಛಾ॒ಮಿತ್ರಾ॒ನ್ಪ್ರ ಪ॑ದ್ಯಸ್ವ॒ ಮಾಮೀಷಾಂ॒ ಕಂ ಚ॒ನೋಚ್ಛಿ॑ಷಃ ..
ಯತ್ರ॑ ಬಾ॒ಣಾಃ ಸಂ॒ಪತಂ॑ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ . ತತ್ರಾ॑ ನೋ॒ ಬ್ರಹ್ಮ॑ಣ॒ಸ್ಪತಿ॒ರದಿ॑ತಿಃ॒ ಶರ್ಮ॑ ಯಚ್ಛತು ವಿ॒ಶ್ವಾಹಾ॒ ಶರ್ಮ॑ ಯಚ್ಛತು ..
ಮರ್ಮಾ॑ಣಿ ತೇ॒ ವರ್ಮ॑ಣಾ ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಮೃತೇ॒ನಾನು॑ ವಸ್ತಾಂ . ಉ॒ರೋರ್ವರೀ॑ಯೋ॒ ವರು॑ಣಸ್ತೇ ಕೃಣೋತು॒ ಜಯಂ॑ತಂ॒ ತ್ವಾನು॑ ದೇ॒ವಾ ಮ॑ದಂತು ..
ಯೋ ನಃ॒ ಸ್ವೋ ಅರ॑ಣೋ॒ ಯಶ್ಚ॒ ನಿಷ್ಟ್ಯೋ॒ ಜಿಘಾಂ॑ಸತಿ . ದೇ॒ವಾಸ್ತಂ ಸರ್ವೇ॑ ಧೂರ್ವಂತು॒ ಬ್ರಹ್ಮ॒ ವರ್ಮ॒ ಮಮಾಂತ॑ರಂ ..
ಆತ್ವೇತಿ ಷಡೃಚಸ್ಯ ಸೂಕ್ತಸ್ಯಾಂಗಿರಸೋಧ್ರುವೋರಾಜಾನುಷ್ಟುಪ್ .
ಆ ತ್ವಾ॑ಹಾರ್ಷಮಂ॒ತರೇ॑ಧಿ ಧ್ರು॒ವಸ್ತಿ॒ಷ್ಠಾವಿ॑ಚಾಚಲಿಃ . ವಿಶ॑ಸ್ತ್ವಾ॒ ಸರ್ವಾ॑ ವಾಂಛಂತು॒ ಮಾ ತ್ವದ್ರಾ॒ಷ್ಟ್ರಮಧಿ॑ ಭ್ರಶತ್ ..
ಇ॒ಹೈವೈಧಿ॒ ಮಾಪ॑ ಚ್ಯೋಷ್ಠಾಃ॒ ಪರ್ವ॑ತ ಇ॒ವಾವಿ॑ಚಾಚಲಿಃ . ಇಂದ್ರ॑ ಇವೇ॒ಹ ಧ್ರು॒ವಸ್ತಿ॑ಷ್ಠೇ॒ಹ ರಾ॒ಷ್ಟ್ರಮು॑ ಧಾರಯ ..
ಇ॒ಮಮಿಂದ್ರೋ॑ ಅದೀಧರದ್ಧ್ರು॒ವಂ ಧ್ರು॒ವೇಣ॑ ಹ॒ವಿಷಾ॑ . ತಸ್ಮೈ॒ ಸೋಮೋ॒ ಅಧಿ॑ ಬ್ರವ॒ತ್ತಸ್ಮಾ॑ ಉ॒ ಬ್ರಹ್ಮ॑ಣ॒ಸ್ಪತಿಃ॑ ..
ಧ್ರು॒ವಾ ದ್ಯೌರ್ಧ್ರು॒ವಾ ಪೃ॑ಥಿ॒ವೀ ಧ್ರು॒ವಾಸಃ॒ ಪರ್ವ॑ತಾ ಇ॒ಮೇ . ಧ್ರು॒ವಂ ವಿಶ್ವ॑ಮಿ॒ದಂ ಜಗ॑ದ್ಧ್ರು॒ವೋ ರಾಜಾ॑ ವಿ॒ಶಾಮ॒ಯಂ ..
ಧ್ರು॒ವಂ ತೇ॒ ರಾಜಾ॒ ವರು॑ಣೋ ಧ್ರು॒ವಂ ದೇ॒ವೋ ಬೃಹ॒ಸ್ಪತಿಃ॑ . ಧ್ರು॒ವಂ ತ॒ ಇಂದ್ರ॑ಶ್ಚಾ॒ಗ್ನಿಶ್ಚ॑ ರಾ॒ಷ್ಟ್ರಂ ಧಾ॑ರಯತಾಂ ಧ್ರು॒ವಂ ..
ಧ್ರು॒ವಂ ಧ್ರು॒ವೇಣ॑ ಹ॒ವಿಷಾ॒ಭಿ ಸೋಮಂ॑ ಮೃಶಾಮಸಿ . ಅಥೋ॑ ತ॒ ಇಂದ್ರಃ॒ ಕೇವ॑ಲೀ॒ರ್ವಿಶೋ॑ ಬಲಿ॒ಹೃತ॑ಸ್ಕರತ್ ..
ಅಭೀವರ್ತೇನೇತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸೋಭೀವರ್ತೋ ರಾಜಾನುಷ್ಟುಪ್ .
ಅ॒ಭೀ॒ವ॒ರ್ತೇನ॑ ಹ॒ವಿಷಾ॒ ಯೇನೇಂದ್ರೋ॑ ಅಭಿವಾವೃ॒ತೇ . ತೇನಾ॒ಸ್ಮಾನ್ಬ್ರ॑ಹ್ಮಣಸ್ಪತೇ॒ಽಭಿ ರಾ॒ಷ್ಟ್ರಾಯ॑ ವರ್ತಯ ..
ಅ॒ಭಿ॒ವೃತ್ಯ॑ ಸ॒ಪತ್ನಾ॑ನ॒ಭಿ ಯಾ ನೋ॒ ಅರಾ॑ತಯಃ . ಅ॒ಭಿ ಪೃ॑ತ॒ನ್ಯಂತಂ॑ ತಿಷ್ಠಾ॒ಭಿ ಯೋ ನ॑ ಇರ॒ಸ್ಯತಿ॑ ..
ಅ॒ಭಿ ತ್ವಾ॑ ದೇ॒ವಃ ಸ॑ವಿ॒ತಾಭಿ ಸೋಮೋ॑ ಅವೀವೃತತ್ . ಅ॒ಭಿ ತ್ವಾ॒ ವಿಶ್ವಾ॑ ಭೂ॒ತಾನ್ಯ॑ಭೀವ॒ರ್ತೋ ಯಥಾಸ॑ಸಿ ..
ಯೇನೇಂದ್ರೋ॑ ಹ॒ವಿಷಾ॑ ಕೃ॒ತ್ವ್ಯಭ॑ವದ್ದ್ಯು॒ಮ್ನ್ಯು॑ತ್ತ॒ಮಃ . ಇ॒ದಂ ತದ॑ಕ್ರಿ ದೇವಾ ಅಸಪ॒ತ್ನಃ ಕಿಲಾ॑ಭುವಂ ..
ಅ॒ಸ॒ಪ॒ತ್ನಃ ಸ॑ಪತ್ನ॒ಹಾಭಿರಾ॑ಷ್ಟ್ರೋ ವಿಷಾಸ॒ಹಿಃ . ಯಥಾ॒ಹಮೇ॑ಷಾಂ ಭೂ॒ತಾನಾಂ॑ ವಿ॒ರಾಜಾ॑ನಿ॒ ಜನ॑ಸ್ಯ ಚ ..
ಪೂರ್ವೀರಮಿತಿ ಷಡೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯಃ ಆದ್ಯಯೋರ್ದ್ವಯೋರ್ಲೋಪಾಮುದ್ರಾಋಷಿಕಾ ಅಂತ್ಯಯೋರ್ದ್ವಯೋರಗಸ್ತ್ಯಾಂತೇವಾಸೀಬ್ರಹ್ಮಚಾರೀಋಷಿಃ ಸರ್ವಾಸಾಂರತಿರ್ದೇವತಾ ತ್ರಿಷ್ಟುಪ್ ಪಂಚಮೀ ಬೃಹತೀ .
ಪೂ॒ರ್ವೀರ॒ಹಂ ಶ॒ರದಃ॑ ಶಶ್ರಮಾ॒ಣಾ ದೋ॒ಷಾ ವಸ್ತೋ॑ರು॒ಷಸೋ॑ ಜ॒ರಯಂ॑ತೀಃ . ಮಿ॒ನಾತಿ॒ ಶ್ರಿಯಂ॑ ಜರಿ॒ಮಾ ತ॒ನೂನಾ॒ಮಪ್ಯೂ॒ ನು ಪತ್ನೀ॒ರ್ವೃಷ॑ಣೋ ಜಗಮ್ಯುಃ ..
ಯೇ ಚಿ॒ದ್ಧಿ ಪೂರ್ವ॑ ಋತ॒ಸಾಪ॒ ಆಸಂ॑ತ್ಸಾ॒ಕಂ ದೇ॒ವೇಭಿ॒ರವ॑ದನ್ನೃ॒ತಾನಿ॑ . ತೇ ಚಿ॒ದವಾ॑ಸುರ್ನ॒ಹ್ಯಂತ॑ಮಾ॒ಪುಃ ಸಮೂ॒ ನು ಪತ್ನೀ॒ರ್ವೃಷ॑ಭಿರ್ಜಗಮ್ಯುಃ ..
ನ ಮೃಷಾ॑ ಶ್ರಾಂ॒ತಂ ಯದವಂ॑ತಿ ದೇ॒ವಾ ವಿಶ್ವಾ॒ ಇತ್ಸ್ಪೃಧೋ॑ ಅ॒ಭ್ಯ॑ಶ್ನವಾವ . ಜಯಾ॒ವೇದತ್ರ॑ ಶ॒ತನೀ॑ಥಮಾ॒ಜಿಂ ಯತ್ಸ॒ಮ್ಯಂಚಾ॑ ಮಿಥು॒ನಾವ॒ಭ್ಯಜಾ॑ವ ..
ನ॒ದಸ್ಯ॑ ಮಾ ರುಧ॒ತಃ ಕಾಮ॒ ಆಗ॑ನ್ನಿ॒ತ ಆಜಾ॑ತೋ ಅ॒ಮುತಃ॒ ಕುತ॑ಶ್ಚಿತ್ . ಲೋಪಾ॑ಮುದ್ರಾ॒ ವೃಷ॑ಣಂ॒ ನೀ ರಿ॑ಣಾತಿ॒ ಧೀರ॒ಮಧೀ॑ರಾ ಧಯತಿ ಶ್ವ॒ಸಂತಂ॑ ..
ಇ॒ಮಂ ನು ಸೋಮ॒ಮಂತಿ॑ತೋ ಹೃ॒ತ್ಸು ಪೀ॒ತಮುಪ॑ ಬ್ರುವೇ . ಯತ್ಸೀ॒ಮಾಗ॑ಶ್ಚಕೃ॒ಮಾ ತತ್ಸು ಮೃ॑ಳತು ಪುಲು॒ಕಾಮೋ॒ ಹಿ ಮರ್ತ್ಯಃ॑ ..
ಅ॒ಗಸ್ತ್ಯಃ॒ ಖನ॑ಮಾನಃ ಖ॒ನಿತ್ರೈಃ॑ ಪ್ರ॒ಜಾಮಪ॑ತ್ಯಂ॒ ಬಲ॑ಮಿ॒ಚ್ಛಮಾ॑ನಃ . ಉ॒ಭೌ ವರ್ಣಾ॒ವೃಷಿ॑ರು॒ಗ್ರಃ ಪು॑ಪೋಷ ಸ॒ತ್ಯಾ ದೇ॒ವೇಷ್ವಾ॒ಶಿಷೋ॑ ಜಗಾಮ ..
ಓಚಿದಿತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ನವಮೀ ವರ್ಜ್ಯಾನಾಮಯುಜಾಂ ಷಷ್ಠ್ಯಾಶ್ಚ ವೈವಸ್ವತೀಯಮೀ ಋಷಿಕಾ ಯಮೋದೇವತಾ ಷಷ್ಠೀವರ್ಜ್ಯಾನಾಂಯುಜಾಂ ನವಮ್ಯಾಶ್ಚ ವೈವಸ್ವತೋಯಮೀತ್ರಿಷ್ಟುಪ್ .
ಓ ಚಿ॒ತ್ಸಖಾ॑ಯಂ ಸ॒ಖ್ಯಾ ವ॑ವೃತ್ಯಾಂ ತಿ॒ರಃ ಪು॒ರೂ ಚಿ॑ದರ್ಣ॒ವಂ ಜ॑ಗ॒ನ್ವಾನ್ . ಪಿ॒ತುರ್ನಪಾ॑ತ॒ಮಾ ದ॑ಧೀತ ವೇ॒ಧಾ ಅಧಿ॒ ಕ್ಷಮಿ॑ ಪ್ರತ॒ರಂ ದೀಧ್ಯಾ॑ನಃ ..
ನ ತೇ॒ ಸಖಾ॑ ಸ॒ಖ್ಯಂ ವ॑ಷ್ಟ್ಯೇ॒ತತ್ಸಲ॑ಕ್ಷ್ಮಾ॒ ಯದ್ವಿಷು॑ರೂಪಾ॒ ಭವಾ॑ತಿ . ಮ॒ಹಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾ ದಿ॒ವೋ ಧ॒ರ್ತಾರ॑ ಉರ್ವಿ॒ಯಾ ಪರಿ॑ ಖ್ಯನ್ ..
ಉ॒ಶಂತಿ॑ ಘಾ॒ ತೇ ಅ॒ಮೃತಾ॑ಸ ಏ॒ತದೇಕ॑ಸ್ಯ ಚಿತ್ತ್ಯ॒ಜಸಂ॒ ಮರ್ತ್ಯ॑ಸ್ಯ . ನಿ ತೇ॒ ಮನೋ॒ ಮನ॑ಸಿ ಧಾಯ್ಯ॒ಸ್ಮೇ ಜನ್ಯುಃ॒ ಪತಿ॑ಸ್ತ॒ನ್ವ೧॒॑ಮಾ ವಿ॑ವಿಶ್ಯಾಃ ..
ನ ಯತ್ಪು॒ರಾ ಚ॑ಕೃ॒ಮಾ ಕದ್ಧ॑ ನೂ॒ನಮೃ॒ತಾ ವದಂ॑ತೋ॒ ಅನೃ॑ತಂ ರಪೇಮ . ಗಂ॒ಧ॒ರ್ವೋ ಅ॒ಪ್ಸ್ವಪ್ಯಾ॑ ಚ॒ ಯೋಷಾ॒ ಸಾ ನೋ॒ ನಾಭಿಃ॑ ಪರ॒ಮಂ ಜಾ॒ಮಿ ತನ್ನೌ॑ ..
ಗರ್ಭೇ॒ ನು ನೌ॑ ಜನಿ॒ತಾ ದಂಪ॑ತೀ ಕರ್ದೇ॒ವಸ್ತ್ವಷ್ಟಾ॑ ಸವಿ॒ತಾ ವಿ॒ಶ್ವರೂ॑ಪಃ . ನಕಿ॑ರಸ್ಯ॒ ಪ್ರ ಮಿ॑ನಂತಿ ವ್ರ॒ತಾನಿ॒ ವೇದ॑ ನಾವ॒ಸ್ಯ ಪೃ॑ಥಿ॒ವೀ ಉ॒ತ ದ್ಯೌಃ ..
ಕೋ ಅ॒ಸ್ಯ ವೇ॑ದ ಪ್ರಥ॒ಮಸ್ಯಾಹ್ನಃ॒ ಕ ಈಂ॑ ದದರ್ಶ॒ ಕ ಇ॒ಹ ಪ್ರ ವೋ॑ಚತ್ . ಬೃ॒ಹನ್ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॒ ಕದು॑ ಬ್ರವ ಆಹನೋ॒ ವೀಚ್ಯಾ॒ ನೄನ್ ..
ಯ॒ಮಸ್ಯ॑ ಮಾ ಯ॒ಮ್ಯಂ೧॒॑ ಕಾಮ॒ ಆಗಂ॑ತ್ಸಮಾ॒ನೇ ಯೋನೌ॑ ಸಹ॒ಶೇಯ್ಯಾ॑ಯ . ಜಾ॒ಯೇವ॒ ಪತ್ಯೇ॑ ತ॒ನ್ವಂ॑ ರಿರಿಚ್ಯಾಂ॒ ವಿ ಚಿ॑ದ್ವೃಹೇವ॒ ರಥ್ಯೇ॑ವ ಚ॒ಕ್ರಾ ..
ನ ತಿ॑ಷ್ಠಂತಿ॒ ನ ನಿ ಮಿ॑ಷಂತ್ಯೇ॒ತೇ ದೇ॒ವಾನಾಂ॒ ಸ್ಪಶ॑ ಇ॒ಹ ಯೇ ಚರಂ॑ತಿ . ಅ॒ನ್ಯೇನ॒ ಮದಾ॑ಹನೋ ಯಾಹಿ॒ ತೂಯಂ॒ ತೇನ॒ ವಿ ವೃ॑ಹ॒ ರಥ್ಯೇ॑ವ ಚ॒ಕ್ರಾ ..
ರಾತ್ರೀ॑ಭಿರಸ್ಮಾ॒ ಅಹ॑ಭಿರ್ದಶಸ್ಯೇ॒ತ್ಸೂರ್ಯ॑ಸ್ಯ॒ ಚಕ್ಷು॒ರ್ಮುಹು॒ರುನ್ಮಿ॑ಮೀಯಾತ್ . ದಿ॒ವಾ ಪೃ॑ಥಿ॒ವ್ಯಾ ಮಿ॑ಥು॒ನಾ ಸಬಂ॑ಧೂ ಯ॒ಮೀರ್ಯ॒ಮಸ್ಯ॑ ಬಿಭೃಯಾ॒ದಜಾ॑ಮಿ ..
ಆ ಘಾ॒ ತಾ ಗ॑ಚ್ಛಾ॒ನುತ್ತ॑ರಾ ಯು॒ಗಾನಿ॒ ಯತ್ರ॑ ಜಾ॒ಮಯಃ॑ ಕೃ॒ಣವ॒ನ್ನಜಾ॑ಮಿ . ಉಪ॑ ಬರ್ಬೃಹಿ ವೃಷ॒ಭಾಯ॑ ಬಾ॒ಹುಮ॒ನ್ಯಮಿ॑ಚ್ಛಸ್ವ ಸುಭಗೇ॒ ಪತಿಂ॒ ಮತ್ ..
ಕಿಂ ಭ್ರಾತಾ॑ಸ॒ದ್ಯದ॑ನಾ॒ಥಂ ಭವಾ॑ತಿ॒ ಕಿಮು॒ ಸ್ವಸಾ॒ ಯನ್ನಿರ್ಋ॑ತಿರ್ನಿ॒ಗಚ್ಛಾ॑ತ್ . ಕಾಮ॑ಮೂತಾ ಬ॒ಹ್ವೇ॒೩॒॑ತದ್ರ॑ಪಾಮಿ ತ॒ನ್ವಾ॑ ಮೇ ತ॒ನ್ವಂ೧॒॑ ಸಂ ಪಿ॑ಪೃಗ್ಧಿ ..
ನ ವಾ ಉ॑ ತೇ ತ॒ನ್ವಾ॑ ತ॒ನ್ವಂ೧॒॑ ಸಂ ಪ॑ಪೃಚ್ಯಾಂ ಪಾ॒ಪಮಾ॑ಹು॒ರ್ಯಃ ಸ್ವಸಾ॑ರಂ ನಿ॒ಗಚ್ಛಾ॑ತ್ . ಅ॒ನ್ಯೇನ॒ ಮತ್ಪ್ರ॒ಮುದಃ॑ ಕಲ್ಪಯಸ್ವ॒ ನ ತೇ॒ ಭ್ರಾತಾ॑ ಸುಭಗೇ ವಷ್ಟ್ಯೇ॒ತತ್ ..
ಬ॒ತೋ ಬ॑ತಾಸಿ ಯಮ॒ ನೈವ ತೇ॒ ಮನೋ॒ ಹೃದ॑ಯಂ ಚಾವಿದಾಮ . ಅ॒ನ್ಯಾ ಕಿಲ॒ ತ್ವಾಂ ಕ॒ಕ್ಷ್ಯೇ॑ವ ಯು॒ಕ್ತಂ ಪರಿ॑ ಷ್ವಜಾತೇ॒ ಲಿಬು॑ಜೇವ ವೃ॒ಕ್ಷಂ ..
ಅ॒ನ್ಯಮೂ॒ ಷು ತ್ವಂ ಯ॑ಮ್ಯ॒ನ್ಯ ಉ॒ ತ್ವಾಂ ಪರಿ॑ ಷ್ವಜಾತೇ॒ ಲಿಬು॑ಜೇವ ವೃ॒ಕ್ಷಂ . ತಸ್ಯ॑ ವಾ॒ ತ್ವಂ ಮನ॑ ಇ॒ಚ್ಛಾ ಸ ವಾ॒ ತವಾಧಾ॑ ಕೃಣುಷ್ವ ಸಂ॒ವಿದಂ॒ ಸುಭ॑ದ್ರಾಂ ..
ಪರಿ॑ ತ್ವಾ ಗಿರ್ವಣೋ॒ ಗಿರ॑ ಇ॒ಮಾ ಭ॑ವಂತು ವಿ॒ಶ್ವತಃ॑ . ವೃ॒ದ್ಧಾಯು॒ಮನು॒ ವೃದ್ಧ॑ಯೋ॒ ಜುಷ್ಟಾ॑ ಭವಂತು॒ ಜುಷ್ಟ॑ಯಃ ..
ದಶಾ॑ವನಿಭ್ಯೋ॒ ದಶ॑ಕಕ್ಷ್ಯೇಭ್ಯೋ॒ ದಶ॑ಯೋಕ್ತ್ರೇಭ್ಯೋ॒ ದಶ॑ಯೋಜನೇಭ್ಯಃ . ದಶಾ॑ಭೀಶುಭ್ಯೋ ಅರ್ಚತಾ॒ಜರೇ॑ಭ್ಯೋ॒ ದಶ॒ ಧುರೋ॒ ದಶ॑ ಯು॒ಕ್ತಾ ವಹ॑ದ್ಭ್ಯಃ ..
ತೇ ಅದ್ರ॑ಯೋ॒ ದಶ॑ಯಂತ್ರಾಸ ಆ॒ಶವ॒ಸ್ತೇಷಾ॑ಮಾ॒ಧಾನಂ॒ ಪರ್ಯೇ॑ತಿ ಹರ್ಯ॒ತಂ . ತ ಊ॑ ಸು॒ತಸ್ಯ॑ ಸೋ॒ಮ್ಯಸ್ಯಾಂಧ॑ಸೋಂ॒ಽಶೋಃ ಪೀ॒ಯೂಷಂ॑ ಪ್ರಥ॒ಮಸ್ಯ॑ ಭೇಜಿರೇ ..
ತೇ ಸೋ॒ಮಾದೋ॒ ಹರೀ॒ ಇಂದ್ರ॑ಸ್ಯ ನಿಂಸತೇಂ॒ಽಶುಂ ದು॒ಹಂತೋ॒ ಅಧ್ಯಾ॑ಸತೇ॒ ಗವಿ॑ . ತೇಭಿ॑ರ್ದು॒ಗ್ಧಂ ಪ॑ಪಿ॒ವಾಂತ್ಸೋ॒ಮ್ಯಂ ಮಧ್ವಿಂದ್ರೋ॑ ವರ್ಧತೇ॒ ಪ್ರಥ॑ತೇ ವೃಷಾ॒ಯತೇ॑ ..
ವೃಷಾ॑ ವೋ ಅಂ॒ಶುರ್ನ ಕಿಲಾ॑ ರಿಷಾಥ॒ನೇಳಾ॑ವಂತಃ॒ ಸದ॒ಮಿತ್ಸ್ಥ॒ನಾಶಿ॑ತಾಃ . ರೈ॒ವ॒ತ್ಯೇವ॒ ಮಹ॑ಸಾ॒ ಚಾರ॑ವಃ ಸ್ಥನ॒ ಯಸ್ಯ॑ ಗ್ರಾವಾಣೋ॒ ಅಜು॑ಷಧ್ವಮಧ್ವ॒ರಂ ..
ಸು॒ತೇ ಅ॑ಧ್ವ॒ರೇ ಅಧಿ॒ ವಾಚ॑ಮಕ್ರ॒ತಾ ಕ್ರೀ॒ಳಯೋ॒ ನ ಮಾ॒ತರಂ॑ ತು॒ದಂತಃ॑ . ವಿ ಷೂ ಮುಂ॑ಚಾ ಸುಷು॒ವುಷೋ॑ ಮನೀ॒ಷಾಂ ವಿ ವ॑ರ್ತಂತಾ॒ಮದ್ರ॑ಯ॒ಶ್ಚಾಯ॑ಮಾನಾಃ ..
ಹನಿಷ್ಪಾಂತಮಿತ್ಯೇಕೋನ ವಿಂಶತ್ಯೃಚಸ್ಯ ಸೂಕ್ತಸ್ಯಾಂಗಿರಸೋಮೂರ್ಧನ್ವಾನ್ಸೂರ್ಯವೈಶ್ವಾನರೌತ್ರಿಷ್ಟುಪ್ . (ಮರೀಚಿಃ - ಹವಿಷ್ಪಾಂತದ್ವಿದೈವತ್ಯಂ ಸೌರ್ಯವೈಶ್ವಾನರೀ ಯಕಮಿತಿದ್ವೇದೇವತೇಅತ್ರ . ತೇನಸೂರ್ಯವೈಶ್ವಾನರಇತ್ಯಗ್ನೇರ್ಗುಣಇತಿವದಂತಃ ಪರಾಸ್ತಾಃ ) .
ಹ॒ವಿಷ್ಪಾಂತ॑ಮ॒ಜರಂ॑ ಸ್ವ॒ರ್ವಿದಿ॑ ದಿವಿ॒ಸ್ಪೃಶ್ಯಾಹು॑ತಂ॒ ಜುಷ್ಟ॑ಮ॒ಗ್ನೌ . ತಸ್ಯ॒ ಭರ್ಮ॑ಣೇ॒ ಭುವ॑ನಾಯ ದೇ॒ವಾ ಧರ್ಮ॑ಣೇ॒ ಕಂ ಸ್ವ॒ಧಯಾ॑ ಪಪ್ರಥಂತ ..
ಗೀ॒ರ್ಣಂ ಭುವ॑ನಂ॒ ತಮ॒ಸಾಪ॑ಗೂಳ್ಹಮಾ॒ವಿಃ ಸ್ವ॑ರಭವಜ್ಜಾ॒ತೇ ಅ॒ಗ್ನೌ . ತಸ್ಯ॑ ದೇ॒ವಾಃ ಪೃ॑ಥಿ॒ವೀ ದ್ಯೌರು॒ತಾಪೋಽರ॑ಣಯ॒ನ್ನೋಷ॑ಧೀಃ ಸ॒ಖ್ಯೇ ಅ॑ಸ್ಯ ..
ದೇ॒ವೇಭಿ॒ರ್ನ್ವಿ॑ಷಿ॒ತೋ ಯ॒ಜ್ಞಿಯೇ॑ಭಿರ॒ಗ್ನಿಂ ಸ್ತೋ॑ಷಾಣ್ಯ॒ಜರಂ॑ ಬೃ॒ಹಂತಂ॑ . ಯೋ ಭಾ॒ನುನಾ॑ ಪೃಥಿ॒ವೀಂ ದ್ಯಾಮು॒ತೇಮಾಮಾ॑ತ॒ತಾನ॒ ರೋದ॑ಸೀ ಅಂ॒ತರಿ॑ಕ್ಷಂ ..
ಯೋ ಹೋತಾಸೀ॑ತ್ಪ್ರಥ॒ಮೋ ದೇ॒ವಜು॑ಷ್ಟೋ॒ ಯಂ ಸ॒ಮಾಂಜ॒ನ್ನಾಜ್ಯೇ॑ನಾ ವೃಣಾ॒ನಾಃ . ಸ ಪ॑ತ॒ತ್ರೀ॑ತ್ವ॒ರಂ ಸ್ಥಾ ಜಗ॒ದ್ಯಚ್ಛ್ವಾ॒ತ್ರಮ॒ಗ್ನಿರ॑ಕೃಣೋಜ್ಜಾ॒ತವೇ॑ದಾಃ ..
ಯಜ್ಜಾ॑ತವೇದೋ॒ ಭುವ॑ನಸ್ಯ ಮೂ॒ರ್ಧನ್ನತಿ॑ಷ್ಠೋ ಅಗ್ನೇ ಸ॒ಹ ರೋ॑ಚ॒ನೇನ॑ . ತಂ ತ್ವಾ॑ಹೇಮ ಮ॒ತಿಭಿ॑ರ್ಗೀ॒ರ್ಭಿರು॒ಕ್ಥೈಃ ಸ ಯ॒ಜ್ಞಿಯೋ॑ ಅಭವೋ ರೋದಸಿ॒ಪ್ರಾಃ ..
ಮೂ॒ರ್ಧಾ ಭು॒ವೋ ಭ॑ವತಿ॒ ನಕ್ತ॑ಮ॒ಗ್ನಿಸ್ತತಃ॒ ಸೂರ್ಯೋ॑ ಜಾಯತೇ ಪ್ರಾ॒ತರು॒ದ್ಯನ್ . ಮಾ॒ಯಾಮೂ॒ ತು ಯ॒ಜ್ಞಿಯಾ॑ನಾಮೇ॒ತಾಮಪೋ॒ ಯತ್ತೂರ್ಣಿ॒ಶ್ಚರ॑ತಿ ಪ್ರಜಾ॒ನನ್ ..
ದೃ॒ಶೇನ್ಯೋ॒ ಯೋ ಮ॑ಹಿ॒ನಾ ಸಮಿ॒ದ್ಧೋಽರೋ॑ಚತ ದಿ॒ವಿಯೋ॑ನಿರ್ವಿ॒ಭಾವಾ॑ . ತಸ್ಮಿ॑ನ್ನ॒ಗ್ನೌ ಸೂ॑ಕ್ತವಾ॒ಕೇನ॑ ದೇ॒ವಾ ಹ॒ವಿರ್ವಿಶ್ವ॒ ಆಜು॑ಹವುಸ್ತನೂ॒ಪಾಃ ..
ಸೂ॒ಕ್ತ॒ವಾ॒ಕಂ ಪ್ರ॑ಥ॒ಮಮಾದಿದ॒ಗ್ನಿಮಾದಿದ್ಧ॒ವಿರ॑ಜನಯಂತ ದೇ॒ವಾಃ . ಸ ಏ॑ಷಾಂ ಯ॒ಜ್ಞೋ ಅ॑ಭವತ್ತನೂ॒ಪಾಸ್ತಂ ದ್ಯೌರ್ವೇ॑ದ॒ ತಂ ಪೃ॑ಥಿ॒ವೀ ತಮಾಪಃ॑ ..
ಯಂ ದೇ॒ವಾಸೋಽಜ॑ನಯಂತಾ॒ಗ್ನಿಂ ಯಸ್ಮಿ॒ನ್ನಾಜು॑ಹವು॒ರ್ಭುವ॑ನಾನಿ॒ ವಿಶ್ವಾ॑ . ಸೋ ಅ॒ರ್ಚಿಷಾ॑ ಪೃಥಿ॒ವೀಂ ದ್ಯಾಮು॒ತೇಮಾಮೃ॑ಜೂ॒ಯಮಾ॑ನೋ ಅತಪನ್ಮಹಿ॒ತ್ವಾ ..
ಸ್ತೋಮೇ॑ನ॒ ಹಿ ದಿ॒ವಿ ದೇ॒ವಾಸೋ॑ ಅ॒ಗ್ನಿಮಜೀ॑ಜನಂ॒ಛಕ್ತಿ॑ಭೀ ರೋದಸಿ॒ಪ್ರಾಂ . ತಮೂ॑ ಅಕೃಣ್ವಂತ್ರೇ॒ಧಾ ಭು॒ವೇ ಕಂ ಸ ಓಷ॑ಧೀಃ ಪಚತಿ ವಿ॒ಶ್ವರೂ॑ಪಾಃ ..
ಯ॒ದೇದೇ॑ನ॒ಮದ॑ಧುರ್ಯ॒ಜ್ಞಿಯಾ॑ಸೋ ದಿ॒ವಿ ದೇ॒ವಾಃ ಸೂರ್ಯ॑ಮಾದಿತೇ॒ಯಂ . ಯ॒ದಾ ಚ॑ರಿ॒ಷ್ಣೂ ಮಿ॑ಥು॒ನಾವಭೂ॑ತಾ॒ಮಾದಿತ್ಪ್ರಾಪ॑ಶ್ಯ॒ನ್ಭುವ॑ನಾನಿ॒ ವಿಶ್ವಾ॑ ..
ವಿಶ್ವ॑ಸ್ಮಾ ಅ॒ಗ್ನಿಂ ಭುವ॑ನಾಯ ದೇ॒ವಾ ವೈ॑ಶ್ವಾನ॒ರಂ ಕೇ॒ತುಮಹ್ನಾ॑ಮಕೃಣ್ವನ್ . ಆ ಯಸ್ತ॒ತಾನೋ॒ಷಸೋ॑ ವಿಭಾ॒ತೀರಪೋ॑ ಊರ್ಣೋತಿ॒ ತಮೋ॑ ಅ॒ರ್ಚಿಷಾ॒ ಯನ್ ..
ವೈ॒ಶ್ವಾ॒ನ॒ರಂ ಕ॒ವಯೋ॑ ಯ॒ಜ್ಞಿಯಾ॑ಸೋ॒ಽಗ್ನಿಂ ದೇ॒ವಾ ಅ॑ಜನಯನ್ನಜು॒ರ್ಯಂ . ನಕ್ಷ॑ತ್ರಂ ಪ್ರ॒ತ್ನಮಮಿ॑ನಚ್ಚರಿ॒ಷ್ಣು ಯ॒ಕ್ಷಸ್ಯಾಧ್ಯ॑ಕ್ಷಂ ತವಿ॒ಷಂ ಬೃ॒ಹಂತಂ॑ ..
ವೈ॒ಶ್ವಾ॒ನ॒ರಂ ವಿ॒ಶ್ವಹಾ॑ ದೀದಿ॒ವಾಂಸಂ॒ ಮಂತ್ರೈ॑ರ॒ಗ್ನಿಂ ಕ॒ವಿಮಚ್ಛಾ॑ ವದಾಮಃ . ಯೋ ಮ॑ಹಿ॒ಮ್ನಾ ಪ॑ರಿಬ॒ಭೂವೋ॒ರ್ವೀ ಉ॒ತಾವಸ್ತಾ॑ದು॒ತ ದೇ॒ವಃ ಪ॒ರಸ್ತಾ॑ತ್ ..
ದ್ವೇ ಸ್ರು॒ತೀ ಅ॑ಶೃಣವಂ ಪಿತೄ॒ಣಾಮ॒ಹಂ ದೇ॒ವಾನಾ॑ಮು॒ತ ಮರ್ತ್ಯಾ॑ನಾಂ . ತಾಭ್ಯಾ॑ಮಿ॒ದಂ ವಿಶ್ವ॒ಮೇಜ॒ತ್ಸಮೇ॑ತಿ॒ ಯದಂ॑ತ॒ರಾ ಪಿ॒ತರಂ॑ ಮಾ॒ತರಂ॑ ಚ ..
ದ್ವೇ ಸ॑ಮೀ॒ಚೀ ಬಿ॑ಭೃತ॒ಶ್ಚರಂ॑ತಂ ಶೀರ್ಷ॒ತೋ ಜಾ॒ತಂ ಮನ॑ಸಾ॒ ವಿಮೃ॑ಷ್ಟಂ . ಸ ಪ್ರ॒ತ್ಯಙ್ವಿಶ್ವಾ॒ ಭುವ॑ನಾನಿ ತಸ್ಥಾ॒ವಪ್ರ॑ಯುಚ್ಛಂತ॒ರಣಿ॒ರ್ಭ್ರಾಜ॑ಮಾನಃ ..
ಯತ್ರಾ॒ ವದೇ॑ತೇ॒ ಅವ॑ರಃ॒ ಪರ॑ಶ್ಚ ಯಜ್ಞ॒ನ್ಯೋಃ॑ ಕತ॒ರೋ ನೌ॒ ವಿ ವೇ॑ದ . ಆ ಶೇ॑ಕು॒ರಿತ್ಸ॑ಧ॒ಮಾದಂ॒ ಸಖಾ॑ಯೋ॒ ನಕ್ಷಂ॑ತ ಯ॒ಜ್ಞಂ ಕ ಇ॒ದಂ ವಿ ವೋ॑ಚತ್ ..
ಕತ್ಯ॒ಗ್ನಯಃ॒ ಕತಿ॒ ಸೂರ್ಯಾ॑ಸಃ॒ ಕತ್ಯು॒ಷಾಸಃ॒ ಕತ್ಯು॑ ಸ್ವಿ॒ದಾಪಃ॑ . ನೋಪ॒ಸ್ಪಿಜಂ॑ ವಃ ಪಿತರೋ ವದಾಮಿ ಪೃ॒ಚ್ಛಾಮಿ॑ ವಃ ಕವಯೋ ವಿ॒ದ್ಮನೇ॒ ಕಂ ..
ಯಾ॒ವ॒ನ್ಮಾ॒ತ್ರಮು॒ಷಸೋ॒ ನ ಪ್ರತೀ॑ಕಂ ಸುಪ॒ರ್ಣ್ಯೋ॒೩॒॑ ವಸ॑ತೇ ಮಾತರಿಶ್ವಃ . ತಾವ॑ದ್ದಧಾ॒ತ್ಯುಪ॑ ಯ॒ಜ್ಞಮಾ॒ಯನ್ಬ್ರಾ॑ಹ್ಮ॒ಣೋ ಹೋತು॒ರವ॑ರೋ ನಿ॒ಷೀದ॑ನ್ ..
ವಸೂರುದ್ರಾಇತಿ ಷಡೃಚಸ್ಯ ಸೂಕ್ತಸ್ಯೌಚಥ್ಯೋದೀರ್ಘತಮಾಅಶ್ವಿನೌತ್ರಿಷ್ಟುಬಂತ್ಯಾನುಷ್ಟುಪ್ .
ವಸೂ॑ ರು॒ದ್ರಾ ಪು॑ರು॒ಮಂತೂ॑ ವೃ॒ಧಂತಾ॑ ದಶ॒ಸ್ಯತಂ॑ ನೋ ವೃಷಣಾವ॒ಭಿಷ್ಟೌ॑ . ದಸ್ರಾ॑ ಹ॒ ಯದ್ರೇಕ್ಣ॑ ಔಚ॒ಥ್ಯೋ ವಾಂ॒ ಪ್ರ ಯತ್ಸ॒ಸ್ರಾಥೇ॒ ಅಕ॑ವಾಭಿರೂ॒ತೀ ..
ಕೋ ವಾಂ॑ ದಾಶತ್ಸುಮ॒ತಯೇ॑ ಚಿದ॒ಸ್ಯೈ ವಸೂ॒ ಯದ್ಧೇಥೇ॒ ನಮ॑ಸಾ ಪ॒ದೇ ಗೋಃ . ಜಿ॒ಗೃ॒ತಮ॒ಸ್ಮೇ ರೇ॒ವತೀಃ॒ ಪುರಂ॑ಧೀಃ ಕಾಮ॒ಪ್ರೇಣೇ॑ವ॒ ಮನ॑ಸಾ॒ ಚರಂ॑ತಾ ..
ಯು॒ಕ್ತೋ ಹ॒ ಯದ್ವಾಂ॑ ತೌ॒ಗ್ರ್ಯಾಯ॑ ಪೇ॒ರುರ್ವಿ ಮಧ್ಯೇ॒ ಅರ್ಣ॑ಸೋ॒ ಧಾಯಿ॑ ಪ॒ಜ್ರಃ . ಉಪ॑ ವಾ॒ಮವಃ॑ ಶರ॒ಣಂ ಗ॑ಮೇಯಂ॒ ಶೂರೋ॒ ನಾಜ್ಮ॑ ಪ॒ತಯ॑ದ್ಭಿ॒ರೇವೈಃ॑ ..
ಉಪ॑ಸ್ತುತಿರೌಚ॒ಥ್ಯಮು॑ರುಷ್ಯೇ॒ನ್ಮಾ ಮಾಮಿ॒ಮೇ ಪ॑ತ॒ತ್ರಿಣೀ॒ ವಿ ದು॑ಗ್ಧಾಂ . ಮಾ ಮಾಮೇಧೋ॒ ದಶ॑ತಯಶ್ಚಿ॒ತೋ ಧಾ॒ಕ್ಪ್ರ ಯದ್ವಾಂ॑ ಬ॒ದ್ಧಸ್ತ್ಮನಿ॒ ಖಾದ॑ತಿ॒ ಕ್ಷಾಂ ..
ನ ಮಾ॑ ಗರನ್ನ॒ದ್ಯೋ॑ ಮಾ॒ತೃತ॑ಮಾ ದಾ॒ಸಾ ಯದೀಂ॒ ಸುಸ॑ಮುಬ್ಧಮ॒ವಾಧುಃ॑ . ಶಿರೋ॒ ಯದ॑ಸ್ಯ ತ್ರೈತ॒ನೋ ವಿ॒ತಕ್ಷ॑ತ್ಸ್ವ॒ಯಂ ದಾ॒ಸ ಉರೋ॒ ಅಂಸಾ॒ವಪಿ॑ ಗ್ಧ ..
ದೀ॒ರ್ಘತ॑ಮಾ ಮಾಮತೇ॒ಯೋ ಜು॑ಜು॒ರ್ವಾಂದ॑ಶ॒ಮೇ ಯು॒ಗೇ . ಅ॒ಪಾಮರ್ಥಂ॑ ಯ॒ತೀನಾಂ॑ ಬ್ರ॒ಹ್ಮಾ ಭ॑ವತಿ॒ ಸಾರ॑ಥಿಃ ..
ಪವಿತ್ರಂತಇತಿ ಪಂಚರ್ಚಸ್ಯ ಸೂಕ್ತಸ್ಯಾಂಗಿರಸಃ ಪವಿತ್ರಃ ಪವಮಾನಃ ಸೋಮೋಜಗತೀ .
ಪ॒ವಿತ್ರಂ॑ ತೇ॒ ವಿತ॑ತಂ ಬ್ರಹ್ಮಣಸ್ಪತೇ ಪ್ರ॒ಭುರ್ಗಾತ್ರಾ॑ಣಿ॒ ಪರ್ಯೇ॑ಷಿ ವಿ॒ಶ್ವತಃ॑ . ಅತ॑ಪ್ತತನೂ॒ರ್ನ ತದಾ॒ಮೋ ಅ॑ಶ್ನುತೇ ಶೃ॒ತಾಸ॒ ಇದ್ವಹಂ॑ತ॒ಸ್ತತ್ಸಮಾ॑ಶತ ..
ತಪೋ॑ಷ್ಪ॒ವಿತ್ರಂ॒ ವಿತ॑ತಂ ದಿ॒ವಸ್ಪ॒ದೇ ಶೋಚಂ॑ತೋ ಅಸ್ಯ॒ ತಂತ॑ವೋ॒ ವ್ಯ॑ಸ್ಥಿರನ್ . ಅವಂ॑ತ್ಯಸ್ಯ ಪವೀ॒ತಾರ॑ಮಾ॒ಶವೋ॑ ದಿ॒ವಸ್ಪೃ॒ಷ್ಠಮಧಿ॑ ತಿಷ್ಠಂತಿ॒ ಚೇತ॑ಸಾ ..
ಅರೂ॑ರುಚದು॒ಷಸಃ॒ ಪೃಶ್ನಿ॑ರಗ್ರಿ॒ಯ ಉ॒ಕ್ಷಾ ಬಿ॑ಭರ್ತಿ॒ ಭುವ॑ನಾನಿ ವಾಜ॒ಯುಃ . ಮಾ॒ಯಾ॒ವಿನೋ॑ ಮಮಿರೇ ಅಸ್ಯ ಮಾ॒ಯಯಾ॑ ನೃ॒ಚಕ್ಷ॑ಸಃ ಪಿ॒ತರೋ॒ ಗರ್ಭ॒ಮಾ ದ॑ಧುಃ ..
ಗಂ॒ಧ॒ರ್ವ ಇ॒ತ್ಥಾ ಪ॒ದಮ॑ಸ್ಯ ರಕ್ಷತಿ॒ ಪಾತಿ॑ ದೇ॒ವಾನಾಂ॒ ಜನಿ॑ಮಾ॒ನ್ಯದ್ಭು॑ತಃ . ಗೃ॒ಭ್ಣಾತಿ॑ ರಿ॒ಪುಂ ನಿ॒ಧಯಾ॑ ನಿ॒ಧಾಪ॑ತಿಃ ಸು॒ಕೃತ್ತ॑ಮಾ॒ ಮಧು॑ನೋ ಭ॒ಕ್ಷಮಾ॑ಶತ ..
ಹ॒ವಿರ್ಹ॑ವಿಷ್ಮೋ॒ ಮಹಿ॒ ಸದ್ಮ॒ ದೈವ್ಯಂ॒ ನಭೋ॒ ವಸಾ॑ನಃ॒ ಪರಿ॑ ಯಾಸ್ಯಧ್ವ॒ರಂ . ರಾಜಾ॑ ಪ॒ವಿತ್ರ॑ರಥೋ॒ ವಾಜ॒ಮಾರು॑ಹಃ ಸ॒ಹಸ್ರ॑ಭೃಷ್ಟಿರ್ಜಯಸಿ॒ ಶ್ರವೋ॑ ಬೃ॒ಹತ್ ..
ಉತೇತಿ ಸಪ್ತರ್ಚಸ್ಯ ಸೂಕ್ತಸ್ಯ ಭರದ್ವಾಜಃ ಕಶ್ಯಪೋಗೌತಮೋತ್ರಿರ್ವಿಶ್ವಾಮಿತ್ರೋಜಮದಗ್ನಿರ್ವಸಿಷ್ಠ ಇತಿಕ್ರಮೇಣೈಕರ್ಚಾಋಷಯೋ ವಿಶ್ವೇದೇವಾ ಅನುಷ್ಟುಪ್ (ಭೇದಪಕ್ಷೇ-ದೇವಾಃ ೧ ವಾತಃ ೩ ವಿಶ್ವೇದೇವಾಃ ೧ ಆಪಃ ೨ ಏವಂ ೭) .
ಉ॒ತ ದೇ॑ವಾ॒ ಅವ॑ಹಿತಂ॒ ದೇವಾ॒ ಉನ್ನ॑ಯಥಾ॒ ಪುನಃ॑ . ಉ॒ತಾಗ॑ಶ್ಚ॒ಕ್ರುಷಂ॑ ದೇವಾ॒ ದೇವಾ॑ ಜೀ॒ವಯ॑ಥಾ॒ ಪುನಃ॑ ..
ದ್ವಾವಿ॒ಮೌ ವಾತೌ॑ ವಾತ॒ ಆ ಸಿಂಧೋ॒ರಾ ಪ॑ರಾ॒ವತಃ॑ . ದಕ್ಷಂ॑ ತೇ ಅ॒ನ್ಯ ಆ ವಾ॑ತು॒ ಪರಾ॒ನ್ಯೋ ವಾ॑ತು॒ ಯದ್ರಪಃ॑ ..
ಆ ವಾ॑ತ ವಾಹಿ ಭೇಷ॒ಜಂ ವಿ ವಾ॑ತ ವಾಹಿ॒ ಯದ್ರಪಃ॑ . ತ್ವಂ ಹಿ ವಿ॒ಶ್ವಭೇ॑ಷಜೋ ದೇ॒ವಾನಾಂ॑ ದೂ॒ತ ಈಯ॑ಸೇ ..
ಆ ತ್ವಾ॑ಗಮಂ॒ ಶಂತಾ॑ತಿಭಿ॒ರಥೋ॑ ಅರಿ॒ಷ್ಟತಾ॑ತಿಭಿಃ . ದಕ್ಷಂ॑ ತೇ ಭ॒ದ್ರಮಾಭಾ॑ರ್ಷಂ॒ ಪರಾ॒ ಯಕ್ಷ್ಮಂ॑ ಸುವಾಮಿ ತೇ ..
ತ್ರಾಯಂ॑ತಾಮಿ॒ಹ ದೇ॒ವಾಸ್ತ್ರಾಯ॑ತಾಂ ಮ॒ರುತಾಂ॑ ಗ॒ಣಃ . ತ್ರಾಯಂ॑ತಾಂ॒ ವಿಶ್ವಾ॑ ಭೂ॒ತಾನಿ॒ ಯಥಾ॒ಯಮ॑ರ॒ಪಾ ಅಸ॑ತ್ ..
ಆಪ॒ ಇದ್ವಾ ಉ॑ ಭೇಷ॒ಜೀರಾಪೋ॑ ಅಮೀವ॒ಚಾತ॑ನೀಃ . ಆಪಃ॒ ಸರ್ವ॑ಸ್ಯ ಭೇಷ॒ಜೀಸ್ತಾಸ್ತೇ॑ ಕೃಣ್ವಂತು ಭೇಷ॒ಜಂ ..
ಹಸ್ತಾ॑ಭ್ಯಾಂ॒ ದಶ॑ಶಾಖಾಭ್ಯಾಂ ಜಿ॒ಹ್ವಾ ವಾ॒ಚಃ ಪು॑ರೋಗ॒ವೀ . ಅ॒ನಾ॒ಮ॒ಯಿ॒ತ್ನುಭ್ಯಾಂ॑ ತ್ವಾ॒ ತಾಭ್ಯಾಂ॒ ತ್ವೋಪ॑ ಸ್ಪೃಶಾಮಸಿ ..
[೧] ಅಶ್ವಿನೀ
ಸ॒ತ್ಯಮಿದ್ವಾ ಉ॑ ಅಶ್ವಿನಾ ಯು॒ವಾಮಾ॑ಹುರ್ಮಯೋ॒ಭುವಾ॑ . ತಾ ಯಾಮ॑ನ್ಯಾಮ॒ಹೂತ॑ಮಾ॒ ಯಾಮ॒ನ್ನಾ ಮೃ॑ಳ॒ಯತ್ತ॑ಮಾ ..
ಇ॒ಮಾ ಬ್ರಹ್ಮಾ॑ಣಿ॒ ವರ್ಧ॑ನಾ॒ಶ್ವಿಭ್ಯಾಂ॑ ಸಂತು॒ ಶಂತ॑ಮಾ . ಯಾ ತಕ್ಷಾ॑ಮ॒ ರಥಾಁ॑ ಇ॒ವಾವೋ॑ಚಾಮ ಬೃ॒ಹನ್ನಮಃ॑ ..
ಅಶ್ವಿ॑ನಾ ವ॒ರ್ತಿರ॒ಸ್ಮದಾ ಗೋಮ॑ದ್ದಸ್ರಾ॒ ಹಿರ॑ಣ್ಯವತ್ . ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತಂ ..
[೨] ಭರಣೀ
ಯ॒ಮಾಯ॑ ಘೃ॒ತವ॑ದ್ಧ॒ವಿರ್ಜು॒ಹೋತ॒ ಪ್ರ ಚ॑ ತಿಷ್ಠತ . ಸ ನೋ॑ ದೇ॒ವೇಷ್ವಾ ಯ॑ಮದ್ದೀ॒ರ್ಘಮಾಯುಃ॒ ಪ್ರ ಜೀ॒ವಸೇ॑ ..
ಯ॒ಮಾಯ॒ ಮಧು॑ಮತ್ತಮಂ॒ ರಾಜ್ಞೇ॑ ಹ॒ವ್ಯಂ ಜು॑ಹೋತನ . ಇ॒ದಂ ನಮ॒ ಋಷಿ॑ಭ್ಯಃ ಪೂರ್ವ॒ಜೇಭ್ಯಃ॒ ಪೂರ್ವೇ॑ಭ್ಯಃ ಪಥಿ॒ಕೃದ್ಭ್ಯಃ॑ ..
ಯ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ . ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ..
[೩] ಕೃತ್ತಿಕಾ
ಉ॒ತ ನೋ॒ ಬ್ರಹ್ಮ॑ನ್ನವಿಷ ಉ॒ಕ್ಥೇಷು॑ ದೇವ॒ಹೂತ॑ಮಃ . ಶಂ ನಃ॑ ಶೋಚಾ ಮ॒ರುದ್ವೃ॒ಧೋಽಗ್ನೇ॑ ಸಹಸ್ರ॒ಸಾತ॑ಮಃ ..
ನೂ ನೋ॑ ರಾಸ್ವ ಸ॒ಹಸ್ರ॑ವತ್ತೋ॒ಕವ॑ತ್ಪುಷ್ಟಿ॒ಮದ್ವಸು॑ . ದ್ಯು॒ಮದ॑ಗ್ನೇ ಸು॒ವೀರ್ಯಂ॒ ವರ್ಷಿ॑ಷ್ಠ॒ಮನು॑ಪಕ್ಷಿತಂ ..
ಅ॒ಗ್ನಿಸ್ತು॒ವಿಶ್ರ॑ವಸ್ತಮಂ ತು॒ವಿಬ್ರ॑ಹ್ಮಾಣಮುತ್ತ॒ಮಂ . ಅ॒ತೂರ್ತಂ॑ ಶ್ರಾವ॒ಯತ್ಪ॑ತಿಂ ಪು॒ತ್ರಂ ದ॑ದಾತಿ ದಾ॒ಶುಷೇ॑ ..
[೪] ರೋಹಿಣೀ
ಸ ಇತ್ಕ್ಷೇ॑ತಿ॒ ಸುಧಿ॑ತ॒ ಓಕ॑ಸಿ॒ ಸ್ವೇ ತಸ್ಮಾ॒ ಇಳಾ॑ ಪಿನ್ವತೇ ವಿಶ್ವ॒ದಾನೀಂ॑ . ತಸ್ಮೈ॒ ವಿಶಃ॑ ಸ್ವ॒ಯಮೇ॒ವಾ ನ॑ಮಂತೇ॒ ಯಸ್ಮಿ॑ನ್ಬ್ರ॒ಹ್ಮಾ ರಾಜ॑ನಿ॒ ಪೂರ್ವ॒ ಏತಿ॑ ..
ಅಪ್ರ॑ತೀತೋ ಜಯತಿ॒ ಸಂ ಧನಾ॑ನಿ॒ ಪ್ರತಿ॑ಜನ್ಯಾನ್ಯು॒ತ ಯಾ ಸಜ॑ನ್ಯಾ . ಅ॒ವ॒ಸ್ಯವೇ॒ ಯೋ ವರಿ॑ವಃ ಕೃ॒ಣೋತಿ॑ ಬ್ರ॒ಹ್ಮಣೇ॒ ರಾಜಾ॒ ತಮ॑ವಂತಿ ದೇ॒ವಾಃ ..
ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ . ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ ..
[೫] ಮೃಗಶಿರ
ಯಾ ತೇ॒ ಧಾಮಾ॑ನಿ ಹ॒ವಿಷಾ॒ ಯಜಂ॑ತಿ॒ ತಾ ತೇ॒ ವಿಶ್ವಾ॑ ಪರಿ॒ಭೂರ॑ಸ್ತು ಯ॒ಜ್ಞಂ . ಗ॒ಯ॒ಸ್ಫಾನಃ॑ ಪ್ರ॒ತರ॑ಣಃ ಸು॒ವೀರೋಽವೀ॑ರಹಾ॒ ಪ್ರ ಚ॑ರಾ ಸೋಮ॒ ದುರ್ಯಾ॑ನ್ ..
ಸೋಮೋ॑ ಧೇ॒ನುಂ ಸೋಮೋ॒ ಅರ್ವಂ॑ತಮಾ॒ಶುಂ ಸೋಮೋ॑ ವೀ॒ರಂ ಕ॑ರ್ಮ॒ಣ್ಯಂ॑ ದದಾತಿ . ಸಾ॒ದ॒ನ್ಯಂ॑ ವಿದ॒ಥ್ಯಂ॑ ಸ॒ಭೇಯಂ॑ ಪಿತೃ॒ಶ್ರವ॑ಣಂ॒ ಯೋ ದದಾ॑ಶದಸ್ಮೈ ..
[೬] ಆರ್ದ್ರಾ
ಇ॒ಮಾ ರು॒ದ್ರಾಯ॑ ತ॒ವಸೇ॑ ಕಪ॒ರ್ದಿನೇ॑ ಕ್ಷ॒ಯದ್ವೀ॑ರಾಯ॒ ಪ್ರ ಭ॑ರಾಮಹೇ ಮ॒ತೀಃ . ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ॑ ಪು॒ಷ್ಟಂ ಗ್ರಾಮೇ॑ ಅ॒ಸ್ಮಿನ್ನ॑ನಾತು॒ರಂ ..
ಮೃ॒ಳಾ ನೋ॑ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ॑ರಾಯ॒ ನಮ॑ಸಾ ವಿಧೇಮ ತೇ . ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ॑ತಿಷು ..
[೭] ಪುನರ್ವಸೂ
ಭೂರ್ಜ॑ಜ್ಞ ಉತ್ತಾ॒ನಪ॑ದೋ ಭು॒ವ ಆಶಾ॑ ಅಜಾಯಂತ . ಅದಿ॑ತೇ॒ರ್ದಕ್ಷೋ॑ ಅಜಾಯತ॒ ದಕ್ಷಾ॒ದ್ವದಿ॑ತಿಃ॒ ಪರಿ॑ ..
ಅದಿ॑ತಿ॒ರ್ಹ್ಯಜ॑ನಿಷ್ಟ॒ ದಕ್ಷ॒ ಯಾ ದು॑ಹಿ॒ತಾ ತವ॑ . ತಾಂ ದೇ॒ವಾ ಅನ್ವ॑ಜಾಯಂತ ಭ॒ದ್ರಾ ಅ॒ಮೃತ॑ಬಂಧವಃ ..
ಅದಿ॑ತಿರ್ನೋ॒ ದಿವಾ॑ ಪ॒ಶುಮದಿ॑ತಿ॒ರ್ನಕ್ತ॒ಮದ್ವ॑ಯಾಃ . ಅದಿ॑ತಿಃ ಪಾ॒ತ್ವಂಹ॑ಸಃ ಸ॒ದಾವೃ॑ಧಾ ..
[೮] ಪುಷ್ಯಮಿ
ಏ॒ವಾ ಪಿ॒ತ್ರೇ ವಿ॒ಶ್ವದೇ॑ವಾಯ॒ ವೃಷ್ಣೇ॑ ಯ॒ಜ್ಞೈರ್ವಿ॑ಧೇಮ॒ ನಮ॑ಸಾ ಹ॒ವಿರ್ಭಿಃ॑ . ಬೃಹ॑ಸ್ಪತೇ ಸುಪ್ರ॒ಜಾ ವೀ॒ರವಂ॑ತೋ ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ ..
ಸ ಇದ್ರಾಜಾ॒ ಪ್ರತಿ॑ಜನ್ಯಾನಿ॒ ವಿಶ್ವಾ॒ ಶುಷ್ಮೇ॑ಣ ತಸ್ಥಾವ॒ಭಿ ವೀ॒ರ್ಯೇ॑ಣ . ಬೃಹ॒ಸ್ಪತಿಂ॒ ಯಃ ಸುಭೃ॑ತಂ ಬಿ॒ಭರ್ತಿ॑ ವಲ್ಗೂ॒ಯತಿ॒ ವಂದ॑ತೇ ಪೂರ್ವ॒ಭಾಜಂ॑ ..
ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ॑ದ್ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು . ಯದ್ದೀ॒ದಯ॒ಚ್ಛವ॑ಸ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಂ ..
[೯] ಆಶ್ಲೇಷಾ
ಸ್ವ॒ಪ್ನ ಸ್ವ॒ಪ್ನಾಧಿ॒ಕರ॑ಣೇ॒- ಸರ್ವ॒.ನ್ನಿಷ್ವಾ॑ಪಯಾ॒ ಜನಂ॑. ಆ ಸೂರ್ಯ॑ ಮ॒ನ್ಯಾ.ನ್ತ್ಸ್ವಾ॒ಪಯಾ॒- ವ್ಯು॑೧(ಉ॒)ಷ.ಞ್ಜಾ॑ಗ್ರಿಯಾ. ಮ॒ಹಂ..
ಕಾ॒ಳಿ॒ಕೋ ನಾ॑ಮ ಸ॒ರ್ಪೋ॒- ನ॒ವನಾ॑ಗ. ಸ॒ಹಸ್ರ॑ಬಲಃ. ಯ॒ಮು॒ನ॒ಹ್ರ॒ದೇ ಹ॑ ಸೋ ಜಾ॒ತೋ॒೩(ಓ॒)- ಯೋ ನಾ॑ರಾಯಣ॒ವಾಹ॑ನಃ..
ನಮೋ॑ ಅಸ್ತು ಸ॒ರ್ಪೇಭ್ಯೋ॒- ಯೇ ಕೇ ಚ॑ ಪೃಥಿ॒ವೀ. ಮನು॑. ಯೇ ಅಂ॒ತರಿ॑ಕ್ಷೇ॒ ಯೇ ದಿ॒ವಿ- ತೇಭ್ಯ॑. ಸ್ಸ॒ರ್ಪೇಭ್ಯೋ॒ ನಮಃ॑..
[೧೦] ಮಘಾ
ತ್ವಮ॑ಗ್ನ ಈಳಿ॒ತೋ ಜಾ॑ತವೇ॒ದೋಽವಾ॑ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ . ಪ್ರಾದಾಃ॑ ಪಿ॒ತೃಭ್ಯಃ॑ ಸ್ವ॒ಧಯಾ॒ ತೇ ಅ॑ಕ್ಷನ್ನ॒ದ್ಧಿ ತ್ವಂ ದೇ॑ವ॒ ಪ್ರಯ॑ತಾ ಹ॒ವೀಂಷಿ॑ ..
ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಁಶ್ಚ॑ ವಿ॒ದ್ಮ ಯಾಁ ಉ॑ ಚ॒ ನ ಪ್ರ॑ವಿ॒ದ್ಮ . ತ್ವಂ ವೇ॑ತ್ಥ॒ ಯತಿ॒ ತೇ ಜಾ॑ತವೇದಃ ಸ್ವ॒ಧಾಭಿ॑ರ್ಯ॒ಜ್ಞಂ ಸುಕೃ॑ತಂ ಜುಷಸ್ವ ..
ಆಹಂ ಪಿ॒ತೄಂತ್ಸು॑ವಿ॒ದತ್ರಾಁ॑ ಅವಿತ್ಸಿ॒ ನಪಾ॑ತಂ ಚ ವಿ॒ಕ್ರಮ॑ಣಂ ಚ॒ ವಿಷ್ಣೋಃ॑ . ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜಂ॑ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ ..
[೧೧] ಪೂರ್ವ ಫಲ್ಗುನೀ
ಉ॒ತೇದಾನೀಂ॒ ಭಗ॑ವಂತಃ ಸ್ಯಾಮೋ॒ತ ಪ್ರ॑ಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾಂ॑ . ಉ॒ತೋದಿ॑ತಾ ಮಘವಂ॒ತ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾಂ॑ ಸುಮ॒ತೌ ಸ್ಯಾ॑ಮ ..
ಭಗ॑ ಏ॒ವ ಭಗ॑ವಾಁ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವಂತಃ ಸ್ಯಾಮ . ತಂ ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀತಿ॒ ಸ ನೋ॑ ಭಗ ಪುರಏ॒ತಾ ಭ॑ವೇ॒ಹ ..
ಅ॒ರ್ಯ॒ಮಾ ಣೋ॒ ಅದಿ॑ತಿರ್ಯ॒ಜ್ಞಿಯಾ॒ಸೋಽದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ . ಯು॒ಯೋತ॑ ನೋ ಅನಪ॒ತ್ಯಾನಿ॒ ಗಂತೋಃ॑ ಪ್ರ॒ಜಾವಾ॑ನ್ನಃ ಪಶು॒ಮಾಁ ಅ॑ಸ್ತು ಗಾ॒ತುಃ ..
[೧೨] ಉತ್ತರಫಲ್ಗೂನೀ
ತ್ವಮ॑ಗ್ನೇ॒ ವರು॑ಣೋ॒ ಜಾಯ॑ಸೇ॒ ಯತ್ತ್ವಂ ಮಿ॒ತ್ರೋ ಭ॑ವಸಿ॒ ಯತ್ಸಮಿ॑ದ್ಧಃ . ತ್ವೇ ವಿಶ್ವೇ॑ ಸಹಸಸ್ಪುತ್ರ ದೇ॒ವಾಸ್ತ್ವಮಿಂದ್ರೋ॑ ದಾ॒ಶುಷೇ॒ ಮರ್ತ್ಯಾ॑ಯ ..
ತ್ವಮ॑ರ್ಯ॒ಮಾ ಭ॑ವಸಿ॒ ಯತ್ಕ॒ನೀನಾಂ॒ ನಾಮ॑ ಸ್ವಧಾವ॒ನ್ಗುಹ್ಯಂ॑ ಬಿಭರ್ಷಿ . ಅಂ॒ಜಂತಿ॑ ಮಿ॒ತ್ರಂ ಸುಧಿ॑ತಂ॒ ನ ಗೋಭಿ॒ರ್ಯದ್ದಂಪ॑ತೀ॒ ಸಮ॑ನಸಾ ಕೃ॒ಣೋಷಿ॑ ..
[೧೩] ಹಸ್ತ
ಶಂ ನೋ॑ ಭವ॒ ಚಕ್ಷ॑ಸಾ॒ ಶಂ ನೋ॒ ಅಹ್ನಾ॒ ಶಂ ಭಾ॒ನುನಾ॒ ಶಂ ಹಿ॒ಮಾ ಶಂ ಘೃ॒ಣೇನ॑ . ಯಥಾ॒ ಶಮಧ್ವಂ॒ಛಮಸ॑ದ್ದುರೋ॒ಣೇ ತತ್ಸೂ॑ರ್ಯ॒ ದ್ರವಿ॑ಣಂ ಧೇಹಿ ಚಿ॒ತ್ರಂ ..
ಅ॒ಸ್ಮಾಕಂ॑ ದೇವಾ ಉ॒ಭಯಾ॑ಯ॒ ಜನ್ಮ॑ನೇ॒ ಶರ್ಮ॑ ಯಚ್ಛತ ದ್ವಿ॒ಪದೇ॒ ಚತು॑ಷ್ಪದೇ . ಅ॒ದತ್ಪಿಬ॑ದೂ॒ರ್ಜಯ॑ಮಾನ॒ಮಾಶಿ॑ತಂ॒ ತದ॒ಸ್ಮೇ ಶಂ ಯೋರ॑ರ॒ಪೋ ದ॑ಧಾತನ ..
ಉದು॒ ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹಂತಿ ಕೇ॒ತವಃ॑ . ದೃ॒ಶೇ ವಿಶ್ವಾ॑ಯ॒ ಸೂರ್ಯಂ॑ ..
[೧೪] ಚಿತ್ತ
ಪ್ರತಿ॑ ನಃ॒ ಸ್ತೋಮಂ॒ ತ್ವಷ್ಟಾ॑ ಜುಷೇತ॒ ಸ್ಯಾದ॒ಸ್ಮೇ ಅ॒ರಮ॑ತಿರ್ವಸೂ॒ಯುಃ .. ೭.೦೩೪.೨೧, ೫.೩.೦೨೭.೦೧
ತಾ ನೋ॑ ರಾಸನ್ರಾತಿ॒ಷಾಚೋ॒ ವಸೂ॒ನ್ಯಾ ರೋದ॑ಸೀ ವರುಣಾ॒ನೀ ಶೃ॑ಣೋತು . ವರೂ॑ತ್ರೀಭಿಃ ಸುಶರ॒ಣೋ ನೋ॑ ಅಸ್ತು॒ ತ್ವಷ್ಟಾ॑ ಸು॒ದತ್ರೋ॒ ವಿ ದ॑ಧಾತು॒ ರಾಯಃ॑ ..
ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ॑ಕಂ॒ ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ . ಆಪ್ರಾ॒ ದ್ಯಾವಾ॑ಪೃಥಿ॒ವೀ ಅಂ॒ತರಿ॑ಕ್ಷಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ..
[೧೫] ಸ್ವಾತೀ
ವಾಯೋ॑ ಶು॒ಕ್ರೋ ಅ॑ಯಾಮಿ ತೇ॒ ಮಧ್ವೋ॒ ಅಗ್ರಂ॒ ದಿವಿ॑ಷ್ಟಿಷು . ಆ ಯಾ॑ಹಿ॒ ಸೋಮ॑ಪೀತಯೇ ಸ್ಪಾ॒ರ್ಹೋ ದೇ॑ವ ನಿ॒ಯುತ್ವ॑ತಾ ..
ಇಂದ್ರ॑ಶ್ಚ ವಾಯವೇಷಾಂ॒ ಸೋಮಾ॑ನಾಂ ಪೀ॒ತಿಮ॑ರ್ಹಥಃ . ಯು॒ವಾಂ ಹಿ ಯಂತೀಂದ॑ವೋ ನಿ॒ಮ್ನಮಾಪೋ॒ ನ ಸ॒ಧ್ರ್ಯ॑ಕ್ ..
ವಾಯ॒ವಾ ಯಾ॑ಹಿ ದರ್ಶತೇ॒ಮೇ ಸೋಮಾ॒ ಅರಂ॑ಕೃತಾಃ . ತೇಷಾಂ॑ ಪಾಹಿ ಶ್ರು॒ಧೀ ಹವಂ॑ ..
[೧೬] ವಿಶಾಖಾ
ಇಂದ್ರಾ॑ಗ್ನೀ ಅ॒ಪಾದಿ॒ಯಂ ಪೂರ್ವಾಗಾ॑ತ್ಪ॒ದ್ವತೀ॑ಭ್ಯಃ . ಹಿ॒ತ್ವೀ ಶಿರೋ॑ ಜಿ॒ಹ್ವಯಾ॒ ವಾವ॑ದ॒ಚ್ಚರ॑ತ್ತ್ರಿಂ॒ಶತ್ಪ॒ದಾ ನ್ಯ॑ಕ್ರಮೀತ್ ..
ಇಂದ್ರಾ॑ಗ್ನೀ॒ ಆ ಹಿ ತ॑ನ್ವ॒ತೇ ನರೋ॒ ಧನ್ವಾ॑ನಿ ಬಾ॒ಹ್ವೋಃ . ಮಾ ನೋ॑ ಅ॒ಸ್ಮಿನ್ಮ॑ಹಾಧ॒ನೇ ಪರಾ॑ ವರ್ಕ್ತಂ॒ ಗವಿ॑ಷ್ಟಿಷು ..
ಇಂದ್ರಾ॑ಗ್ನೀ॒ ಆ ಗ॑ತಂ ಸು॒ತಂ ಗೀ॒ರ್ಭಿರ್ನಭೋ॒ ವರೇ॑ಣ್ಯಂ . ಅ॒ಸ್ಯ ಪಾ॑ತಂ ಧಿ॒ಯೇಷಿ॒ತಾ ..
[೧೭] ಅನೂರಾಧಾ
ಅ॒ಯಂ ಮಿ॒ತ್ರೋ ನ॑ಮ॒ಸ್ಯಃ॑ ಸು॒ಶೇವೋ॒ ರಾಜಾ॑ ಸುಕ್ಷ॒ತ್ರೋ ಅ॑ಜನಿಷ್ಟ ವೇ॒ಧಾಃ . ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ ..
ಮ॒ಹಾಁ ಆ॑ದಿ॒ತ್ಯೋ ನಮ॑ಸೋಪ॒ಸದ್ಯೋ॑ ಯಾತ॒ಯಜ್ಜ॑ನೋ ಗೃಣ॒ತೇ ಸು॒ಶೇವಃ॑ . ತಸ್ಮಾ॑ ಏ॒ತತ್ಪನ್ಯ॑ತಮಾಯ॒ ಜುಷ್ಟ॑ಮ॒ಗ್ನೌ ಮಿ॒ತ್ರಾಯ॑ ಹ॒ವಿರಾ ಜು॑ಹೋತ ..
ಮಿ॒ತ್ರೋ ಜನಾ॑ನ್ಯಾತಯತಿ ಬ್ರುವಾ॒ಣೋ ಮಿ॒ತ್ರೋ ದಾ॑ಧಾರ ಪೃಥಿ॒ವೀಮು॒ತ ದ್ಯಾಂ . ಮಿ॒ತ್ರಃ ಕೃ॒ಷ್ಟೀರನಿ॑ಮಿಷಾ॒ಭಿ ಚ॑ಷ್ಟೇ ಮಿ॒ತ್ರಾಯ॑ ಹ॒ವ್ಯಂ ಘೃ॒ತವ॑ಜ್ಜುಹೋತ ..
[೧೮] ಜ್ಯೇಷ್ಠಾ
ಪಿಬಾ॒ ಸೋಮ॑ಮ॒ಭಿ ಯಮು॑ಗ್ರ॒ ತರ್ದ॑ ಊ॒ರ್ವಂ ಗವ್ಯಂ॒ ಮಹಿ॑ ಗೃಣಾ॒ನ ಇಂ॑ದ್ರ . ವಿ ಯೋ ಧೃ॑ಷ್ಣೋ॒ ವಧಿ॑ಷೋ ವಜ್ರಹಸ್ತ॒ ವಿಶ್ವಾ॑ ವೃ॒ತ್ರಮ॑ಮಿ॒ತ್ರಿಯಾ॒ ಶವೋ॑ಭಿಃ ..
ಸ ಈಂ॑ ಪಾಹಿ॒ ಯ ಋ॑ಜೀ॒ಷೀ ತರು॑ತ್ರೋ॒ ಯಃ ಶಿಪ್ರ॑ವಾನ್ವೃಷ॒ಭೋ ಯೋ ಮ॑ತೀ॒ನಾಂ . ಯೋ ಗೋ॑ತ್ರ॒ಭಿದ್ವ॑ಜ್ರ॒ಭೃದ್ಯೋ ಹ॑ರಿ॒ಷ್ಠಾಃ ಸ ಇಂ॑ದ್ರ ಚಿ॒ತ್ರಾಁ ಅ॒ಭಿ ತೃಂ॑ಧಿ॒ ವಾಜಾ॑ನ್ ..
ಇಂದ್ರ॒ ಶ್ರೇಷ್ಠಾ॑ನಿ॒ ದ್ರವಿ॑ಣಾನಿ ಧೇಹಿ॒ ಚಿತ್ತಿಂ॒ ದಕ್ಷ॑ಸ್ಯ ಸುಭಗ॒ತ್ವಮ॒ಸ್ಮೇ . ಪೋಷಂ॑ ರಯೀ॒ಣಾಮರಿ॑ಷ್ಟಿಂ ತ॒ನೂನಾಂ॑ ಸ್ವಾ॒ದ್ಮಾನಂ॑ ವಾ॒ಚಃ ಸು॑ದಿನ॒ತ್ವಮಹ್ನಾಂ॑ ..
[೧೯] ಮೂಲ
ಪ್ರ ತಾ॒ರ್ಯಾಯುಃ॑ ಪ್ರತ॒ರಂ ನವೀ॑ಯಃ॒ ಸ್ಥಾತಾ॑ರೇವ॒ ಕ್ರತು॑ಮತಾ॒ ರಥ॑ಸ್ಯ . ಅಧ॒ ಚ್ಯವಾ॑ನ॒ ಉತ್ತ॑ವೀ॒ತ್ಯರ್ಥಂ॑ ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಸಾಮ॒ನ್ನು ರಾ॒ಯೇ ನಿ॑ಧಿ॒ಮನ್ನ್ವನ್ನಂ॒ ಕರಾ॑ಮಹೇ॒ ಸು ಪು॑ರು॒ಧ ಶ್ರವಾಂ॑ಸಿ . ತಾ ನೋ॒ ವಿಶ್ವಾ॑ನಿ ಜರಿ॒ತಾ ಮ॑ಮತ್ತು ಪರಾತ॒ರಂ ಸು ನಿರ್ಋ॑ತಿರ್ಜಿಹೀತಾಂ ..
ಮೋ ಷು ಣಃ॒ ಪರಾ॑ಪರಾ॒ ನಿರ್ಋ॑ತಿರ್ದು॒ರ್ಹಣಾ॑ ವಧೀತ್ . ಪ॒ದೀ॒ಷ್ಟ ತೃಷ್ಣ॑ಯಾ ಸ॒ಹ ..
[೨೦] ಪೂರ್ವಾಷಾಢಾ
ಇ॒ದಮಾ॑ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ . ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ॑ ಶೇ॒ಪ ಉ॒ತಾನೃ॑ತಂ ..
ಆಪೋ॑ ಅ॒ದ್ಯಾನ್ವ॑ಚಾರಿಷಂ॒ ರಸೇ॑ನ॒ ಸಮ॑ಗಸ್ಮಹಿ . ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ ..
ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ . ಮ॒ಹೇ ರಣಾ॑ಯ॒ ಚಕ್ಷ॑ಸೇ ..
[೨೧] ಉತ್ತರಾಷಾಢಾ
ದೇ॒ವಂ ವೋ॑ ಅ॒ದ್ಯ ಸ॑ವಿ॒ತಾರ॒ಮೇಷೇ॒ ಭಗಂ॑ ಚ॒ ರತ್ನಂ॑ ವಿ॒ಭಜಂ॑ತಮಾ॒ಯೋಃ . ಆ ವಾಂ॑ ನರಾ ಪುರುಭುಜಾ ವವೃತ್ಯಾಂ ದಿ॒ವೇದಿ॑ವೇ ಚಿದಶ್ವಿನಾ ಸಖೀ॒ಯನ್ ..
ಪ್ರತಿ॑ ಪ್ರ॒ಯಾಣ॒ಮಸು॑ರಸ್ಯ ವಿ॒ದ್ವಾಂತ್ಸೂ॒ಕ್ತೈರ್ದೇ॒ವಂ ಸ॑ವಿ॒ತಾರಂ॑ ದುವಸ್ಯ . ಉಪ॑ ಬ್ರುವೀತ॒ ನಮ॑ಸಾ ವಿಜಾ॒ನಂಜ್ಯೇಷ್ಠಂ॑ ಚ॒ ರತ್ನಂ॑ ವಿ॒ಭಜಂ॑ತಮಾ॒ಯೋಃ ..
ವಿಶ್ವೇ॑ ದೇವಾಃ ಶೃಣು॒ತೇಮಂ ಹವಂ॑ ಮೇ॒ ಯೇ ಅಂ॒ತರಿ॑ಕ್ಷೇ॒ ಯ ಉಪ॒ ದ್ಯವಿ॒ ಷ್ಠ . ಯೇ ಅ॑ಗ್ನಿಜಿ॒ಹ್ವಾ ಉ॒ತ ವಾ॒ ಯಜ॑ತ್ರಾ ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಧ್ವಂ ..
[೨೨] ಶ್ರವಣಾ
ಪ್ರ ವಿಷ್ಣ॑ವೇ ಶೂ॒ಷಮೇ॑ತು॒ ಮನ್ಮ॑ ಗಿರಿ॒ಕ್ಷಿತ॑ ಉರುಗಾ॒ಯಾಯ॒ ವೃಷ್ಣೇ॑ . ಯ ಇ॒ದಂ ದೀ॒ರ್ಘಂ ಪ್ರಯ॑ತಂ ಸ॒ಧಸ್ಥ॒ಮೇಕೋ॑ ವಿಮ॒ಮೇ ತ್ರಿ॒ಭಿರಿತ್ಪ॒ದೇಭಿಃ॑ ..
ಯಸ್ಯ॒ ತ್ರೀ ಪೂ॒ರ್ಣಾ ಮಧು॑ನಾ ಪ॒ದಾನ್ಯಕ್ಷೀ॑ಯಮಾಣಾ ಸ್ವ॒ಧಯಾ॒ ಮದಂ॑ತಿ . ಯ ಉ॑ ತ್ರಿ॒ಧಾತು॑ ಪೃಥಿ॒ವೀಮು॒ತ ದ್ಯಾಮೇಕೋ॑ ದಾ॒ಧಾರ॒ ಭುವ॑ನಾನಿ॒ ವಿಶ್ವಾ॑ ..
ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ॑ ಜುಷಸ್ವ ಶಿಪಿವಿಷ್ಟ ಹ॒ವ್ಯಂ . ವರ್ಧಂ॑ತು ತ್ವಾ ಸುಷ್ಟು॒ತಯೋ॒ ಗಿರೋ॑ ಮೇ ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ..
[೨೩] ಧನಿಷ್ಠಾ
ಜನಿ॑ಷ್ಠಾ ಉ॒ಗ್ರಃ ಸಹ॑ಸೇ ತು॒ರಾಯ॑ ಮಂ॒ದ್ರ ಓಜಿ॑ಷ್ಠೋ ಬಹು॒ಲಾಭಿ॑ಮಾನಃ . ಅವ॑ರ್ಧ॒ನ್ನಿಂದ್ರಂ॑ ಮ॒ರುತ॑ಶ್ಚಿ॒ದತ್ರ॑ ಮಾ॒ತಾ ಯದ್ವೀ॒ರಂ ದ॒ಧನ॒ದ್ಧನಿ॑ಷ್ಠಾ ..
ದ್ರು॒ಹೋ ನಿಷ॑ತ್ತಾ ಪೃಶ॒ನೀ ಚಿ॒ದೇವೈಃ॑ ಪು॒ರೂ ಶಂಸೇ॑ನ ವಾವೃಧು॒ಷ್ಟ ಇಂದ್ರಂ॑ . ಅ॒ಭೀವೃ॑ತೇವ॒ ತಾ ಮ॑ಹಾಪ॒ದೇನ॑ ಧ್ವಾಂ॒ತಾತ್ಪ್ರ॑ಪಿ॒ತ್ವಾದುದ॑ರಂತ॒ ಗರ್ಭಾಃ॑ ..
ಯಥಾ॑ ಹ॒ ತ್ಯದ್ವ॑ಸವೋ ಗೌ॒ರ್ಯಂ॑ ಚಿತ್ಪ॒ದಿ ಷಿ॒ತಾಮಮುಂ॑ಚತಾ ಯಜತ್ರಾಃ . ಏ॒ವೋ ಷ್ವ೧॒॑ಸ್ಮನ್ಮುಂ॑ಚತಾ॒ ವ್ಯಂಹಃ॒ ಪ್ರ ತಾ॑ರ್ಯಗ್ನೇ ಪ್ರತ॒ರಂ ನ॒ ಆಯುಃ॑ ..
ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಳಯ . ತ್ವಾಮ॑ವ॒ಸ್ಯುರಾ ಚ॑ಕೇ ..
[೨೪] ಶತಭಿಷಂ
ಅವ॑ ತೇ॒ ಹೇಳೋ॑ ವರುಣ॒ ನಮೋ॑ಭಿ॒ರವ॑ ಯ॒ಜ್ಞೇಭಿ॑ರೀಮಹೇ ಹ॒ವಿರ್ಭಿಃ॑ . ಕ್ಷಯ॑ನ್ನ॒ಸ್ಮಭ್ಯ॑ಮಸುರ ಪ್ರಚೇತಾ॒ ರಾಜ॒ನ್ನೇನಾಂ॑ಸಿ ಶಿಶ್ರಥಃ ಕೃ॒ತಾನಿ॑ ..
ಉದು॑ತ್ತ॒ಮಂ ವ॑ರುಣ॒ ಪಾಶ॑ಮ॒ಸ್ಮದವಾ॑ಧ॒ಮಂ ವಿ ಮ॑ಧ್ಯ॒ಮಂ ಶ್ರ॑ಥಾಯ . ಅಥಾ॑ ವ॒ಯಮಾ॑ದಿತ್ಯ ವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ ..
ಸ॒ಮು॒ದ್ರಃ ಸಿಂಧೂ॒ ರಜೋ॑ ಅಂ॒ತರಿ॑ಕ್ಷಮ॒ಜ ಏಕ॑ಪಾತ್ತನಯಿ॒ತ್ನುರ॑ರ್ಣ॒ವಃ . ಅಹಿ॑ರ್ಬು॒ಧ್ನ್ಯಃ॑ ಶೃಣವ॒ದ್ವಚಾಂ॑ಸಿ ಮೇ॒ ವಿಶ್ವೇ॑ ದೇ॒ವಾಸ॑ ಉ॒ತ ಸೂ॒ರಯೋ॒ ಮಮ॑ ..
[೨೫] ಪೂರ್ವಾಭಾದ್ರಾ
ಉ॒ತ ನೋಽಹಿ॑ರ್ಬು॒ಧ್ನ್ಯಃ॑ ಶೃಣೋತ್ವ॒ಜ ಏಕ॑ಪಾತ್ಪೃಥಿ॒ವೀ ಸ॑ಮು॒ದ್ರಃ . ವಿಶ್ವೇ॑ ದೇ॒ವಾ ಋ॑ತಾ॒ವೃಧೋ॑ ಹುವಾ॒ನಾಃ ಸ್ತು॒ತಾ ಮಂತ್ರಾಃ॑ ಕವಿಶ॒ಸ್ತಾ ಅ॑ವಂತು ..
ಏ॒ವಾ ನಪಾ॑ತೋ॒ ಮಮ॒ ತಸ್ಯ॑ ಧೀ॒ಭಿರ್ಭ॒ರದ್ವಾ॑ಜಾ ಅ॒ಭ್ಯ॑ರ್ಚಂತ್ಯ॒ರ್ಕೈಃ . ಗ್ನಾ ಹು॒ತಾಸೋ॒ ವಸ॒ವೋಽಧೃ॑ಷ್ಟಾ॒ ವಿಶ್ವೇ॑ ಸ್ತು॒ತಾಸೋ॑ ಭೂತಾ ಯಜತ್ರಾಃ ..
ಉ॒ತ ನೋ॒ ನಕ್ತ॑ಮ॒ಪಾಂ ವೃ॑ಷಣ್ವಸೂ॒ ಸೂರ್ಯಾ॒ಮಾಸಾ॒ ಸದ॑ನಾಯ ಸಧ॒ನ್ಯಾ॑ . ಸಚಾ॒ ಯತ್ಸಾದ್ಯೇ॑ಷಾ॒ಮಹಿ॑ರ್ಬು॒ಧ್ನೇಷು॑ ಬು॒ಧ್ನ್ಯಃ॑ ..
[೨೬] ಉತ್ತರಾಭಾದ್ರಾ
ಸ॒ಜೂರ್ದೇ॒ವೇಭಿ॑ರ॒ಪಾಂ ನಪಾ॑ತಂ॒ ಸಖಾ॑ಯಂ ಕೃಧ್ವಂ ಶಿ॒ವೋ ನೋ॑ ಅಸ್ತು .. ೭.೦೩೪.೧೫, ೫.೩.೦೨೬.೦೫
ಅ॒ಬ್ಜಾಮು॒ಕ್ಥೈರಹಿಂ॑ ಗೃಣೀಷೇ ಬು॒ಧ್ನೇ ನ॒ದೀನಾಂ॒ ರಜಃ॑ಸು॒ ಷೀದ॑ನ್ .. ೭.೦೩೪.೧೬, ೫.೩.೦೨೬.೦೬
ಮಾ ನೋಽಹಿ॑ರ್ಬು॒ಧ್ನ್ಯೋ॑ ರಿ॒ಷೇ ಧಾ॒ನ್ಮಾ ಯ॒ಜ್ಞೋ ಅ॑ಸ್ಯ ಸ್ರಿಧದೃತಾ॒ಯೋಃ .. ೭.೦೩೪.೧೭, ೫.೩.೦೨೬.೦೭
ಪೂ॒ಷಾ ಗಾ ಅನ್ವೇ॑ತು ನಃ ಪೂ॒ಷಾ ರ॑ಕ್ಷ॒ತ್ವರ್ವ॑ತಃ . ಪೂ॒ಷಾ ವಾಜಂ॑ ಸನೋತು ನಃ ..
[೨೭] ರೇವತೀ
ಯಾಸ್ತೇ॑ ಪೂಷ॒ನ್ನಾವೋ॑ ಅಂ॒ತಃ ಸ॑ಮು॒ದ್ರೇ ಹಿ॑ರ॒ಣ್ಯಯೀ॑ರಂ॒ತರಿ॑ಕ್ಷೇ॒ ಚರಂ॑ತಿ . ತಾಭಿ॑ರ್ಯಾಸಿ ದೂ॒ತ್ಯಾಂ ಸೂರ್ಯ॑ಸ್ಯ॒ ಕಾಮೇ॑ನ ಕೃತ॒ ಶ್ರವ॑ ಇ॒ಚ್ಛಮಾ॑ನಃ ..
ಪೂ॒ಷಾ ಸು॒ಬಂಧು॑ರ್ದಿ॒ವ ಆ ಪೃ॑ಥಿ॒ವ್ಯಾ ಇ॒ಳಸ್ಪತಿ॑ರ್ಮ॒ಘವಾ॑ ದ॒ಸ್ಮವ॑ರ್ಚಾಃ . ಯಂ ದೇ॒ವಾಸೋ॒ ಅದ॑ದುಃ ಸೂ॒ರ್ಯಾಯೈ॒ ಕಾಮೇ॑ನ ಕೃ॒ತಂ ತ॒ವಸಂ॒ ಸ್ವಂಚಂ॑ ..
ರೇ॒ವತೀ॑ರ್ನಃ ಸಧ॒ಮಾದ॒ ಇಂದ್ರೇ॑ ಸಂತು ತು॒ವಿವಾ॑ಜಾಃ . ಕ್ಷು॒ಮಂತೋ॒ ಯಾಭಿ॒ರ್ಮದೇ॑ಮ ..
[೨೮] ಅಭಿಜಿತ್
ಬ್ರಹ್ಮ॑ಣಾ ತೇ ಬ್ರಹ್ಮ॒ಯುಜಾ॑ ಯುನಜ್ಮಿ॒ ಹರೀ॒ ಸಖಾ॑ಯಾ ಸಧ॒ಮಾದ॑ ಆ॒ಶೂ . ಸ್ಥಿ॒ರಂ ರಥಂ॑ ಸು॒ಖಮಿಂ॑ದ್ರಾಧಿ॒ತಿಷ್ಠ॑ನ್ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮಂ॑ ..
ಅ॒ಗ್ನಿಮೀ॑ಳೇ ಪು॒ರೋಹಿ॑ತಂ ಯ॒ಜ್ಞಸ್ಯ॑ ದೇ॒ವಮೃ॒ತ್ವಿಜಂ॑ . ಹೋತಾ॑ರಂ ರತ್ನ॒ಧಾತ॑ಮಂ ..
ಕು॒ಷುಂ॒ಭ॒ಕಸ್ತದ॑ಬ್ರವೀದ್ಗಿ॒ರೇಃ ಪ್ರ॑ವರ್ತಮಾನ॒ಕಃ . ವೃಶ್ಚಿ॑ಕಸ್ಯಾರ॒ಸಂ ವಿ॒ಷಮ॑ರ॒ಸಂ ವೃ॑ಶ್ಚಿಕ ತೇ ವಿ॒ಷಂ ..
ತ್ವಮ॑ಗ್ನೇ॒ ದ್ಯುಭಿ॒ಸ್ತ್ವಮಾ॑ಶುಶು॒ಕ್ಷಣಿ॒ಸ್ತ್ವಮ॒ದ್ಭ್ಯಸ್ತ್ವಮಶ್ಮ॑ನ॒ಸ್ಪರಿ॑ . ತ್ವಂ ವನೇ॑ಭ್ಯ॒ಸ್ತ್ವಮೋಷ॑ಧೀಭ್ಯ॒ಸ್ತ್ವಂ ನೃ॒ಣಾಂ ನೃ॑ಪತೇ ಜಾಯಸೇ॒ ಶುಚಿಃ॑ ..
ಆ॒ವದಂ॒ಸ್ತ್ವಂ ಶ॑ಕುನೇ ಭ॒ದ್ರಮಾ ವ॑ದ ತೂ॒ಷ್ಣೀಮಾಸೀ॑ನಃ ಸುಮ॒ತಿಂ ಚಿ॑ಕಿದ್ಧಿ ನಃ . ಯದು॒ತ್ಪತ॒ನ್ವದ॑ಸಿ ಕರ್ಕ॒ರಿರ್ಯ॑ಥಾ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾಃ॑ ..
ಸೋಮ॑ಸ್ಯ ಮಾ ತ॒ವಸಂ॒ ವಕ್ಷ್ಯ॑ಗ್ನೇ॒ ವಹ್ನಿಂ॑ ಚಕರ್ಥ ವಿ॒ದಥೇ॒ ಯಜ॑ಧ್ಯೈ . ದೇ॒ವಾಁ ಅಚ್ಛಾ॒ ದೀದ್ಯ॑ದ್ಯುಂ॒ಜೇ ಅದ್ರಿಂ॑ ಶಮಾ॒ಯೇ ಅ॑ಗ್ನೇ ತ॒ನ್ವಂ॑ ಜುಷಸ್ವ ..
ಗೃ॒ಣಾ॒ನಾ ಜ॒ಮದ॑ಗ್ನಿನಾ॒ ಯೋನಾ॑ವೃ॒ತಸ್ಯ॑ ಸೀದತಂ . ಪಾ॒ತಂ ಸೋಮ॑ಮೃತಾವೃಧಾ ..
ತ್ವಾಂ ಹ್ಯ॑ಗ್ನೇ॒ ಸದ॒ಮಿತ್ಸ॑ಮ॒ನ್ಯವೋ॑ ದೇ॒ವಾಸೋ॑ ದೇ॒ವಮ॑ರ॒ತಿಂ ನ್ಯೇ॑ರಿ॒ರ ಇತಿ॒ ಕ್ರತ್ವಾ॑ ನ್ಯೇರಿ॒ರೇ . ಅಮ॑ರ್ತ್ಯಂ ಯಜತ॒ ಮರ್ತ್ಯೇ॒ಷ್ವಾ ದೇ॒ವಮಾದೇ॑ವಂ ಜನತ॒ ಪ್ರಚೇ॑ತಸಂ॒ ವಿಶ್ವ॒ಮಾದೇ॑ವಂ ಜನತ॒ ಪ್ರಚೇ॑ತಸಂ ..
ಧಾಮಂ॑ತೇ॒ ವಿಶ್ವಂ॒ ಭುವ॑ನ॒ಮಧಿ॑ ಶ್ರಿ॒ತಮಂ॒ತಃ ಸ॑ಮು॒ದ್ರೇ ಹೃ॒ದ್ಯ೧॒॑ನ್ತರಾಯು॑ಷಿ . ಅ॒ಪಾಮನೀ॑ಕೇ ಸಮಿ॒ಥೇ ಯ ಆಭೃ॑ತ॒ಸ್ತಮ॑ಶ್ಯಾಮ॒ ಮಧು॑ಮಂತಂ ತ ಊ॒ರ್ಮಿಂ ..
ಅಬೋ॑ಧ್ಯ॒ಗ್ನಿಃ ಸ॒ಮಿಧಾ॒ ಜನಾ॑ನಾಂ॒ ಪ್ರತಿ॑ ಧೇ॒ನುಮಿ॑ವಾಯ॒ತೀಮು॒ಷಾಸಂ॑ . ಯ॒ಹ್ವಾ ಇ॑ವ॒ ಪ್ರ ವ॒ಯಾಮು॒ಜ್ಜಿಹಾ॑ನಾಃ॒ ಪ್ರ ಭಾ॒ನವಃ॑ ಸಿಸ್ರತೇ॒ ನಾಕ॒ಮಚ್ಛ॑ ..
ಗಂತಾ॑ ನೋ ಯ॒ಜ್ಞಂ ಯ॑ಜ್ಞಿಯಾಃ ಸು॒ಶಮಿ॒ ಶ್ರೋತಾ॒ ಹವ॑ಮರ॒ಕ್ಷ ಏ॑ವ॒ಯಾಮ॑ರುತ್ . ಜ್ಯೇಷ್ಠಾ॑ಸೋ॒ ನ ಪರ್ವ॑ತಾಸೋ॒ ವ್ಯೋ॑ಮನಿ ಯೂ॒ಯಂ ತಸ್ಯ॑ ಪ್ರಚೇತಸಃ॒ ಸ್ಯಾತ॑ ದು॒ರ್ಧರ್ತ॑ವೋ ನಿ॒ದಃ ..
ತ್ವಂ ಹ್ಯ॑ಗ್ನೇ ಪ್ರಥ॒ಮೋ ಮ॒ನೋತಾ॒ಸ್ಯಾ ಧಿ॒ಯೋ ಅಭ॑ವೋ ದಸ್ಮ॒ ಹೋತಾ॑ . ತ್ವಂ ಸೀಂ॑ ವೃಷನ್ನಕೃಣೋರ್ದು॒ಷ್ಟರೀ॑ತು॒ ಸಹೋ॒ ವಿಶ್ವ॑ಸ್ಮೈ॒ ಸಹ॑ಸೇ॒ ಸಹ॑ಧ್ಯೈ ..
ಯೋ ನಃ॒ ಸ್ವೋ ಅರ॑ಣೋ॒ ಯಶ್ಚ॒ ನಿಷ್ಟ್ಯೋ॒ ಜಿಘಾಂ॑ಸತಿ . ದೇ॒ವಾಸ್ತಂ ಸರ್ವೇ॑ ಧೂರ್ವಂತು॒ ಬ್ರಹ್ಮ॒ ವರ್ಮ॒ ಮಮಾಂತ॑ರಂ ..
ಅ॒ಗ್ನಿಂ ನರೋ॒ ದೀಧಿ॑ತಿಭಿರ॒ರಣ್ಯೋ॒ರ್ಹಸ್ತ॑ಚ್ಯುತೀ ಜನಯಂತ ಪ್ರಶ॒ಸ್ತಂ . ದೂ॒ರೇ॒ದೃಶಂ॑ ಗೃ॒ಹಪ॑ತಿಮಥ॒ರ್ಯುಂ ..
ಪ್ರತಿ॑ ಚಕ್ಷ್ವ॒ ವಿ ಚ॒ಕ್ಷ್ವೇಂದ್ರ॑ಶ್ಚ ಸೋಮ ಜಾಗೃತಂ . ರಕ್ಷೋ॑ಭ್ಯೋ ವ॒ಧಮ॑ಸ್ಯತಮ॒ಶನಿಂ॑ ಯಾತು॒ಮದ್ಭ್ಯಃ॑ ..
ಮಾ ಚಿ॑ದ॒ನ್ಯದ್ವಿ ಶಂ॑ಸತ॒ ಸಖಾ॑ಯೋ॒ ಮಾ ರಿ॑ಷಣ್ಯತ . ಇಂದ್ರ॒ಮಿತ್ಸ್ತೋ॑ತಾ॒ ವೃಷ॑ಣಂ॒ ಸಚಾ॑ ಸು॒ತೇ ಮುಹು॑ರು॒ಕ್ಥಾ ಚ॑ ಶಂಸತ ..
ಆಗ್ನೇ॑ ಯಾಹಿ ಮ॒ರುತ್ಸ॑ಖಾ ರು॒ದ್ರೇಭಿಃ॒ ಸೋಮ॑ಪೀತಯೇ . ಸೋಭ॑ರ್ಯಾ॒ ಉಪ॑ ಸುಷ್ಟು॒ತಿಂ ಮಾ॒ದಯ॑ಸ್ವ॒ ಸ್ವ॑ರ್ಣರೇ ..
ಸ್ವಾದಿ॑ಷ್ಠಯಾ॒ ಮದಿ॑ಷ್ಠಯಾ॒ ಪವ॑ಸ್ವ ಸೋಮ॒ ಧಾರ॑ಯಾ . ಇಂದ್ರಾ॑ಯ॒ ಪಾತ॑ವೇ ಸು॒ತಃ ..
ಯತ್ತೇ॑ ರಾಜಂಛೃ॒ತಂ ಹ॒ವಿಸ್ತೇನ॑ ಸೋಮಾ॒ಭಿ ರ॑ಕ್ಷ ನಃ . ಅ॒ರಾ॒ತೀ॒ವಾ ಮಾ ನ॑ಸ್ತಾರೀ॒ನ್ಮೋ ಚ॑ ನಃ॒ ಕಿಂ ಚ॒ನಾಮ॑ಮ॒ದಿಂದ್ರಾ॑ಯೇಂದೋ॒ ಪರಿ॑ ಸ್ರವ ..
ಅಗ್ರೇ॑ ಬೃ॒ಹನ್ನು॒ಷಸಾ॑ಮೂ॒ರ್ಧ್ವೋ ಅ॑ಸ್ಥಾನ್ನಿರ್ಜಗ॒ನ್ವಾಂತಮ॑ಸೋ॒ ಜ್ಯೋತಿ॒ಷಾಗಾ॑ತ್ . ಅ॒ಗ್ನಿರ್ಭಾ॒ನುನಾ॒ ರುಶ॑ತಾ॒ ಸ್ವಂಗ॒ ಆ ಜಾ॒ತೋ ವಿಶ್ವಾ॒ ಸದ್ಮಾ॑ನ್ಯಪ್ರಾಃ ..
ಸ॒ಮಾ॒ನೀ ವ॒ ಆಕೂ॑ತಿಃ ಸಮಾ॒ನಾ ಹೃದ॑ಯಾನಿ ವಃ . ಸ॒ಮಾ॒ನಮ॑ಸ್ತು ವೋ॒ ಮನೋ॒ ಯಥಾ॑ ವಃ॒ ಸುಸ॒ಹಾಸ॑ತಿ ..
ನಮೋ॑ ಮ॒ಹದ್ಭ್ಯೋ॒ ನಮೋ॑ ಅರ್ಭ॒ಕೇಭ್ಯೋ॒ ನಮೋ॒ ಯುವ॑ಭ್ಯೋ॒ ನಮ॑ ಆಶಿ॒ನೇಭ್ಯಃ॑ . ಯಜಾ॑ಮ ದೇ॒ವಾನ್ಯದಿ॑ ಶ॒ಕ್ನವಾ॑ಮ॒ ಮಾ ಜ್ಯಾಯ॑ಸಃ॒ ಶಂಸ॒ಮಾ ವೃ॑ಕ್ಷಿ ದೇವಾಃ ..
ಮ॒ಮತ್ತು॑ ನಃ॒ ಪರಿ॑ಜ್ಮಾ ವಸ॒ರ್ಹಾ ಮ॒ಮತ್ತು॒ ವಾತೋ॑ ಅ॒ಪಾಂ ವೃಷ॑ಣ್ವಾನ್ . ಶಿ॒ಶೀ॒ತಮಿಂ॑ದ್ರಾಪರ್ವತಾ ಯು॒ವಂ ನ॒ಸ್ತನ್ನೋ॒ ವಿಶ್ವೇ॑ ವರಿವಸ್ಯಂತು ದೇ॒ವಾಃ ..
ಕ॒ಥಾ ತೇ॑ ಅಗ್ನೇ ಶು॒ಚಯಂ॑ತ ಆ॒ಯೋರ್ದ॑ದಾ॒ಶುರ್ವಾಜೇ॑ಭಿರಾಶುಷಾ॒ಣಾಃ . ಉ॒ಭೇ ಯತ್ತೋ॒ಕೇ ತನ॑ಯೇ॒ ದಧಾ॑ನಾ ಋ॒ತಸ್ಯ॒ ಸಾಮ॑ನ್ರ॒ಣಯಂ॑ತ ದೇ॒ವಾಃ ..
ಯ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಸ್ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ . ತೇ ಹ॒ ನಾಕಂ॑ ಮಹಿ॒ಮಾನಃ॑ ಸಚಂತ॒ ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸಂತಿ॑ ದೇ॒ವಾಃ ..
ಪರಾ॑ ಶು॒ಭ್ರಾ ಅ॒ಯಾಸೋ॑ ಯ॒ವ್ಯಾ ಸಾ॑ಧಾರ॒ಣ್ಯೇವ॑ ಮ॒ರುತೋ॑ ಮಿಮಿಕ್ಷುಃ . ನ ರೋ॑ದ॒ಸೀ ಅಪ॑ ನುದಂತ ಘೋ॒ರಾ ಜು॒ಷಂತ॒ ವೃಧಂ॑ ಸ॒ಖ್ಯಾಯ॑ ದೇ॒ವಾಃ ..
ತ್ವೇ ರಾಯ॑ ಇಂದ್ರ ತೋ॒ಶತ॑ಮಾಃ ಪ್ರಣೇ॒ತಾರಃ॒ ಕಸ್ಯ॑ ಚಿದೃತಾ॒ಯೋಃ . ತೇ ಷು ಣೋ॑ ಮ॒ರುತೋ॑ ಮೃಳಯಂತು॒ ಯೇ ಸ್ಮಾ॑ ಪು॒ರಾ ಗಾ॑ತೂ॒ಯಂತೀ॑ವ ದೇ॒ವಾಃ ..
ಉ॒ಭಾ ಶಂಸಾ॒ ನರ್ಯಾ॒ ಮಾಮ॑ವಿಷ್ಟಾಮು॒ಭೇ ಮಾಮೂ॒ತೀ ಅವ॑ಸಾ ಸಚೇತಾಂ . ಭೂರಿ॑ ಚಿದ॒ರ್ಯಃ ಸು॒ದಾಸ್ತ॑ರಾಯೇ॒ಷಾ ಮದಂ॑ತ ಇಷಯೇಮ ದೇವಾಃ ..
ಉ॒ತ ನ॑ ಈಂ ಮ॒ರುತೋ॑ ವೃ॒ದ್ಧಸೇ॑ನಾಃ॒ ಸ್ಮದ್ರೋದ॑ಸೀ॒ ಸಮ॑ನಸಃ ಸದಂತು . ಪೃಷ॑ದಶ್ವಾಸೋ॒ಽವನ॑ಯೋ॒ ನ ರಥಾ॑ ರಿ॒ಶಾದ॑ಸೋ ಮಿತ್ರ॒ಯುಜೋ॒ ನ ದೇ॒ವಾಃ ..
ತವ॑ ಸ್ಯಾಮ ಪುರು॒ವೀರ॑ಸ್ಯ॒ ಶರ್ಮ॑ನ್ನುರು॒ಶಂಸ॑ಸ್ಯ ವರುಣ ಪ್ರಣೇತಃ . ಯೂ॒ಯಂ ನಃ॑ ಪುತ್ರಾ ಅದಿತೇರದಬ್ಧಾ ಅ॒ಭಿ ಕ್ಷ॑ಮಧ್ವಂ॒ ಯುಜ್ಯಾ॑ಯ ದೇವಾಃ ..
ದಿ॒ವಶ್ಚಿ॒ದಾ ತೇ॑ ರುಚಯಂತ ರೋ॒ಕಾ ಉ॒ಷೋ ವಿ॑ಭಾ॒ತೀರನು॑ ಭಾಸಿ ಪೂ॒ರ್ವೀಃ . ಅ॒ಪೋ ಯದ॑ಗ್ನ ಉ॒ಶಧ॒ಗ್ವನೇ॑ಷು॒ ಹೋತು॑ರ್ಮಂ॒ದ್ರಸ್ಯ॑ ಪ॒ನಯಂ॑ತ ದೇ॒ವಾಃ ..
ಶಂಸಾ॑ ಮ॒ಹಾಮಿಂದ್ರಂ॒ ಯಸ್ಮಿ॒ನ್ವಿಶ್ವಾ॒ ಆ ಕೃ॒ಷ್ಟಯಃ॑ ಸೋಮ॒ಪಾಃ ಕಾಮ॒ಮವ್ಯ॑ನ್ . ಯಂ ಸು॒ಕ್ರತುಂ॑ ಧಿ॒ಷಣೇ॑ ವಿಭ್ವತ॒ಷ್ಟಂ ಘ॒ನಂ ವೃ॒ತ್ರಾಣಾಂ॑ ಜ॒ನಯಂ॑ತ ದೇ॒ವಾಃ ..
ನಾಪಾ॑ಭೂತ॒ ನ ವೋ॑ಽತೀತೃಷಾ॒ಮಾನಿಃ॑ಶಸ್ತಾ ಋಭವೋ ಯ॒ಜ್ಞೇ ಅ॒ಸ್ಮಿನ್ . ಸಮಿಂದ್ರೇ॑ಣ॒ ಮದ॑ಥ॒ ಸಂ ಮ॒ರುದ್ಭಿಃ॒ ಸಂ ರಾಜ॑ಭೀ ರತ್ನ॒ಧೇಯಾ॑ಯ ದೇವಾಃ ..
ಅಪ್ರ॑ತೀತೋ ಜಯತಿ॒ ಸಂ ಧನಾ॑ನಿ॒ ಪ್ರತಿ॑ಜನ್ಯಾನ್ಯು॒ತ ಯಾ ಸಜ॑ನ್ಯಾ . ಅ॒ವ॒ಸ್ಯವೇ॒ ಯೋ ವರಿ॑ವಃ ಕೃ॒ಣೋತಿ॑ ಬ್ರ॒ಹ್ಮಣೇ॒ ರಾಜಾ॒ ತಮ॑ವಂತಿ ದೇ॒ವಾಃ ..
ಕೋ ವ॑ಸ್ತ್ರಾ॒ತಾ ವ॑ಸವಃ॒ ಕೋ ವ॑ರೂ॒ತಾ ದ್ಯಾವಾ॑ಭೂಮೀ ಅದಿತೇ॒ ತ್ರಾಸೀ॑ಥಾಂ ನಃ . ಸಹೀ॑ಯಸೋ ವರುಣ ಮಿತ್ರ॒ ಮರ್ತಾ॒ತ್ಕೋ ವೋ॑ಽಧ್ವ॒ರೇ ವರಿ॑ವೋ ಧಾತಿ ದೇವಾಃ ..
ತ್ವಮ॒ಪೋ ಯದ॑ವೇ ತು॒ರ್ವಶಾ॒ಯಾರ॑ಮಯಃ ಸು॒ದುಘಾಃ॑ ಪಾ॒ರ ಇಂ॑ದ್ರ . ಉ॒ಗ್ರಮ॑ಯಾತ॒ಮವ॑ಹೋ ಹ॒ ಕುತ್ಸಂ॒ ಸಂ ಹ॒ ಯದ್ವಾ॑ಮು॒ಶನಾರಂ॑ತ ದೇ॒ವಾಃ ..
ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ॑ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿಂ . ಕ॒ವಿಂ ಸ॒ಮ್ರಾಜ॒ಮತಿ॑ಥಿಂ॒ ಜನಾ॑ನಾಮಾ॒ಸನ್ನಾ ಪಾತ್ರಂ॑ ಜನಯಂತ ದೇ॒ವಾಃ ..
ನಾಭಿಂ॑ ಯ॒ಜ್ಞಾನಾಂ॒ ಸದ॑ನಂ ರಯೀ॒ಣಾಂ ಮ॒ಹಾಮಾ॑ಹಾ॒ವಮ॒ಭಿ ಸಂ ನ॑ವಂತ . ವೈ॒ಶ್ವಾ॒ನ॒ರಂ ರ॒ಥ್ಯ॑ಮಧ್ವ॒ರಾಣಾಂ॑ ಯ॒ಜ್ಞಸ್ಯ॑ ಕೇ॒ತುಂ ಜ॑ನಯಂತ ದೇ॒ವಾಃ ..
ತೇ ನೋ॑ ರಾ॒ಯೋ ದ್ಯು॒ಮತೋ॒ ವಾಜ॑ವತೋ ದಾ॒ತಾರೋ॑ ಭೂತ ನೃ॒ವತಃ॑ ಪುರು॒ಕ್ಷೋಃ . ದ॒ಶ॒ಸ್ಯಂತೋ॑ ದಿ॒ವ್ಯಾಃ ಪಾರ್ಥಿ॑ವಾಸೋ॒ ಗೋಜಾ॑ತಾ॒ ಅಪ್ಯಾ॑ ಮೃ॒ಳತಾ॑ ಚ ದೇವಾಃ ..
ಯೇ ಕೇ ಚ॒ ಜ್ಮಾ ಮ॒ಹಿನೋ॒ ಅಹಿ॑ಮಾಯಾ ದಿ॒ವೋ ಜ॑ಜ್ಞಿ॒ರೇ ಅ॒ಪಾಂ ಸ॒ಧಸ್ಥೇ॑ . ತೇ ಅ॒ಸ್ಮಭ್ಯ॑ಮಿ॒ಷಯೇ॒ ವಿಶ್ವ॒ಮಾಯುಃ॒ ಕ್ಷಪ॑ ಉ॒ಸ್ರಾ ವ॑ರಿವಸ್ಯಂತು ದೇ॒ವಾಃ ..
ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ॑ . ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಁ ಅ॑ವಂತು ದೇ॒ವಾಃ .. ॑
ಪರಿ॒ ಪ್ರ ಧ॒ನ್ವೇಂದ್ರಾ॑ಯ ಸೋಮ ಸ್ವಾ॒ದುರ್ಮಿ॒ತ್ರಾಯ॑ ಪೂ॒ಷ್ಣೇ ಭಗಾ॑ಯ ..
ಇಂದ್ರ॑ಸ್ತೇ ಸೋಮ ಸು॒ತಸ್ಯ॑ ಪೇಯಾಃ॒ ಕ್ರತ್ವೇ॒ ದಕ್ಷಾ॑ಯ॒ ವಿಶ್ವೇ॑ ಚ ದೇ॒ವಾಃ ..
ಪ್ರ॒ಯಾ॒ಜಾನ್ಮೇ॑ ಅನುಯಾ॒ಜಾಁಶ್ಚ॒ ಕೇವ॑ಲಾ॒ನೂರ್ಜ॑ಸ್ವಂತಂ ಹ॒ವಿಷೋ॑ ದತ್ತ ಭಾ॒ಗಂ . ಘೃ॒ತಂ ಚಾ॒ಪಾಂ ಪುರು॑ಷಂ॒ ಚೌಷ॑ಧೀನಾಮ॒ಗ್ನೇಶ್ಚ॑ ದೀ॒ರ್ಘಮಾಯು॑ರಸ್ತು ದೇವಾಃ ..
ಐಭಿ॑ರ್ದದೇ॒ ವೃಷ್ಣ್ಯಾ॒ ಪೌಂಸ್ಯಾ॑ನಿ॒ ಯೇಭಿ॒ರೌಕ್ಷ॑ದ್ವೃತ್ರ॒ಹತ್ಯಾ॑ಯ ವ॒ಜ್ರೀ . ಯೇ ಕರ್ಮ॑ಣಃ ಕ್ರಿ॒ಯಮಾ॑ಣಸ್ಯ ಮ॒ಹ್ನ ಋ॑ತೇಕ॒ರ್ಮಮು॒ದಜಾ॑ಯಂತ ದೇ॒ವಾಃ ..
ಅ॒ನೃ॒ಕ್ಷ॒ರಾ ಋ॒ಜವಃ॑ ಸಂತು॒ ಪಂಥಾ॒ ಯೇಭಿಃ॒ ಸಖಾ॑ಯೋ॒ ಯಂತಿ॑ ನೋ ವರೇ॒ಯಂ . ಸಮ॑ರ್ಯ॒ಮಾ ಸಂ ಭಗೋ॑ ನೋ ನಿನೀಯಾ॒ತ್ಸಂ ಜಾ॑ಸ್ಪ॒ತ್ಯಂ ಸು॒ಯಮ॑ಮಸ್ತು ದೇವಾಃ ..
ಗೃ॒ಭ್ಣಾಮಿ॑ ತೇ ಸೌಭಗ॒ತ್ವಾಯ॒ ಹಸ್ತಂ॒ ಮಯಾ॒ ಪತ್ಯಾ॑ ಜ॒ರದ॑ಷ್ಟಿ॒ರ್ಯಥಾಸಃ॑ . ಭಗೋ॑ ಅರ್ಯ॒ಮಾ ಸ॑ವಿ॒ತಾ ಪುರಂ॑ಧಿ॒ರ್ಮಹ್ಯಂ॑ ತ್ವಾದು॒ರ್ಗಾರ್ಹ॑ಪತ್ಯಾಯ ದೇ॒ವಾಃ ..
ಸಮ॑ಸ್ಮಿಂ॒ಜಾಯ॑ಮಾನ ಆಸತ॒ ಗ್ನಾ ಉ॒ತೇಮ॑ವರ್ಧನ್ನ॒ದ್ಯ೧॒॑ಃ ಸ್ವಗೂ॑ರ್ತಾಃ . ಮ॒ಹೇ ಯತ್ತ್ವಾ॑ ಪುರೂರವೋ॒ ರಣಾ॒ಯಾವ॑ರ್ಧಯಂದಸ್ಯು॒ಹತ್ಯಾ॑ಯ ದೇ॒ವಾಃ ..
ಬ್ರ॒ಹ್ಮ॒ಚಾ॒ರೀ ಚ॑ರತಿ॒ ವೇವಿ॑ಷ॒ದ್ವಿಷಃ॒ ಸ ದೇ॒ವಾನಾಂ॑ ಭವ॒ತ್ಯೇಕ॒ಮಂಗಂ॑ . ತೇನ॑ ಜಾ॒ಯಾಮನ್ವ॑ವಿಂದ॒ದ್ಬೃಹ॒ಸ್ಪತಿಃ॒ ಸೋಮೇ॑ನ ನೀ॒ತಾಂ ಜು॒ಹ್ವಂ೧॒॑ ನ ದೇ॑ವಾಃ ..
ಸ॒ದ್ಯೋ ಜಾ॒ತೋ ವ್ಯ॑ಮಿಮೀತ ಯ॒ಜ್ಞಮ॒ಗ್ನಿರ್ದೇ॒ವಾನಾ॑ಮಭವತ್ಪುರೋ॒ಗಾಃ . ಅ॒ಸ್ಯ ಹೋತುಃ॑ ಪ್ರ॒ದಿಶ್ಯೃ॒ತಸ್ಯ॑ ವಾ॒ಚಿ ಸ್ವಾಹಾ॑ಕೃತಂ ಹ॒ವಿರ॑ದಂತು ದೇ॒ವಾಃ ..
ಇ॒ದಂ ತೇ॒ ಪಾತ್ರಂ॒ ಸನ॑ವಿತ್ತಮಿಂದ್ರ॒ ಪಿಬಾ॒ ಸೋಮ॑ಮೇ॒ನಾ ಶ॑ತಕ್ರತೋ . ಪೂ॒ರ್ಣ ಆ॑ಹಾ॒ವೋ ಮ॑ದಿ॒ರಸ್ಯ॒ ಮಧ್ವೋ॒ ಯಂ ವಿಶ್ವ॒ ಇದ॑ಭಿ॒ಹರ್ಯಂ॑ತಿ ದೇ॒ವಾಃ ..
ನಮೋ ಮಹದ್ಭ್ಯೋ ಮಮತ್ತು ನಃ ಕಥಾತೇ ಯಜ್ಞೇನ ಯಜ್ಞಂ ಪರಾಶುಭ್ರಾ ತ್ವೇ ರಾಯ ಇಂದ್ರ ಉಭಾ ಶಂಸಾ ಉತನ ಈಂ ತವಸ್ಯಾಮ
ದಿವಶ್ಚಿದಾತೇ ಶಂಸಾಮಹಾಮಿಂದ್ರಂ ತ್ರಿರುತ್ತಮಾ ನಾಪಾಭೂ ತ ಅಪ್ರತೀತೋ ಕೋವಸ್ತ್ರಾತಾ ತ್ವಮಪೋ ಮೂರ್ಧಾನಂ ನಾಭಿಂ ಯಜ್ಞಾನಾಂ
ತೇನೋ ರಾಯೋ ಯೇ ಕೇ ಚಜ್ಮಾ ಅಸ್ಮೇ ರುದ್ರಾ ಪರಿ ಪ್ರಧನ್ವಾ ಪ್ರಯಜಾನ್ಮೇ ಐಭಿರ್ದಧೇ ಅನೃಕ್ಷರಾ ಗೃಭ್ಣಾಮಿತೇ ಸಮಸ್ಮಿನ್ ಬ್ರಹ್ಮಚಾರೀ ಸದ್ಯೋ ಜಾತ
ಇದಂ ತೇ ಪಾತ್ರಮಿತಿ ತ್ರಿಂಶದ್ದೇವ ಋಚಃ
ಹಿಂ॒ಕೃ॒ಣ್ವ॒ತೀ ವ॑ಸು॒ಪತ್ನೀ॒ ವಸೂ॑ನಾಂ ವ॒ತ್ಸಮಿ॒ಚ್ಛಂತೀ॒ ಮನ॑ಸಾ॒ಭ್ಯಾಗಾ॑ತ್ . ದು॒ಹಾಮ॒ಶ್ವಿಭ್ಯಾಂ॒ ಪಯೋ॑ ಅ॒ಘ್ನ್ಯೇಯಂ ಸಾ ವ॑ರ್ಧತಾಂ ಮಹ॒ತೇ ಸೌಭ॑ಗಾಯ ..
ಸಮಿ॑ದ್ಧಸ್ಯ॒ ಶ್ರಯ॑ಮಾಣಃ ಪು॒ರಸ್ತಾ॒ದ್ಬ್ರಹ್ಮ॑ ವನ್ವಾ॒ನೋ ಅ॒ಜರಂ॑ ಸು॒ವೀರಂ॑ . ಆ॒ರೇ ಅ॒ಸ್ಮದಮ॑ತಿಂ॒ ಬಾಧ॑ಮಾನ॒ ಉಚ್ಛ್ರ॑ಯಸ್ವ ಮಹ॒ತೇ ಸೌಭ॑ಗಾಯ ..
ವನ॑ಸ್ಪತೇ ಶ॒ತವ॑ಲ್ಶೋ॒ ವಿ ರೋ॑ಹ ಸ॒ಹಸ್ರ॑ವಲ್ಶಾ॒ ವಿ ವ॒ಯಂ ರು॑ಹೇಮ . ಯಂ ತ್ವಾಮ॒ಯಂ ಸ್ವಧಿ॑ತಿ॒ಸ್ತೇಜ॑ಮಾನಃ ಪ್ರಣಿ॒ನಾಯ॑ ಮಹ॒ತೇ ಸೌಭ॑ಗಾಯ ..
ಇಂದು॑ರ್ದೇ॒ವಾನಾ॒ಮುಪ॑ ಸ॒ಖ್ಯಮಾ॒ಯಂತ್ಸ॒ಹಸ್ರ॑ಧಾರಃ ಪವತೇ॒ ಮದಾ॑ಯ . ನೃಭಿಃ॒ ಸ್ತವಾ॑ನೋ॒ ಅನು॒ ಧಾಮ॒ ಪೂರ್ವ॒ಮಗ॒ನ್ನಿಂದ್ರಂ॑ ಮಹ॒ತೇ ಸೌಭ॑ಗಾಯ ..
ಅ॒ಸ್ಯ ಪಿ॑ಬ ಕ್ಷು॒ಮತಃ॒ ಪ್ರಸ್ಥಿ॑ತ॒ಸ್ಯೇಂದ್ರ॒ ಸೋಮ॑ಸ್ಯ॒ ವರ॒ಮಾ ಸು॒ತಸ್ಯ॑ . ಸ್ವ॒ಸ್ತಿ॒ದಾ ಮನ॑ಸಾ ಮಾದಯಸ್ವಾರ್ವಾಚೀ॒ನೋ ರೇ॒ವತೇ॒ ಸೌಭ॑ಗಾಯ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ಘೃ॒ತಾ.ದುಲ್ಲು॑ಪ್ತಂ॒ ಮಧು॑ಮ. ತ್ಸು॒ವರ್ಣ॑.-ನ್ಧನಂಜ॒ಯ. ನ್ಧ॒ರುಣ॑. ನ್ಧಾರಯಿ॒ಷ್ಣು. ಋ॒ಣ.ಕ್ಸ॒ಪತ್ನಾ॒. ದಧ॑ರಾಂ.ಶ್ಚ ಕೃ॒ಣ್ವ.-ದಾ ರೋ॑ಹ ಮಾಂ ಮಹ॒ತೇ ಸೌಭ॑ಗಾಯ..
ಹಿಂಕೃಣ್ವತೀ ಸಮಿದ್ಧಸ್ಯ ವನಸ್ಪತೇ ಇಂದುರ್ದೇವಾನಾಂ ಅಸ್ಯ ಪಿಬ ಘೃತಾದುರ್ಲುಪ್ತಮಿತಿ ಷಟ್ ಸೌಭಾಗ್ಯ ಋಚಃ
ಭ॒ದ್ರಂ ಕರ್ಣೇ॑ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॑ರ್ಯಜತ್ರಾಃ . ಸ್ಥಿ॒ರೈರಂಗೈ॑ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ ..
ಪುನಃ॑ಪುನ॒ರ್ಜಾಯ॑ಮಾನಾ ಪುರಾ॒ಣೀ ಸ॑ಮಾ॒ನಂ ವರ್ಣ॑ಮ॒ಭಿ ಶುಂಭ॑ಮಾನಾ . ಶ್ವ॒ಘ್ನೀವ॑ ಕೃ॒ತ್ನುರ್ವಿಜ॑ ಆಮಿನಾ॒ನಾ ಮರ್ತ॑ಸ್ಯ ದೇ॒ವೀ ಜ॒ರಯಂ॒ತ್ಯಾಯುಃ॑ ..
ದ್ರ॒ವಿ॒ಣೋ॒ದಾ ದ್ರವಿ॑ಣಸಸ್ತು॒ರಸ್ಯ॑ ದ್ರವಿಣೋ॒ದಾಃ ಸನ॑ರಸ್ಯ॒ ಪ್ರ ಯಂ॑ಸತ್ . ದ್ರ॒ವಿ॒ಣೋ॒ದಾ ವೀ॒ರವ॑ತೀ॒ಮಿಷಂ॑ ನೋ ದ್ರವಿಣೋ॒ದಾ ರಾ॑ಸತೇ ದೀ॒ರ್ಘಮಾಯುಃ॑ ..
ಉದೀ॑ರ್ಧ್ವಂ ಜೀ॒ವೋ ಅಸು॑ರ್ನ॒ ಆಗಾ॒ದಪ॒ ಪ್ರಾಗಾ॒ತ್ತಮ॒ ಆ ಜ್ಯೋತಿ॑ರೇತಿ . ಆರೈ॒ಕ್ಪಂಥಾಂ॒ ಯಾತ॑ವೇ॒ ಸೂರ್ಯಾ॒ಯಾಗ॑ನ್ಮ॒ ಯತ್ರ॑ ಪ್ರತಿ॒ರಂತ॒ ಆಯುಃ॑ ..
ದಕ್ಷಿ॑ಣಾವತಾ॒ಮಿದಿ॒ಮಾನಿ॑ ಚಿ॒ತ್ರಾ ದಕ್ಷಿ॑ಣಾವತಾಂ ದಿ॒ವಿ ಸೂರ್ಯಾ॑ಸಃ . ದಕ್ಷಿ॑ಣಾವಂತೋ ಅ॒ಮೃತಂ॑ ಭಜಂತೇ॒ ದಕ್ಷಿ॑ಣಾವಂತಃ॒ ಪ್ರ ತಿ॑ರಂತ॒ ಆಯುಃ॑ ..
ಇ॒ಮೇ ಭೋ॒ಜಾ ಅಂಗಿ॑ರಸೋ॒ ವಿರೂ॑ಪಾ ದಿ॒ವಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾಃ . ವಿ॒ಶ್ವಾಮಿ॑ತ್ರಾಯ॒ ದದ॑ತೋ ಮ॒ಘಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ..
ಯಥಾ॑ ಹ॒ ತ್ಯದ್ವ॑ಸವೋ ಗೌ॒ರ್ಯಂ॑ ಚಿತ್ಪ॒ದಿ ಷಿ॒ತಾಮಮುಂ॑ಚತಾ ಯಜತ್ರಾಃ . ಏ॒ವೋ ಷ್ವ೧॒॑ಸ್ಮನ್ಮುಂ॑ಚತಾ॒ ವ್ಯಂಹಃ॒ ಪ್ರ ತಾ॑ರ್ಯಗ್ನೇ ಪ್ರತ॒ರಂ ನ॒ ಆಯುಃ॑ ..
ಗೋಮಾ॑ಯುರದಾದ॒ಜಮಾ॑ಯುರದಾ॒ತ್ಪೃಶ್ನಿ॑ರದಾ॒ದ್ಧರಿ॑ತೋ ನೋ॒ ವಸೂ॑ನಿ . ಗವಾಂ॑ ಮಂ॒ಡೂಕಾ॒ ದದ॑ತಃ ಶ॒ತಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ..
ಋ॒ದೂ॒ದರೇ॑ಣ॒ ಸಖ್ಯಾ॑ ಸಚೇಯ॒ ಯೋ ಮಾ॒ ನ ರಿಷ್ಯೇ॑ದ್ಧರ್ಯಶ್ವ ಪೀ॒ತಃ . ಅ॒ಯಂ ಯಃ ಸೋಮೋ॒ ನ್ಯಧಾ॑ಯ್ಯ॒ಸ್ಮೇ ತಸ್ಮಾ॒ ಇಂದ್ರಂ॑ ಪ್ರ॒ತಿರ॑ಮೇ॒ಮ್ಯಾಯುಃ॑ ..
ಅಪ॒ ತ್ಯಾ ಅ॑ಸ್ಥು॒ರನಿ॑ರಾ॒ ಅಮೀ॑ವಾ॒ ನಿರ॑ತ್ರಸಂ॒ತಮಿ॑ಷೀಚೀ॒ರಭೈ॑ಷುಃ . ಆ ಸೋಮೋ॑ ಅ॒ಸ್ಮಾಁ ಅ॑ರುಹ॒ದ್ವಿಹಾ॑ಯಾ॒ ಅಗ॑ನ್ಮ॒ ಯತ್ರ॑ ಪ್ರತಿ॒ರಂತ॒ ಆಯುಃ॑ ..
ವೃ॒ಷ್ಟಿಂ ದಿ॒ವಃ ಶ॒ತಧಾ॑ರಃ ಪವಸ್ವ ಸಹಸ್ರ॒ಸಾ ವಾ॑ಜ॒ಯುರ್ದೇ॒ವವೀ॑ತೌ . ಸಂ ಸಿಂಧು॑ಭಿಃ ಕ॒ಲಶೇ॑ ವಾವಶಾ॒ನಃ ಸಮು॒ಸ್ರಿಯಾ॑ಭಿಃ ಪ್ರತಿ॒ರನ್ನ॒ ಆಯುಃ॑ ..
ಸ॒ವಿ॒ತಾ ಪ॒ಶ್ಚಾತಾ॑ತ್ಸವಿ॒ತಾ ಪು॒ರಸ್ತಾ॑ತ್ಸವಿ॒ತೋತ್ತ॒ರಾತ್ತಾ॑ತ್ಸವಿ॒ತಾಧ॒ರಾತ್ತಾ॑ತ್ . ಸ॒ವಿ॒ತಾ ನಃ॑ ಸುವತು ಸ॒ರ್ವತಾ॑ತಿಂ ಸವಿ॒ತಾ ನೋ॑ ರಾಸತಾಂ ದೀ॒ರ್ಘಮಾಯುಃ॑ ..
ನವೋ॑ನವೋ ಭವತಿ॒ ಜಾಯ॑ಮಾ॒ನೋಽಹ್ನಾಂ॑ ಕೇ॒ತುರು॒ಷಸಾ॑ಮೇ॒ತ್ಯಗ್ರಂ॑ . ಭಾ॒ಗಂ ದೇ॒ವೇಭ್ಯೋ॒ ವಿ ದ॑ಧಾತ್ಯಾ॒ಯನ್ಪ್ರ ಚಂ॒ದ್ರಮಾ॑ಸ್ತಿರತೇ ದೀ॒ರ್ಘಮಾಯುಃ॑ ..
ವಿ॒ದ್ಯುನ್ನ ಯಾ ಪತಂ॑ತೀ॒ ದವಿ॑ದ್ಯೋ॒ದ್ಭರಂ॑ತೀ ಮೇ॒ ಅಪ್ಯಾ॒ ಕಾಮ್ಯಾ॑ನಿ . ಜನಿ॑ಷ್ಟೋ ಅ॒ಪೋ ನರ್ಯಃ॒ ಸುಜಾ॑ತಃ॒ ಪ್ರೋರ್ವಶೀ॑ ತಿರತ ದೀ॒ರ್ಘಮಾಯುಃ॑ ..
ಉ॒ಚ್ಚಾ ದಿ॒ವಿ ದಕ್ಷಿ॑ಣಾವಂತೋ ಅಸ್ಥು॒ರ್ಯೇ ಅ॑ಶ್ವ॒ದಾಃ ಸ॒ಹ ತೇ ಸೂರ್ಯೇ॑ಣ . ಹಿ॒ರ॒ಣ್ಯ॒ದಾ ಅ॑ಮೃತ॒ತ್ವಂ ಭ॑ಜಂತೇ ವಾಸೋ॒ದಾಃ ಸೋ॑ಮ॒ ಪ್ರ ತಿ॑ರಂತ॒ ಆಯುಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೭, ೫೫ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೫, ಅಧ್ಯಾಯ ೪, ೨೨ ವರ್ಗಾನಂತರಂ]
ಯ॒ಶಸ್ಕ॑ರಂ॒ ಬಲ॑ವಂತಂ ಪ್ರ॒ಭುತ್ವ॑.-ನ್ತಮೇ॒ವ ರಾ॑ಜಾಽಧಿ॒ಪತಿ॑. ರ್ಬಭೂವ. ಸಂ॒ಕೀ॒ರ್ಣನಾ॑ಗಾಽಶ್ವ॒ಪತಿ॑. ರ್ನರಾ॒ಣಾಂ- ಸು॑ಮಂ॒ಗಲ್ಯಂ॑ ಸತತ. ನ್ದೀ॒ರ್ಘ.ಮಾಯುಃ॑..
ಇಂದ್ರಾ॑ವರುಣಾ ಸೌಮನ॒ಸಮದೃ॑ಪ್ತಂ ರಾ॒ಯಸ್ಪೋಷಂ॒ ಯಜ॑ಮಾನೇಷು ಧತ್ತಂ . ಪ್ರ॒ಜಾಂ ಪು॒ಷ್ಟಿಂ ಭೂ॑ತಿಮ॒ಸ್ಮಾಸು॑ ಧತ್ತಂ ದೀರ್ಘಾಯು॒ತ್ವಾಯ॒ ಪ್ರ ತಿ॑ರತಂ ನ॒ ಆಯುಃ॑ ..
ಪರಿಶಿಷ್ಟಂ [ಋಗ್ವೇದ ಮಂಡಲ ೧೦, ೧೨೮ ಸೂಕ್ತಸ್ಯಾನಂತರಂ][ಋಗ್ವೇದ ಅಷ್ಟಕ ೮, ಅಧ್ಯಾಯ ೭, ೧೬ ವರ್ಗಾನಂತರಂ]
ನ ತ.ದ್ರಕ್ಷಾಂ॑ಸಿ॒ ನ ಪಿ॑ಶಾ॒ಚಾ. ಶ್ಚ॑ರಂತಿ- ದೇ॒ವಾನಾ॒. ಮೋಜ॑: ಪ್ರಥಮ॒ಜಂ ಹ್ಯೇ॒೩(ಏ॒)ತತ್. ಯೋ ಬಿ॒ಭರ್ತಿ॑ ದಾಕ್ಷಾಯ॒ಣಾ ಹಿರ॑ಣ್ಯಂ॒- ಸ ದೇ॒ವೇಷು॑ ಕೃಣುತೇ ದೀ॒ರ್ಘ. ಮಾಯು॒.-ಸ್ಸ ಮ॑ನು॒ಷ್ಯೇ॑ಷು ಕೃಣುತೇ ದೀ॒ರ್ಘ. ಮಾಯುಃ॑..
ಭದ್ರಂ ಕರ್ಣೇಭಿಃ ಪುನಃ ಪುನರ್ ದ್ರವಿಣೋದಾ ಉದೀರ್ಧ್ವಂ ದಕ್ಷಿಣಾವತಾಂ ಇಮೇ ಭೋಜಾ ಯಥಾಹತ್ಯದ್ ಗೋಮಾಯುರ್ ಋದೂರೇಣ ಅಪತ್ಯಾ
ಅಸ್ಥುರ ವೃಷ್ಟಿಂ ದಿವಃ ಸವಿತಾ ಪಶ್ಚಾತಾನ್ ನವೋನವೋ ವಿದ್ಯುನ್ನ ಯೋಚ್ಚಾ ದಿವಿ ಇಂದ್ರಾವರುಣಾ ಯಶಸ್ಕರಂ ನತದ್ರಕ್ಷಾಂಸಿ ಇತಿ ಅಷ್ಟಾದಶ ಆಯುರೃಚಃ
ಹಿ॒ಮೇನಾ॒ಗ್ನಿಂ ಘ್ರಂ॒ಸಮ॑ವಾರಯೇಥಾಂ ಪಿತು॒ಮತೀ॒ಮೂರ್ಜ॑ಮಸ್ಮಾ ಅಧತ್ತಂ . ಋ॒ಬೀಸೇ॒ ಅತ್ರಿ॑ಮಶ್ವಿ॒ನಾವ॑ನೀತ॒ಮುನ್ನಿ॑ನ್ಯಥುಃ॒ ಸರ್ವ॑ಗಣಂ ಸ್ವ॒ಸ್ತಿ ..
ಅಜೋ॑ಹವೀದಶ್ವಿನಾ ತೌ॒ಗ್ರ್ಯೋ ವಾಂ॒ ಪ್ರೋಳ್ಹಃ॑ ಸಮು॒ದ್ರಮ॑ವ್ಯ॒ಥಿರ್ಜ॑ಗ॒ನ್ವಾನ್ . ನಿಷ್ಟಮೂ॑ಹಥುಃ ಸು॒ಯುಜಾ॒ ರಥೇ॑ನ॒ ಮನೋ॑ಜವಸಾ ವೃಷಣಾ ಸ್ವ॒ಸ್ತಿ ..
ತ್ವಂ ಧುನಿ॑ರಿಂದ್ರ॒ ಧುನಿ॑ಮತೀರ್ಋ॒ಣೋರ॒ಪಃ ಸೀ॒ರಾ ನ ಸ್ರವಂ॑ತೀಃ . ಪ್ರ ಯತ್ಸ॑ಮು॒ದ್ರಮತಿ॑ ಶೂರ॒ ಪರ್ಷಿ॑ ಪಾ॒ರಯಾ॑ ತು॒ರ್ವಶಂ॒ ಯದುಂ॑ ಸ್ವ॒ಸ್ತಿ ..
ಆ॒ರೇ ಅ॒ಸ್ಮದಮ॑ತಿಮಾ॒ರೇ ಅಂಹ॑ ಆ॒ರೇ ವಿಶ್ವಾಂ॑ ದುರ್ಮ॒ತಿಂ ಯನ್ನಿ॒ಪಾಸಿ॑ . ದೋ॒ಷಾ ಶಿ॒ವಃ ಸ॑ಹಸಃ ಸೂನೋ ಅಗ್ನೇ॒ ಯಂ ದೇ॒ವ ಆ ಚಿ॒ತ್ಸಚ॑ಸೇ ಸ್ವ॒ಸ್ತಿ ..
ಯಸ್ಮೈ॒ ತ್ವಂ ಸು॒ಕೃತೇ॑ ಜಾತವೇದ ಉ ಲೋ॒ಕಮ॑ಗ್ನೇ ಕೃ॒ಣವಃ॑ ಸ್ಯೋ॒ನಂ . ಅ॒ಶ್ವಿನಂ॒ ಸ ಪು॒ತ್ರಿಣಂ॑ ವೀ॒ರವಂ॑ತಂ॒ ಗೋಮಂ॑ತಂ ರ॒ಯಿಂ ನ॑ಶತೇ ಸ್ವ॒ಸ್ತಿ ..
ಪ್ರ ಶ್ಯೇ॒ನೋ ನ ಮ॑ದಿ॒ರಮಂ॒ಶುಮ॑ಸ್ಮೈ॒ ಶಿರೋ॑ ದಾ॒ಸಸ್ಯ॒ ನಮು॑ಚೇರ್ಮಥಾ॒ಯನ್ . ಪ್ರಾವ॒ನ್ನಮೀಂ॑ ಸಾ॒ಪ್ಯಂ ಸ॒ಸಂತಂ॑ ಪೃ॒ಣಗ್ರಾ॒ಯಾ ಸಮಿ॒ಷಾ ಸಂ ಸ್ವ॒ಸ್ತಿ ..
ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒ ಪುನಃ॑ ಪ್ರಾ॒ಣಮಿ॒ಹ ನೋ॑ ಧೇಹಿ॒ ಭೋಗಂ॑ . ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರಂ॑ತ॒ಮನು॑ಮತೇ ಮೃ॒ಳಯಾ॑ ನಃ ಸ್ವ॒ಸ್ತಿ ..
ಆ ತೂ ನ॑ ಇಂದ್ರ ಕ್ಷು॒ಮಂತಂ॑ ಚಿ॒ತ್ರಂ ಗ್ರಾ॒ಭಂ ಸಂ ಗೃ॑ಭಾಯ . ಮ॒ಹಾ॒ಹ॒ಸ್ತೀ ದಕ್ಷಿ॑ಣೇನ ..
ಜಾ॒ತವೇ॑ದಸೇ ಸುನವಾಮ॒ ಸೋಮ॑ಮರಾತೀಯ॒ತೋ ನಿ ದ॑ಹಾತಿ॒ ವೇದಃ॑ . ಸ ನಃ॑ ಪರ್ಷ॒ದತಿ॑ ದು॒ರ್ಗಾಣಿ॒ ವಿಶ್ವಾ॑ ನಾ॒ವೇವ॒ ಸಿಂಧುಂ॑ ದುರಿ॒ತಾತ್ಯ॒ಗ್ನಿಃ ..
ಕ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಂ ಹಿ॒ತೇನೇ॑ವ ಜಯಾಮಸಿ . ಗಾಮಶ್ವಂ॑ ಪೋಷಯಿ॒ತ್ನ್ವಾ ಸ ನೋ॑ ಮೃಳಾತೀ॒ದೃಶೇ॑ ..
ಕ್ರಾ॒ಣಾ ಶಿಶು॑ರ್ಮ॒ಹೀನಾಂ॑ ಹಿ॒ನ್ವನ್ನೃ॒ತಸ್ಯ॒ ದೀಧಿ॑ತಿಂ . ವಿಶ್ವಾ॒ ಪರಿ॑ ಪ್ರಿ॒ಯಾ ಭು॑ವ॒ದಧ॑ ದ್ವಿ॒ತಾ ..
ಆದಿತ್ಪ್ರ॒ತ್ನಸ್ಯ॒ ರೇತ॑ಸೋ॒ ಜ್ಯೋತಿ॑ಷ್ಪಶ್ಯಂತಿ ವಾಸ॒ರಂ . ಪ॒ರೋ ಯದಿ॒ಧ್ಯತೇ॑ ದಿ॒ವಾ ..
ಅಶ್ವಿ॑ನಾ ವ॒ರ್ತಿರ॒ಸ್ಮದಾ ಗೋಮ॑ದ್ದಸ್ರಾ॒ ಹಿರ॑ಣ್ಯವತ್ . ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತಂ ..
ಇಂದ್ರಂ॑ ವೋ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ॑ಭ್ಯಃ . ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ..
ಅ॒ಗ್ನಿಂ ದೂ॒ತಂ ವೃ॑ಣೀಮಹೇ॒ ಹೋತಾ॑ರಂ ವಿ॒ಶ್ವವೇ॑ದಸಂ . ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತುಂ॑ ..
ಯ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ . ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ..
ಮೋ ಷು ಣಃ॒ ಪರಾ॑ಪರಾ॒ ನಿರ್ಋ॑ತಿರ್ದು॒ರ್ಹಣಾ॑ ವಧೀತ್ . ಪ॒ದೀ॒ಷ್ಟ ತೃಷ್ಣ॑ಯಾ ಸ॒ಹ ..
ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಳಯ . ತ್ವಾಮ॑ವ॒ಸ್ಯುರಾ ಚ॑ಕೇ ..
ತವ॑ ವಾಯವೃತಸ್ಪತೇ॒ ತ್ವಷ್ಟು॑ರ್ಜಾಮಾತರದ್ಭುತ . ಅವಾಂ॒ಸ್ಯಾ ವೃ॑ಣೀಮಹೇ ..
ಸೋಮೋ॑ ಧೇ॒ನುಂ ಸೋಮೋ॒ ಅರ್ವಂ॑ತಮಾ॒ಶುಂ ಸೋಮೋ॑ ವೀ॒ರಂ ಕ॑ರ್ಮ॒ಣ್ಯಂ॑ ದದಾತಿ . ಸಾ॒ದ॒ನ್ಯಂ॑ ವಿದ॒ಥ್ಯಂ॑ ಸ॒ಭೇಯಂ॑ ಪಿತೃ॒ಶ್ರವ॑ಣಂ॒ ಯೋ ದದಾ॑ಶದಸ್ಮೈ ..
ತಮೀಶಾ॑ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಂ . ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ॑ ..
ಋಷೇ॑ ಮಂತ್ರ॒ಕೃತಾಂ॒ ಸ್ತೋಮೈಃ॒ ಕಶ್ಯ॑ಪೋದ್ವ॒ರ್ಧಯ॒ನ್ಗಿರಃ॑ . ಸೋಮಂ॑ ನಮಸ್ಯ॒ ರಾಜಾ॑ನಂ॒ ಯೋ ಜ॒ಜ್ಞೇ ವೀ॒ರುಧಾಂ॒ ಪತಿ॒ರಿಂದ್ರಾ॑ಯೇಂದೋ॒ ಪರಿ॑ ಸ್ರವ ..
ಸ್ವ॑ರ್ಭಾನೋ॒ರಧ॒ ಯದಿಂ॑ದ್ರ ಮಾ॒ಯಾ ಅ॒ವೋ ದಿ॒ವೋ ವರ್ತ॑ಮಾನಾ ಅ॒ವಾಹ॑ನ್ . ಗೂ॒ಳ್ಹಂ ಸೂರ್ಯಂ॒ ತಮ॒ಸಾಪ॑ವ್ರತೇನ ತು॒ರೀಯೇ॑ಣ॒ ಬ್ರಹ್ಮ॑ಣಾವಿಂದ॒ದತ್ರಿಃ॑ ..
ಅವಿಂ॑ದಂ॒ತೇ ಅತಿ॑ಹಿತಂ॒ ಯದಾಸೀ॑ದ್ಯ॒ಜ್ಞಸ್ಯ॒ ಧಾಮ॑ ಪರ॒ಮಂ ಗುಹಾ॒ ಯತ್ . ಧಾ॒ತುರ್ದ್ಯುತಾ॑ನಾತ್ಸವಿ॒ತುಶ್ಚ॒ ವಿಷ್ಣೋ॑ರ್ಭ॒ರದ್ವಾ॑ಜೋ ಬೃ॒ಹದಾ ಚ॑ಕ್ರೇ ಅ॒ಗ್ನೇಃ ..
ಇ॒ಮೇ ಭೋ॒ಜಾ ಅಂಗಿ॑ರಸೋ॒ ವಿರೂ॑ಪಾ ದಿ॒ವಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾಃ . ವಿ॒ಶ್ವಾಮಿ॑ತ್ರಾಯ॒ ದದ॑ತೋ ಮ॒ಘಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ..
ಅ॒ಭಿ ತ್ವಾ॒ ಗೋತ॑ಮಾ ಗಿ॒ರಾ ಜಾತ॑ವೇದೋ॒ ವಿಚ॑ರ್ಷಣೇ . ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ..
ಪ್ರಸೂ॑ತೋ ಭ॒ಕ್ಷಮ॑ಕರಂ ಚ॒ರಾವಪಿ॒ ಸ್ತೋಮಂ॑ ಚೇ॒ಮಂ ಪ್ರ॑ಥ॒ಮಃ ಸೂ॒ರಿರುನ್ಮೃ॑ಜೇ . ಸು॒ತೇ ಸಾ॒ತೇನ॒ ಯದ್ಯಾಗ॑ಮಂ ವಾಂ॒ ಪ್ರತಿ॑ ವಿಶ್ವಾಮಿತ್ರಜಮದಗ್ನೀ॒ ದಮೇ॑ ..
ಉ॒ತಾಸಿ॑ ಮೈತ್ರಾವರು॒ಣೋ ವ॑ಸಿಷ್ಠೋ॒ರ್ವಶ್ಯಾ॑ ಬ್ರಹ್ಮ॒ನ್ಮನ॒ಸೋಽಧಿ॑ ಜಾ॒ತಃ . ದ್ರ॒ಪ್ಸಂ ಸ್ಕ॒ನ್ನಂ ಬ್ರಹ್ಮ॑ಣಾ॒ ದೈವ್ಯೇ॑ನ॒ ವಿಶ್ವೇ॑ ದೇ॒ವಾಃ ಪುಷ್ಕ॑ರೇ ತ್ವಾದದಂತ ..
(ಶ್ವಿ॒ತ್ಯಂಚೋ॑ ಮಾ ದಕ್ಷಿಣ॒ತಸ್ಕ॑ಪರ್ದಾ ಧಿಯಂಜಿ॒ನ್ವಾಸೋ॑ ಅ॒ಭಿ ಹಿ ಪ್ರ॑ಮಂ॒ದುಃ . ಉ॒ತ್ತಿಷ್ಠ॑ನ್ವೋಚೇ॒ ಪರಿ॑ ಬ॒ರ್ಹಿಷೋ॒ ನೄನ್ನ ಮೇ॑ ದೂ॒ರಾದವಿ॑ತವೇ॒ ವಸಿ॑ಷ್ಠಾಃ .. )
ದೇ॒ವಾ ಏ॒ತಸ್ಯಾ॑ಮವದಂತ॒ ಪೂರ್ವೇ॑ ಸಪ್ತಋ॒ಷಯ॒ಸ್ತಪ॑ಸೇ॒ ಯೇ ನಿ॑ಷೇ॒ದುಃ . ಭೀ॒ಮಾ ಜಾ॒ಯಾ ಬ್ರಾ॑ಹ್ಮ॒ಣಸ್ಯೋಪ॑ನೀತಾ ದು॒ರ್ಧಾಂ ದ॑ಧಾತಿ ಪರ॒ಮೇ ವ್ಯೋ॑ಮನ್ ..
ಸ॒ಹಸ್ತೋ॑ಮಾಃ ಸ॒ಹಛಂ॑ದಸ ಆ॒ವೃತಃ॑ ಸ॒ಹಪ್ರ॑ಮಾ॒ ಋಷ॑ಯಃ ಸ॒ಪ್ತ ದೈವ್ಯಾಃ॑ . ಪೂರ್ವೇ॑ಷಾಂ॒ ಪಂಥಾ॑ಮನು॒ದೃಶ್ಯ॒ ಧೀರಾ॑ ಅ॒ನ್ವಾಲೇ॑ಭಿರೇ ರ॒ಥ್ಯೋ॒೩॒॑ ನ ರ॒ಶ್ಮೀನ್ ..
ಆನೋಭದ್ರ ಸೂಕ್ತಂ .. ಸ್ವಸ್ತಿಸೂಕ್ತಂ .. ಶಂವತೀಸೂಕ್ತಂ ..
ಯತ॑ ಇಂದ್ರ॒ ಭಯಾ॑ಮಹೇ॒ ತತೋ॑ ನೋ॒ ಅಭ॑ಯಂ ಕೃಧಿ . ಮಘ॑ವಂಛ॒ಗ್ಧಿ ತವ॒ ತನ್ನ॑ ಊ॒ತಿಭಿ॒ರ್ವಿ ದ್ವಿಷೋ॒ ವಿ ಮೃಧೋ॑ ಜಹಿ ..
ತ್ವಂ ಹಿ ರಾ॑ಧಸ್ಪತೇ॒ ರಾಧ॑ಸೋ ಮ॒ಹಃ ಕ್ಷಯ॒ಸ್ಯಾಸಿ॑ ವಿಧ॒ತಃ . ತಂ ತ್ವಾ॑ ವ॒ಯಂ ಮ॑ಘವನ್ನಿಂದ್ರ ಗಿರ್ವಣಃ ಸು॒ತಾವಂ॑ತೋ ಹವಾಮಹೇ ..
ಇಂದ್ರಃ॒ ಸ್ಪಳು॒ತ ವೃ॑ತ್ರ॒ಹಾ ಪ॑ರ॒ಸ್ಪಾ ನೋ॒ ವರೇ॑ಣ್ಯಃ . ಸ ನೋ॑ ರಕ್ಷಿಷಚ್ಚರ॒ಮಂ ಸ ಮ॑ಧ್ಯ॒ಮಂ ಸ ಪ॒ಶ್ಚಾತ್ಪಾ॑ತು ನಃ ಪು॒ರಃ ..
ತ್ವಂ ನಃ॑ ಪ॒ಶ್ಚಾದ॑ಧ॒ರಾದು॑ತ್ತ॒ರಾತ್ಪು॒ರ ಇಂದ್ರ॒ ನಿ ಪಾ॑ಹಿ ವಿ॒ಶ್ವತಃ॑ . ಆ॒ರೇ ಅ॒ಸ್ಮತ್ಕೃ॑ಣುಹಿ॒ ದೈವ್ಯಂ॑ ಭ॒ಯಮಾ॒ರೇ ಹೇ॒ತೀರದೇ॑ವೀಃ ..
ಅ॒ದ್ಯಾದ್ಯಾ॒ ಶ್ವಃಶ್ವ॒ ಇಂದ್ರ॒ ತ್ರಾಸ್ವ॑ ಪ॒ರೇ ಚ॑ ನಃ . ವಿಶ್ವಾ॑ ಚ ನೋ ಜರಿ॒ತೄಂತ್ಸ॑ತ್ಪತೇ॒ ಅಹಾ॒ ದಿವಾ॒ ನಕ್ತಂ॑ ಚ ರಕ್ಷಿಷಃ ..
ಪ್ರ॒ಭಂ॒ಗೀ ಶೂರೋ॑ ಮ॒ಘವಾ॑ ತು॒ವೀಮ॑ಘಃ॒ ಸಮ್ಮಿ॑ಶ್ಲೋ ವಿ॒ರ್ಯಾ॑ಯ॒ ಕಂ . ಉ॒ಭಾ ತೇ॑ ಬಾ॒ಹೂ ವೃಷ॑ಣಾ ಶತಕ್ರತೋ॒ ನಿ ಯಾ ವಜ್ರಂ॑ ಮಿಮಿ॒ಕ್ಷತುಃ॑ ..
ಭ॒ದ್ರಂ ನೋ॒ ಅಪಿ॑ ವಾತಯ॒ ಮನಃ॑ .. ೧೦.೦೨೦.೦೧, ೭.೭.೨.೧
ಅಪ್ರತಿರಥ ಸೂಕ್ತಂ .. ಮುಂಚಾಮಿತ್ವಾ ಸೂಕ್ತಂ .. ತಾರ್ಕ್ಷ್ಯ ಸೂಕ್ತಂ ..
ಮಹೀತಿ ತೃಚಸ್ಯ ಸೂಕ್ತಸ್ಯ ವಾರುಣಿಃ ಸತ್ಯಧೃತಿರಾದಿತ್ಯಾ ಗಾಯತ್ರೀ . (ಮಹಿ ಸತ್ಯಧೃತಿರ್ವಾರುಣಿರಾದಿತ್ಯಂ ಸ್ವಸ್ತ್ಯಯನಮಿತ್ಯನುಕ್ರಮಣ್ಯಾ ಅದಿತಿರ್ದೇವತಾಯಸ್ಯೇತ್ಯಾದಿತ್ಯಂ ಆದಿತ್ಯೋದೇವತಾಯಸ್ಯೇತ್ಯಾದಿತ್ಯಮಿತಿ ದ್ವೈವಿಧ್ಯೇನಪ್ರಾಪ್ತಾ ವಪ್ಯತ್ರಾದಿತ್ಯಾನಾಮೇವದೇವತಾತ್ವಂನಾದಿತೇಃ 'ಮಾಹಿತ್ರಂಯನ್ಮಹಿತ್ರೀಣಾಮಾದಿತ್ಯಾನಾಂಸ್ತುತಿರ್ವಿದುಃ' ಇತಿಶೌನಕೋಕ್ತೇಃ).
ಮಹಿ॑ ತ್ರೀ॒ಣಾಮವೋ॑ಽಸ್ತು ದ್ಯು॒ಕ್ಷಂ ಮಿ॒ತ್ರಸ್ಯಾ॑ರ್ಯ॒ಮ್ಣಃ . ದು॒ರಾ॒ಧರ್ಷಂ॒ ವರು॑ಣಸ್ಯ ..
ನ॒ಹಿ ತೇಷಾ॑ಮ॒ಮಾ ಚ॒ನ ನಾಧ್ವ॑ಸು ವಾರ॒ಣೇಷು॑ . ಈಶೇ॑ ರಿ॒ಪುರ॒ಘಶಂ॑ಸಃ ..
ಯಸ್ಮೈ॑ ಪು॒ತ್ರಾಸೋ॒ ಅದಿ॑ತೇಃ॒ ಪ್ರ ಜೀ॒ವಸೇ॒ ಮರ್ತ್ಯಾ॑ಯ . ಜ್ಯೋತಿ॒ರ್ಯಚ್ಛಂ॒ತ್ಯಜ॑ಸ್ರಂ ..
ರಾತ್ರೀಸೂಕ್ತಂ .. ಸರ್ಪ ಸೂಕ್ತಂ ..
ರಕ್ಷಾ॑ ಣೋ ಅಗ್ನೇ॒ ತವ॒ ರಕ್ಷ॑ಣೇಭೀ ರಾರಕ್ಷಾ॒ಣಃ ಸು॑ಮಖ ಪ್ರೀಣಾ॒ನಃ . ಪ್ರತಿ॑ ಷ್ಫುರ॒ ವಿ ರು॑ಜ ವೀ॒ಡ್ವಂಹೋ॑ ಜ॒ಹಿ ರಕ್ಷೋ॒ ಮಹಿ॑ ಚಿದ್ವಾವೃಧಾ॒ನಂ ..
ಬ್ರಹ್ಮ॑ ಚ ತೇ ಜಾತವೇದೋ॒ ನಮ॑ಶ್ಚೇ॒ಯಂ ಚ॒ ಗೀಃ ಸದ॒ಮಿದ್ವರ್ಧ॑ನೀ ಭೂತ್ . ರಕ್ಷಾ॑ ಣೋ ಅಗ್ನೇ॒ ತನ॑ಯಾನಿ ತೋ॒ಕಾ ರಕ್ಷೋ॒ತ ನ॑ಸ್ತ॒ನ್ವೋ॒೩॒॑ ಅಪ್ರ॑ಯುಚ್ಛನ್ ..
ಗ್ರಹದೇವತಾಮಂತ್ರಾಃ .. ಕ್ರತು ಸದ್ಗುಣ್ಯ -ಕ್ರತು ಸಂರಕ್ಷಕದೇವತಾ ಮಂತ್ರಾಃ ..
(ಓಂ ಭೂಮಿಮುಪಸ್ಪೃಶೇತ್. ಅಗ್ನ ಇಳಾ ನಮ ಇಳಾ ನಮ ಋಷಿಭ್ಯೋ ಮಂತ್ರಕೃ ದ್ಭ್ಯೋ ಮಂತ್ರಪತಿಭ್ಯೋ ನಮೋ ವೋ ಅಸ್ತು ದೇವೇಭ್ಯಃ.
ಶಿ॒ವಾನಃ॒ ಶಂತ॑ಮಾ ಭವ ಸುಮೃಳೀ॒ಕಾ ಸರ॑ಸ್ವ ತಿ . ಮಾತೇ॒ ವ್ಯೋ॑ಮ ಸಂ॒ದೃಶಿ॑ .
ಭದ್ರಂ ಕರ್ಣೇಭಿಃ ---ಯದಾಯುಃ .. ಶಂ ನ ಇಂ ದ್ರಾಗ್ನೀ ----ವಾಜಸಾತೌ ..
ಸ್ತು॒ಷೇ ಜನಂ॑ ಸುವ್ರ॒ತಂ ನವ್ಯ॑ಸೀಭಿರ್ಗೀ॒ರ್ಭಿರ್ಮಿ॒ತ್ರಾವರು॑ಣಾ ಸುಮ್ನ॒ಯಂತಾ॑ . ತ ಆ ಗ॑ಮಂತು॒ ತ ಇ॒ಹ ಶ್ರು॑ವಂತು ಸುಕ್ಷ॒ತ್ರಾಸೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ ..
ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧಃ॒ ಸಖಾ॑ . ಕಯಾ॒ ಶಚಿ॑ಷ್ಠಯಾ ವೃ॒ತಾ ..
ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮಂಹಿ॑ಷ್ಠೋ ಮತ್ಸ॒ದಂಧ॑ಸಃ . ದೃ॒ಳ್ಹಾ ಚಿ॑ದಾ॒ರುಜೇ॒ ವಸು॑ ..
ಅ॒ಭೀ ಷು ಣಃ॒ ಸಖೀ॑ನಾಮವಿ॒ತಾ ಜ॑ರಿತೄ॒ಣಾಂ . ಶ॒ತಂ ಭ॑ವಾಸ್ಯೂ॒ತಿಭಿಃ॑ ..
ಋಜುನೀತೀನಇತಿನವರ್ಚಸ್ಯ ಸೂಕ್ತಸ್ಯ ರಾಹೂಗಣೋಗೋತಮೋ ವಿಶ್ವೇದೇವಾಗಾಯತ್ರೀ ಅಂತ್ಯಾನುಷ್ಟುಪ್ (ವೈಶ್ವದೇವಸೂಕ್ತೇಪ್ಯಸ್ಮಿನ್ಭೇದಪ್ರಯೋಗಕರಣಾಶಕ್ಯತ್ವಾನ್ನವಾನಾಮಪಿವಿಶ್ವೇದೇವಾಏವ) .
ಋ॒ಜು॒ನೀ॒ತೀ ನೋ॒ ವರು॑ಣೋ ಮಿ॒ತ್ರೋ ನ॑ಯತು ವಿ॒ದ್ವಾನ್ . ಅ॒ರ್ಯ॒ಮಾ ದೇ॒ವೈಃ ಸ॒ಜೋಷಾಃ॑ ..
ತೇ ಹಿ ವಸ್ವೋ॒ ವಸ॑ವಾನಾ॒ಸ್ತೇ ಅಪ್ರ॑ಮೂರಾ॒ ಮಹೋ॑ಭಿಃ . ವ್ರ॒ತಾ ರ॑ಕ್ಷಂತೇ ವಿ॒ಶ್ವಾಹಾ॑ ..
ತೇ ಅ॒ಸ್ಮಭ್ಯಂ॒ ಶರ್ಮ॑ ಯಂಸನ್ನ॒ಮೃತಾ॒ ಮರ್ತ್ಯೇ॑ಭ್ಯಃ . ಬಾಧ॑ಮಾನಾ॒ ಅಪ॒ ದ್ವಿಷಃ॑ ..
ವಿ ನಃ॑ ಪ॒ಥಃ ಸು॑ವಿ॒ತಾಯ॑ ಚಿ॒ಯಂತ್ವಿಂದ್ರೋ॑ ಮ॒ರುತಃ॑ . ಪೂ॒ಷಾ ಭಗೋ॒ ವಂದ್ಯಾ॑ಸಃ ..
ಉ॒ತ ನೋ॒ ಧಿಯೋ॒ ಗೋಅ॑ಗ್ರಾಃ॒ ಪೂಷ॒ನ್ವಿಷ್ಣ॒ವೇವ॑ಯಾವಃ . ಕರ್ತಾ॑ ನಃ ಸ್ವಸ್ತಿ॒ಮತಃ॑ ..
ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರಂತಿ॒ ಸಿಂಧ॑ವಃ . ಮಾಧ್ವೀ॑ರ್ನಃ ಸಂ॒ತ್ವೋಷ॑ಧೀಃ ..
ಮಧು॒ ನಕ್ತ॑ಮು॒ತೋಷಸೋ॒ ಮಧು॑ಮ॒ತ್ಪಾರ್ಥಿ॑ವಂ॒ ರಜಃ॑ . ಮಧು॒ ದ್ಯೌರ॑ಸ್ತು ನಃ ಪಿ॒ತಾ ..
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಁ ಅಸ್ತು॒ ಸೂರ್ಯಃ॑ . ಮಾಧ್ವೀ॒ರ್ಗಾವೋ॑ ಭವಂತು ನಃ ..
ಶಂ ನೋ॑ ಮಿ॒ತ್ರಃ ಶಂ ವರು॑ಣಃ॒ ಶಂ ನೋ॑ ಭವತ್ವರ್ಯ॒ಮಾ . ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॒ ಶಂ ನೋ॒ ವಿಷ್ಣು॑ರುರುಕ್ರ॒ಮಃ ..
ಓಷ್ಠಾ ಪಿಧಾನಾ ನಕುಲೀ ದಂತೈಃಪರುವ್ರತಾ ಪವಿಃ .
ಉದಿ॑ತಶ್ಶು॒ಕ್ರಿಯಂ॑ದಧೇ. ತಮ॒ಹಮಾ॒ತ್ಮನಿ॑ ದಧೇ. ಅನು॒ ಮಾಮೈ॑ತ್ವಿಂದ್ರಿ॒ಯಂ . ಮಯಿ॒ ಶ್ರೀರ್ಮ ಯಿ॒ ಯಶಃ॑ . ಸರ್ವ॑ಸ್ಸಪ್ರಾ॒ಣ ಸ್ಸ॑ಬಲಃ .
ಉತ್ತಿ॑ಷ್ಠಾ॒ಮ್ಯನು॑ ಮಾ॒ ಶ್ರೀಃ .
ಉತ್ತಿ॑ಷ್ಠ॒ತ್ವನು॑ ಮಾ ಯಂ ತು ದೇ॒ವತಾಃ॑ . ಅದ॑ಬ್ಧಂ ಚ॒ಕ್ಷುರಿ॑ಷಿ॒ತಂ ಮನಃ॑ . ಸೂರ್ಯೋ॒ ಜ್ಯೋತಿ॑ಷಾಂ॒ ಶ್ರೇಷ್ಠೋ॒- ದೀಕ್ಷೇ॒ ಮಾ ಮಾ॑ ಹಿಂಸೀಃ ..
ತಚ್ಚಕ್ಷು॑ರ್ದೇ॒ವಹಿ॑ತಂ - ಶು॒ಕ್ರ ಮು॒ಚ್ಚರ॑ತ್. ಪಶ್ಯೇ॑ ಮ ಶ॒ರದ॑ಶ್ಶ॒ ತ- ಞ್ಜೀವೇ॑ಮ ಶ॒ರದ॑ ಶ್ಶ॒ ತಂ ..
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವ-ಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ. ತ್ವಂ ವಾತೈ॑ ರರು॒ಣೈರ್ಯಾ॑ಸಿ ಶಂಗ॒ಯ-ಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ನು ತ್ಮನಾ॑..
ಭ॒ದ್ರನ್ನೋ॒ ಅಪಿ॑ ವಾತಯ॒ ಮನಃ॑ ..
ಋಗ್ವೇದ ಐತರೇಯೋಪನಿಷತ್.
ಓಂ ವಾಙ್ಮೇ॒ ಮನ॑ಸಿ॒ ಪ್ರತಿ॑ಷ್ಠಿತಾ॒ ಮನೋ॑ ಮೇ॒ ವಾಚಿ॒ಪ್ರತಿ॑ಷ್ಠಿತಮಾ॒ವಿರಾ॒ವೀರ್ಮ॑ ಏಧಿ ವೇ॒ದಸ್ಯ ಮ॒ ಆಣೀ॑ಸ್ಥಃ ಶ್ರು॒ತಂ ಮೇ॒ ಮಾ ಪ್ರಹಾ॑ಸೀರ॒ನೇನಾ॒ಧೀತೇ॑ನಾಹೋರಾ॒ತ್ರಾನ್ ಸಂದ॑ಧಾಮ್ಯೃ॒ತಂ ವ॑ದಿಷ್ಯಾಮಿ ಸ॒ತ್ಯಂ ವ॑ದಿಷ್ಯಾಮಿ॒ ತನ್ಮಾಮ॑ವತು॒ ತದ್ವ॒ಕ್ತಾರ॑ಮವ॒ತ್ವವ॑ತು॒ ಮಾಮವ॑ತು ವ॒ಕ್ತಾರ॒ಮವ॑ತು ವ॒ಕ್ತಾರಂ॑
ಓಂ ಶಾಂತಿಶ್ಶಾಂತಿಶ್ಶಾಂತಿಃ ..
ಮಾ ನ॒ ಏಕ॑ಸ್ಮಿ॒ನ್ನಾಗ॑ಸಿ॒ ಮಾ ದ್ವಯೋ॑ರು॒ತ ತ್ರಿ॒ಷು . ವಧೀ॒ರ್ಮಾ ಶೂ॑ರ॒ ಭೂರಿ॑ಷು ..
ವಿಶ್ವಾ॑ನಿ ದೇವ ಸವಿತರ್ದುರಿ॒ತಾನಿ॒ ಪರಾ॑ ಸುವ . ಯದ್ಭ॒ದ್ರಂ ತನ್ನ॒ ಆ ಸು॑ವ ..
ಶ॒ತಧಾ॑ರ॒ಮುತ್ಸ॒ಮಕ್ಷೀ॑ಯಮಾಣಂ ವಿಪ॒ಶ್ಚಿತಂ॑ ಪಿ॒ತರಂ॒ ವಕ್ತ್ವಾ॑ನಾಂ . ಮೇ॒ಳಿಂ ಮದಂ॑ತಂ ಪಿ॒ತ್ರೋರು॒ಪಸ್ಥೇ॒ ತಂ ರೋ॑ದಸೀ ಪಿಪೃತಂ ಸತ್ಯ॒ವಾಚಂ॑ ..
ಋ॒ಚೋ ಅ॒ಕ್ಷರೇ॑ ಪರ॒ಮೇ ವ್ಯೋ॑ಮ॒ನ್ಯಸ್ಮಿಂ॑ದೇ॒ವಾ ಅಧಿ॒ ವಿಶ್ವೇ॑ ನಿಷೇ॒ದುಃ . ಯಸ್ತನ್ನ ವೇದ॒ ಕಿಮೃ॒ಚಾ ಕ॑ರಿಷ್ಯತಿ॒ ಯ ಇತ್ತದ್ವಿ॒ದುಸ್ತ ಇ॒ಮೇ ಸಮಾ॑ಸತೇ ..
ತಚ್ಛಂ॒ಯೋ.ರಾ ವೃ॑ಣೀಮಹೇ- ಗಾ॒ತುಂ ಯ॒ಜ್ಞಾಯ॑- ಗಾ॒ತುಂ ಯ॒ಜ್ಞಪ॑ತಯೇ. ದೈವೀ॑ ಸ್ವ॒ಸ್ತಿ. ರ॑ಸ್ತು ನ.-ಸ್ಸ್ವ॒ಸ್ತಿ. ರ್ಮಾನು॑ಷೇಭ್ಯಃ. ಊ॒ರ್ಧ್ವ.ಞ್ಜಿ॑ಗಾತು ಭೇಷ॒ಜಂ- ಶನ್ನೋ॑ ಅಸ್ತು ದ್ವಿ॒ಪದೇ॒ ಶ.ಞ್ಚತು॑ಷ್ಪದೇ..
ಶಾಂತಾ॑ ಪೃಥಿ॒ವೀ ಶಿ॒ವಮಂ॒ತರಿ॑ಕ್ಷಂ॒ ದ್ಯೌನೌ॑ ದೇ॒ವ್ಯ ಭ॑ಯಂ ನೋ ಅಸ್ತು ..
ನಮೋ ಬ್ರಹ್ಮಣೇ ನಮೋಽಸ್ತ್ವಗ್ನಯೇ ನಮಃ ಪೃಥಿವ್ಯೈ ನಮ ಓಷಧೀಭ್ಯಃ . ನಮೋ ವಾಚೇ ನಮೋ ವಾಚಸ್ಪತಯೇ ನಮೋ ವಿಷ್ಣವೇ ಮಹತೇ ಕರೋಮಿ ..